བོད་ཡིག |
384a2 sh+lo ka dgu bcu rtsa gnyis// //rgya gar skad du/ AR+ya saM pr-i te pa ra mAr+tha sa t+ya nir de sha nA ma mahA ya na sU tra/ bod skad du/ 'phags
384a3 pa kun rdzob dang / don dam pa'i bden pa bstan pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di
384a4 skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong brgyad stong gi dge slong gi dge 'dun chen po dang / byang chub sems
384a5 dpa' bdun khri nyis stong dang / 'dod pa na spyod pa dang / gzugs na spyod pa'i lha'i bu rnams dang thabs gcig tu bzhugs te/ de nas bcom ldan 'das 'khor brgya stong du mas
384a6 yongs su bskor cing mdun gyis bltas nas chos ston to/ /de nas lha'i bu rab tu zhi ba rnam par dul ba'i dbang phyug ces bya ba 'khor der 'dus par gyur te 'dug pa des/ bcom
384a7 ldan 'das kyi zhabs la spyi bos phyag btsal te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom
384b1 ldan 'das/ 'jam dpal gzhon nur gyur pa da ltar gang na mchis/ bcom ldan 'das/ bdag dang / 'khor mang po 'di rnams kyang skyes bu dam pa des chos bstan par rab tu 'tshal
384b2 lo| |bcom ldan 'das kyis bka' stsal pa/ lha'i bu/ sangs rgyas kyi zhing 'di nas shar phyogs su sangs rgyas kyi zhing stong phrag bco brgyad 'das pa na/ 'jig rten gyi khams rin po
384b3 che dang ldan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i tog ces bya ba da ltar bzhugs te 'tsho zhing gzhes
384b4 la| chos kyang ston to/ /'jam dpal gzhon nur gyur pa'ang da ltar de na 'dug go /de skad ces bka' stsal pa dang / bcom ldan 'das la lha'i bu rab tu zhi ba rnam par dul
384b5 pa'i dbang phyug gis 'di skad ces gsol to/ /bcom ldan 'das/ 'jam dpal gzhon nur gyur pa la ci nas de mtshan ma rig pas 'dir mchi bar sems pa de lta bu'i mtshan
384b6 ma zhig mdzad na legs so/ /de ci'i slad du zhe na/ bcom ldan 'das/ ji ltar 'jam dpal gzhon nur gyur pa las thos pa lta bur nyan thos dang / rang sangs rgyas thams cad dang / byang
384b7 chub sems dpa' dmigs pa can rnams las/ de lta bu'i chos bstan pa mi thos te/ de bzhin gshegs pa ma gtogs par gzhan su'ang de lta bur chos ston mi nus so/ /bcom
385a1 ldan 'das/ nam 'jam dpal chos ston pa de na bdud kyi khang pa thams cad mog mog por 'gyur ro/ /bdud thams cad kyis kyang glags
385a2 mi rnyed do/ /pha rol rgol ba thams cad kyang shin tu tshar chod par 'gyur ro/ /dmigs pa can rnams kyang dmigs pa ma mchis par 'gyur ro/ /dam pa'i chos kyang yun
385a3 ring du gnas par 'gyur ro/ /de bzhin gshegs pa'ang de la rjes su yi rang zhing rab tu gzung ba mdzad do/ /de nas bcom ldan 'das kyis lha'i bu rab tu zhi ba rnam par dul
385a4 pa'i dbang phyug gsol ba 'debs par mkhyen nas/ zhal gyi mdzod spu nas 'od zer gcig btang ste/ des stong gsum gyi stong chen po'i 'jig rten gyi khams 'di snang ba chen
385a5 pos snang bar byas nas/ sangs rgyas kyi zhing stong phrag bco brgyad po de dag las thal te/ bcom ldan 'das de bzhin gshegs pa dgra bcom pa yang dag par rdzogs pa'i
385a6 sangs rgyas rin po che'i tog de'i sangs rgyas kyi zhing 'jig rten gyi khams rin po che dang ldan pa zhes bya ba de snang ba chen pos khyab par byas so/ /de nas bcom ldan 'das de bzhin
385a7 gshegs pa dgra bcom pa yang dag par rdzogs pa'i sangs rgyas rin po che'i tog bzhugs pa la/ byang chub sems dpa' sems dpa' chen po kha cig gis gsol pa/
385b1 bcom ldan 'das/ 'di ltar 'od chen po rab tu gda' ba 'di su'i ltas sngon du byung ba lags/ bcom ldan 'das rin po che'i tog gis bka' stsal pa/ rigs kyi bu/ sangs rgyas
385b2 kyi zhing 'di nas nub phyogs su sangs rgyas kyi zhing stong phrag bco brgyad 'das pa na 'jig rten gyi khams mi mjed ces bya ba yod de/ de na bcom ldan 'das de bzhin gshegs
385b3 pa dgra bcom pa yang dag par rdzogs pa'i sangs rgyas shAkya thub pa da lta na bzhugs te/ 'tsho zhing gzhes la chos kyang ston to/ /bcom ldan 'das de bzhin gshegs pa dgra
385b4 bcom pa yang dag par rdzogs pa'i sangs rgyas shAkya thub pa des zhal kyi mdzod spu nas 'od zer gcig btang bas/ 'od zer gyi snang ba des sangs rgyas kyi zhing stong phrag bco brgyad las
385b5 thal nas 'jig rten gyi khams 'di snang ba chen pos snang bar byas so/ /byang chub sems dpa' sems dpa' chen po de dag gis gsol pa/ bcom ldan 'das/ ci'i slad du de bzhin
385b6 gshegs pa dgra bcom pa yang dag par rdzogs pa'i sangs rgyas des 'od zer 'di btang / bcom ldan 'das rin po che tog gis bka' stsal pa/ 'jam dpal gzhon nur gyur pa
385b7 spran pa'i phyir ro/ /de ci'i phyir zhe na/ 'jam dpal gzhon nur gyur ba der 'ong bar bya ba'i phyir te/ byang chub sems dpa' sems dpa' chen po bgrang pa las 'das pa rnams
386a1 dang / lha dang / klu dang / gnod sbyin dang / dri za mang po la sogs pa 'khor der tshogs pa de dag 'jam dpal gzhon nur gyur pa la blta
386a2 ba dang / chos nyan par 'dod do/ /de nas de bzhin gshegs pa rin po che'i tog gis 'jam dpal gzhon nur gyur pa la 'di skad ces bka' stsal to/ /'jam dpal/ bcom
386a3 ldan 'das de bzhin gshegs pa shAkya thub pa dang / 'khor de dag thams cad khyod la lta 'dod kyi/ 'jig rten gyi khams mi mjed ces bya ba der song zhig /'jam dpal gyis
386a4 gsol pa/ bcom ldan 'das/ bdag gis kyang ltas sngon du byung ba 'di 'tshal to/ /de nas 'jam dpal gzhon nur gyur pa byang chub sems dpa' stong phrag bcu dang lhan
386a5 cig tu de bzhin gshegs pa rin po che'i tog gi zhabs la mgo bos phyag btsal te/ bcom ldan 'das de bzhin gshegs pa dgra bcom pa yang dag par rdzogs pa'i sangs
386a6 rgyas rin po che'i tog la lan gsum du bskor ba byas nas/ 'di lta ste/ skyes bu stobs po che lag pa bskum pa las brkyang pa'am/ lag pa brkyang pa las bskum pa bzhin du
386a7 skad cig yud tsam thang cig de nyid kyis 'jig rten gyi khams mi mjed 'dir phyin te/ de bar snang la lus mi snang bar 'dug nas/ bcom ldan 'das de bzhin gshegs
386b1 pa dgra bcom pa yang dag par rdzogs pa'i sangs rgyas shAkya thub pa la mchod pa bya ba'i phyir/ me tog sngon ma mthong / ma thos pa/ dri zhim pa/ kha dog dang ldan pa/ yid du 'ong ba'i char chen
386b2 po mngon par phab ste/ me tog gi char chen po phab pa des stong gsum gyi stong chen po'i 'jig rten gyi khams 'di bus mo nub tsam du gang bar gyur to/ /de nas 'khor de thams cad me tog gi
386b3 char chen po mthong nas ngo mtshar du gyur te/ bcom ldan 'das la gsol pa/ bcom ldan 'das/ su'i mthus 'di lta bur blta na sdug pa'i me tog gi char chen po mngon par phab/ bcom
386b4 ldan 'das kyis bka' stsal pa/ 'di ni 'jam dpal gzhon nur gyur pa 'jig rten gyi khams rin po che dang ldan pa nas byang chub sems dpa' stong phrag bcu dang 'grogs te/ 'jig
386b5 rten gyi khams mi mjed 'dir phyin nas de dag gi lus mi snang bar de bzhin gshegs pa la mchod pa'i phyir 'di lta bu'i me tog gi char chen po mngon par phab bo/ /'khor de dag gis
386b6 gsol pa/ /bcom ldan 'das/ 'jam dpal gzhon nur gyur pa de dang / byang chub sems dpa' sems dpa' chen po de dag bdag cag gis blta'o/ /de nas 'jam dpal gzhon
386b7 nur gyur pa/ byang chub sems dpa' stong phrag bcu dang lhan cig tu bar snang las babs te/ bcom ldan 'das kyi zhabs la mgo bos phyag btsal nas byang chub sems dpa' sems
387a1 dpa' chen po de dag dang / 'jam dpal gzhon nur gyur pa rang rang gi rdzu 'phrul gyis sprul pa'i stan la 'khod do/ /de nas lha'i bu rab tu zhi ba rnam par
387a2 dul ba'i dbang phyug gis bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ 'khor 'di
387a3 dag nyan 'tshal na/ bcom ldan 'das kyis bka' mchid kyi rgyud 'ga' zhig 'jam dpal gzhon nur gyur pa la smrar gsol/ bcom ldan 'das kyis bka' stsal pa/ lha'i
387a4 bu/ khyod nyid kyis gang 'dod pa dris shig /lha'i bus smras pa/ 'jam dpal/ bcom ldan 'das de bzhin gshegs pa rin po che'i tog de'i sangs rgyas kyi zhing na chos bstan pa/ ji
387a5 lta bu dag 'byung na der mngon par dga'/ 'jam dpal gyis smras pa/ don dam pa na 'dod chags bskyed pa'i phyir yang ma yin/ 'dod chags zad par bya ba'i phyir yang ma yin no/ /
387a6 don dam par na zhe sdang bskyed pa'i phyir yang ma yin/ zhe sdang zad par bya ba'i phyir yang ma yin no/ /don dam par na gti mug bskyed pa'i phyir yang ma yin/ gti mug zad par bya ba'i
387a7 phyir yang ma yin no/ /don dam par na ye shes bskyed pa'i phyir yang ma yin/ ye shes zad par bya ba'i phyir yang ma yin no/ /lha'i bus smras pa/ 'jam dpal/ ci'i phyir/ 'jam
387b1 dpal gyis smras pa/ lha'i bu/ mi skye ba la skye ba'am/ zad pa gang yang med do/ /lha'i bu/ don dam par na byang chub sems dpa' sems dpa' chen po rnams la rnam par rtog pa skyes
387b2 pa'am/ skye ba'am/ skye bar 'gyur ba gang yang med do/ /de ci'i phyir zhe na/ don dam par na chos thams cad rang bzhin gyis ma skyes pa'i phyir ro/ /lha'i bus smras pa/ 'jam
387b3 dpal/ de bzhin gshegs pa de ci zhig spang ba'i phyir chos ston/ 'jam dpal gyis smras pa/ don dam par na rang bzhin gyis mi skye mi zad pa'i phyir de bzhin gshegs pa de
387b4 chos ston to/ /de ci'i phyir zhe na/ byang chub sems dpa' sems dpa' chen po de dag ni don dam pa'i bden pa la lhur byed pa yin gyi kun rdzob kyi bden pa la'ang lhur byed pa ma
387b5 yin no/ /lha'i bus smras pa/ 'jam dpal/ don dam pa'i bden pa gang yin/ 'jam dpal gyis smras pa/ lha'i bu/ gal te don dam par na don dam pa'i bden pa lus dang /
387b6 ngag dang / yid kyi yul gyi rang bzhin du 'gyur na ni don dam pa'i bden pa zhes bya ba'i grangs su mi 'gro ste/ kun rdzob kyi bden pa nyid du 'gyur ro/ /'on kyang lha'i bu/ don dam
387b7 par na don dam pa'i bden pa ni tha snyad thams cad las yang dag par 'das pa/ bye brag med pa/ ma skyes pa/ ma 'gags pa/ smra bar bya ba dang / smra ba dang / shes par bya
388a1 pa dang / shes pa dang bral ba'o/ /lha'i bu/ don dam pa'i bden pa ni rnam pa thams cad kyi mchog dang ldan pa dang / thams cad mkhyen pa'o
388a2 ye shes kyi yul gyi bar las yang dag par 'das pa yin te/ lha'i bu/ de la rtog pa dang / rnam par rtog pa thams cad 'jug pa'ang med/ ldog pa'ang med do/ /don dam
388a3 par na de la pha rol yang med/ tshu rol yang med/ dbus kyang med de/ lha'i bu/ 'di ni don dam pa'i bden pa zhes sgro btags te brjod mod kyi/ ji ltar don dam pa'i
388a4 bden pa'o zhes bya ba ltar ni ma yin no/ /lha'i bu/ don ni don dam par mi skye ba ste/ de la tha snyad thams cad mi 'jug go /don dam par gang la tha snyad thams cad mi
388a5 'jug pa de ni/ lha'i bu/ don dam pa'i bden pa ste/ ji ltar don dam pa'i bden pa'o zhes brjod pa ltar ni ma yin no/ /lha'i bu/ de bzhin gshegs pa dgra bcom pa
388a6 yang dag par rdzogs pa'i sangs rgyas kyis kyang don dam par chos thams cad dang / sgra thams cad ni rdzun te slu ba'i chos so zhes bka' stsal to/ /lha'i bus smras pa/
388a7 'jam dpal/ ji ltar de bzhin gshegs pas chos bshad pa de rdzun du mi 'gyur ram/ 'jam dpal gyis smras pa/ lha'i bu/ de bzhin gshegs pa ni don dam par
388b1 na rdzun du'ang mi 'chad/ bden par yang mi 'chad do/ /de ci'i phyir zhe na/ lha'i bu/ don dam par na de bzhin gshegs pa ni ma skyes pa ste/ de don dam par na bden pa dang / rdzun par
388b2 mi 'chad do/ /lha'i bu/ de ji snyam du sems/ de bzhin gshegs pa'i sprul pas bshad pa de bden nam/ 'on te rdzun/ lha'i bus smras pa/ 'jam dpal/ de bzhin gshegs pa
388b3 sprul pas bshad pa ni bden pa'ang ma yin rdzun pa'ang ma yin no/ /de ci'i phyir zhe na/ 'jam dpal/ don dam par na de bzhin gshegs pas sprul pa la yang dag par yongs su
388b4 grub pa gang yang med do/ /'jam dpal gyis smras pa/ lha'i bu/ de de bzhin te/ de bzhin gshegs pas don dam par chos thams cad yongs su ma grub par mkhyen to/ /gang
388b5 don dam par yongs su ma grub pa de ni don dam par na bden pa zhes kyang mi bya/ rdzun pa zhes kyang mi bya'o/ /de ci'i phyir zhe na/ don dam par na chos thams cad ma skyes pa'i phyir ro/ /
388b6 lha'i bus smras/ ci 'jam dpal/ de bzhin gshegs pa don dam pa'i bden pa ston tam/ 'jam dpal gyis smras pa/ lha'i bu/ don dam pa'i bden pa ni bstan par mi nus so/ /
388b7 de ci'i phyir zhe na/ gang ston pa dang / gang gis ston pa dang / ci ston pa dang / gang la ston pa dang / ci'i phyir ston pa'i chos de dag thams cad don dam par na rab tu ma skyes pa'o/ /
389a1 rab tu ma skyes pa'i chos rnams kyis ni rab tu ma skyes pa'i chos rnams bshad mi nus so/ /'jam dpal gzhon nur gyur pas don dam pa'i bden pa
389a2 bstan pa 'di ni mi ston pa'i tshul gyis bstan pa na dge slong lnga brgya len pa med par zag pa rnams las sems rnams par grol lo/ /byang chub sems dpa' sems dpa' chen
389a3 po bgrang ba las 'das pa rnams ni mi skye ba'i chos la bzod pa ma skyes pa'i tshul gyis bzod pa skyes so/ /lha'i bus smras pa/ 'jam dpal/ don dam pa'i bden pa la mos
389a4 par dka'o/ /'jam dpal gyis smras pa/ lha'i bu/ don dam pa'i bden pa la ni dmigs pa can thams cad kyis mos par dka'o/ /lha'i bus smras pa/ 'jam dpal/ don
389a5 dam pa'i bden pa khong du chud par dka'o/ /'jam dpal gyis smras pa/ lha'i bu/ mi brtson pas don dam pa khong du chud par dka'o/ /lha'i bus smras pa/ 'jam dpal/ ji ltar
389a6 na dge slong mngon par brtson pa yin/ 'jam dpal gyis smras pa/ lha'i bu/ don dam par na nam yongs su shes pa dang / spang ba dang / bsgom pa dang / mngon du bya ba'i phyir
389a7 brtson bar ma gyur na/ lha'i bu/ de ltar dge slong mi brtson pa'i tshul gyis mngon par brtson pa yin no/ /de ci'i phyir zhe na/ gang 'di snyam du don dam par 'di yongs su shes
389b1 par bya'o/ /'di spang bar bya'o/ /'di bsgom par bya'o/ /'di mngon du bya'o snyam du sems pa'i sbyor ba de ni mtshan ma dang bcas pa/ spros pa dang bcas pa/ dmigs pa dang bcas
389b2 pa| nyon mongs pa dang bcas pa/ 'khrugs pa dang bcas pa/ 'jigs pa dang bcas pa/ nad dang bcas pa/ sdug bsngal dang bcas pa/ zug rngu dang bcas pa/ dug dang bcas pa
389b3 ste| de'i sbyor ba de ni yang dag pa ma yin no/ /lha'i bus smras pa/ 'jam dpal/ yang dag par sbyor ba ni gang yin/ 'jam dpal gyis smras pa/ lha'i bu/ don dam par na de
389b4 bzhin nyid dang / chos kyi dbyings dang / shin tu mi skye ba gang dang mnyam pa/ don dam par na mtshams med pa lnga po dag kyang de dang mnyam mo/ /don dam par na de bzhin nyid
389b5 dang | chos kyi dbyings dang / shin tu mi skye ba gang dang mnyam pa/ don dam par na lta bar gyur pa rnams kyang de dang mnyam mo/ /don dam par na de bzhin nyid dang / chos kyi
389b6 dbyings dang / shin tu mi skye ba gang dang mnyam pa/ don dam par na so so'i skye bo'i chos rnams kyang de dang mnyam mo/ /don dam par na de bzhin nyid dang / chos kyi dbyings dang /
389b7 shin tu mi skye ba gang dang mnyam pa/ don dam par na slob pa'i chos rnams kyang de dang mnyam mo/ /don dam par na de bzhin nyid dang / chos kyi dbyings dang / shin tu mi skye ba
390a1 gang dang mnyam pa/ don dam par na mi slob pa'i chos rnams kyang de dang mnyam mo/ /don dam par na de bzhin nyid dang / chos kyi dbyings
390a2 dang | shin tu mi skye ba gang dang mnyam pa/ don dam par na yang dag par rdzogs pa'i sangs rgyas kyi chos rnams kyang de dang mnyam mo/ /don dam par na yang dag par
390a3 rdzogs pa'i sangs rgyas kyi chos rnams gang dang mnyam pa/ don dam par na de bzhin nyid dang / chos kyi dbyings dang / shin tu mi skye ba'ang de dang mnyam mo/ /don dam par
390a4 na yang dag par rdzogs pa'i sangs rgyas kyi chos rnams gang dang mnyam pa/ don dam par na mya ngan las 'das pa'ang da dang mnyam mo/ /don dam par na mya ngan las 'das
390a5 pa gang dang mnyam pa/ don dam par na 'khor ba'ang de dang mnyam mo/ /don dam par na 'khor ba gang dang mnyam pa/ don dam par na kun nas nyon mongs pa'ang de dang
390a6 mnyam mo/ /don dam par na kun nas nyon mongs pa gang dang mnyam pa/ don dam par na rnam par byang ba'ang de dang mnyam mo/ /don dam par na rnam par byang ba gang dang
390a7 mnyam pa/ don dam par na chos thams cad kyang de dang mnyam mo/ /de ltar don dam par chos thams cad mnyam pa nyid yang dag par sbyor ba'i dge slong ni/ lha'i bu/
390b1 don dam par na yang dag par sbyor ba zhes bya ste/ ji skad brjod pa bzhin du ni ma yin no/ /lha'i bus smras pa/ 'jam dpal/ mnyam pa nyid gang gis don dam par na rnam par
390b2 byang ba' bar du gang dang mnyam pa don dam par na chos thams cad kyang de dang mnyam zhes bya/ 'jam dpal gyis smras pa/ don dam par na chos thams cad shin tu mi 'byung bar
390b3 mnyam pa dang / don dam par na chos thams cad shin tu mi skye bar mnyam pa dang / don dam par na chos thams cad shin tu dngos po med par mnyam pas/ lha'i bu/ don dam par na chos
390b4 thams cad mnyam mo/ /de ci'i phyir zhe na/ lha'i bu/ don dam par na shin tu mi 'byung ba nyid kyi phyir chos thams cad ni tha dad du bya ba med do/ /lha'i bu/ 'di lta ste/ dper na/ kham
390b5 pa'i snod kyi nang gi nam mkha' gang yin pa dang / rin po che'i snod kyi nang gi nam mkha' gang yin pa de ni nam mkha'i khams nyid yin te/ de la don dam par na cung zad kyang tha
390b6 dad du bya ba med do/ /lha'i bu/ de bzhin nyid du nyon mongs pa gang yin pa de don dam par na shin tu mi 'byung ba nyid do/ /rnam par byang ba gang yin pa de'ang don dam par na shin
390b7 tu mi 'byung ba nyid do/ /don dam par na 'khor ba'ang shin tu mi 'byung ba nyid do/ /don dam par na mya ngan las 'das pa'i bar du'ang shin tu mi 'byung ba nyid de/ 'di la don
391a1 dam par na tha dad du bya ba cung zad kyang med do/ /de ci'i phyir zhe na/ don dam par na chos thams cad shin tu mi 'byung ba'i phyir ro/ /lhar
391a2 bus smras pa/ 'jam dpal/ byang chub sems dpa' sems dpa' chen pos 'phags pa'i bden pa dag la ji ltar brtson par bya/ 'jam dpal gyis smras pa/ lha'i bu/
391a3 gal te byang chub sems dpa' sems dpa' chen pos 'phags pa'i bden pa dag la brtson par mi byed na/ ji ltar nyan thos rnams la mi ston pa'i tshul gyis chos ston/ lha'i
391a4 bu| de lta mod kyi byang chub sems dpa' sems dpa' chen po'i bden pa sgom pa ni lta ba dang bcas pa'o/ /nyan thos kyi bden pa sgom pa ni mi lta ba'o/ /de ci'i phyir zhe na/
391a5 lha'i bu| byang chub sems dpa' sems dpa' chen po rnams ni kun rdzob tu sems can thams cad la lta ba ste/ bden pa rnams mi sgom pa'i tshul gyis kyang sgom mod kyi/
391a6 dngos po med par dmigs pa'i rnam pas yang dag pa nyid kyi mtha' de'ang mngon du mi byed do/ /kun rdzob tu thabs mkhas pa bsgrub pa'i phyir byang chub sems dpa' sems
391a7 dpa' chen po dag bden pa rnams la mi sgom pa'i tshul gyis sgom mo/ /kun rdzob tu 'khor ba dang mya ngan las 'das pa'i bden pa'ang mi 'dor la/ kun rdzob tu sangs
391b1 rgyas kyi ye shes la so sor brtag pa'i phyir byang chub sems dpa' sems dpa' chen po dag bden pa rnams la mi sgom pa'i tshul gyis kyang sgom mo/ /lha'i bu/ 'di lta ste/
391b2 dper na 'gron pa mang po bcings nas skyes bu gcig bros te/ 'gron pa mang po'i nang nas byung nas 'brog dgon par zhugs pa dang / de yid 'jigs shing skrag nas phyir mi
391b3 ldog par 'brog dgon pa las 'das so/ /lha'i bu/ de bzhin du nyan thos rnams 'khor bas 'jigs shing skrag nas 'khor ba las bros te/ 'jig rten 'dir phyir mi
391b4 'ong zhing gcig pu gnyis su med pas bden pa sgom ste/ thabs kyi rigs pa dang bral bas sems can thams cad la mi lta ba nas thams cad mkhyen pa'i ye shes kyi bar la
391b5 mi lta ba'o/ /lha'i bu/ 'di lta ste/ dper na/ ded dpon g.yog mang po/ lam rgyags thams cad 'byor pa/ zong chen po bsdu ba'i phyir 'gro'o snyam nas skye bo mang po bsdus te/
391b6 de 'jigs shing skrag pa med par 'brog dgon pa de las 'da'o/ /lha'i du/ de bzhin du byang chub sems dpa' sems dpa' chen po'ang kun rdzob tu ded dpon chen po ltar
391b7 'jig rten gyi spyod pas/ sems can thams cad nye bar 'tsho ba/ g.yog mang po snying rje chen po'i sbyor ba can/ dge ba'i rtsa ba thams cad kyi lam rgyags 'byor pa/ pha rol tu
392a1 phyin pa drug dang / bsdu ba'i dngos pos yongs su bzung zhing bla na med pa'i bsod nams dang / ye shes yang dag par bsdu ba'i khe chen po dang
392a2 ldan pa'ang sems can gyi khams thams cad kyi don byed cing / sangs rgyas kyi zhing nas sangs rgyas kyi zhing du 'gro ste/ sems can thams cad nye bar 'tsho bar gyur cing thabs
392a3 mkhas pas bden pa rnams la sgom mo/ /lha'i bu/ 'di lta ste/ dper na/ sha na'i ras la me tog tsam+pa ka dang / me tog 'bar shi kas bsgos na de'i dri myur du yal bar
392a4 'gyur ro/ /lha'i bu/ de bzhin du nyan thos kyi bden pa la sgom pa ni yun thung bar blta ste/ de myur du mya ngan las 'das nas sangs rgyas kyi tshul khrims dang / thos pa
392a5 dang / ting nge 'dzin dang / shes rab dang / ye shes kyi dri'ang mi 'byin/ bag chags kyi mtshams sbyor ba'i nyon mongs pa'ang spong mi nus so/ /lha'i bu/ 'di lta ste/
392a6 dper na/ yul ka shi ka'i gos rin po che la/ mi dang / lha'i spos dang / me tog gi dris bskal pa chen po brgya stong du bsgos na/ de'i lha'i dri de rtag tu bro zhing / dri gtsang
392a7 mas lha dang / mi zil gyis gnon to/ /lha'i bu/ de bzhin du byang chub sems dpa' sems dpa' chen po'i bden bsgom pa mi sgom pa'i tshul gyis bskal pa brgya stong grangs
392b1 med par bsgoms pa ni/ rnam pa thams cad kyi mchog dang ldan pa thams cad mkhyen pa'i ye shes ma thob kyi bar du bar mdor de yongs su mya ngan las mi 'da' zhing / 'di lta
392b2 ste| rnam pa thams cad kyi mchog dang ldan pa thams cad mkhyen pa'i ye shes kyi dri mi dmigs pa'i tshul gyis shin tu dri zhim par 'gyur ro/ /'jig rten gyi tha snyad du nyon
392b3 mongs pa'i bag chags thams cad kyang spong zhing / lha dang / mi dang / lha ma yin du bcas pa'i 'jig rten rnams kyang 'du bar 'gyur ro/ /de nas lha'i bu rab tu zhi ba rnam
392b4 par dul ba'i dbang phyug gis 'jam dpal gzhon nur gyur pa la 'di skad ces smras so/ /'jam dpal/ bcom ldan 'das de bzhin gshegs pa dgra bcom pa yang dag
392b5 par rdzogs pa'i sangs rgyas rin po che'i tog de'i nyan thos kyi dge 'dun de ci 'dra/ 'jam dpal gyis smras pa/ don dam par na dad pa'i rjes su 'gro ba'ang ma yin/
392b6 gzhan la dad pas 'gro ba'ang ma yin no/ /don dam par na rigs kyi rjes su 'gro ba'ang ma yin te/ don dam par de bzhin gshegs pa'i rigs kyang mi gtong ngo / /don
392b7 dam par na chos kyi rjes su 'gro ba'ang ma yin te/ don dam par na chos gang yang mi dmigs so/ /don dam par na brgyad pa'ang ma yin te/ kun rdzob tu na log pa'i chos
393a1 brgyad dang yang bral lo/ /don dam par na rgyun du zhugs pa'ang ma yin te/ 'jig rten gyi tha snyad kyi bden pa na ngan song thams cad las kyang
393a2 'das so/ /don dam par na lan gcig phyir 'ong ba'ang ma yin te/ kun rdzob tu na sems can yongs su smin par bya ba'i phyir yang 'ong ngo / /don dam par na phyir mi 'ong ba'ang
393a3 ma yin te/ kun rdzob tu na chos thams cad las 'ong ba med do/ /don dam par na dgra bcom pa'ang ma yin te/ 'jig rten gyi tha snyad du na lha dang bcas pa'i 'jig rten gyis
393a4 bla na med pa'i mchod par 'os pa'ang yin no/ /don dam par na nyan thos kyang ma yin te/ mi dmigs pa'i tshul gyis sangs rgyas bcom ldan 'das thams cad las thos
393a5 pa'ang 'dzin to/ /don dam par na 'dod chags dang bral ba'ang ma yin te/ kun rdzob tu na 'dod chags kyi yongs su gdung bas kyang mi gdung ngo / /don dam par na zhe sdang
393a6 dang bral ba'ang ma yin te/ kun rdzob tu na zhe sdang gis yongs su gdung bas kyang mi gdung ngo / /don dam par na gti mug dang bral ba'ang ma yin te/ kun rdzob tu na chos
393a7 thams cad mun pa mun nag dang bral ba'o/ /don dam par na nyon mongs pa dang bral ba'ang ma yin te/ kun rdzob tu na sems can thams cad kyi nyon mongs pa gdul ba'i
393b1 phyir yang brtson no/ /don dam par na thog ma nas ma skyes pa nges par zhugs kyang kun rdzob tu na bsams bzhin du srid pa len to/ /kun rdzob tu na 'khor ba'ang yongs su 'dzin
393b2 mod kyi/ don dam par na chos gang yang yongs su 'dzin pa dang / gtong ba'ang med do/ /de don dam par na chos thams cad shin tu dran pa dang bral bar mi mthong bas mthong ste/ kun
393b3 rdzob tu na dran pa nye bar bzhag pa rnams kyang sgom mo/ /de don dam par na chos thams cad shin tu ma skyes ma 'gags par mi shes pa'i tshul gyis kyang rab tu shes la/ 'jig
393b4 rten gyi spyod par na yang dag par spong ba rnams kyang sgom mo/ /de don dam par na lus dang / sems med pa'ang 'jig rten gyi kun rdzob kyi bden par na rdzu 'phrul gyi rkang pa rnams kyang
393b5 sgrub bo/ /de don dam par na dbang po thams cad dang bral yang kun rdzob tu na dbang po rnams kyang sgrub bo/ /de don dam par na chos thams cad rab tu dngos po med par mi mthong
393b6 ba'i tshul gyis mthong yang nga rgyal can dmigs pa can thams cad tshar gcod pa'i phyir mi sgom pa'i tshul gyis stobs kyang sgom mo/ /de don dam par na chos thams cad shin tu
393b7 dngos po med par khong du chud par bya ba'i phyir mi sgom pa'i tshul gyis byang chub kyi yan lag rnams kyang sgom mo/ /de don dam par na shin tu dngos po med kyang kun rdzob tu ni
394a1 sgom pa'i tshul gyis lam yang sgom mo/ /de don dam par na yang dag pa'i mtha' la zhi gnas ma ron par sgrub bo/ /de don dam par na lhag mthong
394a2 shin tu mi skye bar mi sgom pa'i tshul gyis mthong ngo / /de don dam par na ma rig pa zad pa nyid du mi dmigs pa'i tshul gyis rig pa skyed de/ don dam par na zad pa'am/ skye bar
394a3 mi dmigs so/ /de sha'i mig gi sems can thams cad dang / sangs rgyas kyi zhing thams cad kyang mthong la de don dam par na ci'ang mi mthong ngo / /de lha'i mig gis sems can
394a4 thams cad kyi 'chi 'pho dang / skye ba yang dag pa ji lta ba bzhin du mthong yang don dam par na ci'ang mi mthong ngo / /de shes rab kyi mig gis sems can thams cad kyi sems kyi spyod pa
394a5 dang / g.yo ba rnams yang dag pa ji lta ba bzhin du shes kyang don dam par na ci'ang mi shes so/ /de chos kyi mig gis chos thams cad yang dag pa ji lta ba bzhin du mthong yang
394a6 don dam par na chos ci'ang mi mthong ngo / /de sangs rgyas kyi spyan gyis sangs rgyas kyi mdzad pa thams cad byed kyang don dam pa na ci'ang mi byed do/ /de lha'i rna bas sangs rgyas bcom
394a7 ldan 'das thams cad kyis chos bstan pa thos kyang don dam par na ci'ang mi thos so/ /de sems gcig gis sems can thams cad kyi sems la lha'ang don dam par na
394b1 ci'ang mi lta'o/ /de rjes su dran pa'i ye shes kyis sngon gyi mtha' yang rjes su dran mod kyi don dam pa na ci'ang mi dran no/ /de rdzu 'phrul gyi sangs rgyas kyi zhing bsam gyi mi
394b2 khyab par 'gro'ang don dam par na/ 'ong ba'am/ 'gro ba med do/ /de ni zag pa zad kyang don dam par na zad pa'i chos can ma yin no/ /snang yang snang la don dam par na
394b3 de'i lus yongs su sgrub pa'ang med do/ /smra'ang smra la don dam pa na yi ger yang mi brjod do/ /sems kyang sems la don dam par na sems dang / sems las byung ba'i
394b4 chos su brjod par bya ba ma yin no/ /don dam par na gzugs su'ang mi snang la kun rdzob tu skyes bu chen po'i mtshan sum cu rtsa gnyis kyis ni brgyan/ dpe byad bzang pos
394b5 ni spras/ bsod nams dang / ye shes kyi tshogs kyis ni brgyan/ gzi brjid ni bsnyen par dka'/ brjod pa ni rnam par bsgrags/ tshul khrims kyi byug pas ni byugs/
394b6 ngan du smra pa'i tshig rnams kyis ni kun nas nyon mongs par gyur pa med/ mngon par shes pas ni rnam par rol/ thos pas ni rnam par shigs/ spobs pas ni rab tu
394b7 sgrog |kun rdzob tu ni ye shes kyis ni dam par 'phrul/ ye shes kyi 'od kyis ni mun pa mun nag sel/ shes rab kyis ni snang bar byed/ mtha' yas par bstan pa ni rtogs
395a1 par khong du chud do/ /kun rdzob tu ni sems can thams cad kyi ni skyabs/ sangs rgyas bcom ldan 'das rnams kyis ni rtag tu gzigs/ nyan thos dang /
395a2 rang sangs rgyas dang / mu stegs can dmigs pa can thams cad kyis ni mi blta zhing byang chub kyi phyir ni rtag tu blta ba ste/ kun rdzob tu ni bstan pa ni zad mi shes/ dran pa ni
395a3 rgya mtsho dang 'dra/ ting nge 'dzin ni ri rab dang mtshungs/ bzod pa ni sa dang 'dra'o/ /kun rdzob tu ni rnam par rtog pa thams cad sel ba'i phyir dpa' ba'o/ /mi shis pa'i mun pa
395a4 mun nag sel ba'i phyir nyi ma lta bu'o/ /rab tu snang ba'i phyir zla ba dang 'dra'o/ /kun rdzob tu ni 'du ba'i phyir dbang po dang mtshungs so/ /kun rdzob tu ni sems la dbang byed
395a5 pa'i phyir tshangs pa dang 'dra'o/ /kun rdzob tu ni nam mkha' la dbang byed pa'i phyir mi mnyam pa dang mnyam pa'o/ /kun rdzob tu ni thams cad rjes su song yang don dam
395a6 par ni gang du song ba'am/ 'ongs pa'am/ 'dug pa med do/ /de ci'i phyir zhe na/ don dam par na chos thams cad shin tu ma byung ba'i phyir ro/ /lha'i bu/ bcom ldan
395a7 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos kyi dge 'dun ni de dang 'dra ste/ de bas kyang lhag par
395b1 bsam gyis mi khyab pa'i chos dang yang ldan no/ /'jam dpal gzhon nur gyur pas mi dmigs pa'i tshul gyis bstan pa 'di bshad pa na dge slong lnga brgya dang / dge bsnyen lnga brgya
395b2 dang / lha'i bu lnga stong dmigs pa can de dag thams cad kyis 'di skad ces gsol to/ /bcom ldan 'das/ bdag cag kyang de bzhin gshegs pa dgra bcom pa yang dag par
395b3 rdzogs pa'i sangs rgyas rin po che'i tog de'i nyan thos su gyur cig /'jam dpal gyis smras pa/ kye grogs po dag /sangs rgyas kyi zhing der dmigs pa can thams cad mi skye'o/ /kye
395b4 grogs po dag /byang chub sems dpa' sems dpa' chen po dmigs pa med pa rnams ni mi skye ba'i tshul gyis der skye'o/ /kye grogs po dag /gal te khyed kyang der 'dod na khyed kyis
395b5 mi dmigs pa'i tshul gyis shes rab kyi pha rol tu phyin pa la brtson par gyis shig /kye grogs po dag /khyed nam shes rab kyi pha rol tu phyin pa la mi dmigs pa'i tshul gyis brtson
395b6 par gyur pa de'i tshe/ grogs po dag /khyed la rnam pa'i mchog thams cad dang ldan pa thams cad mkhyen pa'i ye shes kyang rnyed par mi dka' na/ sangs rgyas kyi zhing yongs su
395b7 dag par skye ba lta smos kyang ci dgos/ lha'i bu rab tu zhi ba rnam par dul ba'i dbang phyug gis yang 'jam dpal gzhon nur gyur pa la 'di skad ces smras so/ /'jam
396a1 dpal/ nyan thos kyi 'dul ba ni ji lta bu/ byang chub sems dpa' sems dpa' chen po'i 'dul ba ni ji lta bu/ 'jam dpal gyis smras pa/ lha'i bu/ khams
396a2 gsum gyis skrag pas btul ba ni nyan thos kyi 'dul ba'o/ /dge ba'i rtsa ba'i tshogs thams cad bsags shing sems can thams cad dbugs 'byin pa dang / khams
396a3 gsum du bsams bzhin du skye bas btul ba ni kun rdzob tu na byang chub sems dpa' sems dpa' chen po'i 'dul ba'o/ /nyon mongs pa thams cad la sdang ba ni nyan
396a4 thos kyi 'dul ba'o/ /sems can thams cad kyang nyon mongs pa spang ba'i phyir rjes su btul ba ni kun rdzob tu na byang chub sems dpa' sems dpa' chen po'i 'dul ba'o//
396a5 phyogs gcig rig pa ni nyan thos kyi 'dul ba'o/ /phyogs bcu mtha' yas mu med pa'i 'jig rten gyi khams thams cad rig pa ni kun rdzob tu na byang chub sems dpa'
396a6 sems dpa' chen po'i 'dul ba'o/ /bdud thams cad la btang snyoms pa ni nyan thos kyi 'dul ba'o/ /phyogs bcu mtha' yas mu med pa'i 'jig rten gyi khams su
396a7 gtogs pa'i bdud kyi rigs thams cad dkrugs shing / phyir rgol ba thams cad 'joms pa ni kun rdzob tu ni byang chub sems dpa' sems dpa' chen po'i 'dul
396b1 ba'o| |bdag gi rgyud gsal bar byed pa ni nyan thos kyi 'dul ba'o/ /sems can thams cad kyi rgyud gsal bar byed cing / thams cad mkhyen pa'i ye shes snang bar byed pa
396b2 dang | chos thams cad la bsgribs pa med pa'i ye shes mthong ba snang bar byed pa ni kun rdzob tu na byang chub sems dpa' sems dpa' chen po'i 'dul ba'o/ /rang gi sems
396b3 kyis bsags pa ni nyan thos kyi 'dul ba'o/ /'das pa dang / ma byon pa dang / da ltar gyi sangs rgyas thams cad kyi dgongs pa ni kun rdzob tu na byang chub sems dpa' sems dpa'
396b4 chen po'i 'dul ba'o/ /rdo chag pa'i 'phro mi 'byor ba lta bu ni nyan thos kyi 'dul ba'o/ /gser dang / dngul chag pa'i 'phro 'byor ba lta bu ni kun rdzob tu na byang chub sems dpa'
396b5 sems dpa' chen po'i 'dul ba'o/ /sangs rgyas kyi chos thams cad dang / thabs mkhas pa dang bral ba ni nyan thos kyi 'dul ba'o/ /thabs mkhas pa chen po dang / sangs rgyas kyi
396b6 chos thams cad du bsdu bas bsdus pa ni kun rdzob tu na byang chub sems dpa' sems dpa' chen po'i 'dul ba'o/ /stobs bcu dang / mi 'jigs pa dang / ma 'dres pa dang / thams cad
396b7 mkhyen pa'i ye shes dang bral ba ni nyan thos kyi 'dul ba'o/ /stobs bcu dang / mi 'jigs pa dang / ma 'dres pa dang / thams cad mkhyen pa'i ye shes su bsdu bas bsdus pa ni kun
397a1 rdzob tu na byang chub sems dpa' sems dpa' chen po'i 'dul ba'o/ /mes tshig pa las 'bros pa lta bu ni nyan thos kyi 'dul ba'o/ /skyed mos
397a2 tshal dang / gzhal med khang lta bur chos kyi dga' bas dga' ba ni kun rdzob tu na byang chub sems dpa' sems dpa' chen po'i 'dul ba'o/ /bag chags kyi rgyun ma bcad
397a3 pa ni nyan thos kyi 'dul ba'o/ /bag chags thams cad yang dag par bcom pa ni kun rdzob tu na byang chub sems dpa' sems dpa' chen po'i 'dul ba'o/ /lha'i bu/ mdor
397a4 na tshad du gtogs pa tshad kyi chos kyis drangs pa ni nyan thos kyi 'dul ba'o/ /tshad du gtogs pa ma yin pa tshad med pa'i chos kyis drangs pa ni kun rdzob tu na byang chub sems dpa'
397a5 sems dpa' chen po'i 'dul ba'o/ /tshad yod pa'i tshul khrims dang / thos pa dang / ting nge 'dzin dang / shes rab dang / rnam par grol ba dang / rnam par grol ba'i ye
397a6 shes mthong ba thob par byed pa ni nyan thos kyi 'dul ba'o/ /tshad yod pa ma yin pa/ tshad med pa'i yon tan dang ldan zhing / tshad med pa'i tshul khrims dang / thos pa dang /
397a7 ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni kun rdzob tu na byang chub sems dpa' sems dpa' chen po'i
397b1 rnam par grol ba'o/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal/ khyod kyis kun rdzob tu na byang chub sems dpa'
397b2 sems dpa' chen po rnams kyi 'dul ba legs par bshad pa legs so/ /legs so/ /'jam dpal/ yang 'di ltar don de nyid bstan pa'i phyir khyod la dpe bstan to/ /'jam
397b3 dpal/ 'di lta ste/ dper na/ skyes bu gnyis shig yod la/ de las skyes bu gcig ni ba lang gi rjes kyi bsngags pa smra/ skyes bu gcig ni rgya mtsho chen po'i bsngags pa smra na/
397b4 'jam dpal/ de ji snyam du sems/ skyes bu des ba lang gi rjes kyi bsngags pa ji snyed cig brjod nus/ 'jam dpal gyis gsol pa/ bcom ldan 'das/ ba lang gi
397b5 rjes thams cad kyang chud na/ de'i bsngags pa lta ci smos/ bcom ldan 'das kyis bka' stsal pa/ 'jam dpal/ de bzhin du ba lang gi rjes chung ba ltar nyan thos kyi 'dul
397b6 bar blta'o/ /'jam dpal/ 'di ji snyam du sems/ skyes bu gcig shos des rgya mtsho chen po'i bsngags pa ji tsam zhig brjod nus/ 'jam dpal gyis gsol pa/
397b7 bcom ldan 'das/ rgya mtsho chen po'i bsngags pa ni shin tu mang ste/ dpag tu ma mchis/ bsam gyis mi khyab bo/ /bcom ldan 'das kyis bka' stsal pa/ 'jam dpal
398a1 de bzhin du rgya mtsho chen po'i bsngags pa dpag tu med pa ltar kun rdzob tu na byang chub sems dpa' sems dpa' chen po'i 'dul bar
398a2 blta'o/ /de nas bstan pa 'di mi ston pa'i tshul gyis bshad pa na lha'i bu khri nyis stong gis don dam par na ma skyes pa'i tshul gyis bla na med pa yang dag par rdzogs
398a3 pa'i byang chub tu sems skyes nas tshig 'di skad ces kyang smra ste/ bcom ldan 'das/ bdag cag ni byang chub sems dpa'i bslab pa 'di la mi slob pa'i tshul gyis slob bo/ /de
398a4 nas lha'i bu rab tu zhi ba rnam par dul ba'i dbang phyug gis 'jam dpal gzhon nur gyur pa la 'di skad ces smras so/ /ci/ 'jam dpal/ khyod nyan thos kyi 'dul ba la
398a5 bsabs sam/ 'on te byang chub sems dpa'i 'dul ba la bslabs/ 'jam dpal gyis smras pa/ lha'i bu/ 'di ji snyam du sems/ rgya mtsho chen por mi shong ba'i chu
398a6 gang yang yod dam/ lha'i bus smras pa/ 'jam dpal/ rgya mtsho chen por mi shong ba'i rgyu gang yang med do/ /'jam dpal gyis smras pa/ lha'i bu/ de bzhin du kun rdzob tu
398a7 na byang chub sems dpa' sems dpa' chen po'i 'dul ba ni rgya mtsho chen po dang 'dra'o/ /lha'i bus smras pa/ 'jam dpal/ 'dul ba 'dul ba zhes bya ba'i tshig gi
398b1 don gang yin/ 'jam dpal gyis smras pa/ lha'i bu/ nyon mongs pa 'dul ba ni kun rdzob tu na 'dul ba'o/ /nyon mongs pa yongs su shes pa'ang 'dul ba'o/ /lha'i bus smras pa/ 'jam
398b2 dpal/ ji ltar na nyon mongs pa 'dul bar 'gyur/ ji ltar na nyon mongs pa yongs su shes pa yin/ 'jam dpal gyis smras pa/ don dam par na chos
398b3 thams cad ma byung ma skyes dngos po med pa yin na kun rdzob tu med pa la phyin ci log tu gyur te/ med pa la las phyin ci log tu gyur pa de las kun tu rtog pa dang / rnam par rtog pa'o/ /kun
398b4 tu rtog pa dang / rnam par rtog pa de las tshul bzhin ma yin pa yid la byed pa'o/ /tshul bzhin ma yin pa yid la byed pa de las bdag tu sgro 'dogs pa'o/ /bdag tu sgro 'dogs pa de las lta
398b5 ba kun nas ldang ba'o/ /lta ba kun nas ldang ba de las nyon mongs pa rnams 'byung ngo / /gang yang / lha'i bu/ don dam par na chos thams cad shin tu ma skyes ma byung dngos po med par
398b6 mi shes pa'i tshul gyis rab tu shes pa de ni don dam par na phyin ci ma log pa'o/ /gang don dam par na phyin ci ma log pa de ni rtog pa med cing rnam par mi rtog pa'o/ /gang rtog pa med
398b7 cing rnam par mi rtog pa de ni tshul bzhin rab tu sbyor ba'o/ /gang tshul bzhin rab tu sbyor ba de la don dam par na bdag tu sgro 'dogs pa mi 'byung ngo / /rang la don dam par
399a1 na/ bdag tu sgro 'dogs pa mi 'byung ba de la lta ba kun nas ldang bar mi 'gyur ba nas/ don dam par na mya ngan las 'das par lta ba kun nas ldang
399a2 bar yang mi 'gyur te/ de ltar ma skyes pa la spyod pa de ni nyon mongs pa shin tu rnam par dul bar mi lta ba'i tshul gyis blta ste/ lha'i bu/ 'di ni nyon mongs pa 'dul ba
399a3 zhes bya'o/ /lha'i bu/ nam nyon mongs pa rnams la snang pa med pa'i shes rab dang / ye shes kyis don dam par na shin tu stong pa dang / shin tu mtshan ma med pa dang / shin tu smon
399a4 pa med do/ /don dam par na shin tu ma skyes/ ma byung / dngos po med par mi shes pa'i tshul gyis rab tu shes na/ lha'i bu/ de'i tshe mi shes pa'i tshul gyis nyon mongs pa rnams
399a5 yongs su shes pa yin no/ /lha'i bu/ 'di lta ste/ dper na/ sprul kha gdug pa'i rig sngags 'don pa des ni sprul kha gdug pa'i gdug pa rab tu zhi bar byed do/ /lha'i bu/
399a6 de bzhin du gang nyon mongs pa rnams kyi rigs rab tu shes pa de'i nyon mongs pa rnams shin tu mi dmigs pa'i tshul gyis rab tu zhi bar 'gyur ro/ /lha'i bus smras pa/ 'jam
399a7 dpal/ nyon mongs pa'i rigs de gang yin/ 'jam dpal gyis smras pa/ lha'i bu/ don dam par na chos thams cad ma skyes/ ma byung / dngos po med pa la gang kun tu rtog pa de ni
399b1 nyon mongs pa rnams kyi rigs so/ /don dam par na kun tu ma rtog pa'i phyir kun nas nyon mi mongs so/ /lha'i bu/ kun nas nyon mongs pas kun gzhi med do/ /kun gzhi med pas don
399b2 dam par ni mi gnas so/ /mi gnas pas/ don dam par mi 'tshig go /mi 'tshig pas don dam par na nye bar zhi ba zhes bya'o/ /don dam pa na ji skad smras pa bzhin du ni ma yin
399b3 te| lha'i bu/ kun rdzob tu na 'di ni nyon mongs pa 'dul ba'o/ /lha'i bus smras pa/ 'jam dpal/ ji ltar na nyon mongs pa rnams 'dul bar 'gyur/ ci yod pa zhig gam/
399b4 'on te med pa zhig/ 'jam dpal gyis smras pa/ lha'i bu/ 'di lta ste/ dper na/ skyes bu zhig gnyid kyis log pa'i rmi lam la sprul kha gdug pas zin nas de sdug bsngal
399b5 gyis gtse ba las yang dug sman btang nas/ de'i gdug pa med par gyur te/ gdug pa med par gyur pas sdug bsngal yang med par gyur na/ lha'i bu/ de ji snyam du sems/
399b6 skyes bu de yang dag par zin tam/ 'on te yang dag pa ma yin/ lha'i bus smras pa/ 'jam dpal/ don dam par na shin tu yang dag pa ma yin no/ /'jam dpal gyis
399b7 smras pa/ lha'i bu/ ji ltar dug de med par gyur/ lha'i bus smras pa/ 'jam dpal/ ji ltar zin pa shin tu mi bden pa de bzhin du/ dug med par gyur pa'ang
400a1 shin tu bden pa ma yin no/ /'jam dpal gyis smras pa/ lha'i bu/ de bzhin du 'phags pa rnams kyi nyon mongs pa thams cad kyang don
400a2 dam par mi blta ba'i tshul gyis blta'o/ /lha'i bu/ gang yang 'di skad du ji ltar na nyon mongs pa rnams 'dul bar 'gyur zhes zer ba ni/ lha'i bu/ ji ltar bdag
400a3 don dam par na bdag med pa de bzhin du/ lha'i bu/ don dam par na nyon mongs pa rnams kyang nyon mongs pa rnams ma yin no/ /lha'i bu/ de ste don dam par na bdag de
400a4 bzhin nyid yin na ni/ lha'i bu/ don dam par na nyon mongs pa'ang de bzhin nyid du 'gyur ro/ /lha'i bu/ 'di ltar bdag don dam par na bdag ma yin te/ lha'i bu/ de
400a5 bas na nyon mongs pa rnams kyang don dam par na nyon mongs pa ma yin no/ /lha'i bu/ de la gang gis don dam par nyon mongs pa 'dul bar dmigs par 'gyur ba ni
400a6 don dam par na gang yang mi dmigs so/ /de ci'i phyir zhe na/ lha'i bu/ don dam par na shin tu ma byung ba'i phyir chos thams cad ni zhi ba'o/ /lha'i bu/ don dam par
400a7 na 'dzin pa med pa'i phyir chos thams cad ni nye bar zhi ba'o/ /lha'i bu/ don dam par na chos thams cad sgro btags pa med pa'i phyir chos thams cad ni rab tu zhi
400b1 ba'o| |lha'i bu/ don dam par na shin tu ma skyes pa'i phyir chos thams cad ni mi zad pa'o/ /lha'i bu/ don dam par na shin tu dngos po med pa'i phyir chos thams cad
400b2 ni shin tu ma skyes pa'o/ /lha'i bus smras pa/ 'jam dpal/ chos thams cad kyi sgo gang yin/ 'jam dpal gyis smras pa/ lha'i bu/ smra bar bya ba dang / smra ba dang / shes
400b3 pa dang / shes par bya ba dang / bya ba dang / tha snyad dang / byed pa thams cad 'jug pa'i kun rdzob kyi bden pa ni chos thams cad kyi sgo'o/ /smra ba dang / smra bar bya ba dang / shes
400b4 pa dang / shes par bya ba dang / bya ba dang / tha snyad dang / byed pa thams cad las rnam par log pa'i phyir don dam pa'i bden pa ni chos thams cad kyi sgo'o/ /yang lha'i bu/
400b5 kun rdzob tu na tshul bzhin ma yin pa yid la byed pa ni 'khor ba'i sgo'o/ /kun rdzob tu na tshul bzhin yid la byed pa ni mya ngan las 'das pa'i sgo'o/ /kun rdzob tu na the tshom
400b6 ni sgrib pa'i sgo'o/ /kun rdzob tu na rnam par grol ba ni sgrib pa med pa'i sgo'o/ /kun rdzob tu na kun tu rtog pa ni nyon mongs pa rnams kyi sgo'o/ /kun rdzob tu na mi rtog pa ni nyon
400b7 mongs pa med pa'i sgo'o/ /kun rdzob tu na rnam par g.yeng ba ni rnam par rtog pa rnams kyi sgo'o/ /kun rdzob tu na zhi gnas ni nye bar zhi ba'i sgo'o/ /kun rdzob tu na lta bar gyur pa
401a1 rnams ni nga rgyal gyi sgo'o/ /kun rdzob tu na stong pa nyid ni nga rgyal med pa'i sgo'o/ /kun rdzob tu na sdig pa'i grogs po dang sten pa ni mi dge ba'i rtsa ba
401a2 thams cad kyi sgo'o/ /kun rdzob tu na dge ba'i bshes gnyen dang sten pa ni dge ba'i rtsa ba thams cad kyi sgo'o/ /kun rdzob tu na log par lta ba ni sdug bsngal thams cad
401a3 kyi sgo'o| /kun rdzob tu na yang dag par lta ba ni bde ba thams cad kyi sgo'o/ /kun rdzob tu na ser sna ni dbul ba'i sgo'o/ /kun rdzob tu na sbyin pa ni longs spyod chen po'i sgo'o/ /
401a4 kun rdzob tu na ngang tshul ngan pa ni ngan 'gro thams cad kyi sgo'o/ /kun rdzob tu na tshul khrims ni lha dang / mir skye ba thams cad kyi sgo'o/ /kun rdzob tu na gnod sems ni byad gzugs
401a5 ngan pa'i sgo'o/ /kun rdzob tu na bzod pa ni gzugs phun sum tshogs pa'i sgo'o/ /kun rdzob tu na le lo ni mi rtogs pa'i sgo'o/ /kun rdzob tu na brtson 'grus ni rtogs pa'i sgo'o/ /
401a6 kun rdzob tu na rnam par rtog pa ni rgod pa'i sgo'o/ /kun rdzob tu na bsam gtan ni sems shin tu sbyangs pa'i sgo'o/ /kun rdzob tu na 'chal ba'i shes rab ni khong du ma chud pa'i
401a7 sgo'o| |kun rdzob tu na shes rab ni byang chub kyi phyogs kyi chos sum cu rtsa bdun gyi sgo'o/ /kun rdzob tu na byams pa ni khong mi khro ba'i sgo'o/ /kun rdzob tu na snying rje chen po ni lhag
401b1 ba'i bsam pa'i sgo'o/ /kun rdzob tu na lhag pa'i bsam pa ni g.yo med pa'i sgo'o/ /kun rdzob tu na dga' ba ni chos la mos pa'i sgo'o/ /kun rdzob tu na btang snyoms ni nyes
401b2 pa thams cad dang bral ba'i sgo'o/ /kun rdzob tu na dran pa nye bar gzhag pa rnams ni dge ba'i rtsa ba thams cad yongs su mi bri ba'i sgo'o/ /kun rdzob tu na yang dag par spong ba rnams
401b3 ni yang dag pa'i nan tan gyi sgo'o/ /kun rdzob tu na rdzu 'phrul gyi rkang pa rnams ni lus dang / sems las su rung ba'i sgo'o/ /kun rdzob tu na dbang po rnams ni dad pa thob pa'i sgo'o/ /
401b4 kun rdzob tu na stobs rnams ni nyon mongs pa thams cad 'joms pa'i sgo'o/ /kun rdzob tu na byang chub kyi yan lag rnams ni thams cad mkhyen pa khong du chud pa'i sgo'o/ /kun rdzob
401b5 tu na 'phags pa'i lam yan lag brgyad pa ni lam ngan pa thams cad las 'da' ba'i sgo'o/ /lha'i bu/ gzhan yang / kun rdzob tu na byang chub kyi sems ni sangs rgyas kyi chos
401b6 thams cad kyi sgo'o/ /kun rdzob tu na dam pa'i chos yongs su 'dzin pa ni chos thams cad kyi dbang phyug gi sgo'o/ /kun rdzob tu na sems can smin par bya ba ni dam pa'i chos
401b7 yongs su 'dzin pa'i sgo'o/ /kun rdzob tu na thabs ni gnas dang / gnas ma yin pa la mkhas pa'i sgo'o/ /kun rdzob tu na shes rab kyi pha rol tu phyin pa ni mya ngan las 'das
402a1 pa'i sgo'o/ /don dam par na shin tu mi 'byung ba ni chos thams cad kyi sgo'o// //bam po gnyis pa ste tha ma/ lha'i bus
402a2 smras pa/ 'jam dpal/ shin tu mi skye ba'i sgo gang / 'jam dpal gyis smras pa/ lha'i bu/ don dam par na shin tu mi 'byung ba ni kun nas sgo'o/ /lha'i bus smras/ 'jam
402a3 dpal/ shin tu mi 'byung ba'i rang bzhin gang / 'jam dpal gyis smras pa/ lha'i bu/ don dam par na shin tu dngos po med pa ni/ shin tu mi 'byung ba'i rang bzhin no/ /
402a4 lha'i bus smras pa/ 'jam dpal/ shin tu mi 'byung ba la cha shas dbye ba gang yang yod dam/ 'jam dpal gyis smras pa/ lha'i bu/ de ji snyam du sems/ nam mkha' la
402a5 cha shas dbye ba gang yang yod dam/ lha'i bus smras pa/ 'jam dpal/ med do/ 'jam dpal gyis smras pa/ lha'i bu/ de bzhin du ji ltar na nam mkha' la cha shas
402a6 dbye ba med pa de bzhin du/ lha'i bu/ shin tu ma skyes pa la'ang cha shas dbye ba med do/ /lha'i bus smras pa/ 'jam dpal/ khyod kyis don dam par na shin tu mi 'byung ba yongs
402a7 su shes sam/ 'jam dpal gyis smras pa/ lha'i bu/ shin tu mi 'byung bas shin tu mi 'byung ba yongs su mi shes so/ /de ci'i phyir zhe na/ lha'i bu/ chos thams cad ni shin tu
402b1 ma skyes shing ma byung la dngos po med pa'i phyir ro/ /lha'i bus smras pa/ 'jam dpal/ khyod kyis chos gang yongs su shes shing gang khong du chud pas 'di lta bu'i spobs par gyur
402b2 'jam dpal gyis smras pa/ lha'i bu/ 'di ji snyam du sems/ brag cas chos gang yongs su shes na/ gang de las sgra 'byung / lha'i bus smras pa/ 'jam dpal/ brag cas
402b3 chos gang yang yongs su shes pa med mod kyi kun rdzob tu na rkyen las sgra 'byung ngo / /'jam dpal gyis smras pa/ lha'i bu/ de bzhin du sems can thams cad la dmigs
402b4 pa'i rkyen gyis kun rdzob tu na byang chub sems dpa' sems dpa' chen po mi smra ba'i tshul gyis smra'o/ /lha'i bus smras pa/ 'jam dpal/ khyod ci la gnas te de ston/ 'jam
402b5 dpal gyis smras pa/ lha'i bu/ de bzhin gshegs pa sprul pa gang la gnas te de ston pa la'o/ /lha'i bus smras pa/ 'jam dpal/ de bzhin gshegs pa sprul pa
402b6 ni| don dam pa na ci la'ang gnas pa med do/ /'jam dpal gyis smras pa/ lha'i bu/ de bzhin du don dam par na/ chos thams cad la mi gnas par bdag mi ston pa'i
402b7 tshul gyis ston to/ /lha'i bus smras pa/ 'jam dpal/ de ste khyod don dam par na chos thams cad la mi gnas par ma bstan pa'i tshul gyis bstan na/ khyod ci la gnas
403a1 te bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ 'jam dpal gyis smras pa/ lha'i bu/ bdag ni
403a2 mtshams med pa rnams la gnas te/ mngon par rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub tu mngon par rdzogs par 'tshang
403a3 rgya'o/ /lha'i bus smras pa/ mtshams med pa rnams ci la gnas/ 'jam dpal gyis smras pa/ lha'i bu/ don dam par na mtshams med pa rnams ni shin tu ma byung zhing
403a4 dngos po med pa la mi gnas pa'i tshul gyis gnas so/ /lha'i bus smras pa/ 'jam dpal/ mtshams med pa rnams byed pa ni de bzhin gshegs pas sems can
403a5 dmyal bar bshad do/ /'jam dpal gyis smras pa/ lha'i bu/ ji ltar de bzhin gshegs pas mtshams med pa byed pa sems can dmyal bar bshad pa de bzhin du/
403a6 lha'i bu/ de bzhin gshegs pas mtshams med pa byed pa/ mi gnas pa'i tshul gyis mtshams med pa la gnas na myur du bla na med pa yang dag par rdzogs pa'i
403a7 byang chub mngon par rdzogs par 'tshang rgya'o zhes mi ston pa'i tshul gyis ston to/ /lha'i bus smras pa/ 'jam dpal/ mtshams med pa de gang yin/ 'jam dpal
403b1 gyis smras pa/ lha'i bu/ mtshams med pa gang gis byang chub sems dpa' sems dpa' chen po rnams myur du bla na med pa yang dag par rdzogs pa'i byang chub mngon par rdzogs
403b2 par 'tshang mi rgya ba'i tshul gyis mngon par rdzogs par 'tshang rgya ba'i byang chub sems dpa' sems dpa' chen po rnams kyi mtshams med pa ni/ 'di lta ste/ lha'i bu/ mtshams
403b3 med pa lnga po de dag gang zhe na/ lha'i bu/ 'di la nam byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mi
403b4 skye ba'i tshul gyis sems bskyed nas bar ma dor nyan thos dang / rang sangs rgyas dang / dmigs pa can dang / mu stegs can thams cad kyi sar sems mi skyed pa 'di ni/
403b5 lha'i bu/ byang chub sems dpa' sems dpa' chen po'i mtshams med pa dang po'o/ /lha'i bu/ gzhan yang / nam byang chub sems dpa' sems dpa' chen po bdog pa
403b6 thams cad gtong ba la mi skye ba'i tshul gyis sems bskyed nas/ nam byang chub kyi snying po la 'dug gi bar du ser sna dang lhan cig mi gnas pa 'di ni/ lha'i bu/ byang chub
403b7 sems dpa' sems dpa' chen po mtshams med pa gnyis pa'o/ /lha'i bu/ gzhan yang nam byang chub sems dpa' sems dpa' chen po sems can thams cad la bdag
404a1 gis rnam pa thams cad kyis yongs su bskyab bo snyam du sems mi skyed pa'i tshul gyis de ltar sems bskyed nas bar ma dor mi nur ba
404a2 de ni/ lha'i bu/ byang chub sems dpa' sems dpa' chen po'i mtshams med pa gsum pa'o/ /lha'i bu/ gzhan yang byang chub sems dpa' sems dpa' chen po
404a3 don dam par na chos thams cad rab tu ma skyes pa/ ma byung ba/ dngos po med pa'o zhes bzod pa ma thob pa'i tshul gyis bzod pa thob nas bar du rdzas dang / ngo bo dang /
404a4 dngos por 'dzin pa len pas ma zin pa 'di ni/ lha'i bu/ byang chub sems dpa' sems dpa' chen po'i mtshams med pa bzhi ba'o/ /lha'i bu/ gzhan yang nam byang
404a5 chub sems dpa' sems dpa' chen po skad cig gcig dang ldan pa'i shes rab kyis chos thams cad rnam pa thams cad mngon par rdzogs par byang chub par bya'o/ /zhes
404a6 de ltar ma skyes pa'i tshul gyis sems bskyed nas/ rnam pa'i mchog thams cad dang ldan pa'i thams cad mkhyen pa'i ye shes mi thob pa'i tshul gyis ma thob kyi bar du
404a7 mi 'dug/ kun tu mi 'dug pa de ni/ lha'i bu/ byang chub sems dpa' sems dpa' chen po'i mtshams med pa lnga pa'o/ /de ltar mi gnas pa'i tshul gyis gnas na
404b1 byang chub sems dpa' sems dpa' chen po myur du bla na med pa yang dag par rdzogs pa'i byang chub don dam par mngon par rdzogs par 'tshang mi rgya ba'i tshul gyis mngon par rdzogs
404b2 par 'tshang rgya'o/ /lha'i bus smras pa/ 'jam dpal/ mtshams med pa gang dag gis byis pa so so'i skye bo rnams sems can dmyal bar 'gro bar 'gyur ba'i mtshams med pa
404b3 de nyid la byang chub sems dpa' sems dpa' chen po gnas na mngon par rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub mngon par
404b4 rdzogs par 'tshang rgya bar 'gyur ba de lta bu'i rnam grangs yod dam/ 'jam dpal gyis smras pa/ lha'i bu/ yod do/ /de ci'i phyir zhe na/ lha'i bu/ don dam par na chos thams
404b5 cad ni shin tu stong pa ste/ lha'i bu/ shin tu stong pa nyid khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu/ don
404b6 dam par na chos thams cad ni mtshan ma med pa ste/ lha'i bu/ mtshan ma med pa khong du chud pa ni byang chub ste/ don dam par na byang chub ces ji skad du brjod pa ltar ni ma
404b7 yin no/ /lha'i bu/ don dam par na chos thams cad ni shin tu smon pa med pa ste/ lha'i bu/ smon pa med pa khong du chud pa ni byang chub ste/ don dam par na byang chub ces ji
405a1 skad du brjod pa ltar ni ma yin no/ /lha'i bu/ don dam par na chos thams cad ni shin tu gzung bar bya ba med pa ste/ lha'i bu/ shin tu
405a2 gzung bar bya ba med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu/ don dam par na chos thams cad
405a3 ni shin tu mngon par 'du mi byed pa ste/ lha'i bu/ shin tu mngon par 'du mi byed pa'i khong du chud pa ni byang chub ste/ don dam par na byang chub ces ji skad du brjod pa ltar
405a4 ni ma yin no/ /lha'i bu/ don dam par na chos thams cad ni shin tu 'dus ma byas pa ste/ lha'i bu/ shin tu 'dus ma byas pa khong du chud pa ni byang chub ste/ don dam
405a5 par na byang chub ces ji skad du brjod pa ltar ni ma yin no/ /lha'i bu/ don dam par na chos thams cad ni shin tu mi mthong ba ste/ lha'i bu/ shin tu mi mthong ba khong
405a6 du chud pa ni byang chub ste/ don dam par na byang chub ces ji skad du brjod par ltar ni ma yin no/ /lha'i bu/ don dam par na chos thams cad ni shin tu ma skyes pa ste/
405a7 lha'i bu/ shin tu ma skyes pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ /lha'i bu/ don dam par na chos thams
405b1 cad ni shin tu ma byung ba ste/ lha'i bu/ shin tu ma byung ba khong du chud pa ni byang chub ste /don dam par na byang chub ces ji skad du brjod pa ltar ni ma yin no/ /lha'i bu/ don dam pa na
405b2 chos thams cad ni shin tu dngos po med pa ste/ lha'i bu/ shin tu dngos po med pa khong du chud don byang chub ste/ don dam par na byang chub ces ji skad du brjod pa ltar ni ma yin no/ /
405b3 lha'i bus smras pa/ 'jam dpal/ chos kyi rnam grangs 'di la su dad par 'gyur/ /'jam dpal gyis smras pa/ lha'i bu/ don dam par na de bzhin gshegs pa la yang dag pas
405b4 mi 'gro na/ gang nyan thos dang / rang sangs rgyas dang / mu stegs can dmigs pa thams cad lta ci smos/ /lha'i bus smras pa/ su dag mos par 'gyur/ 'jam dpal gyis smras
405b5 ba| gang don dam par chos gang la'ang mngon par ma chags pa de mos par 'gyur ro/ /lha'i bus smras pa/ yongs su dag nan tan byed par 'gyur/ 'jam dpal gyis smras pa/
405b6 gang don dam par na chos gang la'ang nan tan mi byed pa'o/ /lha'i bus smras pa/ su dag mngon par rdzogs par 'tshang rgya bar 'gyur/ 'jam dpal gyis smras pa/ gang don dam
405b7 par na chos thams cad gang yang mngon par rdzogs par 'tshang mi rgya'o/ /lha'i bus smras pa/ /'jam dpal/ don dam par na su dag chos gang yang mngon par rdzogs par 'tshang
406a1 mi rgya/ 'jam dpal gyis smras pa/ lha'i bu/ kun rdzob tu na rnam pa'i mchog thams cad dang ldan pa thams cad mkhyen pa'i ye shes mngon par rdzogs
406a2 par 'tshang rgya ba dag go /lha'i bus smras pa/ 'jam dpal/ de dag ji lta bu'i rang bzhin du 'gyur/ 'jam dpal gyis smras pa/ lha'i bu/ don dam par na de dag rab tu ma
406a3 skyes pa'i rang bzhin du 'gyur ro/ /lha'i bus smras pa/ 'jam dpal/ mdo sde 'di lta bu su dag gi lag tu 'gro/ 'jam dpal gyis smras pa/ lha'i bu/ kun rdzob tu na gang sems
406a4 can thams cad dam pa'i chos kyi lag sbyin par byed pa rnams kyi'o/ /lha'i bus smras pa/ 'jam dpal/ de dag ji lta bur gnas par 'gyur/ 'jam dpal gyis smras pa/ lha'i
406a5 bu| don dam par na shin tu ma skyes/ ma byung / dngos po med pa la de dag gnas par 'gyur ro/ /lha'i bus smras pa/ 'jam dpal de dag cis 'gro bar 'gyur/ 'jam dpal
406a6 gyis smras pa/ lha'i bu/ don dam par na ma skyes/ ma byung / dngos po med par de dag 'gro bar 'gyur ro/ /lha'i bus smras pa/ 'jam dpal/ phyir mi ldog pa'i byang chub
406a7 sems dpa' sems dpa' chen pos ci byang chub 'thob bam/ 'jam dpal gyis smras pa/ lha'i bu/ gang phyir mi ldog pa'i byang chub sems dpa' sems dpa' chen po des
406b1 byang chub mi 'thob pa ni gnas ma yin te/ go skabs med do/ /lha'i bus smras pa/ 'jam dpal/ byang chub sems dpa' sems dpa' chen po rnams ci las ldog par 'gyur/
406b2 'jam dpal gyis smras pa/ lha'i bu/ byang chub sems dpa' sems dpa' chen po don dam par na rnam par rtog pa thams cad las ldog go /nyan thos dang / rang sangs rgyas thams
406b3 cad dang / mu stegs can dmigs pa can gyi sa las ldog go /lha'i bus smras pa/ 'jam dpal/ byang chub sems dpa' sems dpa' chen po ci las mi ldog /'jam dpal
406b4 gyis smras pa/ lha'i bu/ byang chub sems dpa' sems dpa' chen po rnams ni chos thams cad shin tu mi 'byung ba'i mnyam pa nyid las mi ldog go /de ci'i phyir zhe na/ don dam par na
406b5 chos thams cad shin tu mi 'byung bar mnyam pa'i phyir byang chub sems dpa' sems dpa' chen po dag mnyam ste/ de bas na phyir mi ldog go /lha'i bus smras pa/ chos thams cad shin
406b6 tu mi 'byung bar mnyam pa nyid ces bya ba de/ 'jam dpal/ chos gang gi tshig bla dwags/ 'jam dpal gyis smras pa/ chos thams cad shin tu mi 'byung bar mnyam zhes bya ba
406b7 ni| lha'i bu/ don dam par sna tshogs med pa'i tshig bla dwags so/ /lha'i bus smras pa/ 'jam dpal/ chos thams cad shin tu mi 'byung bar mnyam pa la ci'i phyir sna tshogs su snang /
407a1 'jam dpal gyis smras pa/ gang lha'i bu/ chos thams cad shin tu mi 'byung bar mnyam pa la don dam par rdzas dang / dngos po dang / ngo bor
407a2 yongs su rtog pas de dag don dam par na sna tshogs su spyod do/ /de dag don dam par sna tshogs su spyod pa la dmigs pa'i lta ba mang du 'gyur ro/ /de dag dmigs pa'i lta
407a3 ba mang pos 'gro ba rnam pa tha dad pa rnams su dbang med par 'khyam mo/ /gang lha'i bu/ chos thams cad shin tu mi 'byung bar mnyam pa la/ don dam par ngo bo dang / rdzas dang /
407a4 dngos po yongs su mi rtog na/ de dag don dam par na sna tshogs su mi spyod do/ /de dag don dam par sna tshogs su mi spyod na/ don dam par shin tu dngos po med par 'gro
407a5 ba'i tshul gyis don dam par chos thams cad shin tu ma skyes pa'i mtshan nyid dang mnyam par khong du chud par 'gyur ro/ /lha'i bus smras pa/ rnam grangs gang gis nyon
407a6 mongs pa dang bcas pa'i byang chub sems dpa' sems dpa' chen po la byang chub yod kyi/ nyon mongs pa med pa la ma yin pa'i rnam grangs yod dam/ 'jam dpal gyis
407a7 smras pa/ lha'i bu/ yod do/ /de ci'i phyir zhe na/ lha'i bu/ chos thams cad ni kun rdzob tu 'byung ba'ang 'byung ngo / /mi 'byung yang mi 'byung ste/ byang chub sems dpa'
407b1 sems dpa' chen po rnams kyi byang chub kyang kun rdzob tu 'byung ngo / /de ci'i phyir zhe na/ lha'i bu/ don dam par na chos thams cad ni nyon mongs pa med cing mi skye mi 'gag ste/ chos
407b2 gang don dam par mi skye mi 'gag pa de don dam par gang gis kyang mngon par rdzogs par sangs ma rgyas so/ /mngon par rdzogs par 'tshang rgya bar mi 'gyur ro/ /mngon par rdzogs
407b3 par 'tshang mi rgya'o/ /de ci'i phyir zhe na/ lha'i bu/ don dam par chos thams cad shin tu ma skyes pa'i phyir te/ lha'i bu/ rnam grangs de lta bus byang chub sems dpa' sems dpa'
407b4 chen po nyon mongs pa dang bcas pa la byang chub 'byung ste/ nyon mongs pa med pa la ni ma yin no/ /lha'i bus smras pa/ 'jam dpal/ rnam grangs gang gis byang chub sems dpa'
407b5 sems dpa' chen po ser sna can la sbyin pa'i pha rol tu phyin par 'gyur te/ gtong ba dang ldan pa la ma yin pa'i rnam grangs yod dam/ 'jam dpal gyis smras pa/ yod de/ lha'i bu/
407b6 rnam grangs gang gis byang chub sems dpa' sems dpa' chen po ser sna can gyi sbyin pa'i pha rol tu phyin par 'gyur gyi/ gtong ba dang ldan pa la ma yin pa'i rnam grangs yod do/ /de
407b7 ci'i phyir zhe na/ gang sems can thams cad dang / sangs rgyas kyi chos thams cad kun rdzob tu yongs su mi gtong mi 'dor ba de ni/ lha'i bu/ byang chub sems dpa' sems dpa'
408a1 chen po'i ser sna'o/ /lha'i bus smras pa/ 'jam dpal/ gang byang chub sems dpa' sems dpa' chen po ngan pa'i ngang tshul can la tshul khrims
408a2 kyi pha rol tu phyin par 'gyur gyi/ tshul khrims dang ldan pa la ma yin pa'i rnam grangs yod dam/ 'jam dpal gyis smras pa/ yod de/ lha'i bu/ byang chub sems dpa'
408a3 sems dpa' chen po gang sems can yongs su smin par bya ba'i phyir sems can la lta yi/ tshul khrims ma yin pa de ni kun rdzob tu byang chub sems dpa' sems dpa' chen
408a4 po'i tshul khrims kyi pha rol tu phyin pa'o/ /lha'i bus smras pa/ 'jam dpal/ byang chub sems dpa' sems dpa' chen pos gang bzod pa bor la/ bzod pa can gyi rnam
408a5 grangs yod dam/ 'jam dpal gyis smras pa/ lha'i bu/ yod de/ byang chub sems dpa' sems dpa' chen po gang la la don dam par chos thams cad la rdzas dang / dngos
408a6 po dang / ngo bor mi bzod pa de ni shin tu ma smras pa'i tshul gyis bla na med pa'i bzod pa dang ldan par 'gyur te/ lha'i bu/ de nas mi dmigs pa'i tshul gyis byang chub sems dpa'
408a7 sems dpa' chen po'i bzod pa dam pa'o/ /lha'i bus smras pa/ 'jam dpal/ byang chub sems dpa' sems dpa' chen po le lo can brtson 'grus dang ldan par 'gyur
408b1 ba'i rnam grangs yod dam/ 'jam dpal gyis smras pa/ lha'i bu/ yod do/ lha'i bu/ byang chub sems dpa' sems dpa' chen po le lo can du gyur pa ni sla yi/ nyan thos dang / rang
408b2 sangs rgyas dang / mu stegs can dmigs pa'i brtson 'grus kyis brtson 'grus dang ldan pa ni de lta ma yin no/ /lha'i bus smras pa/ 'jam dpal/ byang chub sems
408b3 dpa' sems dpa' chen po brjed ngas pa gang mnyam par gzhag par 'gyur ba'i rnam grangs yod dam/ 'jam dpal gyis smras pa/ lha'i bu/ yod de/ lha'i bu/ byang chub
408b4 sems dpa' sems dpa' chen po gang la la rmi lam du'ang don dam par rdzas dang / ngo bo dang / dngos po'i sems mi skye ba de ni mi dmigs pa'i tshul gyis shin tu mnyam par
408b5 gzhag par 'gyur ro/ /lha'i bus smras pa/ 'jam dpal/ byang chub sems dpa' sems dpa' chen po gang shes rab med pa/ shes rab chen por 'gyur ba'i rnam
408b6 grangs yod dam/ 'jam dpal gyis smras pa/ lha'i bu/ yod do/ /de ci'i phyir zhe na/ lha'i bu/ don dam par na chos thams cad la shes rab kyis rnam par dpyad de btsal na
408b7 shin tu med cing mi dmigs te/ shes rab de'ang don dam par na shin tu med cing mi dmigs pas na kun rdzob tu shes rab can zhes bya ste/ shes rab de'ang don dam par
409a1 na shin tu ma skyes pa yin no/ /lha'i bu/ rnam grangs des na byang chub sems dpa' sems dpa' chen po shes rab med pa ni shes rab chen po can
409a2 zhes bya'o/ /shes rab bye brag tu 'phags pa zhes bya'o/ /shes rab dam pa dang ldan pa zhes bya'o/ /shes rab gya nom pa zhes bya'o/ /mi dmigs pa'i shes rab can zhes bya
409a3 ste| don dam par na ji skad du brjod pa ltar ni ma yin no/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ legs so/ /legs
409a4 so| |'jam dpal/ khyod kyis byang chub sems dpa' sems dpa' chen po rnams kyi bya ba dang / mi bya ba mi bstan pa'i tshul gyis bstan pa ni tshig 'di legs par smras so/ /'jam
409a5 dpal/ 'di lta ste/ dper na/ skyes bu bkres pa ltogs pas nyam chung ba mangs pa sla yi/ mi shes pas kha zas dug can zos pa de lta ma yin no/ /'jam dpal/ de bzhin
409a6 du byang chub sems dpa' sems dpa' chen po mi dmigs pa'i ser sna can dang / ngan pa'i ngang tshul can dang / gnod sems can dang / le lo can dang / brjed ngas pa dang /
409a7 shes rab med pa sla yi/ nyan thos dang / rang sangs rgyas dmigs pa can gyi sems kyi sbyin pa dang / tshul khrims dang / bzod pa dang / brtson 'grus dang / bsam gtan dang /
409b1 shes rab kyi sbyor ba ni de lta ma yin no/ /de ci'i phyir zhe na/ dmigs pa'i dug gi skyon chags pa'i phyir de la kun rdzob tu 'jigs par shes par bya'o/ /de nas bcom ldan
409b2 'das la lha'i bu mtshams bzang gis 'di skad ces gsol to/ /bcom ldan 'das/ byang chub sems dpa' sems dpa' chen pos nyon mongs pa rnams la 'jigs par mi
409b3 bgyi'am/ bcom ldan 'das kyis bka' stsal pa/ lha'i bu/ kun rdzob tu byang chub sems dpa' sems dpa' chen pos nyon mongs pa rnams la 'jigs par bya'o/ /de bas
409b4 kyang nges nyan thos dang / rang sangs rgyas dmigs pa can gyi sems la shin tu 'jigs par bya ste/ nyon mongs pa rnams la ni de ltar ma yin no/ /lha'i bus gsol pa/ bcom
409b5 ldan 'das/ de ci'i slad nas/ bcom ldan 'das kyis bka' stsal pa/ lha'i bu/ khyod nyid la dri yi/ khyod kyis ci nus pa de bzhin du lung ston cig /lha'i bu/ 'di yid
409b6 la ji snyam/ skyes bu 'tsho bar 'dod par gyur bas yan lag bcad pa la 'jigs par bya'am/ 'on te mgo bcad pa la rab tu 'jigs par bya/ lha'i bus gsol pa/
409b7 bcom ldan 'das/ yan lag bcad pa'i skyes bu ni 'tsho ste/ bsod nams 'dod pa bsod nams kyi lam yang dag par blangs shing gnas pa de ni mtho ris su skye ba'i
410a1 rgyur 'gyur gyi/ bcom ldan 'das/ mgo bcad pa ni 'tsho ba las yongs su nyams te/ bsod nams 'tshal ba bsod nams kyi lam yang dag
410a2 par len cing spyod mi nus so/ /bcom ldan 'das kyis bka' stsal pa/ lha'i bu/ de bzhin te/ byang chub sems dpa' sems dpa' chen po mi dmigs pa ni spyod pa nyams
410a3 kyang sla yi/ nyan thos dang / rang sangs rgyas dmigs pa can gyi lta bar lhung ba rnams kyis bslab pa dang / sbyangs pa'i yon tan thams cad dang ldan pa ni de lta ma yin no//
410a4 byang chub sems dpa' sems dpa' chen po ser sna can ni sla yi/ sems can thams cad yongs su btang ste/ sangs rgyas kyi chos thams cad 'dor ba ni de lta ma yin no/ /byang
410a5 chub sems dpa' sems dpa' chen po ngan pa'i ngang tshul can du gyur pa ni sla yi/ sems can thams cad yongs su smin par gyur pa ni de lta ma yin no/ /byang chub sems
410a6 dpa' sems dpa' chen po dad pas spyod pa'i sa la spyod pa/ mi dmigs pa la mos shing nyon mongs pa dang bcas pa sla yi/ nyan thos dang / rang sangs rgyas dmigs pa
410a7 can des par gyur pa thob pa/ nyon mongs pa med pa ni de lta ma yin no/ /lha'i bus gsol pa/ bcom ldan 'das/ byang chub sems dpa' sems dpa' chen po rnams kyi mi
410b1 spyod pa'i tshul gyis spyod pa ni 'jig rten thams cad dang mi mthun pa lags so/ /bcom ldan 'das/ dmigs pa'i dug gi skyon chags pas na/ gang nyan thos dang / rang sangs
410b2 rgyas dmigs pa can rnams kyi tshul khrims de ni byang chub sems dpa' sems dpa' chen po rnams kyi ngan pa'i ngang tshul lags so/ /ji tsam du gang nyan thos dang / rang sangs rgyas
410b3 dmigs pa can rnams kyi brtson 'grus de ni dmigs pa'i dug gi skyon chags pa'i phyir byang chub sems dpa' sems dpa' chen po'i le lo'i bar du'o/ /bcom ldan 'das kyis bka'
410b4 stsal pa/ lha'i bu/ 'di lta ste/ dper na/ gang mi dbul po'i kha zas de ni 'khor los bsgyur ba'i rgyal po'i dug go /lha'i bu/ de bzhin du gang nyan thos dang / rang sangs rgyas
410b5 dmigs pa can rnams kyi tshul khrims dang / brtson 'grus kyi bar du de dag ni byang chub sems dpa' sems dpa' chen po'i ngan pa'i ngang tshul dang / le lo'i bar du'o/ /de ci'i phyir
410b6 zhe na/ dmigs pa'i dug gi skyon chags pa'i phyir ro/ /lha'i bu/ 'di lta ste/ dper na/ gang bdag nyid bsgrubs pa'i las byed pa'i skyes bu'i nor des grong khyer gyi skye bo thams cad
410b7 bde bar sbyor mi nus so/ /lha'i bu/ de bzhin du gang nyan thos dang / rang sangs rgyas dmigs pa can dbul ba'i sems dang / dman pa'i sems dang / dmigs pa'i
411a1 sems dang ldan pa rnams kyi brtson 'grus kyi bar gyis dzam+bu'i gling gi sems can yongs su thar bar byed kyang mi nus na sems can thams cad lta ci smos/ lha'i
411a2 bu| 'di lta ste/ dper na/ nor chen po/ longs spyod chen po/ gtong pa dang ldan pa/ byams pa la gnas pa/ snying rje chen po dang ldan pa/ ded dpon chen po ni/ sems can
411a3 thams cad bla na med pa'i bde bar byed pa la zhugs pa'i nor des grangs med dpag tu med pa'i sems can bde bar byed do/ /lha'i bu/ de bzhin du gang byang chub sems dpa'
411a4 sems dpa' chen po lhag pa'i bsam pa la zhugs pa/ sems can thams cad la shes rab dang / thabs dang / snying brtse ba chen pos bskul ba/ bskal pa chen po bye ba
411a5 khrag khrig brgya stong grangs med par bsod nams dang / ye shes kyi tshogs pa bsags pa'i nor chen po mi dmigs pa'i brtson 'grus kyi bar du de dag gis sems can grangs med/
411a6 dpag tu med pa yongs su smin par byed do/ /mi gzhog pa'i tshul gyis rnam pa thams cad mkhyen pa nyid la'ang rab tu 'god do/ /de nas bcom ldan 'das la tshe
411a7 dang ldan pa 'od srung chen pos 'di skad ces gsol to/ /bcom ldan 'das/ nyan thos kyis 'dus ma byas kyi chos rnams mngon sum du bgyis la/ bcom ldan
411b1 'das/ byang chub sems dpa' sems dpa' chen po ni 'dus byas su gtogs pa lags na/ de ji ltar 'dus ma byas su gtogs pa'i nyan thos dang / rang sangs rgyas dmigs
411b2 pa can thams cad zil gyis gnon/ bcom ldan 'das kyis bka' stsal pa/ 'od srung / de'i don rab tu grub par bya ba'i phyir dper bya ste/ skyes bu mkhas pas smras pa'i
411b3 don rig pa la la dpes de'i don go bar 'gyur ro/ /'di lta ste/ dper na/ rgya mtsho chen po bzhi mar gyi gang bar gyur la/ de nas skyes bu la las skra brgyar gshags pa'i
411b4 rtse mo'i thog mas mar gyi thigs pa gcig blangs na/ 'od srung / 'di ji snyam du sems/ skra brgyar gshags pa'i rtse mo'i thog mas mar gyi thigs pa bcus pas rgya mtsho chen
411b5 po bzhi mar gyis gang ba zil gyis gnon par nus sam/ 'od srung gis gsol pa/ bcom ldan 'das/ de ma lags so/ /bde bar gshegs pa/ de ma lags so/ /bcom
411b6 ldan 'das kyis bka' stsal pa/ yang / 'od srung / de dag las ches mang ba dang / ches mchog tu gyur pa dang / ches dam pa dang / ches rin po che ba gang yin/ 'od srung gis
411b7 gsol pa/ bcom ldan 'das/ 'di ltar rgya mtsho chen po gcig gi bye ba brgya stong gi cha shas de'ang / bcom ldan 'das/ shin tu mang / shin tu mchog/ shin tu dam pa/
412a1 shin tu rin che ba lags te/ bcom ldan 'das/ brgyar gshags pa'i skra'i rtse mo'i thog mas mar gyi thigs pa blangs pa de lta ma lags na/ bcom
412a2 ldan 'das/ rgya mtsho chen po bzhi lta ci smos/ bcom ldan 'das kyis bka' stsal pa/ 'di lta ste/ dper na/ brgyar gshags pa'i skra'i rtse mo'i thog mas mar gyi thigs pa
412a3 blangs pa tshad yod pa de bzhin du nyan thos dang / rang sangs rgyas dmigs pa can gyi 'dus ma byas kyi ye shes ni chung ngo / /dmigs pa dang bcas pa'o/ /'od srung / 'di
412a4 lta ste/ dper na/ rgya mtsho chen po bzhi mar gyis gang ba de tsam du byang chub sems dpa' sems dpa' chen po dmigs pa med pa/ dad pa spyod pa'i sa la mi spyod pa'i tshul
412a5 gyis spyod pa'i rnam pa'i mchog thams cad dang ldan pa/ bsod nams dang / ye shes kyi tshogs thams cad bsdus pa/ 'dus byas kyi ye shes su mi lta ba'i tshul gyis
412a6 blta'o/ /de'ang don dam pa'i me 'bar bas yongs su smin par byas pas rnam pa thams cad kyi mchog dang ldan pa'i thams cad mkhyen pa'i ye shes su mi dmigs pa'i
412a7 tshul gyis 'gyur ro/ /'od srung / de bzhin du byang chub sems dpa' sems dpa' chen po'ang 'dus ma byas thob pa'i nyan thos dang / rang sangs rgyas dmigs pa can
412b1 thams cad mi dmigs pa'i tshul gyis zil gyis gnon to/ /'od srung / 'di lta ste/ dper na/ grong khyer chen por chud ba'i mching bu'i nor bu khur brgya stong du gyur pa dang / rgya
412b2 mtsho chen po'i nang na yod pa grur bcug pa rin po che ba'i bai DUR+ya nor bu rin po che chen po de bde zhing nye zho med par dzam+bu'i gling du phyin na de ji snyam du sems/ grong khyer chen por chud pa'i
412b3 mching bu'i nor bus gru'i nang du bcug pa rin po che bai DUR+ya nor bu rin po che zil gyis non par nus sam/ 'od srung gis gsol pa/ bcom ldan 'das/ de ma lags so/ /bde
412b4 bar gshegs pa/ de ma lags so/ /bcom ldan 'das kyis bka' stsal pa/ 'od srung / ji ltar grong khyer chen por chud pa'i mching bu'i nor bu bzhin du/ 'dus ma byas
412b5 thob pa'i nyan thos dang / rang sangs rgyas dmigs pa can thams cad du blta'o/ /'od srung / ji ltar nor bu rin po che chen po'i bai DUR+ya rgya mtsho chen po'i nang na yod pa grur
412b6 bcug pa bde zhing nye zho med par tshong khang gi bar du 'ongs par gyur pa/ 'od srung / de bzhin du byang chub sems dpa' sems dpa' chen po 'khor ba'i grong khyer gyi
412b7 tshong khang gi bar du 'ongs nas sems can thams cad bla na med pa yang dag par rdzogs pa'i byang chub tu mi 'jog pa'i tshul gyis rab tu 'god par blta'o/ /'od srung / 'di
413a1 lta ste/ dper na/ dpyid zla tha chung gi zla ba las chen po lo tog gis rab tu gang ba la grog sbur phra mos zas kyi 'bru gcig khyer pa dang /
413a2 sa chen po 'di de dag gis gang ba gnyis gang mang bar sems/ 'od srung gis gsol pa/ bcom ldan 'das/ lo tog gis gang ba'i sa chen po de dpag tu ma
413a3 mchis pa'i 'bru'i phung po chen po 'byung bar 'gyur te/ des sems can grangs ma mchis dpag tu ma mchis pa rnams tshim par 'gyi/ bcom ldan 'das/ grog
413a4 sbur phra mos 'tshal ba'i zas kyi 'bras bus lta ci zhig bgyi ste/ des sems can gang yang 'tsho bar mi 'gyur ro/ /bcom ldan 'das kyis bka' stsal pa/ 'od
413a5 srung | ji ltar grog sbur phra mos khyer ba'i zas kyi 'bru gcig po de bzhin du/ 'od srung / nyan thos dang / rang sangs rgyas dmigs pa can thams cad kyi zag pa med pa'i
413a6 rnam par grol ba'i 'bras bur blta'o/ /'od srung / ji ltar lo tog mang pos rab tu gang ba'i sa chen po de bzhin du/ 'od srung / byang chub sems dpa' sems dpa'
413a7 chen po mi gnas pa'i tshul gyis kun rdzob dang / don dam pa'i bden pa la gnas pas/ pha rol tu phyin pa drug la sogs pa sangs rgyas kyi chos thams cad dang / bla na
413b1 med par bsdus pa'i bsod nams dang / ye shes kyi tshogs kyi dge ba'i rtsa ba'i lo tog tu blta'o/ /de yongs su smin par gyur nas/ 'di lta ste/ bla na med pa rnam pa thams cad kyi
413b2 mchog dang ldan pa'i ye shes kyi bde ba mi dmigs pa'i tshul gyis sems can thams cad kyi 'tsho bar 'gyur ro/ /de nas bcom ldan 'das la tshe dang ldan pa 'od srung chen
413b3 pos 'di skad ces gsol to/ /bcom ldan 'das/ ngo mtshar to/ /bde bar gshegs pa/ ngo mtshar to/ /bcom ldan 'das kyis mi 'chad pa'i tshul gyis ji ltar bshad pa
413b4 de de bzhin no/ /bcom ldan 'das/ de ltar rnam pa thams cad kyi mchog dang ldan pa/ bla na ma mchis pa mi dmigs pa'i ye shes kyis byang chub sems dpa' sems dpa'
413b5 chen po dad pas spyod pa'i se la mi spyod pa'i tshul gyis spyod pas nyan thos dang / rang sangs rgyas dmigs pa can thams cad zil gyis non to/ /de nas bcom ldan 'das
413b6 de bzhin gshegs pa rin po che'i tog gi sangs rgyas kyi zhing nas 'phags pa 'jam dpal gzhon nur gyur pa dang lhan cig tu 'jig rten gyi khams mi mjed ces bya ba
413b7 'dir 'ongs pa'i byang chub sems dpa' sems dpa' chen po dag gis bstan pa 'di thos nas/ bcom ldan 'das la 'di skad ces gsol to/ /bcom ldan 'das/ 'di
414a1 lta ste/ nyan thos dang / rang sangs rgyas dmigs pa can kun nas nyon mongs pa spong ba'i bka' mchid dang / ltung ba rnam par gzhag pa'i
414a2 bar gyi bka' mchid 'di dag thams cad ni spros pa'i bka' mchid do/ /rnam pa tha dad pa'i bka' mchid do/ /dmigs pa'i bka' mchid do/ /bcom ldan 'das/ de
414a3 bzhin gshegs pa dgra bcom pa yang dag par rdzogs pa'i sangs rgyas rin po che'i tog gi sangs rgyas kyi zhing na de lta bu'i dmigs pa can gyi bka' mchid ma mchis so/ /
414a4 de lta bu'i dmigs pa can gyi bka' mchid mi gda' ste/ bcom ldan 'das/ de ni byang chub sems dpa' sems dpa' chen po rnams kyi dag pa'i bka' mchid mi thos
414a5 pa'i tshul gyis thos so/ /phyir mi ldog pa'i bka' mchid mi thos pa'i tshul gyis thos so/ /mi dmigs pa'i bka' mchid mi thos pa'i tshul gyis thos so/ /don dam
414a6 par chos thams cad shin tu ma skyes pa'i bka' mchid mi thos pa'i tshul gyis thos so/ /don dam par chos thams cad shin tu ma byung ba'i bka' mchid mi thos pa'i tshul
414a7 gyis thos so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ni shin tu dka' ba mdzad de/ gang 'di snyed kyi
414b1 nyam da ba bzod cing gang chos thams cad don dam par shin tu ma skyes pa la/ chos rnams rab 'bring tha mar ston par mdzad do/ /'di lta ste/ don dam par na shin tu ma skyes pa
414b2 dang | ma byung ba dang / dngos po ma mchis pa'i rnam pa ste/ bcom ldan 'das/ de ltar don dam par chos thams cad rnam pa gcig las sems can rnams kyi dmigs pa
414b3 gzhom pa'i slad du mi ston pa'i tshul gyis rnam pa du mar chos ston to/ /de nas byang chub sems dpa' sems dpa' chen po de rnams kyis/ lha'i me tog dang / spos dang / bdug
414b4 pa dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang bcas pa'i bla bres/ bcom
414b5 ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la bla na med pa'i mchod pa byas nas/ 'jam dpal gzhon nur gyur pa la
414b6 'di skad ces smras so/ /'jam dpal/ bdag cag 'jig rten gyi khams rin po che dang ldan pa zhes bya bar 'dong ngo / /'jam dpal gyis smras pa/ rigs kyi bu dag /da de'i
414b7 dus la bab par shes na dengs shig /byang chub sems dpa' sems dpa' chen po de dag gis smras pa/ 'jam dpal/ ci khyod da mi 'gro'am/ 'jam dpal gyis smras pa/
415a1 rigs kyi bu/ sangs rgyas kyi zhing thams cad ni sangs rgyas kyi zhing gcig go /de bzhin du sangs rgyas thams cad ni sangs rgyas gcig go /de bzhin du
415a2 chos thams cad ni chos gcig go /de bzhin du sems can thams cad ni sems can gcig go /de dag 'di las khyad par ci yod na/ rigs kyi bu/ bdag der 'gro/
415a3 de skad smras pa dang / byang chub sems dpa' sems dpa' chen po de dag gis smras pa/ 'jam dpal/ ji ltar sangs rgyas kyi zhing thams cad sangs rgyas kyi zhing
415a4 gcig /'jam dpal/ ji ltar sangs rgyas thams cad sangs rgyas gcig /'jam dpal/ ji ltar chos thams cad chos gcig /'jam dpal/ ji ltar sems can
415a5 thams cad sems can gcig /'jam dpal gyis smras pa/ rigs kyi bu dag /sangs rgyas kyi zhing thams cad ni zhing ma yin no/ /de ci'i phyir zhe na/ don dam par
415a6 shin tu ma skyes pa'i phyir ro/ /rigs kyi bu dag /sangs rgyas thams cad ni sangs rgyas ma yin no/ /de ci'i phyir zhe na/ don dam par na shin tu ma byung ba'i phyir ro/ /
415a7 rigs kyi bu dag /chos thams cad ni chos ma yin no/ /de ci'i phyir zhe na/ don dam par na shin tu dngos po med pa'i phyir ro/ /rigs kyi bu dag /sems can thams
415b1 cad ni sems can ma yin no/ /de ci'i phyir zhe na/ don dam par na shin tu kun nas ma byung ba'i phyir ro/ /de nas de'i tshe 'jam dpal gzhon nur gyur pas ci nas stong gsum
415b2 gyi stong chen po'i 'jig rten gyi khams 'di bcom ldan 'das de bzhin gshegs pa rin po che'i tog gi 'jig rten gyi khams rin po che dang ldan pa zhes bya ba de ci 'dra ba 'dra bar
415b3 lhag chad med par snang ba de lta bur bsam pa rab tu rdzogs nas de 'dra bar ting nge 'dzin la snyoms par zhugs so/ /de nas byang chub sems dpa' sems dpa' chen po de dag
415b4 gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de dang / 'jig rten gyi khams rin po che dang ldan pa zhes bya ba
415b5 de'ang mthong ste/ byang chub sems dpa' sems dpa' chen po de dag 'di snyam du 'jig rten gyi khams rin po che dang ldan pa zhes bya bar phyin par sems so/ /de dag gis
415b6 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'ang bcom ldan 'das de bzhin gshegs pa rin po che'i tog gi
415b7 kha dog dang dbyibs ci 'dra ba bzhin du mthong ngo / /nyan thos chen po de dag kyang byang chub sems dpa' sems dpa' chen po yin snyam du sems so/ /de nas byang chub sems
416a1 dpa' sems dpa' chen po de dag bcom ldan 'das de bzhin gshegs pa shAkya thub pa la rin po che'i tog yin snyam pa byed nas/ 'di
416a2 skad ces gsol to/ /bcom ldan 'das/ bdag cag 'jig rten gyi khams rin po che dang ldan pa zhes bgyi ba 'dir sus phyin par bgyis/ bcom ldan 'das shAkya
416a3 thub pas bka' stsal pa/ rigs kyi bu dag /khyed sus khrid/ byang chub sems dpa' sems dpa' chen po de dag gis gsol pa/ bcom ldan 'das 'jam dpal
416a4 gzhon nur gyur pas bdag cag khrid do/ /bcom ldan 'das shAkya thub pas bka' stsal pa/ rigs kyi bu/ khyed ni 'jam dpal gzhon nur gyur pas ma 'ongs ma song
416a5 ba'i tshul gyis phyin par byas so/ /de nas 'jam dpal gzhon nur gyur pas byang chub sems dpa' sems dpa' chen po de dag la 'di skad ces smras so/ /rigs
416a6 kyi bu dag /khyed gang du khrid/ gang nas khrid par byas pa mnyam par zhog la ltos shig /de nas byang chub sems dpa' sems dpa' chen po de dag gis rang rang gi ting
416a7 nge 'dzin la mnyam par bzhag ste bltas na/ 'jig rten gyi khams mi mjed de nyid nas bdag nyid gang du'ang ma g.yos par mthong ste/ ngo mtshar du gyur/ rmad du gyur
416b1 nas 'di ltar bdag cag stan 'di nyid las ma 'phags par 'jig rten gyi khams rin po che dang ldan pa zhes bya bar yang phyin pa snyam byed de/ 'jam dpal gzhon nur
416b2 gyur pa'i byin gyi rlabs med pa'i tshul gyis byin gyi rlabs bsam gyis mi khyab bo zhes ched du brjod pa ched du brjod do/ /de dag gis yang smras pa/ bcom ldan 'das/ sems
416b3 can thams cad kyis kyang mi dmigs pa'i tshul gyis byin gyi brlabs 'di thob par gyur cig /de nas bcom ldan 'das shAkya thub pas byang chub sems dpa' sems dpa'
416b4 chen po de dag la bka' stsal pa/ rigs kyi bu dag /'di lta ste/ dper na/ nam mkha' ni sa'i snod dang / shing gi snod dang / 'khar ba'i snod dang / zangs kyi snod
416b5 dang | dngul gyi snod dang / gser gyi snod dang / nor bu dang / mu tig dang / bai DUR+ya dang / dung dang / man shel dang / byu ru dang / asma gar ba dang / spug dang / dung
416b6 g.yas phyogs su 'khyil ba dang / mu tig dmar po'i snod la sogs pa'i nang du zhugs par gyur pa| rigs kyi bu dag /kun rdzob tu snod la tha dad pa yod mod kyi nam mkha'
416b7 la tha dad yod pa ma yin no/ /de ci'i phyir zhe na/ don dam par na nam mkha' shin tu dngos po med pa'i phyir te/ de bzhin du/ rigs kyi bu dag /don dam par chos thams cad
417a1 shin tu ma skyes/ ma byung / dngos po med mod kyi/ 'jig rten kun rdzob kyi tha snyad kyis tha snyad du 'phogs shing rab tu 'jog ste/ 'di ni gzugs
417a2 so| |'di ni tshor ba'o/ /'di ni 'du shes so/ /'di dag ni 'du byed rnams so/ /'di ni rnam par shes pa'o/ /'di dag ni skye mched rnams so/ /'di dag ni khams rnams
417a3 so| |'di ni sangs rgyas dkon mchog go /'di ni chos dkon mchog go /'di ni dge 'dun dkon mchog go /'di ni nyan thos kyi theg pa'o/ /'di ni rang sangs rgyas kyi theg
417a4 pa'o| |'di ni bla na med pa'i theg pa chen pa'o/ /'di dag ni dge ba bcu'i las kyi lam rnams so/ /'di dag ni mi dge ba bcu'i las kyi lam rnams so/ /'di dag ni sems
417a5 can dmyal ba'o/ /'di dag ni dud 'gro'i skye gnas so/ /'di dag ni yi dwags kyi yul lo/ /'di dag ni lha ma yin no/ /'di dag ni mi'o/ /'di dag ni lha'o/ /'di
417a6 dag ni 'dod pa na spyod pa'i lha'o/ /'di dag ni gzugs na spyod pa'i lha'o/ /'di dag ni gzugs med pa na spyod pa'i lha'o/ /'di ni 'dod pa'i khams so/ /'di ni gzugs
417a7 kyi khams so/ /'di ni gzugs med pa'i khams so/ /'di ni lus kyis legs par spyod pa'o/ /'di ni ngag gis legs par spyod pa'o/ /'di ni yid kyis legs par
417b1 par spyod pa'o/ /'di ni sbyin pa'i pha rol tu phyin pa'o/ /'di ni tshul khrims kyi pha rol tu phyin pa'o/ /'di ni bzod pa'i pha rol tu phyin pa'o/ /'di ni brtson 'grus kyi pha rol tu phyin
417b2 pa'o| |'di ni bsam gtan gyi pha rol tu phyin pa'o/ /'di ni shes rab kyi pha rol tu phyin pa'o/ /'di ni thabs kyi pha rol tu phyin pa'o/ /'di ni smon lam gyi pha rol tu phyin pa'o/ /'di
417b3 ni stobs kyi pha rol tu phyin pa'o/ /'di ni ye shes kyi pha rol tu phyin pa'o/ /'di ni sa bcu dang / dbang bcu dang / byang chub sems dpa'i stobs bcu dang / de bzhin gshegs pa'i
417b4 stobs bcu dang / mi 'jigs pa bzhi dang / so so yang dag par rig pa bzhi dang / dbang po lnga dang / stobs lnga dang / ji tsam du sangs rgyas kyi chos ma 'dres pa bco brgyad dang / ji tsam du
417b5 rnam pa thams cad kyi mchog dang ldan pa'i thams cad mkhyen pa'i ye shes dang / ji tsam du sangs rgyas kyi byang chub dang / ji tsam du de bzhin nyid dang / yang dag pa'i mtha' dang / stong
417b6 pa nyid dang / mtshan ma med pa dang / smon pa med pa dang / mngon par 'dus ma byas pa dang / ji tsam du 'dus byas dang / 'dus ma byas pa'i chos thams cad dang / ji tsam du 'khor
417b7 ba dang / mya ngan las 'da' ba dang / ji tsam du smra ba dang / smra bar bya ba dang / shes pa dang / shes byar tha snyad 'dogs pa dang / /'brel bar 'jug pa de tsam du 'jig rten
418a1 kun rdzob kyi tha snyad 'jug go /don dam par na spyod pa thams cad med par gyur pa ste/ de ci'i phyir zhe na/ rigs kyi bu/ don dam par na chos
418a2 thams cad shin tu ma skyes pa/ ma byung ba/ dngos po med pa'o/ /de nas byang chub sems dpa' sems dpa' chen po de dag shin tu ngo mtshar du gyur nas stan las langs
418a3 te| bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la'ang shin tu rgya che ba/ shin tu khyad par dang ldan pa'i
418a4 mchod pa byas nas/ bcom ldan 'das kyi zhabs la mgo bos phyag btsal te/ tshig 'di skad ces gsol to/ /bcom ldan 'das/ sems can thams cad 'di lta bu'i
418a5 seng ge'i sgra/ bye brag tu 'phags pa'i sgra/ khyu mchog gi sgra/ skyes bu chen po'i sgra/ yang dag pa'i sgra/ de kho na'i sgra/ mi dmigs pa'i sgra/ don dam pa'i sgra mi dmigs
418a6 pa'i tshul gyis 'byin par gyur cig /de nas byang chub sems dpa' sems dpa' chen po de dag dga' mgu rangs nas bcom ldan 'das de bzhin gshegs pa dgra
418a7 bcom pa yang dag par rdzogs pa'i sangs rgyas shAkya thub pa la lan brgya stong du mas bskor bya byas nas/ bcom ldan 'das kyi gan nas slar dong ste/ de dag phyogs
418b1 bcur song nas mi dmigs pa'i brtson 'grus kyi go cha chen po go cha med pa'i tshul gyis bgos nas don dam pa dang / kun rdzob kyi bden pa gnyis la gnas pa'i chos bstan pa 'di
418b2 nyid mi ston pa'i tshul gyis ston to/ /chos 'dul ba 'di nyid la sems can thams cad 'dul zhing ston to/ /mi 'jog pa'i tshul gyis rab tu 'god do/ /'jam dpal gzhon
418b3 nur gyur pa stan de la 'dug ste ma langs par 'di 'dra ba'i ting nge 'dzin la mnyam par bzhag ste/ ting nge 'dzin des 'jam dpal gzhon nur gyur pa'i gtsug tor gyi gseb spyi
418b4 bo'i gtsug nas sems can thams cad kyi dmigs pa dang / mi shes pa sel ba zhes bya ba'i 'od zer byung ste/ de byung nas phyogs bcu'i 'jig rten gyi khams thams cad du
418b5 sangs rgyas kyi zhing rab 'byams thams cad snang bar byas so/ /'od zer snang ba des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya
418b6 thub pas chos bshad pa/ kun rdzob dang / don dam pa'i bden pa gnyis la brten pa mi thos pa'i tshul gyis thos so/ /'di ltar phyogs bcu mtha' yas mu med pa'i 'jig rten gyi khams
418b7 thams cad na bzhugs pa'i sangs rgyas dang / byang chub sems dpa' sems dpa' chen po thams cad la mchod pa bya ba'i phyir 'od zer gyi snang ba de las lha'i me tog gi char 'bebs
419a1 pa'i sprin byung ngo / /lha'i bdug pa'i char 'bebs pa'i sprin byung ngo / /lha'i spos kyi char 'bebs pa'i sprin byung ngo / /lha'i phreng ba'i char 'bebs
419a2 pa'i sprin byung ngo / /lha'i byug pa'i char 'bebs pa'i sprin byung ngo / /lha'i phye ma'i char 'bebs pa'i sprin byung ngo / /lha'i gos kyi char 'bebs pa'i sprin byung ngo / /lha'i gdugs
419a3 kyi char 'bebs pa'i sprin byung ngo / /lha'i rgyal mtshan gyi char 'bebs pa'i sprin byung ngo / /lha'i ba dan gyi char 'bebs pa'i sprin byung ngo / /lha'i rnam par rgyal ba'i ba dan gyi
419a4 char 'bebs pa'i sprin byung ngo / /lha'i bla bre'i char 'bebs pa'i sprin gyi bar du byung ngo / /lha'i me tog dang / bdug pa dang / spos dang / phreng ba dang / byug pa dang / phye
419a5 ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla bre'i char 'bebs pa'i sprin byung ngo / /rnam pa thams
419a6 cad kyi mchog dang ldan pa/ bla na med pa'i bde ba chen po thams cad phun sum tshogs pa'i lha'i me tog dang / bdug pa dang / spos dang / phreng ba dang / byug pa dang / phye ma
419a7 dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla bre'i char gyi sprin rab tu gtong ngo / /de nas 'jam
419b1 dpal gzhon nur gyur pa ting nge 'dzin de las langs te/ langs nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la
419b2 lan brgya stong du mar mi dmigs pa'i tshul gyis bskor ba byas nas 'jig rten gyi khams mi mjed ces bya ba 'di nas slar song ngo / /de nas bcom ldan 'das kyis tshe dang ldan pa
419b3 kun dga' bo la bka' stsal pa/ kun dga' bo/ chos kyi rnam grangs sangs rgyas dang / byang chub sems dpa' sems dpa' chen po thams cad kyi 'byung gnas 'di zungs shig /
419b4 rgyas par gyis shig /de nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das/ chos kyi rnam grangs 'di bdag gis bzung ba ni lags
419b5 na| rgyas par bgyid ni mi nus so/ /de ci'i slad du zhe na/ bcom ldan 'das/ don dam par dmigs pa la mngon par zhen pa'i sems can shin tu mang ste/ rdzas la mngon par zhen pa
419b6 nas dngos po'i bar la mngon par zhen te/ log par 'dzin pa de las dbye ba shin tu dka'o/ /de skad ces gsol pa dang / bcom ldan 'das kyis tshe dang ldan pa kun dga' po la
419b7 'di skad ces bka' stsal to/ /kun dga' bo/ chos kyi rnam grangs 'di ni 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis byin gyi mi rlob
420a1 pa'i tshul gyis byin gyis brlabs so/ /kun dga' bo/ khyod rkyen tsam gyis shig /kun dga' bos gsol pa/ bcom ldan 'das/ rigs kyi bu'am
420a2 rigs kyi bu mo gang chos kyi rnam grangs 'di chung du na nyan par 'gyur ba de dag ci 'dra bar 'gyur/ bcom ldan 'das kyis bka' stsal pa/ kun dga' bo/ chos kyi rnam
420a3 grangs 'di las de bzhin gshegs pas yang dag par bstan pa/ de kho na bstan pa/ mi dmigs pa bstan pa/ don dam pa bstan pa/ mi ston pa'i tshul gyis bstan to/ /bstan
420a4 pa de'ang bsam gyis mi khyab/ dpag tu med de/ kun dga' bo/ de bzhin du gang chos kyi rnam grangs 'di las chung du na yi ge 'bru gcig tsam yang mi nyan pa'i tshul gyis
420a5 mnyan na sangs rgyas kyi chos thams cad bsam gyis mi khyab cing dpag tu med par 'gyur ro/ /de nas bcom ldan 'das la tshe dang ldan pa kun dga' bos 'di skad ces
420a6 gsol to/ /bcom ldan 'das/ chos kyi rnam grangs 'di'i ming ci/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir
420a7 chos kyi rnam grangs 'di kun rdzob dang / don dam pa'i bden pa bstan pa zhes bya bar zungs shig /bcom ldan 'das kyis de skad ces bka' stsal nas/ byang chub
420b1 sems dpa' sems dpa' chen po de dag dang / nyan thos chen po de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin
420b2 dang | dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa kun rdzob dang / don dam pa'i bden pa bstan pa
420b3 zhes bya ba theg pa chen po'i mdo rdzogs so// //rgya gar gyi mkhan po shAkya pra b+hA dang / dzi na mi tra dang / zhus chen gyi lo tsA ba ban+de d+harma tA shI la la sogs pas
bsgyur cing zhus nas gtan la phab pa/
CLOSE WINDOW