བོད་ཡིག |
122b5 / //rgya gar skad du/ AR+ya ak+Sha ya ma ti ni rde sha nA ma ma hA yA na sU tra/ bod skad du/ 'phags pa blo gros mi zad pas bstan pa
122b6 zhes bya ba theg pa chen po'i mdo/ bam po dang po/ sangs rgyas dang / byang chub sems dpa' dang / 'phags pa nyan thos dang / rang sangs rgyas thams cad la phyag 'tshal lo/ /'di skad
122b7 bdag gis thos pa dus gcig na/ bcom ldan 'das rgyal po'i khab na/ de bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa thams
123a1 cad kyi gnas/ bsod nams chen po'i rgyan gyi tshogs bsags pa/ spyod pa chen po'i rgyu mthun pa'i 'bras bu/ sangs rgyas thams cad kyi chos rnam par smin pas mngon
123a2 bar grub pa/ byang chub sems dpa' sems dpa' chen po'i gnas chos kyi dbyings mtha' yas pa bstan pa/ de bzhin gshegs pa'i rnam par sprul pa'i byin gyi rlabs chags
123a3 pa med pa'i spyod yul gyi ye shes la 'jug pa/ dga' ba chen po yang dag par skyed pa dang / dran pa dang / blo gros dang / rtogs pa la 'jug pa/ mdzes pa'i rdzu 'phrul
123a4 kun nas ma smad pa/ ye shes rnam par dpyod pa/ de la ma chags pa'i rtogs pa la 'jug pa/ phyi ma'i mtha'i bskal par mngon par bstod pa/ yon tan thams cad kyi tshogs
123a5 dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu bskor/ slob ma shin tu
123a6 dul ba mtha' yas pa'i tshogs ni mnga'/ chos thams cad la ni mnga' brnyes/ sems can thams cad kyi bsam pa'i tshul ni rab tu mkhyen/ dbang po dam pa'i mchog ni brnyes
123a7 sems can thams cad kyi nyon mongs pa'i bag chags kyi mtshams sbyor ba legs par 'joms pa la ni mkhas/ sangs rgyas kyi mdzad pa lhun gyis grub pa ni rgyun ma bcad cing /
123b1 dge slong brgya stong phrag drug cu'i dge slong gi dge 'dun chen po dang thabs gcig ste/ thams cad kyang cang shes pa'i sems dang ldan pa/ yang dag par shes pas sems shin tu rnam
123b2 par grol ba/ nyon mongs pa'i bag chags kyi mtshams sbyor ba thams cad legs par 'joms pa la brtson pa/ de bzhin gshegs pa chos kyi rgyal po'i sras/ sangs rgyas kyi chos
123b3 zab mo la gnas par mkhas pa/ dmigs pa med pa'i chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs
123b4 pa'i bka' la shin tu zhugs pa sha stag go/ byang chub sems dpa'i dge 'dun chen po dang yang thabs gcig ste/ sangs rgyas kyi zhing sna tshogs nas 'dus pa grangs med/ tshad med/
123b5 dpag tu med/ bsam gyis mi khyab/ mtshungs pa med/ dper na/ gzhal du med/ bskyed du med/ brjod du med pa'i byang chub sems dpa' sems dpa' chen po rnams dang thabs
123b6 gcig ste/ sems kyi skad cig la sangs rgyas kyi zhing mtha' yas pa rtsal gyis gnon cing / 'ong ba dang / 'gro ba la mkhas pa/ de bzhin gshegs pa thams cad la mchod cing rim
123b7 gro byed par gyur pa/ sangs rgyas kyi chos mnyan pa dang / yongs su tshol bas mi ngoms pa/ rtag tu rgyun mi 'chad par sems can thams cad yongs su smin par bya ba la brtson pa thabs
124a1 dang | shes rab dam pa'i mchog thob pa/ sgrib pa med pa'i rnam par thar pa dang / ye shes la rab tu gnas pa/ rtog pa dang / rnam par rtog pa dang / spros pa thams
124a2 cad las yang dag par 'das pa/ thams cad mkhyen pa nyid kyis la nye bar gyur pa sha stag la/ 'di lta ste/ byang chub sems dpa' glog gi lha zhes bya ba dang / byang chub sems dpa
124a3 g.yul las rnam par rgyal ba dang / byang chub sems dpa' rnam par snang ba'i snying po dang / byang chub sems dpa' rtsal gyis dpa' ba dang / byang chub sems dpa' yid gnyis
124a4 shin tu 'joms pa dang / byang chub sems dpa' sgra rnam par bsgrags pa dang / byang chub sems dpa' rnam par blta ba'i mig dang / byang chub sems dpa' mun pa dang bral ba
124a5 dang | byang chub sems dpa' byams pa dang / 'jam dpal la sogs pa byang chub sems dpa' sems dpa' chen po grangs med/ dpag tu med/ bskyed du med/ bsam gyis
124a6 mi khyab/ mtshungs pa med/ dpe med/ gzhal du med/ tshad med/ brjod du med pa'i yang brjod du med pa dag dang thabs gcig go /de nas bcom ldan 'das byang chub
124a7 sems dpa'i spyod pa la rab tu 'jug pa dang / nges par 'byung ba/ sgrib pa med pa'i sgo zhes bya ba'i chos kyi rnam grangs/ byang chub sems dpa'i lam bkod pa la dmigs pa/ sangs
124b1 rgyas kyi chos zab mo thams cad dang / stobs bcu dang / mi 'jigs pa yongs su 'grub pa'i ye shes kyi 'byung gnas/ chos thams cad la dbang byed pa'i tshul dang / gzungs kyi
124b2 phyag rgya'i sgor 'jug pa/ so so yang dag par rig pa shin tu rnam par nges pa la gzud pa'i sgor 'jug pa/ mngon par shes pa chen po'i ye shes la gzud pa'i sgor 'jug pa/ phyir
124b3 mi ldog pa'i chos kyi 'khor lo mi skye zhing mi ldog pa'i chos rab tu ston pa/ bgrod pa gcig pa'i lam du yang dag par gzhol ba/ theg pa thams cad theg pa gcig tu mtshungs pa nyid
124b4 la yang dag par gzhol ba/ tshul gcig pa'i chos kyi dbyings dbyer med pa la 'jug pa/ sems can thams cad kyi bsam pa dang / dbang po la gzud par bstan pa/ snying po'i rjes su
124b5 song ba'i chos rnam par nges pa/ bdud kyi 'khor thams cad shin tu rnam par 'joms par byed pa/ tshul bzhin gyi chos la gzud pa'i sgor 'jug pa/ nyon mongs pa dang / lta bar gyur
124b6 pa thams cad 'dul ba/ chags pa med pa'i shes rab dang / ye shes kyi rjes su 'jug pa/ mtha' yas shing mtshungs pa med pa'i bsngo ba la mkhas pa'i thabs kyi ye shes bstan
124b7 pa| sangs rgyas kyi chos thams cad kyi mnyam pa nyid kyi ye shes kyi rjes su 'jug pa/ thogs pa med pa'i ye shes kyi byin gyi rlabs kyi sgor 'jug pa/ chos thams cad ji lta ba bzhin
125a1 du shin tu gtan la bab par bstan pa/ mi rtog rnam par mi rtog pa'i mnyam pa nyid la 'jug pa/ rten cing 'brel par 'byung ba zab mo khong du chud pa/ bsod
125a2 nams dang / ye shes kyi tshogs chen po thams cad bsags pa/ sangs rgyas kyi sku dang / gsung dang / thugs kyi mnyam pa nyid kyi rgyan gyi rjes su song ba/ dran pa dang / blo gros dang /
125a3 rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas gdul ba'i phyir 'phags pa'i bden pa'i tshul la 'jug pa/ rang sangs rgyas kyi
125a4 theg pas gdul ba'i phyir lus dang / sems rab tu dben pa shes pa/ theg pa chen pos gdul ba'i phyir thams cad mkhyen pa'i ye shes kyi sar dbang bskur ba thob pa/ de bzhin
125a5 gshegs pa'i yon tan brjod pa'i phyir chos thams cad la dbang byed pa'i tshul la 'jug pa gsung ngo / /ston to/ /rab tu ston to/ /mos par mdzad do/ /'dzin du 'jug go/ klog
125a6 tu 'jug go/ shes par mdzad do/ /rnam par rig par mdzad do/ /rab tu shes par mdzad do/ /'jug par mdzad do/ /'grel to/ /rnam par 'byed do/ /gsal bar mdzad
125a7 do| |yang dag par rab tu ston to/ /de nas bcom ldan 'das de lta bu shin tu rnam par nges pa'i don 'dus pa chen po'i le'u'i chos kyi rnam grangs 'di rgya cher yang dag par rab
125b1 tu ston pa na/ shar phyogs logs nas gser gyi 'od chen po snang bar gyur to/ /gser gyi 'od snang ba des rin po che bkod pa'i 'khor gyi khyams thams cad dang / stong gsum gyi stong
125b2 chen po'i 'jig rten gyi khams 'di'ang gser gyi 'od chen po des snang bar gyur te/ de bzhin gshegs pa'i 'od dang / byang chub sems dpa' dbang bskur ba thob pa rnams kyi 'od
125b3 ma gtogs par gang gzhan stong gsum gyi stong chen po'i 'jig rten gyi khams 'di'i nyi ma dang / zla ba'i 'od dang / brgya byin dang / tshangs pa dang / 'jig rten skyong ba rnams kyi 'od
125b4 dang | lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams kyi 'od dang / me dang / nor bu dang / rin
125b5 po che dang / glog dang / skar ma rnams kyi 'od de dag thams cad mog mog por byas te zil gyis gnon cing mi gsal bar gyur to/ /gang stong gsum gyi stong chen po'i 'jig rten
125b6 gyi khams 'di'i 'jig rten gyi bar na bsags pa'i gzugs su gyur pa dang / mun nag mi snang bas nyi ma dang / zla ba 'di ltar rdzu 'phrul che ba/ 'di ltar mthu che ba/ 'di ltar dbang che
125b7 bas kyang lha ma me/ lhan ne/ lhang nger ma gyur pa de dag kyang 'od des sal ler gyur te/ 'od de la rtswa dang / shing gel pa dang / sman dang / nags tshal rnams sgrib par mi byed do//
126a1 ri nag po rnams dang / gangs kyi ri dang / ri rab dang / khor yug dang / khor yug chen po dang / ri btang zung dang / ri btang zung chen po'ang rung ste/ ri'i
126a2 rgyal po chen po thams cad kyang sgrib par mi byed do/ /ma nar med pa'i sems can dmyal ba chen po yan chad thams cad du thal te/ stong gsum gyi stong chen po'i 'jig rten gyi khams
126a3 thams cad snang bar byas nas sa ler gyur to/ /gang sems can dmyal ba pa rnams sam/ dud 'gro'i skye gnas pa rnams sam/ gshin rje'i 'jig rten pa'i sems can rnams
126a4 gyi lus la 'od des phog par gyur pa de dag thams cad sdug bsngal gyi tshor ba med par gyur te/ lus dang / sems rab tu tshim par gyur cing bdag nyid bde ba thams cad dang
126a5 ldan pa snyam du sems so/ /rin po che bkod pa'i 'khor gyi khyams su bcom ldan 'das kyi spyan sngar 'khor gyi dkyil 'khor gyi khor yug thams cad du rin po che sna bdun gyi pad+ma kha
126a6 tshon shing rta'i phang lo tsam/ 'dab ma bye ba brgya stong du ma dang ldan pa/ dri zhim pa/ bkra ba/ blta na sdug pa/ kha dog dang ldan zhing yid du 'ong ba/ steng rin po che'i gdugs kyi
126a7 dra bas g.yogs pa/ ka tsa lin+de ltar 'jam zhing reg na bde ba bye ba phrag drug cu sa'i rum nas 'thon te mngon par 'phags so/ /rin po che'i pad+ma de dag re re las dri gang byung ba'i
126b1 dri des stong gsum gyi stong chen po'i 'jig rten gyi khams kun tu rgyas te/ gang stong gsum gyi stong chen po'i 'jig rten gyi khams 'di'i lha dang / mi'i spos de dag thams cad pad+ma'i dri
126b2 des zil gyis non par gyur to/ /lha dang / mi dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang rnams kyi sna'i
126b3 rnam par rig pa la pad+ma'i dri des phog pa de dag thams cad kyang chos kyi dga' ba dang ldan te/ bdag nyid nyon mongs pa dang bral ba snyam du shes so/ /tshe dang ldan pa kun dga' bos
126b4 gser gyi 'od de dang / pad+ma bkod pa byung ba de dag mthong ngo / /mthong nas kyang ngo mtshar du gyur/ rmad du gyur nas/ stan las langs te bla gos phrag pa gcig tu gzar nas pus mo
126b5 g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ 'od blta
126b6 na sdug pa 'di lta bu 'di rab tu gda' zhing / pad+ma bkod pa sngon ma mthong ma thos pa 'di dag byung ba su'i snga ltas lags/ de skad ces gsol pa dang / bcom ldan 'das kyis tshe dang
126b7 ldan pa kun dga' bo la 'di skad ces bka' stsal to/ /kun dga' bo/ 'di ni shar phyogs nas byang chub sems dpa' blo gros mi zad pa zhes bya ba/ byang chub sems dpa' bye ba phrag
127a1 drug cus yongs su bskor zhing mdun du bdar nas lhan cig tu 'ong ste/ de dag 'ong ba'i snga ltas so/ /bcom ldan 'das kyis de skad ces bka' stsal nas
127a2 ring po ma lon par de nas de'i tshe byang chub sems dpa' blo gros mi zad pas sa cher g.yo bar byed cing 'od zer ni rab tu gtong ste/ byang chub sems dpa'i rdzu 'phrul chen po dang / byang
127a3 chub sems dpa'i mthu chen po dang / byang chub sems dpa'i rnam par 'phrul pa chen pos me tog gi char chen po ni 'bebs/ sil snyan bye ba khrag khrig brgya stong dang / glu rab tu len
127a4 cing byang chub sems dpa' bye ba phrag drug cus yongs su bskor te mdun du bdar nas/ lhan cig tu rin po che bkod pa'i 'khor gyi khyams ga la ba der bcom ldan 'das ga la ba der
127a5 'ongs te lhags nas/ bcom ldan 'das kyi spyan sngar steng gi bar snang la ta la bdun srid na 'khod nas thal mo sbyar te/ stong gsum gyi stong chen po'i 'jig rten gyi khams 'di
127a6 thams cad dbyangs kyis go bar byed cing / bcom ldan 'das la tshul dang 'dra ba'i tshigs su bcad pa 'di dag gis mngon par bstod do/ /rdul med rdul dang bral ba dpa' bo 'dod
127a7 chags bral/ /ye shes rab rib mi mnga' spyan gsum rnam par sbyangs/ /skyon rnams bsal ba dri ma gsum dang tha ba spangs/ /rdul bral sangs rgyas thugs rje can la phyag
127b1 'tshal lo/ /'jigs dang bral zhing gti mug dra ba rnam par bsal/ /stobs bcu rgol ba'i tshogs kyis shin tu thul bar dka'/ /log pa'i lam zhugs pha rol tshogs skrag mdzad/ /
127b2 seng ge lta bur bsnyengs pa mi mnga' sa la gshegs/ /lha yul sa steng na yang skyon rnams kun dang bral/ /khyod kyi yan lag dri ma mi mnga' lam mer bzhugs/ /mun dang rab rib ma
127b3 rig legs par rab bsal nas/ /sprin gyi dra ba las sgrol nyi ma bzhin du lhan/ /'gro ba 'di rnams mgon skyabs med cing sdug bsngal gyur/ /rga dang 'chi bas mnar zhing gnas
127b4 skabs ma mchis la/ /sems can mchog gis thugs brtse thugs rje bskyed mdzad nas/ /sman pa bzhin du rab tu grol bar mdzad cing gshegs/ /ma rig pa dang gti mug srid
127b5 mtsho rgal dka' ba/ /nyon mongs rnam rtog rnam mnga' dba' klong mang po las/ /gzhan las ma gsan par ni bdag nyid rab brgal te/ /pad+ma bzhin du chags pa mi mnga' rnam
127b6 par gshegs/ /chos 'di thams cad rang bzhin gyis ni bdag ma mchis/ /brag ca sgra skad bzhin du bsten nas 'byung ba lags/ /ma bgyis byed pa po dang tshor ba ma
127b7 mchis par/ /'jig rten mgon po sems can phan phyir rab tu gsung / /'jig rten chos rnams 'jig rten ri yi chu bzhin g.yo/ /mi mkhas skye bos bsten pa snying po ma mchis
128a1 pa| |chos rnams thams cad ston ka'i sprin dang 'drar mkhyen nas/ /srid las brgal bar gyur cing srid pa kun la smod/ /pad+ma dkar po 'dab
128a2 ma rgyas 'dra'i spyan mnga' ba/ /nyi zla brgya bas lhag pa'i gzi brjid mnga' ba po/ /'jig rten kun na bstod cing bsngags pa bstod 'os pa/ /mi 'dul snyun dang bral ba khyod la
128a3 phyag 'tshal lo/ /mi yi khyu mchog mtha' yas pa yi pha rol gshegs/ /yon tan khyad par kun gyi pha rol byon gyur pa/ /bde bar gshegs kyi yon tan 'di dag dpag
128a4 mi lang / /sangs rgyas bsod nams zhing la mgo bos phyag 'tshal lo/ /de nas byang chub sems dpa' blo gros mi zad pa byang chub sems dpa' bye ba phrag drug cu po de dag
128a5 dang bcas pas/ bcom ldan 'das la tshul dang 'dra ba'i tshigs su bcad pa 'di dag gis mngon par bstod nas steng gi bar snang las babs te/ bcom ldan 'das kyi
128a6 zhabs la mgo bos phyag btsal nas/ bcom ldan 'das la lan bdun bskor ba byas te/ bcom ldan 'das kyis gnang nas 'khor dang bcas te/ pad+ma'i snying po de dag
128a7 la skyil mo krung du 'khod do/ /de nas sangs rgyas kyi mthus tshe dang ldan pa shA ra dwa ti'i bu stan las langs te/ bla gos phrag pa gcig tu gzar nas pus mo g.yas pa'i lha nga sa
128b1 la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das/ byang chub sems dpa' blo gros mi
128b2 zad pa 'di gang nas mchis/ de bzhin gshegs pa de'i mtshan dang / 'jig rten gyi khams de'i ming ci zhes bgyi/ 'jig rten gyi khams de 'di nas ji srid cig na mchis/ bcom ldan
128b3 'das kyis bka' stsal pa/ shA ra dwa ti'i bu/ de'i phyir khyod kyis byang chub sems dpa' blo gros mi zad pa 'di la dris shig dang / 'di nyid khyod la ston to/ /de nas tshe dang ldan pa shA ra dwa
128b4 ti'i bus/ byang chub sems dpa' blo gros mi zad pa la 'di skad ces smras so/ /rigs kyi bu/ khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci
128b5 zhes bya/ 'jig rten gyi khams de 'di nas ji srid cig na yod/ blo gros mi zad pas smras pa/ gnas brtan shA ra dwa ti'i bu la da dung du'ang 'ong ba dang / 'gro ba'i 'du shes 'byung ngam/ smras
128b6 pa/ rigs kyi bu/ bdag gis 'du shes ni yongs su shes so/ /smras pa/ btsun pa shA ra dwa ti'i bu/ 'du shes yongs su shes pa dang ldan pa ni gnyis ka la blo mi 'jug na/ de ci'i
128b7 phyir 'od 'di ltar gang khyod gang nas 'ongs snyam du sems/ btsun pa shA ra dwa ti'i bu/ 'ong ba zhes bya ba de ni bsdu ba'i tshig go /btsun pa shA ra dwa ti'i bu/ 'gro ba zhes bya ba de ni bsal
129a1 ba'i tshig go /gang la bsdu ba'i tshig med pa dang / bsal ba'i tshig med pa de la 'ong ba'ang med/ 'gro ba'ang med do/ /'ong ba dang / 'gro ba med pa ni 'phags pa
129a2 rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba de ni las kyi rang bzhin gyi mtshan nyid do/ /btsun pa shA ra dwa ti'i bu/ 'gro ba zhes bya ba de ni las kyi rang bzhin zad
129a3 pa'i mtshan nyid do/ /gang la las kyi rang bzhin gyi mtshan nyid med pa dang / las kyi rang bzhin zad pa'i mtshan nyid med pa de la 'ong ba'ang med/ 'gro ba'ang med de/ 'ong ba dang / 'gro
129a4 ba med pa ni 'phags pa rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba de ni smon lam gyi mtshan nyid do/ /btsun pa shA ra dwa ti'i bu/ 'gro ba zhes bya ba de ni smon lam
129a5 zad pa'i mtshan nyid do/ /gang la smon lam gyi mtshan nyid dang / smon lam zad pa'i mtshan nyid med pa de la 'ong ba'ang med/ 'gro ba'ang med do/ /'ong ba dang / 'gro ba med pa ni 'phags
129a6 pa rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba de ni skye ba'i mtshan nyid do/ /btsun pa shA ra dwa ti'i bu/ 'gro ba zhes bya ba de ni 'gog pa'i mtshan nyid do/ /gang
129a7 la skye ba'i mtshan nyid med pa dang / 'gog pa'i mtshan nyid med pa de la 'ong ba'ang med/ 'gro ba'ang med do/ /'ong ba dang / 'gro ba med pa ni 'phags pa rnams kyi 'gro ba'o/ /btsun
129b1 pa shA ra dwa ti'i bu/ 'ong ba zhes bya ba de ni rnam par rig pa'i sgo'i mtshan nyid do/ /btsun pa shA ra dwa ti'i bu/ 'gro ba zhes bya ba de ni rnam par thar pa'i sgo zad pa'i mtshan nyid do/ /gang la
129b2 rnam par rig pa'i sgo'i mtshan nyid med pa dang / rnam par rig pa'i sgo zad pa'i mtshan nyid med pa de la 'ong ba'ang med/ 'gro ba'ang med do/ /'ong ba dang / 'gro ba med pa de ni 'phags pa
129b3 rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba de ni 'ong ba'i yul lo/ /btsun pa shA ra dwa ti'i bu/ 'gro ba zhes bya ba de ni 'gro ba'i yul lo/ /gang la 'ong ba'i yul
129b4 med pa dang / 'gro ba'i yul med pa de la 'ong ba'ang med/ 'gro ba'ang med de/ 'ong ba dang / 'gro ba med pa de ni 'phags pa rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba
129b5 de ni rkyen gyi mtshan nyid do/ /btsun pa shA ra dwa ti'i bu/ 'gro ba zhes bya ba de ni rkyen zad pa'i mtshan nyid do/ /gang la rkyen gyi mtshan nyid med pa dang / rkyen zad pa'i mtshan nyid med pa de la
129b6 'ong ba'ang med/ 'gro ba'ang med de/ 'ong ba dang / 'gro ba med pa de ni 'phags pa rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba de ni rten cing 'brel par 'byung ba'i mtshan
129b7 nyid do/ /btsun pa shA ra dwa ti'i bu/ 'gro ba zhes bya ba de ni rten cing 'bral par 'byung ba zad pa'i mtshan nyid do/ /gang la rten cing 'brel par 'byung ba'i mtshan nyid med pa dang / rten
130a1 cing 'brel bar 'byung ba zad pa'i mtshan nyid med pa de la 'ong ba'ang med/ 'gro ba'ang med de/ 'ong ba dang / 'gro ba med pa ni 'phags pa rnams kyi 'gro
130a2 ba'o| |btsun pa shA ra dwa ti'i bu/ 'ong ba zhes bya ba ni rgyu las byung ba'i mtshan nyid do/ /btsun pa shA ra dwa ti'i bu/ 'gro ba zhes bya ba de ni/ rgyu las byung ba zad pa'i mtshan nyid do/ /
130a3 gang la rgyu las byung ba'i mtshan nyid med pa dang / rgyu las byung ba zad pa'i mtshan nyid med pa de la 'ong ba'ang med/ 'gro ba'ang med de/ 'ong ba dang / 'gro ba med pa ni 'phags
130a4 pa rnams kyi 'gro ba'o/ /btsun pa shA ra dwa ti'i bu/ 'ong ba zhes bya ba de ni tha snyad kyi sgra dang / yi ge dang / brda'o/ /btsun pa shA ra dwa ti'i bu/ 'gro ba zhes bya ba de ni tha snyad kyi sgra dang /
130a5 yi ge dang / brda yongs su shes pa'o/ /gang la tha snyad kyi sgra dang / yi ge dang / brda med pa dang / tha snyad kyi sgra dang / yi ge dang / brda yongs su shes pa med pa de la 'ong ba'ang
130a6 med/ 'gro ba'ang med de/ 'ong ba dang / 'gro ba med pa ni 'phags pa rnams kyi 'gro ba'o/ /de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di
130a7 skad ces smras so/ /rigs kyi bu/ khyod kyi spobs pa 'di lta bu'i phyir ma yin gyi/ ci nas de lta bu sngon ma thos pa'i gnas rnams mnyan pa'i phyir 'dri'o/ /rigs kyi bu/ 'di lta
130b1 ste| dper na/ yul btsas dang / sho gam gcod pa'i mi zhig yod de/ des mi reng ngam/ khur thogs te lam nas 'gro ba la mi khyod ci zhig thogs zhes 'dri zhing nga la yul bcas
130b2 dang / shog ma byin cig ces zer ba de bzhin du/ rigs kyi bu/ bdag cag nyan thos gzhan gyi sgra'i rjes su 'gro ba/ gzhan las thos pa la mos par bdag gi sems kyi rgyud la
130b3 snang ba nye bar gnas pa rnams kyis rtag tu rgyun mi 'chad par khyod lta bu skyes bu dam pa rnams la/ gang las nyan thos dang / rang sangs rgyas mang po 'byung bar 'gyur ba'i theg pa
130b4 chen po 'di rjes su gzung ba'i phyir dri bar bya ste/ de bas na rigs kyi bu khyod gang nas 'ongs/ de bzhin gshegs pa de'i mtshan dang / 'jig rten gyi khams de'i ming ci zhes bya/
130b5 'jig rten gyi khams de 'di nas ji srid na yod pa legs par ston cig /blo gros mi zad pas smras ba/ btsun pa shA ra dwa ti'i bu/ de bzhin gshegs pa 'di khyod kyi mdun na/
130b6 bzhugs kyi 'di la zhus shig dang / des khyod la lan ldon par 'gyur te/ 'khor thams cad kyang the tshom med par 'gyur ro/ /de nas bcom ldan 'das la tshe dang ldan pa shA
130b7 ra dwa ti'i bus 'di skad ces gsol to/ /bcom ldan 'das/ byang chub sems dpa' blo gros mi zad pa 'di gang nas mchis/ de bzhin gshegs pa de'i mtshan dang / 'jig
131a1 rten gyi khams de'i ming ci zhes bgyi/ 'jig rten gyi khams de 'di nas ji srid cig na mchis/ 'di ltar de bzhin gshegs pa de'i mtshan dang /
131a2 sangs rgyas kyi zhing de'i ming thos nas/ sems can dpag tu ma mchis/ grangs ma mchis pa rnams byang chub kyi phyir go cha 'tshal bar 'gyur bar de bzhin gshegs pas
131a3 bstan du gsol/ bcom ldan 'das/ bde bar gshegs pas bstan du gsol/ bcom ldan 'das kyis bka' stsal pa/ shA ra dwa ti'i bu/ de'i phyir legs par rab
131a4 tu nyon la yid la zungs shig dang / ngas khyod la bshad do/ /'jig rten gyi khams de'i yon tan yongs su brjod pa dang / byang chub sems dpa' de dag dang / de bzhin
131a5 gshegs pa de'i ming thos nas/ dad pa dang / mos pas de bzhin gshegs pa'i ye shes chags pa med cing sgrib pa med pa la mi skrag par bya'o/ /the tshom za bar mi bya'o/ /
131a6 de nas tshe dang ldan pa shA ra dwa ti'i bus/ bcom ldan 'das la legs so zhes gsol nas/ bcom ldan 'das kyi ltar nyan pa dang / bcom ldan 'das kyis 'di skad ces
131a7 bka' stsal to/ /shA ra dwa ti'i bu/ sangs rgyas kyi zhing 'di nas shar phyogs logs su sangs rgyas kyi zhing gang+gA'i klung gi phye ma snyed kyi rdul phra rab kyi rdul snyed 'das pa na
131b1 'jig rten gyi khams mi 'dzum pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas kun tu bzang po zhes bya ba da ltar bzhugs te/
131b2 'tsho zhing gzhes la chos kyang ston te/ byang chub sems dpa' blo gros mi zad pa de nas 'ongs so/ /shA ra dwa ti'i bu/ 'jig rten gyi khams mi 'dzum pa de na nyan thos dang / rang sangs
131b3 rgyas rnams kyi ming yang med de/ de bzhin gshegs pa'i dge 'dun yang byang chub sems dpa' 'ba' zhig ste/ sngon yongs su sbyang ba byas pa/ sbyin pa dang / dul ba dang / legs
131b4 par sdom pa dang / des pa dang / tshul khrims dang / thos pa dang / bag yod pa dang / sbyangs pa'i yon tan dang / yo byad bsnyungs pa la rab tu gnas pa/ bzod pa'i stobs kyis
131b5 khong khro ba med cing / byang chub tu brtson 'grus brtan pas dge ba'i tshogs bsags pa/ bsam gtan dang / rnam par thar pa dang / ting nge 'dzin dang / snyoms par 'jug pa dang /
131b6 mngon par shes pas rnam par rol pa/ shes rab kyi 'od dang / snang ba chen pos sangs rgyas kyi chos thams cad kyi tshig rab tu dbye ba ston pa'i ye shes la mkhas pa/ byams
131b7 pa'i sems nam mkha'i dkyil dang mtshungs pa/ snying rje ba'i bsam pa brtan pas sems can thams cad yongs su smin par bya ba'i cho ga shes pa/ dge bas chos la yang
132a1 dag par dga' bar byed pa/ nyes pa dang / rjes su chags pa dang / khong khro ba dang / nga rgyal shin tu spangs pa/ btang snyoms kyis gnyis dang bral ba/
132a2 stong pa nyid dang / mtshan ma med pa dang / smon pa med pa'i chos kyi tshul la rab tu gnas pa/ bdud kyi lcags kyu dang / nyon mongs pa dang / 'thab mo'i rnyog pa rnam par sel bar
132a3 byed pa| sems can thams cad kyi bsam pa dang / dbang po mchog dang / mchog ma yin pa shes pa'i sgrub pa'i shes pa so so ci rigs par chos dang / nor dang / shes pa rab tu
132a4 sbyin pa| sems sa dang / chu dang / me dang / rlung dang mtshungs pa/ pha rol rgol ba dang / log pa'i tshogs can gyi tshogs thams cad rab tu 'joms pa/ g.yul las rnam
132a5 par rgyal te rgyal mtshan dang / ba dan sgreng zhing mi zlog par dpa' ba/ sangs rgyas kyi chos zab mo dang / stobs bcu dang / mi 'jigs pas 'khor gyis 'jigs pa dang / bag
132a6 tsha ba med pa/ rten cing 'brel par 'byung ba la 'jug pa yod pa dang / med pa dang / gnyis ka'i mthar lta ba dang bral bas dbu ma'i lam du zhugs pa dang / bdag dang / bdag
132a7 gi dang | sems can dang / srog dang / skye ba po dang / gso ba dang / skyes bu dang / gang zag dang / shed bu dang / shed las skyes dang / byed pa po dang / tshor ba po dang /
132b1 rtag pa dang / chad pa dang / 'byung ba dang / 'jig pa dang / lta bar gyur pa'i kun nas ldang ba thams cad dang bral ba/ gzungs dang / mdo sde'i rgyal po dang / de bzhin gshegs
132b2 pa'i phyag rgyas btab pa/ chags pa med pa'i ye shes kyi byin gyi rlabs kyis bskal pa bye ba khrag khrig brgya stong du sgra bsgrags kyang spo bas pa rgyun mi 'chad pa/ sangs rgyas kyi rdzu 'phrul
132b3 dang | rnam par 'phrul ba dang / cho 'phrul ston pas sangs rgyas kyi zhing mtha' yas pa gnon pa dang / rnam par gnon pa dang / 'gro ba dang / 'ong ba la mkhas pa/ 'jigs pa
132b4 dang | khro ba dang / nga rgyal dang / rgyags pa dang / dregs pa kun chad pas seng ge'i sgra mngon par bsgrags pa/ sems can rab 'bring tha ma thams cad kyi mdza' bshes brtan pa/
132b5 mya ngan las 'da' ba la 'god pa/ chos kyi sprin las 'brug gi sgra 'byung zhing / rig pa dang / rnam par grol ba'i glog dang / bdud rtsi'i char rab tu 'bebs pa/ chos rin po
132b6 che rab tu gtor bas/ dkon mchog gsum gyi rigs mi 'chad par byed pa/ nor bu rin po che lta bur bsam pa dag cing phyi nang du blo rab tu sbyangs pa/ mtshan dang / dpe byad bzang
132b7 po'i mchog dang / rang gi gzi brjid kyi rgyan dang / dge ba'i rtsa ba brgya stong gis shin tu brgyan pa/ sangs rgyas kyi chos thams cad la dbang bskur ba/ skye ba gcig gis thogs
133a1 pas rgyal tshab tu gyur pa/ sems can thams cad kyi mos pa dang / rnam par grol ba dang / gdul bya 'dul ba'i cho ga shes pa/ byang chub kyi sa'i snying
133a2 po'i gdan mnan pa dang / rnam par mnan pa la mi 'jigs pa'i tshul shes pa/ sangs rgyas thams cad kyi cho ga dang / sangs rgyas kyi sku rab tu ston cing / rab tu gzung ba
133a3 dang tshar gcod pas sems la dpa' zhing dbang byed pa dang / bla na med pa'i chos kyi 'khor lo rin po che rab tu bskor ba sha stag ste/ shA ra dwa ti'i bu/ bcom ldan 'das
133a4 de'i dge 'dun ni byang chub sems dpa' de lta bu sha stag go /de nas thams cad dang ldan pa'i 'khor des byang chub sems dpa' de dag gi bsngags pa dang / yon tan dang /
133a5 phan yon bstan pa 'di lta bu 'di dag thos nas tshim zhing mgu la yi rangs te rab tu dga' nas dga' ba dang / yid bde ba skyes te/ lha'i me tog ut+pa la dang / pad+ma dang /
133a6 ku mu da dang / pad+ma dkar po dang / mnad ra ba dang / man+dA ra ba chen po dag gis bcom ldan 'das dang / byang chub sems dpa' blo gros mi zad pa dang / byang chub sems
133a7 dpa' de dag la gtor nas skyes bu dam pa 'di 'dra ba dag la blta ba dang / phyag bya ba dang / bsnyen bkur bya ba rnyed pa ni bdag cag gis rnyed pa legs par rnyed do/ /gang
133b1 byang chub sems dpa'i yon tan dang / phan yon bstan pa 'di thos nas bla na med pa yang dag par rdzogs pa'i byang chub tu sems bskyed pa'i sems can de dag gis kyang rnyed pa legs
133b2 par rnyed do zhes ched du brjod do/ /de na srog chags brgya stong phrag sum cu rtsa drug gis bla na med pa yang dag par rdzogs pa'i byang chub tu sems bskyed do/ /de nas yang bcom ldan
133b3 'das kyis gnas brtan shA ra dwa ti'i bu la bka' stsal pa/ shA ra dwa ti'i bu/ yang 'jig rten gyi khams mi 'dzum pa de na ngan song dang / mi khom pa dang / sdug bsngal gyi sgra'ang
133b4 med de| ltung ba'i 'khrul pa dang / nyon mongs pa'i sgra'ang med/ log pa'i sgrub pa dang / bslab pa las 'das pa'i sgra'ang med/ bud med du skye bar 'gyur ba'i sgra'ang med/ ser
133b5 sna dang | 'chal pa'i tshul khrims dang / gnod sems dang / le lo dang / g.yeng ba dang / 'chal pa'i shes rab kyi sgra'ang med/ sgrib pa dang / chod pa dang / kun nas ldang
133b6 ba dang | bag chags kyi sgra'ang med/ rab 'bring tha ma'i sgra'ang med/ sems can dang / theg pa dang / zhing tha dad pa'i sgra'ang med/ sangs rgyas tha dad pa'i sgra'ang med /
133b7 chos tha dad pa'i sgra'ang med/ dge 'dun tha dad pa'i sgra'ang med/ bza' ba dang / btung ba dang / bkres pa dang / skom pa'i sgra'ang med/ ngar 'dzin pa dang / nga yir 'dzin
134a1 pa dang / yongs su 'dzin pa'i sgra'ang med/ bdud kyi lta ba kun nas ldang ba dang / bag chags kyi sgra'ang med do/ /'jig rten gyi khams de ni yangs
134a2 shing rgya che ste/ gling bye ba khrag khrig brgya stong phrag bcu yod de/ byang chub sems dpa'i smon lam gyis nyi ma dang / zla ba gcig gi 'od kyis kun tu snang ngo / /'jig rten gyi khams
134a3 de'ang lag mthil bzhin du mnyam zhing bai DUR+ya sngon po'i sa gzhi la rin po che thams cad kyi pad+mas rab tu spras te/ ka tsa lin+di ltar 'jam zhing reg na bde ba/ mig mang ris
134a4 su bris pa/ rin po che'i shing gi ra bas legs par brgyan pa/ rtag tu me tog rgyas pas mdzes par byas pa/ rdo dang / gseg ma dang / gyo mo dang / bong ba dang / ri nag
134a5 po med de/ ri rab kyis legs par brgyan pa/ lha dang / mi'i longs spyod bye brag med cing / sems can de dag gi zas kyang chos kyi dga' ba dang / bsam gtan gyi zas
134a6 te| 'jig rten gyi khams de ni de bzhin gshegs pa dgra bcom pa yang dag par rdzogs pa'i sangs rgyas kun tu bzang po chos kyi rgyal po bla na med pa ma gtogs par rgyal
134a7 po gzhan gang yang med do/ /bcom ldan 'das de'ang byang chub sems dpa' de dag la yi ge dang / sgra dang / brda'i tshig rab tu dbye bas chos mi ston te/ gzhan du na byang
134b1 chub sems dpa' de dag bcom ldan 'das de'i drung du lhags te/ mig mi 'dzum par bltas pas/ sangs rgyas rjes su dran pa'i ting nge 'dzin thob ste/ mi skye ba'i chos la bzod
134b2 pa thob par lung bstan pa'ang byin no/ /de'i phyir na 'jig rten gyi khams de'ang mi 'dzum pa zhes bya'o/ /de la sangs rgyas rjes su dran pa gang zhe na/ gang gzugs kyi mtshan nyid
134b3 kyis rab tu ma phye ba/ tshe dang / rigs dang / rus dang / cho rigs kyis rab tu ma phye ba/ sngon gyi mtha'i dkar po'i spyod pas rab tu ma phye ba/ phyi ma'i mtha' shes pas sems
134b4 pas rab tu ma phye ba/ da ltar byung ba la gnas pas rab tu ma phye ba/ phung po dang / khams dang / skye mched kyis rab tu ma phye ba/ mthong ba dang / thos pa dang / bye brag phyed pa
134b5 dang | rnam par rig pas rab tu ma phye ba/ sems dang / yid dang / rnam par shes pas rab tu ma phye ba/ spros pa dang / lta bas rab tu ma phye ba/ skye ba dang / gnas pa dang / 'jig
134b6 pas rab tu ma phye ba/ gzung ba dang / rtsod pa dang / btang bas rab tu ma phye ba/ dran pa dang yid la byed pas rab tu ma phye ba/ rtog pa dang / rnam par rtog pa dang / yongs su rtog
134b7 pas rab tu ma phye ba/ chos kyi mtshan nyid dang / rang gi mtshan nyid kyis rab tu ma phye ba/ gcig dang / tha dad pa dang / so so bas rab tu ma phye ba/ sems kyi dmigs pa bgrang
135a1 bas rab tu ma phye ba/ nang dang / phyi rol tu g.yo bas rab tu ma phye ba/ rnam par rtog pa'i mtshan ma dang / blang ba dang / ngor bas rab tu ma phye ba/ kha dog
135a2 dang | dbyibs dang / rtags kyis rab tu ma phye ba/ spyod lam dang / spyod pa dang / spyod pas rab tu ma phye ba/ tshul khrims dang / ting nge 'dzin dang / shes rab dang / rnam par
135a3 grol ba dang / rnam par grol ba'i ye shes mthong ba yid la byed pas rab tu ma phye ba/ stobs dang / mi 'jigs pa dang / sangs rgyas kyi chos ma 'dres par sgro btags
135a4 pas rab tu ma phye ba yin te/ 'di ltar sangs rgyas rjes su dran pa ni bsam gyis mi khyab pa/ rgyu ba med pa/ rnam par rig pa med pa'i mtshan nyid de/ nga yi ba med pa/ yid
135a5 la byed pa dang bral pa/ dran pa med cing yid la byed pa med pa/ phung po dang / khams dang / skye mched 'byung ba dang / 'jig pa'i gnas ma yin/ thogs pa med pa ma
135a6 yin| 'jug pa ma yin/ gnas pa ma yin/ mi gnas pa ma yin/ rab tu gnas pa ma yin/ yang dag par gnas pa ma yin/ gzugs kyi rnam par shes pa'i
135a7 gnas ma yin/ tshor ba dang / 'du shes dang / 'du byed dang / rnam par shes pas shes par bya ba'i gnas ma yin/ sa'i khams kyi rnam par shes pa'i gnas
135b1 ma yin/ chu'i khams kyi ma yin/ me'i khams kyi ma yin/ rlung gi khams kyi rnam par shes pa'i gnas ma yin/ mig dang / gzugs kyi rnam par shes pa'i gnas ma yin/
135b2 de bzhin du rna ba'i ma yin/ sgra'i ma yin/ sna'i ma yin/ dri'i ma yin/ lce'i ma yin/ ro'i ma yin/ lus kyi ma yin/ reg bya'i ma yin/ yid kyi ma yin/ chos kyi rnam par
135b3 shes pa'i gnas ma yin no/ /yang sangs rgyas rjes su dran pa ni dmigs pa thams cad la mi gnas pa'o/ /mtshan ma thams cad mi ldang ba'o/ /g.yo ba dang / sems pa dang /
135b4 bskyod pa thams cad kyi rgyu ba med pa'o/ /mthong ba dang / thos pa dang / bye brag phyed pa dang / rnam par rig pa mi skyed pa'o/ /dbang po dang / rnam par grol ba'i mtshan nyid thams
135b5 cad kyi rjes su mi 'gro ba'o/ /sems gcig nas gcig tu nying mtshams sbyor ba med pa'o/ /rtog pa dang / rnam par rtog pa thams cad nye bar zhi ba'o/ /nyes pa dang / rjes su chags
135b6 pa dang / khong khro ba bcom pa'o/ /rgyu'i mtshan nyid rnam par chad pa'o/ /pha rol dang / tshu rol dang / dpung dang / mthar 'dzin pa thams cad yang dag par chad pa'o/ /sgro btags
135b7 pa med pas 'od gsal ba'o/ /phye ba med pa'i phyir dga' ba med pa'o/ /myang ba med pa'i phyir bde ba med pa'o/ /gzod ma nas zhi ba'i yongs su gdung ba med pa'o/ /'bad pa
136a1 thams cad dang bral bas rnam par grol ba'i mtshan nyid do/ /gzugs med pas lus med pa'o/ /tshor ba med pas tshor bar gyur pa med pa'o/ /mdud
136a2 pa med pas mdud pa dang bral ba'o/ /'du mi byed pas 'dus ma byas pa'o/ /rnam par shes pa med pas rnam par mi rig pa'i mtshan nyid do/ /mi 'dzin pas len pa med pa'o/ /
136a3 mi gtong bas dor ba med pa'o/ /gnas med pas mi gnas pa'o/ /tshor ba dang bral bas mi 'dug pa'o/ /mi 'byung bas med par mi 'gyur ba'i mtshan nyid do/ /dran pa dang / yid
136a4 la byed pa dang / sems dang / sems las byung ba'i chos thams cad kyis ma bzung ba/ mchog tu 'dzin pa med pa/ len pa med pas 'dor ba med pa/ rab tu zhi ba/ gzod ma
136a5 nas ma skyes pa/ mi skye bas rab tu phye ba /chos kyi dbyings su yang dag par 'du ba/ mnyam zhing mi mnyam pa med par gyur pa/ nam mkha' dang mtshungs shing mnyam pa/
136a6 mig dang / gzugs kyi lam las 'das pa/ de bzhin du rna ba dang / sgra dang / rna dang / dri dang / lce dang / ro dang / lus dang / reg bya dang / yid dang / chos kyi lam
136a7 las 'das pa yin te/ sangs rgyas kyi rjes su dran pa 'di 'dra ba byang chub sems dpa' de dag gis rab tu 'thob bo/ /de dag gis sangs rgyas rjes su dran pa 'di thob ma thag
136b1 tu chos thams cad la sgrib pa med pa'i ye shes thob par 'gyur te/ sangs rgyas bcom ldan 'das thams cad kyis gsungs pa 'dzin cing brjed par yang mi byed/ dran par yang mi byed
136b2 de| sgra'i don thams cad rnam par nges par yang rnyed par 'gyur ro/ /shA ra dwa ti'i bu/ de bzhin gshegs pa dgra bcom pa yang dag par rdzogs pa'i sangs rgyas kun tu bzang po ni/
136b3 ji ltar 'di na gzhan gyi sgra dang / so so rang gi tshul bzhin yid la byed pa ltar rgyu dang / rkyen gnyis kyis yang dag par lta ba mi ston te/ shA ra dwa ti'i bu/ byang chub sems dpa' de dag
136b4 gis de bzhin gshegs pa de mthong ma thag tu don rnam par nges pa las pha rol tu phyin pa drug yongs su rdzogs par byed do/ /mi skye ba'i chos la bzod pa'i lung bstan pa'ang rab tu
136b5 'thob bo/ /de ci'i phyir zhe na/ gang gzugs kyi mtshan nyid la mngon par zhen pa spangs pa 'di ni sbyin pa'i pha rol tu phyin pa'o/ /gang gzugs kyi mtshan nyid rgyun bcad pa 'di ni
136b6 tshul khrims kyi pha rol tu phyin pa'o/ /gang gzugs kyi mtshan nyid zad pa'i chos nyid 'di ni bzod pa'i pha rol tu phyin pa'o/ /gang gzugs kyi mtshan nyid la dben par mthong ba
136b7 'di ni brtson 'grus kyi pha rol tu phyin pa'o/ /gang gzugs kyi mtshan nyid sems la mi 'jog pa 'di ni bsam gtan gyi pha rol tu phyin pa'o/ /gang gzugs kyi mtshan nyid la
137a1 spros pa'i rgyu med pa 'di ni shes rab kyi pha rol tu phyin pa'o/ /de ltar byang chub sems dpa' de dag gis bcom ldan 'das de bzhin gshegs pa
137a2 dgra bcom pa yang dag par rdzogs pa'i sangs rgyas kun tu bzang po mthong ma thag tu don rnam par nges pa las pha rol tu phyin pa drug yongs su rdzogs nas mi skye ba'i chos la
137a3 bzod pa'i lung bstan pa 'thob bo/ /ji ltar bcom ldan 'das de bzhin gshegs pa kun tu bzang po'i sangs rgyas kyi zhing 'jig rten gyi khams mi 'dzum pa lta bur gang dag
137a4 na| byang chub sems dpa' 'di lta bu dag 'khod pa'i sangs rgyas kyi zhing de dag ni shin tu nyung ngo / /de nas tshe dang ldan pa shA ra dwa ti'i bus/ byang chub sems dpa' blo gros
137a5 mi zad pa dang / byang chub sems dpa' de dag la 'di skad ces smras so/ /skyes bu dam pa dag /gang khyed kyis bcom ldan 'das de bzhin gshegs pa kun tu bzang po
137a6 dang | byang chub sems dpa' de dag dang / 'jig rten gyi khams mi 'dzum pa de mthong ba ni rnyed pa legs par rnyed do/ /blo gros mi zad pas smras pa/ btsun pa shA ra dwa
137a7 ti'i bu/ khyod mi 'dzum pa'i 'jig rten gyi khams dang / bcom ldan 'das de bzhin gshegs pa kun tu bzang po de dang / pad+mo bkod pa de dag dang / byang chub sems dpa'
137b1 de dag blta 'dod dam/ shA ra dwa ti'i bus smras pa/ rigs kyi bu/ thams cad dang ldan pa'i 'khor 'di'ang dge ba'i rtsa ba rab tu 'phel bar 'gyur gyi bdag gis blta'o/ /de nas
137b2 byang chub sems dpa' blo gros mi zad pa de'i tshe/ sangs rgyas kyi zhing thams cad kun tu ston pa zhes bya ba'i ting nge 'dzin la snyoms par zhugs te/ rigs kyi bu de snyoms par
137b3 zhugs ma thag tu de nas thams cad dang ldan pa'i 'khor de gnas brtan shA ra dwa ti'i bus 'jig rten gyi khams mi 'dzum pa de dang / bcom ldan 'das de bzhin gshegs pa dgra
137b4 bcom pa yang dag par rdzogs pa'i sangs rgyas kun tu bzang po de dang / pad+mo bkod pa de dag dang / byang chub sems dpa' de dag mthong ste/ mthong nas kyang thams cad rang
137b5 rang gi stan las langs te thal mo sbyar nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po dang / byang chub sems
137b6 dpa' de dag la phyag 'tshal lo/ /de nas sangs rgyas kyi mthu dang / byang chub sems dpa' blo gros mi zad pa'i byin gyis brlabs kyis de dag gi lag pa g.yas par sngon ma mthong
137b7 ma thos pa'i me tog gi phur ma dri rab tu zhim zhing sna tshogs pa/ blta na sdug pa/ kha dog dang ldan zhing yid du 'ong ba dag byung bar gyur te/ de dag gis me tog gi phur ma de dag
138a1 shar phyogs su bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po ga la ba de logs su
138a2 gtor to/ /me tog gi phur ma gtor ba de dag sangs rgyas kyi zhing der chags te/ de bzhin gshegs pa dgra bcom pa yang dag par rdzogs pa'i sangs rgyas kun tu bzang po de
138a3 dang | byang chub sems dpa' de dag la mngon par gtor nas de dag gi 'jig rten gyi khams de thams cad me tog gis gang bar gyur to/ /byang chub sems dpa' gang dag 'jig
138a4 rten gyi khams de na gnas pa de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu bzang po de la/ bcom ldan 'das/
138a5 me tog blta na sdug pa 'di lta bu 'di dag gi char ga las 'bab ces zhus so/ /bcom ldan 'das des bka' stsal pa/ rigs kyi bu dag/ 'di ni byang chub sems dpa' blo
138a6 gros mi zad pa bcom ldan 'das de bzhin gshegs pa shAkya thub pa de la blta ba dang / phyag bya ba dang / mchod pa dang / bsen bkur bya ba dang / chos nyan pa'i phyir bcom
138a7 ldan 'das shAkya thub pa'i sangs rgyas kyi zhing 'jig rten gyi khams mi mjed der phyin nas 'jig rten gyi khams der phyogs bcu nas 'dus pa'i byang chub sems dpa' de dag
138b1 gis me tog 'di dag gtor to/ /bcom ldan 'das de bzhin gshegs pa shAkya thub pa de'ang 'dus pa chen po'i le'u zhes bya ba'i chos kyi rnam grangs ston te/ der yang sems
138b2 can dpag tu med pas chos mngon du rtogs par gyur to/ /de dag gis gsol pa/ bcom ldan 'das de bzhin gshegs pa shAkya thub pa de bzhugs pa'i 'jig rten gyi khams
138b3 'di nas ji srid cig na mchis/ bcom ldan 'das des bka' stsal pa/ sangs rgyas kyi zhing 'di nas nub phyogs su sangs rgyas kyi zhing gang+gA'i klung bcu'i bye ma snyed kyi
138b4 rdul phra rab kyi rdul snyed kyi 'jig rten gyi khams 'das pa na/ 'jig rten gyi khams mi mjed ces bya ba yod de/ de na bcom ldan 'das de bzhin gshegs pa dgra bcom pa
138b5 yang dag par rdzogs pa'i sangs rgyas shAkya thub pa da ltar bzhugs te/ 'tsho zhing gzhes la chos kyang ston to/ /de dag gis gsol pa/ bcom ldan 'das /bdag cag gis
138b6 'jig rten gyi khams mi mjed de dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de dang / byang chub sems
138b7 dpa' de dag blta bar bgyi'o/ /de nas de'i tshe de bzhin gshegs pa dgra bcom pa yang dag par rdzogs pa'i sangs rgyas kun tu bzang pos sku las 'di lta bu'i 'od phyung ste/
139a1 'od des sangs rgyas kyi zhing de dag thams cad las thal nas/ 'jig rten gyi khams mi mjed 'di dang / bcom ldan 'das de bzhin gshegs/
139a2 pa shAkya thub pa dang / byang chub sems dpa' 'di dag rang gi byang chub sems dpa' de dag la bstan te/ de dag gis mthong nas/ thams cad rang rang gi stan
139a3 las langs te/ thal mo sbyar nas bcom ldan 'das de bzhin gshegs pa shAkya thub pa 'di dang / byang chub sems dpa' 'di dag la phyag 'tshal zhing tshig 'di
139a4 skad ces smras so/ /bcom ldan 'das/ 'di ltar 'jig rten gyi khams 'di na skra'i rtse mo bzhag pa tsam yang byang chub sems dpas ma gang ba ma mchis na byang chub
139a5 sems dpa' 'di snyed gang nas 'dus/ bcom ldan 'das des bka' stsal pa/ rigs kyi bu dag/ byang chub sems dpa' 'di dag ni phyogs bcu'i sangs
139a6 rgyas kyi zhing tshad med pa nas chos nyan pa'i phyir 'dus so/ /de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras
139a7 so| |ci'i phyir/ rigs kyi bu khyod kyi ming blo gros mi zad pa zhes btags/ blo gros mi zad pas smras pa/ btsun pa shA ra dwa ti'i bu/ blo gros mi zad pa zhes bya ba 'di ni
139b1 chos thams cad dmigs su med pa'i rgyu mthun pa'o/ /de ci'i phyir zhe na/ chos thams cad mi zad pa'i phyir ro/ /smras pa/ rigs kyi bu/ khyod byang chub sems dpa' rnams kyi
139b2 chos mi zad pa bstan pa la brtsams te/ spobs par gyis shig/ blo gros mi zad pas smras pa/ btsun pa shA ra dwa ti'i bu/ byang chub sems dpa' rnams kyi dang po sems
139b3 bskyed pa'ang mi zad pa'o/ /de ci'i phyir zhe na/ ma 'dres pa'i phyir ro/ /sems de ni nyon mongs pa thams cad dang ma 'dres par skyes so/ /theg pa gzhan la 'dod pa med pas
139b4 sems de ni ma 'brel bar skyes so/ /phas kyi rgol ba thams cad kyis mi 'phrogs pas sems de ni sra bar skyes so/ /sems de ni bdud thams cad kyis mi phyed par skyes so/ /dge
139b5 ba'i rtsa ba thams cad yang dag par sgrub pa'i phyir sems de ni brtan par skyes so/ /'dus byas mi rtag par shin tu rig pas na sems de ni rtag par skyes so/ /sangs rgyas kyi chos
139b6 thams cad yang dag par sdud pas sems de ni mi g.yo bar skyes so/ /log par sgrub pa thams cad bral bas sems de ni mi rdzi bar skyes so/ /mi bskyod pas na sems de ni
139b7 shin tu brtan par skyes so/ /gnyen po med pas na sems de ni dpe med par skyes so/ /chos thams cad la nges par 'bigs pas na/ sems de ni rdo rje lta bur skyes so/ /
140a1 bsod nams kyi tshogs tshad med pa bsags pas na sems de ni mu med par skyes so/ /sems can thams cad kyi bsam pa rnams la sems
140a2 de ni mnyam par skyes so/ /tha dad du byed pa med pas na sems de ni mi mnyam pa med par skyes so/ /rang bzhin gyis kun nas nyon mongs pa med pas na/ sems de ni
140a3 rnam par dag par skyes so/ /shes rab kyi 'od gsal ba'i phyir/ sems de ni dri ma med par skyes so/ /lhag pa'i bsam pas ma bor bas na sems de ni shin tu
140a4 nges par bsam ste skyes so/ /byams pa nam mkha' dang mnyam zhing mtshungs pas na sems de ni yangs par skyes so/ /sems can thams cad kyi go 'byed pas na/
140a5 sems de ni rgya che bar skyes so/ /chags pa med pa'i ye shes la btang bas na sems de ni sgrib ba med par skyes so/ /snying rje chen po rgyun ma bcad pas na sems de
140a6 ni thams cad kyi rjes su song bar skyes so/ /yongs su bsngo ba'i chog shes pas na sems de ni rgyun ma chad par skyes so/ /thams cad mkhyen pas rab tu bstod
140a7 pas na sems de ni mngon du 'gro bar byas par skyes so/ /theg pa gzhan la zhugs pas na sems de ni blta bar 'os pa'o/ /sems de ni sems can thams cad
140b1 kyis pa ltar mi mthong bar skyes so/ /sems de ni sangs rgyas kyi chos thams cad kyi sa bon du skyes so/ /sems de ni chos thams cad kyis mi shigs par skyes so/ /sems de ni bde
140b2 ba'i dngos po thams cad kyi gnas su skyes so/ /sems de ni bsod nams kyi tshogs kyis brgyan par skyes so/ /sems de ni ye shes kyi tshogs rab tu bsags te skyes so/ /sems
140b3 de ni sbyin pa'i tshogs kyis rab tu bsags te skyes so/ /sems de ni tshul khrims kyi tshogs kyis smon lam gyis 'phags par skyes so/ /sems de ni bzod pa'i tshogs kyis bsnyen
140b4 par dka' bar skyes so/ /sems de ni brtson 'grus kyi tshogs kyis rgyal bar dka' bar skyes so/ /sems de ni bsam gtan gyi tshogs kyis zhi ba'i mtshan nyid du skyes so/ /sems
140b5 de ni shes rab kyi tshogs kyis thogs pa med par skyes so/ /byams pa chen po bsags pas sems de ni gnod pa med par skyes so/ /snying rje chen po bsags pas sems de ni
140b6 rtsa ba sra zhing brtan pa'o/ /sems de ni dga' ba chen po bsags pa ste/ mgu ba dang / mos pa dang / mchog tu dga' ba la gnas par skyes so/ /sems de ni btang snyoms
140b7 chen po bsags pa ste/ bde ba dang / sdug bsngal gyis mi sgul bar skyes so/ /sems de ni sangs rgyas thams cad kyi byin gyi rlabs kyis byin du brlabs par skyes so/ /
141a1 sems de ni dkon mchog gsum gyi rigs rgyun mi gcad pa'i phyir rgyun mi gcad par skyes so/ /sems de ni phyogs bcu'i sangs rgyas gyi
141a2 zhing thams cad 'khor gyi dkyil 'khor du grags par skyes so/ /btsun pa shA ra dwa ti'i bu/ thams cad mkhyen pa nyid kyi sems 'di 'dra bar skyes pa la zad pa gang yang
141a3 yod dam/ shA ra dwa ti'i bu sa smras pa/ rigs kyi bu/ de ni ma yin te/ gang thams cad mkhyen pa nyid kyi sems 'di lta bu zad par 'dod pa ni nam mkha' zad par
141a4 'dod do/ /blo gros mi zad pas smras pa/ btsun pa shA ra dwa ti'i bu/ de bzhin gshegs pa'i sems de ni mi zad pa ste/ byang chub kyi sems de ni de'i rtsa ba skyes pas
141a5 na de'i phyir mi zad pa'o/ /btsun pa shA ra dwa ti'i bu/ de bzhin gshegs pa'i tshul khrims dang / ting nge 'dzin dang / shes rab dang / rnam par grol ba dang /
141a6 rnam par grol ba'i ye shes mthong ba'i phung po rnams mi zad pa ste/ byang chub kyi sems de ni de dag gi rtsa bar skyes pas na de'i phyir mi zad pa'o/ /btsun pa shA
141a7 ra dwa ti'i bu/ de bzhin gshegs pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams mi zad pa ste/ byang chub kyi
141b1 sems de ni de dag gi rtsa bar skyes pas na de'i phyir mi zad pa'o/ /btsun pa shA ra dwa ti'i bu/ de bzhin gshegs pa'i sbyin pa dang / tshul khrims dang / bzod pa dang / brtson 'grus
141b2 dang / pas ma gtan dang / shes rab kyi pha rol tu phyin pa rnams mi zad pa ste/ byang chub kyi sems de ni de dag gi rtsa bar skyes pas na de'i phyir mi zad pa'o/ /btsun pa shA ra dwa ti'i bu/
141b3 de bzhin gshegs pa'i byams pa dang / snying rje dang / dga' ba dang / btang snyoms rnams mi zad pa ste/ byang chub kyi sems de ni de dag gi rtsa bar skyes bas na de'i phyir mi zad
141b4 ba'o| |btsun pa shA ra dwa ti'i bu/ de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad rnams mi zad pa ste/ byang chub
141b5 kyi sems de ni de dag gi rtsa bar skyes pas na de'i phyir de mi zad pa'o/ /btsun pa shA ra dwa ti'i bu/ mdor na/ sangs rgyas kyi chos thams cad mi zad pa ste/ byang chub kyi sems de ni de dag
141b6 gi rtsa bar skyes pas na de'i phyir mi zad pa'o/ /dkon mchog gsum gyi rigs rgyun mi gcod pas na mi zad pa'o/ /sems can gyi khams mi zad pas na mi zad pa'o/ /de'i ye shes
141b7 btang bas na mi zad pa'o/ /sems can thams cad kyi sems kyi spyod pa rtogs pas na mi zad pa'o/ /sngon gyi smon lam gyi rgyun mi gcod pas na mi zad pa'o/ /'dus ma byas su
142a1 bsdos bas na mi zad pa'o/ /'dus ma byas la sems can yongs su smin par byed pas na mi zad pa'o/ /zad pa shes pa dang / mi zad pa shes pa
142a2 mi zad pas na mi zad pa'o/ /'byung ba med cing 'jig pa med pas na mi zad pa'o/ /chos thams cad gzod ma nas zad pa ste/ ye shes de mngon par rtogs pas na mi zad pa'o//
142a3 btsun pa shA ra dwa ti'i bu/ 'di ni byang chub sems dpa' rnams kyi byang chub kyi sems mi zad pa'o/ /btsun pa shA ra dwa ti'i bu/ gzhan yang / byang chub sems dpa' rnams kyi
142a4 bsam pa'ang mi zad pa ste/ de ci'i phyir zhe na/ bsam pa de'ang ma byas pas na bcos ma ma yin no/ /g.yo med pas na byas pa ma yin no/ /rab tu rtogs pas na g.yo med
142a5 pa'o| |rgyu med pas na rab tu rtogs pa'o/ /dag pas na rgyu med pa'o/ /drang bas na dag pa'o/ /gya gyu med pas na drang ba'o/ /gsal bas na gya gyu med pa'o/ /mi mnyam pa
142a6 med pas na gsal ba'o/ /sra bas na mi mnyam pa med pa'o/ /mi phyed pas na sra ba'o/ /mkhrang bas na mi phyed pa'o/ /mi g.yo bas na mkhrang ba'o/ /mi gnas pas na mi
142a7 g.yo ba'o/ /de la ma chags pas na mi gnas pa'o/ /bye brag tu 'phags pas na de la ma chags pa'o/ /ma smad pas na bye brag tu 'phags pa'o/ /legs par byas pa'i
142b1 las kyi phyir ma smad pa'o/ /ma bshungs pas na legs par byas pa'i las so/ /'gyod pa med pas na ma bshungs pa'o/ /gdud ba med pas na 'gyod pa med pa'o/ /bden par
142b2 gyur bas na mi gdung ba'o/ /slu ba med pas na bden par gyur ba'o/ /ji skad smra ba de bzhin byed pas na mi slu ba'o/ /legs par byas pas na ji skad smra ba de bzhin byed pa'o/ /rjes
142b3 su sbyor ba med pas na legs par byas pa'o/ /'khrul ba med pas na rjes su sbyor ba med pa'o/ /legs par gnas pas na 'khrul pa med pa'o/ /phyir mi ldog pas na legs par
142b4 gnas pa'o/ /sems can la lta bas na phyir mi zlog pa'o/ /snying rje chen po'i rtsa ba yin pas na sems can la lta ba'o/ /yongs su mi skyobs na snying rje chen po'i rtsa ba'o/ /sems can
142b5 yongs su smin par bya ba'i phyir cho ga shes bas na yongs su mi skyo ba'o/ /bdag la bde ba med pas na sems can yongs su smin par bya ba'i chog shes pa'o/ /lan mi re bas na bdag
142b6 la bde ba med ba'o/ /zang zing med pas na lan la re ba med pa'o/ /chos la rton par gyur bas na zang zing med pa'o/ /sems can mthu chung ba rnams la lta bas na chos la rton par
142b7 gyur ba'o/ /dpung gnyen du gyur bas na sems can mthu chung du la lta ba'o/ /skyabs su gyur bas na dbung gnyen du gyur pa'o/ /mgon du gyur bas na skyabs su gyur pa'o/ /nyon
143a1 mi mongs pas na mgon du gyur pa'o/ /shin tu yongs su btags pas na nyon mongs pa'o/ /brgal ba med pas na shin tu btags pa'o/ /
143a2 bsam pa dge bas na brgal ba med pa'o/ /ci'ang med pas na bsam pa dge ba'o/ /shin tu yongs su dag pas na ci'ang med pa'o/ /shin tu dka' bas na shin tu
143a3 yongs su dag pa'o/ /nang dri ma med pas na shin tu dkar ba'o/ /phyi rol dag pas na nang gi dri ma med pa'o/ /rnam pa thams cad yongs su dag pas na phyi rol dag
143a4 pa'o| |btsun pa shA ra dwa ti'i bu byang chub sems dpa' rnams kyi bsam pa de ni ser sna spang ba'i phyir blta ste/ sems can ser sna can yongs su smin par byed pas bsam
143a5 pa mi zad par blta'o/ /bsam pa ni 'chal pa'i tshul khrims kyi dri ma spang ba'i phyir blta ste/ sems can tshul khrims 'chal pa yongs su smin par byed pas bsam
143a6 pa mi zad par blta'o/ /bsam pa ni gnod sems dang / tha ba dang / nyes pa spang ba'i phyir blta ste/ nyes bar sems ba'i sems can yongs su smin par
143a7 byed pas bsam pa mi zad par blta'o/ /bsam pa ni le lo spang ba'i phyir blta ste/ sems can le lo can yongs su smin par byed pas bsam pa mi zad par
143b1 blta'o/ /bsam pa ni sems rnam par g.yeng ba gtong ba'i phyir blta ste/ sems can sems rnam par g.yeng pa yongs su smin par byed pas bsam pa mi zad par blta'o/ /
143b2 bsam pa ni 'chal ba'i shes rab spang ba'i phyir blta ste/ sems can shes rab 'chal pa yongs su smin par byed pas bsam pa mi zad par blta'o/ /btsun pa shA ra dwa ti'i
143b3 bu| de ltar na bsam pa ni sems can thams cad kyi mi dge ba'i chos thams cad spang ba'i phyir blta ste/ sems can thams cad dge ba'i chos la sbyor du 'dzud pas bsam
143b4 pa mi zad par blta'o/ /btsun pa shA ra dwa ti'i bu/ 'di ni byang chub sems dpa' rnams kyi bsam pa mi zad pa zhes bya'o// //bam po gnyis pa/
143b5 btsun pa shA ra dwa ti'i bu/ gzhan yang / byang chub sems dpa' rnams kyi bsam pa mi zad pas na sbyor ba mi zad pa yin te/ de ci'i phyir zhe na/ sbyin pa'i bsam pa ni byang chub
143b6 sems dpa'i sbyor ba mi zad pa ste/ gang yang bdog pa thams cad yongs su gtong bar snang ba 'di ni de'i sbyor ba'o/ /tshul khrims kyi bsam pa ni byang chub sems dpa'i
143b7 sbyor ba mi zad pa ste/ gang yang tshul khrims dang / bslab pa dang / sbyangs pa'i yon tan dang / yo byad bsnyungs pa yang dag par 'dzin par snang ba 'di ni de'i sbyor ba'o/ /
144a1 bzod pa'i bsam pa ni byang chub sems dpa'i sbyor ba mi zad pa ste/ gang yang sems can thams cad la zhe 'gras pa med pa'i sems su snang ba 'di ni
144a2 de'i sbyor ba'o/ /brtson 'grus kyi bsam pa ni byang chub sems dpa'i sbyor ba mi zad pa ste/ gang yang dge ba'i rtsa ba'i chos thams cad kyi sngon du 'gro bar snang ba 'di ni de'i sbyor
144a3 ba'o| |bsam gtan gyi bsam pa ni byang chub sems dpa'i sbyor ba mi zad pa ste/ gang yang bsam gtan yongs su sbyong bar snang ba 'di ni de'i sbyor ba'o/ /shes rab kyi bsam
144a4 pa ni byang chub sems dpa'i sbyor ba mi zad pa ste/ gang yang thos pa yongs su sbyong bar snang ba 'di ni de'i sbyor ba'o/ /byams pa dang / snying rje dang / dga' ba dang / btang snyoms
144a5 kyi bsam pa ni byang chub sems dpa'i sbyor ba mi zad pa ste/ gang yang sems can la phan pa dang / bde bar byed pas chos la dga' zhing mos te/ rjes su chags pa dang / khong
144a6 khro ba spong bar snang ba 'di ni de'i sbyor ba'o/ /lus kyi las rnam gsum gyi sdom pa yongs su dag pa'i phyir lus kyi bsam pa ni byang chub sems dpa'i sbyor ba mi zad pa'o/ /ngag
144a7 gi nyes pa rnam bzhi yongs su spang ba'i phyir ngag gi bsam pa ni byang chub sems dpa'i sbyor ba mi zad pa'o/ /brnab sems dang / gnod sems dang / log par lta ba
144b1 med pa'i phyir sems kyi bsam pa ni byang chub sems dpa'i sbyor ba mi zad pa'o/ /chos la slob dpon gyi dpe mkhyud med pa'i phyir thos pa'i bsam pa ni byang chub sems dpa'i sbyor
144b2 ba mi zad pa'o/ /thams cad mkhyen pa nyid kyi sems la sbyor ba'i phyir slob dpon gyi dpe mkhyud med pa'i bsam pa ni byang chub sems dpa'i sbyor ba mi zad pa'o/ /sems can
144b3 gzhan byang chub kyi sems yang dag par 'dzin du 'jug pa'i phyir thams cad mkhyen pa nyid kyi bsam pa ni byang chub sems dpa'i sbyor ba mi zad pa'o/ /dge ba'i rtsa ba la rab tu
144b4 'dzud pa'i phyir sems can gzhan byang chub kyi sems yang dag par 'dzin du 'jug pa'i bsam pa ni byang chub sems dpa'i sbyor ba mi zad pa'o/ /byang chub tu yongs su bsngo ba'i
144b5 phyir dge ba'i rtsa ba la sbyor ba'i bsam pa ni byang chub sems dpa'i sbyor ba mi zad pa'o/ /sangs rgyas kyi chos thams cad yang dag par sdud ba'i phyir byang chub tu yongs su bsngo
144b6 ba'i bsam pa ni byang chub sems dpa'i sbyor ba mi zad pa'o/ /dam pa'i chos kun 'dzin pa'i phyir sangs rgyas kyi chos thams cad yang dag par sdud pa'i bsam pa ni byang
144b7 chub sems dpa'i sbyor ba mi zad pa'o/ /nyes pa 'chags pa'i phyir dam pa'i chos kun 'dzin pa'i bsam pa ni byang chub sems dpa'i sbyor ba mi zad pa'o/ /sdig pa mthol
145a1 ba'i phyir nyes pa bshags pa'i bsam pa ni byang chub sems dpa'i sbyor ba mi zad pa'o/ /bsod nams thams cad kyi rjes su yi rang ba'i phyir sdig
145a2 pa mthol ba'i bsam pa ni byang chub sems dpa'i sbyor ba mi zad pa'o/ /bsod nams kyi tshogs tshad med pa bsags pa'i phyir bsod nams kyi tshogs thams cad kyi rjes su yi
145a3 rang ba'i bsam pa ni byang chub sems dpa'i sbyor ba mi zad pa'o/ /sangs rgyas thams cad la gsol ba 'debs pa'i phyir bsod nams kyi tshogs tshad med pa'i bsam pa ni byang
145a4 chub sems dpa'i sbyor ba mi zad pa'o/ /dam pa'i chos yongs su 'dzin pa'i phyir sangs rgyas thams cad la gsol ba 'debs pa'i bsam pa ni byang chub sems dpa'i sbyor ba
145a5 mi zad pa'o/ /skyes bu dam pa'i las kyi phyir dam pa'i chos yongs su 'dzin pa'i bsam pa ni byang chub sems dpa'i sbyor ba mi zad pa'o/ /khur blangs pa sgrol ba'i phyir skyes bu
145a6 dam pa'i las kyi bsam pa ni byang chub sems dpa'i sbyor ba mi zad pa'o/ /go cha sra zhing mi 'dor ba'i phyir khur blangs ba sgrol ba'i bsam pa ni byang chub sems dpa'i sbyor ba
145a7 mi zad pa'o/ /sems can thams cad kyi bya ba sgrub pa'i phyir go cha sra zhing mi 'dor ba'i bsam pa ni byang chub sems dpa'i sbyor ba mi zad pa'o/ /btsun pa shA ra dwa ti'i bu/
145b1 gzhan yang / bzhi po 'di dag ni byang chub sems dpa' rnams kyi sbyor ba mi zad pa ste/ bzhi gang zhe na/ byang chub kyi sems kyi sbyor ba mi zad pa dang / chos sbyin pa rnam par 'grel
145b2 ba'i sbyor ba mi zad pa dang / sems can yongs su smin par byed pa'i sbyor ba mi zad pa dang / dge ba'i rtsa ba bsags pa'i sbyor ba mi zad pa ste/ bzhi po de dag ni sbyor ba mi zad pa'o//
145b3 gzhan yang / sbyor ba mi zad pa bzhi ste/ bzhi gang zhe na/ dgon pa la gnas shing sbyangs pa'i yon tan dang / yo byad bsnyungs pa'i rjes su 'gro ba la mi ngoms pa'i sbyor ba mi zad pa
145b4 dang | bsod nams dang / ye shes kyi tshogs bsags pa la mi ngoms pa'i sbyor ba mi zad pa dang / thos pa btsal ba la mi ngoms pa'i sbyor ba mi zad pa dang / byang chub kyi yongs su
145b5 bsngo ba'i shes pas mi ngoms pa'i sbyor ba mi zad pa ste/ bzhi po de dag ni sbyor ba mi zad pa'o/ /gzhan yang / sbyor ba mi zad pa bzhi ste/ bzhi gang zhe na/ bgrang ba rtogs pa'i sbyor
145b6 ba mi zad pa dang / gzhal ba rtogs pa'i sbyor ba mi zad pa dang / dpyad pa rtogs pa'i sbyor ba mi zad pa dang / so sor brtag pa rtogs pa'i sbyor ba mi zad pa ste/ bzhi po de dag
145b7 ni sbyor ba mi zad pa'o/ /gzhan yang / sbyor ba mi zad pa bzhi ste/ bzhi gang zhe na/ kun nas nyon mongs pa'i rgyu rtogs pa'i sbyor ba mi zad pa dang / rnam par byang ba'i rgyu rtogs
146a1 pa'i sbyor ba mi zad pa dang / kun nas nyon mongs pa'i rgyu yongs su brjod pa'i sbyor ba mi zad pa dang / rnam par byang ba'i yon tan dang / phan yon
146a2 yongs su brjod pa'i sbyor ba mi zad pa ste/ bzhi po de dag ni sbyor ba mi zad pa'o/ /gzhan yang / sbyor ba mi zad pa bzhi ste/ bzhi gang zhe na/ phung po la brtag pa'i sbyor
146a3 ba mi zad pa dang / khams la brtag pa'i sbyor ba mi zad pa dang / skye mched la brtag pa'i sbyor ba mi zad pa dang / rten cing 'brel bar 'byung ba la brtag pa'i sbyor ba
146a4 mi zad pa ste/ bzhi po de dag ni sbyor ba mi zad pa'o/ /gzhan yang / sbyor ba mi zad pa bzhi ste/ bzhi gang zhe na/ 'du byed mi rtag par yongs su bstan pa'i sbyor ba mi
146a5 zad pa dang / 'du byed sdug bsngal bar yongs su bstan pa'i sbyor ba mi zad pa dang / chos thams cad bdag med par yongs su bstan pa'i sbyor ba mi zad pa dang / mya
146a6 ngan las 'das pa zhi ba la nye bar spyod pa bstan pa'i sbyor ba mi zad pa ste/ bzhi po de dag ni sbyor ba mi zad pa'o/ /btsun pa shA ra dwa ti'i bu/ mdor na byang chub sems
146a7 dpa'i sbyor ba ji snyed pa de dag thams cad ni thams cad mkhyen pa nyid la gzhol ba/ thams cad mkhyen pa nyid la 'bab pa/ thams cad mkhyen pa nyid la bab pa ste/
146b1 thams cad mkhyen pa nyid dag kyang mi zad pas na/ de'i phyir byang chub sems dpa' rnams kyi sbyor ba thams cad kyang mi zad pa'o/ /btsun pa shA ra dwa ti'i bu/ 'di ni byang chub
146b2 sems dpa' rnams kyi sbyor ba mi zad pa zhes bya'o/ /btsun pa shA ra dwa ti'i bu/ gzhan yang / byang chub sems dpa' rnams kyi lhag pa'i bsam pa mi zad pa yin te/ de ci'i phyir zhe
146b3 na/ dge ba'i rtsa ba thams cad la lhag par dmigs pa'i phyir ro/ /tha na byang chub sems dpa' gang ci sems pa de dag thams cad dge ba'i rtsa ba la lhag pa'i bsam pa dmigs
146b4 par gyur te/ sa nas sar 'jog pa'i phyir 'pho ba'i lhag pa'i bsam pa'o/ /bye brag tu 'gro ba'i phyir rgal ba'i lhag pa'i bsam pa'o/ /gong nas gong du khyad par du 'phags
146b5 pas na rtse mor lhag pa'i bsam pa'o/ /bye brag gi chos kun 'dzin pas na khyad par du 'phags pa'i lhag pa'i bsam pa'o/ /sangs rgyas kyi chos thams cad la mngon sum pa'i
146b6 lhag pa'i bsam pa'o/ /khyad par du 'phags pa'i cha dang mthun pa'i chos rnams la lhag par dmigs pa'i lhag pa'i bsam pa'o/ /rtsom pa thams cad nyams 'og tu chud
146b7 par byed pa'i lhag pa'i bsam pa'o/ /'bad pas yongs su mi skyobs na nges par byas pa'i lhag pa'i bsam pa'o/ /brtul zhugs thams cad yongs su rdzogs par byed pas na
147a1 brtul zhugs grub pa'i lhag pa'i bsam pa'o/ /grogs bdag yin pas na go skabs med pa'i lhag pa'i bsam pa'o/ /dmu rgod ma yin pas na
147a2 cad shes kyi sa'i lhag pa'i bsam pa'o/ /'phags pas na dul ba'i sa'i lhag pa'i bsam pa'o/ /skye bo mi srun pa dang / nyon mongs pa dang ma 'dres pas na ma 'dres pa'i
147a3 lhag pa'i bsam pa'o/ /yan lag gi dam pa mgo yongs su gtong bas na sbyin pa dka' ba yongs su gtong ba'i lhag pa'i bsam pa'o/ /sems can tshul khrims 'chal pa
147a4 rnams kyi dpung gnyen pas na dka' ba'i tshul khrims kyi lhag pa'i bsam pa'o/ /sems can mthu chung ba rnams kyi nyes pa ngang du len pas na bya dka' ba'i bzod pa'i
147a5 lhag pa'i bsam pa'o/ /nyan thos dang / rang sangs rgyas thams cad kyi byang chub lag mthil du 'ongs pa 'dor bas na bya dka' ba'i brtson 'grus kyi lhag pa'i bsam pa'o/ /
147a6 bsam gtan gyi ro mi myang bas na bya dka' ba'i bsam gtan gyi lhag pa'i bsam pa'o/ /dge ba'i rtsa ba thams cad kyi tshogs la mi smod pas bya dka' ba'i shes rab kyi
147a7 lhag pa'i bsam pa'o/ /sems can thams cad kyi bya ba bsgrub pa'i phyir brtsams pa dang / spyod pa nyams 'og tu chud par byed pa'i lhag pa'i bsam pa'o/ /shes
147b1 pas rab tu btags pas na nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal
147b2 dang | log pa'i nga rgyal med pa'i lag pa'i bsam pa'o/ /lan re ba med pas na sems can thams cad kyi sbyin pa'i gnas kyi lhag pa'i bsam pa'o/ /sangs rgyas kyi chos zab mo
147b3 la rab tu rtog pa'i phyir mi dngang ba'i lhag pa'i bsam pa'o/ /byin gyi rlabs kyis 'gro bas na khyad par du 'gro ba'i lhag pa'i bsam pa'o/ /khur blangs pa sgrol bas na ma zhum pa'i
147b4 lhag pa'i bsam pa'o/ /rtag tu brtson pas na mi zad pa'i lhag pa'i bsam pa'o/ /yang lhag pa'i bsam ba zhes bya ba ni 'byung po rnams la des pa'o/ /sems can rnams la byams
147b5 pa'o/ /'phags pa rnams la phan par sems pa'o/ /'phags pa ma yin pa rnams la snying rje ba'o/ /bla ma rnams la gus pa'o/ /dpung gnyen med pa rnams la dpung gnyen no/ /
147b6 skyabs med pa rnams la skyabs so/ /gling med pa rnams la gling ngo / /mgon med pa rnams la mgon no/ /grogs med pa rnams la grogs so/ /gya gyu can rnams la drang
147b7 ba'o| |dmu rgod rnams la gsal ba'o/ /yon tan can rnams la g.yo med pa'o/ /thibs po sbyod pa rnams la rgyu med pa'o/ /byas pa mi gzo ba rnams la byas pa gzo ba'o/
148a1 'khu ba rnams la byas pa tshor ba'o/ /gnod pa byed pa rnams la phan 'dogs pa'o/ /log par gyur pa rnams la bden pa'o/ /khengs pa rnams
148a2 la nga rgyal med pa'o/ /legs par byas pa rnams la mi spyo ba'o/ /gzhan gyi 'khrul pa rnams la mi gleng ba'o/ /log par zhugs pa rnams la kun tu srung ba'o/ /thabs kyis
148a3 dge ba spyod pa thams cad la nyes par mi lta ba'o/ /sbyin pa'i gnas rnams la rim gro byed pa'o/ /rjes su bstan pa rnams la mthun par 'dzin pa'o/ /gdams ngag dang / rjes
148a4 su bstan pa rnams la blo bde ba'o/ /dgon par gnas pa rnams la phu dud du byed pa'o/ /rnyed pa dang / bkur sti dang / tshigs su bcad pa dag don du mi gnyer ba'o/ /lus
148a5 dang | srog la mi lta ba dang / lhag pa'i bsam pa dag pas na tshul 'chos med pa'o/ /ngag bsdams pas na kha gsag med pa'o/ /bdag gi rnyed pas chog shes pas na thob
148a6 kyis 'jal ba med pa'o/ /sems nyon mongs pa can ma yin bas na las su rung ba'o/ /dge ba'i rtsa ba thams cad bsags pas na 'khor bar mi gzhol ba'o/ /sems can
148a7 thams cad la lta bas na sdug bsngal thams cad la ci mi snyam pa'o/ /de'i phyir na skyes bu dam pa de dag gi lhag pa'i bsam pa thams cad mi zad pa yin te/ bsod nams
148b1 thams cad kyis nye bar brtan pa dang / sems can thams cad nye bar 'tsho ba dang / ye shes mi zad pa yang dag par bsgrub pa'i phyir 'khor ba'i nyon mongs pa thams cad kyis zad par
148b2 mi nus so/ /btsun pa shA ra dwa ti'i bu/ 'di ni byang chub sems dpa' rnams kyi lhag pa'i bsam pa mi zad pa'o/ /de nas tshe dang ldan pa shA ra dwa ti'i bus byang chub sems dpa' blo gros
148b3 mi zad pa la 'di skad ces smras so/ /rigs kyi bu/ byang chub sems dpa' rnams kyi mi zad pa gzhan la la yod dam/ blo gros mi zad pas smras pa/ btsun pa shA ra dwa ti'i bu/
148b4 yod do/ /byang chub sems dpa' rnams kyi sbyin pa'ang mi zad pa ste/ de ci'i phyir zhe na/ tshad med pa'i phyir ro/ /btsun pa shA ra dwa ti'i bu/ byang chub sems dpa' rnams kyi sbyin
148b5 pa yongs su spyad pa'ang tshad med pa ste/ tshe dang / spobs pa dang / bde ba dang / stobs dang / kha dog nye bar bstan pa'i phyir zas 'dod pa rnams la zas sbyin pa'o/ /nyon
148b6 mongs pa dang / sred pa thams cad bsal ba'i phyir btung ba 'dod pa rnams la btung ba sbyin pa'o/ /bde ba dang / 'byor ba'i dngos po thams cad bsdu ba'i phyir bzhon pa 'dod
148b7 pa rnams la bzhon pa sbyin pa'o/ /ngo tsha shes pa dang / khrel yod pa dang / gser gyi kha dog lta bu'i mdog yongs su sbyang ba'i phyir gos 'dod pa rnams la gos sbyin
149a1 pa'o/ /de bzhin gshegs pa'i lha'i spyan yongs su gzigs par bya ba'i phyir mar me 'dod pa rnams la mar me sbyin pa'o/ /de bzhin
149a2 gshegs pa'i lha'i snyan yongs su dag par bya ba'i phyir rol mo 'dod pa rnams la rol mo'i sgra sbyin pa'o/ /tshul khrims dang / thos pa dang / ting nge 'dzin gyi spos
149a3 kyis byug pa'i phyir spos dang / byug pa 'dod pa rnams la spos dang / byug pa sbyin pa'o/ /gzungs dang / spobs pa dang / byang chub kyi yan lag gi me tog thob par bya
149a4 ba'i phyir me tog phreng ba 'dod pa rnams la me tog phreng ba sbyin pa'o/ /lus kyi dri yid du 'ong ba thob par bya ba'i phyir phye ma 'dod pa rnams la phye ma sbyin pa'o/ /skyes bu chen
149a5 po'i mtshan ro bro ba'i mchog yongs su rdzogs pa'i phyir bro thams cad 'dod pa rnams la bro thams cad sbyin pa'o/ /sems can thams cad kyi gnas dang / skyabs
149a6 dang | mgon dang / dpung gnyen bya ba'i phyir gnas 'dod pa rnams la gnas sbyin pa'o/ /sgrib pa thams cad rab tu spong ba dang / lha dang / /tshangs pa'i gnas dang /
149a7 de bzhin gshegs pa'i gzims cha thob par bya ba'i phyir mal cha 'dod pa rnams la mal cha sbyin pa'o/ /stong gsum gyi stong chen po'i sa thams cad kyi byang chub kyi
149b1 snying po rdo rje'i gdan thob par bya ba'i phyir stan 'dod pa rnams la stan sbyin pa'o/ /byang chub kyi yo byad thams cad yongs su bkang ba'i phyir yo byad 'dod pa rnams la yo byad
149b2 sbyin pa'o/ /mi rga mi 'chi ba'i bdud rtsi'i bde ba yongs su bkang ba'i phyir na ba dang / sman 'dod pa thams cad la sman sbyin pa'o/ /rang dbang dang / rang nyams dang / rang
149b3 'byung gi ye shes yongs su bkang ba'i phyir byang chub sems dpa' rnams kyi bran pho dang / bran mo yongs su gtong ba'i sbyin pa'o/ /skyes bu chen po'i mtshan dam pa sum cu rtsa
149b4 gnyis yongs su bkang ba'i phyir byang chub sems dpa' rnams kyi gser dang / dngul dang / nor bu dang / mu tig dang / bai DUR+ya dang / dung dang / man shel dang /
149b5 byu ru dang / rin po che thams cad yongs su gtong ba'i sbyin pa'o/ /dpe byad bzang po brgyad cu yongs su rdzogs par bya ba'i phyir byang chub sems dpa' rnams kyi rgyan sna
149b6 tshogs sbyin pa'o/ /gtsug gtor bltar mi mthong ba thob par bya ba'i phyir byang chub sems dpa' rnams kyi gtsug gi nor bu dang / cod pan sbyin pa'o/ /theg pa chen
149b7 po yongs su rdzogs par bya ba'i phyir byang chub sems dpa' rnams kyi rta dang / bal glang dang / shing rta dang / dpung bu chung dang / bzhon pa sbyin pa'o/ /bsam gtan
150a1 gyi yan lag dang / yan lag gi tshogs yongs su rdzogs par bya ba'i phyir byang chub sems dpa' rnams kyis skyed mos tshal dang / gzhal med
150a2 khang dang / dka' thub kyi nags tshal dang / gtsug lag khang yongs su gtong ba'i sbyin pa'o/ /bla na med pa yang dag par rdzogs pa'i byang chub la dga' ba mngon par
150a3 rdzogs par 'tshang rgya bar bya ba'i phyir byang chub sems dpa' rnams kyi bu pho dang / bu mo dang / chung ma dang / sdug pa yongs su gtong ba'i sbyin pa'o/ /dam pa'i chos kyi mdzod dang /
150a4 bang ba yongs su dgang ba'i phyir byang chub sems dpa' rnams kyi nor dang / 'bru dang / mdzod dang / bang ba yongs su gtong ba'i sbyin pa'o/ /rnam pa thams cad kyi mchog
150a5 dang ldan pa'i dam pa'i chos kyi rgyal po byang chub kyi snying por 'gro bar bya ba'i phyir byang chub sems dpa' rnams kyi grong dang / grong khyer dang / grong rdal dang / yul 'khor
150a6 dang | rgyal po'i pho brang 'khor dang / dzam+bu'i gling dang / gling bzhi dang / rgyal srid kyi dbang phyug thams cad yongs su gtong ba'i sbyin pa'o/ /chos la dga' zhing mos pa
150a7 thob par bya ba'i phyir byang chub sems dpa' rnams kyi bde ba dang / dga' ba dang / rtsed mo thams cad gtong ba'i sbyin pa'o/ /dam pa'i chos kyi rkang pas byang chub kyi
150b1 snying por 'gro bar bya ba'i phyir byang chub sems dpa' rnams kyi rkang pa sbyin pa'o/ /sems can thams cad la dam pa'i chos kyi lag pa sbyin pa'i phyir byang chub sems dpa'
150b2 rnams kyi lag mthil sbyin pa'o/ /dbang po nyams pa rdzogs par bya ba'i phyir byang chub sems dpa' rnams kyi rna ba dang / sna sbyin pa'o/ /sems can thams cad la sgrib pa med pa
150b3 sangs rgyas kyi spyan dang / chos kyi spyan thob par bya ba'i phyir byang chub sems dpa' rnams kyi mig sbyin pa'o/ /khams gsum thams cad las khyad par 'phags pa'i mchog
150b4 thams cad mkhyen pa'i ye shes thob par bya ba'i phyir byang chub sems dpa' rnams kyi yan lag gi dam pa mgo sbyin pa'o/ /snying po med pa'i lus las snying po blang zhing nye
150b5 bar 'tsho bar bya ba'i phyir byang chub sems dpa' rnams kyi sha dang / khrag yongs su gtong ba'i sbyin pa'o/ /'jam pa dang / snum pa dang / gser gyi kha dog lta bu'i mdog
150b6 yongs su dag par bya ba'i phyir byang chub sems dpa' rnams kyi phags pa yongs su gtong ba'i sbyin pa'o/ /sangs rgyas kyi sku rdo rje ltar mi shigs shing sra ba dang / sred
150b7 med kyi bu ltar mkhregs pa thob par bya ba'i phyir byang chub sems dpa' rnams kyi rus pa dang / rkang sbyin pa'o/ /btsun pa shA ra dwa ti'i bu/ gzhan yang / byang chub sems
151a1 sems dpa' rnams la mi mthun pa'i longs spyod yongs su tshol ba'i sbyin pa med do/ /sems can la gnod pa'i sbyin pa med do/ /nga rgyal bskyed
151a2 cing sbyin pa med do/ /'jigs pa dang / skrag pa dang / 'dzem pas sbyin pa med do/ /mgron du gnyer te yongs su mi gtong ba'i sbyin pa med do/ /ji skad smras pa las chung ba'i
151a3 sbyin pa med do/ /bzang po yod pa la bzang po ma yin pa'i sbyin pa med do/ /lhag pa'i bsam pa ma yin pas sbyin pa med do/ /g.yo dang / sgyus sbyin pa med do/ /bcos pa'i
151a4 sbyin pa med do/ /las kyi rnam par smin pa dang / rgod pas sbyin pa med do/ /log pa'i bsam pas sbyin pa med do/ /gti mug gi bsam pas sbyin pa med do/ /tshel ba'i bsam
151a5 pas sbyin pa med do/ /phyin ci log gi bsam pas sbyin pa med do/ /ma dad par sbyin pa med do/ /mi dga' bar sbyin pa med do/ /nye bar gnas pa'i sbyin pa med do/ /ngor bltas
151a6 te sbyin pa med do/ /sems can tha dad pa'i sbyin pa med do/ /sbyin pa'i gnas 'dam zhing sbyin pa med do/ /sems can thams cad la sbyin pa'i gnas ma yin par brnyas
151a7 shing sbyin pa med do/ /tshul khrims dang ldan pa dang / tshul khrims 'chal pa la bstod pa dang / smad pa'i sbyin pa med do/ /lan la re ba'i sbyin pa med do/ /grags
151b1 pa dang / sgra dang / tshigs su bcad pa'i phyir sbyin pa med do/ /bdag la bstod pa dang / gzhan la smod pa'i sbyin pa med do/ /yongs su gdung bar byed pa'i sbyin pa med do/ /yid
151b2 la gcags pa'i sbyin pa med do/ /'gyod pa'i sbyin pa med do/ /gnod par sbyin pa med do/ /gzhan gyi re ba la bab pa'i sbyin pa med do/ /smad par sbyin pa med do/ /las
151b3 kyi rnam par smin pa la re ba'i sbyin pa med do/ /dpags te sbyin pa med do/ /khro ba dang / zhe sdang dang / gti mug dang / gnod sems bskyed pa'i sbyin pa med do/ /slong
151b4 ba rnams la gnod pa'i sems med do/ /'phya ba dang / co 'dri ba'i sbyin pa med do/ /phyin phyogs su sbyin pa med do/ /bsgyur te sbyin pa med do/ /bsti stang du ma byas pa'i
151b5 sbyin pa med do/ /bdag gi lag ma bdar ba'i sbyin pa med do/ /mi rtag pa'i sbyin pa med do/ /shin tu ma sbyangs pa'i sbyin pa med do/ /gzhan la brnyogs pa'i sbyin pa med do/ /
151b6 yongs su chad par byas te sbyin pa med do/ /ji ltar bstabs pa las chung ba'i sbyin pa med do/ /spro ba las mi spro bar gyur pa'i sbyin pa med do/ /sems can zhing ma yin zhes
151b7 sbyin pa med do/ /chung ngu la brnyas shing sbyin pa med do/ /sbyin pa rgya chen po la bsnyems shing sbyin pa med do/ /log par sgrub pa'i sbyin pa med do/ /skye ba 'dod pa'i
152a1 sbyin pa med do/ /gzugs dang / longs spyod dang / dbang phyug la mngon par dga' bas sbyin pa med do/ /brgya byin dang / tshangs pa dang /
152a2 'jig rten skyong ba dang / lha thams cad du skye bar smon cing sbyin pa med do/ /nyan thos dang / rang sangs rgyas kyi theg par bsngo zhing sbyin pa med do/ /gzhon nu rgyal
152a3 srid kyi dbang phyug 'dod pas sbyin pa med do/ /tshe gcig tu zad pa'i sbyin pa med do/ /phyin chad chog cing mi dgos pa'i sbyin pa med do/ /thams cad mkhyen pa nyid
152a4 kyi sems su ma bsngos pa'i sbyin pa med do/ /rung ba ma yin pa'i sbyin pa med do/ /dus la ma bab par sbyin pa med do/ /dug dang / mtshon sbyin pa med do/ /sems
152a5 can la mtho 'tshams shing sbyin pa med do/ /byang chub sems dpa' rnams kyi sbyin pa ni mkhas pas smad pa med do/ /sbyin pa de ni stong pa nyid kyi rnam pas bsgrubs
152a6 pa ste/ de'i phyir de mi zad pa'o/ /sbyin pa de ni mtshan ma med pas yongs su bsgoms pa ste/ de'i phyir de mi zad pa'o/ /sbyin pa de ni smon pa med pa la rab
152a7 tu gnas pa ste/ de'i phyir de mi zad pa'o/ /sbyin pa de ni mngon par 'dus ma byas par yongs su bsngo ba ste/ de'i phyir de mi zad pa'o/ /sbyin pa de ni yang
152b1 dag par zin pa ste/ de'i phyir de mi zad pa'o/ /sbyin pa de ni khams gsum pa dang ma 'dres pa ste/ de'i phyir de mi zad pa'o/ /sbyin pa de ni 'bras bu rgyu mthun pa rnam
152b2 par grol ba ste/ de'i phyir de mi zad pa'o/ /sbyin pa de ni bdud thams cad tshar gcod pa ste/ de'i phyir de mi zad pa'o/ /sbyin pa de ni nyon mongs pa thams cad dang
152b3 ma 'dres pa ste/ de'i phyir de mi zad pa'o/ /sbyin pa de ni khyad par du 'gro ba ste/ de'i phyir de mi zad pa'o/ /sbyin pa de ni legs par byas pa nges pa ste/ de'i phyir de mi
152b4 zad pa'o/ /sbyin pa de ni byang chub kyi lam gyi tshogs bsags pa ste/ de'i phyir de mi zad pa'o/ /sbyin pa de ni yang dag par bsngos pa ste/ de'i phyir de mi zad pa'o/ /sbyin
152b5 pa de ni byang chub kyi snying po'i rgyan bkod pa rnam par grol ba rgyu mthun pa'i 'bras bu ste/ de'i phyir de mi zad pa'o/ /sbyin pa de ni sems can thams cad kyi 'tsho ba ste/ de'i
152b6 phyir de mi zad pa'o/ /sbyin pa de ni mu med pa ste/ de'i phyir de mi zad pa'o/ /sbyin pa de ni yongs su mi 'bri ba ste/ de'i phyir de mi zad pa'o/ /sbyin pa de ni kun tu mi gtogs
152b7 pa ste/ de'i phyir de mi zad pa'o/ /sbyin pa de ni yongs su ma chad pa ste/ de'i phyir de mi zad pa'o/ /sbyin pa de ni yangs pa ste/ de'i phyir de mi zad pa'o/ /sbyin pa de ni mi gan
153a1 pa ste| de'i phyir de mi zad pa'o/ /sbyin pa de ni thug pa med pa ste/ de'i phyir de mi zad pa'o/ /sbyin pa de ni kha na ma tho ba med pa ste/ de'i phyir
153a2 de mi zad pa'o/ /sbyin pa de ni ma skur ba ste/ de'i phyir de mi zad pa'o/ /sbyin pa de ni mi thul ba ste/ de'i phyir de mi zad pa'o/ /sbyin pa de ni zil gyis mi non pa ste/ de'i
153a3 phyir de mi zad pa'o/ /sbyin pa de ni thams cad mkhyen pa'i ye shes la btang ba ste/ de'i phyir de mi zad pa'o/ /btsun pa shA ra dwa ti'i bu/ 'di ni byang chub sems
153a4 dpa' rnams kyi sbyin pa mi zad pa zhes bya'o/ /de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so/ /
153a5 rigs kyi bu/ byang chub sems dpa' rnams kyi sbyin pa mi zad pa 'di ni khyod kyis legs par smras na/ rigs kyi bu/ byang chub sems dpa' rnams kyi tshul khrims
153a6 mi zad pa la brtsams te/ ji ltar byang chub sems dpa' rnams kyi tshul khrims mi zad par 'gyur ba khyod spobs par gyis shig /blo gros mi zad pas smras pa/ btsun
153a7 pa shA ra dwa ti'i bu/ rnam pa drug cu rtsa lngas byang chub sems dpa' rnams kyi tshul khrims kyi phung po yongs su mi zad pa yin no/ /drug cu rtsa lnga po gang zhe na/ 'di lta ste/ sems can thams
153b1 cad la mi gnod pa dang / gzhan gyi longs spyod dag la mi rku ba dang / gzhan gyi chung ma dag la ma chags pa dang / sems can thams cad la mi slu ba dang / bdag gi 'khor gyis
153b2 chog par 'dzin pas phra ma med pa dang / tshig drag po bzod pas mi brlang ba dang / tshig shin tu spong bas tshig kyal ba mi smra ba dang / gzhan bde ba la dga' bas brnab sems
153b3 med pa dang / ngan du brjod pa dang / ngan du smra ba'i tshig gi lam bzod pas gnod sems med pa dang / ston pa gzhan gyi bstan pa med pas yang dag par lta ba dang / sems la
153b4 rnyog pa med pas sangs rgyas la dad pa dang / chos nyid kyi chos dam pa'i phyir chos la dad pa dang / 'phags pa'i tshogs thams cad la dga' bas dge 'dun la dad pa dang / bla
153b5 ma la gus pas sri zhu che ba dang / sangs rgyas dang / chos dang / dge 'dun la yan lag lngas phyag 'tshal bas lus rab tu 'dud pa dang / kha na ma tho ba chung rabs la'ang 'jigs
153b6 par lta bas tshul khrims mi lhod pa dang / theg pa gzhan la mi brten pas tshul khrims ma ral ba dang / nyam nga bar skye ba spong bas tshul khrims ma nyams pa dang / skye bo mi srun pa
153b7 dang | nyon mongs pa dang ma 'bres pas tshul khrims ma 'dres pa dang / dkar po'i chos phyogs gcig tu 'phel bas tshul khrims ma 'tshol ba dang / ji ltar 'dod pa bzhin
154a1 du 'gro bas dpongs pa'i tshul khrims dang / mkhas pas ma smad pas rab tu bsngags pa'i tshul khrims dang / dran pa dang / shes bzhin rab tu nye
154a2 bar gnas pas rnam pa mchog gi tshul khrims dang / thams cad du kha na ma tho ba med pas ma smad pa'i tshul khrims dang / dbang po bsrungs pas shin tu spas pa'i tshul
154a3 khrims dang / sangs rgyas kyi chos thams cad la sems las rnam par grags pa'i tshul khrims dang / rung ba la tshod shes pas 'dod pa chung ba'i tshul khrims dang / chags
154a4 pa spong bas chog shes pa'i tshul khrims dang / lus dang / sems dben pas rang bzhin gyis dben pa'i tshul khrims dang / 'du 'dzi rnam par spong bas dgon pa la gnas
154a5 pa'i tshul khrims dang / gzhan gyi ngor mi lta bas 'phags pa'i rigs cho ga shes pa'i tshul khrims dang / dge ba'i rtsa ba bdag gi kha na las pas sbyangs pa'i yon tan
154a6 dang | yo byad bsnyungs pa'i tshul khrims dang / lha dang / mi mgu bar byed pas ji ltar smras pa de ltar spyod pa'i tshul khrims dang / sems can thams cad kyi dpung
154a7 gnyen du gyur pas byams pa'i tshul khrims dang / sdug bsngal thams cad bzod pas snying rje'i tshul khrims dang / sems ma zhum pas dga' ba'i tshul khrims
154b1 dang | rjes su chags pa dang / khong khro ba spangs pas btang snyoms kyi tshul khrims dang / bdag gi sems la nges par sems pas bdag gi 'khrul pa la rtog pa'i tshul
154b2 khrims dang / gzhan gyi sems srung bas gzhan gyi 'khrul pa la nyes par mi lta ba'i tshul khrims dang / sems can yongs su smin par byed pas sbyin pa'i tshul khrims
154b3 dang | tshul khrims rab tu bsrungs pas shin tu bzung ba'i tshul khrims dang / sems can thams cad la zhe 'gras pa'i sems med pas bzod pa'i tshul khrims dang /
154b4 phyir mi ldog pa'i brtson 'grus kyi tshul khrims dang / bsam gtan gyi yan lag gi tshogs 'phel bar byed pas bsam gtan gyi tshul khrims dang / thos pa'i
154b5 dge ba'i rtsa bas mi ngoms pa'i phyir shes rab kyi tshul khrims dang / thos pa'i snying po len pa'i phyir thos pa'i tshul khrims dang / byang chub kyi yan lag gi tshogs
154b6 spel ba'i phyir/ dge ba'i bshes gnyen la brten pa'i tshul khrims dang / lam nyam nga ba 'dor ba'i phyir sdig pa'i grogs po yongs su spong ba'i tshul khrims dang / mi
154b7 rtag pa'i 'du shes la rtogs pas lus la mi lta ba'i tshul khrims dang / dge ba'i rtsa ba la brtun te byed pas srog la yid mi rton pa'i tshul khrims dang / bsam pa dag pa'i
155a1 phyir yid la gcags pa med pa'i tshul khrims dang / sbyor ba dag pa'i phyir bcos ma ma yin pa'i tshul khrims dang / lhag pa'i bsam pa dag
155a2 pa'i phyir yongs su gdung ba med pa'i tshul khrims dang / las legs par byas pa'i phyir mi dga' ba med pa'i tshul khrims dang / khengs pa med pa'i phyir nga rgyal med pa'i
155a3 tshul khrims dang / 'dod chags dang bral ba'i phyir mi rgod pa'i tshul khrims dang / drang ba'i phyir mi g.yeng ba'i tshul khrims dang / cang shes pa'i phyir mu cor mi smra ba'i
155a4 tshul khrims dang / mi 'khrugs pa'i phyir dul ba'i tshul khrims dang / nye bar zhi ba'i phyir zhi ba'i tshul khrims dang / ji skad smras pa bzhin byed pas bka' blo bde
155a5 zhing mthun par 'dzin pa'i tshul khrims dang / bsdu ba'i dngos po mi 'dor bas sems can yongs su smin par byed pa'i tshul khrims dang / bdag gi nor chud mi gzon
155a6 pa'i phyir dam pa'i chos yongs su srung ba'i tshul khrims dang / gzod ma nas shin tu dag pas bsam pa thams cad yongs su skong ba'i tshul khrims dang / de'i tshul
155a7 khrims yongs su bsngos pas de bzhin gshegs pa'i tshul khrims la yang dag par gzhol ba'i tshul khrims dang / sems can thams cad la sems snyoms par sangs
155b1 rgyas kyi ting nge 'dzin dang / snyoms par 'jug pa'i tshul khrims te/ btsun pa shA ra dwa ti'i bu/ rnam pa drug cu rtsa lnga po de dag gis byang chub sems dpa' rnams kyi tshul khrims kyi phung
155b2 po yongs su dag pa mi zad pa yin no/ /btsun pa shA ra dwa ti'i bu/ gzhan yang / gang la bdag tu sgro btags pa med pa dang / sems can du ma yin/ srog tu ma yin/ gso bar ma
155b3 yin| skyes bur ma yin/ gang zag tu ma yin/ shed las skyes su ma yin zhing / shed bur sgro btags pa med pa'i tshul khrims so/ /gang la gzugs su sgro btags pa
155b4 med pa dang / tshor bar ma yin/ 'du shes su ma yin/ 'du byed du ma yin/ rnam par shes par sgro btags pa med pa de ni tshul khrims so/ /gang la sa'i khams su sgro
155b5 btags pa med pa dang / chu'i khams su ma yin/ me'i khams su ma yin zhing rlung gi khams su sgro btags pa med pa de ni tshul khrims so/ /gang la mig gi mtshan mar
155b6 sgro btags pa med pa dang / gzugs kyi mtshan mar sgro btags pa med pa dang / de bzhin du rna bar ma yin/ sgrar ma yin/ snar ma yin/ drir ma yin| lcer ma
155b7 yin/ ror ma yin/ lus su ma yin/ reg byar ma yin zhing yid kyi mtshan mar sgro btags pa med pa dang / chos su sgro btags pa med pa de ni tshul khrims so/ /
156a1 gang la lus dang / ngag dang / chos su sgro btags pa med pa de ni tshul khrims so/ /gang rtse gcig pa'i phyir zhi gnas kyi mtshan nyid de ni tshul
156a2 khrims so/ /chos rab tu rnam par 'byed pa la mkhas pas lhag mthong gi mtshan nyid de ni tshul khrims so/ /gang stong pa nyid rig pa dang / mtshan ma med pa'i mtha'
156a3 dang | smon pa med cing khams gsum pa dang ma 'dres pa de ni tshul khrims so/ /gang mngon par 'dus ma byas pa/ ma skyes pas rab tu phye ba/ mi skye ba la bzod
156a4 pa de ni tshul khrims so/ /gang ma byas shing bya ba med pa de ni tshul khrims so/ /gang sngon gyi mthar mi byed pa dang / phyi ma'i mthar ma 'phos pa dang / bar du mi
156a5 gnas pa de ni tshul khrims so/ /gang sems dri ma med pa dang / rnam par shes pa la mi gnas pa dang / yid la byed pa dang ma 'dres pa de ni tshul khrims so/ /
156a6 gang 'dod pa'i khams la mi rten pa dang / gzugs kyi khams la mi gnas pa dang / gzugs med pa'i khams na mi 'dug pa de ni tshul khrims so/ /gang 'dod
156a7 chags kyi rdul med pa dang / gnod sems dang / tha ba dang / skyon dang / khong khro ba bsal ba dang / gti mug gi mun pa dang / ma rig pa med pa de ni tshul
156b1 khrims so/ /gang rtag pa med pa dang / chad pa med pa dang / rten nas 'byung ba dang mi 'gal ba de ni tshul khrims so/ /gang ngar 'dzin pa med pa dang / nga yir 'dzin pa med
156b2 pa dang / 'jig tshogs la lta ba la mi gnas pa de ni tshul khrims so/ /gang ming dang / brda la mngon par ma zhen pa dang / gzugs kyi mtshan nyid la mi gnas pa dang / ming
156b3 dang | gzugs dang ma 'dres pa de ni tshul khrims so/ /gang rgyu'i bag la nyal ba med pa dang / lta ba'i kun nas ldang ba dang / kun nas ma langs pa dang / sgrib pa dang / 'gyod
156b4 pa la mi gnas pa de ni tshul khrims so/ /gang la chags pa mi dge ba'i rtsa ba'i gnas med pa dang / zhe sdang mi dge ba'i rtsa ba'i gnas med pa dang / gti mug mi dge
156b5 ba'i rtsa ba'i gnas med pa de ni tshul khrims so/ /gang mi dga' ba med pa dang / yongs su gdung ba med pa dang / shin tu sbyangs pa'i mtshan nyid de ni tshul khrims so/ /
156b6 gang chos kyi skus sangs rgyas kyi rigs mi gcod pa dang / chos kyi dbyings dbyer med pa'i phyir chos kyi rigs mi gcod pa dang / 'dus ma byas kyis rab tu phye ba'i
156b7 phyir dge 'dun gyi rigs mi gcod pa de ni tshul khrims so/ /btsun pa shA ra dwa ti'i bu/ tshul khrims mi zad pa ni rgyun mi zad pa'i phyir blta'o/ /de ci'i phyir zhe na/ so so'i
157a1 skye bo rnams kyi tshul khrims ni skye ba'i gnas rnams kyis zad par 'gyur ro/ /phyi rol gyi lnga mngon par shes pa rnams kyi tshul khrims
157a2 ni mngon par shes pa nyams pas zad par 'gyur ro/ /mi rnams kyi tshul khrims ni dge ba bcu'i las kyi lam zad pas zad par 'gyur ro/ /'dod pa'i khams kyi lha'i
157a3 bu rnams kyi tshul khrims ni bsod nams zad pas zad par 'gyur ro/ /gzugs kyi khams kyi lha'i bu rnams kyi tshul khrims ni tshad med pa dang / bsam gtan zad
157a4 pas zad par 'gyur ro/ /gzugs med pa'i khams kyi lha'i bu rnams kyi tshul khrims ni ji lta bur snyoms par zhugs pas skyes pa zad nas zad par 'gyur ro/ /slob
157a5 pa dang / mi slob pa dang / nyan thos thams cad kyi tshul khrims ni mya ngan las 'das pa'i mthar zad par 'gyur ro/ /rang sangs rgyas rnams kyi tshul khrims ni snying rje chen
157a6 po dang bral bas zad par 'gyur ro/ /btsun pa shA ra dwa ti'i bu/ byang chub sems dpa' rnams kyi tshul khrims ni mi zad pa ste/ de ci'i phyir zhe na/ 'di ltar tshul
157a7 khrims de las tshul khrims thams cad 'byung ba'i phyir te/ btsun pa shA ra dwa ti'i bu/ dper na/ sa bon mi zad pas 'thob pa mi zad do/ /btsun pa shA ra dwa ti'i bu/
157b1 de bzhin du byang chub kyi sems kyi sa bon mi zad pas na de bzhin gshegs pa'i tshul khrims mi zad par rig par bya ste/ de'i phyir na skyes bu dam pa de dag ni tshul khrims mi zad
157b2 pa zhes bya'o/ /btsun pa shA ra dwa ti'i bu/ de ni byang chub sems dpa' rnams kyi tshul khrims mi zad pa zhes bya'o/ /de nas tshe dang ldan pa shA ra dwa ti'i bus/ byang chub sems dpa' blo
157b3 gros mi zad pa la 'di skad ces smras so/ /rigs kyi bu/ byang chub sems dpa' rnams kyi tshul khrims mi zad pa 'di ni khyod kyis legs par smras na/ rigs kyi bu/ byang chub
157b4 sems dpa' rnams kyi bzod pa mi zad pa las brtsams te/ ji ltar byang chub sems dpa' rnams bzod pa mi zad par 'gyur ba khyod spobs par gyis shig /blo gros mi zad pas
157b5 smras pa/ btsun pa shA ra dwa ti'i bu/ rnam pa sum cu rtsa gnyis kyis byang chub sems dpa' rnams kyi bzod par blta'o/ /sum cu rtsa gnyis gang zhe na/ bag la nyal ba spangs pas
157b6 bzod par blta'o/ /mi gnod pas bzod par blta'o/ /yongs su mi gdung bas bzod par blta'o/ /gnod sems med pas bzod par blta'o/ /'khon du 'dzin pa med pas
157b7 bzod par blta'o/ /mi khro bas bzod par blta'o/ /'thab mo med pas bzod par blta'o/ /rtsod pa med pas bzod par blta'o/ /yul rma mi phyin pas bzod par blta'o/ /yu
158a1 gyis rma mi phyin pas bzod par blta'o/ /bdag dang / gzhan srung bas bzod par blta'o/ /byang chub kyi sems dang mthun pas bzod par blta'o//
158a2 tshul bzhin rab tu rtogs pas bzod par blta'o/ /yid byung zhing 'dod chags dang bral bas bzod par blta'o/ /las kyi rnam par smin pa la rton pas bzod par blta'o/ /lus
158a3 kyi rgyan gyis bzod par blta'o/ /ngag dang / sems yongs su dag pas bzod par blta'o/ /bsam pa brtan pas bzod par blta'o/ /yi ge ya ma brla yin pas bzod par blta'o/ /
158a4 yongs su rtog pa med pas bzod par blta'o/ /rang gi sems la nges par sems pas bzod par blta'o/ /gzhan gyi sems srung bas bzod par blta'o/ /tshangs pa'i
158a5 'jig rten gyi lam du 'gro bas bzod par blta'o/ /lha dang / mi'i phun sum tshogs pa myong ba'i phyir bzod par blta'o/ /mtshan dang / dpe byad bzang po yongs su rdzogs par
158a6 byed pas bzod par blta'o/ /tshangs pa'i sgra skad 'byin pa'i dbyangs 'thob par bzod par blta'o/ /nyes pa thams cad bcom pas bzod par blta'o/ /gnod sems dang /
158a7 skyon dang / tha ba thams cad bcom pas bzod par blta'o/ /khong khro ba thams cad spangs pas bzod par blta'o/ /mi dge ba'i rtsa ba thams cad spangs pas bzod par
158b1 blta'o/ /phyir rgol ba thams cad rab tu bcom pas bzod par blta'o/ /gzhan gyis gnod par bya ba thams cad las shin tu 'das pas bzod par blta'o/ /sangs rgyas kyi chos
158b2 thams cad 'thob pas bzod par blta ste/ btsun pa shA ra dwa ti'i bu/ rnam pa sum cu rtsa gnyis po de dag gis byang chub sems dpa' rnams kyi bzod par blta'o/ /de la bzod pa yongs
158b3 su dag pa gang zhe na/ ngag brag ca'i sgra dang mtshungs par shin tu rtogs pa'i phyir spyos pa la slar mi spyo ba dang / lus gzugs brnyan dang mtshungs par rab tu rtogs pa'i phyir
158b4 rdeg pa la phyir mi rdeg pa dang / sems sgyu ma dang mtshungs par rab tu rtogs pa'i phyir gshe ba la phyir mi gshe ba dang / lhag pa'i bsam pa zhi ba'i phyir khros pa la phyir mi khro
158b5 ba dang / rang gi yon tan yongs su rdzogs pa'i phyir bsngags pa ma yin pas khong khro bar mi 'gyur ba dang / mtho bar mi sems pa'i phyir bsngags pas rjes su chags par mi 'gyur
158b6 ba dang / shin tu dul ba'i phyir rnyed pas dga' ba med pa dang / rab tu zhi ba'i phyir ma rnyed pas khong khro ba med pa dang / shes pas rab tu brtags pa'i phyir snyan pa la ngo mtshar du mi 'dzin
158b7 pa dang / blo yangs pa'i phyir mi snyan pas zhum par mi 'gyur ba dang / legs par gnas pa'i phyir smad pas dmas par mi sems pa dang / mi g.yo ba'i phyir bstod pas
159a1 mtho bar mi sems pa dang / sems can la lta ba'i phyir sdug bsngal gyis yongs su mi skyo ba dang / 'dus byas kyi bde ba mi rtag pa'i phyir bde bas dga'
159a2 bar mi 'gyur ba dang / mi gnas pa'i phyir 'jig rten gyi chos rnams kyis mi gos pa dang / gzhan la mi gnod pa'i phyir bdag la gnod pa bzod pa dang / byang chub kyi yan lag gi
159a3 tshogs yongs su rdzogs par bya ba'i phyir yan lag dang / nying lag gcod pa dang / nyams su len pa dang / sangs rgyas kyi sku 'dod pa'i phyir bdag gi lus gcod pa'ang bzod
159a4 pa dang / legs par byas pa'i las kyi stobs bskyed pa'i phyir ngan du byas pa thams cad bzod pa dang / mu stegs can thams cad 'joms pas dpa' ba'i phyir gdung ba dang /
159a5 yongs su gdung ba la mi mjed pa dang / brgya byin dang / tshangs pa dang / 'jig rten skyong ba rnams zil gyis gnon pa'i phyir brtul zhugs thams cad la rtsom pa'o/ /btsun pa shA
159a6 ra dwa ti'i bu/ gzhan yang / bzod pa zhes bya ba ni gang 'di shin tu rma mi phyin pa ste/ de ci'i phyir zhe na/ mi dmigs pa'i phyir mi gshe'o zhes bzod pa de ni gnyis ka la dmigs pa'i
159a7 bzod pa ste/ de ni shin tu bzod pa ma yin no/ /'di la su zhig gshe zhes bzod pa de ni chos la bgrang zhing rtog pa'i bzod pa ste/ de ni shin tu bzod pa ma yin no/ /ci bdag gi mig
159b1 la mig gshe'am zhes bzod pa dang / de bzhin du ci bdag gi rna ba dang / sna dang / lce dang / lus dang / yid la yid gshe'am zhes bzod pa de ni skye mched la rtog pa'i bzod pa ste/ de
159b2 ni shin tu bzod pa ma yin no/ /'di la gang su'ang gshe ba med do zhes bzod pa de ni bdag med pa la rtog pa'i bzod pa ste/ de ni shin tu bzod pa ma yin no/ /'di dag ni yi ge'i sgra 'byung
159b3 ba'o zhes bzod pa 'di ni brag ca'i sgra la bzod pa ste/ de ni shin tu bzod pa ma yin no/ /'di'ang mi rtag pa'o/ /bdag kyang mi rtag pa'o zhes bzod pa de ni mi rtag pa la 'jug pa'i bzod pa
159b4 ste| de ni shin tu bzod pa ma yin no/ /'di ni phyin ci log yin gyi bdag ni phyin ci log ma yin zhes bzod pa de ni mtho dman gyi bzod pa ste/ de ni shin tu bzod pa ma yin no/ /bdag ni
159b5 rigs kyi 'di ni mi rigs pa'o zhes bzod pa de ni rigs pa dang / mi rigs pa'i bzod pa ste/ de ni shin tu bzod pa ma yin no/ /bdag ni lam bzang po la gnas kyi 'di ni lam ngan pa la
159b6 gnas so/ /zhes bzod pa de ni lam dang / lam ma yin pa'i bzod pa ste/ de ni shin tu bzod pa ma yin no/ /bdag ni mi rtag pa la bzod kyi rtag pa la bdag mi bzod do zhes bzod pa de ni
159b7 gnyen pos spong ba'i bzod pa ste/ de ni shin tu bzod pa ma yin no/ /bdag ni sdug bsngal la bzod kyi bde ba la bdag mi bzod do/ /bdag ni bdag med pa la bzod kyi/ bdag la ni bdag
160a1 mi bzod do/ /bdag ni mi sdug ba la bzod kyi/ sdug pa la bdag mi bzod do zhes bya ba de ni gnyen pos spong ba'i bzod pa ste/ de ni shin tu bzod pa ma yin no/ /
160a2 bdag ni stong pa nyid la bzod kyi/ lta ba'i rnam pa la bdag mi bzod do/ /bdag ni mtshan ma med pa la bzod kyi/ mtshan mar rnam par rtog pa la bdag mi bzod do/ /bdag ni smon
160a3 pa med pa la bzod kyi/ smon pa la bdag mi bzod do/ /bdag ni mngon par 'du mi byed pa la bzod kyi/ mngon bar 'du byed pa la bdag mi bzod do/ /bdag ni nyon mongs pa mi zad
160a4 ba la bzod kyi/ nyon mongs pa zad pa la bdag mi bzod do/ /bdag ni dge ba la bzod kyi/ mi dge ba la bdag mi bzod do/ /bdag ni 'jig rten las 'das pa la bzod kyi/ 'jig
160a5 rten pa la bdag mi bzod do/ /bdag ni kha na ma thob ba med pa la bzod kyi/ kha na ma tho ba dang bcas pa la bdag mi bzod do/ /bdag ni zag pa med pa la bzod kyi/ zag pa dang bcas pa
160a6 la bdag mi bzod do/ /bdag ni rnam par byang ba la bzod kyi/ kun nas nyon mongs pa la bdag mi bzod do/ /bdag ni mya ngan las 'das pa la bzod kyi/ 'khor ba la bdag
160a7 mi bzod do zhes bya ba de ni gnyen po spong ba'i bzod pa ste/ de ni shin tu bzod pa ma yin no/ /de la shin tu bzod pa gang zhe na/ gang stong pa nyid rtogs pa de la lta bar gyur pa'ang
160b1 bsal ba med/ stong pa nyid du sgro 'dogs pa'ang med de/ lta bar gyur pa nyid stong pa'o zhes gang 'di la bzod pa de ni shin tu bzod pa'o/ /gang mtshan ma med par rtogs pa de la mtshan ma'i rnam
160b2 pa'ang bsal ba med/ mtshan ma med par sgro 'dogs pa'ang med de mtshan ma'i rnam par rtog pa nyid stong pa ste/ gang 'di la bzod pa de ni shin tu bzod pa'o/ /gang smon pa med par
160b3 rtogs pa de la smon pa bsal ba'ang med/ smon pa med par sgro 'dogs pa'ang med de/ smon pa nyid stong pa ste gang 'di la bzod pa de ni shin tu bzod pa'o/ /gang mngon par 'du mi byed pa
160b4 rtogs pa de la mngon par 'du byed pa bsal ba'ang med/ mngon par 'du mi byed par sgro 'dogs pa'ang med de/ mngon par 'du byed pa nyid stong pa ste/ gang 'di la bzod pa de ni shin tu bzod
160b5 pa'o| |gang nyon mongs pa zad par rtogs pa de la nyon mongs pa bsal ba'ang med/ nyon mongs pa zad par sgro 'dogs pa'ang med de/ nyon mongs pa nyid stong pa ste/ gang 'di la bzod pa de ni
160b6 shin tu bzod pa'o/ /gang dge brtogs pa de la mi dge ba bsal ba'ang med/ dge bar sgro 'dogs pa'ang med de/ mi dge ba nyid stong pa ste/ gang 'di la bzod pa de ni shin tu bzod pa'o//
160b7 gang 'jig rten las 'das par rtogs pa de la 'jig rten pa bsal ba'ang med/ 'jig rten las 'das par sgro 'dogs pa'ang med de/ 'jig rten pa nyid stong pa ste/ gang 'di la bzod pa de
161a1 ni shin tu bzod pa'o/ /gang kha na ma tho ba med par rtogs pa de la kha na ma tho ba dang bcas pa bsal ba'ang med/ kha na ma tho ba med par sgro 'dogs pa'ang med
161a2 de/ kha na ma tho ba dang bcas pa nyid stong pa ste/ gang 'di la bzod pa de ni shin tu bzod pa'o/ /gang zag pa med pa rtogs pa de la zag pa bsal ba'ang med/ zag pa med par sgro 'dogs
161a3 pa'ang med de/ zag pa nyid stong pa ste/ gang 'di la bzod pa de ni shin tu bzod pa'o/ /gang rnam par byang ba rtogs pa de la kun nas nyon mongs pa bsal ba'ang med/ rnam par byang bar
161a4 sgro 'dogs pa'ang med de/ kun nas nyon mongs pa nyid stong pa ste/ gang 'di la bzod pa de ni shin tu bzod pa'o/ /gang mya ngan las 'das pa stong pa de la 'khor ba bsal ba'ang med/
161a5 mya ngan las 'das par sgro 'dogs pa'ang med de/ 'khor ba nyid stong pa ste/ gang 'di la bzod pa de ni shin tu bzod pa'o/ /gang ma skyes ba/ mi bskyed pa/ ma byung ba/ ma byung
161a6 ba de la 'jig pa gang yang med do/ /'jig pa med pas na zad pa med de/ gang 'di la bzod pa de ni shin tu bzod pa'o/ /gang ma byas pa/ mngon par 'dus ma byas pa/ sgro btags
161a7 pa med pa/ rnam par ma btags pa/ ma bsgrubs pa/ ma bstan pa/ nye bar ma gtugs pa de la skye ba gang yang med de/ gang skye ba med pa de ni mi skye'o/ /gang mi skye ba de ni shin
161b1 tu bzod pa'o/ /de gang de ltar bzod pa de ni mi skye ba la bzod pa'o/ /gang mi skye ba la bzod pa de ni skye ba med par bzod pa'o/ /gang skye ba med par bzod pa de ni shin tu bzod pa ste/ de
161b2 ltar bzod pa rtogs pa'i byang chub sems dpa' ni lung bstan pa'i bzod pa 'thob bo/ /btsun pa shA ra dwa ti'i bu/ 'di ni byang chub sems dpa' rnams kyi bzod pa mi zad pa zhes bya'o//
161b3 byang chub sems dpa' blo gros mi zad pas bzod pa mi bzad pa'i le'u'i chos kyi rnam grangs 'di bstan pa'i tshe/ thams cad dang ldan pa'i 'khor des byang chub sems dpa' blo gros
161b4 mi zad pa la legs so zhes bya ba byin te/ byang chub sems dpa' blo gros mi zad pa la mchod pa bya ba'i phyir/ sngon ma mthong ma thos pa'i me tog dang / bdug pa dang / spos
161b5 dang | me tog phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan dag gis gtor to/ /sil snyan rnams kyang dkrol te/ gang
161b6 gis bzod pa mi zad pa 'di thos nas mi skrag mi dngang zhing dngang bar mi 'gyur ba'i sems can de dag ni de bzhin gshegs pa'i bzod pa can du 'gyur ro zhes ched du brjod pa'ang
161b7 ched du brjod do/ /ji tsam du stong gsum gyi stong chen po'i 'jig rten gyi khams 'di byur bur yongs su gang bar gyur pa de tsam du de dag gi me tog dang / bdug pa dang / spos dang /
162a1 me tog phreng dang / byug pa dang / phye ma dang / gos dang / gdugs dang / rgyal mtshan dang / lha'i ba dan dag gis gtor to/ /de nas bcom ldan 'das kyis
162a2 byang chub sems dpa' blo gros mi zad pa la bka' stsal pa/ rigs kyi bu/ khyod kyis me tog dang / bdug pa dang / spos dang / me tog phreng dang / byug pa dang / phye ma dang / gos
162a3 dang | gdugs dang / rgyal mtshan dang / lha'i ba dan 'di dag gi snod gyis shig/ blo gros mi zad pas gsol pa/ bcom ldan 'das/ byang chub sems dpa' rnams kyi snod ni
162a4 byin gyi rlabs kyi stobs bskyed pa'i slad du bdag gi lus lags te/ bdag gis bgyid lags so/ /de nas byang chub sems dpa' blo gros mi zad pa de'i tshe gzugs thams
162a5 cad lus su 'jug pa zhes bya ba byang chub sems dpa'i ting nge 'dzin la snyoms par zhugs te/ de snyoms par zhugs ma thag tu me tog dang / bdug pa dang / spos dang / me
162a6 tog phreng dang / byug pa dang / phye ma dang / gos dang / gdugs dang / rgyal mtshan dang / lha'i ba dan de dag thams cad lte ba khung gi nang du song ste/ de'i lus la'ang bri ba'am/
162a7 gang bar yang mi mngon no/ /de nas byang chub sems dpa' bkod pa chen po zhes bya ba 'khor de nyid du 'dus te 'dug pas/ byang chub sems dpa' blo gros mi zad pa la 'di skad
162b1 ces smras so/ /rigs kyi bu/ khyod kyi ting nge 'dzin gang la gnas pas de snyed kyi me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs
162b2 dang | rgyal mtshan dang / lha'i ba dan rnams khyod kyi lus su song yang khyod kyi lus la bri ba'am/ gang bar yang mi mngon pa'i ting nge 'dzin de'i ming ci zhes bya/ blo gros mi zad pas
162b3 smras pa/ rigs kyi bu/ ting nge 'dzin 'di'i ming gzugs thams cad lus su 'jug pa zhes bya'o/ /byang chub sems dpa' bkod pa chen pos smras pa/ rigs kyi bu/ ting nge 'dzin 'di'i yul
162b4 ci| blo gros mi zad pas smras pa/ rigs kyi bu/ stong gsum gyi stong chen po'i 'jig rten gyi khams 'di na gzugs su snang ba ji snyed pa de dag thams cad kho bo'i lus su bcug kyang /
162b5 kho bo'i lus kyi chos nyid la 'phel ba'am/ 'bri ba med do/ /de na 'khor de dag las byang chub sems dpa' dang / lha dang / mi kha cig 'di snyam du sems te/ bdag cag gis kyang
162b6 ting nge 'dzin 'di'i mthu blta'o snyam pa dang / de nas bcom ldan 'das kyis byang chub sems dpa' de dag dang / lha dang / mi de dag gi bsam pa mkhyen nas/ byang chub sems dpa'
162b7 blo gros mi zad pa la 'di skad ces bka' stsal to/ /rigs kyi bu/ khyod kyis ting nge 'dzin 'di'i mthu ston cig /de nas byang chub sems dpa' blo gros mi zad pas ting nge 'dzin de la
163a1 shin tu bsgoms pa'i phyir thams cad dang ldan pa'i 'khor de dang / phyogs bcu nas 'dus pa'i byang chub sems dpa' de dag dang / bcom ldan 'das
163a2 kyang dge slong gi tshogs kyis yongs su bskor ba rang gi lus su bcug ste/ bcug nas kyang de bzhin gshegs pa rgyan gyi rgyal po'i sangs rgyas kyi zhing 'jig rten gyi khams thams
163a3 cad bkod pa na byang chub sems dpa' rnams kyi longs spyod dang / yongs su spyad pa ci 'dra ba de lta bu'i longs spyod dang / yongs su spyad pa bstan to/ /thams cad dang ldan pa'i
163a4 'khor de'ang byang chub sems dpa' blo gros mi zad pa'i lus kyi nang du bdag nyid song ba snyam du shes so/ /de nas byang chub sems dpa' blo gros mi zad pas cho 'phrul chen
163a5 po 'di bstan nas/ 'khor de dag thams cad phyogs bcu nas 'dus pa'i byang chub sems dpa' de dag dang / bcom ldan 'das kyang dge slong gi tshogs kyis yongs su bskor
163a6 ba phyir so so'i gnas su bzhag go /de nas byang chub sems dpa' bkod pa chen pos byang chub sems dpa' blo gros mi zad pa la 'di skad ces smras so/ /rigs kyi bu/ ting nge
163a7 'dzin 'di'i mthu ngo mtshar to/ /blo gros mi zad pas smras pa/ rigs kyi bu/ kho bos stong gsum gyi stong chen po'i 'jig rten gyi khams thams cad kho bo'i lus su bcug kyang kho
163b1 bo'i lus kyi chos nyid la bri ba'am/ gang bar yang mi mngon no/ /bzod pa mi zad pa'i le'u'i chos kyi rnam grangs 'di bstan pa dang / cho 'phrul 'di bstan pa'i tshe/ lha dang / mi'i skye dgu
163b2 khrag khrig phrag bdun cu rtsa drug bla na med pa yang dag par rdzogs pa'i byang chub tu sems skyes so/ /byang chub sems dpa' khri nyis stong ni mi skye ba'i chos la bzod pa thob par gyur to/ /de
163b3 nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad ces smras so/ /rigs kyi bu/ byang chub sems dpa' rnams kyi bzod pa mi zad pa 'di ni khyod kyis
163b4 legs par smras na/ rigs kyi bu/ byang chub sems dpa' rnams kyi brtson 'grus mi zad pa la brtsams te/ ji ltar byang chub sems dpa' rnams kyi brtson 'grus mi zad par 'gyur
163b5 ba khyod spobs par gyis shig /blo gros mi zad pas smras pa/ btsun pa shA ra dwa ti'i bu/ brgyad po 'di dag ni byang chub sems dpa' rnams kyi brtson 'grus yang dag par blang ba ste/
163b6 brgyad po gang zhe na/ 'di lta ste/ go cha mi zad pa dang / rtul ba mi zad pa dang / yang dag par bsgrub pa mi zad pa dang / sems can yongs su smin par byed pa mi zad pa dang / bsod
163b7 nams kyi tshogs mi zad pa dang / ye shes kyi tshogs mi zad pa dang / shes rab kyi tshogs mi zad pa dang / sangs rgyas kyi chos thams cad yang dag par bsgrub pa'i tshogs mi zad pa'o/ /
164a1 btsun pa shA ra dwa ti'i bu/ de la byang chub sems dpa'i go cha mi zad pa gang zhe na/ gang 'di 'khor ba na yongs su mi skyo ba ste/ de bskal pa 'di snyed gcig tu
164a2 go cha bgo'o/ /bskal pa 'di snyed gcig tu go cha mi bgo'o zhes bskal pa bgrang ba'i byang chub mi tshol gyi/ go cha bsam gyis mi khyab pa nyid gyon par byed de/ gal te 'khor ba'i sngon
164a3 gyi mtha' ji snyed pa de snyed kyis nyin zhag gcig tu gyur la/ de lta bu'i nyin zhag gis zhag bco lnga zhing zla ba phyed/ zha gsum cu la zla ba ste/ zla ba bcu gnyis shing lor gyur la/ lo'i
164a4 bgrang ba 'di lta bus lo stong phrag brgya la byang chub kyi sems gcig bskyed cing de bzhin gshegs pa dgra bcom pa yang dag par rdzogs pa'i sangs rgyas gcig mthong la 'jug pa de
164a5 lta bu dang / bgrang ba de 'dra bas gang+gA'i klung gi bye ma snyed kyi byang chub kyi sems bskyed pa dang / de bzhin gshegs pa mthong bas sems can gcig gi sems kyi spyod pa shes kyang /
164a6 'jug pa de lta bu dang / bgrang ba de 'dra bas sems can thams cad la'ang de snyed de snyed kyi byang chub tu sems bskyed pa dang / de bzhin gshegs pa mthong bas so so re rer sems
164a7 can thams cad kyi sems kyi spyod pa shes kyang mi 'gong ba'i go cha'o/ /sbyin pa'i pha rol tu phyin pa yongs su rdzogs par bya ba'i phyir 'jug pa 'di nyid dang / bgrang ba 'di nyid kyis de
164b1 bzhin gshegs pa gang+gA'i klung gi bye ma snyed la rim gro byed pa dang / tshul khrims kyi pha rol tu phyin pa yongs su rdzogs par bya ba'i phyir 'jug pa 'di nyid dang / bgrang ba 'di nyid kyis de
164b2 bzhin gshegs pa gang+gA'i klung gi bye ma snyed la rim gro byed pa dang / de bzhin du bzod pa dang / brtson 'grus dang / bsam gtan dang / shes rab kyi pha rol tu phyin pa yongs su rdzogs
164b3 par bya ba'i phyir de bzhin gshegs pa gang+gA'i klung gi bye ma snyed la rim gro byed pa dang / de bzhin du byang chub kyi phyogs kyi chos thams cad yongs su rdzogs par bya ba dang / mtshan
164b4 dang | dpe byad bzang po thams cad yongs su rdzogs par bya ba dang / de bzhin gshegs pa'i stobs dang / mi 'jigs pa dang / sangs rgyas kyi chos ma 'dres pa thams cad yongs
164b5 su rdzogs par bya ba'i phyir de bzhin gshegs pa gang+gA'i klung gi bye ma snyed la rim gro byed pa dang / 'jug pa 'di nyid dang / bgrang ba 'di nyid kyis de bzhin gshegs pa gang+gA'i klung gi
164b6 bye ma snyed mthong ba dang / byang chub tu sems bskyed pa de dag gis skyes bu chen po'i mtshan gcig mngon par bsgrub cing / rnam grangs 'dis mtshan dang / dpe byad thams cad yongs
164b7 su 'grub pa mngon par sgrub par byed kyang mi 'gong ba'i go cha gang yin pa de ni byang chub sems dpa'i go cha mi zad pa zhes bya'o// //bam po gsum pa/ de la byang chub sems
165a1 dpa'i rtul ba mi zad pa gang zhe na/ byang chub sems dpa'i rtul ba mi zad pa na/ gang stong gsum gyi stong chen po'i 'jig rten gyi khams mes yongs su gang
165a2 ba las kyang 'bogs te de bzhin gshegs pa blta bar spro ba'o/ /byang chub sems dpa'i rtul ba ni chos nyan pa'i phyir spro ba'o/ /byang chub sems dpa'i rtul ba ni sems can yongs
165a3 su smin par bya ba'i phyir spro ba'o/ /byang chub sems dpa'i rtul ba ni dge ba'i rtsa ba'i chos thams cad kyi phyir spro ba'o/ /byang chub sems dpa'i rtul ba ni thams cad mkhyen pa'i
165a4 ye shes kyi phyir spro ba'o/ /byang chub sems dpa'i rtul ba ni pha rol gyi don gyi phyir 'jug pas na de'i phyir rtul ba zhes bya'o/ /pha rol zhi bar bya ba'i phyir/ pha rol 'dul ba'i phyir/
165a5 pha rol yongs su mya ngan las 'da' ba'i phyir 'jug pas na de'i phyir rtul ba zhes bya'o/ /mi lhod pa dang / ma zhum pa dang / brtan pa dang / mi zlogs pa dang / dge ba'i bsam
165a6 pa dang / snying rje chen po la gnas shing rtag tu sems can gyi don la brtson par 'jug pas na de'i phyir rtul ba zhes bya'o/ /gom pa 'dor ba dang / gom pa 'jog cing 'gro ba
165a7 thams cad du byang chub kyi sems mngon du byed do/ /sems can la lta bar yang lta zhing nyon mongs pa'i phyogs su'ang mi ltung ste/ 'di ni byang chub sems dpa'i rtul ba mi zad pa
165b1 zhes bya'o/ /de la byang chub sems dpa'i yang dag par 'grub pa mi zad pa gang zhe na/ gang ji lta bur dge ba'i sems skyes shing byung ba byang chub kyi phyir yongs su bsngo bar byed pa 'di ni
165b2 byang chub sems dpa'i yang dag par 'grub pa mi zad pa'o/ /de ci'i phyir zhe na/ byang chub tu yongs su bsngos pa'i phyir te/ byang chub tu yongs su bsngos pa'i dge ba'i rtsa ba ni byang chub kyi
165b3 snying po lam 'dug gi bar du bar mdor yongs su zad pa'am/ gtugs par 'gyur pa gang yang med do/ /btsun pa shA ra dwa ti'i bu/ 'di lta ste/ dper na/ chu'i thig pa rgya mtsho chen por lhung
165b4 ba ni bskal pas ma bsregs kyi bar du bar mdor yongs su zad pa'am/ gtugs par mi 'gyur ro/ /de bzhin du byang chub tu yongs su bsngos pa'i dge ba'i rtsa ba'ang byang chub kyi snying po la
165b5 ma 'dug gi bar du bar ma dor yongs su zad pa'am/ gtugs par 'gyur ba gang yang med do/ /yang dag par bsgrub pa zhes bya ba ni gang 'di yang dag pa'i sgrub pa ste/ yang dag par
165b6 zhugs par dge ba'i rtsa ba gang dag yang dag par sgrub pa sems can thams cad bskyab pa dang / sems can thams cad yongs su smin par bya ba dang / sems can thams cad dge
165b7 ba'i rtsa ba la gzud pa'i phyir dge ba'i rtsa ba de dag yongs su bsngo bar byed de/ thams cad mkhyen pa'i ye shes mngon par bsgrub pa'i phyir dge ba'i rtsa ba de dag yongs su bsngo'o/ /sems can
166a1 thams cad nye bar 'tsho ba'i phyir dge ba'i rtsa ba de dag yongs su bsngo'o/ /sems can thams cad yongs su mya ngan las 'da' ba dang / thams cad mkhyen
166a2 pa'i ye shes la rab tu dgod pa'i phyir dge ba'i rtsa ba de dag yongs su bsngo ba ste/ de ni byang chub sems dpa'i yang dag par 'grub pa mi zad pa zhes bya'o/ /de la byang chub sems
166a3 dpa'i sems can yongs su smin par byed pa mi zad pa gang zhe na/ sems can gyi khams ni tshad med de/ de la byang chub sems dpas bgrang ba 'di lta bus 'jug par bya'o/ /
166a4 gal te bdag gis nyin gcig la stong gsum gyi stong chen po'i 'jig rten gyi khams su gtogs pa'i sems can thams cad yongs su smin par bya ste/ tshul 'dis bskal pa
166a5 dpag tu med grangs med bsam gyis mi khyab par sems can gyi khams yongs su smin par bya zhing / sems can gyi khams de snyed du/ dpag tu med pa de snyed du/ grangs med
166a6 pa de snyed du/ bsam gyis mi khyab pa de yongs su smin par bya ste/ de lta bur byas kyang sems can rnams kyi brgya'i cha gcig kyang smin par ma byas/ stong gi cha dang / brgya stong
166a7 gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / bgrang ba dang / dpe dang / rgyur yang yongs su smin par
166b1 ma byas so zhes gal te rab tu brjod pa 'di thos nas byang chub sems dpa' mi skrag mi dngang zhing dngang bar mi 'gyur ba de ni brtson 'grus brtsams pa'i byang chub sems dpar rig
166b2 par bya ste/ 'di ni byang chub sems dpa'i sems can yongs su smin par byed pa mi zad pa'o/ /de la byang chub sems dpa'i bsod nams kyi tshogs mi zad pa gang zhe na/ byang
166b3 chub sems dpa'i bsod nams ni tshad med de/ de la byang chub sems dpas bgrang ba 'di 'dra bas 'jug par bya'o/ /sems can thams cad dang / 'das pa dang / da ltar byung ba
166b4 dang | ma 'ongs pa'i slob pa dang / mi slob pa thams cad dang / nyan thos dang / rang sangs rgyas thams cad kyi bsod nams ji snyed pa bsod nams de snyed brgyar bsgyur bas de bzhin
166b5 gshegs pa'i sku la spu'i khung bu gcig 'grub bo/ /de bzhin du spu'i khung bu thams cad du gtogs pa'i bsod nams kyi phung po ji snyed pa brgyar bsgyur te/ gtan pa med pa'i bsod
166b6 nams kyi phung po gcig yang dag par bsgrubs pa des de bzhin gshegs pa'i sku la dpe byad bzang po gcig 'grub ste/ de bzhin du dpe byad bzang po thams cad re re nas yongs
166b7 su 'grub bo/ /dpe byad bzang po thams cad du gtogs pa'i tshad bsod nams kyi phung po ji snyed pa stong du bsgyur te/ gtan pa med pa'i bsod nams kyi phung po gcig bsgrubs pa des//
167a1 de bzhin gshegs pa'i sku la skyes bu chen po'i mtshan gcig mngon par 'grub ste/ de bzhin du sku la skyes bu chen po'i mtshan sum cu re re nas mngon
167a2 par 'grub bo/ /skyes bu chen po'i mtshan sum cur gtogs pa'i bsod nams kyi phung po ji snyed pa stong phrag bcur bsgyur te/ gtan pa med pa'i bsod nams kyi phung po gcig
167a3 yang dag par bsgrubs pa des/ de bzhin gshegs pa'i sku la smin mtshams kyi mdzod spur skyes bu chen po'i mtshan mngon par 'grub bo/ /mdzod spur gtogs pa'i bsod
167a4 nams kyi phung po ji snyed pa de las stong phrag brgyar bsgyur ba'i bsod nams kyi phung po yang dag par bsgrubs pas/ de bzhin gshegs pa'i sku la dbu'i gtsug gtor dang / spyi
167a5 gtsug bltar mi mthong ba skyes bu chen po'i mtshan mngon par 'grub bo/ /gtsug gtor du gtogs pa'i bsod nams kyi phung po de las bye ba phrag brgya stong du bsgyur ba de bas
167a6 kyang lhag pa'i bsod nams kyi phung po yang dag par bsgrubs pa des/ de bzhin gshegs pa'i chos kyi dung yongs su 'grub par 'gyur te/ chos kyi dung des de bzhin gshegs
167a7 pa bzhed na 'jig rten gyi khams mtha' yas mu med pa dag dbyangs kyis go bar mdzad cing chos 'dul ba bsam pa dang / dad pa ji lta ba bzhin du sems can thams cad kyi dbang
167b1 po rnams kyang tshim par mdzad do/ /byang chub sems dpa'i bsod nams kyi tshogs la 'jug pa 'di thos nas mi skrag mi dngang zhing dngang bar mi 'gyur ba 'di ni byang chub sems
167b2 dpa'i bsod nams kyi tshogs mi zad pa zhes bya'o/ /de la byang chub sems dpa'i ye shes kyi tshogs mi zad pa gang zhe na/ byang chub sems dpa'i ye shes kyi tshogs ni tshad med de
167b3 de la byang chub sems dpa'i bgrang ba 'di 'dra bas 'jug par bya'o/ /stong gsum gyi stong chen po'i 'jig rten gyi khams na sems can gang dag 'khod pa de dag thams cad dad
167b4 pas rjes su 'brang ba'i ye shes dang ldan par gyur kyang / de dag gi chos kyi rjes su 'brang ba'i ye shes dang ldan pa'i brgya'i char yang nye bar mi 'gro'o/ /stong gi cha dang / brgya stong gi
167b5 cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de
167b6 bzhin du chos kyi rjes su 'brang ba'i ye shes dang ldan pa rnams ni brgyad pa'i ye shes dang ldan pa la'o/ /brgyad pa'i ye shes dang ldan pa rnams ni/ rgyun du zhugs pa'i ye shes dang
167b7 ldan pa la'o/ /rgyun du zhugs pa'i ye shes dang ldan pa rnams ni/ lan gcig phyir 'ong ba'i ye shes dang ldan pa la'o/ /lan gcig phyir 'ong ba'i ye shes dang ldan pa rnams ni/
168a1 phyir mi 'ong ba'i ye shes dang ldan pa la'o/ /phyir mi 'ong ba'i ye shes dang ldan pa rnams ni/ dgra bcom pa'i ye shes dang ldan pa la'o/ /dgra bcom
168a2 pa'i ye shes dang ldan pa rnams ni/ rang sangs rgyas kyi ye shes dang ldan pa la'o/ /rang sangs rgyas kyi ye shes dang ldan pa rnams ni/ bskal pa brgyas nges par byung ba'i byang
168a3 chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang / rgyu'i bar du'ang nye bar mi 'gro'o/ /bskal pa brgyas nges par 'byung ba'i byang chub
168a4 sems dpa'i ye shes dang ldan pa rnams ni /bzod pa thob pa'i byang chub sems dpa'i ye shes dang ldan pa la'o/ /bzod pa thob pa'i byang chub sems dpa'i ye shes dang ldan
168a5 pa rnams ni/ phyir mi ldog pa'i byang chub sems dpa'i ye shes dang ldan pa la'o/ /phyir mi ldog pa'i byang chub sems dpa'i ye shes dang ldan pa rnams ni/ skye ba gcig gis
168a6 thogs pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang / rgyu'i bar du nye bar mi 'gro'o/ /stong gsum gyi stong chen po'i 'jig
168a7 rten gyi khams na sems can gang dag 'khod pa de dag thams cad skye ba gcig gis thogs pa'i byang chub sems dpa'i ye shes dang ldan par gyur kyang / byang chub kyi snying po la
168b1 'dug pa'i byang chub sems dpa'i ye shes dang ldan pa'i brgya'i char yang nye bar mi 'gro ba nas/ dpe dang / rgyu'i bar du'ang nye bar mi 'gro'o/ /'jig rten gyi khams mtha' yas mu
168b2 med pa dag na sems can gang dag 'khod pa de dag thams cad byang chub kyi snying po la 'dug pa'i byang chub sems dpa'i ye shes dang ldan par gyur kyang / de dag gis de bzhin
168b3 gshegs pa'i gnas dang / gnas ma yin pa mkhyen pa'i ye shes kyi stobs kyi brgya'i char yang nye bar mi 'gro ba nas /rgyu dang / dpe'i bar du'ang nye bar mi 'gro'o/ /de bzhin gshegs
168b4 pa'i stobs dang / mi 'jigs pa dang / sangs rgyas kyi chos ma 'dres pa bco brgyad thams cad yongs su 'grub pa'i rim pa'ang de bzhin te/ byang chub sems dpa' gang ye shes kyi
168b5 tshogs la 'jug pa 'di thos nas/ mi skrag mi dngang zhing dngang bar mi 'gyur ba 'di ni byang chub sems dpa'i ye shes kyi tshogs mi zad pa zhes bya'o/ /de la byang chub sems dpa'i
168b6 shes rab kyi tshogs mi zad pa gang zhe na/ gang sems can thams cad kyi sems kyi spyod pa la 'jug pa shes pa de ni shes rab kyi tshogs mi zad pa'o/ /sems can thams cad kyi
168b7 'das pa dang / ma 'ongs pa dang / da ltar byung ba'i sems ji snyed pa de dag sems can gcig gi sems kyi 'jug pa gcig la yod par gyur la tshul 'dis sems can thams
169a1 cad de snyed du tshad med pa'i sems kyis gang bar gyur te/ 'das pa dang / ma 'ongs pa dang / da ltar byung ba'i sems can thams cad kyi 'dod chags
169a2 dang | zhe sdang dang / gti mug gang dag yin pa de dag thams cad sems can gcig gi sems gcig la yod par gyur la/ rnam grangs 'dis sems can thams cad de snyed
169a3 du tshad med pa'i nyon mongs pas gang ba'i sems su gyur na'ang / de la byang chub sems dpas gang shes rab kyi tshogs gcig bsgrubs pas/ sems can de dag gi sems
169a4 su gtogs pa'i sems bskyed pa ji snyed pa'i sems bskyed pa de dag thams cad so so'i dmigs pa byung ste/ zhig cing zhu ba rnams shes par 'gyur ba de lta bu'i shes rab kyi tshogs
169a5 bskyed par bya'o/ /shes rab des kyang sems can de dag gi sems su snang ba dang / nyon mongs par snang ba dus gsum dang ldan pa gang yang mi shes pa med do/ /btsun pa shA
169a6 ra dwa ti'i bu/ 'di lta ste/ dper na/ nam mkha' 'dis ma khyab pa gang yang med do/ /de bzhin du byang chub sems dpa'i shes rab 'dis kyang sems can de dag gi sems su
169a7 snang ba'am/ nyon mongs par snang ba dus gsum dang ldan pa de dag gsal bar ma gyur pa'am yongs su mi shes pa med de/ 'di ni byang chub sems dpa'i shes rab kyi tshogs mi
169b1 zad pa zhes bya'o/ /de la byang chub sems dpa'i sangs rgyas kyi chos thams cad yang dag par sgrub pa'i tshogs mi zad pa gang zhe na/ dge ba'i rtsa ba'i chos thams cad bsags pa dang /
169b2 pha rol tu phyin pa thams cad kyi tshogs bsags pa dang / byang chub kyi phyogs kyi chos thams cad bsags pa gang yin pa de ni sangs rgyas kyi chos thams cad yang dag par bsgrub pa'i
169b3 tshogs mi zad pa'o/ /dang po sems bskyed pa nas bzung ste/ byang chub kyi snying po la 'dug gi bar du byang chub tu sems bskyed pa'i dmigs pa dang / sbyor ba bsags pa gang yin pa
169b4 dge ba'i sems bskyed pa'i tshogs gang dag gis/ sangs rgyas kyi chos thams cad yang dag par bsgrubs pa 'di ni byang chub sems dpa'i sangs rgyas kyi chos thams cad yang dag par
169b5 bsgrub pa'i tshogs mi zad pa zhes bya ste/ btsun pa shA ra dwa ti'i bu/ brgyad po de dag ni byang chub sems dpa' rnams kyi brtson 'grus yang dag par blang ba'o/ /btsun pa shA ra dwa ti'i bu/
169b6 gzhan yang / byang chub sems dpa' rnams kyi brtson 'grus mi zad pa gang / lus kyi dge ba'i las kyi rten dang / ngag gi dge ba'i las kyi rten dang / yid kyi dge ba'i las kyi rten to/ /de
169b7 ci'i phyir zhe na/ brtson 'grus gang ji snyed pa de dag thams cad lus dang / ngag dang / sems dang ldan pa'i phyir te/ lus dang / ngag gi brtson 'grus pas sems kyi brtson 'grus
170a1 nyid mchog ces bshad do/ /de la sems kyi brtson 'grus gang zhe na/ sems kyi 'jug pa dang / sems gnas pa ste/ de la sems kyi 'jug pa gang zhe na/
170a2 gang byang chub kyi rtsom pa'o/ /de la sems gnas pa gang zhe na/ gang byang chub kyi sems nye bar ma zhi ba'o/ /de la 'jug pa gang zhe na/ gang sems can rnams la snying rje che ba'o//
170a3 sems gnas pa gang zhe na/ gang bdag med pa la bzod pa'o/ /de la 'jug pa gang zhe na/ gang sems can thams cad sdud pa'o/ /gnas pa gang zhe na/ gang chos thams cad
170a4 mi 'dzin pa'o/ /de la 'jug pa gang zhe na/ gang 'khor ba na mi skyo ba'o/ /gnas pa gang zhe na/ khams gsum pa mi dmigs so/ /de la 'jug pa gang zhe na/ bdog pa thams
170a5 cad yongs su gtong ba'o/ /gnas pa gang zhe na/ gang sbyin pas rlom sems su mi byed pa'o/ /de la 'jug pa gang zhe na/ gang bslab pa yang dag par len pa'o/ /gnas pa gang
170a6 zhe na/ gang bslab pas rlom sems su mi byed pa'o/ /de la 'jug pa gang zhe na/ bzod cing mi mjed pa'o/ /gnas pa gang zhe na/ gang sems la rma mi 'byin pa'o/ /de la 'jug
170a7 pa gang zhe na/ gang dge ba'i rtsa ba thams cad rtsom pa'o/ /gnas pa gang zhe na/ gang sems dpen pa'o/ /de la 'jug pa gang zhe na/ gang bsam gtan yang dag par sgrub pa'o/ /
170b1 gnas pa gang zhe na/ gang sems la nges par sems pa'o/ /de la 'jug pa gang zhe na/ gang thos pa la chog mi shes pa'o/ /gnas pa gang zhe na/ gang tshul bzhin sbyor ba'o/ /de la 'jug
170b2 pa gang zhe na/ gang ji skad thos pa bzhin du chos ston pa'o/ /gnas pa gang zhe na/ gang brjod du med pa'i chos nyid do/ /de la 'jug pa gang zhe na/ gang shes rab kyi tshogs yongs su tshol
170b3 ba'o| |gnas pa gang zhe na/ gang spros pa shin tu chad pa'o/ /de la 'jug pa gang zhe na/ gang tshangs pa'i gnas pa rnams gsog pa'o/ /gnas pa gang zhe na/ gang yang dag pa'i shes pas
170b4 btang snyoms pa'o/ /de la 'jug pa gang zhe na/ gang mngon par shes pa lnga yongs su rdzogs par byed pa'o/ /gnas pa gang zhe na/ gang zag pa med pa la 'dres par byed pa'o/ /de la 'jug pa
170b5 gang zhe na/ gang dran pa nye bar gzhag pa skyed pa'o/ /gnas pa gang zhe na/ gang dran pa yid la byed pa med pa'o/ /de la 'jug pa gang zhe na/ gang yang dag par spong ba la sbyor ba'o/ /gnas
170b6 ba gang zhe na/ gang dge ba dang / mi dge ba'i sems dang bral ba'o/ /de la 'jug pa gang zhe na/ gang rdzu 'phrul gyi rkang pa mngon par sgrub pa'o/ /gnas pa gang zhe na/ gang lhun gyis grub
170b7 par bya ba la 'jug pa'o/ /de la 'jug pa gang zhe na/ gang dbang po la mkhas pa'o/ /gnas pa gang zhe na/ gang dbang po med pa'i chos la rtog pa'o/ /de la 'jug pa gang zhe na/ gang stobs
171a1 yang dag par sgrub pa'o/ /gnas pa gang zhe na/ gang mi rdzi ba'i ye shes so/ /de la 'jug pa gang zhe na/ gang byang chub kyi yan lag yang dag par 'byung
171a2 ba'o| |gnas pa gang zhe na/ gang chos rab tu rnam par 'byed pa'i ye shes la mkhas pa'i ye shes so/ /de la 'jug pa gang zhe na/ gang lam gyi tshogs tshol ba'o/ /gnas pa gang
171a3 zhe na| gang gar yang mi 'gro ba'o/ /de la 'jug pa gang zhe na/ gang zhi gnas tshol ba'o/ /gnas pa gang zhe na/ gang zhi gnas kyi sems zhi ba'o/ /de la 'jug pa gang zhe na/ gang
171a4 lhag mthong spyod pa'o/ /gnas pa gang zhe na/ gang chos nyid shes pa'o/ /de la 'jug pa gang zhe na/ gang rgyur rtogs pa'o/ /gnas pa gang zhe na/ gang rgyu kun shes pa'o/ /de la
171a5 'jug pa gang zhe na/ gang gzhan gyi sgra thos pa'o/ /gnas pa gang zhe na/ gang chos la nan tan byed pa'o/ /de la 'jug pa gang zhe na/ lus kyi rgyan to/ /gnas pa gang zhe na/ gang
171a6 lus kyi chos nyid do/ /de la 'jug pa gang zhe na/ gang dag gi rgyan to/ /gnas pa gang zhe na/ gang 'phags pa'i mi smra ba'o/ /de la 'jug pa gang zhe na/ gang rnam par thar pa gsum
171a7 la mos pa'o/ /gnas pa gang zhe na/ gang byed pa med pa'o/ /de la 'jug pa gang zhe na/ gang bdud bzhi yongs su spong ba'o/ /gnas pa gang zhe na/ gang bag chags dang / nyon mongs
171b1 pa'i mtshams sbyor ba thams cad bsal ba'o/ /de la 'jug pa gang zhe na/ gang thabs su lta ba'o/ /gnas pa gang zhe na/ gang shes rab tu lta ba'o/ /de la 'jug pa gang zhe na/ gang rtsom
171b2 par lta ba'o/ /gnas pa gang zhe na/ gang nyams su lon par byed pa'o/ /de la 'jug pa gang zhe na/ gang brdar lta ba'o/ /gnas pa gang zhe na/ gang don dam par lta ba ste/ 'di ni sems
171b3 kyi brtson 'grus zhes bya'o/ /de la sems kyi brtson 'grus mi zad pa de yongs su rdzogs par bya ba'i phyir/ gang 'jug pa thams cad gnas pa dang / mtshan ma thams cad dang bral
171b4 ba dang / de mtshan ma'i las thams cad du'ang 'jug la/ ye shes kyi las la'ang gnas pa ste/ de las thams cad kyang ye shes kyis bya ba byed do/ /de la byang chub sems dpa'i
171b5 ye shes kyi las gang zhe na/ gang dge ba'i rtsa ba'i rgyu dang / sems can thams cad la snying rje chen po'i rgyur 'dus byas su'ang mi gtong zhing / sangs rgyas kyi ye shes kyi rgyur 'dus ma byas
171b6 su mi ltung ba ste/ 'di ni byang chub sems dpa' rnams kyi brtson 'grus kyi pha rol tu phyin pa mi zad pa zhes bya'o/ /brtson 'grus kyi pha rol tu phyin pa mi zad pa bstan pa na/ lha dang / mi'i
171b7 skye dgu khrag khrig bdun cu rtsa drug bla na med pa yang dag par rdzogs pa'i byang chub tu sems skyes so/ /byang chub sems dpa' stong phrag sum cu rtsa gnyis kyang mi skye ba'i chos la bzod pa thob
172a1 par gyur to/ /de nas tshe dang ldan pa shA ra dwa ti'i bus byang chub sems dpa' blo gros mi zad pa la 'di skad ces smras so/ /rigs kyi bu/ byang chub sems dpa'
172a2 rnams kyi brtson 'grus mi zad pa 'di ni/ khyod kyis legs par smras na/ rigs kyi bu/ byang chub sems dpa' rnams kyi bsam gtan mi zad pa la brtsams te/ ji ltar byang chub
172a3 sems dpa' rnams bsam gtan mi zad par 'gyur ba khyod spongs par gyis shig /blo gros mi zad pas smras pa/ btsun pa shA ra dwa ti'i bu/ byang chub sems dpa' rnams kyi bsam
172a4 gtan gyi pha rol tu phyin pa mi zad pa ni/ rnam pa bcu drug ste/ de ni nyan thos dang / rang sangs rgyas thams cad la med do/ /de la rnam pa bcu drug po dag gang zhe na/ 'di lta ste/
172a5 de bzhin gshegs pa'i bsam gtan yongs su rdzogs par bya ba'i phyir/ byang chub sems dpa' rnams kyi bsam gtan ni de la ma chags pa'o/ /bdag bde ba la ma chags
172a6 pa'i phyir/ byang chub sems dpa' rnams kyi bsam gtan ni ro myang ba med pa'o/ /sems can thams cad kyi nyon mongs pa spang ba'i phyir/ byang chub sems dpa' rnams kyi bsam
172a7 gtan ni snying rje chen po la dmigs pa'o/ /'dod pa'i khams su dmigs pa'i phyir/ byang chub sems dpa' rnams kyi bsam gtan ni ting nge 'dzin ldog pa'o/ /sems can thams
172b1 cad kyi sems kyi spyod pa kun shes pa'i phyir/ byang chub sems dpa' rnams kyi bsam gtan ni mngon par shes pa yongs su sbyang ba byas pa'o/ /sems kyi dbang phyug shes pa'i phyir/
172b2 byang chub sems dpa' rnams kyi bsam gtan ni/ sems las su rung ba'o/ /gzugs dang / gzugs med pa'i khams zil gyis gnon pa'i phyir/ byang chub sems dpa' rnams kyi bsam
172b3 gtan ni/ bsam gtan dang / rnam par thar pa dang / ting nge 'dzin dang / snyoms par 'jug pa dang / ldang ba thams cad shes pa'o/ /nyan thos dang / rang sangs rgyas thams cad kyi snyoms
172b4 par 'jug pa zil gyis gnon pa'i phyir/ byang chub sems dpa' rnams kyi bsam gtan ni zhi ba dang / rab tu zhi ba'o/ /shin tu mthar thug pa'i phyir/ byang chub sems dpa' rnams kyi
172b5 bsam gtan ni mi 'khrugs pa'o/ /nyon mongs pa dang / bag chags kyi mtshams sbyor ba thams cad legs par 'joms pa'i phyir/ byang chub sems dpa' rnams kyi bsam gtan ni
172b6 log par bsgrub pa'i gnyen pa'o/ /'jig rten thams cad las bsgral ba'i phyir/ byang chub sems dpa' rnams kyi bsam gtan ni shes rab la 'jug pa'o/ /sems can thams cad
172b7 bsgral ba'i phyir/ byang chub sems dpa' rnams kyi bsam gtan ni sems can thams cad kyi bsam pa sngon du 'gro ba'o/ /de bzhin gshegs pa'i bsam gtan mi zad pa yongs su
173a1 rdzogs par bya ba'i phyir/ byang chub sems dpa' rnams kyi bsam gtan ni dkon mchog gsum gyi rigs mi gcod pa'o/ /rtag tu mnyam par gzhag
173a2 pa'i phyir/ byang chub sems dpa' rnams kyi bsam gtan ni mnyams pa'o/ /sangs rgyas kyi chos thams cad yongs su rdzogs par bya ba'i phyir/ byang chub sems dpa' rnams kyi
173a3 bsam gtan ni chos thams cad la dbang byed pa'i ye shes so/ /ye shes kyi bdag nyid phye ba'i phyir/ byang chub sems dpa' rnams kyi bsam gtan ni nam mkha' khyab pa ste/
173a4 btsun pa shA ra dwa ti'i bu/ 'di ni byang chub sems dpa' rnams kyi bsam gtan gyi pha rol tu phyin pa rnam pa bcu drug ste/ gang nyan thos dang / rang sangs rgyas rnams la med pa'o//
173a5 de la bsam gtan yongs su sbyang ba gang zhe na/ gang mngon par shes pa dang / ye shes yongs su rdzogs pa'o/ /de la mngon par shes pa ni gang / ye shes ni gang zhe na/ gang gis
173a6 gzugs su snang ba thams cad mthong ba 'di ni mngon par shes pa zhe bya'o/ /gang gis gzugs thams cad kyi chos nyid mi zad par shes kyang / mi zad pa'i chos mngon sum du
173a7 mi byed pa 'di ni ye shes zhes bya'o/ /gang gi sgrar grag pa thams cad thob pa de ni mngon par shes pa zhes bya'o/ /gang sgra thams cad sngon gyi mtha' dang / phyi ma'i mtha' brjod du
173b1 med par shes pa 'di ni ye shes zhes bya'o/ /gang gis sems can thams cad kyi sems kyi spyod pa rnams shes pa 'di ni mngon par shes pa zhes bya'o/ /gang sems 'gog par shes
173b2 la sems 'gog pa mngon sum du'ang mi byed pa 'di ni ye shes zhes bya'o/ /gang sngon gyi mtha' dang / phyi ma'i mtha' rjes su dran pa 'di ni mngon par shes pa zhes bya'o/ /gang dus gsum
173b3 la ma chags par shes pa 'di ni ye shes zhes bya'o/ /gang sangs rgyas thams cad kyi zhing du 'gro ba 'di ni mngon par shes pa zhes bya'o/ /gang gis zhing nam mkha' dang mtshungs
173b4 par shes pa 'di ni ye shes zhes bya'o/ /gang dbyer med pa'i chos 'dod pa 'di ni mngon par shes pa zhes bya'o/ /gang chos thams cad mnyam par mthong ba'i shes pa 'di ni ye shes
173b5 zhes bya'o/ /gang 'jig rten thams cad dbyer med pa'i mtshan nyid 'di ni mngon par shes pa zhes bya'o/ /gang 'jig rten gyi chos thams cad dang / ma 'dres par shes pa 'di ni ye
173b6 shes zhes bya'o/ /gang brgya byin dang / tshangs pa dang / 'jig rten skyong ba rnams zil gyis gnon pa 'di ni mngon par shes pa zhes bya'o/ /gang nyan thos dang / rang sangs rgyas thams
173b7 cad kyi spyi bor shes pa 'di ni ye shes zhes bya ste/ btsun pa shA ra dwa ti'i bu/ de dag ni byang chub sems dpa' rnams kyi bsam gtan yongs su sbyang ba zhes bya'o/ /yang sems can
174a1 thams cad kyi nyon mongs pa dang / sems g.yeng ba ji snyed par byang chub sems dpa' rnams kyi bsam gtan gyi tshogs dang / sems bzhag pa
174a2 shes pa'ang de snyed de/ sems can thams cad kyi nyon mongs pa dang / sems g.yeng ba ji snyed pa de snyed du/ byang chub sems dpas kyang bsam gtan gyi tshogs yang dag par
174a3 bsgrub par bya'o/ /mnyam pa nyid de la gnas pas na/ de'i phyir mnyam par bzhag pa zhes bya'o/ /sems can mnyam pa nyid dang / sems mnyam pa nyid dang / bsam pa
174a4 mnyam pa nyid dang / lhag pa'i bsam pa mnyam pa nyid dang / sbyor ba mnyam pa nyid dang / sbyin pa dang / tshul khrims dang / bzod pa dang / brtson 'grus dang / bsam gtan
174a5 dang | shes rab mnyam pa nyid dang / sangs rgyas kyi chos thams cad mnyam pa nyid du gnas pas na/ de'i phyir mnyam par bzhag pa zhes bya'o/ /ting nge 'dzin gang dang mnyam pa
174a6 byang chub kyang de dang mnyam mo/ /byang chub gang dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang
174a7 de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /stong pa nyid gang dang mnyam pa mtshan ma med pa'ang de dang mnyam
174b1 mo| |mtshan ma med pa gang dang mnyams sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam
174b2 pa nyid de la snyoms par zhugs pas na/ de'i phyir snyoms par zhugs pa zhes bya'o/ /mtshan ma med pa gang dang mnyam pa smon pa med pa'ang de dang mnyam mo/ /smon pa med pa gang
174b3 dang mnyam pa sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par
174b4 zhugs pas na/ de'i phyir snyoms par zhugs pa zhes bya'o/ /smon pa med pa gang dang mnyam pa mngon par 'du mi byed pa'ang de dang mnyam mo/ /mngon par 'du mi byed pa gang dang
174b5 mnyam pa/ sems can thams cad kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs
174b6 pas na/ de'i phyir snyoms par zhugs pa zhes bya'o/ /mngon par 'du mi byed pa gang dang mnyam pa mi skye ba'ang de dang mnyam mo/ /mi skye ba gang dang mnyam pa sems can thams cad
174b7 kyang de dang mnyam mo/ /sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs
175a1 pa zhes bya'o/ /mi skye ba gang dang mnyam pa mi 'byung ba'ang de dang mnyam mo/ /mi 'byung ba gang dang mnyam pa sems can thams cad kyang de dang mnyam
175a2 mo| |sems can thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa
175a3 zhes bya'o/ /mi 'byung ba gang dang mnyam pa dngos po med pa'ang de dang mnyam mo/ /dngos po med pa gang dang mnyam pa sems can thams cad kyang de dang mnyam mo/ /sems can
175a4 thams cad gang dang mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /dngos po med
175a5 pa gang dang mnyam pa rnam par dag pa'ang de dang mnyam mo/ /rnam par dag pa gang dang mnyam pa sems can thams cad kyang de dang mnyam mo/ /sems can thams cad gang dang
175a6 mnyam pa chos thams cad kyang de dang mnyam ste/ mnyam pa nyid de la snyoms par zhugs pas na/ de'i phyir snyoms par zhugs pa zhes bya'o/ /rang gi sems mnyam pa sems
175a7 can thams cad kyi sems mnyam pa nyid de/ de la zhugs pas na de'i phyir snyoms par zhugs pa zhes bya'o/ /phan par byed pa dang / phan par mi byed pa thams cad la snyoms
175b1 shing | sa dang mnyam pa'i sems/ chu dang mnyam pa'i sems/ me dang mnyam pa'i sems/ rlung dang mnyam pa'i sems/ nam mkha' dang mnyam pa'i sems te/ mi mtho mi dma'
175b2 par gnas shing mi g.yo bar gyur pa/ spyod lam thams cad du mnyam par gzhag pa/ spyod lam ma bcos pa/ rang bzhin gyis snyoms par zhugs pa/ mi rgod pa dang / mi g.yeng
175b3 ba| mu cor mi smra ba/ tshig ma 'chal ba/ don shes pa/ chos shes pa/ dus shes pa/ tshod shes pa/ dus min shes pa/ 'jig rten thams cad kyi rjes su snyegs shing / 'jig rten dang
175b4 ma 'dres pa/ 'jig rten gyi chos brgyad las 'das pa/ nyon mongs pa thams cad dang ma 'dres pa/ 'du 'dzi'i nang na'ang spyod lam dben pa ste/ de lta bu'i chos la gnas pa'i byang
175b5 chub sems dpa' ni mnyam par gzhag pa'i gnas kyang mi 'dor la/ 'jig rten gyi bya ba thams cad du'ang snang ste/ btsun pa shA ra dwa ti'i bu/ 'di ni byang chub sems dpa'i
175b6 thabs dang / shes rab kyis mngon par bsgrubs pa'i bsam gtan gyi pha rol tu phyin pa zhes bya'o/ /de la byang chub sems dpa'i thabs ni gang / shes rab ni gang zhe na/ gang byang chub
175b7 sems dpa' mnyam par bzhag pa na/ sems can la lta ba'i phyir/ snying rje chen po'i dmigs pa la sems 'dogs pa 'di ni byang chub sems dpa'i thabs zhes bya'o/ /gang zhi ba
176a1 dang | rab tu zhi bar bsam gtan du byed pa 'di ni de'i shes rab bo/ /gang byang chub sems dpa' mnyam par bzhag pa na/ sangs rgyas kyi ye shes la
176a2 rton pa 'di ni de'i thabs so/ /gang chos gang la'ang mi gnas par bsam gtan byed pa 'di ni de'i shes rab bo/ /gang byang chub sems dpa' mnyam par gzhog pa na/ dam
176a3 pa'i chos yongs su bzung ba la lta ba 'di ni de'i thabs so/ /gang chos kyi dbyings med par bsam gtan byed pa 'di ni de'i shes rab bo/ /gang byang chub sems dpa' mnyam
176a4 par gzhog pa'i tshe/ sangs rgyas kyi sku'i rgyan mngon du byed pa 'di ni de'i thabs so/ /gang chos kyi sku dbyer med par bsam gtan byed pa 'di ni de'i shes rab bo/ /gang
176a5 byang chub sems dpa' mnyam par gzhog pa na/ sangs rgyas kyi gsung tshangs pa'i sgra dbyangs la sems pa de ni de'i thabs so/ /gang chos nyid brjod du med par bsam
176a6 gtan byed pa 'di ni de'i shes rab bo/ /gang byang chub sems dpa' mnyam par gzhog pa na/ sems rdo rje lta bu byin gyis rlob pa 'di ni de'i thabs so/ /gang rang bzhin gyis
176a7 g.yeng ba med par bsam gtan byed pa 'di ni de'i shes rab bo/ /gang mnyam par gzhog pa na/ sngon gyi smon lam gyis sems can yongs su smin par byin gyis rlob pa
176b1 'di ni de'i thabs so/ /gang sems can thams cad la bdag med par bsam gtan byed pa 'di ni de'i shes rab bo/ /gang mnyam par gzhog pa na/ dge ba'i rtsa ba thams cad
176b2 la lhag par dmigs te/ bsam gtan byed pa 'di ni de'i thabs so/ /gang dge ba'i rtsa ba'i gnas nam mkha' dang mtshungs par bsam gtan byed pa 'di ni de'i shes rab bo/ /gang
176b3 mnyam par gzhog pa na/ sangs rgyas kyi zhing yongs su dag pa mngon du byed pa 'di ni de'i thabs so/ /gang zhig nam mkha' dang mtshungs par bsam gtan byed pa 'di ni de'i shes
176b4 rab bo/ /gang mnyam par gzhog pa na/ byang chub kyi snying po'i rgyan bkod pa dmigs pa mngon du byed pa 'di ni de'i thabs so/ /gang nyon mongs pa thams cad zhi bar bya ba'i phyir
176b5 bsam gtan byed pa 'di ni de'i shes rab bo/ /gang mnyam par gzhog pa na/ chos kyi 'khor lo rab tu bskor bar 'dod pa 'di ni de'i thabs so/ /gang bskor ba'ang med/ mi bskor
176b6 ba'ang med par bsam gtan byed pa 'di ni de'i shes rab bo/ /gang byang chub sems dpa' mnyam par gzhog pa na/ byang chub kyi yan lag gi tshogs la rnam par mi g.yeng ba mngon
176b7 du byed pa 'di ni de'i thabs so/ /gang nyon mongs pa dang / nye ba'i nyon mongs pa'i gdung ba de bzhin gshegs pa'i ye shes kyis mkhyen pa sems dang ldan pa dang / sems dang mi
177a1 ldan pa dang / 'du shes med pa dang / 'du shes yongs su shes pa ji snyed pa de dag yongs su bsal ba'i phyir/ byang chub sems dpa' thams cad kyi
177a2 nges par gyur pa dang mthun par bsam gtan byed pa 'di ni de'i shes rab ste/ de lta bu dang ldan pa'i byang chub sems dpa' ni/ bsam gtan gyi pha rol tu phyin pa mi zad pa yin
177a3 no| |bdud thams cad kyis kyang de la glags mi rnyed cing / de la sangs rgyas kyi chos thams cad kyi snod kyang nye bar gnas pa yin te/ thams cad mkhyen pa'i ye shes kyang
177a4 'thob bo/ /bsam gtan mi zad bzhi pa 'di bstan pa na/ byang chub sems dpa' sum khri nyis stong nyi ma'i sgron ma'i ting nge 'dzin thob par gyur to/ /ci'i phyir ting nge 'dzin
177a5 de nyi ma'i sgron ma zhes bya zhe na/ 'di lta ste/ dper na/ nyi ma 'char ba na zla ba dang / skar ma'i sgron ma dang / mar me'i sgron ma dang / rtswa'i me'i sgron ma thams cad mog mog
177a6 por 'gyur ro/ /de bzhin du byang chub sems dpa' nyi ma'i sgron ma'i ting nge 'dzin thob na/ ma rabs dang / nyi tshe ba'i shes rab thams cad shes rab kyi snang bas zil gyis mnan
177a7 te| slob pa dang / mi slob pa thams cad kyi shes rab dang / rang sangs rgyas kyi shes rab dang / de ma yin pa gzhan sems can phal ba thams cad kyi shes rab kyang shes rab kyi
177b1 snang bas zil gyis gnon pas na/ de'i phyir nyi ma'i sgron ma zhes bya'o/ /bsam gtan gyi pha rol tu phyin pa la gnas pa'i byang chub sems dpa' ni/ ting nge 'dzin rnam pa mang po bye
177b2 ba khrag khrig brgya stong du ma mngon par bsgrubs te/ de dag la phyogs tsam zhig bstan to/ /glog gi sgron mas brgyan dang zla ba'i 'od/ /dge bkod rnam snang de bzhin bsam mi
177b3 khyab| |'phags par snang dang dri ma med pa dang / /chos rnams kun la dbang byed yon tan 'od/ /mya ngan med dang brtul zhugs grub pa dang / /grags pa brtan dang kun nas
177b4 'phags pa dang / /chos kyi sgron ma chos dpal lhun po che/ /chos kyi dbang phyug chos shes dbang byed dang / /chos kyi phung po rnam par 'thor ba dang / /chos rnams 'dzin pa
177b5 rnam par dag pa dang / /pha rol sems kyi spyod par spyod pa dang / /rgyal mtshan rtse mo'i dpung rgyan nyon mongs sel/ /bdud bzhi'i stobs rnams rab tu 'joms pa dang / /stobs
177b6 bcu 'phags pa stobs dang ldan pa dang / /chags med chags pa shin tu gcod pa dang / /lag na sgron ma shin tu sgra bsgrags dang / /sa 'dzin dang ni brtan pa'i rang bzhin dang /
177b7 lhun po sgron ma mi pham rgyal ba dang / /shes rab skyed dang ye shes ta la la/ /bsam gtan 'byung gnas mtha' yas dbang byed dang / /sems rnams las su rung bar byed pa
178a1 dang | |byed dang byas dang tshor byed med pa dang / /chu yi zla ba nyi ma'i dbyangs dag dang / /ting 'dzin mi gtong bdud rnams 'joms pa dang / /rnam
178a2 pa sna tshogs 'du shes med pa dang / /stag dang glang po shin tu dul ba dang / /rgyal ba kun gyi rjes su dran pa dang / /chos dran dge 'dun ye shes dbang byed dang / /mi ldog pa dang
178a3 ldog pa med pa dang / /mig mi 'dzums dang bdag med rab dag dang / /rtag tu stong pa'i rnam par 'jug pa dang / /rtag tu mtshan med rtag tu mi smon dang / /gnas par bsam
178a4 gtan byed pa mi chags dang / /rdo rje lta bu'i ting 'dzin ces bya'o/ /mngon par 'phags dang nges par bcom pa dang / /kun nas 'khyil dang rnam par dag pa dang / /nges par
178a5 sems dang nyon mongs bral ba dang / /yangs pa nam mkha' lta bu zhes kyang bya/ gzud pa dang ni yon tan 'jug pa dang / /dran rtogs blo gros shes rab sgrub pa dang / /spobs
178a6 pa dag ni mi zad byed pa dang / /sgra ston pa dang bden pa mthong ba dang / /'dzin pa zhes kyang bya ba'i ting nge 'dzin/ /chud mi za dang legs byas sbyin pa dang / /'gro ba tshim par byed
178a7 dang bltar mi mthong / /rab tu rtogs dang dga' mgu skyed pa dang / /byams pa 'phags pa'i ting nge 'dzin dag dang / /snying rje chen po'i rtsa ba bsam dag pa/ /dga' ba'i rnam pa
178b1 dag la 'jug pa dang / /btang snyoms gnyis la chags las grol ba dang / /chos don chos byed ye shes ta la la/ /mi 'khrugs pa dang ye shes rgya mtsho dang / /'gro ba tshim
178b2 byed rnam par dul ba dang / /rnam par grol ba'i ye shes dbang byed dang / /rdo rje'i rgyal mtshan snying po'i pad+ma dang / /pad+ma 'das dang 'jig rten chos bral dang / /mi g.yo ba zhes bya
178b3 ba'i ting 'dzin dang / /rdo rje lta bu'i ting nge 'dzin dag dang / /dpa' bar 'gro zhes bya ba'i ting nge 'dzin/ /sangs rgyas dgongs dang de bzhin mi 'khrugs dang / /gzi brjid can
178b4 dang gzi brjid 'od zer dang / /rnam par grol ba'i ye shes mchog sbyin dang / /sangs rgyas rgyan rnams shin tu bkod pa dang / /kun tu snang dang sangs rgyas zhing dag dang / /sems can
178b5 bsam pa rab tu 'jug pa dang / /mgu byed shin tu mgu byed ting 'dzin dang / /byang chub lam gyi rjes su mthun pa dang / /pha rol phyin brgyan gtsug na rin po che/ /byang chub yan lag me
178b6 tog sbyin pa dang / /rnam par grol ba'i 'bras bu sbyin pa ste/ /mi 'chi dbyangs dang dmigs med rlung bzhin 'gro /rin chen mtha' dang rgya mtsho'i shugs 'dzin dang / /ri dang brag
178b7 rnams rdob par byed pa dang / /rdzu 'phrul don chen yang dag bskyed pa dang / /sangs rgyas dpag tu med pa mthong ba dang / /thos pa thams cad 'dzin dang mi g.yeng dang / /skad cig gcig
179a1 la ye shes sbyin pa dang / /yon tan mtha' mas rgya mtsho rnam par dag /de ltar ting 'dzin 'di dag mtha' yas dpag med de/ /bsam gtan bye ba khrag
179a2 khrig dag gi pha rol song / /byang chub sems dpa' dam pa mchog rab 'jigs med pa/ /brtan mchog sems dpa' chen po ting 'dzin rnam dag rtogs/ /btsun pa shA ra dwa ti'i
179a3 bu| 'di ni byang chub sems dpa' rnams kyi bsam gtan mi zad pa zhes bya'o/ /de nas tshe dang ldan pa shA ra dwa ti'i bus/ byang chub sems dpa' blo gros mi zad pa la 'di skad
179a4 ces smras so/ /rigs kyi bu/ byang chub sems dpa' rnams kyi bsam gtan mi zad pa 'di ni khyod kyis legs par smras na/ rigs kyi bu/ byang chub sems dpa' rnams
179a5 kyi shes rab mi zad pa la brtsams te/ ji ltar byang chub sems dpa' rnams shes rab mi zad par 'gyur ba khyod spobs par gyis shig /blo gros mi zad pas smras pa/ btsun
179a6 pa shA ra dwa ti'i bu/ byang chub sems dpa' rnams kyi shes rab kyang mi zad pa yin te/ shes rab de'i rnam pa ni ji lta bu/ 'jug pa ni ci zhe na/ thos pa ni rnam pa'o/ /tshul bzhin
179a7 yid la byed pa ni 'jug pa'o/ /thos pa'i yang rnam pa ni ji lta bu/ 'jug pa ni ci zhe na/ byang chub sems dpa' rnams kyi thos pa'i rnam pa ni ci zhe na/ brgyad cu rtsa bzhi ste/ 'di lta
179b1 ste| 'dun pa'i rnam pa dang / bsam pa'i rnam pa dang / lhag pa'i bsam pa'i rnam pa dang / sbyor ba'i rnam pa dang / dge ba'i bshes gnyen gyi rnam pa dang / nga rgyal med pa'i rnam pa dang / bag
179b2 yod pa'i rnam pa dang / gus par byed pa'i rnam pa dang / mthun par 'dzin pa'i rnam pa dang / bka' blo bde ba'i rnam pa dang / bsnyen bkur byed pa'i rnam pa dang / rna ba blags te nyan
179b3 pa'i rnam pa dang / yid la byed pa'i rnam pa dang / rnam par mi g.yeng ba'i rnam pa dang / gnas kyi rnam pa dang / rin po cher 'du shes pa'i rnam pa dang / sman du 'du shes pa'i rnam
179b4 pa dang / nyon mongs pa'i nad thams cad zhi bar byed pa'i rnam pa dang / dran pa'i snod kyi rnam pa dang / rtogs pa shes pa'i rnam pa dang / blo gros 'dod pa'i rnam pa dang / blo la 'jug
179b5 pa'i rnam pa dang / sangs rgyas kyi chos la mi ngoms par nyan pa'i rnam pa dang / gtong ba spel ba'i rnam pa dang / dul zhing cang shes pa'i rnam pa dang / mang du thos pa la bsten
179b6 pa'i rnam pa dang / bsti stang du byas te dga' ba myong bar byed pa'i rnam pa dang / lus bde ba'i rnam pa dang / sems rab tu dga' ba'i rnam pa dang / mi skyo bar nyan pa'i rnam
179b7 pa dang / don nyan pa'i rnam pa dang / chos nyan pa'i rnam pa dang / nan tan nyan pa'i rnam pa dang / gzhan gyis bstan pa nyan pa'i rnam pa dang / chos ma thos pa nyan pa'i rnam pa
180a1 dang | mngon par shes pa nyan pa'i rnam pa dang / theg pa gzhan la 'dod pa med pa'i rnam pa dang / pha rol tu phyin pa nyan pa'i rnam pa dang / byang chub sems
180a2 dpa'i sde snod nyan pa'i rnam pa dang / bsdu ba'i dngos po nyan pa'i rnam pa dang / thabs mkhas pa nyan pa'i rnam pa dang / tshangs pa'i gnas nyan pa'i rnam pa dang / dran pa dang /
180a3 shes bzhin nyan pa'i rnam pa dang / skye ba la mkhas pa nyan pa'i rnam pa dang / mi skye ba la mkhas pa nyan pa'i rnam pa dang / mi sdug pa'i rnam pa dang / byams pa'i rnam pa dang /
180a4 rten cing 'brel bar 'byung ba'i rnam pa dang / mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam
180a5 pa dang / mtshan ma med pa'i rnam pa dang / smon pa med pa'i rnam pa dang / mngon par 'du mi byed pa'i rnam pa dang / dge ba mngon par 'du byed pa'i rnam pa dang / bden pas
180a6 byin gyis brlabs pa'i rnam pa dang / chud mi gzon pa'i rnam pa dang / rang gi kha na las pa'i rnam pa dang / rang gi sems srung ba'i rnam pa dang / brtson 'grus mi gtong ba'i
180a7 rnam pa dang / chos la nges par sems pa'i rnam pa dang / nyon mongs pa'i gnyen po'i rnam pa dang / rang gi phyogs srung ba'i rnam pa dang / pha rol gyi phyogs dang / nyon mongs
180b1 pa tshar gcod pa'i rnam pa dang / nor bdun yang dag par 'du ba'i rnam pa dang / dbul ba thams cad tshar gcod pa'i rnam pa dang / mdzangs pas bsngags pa'i rnam pa dang / mkhas
180b2 pa mngon par dga' ba'i rnam pa dang / 'phags pas kun shes pa'i rnam pa dang / 'phags pa ma yin pa dad par byed pa'i rnam pa dang / bden pa mthong ba'i rnam pa dang / phung po'i skyon
180b3 rnam par spang ba'i rnam pa dang / 'dus byas yongs su 'jal ba'i rnam pa dang / don la rton pa'i rnam pa dang / chos la rton pa'i rnam pa dang / ye shes la rton pa'i rnam pa dang /
180b4 nges pa'i don gyi mdo sde la rton pa'i rnam pa dang / sdig pa thams cad mi bya ba'i rnam pa dang / bdag dang / gzhan la phan pa'i rnam pa dang / legs par byas pa'i las kyi rnam pa
180b5 dang | mi 'gyod pa'i rnam pa dang / khyad par du 'gro ba'i rnam pa dang / sangs rgyas kyi chos thams cad 'thob pa'i rnam pa ste/ de dag ni byang chub sems dpa' rnams kyi thos pa
180b6 rnam pa brgyad cu rtsa bzhi zhes bya'o/ /btsun pa shA ra dwa ti'i bu/ de la byang chub sems dpa' rnams kyi tshul bzhin yid la byed pa la 'jug pa ni sum cu rtsa gnyis te/ sum cu rtsa
180b7 gnyis gang zhe na/ 'di lta ste/ zhi gnas kyi gnas la 'jug pa dang / lhag mthong rnam par dpyod pa'i 'jug pa dang / sems las su rung ba'i 'jug pa dang / lus dben pa
181a1 la 'jug pa dang / sems dben pa la 'jug pa dang / rten cing 'brel bar 'byung ba la 'jug pa dang / bden pa'i rjes su mthun pa la 'jug pa dang /
181a2 chad pa med pa la 'jug pa dang / rtog pa med pa la 'jug pa dang / rgyu dang / rkyen la 'jug pa dang / bdag med pa dang / sems can med pa dang / srog med pa dang / gang zag
181a3 med pa la 'jug pa dang / 'ong ba dang / 'gro ba dang / gnas med pa la 'jug pa dang / mi 'pho zhing rgyu dang / 'bras bu chud mi za ba la 'jug pa dang / stong pa nyid dang / mtshan ma
181a4 med pa dang / smon pa med pa la 'dris par byed pa la 'jug pa dang / stong pa nyid dang / mtshan ma med pa dang / smon pa med pa la mngon sum du mi byed pa la 'jug pa dang /
181a5 bsam gtan dang / ting nge 'dzin dang / snyoms par 'jug pa skyad pa'i tshul la 'jug pa dang / bsam gtan dang / ting nge 'dzin la snyoms par 'jug pa'i dbang gis mi
181a6 skye ba la 'jug pa dang / mngon par shes pa'i ye shes la 'jug pa dang / zag pa zad pa'i ye shes mngon sum du byed pa ma yin pa la 'jug pa dang / nang du rtog pa la 'jug
181a7 pa dang / nges par gyur par mi 'jug pa la 'jug pa dang / 'dus byas kyi skyon yongs su 'jal ba la 'jug pa dang / 'dus ma byas kyi chos mngon sum du mi byed par 'jug pa
181b1 dang | sems can thams cad la bdag med par so sor rtog pa la 'jug pa dang / snying rje chen po mi gtong ba la 'jug pa dang / skye ba thams cad 'jigs par lta ba la 'jug pa dang /
181b2 rtag tu bsams bzhin du shes pas srid pa thams cad yongs su 'dzin par 'jug pa dang / yid byung zhing 'dod chags dang bral bar 'jug pa dang / 'dod chags dang bral ba'i chos kyang
181b3 mngon sum du mi byed par 'jug pa dang / 'dod pa'i dga' ba'i yon tan yal bar 'dor ba la 'jug pa dang / chos kyi dga' ba mi gtong ba la 'jug pa dang / spros pa dang / rnam par rtog
181b4 pa thams cad spong ba la 'jug pa dang / thabs mkhas pa'i spros pa dang / rnam par rtog par mi spong bar 'jug pa ste/ btsun pa shA ra dwa ti'i bu/ de dag ni byang chub sems dpa' rnams
181b5 kyi tshul bzhin yid la byed pa la 'jug pa sum cu rtsa gnyis zhes bya'o/ /btsun pa shA ra dwa ti'i bu/ gzhan yang / tshul bzhin zhes bya ba de ni rigs pa'i tshig go /de ni tshul gyi tshig go /de ni
181b6 sgo'i tshig go /de ni kha'i tshig go /de ni rgyu'i tshig go /de ni rkyen gyi tshig go /de ni mi 'gog pa'i tshig go /de ni mi 'gal ba'i tshig go /de ni btang snyoms kyi tshig go /de ni len pa med pa'i
181b7 tshig go /de ni dor ba med pa'i tshig go /de ni rkyen med pa'i tshig go /de ni rten pa med pa'i tshig go /de ni mi gnas pa'i tshig go /de ni ma g.yos pa'i tshig go /de ni rnam par ma g.yos
182a1 pa'i tshig go /de ni sgro btags pa med pa'i tshig go /de ni mnyam pa nyid kyi tshig go /don ma mnyam pa med pa'i tshig go /de ni bden pa'i tshig go /de ni
182a2 yang dag pa'i tshig go /de ni mi 'gyur ba'i tshig go /de ni phyir bya ba med pa'i tshig go /de ni zhi ba'i tshig go /de ni rab tu zhi ba'i tshig go /de ni nye bar zhi ba'i tshig go /de ni spros pa
182a3 med pa'i tshig go /de ni blang ba med pa'i tshig go /de ni gzhag pa med pa'i tshig go /de ni ma tshang ba med pa'i tshig go /de ni lhag pa med pa'i tshig go /de ni phyir dbyung du med pa'i tshig
182a4 go |de ni gnyen po med pa'i tshig go /de ni dam pa'i tshig go /de ni de kho na'i tshig go /de ni de bzhin nyid kyi tshig go /de ni ma nor ba de bzhin nyid kyi tshig go /de ni gzhan ma yin pa de bzhin nyid kyi
182a5 tshig go /de ni ji lta bu bzhin gyi tshig go /de ni chud mi za ba'i tshig go /de ni yang dag pa'i mtha'i tshig go /de ni dus gsum mnyam pa nyid kyi tshig go /de ni dus gsum yongs
182a6 su ma chad pa'i tshig go /de ni gzugs la rnam par shes pa mi gnas pa'i tshig go /de ni tshor ba dang / 'du shes dang / 'du byed dang / rnam par shes pa la rnam par shes pa
182a7 mi gnas pa'i tshig go /de ni sa'i khams la rnam par shes pa mi gnas pa'i tshig go /de bzhin du de ni chu'i khams dang / me'i khams dang / rlung gi khams la rnam par shes pa
182b1 mi gnas pa'i tshig go /de ni mig dang / gzugs dang / mig gi rnam par shes pa'i khams la mi gnas pa'i tshig go /de bzhin du de ni rna ba dang / sgra dang / rna ba'i rnam par shes
182b2 pa'i khams dang / sna dang / dri dang / sna'i rnam par shes pa'i khams dang / lce dang / ro dang / lce'i rnam par shes pa'i khams dang / lus dang / reg bya dang / lus kyi rnam par
182b3 shes pa'i khams dang / yid dang / chos dang / yid kyi rnam par shes pa'i khams la mi gnas pa'i tshig go /de ni don la rton pa'i tshig go /de ni chos la rton pa'i tshig go /de ni ye
182b4 shes la rton pa'i tshig go /de ni nges pa'i don gyi mdo sde la rton pa'i tshig go /btsun pa shA ra dwa ti'i bu/ gzhan yang / tshul bzhin zhes bya ba de ni chos thams cad do/ /de ci'i phyir zhe na/
182b5 ji ltar bdag la bdag med pa de bzhin du/ chos thams cad rigs pas mthong zhing / ji ltar sems can la bdag med pa de bzhin du chos thams cad rigs pas mthong na/ de
182b6 ltar mthong ba ni tshul bzhin mthong ba'o/ /'khor ba'i khams kyi tshul bzhin gang yin pa mya ngan las 'das pa'i dbyings kyi tshul bzhin yang de yin no zhes gang gis de ltar mtshungs
182b7 shing bye brag med par mthong ba de ni tshul bzhin rab tu sbyor ba zhes bya'o/ /gang gis kun nas nyon mongs pa'i rang bzhin dang / rnam par byang ba'i rang bzhin mtshungs shing bye brag med
183a1 par mthong ba de ni/ tshul bzhin rab tu sbyor ba zhes bya'o/ /gang rigs pa dang / mi rigs par mi sems pa de ni tshul bzhin rab tu sbyor ba yin te/ btsun
183a2 pa shA ra dwa ti'i bu/ mdor na/ byang chub sems dpa'i tshul bzhin sbyor ba ji snyed pa de dag thams cad kyi gnas ni sems can no/ /de sems can gyi gnas kyang mi spong la/ chos kyi
183a3 gnas kyang 'khrugs par mi byed de/ de ni byang chub sems dpa'i tshul bzhin la 'jug pa'i sbyor ba zhes bya'o/ /btsun pa shA ra dwa ti'i bu/ de ltar de'i chos kyi rnam pa dang /
183a4 thos pa'i rnam pa dang / tshul bzhin la 'jug pa'i sbyor ba'i rgyu mthun pa de ni shes rab ces bya'o/ /de la shes rab ni 'grogs pa bcu drug dang lhan cig mi gnas te/ bcu drug
183a5 po dag gang zhe na/ 'di lta ste/ mi rig pa'i 'grogs pa dang lhan cig mi gnas so/ /de bzhin du 'du byed dang / rnam par shes pa dang / ming dang / gzugs dang / skye mched
183a6 drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i 'grogs pa dang lhan cig mi gnas so/ /ma rig pa 'gog pa'i 'grogs
183a7 pa dang lhan cig mi gnas so/ /de bzhin du 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len
183b1 pa dang / srid pa dang / skye ba dang / rga shi 'gog pa'i 'grogs pa dang lhan cig mi gnas so/ /'jig tshogs la lta ba'i 'grogs pa dang lhan cig mi gnas pa nas/ 'jig tshogs la lta
183b2 ba'i rtsa ba las byung bar lta bar gyur pa drug cu rtsa gnyis po'i bar dag gis 'grogs pa dang lhan cig mi gnas so/ /mtho dman gyi 'grogs pa dang lhan cig mi gnas pa nas/ 'jig
183b3 rten gyi chos rnyed pa dang / ma rnyed pa dang / snyan pa dang / mi snyan pa dang / sman pa dang / bstod pa dang / bde ba dang / sdug bsngal gyi bar gyi 'grogs pa dang lhan cig mi gnas so/ /
183b4 khro ba dang / 'khon du 'dzin pa dang / 'chab pa dang / yongs su gdung ba dang / phrag dog dang / ser sna dang / sgyu dang / g.yo dang / ngo tsha med pa dang / khrel med pa dang / khengs pa dang /
183b5 rtsod pa dang / rgyags pa dang / bag med pa dang / nga rgyal dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / cung zad snyam pa'i nga rgyal dang /
183b6 mngon pa'i nga rgyal dang / log pa'i nga rgyal rnams kyi 'grogs pa dang lhan cig mi gnas pa nas/ nye ba'i nyon mongs pa thams cad kyi bar gyi 'grogs pa dang lhan cig mi gnas
183b7 so| |'dod chags dang / zhe sdang dang / gti mug gi kun nas ldang ba phra mo dang / sbom po dang / chung ngu dang / 'bring dang / chen po'i 'grogs pa dang lhan cig mi gnas pa nas/
184a1 nyon mongs pa'i kun nas ldang ba'i thams cad kyi bar gyi 'grogs pa dang lhan cig mi gnas so/ /gti mug gi mun pa dang / rab rib kyi ling tog dang / sgrib
184a2 pa dang / chong pa'i 'grogs pa dang lhan cig mi gnas pa nas/ nyams par 'gyur ba'i cha dang mthun pa'i chos kun nas ldang ba thams cad kyi bar gyi 'grogs pa dang lhan cig mi gnas
184a3 so| |'dod pa dang / 'thab mo'i rnyog pa dang / phung po dang / nyon mongs pa dang / 'chi bdag dang / lha'i bu'i bdud rnams dang lhan cig mi gnas pa nas/ bdud kyi las thams cad kyi
184a4 bar dang lhan cig mi gnas so/ /bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bur 'dzin pa la mngon par
184a5 zhen pa dang lhan cig mi gnas pa nas/ 'dzin pa la mngon par zhen pa thams cad kyi bar dang lhan cig mi gnas so/ /las kyi sgrib pa dang / chos kyi sgrib pa dang / nyon mongs pa'i
184a6 sgrib pa dang / lta ba'i sgrib pa dang / 'gro ba'i sgrib pa dang / rnam par smin pa'i sgrib pa dang / shes pa'i sgrib pa dang lhan cig mi gnas pa nas/ bag chags dang / mtshams sbyor
184a7 ba thams cad kyi bar dang lhan cig mi gnas so/ /rtog pa dang / rnam par rtog pa dang / yongs su rtog pa dang / mtshan ma dang / dmigs pa dang / mthong ba dang / thos pa dang /
184b1 bye brag phyed pa dang / rnam par rig pa rnams dang lhan cig mi gnas pa nas/ mdud pa dang / sgro btags pa thams cad kyi bar dang lhan cig mi gnas so/ /bdag dang / rtag pa dang /
184b2 gtsang ba dang / bde ba'i 'grogs pa dang lhan cig mi gnas pa nas/ phyin ci log thams cad kyi bar dang lhan cig mi gnas so/ /sems can gyi sems kyi spyod pa brgyad khri bzhi
184b3 stong dang lhan cig mi gnas pa nas/ chos kyi phung po brgyad khri bzhi stong gi bar dang lhan cig mi gnas so/ /ser sna dang / gtong ba dang / 'chal ba'i tshul khrims dang / tshul khrims
184b4 dang | gnod sems dang / bzod pa dang / le lo dang / brtson 'grus dang / rnam par g.yeng ba dang / bsam gtan dang / 'chal ba'i shes rab dang lhan cig mi gnas pa nas/ pha
184b5 rol tu phyin pa'i phyogs dang mi mthun pa'i phyogs sems pa dang lhan cig mi gnas so/ /nges pa dang / ma nges pa dang / yang dag pa dang / log pa dang / dge ba dang / mi dge ba
184b6 dang | kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas dang / 'jig rten pa dang / 'jig
184b7 rten las 'das pa dang / bzang po dang / ngan pa dang / kun nas nyon mongs pa dang / rnam par byang ba dang / 'khor ba dang / mya ngan las 'das pa dang lhan cig mi gnas pa nas/
185a1 chos thams cad kyi mi mthun pa'i phyogs dang / gnyen po'i bar dang lhan cig mi gnas so/ /theg pa tha dad pa dang / sems can tha dad pa dang / zhing
185a2 tha dad pa dang / sangs rgyas tha dad pa dang / chos tha dad pa dang / dge 'dun tha dad pa dang lhan cig mi gnas pa nas/ tha dad pa thams cad kyi bar dang lhan cig mi gnas so/ /
185a3 mi shes pa dang / shes pa dang / rnam par shes pa dang / kun rdzob dang / don dam pa dang lhan cig mi gnas pa nas/ mtshan ma yid la byed pa thams cad kyi bar dang lhan cig
185a4 mi gnas so/ /shes rab ni gang rgyu ba med pa/ lus med pa/ mtshan nyid med pa/ mtshan ma med pa/ 'dus ma byas pa ste/ de ni mtshan ma dang / yid la byed pa thams cad dang /
185a5 sems dang / yid dang / rnam par shes pa dang / gnas dang / ming dang / mtshan ma dang / gcig pa dang / tha dad pa dang lhan cig mi gnas te/ btsun pa shA ra dwa ti'i bu/ shes
185a6 rab ni 'grogs pa bcu drug po de dag dang lhan cig mi gnas so// //bam po bzhi pa/ de la shes rab kyi yul gang zhe na/ 'di lta ste/ chos brgyad la mkhas pa'o//
185a7 de la chos brgyad la mkhas pa gang zhe na/ 'di lta ste/ phung po la mkhas pa dang / khams la mkhas pa dang / skye mched la mkhas pa dang / bden pa la mkhas pa dang / rten cing
185b1 'brel bar 'byung ba la mkhas pa dang / dus gsum la mkhas pa dang / theg pa thams cad la mkhas pa dang / chos thams cad la mkhas pa'o/ /de la byang chub sems dpa'i phung po
185b2 la mkhas pa gang zhe na/ gang 'di phung po rnams kyi dper bya bar bstan pa ste/ dbu ba rdos par bstan pa dang / chu'i chu bur du bstan pa dang / smig rgyur bstan pa dang / chu shing gi sdong
185b3 por bstan pa dang / sgyu mar bstan pa dang / rmi lam du bstan pa dang / brag car bstan pa dang / mig yor du bstan pa dang / gzugs brnyan du bstan pa dang / sprul par bstan pa'o/ /
185b4 de ci'i phyir zhe na/ gzugs ni dbu brdos pa lta bu ste/ dbu brdos pa lta bu ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin
185b5 no| |dbu brdos pa'i rang bzhin gang yin pa gzugs kyi rang bzhin yang de yin te/ gang 'di la mkhas pa de ni phung po la mkhas pa zhes bya'o/ /tshor ba ni chu'i chu bur lta bu'o/ /'du
185b6 shes ni smig rgyu lta bu'o/ /'du byed rnams ni chu shing lta bu'o/ /rnam par shes pa ni sgyu ma lta bu ste/ sgyu ma'ang bdag ma yin/ sems can ma yin/ srog ma yin/ gso ba ma yin/ skyes
185b7 bu ma yin/ gang zag ma yin no/ /sgyu ma'i rang bzhin gang yin pa rnam par shes pa'i rang bzhin yang de yin te/ gang 'di la mkhas pa de ni byang chub sems dpa'i phung po la mkhas
186a1 pa zhes bya'o/ /phung po rnams ni rmi lam lta bu ste/ rmi lam yang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang
186a2 zag ma yin no/ /rmi lam gyi rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni/ byang chub sems dpa'i phung po la mkhas pa zhes
186a3 bya'o| |phung po rnams ni brag ca lta bu ste/ brag ca ni bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /brag ca'i
186a4 rang bzhin gang yin pa phung po rnams kyi rang bzhin yang de yin te/ gang 'di la mkhas pa de ni/ byang chub sems dpa'i phung po la mkhas pa zhes bya'o/ /phung po rnams ni mig
186a5 yor lta bu ste/ mig yor kyang bdag ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /mig yor gyi rang bzhin gang
186a6 yin pa phung po rnams kyi rang bzhin yang de yin te/ gang 'di la mkhas pa de ni/ byang chub sems dpa'i phung po la mkhas pa zhes bya'o/ /phung po rnams ni gzugs brnyan lta bu
186a7 ste| gzugs brnyan ni bdag ma yin/ sems can ma yin/ srog ma yin/ gsob ma yin/ skyes bu ma yin/ gang zag ma yin no/ /gzugs brnyan gyi rang bzhin gang yin pa
186b1 phung po rnams kyi rang bzhin yang de yin te/ gang 'di la mkhas pa de ni/ byang chub sems dpa'i phung po la mkhas pa zhes bya'o/ /phung po rnams ni sprul pa lta bu ste/ sprul pa ni bdag
186b2 ma yin/ sems can ma yin/ srog ma yin/ gso ba ma yin/ skyes bu ma yin/ gang zag ma yin no/ /sprul pa'i rang bzhin gang yin pa phung po rnams kyi rang bzhin yang de yin te/
186b3 gang 'di la mkhas pa de ni byang chub sems dpa'i phung po la mkhas pa zhes bya'o/ /phung po zhes bya ba de ni 'jig rten te/ 'jig rten kyang 'jig pa'i mtshan nyid do/ /'jig rten gyi
186b4 rang bzhin gang yin pa de rang bzhin gyis mi rtag pa'o/ /rang bzhin gyis sdug bsngal pa'o/ /rang bzhin gyis stong pa'o/ /rang bzhin gyis bdag med pa'o/ /rang bzhin gyis zhi ba
186b5 ste| gang 'di la mkhas pa de ni byang chub sems dpa'i phung po la mkhas pa zhes bya'o/ /de la byang chub sems dpa'i khams la mkhas pa gang zhe na/ gang chos kyi dbyings la 'jug
186b6 pa'i ye shes so/ /chos kyi dbyings ni sa'i khams yin mod kyi/ chos kyi dbyings sra ba'i mtshan nyid ni ma yin no/ /chos kyi dbyings chu'i khams yin mod kyi/ chos kyi dbyings rlan pa'i
186b7 mtshan nyid ni ma yin no/ /chos kyi dbyings me'i khams yin mod kyi/ chos kyi dbyings yongs su smin par byed pa'i mtshan nyid ni ma yin no/ /chos kyi dbyings rlung gi khams yin mod
187a1 kyi| chos kyi dbyings g.yo ba'i mtshan nyid ni ma yin no/ /chos kyi dbyings mig gi khams yin mod kyi/ chos kyi dbyings lta ba'i mtshan nyid ni ma yin no/ /
187a2 chos kyi dbyings rna ba'i khams yin mod kyi/ chos kyi dbyings nyan pa'i mtshan nyid ni ma yin no/ /chos kyi dbyings sna'i khams yin mod kyi/ chos kyi dbyings snom pa'i mtshan
187a3 nyid ni ma yin no/ /chos kyi dbyings lce'i khams yin mod kyi/ chos kyi dbyings myong bar byed pa'i mtshan nyid ni ma yin no/ /chos kyi dbyings lus kyi khams yin mod kyi/ chos
187a4 kyi dbyings nom pa'i mtshan nyid ni ma yin no/ /chos kyi dbyings yid kyi khams yin mod kyi/ chos kyi dbyings rnam par rig pa'i mtshan nyid ni ma yin no/ /chos kyi dbyings mig gi
187a5 rnam par shes pa'i khams yin mod kyi/ chos kyi dbyings gzugs so sor rnam par rig pa'i mtshan nyid ni ma yin no/ /chos kyi dbyings rna ba'i rnam par shes pa'i khams yin
187a6 mod kyi/ chos kyi dbyings sgra so sor rnam par rig pa'i mtshan nyid ni ma yin no/ /chos kyi dbyings sna'i rnam par shes pa'i khams yin mod kyi/ chos kyi dbyings dri so sor rnam
187a7 par rig pa'i mtshan nyid ni ma yin no/ /chos kyi dbyings lce'i rnam par shes pa'i khams yin mod kyi/ chos kyi dbyings ro so sor rnam par rig pa'i mtshan nyid ni ma yin no/ /
187b1 chos kyi dbyings lus kyi rnam par shes pa'i khams yin mod kyi/ chos kyi dbyings reg bya so sor rnam par rig pa'i mtshan nyid ni ma yin no/ /chos kyi dbyings yid kyi rnam par shes
187b2 pa'i khams yin mod kyi/ chos kyi dbyings chos so sor rnam par rig pa'i mtshan nyid ni ma yin no/ /chos kyi dbyings gzugs kyi khams yin mod kyi/ chos kyi dbyings mig gi rnam par
187b3 shes pas rnam par rig par bya ba'i mtshan nyid ni ma yin no/ /chos kyi dbyings sgra'i khams yin mod kyi/ chos kyi dbyings rna ba'i rnam par shes pas rnam par rig par bya ba'i mtshan
187b4 nyid ni ma yin no/ /chos kyi dbyings dri'i khams yin mod kyi/ chos kyi dbyings sna'i rnam par shes pas rnam par rig par bya ba'i mtshan nyid ni ma yin no/ /chos kyi dbyings ro'i khams
187b5 yin mod kyi/ chos kyi dbyings lce'i rnam par shes pas rnam par rig par bya ba'i mtshan nyid ni ma yin no/ /chos kyi dbyings reg bya'i khams yin mod kyi/ chos kyi dbyings lus kyi
187b6 rnam par shes pas rnam par rig par bya ba'i mtshan nyid ni ma yin no/ /chos kyi dbyings chos kyi khams yin mod kyi/ chos kyi dbyings yid kyi rnam par shes pas rnam par rig par bya
187b7 ba'i mtshan nyid ni ma yin no/ /chos kyi dbyings gzugs kyi khams yin mod kyi/ chos kyi dbyings gzugs su rnam par rig pa'i mtshan nyid ni ma yin no/ /chos kyi dbyings sgra'i khams
188a1 yin mod kyi/ chos kyi dbyings sgrar rnam par rig pa'i mtshan nyid ni ma yin no/ /chos kyi dbyings dri'i khams yin mod kyi/ chos kyi dbyings drir rnam
188a2 par rig pa'i mtshan nyid ni ma yin no/ /chos kyi dbyings ro'i khams yin mod kyi/ chos kyi dbyings ror rnam par rig pa'i mtshan nyid ni ma yin no/ /chos kyi dbyings reg bya'i khams
188a3 yin mod kyi/ chos kyi dbyings reg byar rnam par rig pa'i mtshan nyid ni ma yin no/ /chos kyi dbyings chos kyi khams yin mod kyi/ chos kyi dbyings chos su rnam par rig pa'i mtshan
188a4 nyid ni ma yin no/ /chos kyi dbyings dang / bdag gi khams de ni mtshungs so/ /chos kyi dbyings dang / 'dod pa'i khams dang / gzugs kyi khams dang / gzugs med pa'i khams
188a5 de ni mtshungs so/ /chos kyi dbyings dang / 'khor ba'i khams dang / mya ngan las 'das pa'i dbyings de ni mtshungs so/ /chos kyi dbyings dang / sems can gyi khams dang / nam
188a6 mkha'i khams dang / chos thams cad kyi khams de ni mtshungs so/ /de ci'i phyir de mtshungs zhe na/ stong pa nyid du mtshungs pas na de ni mtshungs so/ /mtshan ma med par mtshungs
188a7 pa dang / smon pa med par mtshungs pa dang / mngon par 'du mi byed par mtshungs pa dang / skye ba med par mtshungs pa dang / 'byung ba med par mtshungs pa dang / dngos po med
188b1 par mtshungs pa dang / chos thams cad tha dad pa med par mtshungs pa dang / sgrib pa med par mtshungs pa dang / nam mkha'i khams su mtshungs pa dang / mya ngan las 'das pa'i dbyings
188b2 su mtshungs pas/ de dag mtshungs pa'o/ /'dus byas kyi khams la 'jug pa dang / 'dus ma byas kyi khams la 'jug pa tshad med de/ gang bstan pa de la chos kyi dbyings kyi tshul gyi sgo
188b3 nas 'jug pa 'di ni byang chub sems dpa'i khams la mkhas pa zhes bya'o/ /de la byang chub sems dpa'i skye mched la mkhas pa gang zhe na/ chos kyi skye mched la 'jug pa'i ye shes te/
188b4 chos kyi skye mched ni mig gi skye mched yin mod kyi/ chos kyi skye mched lta ba'i mtshan nyid ni ma yin no/ /chos kyi skye mched rna ba'i skye mched yin mod kyi/ chos kyi skye mched nyan pa'i
188b5 mtshan nyid ni ma yin no/ /chos kyi skye mched sna'i skye mched yin mod kyi/ chos kyi skye mched snom pa'i mtshan nyid ni ma yin no/ /chos kyi skye mched lce'i skye mched yin mod kyi/ chos kyi
188b6 skye mched myang ba'i mtshan nyid ni ma yin no/ /chos kyi skye mched lus kyi skye mched yin mod kyi/ chos kyi skye mched nom pa'i mtshan nyid ni ma yin no/ /chos kyi skye mched yid kyi skye
188b7 mched yin mod kyi/ chos kyi skye mched chos rnam par rig pa'i mtshan nyid ni ma yin no/ /chos kyi skye mched gzugs kyi skye mched yin mod kyi/ chos kyi skye mched mig gi rnam par
189a1 shes pas rnam par rig par bya ba'i mtshan nyid ni ma yin no/ /chos kyi skye mched sgra'i skye mched yin mod kyi/ chos kyi skye mched rna ba'i rnam par
189a2 shes pas rnam par rig par bya ba'i mtshan nyid ni ma yin no/ /chos kyi skye mched dri'i skye mched yin mod kyi/ chos kyi skye mched sna'i rnam par shes pas rnam par rig par bya
189a3 ba'i mtshan nyid ni ma yin no/ /chos kyi skye mched ro'i skye mched yin mod kyi/ chos kyi skye mched lce'i rnam par shes pas rnam par rig par bya ba'i mtshan nyid ni ma yin no/ /
189a4 chos kyi skye mched reg bya'i skye mched yin mod kyi/ chos kyi skye mched lus kyi rnam par shes pas rnam par rig par bya ba'i mtshan nyid ni ma yin no/ /chos kyi skye mched chos kyi
189a5 skye mched yin mod kyi/ chos kyi skye mched yid kyi rnam par shes pas rnam par rig par bya ba'i mtshan nyid ni ma yin te/ 'di ni byang chub sems dpa'i skye mched la mkhas pa
189a6 zhes bya'o/ /gzhan yang / skye mched la mkhas pa ni/ mig gi skye mched ni/ bdag dang / bdag gis stong ngo / /de bzhin du rna ba'i skye mched dang / sna'i skye mched dang / lce'i skye
189a7 mched dang / lus kyi skye mched dang / yid kyi skye mched dang / gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang /
189b1 chos kyi skye mched dag kyang bdag dang / bdag gis stong ngo / /bcom ldan 'das kyis/ ji skad du/ mig ni bdag dang / bdag gis stong ste/ 'di ni de'i rang bzhin no/ /de bzhin du rna
189b2 ba dang / sna dang / lce dang / lus dang / yid ni bdag dang / bdag gis stong ste/ 'di ni de'i rang bzhin no/ /de bzhin du gzugs dang / sgra dang / dri dang / ro dang / reg dang / chos rnams
189b3 ni bdag dang / bdag gis stong ste/ 'di ni de'i rang bzhin no zhes gsungs so/ /'di ltar gang skye mched rnams la skye mched du mi byed cing / dge ba'i chos kyang mi gsog /mi dge
189b4 ba'i chos kyang 'bri bar mi byed la/ dge ba dang / mi dge ba la 'du shes gnyis su mi 'gyur ba 'di ni/ byang chub sems dpa'i skye mched la mkhas pa'o/ /gzhan yang / skye mched la mkhas
189b5 pa ni| mig gi skye mched kyi 'dod chags kyi gnas dang / rten na gzugs kyi skye mched de/ gang mig gzugs la 'dod chags dang bral bar mthong la 'dod chags dang bral ba'i chos
189b6 kyang mngon sum du mi byed pa 'di ni/ byang chub sems dpa'i skye mched la mkhas pa zhes bya'o/ /de bzhin du rna ba'i skye mched kyi sgra'i skye mched dang / sna'i skye mched kyi dri'i skye mched dang /
189b7 lce'i skye mched kyi ro'i skye mched dang / lus kyi skye mched kyi rig bya'i skye mched dang / yid kyi skye mched kyi 'dod chags kyi gnas dang / rten ni chos kyi skye mched de/ gang yid chos las 'dod
190a1 chags dang bral bar mthong la/ 'dod chags dang bral ba'i chos kyang mngon sum du mi byed pa 'di ni/ byang chub sems dpa'i skye mched la mkhas pa zhes
190a2 bya'o| |skye mched ces bya ba ni/ 'phags pa'i skye mched dang / 'phags pa ma yin pa'i skye mched do/ /de la 'phags pa'i skye mched ni/ gang lam yang dag par bsgrub pa'o/ /'phags
190a3 pa ma yin pa'i skye mched ni/ gang lam dang mi mthun pa'o/ /de la byang chub sems dpa'i lam la gnas nas lam dang mi mthun pa la spyod pa'i sems can rnams la snying rje chen
190a4 po skyed cing / lam gyi skye mched kyang mi 'dor ba 'di ni/ byang chub sems dpa'i skye mched la mkhas pa zhes bya'o/ /de la byang chub sems dpa'i bden pa la mkhas pa gang zhe na/
190a5 'jug pa bzhi ni/ byang chub sems dpa'i bden pa la mkhas pa yin te/ 'jug pa bzhi gang zhe na/ gang 'di sdug bsngal shes pa dang / kun 'byung ba shes pa dang / 'gog pa shes
190a6 pa dang / lam shes pa'o/ /de la sdug bsngal shes pa zhes bya ba ni/ gang phung po rnams ni mi skye bar shes pa'o/ /kun 'byung ba shes pa zhes bya ba ni/ gang sred pa legs par 'joms
190a7 pa'i shes pa'o/ /'gog pa shes pa zhes bya ba ni/ ma rig pa dang / bag la nyal ba rnams mi 'byung ba'o/ /lam shes pa zhes bya ba ni/ mnyam pa nyid du gyur pa'i chos thams
190b1 cad la sgro mi 'dogs pa ste/ de ni byang chub sems dpa'i bden pa shes pa'o/ /de la byang chub sems dpa'i 'phags pa'i bden pa bzhi po de dag la de lta bus shes rab dang / ye
190b2 shes kyis rab tu shes kyang sems can la blta ba'i phyir/ mngon sum du mi byed cing / sems can rnams kyang yongs su smin par byed de/ 'di ni byang chub sems dpa'i bden
190b3 pa la mkhas pa zhes bya'o/ /gzhan yang / byang chub sems dpa'i bden pa rnam pa gsum ste/ gsum gang zhe na/ gang 'di kun rdzob kyi bden pa dang / don dam pa'i bden pa
190b4 dang | mtshan nyid kyi bden pa'o/ /de la kun rdzob kyi bden pa gang zhe na/ 'jig rten gyi tha snyad dang / yi ge dang / sgra dang / brdas bstan pa ji snyed pa'o/ /don dam pa'i bden pa ni/
190b5 gang la sems kyi rgyu med pa ste/ yi ge lta ci smos/ mtshan nyid kyi bden pa ni/ gang 'di mtshan nyid thams cad mtshan nyid gcig pa ste/ mtshan nyid gcig po'ang mtshan nyid med
190b6 pa'o| |de la byang chub sems dpa'i kun rdzob kyi bden pa bstan pas kyang yongs su mi skyo/ don dam pa'i bden pa mngon sum du byed pa'ang mi ltung / mtshan nyid kyi bden pas
190b7 bden pa gcig tu rtogs kyang / sems can rnams kyang yongs su smin par byed de/ 'di ni byang chub sems dpa'i bden pa la mkhas pa zhes bya'o/ /gzhan yang / bden pa rnam pa
191a1 gnyis te/ rnam pa gnyis po gang zhe na/ gang 'di tha snyad kyi bden pa dang / don dam pa'i bden pa'o/ /de la tha snyad kyi bden pa ni/ dus su bden par
191a2 smra ba ste/ gang 'di sdug bsngal gyi bden pa dang / kun 'byung ba'i bden pa dang / 'gog pa'i bden pa dang / lam gyi bden pa dang / 'jig rten gyi tha snyad kyi bden pa dang / yi
191a3 ge dang / sgra dang / brdas bstan pa ji snyed pa'o/ /don dam pa'i bden pa gang / 'di brjod pa med pa'i chos can/ mya ngan las 'das pa ste/ de ci'i phyir zhe na/ rtag tu chos kyi
191a4 de bzhin nyid kyi phyir/ de'i rigs ni rtag pa'i phyir ro/ /de la byang chub sems dpa' tha snyad kyi bden pa bstan pas kyang yongs su mi skyo/ don dam pa'i bden pa mngon sum du
191a5 byed par yang mi ltung la sems can rnams kyang yongs su smin par byed de/ 'di ni byang chub sems dpa'i bden pa la mkhas pa zhes bya'o/ /gzhan yang / bden pa ni gcig ste/
191a6 gnyis su med do/ /de la bden pa gcig ni gang 'di chos thams cad la sgro 'dogs pa med cing sgro 'dogs par ltung ba'i sems can rnams kyang bden pa la rab tu 'dzud pa'o/
191a7 de la byang chub sems dpa'i sgro 'dogs pa'i bden pa bstan pas kyang mi skyo la/ sgro 'dogs pa med pa'i bden pa gcig bstan pa'ang mngon sum du mi byed cing / sems can rnams
191b1 kyang yongs su smin par byed pa 'di ni byang chub sems dpa'i bden pa la mkhas pa zhes bya'o/ /gzhan yang / phung po lnga ni sdug bsngal ba ste/ gang phung po lnga rnams sdug bsngal
191b2 gyi mtshan nyid 'di ni sdug bsngal zhes bya'o/ /gang gis sdug bsngal gyi mtshan nyid de stong par rtogs pa 'di ni sdug bsngal la sdug bsngal du shes pa 'phags pa'i bden pa'o/ /
191b3 gang phung po lnga'i sred pa'i rgyu dang / lta ba'i rgyu bag la nyal ba 'di ni/ kun 'byung ba zhes bya'o/ /gang gis sred pa'i rgyu dang / lta ba'i rgyu de dag mi len pa dang / sgro mi 'dogs pa
191b4 dang | reg par mi byed pa 'di ni kun 'byung bar shes pa 'phags pa'i bden pa zhes bya'o/ /gang phung po lnga po dag shin tu zad de 'gags nas/ sngon gyi mthar mi 'byung ba dang /
191b5 phyi ma'i mthar mi 'pho ba dang / da ltar byung bar phyin pa med pa 'di ni 'gog pa 'phags pa'i bden pa ste/ de la gang gis de ltar shes pa 'di ni/ 'gog pa la 'gog par shes
191b6 pa 'phags pa'i bden pa zhes bya'o/ /lam gang la brten te sdug bsngal shes pa dang / kun 'byung ba shes pa dang / 'gog pa shes pa la rig cing gnyis su med pa'i ye shes
191b7 su 'jug pa de ni sdug bsngal 'gog par 'gro ba'i lam 'phags pa'i bden pa zhes bya ste/ gang 'di la stong pa nyid du shes pa 'di ni lam la lam du shes pa 'phags pa'i bden
192a1 pa zhes bya'o/ /gang gis 'phags pa'i bden pa bzhi po 'di dag la de ltar ye shes kyis rtog cing / bden pa'i rtog pas mi rtog pa 'di ni byang chub
192a2 sems dpa'i bden pa la mkhas pa zhes bya'o/ /gzhan yang / tshor ba thams cad sdug bsngal te 'di ni sdug bsngal zhes bya'o/ /tshor ba de la rnam par 'byed cing rig par shes
192a3 pa 'di ni sdug bsngal la sdug bsngal du shes pa 'phags pa'i bden pa zhes bya'o/ /tshor ba de rgyu gang gis kun 'byung ba 'di ni kun 'byung ba zhes bya ste/ gang gis rgyu de yang dag
192a4 pa ji lta ba bzhin du rab tu shes pa 'di ni kun 'byung ba la kun 'byung ba 'phags pa'i bden pa zhes bya'o/ /gang tshor ba thams cad rgyun chad de tshor ba med pa'ang tshor zhing / tshor
192a5 ba 'gog pa la'ang rtog la sems can la lta ba'i phyir/ tshor ba 'gog pa mngon sum du'ang mi byed pa 'di ni 'gog pa la 'gog par shes pa 'phags pa'i bden pa zhes bya'o/ /
192a6 tshor ba gang gis bsgrubs pa'i lam de ni gzings lta bu ste/ gang tshor ba 'dod pa de ni lam 'dod pa ma yin no/ /'di ni lam la lam du shes pa 'phags pa'i bden pa zhes
192a7 bya'o| |gang de ltar bden pa bzhi po 'di mthong ba dang / rnam par dag pas mnyam par rtog pa 'di ni byang chub sems dpa'i bden pa la mkhas pa zhes bya'o/ /gzhan yang /
192b1 mdor na skye ba ni sdug bsngal ba ste/ 'di ni sdug bsngal zhes bya'o/ /gang mi skye ba la rtog pa'i shes pa 'di ni sdug bsngal la sdug bsngal du shes pa 'phags pa'i bden pa zhes
192b2 bya'o| |srid pa'i rkyen gyis skye ba ste/ srid pa gang yin pa de kun 'byung ba'o/ /gang srid pa 'jig pa shes pa 'di ni kun 'byung ba la kun 'byung bar shes pa 'phags pa'i bden pa
192b3 zhes bya'o/ /skye ba thams cad skye ba med pa ste/ mi skye ba ni 'gog pa'o/ /gang ma skyes pa de la 'gog pa gang yang med do/ /gang 'gog pa med par shes pa 'di ni zad pa'i 'gog
192b4 pa 'phags pa'i bden pa zhes bya'o/ /gang de ltar bgrang ba dang / 'jal ba dang / tshol pa dang / rtog pa dang / 'jug pa'i shes pa 'di ni lam la lam du shes pa 'phags pa'i
192b5 bden pa zhes bya'o/ /gang bden pa'i shes pa 'di la 'jug cing / bden pa'i shes pa la'ang mi gnas pa 'di ni byang chub sems dpa'i bden pa la mkhas pa zhes bya'o/ /de la byang
192b6 chub sems dpa'i rten cing 'brel par 'byung ba la mkhas pa gang zhe na/ 'di lta ste/ tshul bzhin ma yin pa kun 'byung ba las ma rig pa kun 'byung ngo / /ma rig pa kun 'byung ba
192b7 las 'du byed kun 'byung ngo / /'du byed kun 'byung ba las rnam par shes pa kun 'byung ngo / /rnam par shes pa kun 'byung ba las ming dang / gzugs kun 'byung ngo / /ming dang / gzugs
193a1 kun 'byung ba las skye mched drug kun 'byung ngo / /skye mched drug kun 'byung ba las reg pa kun 'byung ngo / /reg pa kun 'byung ba las tshor ba kun
193a2 'byung ngo / /tshor ba kun 'byung ba las sred pa kun 'byung ngo / /sred pa kun 'byung ba las len pa kun 'byung ngo / /len pa kun 'byung ba las srid pa kun 'byung ngo / /srid pa
193a3 kun 'byung ba las skye ba kun 'byung ngo / /skye ba kun 'byung ba las/ rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'jug pa rnams
193a4 'byung ste/ de lta na sdug bsngal gyi phung po 'ba' zhig po 'di 'byung bar 'gyur ro/ /g.yo med pa/ byed pa med pa/ bdag po med pa/ yongs su 'dzin pa med pa'i chos ji ltar
193a5 gnas pa bzhin 'byung ste/ gang 'di la shes pa 'di ni byang chub sems dpa'i rten cing 'brel bar 'byung ba la mkhas pa zhes bya'o/ /gzhan yang / gang dge ba'i rgyu las byung
193a6 ba'am/ mi dge ba'i rgyu las byung ba'am/ mi g.yo ba'i rgyu las byung ba'am/ 'khor ba'i rgyu las byung ba'am/ mya ngan las 'das pa'i rgyu las byung ba de dag thams cad/ byang
193a7 chub sems dpas yang dag pa ji lta ba bzhin du rab tu shes te/ sems can gang dbang po'i rgyu las 'jug pa tshad mar byed pa de ni dbang po'i rgyu las byung zhing las kyi rgyu las
193b1 byung ba ste/ 'bras bu'i rgyu las 'grub par byed do zhes zin pa dang / ma zin pa'i chos rnams la gang de ltar rgyu kun 'byung ba las skye ba la mkhas pa 'di ni/ byang chub sems dpa'i rten
193b2 cing 'brel par 'byung ba la mkhas pa zhes bya'o/ /gzhan yang / rten cing 'brel par 'byung ba la mkhas pa ni tshul bzhin ma yin pa 'gags pas ma rig pa 'gag /ma rig pa
193b3 'gags pas/ 'du byed 'gag /'du byed 'gags pas/ rnam par shes pa 'gag /rnam par shes pa 'gags pas/ ming dang / gzugs 'gag/ ming dang / gzugs 'gags
193b4 pas| skye mched drug 'gag /skye mched drug 'gag pas/ reg pa 'gag /reg pa 'gags pas/ tshor ba 'gag /tshor ba 'gags pas/ sred pa 'gag /sred pa 'gags pas/
193b5 len pa dgag /len pa 'gags pas/ srid pa 'gag /srid pa 'gags pas/ skye ba 'gag /skye ba 'gags pas/ rga shi dang / mya ngan dang / smre sngags 'don pa dang / sdug bsngal
193b6 ba dang / yid mi bde ba dang / 'khrug pa rnams kyang 'gag par 'gyur te/ de ltar sdug bsngal gyi phung po chen po 'ba' zhig po 'gag par 'gyur ro/ /g.yo ba med pa/ byed pa med pa/
193b7 bdag po med pa/ yongs su 'dzin pa med pa'i chos ji ltar gnas pa bzhin du 'gog par 'gyur ro/ /gang 'di la mkhas pa 'di ni/ byang chub sems dpa'i rten cing 'brel bar 'byung
194a1 pa la mkhas pa zhes bya'o/ /gzhan yang / chos thams cad ni rgyu la rag lus pa'o/ /rkyen la rag lus pa'o/ /tshogs la rag lus pa'o/ /chos gang
194a2 rgyu dang / rkyen dang / tshogs pa la rag lus pa de bdag la rag ma lus pa'o/ /sems can la rag ma lus pa'o/ /srog la rag ma lus pa'o/ /gang zag la rag ma lus pa'o/ /
194a3 gang bdag la rag ma lus pa dang / sems can la rag ma lus pa dang / srog la rag ma lus pa dang / gang zag la rag ma lus pa 'di na zhe'am/ snga ma na zhe 'am/ gzhan na
194a4 zhes bgrang ba ci'ang med de/ gang de ltar rtog pa 'di ni byang chub sems dpa'i rten cing 'brel bar 'byung ba la mkhas pa zhes bya'o/ /gzhan yang / gang byang chub sems dpa'
194a5 byang chub kyi rkyen thams cad nye bar gzhog la/ rkyen de dag kyang zad cing 'gog par rtog ste/ sems can la blta ba'i phyir zad cing 'gog pa'i ye shes su'ang mi 'jog pa 'di ni
194a6 byang chub sems dpa'i rten cing 'brel bar 'byung ba la mkhas pa zhes bya'o/ /de la byang chub sems dpa'i dus gsum la mkhas pa gang zhe na/ gang bdag dang / sems can
194a7 gzhan gyi 'das pa'i sems dang / sems las byung ba/ dge ba dang / mi dge ba rnams rjes su dran pa ste/ mi dge ba'i sems dang / sems las byung ba rnams dran nas kyang
194b1 rnam par smod pa dang / dge ba'i sems dang / sems las byung ba rnams dran nas kyang / byang chub tu yongs su bsngo ba 'di ni 'das pa la mkhas pa'o/ /gang ma 'ongs pa'i sems dang /
194b2 sems las byung ba/ dge ba'i rtsa ba'i tshogs la nges par sems shing / byang chub mngon du 'gyur pa'i las sems te/ bdag gi dge ba'i sems bskyed pa gang dag skye bar 'gyur
194b3 ba de dag ni/ bla na med pa yang dag par rdzogs pa'i byang chub tu yongs su bsngo bar bya'o/ /mi dge ba'i sems dang / sems las byung ba rnams kyi skabs ni mi dge zhes gang de lta
194b4 bur sems la bsgo ba de ni ma 'ongs pa la mkhas pa'o/ /da ltar byung ba la mkhas pa gang zhe na/ gang da ltar byung ba'i sems dang / sems las byung ba rnams tshul bzhin sbyor bas/
194b5 dge ba'i rtsa ba mngon par 'du byed pa dang / mi dge ba'i sems dang / sems las byung ba zlog pa dang / dge ba'i sems dang / sems las byung ba rnams byang chub tu mngon du byed pa ni
194b6 da ltar byung ba la mkhas pa ste/ gang 'di dag la mkhas pa de ni byang chub sems dpa'i dus gsum la mkhas pa zhes bya'o/ /gzhan yang / gang 'das pa'i dus kyi chos rnams stong
194b7 par mos pa dang / ma 'ongs pa'i dus kyi chos rnams stong bar mos pa dang / da ltar byung ba'i dus kyi chos rnams stong par mos pa ste/ de ltar shes rab dang / ye shes kyi dus gsum
195a1 stong pa nyid du'ang rtog la 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bsod nams thams cad kyi rjes su
195a2 thabs kyi ye shes kyi yi rang bar yang byed de/ gang 'di la mkhas pa de ni byang chub sems dpa'i dus gsum la mkhas pa zhes bya'o/ /gzhan yang / 'das pa'i dus na zad pa'i
195a3 chos rnams phyi ma'i mtha' 'phos par mi lta zhing dge ba'i mngon par 'du byed pa la brtson 'grus kyang mi gtong ste/ mi dge ba'i 'du mi byed pa dang / gang ma 'ongs pa'i dus kyi chos
195a4 rnams mi skye mi 'byung bar rtog cing byang chub tu bsngo ba'i brtson 'grus mi 'dor ba dang / da ltar byung ba'i dus na chos rnams 'dug pa med cing mi gnas par rtogs te/ byang chub
195a5 sems dpa' lhag pa'i bsam pa rab tu brtan pa ni byang chub kyi sems kyang mi brjed de/ 'di ni byang chub sems dpa'i dus gsum la mkhas pa zhes bya'o/ /gzhan yang / gang
195a6 'das pa de ni zab pa'o/ /ma 'ongs pa de ni ma phyin pa'o/ /da ltar byung ba de ni gnas pa med pa'o/ /gang de ltar sems dang / sems las byung ba skyes pa dang / zhig pa dang / zhum
195a7 pa rnams la rtog cing byang chub sgrub pa'i dge ba'i rtsa ba rnams kyang yang dag par sgrub pa 'di ni byang chub sems dpa'i dus gsum la mkhas pa zhes bya'o/ /gzhan yang / gang
195b1 mngon par shes pa la mkhas pas 'das pa'i dus rjes su dran te/ sngon dge ba'i rtsa ba bskyed pa rnams rjes su dran nas byang chub tu yongs su bsngo ba dang / gang ma 'ongs pa'i dus na dge
195b2 ba'i sems bskyed pa rnams rab tu shes pa dang / de la smon pa yongs su rdzogs par byed pa dang / gang da ltar byung ba'i dus na dge ba'i rtsa ba skyes shing byung ba rnams yid la byed cing gnas par
195b3 byed de/ byang chub tu yongs su bsngo ba 'di ni dus gsum la mkhas pa zhes bya'o/ /gzhan yang / gang sems can thams cad yongs su smin par bya ba'i phyir 'das pa'i bsod nams kyi tshogs dran
195b4 nas sems can gang dag ji ltar smin par bya ba de dag thams cad de bzhin du yongs su smin par byed de/ gang ma 'ongs pa'i dus kyi sangs rgyas mnyes par bya bas yongs su smin par bya ba de dag thams
195b5 cad de bzhin du yongs su smin par byed pa dang / da ltar byung ba'i sems can gang dag chos bstan pa'am/ rdzu 'phrul gyi cho 'phrul gyis yongs su smin par bya ba de dag thams cad kyang de bzhin du yongs su smin
195b6 par byed de/ gang dus gsum 'di dag la bdag gi don dang / gzhan gyi don dang / byang chub kyi don de dag thams cad ma chags pas yongs su rdzogs par byed pa 'di ni/ byang chub sems dpa'i dus
195b7 gsum la mkhas pa zhes bya'o/ /de la byang chub sems dpa'i theg pa thams cad la mkhas pa gang zhe na/ gsum po 'di dag ni theg pa ste/ nges par 'byin pa'o/ /gsum po gang zhe na/ 'di lta ste/ nyan
196a1 thos kyi theg pa dang / rang sangs rgyas kyi theg pa dang / theg pa chen po'o/ /gzhan yang / theg pa gnyis te/ gnyis gang zhe na/ lha'i theg pa dang / mi'i
196a2 theg pa'o/ /de la byang chub sems dpa'i theg pa la mkhas pa gang zhe na/ sangs rgyas byung ba med pas nyan thos kyi theg pa'ang med do/ /de ci'i phyir zhe na/ nyan thos rnams kyi
196a3 yang dag par lta ba ni pha rol gyi sgra'i rjes su 'gro ba'o/ /de la nyan pa ni gang 'di tshul khrims sdom pa ste/ ji ltar bslab pa bcas pa'i rjes su 'jug pa ni tshul khrims kyi phung
196a4 bo yongs su rdzogs par 'gyur te/ tshul khrims kyi phung po yongs su rdzogs nas ting nge 'dzin gyi phung po yongs su rdzogs par byed pa dang / ting nge 'dzin gyi phung po yongs su
196a5 rdzogs nas shes rab kyi phung po yongs su rdzogs par byed pa dang / shes rab kyi phung po yongs su rdzogs nas rnam par grol ba'i phung po yongs su rdzogs par byed pa dang / rnam
196a6 par grol ba'i phung po yongs su rdzogs nas rnam par grol ba'i ye shes mthong ba'i phung po yongs su rdzogs par byed pa ste/ gang 'di la mkhas pa 'di ni nyan thos kyi theg pa la
196a7 mkhas pa zhes bya'o/ /gzhan yang / nyan thos kyi theg pa la mkhas pa ni gang bsod nams dang / bsod nams ma yin pa dang / mi g.yo ba'i 'du byed rnams la rnam par smod
196b1 pa dang / khams gsum pa thams cad la yid byung zhing 'dod chags dang bral ba dang / 'du byed thams cad la mi rtag pa dang / sdug bsngal bar rtog pa dang / chos thams cad
196b2 la bdag med par rtog pa dang / mya ngan las 'das pa zhi ba la mngon par dga' ba dang / skad cig kyang srid par skye bar mi 'dod pa dang / rtag tu 'jig par lta ba dang / rtag tu
196b3 yid mi rton pa dang / phung po rnams la gsod par 'du shes pa dang / khams rnams la sbrul gdug pa lta bur rtog pa'i 'du shes pa dang / skye mched rnams la grong stong lta bur
196b4 'du shes pa dang / skye ba'i gnas thams cad la mi smon pa'i 'du shes dang / mya ngan las 'das pa la gnas dang / skyabs su 'du shes pa dang / gang 'di ltar ston pa dang / rab tu ston pa
196b5 'di ni byang chub sems dpa'i nyan thos kyi theg pa la mkhas pa zhes bya'o/ /de la byang chub sems dpa'i rang sangs rgyas kyi theg pa la mkhas pa gang zhe na/ rnam pa gang dang / rkyen gang
196b6 gis rang sangs rgyas rnams nges par 'byung bar 'gyur ba'i rnam pa de dag dang / rkyen de dag byang chub sems dpas yang dag pa ji lta ba bzhin du rab tu shes te/ de dag gang zhe na/ 'di
196b7 lta ste/ 'dun pa dang / brtson 'grus dang / bag yod pa chen pos nyan thos kyi lta bu ma yin pa'i sbyin pa'i bsod nams kyi tshogs gsog pa dang / tshul khrims kyi bsod nams kyi
197a1 tshogs gsog pa dang / thos pa nyung ba la chos kyi nan tan byed pa dang / sangs rgyas bcom ldan 'das rnams la rim gro dang / bsnyen bkur byed pa la'ang zhum
197a2 pa med pa dang / dbang po bar ma dang / rtag tu rab tu 'byung ba la gzhol ba dang / don nyung ba dang / byed pa nyung ba dang / 'du 'dzin la mi dga' zhing dben pa la dga' ba dang / rab
197a3 tu dben par gnas mal 'cha' ba dang / bsnyen par dga' ba dang / mthu che ba dang / sbyin pa'i gnas kyi sa la mngon par dga' ba dang / rgyun mi 'chad par rten cing
197a4 'brel bar 'byung ba la lta ba dang / nges par 'byung ba'i dbyings gcig la rtog pa dang / rang byung gi ye shes kyis rab tu brgal ba dang / dmigs pa la 'jug pa 'thob pa dang /
197a5 bsam gtan dang / rnam par thar ba dang / ting nge 'dzin dang / snyoms par 'jug pa la rgyun ma chad pa dang / gzhan gyi dring la mi 'jog pa'i ye shes skyed pa dang / dmigs
197a6 pa gang yang rung ba la rkyen gyi ye shes rtogs pa ste/ gang de ltar 'chad pa dang / ston pa dang / rab tu ston pa 'di ni byang chub sems dpa'i rang sangs rgyas kyi theg pa la mkhas pa
197a7 zhes bya'o/ /de la byang chub sems dpa'i theg pa chen po la mkhas pa gang zhe na/ byang chub sems dpa'i theg pa chen po la mkhas pa ni dpag tu med de/ de las phyogs
197b1 tsam zhig bstan to/ /theg pa de ni sems can thams cad kyi go skabs 'byed pas na dpag tu med pa'o/ /theg pa de ni chags pa med pa'i ye shes la btang ba ste sgrib pa med pa'o/ /theg
197b2 pa de ni sems can thams cad nye bar 'tsho ba ste/ bsod nams kyi tshogs dang / dge ba'i rtsa ba thams cad bsags pa'o/ /theg pa de ni sems can thams cad kyi sems kyi
197b3 spyod pa la las su rung ba'i phyir pha rol tu phyin pa thams cad yongs su sbyang ba byas pa'o/ /theg pa de ni thogs pa med par byang chub kyi snying por 'gro bas na thams cad mkhyen pa'i
197b4 ye shes kyi tshogs nyams su len par byed pa'o/ /theg pa de ni sems can thams cad sbyin pa'i gnas kyi phyir sems can thams cad thogs pa med pa'i 'od zer mnyam par gtong
197b5 ba'o| |theg pa de ni sangs rgyas kyi chos thams cad mngon sum du gyur pa'i phyir lam ngan pa'i 'jigs pa thams cad las 'das pa'o/ /theg pa de ni byang chub kyi phyogs kyi chos thams
197b6 cad dang | rten cing 'brel bar 'byung ba'i rgyal mtshan dang / bdan bsgreng pa ste/ bdud dang / phas kyi rgol ba dang / ngan pa'i tshogs can gyi tshogs thams cad rab tu 'joms pa'o/ /
197b7 theg pa de ni sangs rgyas kyi theg pa sgrib pa med pa gyur pa ste/ mtha' dang / mtha' med pa dang / rtag pa dang / chad pa dang / 'byung ba dang / 'jig pa dang / lta bar gyur pa thams
198a1 cad dang / kun nas ldang ba dang / sgrib pa dang / chod pa dang / the tshom dang / 'gyod pa sel ba'o/ /theg pa de ni lhag pa'i bsam pa dang / snying rje
198a2 chen pos phye bas na chos thams cad phun sum tshogs pa/ rin po che thams cad dang ldan pa/ phun sum tshogs pa thams cad rnyed pa/ mi slu ba'i lam du 'gro pa/ sems can thams
198a3 nye bar 'tsho ba'o/ /theg pa de ni thams cad du kha na ma tho ba med pa ste/ stobs bcu dang / mi 'jigs pa dang / sangs rgyas kyi chos ma 'dres pa dang / mtshan dang / dpe byad bzang
198a4 po dang | lus dang / ngag dang / sems kyi rgyan gyis brgyan pa ste/ gang 'di la mkhas pa de ni byang chub sems dpa'i theg pa chen po la mkhas pa zhes bya'o/ /de la byang chub
198a5 sems dpa'i chos thams cad la mkhas pa gang zhe na/ chos thams cad ces bya ba ni mdor na 'dus byas dang / 'dus ma byas so/ /de la byang chub sems dpas 'dus
198a6 byas dang / 'dus ma byas la mkhas par bya ste/ de la byang chub sems dpa'i 'dus byas la mkhas pa gang zhe na/ gang de dag lus kyi 'du byed dge ba dang / ngag gi 'du byed dge
198a7 ba dang / yid kyi 'du byed dge ba mngon par 'dus byas pa de dag thams cad bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' 'dus
198b1 byas la mkhas pa zhes bya'o/ /gang yang dge ba'i lus dang / ngag dang / yid kyi 'du byed mngon par 'dus byas pa de dag thams cad byang chub la rtog pas thams cad mkhyen pa
198b2 nyid du yongs su bsngo ba 'di ni/ de'i 'dus ma byas la mkhas pa zhes bya'o/ /gzhan yang / 'dus byas la mkhas pa ni pha rol tu phyin pa lnga po dag yang dag par sgrub pa ste/ lnga gang
198b3 zhe na/ 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan
198b4 gyi pha rol tu phyin pa ste/ 'di ni byang chub sems dpa'i 'dus byas la mkhas pa zhes bya'o/ /gang yang shes rab kyi pha rol tu phyin pa 'dus ma byas kyi ye shes kyi pha rol tu phyin pa
198b5 lnga po dag la mi smod cing / pha rol tu phyin pa thams cad kyi tshogs dang / dge ba'i rtsa ba bsags pa'i phyir byang chub sems dpa'i rnam par grol ba zag pa med pa dang / thams cad
198b6 mkhyen pa nyid du yongs su bsngo ba 'di ni de'i 'dus ma byas la mkhas pa zhes bya'o/ /gzhan yang / 'dus byas la mkhas pa ni gang sems can thams cad la thogs pa med pa'i 'od
198b7 zer mnyam par gtong ba'i phyir bsdu ba'i dngos po bzhis sems can sdud pa 'di ni byang chub sems dpa'i 'dus byas la mkhas pa'o/ /gang yang sems can med pa dang / bdag med
199a1 pas mi 'dzin mi len mchog tu 'dzin par mi byed cing / bsdu ba'i dngos po la mkhas pa de'ang 'dus ma byas la mos pa thams cad mkhyen pa nyid du
199a2 yongs su bsngo ba 'di ni de'i 'dus ma byas la mkhas pa'o/ /gzhan yang / 'dus byas la mkhas pa ni gang 'khor ba'i rgyun gyi nyon mongs pa rnams gcod pa dang / 'khor ba'i rgyun gyi dge
199a3 ba'i rtsa ba rnams mi gcod pa dang / byang chub sgrub pa'i kun tu sbyor ba rnams kyi rgyun 'brel pa nyi tshe ba'i kun tu sbyor ba rnams kun tu mi spyad pa 'di ni 'dus byas la mkhas pa zhes
199a4 bya'o| |gang yang stong pa nyid dang / mtshan ma med pa dang / smon pa med pa'i chos rnams la 'dris par byed pa'i ye shes rtog pa la mkhas pa dang / byang chub gzhan gyi dring la
199a5 mi 'jog cing 'dus ma byas kyang mngon sum du mi byed pa 'di ni de'i 'dus ma byas la mkhas pa zhes bya'o/ /gzhan yang / 'dus byas la mkhas pa ni gang khams gsum la'ang spyod
199a6 la| khams gsum na spyod pa'i nyon mongs pa rnams kyis kyang mi gos pa 'di ni de'i 'dus byas la mkhas pa zhes bya'o/ /gzhan yang / khams gsum nas nges par 'byung ba'i ye
199a7 shes rab tu shes kyang nges par 'byung ba'i dbyings su'ang mi ltung ba 'di ni de'i 'dus ma byas la mkhas pa'o/ /gang chos thams cad la mkhas pa zhes smras pa de ni thams cad mkhyen
199b1 pa'i tshig bla dwags so/ /de ci'i phyir zhe na/ rtag tu dran pa dang / blo gros dang / shes rab la mkhas pas thams cad mkhyen pa'i ye shes tshad med cing mi chags pa yongs su rdzogs
199b2 par byed pa'i phyir te/ de'i phyir chos thams cad la mkhas pa zhes bya'o/ /btsun pa shA ra dwa ti'i bu/ mkhas pa brgyad po de dag gis zin pa'i byang chub sems dpa' rnams kyi shes
199b3 rab mi zad pa yin no/ /gzhan yang / dge ba dang / mi dge ba'i chos rnams rab tu shes pa ni shes rab bo/ /nges par 'byed pa'i cha dang mthun pa'i chos rnams la rtog pa ni shes rab bo/ /
199b4 'phags pa'i chos mngon par gyur pas na shes rab ni tshad mar gyur pa'o/ /shes rab ni lta bar gyur pa dang / kun nas ldang ba dang / sgrib pa dang / chod pa thams cad yang dag pa ji
199b5 lta ba bzhin du rab tu rtogs pa'o/ /shes rab ni 'dod pa dang / re ba dang / smon pa thams cad kyi smon lam dang bral ba'o/ /shes rab ni nyon mongs pa'i yongs su gdung ba thams cad
199b6 'jil bas na sim par byed pa'o/ /shes rab ni chos kyi kun dga' la dga' ba'i rgyun ma chad pas na mchog tu dga' bar byed pa'o/ /shes rab ni don shes pa mngon sum du gyur pas
199b7 rton pa'o/ /shes rab ni byang chub kyi phyogs kyi chos sum cu rtsa bdun po dag gi rten to/ /shes rab ni theg pa ji lta ba bzhin du 'bras bu thob par gyur pas na thob pa'i mtshan nyid do/ /shes
200a1 rab ni rang bzhin gyis ye shes snang bas na rab tu shes pa'i mtshan nyid do/ /shes rab ni chu bo thams cad las sgrol bas na yang dag par rab tu sgrol
200a2 ba'o| |shes rab ni yang dag par skyon med par 'dren pa'o/ /shes rab ni dge ba'i chos thams cad rab tu sdud pa'o/ /shes rab ni sngon gyi nyon mongs pa dang / bag la nyal thams
200a3 cad dang bar byed pa'o/ /shes rab ni rtse mor gyur pa'i shes rab kyi mchog go /shes rab ni rang byung gi ye shes rtogs pa'i phyir gya nom pa'o/ /shes rab ni khams gsum pa thams
200a4 cad dang ma 'dres pa'i phyir rgyu dang bral ba'o/ /shes rab ni thabs kun gyis zin pa'o/ /shes rab ni 'phags pa thams cad kyis yongs su bzung ba'o/ /shes rab ni mtshan ma
200a5 dang | yongs su rtog pa thams cad dang bral ba'i phyir tshad gzung du med pa'o/ /shes rab ni ma rig pa dang / gti mug gi mun pa thams cad ngang bral bas na bag med pa'i gnyen
200a6 po'o| |shes rab ni rnal 'byor spyod pa'i sa la gnas pa thams cad kyi sbyor ba'o/ /shes rab ni theg pa thams cad la yang dag par zhugs pa rnams kyi 'dren pa'o/ /shes rab
200a7 ni ma rig pa dang / gti mug gi mun pa dang rab ring kyi ling tog sel bar byed pa'i phyir snang bar byed pa'o/ /shes rab ni mig la ji ltar mos pa rnams la mig thams cad
200b1 spyin par byed pa'o/ /shes rab ni mig dang / gzugs kyi lam las yang dag par 'das pa dang / de bzhin du rna ba dang / sgra dang / sna dang / dri dang / lce dang / ro dang / lus dang /
200b2 reg bya dang / yid dang / chos kyi lam las yang dag par 'das pa'i phyir gnas med pa'o/ /shes rab ni bden pa las nges par 'byung bas don dam pa'o/ /shes rab ni shin tu
200b3 dul ba rnams kyi mi 'khrugs pa'o/ /shes rab ni ye shes kyi sgo rnams kyi snang ba'o/ /shes rab ni thams cad du rgyu ba ste mi zad pa'o/ /shes rab ni brten pa las 'jug pa mthong ba
200b4 ste mi 'gal ba'o/ /shes rab ni 'dzin pa dang / nyon mongs pa'i bcings pa thams cad gcod pa'i phyir rnam par thar pa'i lam mo/ /shes rab ni nyon mongs pa thams cad dang ma 'dres/
200b5 pa'o| |shes rab ni 'grogs pa dang / sgrib pa dang / sgrib par 'gyur pa'i chos thams cad dang lhan cig mi gnas pa'o/ /sems can thams cad kyi sems kyi spyod pa ji snyed par shes
200b6 rab dang / ye shes kyi las kyang de snyed do/ /sems can thams cad kyi nyon mongs pa dang / bag la nyal ji snyed par shes rab kyi spyod pa'i ye shes kyang de snyed do/ /sems can thams
200b7 cad kyi nyon mongs pa'i sgo ji snyed par shes rab la 'jug pa'i sgo'ang de snyed do/ /nyan thos dang / rang sangs rgyas dang / byang chub sems dpa' dang / yang dag par rdzogs pa'i
201a1 sangs rgyas rnams kyi shes rab ji snyed pa shes rab kyi gnas dang / rten kyang de snyed do/ /de la byang chub sems dpas bslab par bya'o/ /btsun pa shA ra dwa
201a2 ti'i bu/ de ni byang chub sems dpa' rnams kyi shes rab mi zad pa ste/ shes rab mi zad pa 'dis byang chub sems dpa' rnams ye shes mi zad pa thob par 'gyur ro/ /shes
201a3 rab mi zad pa bstan pa'i chos kyi le'u 'di bshad pa na byang chub sems dpa' sngon yongs su sbyang ba byas pa sum khri nyis stong gis mi skye ba'i chos la bzod pa thob par gyur
201a4 to| |de nas byang chub sems dpa' blo gros mi zad pas tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu/ byang chub sems dpa' rnams kyi
201a5 byams pa'ang mi zad pa ste/ de ci'i phyir zhe na/ thug pa med pa'i phyir ro/ /byang chub sems dpa' rnams kyi byams pa ni thug pa med par shes par bya ste/ de dag gi byams
201a6 pa nye bar sgrub pa yongs su chad pa med do/ /'di ltar sems can gyis khams ji tsam pa de tsam du byang chub sems dpa' de'i byams pa'i sems bskyed pas khyab par byed
201a7 do| |btsun pa shA ra dwa ti'i bu/ 'di lta ste/ dper na/ nam mkha' 'dis gar yang ma khyab pa med do/ /btsun pa shA ra dwa ti'i bu/ de bzhin du byang chub sems dpa'i byams
201b1 pa 'dis gar ma khyab pa'i sems can de gang yang med do/ /'di lta ste/ dper na/ sems can gyi khams ni tshad med de/ de la zad pa med do/ /de bzhin du byang chub sems dpa'i
201b2 byams pa bsgom pa'ang tshad med de/ de la zad pa med do/ /'di ltar nam mkha'i mi zad pas na sems can mi zad pa'o/ /sems can mi zad pas na byams pa mi zad de/ de'i phyir
201b3 skyes bu dam pa de dag gi byams pa mi zad pa zhes bya'o/ /de skad ces smras pa dang / gnas brtan shA ri'i bus byang chub sems dpa' blo gros mi zad pa la 'di skad ces smras so/ /rigs
201b4 kyi bu/ sems can gyi khams 'di ji tsam/ blo gros mi zad pas smras pa/ btsun pa shA ra dwa ti'i bu/ sa'i khams dang / chu'i khams dang / me'i khams dang / rlung gi khams ji
201b5 snyed pa de bas kyang sems can gyi khams ches mang ngo / /smras pa/ rigs kyi bu/ dpe bya bar nus sam/ blo gros mi zad pas smras pa/ btsun pa shA ra dwa ti'i bu/ nus mod kyi rgyu chung
201b6 ngus ni ma yin no/ /btsun pa shA ra dwa ti'i bu/ 'di lta ste/ dper na/ shar phyogs kyi 'jig rten gyi khams gang+gA'i klung gi bye ma snyed de/ de bzhin du lho phyogs dang / de bzhin du nub phyogs
201b7 dang | de bzhin du byang phyogs dang / de bzhin du phyogs bcu kun tu phyogs re rer yang 'jig rten gyi khams gang+gA'i klung gi bye ma snyed de dag thams cad rgya mtsho chen po chus yongs
202a1 su gang ba gcig tu gyur la/ sems can gang+gA'i klung gi bye ma snyed dag 'dus te skra'i rtse mo brgyar gshags pa'i chas de las chu thigs pa gcig blangs
202a2 la| de bzhin du gang na'ang sems can gang+gA'i klung gi bye ma snyed dag 'dus te bskal pa gang+gA'i klung gi bye ma snyed dag na skra'i rtse mo brgyar gshags pa'i chas chu las thigs pa
202a3 gnyis blangs la/ mtshan ma bzhag pa 'di dang / bgrang ba 'di lta bus bskal pa gang+gA'i klung gi bye ma snyed cing sems can gang+gA'i klung gi bye ma snyed dag gis skra'i rtse mo brgyar
202a4 gshags pa'i chas chu'i thigs pa re re blangs pas chu'i phung po de tsam zad par gyur kyang sems can gyi khams de ni thug pa'am zad pa gang yang med do/ /btsun pa shA ra dwa
202a5 ti'i bu/ de ltar sems can gyi khams tshad med de/ de dag la byang chub sems dpa'i byams pas khyab par byed do/ /btsun pa shA ra dwa ti'i bu/ 'di ji snyam du sems/ gang
202a6 gi byams pa de lta bur sgom pa'i dge ba'i rtsa ba tshad med pa de zad par nus sam/ smras pa/ rigs kyi bu/ de ni ma yin te/ byams pa sgom pa'i dge ba'i rtsa ba 'di 'dra ba
202a7 zad par su 'dod pa de nam mkha' zad par 'dod do/ /byang chub sems dpa' gang gis byams pa mi zad pa 'di thos nas skrag par mi 'gyur na/ de dag kyang byams pa mi
202b1 zad par 'phags par 'gyur ro/ /blo gros mi zad pas smras pa/ btsun pa shA ra dwa ti'i bu/ byams pa ni bdag srung zhing gzhan la phan par gnas pa ste/ mchog tu rtsod pa med pa
202b2 dang | gnod sems kyi tha ba'i skyon dang / khro ba dang / 'khon du 'dzin pa thams cad rab tu 'joms pa'o/ /bag la nyal dang / kun nas ldang ba dang bral ba ste/ dad pa skyed cing sems
202b3 can thams cad kyi 'khrul pa la nyes par mi lta'o/ /yongs su gdung ba med cing lus dang / sems bde ba skyed pa ste/ gzhan gyi gnod par bya ba las shin tu 'das pa'o/ /nyes pa
202b4 thams cad kyi 'jigs pa dang bral ba ste/ 'phags pa'i lam dang mthun zhing gshe ba dang / sdang ba'i sems dang ldan pa'i sems can rnams dad par byed pa/ g.yul thams cad
202b5 las sgrol ba ste/ dbyig pa dang / mtshon cha 'chang ba ma yin no/ /sems can thams cad rab tu thar bar bya ba la dga' ba/ khong khro ba thams cad dang bral ba/ tshul 'chos pa dang / kha
202b6 gsag dang / thob kyis 'jal ba thams cad dang bral ba/ rnyed pa dang / bkur sti dang / tshigs su bcad pa thams cad 'byung bar byed pa/ brgya byin dang / tshangs pa dang / 'jig rten skyong ba
202b7 thams cad kyis phyag byas pa/ rang gi gzi brjid kyi rgyan gyis brgyan pa/ mkhas pas rab tu bsngags pa/ byis pa thams cad srung ba/ tshangs pa'i lam dang mthun pa/ 'dod pa'i khams
203a1 dang ma 'dres pa/ sems can thams cad thar pa'i lam gyi mchog theg pa thams cad yang dag par bsdus pa/ zang zing med pa'i bsod nams kyis bzung ba/
203a2 bsod nams kyi tshogs thams cad bsags pa/ rdzas las byung ba'i bsod nams bya ba'i dngos po thams cad kyis zil gyis nyin no ba/ skyes bu chen po'i mtshan sum cu rtsa gnyis dang /
203a3 dpe byad bzang po brgyad cus brgyan pa/ dbang po nyams pa dang / ma tshang ba thams cad spangs pa/ bde 'gro thams cad dang / mya ngan las 'das pa'i lam dang mthun pa/ ngan song thams
203a4 cad dang / mi khom pa brgyad las 'das pa/ chos kyi kun dga' la mos pa/ 'dod pa dang / longs spyong kyi dbang phyug la mngon par dga' ba med pa/ sems can thams cad la sems
203a5 snyoms pa/ spyin pa'i spyor ba tha dad pa dang bral ba/ tshul khrims dang / bslab pa thams cad kyi sgo dang / tshul khrims 'chal ba thams cad yongs su skyob pa/ bzod pa'i stobs ston pa dang /
203a6 nga rgyal dang / rgyags pa dang / dregs pa thams cad dang bral ba/ 'phags pa rnams 'jug pa'i bsam gtan dang / ting nge 'dzin dang / snyoms par 'jug pa'i rtsa ba mi 'khrugs
203a7 pa'i brtson 'grus brtsams shing yang dag par sbyor ba/ bya ba thams cad las yang dag par sgrol ba/ bsam gtan dang / rnam par thar pa dang / ting nge 'dzin dang / snyoms par
203b1 'jug pas nyon mongs pa thams cad las nges par 'byung ba/ gsang sngags dang / thos pa 'dzin pas nges par sems pa'i shes rab kyi rgyu skyed pa/ rang gi phyogs dang / gzhan gyi phyogs la nges
203b2 pa| bdud kyi phyogs dang / nyon mongs pa rnams bsal ba/ 'grogs na bde ba/ bsnyen bkur dang 'jug pa'i rgyu mthun pa la sems pa/ spyod lam srung bar byed pa/ rgod pa thams cad
203b3 las 'das pa/ nga rgyal gyi las sel ba/ ngo tsha shes pa dang / khrel yod pas byugs shing dri zhim pa ste/ bag chags dang / mtshams sbyor ba dang / nyon mongs pa'i dri nga ba sbyong ba'o/ /btsun
203b4 pa shA ra dwa ti'i bu/ byams pa ni sems can thams cad yongs su skyob pa ste/ byams pa chen po ni bdag gi bde ba gtong zhing sems can rnams la bde ba sbyin pa'o/ /nyan thos rnams
203b5 kyi byams pa ni bdag skyong ba'o/ /byang chub sems dpa' rnams kyi byams pa chen po ni sems can thams cad yongs su skyob pa'o/ /btsun pa shA ra dwa ti'i bu/ byams pa ni chu bo
203b6 las sgrol ba'o/ /btsun pa shA ra dwa ti'i bu/ byams pa ni gsum po 'di dag ste/ gsum gang zhe na/ 'di lta ste/ sems can la dmigs pa'i byams pa dang / chos la dmigs
203b7 pa'i byams pa dang / dmigs pa med pa'i byams pa'o/ /de la sems can la dmigs pa'i byams pa ni sems dang po bskyed pa'i byang chub sems dpa' rnams kyi'o/ /chos la dmigs
204a1 pa'i byams pa ni spyod pa la zhugs pa'i byang chub sems dpa' rnams kyi'o/ /dmigs pa med pa'i byams pa ni mi skye ba'i chos la bzod pa thob pa'i
204a2 byang chub sems dpa' rnams kyi ste/ btsun pa shA ra dwa ti'i bu/ 'di ni byang chub sems dpa' rnams kyi byams pa mi zad pa zhes bya'o/ /btsun pa shA ra dwa ti'i bu/ gzhan yang / byang chub
204a3 sems dpa' rnams kyi snying rje chen po'ang mi zad pa ste/ de ci'i phyir zhe na/ sngon du 'gro ba'i phyir ro/ /btsun pa shA ra dwa ti'i bu/ 'di lta ste/ dper na/ dbugs byung ba dang / rdub pa ni
204a4 skyes bu chen po'i srog gi dbang po'i sngon du 'gro ba'o/ /de bzhin du theg pa chen po yang dag par bsgrub pa'i phyir byang chub sems dpa'i snying rje chen po ni sngon du 'gro ba'o/ /'di lta ste/
204a5 dper na/ 'khor los bsgyur ba'i rgyal po'i 'khor lo rin po chen rin po che sna bdun gyi sngon du 'gro ba'o/ /de bzhin du byang chub sems dpa' rnams thams cad mkhyen pa'i ye
204a6 shes yang dag par sgrub pa la snying rje chen po ni sngon du 'gro ba'o/ /'di lta ste/ dper na/ tshong dpon nam/ khyim bdag bu gcig pa la snying thag pa nas sdug par 'dzin pa de
204a7 bzhin du snying rje chen po la rab tu gnas pa'i byang chub sems dpa' sems can thams cad la snying thag pa nas sdug par 'dzin pa yin no/ /btsun pa shA ra dwa ti'i bu/ snying rje
204b1 chen po zhes bya ba ni 'di bdag nyid kyis bya bas na de'i phyir snying rje chen po zhes bya'o/ /rang gi bya bas na snying rje chen po'o/ /gzhan gyi skabs mi rnyed pas na snying rje chen po'o/ /g.yo
204b2 med pa las byung bas na snying rje chen po ni bsam pa thag pa nas bya ba'o/ /sgyu med pa las byung bas na snying rje chen po ni sbyor ba'o/ /phyir mi ldog pa las byung bas na snying rje chen po ni lhag
204b3 pa'i bsam pas bya ba'o/ /ma bcos pa las byung bas na snying rje chen po'i rang bzhin rig pa'o/ /lam drang po nas byung bas na snying rje chen po ni rang bzhin gyis yongs su dag pa'o/ /
204b4 gsal ba las byung bas na snying rje chen po ni sems kyi gyu med pa'o/ /sems can thams cad la 'dud pa las byung bas na snying rje chen po ni nga rgyal med pa'o/ /sems can tshad med
204b5 pa'i phyir snying rje chen po ni tshang med pa 'byung ba'o/ /de bzhin gshegs pa'i sku 'thob pa las byung bas na snying rje chen po ni bdag gi lus la mi lta ba'o/ /sdig pa thams cad mi bya ba
204b6 las byung bas na snying rje chen po ni srog la yid mi rtog pa'o/ /byang chub kyi sems las byung bas na snying rje chen po ni pha rol srung ba'o/ /rang gi sems yongs su dag pa las byung
204b7 bas na snying rje chen po ni sems can srung ba'o/ /sems can thams cad kyi sdug bsngal sel ba las byung bas na snying rje chen po ni dbul po dang / sdug bsngal ba dang / mgon med
205a1 pa la lta ba'o/ /blo mi 'gyur ba las byung bas na snying rje chen po ni dam bcas pa/ brten pa'o/ /bdag dang / sangs rgyas dang / lha rnams mi slu ba las byung
205a2 bas na snying rje chen po ni bden pa la lta ba'o/ /legs par byas pa'i las las byung bas na snying rje chen po ni spyod pa dag pa'o/ /pha rol la bde ba rab tu sbyin pa las byung pas na snying rje chen
205a3 po ni bdag gi bde ba gtong ba'o/ /sred pa med pa las byung bas na snying rje chen po ni gzhan gyi bde ba bskyed pa'o/ /brtson 'grus brtan pa rtsom pa las byung ba na snying rje chen po ni sems
205a4 can thams cad kyi khur khyer ba'o/ /sems can gyi mthu chung ba'o nyes pa dang du len pa las byung bas na snying rje chen po ni bla ma'i bzod pa yang dag par blangs pa'o/ /sems
205a5 can na ba rnams la rim gro byed pa las byung bas na snying rje chen po ni chags pa dang / smad pa sel ba'o/ /dman pa la mos pa'i sems can yongs su smin par bya ba las byung bas
205a6 na snying rje chen po ni chos kyi dbang phyug thob pa'o/ /pha rol gyi yon tan brjod pa las byung bas na snying rje chen po ni rang gi yon tan mi sbyoms pa'o/ /zag pa med pa'i bde ba 'dod
205a7 pa las byung bas na snying rje chen po ni sdug bsngal thams cad la ji mi snyam pa'o/ /las legs par byas te mi 'gyod pa las byung bas na snying rje chen po ni sdug cing phongs pa'i dngos po
205b1 yongs su gtong ba'o/ /tshul khrims 'chal ba'i sems can rnams srung ba las byung bas na snying rje chen po ni tshul khrims legs par bsrungs pas byung ba'o/ /rdo rje'i lus 'thob
205b2 pa las byung ba na snying rje chen po ni lus la gnod par byas pa dang du len pa'o/ /lus dang / srog la mi lta ba las byung bas na snying rje chen po ni sems can yongs su smin par byed
205b3 pa'o| |yan lag dang / snying lag yongs su gtong ba las byung bas na snying rje chen po ni mi lta ba'o/ /rang gi dge ba'i rtsa ba mi 'dod pa las byung bas na snying rje chen po ni sems can pha
205b4 rol po'i dge ba'i rtsa ba bskyed pa'o/ /phyir yang 'dod pa'i khams su dmigs pa las byung bas na snying rje chen po ni bsam gtan gyi ro mi myang ba'o/ /chags pa med pa'i ye shes
205b5 snang ba las byung bas na snying rje chen po ni kun nas snang ba'o/ /dge ba'i rtsa ba dang / tshogs kun la mi smod pa las byung bas na snying rje chen po ni shes rab la mi ltos pa'o/ /sems
205b6 can thams cad kyi bsam ba rdzogs par bya ba las byung bas na snying rje chen po ni kun tu bkye ba'o/ /sngon gyi smon lam mi gtong ba las byung bas na snying rje chen po ni sems can thams
205b7 cad rab tu thar bar byed pa'o/ /'dus byas la sems can yongs su smin par bya ba las byung bas na snying rje chen po ni 'dus ma byas pa la mi reg pa'o/ /sangs rgyas kyi tshul khrims la
206a1 sems can rnams rab tu 'gog pa las byung bas na snying rje chen po ni tshul khrims 'chal ba'i sems can rnams la lta ba'o/ /btsun pa shA ra dwa ti'i bu/
206a2 de ltar byang chub sems dpa'i nges par 'byung ba gang ci'ang rung ste de dag thams cad snying rje chen po las skyes pa ste/ de'i phyir snying rje chen po zhes bya'o/ /'di ltar sbyin par
206a3 byed pa dang / tshul khrims su byed pa dang / bzod par byed pa dang / brtson 'grus su byed pa dang / bsam gtan du byed pa dang / shes rab tu byed pa dang / thabs su byed pa dang / byang
206a4 chub kyi phyogs kyi chos thams cad byed pa ni snying rje chen po'o/ /bdag gi byed pa dang / rang 'byung gi ye shes sgrub par byed pa dang / legs par bya ba byed pa dang / 'gyod pa med
206a5 par byed pa dang / gdon mi za bar byed pa ni snying rje chen po'o/ /sems can thams cad kyi bya ba ci yod ces so sor nye bar gnas pa las byung bas na de'i phyir snying rje chen po zhes
206a6 bya'o| |btsun pa shA ra dwa ti'i bu/ 'di ni byang chub sems dpa' rnams kyi snying rje chen po mi bzad pa zhes bya'o// //ba ma po lnga pa/ btsun pa shA ra dwa ti'i bu/ gzhan
206a7 yang / byang chub sems dpa' rnams kyi dga' ba chen po'ang mi zad pa ste/ de la dga' ba chen po'ang gang zhe na/ gang sangs rgyas kyi chos rnams dran pa dang / rjes su dran pa
206b1 dang | dga' ba dang / mos pa dang / mchog tu dga' ba dang / sems ma gong zhing mi rdzi ba dang / sred pa med pa dang / 'dod pa'i dga' ba thams cad gton ba dang / chos kyi dga' ba
206b2 thams cad kyi rten dang / sems mchog tu dga' ba dang / lus rab tu sim pa dang / sangs rgyas la dga' zhing yi rang ba dang / de bzhin gshegs pa'i sku la dga' zhing mos pas
206b3 mtshan dang / dpe byad bzang po'i rgyan tshol ba la mkhas pa dang / dge ba'i chos mnyan pas mi skyo ba dang / de kho na'i chos la rton pa'i nan tan dang / dga' ba dang / dad pa dang /
206b4 mchog tu dga' ba dang / rab tu dga' bas chos la mos pa dang / rtag tu rgyun mi 'chad par sems can rnams la 'khong khro ba med pa'i blo dang / sangs rgyas kyi chos tshol ba la
206b5 shin tu 'dun pa dang / chos 'dun pa de'ang mi 'dor ba dang / sangs rgyas kyi chos rgya chen po dag la mos shing rnam par grol ba dang / nyi tshe ba'i theg pa bsal te sems bskyed pa dang /
206b6 ser sna med pas ma zhum par sems bskyed pa dang / slong ba la sbyin pa byin nas 'khor gsum yongs su dag par sbyangs pa dang / sbyin pa la mchog tu dga' ba dang / tshul khrims dang
206b7 ldan pa rnams la dad pa dang / tshul khrims 'chal pa rnams la rjes su 'dzin cing byams pa dang / rang gi tshul khrims yongs su dag pas ngan 'gro'i 'jigs pa thams cad
207a1 las shin tu 'da' bar dbugs 'byin pa dang / de bzhin gshegs pa'i tshul khrims la yongs su bsngo ba dang / brtan zhing mi phyed pa dang / pha rol
207a2 ngan du brjod pa dang / ngan du smra ba'i tshig gi lam la khong khro ba med pa'i sems kyis bzod cing nges pa dang / nga rgyal med pa dang / bla ma la 'dud cing ri mor byed pa dang / rtag tu
207a3 'dzum pa'i bzhin dang / khro gnyer med pa dang / gsong por smra ba dang / tshul 'chos pa med pa dang / kha gsag med pa dang / thob kyis 'jal ba med pa dang / bsam bdag pa
207a4 dang | brlang pa med pa dang / gya gyu med pa dang / thams cad la phan yon du lta ba dang / skyon med par lta ba dang / ltung ba mi gleng ba dang / yang dag par dga' bar 'gyur ba'i
207a5 chos kyi rjes su 'jug pa dang / byang chub sems dpa' rnams la ston pa ltar phangs su 'dzin pa dang / chos rnams la bdag bzhin du phangs su 'dzin pa dang / de bzhin
207a6 gshegs pa rnams la srog bzhin du phangs su 'dzin pa dang / bla ma rnams la pham bzhin du phangs su 'dzin pa dang / sems can rnams la bu bzhin du phangs su 'dzin pa
207a7 dang | mkhan po dang / slob dpon rnams la sangs rgyas bzhin du phangs su 'dzin pa dang / nan tan rnams la yan lag gi dam pa mgo bzhin du phangs su 'dzin pa dang / pha
207b1 rol tu phyin pa rnams la rkang lag bzhin du phangs su 'dzin pa dang / chos smra ba rnams la rin po che thams cad bzhin du phangs su 'dzin pa dang / sangs rgyas kyi chos thams cad la
207b2 yid bzhin gyi nor bu bzhin du phangs su 'dzin pa dang / rjes su bstan pa rnams la dga' ba'i rtsed mo bzhin du phangs su 'dzin pa dang / chog shes pa rnams la nad med pa bzhin du
207b3 phangs su 'dzin pa dang / chos btsal ba rnams la sman bzhin du phangs su 'dzin pa dang / skul zhing dran par byed pa rnams la sman pa bzhin du phangs su 'dzin pa ste/ btsun pa
207b4 shA ra dwa ti'i bu/ de ltar gang dbang po thams cad la dbang po ma gong ba 'di ni dga' ba chen po zhes bya'o/ /dga' ba chen po zhes bya ba ni rtogs pa'i ye shes kyi phyir zhi ba'i rnam
207b5 pa'o| |mi rgod pa'i phyir rab tu zhi ba'i rnam pa'o/ /khengs pa ma yin pa'i phyir shin tu sbyangs pa'i rnam pa'o/ /rnam par mi g.yeng ba'i phyir dbang po dga' ba'i rnam pa'o/ /mi nyams
207b6 pa'i phyir brtul zhugs kyi rnam pa'o/ /'dod pa'i phyir des pa'i rnam pa'o/ /bka' blo bde ba'i phyir thos pa'i rnam pa'o/ /sems las su rung ba'i phyir nye bar zhi ba'i rnam pa'o/ /las
207b7 legs par bya ba'i phyir dga' ba'i rnam pa'o/ /kha na ma tho ba med pa'i phyir mi 'gyod pa'i rnam pa'o/ /ma g.yos pa'i phyir shin tu gnas pa'i rnam pa'o/ /mi gnas pa'i phyir ma g.yos
208a1 pa'i rnam pa'o/ /thul bar dka' ba'i phyir bsnyen dka' ba'i rnam pa'o/ /chud mi za ba'i phyir don gyi rnam pa'o/ /ma nor ba de bzhin nyid kyi phyir bden
208a2 pa'i rnam pa'o/ /de byed pa'i phyir kho na'i rnam pa'o/ /stobs kyi phyir spro ba'i rnam pa'o/ /mi rdzi ba'i phyir stobs kyi rnam pa'o/ /sangs rgyas kyi chos thams cad yang dag pa ji lta
208a3 ba bzhin du tshol bas mi skyo ba'i phyir sangs rgyas kyi chos yongs su rdzogs par byed pa'i rnam pa ste/ btsun pa shA ra dwa ti'i bu/ 'di ni byang chub sems dpa' rnams kyi dga' ba
208a4 chen po mi zad pa zhes bya'o/ /btsun pa shA ra dwa ti'i bu /gzhan yang / byang chub sems dpa' rnams kyi btang snyoms kyang mi zad pa'o/ /de la byang chub sems dpa' rnams
208a5 kyi btang snyoms rnam pa gsum ste/ rnam pa gsum gang zhe na/ 'di lta ste/ nyon mongs pa la btang snyoms pa dang / bdag dang / gzhan bsrung ba'i phyir btang snyoms pa dang /
208a6 dus dang / dus ma yin pa la btang snyoms pa'o/ /de la nyon mongs pa la btang snyoms pa gang zhe na/ bsti stang du byas pas mtho bar mi sems pa dang / bsti stang du ma byas
208a7 pas dma' bar mi sems pa dang / rnyed pa dag la rlom sems med pa dang / ma rnyed pa dag la yi chad pa med pa dang / snyan pa dag la mngon par dga' ba med pa dang / mi
208b1 snyan pa dag la zhum pa med pa dang / smad pas sro shi bar mi 'gyur ba dang / bsngags pa la chos nyid rab tu gnas pa dang / sdug bsngal dag la so sor rtog pa'i stobs dang /
208b2 bde ba dag la mi rtag pa dang / sdug bsngal bar rtog pa'i stobs dang / rjes su chags pa 'dor ba dang / khong khro ba spong bas mdza' ba dang / mi mdza' ba dag la sems mnyam
208b3 pa dang / tshul khrims dang ldan pa dang / tshul khrims 'chal pa rnams la blo mnyam pa dang / legs par byas pa dang / nyes par byas pa rnams la'ang gnyis su mi byed pa dang / sdug
208b4 pa dang / mi sdug par mi lta ba dang / legs par thos pa dang / nyes par thos pa la mi mjed pa dang / legs par smras pa dang / nyes par smras pa la bag la nyal ba med pa dang / ro myang ba'i
208b5 nyes dmigs rnams la mtshungs par yongs su 'jal ba dang / sems can thams cad la bsam pa mnyam pa dang / lus dang / srog la mi lta ba dang / rab dang / 'bring dang /
208b6 tha ma rnams la 'od zer mnyam pa dang / bsngags pa dang / bsngags pa ma yin pa rnams la sems mnyam pa dang / bden pa dang / mi bden pa rnams la rang gi sems yongs
208b7 su dag pa ste/ btsun pa shA ra dwa ti'i bu/ de ltar gang ba sti stang du byed pa dang / gnod par byed pa la mtho dman du mi sems shing / de la byang chub sems dpa' btang snyoms pa
209a1 yin te/ btsun pa shA ra dwa ti'i bu/ 'di ni byang chub sems dpa' rnams kyi nyon mongs pa la btang snyoms pa zhes bya'o/ /de la byang chub sems
209a2 dpa' rnams kyi bdag dang / gzhan srung ba'i btang snyoms pa gang zhe na/ 'di la byang chub sems dpa'i lus dang / yan lag dang / nying lag rnams bcad kyang khong khro bar mi byed
209a3 cing mi tshol te btang snyoms pa yin no/ /lus kyi rnam par 'gyur ba dang / ngag gi rnam par 'gyur ba las kyang rung ste gnyis ka la bzod pas na de'i phyir btang snyoms zhes
209a4 bya'o| |mig gi rnam pas kyang rma mi phyin/ gzugs kyi rnam pas kyang rma mi phyin te/ gnyis kas kyang rma mi phyin to/ /de bzhin du rna bas ma yin/ sgras ma yin/ snas ma yin /
209a5 dris ma yin/ lces ma yin/ ros ma yin/ lus kyis ma yin/ reg byas ma yin/ yid kyi rnam pas kyang rma mi phyin/ chos kyi rnam pas kyang rma mi phyin te/ de'i phyir btang snyoms
209a6 zhes bya'o/ /rma mi phyin cing nyams pa med pas de'i phyir btang snyoms zhes bya'o/ /rma byung ba la rma ma phyin pas de'i phyir btang snyoms zhes bya'o/ /bdag dang / gzhan dang /
209a7 gnyis ka srung bas de'i phyir btang snyoms zhes bya'o/ /phan par byed pa dang / gnod par byed pa la mnyam par sbyor bas de'i phyir btang snyoms zhes bya'o/ /btang snyoms ni
209b1 mchog tu rtsod pa med pa'o/ /btang snyoms ni rang gi sems la nges par sems pa'o/ /btang snyoms ni gzhan kyi sems srung ba'o/ /btang snyoms ni bdag la rtog pa'o/ /btang
209b2 snyoms ni sems can gzhan dag la gnod pa med pa'o/ /btang snyoms ni byang chub sems dpa'i mnyam par bzhag pa'i gnas skabs yin te/ 'di ni byang chub sems dpa'i
209b3 bdag dang / gzhan srung ba'i btang snyoms zhes bya'o/ /de la byang chub sems dpa'i dus dang / dus ma yin pa la btang snyoms pa gang zhe na/ sangs rgyas bcom ldan 'das rnams
209b4 ni byang chub sems dpas btang snyoms bya bar bka' mi stsol to/ /de ci'i phyir zhe na/ byang chub sems dpas rtag tu bdag dang / gzhan gyi dge ba'i chos btsal ba la brtson zhing
209b5 'bad par bya ba'i phyir te/ des dus dang / dus ma yin par btang snyoms par bya'o/ /de la dus dang / dus ma yin pa'i btang snyoms gang zhe na/ snod ma yin pa dang / nyan par mi 'dod
209b6 pa'i sems can rnams la btang snyoms pa dang / ma rnyed pa dang / smad pa dang / mi snyan pa dang / sdug bsngal ba la btang snyoms pa dang / sems can nyan thos kyi theg pa can
209b7 skyon med pa la zhugs pa rnams la btang snyoms pa dang / sbyin pa'i dus na tshul khrims brtul ba'i btang snyoms dang / tshul khrims kyi dus na sbyin pa brtul ba'i btang snyoms
210a1 dang | bzod pa'i dus na brtson 'grus brtul ba'i btang snyoms dang / brtson 'grus kyi dus na bsam gtan brtul ba'i btang snyoms dang / bsam gtan
210a2 gyi dus na sbyin pa la chags pa brtul ba'i btang snyoms dang / shes rab kyi dus na pha rol tu phyin pa lnga la dmigs pa brtul ba'i btang snyoms te/ 'di ni dus dang / dus ma yin
210a3 pa la btang snyoms pa zhes bya'o/ /de ltar gang mi bya ba'i chos rnams mi byed pa 'di ni btang snyoms zhes bya ste/ de dang / de la mi rtsol ba'o/ /gang gdon mi za ba'i chos rnams la
210a4 mi 'jug pa med pa dang / brtson 'grus dang / stobs dang / mos pa dang / mthu dang / brtson pa mi 'dor ba ste/ dge ba'i chos de dang / de dag yongs su rdzogs par byed pa 'di ni/
210a5 btsun pa shA ra dwa ti'i bu/ byang chub sems dpa' rnams kyi btang snyoms mi zad pa zhes bya'o/ /btsun pa shA ra dwa ti'i bu/ gzhan yang / byang chub sems dpa' rnams kyi mngon
210a6 par shes pa lnga 'ang mi zad pa ste/ lnga gang zhe na/ 'di lta ste/ lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa dang / rdzu 'phrul
210a7 bya ba shes pa'o/ /de la byang chub sems dpa' rnams kyi lha'i mig gang zhe na/ gang lha thams cad kyi lha'i mig dang / gang klu thams cad dang / gnod sbyin thams cad dang / dri
210b1 za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad kyi lha'i mig dang / gang slob pa dang / mi slob pa'i nyan thos thams cad kyi lha'i
210b2 mig dang / gang rang sangs rgyas thams cad kyi lha'i mig de dag pas byang chub sems dpa' thams cad mkhyen pa nyid las nges par byung ba/ rgya chen po las nges par byung ba rnams kyi lha'i
210b3 mig ni ches mchog go /ches dam pa'o/ /ches rab bo/ /ches phul lo/ /ches gsal lo/ /ches bzang ngo / /ches stobs dang ldan no/ /ches 'od gsal te/ lha'i mig des phyogs
210b4 bcu'i 'jig rten gyi khams mtha' yas mu med pa dag na gzugs su snang ba rags pa'am/ phra ba'am/ bzang po'am/ ngan pa'am/ rgyang ring po'am/ thag nye ba gang ci'ang rung
210b5 ste| de dag thams cad de dag gi lha'i mig des rig cing snang la shin tu rtogs/ shin tu rig /shin tu mthong ste/ phyogs bcu'i 'jig rten gyi khams mtha' yas mu med pa dag
210b6 na sems can gzugs med pa ma gtogs pa'i sems can gang dag 'gro ba thams cad du skyes pa de dag thams cad kyi 'chi 'pho dang / skye ba yang dag pa ji lta ba bzhin shes so/ /
210b7 de dag gi las kyi rgyu'ang yang dag pa ji lta ba bzhin du shes so/ /de dag gi las kyi 'bras bu dag /zhes pa'i rim pa'ang yang dag pa ji lta ba bzhin du shes so/ /phyogs bcu'i 'jig
211a1 rten gyi khams mtha' yas mu med pa dag na sangs rgyas bcom ldan 'das rnams kyi sangs rgyas kyi zhing gi yon tan bkod pa gang yin pa de dag thams cad
211a2 mthong ste/ mthong nas kyang rang gi tshul khrims yongs su dag pas rang gi zhing gi yon tan bkod pa yongs su dag par bya ba'i phyir bsod nams dang / ye shes kyi tshogs bsags
211a3 pa rnams yongs su bsngo ste/ tshul khrims kyi yon tan la gnas pa de dag gi yongs su bsngo ba 'grub par 'gyur ro/ /de dag gi lha'i mig des sangs rgyas bcom ldan 'das de
211a4 dag gi byang chub sems dpa'i dge 'dun gang yin pa de dag thams cad kyang mthong ngo / /mthong nas kyang skyes bu dam pa de dag gi cho ga dang / spyod pa dang / spyod yul dang /
211a5 dran pa dang / shes bzhin dang / spyod lam dang / gnas dang / mthu dang / chos dang / rnam par thar pa dang / ye shes dang / rten dang / gzungs dang / spobs pa la mkhas
211a6 pa dang / shes rab dang / ye shes dang / thabs la mkhas pa la 'jug pa gang yin pa de dag thams cad yongs su rdzogs par byed do/ /de dag gi mig de ni gzugs thams
211a7 cad mthong bas na sgrib pa med do/ /de dag gi mig de ni gzugs thams cad la mi chags pas na chags pa med pa'o/ /de dag gi mig de ni bag la nyal dang / lta ba dang / kun nas
211b1 ldang ba las rnam par grol ba'o/ /de dag gi mig de ni rang bzhin gyis 'od gsal bas na rnam par dag pa'o/ /de dag gi mig de ni yul thams cad la mi gnas pa'o/ /de dag gi
211b2 mig de ni nyon mongs pa dang / bag la nyal thams cad mi skye ba'o/ /de dag gi mig de ni the tshom med pas na rab rib med pa'o/ /de dag gi mig de ni sgrib par 'gyur ba'i chos thams
211b3 cad la kun nas ma langs pa'o/ /de dag gi mig de ni chos thams cad snang ba la gsal ba thob pa'o/ /de dag gi mig de ni ye shes la rton pa ste/ rnam par shes pa'i spyod yul ma
211b4 yin no/ /de dag gi mig de ni nyon mongs pa thams cad kyis ma chags mi sdang ma rmongs pa'o/ /de dag gi mig de ni 'phags pa'i dbang po rnams la nges par 'byed pa'i cha dang mthun pa'o/ /
211b5 de dag gi mig de ni sems can thams cad la 'od zer mnyam par gtong bas na thogs pa med pa'i ye shes nyid dang / de dag gi mig de ni sems kyi mi dge ba'i chos dang bral bas na
211b6 rnam par dag pa'o/ /de dag gi mig de ni rang bzhin gyis kun nas nyon mongs pa can ma yin pas dri ma med pa'o/ /de dag gi mig de ni bsam pa ma btang bas na sangs rgyas kyi spyan gyis
211b7 mngon par bsgrubs pa'o/ /de dag gi mig de ni rjes su chags pa dang / khong khro ba dang bral ba'i phyir ma chags ma bcings pa'o/ /de dag gi mig de ni don gyi spyod yul gyi bden pas nye bar
212a1 bsgrubs shing chos rnam par dag pa shes pa'i lam la ma chags par spyod pa'o/ /de ci'i phyir zhe na/ 'di ltar skyes bu dam pa de dag ni snying rje chen
212a2 po la gnas pa/ chos rnams rig pa/ don shin tu rtogs pa/ kha na ma tho ba med pa/ ji ltar mthong ba dang / thos pa bzhin du chos smra ba/ mi dge ba bsnyil ba/ byang chub kyi
212a3 snying po la mngon du phyogs pa/ sems gang du'ang thogs pa med pa/ ser sna can rnams la gtong ba dang ldan pa/ tshul khrims 'chal pa rnams la snying brtse ba can/ gnod
212a4 sems kyi sems dang ldan pa rnams la gnod par sems pa'i sems med pa/ le lo can rnams la brtson 'grus sgrub par byed pa/ sems rnam par g.yeng ba rnams
212a5 la bsam gtan gyi yan lag ston pa/ 'chal ba'i shes rab can rnams la shes rab kyi mig sbyin par byed pa/ lam ngan pa zhugs pa rnams la lam ston pa/ dman pa la
212a6 mos pa rnams la sangs rgyas kyi chos rgya chen po rtogs par byed pa/ thams cad mkhyen pa'i ye shes la 'dzud pa/ byang chub yongs su rdzogs par bya ba'i phyir mngon par shes pa
212a7 ma nyams pa rnams te/ 'di ni byang chub sems dpa' rnams kyi lha'i mig gi mngon par shes pa mi zad pa zhes bya'o/ /de la byang chub sems dpa' rnams kyi lha'i rna ba'i
212b1 mngon par shes pa mi zad pa gang zhe na/ gang lha thams cad kyi lha'i rna ba dang / gang klu thams cad dang / gnod sbyin thams cad dang / dri za dang / lha ma yin dang / nam mkha'
212b2 lding dang / mi'am ci dang / lto 'phye chen po dang / mi dang / mi ma yin pa thams cad kyi lha'i rna ba dang / gang slob pa dang / mi slob pa'i nyan thos thams cad kyi lha'i rna ba dang /
212b3 gang rang sangs rgyas thams cad kyi lha'i rna ba de dag pas byang chub sems dpa' thams cad mkhyen pa nyid las nges pa byung ba/ rgya chen po las nges par byung ba rnams kyi lha'i
212b4 rna ba ches mchog go /ches dam pa'o/ /ches rab bo/ /ches gsal lo/ /ches bzang ngo / /ches stobs dang ldan pa'o/ /ches 'od gsal te/ lha'i rna ba des phyogs bcu'i 'jig
212b5 rten gyi khams mtha' yas mu med pa dag na sgrar grags pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye
212b6 chen po dang / mi dang / mi ma yin pa'i sgra rnams dang / gang yang 'phags pa'i sgra nyan thos dang / rang sangs rgyas dang / byang chub sems dpa' dang / yang dag par rdzogs
212b7 pa'i sangs rgyas kyi sgra gang yin pa de dag thams cad de'i lha'i rna ba'i dbang po la grag par 'gyur te/ tha na sems can dmyal ba pa dang / dud 'gro'i skye gnas pa dang / gshin
213a1 rje'i 'jig rten pa dang / sbrang bu dang / phye ma leb dang / sbur bu dang / bung ba dag gi sgra gang yin pa de dag thams cad kyang thos so/ /sems kyi dmigs
213a2 pa dge ba dang / mi dge ba dang / lung du mi ston pa gang dag gis sems can de dag gi ngag gi las 'byung ba de dag thams cad kyang yang dag pa ji lta ba bzhin du rab tu shes
213a3 so| |ngag gi las gang dge ba'i rgyu yongs su 'dzin pa dang / ngag gi las gang mi dge ba'i rgyu yongs su 'dzin pa dang / ngag gi las gang lung du mi ston pa'i rgyu yongs su 'dzin
213a4 pa de dag thams cad kyang yang dag pa ji lta ba bzhin du rab tu shes so/ /'dod chags bag la nyal ba'i ngag gi las gang sdang bas 'byin pa dang / 'dod chags bag la nyal
213a5 ba'i ngag gi las gang rmongs pas 'byin pa dang / zhe sdang bag la nyal ba'i ngag gi las gang chags pas 'byin pa dang / zhe sdang bag la nyal ba'i ngag gi las gang rmongs pas
213a6 'byin pa dang / gti mug bag la nyal ba'i ngag gi las gang chags pas 'byin pa dang / gti mug bag la nyal ba'i ngag gi las gang sdang bas 'byin pa dang / 'dod chags
213a7 bag la nyal ba'i ngag gi las gang chags pa'i 'byin pa dang / zhe sdang bag la nyal ba'i ngag gi las gang sdang bas 'byin pa dang / gti mug bag la nyal ba'i ngag gi las
213b1 gang rmongs pas 'byin pa de dag thams cad yang dag pa ji lta ba bzhin du rab tu shes so/ /dag gi las gang bsam pa dag la sbyor ba nyams pa dang / ngag gi las gang sbyor ba dag
213b2 la bsam pa nyams pa dang / ngag gi las gang bsam pa'ang dag la sbyor ba'ang dag pa dang / ngag gi las gang bsam pa'ang ma dag la sbyor ba'ang ma dag pa de thams cad
213b3 lha'i rna ba'i mngon par shes pa'i ye shes thogs pa med pa des yang dag pa ji lta ba bzhin du rab tu shes so/ /de dag lha'i rna ba'i mngon par shes pa'i ye shes kyis 'phags pa dang /
213b4 'phags pa ma yin pa'i sgra rnams thos te/ thos nas kyang 'phags pa'i sgra rnams la rjes su chags par yang mi 'gyur/ 'phags pa ma yin pa'i sgra rnams la khong khro bar yang mi
213b5 'gyur te/ de dag 'phags pa'i sgra rnams la byams pa chen po thob cing 'phags pa ma yin pa'i sgra rnams la snying rje chen po 'thob bo/ /sgra thams cad la'ang sngon gyi mtha' dang / phyi
213b6 ma'i mtha' bye brag 'byed pa yang dag pa ji lta ba bzhin du rab tu shes so/ /de dag lha'i rna ba'i mngon par shes pa'i ye shes des sangs rgyas thams cad kyis gsungs pa thos te/ thos
213b7 nas kyang dran pa dang / shes bzhin dang / mi brjed pa'i chos nyid kyis thams cad 'dzin to/ /bzung nas kyang brjed par mi byed cing snod ji lta ba bzhin du sems can rnams la dran par byed
214a1 do| |snying po dang / snying po ma yin pa'i chos rnams kyang yang dag pa ji lta ba bzhin du rab tu shes so/ /de dag de bzhin gshegs pa gcig gi chos bstan
214a2 pa nyan na/ de bzhin gshegs pa gnyis pa'i chos bstan pa la sgrib par byed pa'am/ kun nas ldang bar byed pa mi byed do/ /sangs rgyas thams cad kyi gsungs pa snga phyi med
214a3 par 'dzin to/ /dge ba dang / mi dge ba dang / lung du ma bstan pa'i sgra gang dag thos pa de dag kyang dran pa dang / shes bzhin gyis dus dus su brjod do/ /gal te 'khor gyi dus yin yang
214a4 chos bstan pa'i dus ma yin par rig na 'jog ste/ chos nas kyang mi ston to/ /chos bstan pa'i dus yin la dbang gcig gi 'khor gyi dus yin na'ang thams cad la chos mi ston to/ /
214a5 bden par lung bstan pa'ang gzhan la gnod na lung mi ston to/ /mi bden pa'i lung bstan pa'ang don dang ldan zhing gzhan rjes su gzung ba dang mthun na thabs mkhas pa dang /
214a6 bdag gi sems yongs su dag pas lung ston to/ /sgra ji lta bu nyan par 'dod pa de lta bu'i sgra thos te/ sgra ji lta bu nyan par mi 'dod pa de lta bu'i sgra mi thos so/ /'khor gang na
214a7 chos ston pa de'i sems can thams cad kyi rna ba'i gnas kyi shes pa'ang yang dag pa ji lta ba bzhin du shes te/ shes nas kyang rang bzhin de 'dra ba'i chos ston to/ /de la sems
214b1 can gang dag chos shes par byed pa de dag ni de'i chos bstan pa thos so/ /sems can gang dag chos shes par byed pa ma yin pa de dag ni de'i chos bstan pa mi thos so/ /de
214b2 dag gi rna ba'i khams de ni chos kyi dbyings shin tu rnam par dag pa yin no/ /de dag gi rna ba'i khams de ni ye shes rnam par dag pa yin/ de dag gi rna ba'i khams de bdag gi
214b3 khams shin tu rnam par dag pa yin/ de dag gi rna ba'i khams de sems can gyi khams dang / srog gi khams dang / gang zag gi khams rnam par dag pa yin/ de dag gi rna ba'i khams
214b4 de sgra dang / yi ge dang / nges pa'i tshig ji lta ba bzhin du thos pas shin tu brtags pa yin/ 'gro ba lngar skyes pa'i sems can thams cad gang dag sgra dang / yi ge dang / nges
214b5 pa'i tshig sna tshogs smra ba de dag la skad ji lta ba bzhin du 'jug pas chos ston to/ /de dag gi lha'i rna ba'i khams de theg pa gzhan mi nyan pa'i phyir de bzhin gshegs pa'i lha'i snyan
214b6 du yongs su bsngos pa yin te/ 'di ni byang chub sems dpa' rnams kyi lha'i rna ba'i mngon par shes pa mi zad pa zhes bya'o/ /de la byang chub sems dpa' rnams kyi pha rol gyi sems
214b7 shes pa'i mngon par shes pa mi zad pa gang zhe na/ pha rol gyi sems shes pa zhes bya ba ni gang sems can thams cad kyi sngon gyi mtha'i sems shes pa dang / phyi ma'i mtha'i sems
215a1 shes pa dang / da ltar byung ba'i sems shes pa'o/ /de 'das pa'i sems shes pas sems can rnams kyi sngon gyi mthas byung ba'i sems la 'jug ste/
215a2 sems can 'di'i sems 'di ni rgyu che'o/ /sems can 'di'i sems 'di ni rgyu 'bring ngo / /sems can 'di'i sems 'di ni rgyu chung ngo / /sems can 'di'i dbang po rnams ni
215a3 sbyin pa'i rnam pa'i rgyu dang ldan no/ /sems can 'di'i dbang po rnams ni tshul khrims kyi rnam pa'i rgyu dang ldan no/ /sems can 'di'i dbang po rnams ni bzod pa'i rnam pa'i rgyu
215a4 dang ldan no/ /sems can 'di'i dbang po rnams ni brtson 'grus kyi rnam pa'i rgyu dang ldan no/ /sems can 'di'i dbang po rnams ni bsam gtan gyi rnam pa'i rgyu dang ldan no/ /sems
215a5 can 'di'i dbang po rnams ni shes rab kyi rnam pa'i rgyu dang ldan no/ /sems can 'di'i dbang po rnams ni byams pa'i rnam pa'i rgyu dang ldan no/ /sems can 'di'i dbang po rnams
215a6 ni snying rje'i rnam pa'i rgyu dang ldan no/ /sems can 'di'i dbang po rnams ni dga' ba'i rnam pa'i rgyu dang ldan no/ /sems can 'di'i dbang po rnams ni btang snyoms kyi rnam pa'i rgyu
215a7 dang ldan no/ /sems can 'di'i dbang po rnams ni nyan thos kyi theg pa'i rnam pa'i rgyu dang ldan no/ /sems can 'di'i dbang po rnams ni rang sangs rgyas kyi theg pa'i rnam pa'i rgyu
215b1 dang ldan no/ /sems can 'di'i dbang po rnams ni theg pa chen po'i rnam pa'i rgyu dang ldan no/ /sems can 'di ni rgyu'i stobs can te/ dge ba'i rtsa ba'i rgyu'i rgyun 'di dang ldan na sems
215b2 can 'di sbyor ba'i rgyus rigs dma' bar skyes so/ /sems can 'di ni bsam pa dag la sbyor ba ma dag pa'o/ /sems can 'di ni sbyor ba dag la bsam pa ma dag pa'o/ /sems can
215b3 'di ni bsam pa'ang dag la sbyor ba'ang dag pa'o/ /sems can 'di ni bsam pa'ang ma dag la sbyor ba'ang ma dag pa'o zhes de ltar gang sems can thams cad kyi sngon gyi rgyu las byung
215b4 byung ba'i dbang po rnams las sems kyi spyod pa shes pa de dag thams cad yang dag pa ji lta ba bzhin du rab tu shes te/ shes nas kyang so sor ci rigs par chos ston pa 'di ni sngon
215b5 gyi mtha'i pha rol gyi sems shes pa zhes bya'o/ /de la phyi ma'i mtha'i pha rol gyi sems shes pa gang zhe na/ sems can 'di'i da ltar gyi sbyin pa'i rgyu ni ma 'ongs pa'i dus na 'di'i tshul
215b6 khrims kyi rgyur 'gyur ro/ /sems can 'di'i da ltar tshul khrims kyi rgyu ni ma 'ongs pa'i dus na 'di'i bzod pa'i rgyur 'gyur ro/ /sems can 'di'i da ltar bzod pa'i rgyu ni ma 'ongs
215b7 pa'i dus na 'di'i brtson 'grus kyi rgyur 'gyur ro/ /sems can 'di'i da ltar brtson 'grus kyi rgyu ni ma 'ongs pa'i dus na 'di'i bsam gtan 'gyur 'gyur ro/ /sems can 'di'i da
216a1 ltar bsam gtan gyi rgyu ni ma 'ongs pa'i dus na 'di'i shes rab kyi rgyur 'gyur ro/ /sems can 'di'i da ltar 'jig rten pa'i shes pa dang spyod pa'i rgyu ni ma
216a2 'ongs pa'i dus na 'di'i 'jig rten las 'das pa'i rgyur 'gyur ro/ /sems can 'di'i da ltar dbang po dman pa'i rgyu ni ma 'ongs pa'i dus na 'di'i theg pa chen po'i rgyur 'gyur ro zhes de
216a3 ltar ma 'ongs pa'i dus na sems can rnams kyi rgyu gang dang / rkyen gang dag dang / rnam pa gang dag ma 'ongs pa'i dus na 'byung bar 'gyur ba'i sems can rnams kyi rgyu de dag dang / rkyen
216a4 de dag dang / rnam pa de dag byang chub sems dpas yang dag pa ji lta ba bzhin du rab tu shes so/ /de sems can thams cad yongs su smin par bya ba la skyo bar mi 'gyur te/ de'i
216a5 sems la 'jug pa'i shes pa dang / chos kyi snod du gyur pa ji snyed pa de snyed du chos ston to/ /'bras bu yod par chos ston pa yin te/ chos kyi gtam la ser sna mi byed pa 'di ni phyi ma'i
216a6 mtha'i pha rol gyi sems shes pa zhes bya'o/ /de la da ltar byung ba'i pha rol gyi sems shes pa gang zhe na/ gang da ltar byung ba'i dus na sems can thams cad kyi sems dang / sems
216a7 las byung ba gang dag skye ba de dag thams cad byang chub sems dpas yang dag pa ji lta ba bzhin du rab tu shes te/ des 'dod chags dang bcas pa'i sems kyang 'dod chags
216b1 dang bcas pa'i sems su yang dag pa ji lta ba bzhin du rab tu shes so/ /'dod chags dang bral ba'i sems kyang 'dod chags dang bral ba'i sems su yang dag pa ji lta ba bzhin du rab
216b2 tu shes so/ /de bzhin du zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / nyon mongs pa dang bcas pa dang / nyon mongs pa
216b3 dang bral ba dang / bsdud pa dang / rnam par g.yengs pa dang / mnyam par bzhag pa dang / mnyam par ma bzhag pa dang / bying ba dang / rab tu 'dzin pa dang / rgod pa dang / mi rgod pa dang
216b4 rnam par zhi ba dang / rnam par ma zhi ba dang / rnam par grol ba dang / rnam par ma grol ba dang / rgya che ba dang / rgya che ba ma yin pa dang / chung ngu dang / yangs pa dang / chen por gyur pa dang /
216b5 tshad med pa'i sems kyang tshad med pa'i sems su yang dag pa ji lta ba bzhin du rab tu shes te/ de ltar nyon mongs pa gang dang / gang gis sems can gang dang / gang gis sems bsgribs
216b6 par gyur pa de dag thams cad yang dag pa ji lta ba bzhin du rab tu shes te/ shes nas kyang shes rab kyis ji ltar nyon mongs pa las nges par 'byung bar 'gyur bar chos ston to/ /de
216b7 'khor gang du 'gro bar thog ma nyid du 'khor de'i sems la lta ste/ bltas nas kyang so so ci rigs par chos ston to/ /de ltar gang sems can de dag gi dbang po mchog dang / mchog ma yin
217a1 ba shes pa de dag thams cad yang dag pa ji lta ba bzhin du rab tu shes so/ /rang gi sems bsgribs pa'am/ gzhan gyi sems bsgribs par mi 'gyur
217a2 ro| |de ci'i phyir zhe na/ 'di ltar byang chub sems dpa'i de'i sems kyi rgyun ni ye shes kyis rig pa/ dran pas rig pa/ blo gros kyis rig pa/ rtogs pas rig pa/ shes rab
217a3 kyis rig pa/ byang chub kyis rig pa'o/ /sems kyi rgyun ni nyon mongs pa dang bral ba/ bag chags kyi mtshams sbyor ba'i nyon mongs pa yang dag par chad pa dag pa/ dri ma med pa/
217a4 'od gsal ba/ kha na ma tho pa med pa/ mi brlang ba/ nyon mongs pa med pa/ rnyog pa med pa/ chos thams cad snang bas rig pa/ sems can thams cad kyi sems kyi spyod pa la zhugs
217a5 shing sems kyi rgyun shin tu rig pa ste/ de ltar gang de lta bu'i chos la sems 'bab pa shes pa la 'jug pa 'di ni byang chub sems dpa'i pha rol gyi sems shes pa'i mngon par
217a6 shes pa mi zad pa'o/ /de la byang chub sems dpa'i sngon gyi gnas rjes su dran pa'i shes pa mngon sum du byed pa'i mngon par shes pa gang zhe na/ des dran pa des sngon gyi gnas rjes
217a7 su dran te/ dran pa de ni chos kyi dbyings kyi gnas kyis shin tu byin gyis brlabs pa'o/ /rab tu rig pas ni mi g.yo ba'o/ /ye shes shin tu yongs su sbyang ba byas pas na mi rgod pa'o/ /
217b1 zhi gnas la rab tu gnas pas na 'tshe ba med pa'o/ /lhag mthong gis shin tu zin pas na nor ba med pa'o/ /mngon sum du shes pas na gzhan gyi dring la mi 'jog pa'o/ /dran zhing mi
217b2 brjed pa'i chos can pas na dran par bya ba'o/ /theg pa chen po rab tu shes pa'i phyir bsod nams kyi tshogs bsags pa'o/ /gzhan la rag ma lus pas na ye shes kyi tshogs bsags
217b3 pa'o| |thams cad kyi pha rol tu 'gro ba'i phyir pha rol tu phyin pa thams cad kyi tshogs bsags pa'o/ /de dran pa des sngon gyi gnas rjes su dran te/ des tshe rabs gcig kyang rjes su
217b4 dran no/ /gnyis dang / gsum dang / bzhi dang / lnga dang / bcu dang / nyi shu dang / sum cu dang / bzhi bcu dang / lnga bcu dang / tshe rabs brgya'ang rjes su dran no/ /tshe rabs stong dang /
217b5 tshe rabs brgya stong dang / tshe rabs brgya phrag du ma dang / tshe rabs stong phrag du ma dang / tshe rabs brgya stong phrag du ma dang / chags pa'i bskal pa dang / 'jig pa'i bskal pa dang /
217b6 chags pa'i bskal pa du ma dang / 'jig pa'i bskal pa du ma dang / chags pa dang / 'jig pa'i bskal pa du ma'ang rjes su dran no/ /bskal pa brgya dang / bskal pa stong dang / bskal
217b7 pa brgya stong dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma'ang rjes su dran te/ sems can ming che ge mo zhes bya ba de dag byung
218a1 bar gyur pa der bdag kyang byung ste/ bdag gi ming ni 'di zhes bya/ rigs ni 'di zhes bya/ rus ni 'di zhes bya/ kha dog ni 'di 'dra/ kha zas ni 'di lta bu
218a2 zhig za za/ tshe'i tshad ni 'di tsam zhig thub thub/ yun ni 'di srid cig gnas gnas/ bde ba dang / sdug bsngal ni 'di lta bu zhig myong ngo / /bdag de nas shi 'phos nas che ge mo zhig
218a3 tu skyes so/ /de nas kyang shi 'phos nas 'dir skyes te/ de ltar rnam pa dang bcas/ rgyu mtshan dang bcas/ yul phyogs dang bcas par sngon gyi gnas rnam pa mang po rjes su dran
218a4 no| |des bdag dang / sems can gzhan gyi sngon gyi mtha' nas bzung ste sngon gyi gnas rjes su dran no/ /de bdag gi dge ba'i rtsa ba dang / sems can gzhan gyi dge ba'i rtsa ba
218a5 sngon gyi rgyu las byung ba dran zhing bdag gi dge ba'i rtsa ba dran nas byang chub tu yongs su bsngo bar byed do/ /sems can gzhan gyi dge ba'i rtsa ba dran nas sems can rnams byang
218a6 chub tu sems bskyed du 'dzud do/ /gang sngon gyi 'du byed kyi sdug bsngal de'ang mi rtag pa dang / sdug bsngal ba dang / stong pa nyid dang / bdag med par rton par byed do/ /des mi rtag pa dang /
218a7 sdug bsngal ba dang / stong pa nyid dang / bdag med par rton pas gzugs kyis dregs pa med pa yin/ kha dog gis dregs pa med pa yin/ nad med pas dregs pa med pa yin/
218b1 lang tshos dregs pa med pa yin/ 'tsho bas dregs pa med pa yin/ longs spyod kyis dregs pa med pa yin/ g.yog 'khor gyis dregs pa med pa yin/ dbang phyug gis dregs pa med
218b2 pa yin/ brgya byin du 'dod pa med pa yin/ tshangs par 'dod pa med pa yin/ 'jig rten skyong bar 'dod pa med pa yin/ 'khor los bsgyur bar 'dod pa med pa yin/ skye ba thams cad
218b3 'dod pa med pa yin no/ /'dod pa dang / rgyal srid kyi dbang phyug la dbang byed pa thams cad kyang bdag la bde ba'i phyir mi 'dod de/ gzhan du na sems can yongs su smin par bya ba'i phyir
218b4 bsams bzhin du srid par skye ba 'dzin to/ /de mi rtag pa dang / sdug bsngal ba dang / stong pa nyid dang / bdag med par rton pas sngon gyi kun nas nyon mongs pa'i spyod pas ngo tsha zhing 'dzem
218b5 ste gnod zhing rnam par smod do/ /da ltar gyi tshe yang srog gi phyir yang mi bya ba mi byed cing de sngon gyi dge ba'i rtsa ba rnams byang chub tu yongs su bsngo ste rgyas par byed do/ /da ltar byung ba'i dge
218b6 ba'i rtsa ba'ang sems can thams cad dang thun mong du yongs su bsngo'o/ /des mi mthun par yongs su bsngo ba spangs te/ sangs rgyas kyi rigs dang / chos kyi rigs dang / dge 'dun gyi
218b7 rigs rgyun mi 'chad pa dang / thams cad mkhyen pa'i phyir yongs su bsngo ste/ 'di ni byang chub sems dpa' rnams kyi sngon gyi gnas rjes su dran pa zhes mngon sum du byed pa'i mngon
219a1 par shes pa mi zad pa'o/ /de la byang chub sems dpa' rnams kyi rdzu 'phrul bya ba shes pa mngon par shes pa gang zhe na/ gang 'dun pa dang / brtson 'grus
219a2 dang | sems dang / spyod pas rab tu zin pa'i chos rnams sgrub pa dang / las su rung ba dang / dbang byed pas des rdzu 'phrul gyi rkang pa bzhi po 'di dag shin tu bsgoms pa'i phyir
219a3 mngon par 'du byed pa med pa'i rdzu 'phrul mngon du thob par 'gyur te/ de rdzu 'phrul gyi cho 'phrul rnam pa du ma myong bar 'gyur ro/ /de'i rdzu 'phrul gyi cho 'phrul de dag ni sems can
219a4 la blta ba'i phyir rgya cher sems can yongs su smin par byed par 'gyur te/ de'i rdzu 'phrul gyi cho 'phrul gang gis sems can 'dul ba'i rdzu 'phrul gyi cho 'phrul de dang / de sems can
219a5 rnams la nye bar ston te/ gzugs su'am/ stobs su'am/ byin gyi rlabs su'ang rung ste/ de gzugs dang / kha dog tu snang ba gang dang / gang gis sems can 'dul bar 'gyur
219a6 ba'i gzugs dang / kha dog tu snang ba de dang / de nyid sems can rnams la nye bar ston to/ /sangs rgyas kyi gzugs dang / kha dog tu snang ba'am/ byang chub sems dpa'i gzugs dang /
219a7 kha dog tu snang ba'am/ rang sangs rgyas kyi gzugs dang / kha dog tu snang ba'am/ nyan thos kyi gzugs dang / kha dog tu snang ba'am/ brgya byin gyi gzugs dang / kha dog tu snang ba'am/
219b1 'jig rten skyong ba'i gzugs dang / kha dog tu snang ba'am/ 'khor los bsgyur ba'i gzugs dang / kha dog tu snang ba'am/ de bzhin du khyab 'jug dang / skem byed dang / dbang phyug chen po
219b2 dang | tshangs pa dang / skye dgu'i bdag po'i gzugs dang / kha dog tu snang ba'am/ gang de ma yin pa'i gzugs dang / kha dog tu snang ba tha na dud 'gro'i skye gnas kyi gzugs dang / kha dog tu
219b3 snang ba gang dang / gang gis sems can gdul bar 'gyur ba'i gzugs dang / kha dog tu snang ba de dang / de nyid ston te/ mos pa ji lta ba bzhin du sems can rnams la chos ston to/ /de stobs
219b4 gang dang / gang gis stobs snyems pa dang / khro ba dang / nga rgyal dang / rgyags pa dang / dregs pa'i shas che ba'i sems can rnams gdul bar bya ba'i stobs de dang / de nyid ston te/ yang na
219b5 brgya byin gyi stobs sam/ yang na tshangs pa'i stobs sam/ yang na 'jig rten skyong ba'i stobs sam/ yang na 'khor los bsgyur ba'i stobs sam/ yang na tshan po che'i stobs sam/ yang na
219b6 sred med kyi bu'i stobs kyi bzhi cha'am/ yang na sred med kyi bu'i stobs kyi phyed dam/ yang na sred med kyi bu'i stobs kyang rung ste/ byang chub sems dpa'i stobs gang dang ldan pas sor mo
219b7 gsum gyis ri'i rgyal bo ri rab bteg ste/ 'phang du dpag tshad 'bum drug khri bzhi stong tsam la rgyar dpag tshad brgyad khri bzhi stong du 'phags pa'ang 'di lta ste/ dper na/ skyu ru ra'i
220a1 'bras bu gcig bzhin du 'jig rten gyi khams gzhan du 'phangs kyang byang chub sems dpa' de'i stobs la nyams pa med do/ /stong gsum gyi stong
220a2 chen po'i 'jig rten gyi khams 'di ltar rgya che ba/ 'di ltar yangs pa chu'i khams nas bzung ste/ steng du 'og min gyi bar la thug pa 'di lag mthil gyi steng du bzhag ste
220a3 bskal pa'am/ bskal pa las lhag par 'dug la/ spyod lam thams cad kyang ston te/ byang chub sems dpa' de lta bu'i stobs dang / sems can stobs snyems shing khro ba
220a4 dang | nga rgyal dang / rgyags pa dang / dregs pa'i shas che ba rnams la stobs snyems pa dang / khro ba dang / nga rgyal dang / dregs pa gdul ba'i phyir chos ston to/ /de rdzu 'phrul gyi
220a5 rkang pa de dag gis byin gyi rlabs kyis ye shes 'thob bo/ /byang chub sems dpa'i byin gyi rlabs kyis ye shes de dag gang dang / gang la byin gyis brlabs pa de de kho na bzhin du
220a6 'gyur te/ des gal te rgya mtsho chen po la ba lang gi rjes tsam du gyur cig ces pa lang gi rjes su byin gyis brlabs na ba lang gi rjes tsam du 'dug go /ba lang gi rjes kyang rgya mtsho chen
220a7 por gyur cig ces byin gyis brlabs na rgya mtsho chen po nyid du 'dug go /gal te sreg pa'i bskal pa chu'i phung por gyur cig ces byin gyis brlabs na de chu'i phung po nyid du 'dug
220b1 go |chu'i phung po'ang me'i phung por gyur cig ces byin gyis brlabs na me'i phung po nyid du 'dug go /me'i phung po'ang rlung gi phung por gyur cig ces byin gyis brlabs na de rlung gi phung po
220b2 nyid du 'dug go /rlung gi phung po'ang me'i phung por gyur cig ces byin gyis brlabs na de me'i phung po nyid du 'dug go /me'i phung po'ang sa'i phung por gyur cig ces byin gyis brlabs na
220b3 de sa'i phung po nyid du 'dug go /sa'i phung po'ang me'i phung por gyur cig ces byin gyis brlabs na de me'i phung po nyid du 'dug go /de bzhin du tha ma dang / 'bring dang / rab kyi chos
220b4 gang dang / gang byin gyi rlabs kyis byin du brlabs pa de dag de kho na bzhin du 'dug go /de'i byin gyi rlabs de ni sangs rgyas bcom ldan 'das rnams ma gtogs par brgya byin nam/ tshangs
220b5 pa'am/ bdud dam/ bdud kyi ris kyi lha'am/ sus kyang rung ste/ 'jig rten du chos dang mthun pas sus kyang bskyod pa'am/ bsgul ba'am/ mi snang bar byed mi nus te/ sems can gyi ris
220b6 na gang byang chub sems dpa'i byin gyi rlabs de la bskyod pa'am/ bsgul ba'am/ mi snang bar byed nus pa'i sems can de gang yang med do/ /de byang chub sems dpa'i byin gyi rlabs
220b7 kyis ye shes kyi stobs bskyed pa des brjod pa sna tshogs dang / dga' ba dang / mgu ba lhur len pa'i sems can rnams la sgra ji lta ba bzhin du 'dug pas chos ston to/ /de'i rdzu 'phrul gyi
221a1 rkang pa de dag kyang mngon par 'phags pa'o/ /rang gi kha na las pa'o/ /'dud dang / nyon mongs pa thams cad kyi yul las 'das pa'o/ /sangs rgyas
221a2 kyi yul la 'jug pa'o/ /sems can thams cad la mi gnod par sbyor ba'o/ /dge ba'i rtsa ba dang / tshogs bsags pa'o/ /bdud dang / bdud kyi ris kyi lha rnams kyis mi 'phrogs
221a3 ba ste/ btsun pa shA ra dwa ti'i bu/ 'di ni byang chub sems dpa' rnams kyi rdzu 'phrul bya ba shes pa'i mngon par shes pa mi zad pa ste/ btsun pa shA ra dwa ti'i bu/ 'di dag ni byang chub
221a4 sems dpa' rnams kyi mngon par shes pa lnga mi zad pa zhes bya'o/ /btsun pa shA ra dwa ti'i bu/ gzhan yang / byang chub sems dpa' rnams kyi bsdu ba'i dngos po bzhi mi zad pa ste/
221a5 bzhi gang zhe na/ 'di lta ste/ sbyin pa dang / snyan par smra ba dang / don spyod pa dang / don mthun pa'o/ /de la sbyin pa ni gang zang zing sbyin pa dang / chos sbyin pa'o/ /snyan par smra
221a6 ba ni gang slong ba dang / chos nyan pa rnams la tshig 'jam zhing snyan par smra ba'o/ /de la don spyod pa ni gang bdag dang / gzhan dag gi don bsam pa bzhin du yongs su rdzogs par byed
221a7 pa'o| |de la don mthun pa ni gang theg pa gang la bdag yon tan du 'du shes pa'i theg pa de nyid la chos dang / zang zing len pa rnams rab tu 'god pa'o/ /gzhan yang / sbyin pa ni
221b1 gang slong ba rnams la yid mgu bar sbyin pa'o/ /de la snyan par smra ba ni gang slong ba rnams la mi smod pa'o/ /de la don spyod pa ni gang slong ba rnams kyi don yongs su rdzogs par byed pa'o//
221b2 de la don mthun pa ni gang theg pa de nyid la yang dag par 'dzud pa'o/ /gzhan yang / sbyin pa ni gang bsam pa thag pa nas gtong ba'o/ /snyan par smra ba ni gang sbyor ba yongs su chad pa
221b3 med pa'o/ /don sbyod pa ni gang lhag pa'i bsam pas byin te 'gyod pa med pa'o/ /don mthun pa ni gang theg pa chen po la yongs su bsngo ba'o/ /gzhan yang / sbyin pa ni gang byams pa'i
221b4 rjes su 'gro ba'i sems kyis yongs su gtong ba'o/ /snyan par smra ba ni gang dga' ba dang / mchog tu dga' bar gyur pa'i sems mi gtong ba'o/ /don spyod pa ni gang snying rje chen po yongs
221b5 su dag pa'i sems bskyed pas sems can thams cad kyi bya ba ci yod pa dag la brtson pa'o/ /don mthun pa ni gang btang snyoms dang ldan pa'i sems mtho dma' med cing thams cad
221b6 mkhyen pa'i ye shes la yongs su bsngo ba'i sems so/ /gzhan yang / sbyin pa ni gang chos bzhin btsal ba'i longs spyod rnams yongs su gtong ba'o/ /snyan par smra ba ni gang dag la
221b7 sbyin pa byin pa de dag chos la rab tu 'dzud pa'o/ /don spyod pa ni gang bdag gi don dang / gzhan gyi don yongs su rdzogs par byed pa'o/ /don mthun pa ni gang sems can thams cad kyi don
222a1 gyi phyir thams cad mkhyen pa nyid du sems bskyed pa'o/ /gzhan yang / sbyin pa ni gang nang dang / phyi'i dngos po rnams yongs su gtong ba'o/ /snyan par smra ba
222a2 ni gang chos thams cad kyi yon tan shes pa la slob dpon gyi dpe mkhyud med pa'o/ /don spyod pa ni gang bdag gi don btang ste gzhan gyi don byed pa'o/ /don mthun pa ni gang longs
222a3 spyod bsdus te lag tu thob pa'ang gzhan dag la byin nas mi dga' ba med pa'o/ /de la chos sbyin pa gang zhe na/ gang ji skad thos pa'i chos rnams ston pa'o/ /snyan par smra ba ni
222a4 gang zang zing med pa'i sems kyis chos yang dag par rab tu ston pa'o/ /don spyod pa ni gang gzhan dag la lung 'bogs pa dang / kha ton byed du 'jug pa la mi skyo ba'o/ /don
222a5 mthun pa ni gang thams cad mkhyen pa nyid kyi sems dang ma bral bas chos rnyed pa dang / gzhan dag kyang rab tu 'dzud pa'o/ /gzhan yang / chos kyi sbyin pa ni gang chos nyan pa 'ongs
222a6 shing lhags pa rnams la mi skyo zhing mi g.yeng bar chos ston pa'o/ /snyan par smra ba ni gang ji srid du rgyang ring por yang song ste/ dam pa'i chos yang dag par ston pa'o/ /don spyod pa ni
222a7 gang chos 'dod pa'i gang zag rnams lhung bzed 'chang ngam/ gos dang / zas dang / mal stan dang / na ba'i gsos sman dang / yo byad med dam/ gzhan yang / de dag la gang dang /
222b1 gang gis brel ba de dag thams cad phyin te/ lhag pa'i bsam par song ba'i sems kyi rgyud kyis chos ston pa'o/ /don mthun pa ni gang chos kyi sbyin pa byin te/ bla na med pa yang dag par rdzogs
222b2 pa'i byang chub tu yang dag par 'dzud cing yongs su bsngo ba'o/ /gzhan yang / chos kyi sbyin pa ni gang sbyin pa thams cad kyi mchog ni chos kyi sbyin pa yin par rig nas chos kyi sbyin pa yongs su
222b3 gtong ba'o/ /snyan par smra ba ni gang phan pa'i dngos po'i phyir chos ston to/ /don spyod pa ni gang don la rton pa'i chos ston gyi yi ge la rton pa ni ma yin no/ /don mthun pa ni gang sangs
222b4 rgyas kyi chos thams cad yongs su rdzogs par bya ba'i phyir chos ston pa'o/ /gzhan yang / chos sbyin pa ni gang sbyin pa'i pha rol tu phyin pa'o/ /snyan par smra ba ni gang tshul khrims kyi
222b5 pha rol tu phyin pa dang / bzod pa'i pha rol tu phyin pa'o/ /don spyod pa ni gang brtson 'grus kyi pha rol tu phyin pa'o/ /don mthun pa ni gang bsam gtan gyi pha rol tu phyin pa dang / shes
222b6 rab kyi pha rol tu phyin pa'o/ /gzhan yang / chos sbyin pa ni dang po sems bskyed pa'i byang chub sems dpa'i rnams kyi'o/ /snyan par smra ba ni spyod pa la zhugs pa'i byang chub sems dpa'
222b7 rnams kyi'o/ /don spyod pa ni phyir mi ldog pa'i byang chub sems dpa' rnams kyi'o/ /don mthun pa ni skye ba gcig gis thogs pa'i byang chub sems dpa' rnams kyi'o/ /gzhan yang chos
223a1 spyin pa ni byang chub kyi rtsa ba dang / sa bon gyi gzhi'o/ /snyan par smra ba ni byang chub kyi myu gu dang / 'dab ma yongs su rdzogs pa'o/ /don spyod pa ni byang chub kyi
223a2 me tog yongs su rgyas pa'o/ /don mthun pa ni byang chub kyi 'bras bu mngon par 'grub pa ste/ btsun pa shA ra dwa ti'i bu/ 'di dag ni byang chub sems dpa' rnams kyi bsdu ba'i
223a3 dngos po bzhi mi zad pa'o/ /btsun pa shA ra dwa ti'i bu/ gzhan yang / byang chub sems dpa' rnams kyi so so yang dag par rig pa bzhi mi zad pa ste/ bzhi gang zhe na/ gang 'di
223a4 don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de la don
223a5 so so yang dag par rig pa gang zhe na/ gang chos thams cad la don dam par shes pa ste/ chos shes pa dang / so sor rtog pa shes pa dang / rjes su 'gro ba shes pa dang / rgyu shes pa
223a6 dang / rkyen shes pa dang / gnyis su med par shes pa dang / tshogs pa shes pa dang / tha mar mi 'gro ba shes pa dang / bar na mi 'dug pa shes pa dang / rkyen la 'jug pa shes pa dang /
223a7 de chos kyi dbyings dbyer med pa shes pa dang / de bzhin nyid kyi rjes su 'jug pa dang / yang dag pa'i mtha' la gnas pa shes pa dang / stong pa nyid rtogs pa'i shes pa dang /
223b1 mtshan ma med pa la spyod pa shes pa dang / smon pa med pa la smon lam med par shes pa dang / mngon par 'du mi byed pa la mngon par 'du byed pa med par shes pa dang / tshul gcig la
223b2 'jug pa shes pa dang / bdag med par rtogs pa'i shes pa dang / sems can med par rtogs pa'i shes pa dang / srog med par shin tu rtogs pa'i shes pa dang / gang zag med pa
223b3 don dam par shes pa dang / 'das pa'i dus la ma chags pa'i shes pa dang / ma 'ongs pa'i dus la thug pa med pa'i shes pa dang / da ltar byung ba'i dus na thams cad du kha na ma tho
223b4 ba med par shes pa dang / phung po rnams la sgyu mar shes pa dang / khams rnams la sprul gdug pa lta bur rtogs pa'i shes pa dang / skye mched rnams la grong stong pa lta bur nges par
223b5 sems pa'i shes pa dang / nang nye bar zhi bar shes pa dang / phyi rol tu rgyu ba med par shes pa dang / yul rnams la sgyu ma dang / bye brag med par shes pa dang / dran pa la gnas pa'i shes pa
223b6 dang | bzod pa'i rjes su 'gro ba shes pa dang / blo gros kyis so sor rtog pa'i shes pa dang / bdag la rtog pa'i shes pa dang / bden pa rnams la rab tu rtog par shes pa dang / sdug
223b7 bsngal la mi 'byung bar shes pa dang / kun 'byung ba la mngon par 'du mi byed par shes pa dang / 'gog pa la mtshan nyid med par shes pa dang / lam la sgrol bar shes pa dang / chos
224a1 rnams la tshig rab tu dbye ba shes pa dang / dran pa nye bar gzhag pa rnams la dran pa med pa dang / yid la bya ba med pa shes pa dang / yang dag
224a2 par spong ba rnams la dge ba dang / mi dge ba gnyis su 'jug pa'i shes pa dang / rdzu 'phrul gyi rkang pa rnams la lus dang / sems yang bar shes pa dang / dbang po rnams la
224a3 'jug par shes pa dang / stobs rnams la mi rdzi bar shes pa dang / byang chub kyi yan lag rnams la chos thams cad yang dag pa ji lta ba bzhin du rtogs par shes pa dang /
224a4 lam la 'gro ba dang / 'ong ba med par shes pa dang / zhi gnas la gnas par shes pa dang / lhag mthong la snang bar shes pa dang / sgyu ma la rnam par bsgrubs par 'du shes
224a5 pa dang / smig rgyu la nor bar 'du shes pa dang / rmi lam la yang dag pa ma yin par mthong bar shes pa dang / brag ca la rkyen du dmigs pa'i shes pa dang / mig yor la mi g.yo bar
224a6 shes pa dang / mtshan nyid tha dad pa rnams la mtshan nyid gcig tu shes pa dang / 'du ba rnams la 'bral bar shes pa dang / mtshams sbyor ba rnams la mtshams sbyor ba med
224a7 par shes pa dang / nyan thos kyi theg pa la gzhan gyi sgra'i rjes su 'gro bas 'jug par shes pa dang / rang sangs rgyas kyi theg pa la rten pa 'jug pa dang / rab tu dben zhing rtse gcig
224b1 bar shes pa dang / theg pa chen po la dge ba'i rtsa ba dang / tshogs sbel bar shes pa 'di ni don so so yang dag par rig pa zhes bya'o/ /gzhan yang / don so so yang dag par rig pa ni don
224b2 so so yang dag par rig pa gang gis chos thams cad la don rton pas rton pa'o/ /de ci'i phyir zhe na/ chos thams cad ni ma lus par stong pa ste/ gang stong pa'i don de ni don no/ /chos
224b3 thams cad ni ma lus par mtshan ma med pa ste/ gang mtshan ma med pa'i don de ni don no/ /chos thams cad ni ma lus par smon pa med pa ste/ gang smon pa med pa'i don de ni don no/ /
224b4 chos thams cad ni ma lus par mngon par 'du mi byed pa ste/ gang mngon par 'du mi byed pa'i don de ni don no/ /chos thams cad ni ma lus par mi skye ba ste/ gang ma lus par mi skye
224b5 ba'i don de ni don no/ /chos thams cad ni ma lus par ma byung ba ste/ gang ma lus par ma byung ba'i don de ni don no/ /chos thams cad ni ma lus par dngos po med pa ste/ gang ma lus
224b6 par dngos po med pa'i don de ni don no/ /chos thams cad ni ma lus par dben pa ste/ gang ma lus par dben pa'i don de ni don no/ /chos thams cad ni ma lus par bdag med pa/ sems
224b7 can med pa/ srog med pa/ gang zag pa med pa ste/ gang bdag med pa dang / sems can med pa dang / srog med pa dang / gang zag med pa'i don de ni don te/ gang 'di lta bu'i
225a1 chos rnams rtogs pa de ni don so so yang dag par rig pa zhes bya'o/ /gang 'dir bstan pa ni thogs pa med par bstan pa/ chags pa med par bstan pa/
225a2 mi zad par bstan pa/ chos thams cad thob par bstan pa ste/ don bstan pa de ni so so yang dag par rig pa yin no/ /don so so yang dag par rig pa de ni don thams cad bstan
225a3 pa la mi zad pa yin te/ sangs rgyas bcom ldan 'das rnams kyis kyang yang dag par bka' stsal cing yang dag par rjes su thugs rang ba'o/ /de yang dag pa dang / de kho na dang / ma
225a4 log pa dang / gzhan ma yin pa ste shes rab dang / ye shes kyis rtogs pa thams cad du kha na ma tho ba med pa ste/ 'di ni don so so yang dag par rig pa zhes bya'o/ /de la chos so
225a5 so yang dag par rig pa gang zhe na/ gang chos thams cad la rjes su 'jug pa shes pa ste/ dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa
225a6 dang bcas pa dang / zag pa med pa dang / 'dus byas dang / 'dus ma byas dang / 'jig rten pa dang / 'jig rten las 'das pa dang / bzang po dang / ngan pa dang / kun nas nyon
225a7 mongs pa dang / rnam par byang ba'i cha dang mthun pa dang / 'khor ba dang / mya ngan las 'das par nye bar song ba rnams la chos kyi dbyings mnyam pa nyid du shes pa dang / byang chub
225b1 mnyam pa nyid du shes pa dang / khams mnyam pa nyid du shes pa 'di ni chos so so yang dag par rig pa zhes bya'o/ /gzhan yang / chos so so yang dag par rig pa ni gang 'dod
225b2 chags spyod pa'i sems can rnams kyi sems la 'jug cing 'bab par shes pa dang / bcos ma'i 'dod chags spyod pa dang / bcos ma ma yin pa'i 'dod chags spyod pa dang /
225b3 snrel zhi'i 'dod chags spyod pa dang / lta ba'i 'dod chags spyod pa dang / mi zad pa'i 'dod chags spyod pa dang / 'jam pa'i 'dod chags spyod pa dang / yang ba'i 'dod chags
225b4 spyod pa dang / yang ba ma yin pa'i 'dod chags spyod pa dang / kun rdzob kyi 'dod chags spyod pa dang / sbyor ba'i 'dod chags spyod pa dang / bsam pa'i 'dod chags spyod pa dang / lhag
225b5 pa'i bsam pa'i 'dod chags spyod pa dang / mtshan nyid kyi 'dod chags spyod pa dang / mtshan nyid mi mthun pa'i 'dod chags spyod pa dang / rnam par gzhag pa'i 'dod chags
225b6 spyod pa dang / rkyen gyi 'dod chags spyod pa dang / sngon gyi mtha'i rkyen gyi 'dod chags spyod pa dang / phyi ma'i mtha'i rkyen gyi 'dod chags spyod pa dang / da ltar byung ba'i rkyen gyi
225b7 'dod chags spyod pa rnams dang / sems can nang du 'dod chags la phyi rol tu 'dod chags med pa dag kyang yod/ sems can phyi rol tu 'dod chags la nang du 'dod chags med pa dang
226a1 kyang yod/ sems can nang du'ang 'dod chags la phyi rol tu'ang 'dod chags pa dag kyang yod/ sems can nang du'ang 'dod chags med la phyi rol tu'ang 'dod chags
226a2 pa med pa dag kyang yod/ sems can gzugs la 'dod chags la sgra dang / dri dang / ro dang / reg pa la 'dod chags med pa dag kyang yod/ sgra la 'dod chags la gzugs
226a3 dang / dri dang / ro dang / reg pa la 'dod chags med pa dag kyang yod/ dri la 'dod chags la gzugs dang / sgra dang / ro dang / reg pa la 'dod chags med pa dag kyang
226a4 yod| ro la 'dod chags la gzugs dang / sgra dang / dri dang / reg pa la 'dod chags med pa dag kyang yod/ sems can reg pa la 'dod chags la gzugs dang / sgra dang /
226a5 dri dang / ro la 'dod chags med pa dag kyang yod de/ 'di ni sems can 'dod chags spyod pa rnams kyi 'jug pa ste/ 'jug pa'i sgo 'dis sems can rnams kyi 'dod chags la
226a6 spyod pa nyi khri chig stong ngo / /sems can rnams kyi zhe sdang la spyod pa'ang nyi khri chig stong ngo / /sems can rnams kyi gti mug la spyod pa'ang nyi khri chig stong ngo / /sems can rnams
226a7 kyi cha mnyam pa la spyod pa'ang nyi khri chig stong ste/ gang sems can gyi spyod pa brgyad khri bzhi stong po de dag gi sems kyi 'jug pa dang / 'bab pa shes pa dang / so so ci rigs par
226b1 chos ston par shes pa dang / dus la mi 'da' bar shes pa dang / snod kyi bye brag ji lta ba bzhin du shes pa dang / 'bras bu yod par chos bstan pa shes pa dang / ma chad ma lhag bar chos
226b2 bstan pa shes pa de ni chos so so yang dag par rig pa zhes bya'o/ /de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes
226b3 pa ste| lha'i skad dang / klu'i skad dang / gnod sbyin gyi skad dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa'i
226b4 skad la 'jug pa ste/ mdor na ji snyed du 'gro ba lngar skyes pa'i sems can rnams kyi skad dang / sgra dang / dbyangs dang / tshig gi la ma dang / nges pa'i tshig dang / brda dang / spyod
226b5 pa ji snyed pa de dag thams cad rab tu shes te/ shes nas kyang sgra de dang / de dag dang / nges pa'i tshig de dang / de dag gis sems can de dang / de dag la sgra ji lta ba bzhin du 'jug pas
226b6 chos ston te/ 'di ni nges pa'i tshig so so yang dag par rig pa zhes bya'o/ /gzhan yang / nges pa'i tshig so so yang dag par rig pa ni spyod pa 'di dag 'di lta bur brtag par ba/ chos
226b7 'di dag 'di lta bur brtul bar bya/ chos 'di dag 'di lta bur mtshams sbyor bar bya/ chos 'di lta bur khong du chud par bya/ chos 'di lta bur yi ge rnams kyis brtag par bya'o zhes
227a1 des gcig gi tshig kyang shes/ gnyis kyi tshig kyang shes/ mang po'i tshig kyang shes/ skyes pa'i tshig kyang shes/ bud med kyi tshig kyang shes/ ma ning gi
227a2 tshig kyang shes/ 'das pa'i tshig kyang shes/ ma 'ongs pa'i tshig kyang shes/ da ltar byung ba'i tshig kyang shes/ yi ge gcig tu sgro btags pa'ang shes/ yi ge du mar sgro btags
227a3 pa'ang shes/ sgro btags pa med pa'ang shes te/ 'di ni nges pa'i tshig so so yang dag par rig pa zhes bya'o/ /gzhan yang / nges pa'i tshig de ni chos thams cad 'gog pa la tshig
227a4 gis chos shes pa ste/ 'di ni nges pa'i tshig so so yang dag par rig pa zhes bya'o/ /de'i nges pa'i tshig de ni thogs pa med pa/ 'khrul pa med pa/ shin tu rnam par dag pa/ zlos pa
227a5 med pa/ mi drag pa/ ma brtags pa/ zur phyin pa/ rnam par gsal ba/ don dang / yi ges bskor ba ji lta ba bzhin du 'khor tshim par byed pa/ rnam pa sna tshogs pa/ zab mo zab par
227a6 snang ba/ kun rdzob dang / don dam pas brgyan pa/ rang gi sems dang / shes pa dang / lta ba rtogs pa/ sangs rgyas kyis bka' stsal pa/ sems can thams cad mgu bar byed
227a7 pa ste/ 'di ni nges pa'i tshig so so yang dag par rig pa zhes bya'o/ /de la spobs pa so so yang dag par rig pa gang zhe na/ 'di lta ste/ chags pa med par lung bsgo ba bstan
227b1 pa shes pa dang / phyad par lung bsgo ba bstan pa shes pa dang / thogs pa med par lung bsgo ba bstan pa shes pa dang / myur ba'i spobs pa dang / la gor ba'i spobs pa dang / mgyogs
227b2 pa'i spobs pa dang / 'bras bu yod pa'i spobs pa dang / ji ltar dris pa bzhin du spobs pa dang / mi 'phrog pa'i spobs pa dang / yongs su mi nyams pa'i spobs pa dang / shin tu
227b3 'brel ba'i spobs pa dang / rtogs pa'i spobs pa dang / chos la dga' ba'i spobs pa dang / bzod pa'i stobs la gnas pa'i spobs pa dang / zab mo la spobs pa dang / sna tshogs
227b4 kyi spobs pa dang / kun rdzob dang / don dam pa la spobs pa dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la spobs pa dang /
227b5 sangs rgyas kyi chos thams cad kyi tshig rab tu dbye bar bstan pa la spobs pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po
227b6 dang | stobs dang / byang chub kyi yan lag dang / lam zab mo spobs pa dang / zhi gnas dang / lhag mthong la spobs pa ste/ spobs pa so so yang dag par rig pa zhes bya ba ni nges pa'i
227b7 tshig la rtog pas tshig gi chos shes pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / bden pa la 'jug pa shes pa'i spobs
228a1 pa'o| |theg pa thams cad la spobs pa'o/ /yang dag pa ji lta ba bzhin du bstan pas sems can thams cad kyi sbyor ba tshim par bya ba la spobs pa ste/
228a2 mi dor mi lkugs pa'i tshig dang / mi brlang ba'i tshig dang / brtan pa'i tshig dang / mi rtsub pa'i tshig dang / 'jam pa'i tshig dang / dag pa'i tshig dang / rab tu grol ba'i
228a3 tshig dang / thogs pa med pa'i tshig dang / zur phyin pa'i tshig dang / nges pa'i tshig dang / mi g.yo ba'i tshig dang / mi rgol ba'i tshig dang / zhi ba'i tshig dang / btsun pa'i
228a4 tshig dang / 'brel ba'i tshig dang / ldan pa'i tshig dang / tha ba med pa'i tshig dang / shin tu rigs pa'i tshig dang / ma tshang ba med pa'i tshig dang / snyan pa'i tshig dang /
228a5 mnyen pa'i tshig dang / ma smad pa'i tshig dang / shin tu sdud pa'i tshig dang / 'phags pa thams cad kyis bsngags pa'i tshig ste/ zhing mtha' yas par go bar byed pa'i
228a6 rjes su song ba'i dbyangs dang / tshangs pa'i sgra skad la rtog cing go bar byed pa'i rjes su song ba'i dbyangs dang / sangs rgyas kyis bka' stsal pa'i spobs pas sems can
228a7 gzhan dag dang / gang zag gzhan dag gi dbang po mchog dang / mchog ma yin pa shes pas chos ston te/ de'i chos ston pa de'ang de byed pa yang dag par sdug bsngal zad
228b1 par bya ba'i phyir nges par 'byung bar 'gyur te/ 'di ni spobs pa so so yang dag par rig pa zhes bya'o/ /btsun pa shA ra dwa ti'i bu/ 'di dag ni byang chub sems dpa' rnams kyi
228b2 so so yang dag par rig pa bzhi mi zad pa'o// //bam po drug pa/ btsun pa shA ra dwa ti'i bu/ gzhan yang / byang chub sems dpa' rnams kyi rton pa bzhi'ang mi zad pa
228b3 ste| bzhi gang zhe na/ 'di lta ste/ don la rton gyi tshig 'bru la mi rton pa dang / ye shes la rton gyi rnam par shes pa la mi rton pa dang / nges pa'i don gyi mdo sde la rton gyi drang ba'i don gyi
228b4 mdo sde la mi rton pa dang / chos nyid la rton gyi gang zag la mi rton pa'o/ /de la don ni gang / tshig 'bru ni gang zhe na/ tshig 'bru zhes bya ba ni gang 'jig rten pa'i chos dang / bya ba la 'jug
228b5 pa bstan pa'o/ /don ces bya ba ni gang 'jig rten las 'das pa'i chos rtogs pa'o/ /tshig 'bru zhes bya ba ni gang sbyin pa dang / dul ba dang / legs par sdom pa dang / des
228b6 pa bstan pa'o/ /don ces bya ba ni gang sbyin pa dang / dul ba dang / legs par sdom pa dang / des pa'i mnyam pa nyid shes pa'o/ /tshig 'bru zhes bya ba ni gang 'khor ba'i skyon
228b7 bsgrags shing brjod pa'o/ /don ces bya ba ni gang 'khor ba la mi dmigs par rtog pa'o/ /tshig 'bru zhes bya ba ni gang mya ngan las 'das pa'i yon tan dang / phan yon brjod pa'o/ /
229a1 don ces bya ba ni gang rang bzhin gyis mya ngan las 'das pa'i chos thams cad la rnam par mi rtog pa'o/ /tshig 'bru zhes bya ba ni gang theg pa ji ltar
229a2 rnam par bzhag pa bzhin du ston pa'o/ /don ces bya ba ni gang chos kyi dbyings dbyer med cing tshul gcig pa la 'jug pa zhes bya'o/ /tshig 'bru zhes bya ba ni gang bdog pa thams
229a3 cad yongs su gtong ba bstan pa'o/ /don ces bya ban gang 'khor gsum yongs su dag pa shes pa'o/ /tshig 'bru zhes bya ba ni gang lus dang / ngag dang / yid kyi sdom pa dang /
229a4 tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par blang ba bstan pa'o/ /don ces bya ba ni gang lus dang / ngag dang /
229a5 yid mi dmigs pa dang / sdom pa dang / tshul khrims dang / bslab pa dang / sbyangs pa'i yon tan dang / yo byad bsnyungs pa thams cad yang dag par blang ba bstan
229a6 pa yongs su dag par shes pa'o/ /tshig 'bru zhes bya ba ni gang gnod sems dang / tha ba dang / skyon dang / khro ba dang / 'khon du 'dzin pa dang / nga rgyal dang / rgyags pa
229a7 dang / dregs pa thams cad yang dag par 'joms shing bzod pa'i stobs dang nges pa bstan pa'o/ /don ces bya ba ni gang mi skye ba'i chos la bzod pa'o/ /tshig 'bru zhes
229b1 bya ba ni gang dge ba'i rtsa ba thams cad yang dag par sgrub pa la brtson 'grus brtsam pa bstan pa'o/ /don ces bya ba ni gang blang ba dang / dor ba la mi gnas pa'i brtson 'grus so/ /tshig
229b2 'bru zhes bya ba ni gang bsam gtan dang / rnam par thar pa dang / ting nge 'dzin dang / snyoms par 'jug pa bstan pa'o/ /don ces bya ba ni gang 'gog pa'i snyoms par 'jug pa
229b3 shes pa'o/ /tshig 'bru zhes bya ba ni gang thos pa thams cad 'dzin pa shes rab kyi rtsa ba'o/ /don ces bya ba ni gang brjod du med pa'i don shes pa'o/ /tshig 'bru zhes bya ba ni gang byang
229b4 chub kyi phyogs kyi chos sum cu rtsa bdun yang dag par bstan pa'o/ /don ces bya ba ni gang byang chub kyi phyogs kyi chos sgrub pa'i 'bras bu mngon sum du byed pa'o/ /tshig 'bru zhes bya ba
229b5 ni gang sdug bsngal dang / kun 'byung ba dang / lam gyi bden pa yang dag par bstan pa'o/ /don ces bya ba ni gang 'gog pa mngon sum du byed pa'o/ /tshig 'bru zhes bya ba ni gang
229b6 ma rig pa la sogs pa nas rga shi'i bar du yang dag par bstan pa'o/ /don ces bya ba ni gang ma rig pa 'gog pa nas rga shi 'gog pa'i bar du'o/ /tshig 'bru zhes bya ba ni gang zhi
229b7 gnas dang / lhag mthong gi tshogs bstan pa'o/ /don ces bya ba ni gang rig pa dang / rnam par grol pa'i ye shes so/ /tshig 'bru zhes bya ba ni gang 'dod chags dang / zhe sdang dang / gti
230a1 mug dang / cha mnyam par spyod pa'i sems can rnams la bstan pa'o/ /don ces bya ba ni gang sems can rnams dgrol ba mi 'khrugs pa'i ye
230a2 shes so/ /tshig 'bru zhes bya ba ni gang sgrib pa dang / sgrib par 'gyur ba'i chos rnams yang dag par bstan pa'o/ /don ces bya ba ni gang sgrib pa med pa'i ye shes dang / rnam par thar
230a3 pa'o| |tshig 'bru zhes bya ba ni gang dkon mchog gsum gyi yon tan dang / bsngags pa mtha' yas pa bstan pa'o/ /don ces bya ba ni gang sangs rgyas kyi chos kyi sku mthong pa
230a4 dang | 'dod chags dang bral zhing 'gog pa'i chos nyid dang / 'dus ma byas kyi sangs rgyas dang / chos dang / dge 'dun gyi yon tan sgrub pa'i ye shes so/ /tshig 'bru zhes bya ba ni
230a5 gang sems dang po bskyed pa nas bzung ste/ byang chub kyi snying po la 'dug pa'i bar gyi byang chub sems dpa'i yon tan gyi tshogs bstan pa'o/ /don ces bya ba ni gang sems kyi skad
230a6 cig gcig dang ldan pa'i shes rab kyis thams cad mkhyen pa'i ye shes mngon par rdzogs par 'tshang rgya ba ste/ mdor na gang chos kyi phung po brgyad khri bzhi stong bstan pa 'di
230a7 ni tshig 'bru zhes bya'o/ /gang sems can thams cad kyi skad dang / yi ge dang / tshig 'brus brjod du med pa'i don de ni don te/ 'di ni don la rton gyi tshig 'bru la mi rton pa
230b1 zhes bya'o/ /de la rnam par shes pa ni gang / ye shes ni gang zhe na/ rnam par shes pa zhes bya ba ni rnam par shes pa gnas pa bzhi ste/ bzhi gang zhe na/ 'di lta ste/ rnam par
230b2 shes pa ni gzugs la nye bar 'gro ba dang / tshor ba la nye bar 'gro ba dang / 'du shes la nye bar 'gro ba dang / 'du byed la nye bar 'gro zhing gnas pa ste/ 'di ni rnam par
230b3 shes pa zhes bya'o/ /de la ye shes gang zhe na/ gang phung po bzhi la gnas pa'i rnam par shes pa'i phung po yongs su shes pa ste/ 'di ni ye shes zhes bya'o/ /gzhan yang / rnam
230b4 par shes pa ni sa'i khams rnam par shes pa dang / chu'i khams dang / me'i khams dang / rlung gi khams rnam par shes pa ste/ 'di ni rnam par shes pa zhes bya'o/ /gang khams
230b5 rnam pa bzhi po 'di dag la gnas pa'i rnam par shes pa la chos kyi dbyings dbyer med par shes pa 'di ni ye shes zhes bya'o/ /gzhan yang / rnam par shes pa ni gang mig gis
230b6 shes par bya ba'i gzugs rnams la rnam par rig pa dang / de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i
230b7 ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams la rnam par rig pa ste/ 'di ni rnam par shes pa zhes bya'o/ /gang yang nang
231a1 nye bar zhi zhing phyi rol tu rgyu ba med pa dang / ye shes la rton pas chos gang la'ang mi rtog rnam par mi rtog pa 'di ni ye shes zhes bya'o/ /gzhan yang
231a2 dmigs pa las rnam par shes pa skye ba dang / yid la byed pa las rnam par shes pa skye ba dang / yongs su rtog pa las rnam par shes pa skye ba 'di ni rnam par shes pa zhes
231a3 bya'o| |gang yang 'dzin pa med pa dang / mchog tu 'dzin pa med pa dang / dmigs pa med pa dang / rnam par rig pa med pa dang / rtog pa med pa 'di ni ye shes zhes bya'o/ /
231a4 gzhan yang / 'dus byas rgyu ba'i chos rnams la rnam par shes pa skye ste/ 'dus ma byas la ni rnam par shes pa rgyu ba med do/ /gang 'dus ma byas su shes pa de ni ye shes
231a5 so| |gzhan yang / skye ba dang / 'jig pa la gnas pa ni rnam par shes pa'o/ /mi skye ba dang / mi 'gog pa la gnas pa ni ye shes te/ 'di ni ye shes la rton gyi rnam par shes
231a6 pa la mi rton pa zhes bya'o/ /de la nges pa'i don gyi mdo sde ni gang / drang ba'i don gyi mdo sde ni gang zhe na/ mdo sde gang dag lam la 'jug pa'i phyir bstan pa de dag ni drang
231a7 ba'i don ces bya'o/ /mdo sde gang dag 'bras bu la 'jug pa'i phyir bstan pa de dag ni nges pa'i don ces bya'o/ /mdo sde gang dag kun rdzob sgrub par bstan pa de dag ni drang
231b1 pa'i don ces bya'o/ /mdo sde gang dag don dam pa sgrub par bstan pa de dag ni nges pa'i don ces bya'o/ /mdo sde gang dag las dang / bya ba la 'jug par bstan pa de dag ni drang ba'i don
231b2 ces bya'o/ /mdo sde gang dag las dang / nyon mongs pa zad par bya ba'i phyir bstan pa de dag ni nges pa'i don ces bya'o/ /mdo sde gang dag kun nas nyon mongs pa bshad pa'i phyir
231b3 bstan pa de dag ni drang ba'i don ces bya'o/ /mdo sde gang dag rnam par byang ba yongs su dag par bya ba'i phyir bstan pa de dag ni nges pa'i don ces bya'o/ /mdo sde gang dag 'khor
231b4 ba la yid dbyung bar bya ba bstan pa de dag ni drang ba'i don ces bya'o/ /mdo sde gang dag 'khor ba dang / mya ngan las 'das pa gnyis su med pa la 'jug par bstan pa de dag ni
231b5 nges pa'i don ces bya'o/ /mdo sde gang dag tshig dang / yi ge sna tshogs su bstan pa de dag ni drang ba'i don ces bya'o/ /mdo sde gang dag zab mo mthong bar dga' ba khong du
231b6 chud par dga' ba bstan pa de dag ni nges pa'i don ces bya'o/ /mdo sde gang dag tshig dang / yi ge mang zhing sems can gyi sems dga' bar bya ba'i phyir bstan pa de dag ni drang
231b7 ba'i don ces bya'o/ /mdo sde gang dag tshig dang / yi ge nyung la sems can gyi sems nges par sems par byed par bstan pa de dag ni nges pa'i don ces bya'o/ /mdo sde gang
232a1 dag bdag dang / sems can dang / srog dang / gso ba dang / skyes bu dang / gang zag dang / shed las skyes dang / shed bu dang / byed pa po dang /
232a2 tshor ba po dang / sgra rnam pa sna tshogs su bshad pa dang / bdag po med pa la bdag po dang bcas bar bstan pa de dag ni drang ba'i don ces bya'o/ /mdo sde gang dag stong pa
232a3 nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung ba dang / dngos po med pa dang / bdag med pa dang / sems
232a4 can med pa dang / srog med pa dang / gang zag med pa dang / bdag po med pa dang / rnam par thar pa'i sgo'i bar du bstan pa de dag ni nges pa'i don ces bya ste/ 'di ni
232a5 nges pa'i don gyi mdo sde la rton gyi drang ba'i don gyi mdo sde la mi rton pa zhes bya'o/ /de la chos nyid ni gang / gang zag ni gang zhe na/ gang gang zag tu lta ba la gnas te/
232a6 chos kha cig la rtsom pa 'di ni gang zag ces bya'o/ /gang gang zag tu lta ba de'i rtsom pa yongs su shes pa 'di ni chos nyid ces bya'o/ /gzhan yang / so so'i skye bo'i gang zag
232a7 dang | so so'i skye bo dge ba'i gang zag dang / dad pas rjes su 'brang ba'i gang zag dang / chos kyi rjes su 'brang ba'i gang zag dang / brgyad pa'i gang zag dang / rgyun du zhugs
232b1 pa'i gang zag dang / lan gcig phyir 'ong ba'i gang zag dang / phyir mi 'ong ba'i gang zag dang / dgra bcom pa'i gang zag dang / rang sangs rgyas kyi gang zag dang / byang chub sems
232b2 dpa'i gang zag dang / gang zag gcig 'jig rten du byung na skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang / mi'i skye bo
232b3 phal po che'i don gyi phyir/ phan pa'i phyir/ bde ba'i phyir lha dang / mi rnams kyi ston pa sangs rgyas bcom ldan 'das gang zag gcig po 'jig rten du byung ste/ 'di ni gang zag ces
232b4 bya'o| |gang zag gi sgra de dag thams cad ni de bzhin gshegs pa'i kun rdzob kyi tshig gi gnas kyis sems can rnams drang ba'i phyir bstan pa ste/ de la gang dag mngon par
232b5 zhen pa de dag ni rton pa ma yin pa zhes bya ste/ de dag rton pa la gzud pa'i phyir bcom ldan 'das kyis kyang chos nyid la rton cig /gang zag la ni ma yin no zhes gsungs so/ /de
232b6 la chos nyid gang zhe na/ 'di lta ste/ 'gyur ba med pa dang / sgro btags pa med pa dang / byang ba med pa dang / rnam par byang ba med pa dang / mi gnas pa dang / rab tu mi gnas
232b7 pa dang / rtsa ba med pa dang / thams cad du mnyam pa dang / mnyam pa dag la mnyam pa dang / mi mnyam pa dag la mnyam pa dang / mnyam pa dang / mi mnyam pa dag la mnyam
233a1 pa dang / rtog pa med pa dang / rtsom pa med pa dang / chos thams cad la skyon med pa rnyid pa dang / shin tu nam mkha'i rang bzhin gyi phyir mtshan nyid
233a2 'di ni chos nyid ces bya'o/ /de la gang dag chos nyid la rton pa dag ni khams gang la'ang mi rton to/ /de bas na chos kyi sgo'i tshul la 'jug pa 'dis chos thams cad la rton
233a3 pa'i phyir chos thams cad chos nyid kho nar 'gyur ba 'di ni chos nyid la rton gyi gang zag la mi rton pa zhes bya ste/ btsun pa shA ra dwa ti'i bu/ de dag ni byang chub sems dpa'
233a4 rnams kyi rton pa bzhi mi zad pa'o/ /btsun pa shA ra dwa ti'i bu/ gzhan yang / byang chub sems dpa' rnams kyi bsod nams dang / ye shes kyi tshogs kyang mi zad pa yin
233a5 te| de la byang chub sems dpa' rnams kyi bsod nams kyi tshogs mi zad pa gang zhe na/ 'di lta ste/ sbyin pa las byung ba'i bsod nams bya ba'i dngos po dang /
233a6 tshul khrims dang / bsgom pa las byung ba'i bsod nams bya ba'i dngos po dang / byams pa'i sems la snyoms par 'jug pa dang / snying rje chen po'i sbyor ba dang / dge
233a7 ba thams cad rtsom pa dang / bdag dang / gzhan gyi sdig pa bshags pa dang / slob pa dang / mi slob pa thams cad dang / rang sangs rgyas dang / sems dang po bskyed pa
233b1 dang / phyir mi ldog pa dang / skye ba gcig gis thogs pa'i byang chub sems dpa' rnams kyi dus gsum du yang dag par bsgrubs pa'i bsod nams la rjes su yi rang ba dang ldan
233b2 pa'i bsod nams bya ba'i dngos po dang / slob pa dang / mi slob pa thams cad dang / rang sangs rgyas dang / sems dang po bskyed pa dang / phyir mi ldog pa dang / skye ba gcig gis
233b3 thogs pa'i byang chub sems dpa' rnams kyi byang chub tu sems bskyed pa la rjes su yi rang ba dang ldan pa'i bsod nams bya ba'i dngos po dang / 'das pa dang / ma byon pa dang /
233b4 da ltar byung ba'i sangs rgyas bcom ldan 'das rnams kyi dge ba'i rtsa ba thams cad la rjes su yi rang ba dang ldan pa'i bsod nams bya ba'i dngos po dang / sangs rgyas thams cad
233b5 dang / byang chub sems dpa' thams cad dang / 'phags pa thams cad dang / slob pa dang / mi slob pa thams cad la chos kyi sbyin pa gsol ba dang / sku che bsring bar gsol ba
233b6 dang ldan pa'i bsod nams bya ba'i dngos po dang / dge ba'i rtsa ba thams cad la rjes su yi rang ba dang / bskul ba dang / gsol ba gdab pa'i dge ba'i rtsa ba bsags pa rnams byang
233b7 chub tu bsngo ba dang ldan pa'i bsod nams bya ba'i dngos po dang / sems can byang chub tu sems ma bskyed pa rnams byang chub tu sems bskyed pa dang / byang chub tu sems
234a1 bskyed pa rnams la pha rol tu phyin pa'i lam ston pa dang / sems can dbul po rnams la longs spyod kyis yang dag par sdud pa dang / sems can
234a2 nad pa rnams la sman sbyin zhing g.yo med par rim gro byed pa dang / mthu chung ba rnams la bzod pas bstan pa dang / ltung ba mi 'chab pa dang / sdig pa 'chags pa dang /
234a3 sangs rgyas bcom ldan 'das bzhugs pa dang / yongs su mya ngan las 'das pa rnams la mchod pa dang / rim gro thams cad rtsom pa dang / mkhan po dang / slob dpon dag
234a4 la ston pa bzhin phangs par 'dzin pa dang / chos rnams la rin thang med pa'i rin po che tshol ba ltar brtson pa dang / chos smra ba rnams la sangs rgyas bzhin du phangs par
234a5 'dzin pa dang / dpag tshad brgyar yang song zhing dam pa'i chos mnyan pa la mi ngoms pa dang / chos la slob dpon gyi dpe mkhyud med pa dang / zang zing med par chos
234a6 sbyin pa dang / chos la rin thang med pa'i rin po che chen po bzhin du phangs par 'dzin pa dang / pha ma la bsnyen bkur byed pa dang / byas pa gzo ba dang / byas pa tshor ba
234a7 dang / byas nas mi 'gyod pa dang / bsod nams gsog pas mi ngoms pa dang / lus bsdams pas lus kyi tshul 'chos pa med pa dang / dag bsdams pas dag gi tshul
234b1 'chos pa med pa dang / yid bsdams pas yid kyi tshul 'chos pa med pa dang / de bzhin gshegs pa'i mchod rten rab tu 'jog pas tshangs pas bsod nams yongs su 'dzin pa
234b2 dang | gtan pa med pa'i mchod sbyin byed pas mtshan yongs su rdzogs par byed pa dang / dge ba'i rtsa ba'i tshogs sna tshogs bsags pas dpe byad bzang po yongs su rdzogs par
234b3 byed pa dang / nga rgyal med pas lus brgyan pa dang / dag gi nyes pa thams cad spangs pas ngag brgyan pa dang / sems can thams cad la khong khro ba med pa'i sems kyis sems
234b4 brgyan pa dang / mngon par shes pas rnam par 'phrul pas sangs rgyas kyi zhing gi rgyan du 'gyur ba dang / 'dod chags dang bral ba'i chos nyid kyis chos kyi rgyan du 'gyur ba dang /
234b5 phra ma med pa dang / zhe gcod pa med pa dang / 'gyod pa'i tshig mi smra bas 'khor gyi rgyan du 'gyur ba dang / brjod pa la ser sna med par byed pas chos gzung bar 'gyur pa dang / 'bras
234b6 bu yod pa'i chos ston pas rab tu dga' nas legs so zhes bya ba sbyin pa dang / legs par bshad pa la rtog pas sgrib pa rnam par spong ba dang / nges par 'byin pa'i chos mnyan
234b7 pa'i phyir bsti stang du byas te chos mnyan pa dang / sangs rgyas bcom ldan 'das rnams la brtul zhugs kyi nags tshal phul bas byang chub kyi shing gi rgyan du 'gyur ba dang / sangs
235a1 rgyas bcom ldan 'das rnams kyi dge ba'i rtsa ba thams cad sngon du 'gro bas byang chub kyi snying po'i rgyan du 'gyur ba dang / las dang / nyon mongs pa thams
235a2 cad kyis ma gos pas skye ba dang / shi 'pho yongs su dag pa dang / rin po che dang / phangs pa'i dngos po thams cad la mi lta bar yongs su gtong bas lag na rin po che thob pa dang /
235a3 gter mi zad pa rab tu byin pas longs spyod mi zad pa dang / bzhin 'dzum zhing khro gnyer med pas sems can rnams mthong ma thag tu dga' bar 'gyur ba dang / sems can
235a4 thams cad la 'od zer mnyam par gtong bas mnyam pa nyid kyi rgyan thob pa dang / ma lobs pa rnams la mi brnyas pas 'od bkod pa gtong ba dang / tshul khrims kyi bsod
235a5 nams bsags pas skye ba yongs su dag pa dang / ltung ba mi gleng bas mngal gyi gnas yongs su dag pa dang / dge ba bcu'i las kyi lam yongs su dag pas lha dang / mir
235a6 skye ba dang / rjes su bstan pa thams cad la rnam par mi rtog pas rnam par gnon pa don yod pa dang / chos thams cad la slob dpon gyi dpe ma khyud med pas chos thams
235a7 cad la dbang ba dang / bsam pa yongs su dag pas 'jig rten thams cad la dbang ba dang / sems can yongs su dag par byed pas rang gi sangs rgyas kyi zhing yongs su
235b1 dag pa dang / las kyi rnam par smin pa la rton pas lhag pa'i bsam pa yongs su dag pa dang / nyi tshe ba'i spyod pa mi 'dod pas sangs rgyas kyi chos rgya chen po la mos pa dang /
235b2 thams cad mkhyen pa nyid kyi sems mi gtong bas bsod nams thams cad yongs su 'dzin pa dang / dad pa sngon du 'gro bas nor bdun yongs su rdzogs par 'gyur ba dang / lus
235b3 dang / srog la mi lta bas sangs rgyas kyi chos yongs su 'dzin pa dang / sngon dam pa bcas pa nyams 'og tu chud par byed pas 'jig rten thams cad la mi slu ba dang / dge ba'i chos
235b4 thams cad yongs su rdzogs par byed pas sangs rgyas kyi chos thams cad yongs su rdzogs par 'gyur pa dang / de ltar rgyu gang dang / gang gis sangs rgyas kyi chos thams cad yongs su
235b5 rdzogs par 'gyur ba'i rgyu de dang / de dag yang dag par sgrub pa 'di ni/ btsun pa shA ra dwa ti'i bu/ mdor na byang chub sems dpa' rnams kyi bsod nams kyi tshogs mi zad pa zhes bya
235b6 ste| rgya cher ni bskal pa'am/ de bas kyang lhag par bshad du yod do/ /de la byang chub sems dpa' rnams kyi ye shes kyi tshogs mi zad pa gang zhe na/ rgyu gang dang / rkyen gang gis
235b7 ye shes rtogs par 'gyur ba'i rgyu de dag dang / rkyen de dag byang chub sems dpar yang dag par sgrub ste/ de la rgyu ni gang / rkyen ni gang zhe na/ gang 'di ye shes yongs su tshol
236a1 ba la rab tu 'dun pa dang / ye shes rtogs pa'i dge ba'i bshes gnyen rnams la rtag tu bsten pa dang / 'grogs pa dang / bsnyen bkur byed pa
236a2 dang | gang yang sangs rgyas kyi ye shes la rten cing / nyan thos dang / rang sangs rgyas kyi ye shes la mi rton pa dang / dge ba'i bshes gnyen de dag la nga rgyal med cing
236a3 bla ma bzhin du phangs par 'dzin pa dang / ston pa bzhin du phangs par 'dzin pa dang / dge ba'i bshes gnyen de dag gis kyang 'di bsam pa phun sum tshogs par rig
236a4 nas 'brel pa'i gtam dag pa ye shes kyi gtam sgrub par byed do/ /snod du rig nas rgyun mi 'chad par phyi rol ma yin pa'i chos so/ /des chos de dag thos nas chos kyi
236a5 tshogs la sbyor bar byed de/ gang chos kyi tshogs la sbyor ba de ni de'i ye shes kyi tshogs yin no/ /de la chos kyi tshogs la sbyor ba gang zhe na/ gang 'di don nyung ba dang / bya
236a6 ba nyung ba dang / smra ba nyung ba dang / yo byad nyung ba dang / nam gyi cha stod dang / nam gyi cha smad la mi nyal zhing rnal 'byor la brtson pa dang / thos pa'i don la rtog pa dang / yang
236a7 dang yang tshol ba dang / sems la rnyog pa med pa dang / sgrib pa rnams rnam par sel ba dang / ltung ba rnams las 'byung ba shes pa dang / 'gyod pa med pa dang / kun nas
236b1 ldang ba med pa dang / sgrub pa snying por byed pa dang / chos la gzhol ba dang / chos la 'bab pa dang / chos la bab pa dang / rtul ba dang ldan pa dang / ye shes tshol ba la mgo dang / gos la me 'bar ba lta
236b2 bu dang / de la ma chags par gnas pa dang / tshul khrims la mi lhod pa dang / brtson pa mi gtong ba dang / khyad par du 'gro ba dang / 'du 'dzi la mi dga' ba dang / gcig pur
236b3 dga' ba dang / dgon pa la mngon du phyogs shing yid la byed pa dang / 'phags pa'i rigs chog shes pa dang / sbyangs pa'i yon tan dag las mi g.yo ba dang / chos kyi kun
236b4 dga' ba dga' zhing mos pa dang / 'jig rten pa'i sngags dran par mi 'dzin pa dang / 'jig rten las 'das pa'i chos tshol ba dang / brjed pa med pa dang / rtogs pa'i rjes
236b5 su 'gro ba dang / blo gros kyis lam dang mthun pa dang | brtan pas sdom pa dang / rkyen rnams kyis ye shes kyi rjes su 'gro ba dang / ngo tsha shes pa dang / khrel yod pas brgyan
236b6 pa dang / ye shes kyi rjes su 'gro ba lhur len pa dang / mi shes pa sel ba dang / ma rig pa dang / gti mug gi mun pa dang / rab rib kyi ling tog gis chod pa sel ba dang / shes
236b7 rab kyi mig rnam par dag pa dang / blo shin tu rnam par dag pa dang / blo rgya che ba dang / blo ma zhum pa dang / blo ma gyes pa dang / blo rab tu gsal ba dang / mngon sum shes pa dang / yon tan gzhan
237a1 la rag ma lus pa dang / bdag gi yon tan mi snyems pa dang / gzhan gyi yon tan yongs su brjod pa dang / legs par bya ba'i las byed pa dang /
237a2 las kyi rnam par smin pa dang 'gal bar mi byed pa dang / las yongs su dag pa'i ye shes te/ btsun pa shA ra dwa ti'i bu/ 'di ni byang chub sems dpa' rnams kyi ye shes
237a3 kyi tshogs mi zad pa zhes bya'o/ /gzhan yang / ye shes kyi tshogs rnam pa bzhi ste/ rnam pa bzhi gang zhe na/ sbyin pa bzhi po 'di dag ni ye shes kyi tshogs rab tu gsog par
237a4 'gyur te/ bzhi gang zhe na/ 'di lta ste/ chos smra ba rnams la gro ga dang / snyu gu dang / snag tsha dang / glegs bam sbyin pa dang / chos smra ba rnams las chos kyi stan sna
237a5 tshogs sbyin pa dang / chos smra ba rnams la rnyed pa dang / bkur sti dang / tshigs su bcad pa thams cad sbyin pa dang / chos smra ba rnams la chos bsdu ba'i phyir g.yo med
237a6 par legs so zhes bya ba sbyin pa ste/ sbyin pa bzhi po de dag ni ye shes kyi tshogs gsog par 'gyur ro/ /srung ba bzhi po 'di dag ni byang chub sems dpa' rnams kyi ye
237a7 shes kyi tshogs gsog par 'gyur te/ bzhi gang zhe na/ 'di lta ste/ chos smra ba rnams jo bo bzhin du srung ba dang / dge ba'i rtsa ba srung ba dang / yul dang / ljongs kyi phyogs
237b1 srung ba dang / phan pa'i dngos po srung ba ste/ srung ba bzhi po de dag ni byang chub sems dpa' rnams kyi ye shes kyi tshogs gsog par 'gyur ro/ /nye bar rton pa bzhi po 'di dag ni byang
237b2 chub sems dpa' rnams kyi ye shes kyi tshogs gsog par 'gyur te/ bzhi gang zhe na/ 'di lta ste/ chos smra ba rnams la zang zing gis nye bar rton pa dang / chos kyis nye bar rton
237b3 pa dang / shes rab kyis nye bar rton pa dang / ye shes kyis nye bar rton pa ste/ nye bar rton pa bzhi po de dag ni byang chub sems dpa' rnams kyi ye shes kyi tshogs gsog par 'gyur
237b4 ro| |stobs lnga po 'di dag ni byang chub sems dpa' rnams kyi ye shes kyi tshogs gsog par 'gyur te/ lnga gang zhe na/ 'di lta ste/ mos pa'i phyir dad pa'i stobs dang / thos pa tshol
237b5 pa'i phyir brtson 'grus kyi stobs dang / byang chub kyi sems mi brjed pa'i phyir dran pa'i stobs dang / mnyam pa nyid la sems nges par sems pa'i phyir ting nge 'dzin gyi
237b6 stobs dang / thos pa'i stobs kyi phyir shes rab kyi stobs te/ stobs lnga po de dag ni byang chub sems dpa' rnams kyi ye shes kyi tshogs gsog par 'gyur ro/ /tshul khrims
237b7 bzhi po 'di dag ni byang chub sems dpa' rnams kyi ye shes kyi tshogs gsog par 'gyur te/ bzhi gang zhe na/ 'di lta ste/ chos la rab tu dga' ba'i tshul khrims dang / chos
238a1 yongs su tshol ba'i tshul khrims dang / chos la nges par sems pa'i tshul khrims dang / byang chub tu yongs su bsngo ba'i tshul khrims te/ tshul khrims
238a2 bzhi po de dag ni byang chub sems dpa' rnams kyi ye shes kyi tshogs gsog par 'gyur ro/ /bzod pa bzhi po 'di dag ni byang chub sems dpa' rnams kyi ye shes kyi
238a3 tshogs gsog par 'gyur te/ bzhi gang zhe na/ 'di lta ste/ chos tshol ba la brtson pas ngan du brjod pa dang / ngan du smra ba'i tshig gi lam bzod pa dang / chos tshol ba
238a4 la brtson pas rlung dang / nyi ma dang / grang ba dang / tsha ba dang / bkres pa dang / skom pa bzod pa dang / chos tshol ba la brtson pas mkhan po dang / slob dpon dang mthun
238a5 par 'jug pa'i bzod pa dang / chos tshol ba la brtson pas stong pa nyid dang / mtshan ma med pa dang / smon pa med pa'i chos la bzod pa ste/ bzod pa bzhi po de dag ni
238a6 byang chub sems dpa' rnams kyi ye shes kyi tshogs gsog par 'gyur ro/ /brtson 'grus bzhi po 'di dag ni byang chub sems dpa' rnams kyi ye shes kyi tshogs gsog
238a7 par 'gyur te/ bzhi gang zhe na/ 'di lta ste/ nyan pa'i brtson 'grus dang / 'dzin pa'i brtson 'grus dang / bstan pa'i brtson 'grus dang / nan tan gyi brtson 'grus te/ brtson
238b1 'grus bzhi po de dag ni byang chub sems dpa' rnams kyi ye shes kyi tshogs gsog par 'gyur ro/ /bsam gtan gyi yan lag bzhi po 'di dag ni byang chub sems dpa'
238b2 rnams kyi ye shes kyi tshogs gsog par 'gyur te/ bzhi gang zhe na/ 'di lta ste/ dben pa dang / rtse gcig pa dang / bsam gtan dang / mngon par shes pa tshol ba
238b3 dang | sangs rgyas kyi ye shes la rton pa ste/ bsam gtan bzhi po de dag ni byang chub sems dpa' rnams kyi ye shes kyi tshogs gsog par 'gyur ro/ /shes rab kyi snang ba
238b4 bzhi po 'di dag ni byang chub sems dpa' rnams kyi ye shes kyi tshogs gsog par 'gyur te/ bzhi gang zhe na/ 'di lta ste/ chad pa la mi gnas pa dang / rtag pa la mi
238b5 'jug pa dang / rten cing 'brel par 'byung ba dang mi 'gal ba dang / bdag med pa la bzod pa ste/ shes rab kyi snang ba bzhi po 'di dag ni byang chub sems dpa' rnams kyi ye
238b6 shes kyi tshogs gsog par 'gyur ro/ /thabs bzhi po 'di dag ni byang chub sems dpa' rnams kyi ye shes kyi tshogs gsog par 'gyur te/ bzhi gang zhe na/ 'di lta ste/
238b7 'jig rten gyi rjes su 'jug pa dang / chos kyi rjes su 'jug pa dang / sems can gyi rjes su 'jug pa dang / ye shes kyi rjes su 'jug pa ste/ thabs bzhi po de dag ni byang
239a1 chub sems dpa' rnams kyi ye shes kyi tshogs gsog par 'gyur ro/ /lam bzhi po 'di dag ni byang chub sems dpa' rnams kyi ye shes kyi tshogs
239a2 gsog par 'gyur te/ bzhi gang zhe na/ 'di lta ste/ pha rol tu phyin pa'i lam dang / sa'i lam dang / byang chub kyi phyogs kyi lam dang / thams cad mkhyen pa'i ye shes kyi
239a3 lam ste/ lam bzhi po de dag ni byang chub sems dpa' rnams kyi ye shes kyi tshogs gsog par 'gyur ro/ /mi ngoms pa bzhi po 'di dag ni byang chub sems dpa' rnams
239a4 kyi ye shes kyi tshogs gsog par 'gyur te/ bzhi gang zhe na/ 'di lta ste/ thos pas mi ngoms pa dang / bstan pas mi ngoms pa dang / dpyod pas mi ngoms pa dang / shes
239a5 pas mi ngoms pa ste/ mi ngoms pa bzhi po 'di dag ni byang chub sems dpa' rnams kyi ye shes kyi tshogs gsog par 'gyur ro/ /gzhan yang / ye shes kyi tshogs ni gang
239a6 sems can thams cad kyi rjes su 'gro ba dang / chos thams cad kyi rjes su 'gro ba'o/ /sbyin pa las kyang ye shes kyi tshogs su blta'o/ /de bzhin du tshul khrims dang /
239a7 bzod pa dang / brtson 'grus dang / bsam gtan dang / shes rab las kyang ye shes kyi tshogs su blta'o/ /byams pa dang / snying rje dang / dga' ba dang / btang snyoms
239b1 las kyang ye shes kyi tshogs su blta ste/ de ci'i phyir zhe na/ byang chub sems dpa'i rtsom pa ji snyed pa de dag thams cad ye shes kyis grub ste/ ye shes sngon du 'gro ba/ ye shes
239b2 la rton pa/ thams cad mkhyen pa'i ye shes la gnas pa'i phyir te/ ye shes dang ldan pa thams cad rton pa yin no/ /bdud thams cad kyis kyang de la glags mi rnyed do/ /de la
239b3 sangs rgyas kyi chos kyi snod thams cad kyang nye bar gnas pa yin te/ sangs rgyas kyi byin gyi rlabs kyang 'thob bo/ /thams cad mkhyen pa'i ye shes kyang thob par byed de/ 'di
239b4 ni ye shes kyi tshogs mi zad pa zhes bya'o/ /btsun pa shA ra dwa ti'i bu/ 'di dag ni byang chub sems dpa' rnams kyi bsod nams kyi tshogs dang / ye shes kyi tshogs mi zad
239b5 pa'o| |btsun pa shA ra dwa ti'i bu/ gzhan yang / byang chub sems dpa' rnams kyi dran pa nye bar gzhag pa bzhi bsgom pa'ang mi zad pa ste/ bzhi gang zhe na/ 'di lta ste/ lus
239b6 la lus kyi rjes su lta ba dran pa nye bar gzhag pa dang / tshor ba la tshor ba'i rjes su dran pa nye bar gzhag pa dang / sems la sems kyi rjes su lta ba dran pa nye bar gzhag pa
239b7 dang | chos rnams la chos kyi rjes su lta ba dran pa nye bar gzhag pa'o/ /de la byang chub sems dpa'i lus la lus kyi rjes su lta ba dran pa nye bar gzhag pa ni ji ltar na byang chub
240a1 sems dpa' lus la lus kyi rjes su lta zhing gnas she na/ de rang gi lus dang / gzhan gyi lus la lus kyi rjes su lta zhing gnas te/ lus kyi sngon gyi
240a2 mtha' la'ang rtog /lus kyi phyi ma'i mtha' la'ang rtog /lus kyi da ltar byung ba la'ang rtog ste/ kye ma 'di ni phyin ci log las byung ba/ rgyu dang / rkyen gyis grub pa/ tshor ba med pa/
240a3 byed pa med pa/ bdag po med pa/ yongs su 'dzin pa med pa/ rgyu dang / rkyen rnams kyis byung ba ste/ 'di lta ste/ dper na/ phyi rol gyi rtswa dang / shing gel pa dang / rtsi dang / nags
240a4 tshal 'di dag rgyu rkyen gyis 'byung zhing tshor ba med pa/ byed pa med pa/ bdag po med pa/ yongs su 'dzin pa med pa/ de bzhin du bdag gi lus 'di'ang rtsa dang / shing gel
240a5 pa dang / rtsi dang / nags tshal dang / shing dang / rtsig pa dang / mig yor lta bu ste/ phung po dang / khams dang / skye mched kyis yongs su gzung ba/ tshor ba med pa/ byed pa med
240a6 pa| bdag po med pa/ yongs su 'dzin pa med pa/ bdag dang / bdag gi'am/ rtag pa'am/ brtan pa'am/ ther zug gam/ mi g.yo ba'am/ mi gnod pa'am/ mi 'gyur
240a7 ba'i chos can gyis stong ste/ lus 'di la bdag gir mi bya yi/ bdag gis snying po med pa'i lus 'dis snying po mngon par rdzogs par 'tshang rgya bar bya'o/ /snying po de'ang gang
240b1 zhe na/ gang 'di de bzhin gshegs pa'i sku ste/ bdag gis de bzhin gshegs pa'i sku/ chos kyi sku/ rdo rje'i sku/ mi shigs pa'i sku/ brtan pa'i sku/ 'jig rten gsum po thams cad
240b2 las khyad par 'phags pa'i sku de bsgrub par bya'o/ /bdag gis lus nyes pa du ma'i skyon chags mod kyi/ 'on kyang de bzhin gshegs pa'i sku nyes pa thams cad dang bral ba
240b3 thob par bya'o snyam mo/ /des phan yon mthong bas na so sor rtog pa'i stobs kyis 'byung ba chen po'i gnas kyi lus spong ste/ bdag gi lus 'di'ang sems can thams cad kyi
240b4 bya ba ci yod pa la zad par bya'o/ /'di lta ste/ dper na/ phyi rol gyi sa'i khams dang / chu'i khams dang / me'i khams dang / rlung gi khams dang / 'byung ba chen po bzhi po de
240b5 dag sgo sna tshogs dang / rnam pa sna tshogs dang / dmigs pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs kyis sems can thams
240b6 cad kyi longs spyod dang / yongs su spyod par 'gyur ro/ /de bzhin du bdag gi lus 'byung ba chen po bzhi la gnas pa 'di'ang sgo sna tshogs dang / rnam pa sna tshogs dang / dmigs
240b7 pa sna tshogs dang / rnam grangs sna tshogs dang / yo byad sna tshogs dang / longs spyod sna tshogs kyis rgya cher sems can thams cad kyi longs spyod du 'gyur bar bya'o zhes des don
241a1 gyi dbang 'di mthong bas lus sdug bsngal bar yang rtog cing sems can la lta ba'i phyir lus kyi sdug bsngal gyis kyang yongs su mi skyo'o/ /lus la
241a2 mi rtag par rtog cing skye ba dang / shi 'pho bas kyang yongs su mi skyo'o/ /lus la bdag med par rtog cing sems can thams cad yongs su smin par bya ba'i phyir yang yongs
241a3 su mi skyo'o/ /lus la zhi bar rtog cing zhi bar btang snyoms su'ang mi ltung ngo / /lus la stong pa nyid dang / mtshan ma med pa dang / smon pa med pa dang / dben par yang rtog
241a4 la| lus kyi stong pa nyid dang / mtshan ma med pa dang / smon pa med pa dang / dben pa'i mthar yang mi ltung ngo / /de bzhin du lus la mngon par 'du mi byed pa dang / mi
241a5 skye ba dang / ma byung ba dang / dngos po med pa dang / ji lta ba bzhin du rnam par dag par yang rtog la/ lus mngon par 'du mi byed pa dang / mi skye ba dang / ma byung ba dang /
241a6 dngos po med pa dang / ji lta ba bzhin du rnam par dag pa'i mthar yang mi ltung ngo / /lus tshor ba med pa dang / lus byed pa med pa dang / lus bdag por med pa dang /
241a7 lus yongs su 'dzin pa med pa dang / lus dbyer med pa dang / lus ro gcig pa dang / lus nam mkha'i ngo bo nyid dang / lus rang bzhin gyis yongs su mya ngan las 'das
241b1 par yang rtog la/ lus g.yo ba med pa dang / byed pa med pa dang / bdag po med pa dang / 'dzin pa med pa dang / dbyer med pa dang / ro gcig pa dang / nam mkha'i ngo bo nyid dang /
241b2 rang bzhin gyis yongs su mya ngan las 'das pa'i mthar yang mi ltung ngo / /lus la lus kyi rjes su lta zhing gnas pa de lus la rdzas dang / snying po yang dag par rjes su mi mthong ngo / /
241b3 de nang gi lus la lus kyi rjes su lta zhing gnas pas nang na gnas pa'i nyon mongs pa rnams kyi skabs mi 'byed do/ /de phyi rol gyi lus la lus kyi rjes su lta zhing gnas pas phyi
241b4 rol gyi rjes su song ba'i nyon mongs pa rnams dang lhan cig tu mi gnas so/ /de lus nyon mongs pa can ma yin pas yongs su dag pa'i lus kyi las dang ldan pa yin/ de lus kyi
241b5 las yongs su dag pa dang ldan pas lha dang / mi'i nang na mtshan gyis legs par brgyan pa'i lus thob ste/ de'i lus mtshan gyis legs par brgyan pas lha dang / mi rnams mngon du
241b6 'dod par 'gyur ba yin no/ /de ltar byang chub sems dpa' lus la lus kyi rjes su lta zhing gnas te/ 'di ni byang chub sems dpa'i lus la lus kyi rjes su lta ba dran pa nye bar
241b7 gzhag pa zhes bya'o/ /de la byang chub sems dpa'i tshor ba rnams la tshor ba'i rjes su lta ba dran pa nye bar gzhag pa ni ji ltar na byang chub sems dpa' tshor ba la tshor ba'i rjes su lta
242a1 zhing gnas she na/ 'di la byang chub sems dpa' 'di snyam du sems te/ tshor ba gang ci'ang rung ste/ de thams cad sdug bsngal ba'o snyam nas des
242a2 tshor ba shin tu rtogs pa dang / ye shes kyis rtogs pa dang / shes rab kyis rtogs pa dang / nye bar zhi bas rtogs pas bde ba'i tshor ba'ang tshor bar byed de/ de 'dod chags kyi bag la
242a3 nyal yang bag la nyal bar mi 'gyur ro/ /sdug bsngal gyi tshor bas reg na'ang ngan song dang / mi khom par skyes pa'i sems can thams cad la snying rje chen po skyed de/ de khong khro
242a4 ba'i bag la nyal yang bag la nyal bar mi 'gyur ro/ /bde ba'ang ma yin sdug bsngal ba'ang ma yin pa'i tshor bas reg ste/ bde ba'ang ma yin sdug bsngal ba'ang ma yin pa'i
242a5 tshor ba'ang tshor bar byed de/ de ma rig pa'i bag la nyal yang bag la nyal bar mi 'gyur ro/ /de tshor ba dang ldan pa'i dran pas tshor ba gang ci'ang rung ste/ bde ba'am/ sdug
242a6 bsngal ba'am/ bde ba'ang ma yin sdug bsngal ba'ang ma yin pa tshor na/ tshor ba de dag thams cad las 'byung ba'i ye shes mthong ba sgom mo/ /de sems can thams cad
242a7 kyi tshor ba yongs su shes par bya ba'i phyir go gyon te/ sems can 'di dag tshor ba las nges par 'byung ba yang dag pa ji lta ba bzhin du mi shes te/ de dag 'byung ba mi shes
242b1 bas bde ba'i tshor bas reg na ni rjes su chags par 'gyur/ sdug bsngal gyi tshor bar reg na ni khong khro bar 'gyur/ sdug bsngal ba'ang ma yin bde ba'ang ma yin pa'i tshor bas reg
242b2 na ni rmongs par 'gyur te/ bdag ni shes rab dang / ye shes su ldan pa'i tshor bas tshor ba thams cad rgyun chad pa'i thabs mkhas pa dang / snying rje chen pos zin pa'i dge ba'i rtsa
242b3 ba'i tshogs kyis sems can de dag gi tshor ba thams cad bsal ba'i phyir chos bstan to snyam mo/ /yang ci'i phyir tshor ba zhes bya zhe na/ ma rig pas rtogs pa'i tshor ba ni sdug
242b4 bsngal du 'gyur/ ye shes kyis rtogs pa'i tshor ba ni bde bar 'gyur te/ de la ye shes kyis rtogs pa'i tshor ba ni bde bar 'gyur ba gang zhe na/ 'di la bdag gam/ sems
242b5 can nam/ srog gam/ skye ba po'am/ gso ba'am/ skyes bu'am/ gang zag gam/ shed las skyes sam/ shed bu'ang rung / gang gis kyang tshor bar 'gyur ba med kyi mngon
242b6 par zhen pa ni tshor ba'o/ /yongs su 'dzin pa ni tshor ba'o/ /nye bar len pa ni tshor ba'o/ /dmigs pa ni tshor ba'o/ /phyin ci log ni tshor ba'o/ /rnam par rtog pa ni tshor ba'o/ /
242b7 lta ba dang / bag la nyal ba ni tshor ba'o/ /mig tu 'du shes pa ni tshor ba'o/ /de bzhin du rna ba dang / sna dang / lce dang / lus dang / yid du 'du shes pa ni tshor ba'o/ /gzugs su
243a1 'du shes pa ni tshor ba'o/ /de bzhin du sgra dang / dri dang / ro dang / reg bya dang / chos su 'du shes pa ni tshor ba'o/ /gang yang mig dang / gzugs su 'dus
243a2 te reg pa'i rkyen las skyes pa'i bde ba'ang rung / sdug bsngal ba'ang rung / bde ba'ang ma yin sdug bsngal ba'ang ma yin pa'ang rung ste 'di ni tshor ba zhes bya'o/ /de bzhin du rna
243a3 ba dang / sgrar 'dus te reg pa'i rkyen dang / sna dang / drir 'dus te reg pa'i rkyen dang / lce dang / ror 'dus te reg pa'i rkyen dang / lus dang / reg byar 'dus te reg pa'i rkyen dang /
243a4 gang yang yid dang / chos su 'dus te reg pa'i rkyen las byung ba'i tshor ba bde ba'ang rung / sdug bsngal ba'ang rung / bde ba'ang ma yin sdug bsngal ba'ang ma yin pa'ang rung
243a5 ste 'di ni tshor ba zhes bya'o/ /gzhan yang / rnam grangs su na tshor ba ni gcig pu kho na ste/ gang 'di sems kyi rnam par rig pa'o/ /tshor ba gnyis te/ gang 'di nang gi dang /
243a6 phyi'o| |tshor ba gsum ste/ gang 'di 'das pa rnam par rig pa dang / ma 'ongs pa rnam par rig pa dang / da ltar byung ba rnam par rig pa'o/ /tshor ba bzhi ste/ gang 'di
243a7 khams bzhi rnam par rig pa'o/ /tshor ba lnga ste/ gang 'di phung po lnga yid la byed pa'o/ /tshor ba drug ste/ gang 'di skye mched drug la yongs su rtog pa'o/ /tshor ba bdun te/
243b1 gang 'di rnam par shes pa gnas pa bdun no/ /tshor ba brgyad de/ gang 'di log pa'i sbyor ba brgyad do/ /tshor ba dgu ste/ gang 'di sems can gyi gnas dgu'o/ /tshor ba bcu ste/ gang 'di
243b2 mi dge ba bcu'i las kyi lam rnams so/ /'di ni tshor ba kun gyi tshul te/ dmigs pa ji snyed pa de snyed du yid la byed do/ /ji snyed du yid la byed pa de snyed du yongs su rtog pa'o/ /ji snyed du
243b3 yongs su rtog pa de snyed du tshor ba ste/ de'i phyir na sems can tshad med pa rnams kyi tshor ba tshad med pa zhes bya'o/ /de la byang chub sems dpa' tshor ba rnams la tshor ba'i rjes su lta
243b4 zhing gnas pas sems can thams cad kyi tshor ba skye ba dang / 'jig pa dang / gnas pa shes pa bskyed par bya'o/ /gang sems can thams cad kyi tshor ba skye ba dang / 'jig pa dang / gnas pa
243b5 dang | dge ba dang / mi dge ba'i tshor ba shes pa 'di ni byang chub sems dpa'i tshor ba rnams la tshor ba'i rjes su lta ba dran pa nye bar gzhag pa zhes bya'o/ /de la byang chub sems dpa'i
243b6 sems la sems kyi rjes su lta ba dran pa nye bar gzhag pa gang zhe na/ gang byang chub sems dpa' de'i byang chub kyi sems ma brjed pa dran pas bsrungs shing mi g.yeng ba ste/ de sems
243b7 la 'di ltar rtog go /sems ni skyes nas zhig cing zhu ste mi gnas pa'o/ /nang na'ang mi 'dug /phyi rol tu'ang ma 'phos/ gnyis ka med par yang mi dmigs te/ gang bdag gi
244a1 byang chub kyi sems dang po skyes pa de ni zad cing 'gags te yal zhing med par gyur pas yul na mi gnas/ phyogs na mi gnas te/ de ni gdags
244a2 par mi nus so/ /sems bskyed pa gang gis byang chub kyi phyir dge ba'i rtsa ba rnams yang dag par bsgrubs pa de dag kyang zad cing 'gags te/ yal zhing med par gyur bas
244a3 yul na mi gnas/ phyogs na mi gnas te/ de'ang gdags par mi nus so/ /sems bskyed pa gang dag gis dge ba'i rtsa ba de dag byang chub tu yongs su bsngos pa de dag
244a4 kyang de'i rang bzhin dang / de'i mtshan nyid de/ sems kyis sems mi shes so/ /sems kyis sems mi mthong ngo / /sems kyis sems kyi mtshams mi sbyor ro/ /de la
244a5 sems gang zhe na/ gang gis bdag bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam pa ste/ byang chub kyi sems gang yin
244a6 pa de dge ba'i rtsa ba'i sems dang lhan cig mi gnas/ dge ba'i rtsa ba'i sems de'ang yongs su bsngo ba'i sems dang lhan cig mi gnas/ yongs su bsngo ba'i sems gang
244a7 yin pa de'ang byang chub kyi sems dang lhan cig mi gnas so snyam du rtog go /gal te byang chub sems dpa' de ltar rtog pas mi skrag mi dngang zhing dngang par mi 'gyur na sems
244b1 la sems kyi rjes su lta zhing gnas so/ /yang de 'di snyam du sems te /rgyu dang / 'bras bu chud mi za ba'i phyir rten cing 'brel par 'byung ba ni shin tu za ba ste/ sems kyi chos nyid
244b2 de lta bu yin du zin kyang chos thams cad ni rgyu dang / rkyen la rag las shing g.yo ba med pa/ byed pa med pa/ bdag po med pa/ yongs su 'dzin pa med pa ste/ de dag ji ltar 'dod
244b3 pa de bzhin du rnam par sgrub bo/ /bdag gis kyang rnam par sgrub pa la brtson par bya ste/ sems kyi chos nyid 'di'ang mi spang ngo snyam mo/ /de la sems kyi chos nyid ni gang / rnam
244b4 par sgrub pa ni gang zhe na/ sems ni sgyu ma lta bu ste/ 'di la gang sbyin par byed pa gang yang med de/ 'di ni sems kyi chos nyid ces bya'o/ /gang yang bdog pa thams cad yongs
244b5 su btang ste/ sangs rgyas kyi zhing yongs su dag par bya ba'i phyir yongs su bsngo ba 'di ni rnam par sgrub pa zhes bya'o/ /sems ni rmi lam lta bur rab tu zhi ba'i mtshan nyid de/ 'di
244b6 ni sems kyi chos nyid ces bya'o/ /gang yang tshul khrims dang / bslab pa dang / sbyangs pa'i yon tan dang / byang chub kyi tshogs gsog pa thams cad mkhyen pa nyid kyi phyir yongs su
244b7 bsngo ba 'di ni rnam par sgrub pa zhes bya'o/ /sems ni mig yor lta bu ste/ gzod ma nas yongs su ma grub pa 'di ni sems kyi chos nyid ces bya'o/ /gang yang bzod pa dang / des pa thams
245a1 cad mi skye ba'i chos la bzod pa yongs su rdzogs par bya ba'i phyir yongs su bsngo ba 'di ni rnam par sgrub pa zhes bya'o/ /sems ni smig rgyu lta bu ste/
245a2 shin tu dben pa'i phyir dben pa 'di ni sems kyi chos nyid ces bya'o/ /gang yang dge ba'i rtsa ba thams cad la brtson 'grus brtsams pa rnams sangs rgyas kyi chos thams
245a3 cad rdzogs par bya ba'i phyir yongs su bsngo ba 'di ni rnam par sgrub pa zhes bya'o/ /sems gi gzugs can ma yin pa/ bstan du med pa/ thogs pa med pa/ rnam par rig
245a4 pa med pa ste/ 'di ni sems kyi chos nyid ces bya'o/ /gang yang bsam gtan dang / rnam par thar pa dang / ting nge 'dzin dang / snyoms par 'jug pa thams cad sangs
245a5 rgyas kyi ting nge 'dzin thob par bya ba'i phyir yongs su bsngo ba 'di ni rnam par sgrub pa zhes bya'o/ /sems ni gzung ba med pa/ mtshan ma med pa/ bstan du med pa/ gnas
245a6 med pa ste/ 'di ni sems kyi chos nyid ces bya'o/ /gang yang dris pa'i tshig rab tu dbye ba bstan pa shes pa thams cad sangs rgyas kyi ye shes yongs su rdzogs par bya ba'i
245a7 phyir yongs su bsngo ba 'di ni rnam par sgrub pa zhes bya'o/ /sems ni dmigs pa med par mi skye ba ste/ 'di ni sems kyi chos nyid ces bya'o/ /sangs rgyas kyi chos thams
245b1 cad thob par bya ba'i phyir dge ba'i rtsa ba thams cad la dmigs pa'i sems nye bar sgrub pa 'di ni rnam par sgrub pa zhes bya'o/ /sems ni rgyu med par mi skye ba ste/ 'di ni sems kyi
245b2 chos nyid ces bya'o/ /gang yang byang chub kyi phyogs kyi chos thams cad kyi rgyur sems bskyed pa 'di ni rnam par sgrub pa zhes bya'o/ /yul drug las rnam par grol bar sems mi
245b3 skye ba 'di ni sems kyi chos nyid ces bya'o/ /gang yang sangs rgyas kyi chos thams cad kyi yul gyi rgyur sems mngon par sgrub pa 'di ni rnam par sgrub pa zhes bya'o/ /sems la sems
245b4 kyi rjes su lta zhing gnas pa'i byang chub sems dpa' mngon par shes pa thob par bya ba'i phyir sems nye bar 'dogs so/ /de mngon par shes pa thob pa'i sems kyis sems can
245b5 thams cad kyi sems kyi spyod pa rab tu shes te/ shes nas kyang de lta bu'i rang bzhin gyi chos ston to/ /sems la sems kyi rjes su lta zhing gnas pa'i byang chub sems dpa' snying rje
245b6 chen po thob par bya ba'i phyir sems nye bar 'dogs te/ de snying rje chen po thob pa'i sems kyis sems can thams cad yongs su smin par byed pas mi skyo'o/ /sems la sems kyi rjes
245b7 su lta zhing gnas pa'i byang chub sems dpa' sems zad par bya ba'i phyir sems mi skyed/ sems 'gog par bya ba'i phyir yang ma yin te/ 'khor ba'i rgyun gyi dge ba'i rtsa ba kun tu sbyor
246a1 pa rnams la sems mngon par sgrub bo/ /sems kyi dran pa shes pa des ma byung ba dang / mi skye ba dang / mi 'gog par nges par 'gyur ba la 'jug pa'i
246a2 chos su gnas kyang nyan thos dang / rang sangs rgyas kyi sar mi ltung sta/ nam yang sangs rgyas kyi chos thams cad yongs su rdzogs par ma gyur gyi bar du sems kyi rgyun de nye bar
246a3 'dogs te/ sems skad cig gcig dang ldan pa'i shes rab kyis bla na med pa yang dag par rdzogs pa'i byang chub kyang mngon par rdzogs par 'tshang rgya ste/ 'di ni byang chub
246a4 sems dpa' rnams kyi sems la sems kyi rjes su lta ba dran pa nye bar gzhag pa zhes bya'o/ /de la byang chub sems dpa'i chos rnams la chos kyi rjes su lta ba dran pa nye bar
246a5 gzhag pa gang zhe na/ 'phags pa'i shes rab kyi mig gis mthong ba'i chos de dag byang chub kyi snying po la 'dug gi bar du bar mdor brjed par mi 'gyur ro/ /chos rnams la
246a6 chos kyi rjes su lta zhing gnas pa'i byang chub sems dpa' gang stong pa nyid las rnam par grol ba dang / mtshan ma med pa las rnam par grol ba dang / smon pa med pa
246a7 las rnam par grol ba dang / mngon par 'du mi byed pa las rnam par grol ba dang / mi skye ba las rnam par grol ba dang / mi 'byung ba las rnam par grol ba dang / dngos
246b1 po med pa las rnam par grol ba'i chos chung rab tsam yang mi mthong ngo / /chos rnams la chos kyi rjes su lta zhing gnas pa'i byang chub sems dpas chos gang rten cing 'brel par
246b2 'byung ba las rnam par grol ba chung rab tsam yang mi mthong ngo / /chos rnams la chos kyi rjes su lta zhing gnas pa'i byang chub sems dpas chos kho na mthong gi chos ma yin pa
246b3 mi mthong ste/ de la chos gang zhe na/ 'di lta ste/ bdag med pa'i don dang / sems can med pa'i don dang / srog med pa'i don dang / gang zag med pa'i don dang / chad
246b4 pa med pa'i don dang / rtag pa med pa'i don dang / 'byung ba med pa'i don dang / 'jig pa med pa'i don te/ de la chos zhes bya'o/ /de la chos ma yin pa gang zhe na/ 'di lta
246b5 ste/ bdag tu lta ba dang / sems can du lta ba dang / srog tu lta ba dang / gang zag tu lta ba dang / chad par lta ba dang / rtag par lta ba dang / 'byung bar lta ba dang / 'jig par lta
246b6 ba ste/ 'di ni chos ma yin pa zhes bya'o/ /'di ltar yang chos thams cad ni chos so/ /chos thams cad ni chos ma yin pa'o/ /de ci'i phyir zhe na/ stong pa nyid dang / mtshan ma med
246b7 pa dang / smon pa med par so sor rtog pas chos thams cad ni chos ma yin no/ /ngar 'dzin pa dang / nga yir 'dzin pa'i lta ba la mngon par zhen pas chos thams cad ni chos ma
247a1 yin no/ /de ltar chos rnams la chos kyi rjes su lta zhing gnas pa'i byang chub sems dpas gang las sangs rgyas kyi chos med pa dang / gang las byang chub
247a2 med pa dang / gang las lam med pa dang / gang las thar ba med pa dang / gang las nges par 'byung ba med pa'i chos gang yang mi mthong ste/ des chos thams cad nges par
247a3 'byung bar shes pas sems can rnams la sgrib pa med pa zhes bya ba'i ting nge 'dzin gyi sgo thob par 'gyur ro/ /des chos thams cad dang / nyon mongs pa thams cad la'ang
247a4 bcos pa'i 'du shes 'thob ste/ chos 'di dag ni nyon mongs pa med pa ste/ 'di dag ni nyon mongs pa dang bcas pa ma yin no/ /de ci'i phyir zhe na/ 'di ltar de dag nges
247a5 pa'i don gyi don la rton te/ nyon mongs pa'i tshogs kyang med/ phung por gyur pa'ang med/ 'dod chags kyi dngos po med/ zhe sdang gi dngos po med/ gti mug gi dngos po
247a6 med de/ nyon mongs pa 'di dag rtogs pa'i phyir byang chub ste/ nyon mongs pa'i ngo bo nyid gang yin pa byang chub kyi ngo bo nyid kyang de yin no zhes de 'di lta bur dran pa nye bar
247a7 'jog kyang ci'ang nye bar mi 'jog /rab tu mi 'jog /rnam par mi 'jog go /chos nyid de gnas par rab tu shes te/ de'i phyir chos kyi dbyings de gnas pa zhes bya'o/ /gnas
247b1 gang na chos kyi dbyings na gnas pa de na sems can gyi khams kyang gnas so/ /sems can gyi khams gnas gang na gnas pa de na nam mkha'i khams kyang gnas te/ de bas
247b2 na chos thams cad ni nam mkha' dang mtshungs pa zhes bya'o/ /chos rnams la chos kyi rjes su lta zhing gnas pa'i byang chub sems dpa' ni sangs rgyas kyi chos la rton pa
247b3 yin te/ de chos thams cad kyang sangs rgyas kyi chos su mos so/ /de zad pa shes pa'ang skyed mod 'dus byas kyang zad par mi byed de/ /mi skye ba shes pa'ang mngon par sgrub ste/
247b4 de sems can la lta ba'ang skyed cing mi skye ba'i mtha' yang mi spong ngo / /chos dran pa nye bar gzhag pa zhes bya ba ni chos thams cad dran pa de la gnas par 'gyur te/ nyan
247b5 thos dang / rang sangs rgyas dang / byang chub sems dpa' dang / yang dag par rdzogs pa'i sangs rgyas kyi chos rnams dang / chos su btags pa ji snyed pa de dag thams
247b6 cad dran pa de la gnas par 'gyur te/ phyi ma'i mtha'i bar du'ang dran pa des mi brjed cing nyams par mi 'gyur ro/ /chos thams cad ma lus par dran pa de la gnas te/
247b7 dran pa des phyi ma'i mtha'i bar du'ang mi brjed cing nyams par mi 'gyur ro/ /chos rnams la chos kyi rjes su lta ba dran pa nye bar gzhag pa zhes bya ba de ni tshad med pa shin tu
248a1 bstan pa'i tshig ste/ kun tu spyod yul ba/ sangs rgyas kyi chos thams cad yang dag par 'du ba/ sems can thams cad tshim par byed pa/ bdud thams
248a2 cad pham par byed pa/ rang 'byung gi ye shes rtogs par byed pa'i tshig 'di ni byang chub sems dpa'i chos rnams la chos kyi rjes su lta ba dran pa nye bar gzhag pa zhes bya'o/ /
248a3 btsun pa shA ra dwa ti'i bu/ de dag ni byang chub sems dpa' rnams kyi dran pa nye bar gzhag pa bzhi sgom pa mi zad pa'o/ /btsun pa shA ra dwa ti'i bu/ gzhan yang / byang chub sems
248a4 dpa' rnams kyi yang dag par spong ba bzhi'ang mi zad pa ste/ bzhi gang zhe na/ 'di lta ste/ sdig pa mi dge ba'i chos ma skyes pa rnams mi bskyed pa'i phyir 'dun bskyed/ 'bad/
248a5 brtson 'grus rtsom ste/ sems rab tu 'dzin cing yang dag par rab tu 'jog pa dang / sdig pa mi dge ba'i chos skyes pa rnams spang ba'i phyir 'dun pa skyed/ 'bad/ brtson 'grus
248a6 rtsom ste/ sems rab tu 'dzin cing yang dag par rab tu 'jog pa dang / dge ba'i chos ma skyes pa rnams bskyed pa'i phyir 'dun pa skyed/ 'bad/ brtson 'grus rtsom ste/ sems
248a7 rab tu 'dzin cing yang dag par rab tu 'jog pa dang / dge ba'i chos skyes pa rnams gnas pa dang / bsgom pa dang / phyir zhing 'byung ba dang / chud za bar mi 'gyur ba dang /
248b1 nyams par mi 'gyur ba dang / shin tu rgyas par bya ba'i phyir 'dun pa skyed/ 'bad/ brtson 'grus rtsom ste/ sems rab tu 'dzin cing yang dag par rab tu 'jog pa'o/ /gang
248b2 sdig pa mi dge ba'i chos ma skyes pa rnams mi bskyed pa'i phyir 'dun pa skyed ces bya ba de ni tshul bzhin yid la byed pa'i tshig bla dwags so/ /'bad/ brtson 'grus rtsom zhes
248b3 bya ba de ni tshul bzhin yid la byed pa mi 'dor ba'i tshig bla dwags so/ /sems rab tu 'dzin cing yang dag par rab tu 'jog ces bya ba de ni tshul bzhin du rtog pa'i tshig bla dwags so//
248b4 de ci'i phyir zhe na/ tshul bzhin rab tu sbyor ba ni sdig pa mi dge ba'i chos rnams kun tu mi spyod pa'i phyir ro/ /de la sdig pa mi dge ba'i chos rnams gang zhe na/ gang 'di tshul khrims
248b5 kyi mi mthun pa'i phyogs dang / ting nge 'dzin gyi mi mthun pa'i phyogs dang / shes rab kyi mi mthun pa'i phyogs so/ /de la tshul khrims kyi mi mthun pa'i phyogs gang zhe na/ gang 'di
248b6 tshul khrims nyams pa dang / gang dag gzhan gyi tshul khrims kyang nyams par byed pa'i chos ci'ang rung ste/ gang dag tshul khrims kyi phung po'i mi mthun pa'i phyogs su 'gyur
248b7 ba 'di ni tshul khrims kyi mi mthun pa'i phyogs zhes bya'o/ /de la ting nge 'dzin gyi mi mthun pa'i phyogs gang zhe na/ gang 'di cho ga nyams pa ste/ gang dag gzhan gyi sems kyang rnam
249a1 par g.yeng bar byed pa'i chos ci'ang rung ste/ gang dag ting nge 'dzin gyi phung po'i mi mthun pa'i phyogs su 'gyur ba 'di ni ting nge 'dzin gyi mi mthun
249a2 pa'i phyogs zhes bya'o/ /de la shes rab kyi mi mthun pa'i phyogs gang zhe na/ gang 'di lta ba nyams pa ste/ gang dag gzhan gyi lta ba'ang nyams par byed pa/ kun nas ldang ba
249a3 dang | sgrib pa dang / chod par 'gyur ba'i chos ci'ang rung ste/ gang dag shes rab kyi phung po'i mi mthun pa'i phyogs su 'gyur pa 'di ni shes rab kyi mi mthun pa'i phyogs
249a4 zhes bya ste/ 'di ni sdig pa mi dge ba'i chos rnams zhes bya'o/ /tshul bzhin yid la byed pa gang gis sdig pa mi dge ba'i chos 'di lta bu ma skyes pa rnams mi skye ba'i go skabs
249a5 mi 'byed pa 'di ni yang dag par spong ba dang po zhes bya'o/ /gang yang sdig pa mi dge ba'i chos skyes pa rnams spang ba'i phyir 'dun pa skyed/ 'bad/ brtson 'grus rtsom ste/
249a6 sems rab tu 'dzin cing yang dag par rab tu 'jog ces bya ba de ni tshul bzhin yid la byed pa'i tshig bla dwags so/ /de ci'i phyir zhe na/ sdig pa mi dge ba'i chos de dag sems
249a7 la phung por gyur pa med de/ yul na mi gnas phyogs na mi gnas shing gdags par mi nus pa'i phyir ro/ /gang sdig pa mi dge ba'i chos de dag sems la kun tu 'byung
249b1 ba spong pa zhes pa ni rgyu dang dmigs pa gang dag gis sdug ba'i rnam par 'dod chags sam/ khong khro ba'i rnam par zhe sdang ngam/ ma rig pa'i rnam par gti mug skye ba'ang rung ste/ de
249b2 dag la mi sdug pa'i tshul bzhin yid la byed pas ni 'dod chags zhi bar byed/ byams pas ni zhe sdang / rten cing 'brel par 'byung ba la 'jug pas ni gti mug zhi bar byed pa ste/
249b3 gang nyon mongs pa 'di dag zhi ba 'di ni spong ba zhes bya'o/ /tha snyad btags pa gzung gi don dam par na de la gang spang ba'i chos gang yang mi dmigs te/ chos thams cad mnyam
249b4 pa nyid du mngon sum pas na/ de'i phyir yang dag par spong ba zhes bya ste/ 'di ni yang dag par spong ba gnyis pa zhes bya'o/ /gang yang dge ba'i chos ma skyes pa rnams bskyed
249b5 pa'i phyir 'dun pa skyed/ 'bad/ brtson 'grus rtsom ste/ sems rab tu 'dzin cing yang dag par rab tu 'jog ces bya ba de ni tshad med pa'i tshig shin tu bstan pa'o/ /de ci'i phyir
249b6 zhe na/ gang dag byang chub sems dpas yang dag par bsgrub par bya ba'i chos de dag tshad med pa'i phyir ro/ /de la 'dun pa ni dge ba'i chos thams cad kyi rtsa ba'o/ /brtson 'grus
249b7 ni dge ba'i chos thams cad yang dag par sgrub pa'o/ /sems yang dag par 'dzin pas ni dge ba'i chos thams cad nyams su lon par byed de/ dge ba'i chos de dag la dpyod
250a1 cing rnam par 'byed pa ste/ 'di ni yang dag par spong ba gsum pa zhes bya'o/ /gang yang dge ba'i chos skyes pa rnams gnas pa dang / bsgom pa dang /
250a2 phyir zhing 'byung ba dang / chud za bar mi 'gyur ba dang / nyams par mi 'gyur ba dang / shin tu rgyas par bya ba'i phyir 'dun pa skyed/ 'bab/ brtson 'grus rtsom ste/ sems
250a3 rab tu 'dzin cing yang dag par rab tu 'jog ces bya ba de ni byang chub tu yongs su bsngos pa'i dge ba'i rtsa ba'i tshig bla dwags so/ /de ci'i phyir zhe na/ byang chub tu yongs su
250a4 bsngos pa'i dge ba'i rtsa ba ni byang chub kyi snying po'i mthar ma thug gi bar du bar ma dor chud mi za ba'i phyir ro/ /de ci'i phyir zhe na/ 'di ltar dge ba'i rtsa ba de ni khams gsum
250a5 pa thams cad la mi gnas pa'i phyir te/ dge ba'i rtsa ba gang khams gsum pa la gnas pa de ni yongs su zad par 'gyur gyi/ dge ba'i rtsa ba gang khams gsum pa la mi
250a6 gnas par thams cad mkhyen pa nyid du yongs su bsngos pa de ni byang chub kyi snying po'i mthar ma thug gi bar du bar ma dor gang yang zad par mi 'gyur ro/ /'di ni byang chub sems
250a7 dpa' yang dag par spong ba bzhi zhes bya ste/ btsun pa shA ra dwa ti'i bu/ de dag ni byang chub sems dpa' rnams kyi yang dag par spong ba bzhi mi zad pa'o// //
250b1 bam po bdun pa ste tha ma/ btsun pa shA ra dwa ti'i bu/ gzhan yang / byang chub sems dpa' rnams kyi rdzu 'phrul gyi rkang pa bzhi mi zad pa ste/ bzhi gang zhe na/ 'di lta ste/ 'dun pa
250b2 dang | brtson 'grus dang / sems dang / dpyod pa'o/ /de dag gi rtsa ba'i rten dang / gnas ni byams pa dang / snying rje dang / dga' ba dang / btang snyoms dang / tshad med pa bzhi
250b3 po dag ste/ de tshad med pa bzhi po 'di la bstan cing bsgoms te mang du byas pas sems las su rung ba thob par 'gyur ro/ /de sems las su rung ba thob pas bsam gtan
250b4 dang po la mnyam par 'jog go /de bzhin du gnyis pa dang / de bzhin du gsum pa dang / de bzhin du bzhi pa la'ang mnyam par gzhog ste/ des bsam gtan thob pas lus
250b5 dang / sems yang ba thob par 'gyur ro/ /de lus dang / sems yang ba dang ldan pas mngon par shes pa la 'jug pa mngon par sgrub bo/ /de mngon par shes pa la 'jug pa mngon
250b6 par sgrub pa dang ldan pas 'dun pa las sam/ brtson 'grus las sam/ sems las sam/ dpyod pa las rdzu 'phrul gyi rkang pa skyed do/ /de la 'dun pa ni gang chos de dag la mngon
250b7 du phyogs pa'o/ /brtson 'grus ni gang chos de dag sgrub pa'o/ /sems ni gang chos de dag la rtog pa'o/ /dpyod pa ni gang chos de dag la mkhas pa ste/ de rdzu 'phrul gyi rkang pa
251a1 mngon par sgrub pa rnams kyis yang dag par sgrub ste/ de'i phyir na rdzu 'phrul gyi rkang pa zhes bya'o/ /de la 'dun pas ni rnam par sgrub bo/ /brtson 'grus
251a2 kyis ni rdzogs par byed do/ /sems kyis ni rnam par 'jog go /dpyod pas ni rnam par 'byed do/ /de la byang chub sems dpa' rnams kyi rdzu 'phrul gyi rkang pa ni mos pa las
251a3 byung ba mngon par 'du byed pa med pa/ rang gi sems bskyed pas dbang byed pa/ ji ltar 'dod pa bzhin du 'gro ba yongs su spang ba legs par byas pa/ rtsa ba la shin tu gnas
251a4 pa| thams cad du rgyu zhing rlung dmar bzhin du thogs pa med pa/ nam mkha'i mthar thug pa ste/ btsun pa shA ra dwa ti'i bu/ de dag byang chub sems dpa' rnams kyi rdzu 'phrul
251a5 gyi rkang pa bzhi mi zad pa'o/ /btsun pa shA ra dwa ti'i bu/ gzhan yang / byang chub sems dpa' rnams kyi dbang po lnga mi zad pa ste/ de la dbang po lnga gang zhe na/ gang 'di dad pa'i
251a6 dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de la dad pa'i dbang po gang zhe na/ dad pa gang
251a7 gis chos bzhi la dad pa ste/ bzhi gang zhe na/ 'di lta ste/ 'khor ba na spyod pa'i 'jig rten pa'i yang dag pa'i lta ba la dad pa ste/ de las kyi rnam par smin pa la rten pa yin/ dge
251b1 ba'am/ sdig pa'i las gang dang / gang byas pa'i las de dang / de'i rnam par smin pa myong bar 'gyur ro snyam ste/ srog gi phyir yang sdig pa'i las mi byed pa dang / byang chub sems
251b2 dpa'i spyod pa la dad pa ste/ spyod pa de la zhugs nas kyang theg pa gzhan la 'dod pa mi skyed pa dang / chos thams cad la don dam pa nges pa'i don zab mo rten cing 'brel par
251b3 'byung ba bdag med pa/ sems can med pa/ srog med pa/ gso ba med pa/ gang zag med par rnam par dpyod pa dang / stong pa nyid dang / mtshan ma med pa dang / smon pa med
251b4 pa'i mtshan nyid du dad pa ste/ lta bar gyur pa thams cad dang / bag la nyal bar gyur pa thams cad bag la nyal bar mi byed pa dang / stobs dang / mi 'jig pa la sogs pa
251b5 sangs rgyas kyi chos thams cad la dad pa ste/ dad pa'i phyir the tshom dang bral/ nem nur dang bral bas sangs rgyas kyi chos de dag yang dag par sgrub pa ste/ 'di ni dad pa'i dbang po
251b6 zhes bya'o/ /de la brtson 'grus kyi dbang po gang zhe na/ chos gang dag la dad pa'i dbang pos dad par gyur pa'i chos de dag brtson 'grus kyi dbang pos yang dag par sgrub ste/
251b7 'di ni brtson 'grus kyi dbang po zhes bya'o/ /de la dran pa'i dbang po gang zhe na/ chos gang dag brtson 'grus kyi dang pos yang dag par bsgrubs pa dran pa'i dbang pos chud mi
252a1 gzon te/ 'di ni dran pa'i dbang po zhes bya'o/ /de la ting nge 'dzin gyi dbang po gang zhe na/ dran pa'i dbang pos chos gang dag chud mi gzon pa'i chos de
252a2 dag ting nge 'dzin gyi dbang pos rtse gcig tu byed de/ 'di ni ting nge 'dzin gyi dbang po zhes bya'o/ /de la shes rab kyi dbang po gang zhe na/ chos gang dag ting nge 'dzin gyi dbang pos
252a3 rtse gcig tu byas pa'i chos de dag shes rab kyi dbang pos rab tu rtog cing shin tu rtogs par byed de/ gang chos de dag la gzhan gyi dring la mi 'jog par shes shing so sor
252a4 rang gis shes pa 'di ni shes rab kyi dbang po zhes bya'o/ /de ltar na dbang po lnga 'di dag ni lhan cig 'grogs shing rjes su 'brel ba ste/ sangs rgyas kyi chos thams cad
252a5 yongs su rdzogs par byed do/ /lung bstan pa'i sar yang gzhog go /btsun ba shA ra dwa ti'i bu/ 'di lta ste/ dper na/ phyi rol pa'i dbang po lnga mngon par shes pa rnams
252a6 sems can mngal du song ba rnams ni ji srid du de'i pho'i dbang po dang / mo'i dbang po mngon par grub par ma gyur pa de srid du lung mi ston to/ /de bzhin du sangs rgyas
252a7 bcom ldan 'das rnams kyang byang chub sems dpa' dag pa ji srid du 'jig rten las 'das pa'i dbang po lnga po 'di dag dang ldan par ma gyur pa de srid du bla na med pa yang
252b1 dag par rdzogs pa'i byang chub tu lung mi ston te/ btsun pa shA ra dwa ti'i bu/ 'di dag ni byang chub sems dpa' rnams kyi dbang po lnga mi zad pa'o/ /btsun pa shA ra dwa ti'i bu/ gzhan
252b2 yang / byang chub sems dpa' rnams kyi stobs lnga mi zad pa ste/ de la stobs lnga gang zhe na/ 'di lta ste/ dad pa'i stobs dang / brtson 'grus kyi stobs dang / dran pa'i stobs dang /
252b3 ting nge 'dzin gyi stobs dang / shes rab kyi stobs so/ /de la dad pa'i stobs gang zhe na/ gang 'di mos pa dang / dad pa dang / mi rdzib ste/ gal te bdud sdig can sangs rgyas
252b4 kyi gzugs kyis de'i drung du 'ongs nas chos la nges par sems pa'i mos pa gang yang rung ba las 'bral bar byed cing 'dun pa zlog bar byed na'ang dad pa'i stobs la mos pa'i
252b5 byang chub sems dpa' ni dad pa'i stobs de las bskyod pa'am/ bsgul ba'am/ bslang bar mi nus te/ 'di ni dad pa'i stobs zhes bya'o/ /de la brtson 'grus kyi stobs gang zhe
252b6 na| byang chub sems dpas brtson 'grus brtsam pa gang dang / gang rtsom pa dang / dge ba'i chos gang dang / gang dag la sbyor ba de dang / de dag la stobs bskyed pa sra ba 'thob ste/ stobs
252b7 bskyed pa de dang ldan pa'i byang chub sems dpa' gnas de las ma brgal gyi bar du de la lhar bcas pa'i 'jig rten gyis kyang bskyod pa'am/ bsgul ba'am/ bslang bar mi
253a1 nus pa 'di ni brtson 'grus kyi stobs zhes bya'o/ /de la dran pa'i stobs gang zhe na/ de chos dran pa'i gnas gang dang / gang la sems 'jog pa
253a2 de las nyon mongs pa gang yang rung ba dag gis gtor bar mi nus te/ de'i dran pa'i stobs pa skyed pa des nyon mongs pa thams cad 'joms shing / byang chub sems dpa'i
253a3 dran pa de ni nyon mongs pa thams cad kyis mi rdzi ba yin te/ 'di ni dran pa'i stobs zhes bya'o/ /de la ting nge 'dzin gyi stobs gang zhe na/ gang 'du 'dzi thams cad las dben
253a4 par gnas zhing spyod pa ste/ de sgra dang / tshig gi lam thams cad kyis shin tu ston kyang de'i bsam gtan dang po la sgra'i tsher ma'ang sgrib par mi byed do/ /de rtog pa dang /
253a5 dpyod par spyod kyang de'i bsam gtan gnyis pa la sgrib par mi 'gyur ro/ /de dga' ba dang / mgu ba skyes pa'ang de'i bsam gtan gsum pa la sgrib par yang mi 'gyur ro/ /de
253a6 sems can thams cad smin par bya ba dang / dam pa'i chos yongs su gzung ba'i phyir btang snyoms par yang mi 'gyur la/ de'i bsam gtan bzhi pa la'ang sgrib par mi
253a7 'gyur ro/ /de bsam gtan bzhi po de dag gis gnas te/ bsam gtan dang mi mthun pa'i phyogs kyi chos rnams kyis kyang thul bar mi nus so/ /de mnyam par bzhag
253b1 pa'i gnas kyang mi gtong la ting nge 'dzin gyi dbang gis kyang mi skye ste/ 'di ni ting nge 'dzin gyi stobs zhes bya'o/ /de la shes rab kyi stobs gang zhe na/ gang 'jig rten pa dang / 'jig rten
253b2 las 'das pa'i chos la mi thul bar shes pa ste/ tshe rabs tshe rabs su'ang de'i slob dpon med par bzo'i las dang / rig pa dang / sngags dang / stobs kyi gnas thams cad mngon
253b3 du 'gyur ro/ /'jig rten na dam pa/ bya dka' ba/ bzod par dka' ba/ thob par dka' ba/ ji snyed pa de dag byang chub sems dpa' la mngon par 'gyur ro/ /gang yang 'jig rten
253b4 las 'das pa'i chos gang dang / gang dag gis 'jig rten las zlo ba de dag kyang byang chub sems dpa' de'i shes rab dang / ye shes kyi stobs bskyed pas rjes su rtogs te/ lta
253b5 dang | mi dang / lha ma yin du bcas pa'i 'jig rten gyis mi rdzi ba 'di ni shes rab kyi stobs zhes bya ste/ btsun pa shA ra dwa ti'i bu/ de dag ni byang chub sems dpa' rnams kyi stobs
253b6 lnga mi zad pa'o/ /btsun pa shA ra dwa ti'i bu/ gzhan yang / byang chub sems dpa' rnams kyi byang chub kyi yan lag bdun ni mi zad pa ste/ de la byang chub kyi yan lag bdun gang zhe
253b7 na| 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang /
254a1 dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang /
254a2 btang snyoms yang dag byang chub kyi yan lag go /de la dran pa yang dag byang chub kyi yan lag gang zhe na/ dran pa gang gis chos rnams rtogs par 'gyur ba dang / chos rnams la
254a3 so sor rtog pa dang / chos rnams la dpyod pa dang / chos rnams la kun 'gro ba dang / chos rnams la bsam pa dang / chos rnams la rjes su rtog pa ste/ de dran pa des chos rnams
254a4 kyi rang gi mtshan nyid rtogs par 'gyur ro/ /chos rnams kyi rang gi mtshan nyid gang zhe na/ chos thams cad ni rang gi mtshan nyid kyi stong pa ste/ gang gis de ltar dran zhing rtogs
254a5 pa 'di ni dran pa yang dag byang chub kyi yan lag ces bya'o/ /de la chos rnam par 'byed pa yang dag byang chub kyi yan lag gang zhe na/ gang chos kyi phung po brgyad khri bzhi stong rnam par
254a6 'byed pa shes te/ chos gang ji lta ji lta bur rnam par dbye bar bya ba nges pa'i don kyang nges pa'i don du/ drang ba'i don kyang drang ba'i don du/ kun rdzob kyi don kyang kun rdzob kyi don du/
254a7 don dam pa'ang don dam par/ brda'ang brdar/ rnam par nges pa'ang rnam par nges par chos de dang / de dag de lta bur rnam par 'byed pa 'di ni chos rnam par 'byed pa yang dag
254b1 byang chub kyi yan lag ces bya'o/ /de la brtson 'grus yang dag byang chub kyi yan lag gang zhe na/ gang dran pa 'di dang / chos rnam par 'byed pa dang / dga' ba dang / shin tu sbyangs
254b2 pa dang / ting nge 'dzin dang / btang snyoms zhes pa 'di rab tu 'dzin pa dang / spro ba dang / stobs dang / rtul ba dang / phyir mi ldog pa dang / 'dun pa dang / mthu dang / brtson pa mi
254b3 gtong ba dang / lam mngon par rtogs par bya ba'i phyir brtson pa 'di ni brtson 'grus yang dag byang chub kyi yan lag ces bya'o/ /de la dga' ba yang dag byang chub kyi yan lag gang
254b4 yin| chos la dga' ba dang / chos la mos pa dang / chos la mchog tu dga' ba gang gis sems ma god pa dang dad cing 'dod pa ste/ chos la dga' ba gang gis lus dang / sems shin
254b5 tu sbyangs par 'gyur ba dang / nyon mongs pa rnams sel ba 'di ni dga' ba yang dag byang chub kyi yan lag ces bya'o/ /de la shin tu sbyangs pa yang dag byang chub kyi yan lag gang zhe
254b6 na| gang lus shin tu sbyangs pa dang / sems shin tu sbyangs pas nyon mongs pa bsal bas sgrib pa dang bral ba dang / zhi gnas la 'jug pa'i dmigs pa la sems gzhog
254b7 pa 'di ni shin tu sbyangs pa yang dag byang chub kyi yan lag ces bya'o/ /de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos kyi
255a1 ye shes mngon par rdzogs par 'tshang rgya yi/ sems mnyam par ma bzhag pas ni ma yin no/ /gang sems mnyam par bzhag pas chos de dag
255a2 mngon par rdzogs par 'tshang rgya yi/ sems mnyam par ma bzhag pas ma yin te/ lta ba dang / bag la nyal dang / kun nas ldang ba de dag bor bas kyang mngon par
255a3 rdzogs par 'tshang mi rgya ste/ gzhan du na chos thams cad mnyam pa nyid dang / chos thams cad tha dad du dbye ba med pas chos thams cad mnyam pa nyid mngon par rdzogs par
255a4 'tshang rgya ste/ 'di ni ting nge 'dzin yang dag byang chub kyi yan lag ces bya'o/ /de la btang snyoms yang dag byang chub kyi yan lag gang zhe na/ gang 'di ni bde ba dang / yid
255a5 mi bde ba'i cha dang mthun pa'i chos rnams kyis sems yongs su mi gtugs pa dang / 'jig rten gyi chos rnams kyis mi 'phrogs pa dang / mtho dman du mi gnas pa'i
255a6 phyir mi bsgul ba yin te/ gnod pa med pa dang / 'phrogs pa med pa dang / rjes su chags pa med pa dang / zhe 'gras pa med pa dang / 'phags pa'i bden pa'i lam dang
255a7 mthun pa 'di ni btang snyoms yang dag byang chub kyi yan lag ces bya ste/ btsun pa shA ra dwa ti'i bu/ de dag ni byang chub sems dpa' rnams kyi byang chub kyi yan lag bdun mi zad
255b1 pa'o| |btsun pa shA ra dwa ti'i bu/ gzhan yang / byang chub sems dpa' rnams kyi lam mi zad pa ste/ de la byang chub sems dpa' rnams kyi lam gang zhe na/ lam zhes bya ba ni
255b2 'phags pa'i lam yan lag brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang /
255b3 yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /de la yang dag pa'i lta ba gang zhe na/ gang 'di 'phags pa 'jig
255b4 rten las 'das pa ste/ bdag tu lta ba las kun nas langs pa ma yin/ sems can du ma yin/ srog tu ma yin/ gso bar ma yin/ skyes bur ma yin/ gang zag tu ma yin/
255b5 shed las skyes su ma yin/ shed bur ma yin/ byed pa por ma yin/ tshor ba por lta ba las kun nas langs pa ma yin/ mi rtag pa dang / chad par lta ba las kun nas langs
255b6 pa ma yin/ 'byung ba dang / 'jig par lta ba las kun nas langs pa ma yin/ dge ba dang / mi dge ba dang / lung du mi ston par lta ba las kun nas langs pa'ang ma yin pa nas
255b7 'khor ba dang / mya ngan las 'das par lta ba'i bar las kun nas langs pa'ang ma yin te/ 'di ni yang dag pa'i lta ba zhes bya'o/ /de la yang dag pa'i rtog pa gang zhe na/ rtog
256a1 pa gang dag gis 'dod chags dang / zhe sdang dang / gti mug gi nyon mongs pa dag kun tu 'byung ba'i kun tu rtog pa de dag la mi rtog pa dang / rtog
256a2 pa gang dag gis tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po rnams kun tu 'byung ba'i
256a3 kun tu rtog pa de dag la mi rtog pa ni yang dag pa'i rtog pa zhes bya'o/ /de la yang dag pa'i ngag gang zhe na/ ngag gang gis bdag la'ang yongs su mi gdung zhing gzhan
256a4 la'ang ma yin pa dang / bdag la'ang kun nas nyon mongs par mi byed cing gzhan la'ang ma yin pa dang / bdag la'ang mi gnod cing gzhan la'ang ma yin pa ste/ ngag gang
256a5 gis 'phags pa'i lam la legs par 'jug pa mnyam par bzhag pa la brtson pa'i ngag de dang ldan pa yin te/ 'di ni yang dag pa'i ngag ces bya'o/ /de la yang dag pa'i las
256a6 kyi mtha' gang zhe na/ gang las kyang gnag la rnam par smin pa gnag pa'i las de mngon par 'du mi byed pa dang / gang las kyang dkar la rnam par smin pa'ang dkar ba'i
256a7 las de mngon par 'du byed pa dang / gang las kyang dkar gnag la rnam par smin pa'ang dkar gnag tu 'gyur ba'i las de ma mngon par 'du mi byed pa dang / las gang mi gnag
256b1 mi dkar zhing rnam par smin pa'ang med la las kyi sa las zad par 'gyur ba'i las de mngon par 'du byed pa'o/ /de las la rton pa yang dag pa'i las kyi mtha' la brtson pa
256b2 zhes bya ste/ 'di ni yang dag pa'i las kyi mtha' zhes bya'o/ /de la yang dag pa'i 'tsho ba gang zhe na/ gang 'phags pa'i rigs dang / sbyangs pa'i yon tan dang / yo byad bsnyungs
256b3 pa mi gtong ba dang / tshul 'chos pa med pa dang / kha gsag med pa dang / thob kyis 'jal ba med pa dang / dgang sla ba dang / gso sla ba dang / cho ga bzang po'i ngang tshul can dang /
256b4 gzhan gyi rnyed pa la phrag dog med pa dang / bdag gi rnyed pas chog shes pa dang / kha na ma tho ba med pa dang / 'phags pas gnang ba'i 'tsho ba 'di ni yang dag pa'i 'tsho ba'o/ /de la
256b5 yang dag pa'i rtsol ba gang zhe na/ rtsol ba gang log pa rnams kyis 'phags pas ma gnang ba/ 'dod chags dang / zhe sdang dang / gti mug gi nyon mongs pa'i bag la nyal ba
256b6 byed pa'i rtsol ba de mi 'dod cing / rtsol ba gang yang dag par 'phags pa'i lam dang / bden pa la 'jug pa/ mya ngan las 'da' bar 'gro ba'i lam du gtong ba'i rtsol ba de'i rjes
256b7 su 'gro ba 'di ni yang dag pa'i rtsol ba zhes bya'o/ /de la yang dag pa'i dran pa gang zhe na/ dran pa gang shin tu nye bar gzhag pa dang / mi sgul ba dang / drang ba dang / gya gyu med pa dang /
257a1 'khor ba'i skyon gyi nyes dmigs la lta ba dang / mya ngan las 'das pa'i lam du 'dren pa ste/ dran pa dang / gzhungs pa dang / 'phags pa'i lam
257a2 mi brjed pa 'di ni yang dag pa'i dran pa zhes bya'o/ /de la yang dag pa'i ting nge 'dzin gang zhe na/ yang dag pa nyid du mnyam pa dang / gang chos thams cad kyis mnyam pa
257a3 ste| ting nge 'dzin gang la gnas pas sems can thams cad rab tu thar bar bya ba'i phyir yang dag pa nges par 'gyur ba la 'jug pa 'di ni yang dag pa'i ting nge 'dzin ces
257a4 bya'o| |yang gang byang chub sems dpa'i ting nge 'dzin 'di la gnas nas sems can thams cad rab tu thar bar bya ba'i phyir yang dag pa nges par 'gyur ba la 'jug pa
257a5 'di ni byang chub sems dpa'i yang dag pa'i ting nge 'dzin mi zad pa zhes bya'o/ /'di ni 'das pa dang / ma byon pa dang / da ltar byung ba'i sangs rgyas bcom ldan 'das rnams
257a6 kyi lam ste/ de byang chub sems dpa' mngon par rdzogs par sangs rgyas nas 'chad pa dang / ston pa dang / rab tu ston pa dang / 'dzin du 'jug pa dang / mos par byed pa
257a7 dang / klog tu 'jug pa dang / shes par byed pa dang / rnam par shes par byed pa dang / rab tu shes pa byed pa dang / rab tu 'dzud pa dang / rnam par 'grel pa dang / rnam par
257b1 'byed pa dang / gsal bar byed pa dang / yang dag par ston pa 'di ni/ btsun pa shA ra dwa ti'i bu/ byang chub sems dpa' rnams kyi lam mi zad pa zhes bya'o/ /btsun pa shA ra dwa ti'i bu/
257b2 gzhan yang / byang chub sems dpa' rnams kyi zhi gnas dang / lhag mthong yang mi zad pa yin te/ de la zhi gnas mi zad pa gang zhe na/ gang sems zhi ba dang / rab tu zhi ba dang /
257b3 nye bar zhi ba dang / rnam par mi g.yeng ba dang / dbang po legs par bsdams pa dang / mi rgod pa dang / mi 'phyar ba dang / mu cor mi smra ba dang / yab yab po ma yin pa dang / mi 'gyur
257b4 ba dang / zhi des pa dang / bsrungs pa dang / cang shes pa dang / las su rung ba dang / rtse gcig pa dang / gcig pur dga' ba dang / 'du 'dzi yongs su spong ba dang / dben par dga'
257b5 ba dang / lus dben pa dang / sems ma brlang pa dang / dgon par mngon du phyogs pa yid la byed pa dang / 'dod pa nyung ba dang / 'dod pa med pa dang / 'dod chen med pa dang /
257b6 chog shes pa dang / 'tsho ba yongs su dag pa dang / chog phun sum tshogs pa dang / spyod lam bsrungs pa dang / dus shes pa dang / tshod shes pa dang / dus min shes pa dang /
257b7 drod shes pa dang / dgang sla ba dang / gso sal ba dang / so sor brtags pa'i stobs kyis mi mtho mi dma' ba dang / ngan du brjod pa dang / ngan du smras ba'i tshig gi lam dang du
258a1 len pa dang / rnal 'byor la mngon du phyogs pa'i sems skyed pa dang / nang du yang dag 'jog la mngon par dga' ba dang / bsam gtan gyi
258a2 yan lag yid la byed pa dang / byams pa skyed pa dang / snying rje mngon par sgrub pa dang / dga' ba la gzhog pa dang / btang snyoms sgom pa dang / bsam gtan dang po dang /
258a3 bsam gtan gnyis pa dang / bsam gtan gsum pa dang / bsam gtan bzhi pa dang / nam mkha' mtha' yas skye mched dang / rnam shes mtha' yas skye mched dang /
258a4 ci'ang med pa'i skye mched dang / 'du shes med 'du shes med min skye mched dang / 'du shes dang / tshor ba 'gog pa mthar gyis snyoms par 'jug pa dgu po 'di dag ni zhi
258a5 gnas zhes bya'o/ /'di ltar zhi gnas kyi tshogs ni tshad med pa ste/ zhi gnas kyi tshogs de dag la gang brtson pa 'di ni zhi gnas mi zad pa zhes bya'o/ /de la byang chub sems dpa'
258a6 rnams kyi lhag mthong mi zad pa gang zhe na/ gang shes rab kyi cha dang mthun pa sgom pa'i lam ste/ chos rnams la g.yo ba med par shes pa dang / bdag med pa dang / sems can med
258a7 pa dang / srog med pa dang / gso ba med pa dang / gang zag med par shes pa dang / phung po rnams la sgyu mar mthong ba'i shes pa dang / khams rnams la sbrul gdug pa lta bur
258b1 mthong ba'i shes pa dang / skye mched rnams la grong stong pa lta bur mthong pa'i shes pa dang / bden pa rnams la shin tu rtogs par mthong ba'i shes pa dang / rten cing 'brel par 'byung
258b2 ba dang mi 'gal bar mthong ba'i shes pa dang / lta ba thams cad dang bral bar mthong ba'i shes pa dang / rgyu dang / 'bras bu dang / rnam par smin pa chud mi za bar mthong ba'i shes pa dang /
258b3 'bras bu 'thob pa mngon sum du bya ba la nges par mthong ba'i shes pa dang / yang dag pa nyid la 'jug pa mthong ba'i shes pa ni lhag mthong zhes bya ste/ lhag mthong zhes bya ba ni chos
258b4 rnams yang dag par mthong ba'o/ /chos rnams ji lta ba bzhin du mthong ba'o/ /chos rnams de kho na nyid du mthong ba'o/ /chos rnams gzhan ma yin pa nyid du mthong ba'o/ /chos rnams
258b5 stong pa dang / mtshan ma med pa dang / smon pa med par mthong ba'o/ /chos rnams mngon par 'du mi byed pa dang / de bzhin du ma skyes pa dang / ma byung ba dang / dngos po med pa dang /
258b6 ji lta ba bzhin dang / rnam par dag pa dang / dben par mthong ba'o/ /chos rnams g.yo ba med pa dang / byed pa med pa dang / bdag po med pa dang / yongs su 'dzin pa med pa dang / dbyer med
258b7 cing ro gcig pa dang / nam mkha'i ngo bo nyid dang / rang bzhin gyis mya ngan las 'das par mthong ba'o/ /lhag mthong zhes bya ba ni yod pa'i rnam par yang mi mthong / med pa'i rnam
259a1 par yang mi mthong / skye ba dang / 'jig pa dang / gnas pa'i rnam par yang mi mthong / dmigs pa dang / mtshan ma'i rnam par yang mi mthong ba ste/ de
259a2 mthong mod kyi ci'ang mi mthong ngo / /gang gis tshe mthong ba med pa de'i tshe mthong ste/ lhag mthong gis kyang mthong ba'ang ma yin/ ma mthong ba'ang ma yin par mthong ngo / /gang gi tshe de
259a3 ltar mthong ba de'i tshe yang dag pa nyid mthong ngo / /yang dag pa nyid mthong bas lhag mthong la mkhas pas thob par 'gyur ro/ /de la byang chub sems dpa' lhag mthong gis de
259a4 ltar mthong yang mngon par 'du mi byed par yang mi ltung zhing dge ba'i rtsa ba mngon par 'du byed pa las kyang mi ldang ste/ 'di ni byang chub sems dpa' rnams kyi lhag mthong
259a5 mi zad pa zhes bya'o/ /btsun pa shA ra dwa ti'i bu/ de dag ni byang chub sems dpa' rnams kyi zhi gnas dang / lhag mthong mi zad pa'o/ /btsun pa shA ra dwa ti'i bu/ gzhan yang / byang
259a6 chub sems dpa' rnams kyis gzungs dang / spobs pa mi zad pa yin te/ de la gzungs mi zad pa gang zhe na/ gzungs zhes bya ba ni gang sngon dge ba'i rtsa ba'i tshogs bsags
259a7 pa| dran pas chos kyi phung po brgyad khri bzhi stong 'dzin pa dang / kun 'dzin pa dang / mi brjed pa dang / dran pas yang dag par 'dzin pa ste/ 'di ni gzungs zhes bya'o/ /yang
259b1 gzungs zhes bya ba ni gang gis sangs rgyas thams cad kyis gsungs pa kun tu 'dzin pa dang / byang chub sems dpa' thams cad dang / rang sangs rgyas thams cad dang / nyan
259b2 thos thams cad dang / sems can thams cad kyis smras pa kun tu 'dzin pa dang / legs par smras pa thams cad ma lus par kun tu 'dzin pa ste/ 'di ni gzungs zhes bya'o/ /gang
259b3 gi tshe bskal pa gzhan du brjes par gyur tam/ tshe gzhan du brjes par gyur pa de'ang byang chub sems dpa' de'i gzungs kyi dran pa'i shes pa de chung za bar mi 'gyur/ brjed par
259b4 yang mi 'gyur te/ chos thams cad 'phags pa'i shes rab kyi mig gis lag mthil na skyu ru ra'i 'bru 'dug pa bzhin du mthong ba 'di ni gzungs mi zad pa zhes bya'o/ /de la spobs
259b5 pa mi zad pa gang zhe na/ spobs pa zhes bya ba ni gang 'di thogs pa med pa'i spobs pa dang / rgyun chad pa med pa'i spobs pa dang / mi 'phrogs pa'i spobs pa dang / ma rmongs
259b6 pa'i spobs pa dang / myur ba'i spobs pa dang / dga' ba'i spobs pa dang / la gor du spobs pa dang / mi 'gyur ba'i spobs pa dang / rno ba'i spobs pa dang / mgyogs pa'i spobs
259b7 pa dang / de'i spobs pa de ni las kyi rnam par smin pa yongs su sbyangs pa/ sangs rgyas kyis bslabs pa/ lha rnams kyis yongs su bzung ba/ phyad par lung ston pa/ 'bras bu
260a1 yod par chos ston pa/ mya ngan las 'das pa'i lam du 'gro ba ste/ de de ltar spobs pa phun sum tshogs pa yin no/ /gzugs su snang ba ji snyed par
260a2 byang chub sems dpa' de'i mdo dang / tshigs su bcad pa bstan pa la spobs par snang ba'ang de snyed du/ sgrar grag pa ji snyed par byang chub sems dpa' de'i mdo dang / tshigs su
260a3 bcad pa bshad pa la spobs par snang ba'ang de snyed de 'di bstan to/ /'di bshad do zhes de mi rtog cing mngon par 'du byed pa med mod kyi 'khor gang dang / gang du 'gro'ang rung ste/
260a4 gal te rgyal rigs kyi 'khor du'am/ gal te bram ze'i 'khor du'am/ gal te rje'u rigs kyi 'khor du'am/ gal te khyim bdag gi 'khor du'am/ gal te dge sbyong gi 'khor
260a5 du'am/ gal te rgyal chen bzhi'i 'khor du'am/ gal te sum cu rtsa gsum pa'i 'khor du'am/ gal te 'thab bral gyi 'khor du'am/ gal te dga' ldan gyi 'khor du'am/ gal te
260a6 'phrul dga'i 'khor du'am/ gal te gzhan 'phrul dbang byed kyi 'khor du'am/ gal te bdud kyi 'khor du'am/ gal te tshangs pa'i 'khor du'ang rung ste/ de dang / der de'i lhun
260a7 gyis grub pa nyid du sems can thams cad kyi dad pa dang / dbang po dag la chos rnams spobs par gyur te/ de 'dod na tshe gzhan nam/ bskal pa gzhan gyi bar du'ang mi ldang zhing thogs
260b1 pa med par chos ston to/ /de'i chos bstan pa des kyang de byed pa'i sdug bsngal yang dag par zad par bya ba'i phyir nges pa 'byung bar 'gyur te/ 'di ni byang chub sems dpa' rnams
260b2 kyi spobs pa mi zad pa'o/ /btsun pa shA ra dwa ti'i bu/ de dag ni byang chub sems dpa' rnams kyi gzungs dang / spobs pa mi zad pa'o/ /btsun pa shA ra dwa ti'i bu/ gzhan yang / byang chub
260b3 sems dpa' rnams kyi chos kyi mdo bzhi mi zad pa ste/ bzhi gang zhe na/ 'di lta ste/ 'du byed thams cad ni mi rtag par byang chub sems dpa' rnams kyi bstan pa mi zad pa'i shes
260b4 pa rab tu 'jug pa dang / 'du byed thams cad sdug bsngal bar byang chub sems dpa' rnams kyi bstan pa mi zad pa'i shes pa rab tu 'jug pa dang / chos thams cad bdag med
260b5 par byang chub sems dpa' rnams kyi bstan pa mi zad pa'i shes pa rab tu 'jug pa dang / mya ngan las 'das pa zhi bar byang chub sems dpa' rnams kyi bstan pa mi zad pa'i
260b6 shes pa 'jug pa'o/ /de la mi rtag pa'i don gang zhe na/ med pa'i don dang / mi chags pa'i don te/ dngos po rnam par 'jig pa'i don ni ma yin no/ /mi rtag pa'i don ni chos
260b7 la bdag med pa ste/ ngo bo nyid kyis dben pa'i phyir de la rnam par 'jig pa gang yang med de/ 'di ni mi rtag pa'i don to/ /de la sdug bsngal gyi don gang zhe na/ mngon par dga'
261a1 ba med pa'i don ni sdug bsngal gyi don to/ /dga' ba zad pa'i don ni sdug bsngal gyi don to/ /smon pa med pa'i don ni sdug bsngal gyi don to/ /sdug bsngal
261a2 gyi sgra rab tu bstan pa'i don ni sdug bsngal gyi don to/ /nam mkha' rab tu brjod pa'i don ni sdug bsngal gyi don te/ 'di ni sdug bsngal gyi don ces bya'o/ /de la bdag med pa'i
261a3 don gang zhe na/ bdag ni shin tu bdag med pa ste/ gang bdag med pa'i don de ni gsob bo/ /gsog go /ya ma brla'o/ /stong pa'o/ /stong pa'i don ni bdag med pa'i don te/
261a4 'di ni bdag med pa'i don ces bya'o/ /de la zhi ba'i don gang zhe na/ zhi ba ni zhi bas zhi bar mi 'gyur te/ zhi ba nyid zhi ba'o/ /ma zhi ba'ang zhi bas zhi bar mi 'gyur te/ gang zhi ba'i
261a5 don de ni mtshan ma thams cad nye bar zhi ba ste/ 'di ni zhi ba zhes bya'o/ /zhi ba ni mya ngan las 'das pa ste/ 'di ni zhi ba'i don ces bya'o/ /btsun pa shA ra dwa ti'i bu/ 'di dag ni byang
261a6 chub sems dpa' rnams kyi chos kyi mdo bzhi mi zad pa'o/ /btsun pa shA ra dwa ti'i bu/ gzhan yang / byang chub sems dpa' rnams kyi gcig pu bgrod pa'i lam mi zad pa yin te/
261a7 de la gcig pu bgrod pa'i lam gang zhe na/ gcig pu bgrod pa'i lam la byang chub sems dpa' rnams gzhan gyi dring la mi 'jog pa yin te/ gcig pu bgrod pa'i lam zhes bya
261b1 ba ni byang chub sems dpa' gcig pu gnyis ma yin zhing / grogs med par bla na med pa yang dag par rdzogs pa'i byang chub tu go cha gyon te/ bdag gi brtson 'grus dang / mthu dang /
261b2 stobs kyi yongs su bzung ba'i lhag pa'i bsam pas gzhan gyi skabs med par bdag nyid byed cing bdag gi mthu stobs kyis 'phags te/ des de lta bu'i go cha sra ba bgos nas
261b3 sems can thams cad kyis yongs su thob par bya ba gang ci yod pa de dag thams cad bdag gis yongs su thob par bya'o/ /gang 'phags pa thams cad dang / theg pa la gsar
261b4 du zhugs pa'i byang chub sems dpa' rnams kyi thob par bya ba la de bdag gis yongs su thob par bya'o/ /sbyin pa ni bdag gi grogs ma yin gyi bdag ni sbyin pa'i grogs so/ /
261b5 tshul khrims dang / bzod pa dang / brtson 'grus dang / bsam gtan dang / shes rab ni bdag gi grogs ma yin gyi bdag ni tshul khrims dang / bzod pa dang / brtson 'grus
261b6 dang | bsam gtan dang / shes rab kyi grogs so/ /bdag la ni pha rol tu phyin pa rnams kyis rim gro mi bya yi/ bdag gis ni pha rol tu phyin pa rnams la rim gro bya'o/ /bdag
261b7 la ni bsdu ba'i dngos po rnams kyis rim gror mi bya yi/ bdag gis ni bsdu ba'i dngos po rnams la rim gro bya'o/ /bdag la ni dge ba'i rtsa ba thams cad kyis rim gror mi bya yi/
262a1 bdag gis ni dge ba'i rtsa ba thams cad la rim gror bya'o/ /gang 'di lta bu'i chos la grogs med par bdag nyid med cing gzhan gyi go skabs med par
262a2 bdag gcig pu gnyis ma yin zhing grogs med par rdo rje sa'i snying po la 'dug ste/ bdud stobs dang bcas pa rnams btul la/ sems kyi skad cig gcig dang ldan pa'i
262a3 shes rab kyis bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam la/ de'ang mngon par rdzogs par 'tshang rgya ba de ni/ btsun pa shA ra dwa
262a4 ti'i bu/ byang chub sems dpa' rnams kyi gcig pu bgrod pa'i lam mi zad pa zhes bya'o/ /btsun pa shA ra dwa ti'i bu/ gzhan yang / byang chub sems dpa' rnams kyi thabs mi zad pa
262a5 ste| de la thabs gang zhe na/ thabs gang gis byang chub sems dpa' sangs rgyas kyi chos thams cad ni rnam par sgrub cing slong ba ste/ thabs ni byang chub sems dpa'i dge ba'i chos
262a6 thams cad nye bar gzhog pa'o/ /thabs ni bsam pa nges par sems pa'o/ /thabs ni sbyor ba rgyun mi 'chad pa'o/ /thabs ni lhag pa'i bsam pas bye brag tu 'phags pa'i chos
262a7 'dod pa'o/ /thabs ni sbyin pas pha rol tu phyin pa thams cad yongs su rdzogs par byed pa'o/ /thabs ni tshul khrims kyis skye ba thams cad yongs su 'dzin pa'o/ /thabs ni bzod
262b1 pas byang chub kyi phyir lus dang / ngag dang / sems kyi rgyan to/ /thabs ni brtson 'grus kyis 'jug pa dang / gnas pa la brtson pa'o/ /thabs ni bsam gtan gyis bsam gtan las
262b2 phyir ldog par shes pa'o/ /thabs ni shes rab kyis 'dus ma byas spong ba'o/ /thabs ni byams pas dpung gnyen med pa rnams kyi skyabs so/ /thabs ni snying rjes 'khor ba la mi
262b3 smod pa'o/ /thabs ni dga' bas dga' ba dang / mi dga' ba la mi mjed pa'o/ /thabs ni btang snyoms kyis dge ba'i rtsa ba dang / tshogs thams cad 'phel ba'o/ /thabs ni lha'i
262b4 mig gis sangs rgyas kyi spyan 'thob pa'o/ /thabs ni lha'i rna bas sangs rgyas kyi snyan 'thob pa'o/ /thabs ni pha rol gyi sems shes pas dbang po mchog dang / mchog ma yin pa shes
262b5 pa 'thob pa'o/ /thabs ni sngon gyi gnas rjes su dran pas dus gsum la chags pa med par shes pa'o/ /thabs ni rdzu 'phrul bya ba shes pas de bzhin gshegs pa'i rdzu 'phrul
262b6 'thob pa'o/ /thabs ni sems can dag gi bsam pa rnams la 'jug pa'o/ /thabs ni sbyor ba'i mtshan nyid rab tu shes pa'o/ /thabs ni brgal nas bdug pa'o/ /zhugs nas
262b7 kyang brgal ba'o/ /thabs ni nyon mongs pa med pas kun nas nyon mongs pa'o/ /thabs ni khur bor nas khur khyer ba'o/ /thabs ni tshad yod pa tshad med par ston pa'o/ /thabs ni tshad
263a1 med pa tshad yod par ston pa'o/ /thabs ni dbang po zhen pa rnams la gsal bar byed pa'o/ /thabs ni dus dang / dus ma yin pa shes pa'o/ /thabs ni
263a2 lam la lam ngan par 'gro ste/ lam ngan pa la gnas pa'i sems can rnams yang dag pa'i lam la rab tu 'god pa'o/ /thabs ni nyung du las mang por byed do/ /mang po
263a3 las tshad med par byed do/ /thabs ni bye ba'i sems can rnams 'dum par byed do/ /thabs ni tha ma dang / 'bring dang / rab la gnas pa'o/ /thabs ni mya ngan las 'das pa'i rigs
263a4 las 'khor ba'i rigs par ltung ngo / /thabs ni thar pa las bcings pa tshol lo/ /thabs ni shes bya zad par byed de/ shes bya zad par yang mi ltung ngo / /thabs ni spyod lam
263a5 thams cad 'khrugs par byed la spyod lam rnam las kyang mi nyams so/ /thabs ni sems can la lta bar tshul khrims la ma yin no/ /thabs ni bsdu bas lta ba la rten gyi rtsod
263a6 pas ni ma yin no/ /thabs ni sgra 'byin pa'o/ /thabs ni khams gsum pa spyod yul ba'o/ /thabs ni rnam par thar pa'i sgo gsum 'thob pa'i mtshan nyid spyod pa'o/ /thabs ni
263a7 'phags pa ma yin pa'i skye bo dang 'dres kyi 'phags pa'i skye bo dang ma 'dres pa'o/ /thabs ni mya ngan la 'das pa'i la rgyab kyis bltas shing 'khor ba la mngon du phyogs pa'o/ /
263b1 thabs ni bdud kyi spyod yul la nyon mongs pa med par snang ba'o/ /thabs ni thams cad nas thams cad de/ btsun pa shA ra dwa ti'i bu/ 'di ni byang chub sems dpa' rnams kyi thabs
263b2 mi zad pa zhes bya'o/ /btsun pa shA ra dwa ti'i bu/ 'di dag ni byang chub sems dpa' rnams kyi mi zad pa brgyad cu ste/ mi zad pa 'dir sangs rgyas kyi chos thams cad chud cing 'dus
263b3 pa'o| |byang chub sems dpa' blo gros mi zad pas mi zad pa'i chos kyi sgo'i le'u 'di bshad pa na srog chags 'bum phrag bdun cu rtsa brgyad sngon bla na med pa yang dag par rdzogs
263b4 pa'i byang chub tu sems ma bskyed pa sems bskyes par 'gyur to/ /byang chub sems dpa' lnga khri nyis stong ni mi skye ba'i chos la bzod pa thob par gyur to/ /thams cad dang ldan pa'i
263b5 'khor des kyang chos kyi rnam grangs 'di la mchod par bya ba'i phyir me tog gi phreng ba dang / me tog gi gdugs dang / me tog gi rna rgyan kha dog dang ldan pa/ dri dang ldan pa/ rnam pa sna
263b6 tshogs kyis bcom ldan 'das dang / byang chub sems dpa' blo gros mi zad pa la mngon par gtor to/ /lha rnams kyis kyang steng gi nam mkha' la glu blangs te/ 'di skad ces/
263b7 sangs rgyas bcom ldan 'das rnams kyi bla na med pa yang dag par rdzogs pa'i byang chub bskal pa bye ba khrag khrig brgya stong grangs med par bsgrubs pa gang yin pa de ni/ byang chub
264a1 sems dpa' blo gros mi zad pas chos kyi rnam grangs 'dir mi zad pa'i rnam pas bstan to/ /sems can gang dag mi zad pa'i sgo'i le'u'i chos kyi
264a2 rnam grangs 'di nyan cing thos nas kyang mos pa dang / yongs su 'dri ba dang / 'dzin pa dang / 'chang ba dang / klog pa dang / kun chub par byed pa dang / gzhan dag la'ang rgya cher
264a3 yang dag par ston pa de dag kyang mi zad pa 'di dang ldan par 'gyur ro zhes ched du brjod pa ched du brjod do/ /de nas bcom ldan 'das kyis nyid kyi sku las phrag pa'i ras phud
264a4 de byang chub sems dpa' blo gros mi zad pa la chos kyi dgab pa'i phyir byin nas 'di skad ces bka' stsal to/ /legs so/ /legs so/ /skyes bu dam pa/ mi zad pa'i chos kyi rnam
264a5 grangs 'di khyod kyis legs par smras so/ /khyod la de bzhin gshegs pa rjes su yi rang ngo / /gang khyod la des rjes su yi rang ba de la sangs rgyas bcom ldan 'das gang+gA'i klung
264a6 gi bye ma snyed dag kyang rjes su yi rang ngo / /de nas byang chub sems dpa' blo gros mi zad pas phrag pa'i ras de lag pa gnyis kyis blangs te/ spyi bo la bzhag nas/ 'di skad ces/
264a7 bcom ldan 'das kyi sku la gsol ba 'di lha dang / mi dang / lha ma yin du bcas pa'i 'jig rten gyi mchod rten lags so zhes gsol to/ /de nas phyogs bcu nas rin po che'i
264b1 ras bcos bu dang / rin po che'i gdugs dang / rin po che'i ba dan dang / rin po che'i lnga ldi rin po che'i spang rgyan dang / rin po ches spras pa'i dar gyi lnga ldi dag 'ong bar snang ste/ de
264b2 dag 'ongs nas byang chub sems dpa' blo gros mi zad pa'i lus la mngon par 'gebs par byed de/ rin po che'i ras bcos bu dang / rin po che'i gdugs dang / rin po che'i ba dan
264b3 dang | lnga ldi rin po che'i spang rgyan can de dag las blo gros mi zad pa legs so/ /legs so/ /blo gros mi zad pa/ khyod kyis mi zad pa'i sgo'i le'u legs par smras te/ khyod kyis legs
264b4 par smras pa la rjes su yi rang ngo zhes sgra byung ngo / /de nas bcom ldan 'das la tshe dang ldan pa shA ra dwa ti'i bus 'di skad ces gsol to/ /bcom ldan 'das/ rin po che'i ras bcos
264b5 bu dang / rin po che'i gdugs rnams dang / rin po che'i ba dan rnams dang / lnga ldi rin po che'i spang rgyan can 'di dag gang nas mchis/ 'di lta bu'i sgra dag ga las byung / bcom ldan
264b6 'das kyis bka' stsal pa/ shA ra dwa ti'i bu/ 'di ni byang chub sems dpa' blo gros mi zad pa sngon byang chub sems dpa'i spyad pa spyod pa na sems can gang dag bla na med pa yang dag
264b7 par rdzogs pa'i byang chub tu yongs su smin par byas pa de dag da ltar phyogs bcu'i 'jig rten gyi khams su bla na med pa yang dag par rdzogs pa'i byang chub mngon par rdzogs par
265a1 sangs rgyas te/ de bzhin gshegs pa de dag gis byang chub sems dpa' blo gros mi zad pa la rab byas pa gzo ba dang / byas pa tshor bar 'dzin pas
265a2 skyes bu dam pa 'di'i yang dag pa'i yon tan brjod cing / 'dus pa chen po'i chos kyi rnam grangs 'di la'ang mchod pa bya ba'i phyir chos kyi dgab pa 'di dag btang ngo / /de nas
265a3 thams cad dang ldan pa'i 'khor de/ byang chub sems dpa' blo gros mi zad pa la rab tu dga' ba dang / mos pa dang / ri po shin tu cher bskyed nas/ tshig ba 'di skad ces/ gang
265a4 bdag gis byang chub sems dpa' blo gros mi zad pa la blta ba dang / phyag 'tshal ba dang / mchod pa dang / bsnyen bkur bya ba dang / chos bstan pa 'di'ang mnyan pa rnyed pa ni
265a5 bdag cag gis rnyed pa legs par rnyed do/ /sems can gang dag gis byang chub sems dpa' blo gros mi zad pa'i ming thos pa de dag kyang rnyed pa legs par rnyed pa yin na/
265a6 gang dag gis 'di mngon sum du sha'i mig gis mthong la/ chos kyis rnam grangs 'di'ang nyan cing thos nas kyang mos pa dang / yongs su 'dri ba dang / 'dzin pa dang / 'chang ba
265a7 dang / klog pa dang / ston pa dang / kun chub par byed pa dang / gzhan dag la'ang rgya cher rab tu ston pa lta ci smos zhes smras so/ /de nas bcom ldan 'das kyis 'khor de'i
265b1 legs par smras pa la rjes su yi rang bar mdzad de/ tshe dang ldan pa shA ra dwa ti'i bu la bka' stsal pa/ shA ra dwa ti'i bu/ byang chub sems dpa'i theg pa ba'i rigs kyi bu'am/
265b2 rigs kyi bu mo gang gis tshe'i tshad bskal par gnas pas sangs rgyas bcom ldan 'das rnams la sbyin pa byin la tshul khrims dang / brtul zhugs yang dag par blangs pa thams
265b3 cad la slob cing / sems can thams cad kyis nyes par byas pa'ang bzod la/ mgo dang / gos la me 'bar ba bzhin du brtson 'grus brtsams shing gnas te/ bsam gtan rtse
265b4 gcig dang ldan la shes rab kyi bye brag la mkhas kyang chos kyi rnam grangs 'di dang bral na de'i pha rol tu phyin pa rnams yongs su rdzogs par ngas ma bshad do/ /shA ra dwa ti'i bu/
265b5 byang chub sems dpa'i theg pa pa'i rigs kyi bu'am/ rigs kyi bu mo gang chos kyi rnam grangs 'di nyan pa dang / thos nas kyang mos pa dang / 'dri ba dang / 'dzin pa dang / 'chang
265b6 ba dang / klog pa dang / kun chub par byed pa dang / gzhan dag la'ang rgya cher yang dag par ston pa dang / sgom pa'i rnal 'byor la brtson par gnas pa de ni de'i pha rol tu
265b7 phyin pa rnams yongs su rdzogs par 'gyur pa dang / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar ngas bshad do/ /de ci'i phyir zhe
266a1 na| shA ra dwa ti'i bu/ byang chub sems dpa' gang chos kyi rnam grangs 'di rab tu ston te/ gzhan dag la'ang rgya cher rab tu ston pa de ni de'i sbyin pa'i
266a2 pha rol tu phyin pa yongs su rdzogs pa'i phyir ro/ /de ci'i phyir zhe na/ 'di lta ste/ chos kyi sbyin pa de ni sbyin pa rnams kyi mchog yin pa'i phyir ro/ /byang chub kyi sems ma brjed
266a3 pas chos kyi rnam grangs 'di la brtson pa'i tshul khrims dang / brtul zhugs dang / legs par sdom pa gang yin pa 'di ni de'i tshul khrims kyi pha rol tu phyin pa yongs su rdzogs
266a4 pa ste/ de ci'i phyir zhe na/ byang chub sems dpa'i tshul khrims dang / bslab pa thams cad ni chos kyi rnam grangs 'di las yongs su bstan pa'i phyir ro/ /chos kyi rnam grangs 'di
266a5 las byang chub sems dpa'i bzod pa bstan pa gang yin pa de ni sems can thams cad kyis kyang bskyod par mi nus te/ gang chos thams cad kyi rjes su song ba'i bzod pa
266a6 de ni de'i bzod pa'i pha rol tu phyin pa'i mchog go /chos kyi rnam grangs 'di rab tu 'don pa dang / ston pa dang / sbyor ba dang / sgom pa'i lus dang / ngag dang / sems
266a7 kyi brtson 'grus gang yin pa de ni de'i brtson 'grus kyi pha rol tu phyin pa'o/ /chos kyi rnam grangs 'di la sems nges par sems shing rnam par mi g.yeng la rtse gcig tu nges
266b1 par sems pa gang yin pa de ni de'i bsam gtan gyi pha rol tu phyin pa'i mchog go /chos kyi rnam grangs 'di bshad pa na mngon sum du shes pa dang / gzhan gyi dring la mi 'jog
266b2 par shes pa dang / rab tu rnam par 'byed pa shes pa dang / nan tan shes pa gang yin pa de ni de'i shes rab kyi pha rol tu phyin pa'i mchog ste/ shA ra dwa ti'i bu/ de ltar na chos kyi
266b3 rnam grangs 'di la rab tu sbyor ba'i byang chub sems dpa' ni dka' ba chung dus pha rol tu phyin pa drug po 'di dag bsgom pa yongs su rdzogs par 'gyur ro/ /shA ra dwa ti'i bu/
266b4 rnam grangs 'dis kyang de 'di ltar rig par bya ste/ chos kyi rnam grangs 'dis byang chub sems dpa'i lus la yod pa'am/ glegs bam du byas kyang rung ste/ sangs rgyas kyi chos
266b5 thams cad de'i lag mthil du phyin par shes par bya'o/ /gal te 'byung ba chen po rnams gzhan du gyur kyang / byang chub sems dpa' de'i byang chub ni mi 'gyur ro/ /de ci'i
266b6 phyir zhe na/ shA ra dwa ti'i bu/ 'di ni byang chub sems dpa' phyir mi ldog pa rnams kyi rgya ste/ byang chub sems dpa' de dag kyang rgya 'di las 'tshal bar gang rgya 'di'i phyir
266b7 'brang ba de dag ni sangs rgyas kyi chos de dag thams cad kyi phyir 'brang ba yin no/ /de nas rgyal po chen po bzhi stobs dang bcas/ 'khor dang bcas pa/ bcom ldan 'das
267a1 la thal mo sbyar te/ phyag btsal nas bcom ldan 'das la 'di skad ces gsol to/ /bcom ldan 'das/ bdag cag rgyal po bzhi rnams ni/ bcom
267a2 ldan 'das kyi nyan thos rgyun du zhugs pa ste/ bcom ldan 'das/ bdag cag ni/ gang chos kyi rnam grangs 'di 'dzin pa'i rigs kyi bu po'am/ rigs kyi bu mo de dag gi
267a3 g.yog dang / rim gro bgyi bar rab tu spro ste/ bcom ldan 'das/ chos smra ba de dag la bdag cag gis ston par 'du shes bskyed par bgyi'o/ /de ci'i phyir zhe na/ bcom
267a4 ldan 'das/ theg pa thams cad ni 'di las 'ong ngo / /de nas bcom ldan 'das la brgya byin lha'i dbang pos 'di skad ces gsol to/ /bcom ldan 'das/ bdag cag gis
267a5 bcom ldan 'das las chos kyi rnam grangs brgya stong mang po thos kyang / shin tu gdon mi za ba'i chos kyi don 'di lta bu bstan pa bdag cag gis sngon nam yang ma thos so/ /
267a6 bcom ldan 'das/ grong dang / grong khyer dang / grong rdal dang / yul dang / rgyal po'i pho brang 'khor gang dang / gang na chos kyi rnam grangs 'di 'chad pa dang / rab tu ston pa de
267a7 dang der bdag sum cu rtsa gsum pa'i lha rnams dang bcas te/ chos mnyan pa'i slad du mchi'o/ /chos smra ba de dag la'ang chos kyi bsrung bar bgyi'o/ /rigs kyi bu de dag
267b1 ci nas 'jigs pa ma mchis par gyur cing / 'khor gyis 'jigs pa med pa dang / chos kyi rnam grangs 'di la zhugs te/ gzhan la'ang rgya cher rab tu ston par brtson 'grus dang /
267b2 stobs dang / mthu dang / spro ba dang / spobs pa dang / dran pa dang / blo gros dang / rtogs pa rab tu stsal par bgyi'o/ /bcom ldan 'das kyis bka' stsal pa/ kau shi ka/ gang
267b3 khyod kyis chos smra ba rnams srung bar byed pa de ni legs so/ /legs so/ /kau shi ka/ chos smra ba bzung bas ni dam pa'i chos yongs su gzung bar 'gyur ro/ /dam pa'i chos
267b4 yongs su bzung bas ni sems can thams cad yongs su gzung bar 'gyur ro/ /de nas bcom ldan 'das la tshangs pa mi mjed kyi bdag pos 'di skad ces gsol to/ /bcom
267b5 ldan 'das/ bdag dang / tshangs ris kyi lhar bcas pas bsam gtan gyi dga' ba dang / bde ba btang ste/ gang dang / gang na chos kyi rnam grangs 'di spyod pa de dang / der chos kyi rnam
267b6 grangs de mnyan pa'i slad du mchi'o/ /de chos smra ba de dag gis ltas bzhis na 'dir tshangs pa mi mjed kyi bdag po tshangs ris kyi lha rnams dang bcas te/ chos nyan pa'i phyir lhags
267b7 so zhes 'tshal bar bgyi ste/ bzhi gang zhe na/ 'di lta ste/ snang ba chen po mthong ba dang / lha rdzas kyi dri ma nam pa dang / chos smra ba des chos kyi rnam grangs 'di la nges pa'i tshig
268a1 gis nges pa'i tshig dang / tshig gi mtshams sbyar bar tshig gi mtshams su mi bskyud cing drang bar spobs pa dang / 'khor de dag thams cad kyang sems
268a2 rnam par mi g.yeng bar chos la gus par yid la bgyid pas chos nyan pa ste/ ltas bzhi po de dag gis mi mjed kyi bdag po tshangs pa tshangs ris kyi lha rnams dang lhan cig
268a3 tu chos nyan du 'dir mchis par 'tshal bar bgyi'o/ /de nas bcom ldan 'das la bdud sdig can gyis 'di skad ces gsol to/ /bcom ldan 'das/ chos kyi rnam grangs 'dis
268a4 bdag gi stobs dang / bzhon par bcas pa thams cad stobs chung bar bgyis so/ /de ci'i slad du zhe na/ bcom ldan 'das/ byang chub sems dpa' gang gis chos kyi rnam grangs
268a5 'di thos pa ni de nyid kyis byang chub sems dpa' de bla na med pa yang dag par rdzogs pa'i byang chub tu lung bstan pa lags te/ bcom ldan 'das/ sangs rgyas kyi zhing
268a6 gang na byang chub sems dpa' de gnas na de nyid sangs rgyas zhes bgyi'o/ /bcom ldan 'das/ byang chub sems dpa' blo gros mi zad pa dang / chos kyi rnam grangs
268a7 'di'i gzi brjid kyi tshogs dang / stobs bskyed pas bdag gi nga rgyal dang / rgyags pa dang / dregs pa rnams bcom pas chos smra ba de dag bsrung ba dang / bskyab pa dang /
268b1 sba bar dam bca'o/ /gang na chos kyi rnam grangs 'di spyod pa der sems bskyed pa'i bag tsam gyis kyang bar chad bgyid du mi mchi'o/ /de nas bcom ldan 'das kyis tshe dang ldan
268b2 pa kun dga' bo la bka' stsal pa/ kun dga' po/ dam pa'i chos yun ring du gnas par bya ba'i phyir chos kyi rnam grangs 'di khyod kyis zungs shig /lhogs shig /kun chub par
268b3 gyis shig /kun dga' bos gsol pa/ bcom ldan 'das/ bdag gis chos kyi rnam grangs 'di gzung lags na/ byang chub sems dpa' sems dpa' chen po dag ltar
268b4 bdag gis chos kyi rnam grangs rgyas par bgyid pa'i rngo mi thogs lags so/ /bcom ldan 'das kyis bka' stsal pa/ kun dga' bo/ chos kyi rnam grangs 'di rgyas par rnam
268b5 par dbye ba'i phyir snying las chung dur gyis shig /'khor 'di na gang dag chos kyi rnam grangs 'di phyogs bcur rgyas par byed pa dang / dam pa'i chos yongs su 'dzin pa'i
268b6 byang chub sems dpa' dag tshogs shing 'khod do/ /de nas 'khor de nas byang chub sems dpa' bye ba phrag bcus dam pa'i chos yongs su gzung ba'i phyir bcom ldan 'das la
268b7 'di skad ces gsol to/ /bcom ldan 'das/ bdag cag gis 'dus pa chen po'i le'u'i chos kyi rnam grangs 'di phyogs bcu'i 'jig rten du ma lus par rdzogs shing rgyas par
269a1 bgyi'o/ /'jig rten gyi khams mi mjed 'di na'ang byang chub sems dpa' sems dpa' chen po byams pa dam pa'i chos yongs su gzung ba dang / dam
269a2 pa'i chos bsrung ba'i slad du chos kyi rnam grangs 'di rgyas par bgyid de/ bcom ldan 'das yongs su mya ngan las 'das nas slad ma'i 'dus lnga brgya pa tham la chos kyi rnam
269a3 grangs 'di byang chub sems dpa' gang dag gi rna lam du grag par 'gyur ba dang / 'dzin pa dang / 'chang ba dang / klog pa dang / ston pa de dag ni byang chub sems dpa' byams
269a4 pa'i byin gyi rlabs su rig par bgyi'o/ /de nas bcom ldan 'das kyis dam pa'i chos yongs su 'dzin pa byang chub sems dpa' de dag la bka' stsal pa/ skyes bu dam pa
269a5 dag| ji ltar khyod da ltar nga'i mdun na dam pa'i chos yongs su 'dzin par langs pa de bzhin du khyod sangs rgyas bcom ldan 'das gang+gA'i klung gi bye ma snyed kyi spyan sngar dam pa'i
269a6 chos yongs su 'dzin par langs pa legs so/ /legs so/ /de nas bcom ldan 'das la byang chub sems dpa' sems dpa' chen po blo gros me zad pas 'di skad ces
269a7 gsol to/ /bcom ldan 'das/ bdag blo zhan pas bdag gis chos kyi rnam grangs 'dir don dang / tshig dang / yi ge yongs su rdzogs par ma bgyis pa lta na bcom ldan
269b1 'das dang / mi zad pa'i chos dang ldan pa'i byang chub sems dpa' sems dpa' chen po 'di dag la bdag bzod pa gsol to/ /bcom ldan 'das kyis bka' stsal pa/ blo gros
269b2 mi zad dang / so so yang dag par rig pa sgrib pa med pa thob pa'i byang chub sems dpa' rnams la don dang / chos dang / nges pa'i tshig dang / spobs pa rnams la 'khrul pa med
269b3 do| |'gog pa la'ang 'khrul pa med do/ /gang dag chos 'di lta bu dag rtogs par khong du chud pa'i skyes bu dam pa de dag ni yang dag pa'i don rnam par nges pa thob pa yin no/ /blo
269b4 gros mi zad pa/ khyod ni so so yang dag par rig pa bzhi'i dam pa'i mchog thob cing dbang rnyed ba/ theg pa chen po 'di la gzhan gyi dring la mi 'jog cing rnam par nges pa'i dam pa'i
269b5 mchog thob pa ste/ blo gros mi zad pa/ sa 'di thob pa'i byang chub sems dpa' rnams la lus kyi 'khrul pa'am/ ngag gi 'khrul pa'am/ sems kyi 'khrul pa gang yang med do/ /de
269b6 dag thams cad ni ye shes sngon du 'gro ba'i lus dang / ngag dang / yid kyi las dang ldan pa yin no/ /blo gros mi zad pa/ khyod ni sangs rgyas bye ba khrag khrig brgya stong mang pos chos
269b7 bstan pa'i phyir rjes su dgongs so/ /blo gros mi zad pa de lta bu rnams kyis khyod 'dra ba'i skyes bu dam pa rnams la shin tu bzod do/ /de nas bcom ldan 'das la tshe dang ldan pa kun dga'
270a1 bos 'di skad ces gsol to/ /bcom ldan 'das/ chos kyi rnam grangs 'di'i ming ci lags/ 'di ji lta bur gzung bar bgyi/ bcom ldan 'das kyis
270a2 bka' stsal pa/ kun dga' bo/ de'i phyir khyod kyis chos kyi rnam grangs 'di blo gros mi zad pas bstan pa dang / don dang / tshig dang / yi ge mi zad pa bstan pa dang / 'dus pa chen po'i
270a3 le'u dang / blo gros mi zad pa'i le'u zhes bya bar yang zungs shig /kun dga' bo khyod kyis 'dus pa chen po'i le'u'i chos kyi rnam grangs 'di gzung na de las chos la dran pa'i stobs
270a4 kyi mthu bskyed pa 'bum 'gyur du thob par 'gyur ro/ /gzhan dag la'ang bstan na sems can thams cad la sangs rgyas kyi bya bas nye bar gnas par 'gyur ro/ /bcom ldan 'das
270a5 kyis de skad ces bka' stsal nas/ byang chub sems dpa'i tshogs de dag thams cad dang / byang chub sems dpa' sems dpa' chen po blo gros mi zad pa dang / gnas brtan shA
270a6 ra dwa ti'i bu dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das
270a7 kyis gsungs pa la mngon par bstod do/ /'dus pa chen po'i le'u 'bum pa las blo gros mi zad pas bstan pa zhes bya ba theg pa chen po'i mdo rdzogs so// //
CLOSE WINDOW