བོད་ཡིག |
270b1 zhus chen gyi lo tsA ba ban+de d+harma tA shI las zhus/ skad gsar bcas kyis kyang bcos te gtan la phab pa// //rgya gar skad du/ AR+ya bi ma la kIrti ni rde sha nA ma ma hA yA na
270b2 sU tra/ bod skad du/ 'phags pa dri ma med par grags pas bstan pa zhes bya ba theg pa chen po'i mdo/ sangs rgyas dang / byang chub sems dpa' dang / 'phags pa nyan thos dang / rang
270b3 sangs rgyas 'das pa dang / da ltar gyi dang / ma byon pa thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa'i grong khyer na a mra
270b4 srung ba'i tshal na/ dge slong brgyad stong gi dge slong gi dge 'dun chen po dang thabs gcig tu bzhugs te/ thams cad kyang dgra bcom pa/ zag pa zad pa/ nyon mongs pa med pa/
270b5 dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag
270b6 gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu son pa
270b7 sha stag go /byang chub sems dpa' sum khri nyis stong dang yang thabs gcig ste/ mngon par shes pa mngon par shes pa'i byang chub sems dpa' sems dpa' chen po mngon par
271a1 shes pa chen po yongs su sbyangs pa las nges par byung ba/ sangs rgyas kyis byin gyi rlabs kyis byin gyis brlabs pa/ chos kyi grong khyer srung ba/ dam pa'i
271a2 chos yongs su 'dzin pa/ seng ge'i sgra chen po sgrogs pa/ phyogs bcur sgra shin tu bsgrags pa/ gsol ba ma btab par sems can thams cad kyi dge ba'i bshes gnyen du
271a3 gyur pa/ dkon mchog gsum gyi rigs rgyun mi 'chad par byed pa/ bdud dang / phyir rgol ba bcom pa/ pha rol gyi rgol ba thams cad kyis zil gyis mi non pa/ dran pa dang / blo
271a4 gros dang / rtogs pa dang / ting nge 'dzin dang / gzungs dang / spobs pa phun sum tshogs pa/ sgrib pa dang / kun nas ldang ba thams cad dang bral ba/ sgrib pa med pa'i rnam par
271a5 thar pa la gnas pa/ spobs pa rgyun mi 'chad pa/ sbyin pa dang / dul ba dang / mi 'gyur ba dang / yang dag par sdom pa dang / tshul khrims dang / bzod pa dang / brtson 'grus
271a6 dang / bsam gtan dang / shes rab dang / thabs la mkhas pa dang / smon lam dang / stobs dang / ye shes kyi pha rol tu phyin pa las nges par byung ba/ mi dmigs pa'i
271a7 chos la bzod pa dang ldan pa/ phyir mi ldog pa'i chos kyi 'khor lo skor ba/ mtshan nyid med pa'i phyir rgyas btab pa/ sems can thams cad kyi dbang po shes pa la mkhas
271b1 pa| 'khor thams cad zil gyis mi non pa'i mi 'jigs pas rnam par gnon pa/ bsod nams dang / ye shes kyi tshogs chen po bsags pa/ mtshan dang / dpe byad bzang po thams cad
271b2 kyis lus shin tu brgyan pa/ gzugs dam pa 'dzin pa/ rgyan dang bral ba/ ri rab kyi rtse mo mtho ba bzhin du snyan pa dang / grags pas mngon par 'phags pa/ lhag pa'i bsam pa
271b3 rdo rje ltar sra bas sangs rgyas dang / chos dang / dge 'dun la mi phyed pa'i dad pa rnyed pa/ chos rin po che'i 'od zer las bdud rtsi'i char shin tu 'bebs pa/ sems can thams cad
271b4 kyi skad dang / smra ba dang / dbyangs kyi yan lag dang / sgra rnam par dag pa'i dbyangs dang ldan pa/ chos zab mo rten cing 'brel par 'byung ba la 'jug cing mtha' dang / mtha' med par
271b5 lta ba'i bag chags kyi mtshams sbyor ba kun gcod pa dang / seng ge ltar 'jigs pa med cing sgra mngon par sgrogs pa/ chos chen po'i 'brug sgra sgrogs pa/ mtshungs pa dang / mi mtshungs
271b6 pa'i chos las yang dag par 'das pa/ chos rin po che'i shes rab dang / bsod nams kyi tshogs yang dag par sgrub pa'i ded dpon chen po/ drang ba dang / zhi ba dang / phra ba dang / 'jam pa
271b7 dang / blta dka' ba dang / rtogs par dka' ba'i chos kyi tshul la mkhas pa/ sems can rnams kyi 'ong ba dang / 'gro ba dang / sems can gyi bsam pa rtogs pa'i rjes su zhugs
272a1 pa'i ye shes kyi yul dang ldan pa/ mi mnyam pa dang / mnyam pa'i sangs rgyas kyi ye shes la dbang bskur bas dbang bskur ba/ stobs bcu dang / mi
272a2 'jigs pa dang / sangs rgyas kyi ma 'dres pa la lhag pa'i bsam pas zhugs pa/ ngan song gi 'jigs pa dang / ngan 'gro log par ltung ba'i 'jigs pa'i 'obs
272a3 thams cad las brgal bas bsams bzhin du srid pa'i 'gro bar skye ba ston pa/ sman pa'i rgyal po chen po/ sems can thams cad 'dul ba'i cho ga la mkhas pa/ sems
272a4 can thams cad kyi nyon mongs pa'i nad thams cad rtogs pa/ ci rigs par chos kyi sman sbyar ba rab tu sbyor ba/ yon tan mtha' yas pa'i 'byung gnas dang ldan pa/ sangs
272a5 rgyas kyi zhing mtha' yas par yon tan bkod pas legs par brgyan pa mthong ba dang / thos pa 'bras bu yod pa/ gom pa 'dor ba 'bras bu yod pa/ bskal pa bye ba khrag khrig
272a6 brgya stong dpag tu med par yon tan yongs su brjod kyang yon tan gyi chu bo mtha' yas bar rtogs pa la/ 'di lta ste/ byang chub sems dpa' mnyam par lta ba zhes bya dang / mnyam
272a7 mi mnyam lta ba dang / ting nge 'dzin rnam par sprul pa'i rgyal po dang / chos kyi dbang phyug dang / chos kyi tog dang / 'od kyi tog dang / 'od bkod pa dang / rin po che bkod pa dang /
272b1 bkod pa chen po dang / spobs pa brtsegs pa dang / rin po che brtsegs pa dang / lag na rin po che dang / lag na phyag rgya rin po che dang / rtag tu lag brkyang dang / rtag tu lag
272b2 bteg dang / rtag tu gdung dang / rtag tu dga' dgod dbang po dang / mchog tu dga' ba'i rgyal po dang / lha'i rgyal po dang / smon lam la zhugs pas phyin pa dang / so so
272b3 yang dag par rig pa rab tu sgrub pa thob dang / nam mkha'i mdzod dang / rin chen sgron ma 'dzin dang / rin chen dpa' dang / rin chen dga' ba dang / rin chen dpal dang
272b4 mig 'phrul can dang / dra ba can gyi 'od dang / dmigs pa med pa'i bsam gtan dang / shes rab brtsegs dang / rin chen gtong dang / bdud 'joms dang / glog gi lha
272b5 dang / rnam par 'phrul pa'i rgyal po dang / mtshan brtsegs yang dag 'das dang / seng ge'i nga ro mngon par bsgrags pa'i dbyangs dang / ri'i rtsa mo kun tu 'joms pa'i rgyal
272b6 po dang / spos kyi glang po che dang / spos kyi bla glang glang po che dang / rtag tu 'bad dang / brtson pa mi 'dor ba dang / rab kyi blo gros dang / mdzes par skyes dang / pad mo'i dpal
272b7 gyi snying po dang / pad mo bkod pa dang / spyan ras gzigs kyi dbang phyug dang / mthu chen thob dang / tshangs pa'i dra ba can dang / rin chen gdan dkar can dang / bdud las rgyal
273a1 dang | zhing snyoms rgyan dang / /nor bu rin chen gdugs dang / gtsug na gser dang / gtsug na nor bu dang / byams pa dang / 'jam dpal gzhon
273a2 nur gyur pa dang / de dag la sogs pa byang chub sems dpa' sum khri nyi sa stong ngo / /gling chen po bzhi pa'i 'jig rten gyi khams mya ngan med pa nas tshangs pa ral pa can la
273a3 sogs pa tshangs pa khri bcom ldan 'das la lta ba dang / phyag 'tshal ba dang / bsnyen bkur bya ba dang / chos mnyan pa'i phyir lhags pa de dag kyang 'khor de nyid du 'dus
273a4 so| |gling chen po bzhi pa so so nas kyang brgya byin khri nyis stong lhags te/ de dag kyang 'khor de nyid du 'dus so/ /de bzhin du/ gzhan yang / dbang che ba dbang che bar grags
273a5 pa'i tshangs pa dang / brgya byin dang / 'jig rten skyong dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye
273a6 chen po rnams kyang 'khor de nyid du 'dus par gyur to/ /de bzhin du 'khor bzhi po dge slong dang / dge slong ma dang / dge bsnyen dang / dge bsnyen ma rnams kyang der lhags
273a7 so| |de nas bcom ldan 'das dpal gyi snying po'i seng ge'i khri la bzhugs te/ 'khor brgya stong du mas yongs su bskor cing mdun gyis bltas nas chos ston to/ /rgya mtsho'i
273b1 nang nas ri'i rgyal po ri rab mngon par 'phags pa bzhin du 'khor thams cad zil gyis mnan te lha ma me lhan ne lhang re re dpal gyi snying po'i seng ge'i khri la bzhugs so/ /de nas byang
273b2 chub sems dpa' li tsa bI gzhon nu dkon mchog 'byung gnas li tsa bI gzhon nu lnga brgya tsam dang / rin po che sna bdun gyi gdugs thogs nas yangs pa'i grong khyer chen po nas
273b3 byung ste/ a mra srung ba'i tshal ga la ba dang / bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te/ bcom ldan 'das la
273b4 lan bdun bskor ba byas nas/ rin po che'i gdugs ji lta bu thogs pa de dag gis bcom ldan 'das la mngon par bskyabs te/ mngon par bskyabs nas phyogs gcig tu
273b5 'khod do/ /rin po che'i gdugs de dag phul ma thag tu de'i mdo la sangs rgyas kyi mthus rin po che'i gdugs de dag gcig tu gyur te/ rin po che'i gdugs des stong gsum
273b6 gyi stong chen po'i 'jig rten gyi khams 'di thams cad khebs par snang ngo / /stong gsum gyi stong chen po'i 'jig rten gyi khams kyi chu zheng de dag kyang rin po che'i gdugs chen po
273b7 de nyid kyi nang na snang ngo / /stong gsum gyi stong chen po'i 'jig rten gyi khams 'di na ri'i rgyal po ri rab gang dag yod pa rnams dang / gangs ri dang / ri btang bzung dang / ri btang
274a1 bzung chen po dang / spos kyi ngad ldan dang / rin po che'i ri dang / ri nag po dang / khor yug dang / khor yug chen po dang / de dag thams cad kyang rin po che'i gdugs
274a2 chen po de nyid kyi nang na snang ngo / /stong gsum gyi stong chen po'i 'jig rten gyi khams 'di na rgya mtsho chen po gang dag yod pa rnams dang / mtsho dang / mtshe'u dang / rdzing dang / 'bab
274a3 chu dang / chu bran dang / lu ma 'bab pa de dag thams cad kyang rin po che'i gdugs chen po de nyid kyi nang na snang ngo / /stong gsum gyi stong chen po'i 'jig rten gyi khams 'di na nyid
274a4 ma dang / zla ba'i gzhal med khang dang / skar ma'i gzugs dang / lha'i gnas dang / klu'i gnas dang / gnod sbyin dang / dri za dang / lha ma yin dang / nam mkha' lding dang /
274a5 mi 'am ci dang / lto 'phye chen po'i gnas rnams dang / rgyal po chen po bzhi'i gnas dang / grong dang / grong khyer dang / grong rdal dang / yul 'khor dang / rgyal po'i pho brang
274a6 'khor ji snyed yod pa de dag thams cad kyang rin po che'i gdugs chen po gcig po de nyid kyi nang na snang ngo / /phyogs bcu'i 'jig rten na sangs rgyas bcom ldan 'das rnams
274a7 kyi chos ston pa gang 'byung ba de'ang rin po che'i gdugs chen po gcig po de las 'byung ba'i sgrar grag go /de nas bcom ldan 'das las de lta bu'i cho 'phrul chen po 'di
274b1 mthong nas thams cad dang ldan pa'i 'khor de ngo mtshar du gyur te/ tshim zhing mgu nas yi rangs te/ rab tu dga' zhing dga' ba dang / yid bde ba skyes nas de bzhin gshegs pa
274b2 la phyag btsal te/ mig mi 'dzum par lta zhing 'khod do/ /de nas li tsa bI gzhon nu dkon mchog 'byung gnas kyis bcom ldan 'das las de lta bu'i cho 'phrul chen po 'di mthong
274b3 nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa 'di dag gis mngon
274b4 par bstod do/ /gtsang zhing mdzes pa pad+ma'i 'dab ltar yangs pa'i spyan/ /dgongs pa dag cing zhi gnas pha rol phyin mchog brnyes/ /dge ba'i las bsags yon tan rgya mtsho
274b5 dpag mi lang / /dge sbyong zhi ba'i lam brten khyod la phyag 'tshal lo/ /skyes bu khyu mchog 'dren pa'i rdzu 'phrul khyod gzigs shig /bde bar gshegs pa'i zhing mchog rab gsal
274b6 kun kyang gda'/ /khyod kyi chos kyi bka' mchid rgya che 'chi med 'gro /de dag thams cad nam mkha' 'di yi dkyil na gda'/ /khyod kyi chos kyi rgyal srid mchog 'di chos kyi rgyal/ /rgyal
274b7 bas 'gro ba rnams la chos kyi nor kyang stsal/ /chos rnams rab tu 'byed mkhas don dam ston mdzad pa/ /chos kyi dbang phyug chos rgyal khyod la mgos phyag 'tshal/ /mchis pa
275a1 ma lags pa dang ma mchis ma lags dang / /chos 'di thams cad rgyu las brten nas 'byung ba dang / /'di la bdag med tshor ba pho dang byed med cing
275a2 dge sdig las ci'ang chud mi za zhes gsung gis ston/ /thub dbang khyod kyis bdud dpung stobs can rab btul nas/ /byang chub mchog rab zhi ba mi 'chi bde ba brnyes/ /de la
275a3 tshor med sems dang yid kyi rgyu ba med/ /mu stegs ngan pa'i tshogs rnams kun gyis de mi rtogs/ /rmad byung chos kyi rgyal po lha mi mngon sum du/ /lan gsum bzlas pa chos
275a4 kyi 'khor lo rnam mang po/ /shin tu zhi ba rang bzhin rnam dag rab tu bskor/ /de tshe dkon mchog gsum po dag kyang nye bar bstan/ /khyod kyis dkon mchog chos kyis legs
275a5 par gang btul ba/ /de dag rtog pa ma mchis rtag par rab tu zhi/ /khyod ni skye rga na 'chi mthar 'byin sman pa'i mchog /yon tan rgya mtsho dpag mi lang la mgos phyag 'tshal/ /
275a6 ba sti stang legs par bgyis pas mi bskyod ri rab bzhin/ /tshul khrims ldan dang tshul khrims 'chal la mtshungs par byams/ /mnyam pa nyid la bzhugs shing thugs kyang
275a7 nam mkha' bzhin/ /sems can dkon mchog 'di la su zhig mchod mi bgyid/ /thub pa chen po 'khor rnams 'dus pa 'di dag ni/ /khyod kyi zhal du rab tu dad pa'i yid kyis lta//
275b1 thams cad kyis kyang rgyal ba rang gi mdun gnas mthong / /de ni rgyal ba'i ma 'dre sa sangs rgyas mtshan lags so/ /bcom ldan 'das kyi gsung gcig rab tu phyung ba yang / /'khor
275b2 rnams kyis ni gsung la tha dad rnam par rig /'gro ba dag gis rang gi don bzhin rnam rig pa/ /de ni rgyal ba'i ma 'dres sangs rgyas mtshan lags so/ /gsung gcig rab tu bsgrags
275b3 pa mdzad pa de yis ni/ /kha cig bag chags bsgos shing kha cig rtogs par byas/ /som nyi 'tshal ba 'dren pas rab tu zhi mdzad de/ /de ni rgyal ba'i ma 'dres sangs rgyas mtshan
275b4 legs so/ /stobs bcu 'dren pa'i rtsal mnga' khyod la phyag 'tshal lo/ /'jigs pa mi mnga' 'jigs bral khyod la phyag 'tshal lo/ /ma 'dres pa yi chos rnams nges par rab
275b5 rtogs pa/ /'gro ba thams cad 'dren pa khyod la phyag 'tshal lo/ /kun tu sbyar ba'i bcings pa gcod la phyag 'tshal lo/ /pha rol phyin nas skam la bzhugs la phyag 'tshal lo/ /
275b6 dub pa'i 'gro ba sgrol ba khyod la phyag 'tshal lo/ /'khor ba'i 'gro bar mi gnas pa la phyag 'tshal lo/ /sems can rnams dang 'gro bar bzhugs shing kun 'grogs kyang / /'gro
275b7 ba thams cad las ni rnam par grol ba'i thugs/ /pad+ma dag ni chu skyes chu yis yongs mi gos/ /thub pa'i pad+mas stong pa nyid ni nges par bsgoms/ /mtshan ma thams cad rnam pa kun
276a1 tu rab tu gsal/ /khyod ni ci la'ang smon par mdzad pa yong mi mnga'/ /sangs rgyas dag gi mthu chen bsam gyis mi khyab ste/ /nam mkha' lta bur
276a2 mi gnas pa la bdag phyag 'tshal/ /de nas bcom ldan 'das la li tsa ba'i gzhon nu dkon mchog 'byung gnas kyis tshigs su bcad pa de dag gis mngon par bstod nas
276a3 bcom ldan 'das la 'di skad ces gsol to/ /bcom ldan 'das/ li tsa bI gzhon nu lnga brgya tsam po 'di dag thams cad kyang bla na med pa yang dag par rdzogs pa'i byang chub tu
276a4 yang dag par zhugs te/ 'di dag kyang byang chub sems dpa' rnams kyi sangs rgyas kyi zhing yongs su dag pa gang lags zhes sangs rgyas kyi zhing yongs su dag pa zhu na/ bcom
276a5 ldan 'das de bzhin gshegs pas byang chub sems dpa' de dag la sangs rgyas kyi zhing yongs su dag pa legs par bshad du gsol/ /de skad ces gsol ba dang / bcom
276a6 ldan 'das kyis li tsa bI gzhon nu dkon mchog 'byung gnas la legs so zhes bya ba byin te/ legs so/ /legs so/ /gzhon nu khyod/ gang sangs rgyas kyi zhing yongs su dag pa las
276a7 brtsams te de bzhin gshegs pa la 'dri ba legs so/ /de'i phyir gzhon nu khyod legs par rab tu nyon la yid la zungs shig dang / byang chub sems dpa' rnams kyi sangs
276b1 rgyas kyi zhing yongs su dag pa las brtsams te ngas khyod la bshad do/ /bcom ldan 'das/ legs so zhes gsol nas li tsa bI gzhon nu dkon mchog 'byung gnas dang / li tsa bI
276b2 gzhon nu lnga brgya tsam po de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to/ /rigs kyi bu/ sems can gyi zhing ni byang
276b3 chub sems dpa'i sangs rgyas kyi zhing ngo / /de ci'i phyir zhe na/ byang chub sems dpa' ji tsam du sems can rnams la rgyas par byed pa de tsam du sangs rgyas kyi zhing yongs su 'dzin to/ /
276b4 sems can rnams ji lta bus 'dul bar 'gyur ba de lta bu'i sangs rgyas kyi zhing yongs su 'dzin to/ /sangs rgyas kyi zhing la 'jug pa ji lta bus sems can rnams sangs rgyas kyi ye shes
276b5 la 'jug par 'gyur ba de lta bu'i sangs rgyas kyi zhing yongs su 'dzin to/ /sangs rgyas kyi zhing la 'jug pa ji lta bus sems can rnams 'phags pa lta bu'i dbang po skye bar 'gyur ba de lta
276b6 bu'i sangs rgyas kyi zhing yongs su 'dzin to/ /de ci'i phyir zhe na/ rigs kyi bu/ byang chub sems dpa' rnams kyis sangs rgyas kyi zhing ni sems can gyi don las byung ba'i phyir ro/ /dkon
276b7 mchog 'byung gnas/ 'di lta ste/ dper na/ nam mkha' la ji lta bur bya ba 'dod pa de bzhin du byed mod kyi nam mkha' la ni byar mi rung zhing brgyan du'ang mi rung ba de bzhin du/ dkon
277a1 mchog 'byung gnas/ chos thams cad nam mkha' dang mtshungs par shes nas byang chub sems dpa' sems can yongs su smin par bya ba'i phyir
277a2 sangs rgyas kyi zhing ji lta bur bya bar 'dod pa de lta bur sangs rgyas kyi zhing byed mod kyi/ sangs rgyas kyi zhing nam mkhar ni byar mi rung ngo / /brgyan du mi rung ngo / /dkon mchog 'byung
277a3 gnas/ 'on kyang bsam pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du sems can g.yo med pa dang / sgyu med pa rnams
277a4 skye bar 'gyur ro/ /rigs kyi bu/ lhag pa'i bsam pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du dge ba'i rtsa ba dang / tshogs
277a5 thams cad bsags pa'i sems can rnams skye bar 'gyur ro/ /sbyor ba'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing du dge
277a6 ba'i chos thams cad la gnas pa'i sems can rnams skye bar 'gyur ro/ /byang chub sems dpa'i sems bskyed pa rgya chen po byang chub sems dpa'i sangs rgyas kyi zhing ste/ de byang
277a7 chub thob pa'i sangs rgyas kyi zhing der theg pa chen po la yang dag par zhugs pa'i sems can rnams skye bar 'gyur ro/ /sbyin pa'i zhing ni byang chub sems dpa'i sangs rgyas kyi
277b1 zhing ste/ de byang chub thob pa'i sangs rgyas kyi zhing der bdog pa thams cad yongs su gtong ba'i sems can rnams skye bar 'gyur ro/ /tshul khrims kyi zhing ni byang chub sems dpa'i
277b2 sangs rgyas kyi zhing ste/ de byang chub thob pa'i sangs rgyas kyi zhing der bsam pa thams cad dang ldan pa'i dge ba bcu'i las kyi lam yongs su srung ba'i sems can rnams skye bar 'gyur
277b3 ro| |bzod pa'i zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der mtshan sum cu rtsa gnyis kyis brgyan cing bzod pa dang / dul ba dang /
277b4 zhi gnad dam pa'i pha rol tu phyin pa'i sems can rnams skye bar 'gyur ro/ /brtson 'grus kyi zhing ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi
277b5 zhing der dge ba'i chos thams cad la brtson 'grus brtsams pa'i sems can rnams skye bar 'gyur ro/ /bsam gtan gyi zhing ni byang chub sems dpa'i sangs rgyas kyi zhing ste/ de byang
277b6 chub thob pa'i sangs rgyas kyi zhing der dran pa dang / shes bzhin gyi mnyam par bzhag pa'i sems can rnams skye bar 'gyur ro/ /shes rab kyi zhing ni byang chub sems dpa'i
277b7 sangs rgyas kyi zhing ste/ de byang chub thob pa'i sangs rgyas kyi zhing der yang dag pa nyid du nges pa'i sems can rnams skye bar 'gyur ro/ /tshad med pa bzhi rnams ni byang chub sems
278a1 dpa'i sangs rgyas kyi zhing ste/ de byang chub thob pa'i sangs rgyas kyi zhing der byams pa dang / snying rje dang / dga' ba dang / btang snyoms la gnas pa'i
278a2 sems can rnams skye bar 'gyur ro/ /bsdu ba'i dngos po bzhi rnams ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der rnam par
278a3 grol ba thams cad kyis yongs su zin pa'i sems can rnams skye bar 'gyur ro/ /thabs mkhas pa ni byang chub sems dpa'i sangs rgyas kyi zhing ste/ de byang chub thob pa'i sangs
278a4 rgyas kyi zhing der thabs dang / spyod pa thams cad la mkhas pa'i sems can rnams skye bar 'gyur ro/ /byang chub kyi phyogs sum cu rtsa bdun gyi chos rnams ni byang chub sems dpa'i
278a5 sangs rgyas kyi zhing ste/ de byang chub thob pa'i sangs rgyas kyi zhing der dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang /
278a6 byang chub kyi yan lag dang / lam sgrub pa shes pa'i sems can rnams skye bar 'gyur ro/ /yongs su bsngo ba'i sems ni byang chub sems dpa'i sangs rgyas kyi zhing ste/ de byang
278a7 chub thob pa'i sangs rgyas kyi zhing du yon tan thams cad kyi rgyan rnams snang bar 'gyur ro/ /mi khom pa brgyad rab tu zhi bar bstan pa ni byang chub sems dpa'i sangs rgyas kyi
278b1 zhing ste/ de byang chub thob pa'i sangs rgyas kyi zhing du ngan song thams cad shin tu chad cing mi khom pa brgyad med par 'gyur ro/ /bdag nyid bslab pa'i gzhi rnams la gnas shing pha
278b2 rol gyi ltung ba mi gleng ba ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der ltung ba'i sgra'ang mi grag par 'gyur ro/ /dge ba bcu'i las kyi
278b3 lam yongs su dag pa ni byang chub sems dpa'i sangs rgyas kyi zhing ste/ de byang chub thob pa'i sangs rgyas kyi zhing der tshe nges pa dang / longs spyod che ba dang / tshangs par spyod pa dang /
278b4 bden pa'i rjes su 'jug pa'i tshig gis brgyan pa dang / ngag 'jam pa dang / 'khor mi phyed pa dang / bye ba sdum pa la mkhas pa dang / phrag dog dang bral ba dang / gnod sems kyi
278b5 sems med pa dang / yang dag par lta ba dang ldan pa'i sems can rnams skye bar 'gyur ro/ /rigs kyi bu/ de ltar na byang chub sems dpa'i byang chub kyi sems bskyed pa ci 'dra bar
278b6 bsam pa'ang de 'dra'o/ /bsam pa ci 'dra bar sbyor ba'ang de 'dra'o/ /sbyor ba ji snyed par lhag pa'i bsam pa'ang de snyed do/ /lhag pa'i bsam pa ji snyed par nges par sems pa'ang de
278b7 snyed do/ /nges par sems pa ji snyed par sgrub pa'ang de snyed do/ /sgrub pa ji snyed par yongs su bsngo ba'ang de snyed do/ /yongs su bsngo ba ji snyed par thabs rnams kyang de snyed do/ /thabs
279a1 rnams ji snyed par zhing yongs su dag pa'ang de snyed de/ zhing yongs su dag pa ji lta ba bzhin du sems can yongs su dag pa'ang de bzhin no/ /sems can yongs su dag
279a2 pa ji lta ba bzhin du ye shes yongs su dag pa'ang de bzhin no/ /ye shes yongs su dag pa ji lta ba bzhin du bstan pa yongs su dag pa'ang de bzhin no/ /bstan pa yongs su dag
279a3 pa ji lta ba bzhin du ye shes bsgrubs pa yongs su dag pa'ang de bzhin no/ /ye shes bsgrubs pa yongs su dag pa ji lta ba bzhin du rang gi sems yongs su dag pa'ang de bzhin
279a4 te| rigs kyi bu/ de lta bas na byang chub sems dpa' sangs rgyas kyi zhing yongs su dag par byed 'dod pas rang gi sems yongs su sbyang ba la nan tan bya'o/ /de ci'i phyir zhe na/ ji
279a5 lta bur byang chub sems dpa'i sems yongs su dag pa de 'dra bar sangs rgyas kyi zhing yongs su dag par 'gyur ro/ /de nas sangs rgyas kyi mthus tshe dang ldan pa shA ri'i bu 'di snyam
279a6 du sems te/ gal te ji lta bur sems yongs su dag pa de 'dra bar byang chub sems dpa'i sangs rgyas kyi zhing yongs su dag par 'gyur na/ bcom ldan 'das shAkya thub pa byang
279a7 chub sems dpa'i spyad pa spyod pa na/ de sems yongs su ma dag gam/ ci nas sangs rgyas kyi zhing 'di lta bur yongs su ma dag par snang snyam mo/ /de nas bcom ldan 'das
279b1 kyis tshe dang ldan pa shA ri'i bu'i sems kyi yongs su rtog pa thugs kyis mkhyen nas tshe dang ldan pa shA ri'i bu la 'di skad ces bka' stsal to/ /shA ri'i bu/ 'di ji snyam du sems/ nyi ma dang
279b2 zla ba yongs su ma dag gam/ ci na dmus long dag gis mi mthong / gsol pa/ bcom ldan 'das/ de ltar ma lags so/ /de ni dmus long gis nongs kyi nyi ma dang / zla bas ni ma nongs
279b3 so| |bka' stsal pa/ shA ri'i bu/ de bzhin du sems can la las de bzhin gshegs pa'i sangs rgyas kyi zhing gi yon tan gyi rgyan bkod pa mi mthong ba de ni sems can rnams kyi
279b4 mi shes pas nyes kyi de la de bzhin gshegs pas nyes pa ni ma yin no/ /shA ri'i bu/ de bzhin gshegs pa'i sangs rgyas kyi zhing ni yongs su dag mod kyi khyod kyis de mi mthong ngo / /
279b5 de nas tshangs pa ral pa can gyis gnas brtan shA ri'i bu la 'di skad ces smras so/ /btsun pa shA ri'i bu/ de bzhin gshegs pa'i sangs rgyas kyi zhing yongs su ma dag go zhes ma zer
279b6 cig| btsun pa shA ri'i bu/ bcom ldan 'das kyi sangs rgyas kyi zhing yongs su dag pa 'di lta ste/ dper na/ btsun pa shA ri'i bu/ gzhan 'phrul dbang byed kyi lha rnams kyi gnas kyi bkod
279b7 pa bzhin du bcom ldan 'das shAkya thub pa'i sangs rgyas kyi zhing bkod pa'ang kho bos de 'dra ba mthong ngo / /de nas gnas brtan shA ri'i bus tshangs pa ral pa can la 'di skad ces smras
280a1 so| |tshangs pa/ kho bos ni sa chen po 'di mtho dman dang / tsher ma dang / g.yang sa dang / ri'i rtse mo dang / ngam grog dang / 'jim ngan gyis rab tu gang
280a2 bar mthong ngo / /tshangs pa ral pa can gyis smras pa/ 'di ltar sangs rgyas kyi zhing 'di 'dra bar yongs su ma dag par mthong ba ni/ btsun pa shA ri'i bu/ sems la mtho dman yod
280a3 cing sangs rgyas kyi ye shes la bsam pa yongs su ma dag par nges so/ /gang dag /btsun pa shA ri'i bu/ sems can thams cad la sems mnyam zhing sangs rgyas kyi ye shes la
280a4 bsam pa yongs su dag pa de dag gis ni sangs rgyas kyi zhing 'di yongs su dag pa mthong ngo / /de nas bcom ldan 'das kyis stong gsum gyi stong chen po'i 'jig rten gyi khams
280a5 'di la zhabs kyi mthe bos bsnun pa dang / bsnun ma thag tu 'jig rten gyi khams 'di rin po che du ma brtsegs pa dang / rin po che brgya stong du ma'i tshogs dag rin po che brgya stong du ma so
280a6 sor bkod par gyur pa 'di lta ste/ dper na/ de bzhin gshegs pa rin po che bkod pa'i 'jig rten gyi khams yon tan rin chen mtha' yas bkod pa bzhin du 'jig rten gyi
280a7 khams 'di'ang de 'dra'o/ /de nas thams cad dang ldan pa'i 'khor de'ang ngo mtshar du gyur cing bdag nyid kyang rin po che'i pad+ma bkod pa'i stan la 'dug pa snyam byed do/ /de nas
280b1 bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ khyod kyis sangs rgyas kyi zhing gi yon tan bkod pa 'di mthong ngam/ gsol pa/ bcom ldan 'das/
280b2 mthong lags so/ /sngon ma mthong ma thos pa'i bkod pa 'di dag gda'o/ /bka' stsal pa/ shA ri'i bu/ sangs rgyas kyi zhing 'di ni rtag tu 'di 'dra mod kyi sems can dman pa
280b3 rnams yongs su smin par bya ba'i phyir de bzhin gshegs pas sangs rgyas kyi zhing de lta bur nyes pa mang po'i skyon chags par ston te/ shA ri'i bu/ 'di lta ste/ dper na/ lha'i bu rnams
280b4 rin po che'i snod gcig tu zas za'ang bsod nams ji lta bu bsags pa'i bye brag gis lha'i zas bdud rtsi nye bar gnas pa de bzhin du/ shA ri'i bu/ sems can sangs rgyas kyi zhing gcig
280b5 tu skyes pa dag kyang sems can ji ltar yongs su dag pa bzhin du sangs rgyas rnams kyi sangs rgyas kyi zhing gi yon tan bkod pa mthong ngo / /sangs rgyas kyi zhing gi yon tan gyi rgyan bkod pa
280b6 'di snang ba na srog chags brgyad khri bzhi stong bla na med pa yang dag par rdzogs pa'i byang chub tu sems skyes so/ /li tsa bI gzhon nu gang dag li tsa bI gzhon nu dkon mchog 'byung gnas
280b7 dang lhan cig tu lhags pa lnga brgya bo de dag kyang rjes su mthun pa'i bzod pa thob par gyur to/ /de nas bcom ldan 'das kyis rdzu 'phrul de dag brtul ba dang / de nas yang sangs rgyas kyi
281a1 zhing de phyir sngon gyi rang bzhin du gyur par snang ngo / /de na nyan thos kyi theg pa can gyi lha dang / mi rnams 'di snyam du sems te/ kye ma'o 'du byed 'di dag ni
281a2 mi rtag go snyam du rig nas srog chags sum khri nyis stong chos rnams la chos kyi mig rdul med cing dri ma dang bral bar rnam par dag go /dge slong brgyad stong ni len pa med par
281a3 zag pa rnams las sems rnam par grol lo/ /sangs rgyas kyi zhing rgya chen po la mos pa'i srog chags brgyad khri bzhi stong yang chos thams cad rnam par bsgrubs pas nye bar bzhag
281a4 pa'i mtshan nyid du rig nas bla na med pa yang dag par rdzogs pa'i byang chub tu sems skyes so/ /sangs rgyas kyi zhing yongs su dag pa gleng gzhi'i le'u ste dang po'o// //yang de'i tshe yangs pa'i grong khyer chen po na li tsa bI dri ma med par grags pa zhes bya ba zhig 'dug ste/ sngon gyi rgyal ba la lhag par bya ba byas shing dge ba'i rtsa ba bskyed pa/ sangs rgyas
281a5 mang po la bsnyen bkur byas pa/ bzod pa thob pa/ spongs pa thob pa/ mngon par shes pa chen pos rnam par rtsen pa/ gzungs thob pa/ mi 'jigs pa thob pa/ bdud dang / phyir
281a6 rgol ba bcom pa/ chos kyi tshul zab mo la shin tu zhugs pa/ shes rab kyi pha rol tu phyin pa las nges par byung ba/ thabs mkhas pa rtogs par khong du chud pa/ spobs pa dang
281b1 ldan pa/ sems can gyi bsam pa dang / spyod pa la mkhas pa/ sems can gyi dpang po mchog dang / mchog ma yin pa shes pa las nges par byung ba so so ci rigs par chos ston pa/
281b2 theg pa chen po 'di la brtson par byas shing shes par byas pa/ shin tu brtags te las byed pa/ sangs rgyas kyi spyod lam la gnas pa/ blo dam pa rgya mtsho lta bu'i rjes su zhugs
281b3 pa| sangs rgyas thams cad kyis bstod cing bkur te rab tu bsngags pa/ brgya byin dang / tshangs pa dang / 'jig rten skyong ba thams cad kyis phyag byas pa de sems can yongs su smin par
281b4 bya ba'i phyir thabs mkhas pas yangs pa'i grong khyer chen po na gnas te/ sems can mgon med pa dang / dbul po rnams bsdu ba'i phyir longs spyod zad mi shes pa/ sems can tshul
281b5 khrims 'chal pa rnams bsdu pa'i phyir tshul khrims yongs su dag pa/ sems can sdang ba dang / rab tu sdang ba dang / gnod sems can dang / tshul khrims 'chal ba dang / khro ba'i
281b6 sems can rnams bsdu ba'i phyir bzod pa dang / dul ba thob pa/ sems can le lo can rnams bsdu ba'i phyir brtson 'grus 'bar ba/ sems 'khrug pa'i sems can rnams bsdu ba'i
281b7 phyir bsam gtan dang / dran pa dang / ting nge 'dzin la gnas pa/ sems can 'chal pa'i shes rab can rnams bsdu ba'i phyir shes rab rnam par nges pa thob pa/ gos dkar po gyon
282a1 la dge sbyong gi spyod pas phun sum tshogs pa/ khyim gyi gnas na gnas la 'dod pa'i khams dang / gzugs kyi khams dang / gzugs med pa'i khams
282a2 dang ma 'dres pa/ bu dang / chung ma dang / slas rnams kyang rtag tu tshangs par spyod pa/ g.yog bran gyis yongs su bskor bar snang yang rab tu dpen par spyod pa/ rgyan gyis brgyan
282a3 par snang yang rtag tu mtshan dang ldan pa/ zas skom gyis zas za bar snang ba'ang rtag tu bsam gtan gyi dga' ba'i zas za ba/ rtsed mo dang / rgyan po'i grwa thams cad na snang
282a4 yang rtsed mo dang / rgyan po la chags pa'i sems can rnams yongs su smin par byed cing rtag tu don yod pa/ spyod pa ya mtshan can thams cad tshol yang sangs rgyas la mi phyed pa'i
282a5 bsam pa dang ldan pa/ 'jig rten pa dang / 'jig rten las 'das pa'i gsang sngags dang / bstan bcos kyi rnam par shes kyang rtag chos kyi kun dga' la dga' mos pa/
282a6 'du 'dzi kun gyi nang na snang yang thams cad kyi nang na gtso bor mchod pa/ 'jig rten dang mthun par bya ba'i phyir rgan rabs dang / bar ma dang / gzhon nu'i grogs su gyur
282a7 cing chos bzhin du smra ba/ tha snyad thams cad du 'jug kyang rnyed pa dang / longs spyod la re ba med pa/ sems can thams cad gdul ba'i phyir lam gyi bzhi mdo dang / su ma mdo
282b1 thams cad na'ang snang la sems can rnams srung ba'i phyir rgyal po'i bya ba rnams la'ang zhugs pa/ theg pa dman pa la mos pa zlog cing theg pa chen po la sems can rnams yang
282b2 dag par gzud pa'i phyir chos nyan pa dang / yang dag par brjod pa thams cad na'ang snang ba/ byis pa rnams yongs su smin par bya ba'i phyir yi ge'i grwa khang thams cad tu'ang 'gro ba/
282b3 'dod pa'i nyes pa yang dag par bstan pa'i phyir smad 'tshong gi khyim kun tu'ang 'jug pa/ dran pa yang dag par gzhag pa'i phyir chang 'tshong ba'i khyim thams cad du'ang 'jug pa/ chos
282b4 kyi mchog bstan pa'i phyir tshong dpon gyi nang du'ang tshong dpon du kun gyis bkur ba/ 'dzin pa thams cad kyi len pa yongs su gcad pa'i phyir khyim bdag gi nang du'ang khyim bdag tu
282b5 kun gyis bkur ba/ bzod pa dang / des pa dang / stobs la rab tu dgod pa'i phyir rgyal rigs kyi nang du rgyal rigs su kun gyis bkur ba/ nga rgyal dang / rgyags pa dang / dregs pa
282b6 shin tu gzhom pa'i phyir bram ze'i nang du'ang bram zer kun gyis bkur pa/ rgyal po'i bya ba thams cad chos dang mthun par bsgo ba'i phyir blon po'i nang du'ang blon por kun gyis bkur
282b7 ba| rgyal po'i longs spyod dang / dbang phyug la chags pa bzlog pa'i phyir gzhon nu'i nang du'ang gzhon nur kun gyis bkur ba/ bud med gzhon nu yongs su smin par bya ba'i phyir btsun
283a1 mo'i 'khor gyi nang du'ang nyug rum du kun gyis bkur pa/ tha mal pa'i bsod nams khyad par du 'phags par dmigs par bya ba'i phyir skye bo phal
283a2 po dang yang mthun par 'jug pa/ dbang phyug gi bdag por bstan pa'i phyir brgya byin gyi nang du'ang brgya byin du kun gyis bkur ba/ ye shes kyi khyad par bstan pa'i phyir tshangs
283a3 pa'i nang du'ang tshangs par kun gyis bkur ba/ sems can thams cad yongs su smin par bya ba'i phyir 'jig rten skyong bar kun gyis bkur ba ste/ de ltar li tsa bI dri ma med par
283a4 grags pa tshad med pa'i thabs la mkhas pa'i ye shes dang ldan te/ yangs pa'i grong khyer chen po na gnas shing 'dug go /de thabs la mkhas pas bdag nyid na blta bur
283a5 bstan nas de la nad 'dri ba'i phyir yangs pa'i grong khyer chen po nas rgyal po dang / blon po dang / dbang po dang / gzhon nu'i 'khor dang / bram ze dang / khyim bdag dang / tshong
283a6 dpon dang / grong pa dang / yul gyi mi dang / de ma yin pa srog chags stong phrag mang po nad 'drir 'ongs te/ der lhags pa de dag la li tsa bI dri ma med par grags pas 'byung ba
283a7 chen po bzhi'i lus 'di nyid las brtsams nas chos ston te/ grogs po dag /lus 'di ni 'di ltar mi rtag pa/ 'di ltar mi brtan pa/ 'di ltar yid brtan du mi rung ba/ 'di ltar
283b1 nyam chung ba/ 'di ltar snying po med pa/ 'di ltar zhig pa/ 'di ltar yun thung ba/ 'di ltar sdug bsngal ba/ 'di ltar na dmang ba/ 'di ltar 'gyur ba'i chos can no/ /grogs po dag
283b2 'di ltar lus 'di ni nad mang po'i snod de/ mkhas pas de la gnas par mi bya'o/ /grogs po dag /lus 'di ni bcang mi bzod pa ste/ dbu ba rdos pa lta bu'o/ /lus 'di ni ring du mi
283b3 gnas pa ste/ chu'i chu bur lta bu'o/ /lus 'di ni nyon mongs pa'i sred pa las byung ba ste/ smig rgyu lta bu'o/ /lus 'di ni snying po med pa ste/ chu shing gi sdong po lta bu'o/ /kye ma lus 'di
283b4 ni rus pa la rgyas pas sprel ba ste/ 'khrul 'khor lta bu'o/ /lus 'di ni phyin ci log las byung ba ste/ sgyu ma lta bu'o/ /lus 'di ni yang dag pa ma yin pa mthong ba ste/ rmi lam lta bu'o/ /
283b5 lus 'di ni sngon gyi las kyis gzugs brnyan snang ba ste/ gzugs brnyan lta bu'o/ /lus 'di ni rkyen la rag lus pa'i phyir/ brag ca lta bu'o/ /lus 'di ni sems 'khrug cing 'gyes
283b6 pa'i mtshan nyid de/ sprin lta bu'o/ /lus 'di ni skad cig tu 'jig pa dang ldan zhing mi gnas pa ste/ glog dang mtshungs so/ /lus 'di ni rkyen sna tshogs las byung ba ste bdag po med pa'o//
283b7 lus 'di ni sa dang 'dra sta/ byed pa med pa'o/ /lus 'di ni chu dang 'dra ste/ bdag med pa'o/ /lus 'di ni me dang 'dra ste/ srog med pa'o/ /lus 'di ni rlung dang 'dra ste/ gang zag med pa'o/ /
284a1 lus 'di ni nam mkha' dang 'dra ste/ rang bzhin med pa'o/ /lus 'di ni 'byung ba chen po rnams kyi gnas te/ yang dag pa ma yin pa'o/ /lus 'di ni
284a2 bdag dang / bdag gi med pa ste/ stong pa'o/ /lus 'di ni rtswa dang / shing dang / rtsig pa dang / bong ba dang / mig yor lta bu ste/ bems po'o/ /lus 'di ni rlung gi 'khrul 'khor dang
284a3 ldan pas 'byung ste/ tshor ba med pa'o/ /lus 'di ni rnag dang / mi gtsang ba bsags pa ste/ gsog go /lus 'di ni rtag tu bsku ba dang / mnye ba dang / 'jig pa dang / 'gyes pa'i chos
284a4 can te| gsob bo/ /lus 'di ni nad bzhi brgya rtsa bzhi sa gtses pa'o/ /lus 'di ni rtag tu rga bas zil gyis non pa ste/ khron pa rnying pa dang 'dra ba'o/ /lus 'di ni 'chi ba'i mtha' yin
284a5 te| mthar mi gnas pa'o/ /lus 'di ni phung po dang / khams dang / skye mched kyis yongs su zin pa ste/ gshed ma dang / sprul gdug pa dang / grong stong pa lta bu ste/ khyod kyis de
284a6 lta bu'i lus de la yid byung ba dang / skyo ba bskyed cing de bzhin gshegs pa'i sku la mos pa bskyed par bgyi'o/ /grogs po dag /de bzhin gshegs pa'i sku ni chos kyi sku ste/ ye shes
284a7 las skyes pa'o/ /de bzhin gshegs pa'i sku ni bsod nams las skyes pa/ sbyin pa las skyes pa/ tshul khrims las skyes pa/ ting nge 'dzin las skyes pa/ shes rab las skyes pa/
284b1 rnam par grol ba las skyes pa/ rnam par grol ba'i ye shes mthong ba las skyes pa/ byams pa dang / snying rje dang / dga' ba dang / btang snyoms las skyes pa/ sbyin pa dang /
284b2 dul ba dang / yang dag par sdom pa las skyes pa/ dge ba bcu'i las kyi lam las skyes pa/ bzod pa dang / des pa las skyes pa/ brtson 'grus brtan pa'i dge ba'i rtsa ba las
284b3 skyes pa/ bsam gtan dang / rnam par thar pa dang / ting nge 'dzin dang / snyoms par 'jug pa las skyes pa/ thos pa dang / shes rab dang / thabs las skyes pa/ byang chub kyi phyogs
284b4 kyi chos sum cu rtsa bdun las skyes pa/ zhi gnas dang / lhag mthong las skyes pa/ stobs bcu las skyes pa/ mi 'jigs pa bzhi las skyes pa/ sangs rgyas kyi chos ma 'dres pa
284b5 bco brgyad las skyes pa/ pha rol tu phyin pa thams cad las skyes pa/ mngon par shes pa dang / rig pa las skyes pa/ mi dge ba'i chos thams cad spangs pa las skyes pa/ dge ba'i
284b6 chos thams cad yang dag par sdud pa las skyes pa/ bden pa las skyes pa/ yang dag pa nyid las skyes pa/ bag yod pa las skyes pa'o/ /grogs po dag /de bzhin gshegs pa'i
284b7 sku ni dge ba'i las tshad med pa las skyes pa ste/ khyed kyi de lta bu'i sku de la mos pa bskyed par bya'o/ /sems can thams cad kyi nyon mongs pa'i nad rab tu spang ba'i phyir bla na med pa
285a1 yang dag par rdzogs pa'i byang chub tu sems bskyed par bya'o/ /de bzhin du li tsa bI dri ma med par grags pas de ltar na 'dri ba'i tshogs pa de dag la ji
285a2 nas sems can brgya stong mang po dag bla na med pa yang dag par rdzogs pa'i byang chub tu sems bskyed pa de lta de lta bur chos 'chad do/ /thabs la mkhas pa bsam gyis mi khyab
285a3 pa'i le'u zhes bya ste gnyis pa'o// //de nas li tsa bI dri ma med par grags pa 'di snyam du sems te/ bdag ni na zhing mi bde ste khri'i steng na 'dug na/ de bzhin
285a4 gshegs pa dgra bcom pa yang dag par rdzogs pa'i sangs rgyas kyis bdag la ma dgongs te/ thugs mi brtse ba'i phyir nad 'dri ba 'ga' yang ma btang ngo snyam mo/ /de nas bcom
285a5 ldan 'das kyis li tsa bI dri ma med par grags pa'i sems kyi rtog pa de lta bu mkhyen nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu/ khyod li tsa bI dri
285a6 ma med par grags pa'i nad 'drir song zhig /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol rto/ /bcom ldan 'das/
285a7 bdag li tsa bI dri ma med par grags pa'i blo 'dri zhing 'chi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ shing zhig
285b1 gi drung na nang du yang dag bzhag par gyur pa na li tsa bI dri ma med par grags pa yang shing de'i drung ga la ba der mchis nas bdag la 'di skad ces mchi'o/ /btsun pa shA ri'i
285b2 bu| ji ltar khyod kyis nang du yang dag par bzhag pa de lta bu'i nang du yang dag 'dzeg pa la nang du yang dag bzhag par mi bya'o/ /ji ltar khams gsum du lus dang / sems mi snang
285b3 bar 'gyur ba de ltar nang du yang dag gzhag par gyis shig /ji ltar 'gog pa las kyang mi ldang zhing spyod lam kun tu'ang snang bar 'gyur pa de ltar nang du yang dag gzhag par
285b4 gyis shig /ji ltar thob pa'i mtshan nyid kyang mi 'dor la so so'i skye bo'i mtshan nyid du'ang snang ba de ltar nang du yang dag gzhag par gyis shig /ji ltar khyod kyi sems
285b5 nang na'ang mi 'dug la phyi rol gyi gzugs la'ang mi rgyu ba de ltar nang du yang dag gzhag par gyis shig /ji ltar lta bar gyur pa thams cad la'ang mi g.yo zhing byang chub
285b6 kyi phyogs kyi chos sum cu rtsa bdun rnams la'ang snang ba de ltar nang du yang dag gzhag par gyis shig /ji ltar 'khor ba na spyod pa'i nyon mongs pa rnams kyang mi spong
285b7 la| mya ngan las 'das pa la'ang yang dag par gzhol bar 'gyur ba de ltar nang du yang dag gzhag par gyis shig /btsun pa shA ri'i bu/ gang dag de ltar nang du yang
286a1 dag bzhag pa la nang du yang dag 'jog na de dag /bcom ldan 'das kyis nang du yang dag 'jog par bka' stsal to zhes mchi nas/
286a2 bcom ldan 'das/ bdag gis chos nyid de thos nas de la slar tshig lan ldon pa'i rngo ma thogs shing cad mi mchi bar 'gyur te/ de'i slad du bdag skyes bu dam pa de'i
286a3 bro 'dri zhing mchi bar mi spro'o/ /de nas bcom ldan 'das kyis tshe dang ldan pa maud+gal gyi bu chen po la bka' stsal pa/ maud+gal gyi bu/ khyod li tsa bI dri ma med par grags pa'i nad
286a4 'drir song zhig /maud+gal gyi bus kyang gsol pa/ bcom ldan 'das/ bdag skyes bu dam pa de'i phro 'dri zhing mchi bar mi spro'o/ /de ci'i slad du zhe na/ bcom ldan
286a5 'das/ bdag gis mngon par 'tshal ba dus gcig na yangs pa'i grong khyer chen po'i srang zhig gi sgo na khyim bdag rnams la bdag chos ston cing mchis pa'i drung der li tsa bI dri ma med
286a6 par grags pa mchis nas bdag la 'di skad ces mchi'o/ /btsun pa maud+gal gyi bu/ ji ltar ston pa ltar ni khyim pa gos dkar po can rnams la de ltar chos mi bstan to/ /
286a7 btsun pa maud+gal gyi bu/ chos de ji lta ba bzhin du chos bstan par bya ste/ btsun pa maud+gal gyi bu/ chos ni sems can med pa ste sems can gyi rdul dang bral ba/ bdag med
286b1 ba ste 'dod chags kyi rdul dang bral ba/ srog med pa ste skye ba dang / 'chi 'pho dang bral ba/ gang zag med pa ste sngon gyi mtha' dang / phyi ma'i mtha' yongs su ma chad pa/ zhi ba dang / nye
286b2 bar zhi ba'i mtshan nyid de 'dod chags dang bral ba/ dmigs pa med par 'gro ba ste yi ge med pa/ tshig thams cad chad pa/ brjod du med pa/ rlabs thams cad dang bral ba/ thams
286b3 cad kyi rjes su song ba ste nam mkha' dang mnyam zhing mtshungs pa/ kha dog dang / rtags dang / dbyibs med pa/ rgyu ba thams cad dang bral ba/ nga yi ba med pa/ nga yir 'dzin pa med pa/
286b4 rnam par rig pa med pa ste/ sems dang / yid dang / rnam par shes pa dang bral pa/ gnyen po med pa'i phyir 'dra ba med pa/ rgyu dang mi mthun zhing rkyen du sgro 'dogs pa med pa/ chos kyi dbyings
286b5 su yang dag par 'du ba'i phyir chos thams cad ni mnyam par bzhag pa/ rjes su mi 'gro ba'i tshul gyis de bzhin nyid kyi rjes su song ba/ shin tu ma g.yos pa'i phyir yang dag pa nyid
286b6 kyi mtha' la gnas pa/ yul drug la mi rten pas ma g.yos pa/ mi gnas pas gang du'ang 'gro ba dang / 'ong ba med pa/ stong pa nyid du yang dag par 'du ba/ mtshan ma med pas rab tu bye ba/
286b7 smon pa med pa'i mtshan nyid rtog ba dang / sel ba med pa/ dor ba med cing gzhag pa med pa/ skye ba dang / 'jig pa med pa/ kun gzhi med pa/ mig dang / rna ba dang / sna dang / lce dang /
287a1 lus dang / yid kyi lam las yang dag par 'das pa/ ma khengs pa/ ma dud pa/ gnas pa/ mi g.yo bar gyur pa/ rgyu ba thams cad dang bral ba ste/
287a2 btsun pa maud+gal gyi bu chen po/ de lta bu'i chos la bstan pa ji lta bu zhig yod/ btsun pa maud+gal gyi bu chen po/ chos bstan pa zhes bya ba de'ang sgro btags pa'i tshig ste/ gang dag nyan
287a3 pa de dag kyang sgro btags pa nyan to/ /btsun pa maud+gal gyi bu/ gang la sgro btags pa'i tshig med pa de la chos ston pa'ang med de/ thos pa'ang med/ shes pa'ang med do/ /'di
287a4 lta ste| dper na/ sgyu ma'i skyes bus sgyu ma'i skyes bu dag la chos bstan pa bzhin no/ /de lta bur sems gnas pas chos bstan par bya'o/ /khyod kyis sems can gyi dbang po
287a5 la mkhas par bya'o/ /shes rab kyi mig gis legs par mthong ba dang / snying rje chen po mngon du gyur pa dang / theg pa chen po'i bsngags pa brjod pa dang / sangs rgyas
287a6 la byas pa gzo ba dang / bsam pa dag pa dang / chos kyi nges pa'i tshig rnam par shes pas dkon mchog gsum gyi rigs ma chad par bya ba'i phyir khyod kyis chos bstan
287a7 par bya'o zhes mchi ste/ bcom ldan 'das/ de lta de lta bur des chos bstan pas khyim bdag gi 'khor de las khyim bdag brgyad brgya bla na med pa yang dag par rdzogs pa'i
287b1 byang chub tu sems skyes so/ /bdag kyang spobs pa ma mchis par gyur te/ bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom
287b2 ldan 'das kyis tshe dang ldan pa 'od srung chen po la bka' stsal pa/ 'od srung / khyod li tsa bI dri ma med par grags pa'i nad 'drir song zhig /'od srung chen pos kyang gsol pa/ bcom
287b3 ldan 'das/ bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bdag gis mngon par 'tshal ba dus gcig na/ dbul po'i srang du bsod snyoms
287b4 la mchis na li tsa bI dri ma med par grags pa der mchis nas bdag la 'di skad ces mchi'o/ /'di ltar sems can chen po'i khyim bkol te dbul po'i khyim rnams su 'gro ba ni/
287b5 btsun pa 'od srung chen po'i byams pa phyogs gcig pa yin gyi/ btsun pa 'od srung chen po/ chos mnyam pa nyid la gnas par bya'o/ /dus thams cad du sems can thams cad la bsams te bsod
287b6 snyoms btsal bar bya'o/ /zas med par zas btsal bar bya'o/ /gzhan gyi ril por 'dzin pa bsal ba'i phyir khyod bsod snyoms la 'gro bar bya'o/ /grong stong par byin gyis brlabs te
287b7 khyod grong du 'jug par bya'o/ /skyes pa dang / bud med yongs su smin par bya ba'i phyir khyod grong khyer du 'jug par bya'o/ /sangs rgyas kyi rigs kyis khyod khyim du 'gro bar bya'o/ /
288a1 mi len pas bsod snyoms blang bar bya'o/ /dmus long dang mtshungs par gzugs rnams la blta'o/ /brag ca dang 'dra bar sgra rnams mnyan to/ /rlung
288a2 dang mtshungs par dri rnams mnam mo/ /rnam par rig pa med pas ro rnams myong ngo / /ye shes la reg pa med pas reg bya rnams la reg par bya'o/ /sgyu ma'i skyes
288a3 bu'i rnam par rig pas chos rnams la rig par bya'o/ /gang bdag gi dngos po dang / gzhan gyi dngos po de ni mi 'bar ba'o/ /gang mi 'bar ba de ni zhi bar mi 'gyur ro/ /
288a4 gal te/ gnas brtan 'od srung chen po/ log pa nyid brgyad las kyang mi 'da' zhing rnam par thar pa brgyad la'ang snyoms par 'jug cing log pa'i mnyam pa nyid kyis yang
288a5 dag pa'i mnyam pa nyid la 'jug pa dang / bsod snyoms gcig kyang sems can thams cad la sbyin zhing sangs rgyas thams cad dang / 'phags pa thams cad la'ang dbul
288a6 te| phul nas gdod bdag gis bza' ba lta na ji ltar nyon mongs pa dang bcas pa'ang ma yin/ nyon mongs dang bral ba'ang ma yin pa de ltar bza'o/ /mnyam par bzhag
288a7 pa'ang ma yin/ langs pa'ang ma yin par bza'o/ /'khor ba la'ang mi gnas la mya ngan las 'das pa'ang mi gnas par bza'o/ /btsun pa/ khyod la gang dag bsod snyoms
288b1 sbyin par byed pa de dag kyang 'bras bu che bar yang mi 'gyur/ 'bras bu chung bar yang mi 'gyur/ 'bring bar yang mi 'gyur/ khyad par du'ang mi 'gyur/ sangs rgyas gshegs
288b2 par yang dag par gzhol bar bya yi/ nyan thos 'gro bar yang dag par gzhol bar mi bya'o/ /gnas brtan 'od srung chen po/ de ltar yul 'khor gyi bsod snyoms don yod par
288b3 bza'o zhes mchi ste/ bcom ldan 'das/ bdag chos bstan pa 'di thos nas ngo mtshar du gyur te/ byang chub sems dpa' thams cad la phyag 'tshal lo/ /khyim na gnas
288b4 pa'ang 'di lta bu'i spobs pa dang ldan na/ su zhig bla na med pa yang dag par rdzogs pa'i byang chub tu sems mi skyed snyam nas de tshun chad bdag gis sems can gang yang theg pa
288b5 chen po ma lags par nyan thos kyi theg pa dang / rang sangs rgyas kyi theg pa la sngon chad ma btsud do/ /bcom ldan 'das/ de'i slad du bdag skyes bu dam pa de'i bro 'dri zhing mchi
288b6 bar mi spro'o/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor/ khyod li tsa bI dri ma med par grags pa'i nad 'drir song zhig /rab 'byor
288b7 gyis kyang gsol pa/ bcom ldan 'das/ bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal
289a1 ba dus gcig na/ yangs pa'i grong khyer chen por li tsa bI dri ma med par grags pa'i khyim du bsod snyoms la mchis pa dang / li tsa bI dri ma med
289a2 par grags pas bdag gi lhung bzed 'tshal nas zas bzang pos bkang ste 'di skad ces mchi'o/ /btsun pa rab 'byor/ khyod gal te zang zing gi mnyam pa nyid rjes su rtogs
289a3 shing | chos thams cad kyi mnyam pa nyid kyis sangs rgyas kyi chos kyi mnyam pa nyid rjes su rtogs na gzod bsod snyoms 'di longs shig /btsun pa rab 'byor/ khyod gal
289a4 te 'dod chags dang / zhe sdang dang / gti mug kyang ma spangs la de dag dang lhan cig tu'ang mi gnas/ gal te 'jig tshogs la lta ba'ang mi bskyod la bgrod pa gcig pa'i
289a5 lam du'ang song / khyod kyis ma rig pa dang srid pa'i sred pa'ang ma bcom la rig pa dang rnam par grol pa'ang ma bskyed/ mtshams med pa'i mnyam pa nyid dang / khyod kyi
289a6 rnam par grol ba'ang mtshungs/ khyod grol ba'ang ma yin la bcings pa'ang ma yin/ khyod kyis 'phags pa'i bden pa bzhi'ang ma mthong la bden pa ma mthong ba'ang ma
289a7 yin| 'bras bu thob pa'ang ma yin la so so'i skye bo'ang ma yin/ so so'i skye bo'i chos las kyang ma log /khyod 'phags pa'ang ma yin la ma 'phags pa'ang ma yin /
289b1 chos thams cad dang yang ldan la chos thams cad kyi 'du shes dang yang bral/ khyod kyis ston pa'ang ma mthong / chos kyang ma thos/ dge 'dun la'ang bsnyen bkur ma byas
289b2 shing ston pa drug po gang yin pa de dag /'di lta ste/ 'od srung rdzogs byed dang / kun tu rgyu gnag lhas kyi bu dang / smra 'dod kyi bu mo'i bu yang dag rgyal ba can dang / kA t+ya'i bu nog
289b3 can dang / mi pham skra'i la ba can dang / gcer bu gnyen gyi bu de dag btsun pa'i ston pa yin te/ de dag la brten nas khyod rab tu byung zhing / ston pa drug po de dag gir 'gro bar
289b4 'phags pa rab 'byor yang 'gro la/ lta bar gyur pa thams cad kyi nang du'ang khyod chud cing mtha' dang / dbus kyang mi rnyed do/ /khyod mi khom pa brgyad du'ang 'jug la dal ba thob
289b5 pa'ang med/ khyod kun nas nyon mongs pa dang mnyam par gyur la rnam par byang ba'ang khong du ma chud/ gang sems can thams cad kyi nyon mongs pa med pa de/ btsun pa'i nyon
289b6 mongs pa med pa yin/ khyod kyi sbyin pa'ang rnam par ma sbyangs/ btsun pa/ khyod la su dag bsod snyoms sbyin par byed pa de dag kyang log par ltung bar byed/ khyod bdud thams cad
289b7 dang yang lhan cig /nyon mongs pa thams cad kyang khyod kyi grogs su gyur/ nyon mongs pa'i ngo bo nyid gang yin pa btsun pa'i ngo bo nyid kyang de yin/ sems can thams cad
290a1 la'ang khyod kyis gsang ba'i sems nye bar gzhag /sangs rgyas thams cad la'ang khyod kyis skur/ sangs rgyas kyi chos thams cad la'ang mi snyan par
290a2 byas| dge 'dun la'ang khyod mi rton cing nam yang yongs su mya ngan las mi 'da' na gdod khyod kyis bsod snyoms 'di longs shig ces mchi ste/ bstan pa 'di de las thos nas/
290a3 bcom ldan 'das/ de la bdag gis ji skad bshad/ ji skad smra/ ji ltar bgyi snyam ste/ phyogs bcu mun par gyur nas bdag gis lhung bzed de'ang bor te khyim nas slar 'byung
290a4 bar bgyis na li tsa bI dri ma med par grags pa bdag la 'di skad ces mchi'o/ /btsun pa rab 'byor/ yi ge dag la ma 'jigs par lhung bzed 'di longs shig /btsun pa rab
290a5 'byor| 'di ji snyam du sems/ gal te de bzhin gshegs pa'i sprul pa la de skad byas na de ji skrag par 'gyur ram/ bdag gis de la/ rigs kyi bu/ de lta ma yin no zhes
290a6 bgyis so/ /des bdag la smras pa/ btsun pa rab 'byor/ sgyu ma sprul pa'i rang bzhin gyi chos thams cad la skrag par ma byed cig /de ci'i phyir zhe na/ tshig de dag thams cad
290a7 kyang de'i rang bzhin te/ de ltar mkhas pa dag yi ge rnams la'ang mi chags shing de dag la skrag par mi byed pa'i phyir ro/ /de ci'i phyir zhe na/ yi ge de dag thams cad ni yi ge
290b1 med pa ste/ rnam par grol ba ni ma gtogs so/ /chos thams cad ni rnam par grol ba'i mtshan nyid do/ /bstan pa 'di bshad pa na lha'i bu nyis brgya chos rnams la chos kyi mig rdul med
290b2 cing dri ma dang bral ba rnam par dag go /lha'i bu lnga brgya ni rjes su mthun pa'i bzod pa thob par gyur to/ /bdag kyang spobs pa ma mchis par gyur nas de la slar lan ldon pa'i rngo ma thog ste/
290b3 bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshe dang ldan pa byams ma'i bu gang po la bka' stsal pa/ gang po/ khyod li tsa
290b4 bI dri ma med par grags pa'i nad 'dir song zhig /gang pos kyang gsol pa/ bcom ldan 'das/ bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na /
290b5 bcom ldan 'das/ bdag gis mngon par 'tshal ba dus gcig na/ nags tshal chen po'i sa phyogs shig na las dang po pa'i dge slong dag la chos ston cing mchis na li tsa bI
290b6 dri ma med par grags pa der mchis nas bdag la 'di skad ces mchi'o/ /btsun pa gang po/ snyoms par zhugs te dge slong 'di dag gi sems ltos la chos ston cig /rin po
290b7 che'i snod chen por zan rul ma blugs shig /dge slong 'di dag gi bsam pa ji lta bu shes par gyis la nor bu rin po che bai DUR+ya mching bu'i nor bu dang mtshungs par ma byed cig /
291a1 btsun pa gang po/ sems can gyi dbang po dag la ma brtags par nyi tshe ba'i dbang po nye bar ma sgrubs shig /rma med pa la rma ma phyungs shig /lam chen
291a2 por 'jug par 'dod pa srang dog par ma gzud cig /rgya mtsho chen po ba lang gi rmig rjes su ma blugs shig /ri rab yungs 'bru'i nang du ma gzhug cig /nyi ma'i 'od srin bu me
291a3 khyer gyis ma bzlog cig /seng ge'i sgra sgrogs par 'dod pa rnams wa'i sgra la ma gzud cig /btsun pa gang po/ dge slong 'di dag thams cad ni theg pa chen po la yang dag par
291a4 zhugs pa las byang chub kyi sems stor ba sha stag ste/ btsun pa gang po/ 'di dag la nyan thos kyi theg pa ma ston cig /nyan thos kyi theg pa ni yang dag pa ma yin te/ sems can
291a5 gyi dbang po'i rim pa shes pa la nyan thos 'di dag ni kho bos dmus long dang 'dra ba snyam byed do/ /de nas li tsa bI dri ma med par grags pa de'i tshe ji ltar dge slong de dag sngon gyi
291a6 gnas rnam pa mang po rjes su dran par 'gyur ba de lta bu'i ting nge 'dzin la snyoms par zhugs nas/ de dag la yang dag par rdzogs pa'i byang chub kyi phyir sangs rgyas lnga brgya la
291a7 bsnyen bkur byas pa'i dge ba'i rtsa ba dang ldan pa ste/ de dag gi byang chub kyi sems de'ang mngon du gyur nas de dag skyes bu dam pa de'i rkang pa la mgo bos phyag btsal te /
291b1 thal mo sbyar bar gyur pa dang / des kyang de dag la bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos bstan nas/ bcom ldan 'das/
291b2 bdag gis 'di snyam du bsams so/ /nyan thos kyis pha rol gyi sems dang / bsam pa ma brtags par su la'ang chos mi bstan to/ /de ci'i slad du zhe na/ nyan thos ni sems can
291b3 thams cad kyi dbang po mchog dang / mchog ma lags pa la mkhas pa'ang ma mchis/ ji ltar de bzhin gshegs pa dgra bcom pa yang dag par rdzogs pa'i sangs rgyas bzhin du
291b4 rtag tu mnyam par bzhag pa'ang ma lags so snyam bgyid de/ bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis
291b5 tshe dang ldan pa kA t+ya'i bu chen po la bka' stsal pa/ kA t+ya'i bu/ khyod li tsa bI dri ma med par grags pa'i nad 'drir song zhig /kat+ya'i bus kyang gsol pa/ bcom ldan 'das/
291b6 bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ bcom ldan 'das kyis dge
291b7 slong rnams la gdams pa mdor bka' stsal te/ mdo de'i tshig gtan la dbab pa'i slad du bdag gis/ 'di lta ste/ mi rtag pa'i don dang / sdug bsngal ba'i don dang / bdag
292a1 med pa'i don dang / zhi ba'i don gyi chos bstan na li tsa bI dri ma med par grags pa der mchis nas bdag la 'di skad ces mchi'o/ /btsun pa kA t+ya'i bu
292a2 chen po/ rgyu ba dang bcas pa/ skye ba dang bcas pa/ 'jig pa dang ldan pa'i chos nyid ma ston cig /btsun pa kA t+ya'i bu chen po/ gang shin tu ma skyes/ ma bskyed/ bskyod par
292a3 mi 'gyur/ ma 'gags/ mi 'gag /'gag par mi 'gyur ba de ni mi rtag pa'i don to/ /gang phung po lnga po dag la stong pa nyid du rtogs pas skye ba med pa rtog pa'i don de ni
292a4 sdug bsngal gyi don to/ /gang bdag dang / bdag med pa gnyis su med pa nyid de ni bdag med pa'i don to/ /gang rang gi ngo bo med pa dang / gzhan gyi ngo bo med pa de ni mi 'bar te/
292a5 gang mi 'bar ba de ni zhi bar mi 'gyur zhing / gang rab tu ma zhi ba de ni zhi ba'i don to/ /bstan pa 'di bshad pa na dge slong de dag len pa med par zag pa rnams las sems
292a6 rnam par grol lo/ /bcom ldan 'das/ de'i slad du bdag ni skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshe dang ldan pa ma 'gags pa la
292a7 bka' stsal pa/ ma 'gags pa/ khyod li tsa bI dri ma med par grags pa'i nad 'drir song zhig /ma 'gags pas kyang gsol pa/ bcom ldan 'das bdag skyes bu dam pa de'i
292b1 bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ bdag 'chags shig na 'chag pa der tshangs pa chen po
292b2 dge ba bkod pa zhes bgyi ba tshangs pa khri dang lhan cig phyogs de snang bar bgyis nas bdag ga la ba der mchis te/ bdag gi rkang pa la mgo bos phyag bgyis nas phyogs gcig
292b3 tu 'khod de bdag la 'di skad ces mchi'o/ /btsun pa ma 'gags pa/ khyod bcom ldan 'das kyis lha'i mig can gyi mchog tu gsungs na/ tshe dang ldan pa ma 'gags pa'i lha'i
292b4 mig gis ji srid tshun chad mthong / bdag gis de la 'di skad ces bgyis so/ /grogs po dag /kho bos ni bcom ldan 'das shAkya thub pa'i sangs rgyas kyi zhing stong gsum gyi stong
292b5 chen po'i 'jig rten gyi khams ni 'di lta ste/ dper na/ skyes bu mig dang ldan pa'i lag mthil du skyu ru ra'i 'bras bu bzhag pa bzhin du mthong ngo zhes bka' mchid 'di bgyid pa
292b6 dang | li tsa bI dri ma med par grags pa phyogs der mchis te/ bdag gi rkang pa la mgo bos phyag bgyis nas bdag la 'di skad ces mchi'o/ /btsun pa ma 'gags pa'i lha'i
292b7 mig mngon par 'du byed pa'i mtshan nyid dam/ 'on te mngon par 'du mi byed pa'i mtshan nyid yin/ de gal te mngon par 'du byed pa'i mtshan nyid yin na ni phyi rol gyi mngon pa
293a1 shes pa lnga dang mtshungs so/ /ji ste mngon par 'du mi byed pa yin na ni mngon par 'du mi byed pa ni 'dus ma byas pa yin te/ des ni mthong bar mi nus
293a2 na gnas brtan gyis ji ltar mthong zhes mchi nas bdag cang mi mchi bar gyur te/ tshangs pa de'ang skyes bu dam pa de las bstan pa 'di thos nas ngo mtshar du gyur te phyag btsal nas
293a3 'di skad ces smras so/ /'jig rten na lha'i mig can gang lags/ smras pa/ sangs rgyas bcom ldan 'das rnams ni 'jig rten na lha'i mig can te/ de dag ni mnyam par gzhag
293a4 pa'i gnas kyang mi 'dor la sangs rgyas kyi zhing thams cad kyang gzigs te/ gnyis kyis rab tu phye ba'ang ma yin no/ /de nas tshangs pa g.yog 'khor khris bstan pa 'di thos
293a5 nas lhag pa'i bsam pas bla na med pa yang dag par rdzogs pa'i byang chub tu sems bskyed do/ /des bdag dang / skyes bu dam pa de la phyag bgyis te gus par smras nas de nyid du
293a6 mi gda' bar gyur te/ bdag kyang spobs pa ma mchis par gyur to/ /de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshe dang ldan
293a7 pa nye bar 'khor la bka' stsal pa/ nye bar 'khor khyod li tsa bI dri ma med par grags pa'i nad 'drir song zhig /nye bar 'khor gyis kyang gsol pa/ bcom ldan 'das/ bdag
293b1 skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ dge slong gnyis shig ltung ba byung nas
293b2 bcom ldan 'das la ngo tsha ste bcom ldan 'das kyi drung du ma mchis kyi/ de gnyis bdag ga la ba der mchis te bdag la 'di skad ces mchi'o/ /btsun pa nye bar 'khor/ bdag cag
293b3 gnyis la ltung ba byung ste ngo tsha nas bcom ldan 'das kyi drung du'ang ma mchis na/ tshe dang ldan pa nye bar 'khor/ khyod kyis bdag cag gnyis kyi the tshom sol te bdag cag gnyis ltung ba
293b4 las phyungs shig ces mchi nas/ bcom ldan 'das/ bdag dge slong de gnyis la chos kyi gtam ston pa'i phyogs der li tsa bI dri ma med par grags pa'ang mchis nas de bdag
293b5 la 'di skad ces mchi'o/ /btsun pa nye bar 'khor/ khyod kyis dge slong 'di gnyis kyi ltung ba de phyir dam du mi bya/ rnyog pa can du mi bya bar 'di gnyis kyi ltung ba'i 'gyod pa sol cig /
293b6 btsun pa nye bar 'khor/ ltung ba ni nang na'ang mi gnas/ phyi rol du'ang mi 'phos/ gnyis ka med par yang mi dmigs so/ /de ci'i phyir zhe na/ bcom ldan 'das kyis bka' stsal
293b7 pa/ sems kun nas nyon mongs pas sems can kun nas nyon mongs so/ /sems rnam par byang bas rnam par dag par 'gyur ro zhes gsungs pa'i phyir te/ btsun pa nye bar 'khor
294a1 sems ni nang na'ang ma yin/ phyi rol na'ang ma yin/ gnyis ka med par yang mi dmigs so/ /sems ji lta bar ltung ba'ang de
294a2 bzhin no/ /ltung ba ji lta bar chos thams cad kyang de bzhin te/ de bzhin nyid las mi 'da'o/ /btsun pa nye bar 'khor/ sems kyi rang bzhin gang yin pa dang /
294a3 sems kyi rang bzhin gang gis btsun pa'i sems rnam par grol ba'i sems kyi rang bzhin de nam yang kun nas nyon mongs par gyur tam/ smras pa/ de ni ma yin no/ /smras pa /
294a4 btsun pa nye bar 'khor/ sems can thams cad kyi sems ni de'i rang bzhin te/ btsun pa nye bar 'khor/ kun tu rtog pa ni nyon mongs pa ste/ mi rtog /rnam par mi rtog pa ni
294a5 rang bzhin no/ /phyin ci log ni kun nas nyon mongs pa ste/ phyin ci ma log pa ni rang bzhin no/ /bdag tu sgro 'dogs pa ni kun nas nyon mongs pa ste/ bdag med pa ni rang bzhin
294a6 no| |btsun pa nye bar 'khor/ chos thams cad ni skyes nas 'jig cing mi gnas pa ste/ sgyu ma dang / sprin dang / glog lta bu'o/ /chos thams cad ni mi sdod pa ste/ skad cig tsam
294a7 du'ang mi 'dug go /chos thams cad ni rmi lam dang / smig rgyu ba dang 'dra ste/ yang dag pa ma yin pa mthong ba'o/ /chos thams cad ni chu zla dang / gzugs brnyan dang 'dra ste /
294b1 sems kun tu rtog pa las byung ba'o/ /gang dag gis de ltar shes pa de dag ni 'dul ba 'dzin pa zhes bya ste/ gang dag de ltar btul ba de dag ni legs par btul ba'o/ /de nas dge
294b2 slong de gnyis 'di skad ces mchi'o/ /khyim bdag 'di ni shin tu shes rab dang ldan te/ bcom ldan 'das kyis 'dul ba 'dzin pa rnams kyi mchog tu gsungs pa btsun pa nye bar
294b3 'khor 'di ni de tsam ma yin no/ /de gnyis la bdag gis 'di skad ces bgyis so/ /dge slong khyed kyis 'di la khyim bdag snyam pa'i 'du shes ma skyed cig /de ci'i phyir zhe na/ de
294b4 bzhin gshegs pa ma gtogs par gang dag 'di'i spobs pa'i rgyun gcod nus pa'i nyan thos sam/ byang chub sems dpa' de gang yang med de/ 'di'i shes rab kyi snang ba ni de
294b5 dang 'dra'o/ /de nas dge slong de gnyis the tshom bsal nas de nyid du lhag pa'i bsam pas bla na med pa yang dag par rdzogs pa'i byang chub tu sems bskyed de/ de gnyis kyis skyes
294b6 bu dam pa de la phyag btsal nas/ 'di skad ces/ sems can thams cad kyis kyang 'di lta bu'i spobs pa thob par gyur cig ces mchi'o/ /de'i slad du bdag skyes bu dam pa de'i bro 'dri
294b7 zhing mchi bar mi spro'o/ /de nas bcom ldan 'das kyis tshe dang ldan pa sgra gcan zin la bka' stsal pa/ sgra gcan zin/ khyod li tsa bI dri ma med par grags pa'i nad 'drir song zhig/
295a1 sgra gcan zin gyis kyang gsol pa/ bcom ldan 'das/ bdag skyes bu de'i bro 'dri zhing mchi bar mi spro'o/ /de ci'i slad du zhe na/ bcom ldan
295a2 'das bdag gis mngon par 'tshal ba dus gcig na/ li tsa bI gzhon nu mang zhig bdag ga la ba der mchis nas bdag la 'di skad ces mchi'o/ /btsun pa sgra gcan
295a3 zin| khyod bcom ldan 'das kyi sras yin te/ 'khor los bsgyur ba'i rgyal srid por nas rab tu byung na/ khyod kyis gang la dmigs nas rab tu byung ba'i yon tan dang
295a4 phan yon gang lags zhes mchi nas/ bdag de dag la ci rigs par rab tu byung ba'i yon tan dang / phan yon ston cing mchis na/ li tsa bI dri ma med par grags pa
295a5 yang bdag ga la ba der mchis pa der bdag la phyag bgyis nas 'di skad ces mchi'o/ /btsun pa sgra gcan zin/ rab tu byung ba'i yon tan dang / phan yon ji ltar khyod
295a6 ston pa de ltar mi bstan to/ /de ci'i phyir zhe na/ rab tu 'byung ba ni yon tan med cing phan yon med pa yin no/ /btsun pa sgra gcan zin/ gang la 'dus byas 'jug pa de
295a7 la yon tan dang / phan yon yod mod kyi rab tu byung ba ni 'dus ma byas par sbyor ba yin te/ 'dus ma byas la ni yon tan dang / phan yon med do/ /btsun pa sgra gcan zin/
295b1 rab tu 'byung ba ni gzugs can ma yin te/ gzugs dang bral ba'o/ /thog ma dang / tha ma'i mthar lta ba dang bral ba'o/ /mya ngan las 'das pa'i lam mo/ /mkhas pa rnams kyis
295b2 bsngags pa'o/ /'phags pa rnams kyis yongs su bzung ba'o/ /bdud thams cad pham par byed pa'o/ /'gro ba lnga las grol ba'o/ /mig lnga rnam par spyod pa'o/ /sto bas lnga
295b3 'thob pa'o/ /dbang po lnga'i rten to/ /gzhan dag la mi gnod pa'o/ /sdig pa'i chos dang ma 'dres pa'o/ /pha rol mu stegs can rab tu 'dul ba'o/ /gdags pa las yang dag
295b4 par 'das pa'o/ /'dod pa'i 'dam la zab pa'o/ /yongs su 'dzin pa med pa'o/ /nga yi ba med cing ngar 'dzin pa dang bral ba'o/ /len pa med pa'o/ /'khrug pa med pa'o/ /'khrug
295b5 pa spangs pa'o/ /rang gi sems 'dul zhing gzhan gyi sems srung ba'o/ /zhi gnas dang mthun pa'o/ /thams cad du kha na ma tho ba med pa ste/ de ni rab tu byung ba zhes bya/ gang
295b6 dag de ltar rab tu byung ba de dag ni legs par rab tu byung ba'o/ /gzhon nu /khyod kyang legs par gsungs pa'i chos 'di lta bu la rab tu phyungs shig /sangs rgyas 'byung ba'ang
295b7 rnyed par dka'o/ /dal ba 'byor ba'ang rnyed par dka'o/ /mir 'gyur ba'ang rnyed par dka'o/ /gzhon nu de dag gis 'di skad smras so/ /khyim bdag /bdag cag gis thos
296a1 na de bzhin gshegs pa ni pha mas ma btang bar rab tu mi 'byin ce'o/ /des de dag la smras pa/ gzhon nu/ khyod kyis bla na med pa yang dag par rdzogs
296a2 pa'i byang chub tu sems bskyed la nan tan gyis sgrubs shig dang / de nyid khyod kyis rab tu byung zhing bsnyen par rdzogs pa yin no/ /de nas li tsa bI gzhon nu sum stong nyis brgya
296a3 bla na med pa yang dag par rdzogs pa'i byang chub tu sems bskyed do/ /bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom
296a4 ldan 'das kyis tshe dang ldan pa kun dga' bo la bka' stsal pa/ kun dga' bo/ khyod li tsa bI dri ma med par grags pa'i nad 'drir song zhig /kun dga' bos kyang gsol pa/
296a5 bcom ldan 'das bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na /
296a6 bcom ldan 'das kyi sku la snyun cig byung nas/ de la 'o ma zhig 'tshal te bdag bram ze shing sA la chen po lta bu zhig gi sgo drung na lhung bzed thogs shing mchis pa dang / li
296a7 tsa bI dri ma med par grags pa phyogs der mchis nas bdag la phyag bgyis te 'di skad ces mchi'o/ /btsun pa kun dga' bo/ ci'i phyir nang par sngar lhung bzed thogs nas
296b1 khyim gyi sgo drung 'di na 'dug /de la bdag gis 'di skad ces bgyis so/ /bcom ldan 'das kyi sku la snyun cig byung ste de la 'o ma zhig dgos nas de tshol lo zhes bgyis pa dang /
296b2 de bdag la 'di skad ces mchi'o/ /btsun pa kun dga' bo/ de skad ma zer cig /btsun pa kun dga' bo/ de bzhin gshegs pa'i sku ni rdo rje lta bu mkhregs pa ste/ mi dge ba thams
296b3 cad kyi bag chags ni spangs/ dge ba'i chos thams cad dang ni ldan pa yin na de la snyun ga la 'byung / de la nyam nga ba ga la yod/ btsun pa kun dga' bo/ /bcom ldan 'das
296b4 la skur pa ma 'debs par cang ma zer bar slar song zhig /gzhan su la'ang de skad ma smra zhig /gzi brjid che ba gzi brjid che ba'i lha'i bu rnams dang / sangs rgyas kyi zhing kun
296b5 nas lhags pa'i byang chub sems dpa' rnams kyis thos sa re/ btsun pa kun dga' bo/ 'khor los bsgyur ba'i rgyal po dge ba'i rtsa ba chung ngu dang ldan pa la'ang nad med
296b6 na| bcom ldan 'das dge ba'i rtsa ba tshad med pa dang ldan ldan pa de la snyun ga la mnga' ste/ de ni gnas med do/ /btsun pa kun dga' bo/ kho bo ngo tsha bar mi bya bar slar song
296b7 zhig /gzhan mu stegs can spyod pa ba dang / kun tu rgyu dang / gcer bu pa dang / 'tsho ba pa dag gis thos sa re/ de dag 'di snyam du kye ma'o 'di dag gi ston pa ni bdag nyid kyang
297a1 na ba las skyob mi nus na/ sems can na bdag gi skyabs lta ga la nus snyam du sems sa re/ btsun pa kun dga' bo/ gab cing mi snang bar bzhud
297a2 cig /sus kyang thos sa re/ btsun pa kun dga' bo/ de bzhin gshegs pa rnams ni chos kyi sku ste/ kha zas kyis gsos pa'i lus ma yin no/ /de bzhin gshegs pa rnams
297a3 ni 'jig rten las 'das pa'i sku yin te/ 'jig rten gyi chos thams cad las yang dag par 'das pa'o/ /de bzhin gshegs pa'i sku la gnod pa med de/ zag pa
297a4 thams cad las rnam par log pa'o/ /de bzhin gshegs pa'i sku ni 'dus ma byas te/ 'du byed thams cad dang bral ba'o/ /btsun pa kun dga' bo/ de lta bu la nad yod
297a5 par 'dod pa ni mi rigs shing 'dra ba ma yin no zhes mchi nas/ de la bcom ldan 'das las bdag gis log par thos shing log par bzung bar ma gyur grang snyam ste/
297a6 bdag rab tu ngo tsha bar gyur te/ de nas bdag gis bar snang las sgra thos pa/ kun dga' bo/ khyim bdag ji ltar ston pa de de bzhin te/ 'on kyang bcom ldan 'das snyigs
297a7 ma lnga'i dus la byung bas de'i phyir sems can rnams dman zhing dbul ba'i spyod pas rnam par 'dul te/ de bas na/ kun dga' bo/ ngo tsha bar ma byed par 'o ma khyer la
297b1 slar song zhig ces mchi'o/ /bcom ldan 'das/ li tsa bI dri ma med par grags pa dris pa lan 'debs pa'i stan pa 'di 'dri ste/ bcom ldan 'das/ de'i slad du bdag skyes bu dam
297b2 pa de'i bro 'dri zhing mchi bar mi spro'o/ /de bzhin du nyan thos lnga brgya tsam mi spro bar gyur pa de dag gis rang gi spobs pa bcom ldan 'das la gsol te/ gang dag li tsa bI dri ma
297b3 med par grags pa dang gtam byas pa de thams cad kyang bcom ldan 'das la gsol to/ /de nas bcom ldan 'das kyis byang chub sems dpa' byams pa la bka' stsal pa/ byams
297b4 pa| khyod li tsa bI dri ma med par grags pa'i nad 'drir song zhig /byams pas kyang gsol pa/ bcom ldan 'das/ bdag skyes bu dam pa de'i bro 'dri zhing mchi bar mi spro'o/ /de ci'i
297b5 slad du zhe na/ bcom ldan 'das/ /bdag gis mngon par 'tshal ba dus gcig na/ lha'i bu yongs su dga' ldan la sogs pa dga' ldan rigs kyi lha'i bu rnams la lhan cig tu
297b6 'di ltar byang chub sems dpa' sems dpa' chen po rnams kyi phyir mi ldog pa'i sa la brtsams te chos kyi bka' mchid mchi ba'i phyogs der li tsa bI dri ma med par grags pa mchis
297b7 te| de bdag la 'di skad ces mchi'o/ /byams pa/ khyod bcom ldan 'das kyis bla na med pa yang dag par rdzogs pa'i byang chub tu skye ba gcig gis thogs par lung bstan na /
298a1 byams pa de skye ba gang gis lung bstan/ byams pa ci 'das pas sam/ 'on te ma 'ongs pas sam/ 'on te da ltar gyis de la gang 'das pa'i skye
298a2 ba de ni zad pa'o/ /gang ma 'ongs pa de ni ma phyin pa'o/ /da ltar gyi skye ba la ni gnas pa'ang med de/ 'di lta ste/ bcom ldan 'das kyis bka' stsal pa/ 'di ltar dge slong
298a3 dag |khyod ni skad cig gcig tu skye'o/ /rga'o/ /'chi'o/ /'pho'o/ /'byung ngo zhes gsungs so/ /skye ba med pa la ni nges par gyur pa la 'jug pa ste/ mi skye ba ni lung bstan
298a4 pa'ang med/ mi skye ba ni mngon par rdzogs par 'tshang rgya ba'ang ma yin na/ byams pa/ khyod de bzhin nyid skye bas sam/ de bzhin nyid 'gag pas sam/ ji ltar lung bstan pa de
298a5 bzhin nyid ni mi skye mi 'gag cing skye bar mi 'gyur la 'gag par mi 'gyur te/ gang sems can thams cad kyi de bzhin nyid dang / gang chos thams cad kyi de
298a6 bzhin nyid dang / gang 'phags pa thams cad kyi de bzhin nyid de ni/ byams pa/ khyod kyi'ang de bzhin nyid do/ /gal te khyod de lta bur lung bstan na ni sems can thams
298a7 cad kyang lung bstan pa yin no/ /de ci'i phyir zhe na/ de bzhin nyid ni gnyis kyis rab tu phye ba ma yin/ tha dad pas rab tu phye ba ma yin pa'i phyir te/ byams pa/ khyod
298b1 gang gi tshe byang chub mngon par rdzogs par 'tshang rgya ba de'i tshe sems can thams cad kyang de lta bu'i byang chub mngon par rdzogs par 'tshang rgya bar 'gyur ro/ /de ci'i phyir zhe na/
298b2 sems can thams cad rjes su rtogs pa ni byang chub yin pa'i phyir ro/ /byams pa/ khyod gang gi tshe yongs su mya ngan las 'das pa de'i tshe sems can thams cad kyang yongs su
298b3 mya ngan las 'das par 'gyur ro/ /de ci'i phyir zhe na/ sems can thams cad yongs su mya ngan las ma 'das par de bzhin gshegs pa yongs su mya ngan las mi 'da'
298b4 ste/ de dag gi sems can thams cad shin tu yongs su mya ngan las 'das shing mya ngan las 'das pa'i rang bzhin can du mthong ba'i phyir ro/ /byams pa/ de lta bas na lha'i bu 'di rnams ma brid ma
298b5 slu zhig /byang chub la ni su'ang mi gnas mi ldog gi /byams pa/ lha'i bu 'di dag byang chub la kun tu rtog par lta ba de 'dor du chug cig /byang chub ni lus kyis mngon par
298b6 rdzogs par 'chang rgya ba ma yin/ sems kyis kyang ma yin no/ /byang chub ni mtshan ma thams cad rnam par zhi ba'o/ /byang chub ni dmigs pa thams cad kyis sgro btags pa
298b7 med pa'o/ /byang chub ni yid la byed pa thams cad rgyu ba med pa'o/ /byang chub ni lta par gyur pa thams cad yongs su chad pa'o/ /byang chub ni yongs su rtog pa thams cad dang
299a1 bral ba'o/ /byang chub ni g.yo ba dang / sems pa dang / bskyod pa thams cad dang bral ba'o/ /byang chub ni smon lam thams cad la mi 'jug
299a2 pa'o| |byang chub ni 'dzin pa thams cad dang bral zhing ma chags par 'jug pa'o/ /byang chub ni chos kyi dbyings kyi gnas kyis gnas pa'o/ /byang chub ni de bzhin nyid rjes
299a3 su rtogs pa'o/ /byang chub ni yang dag pa nyid kyi mtha' la gnas pa'o/ /byang chub ni yid dang / chos med pas gnyis su med pa'o/ /byang chub ni nam mkha' dang mnyam
299a4 pas mnyam pa'o/ /byang chub ni skye ba dang / 'jig pa dang / gnas pa dang / gzhan du 'gyur ba med pas 'dus ma byas pa'o/ /byang chub ni sems can thams cad kyi
299a5 sems dang / spyod pa dang / bsam pa yongs su shes pa'o/ /byang chub ni skye mched rnams kyi sgo ma yin pa'o/ /byang chub ni bag chags thams cad kyi mtshams sbyor
299a6 ba'i nyon mongs pa dang bral bas ma 'dres pa'o/ /byang chub ni gnas dang / gnas ma yin pa dang bral bas yul la mi gnas shing phyogs la mi gnas pa'o/ /byang chub ni
299a7 kun nas mi ldang zhing de bzhin nyid la mi gnas pa'o/ /byang chub ni ming tsam ste ming de'ang g.yo ba med do/ /byang chub ni blang ba dang / dor ba med pas rlabs med do//
299b1 byang chub ni 'khrug pa med pa ste rang bzhin gyis yongs su dag pa'o/ /byang chub ni rab tu snang ba ste ngo bo nyid rnam par dag pa'o/ /byang chub ni 'dzin pa med pa ste shin tu dmigs
299b2 pa med pa'o/ /byang chub ni chos thams cad mi mnyam pa nyid khong du chud pas tha dad pa med pa'o/ /byang chub ni dpe bstan pa dang bral bas dpe med pa'o/ /byang chub ni shin
299b3 tu khong du chud par dka' ba'i phyir bra ba'o/ /byang chub ni nam mkha'i rang bzhin bsan thams cad du song ba ste/ de ni lus kyis sam/ sems kyis mngon par rdzogs par
299b4 'tshang rgya bar mi nus so/ /de ci'i phyir zhe na/ lus ni rtswa dang / shing dang / rtsig pa dang / lam dang / mig yor lta bu'o/ /sems ni gzugs med pa/ bstan du med pa /
299b5 rten med pa/ rnam par rig pa med pa'o/ /bcom ldan 'das/ bstan pa 'di bshad pa na 'khor de nas lha'i bu nyis brgya mi skye ba'i chos la bzod pa thob bo/ /bdag kyang spobs
299b6 pa ma mchis par gyur te/ bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis li tsa bI gzhon nu 'od bkod
299b7 pa la bka' stsal pa/ 'od bkod pa/ khyod li tsa bI dri ma med par grags pa'i nad 'drir song zhig /'od bkod pas kyang gsol pa/ bcom ldan 'das/ bdag skyes bu dam
300a1 pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ bdag
300a2 yangs pa'i grong khyer chen po nas byung ba dang / li tsa bI dri ma med par grags pa nang du mchi ba dang mjal te/ des bdag la gus par smras pa dang / bdag gis 'di skad
300a3 ces bgyis so/ /khyim bdag /khyod ga las 'ongs/ des bdag la smras pa/ byang chub kyi snying po nas 'ongs so/ /bdag gis de la smras pa/ byang chub kyi snying po zhes bya
300a4 ba de gang gi tshig bla dwags/ de bdag la 'di skad ces mchi'o/ /rigs kyi bu/ byang chub kyi snying po zhes bya ba de ni bcos ma ma yin pa'i phyir bsam pa'i snying po'o/ /
300a5 rtsom pa'i las sgrol ba'i phyir de ni sbyor ba'i snying po'o/ /khyad par du khong du chud pa'i phyir de ni lhag pa'i bsam pa'i snying po'o/ /yang dag par mi brjed pa'i phyir de ni
300a6 byang chub kyi sems kyi snying po'o/ /rnam par smin pa la mi re ba'i phyir de ni sbyin pa'i snying po'o/ /smon lam yongs su rdzogs pa'i phyir de ni tshul khrims kyi snying po'o/ /
300a7 sems can thams cad la khong khro ba'i sems med pas de ni bzod pa'i snying po'o/ /phyir mi ldog pa'i phyir de ni brtson 'grus kyi snying po'o/ /sems las su rung ba'i phyir
300b1 de ni bsam gtan gyi snying po'o/ /mngon sum du mthong ba'i phyir de ni shes rab kyi snying po'o/ /sems can thams cad la sems mnyam pa'i phyir de ni byams pa'i snying po'o/ /
300b2 gnod pa thams cad bzod pa'i phyir de ni snying rje'i snying po'o/ /chos kyi kun dga' la dga' zhing mos pa'i phyir de ni dga' ba'i snying po'o/ /rjes su chags pa dang / khong khro ba
300b3 spangs pa'i phyir de ni btang snyoms kyi snying po'o/ /drug mngon par shes pas de ni mngon par shes pa'i snying po'o/ /mi rtog pa'i phyir de ni rnam par thar pa'i snying po'o/ /sems can
300b4 yongs su smin par byed pa'i phyir de ni thabs kyi snying po'o/ /sems can thams cad sdud pa'i phyir de ni bsdu ba'i dngos po'i snying po'o/ /nan tan snying por byed pa'i phyir de ni thos
300b5 pa'i snying po'o/ /tshul bzhin so sor rtog pa'i phyir de ni nges par sems pa'i snying po'o/ /'dus byas dang / 'dus ma byas spong ba'i phyir de ni byang chub kyi phyogs kyi chos kyi snying po'o/ /
300b6 'jig rten thams cad mi slu ba'i phyir de ni bden pa'i snying po'o/ /ma rig pa'i zag pa zad pa nas rga shi'i bar gyi zag pa zad pa'i phyir de ni rten cing 'brel bar 'byung ba'i snying
300b7 po'o| |yang dag pa ji lta ba bzhin du mngon par rdzogs par byang chub pa'i phyir de ni nyon mongs pa thams cad rab tu zhi ba'i snying po'o/ /sems can thams cad ngo bo nyid med
301a1 pa'i phyir de ni sems can thams cad kyi snying po'o/ /stong pa nyid mngon par byang chub pa'i phyir de ni chos thams cad kyi snying po'o/ /mi g.yo
301a2 ba'i phyir de ni bdud thams cad rab tu 'joms pa'i snying po'o/ /'jug pa dang bral ba'i phyir de ni khams gsum pa'i snying po'o/ /mi 'jigs shing mi dngangs pa'i phyir de
301a3 ni seng ge'i sgra sgrogs pa'i brtson 'grus kyi snying po'o/ /thams cad du ma smad pa'i phyir de ni stobs dang / mi 'jigs pa dang / ma 'dres pa dang / sangs rgyas kyi chos
301a4 thams cad kyi snying po'o/ /nyon mongs pa ma lus pa'i phyir de ni rig pa gsum gyi snying po'o/ /thams cad mkhyen pa'i ye shes yang dag par grub pa'i phyir de ni sems
301a5 kyi skad cig gcig la chos thams cad ma lus bar khong du chud pa'i snying po'o/ /rigs kyi bu/ de ltar ji tsam du byang chub sems dpa' rnams pha rol tu phyin pa dang
301a6 ldan pa dang / sems can yongs su smin par byed pa dang ldan pa dang / dam pa'i chos yongs su 'dzin pa dang ldan pa dang / dge ba'i rtsa ba dang ldan pa'i gom pa
301a7 'dor ba dang / 'deg pa de thams cad kyang byang chub kyi snying po nas 'ongs so/ /sangs rgyas kyi chos rnams las 'ongs shing sangs rgyas kyi chos rnams la gnas so/ /
301b1 bcom ldan 'das/ bstan pa 'di bshad pa na/ lha dang / mi lnga brgya tsam gyis byang chub tu sems bskyed de/ bdag kyang de nas spobs pa ma mchis par gyur to/ /bcom ldan
301b2 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis byang chub sems dpa' 'gro ba 'dzin la bka' stsal pa/ 'gro
301b3 ba 'dzin/ khyed li tsa bI dri ma med par grags pa'i nad 'drir song zhig /'gro ba 'dzin gyis kyang gsol pa/ bcom ldan 'das/ bdag skyes bu dam pa de'i bro 'dri zhing
301b4 mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ rang gi gnas na mchis pa'i tshe bdud sdig can lha'i bu mo khri
301b5 nyis stong gis yongs su bskor te/ brgya byin gyi cha byad kyis sil snyan dang / glu dbyangs len cing bdag ga la ba der mchis te/ bdag gi rkang pa la mgo bos phyag btsal nas
301b6 de 'khor dang bcas pa bdag la mdun gyis bltas te phyogs gcig tu mchis so/ /bdag ni de la brgya byin lha'i dbang po lags snyam bgyid de/ bdag gis de la 'di skad
301b7 ces bgyis so/ /kau shi ka /khyod legs par 'ongs so/ /'dod pa'i dga' ba thams cad la bag yod par gyis shig /lus dang / srog dang / longs spyod rnams las
302a1 snying po blangs pa dang / mi rtag par rtog pa mang du gyis shig /de nas de bdag la 'di skad ces mchi'o/ /skyes bu dam pa/ lha'i bu mo khri
302a2 nyis stong 'di dag bdag las khyod kyis long la 'di dag khyod kyi g.yog gyis shig ces mchi ba dang / de la bdag gis 'di skad du/ kau shi ka /rung ba ma yin pa'i
302a3 dngos po dag dge sbyong shAkya'i sras la ma 'bul cig /'di dag ni nged la rung ba ma yin no zhes bgyis so/ /bka' mchid de bgyis pa dang / li tsa bI dri ma med par grags
302a4 pa de mchis nas bdag la/ 'di skad du/ rigs kyi bu/ 'di la brgya byin yin snyam du 'du shes ma skyed cig /'di ni bdud sdig can te/ khyod la co dri ba'i phyir 'ongs
302a5 kyi brgya byin ni ma yin no zhes mchi'o/ /de nas li tsa bI dri ma med par grags pas bdud sdig can de la/ 'di skad du/ bdud sdig can/ lha'i bu mo 'di rnams dge sbyong
302a6 shAkya'i sras la ni rung ba ma yin gyi/ nga la byin cig ces bgyis pa dang / de nas bdud sdig can 'jigs shing skrag nas mi dga' ste/ li tsa bI dri ma med par grags
302a7 pa 'dis bdag lar slus su 'ong ngo zhes de mi snang bar bgyi bar 'tshal ba ma nus te/ rdzu 'phrul thams cad bstan kyang mi snang bar ma nus so/ /de nas bar snang las
302b1 sgra byung ste/ sdig can/ khyod kyis lha'i bu mo 'di rnams skyes bu dam pa 'di la phul cig dang / gdod bdag gi gnas su 'gro nus par 'gyur ro/ /de nas bdud sdig can 'jigs
302b2 shing skrag nas mi 'tshal bzhin du lha'i bu mo de rnams phul lo/ /de nas dri ma med par grags pas lha'i bu mo de rnams blangs nas lha'i bu mo de dag la 'di skad ces smras so/ /
302b3 khyod sdig can gyis nga la byin gyi/ de bla na med pa yang dag par rdzogs pa'i byang chub tu sems skyed cig /des de dag la byang chub tu yongs su smin par 'gyur ba'i rjes su
302b4 mthun pa'i gtam bgyis pa dang de dag kyang byang chub tu sems bskyed do/ /de nas yang des de dag la khyed kyis nga byang chub tu sems bskyed zin gyi/ da phan chad khyed chos
302b5 kyi kun dga' la dga' zhing mos par gyis la 'dod pa la dga' zhing mos par ma byed cig ces bsgo'o/ /de dag gis smras pa/ chos kyi kun dga' la dga' ba de gang lags/
302b6 des smras pa/ sangs rgyas la mi phyed par dad cing dga' ba dang / chos nyan par 'dod cing dga' ba dang / dge 'dun la bsnyen bkur bya bar dga' ba dang / nga rgyal med
302b7 cing bla ma dag la bsti stang byed par dga' ba dang / khams kun nas 'byung bar dga' ba dang / yul rnams la mi gnas par dga' ba dang / phung po rnams la gshed ma lta
303a1 bur rtog pa la dga' ba dang / khams rnams la sprul gdug pa dang mtshungs par rtog pa la dga' ba dang / skye mched rnams la grong stong pa lta
303a2 bur dben par dga' ba dang / byang chub kyi sems kyi kun tu bsrung bar dga' ba dang / sems can la phan par byed par dga' ba dang / sbyin pa la bgo bsha' byed par
303a3 dga' ba dang / tshul khrims la mi lhod par dga' ba dang / bzod pa la bzod cing dul bar dga' ba dang / brtson 'grus la dge ba yang dag par bsgrub par dga'
303a4 ba dang / bsam gtan la yongs su spyod par dga' ba dang / shes rab la nyon mongs pa'i snang ba med par dga' ba dang / byang chub la rgya cher dga' ba dang / bdud
303a5 tshar gcod par dga' ba dang / nyon mongs pa rnams nges par gzhom par dga' ba dang / sangs rgyas kyi zhing rnam par sbyong bar dga' ba dang / mtshan dang / dpe byad
303a6 bzang po yongs su sgrub pa'i phyir dge ba thams cad bsags pa la dga' ba dang / chos zab mo thos pas mi skrag par dga' ba dang / rnam par thar pa'i sgo gsum la
303a7 'dris par byed pa'i dga' ba dang / mya ngan las 'das pa'i dmigs pa la dga' ba dang / byang chub kyi snying po'i rgyan la dga' ba dang / dus ma yin par thob par
303b1 mi byed pa la dga' ba dang / skal ba mnyam pa'i skye bo la bsten par dga' ba dang / skal ba mi mnyam pa rnams la zhe mi sdang zhing khong khro ba med pa'i dga' ba dang / dge ba'i
303b2 bshes gnyen rnams la bsten par dga' ba dang / sdig pa'i grogs po dag rnam par spang bar dga' ba dang / chos la mos shing dad de mchog tu dga' ba'i dga' ba dang /
303b3 thabs la sdud pa'i dga' ba dang / bag yod par byang chub kyi phyogs kyi chos bsten pa la dga' ba ste/ de ltar na byang chub sems dpa' chos kyi kun dga' la dga' zhing mos pa
303b4 yin no/ /de nas bdud sdig can gyis lha'i bu mo de dag la 'di skad ces smras so/ /da bdag cag gi gnas su 'dong gi tshur shog /de dag gis smras pa/ khyod kyis bdag cag
303b5 khyim bdag 'di la phul bas da ni chos kyi kun dga' la dga' zhing mos par bya'o/ /'dong pa la ni dga' zhing mos par mi bya'o/ /de nas bdud sdig can gyis li tsa bI dri ma med
303b6 par grags pa la 'di skad ces smras so/ /byang chub sems dpa' sems dpa' chen po ni bdog pa thams cad yongs su gtong zhing sems 'dzin pa med pa lags na/ khyim
303b7 bdag /khyod kyis lha'i bu mo 'di rnams dgye bar gsol/ dri ma med par grags pas smras pa/ 'di rnams bkye ba yin gyi/ sdig can g.yog dang bcas te dengs shig /
304a1 sems can thams cad kyi chos kyi bsam pa yongs su rdzogs par gyur cig /de nas lha'i bu mo de dag gis dri ma med par grags pa la phyag btsal
304a2 nas 'di skad ces smras so/ /khyim bdag /ji ltar bdag cag bdud kyi gnas na gnas par bgyi/ smras pa/ sring mo dag /mi zad pa'i sgron ma zhes bya ba'i chos kyi sgo yod de/
304a3 de la nan tan gyis shig /de'ang gang zhe na/ 'di lta ste/ sring mo dag /sgron ma gcig las sgron ma brgya stong 'bar bar byas kyang sgron ma de 'bri bar mi 'gyur ba de bzhin
304a4 du| sring mo dag /byang chub sems dpa' gcig gis sems can brgya stong mang po rnams byang chub la bkod kyang byang chub sems dpa' de sems dran pa mi 'bri/ yongs su
304a5 mi 'bri ba'i steng du 'phel lo/ /de bzhin du dge ba'i chos thams cad kyang ji lta ji ltar gzhan dag la bsgo zhing bstan pa de lta de ltar dge ba'i chos thams cad kyis rnam par
304a6 'phel te/ 'di ni mi zad pa'i sgron ma zhes bya ba'i chos kyi sgo'o/ /bdud kyi gnas de na khyod gnas pa'i tshe lha'i bu dang / lha'i bu mo tshad med pa rnams byang chub kyi sems
304a7 la mos par gyis shig/ de ltar na khyed de bzhin gshegs pa la byas pa gzo bar 'gyur ro/ /sems can thams cad kyi 'tsho bar yang 'gyur ro/ /de nas lha'i bu mo de dag li tsa bI dri ma
304b1 med par grags pa'i rkang pa la mgo bos phyag btsal te bdud dang lhan cig slar mchis so/ /bcom ldan 'das/ li tsa bI dri ma med par grags pa'i rnam par 'phrul pa'i
304b2 khyad par de bdag gis mthong ste/ bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de nas bcom ldan 'das kyis tshong dpon
304b3 gyi bu legs par byin la bka' stsal pa/ rigs kyi bu/ khyod li tsa bI dri ma med par grags pa'i nad 'drir song zhig /legs par byin gyis kyang gsol pa/ bcom ldan
304b4 'das/ bdag skyes bu dam pa de'i bro 'dri zhing mchi bar mi spro'o/ /de ci'i slad du zhe na/ bcom ldan 'das/ bdag gis mngon par 'tshal ba dus gcig na/ bdag pa'i
304b5 sdum pa na mchod sbyin chen po bgyid pa'i slad du dge sbyong dang / bram ze thams cad dang / dbul po dang / sdug bsngal ba dang / bkren pa dang / sdug phongs pa dang / slong pa
304b6 thams cad la sbyin pa stsal te/ gdugs bdun du mchod sbyin chen po bgyis pa der gdugs tha ma der li tsa bI dri ma med par grags pa mchod sbyin chen po'i sa der mchis
304b7 nas bdag la 'di skad ces mchi'o/ /tshong dpon gyi bu/ ji ltar khyod mchod sbyin byed pa de ltar mchod sbyin mi bya yi/ khyod kyis chos kyi mchod sbyin bya'o/ /zang zing gi mchod
305a1 sbyin gyis khyod la ci zhig bya/ bdag gis de la 'di skad ces bgyis so/ /chos kyi mchod sbyin de ji ltar sbyin par bya/ des bdag la smras
305a2 pa| chos kyi mchod sbyin de gang gis snga phyi med par sems can yongs su smin par 'gyur ba de ni chos kyi mchod sbyin no/ /de'ang gang zhe na/ 'di lta ste/ byang chub kyi rnam
305a3 par bsgrubs pa'i byams pa chen po dang / dam pa'i chos bsdus pas mngon par bsgrubs pa'i snying rje chen po dang / sems can thams cad kyi mchog tu dga' ba la
305a4 dmigs pas mngon par bsgrubs pa'i dga' ba chen po dang / shes pas bsdus pas mngon par bsgrubs pa'i btang snyoms chen po dang / zhi ba dang / dul bas
305a5 mngon par bsgrubs pa'i sbyin pa'i pha rol tu phyin pa dang / sems can tshul khrims 'chal pa rnams yongs su smin par byed pas mngon par bsgrubs pa'i tshul
305a6 khrims kyi pha rol tu phyin pa dang / bdag med pa'i chos kyis mngon par bsgrubs pa'i bzod pa'i pha rol tu phyin pa dang / byang chub tu rtsom pas mngon par bsgrubs pa'i
305a7 brtson 'grus kyi pha rol tu phyin pa dang / lus dang / sems dben pas mngon par bsgrubs pa'i bsam gtan gyi pha rol tu phyin pa dang / thams cad mkhyen pa'i
305b1 ye shes kyis mngon par bsgrubs pa'i shes rab kyi pha rol tu phyin pa dang / sems can thams cad yongs su smin par byed pas mngon par bsgrubs pa'i stong pa nyid la sgom pa
305b2 dang | 'dus byas yongs su sbyong bas mngon par bsgrubs pa'i mtshan ma med pa la sgom pa dang / bsams bzhin du skye bas mngon par bsgrubs pa'i smon pa med pa la sgom pa
305b3 dang | dam pa'i chos yongs su 'dzin pas mngon par bsgrubs pa'i stobs kyis rtul ba dang / bsdu ba'i dngos pos mngon par bsgrubs pa'i srog gi dbang po dang / sems can
305b4 thams cad kyi bran dang / slob mar gyur pas mngon par bsgrubs pa'i nga rgyal med pa dang / snying po med pa las snying po len pas mngon par bsgrubs pa'i lus dang / srog
305b5 dang | longs spyod rnyed pa dang / rjes su dran pa drug gis mngon par bsgrubs pa'i dran pa dang / yang dag par dga' bar 'gyur ba'i chos kyis mngon par bsgrubs pa'i
305b6 bsam pa dang / yang dag pa'i nan tan gyis mngon par bsgrubs pa'i 'tsho ba yongs su dag pa dang / dad pa dang / mchog tu dga' ba bsten pas mngon par bsgrubs pa'i 'phags
305b7 pa la bsnyen bkur byed pa dang / 'phags pa ma yin pa la khong khro ba med pas mngon par bsgrubs pa'i sems nges par sems pa dang / rab tu byung bas mngon par bsgrubs
306a1 pa'i lhag pa'i bsam pa dang / nan tan gyis mngon par bsgrubs pa'i thos pa la mkhas pa dang / nyon mongs pa med pa'i chos rtogs pas mngon
306a2 par bsgrubs pa'i dgon pa la gnas pa dang / sangs rgyas kyi ye shes 'thob par byed pas mngon par bsgrubs pa'i nang du yang dag 'jog pa dang / sems can thams
306a3 cad nyon mongs pa las rnam par grol ba'i rnal 'byor gyis mngon par bsgrubs pa'i rnal 'byor spyod pa'i sa dang / mtshan dang / dpe byad bzang po dang / sangs rgyas
306a4 kyi zhing gi rgyan dang / sems can yongs su smin par byed pas mngon par bsgrubs pa'i bsod nams kyi tshogs dang / sems can thams cad kyi sems dang / spyod pa
306a5 la ci rigs par chos ston pas mngon par bsgrubs pa'i ye shes kyi tshogs dang / chos thams cad la blang ba med pa dang / dor ba med pa tshul gcig pa'i ye shes
306a6 kyis mngon par bsgrubs pa'i shes rab kyi tshogs dang / nyon mongs pa thams cad dang / bsgribs pa thams cad dang / mi dge ba'i chos thams cad spong bas mngon
306a7 par bsgrubs pa'i dge ba'i rtsa ba thams cad kyi tshogs dang / thams cad mkhyen pa'i ye shes khong du chud pa dang / dge ba'i chos kyis mngon par bsgrubs pa'i byang
306b1 chub kyi phyogs kyi chos thams cad yang dag par 'byung ba de ni/ rigs kyi bu/ chos kyi mchod sbyin te chos kyi mchod sbyin de la gnas pa'i byang chub sems dpa' mchod sbyin byin pa
306b2 mchod sbyin shin tu byed pa yin te/ lha dang bcas pa 'jig rten gyi sbyin gnas su 'gyur ro/ /bcom ldan 'das/ de lta bur khyim bdag des bstan pa 'di bshad pa'i tshe bram
306b3 ze'i 'khor de nas bram ze nyis brgya bla na med pa yang dag par rdzogs pa'i byang chub tu sems skyes so/ /bdag kyang dad cing ngo mtshar du gyur te/ skyes bu dam pa'i rkang pa la
306b4 phyag bgyis nas mu tig gi do shal brgya stong ri ba bdag gi mgul nas dkrol te stsal na/ de mu tig gi do shal de len du ma btub nas de la bdag gis/ 'di skad ces bgyis
306b5 so| |'di long la gang la mos pa la byin cig ces bgyis pa dang / der mu tig gi do shal blangs te dum bu gnyis su bgyis na/ cha gcig ni mchod sbyin gyi gnas de na 'jig rten
306b6 thams cad kyis smad pa grong khyer gyi nang na dbul po la stsal to/ /cha gcig ni de bzhin gshegs pa bzod par dka' ba la phul te/ ji ltar 'khor de dag thams cad kyis smig
306b7 rgyu'i 'jig rten gyi khams de dang / de bzhin gshegs pa bzod par dka' ba de'ang mthong zhing mu tig gi do shal de de bzhin gshegs pa bzod par dka' ba'i spyi bo'i steng
307a1 na mu tig gi do shal gyi khang pa brtsegs pa/ bkra ba/ blta na sdug pa/ gru bzhi lham pa/ ka ba bzhi zug pa/ ngos mnyam zhing rab tu rnam par phye ba
307a2 phyung ba mthong ba des de lta bu'i cho 'phrul bstan nas tshig 'di skad ces smras so/ /sbyin pa po sbyin bdag gang ji ltar de bzhin gshegs pa la sbyin gnas su 'du shes pa
307a3 de 'dra bar grong khyer gyi dbul po dang tha dad pa med par mnyam zhing snying rje chen po'i sems dang / rnam par smin pa la mi re bas yongs su gtong ba de ni chos kyi mchod
307a4 sbyin yongs su rdzogs pa'o zhes bgyis pa dang / de nas grong khyer gyi dbul po des cho 'phrul de mthong / chos bstan pa de'ang thos nas bla na med pa yang dag par rdzogs
307a5 pa'i byang chub tu sems bskyed do/ /bcom ldan 'das/ de'i slad du bdag skyes bu dam pa de'i bro 'dri zhing mchi bar mi spro'o/ /de ltar byang chub sems dpa' sems dpa'
307a6 chen po de dag thams cad kyang gang skyes bu dam pa de dang / skabs su gtam gang dag brjod pa so so'i bstan pa bshad de 'gro bar mi spro'o/ /nyan thos dang / byang chub sems
307a7 dpa' gtang bar smras pa'i le'u ste gsum pa'o// //de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal/
307b1 khyod li tsa bI dri ma med par grags pa'i nad 'drir song zhig /'jam dpal gyis kyang gsol pa/ bcom ldan 'das/ li tsa bI dri ma med par grags pa ni bsnyen par dka'
307b2 zhing zab mo'i tshul la spobs pa rab tu zhugs pa/ tshig snrel zhi dang / rdzogs pa'i tshig sgrub pa la mkhas pa/ spobs pa rgyun mi 'chad pa/ sems can thams cad la khong khro ba
307b3 ma mchis pa'i blo dang ldan pa/ byang chub sems dpa'i bgyi ba thams cad tshar phyin pa/ byang chub sems dpa' thams cad dang / rang sangs rgyas kyi gsang ba'i gnas la shin
307b4 tu zhugs pa/ bdud thams cad kyi gnas rnam par zlog pa la mkhas pa/ mngon par shes pa chen pos rnam par rtsen pa/ thabs dang / shes rab las nges par 'byung ba/ chos
307b5 kyi dbyings su gnyis su ma mchis shing dbyer ma mchis pa'i spyod yul gyi dam pa'i mchog thob pa chos kyi dbyings bkod pa gcig pa rnam pa mtha' yas pa'i bkod par chos
307b6 ston pa la mkhas pa/ sems can thams cad kyi dbang po bkod pa 'thob par bgyid pa 'tshal ba la mkhas pa/ thabs mkhas pa rtogs par khong du chud pa/ dris pa
307b7 gtan la 'bebs pa thob pa ste/ de ni go cha chung ngus mgu bar mi nus kyis/ 'on kyang sangs rgyas kyi byin gyi rlabs kyis der mchis te yang dag pa ji lta ba dang / mthu ji lta ba
308a1 bzhin du bshad par 'tshal lo/ /de nas 'khor de na byang chub sems dpa' de dag dang / nyan thos chen po de dag dang / brgya byin dang / tshangs
308a2 pa dang / 'jig rten skyong ba de dag dang / lha'i bu de dag dang / lha'i bu mo de dag 'di snyam du sems so/ /'jam dpal gzhon nur gyur pa dang / skyes bu dam pa de gnyis
308a3 smra ba las der ni chos bsgrags pa'i gtam chen po gdon mi za bar 'byung ngo snyam ste/ de nas byang chub sems dpa' brgya stong dang / nyan thos lnga brgya tsam dang / brgya byin
308a4 dang / tshangs pa dang / 'jig rten skyong ba shin tu mang ba dang / lha'i bu brgya stong phrag shin tu mang po rnams chos nyan pa'i phyir 'jam dpal gzhon nur gyur pa'i phyi
308a5 bzhin dong ngo / /de nas 'jam dpal gzhon nur gyur pa byang chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten
308a6 skyong ba de dag dang / lha'i bu de dag thams cad kyis yongs su bskor cing mdun du bdar te/ yangs pa'i grong khyer chen por zhugs so/ /de nas li tsa bI dri ma med par
308a7 grags pa 'di snyam du sems te/ 'jam dpal gzhon nur gyur pa 'khor mang po dang 'ong gi /bdag gi khyim 'di stong par byin gyis brlab bo snyam ste/ des khyim de stong
308b1 par byin gyis brlabs nas de na sgo ba'ang med do/ /khri gang la dri ma med par grags pa na ba nyal zhing 'dug pa'i khri gcig po de ma gtogs par de na khri'am/ khri'u'am/ stan gang
308b2 yang mi snang ngo / /de nas 'jam dpal 'khor dang bcas pa dri ma med par grags pa'i gnas ga la ba der dong ste lhags nas nang du 'ongs pa dang khyim de stong par mthong ste/ de
308b3 na sgo ba'ang med/ dri ma med par grags pa nyal zhing 'dug pa'i khri gcig pu de las gzhan khri'am/ khri'u'am/ stan ma mthong ngo / /de nas li tsa bI dri ma med par grags pas
308b4 'jam dpal gzhon nur gyur pa mthong ste/ mthong nas 'di skad ces smras so/ /'jam dpal/ legs par 'ongs so/ /'jam dpal/ shin tu legs par 'ongs so/ /
308b5 sngon ma 'ongs/ ma mthong / ma thos pa mthong ngo / /'jam dpal gyis smras pa/ khyim bdag /ji skad zer ba de bzhin te/ gang 'ongs pa de ni phyis mi 'ong ngo / /gang song ba
308b6 de'ang phyir mi 'gro'o/ /de ci'i phyir zhe na/ ma 'ongs pa la 'ong bar shes pa'ang med cing song ba la'ang 'gro bar shes pa med pa la/ gang mthong ba de ni phyir yang blta bar
308b7 bya ba ma yin pa'i phyir ro/ /skyes bu dam pa khyod bzod dam/ 'tsho 'am/ khyod kyi khams rnams mi 'khrug gam/ khyod kyi nad de 'byung ngam/ mi skye ba'am/ bcom ldan
309a1 'das kyang khyod la gnod pa chung ngam/ nyam nga ba nyung ngam/ na ba nyung ngam/ bskyod pa yang ngam/ 'tsho ba dang / stobs dang / bde ba dang / kha na
309a2 ma tho ba dang / bde bar reg pa la gnas sam zhes gsung ngo / /khyim bdag/ khyod kyi nad 'di ci las byung / byung nas ci srid lon/ ji ltar gnas/ ci tsam na zhi bar 'gyur/
309a3 dri ma med par grags pas smras pa/ 'jam dpal/ ma rig pa dang / sred pa'i sred pa ji srid par kho bo'i nad 'di'ang de srid do/ /sems can thams cad kyi nad ji srid
309a4 par kho bo'i nad kyang de srid do/ /nam sems can thams cad nad dang bral bar gyur pa de na kho bo'i nad kyang mi 'byung ngo / /de ci'i phyir zhe na/ 'jam dpal/ byang chub
309a5 sems dpa'i 'khor ba'i gnas ni sems can te/ nad ni 'khor ba la gnas so/ /nam sems can thams cad nad dang bral bar gyur pa de na byang chub sems dpa'
309a6 yang nad med par 'gyur ro/ /'jam dpal/ 'di lta ste/ dper na/ tshong dpon gyi bu gcig pa na bar gyur na de na ba'i phyir pha ma gnyis kyang na bar 'gyur ro/ /ji srid
309a7 du bu gcig pa de nad med par ma gyur pa de srid du pha ma gnyis kyang sdug bsngal bar 'gyur te/ 'jam dpal/ de bzhin du byang chub sems dpa' sems can thams cad
309b1 la bu gcig pa bzhin du sdug pa yin te/ sems can thams cad na bas de'ang na bar 'gyur/ sems can la nad med na de'ang na ba med do/ /gang 'jam dpal/ khyod nad 'di ci
309b2 las byung zhes zer ba'ang byang chub sems dpa' rnams kyi nad ni snying rje chen po las 'byung ngo / /'jam dpal gyis smras pa/ khyim bdag khyod kyi khyim 'di stong na khyod la
309b3 g.yog 'ga' yang med dam/ smras pa/ 'jam dpal/ sangs rgyas kyi zhing thams cad kyang stong ngo / /smras pa/ cis stong / smras pa/ stong pa nyid kyis stong ngo / /smras pa/
309b4 stong pa nyid la stong pa ci zhig yod/ smras pa/ kun tu rtog pa ni stong pa nyid kyis stong pa'o/ /smras pa/ stong pa nyid kun tu brtag par nus sam/ smras pa/ yongs su rtog pa de'ang
309b5 stong pa ste/ stong pa nyid ni stong pa nyid la mi rtog go /smras pa/ khyim bdag /stong pa nyid gang du btsal/ smras pa/ 'jam dpal/ stong pa nyid ni lta bar gyur pa drug cu rtsa
309b6 gnyis las btsal lo/ /smras pa/ lta bar gyur pa drug cu rtsa gnyis gang las btsal/ smras pa/ de de bzhin gshegs pa'i rnam par grol ba las btsal lo/ /smras pa/ de
309b7 bzhin gshegs pa'i rnam par grol ba 'di gang las btsal/ smras pa/ sems can thams cad kyi sems dang po spyod pa las btsal lo/ /'jam dpal/ gang khyod la g.yog
310a1 kyang med dam zhes zer ba ni bdud thams cad dang / phas kyi rgol ba thams cad ni kho bo'i g.yog yin no/ /de ci'i phyir zhe na/ bdud rnams ni 'khor
310a2 ba'i bsngags pa smra ba ste/ 'khor ba ni byang chub sems dpa'i g.yog go /phas kyi rgol ba rnams ni lta bar gyur pa rnams kyi bsngags pa smra ba ste/ byang chub sems dpa' ni
310a3 lta bar gyur pa thams cad las mi g.yo'o/ /de bas na bdud thams cad dang / phas kyi rgol ba thams cad ni kho bo'i g.yog go /'jam dpal gyis smras pa/ khyim bdag /
310a4 khyod kyi nad ci 'dra/ smras pa/ gzugs med cing bstan du med do/ /smras pa/ nad de lus dang ldan nam/ 'on te sems dang ldan/ smras pa/ lus dben pas na lus dang
310a5 ldan pa'ang ma yin/ sems sgyu ma'i chos nyid pas na sems dang yang mi ldan no/ /smras pa/ khyim bdag /'di lta ste/ sa'i khams dang / chu'i khams dang / me'i khams
310a6 dang | rlung gi khams dang / nam mkha'i khams 'di bzhi las khams gang gnod par 'gyur/ smras pa/ 'jam dpal/ sems can thams cad kyi nad khams de lta bu
310a7 gang yin pa des kho bo'ang na'o/ /'jam dpal/ ji ltar na byang chub sems dpas byang chub sems dpa' na ba yang dag par dga' bar bya/ 'jam dpal gyis smras pa /
310b1 lus mi rtag pa ste/ yid byung zhing 'dod chags dang bral bas ni ma yin no/ /lus sdug bsngal ba ste/ mya ngan las 'das pa la dga' bas ni ma yin no/ /lus bdag med pa ste /
310b2 'on kyang sems can smin par bya bas so/ /lus zhi ba nyid kyis te/ shin tu zhi bas ni ma yin no/ /nyes par spyod pa thams cad bstan pa ste/ 'pho bas ni ma yin no/ /bdag na bas
310b3 sems can gzhan na ba la snying rje ba dang / sngon gyi mtha'i mu'i sdug bsngal rjes su dran pa dang / sems can gyi don bya ba rjes su dran pa dang / dge ba'i rtsa ba mngon du bya ba dang /
310b4 gzod ma nas rnam par dag pa dang / sred pa med pa dang / rtag tu brtson 'grus brtsams pas nad thams cad med par byed pa'i sman pa'i rgyal por 'gyur ro zhes de ltar byang chub
310b5 sems dpas byang chub sems dpa' na ba yang dag par dga' bar bya'o/ /'jam dpal gyis smras pa/ rigs kyi bu/ byang chub sems dpa' na bas ji ltar rang gi sems nges
310b6 par bsam par bya/ dri ma med par grags pas smras pa/ 'jam dpal/ byang chub sems dpa' na bas ni bdag gi sems la 'di ltar nges par bsam par bya'o/ /nad ni
310b7 sngon gyi mtha' nas yod pa ma yin pa phyin ci log gi las kun nas ldang ba las byung ngo / /yang dag pa ma yin pa kun tu rtog pa'i nyon mongs pa las byung ste/ don dam par ni
311a1 'di la gang gi na ba zhes bya ba'i chos de gang yang mi dmigs so/ /de ci'i phyir zhe na/ 'byung ba chen po bzhi las gyur pa'i lus 'di khams 'di
311a2 dag la bdag po gang yang med de bskyed pa'ang med do/ /lus 'di la bdag med de/ bdag tu mngon par zhen pa ma gtogs par 'di la don dam par na gang nad ces bya ba
311a3 de mi dmigs te/ de bas na bdag ni mngon par zhen pa med cing / nad kyi rtsa ba kun shes pa la gnas par bya'o zhes des bdag tu 'du shes pa rgyun bcad de chos kyi 'du
311a4 shes bskyed par bya'o/ /lus 'di ni chos mang po 'dus pa ste/ skye ba na'ang chos kho na skye/ 'gag pa na'ang chos kho na 'gag ste/ chos de dag ni phan tshun du mi tshor mi
311a5 shes te/ chos de dag skye ba na'ang 'di snyam du bdag skye'o snyam du mi sems so/ /'gag pa na'ang 'di snyam du bdag 'gag go snyam du mi sems so/ /des chos kyi 'du shes kun shes par bya ba'i
311a6 phyir sems bskyed par bya ste/ gang bdag gis 'di ltar chos su 'du shes pa de'ang phyin ci log ste/ phyin ci log ni nad chen po'o/ /bdag ni nad dang bral bar bya ste/
311a7 nad rab tu spang ba'i phyir brtson par bya'o/ /de la nad spang ba de gang zhe na/ 'di lta ste/ ngar 'dzin pa dang / nga yir 'dzin pa spang ba'o/ /ngar 'dzin pa dang / nga yir
311b1 'dzin pa spang ba de gang zhe na/ 'di lta ste/ gnyis dang bral ba'o/ /de la gnyis dang bral ba gang zhe na/ 'di lta ste/ nang dang / phyi rol tu kun tu spyod pa med pa'o/ /
311b2 de la nang dang / phyi rol tu kun tu spyod pa de gang zhe na/ 'di lta ste/ mnyam pa nyid las mi g.yo ba/ rab tu mi g.yo ba/ rnam par mi g.yo ba'o/ /mnyam pa
311b3 nyid gang zhe na/ bdag mnyam pa nyid nas mya ngan las 'das pa mnyam pa nyid kyi bar du'o/ /de ci'i phyir zhe na/ 'di lta ste/ bdag dang / mya ngan las 'das pa gnyis ka'ang
311b4 stong pa'i phyir ro/ /de gnyis ka cis stong zhe na/ ming du brjod pa de gnyis stong ste/ de dag kyang yongs su ma grub pa'o/ /de ltar mnyam pa nyid mthong ba des nad nyid gzhan
311b5 ma yin/ stong pa nyid gzhan du mi byed de/ nad nyid stong pa nyid do/ /tshor ba de ni tshor ba med par rig par bya ste/ des tshor ba 'gog pa'ang mngon sum du mi bya'o/ /sangs
311b6 rgyas kyi chos yongs su rdzogs pa la tshor ba gnyis ka dor mod kyi ngan 'gror skyes pa'i sems can thams cad la snying rje chen po mi skyed pa'ang ma yin no/ /ji ltar sems
311b7 can 'di dag la tshul bzhin nges par sems pas nad sel bar 'gyur ba de ltar bya'o/ /'di dag la chos gang yang nye bar sbyar bar yang mi bya/ bsal bar mi bya ste/ de
312a1 gzhi gang las na da byung ba de yongs su shes par bya ba'i phyir de dag la chos bshad par bya'o/ /gzhi de gang zhe na/ 'di lta ste/ lhag par
312a2 dmigs pa ni gzhi'o/ /lhag par dmigs pa'i gzhi la ji tsam du dmigs pa de tsam du nad kyi gzhi'o/ /ci la lhag par dmigs she na/ khams gsum la lhag par
312a3 dmigs so/ /lhag par dmigs pa'i gzhi yongs su shes pa gang zhe na/ 'di lta ste/ dmigs pa med cing mi dmigs pa'o/ /gang mi dmigs pa de ni lhag par mi
312a4 dmigs pa'o/ /ci mi dmigs zhe na/ 'di lta ste/ bdag tu lta ba dang / pha rol tu lta ba dang / lta ba gnyis su mi dmigs te/ des na mi dmigs pa zhes bya'o/ /'jam
312a5 dpal/ de ltar byang chub sems dpa' na bas rga ba dang / na ba dang / 'chi ba dang / skye ba spang ba'i phyir bdag gi sems la nges par bsam par bya'o/ /'jam dpal/
312a6 byang chub sems dpa' rnams kyi nad ni de lta bu yin te/ gal te de lta ma yin du zin na/ 'bad pa don med par 'gyur ro/ /'di lta ste/ dper bya na/ phyir rgol ba bcom
312a7 pas dpa' bo zhes bya ba de bzhin du rga ba dang / na ba dang / 'chi ba'i sdug bsngal zhi bar byed pas byang chub sems dpa' zhes bya'o/ /byang chub sems dpa' na ba des/
312b1 'di snyam du ji ltar bdag gi nad yang dag pa ma yin zhing yod pa ma yin pa de bzhin du sems can thams cad kyi nad kyang yang dag pa ma yin zhing yod pa ma yin no zhes brtag par
312b2 bya ste/ de de ltar rtog pa na phan yon du lta bar mi lhung zhing sems can rnams la snying rje chen po skye ste/ glo bur gyi nyon mongs pa spang ba'i phyir mngon par brtson pa'i snying rje chen po
312b3 sems can rnams la skye ba ni ma gtogs so/ /de ci'i phyir zhe na/ phan yon du lta bar ltung ba'i snying rje chen pos ni skye ba rnams su byang chub sems dpa' skye bar 'gyur ro/ /
312b4 phan yon du lta ba'i kun nas ldang ba dang bral ba'i snying rje chen pos ni byang chub sems dpa' skye ba rnams su skyo bar mi 'gyur ro/ /lta ba kun nas ldang ba kun tu ldang zhing mi skye ste/
312b5 de sems kun nas ldang ba med par skye bas de grol bzhin du skye/ de grol bzhin du 'byung ngo / /grol bzhin du skye zhing grol bzhin du 'byung bas sems can bcings pa rnams
312b6 bcings pa las grol ba'i chos ston par nus shing mthu yod do/ /'di lta ste/ bcom ldan 'das kyis bdag nyid bcings pas pha rol bcings pa las dgrol ba de ni gnas
312b7 med de/ bdag grol bas pha rol bcings pa las grol ba de ni gnas yod do zhes gsungs te/ de bas na byang chub sems dpa' grol bar bya yi/ bcings par ni mi bya'o/ /
313a1 de la bcings pa gang / grol ba gang zhe na/ thabs med par srid pa'i grol ba yongs su 'dzin pa ni byang chub sems dpa'i bcings pa'o/ /thabs kyis
313a2 srid pa'i 'gro bar 'jug pa ni grol ba'o/ /thabs med pas bsam gtan dang / ting nge 'dzin dang / snyoms par 'jug par ro myang ba ni byang chub sems dpa'i bcings pa'o//
313a3 thabs kyis bsam gtan dang / ting nge 'dzin gyi ro myang ba ni grol ba'o/ /thabs kyis ma zin pa'i shes rab ni bcings pa'o/ /thabs kyis zin pa'i shes rab ni grol ba'o//
313a4 shes rab kyis ma zin pa'i thabs ni bcings pa'o/ /shes rab kyis zin pa'i thabs ni grol ba'o/ /de la thabs kyis ma zin pa'i shes rab bcings pa gang zhe na/ 'di
313a5 lta ste| stong pa nyid dang / mtshan ma med pa dang / smon pa med pa la nges par sems shing / mtshan dang / dpe byad bzang po dang / sangs rgyas kyi zhing gi rgyan dang / sems
313a6 can yongs su smin par bya ba la nges par mi sems pa ni thabs kyis ma zin pa'i shes rab ste bcings pa'o/ /de la thabs kyis zin pa'i shes rab grol ba gang zhe na/ 'di lta
313a7 ste| mtshan dang / dpe byad bzang po dag sangs rgyas kyi zhing gi rgyan dang / sems can yongs su smin par bya ba la sems nges par sems shing stong pa nyid dang / mtshan
313b1 ma med pa dang / smon pa med pa la 'dris par byed pa 'di ni thabs kyis zin pa'i shes rab ste grol ba'o/ /de la shes rab kyis ma zin pa'i thabs bcings pa gang zhe na/ 'di lta
313b2 ste| lta ba thams cad dang / nyon mongs pa kun nas ldang ba dang / bag la nyal dang / rjes su chags pa dang / khong khro ba la gnas pa'i dge ba'i rtsa ba rtsom pa thams cad byang
313b3 chub tu mi bsngo ba ni shes rab kyis ma zin pa'i thabs te bcings pa'o/ /de la shes rab kyis zin pa'i thabs grol ba gang zhe na/ 'di lta ste/ lta ba thams cad dang / nyon mongs pa
313b4 kun nas ldang ba dang / bag la nyal ba dang / rjes su chags pa dang / khong khro ba spangs pa'i dge ba'i rtsa ba rtsom pa thams cad byang chub tu yongs su bsngos la des kyang mi snyems
313b5 pa de ni byang chub sems dpa'i shes rab kyis zin pa'i thabs te grol ba'o/ /'jam dpal/ de la byang chub sems dpa' na bas de ltar chos de dag la nges par bsam par
313b6 bya ste| gang lus dang / sems dang / nad la mi rtag pa dang / sdug bsngal ba dang / stong pa dang / bdag med par rtogs pa de ni de'i shes rab bo/ /gang yang lus kyi nad yongs
313b7 su spong bas mi skye ste/ 'khor ba'i rgyun mi gcod cing sems can gyi don sbyor ba la rjes su sbyor ba 'di ni de'i thabs so/ /gzhan yang / gang lus dang / sems dang / nad rnams
314a1 phan tshun du gcig nas gcig tu gsar par yang ma yin/ rnying pa'ang ma yin par rtog pa de ni de'i shes rab bo/ /gang yang lus dang / sems
314a2 dang | nad rnams shin tu zhi ba dang / 'gog pa mi skyed pa de ni de'i thabs so/ /'jam dpal/ de ltar byang chub sems dpa' na bas rang gi sems nges par bsam par bya
314a3 mod kyi des nges par sems pa dang / nges par mi sems par mi bya'o/ /de ci'i phyir zhe na/ gal te nges par sems pa la gnas na de ni byis pa'i chos so/ /ci ste nges par
314a4 mi sems pa la gnas na de ni nyan thos kyi chos so/ /de lta bas na byang chub sems dpas nges par sems pa dang / mi sems pa la gnas par mi bya'o/ /gang de la mi
314a5 gnas pa ni byang chub sems dpa'i spyod yul te/ gang so so'i skye bo'i spyod yul yang ma yin/ 'phags pa'i spyod yul yang ma yin pa de ni byang chub sems dpa'i spyod
314a6 yul lo/ /gang 'khor ba'ang spyod yul la nyon mongs pa'ang spyod yul ma yin pa de ni byang chub sems dpa'i spyod yul lo/ /gang mya ngan las 'das par rtog par yang
314a7 spyod yul la gtan du yongs su mya ngan las 'das par yang spyod yul ma yin pa de ni byang chub sems dpa'i spyod yul lo/ /gang bdud bzhi ston pa'ang spyod yul la
314b1 bdud kyi yul thams cad las yang dag par 'das pa'ang spyod yul ma yin pa de ni byang chub sems dpa'i spyod yul lo/ /gang thams cad mkhyen pa'i ye shes tshol ba'ang
314b2 spyod yul la dus ma yin par ye shes 'thob pa'ang spyod yul ma yin pa de ni byang chub sems dpa'i spyod yul lo/ /gang bden pa bzhin shes pa'ang spyod yul la dus ma yin
314b3 par bden pa rtogs par byed pa'ang spyod yul ma yin pa de ni byang chub sems dpa'i spyod yul lo/ /gang na du so sor rtog pa'ang spyod yul la bsams bzhin du srid par skye ba
314b4 yongs su 'dzin pa'ang spyod yul ma yin pa de ni byang chub sems dpa'i spyod yul lo/ /gang mi skye ba so sor rtog pa'ang spyod yul la nges par gyur pa la 'jug pa'ang spyod yul
314b5 ma yin pa de ni byang chub sems dpa'i spyod yul lo/ /gang rten cing 'brel bar 'byung ba'i yang spyod yul la lta ba thams cad kyi yul yang spyod yul ma yin pa de ni byang chub
314b6 sems dpa'i spyod yul lo/ /gang sems can thams cad kyi 'du 'dzi'ang spyod yul la nyon mongs pa'i bag la nyal yang spyod yul ma yin pa de ni byang chub sems dpa'i spyod
314b7 yul lo/ /gang dben pa'ang spyod yul la lus dang / sems zad pa'i gnas kyang spyod yul ma yin pa de ni byang chub sems dpa'i spyod yul lo/ /gang khams gsum yang spyod yul
315a1 la chos kyi dbyings dbye bar bya ba'ang spyod yul ma yin pa de ni byang chub sems dpa'i spyod yul lo/ /gang stong pa nyid kyang spyod yul la yon tan
315a2 gyi rnam pa thams cad tshol pa'ang spyod yul ba de ni byang chub sems dpa'i spyod yul lo/ /gang mtshan ma med pa'ang spyod yul la sems can rab tu grol bar bya ba la dmigs
315a3 shing rtog pa'ang spyod yul ba de ni byang chub sems dpa'i spyod yul lo/ /gang smon pa med pa'ang spyod yul la bsams bzhin du srid pa'i 'gro bar ston pa'ang spyod yul ba de ni
315a4 byang chub sems dpa'i spyod yul lo/ /gang mngon par 'du mi byed pa'ang spyod yul la dge ba'i rtsa ba thams cad mngon par 'du byed pa rgyun mi gcod pa'ang spyod yul ba de ni byang
315a5 chub sems dpa'i spyod yul lo/ /gang pha rol tu phyin pa drug kyang spyod yul la sems can thams cad kyi sems dang / spyod pa'i pha rol tu 'gro bar yang spyod yul ba de ni byang
315a6 chub sems dpa'i spyod yul lo/ /gang mngon par shes pa drug kyang spyod yul la zag pa zad pa'ang spyod yul ma yin pa de ni byang chub sems dpa'i spyod yul lo/ /gang dam
315a7 pa'i chos la gnas pa'ang spyod yul la lam ngan pa la mi dmigs pa'ang spyod yul ba de ni byang chub sems dpa'i spyod yul lo/ /gang tshad med pa bzhi la'ang spyod yul
315b1 la tshangs pa'i 'jig rten du skye ba la mi reg pa'ang spyod yul ba de ni byang chub sems dpa'i spyod yul lo/ /gang rjes su dran pa drug kyang spyod yul la zag pa thams cad kyang spyod yul
315b2 ma yin pa de ni byang chub sems dpa'i spyod yul lo/ /gang bsam gtan dang / ting nge 'dzin dang / snyoms par 'jug pa'ang spyod yul la ting nge 'dzin dang / snyoms par 'jug
315b3 pa'i dbang gis mi skye ba'ang spyod yul ba de ni byang chub sems dpa'i spyod yul lo/ /gang dran pa nye bar gzhag pa'ang spyod yul la lus dang / tshor ba dang / sems dang / chos
315b4 kyang shin tu spyod yul ma yin pa de ni byang chub sems dpa'i spyod yul lo/ /gang yang dag par spong ba'ang spyod yul la dge ba dang / mi dge ba gnyis su dmigs pa'ang spyod yul
315b5 ma yin pa de ni byang chub sems dpa'i spyod yul lo/ /gang rdzu 'phrul gyi rkang pa sgrub pa'ang spyod yul la lhun gyis grub pa'i rdzu 'phrul gyi rkang pa la dbang sgyur ba'ang spyod yul pa de ni
315b6 byang chub sems dpa'i spyod yul lo/ /gang dbang po lnga'i yang spyod yul la sems can thams cad kyi dbang po mchog dang / mchog ma yin pa shes pa'ang spyod yul ba de ni byang
315b7 chub sems dpa'i spyod yul lo/ /gang stobs lnga la gnas pa'ang spyod yul la de bzhin gshegs pa'i stobs bcu la mngon par dga' ba'ang spyod yul ba de ni byang chub
316a1 sems dpa'i spyod yul lo/ /gang byang chub kyi yan lag bdun yongs su grub pa'ang spyod yul la blo rab tu dbye ba shes pa la mkhas pa'ang spyod
316a2 yul ba de ni byang chub sems dpa'i spyod yul lo/ /gang lam la gnas pa'ang spyod yul la lam ngan pa la mi dmigs pa'ang spyod yul ba de ni byang chub sems dpa'i spyod
316a3 yul lo/ /gang zhi gnas dang / lhag mthong gi tshogs tshol ba'ang spyod yul la shin tu zhi bar mi ltung ba'ang spyod yul ba de ni byang chub sems dpa'i spyod yul lo/ /gang chos
316a4 thams cad skyed pa med pa'i mtshan nyid du rtog pa'ang spyod yul la mtshan dang / dpe byad bzang po dang / sangs rgyas kyi sku dang / rgyan yongs su sgrub pa'ang spyod yul pa de ni byang
316a5 chub sems dpa'i spyod yul lo/ /gang nyan thos dang / rang sangs rgyas kyi tshul ston pa'ang spyod yul la sangs rgyas kyi chos las mi nyams pa'ang spyod yul ba de ni byang chub
316a6 sems dpa'i spyod yul lo/ /gang rang bzhin rab tu rnam par dag par gyur pa'i chos thams cad kyi rjes su 'gro ba'ang spyod yul la sems can thams cad ji ltar mos
316a7 ba bzhin du spyod lam ston pa'ang spyod yul ba de ni byang chub sems dpa'i spyod yul lo/ /gang sangs rgyas kyi zhing thams cad la shin tu 'jig pa dang / 'chags pa med
316b1 pa nam mkha'i rang bzhin du rtogs pa'ang spyod yul la sna tshogs su bkod pa dang / du mar bkod pa sangs rgyas kyi zhing gi yon tan bkod pa ston pa'ang spyod yul ba de ni byang chub
316b2 sems dpa'i spyod yul lo/ /gang chos kyi 'khor lo rab tu bskor ba dang / yongs su mya ngan las 'das pa chen po ston pa'ang spyod yul la byang chub sems dpa'i spyod pa mi
316b3 gtong ba'ang spyod yul ba de ni byang chub sems dpa'i spyod yul lo/ /bstan pa 'di bshad pa na 'jam dpal gzhon nur gyur pa dang lhan cig tu lhags pa'i lha'i bu de dag las
316b4 lha'i bu brgyad stong bla na med pa yang dag par rdzogs pa'i byang chub tu sems skyes so/ /na ba yang dag par dga' bar bya ba'i le'u ste bzhi pa'o// //de nas tshe dang
316b5 ldan pa shA ri'i bu 'di snyam du sems te/ khyim 'di na stan dag kyang med na byang chub sems dpa' 'di dag dang / nyan thos chen po 'di dag ci la 'khod snyam mo/ /de nas li
316b6 tsa ba'i dri ma med par grags pas tshe dang ldan pa shA ri'i bu'i sems kyi rtog pa shes nas tshe dang ldan pa shA ri'i bu la 'di skad ces smras so/ /btsun pa shA ri'i bu/ ci chos 'dod
316b7 de 'ongs sam/ 'on te stan 'dod/ smras pa/ kho bo ni chos 'dod de 'ongs kyi/ stan 'dod pa ni ma yin no/ /smras pa/ btsun pa shA ri'i bu/ de bas na gang chos 'dod pa de
317a1 bdag gi lus kyang 'dod pa ma yin na/ /stan 'dod par lta ga la 'gyur/ btsun pa shA ri'i bu/ gang chos 'dod pa de ni gzugs dang / tshor
317a2 ba dang / 'du shes dang / 'du byed dang / rnam par shes pa 'dod pas ma yin no/ /phung po dang / khams dang / skye mched 'dod pa ma yin no/ /gang chos 'dod pa de ni 'dod
317a3 pa'i khams dang / gzugs kyi khams dang / gzugs med pa'i khams 'dod pa ma yin no/ /gang chos 'dod pa de ni sangs rgyas la mngon par zhe na pa 'dod pa ma yin/
317a4 chos dang / dge 'dun la mngon par zhen pa 'dod pa ma yin no/ /btsun pa shA ri'i bu/ gzhan yang /gang chos 'dod pa de ni sdug bsngal yongs su shes par 'dod pa ma
317a5 yin| kun 'byung ba spang bar 'dod pa ma yin/ 'gog pa mngon du bya bar 'dod pa ma yin/ lam bsgom par 'dod pa ma yin no/ /de ci'i phyir zhe na/ chos ni spros pa
317a6 med pa/ yi ge med pa ste/ de la sdug bsngal shes par bya/ kun 'byung ba spang bar bya/ 'gog pa mngon du bya/ lam bsgom par bya'o zhes gang 'phros par byed pa de ni
317a7 chos 'dod pa ma yin te/ de ni spros pa 'dod pa'o/ /btsun pa shA ri'i bu/ chos ni nye bar zhi zhing rab tu zhi ba ste/ de la gang dag skye ba dang / 'jig pa la spyod pa de dag ni
317b1 chos 'dod pa ma yin/ dben pa 'dod pa ma yin te/ de ni skye ba dang / 'jig pa 'dod pa'o/ /btsun pa shA ri'i bu/ gzhan yang / chos ni rdul med cing rdul dang bral pa ste/ de la gang
317b2 dag chos gang la chags na tha na mya ngan las 'das pa la'ang rung ste/ de dag ni chos 'dod pa ma yin gyi/ de dag ni 'dod chags kyi rdul 'dod pa'o/ /chos ni yul ma yin te/
317b3 gang dag yul bgrang ba de dag ni chos 'dod pa ma yin gyi/ de dag ni yul 'dod pa'o/ /chos ni blang ba med pa/ dor ba med pa ste/ gang dag chos gang la 'dzin pa dang / gtong ba
317b4 de dag ni chos 'dod pa ma yin te/ de dag ni 'dzin pa dang / gtong ba 'dod pa'o/ /chos ni kun gzhi med pa ste/ gang kun gzhi la dga' ba de dag ni chos 'dod pa ma yin gyi/ de
317b5 dag ni kun gzhi 'dod pa'o/ /chos ni mtshan ma med pa stong pa ste/ gang dag gi rnam par shes pa mtshan ma'i rjes su 'jug pa de dag ni chos 'dod pa ma yin te/ de dag ni
317b6 mtshan ma 'dod pa'o/ /chos ni lhan cig gnas pas ma yin te/ gang su dag chos dang lhan cig gnas pa de dag ni chos 'dod pa ma yin gyi/ de dag ni gnas pa 'dod pa'o/ /chos
317b7 ni mthong ba dang / thos pa dang / bye brag phyed pa dang / rnam par rig pa ma yin te/ gang dag mthong ba dang / thos pa dang / bye brag phyed pa dang / rnam par rig pa la spyod pa
318a1 de dag ni mthong ba dang / thos pa dang / bye brag phyed pa dang / rnam par rig pa 'dod pa yin gyi de dag ni chos 'dod pa ma yin no/ /btsun pa shA ri'i bu/
318a2 chos ni 'dus byas dang / 'dus ma byas med pa ste/ gang dag 'dus byas spyod yul ba de dag ni chos 'dod pa ma yin gyi de dag ni 'dus byas su 'dzin pa 'dod pa'o/ /btsun pa shA
318a3 ri'i bu/ de lta bas na khyod chos 'dod par bya na khyod kyis chos thams cad mi 'dod par bya'o/ /chos bstan pa 'di bshad pa na lha'i bu lnga brgya chos rnams la chos kyi mig
318a4 rnam par dag go /de nas li tsa bI dri ma med par grags pas 'jam dpal gzhon nur gyur pa la smras pa/ 'jam dpal/ khyod kyis phyogs bcu'i sangs rgyas kyi zhing brgya stong
318a5 grangs med pa dag tu sangs rgyas kyi zhing rgyu zhing 'gro ba na sangs rgyas kyi zhing gang na seng ge'i khri thams cad kyi mchog yon tan thams cad dang ldan pa dag mthong / de skad ces
318a6 smras pa dang / 'jam dpal gzhon nur gyur pas li tsa bI dri ma med par grags pa la 'di skad ces smras so/ /rigs kyi bu/ 'di nas shar phyogs su sangs rgyas kyi zhing
318a7 gang+gA'i klung sum cu rtsa gnyis kyi bye ma snyed 'das pa na 'jig rten gyi khams lhun po'i rgyal mtshan zhes bya ba yod de/ /de na de bzhin gshegs pa lhun po'i sgron me'i
318b1 rgyal po zhes bya ba bzhugs te 'tsho zhing gzhes so/ /de bzhin gshegs pa de'i sku ni dpag tshad 'bum phrag brgyad cu rtsa bzhi'o/ /bcom ldan 'das de'i seng ge'i khri'i tshad ni dpag
318b2 tshad 'bum phrag drug cu rtsa brgyad do/ /byang chub sems dpa' de dag gi lus kyang dpag tshad 'bum phrag bzhi bcu rtsa gnyis so/ /byang chub sems dpa' de dag gi seng ge'i
318b3 khri'ang dpag tshad 'bum phrag sum cu rtsa bzhi yod de/ rigs kyi bu/ de bzhin gshegs pa lhun po'i sgron me'i rgyal po de'i sangs rgyas kyi zhing 'jig rten gyi khams lhun po'i
318b4 rgyal mtshan de na seng ge'i khri thams cad kyi mchog yon tan thams cad dang ldan pa dag yod do/ /de nas li tsa bI dri ma med par grags pas de'i tshe de lta bu'i bsam pa kun
318b5 bsams shing / 'di lta bu'i rdzu 'phrul 'di mngon par 'du byed pa mngon par byas te/ gang 'jig rten gyi khams lhun po'i rgyal mtshan de na bcom ldan 'das de bzhin
318b6 gshegs pa lhun po'i sgron ma'i rgyal po des seng ge'i khri sum khri nyis stong bskur te/ de tsam du 'phang mtho ba/ de tsam du yangs pa/ de tsam du blta na sdug pa/ gang byang
318b7 chub sems dpa' de dag dang / nyan thos chen po de dag dang / brgya byin dang / tshangs pa dang / 'jig rten skyong ba dang / lha'i bu de dag gis sngon ma mthong ba de dag steng gi
319a1 nam mkha' las 'ongs te/ li tsa bI dri ma med par grags pa'i khyim du so sor gnas so/ /seng ge'i khri sna tshogs sum khri nyis stong ma zlos par
319a2 shong ste/ khyim de'ang de tsam du yangs par snang ngo / /yangs pa'i grong khyer chen po'ang bsgribs par gyur pa med/ dzam+bu'i gling dang / gling bzhi pa'ang bsgribs pa med de/
319a3 de dag thams cad kyang sngon ji lta ba bzhin du snang ngo / /de nas li tsa bI dri ma med par grags pas 'jam dpal gzhon nur gyur pa la 'di skad ces smras so/ /'jam
319a4 dpal/ seng ge'i khri dang 'tsham pa'i lus su byin gyis brlabs nas byang chub sems dpa' 'di dag dang seng ge'i khri la 'dug cig /de nas byang chub sems dpa'
319a5 gang mngon par shes pa thob pa de dag ni bdag gi lus dpag tshad 'bum phrag bzhi bcu rtsa gnyis par byin gyis brlabs te seng ge'i khri la 'khod do/ /byang chub sems
319a6 dpa' gang dag las dang po pa de dag ni seng ge'i khri de dag la 'dug ma nus so/ /de nas li tsa bI dri ma med par grags pas ji ltar byang chub sems dpa' de dag mngon
319a7 par shes pa lnga 'grub par 'gyur pa de lta de lta bur byang chub sems dpa' de dag la chos bstan te/ de dag gis mngon par shes pa thob nas lus dpag tshad 'bum
319b1 phrag bzhi bcu rtsa gnyis par mngon par sgrub te seng ge'i khrid dag la 'khod do/ /nyan thos chen po de dag kyang seng ge'i khri de dag la 'khod ma nus te/ de nas li tsa bI dri ma med
319b2 par grags pas tshe dang ldan pa shA ri'i bu la smras pa/ btsun pa shA ri'i bu/ seng ge'i khri la 'dug cig /smras pa/ skyes bu dam pa/ seng ge'i khri 'di dag mtho zhing che bas
319b3 'dug mi nus so/ /smras pa/ btsun pa shA ri'i bu/ bcom ldan 'das de bzhin gshegs pa lhun po'i sgron ma'i rgyal po de la phyag gyis shig dang / 'dug nus par 'gyur ro/ /
319b4 de nas nyan thos chen po de dag gis bcom ldan 'das de bzhin gshegs pa lhun po'i sgron ma'i rgyal po de la phyag btsal nas gdod de dag seng ge'i khri la 'khod do/ /de nas
319b5 tshe dang ldan pa shA ri'i bus li tsa bI dri ma med par grags pa la 'di skad ces smras so/ /rigs kyi bu/ khyim chung du'i nang du seng ge'i khri 'di lta bu'i mtho zhing che ba sna tshogs
319b6 'di lta bu stong phrag 'di snyed chud pa dang / 'di dag gis yangs pa'i grong khyer chen po'ang bsgribs par ma gyur/ dzam+bu'i gling gi grong dang / grong khyer dang / grong rdal dang / yul 'khor
319b7 dang | rgyal po'i 'khor dang / gling chen po bzhi la'ang cung zad kyang ma bsgribs/ lha dang / klu dang / gnod sbyin dang / dri za dang / lha ma yin dang / nam mkha' lding
320a1 dang mi'am ci dang / lto 'phye chen po'i gnas rnams kyang bsgribs par ma gyur te/ sngon ci 'dra ba phyis kyang de bzhin du snang ba ni ngo mtshar to/ /li tsa bI dri
320a2 ma med par grags pas smras pa/ btsun pa shA ri'i bu/ de bzhin gshegs pa dang / byang chub sems dpa' rnams la ni rnam par thar pa bsam gyis mi khyab pa zhes bya
320a3 ba yod de/ rnam par thar pa bsam gyis mi khyab pa de la gnas pa'i byang chub sems dpa' ni ri'i rgyal po ri rab de tsam du mtho ba/ de tsam du che ba/ de tsam du 'phags
320a4 pa| de tsam du yangs pa'ang yungs 'bru'i nang du 'jug ste/ yungs 'bru de'ang skyes pa'ang med/ ri rab kyang gang pa'ang med la bya ba de'ang ston to/ /rgyal chen bzhi'i ris
320a5 kyi lha rnams dang / sum cu rtsa gsum pa'i lha nams kyang bdag cag gang du bcug mi shes so/ /rdzu 'phrul gyis 'dul ba'i sems can gzhan dag gis ni ri'i rgyal po
320a6 ri rab de yungs 'bru'i nang du bcug par shes shing mthong ngo / /da ni btsun pa shA ri'i bu/ byang chub sems dpa' rnams kyi rnam par thar pa bsam gyis mi khyab pa'i
320a7 yul la 'jug pa'o/ /btsun pa shA ri'i bu/ gzhan yang / rnam par thar pa bsam gyis mi khyab pa la gnas pa'i byang chub sems dpa' rgya mtsho chen po bzhi'i chu'i phung
320b1 po rnams spu'i khung bu gcig tu blugs te/ nya dang / rus sbal dang / chu srin byis pa gsod dang / sbal pa dang / chu las skyes pa'i srog chags gzhan dag la'ang gnod par gyur
320b2 pa med/ klu dang / gnod sbyin dang / dri za dang / lha ma yin rnams kyang 'di snyam du bdag cag gar btsud snyam yang mi sems la/ bya ba de'ang snang zhing sems can de dag la
320b3 gnod cing 'khrug par gyur pa'ang med do/ /stong gsum gyi stong chen po'i 'jig rten gyi khams 'di'ang rdza mkhan gyi 'khor lo bzhin lag pa g.yas pas blangs te bskor nas
320b4 'jig rten gyi khams gangA'i klung gi bye ma snyed du 'phangs kyang sems can rnams bdag cag gang du phyung / gang nas 'ongs mi shes so/ /slar yang blangs nas gnas bzhin
320b5 du bzhag kyang 'ong ba dang / 'gro bar mi shes mod kyi bya ba de'ang kun tu snang ngo / /btsun pa shA ri'i bu/ gzhan yang / 'khor ba tshad med pas 'dul ba'i sems can dag kyang yod/
320b6 'khor ba bstung pas 'dul ba dag kyang yod de/ de la rnam par thar pa bsam gyis mi khyab pa la gnas pa'i byang chub sems dpa' ni 'khor ba tshad med pas 'dul pa'i
320b7 sems can rnams 'dul ba'i dbang gi phyir zhag bdun yang bskal pa 'das par ston te/ 'khor ba bstung bas 'dul ba'i sems can rnams la ni bskal pa'ang zhag
321a1 bdun gyis 'das par ston to/ /de la 'khor ba tshad med pas 'dul pa'i sems can rnams ni zhag bdun la'ang bskal pa 'das pa snyam
321a2 du shes so/ /gang 'khor ba bstung bas 'dul ba'i sems can de dag ni bskal pa'ang zhag bdun gyis 'das par shes so/ /de ltar rnam par thar pa bsam gyis mi
321a3 khyab pa la gnas pa'i byang chub sems dpa' ni sangs rgyas kyi zhing thams cad kyi yon tan bkod pa rnams sangs rgyas kyi zhing gcig tu ston to/ /sems can thams
321a4 cad kyang lag pa g.yas pa'i mthil du bzhag ste/ sems kyi mgyogs pa'i rdzu 'phrul gyis 'gro zhing sangs rgyas kyi zhing kun tu ston kyang sangs rgyas kyi zhing gcig nas kyang
321a5 ma g.yos so/ /phyogs bcu'i sangs rgyas bcom ldan 'das la mchod pa ji snyed yod pa de thams cad spu'i khung bu gcig tu ston to/ /phyogs bcu na zla ba dang / nyi ma dang /
321a6 skar ma'i gzugs ji snyed yod pa de thams cad kyang spu'i khung bu gcig tu ston to/ /phyogs bcu na rlung gi dkyil 'khor ldang ba ji snyed pa de thams cad kha'i nang du brdubs
321a7 kyang de'i lus zhig pa'ang med cing sangs rgyas kyi zhing de dag gi rtswa dang / nags tshal rnams nyal ba'ang med do/ /phyogs bcu'i sangs rgyas kyi zhing rnams sreg pa'i bskal
321b1 pas tshig pa'i me'i phung po de kun rang gi ltor bcug kyang gang des las bya ba de'ang byed do/ /'og tu sangs rgyas kyi zhing gang+gA'i klung gi bye ma snyed 'das pa nas sangs rgyas kyi zhing de
321b2 steng du byung ste bteg nas/ gyen du sangs rgyas kyi zhing gang+gA'i klung gi bye ma snyed 'das par steng du 'jog ste/ 'di lta ste/ dper na/ skyes bu mthu chen po zhig gis khab kyi rtse
321b3 mos rgya shug gi lo ma la btsugs te bteg pa bzhin no/ /de ltar rnam par thar pa bsam gyis mi khyab pa la gnas pa'i byang chub sems dpa' sems can thams cad 'khor
321b4 los bsgyur ba'i gzugs su byin gyis rlob bo/ /de bzhin du 'jig rten skyong ba'i gzugs su byin gyis rlob bo/ /brgya byin gyi gzugs su byin gyis rlob bo/ /tshangs pa'i
321b5 gzugs su byin gyis rlob bo/ /nyan thos kyi gzugs su byin gyis rlob bo/ /rang sangs rgyas kyi gzugs su byin gyis rlob bo/ /byang chub sems dpa'i gzugs su byin gyis
321b6 rlob bo/ /sems can thams cad sangs rgyas kyi gzugs su byin gyis rlob bo/ /phyogs bcu na sems can rab 'bring tha ma thams cad kyi sgrar grags pa dang / sgrar btags
321b7 pa gang ji snyed pa de dag thams cad sangs rgyas kyi gsung dbyangs dang / sangs rgyas kyi sgra dang / chos kyi sgra dang / dge 'dun gyi sgrar byin gyis rlob ste/ sgra dbyangs de las
322a1 kyang mi rtag pa dang / sdug bsngal ba dang / stong pa dang / bdag med pa'i sgra dbyangs 'byung bar byed de/ phyogs bcu'i sangs rgyas bcom
322a2 ldan 'das rnam pa ji snyed du bstan pas chos ston pa de dag thams cad sgra dang / dbyangs de dag las 'byung bar byed do/ /btsun pa shA ri'i bu/ 'di ni rnam par thar pa bsam
322a3 gyis mi khyab pa la gnas pa'i byang chub sems dpa' rnams kyi yul la 'jug pa cung zad tsam zhig bstan par zad de/ btsun pa shA ri'i bu/ rnam par thar pa bsam
322a4 gyis mi khyab pa la gnas pa'i byang chub sems dpa' rnams kyi yul la 'jug pa bstan pa ni bskal pa las lhag pa'am/ de las 'das pa'ang kho bos bshad do/ /de
322a5 nas gnas brtan 'od srung chen pos byang chub sems dpa'i rnam bar thar pa bsam gyis mi khyab pa bstan pa 'di thos nas ngo mtshar du gyur te/ gnas brtan shA ri'i bu
322a6 la 'di skad ces smras so/ /tshe dang ldan pa shA ri'i bu/ 'di lta ste/ dper na/ mi dmus long gi mdun du la las gzugs su gyur pa thams cad bstan kyang dmus long
322a7 nges gzugs gcig kyang mi mthong ba de bzhin du/ tshe dang ldan pa shA ri'i bu/ rnam par thar pa bsam gyis mi khyab pa'i sgo 'di bstan pa'i tshe nyan thos dang / rang sangs rgyas
322b1 thams cad dmus long dang 'dra bar mig med de/ bsam gyis mi khyab pa'i rgyu gcig tsam yang mngon du ma gyur na/ rnam par thar pa bsam gyis mi khyab pa 'di thos nas mkhas
322b2 pa su zhig bla na med pa yang dag par rdzogs pa'i byang chub tu sems mi skyed/ dbang po shin tu nyams pa/ sa bon tshig pa dang / rul pa ltar theg pa chen po 'di la snod du ma gyur na
322b3 da ji ltar bya/ nyan thos dang / rang sangs rgyas thams cad kyis chos bstan pa 'di thos nas cho nges btab ste/ stong gsum gyi stong chen po'i 'jig rten gyi khams su go bar byas so/ /
322b4 byang chub sems dpa' thams cad kyis ni rnam par thar pa bsam gyis mi khyab pa 'di thos na rgyal bu gzhon nus cod pa na blang ba bzhin du rab tu dga' bas spyi bor blang zhing
322b5 'di la mos pa'i stobs shin tu bskyed par bya'o/ /gang rnam par thar pa bsam gyis mi khyab pa 'di la mos pa de la bdud thams cad kyang ci zhig byed par 'gyur/ gnas
322b6 brtan 'od srung chen pos bstan pa 'di bshad pa na lha'i bu sum khri nyis stong gis bla na med pa yang dag par rdzogs pa'i byang chub tu sems bskyed do/ /de nas li tsa bI dri ma med
322b7 par grags pas gnas brtan 'od srung chen po la 'di skad ces smras so/ /btsun pa 'od srung chen po/ phyogs bcu'i 'jig rten gyi khams dpag tu med pa dag na bdud ji snyed
323a1 bdud byed pa de dag thams cad kyang rnam par thar pa bsam gyis mi khyab pa la gnas pa'i byang chub sems dpa' rnams thabs la mkhas
323a2 pas sems can yongs su smin par bya ba'i phyir bdud byed do/ /btsun pa 'od srung chen po/ phyogs bcu'i 'jig rten gyi khams dpag tu med pa dag na byang chub sems
323a3 dpa' la slong ba gang dag gis lag pa'am/ rkang pa'am/ rna ba'am/ sna'am/ khrag gam/ rgyus pa'am/ rus pa'am/ rkang pa'am/ mig gam/ ro stod dam/ mgo
323a4 'am| yan lag dang / nying lag gam/ rgyal po'i srid dam/ yul 'khor ram/ ljongs sam/ chung ma dang / bu pho dang / bu mo dang / bran pho dang / bran mo dang / rta dang /
323a5 glang po che dang / shing rta dang / bzhon pa dang / gser dang / dngul dang / nor bu dang / mu tig dang / dung dang / man shel dang / byu ru dang / bai DUR+ya dang / nor bu
323a6 rin po che rnams kyang rung / bza' ba dang / btung ba dang / bro ba rnams sam/ gos rnams kyang rung / nyam nga bar byas te slong ba de dag thams cad kyang phal cher rnam
323a7 par thar pa bsam gyis mi khyab pa la gnas pa'i byang chub sems dpa' rnams te/ thabs la mkhas pas lhag pa'i bsam pa brtan pa 'di ston to/ /de ci'i phyir zhe na/
323b1 btsun pa 'od srung chen po/ byang chub sems dpa' rnams ni dka' thub drag pas na de lta bur ston te/ go skabs ma phye bar byang chub sems dpa' la nyam nga bar byed pa'i mthu
323b2 skye bo phal la med do/ /go skabs ma phye bar gsad pa'am/ bslang bar yang mi nus so/ /btsun pa 'od srung / 'di lta ste/ dper na/ srin bu me khyer gyis nyi ma'i dkyil 'khor
323b3 gyi 'od zil gyis mnan par mi nus pa de bzhin du/ btsun pa 'od srung / go skabs ma phye bar byang chub sems dpa'i thad du 'gro ba'am/ bslang bar mi nus so/ /btsun pa
323b4 'od srung chen po/ 'di lta ste/ dper na/ bal glang glang po che la brdeg pa ni bong bus bzod par mi nus te/ de bzhin du/ btsun pa 'od srung chen po/ byang chub sems dpa'
323b5 ma yin pas byang chub sems dpa' la nyam nga bar byed mi nus kyi byang chub sems dpa' nyid byang chub sems dpa' la nyam nga bar byed de/ byang chub sems dpa' nyam nga bar byas pa byang
323b6 chub sems dpas bzod do/ /btsun pa 'od srung chen po/ de ni rnam par thar pa bsam gyis mi khyab pa la gnas pa'i byang chub sems dpa' rnams kyi thabs shes pa'i stobs la
323b7 'jug pa'o/ /rnam par thar pa bsam gyis mi khyab pa bstan pa'i le'u ste lnga pa'o// //de nas 'jam dpal gzhon nur gyur pas li tsa bI dri ma med par grags
324a1 pa la 'di skad ces smras so/ /skyes bu dam pa/ byang chub sems dpas sems can thams cad la ji ltar blta bar bya/ smras pa/ 'jam dpal/
324a2 'di lta ste/ dper na/ skyes bu mkhas pa chu zla la lta ba de bzhin du byang chub sems dpas sems can thams cad la blta bar bya'o/ /'jam dpal/ 'di lta ste/
324a3 dper na/ sgyu ma mkhan dag sgyu ma mkhan gyis sprul pa'i mi la lta ba de bzhin du byang chub sems dpas sems can thams cad la blta bar bya'o/ /'jam dpal/
324a4 'di lta ste/ dper na/ me long gi dkyil 'khor la bzhin lta ba de bzhin du byang chub sems dpas sems can thams cad la blta bar bya'o/ /'jam dpal/ 'di lta
324a5 ste| dper na/ smig rgyu'i chu ltar byang chub sems dpas sems can thams cad la blta bar bya'o/ /'jam dpal/ 'di lta ste/ dper na/ brag ca'i sgra skad lta
324a6 bur byang chub sems dpas sems can thams cad la blta bar bya'o/ /'jam dpal/ 'di lta ste/ dper na/ nam mkha' la sprin gyi phung po lta bur byang chub
324a7 sems dpas sems can thams cad la blta bar bya'o/ /'jam dpal/ 'di lta ste/ dper na/ dbu ba rdos pa'i sngon gyi mtha' lta bur byang chub sems dpas
324b1 sems can thams cad la blta bar bya'o/ /'jam dpal/ 'di lta ste/ dper na/ chu'i chu bur 'byung ba dang / 'jig pa ltar byang chub sems dpas sems can thams cad
324b2 la so sor brtag go /'jam dpal/ 'di lta ste/ dper na/ chu shing la snying po lta ba ltar byang chub sems dpas sems can thams cad la so sor brtag go /'jam
324b3 dpal/ 'di lta ste/ dper na/ glog gi 'pho ba ltar byang chub sems dpas sems can thams cad la so sor brtag go /'jam dpal/ 'di lta ste/ dper na/ khams
324b4 lnga po ltar byang chub sems dpas sems can thams cad la so sor brtag go /'jam dpal/ 'di lta ste/ dper na/ skye mched bdun po ltar byang chub sems dpas
324b5 sems can thams cad la so sor brtag go /'jam dpal/ 'di lta ste/ dper na/ gzugs med pa dag la gzugs su snang da ltar byang chub sems dpas sems can
324b6 thams cad la so sor brtag go /'jam dpal/ 'di lta ste/ dper na/ sa bon brngos pa las myu gu 'grub pa ltar byang chub sems dpas sems can thams cad la so sor
324b7 brtag go /'jam dpal/ 'di lta ste/ dper na/ sbal ba'i spu'i gos ltar byang chub sems dpas sems can thams cad la so sor brtag go /'jam dpal/ 'di lta ste/
325a1 dper na/ shi ba 'dod pa'i rtsed mo la dga' ba ltar byang chub sems dpas sems can thams cad la so sor brtag go /'jam dpal/ 'di
325a2 lta ste/ dper na/ rgyun du zhugs pa'i 'jig tshogs la lta ba ltar byang chub sems dpas sems can thams cad la so sor brtag go /'jam dpal/ 'di lta ste/ dper
325a3 na| lan gcig phyir 'ong bas srid pa gsum po ltar byang chub sems dpas sems can thams cad la so sor brtag go /'jam dpal/ 'di lta ste/ dper na/ phyir
325a4 mi 'ong ba la mngal du 'jug pa ltar byang chub sems dpas sems can thams cad la so sor brtag go /'jam dpal/ 'di lta ste/ dper na/ dgra bcom pa la 'dod
325a5 chags dang / zhe sdang dang / gti mug bzhin du byang chub sems dpas sems can thams cad la so sor brtag go /'jam dpal/ 'di lta ste/ dper na/ bzod pa thob
325a6 pa'i byang chub sems dpa' la ser sna dang / 'chal ba'i tshul khrims dang / gnod sems dang / rnam par 'tshe ba'i sems bzhin du byang chub sems dpas sems
325a7 can thams cad la so sor brtag go /'jam dpal/ 'di lta ste/ dper na/ de bzhin gshegs pa la bag chags bzhin du byang chub sems dpas sems can thams
325b1 cad la so sor brtag go /'jam dpal/ 'di lta ste/ dper na/ mi dmus long gis gzugs mthong ba ltar byang chub sems dpas sems can thams cad la so sor brtag
325b2 go |'jam dpal/ 'di lta ste/ dper na/ 'gog pa la snyoms par zhugs pa'i dbugs 'byung ba dang / rdub pa de bzhin du byang chub sems dpas sems can thams cad la
325b3 so sor brtag go /'jam dpal/ 'di lta ste/ dper na/ nam mkha' la bya'i rjes bzhin du byang chub sems dpas sems can thams cad la so sor brtag go /'jam dpal/
325b4 'di lta ste/ dper na/ ma ning la pho mtshan skye ba bzhin du byang chub sems dpas sems can thams cad la so sor brtag go /'jam dpal/ 'di lta ste/ dper na/ mo gsham
325b5 gyi bu rnyed pa bzhin du byang chub sems dpas sems can thams cad la so sor brtag go /'jam dpal/ 'di lta ste/ dper na/ de bzhin gshegs pas sprul pa'i nyon mongs
325b6 pa ma skyes pa de bzhin du byang chub sems dpas sems can thams cad la so sor brtag go /'jam dpal/ 'di lta ste/ dper na/ rmi lam na snang ba sad na mthong ba bzhin du
325b7 byang chub sems dpas sems can thams cad la so sor brtag go /'jam dpal/ 'di lta ste/ dper na/ kun tu mi rtog pa la nyon mongs pa bzhin du byang chub sems
326a1 dpas sems can thams cad la so sor brtag go /'jam dpal/ 'di lta ste/ dper na/ rgyu med pa las me 'byung ba bzhin du byang chub
326a2 sems dpas sems can thams cad la so sor brtag go /'jam dpal/ 'di lta ste/ dper na/ yongs su mya ngan las 'das pa'i nyid mtshams sbyar ba bzhin du byang chub
326a3 sems dpas sems can thams cad la so sor brtag go /'jam dpal/ de lta bur yang dag pa nyid bdag med par rab tu rtogs pas byang chub sems dpas sems
326a4 can thams cad la so sor brtag go /smras pa/ rigs kyi bu/ gal te byang chub sems dpas sems can thams cad la de lta bur so sor brtags na ji ltar na sems
326a5 can thams cad la byams pa chen po skye bar 'gyur/ smras pa/ 'jam dpal/ nam byang chub sems dpa' de ltar so sor rtog pa na de ltar chos yongs su shes nas
326a6 sems can 'di dag la'ang bdag gis chos bstan to snyam ste/ de bas na de sems can thams cad la yang dag pa'i skyabs kyi byams pa skye ste/ len pa med pa'i phyir nye
326a7 bar zhi ba'i byams pa'o/ /nyon mongs pa med pas gdung ba med pa'i byams pa'o/ /dus gsum mnyam pa nyid kyi phyir ci bzhin pa nyid kyi byams pa'o/ /kun nas ldang ba
326b1 med pa'i phyir 'gal ba med pa'i byams pa'o/ /phyi nang ma 'dres pa'i phyir gnyis su med pa'i byams pa'o/ /shin tu mthar thug pa'i phyir mi 'khrugs pa'i byams pa'o/ /bsam
326b2 pa rdo rje lta bur mi phyed pa'i phyir brtan pa'i byams pa'o/ /rang bzhin gyis yongs su dag pa'i phyir yongs su dag pa'i byams pa'o/ /bsam pa mnyam pa'i phyir mnyam pa'i
326b3 byams pa'o/ /dgra bcom pa'i phyir dgra bcom pa'i byams pa'o/ /sems can yongs su smin par bya ba rgyun mi 'chad pa'i phyir byang chub sems dpa'i byams pa'o/ /yang
326b4 de bzhin nyid khong du chud pa'i phyir de bzhin gshegs pa'i byams pa'o/ /sems can gnyid kyis log pa rab tu sad par byed pa'i phyir sangs rgyas kyi byams pa'o/ /rang
326b5 mngon par rdzogs par byang chub pa'i phyir rang byung gi byams pa'o/ /ro mtshungs pa'i phyir byang chub kyi byams pa'o/ /rjes su chags pa dang / khong khro ba spangs pa'i phyir
326b6 sgro btags pa med pa'i byams pa'o/ /theg pa chen po yongs su snang bar byed pa'i phyir snying rje chen po'i byams pa'o/ /stong pa dang / bdag med par so sor rtog pa'i phyir
326b7 yongs su mi skyo ba'i byams pa'o/ /slob dpon dpe mkhyud med pa'i phyir chos kyi sbyin pa'i byams pa'o/ /tshul khrims 'chal pa'i sems can la lta ba'i phyir tshul khrims
327a1 kyi byams pa'o/ /bdag dang / pha rol srung ba'i phyir bzod pa'i byams pa'o/ /sems can thams cad kyi khur khyer ba'i phyir brtson 'grus kyi
327a2 byams pa'o/ /ro myang ba med pa'i phyir bsam gtan gyi byams pa'o/ /dus su thob par byed pa'i phyir shes rab kyi byams pa'o/ /thams cad du sgo ston pa'i phyir thabs kyi
327a3 byams pa'o/ /bsam pa rnam par dag pa'i phyir tshul 'chos pa med pa'i byams pa'o/ /bsam pa thag pa nas byed pa'i phyir g.yo med pa'i byams pa'o/ /nyon mongs pa
327a4 med pa'i phyir lhag pa'i bsam pa'i byams pa'o/ /bcos ma ma yin pa'i phyir sgyu med pa'i byams pa'o/ /sangs rgyas kyi bde ba la 'god pa'i phyir bde ba'i byams pa ste/
327a5 'jam dpal/ de ni byang chub sems dpa'i byams pa'o/ /smras pa/ de'i snying rje chen po gang yin/ smras pa/ dge ba'i rtsa ba ci byas pa sems can thams cad la gtong
327a6 ba'o| |smras pa/ de'i dga' ba chen po gang yin/ smras pa/ gang byin nas yid dga' bar gyur te mi 'gyod pa'o/ /smras pa/ de'i btang snyoms gang yin/ smras pa/ gang
327a7 gnyis ka'i don du 'gyur ba'o/ /smras pa/ 'khor ba'i 'jigs pas skrag pa gang la brten par bya/ smras pa/ 'jam dpal/ byang chub sems dpa' 'khor ba'i
327b1 'jigs pas skrag pa ni sangs rgyas kyi che ba nyid la brten par bya'o/ /smras pa/ sangs rgyas kyi che ba nyid la gnas par 'dod pas gang la gnas par bya/ smras pa/ sangs
327b2 rgyas kyi che ba nyid la gnas par 'dod pas sems can thams cad la snyoms par gnas par bya'o/ /smras pa/ sems can thams cad la snyoms par gnas par 'dod pas
327b3 gang la gnas par bya/ smras pa/ sems can thams cad la snyoms par gnas par 'dod pas sems can thams cad rab tu thar bar bya ba'i phyir gnas par bya'o/ /
327b4 smras pa/ sems can thams cad rab tu thar bar bya ba'i 'dod pas ji lta bur bya/ smras pa/ sems can thams cad rab tu thar bar bya bar 'dod pas nyon mongs pa las
327b5 rab tu thar bar bya'o/ /smras pa/ nyon mongs pa spang bar 'dod pas ji ltar rab tu sbyar bar bya/ smras pa/ nyon mongs pa spang bar 'dod pas tshul bzhin rab tu sbyar bar
327b6 bya'o| |smras pa/ ji lta bur rab tu sbyar na/ tshul bzhin du rab tu sbyor ba yin/ smras pa/ skye ba med pa dang / 'gag pa med pa la rab tu sbyor ba ni tshul bzhin du rab tu
327b7 sbyor ba yin no/ /smras pa/ ci mi skyed/ ci mi 'gog /smras pa/ mi dge ba rnams mi skyed cing / dge ba rnams kyis mi 'gog go /smras pa/ dge ba dang / mi dge ba'i rtsa ba
328a1 gang | smras pa/ 'jig tshogs ni rtsa ba'o/ /smras pa/ 'jig tshogs kyi rtsa ba gang / smras pa/ 'jig tshogs kyi rtsa ba ni 'dod pa dang / chags pa'o//
328a2 smras pa/ 'dod pa dang / chags pa'i rtsa ba gang / smras pa/ 'dod pa dang / chags pa'i rtsa ba ni yang dag pa ma yin pa kun rtog pa'o/ /smras pa/ yang dag pa ma yin pa kun
328a3 tu rtog pa'i rtsa ba gang / smras pa/ yang dag pa ma yin pa kun rtog pa'i rtsa ba ni phyin ci log gi 'du shes so/ /smras pa/ phyin ci log gi 'du shes kyi rtsa ba gang / smras pa/
328a4 phyin ci log gi 'du shes kyi rtsa ba ni rten med pa'o/ /smras pa/ rten med pa'i rtsa ba gang / smras pa/ 'jam dpal/ gang rten med pa de'i rtsa bar 'gyur ba ci zhig yod de/ de
328a5 ltar chos thams cad ni rten med pa'i rtsa ba la gnas pa'o/ /de nas khyim de na gang gnas pa'i lha mo des byang chub sems dpa' sems dpa' chen po de dag
328a6 gi chos bstan pa 'di thos nas dga' zhing mgu la yi rangs te bdag gi lus rags pa bstan nas lha'i me tog dag gis byang chub sems dpa' sems dpa' chen po
328a7 de dag dang / nyan thos chen po de dag la mngon par gtor te/ gtor ba dang byang chub sems dpa' rnams kyi lus la me tog gang dag bab pa de dag ni sa la lhung ngo //
328b1 nyan thos chen po rnams kyi lus la me tog gang dag bab pa de dag ni de nyid du chags nas sa la ma lhung ngo / /de nas nyan thos chen po de dag rdzu 'phrul gyi cho 'phrul gyis me tog de dag
328b2 sprugs kyang ma lhung ngo / /de nas lha mo des tshe dang ldan pa shA ri'i bu la 'di skad ces smras so/ /btsun pa shA ri'i bu/ me tog 'di dag sprugs te ci bya/ smras pa/ lha mo/ me tog 'di dag
328b3 ni rung ba ma yin pas na bdag me tog 'di dag 'dor ro/ /lha mos smras pa/ btsun pa shA ri'i bu/ de skad ma smra zhig /de ci'i phyir zhe na/ me tog 'di dag ni rung ba yin no/ /de ci'i
328b4 phyir zhe na/ 'di ltar me tog de dag ni mi rtog /rnam par mi rtog pa ste/ gnas brtan shA ri'i bu/ nyid rtog cing rnam par rtog go /btsun pa shA ri'i bu/ gang dag legs par gsungs
328b5 pa'i chos 'dul ba la rab tu byung nas rtog pa dang / rnam par rtog pa de dag ni rung ba ma yin pa'o/ /gnas brtan ni rtog cing rnam par rtog ste/ gang dag ma rtog pa de dag ni rung ba'o//
328b6 btsun pa shA ri'i bu/ 'di ltar rtog pa dang / rnam par rtog pa spangs pa'i phyir byang chub sems dpa' sems dpa' chen po 'di dag gi lus la me tog mi chags pa la ltos/ 'di lta ste/
328b7 dper na/ /'jigs pa'i rang bzhin can gyi mi la ni mi ma yin pa rnams kyis glags rnyed do/ /de bzhin du 'khor ba'i 'jigs pas skrag pa rnams la ni gzugs dang / sgra
329a1 dang / dri dang / ro dang / reg byas glags rnyed par 'gyur ro/ /gang dag 'du byed thams cad kyi nyon mongs pa'i 'jigs pa dang bral ba de
329a2 dag la gzugs dang / sgra dang / dri dang / ro dang / reg byas ci zhig byar yod/ gang dag bag chags ma spangs pa de dag la ni me tog kyang 'chags kyi/ gang dag bag chags
329a3 spangs pa de dag gi lus la me tog mi chags te/ de bas na bag chags thams cad spangs pa rnams kyi lus la me tog mi chags so/ /de nas tshe dang ldan pa shA ri'i bus lha mo
329a4 de la 'di skad ces smras so/ /lha mo/ khyod khyim 'di'i nang du zhugs nas yun ji srid cig lon/ lha mos smras pa/ gnas brtan gyis rnam par grol ba la zhugs nas yun ji
329a5 srid pa'o/ /smras pa/ lha mo/ khyod khyim 'dir gnas nas ring po ma lon pa lta zhig /smras pa/ gnas brtan gyis rnam par grol ba la zhugs nas ji srid lon/ de nas
329a6 gnas brtan cing mi zer bar gyur to/ /smras pa/ gnas brtan shes rab chen po dang ldan pa'i mchog ni ci'i phyir mi smra zhing da dus la bab na dris pa'i lan mi slan/ smras
329a7 pa| lha mo/ rnam par grol ba ni brjod du med na de ji skad du brjod mi shes so/ /smras pa/ gnas brtan gyis gang yi ger brjod pa de thams cad kyang rnam par grol ba'i
329b1 mtshan nyid do/ /de ci'i phyir zhe na/ rnam par grol ba gang yin pa de ni nang na'ang med/ phyi rol na'ang med/ gnyis ka med par yang mi dmigs so/ /de bzhin du yi ge de nang
329b2 na'ang med/ phyi rol na'ang med/ gnyis ka med par mi dmigs so/ /de lta bas na/ btsun pa shA ri'i bu/ yi ge bsal bas rnam par grol ba ma ston cig /de ci'i phyir zhe na/
329b3 chos thams cad mnyam pa ni 'phags pa'i rnam par grol ba yin pa'i phyir ro/ /smras pa/ lha mo/ 'dod chags dang / zhe sdang dang / gti mug dang bral ba'i phyir rnam par
329b4 grol ba ma yin nam/ lha mos smras pa/ 'dod chags dang / zhe sdang dang / gti mug dang bral bas rnam par grol ba'o zhes bya ba 'di ni mngon pa'i nga rgyal can rnams la
329b5 bstan pa ste/ gang dag mngon pa'i nga rgyal med pa de dag la ni 'dod chags dang / zhe sdang dang / gti mug gi rang bzhin nyid rnam par grol ba'o/ /de nas tshe dang ldan pa shA
329b6 ri'i bus lha mo de la 'di skad ces smras so/ /legs so/ /legs so/ /lha mo/ khyod kyis ci thob cing ci mngon du byas nas khyod de lta bu'i spobs pa dang ldan/ smras pa/ btsun pa
329b7 shA ri'i bu/ bdag gis ni ci'ang thob pa'ang med/ mngon sum du byas pa'ang med de/ des na bdag gi spobs pa 'di 'dra'o/ /gang dag 'di snyam du bdag gis thob cing
330a1 mngon sum du byas so snyam pa de dag ni legs par gsungs pa'i chos 'dul ba la nga rgyal can zhes bya'o/ /smras pa/ lha mo/ khyod nyan thos kyi theg
330a2 pa pa'am/ rang sangs rgyas kyi theg pa pa'am/ theg pa chen po pa'am/ smras pa/ bdag ni nyan thos kyi theg pa ston pas na nyan thos kyi theg pa can no/ /bdag ni rten 'brel
330a3 bcu gnyis kyi sgo nas 'jug pas na rang sangs rgyas kyi theg pa can no/ /bdag ni snying rje chen po mi gtong bas na theg pa chen po pa yin mod kyi/ 'on kyang / btsun pa shA ri'i bu//
330a4 dper na/ tsam+ba ka'i tshal du zhugs na e raN+Da'i dri la mi snom gyi/ tsam+ba ka'i tshal du zhugs na tsam+ba ka nyid kyi dri la snom pa de bzhin du/ btsun pa shA ri'i bu/ khyim 'di na
330a5 sangs rgyas kyi chos kyi yon tan dri ngad ldan pa gnas pas nyan thos dang / rang sangs rgyas kyi dri la mi snom mo/ /btsun pa shA ri'i bu/ khyim 'dir brgya byin dang / tshangs pa dang /
330a6 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang dag khyim
330a7 'dir gnas pa de dag kyang skyes bu dam pa 'di'i chos thos pas sangs rgyas kyi chos kyi yon tan gyi dris byang chub kyi sems bskyed de dong ngo / /btsun pa shA ri'i bu/
330b1 bdag khyim 'di la lo bcu gnyis lon yang byams pa chen po dang / snying rje chen por ldan pa dang / bsam gyis mi khyab pa'i sangs rgyas kyi chos dang ldan pa ma gtogs par nyan
330b2 thos dang / rang sangs rgyas dang ldan pa'i gtam sngon ma thos so/ /btsun pa shA ri'i bu/ khyim 'di ni ngo mtshar rmad du byung ba'i chos rnam pa brgyad rtag tu rgyun mi 'chad par snang
330b3 ngo| |brgyad po gang zhe na/ khyim 'di ni gser gyi kha dog gi 'od rtag tu rgyun mi 'chad pas na mtshan mo'am/ nyin bar du'ang mi mngon/ khyim 'dir zla ba dang / nyi ma'ang mi mngon
330b4 mi snang ste/ de ni ngo mtshar rmad du byung ba'i chos dang ldan pa dang po'o/ /btsun pa shA ri'i bu/ gzhan yang / gang dag khyim 'dir zhugs pa de dag zhugs ma thag tu nyon mongs pas
330b5 gtse ba med de/ de ni ngo mtshar rmad du byung ba'i chos gnyis pa'o/ /btsun pa shA ri'i bu/ gzhan yang / khyim 'di na rtag tu brgya byin dang / tshangs pa dang / 'jig rten skyong ba
330b6 dang / sangs rgyas kyi zhing thams cad nas lhags pa'i byang chub sems dpa' rnams dang mi 'bral te/ de ni ngo mtshar rmad du byung ba'i chos gsum pa'o/ /gzhan yang / btsun
330b7 pa shA ri'i bu/ khyim 'di na rtag tu rgyun mi 'chad par chos bsgrags pa dang / pha rol tu phyin pa drug dang ldan pa'i gtam dang / phyir mi ldog pa'i chos kyi 'khor lo'i gtam
331a1 dang mi 'bral te/ de ni ngo mtshar rmad du byung ba'i chos bzhi pa'o/ /gzhan yang / btsun pa shA ri'i bu/ khyim 'di na rtag tu lha dang / mi'i
331a2 rnga dang / glu'i dbyangs dang / rol mo byed de/ rnga de dag las sangs rgyas kyi chos tshad med pa bsgrub pa'i sgra dus thams cad du 'byung ste/ 'di ni ngo mtshar rmad du byung ba'i
331a3 chos lnga pa'o/ /btsun pa shA ri'i bu/ gzhan yang / khyim 'di na rin po che thams cad kyis gang ba zad mi shes pa'i gter chen po bzhi yod de/ de'i mthus sems can dbul
331a4 zhing phongs pa thams cad kyis khyer te/ dong yang zad mi shes te/ de ni ngo mtshar rmad du byung ba'i chos drug pa'o/ /btsun pa shA ri'i bu/ gzhan yang / khyim 'di na de bzhin
331a5 gshegs pa shAkya thub pa dang / snang ba mtha' yas dang / mi 'khrugs pa dang / dkon mchog dpal dang / dkon mchog 'od 'phro dang / dkon mchog zla ba dang / dkon
331a6 mchog bkod pa dang / bzod dka' dang / don thams cad grub pa dang / rin chen mang dang / seng ge bsgrags pa dang / seng ge'i sgra de bzhin gshegs pa la sogs pa
331a7 phyogs bcu'i de bzhin gshegs pa tshad med pa rnams skyes bu dam pa 'dis bsams ma thag tu kun gshegs te/ gshegs nas kyang de bzhin gshegs pa'i gsang
331b1 ba zhes bya ba'i chos kyi sgo la 'jug pa bstan nas slar gshegs te/ de ni ngo mtshar rmad du byung ba'i chos bdun pa'o/ /btsun pa shA ri'i bu/ gzhan yang / khyim 'di na lha thams
331b2 cad kyi gnas kyi bkod pa dang / sangs rgyas kyi zhing gi yon tan bkod pa thams cad snang ste/ de ni ngo mtshar rmad du byung ba'i chos brgyad pa'o/ /btsun pa shA ri'i bu/ khyim 'di
331b3 ni ngo mtshar rmad du byung ba'i chos brgyad po de dag snang ste/ 'di lta bu bsam gyis mi khyab pa'i chos mthong na nyan thos kyi chos la su zhig 'dod par 'gyur/ smras pa/ lha mo/
331b4 khyod bud med kyi dngos po las bsgyur na ci nyes/ smras pa/ bdag gi lo bcu gnyis kyi bar du bud med kyi dngos po btsal na'ang da dung ma rnyed do/ /btsun pa shA ri'i bu/
331b5 sgyu ma mkhan gyis bud med sprul pa de la/ 'di ltar/ khyod/ bud med kyi dngos po las bsgyur na ci nyes zhes byas na de ji skad zer bar 'gyur/ smras pa/ de la yang dag pa yongs su
331b6 grub pa gang yang med do/ /smras pa/ btsun pa shA ri'i bu/ de bzhin du chos thams cad yongs su ma grub pa ste/ sgyu mas sprul pa'i ngo bo nyid la bud med kyi dngos po las bsgyur
331b7 na ci nyes zhes khyod de snyam du sems/ de nas lha mo des 'di lta bur byin gyis brlab pa byin gyis brlabs nas ji lta bur gnas brtan shA ri'i bu lha mo de ci 'dra ba de 'dra bar
332a1 snang ste/ lha mo de'ang gnas brtan shA ri'i bu ci 'dra bar de 'dra bar snang ngo / /de nas lha mo shA ri'i bu'i gzugs su gyur pa des shA ri'i bu lha
332a2 mo'i gzugs su gyur pa de la 'di ltar/ btsun pa shA ri'i bu/ bud med kyi dngos po las bsgyur na ci nyes zhes dris so/ /shA ri'i bu lha mo'i gzugs su gyur pas 'di
332a3 skad ces smras so/ /kho bo skyes pa'i gzugs ni mi snang bar gyur te/ kho bo bud med kyi lus su gyur nas gang bsgyur mi shes so/ /smras pa/ gal te gnas brtan gyis bud
332a4 med kyi gzugs las slar bsgyur nus na ni bud med thams cad kyis bud med kyi dngos po las 'gyur ro/ /ji ltar gnas brtan bud med du snang ba de bzhin du bud med thams cad kyang bud med
332a5 gyi gzugs su snang ste/ bud med ma yin pa las bud med kyi gzugs su snang ngo / /de la dgong te bcom ldan 'das kyis chos thams cad bud med kyang ma yin/ skyes pa'ang ma yin
332a6 zhes gsungs so/ /de nas lha mo des byin gyis brlabs de btang ba dang / tshe dang ldan pa shA ri'i bu slar yang bdag gi gzugs dang ldan par gyur to/ /de nas lha mo des
332a7 shA ri'i bu la 'di skad ces smras so/ /btsun pa shA ri'i bu/ khyod kyis bud med kyi gzugs su byas pa de ga re/ smras pa/ bdag gis byas pa'ang med/ bsgyur ba'ang
332b1 med do/ /smras pa/ de bzhin du chos thams cad kyang byas pa'ang med/ bsgyur ba'ang med do/ /gang ma byas shing bsgyur ba med pa de ni sangs rgyas kyi bka'o/ /smras pa/ lha mo
332b2 khyod 'di nas shi 'phos na gang du skye/ smras pa/ de bzhin gshegs pas sprul pa de gar skye bar bdag kyang der skye'o/ /smras pa/ de bzhin gshegs pas sprul pa la ni 'chi
332b3 'pho'ang med/ skye ba'ang med do/ /smras pa/ chos thams cad kyang de bzhin te/ 'chi 'pho med cing skye ba med do/ /smras pa/ lha mo khyod ji srid na byang chub mngon par rdzogs par
332b4 'tshang rgya bar 'gyur/ smras pa/ gang gi tshe gnas brtan khyod so so'i skye bo'i chos dang ldan par 'gyur ba de'i tshe bdag kyang byang chub mngon par rdzogs par 'tshang rgya'o/ /
332b5 smras pa/ lha mo/ kho bo so so'i skye bo'i chos dang ldan par 'gyur ba de ni gnas ma yin no/ /smras pa/ btsun pa shA ri'i bu/ de bzhin du bdag kyang byang chub mngon par rdzogs
332b6 par 'tshang rgya ba de ni gnas ma yin no/ /de ci'i phyir zhe na/ byang chub ni gnas ma yin pa la gnas pa'i phyir te/ de lta bas na gnas ma yin pa la ni su'ang mngon par rdzogs
332b7 par 'tshang rgya ba med do/ /gnas brtan shA ri'i bus smras pa/ de bzhin gshegs pas gsungs pa ni gang+gA'i klung gi bye ma snyed kyi de bzhin gshegs pa rnams mngon par rdzogs
333a1 par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro zhes gsungs so/ /lha mos
333a2 smras pa/ btsun pa shA ri'i bu/ 'das pa dang / ma 'ongs pa dang / da ltar byung ba'i sangs rgyas rnams zhes bya ba de ni yi ge bgrang ba'i brda'i tshig bla dwags te/ sangs
333a3 rgyas rnams ni 'das pa'am/ ma 'ongs pa'am/ da ltar byung ba ma yin te/ byang chub ni dus gsum las yang dag par 'das pa'o/ /gnas brtan gyis dgra bcom pa
333a4 thob bam/ smras pa/ thob pa med pa'i rgyus thob bo/ /smras pa/ de bzhin du mngon par rdzogs par byang chub pa med pa'i rgyus mngon par rdzogs par byang chub bo/ /de
333a5 nas li tsa bI dri ma med par grags pas tshe dang ldan pa gnas brtan shA ri'i bu la 'di skad ces smras so/ /btsun pa shA ri'i bu/ lha mo 'di ni sangs rgyas bye ba khrag khrig
333a6 phrag dgu bcu rtsa gnyis la bsnyen bkur byas te/ mngon par shes pa'i ye shes la rnam par rtse ba/ smon lam las yang dag par byung ba/ bzod pa thob pa/ phyir mi
333a7 ldog pa la yang dag par zhugs pa ste/ sems can yongs su smin par bya ba'i phyir smon lam gyi dbang gis ji ltar 'dod pa de bzhin du gnas so/ /lha mo'i le'u ste
333b1 drug pa'o// //de nas 'jam dpal gzhon nur gyur bas li tsa bI dri ma med par grags pa la 'di skad ces smras so/ /rigs kyi bu/ ji ltar na byang chub sems dpa'
333b2 sangs rgyas kyi chos rnams la 'gro bar song ba yin/ smras pa/ 'jam dpal/ gang gi tshe byang chub sems dpa' 'gro ba ma yin par 'gro ba de'i tshe byang chub sems dpa' sangs
333b3 rgyas kyi chos rnams la 'gro bar song ba yin no/ /smras pa/ byang chub sems dpas 'gro ba ma yin par 'gro ba gang / smras pa/ gang gi tshe mtshams med pa lnga'i 'gro bar
333b4 'gro'ang gnod sems dang / rnam par 'tshe ba dang / rab tu sdang bar mi 'gyur ro/ /sems can dmyal ba'i 'gro bar 'gro'ang nyon mongs pa'i rdul thams cad dang bral ba
333b5 yin| dud 'gro'i 'gro bar 'gro'ang glen pa'i mun pa mun gnag dang bral ba yin/ lha ma yin du 'gro bar 'gro'ang nga rgyal dang / rgyags pa dang / dregs pa med pa yin/
333b6 gshin rje'i 'jig rten du 'gro bar 'gro'ang bsod nams dang / ye shes kyi tshogs thams cad blangs pa yin/ mi g.yo ba dang / gzugs med pa'i 'gro bar 'gro'ang de'i 'gro ba la
333b7 yang dag par 'jug pa ma yin/ 'dod chags kyi 'gro bar 'gro'ang 'dod pa'i longs spyod thams cad la 'dod chags dang bral ba yin/ zhe sdang gi 'gro bar 'gro'ang sems
334a1 can thams cad la khong khro ba med pa yin/ gti mug gi 'gro bar 'gro'ang chos thams cad la shes rab kyis nges par rtogs pa'i sems pa
334a2 dang ldan pa yin/ ser sna'i 'gro bar 'gro'ang lus dang / srog la mi lta bas phyi nang gi dngos po yongs su gtong ba yin/ tshul khrims 'chal ba'i 'gro bar 'gro'ang kha na ma
334a3 tho ba cung zad la'ang 'jigs par lta zhing sbyangs pa'i yon tan dang / yo byad bsnyungs pa thams cad la gnas pa yin/ gnod sems kyi tha ba dang / khong khro ba'i 'gro bar 'gro'ang
334a4 shin tu gnod sems med cing byams pa la gnas pa yin/ le lo'i 'gro bar 'gro'ang brtson 'grus rtsom pa rgyun mi 'chad cing dge ba'i rtsa ba thams cad yongs su tshol ba la
334a5 brtson pa yin/ dbang po 'khrul ba'i 'gro bar 'gro'ang rang bzhin gyis snyoms par zhugs shing bsam gtan don yod pa yin/ 'chal ba'i shes rab kyi 'gro bar
334a6 'gro'ang shes rab kyi pha rol tu phyin pa'i 'gro bar song zhing 'jig rten pa dang / 'jig rten las 'das pa'i bstan bcos thams cad la mkhas pa yin/ tshul 'chos pa
334a7 dang / kha gsag byed pa'i 'gro bar 'gro'ang ldem po dag la mkhas shing thabs mkhas pa'i spyod pa tshar phyin pa'ang yin/ nga rgyal gyi 'gro ba'ang ston la 'jig rten thams
334b1 cad kyi zam pa dang / stegs bur 'gyur ba'ang yin/ nyon mongs pa'i 'gro bar 'gro'ang shin tu kun nas nyon mongs pa med cing rang bzhin gyis yongs su dag pa'ang yin/ bdud kyi 'gro
334b2 bar 'gro'ang sangs rgyas kyi chos thams cad la gzhan gyi dring la mi 'jog pa'ang yin/ nyan thos kyi 'gro bar 'gro'ang sems can rnams la ma thos pa'i chos thos par byed pa'ang
334b3 yin| rang sangs rgyas kyi 'gro bar 'gro'ang sems can thams cad yongs su smin par bya ba'i phyir snying rje chen po las byung ba'ang yin/ dbul po'i 'gro bar 'gro'ang longs spyod
334b4 zad mi shes pa'i rin po che lag na thogs pa'ang yin/ dbang po nyams pa'i 'gro bar 'gro'ang gzugs bzang zhing mtshan gyis legs par brgyan pa'ang yin/ rigs ngan par
334b5 skye ba'i 'gro bar 'gro'ang bsod nams dang / ye shes kyi tshogs bsags pas de bzhin gshegs pa'i gdung rab tu skye bar 'gyur ba'ang yin/ nyam chung zhing mdog ngan pa gzhan
334b6 pa'i 'gro bar 'gro'ang blta na sdug pa dang / sred med kyi bu'i lus lta bu thob pa'ang yin/ sems can thams cad lan ba dang / mi bde ba'i spyod pa'ang ston la 'chi ba'i 'jigs pa
334b7 las shin tu 'das shing rab tu choms pa'ang yin/ longs spyod kyi 'gro bar 'gro'ang btsal ba thams cad med cing mi rtag pa'i 'du shes la so sor rtog pa mang ba'ang yin/ byang
335a1 chub sems dpas slas dang / gar thabs mang po ston kyang dben par spyod cing 'dod pa'i 'dam las brgal ba'ang yin/ khams dang / skye mched kyi
335a2 'gro bar 'gro'ang gzungs thob cing spobs pa sna tshogs kyis brgyan pa'ang yin/ mu stegs can gyi 'gro bar 'gro'ang mu stegs su gyur pa'ang ma yin/ 'jig rten thams cad
335a3 kyi 'gro bar 'gro'ang 'gro ba thams cad las phyir ldog pa'ang yin/ mya ngan las 'das pa'i 'gro bar 'gro'ang 'khor ba'i rgyun kyang mi gtong ba yin te/ 'jam dpal/ de
335a4 ltar na byang chub sems dpa' 'gro ba ma yin par 'gro ba ste/ sangs rgyas kyi chos rnams la 'gro bar song ba yin no/ /de nas li tsa bI dri ma med par grags pas 'jam
335a5 dpal gzhon nur gyur pa la 'di skad ces smras so/ /'jam dpal/ de bzhin gshegs pa rnams kyi rigs gang yin/ smras pa/ rigs kyi bu/ 'jig tshogs ni de bzhin
335a6 gshegs pa rnams kyi rigs so/ /ma rig pa dang / srid pa'i sred pa ni rigs so/ /'dod chags dang / zhe sdang dang / gti mug ni rigs so/ /phyin ci log bzhi ni rigs
335a7 so| |sgrib pa lnga ni rigs so/ /skye mched drug ni rigs so/ /rnam par shes pa la gnas pa bdun ni rigs so/ /log pa brgyad ni rigs so/ /kun nas mnar sems kyi
335b1 dngos po dgu ni rigs so/ /mi dge ba'i las kyi lam bcu ni rigs so/ /rigs kyi bu/ 'di ni de bzhin gshegs pa rnams kyi rigs te/ rigs kyi bu/ mdor na lta bar gyur pa drug cu
335b2 rtsa gnyis ni de bzhin gshegs pa rnams kyi rigs so/ /smras pa/ 'jam dpal/ ci las bsams te de skad smra/ smras pa/ rigs kyi bu/ 'dus ma byas mthong ba nges par 'jug
335b3 pa la gnas pas ni bla na med pa yang dag par rdzogs pa'i byang chub tu sems bskyed mi nus so/ /nyon mongs pa'i 'byung gnas 'dus byas la gnas pa bden pa ma mthong
335b4 bas ni bla na med pa yang dag par rdzogs pa'i byang chub tu sems bskyed nus so/ /rigs kyi bu/ 'di lta ste/ dper na/ dgon dung gis phyogs su me tog ut+pa la dang / pad+ma dang /
335b5 ku mu da dang / pad+ma dkar po dang / dri mchog rnams mi skye ste/ 'dam dang / chu gling du bskyed na me tog ut+pa la dang / pad+ma dang / ku mu da dang / pad+ma dkar po dang / dri mchog rnams skye'o//
335b6 rigs kyi bu/ de bzhin du 'dus ma byas nges pa thob pa'i sems can rnams la ni sangs rgyas kyi chos rnams mi skye'o/ /nyon mongs pa'i 'dam dang / chu gling du gyur pa'i sems can
335b7 rnams la ni sangs rgyas kyi chos rnams skye'o/ /'di lta ste/ dper na/ nam mkha' la sa bon mi skye yi/ sa la gnas shing skye ba de bzhin du 'dus ma byas nges pa thob pa'i sems
336a1 can la sangs rgyas kyi chos mi skye yi/ 'jig tshogs la lta ba ri rab dang mnyam pa bskyed nas byang chub kyi sems skye ste/ de nas sangs rgyas kyi
336a2 chos rnams skye'o/ /rigs kyi bu/ rnam grangs 'dis nyon mongs pa thams cad ni de bzhin gshegs pa rnams kyi rigs su rig par bya'o/ /rigs kyi bu/ 'di lta ste /
336a3 dper na/ rgya mtsho chen por ma zhugs par rin thang med pa'i rin po cher phyin par mi nus so/ /de bzhin du nyon mongs pa'i rgya mtshor ma zhugs par ni thams cad mkhyen pa
336a4 nyid de las skyed par mi nus so/ /de nas gnas brtan 'od srung chen pos 'jam dpal gzhon nur gyur pa la legs so zhes bya ba byin te/ legs so/ /legs so/ /'jam
336a5 dpal/ tshig 'di ni legs par smras pa 'di ni yang dag go /nyon mongs pa ni de bzhin gshegs pa rnams kyi rigs te/ bdag cag lta bus ni byang chub tu sems bskyed
336a6 pa'am/ sangs rgyas kyi chos la mngon par rdzogs par 'tshang rgya bar ga la nus/ mtshams med pa lnga dang ldan pas ni byang chub kyi sems bskyed par yang nus/ sangs rgyas
336a7 kyi chos rnams kyang mngon par rdzogs par 'tshang rgya bar 'gyur ro/ /'di lta ste/ dper na/ skyes bu dbang po ma tshang ba la 'dod pa'i yon tan lnga ni yon tan med cing nus
336b1 pa med pa ste/ de bzhin du kun tu sbyor ba thams cad spangs pa'i nyan thos la ni sangs rgyas kyi tshos thams cad yon tan med cing nus pa med de/ de la phyir dmigs par mi nus
336b2 so| |'jam dpal/ de lta bas na so so'i skye bo rnams de bzhin gshegs pa la byas pa gzo yi/ nyan thos rnams ni byas pa gzo ba ma yin no/ /de ci'i phyir zhe na/ so so'i skye
336b3 pos ni sangs rgyas kyi yon tan thos pas dkon mchog gsum gyi gdung rgyun mi 'chad par bya ba'i phyir bla na med pa yang dag par rdzogs pa'i byang chub tu sems bskyed par byed
336b4 la/ nyan thos kyis ni ji srid 'tsho'i bar du sangs rgyas kyi chos stobs dang / mi 'jigs pa rnams thos kyang bla na med pa yang dag par rdzogs pa'i byang chub tu sems bskyed par
336b5 mi nus pa'i phyir ro/ /de nas byang chub sems dpa' gzugs thams cad ston pa zhes bya ba 'khor der 'dus te 'dug pa des li tsa bI dri ma med par grags pa la 'di skad
336b6 ces smras so/ /khyim ba dag /khyod kyi pha ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba rnams ga re/ mdza' bshes dang / nye
336b7 du dang / snag gi gnyen mtshams rnams ga re/ g.yog dang / rta dang / glang po che dang / shing rta dang / dpung bu chung dang / bzhon pa rnams ga re/ de skad ces smras pa dang /
337a1 li tsa bI dri ma med par grags pas byang chub sems dpa' gzugs thams cad ston pa la tshigs su bcad pa 'di dag smras so/ /byang chub
337a2 sems dpa' rnam dag gi /ma ni shes rab pha rol phyin/ /pha ni thabs la mkhas pa ste/ /'dren pa rnams ni de las skyes/ /chos la dga' ba chung ma ste/ /byams dang snying
337a3 rje bu mo yin/ /chos dang ba den gnyis bu po yin/ /stong pa'i don sems khyim yin no/ /de bzhin nyon mongs thams cad ni/ /ci dgar dbang byed slob ma 'o/ /mdza' bshes
337a4 byang chub yan lag ste/ /des ni byang chub mchog rab 'gyur/ /de grogs rtag tu 'grogs pa ni/ /pha rol phyin pa drug rnams so/ /bsdu ba de yi bud med khyim/ /glu
337a5 dbyangs chos rnams ston pa 'o/ /gzugs rnams de yi skyed mos tshal/ /byang chub yan lag me tog rgyas/ /'bras bu rnam grol ye shes te/ /chos kyi nor chen stong pa 'o/ /
337a6 rnam par thar pa rdzing yin te/ /ting nge 'dzin gyi chu yis bkang / /rnam dag pad+mas kun khebs pa/ /de la 'khru ba dri ma med/ /mngon shes de yi bzhon pa ste/ /theg pa
337a7 chen po bla na med/ /kha lo sgyur ba byang chub sems/ /lam ni zhi ba yan lag brgyad/ /de yi rgyan ni mtshan rnams dang / /dpe byad bzang po brgyad cu'o/ /bsam pa dge ba
337b1 de dag gi /gos ni khrel yod ngo tsha shes/ /de dag dam chos nor dang ldan/ /rab tu sbyor ba chos ston pa/ /nan tan dag ni rnyed chen te/ /yongs su bsngo ba byang chub phyir/ /mal
337b2 ni bsam gtan bzhi rnams te/ /'tsho ba dag pas kun tu bting / /de dag sad pa ye shes te/ /rtag tu thos pa mnyam par gzhag /de dag zas ni bdud rtsi ste/ /rnam grol khu
337b3 ba btung ba yin/ /bsam pa rnam dag khrus yin te/ /spos kyis bsku ba tshul khrims so/ /nyon mongs dgra rnams bcom pas na/ /de dag dpa' bo mi pham pa/ /bdud bzhi
337b4 dag kyang rab tu btul/ /byang chub dkyil 'khor rgyal mtshan bsgreng / /bsams bzhin skye ba ston mod kyi/ /skye ba med cing 'byung ba med/ /zhing kun tu yang snang ba ni/ /nyi ma
337b5 shar ba bzhin du 'o/ /'dren la mchod pa thams cad kyis/ /sangs rgyas bye ba mchod nas kyang / /bdag kyang sangs rgyas rnams la ni/ /nam kyang gnas par yong mi byed/ /
337b6 ji ltar sems can phan par yang / /sangs rgyas zhing rnams sbyong mod kyi/ /nam mkha' lta bur zhing rnams gyur/ /sems can sems can 'du shes med/ /sems can kun
337b7 gyi gzugs rnams dang / /sgra skad gang rnams 'byin pa dang / /'jigs med byang chub sems dpa' rnams/ /skad cig gcig gis ston par byed/ /bdud kyi las rnams shes
338a1 mod kyi/ /bdud rnams kyi yang rjes su 'jug /thabs kyi pha rol phyin pa dag /de yi bya ba kun kyang ston/ /sgyu ma'i chos kyis rnam rtsen pas/ /sems
338a2 can yongs su smin pa'i phyir/ /rga ba dang ni na bar gyur/ /bdag nyid shi bar rab tu ston/ /sa rnams rab tu tshig pa ni/ /bskal pas sreg par kun ston te/ /sems can
338a3 rtag par 'du shes pa/ /mi rtag par ni rab bstan to/ /sems can bye ba stong rnams kyang / /yul gcig tu ni mgron du gnyer/ /thams cad khyim du zan byin te/ /thams
338a4 cad byang chub phyir bsngo'o/ /sngags dang rig pa ci yod dang / /bzo gnas rnam pa mang po dag /thams cad kyi yang pha rol phyin/ /sems can thams cad bde thob byed/ /
338a5 'jig rten ya mtshan ji snyed pa/ /de dag kun tu rab byung nas/ /lta ba tha dad gyur pa yi/ /sems can rnams ni yongs su 'grel/ /zla ba'am nyi mar de gyur te/ /brgya
338a6 byin tshangs pa skye dgu dbang / /chu dang mer kyang rab gyur te/ /sa dang rlung du'ang de bzhin no/ /nad kyi bskal ba bar ma la/ /de ni rtsi mchog dam par gyur/ /des ni sems
338a7 can rnam grol zhing / /nad rnams med cing bde bar 'gyur/ /mu ge'i bskal pa bar ma la/ /zas dang skom du bsgyur nas su/ /bkres shing skom pa med byas te/ /
338b1 srog chags rnams la chos ston to/ /mtshon gyi bskal ba bar ma la/ /de dag byams pa sgom gyur te/ /sems can bye ba brgya mang po/ /gnod sems med la 'dzud par byed/ /
338b2 g.yul chen 'dren pa'i nang du ni/ /de dag phyogs la mnyam par 'gyur/ /byang chub sems dpa' stobs chen rnams/ /'dum zhing 'du bar dga' bar byed/ /sangs rgyas zhing
338b3 ni ji snyed pa/ /bsam gyis mi khyab dmyal bar yang / /sems can rnams la phan pa'i phyir/ /bsams bzhin du ni der 'gro'o/ /ji snyed dud 'gro'i skye gnas kyi/ /'gro bar
338b4 rab tu bstan pa ni/ /thams cad du yang chos ston to/ /de phyir rnam par 'dren ces bya/ /'dod pa'i longs spyod rnams kyang ston/ /bsam gtan pa la bsam gtan ston/ /bdud
338b5 rnams rab tu 'joms byed cing / /de dag glags rnyed 'gyur mi byed/ /me dbus nas ni pad+ma ltar/ /yang dag ma yin de ston te/ /de bzhin 'dod dang bsam gtan yang / /yang
338b6 dag ma yin de ston to/ /bsams bzhin smad 'tshong rnams su sgyur/ /skyes pa rnams ni bsdu ba'i phyir/ /'dod chags lcags kyus brngod nas su/ /de dag sangs rgyas ye shes
338b7 'god/ /sems can rnams la phan pa'i phyir/ /grong mi dang ni ded dpon dang / /mdun na 'don dang blon po dang / /blon po chen por rtag tu gyur/ /sems can dbul po rnams la ni//
339a1 zad mi shes pa'i gter du gyur/ /gang la sbyin pa byin pa yang / /de dag byang chub sems bskyed btsud/ /nga rgyal khengs pa'i sems can la/ /
339a2 de dag tshan chen mchog gyur te/ /nga rgyal kun kyang bcom nas su/ /bla med byang chub tshol du btsud/ /'jigs skrag sems can rnams la ni/ /rtag tu de yi mdun na 'dug/
339a3 de dag mi 'jigs byin nas kyang / /byang chub tu ni smin par byed/ /de dag lnga mngon shes pa yi/ /drang srong tshangs par spyod gyur te/ /bzod dang des pa tshul khrims dang / /
339a4 sdom pa la ni sems can 'god/ /rim gro lhur byed sems can rnams/ /'jigs pa med pas 'dir mthong na/ /bran dang g.yog tu shin tu gyur/ /slob mar yang ni nye
339a5 bar 'gro /yan lag gang dang gang rnams kyis/ /sems can chos la dgar gyur pa/ /thabs chen shin tu bslabs pa dang / /bya ba dag ni thams cad ston/ /de dag slob
339a6 pa mtha' yas shing / /spyod yul rnams kyang mtha' yas te/ /ye shes mtha' yas rdzogs pas na/ /srog chags mtha' yas grol bar byed/ /bskal pa dag ni bye ba dang /
339a7 bskal pa bye ba phrag brgyar ni/ /bcom ldan sangs rgyas rnams kyis kyang / /de yi yon tan mtha' brjod dka'/ /gang rnams shes rab med pa yi/ /sems can dman pa ma
339b1 gtogs par/ /mkhas pas chos 'di thos gyur nas/ /byang chub mchog la su mi smon/ /de bzhin gshegs pa'i rigs kyi le'u ste bdun pa'o// //de nas li tsa bI dri ma
339b2 med par grags pas byang chub sems dpa' de dag la 'di skad ces smras so/ /skyes bu dam pa dag /byang chub sems dpa' rnams kyi gnyis su med pa'i chos kyi sgor 'jug pa gang
339b3 yin| |spobs par gyis shig /byang chub sems dpa' chos rnam par 'phrul pa zhes bya ba der 'dus pa des 'di skad ces smras so/ /rigs kyi bu/ skye ba dang / 'jig pa ni gnyis te/
339b4 gang ma skyes ma byung ba de la 'jig pa gang yang med de/ mi skye ba'i chos la bzod pa thob pa ni gnyis su med pa la 'jug pa'o/ /byang chub sems dpa' dpal sbas kyis smras pa/ nga
339b5 dang | nga'o zhes bya ba de ni gnyis te/ bdag tu sgro btags pa med na nga'i bar mi 'gyur te/ gang sgro btags pa med pa de ni gnyis su med pa la 'jug pa'o/ /byang chub sems dpa'
339b6 dpal brtsegs kyis smras pa/ kun nas nyon mongs pa dang / rnam par byang ba zhes bya ba de ni gnyis te/ kun nas nyon mongs pa yongs su shes na rnam par byang ba la rlom sems su
339b7 mi 'gyur zhing rlom sems thams cad legs par 'joms pa dang / mthun par 'gro ba'i lam de ni gnyis su med pa la 'jug pa'o/ /byang chub sems dpa' skar bzang gis smras
340a1 pa/ g.yo ba dang / rlom sems de ni gnyis te/ gang g.yo ba med cing rlom sems su ma byed/ yid la mi byed pa/ lhag par bya ba med pa/ lhag par bya ba
340a2 dang bral ba de ni gnyis su med par 'jug pa'o/ /byang chub sems dpa' lag bzang gis smras pa/ byang chub kyi sems dang / nyan thos kyi sems zhes bya ba de ni gnyis te/ gang sgyu ma'i
340a3 sems dang mtshungs par mthong ba de byang chub kyi sems kyang med/ nyan thos kyi sems kyang med de/ gang sems kyi mtshan nyid mtshungs pa de ni gnyis su med par 'jug pa'o//
340a4 byang chub sems dpa' mig mi 'dzums kyis smras pa/ len pa dang / mi len pa de ni gnyis te/ gang mi len pa de mi dmigs pa ste gang mi dmigs pa de la rtog pa dang / bsal bar mi
340a5 byed| chos thams cad mi byed mi spyod pa de ni gnyis su med par 'jug pa'o/ /byang chub sems dpa' mig bzang gis smras pa/ mtshan nyid gcig pa dang / mtshan nyid med pa
340a6 zhes bya ba de ni gnyis so/ /gang rtog par mi byed/ kun tu rtog par mi byed/ mtshan nyid gcig par mi byed/ mtshan nyid med par mi byed do/ /gang mtshan nyid dang / mtshan nyid
340a7 mi 'dra ba la mtshan nyid mtshungs par 'jug pa de ni gnyis su med par 'jug pa'o/ /byang chub sems dpa' skar rgyal gyis smras pa/ dge ba dang / mi dge ba zhes bya ba de ni gnyis
340b1 te| gang dge ba dang / mi dge ba mi slong zhing mtshan ma dang / mtshan ma med pa la gnyis su med par rtog pa ni gnyis su med par 'jug pa'o/ /byang chub sems dpa' seng ges smras pa/ kha
340b2 na ma tho ba dang bcas pa dang / kha na ma tho ba med pa zhes bya ba de ni gnyis te/ gang gis rdo rje ltar rab tu 'bigs pa'i ye shes kyis mi 'ching mi grol ba de ni gnyis su med par 'jug pa'o//
340b3 byang chub sems dpa' seng ge blo gros kyis smras pa/ 'di ni zag pa dang bcas pa/ 'di ni zag pa med pa'o zhes bya ba de ni gnyis te/ gang mnyam pa nyid kyis chos thob pas zag pa dang /
340b4 zag pa med pa'i 'du shes su mi byed/ 'du shes med par gyur pa'ang ma yin/ mnyam pa nyid la mnyam pa nyid thob pa'ang med cing 'du shes kyi mdud pa med pa de ltar gang 'jug
340b5 pa de ni gnyis su med par 'jug pa'o/ /byang chub sems dpa' bde mos kyis smras pa/ 'di ni bde ba/ 'di ni mi bde ba'o zhes bya ba de ni gnyis te/ gang ye shes shin tu rnam par
340b6 dag pa'i phyir grangs thams cad dang bral zhing blo nam mkha' dang mtshungs par mi chags pa de ni gnyis su med par 'jug pa'o/ /byang chub sems dpa' sred med kyis smras pa/ 'di
340b7 ni 'jig rten pa'o/ /'di ni 'jig rten las 'das pa'o zhes bya ba de ni gnyis te/ gang 'jig rten gyi rang bzhin stong pa de la cung zad kyang rgal ba'ang med/ 'jug pa'ang med/ 'gro
341a1 ba'ang med/ mi 'gro ba'ang med de/ gang la mi rgal/ mi 'jug/ 'gro ba'ang med/ mi 'gro ba'ang med pa de ni gnyis su med par 'jug pa'o/ /byang
341a2 chub sems dpa' 'dul ba'i blo gros kyis smras pa/ 'khor ba dang / mya ngan las 'das pa zhes bya ba de ni gnyis te/ 'khor ba'i ngo bo nyid mthong bas mi 'khor zhing yongs su mya ngan
341a3 las mi 'da' ste/ gang de ltar rtogs pa de ni gnyis su med par 'jug pa'o/ /byang chub sems dpa' mngon sum mthong gis smras pa/ zad pa dang / mi zad pa zhes bya ba de ni gnyis
341a4 so| |zad pa ni shin tu zad pa ste/ gang shin tu zad pa de la zad par bya ba ma yin pas na de'i phyir mi zad pa zhes bya'o/ /gang mi zad pa de ni skad cig pa ste/ skad cig pa la zad pa
341a5 med do/ /de lta bur rab tu zhugs pa de ni gnyis su med pa'i chos kyi sgor zhugs pa zhes bya'o/ /byang chub sems dpa' kun nas sbas kyis smras pa/ bdag dang / bdag med do
341a6 zhes bya ba de ni gnyis te/ gang bdag gi dngos po mi dmigs pa de ci zhig bdag med par byed par 'gyur ba de dag gi ngo bo nyid mthong bas gnyis su med pa ni gnyis su med
341a7 par 'jug pa'o/ /byang chub sems dpa' glog gi lhas smras pa/ rig pa dang / ma rig pa zhes bya ba de ni gnyis te/ ma rig pa'i rang bzhin ltar rig pa'ang de bzhin te/ ma rig
341b1 ba gang yin pa de ni lung du ma bstan pa/ bgrang du med pa/ bgrang ba'i lam las 'das pa'o/ /gang 'di la mngon par rtogs pa de ni gnyis su med par 'jug pa'o/ /byang chub sems
341b2 dpa' mthong dgas smras pa/ gzugs nyid stong pa ste/ gzugs bshig pas stong pa ma yin gyi/ gzugs kyi rang bzhin ni stong pa ste/ de bzhin du tshor ba dang / 'du shes dang / 'du byed dang / rnam
341b3 par shes pa stong pa nyid ces bya ba de ni gnyis so/ /rnam par shes pa nyid ni stong pa nyid de/ rnam par shes pa bshig pas stong pa ma yin gyi/ rnam par shes pa'i rang bzhin ni stong pa
341b4 nyid do/ /'di la gang gis nye bar len pa'i phung po lnga la de bzhin du shes shing de lta bur ye shes kyis rig pa de ni gnyis su med par 'jug pa'o/ /byang chub sems dpa' 'od kyi tog
341b5 gis smras pa/ khams bzhi po'ang gzhan la nam mkha'i khams kyang gzhan no zhes bya ba de ni gnyis te/ khams bzhi bo ni nam mkha'i rang bzhin no/ /sngon gyi mtha' yang nam mkha'i
341b6 rang bzhin no/ /phyi ma'i mtha' yang nam mkha'i rang bzhin no/ /de bzhin du da ltar yang nam mkha'i rang bzhin te/ gang de ltar khams la 'jug pa'i ye shes de ni gnyis su med
341b7 par 'jug pa'o/ /byang chub sems dpa' rab kyi blo gros kyis smras pa/ mig dang / gzugs so zhes bya ba de ni gnyis te/ gang mig yongs su shes pas gzugs la mi chags/ mi
342a1 sdang mi rmongs pa de ni zhi ba zhes bya'o/ /de bzhin du rna ba dang sgra/ sna dang dri/ lce dang ro/ lus dang reg /yid dang chos de dag ni gnyis so/ /gang yang yid
342a2 yongs su shes nas chos la mi chags/ mi sdang / mi rmongs pa de ni zhi ba zhes bya'o/ /de ltar zhi ba la gnas pa ni gnyis su med par 'jug pa'o/ /byang chub sems dpa' blo gros mi
342a3 zad pas smras pa/ sbyin pa thams cad mkhyen pa nyid du yongs su bsngo ba de ni gnyis te/ sbyin pa'i ngo bo nyid ni thams cad mkhyen pa'o/ /thams cad mkhyen pa'i ngo bo nyid ni yongs
342a4 su bsngo ba'o/ /de bzhin du tshul khrims dang / bzod pa dang / brtson 'grus dang / bsam gtan dang / shes rab thams cad mkhyen pa nyid du yongs su bsngo ba de ni gnyis so/ /
342a5 thams cad mkhyen pa ni shes rab kyi rang bzhin no/ /yongs su bsngo ba'ang thams cad mkhyen pa'i rang bzhin te/ gang tshul gcig pa 'di la 'jug pa de ni gnyis su med par
342a6 'jug pa'o/ /byang chub sems dpa' blo zab kyis smras pa/ stong pa nyid kyang gzhan la mtshan ma med pa dang / smon pa med pa'ang gzhan no zhes bya ba de ni gnyis te/ stong pa gang
342a7 yin pa de la mtshan ma gang yang med do/ /mtshan ma med pa la smon pa med/ smon pa med pa la sems dang / yid dang / rnam par shes pa rgyu ba med de/ gang rnam par thar pa gcig
342b1 gi sgo de la rnam par thar pa thams cad kyi sgo rnams su blta bar bya ba de ni gnyis su med pa'i sgor 'jug pa'o/ /byang chub sems dpa' dbang po zhi bas smras pa/ sangs rgyas dang /
342b2 chos dang / dge 'dun zhes bya ba de ni gnyis te/ sangs rgyas kyi rang bzhin ni chos so/ /chos kyi rang bzhin ni dge 'dun te/ de dag thams cad kyang 'dus ma byas pa'o/ /'dus ma
342b3 byas ni nam mkha'o/ /chos thams cad kyi tshul ni nam mkha' dang mtshungs te/ gang de ltar rjes su 'gro ba de ni gnyis su med par 'jug pa'o/ /byang chub sems dpa' thogs pa
342b4 med pa'i mig gis smras pa/ 'jig tshogs dang / 'jig tshogs 'gog pa zhes bya ba de ni gnyis te/ 'jig tshogs nyid ni 'gog pa'o/ /de ci'i phyir zhe na/ 'jig tshogs su lta ba mi
342b5 skye ba med cing gang lta ba des 'jig tshogs so zhe'am/ 'jig tshogs 'gog ces mi rtog ste/ de mi rtog /rnam par mi rtog /shin tu mi rtogs pas 'gog pa'i rang bzhin du gyur
342b6 te| mi 'byung mi 'jig pa de ni gnyis su med par 'jug pa'o/ /byang chub sems dpa' shin tu dul bas smras pa/ lus dang / ngag dang / yid kyi sdom pa zhes bya ba de ni gnyis su
342b7 med de/ de ci'i phyir zhe na/ chos 'di dag ni mngon par 'du mi byed pa'i mtshan nyid de/ lus kyi mngon par 'du mi byed pa gang yin pa ngag gi mngon par 'du mi byed pa'ang de'i mtshan
343a1 nyid do/ /yid kyi mngon par 'du mi byed pa'ang de'i mtshan nyid de/ gang chos thams cad kyi mngon par 'du mi byed pa de yin par shes par bya/
343a2 rjes su rig par bya ste/ gang 'di la mngon par 'du mi byed par shes pa de ni gnyis su med par 'jug pa'o/ /byang chub sems dpa' bsod nams zhing gis smras pa/ bsod
343a3 nams dang / bsod nams ma yin pa dang / mi g.yo ba mngon par 'du bya ba mngon par 'du byed do zhes bya ba de ni gnyis te/ gang bsod nams dang / bsod nams ma yin pa dang /
343a4 mi g.yo ba mngon par 'du mi byed pa de ni gnyis su med pa'o/ /bsod nams dang / bsod nams ma yin pa dang / mi g.yo ba'i 'du byed rnams kyi rang gi mtshan nyid stong pa ste
343a5 de la bsod nams kyang med/ bsod nams ma yin pa'ang med/ mi g.yo ba'ang med/ mngon par 'du byed pa'ang med de/ gang de ltar mi sgrub pa de ni gnyis su med par
343a6 'jug pa'o/ /byang chub sems dpa' pad+ma bkod pas smras pa/ bdag kun nas ldang ba las skyes pa de ni gnyis te/ bdag yongs su shes pa ni gnyis mi slong ngo / /de ltar
343a7 gnyis su med par gnas pa la rnam par rig pa med pas rnam par rig pa med pa de ni gnyis su med par 'jug pa'o/ /byang chub sems dpa' dpal gyi snying pos smras pa/
343b1 dmigs pas rab tu phye ba de ni gnyis so/ /gang mi dmigs pa de ni gnyis su med pa ste/ de'i phyir gang len pa med cing 'dor ba med pa de ni gnyis su med par 'jug pa'o/ /byang chub
343b2 sems dpa' zla ba'i bla mas smras pa/ mun pa dang / snang ba zhes bya ba de ni gnyis te/ mun pa'ang med/ snang ba'ang med pa de ni gnyis su med pa'o/ /de ci'i phyir zhe na/ 'di ltar 'gog
343b3 par snyoms par zhugs pa la mun pa'ang med/ snang ba'ang med de/ chos thams cad kyi mtshan nyid kyang de bzhin te/ gang mnyam pa nyid 'di la 'jug pa de ni gnyis su med par
343b4 'jug pa'o/ /byang chub sems dpa' lag na phyag rgya rin po ches smras pa/ mya ngan las 'das pa la mngon par dga' zhing 'khor ba la mi dga' ba de ni gnyis te/ gang mya ngan las
343b5 'das pa la'ang mngon par dga' ba med pa/ 'khor ba la'ang mi dga' ba med pa de ni gnyis su med pa'o/ /de ci'i phyir zhe na/ gang bcings pa las ni grol bar bstan gyi/ gang shin
343b6 tu ma bcings pa de thar pa ga la tshol/ ma bcings ma grol ba'i dge slong gis ni dga' ba dang / mi dga' ba'ang mi rnyed de/ de ni gnyis su med par 'jug pa'o/ /byang chub sems dpa'
343b7 nor bu brtsegs pa'i rgyal pos smras pa/ lam dang / lam ngan pa'o zhes bya ba de ni gnyis te/ lam du zhugs pa la ni lam ngan pa mi spyod do/ /mi spyod pa la gnas pa ni lam gyi 'du shes
344a1 sam| lam ma yin pa'i 'du shes su mi 'gyur ro/ /'du shes yongs su rig pa ni blo gnyis su mi 'jug ste/ de ni gnyis su med par 'jug pa'o/ /
344a2 byang chub sems dpa' bden dgas smras pa/ bden pa dang / rdzun pa zhes bya ba de ni gnyis te/ bden pa mthong bas kyang bden pa nyid yang dag par rjes su mi mthong na rdzun pa
344a3 lta ga la mthong / de ci'i phyir zhe na/ sha'i mig gis mi mthong gi shes rab kyi mig gis mthong ste/ ji ltar mi mthong na rnam par mi mthong ba de ltar mthong ngo / /gang la mthong
344a4 ba'ang med/ rnam par mthong ba'ang med pa de ni gnyis su med par 'jug pa'o/ /de ltar byang chub sems dpa' de dag gis rang rang gi bstan pa bshad nas 'jam dpal gzhon
344a5 nur gyur pa la 'di skad ces smras so/ /'jam dpal/ byang chub sems dpa'i gnyis su med par 'jug pa gang yin/ 'jam dpal gyis smras pa/ skyes bu dam pa khyed kun
344a6 gyis kyang legs par smras mod kyi khyed kyis bshad pa de thams cad ni gnyis so/ /bstan pa gcig ni ma gtogs te brjod du med pa/ smrar med pa/ bshad du med pa/ bsgrag
344a7 tu med pa/ bstan du med par gdags su med pa de ni gnyis su med par 'jug pa'o/ /de nas 'jam dpal gzhon nur gyur pas li tsa bI dri ma med par grags pa la 'di skad
344b1 ces smras so/ /kho bo cag gis ni rang rang gi bstan pa bshad zin na rigs kyi bu khyod kyang gnyis su med pa'i chos kyi sgo bstan pa la spobs par gyis shig /de nas li tsa bI dri ma med par
344b2 grags pa cang mi smra bar gyur to/ /de nas 'jam dpal gzhon nur gyur pas li tsa bI dri ma med par grags pa la legs so zhes bya ba byin te/ legs so/ /legs so/ /rigs kyi bu/ 'di
344b3 ni byang chub sems dpa' rnams kyi gnyis su med par 'jug pa yin te/ de la yi ge dang / sgra dang / rnam par rig pa'i rgyu ba med do/ /bstan pa 'di bshad pa na byang chub sems dpa'
344b4 lnga stong gnyis su med pa'i chos kyi sgor zhugs bas mi skye ba'i chos la bzod pa thob par gyur to/ /gnyis su med pa'i chos kyi sgor 'jug pa'i le'u ste brgyad pa'o// //de nas tshe dang ldan pa shA ri'i bus 'di snyam du bsams te/ gdugs tshod la'ang bab na byang chub sems dpa' chen po 'di dag ni mi ldang na 'di dag zan gar za snyam mo/ /de nas
344b5 li tsa bI dri ma med par grags pas tshe dang ldan pa shA ri'i bu'i sems kyi rtog pa sems kyis shes nas tshe dang ldan pa shA ri'i bu la 'di skad ces smras so/ /btsun pa shA ri'i bu/ de
344b6 bzhin gshegs pas rnam par thar pa brgyad po gang dag gsungs pa'i rnam par thar pa de dag la gnas par gyis la zang zing dang 'dres pa'i rgyud kyis chos ma nyan cig /btsun pa shA
345a1 ri'i bu/ yud tsam zhig sdod cig dang / sngon ma myong ba'i kha zas za bar 'gyur ro/ /de nas de'i tshe li tsa bI dri ma med par grags pa de lta bu'i ting nge
345a2 'dzin la snyoms par zhugs te/ 'di 'dra ba'i rdzu 'phrul mngon par 'du bya ba mngon par 'du byas so/ /gang steng gi phyogs su sangs rgyas kyi zhing 'di nas sangs rgyas kyi zhing
345a3 gang+gA'i klung bzhi bcu rtsa gnyis kyi bye ma snyed 'das pa 'jig rten gyi khams spos thams cad kyi dri mchog ces bya ba yod de/ byang chub sems dpa' de dag
345a4 dang / nyan thos chen po de dag la bstan to/ /de na de bzhin gshegs pa spos mchog brtsegs pa zhes bya ba da ltar bzhugs te 'tsho zhing gzhes so/ /'jig rten gyi
345a5 khams der phyogs bcu'i sangs rgyas kyi zhing thams cad kyi mi dang / lha'i dri 'byung ba de bas 'jig rten gyi khams de'i shing las ches khyad du 'phags pa 'byung ngo / /'jig rten
345a6 gyi khams de na ni nyan thos dang / rang sangs rgyas rnams kyi ming yang med de/ byang chub sems dpa' 'ba' zhig gi tshogs 'dus pa de dag la de bzhin gshegs pa spos mchog
345a7 brtsegs pa de chos ston to/ /'jig rten gyi khams de na khang ba brtsegs pa thams cad kyang spos las byas/ 'chags dang / skyed mos tshal dang / gzhal med khang thams
345b1 cad kyang spos las byas so/ /gang byang chub sems dpa' de dag zas za ba'i zas de'i dris 'jig rten gyi khams ched med pa khyab bo/ /de'i tshe bcom ldan 'das de bzhin gshegs
345b2 pa spos mchog brtsegs pa byang chub sems dpa' de dag dang thabs gcig tu bshos gsol ba'i phyir zhugs te/ de na lha'i bu spos bkod ba'i zas zhes bya ba theg pa chen po la
345b3 yang dag par zhugs pa de bcom ldan 'das dang / byang chub sems dpa' de dag gi rim gro dang / bsnyen bkur byed par brtson no/ /de nas thams cad dang ldan pa'i 'khor des 'jig
345b4 rten gyi khams de na bcom ldan 'das de dang / byang chub sems dpa' de dag bshos la bkod de bzhugs pa mthong ngo / /de nas li tsa bI dri ma med par grags pas byang chub sems
345b5 dpa' de dag thams cad la 'di skad ces smras so/ /skyes bu dam pa khyed kyi nang na sangs rgyas kyi zhing de nas zas len par su spro/ /de na 'jam dpal gyi byin gyi rlabs kyis su'ang spro
345b6 ba med do/ /de nas li tsa bI dri ma med par grags pas 'jam dpal gzhon nur gyur pa la 'di skad cas smras so/ /'jam dpal/ khyod kyi 'khor 'di 'dra ba ngo mi tsha'ang / smras pa/
345b7 rigs kyi bu/ de bzhin gshegs pas ma bslabs pa la brnyes par mi bya'o zhes ma gsungs sam/ de nas li tsa bI dri ma med par grags pa mal de nas ma langs par byang
346a1 chub sems dpa' de dag gi mdun du sprul pa'i byang chub sems dpa'i lus gser gyi kha dog lta bu mtshan dang / dpe byad bzang pos legs par brgyan
346a2 pa zhig sprul to/ /gang gis 'khor de dag thams cad mog mog por byas par 'gyur ba de lta bu'i gzugs su snang bar gyur to/ /de nas li tsa bI dri ma med par grags pas sprul
346a3 pa'i byang chub sems dpa' de dag la 'di skad ces smras so/ /rigs kyi bu/ khyod steng gi phyogs su song la sangs rgyas kyi zhing gang+gA'i klung bzhi bcu rtsa gnyis kyi bye ma snyed 'das
346a4 pa na 'jig rten gyi khams spos thams cad kyi dri mchog ces bya ba yod de/ de na de bzhin gshegs pa spos mchog brtsegs pa zhes bya ba da ltar bshos gsol ba'i phyir
346a5 bzhugs pa der song la de bzhin gshegs pa de'i zhabs la mgo bos phyag btsal te 'di skad ces gsol cig /li tsa bI dri ma med par grags pa bcom ldan 'das kyi zhabs
346a6 la lan brgya stong du mgo bos phyag btsal nas bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang / bde ba dang /
346a7 kha na ma tho ba mi mnga' zhing bde bar reg pa la gnas sam zhes snyun gsol zhing 'di skad ces kyang mchi'o/ /bcom ldan 'das kyis gsol ba'i pham pha bas bdag la stsal
346b1 bar gsol/ des 'jig rten gyi khams mi mjed du sangs rgyas kyi mdzad pa bgyid par 'gyur ro/ /dman pa la mos pa'i sems can 'di dag kyang rgya chen po la dad par bgyid par
346b2 'gyur ro/ /de bzhin gshegs pa'i mtshan kyang rgyas par bgyid par 'gyur ro zhes gsol cig /de nas sprul pa'i byang chub sems dpa' des li tsa bI dri ma med par grags pa
346b3 la legs so zhes byas nas de mnyan te/ byang chub sems dpa' de dag gi mdun nas bzhin gyen du bltas te song na/ byang chub sems dpa' de dag gis de 'gro ba ma mthong
346b4 ngo| |de nas sprul pa'i byang chub sems dpa' des 'jig rten gyi khams spos thams cad kyi dri mchog ces bya ba der phyin nas/ bcom ldan 'das de bzhin gshegs pa spos mchog
346b5 brtsegs pa de'i zhabs la mgo bos phyag btsal te 'di skad ces gsol to/ /bcom ldan 'das/ byang chub sems dpa' dri ma med par grags pa bcom ldan 'das kyi zhabs la
346b6 mgo bos phyag btsal nas bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang / bde ba dang / kha na ma tho ba mi mnga'
346b7 zhing bde par reg pa la gnas sam zhes snyun gsol lo/ /des bcom ldan 'das kyi zhabs la lan brgya stong du mgo bos phyag btsal nas 'di skad ces gsol to/ /bcom ldan
347a1 'das gsol ba'i zhal zas kyi pham phabs bdag la stsal bar gsol/ des 'jig rten gyi khams mi mjed 'dir sangs rgyas kyi mdzad pa bgyid
347a2 par 'gyur ro/ /dman pa la mos pa'i sems can 'di dag kyang sangs rgyas kyi chos rgya chen po la blo gros mos par bgyid cing sangs rgyas kyi mtshan kyang rgyas par bgyid par
347a3 'gyur ro zhes mchi'o/ /de nas bcom ldan 'das de bzhin gshegs pa spos mchog brtsegs pa'i sangs rgyas kyi zhing gi byang chub sems dpa' de dag ngo mtshar du
347a4 gyur nas bcom ldan 'das de bzhin gshegs pa spos mchog brtsegs pa de la 'di skad ces gsol to/ /bcom ldan 'das/ sems can chen po 'di lta bu ga la
347a5 mchis/ 'jig rten gyi khams mi mjed de gang na mchis/ dman pa la mos pa zhes bgyi ba de ci lags zhes bcom ldan 'das de la byang chub sems dpa' de dag
347a6 gis de skad ces zhus pa dang / de nas bcom ldan 'das kyis byang chub sems dpa' de dag la 'di skad ces bka' stsal to/ /rigs kyi bu/ 'og gi phyogs na sangs
347a7 rgyas kyi zhing 'di nas sangs rgyas kyi zhing gang+gA'i klung bzhi bcu rtsa gnyis kyi bye ma snyed 'das pa na 'jig rten gyi khams mi med ces bya ba yod de/ de na de bzhin gshegs pa
347b1 shAkya thub pa zhes bya ba snyigs ma lnga'i sangs rgyas kyi zhing na dman pa la mos pa'i sems can rnams la chos ston to/ /de nas byang chub sems dpa' dri ma med par grags pa
347b2 zhes bya ba rnam par thar pa bsam gyis mi khyab pa la gnas pa de byang chub sems dpa' rnams la chos ston te/ des nga'i ming yongs su bsgrags pa dang / 'jig rten gyi khams
347b3 'di'i bsngags pa rab tu bstan pa dang / byang chub sems dpa' de dag gi dge ba'i rtsa ba shin tu 'bar bar bya ba'i phyir sprul pa'i byang chub sems dpa' btang ngo / /de nas
347b4 byang chub sems dpa' de dag gis 'di skad ces gsol to/ /bcom ldan 'das/ byang chub sems dpa' de'i che ba ji tsam na de'i sprul pa 'di'ang rdzu 'phrul dang / stobs dang / mi
347b5 'jigs pa 'di lta bur gyur/ bcom ldan 'das des bka' stsal pa/ byang chub sems dpa' de'i che ba ni 'di 'dra ste/ des phyogs bcu'i sangs rgyas kyi zhing thams cad du
347b6 sprul pa 'gyed de sprul ba de dag sangs rgyas kyi zhing de dag gi sems can thams cad las sangs rgyas kyi bya bas nye bar gnas par 'gyur ro/ /de nas bcom ldan 'das de
347b7 bzhin gshegs pa spos mchog brtsegs pas dri thams cad dang ldan pa'i snod du dri thams cad bsgos pa'i zas blugs te/ de sprul pa'i byang chub sems dpa' de la byin no/ /
348a1 de nas de'i tshe byang chub sems dpa' brgya stong phrag dgu bcu'ang der 'gro bar chas te/ bcom ldan 'das/ bdag cag kyang 'jig rten gyi khams mi mjed
348a2 der bcom ldan 'das shAkya thub pa de la blta ba dang / phyag 'tshal ba dang / bsnyen bkur bgyi ba dang / dri ma med par grags pa de dang / byang chub sems dpa' de dag kyang /
348a3 blta ba'i slad du mchi'o/ /bcom ldan 'das des bka' stsal pa/ rigs kyi bu dag /da de'i dus la bab par shes na de ngas shig /rigs kyi bu dag /sems can de dag
348a4 myos shing bag med par gyur ta te/ dri rnams med par gyis la dengs shig /'jig rten gyi khams mi mjed de'i sems can de dag spa gong bar 'gyur du 'ong gi rang gi gzugs
348a5 kyang sgyur cig /'jig rten gyi khams de la'ang ngan par 'du shes bskyed nas khong khro ba'i 'du shes ma skyed cig /de ci'i phyir zhe na/ rigs kyi bu/ sangs rgyas kyi zhing ni
348a6 nam mkha'i zhing ste/ sems can rnams yongs su smin par bya ba'i phyir sangs rgyas bcom ldan 'das rnams ni sangs rgyas kyi yul thams cad mi ston to/ /de nas sprul pa'i
348a7 byang chub sems dpa' des zhal zas de thogs nas byang chub sems dpa' brgya stong phrag dgu bcu dang lhan cig tu sangs rgyas kyi mthu dang / dri ma med par grags pa'i byin gyi
348b1 rlabs kyis skad cig yud tsam thang cig de nyid la 'jig rten gyi khams spos thams cad kyi dri mchog de nas mi snang bar gyur te/ li tsa bI dri ma med par grags pa'i khyim na 'dug go/
348b2 de nas li tsa bI dri ma med par grags pas seng ge'i khri snga ma ci 'dra ba de lta bu'i seng ge'i khri brgya stong phrag dgu bcu byin gyis brlabs te/ de la byang chub sems dpa' de dag 'khod
348b3 do| |de nas sprul pa'i byang chub sems dpa' des zhal zas kyis bkang ba'i snod de dri ma med par grags pa la byin no/ /de nas zhal zas de'i dris yangs pa'i grong khyer chen
348b4 por 'dug par gyur te/ 'jig rten gyi khams stong gi bar du dri zhim po mnam par gyur to/ /gang yangs pa'i grong khyer gyi bram ze dang / khyim bdag rnams dang / li tsa bI rnams
348b5 kyi dbang po li tsa bI zla gdugs kyis dri de mnams nas ngo mtshar du gyur rmad du gyur te/ lus dang / sems dang bar gyur nas li tsa bI brgyad khri bzhi stong tshang ba dang lhan cig tu dri ma
348b6 med par grags pa'i khyim du zhugs so/ /de dag gi khyim de na byang chub sems dpas gang pa'i seng ge'i khri de tsam du mtho ba de tsam du che zhing yangs pa la 'khod pa mthong ste/
348b7 mthong nas de dag shin tu mos shing rab tu dga' ba chen po skyes te/ de dag thams cad kyis nyan thos chen po de dag dang / byang chub sems dpa' chen po de dag la phyag btsal
349a1 nas phyogs gcig tu 'khod do/ /sa la spyod pa'i lha'i bu rnams dang / 'dod pa na spyod pa dang / gzugs yod pa na spyod pa'i lha'i bu rnams kyang
349a2 dri des bskul nas li tsa bI dri ma med par grags pa'i khyim du lhags so/ /de nas li tsa bI dri ma med par grags pas gnas brtan shA ri'i bu dang / nyan thos chen po de dag la
349a3 'di skad ces smras so/ /btsun pa rnams/ de bzhin gshegs pa'i zhal zas bdud rtsi thugs rje chen pos yongs su bsgos pa zo la nyi tshe ba'i spyod pa la sems nye bar ma 'dogs
349a4 shig /sbyin pa spyod ma nus sa re/ de na nyan thos kha cig 'di snyam du sems so/ /zhal zas nyung du 'di la 'di lta bu'i 'khor 'dis ji ltar bza'o snyam mo/ /de nas sprul
349a5 pa'i byang chub sems dpa' des nyan thos de dag la 'di skad ces smras so/ /tshe dang ldan pa dag /khyed rang gi shes rab dang / bsod nams dang / de bzhin gshegs pa'i
349a6 shes rab dang / bsod nams su ma snyoms shig /de ci'i phyir zhe na/ 'di lta ste/ dper na/ rgya mtsho chen po bzhi ni zad kyang srid kyi/ zhal zas 'di la zad pa cung zad kyang
349a7 med do/ /sems can thams cad kyis zhal zas 'di kham ri rab tsam du bskal bar zos kyang 'di zad par mi 'gyur ro/ /de ci'i phyir zhe na/ tshul khrims dang / shes
349b1 rab dang / ting nge 'dzin mi zad pa las byung ba de bzhin gshegs pa'i zhal zas kyi snod du lus pa 'di zad par mi nus so/ /de nas zhal zas des 'khor thams cad la tshim
349b2 par byas kyang zhal zas de zad par ma gyur to/ /byang chub sems dpa' dang / nyan thos dang / brgya byin dang / tshangs pa dang / 'jig rten skyong ba rnams dang / sems can gzhan
349b3 dag gis zhal zas zos pa de dag kyang ji ltar 'jig rten gyi khams bde ba thams cad kyis rab tu brgyan pa na byang chub sems dpa' rnams kyi bde ba ci 'dra ba de lta bu'i bde pa
349b4 lus las skyes so/ /de dag gi spu'i khung bu nas kyang 'di lta bu'i dri 'byung ba ni/ 'di lta ste/ dper na/ 'jig rten gyi khams spos thams cad kyi dri mchog de na shing rnams las
349b5 dri 'byung ba bzhin no/ /de nas li tsa bI dri ma med par grags pa shes bzhin du bcom ldan 'das de bzhin gshegs pa spos mchog brtsegs pa'i sangs rgyas kyi zhing nas lhags
349b6 pa'i byang chub sems dpa' rnams la 'di skad ces smras so/ /rigs kyi bu dag /de bzhin gshegs pa spos mchog brtsegs pa de'i chos ston ba ci 'dra/ de dag gis smras pa
349b7 de bzhin gshegs pa de ni yi ge dang / nges pa'i tshig gis chos mi ston te/ dri de nyid kyis byang chub sems dpa' rnams 'dul bar gyur te/ spos kyi shing gang dang / gang gi drung du
350a1 byang chub sems dpa' de dag 'dug pa de dang / de dag las 'di 'dra ba'i dri byung ste/ gang dri de mnams ma thag tu byang chub sems dpa'i yon tan
350a2 thams cad kyi 'byung gnas zhes bya ba'i ting nge 'dzin rab tu thob par 'gyur ro/ /ting nge 'dzin de thob ma thag tu de dag thams cad la byang chub sems dpa'i yon tan rnams
350a3 skye'o| |de nas byang chub sems dpa' de dag gis li tsa bI dri ma med par grags pa la 'di skad ces smras so/ /'di na bcom ldan 'das shAkya thub pa chos bstan pa ji lta bu
350a4 rab tu ston par mdzad/ smras pa/ skyes bu dam pa rnams/ sems can 'di dag ni gdul dka' ste/ sems can dmu rgod gdul dka' ba 'di rnams la dmu rgod dang /
350a5 gdul dka' ba gdul ba'i gtam rnams rab tu ston to/ /dmu rgod gdul dka' ba rnams gdul ba gang / dmu rgod gdul dka' ba'i gtam de gang zhe na/ 'di lta ste /
350a6 'di ni sems can dmyal ba'o/ /'di ni dud 'gro'i skye gnas so/ /'di ni gshin rje'i 'jig rten no/ /'di ni mi khom pa'o/ /'di ni dbang po nyams par skye ba'o/ /'di
350a7 ni lus kyi nyes par spod pa'o/ /'di ni lus kyis nyes par spyad pa'i rnam par smin pa'o/ /'di ni ngag gi nyes par spyod pa'o/ /'di ni ngag gis nyes par spyad pa'i rnam par
350b1 smin pa'o/ /'di ni yid kyi nyes par spyod pa'o/ /'di ni yid kyis nyes par spyad pa'i rnam par smin pa'o/ /'di ni srog gcod pa'o/ /'di ni ma byin par len pa'o/ /'di ni 'dod
350b2 pas log par g.yem pa'o/ /'di ni brdzun du smra ba'o/ /'di ni phra ma'o/ /'di ni ngag rtsub pa'o/ /'di ni tshig kyal pa'o/ /'di ni brnab sems so/ /'di ni gnod sems so/ /
350b3 'di ni log par lta ba'o/ /'di ni de dag gi rnam par smin pa'o/ /'di ni ser sna'o/ /'di ni ser sna'i 'bras bu'o/ /'di ni 'chal pa'i tshul khrims so/ /'di ni khro ba'o/ /'di ni
350b4 le lo'o/ /'di ni le lo'i 'bras bu'o/ /'di ni 'chal pa'i shes rab bo/ /'di ni 'chal pa'i shes rab kyi 'bras bu'o/ /'di ni bslab pa'i gzhi las 'das pa'o/ /'di ni
350b5 so sor thar pa'o/ /'di ni bya pa'o/ /'di ni mi bya ba'o/ /'di ni rnam par 'byor pa'o/ /'di ni spong ba'o/ /'di ni sgrib pa'o/ /'di ni sgrib pa med pa'o/ /'di ni ltung ba'o/ /'di
350b6 ni ltung ba las byung ba'o/ /'di ni lam mo/ /'di ni lam ngan pa'o/ /'di ni dge ba'o/ /'di ni mi dge ba'o/ /'di ni kha na ma tho ba dang bcas pa'o/ /'di ni kha na ma tho ba med
350b7 pa'o| |'di ni zag pa dang bcas pa'o/ /'di ni zag pa med pa'o/ /'di ni 'jig rten pa'o/ /'di ni 'jig rten las 'das pa'o/ /'di ni 'dus byas so/ /'di ni 'dus ma
351a1 byas so/ /'di ni kun nas nyon mongs pa'o/ /'di ni rnam par byang ba'o/ /'di ni 'khor ba'o/ /'di ni mya ngan las 'das pa'o zhes de lta bur
351a2 chos rnam pa du mar bshad nas rta dmu rgod lta bu'i sems rab tu gnas par byed do/ /'di lta ste/ dper na/ rta'am/ bal glang dmu rgod gnad du brdab pa tshun chad kyis
351a3 dul bar 'gyur ro/ /de bzhin du sems can dmu rgod gdul dka' ba rnams kyang sdug bsngal thams cad smos pa'i gtam gyis dul bar 'gyur ro/ /byang chub sems
351a4 dpa' de dag gis smras pa/ 'di ltar bcom ldan 'das shAkya thub pa sangs rgyas kyi che ba bzhag ste/ ngan cing dbul ba sems can dmu rgod rnams 'dul ba ni ngo mtshar
351a5 to| |byang chub sems dpa' gang 'di lta bur sangs rgyas kyi zhing yang pa na 'khod pa de dag gi snying rje chen po'ang bsam gyis mi khyab bo/ /de nas li tsa bI dri ma med par
351a6 grags pas smras pa/ skyes bu dam pa dag /de de bzhin te ji skad smras pa de bzhin no/ /gang 'dir skyes pa'i byang chub sems dpa' 'di dag gis snying rje chen po shin tu
351a7 brtan no/ /de dag 'jig rten gyi khams 'dir tshe gcig la sems can gyi don shin tu mang du byed de/ 'jig rten gyi khams spos thams cad kyi dri mchog der bskal pa brgya
351b1 stong gis kyang sems can gyi don de ltar byed mi nus so/ /de ci'i phyir zhe na/ skyes bu dam pa dag /'jig rten gyi khams mi mjed 'dir gang de dag yongs su 'dzin par 'gyur ba'i
351b2 dge ba bsags pa chos bcu yod de/ de dag ni sangs rgyas kyi zhing gzhan na med do/ /bcu gang zhe na/ 'di lta ste/ dbul po rnams la ni sbyin pas sdud do/ /tshul khrims 'chal
351b3 pa rnams la ni tshul khrims kyis sdud do/ /khong khro ba rnams la ni bzod pas sdud do/ /le lo can rnams la ni brtson 'grus kyis sdud do/ /sems g.yeng ba rnams la ni bsam
351b4 gtan gyis sdud do/ /shes rab 'chal ba rnams la ni shes rab kyis sdud do/ /mi khom par gyur pa rnams la ni mi khom pa brgyad las 'da' ba ston to/ /nyi tshe bar spyod pa
351b5 rnams la ni theg pa chen po ston to/ /dge ba'i rtsa ba ma bskyed pa rnams la ni dge ba'i rtsa bas sdud do/ /bsdu ba'i dngos po bzhis rtag tu rgyun mi 'chad par sems can yongs
351b6 su smin par byed pa ste/ dge ba bsags pa'i chos bcu po 'di dag rab tu 'dzin par 'gyur ba de dag ni sangs rgyas kyi zhing gzhan na med do/ /byang chub sems dpa' de
351b7 dag gis smras pa/ chos du dang ldan na byang chub sems dpa' 'jig rten gyi khams mi mjed 'di nas shi 'phos nas ma rmas ma snang par sangs rgyas kyi zhing yongs su dag
352a1 par 'gro bar 'gyur/ smras pa/ chos brgyad dang ldan na byang chub sems dpa' 'jig rten gyi khams mi mjed 'di nas shi 'phos nas
352a2 ma rmas ma snad par sangs rgyas kyi zhing yongs su dag par 'gro bar 'gyur ro/ /brgyad gang zhe na/ sems can thams cad la bdag gis phan par bya ste/ 'di dag las
352a3 ni phan pa chung zad kyang mi 'chol la/ sems can thams cad kyi sdug bsngal thams cad bzod par bya ste/ des dge ba'i rtsa ba thams cad sems can thams cad la
352a4 gtang bar bya'o snyam pa dang / sems can thams cad la khong khro ba med pa dang / byang chub sems dpa' thams cad la ston pa lta bur dga' ba dang / thos pa dang /
352a5 mthos pa'i chos rnams thos na mi spong ba dang / gzhan gyi rnyed pa la phrag dog med cing bdag gi rnyed pas mi snyems shing sems nges par sems pa dang / bdag gi
352a6 'khrul pa la so sor rtog cing gzhan gyi nyes pa mi gleng ba dang / bag yod pa la dga' zhing yon tan thams cad yang dag par len pa ste/ chos brgyad po de dag dang
352a7 ldan na byang chub sems dpa' 'jig rten gyi khams mi mjed nas shi 'phos nas ma rmas ma snad par sangs rgyas kyi zhing yongs su dag par 'gro bar 'gyur ro/ /
352b1 de nas li tsa bI dri ma med par grags pa dang / 'jam dpal gzhon nur gyur pas de ltar 'khor der 'dus pa la de ltar chos bstan pas 'di ltar srog chags 'bum tshang ba
352b2 bla na med pa yang dag par rdzogs pa'i byang chub tu sems skyes so/ /byang chub sems dpa' khri ni mi skye ba'i chos la bzod pa thob par gyur to/ /sprul pas zhal zas blangs pa'i
352b3 le'u ste dgu pa'o// //yang de'i tshe bcom ldan 'das a mra srung ba'i tshal na chos ston pa'i 'khor gyi khyams de'ang rgya che zhing yangs par gyur to/ /'khor de'ang
352b4 gser gyi kha dog lta bur 'dug go /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ 'di ltar a rma srung ba'i tshal
352b5 'di rgya che zhing yangs par gyur pa dang / 'khor thams cad kyang gser gyi kha dog du gda' ba 'di su'i snga ltas lags/ bcom ldan 'das kyis bka' stsal pa/ kun dga'
352b6 po| 'di ni li tsa bI dri ma med par grags pa dang / 'jam dpal gzhon nur gyur pa gnyis 'khor mang pos yongs su bskor cing mdun du bdar te/ de bzhin gshegs
352b7 pa'i drung du 'ong ba'i snga ltas so/ /de nas li tsa bI dri ma med par grags pas 'jam dpal gzhon nur gyur pa la 'di skad ces smras so/ /'jam dpal/ sems can chen
353a1 po 'di dag kyang de bzhin gshegs pa mthong zhing phyag 'tshal bar 'gyur gyi/ yu bu cag bcom ldan 'das kyi drung du 'dong ngo / /'jam dpal
353a2 gyis smras pa/ rigs kyi bu dag /de'i dus la bab pa shes na 'dong ngo / /de nas li tsa bI dri ma med par grags pas 'di lta bu'i rdzu 'phrul mngon par 'du bya ba mngon
353a3 par 'du byas pas ji ltar 'khor thams cad seng ge'i khri de dag dang bcas te lag pa g.yas pa'i steng du bzhag nas/ bcom ldan 'das ga la ba der dong ste der
353a4 phyin pa dang / de dag sa la bzhag ste bcom ldan 'das kyi zhabs la mgo bos phyag btsal nas/ bcom ldan 'das la lan bdun du bskor te phyogs gcig tu 'dug
353a5 go |de nas de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' de dag kyang seng ge'i khri las babs te/ bcom
353a6 ldan 'das kyi zhabs la mgo bos phyag btsal nas bcom ldan 'das la thal mo sbyar te phyag 'tshal zhing phyogs gcig tu 'khod do/ /byang chub sems dpa' sems
353a7 dpa' chen po de dag dang / nyan thos chen po de dag thams cad kyang seng ge'i khri las babs te bcom ldan 'das kyi zhabs la mgo bos phyag btsal nas phyogs gcig tu
353b1 'khod do/ /de bzhin du brgya byin dang / tshangs pa dang / 'jig rten skyong ba dang / lha'i bu de dag thams cad kyang bcom ldan 'das kyi zhabs la mgo bos phyag btsal nas phyogs
353b2 gcig tu 'khod do/ /de nas bcom ldan 'das kyis byang chub sems dpa' de dag la chos kyi gtam gyis yang dag par dga' bar byas nas 'di skad ces bka' stsal to/ /rigs
353b3 kyi bu dag /rang rang gi seng ge'i khri la 'khod cig /bcom ldan 'das kyis de skad ces bka' stsal nas de dag 'khod do/ /de nas bcom ldan 'das kyis shA ri'i bu la 'di
353b4 skad ces bka' stsal to/ /shA ri'i bu/ khyod kyis sems can gyi mchog byang chub sems dpa' rnams kyi rnam par 'phrul pa mthong ngam/ gsol pa/ bcom ldan 'das/ mthong
353b5 lags so/ /bcom ldan 'das kyis bka' stsal pa/ de la khyod kyi 'du shes ji lta bur skyes/ gsol pa/ bcom ldan 'das/ bdag de la bsam gyis mi khyab pa'i 'du shes
353b6 skyes lags so/ /ji ltar bsam pa dang / gzhal ba dang / bgrang bar mi nus pa de lta bur de dag gi bgyid pa bsam gyis mi khyab pa mthong ngo / /de nas bcom ldan 'das la
353b7 tshe dang ldan pa kun dga' bos 'di skad ces gsol to/ /bcom ldan 'das/ sngon ma mnams pa'i dri zhig gda' na 'di lta bu su'i dri lags/ bcom ldan 'das kyis bka'
354a1 stsal pa/ kun dga' bo/ byang chub sems dpa' 'di dag gis lus kyi spu'i khung bu thams cad nas dri phyung ba yin no/ /shA ri'i bus kyang smras
354a2 pa| tshe dang ldan pa kun dga' bo/ kho bo cag gi lus kyi spu'i khung bu thams cad nas kyang 'di lta bu'i dri 'byung ngo / /smras pa/ dri ci las byung / smras pa/ li tsa bI dri ma med
354a3 par grags pa 'dis de bzhin gshegs pa spos mchog brtsegs pa'i sangs rgyas kyi zhing 'jig rten gyi khams spos thams cad kyi dri mchog nas zhal zas blangs te/ zos
354a4 so cog thams cad kyi lus las 'di lta bu'i dri 'byung ngo / /de nas tshe dang ldan pa kun dga' pos li tsa bI dri ma med par grags pa la 'di skad ces smras so/ /dri 'di ji srid
354a5 kyi bar du 'chags par 'gyur/ smras pa/ ji srid zas ma zhu ba'i bar du'o/ /kun dga' bos smras pa/ zas de yun ji srid na zhu bar 'gyur/ smras pa/ zhag bdun phrag
354a6 bdun gyis zhu bar 'gyur te/ de nas yang zhag bdun gyi bar du des mdangs rgyas par 'gyur ro/ /ma zhu ba'i gnod par yang mi 'gyur ro/ /btsun pa kun dga' bo/ dag
354a7 slong gang nges pa la ma zhugs pas zas 'di zos na de dag nges pa la zhugs na de 'ju bar 'gyur ro/ /nges pa la zhugs pa gang gis zhal zas 'di zos pa de dag sems
354b1 yongs su ma grol gyi bar du mi 'ju'o/ /sems can byang chub tu sems ma bskyed pa gang dag gis de zos pa de dag byang chub tu sems bskyed na de 'ju bar 'gyur ro/ /byang chub
354b2 tu sems bskyed pa gang dag gis zos pa de dag bzod pa ma thob kyi bar du mi 'ju'o/ /bzod pa thob pa gang dag gis zos pa de dag skye ba gcig gis thogs na 'ju bar 'gyur
354b3 ro| |btsun pa kun dga' bo/ 'di lta ste/ dper na/ sman blo ldan zhes bya ba ltor song na dug thams cad med par ma gyur gyi bar du mi 'ju ste sman de phyis 'ju bar 'gyur ro/ /de
354b4 bzhin du/ btsun pa kun dga' bo/ nyon mongs pa thams cad kyi dug med par ma gyur gyi bar du zas de 'ju bar mi 'gyur te/ zas de phyis gdod 'ju bar 'gyur ro/ /de nas
354b5 tshe dang ldan pa kun dga' bos bcom ldan 'das la 'di skad ces gsol to/ bcom ldan 'das/ zhal zas 'di ni sangs rgyas kyi mdzad pa bgyid do/ /bka' stsal pa/ kun
354b6 dga' bo/ de de bzhin te/ ji skad smras pa de de bzhin no/ /kun dga' bo/ gang dag na byang chub sems dpa' sangs rgyas kyi mdzad pa byed pa'i sangs rgyas kyi zhing rnams kyang yod
354b7 do| |gang dag na 'od kyis sangs rgyas kyi mdzad pa byed pa'i sangs rgyas kyi zhing rnams kyang yod do/ /gang dag na byang chub kyi shing gis sangs rgyas kyi mdzad pa byed pa'i sangs rgyas
355a1 kyi zhing rnams kyang yod do/ /gang dag na de bzhin gshegs pa'i mtshan dang / gzugs mthong bas sangs rgyas kyi mdzad pa byed pa'i sangs rgyas kyi zhing
355a2 rnams kyang yod do/ /gang dag na chos gos kyis sangs rgyas kyi mdzad pa byed pa'i sangs rgyas kyi zhing rnams kyang yod do/ /de bzhin du zhal zas kyis sangs rgyas kyi mdzad pa byed
355a3 pa dang / de bzhin du chu dang / skyed mos tshal dang / gzhal med khang dang / khang pa brtsegs pas sangs rgyas kyi mdzad pa byed pa dag kyang yod do/ /kun dga' bo/ gang dag
355a4 na sprul pas sangs rgyas kyi mdzad pa byed pa'i sangs rgyas kyi zhing rnams kyang yod do/ /kun dga' bo/ nam mkha' sangs rgyas kyi mdzad pa byed pa'i sangs rgyas kyi zhing dag
355a5 kyang yod do/ /de bzhin du nam mkha' dang / bar snang dag sangs rgyas kyi mdzad pa byed de/ de lta bus sems can de dag 'dul bar 'gyur ro/ /kun dga' bo/ de bzhin du
355a6 rmi lam dang / gzugs brnyan dang / chu zla dang / brag ca dang / sgyu ma dang / smig rgyu dang / dper bstan pa dang / yi ge dang / nges pa'i tshig ston pa sems can de dag la
355a7 sangs rgyas kyi mdzad pa byed pa dag kyang yod do/ /gang dag na yi ge rnam par rig par byed pas sangs rgyas kyi mdzad pa byed pa'i sangs rgyas kyi zhing dag kyang yod do/ /kun
355b1 dga' bo/ gang na smra ba med pa dang / brjod pa med pa dang / mi bstan pa dang / mi brjod pas sems can de dag la sangs rgyas kyi mdzad pa byed de/ de lta bur yongs su dag pa'i
355b2 sangs rgyas kyi zhing rnams kyang yod do/ /kun dga' bo/ sangs rgyas bcom ldan 'das rnams kyi spyod lam dang / longs spyod dang / yongs su spyod pas sems can rnams 'dul
355b3 ba'i phyir sangs rgyas kyi mdzad pa mi byed pa ni gang yang med do/ /kun dga' bo/ bdud bzhi po de dag dang / nyon mongs pa'i sgo brgya stong phrag brgyad cu rtsa bzhis sems can rnams
355b4 kun nas nyon mongs pa de thams cad kyis sangs rgyas bcom ldan 'das rnams sangs rgyas kyi mdzad pa byed do/ /kun dga' bo/ 'di ni sangs rgyas kyi chos thams cad kyi sgor
355b5 'jug pa zhes bya ba'i chos kyi sgo ste/ chos kyi sgo 'dir zhugs pa'i byang chub sems dpa' de ni yon tan rgya chen po bkod pa thams cad dang ldan pa'i sangs rgyas kyi zhing rnams la
355b6 zhum pa'ang med/ gong ba'ang med/ yon tan rgya chen po bkod pa thams cad dang ldan pa'i sangs rgyas kyi zhing rnams la dga' ba'ang med/ snyems pa'ang med de/ de bzhin
355b7 gshegs pa rnams la'ang rab tu ri mor skyed do/ /sangs rgyas bcom ldan 'das chos thams cad mnyam pa nyid thugs su chud pa rnams kyi sems can yongs su smin par bya ba'i
356a1 phyir sangs rgyas kyi zhing sna tshogs su ston pa de ni ngo mtshar to/ /kun dga' bo/ 'di lta ste/ sangs rgyas kyi zhing rnams kyi yon tan gzhan dang / gzhan
356a2 du sna tshogs su 'gyur yang bya lam gyis khebs pa'i sangs rgyas kyi zhing dang / nam mkha' la tha dad pa med pa de bzhin du/ kun dga' bo/ de bzhin gshegs pa rnams kyi gzugs
356a3 kyi sku tha dad du 'gyur yang de bzhin gshegs pa rnams kyi chags pa med pa'i ye shes ni tha dad pa ma yin no/ /kun dga' bo/ sangs rgyas thams cad kyi gzugs dang / kha
356a4 dog dang / gzi brjid dang / sku dang / mtshan dang / rigs btsun pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol
356a5 ba'i ye shes mthong ba dang / stobs rnams dang / mi 'jigs pa rnams dang / sangs rgyas kyi chos rnams dang / byams pa chen po dang / snying rje chen po dang / phan par dgongs
356a6 pa dang / spyod lam dang / spyod pa dang / lam dang / tshe'i tshad dang / chos ston pa dang / sems can yongs su smin par byed pa dang / sems can rnam par grol ba dang / zhing
356a7 yongs su dag pa dang / sangs rgyas kyi chos thams cad yongs su rdzogs par mtshungs te/ de bas na yang dag par rdzogs pa'i sangs rgyas zhes bya'o/ /de bzhin gshegs pa
356b1 zhes bya'o/ /sangs rgyas zhes bya'o/ /kun dga' bo/ tshig de gsum gyi don rgyas pa dang / tshig rnam par dbye ba gang yin pa de ni khyod tshe'i tshad bskal par 'dug kyang bde bar kun chub
356b2 par sla ba ma yin no/ /stong gsum du gtogs pa'i sems can rnams kun dga' bo khyod 'dra bar mang du thos pa dang / dran pa dang / gzungs thob pa rnams kyi nang na mchog tu gyur
356b3 la| kun dga' bo dang 'dra ba'i sems can de dag thams cad kyis kyang yang dag par rdzogs pa'i sangs rgyas zhes bya ba dang / de bzhin gshegs pa zhes bya ba dang / sangs rgyas
356b4 zhes bya ba'i tshig de gsum gyi don gdon mi za bar bstan pa ni bskal par yang kun chub par mi nus so/ /kun dga' bo/ de ltar sangs rgyas kyi byang chub ni tshad med de/ de bzhin
356b5 gshegs pa rnams kyi shes rab dang / spobs pa bsam gyis mi khyab bo/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/
356b6 deng slan chad bdag mang du thos pa'i mchog go zhes dam mi 'cha'o/ /bcom ldan 'das kyis bka' stsal pa/ kun dga' bo/ khyod zhum pa'i sems ma skyed cig /de ci'i phyir zhe
356b7 na| kun dga' bo/ khyod nyan thos rnams la dgongs te mang du thos pa'i mchog go zhes ngas bstan gyi byang chub sems dpa'i nang na ma yin no/ /kun dga' bo/ byang chub sems
357a1 dpa' lta zhog gi /de dag ni mkhas pa dag gis tshod gzung bar bya ba ma yin te/ kun dga' bo/ rgya mtsho thams cad kyi gting ni tshod gzung bar
357a2 nus kyi byang chub sems dpa' rnams kyi shes rab dang / ye shes dang / dran pa dang / gzungs dang / spobs pa'i gting ni tshod gzung mi nus so/ /kun dga' bo/ byang
357a3 chub sems dpa'i spyod pa rnams la khyod btang snyoms su gyis shig /de ci'i phyir zhe na/ kun dga' bo/ li tsa bI dri ma med par grags pa 'dis snga dro gcig la bkod
357a4 pa bstan pa ni nyan thos dang / rang sangs rgyas rdzu 'phrul thob pa thams cad kyis bskal pa bye ba brgya stong du'ang rdzu 'phrul dang / rnam par sprul pa'i cho 'phrul thams cad kyis
357a5 ston mi nus so/ /de nas bcom ldan 'das de bzhin gshegs pa spos mchog brtsegs pa'i sangs rgyas kyi zhing nas lhags pa'i byang chub sems dpa' de dag thams cad kyis
357a6 thal mo sbyar te/ de bzhin gshegs pa la phyag btsal zhing tshig 'di skad ces gsol to/ /bcom ldan 'das/ bdag cag gis 'di ltar sangs rgyas kyi zhing 'di la ngan
357a7 par 'du shes bskyed pa yid la bgyis pa rnams spang bar 'tshal lo/ /de ci'i slad du zhe na/ bcom ldan 'das/ sangs rgyas bcom ldan 'das rnams kyi sangs rgyas kyi yul
357b1 dang / thabs mkhas pa ni bsam gyis mi khyab ste/ de dag sems can thams cad yongs su smin par bgyi ba'i slad du ji lta ji lta bur bzhed pa de ltar de lta bur zhing bkod pa
357b2 ston to/ /bcom ldan 'das/ bdag cag 'jig rten gyi khams spos thams cad kyi dri mchog der mchis kyang bcom ldan 'das rjes su dran par 'gyur ba'i chos kyi rdzongs
357b3 shig bdag cag la stsal bar gsol/ de skad ces gsol pa dang / bcom ldan 'das kyis bka' stsal pa/ rigs kyi bu/ byang chub sems dpa'i rnam par thar pa zad pa
357b4 pa dang / mi zad pa zhes bya ba yod de/ de la khyed kyis bslab par bya ste/ de'ang gang zhe na/ zad pa zhes bya ba ni 'dus byas so/ /mi zad pa ni 'dus ma byas te/ de la byang chub sems
357b5 dpa' 'dus byas zad par mi bya/ 'dus ma byas la'ang gnas par mi bya'o/ /de la 'dus byas mi zad pa ni/ 'di lta ste/ byams pa chen po las ma nyams pa'o/ /snying rje chen po ma
357b6 btang ba'o/ /lhag pa'i bsam pas yang dag par btsud pa'i thams cad mkhyen pa'i sems mi brjed pa'o/ /sems can yongs su smin par byed pa la mi skyo ba'o/ /bsdu ba'i
357b7 dngos po mi gtong ba'o/ /dam pa'i chos yongs su gzung ba'i phyir lus dang / srog 'dor ba'o/ /dge ba'i rtsa ba dag la chog mi shes pa'o/ /yongs su bsngo bar mkhas pa la 'god
358a1 pa'o| |chos tshol ba la le lo med pa'o/ /chos bstan pa la slob dpon dpe mkhyud mi byed pa'o/ de bzhin gshegs pa la blta ba dang / mchod
358a2 pa'i dngos po la brtson pa'o/ /bsams bzhin du skye bas mi skrag pa'o/ /phun sum tshogs pa dang / rgud pa dag la ma khengs mi 'dud pa'o/ /ma bslabs pa rnams la mi brnyas
358a3 shing lobs pa rnams la ston pa ltar phangs par sems pa'o/ /nyon mongs pa rgyas pa rnams la tshul bzhin nye bar sbyor ba'o/ /dben pa la dga' zhing de la ma chags
358a4 pa'o| |bdag gi bde la ma zhen cing pha rol bde ba la zhen pa'o/ /bsam gtan dang / ting nge 'dzin dang / snyoms par 'jug pa la mnar med pa ltar 'du shes pa'o/ /
358a5 'khor ba la skyed mos tshal dang / mya ngan las 'das pa lta bur 'du shes pa'o/ /slong ba rnams la dge ba'i bshes gnyen du 'du shes pa'o/ /bdog pa thams cad yongs
358a6 su gtong ba la thams cad mkhyen pa nyid rdzogs par byed par 'du shes pa'o/ /tshul khrims 'chal ba rnams la bskyab par 'du shes pa'o/ /pha rol tu phyin pa rnams la ba
358a7 mang 'du shes pa'o/ /byang chub kyi phyogs kyi chos rnams la bdag po g.yog tu 'du shes pa'o/ /dge ba'i rtsa ba'i tshogs thams cad kyis chog mi shes shing sangs rgyas kyi
358b1 zhing thams cad kyi yon tan bdag gi zhing du sgrub pa'o/ /mtshan dang / dpe byad bzang po yongs su bkang ba'i phyir gtan pa med pa'i mchod sbyin yongs su gtong ba'o/ /sdig pa thams
358b2 cad mi byed pas lus dang / ngag dang / sems brgyan pa'o/ /lus dang / ngag yongs su dag cing sems yongs su dag pas bskal pa grangs med par 'khor ba'o/ /sems dpa' bas
358b3 sangs rgyas kyi yon tan tshad med pa thos kyang zhum par mi 'gyur ba'o/ /nyon mongs pa'i dgra tshar gcod par bya ba'i phyir shes rab kyi mtshon rnon po thogs pa'o/ /sems can thams
358b4 cad kyi khur bkur ba'i phyir phung po dang / khams dang / skye mched kun shes pa'o/ /bdud kyi sde gzhom pa'i phyir brtson 'grus 'bar ba'o/ /nga rgyal med pa'i phyir ye shes
358b5 tshol ba'o/ /chos gzung ba'i phyir 'dod pa nyung zhing chog shes pa'o/ /'jig rten thams cad dga' bar bya ba'i phyir 'jig rten gyi chos thams cad dang ma 'dres pa'o/ /'jig
358b6 rten dang mthun par bya ba'i phyir spyod lam thams cad las ma nyams pa'o/ /bya ba thams cad yang dag par bstan par bya ba'i phyir mngon par shes pa bskyed pa'o/ /thos pa thams
358b7 cad gzung ba'i phyir gzungs dang / dran pa dang / ye shes so/ /sems can thams cad kyi the tshom gcad pa'i phyir dbang po mchog dang / mchog ma yin pa shes pa'o/ /chos bstan
359a1 pa'i phyir byin gyi rlabs thogs pa med pa'o/ /slobs pa thob pa rab tu rnyed pas spobs pa thogs pa med pa'o/ /dge ba bcu'i las kyi la ma yongs su
359a2 dag pas lha dang / mi'i phun sum tshogs pa myong ba'o/ /tshad med pa bzhi rab tu bskyed pas tshangs pa'i lam du 'god pa'o/ /chos bstan par gsol ba dang / rjes su yi rang zhing
359a3 legs so zhes bya ba byin pas sangs rgyas kyi dbyangs rab tu thob pa'o/ /lus dang / ngag dang / yid sdom pas khyad par du 'gro ba dang / chos thams cad la ma chags pas
359a4 sangs rgyas kyi spyod lam rab tu thob pa'o/ /byang chub sems dpa'i dge 'dun sdud pas theg pa chen po la yang dag par 'dzud pa'o/ /yon tan thams cad chud mi za bas
359a5 bag yod pa yin te/ rigs kyi bu/ de ltar na byang chub sems dpa' chos la brtson zhing byang chub sems dpa' 'dus byas zad par mi byed do/ /ji ltar na 'dus ma
359a6 byas la mi gnas she na/ gang gi tshe stong pa nyid la byang bar byed cing stong pa nyid mngon sum du'ang mi byed/ mtshan ma med pa la yongs su byang bar byed kyang mtshan ma
359a7 med pa mngon sum du'ang mi byed/ smon pa med pa la yongs su byang bar byed kyang smon pa med pa mngon sum du'ang mi byed/ mngon par 'du mi byed pa la yongs su byang bar
359b1 byed kyang mngon par 'du mi byed pa mngon sum du'ang mi byed/ mi rtag par so sor rtog kyang dag pa'i rtsa bas chog mi shes/ sdug bsngal bar so sor rtog kyang bsams bzhin du skye
359b2 bdag med par so sor rtog kyang bdag yongs su 'dor ba'ang ma yin/ zhi bar so sor rtog kyang shin tu zhi ba'ang mi skyed/ dben par so sor rtog kyang lus dang / sems kyis kyang
359b3 'bad/ gnas med par so sor rtog kyang dkar po'i chos kyis gnas spong ba'ang ma yin/ 'byung ba med par so sor rtog kyang sems can rnams kyi khur blangs pa'ang thogs/
359b4 zag pa med par so sor rtog kyang 'khor ba'i rgyun la slong bar yang byed/ rgyu ba med par so sor rtog kyang sems can yongs su smin par bya ba'i phyir rgyu bar yang 'gyur/ bdag
359b5 med par so sor rtog kyang sems can la snying rje chen po mi 'dor/ mi skye bar so sor rtog kyang nyan thos kyi nges par yang mi ltung / gsog dang / gso ba dang / snying po med pa
359b6 dang | bdag po med pa dang / gnas med par so sor rtog kyang bsod nams gsog ma yin pa dang / ye shes gsob ma yin pa dang / brnag pa yongs su rdzogs shing rang byung
359b7 ba'i ye shes su dbang bskur ba dang / rang byung gi ye shes la brtson pa dang / nges pa'i don sangs rgyas kyi rigs la rab tu gnas pa yin te/ rigs kyi bu/ de ltar na de lta bu'i chos
360a1 la mos pa'i byang chub sems dpa' ni 'dus ma byas la ma gnas shing 'dus byas kyang zad par mi byed do/ /rigs kyi bu/ gzhan yang / byang chub
360a2 sems dpa' ni bsod nams kyi tshogs yang dag par sgrub pa'i phyir 'dus ma byas la mi gnas so/ /ye shes kyi tshogs yang dag par bsgrub pa'i phyir 'dus byas zad par
360a3 mi byed do/ /byams pa chen po dang ldan pa'i phyir 'dus ma byas la mi gnas so/ /snying rje chen po dang ldan pa'i phyir 'dus byas zad par mi byed do/ /sems can yongs su
360a4 smin par bya ba'i phyir 'dus ma byas la mi gnas so/ /sangs rgyas kyi chos rnams la mos pa'i phyir 'dus byas zad par mi byed do/ /sangs rgyas kyi mtshan yongs su rdzogs
360a5 par bya ba'i phyir 'dus ma byas la mi gnas so/ /thams cad mkhyen pa'i ye shes yongs su rdzogs par bya ba'i phyir 'dus byas zad par mi byed do/ /thabs la mkhas
360a6 pa'i phyir 'dus ma byas la mi gnas so/ /shes rab kyis shin tu brtags pa'i phyir 'dus byas zad par mi byed do/ /sangs rgyas kyi zhing yongs su dag par bya ba'i phyir
360a7 'dus ma byas la mi gnas so/ /sangs rgyas kyi byin gyi rlabs kyi phyir 'dus byas zad par mi byed do/ /sems can gyi don myong ba'i phyir 'dus ma byas la mi gnas so/ /chos kyi
360b1 don yang dag par bstan pa'i phyir 'dus byas zad par mi byed do/ /dge ba'i rtsa ba'i tshogs kyi phyir 'dus ma byas la mi gnas so/ /dge ba'i rtsa ba'i bag chags kyi phyir 'dus
360b2 byas zad par mi byed do/ /smon lam yongs su rdzogs par bya ba'i phyir 'dus ma byas la mi gnas so/ /smon pa med pa'i phyir 'dus byas zad par mi byed do/ /bsam pa yongs
360b3 su dag pa'i phyir 'dus ma byas la mi gnas so/ /lhag pa'i bsam pa yongs su dag pa'i phyir 'dus byas zad par mi byed do/ /mngon par shes pa lngas rnam par rtsen pa'i
360b4 phyir 'dus ma byas la mi gnas so/ /sangs rgyas kyi ye shes kyi mngon par shes pa drug gi phyir 'dus byas zad par mi byed do/ /pha rol tu phyin pa'i tshogs yongs su bkang ba'i
360b5 phyir 'dus ma byas la mi gnas so/ /dus yongs su rdzogs pa'i phyir 'dus byas zad par mi byed do/ /chos kyi nor kun bsdu ba'i phyir 'dus ma byas la mi gnas so/ /nyi tshe ba'i
360b6 chos mi 'dod pas 'dus byas zad par mi byed do/ /chos kyi sman kun sdud pa'i phyir 'dus ma byas la mi gnas so/ /ci rigs par chos kyi sman sbyor ba'i phyir 'dus byas zad par
360b7 mi byed do/ /dam bcas pa la brtan pa'i phyir 'dus ma byas la mi gnas so/ /dam bcas pa nyams 'og tu chud par bya ba'i phyir 'dus byas zad par mi byed de/ chos kyi rtsi
361a1 thams cad sgrub pa'i phyir 'dus ma byas la mi gnas so/ /'di ltar chos chung du'i sman sbyor ba'i phyir 'dus byas zad par mi byed do/ /de nyon mongs
361a2 pa'i nad thams cad yongs su shes pa'i phyir 'dus ma byas la mi gnas so/ /nad thams cad zhi ba'i phyir 'dus byas zad par mi 'dod do/ /rigs kyi bu/ de ltar na byang
361a3 chub sems dpa' 'dus byas zad par mi byed cing 'dus ma byas la mi gnas te/ de ni byang chub sems dpa' rnams kyi rnam par thar pa'i zad pa dang / mi zad pa zhes bya ba
361a4 yin no/ /skyes bu dam pa dag /khyed kyis kyang de la brtson par gyis shig /de nas byang chub sems dpa' de dag bstan pa 'di thos nas tshim zhing mgu la yi rangs te/
361a5 rab tu dga' nas dga' ba dang / yid bde ba skyes te/ bcom ldan 'das la mchod ba bya ba dang / byang chub sems dpa' de dag dang / chos kyi rnam grangs 'di la mchod par
361a6 bya ba'i phyir stong gsum gyi stong chen po'i 'jig rten gyi khams 'di thams cad phye ma dang / spos dang / bdug pa mang po thams cad dang / me tog gis pus mo nub tsam du khebs
361a7 par byas te/ bcom ldan 'das kyi 'khor gyi dkyil 'khor du'ang mngon par bkram pa byas nas bcom ldan 'das kyi zhabs la mgo bos phyag btsal te/ bcom ldan
361b1 'das la lan gsum bskor nas ched du brjod pa brjod cing / de nas sangs rgyas kyi zhing 'di nas mi snang bar gyur te/ skad cig yud tsam thang cig gis 'jig rten gyi khams
361b2 spos thams cad kyi mchog der 'khod do/ /zad pa dang / mi zad pa zhes bya ba'i chos kyi rdzongs kyi le'u ste bcu pa'o// //de nas bcom ldan 'das kyis li tsa bI dri ma med
361b3 par grags pa la 'di skad ces bka' stsal to/ /rigs kyi bu/ khyod gang gi tshe de bzhin gshegs pa la lta 'dod par gyur ba de'i tshe khyod de bzhin gshegs pa la ji ltar lta/ de
361b4 skad ces bka' stsal pa dang / bcom ldan 'das la li tsa bI dri ma med par grags pas 'di skad ces gsol to/ /bcom ldan 'das/ gang gi tshe bdag de bzhin gshegs pa la lta
361b5 'tshal ba de'i tshe de bzhin gshegs pa mi mthong bas lta ba lags so/ /sngon gyi mtha' nas ma skyes pa dang / phyi ma'i mthar mi 'gro ba dang / da ltar gyi dus la'ang mi gnas par
361b6 lta lags so/ /de ci'i slad du zhe na/ gzugs kyi de bzhin nyid kyi rang bzhin te/ gzugs ma mchis pa'o/ /tshor ba'i de bzhin nyid kyi rang bzhin te/ tshor ba ma mchis pa'o/ /
361b7 'du shes kyi de bzhin nyid kyi rang bzhin te/ 'du shes ma mchis pa'o/ /'du byed kyi de bzhin nyid kyi rang bzhin te/ 'du byed ma mchis pa'o/ /rnam par shes pa'i de bzhin nyid kyi
362a1 rang bzhin te/ rnam par shes pa ma mchis pa'o/ /khams bzhi ni mi gnas pa ste/ nam mkha'i khams dang mtshungs pa'o/ /skye mched drug ni ma
362a2 skyes pa ste/ mig gi lam las shin tu 'das pa/ rna ba'i lam las shin tu 'das pa/ sna'i lam las shin tu 'das pa/ lce'i lam las shin tu 'das pa/ lus
362a3 kyi lam las shin tu 'das pa/ yid kyi lam las shin tu 'das pa/ khams gsum pa dang ma 'dres pa/ dri ma gsum dang bral ba/ rnam par thar pa gsum gyi rjes
362a4 su mchis pa/ rig pa gsum thob pa/ ma thob pa yang dag par thob pa/ chos thams cad la ma chags pa'i mthar phyin pa/ yang dag pa nyid kyi mtha' ma mchis pa/ de
362a5 bzhin nyid la rab tu gnas pa de phan tshun du bral ba/ rgyus ma bskyed pa/ rkyen la rag ma las pa/ mtshan nyid ma mchis pa/ mtshan nyid dang bcas pa ma lags pa/ mtshan
362a6 nyid gcig pa'ang ma lags pa/ mtshan nyid tha dad pa'ang ma lags pa/ rtog par gyur pa'ang ma lags pa/ kun tu rtog par gyur pa'ang ma lags pa/ rnam par rtog par
362a7 gyur pa'ang ma lags pa/ pha rol na'ang ma lags pa/ tshu rol du'ang ma lags pa/ dbus na'ang ma lags pa/ 'di na'ang ma lags pa/ pha gi na'ang ma lags pa/ de na'ang
362b1 ma lags pa/ gzhan na'ang ma lags pa/ rnam par shes pas 'tshal bar bgyi ba'ang ma lags pa/ rnam par shes pa la gnas pa'ang ma lags pa/ mun pa'ang ma lags
362b2 pa| snang ba'ang ma lags pa/ ming ma mchis pa/ mtshan ma ma mchis pa/ nyam chung ba'ang ma lags pa/ stobs dang ldan pa'ang ma lags pa/ yul la mi gnas shing phyogs
362b3 la mi gnas pa/ dge ba'ang ma lags pa/ mi dge ba'ang ma lags pa/ 'dus byas kyang ma lags pa/ 'dus ma byas kyang ma lags pa/ gang gi don du'ang brjod pa ma
362b4 lags pa/ sbyin par yang ma lags pa/ ser snar yang ma lags pa/ tshul khrims su'ang ma lags pa/ 'chal ba'i tshul khrims su'ang ma lags pa/ bzod par yang
362b5 ma lags pa/ gnod sems su'ang ma lags pa/ brtson 'grus su'ang ma lags pa/ le lor yang ma lags pa/ bsam gtan du'ang ma lags pa/ g.yeng bar yang ma
362b6 lags pa/ shes rab tu'ang ma lags pa/ 'chal ba'i shes rab tu'ang brjod pa'ang ma lags pa/ bden par yang ma lags pa/ brdzun par yang ma lags pa/ nges
362b7 par 'byin pa'ang ma lags pa/ nges par mi 'byin pa'ang ma lags pa/ 'gro bar bgyi ba'ang ma lags pa/ 'gro bar mi bgyi ba'ang ma lags pa/ smra ba dang / spyod pa thams
363a1 cad shin tu chad pa ste/ zhing du gyur pa'am ma lags pa/ zhing du ma gyur pa'ang ma lags pa/ sbyin par 'os pa'ang ma lags pa/ sbyin pa mi sbyod
363a2 pa'ang ma lags pa/ gzung bar bgyi ba'ang ma lags pa/ reg par bgyi ba'ang ma lags pa/ mtshan ma ma mchis pa/ 'dus ma bgyis pa/ grangs dang bral ba/ mnyam pa
363a3 nyid kyis mnyam pa/ chos nyid kyis mtshungs pa/ mtshungs pa ma mchis pa/ brtson 'grus mtshungs pa ma mchis pa/ gzhal ba las shin tu 'das pa/ song ba'ang ma lags
363a4 pa| zhugs pa'ang ma lags pa/ shin tu 'das pa'ang ma lags pa/ mthong ba dang / thos pa dang / bye brag phyed pa dang / rnam par rig pa'ang ma lags pa/ mdud pa thams
363a5 cad ma mchis pa/ thams cad mkhyen pa'i ye shes dang mtshungs pa thob pa/ chos thams cad la snyoms shing chos thams cad la bye brag ma mchis pa thob pa/ thams cad
363a6 du kha na ma tho ba ma mchis pa/ ci'ang ma mchis pa/ snyigs ma ma mchis pa/ mi rtog pa/ rnam par mi rtog pa/ ma bgyis pa/ ma skyes pa/ ma 'thon pa/ ma byung ba/ kun nas
363a7 ma byung ba/ 'byung bar 'gyur pa'ang ma lags pa/ 'byung bar mi 'gyur ba'ang ma lags pa/ 'jigs pa ma mchis pa/ kun gzhi ma mchis pa/ mya ngan ma mchis pa/
363b1 dga' ba ma mchis pa/ rlabs ma mchis pa/ tha snyad du bstan pa thams cad kyis brjod par gyi ba ma lags pa ste/ bcom ldan 'das/ de bzhin gshegs pa'i sku ni 'di
363b2 'dra ste/ de la de ltar lta lags so/ /gang gis de ltar mthong ba de yang dag par mthong ba lags so/ /gang gis rnam pa gzhan du mthong ba de ni log par mthong ba lags so/ /de nas bcom ldan 'das la tshe
363b3 dang ldan pa shA ri'i bus 'di skad ces gsol to/ /bcom ldan 'das/ rigs kyi bu dri ma med par grags pa de sangs rgyas kyi zhing gang nas shi 'phos te sangs rgyas kyi zhing 'dir mchis/ bcom
363b4 ldan 'das kyis bka' stsal pa/ shA ri'i bu/ khyod kyis skyes bu dam pa 'di la khyod gang nas shi 'phos te/ 'dir skyes zhes dris shig /de nas tshe dang ldan pa shA ri'i bus li tsa bI dri ma med
363b5 par grags pa la 'di skad ces smras so/ /rigs kyi bu/ khyod gang nas shi 'phos te 'dir skyes/ dri ma med par grags pas smras pa/ gnas brtan gyis chos gang mngon sum du
363b6 byas pa'i chos de la 'chi 'pho dang / skye ba gang yang yod dam/ smras pa/ chos de la 'chi 'pho'am/ skye ba gang yang med do/ /smras pa/ btsun pa shA ri'i bu/ de bzhin du chos thams
363b7 cad 'chi 'pho med cing skye ba med na ci'i phyir na de lta bur khyod gang nas shi 'phos shing 'dir skyes snyam du sems/ btsun pa shA ri'i bu/ gang sgyu ma mkhan gyis sprul pa'i
364a1 bud med dam/ skyes pa la khyod gang nas shi 'phos te 'dir skyes zhes dris na/ de'i lan ji skad ces 'debs/ smras pa/ rigs kyi bu/ sprul pa la 'chi
364a2 'pho'ang med/ skye ba'ang med na de ci zhig lan ldon/ smras pa/ btsun pa shA ri'i bu/ chos thams cad ni sprul pa'i rang bzhin no zhes de bzhin gshegs pas ma gsungs
364a3 sam| smras pa/ rigs kyi bu/ de de bzhin no/ /smras pa/ btsun pa shA ri'i bu/ chos thams cad sprul pa'i rang bzhin lta bu la ci'i phyir khyod 'di snyam du khyod ga las shi
364a4 'phos te 'dir skyes snyam du sems/ btsun pa shA ri'i bu/ 'chi 'pho zhes bya ba ni mngon par 'du byed pa'i mtshan nyid do/ /skye ba zhes bya ba de'ang mngon par 'du byed pa'i
364a5 rgyun to| |de la byang chub sems dpa' 'chi 'pho yang dge ba'i rtsa ba mngon par 'du byed pa zad par mi byed do/ /de skye yang mi dge ba'i rgyun 'brel bar mi byed do/ /de nas
364a6 bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ rigs kyi bu 'di ni 'jig rten gyi khams mngon par dga' ba nas de bzhin
364a7 gshegs pa mi 'khrugs pa'i drung nas 'dir 'ongs so/ /gsol pa/ bcom ldan 'das/ skyes bu dam pa 'di sangs rgyas kyi zhing de tsam du rnam par dag pa nas mchis
364b1 te| sangs rgyas kyi zhing nongs pa mang po'i skyon chags pa la mngon par dga' ba ni ngo mtshar to/ /de nas li tsa bI dri ma med par grags pas smras pa/ shA ri'i bu/ 'di ji snyam du
364b2 sems| nyi ma'i 'od rnams mun pa dang lhan cig 'grogs sam/ smras pa/ de ni ma yin no/ /rigs kyi bu/ de gnyis mi 'grogs sam/ smras pa/ rigs kyi bu/ de gnyis mi 'grogs te/ nyi
364b3 ma'i dkyil 'khor shar ma thag tu mun pa thams cad med par 'gyur ro/ /smras pa/ ci'i phyir na dzam+bu'i gling du nyi ma 'char/ smras pa/ de ni snang bar bya ba dang / mun pa bsal ba'i phyir ro/ /smras pa/ btsun pa shA ri'i
364b4 bu| de bzhin du byang chub sems dpa' ni sems can rnams yongs su sbyang ba dang / ye shes kyi snang bar bya ba dang / mun pa chen po bsal ba'i phyir bsams bzhin du sangs
364b5 rgyas kyi zhing yongs su ma dag pa rnams su skye ste/ nyon mongs pa rnams dang lhan cig mi gnas shing sems can thams cad kyi nyon mongs pa'i mun pa'ang rnam par sel to/ /de
364b6 nas 'khor de dag thams cad 'jig rten gyi khams mngon par dga' ba de dang / de bzhin gshegs pa mi 'khrugs pa de dang / byang chub sems dpa' de dag dang / nyan thos
364b7 chen po de dag bdag cag gis blta'o snyam du sgom par gyur to/ /de nas bcom ldan 'das kyis 'khor de dag thams cad kyi sems kyi rtog pa thugs kyis mkhyen nas li tsa bI dri ma
365a1 med par grags pa la 'di skad ces bka' stsal to/ /rigs kyi bu/ 'khor 'di ni 'jig rten gyi khams mngon par dga' ba de dang / de bzhin
365a2 gshegs pa mi 'khrugs pa de mthong bar 'dod kyi 'khor 'di la khyod kyis ston cig /de nas li tsa bI dri ma med par grags pas 'di snyam du bsams te/ bdag seng ge'i
365a3 khri 'di las ma lags par 'jig rten gyi khams mngon par dga' ba de dang / byang chub sems dpa' brgya stong du ma dang / lha dang / klu dang / gnod sbyin dang / dri za dang /
365a4 lha ma yin gnas pa khor khor yug gi ris bskor ba dang bcas pa dang / 'bab chu dang / mtshe'u dang / chu mig dang / mtsho dang / rgya mtsho'i 'obs dang bcas pa dang / ri
365a5 rab dang / ri bo dang / de'u dang / bog rir bcas pa dang / zla ba dang / nyi ma dang / skar mar bcas pa dang / lha dang / klu dang / gnod sbyin dang / dri za'i gnas su bcas
365a6 pa dang / tshangs pa'i gnas dang 'khor du bcas pa dang / grong dang / grong khyer dang / grong rdal dang / ljongs dang / yul 'khor dang / mir bcas pa dang / bud med dang /
365a7 khyim du bcas pa dang / byang chub sems dpar bcas pa dang / nyan thos kyi 'khor dang bcas pa dang / de bzhin gshegs pa mi 'khrugs pa'i byang chub kyi shing dang / de
365b1 bzhin gshegs pa mi 'khrugs pa'ang 'khor rgya mtsho snyed kyi nang na bzhugs shing chos 'chad pa dang / gang pad+ma gang dag phyogs bcun sems can rnams la sangs rgyas kyi mdzad
365b2 pa byed pa de dag dang / rin po che'i skabs gsum dzam+bu'i gling nas sum cu rtsa gsum pa'i gnas kyi bar du mngon par 'phags pa'i skas de la sum cu rtsa gsum pa'i lha rnams ni de
365b3 bzhin gshegs pa mi 'khrugs pa la blta ba dang / phyag bya ba dang / bsnyen bkur bya ba dang / chos mnyan pa'i phyir dzam+bu'i gling du 'bab/ dzam+bu'i gling gi mi rnams ni sum cu
365b4 rtsa gsum pa'i lha rnams blta ba'i phyir sum cu rtsa gsum pa'i gnas su 'dzeg pa de lta bu'i yon tan tshad med pa tshogs pa 'jig rten gyi khams mngon par dga' ba de chu'i phud
365b5 po nas bzung ste/ 'og min gyi gnas kyi bar du rdza mkhan gyi 'khor lo bzhin du nyi tshe bar bcad de/ lag pa g.yas pas blangs nas me tog gi phreng ba bzhin du thogs te 'jig
365b6 rten gyi khams mi mjed 'dir bcug go /bcug nas kyang 'khor 'di thams cad la bstan par bya'o/ /de nas li tsa bI dri ma med par grags pa de 'di lta bu'i ting nge 'dzin la
365b7 snyoms par zhugs nas 'di lta bu'i rdzu 'phrul mngon par 'du bya ba mngon par byas te/ 'jig rten gyi khams mngon par dga' ba de nyi tshe bar bcad nas lag pa g.yas pas blangs
366a1 te| 'jig rten gyi khams mi mjed 'dir bcug go /der nyan thos dang / byang chub sems dpa' dang / lha dang / mi gang dag lha'i mig mngon par shes pa dag thob pa de dag gis
366a2 skad cher bos pa/ bcom ldan 'das/ bdag cag 'tshal to/ /bde bar gshegs pa/ bdag cag 'tshal to/ /bde bar gshegs pa/ bdag cag gi skyabs mdzod cig ces gsol ba dang /
366a3 'dul ba'i don du bcom ldan 'das kyis de dag la 'di skad ces bka' stsal to/ /byang chub sems dpa' dri ma med par grags pas khyer ba de ni nga'i yul ma yin no/ /de
366a4 na lha dang / mi la sogs pa gzhan dag gis ni bdag cag gar khyer mi shes mi mthong ngo / /'jig rten gyi khams mngon par dga' ba de 'jig rten gyi khams mi mjed
366a5 'dir bcug kyang 'jig rten gyi khams 'di gang ba'am/ bri bar yang mi mngon te/ dog cing gcer ba'ang med do/ /'jig rten gyi khams mngon par dga' ba de'ang bri
366a6 ba med de/ sngon ji lta ba bzhin du phyis kyang de bzhin du snang ngo / /de nas bcom ldan 'das shAkya thub pas 'khor de dag thams cad la bka' stsal pa/ kye grogs po
366a7 dag |'jig rten gyi khams mngon par dga' ba dang / de bzhin gshegs pa mi 'khrugs pa dang / sangs rgyas kyi zhing bkod pa dang / nyan thos bkod pa dang / byang chub
366b1 sems dpa' bkod pa 'di dag la ltos shig /de dag gis gsol pa/ bcom ldan 'das/ mthong lags so/ /bka' stsal pa/ sangs rgyas kyi zhing 'di 'dra ba yongs su gzung
366b2 bar 'dod pa'i byang chub sems dpas de bzhin gshegs pa mi 'khrugs pa'i byang chub sems dpa'i spyad pa thams cad kyi rjes su bslab par bya'o/ /de ltar 'jig rten gyi
366b3 khams mngon par dga' ba bstan pa'i rdzu 'phrul gyi cho 'phrul dang / de bzhin gshegs pa mi 'khrugs pa bstan pas 'jig rten gyi khams mi mjed 'di lha dang / mi'i skye dgu
366b4 las khri phrag bcu bzhi bla na med pa yang dag par rdzogs pa'i byang chub tu sems skyes so/ /kun gyis kyang 'jig rten gyi khams mngon par dga' ba der skye bar smon lam btab
366b5 ste| bcom ldan 'das kyis kyang de dag thams cad 'jig rten gyi khams mngon par dga' bar skye bar lung bstan to/ /de ltar li tsa bI dri ma med par grags pas 'jig rten
366b6 gyi khams mi mjed 'dir sems can yongs su smin par bya ba ji snyed yod pa de dag thams cad smin par byas nas 'jig rten gyi khams mngon par dga' ba de slar gnas ji lta
366b7 ba bzhin du bzhag go /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ khyod kyis 'jig rten gyi khams mngon par dga' ba
367a1 de dang / de bzhin gshegs pa mi 'khrugs pa de mthong ngam/ gsol pa/ bcom ldan 'das/ bdag gis mthong lags so/ /sems can
367a2 thams cad kyang sangs rgyas kyi zhing gi yon tan bkod pa de 'dra bar gyur cig /sems can thams cad kyang rigs kyi bu li tsa bI dri ma med par grags pa ji lta bu de 'dra ba'i
367a3 rdzu 'phrul dang ldan par gyur cig /bdag cag kyang skyes bu dam pa 'di lta bu mthong ba thob pa ni rnyed pa legs par rnyed lags te/ gang dag tha na da ltar gyi de bzhin gshegs
367a4 pa'am| yongs su mya ngan las 'das pa'i chos kyi rnam grangs 'di thos pa'i sems can de dag kyang rnyed pa rab tu rnyed par 'gyur na/ gang dag thos nas mos pa dang / yid ches
367a5 pa dang / 'dzin pa dang / 'chang ba dang / klog pa dang / kun chub par bgyid pa dang / mos nas ston pa dang / rab tu 'don pa dang / gzhan dag la'ang 'chad pa dang / sgom pa'i
367a6 rnal 'byor la rjes su sbyor ba rnams la lta smos kyang ci 'tshal/ chos kyi rnam grangs 'di gang dag gi sug par thob par gyur pa de dag kyang chos rin po che'i gter rnyed par 'gyur
367a7 ro| |gang dag chos kyi rnam grangs 'di kha ton du bgyid pa de dag kyang de bzhin gshegs pa'i grogs su gyur pa lags so/ /gang dag chos 'di la mos pa rnams la rim gro
367b1 dang bsnyen bkur bgyid pa de dag ni chos yang dag par srung ba lags so/ /gang dag chos kyi rnam grangs 'di legs par bris te 'chang ba dang / ri mor bgyid pa de dag gi khyim na de bzhin
367b2 gshegs pa bzhugs par 'gyur ro/ /gang dag chos kyi rnam grangs 'di la rjes su yi rang ba de dag ni bsod nams thams cad yongs su bsrung ba lags so/ /gang dag chos kyi
367b3 rnam grangs 'di las tha na tshig bzhi pa'i tshigs su bcad pa gcig tsam dang / sdom pa'i tshig tsam yang gzhan dag la ston pa de dag ni chos kyi mchod sbyin chen po bgyid pa lags
367b4 so| |gang dag chos kyi rnam grangs 'di la bzod pa dang / 'dun pa dang / blo gros dang / rtogs pa dang / lta ba dang / mos pa dag ni de nyid de dag la lung bstan pa lags so//
367b5 'jig rten gyi khams mngon par dga' ba blangs pa dang / de bzhin gshegs pa mi 'khrugs pa bstan pa'i le'u ste bcu gcig pa'o// //de nas bcom ldan 'das
367b6 la lha'i dbang po brgya byin gyis 'di skad ces gsol to/ /bcom ldan 'das/ bdag gis sngon de bzhin gshegs pa dang / 'jam dpal gzhon nur gyur pa las chos kyi rnam
367b7 grangs brgya stong mang po thos kyang ji ltar chos kyi rnam grangs 'di las rnam par sprul pa bsam gyis mi khyab pa'i tshul la 'jug pa rab tu bstan pa 'di lta bu ni sngon nam yang ma tho
368a1 lags so/ /bcom ldan 'das/ sems can gang dag chos kyi rnam grangs 'di 'dzin pa dang / 'chang ba dang / klog pa dang / kun chub par bgyid
368a2 pa de dag kyang the tshom ma mchis par 'di lta bu'i chos kyi snod du 'gyur na/ gang dag bsgom pa'i rnal 'byor la rjes su sbyor ba rnams la smos kyang ci 'tshal te/ de dag gis ngan
368a3 song thams cad ni bcad/ de dag gis bde 'gro'i lam thams cad ni phye/ de dag sangs rgyas thams cad kyis ni gzigs/ de dag gis phas kyi rgol ba thams cad ni bcom/
368a4 de dag gis bdud thams cad ni shin tu pham par bgyis/ de dag gis byang chub sems dpa'i lam ni rnam par sbyangs/ de dag byang chub kyi snying po la ni gnas/ de dag de
368a5 bzhin gshegs pa'i spyod yul la ni yang dag par 'jug par 'gyur ba lags so/ /bcom ldan 'das rigs kyi bu'am/ rigs kyi bu mo gang dag chos kyi rnam grangs 'di
368a6 'chang ba de dag la bdag 'khor thams cad dang bcas pas rim gro dang / g.yog bgyi'o/ /grong dang / grong khyer dang / grong rdal dang / ljongs dang / yul 'khor dang / rgyal
368a7 po'i pho brang 'khor gang na chos kyi rnam grangs 'di spyod pa dang / 'chad pa dang / rab tu ston pa der chos nyan pa'i slad du bdag g.yog dang bcas te mchi'o/ /rigs kyi
368b1 bu| ma dad pa rnams dad pa bskyed par bgyi/ dad pa rnams ni chos dang ldan pas bsrung zhing bskyab par bgyi'o/ /de skad ces gsol pa dang / bcom ldan 'das kyis lha'i dbang po
368b2 brgya byin la 'di skad ces bka' stsal to/ /legs so/ /legs so/ /lha'i dbang po/ khyod kyis legs par smras pa de la de bzhin gshegs pa'ang rjes su yi rang ngo / /lha'i dbang po/
368b3 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub de ni chos kyi rnam grangs 'di las bstan to/ /lha'i dbang po/ de bas na gang chos
368b4 kyi rnam grangs 'di 'dzin pa dang / tha na glegs bam la 'dri ba dang / 'dzin pa dang / klog pa dang / kun chub par byed pa'i rigs kyi bu'am/ rigs kyi bu mo de dag gis ni 'das
368b5 pa dang / ma byon pa dang / da ltar byung ba'i sangs rgyas bcom ldan 'das rnams mchod par 'gyur ro/ /lha'i dbang po/ rigs kyi bu pho'am/ rigs kyi bu mo gang gis stong gsum gyi
368b6 stong chen po'i 'jig rten gyi khams 'di de bzhin gshegs pas yongs su gang ba/ 'di lta ste/ dper na/ bu ram shing gi tshal lam/ 'dam bu'i tshal lam/ smyig ma'i tshal lam
368b7 til gyi zhing ngam/ seng ldeng gi tshal bzhin du rab tu gang ba rnams la bskal pa'am/ bskal pa las lhag par rim gror byas/ bla mar byas/ bsti stang du byas te/ de bzhin
369a1 gshegs pa de dag la mchod pa thams cad dang / bde ba'i yo byad kyis mchod pa dang / de bzhin gshegs pa de dag yongs su mya ngan las 'das nas
369a2 kyang de bzhin gshegs pa re re la'ang mchod pa'i phyir gcig tu mkhregs pa ma zhig pa'i sku gdung gi mchod rten rin po che thams cad las byas pa rgyar ni gling chen po bzhi
369a3 pa'i 'jig rten gyi tshad tsam/ 'phang du ni tshangs pa'i 'jig rten du phyin pa/ gdugs dang / ba dan dang / srog shing sgreng bas mdzes par rab tu byas te/ de bzhin du de bzhin
369a4 gshegs pa thams cad kyi mchod rten so sor byas nas des de la bskal pa'am/ bskal pa las lhag par me tog thams cad dang / spos thams cad dang / rgyal mtshan thams
369a5 cad dang / ba dan thams cad kyis mchod pa byas shing rnga dang / sil snyan rnams brdungs te mchod na/ lha'i dbang po/ 'di ji snyam du sems/ rigs kyi bu'am/ rigs kyi bu mo de dag
369a6 de'i gzhi las bsod nams mang du bskyed dam/ gsol pa/ bcom ldan 'das/ mang lags so/ /bde bar gshegs pa/ mang lags te/ bskal pa bye ba brgya stong gis
369a7 kyang bsod nams kyi phung po de'i mthar phyin par mi nus lags so/ /bcom ldan 'das kyis bka' stsal pa/ lha'i dbang po/ khyod mos par bya'o/ /khyod kyis khong du chud par
369b1 bya'o| |gang rnam par thar pa bsam gyis mi khyab pa bstan pa'i chos kyi rnam grangs 'di 'dzin tam/ klog gam/ kun chub par byed pa'i rigs kyi bu pho'am/ rigs kyi bu mo bsod
369b2 nams shin tu mang du bskyed do/ /de ci'i phyir zhe na/ lha'i dbang po/ sangs rgyas bcom ldan 'das rnams kyi byang chub ni chos las byung ste/ de chos kyi mchod par nus kyi zang zing
369b3 gis ni ma yin pa'i phyir ro/ /lha'i dbang po/ khyed kyis rnam grangs 'dis kyang 'di ltar rig par bya ste/ lha'i dbang po/ sngon byung ba 'das pa'i dus na bskal pa grangs med pa'i
369b4 yang ches grangs med pa/ rgya che ba/ tshad med pa/ bsam gyis mi khyab par gyur pa de'i dus de'i tshe na bskal pa rnam par sbyong ba la 'jig rten gyi khams cher bkod par de bzhin gshegs
369b5 pa| dgra bcom pa/ yang dag par rdzogs pa'i sangs rgyas/ rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med
369b6 pa| lha dang / mi rnams kyi ston pa/ sangs rgyas bcom ldan 'das sman gyi rgyal po zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i sangs
369b7 rgyas sman gyi rgyal po de'i tshe'i tshad ni bar gyi bskal pa nyi shur gyur to/ /de'i nyan thos kyi dge 'dun ni bye ba khrag khrig phrag sum cu rtsa drug yod do/ /byang chub sems dpa'i dge 'dun ni
370a1 bye ba khrag khrig phrag bcu gnyis yod do/ /lha'i dbang po/ de'i tshe de'i dus na 'khor los bsgyur ba'i rgyal po rin chen gdugs zhes bya ba gling bzhi
370a2 la dbang ba rin po che sna bdun dang ldan pa zhig byung ste/ de la bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms pa stong
370a3 du tshang ba yod do/ /rgyal po rin chen gdugs des bcom ldan 'das de bzhin gshegs pa sman gyi rgyal po 'khor dang bcas pa la bar gyi bskal pa lnga'i bar du bde ba'i yo
370a4 byad thams cad kyis ri mor byas so/ /lha'i dbang po/ bar gyi bskal pa lnga po de dag 'das nas rgyal po rin chen gdugs kyis bu stong la 'di skad ces smras so/ /kye khyed shes
370a5 par gyis shig /ngas de bzhin gshegs pa la mchod pa byas kyi/ da khyed kyis kyang de bzhin gshegs pa la mchod pa gyis shig /de nas rgyal bu gzhon nu de dag pha rgyal
370a6 po rin chen gdugs la legs so zhes smras nas de mnyan te/ de dang lhan cig tshogs nas de bzhin gshegs pa sman gyi rgyal po la bskal pa bar ma lnga'i bar du bde ba'i
370a7 yo byad thams cad kyis rim gror byas so/ /de'i nang nas rgyal bu zla gdugs zhes bya ba de gcig pu dben par song nas 'di snyam du sems te/ mchod pa de bas mchod pa
370b1 gzhan ches khyad par du 'phags shing rgya che ba yod dam snyam pa dang / sangs rgyas kyi byin gyi rlabs kyis bar snang de las lha dag 'di skad ces zer ro/ /skyes bu dam pa/ chos kyi mchod pa ni
370b2 mchod pa thams cad kyi nang na mchog go /des smras pa/ chos kyi mchod pa de gang yin/ lhas smras pa/ skyes bu dam pa/ khyod de bzhin gshegs pa sman gyi rgyal po de'i drung du song la
370b3 chos kyi mchod pa de gang lags zhes zhus shig dang / bcom ldan 'das de khyod la lung ston to/ /de nas lha'i dbang po rgyal bu zla gdugs gzhon nu bcom ldan 'das de bzhin
370b4 gshegs pa dgra bcom pa yang dag par rdzogs pa'i sangs rgyas sman gyi rgyal po ga la ba der song ste phyin pa dang / bcom ldan 'das kyi zhabs la mgo bos phyag btsal te phyogs
370b5 gcig tu 'dug go /phyogs gcig tu 'dug nas rgyal bu zla gdugs kyis bcom ldan 'das de bzhin gshegs pa sman gyi rgyal po de la 'di skad ces gsol to/ /bcom ldan 'das
370b6 chos kyi mchod pa zhes bgyi ba'i chos kyi mchod pa de gang lags/ bcom ldan 'das des bka' stsal pa/ rigs kyi bu/ chos kyi mchod pa ni gang de bzhin gshegs pas gsungs
370b7 pa'i mdo sde zab mo zab mor snang ba/ 'jig rten thams cad dang mi mthun pa/ rtogs par dka' ba/ mngon par dka' ba/ khong du chud pa dka' ba/ phra ba/ zhi ba pa/ mi dmigs
371a1 pa| byang chub sems dpa'i sde snod kyi nang du gtogs pa/ gzungs dang / mdo sde'i rgyal po'i phyag rgyas btab pa/ phyir mi ldog pa'i 'khor
371a2 lo ston pa/ pha rol tu phyin pa drug las byung ba/ 'dzin pa rnams yongs su bzung ba/ byang chub kyi phyogs kyi chos dang ldan pa/ byang chub kyi yan lag sgrub par gtogs
371a3 pa| sems can la snying rje chen po 'jug pa/ byams pa chen po ston pa/ bdud kyi lta bar gyur pa thams cad med pa/ rten cing 'brel bar 'byung ba bstan pa/ bdag
371a4 med pa| sems can med pa/ srog med pa/ gang zag med pa/ stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma
371a5 skyes pa dang / ma byung ba dang ldan pa/ byang chub kyi snying po sgrub pa/ chos kyi 'khor lo rab tu bskor ba/ lha dang / klu dang / gnod sbyin dang / dri za dang / lha ma yin dang /
371a6 nam mkha' lding dang / mi'am ci dang / lto 'phye chen po'i dbang po rnams kyis rab tu bstod cing bsngags pa/ dam pa'i chos kyi rigs rgyun mi gcod pa/ chos kyi mdzod
371a7 'dzin pa/ chos kyi mchod pa'i mchog la zhugs pa/ 'phags pa'i skye bo thams cad kyis yongs su gzung ba/ byang chub sems dpa'i spyod pa thams cad yang dag par
371b1 ston pa/ yang dag pa'i don gyi chos so sor yang dag par rig pa la 'jug pa/ chos kyi mdo mi rtag pa dang / sdug bsngal ba dang / bdag med pa dang / zhi ba las nges par byung
371b2 ba| ser sna can dang / tshul khrims 'chal ba dang / gnod sems can dang / le lo can dang / brjed ngas pa dang / shes rab 'chal pa spa 'gong pa/ phas kyi rgol ba dang / lta
371b3 ba ngan pa dang / dmigs pa la mngon par zhen pa thams cad spong bar byed pa/ sangs rgyas thams cad kyis bstod pa/ 'khor ba'i phyogs kyi gnyen po/ mya ngan las 'das
371b4 pa'i bde ba yang dag par ston pa de lta bu'i mdo sde rnams gang yang dag par ston pa dang / 'chang ba dang / so sor rtog pa dang / dam pa'i chos kun sdud pa de ni chos kyi mchod pa
371b5 zhes bya'o/ /rigs kyi bu/ gzhan yang / chos kyi mchod pa ni gang chos la chos su nges par sems pa/ chos la chos bzhin nan tan byed pa/ rten cing 'brel par 'byung bar mthun
371b6 pa| mthar lta ba thams cad dang bral ba/ skye ba med pa/ 'byung ba med pa la bzod pa/ bdag med pa/ sems can med par 'jug pa/ rgyu dang / rkyen dang mi 'gal ba dang / 'thab
371b7 ba med pa/ rtsod pa med pa/ nga yi ba med pa/ ngar 'dzin pa dang bral ba/ don la rton gyi tshig 'bru la mi rton pa/ ye shes la rton gyi rnam par shes pa la mi rton pa/ nges pa'i
372a1 don gyi mdo sde la rton gyi drang ba'i don kun rdzob la mngon par ma zhen pa/ chos nyid la rton gyi gang zag tu lta ba dmigs par 'dzin pa la mngon par
372a2 ma zhen pa/ sangs rgyas kyi chos nyid ji lta ba bzhin du khong du chud pa/ kun gzhi med par 'jug pa/ kun gzhi yang dag par 'joms pa/ ma rig pa rnam par zhi ba nas/ rga
372a3 shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i bar du rnam par zhi zhing de ltar rten cing 'brel par 'byung ba'i yan
372a4 lag bcu gnyis la/ 'di lta ste/ sems can la lta ba zad mi shes par mngon par sgrub pas mngon par sgrub cing lta ba rnams la mi lta ba 'di ni/ rigs kyi bu/ bla na med pa'i chos
372a5 kyi mchod pa zhes bya'o/ /lha'i dbang po/ de ltar rgyal bu zla gdugs de bcom ldan 'das de bzhin gshegs pa sman gyi rgyal po de las chos kyi mchod pa de lta bu thos pa dang rjes
372a6 su mthun pa'i chos kyi bzod pa thob bo/ /gos dang / rgyan ci thogs pa rnams bcom ldan 'das de la phul nas tshig 'di skad ces smras so/ /bcom ldan 'das/ de bzhin
372a7 gshegs pa yongs su mya ngan las 'das kyang dam pa'i chos yongs su gzung ba dang / dam pa'i chos la mchod pa bgyi ba'i slad du bdag dam pa'i chos yongs su gzung
372b1 bar spro'o/ /bcom ldan 'das/ ji ltar bdag gis bdud dang / phyir rgol ba rnams bcom nas/ bcom ldan 'das/ dam pa'i chos yongs su 'dzin par 'gyur ba de ltar de
372b2 bzhin gshegs pas byin gyi brlab par gsol/ de bzhin gshegs pas de'i bsam pa mkhyen nas phyi ma'i dus phyi ma'i tshe na dam pa'i chos kyi grong khyer skyong zhing srung ba dang /
372b3 yongs su 'dzin par 'gyur bar lung bstan to/ /lha'i dbang po/ de nas rgyal bu zla gdugs de de bzhin gshegs pa de bzhugs bzhin du dad pas khyim nas khyim med par
372b4 rab tu byung ste| dge ba'i chos la brtson 'grus brtsams nas gnas so/ /de brtson 'grus brtsams shing dge ba'i chos la rab tu gnas nas ring po ma lon par mngon par shes
372b5 pa lnga bskyed de/ gzungs rnams rtogs/ khong du chud par gyur to/ /de spobs pa rgyun mi chad pa thob pas bcom ldan 'das de bzhin gshegs pa sman gyi rgyal po de yongs su
372b6 mya ngan las 'das kyang mngon par shes pa dang / gzungs kyi stobs kyis bcom ldan 'das de bzhin gshegs pa sman gyi rgyal po des chos kyi 'khor lo rab tu bskor ba
372b7 bzhin du bar gyi bskal pa bcu'i bar du rjes su bskor to/ /lha'i dbang po/ de ltar dge slong zla gdugs dam pa'i chos yongs su gzung ba la mngon par brtson pas sems can
373a1 bye ba brgya phrag bcu ni bla na med pa yang dag par rdzogs pa'i byang chub las phyir mi ldog par byas par gyur to/ /srog chags khrag khrig bzhi
373a2 bcu ni nyan thos dang / rang sangs rgyas kyi theg pa la btul lo/ /sems can tshad med pa rnams ni mtho ris su skye bar byas so/ /lha'i dbang po/ de'i tshe de'i dus na rin chen
373a3 gdugs zhes bya ba'i 'khor los bsgyur ba'i rgyal por gyur pa de gzhan yin pa snyam du 'dzin na lha'i dbang po khyod kyis de ltar mi blta'o/ /de ci'i phyir zhe na/ rin chen 'od
373a4 'phro de bzhin gshegs pa de de'i tshe de'i dus na rin chen gdugs zhes bya ba'i 'khor los bsgyur ba'i rgyal por gyur to/ /rgyal po rin chen gdugs de'i bu stong
373a5 yod pa de dag ni da ltar gyi bskal pa bzang po'i byang chub sems dpa' 'di dag yin te/ gang bskal pa bzang po 'di la sangs rgyas stong tshang bar 'byung ba'o/ /de
373a6 las bzhi ni sangs rgyas log pa dad sel la sogs pa sngon du byung ste/ lhag ma rnams kyang 'byung bar 'gyur ro/ /'khor ba 'jig la sogs pa snang mdzad la thug
373a7 ba'i bar du ste/ tha mar ni de bzhin gshegs pa snang mdzad ces bya ba 'byung ngo / /lha'i dbang po/ de'i tshe de'i dus na bcom ldan 'das de bzhin gshegs pa sman gyi rgyal
373b1 po de'i dam pa'i chos yongs su bzung ba rgyal bu zla gdugs zhes bya ba de gzhan yin pa snyam du 'dzin na khyod kyis de ltar mi blta'o/ /de ci'i phyir zhe na/ lha'i dbang po/ nga de'i tshe
373b2 de'i dus na rgyal bu zla gdugs zhes bya bar gyur te/ lha'i dbang po/ rnam grangs 'dis kyang 'di ltar rig par bya ste/ lha'i dbang po/ ji tsam na de bzhin gshegs pa rnams
373b3 la mchod pa'i nang na chos kyi mchod pa ni mchog ces bya'o/ /mchog dang / dam pa dang / mchog rab dang / gya nom pa dang / bla ma dang / bla na med pa zhes bya'o/ /lha'i dbang
373b4 po| de lta bas na nga la zang zing gis ma mchod par chos kyi mchod pas mchod cig /nga la zang zing gis bsti stang ma byed/ chos kyi bsti stang gis ri mor gyis shig /de nas
373b5 bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa/ ngas bla na med pa yang dag par rdzogs pa'i byang chub bskal
373b6 pa bye ba grangs med par yang dag par bsgrubs pa 'di khyod la gtad do/ /ci nas phyi ma'i dus phyi ma'i tshe chos kyi rnam grangs 'di lta bu khyod kyi byin gyi rlabs kyis yongs su bzung
373b7 bas dzam+bu'i gling du rgyas par 'gyur zhing / ma nub par gyis shig /de ci'i phyir zhe na/ byams pa/ ma 'ongs pa'i dus na rigs kyi bu pho'am/ rigs kyi bu mo dang / lha dang /
374a1 klu dang / gnod sbyin dang / dri za dang / lha ma yin dge ba'i rtsa ba bskyed pa/ bla na med pa yang dag par rdzogs pa'i byang chub la yang dag par zhugs
374a2 pa de dag chos kyi rnam grangs 'di ma thos pas nyams par gyur ta re/ 'di lta bu'i mdo sde thos nas shin tu dga' zhing dad ba rnyed par 'gyur ba dang / spyi bos len par 'gyur
374a3 ba'i rigs kyi bu dang / rigs kyi bu mo de dag bsrung ba'i phyir/ byams pa/ khyod kyis de'i dus na mdo sde 'di lta bu 'di rgyas bar gyis shig /byams pa/ byang chub sems dpa'
374a4 rnams kyi phyag rgya ni 'di gnyis te/ gnyis gang zhe na/ tshig dang / tshig 'bru sna tshogs la dad pa'i phyag rgya dang / chos kyi tshul zab mos mi skrag cing / yang dag pa nyid ji lta ba
374a5 bzhin du 'jug pa'i phyag rgya ste/ byams pa/ de gnyis ni byang chub sems dpa' rnams kyi phyag rgya'o/ /byams pa/ de la byang chub sems dpa' gang dag tshig dang / tshig 'bru sna
374a6 tshogs la dad cing lhur len pa de dag ni las dang po pa yin te/ tshangs par spyad nas ring po ma lon par rig par bya'o/ /byams pa/ gang dag mdo sde zab mo ma gos pa phrugs
374a7 pa dang / snrel zhi'i rgyud kyi tshig dang / rim pa rab tu dbye ba 'di 'don pa dang / nyan pa dang / mos pa dang / ston par 'gyur ba'i byang chub sems dpa' dag ni ring du tshangs par
374b1 spyod par rig par bya'o/ /byams pa/ de la las dang po pa'i byang chub sems dpa' ni rgyu gnyis kyis bdag la rma 'byin te/ chos zab mo la nges par sems par mi 'gyur ro/ /
374b2 gnyis gang zhe na/ sngon ma thos pa'i mdo sde zab mo thos na skrag cing the tshom du gyur nas rjes su yi rangs par mi byed cing / 'di lta bur bdag cag gis sngon ma thos na de gang nas 'ongs
374b3 zhes spong bar byed do/ /rigs kyi bu/ gang dag mdo sde zab mo 'dzin pa dang / chos zab mo'i snod du gyur pa dang / chos zab mo ston pa de dag la mi sten/ mi 'grogs/ bsnyen
374b4 bkur mi byed cing / de dag la bsti stang mi byed par gyur te/ bar bar du de dag la mi snyan par yang brjod do/ /rgyu de gnyis kyis las dang po pa'i byang chub sems dpa'
374b5 bdag nyid la rma 'byin te chos zab mo la nges par mi rtog pa'o/ /rgyu gnyis kyis zab mo la mi mos pa'i byang chub sems dpa' bdag nyid la rma 'byin te/ ma skyes pa'i chos
374b6 la'ang bzod pa thob par mi 'gyur ro/ /gnyis gang zhe na/ las dang po pa spyad nas ring po ma lon pa'i byang chub sems dpa' rnams la brnyas shing khyad du gsod pa de 'dzin
374b7 du mi 'jug /mi 'byed/ mi ston pa dang / gang zab mo la shin tu ma dad pas bslab pa la ri mo mi byed cing 'jig rten gyi zang zing sbyin pas ni sems can la phan 'dogs
375a1 shing chos kyi sbyin pas ma yin te/ byams pa/ zab mo la mos pa'i byang chub sems dpa' rgyu 'di gnyis kyis bdag nyid la rma 'byin te/ mi skye ba'i
375a2 chos la bzod pa'ang myur du thob par mi 'gyur ro/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /
375a3 bcom ldan 'das kyis ji skad du legs par gsungs pa ni/ bcom ldan 'das/ ngo mtshar to/ /bcom ldan 'das/ legs so/ bcom ldan 'das/ bdag gis da
375a4 slan chad nongs pa 'di dag spang bar bgyi'o/ /de bzhin gshegs pas bla na med pa yang dag par rdzogs pa'i byang chub bskal ba bye ba khrag khrig brgya stong grangs ma mchis
375a5 pa nas yang dag par bsgrubs pa 'di bsrung bar bgyi'o/ /gzung bar bgyi'o/ /ma 'ongs pa'i rigs kyi bu pho dang / rigs kyi bu mo snod du gyur pa de dag la mdo sde 'di lta bu lag tu son par
375a6 bgyi'o/ /dran pa gang gis 'di 'dra ba'i mdo sde 'di lta bu la mos pa dang / 'dzin pa dang / 'chang ba dang / kun chub par bgyid pa dang / 'dzud pa dang / yi ger 'dri ba
375a7 dang | gzhan dag la'ang rgya cher 'chad par 'gyur ba'i dran pa nye bar bsgrub par bgyi'o/ /bcom ldan 'das/ bdag gis de dag brtan par bgyi'o/ /bcom ldan 'das
375b1 de'i dus na 'di lta bu'i mdo sde 'di la mos pa dang / rab tu 'jug par 'gyur ba de ni/ bcom ldan 'das/ byang chub sems dpa' byams pa'i byin gyis rlabs lags par rig bar
375b2 bgyi'o/ /de nas bcom ldan 'das kyis byang chub sems dpa' byams pa la legs so zhes bya ba byin nas legs so/ /legs so/ /byams pa/ khyod kyi tshig de ni legs par smras te/ de bzhin
375b3 gshegs pa'ang khyod kyis legs par smras pa de la rjes su yi rang ba gnang bar mdzad do/ /de nas byang chub sems dpa' de dag gis dbyangs gcig tu tshig 'di skad ces smras
375b4 so| |bcom ldan 'das/ bdag cag kyang de bzhin gshegs pa yongs su mya ngan las 'das nas sangs rgyas kyi zhing so so nas mchis te/ de bzhin gshegs pa'i sangs rgyas
375b5 kyi byang chub 'di rgyas par bgyi'o/ /rigs kyi bu de dag kyang mos par bgyi'o/ /de nas bcom ldan 'das la rgyal po chen po bzhis kyang 'di skad ces gsol to/ /bcom ldan
375b6 'das/ grong dang / grong khyer dang / grong rdal dang / yul 'khor dang / rgyal po'i pho brang 'khor gang dang / gang na chos kyi rnam grangs 'di lta bu spyod pa dang / 'chad pa dang / yang
375b7 dag par ston pa de dang / de dag tu bcom ldan 'das bdag cag rgyal po bzhi'ang dpung dang bcas pa dang / bzhon pa dang bcas pa 'khor dang bcas te/ der chos nyan pa'i slad
376a1 du mchi'o/ /chos smra ba de'i dpag tshad khor yug tu ci nas kyang chos smra ba de la glags lta ba dang / klan ka tshol ba gang gis kyang glags mi rnyed bar
376a2 bsrung bar bgyi'o/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ khyod kyis chos kyi rnam grangs 'di zungs shig /
376a3 chongs shig /gzhan dag la'ang rgya cher yang dag par ston cig /gsol pa/ bdag gis chos kyi rnam grangs 'di bzung ba lags na/ bcom ldan 'das/ chos kyi rnam grangs
376a4 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir chos kyi rnam grangs 'di dri ma med par grangs
376a5 pas bstan pa dang / phrugs su sbyar ba snrel zhir mngon par bsgrubs pa dang / bsam gyis mi khyab pa'i rnam par thar pa'i le'u zhes kyang bya ba'i chos kyi rnam grangs 'di/ kun
376a6 dga' bo/ khyod kyis zungs shig /bcom ldan 'das kyis de skad ces bka' stsal nas/ li tsa bI dri ma med par grags pa dang / 'jam dpal gzhon nur gyur pa dang / tshe dang
376a7 ldan pa kun dga' bo dang / byang chub sems dpa' de dag dang / nyan thos chen po de dag dang / thams cad dang ldan pa'i 'khor de dag dang / lha dang / mi dang / lha ma yin dang /
376b1 dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /sngon gyi sbyor ba dang / dam pa'i chos gtad pa'i le'u zhes bya ste bcu gnyis
376b2 pa'o// //'phags pa dri ma med par grags pas bstan pa zhes bya ba theg pa chen po'i mdo rdzogs so// //sh+lau ka stong brgyad brgya ste bam po drug go /
CLOSE WINDOW