བོད་ཡིག |
11b5 zhus chen gyi lo tsA ba dge slong rin chen bzang pos bsgyur cing zhus te gtan la phab pa// //rgya gar skad du/ AR+ya lo ka d+ha ra pra ri pra
11b6 ts+tshA nA ma sU tra/ bod skad du/ 'phags pa 'jig rten 'dzin gyis yongs su dris pa zhes bya ba'i mdo/ bam po dang po/ sangs rgyas dang / byang chub sems dpa' thams cad la phyag 'tshal
11b7 lo| |'di skad bdag gis thos pa dus gcig na/ bcom ldan 'das rgyal po'i khab bya ka lan+ta ka'i gnas 'od ma'i tshal na dge slong gi dge 'dun chen po dang thabs gcig tu bzhugs
12a1 so| |de'i tshe bcom ldan 'das 'khor mang po brgya stong snyed kyis yongs su bskor ba la chos ston te/ 'khor de'i nang nas byang chub sems dpa' sems
12a2 dpa' chen po 'jig rten 'dzin ces bya ba'ang 'dus par gyur te/ byang chub sems dpa' sems dpa' chen po rnams tshad med pa'i yon tan gyis yongs su brgyan pas sems
12a3 bskyed pa'i phyir/ chos thams cad kyi nges pa'i don mthar phyin pa thams cad shes par bya ba'i phyir/ tshad med pa'i smon pas tshad med pa'i rgyan yongs su rdzogs par 'gyur ba
12a4 shin tu shes par bya ba'i phyir/ tshad med pa'i chos rnams kyi nges pa'i mtshan nyid rtogs shing khong du chud par bya ba'i phyir/ smon lam tshad med pas lhag pa'i bsam pa shin tu
12a5 rnam par dag par bya ba'i phyir/ yongs su rdzogs par shes pa'i phyir/ sbyin pa'i rgyan dang / nges pa'i rnam par dag pa'i phyir/ tshul khrims kyi rgyan dang / bzod pa yongs su rdzogs
12a6 par bya ba'i phyir/ mnyen cing des pa'i sems dang / rnam par dag par bya ba'i phyir/ brtson 'grus dang / yongs su dag pa shes par bya ba'i phyir/ bsam gtan dang / shes
12a7 rab kyi pha rol tu phyin pa khong du chud cing rtogs par bya ba dang / de dag la sogs pa yon tan tshad med pa'i phyir 'dug pa las langs nas/ bla gos phyogs gcig tu byas te/
12b1 bcom ldan 'das gang na ba de logs su thal mo sbyar nas bcom ldan 'das la 'di skad ces gsol to/ /bcom ldan 'das/ bdag skye bo mang po la phan pa dang / bde ba'i slad du byang
12b2 chub sems dpa' sems dpa' chen po rnams sangs rgyas kyi gdung mi gcod par 'gyur ba dang / spyod lam kun tu tshul khrims la ma chags shing / tshul khrims rnam par dag pa dang
12b3 ldan pa dang / chos chen po la nan tan byed cing 'phags pa'i chos kyi spyod yul tshad med pa 'dzin pa la shin tu mkhas pa'i byang chub sems dpa' rnams kyi slad du bdag zhu ba zhu'o/ /
12b4 bcom ldan 'das/ ji ltar na byang chub sems dpa' sems dpa' chen po dag chos rnams kyi yang dag pa'i mtshan nyid la shin tu mkhas pa lags/ ji ltar na chos rnams kyi mtshan
12b5 nyid shin tu rnam par 'byed pa la mkhas pa lags/ ji ltar na dran pa'i mthu dang ldan pa lags/ ji ltar na chos thams cad kyi rnam grangs rnams par 'byed pa la mkhas pa'i shes rab
12b6 dang ldan pa lags/ ji ltar na lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan pa lags/ de skad ces gsol
12b7 pa dang / bcom ldan 'das kyis byang chub sems dpa' 'jig rten 'dzin la 'di skad ces bka' stsal to/ /legs so/ /legs so/ /'jig rten 'dzin/ de ltar khyod kyis byang chub
13a1 sems dpa' sems dpa' chen po rnams kyi phyir/ de bzhin gshegs pa la don de dag dris pa ni legs so/ /khyod skye bo mang po la phan pa dang / bde ba'i phyir/
13a2 'jig rten la snying brtse ba'i phyir/ lha dang bcas pa'i 'jig rten la phan pa dang / bde ba'i don gyi phyir/ gzhan yang da ltar gyi dus dang / ma 'ongs pa'i dus kyi byang chub sems dpa'
13a3 la sogs pa la 'od chen pos snang bar bya ba'i phyir dri ba dris pa'i bsod nams ni dpag tu med do/ /khyod kyis de bzhin gshegs pa la don 'di dag dris pa ni nges par sems
13a4 can thams cad kyi the tshom yongs su gcad pa'i phyir/ sems can thams cad 'od kyis snang bar bya ba dang / bsrung bar bya ba'i phyir/ sems can dag la phan pa'i don bstan
13a5 pa'i phyir/ skye bo dag g.yang sa'i lam las bsgral bar bya ba'i phyir/ skye bo mang po'i rten dang / gnas dang / mgon dang / skyabs bya ba'i phyir/ ngan song gsum las gdon
13a6 cing dbyung ba'i phyir/ sems can dag bla na med pa'i lam la gzud pa'i phyir/ skye bo mang po dag skye ba dang / rga ba dang / na ba dang / 'chi ba dang / slos pa'i mya ngan dang / smre
13a7 sngags 'don pa dang / sdug bsngal ba dang / 'khrug pa las rnam par grol ba'i phyir/ /sems can la bla na med pa'i mya ngan las 'das pa'i bde ba sbyin pa'i phyir/ phyi ma ma
13b1 'ongs pa'i dus na dam pa'i chos bsrung zhing bskyab pa'i phyir/ phyi ma ma 'ongs pa/ 'jigs pa'i dus ngan pa'i sems can dag bsgral ba'i phyir/ de bzhin gshegs pa la dri bar sems
13b2 ba legs so/ /de lta bas na 'jig rten 'dzin khyod legs par nyon la rab tu yid la zungs shig dang / rnam par phye ste bshad par bya'o/ /bcom ldan 'das/ de ltar bgyi'o zhes
13b3 gsol nas byang chub sems dpa' 'jig rten 'dzin bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /skyes bu dam pa/ de la 'di skad
13b4 ces bya ste/ phan pa'i don bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos
13b5 rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ dran pa yongs su rdzogs pa thob par bya ba dang / dran pa rgyun mi 'chad pa thob par bya ba dang /
13b6 shin tu byang ba'i shes rab kyis gong nas gong du 'phar ba dang / rtag tu dran pa'i sems dang ldan pa ste/ 'jig rten 'dzin/ 'di dag ni don rnam pa bzhi mthong ba'i byang chub sems dpa'
13b7 sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no/ /
14a1 'jig rten 'dzin/ gzhan yang don bzhi mthong ba'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing
14a2 nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ chos rnams kyi nges pa'i don la shin tu shes par bya ba dang /
14a3 chos rnams kyi don shin tu shes par bya ba dang / chos rnams kyi rgyu dang / rkyen rnam pa sna tshogs shin tu shes par bya ba dang / chos rnams kyi yang dag pa'i sgor 'jug par bya ba dang
14a4 bzhi'o/ /'jig rten 'dzin/ gzhan yang / don rnam pa bzhi mthong pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing
14a5 nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ tshad med pa'i chos kyi mtshan nyid shin tu shes par bya ba
14a6 dang | tshad med pa'i nges pa'i chos bsgom pa la shin tu mkhas par bya ba dang / tshad med pa'i yon tan dang spyod pa 'phel zhing skye bar bya ba dang / chos rnams kyi skye ba dang / 'gag
14a7 pa'i mtshan nyid shes pa dang / mthong bar bya ba dang bzhi'o/ /'jig rten 'dzin/ gzhan yang / don rnam pa bzhi mthong ba'i byang chub sems dpa' chen po rnams chos rnams kyi yang
14b1 dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ bla na med pa yang dag par
14b2 rdzogs pa'i byang chub la bsnyen par bya ba dang / byang chub kyi phyogs kyi chos rnams myur du yongs su rdzogs par bya ba dang / chos rnams kyi thabs la shin tu mkhas pas gzhan gyi dring la
14b3 mi 'jog par bya ba dang / ye shes dang shes rab thams cad la shin tu mkhas par bya ba'o/ /'jig rten 'dzin/ 'di dag ni don rnam pa bzhi mthong ba'i byang chub sems dpa' sems
14b4 dpa' chen po rnams chos rnams kyi yang dag pa mtshan nyid la brtson zhing nan tan byed pa dang / chos rnams kyi mtshan nyid rnam par 'byed pa la shin tu mkhas pa yin no/ /'jig rten
14b5 'dzin/ gzhan yang / chos rnam bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa
14b6 dang | chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ sems can la phan pa dang / bde ba'i phyir sems la ser sna'i dri ma
14b7 med pa dang / rtag tu tshul khrims rnam par dag pa dang / brtson 'grus kyi pha rol tu phyin pa la bde bar gnas pas brtson 'grus spyod pa la bar chad med pa dang / yang dag
15a1 par yid la byed pas shes rab kyi pha rol tu phyin pa la shin tu nan tan byed pa dang bzhi'o/ /'jig rten 'dzin/ gzhan yang / chos rnam pa bzhi dang ldan
15a2 pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams kyi mtshan nyid rnam par 'byed
15a3 pa la shin tu mkhas par 'gyur ro/ /bzhi gang zhe na/ smon lam phun sum tshogs pa shin tu dag pa dang ldan pa dang / spyod pa'i nan tan phun sum tshogs pa rnam par dag pa
15a4 dang ldan pa dang / ji mi snyam pa'i bzod pa'i yon tan la bde bar gnas pa dang / chos rnams kyi yang dag pa'i mtshan nyid rnam par 'byed pa'i 'od zer thob pa dang bzhi'o/ /
15a5 'jig rten 'dzin/ gzhan yang / chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan
15a6 tan byed pa dang | chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhen/ mos pa chen pos thams cad mkhyen pa'i ye shes
15a7 tshol ba dang / bsam gtan dang / rnam par grol ba dang / ting nge 'dzin rnam par 'byed pa la shin tu mkhas pas mos pa chen po bskyed pa dang / byams pa dang / snying
15b1 rje dang / dga' ba dang / btang snyoms chen po'i sems thob par bya ba'i phyir rnam par dag pa'i spyad pa spyod pa la sbyor ba dang / nges pa'i don la shin tu legs par bsgom pa dang
15b2 bzhi'o/ /'jig rten 'dzin/ gzhan yang / chos rnam pa bzhi dang ldan pa'i byang chub sems dpa' sems dpa' chen po rnams chos rnams kyis yang dag pa'i mtshan nyid la brtson
15b3 zhing nan tan byed pa dang / chos rnams kyi mtshan nyid rnam par 'byed pa la shin tu mkhas par 'gyur ro/ /bzhi gang zhe na/ shes rab kyi spyod yul phun sum tshogs pa dang / ye
15b4 shes kyi spyod yul rnam par dag pa tshol tshol ba dang / thogs pa med pa'i ye shes la mos pa dang / thams cad mkhyen pa'i ye shes kyi smon lam rtag tu mi spong ba'o/ /'jig
15b5 rten 'dzin/ chos rnam pa bzhi dang ldan pa'i byang chub sems dpa' sems dpa' chen po rnams chos rnams kyi yang dag pa'i mtshan nyid la brtson zhing nan tan byed pa dang / chos rnams
15b6 kyi mtshan nyid rnam par 'byed pa la shin tu mkhas pa yin no/ /'jig rten 'dzin/ gzhan yang / don rnam pa bzhi mthong ba'i byang chub sems dpa' sems dpa' chen po rnams
15b7 dran pa'i mthu tshol bar 'gyur ro/ /bzhi gang zhe na/ dran pa'i dbang po yongs su rdzogs pa goms par bsgom bar bya ba dang / shin tu bde ba'i shes rab spyod pa dang / dran pa
16a1 rgyun mi 'chad pa dang ldan pa dang / dran pa nye bar bzhag pa bzhi rdzogs par bsgom pa dang bzhi'o/ /'jig rten 'dzin/ gzhan yang / don rnam pa bzhi
16a2 mthong ba'i byang chub sems dpa' sems dpa' chen po rnams dran pa'i mthu tshol bar 'gyur ro/ /bzhi gang zhe na/ byang chub kyi phyogs kyi chos rdzogs par bya ba'i phyir rtag tu dran pa
16a3 sems la 'jog pa dang / dran pa'i dbang po rno bas sngon gyi gnas bsgom pa shes pa'i shes rab rnam par dag pa dang ldan pa dang / dran pa rgyun mi 'chad par myur du 'thob par bya ba
16a4 dang | thams cad mkhyen pa'i ye shes kyi rgyu bskyed pa dang bzhi'o/ /'jig rten 'dzin/ don rnam pa bzhi mthong ba'i byang chub sems dpa' sems dpa' chen po rnams dran pa'i
16a5 mthu tshol bar 'gyur ro/ /bzhi gang zhe na/ bsam pa'i thabs yongs su rdzogs pa sgom pa dang / yang dag pa'i ye shes dang shes rab bsgom pa dang / sangs rgyas kyi chos thob
16a6 par bya ba'i phyir shin tu brtson 'grus bskyed pa dang / dran pa'i stobs rgyun mi 'chad pa thob par bya ba'i phyir dran pa mi brjed pa'o/ /'jig rten 'dzin/ 'di dag ni don rnam pa bzhi
16a7 mthong ba'i byang chub sems dpa' sems dpa' chen po rnams dran pa'i mthu tshol ba yin no/ /'jig rten 'dzin/ chos rnam pa bzhi dang ldan pa'i byang chub sems dpa' sems
16b1 dpa' chen po rnams dran pa'i mthu thob par 'gyur ro/ /bzhi gang zhe na/ shes rab shin tu byang ba dran pa'i phyir rtag tu rgyun mi 'chad pa'i brtson 'grus dang / chos rnams kyi yang dag pa'i
16b2 mtshan nyid thob par bya ba'i phyir rtse gcig pa'i sems kyis rtag tu rgyun mi 'chad pa dang / chos thams cad yang dag par dran par bya ba'i phyir rtag tu le lo med pa dang / yang dag pa'i
16b3 yid la bya ba'i phyir rtag tu dbang po rnams bsrung ba dang bzhi'o/ /'jig rten 'dzin /gzhan yang / chos rnam pa bzhi dang ldan pa'i byang chub sems dpa' sems dpa' chen po rnams
16b4 dran pa'i mthu thob par 'gyur ro/ /bzhi gang zhe na/ tshul khrims rnam par dag pa la gnas pa dang / spyod lam rnam par dag pa dang ldan pa dang / spyod pa'i gnas kun tu sems kyi
16b5 sgrib pa lnga yongs su bsal te 'jig rten gyi chos la mi chags pa dang / las kyi sgrib pa dang nyon mongs pa'i sgrib pa yongs su spangs pa dang bzhi'o/ /'jig rten 'dzin/ gzhan yang /
16b6 chos rnam pa bzhi dang ldan pa'i byang chub sems dpa' sems dpa' chen po rnams dran pa'i mthu thob par 'gyur ro/ /bzhi gang zhe na/ mi 'khrugs pa'i sems kyis dge ba'i chos tshol
16b7 ba dang / sems kyi mtshan nyid gcig la goms par bsgoms pa dang / chos rnams kyi rnam grangs la yang dag par 'jug cing shin tu mkhas pa dang / 'du 'dzi la mi mos pas khyim
17a1 na gnas pa dang / rab tu byung ba'i gang zag spong ba dang bzhi'o/ /'jig rten 'dzin/ gzhan yang / chos rnam pa bzhi dang ldan pa'i byang chub sems dpa'
17a2 sems dpa' chen po rnams dran pa'i mthu thob par 'gyur ro/ /bzhi gang zhe na/ dge ba'i bshes gnyen la bsten pa dang / rtag tu chos zab mo la nan tan byed pa dang / rtag tu
17a3 sangs rgyas dang / byang chub sems dpa'i gan du 'gro ba la dga' ba dang / gsol ba dang zhu ba la dga' zhing shes rab sgom pa la mos pa'o/ /'di dag ni chos rnam pa 'di bzhi dang
17a4 ldan pa'i byang chub sems dpa' sems dpa' chen po rnams dran pa'i mthu thob pa yin no/ /'jig rten 'dzin/ gzhan yang / chos rnam pa bzhi dang ldan pa'i byang chub sems
17a5 dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ chos thams
17a6 cad kyi yang dag pa'i mtshan nyid la shin tu mkhas pa dang / chos thams cad kyi rgyur gyur pa rnam par 'byed pa la shin tu mkhas pa dang / chos thams cad kyi nges pa'i don
17a7 la mkhas pa dang / chos thams cad kyi smra ba dang / tshig gi rnam grangs la mkhas pa dang bzhi'o/ /'jig rten 'dzin /gzhan yang / chos rnam pa bzhi dang ldan pa'i byang chub
17b1 sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ chos rnams kyi
17b2 ji lta ba'i go rims la mkhas pa dang / chos thams cad rten cing 'brel te 'byung ba'i thabs la mkhas pa dang / chos thams cad nan tan bya ba'i thabs dang ldan pa dang / nges pa'i don
17b3 dang / bkri ba'i don gyi mdo sde rnam par 'byed pa la shin tu mkhas pa dang bzhi'o/ /'jig rten 'dzin /gzhan yang / chos rnam pa bzhi dang ldan pa'i byang chub sems dpa' sems
17b4 dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ lam dang / lam ma yin pa'i shes
17b5 pa shin tu slob pa la mkhas pa dang / chos thams cad kyi don la bshad pa'i dbang po thob pa dang / myur du rnam par dag pa'i shes rab kyi spyod yul thob pa dang / ye shes kyi pha
17b6 rol tu phyin pa rdzogs par sgom pa'o/ /'jig rten 'dzin/ 'di dag ni chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam
17b7 grangs rnam par 'byed pa la mkhas shing shes rab la nan tan byed pa yin no/ /'jig rten 'dzin/ gzhan yang / chos rnam pa bzhi dang ldan pa'i byang chub sems dpa' sems dpa'
18a1 chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ kun 'byung
18a2 ba'i mtshan nyid kyi chos thams cad sgom pa la mkhas pa dang / chos thams cad kyi rgyu 'gog pa'i mtshan nyid la shin tu mkhas pa dang / chos thams cad kyi rkyen gyi mtshan nyid
18a3 la shin tu mkhas pa dang / rgyu dang / rkyen gyis thabs la 'jug pa dang bzhi'o/ /'jig rten 'dzin/ gzhan yang / chos rnams pa bzhi dang ldan pa'i byang chub sems dpa' sems dpa'
18a4 chen po rnams chos thams cad kyi rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ sdug bsngal ba'i chos thams cad
18a5 la shin tu mkhas pa dang / kun 'byung gi chos thams cad la shin tu mkhas pa dang / 'gog pa'i chos thams cad la shin tu mkhas pa dang / 'gog pa dang / lam gyi chos
18a6 thams cad la shin tu mkhas pa dang bzhi'o/ /'jig rten 'dzin/ gzhan yang / chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi
18a7 rnam grangs rnam par 'byed pa la mkhas shing shes rab la nan tan byed par 'gyur ro/ /bzhi gang zhe na/ chos rnams 'du ba dang / 'jig pa'i sbyor ba la mkhas pa dang / sngon
18b1 gyi rgyus mthu thob pa dang / chos thams cad kyi ci dang / cis 'dul ba la shin tu mkhas pa dang / yi ge dang / 'bru dang / tshig rnam par 'byed pa la shin tu mkhas pa dang bzhi'o/ 'jig rten
18b2 'dzin/ gzhan yang / chos rnam pa bzhi dang ldan pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la
18b3 nan tan byed par 'gyur ro/ /bzhi gang zhe na/ bkri ba'i don gyi mdo sde la shin tu mkhas pa dang / nges pa'i don gyi mdo sde'i tshig gi rjes su mi 'brang ba dang / chos thams cad
18b4 kyi mtshan nyid kyi rgyu la shin tu mkhas pa dang / chos thams cad kyi mtshan ma med pa'i ye shes la bde bar gnas pa ste/ 'jig rten 'dzin/ 'di dag ni chos rnam pa bzhi dang ldan
18b5 pa'i byang chub sems dpa' sems dpa' chen po rnams chos thams cad kyi rnam grangs rnam par 'byed pa la mkhas shing shes rab la nan tan byed pa yin no/ /'jig rten 'dzin/
18b6 chos bzhi dang ldan pa'i byang chub sems dpa' sems dpa' chen po rnams lus 'di bor nas bla na med pa yang dag par rdzogs pa'i byang chub kyi bar du rgyun mi 'chad pa'i dran pa
18b7 dang ldan par 'gyur ro/ /bzhi gang zhe na/ dge ba dang / mi dge ba'i chos la shin tu rtogs pa dang / dran pa dang / shes rab phul du gyur pa dang / sems kyi sgrib pa lnga yongs su
19a1 su spangs pa dang / nam du'ang bla na med pa yang dag par rdzogs pa'i byang chub kyi dran pa ma nyams pa dang bzhi'o/ /'jig rten 'dzin/ gzhan yang / chos
19a2 rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i
19a3 dran pa dang ldan par 'gyur ro/ /bzhi gang zhe na/ dran pa nye bar gzhag pa bzhi la shin tu nan tan byed pa dang / rnam par 'byed pa'i shes rab la shin tu nan tan byed pa dang /
19a4 ting nge 'dzin rnams kyi thog mar shes rab gtong ba dang / nges pa'i shes rab khong du chud pa dang bzhi'o/ /'jig rten 'dzin/ gzhan yang / chos rnam pa bzhi dang ldan pa'i byang
19a5 chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan par
19a6 'gyur ro/ /bzhi gang zhe na/ gzungs kyi sgo thob pa dang / ma skyes pa'i ye shes sgom pa dang / zad pa'i ye shes la 'jug pa dang / 'gog pa'i ye shes rtogs par bya
19a7 ba dang bzhi'o/ /'jig rten 'dzin/ gzhan yang / chos rnam pa bzhi dang ldan pa'i byang chub sems dpa' sems dpa' chen po rnams lus 'di bor nas nam bla na med pa yang
19b1 dag par rdzogs pa'i byang chub kyi bar du rgyun mi 'chad pa'i dran pa dang ldan par 'gyur ro/ /bzhi gang zhe na/ byams sdang med par bya ba dang / 'dus byas kyi chos thams cad la mi
19b2 chags ba dang / 'dus ma byas pa'i ye shes rtogs pa dang / de bzhin gshegs pa'i spyod yul du phyin par byed pa'o/ /'jig rten 'dzin/ 'di dag ni chos rnam pa bzhi dang ldan pa'i
19b3 byang chub sems dpa' sems dpa' chen po rnams lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa dang ldan pa yin no//
19b4 'jig rten 'dzin/ gzhan yang / chos rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams
19b5 rdzogs par 'gyur ro/ /lnga gang zhe na/ shin tu lhag pa'i bsam pa rnam par dag pa'i ye shes kyi stobs dang / smon lam rnam par dag pa'i ye shes kyi stobs dang / dge ba'i
19b6 rtsa ba rnam par dag pa'i ye shes kyi stobs dang / bsngo ba rnam par dag pa'i ye shes kyi stobs dang / las kyi sgrib pa rnam par dag pa'i ye shes kyi stobs dang lnga'o/ /'jig rten
19b7 'dzin/ gzhan yang rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par
20a1 'gyur ro/ /lnga gang zhe na/ spyod lam gyi gnas rnam par dag pa'i ye shes kyi stobs dang / dran pa dang ldan pa rnam par dag pa'i ye shes kyi stobs
20a2 dang | sbyor ba'i rnam par dag pa'i ye shes kyi stobs dang / sems la dmigs pa'i rnam par dag pa'i ye shes kyi stobs dang / mtshan nyid la dmigs pa'i rnam par dag
20a3 pa'i ye shes kyi stobs dang lnga'o/ /'jig rten 'dzin/ gzhan yang / rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po
20a4 yon tan gong ma rnams rdzogs par 'gyur ro/ /lnga gang zhe na/ gtong ba'i sems rnam par dag pa'i ye shes kyi stobs dang / sems can la phan pa dang / bde ba rnam par dag
20a5 pa'i ye shes kyi stobs dang / byams pa chen po bskyed pa'i rnam par dag pa'i ye shes kyi stobs dang / snying rje chen po bskyed pa'i rnam par dag pa'i ye shes kyi stobs dang /
20a6 dga' ba chen po dang / btang snyoms chen po bskyed pa'i rnam par dag pa'i ye shes kyi stobs dang lnga'o/ /'jig rten 'dzin/ gzhan yang / rnam par dag pa'i ye shes kyi stobs
20a7 rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ tshul khrims bsrungs pa'i rnam par
20b1 dag pa'i ye shes kyi stobs dang / tshul khrims bsrungs pa la ma chags pa'i rnam par dag pa'i ye shes kyi stobs dang / bzod pa rnam par dag pa'i ye shes kyi stobs dang / bzod
20b2 la ma chags pa rnam par dag pa'i ye shes kyi stobs dang / mang du thos pa rnam par dag pa'i ye shes kyi stobs dang lnga'o/ /'jig rten 'dzin/ gzhan yang / rnam par dag pa'i ye
20b3 shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ lhag pa'i brtson 'grus
20b4 rnam par dag pa'i ye shes kyi stobs dang / brtson 'grus len pa rnam par dag pa'i ye shes kyi stobs dang / bsam gtan rnam par dag pa'i ye shes kyi stobs dang / bsam gtan
20b5 gyi thabs rnam par dag pa'i ye shes kyi stobs dang / zhi gnas dang / lhag mthong gi thabs rnam par dag pa'i ye shes kyi stobs dang lnga'o/ /'jig rten 'dzin/ gzhan yang / rnam par
20b6 dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma rnams rdzogs par 'gyur ro/ /lnga gang zhe na/ shes rab rnam
20b7 par dag pa'i ye shes kyi stobs dang / mang du thos pa'i nges par sbyor ba rnam par dag pa'i ye shes kyi stobs dang / 'jig rten dang / 'jig rten las 'da' ba rnam par dag pa'i ye
21a1 shes kyi stobs dang / shes rab dang / thabs rnam par dag pa'i ye shes kyi stobs dang / 'dus byas dang / 'dus ma byas rnam par dag pa'i ye shes kyi stobs
21a2 dang lnga'o/ /'jig rten 'dzin/ gzhan yang / rnam par dag pa'i ye shes kyi stobs rnam pa lnga dang ldan pa'i byang chub sems dpa' sems dpa' chen po rnams yon tan gong ma
21a3 rnams rdzogs par 'gyur ro/ /lnga gang zhe na/ thabs la rtog pa rnam par dag pa'i ye shes kyi stobs dang / rig pa dang / rnam par grol ba rnam par dag pa'i ye shes kyi
21a4 stobs dang / ma skyes pa'i mtshan nyid rnam par dag pa'i ye shes kyi stobs dang / mtshan nyid gcig pa dang / mtshan nyid med pa rnam par dag pa'i ye shes kyi stobs dang / don
21a5 dam pa dang / kun rdzob pa rnam par dag pa'i ye shes kyi stobs so/ /'jig rten 'dzin/ de dag ni rnam par dag pa'i ye shes kyi stobs rnam pa lnga dang ldan pa'i byang chub sems
21a6 dpa' sems dpa' chen po rnams myur du yon tan gong ma rnams rdzogs pa yin no/ /'jig rten 'dzin de bas na byang chub sems dpa' sems dpa' chen po rnams rnam par
21a7 dag pa'i ye shes kyi stobs de dag bsgom pa la shin tu brtson par bya'o/ /'jig rten 'dzin/ chos rnam pa gsum dang ldan pa'i byang chub sems dpa' sems dpa' chen po rnams
21b1 rnam par dag pa'i ye shes kyi stobs la brtson par 'gyur ro/ /gsum gang zhe na/ mos pa dang / brtson 'grus dang / bag byed pa'o/ /chos rnam pa 'di gsum dang ldan pa'i
21b2 byang chub sems dpa' sems dpa' chen po rnams yon tan thams cad rdzogs pa'i rnam par dag pa'i ye shes kyi stobs la brtson pa yin no/ /de ci'i phyir zhe na/ 'jig rten
21b3 'dzin mos pa dang / brtson 'grus dang / bag byed pa ni chos thams cad kyi rtsa ba yin pas byang chub sems dpa' sems dpa' chen po rnams rnam par dag pa'i ye shes kyi stobs
21b4 la nan tan byed pa ni myur du thams cad mkhyen pa'i ye shes thob par 'gyur te/ brtson 'grus las phyir mi ldog pa zhes bya'o/ /chos las phyir mi ldog pa zhes bya'o/ /yon tan
21b5 de nyid myur du 'phel zhing skye ba'am/ 'thob par 'gyur la/ chos thams cad la rnam par dag pa'i ye shes kyi stobs kyang myur du 'thob po/ /'jig rten 'dzin/ gang zag gang
21b6 zhig de ltar chos thams cad la rnam par dag pa'i ye shes kyi stobs thob pa ni 'jig rten gyi bsod nams kyi zhing zhes bya'o/ /gang zag de ni nga'i 'og tu mchod pa'i rnyed pa zhu ba
21b7 zhes bya'o/ /gang zag de ni de bzhin gshegs pa'i spyod yul gyi gnas su phyin pa zhes bya'o/ /gang zag de ni de bzhin gshegs pa'i chos rtogs pa zhes bya'o/ /gang zag des
22a1 ring po mi thogs par de bzhin gshegs pa'i ye shes chud par 'gyur ro/ /'jig rten 'dzin/ nga sngon bskal pa tshad med grangs med pa'i bar du
22a2 byang chub sems dpa'i spyad pa spyod pa na/ sangs rgyas mar me mdzad kyis nga la khyod bskal pa grangs med pa 'das nas mngon par 'tshang rgya'o zhes lung bstan te/ ngas de'i tshe nyid
22a3 na rnam par dag pa'i ye shes kyi stobs de dag kun shes par gyur to/ /'jig rten 'dzin/ gang zag gang zhig chos thams cad la de lta bu'i rnam par dag pa'i ye shes kyi stobs
22a4 dang ldan par 'gyur ba ni/ gang zag des bla na med pa yang dag par rdzogs pa'i byang chub thob pa na da ltar ngas ji ltar thob pa bzhin no/ /gang zag des chos kyi 'khor lo bskor bar
22a5 'gyur ba'ang ngas ji ltar bskor ba bzhin no/ /gang zag des seng ge'i sgra sgrog par 'gyur ba'i phyir/ ji ltar sgra sgrogs pa bzhin no/ /gang zag des rang bzhin gyis chos thams
22a6 cad la dbang ba dang / stobs thob pa'ang da ltar gyi nga ji lta ba bzhin no/ /'jig rten 'dzin/ khyod kyis kyang rnam par dag pa'i ye shes kyi stobs 'di bsgom pa la brtson par byas na ring
22a7 bor mi thogs par ye shes dang / shes rab thams cad lhun gyis grub par 'gyur ro/ /'jig rten 'dzin/ sngon bskal pa grangs med tshad med pa 'das pa de'i tshe de'i dus na /
22b1 bcom ldan 'das ye shes mtho ba'i rgyal po zhes bya ba de bzhin gshegs pa mkhyen pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul
22b2 zhing kha lo sgyur ba/ lha dang / mi'i ston pa/ sangs rgyas bcom ldan 'das 'jig rten du byung ngo / /'jig rten 'dzin/ bcom ldan 'das ye shes mtho ba'i rgyal po de la nyan thos kyi dge
22b3 'dun tshad med pa dang / byang chub sems dpa'i dge 'dun tshad med pa yod do/ /de'ang bcom ldan 'das de'i sngon gyi smon lam gyi rgyu dang / rkyen gyi dbang gis so/ /bcom ldan 'das ye
22b4 shes mtho ba'i rgyal po'i sangs rgyas kyi zhing de na ngan song gsum gyi ming yang mi grag ste/ sems can de dag kyang sdug bsngal yod par mi tshor zhing mthar bde ba dang / skyid pa phun sum
22b5 tshogs pa dang ldan pas 'dod pa yongs su spangs pa mang ste/ sgrib pa lnga'ang rab tu bcil ba sha stag go /sems can de dag de ltar yongs su dag pa'i bde ba dang ldan pa ni bsam
22b6 gtan bzhi ba'i bde ba thob pa bzhin no/ /bcom ldan 'das ye shes mtho ba'i rgyal po de'i tshe'i tshad ni bskal pa khri phrag khrag khrig snyed do/ /de'i tshe na 'jig rten de'i rgyal po'ang de
22b7 bzhin gshegs pas mdzad de/ de ma yin pa'i rgyal po gzhan med pas yul de'i sems can dag bcom ldan 'das la chos kyi rgyal po zhes brjod do/ /bcom ldan 'das
23a1 shes mtho ba'i rgyal po de byang chub sems dpa' rnams la sems can thams cad kyi the tshom gcod cing sems can thams cad kyi sems mgu bar
23a2 'gyur ba zhes bya ba'i byang chub sems dpa'i sde snod kyi mdo ston to/ /de'i tshe na byang chub sems dpa' lnga brgyas byang chub sems dpa'i rnam par dag pa'i ye shes kyi stobs
23a3 bshad pa thos nas 'di lta bu'i brtson 'grus kyi stobs bskyed par gyur to/ /'di lta ste/ nam 'tsho'i bar du 'dug pa'i sems mi skyed pa dang / nam 'tsho'i bar du gos su
23a4 'du shes pa mi skyed pa dang / nam 'tsho'i bar du bdag tu 'du shes pa dang / sems can du 'du shes pa dang / skyes pa dang / bud med du 'du shes pa mi skyed pa dang / nam
23a5 'tsho'i bar du zas mang du mi za zhing 'di lta bu'i rnam par dag pa'i ye shes kyi stobs la nan tan byed do/ /brtson 'grus la rab tu 'bad pa'i byang chub sems dpa' lnga brgya po
23a6 de dag dge ba'i rtsa ba de nyid kyi rgyu dang / rkyen gyis tshe 'phos nas thams cad shar phyogs su sangs rgyas kyi zhing 'di nas khri phrag bcu 'das pa'i pha rol gyi sangs rgyas kyi zhing du
23a7 skyes so/ /der skyes nas chos de la nan tan byas pas ring po mi thogs par sngon gyi gnas dran te dbang po rnon por gyur to/ /sangs rgyas kyi zhing de na tshad med pa'i me tog
23b1 brtsegs pa'i rgyal po zhes bya ba'i de bzhin gshegs pa da ltar bzhugs te 'tsho skyong zhing chos ston to/ /byang chub sems dpa' de dag lo bcu drug lon nas/ bcom ldan 'das chod
23b2 med pa'i me tog brtsegs pa'i rgyal po'i bstan pa la rab tu byung ste/ lo khri phrag drug cu'i bar du gzhon nur tshangs par spyad pa spyod cing de lta bu'i brtson 'grus la nan tan byed do/ /
23b3 'jig rten 'dzin/ byang chub sems dpa' lnga brgya po de dag da ltar de bzhin gshegs pa khri phrag nyi shu dang phrad de/ bcom ldan 'das de dag gi spyan sngar brtson 'grus shin tu
23b4 brtsams pas dran pa dang / bde ba dang / shes rab phul du gyur pa dang ldan par gyur to/ /tha ma bcom ldan 'das tshad med pa stobs mtho ba'i rgyal po zhes bya ba dang phrad nas bcom
23b5 ldan 'das des lung bstan pa/ khyed bskal pa khri 'das nas bla na med pa yang dag par rdzogs pa'i byang chub tu mngon par 'tshang rgya'o zhes lung bstan to/ /byang chub sems dpa'
23b6 lnga brgya po de dag kyang bskal pa khri'i bar du sangs rgyas stong phrag gnyis dang phrad nas sangs rgyas kyi byang chub yongs su rdzogs te/ bskal pa gcig la bla na med pa yang dag par
23b7 rdzogs pa'i byang chub tu mngon par sangs rgyas so/ /'jig rten 'dzin/ de bas na byang chub sems dpa' sems dpa' chen po rnams myur du bla na med pa yang dag par rdzogs
24a1 pa'i byang chub thob par 'dod pa dag rnam par dag pa'i ye shes kyi stobs la de ltar mos pa dang / brtson 'grus dang / bag byed pa bskyed par rig par
24a2 bya'o| |de ci'i phyir zhe na/ 'jig rten 'dzin/ sangs rgyas rnams kyi bla na med pa yang dag par rdzogs pa'i byang chub thob pa'i rtsa ba ni mos pa dang / brtson 'grus dang / bag
24a3 byed pa dang / gzhan yang byang chub kyi tshogs su gyur pa'i chos gang sangs rgyas kyi chos phun sum tshogs par byed pa rnams so/ /'jig rten 'dzin/ ngas de lta bu'i brtson
24a4 'grus kyis sangs rgyas khri phrag nyi shu dang phrad de/ sangs rgyas de dag gi chos kyang skye ba'i gnas thams cad du dran pa dang ldan par 'gyur/ skye ba'i gnas thams cad du
24a5 sngon gyi gnas dran pas chos 'di bsgom pa la bar chad med de/ ngas mos pa dang / brtson 'grus dang / bag byas pa las ma nyams pas rtag tu mos pa dang / brtson
24a6 'grus dang / bag yod pa dang ldan par gyur to/ /de'i tshe bcom ldan 'das thugs rje dang byams pa chen po'i thugs kyis phyogs bzhir gzigs nas mngon par shes pa'i
24a7 rdzu 'phrul gyi mthu bstan te/ stong gsum gyi stong chen po'i 'jig rten gyi khams kyi dzam+bu'i gling kun tu sprul pa'i sangs rgyas dag bzhugs shing sems can rnams la sems
24b1 can thams cad kyi the tshom gcod cing / sems can thams cad kyi sems bku bar byed pa'i byang chub sems dpa'i sde snod ces bya ba'i mdo ston par gyur to/ /gzhan yang / rdzu 'phrul
24b2 gyi mthus 'od ma'i tshal gyi 'khor gyi dkyil 'khor kun kyang sprul pa'i sangs rgyas kyis dzam+bu'i gling gang ba bzhugs shing so so nas dam pa'i chos ston par mthong nas/ 'khor gyi
24b3 dkyil 'khor rnams rab tu dga' bar 'gyur te/ 'dug pa las langs nas sangs rgyas la phyag 'tshal te 'di skad du ngo mtshar che'o/ /bcom ldan 'das/ sangs rgyas bcom
24b4 ldan 'das kyi rdzu 'phrul gyi mthu bsam gyis mi khyab bo/ /tshad med pa bsam gyis mi khyab pa'i chos lhun gyis grub bo zhes smras so/ /de'i tshe bcom ldan 'das kyis 'khor mang
24b5 po rnams la bka' stsal pa/ rigs kyi bu dag/ de bzhin gshegs pas bstan pa'i dngos po 'di dag ngo mtshar che ba ma yin no/ /de ci'i phyir zhe na/ de bzhin gshegs pa
24b6 chos nyid thugs su chud pas ba spu'i khung bu gcig nas kyang mngon par shes pa'i rdzu 'phrul gyi mthus 'od zer bkye nas phyogs bcu'i 'jig rten gyi khams gang+gA'i klung gi bye
24b7 ma snyed snang bar mdzad cing chos kyi gsung sgrogs kyang pa spu'i khung bu gcig nas bstan pa'i brgya stong gi cha gcig tsam yang rdzogs pa ma yin te/ de bzhin gshegs pa ni de ltar bsam
25a1 gyis mi khyab pa'i yon tan lhun gyis grub pa'o/ /rigs kyi bu dag/ de bzhin gshegs pa ni sems can de dag gi bsam pa thugs su chud pas de la
25a2 chos ston to/ /rigs kyi bu rnams/ da ltar gyi dus kyi sems can de dag ni chos 'di spyod pa la mos pa nyung ngo / /rigs kyi bu dag/ da ltar gyi dus kyi sems can dag ni chos
25a3 'di spyod pa la brtson 'grus rtsom pa nyung ngo / /rigs kyi bu dag da ltar gyi dus kyi sems can dag ni chos 'di la bag byed par spyod pa'ang nyung ngo / /de ci'i phyir zhe na/ dus ngan
25a4 pa'i sems can dag ni chos 'di la spyod pa'ang rab tu nyung ngo / /de bzhin gshegs pa ni rnyog pa lnga'i 'jig rten ngan par 'byung ngo / /'di lta ste/ sems can gyi rnyog pa dang /
25a5 lta ba'i rnyog pa dang / tshe'i rnyog pa dang / nyon mongs pa'i rnyog pa dang / bskal pa'i rnyog pa'o/ /rigs kyi bu dag/ chung ngu na sems can 'ga' zhig shin tu zab mo rnam par
25a6 dag pa'i chos 'di la yid ches te/ sangs rgyas kyi shes rab la phyin par byed na de ni shin tu ngo mtshar che ba yin na de bzhin gshegs pa spyod yul la mos pa lta ci smos/
25a7 rigs kyi bu dag/ nga rtag tu yun ring bo nas de lta bu'i smon lam gyis brgyan cing de lta bu'i brtson 'grus dang / bzod pa byas pa'ang sdug bsngal gyis gzir ba'i sems can
25b1 mgon med pa dang / skyabs med pa dang / ngan song du ltung ba dag gi phyir ro/ /nga de'i tshe na mngon par sangs rgyas nas skye bo grangs med tshad med pa dag la phan pa dang / bde ba'i don byas
25b2 so| |rigs kyi bu dag/ de bas na de bzhin gshegs pa'i sngon gyi rnam par dag pa'i smon lam dang / brtson 'grus kyi byin gyis sems can grangs med tshad med pa rnams 'di lta bu'i
25b3 shin tu zab mo'i chos la dad cing yid ches pa dang / gzungs su 'dzin par gyur to/ /rigs kyi bu dag/ ngas sngon btul ba'i sems can dag nga'i chos 'di la yid ches par gyur to/ /
25b4 rigs kyi bu dag/ sangs rgyas bcom ldan 'das kyi stobs bcu dang / mi 'jigs pa bzhis sems can dag 'di lta bu'i shin tu zab mo'i chos la yid ches par byas pa nyung ngo / /sems
25b5 can gang chos 'di la gnas pa ni kun kyang de bzhin gshegs pa'i dgongs pa'i mthu dang / thabs kyi dbang gis so/ /nga ni yun ring po nas de lta bu'i chos zab mo dang ma bral bas yun
25b6 ring po nas byams pa chen po dang / snying rje chen po dang / dga' ba chen po dang / btang snyoms chen pos sems can dag rjes su bzung ste ma btang ngo / /de bzhin gshegs pa ni rnyog
25b7 pa lnga'i 'jig rten ngan par sems can la phan pa'i don mdzad pa nyung ngo / /de ci'i phyir zhe na/ rigs kyi bu dag/ nga sngon brtson 'grus chen po'i shugs dang / thabs mkhas pa
26a1 chen po'i mthus sems can gyi don byas nas bla na med pa yang dag par rdzogs pa'i byang chub kyi tshogs bsags so/ /rigs kyi bu dag /ngas mngon
26a2 du dran pa sngon 'das pa'i dus na sems can la phan pa dang / bde ba'i phyir nyi ma gcig la'ang lus stong yongs su btang ste sbyin pa byas so/ /rigs kyi bu dag /nga sngon skye ba brgya
26a3 stong gi bar du sems can bkres skom pa dag mthong nas bdag gis lus kyi sha bcad de btsos nas sbyin pa byas kyang nga de'i tshe na 'khrug pa'am/ 'gyed pa'i sems ma skyes te/
26a4 sems can dag la khyab par snying rje chen po kun la skyes so/ /rigs kyi bu dag/ de ltar ngas brtson 'grus chen po dang / thabs mkhas pa chen po'i stobs kyis sems can gyi
26a5 don byas nas bla na med pa yang dag par rdzogs pa'i byang chub kyi tshogs bsags par rig par bya'o/ /de bas na/ rigs kyi bu dag/ de ltar mos pa dang / brtson 'grus dang /
26a6 bag byed pa la nan tan byas te bla na med pa yang dag par rdzogs pa'i byang chub kyi tshogs bsags par byas so/ /ngas ji ltar byang chub sems dpa'i spyod pa spyad pa ltar
26a7 khyod kyis kyang de ltar nga dang 'dra bar sems can la phan pa dang / bde ba'i don gyis shig/ rigs kyi bu dag/ bskal pa bzang po'i sangs rgyas bcom ldan 'das
26b1 mngon par gshegs pa de dag thams cad 'di skad mi ston pa gang yang med do/ /'di lta ste/ 'di ltar bcom ldan 'das shAkya thub pa shin tu brtson 'grus brtsams so/ /'di
26b2 ltar bcom ldan 'das shAkya thub pa brtson 'grus phun sum tshogs so/ /'di ltar bcom ldan 'das shAkya thub pa brtson 'grus kyi pha rol tu phyin pa dang ldan no/ /'di ltar bcom
26b3 ldan 'das shAkya thub pa byang chub sems dpa'i spyad pa spyod pa na sems can gyi don byas te/ 'di ltar rnyog pa'i 'jig rten ngan par byung nas/ sems can tshad med grangs med pa
26b4 la phan pa dang / bde ba'i don byas so zhes gsung ngo / /rigs kyi bu dag/ gang de ltar byang chub kyi spyad pa spyod par 'dod pa dag mos pa dang / brtson 'grus dang / bag byed pa la
26b5 brtson par bya'o/ /rigs kyi bu dag/ ngas bla na med pa yang dag par rdzogs pa'i byang chub tu mngon par sangs rgyas kyang brtson 'grus brtsam pa las mnyams te/ yongs su mya
26b6 ngan las 'das pa'i bar du'ang brtson 'grus bskyed nas sku gdung yungs kar gyi 'bras bu tsam du phra mor gses te sku'i yan lag kyang rnam par gses so/ /de ci'i phyir zhe na/
26b7 de'ang phyi ma ma 'ongs pa'i sems can rnams la byams shing brtse ba'i phyir ro/ /nga sngon byang chub sems dpa'i spyad pa spyod pa'i tshe sems can btul ba dag spyod pa 'khrul cing
27a1 nor bar gyur nas bgegs kyi gnas su ltung ba rnams gdon pa'i phyir thugs rje chen po bskyed de sku gdung gses te phra mo yungs kar gyi 'bru tsam yang
27a2 rdzu 'phrul gyi mthu bstan to/ /nga yongs su mya ngan las 'das nas sems can gang sku gdung gis 'dul bar 'gyur ba dag sems rnam par dag par 'gyur ro/ /sems rnam
27a3 par dag pas gnas thams cad du smon pa bzhin du 'grub bo/ /rigs kyi bu dag/ nga sngon byang chub sems dpa'i spyad pa spyod pa'i tshe sems can dag la de lta bu'i thugs rje'i
27a4 thugs lhun gyis grub pa'i sku gdung phra mor gses te kun tu khyab par byas pa'ang nga'i sngon gyi smon lam gyi dbang gis so/ /de ltar tshad med pa'i yon tan dang / bsod nams
27a5 gyi rgyu dang / rkyen dang / thugs rje chen po'i shugs kyis phyi ma ma 'ongs pa'i dus ngan par skye bo mang po la skyob par gyur to/ /rigs kyi bu dag/ byang chub sems dpa' gang
27a6 chos 'di la mos pa dang / brtson 'grus dang / bag byed pa skyed pa dag nges par phyi ma ma 'ongs pa'i dus na mdo sde 'di la sogs pa klog pa dang / 'don pa dang / 'dzin pa
27a7 dang | gzhan la rgyas par ston par gyur cig ces smon par gyur te/ nga'ang rdzu 'phrul gyi mthus byang chub sems dpa' de dag klog pa dang / 'don pa dang / 'dzin pa dang /
27b1 gzhan la'ang rgyas par ston par byin gyis rlob bo/ /ngas kyang mdo sde'i 'di dag klog pa dang / 'don pa dang / 'dzin pa dang / gzhan la rgyas par ston par 'gyur ba'i phyir/ byang chub
27b2 sems dpa' de dag la yongs su gtams so/ /de ci'i phyir zhe na/ rigs kyi bu dag /mdo sde 'di gang na yod pa'i gnas de na sangs rgyas bzhugs par blta ste/ mya ngan las ma
27b3 'das par rig par bya'o/ /de bas na de bzhin gshegs pas mdo sde 'di dag byang chub sems dpa' rnams la gtams so/ /rigs kyi bu dag/ de bas na ngas 'das pa'i dus na'ang
27b4 de lta bu'i rgyu dang / rkyen gyis sems can rnams bsdus te ma btang bar rig par bya'o/ /da ltar gyi dus su'ang sems can dag bsdus te ma btang ngo / /ma 'ongs pa'i dus na'ang sems
27b5 can yongs su sdud de mi gtong bar rig par bya'o/ /'di lta ste/ mdo sde 'di lta bu dag dgongs shing bskyabs nas phyi ma ma 'ongs pa'i dus lnga brgya'i tha ma la yongs su rgyas par bya
27b6 ba'i phyir ro/ /rigs kyi bu dag/ gal te da ltar gyi dus sam/ nga yongs su mya ngan las 'das pa'i 'og tu grong khyer ram/ grong rdal lam/ ri 'am/ nags tshal lam/ 'brog
27b7 dgon pa dag na mdo sde yod de/ gang zhig 'chang ngam/ 'dzin tam/ klog gam/ 'don tam/ gzhan la ston cing 'chang na gnas de na sangs rgyas bzhugs par rig par
28a1 bya'o/ /de ci'i phyir zhe na/ de'i rgyu de'i rkyen gyis ngas sangs rgyas rnams la chos kyi su zhes brjod do/ /chos mthong bas na sangs rgyas mthong ba zhes brjod
28a2 do| |sangs rgyas la gzugs kyi skur mi blta'o/ /gang zag gang zhig chos 'di la dad dam/ chos 'di nyan na gang zag de ni sangs rgyas la dad pa dang / sangs rgyas kyi gsung rab
28a3 nyan pa zhes bya'o/ /gang zag gang zhig bshad pa bzhin nan tan du'ang byed na gang zag de ni sangs rgyas mthong ba zhes bya'o/ /gang zag de ni yang dag par smras pa/ chos su smra ba/ chos
28a4 kyi rjes su spyod pa zhes bya'o/ /rigs kyi bu dag /nga'i sku ni chos kyang yin/ chos ma yin pa'ang yin te/ chos kyi rjes su 'gro ba zhes bya'o/ /chos kyi sbyin pa sbyin pa'i mchog dam pa
28a5 zhes bya ba ste/ chos la mi gnas/ chos ma yin pa la'ang mi gnas pa'o/ /de'ang ji ltar zhe na/ gal te chos la gnas na sangs rgyas mthong ba zhes mi bya'o/ /rigs kyi bu dag /
28a6 chos thams cad la mi gnas pa ni/ sangs rgyas mthong ba zhes bya'o/ /gang chos thams cad la mthong ba med pa ni sangs rgyas mthong ba zhes bya'o/ /de ci'i phyir zhe na/ de bzhin
28a7 gshegs pa ni chos zhes brjod par yang mi rung / chos ma yin zhes brjod par yang mi rung / chos su blta ba'ang ma yin no/ /de ci'i phyir zhe na/ rigs kyi bu dag /mdo sde
28b1 las kyang dge slong dag gang nga'i chos shes par 'dod pa ni gzings dang 'dra bar chos kyang 'dor na chos ma yin pa lta ci smos te/ gang zhig chos dang / chos ma yin pa la btang snyoms su gyur
28b2 pa ni sangs rgyas mthong ba zhes bya'o/ /de ci'i phyir zhe na/ de bzhin gshegs pa ni chos thams cad la btang snyoms pa zhes bya'o/ /chos kyi ming la mi chags mi 'dzin pa ste/ chos kyi ming du'ang
28b3 mi ltung na chos ma yin pa'i ming du mi ltung ba lta ci smos/ rigs kyi bu dag/ chos thams cad kyi ming dang bral ba ni de bzhin gshegs pa zhes bya ste/ gang gis de ltar mthong ba ni de bzhin
28b4 gshegs pa mthong ba zhes bya'o/ /de ci'i phyir zhe na/ chos thams cad mthong ba dang bral ba'i phyir de bzhin gshegs pa mthong ba zhes bya'o/ /chos thams cad dmigs su med pa'i phyir
28b5 yang dag pa ji lta ba bzhin du chos thams cad shes shing mthong bas de bzhin gshegs pa mthong ba zhes bya'o/ /rigs kyi bu dag / gal te chos thams cad dmigs su med cing chos thams
28b6 cad dang bral ba de la chos dang / chos ma yin pa'i ming du spros pa med cing rtsod pa med de/ bya ba med pa/ bstan du med pa de ni de bzhin gshegs pa mthong ba zhes bya'o/ /gang zag gang zhig de ltar
28b7 chos mthong ba de de bzhin gshegs pa mthong ba zhes bya'o/ /gang gis de ltar de bzhin gshegs pa mthong ba de ni yang dag par mthong ba'o/ /gang de lta ma yin par mthong ba de ni log par
29a1 mthong ba zhes bya'o/ /gang log par mthong ba de ni yang dag pa ma yin pa mthong ba ste/ gang zag de ni yang dag pa nyid mthong ba zhes bya'o/ /rigs kyi bu dag /yang
29a2 dag pa nyid du mthong ba ni tshig dang smra ba'i lam thams cad chad pa ste/ yang dag pa ma yin/ yang dag pa ma yin pa'ang ma yin/ yod pa'ang ma yin/ med pa'ang ma yin te/ chos thams cad
29a3 dang bral ba/ chos thams cad mi len pa/ chos thams cad la mi dmigs pa ste/ de ltar mthong ba de ni de bzhin gshegs pa mthong ba'o/ /de ci'i phyir zhe na/ rigs kyi bu dag /de bzhin
29a4 gshegs pa chos la lta ba mi skyed de/ chos thams cad kyi mtshan nyid dang bral ba mthong ba ni de bzhin gshegs pa mthong ba zhes bya ste/ gang de ltar mthong ba de ni yang dag par mthong
29a5 ba'o/ /rigs kyi bu dag /khyod kyis de ltar de bzhin gshegs pa la blta'o/ /khyod kyis ngas bshad pa bzhin du de bzhin gshegs pa la brtag par bya'o/ /gang de ltar lta bas ni chos
29a6 thams cad de bzhin gshegs pa yin par rig par bya'o/ /chos thams cad kyi de bzhin nyid thob pa dang / chos thams cad kyi yang dag pa nyid thob pa dang / chos thams cad yang dag
29a7 pa ma yin pa'i mtshan nyid thob pa dang / chos thams cad de bzhin gshegs pa'i chos su shes pa dang / chos thams cad de bzhin gshegs pa'i spyod yul du'ang shes pa dang / chos
29b1 thams cad bsam gyis mi khyab pa'i spyod yul du shes par rig par bya'o/ /rigs kyi bu dag /de bas na ngas chos thams cad de bzhin gshegs pa'i spyod yul yin par gsungs so/ /de
29b2 bzhin gshegs pa'i spyod yul ni spyod yul med pa'o/ /de ci'i phyir zhe na/ chos thams cad kyi spyod yul zhes bya ba de la chos gang yang spyad du med do/ /de bas na gang spyod yul med pa la de
29b3 bzhin gshegs pa'i spyod yul zhes bshad do/ /chos thams cad kyi spyod yul ni spyod yul med pa ste spyod yul med pa de ni de bzhin gshegs pa'i spyod yul zhes bya'o/ /de ci'i phyir
29b4 zhe na| chos thams cad kyi spyod yul ni ci'ang med pa ste/ spyod yul med pa ni de bzhin gshegs pa'i spyod yul zhes bya'o/ /spyod yul thams cad ni de bzhin gshegs pa'i spyod yul du
29b5 'jug ste spyod yul ma yin pa'o/ /de bzhin gshegs pas chos de dag thugs su chud pas na spyod yul med pa ni de bzhin gshegs pa'i spyod yul zhes bya'o/ /rigs kyi bu dag /gang
29b6 gis chos thams cad spyod yul med par shes na gang zag de ni de bzhin gshegs pa'i spyod yul la 'jug pa zhes bya'o/ /gang zag de ni de bzhin gshegs pa'i spyod yul rtogs pa zhes
29b7 bya'o| |gang zag de ni de bzhin gshegs pa'i spyod yul la tshol ba zhes bya'o/ /gang zag de ni de bzhin gshegs pa'i spyod yul la ma chags pa zhes bya'o/ /de ci'i phyir zhe na/ gang zag de
30a1 ni spyod yul med pa de la de bzhin gshegs pa'i spyod yul du shes so/ /spyod yul dang bral ba la de bzhin gshegs pa'i spyod yul du shes so/ /'di lta ste/ chos
30a2 thams cad ni dmigs su med pa rtag tu med pa/ mi gnas pa'i phyir de bas na spyod yul ma yin pa ni de bzhin gshegs pa'i spyod yul lo/ /ye shes la zhugs pa'i spyod yul te/ chos
30a3 thams cad la mi 'jug pa'i phyir ro/ /de ci lta zhe na/ chos thams cad la sgo med pa'i phyir sgo des 'jug go /rigs kyi bu dag / chos thams cad la 'jug pa'ang med/ 'byung ba'ang
30a4 med| gzugs kyang med do/ /de ci'i phyir zhe na/ de bzhin gshegs pas chos thams cad la gang yang dmigs pa med na ci las byung / ci la 'jug /ci zhig bstan/ ci zhig ston
30a5 par 'gyur/ rigs kyi bu dag /de ni chos thams cad kyi sgor zhugs pa ste/ 'jug pa med pa'i mtshan nyid kyi phyir ro/ /chos thams cad ni 'du ba'ang med/ 'bral ba'ang med /bcings
30a6 pa'ang med/ grol ba'ang med do/ /de ltar chos thams cad kyi sgor ni sgo med pa'i phyir sgo de ni 'byung ba'i sgo ma yin/ 'jug pa'i sgo ma yin/ song ba'i sgo ma yin/ brjod pa'i sgo ma
30a7 yin te/ mthar mi skye ba'i sgo zhes bya'o/ /chos kyi sgo des na chos thams cad la shes pa med/ mthong ba med do/ /chos kyi sgo de ni chos la rig pa'ang med/ 'jug pa'ang med do/ /
30b1 de ci'i phyir zhe na/ rigs kyi bu dag /chos thams cad la sgo med de/ sgor dmigs su med pa'i phyir ro/ /nam mkha' ni chos thams cad kyi sgo ste/ thog ma nas rang
30b2 bzhin gyis rnam par dag pa'i phyir ro/ /chad pa med pa ni chos thams cad kyi sgo ste/ chad pa dmigs su med pa'i phyir ro/ /mtha' med pa ni chos thams cad kyi sgo ste/ mthar
30b3 dmigs su med pa'i phyir ro/ /tshad med pa ni chos thams cad kyi sgo ste/ tshad dmigs su med pa'i phyir ro/ /mu med pa ni chos thams cad kyi sgo ste/ mu dmigs su med pa'i
30b4 phyir ro/ /rigs kyi bu dag /rigs kyi bu 'am/ rigs kyi bu mo dag gang zhig chos kyi sgo 'dir zhugs na chos thams cad kyi sgor zhugs pa dang / chos thams cad kyi sgo
30b5 shes pa dang / chos thams cad kyi sgo ston pa zhes bya'o/ /gleng gzhi'i le'u ste gcig go/ //de nas bcom ldan 'das kyis byang chub sems dpa' 'jig
30b6 rten 'dzin la 'di skad ces bka' stsal to/ /'jig rten 'dzin/ byang chub sems dpa' sems dpa' chen po gang zhig chos thams cad kyi yang dag pa'i mtshan nyid thob par 'dod pa
30b7 dang | chos rnam par 'byed pa'i mtshan nyid la mkhas par 'dod pa dang / gang dran pa'i stobs thob par 'dod pa dang / chos thams cad rnam par 'byed pa'i shes rab thob
31a1 par 'dod pa dang / gang 'di lus 'di bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa thob par 'dod pa dag
31a2 chos kyi sgo 'di la myur du 'jug par bya'o/ /chos kyi sgo 'dis shes rab kyi snang ba thob par 'gyur ro/ /de ci'i phyir zhe na/ chos kyi sgo 'dis ni myur du phun sum tshogs pa thob pa'i phyir
31a3 ro/ /gzhan yang / 'jig rten 'dzin/ byang chub sems dpa' sems dpa' chen po rnams chos kyi sgo 'di la nan tan du brtson par bya'o/ /gang chos la spyod pa'i sgo 'di la zhugs pa ni
31a4 phung po la sbyor ba dang / khams la sbyor ba dang / skye mched la sbyor ba dang / rten cing 'brel te 'byung ba'i chos la sbyor ba dang / dran pa nye bar gzhag pa bzhi la sbyor ba dang / dbang po
31a5 lnga la sbyor ba dang / 'phags pa'i lam yan lag brgyad pa la sbyor ba dang / 'jig rten pa dang / 'jig rten las 'das pa'i chos la sbyor ba rnam par 'byed pa la shin tu mkhas
31a6 shing gzhan yang / 'dus byas dang / 'dus ma byas pa'i chos la sbyor ba rnam par 'byed pa la shin tu mkhas par 'gyur ro/ /'jig rten 'dzin/ de la ji ltar na byang chub sems
31a7 dpas phung po lnga la sbyor ba rnam par 'byed pa la mkhas pa gang zhe na/ byang chub sems dpa' sems dpa' chen po rnams nye bar len pa'i phung po lnga la yang dag par rtog pa ni 'di
31b1 lta ste| ma rig pa'i phung po ni nye bar len pa'i phung po'o/ /sdug bsngal gyi phung po ni nye bar len pa'i phung po'o/ /gti mug gi phung po ni nye bar len pa'i phung po'o/ /nad kyi phung po dang / shu pa'i
31b2 phung po dang / zug rdu'i phung po ni nye bar len pa'i phung po lnga'o/ /byang chub sems dpa' rnams gzugs nye bar len pa'i phung po rnam par 'byed pa la brtag par bya'o/ /de la gzugs nye
31b3 bar len pa'i phung po rnam par 'byed pa la ji ltar brtag ce na/ gzugs nye bar len pa'i phung po de ni chen po bzhi las skyes pa ste/ gzugs nye bar len pa'i phung po zhes btags pa tsam
31b4 du zad do/ /gzugs kyi phung po la rang bzhin med de/ chen po bzhi 'dus par zad pas gzugs kyi phung po zhes btags pa tsam mo/ /gzugs kyi phung po ni byas pa med pa/ byed pa med pa/
31b5 bya ba med pa/ 'byung ba med pa'o/ /gzugs kyi phung po zhes bya ba ni sngon gyi las kyi rgyu dang / rkyen dang / chen po bzhi 'dus pa las gzugs kyi phung po zhes btags pa tsam du zad kyi phung po ma
31b6 yin pa de gzugs kyi phung po yin no/ /dper na/ nam mkha'i phung po dang 'dra ste/ yang dag pa skye ba'i mtshan nyid med do/ /gang nam mkha'i phung po zhes brjod pa de la chos gang yang ma skyes
31b7 te| ming tsam yod pa'i phyir nam mkha'i phung po zhes bya'o/ /byis pa so so'i skye bos phung po dang / phung po'i mtshan nyid med pa 'di la phyin ci log gi sems kyis yang dag pa ma yin par
32a1 yang dag par 'dzin te/ bdag phung po lnga'o/ /bdag gi phung po lnga'o/ /bdag gzugs kyi phung po'o/ /bdag gi gzugs kyi phung po zhes de ltar zhen to/ /
32a2 de ltar byis pa so so'i skye bo dag gzugs la zhen nas gzugs la bdag dang / bdag gi ba dang / gzugs yod pa dang / gzugs su 'dzin pa dang / gzugs su len pa dang /
32a3 gzugs la zhen pa dag gzugs la gnas shing rten te sdig pa mi dge ba'i las rnam pa sna tshogs spyod cing myong bar byed do/ /bdag cag gis ni byis pa so so'i skye bo'i rjes
32a4 su bslab pa'i mi rigs kyi/ bdag cag gis brtson 'grus bskyed de/ byang chub kyi phyogs kyi chos bsgom pa la nan tan bya'o/ /gzugs kyi phung po la yang dag pa ji lta ba bzhin
32a5 brtag par bya ba'i rigs so/ /byang chub sems dpa' rnams kyi phung po la yang dag pa ji lta ba bzhin du rtog pa'i tshe chu'i dbu ba dang 'dra bar shes so/ /de la ji ltar na chu'i dbu
32a6 ba dang 'dra bar shes pa zhe na/ dbu ba med pa ni chu'i dbu ba ste/ de'ang rkyen mang po las skyes su zad kyi bzung zhing bcad du mi bzod/ sra ba 'am/ snying po med pas chu'i dbu ba
32a7 de la dbu ba'i mtshan nyid med de/ gang dbu ba med pa la chu'i dbu ba zhes bya ba bzhin du gzugs kyi phung po'ang de dang 'dra ste/ gzugs kyi phung po la phung po'i mtshan nyid
32b1 med do/ /byang chub sems dpa' rnams de ltar rtog pa'i tshe 'di snyam du 'di bus pa so so'i skye bo ni yang dag pa ma yin pa'i gzugs la yang dag pa ji lta ba bzhin mi rtogs/ yang dag pa ji
32b2 lta ba bzhin du gzugs mi rtag par mi shes/ yang dag pa ji lta ba bzhin du gzugs kyi mtshan nyid mi shes so snyam nas/ bdag cag yang dag pa'i lam la zhugs pas yang dag pa
32b3 ma yin pa'i gzugs la zhen par mi bya'o/ /de ci'i phyir zhe na/ gzugs zhen par bya ba'i mtshan nyid ma yin te/ ming tsam du zad kyi nges pa'i mtshan nyid med do/ /de ltar gzugs
32b4 ni nges pa'i mtshan nyid med cing ming dang yang bral ba'i phyir/ gzugs zhes bya'o/ /yang gzhan du na gzugs ni 'jig pa'i mtshan nyid yin te/ mkhas pa dag gis ni khong du
32b5 chud pas mtshan ma med par shes so/ /bdag cag gis gzugs mtshan ma med pa'i sbyor ba bsgom pa la mkhas par bya yi/ gzugs kyi mtshan ma la zhen par mi bya'o/ /gang zag
32b6 gang zhig gzugs kyi mtshan ma la zhen na gzugs la zhen pa zhes bya'o/ /bdag cag gis gzugs kyi mtshan mar 'jug pa la shin tu mkhas par bya'o/ /byang chub sems dpa'
32b7 de ltar yang dag par ji lta ba bzhin rtog pa de'i tshe yang dag pa ji lta ba bzhin gzugs rnam par 'byed pa rtogs nas gzugs kyi phung po de'ang gang bus pa so so'i skye bo dag gis rnam
33a1 par brtags pa'i 'du shes las byung bar shes so/ /de ltar chos rnams rnam par brtags pa'i 'du shes las byung bas de ni ma skyes pa ste/ rnam par
33a2 brtags pa'i 'du shes thams cad ni yang dag pa ma yin pa'i bus pa so so'i skye bo phyin ci log la rten cing gnas nas gzugs zhes skyed de/ gzugs kyis rnam par bcings
33a3 so| |gzugs kyis gtses pas sdug bsngal gyis gdungs te 'khor bar gyur to/ /ma rig pa dang / gti mug gis ldongs pas gzugs su zhen te mi gtod nas gzugs la rtag pa
33a4 dang | sra ba dang / snying po yod par lta bas de ltar byis pa so so'i skye bo gzugs kyi 'ching bas bcings te/ sems can dmyal ba dang / byol song dang / yi dwags dang / lha dang
33a5 mir rgyun du 'khor ro/ /gzugs kyi ri la shin tu chags te/ gzugs de la nyes pa'i skyon mang po yod par mi lta'o/ /bdag cag gis bus pa so so'i skye bo'i rjes su bslab par
33a6 mi bya yi/ gzugs kyi sbyor ba rnam par 'byed pa bsgom pa la brtag par bya'o/ /gzugs rnam par 'byed pa la rtog pa'i tshe gzugs kyi rang bzhin rmi lam dang 'dra bar mthong
33a7 ngo| |'di lta ste/ rmi lam gyi nang na gzugs mthong ba de ni rnam par brtags pa'i 'du shes tshor ba dang / rtog pa las skyes te/ mthong ba dang / thos pa dang / tshor ba dang /
33b1 shes pa dang / rten cing 'brel par 'byung ba'ang skyed de/ bdag dang / gzhan du'ang shes so/ /sa dang / chu dang / me dang / rlung du'ang mthong ngo / /ri dang / chu dang / nags tshal la sogs
33b2 par mthong ste/ de ltar rmi lam gyis gzugs kyi mtshan ma de la nges par chad pa med de/ rnam par brtags pa'i 'du shes las gzugs kyi phung po'i mtshan mar skyed pa'ang de bzhin te/
33b3 sngon gyi las kyi rgyu dang rkyen las skyes te nges pa'i rang bzhin can ma yin no/ /byang chub sems dpa' rnams de ltar yid la byed pa na gzugs la bdag gam/ bdag gi bar mi len no/ /yang
33b4 dag pa ji ltar ba bzhin du gzugs la rtog ste/ yang dag pa ji lta ba bzhin du mi rtag pa'i mtshan nyid dang / yang dag pa ma yin pa phyin ci log tu rtog go /sems can dag ni phyin ci log
33b5 gis bslad pas gzugs la bdag gzugs/ bdag gi gzugs/ gzhan gzugs/ gzhan gyi gzugs su zhen cing 'dzin to/ /de ltar gzugs rnam par 'byed pa la rtog pa'i tshe
33b6 gzugs su med dmigs/ gzugs kyi rang bzhin mi mthong / gzugs mi rtag pa la'ang mi chags so/ /byang chub sems dpas de'i tshe gzugs la chags pa dang / 'dzin pa thams cad
33b7 bsal te med par gyur na gzugs kyi yang dag pa'i mtshan nyid la shin tu mkhas pa yin/ gzugs mnyam pa'i mtshan nyid shes pa yin/ gzugs 'gog pa'i mtshan nyid shes pa
34a1 yin/ gzugs 'gog pa'i lam gyi mtshan nyid la mkhas pa yin/ gzugs kyi phung po gang nas kyang ma 'ongs pa/ gang du'ang mi 'gro bar rab tu rtogs
34a2 so| |de ltar rtog pa'i tshe na lus dang / gzugs kyi phung po de las kyi 'bras bu rnam par smin pa dang / rnam par brtags pa las skyes te/ chen po bzhi 'dus pa las byung bar shes so/ /
34a3 lus kyi gzugs kyi phung po ni bdag ma yin/ gzhan ma yin/ bdag po med de/ gang nas kyang ma 'ongs so/ /gzugs kyi phung po la de ltar rtog pa'i nang gi gzugs la mi chags mi
34a4 len| phyi'i gzugs la mi chags mi len/ 'das pa'i gzugs la mi chags mi len/ ma 'ongs pa'i gzugs la mi chags mi len/ da lta'i gzugs la'ang mi chags mi len/
34a5 gzugs kyi phung po thams cad la ma skyes pa'i mtshan nyid du shes so/ /de ltar byang chub sems dpa' de'i tshe gzugs mi 'gag/ gzugs 'gag pa'i chos tshol lo/ /'jig rten
34a6 'dzin/ de ltar na byang chub sems dpa' sems dpa' chen po rnams gzugs rnam par 'byed pa la rtog pa zhes bya'o/ /'jig rten 'dzin/ de la ji ltar na byang chub sems dpa'
34a7 sems dpa' chen po rnams tshor ba nye bar len pa'i phung po rnam par 'byed pa la rtog pa yin zhe na/ byang chub sems dpas 'di snyam du sems te/ bde par tshor ba dang / sdug
34b1 bsngal du tshor ba dang / bde ba'ang ma yin sdug bsngal yang ma yin par tshor ba 'di ni rten cing 'brel ba las byung ste/ rgyu dang rkyen la rag lus bas tshor ba'i mtshan nyid la zhugs na/ de la
34b2 tshor bar byed pa med de/ zhen pa tsam du zad do/ /zhen pa de ni yang dag pa ma yin te/ yang dag pa ma yin pa'i kun tu btags pa las skyes pa'o/ /de ltar byang chub sems dpa' de de
34b3 snyam du sems pa na'ang 'di snyam du bus pa so so'i skye bo ni yang dag pa ma yin pa'i kun tu rtog pa'i tshor bas bcings nas tshor ba rnam pa gsum gyis rnam par gtses so/ /'di lta ste/ bde
34b4 ba dang / sdug bsngal ba dang / bde ba'ang ma yin sdug bsngal yang ma yin pa'i tshor ba rnams so/ /bus pa so so'i skye bo dag gal te bde bar tshor ba na 'dod pa'i nyon mongs pas bkol
34b5 te| 'dod pa'i nye ba'i nyon mongs pa'i phyir mi dge ba'i las rnam pa sna tshogs bskyed do/ /gal te sdug bsngal du tshor ba na zhe sdang gi nyon mongs pas bkol te/ zhe sdang gi nye ba'i nyon
34b6 mongs pas nyon mongs pa'i phyir mi dge ba'i las rnam pa sna tshogs bskyed do/ /gal te bde ba'ang ma yin sdug bsngal yang ma yin par tshor ba na ma rig pa'i nyon mongs pas bkol
34b7 te| ma rig pa'i nye ba'i nyon mongs pas nyon mongs pa'i phyir slos pa'i mya ngan dang / smre sngags 'don pa dang / sdug bsngal gyis gdungs pa las rnam par ma grol bar gyur to/ /bdag
35a1 gis bus pa so so'i skye bo'i rjes su bslab par mi bya yi/ chos rnams kyi yang dag pa nyid la brtag par bya'o/ /bdag cag gis yang dag pa ji lta ba bzhin
35a2 tshor ba la brtag par bya'o/ /byang chub sems dpa' rnams yang dag pa ji lta ba bzhin tshor ba'i phung po la brtags nas kyang 'di snyam du phung po ma yin pa ni tshor ba'i phung po ste rnam
35a3 par brtag pa las skyes pa phyin ci log dang ldan pa'i tshor ba byed pa med de/ sngon gyi las kyi rgyu las skyes so/ /da ltar gyi rkyen gyis tshor ba rnams myong ste/ rang bzhin gyis stong
35a4 bas tshor ba la tshor ba'i mtshan ma med do/ /byang chub sems dpa' rnams tshor ba'i phung po la rtog pa na chu'i chu bur lta bur skyes nas 'gags te nges par chad pa med par chud
35a5 pa bzhin tshor ba'i phung po'ang de dang 'dra ste/ rgyu dang / rkyen 'brel pa las skyes te rgyu dang / rkyen la rag las pas skad cig kyang mi gnas te/ yang dag pa ma yin pas rnam par
35a6 brtags pa'i phyin ci log las skyes so/ /byang chub sems dpa' dag da'i tshe na'ang 'di snyam du bus pa so so'i skye bo dag ni snying brtse ba'i gnas yin no/ /tshor ba'i phung po
35a7 la yang dag pa ji lta ba bzhin mi rtogs pas tshor ba rnams kyis nyon mongs par gyur to/ /bde ba'i tshor ba la'ang chags/ sdug bsngal gyi tshor ba la'ang chags/ bde ba'ang ma
35b1 yin/ sdug bsngal yang ma yin pa'i tshor ba la'ang chags pa skyed de/ tshor ba rnams kyis bcings pas 'khor ba na 'khor zhing lus gcig nas lus gcig tu rgyun mi 'chad de/ tshor
35b2 ba'i nyon mongs pas ni tshor ba'i phung po'i mtshan nyid yang dag pa ji lta ba mi shes pa'i phyir ro/ /bdag cag gis bus pa so so'i skye bo'i rjes su bslab par mi bya yi/ yang dag pa ji lta
35b3 ba bzhin tshor ba'i phung po rnam par 'byed pa la brtag par bya'o/ /de'i tshe yang dag pa ji lta ba bzhin tshor ba'i phung po la rtog pa ni phung po med pa tshor ba'i phung po yin pa dang / yang dag pa
35b4 ma yin pa'i phung po de tshor ba'i phung po yin pa dang / phyin ci log gi phung po de tshor ba'i phung po yin pa dang / mi gnas pa'i phung po de tshor ba'i phung po yin par rtogs te/ de'i tshe na
35b5 yang dag pa ji lta ba bzhin du tshor ba'i phung po'i mtshan nyid mthong ste/ byas pa med/ byed pa med de/ tshor ba'i phung po la tshor ba'i phung po'i mtshan nyid kyang mi mthong ngo / /de ltar
35b6 tshor ba'i phung po la rtog pa na tshor ba'i phung po la nang na gnas par mi mthong / tshor ba'i phung po la phyi rol na gnas par mi mthong ste/ tshor ba bdag ces bya ba la mi chags/ tshor
35b7 ba bdag gi ba zhes bya ba la mi chags pas tshor ba'i phung po la gang nas kyang ma 'ongs la bdag po med de chos gang gis kyang ma bskyed par shes so/ /tshor ba de ni phyin ci log dang
36a1 ldan pa dang / sngon gyi las kyi 'bras bu rnam par smin pa las tshor ba'i phung po zhes rnam grang su btags par shes so/ /tshor ba'i phung po la yang dag pa ma
36a2 yin pa'i rgyu dang / rkyen rgyun mi 'chad par spyod par mthong ste/ de'i dus na 'das pa'i tshor ba'i phung po la mi len/ mi chags/ mi zhe na/ ma 'ongs pa'i tshor ba'i phung po la'ang mi
36a3 len| mi chags/ mi zhen/ da ltar gyi tshor ba'i phung po la'ang mi len/ mi chags/ mi zhen te/ gang zag des bde ba'i tshor ba las 'dod pa'i kun nas nyon mongs pa sel to/ /
36a4 sdug bsngal gyi tshor ba las zhe sdang ba'i kun nas nyon mongs pa sel to/ /bde ba'ang ma yin/ sdug bsngal yang ma yin pa'i tshor ba las ma rig pa'i kun nas nyon mongs pa sel bas
36a5 brtson 'grus rab tu rtsom mo/ /byang chub sems dpa' de'i tshe gal te bde ba'i tshor ba myong ba na 'dod pa'i sems mi skye/ sdug bsngal gyi tshor ba myong ba na zhe sdang gi sems mi skye/
36a6 bde ba'ang ma yin sdug bsngal yang ma yin pa'i tshor ba myong ba na gti mug gi sems mi skye'o/ /'jig rten 'dzin/ bus pa so so'i skye bo dag ni phal cher bde ba'i tshor ba myong ba na
36a7 'dod pa skye'o/ /sdug bsngal gyi tshor ba myong ba na zhe sdang skye'o/ /bde ba'ang ma yin sdug bsngal yang ma yin pa'i tshor ba myong ba na gti mug skye ste/ de ltar bus pa so so'i skye bo
36b1 dag ni 'dod chags dang / zhe sdang dang / gti mug gi dbang gis ldongs par gyur pas tshor ba'i phung po la yang dag pa ji ltar ba bzhin mi shes/ 'dod chags dang / zhe sdang dang / gti
36b2 mug gi mtshan nyid mi shes pas 'dod chags dang / zhe sdang dang / gti mug la bdag dang / bdag gi ba dang / 'di dang / gzhan du chags shing 'dzin to/ /'jig rten 'dzin/ byang
36b3 chub sems dpa' sems dpa' chen po rnams tshor ba'i phung po 'di la yang dag pa ji lta ba bzhin du rtogs pa ni 'dod chags dang / zhe sdang dang / gti mug gi dbang du mi 'gyur ro/ /
36b4 gal te 'dod chags dang / zhe sdang dang / gti mug skyes na'ang de ma thag tu yongs su sel cing yang dag pa'i lam la nan tan byed par 'gyur ro/ /bde ba'i tshor ba myong ba las
36b5 ni 'dod chags kyi kun nas nyon mongs pa bsal ba'i phyir brtson 'grus rtsom mo/ /sdug bsngal gyi tshor ba myong ba las ni zhe sdang gi kun nas nyon mongs pa bsal ba'i phyir brtson
36b6 'grus rtsom mo/ /bde ba'ang ma yin/ sdug bsngal yang ma yin pa'i tshor ba myong ba las ni gti mug gi kun nas nyon mongs pa bsal ba'i phyir brtson 'grus rtsom ste/ yang dag pa ji
36b7 lta ba bzhin du tshor ba rnam pa gsum shes par byed do/ /de'i tshe na ji tsam du tshor bar 'gyur ba gal te bde bar tshor ba dang / sdug bsngal bar tshor ba dang / bde ba'ang ma
37a1 yin sdug bsngal yang ma yin pa'i tshor ba kun la'ang mi chags te/ ring du gyur na'ang 'dod chags kyi kun nas nyon mongs pa dang bral bar
37a2 'gyur/ zhe sdang gi kun nas nyon mongs pa dang bral bar 'gyur/ gti mug gi kun nas nyon mongs pa dang bral bar 'gyur te/ tshor ba 'byung ba'i dus na tshor ba'i phung po
37a3 la yang dag pa ji lta ba bzhin mi rtag pa dang / yang dag pa ji lta ba bzhin du mthong zhing shes par 'gyur ro/ /gal te de ltar shes nas tshor ba'i phung po la 'dod pa'i
37a4 chags pa yongs su gcod par 'gyur te/ yongs su gcod pa'i tshor ba'i phung po la zhugs pas 'dod cing chags pa'i lam dag tu tshor ba rnams kyis nyon mongs par mi
37a5 'gyur ro/ /de ltar byang chub sems dpa' rnams kyis gal te de ltar yang dag pa ji lta bar zhin tshor ba'i phung po rtogs shing yang dag pa ji lta ba bzhin tshor ba'i phung po shes
37a6 nas tshor ba'i phung po'i kun 'byung dang / tshor ba'i phung po'i 'gog pa dang / tshor ba'i phung po'i 'gog pa'i lam yongs su shes par 'gyur ro/ /de nas tshor ba'i phung pos
37a7 ma skyes pa la mtshan nyid du shes/ ma skyes pa'i mtshan nyid kyis tshor ba'i phung po la mtshan ma med pa khong du chud cing rtogs par 'gyur ro/ /'jig rten 'dzin/ 'di
37b1 dag ni byang chub sems dpa' sems dpa' chen po rnams tshor ba'i phung po rnam par 'byed pa la rtog pa zhes bya'o/ /'jig rten 'dzin/ de la ji ltar na byang chub sems dpa'
37b2 sems dpa' chen po rnams 'du shes kyi phung po rnam par 'byed pa la rtog ce na/ byang chub sems dpa' sems dpa' chen po rnams yang dag pa ji lta ba bzhin 'du shes kyi phung
37b3 po la rtog pa'i tshe 'du shes kyi phung po de phyin ci log las skyes te yang dag pa ma yin/ snying po med pa/ mi brtan pa/ thog ma nas ma skyes pa'i mtshan nyid/ chad pas rgyu dang / rkyen
37b4 'dus pa dang / sngon gyi las kyi mthu las byung ba mthong ngo / /yang 'di snyam du phung po ma yin pa ni 'du shes kyi phung pos te/ yang dag pa ma yin pa'i phung po ni 'du shes kyi phung po'o/ /phyin
37b5 ci log gi phung po ni 'du shes kyi phung po'o/ /'du shes kyi phung po la 'du shes kyi phung po'i mtshan ma med pa ni/ dper na/ dbyar gyi smig rgyu ba lta bu ming tsam ste/ smig rgyu ba'i phung po
37b6 dang 'dra bar 'du shes kyi phung po 'di'ang de dang 'dra ste/ rnam par shes pa'i 'du shes kyis 'du shes zhes btags so/ /bus pa so so'i skye bo ni yang dag pa ma yin pa 'du shes 'dis
37b7 bcings te/ bde bar rnam par shes/ sdug bsngal du rnam par shes/ bde ba'ang ma yin/ sdug bsngal yang ma yin par rnam par shes/ grang ba dang / tsha bar rnam par shes/ skyes pa dang
38a1 bud med du rnam par shes/ lam rgyud lngar 'khor bar rnam par shes/ 'dus par rnam par shes/ gyes par rnam par shes/ 'das par rnam par
38a2 shes/ ma 'ongs par rnam par shes/ da ltar gyir rnam par shes/ bzang por rnam par shes/ ngan par rnam par shes/ yod par rnam par shes/ med par rnam par shes so//
38a3 bus pa so so'i skye bo 'du shes ni phyin ci log yang dag pa ma yin pa'i dbang du gyur pas rgyu dang / rkyen la rag lus te 'du shes kyi phung po zhes btags pa tsam du zad do/ /de la ni nang
38a4 ngam| phyi rol na 'du shes zhes bya ba med de bus pa so so'i skye bo dag ni yang dag pa ma yin pa'i 'du shes kyis bcings pas 'dod chags su rnam par shes/ zhe sdang du rnam par shes/
38a5 gti mug tu rnam par shes/ bu dang / chung mar rnam par shes so/ /bus pa so so'i skye bo dag ni 'du shes kyi phung po la gnas te yang dag pa ma yin pa'i lam la chags pas 'du shes
38a6 kyi phung pos 'khor ba na 'khor bar 'gyur te/ yang dag pa ji lta ba bzhin du 'du shes kyi phung po yang dag pa ma yin par mi rtogs so/ /bus pa so so'i skye bo dag ni bdag tu 'du
38a7 shes| pha rol por 'du shes so/ /skyes pa dang / bud med du 'du shes te 'du shes kyi phung pos bcings pas rnam par ma grol te/ bdag 'du shes kyi phung po yin pa dang / bdag gi
38b1 ba 'du shes kyi phung po yin par chags shing 'dzin to/ /bdag cag ni bus pa so so'i skye bo'i rjes su bslab par mi bya'o/ /byang chub sems dpa' sems dpa' chen po rnams de ltar yang
38b2 dag par ji lta ba bzhin du 'du shes kyi phung po la rtog pa na 'du shes kyi phung po de la 'du shes kyi phung por mi dmigs pa na smig rgyu ba'i phung po la smig rgyu ba'i phung por mi dmigs pa bzhin
38b3 no| |byang chub sems dpa'i 'du shes kyi phung po la smig rgyu ba nyid mthong bas 'das pa'i 'du shes kyi phung po la mi chags/ mi len/ mi zhen/ ma 'ongs pas 'du shes kyi phung po la mi chags/
38b4 mi len/ mi zhen/ da ltar gyi 'du shes kyi phung po la mi gnas/ bdag dang / gzhan du rnam par mi rtog ste/ 'du shes kyi phung po 'gog pa la nan tan byed cing 'du shes kyi phung po'i lam
38b5 ma skyes par khong du chud do/ /'du shes kyi phung po la ma 'ongs pa'i gnas dang / song ba'i gnas yod par mi mthong ste/ phyin ci log dang ldan pa dang / sngon gyi las kyi rgyu las
38b6 skyes te/ da ltar gyi rkyen gyis rnam par bcings so/ /phung po med pa ni 'du shes kyi phung po'o/ /'du shes kyi phung po la 'ongs pa'i gnas kyang med/ song ba'i gnas kyang med par 'byed
38b7 cing rtog na 'du shes kyi phung po ma skyes par khong du chud do/ /'du shes kyi phung po dgag par rnam par mi rtog pa ni 'du shes kyi tshor ba thams cad dgag pa'i phyir yang dag pa ji lta
39a1 ba bzhin shes shing mthong ba la gnas pa'i phyir ro/ /byang chub sems dpa' yang dag pa ji lta ba bzhin du 'du shes kyi phung po la rtog pa'i tshe 'du shes
39a2 kyi phung po dang bral te 'du shes kyi lam la mi gnas pa 'du shes kyi phung po yang dag pa ji lta ba bzhin du shes shing mthong ba la gnas pa dang / 'du shes kyi phung po la mi chags par yang
39a3 dag pa ji lta ba bzhin du 'du shes kyi phung po thams cad rnam par 'byed cing rtog pa dang / yang dag pa ji lta ba bzhin du 'du shes kyi phung po'i kun 'byung dang / 'gog pa dang / zad pa
39a4 shes so/ /'jig rten 'dzin/ de ltar na byang chub sems dpa' sems dpa' chen po rnams 'du shes kyi phung po rnam par 'byed pa rtog pa zhes bya ste/ 'du shes kyi phung po la chags pa
39a5 dang bral bas 'du shes kyi phung po la chags pa gcod pa'i lam la nan tan byed par 'gyur ro// //'jig rten 'dzin ces bya ba'i mdo/ bam po gnyis pa/
39a6 'jig rten 'dzin/ de la ji ltar na byang chub sems dpa' sems dpa' chen po 'du byed kyi phung po rnam par 'byed pa la rtog ce na / 'jig rten 'dzin/ byang chub sems dpa'
39a7 sems dpa' chen po 'du byed kyi phung po 'di ni phyin ci log las skyes te/ yang dag pa ma yin pa'i kun tu brtags pa las brtags pa tsam du yod pas brtags so/ /byang chub
39b1 sems dpa' de'i tshe lus kyis 'du byed pa dang / ngag gis 'du byed pa dang / yid kyis 'du byed pa dang / kun la mi gtsang ba dang / mi rtag pa dang / sdug bsngal ba dang / stong pa nyid
39b2 dang | bdag med par rtog go /de ltar rtog pa'i tshe 'di snyam du phung po ma yin pa ni 'du byed kyi phung po'o/ /sdug bsngal gyi phung po ni 'du byed kyi phung po'o/ /rten cing 'brel te 'byung ba'i
39b3 phung po ni 'du byed kyi phung po'o/ /gzugs brnyan gyi phung po ni 'du byed kyi phung po'o/ /'du byed kyi phung po ni mi 'phel ba/ mi bri ba/ ma bsdus pa'o/ /lus kyis 'du byed pa dang / ngag
39b4 gis 'du byed pa dang / yid kyis 'du byed pa byas pa med de/ mkhas pa dag ni 'du byed kyi phung po de la mi chags/ mi len to/ /de ci'i phyir zhe na/ lus kyis 'du byed pa rnams lus
39b5 kyi nang na mi gnas/ lus kyi phyi rol na mi gnas/ gnyis ka'i bar na mi gnas so/ /ngag gis 'du byed pa dang / yid kyis 'du byed pa'ang de bzhin du nang na mi gnas/ phyi rol na
39b6 mi gnas/ gnyis ka'i bar na mi gnas te/ 'du byed kyi phung po la 'du byed kyi phung po'i mtshan ma med do/ /de ci'i phyir zhe na/ 'du byed kyi phung po de ni rgyu dang / rkyen mang po dang / phyin
39b7 ci log dang / yang dag par ma yin pa dang / sngon gyi las kyi 'bras bu rnam par smin pa las skyes te/ rgyu dang / rkyen gyis gzung bas na 'du byed rnams byas par gyur to/ /lus kyis
40a1 'du byed pa dang / ngag gis 'du byed pa dang / yid kyis 'du byed pa kun kyang yang dag par 'du bya ba ma yin/ ci'ang 'du byed pa med de/ yang dag pa ma
40a2 yin pa las 'du byed pa/ phyin ci log tu 'du byed pa ste/ de bas na 'du byed ma yin pa la 'du byed kyi phung po zhes btags so/ /de ci'i phyir zhe na/ mkhas pa de dag gis ni/ 'du
40a3 byed kyi mtshan nyid la ma nges pas lus kyis 'du byed pa dang / ngag gis 'du byed pa dang / yid kyis 'du byed pa dag gnas 'di na 'am/ gnas gzhan na 'am/ nang ngam/ phyi rol
40a4 na gnas par ma nges pa'i phyir ro/ /lus dang / ngag dang / yid kyis 'du byed pa'ang 'du byed kyi mtshan nyid du nges pa med/ dmigs su med/ brjod du med na/ 'du byed kyi phung
40a5 po dmigs su yod pa 'am/ brjod du yod pa lta ci smos te/ de bas na phung po med pa ni 'du byed kyi phung po zhes bya'o/ /bus pa so so'i skye bo dag ni phyin ci log tu 'du shes bskyed
40a6 nas lus dang / ngag dang / yid kyi 'du byed pa la chags te/ 'du byed kyi phung po la rnam par rtog pas 'du byed kyi phung pos bcings te 'khor ba na 'khor bar gyur to/ /bus pa so
40a7 so'i skye bo dag phyin ci log gi dbang du gyur pas lus dang / ngag dang / yid kyi 'du byed skyed de/ de la 'dzin cing chags pas chos ma yin pa la chos su 'du shes/ phung po
40b1 med pa la phung por shes so/ /phyin ci log gi 'du byed la chags pa des rnam par bcings te lam rgyud lngar 'khor zhing rtag tu lus dang / ngag dang / yid kyi 'du byed kyi rjes su spyod
40b2 de yang dag pa ji lta ba bzhin mi rtogs/ yang dag pa ji lta ba bzhin du 'du byed kyi phung po ma rtogs pas lus dang / ngag dang / yid kyi sgo nas 'du byed rnams bskyed par gyur to/ /bus pa
40b3 so so'i skye bo dag phyin ci log la chags pa'i phyir/ de kho na nyid ma yin pa'i chos la chags pa'i phyir/ yang dag pa ma yin pa la chags pa'i phyir 'du byed kyi phung po zhes bya'o/ /'jig
40b4 rten 'dzin/ byang chub sems dpa' rnams 'di la de ltar yang dag pa ji lta ba bzhin du brtags na 'du byed rnams kyi dngos po med de/ rab tu mthu chung brgyu dang / rkyen mang po 'dus pa las
40b5 'du byed kyi phung po zhes brjod cing btags te/ de la yang dag par 'du byed kyi phung po med par rtogs so/ /phung po med pa ni 'du byed kyi phung po'o/ /thog ma nas ma skyes pa ni 'du byed
40b6 kyi phung po'o/ /rang bzhin med pa ni 'du byed kyi phung po'o/ /'du byed rnams snga ma'i mtha' yang dmigs su med/ phyi ma'i mtha' yang dmigs su med/ bar gyi mtha' yang dmigs
40b7 su med de/ mi gnas pas 'du byed rnams ni skad cig gcig gis skye zhing 'gog pa'i chos can no/ /'jig rten 'dzin/ byang chub sems dpa' rnams de ltar yang dag pa ji lta ba
41a1 bzhin du 'du byed kyi phung po la stong pa nyid dang / dmigs su med pa dang / sra ba'i rang bzhin med pa dang / sbu'i nyag ma tsam yang dmigs su med par rtogs
41a2 so| |de ltar bsams nas bus pa so so'i skye bo dag snying po med pa'i chos kyis rnam par bcings pa dang / 'du byed kyi phung pos rnam par bcings pa dang / chags pas rnam par bcings
41a3 te| lus dang / ngag dang / yid kyi sgo nas 'du byed pa bskyed do/ /bdag tu 'du byed pa dang / bdag gi bar 'du byed pa bskyed do/ /de lta bu'i las bskyed pas 'du byed kyi phung pos
41a4 rnam par bcings nas 'du byed kyi phung po nyid ma rig pa gti mug yin par mi shes te/ 'du byed kyi phung po la yang dag par rtog go /de ltar phyin ci log gi dbang du gyur pas
41a5 de la chags shing 'dzin to/ /gang zag des de ltar 'du byed kyi phung po la chags shing 'dzin pas bar bar ni bde bar byed/ bar bar ni sdug bsngal bar 'du byed/ bar bar ni bde
41a6 ba'ang ma yin sdug bsngal yang ma yin par 'du byed do/ /gang zag des bde ba la 'du byed pas bde ba'i lus thob bo/ /sdug bsngal la 'du byed pas sdug bsngal gyi lus thob bo//
41a7 bde ba'ang ma yin sdug bsngal ba'ang ma yin pa la 'du byed pas bde ba'ang ma yin sdug bsngal ba'ang ma yin pa'i lus thob bo/ /gang zag des bde ba'i lus thob pas de la
41b1 'dod pa bskyed do/ /sdug bsngal gyi lus thob pas zhe sdang bskyed do/ /bde ba'ang ma yin sdug bsngal ba'ang ma yin pa'i lus thob pas gti mug bskyed do/ /gang zag des de ltar 'dod
41b2 chags dang / zhe sdang dang / gti mug gi dbang du gyur pas 'du byed kyi nyes pa'i skyon ma mthong nas/ lus dang / ngag dang / yid kyi 'du byed rnam par ma dag go /gang zag de de ltar
41b3 lus dang / ngag dang / yid kyi 'du byed rnam par ma dag pas rnam par ma dag pa'i lam du ltung bar gyur pa ni/ 'di lta ste/ sems can dmyal ba dang / byol song dang / yi dwags
41b4 so| |ji ste skad cig tsam de las thar te lha dang / mir skyes na'ang lus dang / ngag dang / yid kyi 'du byed la shin tu chags te 'du byed kyi phung po la rab tu chags so/ /byang chub sems
41b5 dpa' sems dpa' chen po rnams ni de ltar yang dag pa ji lta ba bzhin du rtogs so/ /bdag cag kyang bus pa so so'i skye bo'i rjes su bslab par mi bya'o/ /bdag cag gis lus dang /
41b6 ngag dang / yid kyi 'du byed rnam par dag par sbyangs te 'du byed kyi phung po la chags par mi bya/ 'du byed kyi phung po'i nyes pa'i skyon shin tu brtags te/ 'du byed kyi phung po las
41b7 'byung ba'i lam btsal bar bya'o/ /gang de ltar rtog pa ni yang dag pa ji lta ba bzhin du 'du byed kyi phung po la rtog pa zhes bya ste/ de ni yang dag par 'du byed kyi phung po mi rtag pa
42a1 la rtog pa zhes bya'o/ /de'i tshe na yang dag pa ji lta ba bzhin du 'du byed rnams dang / 'du byed kyi kun 'byung ba dang / 'du byed kyi 'gog pa dang / 'du byed
42a2 kyi 'gog pa'i lam la mi 'dzin/ mi chags/ mi zhen to/ /'du byed rnams la'ang mi chags/ mi zhen to/ /'du byed kyi phung po la'ang mi chag so/ /de ltar rtog pa'i tshe 'du byed
42a3 kyi mtshan ma dang bral te 'du byed kyang 'du byed kyi phu po'i lam med par rtogs te/ 'du byed thams cad la stong pa nyid du rtogs pa'i 'du byed thams cad la skyo zhing skrag pa dang
42a4 'byung ba'i sems skye'o/ /rnam par dag pa'i lus dang / ngag dang / yid kyi 'du byed 'ba' zhig la mngon par 'du byed do/ /'du byed kyi mtshan ma rnam par bshig pa dang / 'du byed
42a5 kyi phung po'i mtshan ma las ring du gyur pas gang zag des ji tsam du lus thob par gyur pa de yongs su dag par 'gyur ro/ /de ci'i phyir zhe na/ gang zag de ni lus kyi las rnam
42a6 par dag /ngag gi las rnam par dag /yid kyi las rnam par dag pa'o/ /lus kyi 'du byed rnam par dag /ngag gi 'du byed rnam par dag /yid kyi 'du byed rnam par dag
42a7 pa'o| |gang zag de ni 'du byed kyi phung po dang bral ba/ 'du byed kyi phung po'i mtshan ma dang bral ba/ chos rnams kyi dngos po'i mtshan ma rnam par 'jig pa'o/ /de ltar yang dag
42b1 pa ji lta ba bzhin du rtog pa'i tshe 'du byed kyi phung po rnams gang nas kyang ma 'ongs/ gang du'ang mi 'gro bar rtogs te/ 'du byed rnams nges par skye ba'i mtshan ma 'am/ nges par 'gog
42b2 pa'i mtshan mar mi dmigs so/ /des 'du byed rnams la skye ba dang / 'gog pa'i mtshan ma med par rtogs te/ 'du byed thams cad skye ba dang / 'gog pa'i mtshan ma ma yin no/ /gang
42b3 zag de 'du byed thams cad la skye ba dang / 'gog pa'i mtshan ma med par rtogs nas skyo zhing spong ba'i sems skyes te/ yang dag pa ji lta ba bzhin du 'du byed rnams kyi kun 'byung dang /
42b4 'gog pa'i mtshan ma rtogs shing chud par 'gyur ro/ /'du byed rnams ma skyes pa'i mtshan nyid du rig kyang 'du byed kyi mtshan nyid shin tu mi rtogs so/ /de ci'i phyir zhe na/ 'jig rten
42b5 'dzin/ 'du byed kyi phung po la nges pa'i mtshan nyid med pa'i phyir ro/ /'di lta ste/ chu shing la sra ba'i mtshan nyid kyang mi rnyed/ mi sra ba'i mtshan nyid kyang mi rnyed pa de bzhin du
42b6 'du byed kyi mtshan nyid kyang mi rnyed pa de bzhin du 'du byed kyi mtshan nyid kyang de bzhin te/ sra ba'i mtshan nyid kyang mi rnyed la mi sra ba'i mtshan nyid kyang mi rnyed do/ /'jig rten 'dzin/
42b7 de ltar na byang chub sems dpa' sems dpa' chen po rnams 'du byed kyi phung po la'ang 'jug pa yid la byed pa'i rnam par 'byed pa la rtog pa zhes bya'o/ /'jig rten 'dzin/ de
43a1 la ji ltar na byang chub sems dpa' sems dpa' chen po rnams yang dag pa ji lta ba bzhin du rnam par shes pa'i phung po rnam par 'byed pa la rtog pa zhe
43a2 na| byang chub sems dpa' sems dpa' chen po rnams phung po ma yin pa la rnam par shes pa'i phung por rtog /phyin ci log gi phung po la rnam par shes pa'i phung por rtog/ yang
43a3 dag pa ma yin pa'i phung po la rnam par shes pa'i phung por rtog go /de ci'i phyir zhe na/ 'jig rten 'dzin/ rnam par shes pa'i phung po de ni phyin ci log las skyes te/ yang dag pa
43a4 ma yin pa'i rkyen gyis bcings pas sngon gyi las kyis yod par gyur te/ da ltar gyi rkyen la rag lus pas rgyu dang / rkyen mang po la rag lus pa'i phyir yang dag pa ma yin pa ci'ang
43a5 med pa'i rnam par brtags pa las rnam par shes pa las skyes so/ /rnam par shes pa'i phyir rnam par shes pa zhes bya ste/ rnam par rtog pa'i blo 'khrul pa las bla thabs
43a6 su yod par gyur te shes pa yod pas rnam par shes pa zhes bya'o/ /dngos po rnam pa sna tshogs su shes pa'i phyir/ sems kyi las bskyed pa'i phyir/ bsams pa sems pa'i
43a7 phyir/ rkyen mang po las mtshan ma skye ba'i phyir/ rnam pa sna tshogs su sems skye ba'i phyir na rnam par shes pa'i phung po zhes bya'o/ /shes pa las rnam par shes pa'i gzugs
43b1 byung ste sems kyi las ston pa'i phyir/ bsam pa sdug pa'i phyir/ rnam par shes pa'i phung po zhes bya ste/ de la sems dang / yid dang / rnam par shes pa zhes kyang bya ste/ thams cad
43b2 kyang yid kyi las kyis rnam par rtog pas rnam par shes pas bsdus te mtshan nyid du rnam par shes/ 'du byed du rnam par shes/ rang bzhin du rnam par shes pas rnam par shes pa'i
43b3 phung po zhes bya'o/ /de ltar phung po ma yin pa ni rnam par shes pa'i phung po ste/ ma skyes pa/ ma byung ba/ ma byas pa'o/ /phyin ci log dang ldan pa'i rkyen gyis yang dag pa ma yin par
43b4 shes pa'i phyir rnam par shes pa'i phung po zhes bya'o/ /de ci'i phyir zhe na/ rnam par shes pa'i phung po de ni rgyu dang / rkyen mang po las skyes te/ rang bzhin dang / go rims dang / rgyun las skyes pa
43b5 med de skad cig skad cig gis skye zhing 'gog ste/ rnam par shes pa'i phung po'i mtshan nyid bskyed pa ma yin no/ /de ci'i phyir zhe na/ rnam par shes pa skyes pa'i nges pa dmigs su med
43b6 la skye ba'i mtshan nyid kyang dmigs su med pa'i phyir ro/ /nges pa dang / mtshan nyid dmigs su med pa'i phyir/ ngo bo nyid kyi rang bzhin med pa'i phyir/ rang gi mtshan nyid med pa'i phyir/ sra
43b7 ba'i rang bzhin mi rnyed pa'i phyir na mkhas pa dag ni yang dag pa ji lta ba bzhin du rtog ste/ phung po ma yin pa la rnam par shes pa'i phung por khong du chud do/ /bus pa so so'i skye bo dag rnam
44a1 par shes pa'i phung po ma yin pa la rnam par shes pa'i phung por 'du shes te log par rnam par rtog pa dang / phyin ci log dang ldan pa'i yang dag pa ma yin
44a2 par rtog pa'i blos rnam par bcings pas rnam par shes pa'i phung por nan tan gyis brtags nas rnam par shes pa'i phung por chags/ rnam par shes pa'i bya ba la gnas/ rnam par
44a3 shes pa'i rnam pa la brten te bsam pa'i sems pa bstan pa'i phyir rnam par shes pa'i phung po bskyed do/ /gang zag de rnam pa sna tshogs su rnam par rtog pa'i nang gi rnam par shes
44a4 pa la chags/ phyi'i rnam par shes pa la chags/ phyi nang gi rnam par shes pa la chags/ ring ba'i rnam par shes pa la chags/ nye ba'i rnam par shes pa la chags te/ rnam par
44a5 shes pas mtshan mar rnam par brtags pas rnam par shes pa'i phung po bskyed do/ /gang zag de rnam par rtog pa'i 'du shes kyis sems dang / yid dang / rnam par shes pa zhes
44a6 bla dwags su btags te/ 'di ni sems so/ /'di ni yid do/ /'di ni rnam par shes pa'o zhes nan tan gyis btags te/ de ltar sems kyi mtshan nyid rnam pa sna tshogs 'byung
44a7 bar shes so/ /bus pa so so'i skye bo dag rnam par shes pa'i phung po la chags te rnam par shes pa'i phung pos rnam par bcings so/ /sems dang / yid dang / rnam par shes
44b1 pa 'dus pa las rnam pa sna tshogs su rnam par shes pa'i phung por skyes so/ rnam par rtog pa'i yang dag pa ma yin pa'i dngos po'i phyir/ mtshan nyid gcig pa'i phyir/ nges pa'i mtshan nyid
44b2 gcig pa'i phyir sems de dang / yid de dang / rnam par shes pa de thob cing tshogs pa rnam par 'byed pa la mkhas pa thob par 'gyur ro/ /gang zag de rnam par shes pa'i phung po la rten cing
44b3 gnas te rnam par shes pa la chags pas 'das pa'i rnam par shes pa'i phung po la yod par chags shing 'dzin to/ /ma 'ongs pa'i rnam par shes pa'i phung po la'ang yod par 'dzin cing
44b4 chags so/ /da ltar gyi rnam par shes pa'i phung po la'ang yod par 'dzin cing chags so/ /bus pa so so'i skye bo dag mthong ba dang / thos pa dang / tshor ba dang / shes pa'i chos la rnam
44b5 par shes pa'i phung por chags te yod par 'dzin to/ /gang zag de mthong ba dang / thos pa dang / tshor ba dang / shes pa'i chos la chags shing 'dzin te/ rnam par shes pa'i phung pos
44b6 rnam par bcings pas shes pa la gtso bor 'dzin to/ /sems dang / yid dang / rnam par shes pa 'dus pa'i dbang du gyur pas 'khor bar 'khor ba na/ 'di lta ste/ 'jig rten 'di
44b7 nas 'jig rten pha rol tu/ 'jig rten pha rol nas 'di dag tu'o/ /de dag kyang rnam par shes pa'i phung pos rnam par bcings pas yang dag pa ji lta ba bzhin du rnam par shes
45a1 pa'i phung por mi shes so/ /rnam par shes pa'i phung po ni yang dag pa'i ma yin na phyin ci log dang ldan pa'i rgyu las thos pa dang / mthong ba dang / tshor ba
45a2 dang / shes pa'i chos rnams byung ste/ de la yang dag pa'i rnam par shes pa med do/ /de ltar yang dag pa ji lta ba bzhin du mi rtogs pas na/ bar bar ni dge ba'i rnam par
45a3 shes pa 'byung / bar bar ni mi dge ba'i rnam par shes pa 'byung / bar bar ni dge ba dang / mi dge ba'i rnam par shes pa 'byung ste/ gang zag de rtag tu rnam par shes pa'i rjes
45a4 su spyod kyang rnam par shes pa skye ba'i gnas mi shes/ rnam par shes pa'i yang dag pa ji lta ba'i mtshan nyid mi shes so/ /'jig rten 'dzin/ byang chub sems dpa' sems
45a5 dpa' chen po rnams de la yang dag pa ji lta ba bzhin du rtog pas rnam par shes pa'i phung po ni yang dag pa ma yin pa'i rnam par shes pa las byung bar rtogs so/ /'di lta ste/
45a6 mthong ba dang / thos pa dang / tshor ba dang / shes pa'i chos rnams rgyu dang / rkyen mang po las byung bar shes so/ /chos med pa las chos su 'du shes pas rnam par shes pa'i
45a7 phung por chags par gyur to/ /bdag cag gis bus pa so so'i skye bo'i rjes su bslab par mi bya yi/ bdag cag gis rnam par shes pa yang dag pa ji lta ba bzhin du 'byed pa la
45b1 brtag pa dang / yang dag pa ji lta ba bzhin du rnam par shes pa'i phung po 'byed pa la brtag par bya'o/ /byang chub sems dpa' rnams yang dag pa ji lta ba bzhin du rtog pa'i tshe rnam par
45b2 shes pa'i phung po de yang dag pa ma yin pa phyin ci log par shes te/ thog ma nas skyes pa'i mtshan nyid du shes so/ /phung po ma yin pa ni rnam par shes pa'i phung po'o/ /gzugs
45b3 brnyan gyi phung po ni rnam par shes pa'i phung po'o/ /sgyu ma'i phung po ni rnam par shes pa'i phung po ste/ dper na/ sgyu ma mkhan gyis sgyu ma'i mi byas na mi de'i rnam par shes pa de ni
45b4 nang na'ang mi gnas/ phyi rol na'ang mi gnas/ gnyis ka'i bar na'ang mi gnas pa ltar rnam par shes pa'i rang bzhin kyang de dang 'dra ste/ yang dag pa ma yin pa'i rkyen mang
45b5 po dang / rnam par rtog pa las skyes te yang dag pa'i dngos po med do/ /'khrul 'khor gyi mi ltar rnam par shes pa'ang de dang 'dra ste/ phyin ci log dang / yang dag pa ma yin pa'i rgyu
45b6 rkyen mang po 'dus pa las yod par gyur to/ /de ltar rtog pa'i tshe rnam par shes pa mi rtag pa dang / sdug bsngal ba dang / mi gtsang ba dang / bdag med par shes so/ /rnam par
45b7 shes pa'i mtshan nyid la sgyu ma lta bur shes pa dang / rnam par shes pa'i rang bzhin la sgyu ma lta bur rtogs so/ /byang chub sems dpas de'i tshe 'di snyam du 'jig rten 'di
46a1 dag ni shin tu myos shing gti mug gis ldongs so/ /'di lta ste/ rnam par brtags pa'i rnam par shes pa las 'jig rten 'byung ste/ sems dang /
46a2 yid dang / rnam par shes pa'i 'dus pas na khams gsum 'di ni rnam par shes pa tsam mo/ /de ltar sems dang / yid kyi rnam par shes pa ni gzugs med/ phyogs med/ chos
46a3 kyi nang na mi gnas/ chos kyi phyi rol na mi gnas so/ /bus pa so so'i skye bo dag ni yang dag pa ma yin pa dang ldan pas rnam par bcings pa'i phyir rnam par shes pa'i phung po la
46a4 bdag dang / bdag gi bar 'dzin cing chags so/ /gang zag de ni rnam par shes pa'i phung po nang na gnas par 'dzin/ rnam par shes pa'i phung po phyi rol na gnas par
46a5 'dzin/ rnam par shes pa'i phung po phyi nang gnyis ga na gnas par 'dzin/ rnam par shes pa'i phung po de bdag dang / gzhan la gnas par 'dzin to/ /gang zag de rnam par
46a6 shes pa'i phung po la gtso bor 'dzin to/ /rnam par shes pas rnam par bcings pas rnam par shes pa'i phung po'i ro la chags nas rnam par shes pa'i phung po'i mtshan
46a7 nyid gang brjod do/ /'di lta ste/ sems dang / yid dang / rnam par shes pa'i rjes su ro la chags pas rnam par shes pa'i phung po la chags shing 'dzin to/ /gang zag
46b1 de rnam par shes pas rnam par bcings te/ rnam par shes pa'i phung po de dang 'brel bas sems dang / yid kyang rnam par shes pa'i dbang du gyur te sems dang / yid kyang rnam par
46b2 shes pa'i rgyu dang / rkyen gyis mthus bus pa so so'i skye bor skye ste/ gal te bsam pa tha ma bskyed na lus tha ma thob par 'gyur/ bsam pa mchog bskyed na lus mchog thob bo/ /bsam
46b3 pa 'bring du bskyed na lus 'bring por thob par 'gyur te/ gang zag de sems dang / yid dang / rnam par shes pa de'i rjes su spyod pa'i mthus skye mched rnams la rten cing gnas
46b4 pa skyes par gyur to/ /rnam par shes pa'i phung po la chags pas skye ba dang / rga ba dang / na ba dang / 'chi ba dang / yid blong ba dang / slos pa'i mya ngan dang / sdug bsngal las
46b5 rnam par ma grol to/ /byang chub sems dpas de la da ltar yang dag pa ji lta ba bzhin du rnam par shes pa'i phung por rtogs te/ yang dag pa ji lta ba bzhin du rnam par shes pa'i
46b6 phung po'i mi rtag pa'i mtshan nyid rtogs pas 'das pa'i rnam par shes pa'i phung po la'ang mi chags mi 'dzin to/ /phung po ma yin pa la rnam par shes pa'i phung por shes so/ /ma
46b7 'ongs pa'i rnam par shes pa'i phung po la'ang mi chags mi 'dzin to/ /phung po ma yin pa la rnam par shes pa'i phung por shes so/ /da ltar gyi rnam par shes pa la'ang mi gnas te/
47a1 yang dag pa ji lta ba bzhin du yang rnam par shes pa'i phung po'i mi rtag pa'i mtshan nyid shes so/ /yang dag pa ji lta ba bzhin du rnam par shes pa'i
47a2 phung po'i skye ba dang / 'gog pa'i mtshan nyid shes so/ /gang de ltar yid la byed cing yang dag pa'i ji lta ba bzhin du'ang rnam par shes pa'i phung po de la rtog pa ni yang dag pa ji lta ba
47a3 bzhin pa'i lam la 'jug pa zhes bya'o/ /'di lta ste/ yang dag pa ji lta ba bzhin du rnam par shes pa shes so/ /yang dag pa ji lta ba bzhin du rnam par shes pa'i kun 'byung ba
47a4 shes so/ /yang dag pa ji lta ba bzhin du rnam par shes pa'i 'gog pa shes so/ /yang dag pa ji lta ba bzhin du rnam par shes pa'i 'gog pa'i lam shes so/ /gang zag de
47a5 yang dag pa ji lta ba bzhin du rnam par shes pa'i phung po'i kun 'byung dang / 'gog pa'i mtshan nyid rtogs nas rnam par shes pa'i phung po 'jog pa la mkhas pa dang / mtshan ma
47a6 thams cad yongs su gcod pa la mkhas par gyur to/ /rnam par shes pa'i phung po'i kun 'byung dang / 'gog pa'i mtshan nyid shes pa dang / rnam par shes pa'i phung po kun
47a7 'byung dang / 'gog pa'i mtshan nyid rtogs so/ /byang chub sems dpa' de'i tshe rnam par shes pa'i phung po mi skyed/ rnam par shes pa'i phung po mi 'gog ste/ rnam par shes
47b1 pa'i phung po de thog ma nas ma skyes par rtogs so/ /de ltar rtogs pa'i tshe rnam par shes pa la 'gog pa'i mtshan nyid du rnam par mi rtogs te/ rnam par shes pa'i phung po ma skyes pa'i
47b2 mtshan nyid du khong du chud do/ /de ci'i phyir zhe na/ 'jig rten 'dzin/ rnam par shes pa'i phung po ni skye ba med/ mtshan ma med/ grub pa med do/ /rnam par shes pa'i phung po skye ba'i
47b3 mtshan nyid ni yang dag pa ma yin pas ma skyes pa'i mtshan nyid du 'dus so/ /'jig rten 'dzin/ rnam par shes pa'i phung po la ni skye ba dang grub pa'i mtshan nyid med do/ /rnam par shes
47b4 pa'i phung po'i mtshan nyid ni rgyu dang / rkyen mang po las skyes so/ /'jig rten 'dzin/ byang chub sems dpa' sems dpa' chen po de ltar rten cing 'brel te 'byung ba'i chos la de ltar rtog pa
47b5 ni phung po ma yin pa ni rnam par shes pa'i phung por rtogs so/ /mos pas rjes su rnam par 'byed cing brtags nas ji tsam du rnam par shes par brtags pa thams cad yang dag pa ji
47b6 lta ba bzhin du khong du chud cing rtogs so/ /byang chub sems dpas rnam par shes pa'i phung po'i dben pa shes nas dmigs pa thams cad dang / shes par bya ba thams cad yongs su
47b7 bcom mo/ /'jig rten 'dzin/ byang chub sems dpa' sems dpa' chen pos de ltar rnam par shes pa'i phung po rtogs te/ rnam par shes pa'i phung po la skye ba med pa dang / ma byas pa
48a1 dang / ma byung ba dang / mi gzung ba dang / mi 'dzin par shes na de dag kyang rkyen mang po las skyes te/ rkyen mang po 'dus pa las yod par gyur to/ /mthong
48a2 pa dang / thos pa dang / tshor ba dang / rnam par shes pa'i chos kyi rkyen gyis yod par gyur te/ thog ma'i mtha' nas stong ngo / /de ltar rnam par shes pa'i phung po la rtog pa'i tshe
48a3 rnam par shes pa'i phung po la ma byas pa dang / ma byung bar shes te/ gtso bor mi 'dzin mi chags so/ /'jig rten 'dzin/ byang chub sems dpa' sems dpa' chen po rnams de
48a4 ltar yang dag pa ji lta ba bzhin du rnam par shes pa'i phung po rnam par 'byed pa dang / 'jug pa la rtog go /byang chub sems dpa' gang de ltar thabs mkhas pas phung po lnga la
48a5 'jug pa dang / de ltar thabs mkhas pas yang dag pa ji lta ba bzhin du nye bar len pa'i phung po lnga la rtog pa ni phung po lnga ni kun 'byung ba dang / 'gog pa dang / lam la 'jug pa
48a6 shin tu mkhas pa zhes bya'o/ /phung por mtshan mar 'dzin pa yongs su bcad pas yang dag pa ji lta ba bzhin du phung po lnga'i thabs shes so/ /thabs des na nye bar len pa'i phung po
48a7 lnga la mi chags/ mi 'dzin/ mi zhe na/ 'ching par mi 'gyur ro/ /yang dag par ji lta ba bzhin du gzugs shes/ yang dag pa ji lta ba bzhin du gzugs kyi mi rtag pa'i mtshan
48b1 nyid shes so/ /de ltar byang chub sems dpas gzugs la chags pa 'byung na de ma thag tu sel cing gcod do/ /de bzhin du yang dag pa ji lta ba bzhin du tshor ba dang / 'du shes dang / 'du
48b2 byed dang / rnam par shes pa shes te/ yang dag pa ji lta ba bzhin du tshor ba dang / 'du shes dang / 'du byed dang / rnam par shes pa'i mi rtag pa'i mtshan nyid kyang shes so/ /gal
48b3 te tshor ba dang / 'du shes dang / 'du byed dang / rnam par shes pa la chags pa 'byung na de ma thag tu sel cing gcod par 'gyur ro/ /byang chub sems dpa' nye bar len pa'i phung po lnga la
48b4 'dod cing chags pa yongs su bcad pas nges pa'i phung po lnga'i thabs khong du chud pa'i rjes su 'jug go /de ltar rtog pa'i tshe nye bar len pa'i phung po lnga'i skye zhing 'gog pa'i mtshan ma
48b5 phra mo la'ang mkhas par 'gyur ro/ /'jig rten 'dzin/ de la ji ltar na byang chub sems dpa' sems dpa' chen po rnams nye bar len pa'i phung po lnga'i skye zhing 'gog pa'i mtshan ma
48b6 shin tu phra ba rnam par 'byed pa la rtog pa zhe na/ byang chub sems dpa' sems dpa' chen po rnams sems can thog ma mang la du zhugs nas nur nur por gyur pa na lnga phung lnga ma
48b7 'gags nas phung po lnga gzhan zhig skyes te/ de nas phung po lnga'i skye zhing 'gog pa'i mtshan nyid rtogs te rnam par shes pa snga ma 'gags mod kyi phung po lnga la chad pa'am/
49a1 'gag pa'i mtshan nyid ma yin par shes so/ /rnam par shes pa nur nur po la rten cing gnas mod kyi phung po lnga la mi gnas pa dang / mi rtag pa nyid
49a2 du shes so/ /de ltar thog ma mngal du zhugs pa'i skad cig ma'i nye bar len pa'i phung po lnga skye zhing 'gog pa dang / nur nur po nas mngon par 'byung ba'i bar dang / skyes nas
49a3 'chi ba'i bar du nye bar len pa'i phung po lnga 'di skad cig skad cig cing skye zhing 'gog pa'i mtshan nyid du rtogs so/ /nye bar len pa'i phung po lnga ni skad cig thang cig gis skye
49a4 zhing 'gog pa yin te/ de ltar na nye bar len pa'i phung po lnga'i skye zhing 'gog pa'i mtshan nyid shin tu phra ba rnam par 'byed pa rtogs pa zhes bya'o/ /'jig rten 'dzin/ nye bar
49a5 len pa'i phung po lnga'i skye zhing 'gog pa'i mtshan nyid shin tu phra ba ni/ 'di lta ste/ nye bar len pa'i phung po lnga snga ma 'gags nas dngos po ci'ang med par mngal du 'gro ste/ thog
49a6 ma rnam par shes pa dang 'byor ba de'i tshe na phung po lnga la skye zhing 'gog pa yod do/ /nur nur po la brten nas nye bar len pa'i phung po lnga la bla dwags su mi zhes btags par
49a7 gyur to/ /de ci'i phyir zhe na/ 'jig rten 'dzin/ rnam par shes pa'i rten med na gnas par mi 'gyur te/ nye bar len pa'i phung po lnga ni rnam par shes pa la rten ces bya'o/ /
49b1 'jig rten 'dzin/ gzugs med pa'i khams kyi nye bar len pa'i phung po skye zhing 'gog pa'i mtshan nyid shin tu phra ba'ang gzhung de bzhin shes par bya'o/ /'jig rten 'dzin/ nye
49b2 bar len pa'i phung po'i skye zhing 'gog pa'i mtshan nyid shin tu phra mo rang sangs rgyas kyi shes rab kyis kyang shes par mi nus na nyan thos kyi shes rab kyis shes pa lta ci smos te/ sangs
49b3 rgyas bcom ldan 'das nyag cig gis ni nye bar len pa'i phung po lnga thog ma mngal du 'jug pa'i bar gyi skye zhing 'gog pa'i mtshan nyid shin tu phra mo dang / gzugs med pa'i lha'i phung po
49b4 skad cig thang cig gis skye zhing 'gog pa legs par mkhyen to/ /'di lta ste/ mkhyen pa'i shes rab thams cad 'jig rten thams cad kyi shes rab las 'das pa'i phyir ro/ /byang chub sems
49b5 dpa' sems dpa' chen po ma skyes pa'i chos kyi bzod pa thob cing sangs rgyas kyi ye shes kyi spyod yul la zhugs pa des kyang nye bar len pa'i phung po lnga shin tu phra ba'i mtshan nyid thog
49b6 ma mngal du 'jug pa dang / gzugs med pa'i lha dag la sangs rgyas kyis mkhyen pa dang 'dra bar rdzogs par mi shes so/ /'jig rten 'dzin/ sangs rgyas bcom ldan 'das la gzhan
49b7 gyi rjes su ltos pa'i shes rab mi mnga' ste/ rang bzhin gyis ye shes dang / shes rab dang / thabs mkhas pa brnyes pas bla na med pa yang dag par rdzogs pa'i byang chub tu mngon par
50a1 sangs rgyas so/ /sangs rgyas bcom ldan 'das kyi ye shes kyis ni mi chud pa med de/ bcom ldan 'das kyi thogs pa med pa'i ye shes kyis chos thams
50a2 cad la nges pa'i shes rab brnyes te/ chos thams cad dbang du gyur pa'i mthu'ang brnyes so/ /de ci'i phyir zhe na/ bskal pa tshad med/ dpag tu med/ grangs med pa brgya stong snyed
50a3 kyi bar du shin tu zab mo'i chos mdzad pa'i phyir ro/ /'jig rten 'dzin/ bus pa so so'i skye bo dag ni nye bar len pa'i phung po lnga la rtog pa'i thabs kyang med na/ nye bar len pa'i phung
50a4 po lnga'i skye zhing 'gog pa'i mtshan nyid shin tu phra mo la rtog nus pa lta ci smos/ de ci'i phyir zhe na/ bus pa so so'i skye bo dag ni nye bar len pa'i phung po lnga'ang mi shes/ nye bar len
50a5 pa'i phung po lnga'i bden pa'ang mi shes pa'i phyir ro/ /bus pa so so'i skye bo dag ni nye bar len pa'ang mi shes/ nye bar len pa'i phung po lnga'ang mi shes so/ /'jig rten 'dzin/ 'di
50a6 ji ltar na nye bar len pa zhes bya zhe na/ nye bar len pa ni bdag tu nye bar len/ sems can du nye bar len/ lta bar nye bar len/ tshul khrims nye bar len/ phung po lnga nye bar
50a7 len/ khams bco brgyad nye bar len/ rgyu rkyen bcu gnyis nye bar len pas na nye bar len pa zhes bya'o/ /ji tsam du chos su gdags pa phyi 'am/ nang gi 'dod pa nye bar len pa dang /
50b1 srid pa nye bar len pa dang / mthong ba dang / thos pa dang / tshor ba dang / shes pa nye bar len/ bdag dang / bdag gi bar nye bar len to/ /'jig rten 'dzin/ bus pa so so'i skye bo yang dag pa
50b2 ma yin pa'i nye bar len pa'i 'di la mi shes mi mthong ste/ phyin ci log gi rgyu dang / rkyen gyis chos su nye bar len to/ /gang zag de nye bar len pas rnam par bcings pas ma rig pa'i rkyen
50b3 gyis 'du byed nye bar len/ 'du byed kyi rkyen gyis rnam par shes pa nye bar len/ rnam par shes pa'i rkyen gyis ming dang / gzugs nye bar len/ ming dang gzugs kyi mtshan ma sbom po la
50b4 sems can rnams chags shing zhen te nye bar len to/ /'di lta ste/ gzugs len/ gzugs dang 'byor/ gzugs kyis bcings so/ /gzhan yang / gzugs med pa'i phung po bzhi nye
50b5 bar len te/ tshor ba dang / 'du shes dang / 'du byed dang / rnam par shes par rnam par rtog cing ming du btags so/ /'jig rten 'dzin/ gal te sangs rgyas med na sems can
50b6 rnams shes pa med/ mthong ba med pas nye bar len pa'i phung po lnga la yang dag pa ji lta ba bzhin du rtog mi nus so/ /sangs rgyas bcom ldan 'das 'jig rten du gshegs nas sems
50b7 can gzugs la rten cing gnas pa gzhig pa dang / tshor ba dang / 'du shes dang / 'du byed dang / rnam par shes pa la rten cing gnas pa gzhig pa dang / bsdu ba'i mtshan nyid gzhig
51a1 pa'i phyir sangs rgyas bcom ldan 'das de ltar rnam par phye ste bstan to/ /khyed rnams kyis rten cing gnas pa ni gzugs yin no/ /gzugs de ni chen po bzhi
51a2 'dus pa ste/ tshor ba dang / 'du shes dang / 'du byed dang / rnam par shes pa ni ming tsam ste/ ming dang / gzugs kyi mtshan ma bsgrub pa'i phyir nye bar len pa'i phung po lnga bshad do/ /
51a3 khyod so so'i skye bo rnams kyis mi brtan pa'i snying po med pa'i nye bar len pa'i phung po lnga 'di la mi gnas mi chags par bya'o/ /'jig rten 'dzin/ de bzhin gshegs pas ci'i phyir
51a4 nye bar len pa'i phung po bshad ce na/ 'jig rten 'dzin/ bus pa so so'i skye bo dag phyin ci log las skyes te/ ma rig pa'i dra bas glags pas 'khor ba na 'khor bar gyur to/ /cis
51a5 'khor zhe na/ nye bar len pa'i phung po lnga'i mtshan ma la chags shing 'dzin pas so/ /'di snyam du bdag 'di la gnas pas bde bar gyur to snyam sems te/ gang zag de bde ba'i
51a6 mtshan mar bzung bas nye bar len pa'i phung po lnga la chags shing gnas so/ /sdug bsngal gyi mtshan ma dang / sdug bsngal yang ma yin/ bde ba'ang ma yin pa'i mtshan mar
51a7 bzung zhing chags pas nye bar len pa'i phung po lnga la gnas shing chags so/ /bus pa so so skye bo dag brten pa'i gnas ni nye bar len pa'i phung po lnga yin no/ /'jig rten
51b1 'dzin| bus pa so so'i skye bo dag ni skyes nas ldongs te phung po lnga ci yin pa mi shes/ phung po lnga gang nas 'ongs pa'ang mi shes so/ /phung po lnga'i yang dag pa ji lta ba mi shes pas phung
51b2 po la chags shing 'dzin te de bas na nye bar len pa'i phung po zhes bya'o/ /de la len pa'ang med la len par bya ba'ang dmigs su med de/ phyin ci log la chags shing yang dag pa ma
51b3 yin pa'i kun tu rtog pas bcings te/ ma rig pa dang / gti mug gis rmongs pas bdag len/ bdag gi bar len/ bdag dang gzhan gyi bar len te/ de bas na nye bar len pa'i
51b4 phung po zhes bya'o/ /phung po lnga la ni nye bar len pa'ang med/ nges pa'i mtshan nyid kyang med do/ /de bas na mkhas pa dag ni phung po ma yin pa nye bar len pa'i phung po lngar shes so/ /phyin
51b5 ci log gi phung po la nye bar len pa'i phung po lngar shes so/ /ma rig pa'i phung po la nye bar len pa'i phung po lngar shes so/ /bus pa so so'i skye bo dag ni 'dis rnam par bcings pas na nye
51b6 bar len pa'i phung po lnga la chags shing gnas/ chags shing gnas pas na nye bar len pa ni gang nye bar len pa'i phung po ni gang yin pa mi shes te/ phung po lnga la chags shing
51b7 gnas pas skye zhing 'khor bar gyur to/ /phung po lnga la chags shing gnas pas rgyud kun tu 'khor bar gyur to/ /ci la gnas shing chags zhe na/ mthong ba la gnas shing chags/
52a1 thos pa la gnas shing chags/ tshor ba la gnas shing chags/ rnam par shes pa la gnas shing chags/ sred pa la gnas shing chags /
52a2 ma rig pa la gnas shing chags so/ /bus pa so so'i skye bo dag ni srid pa'i 'ching bas rnam par bcings par nye bar len pa'i phung po lnga la mngon par chags te sgrib pas yongs
52a3 su bsgribs pas ma rig pas rmongs te mi shes mi tshor ro/ /bdag cag gis chags pa'i gnas ni gang yin/ cis bcings pa mi shes pa'i phyir sems can dmyal ba dang / byol
52a4 song dang / yi dwags dang / lha dang / mir yang dang / yang du skye zhing 'khor te/ 'khor bas rnam par bcings pas 'khor ba la gnas shing chags te mi gtong / mi spong / mi gcod
52a5 do| |phung po lnga'i yang dag pa ji lta ba'ang mi shes so/ /yang dag pa ji lta ba'i mtshan nyid mi shes pa'i phyir sdug bsngal rnam pa sna tshogs kyis yongs su gtses te/ yang
52a6 dag pa ma yin pa'i dong du lhung nas 'byung ba'i lam mi shes so/ /gang zag des de ltar 'byung ba'i lam mi shes pas thog ma med pa'i dus nas 'khor ba'i rgyud du 'khor
52a7 ba len to/ /de bas na skye ba dang / rga ba dang / na ba dang / shi ba dang / smre sngags 'don pa dang / slos pa'i mya ngan dang / sdug bsngal las rnam par ma grol/ tshad med
52b1 pa'i 'khor ba'i g.yang sa las rnam par ma grol/ sdug bsngal chen po'i phung po las rnam par ma grol te/ phyir yang sdug bsngal la gnas shing chags/ sdug bsngal la mngon
52b2 par chags te/ sdug bsngal gyis bkol bar gyur to/ /sdug bsngal gang zhe na/ nye bar len pa'i phung po lnga yin te/ skye ba'i tshe na sdug bsngal skye la/ 'gog pa'i tshe na'ang sdug
52b3 bsngal 'gog go /'jig rten 'dzin/ ngas de'i rgyu de'i rkyen gyis slob ma rnams la 'di skad du chos bstan to/ /dge slong dag /yang dag pa ji lta ba bzhin du gzugs kyi phung po
52b4 la brtag go /yang dag pa ji lta ba bzhin du gzugs mi rtag pa'i mtshan nyid shes par bya'o/ /khyed ci ste gzugs la chags par gyur na de ma thag tu bsal cing gcad par
52b5 bya'o| |khyed la sogs pas yang dag pa ji lta ba bzhin du tshor ba dang / 'du shes dang / 'du byed dang / rnam par shes pa la brtag par bya'o/ /yang dag pa ji lta ba bzhin du
52b6 tshor ba dang / 'du shes dang / 'du byed dang / rnam par shes pa'i mi rtag pa'i mtshan nyid shes par bya'o/ /ci ste tshor ba dang / 'du shes dang / 'du byed dang / rnam par shes
52b7 pa la chags par gyur na/ de ma thag tu bsal cing gcad par bya'o/ /chags pa bsal cing bcad pas sems yang dag par rnam par grol bar 'gyur ro/ /'jig rten 'dzin/
53a1 gang zag su zhig ngas gsungs pa'i chos kyi don shes shing ji ltar gsungs pa bzhin du nan tan byed na skye ba dang / rga ba dang / na ba dang / 'chi ba dang /
53a2 smre sngags 'don pa dang / yid blong ba dang / sdug bsngal las rnam par grol bar 'gyur ro/ /gang zag su zhig ngas gsungs pa bzhin du mi spyod mi sgom na gzugs kyi 'ching
53a3 bas rnam par bcings/ sred pa'i 'ching bas rnam par bcings pa yin te/ ma rig pas ldongs pas nye bar len pa'i phung po lnga la chags so/ /gang zag de nye bar len pa'i phung po
53a4 lnga la chags pas 'khor ba'i g.yang sa las rnam par ma grol to/ /'jig rten 'dzin/ de lta bas na 'jig rten pa dag ning dang rtsod kyi/ nga ni 'jig rten pa dag dang mi rtsod do zhes
53a5 gsungs so/ /'jig rten zhes bya ba gang zhe na/ 'di lta ste/ nye bar len pa'i phung po lnga la chags pa ni 'jig rten zhes bya'o/ /gang zag de phung po lnga la chags te/ phung po lngas
53a6 rnam par bcings pas phung po lnga'i rang bzhin mi shes phung po lnga'i mtshan nyid stong pa nyid du mi shes te nga dang rtsod do/ /gang zag de sangs rgyas kyis gsungs pa dang 'gal bar
53a7 byed de/ sangs rgyas dang rtsod pas shin tu nyam nga ba chen por lhung ngo / /gang zag su zhig de bzhin gshegs pa 'jig rten na bzhugs kyang rung / yongs su mya ngan las 'das
53b1 kyang rung / de ltar phung po lnga la yang dag pa ma yin pa dang / stong pa ci'ang med de/ phyin ci log dang / ma rig pa dang / yang dag pa ma yin pa'i kun tu brtags pa las skyes te bus pa so
53b2 so'i skye po dag bslus pa yin par rtogs na phung po ma yin pa la phung po lnga dang 'dra bar shes so/ /gang zag de ni sangs rgyas dang yang mi rtsod pa ste/ sangs rgyas kyis gsungs pa dang
53b3 'gal bar mi byed pas sems can dmyal ba dang / byol song dang / yi dwags kyi sdug bsngal las rnam par grol bar 'gyur ro/ /'jig rten 'dzin/ sangs rgyas bcom ldan
53b4 'das ni gang zag dang mi rtsod do/ /rtsod pa thams cad yongs su bcad pas sangs rgyas zhes bya ste/ sems can thams cad la yang dag pa'i chos ston to/ /'di lta ste/ khyed kyis
53b5 sngon blangs pa ni thams cad kyang phyin ci log yin te/ sems can thams cad phyin ci log gi dbang gis phung po la chags shing gnas nas 'jig rten du yang dang / yang 'khor bar
53b6 gyur to/ /de ltar gang zag dag phung po lnga la chags shing gnas pas ngan par lta ba rnam pa sna tshogs la zhen cing bskyed do/ /ming dang / tshig rnam pa sna tshogs la chags shing
53b7 gnas slos pa'i mya ngan dang / smre sngags 'don pa dang / sdug bsngal thams cad la chags shing gnas so/ /de ltar gang zag dag ngan par lta ba rnam pa sna tshogs kyis nyon
54a1 mongs/ sdug bsngal rnam pa sna tshogs yongs su gtses kyang de'i mgon byed pa'am/ skyabs byed pa'am/ gnas dang / rten du 'gyur ba med de/ sangs
54a2 rgyas bcom ldan 'das nyag cig ni mgon dang skyabs su 'gyur ro/ /bus pa so so'i skye bo dag ni sems chung / shes pa chung bas 'dod pa lnga la chags/ nyes pa'i skyon mang
54a3 po'i phung po lnga la chags so/ /bus pa so so'i skye bo dag ni mgon du 'gyur ba dang / skyabs su 'gyur ba dang / gnas dang / rten du 'gyur ba dang / sdug bsngal thams cad
54a4 las rnam par grol bar byed pa dang / rtsod par byed do/ /'jig rten 'dzin/ ngas phyag bteg pa yin no/ /gang zhig phung po lngar lta ba dang / phung po lnga la mtshan mar lta ba
54a5 dang | phung po lnga la chags par byed na nga'ang de'i ston pa ma yin la/ de'ang nga'i slob ma ma yin te/ nga'i rjes su rab tu byung ba ma yin/ nga'i rjes su spyod pa ma yin/ nga la
54a6 skyabs su song ba ma yin gyi/ gang zag de ni ngan par 'gro ba'i lam du song pa/ yang dag pa ma yin pa'i lam la zhugs pa'o/ /yang dag pa len pa ma yin te/ phyin ci
54a7 log pa'o/ /sangs rgyas kyis dgongs te gsungs pa mi shes/ sangs rgyas kyis phung po lnga ci la dgongs te gsungs pa mi shes/ sangs rgyas kyi don dam pa gsungs pa'i shes
54b1 so| |gang zag de ltar sangs rgyas kyis bstan pa'i rjes su mi 'jug pas mchod pa dang / rnyed pa blang bar mi bya'o/ /gang zag de ni rab tu 'byung bar ngas ma gnang na gzhan gyi mchod pa dang / rnyed
54b2 pa'i bkur sti len pa lta ci smos/ de ci'i phyir zhe na/ gang zag de ni mu stegs can gyi sder gtogs pa yin no/ /'di lta ste/ gang phung po lnga la mtshan ma skyed pa ni phung po lnga la chags
54b3 shing 'dzin pa zhes bya'o/ /'jig rten 'dzin/ ma 'ongs pa'i dus lnga brgya'i tha ma la dam pa'i chos rnam par 'jig pa'i tshe/ nga'i chos la rab tu byung ba rnams mang du phung po lnga la
54b4 mtshan ma skyed pa dang / phung po lnga'i mtshan ma la nges par gcad pa dang / phung po lnga la rab tu chags te/ yang dag pa ma yin pa'i lam ngan par zhugs pas nga'i chos la rab
54b5 tu byung bas chos gos gnya' ba la bkal te rtag tu khyim pa'i khyim du 'gro ba la dga' bar byed do/ /gang zag de ni mu stegs can dang tha mi dad kyang nga'i chos kyi byin gyis de la mchod
54b6 pa dang / sbyin pa mang bar rig par bya'o/ /'jig rten 'dzin /gang phung po lngar lta ba dang / phung po lnga la nges pa'i 'chad pa dang / phung po lnga la chags par byed pa de ni gzhan dag gi
54b7 chu phor gang tsam yang len du mi dbang bar ngas bshad do/ /de ci ste zhen/ gang zag des nga'i chos la mthun pa'i chos kyi bzod pa tsam yang med pas gang zag de ni nga'i chos dang
55a1 'gal bar byed pa/ 'phags pa'i chos yongs su spong ba'o/ /'jig rten 'dzin/ de bas na byang chub sems dpa' sems dpa' chen po rnams ma
55a2 'ongs pa'i dus ngan par de lta bu'i dam bcas te smon lam chen po btab ste/ nga'i shin tu zab mo'i mdo sde dag gzung zhing bsrung ba dang / sems can dag phung po lngar lta ba
55a3 gcad pa'i phyir chos bstan par bya'o/ /'jig rten 'dzin/ de bas na ngas mdo sde kun las phung po'i mtshan ma thams cad gzhig pa dang / phung po la chags pa spang ba bshad
55a4 de| de'i tshe khyim na gnas pa dang / rab tu byung ba dag mang du mdo sde 'di la rtsod ba byung ste/ yang dag pa nyid du 'du shes mi skyed do/ /byang chub sems dpa' sems dpa' chen
55a5 po rnams 'di ltar yi dam dang / smon la ma chen po gdab par bya'o/ /bdag cag gis ma 'ongs pa'i dus ngan pa'i sems can phung po la chags shing ngan par lta ba la
55a6 phan pa dang / bde ba'i don gyi phyir/ phung po lnga la chags pa bsal ba'i phyir ji lta ji lta bu rang dul bde lta de lta bu'i chos kyis phan pa dang / bde ba'i don byed do/ /de bas na
55a7 'jig rten 'dzin/ byang chub sems dpa' sems dpa' chen po gang zhig chos rnams kyi yang dag pa ji lta ba shes par 'dod pa dang / chos rnams kyi mtshan nyid rnam
55b1 par 'byed pa la mkhas par 'dod pa dang / dran pa'i mthu thob par 'dod pa dang / chos thams cad kyi rnam grangs rnam par 'byed pa la mkhas pa'i shes rab 'dod pa dang / lus 'di
55b2 bor nas nam bla na med pa yang dag par rdzogs pa'i byang chub kyi bar du rgyun mi 'chad pa'i dran pa thob par 'dod pa dag nye bar len pa'i phung po lnga la mi rtag pa'i mtshan nyid dang / sdug bsngal ba'i mtshan nyid dang /
55b3 bdag med pa'i mtshan nyid dang / yang dag pa ma yin pa'i mtshan nyid dang / snying po med pa'i mtshan nyid dang / mthar stong pa nyid kyi mtshan
55b4 nyid dang / thog pa med pa'i dus nas ma skyes pa'i mtshan nyid du brtag par bya'o/ /rtag tu yang dag pa ji lha ba bzhin du rtog pa na nye bar len pa'i phung po lnga la chags shing zhen pa
55b5 yongs su sel bar 'gyur ro/ /gzhan yang / de lta bu'i shin tu zab mo'i chos la sbyor ba'ang thob par 'gyur ro/ /'jig rten 'dzin/ sngon bskal pa tshad med grangs med pa 'das
55b6 pa de'i tshe de'i dus na blo gros chen po ri'i rgyal po zhes bya ba de bzhin gshegs pa dgra bcom pa yang dag par rdzogs pa'i sangs rgyas/ mkhyen pa dang zhabs su ldan pa/ bde bar
55b7 gshegs pa/ 'jig rten rig pa/ bla na med pa/ skyes bu 'dul zhing kha lo sgyur ba/ lha dang / mi'i ston pa sangs rgyas bcom ldan 'das 'jig rten du byung ngo / /'jig rten 'dzin/
56a1 bcom ldan 'das blo gros chen po ri'i rgyal po de la nyan thos kyi dge 'dun khrag khrig phrag brgyad cu yod de/ thams cad kyang dgra bcom pa/ zag pa
56a2 zad pa sha stag go /gzhan yang /slob pa'i sa la gnas pa phyir mi ldog pa'ang khrag khrig phrag brgyad cu yod do/ /byang chub sems dpa' sems dpa' chen po'i 'khor ni
56a3 khrag khrig khri phrag brgya stong yod do/ /bcom ldan 'das/ blo gros chen po ri'i rgyal po de'i tshe'i tshad ni lo brgyad khri snyed do/ /'jig rten 'dzin/ de'i tshe na rgyal po phan
56a4 par 'gyur ba zhes bya ba yod de/ rgyal po phan par 'gyur ba zhes bya ba de la grong khyer chen po nyi khri snyed de rab tu bde skyid pa dang ldan pa'i 'gro bas yongs su gang ngo / /grong
56a5 khyer de dag kyang rab rim pa bdun bdun gyis bskor te/ chu zheng gab par dpag tshad bcu gnyis yod do/ /de dag kyang rin po che sna bzhi las byas te/ 'obs kyang rim pa
56a6 bdun dang / bad kyang rim pa bdun te/ rin po che sna tshogs kyi dra bas steng gi phyogs yongs su bkab bo/ /grong khyer dang / 'obs dang / shing dang / ra ba dang / steng gi dra ba
56a7 rnams kyang gser dang / baiDU R+ya dang / shel dang / mu sa ra gar ba ste/ rin po che bzhi las byas pa'o/ /grong khyer chen po de re re la skyed mos tshal lnga brgya lnga brgya snyed yod de/
56b1 de'i nang gi shing yang rin po che bdun gyi shing gis yongs su gang ngo / /shing de dag kyang rin po che'i gos kyi shing sha stag go /skyed mos tshal de dag re re na'ang rin po che'i rdzing lnga
56b2 brgya lnga brgya yod de/ yon tan brgyad kyi chus yongs su gang ngo / /'jig rten 'dzin/ rgyal po phan par 'gyur ba de la btsun mo dang / pho brang gi slas brgyad khri snyed yod de/ de'i tshe
56b3 btsun mo chen mo de la sras gnyis yod do/ /gcig ni tshad med blo gros zhes bya/ gcig ni tshad med stobs zhes bya/ 'jig rten 'dzin/ rgyal bu de gnyis lo bcu drug lon pa dang
56b4 rmi lam du de bzhin gshegs pa mthong ste/ shin tu mdzes pa/ dpe zla med pas na/ dzam+bu chu klung gi gser gyi rgyal mtshan lta bu mthong nas rab tu dga' ste sad pa dang / so so nas
56b5 tshigs su bcad pa 'di dag smras so/ /phu bos smras pa/ bdag gis rkang gnyis mchog ni mthong bar rmis/ /gser mdog bsod nams brgya yi mtshan gyis brgyan/ /tshad med pa
56b6 yi yon tan yongs rdzogs pa/ /mthong bas sems ni rab tu dga' bar 'gyur/ /nu bos smras pa/ bdag gis sangs rgyas nyi ltar lham ba rmis/ shin tu bzang zhing mdzes pa
56b7 phul gyi mchog/ ri yi rgyal po ri rab ji bzhin te/ /lhang der gsal bar mthong bas shin tu dga'/ /'jig rten 'dzin/ de'i tshe na rgyal bu tshad med blo gros dang / tshad med
57a1 stobs gnyis pha ma gang na bar song nas/ 'di skad du/ bdag cag gis 'di lta bu dag rmi lam du mthong ngo zhes rmi lam gyi gtam pha ma la bzlas so/ /bdag
57a2 cag gnyis kyis sangs rgyas mthong bar rmis kyi/ bdag cag gnyis bcom ldan 'das gang na bar mchi bar gsol/ de bzhin gshegs pa 'jig rten du 'byung ba'ang shin tu dka'
57a3 ste| bdag cag bag med pas ma tshor ma 'tshal nas 'dod pa lnga'i 'dam du lhung ste gzugs kyi 'ching bas rnam par bcings so/ /tshor ba dang / 'du bshes dang / 'du byed dang / rnam
57a4 par shes pa'i bcings pas rnam par bcings so/ /bdag cag khyim na gnas pas bag med pa'i phyir sangs rgyas ma mthong ngo zhes gsol to/ /'jig rten 'dzin/ rgyal bu de
57a5 gnyis kyis pha ma la de skad ces smras nas bcom ldan 'das blo gros chen po ri'i rgyal po gang na ba der song ngo / /bcom ldan 'das kyi spyan sngar phyin nas zhabs la spyi bos phyag
57a6 'tshal te/ sangs rgyas dang / dge slong gi dge 'dun rnams la zla ba gsum gyi bar du mchod pa rnam bzhi 'bul bar spyan drangs so/ /na bza' dang / bsod snyoms dang /
57a7 gzims cha dang / snyun gyi rkyen sman dag gis mchod cing phul te/ grong khyer chen po'i mtha' rgyal po phan par 'gyur ba'i skyed mos tshal gcig tu ba dan dbyangs/ gdugs
57b1 bres| rin po che'i pad+mo bkod de/ sangs rgyas dang / dge slong gi dge 'dun la phul nas bzhugs su gsol to/ /rgyal bu de gnyis kyis zla ba gsum gyi bar du mchod pa'i yo byad thams
57b2 cad kyis sangs rgyas dang / dge slong gi dge 'dun la mchod nas bcom ldan 'das de'i bstan pa la khyim nas khyim ma yin par rab tu byung ngo / /'jig rten 'dzin/ bcom ldan 'das
57b3 blo gros chen po ri'i rgyal po des rgyal bu de gnyis kyi lhag pa'i bsam pa dang / sman pa mkhyen nas phung po lnga dang / skye mched bcu gnyis dang / khams bco brgyad bshad pa'i byang chub
57b4 sems dpa'i thabs zhes bya ba'i mdo rgyas par bshad do/ /lo bzhi khri'i bar du gnyid kyang ma log /zas kyang chog par ma zos/ snyes te 'phres kyang ma myong bar gal te 'dug gam/
57b5 'chag cing song yang ma myong ngo / /de nas yang lo bzhi khri'i bar du gzhan ci'ang mi sems te/ nye bar len pa'i phung po lnga yang dag pa ma yin pa dang / stong pan yid kyi mtshan nyid du
57b6 sems so/ /de ltar phung po lnga phyin ci log las byung bar shes nas nye bar len pa'i phung po lnga'i mtshan nyid khong du chud cing rtogs par bya ba la brtsams bzhin du tshe la thug gi bar
57b7 du tshangs par spyad pa spyod do/ /de nas tshe 'phos nas dga' ldan gnas su skyes so/ /bcom ldan 'das de mya ngan las 'das pa'i 'og tu phyir yang dzam+bu gling 'dir khyim bdag chen
58a1 po zhig gi khyim du skyes nas lo bcu drug lon pa dang / yang rmi lam na de bzhin gshegs pa mthong ste/ phung po lnga dang / khams bco brgyad bshad
58a2 pa'i byang chub sems dpa'i thabs kyi mdo sde bstan par rmis so/ /rmi lam na chos 'di thos nas sad pa dang / dngangs skrag ste/ bcom ldan 'das de'i bstan pa la lo khri tshang
58a3 bar tshangs par spyad pa spyod cing phung po lnga dang / skye mched bcu gnyis dang / khams bco brgyad bshad pa'i byang chub sems dpa'i spyod pa'i thabs kyi mdo sde zhib tu brtags
58a4 nas de nas tshe 'phos te sum cu rtsa gsum gnam du skyes so/ /lha'i tshe zad nas phyir yang dzam+bu gling du rigs mtho zhing che ba'i bram ze'i khyim du skyes so/ /bcom ldan 'das blo
58a5 gros chen po ri'i rgyal po'i chos rnam par zhig nas lo stong lon te rgyal bu de gnyis sngon gyi rgyu dang / rkyen gyis der yang rab tu byung nas shes rab rgya mtsho dang 'dra bar shes pa
58a6 shin tu rgya che bar gyur te/ phung po'i mtshan nyid rnam par 'byed cing shin tu rtog pa la mkhas pa dang / yang dag pa ji lta ba bzhin mngon sum du rtogs par gyur to/ /'jig
58a7 rten 'dzin/ de na mi nyi khri snyed dang / lha khri phrag nyi shu snyed bla na med pa yang dag par rdzogs pa'i byang chub la bkod do/ /'jig rten 'dzin/ byang chub sems dpa' de gnyis
58b1 kyis de nas gang nas gang du skye ba'i gnas thams cad du sems can mthun par gyur nas sangs rgyas khrag khrig khri phrag bcu dang phrad de bsnyen bkur byas par gyur to/ /de nas gdod
58b2 mi skye ba'i chos kyi bzod pa thob par gyur to/ /mi skye ba'i chos kyi bzod pa thob nas/ gzhan yang / sangs rgyas khrag khrig khri phrag gcig dang phrad de/ de nas gdod bla na med pa yang dag
58b3 par rdzogs pa'i byang chub thob par 'gyur ro/ /de gnyis kyang bskal pa gcig tu rim gyis 'tshang rgya ste/ gcig ni tshad med dbyangs zhes bya/ gcig ni tshad med 'od ces bya'o/ /
58b4 'jig rten 'dzin/ de bas na byang chub sems dpa' sems dpa' chen po rnams gang myur du bla na med pa yang dag par rdzogs pa'i byang chub thob par 'dod pa dag rnam par dag cing
58b5 shin tu byang ba'i chos bsgom pa la shin tu brtson par bya'o/ /gzhan yang / phung po'i mtshan nyid la 'jug pa dang / 'dus byas kyi chos kyi yang dag pa'i mtshan nyid la mkhas par
58b6 bya'o| |phung po lnga la brtag pa'i le'u ste gnyis so// //'jig rten 'dzin/ de la ji ltar na byang chub sems dpa' sems dpa' chen po rnams khams
58b7 bco brgyad la mkhas pa zhe na/ byang chub sems dpa' sems dpa' chen po rnams khams bco brgyad la yang dag par rtog par sbyor ba na 'di snyam du mig gi khams zhes
59a1 bya ba mig gi khams su dmigs su med/ mig gi khams la bdag dang / bdag gi ba med pa/ mi rtag pa/ snying po med pa/ rang bzhin gyis stong
59a2 pa'i phyir mig gi khams la mig gi mtshan nyid du btags pa mi dmigs/ mig gi khams ni yang dag pa ma yin pa ci'ang med pa ste/ rnam par rtog pa las skyes so/ /
59a3 mig gi khams la nges pa'i mtshan nyid med de/ nam mkha'i khams ni mig gi khams yin no/ /dper na/ nam mkha'i khams la des pa'i mtshan nyid med de/ dngos
59a4 po med pa bzhin mig gi khams la nges pa'i mtshan nyid med pa dang / rang dngos po med pa'ang de dang 'dra'o/ /de ci'i phyir zhe na/ mig gi khams la yang dag pa'i dngos
59a5 po mi rnyed pa'i phyir mig gi khams yul na'ang mi gnas/ phyogs na'ang mi gnas/ nang na'ang mi gnas/ phyi rol na'ang mi gnas/ gnyis ka'i bar na mi gnas
59a6 pa'i phyir ro/ /mig gi khams la nges pa'i mtshan nyid med pa/ dngos po med pas mig gi khams kyi dngos po dmigs su med de/ rgyu dang rkyen mang po las skyes
59a7 so| |mig gi khams 'das pa ma yin/ ma 'ongs pa ma yin/ da ltar gyi ma yin te/ mig gi khams la mig gi rang bzhin dmigs su med do/ /mig gi khams
59b1 ni sngon gyi las kyi 'bras bu rnam par smin pa dang / da ltar gyi rkyen la rag lus te/ mig gi khams zhes btags so/ /mig gi khams zhes bya ba ni khams med do/ /mig gi khams la
59b2 mig gi khams dmigs su med do/ /rnam par shes pa'i spyod yul la mig gi khams zhes bya'o/ /mig gi dbang po'ang rnam par dag la gzugs kyang snang ba'i gnas na yod
59b3 cing yid kyi dbang por ldan te/ rnam pa gsum 'dus pa na mig gi khams zhes bya'o/ /mig gi khams la nges par mig gi khams zhes bya ba med de/ mkhas pa dag ni mig gi
59b4 khams med pa la mig gi khams su rtogs so/ /'jig rten 'dzin/ byang chub sems dpa' sems dpa' chen po rnams gal te de ltar mig gi khams rnam par 'byed pa rtogs nas
59b5 khams med pa la gzugs kyi khams su khong du chud par 'gyur ro/ /de ci'i phyir zhe na/ gzugs kyi khams la gzugs kyi khams su med de/ gzugs kyi khams ni ma 'dus
59b6 pa ma byas pa'o/ /gzugs la nges pa'i mtshan nyid med pa'i phyir gzugs kyi khams zhes bya'o/ /gzugs la dngos po med de rnam par rtog pa'ang med na gzugs kyi khams
59b7 zhes bya ba lta ci smos te/ gzugs kyi khams zhes bya ba ni dngos po med pas gzugs kyi mtshan nyid ni gzugs kyi nang na'ang mi gnas/ gzugs kyi phyi rol na'ang mi gnas/
60a1 gnyis ka'i bar na'ang mi gnas te/ rnam par brtags pa dang / gzugs mngon du snang ba'i gnas na yod la mig gi dbang po'ang rnam par dag cing
60a2 yid kyi rnam par shes pa dang ldan pa las gzugs mngon par snang ste/ gzugs kyi mtshan nyid ces bya'o/ /dper na/ me long gi nang gi gzugs brnyan dang 'dra ste/ me long
60a3 yongs su dag na gzugs kyi mtshan nyid mngon par snang bar 'gyur ro/ /gzugs la nges pa'i mtshan nyid med de/ me long gi nang na mi med bzhin du gzugs kyi gzugs
60a4 brnyan snang ngo / /de'ang phyi rol na me long yod na nang nas gzugs kyi mtshan nyid 'byung ngo / /de bzhin du mig gi dbang po rnam par dag pa na gzugs snang ba'i gnas na 'dug
60a5 pa la dmigs nas me long gi gzugs brnyan dang 'dra ba la gzugs kyi mtshan nyid ces btags so/ /gzugs la khams med/ dbyibs kyi mtshan ma med/ nges pa'i mtshan
60a6 nyid med pas gzugs kyi mtshan nyid ces bya'o/ /gzugs kyi mtshan nyid la bdag med pa'i phyir gzugs kyi mtshan nyid ces bya'o/ /sems can gyi rjes su ji lta ji lta ba de ltar
60a7 de bzhin du shes pa'i phyir gzugs kyi mtshan nyid ces bya'o/ /gang su zhig gzugs kyi mtshan nyid shes na gzugs med pa'i mtshan nyid kyang shes so/ /gzugs kyi mtshan
60b1 nyid lam skyes pa'i khams su shes na/ gzugs kyi mtshan nyid la ma byas pa'i khams su shes so/ /de ci'i phyir zhe na/ gzugs kyi mtshan nyid de 'das pa ma yin/ ma 'ongs pa ma
60b2 yin| da ltar gyi ma yin/ mtshan nyid ci'ang med pa bstan pa/ yang dag pa ma yin pa'i mtshan nyid bstan pa bla dwags su btags pa'i mtshan nyid bstan pa ste/ de dag ni gzugs kyi
60b3 khams zhes bya'o/ /de ltar na byang chub sems dpa' gzugs kyi khams rnam par 'byed pa la rtog pa ste/ byang chub sems dpas de nas mig gi rnam par shes pa'i mtshan nyid rnam
60b4 par 'byed pa la rtog go /'di lta ste/ mig gi rnam par shes pa la mig gi rnam par shes pa med/ mig gi rnam par shes pa'i khams med/ rtag pa'i mtshan nyid med do/ /mig
60b5 gi rnam par shes pa'i khams la dngos po med/ nges pa'i chos med do/ /mig gi rnam par shes pa'i khams ni bstan du med pa'o/ /mig gi rnam par shes pa'i khams ni 'dus
60b6 pa ma yin gyes pa ma yin te/ dngos po'i rtsa ba med do/ /de'ang sngon gyi las kyi rgyu dang / rkyen dang / da ltar gyi rkyen dang / gzugs la rag lus pa'i phyir 'di rnam par shes pa'i khams
60b7 zhes bya'o/ /bus pa so so'i skye bo phyin ci log gi sems kyi rjes su song bas mig gi rnam par shes pa'i khams zhes bya'o/ /de la 'phags pa rnams kyis ni khams med par khong
61a1 du chud cing rtogs so/ /de ci'i phyir zhe na/ mig gi rnam par shes pa'i khams la nges pa med pa'i phyir ro/ /de ni rkyen rnams las skyes te/ rkyen la
61a2 rag lus pa'i phyir mig gi rnam par shes pa'i khams zhes bya'o/ /rnam par shes pa'i spyod yul gyi gnas ni mig gi rnam par shes pa'i khams zhes bya'o/ /de ltar
61a3 nges pa med pa'i phyir na nges pa'i mtshan nyid ces bshad do/ /ma skyes pa'i phyir/ yang dag pa ma yin pa bstan pa'i phyir ro/ /gzugs kyi mtshan mar rnam par brtag pa'i
61a4 phyir| rkyen rnams bstan pa'i phyir mig gi rnam par shes pa'i khams zhes bshad do/ /sems can dag /ji ltar shes pa'i rjes su de bzhin gshegs pas thabs kyis
61a5 rnam par phye ste/ cha gcig pa dang / tha dad pa'i mtshan nyid gzhom pa'i phyir de lta bu'i mtshan nyid bshad do/ /rnam par shes pa la nges pa'i mtshan nyid med de mig gi
61a6 dbang po rnam par dag pas gzugs kyi mtshan nyid shes te/ chos gnyis 'dus pa'i phyir mig gi rnam par shes pa'i khams zhes bshad do/ /mig gi rnam par shes
61a7 pa'i yang dag pa'i mtshan nyid bstan pa'i phyir mig gi rnam par shes pa'i khams zhes bshad do/ /mig gi rnam par shes pa'i khams ni mig gi spyod yul gyi gnas te/
61b1 gzugs su rnam par shes pa ni mig gi rnam par shes pa'i khams de'ang khams med par bshad pa'o/ /de ci'i phyir zhe na/ mkhas pa dag gis mig gi rnam par shes pa'i khams
61b2 la mig gi rnam par shes pa'i khams su dmigs su med de/ mig gi rnam par shes pa'i khams la mig gi rnam par shes pa'i khams su dmigs su med pas dngos por mi rnyed
61b3 do| |de ci'i phyir zhe na/ nges pa'i mtshan nyid med pa ni mig gi rnam par shes pa'i khams so/ /mig gi rnam par shes pa'i khams ni btags pa tsam du zad do/ /khams zhes
61b4 bshad pa de'ang mi len pa'i don bshad par zad do/ /mthong bar bya ba'i gnas yod pas mig gi rnam par shes pa dang / yid kyi las las mig gi rnam par shes pa'i mtshan nyid
61b5 skyes pas mig gi rnam par shes pa zhes bya'o/ /mig gi khams dang / gzugs kyi khams dang / mig gi rnam par shes pa'i khams dang / dngos po gsum 'dus pa las rkyen
61b6 rnams kyi mtshan nyid shes te de ni khams kyi don las dben pa'o/ /'di lta ste/ mig gi khams dang / gzugs kyi khams dang / mig gi rnam par shes pa'i khams rnam grangs
61b7 de snyed kyis na sems can rnams yang dag pa'i lam la 'jug par 'gyur te/ 'di la yang dag par na mig gi khams med/ gzugs kyi khams med/ mig gi rnam par shes
62a1 pa'i khams med de/ de bzhin gshegs pa thams cad kyis mtshan nyid rnams shes pa dang / mthong ba dang / rnam par 'byed pa'i thabs su gsungs
62a2 te| mtshan nyid gsungs pa 'di la gang zag su zhig chud cing rtogs na khams gsum po la khams med par shes so/ /de ci'i phyir zhe na/ khams rnams la khams kyi mtshan
62a3 nyid med pa'i phyir khams rnams la mtshan nyid du mi dmigs pa'i phyir ro/ /rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang /
62a4 dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i
62a5 khams dang / lus kyi rnam par shes pa'i khams kyang gzhung 'dis shes par bya'o/ /'jig rten 'dzin/ de la ji ltar na byang chub sems dpa' sems dpa' chen po rnams
62a6 yid kyi khams rnam par 'byed pa la rtog pa zhe na/ byang chub sems dpa' 'di snyam du yid kyi khams la dngos po ci'ang med pa'i phyir nges pa'i mtshan nyid med do/ /yid kyi
62a7 khams la yid kyi khams zhes bya ba med/ nges pa'i khams med do/ /yid kyi khams zhes bya ba ni/ dper na/ sa bon sa chen po la rmos nas ser gyis rlan te nyi mas dros
62b1 par byas shing rlung gis bskyod na myu gu bags kyis 'byung ste/ myu gu'ang sa bon las ma skyes la/ sa bon yang myu gu dang gcig pa ma yin te/ myu gu skyes nas sa bon yang 'jig ste/ sa
62b2 bon yang myu gu las gzhan ma yin la myu gu'ang sa bon las gzhan ma yin te/ myu gu'i nang nas sa bon med pa bzhin yid kyi khams kyang de dang 'dra ste/ yid kyi las skyed pa'i phyir
62b3 yid kyi rnam par shes pa'i mtshon pas ni sa bon gyis myu gu mtshon pa bzhin te/ yid kyi khams zhes btags so/ /yid kyi khams las gud na yid dang / yid kyi khams zhes bya ba
62b4 med| yid du mi shes kyang bla dwags su yid kyi khams zhes btags so/ /yid kyi khams zhes bya ba de yid kyi nang na mi gnas/ yid kyi phyi rol na'ang mi gnas/ gnyis ka'i bar na
62b5 mi gnas te/ sngon gyi las kyi rgyu dang / rkyen gyi phyir/ rnam par shes pas bskyed pa'i phyir/ yid kyi las kyi phyir/ dmigs par bya ba shes pa'i phyir/ mtshan nyid du btags pa 'dus
62b6 pa'i phyir/ da ltar gyi dmigs pa skye ba'i phyir yid kyi khams zhes bya ste/ de ni ma nges pa'i yid kyi las kyi mtshan nyid dang / rgyu dang / rkyen mang po 'dus pa'i mtshan nyid do/ /yid kyi
62b7 khams ni mang po'i 'dus pa las skye bas sems can ji ltar shes pa'i rjes su 'jug go /don dam pa la ni yid kyi khams zhes bya ba med do/ /de ci'i phyir zhe na/ dngos po med pa'i
63a1 phyir ro/ /mi skye ba ni yid kyi khams te skye ba med pa'i phyir ro/ /yid kyi khams zhes bya ba ni kun rdzob tu btags pa'i tshig yin te/ don dam par na ngos
63a2 par yid kyi khams med do/ /'das pa dang / ma 'ongs pa dang / da ltar gyi dmigs su med do/ /khams dag ni khams med pa la yid kyi khams su rtogs so/ /byang chub sems
63a3 dpa' rnams chos kyi khams la 'byed cing rtogs pa ni khams med pa la chos kyi khams su rtogs te/ chos kyi khams la rang bzhin med pas rang bzhin nyid dmigs su med de/
63a4 nges pa med pa'i khams ni chos kyi khams so/ /chos kyi khams ni dngos por dmigs su med pa'i phyir nges pa'i dngos por dmigs su med de/ skye bo phyin ci log tu lta zhing
63a5 yang dag pa ma yin pas rnam par bcings pa dag shes par bya ba'i phyir chos kyi khams zhes brjod cing bshad pa'ang so so'i skye bo dag khams med pa la dgod pa'i phyir
63a6 chos kyi khams bshad do/ /de ci'i phyir zhe na/ chos kyi khams la chos kyi khams med do/ /chos kyi khams zhes bya ba ni rkyen mang po 'dus pa las skyes so/ /rkyen 'dus pa
63a7 las skyes pa'i chos la ni rang bzhin med do/ /rgyu dang / rkyen la rang bzhin med pa'i phyir/ rgyu dang / rkyen ni mang po 'dus pa'i phyir ci log gi rgyun las skyes so/ /de bzhin gshegs
63b1 pas sems can yongs su smin par bya ba'i phyir kun rdzob kyi tshig tu brjod pas khams med pa'i chos bstan pa'i phyi chos kyi khams gsungs so/ /chos kyi khams ni nang na mi
63b2 gnas/ phyi rol na mi gnas/ gnyis ka'i bar na mi gnas kyang so so'i skye bo dag dge ba dang / mi dge ba'i chos shes shing mthong ngo / /chos kyi khams kyis chos thams cad
63b3 shes pa dang / mthong ba med par bshad pa ni mthar stong pa nyid kyi mtshan nyid kyi phyir mthar stong pa nyid du bshad pa ni chos kyi khams yin no/ /de ci'i phyir zhe na/ ci'ang med pa
63b4 ni chos kyi khams te/ chos kyi khams la yod ces pa'i mtshan ma nges pa med pa'i phyir ro/ /'di lta ste/ nam mkha' la nges pa'i mtshan nyid med de/ nam mkha' zhes bya ba
63b5 bzhin chos kyi khams kyang de dang 'dra ste nges pa'i mtshan ma med do/ /chos kyi mtshan ma gzhom pa'i phyir chos kyi khams zhes bshad de/ khams med pa ni chos kyi khams
63b6 so| |de ci'i phyir zhe na/ chos kyi khams ni 'das pa la mi gnas/ ma 'ongs pa la mi gnas/ da ltar la mi gnas te/ rkyen mang po la rag lus pas rkyen dang phrad pa'i phyir
63b7 chos kyi khams zhes rnam grangs su btags so/ /sems can gyis ji ltar chos kyi khams zhes btags so/ /mkhas pa dag khams med pa la chos kyi khams su shes te/ chos kyi
64a1 khams ni gcig pa ma yin/ tha dad pa ma yin no/ /chos kyi khams la chos kyi khams kyi mtshan ma mang po'ang med/ cung zad kyang med de/ khams bsten
64a2 pa'i thabs kyis chos kyi khams la khams zhes bshad do/ /gang rnal 'byor pa dag chos kyi khams rtogs shing chud pa ni khams med par shes shing mthong ngo / /khams gsum
64a3 gyi chos kyi khams kyi rnam par rtog pa'i mtshan ma med de/ rgyu dang / rkyen mang po 'dus pa las chos su rnam pa rtog pa'i chos kyi khams zhes bshad de/ chos su rnam par phye ste
64a4 mtshan nyid nges pa med pa bstan pa'i phyir chos kyi khams zhes bshad do/ /mkhas pa dag ni chos kyi khams la mtshan mar lta ba'i phyir chos skyes par mthong ba ma yin te/
64a5 gang skyes pa'i chos de nyid ma skyes pa'o/ /de ci'i phyir zhe na/ chos kyi khams la mtshan ma med pa'i phyir ro/ /mkhas pa dag ni chos kyi mtshan nyid la mtshan ma med par rtog cing
64a6 chud pas chos kyi khams la rnam par rtog pa'i mtshan ma med pa ni mtshan ma med pa rnam par rtog pa med pa'i phyir chos kyi khams zhes gsungs so/ /chos kyi khams la
64a7 gnas pa'i gnas med/ gnas pa med/ 'byung ba'i gnas med/ rten pa'i gnas med do/ /chos kyi khams ni thog ma nas ma skyes pa'i phyir chos kyi khams la skyes ba
64b1 med do/ /de ci'i phyir zhe na/ chos kyi khams la khams med pa'i phyir ro/ /gzhan yang / /chos kyi khams na 'dus pa'i phyir yod pa ma yin te/ ma 'dus pa/ ma gyes pa/ mngon par
64b2 'dus ma byas pa/ des pa med pas chos kyi khams zhes gsungs so/ /byang chub sems dpa' sems dpa' chen po rnams de ltar khams med pa la chos kyi khams su rnam par
64b3 'byed cing rtogs so/ /'jig rten 'dzin/ de la ji ltar na byang chub sems dpa' sems dpa' chen po dag yid kyi rnam par shes pa'i khams la rnam par 'byed cing rtog pa zhe na/
64b4 byang chub sems dpa' sems dpa' chen po rnams la 'di snyam du mi skyes pa'i khams ni yid kyi rnam par shes pa'i khams/ ma nges pa'i khams ni yid kyi rnam par shes pa'i khams
64b5 so| |yid kyi rnam par shes pa'i khams la dngos po med/ nges pa'i chos med de/ yid kyi rnam par shes pa'i khams kyi chos med pa'i mtshan nyid bstan to/ /de ci'i phyir zhe na/ yid
64b6 kyi rnam par shes pa'i khams la yid kyi rnam par shes pa'i khams su dmigs su med do/ /yid kyi rnam par shes pa'i khams ni yang dag pa ma yin pa/ ci'ang med pa/ phyin ci
64b7 log dang ldan pa/ yid thog mar 'gro ba las chos su rnam par shes pas yid kyi rnam par shes pa zhes gsungs so/ /bus pa so so'i skye bo'i rjes su bsnyeg pa'i phyir yid kyi
65a1 rnam par shes pa'i khams zhes gsungs so/ /'phags pa rnams kyis ni khams ma yin pa la yid kyi rnam par shes pa'i khams su shes shing
65a2 rtogs| yang dag pa ma yin pa ci'ang med pa la yid kyi rnam par shes pa'i khams su rtogs so/ /de'ang rgyu dang / rkyen gyi chos bstan pa'i phyir yid thog mar 'gro bas shes na rkyen
65a3 mang po 'dus pas yid kyi rnam par shes pa'i khams zhes bshad do/ /de'ang sems can ji ltar shes pa'i rjes su bsnyag pa'i phyir de skad ces gsungs so/ /mkhas pa dag ni
65a4 khams ma yin pa la yid kyi rnam par shes pa'i khams su shes so/ /de'ang rgyu dang / rkyen mang po 'dus pa dang / rnam par brtags pa las byung ste/ gang khams la mtshan ma
65a5 med pa ni don dam pa ste/ don dam pa la khams kyi mtshan nyid med do/ /kun rdzob kyi chos su sems can smin par bya ba'i phyir yid kyi rnam par shes pa'i khams zhes gsungs
65a6 te| de'ang sems can gdag khams med pa ni yid kyi rnam par shes pa'i khams su shes pa'i phyir ro/ /de'ang chos cung zad tsam gyis kyang khams gzhom zhing de las dben par
65a7 bya ba'i phyir yid kyi rnam par shes pa'i khams zhes gsungs so/ /de ci'i phyir zhe na/ 'phags pa rnams kyis yid kyi rnam par shes pa'i khams la yid kyi rnam par shes pa'i
65b1 khams nang na gnas par ram/ yid kyi rnam par shes pa'i khams phyir rol na gnas par ram/ gnyis ka'i bar na gnas par mi gnas so/ /mkhas pa dag ni 'du ba med pa'i khams
65b2 la yid kyi rnam par shes pa'i khams su rtogs te/ yid kyi rnam par shes pa'i khams kyis bar khams ni mi shes/ yid kyi khams la yid kyi rnam par shes pa'i khams mi shes
65b3 so| |de'ang rgyu dang / rkyen mang po 'dus pa dang / phyi ci log las skye zhing 'byung ste/ yid thog mar 'gro bas rgyu dang / rkyen gnyis 'dus pa las 'byung bar shes so/ /yang dag pa ma yin
65b4 pa la chags pa dang / kun brtags pa las skyes te/ sems can la rnam par shes pa'i mtshan ma bstan pa'i phyir yid kyi rnam par shes pa'i khams zhes brjod do/ /yid kyi rnam
65b5 par shes pa ni 'das pa la mi gnas/ ma 'ongs pa la mi gnas/ da ltar la mi gnas so/ /yid kyi rnam par shes pa ni gang nas kyang ma 'ongs la/ gang du'ang ma song / gnas pa'i
65b6 gnas med de/ thog ma nas ma skyes pa'i mtshan nyid do/ /yid kyi rnam par shes pa la thog ma'i dngos por nges pa'i chos med do/ /de ci'i phyir zhe na/ yid kyi rnam par shes
65b7 pa'i khams ni mtshan ma gnyis su med de mtshan ma med pa'o/ /mtshan ma de ni mtshan ma gnyis kyi phyir yod pa ma yin te/ bstan du med pa nyid ni yid kyi rnam par shes pa'i
66a1 so| |mkhas pa dag ni de ltar yid kyi rnam par shes pa'i khams rtogs shing khong du chud nas yid kyi rnam par shes pa'i khams de chos thams
66a2 cad la mi gnas/ yul na mi gnas/ phyogs na mi gnas te/ chos thams cad dang gcig pa'am/ tha dad pa ma yin par rtogs so/ /'phags pa rnams kyis ma skyes pa
66a3 nyid la yid kyi rnam par shes pa'i khams su rtogs so/ /yid kyi rnam par shes pa'i khams ni 'ongs pa med/ song ba'ang med/ dmigs pa'ang med do/ /de ci'i phyir zhe
66a4 na| don dam pa la yid kyi rnam par shes pa'i khams su mi dmigs/ dmigs su med/ bstan du med pa'i phyir ro/ /mkhas pa dag ni yid kyi rnam par shes pa'i khams
66a5 la byed pa/ dmigs su med pa'i phyir ma byas pa ni yid kyi rnam par shes pa'i khams su rtogs/ yid kyi rnam par shes pa'i khams la skye ba'i mtshan ma med pa'i phyir ma
66a6 skyes par chud cing rtogs so/ /'jig rten 'dzin/ byang chub sems dpa' sems dpa' chen po rnams yid kyi rnam par shes pa'i khams la de ltar rnam par 'byed cing rtog
66a7 go| byang chub sems dpa' rnams de ltar rtog pa'i tshe 'dod pa'i khams dang / gzugs kyi khams dang / gzugs med pa'i khams la ma skyes pa nyid dang / ci'ang med pa
66b1 nyid du rnam par 'byed cing rtogs so/ /ji ltar rtog ce na/ 'di lta ste/ 'dod pa'i khams la 'dod pa'i khams med/ gzugs kyi khams la gzugs kyi khams med/ gzugs med
66b2 pa'i khams la gzugs med pa'i khams med de/ khams kyi khams med pa'i chos ston pas 'dod pa'i khams la 'jug par dga' ba la ni 'dod pa'i khams ston to/ /gzugs
66b3 kyi khams la 'jug par dga' ba la ni gzugs kyi khams ston to/ /gzugs med pa'i khams la 'jug par dga' ba la ni gzugs med pa'i khams ston to/ /khams kyis
66b4 khams med pa mtshon cing brjod do/ /mkhas pa dag ni ci'ang med pa'i khams ni 'dod pa'i khams dang / gzugs kyi khams dang / gzugs med pa'i khams su shes so/ /
66b5 mkhas pa dag ni 'dod pa'i khams dang / gzugs kyi khams dang / gzugs med pa'i khams su mi dmigs so/ /khams gsum yang dngos po med pa nges pa'i chos med de/ rgyu
66b6 dang rkyen mang po las skyes par shes pas de bas na mkhas pa dag ni khams med pa na khams gsum du shes so/ /de la khams med de/ khams gsum char yang yang dag pa ma
66b7 yin pa phyir ci log gis 'gro'o/ /de ci'i phyir zhe na/ mkhas pa dag ni khams gsum du mi dmigs pas khams gsum la 'das pa dang / ma 'ongs pa dang / da ltar gyi mi
67a1 dmigs mi brjod do/ /'phags pa rnams kyis ni khams gsum la yang dag pa ma yin pa dang / ci'ang med par rang bzhin med pa/ chos rnams
67a2 dang bral ba/ phyin ci log las byung bar rtogs te/ skye bo mang po'i phyir ci log yongs su gcad pa'i phyir/ khams gsum shes shing mthong bar bya ba'i phyir de bzhin
67a3 gshegs pas rnam par phye ste gsungs so/ /khams gsum gyi dngos po bstan pa'ang sems can dag khams med pa'i don shes par bya ba'i phyir khams gsum gsungs te
67a4 khams kyi dngos por ma yin no/ /mkhas pa dag ni khams gsum ni khams med par shes shing rtogs so/ /'jig rten 'dzin/ byang chub sems dpa' sems dpa' chen po
67a5 rnams de ltar rtog pa'i tshes sems can gyi khams dang / bdag gi khams ni nam mkha'i khams te/ chos kyi khams med pa dang / ci'ang med pa'i khams dang / ma skyes pa'i
67a6 khams su rtogs so/ /de ci'i phyir zhe na/ sems can gyi khams dang / bdag gi khams dang / nam mkha' bye brag med de tha mi dad do/ /khams kyi mtshan nyid de dag
67a7 kyang yang dag pa ma yin pa las byung ste/ rkyen mang po las skyes pas khams zhes bya ste de la nges pa'i khams med do/ /de ci'i phyir zhe na/ nam mkha' la gcig tu nges
67b1 pa'i khams med do/ /mtshan nyid de dag kyang nam mkha'i khams su rtogs pas khams med pa'i don no/ /'di lta ste/ nam mkha' la khams med pa bzhin du chos kyang mthar
67b2 mtshan ma dang bral te med pa'i mtshan nyid do/ /khams thams cad kyang khams dang bral ba'o/ /khams la khams med de/ khams zhes bya ba nang na mi gnas/ phyi rol na mi
67b3 gnas/ gnyis ka'i bar na mi gnas te/ khams kyi nang na khams med do/ /med pa ni mtshan nyid du ma bsdus pa khams la mi gnas pa'o/ /khams thams cad la gnas
67b4 med| khams thams cad ni ma skyes pa'o/ /mkhas pa dag ni khams kyi rnams la khams skye bar mi dmigs/ khams la 'gog par mi dmigs/ khams la gnas par
67b5 mi dmigs so/ /khams thams cad ni ma skyes pa/ ma byung ba/ mi gnas pa/ thog ma nas dmigs su med pa'o/ /mkhas pa dag ni ming tsam du btags pa'i khams la mi
67b6 chags/ chags par mi byed/ mi 'dzin/ mi rtog go /de bas na mkhas pa dag ni khams thams cad la khams ma skyes par shes shing mthong ste/ ma skyes pas na 'gog
67b7 pa med do/ don dam pa la khams thams cad dmigs su med do/ /kun rdzob tu na chos kyi khams rnams rnam par phye ste brjod do/ /don dam par na khams su brjod pa'ang
68a1 med do/ /mkhas pa dag ni khams thams cad don dam pa'i don du shes shing rtogs so/ /'jig rten 'dzin/ byang chub sems dpa' sems dpa'
68a2 chen po rnams de ltar khams bco brgyad dang / khams gsum dang / sems can gyi khams dang / bdag gi khams dang / nam mkha'i khams rtogs shing rnam par phye ba khong
68a3 du chud do/ /byang chub sems dpa' rnams de ltar khong du chud cing rtogs pa'i tshe khams su mi dmigs/ khams su mi mthong / thams cad kyi ming yang rtogs shing khams
68a4 thams cad khams med par 'jug pa la yid ches so/ /khams su rnam par phye ba'ang shes shing kun rdzob tu khams thams cad rnam par phye nas khams thams cad don
68a5 dam par zhugs par yang shes/ khams med pa'i sbyor ba'ang shes shing sems can rnams la khams rnams rnam par ston te/ sems can rnams khams kyi sbyor
68a6 ba la shin tu gnas par yang byed do/ /kun rdzob tu tshig dang / smra bas sems can rnams la khams med pa'i chos ston kyang mtshan ma gnyis su khams mi ston to/ /khams
68a7 thams cad gnyis su med kyang thabs kyis khams kyi rnams rten cing 'brel te byung bar ston to/ /kun rdzob tu tshig dang / smra bas sems can rnams smin par byed kyang sems
68b1 can gyi rnams la don dam pa ston to/ /khams kyi khyad par gyi rnam pa la khams kyang khams thams cad med par yid ches shing rtogs so/ /de ci'i phyir zhe na/ 'jig rten 'dzin/
68b2 de bzhin gshegs pa don dam pas khams su mi dmigs/ khams kyi chos su mi dmigs so/ /'jig rten 'dzin/ ngas ni khams thams cad 'gags pa'ang med/ bcad
68b3 pa'ang med par bla na med pa yang dag par rdzogs pa'i byang chub tu mngon par sangs rgyas so/ /de ci'i phyir zhe na/ don dam pa la khams kyi rnams med do/ /khams thams cad
68b4 la khams gang yang med de/ nges pa med do/ /khams thams cad nam mkhar 'jug pas khams thams cad ma skyes pa'i mtshan nyid do/ /de bzhin gshegs pas khams thams
68b5 cad la de lta bu'i tshul gyis thugs su chud do/ /de bzhin gshegs pas khams su ma gsungs/ chos rnams kyi stobs kyang ma gsungs so/ /de ci'i phyir zhe na/ chos thams cad ci yang med pas
68b6 ci'ang med pa'i khams mi gsung ngo / /'jig rten 'dzin/ de bzhin gshegs pas ni ci'ang med pa'i khams gsungs mod kyi de la yang dag par na khams su gsungs pa med do/ /
68b7 'jig rten 'dzin/ de ltar na khams rnams kyi rnam par 'byed pa la mkhas pa zhes bya'o/ /byang chub sems dpa' sems dpa' chen po rnams khams rnam par 'byed pa la shin
69a1 tu mkhas pa dang / khams thams cad btags pa tsam du shes pa dang / kun rdzob kyi khams tsam du shes pa dang / don dam pa'i khams shes pa
69a2 dang | khams kyi nges pa shes pa dang / kun rdzob kyi bden pa shes pa dang / khams rnam par 'byed pa la mkhas pa dang / ci dang / ci lta bu dang ldan pa shes pa dang / khams kyi
69a3 'dus pa shes pa dang / khams kyi 'jug pa shes pa dang / bden pa'i khams kyi 'jug pa shes pa dang / khams kyi khyad par la mkhas pa dang / khams thams cad
69a4 khams med par shes pa dang / khams thams cad nam mkha'i khams dang mthun par shes te/ khams rnams la bye brag tu mi 'byed pa dang / khams rnams la bye brag
69a5 tu mi dmigs/ bye brag tu mi brjod do/ /sems can rnams la khams 'jig pa ston pa la mkhas par 'gyur ro/ /'jig rten 'dzin/ 'di lta ste/ sgyu ma mkhan mkhas pa
69a6 zhig sems can la sgyu ma rnam pa sna tshogs bstan te/ sgyu ma'i dngos po rnam pa sna tshogs shes par byed do/ /de la mdza' zhing bshes ba dag gis/ 'di skad du/ 'di ni sgyu ma'o/ /
69a7 sgyu mar byas pa'i dngos po ste/ sgyu ma de la yang dag pa med do/ /phyin ci log tu sems can la ston to zhes smras na mkhas pa dag ni sgyu mar shes par 'gyur ro/ /'jig
69b1 rten 'dzin/ 'jig rten gyi rang bzhin ni sgyu ma lta bu ste/ byang chub sems dpa' sems dpa' chen po rnams sgyu ma lta bu'i chos la zhugs na 'jig rten sgyu ma'i rang bzhin du shes
69b2 so| |'jig rten spyod pa ni sgyu ma lta bu ste/ sbyor ba'i stobs kyis sems can dag la 'jig rten sgyu ma lta bur ston to/ /gang zhig 'jig rten la yang dag pa'i bden par 'dzin na
69b3 'jig rten yang dag pa ma yin pa sgyu ma lta bur ston to/ /de la mkhas pa/ blo zab mo/ dbang po rno ba dag ni zur tsam bstan pas chos thams cad stong pa nyid dang / sgyu ma lta bu dang /
69b4 mi bden pa dngos po med par shes te/ chos thams cad kyis bus pa so so'i skye bo dag bslus pa dang / chos thams cad yang dag pa ma yin pa'i rkyen la rag lus par shes
69b5 so| |'jig rten 'dzin/ de bas na byang chub sems dpa' sems dpa' chen po rnams khams kyi sbyor ba la 'jug par 'dod pa dag shin tu zab mo'i mdo sde brjod du med/ dmigs
69b6 su med pa/ khams thams cad shes shing mthong bar byed pa ston pa/ khams thams cad yi ge med pa/ 'dus pa med pa/ brjod du med pa/ khams thams cad kyi thabs
69b7 dang shes rab ston pa/ rten cing 'brel te 'byung ba la 'jug par byed pa ston pa/ gzhan yang / chos thams cad kyi yang dag pa nyid brjod pa/ 'di lta ste/ 'jig rten dang / 'jig
70a1 rten las 'das pa dang / 'dus byas dang / 'dus ma byas pa dang / dbang dang / dbang ma yin pa dang / sbyor ba la 'jug pa dang / don dam pa dang / kun rdzob kyi
70a2 don dang / nges pa'i don gyi mdo sde dang / bkri ba'i don gyi mdo sde dang / rten cing 'brel te byung ba'i rnam par grol ba'i mdo sde zab mo 'di las brjod pa thams cad la brtson par
70a3 bya'o| |khams bco brgyad ces bya ba'i le'u ste gsum mo// //'jig rten 'dzin ces bya ba'i mdo/ bam po gsum pa/ bcom ldan 'das kyis 'jig rten 'dzin
70a4 la 'di skad ces bka' stsal to/ /de la ji ltar na byang chub sems dpa' sems dpa' chen po skye mched bcu gnyis la mkhas pa zhe na/ byang chub sems dpa' sems dpa'
70a5 chen po skye mched bcu gnyis rnam par 'byed cing yang dag par rtog pa na 'di snyam du mig la mig gi skye mched dmigs su med/ mig la mig gi skye mched du nges pa med do/ /
70a6 mig gi skye mched kyang dngos por dmigs su med do/ /de ci'i phyir zhe na/ mig gi skye mched ni rkyen mang po las skyes pa phyin ci log las byung ba'o/ /gzugs la dmigs
70a7 pa'i phyir gzugs la rag lus pa ste/ gnyis phrad pa las gzugs kyi rkyen gyis mig gi skye mched kyi rkyen yod par gyur te/ gzugs dang / mig gi skye mched gnyis gcig la
70b1 gcig ltos pa'i phyir mig gi gzugs zhes bshad do/ /'di lta ste/ mig dang / gzugs zhes bya ba gzugs ni mig gi skye mched 'byung bar byed pa'i sgo yin la/ mig kyang gzugs
70b2 kyi skye mched 'byung zhing snang bar byed pas de bas na skye mched kyang gzugs kyi rkyen gyis skye mched kyi sgo zhes btags pas mig gi skye mched ces bya ste/ mig gis mthong ba'i phyir
70b3 gzugs kyi skye mched ces bya'o/ /kun rdzob tu yod par gsungs kyi mig kyang gzugs la mi gnas/ gzugs kyang mig la mi gnas/ mig mig la mi gnas/ gzugs kyang
70b4 gzugs la mi gnas te/ rkyen mang po las gzugs su dmigs pa byung bas mig gi skye mched ces btags so/ /gzhan yang / rten cing 'brel te byung ba las mig gi shes pa
70b5 dang / mthong ba'i mtshan nyid skye bas gzugs kyi skye mched ces btags so/ /ji ltar na kun rdzob tu phyin ci log tu bshad pa'i zlas don dam par mig gi skye mched dmigs
70b6 su med cing gzugs kyi skye mched dmigs su med pa bstan pa zhe na/ mkhas pa dag ni skye mched rnams btsal na yang dag par yod par mi mthong ste/ bus pa so so'i skye bo blo phyin
70b7 ci log tu gyur pa dag ni mig gi skye mched dang / gzugs kyi skye mched mtshan ma gnyis su 'chad do/ /mig gi skye mched dang / gzugs kyi skye mched de nyid yang dag pa ma
71a1 yin pa'i skye mched bstan pa'o/ /yang dag pa ji lta ba bzhin du chos rnams kyi de kho na'i mtshan nyid shes bar bya ba'i phyir skye mched rnams ni rten
71a2 cing 'brel te byung ba phyin ci log tu mngon par 'byed pa dang ldan pa las byung ste/ skye mched kyi mtshan nyid du yang dag par dmigs su med do/ /de ci'i phyir zhe na/ mig gi
71a3 skye mched dang / gzugs kyi skye mched nang na mi gnas/ phyi rol na mi gnas/ gnyis ka'i bar na mi gnas so/ /mig gi skye mched dang / gzugs kyi skye mched 'das pa ma
71a4 yin| ma 'ongs pa ma yin/ da ltar gyi ma yin te/ 'on kyang da ltar gyi rgyu dang / rkyen 'dus pa las gzugs su shes pas mig gi skye mched du brjod de/ bus pa so so'i skye bo
71a5 dag spyod pa bzhin no/ /mkhas pa dag ni skye mched rnams yang dag pa ma yin pa ci'ang med pa/ rnam par brtags pa'i phyin ci log las byung bar khong du chud pas skye mched
71a6 ma yin pa ni skye mched du mthong zhing shes so/ /skye mched kyi mtshan nyid mi brjod cing skye mched la mtshan nyid nges pa med do/ /rten cing 'brel te 'byung bar de bzhin gshegs
71a7 pas gsungs so/ /de dag ni skye mched du mthong ba dang / shes pa zhes bya'o/ /'di lta ste/ skye mched rnams ni yang dag pa ma yin pa/ ci'ang med pa/ rgyu dang / rkyen la rag lus
71b1 pa| phyin ci log dang ldan pa'i 'du byed las byung ba'o/ /skye mched ni byas pa med pa/ byed pa med de/ mig gi skye mched gzugs kyi skye mched du rnam par mi rtog/ gzugs kyi skye
71b2 mched kyang mig gi skye mched du mi shes rnam par mi rtog ste/ gnyis ka'i mtshan ma dang bral ba'o zhes chos nyid kyis 'brel ba'i mtshan nyid kyis na de la rnam par brtag cing brjod
71b3 du med do/ /skye mched kyi mtshan nyid ni rten cing 'brel te 'byung bas bus pas phyin ci log tu shes pa dang / 'phags pas khong du chud cing rtogs par ji bzhin te/ mig gi skye mched
71b4 dang | gzugs kyi skye mched ni ma skyes pa/ mi 'gag pa/ ma 'ongs pa/ mi 'gro ba'i mtshan nyid yin pas mig gis mig mi shes/ mig gis mig tu rnam par mi rtog/ gzugs
71b5 kyis gzugs mi shes/ gzugs kyis gzugs su rnam par mi rtog go/ de ci'i phyir zhe na/ gnyis ka stong pa'i phyir ro/ /gnyis ka bral ba'i phyir mig gis mig gi mtshan nyid
71b6 mi shes/ gzugs kyis gzugs kyi mtshan nyid mi shes/ mig dang / gzugs gnyis ka la mtshan nyid med/ chos med de/ de la nges pa'i mtshan nyid med pas mig gis
71b7 mig ma byas/ mig gis mig tu mi shes so/ /gzugs kyis gzugs ma byas/ gzugs kyis gzugs mi shes so/ /gnyis ka med pa'i phyir mig kyang bdag go snyam du
72a1 mi sems/ gzugs kyang bdag ni gzugs so snyam du mi sems/ mig dang / gzugs kyi bdag nyid ni sgyu ma'i ngo bo nyid de/ yang dag pa ma yin
72a2 pa'i bla dwags su mig dang / gzugs zhes brjod do/ /byang chub sems dpa' rnams ni mig gi skye mched dang / gzugs kyi skye mched la ji ltar rnam par 'byed cing rtog pa bzhin
72a3 du rna ba dang / sgra dang / sna dang / dri dang / lce dang / ro dang / lus dang / reg bya'ang de bzhin no/ /'jig rten 'dzin/ de la ji ltar na byang chub sems dpa' sems
72a4 dpa' chen po yid kyi skye mched la rnam par 'byed cing rtog pa zhe na/ byang chub sems dpa' sems dpa' chen po rnams yid kyi skye mched la rnam par 'byed cing rtog pa'i tshe de
72a5 'di snyam du yid kyi skye mched dmigs su med/ yid la skye mched du nges pa'i mtshan nyid med de/ yid kyi skye mched la dngos po med par sems so/ /de ci'i phyir zhe na/
72a6 yid kyi skye mched ni rten cing 'brel te byung bas phyin ci log las skyes te/ chos kyi skye mched las rag lus pas gnyis phrad pa las bya ba med par 'gyur ro/ /yid kyi skye
72a7 mched kyang chos kyi skye mched kyi rkyen gyis 'byung la/ chos kyi skye mched kyi rkyen gyis rnam par 'byed par gyur te/ mtshan nyid gnyis su phye'o/ /yid la brten nas chos kyi
72b1 skye mched kyi gnas yod par 'gyur te/ yid ni chos skye zhing mched par byed pa'i sgo yin la chos kyi skye mched kyang yid kyi sgo yin no/ /de bas na chos kyi skye mched ces gdags so/ /
72b2 chos kyi skye mched kyi sgo'i rkyen gyis yid kyi skye mched du brjod de/ yid kyi mtshan nyid kyi sgo bstan cing shes par bya ba'i phyir chos kyi skye mched ces brjod par gyur to/ /kun rdzob
72b3 kyi bden pa yang dag par bshad kyi yid kyang chos la mi brten chos kyang yid la mi brten te/ rten cing 'brel te 'byung bas chos rnams rkyen du gyur te yid kyi skye mched ces bshad
72b4 do| |rten cing 'brel te 'byung ba dang / yid kyi mtshan nyid bstan pa'i phyir ro/ /chos kyi skye mched brjod de/ kun rdzob tu phyin ci log bshad pa'i zlas don dam par yid kyi skye mched
72b5 dmigs su med/ chos kyi skye mched dmigs su med par gsungs so/ /mkhas pa dag ni skye mched la rnam par brtags na yang dag par yod par mi mthong ngo / /bus pa so
72b6 so'i skye bo blo phyin ci log tu gyur pa dag ni yid kyi skye mched dang / chos kyi skye mched ces mtshan ma rnam pa gnyis su brjod do/ /yid kyi skye mched dang / chos kyi skye mched ni yang dag pa
72b7 ma yin pa/ ci'ang med pa de kho na nyid ji bzhin du de bzhin gshegs pas thugs su chud pas skye mched ces gsungs so/ /skye mched rnams ni rten cing 'brel te byung ba phyin ci
73a1 log dang ldan pa'i 'du byed las byung bas de la ni yid kyi skye mched dang / chos kyi skye mched du yang dag par dmigs su med do/ /yid kyi skye mched
73a2 dang | chos kyi skye mched ni nang na mi gnas/ phyi rol na mi gnas/ gnyis ka'i bar na mi gnas so/ /gzhan yang / yid kyi skye mched ni 'das pa'ang ma yin/ ma 'ongs pa'ang ma yin/
73a3 da ltar gyi'ang ma yin te/ da ltar gyi 'phral gyi rkyen shes pa las bus pa so so'i skye bos bsams pas rjes su yid kyi skye mched dang / chos kyi skye mched ces brjod do/ /mkhas
73a4 pa dag ni yid kyi skye mched dang / chos kyi skye mched la yang dag pa ma yin pa/ ci'ang med pa/ phyin ci log tu rnam par rtog pa las byung ba skye mched ma yin pa la skye mched du khong
73a5 du chud par rtogs so/ /de ci'i phyir zhe na/ skye mched rnams la nges par skye mched kyi mtshan nyid med pa'i phyir ro/ /mkhas pa dag ni de ltar skye mched rnams la yang dag pa ma
73a6 yin pa ci'ang med par rtogs te/ yid kyi skye mched dang / chos kyi skye mched rang bzhin gyis dmigs su med/ yid kyi skye mched dang / chos kyi skye mched las byung ba de kho na'i mtshan
73a7 nyid du'ang mi dmigs so/ /de ltar yid kyi skye mched dang / chos kyi skye mched ni rten cing 'brel te byung bas de bzhin gshegs pas kyang skye mched rnams kyi shes pa dang / mthong
73b1 ba'i mtshan nyid gsungs pa ni/ 'di lta ste/ skye mched rnams yang dag pa ma yin pa/ ci'ang med pa/ phyin ci log dang ldan pa'i 'du byed las byung ba/ rgyu dang / rkyen la rag lus pa/
73b2 yid kyi skye mched dang / chos kyi skye mched byas pa/ byed pa/ byed pa med pa/ yid kyi skye mched kyis chos kyi skye mched du rnam par mi rtog /chos kyi skye mched kyang yid kyi skye mched du
73b3 rnam par mi rtog par shes so/ /de ci'i phyir zhe na/ gnyis ka'i dang bral ba'i phyir ro/ /de ltar mtshan nyid gnyis dang bral bas na de la rnam par dbyer med do/ /skye mched de dag
73b4 ni rten cing 'brel te byung ba yin yang bus pa so so'i skye bo dag phyin ci log tu sems pa'i rjes su brjod pa yin no/ /'phags pa rnams kyis khong du chud cing rtogs pa ltar na yid kyi
73b5 skye mched mi skye ba/ ma skyes pa/ mi 'gag pa/ mi 'ong ba/ ma song ba ste/ yid kyis yid mi shes/ yid du rnam par mi rtog /chos kyis chos su mi shes/ chos su rnam par mi
73b6 rtog ste/ gnyis ka stong pa'i phyir ro/ /gnyis ka dang bral ba'i phyir yid kyis yid kyi mtshan nyid mi shes/ chos kyis chos kyi mtshan nyid mi shes te/ mtshan nyid de gnyis ka ci'ang
73b7 med pas de la ni nges pa'i chos gcig kyang med do/ /yid kyis mi 'grub la yid 'jig par yang mi nus/ chos kyis kyang chos mi 'grub la chos 'jig par mi nus so/ /gnyis ka med
74a1 pas yid kyi skye mched ni bdag yid kyi skye mched do snyam du mi sems so/ /chos kyi skye mched kyang bdag ni chos kyi skye mched do snyam du mi sems so/ /
74a2 de gnyis ka stong pas sgyu ma lta bu ste/ ming dang / tshig tu rnam par phye nas btags so/ /byang chub sems dpa' sems dpa' chen po rnams yid kyi skye mched dang / chos kyi
74a3 skye mched de lta bu rnam par 'byed cing rtog go/ 'jig rten 'dzin/ de la ji ltar na byang chub sems dpa' sems dpa' chen po rnams nang gi skye mched drug dang / phyi'i
74a4 skye mched drug la rnam par 'byed cing rtog pa zhe na/ 'di lta ste/ skye mched bcu gnyis ni thams cad kyang yang dag pa ma yin pa rkyen mang po dang / phyin ci log tu ldan pa
74a5 las skyes pa ste/ mtshan ma gnyis su gyur pa'i phyir phyi dang / nang gnyis so/ /bus pa so so'i skye bo dag yang dag pa'i chos ma thos pa skye mched bcu gnyis kyi yang dag
74a6 pa nyid mi shes pa'i phyir mig gi skye mched la chags nas bdag mig gi skye mched gi mig gi skye mched ces chags/ gzugs kyi skye mched la chags nas bdag gzugs
74a7 kyi skye mched bdag gi gzugs kyi skye mched ces chags pa nas rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos kyi
74b1 bar du bdag yid/ bdag gi yid/ bdag chos/ bdag gi chos so zhes chags so/ /de ltar chags pas na skye mched bcu gnyis kyis kun nas klags shing bcings te lam
74b2 rgyud ldar yang dang / yang 'khor bar gyur nas 'byung ba'i lam mi shes so/ /byang chub sems dpa' sems dpa' chen po rnams de ltar skye mched bcu gnyis la yang dag par
74b3 brtags na skye mched bcu gnyis rnams yang dag pa ma yin pa/ sgyu ma/ snying po med pa/ gsog/ gsob lta bu/ stong pa/ sgyu ma lta bur mthong / mig gi skye mched la
74b4 bdag gam/ bdag gi bar mi chags pa nas chos kyi skye mched kyi bar du bdag gam bdag gi bar mi chags so/ /de ltar mi chags pas na rnam par mi rtog ste/ byang chub sems
74b5 dpa' rnams de ltar skye mched bcu gnyis la shin tu mkhas so/ /'jig rten 'dzin/ byang chub sems dpa' sems dpa' chen po rnams de ltar skye mched rnams kyi thabs
74b6 la mkhas pas skye mched bcu gnyis thams cad la mi chags mi thogs/ skye mched rnams shes par bya ba dang / mthong bar bya ba la'ang rtog la skye mched rnams rnam par 'byed pa
74b7 la'ang mkhas pas rkyen mang po las skyes pa'i chos kyi skye mched bcu gnyis khong du chud cing rtogs pa dang / mtshan ma med pas skye mched bcu gnyis kyi mtshan ma 'jig pa dang /
75a1 skye mched rnams rten pa'i lam gyi rjes su mi gnas pa dang / skye mched rnams kyi mtshan nyid med par shes pa dang / mtshan nyid rnams kyi sbyor pa'i
75a2 thabs kyi mtha' dag kyang shes shing rtogs so/ /'jig rten 'dzin/ 'di lta ste/ sgyu ma mkhan gyis sgyu ma byas pa'i 'khrul 'khor las phyogs bzhi nas chu 'bab pa ltar skye
75a3 mched bcu gnyis kyang de bzhin du phyi nang gi rten cing 'brel ba las bya ba kun byed par gyur te/ de la yang dag par dngos por dmigs su med do/ /skye mched bcu gnyis po
75a4 'di sngon gyi las kyi 'khrul 'khor gyis rnam par bcings pas bya ba kun byas par gyur to/ /'jig rten 'dzin/ 'di lta ste/ skye mched ces bya ba ni bus pa so so'i skye bo shes
75a5 pa'i blo med pa dag gi nyon mongs pa skye zhing mched par byed pa'i sgo'i mig ni gzugs kyi sgo ste/ byams pa dang / sdang ba skyed pa'i phyir ro/ /gzugs kyang mig gi sgo ste /
75a6 byams pa dang / sdang ba skyed pa'i phyir ro/ /de bzhin du rna ba dang / sna dang / lce dang / lus dang / yid kyi bar du ste/ yid chos kyi sgor gyur pas byams sdang skyed do/ /
75a7 chos kyang yid kyi sgor gyur pas byams sdang skyed la de ltar skye mched bcu gnyis ni byams sdang dang 'tshogs shing 'dus pa ste yang dag pa'i mtshan nyid mi shes so/ /'jig
75b1 rten 'dzin/ byang chub sems dpa' sems dpa' chen po rnams ni skye mched rnams kyi rang bzhin gyi ngo bo dang / skye mched kyi mtshan nyid la shin tu legs par rtags pas byams
75b2 pa dang / sdang bas rnam par 'ching bar mi 'gyur/ 'jig rten 'dzin/ byang chub sems dpa' sems dpa' chen po skye mched rnams shin tu rtogs so/ /skye mched bcu gnyis shes
75b3 par bya pa'i le'u ste bzhi pa'o// //'jig rten 'dzin/ de la ji ltar na byang chub sems dpa' sems dpa' chen po rnams rten cing 'brel te 'byung ba bcu
75b4 gnyis rnam par 'byed cing rtog pa la mkhas pa zhe na/ byang chub sems dpa' sems dpa' chen po rnams rten cing 'brel te 'byung ba gnyis la rnam par 'byed cing rtog pa ni 'di
75b5 lta ste/ ci'ang med pa'i phyir ma rig pa zhes btags te/ ma rig pa la chos med pa'i phyir ma rig pa zhes btags/ ma rig pas ma rig pa mi shes pa'i phyir ma rig pa
75b6 zhes brjod do/ /ji ltar ma rig pa mi shes pas ma rig pa zhe na/ ma rig pa la nges pa'i chos su dmigs su med pas ma rig pa zhes bya'o/ /ci'i phyir ma rig pa'i rkyen gyis 'du byed
75b7 rnams zhe na/ chos thams cad ni ci'ang med pa ste/ bus pa so so'i skye bo dag rnam par 'du byed pas na ma rig pa'i rkyen gyis 'du byed ces bya'o/ /'du byed las rnam par shes
76a1 shes pa skye bas na 'du byed kyi rkyen gyis rnam par shes pa'o/ /ming dang / gzugs ni mtshan nyid gnyis te/ de bas na rnam par shes pa'i rkyen gyis
76a2 ming dang gzugs so/ /ming dang gzugs las drug gi skye mched skyes pas de bas na ming dang gzugs kyi rkyen gyis drug gi skye mched do/ /drug gi skye mched las reg pa skye bas
76a3 de bas na skye mched drug gi rkyen gyis reg pa'o/ /reg pa las chor ba skye bas de'i phyir reg pa'i rkyen gyis tshor ba'o/ /tshor ba las sred pa skye ste/ de bas na tshor ba'i rkyen gyis
76a4 sred pa'o/ /sred pa las len pa skye ste/ de bas na sred pa'i rkyen gyis len pa'o/ /len pa las srid pa 'byung ste/ de bas na len pa'i rkyen gyis srid pa'o/ /srid pa las skye ba
76a5 byung bas de bas na srid pa'i rkyen gyis skye pa'o/ /skye bas rga ba dang / shi ba dang / slos pa'i mya ngan dang / smre sngags 'don pa dang / sdug bsngal ba 'ba' zhig gi phung por
76a6 gyur pas de bas na skye ba'i rkyen gyis rga ba dang / shi ba dang / yid blong ba dang / smre sngags 'don pa dang / sdug bsngal ba'i phung po zhes brjod de/ de ltar sdug bsngal
76a7 gyi phung po chen po 'ba' zhig tu gyur ro/ /de la kun 'dus pa ni blo phyin ci log tu gyur nas rig pa dang 'gal bar byed cing ma rig pa'i phung por bsags nas srid pa phyi ma'i
76b1 'dod pa bskyed de dga' ba dang / chags pa la gnas thams cad du skye ba tshol ba ni srid pa'i phung po'o/ /'jig rten 'dzin/ 'jig rten 'di dag rten cing 'brel te 'byung ba bcu gnyis kyis
76b2 rnam par bcings te ma rig pas ldongs nas ma rig pa'i mun pas g.yang sar 'thom zhing ma rig pa'i thog mar 'gro bas rten cing 'brel te 'byung ba bcu gnyis rdzogs par skyed do/ /
76b3 byang chub sems dpa' rnams de ltar ma rig pa'i yang dag pa'i mtshan nyid la shin tu brtags na ma rig pa nyid stong pa nyid thog ma'i mtha' dmigs su med par shes so/ /de ci'i
76b4 phyir zhe na/ ma rig pa med pa'i phyir thog ma'i mtha' zhes bya ba med bas mkhas pa dag gis mtha' med pas thog ma'i mthar rtogs te thog ma'i mthar rnam par mi 'byed do/ /
76b5 rnam par rtog pa yongs su gcad pas ma rig pa la mi chags so/ /chos thams cad ci'ang med pas chos ni ji ltar bshad pa ltar ma yin te/ chos thams cad ci'ang med ces
76b6 brjod na'ang de nyid ma rig pa shes shing mthong ba'o/ gang chos thams cad chud cing rtogs na de de nyid rig pa ste/ de nyid las rig pa gzhan zhes bya ba med kyi/ gang rig pa
76b7 shes shing mthong ba nyid rig pa zhes bya'o/ /de la ji ltar na ma rig pa shes shing mthong ba zhe na/ 'di lta ste/ chos thams cad ci'ang med pa/ chos thams cad ci'ang dmigs
77a1 su med pa/ chos thams cad yang dag pa ma yin pa phyin ci log pa/ chos thams cad ji ltar bshad pa ltar ma yin par rig pa na ma rig par shes
77a2 shing mthong ste/ ma rig pa shes shing mthong ba ni rig pa zhes bya'o/ /de ci'i phyir zhe na/ ma rig pa dmigs su med pa'i phyir ro/ /ma rig pa'i rkyen gyis 'du byed ces bya
77a3 ba'ang chos thams cad ci'ang med de/ bus pa so so'i skye bo dag ma rig pa'i mun par 'thom pas phyin ci log tu 'du byed kyi las rnams byed de/ 'du byed kyi las de ni
77a4 gzugs med/ gnas med pas ma rig pas kyang 'du byed kyi las skyed mi nus la byas pa'i chos med pas ma rig pa'i rkyen gyis 'du byed ces brjod do/ /'du byed kyi las
77a5 ni 'dus pa 'am/ 'ongs pa'i gnas sam/ song ba'i gnas kyang med la 'du byed kyi gnas 'das pa ma yin/ ma 'ongs pa ma yin/ da ltar gyi ma yin pas ma rig pa'ang
77a6 ma rig pas stong / 'du byed kyi las kyang 'du byed kyi las kyis stong ste/ 'du byed kyi las la gnas med kyang ma rig pa la brten nas 'du byed kyi las byung ste/ 'du byed
77a7 kyi las kyang ma rig pa la mi gnas/ ma rig pa'ang 'du byed kyi las la mi gnas te/ ma rig pa'ang ma rig pa mi shes/ 'du byed kyi las kyang 'du byed kyi las kyis
77b1 mi shes te/ de ltar ma rig pa dang / 'du byed kyi las ni phyin ci log gi dbang gis ma rig pa las skyes kyang de la ni ma rig pa dmigs su med/ ma rig pa'i rang bzhin dmigs su
77b2 med| 'du byed kyi las dmigs su med/ 'du byed kyi las kyi rang bzhin dmigs su med kyi mun pa'i thibs bo las mun pa zhes btags te/ ma rig pa'i mun pa'i thibs po
77b3 las 'du byed kyi las zhes rnam par rtog ste/ ci'ang med pa'i chos las bya ba byas pas ma rig pa dang / 'du byed kyi las ni ci'ang med pa'o/ /'du byed kyi rkyen gyis rnam par shes pa
77b4 zhes bya ba ni rnam par shes pa 'du byed kyi las la mi gnas la 'du byed kyi las dang yang ma bral te rnam par shes pa skyes kyang 'du byed kyi las kyis rnam par shes pa bskyed pa
77b5 ni ma yin no/ /de ci'i phyir zhe na/ 'du byed kyi las kyang 'du byed kyi las su mi shes la 'du byed kyi las la ltos pa'ang ma yin te/ skye bo blo phyin ci log tu gyur pa dag 'du
77b6 byed kyi las kyi rnam par shes pa skyed mod kyi rnam par shes pa de ni 'du byed kyi las kyi nang na mi gnas/ 'du byed kyi las kyi phyi rol na mi gnas/ gnyis ka'i bar na'ang mi gnas
77b7 te| rnam par shes pa skye ba'ang med mod kyi 'du byed las kyi rgyun gcig gis bsabs te ma chad pa las rnam par shes pa skyes so/ /mkhas pa dag ni rnam par shes pa'i mtshan
78a1 nyid btsal na dmigs su med de/ rnam par shes pa skye bar mi dmigs pa rnam par shes pas rnam par shes pa mi shes/ rnam par shes pas
78a2 rnam par shes par mi mthong / rnam par shes pas rnam par shes pa la mi gnas so/ /rnam par shes pa'i rkyen gyis ming dang gzugs zhes bya ba na ming dang / gzugs
78a3 rnam par shes pa la mi gnas/ rnam par shes pa'i pha rol na ming dang / gzugs mi skye ste/ ming dang gzugs de ni rnam par shes pa las ma 'ongs kyi rnam par shes pas
78a4 dmigs pas bus pa so so'i skye bo'i ldongs pa dag ming dang / gzugs su chags te/ rnam par shes pas ming dang gzugs bskyed pa ni ma yin no/ /mkhas pa dag ni de la
78a5 brtags na ming dang gzugs su mi dmigs mi mthong ste/ ming dang / gzugs zhes bya ba ni gzugs med phyogs med de/ log par rnam par rtog pa las skyes so/ /gzugs
78a6 kyi mtshan nyid rnam par shes pa'i rkyen gyis yod ces bya ba rnam par shes pa nyid dmigs su med pa yin na rnam par shes pa'i rkyen gyis gzugs skye ba lta ci smos te/ gzugs
78a7 zhes nges par btags pa'i gnas med do/ /ming dang gzugs kyi rkyen gyis drug gi skye mched ces bya ba ni drug gi skye mched kyi rkyen gyis gzugs skye zhes bya bar mi rung ste/ ming
78b1 ni lus la gnas pas dbugs phyi nang du rgyu bas lus dang / sems dang / sems las byung ba'i chos rnams brtas par byed de/ skye mched drug ni sgyu ma lta bu med pa las rnam par rtog pa
78b2 las byung ste/ phyin ci log tu bya ba yod do/ /drug gi skye mched kyi rkyen gyis reg bya zhes bya ba ni reg bya de gzugs la brten te yod pa yin na/ reg bya ni gzugs la med do/ /de
78b3 ci'i phyir zhe na/ gzugs ni shes pa med pa'i rang bzhin can te/ rdo dang / shing dang / tha mi dad kyang skye mched drug las byung ba'i phyir reg bya zhes rnam par phye ste btags so/ /de
78b4 ci'i phyir zhe na/ skye mched drug nyid yang dag pa ma yin pa ci'ang med na reg bya lta ci smos te/ reg bya ni stong pa ci'ang med pa ste/ rnam par rtog pa'i phyin ci log las skyes te/
78b5 reg bya ni yul na mi gnas phyogs na mi gnas so/ /reg bya nyid stong pa ste reg bya'i mtshan nyid med pas reg byas skye mched drug mi shes/ skye mched drug kyang reg byas mi shes
78b6 so| |reg bya'i rkyen gyis tshor ba zhes bya ba ni tshor ba ste reg bya'i nang na mi gnas/ reg bya'i phyi rol na mi gnas so/ /gnyis ka'i bar na mi gnas/ reg bya de gud nas tshor ba la
78b7 ltos te 'ongs pa ma yin gyi reg bya las tshor ba skyes so/ /reg bya nyid kyang yang dag pa ma yin te/ med na tshor ba lta ci smos te tshor ba la nges pa'i mtshan nyid med/ tshor ba ni
79a1 med pa las phyin ci log tu rtog pa skye ste phyin ci log tu bya ba yod do/ /tshor ba'i rkyen gyis sred pa zhes bya ba ni tshor ba de gud na sred pa la ltos te 'ongs pa ma
79a2 yin| tshor ba nyid sred pa dang lhan cig pa ma yin/ tshor bas kyang sred pa mi shes la sred pa la rnam par mi rtog/ sred pa la'ang tshor ba mi shes la tshor ba la rnam par mi rtog/
79a3 sred pa'ang tshor ba dang lhan cig pa ma yin te/ tshor ba sred pa la mi gnas pa la sred pa las gud na'ang tshor ba yod pa ma yin no/ /tshor ba nyid la tshor ba'i mtshan nyid med na
79a4 tshor ba'i rkyen gyis sred pa zhes bya ba lta ci smos te/ tshor ba sred pa'i nang na mi gnas/ tshor ba'i phyi rol na mi gnas/ gnyis ka'i bar na mi gnas/ sred pa nyid kyang sred pa'i
79a5 nang na mi gnas/ sred pa'i phyi rol na mi gnas/ gnyis ka'i bar na mi gnas te/ sred pa'i nang na sred pa'i mtshan nyid dmigs su med de/ sred pa de ni yang dag pa ma
79a6 yin pa phyin ci log dang ldan pa'i rnam par rtog pa las sred pa zhes btags kyi sred pa ni 'das pa ma yin/ ma 'ongs pa ma yin/ da ltar ma yin no/ /sred pa de ni bcings
79a7 pa las sred pa skyes pa ma yin/ bcings pa ma yin pa las kyang ma yin te/ rgyu dang / rkyen gcig gis gcig bsabs pa'i rgyun ma chad pa las tshor ba'i rkyen gyis sred pa zhes
79b1 btags so/ /mkhas pa dag ni sred pa'i yul na mi gnas/ phyogs na mi gnas/ stong pa/ gsob/ gsog lta bu/ snying po med pa/ yang dag pa ma yin te ci la'ang med par
79b2 shes so/ /sred pa'i rkyen gyis len pa zhes bya ba ni sred pa gud nas len pa la ltos te 'ongs pa ma yin/ sred pa dang / len pa lhan cig pa ma yin te/ sred pa las len pa ma bskyed
79b3 kyang sred pa yod pas rgyu dang / rkyen lhan cig pa'i phyir rjes su len pa zhes bya ba btags so/ /len pa dang / sred pa lhan cig pa ma yin te/ sred pa las gzhan pa'ang ma yin no/ /
79b4 sred pa'ang len pa dang / lhan cig pa ma yin te/ len pa las tha mi dad pas sred pa'i nang na mi gnas/ sred pa'i phyi rol na mi gnas/ gnyis ka'i bar na mi gnas te/ sred pa
79b5 nyid kyang dmigs su med na sred pa'i rkyen gyis len pa zhes bya ba lta ci smos te/ len pa'i nges pa'i mtshan nyid dmigs su med do/ /mkhas pa dag ni len pa de yang dag pa ma
79b6 yin pa ci'ang med par rtogs te/ len pa'i nang na len pa'i mtshan nyid med pas len pa ni 'das pa dang / ma 'ongs pa dang / da ltar gyi ma yin te/ len pa ni len pa'i
79b7 nang na mi gnas/ len pa'i phyi rol na mi gnas/ gnyis ka'i bar na mi gnas te/ phyin ci log las byung ba/ rgyu dang / rkyen las skyes pa'o/ /rkyen mang po 'dus pa las len pa
80a1 zhes bya ste/ chos gang yang lhan cig pa 'am/ so so ba med do/ /len pa ngo bo nyid med de/ nges pa'i chos med kyang bus pa so so'i skye bo dag ni yang dag
80a2 pa ma yin pa'i len pa la tshor bar byed do/ /'du byed thams cad yang dag pa ma yin pas 'jig rten pa dag ni len pas rnam par bcings so/ /mkhas pa dag ni len pa la yang
80a3 dag pa ma yin pa/ stong pa/ snying po med pa/ dngos po med pa nges pa'i chos cung zad tsam yang dmigs su med par rtogs so/ /len pa'i rkyen gyis srid pa zhes bya ba ni len
80a4 pa'ang srid pa la ltos te 'ongs pa ma yin la/ len pas srad pa bskyed nus pa'i phyir len pa'i rkyen gyis srid pa zhes bya ba ma yin gyi srid pa de ni len pa'i nang na'ang mi gnas/ len
80a5 pa'i phyi rol na'ang mi gnas/ gnyis ka'i bar na'ang mi gnas te/ srid pa'i de ni len pa la mi gnas/ len pa'ang srid pa dang lhan cig pa 'am/ so so ba ma yin mod kyi rkyen mang
80a6 po 'dus pa las len pa'i rkyen gyis srid pa zhes brjod kyi/ len pas srid pa skyed nus la len pas srid pa rnam par mi 'byed do/ /len pa nyid yang dag pa ma yin pa ci'ang med
80a7 pa min na len pa'i rkyen gyis srid pa zhes bya ba lta ci smos te srid pa la ltos pa med do/ /srid pa nyid srid pa zhes dmigs su med de/ srid pa nyid kyang srid pa'i nang na mi gnas/
80b1 srid pa'i phyi rol na mi gnas te/ gnyis ka'i bar na mi gnas pas srid pa de ni 'das pa ma yin/ ma 'ongs pa ma yin/ da ltar ma yin no/ /mkhas pa dag ni srid pa de ni yang dag pa
80b2 ma yin pa phyin ci log dang ldan pa lhan cig pa dang / so so ba ma yin pas srid pa ni shes pa med pa'i rang bzhin can rnam par mi 'byed/ srid pa de ni yul na mi gnas/ phyogs na mi gnas
80b3 so| |srid pa de ni snga ma'i mtha' med/ phyi ma'i mtha' med/ da ltar gyi mtha' med do/ /srid pa de ni yod pa ma yin/ med pa ma yin pas rten cing 'brel te 'byung ba bcu gnyis kyi nang du
80b4 srid pa'o zhes khong du chud cing rtogs so/ /mkhas pa blo can dag ni srid pa la stong pa nyid/ snying po med pa/ gsob/ gsog lta bur yongs su rtogs so/ /srid pa'i rkyen gyis skye ba zhes
80b5 bya ba ni srid pa de skye ba la ltos nas 'ongs pa ma yin/ skye ba de srid pa dang lhan cig pa'ang ma yin/ so so ba'ang ma yin la/ skye ba de ni srid pa'i nang na mi gnas/ srid pa'i phyi rol na
80b6 mi gnas/ gnyis ka'i bar na mi gnas te/ srid pas skye ba ma bskyed la srid pa las gud nas skye bar 'gyur ba ma yin gyi rten cing 'brel te 'byung ba bcu gnyis gcig gis gcig
80b7 bsabs pa'i rgyun ma chad pa las sred pa'i rkyen gyis skye ba zhes brjod do/ /srid pa dang / skye ba gcig gis gcig rkyen byas pa'ang ma yin/ rkyen ma byas pa'ang ma yin te/ srid pa
81a1 nyid kyang dmigs su med na srid pa'i rkyen gyis skye ba skyes pa lta ci smos te/ mkhas pa dag ni skye ba de sred pa la mi gnas la skye ba la skye ba'i mtshan nyid
81a2 med| skye ba la rang bzhin med/ skye ba la ngo bo nyid med pas nges par dmigs su rung ba'i chos gcig tsam yang med par rtogs so/ /mkhas pa dag gis de ltar skye ba la
81a3 rang bzhin med la ci'ang med de/ rten cing 'brel te 'byung ba bcu gnyis gcig gis gcig bsabs pa'i rgyun tsam zhig bstan pa'i phyir srid pa'i rkyen gyis skye ba zhes brjod
81a4 par yongs su rtogs so/ /skye ba la lhan cig pa'am/ so so ba'i chos med de/ skye ba de srid pa'i nang na mi gnas/ srid pa'i phyi rol na mi gnas/ gnyis ka'i bar na'ang mi
81a5 gnas so/ /skye ba de 'das pa ma yin/ ma 'ongs pa ma yin/ da ltar ma yin/ skye ba de snga ma'i mtha' dang / phyi ma'i mtha' dang / bar gyi mthar dmigs su med do/ /skye ba de
81a6 dngos por dmigs su med pas mkhas pa dag rgyu dang / rkyen mang po 'dus pa dang / phyin ci log dang ldan pa'i yang dag pa ma yin pa/ ci'ang med pa sgyu ma lta bu las skyes par
81a7 yongs su rtogs so/ /skye ba'i rkyen gyis rga shi dang / slos pa'i mya ngan dang / smre sngags 'don pa dang / sdug bsngal ba zhes bya ba ni skye ba de rga shi dang / slos pa'i
81b1 mya ngan dang / smre sngags 'don pa dang / sdug bsngal la ltos te 'ongs pa ma yin gyi skye bas kyang rga shi dang / slos pa'i mya ngan dang / smre sngags 'don pa dang / sdug bsngal
81b2 ba bskyed mi nus so/ /rga shi dang / slos pa'i mya ngan dang / smre sngags 'don pa dang / sdug bsngal ba skye ba'i nang na mi gnas/ skye ba'i phyi rol na mi gnas/ gnyis ka'i
81b3 bar na'ang mi gnas so/ /rga shi dang / slos pa'i mya ngan dang / smre sngags 'don pa dang / sdug bsngal ba skye ba gnas te skye ba'i phyir rga shi dang / slos pa'i mya ngan dang / smre
81b4 sngags 'don pa dang / sdug bsngal ba brjod pa'ang rgyu dang / rkyen mang po las skye ba'i chos bstan pa'i phyir ro/ /skye ba nyid rga shi dang / slos pa'i mya
81b5 ngan dang / smre sngags 'don pa dang / sdug bsngal ba dang lhan cig pa'ang ma yin/ so so ba'ang ma yin no/ /skye ba la skye ba nyid kyang dmigs su med na skye ba'i rkyen gyis
81b6 rga shi dang / slos pa'i mya ngan dang / smre sngags 'don pa dang / sdug bsngal ba lta ci smos/ rga shi dang / sdug bsngal nyid la rga shi dang / sdug bsngal dmigs su med do/ /de ci'i
81b7 phyir zhe na/ rga shi dang / sdug bsngal nyid rga shi dang / sdug bsngal gyi nang na mi gnas/ phyi rol gyi nang na mi gnas/ gnyis ka'i bar na mi gnas so/ /rga shi dang / sdug bsngal 'das
82a1 pa ma yin/ ma 'ongs pa ma yin/ da ltar gyi ma yin no/ /rga shi dang / sdug bsngal nyid rga shi dang / sdug bsngal dang lhan cig pa ma yin/ so so ba'ang
82a2 ma yin te/ phyin ci log dang ldan pa/ rgyu dang / rkyen mang po 'dus pa/ rten cing 'brel te 'byung ba bcu gnyis tshogs pa las skye ba'i rkyen gyis rga shi dang / sdug bsngal ba zhes
82a3 brjod do/ /rga shi dang / sdug bsngal la gnas med/ rga shi dang / sdug bsngal la nges pa'i mtshan nyid dmigs su med do/ /rga shi dang / sdug bsngal la 'das pa'i mtha'
82a4 dang / ma 'ongs pa'i mtha' dang / da ltar gyi mtha' dmigs su med do/ /mkhas pa dag ni rga shi dang / sdug bsngal la yang dag pa ma yin pa/ ci'ang med pa/ phyin ci
82a5 log dang ldan pa/ ngo bo nyid med pa/ ma byas pa/ ma byung ba/ ma skyes par yongs su rtogs so/ /de ltar rten cing 'brel te 'byung ba bcu gnyis kyis chos la rtog
82a6 pa'i tshe rten cing 'brel te byung ba'i chos la 'das pa'am/ ma 'ongs pa'am/ da ltar gyir ma mthong ngo / /rten cing 'brel te byung ba bcu gnyis kyi chos kyi mtshan
82a7 nyid mi mthong ste/ rten cing 'brel te 'byung ba la rkyen med pa dang / ma skyes pa dang / mtshan ma med pa dang / mngon par 'du byas pa med pa dang / ma byung ba dang /
82b1 byas pa'i dngos po med pa dang / thog ma nas chos thams cad ci'ang med par shes shing rtogs so/ /de ltar rten cing 'brel te byung ba bcu gnyis khong du chud cing rtogs pas rten
82b2 cing 'brel te byung ba bcu gnyis la byas pa'am/ byed pa yod par mi mthong ngo / /gal te chos rnams rgyu las byung na rgyu med pa'i phyir chos de'ang med do/ /byang chub sems dpa'
82b3 ma rig pa'i don gyi rjes su zhugs pas chos thams cad dmigs su med par rtogs so/ /de ltar rtog pa de la zhugs na rkyen med pa nyid rten cing 'brel te byung ba bcu gnyis
82b4 yin te de la skye ba med do/ /byang chub sems dpas rten cing 'brel te byung ba bcu gnyis yang dag pa ma yin pa las skyes par rtogs so/ /ma rig pa'i don gyi rjes su rten cing
82b5 'brel te byung ba bcu gnyis rtogs pas chos bya ba med na chos su gdags pa'ang med de/ de bas na ma rig pa'i don gyi rjes su rten cing 'brel te byung ba bcu gnyis khong du chud
82b6 cing rtogs so/ /ma rig pa ni ma skyes pa/ ma byas pa/ ma byung ba/ ngo bo nyid med pa/ nges pa'i chos med pa/ rgyu med pa/ ci'ang med pa ste/ byang chub sems dpa' de'i
82b7 tshe rig pa dang / ma rig pa gnyis su rnam par mi 'byed de/ ma rig pa'i yang dag pa'i mtshan nyid de rig pa nyid do/ /ma rig pa'i rgyu las chos thams cad ci'ang med pa dang /
83a1 chos thams cad rkyen med pa dang / rnam par rtog pa med do/ /de bas na ma rig pa'i don gyi rjes su rten cing 'brel te byung ba bcu gnyis rtogs so/ /
83a2 'jig rten 'dzin/ byang chub sems dpa' sems dpa' chen po rnams rten cing 'brel te byung ba bcu gnyis kyi thabs dang / shes rab ces bya'o/ /byang chub sems dpa' gang
83a3 de ltar rten cing 'brel te byung ba bcu gnyis lhan cig pa dang / so so ba rtogs na de ni byang chub sems dpa' mi skye ba'i shes rab legs par thob pa zhes bya'o/ /de ci'i
83a4 phyir zhe na/ skye ba dang / 'gog par rtogs na ni rten cing 'brel te byung ba bcu gnyis la mkhas pa ma yin gyi gang rkyen mang po las 'du ba dang / bral bar shes pa de ni
83a5 mi skye ba'i shes rab thob pa zhes bya'o/ /gang mi skye ba'i shes rab thob pa de ni rten cing 'brel te byung ba bcu gnyis rtogs pa zhes bya'o/ /de bas na byang chub sems dpa' sems
83a6 dpa' chen po rnams mi skye ba'i shes rab rtogs pa'am/ reg pa 'dod na de ltar rten cing 'brel te byung ba bcu gnyis kyi shes rab la nan tan du bya'o/ /des na rten cing
83a7 'brel te byung ba bcu gnyis kyi mi skye ba'i mtshan nyid rtogs shing rig par 'gyur ro/ /'jig rten 'dzin/ byang chub sems dpa' sems dpa' chen po gang mi skye ba
83b1 nyid rten cing 'brel te byung ba bcu gnyis su shes na rten cing 'brel te byung ba bcu gnyis kyi sbyor ba la thob par 'gyur ro/ /de ltar mi skye ba'i mtshan nyid du khams gsum shes shing
83b2 mthong ba des ni myur du mi skye ba'i chos kyi bzod pa thob par 'gyur te/ byang chub sems dpa' de da ltar gyi bzhugs pa'i sangs rgyas 'di nyid las 'di nyid du bla na med pa yang dag
83b3 par rdzogs pa'i byang chub tu lung bstan pa 'thob pa dang / byang chub sems dpa' de ring por mi thogs par lung ston pa dang / mthar gyis lung ston par yang 'gyur ro/ /'jig
83b4 rten 'dzin/ de ltar shin tu dge ba lung bstan pa thob pas rab tu bde ba'i sems su 'gyur te/ chos thams cad la gtad cing 'jug pa'i sbyor ba las shes rab kyi snang ba thob
83b5 par 'gyur ro/ /de ltar rten cing 'brel te byung ba bcu gnyis la ma skyes pa nyid du rtogs pas da ltar bzhugs pa'i sangs rgyas rnams la bsnyen bkur byed par 'gyur ro/ /gang
83b6 zag de bdud ma rungs pa rnams kyis spa mi 'gong bar 'gyur/ des skye zhing 'khor ba'i rgyun las brgal te skam sar phyin par 'gyur/ de ma rig pa'i 'dam rdzab las thar bar
83b7 'gyur/ des rab tu bde ba'i gnas su phyin par 'gyur ro/ /'jig rten 'dzin/ gang zhig da ltar bzhugs kyang rung / mya ngan las 'das kyang rung / rten cing 'brel te 'byung ba
84a1 bcu gnyis kyi sbyor ba la gal te nyan nam/ dad dam/ klog gam/ 'don tam/ rnal 'byor du byed na des ni ring po mi thogs par ma skyes pa'i chos
84a2 kyi bzod pa thob par ngas lung ston to/ /des ring po mi thogs par da ltar bzhugs pa'i de bzhin gshegs pa rnams kyis bla na med pa yang dag par rdzogs pa'i byang chub tu
84a3 lung ston par 'gyur bar ngas bstan to/ /rten cing 'brel te 'byung ba bcu gnyis shes par bya ba'i le'u ste lnga pa'o// //'jig rten 'dzin/ de la ji ltar na byang
84a4 chub sems dpa' sems dpa' chen po rnams dran pa nye bar gzhag pa rnams la mkhas pa gang zhe na/ byang chub sems dpa' sems dpa' chen po rnams dran pa nye bar gzhag
84a5 pa bzhi la rnam par 'byed cing rtog go /bzhi gang zhe na/ lus la lus kyi rjes su rtog pa dang / tshor ba la tshor ba'i rjes su rtog pa dang / sems la sems kyi rjes su rtog pa
84a6 dang | chos la chos kyi rjes su rtog pa'o/ /de la ji ltar na lus la lus kyi rjes su rtog pa nas/ tshor ba dang / sems dang / chos la tshor ba dang / sems dang / chos kyi bar
84a7 du rjes su rtog pa zhe na/ 'jig rten 'dzin/ byang chub sems dpa' sems dpa' chen po rnams lus la rnal 'byor du spyod cing lus kyi rjes su rtog pa na yang dag pa ji lta ba
84b1 bzhin du lus kyi mtshan nyid la rtog go /'di lta ste/ lus 'di ni mi rtag pa/ sdug bsngal ba/ nad lta bu/ shu ba lta bu/ sdug bsngal gyis gzir ba/ nyams pa dang / 'pho ba
84b2 dang | 'jig pa'i mtshan nyid do/ /lus 'di ni shin tu mi gtsang ba ste mi sdug pa/ mi gtsang ba sna tshogs kyis yongs su gang ba/ bu ga dgu nas mi gtsang ba rtag tu zag pa'o/ /
84b3 lus 'di ni shin tu mnam pa ste/ ngan skyugs kyi rkyal ba 'gro shes pa dang 'dra'o/ /de ltar yang dag pa ji lta ba bzhin du lus 'di la brtags na lus 'di la spu nyag ma tsam gyi
84b4 gtsang ba'am/ yid du 'ong ba mi rnyed do/ /lus 'di ni rus pa dang / rgyus pa dang / pags pa dang / shas yongs su dkris shing glags nas sngon gyi las kyi rgyu dang / rkyen dang / 'bras
84b5 bu rnam par smin pa las byung ste/ kun 'byung dang / len pas yongs su bcings par shes so/ /de la kun 'byung ni gang / len pa ni gang zhe na/ sngon gyi rgyu dang / rkyen las lus
84b6 'di byung bas na len pa zhes brtags so/ /da ltar gyi tshe 'di la lus bkrus nas kha zas dang / gos dang / khri stan dang / sman gyis gsos pa ni kun 'byung zhes bya ste/ de
84b7 ltar da ltar gyi rgyu dang / rkyen ni kun 'byung zhes bya/ sngon gyi 'bras bu rnam par smin pa'i mthus rnam par bcings nas bya ba kun byed pa ni len pa zhes bya'o/ /yang lus 'di
85a1 ni chen po bzhi las byas te nges par yang dag par mtshan nyid med de/ gzugs kyi phung por gtogs pa rnams la lus zhes btags so/ /ci'i
85a2 phyir lus zhes bya zhe na/ bya ba byed nus pa'i phyir lus zhes bya'o/ /rten pa'i gnas la zhen cing chags pa'i phyir lus zhes bya'o/ /yid kyi rjes su kun byed pa'i phyir lus
85a3 zhes bya'o/ /rnam par rtog pa las byung ba'i phyir lus zhes bya'o/ sgyu ma 'dus pa las byas pa'i phyir lus zhes bya'o/ /las dang 'dus pa'i phyir lus zhes bya'o/ /lus
85a4 'di ni ring po mi thogs par mthar 'gyur zhing 'pho ba ste/ mi rtag pa nges pa med par 'gyur ba'i mtshan nyid med do/ /lus 'di ni lus kyi nang na mi gnas/ lus kyi phyi
85a5 rol na mi gnas/ de gnyis ka'i bar na mi gnas so/ /lus 'di ni lus su mi shes pa lus su mi mthong ngo / /lus 'di ni byed pa med pa/ g.yo ba med pa/ smon cing re ba
85a6 med| sems med de/ rdo dang / shing dang tha mi dad do/ /lus 'di la lus kyi mtshan nyid du nges pa med do/ /de ltar yang dag par lus la rnam par 'byed cing
85a7 brtags na byas pa med/ byed pa med/ lus 'di la snga ma'i mtha' med/ phyi ma'i mtha' med/ bar gyi mtha' med do/ /lus 'di la rtag pa/ brtan pa/ sra ba'i
85b1 mtshan gcig kyang med/ ji ltar chu'i dbu ba gzung zhing bcad du mi bzod pa bzhin no/ /lus 'di ni srin bu brgyad khri gnas pa'i khyim mo/ /lus 'di ni las rnam pa sna tshogs
85b2 kyis rnam par 'tshe ba'o/ /sdug bsngal rnam pa gsum gyi phyir lus 'di sdug bsngal ba ste/ mgon med pas na 'du byed kyi sdug bsngal dang / 'gyur ba'i sdug bsngal dang /
85b3 sdug bsngal ba'i yid sdug bsngal bas rnam par 'tshe bas na sdug bsngal thams cad kyis sdug bsngal ba mang po'i snod do/ /de ltar yang dag pa ji lta ba bzhin du lus la lus
85b4 kyi rjes su rtogs nas kyang 'di snyam du lus 'di ni bdag ma yin/ gzhan ma yin/ dbang med pa/ 'dir rang nyams byar med pa/ byas pa'o snyam du sems so/ /lus 'di
85b5 ni dngos po med pa nges pa'i chos su dmigs su med pa'o/ /lus 'di ni rang bzhin gyis stong pa ste nges pa'i mtshan nyid med pa'o/ /lus 'di ni yang dag pa ma yin pa las
85b6 byung ba 'khrul 'khor las byas pa lta bu ste/ sngon gyi las kyi rgyu dang / rkyen las byung bas na lus 'di la ni bdag dang / bdag gi zhes 'du shes bskyed pa'i mi rigs te/ bdag
85b7 cag kyang lus dang / srog la mi blta'o snyam du mi sems so/ /byang chub sems dpas de ltar yang dag pa ji lta ba bzhin du yongs su rtog pa'i tshe lus 'di dang lhan cig pa'am/
86a1 so so bar mi dmigs te/ gzhan nas 'ongs pa 'am/ gud du 'gro ba'i gnas yod par ram/ rten pa'i gnas yod par mi blta'o/ /lus
86a2 'di la 'das pa 'am/ ma 'ongs pa 'am/ da ltar gnas par rnam par mi rtog pas lus dang / srog la mi gnas/ lus la bdag gam/ bdag gi bar mi chags te/ lus
86a3 su 'dzin pa yongs su spong ngo / /byang chub sems dpa' des de ltar lus 'di la stong pa nyid dang / bdag med pa/ bdag gi ba med par yongs su rtogs te/ lus 'di la
86a4 bdag dang / bdag gi bar dmigs su med pas na lus kyi mtshan nyid du mi dmigs so/ /byang chub sems dpa' des de ltar lus kyi mtshan nyid du mi dmigs pas na lus
86a5 su 'jug pa la re ba med de/ lus bskyed pa 'am/ 'byung ba'i lam med do/ /de 'jug pa gang zhe na/ lus 'di la byas pa med/ byung ba med pa'o/ /lus 'di ni ma
86a6 byas pa/ ma byung ba'i mtshan nyid pas na rgyu dang / rkyen mang po las skyes so/ /rgyu dang / rkyen 'dus pa las lus su gyur te/ rgyu dang / rkyen yang dag pa ma yin pa/ ci'ang med
86a7 pa| phyin ci log dang ldan pa/ stong pa nyid/ snying po med pa ste/ rgyu dang / rkyen de las lus 'di skyes par gyur to/ /rgyu dang / rkyen nyid skye ba med pa/ mtshan ma med pas
86b1 na de ltar lus la rtog pa'i tshe/ lus ma skyes pa'i mtshan nyid la 'jug par 'gyur ro/ /de ltar zhugs nas lus la mtshan nyid med par rtog go /yang dag pa ji lta ba bzhin
86b2 du lus la mtshan nyid med par rtogs pas na lus 'di la mtshan ma med par shes so/ /mtshan mar dmigs su med pas na skye ba med par shes so/ /lus 'di ni 'das pa'i
86b3 mtshan ma'am/ ma 'ongs pa'i mtshan ma 'am/ da ltar gyi mtshan mar dmigs su med do/ /de ci'i phyir zhe na/ lus 'di la ngo bo nyid du nges pa'i chos su dmigs su med
86b4 de/ lus 'di ni bdag dang / gzhan du dmigs su med pa'i phyir ro/ /de ltar yongs su rtog pa na lus 'di gang nas kyang ma 'ongs la gang du mi 'gro bar shes te/ lus 'di ma
86b5 skyes pa dang / mi 'gag pa'i lam la 'jug par 'gyur ro/ /'jig rten 'dzin/ byang chub sems dpa' sems dpa' chen po rnams de ltar lus la lus kyi rjes su 'jug pa
86b6 la lus kyi rjes su 'jug pa'i yang dag pa'i mtshan nyid la rtog pa ni lus su zhen cing chags pa yongs su sel zhing chod par 'gyur te/ dran pa yang dag pa ji lta ba bzhin
86b7 du lus la de ma thag tu gnas par 'gyur ro/ /de dag ni lus la lus kyi rjes su rtog pa la rnal 'byor pa zhes bya'o/ /'jig rten 'dzin/ de la ji ltar na byang chub sems
87a1 dpa' sems dpa' chen po tshor ba la tshor ba'i rjes su rtog pa la rnal 'byor pa zhe na/ byang chub sems dpa' sems dpa' chen po sdug
87a2 bsngal gyi tshor ba dang / bde ba'i tshor ba dang / sdug bsngal ba'ang ma yin bde ba'ang ma yin pa'i tshor ba ste/ tshor ba gsum po la rtog pa na gang nas kyang ma 'ongs
87a3 la| gang du'ang mi 'gro bar rtogs te/ yang dag pa ma yin pa'i rkyen dang / sngon gyi las kyi 'bras bu rnam par smin pa dang / phyin ci log dang ldan pa'i gzugs byas
87a4 par shes so/ /tshor ba la yang dag pa ma yin pa'i log par rnam par rtog pa las byung bar shes so/ /byang chub sems dpa' de ltar tshor ba rnams la rtog pa na 'das
87a5 pa'i tshor ba la mi dmigs/ ma 'ongs pa'i tshor ba la mi dmigs/ da ltar gyi tshor ba la mi dmigs so/ /byang chub sems dpa' 'das pa'i tshor ba rnams la stong
87a6 pa nyid dang / bdag med pa/ bdag gi ba med/ mi rtag pa/ mi brtan pa/ snying po med pa/ mi 'gyur ba/ mtshan nyid med par blta'o/ /'das pa'i tshor ba la'ang stong
87a7 pa'i mtshan nyid dang / zhi ba'i mtshan nyid dang / mtshan ma med pa'i mtshan nyid du rtogs so/ /ma 'ongs pa'i tshor ba rnams la'ang stong pa nyid dang / bdag med pa/ bdag
87b1 gi ba med pa/ mi rtag pa/ mi brtan pa/ snying po med pa/ mi 'gyur ba/ med par blta'o/ /ma 'ongs pa'i tshor ba rnams la'ang stong pa'i mtshan nyid dang / zhi ba'i mtshan nyid
87b2 dang | mtshan ma med pa'i mtshan nyid du rtog go /byang chub sems dpa' de ltar rtog pa na 'di snyam du tshor ba ni nges pa'i mtshan nyid med pa/ dngos po med pa/ gcig tu nges pa'i
87b3 chos med de/ mi 'dra ba las yang dang / yang skye zhing 'gog go snyam du sems so/ /tshor ba la gnas pa'i dus med do snyam du sems pa'i tshe byang chub sems dpa' yang 'di snyam du
87b4 tshor ba ni byas pa med/ byed pa med de/ bus pa so so'i skye bo dag phyin ci log dang ldan pa'i sems las tshor ba rnam pa gsum skyed de/ de'ang sngon gyi las kyi rgyu dang / da ltar
87b5 gyi rkyen 'dus pa las tshor ba yod par gyur to/ /tshor ba ni kun kyang stong pa/ mi brtan pa/ snying po med pa/ yang dag pa ma yin pa'i chos nyid de khang pa stong pa dang mtshungs
87b6 so| |de ltar yongs su rtog pa'i tshe tshor ba mang po'i rgyu las sems gcig tu gnas te/ byang chub sems dpa' de'i tshe tshor ba rnams la 'dus nas 'gag pa'i mtshan nyid
87b7 chud cing rtog te tshor ba rnams la 'dus pa yang ma yin so so ba'ang ma yin par blta'o/ /gzhan yang / tshor ba'i nang na tshor ba mi mthong ste/ 'di snyam du tshor ba rnams
88a1 stong pa nyid do snyam du sems so/ /rang bzhin stong pas tshor ba'i rnams la ma skyes pa'i mtshan nyid du rtogs so/ /tshor ba rnams ma skyes pa mi 'gog
88a2 pas grub pa'i mtshan nyid med par rtogs so/ /de ltar tshor ba rnams yid la byed par chags pa med do/ /yang dag pa ji ltar /bzhin du tshor ba rnams kyi mtshan nyid shes shing
88a3 mthong ngo / /tshor ba rnams dang bral te tshor ba rnams la mi gnas pas tshor ba rnams sems btang snyoms par 'gyur te/ des na btang snyoms kyi ting nge 'dzin yang thob par
88a4 'gyur ro/ /'jig rten 'dzin/ de ltar na byang chub sems dpa' sems dpa' chen po rnams tshor ba la tshor ba'i rjes su rtog pa gang la rnal 'byor ba zhes bya'o/ /'jig rten
88a5 'dzin/ de la ji ltar na byang chub sems dpa' sems dpa' chen po sems la sems kyi rjes su rtog pa la rnal 'byor pa zhe na/ byang chub sems dpa' sems dpa' chen
88a6 po sems la skye ba dang / 'gog pa dang / gnas pa dang / 'pho ba'i mtshan nyid du yongs su rtog go/ de ltar yongs su rtog pa na 'di snyam du sems 'di ni gang nas kyang
88a7 ma 'ongs la/ gang du'ang mi 'gro ste/ rnam par shes pa dang / rkyen las skyes pas dngos po med de/ des pa'i chos su dmigs su med do snyam du sems so/ /sems 'di
88b1 ni 'ongs pa'ang med/ song ba'ang med/ gnas pa'am/ 'pho ba'ang dmigs su med do/ /sems 'di ni 'das pa'ang ma yin/ ma 'ongs pa dang / da ltar gyi ma yin te/ sems
88b2 'di ni rnam par shes pa dang / rkyen dang / rnam par rtog pa las skyes so/ /sems ni nang na mi gnas/ phyi rol na mi gnas/ gnyis ka'i bar na mi gnas te/ sems 'di ni skye
88b3 zhing 'byung ba'i mtshan ma gcig tsam yang med pa'o/ /sems 'di ni ngo bo nyid med pa/ nges pa med pa/ skyed pa med pa/ skyes pa med pa ste/ las sna tshogs 'byung ba'i phyir
88b4 sems zhes bya'o/ /rnam par shes pa'i rkyen sna tshogs las sems zhes bya'o/ /skad cig skad cig gis skye zhing 'gog pa/ gcig gis bsags pa rgyun mi chad pas sems zhes
88b5 bya ste/ de ni so so'i skye bo dag sems kyis mi dmigs pa'i mtshan nyid khong du chud cing rtogs par bya ba'i phyir ro/ /sems la sems kyi mtshan nyid med do/ /sems 'di ni thog ma
88b6 nas ma skyes pa/ ma byung ba ngo bo nyid kyis rnam par dag pa ste/ glo bur gyi nyon mongs pas kun nas nyon mongs pa rnam par rtog kyang sems kyis sems mi shes sems
88b7 kyis sems mi mthong ngo / /de ci'i phyir zhe na/ sems 'di ni stong pa nyid de/ stong pa nyid pas na ngo bo nyid med pa'o/ /sems 'di ni nges bya'i chos can ma yin te/ nges pa'i
89a1 chos su dmigs su med pa'i phyir ro/ /sems 'di ni gcig dang / tha dad pa'i chos med pa'i phyir ro/ /sems 'di ni snga ma'i mtha' yang dmigs su med
89a2 la phyi ma'i mtha' yang dmigs su med de/ bar gyi mtha' yang dmigs su med do/ /sems 'di ni gzugs med de/ mthong bar mi nus bas sems nyid kyis sems mi mthong
89a3 la rang bzhin mi shes te/ bus pa so so'i skye bo phyin ci log dang ldan pa dag yang dag pa ma yin pa'i rkyen dang / rnam par shes pas dmigs pa'i phyir 'byung ngo / /sems
89a4 'di ni stong pa nyid de bdag med pa/ bdag gi ba med pa/ mi rtag pa/ mi brtan pa/ snying po med pa/ mi 'gyur ba'i chos can ma yin pa'o/ /de ltar sems shing yid la
89a5 byed pa na sems kyi dran pa nye bar gzhag pa 'thob ste/ gang zag de de'i tshe na sems sam/ sems ma yin par rnam par mi rtog ste/ sems la ma skyes pa'i mtshan nyid
89a6 du legs par shes pas sems ma skyes pa nyid du'ang rtogs so/ /de ci'i phyir zhe na/ sems la nges pa'i rang bzhin med de/ nges pa'i mtshan nyid med pa'i phyir ro/ /mkhas
89a7 pa dag ni de ltar sems la ma skyes pa dang / mtshan nyid med par chud cing rtogs so/ /de'i tshe yang dag pa ji lta ba bzhin du sems kyi 'dus pa dang / 'gog pa'i mtshan nyid
89b1 rtogs te/ de ltar rtogs pa na sems pa la kun 'byung ngam/ 'gog pa'i mtshan nyid ma rnyed do/ /sems la 'gog pa 'am/ mi 'gog par rnam par mi rtog pa'i sems kyi de bzhin nyid
89b2 rnam par dag pa'i mtshan nyid thob par 'gyur ro/ /byang chub sems dpa' rnams de ltar sems rnam par dag pas na glo bur gyi nyon mongs pas nyon mongs par mi 'gyur ro/ /de ci'i
89b3 phyir zhe na/ byang chub sems dpa' rnams bdag gi sems rnam par dag pa nyid du shes shing mthong bas sems can dag gi sems kyang rnam par dag par shes te snyam du sems
89b4 so| |sems dri ma yod pas na/ sems rnam par dag pas na sems can yang rnam par dag pa'o snyam sems shing yid la byed pa na sems la dri ma'o mtshan nyid dam/ sems
89b5 la rnam par dag pa'i mtshan nyid du mi dmigs te/ sems nyid rtag tu rnam par dag pa'i mtshan nyid du shes so/ /'jig rten 'dzin/ byang chub sems dpa' sems dpa'
89b6 chen po chos la chos kyi rjes su rtog pa la rnal 'byor pa zhe na/ byang chub sems dpa' rnams chos thams cad la nang ngam/ phyi rol lam/ gnyis ka'i bar na yod par mi rtog
89b7 go| gzhan yang / chos la 'das pa'am/ ma 'ongs pa 'am/ da ltar gyi rmi dmigs te chos thams cad rkyen mang po las skyes te/ phyin ci log las byung ba'i nges pa'i mtshan
90a1 nyid med pa'o/ /'di lta ste/ chos thams cad gang zag dbang po zhes bya ba dang / chos kyi ngo bo nyid ces bya ba ni chos thams cad la chos zhes bya ba med
90a2 de| chos rnams ni chos rnams kyi nang na mi gnas/ chos rnams kyi phyi rol na mi gnas/ gnyis ka'i bar na mi gnas so/ /chos ni chos dang lhan cig pa'ang ma yin/ so so
90a3 ba'ang ma yin te/ chos thams cad ni dngos po med pa'i nges pa'i mtshan nyid med pa'o/ /chos thams cad yod pa ma yin pas na g.yo ba med/ byas pa med do/ /chos thams
90a4 cad nam mkha' lta bu ste ci'ang med pa'o/ /chos thams cad ni slu ba'i chos can/ sgyu ma lta bu/ sgyu ma'i mtshan nyid dmigs su med pa'i phyir ro/ /chos thams cad rnam par
90a5 dag pa ste/ ces kyang ma gos pa'i phyir ro/ /chos thams cad ni mi len pa'i mtshan nyid de/ len pa med pa'i phyir ro/ /chos thams cad rmi lam lta bu ste/ rmi lam nyid
90a6 med pa'i phyir ro/ /chos thams cad ni gzugs med pa ste/ gzugs ci'ang med pa'i phyir ro/ /chos thams cad gzugs brnyan lta bu ste/ gzugs brnyan nyid med
90a7 pa'i phyir ro/ /chos thams cad ni ming med/ mtshan ma med de/ ming dang / mtshan ma med pa'i phyir ro/ /chos thams cad ni brag ca lta bu ste/ yang dag pa ma yin pa
90b1 las byung bas ci'ang med pa'i phyir ro/ /chos thams cad ni ngo bo nyid med pa ste/ rang bzhin dmigs su med pa'i phyir ro/ /chos thams cad ni smig rgyu lta bus te/ ci'ang med par
90b2 shes pa'i phyir ro/ /byang chub sems dpa' de ltar chos thams cad la yongs su rtog na chos thams cad la mtshan nyid gcig pa 'am/ mtshan nyid tha dad par mi mthong / chos
90b3 dang / chos lhan cig pa'am/ so so bar mi mthong / chos la chos gnas par yang mi mthong ste/ der rtog na chos thams cad gzhan nas 'ongs par yang mi mthong ngo / /chos thams
90b4 cad la gnas pa'i gnas yod par yang mi mthong ngo / /de ci'i phyir zhe na/ chos thams cad la gnas med/ rten med/ byung ba med de/ chos thams cad gnas med pa ni rten
90b5 pa'i gnas med pa'i phyir ro/ /dmigs pa'i gnas med pa'i phyir ro/ /'jig rten 'dzin/ chos thams cad la bye brag med pa ni chos thams cad bye brag tu dbye ba'i mtshan ma
90b6 med de/ rkyen mang po las skyes pas phyin ci log tu bya ba yod kyang chos thams cad ni yul na mi gnas/ phyogs na mi gnas so/ /mkhas pa dag ni chos thams cad la mtshan
90b7 nyid gcig pa'ang ma yin/ mtshan nyid gnyis su yod pa'ang ma yin/ tha dad pa'i mtshan nyid du'ang ma yin par dmigs so/ /de ci'i phyir zhe na/ 'jig rten 'dzin/ chos thams
91a1 cad ni ma skyes pa/ ma byung ba/ byas pa med pa ste/ chos thams cad ni rang bzhin dang bral ba/ ngo bo nyid med pa ste/ rang bzhin las 'das pa'i phyir
91a2 ro| |chos thams cad gnas med pa ni phyin pa'i gnas med pa'i phyir ro/ /de ltar chos thams cad la shin tu rtogs pa na chos thams cad la bdag med gang zag med par legs
91a3 par chung cing rtogs so/ /chos thams cad rang bzhin gyis stong pa nyid du rtogs so/ /chos thams cad stong pa nyid du rtogs pas na chos thams cad mtshan ma med par rtogs
91a4 so| |mtshan ma med par blta bas chos thams cad la smon pa mi 'byung ste/ de'i tshe chos thams cad ma skyes pa nyid du rtogs pas 'di snyam du sems te/ 'di la yang dag
91a5 par chos gang yang skye ba'am/ 'gog pa med par sems so/ /de ltar rtog pa'i tshe sems rtse gcig tu gnas pas na de nyid kyis na chos thams cad ma skyes pa nyid du khong du
91a6 chud cing chos thams cad kyi kun 'byung dang / 'gog pa zad pa'ang mthong zhing shes so/ /chos thams cad mtshan ma dang bral/ rang bzhin dang bral bar yang rtogs so/ /
91a7 de ci'i phyir zhe na/ 'jig rten 'dzin/ chos thams cad la nges pa'i mtshan nyid med pas na chos thams cad mtshan ma med cing mtshan ma dang bral bar khong du chud
91b1 do| |'jig rten 'dzin/ de ltar na byang chub sems dpa' sems dpa' chen po rnams chos la chos kyi rjes su rtog pa la rnal 'byor pa zhes bya'o/ /de ltar rtogs pa ni chos la
91b2 dmigs pa med/ len pa med de/ chos la skyed par mi byed/ gnas par mi byed/ 'gog par mi byed par nan tan byed de/ des chos thams cad kyi mi 'gog pa zang
91b3 pa'i mtshan nyid dang / rab tu zhi pa'i mtshan nyid kyang mthong ngo / /'jig rten 'dzin/ de dag ni byang chub sems dpa' sems dpa' chen po rnams dran pa nye bar gzhag pa bzhi la
91b4 shin tu rtogs pa zhes bya'o/ /ci'i phyir dran pa nye bar gzhag pa zhes bya zhe na/ dran pa nye bar gzhag pa zhes bya ba ni chos thams cad gzhig pa'i gnas med/ 'byung ba med/
91b5 gnas pa'i gnas med par de ltar 'jug na chos thams cad la dran pa mi nyams te/ dran pa nye bar gzhag pa zhes bya'o/ /gzhan yang / dran pa nye bar gzhag pa'i chos thams
91b6 cad ni mi gnas pa dang / ma skyes pa dang / mi len par yang dag pa ji lta ba bzhin du shes shing mthong ba'i don ni dran pa nye bar gzhag pa zhes bya'o/ /dran pa nye bar gzhag
91b7 pa zhes bya ba'i le'u ste drug go// //'jig rten 'dzin/ de la ja ltar na byang chub sems dpa' sems dpa' chen po rnams dbang po rnams la mkhas
92a1 pa zhe na/ byang chub sems dpa' sems dpa' chen po rnams 'jig rten las 'das pa'i dbang po lnga la yang dag par rtog go /lnga gang zhe na/ 'di lta
92a2 ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /byang chub sems dpa' rnams
92a3 dbang po lnga bo la rnal 'byor du spyod pa na chos thams cad rten cing 'brel te byung ba las skyes shing phyin ci log las byung ba dang / yang dag pa ma yin pa'i rkyen las 'dus pas
92a4 me mgal bskor ba lta bu'am/ rmi lam gyi rang bzhin lta bur yid ches so/ /chos thams cad mi rtag pa dang / sdug bsngal ba dang / mi gtsang ba dang / bdag med pa dang / zug
92a5 rdul bu dang / shu ba lta bu ste snying po med pa/ mi brtan pa/ 'gyur zhing 'jig pa'i mtshan nyid du yid ches so/ /gzhan yang / chos thams cad yang dag pa ma yin pas
92a6 ci'ang med pa ste/ khu tshur stong pa'am/ kha dog sdug gu sna tshogs kyis byis pa chung du brid pa lta bur rnam par brtags pa las byung ba ltos pa las yod pa tsam du zad pas
92a7 dngos por nges pa'i chos su gcig tsam yang med par yid ches so/ /gzhan yang / chos thams cad ni 'das pa ma yin/ ma 'ongs pa ma yin/ da ltar gyi ma yin par yid ches
92b1 so| |chos thams cad gang nas kyang ma 'ongs la gang yang mi 'gro bar yid ches so/ /chos thams cad stong pa nyid/ mchen ma med pa/ mngon par 'dus ma byas par yid ches
92b2 so| |chos thams cad ma skyes pa dang / mngon par 'dus ma byas pa dang / ma byung ba dang / mtshan ma med pa dang / mtshan ma dang bral bar yang yid ches so/ /tshul khrims rnam
92b3 par dag pa dang / ting nge 'dzin yongs su dag pa dang / shes rab rnam par dag pa dang / rnam par grol ba'i ye shes ston pa rnam par dag pa la yid ches so/ /byang chub sems
92b4 dpas da ltar dad pa'i dbang po lhun gyis grub nas phyir mi ldog par gyur te/ dad pas thog mar 'gro'o/ /de bas na khrims la bde bar gnas pas dad pa mi nyams mi ldog ste/
92b5 phyir mi ldog pa'i chos lhun gyis grub pas mi g.yo ba'i dad pa la gnas te/ las kyi 'bras bu rnam par smin pa'i rjes su dad pa yongs su smin par byed cing ngan par lta ba thams
92b6 cad yongs su gcod do/ /chos mi spong zhing ston pa sangs rgyas bcom ldan 'das las gzhan yang mi tshol te/ rtag tu chos thams cad kyi yang dag pa'i rjes su 'jug go /dge
92b7 'dun gyi spyod pa'i yang dag pa'i lam la 'jug go /tshul khrims rnam par dag pa la gnas shing bzod pa lhun gyis grub pas de ltar mi g.yo mi 'gyur ba'i dad pa dang / dad pa
93a1 khyad par du gyur pas dad pa'i dbang po dang ldan pa zhes bya'o/ /'jig rten 'dzin/ de la ji ltar na byang chub sems dpa' sems dpa' chen po rnams
93a2 brtson 'grus kyi dbang po la yang dag par rtog pa dang / brtson 'grus kyi dbang po lhun gyis grub pa dang / brtson 'grus kyi dbang po la shin tu mkhas pa zhe na/ byang chub sems
93a3 dpa' sems dpa' chen po rnams brtson 'grus spyod pa mi gtong / rgyun mi gcod par sgrib pa lnga bsal ba'i phyir brtson 'grus spyod do/ /'di ltar zab mo'i chos nyan pa'i
93a4 phyir brtson 'grus spyod do/ /byang chub sems dpa' rnams chos tshol ba la rgyun mi chad pas brtson 'grus rtsom pa las phyir mi ldog go /sgrib pa'i chos yongs su gcod pa'i
93a5 phyir brtson 'grus rtsom pa la zhum pa med do/ /gzhan yang / sdig pa mi dge ba'i chos rnam pa sna tshogs dang / 'jig pa'i chos yongs su spong ba'i phyir brtson 'grus spyod do/ /gzhan
93a6 yang / dge ba'i chos rnam pa sna tshogs spel zhing bskyed pa'i phyir brtson 'grus spyod do/ /de ltar byang chub sems dpas gdon mi za bar brtson 'grus lhun gyis grub kyang
93a7 brtson 'grus la mi chags te mnyam pa'i brtson 'grus la 'jug go / de ltar phyir mi ldog pa'i brtson 'grus lhun gyis grub pas gang zag de yang dag pa'i sbyor ba'i chos
93b1 thams cad khong du chud ci rtogs nas brtson 'grus rab tu spyod do/ /brtson 'grus shin tu brtsams pas gzhan gyi dring la mi 'jog ste/ brtson 'grus brtsams pa las shes rab kyi
93b2 snang ba thob cing phyir mi ldog pa'i mtshan nyid du lhun gyis grub pa'o/ /de ltar brtson 'grus las phyir mi ldog pa dang / brtson 'grus khyad par can du gyur pas brtson 'grus kyi dbang po
93b3 dang ldan pa zhes bya'o/ /'jig rten 'dzin/ de la ji ltar na byang chub sems dpa' sems dpa' chen po rnams dran pa'i dbang po thob cing dran pa'i dbang po la shin tu rnal 'byor can
93b4 du gyur pa zhe na/ byang chub sems dpa' sems dpa' chen po rnams dran pa rtse gcig tu sdud cing sbyin pa byin pa la 'jam pa dang / tshangs par spyod pa dang ldan par mthar phyin
93b5 par rnam par dag pa'i tshul khrims kyi phung po srung pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye
93b6 shes ston pa'i phung po shin tu srung ngo / /rtag tu lus dang / ngag dang / yid kyi las la sems shing dran par byed/ rtag tu mthar phyin pa'i dngos po la sems shing dran par byed/
93b7 chos thams cad skye ba dang / 'gog pa dang / gnas pa dang / 'pho ba'i mtshan nyid gyi thabs la sems shing dran par byed/ sdug bsngal ba dang / kun 'byung dang / 'gog
94a1 pa dang / lam gyi bden pa mthong ba dang / shes par bya ba la sems shing dran par byed/ dbang po rnams dang / stobs dang / byang chub kyi phyogs dang /
94a2 lam dang / ting nge 'dzin dang / rnam par grol ba dang / snyoms par 'jug pa'i sbyor ba la sems shing dran par byed/ chos thams cad mi skye ba dang / mi 'gag pa dang / mngon
94a3 par 'dus ma byas pa dang / ma byung ba dang / brjod du med pa'i mtshan nyid du sems shing dran par byed/ rtag tu ma skyes pa'i shes rab 'thob par bya ba la sems shing dran
94a4 par byed/ bzod pa'i ye shes dang / spong ba'i ye shes dang / 'gog pa'i ye shes phun sum tshogs par 'dod pa la sems shing dran par byed/ sangs rgyas kyi
94a5 chos thams cad phun sum tshogs par 'dod pa la dran par byed/ nyan thos dang / rang sangs rgyas kyi chos kyis sems la glags mi rnyed par sems shing dran par
94a6 byed| rtag tu thogs pa med pa'i ye shes dran par bya ba la sems shing dran par byed de/ yang dag par sems pa na lus kyi chos de dag rig pas dran pa de las mi ldog
94a7 mi nyams so/ /de ltar rtog pa las gzhan gyi dring la mi 'jog na gang zag des de lta bu'i snying po yod pa'i dran pa khyad par can du gyur pas dran pa'i dbang po dbang ldan pa
94b1 zhes bya'o/ /'jig rten 'dzin/ de la ji ltar na byang chub sems dpa' sems dpa' chen po rnams ting nge 'dzin gyi dbang po thob cing ting nge 'dzin gyi sbyor ba thob pa zhe na/ byang
94b2 chub sems dpa' sems dpa' chen po rnams 'phags pa'i sa la gnas pa na rtag tu ting nge 'dzin spyod kyang ting nge 'dzin la mi gnas/ ting nge 'dzin la mi chags te/ ting nge
94b3 'dzin gyi mtshan nyid la shin tu 'jug pa dang / ting nge 'dzin gyi sbyor ba la shin tu thob pa dang / ting nge 'dzin shin tu bskyed pa dang / mi dmigs pa'i ting nge 'dzin spyod pas
94b4 ting nge 'dzin thams cad kyi sgo la shin tu mkhas pa dang / ting nge 'dzin du 'jug pa la mkhas pa dang / ting nge 'dzin gnas pa la mkhas pa dang / ting nge 'dzin las ldang ba
94b5 la mkhas pa dang / ting nge 'dzin la mi rten pa dang / dmigs pa'i mtshan nyid la shin tu mkhas pa dang / de bzhin nyid kyi mtshan nyid dmigs pa la mkhas pa'o/ /ting
94b6 nge 'dzin thams cad kyi ro la'ang mkhas te/ ting nge 'dzin la dbang du gyur pas gzhan gyi dring la mi 'jog cing ting nge 'dzin gyi dbang du mi 'gyur te/ ting nge 'dzin las dbang
94b7 dang mthu'ang thob bo/ /ting nge 'dzin las dka' ba cung zad kyang med par 'dod pa bzhin du gang zag des de ltar ting nge 'dzin khyad par can du gyur pas na/ ting nge 'dzin gyi
95a1 dbang po thob pa dang / ting nge 'dzin gyi dbang po sbyor ba thob pa zhes bya'o/ /'jig rten 'dzin/ de la ji ltar na byang chub sems dpa' sems dpa'
95a2 chen po rnams shes rab kyi dbang po dang ldan pa dang / shes rab kyi dbang po sbyor ba thob pa zhe na/ byang chub sems dpa' sems dpa' chen po rnams shes rab kyi dbang
95a3 po khong du chud cing rtogs pa ni/ 'di lta ste/ yang dag pa ji lta ba bzhin du sdug bsngal rnams 'gog par 'gyur ro/ /gang zag des de ltar shes rab kyi gnas dang / shes
95a4 rab kyi las khong du chud cing rtogs pas rtog pa las dpen te/ rtog pa btang snyoms su gyur pas mya ngan las 'da' ba la rjes su gzhol ba'i shes rab yongs su rdzogs
95a5 par 'gyur ro/ /shes rab kyi dbang po lhun gyis grub pas khams gsum 'di dag ni kun gcig tu 'bar bar shes so/ /khams gsum 'di dag ni thams cad kyang sdug
95a6 bsngal ba ste/ shes rab de lta bus na khams gsum na mi gnas so/ /gang zag des de ltar khams gsum 'di dag ni thams cad kyang stong pa nyid de/ mtshan ma
95a7 med pa/ smon pa med pa/ ma skyes pa/ mngon par 'dus ma byas pa/ ma byung ba/ 'dus byas kyi chos kyi lam las 'das pa/ sangs rgyas kyi chos phun sum tshogs
95b1 bar rtog pas mgo'i thod la me 'bar ba bzhin du brtson 'grus shin tu rtsom mo/ /byang chub sems dpa' de'i shes rab ni gzhig nus pa med de/ shes rab de lta bu khong du chud
95b2 pas khams gsum las shin tu 'das te khams gsum gyi dngos po mi gnas so/ /'dus byas kyi chos thams cad yongs su bcad de/ rnam par chags pa dang / bcings pa'i
95b3 chos la mi gnas so/ /'dod pa'i rnam pa lnga la sems kyis skyo zhing gzugs yod pa dang / gzugs med pa'i khams la mi gnas pas shes rab khyad par can dang ldan zhing
95b4 rgya mtsho chen po ltar yon tan tshad med pa dang ldan no/ /shes rab des na chos thams cad kyi sbyong ba la thogs pa med par 'gyur ro/ /gang zag des de ltar shes rab kyis
95b5 khams gsum khong du chud cing rtogs pas khams gsum la sems mi chags te/ shes rab khyad par can du gyur pas shes rab kyi dbang po dang / shes rab kyi sbyor ba
95b6 thob pa zhes bya'o/ /'jig rten 'dzin/ ci'i phyir dbang po zhes bya zhe na/ mchog tu gyur pa'i phyir dbang po zhes bya/ mi g.yo ba'i phyir dbang po zhes bya/ mi shigs
95b7 pa'i phyir dbang po zhes bya/ phyir mi ldog pa'i phyir dbang po zhes bya/ gzhan gyi dring la mi 'jog pa'i phyir dbang po zhes bya/ mi 'phrogs pa'i phyir dbang po zhes bya/ yang
96a1 dag pa'i chos la gzhol ba'i phyir dbang po zhes bya/ mi chags pa'i phyir dbang po zhes bya/ ma bral ba'i phyir dbang po zhes bya'o/ /gzhan yang
96a2 'jig rten 'dzin/ byang chub sems dpa' sems dpa' chen po rnams sems can rnams kyis dbang po la shin tu mkhas pa'i dbang po rnams kyi khyad par slob pa la'ang
96a3 mkhas par byed do/ /byang chub sems dpas 'dod chags dang ldan pa'i sems kyi dbang po rnams kyang shes/ sems can 'dod chags dang bral ba'i dbang po'ang
96a4 shes| sems can zhe sdang dang ldan pa'i dbang po'ang shes/ sems can zhe sdang dang bral ba'i dbang po'ang shes/ sems can gti mug dang ldan pa'i dbang po'ang
96a5 shes| sems can gti mug dang bral ba'i dbang po'ang shes/ sems can ngan song du ltung bar 'gyur ba'i dbang po'ang shes/ sems can lhar skye ba dang / mir skye ba'i
96a6 dbang po'ang shes/ sems can des pa'i sems can gyi dbang po'ang shes/ sems can gyi dbang po rab dang / sems can gyi dbang po 'bring dang / sems can gyi
96a7 dbang po tha ma'ang shes/ sems can gyi dbang po nyams pa dang / sems can gyi dbang po ma nyams pa'ang shes/ sems can brtson pa dang / mi brtson pa'i dbang po'ang shes/
96b1 sems can thabs la mkhas pa dang / thabs la mi mkhas pa'ang shes/ sems can kha na ma tho ba dang bcas pa dang / kha na ma tho ba med pa dang / dri ma dang bcas pa dang / dri
96b2 ma med pa dang / zhe sdang dang bcas pa dang / zhe sdang med pa dang / rjes su gzhol ba dang / rjes su mi gzhol ba dang / thogs pa dang bcas pa dang / thogs pa med pa'i
96b3 dbang po'ang shes/ sems can gyi 'dod pa'i khams kyi 'du byed dang / gzugs yod pa'i khams dang / gzugs med pa'i khams kyi 'du byed kyi dbang po'ang shes/ sems
96b4 can gyi dge ba'i rtsa ba stug pa dang / dge ba'i rtsa ba srab pa dang / nges pa dang / ma nges pa dang / log par nges pa'i dbang po'ang shes/ sems can ser sna dang bcas pa dang /
96b5 ser sna med pa dang / rgod pa dang / mi rgod pa dang / slu ba'i chos can dang / mi slu ba'i chos can dang / 'phyar ba dang / mi 'phyar ba dang / khro zhing mi bzod pa dang / des shing
96b6 bzod pa dang / shin tu ser sna dang bcas pa dang / sbyin pa dang ldan pa'i dbang po'ang shes/ sems can gyi dad pa'i dbang po dang / ma dad pa'i dbang po dang / bsti stang
96b7 dang bcas pa dang / bsti stang med pa dang / tshul khrims dang ldan pa dang / tshul khrims rnam par mdag pa dang / bzod pa dang ldan pa dang / le lo dang bcas pa dang /
97a1 brtson 'grus dang ldan pa dang / sems g.yeng ba dang / sems ting nge 'dzin la mnyam par 'jog pa dang / 'chal pa'i shes rab dang / shes
97a2 rab ldan pa dang / glen pa dang / glen pa med pa dang / nga rgyal dang bcas pa dang / nga rgyal med pa dang / yang dag pa'i lam spyod pa dang / lam ngan pa spyod pa dang /
97a3 dran pa nyams pa dang / dran pa dang ldan pa dang / blo dang ldan pa dang / dbang po 'khrugs pa dang / dbang po sdud pa dang / dbang po nyams pa dang / dbang po ma nyams pa
97a4 dang | dbang po ma dag pa dang / dbang po dag pa dang / theg pa chung du'i dbang po dang / rang sangs rgyas kyi dbang po dang / byang chub sems dpa'i dbang po dang / bla na
97a5 med pa'i byang chub kyi dbang po'ang shes so/ /byang chub sems dpa' des de ltar dbang po'i khyad par dang / sbyor ba las shin tu 'das pas sems can de dag gi dbang po'i
97a6 khyad par rnam par 'byed pa la mkhas pa zhes bya'o/ /shes rab kyis gzhan gyi dring la mi 'jog pa'i phyir dbang po'i sbyor ba thob pa zhes bya'o/ /gzhan gyis mi 'phrogs
97a7 pa zhes bya/ mi shigs pa zhes bya/ phyir mi ldog pa zhes bya/ sbyor ba'i stobs thob pa zhes bya/ dbang po la 'jug pa zhes bya/ lha dang / klu dang / gnod
97b1 sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa la sogs pa'i dbang po thob pa zhes bya/ dbang po
97b2 mchog thob pa zhes bya/ mi 'jigs mi g.yo ba thob pa zhes bya/ pha rol tu phyin pa zhes bya/ tshad med pa'i yon tan lhun gyis grub pa zhes bya ste/ chos thams cad la mthu dang /
97b3 dbang myur du thob par 'gyur ro/ /dbang po lnga zhes bya ba'i le'u ste bdun no// //'jig rten 'dzin ces bya ba'i mdo/ bam po bzhi pa ste tha ma/ 'jig rten
97b4 'dzin/ gzhan yang / ji ltar na byang chub sems dpa' sems dpa' chen po rnams 'phags pa'i lam la mkhas pa zhe na/ byang chub sems dpa' sems dpa' chen po rnams
97b5 'phags pa'i lam la bde bar gnas pa dag gi lam zhes bya ba gang zhe na/ 'di lta ste/ 'phags pa'i lam brgyad de/ de dag kyang yang dag pa'i lta ba dang / yang dag pa'i
97b6 rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag
97b7 pa'i ting nge 'dzin to/ /'jig rten 'dzin/ de la byang chub sems dpa' sems dpa' chen po rnams 'phags pa'i lam gyi yan lag brgyad po la spyod pa ni gang 'phags pa'i
98a1 lam gyi yan lag brgyad po la sbyor ba thob pa gang zhe na/ byang chub sems dpa' sems dpa' chen po rnams yang dag pa'i lta bar gyur pas yang
98a2 dag par lta ba la bde bar gnas te/ lta ba thams cad yongs su bcad pa'i phyir lam la nan tan du byed de/ lta ba thams cad yongs su bcad pa'i phyir lam la bde bar
98a3 gnas shing mya ngan las 'das par lta ba dang / sangs rgyas su lta ba'i bar du yang yongs su gcod do/ /de ci'i phyir zhe na/ 'jig rten 'dzin/ ji tsam du lta bar gyur pa
98a4 thams cad ni mya ngan las 'da' bar lta ba dang / sangs rgyas su lta ba'i bar du thams cad kyang ngan par lta ba ste/ lta ba la chags pa thams cad yongs su 'jig cing gzhom
98a5 pa'i phyir yang dag par lta ba zhes bya'o/ /gzhan yang / lta ba med cing lta bar mi len pa dang / mi sems pa dang / mi chags pa dang / mi dmigs pa dang / mi spyod pa dang /
98a6 lta ba thams cad du rnam par mi rtog pa ni yang dag par lta ba zhes bya'o/ /yang dag par lta ba des ci mthong zhe na/ 'jig rten 'di dag thams cad yang dag pa ma yin pa'i phyin
98a7 ci log tu lta bas yongs su bcings par mthong ngo / /de ltar mthong ba'i tshe na lta ba thams cad yongs su gcad pa la bde bar gnas pa zhes bya'o/ /yang dag par lta ba de
98b1 nyid la'ang mi sems/ mi lta/ mi chags/ rnam par mi rtog ste/ mya ngan las 'das par lta ba dang / sangs rgyas su lta ba'i bar du med pa ni lta ba thams cad mi skyed pa la nan
98b2 tan byed pa'i phyir ro/ /de la ji ltar na yang dag par lta bas chos thams cad rab tu zhi ba dang / rang bzhin gyis mi skye mi 'gog cing mya ngan las 'das pa dang mthun pa gang zhe
98b3 na| 'di ltar mi rtog pa dang / rnam par mi rtog pa'i chos thams cad la mi rtog/ rnam par mi rtog/ mngon sum du byed pa'ang ma yin/ mi mtho/ mi dma'/ mi len/ mi
98b4 gtong ba ste/ de ni 'jig rten las 'das pa'i yang dag par lta ba zhes bya'o/ /de la ji ltar na 'jig rten las 'das pa'i yang dag par lta ba gang zhe na/ gang 'jig rten du'ang
98b5 mi dmigs/ 'jig rten las 'das par yang mi dmigs/ 'jig rten las 'das par yang mi dmigs te rnam par mi rtog pas na 'jig rten las 'das pa'i yang dag par
98b6 lta ba zhes bya'o/ /gzhan yang / yang dag par lta ba zhes bya ba ni 'jig rten la ji ltar shes pa dang / mthong ba ltar 'jig rten las 'das pa'ang de bzhin de/ gang 'jig rten dang /
98b7 gang 'jig rten las 'das par yang rnam par mi rtog cing rnam par rtog pa'i 'du shes thams cad yongs su gcad pa'i phyir 'jig rten las 'das pa'i yang dag par lta ba zhes
99a1 bya'o/ /gang zhig ngan par yang mi lta la/ yang dag par yang mi lta zhing sems kyis rtog pa thams cad yongs su bcad pa ni yang dag par lta ba zhes
99a2 bya'o| |gzhan yang / yang dag par lta ba ni chos thams cad la khyad par med pa ni yang dag par lta ba zhes bya'o/ /gzhan yang / yang dag par lta ba ni yang dag pa ji lta ba bzhin
99a3 du ngan par lta ba'i don shes pa'o/ /gzhan yang / yang dag par lta ba ni ngan par lta ba thams cad mnyam pa nyid du rtogs pa ste/ de dag ni byang chub sems dpa' rnams yang
99a4 dag par lta ba la bde bar gnas pa zhes bya'o/ /'jig rten 'dzin/ byang chub sems dpa' sems dpa' chen po rnams yang dag par lta ba la bde bar gnas nas yang dag
99a5 pa ji lta ba bzhin du yang dag pa'i rtog pa shes te/ de 'di snyam du ji tsam du rtog par gyur pa thams cad log pa yin pas mya ngan las 'das par rtog pa'am/ sangs rgyas su rtog
99a6 pa'i bar du thams cad ngan par rtog pa'o snyam du sems so/ /de ci'i phyir zhe na/ rnam par rtog pa yongs su bcad pa ni yang dag par rtog pa zhes bya'o/ /rnam par mi
99a7 rtog pa ni yang dag par rtog pa'o/ /rnam par rtog pa dang bcas pa ni rnam par rtog pa'o/ /de ci'i phyir zhe na/ de ltar rtog pa thams cad kyi mtshan nyid mthong zhing shes
99b1 pas na ngan par rtog pa med de/ gang zag de ni 'di'am gzhan zhes rnam par rtog par mi 'gyur ro/ /de ltar yang dag pa'i rtog pa la gnas pas na yang dag par rtog pa'am/ ngan par
99b2 yang rnam par mi rtog ste/ de ltar rnam par rtog pa thams cad dang bral bas rnam par rtog pa las 'das te yang dag pa'i rtog pa zhes bya'o/ /yang dag par rtog pa zhes bya ba ni rnam
99b3 par rtog pa thams cad las yang dag pa ma yin pa/ mi bden pa/ phyin ci log las byung bar mthong zhing shes te/ rnam par rtog pa thams cad la rnam par mi rtog go /de ltar
99b4 yang dag par rtog pa las gnas nas yang dag pa'am/ ngan par rtog pa la mi dmigs te/ rnam par rtog pa dang bral ba/ rnam par rtog pa las 'das pa/ rnam par rtog pa
99b5 yongs su bcad pas na yang dag par rtog pa zhes bya'o/ /de ltar de'i tshe na rnam par rtog pa thams cad kyis ma bcings te rnam par rtog pa thams cad kyi rang bzhin mnyam par shes
99b6 shing mthong ba ni yang dag par rtog pa las gnas pa zhes bya'o/ /'jig rten 'dzin/ byang chub sems dpa' sems dpa' chen po rnams yang dag pa'i ngag la rtsom pa ni ji
99b7 snyed kyi tshig tu smra ba thams cad yang dag pa ma yin pa/ mi bden pa/ phyin ci log las byung ba /log par rnam par brtags pa/ rgyu dang / rkyen mang po las byung bar shes nas 'di snyam
100a1 du ji tsam du tshig tu smra ba nyid la dmigs su med de/ tshig thams cad 'gags nas yang dag pa ji lta ba bzhin du ngag gi las thams cad shes pa ni
100a2 yang dag pa'i ngag ces bya'o/ /tshig tu smra ba'i ngag de nyid kyang gang nas kyang ma 'ongs la gang du'ang mi 'gro ba mthong na yang dag pa'i ngag ces bya'o/ /de ltar de'i tshe na yang dag
100a3 pa'i mtshan nyid la bde bar gnas pas ji tsam du tshig tu smra ba thams cad yang dag pa'i ngag ces bya'o/ /de bas na yang dag pa'i ngag la bde bar gnas na don dam pa'i rnam
100a4 par dag pa'i ngag gi las la gnas pa zhes bya ste/ ngag gi las kyi mtshan nyid shes shing mthong ba dang / tshig tu smra ba'i ngag thams cad khong du chud cing tshig tu smra ba
100a5 thams cad 'khrul pa med pas de bas na yang dag pa'i ngag la gnas pa zhes bya'o/ /'jig rten 'dzin/ byang chub sems dpa' sems dpa' chen po rnams las thams
100a6 cad la ngan pa log pa'i las su shes so/ /las thams cad la yang dag pa ma yin pa/ ci'ang med pa/ mngon par 'dus ma byas pa/ ma byung bar shes so/ /de ci'i
100a7 phyir zhe na/ las thams cad la nges pa'i mtshan nyid med de/ las thams cad 'gog pa'i phyir yang dag pa'i las zhes bya'o/ /yang dag pa'i las zhes bya ba ni las
100b1 ngan pa'am/ las yang dag par rnam par mi rtog go /las rnams kyi mnyam pa nyid la zhugs pas log pa'am/ yang dag par rnam par mi rtog pas de'i phyir yang dag pa'i
100b2 las zhes bya'o/ /yang dag pa'i las zhes bya ba ni khams gsum la ma chags pa'i don yang dag pa ji lta ba bzhin du shes shing mthong ba'i don to/ /yang dag pa'i de kho na
100b3 nyid la mnyam pa nyid du gyur pas yang dag pa 'am/ log par mi rtog go /byang chub sems dpa' de ltar yang dag pa'i las la yang dag pa ji lta ba bzhin du las thams cad
100b4 shes shing mthong ba'i phyir chos thams cad mi len/ mi mthong ste/ de bas na yang dag pa'i las kyi mtha' la nan tan byed pa zhes bya'o/ /yang dag pa'i las la las ngan
100b5 pa med de/ yang dag pa ji lta ba bzhin du shes shing mthong bas yang dag pa'i las kyis mtha' la gnas pa zhes bya'o/ /'jig rten 'dzin/ byang chub sems dpa' sems
100b6 dpa' chen po rnams 'tsho ba thams cad la log pa'i 'tsho bar shin tu shes so/ /de ci'i phyir zhe na/ ji tsam du 'tsho ba'i mtshan ma dang / chos kyi mtshan ma dang / len pa'i
100b7 mtshan ma nas mya ngan las 'da' pa'i mtshan ma dang / sangs rgyas kyi mtshan ma'i bar dang / rnam par dag pa dang / sangs rgyas su mtshan mar 'dzin te/ de la tshor ba
101a1 rnam par dag par 'dzin na log par 'tsho ba zhes bya'o/ /yang dag par 'tsho ba ni 'tsho ba'i yo byad la chags pa thams cad btang ste tshong dpogs
101a2 kyang yongs su bcad nas rtog pa med cing spros pa med la spros pa thams cad las 'das pa ni yang dag pa'i 'tsho ba zhes bya'o/ /yang dag pa'i 'tsho ba la ngan pa'i 'tsho ba'am/
101a3 yang dag pa'i 'tsho bar rnam par mi rtog pa ni thams cad du rnam par dag pa'i 'tsho ba 'thob par 'gyur bas de bas na rnam par dag pa'i yang dag pa'i 'tsho ba thob pa zhes bya'o//
101a4 gzhan yang / 'tsho ba thams cad ni kun kyang ma skyes pas log pa'am/ yang dag pa med de/ gang zag de ni rnam par dag pa'i 'tsho ba thob cing yang dag pa'i lam la bde bar gnas
101a5 pa spros pa med pa'o/ /yang dag pa'i 'tsho ba de la gnas pas yang dag pa'i 'tsho ba mi len/ log par 'tsho ba mi spong ste/ de bas na yang dag pa'i 'tsho ba la gnas pa zhes
101a6 bya'o/ |gang de'i tshe de ltar gyur pa ni yang dag pa la gnas pa zhes kyang mi bya/ ngan pa la gnas pa zhes kyang mi bya ste/ rnam par dag pa mnyam pa nyid kyi 'tsho ba thob ste/
101a7 'tsho ba'i mtshan ma dang bral bas g.yo ba med/ mngon par 'du bya ba med/ 'tsho bar mi rtog/ 'tsho ba ma yin par mi rtog go /de ni yang dag pa ji lta ba bzhin du shes
101b1 ba dang / yang dag pa ji lta ba bzhin du mthong ba ste/ de bas na yang dag pa'i 'tsho ba la gnas pa zhes bya'o/ /'jig rten 'dzin/ de la byang chub sems dpa' sems dpa' chen po rnams
101b2 yang dag pa'i rtsol ba la mkhas pa ni gang / byang chub sems dpa' sems dpa' chen po rnams yang dag pa'i rtsol ba la gnas pa ni gang zhe na/ byang chub sems dpa' rnams brtson
101b3 'grus kyi lam thams cad gcod pa'i phyir yang dag pa'i rtsol ba la gnas pa zhes bya'o/ /de ci'i phyir zhe na/ rtsol ba thams cad ni kun kyang log pa ste/ ji tsam du bskyed pa dang /
101b4 byed pa dang / spyod pa thams cad kyang log pa'o/ /de ci'i phyir zhe na/ chos thams cad ni byed pa log pa las byas par yod par gyur te/ thams cad yang dag pa ma yin no/ /yang dag
101b5 pa ma yin pas na log pa'o/ /yang dag pa'i rtsol ba zhes bya ba ni bskyed pa med/ byas pa med/ spyod pa med/ smon pa med de/ chos thams cad la byas pa yongs su bcad pa'o/ /byang
101b6 chub sems dpa' chos thams cad la byed pa yongs su bcad pas mya ngan las 'das pa'i mtshan ma'am/ sangs rgyas kyi mtshan ma'i bar du'ang byed pa'i mtshan ma mi skyed do/ /de
101b7 ltar bya ba thams cad la yang dag pa ma yin par shes pas bya ba med pa'i phyir rnal 'byor du spyod do/ /gang yang dag pa'i rtsol ba la ni mngon par 'du bya ba med de/ chos
102a1 thams cad mnyam pa/ khyad par med pa/ mngon par 'du bya ba med pa/ mngon par 'du byed pa'i mtshan ma la shin tu 'das
102a2 so| |byang chub sems dpas de ltar brtson 'grus la brtson 'grus ma yin par shes te/ mi len mi gtong bas yang dag pa'i rtsol ba la gnas pa zhes bya'o/ /yang dag pa'i
102a3 rtsol ba ni brtson 'grus la dmigs su med pa'i don to/ /chos rnams la yang dag pa ji lta ba bzhin du shes shing mthong ba'i don to/ /gang de ltar yang dag pa'i rtsol ba
102a4 mthong ba ni yang dag pa'i rtsol ba'am/ log pa'i rtsol bar rnam par mi rtog ste/ de bas na yang dag pa'i brtson 'grus zhes bya'o/ /'jig rten 'dzin/ de la ji ltar na byang
102a5 chub sems dpa' sems dpa' chen po rnams yang dag pa'i dran pa la mkhas pa zhe na/ byang chub sems dpa' sems dpa' chen po rnams dran pa thams cad dran pa log
102a6 par shes so/ /ji tsam du dran pa nye bar gzhag pa thams cad dran pa log pa'o/ /de ci'i phyir zhe na/ dran pa thams cad ni dran pa log pa ste/ gal te gnas la dmigs
102a7 nas dran pa skyed na'ang dran pa log pa ste/ gang sems pa dang / dran pa med pa ni yang dag pa'i dran pa zhes bya'o/ /de ci'i phyir zhe na/ dran pa thams cad ni yang dag pa ma yin
102b1 par log par dmigs pa'i rkyen las byung bas na de'i phyir ji tsam du dran pa skye bar gnas de thams cad log pa'o/ /dmigs pa'i gnas mi skye mi 'gog pa ni yang dag pa'i dran
102b2 pa zhes bya'o/ /gang dran pa'i las 'byung ba'i gnas med pa ni rnam par dag pa'i dran pa la bde bar gnas pa zhes bya ste/ de la ni dran pa log par 'byung ba'i gnas med do/ /de
102b3 ltar chos thams cad log par shes shing mthong bas yang dag pa'i chos la dran pa med de/ de'i phyir na yang dag pa'i dran pa la gnas pa zhes bya'o/ /yang dag pa'i dran pa zhes
102b4 bya ba ni chos thams cad ni log pa'i dran pa dang / yang dag pa'i dran pa rnam par mi 'byed pa'o/ /de ltar dran pa thams cad la dran pa'i mtshan ma med par khong du chud cing rtogs
102b5 pas rtag tu btang snyams kyi sems drug spyod de/ de'i phyir na yang dag pa'i dran pa dang / gnas pa zhes bya'o/ /de ltar de la chags shing zhen pa med pas dran pa med par yang rnam
102b6 par mi rtog go/ chos thams cad la dran pa thams cad mnyam pa nyid du rtogs so/ /de ltar yang dag pa ji lta ba bzhin du dran pa thams cad shes shing mthong bas dran pa'am/ dran pa
102b7 ma yin par mi len/ mi gtong ste/ de bas na yang dag pa'i dran pa la gnas pa zhes bya'o/ /de ltar dran pa des mnyam pa'am/ mi mnyam pa nyid du rnam par mi 'byed la/ dran pa
103a1 dang / dran pa ma yin pa la'ang mi 'jug mi dmigs so/ /de ltar mi dmigs pas dran pa thams cad la dran pa ma yin par shes te/ dran pa dang /
103a2 dran pa ma yin pa la sems mi 'byed do/ /de ltar des yang dag pa'i dran pa la gnas pas bstan du med/ brjod du med/ tshig tu smra ba'i lam thams cad bcad pa/ tshig
103a3 tu smra ba'i lam thams cad dang bral ba'o/ /yang dag pa ji lta ba bzhin tshig tu smra ba thams cad shes pas bdag gam/ gzhan du rnam par mi 'byed do/ /de bas na yang dag
103a4 pa'i dran pa la gnas pa zhes bya'o/ /'jig rten 'dzin/ de la ji ltar na byang chub sems dpa' sems dpa' chen po rnams yang dag pa'i ting nge 'dzin la gnas pa zhe na/ byang
103a5 chub sems dpa' sems dpa' chen po rnams ting nge 'dzin thams cad la log pa'i ting nge 'dzin du rtogs so/ /de ci'i phyir zhe na/ ji tsam du chos thams cad la ting nge 'dzin
103a6 du mi dmigs pa la zhugs pa las ting nge 'dzin la mtshan mar shes/ ting nge 'dzin gyi dga' ba la 'jug pas ting nge 'dzin gyi mtshan ma thams cad log pa'o/ /log pa ni
103a7 chags pa'i don yin gyi de ni ting nge 'dzin gyi de lta ma yin no/ /ji ltar dmigs pa la zhugs pa'i mtshan ma nyid log pa'i mtshan ma med cing re ba med/ spros pa med/ rtog
103b1 pa med pa ni ting nge 'dzin ces bya'o/ /gal te chags shing zhen pa med na bdag gam/ gzhan du rnam par mi rtog ste/ chags pa'i dga' ba bcad nas ting nge 'dzin gyi rol mi len cing
103b2 ting nge 'dzin du 'jug pa'i mtshams bcad de/ sems ci la'ang mi gnas pa ni yang dag pa'i ting nge 'dzin ces bya'o/ /gzhan yang / yang dag pa'i ting nge 'dzin ces bya ba ni ting nge
103b3 'dzin thams cad la mi gnas shing spros pa med pa la yang dag pa ji lta ba bzhin du chos kyi ngo bo nyid rtogs pas ting nge 'dzin gyi mtshan nyid la shin tu mkhas shing sems ci la'ang
103b4 mi chags pa'o/ /bdag dang / gzhan du rtog pa'i lam gcod cing ji skad du smra ba la'ang rnam par mi rtog la rnam par rtog pa thams cad bcad pa'i phyir yang dag pa'i ting nge 'dzin
103b5 ces bya'o/ /gzhan yang / yang dag pa'i ting nge 'dzin ces bya ba ni ting nge 'dzin log pa'am/ yang dag pa'i 'du shes mi skyed cing 'du shes thams cad bcom pa/ 'du shes thams
103b6 cad bcad pa/ 'du shes thams cad 'gags pa'i phyir yang dag pa'i ting nge 'dzin ces bya'o/ /yang dag pa'i ting nge 'dzin ces bya ba ni log pa'am yang dag pa mi skyed la/ log
103b7 pa/ yang dag par rnam par mi 'byed pa ni yang dag pa'i ting nge 'dzin ces bya'o/ /de ci'i phyir zhe na/ byang chub sems dpa' ting nge 'dzin du sbyor ba thams cad khong du chud cing
104a1 yang dag pa'i ting nge 'dzin la gnas pas ting nge 'dzin nam/ ting nge 'dzin gyi mtshan mas 'ching bar mi 'gyur te/ ting nge 'dzin gyi mtshan ma la shin
104a2 tu 'das pas yang dag pa'i ting nge 'dzin la gnas pa zhes bya'o/ /gzhan yang / chos thams cad la spros pa med cing mnyam pa'i chos la log pa 'am/ yang dag par spros pa med
104a3 do| |yang dag pa'i ting nge 'dzin ni chos thams cad mnyam pa'i don to/ /yang dag pa'i ting nge 'dzin ni ting nge 'dzin thams cad dang / khams gsum gyi 'dus byas kyi chos
104a4 thams cad las shin tu 'das pa yang dag pa ji lta ba bzhin du lam rgyud lngar 'khor ba thams cad shes shing mthong ba'i don to/ /'jig rten 'dzin/ de ltar na byang chub
104a5 sems dpa' sems dpa' chen po rnams 'phags pa'i lam la mkhas pa dang / lam gyi sbyor ba la mkhas pa ste/ de ltar yang dag pa ji lta ba bzhin du shes shing
104a6 mthong bas mya ngan las 'das pa'i bar du phyin par 'gyur ro/ /'phags pa'i lam yan lag brgyad ces bya ba'i le'u ste brgyad do// //'jig rten
104a7 'dzin/ de la byang chub sems dpa' sems dpa' chen po rnams 'jig rten dang / 'jig rten las 'das pa'i chos la mkhas pa ni gang / 'jig rten dang /'jig rten las
104b1 'das pa'i chos la sbyor ba thob pa ni gang zhe na/ 'jig rten 'dzin/ byang chub sems dpa' sems dpa' chen po rnams 'jig rten dang / 'jig rten las 'das pa'i chos yang dag
104b2 pa nyid du rtogs so/ /de la 'jig rten gyi chos gang zhe na/ byang chub sems dpa' 'di snyam du de tsam du chos la rtog pa dang / rnam par rtog pa ni phyin ci log las skyes te/ rgyu dang / rkyen
104b3 gyis bskyed pas yang dag pa ma yin pa la rag lus so/ /mtshan ma gnyis las byung bas stong pa ci'ang med pa ni nya lcibs la snang ba'i kha dog sna tshogs dang me mgal bskor ba
104b4 lta bu ste/ bus pa so so'i skye bo dag slu ba'o/ /'jig cing nyams pa'i chos can las bla dgas su 'jig rten ces btags pa ste/ de la 'jig rten zhes bya'o/ /'jig rten gyi chos
104b5 'di dag ni thams cad bden pa ma yin te/ yang dag pa ma yin pa'i rkyen las skyes par byas pa dang / byung ba'i mtshan nyid med de/ phung po dang / khams dang / skye mched dang /
104b6 gzugs dang / sgra dang / dri dang / ro dang / reg bya dang / chos la btags te ming dang / gzugs kyi phyir bshad do/ /bus pa so so'i skye bo sems chags shing zhen pas rnam pa
104b7 sna tshogs kyi rjes su chags shing zhen pa ni kha tshar dar 'dzings pa'am/ rtswa khri shing glags pa gcig la gcig 'brel pa lta bu ste/ phyin ci log dang ldan pa rjes su 'jig
105a1 rten gyi chos zhes brjod do/ /de la 'jig rten las 'das pa'i chos gang zhe na/ ji ltar 'jig rten gyi chos thog ma nas yang dag pa ji lta ba bzhin du dben
105a2 pa ni 'jig rten las 'das pa zhes bya'o/ /de ci'i phyir zhe na/ mkhas pa dag ni 'jig rten gyi chos kyang dmigs su med/ 'jig rten las 'das pa'i chos kyang dmigs su med de/
105a3 'jig rten dag 'jig rten las 'das pa'i gnas kyang dmigs su med do/ /de la 'jig rten dang / 'jig rten las 'das pa'ang rnam par brtag tu med de/ 'jig rten gyi phyir 'jig
105a4 rten las 'das pa zhes brjod kyi 'jig rten gyi yang dag pa'i mtshan nyid ni 'jig rten las 'das pa'o/ /de ci'i phyir zhe na/ 'jig rten zhes bya ba la nges pa'i mtshan nyid du dmigs
105a5 su med do/ /'jig rten dang / 'jig rten las 'das pa'i mtshan nyid ni thog ma nas stong pa nyid de/ 'jig rten gyi chos la nges pa'i mtshan nyid med pa'i phyir ro/ /'jig rten ni
105a6 thog ma nas rab tu zhi ba'i mtshan nyid do/ /byang chub sems dpas de ltar 'jig rten dang / 'jig rten las 'das pa'i chos la dmigs su med par rtog pas 'jig rten gyi chos
105a7 la'ang mi chags/ 'jig rten las 'das pa la'ang mi chags so/ /de ltar 'jig rten dang / 'jig rten las 'das pa'i chos la mi rton cing mi chags pas 'jig rten dang
105b1 rtsod par mi 'gyur ro/ /de ci'i phyir zhe na/ mkhas pa dag ni 'jig rten la yang dag pa ma yin pa'i mtshan nyid khong du chud cing rtogs so/ /'jig rten la yang dag pa ma yin par mthong
105b2 bas 'jig rten nam 'jig rten las 'das par mi rtog go /de ci'i phyir zhe na/ 'jig rten 'dzin/ 'jig rten zhes bya ba ni nye bar len pa'i phung po lnga'i don to/ /'jig rten gyi chos
105b3 thams cad der ma 'dus pa med do/ /mkhas pa dag gis brtags na phung po med de/ phung pos phung por mi dmigs/ phung po'i rang bzhin du mi dmigs/ phung po 'ongs pa'i
105b4 gnas dmigs su med/ 'dug pa'i gnas kyang dmigs su med/ song ba'i gnas kyang dmigs su med de/ phung po lnga dang / skye mched bcu gnyis dang / khams bco brgyad
105b5 kyang dmigs su med/ rnam par brtag tu med/ ming med/ rang bzhin med/ mtshan nyid med/ spyod du med pas 'jig rten las 'das pa zhes bya'o/ /'jig rten 'dzin/ byang
105b6 chub sems dpa' sems dpa' chen po rnams 'jig rten dang / 'jig rten las 'das pa'i chos yongs su rtog pa'i tshe 'jig rten gyi chos rnams 'jig rten las 'das pa'i chos dang
105b7 lhan cig pa ma yin/ 'jig rten las 'das pa'i chos kyang 'jig rten gyi chos dang bral ba ma yin/ de ltar gang zag des de ltar 'jig rten dang ma bral bar 'jig rten las 'das
106a1 pa'i chos kyang mthong ngo / /'jig rten las 'das pa'i chos dang ma bral bar 'jig rten gyi chos rnams kyang mthong ngo / /de ltar gang zag des spyod pa rnam pa
106a2 gnyis la mi dmigs pa ni/ 'di lta ste/ 'jig rten dang / 'jig rten las 'das pa'o/ /de ci'i phyir zhe na/ 'jig rten 'dzin/ 'jig rten gyi yang dag pa'i mtshan nyid ni 'jig
106a3 rten las 'das pa'o/ /'jig rten la 'jig rten gyi mtshan nyid dmigs su med/ 'jig rten gyi chos la 'jig rten gyi chos dmigs su med de/ de ltar ci'ang med pas chos
106a4 de rtogs shing / khong du chud pa na 'jig rten las 'das pa zhes bya'o/ /'jig rten 'dzin/ ci ste 'jig rten zhes bya ba 'jig rten las 'das pa dang tha dad pa ma yin na sangs
106a5 rgyas bcom ldan 'das 'jig rten du'ang mi 'byung la/ de bzhin gshegs pas 'jig rten thams cad dmigs pa med par yang mi gsung ngo / /'jig rten thams cad ni
106a6 ma skyes pas yang dag pa ji lta ba bzhin du 'jig rten thams cad shes shing mthong ngo / /'jig rten 'dzin/ gang 'jig rten du mi dmigs shing 'jig rten la mi 'jug pa de
106a7 ni 'jig rten las 'das pa'o/ /de bas na 'di ltar shes par bya ste/ yang dag pa ji ltar bzhin du 'jig rten rtogs shing 'jig rten dmigs su med par khong du chud pas
106b1 'jig rten las 'das pa zhes bya'o/ /de bas na sangs rgyas bcom ldan 'das 'jig rten du byung ngo / /ji tsam du chos su gtogs pa 'jig rten nam/ 'jig rten las 'das pa thams cad mi
106b2 gnyis pa/ dbyer med par yang dag pa ji lta ba bzhin du shes shing mthong bas 'jig rten las 'das pa'i chos zhes gsungs so/ /'jig rten 'dzin/ de ltar 'jig rten ni shin
106b3 tu zab cing gting dpag dka' ba'o/ /'jig rten gyi chos la gnas pa dang / 'jig rten gyi chos la dmigs pa dang / 'jig rten las 'das pa'i chos la re ba dang / kun rdzob tu smra
106b4 ba'i tshig la don dam pa'i mtshan nyid du dmigs pa dang / chos gnyis la gnas pa ni chos 'di la 'bab cing 'jug par mi 'gyur ro/ /de ci'i phyir zhe na/ de ltar gang zag de ni
106b5 'jig rten mi shes/ 'jig rten las 'das pa mi shes te chos rnam pa gnyis spyod pa'o/ /'jig rten 'dzin/ chos rnam pa gnyis spyod pa na 'jig rten dang / 'jig rten las 'das pa
106b6 chud cing rtogs par mi 'gyur ro/ /'jig rten 'dzin/ byang chub sems dpa' sems dpa' chen po rnams de ltar 'jig rten dang / 'jig rten las 'das pa'i chos la shin tu mkhas
106b7 pa dang / 'jig rten dang / 'jig rten las 'das pa'i chos kyi sbyor ba'ang thob pa'o/ /'jig rten dang / 'jig rten las 'das pa'i chos zhes bya ba'i le'u ste dgu pa'o// //
107a1 'jig rten 'dzin/ de la byang chub sems dpa' sems dpa' chen po 'dus byas dang / 'dus ma byas pa'i chos shin tu mkhas pa ni gang / 'dus byas
107a2 dang | 'dus ma byas pa'i chos kyi sbyor ba thob pa ni gang zhe na/ 'jig rten 'dzin/ byang chub sems dpa' sems dpa' chen po rnams 'dus byas dang / 'dus ma byas pa'i chos
107a3 rnams rnam par 'byed cing yang dag par rtog go /de la ji ltar na 'dus byas kyi chos la rnam par 'byed cing yang dag par rtog pa zhe na/ 'dus byas kyi chos ni mngon par 'dus
107a4 pa ste tshor ba byed/ 'dus byas kyi chos ni rang skyes shing rang bgrang ba'i grangs su gtogs pas 'dus byas kyi chos zhes bya'o/ /'dus byas kyi chos ni yang dag pa ma yin pa'i
107a5 rgyu dang / rkyen 'dus pa'i 'du byed kyi dbang gis so/ /'du byed ces bya ba ni bgrang ba'i grangs su gtogs shing mtshan nyid gnyis kyi rkyen gyis shes pa'i phyir 'dus byas kyi chos
107a6 zhes btags so/ /'dus byas kyi chos de ni byas pa med/ byed pa med kyi rang skyes pas bskyed pa'ang med do/ /de bas na 'dus byas kyi chos zhes bya'o/ /'dus byas kyi chos
107a7 rnams ni nang na mi gnas/ phyi rol na mi gnas/ gnyis ka'i bar na mi gnas/ gcig pa ma yin/ tha dad pa ma yin te/ yang dag pa ma yin pa'i kun tu brtags pa las
107b1 chung ngo / /ma rig pa'i dbang gis byung gi yod pa ma yin te/ 'du byed kyi mthus spyod pa yod kyang byas pa med/ byung ba med pas 'dus byas zhes bya'o/ /'dus byas zhes bya ba ni mtshan
107b2 mas bcings pa'i don te/ bus pa ma rabs phyin ci log la chags pa'i phyir bshad do/ /mkhas pa dag shin tu chung cing rtogs pa ni 'dus byas kyi chos su mi dmigs/ 'dus byas
107b3 kyi chos su rtogs par mi dmigs so/ /mkhas pa dag ni grangs su mi bgrang ba'i phyir 'dus byas kyi chos zhes bya'o/ /de ci'i phyir zhe na/ mkhas pa dag 'dus byas kyi rnam pa de la
107b4 ji ltar na chud cing rtogs pa zhe na/ mkhas pa dag ni 'dus byas kyi chos thams cad yang dag pa ma yin pa dngos po med cing rnam par bcings pa med de/ bgrang ba'i grangs su mi
107b5 rtogs par blta'o/ /de ltar yongs su rtog pa'i tshe 'dus byas kyi chos la'ang mi chags/ 'dus byas kyi chos su'ang mi len to/ /de ci'i phyir zhe na/ 'jig rten 'dzin/ 'dus byas
107b6 kyi chos las gzhan pa 'dus ma byas pa'i chos yod pa'am/ 'dus ma byas kyi chos las gzhan pa 'dus byas kyi chos yod pa ma yin te/ 'dus byas kyi de kho na'i mtshan nyid de
107b7 ni 'dus ma byas pa'o/ /de ci'i phyir zhe na/ 'dus byas kyi nang sna 'dus byas pa med/ 'dus ma byas kyi nang na 'dus ma byas pa med kyi skye bo phyin ci log tu thar pa dag gis 'dus
108a1 byas kyi mtshan nyid shes shing mthong bar bya ba'i phyir 'di ni 'dus byas ba'o/ /'di ni 'dus ma byas pa'o/ /'di ni 'dus byas kyi mtshan nyid do/ /'di
108a2 ni 'dus ma byas pa'i mtshan nyid do zhes rnam par phye ste bshad do/ /de la 'dus byas kyi mtshan nyid ces bya ba gang zhe na/ 'di lta ste/ skye ba dang / 'gog pa dang / gnas pa dang /
108a3 'pho ba'o/ /de la 'dus ma byas pa'i mtshan nyid ces bya ba gang zhe na/ 'di lta ste/ mi skye ba dang / mi 'gog pa dang / mi gnas pa dang / mi 'pho ba'o/ /de ltar 'dus byas kyi
108a4 mtshan nyid dang / 'dus ma byas pa'i mtshan nyid kyang bus pa so so'i skye bo dag bkri ba'i don du gsungs so/ /'jig rten 'dzin/ 'dus byas kyi chos ni ma skyes pa'i mtshan
108a5 nyid/ mi 'gog pa'i mtshan nyid/ mi gnas pa dang / mi 'pho ba'i mtshan nyid do/ /gnas pa dang / 'pho bar gsungs pa'ang mtshan ma med cing skye ba med do/ /gal te 'dus ma
108a6 byas kyi chos la mtshan nyid gsum du yod par nges na ni bcom ldan 'das kyis 'di dag ni skye ba'i mtshan nyid/ 'di dag ni 'gog pa'i mtshan nyid/ 'di dag ni gnas pa dang /
108a7 'pho ba'i mtshan nyid do zhes gcig tu chad par gsungs pa'i rigs na/ 'jig rten 'dzin/ de bzhin gshegs pas ni chos thams cad mtshan ma med par gsungs
108b1 so| |'jig rten 'dzin/ ma skyes pa la gal te mtshan ma yod dam/ mi 'gog pa la gal te mtshan ma yod dam/ mi gnas pa dang / mi 'pho ba la gal te mtshan ma yod na bcom ldan
108b2 'das kyis kyang 'dus ma byas pa'ang nges par mtshan ma yod ces gsungs par 'gyur ro/ /'jig rten 'dzin/ ci ste 'dus ma byas pa la mtshan ma yod na de ni 'dus ma byas pa ma yin
108b3 no| |mtshan ma can du bshad pa dang / bus pa so so'i skye bo dag chos la grangs su gcod pa dag ni 'dus byas la mtshan nyid gsum du gsungs te/ skye ba dang / 'gog pa dang / gnas
108b4 shing 'pho ba'o/ /'dus ma byas pa'i mtshan nyid gsum ni ma skyes pa dang / mi 'gog pa dang / gnas pa dang / 'pho ba med pa'o/ /'jig rten 'dzin/ skyes bu la las 'dus byas
108b5 dang | 'dus ma byas pa'i chos chud cing rtogs na skyes bu de la ni skye ba dang / 'gog pa dang / gnas shing 'pho ba med de/ de bas na 'dus ma byas thob pa zhes bya'o/ /'jig rten 'dzin
108b6 skye ba dang / 'gog pa ni kun 'byung 'byung ba'i don shes shing mthong ba yin no/ /chos la kun 'byung med na 'byung ba med do/ /kun 'byung ma skyes na phyir ldog pa med de/ gnas shing
108b7 'pho ba'ang med do/ /'jig rten 'dzin/ de dag ni 'dus byas kyi de kho na nyid yang dag pa ji lta ba bzhin du mthong zhing shes pa zhes bya'o/ /gang gis de ltar yang dag pa ji lta ba
109a1 bzhin du shes shing mthong ba skye ba dang / 'gog pa dang / gnas shing 'pho ba'i grangs su mi ltung ngo / /byang chub sems dpas de ltar 'dus
109a2 byas dang / 'dus ma byas pa'i chos la 'di snyam du 'dus byas kyi chos dang / 'dus ma byas pa'i chos dang lhan cig par mi lta/ 'dus ma byas pa'i chos kyang 'dus byas kyi
109a3 chos dang lhan cig par mi lta'o snyam du bsams nas/ yang 'di snyam du 'dus byas kyi chos kyi de kho na'i mtshan nyid ni 'dus ma byas pa nyid do snyam sems shing rnam par
109a4 mi rtog go |'dus byas dang / 'dus ma byas pa'i chos su rnam par mi rtog pas de nyid 'dus ma byas pa'i chos so/ /gal te 'dus byas dang / 'dus ma byas rnam par rtog na des
109a5 'dus ma byas pa chud cing rtogs par mi 'gyur ro/ /gang gis rnam par rtog pa thams cad yongs su bcad na 'dus ma byas pa'i de kho na nyid du chud cing rtogs pa zhes
109a6 bya'o| |dmigs pa'i mtshan nyid rtogs pa/ dmigs pa kun bcad pa/ grangs sam/ grangs pa ma yin par mi rtogs so/ /'jig rten 'dzin/ de dag ni byang chub sems
109a7 dpa' sems dpa' chen po rnams 'dus byas dang / 'dus ma byas pa'i chos la sbyor ba zhes bya ste/ de'ang 'dus byas kyi chos sam/ 'dus ma byas pa'i chos su mi dmigs
109b1 pas ni mi chags pa dang / mi 'dzin to/ /'dus byas dang / 'dus ma byas pa zhes bya ba'i le'u ste bcu'o// //'jig rten 'dzin/ gal te byang chub sems dpa' sems
109b2 dpa' chen po rnams de ltar phung po lnga la shin tu mkhas pa dang / khams bco brgyad la shin tu mkhas pa dang / skye mched bcu gnyis la shin tu mkhas pa dang / rten cing 'brel bar
109b3 'byung ba bcu gnyis la shin tu mkhas pa dang / dran pa nye bar gzhag pa bzhi la shin tu mkhas pa dang / dbang po lnga la shin tu mkhas pa dang / 'phags pa'i lam yan lag
109b4 brgyad pa la shin tu mkhas pa dang / 'jig rten dang / 'jig rten las 'das pa'i chos la shin tu mkhas pa dang / 'dus byas dang / 'dus ma byas pa'i chos la shin tu mkhas pas chos
109b5 thams cad kyi de kho na'i mtshan nyid kyang shin tu mkhas la/ chos rnams kyi mtshan nyid rnam par 'byed pa la'ang shin tu mkhas shing dran pa'i mthu rnyed pa dang / chos thams cad
109b6 kyi tshig rnam par 'byed pa'i blo dang ldan pa dang / lus 'di brjes ma thag tu dran pa rgyun mi 'chad pa dang ldan zhing bla na med pa yang dag par rdzogs pa'i byang chub kyi bar du thob par
109b7 'gyur ro/ /'jig rten 'dzin/ sngon bskal pa tshad med grangs med pa 'das pa de'i tshe de'i dus na/ dzam+bu chu klung gi gser gyi ri rab ri'i rgyal po zhes bya ba/ de bzhin gshegs pa
110a1 dgra bcom pa/ yang dag par rdzogs pa'i sangs rgyas mkhyen pa dang zhabs su ldan pa/ bde bar gshegs pa/ 'jig rten rig pa/ bla na med pa/ skyes
110a2 bu 'dul zhing kha lo sgyur ba/ lha dang / mi'i ston pa/ sangs rgyas bcom ldan 'das 'jig rten du mngon par byung ngo / /'jig rten 'dzin/ bcom ldan 'das dzam+bu chu klung gi gser gyi
110a3 ri rab ri'i rgyal po'i tshe'i tshad ni bskal pa lnga snyed do/ /nyan thos kyi dge 'dun gyi 'khor yang tshad med do/ /sangs rgyas kyi zhing de yongs su dag la rab tu bde ba dang ldan no/ /de na
110a4 gnas pa'i sems can dag kyang rab tu bde zhing skyid la 'dod chags dang / zhe sdang dang / gti mug gi shas srab pa/ gdul sla ba/ bcos sla ba/ rnam par dag par sla ba sha
110a5 stag go /'jig rten 'dzin/ bcom ldan 'das dzam+bu chu klung gi gser gyi ri rab ri'i rgyal po'ang byang chub sems dpa'i 'khor rnams la sems can thams cad kyi the tshom
110a6 gcod pa byang chub sems dpa'i sde snod ces bya ba'i mdo ston to/ /'jig rten 'dzin/ de'i tshe na 'khor de na byang chub sems dpa' rin chen 'od ces bya ba zhig phung po dang /
110a7 khams dang / skye mched dang / rten cing 'brel te 'byung ba dang / dran pa nye bar gzhag pa bzhi dang / dbang po lnga dang / 'phags pa'i lam gyi yan lag brgyad dang / 'jig
110b1 rten dang / 'jig rten las 'das pa'i chos dang / 'dus byas dang / 'dus ma byas pa'i chos la sbyor ba bshad pa thos nas de'i tshe shin tu brtson 'grus brtsams te tshe lo khri phrag nyi shu'i bar
110b2 du'ang nam du'ang ngan sems ma bskyed de/ 'dod chags kyi sems dang / zhe sdang gi sems dang / gti mug gi sems dang / khe dang / grags pa dang / zas dang / skom dang
110b3 gos dang / lhung bzed la bsam pa'i sems ma skyes kyi chos 'di sbyor ba la 'jug pa'i phyir brtson 'grus chen po bskyed do/ /'jig rten 'dzin/ byang chub sems dpa' sems
110b4 dpa' chen po rin chen 'od de bcom ldan 'das dzam+bu chu klung gi gser gyi ri rab ri'i rgyal po'i bstan pa la nam 'tsho'i bar du tshangs par spyad pa spyod de/ des tshe 'phos nas phyir yang
110b5 sangs rgyas kyi zhing de nyid du skyes nas gzhon nu las tshe 'phos nas phyir yang sangs rgyas kyi zhing de nyid du skyes te tshangs par spyad pa spyod do/ /bskal pa de re re na'ang skye ba lnga brgya
110b6 len te tha mar bcom ldan 'das dzam+bu chu klung gi gser gyi ri rab ri'i rgyal po yongs su mya ngan las 'das su nye ba na bskal pa lnga po'i tha mar shin tu mang du thos pa dang / 'di lta
110b7 bu'i yang dag pa'i mtshan nyid kyi chos la sbyor ba'ang thob cing sangs rgyas de las chos thos pa dag thams cad yongs su dran par gyur te/ de ltar dran pa'i mthu dang ldan pas
111a1 bcom ldan 'das la 'di skad ces gsol to/ /bcom ldan 'das/ chos kyi rnam grangs 'di dag bdag gis rgyas par bstan par 'tshal na gnang
111a2 bar mdzad du gsol lo/ /tshe de nyid du sems can tshad med dpag tu med pa rnams bla na med pa yang dag par rdzogs pa'i byang chub tu btsud par gyur to/ /bcom ldan 'das/
111a3 dzam+bu chu klung gi gser gyi ri rab ri'i rgyal po yongs su mya ngan las 'das pa'i tshe byang chub sems dpa' rin chen 'od kyis chos bsrung bar bya ba'i phyir rjes su bzung nas bcom
111a4 ldan 'das yongs su mya ngan las 'das pa'i 'og tu dam pa'i chos bskal pa gcig gi bar du gnas par gyur ro/ /bskal pa gcig la skye ba lnga brgya'i bar du rtag tu mi'i nang
111a5 du skye zhing rab tu byung nas chos thams cad kyi yang dag pa nyid bskyed cing 'phel bar byed do/ /gzhan yang / sems can tshad med dpag tu med pa'i sems can la phan pa dang
111a6 bde ba'i don byas so/ /'jig rten 'dzin/ byang chub sems dpa' rin chen 'od de bzhin du mthar gyis sangs rgyas khri phrag du ma dang phrad nas tha ma sangs rgyas tshad med
111a7 'od kyis lung bstan pa/ bskal pa grangs med pa 'das nas gdod bla na med pa yang dag par rdzogs pa'i byang chub tu lung bstan par 'gyur ro/ /bskal pa grangs med pa de
111b1 nyid kyi tshe na'ang sangs rgyas khri phrag khrag khrig brgya stong dang phrad de/ de nas bla na med pa yang dag par rdzogs pa'i byang chub tu mngon par rdzogs par 'tshang rgya ste/ don thams cad gdon
111b2 mi za ba'i rgyan zhes bya ba/ de bzhin gshegs pa/ dgra bcom pa/ yang dag par rdzogs pa'i sangs rgyas/ mkhyen pa dang / zhabs su ldan pa/ bde bar gshegs pa/ 'jig rten rig pa/ bla
111b3 na med pa/ skyes bu 'dul ba'i kha lo sgyur ba/ lha dang / mi'i ston pa/ sangs rgyas bcom ldan 'das zhes bya ba ste/ byang chub sems dpa'i 'khor tshad med dpag tu med do/ /nyan thos
111b4 kyi dge 'dun gyi 'khor yang grangs med de/ sangs rgyas de'i tshe'i tshad kyang bskal pa gnyis te/ sangs rgyas de'i zhing rab tu bde ba dang ldan zhing rgyan dam pas shin tu brgyan to/ /'jig
111b5 rten 'dzin/ de bas na byang chub sems dpa' rnams chos de dag gi sbyor ba la shin tu mkhas par 'dod pa dag shin tu brtson 'grus su chos 'di dag la bslab pa dang / 'don pa dang /
111b6 nan tan bya'o/ /gzhan yang / byang chub sems dpa' sems dpa' chen po rnams chos de dag la sbyor ba thob par 'dod pa dag chos rnam pa bzhi la shin tu brtson par bya'o/ /bzhi
111b7 gang zhe na/ 'di lta ste/ khyim nas khyim ma yin par rab tu byung ba dang / gcig pu 'dug pa dang / tshul khrims rnam par dag pa dang / le lo'i sems yongs su bsal bar
112a1 bya'o| |byang chub sems dpa'i chos rnam pa de bzhi dang ldan pas mang du thos pa la brtson zhing bzod pa la bde bar gnas pas myur du chos rnam pa bzhi
112a2 dang phrad par 'gyur ro/ /bzhi gang zhe na/ 'di lta ste/ dzam+bu'i gling gi dbus su skye ba dang / sangs rgyas dang phrad pa dang / chos kyi rjes su spyod pa dang / sdig pa'i las kyi sgrib
112a3 pa sel bar 'gyur ro/ /gzhan yang / 'jig rten 'dzin/ byang chub sems dpa' sems dpa' chen po rnams chos 'di la shin tu brtson pa dag ni sbyin pa'i stobs rnam par
112a4 dag par 'gyur ba dang / tshul khrims rnam par dag pa dang / bzod pa rnam par dag pa dang / brtson 'grus rnam par dag pa dang / bsam gtan rnam par dag pa dang / shes
112a5 rab kyi stobs rnam par dag par 'gyur te/ byang chub sems dpa' sems dpa' chen po rnams chos 'di la gnas na de la sbyor ba'i stobs myur du thob par 'gyur ro/ /
112a6 gzhan yang / 'jig rten 'dzin/ byang chub sems dpa' sems dpa' chen po rnams sbyangs pa'i yon tan gyi chos phra mo spyod kyang sems can dag la snying rje chen po'i sems
112a7 dang ldan no/ /de ltar snying rje chen po'i sems la zhugs pas chos de dag gi sbyor ba la shin tu brtson par 'gyur ro/ /'jig rten 'dzin/ gzhan yang / byang chub sems dpa'
112b1 sems dpa' chen po chos 'di lta bu dag thob par 'dod pa dag gzungs kyi sgor 'jug pa la shin tu brtson par bya'o/ /de la gzungs kyi sgor 'jug pa la brtson pa gang zhe na/ 'di lta
112b2 ste| chos thams cad kyi rkyen tshad med pa la rtog pa dang / tshad med pa thams cad kyi rtog pa la sbyor ba dang ldan pa'i sbyor ba tshad med pa la rtog pa'o/ /de ltar brtson pa'i tshe ting nge
112b3 'dzin gyi sgor sbyor bas chos thams cad kyi sgo tshad med pa'i rkyen la 'jug pa dang / tshad med pa'i sbyor ba dang ldan pa'i 'jug pa de lta bu'i mthu dang ldan pas chos thams cad kyi yang
112b4 dag pa nyid la shin tu mkhas pa dang / chos thams cad kyi mtshan nyid rnam par 'byed pa la shin tu mkhas pa dang / dran pa'i mthu dang ldan pa dang / chos thams cad rnam par
112b5 'byed pa la shin tu mkhas pa'i shes rab dang ldan pa dang / lus 'phos nas kyang rgyun mi 'chad pa'i dran pa dang ldan pa dang / chos la phyir mi ldog pa nas nam bla na med pa yang
112b6 dag par rdzogs pa'i byang chub kyi bar du thob par 'gyur ro/ /'jig rten 'dzin/ gzhan yang / byang chub sems dpa' sems dpa' chen po rnams gzungs kyi sgor zhugs pas
112b7 na ci dang / cir ldan pa de'i rgyu dang / rkyen gyis chos thams cad rtogs te/ rgyu dang / rkyen gcig gis rgyu dang / rkyen stong la 'jug cing shes rab kyi rjes su chos thams cad la sbyor ba'ang thob
113a1 bo/ /'jig rten 'dzin/ gzhan yang / byang chub sems dpa' sems dpa' chen po rnams de ltar chos la brtson 'grus bskyed pas mtshan nyid gcig pa'i
113a2 sgo'i ting nge 'dzin la 'jug par 'gyur ro/ /mtshan nyid gcig pa'i sgo'i ting nge 'dzin thob nas mtshan nyid tshad med pa'i ting nge 'dzin la 'jug go /de ltar zhugs nas rnam pa sna
113a3 tshogs kyi rgyu dang / rkyen dang / thabs kyis chos thams cad kyi sgor 'jug go /de ltar byang chub sems dpa' rnams chos thams cad kyi sgor zhugs pas chos thams cad la sbyor ba
113a4 thob par gyur to/ /'jig rten 'dzin/ gzhan yang / byang chub sems dpa' sems dpa' chen po rnams shes rab mang du bsgoms pas bsam gtan gyi mtshan nyid la shin tu
113a5 mkhas pa dang / dmigs pa med pa'i ting nge 'dzin la shin tu mkhas par 'gyur ro/ /de ltar ting nge 'dzin de'i shugs kyis dmigs pa tshad med pa dang / ting nge 'dzin las
113a6 ldang ba tshad med pa la mkhas par 'gyur ro/ /de ltar byang chub sems dpas 'di la gnas na chos thams cad kyi yang dag pa'i mtshan nyid la sbyor ba thob par 'gyur ro/ /'jig
113a7 rten 'dzin/ gzhan yang / byang chub sems dpa' sems dpa' chen po rnams rtag tu 'jig rten la dmigs pa'i thabs la rtog pa dang / 'dus byas kyi chos la dmigs pa
113b1 la rtog pa dang / gzhan yang / chos thams cad la dmigs pa'i thabs rnam par 'jig pa la brtson pa'i nan tan byed de/ de la chags pa'i gnas kyang med do/ /byang chub sems
113b2 dpa' de ltar chos de la bsgoms pas chos thams cad kyi yang dag par sbyor ba myur du thob par 'gyur ro/ /'jig rten 'dzin/ gzhan yang / byang chub sems dpa' sems dpa'
113b3 chen po rnams shin tu brtson 'grus bskyed de/ sbyor ba'i stobs bskyed kyang chos thams cad kyi yang dag pa'i mtshan nyid rtog cing 'jig rten gyi bde ba la mi gnas/ 'jig rten gyi
113b4 chos dang 'dres par mi spyod do/ /de lta bu'i chos dang ldan pas na myur du chos rnams kyi yang dag pa'i mtshan nyid la mkhas par 'gyur zhing chos rnams kyi mtshan nyid rnam par 'byed
113b5 pa la shin tu mkhas pa dang / dran pa'i mthu thob pa dang / chos thams cad kyi rnam grangs 'byed pa la mkhas pa'i shes rab thob pa dang / lus 'di 'phos nas kyang rgyun mi 'chad
113b6 pa'i dran pa dang ldan zhing bla na med pa yang dag par rdzogs pa'i byang chub kyi bar du thob par 'gyur ro/ /'jig rten 'dzin/ de bas na byang chub sems dpa' sems dpa' chen
113b7 po rnams chos 'di dag gi pha rol tu phyin par 'dod pa dag chos 'di ji ltar bstan pa bzhin du yongs su bsgom par bya'o/ /'jig rten 'dzin/ khyod kyis chos 'di la shin tu brtson
114a1 par bsgoms na ring por mi thogs par chos 'di la thogs pa med pa'i ye shes thob par 'gyur ro/ /'jig rten 'dzin/ sngon 'das pa'i bskal pa
114a2 tshad med/ dpag tu med/ bsam gyis mi khyab/ grangs med pa 'das pa de'i dus na/ tshad med yon tan 'od kyi rgyal po zhes bya ba/ de bzhin gshegs pa/ dgra bcom pa/ yang
114a3 dag pa rdzogs pa'i sangs rgyas/ mkhyen pa dang / zhabs su ldan pa/ bde bar gshegs pa/ 'jig rten rig pa/ bla na med pa skyes bu 'dul zhing kha lo sgyur ba/ lha dang / mi'i ston
114a4 pa| sangs rgyas bcom ldan 'das 'jig rten du mngon par 'byung ngo / /bcom ldan 'das tshad med 'od kyi yon tan rgyal po de'i tshe'i tshad ni bskal pa gcig go /sangs rgyas
114a5 de'i zhing yang rin po che sna bdun gyi dra bas bla bre bres so/ /rin po che sna bdun gyi shing ta la rnams kyis 'jig rten gyi khams de yongs su brgyan to/ /shing ta la de dag la'ang
114a6 rin po che sna bdun gyi dra bas steng bla bre bres te/ shing de dag re re'i 'og na'ang seng ge'i khri re re ste/ shing ta la de dag kun las lha'i na bza' rang skyes so/ /seng ge'i khri
114a7 de dag kyang rin po che bai DUR+ya dang / dzam+bu'i chu klung gi gser dang / mu tig dmar po las byas pa'o/ /shing ta la de dag gi phyogs bzhi na bsung gi shing dang / me tog gi
114b1 shing gis bskor zhing brgyan to/ /shing de dag re re'i 'og na'ang rdzing bu re re ste/ yon tan brgyad dang ldan pa'i chus yongs su gang ngo / /rdzing bu de dag kyang shel dang / asmra garba
114b2 dang / mu tig dmar po las byas pa/ chu de dag gi steng na pad+ma sngon po dang / dmar po dang / dkar po dang / le brgan gyis steng yongs su khebs te/ rdzing de rnams kyi 'gram yang
114b3 rin po che sna bdun las byas so/ /'jig rten 'dzin/ sangs rgyas kyi zhing de ni de ltar rin po che mang pos yongs su brgyan te/ 'jig rten gyi khams de'i phyogs bzhi na/ gzhan yang /
114b4 sum cu rtsa gsum gnam gyi lha rdzas kyi shing pa ri dzA ta ka dang / ko bi dA ra stong phrag du mas 'jig rten gyi khams de'i mtha' yongs su bskor to/ /rin po che'i shing de dag gi 'od zer
114b5 gyis nyi ma dang / zla ba dang / skar ma'i 'od thams cad mi snang bar zil gyis mnan to/ /'jig rten 'dzin/ 'jig rten gyi khams de'i shing ta la dang / rin po che'i dra bar kun nas
114b6 rnam pa sna tshogs kyi sgra dbyangs dam pa ji ltar lha rnams kyi glu dang / bstod pa'i dbyangs lta bu rang 'byung ste/ rtag tu 'di lta bu'i dbyangs shin tu snyan pa grag go /ngan song gsum
114b7 med de/ ngan song gsum gyi ming tsam yang mi grag go /'jig rten 'dzin/ bcom ldan 'das tshad med 'od kyi yon tan rgyal pos sems can rnams la chos 'di dag rgyas par
115a1 gsungs so/ /'di lta ste/ shes rab kyi pha rol tu phyin pa dang / byang chub sems dpa'i sde snod sems can thams cad kyi the tshom gcod cing sems
115a2 can thams cad shin tu dga' bar byed pa zhes bya ba ston to/ /'jig rten 'dzin/ bcom ldan 'das tshad med 'od kyi yon tan rgyal po chos ston pa'i tshe nyin zhag gcig la'ang
115a3 sems can tshad med pa khri phrag brgya stong snyed bla na med pa yang dag par rdzogs pa'i byang chub tu sems bskyed de/ sems bskyed pa de dag thams cad kyang byang chub kyi tshogs
115a4 yongs su rdzogs par 'gyur ro/ /'jig rten 'dzin/ bcom ldan 'das tshad med 'od kyi yon tan rgyal pos de ltar sems can tshad med dpag tu med pa rnams bla na med pa
115a5 yang dag par rdzogs pa'i byang chub tu yongs su smin par byas so/ /sangs rgyas kyi zhing de na byang chub sems dpa' sems dpa' chen po'ang shin tu mang ngo / /'jig rten 'dzin/
115a6 bcom ldan 'das de yongs su mya ngan las 'das nas dam pa'i chos bskal pa phyed kyi bar du gnas par gyur to/ /bcom ldan 'das tshad med 'od kyi yon tan rgyal po yongs
115a7 su mya ngan las 'das nas dam pa'i chos rnam par 'jig tu nye ba na 'og ma'i phyogs sangs rgyas kyi zhing bcu 'das pa'i pha rol nas byang chub sems dpa' tshad med blo gros
115b1 zhes bya ba zhig de nas tshe 'phos te zhing 'dir skyes nas lo bcu drug lon pa dang rab tu byung ste/ bcom ldan 'das tshad med 'od kyi yon tan rgyal po'i chos rnam par 'jig tu nye ba na byang
115b2 chub sems dpa' sems dpa' chen po rnam par grol bar 'gyur ba phung po dang / khams dang / skye mched la sbyor ba'i mdo thos par gyur to/ /byang chub sems dpa' tshad med blo gros
115b3 kyis mdo sde 'di thos nas brtson 'grus chen po skyed de chos 'di dag gi mthar yang phyin cing sbyor ba'i mthu shin tu zab mo dang ldan par gyur to/ /byang chub sems dpa' de dge ba'i rtsa
115b4 ba de nyid kyi rgyu dang / rkyen gyis de nas tshe 'phos nas sangs rgyas khri phrag nyi shu dang phrad de chos 'di dag dang ldan par gyur to/ /sngon gyis gnas kyang rtag tu dran pas gzhon nu nas rab tu
115b5 byung ste/ tshangs par spyad par spyod cing rtag tu dran pa'i mthu dang ldan par gyur to/ /gang nas gang du skyes pa'i gnas kun tu chos 'di lta bu dang ma bral te skye ba'i gnas thams cad du
115b6 dran pa rgyun mi 'chad pa dang ldan te/ de nas bla na med pa yang dag par rdzogs pa'i byang chub tu mngon par sangs rgyas nas mtshan yang tshad med 'od kyi bkod pa'i rgyal po zhes bya'o//
115b7 'jig rten 'dzin/ de bas na byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya bar
116a1 'dod pa dang / thams cad mkhyen pa'i ye shes yongs su rdzogs par 'dod pa dag nga yongs su mya ngan las 'das nas lnga brgya tha ma la shin tu
116a2 brtson 'grus rtsom zhing yi dam chen po bskyed nas mos pa chen po dang / brtson 'grus chen po dang / bag byed pa chen po bskyed de/ phyi ma'i dus ngan par gyur pa de'i tshe
116a3 mdo sde 'di dag la sogs pa shin tu bsrung zhing bskyab par bya'o/ /de'i tshe byang chub sems dpa' bzang skyong la sogs pa 'dug pa stan las langs nas bcom ldan
116a4 'das gang na ba de ba de logs su thal mo sbyar te 'di skad ces gsol to/ /bcom ldan 'das/ bdag cag kyang phyi ma ma 'ongs pa'i dus lnga brgya'i tha ma la dam pa'i chos rnam
116a5 par 'jig tu nye ba na bdag cag gis mdo sde 'di dag la sogs pa bsrung zhing bskyab pa'i phyir brtson 'grus shin tu bskyed de klog pa dang / 'don pa dang / nyan pa dang / 'dzin
116a6 pa dang / gzhan dag la'ang rgya cher yang dag par bstan pa 'tshal lo/ /gzhan yang / byang chub sems dpa' stong du ma snyed 'dug pa las langs nas bcom ldan 'das ga
116a7 la ba de logs su thal mo sbyar nas mig mi 'dzum par blta zhing 'di skad du yi dam du bcas so/ /bcom ldan 'das/ bdag cag gis phyi ma ma 'ongs pa'i dus lnga brgya'i tha
116b1 ma la 'di lta bu shin tu zab mo chags pa med pa'i mdo sde sangs rgyas thams cad kyis snang ba/ byang chub sems dpa' thams cad kyi dge ba'i yon tan skye bar 'gyur ba/ byang chub
116b2 sems dpa' thams cad kyi byang chub kyi tshogs yongs su rdzogs par 'gyur ba bdag cag gis shin tu bsrung zhing 'dzin par 'tshal lo/ /chos 'di thos nas rnam par dag cing
116b3 sems rab tu dag par gyur te tshol ba dang / 'chang ba dang / 'dzin pa dang / 'don pa dang / klog pa la shin tu brtson par bgyi'o/ /de nas bcom ldan 'das bzhad mo 'dzum
116b4 pa mdzad pa dang / de'i tshe stong gsum gyi stong chen po'i 'jig rten gyi khams 'od zer gyis kun tu snang bar gyur te/ stong gsum gyi stong chen po'i 'jig rten gyi khams rnam pa
116b5 drug tu g.yos so/ /de'i tshe na dga' bo 'dug pa las langs nas bla gos phyogs gcig tu byas te pus mo g.yas pa'i lha ngas la btsugs nas bcom ldan 'das gang na ba de'i
116b6 logs su thal mo sbyar nas 'di skad ces gsol to/ /bcom ldan 'das/ ci'i rgyu/ ci'i rkyen gyis na deng 'dir bzhad mo 'dzum pa mdzad de sa chen po yang rab tu g.yos par gyur/
116b7 bcom ldan 'das kyis bka' stsal pa/ khyod kyis byang chub sems dpa' sems dpa' chen po 'di rnams yi dam chen po bcas nas phyi ma ma 'ongs pa'i dus su shin tu zab
117a1 mo'i mdo sde chags pa med pa'i chos 'di lta bu shin tu bsrung zhing 'dzin par yi dam bcas pa mthong ngam/ dga' bo/ byang chub sems dpa' 'di dag
117a2 ni skye ba 'di gcig bur yi dam 'di lta bur bcas pa ma yin gyi/ dga' bo/ ngas mngon par dran te byang chub sems dpa' 'di dag gis sangs rgyas kyi zhing tshad med dpag tu
117a3 med pa rnams su'ang yi dam 'di lta bu bcas te dus gsum du sangs rgyas de dag gi chos kyang shin tu bsrungs te sems can tshad med dpag tu med pa rnams la phan pa dang / bde
117a4 ba'i don byas so/ /de'ang dus gsum du nga'i chos kyang skyob cing bsrung bar 'gyur te/ da ltar gyi dus dang / nga mya ngan las 'das pa'i 'og chos rnam par 'jig tu nye ba na sems
117a5 can tshad med pa rnams la phan pa dang / bde ba'i don byed par 'gyur ro/ /'jig rten 'dzin/ bzang skyong la sogs pa dus gsum du nga'i chos bsrung bar ma zad kyi bskal pa bzang po'i
117a6 sangs rgyas thams cad kyi chos kyang dus gsum du bsrung zhing 'dzin par 'gyur ro/ /de bzhin du ma 'ongs pa'i dus kyi sangs rgyas kyi chos 'di lta bu dag kyang bsrung zhing 'dzin
117a7 par 'gyur ro/ /dga' bo/ ngas skyes bu de dag gi yon tan tshad med pa lhun gyis grub pa dang / sems can tshad med pa rnams la phan pa dang / bde ba'i don byas pa bshad
117b1 na brjod kyis mi rdzogs so/ /dga' bo/ ngas skyes bu de dag gi yon tan kun bshad na skye bo dag yid ches par mi 'gyur ro/ /gal te skye bo dag sangs rgyas kyi gsung la yid ches
117b2 par ma gyur na yun ring por bde ba stor nas sdug bsngal mang po myong zhing ngan song du ltung bar 'gyur ro/ /dga' bo/ byang chub sems dpa' sngon gyi smon lam la gnas pa ni ma
117b3 gtogs te/ sems can la phan pa dang / bde ba'i don byas pa phyogs gcig cig bshad par bya'o/ /gal te stong gsum gyi stong chen po'i 'jig rten gyi khams de'i sems
117b4 can yongs su gang ba thams cad dmyal ba chen por lhung la/ de la skyes bu gcig gis 'di skad du de dag la khyed rnams ma 'jigs shig /khyed rnams kyi sems can dmyal
117b5 ba chen po'i sdug bsngal kun so so nas nga blang ngo zhes smras te/ sems can de dag ni dmyal ba chen po las thar pa de dag gi dmyal ba'i sdug bsngal kun so sor re re nas lo
117b6 brgya stong gi bar du lus kyis blangs na/ dga' bo/ de khyod kyis yid la ji snyam/ skyes bu des shin tu bde ba chen po dang / phan pa chen po byas pa yin nam/ dga' bos gsol
117b7 pa| bcom ldan 'das/ de ni shin tu phan pa chen po dang / bde ba chen po bgyis pa lags so/ /dga' bo/ skyes bu des sems can de dag dmyal ba las phyung nas kyang bdag gi
118a1 mthu rtsal gyis thams cad 'jig rten gyi bde ba mchog dam pa dang ldan pa byas na/ dga' bo/ skyes bu des shin tu drin gyis phan btags shing sems
118a2 can dag la shin tu bde ba byin nam/ dga' bos gsol pa/ skyes bu des phan par bgyis pa ni tshig gis brjod par sla ba ma lags so/ /dga' bo/ ngas der bden par gsungs
118a3 te| byang chub sems dpa' bzang skyong la sogs pas sems can la phan pa dang / bde ba'i don byas pa'i gan na skyes bu des phan pa dang / bde ba'i don byas pa ni rtsis sam/ bgrang
118a4 ba'am/ dpe'i bar du'ang nye bar mi 'gro'o/ /de ci'i phyir zhe na/ dga' bo/ skyes bu des bde ba'i yo byad kyis phan pa byas pa ni thams cad kyang 'dus byas kyi chos dang 'brel
118a5 pa yin pas skyo zhing chog shes pa'i phyir ma yin/ 'dod pa spong ba'i phyir ma yin/ shes rab kyi phyir ma yin/ dge sbyong gi 'bras bu'i phyir ma yin/ mya ngan las 'da'
118a6 ba'i phyir ma yin no/ /dga' bo/ byang chub sems dpa' de dag gis sems can dag la phan pa dang / bde ba'i don byas pa ni bla na med pa'i bde ba dang / mkhas pa dag sangs
118a7 rgyas kyi byang chub tshol ba la mos pa byin pa/ sangs rgyas kyi mdzad pa byed pa/ yang dag pa'i gnas su ma chud pa dag nyan thos dang / rang sangs rgyas kyis thob par
118b1 'gyur ba dang / sangs rgyas kyi chos kyis byang chub sems dpa' rnams la bstan cing gsungs pas phan pa dang / dga' bar 'gyur ro/ /dga' bo/ byang chub sems dpa' rnams bstan
118b2 cing brjod de phan pa dang / dga' bar byas pas byang chub sems dpa' rnams sangs rgyas kyi gdung rgyun mi 'chad par bya ba'i phyir thams cad mkhyen pa'i ye shes kyi gdung bskyab
118b3 cing bsrung ba'i phyir 'jig rten na gnas so/ /dga' bo/ skyes bu de dag sngon 'das pa'i dus na byang chub sems dpa'i spyad pa spyod pa na bskal pa bye ba khrag khrig brgya stong gi bar du
118b4 sangs rgyas rgyun mi 'chad par byed pa dang / ma 'ongs pa'i dus su'ang bskal pa tshad med pa khrag khrig brgya stong gi bar du sangs rgyas rgyun mi 'chad par byed do/ /de ci'i phyir zhe na/
118b5 dga' po/ byang chub sems dpa' de dag sngon byang chub sems dpa'i spyad pa spyod pa na sangs rgyas tshad med pa rnams sangs rgyas kyi byang chub la btsud de byang chub sems dpa' de
118b6 rnams skye ba thams cad du chos yongs su bskyabs nas sangs rgyas khris phrag brgya stong rnams bla na med pa yang dag par rdzogs pa'i byang chub tu lhun gyis grub par byas so/ /de nas
118b7 kyang sems can grangs med pa brgya stong rnams sangs rgyas kyi byang chub la btsud de/ bstan cing bslabs pa'i mthus sangs rgyas kyi chos phun sum tshogs pa na thams cad bla na
119a1 med pa yang dag par rdzogs pa'i byang chub tu mngon par 'tshang rgya'o/ /dga' bo/ bzang skyong la sogs pa skye bo mang po la sangs rgyas kyi bde ba dang /
119a2 thams cad mkhyen pa'i bde ba stobs pa'i phyir shin tu brtson 'grus rtsom mo/ /dga' bo/ de la gang zhig byang chub sems dpa'i pha dang / ma lta bu dang / gnas dang / skyabs dang / byang chub
119a3 sems dpa' rnams kyi 'byung gnas gang yin pa bshad par 'dod na bzang skyong la sogs pa byang chub sems dpa' brgya po yin par rig par bya'o/ /dga' bo/ de la gang
119a4 zhig byang chub sems dpa' rnams kyi rigs skye bar 'gyur zhes 'dri na/ de la/ 'di skad du/ bzang skyong la sogs pa byang chub sems dpa' brgya po yin no zhes bshad par bya'o/ /
119a5 de ltar rigs kyi bu de dag ni sangs rgyas kyi gdung rgyun mi 'chad pa dang / thams cad mkhyen pa'i ye shes kyi gdung rgyun mi 'chad par byed pa'i phyir 'jig rten na gnas so/ /
119a6 rigs kyi bu de dag la sogs pas phyi ma ma 'ongs pa'i dus lnga brgya'i tha mar yang bstan cing bslab pa la sbyor ba'i mthu dang / bde ba'i rgyu dang / rkyen gyis skye bo mang po ngan song gsum
119a7 du mi ltung zhing de ma yin pa sems can tshad med pa brgya stong rnams byang chub sems dpa'i theg pa la bkod do/ /dga' bo/ sangs rgyas brgya stong du ma rnams kyis rigs
119b1 kyi bu de dag gi yon tan brjod kyang rdzogs par mi 'gyur ro/ /de ci'i phyir zhe na/ rigs kyi bu de dag la sogs pas de lta bu'i yon tan bsam gyis mi khyab pa dang ldan pa'i phyir ro/ /
119b2 dga' bo/ ngas bskal pa grangs med tshad med pa brgya stong gi bar du chos yongs su bsgrubs pa rnams rigs kyi bu 'di dag gis bsrung zhing 'dzin par 'gyur ro/ /dga' bo/ ngas
119b3 bskal pa khri phrag tshad med pa'i bar du chos dkon mchog bsgrubs pa rnams 'di dag la gtad cing gdams so/ /rigs kyi bu 'di dag ni sangs rgyas kyi zhing tshad med grangs med pa na
119b4 da ltar bzhugs pa'i sangs rgyas thams cad kyis dgongs pa'i phyir ro/ /dga' bo/ rigs kyi bu de dag la rtag tu lha dang / mi dang / 'jig rten du bcas pa thams cad kyis phyag bya ba'i
119b5 gnas yin no/ /dga' bo/ skyes bu de dag la ni phyogs bcu'i sangs rgyas stong snyed kyang chos gsungs pa'i tshe rtag par bsngags shing gsungs so/ /dga' bo/ ngas nges par lung
119b6 bstan te/ sems can thams cad kyi the tshom gcad pa'i phyir gang zhig phyi ma ma 'ongs pa'i dus sum mdo sde 'di 'chang ba dang / 'dzin pa dang / klog pa dang / 'don pa dang / khong du
119b7 chud par byed pa dang / gzhan la rgya cher ston cing 'chad na rigs kyi bu'am/ rigs kyi bu mo de ni thams cad mkhyen pa'i ye shes la shin tu nye bar bsnyen pa yin par rig par bya'o/ /
120a1 skyes bu gang zhig phyi ma ma 'ongs pa'i dus su mdo sde 'di thos nas shin tu zab mo'i chos 'di la dad cing mos te yi dam bcas na ngas de'ang bla na med pa
120a2 yang dag par rdzogs pa'i byang chub tu lung bstan par bya'o/ /phyi ma ma 'ongs pa'i dus lnga brgya'i tha mar dad cing mos pas sems bskyed de brtson 'grus shin tu brtsams nas
120a3 mdo sde 'di bsrung zhing 'dzin pa'i rigs kyi bu 'am/ rigs kyi bu mo de'ang ngas bla na med pa yang dag par rdzogs pa'i byang chub kyi chos kyis gtad cing gdams so/ /gal te nyan
120a4 thos pa zhig gi chos zab mo 'di dag la dad cing log pa'i sems med na de'ang phyi ma ma 'ongs pa'i dus su sangs rgyas byams pa dang phrad par 'gyur ro zhes ngas lung bstan
120a5 to| |sangs rgyas kyi byang chub tshol ba gang zhig chos 'di 'dzin cing dang na sangs rgyas byams pas lung bstan par 'gyur te/ sngon gyi smon lam gyis rab tu 'byung zhing byang
120a6 chub kyi rgyud slob par 'gyur ro/ /dga' bo/ rigs kyi bu'am/ rigs kyi bu mo phyi ma ma 'ongs pa'i dus lnga brgya'i tha ma la chos 'di'i phyir shin tu brtson 'grus bskyed na skyes
120a7 bu de dag gi dge ba'i rtsa ba shin tu rno zhing rtag par rig par bya'o/ /sngon byung ba'i bstan pa zhes bya ba'i le'u ste bcu gcig go/ //de nas de'i tshe byang chub
120b1 sems dpa' sems dpa' chen po 'jig rten 'dzin gyis bcom ldan 'das la 'di skad ces gsol to/ /bcom ldan 'das/ byang chub sems dpa' sems dpa' chen po rnams
120b2 la phan pa dang / bde ba'i don gyi slad du mdo sde bskyab pa'i slad du byin gyis brlab tu gsol/ byang chub sems dpa' sems dpa' chen po phyi ma ma mchis pa'i dus su mdo sde thos na
120b3 sems yongs su dag pa dang / dga' ba dang / bde bar ldan zhing chos 'di dag bsgrub pa'i slad du shin tu brtson 'grus rtsom par 'gyur ro/ /de'i tshe bcom ldan 'das kyis mdo sde 'di
120b4 byin gyis brlab pa'i phyir rdzu 'phrul gyi mthus stong gsum gyi stong chen po'i 'jig rten gyi khams 'di dri dang / bsung ngo mtshar rmad dang ldan pas yongs su khyab par gyur to/ /sems
120b5 can rnams gcig la gcig byams pa'i sems kyis blta bar gyur to/ /bcom ldan 'das kyis de ltar byin gyis brlabs nas 'jig rten 'dzin la 'di skad ces bka' stsal to/ /
120b6 'jig rten 'dzin/ ngas chos kyi phyag rgya'i mdo sde 'di byin gyis brlabs pa ni thams cad kyi the tshom gcad pa'i phyir ro/ /'jig rten 'dzin/ gang zhig gis mdo sde 'di 'chang
120b7 ngam| 'dzin tam/ klog gam/ 'don na ring por mi thogs par thams cad mkhyen pa'i ye shes su 'gyur ro/ /skyes bu de dag myur du thams cad mkhyen pa'i ye shes rdzogs
121a1 par 'gyur bar lung bstan to/ /'jig rten 'dzin/ byang chub sems dpa' sems dpa' chen po rnams gang zhig mdo sde chos kyi phyag rgya 'di 'chang ngam/
121a2 'dzin tam/ klog gam/ 'don tam/ yid la byed dam/ gzhan dag la'ang rgya cher ston cing 'chad na skyes bu de ring po mi thogs par gyur du phung po lnga la sbyor ba dang / skye
121a3 mched bcu gnyis dang / khams bco brgyad dang / rtan cing 'brel te byung ba bcu gnyis dang / dran pa nye bar gzhag pa bzhi dang / yang dag par spong ba bzhi dang / rdzu
121a4 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / 'jig rten dang / 'jig rten
121a5 las 'das pa'i chos dang / 'dus byas dang / 'dus ma byas pa'i chos la sbyor ba thob par 'gyur ro/ /gzhan yang / chos rnams kyi yang dag pa'i mtshan nyid myur du thob par 'gyur
121a6 chos thams cad kyi mtshan nyid rnam par 'byed pa la mkhas pa myur du thob pa dang / dran pa'i stobs myur du thob pa dang / chos thams cad rnam par 'byed pa la mkhas pa'i shes
121a7 rab myur du thob pa dang / gzhan yang lus 'di brjes kyang dran pa rgyun mi 'chad pa dang ldan pa nas bla na med pa yang dag par rdzogs pa'i byang chub kyi bar du myur du thob par 'gyur
121b1 ro| |'jig rten 'dzin/ mdo sde 'di ni phyi ma ma 'ongs pa'i dus su skye bo mang po la chos chen po'i snang ba byed cing ye shes 'od kyis bsod nams kyi rgyu dang / rkyen du 'gyur ro/ /gzhan yang
121b2 byang chub sems dpa' rnams kyi bla na med pa yang dag par rdzogs pa'i byang chub kyi tshogs yongs su rdzogs par 'gyur ro/ /'jig rten 'dzin/ byang chub sems dpa' gang zhig phyi ma ma
121b3 'ongs pa'i dus su mdo sde 'di'am/ mdo sde zab mo gzhan byang chub kyi sde snod du gtogs pa pha rol tu phyin pa rnams dang ldan pa dang phrad na/ skyes bu de la bdud kyis bar du mi gcod
121b4 cing las kyis grib las kyang bar du gcod par mi 'gyur ro/ /'jig rten 'dzin/ skyes bu de ma skyes pa'i chos kyi bzod pa ma thob pa zhig na'ang sangs rgyas gnyis sam/ sangs rgyas
121b5 gsum po las ma skyes pa'i chos kyi bzod pa thob par 'gyur bar ngas lung bstan to/ /gal te ma skyes pa'i chos kyi bzod pa thob pa zhig na'ang chos thams cad la myur du dbang thob
121b6 par 'gyur ba dang / myur du sangs rgyas kyi zhing rnam par dag pa thob pa dang / myur du nyan thos kyi dge 'dun gyi 'khor tshad med pa thob pa dang / myur du byang chub sems dpa'i
121b7 'khor thob par 'gyur ro/ /'jig rten 'dzin/ ngas mdo sde chos kyi phyag rgya 'di gsungs pa ni sems can thams cad phyi ma ma 'ongs pa'i skye bo mang po'i the tshom gcad pa'i phyir
122a1 ro| |'jig rten 'dzin/ byang chub sems dpa' sems dpa' chen po rnams phan pa'i dngos po bzhi mthong bas ma 'ongs pa'i dus su mdo sde 'di la sogs
122a2 pa bsrung ba dang / 'dzin par yi dam len to/ /bzhi gang zhe na/ 'di lta ste/ byang chub sems dpa' rnams 'di snyam du bdag gis myur du yon tan tshad med dpag tu med pa thob
122a3 par 'gyur snyam pa dang / sems can rnams dge ba'i rtsa ba chen po skye zhing sangs rgyas kyi zhing yang dag pa'i chos 'dzin cing bsrung ba yin no snyam pa dang / sangs rgyas thams
122a4 cad kyi chos kyi sde snod 'dzin pa yin no snyam pa dang / sangs rgyas tshad med pa rnams kyis bstod cing bsngags par 'gyur ro snyam du sems dpa' dang bzhi'o/ /'jig rten 'dzin/ byang
122a5 chub sems dpa' sems dpa' chen po khyed la sogs pas ngas bskal pa grangs med pa brgya stong gi bar du bsgrubs pa'i chos kyi dkon mchog gi sde snod 'di lta dang mi rnams la shin
122a6 tu rgyas par shod cig /de'i tshe bzang skyong la sogs pas bcom ldan 'das kyi zhabs la spyi bos phyag btsal nas 'di skad ces gsol to/ /bdag cag gi rngo ci thogs pa dang / bcom
122a7 ldan 'das kyi byin gyis phyi ma ma mchis pa'i dus su chos dkon mchog 'di rgyas par ston cing bshad par 'tshal lo zhes gsol to/ /chos kyi phyag rgya'i mdo sde 'di gsungs pa'i tshe
122b1 dpag tu med tshad med grangs med pa snyed kyi skye ba gcig gis thogs pa'i byang chub sems dpa' rnams ni dge ba'i rtsa ba lhun gyis grub bo/ /sems can tshad med pa brgya stong rnams ni bla
122b2 na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub tu gdon mi za bar lung bstan to/ /bcom ldan 'das kyis de skad ces
122b3 gsungs nas byang chub sems dpa' 'jig rten 'dzin dang / bzang skyong la sogs pa byang chub sems dpa' gzhan dag dang / 'khor rnam bzhi dang / lha dang / mi dang / lha ma yin la
122b4 sogs pa thams cad bcom ldan 'das kyis gsungs pa la mngon par dga'o/ /gdams pa zhes bya ba'i le'u ste bcu gnyis so// //'phags pa 'jig rten 'dzin
ces bya ba'i mdo rdzogs so/
CLOSE WINDOW