བོད་ཡིག |
396b7 AR+ya dza ya ma ti nA ma ma hA yA na sU tra/ bod skad du/ 'phags pa rgyal ba'i blo gros kyis zhus pa zhes bya ba theg pa chen po'i mdo/
397a1 sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan
397a2 yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun chen po dang / byang chub sems dpa' rab tu mang po dag dang thabs
397a3 gcig tu bzhugs so/ /de nas bcom ldan 'das kyis byang chub sems dpa' rgyal ba'i blo gros la bka' stsal pa/ rgyal ba'i blo gros/ rigs kyi bu'am/ rigs kyi bu
397a4 mo bsod nams 'dod pas de bzhin gshegs pa la mchod par bya'o/ /shes rab 'dod pas thos pa la brtson par bya'o/ /mtho ris 'dod pas tshul khrims bsrung
397a5 bar bya'o/ /longs spyod 'dod pas gtong ba spel bar bya'o/ /gzugs bzang ba 'dod pas bzod pa bsgom par bya'o/ /spobs pa 'dod pas bla ma la gus par bya'o//
397a6 gzungs 'dod pas mngon pa'i nga rgyal med par bya'o/ /ye shes 'dod pas tshul bzhin yid la byed pa la gnas par bya'o/ /thar pa 'dod pas sdig pa thams cad
397a7 spang bar bya'o/ /sems can thams cad bde bar bya bar 'dod pas byang chub tu sems bskyed par bya'o/ /skad snyan pa 'dod pas bden par smra bar bya'o/ /yon tan
397b1 'dod pas rab tu dben pa la dga' bar bya'o/ /chos 'dod pas dge ba'i bshes gnyen la bsten par bya'o/ /zhi gnas 'dod pas 'du 'dzi med pa mang du bya'o/ /lhag mthong
397b2 'dod pas chos stong par so sor brtag pa mang du bya'o/ /tshangs pa'i 'jig rten 'dod pas byams pa dang / snying rje dang / dga' ba dang / btang snyoms bsgom par bya'o/ /lha
397b3 dang / mi'i longs spyod phun sum tshogs pa 'dod pas dge ba bcu'i las kyi lam yang dag par blangs te gnas par bya'o/ /yongs su mya ngan 'da' bar 'dod pas stong pa'i chos
397b4 la mngon par dga' bar bya'o/ /yon tan thams cad thob par 'dod pas dkon mchog gsum la mchod par bya'o/ /bcom ldan 'das kyis de skad ces bka' stsal nas/
397b5 byang chub sems dpa' sems dpa' chen po rgyal ba'i blo gros dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i
397b6 'jig rten yi rangs te/ bcom ldan 'das kyis gsungs pa la mngon par bstod do/ /'phags pa rgyal ba'i blo gros zhes bya ba theg pa chen po'i mdo rdzogs so// //
CLOSE WINDOW