བོད་ཡིག |
420b4 / //rgya gar skad du/ AR+ya sarba d+harmA pra pr-it+ti ni rde sha nA ma mahA yA na sU tra/ bod skad du/ 'phags pa chos thams cad 'byung
420b5 ba med par bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus
420b6 gcig na/ bcom ldan 'das rgyal po'i khab kyi bya rgod phung po'i ri la dge slong lnga brgya tsam gyi dge slong gi dge 'dun chen po dang thabs gcig tu bzhugs te/ byang chub
420b7 sems dpa' stong phrag bcu gnyis 'dus pa dang / 'di lta ste/ byang chub sems dpa' sems dpa' chen po bkod pa rab tu brgyan pa dang / byang chub sems dpa' sems dpa'
421a1 chen po seng ge'i rtsal gyis 'gro ba dang / byang chub sems dpa' sems dpa' chen po 'od zer thogs pa med par shin tu sbyangs pa'i 'od kyi gzi
421a2 brjid 'bar ba dang / byang chub sems dpa' sems dpa' chen po ri rab zom la rnam par spyod pa'i rgyal po dang / byang chub sems dpa' sems dpa' chen po dga' bas rab
421a3 tu 'dzum pa'i 'od dri ma med pa dang / byang chub sems dpa' sems dpa' chen po nyi ma'o 'od zil gyis gnon pa'i 'od 'phro dang / byang chub sems dpa' chen po go
421a4 'phang dam pa dri ma med pa thob pa dang / byang chub sems dpa' sems dpa' chen po gzi brjid 'gro ba la 'phro ba'i pad+ma rab tu rgyas pa'i lus dang / byang chub sems dpa'
421a5 sems dpa' chen po tshangs pa'i sgra dbyangs kyi skad sgrog pa dang / byang chub sems dpa' sems dpa' chen po seng ge'i rgyal po 'gro ba rnam par rol pa'i blo gros dang / byang
421a6 chub sems dpa' sems dpa' chen po gser mdog gzi brjid dri ma med pa rnam par dag pa dang / byang chub sems dpa' sems dpa' chen po reg na 'jam zhing gzhon
421a7 pa'i lus dang / byang chub sems dpa' sems dpa' chen po gser gyi rgyan ltar mtshan rab tu rgyas pa'i lus dang / byang chub sems dpa' sems dpa' chen po 'od zer
421b1 bcus pa dud rab tu 'dul ba dang / byang chub sems dpa' sems dpa' chen po spyod lam zhi bas nye bar zhi bar 'gro ba dang / byang chub sems dpa' sems dpa' chen po gzugs
421b2 'dzin mngon par 'phags pa'i rgyal po dang / byang chub sems dpa' sems dpa' chen po lha'i sgra dbyangs skad sgrog dang / byang chub sems dpa' sems dpa' chen po chos thams
421b3 cad la dbang phyug gi dbang gi rtsal gyis spyod pa dang / byang chub sems dpa' sems dpa' chen po gzi brjid dri ma med pa'i lus dang / byang chub sems dpa' sems dpa'
421b4 chen po 'jam dpal gzhon nur gyur pa dang / de dag la sogs pa byang chub sems dpa' stong phrag dgu bcu rtsa gnyis dang yang thabs gcig go /de nas byang chub sems dpa'
421b5 sems dpa' chen po seng ge'i rtsal gyis 'gro bas/ byang chub sems dpa'i tshogs de lta bu de mthong nas/ stan las langs te bla gos phrag pa gcig la gzar nas/ pus mo
421b6 g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas/ tshigs su bcad de zhu ba zhus pa/ gso med srog med bdag med chos kyi
421b7 rnams/ /mgon po mtha' yas grags mangs bshad du gsol/ /'khor 'di 'di 'dra dam pa mchog lags te/ /zhi ba rtag zhi rtag tu nye bar zhi/ /lta ba'i rnam pa ji ltar byang chub lags//
422a1 khro dang phrag dog nga rgyal bral ba dang / /'dod chags dngos bral ji ltar byang chub lags/ /mgon po mtha' yas grags mangs bshad du gsol//
422a2 skyon bral thar pa gang la ma mchis pa'i/ /'du byed khams kyang ji ltar byang chub lags/ /ji ltar chos rnams gnyis su ma mchis pa/ /rgyal ba thugs rje mnga' bas bshad
422a3 du gsol/ /chos rnams shin tu rnam par grol gyur cing / /mya ngan 'das dang grol mnyam ji ltar lags/ /chags pa ma chags nam mkha'i tshul 'dra zhing / /'ching bar mi 'gyur
422a4 gang lags mgon po gsungs/ /ka la ping+ka tshangs pa lha yi gsung / /'od la dri med gser gyi mdog mnga' ba/ /yid 'ong 'od gsal yon tan mchog mnga' bas/ /chos nyid
422a5 rtag par tshul gcig bka' stsal gsol/ /sgrib pa ji ltar byang chub mnyam pa lags/ /byang chub rang bzhin ji ltar chos rnams lags/ /chos dang chos min ji ltar 'dra ba
422a6 lags/ /de gnyis ji ltar nam mkha' mtshungs pa lags/ /chos rnam grangs dang bgrang ba mchis shing / /zhi dang mnyam par de dag ji ltar 'gyur/ /skyon bal byang
422a7 chub de la ma mchis shing / /de la kun mkhyen ma mchis ji ltar lags/ /bgyi dang bgyid dang bgyi ba'i rang bzhin dang / /gzung dang 'dzin pa nam yang ma mchis la/ /
422b1 sems can rnams kyang rtag par ma mchis shing / /de la chos spyod ji ltar ma mchis 'gyur/ /de la tshul khrims bzod pa ma mchis shing / /tshul khrims 'chal pa'ang de la
422b2 ma mchis la/ /bsam gtan shes rab de la ma mchis shing / /rtogs dang ma rtogs ma mchis ji ltar lags/ /chos rnams dri med dag pa ji ltar lags/ /nam mkha' 'dra
422b3 zhing ci yang ma lags la/ /nam yang sems kyi rang bzhin mi dmigs shing / /chos rnams sems med ji ltar lags par 'byung / /yongs su shes bgyi ji ltar ma mchis
422b4 shing | |sgom dang mngon bgyi mchis pa ma lags la/ /gang du'ang de la spang pa ma mchis pas/ /sems can ji ltar nam mkha'i dbyings 'dra lags/ /gang la chos nyid
422b5 gcig gi tshul gyur pa/ /de la rang bzhin nam yang ma mchis la/ /skye ba nam yang de la ma mchis pa'i/ /chos kyi tshul ni mgon pos bshad du gsol/ /de la slob dang dgra
422b6 bcom ma mchis te/ /rang rgyal ji ltar mchis pa ma lags shing / /byang chub 'tshol ba'i chos kyang ma mchis la/ /song dang 'ongs pa ma mchis ji ltar lags/ /gang la gnas
422b7 dang rten pa ma mchis shing / /'ong dang 'gro ba dag kyang ma mchis la/ /chos rnams 'gro dang 'ong dang bral bas na/ /ri bzhin mi g.yo brtan gnas ji ltar lags/ /de le ji
423a1 ltar 'du shes gzugs ma mchis/ gzugs kyi rang bzhin ji ltar byang chub lags/ /gzugs dang byang chub ji ltar gnyis ma mchis/ /dri
423a2 med mchog mnga' rgyal bas de dag gsungs/ /sangs rgyas gang la ma mchis chos dag dang / /dge 'dun gang la ma mchis de slad du/ /sangs rgyas chos dang dge 'dun mchog
423a3 gi rnams/ /de dag gcig gi tshul du ji ltar 'gyur/ /gang la stong dang mtshan nyid ma mchis shing / /'du dang 'bral ba de la ma mchis la/ /chos rnams ming dang ming med
423a4 bral ba med/ /sgra brjod brag ca 'dra ba ji ltar lags/ /skye dang skye med gang la ma mchis shing / /gang la skyon bral mya ngan 'das pa dang / /'khor ba dag kyang de la ma mchis
423a5 pas| |chos rnams thams cad tshul ni ji ltar 'gyur/ /lha dang klu dag de la ma mchis shing / /gnod sbyin mi'am ci dang 'dre dag dang / /sems can dmyal ba de la ma
423a6 mchis shing / /ji ltar de la sems can lam ma mchis/ /mgon pos chos rnams gang gsungs tshul dag dang / /sdig pa'i blo can mu stegs gang smra ba/ /de dag
423a7 gnyis su ma mchis ji ltar lags/ /yi ge kun la gcig tu ji ltar 'gyur/ /de nas bcom ldan 'das kyis byang chub sems dpa' sems dpa' chen po seng ge'i
423b1 rtsal gyis 'gro ba la legs so zhes bya ba gnang ste/ rigs kyi bu/ legs so/ /legs so/ /khyod kyis ji tsam du 'jig rten thams cad kyis yid ches par dka' ba'i dri ba
423b2 'di dris pa ngo mtshar che'o/ /rigs kyi bu/ chog mod khyod kyis 'di dris pas ci zhig bya/ 'di ni byang chub sems dpa' las dang po pa stong pa nyid kyi lta ba can/ /mtshan
423b3 ma med pa'i lta ba can/ smon pa med pa'i lta ba can/ skye ba med pa'i lta ba can/ dngos po med pa'i lta ba can/ mtshan nyid med pa'i lta ba can/ sangs rgyas kyi lta ba can/ byang
423b4 chub kyi lta ba can dag gi gnas ma yin no/ /rigs kyi bu/ chos bstan pa 'di ni byang chub sems dpa' las dang po pa'i mdun du mi brjod do/ /de ci'i phyir zhe na/ de ni de'i dge
423b5 ba'i rtsa ba rnams thams cad kyi thams cad du rgyun chad du 'ong ngo / /sangs rgyas kyi byang chub las kyang nyams par 'gyur srid do/ /rtag pa'am/ chad par yang ltung du 'ong ngo / /de bzhin
423b6 gshegs pas kyang ci las dgongs te chos bstan mi shes srid do/ /de skad ces bka' stsal pa dang / byang chub sems dpa' sems dpa' chen po seng ge'i rtsal gyis 'gro bas
423b7 bcom ldan 'das la 'di skad ces gsol to/ /bcom ldan 'das/ bshad pa 'di byung ba'i dus na/ byang chub sems dpa' stong pa nyid kyi lta ba can/ mtshan ma mchis
424a1 pa'i lta ba can/ smon pa ma mchis pa'i lta ba can/ skye ba ma mchis pa'i lta ba can/ mtshan nyid ma mchis pa'i lta ba can/ sangs rgyas kyi lta
424a2 ba can/ byang chub kyi lta ba can dag 'byung bar 'gyur pa dang / gang yang stong pa nyid dang / mtshan ma ma mchis pa rtog pa dang / smra ba la dga' ba dang / smra ba'i tshig la
424a3 chags pa dang / yi ge dag par 'dzin pa dang / tshig gi las la gzhol ba dang / legs pa brjod pa gces par 'dzin pa dang / ming ces par 'dzin pa gang 'byung bar
424a4 'gyur ba de dag gis de bzhin gshegs pas chos bstan pa/ yi ge ma mchis shing tshig dang bral ba 'di thos na/ lta ba de dag spong zhing / ji ltar mos pa'i sems
424a5 can rnams la de ltar mos pa'i chos ston par 'gyur ro/ /de dag thams cad mkhas pa la bslabs pas/ 'dod pa chung ba'i tshig gi rgyud kyang brjod la/ des dag par
424a6 yang mi sems/ tshig 'chal ba'i tshig gi rgyud brjod la/ des dag par yang mi sems/ sdom pa'i tshig gi rgyud kyang brjod la/ des dag par yang mi sems/ 'du
424a7 'dzi'i mi bsngags pa'ang brjod la/ chos thams cad rab tu dben par yang mos par 'gyur ro/ /gcig pur dga' ba dang / 'du 'dzi ma mchis pa'i bsngags pa'ang
424b1 brjod la/ des dag par yang mi sems/ byang chub kyi sems kyi bsngags pa'ang brjod la/ sems kyi rang bzhin yang byang chub tu 'tshal bar 'gyur/ shin tu rgyas pa'i mdo
424b2 rnams kyi bsngags pa'ang brjod la/ chos thams cad shin tu rgyas par yang 'tshal bar 'gyur/ byang chub sems dpa'i tshig gi rgyud kyang brjod la/ nyan thos dang / rang rgyal ba dang /
424b3 sangs rgyas rnams tha dad par yang mi lta/ sbyin pa'i bsngags pa'ang brjod la/ sbyin pa'i mnyam pa nyid kyang de dag gis rtogs par 'gyur/ tshul khrims kyi bsngags pa'ang brjod la
424b4 rang bzhin gyi tshul khrims kyang de dag gis rtogs par 'gyur/ bzod pa'i bsngags pa'ang brjod la chos thams cad kyi zad pa'i chos dang / byang ba'i chos dang / mi skye ba'i chos nyid
424b5 kyang de dag gis shin tu mthong bar 'gyur/ brtson 'grus kyi bsngags pa'ang brjod la/ chos thams cad la btsal ba ma mchis pa dang / rtsom pa ma mchis pa'ang rab tu rtogs par
424b6 'gyur/ bsam gtan dang / snyoms par 'jug pa rnams kyi sgo bye ba khrag khrig brgya stong gis mngon par bsgrub pa'ang ston la/ chos thams cad rang bzhin gyis mnyam par bzhag
424b7 pa'ang 'tshal bar 'gyur/ shes rab kyi bsngags pa stong yang brjod la/ shes rab dang / shes rab 'chal ba'i rang bzhin yang de dag gis shin tu rig par 'gyur/ 'dod chags
425a1 kyi skyon yang ston la/ chos gang yang 'dod chags par mi mthong / zhe sdang gi skyon yang ston la/ chos gang yang zhe sdang bar mi mthong / gti
425a2 mug gi skyon yang ston la/ chos thams cad gti mug gi sgrib pa dang bral bar yang mos par 'gyur/ sems can rnams la sems can dmyal ba dang / dud 'gro'i skye gnas
425a3 dang | gshin rje'i 'jig rten du mchi ba'i 'jigs pa'ang ston la/ sems can dmyal ba dang / dud 'gro'i skye gnas dang / gshin rje'i 'jig rten yang mi dmigs te/
425a4 de dag sems can ji ltar mos pa dag la/ de ltar mos pa'i chos ston cing / gang 'di stong pa nyid la mos par tshul gcig pa la mos par 'gyur/ de bzhin du mtshan
425a5 ma ma mchis pa la mos pa dang / smon pa ma mchis pa la mos pa dang / skye ba ma mchis pa la mos pa dang / dngos po ma mchis pa la mos pa dang / mtshan nyid ma mchis
425a6 pa la mos par tshul gcig par mos par 'gyur na/ bcom ldan 'das |de'i slad du thabs mkhas pa'i tshig gang nyan thos dang / rang sangs rgyas rnams dang / theg
425a7 pa la gsar du zhugs pa'i byang chub sems dpa' sems dpa' chen po rnams kyis ma lags shing / gzhan du na zab mo la mos pa dang / tshul gcig pa la mos
425b1 pa'i yul du 'gyur ba'i thabs mkhas pa'i tshig de dag bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po
425b2 seng ge'i rtsal gyis 'gro ba la 'di skad ces bka' stsal to/ /rigs kyi bu/ de bas na legs par rab tu nyon la yid la zungs shig dang / don 'di ngas khyod la bshad do/ /
425b3 bcom ldan 'das/ de ltar bgyi'o zhes byang chub sems dpa' sems dpa' chen po seng ge'i rtsal gyis 'gro bas/ bcom ldan 'das kyi ltar nyan pa dang / bcom ldan 'das kyis
425b4 de'i tshe tshigs su bcad pa 'di dag bka' stsal to/ /'dod chags zhe sdang 'khrug pa med tshul du/ /gang zhig byang chub mchog tu 'tshang rgya bar/ /'dod pas chos kun 'dod
425b5 chags rang bzhin zhes/ /de ltar shes na de ni rgyal bar 'gyur/ /'dod chags mi dmigs de bzhin zhe sdang dang / /gti mug 'di la nam yang mi dmigs te/ /chos rnams
425b6 kun kyang nam mkha' 'dra ba zhes/ /de ltar gang shes de ni rgyal par 'gyur/ /lta dang lta med gnyis ka tshul gcig ste/ /mnyam dang mi mnyam de bzhin mnyam pa yin/ /sangs
425b7 rgyas med cing chos dang dge 'dun med/ /de ltar sus shes de ni mkhas pa yin/ /skyes bu la ji ltar rmi lam na/ /byang chub sangs rgyas 'gro ba 'dul rmis na/ /de la byang
426a1 chub yod min sems can med/ /de 'dra'i dngos nyid chos 'di thams cad do/ /byang chub phyir bzhugs gang yang ma brnyes te/ /gang zhig ma brnyes
426a2 nam yang de mi brnyes/ /rig dang ma rig gnyis ka tshul gcig ste/ /de ltar shes na de ni rgyal bar 'gyur/ /sems can rang bzhin byang chub nyid du gsungs/ /byang chub rang
426a3 bzhin sems can thams cad de/ /sems can rnams dang byang chub gnyis ma yin/ /de ltar shes na skyes bu'i mchog tu 'gyur/ /ji ltar skyes bu sgyu ma bslabs pa yis//
426a4 sgyu ma rnam mang gzugs dag sprul byas na/ /snang ba yin yang de la gang yang med/ /rnam par rmongs pa'i sems can rnam par 'grang / /'dod chags zhe sdang rtag par mnyam
426a5 pa ste/ /gti mug sgyu ma gnyis kyang rtag par mnyam/ /byis pa bdag cag zhe sdang rmongs shes sems/ /gti mug de dag ngan 'gror 'dong bar 'gyur/ /gang la 'dod chags
426a6 zhe sdang gnyis med cing / /gti mug gang la nam yang med pas na/ /chos nyid sgyu 'dra rnam par brtags byas shing / /byis pa rnams ni nyon mongs mes kyang gdungs/ /gang
426a7 la nyon mongs sems can med pa dang / /sangs rgyas nam yang yod pa ma yin pa/ /ma skyes chos shes rnam par brtags byas shing / /bdag cag sangs rgyas 'gyur zhes byis
426b1 pa smra/ /sangs rgyas yod min sangs rgyas chos med de/ /nam yang sems can med par sus mthong zhing / /nam mkha' 'dra bar chos nyid sus shes pa/ /de ni myur du skyes bu gtso
426b2 bor 'gyur/ /byang chub su 'dod de la byang chub med/ /sa dang gnam ltar byang chub mchog las ring / /sgyu 'drar chos nyid gang gis shes gyur pa/ /de ni myur du sangs rgyas
426b3 thob par 'gyur/ /su zhig tshul khrims rnam rtog de la ni/ /tshul khrims med de mthong na tshul khrims min/ /tshul khrims 'chal dang tshul khrims mtshan nyid gcig /de ltar shes
426b4 na de ni mgon por 'gyur/ /ji ltar skyes bu la la rmi lam na/ /'dod la spyod pa dga' ba myong ba'i nyams/ /gti mug rmongs pas bud med rnam par brtags/ /de na bud
426b5 med gang yang yod pa min/ /tshul khrims 'chal dang tshul khrims byis pa rnams/ /rmongs pas yang dag ma yin yongs su brtags/ /de la tshul khrims 'chal med tshul khrims
426b6 med| |de ltar shes na de ni mgon por 'gyur/ /sgra yi rang bzhin yongs su mi shes pas/ /byis pa'i blo can 'di dag ming la chags/ /gang gis ming de ming med shes gyur
426b7 na| |de ni bzod pa'i stobs mchog thob par 'gyur/ /byang chub dam pa bcas sems can mang ba ste/ /de dag tshig gis gzhan la de skad brjod/ /tshig gis dag 'dzin
427a1 nan tan yod pa min/ /de dag byang chub kun nas khebs par gnas/ /spyod lam dag dang 'khrul la chags gyur cing / /tshig dang smra la dga'
427a2 zhing mi mkhas te/ /chos kyi rang bzhin yongs su ma shes na/ /tshig gi dag pas byang chub 'tshang mi rgya/ /stong nyid chos dag yongs su rjod byed cing / /rtsod la dga' zhing
427a3 'thab bas sdang ba'i sems/ /sdom med ngan sems byed pa de dag la/ /sangs rgyas chos dang byang chub ga la yod/ /ngan sems bzod gnyis tshul gcig rang bzhin zhes/ /
427a4 de ltar shes par byas shing khro ba spang / /sems can rang bzhin yongs su mi shes pas/ /byis pa'i blo can khro ba skyed par byed/ /sems can thams cad bdag la dben
427a5 pa ste/ /rgyal ba sems can 'grel 'gyur smon ces zer/ /de dag glengs pa tsam gyis khror 'gyur zhing / /zhe sdang 'chang bas de dag tshig mi ster/ /'thab la dga'
427a6 zhing nyes pa 'tshol byed la/ /bzod pa'i bsngags pa'ang rtag par de dag brjod/ /chos rnams thams cad stong pa nyid ces smra/ /nga rgyal khengs pas 'khrul pa rjes su
427a7 rtog |zas la chags shing ma rig mdud pas bcings/ /nyin mtshan dag tu 'dod pa'i yon tan sems/ /de dag lhas dang grong khyer grong song zhing / /sems can mang pos
427b1 yongs su dgrol zhes zer/ /'gro ba kun la snying rje bdag la yod/ /'jig rten kun la phan sems de bzhin te/ /de dag zhe sdang sems kyis de lta bu'i/ /chos nyid 'tshe ba'i tshul
427b2 can rjod par byed/ /'tshe ba snying rje gcig tu 'dus pa ni/ /nam yang yod par ma mthong ma thos te/ /phan tshun khro bar byed dang ldan gyur cing / /tshad med tshe yi zhing du smon par byed//
427b3 gang+gA'i klung gi bye ma ji snyed par/ /brdeg cing spyod ba 'thob pa'i gnas yod kyi/ /bzod pa dam pa yongs su ma bsgoms par/ /rgyal ba de dag zhing du de mi 'gro /zhing rnams zhing
427b4 min gang gis shes gyur cing / /zhing rnams thams cad nam mkha'i rang bzhin zhes/ /zhing gi yon tan rlom sems gang med pa/ /skyes bu khyu mchog zhing du de 'gro'o/ /thams cad
427b5 nyes byas bdag gis bzod par bya/ /rgyal ba'i sras la ston par sems zhes smra/ /ston pa'i 'du shes can la khro yod pa/ /ngas ni nam yang mi mthong mthos so/ /bslang ba'i
427b6 grong dang mdza' ba'i grong chags shing / /gcig la gcig ni spyod pa sun yang 'byin/ /'di ni bdag gis smin bya'i skal yin gyi/ /su yang der ma 'gro zhes de dag zer/ /bdag
427b7 dang 'dra ba de 'dra gang yang med/ /de la spyod pa rnam dag med ces zer/ /mi mkhas de ni byang chub 'thob mi 'gyur/ /de la don du 'gyur ba gang yang med/ /nyin par lan
428a1 gsum mtshan yang de bzhin te/ /byang chub sems dpa' dag la spyi bos thud/ /de dag 'khrul pa gang la'ang brtag mi bya/ /rtag par spyod
428a2 pa ci bder spyod du tshud/ /'dod pa'i yon tan dga' bar spyod mthong na/ /de yi 'khrul pa gang yang brtag mi bya/ /byang chub spyod pa mtha' yas yon tan gyis/ /de yang
428a3 ma 'ongs dus na byang chub 'thob/ /lan gcig kho nar rgyal bar 'gyur ba min/ /rigs pa'i rim dang bya ba'i rim gyis 'thob/ /bskal pa bye ba khrag khrig grangs mang du/ /
428a4 go cha bgos pas 'thob kyi gzhan du min/ /rtog dang rnam rtog 'dod chags med pa ste/ /ngas kyang byang chub 'dod chags 'dra ba thob/ /nyon mongs yod min de dag yod
428a5 mi 'gyur/ /de ltar yid ches bzod pa dam pa 'thob/ /yi ge med pa'i chos la zhugs gyur cing / /sgra rnams thams cad sgra med blta bar bya/ /gang zhig de 'dra'i chos
428a6 la yid ches pa/ /de la 'dod chags zhe sdang gti mug med/ /'dod chags byang chub lhag chad med par mnyam/ /de gnyis yi ge med par rtogs par gyis/ /de ni
428a7 gnyis ka'i ming tsam byung ba ste/ /yi ger brjod pa de la ci yang med/ /sgra rnams thams cad sgra gcig rab shes na/ /sna tshogs su ni nam yang 'gyur ba med/ /nga yis
428b1 gang bshad mu stegs de dag 'chad/ /de dag 'di 'dra'i chos nyid shes pa yin/ /chos rnams 'di dag skad kyi sgras brjod de/ /chos dang sgra ni de la dmigs pa med/ /
428b2 chos nyid tshul gcig de la rab zhugs na/ /bzod pa bla med mchog ni 'thob par 'gyur/ /khro dang bzod dang 'dod pa'i yon tan dang / /mi bzod mi rtag rnam par mi rtag ste//
428b3 skye med de ltar rab tu shes gyur na/ /skyon med sems can mchog tu de dag 'gyur/ /lho byang shar nub phyogs rnams thams cad kyi/ /gang+gA'i klung gi bye ma ji snyed pa/ /skyes
428b4 bu la las de blangs 'bru re nas/ /phyogs gcig zhing rer rab tu dgod byas te/ /zhing rnams ji snyed byung ba de dag kun/ /rgyal ba rnams la rin chen bkang byas te/ /bskal pa bye ba mang
428b5 bor phul ba bas/ /mdo sde 'di yi bsod nams ches kyang mang / /de la bsod nams grangs med 'phel bar 'gyur/ /byang chub don gnyer 'di la rab byung ba/ /de dag la ni
428b6 mdo sde 'di gtad de/ /de dag bzod pa dam pa myur du 'thob/ /mtha' yas sgo yi mdo 'di su ston pa/ /de la gzungs rnams mi ring nye bar gnas/ /mdo sde bye ba khrag khrig nges
428b7 'thob ste/ /spobs dang blo rno'i yon tan 'thob par 'gyur/ /tshig la thogs pa'ang phye bas shes par 'gyur/ /so so yang dag rig kyang myur du 'thob/ /sangs rgyas mtha' yas
429a1 spobs pa'i sbyin pa mdzad/ /rnam pa mang por mdo sde mang po ston/ /tshul 'di gang gis shes gyur de dag ni/ /rang gis mdo sde mang po dran
429a2 par 'gyur/ /zhing gi dam pa dag tu'ang de dag 'gro /song nas mgon po dag la mchod par byed/ /de nas bcom ldan 'das la byang chub sems dpa' seng ge'i rtsal
429a3 gyis 'gro bas 'di skad ces gsol to/ /bcom ldan 'das/ tshigs su bcad pa bstan pa 'di thos pas sems can ji snyed cig gi don bgyis par gyur/ bka'
429a4 stsal pa/ rigs kyi bu/ khyod kyis 'khor gyi dkyil 'khor 'di mthong ngam/ gsol pa/ bcom ldan 'das/ mthong ngo / /bcom ldan 'das/ chos bstan pa 'di'i tshe/ sems
429a5 can grangs ma mchis pa 'dus par gyur te/ bcom ldan 'das/ steng gi bar snang yang lha dang / klu dang / gnod sbyin dang / dri za dang / lha ma yin dang / nam mkha' lding
429a6 dang | mi'am ci dang / lto 'phye chen pos ma gtams pa ma mchis so/ /bcom ldan 'das/ 'jig rten gyi khams gzhan nas kyang sems can mang pos chos 'di bstan pa thos
429a7 so| |de skad ces gsol pa dang / bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la 'di skad ces bka' stsal to/ /rigs
429b1 kyi bu/ chos bstan pa 'di bstan pa'i tshe lha'i bu stong phrag dgu bcu rtsa brgyad kyis mi skye ba'i chos la bzod ba rab tu thob bo/ /gnod sbyin stong phrag dgu bcu rtsa gnyis kyis bla na med
429b2 pa yang dag par rdzogs pa'i byang chub tu sems bskyed do/ /klu stong phrag sum cu rtsa drug byang chub tu sems skyes par gyur to/ /dge slong mngon pa'i nga rgyal can ma thob pa la thob par 'du
429b3 shes pa lnga brgyas mngon pa'i nga rgyal med pa'i chos bstan pa 'di thos nas/ chos thams cad ni tshul gcig go zhes bya bar yid ches par gyur te/ nye bar len pa med par zag pa
429b4 rnams las sems rnam par grol lo/ /byang chub sems dpa'i tshogs 'di'i nang nas kyang byang chub sems dpa' stong phrag drug cu rtsa gnyis kyis chos thams cad sgrib pa med
429b5 par khong du chud nas/ mi skye ba'i chos la bzod pa rab tu thob bo/ /de ci'i phyir zhe na/ rigs kyi bu/ chos bstan pa 'di ni phul du byung ba ste/ rigs kyi bu/ ngas kyang sngon de
429b6 bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du/ chos thams cad ni tshul gcig pa'o zhes bya bar khong du chud par gyur nas/
429b7 de'i 'og tu ngas mi skye ba'i chos la bzod pa thob bo/ /rigs kyi bu/ pha rol tu phyin pa drug po thams cad thob pa dang / chos bstan pa 'di thos par mtshungs te/ rigs kyi bu/
430a1 tshul 'di rtogs na/ byang chub sems dpa' sems dpa' chen po rnams kyi pha rol tu phyin pa drug yongs su rdzogs par 'gyur pa ngas bshad
430a2 do| |de ci'i phyir zhe na/ rigs kyi bu/ gal te byang chub sems dpas bskal pa gang+gA'i klung gi bye ma snyed du sbyin pa byin/ tshul khrims bsrungs/ bzod pa bsgrubs/ brtson
430a3 'grus brtsams/ bsam gtan la mnyam par gzhag /shes rab yang dag par blangs te gnas kyang chos kyi tshul 'di ma shes na dge ba'i rtsa ba de dag thams cad phyir zad
430a4 par 'gyur ro/ /rigs kyi bu/ lhas byin dge ba'i rtsa ba de lta bu dang ldan par gyur pa la ltos/ /rigs kyi bu/ lhas byin ni mi chen po'i mtshan sum cu dang ldan par gyur to/ /
430a5 de lta bu'i dge ba'i rtsa ba dang ldan pa de'ang chos kyi tshul 'di ma shes pas/ dge ba'i rtsa ba de dag thams cad yongs su chad nas/ mnar med pa'i sems can dmyal ba chen por
430a6 skyes te/ rigs kyi bu/ rnam grangs des kyang ji ltar chos kyi tshul 'di khong du ma chud pa rnams kyi dge ba'i rtsa ba chad par 'gyur bar rig par bya'o/ /rigs kyi bu/ sngon 'das
430a7 pa'i dus bskal pa grangs med pa shin tu bgrang ba las 'das pa/ tshad med pa/ yangs pa/ gzhal du med pa de'i pha rol de'i yang pha rol gcig gi dus na/ de bzhin
430b1 gshegs pa/ dgra bcom pa/ yang dag par rdzogs pa'i sangs rgyas ri rab ltar mngon par 'phags pa'i rgyal po zhes bya ba/ rig pa dang / zhabs su ldan pa/ bde bar gshegs pa/ 'jig rten
430b2 mkhyen pa/ bla na med pa/ skyes bu 'dul ba'i kha lo sgyur ba/ lha dang / mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa de'i sku tshe'i
430b3 tshad ni lo bye ba khrag khrig brgya stong dgu bcu rtsa dgur gyur to/ /'jig rten gyi khams de'i ming ni gser gyi mdog 'od 'phro ba zhes bya bar gyur te/ sangs rgyas kyi zhing de ni gser gyi rgyu
430b4 las grub par gyur to/ /sems can rnams kyang gang 'di nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / theg pa gsum po 'di nyid
430b5 kyis mya ngan las 'da' bar gyur te/ de bzhin gshegs pa de'i nyan thos kyi tshogs dang po ni dge slong bye ba khrag khrig brgya stong phrag brgyad cu thams cad kyang dgra bcom pa/ zag
430b6 pa zad pa/ khur bor ba/ rang gi don rjes su thob pa/ srid par kun tu sbyor ba yongs su zad pa/ bka' yang dag pas sems shin tu rnam par grol ba sha stag gi tshogs su gyur
430b7 to| |tshogs gnyis pa ni dge slong bye ba khrag khrig brgya stong bdun cu'i tshogs su gyur to/ /tshogs gsum pa ni dge slong bye ba khrag khrig drug cu'i tshogs su gyur to/ /tshogs bzhi
431a1 pa ni dge slong bye ba khrag khrig brgya stong phrag lnga bcu thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid
431a2 par kun tu sbyor ba yongs su zad pa/ bka' yang dag pas sems shin tu rnam par grol ba sha stag gi tshogs su gyur to/ /dge slong ma'i tshogs ni de'i nyis 'gyur du gyur to//
431a3 dge bsnyen gyi tshogs dang / dge bsnyen ma'i tshogs kyang de'i nyis 'gyur du gyur to/ /byang chub sems dpa'i tshogs kyang de'i nyis 'gyur du gyur te/ thams cad kyang phyir mi
431a4 ldog pa/ mi skye ba'i chos kyi bzod pa dang ldan pa/ ting nge 'dzin gyi tshul mngon par bsgrub pa la mkhas pa/ sgo mtha' yas pa'i gzungs rab tu thob pa/ phyir mi ldog pa'i chos
431a5 kyi 'khor lo bskor ba sha stag gi tshogs su gyur na/ byang chub sems dpa' theg pa la gsar du zhugs pa rnams kyi tshogs lta smos kyang ci dgos te/ der ni rang sangs rgyas
431a6 kyi theg pa pa'ang tshad med par gyur to/ /rigs kyi bu/ de ltar de'i tshe bcom ldan 'das de'i 'khor gyi tshogs ni tshad med par 'dus par gyur to/ /'jig rten gyi khams
431a7 gser gyi mdog 'od 'phro ba de na/ shing ngam/ ldum bu gang ci yod pa thams cad kyang rin po che'i rgyu las grub par gyur te/ shing de dag las kyang 'di lta bu'i sgra gang 'di
431b1 stong pa nyid kyi sgra dang / mtshan ma med pa'i sgra dang / smon pa med pa'i sgra dang / skye ba med pa'i sgra dang / 'gag pa med pa'i sgra dang / dngos po med pa'i sgra dang / mtshan nyid med pa'i
431b2 sgra dang / de lta bu'i sgra dag 'byung bar 'gyur te/ sgra de dag byung bas sems can de dag gi sems rnam par grol bar gyur to/ /de bzhin gshegs pa de yongs su mya ngan las
431b3 'das nas lo stong du dam pa'i chos gnas par gyur te/ de phyin chad sgra de dag kyang shing de dag las 'byung ba med par gyur to/ /rigs kyi bu/ de bzhin gshegs pa dgra bcom pa
431b4 yang dag par rdzogs pa'i sangs rgyas ri rab ltar mngon par 'phags pa'i rgyal po de'ang dge slong chos smra ba'i spyod pa rnam par dag pa zhes bya ba/ dam pa'i chos yongs su 'dzin par
431b5 bskos nas yongs su mya ngan las 'das par gyur to/ /de'i tshe dge slong spyod pa'i blo gros zhes bya ba zhig kyang byung ste/ de ni tshul khrims kyi phung po shin tu dag pa dang ldan zhing /
431b6 'jig rten pa'i mngon par shes pa lnga thob par 'gyur te/ 'dul ba'i sde snod la'ang shin tu byang bar gyur to/ /dge slong de ni dka' thub kyi mchog dang ldan pa ngan ngon la mos
431b7 pa| 'khor gyi nang na spyod pa ste/ des gtsug lag khang gcig brtsigs nas/ de na gnas shing de'i 'khor du gyur pa rnams kyang tshul khrims kyi phung po shin tu dag pa la
432a1 bkod par gyur te/ sbyangs pa'i yon tan sdom pa la mos par gyur to/ /dge slong de ni brtson 'grus brtsams shing rtag par byang chub kyi sems
432a2 la gnas par gyur to/ /byang chub sems dpa' gzhan dag kyang spyod lam de nyid la yang dag par bskul te/ dmigs pa can gyi lta ba la yang dag par bskul to/ /des
432a3 'du byed thams cad mi rtag pa zhes bya bar 'dzin du btsud do/ /'du byed thams cad sdug bsngal zhes bya bar 'dzin du btsud do/ /'du byed thams cad bdag med pa zhes
432a4 bya bar 'dzin du btsud do/ /dge slong de ni ting nge 'dzin la mkhas par gyur te/ byang chub sems dpa'i spyod pa la mkhas pa ma yin zhing / dge ba'i rtsa ba dang ldan par gyur
432a5 to| |dge slong chos smra ba spyod pa rnam par dag pa de ni sems can rnams kyi dbang po mchog dang / tha ma shes pa la mkhas par gyur te/ de'i 'khor du gyur pa ji snyed pa de
432a6 dag kyang sbyangs pa'i yon tan gyi sdom pa lhur len par gyur te/ mi dmigs pa'i bzod pa can thabs la mkhas pa dag tu gyur to/ /rigs kyi bu/ de nas chos smra ba spyod pa
432a7 rnam par dag pa 'khor dang bcas te/ dge slong spyod pa'i blo gros gang na gnas pa'i gtsug lag khang der phyin nas/ de na gnas par gyur te/ de gtsug lag khang de
432b1 nas yang dang yang sems can la snying brtse ba'i phyir grong du 'gro zhing / de dag tu zas kyi bya ba byas nas phyir 'ong bar gyur to/ /des de dag tu rigs brgya stong du ma dad par byas par
432b2 gyur to/ /de'i 'khor ji snyed pa de dag kyang tshul la mkhas par gyur to/ /de nas kyang de dag tu dong zhing sems can rnams la chos ston to/ /de dag gis kyang srog chags
432b3 brgya stong mang po bla na med pa yang dag par rdzogs pa'i byang chub tu bkod par gyur to/ /dge slong spyod pa'i blo gros kyi 'khor de dag ni bsam gtan lhur len cing / grong dag tu'ang
432b4 'khor bar mi 'dong ngo / /de nas dge slong spyod pa'i blo gros kyis byang chub sems dpa' gzhan dag la ma dad pa'i sems bskyed nas des gaN+Di de brdungs te/ dge slong gi dge
432b5 'dun bsdus nas dam tshig byas pa/ bdag cag gi nang nas su'ang rung ste/ sus kyang grong du 'gro bar mi bya'o/ /khyed ni shes bzhin med par spyod pa yin te/ nyung du smra ba ma
432b6 yin gyi/ khyod grong du dong bas kyang ci zhig bya ste/ dgon pa la gnas pa ni bcom ldan 'das kyis gnang zhing bsngags pa yin gyi/ khyod grong du ma 'dong bar bsam gtan
432b7 gyi bde bas rnam par spyod cig ces bsgo'o/ /de dag gis de zer ba ltar ma nyan te/ yang grong dag tu 'dong bar gyur to/ /rigs kyi bu/ de nas dge slong de dag nam grong nas
433a1 phyir 'ongs par gyur pa de'i tshe/ dge slong spyod pa'i blo gros kyis yang gaN+Di brdungs nas/ dge slong gi dge 'dun bsdus te/ 'di skad du gal te
433a2 de phan chad khyed grong du 'dong dang / khyod gtsug lag khang 'di na ma gnas shig ces bsgo'o/ /rigs kyi bu/ de nas dge slong chos smra ba spyod pa rnam par dag pas dge slong
433a3 de'i sems bsrung ba'i phyir/ rang gi phyir 'khor rnams pos te/ 'di skad du/ khyed grong du su'ang ma 'dong zhig ces smras so/ /de nas de'i tshe dge slong de dag gis sems can
433a4 gang ji snyed cig smin par byas pa de dag dge slong de dag dang ma phrad pas shin tu mi dga' bar yang gyur/ dge ba'i rtsa ba'ang yongs su 'grib par gyur to/ /rigs kyi bu/ de
433a5 nas dge slong chos smra pa/ spyod pa rnam par dag pa zla ba gsum po de dag 'das nas gtsug lag khang de nas gtsug lag khang gzhan du 'phos nas/ grong dang / grong
433a6 khyer dang / ljongs dang / yul dang / rgyal po'i pho brang 'khor dag tu 'gro zhing / sems can dag la chos ston par gyur to/ /rigs kyi bu/ de nas dge slong spyod pa'i blo
433a7 gros kyis/ chos smra ba spyod pa rnam par dag pa yang dang yang grong du 'gro ba'ang mthong / de'i 'khor kyang spyod lam tha mal pa can du mthong nas/ des yang de lam dad pa'i sems
433b1 bskyed par gyur te/ dge slong 'di ni tshul khrims 'chal ba can/ tshul khrims log pa can te/ 'dis byang chub ga la 'thob/ dge slong 'di'i byang chub ni rgyang ring ngo / /dge slong
433b2 'di ni 'du 'dzir gnas gnas pa'o zhes 'gro ba mang po dag la de skad brjod do/ /rigs kyi bu/ de nas dus gzhan zhig na/ dge slong spyod pa'i blo gros de 'chi ba'i dus byas par
433b3 gyur nas/ de de ltar 'chi ba'i dus byas pa dang / las de'i rnam par smin pas mnar med pa'i sems can dmyal ba chen por lhung ngo / /de bskal pa bye ba stong phrag dgu bcu rtsa dgur
433b4 sems can dmyal ba chen por sdug bsngal gyi tshor ba myong bar gyur nas tshe rabs drug cur mi snyan par brjod pa thob par gyur to/ /tshe rabs stong phrag sum cu rtsa gnyis su rab tu byung ba
433b5 las phyir babs par gyur to/ /las kyi sgrib pa de nyid kyi lhag mas de bzhin gshegs pa dgra bcom pa yang dag rdzogs pa'i sangs rgyas 'od 'phro dri ma med pa'i gsung rab la rab tu
433b6 byung bar gyur to/ /de rab tu byung nas lo bye ba brgya stong phrag drug tu mgo'i thod la me 'bar ba ltar rnam par spyod kyang / mthun pa'i bzod pa tsam yang mthob ste/ tshe rabs brgya stong
433b7 mang por dbang po rtul por gyur to/ /rigs kyi bu/ de'i tshe de'i dus na dge slong chos smra ba spyod pa rnam par dag pa zhes bya ba de gzhan zhig yin par sems na/ de ltar mi blta ste/
434a1 de ci'i phyir zhe na/ de bzhin gshegs pa mi sgul ba ni de'i tshe de'i dus na/ dge slong chos smra ba spyod pa rnam par dag pa zhes bya bar gyur to/ /rigs
434a2 kyi bu/ de'i tshe de'i dus na dge slong chos smra ba spyod pa'i blo gros zhes bya ba de gzhan zhig yin pa snyam du sems na/ de ltar mi blta ste/ de ci'i phyir zhe na/ nga ni dge slong chos smra ba
434a3 spyod pa'i blo gros zhes bya bar gyur te/ nga'ang de lta bu'i thabs phra mos de la ma dad pa'i sems bskyed de/ las kyi sgrib pa mngon par 'du byas pas sems can dmyal ba dag
434a4 tu lhung bar to/ /rigs kyi bu/ de ltar phra ba ni las kyi sgrib pa yin gyi/ rigs kyi bu/ su las kyi sgrib pa de lta bu mi 'dod pa de dag gis gzhan gyi spyod pa la khong khro bar mi
434a5 bya'o/ /de'i spyod pa thams cad la yid ches par bya'o/ /'di snyam du pha rol gyi sems ni bdag gis mi shes te/ sems can gyi spyod pa ni shes par dka'o/ /snyam du
434a6 sems bskyed par bya'o/ /don gyi dbang de gzigs nas de bzhin gshegs pas/ 'di skad du/ chos ston te/ gang zag gis gang zag gi tshod gzung bar mi bya'o/ /gang
434a7 zag gis gang zag la tshod bzung na rma 'byung bar 'gyur te/ nga'am/ gzhan yang / nga dang 'dra ba dag gis gang zag la tshod gzung ngo / /rigs kyi bu/ su bdag bsrang bar
434b1 'dod pa des gzhan su'i spyod pa la'ang brtag par mi bya ste/ de dag la 'di ni 'di 'dra'o/ /'di ni 'di 'dra'o zhes dbya bar mi bya'o/ /nyin mtshan du sangs rgyas kyi chos la brtson
434b2 par bya'o/ /rigs kyi bu/ chos la bsgoms pa'i yid kyis bsam pa thag pa nas yang dag par zhugs pa'i byang chub sems dpa' ni gzhan la dbya bar brtson par mi gnas so/ /
434b3 rigs kyi bu/ gal te stong gsum gyi stong chen po'i 'jig rten gyi khams na sems can gang ji snyed cig yod pa de dag thams cad byang chub sems dpa' la zhig gis dge ba
434b4 bcu'i las kyi lam la bkod pa bas/ byang chub sems dpa' gang gcig pu dben par 'dug ste/ chung du na se gol gtogs pa tsam du'ang chos thams cad tshul gcig par yid
434b5 ches shing tha na chung du dri ba'am/ dpyad pa'am/ lung 'bog pa'am/ kha ton bya ba'i phyir gnas na/ 'di ni de bas ches bsod nams mang du 'phel lo/ /de ci'i phyir zhe na/ rigs
434b6 kyi bu/ tshul 'di khong du chud pas byang chub sems dpa' rnams las kyi sgrib pa thams cad rnam par dag pa 'thob bo/ /sems can thams cad la chags pa dang / khong khro ba dang
434b7 bral bar 'gyur ro/ /rnam pa thams cad mkhyen pa'ang myur du 'thob par 'gyur ro/ /de nas bcom ldan 'das la/ 'jam dpal gzhon nur gyur pas 'di skad ces gsol to/ /bcom
435a1 ldan 'das/ las kyi sgrib pa rnam par dag pa zhes bya ba/ ji tsam gyis na las kyi sgrib pa rnam par dag par 'gyur/ bcom ldan 'das kyis bka'
435a2 stsal pa/ 'jam dpal/ byang chub sems dpa' gang chos thams cad las med cing / rnam par smin pa med par shes pa des las kyi sgrib pa rnam par dag pa 'thob bo/ /'jam
435a3 dpal/ gzhan yang / byang chub sems dpa' gang gis 'dod chags kyi mtha' yang dag pa'i mthar mthong ba dang / zhe sdang gi mtha' yang dag pa'i mthar mthong ba dang / gti
435a4 mug gi mtha' yang dag pa'i mthar mthong ba des las kyi sgrib pa rnam par dag pa 'thob bo/ /'jam dpal/ gzhan yang / byang chub sems dpa' gang gis sems can thams
435a5 cad dang / chos thams cad mya ngan las 'das pa'i dbyings su mthong ba des las kyi sgrib pa rnam par dag pa 'thob bo/ /'jam dpal/ de ci'i phyir zhe na/ lta ba yod na
435a6 las mngon par 'du byed par 'gyur te/ 'jam dpal/ byis pa thos pa med pa so so'i skye bo ni chos thams cad shin tu yongs su mya ngan las 'das par mi shes pas/ bdag
435a7 dang | gzhan du dmigs so/ /dmigs nas lus dang / ngag dang / yid kyi las rnam pa gsum mngon par 'du byed de/ de yang dag pa ma yin par sgro 'dogs pas bdag
435b1 ni 'dod chags so/ /bdag ni zhe sdang ngo / /bdag ni gti mug go zhes rnam par rtog go /gal te de bzhin gshegs pa'i bstan pa la rab tu byung na/ de 'di snyam du bdag ni tshul
435b2 khrims dang ldan pa'o/ /bdag ni tshangs par spyod pa'o/ /bdag gis ni 'khor ba las yang dag par 'da' bar bya'o/ /bdag gis ni mya ngan las 'das pa thob par bya'o/ /bdag gis
435b3 ni sdug bsngal las rnam par grol ba thob par bya'o snyam du sems shing / de yang dag pa ma yin par sgro 'dogs pas chos 'di dag ni dge ba'o/ /chos 'di dag ni mi dge ba'o/ /chos
435b4 'di dag ni yongs su shes par bya'o/ /chos 'di dag ni spang bar bya'o/ /chos 'di dag ni mngon par bya ba'o/ /chos 'di dag ni bsgom par bya'o/ /sdug bsngal ni shes par bya'o/ /kun
435b5 'byung ba ni spang bar bya'o/ /'gog pa ni mngon du bya'o/ /lam ni bsgom par bya'o zhes rnam par rtog go /de 'du byed thams cad ni mi rtag pa'o/ /'du byed thams cad ni sdug bsngal
435b6 ba'o| |'du byed thams cad kun nas 'bar ba'o/ /ci nas kyang bdag ni 'du byed rnams las 'bros par bya'o snyam du rnam par rtog ste/ de de ltar rtog pa'i tshe skyo ba dang ldan
435b7 pa'i 'du shes yid la byed pa/ mtshan ma sngon du btang ba dag 'byung ste/ de 'di snyam du gang 'di chos rnams yongs su shes pa 'di ni sdug bsngal yongs su shes pa'o/ /de 'di
436a1 snyam du ci nas kyang bdag gis kun 'byung ba spang bar bya'o zhes de chos thams cad la ngo mi mtho zhing khrel bar sems/ 'jigs pa dang / rab tu 'jigs
436a2 pa dang / yongs su 'jigs pa skyed cing / de 'di snyam du gang 'di chos de dag las ngo tsha bar gyur pa de ni kun 'byung ba spang pa'o snyam du sems so/ /de 'di snyam du ci nas kyang
436a3 bdag gis 'gog pa mngon du bya'o snyam nas/ de chos de dag rnam par brtags nas de'i 'gog tu de dag 'gog par 'du shes shing / de 'di snyam du gang chos rnams mngon du bya ba de ni
436a4 'gog pa yin no snyam mo/ /de 'di snyam du ci nas kyang bdag gis lam bsgom par bya'o snyam ste/ de gcig pu dben par song nas chos de dag yid la byas pas zhi gnas 'thob ste/
436a5 de'i skyo ba dang ldan pa'i yid la bya ba de dang / zhi gnas thob pa nges chos thams cad las sems rab tu zhum par 'gyur/ sems rab tu 'gong bar 'gyur/ sems phyir log par
436a6 'gyur zhing ngo mi mtho ste/ ngo tsha la rnam par smod de mngon par dga' ba med pa skyed do/ /de 'di snyam du bdag ni sdug bsngal thams cad las grol ba ste/ bdag gis de las
436a7 gong du bya ba gzhan med do/ /bdag ni dgra bcom pa yin no zhes dam 'cha'o/ /de 'chi ba'i dus la bab pa'i tshe/ bdag skye bar 'gyur ba mthong nas/ sangs rgyas kyi byang chub
436b1 la nem nur dang the tshom du gyur te/ de the tshom du ltung ba'i sems kyis dus byas nas sems can dmyal ba chen po dag tu skye ste/ de'ang ma skyes pa'i chos rnams la rnam par brtags
436b2 pa'i phyir ro// //bam po gnyis pa/ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ 'phags pa'i
436b3 bden pa bzhi po rnams ji ltar blta bar bgyi/ bcom ldan 'das kyis bka' stsal pa/ 'jam dpal/ gang ci 'du byed thams cad ma skyes par mthong ba des sdug bsngal yongs su shes
436b4 so| |gang gis chos thams cad 'byung ba med par mthong ba des kun 'byung ba rab tu spangs so/ /gang gis chos thams cad shin tu mya ngan las 'das par mthong ba des 'gog pa mngon
436b5 du byas so/ /gang gis chos thams cad dngos po med par mthong ba des lam bsgoms so/ /'jam dpal/ gang gis 'phags pa'i bden pa bzhi de ltar mthong ba de ni/
436b6 chos 'di dag ni dge ba'o/ /chos 'di dag ni mi dge ba'o/ /chos 'di dag ni yongs su shes par bya'o/ /chos 'di dag ni spang bar bya ba'o/ /chos 'di dag ni mngon du bya ba'o/ /chos
436b7 'di dag ni bsgom par bya ba'o/ /sdug bsngal ni yongs su shes par bya'o/ /kun 'byung ba ni spang bar bya'o/ /'gog pa ni mngon du bya'o/ /lam ni bsgom par bya'o zhes mi
437a1 rtog rnam par mi rtog go /de ci'i phyir zhe na/ chos gang dag la byis pa so so'i skye bo dag 'dod chags pa dang / zhe sdang ba dang / gti mug par
437a2 'gyur ba'i chos de dag des ma skyes pa dang / med pa dang / nor ba dang / yongs su brtags pa dang / yongs su bskyed par mthong ba'i phyir te/ de chos gang yang mi len mi
437a3 'dor ro/ /de'i sems ni khams gsum pa la chags pa med de/ khams gsum pa thams cad ma skyes pa dang / sgyu ma lta bu dang / rmi lam lta bu dang / brag ca lta bu dang / mig
437a4 yor lta bur yang dag par mthong ngo / /des dge ba dang / mi dge ba'i chos thams cad smig rgyu lta bur mthong ste/ des 'dod chags kyi khams mya ngan 'das pa'i dbyings su
437a5 mthong ngo / /de bzhin du zhe sdang gi khams dang / gti mug gi khams mya ngan las 'das pa'i dbyings su mthong ngo / /des chos rnams de lta bu'i rang bzhin du mthong bas/ sems
437a6 can thams cad la chags pa dang / khong khro ba med par 'gyur ro/ /de ci'i phyir zhe na/ des gang la chags par bya ba dang / khong khro bar bya ba de lta bu'i chos mi dmigs so/ /de
437a7 nam mkha' dang mnyam pa'i sems kyis sangs rgyas kyang yang dag par rjes su mi mthong ngo / /chos dang / dge 'dun yang dag par rjes su mi mthong ngo / /de chos thams cad yang
437b1 dag par rjes su ma mthong bas chos gang la yang the tshom mi skyed do/ /the tshom med pas nye bar len pa med do/ /nye bar len pa med pas nye bar len pa med par yongs su mya ngan las
437b2 'das te/ 'jam dpal/ de lta bu'i chos shes pas gnas brtan rab 'byor de bzhin gshegs pa'i zhabs la phyag 'tshal du mi 'ong ngo / /de ci'i phyir zhe na/ bdag nyid kyang mi
437b3 dmigs na/ de bzhin gshegs pa dmigs pa lta smos su ga la yod do/ /de ni gnas med do/ /de nas bcom ldan 'das la/ 'jam dpal gzhon nur gyur pas 'di skad
437b4 ces gsol to/ /bcom ldan 'das/ dran pa nye bar gzhag pa bzhi rnams ji ltar blta bar bgyi/ bcom ldan 'das kyis bka' stsal pa/ 'jam dpal/ ma 'ongs pa'i dus
437b5 na dge slong dag 'byung ste/ de dag mi sdug pa'i rnam pas lus la lus kyi rjes su lta ba'i dran pa nye bar gzhag pa ston to/ /skye ba dang / 'gag pa'i rnam pas tshor ba la tshor ba'i rjes
437b6 su lta ba'i dran pa nye bar gzhag pa ston to/ /sems skye ba dang / 'gag pa'i chos can du lta'o zhes sems la sems kyi rjes su lta ba'i dran pa nye bar gzhag pa ston to/ /gang la
437b7 ril po'i 'du shes med pa de la chos kyi 'du shes med do zhes chos la chos kyi rjes su lta ba'i dran pa nye bar gzhag pa ston to/ /de skad ces bka' stsal pa dang / bcom ldan 'ad
438a1 la 'jam dpal gzhon nur gyur pas 'di skad ces gsol to/ /bcom ldan 'das/ 'o na/ dran pa nye bar gzhag pa bzhi rnams ji ltar blta
438a2 bar bgyi/ bcom ldan 'das kyis bka' stsal pa/ 'jam dpal/ chog mod/ de bzhin gshegs pa rnams kyi ldem po dag ni shes par dka'o/ /'jam dpal gyis
438a3 gsol pa/ bcom ldan 'das/ 'on kyang dran pa nye bar gzhag pa bsgom pa bstan du gsol/ bcom ldan 'das kyis bka' stsal pa/ 'jam dpal/ gang gis lus
438a4 nam mkha' dang mnyam par mthong na/ de ni lus la lus kyi rjes su lta ba'i dran pa nye bar gzhag pa'o/ /'jam dpal/ gang gis tshor ba nang dang / phyi dang / gnyis
438a5 ka med par yang mi dmigs na/ de ni tshor ba la tshor ba'i rjes su lta ba'i dran pa nye bar gzhag pa'o/ /'jam dpal/ gang gis sems ming tsam du shes na/ de ni
438a6 sems la sems kyi rjes su lta ba'i dran pa nye bar gzhag pa'o/ /'jam dpal/ gang gis dge ba dang mi dge ba'i chos ma dmigs na/ de ni chos la chos kyi rjes su
438a7 lta ba'i dran pa nye bar bzhag pa'o/ /'jam dpal/ dran pa nye bar gzhag pa bzhi ni de ltar blta'o/ /'jam dpal gyis gsol ba/ bcom ldan 'das/ dbang po
438b1 lnga rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin gyis ma byung ba'i phyir ma skyes par mthong na/ de ni dad
438b2 pa'i dbang po'o/ /'jam dpal/ gang gis nye ba dang / ring ba'i 'du shes dang bral ba'i phyir/ chos thams cad la sems mi gtong na/ de ni brtson 'grus kyi dbang po'o/ /'jam
438b3 dpal| gang dmigs pa dang bral ba'i phyir chos thams cad yid la mi byed cing dran pa la mi 'dogs na/ de ni dran pa'i dbang po'o/ /'jam dpal/ gang chos thams cad la mi
438b4 sems pa 'di ni ting nge 'dzin gyi dbang po'o/ /'jam dpal/ gang gis chos thams cad skye ba dang / 'jig pa dang bral zhing shes pa dang / mi shes pa dang bral ba ste rang bzhin
438b5 gyis stong par mthong na/ de ni shes rab kyi dbang po'o/ /'jam dpal/ dbang po lnga dag ni de ltar blta'o/ /'jam dpal gyis gsol pa/ bcom ldan 'das/ byang chub
438b6 kyi yan lag bdun rnams ji ltar blta bar bgyi/ bcom ldan 'das kyis bka' stsal pa/ 'jam dpal/ gang gis chos thams cad rang bzhin med cing yid la byang med par
438b7 mthong ba 'di ni dran pa yang dag byang chub kyi yan lag go /'jam dpal/ gang gis dge ba dang / mi dge ba dang / lung du ma bstan par rab tu phye ste brtags na yongs su ma grub
439a1 pas chos thams cad mi dmigs pa 'di ni chos rab tu 'byed pa yang dag byang chub kyi yan lag go /'jam dpal/ gang gis khams kyi 'du
439a2 shes shin tu rig pa'i phyir khams gsum pa mi len mi 'dor ba 'di ni brtson 'grus yang dag byang chub kyi yan lag go /'jam dpal/ gang gis dga' ba dang / mi
439a3 dga' ba shin tu rtogs pa'i phyir/ 'du byed thams cad la dga' ba mi skyed pa 'di ni dga' ba yang dag byang chub kyi yan lag go /'jam dpal/ gang gis dmigs pa'i
439a4 dngos po mi dmigs te/ chos thams cad la sems bag yongs su gyur ba 'di ni bag yangs yang dag byang chub kyi yan lag go /'jam dpal/ gang gis chos thams
439a5 cad rnam par bsgom pa rjes su rtogs pas sems mi dmigs pa 'di ni ting nge 'dzin yang dag byang chub kyi yan lag go /gang chos thams cad la mi gnas mi rten la chags
439a6 par mi 'gyur/ shes par mi 'gyur zhing chos thams cad yang dag par rjes su mi mthong bas/ btang snyoms su gnas pa 'di ni btang snyoms yang dag byang chub kyi
439a7 yan lag go /'jam dpal/ byang chub kyi yan lag bdun ni de ltar blta'o/ /'jam dpal gyis gsol pa/ bcom ldan 'das/ 'phags pa'i lam yan lag
439b1 brgyad pa ji ltar blta bar bgyi/ bcom ldan 'das kyis bka' stsal pa/ 'jam dpal/ gang gis chos thams cad mi mnyam pa med cing gnyis su med de gnyis su byang
439b2 med par mthong ba 'di ni yang dag pa'i lta ba'o/ /'jam dpal/ gang gis chos thams cad mthong ba med pa'i tshul gyis brtag tu med cing / rnam par brtag tu med la/
439b3 yongs su brtag tu med par mthong ba 'di ni yang dag pa'i rtog pa'o/ /'jam dpal/ gang gis brjod du med pa mnyam pa nyid shin tu bsgoms pa'i phyir/ chos thams cad
439b4 brjod du med par mthong ba 'di ni yang dag pa'i ngag go /'jam dpal/ gang gis byed pa mi dmigs pa'i phyir chos thams cad bya ba med cing byed pa med par mthong ba 'di ni
439b5 yang dag pa'i las kyi mtha'o/ /'jam dpal/ gang 'tsho ba mnyam pa nyid la gnas pa'i phyir chos thams cad mi gsog mi 'bri ba 'di ni yang dag pa'i 'tsho ba'o/ /'jam dpal/
439b6 gang rtsol ba med cing sgrub pa med pa'i tshul gyis chos thams cad yongs su sgrub pa med pa 'di ni yang dag pa'i rtsol ba'o/ /'jam dpal/ gang dran pa'i las kyi dben pa'i phyir
439b7 chos thams cad yid la mi byed cing / dran pa med pa 'di ni yang dag pa'i dran pa'o/ /'jam dpal/ gang chos thams cad mi dmigs pa'i phyir rang bzhin gyis mnyam par
440a1 gzhag cing / 'khrug pa med la dmigs pa med par mthong ba 'di ni yang dag pa'i ting nge 'dzin to/ 'jam dpal/ 'phags pa'i lam
440a2 yan lag brgyad pa ni de ltar blta ste/ 'jam dpal/ gang la las 'phags pa'i bden pa bzhi de ltar shes shing / dran pa nye bar gzhag pa bzhi dang / dbang po lnga dang /
440a3 byang chub kyi yan lag bdun dang / 'phags pa'i lam yan lag brgyad pa de ltar mthong ba de ni ngan pa brgal ba/ pha rol tu phyin pa/ thang la gnas pa/ bde bar gyur pa/
440a4 mi 'jigs pa rnyed pa/ khur bor ba/ rdul sprugs pa/ ci dang yang bral ba/ nyon mongs pa med pa/ dgra bcom pa/ dge sbyong / bram ze/ khrus byas pa/ mthar phyin pa/ gtsang
440a5 ba| shAkya'i bu/ sangs rgyas kyi sras/ tsher ma phyung ba/ 'obs bor ba/ 'obs las brgal ba/ gsal shing phyung ba/ rims dang bral ba/ dge slong / 'phags pa rgyal
440a6 mtshan rdzogs pa zhes brjod do/ /'jam dpal/ de lta bu'i bzod pa dang ldan pa'i dge slong ni 'jig rten lha dang bcas pa'i sbyin pa'i gnas yin te/ de la 'thob pa dang /
440a7 bkur sti thams cad kyang 'os so/ /'jam dpal/ de lta bas na dge slong yul gyi zas don yod par bza' bar 'dod pa dang / bdud 'dul bar 'dod pa dang / 'khor ba
440b1 las 'da' bar 'dod pa dang / mya ngan las 'das pa thob par 'dod pa dang / sdug bsngal las bral bar 'dod pa dang / 'jig rten lha dang bcas pa'i sbyin pa'i gnas su
440b2 'gyur bar 'dod pas chos de dag la de ltar brtson par bya'o/ /chos kyi rnam grangs 'di bstan pa'i tshe/ /lha'i bu/ stong phrag sum cu rtsa gnyis kyis chos mngon par rtogs pa
440b3 thob par gyur nas de dag gis bcom ldan 'das dang / 'jam dpal gzhon nur gyur pa la me tog man+dA ra ba mang pos mngon par gtor nas/ 'di skad ces smras so/ /bcom
440b4 ldan 'das/ gang gis chung du na bstan pa 'di rna lam du grags pa tsam du thos kyang de dag ni de bzhin gshegs pa'i bstan pa la legs par rab tu byung ba lags na/ gang gis
440b5 thos te mos shing yid ches par 'gyur pa dang / de bzhin nyid du nan tan du bgyid pa de lta smos kyang ci 'tshal te/ bcom ldan 'das/ gang gis bstan pa 'di tha na rna lam du grags
440b6 pa tsam thos kyang de dag ni mngon pa'i nga rgyal ma mchis par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ de
440b7 bzhin gshegs pas gzungs kyi tshig gang gis byang chub sems dpa' rnams thogs pa ma mchis pa'i spobs pa thob par 'gyur zhing / sgra gang gis kyang 'jigs par mi 'gyur
441a1 ba dang / chos thams cad sangs rgyas kyi chos dang / sbyor bar 'gyur ba dang / chos thams cad tshul gcig par rtogs par 'gyur ba de lta bu'i
441a2 gzungs kyi tshig bka' stsal du gsol/ de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam
441a3 dpal/ de bas na chos kyi sgo gang gis byang chub sems dpa' chos thams cad la snang ba thob par 'gyur zhing / myur du mi skye ba'i chos la bzod pa thob par 'gyur ba'i phur ba'i
441a4 tshig dang / sa bon gyi tshig bstan pa zhes bya ba'i chos kyi sgo 'di nyon cig /'jam dpal/ phur ba'i tshig dang / sa bon gyi tshig bstan pa zhes bya ba'i chos kyi sgo de'ang gang zhe na/
441a5 'jam dpal/ sems can thams cad sems gcig pa'o zhes bya ba 'di ni sa bon gyi tshig go /gsol ba/ bcom ldan 'das/ ci'i slad du de sa bon gyi tshig ces bgyi/ bcom
441a6 ldan 'das kyis bka' stsal pa/ 'jam dpal/ chos thams cad ni dmigs pa mi dmigs pa'i phyir sems med pa ste/ de'i phyir de ni sa bon gyi tshig go /'jam dpal/
441a7 sems can thams cad ni 'gyur ba gcig go zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan
441b1 'das kyis bka' stsal pa/ 'jam dpal/ chos thams cad ni chags pa med par gzhol pa ste/ nam mkha' 'gyur ba yin pas de'i phyir de ni sa bon gyi tshig go /'jam
441b2 dpal/ sems can thams cad ni sems can gcig pa'o zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom
441b3 ldan 'das kyis bka' stsal pa/ 'jam dpal/ sems can thams cad ni ma skyes shin tu ma skyes shing ming med la/ lam gcig pa dmigs su med pas gcig tu bstan pa ste/
441b4 de'i phyir de ni sa bon gyi tshig go /'jam dpal/ 'dod chags zhes bya ba 'di ni phur ba'i tshig go /gsol pa/ bcom ldan 'das/ ci'i slad du de phur ba'i tshig ces bgyi/
441b5 bcom ldan 'das kyis bka' stsal pa/ 'jam dpal/ 'dod chags ni mi gnas pa'i tshul gyi chos kyi dbyings la gnas pa ste/ mi g.yo mi 'gul zhing rang bzhin gyis dben
441b6 pa ste/ g.yo ba med pas de'i phyir de'i phur ba'i tshig go /'jam dpal/ zhe sdang zhes bya ba 'di ni rdo rje'i tshig go /gsol ba/ bcom ldan 'das/ ci'i slad du rdo rje'i tshig
441b7 ces bgyi/ bcom ldan 'das kyis bka' stsal pa/ 'jam dpal/ zhe sdang ni dbyer med pa ste/ 'di ltar dper na/ 'jam dpal/ rdo rje ni mi phyed mi shigs pa'o/ /'jam
442a1 dpal/ de bzhin du chos thams cad ni dngos po ma grub pa'i phyir/ gzhig tu med cing dbyer med pa ste/ de'i phyir 'di ni rdo rje'i tshig go /'jam
442a2 dpal/ gti mug ces bya ba 'di ni ye shes kyi tshig go /gsol pa/ bcom ldan 'das/ ci'i slad du ye shes kyi tshig ces bgyi/ bcom ldan 'das kyis bka' stsal
442a3 pa| 'jam dpal/ chos thams cad ni ye shes kyis grub cing mi shes pa dang bral ba ste/ 'di ltar/ dper na/ 'jam dpal/ nam mkha' ni shes pa dang ldan pa'ang ma
442a4 yin| mi shes pa dang ldan pa'ang ma yin no/ /'jam dpal/ de bzhin du chos thams cad ni shes pa dang ldan pa'ang ma yin/ mi shes pa dang ldan pa'ang ma yin/ shes
442a5 par bya ba'i rang bzhin shin tu zhi ba'i phyir shes pa'ang ma yin/ mi shes pa'ang ma yin pa de'i phyir ye shes kyi tshig ces bya'o/ /'jam dpal/ gzugs zhes bya ba 'di
442a6 ni phur pa'i tshig go /gsol pa/ bcom ldan 'das ci'i slad du phur ba'i tshig ces bgyi/ bcom ldan 'das kyis bka' stsal pa/ 'jam dpal/ 'di lta ste/ dper na/
442a7 dbang po'i phur pa ni rab tu gnas pa'i phyir mi g.yo mi 'gul lo/ /'jam dpal/ de bzhin du chos thams cad mi gnas pa'i tshul gyis chos kyi dbyings la gnas pa ni 'gro
442b1 ba dang / 'ong ba med de/ blang du med cing rtsol ba med la shin tu brtan pa'i phyir mi gnas pa ste/ de'i phyir de ni phur pa'i tshig go /'jam dpal/ tshor ba zhes bya ba 'di ni zhi
442b2 ba'i tshig go /gsol pa/ bcom ldan 'das/ ci'i slad du de zhi ba'i tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni rang
442b3 bzhin gyis shin tu zhi ba ste/ tshor ba ni nang na'ang med/ phyir rol na'ang med/ shar phyogs na'ang med/ lho phyogs na'ang med/ nub phyogs na'ang med/ byang phyogs
442b4 na'ang med/ steng na'ang med/ 'og na'ang med/ phyogs mtshams rnams na'ang med do/ /'jam dpal/ gal te bde ba'i tshor ba nang na yod na ni/ sems can thams cad
442b5 kyang bde bas shin tu bde bar 'gyur ro/ /'jam dpal/ 'on tam/ gal te sdug bsngal gyi tshor ba nang na yod na ni/ sems can thams cad kyang sdug bsngal gyis shin tu
442b6 sdug bsngal bar 'gyur ro/ /'jam dpal/ gal te bde ba'ang ma yin/ sdug bsngal ba'ang ma yin pa'i tshor ba nang na yod na ni sems can thams cad kyang shin tu rmongs
442b7 par 'gyur ro/ /'jam dpal/ gang gi phyir tshor ba thams cad ni nang na'ang med/ phyi rol na'ang med/ shar phyogs na'ang med/ lho phyogs na'ang med/ nub phyogs na'ang
443a1 med| byang phyogs na'ang med/ steng na'ang med/ 'og na'ang med/ phyogs mtshams rnams na'ang med pas de'i phyir sems can thams cad ni
443a2 rtswa shing dang / rtsig pa lta bu ste/ rang bzhin gyis ma skyes shing 'gag pa med par mtshan nyid mnyam pa ste/ de'i phyir de ni zhi pa'i tshig go /'jam dpal/ 'du shes
443a3 zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal
443a4 'du shes de yongs su brtags pa las byung ba ste/ log pa las byung ba/ chad pa stong pa lta bu/ smig rgyu'i ngo bo nyid/ rang bzhin gyis dben pa ste/ de'i phyir de ni sa
443a5 bon gyi tshig go/ 'jam dpal/ 'du byed ces bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan
443a6 'das kyis bka' stsal pa/ 'jam dpal/ chos thams cad ni bgrang du med cing / bgrang ba mnyam pa nyid dang ldan pa/ chu shing gi snying po lta bu ste/ 'jam dpal/
443a7 'di ltar/ dper na/ chu shing gi snying po ni rang bzhin gyis ma skyes pa'i phyir shin tu med cing mi dmigs so/ /'jam dpal/ de bzhin du chos thams cad ni rang
443b1 bzhin gyis dben zhing ming med pa ste/ de'i phyir de ni sa bon gyi tshig go /'jam dpal/ rnam par shes pa zhes bya ba 'di ni sa bon gyi tshig go /gsol pa/ bcom ldan
443b2 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal/ rnam par shes pa ni sgyu ma lta bu ste/ ma skyes pa/ ma byung ba/ stong pa
443b3 mtshan ma med pa/ ngo bo nyid med pa/ mtshan nyid med pa/ nam mkha' dang / sor mo lnga lta bu ming med pa ste/ de'i phyir de ni sa bon gyi tshig go /'jam dpal/ gzugs zhes bya ba
443b4 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'di lta ste/ dper na/ mig yor ni
443b5 snang la yod pa ma yin no/ /'jam dpal/ de bzhin du chos thams cad ni snang la yod pa ma yin te/ mig bslu ba/ sems bslu ba/ gsog /gsob/ rdzun pa/ sgyu ma'i
443b6 chos can te/ de'i phyir de ni sa bon gyi tshig go /'jam dpal /sgra zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom
443b7 ldan 'das kyis bka' stsal pa/ 'jam dpal/ chos thams cad ni tha dad du byar med cing gnyis su med pa ste/ ri'i sgra'i tshig gi la ma brag ca dang 'dra ba ste/ de'i phyir de
444a1 ni sa bon gyi tshig go /'jam dpal/ dri zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig
444a2 ces bgyi/ bcom ldan 'das kyis bka' stsal pa/ 'jam dpal/ chos thams cad ni sna dang / dri dang / rnam par shes par mi dmigs pa'i phyir mnam du med
444a3 cing rang bzhin gyis blun la/ nam mkha' dang 'dra ba ste/ de'i phyir de ni sa bon gyi tshig go /'jam dpal ro zhes bya ba 'di ni sa bon gyi tshig go /gsol pa /bcom
444a4 ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni rang bzhin dang / ngo bo nyid kyis
444a5 dpen pa'i phyir bsam gyis mi khyab cing ro'i khams mi dmigs pas/ ro dmigs su med pa ste/ de'i phyir de ni sa bon gyi tshig go /'jam dpal/ reg ces bya
444a6 ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal/
444a7 chos thams cad ni nam mkha' ltar dben pa dang / lus shin tu bsgoms pa dang / reg bya 'byung ba med pa dang / reg pa dben pa'i phyir reg pa med pa ste/ de'i
444b1 phyir de ni sa bon gyi tshig go /'jam dpal/ sa zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom
444b2 ldan 'das kyis bka' stsal pa/ 'jam dpal/ chos thams cad ni sems dang bral ba/ sems med pa/ ngo bo nyid med pa/ yongs su ma grub pa/ ming dang bral ba/
444b3 mtshan nyid kyis dben pa/ chos kyi dbyings kyi rang bzhin te/ de'i phyir de ni sa bon gyi tshig go /'jam dpal/ chu zhes bya ba 'di ni sa bon gyi tshig go /gsol pa/ bcom
444b4 ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni chu med pa ste/ ma 'dres shing rlan
444b5 med pa/ smig sgyu'i chu lta bu ste/ de'i phyir de ni sa bon gyi tshig go /'jam dpal/ me zhes bya ba 'di ni sa bon gyi tshig go /gsol pa/ bcom ldan 'das/ ci'i slad du
444b6 de sa bon gyi tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni tsha ba med pa ste/ yongs su gdung ba dang bral ba/ rang bzhin gyis
444b7 med pa/ ngo bo nyid kyis zhi ba/ phyin ci log gis yongs su brtags pa/ shin tu ma skyes pa ste/ de'i phyir de ni sa bon gyi tshig go /'jam dpal/ rlung zhes bya ba 'di ni sa
445a1 bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam
445a2 dpal/ chos thams cad ni g.yo ba dang yang dag par bral ba'i phyir chags pa med cing sgrib pa med pa ste/ rlung gi lam las yang dag par 'das shing mtshan nyid med
445a3 la ngo bo nyid med pa ste/ de'i phyir de ni sa bon gyi tshig go /'jam dpal/ sangs rgyas zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de
445a4 sa bon gyi tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni 'tshang rgya bar byed pa med pa ste/ sangs rgyas pa med/ rjes su sangs
445a5 rgyas pa med/ rdzogs par sangs rgyas pa med/ 'tshang rgya bar nye bar dang bral ba/ 'tshang rgya bar byed pas dben pa ste/ de'i phyir de ni sa bon gyi tshig go /'jam dpal/
445a6 chos zhes bya ba 'di ni sa bon gyi tshig go /gsol pa/ bcom ldan 'das/ ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal/
445a7 chos thams cad ni dbyer med cing bcad du med pa ste/ gcad pa dang bral ba/ chad pas dben pa/ ming med pa/ mtshan ma med pa/ mtshan nyid med pa/ ngo bo nyid med pa/
445b1 tshig gis lam las yang dag par 'das pa ste/ de'i phyir de ni sa bon gyi tshig go /'jam dpal/ dge 'dun zhes bya ba 'di ni phur ba'i tshig go /gsol pa/ bcom ldan
445b2 'das| ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal/ 'phags pa'i dge 'dun ni chos nyid la shin tu gnas pa/ chos kyi dbyings
445b3 dang / yang dag pa'i mtha' dang / tshul khrims dang / tshul khrims 'chal pa mnyam pa nyid dang / ting nge 'dzin dang / 'khrugs pa mnyam pa nyid dang / shes rab dang / shes rab
445b4 'chal pa mnyam pa nyid dang / rnam par grol ba dang / kun nas nyon mongs pa mnyam pa nyid la shin tu gnas shing / gnas dang / gnas ma yin pa mi dmigs pa'i phyir chos
445b5 thams cad la rab tu gnas pas/ de'i phyir de ni phur pa'i tshig go /'jam dpal/ chos thams cad yul ma yin no zhes bya ba 'di ni phur pa'i tshig go /gsol pa/ bcom ldan
445b6 'das/ ci'i slad du phur ba'i tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni nam mkha'i yul/ bsam gyis mi khyab pa'i yul/
445b7 yul med pa/ yul yang dag par chad pa/ dngos po med pa/ chad pa dang bral ba'i phyir dbang dang bral ba ste/ de'i phyir de ni phur pa'i tshig go /'jam dpal/ chos thams
446a1 cad dmigs pa med do zhes bya ba 'di ni phur pa'i tshig go /gsol pa/ bcom ldan 'das/ ci'i slad du de phur ba'i tshig ces bgyi/ bcom ldan
446a2 'das kyis bka' stsal pa/ 'jam dpal/ chos thams cad ni gnas pa med cing rten pa'ang med pa ste/ de dag ni dmigs pas dben pa'i phyir mi dmigs/ rnam par mi
446a3 dmigs/ mi sbyor/ rnam par mi sbyor/ yongs su mi sbyor ba ste/ de'i phyir de ni phur pa'i tshig go /'jam dpal/ chos thams cad ni len pa med do zhes bya ba 'di ni phur
446a4 pa'i tshig go /gsol pa/ bcom ldan 'das/ ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni chos
446a5 kyi dbyings la yang dag par zhen pa ste/ de dag ni mi 'dor/ mi len/ mi 'tshol/ mi smon cing smon pa yang dag par chad pa/ rang bzhin gyis rnam par zhi ba/ nam mkha'
446a6 dang mnyam zhing 'dra ba ste/ de'i phyir de ni phur ba'i tshig go /'jam dpal/ chos thams cad ni nyon mongs pa med ces bya ba 'di ni phur pa'i tshig go /gsol pa/ bcom ldan
446a7 'das/ ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal/ chos thams cad ni dri ma med pa ste/ ci'ang ma yin pa/ dag pa/ 'od
446b1 gsal pa ste/ nam mkha' yongs su dag pa'i phyir shin tu dag pa/ nyon mongs pa mi dmigs pa'i phyir nyon mongs pa med pa ste/ de'i phyir de ni phur pa'i tshig go /'jam dpal/
446b2 chos thams cad gzhi med pa zhes bya ba 'di ni phur pa'i tshig go /gsol pa/ bcom ldan 'das/ ci'i slad du de phur ba'i tshig ces bgyi/ bcom ldan 'das kyis bka' stsal pa/
446b3 'jam dpal/ chos thams cad ni dngos po med cing dbang bral bas de dag la kun gzhi med pa ste/ de'i phyir de ni phur pa'i tshig go /'jam dpal/ chos thams cad ni bslab
446b4 pa med ces bya ba 'di ni phur pa'i tshig go /gsol pa/ bcom ldan 'das/ ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal/ chos
446b5 thams cad ni bslab pa dang bral ba ste/ de dag ni bslab par bya ba ma yin/ bsgom par bya ba ma yin/ bsam par bya ba ma yin/ yid la bya ba ma yin/ gnas par bya ba ma yin/
446b6 'gro bar bya ba ma yin/ nan tan du bya ba ma yin/ log pa'i nan tan du bya ba ma yin/ spang bar bya ba ma yin/ mngon du bya ba ma yin/ bshags par bya ba ma yin/ rab tu bshags
446b7 par bya ba ma yin/ dgod par bya ba ma yin/ dgrol bar bya ba ma yin/ brjod par bya ba ma yin/ smos par bya ba ma yin/ gzung bar bya ba ma yin/ gtang bar bya ba ma yin/
447a1 rab tu gtang bar bya ba ma yin/ yongs su btang bar bya ba ma yin te/ de ci'i phyir zhe na/ 'jam dpal/ chos thams cad ni shin tu btang ba/ rang bzhin
447a2 gyis ma bzung ba/ rtag par btang ba ste/ de dag ni shes pas khong du chud par bya ba ma yin/ mi shes pas khong du chud par bya ba'ang ma yin te/ de'i phyir de ni phur pa'i tshig go/
447a3 de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ phur pa'i tshig las brtsams te/ bdag kyang spobs pa skye'o/ /
447a4 bcom ldan 'das kyis bka' stsal pa/ 'jam dpal/ khyod kyis spobs pa skyed cig /'jam dpal gyis gsol pa/ bcom ldan 'das/ sems can thams cad byang chub
447a5 thob pa'o zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig ces bya/ 'jam dpal gyis gsol pa/ bcom ldan 'das/ chos
447a6 thams cad ni thob pa ma mchis pa/ yang dag par thob pa ma mchis pa/ rjes su thob pa ma mchis pa/ thob par bgyi ba dang bral ba/ rtogs par bgyi ba ma mchis pa/ mngon
447a7 par rtogs par bgyi ba ma mchis pa ste/ bcom ldan 'das/ de'i slad du de ni phur pa'i tshig go /bcom ldan 'das/ sems can thams cad thams cad mkhyen pa nyid thob
447b1 pa'o zhes bgyi ba 'di ni phur ba'i tshig go /bka' stsal pa/ 'jam dpal/ ci'i phyir de phur pa'i tshig ces bya/ 'jam dpal gyis gsol pa/ bcom ldan 'das/ sems can rnams
447b2 ni thams cad kyi thams cad tu ma mchis pa thams cad mkhyen pa nyid kyang dngos po ma mchis pa'i rjes su 'brang ba ste/ de'i slad du thams cad mkhyen pa nyid thob pa'o zhes bgyi
447b3 ste| bcom ldan 'das/ thams cad mkhyen pa nyid ni su la'ang thob par bgyi ba'i tshul gyis nye bar gnas pa ma lags so/ /de ci'i slad du zhe na/ bcom ldan 'das/ thams cad
447b4 mkhyen pa nyid ni sems can gyi rang bzhin te/ de'i slad du de ni phur pa'i tshig go /bcom ldan 'das/ sems can thams cad ni thams cad mkhyen pa'i ye shes dang ldan no zhes
447b5 bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig ces bya/ 'jam dpal gyis gsol pa/ bcom ldan 'das/ sems can thams cad ngo
447b6 bo nyid ma mchis shing ngo bo nyid dang bral ba ste/ ngo bo nyid gcig pa'i mtshan nyid pas/ de bzhin gshegs pa dang mnyam pa nyid kyi rjes su mchis pa/ thams cad mkhyen pa'i ye
447b7 shes kyi rang bzhin can te/ de'i slad du de ni phur pa'i tshig go /bcom ldan 'das/ sems can thams cad byang chub kyi snying po zhes bgyi ba 'di ni phur pa'i tshig go /bka' stsal pa/
448a1 'jam dpal/ ci'i phyir de phur ba'i tshig ces bya/ 'jam dpal gyis gsol pa/ bcom ldan 'das/ byang chub kyi snying po zhes bgyi ba'i tshig gi don
448a2 ci lags/ bcom ldan 'das kyis bka' stsal pa/ 'jam dpal/ byang chub kyi snying po zhes bya ba ni chos thams cad zhi ba'i snying po'o/ /chos thams cad skye ba med pa'i snying
448a3 bo'o| |chos thams cad dngos po med pa'i snying po'o/ /chos thams cad gzung du med pa'i snying po'o/ /chos thams cad ngo bo nyid med pa'i snying po ste/ 'jam dpal/ de ni byang
448a4 chub kyi snying po'i tshig gi don to/ /gsol pa/ bcom ldan 'das/ 'o na/ sems can thams cad snying po de dang rtag par ldan pa ma lags sam/ bcom ldan 'das kyis
448a5 bka' stsal pa/ 'jam dpal/ de de bzhin no/ /gsol pa/ bcom ldan 'das/ de ltar rnam grangs des kyang sems can thams cad ni byang chub kyi snying po ste/ de'i slad du
448a6 de ni phur ba'i tshig go /bcom ldan 'das/ sems can thams cad bzod pa thob bo zhes bgyi ba 'di ni phur ba'i tshig go /bka' stsal pa/ 'jam dpal/ ci'i phyir de phur ba'i tshig
448a7 ces bya/ 'jam dpal gyis gsol pa/ bcom ldan 'das/ sems can thams cad ni mi zad pa'i chos dang / mi 'grib pa'i chos dang / mi skye ba'i chos can te/ ming gi mtshan
448b1 nyid kyis dben pa'i bzod pa mnyam pa nyid kyi rjes su mchis pa/ de'i slad du de ni phur ba'i tshig go/ bcom ldan 'das/ sems can thams cad thogs pa med pa'i spobs pa can no
448b2 zhes bgyi ba 'di ni phur ba'i tshig go /bka' stsal pa/ 'jam dpal/ ci'i phyir de phur ba'i tshig ces bya/ 'jam dpal gyis gsol pa/ bcom ldan 'das/ sems can thams
448b3 cad kyis gang ci'ang rung ste/ gang dang / gang spobs par gyur pa de dang / de ni phyogs bcu kun la'ang ma mchis te/ bcom ldan 'das/ sems can thams cad sgrib pa ma mchis pa
448b4 mnyam pa nyid kyi rjes su mchis shing dben la rang gi mtshan nyid la gnas pas de ltar de dag ma mchis pa lags te/ bcom ldan 'das/ rnam grangs de'i slad du de ni phur ba'i
448b5 tshig go /bcom ldan 'das/ sems can thams cad gzungs thob bo zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig ces bya/ 'jam
448b6 dpal gyis gsol pa/ bcom ldan 'das/ sems can thams cad ni sems can gyi 'du shes can te/ yang dag pa ma lags par yongs su brtags pa'i phyin ci log gi rtog
448b7 bas mtshan mar 'dzin pa'i slad du/ gzugs dang / sgra dang / dri dang / ro dang / reg rnams 'dzin pas de'i slad du de ni phur ba'i tshig go /bcom ldan 'das/ sems can thams
449a1 cad byams pa'i sems dang ldan no zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur ba'i tshig ces bya/ 'jam
449a2 dpal gyis gsol pa/ bcom ldan 'das/ sems can thams cad ni sems can ma mchis pa ste/ rang bzhin gyis gnod sems ma mchis shing gnod sems dang / byams
449a3 pa rtag tu ma mchis pa mnyam pa nyid thob pas de'i slad du de ni phur ba'i tshig go /bcom ldan 'das/ sems can thams cad snying rje chen po dang ldan no zhes bgyi ba
449a4 'di ni phur pa'i tshig go /bka' stsal pa/ 'jam dpal/ ci'i phyir de phur ba'i tshig ces bya/ 'jam dpal gyis gsol pa/ bcom ldan 'das/ sems can thams cad
449a5 ni ma bcos ma bgyis pa'i snying rje can te/ de bzhin gshegs pa'i mnyam pa nyid las ma 'das pa snying rje chen po'i ngo bo nyid dang ldan pas/ de'i slad du de ni phur pa'i
449a6 tshig go /bcom ldan 'das/ sems can thams cad ni ting nge 'dzin dang ldan no zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur
449a7 ba'i tshig ces bya/ 'jam dpal gyis gsol pa/ bcom ldan 'das/ sems can thams cad ni dmigs pas dben pa'i slad du rang bzhin dang ldan pa ste/ bcom
449b1 ldan 'das/ dmigs pa gang gis sems can gang gi rnam par shes pa 'byung ba de ni dmigs pa de la ma 'khrugs pa ste/ de'i slad du zhe na/ bcom ldan 'das/ dmigs
449b2 pa'i rnam par shes pa rnams skad cig ma'i slad du ste/ de'i slad du de ni phur ba'i tshig go /bcom ldan 'das/ sangs rgyas thams cad 'dod chags dang ldan no zhes bgyi ba
449b3 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig ces bya/ 'jam dpal gyis gsol pa/ bcom ldan 'das/ sangs rgyas thams cad ni
449b4 'dod chags dang ldan pa ste/ 'dod chags kyi ngo bo nyid dang ldan zhing rjes su rtogs pas mnyam pa nyid las ma 'das te/ dgyes shing rab tu dgyes la rnam par dgyes te nyon
449b5 mongs pa mi mnga' bas na/ bcom ldan 'das/ 'dod chags nyid ni byang chub ste/ de ci'i slad du zhe na/ bcom ldan 'das/ 'dod chags kyi ngo bo nyid rjes su rtogs pas byang
449b6 chub ces bgyi ste/ de'i slad du de ni phur pa'i tshig go /bcom ldan 'das/ sangs rgyas bcom ldan 'das rnams ni zhe sdang dang ldan pa'o zhes bgyi ba 'di ni phur pa'i tshig go /bka'
449b7 stsal pa/ 'jam dpal/ ci'i phyir de phur pa'i tshig ces bya/ 'jam dpal gyis gsol pa/ bcom ldan 'das/ sangs rgyas bcom ldan 'das rnams ni zhe sdang mnyam pa nyid
450a1 la bzhugs shing / 'du byed thams cad kyi skyon yang dag par ston pa ste/ zhe sdang gi ngo bo nyid rjes su rtogs pas zhe sdang dang ldan pa zhes bgyi ste/
450a2 de'i slad du de ni phur pa'i tshig go /bcom ldan 'das/ sangs rgyas bcom ldan 'das rnams ni gti mug dang ldan no zhes bgyi ba 'di ni phur ba'i tshig go /bka' stsal pa/ 'jam
450a3 dpal/ ci'i phyir de phur pa'i tshig ces bya/ 'jam dpal gyis gsol pa/ bcom ldan 'das/ sangs rgyas bcom ldan 'das rnams ni gti mug gi ngo bo nyid rjes su rtogs
450a4 pas| gti mug mnyam pa nyid la bzhugs shing ming thams cad las 'grel ba ste/ de'i slad du de ni phur pa'i tshig go /bcom ldan 'das/ sangs rgyas bcom ldan 'das
450a5 rnams 'jig tshogs dang ldan no zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig ces bya/ 'jam dpal gyis gsol pa/ bcom
450a6 ldan 'das/ sangs rgyas bcom ldan 'das rnams ni 'jig tshogs la bzhugs pa ste/ 'jig tshogs mi skye mi 'byung bar thugs su chud pas chos thams cad kyis rgyas
450a7 par mi 'gyur/ rnam par rgyas par mi 'gyur/ yongs su rgyas par mi 'gyur te/ mi bzhugs pa'i tshul gyis bzhugs pas de'i slad du de ni phur pa'i tshig go /bcom ldan
450b1 'das/ sangs rgyas bcom ldan 'das rnams log par lta ba dang ldan no zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig ces
450b2 bya| 'jam dpal gyis gsol pa/ bcom ldan 'das/ sangs rgyas bcom ldan 'das rnams ni 'dus byas log par yang dag par ston cing / 'dus byas yang dag pa ma
450b3 lags par yang dag par ston/ 'dus byas nor par yang dag par ston pa ste/ log par lta ba'i ngo bo nyid mtshan nyid kyis mnyam pa nyid thugs su chud pas/ 'dus byas thams
450b4 cad gsob gsog ste/ rdzun pa slu ba'i chos can du ston pa mdzad pas/ de'i slad du de ni phur pa'i tshig go /bcom ldan 'das/ sangs rgyas bcom ldan 'das rnams kyis phyin ci
450b5 log la gnas te/ byang chub brnyes so zhes bgyi ba dang / sangs rgyas bcom ldan 'das rnams kyis sgrib pa la gnas/ 'dod pa'i yon tan lnga la gnas/ 'dod chags la
450b6 gnas/ zhe sdang la gnas/ gti mug la gnas te byang chub brnyes so zhes bgyi ba 'di ni phur pa'i tshig go /bka' stsal pa/ 'jam dpal/ ci'i phyir de phur pa'i tshig
450b7 ces bya/ 'jam dpal gyis gsol pa/ bcom ldan 'das/ gnas zhes bgyi ba 'di ni log par gnas pa'i tshig go /bcom ldan 'das kyis bka' stsal pa/ 'jam
451a1 dpal/ log par gnas pa zhes bya ba'i tshig gi don ci/ 'jam dpal gyis gsol pa/ bcom ldan 'das/ log par gnas pa/ smad par gnas
451a2 pa| g.yo ba/ rab tu g.yo ba zhes bgyi ba 'di ni/ so so'i skye bo rnams kyi tshig bla dwags te/ sangs rgyas bcom ldan 'das rnams ni 'dod chags mnyam pa nyid dang / zhe
451a3 sdang mnyam pa nyid dang / gti mug mnyam pa nyid dang / 'dod pa'i yon tan lnga mnyam pa nyid dang / sgrib pa mnyam pa nyid dang / phyin ci log mnyam pa nyid la yang dag par
451a4 bzhugs shing legs par bzhugs pa ste/ de dag ni 'dod chags kyi ngo bo nyid kyi gnas na bzhugs bzhin du/ bla na med pa yang dag par rdzogs pa'i byang chub mngon par
451a5 rdzogs par 'tshang rgya'o/ /zhe sdang gi ngo bo nyid kyi gnas na bzhugs/ gti mug gi ngo bo nyid kyi gnas na bzhugs/ 'dod pa'i yon tan lnga'i ngo bo nyid kyi gnas na bzhugs/
451a6 sgrib pa'i ngo bo nyid kyi gnas na bzhugs/ phyin ci log gi ngo bo nyid kyi gnas na bzhugs bzhin du/ bla na med pa yang dag par rdzogs pa'i byang chub tu mngon par 'tshang
451a7 rgya'o| |de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ khyod la gal te la la zhig gis/
451b1 'di skad du/ de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes
451b2 zer zhing de skad ces 'dri na/ lan ci skad gdab/ gsol pa/ bcom ldan 'das/ gal te la la zhig gis bdag la/ de skad du/ de bzhin gshegs pa dgra bcom pa yang dag
451b3 par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes mchi na/ bcom ldan 'das/ de skad ces 'dri ba de la bdag
451b4 gis| 'di skad ces bgyi ste/ re zhig dge ba'i bshes gnyen dag la ri ma gro gyis shig /rnal 'byor la brtson par gyis shig /chos gang la'ang sbyar ba dang / dbye ba ma byed cig /
451b5 gzung ba dang / btang bar ma byed cig /dmigs pa dang / rnam par dmigs par ma byed cig /btang snyoms dang / spang bar ma byed cig /tshol ba dang / smon par ma byed cig /chos
451b6 gang la yang rab ce'am/ tha ma zhe'am/ mchog ces bya bar yang dag par rjes su ma lta zhig dang / de'i 'og tu de bzhin gshegs pa'i yul shes par 'gyur ro/ /de bzhin gshegs
451b7 pa'i yul ni bsam gyis mi khyab pa ste/ yul dang bral zhing yul med pa/ yul thams cad dang yang dag par bral ba/ chos yang dag par chad pa'o zhes bgyi'o/ /bka' stsal pa/
452a1 'jam dpal/ khyod kyis de skad ces lung bstan na ci zhig lung bstan par 'gyur/ gsol pa/ bcom ldan 'das/ bdag gis de skad ces lung
452a2 bstan pas chos gang yang lung bstan par gyur pa ma mchis so/ /bcom ldan 'das/ de bzhin gshegs pa bcom ldan 'das kyis byang chub kyi snying po la bzhugs pa'i
452a3 tshe| chos la la'i skye ba'am 'gag pa gang yang gzigs sam/ bka' stsal pa/ 'jam dpal/ de ni ma yin no/ /'jam dpal gyis gsol pa/ bcom ldan
452a4 'das/ chos gang ma skyes shing ma byung la/ dge ba'i chos dang ldan pa'ang ma lags/ mi dge ba'i chos dang ldan pa'ang ma lags pa de la yongs su shas par bgyi ba
452a5 ni gang zhig mchis/ spang ba ni ci zhig mchis/ bsgom pa ni gang zhig mchis/ mngon du bgyi ba ni gang zhig mchis/ mngon par rtogs par bgyi ba'ang gang zhig
452a6 mchis/ de nas steng gi bar snang las lha'i bu stong phrag bcus de bzhin gshegs pa dang / 'jam dpal gzhon nur gyur pa la lha rdzas kyi me tog ut+pa la dang / ku
452a7 mud dang / puN+Da ri ka dang / man+dA ra ba dang / man+dA ra ba chen po dang / many+dzu shi ka dang / many+dzu shi ka chen po mang pos mngon par gtor/ rab tu gtor nas bcom ldan
452b1 'das dang / 'jam dpal gyi zhabs la phyag 'tshal zhing 'di skad kyi tshig brjod par gyur te/ bcom ldan 'das/ 'di ni chags pa ma mchis pa'i dpal te/ de ni 'jam
452b2 dpal lo/ /bcom ldan 'das/ 'di ni mi gnyis pa'i dpal te/ de ni 'jam dpal lo/ /bcom ldan 'das/ 'di ni dngos po ma mchis pa'i dpal te/ de ni 'jam dpal
452b3 lo| |bcom ldan 'das/ 'di ni nyon mongs pa ma mchis pa'i dpal te/ de ni 'jam dpal lo/ /bcom ldan 'das/ 'di ni de bzhin nyid kyi dpal te/ de ni 'jam dpal
452b4 lo| |bcom ldan 'das/ 'di ni ma nor ba de bzhin nyid kyi dpal te/ de ni 'jam dpal lo/ /bcom ldan 'das/ 'di ni chos kyi dbyings kyi dpal te/ de ni 'jam dpal
452b5 lo| |bcom ldan 'das/ 'di ni yang dag pa'i mtha'i dpal te/ de ni 'jam dpal lo/ /bcom ldan 'das/ 'di ni dam pa'i dpal te/ de ni 'jam dpal lo/ /bcom
452b6 ldan 'das/ 'di ni mchog gi dpal te/ /de ni 'jam dpal lo/ /bcom ldan 'das/ 'di ni phul gyi dpal te/ de ni 'jam dpal lo/ /bcom ldan 'das/ 'di ni bla
452b7 na ma mchis pa'i dpal te/ de ni 'jam dpal lo/ /de skad ces smras pa dang / 'jam dpal gzhon nur gyur pas lha'i bu de dag la 'di skad ces smras so/ /lha'i bu dag/ chog
453a1 gi |bdag la ma rtog /rnam par ma rtog cig /kho bos ni chos gang yang dam pa zhes bya ba'am/ mchog ces bya ba'am/ phul zhes bya ba de
453a2 lta bu yang dag par rjes su ma mthong ngo / /lha'i bu dag /kho bo ni 'dod chags kyi dpal te/ de'i phyir kho bo 'jam dpal lo/ /kho bo ni zhe sdang gi dpal te/ de'i phyir kho bo
453a3 'jam dpal lo/ /kho bo ni gti mug gi dpal te/ de'i phyir kho bo 'jam dpal lo/ /lha'i bu dag /kho bo ni 'dod chags las yongs su 'das pa ma yin/ zhe sdang las
453a4 yongs su 'das pa ma yin/ gti mug las yongs su 'das pa ma yin te/ lha'i bu dag /byis pa so so'i skye bo dag ni 'da' zhing yongs su 'da' ba dang / rnam par 'da'
453a5 ba dag byed kyi/ byang chub sems dpa' rnams ni chos gang la'ang 'pho ba'am/ 'gro ba'am/ 'da' ba med do/ /lha'i bu rnams kyis smras pa/ 'jam dpal/ 'o na/
453a6 byang chub sems dpa' rnams sangs rgyas kyi chos rnams rnam par mi gnon tam/ sa bcu rjes su mi gnon tam/ 'jam dpal gyis smras pa/ lha'i bu dag /de ji
453a7 snyam du sems/ sgyu mas sprul pa'i sems dang / sems las byung ba dag sangs rgyas kyi chos rnam par gnon cing sa bcu rjes su gnon pa yod dam/ lha'i bu rnams
453b1 kyis smras pa/ 'jam dpal/ sgyu ma'i skyes bu la gnas kyang med na/ sangs rgyas kyi chos rnam par gnon pa'am/ sa rjes su gnon pa lta ga la yod/ 'jam dpal
453b2 gyis smras pa/ lha'i bu dag /de bzhin du chos thams cad ni sgyu ma lta bu ste/ de dag ni gnon pa med/ rnam par gnon pa med/ yongs su gnon pa med de 'da' ba med do/ /
453b3 lha'i bu dag gis smras pa/ 'o na/ 'jam dpal/ khyod byang chub mngon par rdzogs par 'tshang rgya bar mi 'gyur ram/ 'jam dpal gyis smras pa/ lha'i bu dag /de ji snyam du
453b4 sems/ byis pa so so'i skye bo 'dod chags kyis kun nas glags pa zhig byang chub kyi snying por 'dug na thams cad mkhyen pa'i ye shes dang ldan par 'gyur ram/
453b5 lha'i bu dag gis smras pa/ ci 'jam dpal/ 'o na/ khyod 'dod chags kyis kun nas glags pa'i byis pa so so'i skye bo yin nam/ 'jam dpal gyis smras pa/ lha'i bu
453b6 dag |de de bzhin te/ bdag ni 'dod chags kyis kun nas glags pa'o/ /zhe sdang gis kun nas glags pa'o/ /gti mug gis kun nas glags pa'o/ /bdag ni mu
453b7 stegs can gzhan no/ /log pa la zhen pa'o/ /lha'i bu dag gis smras pa/ 'jam dpal/ ci las bsams te/ de skad du/ bdag ni 'dod chags kyis kun nas glags
454a1 pa'o| |zhe sdang gis kun nas glags pa'o/ /gti mug gis kun nas glags pa'o zhes smra/ 'jam dpal gyis smras pa/ lha'i bu dag /de ni
454a2 ji ltar mi gnas pa'i tshul gyis 'dod chags dang / zhe sdang dang / gti mug gi ngo bo nyid la gnas pa'i phyir/ ji ltar phyogs bcu kun tu gnas med pa de ltar gnas
454a3 so| |lha'i bu dag gis smras pa/ 'jam dpal/ khyod ji ltar mu stegs can gzhan zhes bya ba yin/ smras pa/ lha'i bu dag /kho bo ni mu stegs can gzhan du mi 'gro
454a4 ste| de'i phyir mu stegs can gzhan zhes bya'o/ /lha'i bu dag gis smras pa/ 'jam dpal/ khyod ji ltar log pa la zhen ces bya/ 'jam dpal gyis smras pa/ lha'i
454a5 bu dag /kho bos ni chos thams cad log par shes te/ yang dag pa ma yin zhing nor ba yongs su brtags par khong du chud pas/ de'i phyir kho bo ni log pa
454a6 la zhen pa'o/ /de nas de'i tshe lha'i bu stong phrag bcu po de dag gis/ 'jam dpal gyis bstan pa de thos nas/ mi skye ba'i chos la bzod pa thob par gyur to/ /
454a7 'di skad ces kyang smras te/ rdo rje'i tshig dang / sa bon gyi tshig dang / phur pa'i tshig rnam pa 'di lta bu dag gang gi rna lam du grag par gyur pa de dag kyang thob
454b1 par bya ba legs par thob pa yin na/ gang gis thos nas mos par gyur pa dang / yid ches pa dang / lung 'bog pa dang / kha ton byed pa dang / 'dzin pa dang / klog pa dang /
454b2 ston pa dang / de bzhin nyid du nan tan byed pa lta smos kyang ci dgos te/ de dag ni thogs pa med pa'i spobs pa rjes su thob par 'gyur ro/ /chos thams cad la snang ba thob
454b3 par 'gyur ro/ /tshul gcig tu bstan pa la mkhas par 'gyur ro/ /chos thams cad kyang sangs rgyas kyi chos dang sbyor bar 'gyur ro// //bam po
454b4 gsum pa ste tha ma/ de nas bcom ldan 'das la lha'i bu pad+mo rnam par rol pa'i mngon par shes pas 'di skad ces gsol to/ /bcom ldan 'das/ dus slad
454b5 ma la byang chub sems dpa' rnams kyis rnam pa 'di lta bu'i chos thos na/ mi 'jigs/ mi dngang / skrag par mi 'gyur ba dang / sgra thams cad rtogs par
454b6 'tshal bar 'gyur ba dang / thogs pa ma mchis shing / the tshom ma mchis par bgyi ba'i slad du sgra dang / tshig la 'jug pa'i rig pa bstan du gsol/ de skad ces gsol
454b7 pa dang / bcom ldan 'das kyis lha'i bu pad+mo rnam par rol pa'i mngon par shes pa la 'di skad ces bka' stsal to/ /lha'i bu/ khyod la gnas de dris pas ci zhig bya/ chog
455a1 mod /sgra dang / skad la 'jug pa'i rig pa de ni las dang po pa'i byang chub sems dpas shes pa'am/ khong du chud pa'am/ bsam pa'am
455a2 gzhal ba'am/ dpyad par sla ba ma yin no/ /de ni byang chub sems dpa' las dang po pa'i mdun du brjod par bya ba ma yin te/ lha'i bu/ sgra dang / skad la
455a3 'jug pa'i khong du chud pa'i byang chub sems dpa' sems dpa' chen po ni gal te bskal pa gang+gA'i klung gi bye ma snyed du log pa'i tshig yang dag pa ma yin pa'i
455a4 ngag dag gis mi snyan pa brjod de/ spyos pas de la khong khro ba'i sems mi skyed do/ /gal te bskal pa gang+gA'i klung gi bye ma snyed du bde ba'i yo byad gos dang /
455a5 zas dang / mal cha dang / nad kyi rkyen rtsi dang / yo byad thams cad kyis rim gror byas/ bkur sti byas/ bsti stang du byas/ mchod pa byas kyang de la
455a6 chags pa'i sems mi 'byung ste/ lha'i bu/ 'di lta ste/ dper na/ dgra bcom pa/ zag pa zad pa ni chags par bya ba'i gnas kyi chos thams cad la'ang chags
455a7 par mi 'gyur/ khong khro bar bya ba'i gnas kyi chos thams cad la'ang khong khro bar mi 'gyur ro/ /lha'i bu/ de bzhin du sgra dang / skad la 'jug pa khong du chud pa'i
455b1 byang chub sems dpa' yang bskal pa gang+gA'i klung gi bye ma snyed du bde ba'i yo byad thams cad kyis rim gror byas kyang / de la chags pa'i sems mi bskyed do/ /bskal
455b2 pa gang+gA'i klung gi bye ma snyed du log pa yang dag pa ma yin pa'i tshig gis mi snyan par brjod de/ spyos kyang khong khro ba'i sems mi bskyed do/ /lha'i bu/ de ltar sgra dang /
455b3 skad la 'jug pa khong du chud pa'i byang chub sems dpa' ni thob pa dang / ma thob pa dang / grags pa dang / ma grags pa dang / bstod pa dang / smad pa dang / bde ba
455b4 dang | sdug bsngal thams cad kyis mi bskyod mi 'phrogs te/ 'jig rten gyi chos thams cad zil gyis gnon cing / ri'i rgyal po ltar mi bsgul bar gnas so/ /de skad
455b5 ces bka' stsal pa dang / bcom ldan 'das la lha'i bu pad+mo rnam par rol pa'i mngon par shes pas 'di skad ces gsol to/ /bcom ldan 'das/ 'on kyang ma
455b6 byung ba'i dus na/ byang chub sems dpa' 'du shes sbyangs pa/ 'du shes byang ba gang ji snyed cig 'byung bar 'gyur ba de dag gis/ sgra dang / skad la 'jug pa'i rig pa 'di
455b7 thos na/ rang gi skyon yang rtogs par 'gyur/ gzhan la yang ston par 'gyur na/ bcom ldan 'das/ sgra dang / skad la 'jug pa'i rig pa bshad du gsol/ de skad ces
456a1 gsol pa dang / bcom ldan 'das kyis lha'i bu pad+mo rnam par rol pa'i mngon par shes pa la 'di skad ces bka' stsal to/ /lha'i bu/ de bas
456a2 na shin tu legs par nyon la yid la zungs shig dang / don 'di ngas khyod la bshad do/ /bcom ldan 'das/ de de ltar bgyi'o zhes nas/ lha'i bu pad+mo rnam par rol
456a3 pa'i mngon par shes pa bcom ldan 'das kyis bka' stsal pa ltar nyan to/ /bcom ldan 'das kyis de la 'di skad ces bka' stsal to/ /lha'i bu/ gal te byang
456a4 chub sems dpa' 'dod chags kyi sgra la nyes pa'i 'du shes su 'gyur zhing 'dod chags dang bral ba'i sgra la chags pa'i 'du shes su 'gyur na/ sangs rgyas kyi chos
456a5 rnams la mi slob bo/ /zhe sdang gi sgra la kha na ma tho ba'i 'du shes su 'gyur zhing / zhe sdang dang bral ba'i sgra la legs pa'i 'du shes su 'gyur na/ sangs rgyas kyi chos
456a6 rnams la mi slob bo/ /gti mug gi sgra la kha na ma tho ba'i 'du shes su 'gyur zhing / gti mug dang bral ba'i sgra la legs pa'i 'du shes su 'gyur na/ sangs rgyas kyi
456a7 chos rnams la mi slob po/ /'dod pa chung ba'i sgra la chags shing 'dod pa che ba'i sgra la khong khro na/ sgra dang / skad la 'jug pa'i rig pa la mi slob bo/ /cho ga shes pa'i sgra
456b1 la chags shing / chog mi shes pa'i sgra la khong khro na/ sgra dang / skad la 'jug pa'i rig pa la mi slob bo/ /sdom pa'i sgra la chags shing / mi sdom pa'i sgra la khong khro na/
456b2 sgra dang / skad la 'jug pa'i rig pa la mi slob bo/ /gcig pur dga' ba'i sgra la chags shing / skye bo phal po che'i sgra la khong khro na/ sgra dang / skad la 'jug pa'i rig pa la mi slob
456b3 bo| |sangs rgyas kyi sgra la chags shing / mu stegs can gyi sgra la khong khro na/ sgra dang / skad la 'jug pa'i rig pa la mi slob bo/ /tshangs par spyod pa'i sgra la zhen cing / tshangs
456b4 par mi spyod pa'i sgra la zhe sdang na/ sgra dang / skad la 'jug pa'i rig pa la mi slob bo/ /kun nas nyon mongs pa'i sgra la khong khro zhing / rnam par byang ba'i sgra la chags na/ sgra
456b5 dang | skad la 'jug pa'i rig pa la mi slob bo/ /'bras bu la gnas pa'i sgra la chags shing / byis pa so so'i skye bo'i sgra la khong khro na/ sgra dang / skad la 'jug pa'i rig pa la
456b6 mi slob bo/ /bde ba'i sgra la chags shing / sdug bsngal gyi sgra la khong khro na/ sgra dang / skad la 'jug pa'i rig pa la mi slob bo/ /rab tu byung ba'i sgra la chags shing / khyim pa'i
456b7 sgra la khong khro na/ sgra dang / skad la 'jug pa'i rig pa la mi slob bo/ /'jig rten las 'das pa'i sgra la chags shing / 'jig rten pa'i sgra la khong khro na/ sgra dang / skad la 'jug pa'i
457a1 rig pa la mi slob bo/ /sbyin pa'i sgra la legs pa'i 'du shes su 'gyur zhing / ser sna'i sgra la khong khro ba'i 'du shes su gyur na/ sangs rgyas kyi
457a2 chos rnams la mi slob bo/ /tshul khrims kyi sgra la chags pa'i 'du shes su 'gyur zhing / tshul khrims 'chal ba'i sgra la khong khro ba'i 'du shes su 'gyur na/ sangs rgyas kyi
457a3 chos rnams la mi slob bo/ /bzod pa'i sgra la legs pa'i 'du shes su 'gyur zhing / gnod sems kyi sgra la khong khro ba'i 'du shes su 'gyur na/ sangs rgyas kyi chos
457a4 rnams la mi slob bo/ /brtson 'grus brtsams pa'i sgra la legs pa'i 'du shes su 'gyur zhing / le lo'i sgra la khong khro ba'i 'du shes su 'gyur na/ sangs rgyas kyi
457a5 chos rnams la mi slob bo/ /bsam gtan gyi sgra la legs pa'i 'du shes su 'gyur zhing / 'khrug pa'i sgra la khong khro ba'i 'du shes su gyur na/ sangs rgyas kyi chos
457a6 rnams la mi slob bo/ /shes rab kyi sgra la legs pa'i 'du shes su 'gyur zhing / shes rab 'chal pa'i sgra la khong khro ba'i 'du shes su 'gyur na/ sangs rgyas kyi chos
457a7 rnams la mi slob bo/ /nye ba'i sgra la chags shing / ring pa'i sgra la khong khro na sgra dang / skad la 'jug pa'i rig pa la mi slob bo/ /'khor ba'i sgra la kha na ma tho ba'i 'du
457b1 shes su 'gyur zhing / mya ngan las 'das pa'i sgra la legs pa'i 'du shes su 'gyur na/ sgra dang / skad la 'jug pa'i rig pa la mi slob bo/ /tshu rol gyi sgra la khong khro zhing pha
457b2 rol gyi sgra la chags na/ sgra dang / skad la 'jug pa'i rig pa la mi slob bo/ /grong gi sgra la kha na ma tho bar 'du shes par gyur cing / dgon pa'i sgra la chags par gyur na/ sgra
457b3 dang / skad la 'jug pa'i rig pa la mi slob bo/ /gcig pur spyod pa'i sgra la chags shing / 'du 'dzir spyod pa'i sgra la khong khro na/ sgra dang / skad la 'jug pa'i rig pa la mi slob bo/ /
457b4 dge slong gi spyod pa la chags shing / khyim pa'i spyod pa la khong khro na/ sgra dang / skad la 'jug pa'i rig pa la mi slob bo/ /spyod lam gyi bya ba la chags shing / spyod lam ma yin
457b5 pa'i bya ba la khong khro na/ sangs rgyas kyi chos rnams la mi slob bo/ /tshul du shis pa la chags shing / tshul du mi shis pa la khong khro na/ sangs rgyas kyi chos rnams la mi slob
457b6 bo| |tshul khrims kyi spyod pa la chags shing / tshul khrims 'chal ba'i spyod pa la khong khro na/ sangs rgyas kyi chos rnams la mi slob bo/ /ma 'dres pa'i spyod pa la chags shing
457b7 'dres pa'i spyod pa la khong khro na/ sangs rgyas kyi chos rnams la mi slob bo/ /'dod chags dang bral ba'i spyod pa la chags shing / 'dod chags kyi spyod pa la khong khro na /sangs
458a1 rgyas kyi chos rnams la mi slob bo/ /zhe sdang med pa'i 'du shes la chags shing / zhe sdang gi 'du shes la khong khro na/ sangs rgyas kyi chos rnams la
458a2 mi slob bo/ /gti mug dang bral ba'i 'du shes la chags shing / gti mug gi 'du shes la khong khro na/ sangs rgyas kyi chos rnams la mi slob bo/ /stong pa nyid la chags shing /
458a3 dmigs pa la khong khro na/ sangs rgyas kyi chos rnams la mi slob bo/ /mtshan ma med pa la chags shing / mtshan ma la khong khro na/ sangs rgyas kyi chos rnams la mi slob bo/ /
458a4 smon pa med pa la chags shing / smon pa la khong khro na/ sangs rgyas kyi chos rnams la mi slob bo/ /byang chub sems dpa'i spyod pa la chags shing / nyan thos dang / rang sangs
458a5 rgyas kyi spyod pa la khong khro na/ sangs rgyas kyi chos rnams la mi slob bo/ /byang chub sems dpa' la ltung bas rgol na/ byang chub las ring du 'gyur te/ las kyi sgrib pa yongs
458a6 su 'dzin to/ /spyod pa la 'phya na byang chub las ring du 'gyur ro/ /spyod lam gyis rgol na byang chub las ring du 'gyur ro/ /gal te byang chub sems dpas byang chub sems
458a7 dpa' la dma' ba'i 'du shes bskyed de/ bdag la che ba'i 'du shes bskyed na bdag la rma 'byung ste/ las kyi sgrib pa'ang yongs su 'dzin to/ /'di la byang chub sems dpas
458b1 byang chub sems dpa' la gdams shing rjes su bstan na ston pa'i 'du shes nye bar bzhag ste/ gdams shing rjes su bstan par bya'o/ /gal te des byang chub yongs su btang
458b2 zhe na/ byang chub sems dpas byang chub sems dpa' la brnyas pa'i sems bskyed par mi bya'o/ /lha'i bu/ byang chub sems dpa'i dge ba'i rtsa ba rnams ni ji ltar byang chub sems
458b3 dpa' gnyis pa la brten te/ 'chad par 'gyur ba de ltar gang gis kyang yongs su 'chad par mi 'gyur ro/ /lha'i bu/ de lta bas na byang chub sems dpa'i dge ba'i rtsa ba thams cad
458b4 yongs su bsrung bar 'dod cing / las kyi sgrib pa thams cad yongs su spyad par 'dod pa dang / chos thams cad la sgrib pa med pa myur du thob par 'dod pas nyin lan gsum mtshan lan
458b5 gsum du byang chub sems dpa'i theg pa pa thams cad la phyag bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das
458b6 kyis ji skad gsungs pa'i don bdag gis 'tshal te/ 'dod chags kyi sgra dang / sangs rgyas kyi sgra de ni mtshungs pa'o/ /zhe sdang gi sgra dang / sangs rgyas kyi sgra de ni mtshungs pa'o/ /
458b7 gti mug gi sgra dang / sangs rgyas kyi sgra de ni mtshungs pa'o/ /mu stegs can gyi sgra dang / sangs rgyas kyi sgra de ni mtshungs pa'o/ /'dod pa chung ba'i sgra dang / 'dod pa che ba'i sgra de ni
459a1 mtshungs pa'o/ /chog shes pa'i sgra dang / chog mi shes pa'i sgra de ni mtshungs pa'o/ /sdom pa'i sgra dang / mi sdom pa'i sgra de ni mtshungs pa'o/ gcig
459a2 pur dga' ba'i sgra dang / 'du 'dzi'i sgra de ni mtshungs pa'o/ /tshu rol gyi sgra dang / pha rol gyi sgra de ni mtshungs pa'o/ /ring ba'i sgra dang / nye ba'i sgra de ni mtshungs pa'o/ /'khor
459a3 ba'i sgra dang / mya ngan las 'das pa'i sgra de ni mtshungs pa'o/ /grong gi sgra dang / dgon pa'i sgra de ni mtshungs pa'o/ /sbyin pa'i sgra dang / ser sna'i sgra de ni mtshungs pa'o/ /tshul
459a4 khrims kyi sgra dang / tshul khrims 'chal pa'i sgra de ni mtshungs pa'o/ /bzod pa'i sgra dang / gnod sems kyi sgra de ni mtshungs pa'o/ /brtson 'grus kyi sgra dang / le lo'i sgra
459a5 de ni mtshungs pa'o/ /bsam gtan gyi sgra dang / 'khrug pa'i sgra de ni mtshungs pa'o/ /shes rab kyi sgra dang / shes rab 'chal ba'i sgra de ni mtshungs pa'o/ /de nas
459a6 lha'i bu pad+mo rnam par rol pa'i mngon par shes pas 'jam dpal gzhon nur gyur pa la 'di skad ces smras so/ /'jam dpal/ ci'i phyir na de dag mtshungs zhes
459a7 bya| 'jam dpal gyis smras pa/ lha'i bu/ 'dod chags kyi sgra la khyod ji ltar sems/ lha'i bus smras pa/ brag ca dang 'dra bar shes so/ /'jam dpal gyis smras
459b1 pa| lha'i bu/ 'o na sangs rgyas kyi sgra khyod kyis ji ltar shes/ lha'i bus smras pa/ 'jam dpal/ de'ang sgra brnyan gyis mnyam pa nyid las ma 'das pa'o/ /'jam dpal
459b2 gyis smras pa/ lha'i bu/ rnam grangs nges kyang khyod kyis 'di ltar de dag ni mtshungs pa yin par rig par bya'o/ /de nas bcom ldan 'das kyis 'jam dpal gzhon nur gyur pa la
459b3 'di skad ces bka' stsal to/ /'jam dpal/ khyod sngon las dang po pa'i sa la gnas shing 'di lta bu'i tshul khong du ma chud pa'i tshe/ las kyi sgrib pa ji lta bu dag mngon par
459b4 'du byed pa lung ston cig dang / 'jam dpal/ des ma 'ongs pa'i dus na/ byang chub sems dpar dam 'cha' ba ji srid cig 'byung bar 'gyur ba de dag kyang / de lta bu'i
459b5 las kyi sgrib pa thos pa dang / rang rang srung bar 'gyur ro/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol
459b6 to| |ci sman/ bcom ldan 'das/ gal te de ltar de lta bu'i sug las kyi sgrib pa'i nongs pa thos na/ yid mi bde bar yang 'gyur la su ga las kyi sgrib pa rnam par dag pa thob tu
459b7 lags kyang / chos thams cad la sgrib pa 'thob par 'gyur lags pa snyam/ bcom ldan 'das/ sngon 'das pa'i dus na/ bskal pa grangs ma mchis pa shin tu bgrang ba
460a1 las 'das pa/ yangs pa/ tshad ma mchis pa/ bsam gyis mi khyab pa de'i pha rol/ de'i mang pha rol de'i dus de'i tshe na/ de bzhin gshegs
460a2 pa dgra bcom pa yang dag par rdzogs pa'i sangs rgyas seng ge'i ro rnga sgra'i rgyal po zhes bgyi ba/ rig pa dang rkang par ldan pa/ bde bar gshegs pa/ 'jig rten
460a3 mkhyen pa/ bla na med pa/ skyes bu 'dul ba'i kha lo sgyur ba/ lha dang / mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa
460a4 de'i sku tshe'i tshad ni dgung lo bye ba khrag khrig brgya phrag stong du gyur to/ /theg pa ni gsum gyis sems can rnams yongs su mya ngan las 'da' bar gyur to/ /'jig rten
460a5 gyi khams de'i ming ni snang ba chen po can zhes bgyi ste/ 'jig rten gyi khams de na zhugs shing ngam/ ldum bu gang ji snyed pa de dag thams cad kyang rin po che sna bdun
460a6 gyi rgyu las grub par gyur te/ zhugs shing de dag las kyang de lta bu'i sgra 'byung ste/ gang 'di stong pa nyid kyi sgra dang / mtshan ma ma mchis pa'i sgra dang / smon pa ma
460a7 mchis pa'i sgra dang / skye ba ma mchis pa'i sgra dang / dngos po ma mchis pa'i sgra dang / mtshan nyid ma mchis pa'i sgra dang / rnam pa de lta bu'i sgra dag 'byung ste/ sgra 'byung
460b1 pa de dag gis sems can de dag mngon par rtogs pa 'thob par gyur to/ /de bzhin gshegs pa de'i nyan thos kyi tshogs dang po ni dge slong bye ba dgu bcu rtsa dgu'i
460b2 tshogs su gyur te/ thams cad kyang dgra bcom pa/ zag pa zad pa/ khur bor pa/ rang gi don rjes su thob pa/ srid par sbyor ba yongs su bas pa/ bka' yang dag pas sems
460b3 shin tu rnam par grol ba sha stag gi tshogs su gyur to/ /tshogs gnyis pa ni dge slong bye ba phrag dgu bcu rtsa drug gi tshogs su gyur to/ /tshogs gsum pa ni dge slong bye ba
460b4 phrag dgu bcu rtsa gsum gyi tshogs su gyur to/ /tshogs bzhi pa ni dge slong bye ba phrag dgu bcu'i tshogs su gyur te/ thams cad kyang dgra bcom pa/ zag pa zad pa/ khur bor
460b5 pa| rang gi don rjes su thob pa/ srid par sbyor ba yongs su bas pa/ bka' yang dag pas sems shin tu rnam par grol ba sha stag gi tshogs su gyur to/ /byang chub sems
460b6 dpa'i tshogs kyang grangs de snyed du gyur te/ thams cad kyang mi skye ba'i chos kyi bzod pa dang ldan pa tshul sna tshogs pa bsgrub pa la mkhas pa/ sangs rgyas bye ba khrag khrig brgya stong
460b7 mang po bsnyen bkur ba/ sangs rgyas kyi zhing bye ba khrag khrig brgya stong mang por rnam par grags pa/ sems can bye ba khrag khrig brgya stong mang po yang dag par sgrol pa/ sgo mtha'
461a1 yas pa'i gzungs rab tu thob pa/ ting nge 'dzin bye ba khrag khrig brgya stong mngon par bsgrub pa la mkhas pa sha stag gi tshogs su gyur to/ de
461a2 ma lags pa'i byang chub sems dpa' sems dpa' chen po las dang po pa dang / theg pa la gsar du zhugs pa rnams lta ci smos kyang ci 'tshal te/ de bzhin
461a3 gshegs pa de'i sangs rgyas kyi zhing gi rgyan du gyur pa de dag ni tshig gis brjod par sla ba ma lags so/ /de bzhin gshegs pa de yongs su mya ngan las 'das
461a4 nas dam pa'i chos ni dgung lo stong phrag drug cu'i bar du gnas par 'gyur te/ zhugs shing de dag las kyang sgra de dag de slan chad mi 'byung bar gyur to/ /bcom ldan
461a5 'das/ de'i tshe dge slong byang chub sems dpa' chos smra ba rab tu dga' ba'i dbang po zhes bgyi ba byung ste/ bcom ldan 'das/ byang chub sems dpa' rab tu dga' ba'i
461a6 dbang po de ni sngon spyod spyod pa ste/ spyod lam bcos mi 'tshal ba 'jig rten pa'i chos thams cad las slar log pa ma mchis pa ste/ sems can de dag kyang dbang po rno zhing phye
461a7 btsam gyis 'tshal la zab mo la mos pa sha stag ste/ de ni sems can de dag la 'dod pa chung ba'i bsngags pa'ang mi brjod/ chog shes pa dang / sdom pa dang / gcig pur dga'
461b1 pa'i bsngags pa'ang mi brjod/ 'du 'dzi ma mchis pa'i bsngags pa'ang mi brjod cing / des sems can de dag la chos thams cad ni 'dod chags kyi ngo bo nyid do zhes bgyi bar bstan/ chos
461b2 thams cad ni zhe sdang gi ngo bo nyid do zhes bgyi bar bstan/ chos thams cad ni gti mug gi ngo bo nyid do zhes bgyi bar bstan/ chos thams cad ni sgrib pa med pa'o zhes bgyi bar bstan
461b3 to| |des thabs des spyod pa thams cad kyang mtshan nyid gcig pa'o zhes bgyi bar bstan nas/ sems can thabs de lta bus bstan pa de dag kyang byang chub sems dpa' de'i spyod
461b4 pa la mi dga' bar ma gyur te/ khong khro ba'i sems ma mchis pa de dag bzod pa'i sa thob par gyur/ de bzhin gshegs pa'i bstan pa la'ang mi phyed cing nges par gyur to/ /de'i tshe
461b5 dge slong byang chub sems dpa' chos smra ba rgyal ba'i blo gros zhes bgyi ba byung ste/ bcom ldan 'das/ chos smra ba rgyal ba'i blo gros zhes bgyi ba de ni bsam gtan bzhi thob pa/
461b6 gzugs ma mchis pa'i snyoms par 'jug pa bzhi thob pa ste/ sbyangs pa'i yon tan bcu gnyis kyang yang dag par blangs te/ gnas par gyur to/ /bcom ldan 'das/ byang chub sems
461b7 dpa' rgyal ba'i blo gros kyis 'dul bar gyur pa de dag ni skyon 'dzin cing skyon brjod pa/ blo mi brtan pa sha stag tu gyur te/ bcom ldan 'das/ de nas byang chub sems dpa' rgyal ba'i blo
462a1 gros bsod snyoms la spyod pa zhig gi tshe/ ma rig nas byang chub sems dpa' rab tu dga' ba'i dbang po'i bslang ba'i grong der mchis te/ des de na khyim
462a2 bdag gi bu'i gnas shig mchis par mthong nas/ khyim bdag gi bu gang na ba der mchis nas phyin pa dang / stan bting ba la mchis te/ khyim bdag gi bu de la 'dod pa chung
462a3 ba'i bka' mchid brjod/ chog shes pa'i bka' mchid brjod/ sdom pa'i bka' mchid brjod/ 'du 'dzi'i nongs pa brjod/ gcig pur dga' ba'i bsngags pa brjod/
462a4 'du 'dzi ma mchis pa'i bsngags pa brjod nas/ khyim bdag gi bu de'i mdun du byang chub sems dpa' rab tu dga' ba'i dbang po la mi snyan pa brjod pa dge slong des
462a5 ni skye bo mang po log par bstan to/ /dge slong des ni skye bo mang po log par lta bar byas so/ /dge slong de ni 'du 'dzi'i nang na rnam par spyod pa ste/ 'dod chags ni sgrib
462a6 pa med do zhes ston to/ /zhe sdang ni sgrib pa med do zhes ston to/ /gti mug ni sgrib pa med do zhes ston to/ /chos thams cad ni sgrib pa med pa zhes ston to zhes brjod pa dang /
462a7 khyim bdag gi bu de'ang dbang po rno ba bzod pa thob pa zhig ste/ des dge slong de la smras pa/ btsun pa khyod kyis 'dod chags ji ltar mkhyen/ des smras pa/ khyim bdag gi bu/
462b1 'dod chags ni kun nas nyon mongs par shes so/ /smras pa/ btsun pa/ 'o na/ 'dod chags de nang na mchis sam/ phyi rol na mchis/ smras pa/ 'dod chags ni nang na'ang med/ phyi
462b2 rol na'ang med do/ /smras pa/ btsun pa/ de ltar 'dod chags nang na'ang ma mchis/ phyi rol na'ang ma mchis/ shar phyogs na'ang ma mchis/ lho phyogs na'ang ma mchis/
462b3 nub phyogs na'ang ma mchis/ byang phyogs na'ang ma mchis/ steng na'ang ma mchis/ 'og na'ang ma mchis/ phyogs mtshams rnams na'ang ma mchis te/ de lta lags na de
462b4 ni ma skyes pa lags te/ gang ma skyes pa de la kun nas nyon mongs pa'am/ rnam par byang ba'ang ci zhig mchis/ de nas dge slong rgyal ba'i blo gros kyis bstan pa de thos nas 'khrug
462b5 te shin tu mi dga' nas/ bsod snyoms kyang ma blangs par stan las langs te mchis so/ /'di skad kyi tshig brjod de/ kye ma dge slong des ni/ skye bo mang po log par bstan to zhes kyang brjod
462b6 nas de khyim de nas byung ste/ dgon pa logs su mchis so/ /de slad kyis gtsug lag khang du mchis nas dge slong lhag ma rnams la'ang bsgo/ dge 'dun gyi nang du'ang dge slong de
462b7 mthong nas/ 'di skad du/ dge slong 'di ni skye bo mang po log par ston cing / dge slong 'di ni skye bo mang po log par lta bar byed de/ 'di ni 'dod chags sgrib pa med do zhes ston
463a1 to| |zhe sdang sgrib pa med do zhes ston to/ /gti mug sgrib pa med do zhes ston to/ /chos thams cad sgrib pa med do zhes ston to zhes bgyis so/ /
463a2 de nas byang chub sems dpa' rab tu dga' ba'i dbang po de 'di snyam du gyur te/ dge slong 'dis ni gdon mi za bar las kyi sgrib pa bsags par gyur gor ma chag na de la
463a3 bdag gis zab mo'i gtam bya'o/ /des ni ma nus na'ang 'di'i byang chub kyi phyogs kyi chos rnams bsgom pa'i rgyu tsam du'ang 'gyur ro snyam ste/ de nas byang chub sems
463a4 dpa' rab tu dga' ba'i dbang pos/ dge slong gi dge 'dun thams cad gcig tu 'dun par bgyis nas/ de'i tshe tshigs su bcad pa 'di dag smras so/ /'dod chags
463a5 mya ngan 'das par gsungs/ /zhe sdang gti mug de bzhin te/ /byang chub de dag gnas nyid yin/ /sangs rgyas byang chub bsam mi khyab/ /'dod chags gang gis rnam
463a6 brtags pa/ /zhe sdang gti mug de bzhin te/ /sangs rgyas byang chub de la ring / /gnam dang sa gnyis ji bzhin no/ /byang chub 'dod chags gnyis ni gnyis su med/ /
463a7 'jug pa gcig pa mnyam nyid ldan pa ste/ /'di dag chos la byis pa gang 'jigs pa/ /de dag sangs rgyas byang chub ring ba yin/ /'dod chags skye min 'jig pa ma
463b1 yin te/ /sems kyang kun nas nyon mongs 'gyur ba med/ /gang zhig dmigs pa'i bdag la blo chags pa/ /'dod chags ngan song de dag ltung bar byed/ /gang zhig 'dod
463b2 chags chos kyang sangs rgyas chos/ /de dag khyad par gang yang med pa ste/ /yi ge gcig cing tshul gcig mtshan nyid med/ /de ltar shes pa bde gshegs nyid du 'gyur/ /tshul
463b3 khrims 'chal dang tshul khrims rnam brtags shing / /gang zhig tshul khrims rlom pas myos gyur pa/ /dmigs pa'i lta la rab gnas de la ni/ /byang chub med cing sangs rgyas
463b4 chos kyang med/ /gang zhig dgon pa'i gnas la rtog byed cing / /bdag la bstod byed gzhan la smod byed pa/ /dgon par lta la rab gnas de la ni/ /mtho ris med na byang
463b5 chub ga la yod/ /byang chub blta ba gnyis su med gsungs te/ /ming dang yi ge grangs dang sgra 'jug pa/ /de dag gang gis yang dag rtogs gyur pa/ /de la sangs rgyas byang chub
463b6 ring ba min/ /kun nas nyon mongs de la rnam rtog cing / /rnam byang lta la byis pa gang chags pa/ /dmigs pa'i lta la rab gnas de la ni/ /byang chub med cing sangs rgyas
463b7 chos kyang med/ /gang zhig sangs rgyas chos la 'dod skyes pa/ /de la sangs rgyas byang chub ring ba ste/ /yod min chos la 'dod pa bskyed pas na/ /de ni sdug bsngal
464a1 yongs su myong bar 'gyur/ /gang zhig 'dod chags zhe sdang mi rtog cing / /gti mug chung byas byang chub yin lta ba/ /de la sangs rgyas byang chub
464a2 ring ba min/ /bzod pa mchog kyang myur du des 'thob 'gyur/ /'dus ma byas dang 'dus byas sus mthong ba/ /de ni 'khor ba'i chos las gzhar mi 'grol/ /gang gis
464a3 khams de mnyam pa nyid rtogs pa/ /de myur skyes bu sangs rgyas mchog tu 'gyur/ /gang gis sangs rgyas chos dang sangs rgyas dag /thams cad kun tu nam yang
464a4 ma mthong na/ /chos rnams kun gyis gos pa med pa de/ /bdud bcom byang chub mngon par 'tshang yang rgya/ /su zhig sems can rnam par 'grol 'dod pa/ /
464a5 des ni sems can khams su blta mi bya/ /ma lus sems can mya ngan 'das dang 'dra/ /de ltar sus shes de ni rang byung 'gyur/ /dgon pa'i chos la gang zhig mi
464a6 snang zhing / /grong du byin na spyod lam 'chos byed pa/ /de ni 'jig rten lhar bcas rkun po ste/ /de la byang chub sangs rgyas chos rnams med/ /bdag ni sangs rgyas
464a7 'gyur zhes gang rlom pa/ /byis pa de ni gti mug dbang gis non/ /sangs rgyas chos ni nam mkha' mtshungs pa ste/ /blang dang dor ba'i sgra ni de la med/ /rgyal bas nam
464b1 yang byang chub sangs ma rgyas/ /des ni nam yang sems can dkrol ba med/ /med pa'i chos rnams brtags shing byis pa rnams/ /sangs rgyas byang chub las ni ring ba yin/ /
464b2 sems can 'di dag nyon mongs sus mthong ba/ /de la nyon mongs mtha' yas 'byung bar 'gyur/ /sems can de dag sems can med ces gsungs/ /sems can 'du shes gnas
464b3 la byang chub med/ /gang gis sems can shin tu grol mthong zhing / /'dod chags zhe sdang gti mug rtag med la/ /sems can zhi zhing rab zhi rnam zhi bar/ /gang gis shes pa de ni
464b4 mgon por gyur/ /gang gis sems can sems can med ma mthong / /yang dag nyid du sangs rgyas chos ma dmigs/ /ji ltar sems can de bzhin sangs rgyas zhes/ /de ltar sus shes
464b5 de ni mgon por gyur/ /nyon mongs rtog na nyon mongs yod par 'gyur/ /tshul bzhin lam sems de bzhin nyon mongs yod/ /nyon mongs lam du na ma yang ma brtags na/ /des ni
464b6 byang chub mi rtog sa 'thob bo/ /stong ba'i chos kyis mi mkhas gang 'jigs pa/ /de dag sangs rgyas chos las ring ba yin/ /stong nyid chos la the tshom su med pa/ /de dag sangs
464b7 rgyas byang chub 'thob par 'gyur/ /byang chub mchog thob par ni su 'dod pa/ /des ni 'dod chags chos la brtag mi bya/ /'dod chags chos kyi mtshan nyid gang yin pa/ /de dag
465a1 sangs rgyas yon tan bsam mi khyab/ /gang zhig sangs rgyas chos la mi 'jig cing / /sems dang byang chub skye ba med pa dang / /sems dang sangs
465a2 rgyas byang chub gnyis med par/ /shes par gyur na de ni mgon por 'gyur/ /sdig sems mu stegs can gyis gang brjod dang / /sangs rgyas rnams kyis gsungs gang bka'
465a3 stsal pa/ /de dag tha dad tshul gyur med pa ste/ /de ltar shes na de ni mgon por 'gyur/ /gang gis byang chub mthong zhing smon byed pa/ /de dang byang chub ring ste byang chub
465a4 med| |sangs rgyas sangs rgyas min pa mi mnyam zhe'am/ /sangs rgyas 'di zhes mi rtog mgon por 'gyur/ /gang zhig bdag ni sems can 'grel ba zhes/ /rlom na
465a5 sems can 'du shes chags rmongs pas/ /dmigs pa'i lta la rab gnas de la ni/ /byang chub med cing sangs rgyas chos kyang med/ /'dod chags nang dang phyi na mi
465a6 gnas te/ /phyogs dang phyogs mtshams gang na'ang yod pa min/ /chos rnams yod min rnam par brtag byas shing / /byis pa 'dod chags 'du shes de ltar rmongs//
465a7 sgyu ma smig rgyu brag ca lta bu ste/ /mo gsham bu dang rmi lam 'dra ba ni/ /nyon mongs 'di dag thams cad dmigs su med/ /byis pa de ltar mi shes rnam par rmongs/ /'dus
465b1 byas chos dang 'dus ma byas kyi chos/ /de dag tha dad gnyis su nam yang med/ /gang la grangs dang bgrang du med pa dag /de yi tshul gyis gnyis su med par 'jug /byis pa
465b2 gang zhig byang chub sems rlom zhing / /sangs rgyas 'gyur zhes rlom sems byed gyur na/ /chos kyi dngos nyid phyag rgya 'di bor bas/ /de la sangs rgyas chos dang byang chub med/ /
465b3 smra la gang dga' yongs rtog spyod yul can/ /smra ba'i don la rnam par mi sems shing / /ming dang legs la de bzhin chags gyur pa/ /de dag byang chub 'gyur ba the tshom yod/ /
465b4 lta ba'i rnam pa byang chub gnyis med gsungs/ /ming dang yi ge grangs dang skad 'jug pas/ /mi mkhas gang gis chos 'di ma rtogs pa/ /de dag sangs rgyas byang chub ring bar
465b5 gnas/ /ming la chags shing smra la dga' ba dang / /bdag tu lta la gang zhig gnas gyur cing / /'dod pa chung dang chog shes rnam brtags pas/ /'dod pa'i dbang gis da dung
465b6 de 'dug go /'dod chags chos las shed skyes gang 'bros pa/ /de ni 'dod chags chos las gzhar mi 'grol/ /gang gis yang dag 'dod chags chos shes na/ /'dod chags
465b7 bral ba'i 'dod chags chos shes 'gyur/ /yun ring dus su tshul khrims bsrung byas shing / /bskal ba bye bar bsam gtan bskyed byas kyang / /yang dag nyid mtha' 'di ni
466a1 mi rtogs na/ /bstan pa 'di la de dag blo yod min/ /ci yang ma yin chos 'di sus shes pa/ /nam yang de ni chos kun chags mi 'gyur/ /tshul
466a2 khrims 'chal dang tshul khrims rnam pa rtags pas/ /byis pas dmigs pa'i spyod yul thar mi 'gyur/ /tshul khrims tshul khrims med par sus shes shing / /tshul khrims
466a3 'chal dang tshul khrims tshul gcig ces/ /tshul khrims ngang tshul de ltar sus shes pa/ /tshul khrims 'chal pa de la na ma yang med/ /chos rgyal chos la rtog par
466a4 ma gyur na/ /thabs kyi sa la sems can rnams 'dul zhing / /byang chub zag med zhi ba 'di la yang / /tshul gcig chos kyis sems can 'dzud pa yin/ /chos rgyal dam
466a5 pa'i chos 'di mi g.yo zhing / /dngos med mtshan nyid med la tshul gcig par/ /ngo bo nyid kyis stong chos ma thos pas/ /g.yang sa chen por byis pa de dang ltung //
466a6 chos 'di thos shing mi dngang gang gyur pa'i/ /'dod pa'i yon tan lnga chags khyim pa'ang sla'i/ /bstan pa 'di la rab tu byung gyur cing / /dmigs lta sbyangs pa'i yon
466a7 tan rlom pa min/ /phyogs bcu kun na sangs rgyas rang byung ba/ /'jig rten don mdzad gang dag bzhugs pa rnams/ /de dag kun gyis nam mkha' mtshungs pa'i chos/ /
466b1 g.yo ba med shes byang chub 'gyur zhes gsungs/ /mi mkhas gang rnams mi sdug bsgom sems shing / /chos rab 'di thos 'jigs par 'gyur ba dag /rtag par sdug bsngal
466b2 che dang ldan gyur cing / /bskal ba bye ba mang por sdug bsngal 'gyur/ /tshigs su bcad pa bstan pa 'di bshad pa'i tshe/ lha'i bu stong phrag sum cu rtsa gnyis kyis mi skye ba'i chos
466b3 la bzod pa thob bo/ /dge slong stong phrag brgyad cu nye bar len pa med par zag pa las sems rnam par grol lo/ /byang chub sems dpa' rgyal ba'i blo gros kyang 'chi ba'i dus
466b4 bgyis nas dog sa'i sgo phye ste/ sems can dmyal ba chen por ltung ngo / /de sug las kyi sgrib pa des bskal pa bye ba khrag khrig brgya phrag stong du sems can dmyal ba chen po
466b5 dag tu sdug bsngal tsha zhing rtsub la yid du mi 'ong ba'i tshor ba mi zad pa myong bar gyur to/ /tshe rabs brgya stong phrag bdun cu rtsa bzhir mi snyan par brjod pa thob par gyur
466b6 to| |bskal pa brgya stong mang por de bzhin gshegs pa'i mtshan tsam yang ma thos par gyur to/ /de de nas slad kyis de bzhin gshegs pa gzhan dang / gzhan dag
466b7 dang mjal te/ de dag gi bstan pa la rab tu byung nas mngon par mos par ma gyur te/ tshe rabs stong phrag bdun cu rtsa drug rab tu byung ba las slar babs par gyur to/ /
467a1 sug las kyi sgrib pa de nyid kyi lhag mas tshe rabs stong phrag mang por dbang po rtul bor gyur to/ /bcom ldan 'das/ de'i tshe byang chub sems
467a2 dpa' dge slong chos smra ba rab tu dga' ba'i dbang po zhes bgyi ba byung ba de ni bla na med pa yang dag par rdzogs pa'i byang chub tu mngon par rdzogs par sangs rgyas te/ da
467a3 ltar bzhugs shing 'tsho gzhes chos kyang ston to/ /shar phyogs kyi 'jig rten gyi khams bye ba brgya stong 'das pa na/ sangs rgyas kyi zhing rin chen sna tshogs kyi 'jig
467a4 rten gyi khams na de bzhin gshegs pa dgra bcom pa yang dag par rdzogs pa'i sangs rgyas gzi brjid sdug cing dri ma med la nyi zla zil gyis gnon pa bzhugs shing
467a5 'tsho gzhes chos kyang ston te/ bcom ldan 'das/ dge slong rgyal ba'i blo gros zhes bgyi bar gang gyur ba de ni bdag nyid de'i tshe de'i dus na/ dge slong rgyal ba'i blo gros
467a6 zhes bgyi bar gyur te/ bcom ldan 'das/ bdag gis de'i tshe tshul 'di ma 'tshal bas de lta bu'i sdug bsngal myong bar gyur to/ /bcom ldan 'das/ bdag ni de 'dra
467a7 ba'i gnas su gyur te/ de lta bu'i sdug bsngal ma mchis pa'i sdug bsngal/ yongs su brtags pa'i sdug bsngal/ phyin ci log gi sdug bsngal rnam pa de lta bu myong bar
467b1 gyur to/ /bcom ldan 'das/ de lta lags pas byang chub sems dpa'i theg pa la zhugs pa'am/ nyan thos kyi theg pa la zhugs pa gang yang rung ste/ de lta bu'i sug las kyi sgrib
467b2 pa mi 'tshal zhing / de lta bu'i sdug bsngal mi 'tshal na des dam pa'i chos spang bar mi bgyi'o/ /dam pa'i chos la dpyad bar mi bgyi'o/ /chos gang la'ang khong khro bar mi bgyi'o/ /
467b3 de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/ tshigs su bcad pa de thos pas khyod la khyad par ci zhig
467b4 tu gyur/ gsol pa/ bcom ldan 'das/ tshigs su bcad pa de thos pas sug las kyi sgrib pa de las langs nas gang dang / gang du skyes pa de dang / de dag tu'ang zab mo'i bzod
467b5 pa can/ nges pa'i bzod pa can du gyur te/ chos zab mo ston pa la mkhas par gyur to/ /bcom ldan 'das kyis bka' stsal pa/ 'jam dpal/ su'i mthus khyod kyis de ltar
467b6 yun ring po na mngon par 'du byas pa'i las kyi sgrib pa rjes su dran/ 'jam dpal gyis gsol pa/ bcom ldan 'das/ byang chub sems dpa' rnams ni ci sems/ ci smra/
467b7 rjes su ci dran yang de dag thams cad de bzhin gshegs pa'i mthu ste/ de ci'i slad du zhe na/ bcom ldan 'das/ de bzhin gshegs pa las byung ba ni chos thams cad do/ /
468a1 bcom ldan 'das kyis bka' stsal pa/ 'jam dpal/ de bzhin gshegs pa'i stobs bcu thob pa dang / 'di thos pa de ni mtshungs so/ /mi skye
468a2 ba'i chos la bzod pa thob pa dang / 'di thos pa de ni mtshungs so/ /'jam dpal gyis gsol pa/ bdag gis bcom ldan 'das kyis gsungs pa'i don 'tshal te/ chos
468a3 kyi rnam grangs 'di thos pa ni bsam gyis mi khyab bo/ /bcom ldan 'das kyis bka' stsal pa/ 'jam dpal/ de de bzhin te/ chos kyi rnam grangs 'di thos pa ni bsam gyis
468a4 mi khyab bo/ 'on kyang sbyor ba med pa la la de thos nas mos par mi 'gyur du 'ong ba'i phyir ro/ /de bzhin gshegs pa lung mi ston to/ /de nas bcom ldan 'das la 'jam
468a5 dpal gzhon nur gyur pa dang / byang chub sems dpa' sems dpa' chen po byams pas 'di skad ces gsol to/ /bcom ldan 'das/ slad ma'i dus lnga brgya pa
468a6 tha ma la ci nas kyang chos kyi rnam grangs 'di rgyas par 'gyur zhing skye bo mang po'i sug par phyin par 'gyur ba dang / de la bdud dam/ bdud kyi ris kyi lha dag gis glags rnyed
468a7 par mi 'gyur ba de ltar byin gyis brlab tu gsol/ de nas bcom ldan 'das kyis chos kyi rnam grangs 'di byin gyis brlab pa'i phyir g.yas g.yon du gzigs so/ /bcom
468b1 ldan 'das kyis de ltar gzigs ma thag tu de'i tshe phyogs bcur sangs rgyas kyi zhing gang+gA'i klung gi bye ma snyed rnam pa drug tu g.yos par gyur/ rab tu g.yos par gyur/ kun
468b2 tu g.yos par gyur to/ /de'i tshe bcom ldan 'das kyis chos kyi rnam grangs 'di byin gyis brlab pa mdzad do/ /sangs rgyas bcom ldan 'das gzhan dag gis kyang 'jig rten
468b3 gyi khams gang+gA'i klung gi bye ma snyed dag nas chos kyi rnam grangs 'di byin gyis brlabs so/ /bcom ldan 'das kyis chos kyi rnam grangs 'di bstan pa'i tsho phyogs bcu na gang+gA'i
468b4 klung gi bye ma ji snyed yod la de bas kyang shin tu mang ba'i sems can rnams kyis mi skye ba'i chos la bzod pa thob par gyur to/ /gang dag nyan thos nyid la gnas par gyur pa dang //
468b5 slob pa'i sa'am/ mi slob pa'i sa la gnas par gyur pa de dag ni smos kyang mi smos so/ /de nas bcom ldan 'das la tshe dang ldan pa dga' bos 'di skad ces gsol to/ /bcom
468b6 ldan 'das/ chos kyi rnam grangs 'di'i ming ci zhes bgyi/ ji ltar gzung bar bgyi/ bcom ldan 'das kyis bka' stsal pa/ dga' bo/ de bas na chos kyi rnam grangs 'di
468b7 chos thams cad 'byung ba med pa zhes bya bar zungs shig /bcom ldan 'das kyis de skad ces bka' stsal pa dang / 'jam dpal gzhon nur gyur pa dang / byang chub sems
469a1 dpa' byams pa dang / lha'i bu pad mo rnam par rol pa'i mngon par shes pa dang / byang chub sems dpa'i tshogs chen po de dang / dge slong lnga
469a2 brgya tsam de dag dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la
469a3 yi rangs te mngon par dga'o/ /'phags pa chos thams cad 'byung ba med pa zhes bya ba theg pa chen po'i mdo rdzogs so// //lo tsA ba ban+de rin chen 'chos
469a4 bsgyur cing gtan la phab pa// //
CLOSE WINDOW