བོད་ཡིག |
333b5 / //rgya gar skad du/ bi ma la bra b+ha ba pa ri pr-i ts+tshA/ bod skad du/ dri ma med pa'i 'od kyis zhus pa/ bam po
333b6 dang po/ thams cad mkhyen pa la phyag 'tshal lo/ /gang gi tshe sangs rgyas bcom ldan 'das kyis zla ba'i snying po zhes bya ba'i mdo bshad pa'i tshe dzam+bu'i gling gi yul thams cad
333b7 srung ma rnams kyi lag tu so sor gtad pa na/ bcom ldan 'das/ bya rgod phung po'i ri la bzhugs nas lha thams cad bsdu pa'i phyir 'od zer btang ngo / /de nas bcom ldan 'das
334a1 kyi dgongs pa bskyed ma thag tu lha'i rgyal po thams cad 'khor dang bcas pa bcom ldan 'das kyis spyan sngar 'dug go /de'i tshe bcom ldan 'das kyis
334a2 rgyal po chen po rnam thos kyi bu dang / gnod sbyin gyi dbang po kun tu rgyal la bos te bka' stsal pa/ rgyal po chen po dag /nga'i bka' chos dang ldan pa bzhin gyis la rim gro
334a3 byos shig /nga yongs su mya ngan las 'das nas lo brgya lon pa na li yul zhes bya ba zhig 'byung bar 'gyur te/ de yongs su bskyang pa'i phyir ngas khyed kyi lag tu gtad do//
334a4 rgyal po rnam thos bu khyod dang / /rdzu 'phrul chen po kun tu rgyal/ /klu yi rgyal po ma dros dang / /blo rab brtan pa'i lha yi bu/ /nga yi tshig ni mnyan par gyis/ /yul 'di rgyal ba'i
334a5 dbang po yis/ /'dul ba yin gyi gzhan gyis min/ /gang dag ngas ni ma btul ba'i/ /sems can de dag li yul 'khor/ /sangs rgyas lung bstan grong khyer du/ /so sor skye
334a6 ba len par 'gyur/ /nga yi sangs rgyas byang chub phyir/ /sdug bsngal chen po myong ba dang / /smon lam chen po rab mang ba/ /btab par gyur ba gang yin pa'i/ /bsod
334a7 nams kyi ni tshogs de yis/ /yul 'di nga yi phyag mtshan gyur/ /zhi bar mya ngan 'das na/ /khyed rnams la ni gtang bar bya/ /gang tshe nga yi byams pa'i sa/ /li yul 'di
334b1 ni byung ba ni/ /'gu ma ti ri gnas mdzes der/ /chos kyi rgyal po'i mchod rten du/ /bskal pa bzang po'i sangs rgyas rnams/ /de tshe 'dir ni 'dul bar 'gyur/ /yul 'di yongs
334b2 su bskyang ba'i phyir/ /nga yis khyed la byin pa yin/ /de nas rgyal po rnam thos bus/ /bcom ldan 'das la gsol ba ni/ 'dren pa sangs rgyas rnams kyi bka'/ /gcig
334b3 tu rung ba ma lags te/ /mchog rab rgyal ba'i bka' stsal pa/ /las 'di shin tu dka' ba lags/ /ston pa bcom ldan bzhugs bzhin du/ /yul dang ljongs rnams
334b4 'khrug pa mchis/ /khyod kyis dam chos bshad na yang / /yongs su srung bar dkon lags na/ /ston pa mya ngan 'das pa'i tshe/ /lha yis bor ba'i yul dag tu/ /
334b5 lha la sogs pa srung ba rnams/ /bka' bzhin mi nyan ji zhig smos/ /bdag cag rnams la thugs rjes mdzod/ /gang zhig thos na lha rnams kun/ /khyod kyi bka'
334b6 bzhin bgyid 'gyur ba/ /de 'dra'i chos ni bshad par gsol/ /sangs rgyas dpa' bo rnams kyi bka'/ /de ni sa steng cig tu med/ /skye bo gang du ma byung ba'i/ /las
334b7 ni shin tu dka' lags na/ /bcom ldan der ni bdag cag gis/ /ji ltar yongs su bsrung bar bgyi/ /sangs rgyas rnams ni dus gsum gzigs/ /kun mkhyen
335a1 ye shes spyan dang ldan/ /rgyal ba skyes mchog de yi phyir/ /las 'di bdag cag mchis kyis 'tshal/ /de phyir gtad pa mnod par bgyi/ /rgyal
335a2 bas sngar ni bka' stsal pa'i/ /las ni ji ltar bgyid 'gyur ba/ /de ltar byin gyis brlab par gsol/ /rgyal bas lung bstan grong khyer du/ /rgyal bas sngon ni lung bstan
335a3 pa'i/ /byang chub sems dpa' rnams dang ni/ /gzugs bzang sdom pa 'dzin pa yi/ /dge slong brgya phrag bcu gsum dang / /dge slong ma ni nyis brgya 'byung / /sdig pa'i las
335a4 rnams gang dag gis/ /sngon ni smon lam btab gyur cing / /sdig byed phyogs ni lnga brgya po/ /de dag rnams kyang 'byung 'gyur te/ /dge byed la ni bgegs bya'i phyir/ /yul
335a5 'di dag tu skye bar 'gyur/ /dge byed mdza' bo de dag kyang / /li yul dag tu skye ba len/ /rgyal bas lung bstan yul dag tu/ /legs pa rnams ni byed par 'gyur/ /ji ltar
335a6 yul 'dir bdag cag rnams/ /legs par 'gyur dang bdag cag gis/ /ci nas gzung ba'i thabs 'tshal bar/ /bcom ldan bdag cag dam pa gsol/ /de la bcom
335a7 ldan gsungs pa ni/ /dam pa'i mchog ni sbyin par byas/ /gnod sbyin dbang po dus kun tu/ /yul ni yongs su bsrung ba'i phyir/ /byang chub sems dpa'i gnas bzang
335b1 'di/ /nga yi tshig gis gzung bar gyis/ /yul de 'byung bar 'gyur ba ni/ /lha yis skyed mos tshal mchog bzhin/ /dge 'dun kun dga' ra bas rgyas/ /dri gtsang khang gis mdzes
335b2 par byas/ /der ni dgon pa'i gnas rnams kyang / /bde ba can dang 'dra bar 'gyur/ /dge slong dge slong ma yis gang / /de dag theg pa mchog kyang ston/ /byang chub sems
335b3 dpa'i gnas bzang der/ /mi rnams skyes pa gang yin pa/ /dge ba yi ni las byed cing / /byang chub phyir ni bsngo bar byed/ /ji srid thub pa'i dbang po yis/ /bstan pa yul
335b4 der gnas pa dang / /mchod par byed pa de srid du/ /yul dag kyang ni gnas par 'gyur/ /bstan pa dag la ma mchod na/ /srung ma rnams ni 'khrug par 'gyur/ /yul yang
335b5 yal bar 'dor ba dang / /'khrug pa'i sems kyis 'gro bar 'gyur/ /srung ma dag ni song ba dang / /yul ni lha yis bor ba der/ /nad dang mu ges nyen pa dang / /rgyal po dag kyang
335b6 tshe thung 'gyur/ /srung ma kun tu khros pa yis/ /dpung rnams kyang ni med par byed/ /rgyal ba dam pa mchog gis lha rnams la de skad ces bka' stsal nas/ de'i 'og tu
335b7 bcom ldan 'das dpal 'od zer lta bu zhes bya ba'i ting nge 'dzin la snyoms par zhugs te/ smin mtshams kyi gseb nas de bzhin gshegs pa'i rnam pa zhes bya ba'i
336a1 'od zer rnams byung ngo / /'od zer de dag las kyang 'od zer tshad med grangs med pa 'byung bar 'gyur te/ sangs rgyas kyi zhing thams cad du song nas
336a2 sangs rgyas kyi zhing gang dang / gang na sangs rgyas bcom ldan 'das bzhugs pa der tshig tu brjod pa 'di skad ces 'byung ste/ /lha'i lha sangs rgyas bcom ldan 'das
336a3 shAkya thub pa/ gnod pa nyung ngam/ bskyod pa yang ngam zhes bya ba'i bar du 'dri'o/ /'di skad ces smras te/ sangs rgyas nyid kyi phyir ngas bskal pa mang por dka' ba byas
336a4 so| |dam pa'i chos bsdu ba'i phyir lus grangs med pa yongs su btang ba byas te/ sbyin pa mang po byin no/ /sdug bsngal shin tu mang po byang chub sems dpa' gzhan
336a5 dag gis ma myong ba dag nyams su myong ste/ des bla na med pa yang dag par rdzogs pa'i byang chub rjes su thob par gyur to/ /da ni nga yongs su mya ngan 'da' ba'i dus dang
336a6 skabs su bab nas dzam+bu'i gling thams cad kyi yul rnams yongs su bskyang ba'i phyir srung ma rnams kyi lag tu byin no/ /lha rnams mya ngan nga 'das na/ /lo brgya lon pa
336a7 de yi tshe/ /ming ni li yul zhes bya ba/ /rab tu 'byor ba 'byung bar 'gyur/ /bskal pa bzang po'i sangs rgyas dang / /byang chub sems dpa' skyob rnams kyi/ /'dul
336b1 pa'i phyir ni ched kyi ste/ /rtog ge ba dang bral ba yin/ /bskal pa bzang po'i rgyal sras rnams/ /li yul 'khor gyi grong khyer der/ /skye ba dag kyang len 'gyur zhing / /mig dang
336b2 'dra bar snang bar 'gyur/ /sems can rnams ni smin bya dang / /chos kyang mnyan par bya ba'i phyir/ /byang chub spyod pa bzang po dag /de tshe de kun spyod par 'gyur/ /sangs rgyas
336b3 rnams kyis bdag la dgongs/ /nyi ma'i snying po mdo sde che/ /mdo sde mchog ni bshad pa na/ /snying rjes non pa'i sems kyis su/ /yul der bsrung bar bya ba'i phyir/ /gzungs
336b4 sngags rnams dang 'od zer dag /ji ltar sngon ni bkur ba bzhin/ /sangs rgyas zhing ni thams cad nas/ /yul 'khor 'dir ni skyes kyi rnams/ /rgyal mchog rnams kyis
336b5 bkur ba mdzod/ /bstan pa bsrung bar bya ba'i phyir/ /bdag la dgyes pas bkur bar mdzod/ /skyob pa shAkya seng+ge yis/ /'od zer de dag btang ba na/ /sangs rgyas zhing rnams
336b6 song nas ni/ /de nyid du ni slar yang 'ongs/ /de nas de ma thag tu sangs rgyas kyi zhing thams cad na bzhugs pa'i sangs rgyas bcom ldan 'das rnams kyis/ bcom ldan 'das
336b7 shAkya thub pa li yul yongs su bskyang bar bzhed pa'i bstan pa'i nga du gnas par bya ba'i phyir skyes su 'od zer dag kyang btang / gzungs sngags dag kyang bskur te /
337a1 'di skad ces kyang gsungs so/ /sangs rgyas bcom ldan 'das gang dag gis 'od zer dag kyang gtong / gzungs sngags dag kyang byang chub sems
337a2 dpa' rnams kyi lag tu bskur ba de dag mtshan ni 'di zhes bya/ byang chub sems dpa' de dag gi ming yang 'di zhes bya'o/ /de bzhin gshegs pa mu stegs thams cad
337a3 'dzud pa la dpa' ba la phyag 'tshal lo/ /byang chub sems dpa' tshig gsang ba la phyag 'tshal lo/ /gzungs sngags ni 'di yin te/ tad+ya thA/ ba ra ba ra/ kA sha a ra/ tsakra
337a4 ko Sha| gu ya ka bA re swAhA/ gzungs sngags 'dis li yul gyi lha dang mi rnams la lha rnams dam pa sbyin par 'gyur ro/ /de bzhin gshegs pa dga' ba'i chos la
337a5 dpa' ba la phyag 'tshal lo/ /byang chub sems dpa' chos kyi dbang phyug la phyag 'tshal lo/ /tad+ya thA/ pa ra tri ka pu li/ sha si ri ba hA re bA re swAhA/ gzungs sngags
337a6 'dis ni tshe rabs dran par 'gyur ro/ /de bzhin gshegs pa chos la zhugs pa shin tu 'phags pa'i tog gi bsrung la phyag 'tshal lo/ /byang chub sems dpa'
337a7 'jig rten dbang phyug la phyag 'tshal lo/ /byang chub sems dpa' rang gi yid la gsal ba'i tshig la phyag 'tshal lo/ /de bzhin gshegs pa mngon par 'phags
337b1 pa'i rgyal po la phyag 'tshal lo/ /byang chub sems dpa' nam mkha'i chig la phyag 'tshal lo/ /tad+ya thA/ hwA kyar te/ hau hau hau hau/ phA rur ra/ a bi ba ra/ ma bi ba ra/ Na ru he
337b2 swAhA/ gzungs sngags 'di su 'dzin pa ni ngan song ngan 'gror 'gro bar mi 'gyur la sems can rnams kyi 'gro ba sngon gyi che rabs su ji lta bur gyur pa dang / tshe rabs
337b3 phyi ma la cir 'gyur ba'ang shes par 'gyur ro/ /de bzhin gshegs pa bu sdug rgyal ba'i chos 'phel ba la phyag 'tshal lo/ /byang chub sems dpa' lha dang / mi'i
337b4 chos kyi dbang phyug la phyag 'tshal lo/ /tad+ya thA/ d+ha ra s+thi ta/ ta tha tA badzri bi sa re ta tha tA swAhA/ gzungs sngags 'dis ni gzungs thob par gyur to/ /de bzhin
337b5 gshegs pa mi 'khrugs pa la phyag 'tshal lo/ /byang chub sems dpa' dri ma med pa'i dbang phyug la phyag 'tshal lo/ /tad+ya thA/ a ba hi/ sarba ta thA ga ta b+hU ta ko tri
337b6 b+ha ti b+ha ti/ pa Di ra Ti swAhA/ gzungs sngags 'dis ni de bzhin gshegs pa'i byang chub kyi shing drung du byang chub thob par gyur to/ /de bzhin gshegs pa rnga sgra'i rgyal
337b7 po la phyag 'tshal lo/ /byang chub sems dpa' dpal rgyan la phyag 'tshal lo/ /tad+ya thA/ ta thA tA su De dra pa ne/ sarbi sa ra D+ri/ gu h+ya man+t+ra ta tha tA d+ha na swAhA/ gzungs sngags
338a1 'dis ni byang chub sems dpa' dka' ba chen po mdzad par 'gyur zhing sems can rnams kyang sdug bsngal dang / nad rnams las yongs
338a2 su thar bar 'gyur ro/ /de bzhin gshegs pa 'od dpag med la phyag 'tshal lo/ /byang chub sems dpa' snang gsal la phyag 'tshal lo/ /tad+ya thA/ rad dA ga te/ pha
338a3 gri ba ti ta Di b+hi ta tsan+t+re swAhA/ gzungs sngags 'dis ni byang chub sems dpa' sangs rgyas kyi zhing rnams yongs su sbyong bar byed de/ su 'di 'dzin pa'i lus
338a4 dang / sems kyi sdug bsngal rnams zad par 'gyur ro/ /de bzhin gshegs pa shAkya thub pa la phyag 'tshal lo/ /byang chub sems dpa' 'jam dpal gzhon nur
338a5 gyur pa la phyag 'tshal lo/ /byang chub sems dpa' kun tu bzang po la phyag 'tshal lo/ /tad+ya thA/ b+hi na re ri bi/ sa ma sa tsa ga ba/ daR+sha na ra sh+mi/ sa man+t+ra daR+sha ra
338a6 ni swAhA/ gzungs sngags 'dis ni byang chub sems dpas bya ba thams cad shes par gyur to/ /'dis ni de bzhin gshegs pa shAkya thub pas kyang rgyu chen po rnams
338a7 mdzad do/ /sangs rgyas bcom ldan 'das 'di dag gis gzungs sngags 'di dag yul kun tu bsrung ba'i phyir bcom ldan 'das shAkya thub pa la skyes su bskur
338b1 ro| |de'i tshe sangs rgyas bcom ldan 'das dpa' bar 'gro ba'i ting nge 'dzin la snyoms par zhugs nas dang po thugs bskyed pa nas/ byang chub kyi snying po'i mthar thug pa'i bar gyi
338b2 byang chub sems dpa'i spyod pa thams cad dang / chos la gus par yang dag par rjes su dgongs so/ /de nas rang gi don dang / lha la sogs pa'i don gyi phyir de dag la yul gtams
338b3 shing gtad do/ /tshangs pa la sogs pa'i lha rnams dang / lha thams cad kyi gzungs sngags 'di'ang brjod par bya'o/ /na mo brah+ma ne/ na maHsarba de bA nA na/ tad+ya thA/ brah+ma na
338b4 in+d+re/ de ba tA pra tiSh+Thi te/ a shwa s+thA ne/ pa ra i na dre/ swa ba ra ba ri/ ha rak+shi ma ma ba in+d+re/ sa na ta thA sma ra ba ra ha re/ am+b+ha kum+b+ha ka krI grI shrI/ a lang kA ra/ sarba de ba/ grA ma swAhA/
338b5 gzungs sngags 'dis lha dang / mi rnams rgyal ba thob par 'gyur zhing / dgras kyang de la gnod par mi byed la/ dbang phyug thams cad kyi bdag por 'gyur ro/ /li yul du
338b6 gang la la rgyal por 'gyur ba de/ 'di snyam du/ li yul 'di ni skye bo dang / mi dang / mi mang pos gang zhing nor dang / 'bru mang po rgyas pa yin te/ yul thams cad kyi mchog
338b7 dam pa yin pas gzhan gyi dmag tshogs 'ong bar mi nus so snyam du sems par 'gyur ro/ /de'i tshe rgyal po des dgon pa dang / dge 'dun gyi kun dga' ra ba dang / grong khyer
339a1 dang / grong rdal dang / yul 'khor dang / rgyal po'i pho brang 'khor thams cad du dge slong dang / dge slong ma dang / dge bsnyen dang / dge bsnyen
339a2 ma rnams dang / yul gyi mi thams cad sngar bshad pa'i gzungs kyi gsang sngags kyi tshig rnams klog tu gzhug par bya'o/ /'dzin du gzhug pa dang / kun chub par
339a3 byed du gzhug go /dge slong dang / dge slong ma dang / dge bsnyen dang / dge bsnyen ma de dag dang / yul na gnas pa'i mi de dag la'ang phye ma dang / gos dang / gdugs
339a4 dang / rgyal mtshan dang / ba dan rnams dang / kha zas dang / btung ba sna tshogs dang / mchod pa'i las sna tshogs dang / yo byad thams cad kyis rim gror bya'o/ /btsun
339a5 par bya'o/ /bsti stang du bya'o/ /mchod par bya'o/ /de ltar byas na li yul de gnod pa thams cad med pa dang / phyir rgol ba'i rgyal po thams cad kyi dpung gis rgyal
339a6 po de'i li yul gzhig par mi nus so/ /de nas yang phyogs bcu'i sangs rgyas kyi zhing dag nas/ sangs rgyas bcom ldan 'das rnams kyis rang rang gi mtshan dang /
339a7 'od zer dang / gzungs kyi gsang sngags kyi tshig rnams bskur ro/ /brgya byin dang / tshangs pa la sogs pa lha'i rgyal po sum cu rtsa gnyis po de dag dang / 'jig rten
339b1 skyong ba bzhi dang / lha'i bu kun tu rgyal ba la sogs pa gnod sbyin gyi sde'i bdag po chen po nyi shu rtsa brgyad dang / byang chub sems dpa' dri ma med pa'i 'od de dang / go ma sa la
339b2 gan+d+ha'i mchod rten mchod pa'i byang chub sems dpa' nyi khri po de dag dang / klu'i rgyal po gdon la snyems pa la sogs pa khri brgyad stong po gang yin pa de dag gi lag tu bcom
339b3 ldan 'das shAkya thub pas/ bskal pa bzang po'i byang chub sems dpa' thams cad kyi gnas/ bskal pa bzang po'i sangs rgyas bcom ldan 'das thams cad kyi phyag mtshan
339b4 du gyur pa li yul dang / thub pa drang srong chen po'i gnas su gyur pa go ma sa la gan+d+ha'i mchod rten de dang / dge slong dang / dge slong ma'i dge 'dun de dag la bsrung ba dang /
339b5 yongs su bskyang ba dang / 'tshe ba med par bya ba dang / 'bye bar mi 'gyur ba dang / sangs rgyas kyi bstan pa li yul na gnas pa de yun ring du gnas par bya ba'i phyir
339b6 gtad do/ /sangs rgyas kyi mtshan 'di dag dang / 'od zer 'di dag dang / gzungs kyi gsang sngags kyi tshig 'di dag snying rjes non pa'i thugs dang ldan pa dang / gsol
339b7 ba chen po btab pas skyes su bskur nas/ de bzhin du sangs rgyas bcom ldan 'das de dag gi bka' mnyan te/ brgya byin dang / tshangs pa la sogs pa lha'i rgyal po sum cu
340a1 rtsa gnyis po de dag dang / 'jig rten skyong ba de dag dang / gnod sbyin gyi sde'i bdag po de dag dang / klu'i rgyal po de dag dang / dri ma med pa'i
340a2 'od la sogs pa byang chub sems dpa' de dag dang / 'khor de dag thams cad kyis thal mo sbyar te/ li yul de dang / thub pa'i drang srong chen po'i gnas go ma sa la
340a3 gan+d+ha'i mchod rten de dang / sangs rgyas kyi bstan pa de dag bsrung ba'i phyir ma nos so/ /sangs rgyas kyi mtshan de dag dang / 'od zer de dag dang / gzungs kyi gsang
340a4 sngags kyi tshig de dag kyang yul bsrung ba'i phyir mnos so/ /'od zer de dag kyang byang chub sems dpa' dri ma med pa'i 'od kyi lus la gnas par gyur to/ /de bzhin
340a5 gshegs pa tshul khrims la rab tu gnas pa la phyag 'tshal lo/ /de bzhin gshegs pa zhi bas rol pa la phyag 'tshal lo/ /de bzhin gshegs pa zhi ba'i rgyal po
340a6 la phyag 'tshal lo/ /de bzhin gshegs pa zhi ba'i bla ma la phyag 'tshal lo/ /de bzhin gshegs pa nam mkha' la rab tu gnas pa la phyag 'tshal lo/ /de bzhin
340a7 gshegs pa mtshon cha rab tu 'jil ba la phyag 'tshal lo/ /de bzhin gshegs pa spyan brgya pa la phyag 'tshal lo/ /de bzhin gshegs pa 'od zer bzang po la phyag
340b1 'tshal lo/ /de bzhin gshegs pa dbang po'i rnam pa la phyag 'tshal lo/ /de bzhin gshegs pa nyi ma'i rnam pa la phyag 'tshal lo/ /dbang po'i rgyal mtshan zhes bya
340b2 ba'i 'od zer dang / bdud rtsi'i lo ma zhes bya ba'i 'od zer dang / /zhi bar 'gyur ba zhes bya ba'i 'od zer dang / lo ma dang bral ba zhes bya ba'i 'od zer dang / /ka zhes bya ba'i 'od
340b3 zer dang / me zhes bya ba'i 'od zer dang / gnas pa zhes bya ba'i 'od zer dang / mi g.yo ba zhes bya ba'i 'od zer dang / /g.yo ba dang / mi g.yo ba zhes bya ba'i 'od zer dang /
340b4 thogs med sbyin zhes bya ba'i 'od zer dang / yid dang 'thad pa zhes bya ba'i 'od zer dang / bar chad med pa zhes bya ba'i 'od zer dang / rims med rgyal mtshan bye ba zhes
340b5 bya ba'i 'od zer dang / 'khrugs med gnas zhes bya ba'i 'od zer dang / tog gi blo gros zhes bya ba'i 'od zer dang / grong khyer du 'bab pa zhes bya ba'i 'od zer dang / 'khor
340b6 lo snang ba zhes bya ba'i 'od zer dang / dpa' ba'i tog ces bya ba'i 'od zer dang / rdo rje'i rnam pa zhes bya ba'i 'od zer dang / bsod nams kyi tog ces bya ba'i 'od zer
340b7 dang / bsam gtan gyi tog ces bya ba'i 'od zer dang / me lce dang ldan pa zhes bya ba'i 'od zer dang / kun tu snang ba zhes bya ba'i 'od zer dang / byang chub kyi yan lag ces bya
341a1 ba'i 'od zer dang / zhi gnas kyi 'od ces bya ba'i 'od zer dang / mtha' yas pa zhes bya ba'i 'od zer dang / nor bu snang ba zhes bya ba'i 'od zer
341a2 dang / dpa' bo'i rin chen zhes bya ba'i 'od zer dang / zla ba snang ba zhes bya ba'i 'od zer dang / nyi ma snang ba zhes bya ba'i 'od zer dang / ye shes 'gro ba zhes bya ba'i 'od zer
341a3 dang / snang ba'i rin po che zhes bya ba'i 'od zer dang / dbang po'i rgyal mtshan zhes bya ba'i 'od zer dang / 'jig rten snang ba zhes bya ba'i 'od zer dang / snying rje'i rnam pa
341a4 zhes bya ba'i 'od zer dang / rgyal ba dam pa zhes bya ba'i 'od zer dang / shes rab kyi snang ba zhes bya ba'i 'od zer dang / me zhes bya ba'i 'od zer dang / 'jig rten gyi sgron ma
341a5 zhes bya ba'i 'od zer dang / rab rib kyi rnam pa rab tu zhi bar byed pa zhes bya ba'i 'od zer dang / rgyal ba mchog ces bya ba'i 'od zer dang / 'jig rten gyi rnam pa zhes bya
341a6 ba'i 'od zer dang / 'od chen po zhes bya ba'i 'od zer dang / /ko ka ra zhes bya ba'i 'od zer dang / a'i tshul du byed pa zhes bya ba'i 'od zer dang / dzad tsha ra ya zhes bya ba'i
341a7 'od zer dang / dpa' bo byed pa'i dpa' bo'i rgyal mtshan zhes bya ba'i 'od zer dang / 'od chen po zhes bya ba'i 'od zer dang / 'od mtha' yas pa zhes bya ba'i 'od zer
341b1 dang / mi bskyod pa zhes bya ba'i 'od zer dang / rgyal mtshan blo gros zhes bya ba'i 'od zer dang / 'bad pa mtho ba zhes bya ba'i 'od zer dang / bden pa can zhes bya ba'i 'od zer
341b2 dang / mgu bar byed pa zhes bya ba'i 'od zer dang / rab sgrogs zhes bya ba'i 'od zer dang / 'od byed pa zhes bya ba'i 'od zer dang / rdo rje blo gros zhes bya ba'i 'od zer dang /
341b3 stong pa'i rnam pa zhes bya ba'i 'od zer dang / 'dzin pa zhes bya ba'i 'od zer dang / dpa' ba'i rgyal mo zhes bya ba'i 'od zer dang / g.yo ba zhes bya ba'i 'od zer dang / mtho ris su
341b4 'gro ba zhes bya ba'i 'od zer dang / zhi ba'i rnam pa zhes bya ba'i 'od zer dang / zhi ba'i tog ces bya ba'i 'od zer dang / bsam gtan gyi rgyal mtshan zhes bya ba'i 'od zer dang /
341b5 dga' ba'i tog ces bya ba'i 'od zer dang / 'dam bu lta bu'i 'od ces bya ba'i 'od zer dang / mig snang ba zhes bya ba'i 'od zer dang / klu 'byung ba zhes bya ba'i 'od zer dang /
341b6 klung gi 'od ces bya ba'i 'od zer dang / skyes bu'i rnam pa zhes bya ba'i 'od zer dang / 'bar ba can zhes bya ba'i 'od zer dang / me zhes bya ba'i 'od zer dang / pad+ma'i 'od
341b7 ces bya ba'i 'od zer dang / dbang po'i rnam pa zhes bya ba'i 'od zer dang / 'dri ba'i tshul zhes bya ba'i 'od zer dang / bskyod pa zhes bya ba'i 'od zer dang / dbang po la
342a1 gnas pa zhes bya ba'i 'od zer dang / 'khrug pa zhes bya ba'i 'od zer dang / sa'i rgyal mtshan ston pa zhes bya ba'i 'od zer dang / bden pa'i
342a2 tog ces bya ba'i 'od zer dang / snang bar byed pa zhes bya ba'i 'od zer dang / dngar ba'i rnam pa zhes bya ba'i 'od zer dang / dbang po la brten pa zhes bya ba'i 'od zer dang /
342a3 yid la 'gro ba zhes bya ba'i 'od zer dang / rab tu 'gro mdzes zhes bya ba'i 'od zer dang / 'phral ba'i rnam pa zhes bya ba'i 'od zer dang / legs 'bar zhes bya ba'i 'od
342a4 zer dang / 'dri bar byed pa zhes bya ba'i 'od zer dang / nyi ma 'khor ba zhes bya ba'i 'od zer dang / nye bar gnas pa zhes bya ba'i 'od zer dang / ye shes kyi chu zhes bya
342a5 ba'i 'od zer dang / rgyal ba'i blo gros zhes bya ba'i 'od zer dang / rnam par bsgyings pa zhes bya ba'i 'od zer dang / bden pa snang ba zhes bya ba'i 'od zer dang / sangs
342a6 rgyas kyi rnam pa zhes bya ba'i 'od zer dang / gtsug tor zhes bya ba'i 'od zer dang / rdo rje rgyal mtshan zhes bya ba'i 'od zer dang / rdo rje la gnas pa zhes bya ba'i 'od
342a7 zer dang / bsod nams kyi rgyal mtshan zhes bya ba'i 'od zer dang / lce'i tog ces bya ba'i 'od zer dang / yid dang bar byed pa zhes bya ba'i 'od zer dang /
342b1 'di dag ni sangs rgyas kyi 'od zer yin no/ /tad+ya thA/ lo ka hA ra/ shud+d+hA ka ru s+thi ti pu Sh+ya ba/ ka ru le swAhA/ sdig pa gcod par byed pa zhes bya'o/ /tad+ya thA/ shu da d+ha ma ti/
342b2 ad tsam b+he pu lo tsa re/ a kra ma te/ tsu ra ka re pu swAhA/ dga' byed snying rje zhes bya'o/ /tad+ya thA/ in+d+ra/ in+d+ri/ ba dre/ ba de bi su re swAhA/ rdo rje blo gros zhes bya'o/ /tad+ya thA/
342b3 Tha ke ba ke /dzA dza ma b+he/ b+h+ra ma dz+wa re swAhA/ pad+ma 'dul zhes bya'o/ /tad+ya thA/ shu ra/ ra re be a lo ke /ko sha gA re swAhA/ bye bar byed pa zhes bya'o/ /tad+ya thA/ tsa le pi ta thA/ a
342b4 n+yo n+ya/ pradz+nyA kA re swAhA/ sbyor ba med pa zhes bya'o/ /tad+ya thA/ dzi dzi re/ hA rA hA le/ le la pradz+nyA kA re swAhA/ 'gog pa med pa zhes bya'o/ /tad+ya thA/ badzre shrI ka re/ sa ra sa ra/ a dz+nyA
342b5 mA dz+nyA+e/ na ri re kI/ sang ngid dz+wA kA re phu swAhA/ gzhan gyis mi tshugs pa zhes bya'o/ /tad+ya thA/ a pu rI bi ba re/ sa da re/ ma kha ka re swAhA/ bden pa la gnas pa zhes
342b6 bya'o/ /tad+ya thA/ dz+yo ti dz+yo ti/ badzre a/ ak+Sha man+t+ra be/ pra ga A be/ badzri mA ba/ ka ka su re swAhA/ gzungs sngags kyi dbang phyug gi rgyal mo zhes bya ste/ gzungs sngags
342b7 'di ni/ pha rol gyi dmag tshogs zhi bar byed pa dang / dge ba'i tshogs yongs su rdzogs par byed pa'o/ /tad+ya thA/ di shA ka re/ s+tha kA re/ in+d+ra ba te/ ba prA tau sa prA u s+thA
343a1 te swAhA/ gzungs sngags 'di ni mu ge med par byed pa dang / dbul ba med par byed pa'o/ /dam pa gang 'dod pa thams cad kyang thob par 'gyur te/
343a2 zhag nyi shu rtsa gcig gi bar du nyin lan bzhi mtshan lan bzhi ste/ dus brgyad du lan nyi shu rtsa re re bzlas brjod byas na gter ram/ yang nor gang sa'i 'og tu sbas pa
343a3 bzhin thob par 'gyur ro/ /tad+ya thA/ oM he mo he dza ma b+ha ya/ ma sha man+t+ra kA/ da ma kA re la b+hA kA re/ la b+hA ka re/ bi kA re sa di dz+nyA kA re/ da ka di a d+hA ka/ pra sha ma na phu a ka na
343a4 pra ma ne phu swAhA/ nad thams cad zhi bar byed pa dang / bud med du skye ba las thar bar byed pa dang / bud med rnams kyi bud med kyi nad rab tu zhi bar byed pa ste/ brtul zhugs
343a5 bya mi dgos par ji ltar 'dod pa de bzhin du dus gsum du bzlas brjod bya'o/ /bud med gang la la mo mtshan gyi nang yod pa de la nyin gcig bzhin du/ lan bdun
343a6 bdun du bzlas brjod bya'o/ /tad+ya thA/ ka ka ko sha phu ma ma/ ra ra ra ra/ sta re phu/ sa ka re phu swAhA/ gzungs sngags 'di ni gnod pa 'byung ba dang / sdug bsngal thams
343a7 cad med par byed par bshad de/ brtul zhugs bya mi dgos so/ /sangs rgyas bcom ldan 'das gang dag gi mtshan sngar smos pa dang / gang dag gis gzungs
343b1 sngags bshad pa de dag ni/ bcom ldan 'das shAkya thub pa byang chub sems dpa'i spyad pa spyod pa na/ grogs su 'gyur ba sha stag go /sangs rgyas de dag gi mi mjed kyi
343b2 'jig rten gyi khams dang / bcom ldan 'das shAkya thub pa'i phyag mtshan li yul 'dir/ skye bo mang po la phan pa'i phyir/ bskal pa bzang po'i byang chub sems
343b3 dpa' rnams kyi skye ba blangs te/ sngar smos pa'i sangs rgyas bcom ldan 'das de dang / de dag gis/ bcom ldan 'das shAkya thub pa'i li yul yun ring du gnas par
343b4 bya ba'i phyir/ gzungs sngags de dag dang / sangs rgyas kyi 'od zer de dag dang / sangs rgyas kyi mtshan de dag skyes su bskur te/ sangs rgyas kyi sras rnams kyis zhus
343b5 nas byang chub sems dpa' 'phags pa spyan ras gzigs dbang phyug gis sems can thams cad kyi don gyi phyir dang / li yul yongs su bskyang ba dang / bstan pa
343b6 yun ring du gnas par bya ba'i phyir/ sangs rgyas bcom ldan 'das rnams las skyes de dag blangs nas 'dir khyer te 'ongs so/ /sangs rgyas kyi zhing sna tshogs na
343b7 gnas pa'i byang chub sems dpa' mang po dag kyang sangs rgyas kyis lung bstan pa'i yul 'di ci nas 'jig par mi 'gyur ba dang / bstan pa'ang yun ring du gnas
344a1 par bya ba'i phyir 'dir lhags nas skye ba blangs so/ /gang gi tshe yul der gnod pa 'byung na de'i tshe/ sangs rgyas kyi mtshan de dag dang / gzungs
344a2 sngags de dag dang / 'od zer sngar bshad pa de dag bris te grong khyer gyi sgo rnams su btsugs la/ dmag gi ru mtshon la'ang bris te bzhag nas/ mi rnams kyang
344a3 klog tu bcug cing 'chang du bcug na pha rol gyi dmag tshogs kyis 'jig pa dang / mu ges 'jigs pa dang / las 'byang bar bya ba dang / dge ba'i phyogs yongs su
344a4 rdzogs par bya ba dang / sems can rnams kyis ji lta bur bsam pa bzhin du phan 'dogs par 'gyur ro/ /sems can nad pa rnams la'ang skyabs byed par 'gyur
344a5 ro| |gang la sdig pa'i las shin tu lci ba dag yod na'ang / des zhag nyi shu rtsa gcig gi bar du sangs rgyas kyi mtshan dang / gzungs sngags dang / 'od zer rnams bzlas
344a6 brjod bya zhing / phyogs bcu'i sangs rgyas bcom ldan 'das rnams dran par bya'o/ /gang na sku gdung dang ldan pa'i mchod rten nam/ sangs rgyas kyi sku gzugs bzhugs
344a7 pa de'i spyan sngar dus gsum du bzlas brjod byas na dge ba'i phyogs las gang 'dod pa de myur du yongs su rdzogs par 'gyur te/ 'od zer de dag kyang de'i steng du gnas
344b1 par 'gyur ro/ /pha rol gyi dmag tshogs 'od na'ang bzlas brjod bya'o/ /yang na zhag bdun gyi bar du bklag par bya'o/ /su'ang rung ste/ gnod pa byung ba'am/ nad pa'am/ ji
344b2 lta bur 'dod pa las bzlas brjod bya ba'am/ yang na bklag par bya'o/ /ci ste klog mi nus na de'i tshe skud pa la lan bdun bzlas brjod bya ste/ mdud pa byas nas btags na
344b3 gnod pa thams cad las thar bar 'gyur ro/ /grong khyer gang gi sgo dag tu sangs rgyas kyi mtshan dang / gzungs sngags dang / 'od zer rnams bris te bzhag na grong khyer de
344b4 gzhan gyi dmag tshogs kyis gzhom par mi nus so/ /rtag tu bzlas brjod byed pa la ni sha spang mi dgos so/ /dngos po gzhan yang spang mi dgos so/ /de nas rigs kyi bu
344b5 gang dag sangs rgyas kyi rjes su rab tu byung ba de dag shin tu dgongs shing bag tsha bar gyur pa de dag la/ byang chub sems dpa' 'phags pa spyan ras gzigs dbang
344b6 phyug gis 'di skad ces smras so/ /bu dag/ bag tsha bar ma byed cig /khyod kyi don gyi phyir dge 'dun gyi kun dga' ra ba mang po dang / chos kyi rgyal pos byas pa'i dri gtsang
344b7 khang la sogs pa sku gdung dang ldan pa'i mchod rten yul der 'byung bar 'gyur te/ ji srid du yul de na sangs rgyas bcom ldan 'das kyi bstan pa gnas kyi bar du
345a1 yul de ma lus par gzhig nus pa'i rgyal po 'byung bar mi 'gyur ro/ /'di lta ste/ dngar ldan zhes bya ba yid du 'ong ba dang / phag gis mtshon
345a2 pa'i grong khyer dang / grong khyer rnying pa de dag gsum yang ji srid du sangs rgyas kyi bstan pa gnas shing dge 'dun thams cad la mchod pa dang / sangs rgyas kyi mchod
345a3 rten ka bi la na yod kyi bar du de dag 'jig par mi 'gyur ro/ /de nas byang chub sems dpa' 'phags pa spyan ras gzigs dbang phyug gis rgyal ba'i sras
345a4 thams cad la bos te bsgo ba/ kye grogs po dag /byang chub sems dpa' rnams dang / lha la sogs pa yul de yongs su skyong ba gang yin pa de dag gis chos
345a5 dang mi ldan pa'i rgyal pos yul de gzhig pa na yal bar ma dor cig /la la zhig gis sangs rgyas kyi bka' ma mnyan te 'jig pa'i tshe yul btang bar gyur na bla
345a6 na med pa yang dag par rdzogs pa'i byang chub las bskal pa mang por bar chad du 'gyur ro/ /de nas gzungs sngags 'di bshad do/ /tad+ya thA/ kA le/ a kA le/ ni sh+k+ra
345a7 me b+ha pra be shA/ A kA li kra me/ a ni sh+k+ra me/ a pra be shA/ pa re sa me pa ri sa mi ti/ sa sa se/ a sa sa se/ sa ku te/ ba ru re/ ba ru re/ a ga me/ a sa ma mo te/ si da
345b1 b+hi sid+d+ha ya/ na mo bai ro tsa nA ya swAhA/ phaT De Ne swa te/ A sA te/ su ma na ne/ sa ru ste/ si da d+he sid d+ha ya swAhA/ de nas byang chub sems dpa' 'phags pa spyan ras
345b2 dbang phyug gis li yul gyi rgyal por gyur pa la dris nas/ 'di ni khyed kyi skyes yin no/ /ji ltar khyod kyis byas pa dang / khyod kyis dkon mchog gsum gyi phyir lus
345b3 dang srog btang bar byas pa gang yin pa de ni sangs rgyas kyi sras rnams kyi las de lta bu yin te/ khyod kyis legs par byas pa yin no/ /gang gi tshe yul du dgra chen
345b4 po'i 'jigs pa byung bar gyur na de'i tshe mdo sde 'di bklag par bya'o/ /bcang bar bya'o/ /mchod par bya'o/ /'on te 'jigs pa thams cad zhi bar 'gyur te/ sa ha pa ti yang
345b5 grogs byed par 'gyur ro/ /yul bsrung ba'i phyir mdo 'di cho ga bzhin du bris te rgyal po'i pho brang du bcang bar bya'o/ /rgyal po'i pho brang gi phyi rol dang / grong khyer gyi sgo
345b6 rnams su'ang de bzhin du bris te gzhag par bya'o/ /lam po che dang / srang dang / bzhi mdo dang / sum mdo rnams dang / khyim bdag rnams kyi khyim du'ang gzhag par
345b7 bya'o/ /gang gi tshe mang du bklags sam/ bslabs sam/ bcangs na de'i tshe yul der yams kyi nad dang / gnod pa rnams las thar bar 'gyur ro/ /byang chub sems
346a1 dpa' 'phags pa spyan ras gzigs dbang phyug gis de skad ces smras pa na/ bar snang la gnas pa'i lha rnams kyis lha'i me tog gi char ni
346a2 phab/ lha'i sil snyan rnams ni dkrol/ lha'i rnga bo che rnams ni brdungs te/ byang chub sems dpa' dang / lha dang / klu'i rgyal po thams cad kyis tshig 'di skad ces brjod
346a3 do| /gang gi tshe yul der gzungs sngags de dag dang / 'od zer de dag dang / sangs rgyas kyi mtshan de dag 'ong bar gyur pa de'i tshe bdag cag kyang ji ltar sngon bcom ldan
346a4 'das shAkya thub pa'i thad du 'ongs pa bzhin 'ong bar bya'o/ /rgyal po de la yul bsrung ba'i phyir bdag cag gis gzungs sngags sbyin par bya ste/ dam pa ci slong ba de bzhin
346a5 du sbyin par bya'o/ /de nas byang chub sems dpa' zhig bud med kyi gzugs kyis 'jig rten gyi khams rnam par snang mdzad kyi 'od zer gyis so sor brgyan pa zhes bya ba na
346a6 'dug pas/ de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i mngon sum du smon lam btab ste/ ci
346a7 nas kyang bdag mi mjed kyi 'jig rten gyi khams bcom ldan 'das shAkya thub pa'i sangs rgyas kyi zhing du mchis la/ der bcom ldan 'das de las dam pa'i chos pad+ma dkar
346b1 bo zhes bgyi ba'i chos kyi rnam grangs thos par gyur cig /der bdag gis sems can thams cad la phan pa dang / bde ba dang / nad las thar bar bgyid par gyur cig /ces
346b2 de skad du smon lam btab nas/ byang chub sems dpa' de sangs rgyas kyi zhing de nas shi 'phos nas mi mjed kyi 'jig rten gyi khams su rgyal po ma skyes dgra'i pho brang du btsun
346b3 mo dam pa'i bu mor skyes te dri ma med pa'i 'od ces bya bar gyur to/ /de nas rgyal po ma skyes dgra'i bu mor gyur pa dri ma med pa'i 'od ces bya ba de nyid 'khor de'i nang na 'dus
346b4 par gyur te 'dug pa des bcom ldan 'das la 'di skad ces gsol to/ /bcom ldan 'das yongs su mya ngan las 'das nas lo brgya lags pa na li yul yongs su
346b5 bskyang ba'i slad du bdag gis kyang bkas gtad pa ma nod par 'tshal lo/ /sangs rgyas bcom ldan 'das kyis sngar gsungs pa'i 'od zer btang ba rnams gang gi tshe bdag
346b6 gi steng du gnas par 'gyur ba na/ gzungs gang gis gzungs thams cad rtogs par 'gyur ba'i gzungs de'ang bdag gis bud med kyi gzugs kyis thob par gyur cig /gang
346b7 gi tshe li yul du 'jigs pa chen po byung bar gyur pa na de'i tshe yul yongs su bsrung ba dang / bstan pa'ang yun ring du gnas par bgyi ba'i slad du/ bdag la sangs
347a1 rgyas bcom ldan 'das rnams kyis dgongs par gyur cig /thabs kyang ston par gyur cig /lha rnams kyang dam pa stsol bar gyur cig /de bzhin
347a2 du bdag der mi'i bud med gzhan 'dra bar bud med de tha mal pa'i gzugs su snang bar gyur cig /sangs rgyas kyi 'od zer de dag gi steng du gnas pa'ang thob par gyur
347a3 cig /sems can gnod pas nyen pa rnams dang / nad kyis thebs pa rnams dang / sdug bsngal bar gyur pa de dag sdug bsngal thams cad las thar bar bgyi ba'i slad
347a4 du gzungs sngags de dag kyang bdag gis thob par gyur cig /gang gi tshe rgyal po chen po de dag phan tshun 'thab pa dang / gang gi tshe gdong dmar gyi li yul gyi yul 'khor
347a5 khyer ba na'ang der bdag bud med kyi skye ba len par gyur cig /sangs rgyas bcom ldan 'das rnams kyis theg pa chen po'i mdo sde dam pa'i chos pad+ma dkar po gsungs
347a6 pa gang lags pa de'ang bdag 'dzin par gyur cig /mdo sde 'di las gzungs sngags 'byung ba rnams kyang rtogs par gyur cig /sems can 'dul ba'i slad du sgra thams
347a7 cad la rtogs pa'i ting nge 'dzin yang rtogs par gyur cig /dam pa'i chos pad+ma dkar po'i chos kyi rnam grangs kyis sems can thams cad la phan 'dogs par gyur cig /
347b1 li yul gyi srung ma gang lags pa'i lha rnams la'ang chos kyi sbyin pa dang / mchod pa'i las bgyid par gyur cig /theg pa chen po'i mdo sde dam pa'i chos pad+ma dkar po 'di
347b2 dang / lha gang dag gis mdo sde 'di bstan cing mnos pa de dag kyang bdag gi dbang du gyur cig /de nas srung ma rnam thos kyi bu dang / srin mo la ma dkon ti srin mo thams
347b3 cad dang / grogs mo dang bcas pa dang / 'phrog ma bu dang 'khor du bcas pa de dag gis bcom ldan 'das dang / lha mo dri ma med pa'i 'od kyi tshig thos nas/ stan las
347b4 langs te thal mo sbyar nas 'di skad ces gsol to/ /gang gi tshe lha mo 'di li yul du skye ba len par gyur pa de'i tshe bdag cag kyang grogs bgyid pa'i slad du srung ma
347b5 bgyid cing theg pa chen po'i mdo sde dam pa'i chos pad+ma dkar po dang / li yul gyi yul 'khor sangs rgyas bcom ldan 'das kyis gtad pa khyod kyis mnos so zhes
347b6 dran par bgyi'o/ /de'i tshe lha'i rgyal po sum cu rtsa gnyis kyis lha mo de'i dam bcas pa 'di thos nas 'di skad ces gsol to/ /gang gi tshe lha mo 'di li yul bsrung ba'i
347b7 slad du skye ba len par gyur pa de'i tshe bdag cag 'khor dang bcas pas kyang yul bsrung ba dang / bsams pa bzhin du 'byor par bgyid pa'i slad du grogs bgyi'o//
348a1 de'i tshe lha mo dri ma med pa'i 'od stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/
348a2 thal mo sbyar nas bcom ldan 'das la dam pa gsol zhing / bcom ldan 'das kyi spyan sngar smon lam btab pa/ bcom ldan 'das/ bdag sems can thams cad
348a3 la bu gcig pa bzhin du sems par gyur cig /brtson 'grus gang ci rtsom pa de thams cad grub par gyur cig /lus brtan pa dang / sems brtan pa dang / sems
348a4 can gyi don bgyid pa dang / bsam pa yongs su rdzogs par bgyid pa dang / yul gyi slad du sems mngon par brtson par gyur cig /dam pa'i chos pad+ma dkar
348a5 po'i mdo sdes sems can rnams la phan 'dogs pa dang / ting nge 'dzin yang thob par gyur cig ces smras so/ /lha mos bcom ldan 'das kyi spyan sngar de skad ces
348a6 smras pa de'i tshe bcom ldan 'das dang / lha mo dri ma med pa'i 'od kyi steng du lha'i me tog gi char bab bo/ /de'i tshe lha mo dri med 'od/ /byang chub sems dpa'i gnas
348a7 mdzes pa/ /li yul du ni skyes shig ces/ /rgyal ba'i spyan sngar smon lam btab/ /skyob pa shAkya seng+ge yi/ /bstan pa ji srid gnas pa'i bar/ /de srid par du bdag kyang
348b1 der/ /rtag tu skye ba 'dzin gyur cig /rgyal ba'i spyan sngar gang gi tshe/ /lha mos smon lam btab pa na/ /sangs rgyas zhing bzhugs rgyal rnams kyis/ /de tshe legs zhes bya ba byin//
348b2 lha mo yul gyi srung ma la/ /rgyal ba rnams kyis legs byin pa/ /rnam thos bu dang gnod sbyin dbang / /kun tu rgyal gyis de bzhin thos/ /de tshe rnam thos bu la sogs/ /lha
348b3 rnams gang dag der 'dus pa'i/ /bcom ldan 'das la tshig gis gsol/ /li yul yongs su bsrung ba'i phyir/ /lhar ba dam pa mthun gyur pa/ /bdag cag gis ni yul
348b4 yang bzung / /gang tshe gser gyi rigs dag dang / /skar rdo'i yul ni mdzes gyur pa/ /li ni dbang bar gyur pa na/ /gser gyi dpya ni 'jal bar 'gyur/ /de tshe lha mos gsol
348b5 pa ni/ /skar rdo dang ni gser gyi rigs/ /lha rnams kyis ni bsrung ba'i phyir/ /rgyal ba skyes mchog stsol bar mdzod/ /sa 'dir sngon gyi tshe rabs su/ /gang tshe bdag ni dgo
348b6 bsnyen ma/ /ming ni hu shar gyur pa na/ /yul 'di gnyis ni bdag gi lags/ /de yi 'khor du rgyal byung ba/ /u rgyan bdag po dbang phyug go /rgyal po stan las langs nas
348b7 kyang / /pus mo gnyis ni sa la btsugs/ /bcom ldan 'das la gsol ba ni/ /gang gi tshe ni la yul zhes/ /bya ba de ni 'byung 'gyur zhing / /yongs su rgyas shing skyo bo gang / /
349a1 de tshe skar rdo'i yul dag tu/ /stobs chen rgyal por bdag gyur nas/ /der ni li yi bdag po dang / /rtag tu gnyen ni bgyid pa dang / /bdag gi
349a2 yul de bsrung ba'i phyir/ /bdag nyid kyang ni dbul bar bgyi/ /de yi tshe ni dri med 'od/ /lha mos smon lam 'di skad btab/ /gang tshe yul gyi dang po 'dir/ /sum
349a3 pa mang po 'ong ba dang / /gang tshe yul 'dir rgya dang ni/ /'a zha dang ni sum pa rnams/ /'phags skyes po yi dmag bzhin du/ /yul der 'ong bar gyur pa na/ /de tshe
349a4 yul 'dir skye bo'i phyir/ /bdag gis skye ba blang bar bgyi/ /bdag gis skye ba der blangs pas/ /sum pa la sogs ldog gyur cig /li yul na ni gnas rnams kyis/ /
349a5 sngon ni gang du las bgyis pa/ /der ni bdag kyang dga' bzhin du/ /bdag gis su ni las rnams bgyis/ /der ni sngon gyi rgyal po gang / /blon po khyim bdag yul
349a6 mi dang / /bdag la sdug par gyur pa dang / /de dag dang ni bral bar 'gyur/ /de tshe bdag ni gcig pu sdug /mi gtsang ting 'dzin thob gyur nas/ /der ni skye bar gyur pa
349a7 na| |sngon gyi smon lam dran gyur cig /de tshe de yi 'khor du ni/ /ka spa ra yi bdag po rgyal/ /des ni lha mo dri med 'od/ /smras pa thos par gyur nas kyang / /rgyal
349b1 po stan las langs nas ni/ /'di skad kyi ni tshig kyang smras/ /bdag ni tshe rabs snga mar ni/ /mi bzad las byas gang yin pas/ /shAkya rnams ni brlag pa'i phyir/ /bdag
349b2 ni rgyal po 'phags skyes dang / /mdzes pa'i yul du lhan cig dang / /las 'di rnam smin mi bzad pa/ /tshe 'di la ni mi myong bar/ /bdag ni 'di skad smon lam 'debs//
349b3 gang gi tshe na sum pa dang / /'a zha dag der dong ba dang / /bdag gis sngon shAkya'i yul du 'phags skyes po'i g.yul ngor las byas pa gang yin pa de/ gang gi tshe lha mo
349b4 'di skyo ba chen por gyur pa na de'i tshe bdag 'di'i phar gyur la/ bdag gi phyir 'di skyo bar gyur cing dang por gzungs thob pa bzhin du/ des bdag kyang sdug bsngal
349b5 thams cad las grol bar gyur cig ces byas so/ /rgyal po de'i btsun mo dam pa 'khor de nyid kyi nang na 'dug pa des smon lam btab pa de'i tshe bdag kyang lha mo dri ma med pa'i
349b6 'od kyi mar gyur la bdag gis 'phags skyes po'i dmag slar ldog la sdig pa'i las chen po 'di lta bu byas te ci bya zhes gyod btab pa'i dge ba'i sems bskyed pa gang yin
349b7 pa des na li yul der bdag 'chi ba'i dus la ma bab kyi bar du/ bdag gis li yul de nyid du mi rtag pa nyid mthong nas/ gang gi tshe yul der 'a zha dang / sum pa 'ong ba de'i tshe
350a1 bdag 'chi ba'i dus byas nas 'jig rten gyi khams bde ba can du skye bar gyur cig ces byas so/ /lha mo dri ma med pa'i 'od de'i ming po rgyal po ma
350a2 skyes dgra'i bu gang yin pa de'ang shin tu nga rgyal che zhing rgyags pas g.yul 'gyed pa blta ba'i phyir shAkya'i g.yul der rgyal po 'phags skyes po'i dmag gi zla la 'ongs
350a3 nas/ des kyang g.yul der mi bsad pa la sogs pa'i sdig byas te/ gang gi tshe der sems can mang po shi ba mthong ba de'i tshe/ des sangs rgyas mthong nas 'gyod pa chen
350a4 po dang skyo bar gyur cing / de'i tshe des lha mo dri ma med pa'i 'od la smras pa/ da ni khyod kyi ming po shin tu sdug pa yin pas ngas dmag de'i nang du sdig pa'i las byas pa
350a5 khyod kyis thos nas rjes su yi rangs par gyur te/ khyod kyi yid kyis mi dge ba thob par gyur pa gang yin pa'i las kyi rnam par smin pa des na khyod kyi yul du sum pa'i
350a6 dmag 'ong bar gyur te/ de'i tshe'ang da ltar ji lta ba bzhin du der nga khyod kyi sdug pa'i ming por gyur la/ khyod kyis gcig pu lung med par mi gtsang ba'i ting nge 'dzin thob
350a7 par 'gyur ba dang / khyod kyis thog ma kho nar gzungs thob par gyur pa bzhin du/ de'i tshe nga'ang khyod kyi mthus sems can dmyal ba dang / dud 'gro'i sdug bsngal rnams
350b1 las thar bar gyur nas gnod sbyin gyi dbang po rnam thos kyi bu'i g.yog byed pa'i gnod sbyin A dzu la zhes bya bar gyur la des rtag tu khyod bsrung zhing ngas rnam thos kyi bu la
350b2 sogs pa de dag dang / gnod sbyin gzhan de dag dang / lha'i pho brang sum cu rtsa gnyis dag tu lha'i rgyal po de dag la dran par bskul te/ gang gi tshe khyod la dgongs pa de'i tshe 'ongs
350b3 nas ci 'dod pa sgrub bar gyur cig ces smras so/ /der lha mo de nyid kyi bu mo tha chung rgyal po ma skyes dgra'i bu mor gyur pa des smon lam btab pa/ bdag gi ming po 'phags skyes
350b4 po'i dmag gi zla la sdig pa'i las byas pa bdag gis thos nas dga' bar gyur pa'i las des na der yang khyod kyi bu mor gyur la gang gi tshe las de'i rnam par smin pas bdag
350b5 mya ngan gyis 'chi ba'i dus byed par 'gyur ba de'i tshe khyod de ltar bur skyo bar gyur pas na/ bdag gis dge ba'i bshes gnyen rnyed nas chos gang gis 'bras bu dang po thob
350b6 ste| sdug bsngal mthar byed par 'gyur ba'i de lta bu'i chos thos nas de'i tshe sngon dang / phyi ma'i las rnams dran par gyur cig ces byas so/ /der lha mo de'i ming po tha chung du
350b7 gyur cing / /dge bsnyen ma hu sha zhes bya bar gyur pa phyin chad de'i ming por gyur pa de'i sngon gyi las kyis sems can rnams skrag par byed pa des sring mo bcom ldan
351a1 'das kyis spyan sngar smon lam 'debs pa'ang mthong la/ bcom ldan 'das kyi spyan sngar smon lam btab nas li yul gyi yul 'khor
351a2 yongs su bskyang ba'i phyir mnos pa'ang mthong ngo / /de nas lha mo dri ma med pa'i 'od kyi ming po tha chung rgyal po ma skyes dgra'i bus bcom ldan 'das ga na ba de logs
351a3 su thal mo sbyar ba btud nas 'di skad ces gsol to/ /sngon bdag gis sangs rgyas bcom ldan 'das mang po la bsnyen bkur byas te/ dus thams cad du skyes
351a4 par gyur nas rgyal srid kyi bgyi ba mang po'ang bgyis so/ /bdag gi sring mo 'di'ang bud med kyi gzugs kyis byang chub sems dpa'i spyad pa spyod pa lags te/ 'dis
351a5 li yul yongs su bskyang ba'i slad du sug par blangs pa de ni las chen po mchis kyi 'tshal ba lags te/ bud med kyi bsam pa ni sangs rgyas bcom ldan 'das
351a6 nyid kyis mkhyen par bas so/ /bcom ldan 'das/ ci nas kyang bdag gi steng du 'od zer rnams btang ba de lta bur bdag la byin gyis brlab par gsol/ /ci nas kyang
351a7 yul bsrung ba'i slad du grogs bgyid par 'gyur ba dang / bdag gi rigs kyis yun ring por li yul du yul 'dzin par 'gyur ba de lta bu'i gzungs kyang stsal
351b1 bar gsol/ skye ba blangs te 'bras bu thob nas gum pa'i 'og tu lha rnams kyi nang du skye bar gyur cig /gang gi tshe li yul du sum pa'am/ gdong dmar rnams 'ong bar 'gyur
351b2 ba de'i tshe bdag skar rdo'i yul gyi rgyal por gyur te/ lha mo dri ma med pa'i 'od de'i ming por byung la/ li yul dar bar bgyi ba'i slad du bdag de'i grogs bgyid par gyur
351b3 cig ces byas so/ /gang gi tshe gzhon nu des de skad ces gsol nas/ smon lam yang btab/ de'i tshe bcom ldan 'das bdud las rnam par rgyal ba zhes bya ba'i ting nge 'dzin
351b4 la snyoms par zhugs so/ /lha rnams kyis kyang lha'i me tog gi char phab ste/ lha'i sil snyan rnams dkrol lo/ /bcom ldan 'das ting nge 'dzin de las bzhengs nas bka'
351b5 stsal pa/ ngas thog ma sems bskyed pa nas byang chub kyi snying po la 'dug gi bar du/ bsod nams dang dge ba'i rtsa ba bsags pa de dag dang / de bzhin gshegs pa mang
351b6 po gzhan dag ji lta ba bzhin du sangs rgyas kyi phrin las mang po mdzad mdzad pa'i bsod nams kyi phung po chen po de dag dang / cho 'phrul de dag ngas dus gcig tu bsdus
351b7 te brtul bas ma 'ongs pa'i dus su lha mo dri ma med pa'i 'od 'dis yongs su bskyang ba'i phyir lag tu blangs pa'i li yul gyi yul 'khor rab tu gnas par bya'o/ /de
352a1 nas bcom ldan 'das bya rgod kyi phung po'i ri las mi snang bar gyur te/ phyogs gang du li yul dang / thub pa'i drang srong chen po'i gnas
352a2 go ma sa la gan+d+ha'i mchod rten 'byung bar 'gyur ba'i phyogs der bzhugs so/ /bcom ldan 'das der bzhugs bzhin du dpal thams cad kyis brgyan pa zhes bya ba'i
352a3 ting nge 'dzin la snyoms par zhugs nas/ ye shes sgron ma zhes bya ba'i 'od zer btang ngo / /bya rgod kyi phung po'i ri la gnas pa'i 'khor de dag thams cad kyis
352a4 kyang gnas gcig na 'khod bzhin du bcom ldan 'das gang du li yul 'byung bar 'gyur ba'i phyogs de na skyil mo krung bcas te bzhugs par mthong ngo / /thub
352a5 pa'i drang srong chen po'i gnas ri glang ru zhes bya ba de la gnas pa'i byang chub sems dpa' sngon bcom ldan 'das shAkya thub pa byang chub sems dpa'i spyad pa spyod
352a6 pa na grogs su gyur ba gang yin pa de dag gis kyang 'od zer de dag btab ste/ bcom ldan 'das nyid ni gang du go ma sa la gan+d+he'i mchod rten gyi chos kyi 'khor lo
352a7 'byung bar 'gyur ba de'i bar snang la bzhugs so/ /byang chub sems dpa' rnams ni gang dang / gang dag tu dge 'dun gyi kun dga' ra ba dang / dgon pa'i gnas
352b1 dang / dri gtsang khang dang / mchod rten chen po rnams 'byung bar 'gyur ba'i chu'i nang gi pad+ma'i steng de dang / de dag la 'khod do/ /de nas der sangs rgyas bcom ldan 'das kyis
352b2 gzungs sngags gang gis sangs rgyas bcom ldan 'das rnams kyi chos thams cad thugs su chud par 'gyur ba'i gzungs sngags kyi spyi bo zhes bya ba 'di bshad do/ /
352b3 tad+ya thA/ ba ba ra/ pra t+ya ba ba ra/ pradz+nyA ba ba ra/ bud+d+ha ba ba ra/ sad d+ha rma ba ba ra/ shu rA ba ba ra/ sarba d+harma skan d+ha ba ba ra/ badzra pA Ni ba ba ra/ tiSh+Tha te ba ba ra swAhA/ gang gi tshe
352b4 sangs rgyas bcom ldan 'das kyis gzungs sngags 'di bshad pa'i tshe bya rgod kyi phung po'i ri la gnas pa'i 'khor thams cad kyis thos so/ /ri glang ru'i zom na bcom
352b5 ldan 'das byang chub sems dpa' thams cad kyi tshogs dang / thabs gcig tu bzhugs pa'ang mthong ngo / /de nas bcom ldan 'das kyis lha mo dri ma med pa'i 'od dang / gzhon
352b6 nu rdo rje sde la bka' stsal pa/ khyod kyis gzungs sngags 'dis nga'i las gyis la/ li yul gyi yul 'khor khyod la gtad pas yongs su bsrung bar gyis shig /de'i tshe lha mo dri ma
352b7 med pa'i 'od dang / byang chub sems dpa'i rdo rje sdes 'di skad ces gsol to/ /bcom ldan 'das/ li yul gtad pa 'di bdag cag gis nod par 'tshal lo// //
353a1 dri ma med pa'i 'od kyis zhus pa/ bam po gnyis pa/ de'i tshe bcom ldan 'das kyis dri ma med pa'i 'od dang / gzhon nu rdo rje sde'i don gyi phyir
353a2 gzungs sngags gzhan bshad pa/ tad+ya thA/ ni rdzi te/ brdzi te/ brdzi te/ b+ha Thi te d+harma skan d+ha a pa ra dzi te/ in+d+ra brdzi te/ phu swAhA/ de'i tshe sangs rgyas bcom ldan 'das rin chen
353a3 snying po la sogs pa gang dag la lha mo dri ma med pa'i 'od kyis sngon sangs rgyas nyid du thog ma sems bskyed pa de dag kyang der gshegs so/ /gzhon nu rdo rje sdes
353a4 kyang yon phul lo/ /sangs rgyas bcom ldan 'das de bzhin gshegs pa kun tu gzigs pa de las sngon sangs rgyas nyid du lung bstan pa thob bo/ /dri ma med pa'i
353a5 'od kyis sangs rgyas kyi zhing 'od kyi rgyal po zhes bya ba der byang chub thob par 'gyur te/ de bzhin gshegs pa zla ba'i rgyal mtshan shin tu 'phags pa'i 'od zer gyi
353a6 'od kyi rgyal po zhes bya bar 'gyur ro/ /gnas pa zhes bya ba'i bskal pa la 'jig rten gyi khams bud med du grags pa zhes bya bar de bzhin gshegs pa chos
353a7 kyi sgra sgrogs phyag na rin chen mdzod bsnams zhes bya bar 'gyur ro/ /gang gi tshe lha mo de la de ltar sangs rgyas bcom ldan 'das kyis lung bstan pa de'i tshe/ de lung bstan pa'i phyir
353b1 sangs rgyas bcom ldan 'das kyis 'od zer btang ste/ gang gi tshe lha mo dri ma med pa'i 'od kyis lung bstan pa de thob pa de'i tshe der byang chub sems dpa' sems kyi
353b2 tshig ces bya bar gyur te/ de phyin chad sangs rgyas kyi zhing thams cad na gnas pa'i sangs rgyas bcom ldan 'das rnams kyis kyang lung bstan to/ /bskal pa bzang po'i
353b3 byang chub sems dpa' rnams kyis kyang byang chub gang la khyod gnas pa de ni shin tu dkon pa yin no zhes smras so/ /sangs rgyas bcom ldan 'das gang dag sngon sangs rgyas
353b4 bcom ldan 'das shAkya thub pa'i thad du 'od zer gtong ba'i sangs rgyas bcom ldan 'das de dag gis kyang gsung gcig tu mthun par gzungs sngags bshad pa/ tad+ya thA/ tA
353b5 thA tA/ lo kA gra/ ta thA ga ta/ ka ba pa bi/ ka ra dzi/ b+hu ta ko Ti/ bi bi dra dra kha sha ra/ sa sa sa sa sa sa sa sa/ b+ha d+ha pra b+ha/ ba pa da ka ra nas/ ba ra na ba ba ba ba/ a sa tsa ru na na/ tsa pa pa ra
353b6 Na na/ ka ka ko Ta rA dzA na/ bya ka ra Na sa b+ha dra/ ka ra Na swAhA/ gzungs sngags 'di ni lung ston pa zhes bya ste/ gzungs sngags 'dis sangs rgyas bcom ldan 'das rnams kyis
353b7 byang chub sems dpa' rnams bla na med pa yang dag par rdzogs pa'i byang chub tu lung ston par mdzad de/ mtshan lan gsum/ nyin lan gsum du bzlas brjod byas na
354a1 phyir mi ldog par 'gyur te/ sangs rgyas kyi byang chub tu lung bstan pa'ang thob par 'gyur ro/ /gang gi tshe lha mo dri ma med pa'i 'od kyis sangs
354a2 rgyas nyid du lung bstan pa thob pa de'i tshe des bzod pa chen po thob par gyur te/ de'i tshe des smon lam btab pa/ ji srid du li yul du 'jigs pa chen po 'byung
354a3 bar 'gyur ba de srid du bdag bud med kyi gzugs su snang bar gyur te/ smon lam btab pa des na de'i tshe bdag skar rdo'i rgyal po'i bu mor skye ba len par gyur cig
354a4 ces byas so/ /de bzhin gshegs pa zla ba'i rgyal mtshan shin tu 'phags pa'i 'od zer gyi 'od kyi rgyal po la phyag 'tshal lo/ /de bzhin gshegs pa chos kyi sgra
354a5 sgrogs phyag na rin chen mdzod bsnams la phyag 'tshal lo zhes sangs rgyas kyi mtshan 'di gnyis su brjod pa ni bud med du skye ba las thar bar 'gyur te/ 'jig
354a6 rten gyi khams der skye bar 'gyur ro/ /chos dang ldan pa'i dam pa ji lta bu 'dod pa de bzhin du 'grub par 'gyur ro/ /sems can dmyal bar skye ba'i las rnams
354a7 kyang bshags par 'gyur ro/ /bla na med pa yang dag par rdzogs pa'i byang chub las kyang phyir mi ldog par 'gyur ro/ /sad+ya thi dan/ da da da da/ pradz+nyA ke sa/ pradz+nyA ke
354b1 re| pa ra pra dz+nyA/ pra ti ha ta swAhA/ gzungs sngags 'di ni byang chub kyi yan lag gi me tog ces bya ste/ chos ji lta bu 'dod pa de lta bu 'thob par 'gyur ro/ /bdud kyi rigs kyi
354b2 lha rnams kyis kyang sangs rgyas su bsgrub pa la bar chad byed mi nus shing glags rnyed par mi 'gyur ro/ /dran pa dang yang ldan par 'gyur ro/ /sems kyang phyin ci log tu mi
354b3 'gyur ro/ /gang gi tshe sangs rgyas bcom ldan 'das kyis gzungs sngags 'di bshad pa de'i tshe lha mo dri ma med pa'i 'od kyis smon lam btab pa/ bdag gis der skye ba
354b4 blangs te skar rdo'i rgyal po'i bu mor gyur nas gser gyi yul gang du bdag gi pha ma gum pa'i sdug bsngal gyis bdag skyo bar gyur pa der bdag 'go bar gyur cig ces byas
354b5 so| |de'i tshe 'khor de'i nang na rgyal po ma skyes dgra'i grong khyer skyong ba'i rigs kyi bu gzhan zhig 'dug pa des 'di skad ces smras so/ /bdag khyed kyi khyim thab tu gyur la
354b6 bdag gi khyim na khyod bud med kyi lus kyis las de dag byed cing bdag gis kyang der bar chad byed par mi 'gyur ba dang / khyod kyi yul gyi phyir dang / sangs rgyas nyid
354b7 bsgrub pa'i bar gyi las ci byed pa de dag thams cad bdag gi khyim du byed cing dka' ba'i las de dag thams cad kyang dran par gyur cig ces byas so/ /de na grong khyer
355a1 skyong ba de'i bur gyur pa zhig yod pa des smras pa/ gang gi tshe sngon khyod dge bsnyen ma hu sha zhes bya bar gyur pa de'i tshe bdag khyod kyi bur
355a2 gyur cig ces bdag gis smon lam btab nas/ de phyin chad tshe rabs thams cad du khyod ni bdag gi mar gyur la/ bdag ni khyod kyi bur gyur to/ /gang gi tshe khyod
355a3 gser gyi yul du smon lam chen po'i dbang gis las byed par 'gyur ba dang / gang gi tshe yul der gnod pa chen po byung ba de'i tshe/ yang ci nas kyang bdag der
355a4 sems can thams cad gnod pa las thar bar bya ba'i phyir grogs su 'gyur ba dang / yul de na rgyal po med par yang bdag gis chos bzhin du skyong ba dang /
355a5 bdag gzhan gyis bkol bar mi 'gyur ba dang / sangs rgyas nyid du gyur gyi bar du bdag khyod kyi bur 'gyur zhing khyod kyang bdag gi mar gyur cig ces byas so/ /
355a6 de'i tshe 'khor de'i nang na lha mo dri ma med pa'i 'od de'i phyi bzhin du 'brang ba'i rigs dang ldan pa'i bud med cig 'dug pa nga rgyal gyis shin tu khengs shing rgyags
355a7 la 'dod chags kyi sems dang shin tu ldan pa des smon lam btab pa/ bdag kyang khyod kyi nu mor gyur te/ gzhon nu'i tshe bdag gis skyes bu mang po dag dang
355b1 'dod pa'i 'dod chags kyi phyir bgad pa dang / rtses pa gang yin pa'i bdag gi las de dag thams cad byang bar gyur cig ces byas so/ /'khor de'i nang na skyes pa gzhan
355b2 zhig sangs rgyas bcom ldan 'das kyi spyan sngar 'dug pa des rigs dang ldan pa'i bud med de la smras pa/ gang khyod kyis nga'i phyir gsang ba'i don gyis dam bcas pa de ni
355b3 ngas mi gtong zhes byas nas/ de'i tshe mi des smon lam btab pa/ gang gi tshe ma 'ongs pa na rigs dang ldan pa'i bud med 'di lha mo dri ma med pa'i 'od dang lhan cig tu
355b4 li yul na gnas shing las chen po byed par 'gyur ba de'i tshe bdag gis las 'di gshegs te 'khor ba nas 'byung ba 'thob par gyur cig ces byas so/ /de'i tshe lha mo dri ma
355b5 med pa'i ming po byang chub sems dpa' rdo rje sdes bcom ldan 'das kyi spyan sngar pus mo'i lha nga sa la btsugs te/ thal mo sbyar nas 'di skad ces gsol to/ /btsun pa
355b6 bcom ldan 'das/ bdag gser gyi rigs su chos dang ldan pa'i rgyal por gyur te/ yul brtas par bgyi ba'i slad du lha mo dri ma med pa'i 'od kyi grogs su gyur la/ li
355b7 yul gyi yul 'khor brtas par bgyi ba'i slad du gser gyi yul gang du dge bsnyen ma hu sha zhes bya bar gnas par gyur pa der nor sa'i 'og tu bzhag pa dang / mi shi
356a1 ba rnams kyi dur khrod na yod pa gang yin pa dang / dge bsnyen ma hu sha'i nor du gyur pa gang yin pa de dag thams cad bdag gis btsal te/
356a2 gser la sogs pa nor mang po rnams stsal bar bgyi'o/ /lha mo dri ma med pa'i 'od 'di'ang sangs rgyas bcom ldan 'das kyi spyan sngar li yul gyi slad du nor rnams
356a3 dbul bar bgyid do/ /gang gi tshe yul der gnod pa 'byung ba de'i tshe yang lha'am/ klu'am/ gnod sbyin nam/ 'byung po gang su dag nor de la bgegs byed par
356a4 mi 'gyur ro/ /yul de'i srung mar gyur pa gang yin pa de dag thams cad kyang ci nas nor de rnyed par 'gyur bar rang nyid grogs byed par 'gyur ro/ /sngon gyi gser gyi
356a5 ri gang du dge bsnyen ma hu sha byung bar gyur pa der bud med gzhan zhig byung ste/ des sbyin pa mang po byin la tshul khrims ni des ma bsrungs te/ des 'di skad du/ bdag
356a6 gis sbyin pa dag byin pa'i bsod nams bsags pa gang yin pa des bdag gser gyi rigs kyi rgyal po'i btsun mo dam par gyur la/ ci nas kyang li yul de brtas
356a7 bar bya ba'i phyir nor sbyin pa byed pa de lta bur bdag grogs su gyur cig ces byas so/ de'i tshe lha mo dri ma med pa'i 'od kyi ming po gzhon nu rdo rje sdes 'di skad ces gsol to//
356b1 gang gi tshe dmag gi dpung chen po de dag phan tshun 'gyed par 'gyur ba de'i tshe bdag skar rdo'i rgyal por gyur nas/ gang gi tshe gdong dmar dag dmag 'dren pa de'i tshe/
356b2 bdag gi gser gyi rigs kyi rgyal po las nor blangs te/ li yul brtas par bgyi ba'i slad du chos bzhin du stsol bar gyur cig ces byas so/ /de'i tshe na rigs dang ldan
356b3 pa'i bud med gzhan zhig lha mo de'i grogs mor gyur ba sa dang po thob pa gang yin pa de'i 'khor der 'dus par gyur te 'dus pa des smon lam btab pa/ bdag li yul du tshe rabs bdun
356b4 gyi bar du rgyal po'i btsun mo dam par gyur cig /gang gi tshe dmag gi dpung chen po gang yin pa de dag li yul du g.yul 'gyed pa'i dus la bab pa de'i tshe ni bdag
356b5 rgya yul du skye ba len par gyur cig /gang gi tshe gzhon nu rdo rje sde 'di li'i rgyal por gyur pa de'i tshe na bdag de'i btsun mo dam par gyur nas/ bdag cag gnyis kas li
356b6 yul slar brtas par bgyi ba dang / dge 'dun gyi kun dga' ra ba rnams dang / dgon pa'i gnas rnams dang / mchod rten chen po dang / dri gtsang khang dang / gdong dmar
356b7 rnams kyis bsregs pa gang yin pa de dag kyang bdag cag gnyis kyis slar gsar du bgyid par gyur cig ces byas so/ /gang gi tshe de dag gis 'khor gyi nang du smon lam
357a1 btab pa de'i tshe bcom ldan 'das rdo rje rgyal mtshan zhes bya ba'i ting nge 'dzin la snyoms par zhugs so/ /rgyal po chen po rnam thos kyi bu dang /
357a2 gnod sbyin kun tu rgyal dang / klu'i rgyal po ma dros pa dang / lha'i bu blo gros rab tu brtan pa dang / lha mo 'phrog ma bu dang bcas pa dang / lha mo dri ma med pa'i 'od rnams
357a3 kyang de'i tshe sangs rgyas yid la byed pa zhes bya ba'i ting nge 'dzin la snyoms par zhugs so/ /de nas ting nge 'dzin las langs te/ bcom ldan 'das kyi spyan sngar
357a4 bus me'i lha nga sa la btsugs nas 'di skad ces gsol to/ /bcom ldan 'das/ bdag cag gis ma 'ongs pa'i dus su li yul de bsrung ba'i slad du mnod par
357a5 'tshal te/ ji ltar bcom ldan 'das kyis bka' stsal pa de bzhin du sug las thams cad 'tshal lo/ /de nas 'khor der 'dus pa gang yin pa'i lha dang / klu dang /
357a6 gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa de dag thams cad kyis bcom
357a7 ldan 'das kyi steng gi nam mkha' la me tog gi char phab nas rol mo'i sgra rnam pa sna tshogs ji lta bus sangs rgyas bcom ldan 'das la mchod par 'os pa rnams
357b1 kyang bsgrags so/ /de'i tshe 'khor de'i nang na rnam thos kyi bu dang / kun tu rgyal la sogs pa gang dag gi lag tu yul de bsrung ba'i phyir gtad pa de dag la 'di skad ces
357b2 bka' stsal to/ /yul bsrung ba'i phyir khyod kyi lag tu yang dang / yang du gtad do/ /gang gi tshe gdong dmar dag gis yul bzung ste/ dge 'dun gyi kun dga' ra ba dang /
357b3 dri gtsang khang dang / mchod rten chen po rnams 'jig par byed cing sreg par byed de/ de dag gis ci nas kyang nga'i bstan pa gzhig par bya ba'i phyir smon lam log
357b4 par btab pas ring por mi thogs par der dmag sde gnyis po de dag phan tshun 'gyed par 'gyur ba de'i tshe lha mo dri ma med pa'i 'od kyi ming po gzhon nu rdo rje sde
357b5 nyid gser gyi rigs kyi yul der song nas/ gser gyi rigs kyi rgyal po la 'di skad ces smras te/ dri ma med pa'i 'od kyis zhus pa'i mdo bcom ldan 'das shAkya
357b6 thub pas bka' stsal pa yod de/ li yul nas 'ongs pa 'di ni sangs rgyas bcom ldan 'das dang / lha rnams kyis gsungs pa yin te/ sangs rgyas bcom ldan
357b7 'das rnams dang / lha rnams kyi bka' ni gcog tu rung ba ma yin no/ /gdong dmar gyis li yul gyi yul 'khor khyer ba'i dus la ni da bab pa ste rgya ni gser gyi
358a1 rigs kyi yul du 'ong bar 'dod do/ /gang gi tshe phan tshun g.yul 'gyed par byed par de ni 'jigs pa chen po yin te/ gang gi tshe gdong dmar
358a2 rnams skrag par gyur pa de'i tshe/ gser gyi rigs kyi yul du 'gro bar chas so/ /de la bcom ldan 'das kyis bstan pa ni 'di yin te/ gang gi tshe gser gyi rigs kyi yul
358a3 gdong dmar mi gtong la/ rgyang la gnod pa byed du mi 'ong ba de'i tshe/ gser gyi rigs kyi yul du mdo 'di phrin yig tu khyer la gser gyi rigs kyi rgyal po la/ 'di skad du/ 'di ni
358a4 sangs rgyas bcom ldan 'das dang / lha rnams kyis bka' stsal pa yin te/ lha dang / mi rnams kyis 'gal bar bya ba mi rung ba yin gyi/ bdag gis li yul gyi glung
358a5 sbyin pa dang / skar rdo'i don gyi phyir nga la nor mang po byin cig ces smras la/ gang gi tshe nor thob par gyur pa de'i tshe thog mar li yul du nor rdzongs la gdong dmar
358a6 la skur cig /li yul pa rnams la'ang nger sbyin par bya ste/ gang gi tshe li yul du skyes bskur ba na der thog mar skar rdor yang bskur bar byas nas li'i yul chos
358a7 bzhin du bya'o/ /de'i tshe/ 'di skad du/ nga ni gdong dmar rnams kyi bran mi byed de/ ngas li yul gzung gi nga la nor byin cig dang / de dag gis dmag gi dpung chen
358b1 po'ang der 'ong bar mi nus so zhes smros shig /gang gi tshe de'i dmag li yul du 'ong na der ma 'ongs shig dang yul de ci ri ba'i rin ngas sbyin no/ /ci ste yul blu ba'i
358b2 phyir/ phrin yig 'di bzhin du byed par 'gyur na bdag cag gis li yul thams cad bsdus te 'dum par bya'o zhes byas na rdzi bar mi nus te 'di la the tshom mi bya'o//
358b3 gang gi tshe sangs rgyas bcom ldan 'das kyis lha mo dri ma med pa'i 'od dang / byang chub sems dpa' rdo rje sde la de skad ces bstan nas/ sangs rgyas bcom ldan 'das rnams
358b4 'od zer rnams gtong zhing byang chub sems dpa' rnams gtong ba gang yin pa de dag dang / lha la sogs pa 'khor der 'dus pa gang yin pa de dag gis 'di skad ces gsungs
358b5 so| |bdag cag gis kyang lha mo dri ma med pa'i 'od de la gang gi tshe yul der gnod pa 'byung bar 'gyur ba de'i tshe dran par 'gyur ba'i gzungs sngags dang / gzungs sngags gang yid la
358b6 byas na gzungs sngags chen mo gzhan rnams rtogs par 'gyur ba de sbyin par bya'o/ /'on kyang sangs rgyas yid la byed pa zhes bya ba'i ting nge 'dzin thob par 'gyur te/ de la gnas pa'i
358b7 sangs rgyas kyi zhing thams cad na sangs rgyas bcom ldan 'das rnams bzhugs pa rnams mthong zhing de dag gis chos bshad pa'ang thos par 'gyur la lha rnams kyang dam pa sbyin par
359a1 'gyur ro/ /de nas bcom ldan 'das sngon 'od zer gtong ba gang yin pa de dag thams cad kyis lha mo dri ma med pa'i 'od la legs so zhes
359a2 bya ba byin te 'di skad ces gsungs so/ /khyod kyis yongs su bskyang ba'i phyir/ /li yul mnos pa gang yin pa/ /rgyal mchog gis ni bka' stsal bzhin/ /shes rab chen pos
359a3 de bzhin byos/ /sa steng gzhan gyis mi tshugs pas/ /gsang sngags kyang ni sbyin par bya/ /gang gi tshe na li yul der/ /gnod 'byung dus la bab pa na/ /de tshe nged kyis dgongs
359a4 par bya/ /de 'dra'i shes rab dag kyang sbyin/ /de tshe tshangs pa la sogs lha/ /sa steng dbang phyug sum cu gnyis/ /mgrin gcig mthun par smras pa ni/ /klu rnams dang ni gnod
359a5 sbyin dang / /de bzhin 'byung po lha ma yin/ /mi ma yin dang mi rnams kyis/ /'tshe bar mi 'gyur gang yin pa'i/ /gzungs sngags nged kyis sbyin par bya/ /tad+ya thA/ in+d+ra
359a6 dad ta tri shu la ha sha sarba pA sha b+han+d+ha ne/ ni tsin+da ne/ dra dra dra dra/ dza dza dza dza/ bud tI ra/ tsi ni n+de/ tA la hi li/ a shwas+thA ne/ ni ni ni ni/ pu pu pu pu/ in+d+ra yu gi na/ bi sha bi sha bi sha bi
359a7 sha swAhA/ 'di ni rta gnas zhes bya ba'i gzungs sngags yin te/ gzungs sngags 'dis ni rengs byed kyi srin po rnams thub la/ srid sgrub kyis kyang sgra mi snyan pa rnams
359b1 thub par gyur to/ /de nas tshangs pa la sogs pa lha rnams dang / 'khor de dag thams cad kyis 'di skad ces smras so/ /rig sngags 'di rgyal mtshan gyi rtse mo la btags sam/
359b2 rta'i mgo la btags sam/ rang gi mgul du btags kyang rung ste/ gang dang / gang du g.yul 'gyed du 'gro ba de gzhan gyis mi thub par 'gyur zhing thams cad du rgyal bar 'gyur
359b3 te| lha la bya ba bzhin du gtsang mas gcad bar bya'o/ /li yul gyi bdag po rgyal po des kyang ras la 'dus pa chen po'i ri mo bris te/ rgyal po'i pho brang gtsang mar byas te/ thams
359b4 cad du gdugs dang / rgyal mtshan dang / ba dan gyis brgyan nas bdug pa sna tshogs kyi snod kyis bdugs te/ me tog sna tshogs bkram zhing me tog gi phreng ba sna tshogs kyis mdzes
359b5 par byas la/ der g.yog gi bya ba byed pa gang yin pa de dag gis kyang ji ltar rgyal po btsun mo'i 'khor dang bcas pa rnams spangs pa bzhin du spang bar bya zhing gtsang mas gos
359b6 dang / zas dang / skom gtsang mar byas te/ 'dus pa chen po'i ri mo'i gzugs rgyal po'i gdan la bzhugs nas de'i mdun du sa gzhi skyang nul gyis legs par byug pa la dkyil
359b7 'khor bya'o/ /bdag nyid kyang khrus legs par byas shing gos gtsang ma bgos la/ g.yog de rnams kyang de bzhin du byed du gzhug go /gang gi tshes gzhi dag par byed pa de'i
360a1 tshe| thog mar ba'i rnam lngas rgyal po'i pho brang thams cad chag chag gdab bo/ /yang na spos thams cad kyi chus gdab bo/ /de nas dkyil 'khor khru
360a2 bcu drug pa gru bzhi lha ma par byas la/ der kha zas ro sum brgya pa dang / 'bru mar dri zhim pos bsgos pa'i mar me sum brgya drug cu dang / gdugs stong nyis brgya sum cu
360a3 dang / ba dan stong nyis brgya sum cu dang / bum pa sum cu rtsa gnyis dang / bum pa chen po bzhi dang / rnga bo che bzhi gzhag par bya'o/ /gzungs sngags 'di'ang dkyil 'khor
360a4 de'i dbus su gzhag par bya'o/ /sil snyan mang po dkrol zhing rol mo'i sgra mang po'ang bsgrag par bya'o/ /de nas sgrub pa pos tshangs pa la sogs pa lha rnams la bstod
360a5 pa gdon cing gzungs sngags 'di'ang bzlas brjod bya ste/ sgrub pa po ngas sgrub pa'i zla gang lha thams cad kyi bstod pa sna tshogs shes pa gzhag par bya'o/ /las 'di
360a6 zhag bdun gyi bar du byas nas mjug rtul te zhag bdun pa'i nyin bar khrus bya'o/ /las 'di ni ji ltar sngar smos pa de bzhin du tshes lnga la bya'o/ /sgrub pa po nyid kyang
360a7 dkyil 'khor gyi drung du 'dug par bya'o/ /me'i thab khung ni gnyis te/ gcig ni sgrub pa po'i phyir bya'o/ /gcig ni sgrub pa'i zla'i phyir byas la/ der las kyis sbyin sreg
360b1 lan brgya rtsa brgyad bya'o/ /rta gnas kyi gzungs sngags kyang lan brgya rtsa brgyad bzlas brjod bya'o/ /rtswa dUr ba'i sbyin sreg kyang lan brgya rtsa brgyad bya'o/ /gur gum gyi chus dkyil
360b2 'khor gser gyi kha dog bzhin du gyur gyi bar du chag chag mang du gdab bar bya'o/ /sbyin sreg gi mar ni dri zhim pos bsgos pas sbyin sreg bya'o/ /dkyil 'khor skyang nul
360b3 gyis mdzes par byugs la/ gang gi tshe bzlas brjod rtsom pa na rnga bo che brdungs shing rol mo'i sgra rnams bsgrags te/ dkon mchog gsum la mchod pa byas la thog ma
360b4 tshes lnga'i nyi ma nub ka'i dus skabs su las 'di brtsam zhing gsang sngags bzlas brjod bya'o/ /yang na tshes drug gam/ bdun la brtsam par bya'o/ /nang par gyi dus skabs
360b5 su thog mar me lha spyan drangs la/ ji ltar sngar bstan bzhin du rtswa dUr ba'i sbyin sreg bya'o/ /ro'i kha zas de dag kyang phyir phyung la gsar ba gzhan gzhag par bya ste/ zhag gsum
360b6 ma ma/ zhag bdun gyi bar du sbyin sreg zin pa'i rjes la ro'i kha zas gsar pa rnams gzhag par bya'o/ /dkyil 'khor de'i dbus su sangs rgyas kyi sku gzugs dang / dam
360b7 pa'i chos dang / sku gdung yang gzhag par bya'o/ /dkyil 'khor der gdugs bcu dang / rgyal mtshan bcu dang / ba dan bcu dang / rnga bo che bcu dang / dril bu bcu dang / me tog
361a1 gi phreng ba sum brgya drug cu dang / mar me sum brgya drug cu rnams gzhag par bya'o/ /las de ltar byas pa'i rjes la dkyil 'khor de nyid du tshes
361a2 brgyad la brtsams te/ tshes bco lnga'i bar du 'phags pa spyan ras gzigs dbang phyug gi cho ga rgyas par brtsam zhing bzlas brjod bya'o/ /gang gi tshe rta gnas kyi gzungs
361a3 sngags kyi las de dag gis las chen po rtsom mam/ yang na g.yul chen po'i nang du 'gro bar 'dod dam/ yang na rgyal po chen po'i dbang phyug gi bdag po thob par
361a4 'dod na rta gnas kyi gzungs sngags 'di ji ltar 'di las cho ga rgyas pa sngar smos pa de bzhin du bzlas brjod byas nas/ de'i tshe lha rnams dam pa dang / dbang bskur
361a5 ba sbyin par byed do/ /gang gi tshe 'phags pa spyan ras gzigs dbang phyug gi cho ga rgyas pas bzlas brjod bya bar rtsom na dkyil 'khor de nyid du snga ma'i lugs bzhin
361a6 du byas na/ de'i tshe sangs rgyas bcom ldan 'das sngon 'od zer btang zhing gzungs sngags bskur ba gang yin pa de dag gi thugs las skyes pas sku byang chub sems
361a7 dpa' 'phags pa spyan ras gzigs dbang phyug dang / lha mang po dang thabs gcig tu der gshegs nas dam pa'ang stsol bar mdzad de/ lam 'di ni ji ltar 'dod pa
361b1 de bzhin du 'grub pa yin no/ /gzungs sngags 'di'i las 'di dag cho ga rgyas pa 'di'i las rnams ni gang gi tshe las chen po rtsom mam/ yang na dgra mthong nas g.yul
361b2 du 'gro ba de'i tshe bzlas brjod byas te/ la la da la bzlas brjod byas na bdag nyid bsrung bar 'gyur ro/ /dgra sta la bzlas brjod byas sam/ gzhu la bzlas brjod byas
361b3 sam/ mda' la bzlas brjod byas te/ dkyil 'khor der gur gum la lan brgya rtsa brgyad bzlas brjod byas nas dmag mi thams cad dang / rta thams cad kyi dpral bar thig
361b4 le byas la grong khyer gyi sgo rnams sam/ rgyal po'i pho brang ngam/ rgyal po'i khab kyi sgo rnams su gur gum des bsrus na thams cad du rgyal bar 'gyur te/ 'jig pa thams
361b5 cad las yongs su thar bar 'gyur ro/ /de nas yang lha rnams kyis gzungs sngags gzhan byin te/ na mo brah+ma ma ne/ na ma sarba de ba nAn/ tad+ya thA/ brah+ma ma na/ in+d+ri de ba nAn/
361b6 pra tiSh+Thi te/ a shwas+thA ne/ pa ra in+d+re sa ta ba pa sma ba/ ha ra/ A ma b+ha ku pa ga ga kri shrI lang ka ra/ sa tha de ba grA bA swAhA/ 'di ni tshol ba'i gzungs sngags yin te/ ji ltar 'dod pa
361b7 bzhin du dkyil 'khor der bzlas brjod bya'o/ /gur gum la lan bdun bzlas brjod byas na rta gnas kyi gzungs sngags kyi skabs su sngar bshad pa'i las de dag
362a1 thams cad kyang byed par 'gyur te/ lan bdun bzlas brjod byed pa'i mchod pa'i cho ga ni sngar bshad pa yin no/ /gang gi tshe dmag gi nang du
362a2 'gro ba na de'i tshe gsang sngags 'di dang / rta gnas kyi gsang sngags lan bdun bdun bzlas brjod byas na sngar bshad pa'i 'od zer dang / gzungs sngags rnams dang
362a3 bcas par dmag dpon gyi rgyal mtshan gyi rtse mo la gdags shing lus la yang bcang bar bya'o/ /gang gi tshe rta gnas kyi rig sngags kyi bzlas brjod rtsom pa de'i tshe/
362a4 zhag bdun gyi bar du lha'i gnas su 'gro ba bzhin du gtsang sbra byas te/ spong ba rnams 'di ltar bya'o/ /tshes bcu gsum la rtsom na ni kun spang bar bya'o/ /tshes bcu bzhi
362a5 la rtsom na ni sha bza' bar mi bya'o/ /tshes lnga la rtsom na ni 'bras chan 'o ma dang sbyar ba'am/ 'bras kyi 'o thug gam/ 'bras chan dang mar bza' bar bya ste/ chu btung bar mi
362a6 bya'o/ /de nas yang sangs rgyas bcom ldan 'das kyis gzungs sngags 'di byin no/ /na ma shrI su warno ta ta ma pra wa b+ha sa s+ya/ ta thA ga ta s+ya/ tad+ya thA/ bud+d+ha d+harme/ a sang+ga
362a7 pra ti/ ba se/ bo d+hi bo d+hi/ dra be shrI sa re sa re/ bi sarba duHkha shrI lang ka ra sarba dur pra b+ha se ba ra khri tiSh+Thi ti swAhA/ gzungs sngags 'di gang du rta gnas kyi rig sngags bzlas
362b1 brjod byed pa der brjod par bya ste/ dngos grub gang 'dod pa dang / las gzhan gang byed kyang rung / yang na gter 'dod na'ang gzungs sngags 'di lan sum cu rtsa gsum bzlas brjod
362b2 bya'o/ /de nas 'jig rten skyong ba bzhi la sogs pa rgyal chen bzhi'i rigs kyi lha thams cad kyis thal mo sbyar te 'di skad ces gsol to/ /gnod sbyin nam/ 'byung po ji snyed
362b3 mchis pa de dag bzlog pa'i slad du bdag cag gis gzungs sngags 'di bshad par 'tshal te/ 'byung po dang / rims dang / nad thams cad zhi bar bgyid pa dang / gzhan yang
362b4 skyes pa'am/ byis pa rnams kyi nad gang ci'ang rung ba dag la lan gsum bsrung bar bgyi'o/ /yang na mdud pa gsum bgyis te btags na 'byung pos btang ba'i nad rnams
362b5 zhi bar 'gyur ro/ /gang gi bu btsas nas mi 'tsho ba des ni bdag nyid kyis bsgrub par bya ste/ bu rnams kyang bsrung bar bya'o/ /de nas rgyal po chen po bzhis bcom ldan 'das
362b6 la 'di skad ces gsol to/ /bcom ldan 'das kyis kyang grub pa stsal par gsol/ de'i tshe sangs rgyas bcom ldan 'das rdo rje rgyal mtshan gyis gzungs sngags 'di gsungs
362b7 so| |tad+ya thA/ bad ku dre/ ba dza la phu swAhA/ gzungs sngags 'di bcom ldan 'das shAkya thub pa dang / rdo rje rgyal mtshan gyis rgyal chen bzhi'i ris kyi lha rnams dang / byang
363a1 chub sems dpa' spyan ras gzigs dbang phyug 'grub par bya ba'i phyir gsungs te/ gang gi sna nas khrag 'byung ba dang / gang gi lus la rma byung
363a2 ba dang / yang na gzhi gzhan las gyur te/ bud med rnams kyi lus las khrag 'dzag cing 'byung ba la skud pa dmar po la sngags la spyi bor gdags par byas te/ rma la
363a3 ni byug par yang bya'o/ /ji ste rims sam/ 'byung pos btang ba'i nad dam/ skrangs par gyur na de la skud pa la sngags nas mdud pa bcu byas te mgul du gdags
363a4 so| |gang la 'khru ba'am/ mkhris pa las gyur pa'i 'khru ba yod pa de la ni skud pa ser po la mdud pa bcu byas te rked pa la gdags so/ /de'i tshe byang chub sems
363a5 dpa' spyan ras gzigs dbang phyug gis gzungs sngags 'di bshad do/ /na mo rat+na tra yA ya/ na mo Ar+yA wa lo ki te shwa rA ya/ bo d+hi satwa ya/ ma hA satwa ya/ tad+ya thA/ sa re
363a6 sa re/ bi sa re bi sa re/ bi shan sha ni ye swAhA/ 'byung pos btang ba'i nad thams cad dang / rims nad thams cad rab tu zhi bar byed pa ste/ gang gi tshe nad pa shi la thug par
363a7 gyur te/ mdangs phrog pas srog gi phyed 'phrogs pa de la gzungs sngags 'di brjod par bya'o/ /tad+ya thA/ bo d+ha bo d+ha/ AR+yA wa lo ki te shwa ra/ rash+mi pra b+ha se b+hu ta dza ma b+he/ phu phu
363b1 phu phu/ ka ru le phu swAhA/ gzungs sngags 'di rims nad thams cad dang / 'byung po'i gdon thams cad zhi bar bya ba la lan gsum brjod la skud pa la mdud pa gsum bor
363b2 te gdags so/ /bzlas brjod ni za na zos pa'i 'og tu bya'o/ /gzungs 'di ni sangs rgyas thams cad dang / spyan ras gzigs dbang phyug gis gsungs so/ /na mo asti ka rA dza
363b3 ka ri bud+d+ha s+ya/ ta thA ga ta s+ya/ tad+ya thA/ ang ga re/ mang ga re phu ba tsa ga re/ phu badzra/ phu bud+d+ha ra dza phu h+ya re te phu dri ba re phu swAhA/ dug gi gsang sngags yin te/ gang gis dug
363b4 'thungs sam/ phol mig byung ngam/ rma rengs pa la kha zas sam/ yang na chu'am/ sman nam/ sa la lan bdun bzlas brjod byas na thams cad zhi bar 'gyur ro/ /de'i tshe rgyal
363b5 chen bzhi'i ris kyi lha rnams kyis gzungs sngags bshad de/ sngar gang gi yon tan gsungs pa de dag gi mtshan mas bshad pa'i gzungs sngags bdag cag gis stsal bar
363b6 bgyi'o/ /tad+ya thA/ shA na ta mu khi bi mu khi bi ma le/ bi ma khe/ Da D+ha kha mu la swAhA/ gzungs sngags 'di ni 'byung po'i rims thams cad dang / nad bzhi'i rims rnams dang / nad
363b7 'go ba zhi bar bgyid pa ste/ gzungs sngags 'di ni 'byung po rnams kyis 'gal ba bgyir mi rung ba lags so/ /gang gi tshe rta gnas kyi rig sngags bzlas brjod bgyid pa na
364a1 thog mar gsang sngags 'di dag gis skud pa gdags par bgyi'o/ /dkyil 'khor gyi nang du mchi ba'i tshe'ang der mtshams 'dzin pa 'di dag
364a2 gzhag par bgyi ste/ gzungs sngags re re'ang lan gsum gsum brjod la mdud pa gsum bor te/ sangs rgyas kyi spyan sngar bdug pa thams cad kyis bdug par bya'o//
364a3 dkyil 'khor gyi mdun der byang chub sems dpa' spyan ras gzigs dbang phyug gi ri mo'i gzugs bris pa bzhag la du ru ka'am/ a ka ru nag po'i bdug pa
364a4 bsreg par bgyi'o/ /lha rnams la ni sra rtsi pog dang / gu gul gyi bdug pa bsreg par bya ste/ de'i tshe 'di skad smon lam gdab par bgyi'o/ /ji ltar bdag sangs
364a5 rgyas bcom ldan 'das rnams kyi yul gyi yul 'khor bsrung ba'i phyir las su bka' stsal pa dang / ji ltar lha rnams kyis bdag gi grogs su bgyi'o zhes dam bcas
364a6 pa dang / sangs rgyas rnams kyis bka' stsal pa dang / lha rnams kyis dam bcas pa bzhin du bdag gi las 'di de bzhin du des grub cing mthar phyin par gyur
364a7 cig ces bgyi'o/ /de'i tshe sangs rgyas bcom ldan 'das thams cad dang / byang chub sems dpa' lag na rdo rjes de bzhin gshegs pa rnams kyi mtshan 'di dag
364b1 bshad do/ /de bzhin gshegs pa gser mchog la phyag 'tshal lo/ /de bzhin gshegs pa kun tu gzigs pa la phyag 'tshal lo/ /de bzhin gshegs pa dri ma med par
364b2 snang ba la phyag 'tshal lo/ /de bzhin gshegs pa dgongs pa thams cad yongs su rdzogs pa la phyag 'tshal lo/ /de bzhin gshegs pa rab tu 'jigs shing bag tsha ba
364b3 dang bral ba drang srong chen por grags pa la phyag 'tshal lo/ /tad+ya thA/ ka ra ba ra/ i ri ba ra/ sa su ra sa ma ra/ ba ba ra/ bud+d+ha a d+hiSh+Thi te/ d+harma a d+hiSh+Thi te/ sang+ga a d+hi Sh+Thi
364b4 te| brah+ma a d+hiSh+Thi te/ sha kra a d+hiSh+Thi te/ badzra pA Ni gu h+ya ga a d+hiSh+Thi te/ bi da t+yA d+hiSh+Thi te/ sarba de ba a d+hiSh+Thi te swAhA/ gzungs sngags 'di ni lag na rdo rje'i gsang ba'i ye shes
364b5 chen po'i mdo las gsungs te/ nad thams cad dang / 'jigs pa thams cad rab tu zhi bar byed pa yin no/ /de bzhin gshegs pa gnod pa thams cad gcod pa la
364b6 phyag 'tshal lo/ /de bzhin gshegs pa shAkya thub pa la phyag 'tshal lo/ /tad+ya thA/ badzra ka ra/ da ra ma ra/ sa ra ba ta R+ya/ a Sha Sha/ bi bi su kha ka rA swAhA/ gzungs sngags
364b7 'di ni dbang bskur ba'i phyir sangs rgyas bcom ldan 'das kyis gsungs so/ /s+yad+ya the da na/ de ba tsa ra pa da mA ra/ maN+Dal sa mA se de ba nA na/ bud+d+ha de ba nA na/ pur+N+yA ka ra/ sarba
365a1 paR+Sha kaR+ya pradz+nyA nA na/ A ha ra mi ka ra sid+d+ha na swAhA/ dbang bskur ba'i phyir 'khor thams cad kyis smras so/ /tad+ya thA/ tshad tsa ra tsa ra tsa ra/ ka ra hu ru
365a2 ra| k+She ho ra ra/ da da da da/ ka ra k+Sha swAhA/ ji ltar bdud kyi dpung gis sangs rgyas bcom ldan 'das rdo rje'i gdan las bskyod ma nus pa de bzhin du gsang sngags 'dis gzhon
365a3 nu rdo rje sde nyid kyis dam bcas pa las sus kyang bskyod pa'am/ bzlog par mi nus so/ /de nas 'khor de'i nang nas dmod pas phog pa'i lha mo dang / bud med 'khod pa
365a4 gang yin pa de dag thams cad kyis lha mo dri ma med pa'i 'od la 'di skad ces smras so/ /khyod kyis bud med du skye ba las thar bar 'gyur ba'i gzungs sngags bcom
365a5 ldan 'das las mnos la bdag cag la byin cig dang / bdag cag gis khyod las gzungs sngags gzung bar bya'o/ /de nas de'i tshe lha mo dri ma med pa'i 'od kyis
365a6 sangs rgyas bcom ldan 'das la gzungs sngags gsol nas byin no/ /tad+ya thA/ dza lo ka ma na ta pa/ sarba b+hu ya sra ka ra swAhA/ gzungs sngags 'di ci sus brjod
365a7 pa ni bud med du skye ba las thar bar 'gyur ro/ /tad+ya thA/ sarba b+hu d+ha nA na/ sarba de ga ma ra/ ga na pa sha ra ra swAhA/ sangs rgyas thams cad dang / lha thams cad kyis
365b1 gzungs sngags 'di bshad de/ 'dis ni bar chad byed par mi nus so/ /de'i tshe lha mo dri ma med pa'i 'od kyis sangs rgyas bcom ldan 'das rnams dang / lha rnams la 'di
365b2 skad ces gsol to/ /gzungs sngags gang gis shes rab 'thob par 'gyur ba dang / gang gis sangs rgyas bcom ldan 'das rnams kyis bka' stsal pa de bzhin du sug
365b3 las de dag bgyid nus par 'gyur ba dang / bdag cag la bar chad bgyid mi nus pa dang / bdag gi bar chad bgyid par smon lam 'debs pa de dag gis kyang bdag la
365b4 gtse bar mi nus pa dang / bdag gis rim gyis sangs rgyas kyi 'phrin las bgyid par 'gyur ba dang / sems can thams cad kyi chos dang ldan pa'i bsam pa yongs su
365b5 rdzogs par bgyid par 'gyur ba'i gzungs sngags de bdag la stsal du gsol/ de'i tshe sangs rgyas bcom ldan 'das rnams dang / lha rnams kyis 'di skad ces
365b6 gsungs so/ /sus kyang sems 'khrug par byed mi nus par nged kyis grogs bya'o/ de bzhin gshegs pa chos mngon pa'i dbang phyug la phyag 'tshal lo/ /sangs
365b7 rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /de bzhin gshegs pa shAkya thub pa la phyag 'tshal lo/ /tad+ya thA/ a b+hi She kya/ bid
366a1 da b+hi/ a ra bi R+ya dza par/ ku ma sa sarba a ba pri ya da swA hA/ gzungs sngags 'di sangs rgyas thams cad kyis dri ma med pa'i 'od kyi phyir
366a2 gsungs so/ /tad+ya thA/ brah+ma sha kra tsa sa ba hi/ pu ra mra ga ga ma na/ ku sa ma na dza nA dA nu/ pa ra ma dzi na na dz+wa ra dza ra ni/ dzi na bi ba na ka ra/ kar+thA da ra swAhA/ gzungs sngags 'di
366a3 sangs rgyas bcom ldan 'das rnams kyis dri ma med pa'i 'od la sdang ba rnams kyis ci nas kyang sdig pa'i las byed mi nus par bya ba'i phyir gsungs te skud pa la mdud
366a4 pa bdun por la mgul du btags na bar chad byed pa'am/ pham par byed mi nus so/ /tad+ya thA/ ha de b+hI hA te/ ya ku na ma swAhA/ 'phags pa spyan ras gzigs dbang phyug
366a5 gis lha mo dri ma med pa'i 'od kyi sdig pa bsal ba'i phyir bshad do/ /bsrung ba'i phyir skud pa la mdud pa bdun por nas mgul du btags te zan zos pa'i 'og tu
366a6 brjod par bya'o/ /de'i tshe lha mo dri ma med pa'i 'od kyis 'di skad ces gsol to/ /gzungs gang gis mig nad zhi bar 'gyur ba de'ang bdag la stsal du gsol/ de
366a7 bzhin gshegs pa mig nad rnam par sbyong ba la phyag 'tshal lo/ /de bzhin gshegs pa mig gi rab rib kyi mun pa zhi bar mdzad pa la phyag 'tshal lo/ /de bzhin gshegs
366b1 pa chos kyi spyan la gnas pa la phyag 'tshal lo/ /tad+ya thA/ ta ta tsak+Shu ra ma la ba/ ma b+hi sa ra ma ma tsak+ShuH/ shro da tra/ pra b+ha ka sa ka ra swAhA/ gzungs sngags 'di sangs rgyas bcom ldan
366b2 rnams kyi spyan sngar lan brgya rtsa brgyad bzlas brjod byas nas nyin gcig bzhin du chu la lan bdun bzlas brjod byas te mig la phyi bar bya'o/ /mig sman la lan lnga bzlas
366b3 brjod byas te byug par bya'o/ /na mo badzra d+ha ra s+ya/ ta thA ga ta s+ya/ tad+ya thA/ i na Ti ni i Ti ni/ ni ga ra a ga re/ ba kha re phu/ ka kha khA re phu swAhA/ gzungs sngags 'di ni 'jigs
366b4 pa thams cad bsal ba dang / grong khyer bsrung ba'i phyir bya ba yin no/ /sangs rgyas bcom ldan 'das kyis lha mo dri ma med pa'i 'od dang / byang chub sems dpa' rdo rje sde la
366b5 de skad ces bka' stsal nas/ de'i tshe rgyal po ma skyes dgra'i bu gzhon nu rdo rje sde gang gi tshe btsas pa de'i tshe bdag gi bu sa phyir rgyal srid kyi dbang phyug ci nas kyang thob par bya
366b6 ba'i phyir de'i nu bo rgyal po'i bu gzhon nu rgyal po ma skyes dgra'i nu bo'i mthe bong bu phos gcod du bcug pa'i rgyal po'i bu gzhon nu 'khor de'i nang na 'dug pa des smon lam
366b7 'di skad ces btab bo/ /gang gi tshe gzhon nu rdo rje sde skar rdo'i rgyal srid 'dzin par 'gyur ba de'i tshe bdag li yul gyi rgyal por gyur te/ yul gnyis ka gzung ba'i phyir bdag
367a1 de'i grogs su gyur la/ de phyin chad gcig la gcig dgra byed pa med par gyur cig ces byas so/ /de'i tshe bram ze kauN+Di n+yA sa slob ma bram ze'i bu zhig
367a2 yod pa las des bram ze sangs rgyas la ma dad pa gzhan zhig gi slob mar byin nas/ bram ze de'ang rab tu byung ba ma yin te/ 'khor de'i nang na 'dug pa des sangs rgyas
367a3 bcom ldan 'das dpa' bar 'gro ba'i ting nge 'dzin la snyoms par zhugs pa mthong ngo / /de nas smon lam btab pa/ bdag dpa' bar 'gro ba'i ting nge 'dzin nges pa kho
367a4 nar bslabs te/ rtogs par byas la lha mo dri ma med pa'i 'od de la rta gnas kyi gzungs sngags sbyin par gyur cig ces byas so/ /gang gis sangs rgyas bcom ldan
367a5 'das rnams bdud kyi dpung las rgyal bar 'gyur ba'i gzungs sngags 'dis gzhon nu rdo rje sde rgyal srid kyi bya ba chos bzhin du yongs su rtogs par byed par 'gyur
367a6 ro| |de bzhin gshegs pa shAkya thub pa la phyag 'tshal lo/ /de bzhin gshegs pa rigs mchog kun tu dpal la phyag 'tshal lo/ /tad+ya thA/ sarba ka ra Ni/ sarba ma
367a7 ra ha ra Ne/ dza li dza tsa li/ ma ra ba ra sa pa ba ra swAhA/ bdud kyis mi thub pa'i gzungs sngags 'di zan zos pa'i 'og tu lan bdun brjod par bya ste/ ji ltar sangs rgyas
367b1 bcom ldan 'das rnams kyis bdud bcom pa de bzhin du gzhon nu rdo rje sde rgyal bar 'gyur zhing mtshams kyang gcod par 'gyur ro/ /rta gnas kyi rig sngags ji lta ba de bzhin
367b2 du las thams cad byed par 'gyur ro/ /gur gum la bsngags te thig le byas sam/ skud pa la mdud pa bdun por te/ dkyil 'khor gyi steng du bzhag la/ nam dmag gi nang du
367b3 'gro ba de'i tshe lus la btags te bcangs na rgyal ba 'thob par 'gyur te/ gzungs sngags snga ma rnams ji lta ba de bzhin du bzlas brjod bya'o/ /gang gi tshe sangs rgyas bcom
367b4 ldan 'das rnams kyis rta gnas zhes bya ba'i gzungs sngags gsungs pa de'i tshe/ bcom ldan 'das kyis lha rnams dang / 'khor de dag thams cad la bka' stsal pa/
367b5 lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa 'dir 'dus pa gang
367b6 yin pa khyod kyis ji ltar lha mo dri ma med pa'i 'od dang / gzhon nu rdo rje sde la rta gnas zhes bya ba'i gzungs sngags byin pa bzhin du ngas kyang khyed la gsang sngags sbyin par
367b7 bya ste/ gang gis dgra thams cad dang bar 'gyur ba dang / gang gis bdag nyid shin tu byin dang ldan zhing gzi brjid dang rab tu ldan par 'gyur ba dang / gzhal med khang
368a1 dang / khyim gyi nang na gnas pa gang yin pa dag la bde legs su 'gyur ba dang / 'thab pa dang / g.yul 'gyed pa gang yin pa rnams med par 'gyur
368a2 ba'i gzungs sngags 'di lha mo dri ma med pa'i 'od dang / gzhon nu rdo rje sde dang / li yul gyi don gyi phyir 'khor bzhi po khyed rnams la sbyin par bya ste/ ci nas kyang
368a3 gzungs sngags 'dis khyed byin dang ldan pa dang / gzi brjid dang ldan par 'gyur ba dang / de bzhin du gzhon nu rdo rje sde gnod pa thams cad las thar bar bya'o/ /de
368a4 nas de'i tshe sa'i dbang phyug sum cu rtsa gnyis po de dag dang / 'jig rten skyong ba bzhi dang / gnod sbyin gyi dbang po kun tu rgyal dang / klu'i rgyal po ma dros pa dang / 'phrog
368a5 ma bu dang 'khor du bcas pa dang / li yul gyi srung ma gang yin pa de dag thams cad stan las langs te/ bcom ldan 'das la 'di skad ces gsol to/ /bcom
368a6 ldan 'das/ bdag cag gis li yul sug par blang bar 'tshal te/ gang gi tshe dri ma med pa'i 'od dang / rdo rje sde der skye ba len par 'gyur ba dang / gang gi tshe sangs
368a7 rgyas bcom ldan 'das rnams kyis de gnyis kyi steng du 'od zer gtong zhing dam pa stsol bar mdzad pa na der bdag cag mchi zhing dam pa'ang stsal bar 'tshal na/ bcom ldan 'das/
368b1 bdag cag la gzungs sngags bshad du gsol/ bdag cag gis gzung bar 'tshal lo/ /de'i tshe sangs rgyas bcom ldan 'das shAkya thub pa dang /
368b2 sangs rgyas bcom ldan 'das 'od zer gtong ba gang yin pa de dag dang / de bzhin gshegs pa tshig gi brjod pa gtong ba gang yin pa de dag gis gzungs sngags
368b3 'di gsungs te/ de bzhin gshegs pa spong ba'i rgyal srid la gnas pa la phyag 'tshal lo/ /de bzhin gshegs pa shin tu 'phags pa sangs rgyas kyi rgyal srid la gnas/
368b4 pa la phyag 'tshal lo/ /de bzhin gshegs pa seng+ge'i chos kyi rgyal srid la gnas pa la phyag 'tshal lo/ /de bzhin gshegs pa byang chub kyi yan lag gi me tog mnyam
368b5 pa nyid kyi rgyal srid la gnas pa la phyag 'tshal lo/ /de bzhin gshegs pa rnam par snang byed rgyal po la phyag 'tshal lo/ /de bzhin gshegs pa rnam par snang byed
368b6 snying rje'i rgyal po la phyag 'tshal lo/ /de bzhin gshegs pa rnam par snang byed 'od kyi rgyal po la phyag 'tshal lo/ /de bzhin gshegs pa rnam par snang byed yon tan bsngags
368b7 pa dpal gyis brgyan pa'i 'od kyi rgyal po la phyag 'tshal lo/ /tad+ya thA/ ba ra in+d+re/ pa ra a pa ra/ in+d+re re nu ma b+he/ a kA sha ka pa ke/ in+d+re/ sta skra ba ka ra Ta/ ba da kra ba b+he/ Sha ba su ra
369a1 pra te/ ta tha tha ta na du ru in+d+ra du swAhA/ gzungs sngags 'di ni rnam par snang byed ces bya ste/ gzungs sngags 'dis mi dang / mi ma yin pa thams cad kyi
369a2 snying du sdug par 'gyur te/ gzi brjid dang ldan par 'gyur ro/ /sems can rnams kyi ngag mnyan par 'gyur zhing bsgo ba mi gcog par 'gyur ro/ /mar yang 'dis
369a3 btso bar bya ste sra rtsi pog dang / tsan+dan sna gsum dang / dza ma ka dang / pha bong gi dreg pa dang / 'bu sug hang dang / kar ko ta dang / shug pa dang / sug smel dang / pi pi
369a4 ling dang / rma shing dang / a ba yag dang / pu shel tse dang / sna ma dkar po'i me tog rnams las sman gzhan rnams bsdoms pa'i tshad ji tsam yod pa sna ma dkar po'i
369a5 me tog kyang de tsam du byas te/ de rnams mar dang / chu'i nang du btsos la/ gzungs sngags 'di dang / dkyil 'khor 'dir sngar bshad pa'i rta gnas kyi rig sngags kyis
369a6 btab par bya'o/ /de ltar byas na legs par sgrub pa yin te/ gang gi tshe de tshos par gyur pa na lan sum cu rtsa gsum bzlas brjod byas te 'thungs na/ nad kyi 'jigs
369a7 pa thams cad las thar bar 'gyur te/ de'i tshe lha rnams la bstod pa brjod par bya'o/ /rnam par snang byed ces bya ba'i mar 'di dang / rnam par snang byed ces bya ba'i gzungs
369b1 sngags 'di ni lha dang / mi rnams dga' bar byed pa yin no/ /gang gi tshe gzungs sngags 'di brjod pa de'i tshe lha rnams kyi dga' ba'i skyed mos tshal shin tu mdzes par gyur ta/ sems
369b2 dang zhing dga' bar gyur nas de'i tshe lha de dag gis sangs rgyas kyi bka' dran par gyur te/ lha mo dri ma med pa'i 'od gang na 'dug pa der lhags nas de dag gis/ 'di skad
369b3 du/ gang gi tshe khyod kyis rnam par snang byed kyi gzungs sngags brjod pa de'i tshe kho bo cag gi dga' ba'i skyed mos tshal shin tu mdzes par 'gyur te/ shin tu lhag par brtsegs
369b4 kyis gang bdag cag gis gzhon nu rdo rje sde'i phyir sngon bcom ldan 'das la gsol pa bzhin du khyod ci 'dod pa'i dam pa thams cad khyod la byin no zhes zer ro/ /gang gi
369b5 tshe gzhon nu rdo rje sde dang / lha mo dri ma med pa'i 'od kyis bcom ldan 'das dang / lha rnams kyi tshig de dag thos pa de'i tshe pus mo'i lha nga sa la btsugs te thal mo sbyar nas 'di
369b6 skad ces gsol to/ /bcom ldan 'das kyis bdag cag la gang bka' stsal ba'i sug las 'di ni shin tu che ba lags te/ ci nas bcom ldan 'das dang / lha rnams kyis
369b7 grogs mdzad na/ li yul gyi yul 'khor bdag cag gis sug par blang bar 'tshal lo/ /de'i tshe dri ma med pa'i 'od kyis smras pa/ gang gi tshe yul de bsrung ba'i
370a1 dus la bab pa de'i tshe sangs rgyas bcom ldan 'das nyid kyis bdag gi steng du 'od zer gtong bar gyur cig /ci nas kyang bdag gi gzungs
370a2 rtogs par gyur pa'i bzod pa de'ang thob par gyur cig /de nas de'i tshe sangs rgyas bcom ldan 'das shAkya thub pa dang / sangs rgyas bcom ldan 'das sngon 'od zer
370a3 gtong ba gang yin pa dang / 'od zer dag las tshig rnams gsungs pa gang yin pa de dag gis 'di skad ces bka' stsal to/ /dri ma med pa'i 'od/ legs so/ /legs
370a4 so| |gang gi dus la bab na/ de'i tshe khyod 'di lta bur mya ngan byed cing skyo bar gyur pa yod de/ gang gi tshe sngon gyi dge byed dang / sdig byed kyi grogs po gang yin pa de dag
370a5 yul 'gyed par cha ba de'i tshe khyod ming po gzhon nu rdo rje sde 'byung bar 'gyur la yul de'i nang du gtogs par 'gyur te/ de'i tshe khyod mya ngan byed cing skyo bar gyur pa de na
370a6 'di snyam du bdag ni shi'ang sla'o snyam du sems par gyur te/ de'i tshe khyod gnas gcig tu 'dug nas de bzhin gshegs pa 'od dpag med kyi gzungs sngags bdud
370a7 rtsi rda dbyangs zhes bya ba brjod cing / der bcom ldan 'das la gsol ba 'debs te/ 'di skad du yid la bsam pa sna gsum las gcig ma grub kyi bar du bdag mya
370b1 ngan gyi khang bu nas mi 'byung ste/ yang na ni ming po dang phrad par gyur cig /yang na ni bdag 'chi bar gyur cig /yang na ni 'khor ba las mthar byed par gyur cig ces zer bar
370b2 'gyur ro/ /de'i tshe sangs rgyas bcom ldan 'das rnams kyis 'di skad ces bka' stsal to/ /khyod kyi mya ngan gyi khang bu der gang gis gzungs sngags rtogs par 'gyur ba'i
370b3 bzod pa thob par 'gyur te/ de'i tshe sangs rgyas bcom ldan 'das de dag gis khyod kyi steng du 'od zer gtong bar 'gyur te/ lha'i rol mo'i sgra'ang thos par 'gyur ro/ /lha'i
370b4 'khor gyi sgra'ang thos par 'gyur ro/ /lha'i rnga sgra'ang thos par 'gyur te/ de'i tshe sangs rgyas bcom ldan 'das rnams dang / lha rnams kyis legs so zhes bya ba byin par
370b5 'gyur ro/ /phyir mi ldog pa'i 'khor lo'i gzungs sngags kyang rtogs par 'gyur te/ de nas gang gis khyod sems can rnams la phan 'dogs par 'gyur ba'i gzungs
370b6 de dag kyang thob par 'gyur ro// //dri ma med pa'i 'od kyis zhus pa/ bam bo gsum pa/ sangs rgyas bcom ldan 'das kyis byang chub sems dpa'
370b7 'phags pa spyan ras gzigs dbang phyug la bka' stsal pa/ sdug pa'i nu bo/ dus 'di dran par gyis shig /gang gi tshe sangs rgyas bcom ldan 'das rin chen snying po
371a1 grong khyer gyi nang du gshegs pa de'i tshe/ 'u bu cag gnyis kyis lung bstan pa thos nas de na 'dug ste/ khyod kyis smon lam chen po btab pa/
371a2 bdag sems can 'jigs shing skrag pa ji snyed yod pa de dag thams cad thar par byed par gyur cig ces byas kyi/ khyod kyis nga'i li yul dang / lha mo dri ma med
371a3 pa'i 'od dang / gzhon nu rdo rje sde skyongs shig ces lag tu gtad nas/ de nas de'i tshe bcom ldan 'das kyis byang chub sems dpa' kun tu bzang po dang / 'jam
371a4 dpal gzhon nu dang / nam mkha'i snying po dang / mthu chen po thob pa dang / sman gyi rgyal po dang / rab tu sbyin pa la dpa' ba dang / sa'i snying po dang / byang chub sems
371a5 dpa' spyan ras gzigs dbang phyug la bka' stsal pa/ sngon mdza' bo dang / spun du gyur pa gang yin pa dang / gang dag bdag cag 'grogs par 'gyur ba dbang
371a6 phyug gi lha dang / ljon shing gi dbang phyug rgyal po dang / snying rje tha skar dbang phyug dang / gcod pa'i dbang phyug dang / dri'i dbang phyug dang / tshogs kyi dbang phyug dang /
371a7 'jig rten dbang phyug dang / 'od kyi dbang phyug dang / skye ba'i dbang phyug dang / thams cad kyi lha dang / 'di dag ni byang chub sems dpa' 'phags pa spyan ras gzigs
371b1 dbang phyug gi grogs yin te/ byang chub sems dpa' de dag thams cad kyi lag tu sangs rgyas bcom ldan 'das kyis li yul srung ba bzhin du gzhon nu rdo rje sde dang / lha
371b2 mo dri ma med pa'i 'od la gtad de/ de nas byang chub sems dpa' 'jam dpal gyis 'di skad ces gsol to/ /bdag ni sangs rgyas bcom ldan 'das sngon byung ba gang
371b3 lags pa rnams dang / phyis 'byung ba de dag gis sangs rgyas kyi byang chub thob par bgyi ba'i slad du grogs su gyur pa lags te/ chos kyang mnyan/ bdag gis kyang li
371b4 yul yongs su srung ba'i slad du mnod par 'tshal te/ der skye ba blangs nas ring bsrel bgo bar bgyi'o/ /lha mo 'di la'ang gzungs sngags gang gis tshe rabs dran par
371b5 'gyur ba dang / sangs rgyas bcom ldan 'das las chos ci thos pa de dag thams cad dran par 'gyur ba'i gzungs sngags stsal bar bgyi'o/ /de bzhin gshegs pa
371b6 snang ba la phyag 'tshal lo/ /byang chub sems dpa' glang po che byed pa la phyag 'tshal lo/ /byang chub sems dpa' 'jam dpal gzhon nu la phyag 'tshal lo/ /tad+ya
371b7 thA/ bu sa d+ha re/ b+ha sha da tse/ bA dza rash+mi swAhA/ 'di nyin lan gsum mtshan lan gsum bzlas brjod byas na tshe rabs dran par 'gyur te/ sngon chos ci thos pa de thams
372a1 cad dran par 'gyur/ de nas yang byang chub sems dpa' 'jam dpal gyis gzungs sngags 'di bshad do/ /tad+ya thA/ pra t+yu da na ru re/ pra t+yu da sa
372a2 rA kA ra na ri k+Sha ni swAhA/ gang gi tshe rnal 'byor spyod pa la phyogs gcig tu 'dug pa de'i tshe bzlas brjod byas na rnam par rtog pa rnams kyang byang bar 'gyur la dge ba'i
372a3 phyogs rnams 'phel bar 'gyur ro/ /gang gi tshe rta gnas kyi rig sngags kyis las byed pa de'i tshe yang lan gsum bzlas brjod bya'o/ /de'i tshe byang chub sems dpa'
372a4 kun tu bzang pos 'di skad ces gsol to/ /gang gi tshe lha mo 'dis thog mar gzungs sngags rtogs par 'gyur ba de'i tshe/ bdag gis grogs bgyis te/ ci nas yang
372a5 dag pa ji lta ba bzhin du rtogs pa dang / gang gis sems can thams cad kyi las bgyid pa dam pa'i chos pad+ma dkar po'i chos kyi rnam grangs las klong 'khyil ba zhes bya
372a6 ba'i gzungs sngags thob nas rtogs par 'gyur ba dang / gang gi che gzungs sngags rtogs nas sems can thams cad la sbyin par bya ba dang / ci nas gzhon nu rdo
372a7 rje sde la sangs rgyas kyi bka' dran par bgyid pa dang / gzungs sngags 'di dag gis chos dran par bya ste/ sangs rgyas bcom ldan 'das rnams kyis da ltar ci
372b1 gsung ba'i sangs rgyas kyi gsung de dag thams cad dran par 'gyur ba dang / der 'dod chags zad par 'gyur bar bgyis so/ /de nas de'i tshe sangs rgyas bcom ldan 'das kyis
372b2 byang chub sems dpa' spyan ras gzigs dbang phyug la bos te 'di skad ces bka' stsal to/ /sdug pa'i nu bo/ dus 'di dran par gyis shig /gang gi tshe sangs rgyas bcom
372b3 ldan 'das rin chen snying po grong khyer du gshegs pa'i tshe grong khyer gyi sgo drung de na bud med long ma/ 'theng mo/ mdze nad kyis shin tu gzir ba zhig 'dug ste/ de nas bud med
372b4 long ma'i dmigs bu byed pa'i khye'u zhig kyang 'dug ste/ gang gi tshe bcom ldan 'das rin chen snying po grong khyer du gshegs par chas pa de'i tshe sems can rnams bcom
372b5 ldan 'das la mchod pa bgyi ba'i phyir myur zhig tu yan man du rgyug pas bud med de shin tu 'jigs shing skrag nas/ 'di snyam du/ ci grong khyer 'dir dmag gi dpung chen po
372b6 'ongs sam/ yang na ri dwags dang / glang po che dang / seng ge dang / stag la sogs pa mang po zhig rab tu rgyug pa zhig 'ongs snyam du sems te/ de'i tshe smras pa/ snying rje'i
372b7 bdag nyid can su la la zhig mchis pa bdag la smros te/ bdag ni rab tu 'jigs te/ dmag gi dpung gis gsod du 'ongs sam/ yang na ni gcan gzan dag bdag la
373a1 brdzis su 'ongs so zhes byas so/ /de'i tshe na spyan ras gzigs dbang phyug khyod bram ze rgad po zhig tu gyur te/ khyod kyis bud med nad pa de la 'di
373a2 skad du/ khyod ma 'jigs shig /grong khyer 'di na dmag gi dpung gi 'jigs pa'am/ gcan gzan mang po'i 'jigs pa'am/ gzhan ci'ang med kyi bcom ldan 'das rin po
373a3 che snying po grong khyer du gshegs pa de la mchod pa bya ba'i phyir skye bo mang po dag phan tshun du rab tu rgyug pa yin no zhes smras so/ /de nas bud med des khye'u de la smras pa/
373a4 bu nga'i lag nas drong sa la mdun du song ste gang na bcom ldan 'das bzhugs pa der khrid cig ces byas so/ /byis pa de'ang sangs rgyas kyi 'od zer gyi mthus ma dang
373a5 lhan cig tu grong khyer gyi sgo der phyin to/ /gang gi tshe bcom ldan 'das grong khyer du gshegs pa'i tshe de na sems can nad pa dang / long ba dang / 'on pa dang / 'theng po dang /
373a6 sgur pa dang / smyon pa la sogs pa 'dug pa de dag thams cad sos par gyur to/ /gang gi tshe bud med de gang du bram ze chen po rgya mtsho'i rdul zhes bya bas smon lam btab
373a7 pa dang / gang du byang chub sems dpa' mang po dag gis bla na med pa yang dag par rdzogs pa'i byang chub tu lung bstan pa thob pa der phyin pa de'i tshe bud med de'ang sos
373b1 par gyur te/ der sangs rgyas nyid du smon lam btab pa gang gi tshe bram ze rgya mtsho'i rdul 'di 'tshang rgya bar 'gyur ba de'i tshe bdag de'i bstan pa la gnas te/ gang gis bdag
373b2 skyes pa'i phung po blangs te/ sangs rgyas bstan pa'i phyir khrid pa'i bram ze de ji ltar lung bstan pa bzhin/ bdag gis kyang der sangs rgyas nyid du lung bstan pa thob par
373b3 gyur cig ces byas nas/ bud med de la sangs rgyas legs par ston pa'i bram ze gang yin pa des/ 'di skad du bdag sems can 'jigs shing skrag pa ji snyed yod
373b4 pa de dag thams cad kyi skyabs su gyur cig ces smon lam btab pa de'i tshe bud med des kyang / 'di skad du /khyod sems can 'jigs shing skrag pa ji snyed yod pa gang dag
373b5 gi skyabs su gyur pa de'i tshe nga dran par gyis shig /'on tang bdag gis kyang grogs bgyi'o zhes smras nas/ de'i tshe bud med kyis der sangs rgyas nyid du smon lam btab
373b6 pa| gang gi tshe lha mo dri ma med pa'i 'od kyis sangs rgyas bcom ldan 'das las sngon skyes pa'i rgyud thos pa de'i tshe smon lam chen po btab nas 'di skad ces smras so/ de ltar byang chub sems dpa' de dag thams cad sangs rgyas par gyur la/
373b7 bdag ni da dung du bud med kyi gzugs su snang ba ni bdag shin tu ngo tsha mod kyi/ 'on kyang
374a1 bcom ldan 'das kyis las chen po/ ji skad du/ bka' stsal pa ni gzhan du mi 'gyur te/ bdag gis bud med du skye ba ma blangs na/ bcom
374a2 ldan 'das kyis bka' stsal pa'i las de dag kyang ji ltar byed par 'gyur/ de bas na 'dod chags dang / zhe sdang dang / gti mug dang ldan pa'i bud med gzhan
374a3 dag ji lta ba bzhin du der bdag bud med kyi gzugs su snang bar byas la/ gang gi tshe bdag gi sangs rgyas kyi 'phrin las thams cad dang / smon lam rnams dran
374a4 par 'gyur ba de'i dus la bab pa na gzhon nu 'di dang lhan cig tu li yul du skye ba blangs te/ bcom ldan 'das kyis ji skad bka' stsal pa de bzhin du gyur cig /
374a5 gang gi tshe li yul du gnod pa byung bar gyur pa na der bdag cag sgrol ba por gyur cig /de nas thams cad mi mjed kyi 'jig rten gyi khams 'dir 'ongs nas lha
374a6 dang / mi'i nang du bud med kyi skye ba len pa na bdag gang du song yang rung ste thams cad du tshe rabs dran par gyur cig /gang gi tshe sangs rgyas kyis bka' stsal pa 'di byas
374a7 te| 'chi ba'i dus byas nas kyang gang na bud med kyi ming yang med pa'i 'jig rten gyi khams bde ba can du skye bar gyur cig/ der yang ring por mi thogs par phyir 'dir
374b1 'ongs nas 'gro ba lngar gtogs pa'i sems can sdug bsngal ba rnams yongs su grol bar byed par gyur cig/ gang gi che byams pa 'dir gshegs pa'i tshe yang byang chub
374b2 sems dpa' nam mkha'i tshig ji lta ba bzhin du tshul bzhin du blta ba'i phyir 'gro bar gyur cig /tshe rabs thams cad du sems can ji snyed kyis bdag dang lhan cig tu
374b3 bsod nams bgyis pa'am/ bgyid par 'gyur ba'am/ yang na mthong ba'am/ ming thos kyang rung ste/ de dag thams cad bdag gis yongs su grol bar byed par gyur cig
374b4 ces smon lam btab bo/ /gang gi tshe lha mo dri ma med pa'i 'od kyis de skad smras pa de'i tshe bcom ldan 'das kyis 'di skad ces bka' stsal to/ /sngon gyi tshe bram ze rgya mtsho'i rdul
374b5 zhes bya bar gyur pa gang yin pa de ni/ bcom ldan 'das shAkya thub pa nga yin no/ /gang gis bud med de sangs rgyas bcom ldan 'das bstan pa'i bram ze rgad por gyur pa gang
374b6 yin pa de ni byang chub sems dpa' 'phags pa spyan ras gzigs dbang phyug 'di yin no/ /bud med nad par gyur pa gang yin pa de ni rgyal po ma skyes dgra'i bu mo lha mo dri
374b7 ma med pa'i 'od 'di yin no/ /de'i bu khye'ur gyur pa gang yin pa de ni gzhon nu rdo rje sde 'di yin no/ /phyir 'byung ba gang yin pa de dag kyang bshad par bya ste/ skar rdo rnams
375a1 dang / gser gyi rigs kyi nang na ni/ thog ma kho nar dge bsnyen ma hu sha las zug ste/ mi'i rgyud chags par gyur nas/ dge bsnyen ma hu sha gser
375a2 gyi rigs kyi yul de na gnas par gyur to/ /dge bsnyen ma hu sha de ni lha'i rigs yin te/ lha rnams kyi nang nas lha mo zhig la skyon byung bar gyur nas/ de chad pas gcad de
375a3 gser gyi ri la btang ngo / /dmod pa'ang bor te khyod der mi la za ba'i srin mor gyur cig ces byas so/ /de nas tshong pa mang po gser 'dod pa'i phyir gser gyi rigs kyi
375a4 ri der song pa gang yin pa rnams la bsten te/ srin mo der tshong pa de dag dang lhan cig tu 'dod pa'i bde ba nyams su myong ngo / /gang gi tshe dus gzhan zhig na mgron
375a5 po gzhan dag der lhags par gyur pa na sngar 'ongs pa gang dag dang lhan cig tu 'dod pa'i bde ba nyams su myong bar gyur pa de dag ni zos so/ /lhas dmod pa bor
375a6 ba'i srin mo de'ang srin mo gzhan gang dag dang mgron du mgron pa de dag dang 'dod pa'i bde ba nyams su myong ba lnga brgya po dag dang grogs mor gyur to/ /de na byang chub
375a7 sems dpa' 'og pag can zhes bya ba zhig ded dpon du gyur to/ /gang gi tshe lha rnams kyis de nyes pa las tshangs par byed pa de'i dus la bab pa na de'i tshe de las
375b1 bu mo zhig btsas te hu sha zhes bya bar ming btags so/ /hu sha de'ang sngon de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog
375b2 kun tu rgyas pa'i sangs rgyas kyi zhing na gnas pa las/ 'di skad du/ sngon lha las gyur pa'i srin mo 'di ni tshe rabs mang por bdag gi mar gyur pa yin na/ da ltar byang chub sems
375b3 dpa' 'og pag can bza' bar chas kyi/ bdag 'di'i bu mor gyur la de'i sdig pa'i las dgag par bya'o zhes snying rje rje skad du zlos par byed do/ /de'i tshe mgron pa
375b4 gzhan dag der lhags so/ /de nas 'og pag can 'khor dang bcas pa'i sgo rnams bcad nas/ bza' bar chas so/ /gsar du lhags pa rnams dang ni 'dus so/ /de nas
375b5 'og pag can de dang / srin mor 'dus par gyur pa hu sha zhes bya ba bu mo chung du des pha 'og pag can la 'di skad du/ pha jo bo/ ci nas bdag cag srin mo 'di dag gis
375b6 ma zos par bros te bzhud do zhes smras so/ /de'i tshe 'og pag can de rang gi bu mo des thar par byas so/ /'og pag can gyis kyang mgron po lnga brgya po thams cad thar
375b7 bar byas te kun tu lhan cig tu bros so/ /de'i tshe srin mo de der song nas 'og pag can de ma rnyed nas/ der gsar du lhags pa'i mgron pa gang yin pa de dag bor te/
376a1 'og pag can la sogs pa mgron pa rnams tshol ba'i phyir rgyug go /de sngon lha'i 'jig rten na gnas pa'i tshe phyi la phyin pas de'i phyir chad
376a2 pas bcad de/ lha rnams kyi rna ba bcad nas gser gyi rigs kyi ri la bzhag ste/ de la lha rnams kyis/ 'di skad du/ dmod pa bor te/ gang gis khyod la/ 'di skad du/ khyod
376a3 kyi rna ba sus bcad ces the tshom 'dri bar 'gyur ro/ /des khyod dmod pa las thar bar gyur te/ phyir lha'i 'jig rten du song nas sngon bzhin du lhar 'gyur ro zhes byas so/ /
376a4 de nas de'i tshe lha'i 'jig rten du phyir 'gro ba'i dus la bab ste/ de mgron po mang po dag tshol ba'i phyir rgyug pa na/ zhab ma ring po bgos pa bsnyil nas de sngon ri dwags
376a5 kyi spu las gos byas pa gang yin pa gyon te/ skra spyi bor bcings nas/ gang gi tshe tshong pa bros pa de dag gi phyi bzhin du 'ongs pa de'i tshe/ ded dpon 'og pag can
376a6 de dang / tshong pa lnga brgya po de dag bzung nas zhab ma'i nang du brubs te phrag pa la bkal lo/ /de'i tshe 'og pag can gyis bgad pa dang / srin mo des dris pa/ mi'i
376a7 bu/ khyod ci'i phyir dgod/ ji ste drang por ma smras na khyod kyi khrag sa la pho ste btang ngo / /de nas ded dpon 'og pag can gyis de la/ 'di skad du/ 'di ltar mthu che ba khyod
376b1 kyi rna ba mi sus ji ltar bcad ces smras pa na/ de'i tshe des mgron pa de dag btang nas bar snang la gnas te/ 'di skad du/ yul 'di'i ming ni rna ba'i phyir gser gyi rigs
376b2 zhes bya bar 'gyur ro zhes smras nas/ rna ba sngam kho na bzhin du byung bar gyur te/ lha'i 'jig rten du song nas phyir lhar gyur to/ /ded dpon 'og pag can de'ang mgron pa
376b3 de dag dang lhan cig phyir gser gyi rigs kyi ri la log ste/ de na bu mo de gso zhing 'dug go /srin mo de dag thams cad kyang sbrum par gyur te/ de dag gi nang na gang dang lhan
376b4 cig tu 'dod pa'i dga' ba nyams su myong nas de'i 'og tu sems can de nyid mi gsod pa ni 'ga' yang med do/ /de nas srin mo de dag thams cad ngo tsha bar gyur nas bu de
376b5 rnams gsos te/ hu shAng lha bzhin du mchod pa'i gnas su byas so/ /der de ngag gi bu gzhon nu thog mar btsas pa de ni hu sha'i khyim thab tu gyur te/ de phyin tshad gser gyi
376b6 rigs kyi mi'i rgyud byung bar gyur to/ /mgron po de dag gi bu byung ngo cog dang lhan cig tu 'dod pa'i dga' ba byas kyang de dag thams cad mgu bar byed ma nus te/ de ltar
376b7 ngas de'i tshe 'dod pa'i bde ba dam bcas pa las thams cad mgu bar byed ma nus pas de'i las kyis rtag tu bud med du skye bar gyur to/ /hu sha las bu gcig byung nas
377a1 dge bsnyen ma hu shar gyur te/ hu sha de'i bur gyur pa gang yin pa de der rgyal por gyur te/ de phyin chad mi'i rgyud chags par gyur nas/ dge bsnyen
377a2 ma hu sha gser gyi rigs kyi ri de la lha'i gzhal med khang gi nang na gnas shing lha dang / mi rnams dang / srin mo rnams la chos ston to/ /gang gi tshe hu sha 'chi
377a3 ba'i dus byed pa na srin mo lnga brgya po gang yin pa de dag dang / lha dang / srin mo de las chos thos pa gang yin pa de dag da ltar gser gyi rigs kyi yul gyi srung mar
377a4 gyur to| |de'i tshe na dge bsnyen ma hu shar gyur pa gang yin pa de ni da ltar dri ma med pa'i 'od 'di yin no/ /u rgyan gyi rgyal por gyur pa gang yin pa de ni li yul gyi
377a5 rgyal po thog mar byung ba dang gnyen byed cing bdag nyid dang / yul 'bul bar byed pa gang yin pa skar rdo'i rgyal por gyur pa 'di yin no/ /kas pa ra'i rgyal por
377a6 gyur pa gang gis bcom ldan 'das kyi spyan sngar bdag ni phar gyur cig ces smras pa gang yin pa de ni skar rdo'i rgyal po dbang phyug go cha zhes bya ba dri ma med pa'i
377a7 'od kyi phar 'gyur ro/ /kas pa ra'i rgyal po'i btsun mor gyur bas/ 'di skad du/ bdag ni mar gyur cig ces smras pa gang yin pa 'di ni rgyal po dbang phyug go cha de'i
377b1 btsun mo dam par 'gyur ro/ /lha mo de'i ming por gyur pa gang gis bdag ni sdug pa'i ming por gyur te/ gang gi phyir skyo ba chen po thob nas skyo ba de la mi gtsang ba'i
377b2 ting nge 'dzin thob par gyur cig ces smon lam 'debs pa gang yin pa 'di ni ming por 'gyur ro/ /nu mo tha chung du gyur pa gang gis/ 'di skad du/ gang gi tshe/ mya ngan gyi 'chi
377b3 bar 'gyur ba de'i tshe khyod dge ba'i bshes gnyen dge slong gi thad du song nas der 'khor ba las grol bar gyur cig ces smon lam 'debs pa gang yin pa 'di ni nu mo tha
377b4 chung du 'gyur ro/ /rdo rje sde'i nu bo tha chung gang gis li yul gyi phyir de dang lhan cig tu smon lam btab pa gang yin pa 'di ni ming por gyur te/ skar rdo'i rgyal por 'gyur
377b5 ro| |rgyal po ma skyes dgra'i grong khyer skyong ba gang yin pa 'di ni gser gyi rigs kyi rgyal por 'gyur ro/ /bud med gang gis sbyin pa ni byin la tshul khrims ni ma bsrung
377b6 ba gang yin pa 'di na rgyal po de'i btsun mor 'gyur ro/ /de nas de'i tshe sangs rgyas bcom ldan 'das kyi sa lha rnams la bka' stsal pa/ gang gi lha mo 'di li yul
377b7 du dang por skye ba'i dus la bab pa na byang chub sems dpa' byams pa dga' ldan na gnas pa lha dang bcas pas bskul te/ sngon rdo rje sde las gyur pa'i lha gang yin pa
378a1 de dang / sngon dri ma med pa'i 'od las gyur pa'i lha mo gang yin pa de dang / grogs mor gyur pas thob pa gang dang lhan cig tu smon lam btab par gyur
378a2 pa gang yin pa de la lha de dag gis bskul te/ lha'i skye ba bor la mi'i skye ba longs shig ces thams cad la dran par byed do/ /rgyal po ma skyes dgra'i grong khyer skyong bar gyur
378a3 pa gang yin pa de dang / grong khyer skyong ba de'i bur gyur pa la'ang lha'i 'jig rten nas lha rnams kyis skul bar byed do/ /pha dang / mar gyur pa gang yin pa dang lhan cig tu smon
378a4 lam 'debs 'debs pa gang yin pa rnams la'ang de'i tshe lha rnams kyis bskul te/ sangs rgyas kyis bka' stsal pa gang yin pa dang / smon lam btab pa gang yin
378a5 pa rnams kyi dus ni da bab kyi/ li yul du skye ba longs shig ces dran par byed do/ /de la byang chub sems dpa'i rdo rje sde zhes bya ba'i lha gang yin pa de ni li yul gyi rgyal
378a6 por 'gyur ro/ /sa thob pa'i rigs kyi bud med gang yin pa de ni tshe rabs lnga'i bar du li yul gyi rgyal mor 'gyur ro/ /li yul du ni tshe rabs drug tu skye ba len te/ rgyal po
378a7 byang chub sems dpa'i btsun mor 'gyur ro/ /gang gi tshe 'phags skyes po'i phyogs byas pa'i las de'i dus la bab pa na de'i rgyud du gyur pa ji snyed pa rnams sum
378b1 par 'gyur ro/ /gang gi tshe li yul du thog mar sum pa 'ongs pa de'i tshe lha mo 'di lha'i nang nas shi 'phos nas skar rdo'i rgyal po'i bu mor 'gyur ro/ /gang gi tshe 'a zha dang / sum
378b2 pa 'ong ba'i dus la bab pa'i tshe lha mo dri ma med pa'i 'od 'dis rgyal po ma skyes dgra'i grong khyer skyong ba khyim thab tu gyur pa 'di khrid nas gser gyi yul du khrid de 'ong bar
378b3 'gyur ro/ /de'i tshe der dmag gi dpung de dag 'ongs nas de'i pha skar rdo'i rgyal po de dang / ming po rab gnyis g.yul der 'chi bar 'gyur te/ de'i tshe dri ma med pa'i
378b4 'od mya ngan gyis gzir nas mya ngan gyi khang bur zhugs te/ gzhan la dri mi dgos par mi gtsang ba'i ting nge 'dzin thob par 'gyur ro/ /gang gi tshe gdong dmar rnams
378b5 kyis li yul gyi bran du 'gyur ba'i dus la bab pa na/ rgyal po rnam par rgyal ba'i rtsal de yul der gsod par 'gyur ro/ /de'i bu rgyal po rnam par rgyal ba'i grags pa zhes
378b6 bya ba zhig 'byung bar 'gyur ro/ /skar rdo'i rgyal po dbang phyug go cha zhes bya ba ni bu dang bcas te/ li'i rgyal po dang lhan cig tu g.yul gyi nang du 'chi bar 'gyur ro/ /de
378b7 ltar gyi rdo rje sde 'di ni de'i bu rnam par rgyal ba'i go cha zhes bya bar 'gyur te/ skar rdo'i rgyal por 'gyur ro/ /nges kyang lo gcig rgyal srid thob par 'gyur te/ de la rnam
379a1 par rgyal ba'i grags pa ni li yul du 'byung ngo / /rnam par rgyal ba'i go cha ni skar rdo'i 'byung ngo / /gang gi tshe dri ma med pa'i 'od la sangs rgyas bcom
379a2 ldan 'das rnams kyis 'od zer btang ste/ bzod pa thob par 'gyur ba de'i dus la bab pa de'i tshe dge byed kyi phyogs dang / sdig byed kyi phyogs de dag kyang so sor sder 'cha'
379a3 bar 'gyur ro/ /de'i tshe dge byed dang / sdig byed gnyis kyi pha sngon chom rkun pa lnga brgya sbyug par byed pa gang yin pa de rgyal por 'gyur te/ blon po chen po ni gnyis
379a4 'byung bar 'gyur ro/ /rgyal po'i bu rnam par rgyal ba'i grags pa zhes bya ba ni li yul gyi rgyal por 'gyur ro/ /rnam par rgyal ba'i go cha zhes bya ba ni skar rdo'i rgyal
379a5 por 'gyur ro/ /gzhon nu de gnyis las dge byed ni blon po chen po gtso bo shos kyis gsos so/ /gcig shos ni sdig byed gyis gsos so/ /gang gi tshe dge byed btsas
379a6 pa de'i tshe tshong pa lnga brgya 'ongs te/ li yul du skyes nas yul de na dge ba byed do/ /gang gi tshe sdig byed btsas pa na chom rkun lnga brgya sbyugs pa de dag li yul du skyes
379a7 te sdig pa byed do/ /gang gi tshe gzhon nu sdig byed btsas pa na chom po lnga brgya po de dag rgyal po'i pha'i thad du btang ngo de nas de'i tshe gzhan dag cig la bya ba gang yin
379b1 ba 'di khyod kyis byos shig ces bsgo nas blon po chen po de'i gtso bo de'i lag pa bcad do/ /cig shos ni bsad do/ /de'ang sngon gang gi che sdig byed kyis dge byed kyi mig phyung
379b2 ba de'i tshe blon po chen po de dag phan tshun khon byung nas de phyin chad tshe rabs thams cad du gcig gi dgrar gcig gyur to/ /de la blon po chen po gtso bo ni skar rdo'i rgyal
379b3 bor 'gyur ro/ /gcig shos ni li yul gyi rgyal por 'gyur ro/ /de gnyis kyang phyis phan tshun 'thab par 'gyur ro/ /sdig byed kyi phyogs sngon dge byed kyi mig 'byin pa gang
379b4 yin pa de dag gis li'i rgyal po gsod par 'gyur te/ gang gi tshe gdong dmar rnams li yul 'dzin par 'gyur ba'i dus la bab pa de'i tshe de gnyis phan tshun 'thab
379b5 par 'gyur ro/ /de'i tshe lha mo dri ma med pa'i 'od kyi ming po da ltar rdo rje sde zhes bya ba 'di skar rdo'i rgyal po rnam par rgyal ba'i go cha zhes bya bar gyur te/ ming po de'i phyir mya
379b6 ngan gyis gzir bar 'gyur ro/ /gang gi tshe sangs rgyas kyi 'od zer de'i steng du gnas par 'gyur ba'i dus la bab pa na de'i skar rdo'i rgyal po pham par 'gyur ro/ /ci ste
379b7 bsod nams dang mi ldan na ni dri gtsang khang dang dge 'dun gyi kun dga' ra ba gshig par bya'o zhes sangs rgyas bcom ldan 'das la smon lam 'debs 'debs
380a1 pa gang yin pa de rnams kyang de dag gi grogs byed par mi 'gyur ro/ /gang gi tshe gdong dmar dag gi grogs byed cing li yul 'dzin par 'gyur
380a2 la| dge 'dun gyi kun dga' ra ba dang / dri gtsang khang rnams 'jig par byed pa de'i tshe skar rdo'i rgyal po pham par 'gyur ro/ /gang gi tshe ring por mi thogs par gdong
380a3 dmar rnams 'od ba'i dus la bab pa de'i tshe dri ma med pa'i 'od shin tu mya ngan skye bar 'gyur te/ de'i tshe sangs rgyas bcom ldan 'das de dag dang / li yul gyi srung
380a4 ma'i lha gang yin pa de dag gis dgongs par 'gyur ro/ /de na dri ma med pa'i 'od gcig pu mya ngan gyi khang bu'i nang na 'dug cing sangs rgyas rnams la gsol ba
380a5 'debs so/ /bdud rtsi rnga sgra zhes bya ba'i gzungs sngags kyang brjod nas/ de bzhin gshegs pa 'od dpag med la gsol ba 'debs te/ 'di skad du/ yang na ni ming
380a6 po dang mjal bar gyur cig /yang na ni 'gum par gyur cig /yang na ni 'khor ba las mthar phyin par gyur cig ces zer ro/ /de nas nang par gyi dus su sangs rgyas
380a7 bcom ldan 'das de dag gis de'i steng du 'od zer btang ste/ gzungs sngags dang / bzod pa'ang thob par 'gyur ro/ /de'i tshe sangs rgyas rnams dang / lha rnams
380b1 kyis legs so zhes bya ba byin te/ lha'i bu rnams dril bu'i sgra sgrogs shing rnga bo che dang / rol mo'i sgra rnams sgrogs te/ 'di skad du/ phyir mi ldog pa'i byang chub sems dpa'
380b2 las chen po byas so zhes zer ro/ /de'i tshe 'di snyam du pha ma la drin du gzo bar byas pas na bdag la mchod pa byed snyam du bdag nyid kyis shes nas las dang po byed
380b3 par 'gyur te/ sngon gang gi tshe dge byed kyis yid bzhin gyi nor bu rin po che las rin po che'i char phab pa na/ blon po chen po dang / dge byed kyi phyir thog ma smon lam
380b4 btab pa de'i tshe gzhan dag cig gis/ 'di skad du/ gang gi tshe bdag cag smon lam btab pa de dag thams cad las ldog par ma gyur na/ phyis ci nas bstan pa cung
380b5 zad kyang 'jig par mi 'gyur bar grogs bgyi'o/ /gzhon nu rnam par rgyal ba'i go cha zhes bya ba skar rdo'i rgyal por 'gyur ba des kyang grogs byed par 'gyur ro/ /sdig
380b6 byed kyi phyogs gang dag gi blon po chen po dang / dge byed kyi phyir smon lam btab pa'ang phyis ldog par 'gyur ro/ /gang gi tshe bcom ldan 'das kyis tshig de skad ces
380b7 bka' stsal pa de'i tshe spyan ras gzigs dbang phyug gis 'di skad ces gsol to/ /bdag gis kyang de'i tshe bskul bar bgyi'o/ /de dag thams cad la bdag gis chos
381a1 kyang bshad par bya ste/ ci nas thams cad 'dzin par 'gyur zhing gzhan dag la'ang 'chad par 'gyur ba de ltar bgyi'o/ /bdag gi sring mo 'di'ang
381a2 bdag dang lhan cig tu byang chub kyi spyad pa lhan cig tu spyod spyod pa lags so/ /de nas de'i tshe lha thams cad langs te/ 'di skad du/ bdag cag kyang der mchi bar 'tshal lo
381a3 zhes gsol to/ /de'i tshe sangs rgyas bcom ldan 'das kyi steng du lha'i me tog gi char bab bo/ /lha'i sil snyan rnams kyang dkrol lo/ /de nas sangs rgyas bcom ldan 'das kyis
381a4 'di skad ces bka' stsal to/ /sangs rgyas bcom ldan 'das de dag gis de'i steng du 'od zer rnams btang ste/ 'od zer de dag las dgos pa'i don ji lta ba bzhin du tshig
381a5 brjod pa rnams byung ste/ ci nas gzungs sngags kyi tshig thob par 'gyur ba dang / gang gi tshe ming po rnam par rgyal ba'i go cha g.yul las pham pa de'i don gyi phyir
381a6 gzungs sngags thob par 'gyur ba dang / gzungs sngags de dag thob pas gzhan rnams kyang thob par 'gyur ba dang / gang gis bcom ldan 'das kyis li yul gyi
381a7 don du bka' stsal ba'i las de dag byed par 'gyur ba'i phyir mya ngan gyi khang bu gang na zhum zhing 'dug pa der sangs rgyas bcom ldan 'das de dag las gzungs sngags
381b1 thob par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas mi gnas pa'i blo'i rgyal po gnod pa zhi bar mdzad pa la phyag 'tshal lo/ /de
381b2 bzhin gshegs pa dgra bcom pa yang dag par rdzogs pa'i sangs rgyas shes pa'i blo can rab rib kyi mun pa rab tu zhi bar mdzad pa la phyag 'tshal lo/ /de bzhin gshegs pa
381b3 dgra bcom pa yang dag par rdzogs pa'i sangs rgyas glang po che'i bdag po la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas
381b4 rdo rje ltar gcod pa la phyag 'tshal lo/ /de bzhin gshegs pa lha'i rgyal po la phyag 'tshal lo/ /de bzhin gshegs pa mu stegs thams cad las shin tu 'phags pa'i rgyal
381b5 po la phyag 'tshal lo/ /de bzhin gshegs pa ting nge 'dzin gyi mchog la phyag 'tshal lo/ /de bzhin gshegs pa mtshan gyi rgyal po la phyag 'tshal lo/ /de bzhin gshegs
381b6 snang bas snang bar mdzad pa la phyag 'tshal lo/ /de bzhin gshegs pa mu stegs thams cad kyi rgyal po la phyag 'tshal lo/ /de bzhin gshegs pa sbyin byed kyi rgyal po la
381b7 phyag 'tshal lo/ /de bzhin gshegs pa rdo rje ltar 'gro ba yon tan gyi dbang phyug rgyal po la phyag 'tshal lo/ /de bzhin gshegs pa ye shes la 'jug pa la phyag 'tshal
382a1 lo| |de bzhin gshegs pa ta la ltar rab tu brtan pa la phyag 'tshal lo/ /sangs rgyas bcom ldan 'das de dag gi mtshan rnams 'dzin pa
382a2 gang yin pa de ni sdug bsngal las yongs su thar bar 'gyur ro/ /sngon byas pa'i sdig pa rnams kyang bshags par 'gyur ro/ /tshe 'di la'ang phyug por 'gyur ro//
382a3 mu ge'i nang du skye bar mi 'gyur ro/ /gnod pa thams cad las yongs su thar bar 'gyur ro/ /tad+ya thA/ tArke/ tArke rke/ te rkA tsakre/ tarka ba hu le/ tarkA tiSh+Thi te swAhA/ gzungs
382a4 sngags 'di ni phyir mi ldog pa'i 'khor lo zhes bya ste/ su 'di brjod pa ni phyir mi ldog par 'gyur ro/ /sgrub pa'i thabs ni 'di yin te/ kha zas mi za bar g.yeng ba med
382a5 pa'i sems kyis 'chag bzhin du nyin mtshan du bzlas brjod byas na rnam par rtog pa 'byang bar 'gyur zhing dran pa dang ldan par 'gyur te/ bslab pa'i gzhi 'dzin pas
382a6 bzlas brjod bya'o/ /tad+ya thA/ o ha ni o ha ni/ mo ha ni/ hu hu re/ hu hu re/ nu ba te/ dzam+b+ha ni/ stam+b+ha ni swAhA/ gzungs sngags 'dis ni skye ba med pa'i bzod pa thob par 'gyur
382a7 te| zhag gsum gyi bar du bslab pa 'dzin pas g.yeng ba med pa'i sems kyis 'chag bzhin du bzlas brjod byas na tshe 'di la ma grub na'ang tshe phyi ma la nges par
382b1 'grub par 'gyur ro/ /tad+ya thA/ tsa re tsa re/ yak+She yak+She/ yak+Sha yak+Sha/ nud d+hiSh+Thi te/ kA la pa/ a tiSh+Thi te/ lo ka a d+hi Sh+Thi te/ bud+d+ha a d+hiSh+Thi te swAhA/ satwa a d+hiSh+Tha te swAhA/ gzungs
382b2 sngags 'dis ni sdig pa thams cad bshags par 'gyur te/ zla ba bdun gyi bar du nyin lan gsum/ mtshan lan gsum bzlas brjod bya'o/ /tad+ya thA/ mai tre/ mai tre/ rag tre
382b3 rag trai/ mug tre/ mug tre/ k+Sha ye k+Sha ye/ mu ba te/ mai tre/ bud+d+ha a d+hiSh+Thi te swAhA/ gzungs sngags 'dis ni mthun pa'i bzod pa thob par 'gyur ro/ /sgrub pa'i thabs ni 'di
382b4 yin te/ nang gsum bzlas brjod byas na/ lan gcig kyang stong stong bya'o/ /rtag tu gnyid mi log pa dang / khrus bya ba dang / gtsang ba dang / gos gtsang ma gyon pas
382b5 zan zos pa'i 'og tu sku gdung dang ldan pa'i mchod rten dang / sangs rgyas kyi sku gzugs kyi spyan sngar g.yeng ba med pa'i sems kyis bzlas brjod byas te/ du ru ka'i
382b6 'dug pa bsregs na nad chen po rnams zhi bar 'gyur ro/ /gsang sngags de dag gis mar la lan stong bzlas brjod byas te/ nad pa la blud pa dang / lus la bsku bar bya'o//
382b7 'di las sman grags pa ji lta bu'ang rung ba de dag la nad pas nang gsum du nyin gcig bzhin du lan stong stong bzlas brjod bya ste/ sra rtsi pog sreg cing / dri chu dang / dri
383a1 zhim pos bsgos pa'i 'bru mar gyi mar me dang / ro sna gcig dbul bar bya'o/ /gang gi tshe cho ga 'di bzhin du bzlas brjod byas na/ nang tsha bas
383a2 chen po rnams kyang med par 'gyur te/ tad+ya thA/ shud+d+he bud+d+he/ A ra dze/ A ra dze/ a nu ba de/ sang+ga la be/ me tre bud+d+ha a d+hi Sh+Thi te swAhA/ nang bdun gyi bar du nyin gcig bzhin
383a3 du lan stong stong bzlas brjod byas te/ sems zhi bar byas na mthun pa'i bzod pa 'thob par 'gyur te/ bslab pa 'dzin pas bzlas brjod bya'o/ /tad+ya thA/ sa sa sa sa/ mi
383a4 mi mi mi/ gi ra a d+hi Sh+Thi te/ dzam+b+ha ko ti/ a pa ra dzi te/ ka la pa ba ti/ dzam+b+ha ko Ti/ ka kA mi le/ pa na dzi ni bi ti ni/ sa na sa ra/ ki Ti badzra le/ pa lA tai/ ma mu she sa ka lA
383a5 bai nau dza re/ a yi Sh+Tha ka ka le swA hA/ gzungs sngags 'di ni me gnas zhes bya ste/ 'dis sa thob par 'gyur ro/ /sgrub pa'i thabs ni 'di yin te/ gtsang zhing khrus byas
383a6 pa dang / gos gsar pa gyon cing bslab pa 'dzin pas/ sku gdung dang ldan pa'i mchod rten nam/ sangs rgyas kyi sku gzugs kyi spyan sngar bzlas brjod byas na rgyal
383a7 po'i 'jigs pa dang / 'jigs pa gzhan thams cad las thar bar 'gyur te/ kha zas mi za bar lan stong bzlas brjod bya'o/ /de la dri ni 'di yin te/ a ga ru dang /
383b1 'bug su gtang dang / ga bur dang / shug pa dang / tsan+dan rnams so/ /bdug pa'ang 'di dag las sbyar bar bya ste/ der bdug par bya'o/ /mar me'ang de dag gi phye ma dang
383b2 sbyar ro/ /yang na de dag gi dris kyang bsnyen bkur bya zhing chu dang sbyar te/ des gtong bar bya'o/ /ro sna gcig kyang der gzhag par bya ste/ des bsgos pa'i chu la bzlas brjod
383b3 byas pas steng du gtor bar bya'o/ /gang gis cho ga 'di bzhin du byas na nyes pa sna tshogs las grol bar 'gyur zhing 'jigs pa thams cad las thar bar 'gyur te/ 'jigs
383b4 pa de las thar bar ma gyur gyi bar du snga dro zhing lan sum cu gsum gsum bzlas brjod bya'o/ /cho ga 'di bzhin du bzlas brjod byas pa gang yin pa de ni 'jigs pa'am/
383b5 gnod pa gang las kyang grol bar mi 'gyur ba med do/ /ci ste bsgrubs na las gang brtsams kyang rung ste mi 'grub pa med do/ /gang zhig sgrub pa'am/ yang na skud pa 'dogs
383b6 sam/ yang na bris te 'chang na gnod pa thams cad las thar bar 'gyur te/ mi bsod nams dang ldan pa zhig ni tshe 'di nyid la 'thob par 'gyur ro/ /ji ste des thob
383b7 par ma gyur na'ang tshe phyi ma la gdon mi za bar 'thob par 'gyur ro/ /tad+ya thA/ ka pi li/ ka pi li/ pin Te b+hU na dza ra stu/ mi la ta la mi la ta la/ ad dwa re swA hA/ gzungs
384a1 sngags 'di bzlas brjod byed pa gang yin pa des ni sems can thams cad la byams par bya'o/ /sgrub pa'i thabs ni 'di yin te/ khrus
384a2 legs par byas shing gos gtsang ma bgos pa kha zas mi bza' bar/ sku gdung dang ldan pa'i mchod rten nam/ sangs rgyas kyi sku gzungs kyi spyan sngar lan
384a3 sum stong bzlas brjod bya'o/ /'di la bdug pa ni 'di yin te/ 'bug sug hang dang / ga pur dang / du ru ka dang / kA la nu sa ri dang / sha'i le ya ka rnams kyis
384a4 bdug ste/ gang gis cho ga de bzhin du bzlas brjod byas pa la ni khro zhing sdang ba thams cad dang bar 'gyur ro/ /tsan+dan dang / gur gum dang / shing mngar dang /
384a5 kar ko ti dang / shug pa dang / sman 'di rnams gsog pa la gzungs sngags 'di lan sum stong bzlas brjod byas te/ lus la btags na de la byad stems
384a6 kyis tshugs par mi nus la/ byas zin pa'ang 'jig par 'gyur te/ byams pa'i sems dang ldan pa dang / bslab pa 'dzin pas bzlas brjod bya'o/ /tad+ya thA/ ra
384a7 re ra rA phu phan Ne le bi li pha ba kA rA mug te mun d+ha re swA hA/ gzungs sngags 'di ni ting nge 'dzin yongs su rdzogs par byed pa ste/ mdzod ji lta bu dang / ting nge 'dzin
384b1 gyi rnam pa ji lta bu 'dod pa de lta bu 'thob par 'gyur te/ bsam pa thams cad yongs su rdzogs par byed pa yin no/ /sgrub pa'i thabs ni 'di yin te/ gtsang ba dang /
384b2 khrus byas pa dang / gos gtsang ma gyon pa dang / bslab pa 'dzin pas sku gdung dang ldan pa'i mchod rten nam/ sangs rgyas kyi sku gzugs kyi spyan sngar bzlas brjod
384b3 bya ste/ phyogs bcu'i sangs rgyas rnams kyi mtshan phyogs re rer lan sum cu rtsa gsum gsum brjod par bya'o/ /phyogs re rer gzungs sngags lan brgya rtsa brgyad
384b4 bzlas brjod bya'o/ /'di la bdug pa ni 'bug sug hang dang / ga pu ra dang / ka la nu sa ri dang / sha'i le ya ka dang / du ru ka rnams bsreg par bya zhing de dag gis
384b5 bsgos pa'i mar me sbar bar bya'o/ /sman de dag dang sbyar ba'i chu bzhag ste/ ro sna gcig kyang bzhag nas yid la gang 'dod pa de sangs rgyas rnams la gsol na ji
384b6 ltar 'dod pa de bzhin du 'gyur ro/ /tad+ya thA/ ti li ga dze shwa ra shA ra/ A ti ba ti ShA ba tA rA ke le Shi ba ta gu le swA hA/ gzungs sngags 'dis lha'i mig 'thob par 'gyur ro/ /
384b7 mig nad kyang med par 'gyur ro/ /sgrub pa'i thabs ni 'di yin te/ gos gtsang ma bgos la sku gdung dang ldan pa'i mchod rten nam/ sangs rgyas kyi sku gzungs
385a1 kyi spyan sngar lan brgya rtsa brgyad bzlas brjod byas nas/ mig sman 'di'ang sbyor bar bya ste/ gur gum dang / ka ra dkar po sbrang rtsi dang sbyar te mig
385a2 tu bskus na mig ma rung bar mi 'gyur ro/ /mig nad thams cad kyang med par 'gyur ro/ /bdug pa ni sbyar ba bsreg go /mig sman de la ni lan brgya rtsa brgyad bzlas
385a3 brjod bya'o/ /nyin gcig bzhin du chu la lan bdun bzlas brjod byas te mig bkru bar bya'o/ /tad+ya thA/ ba rad tse/ bi rad tse/ ku tha le/ mig tre le/ ai lai mai lai/
385a4 Tad gA Tad gu le swA hA/ gzungs sngags 'di ni sangs rgyas rjes su dran par bya ba yin no/ /sgrub pa'i thabs ni 'di yin te/ bslab pa 'dzin pa dang / gtsang mas
385a5 sangs rgyas kyi sku gzugs kyi spyan sngar lan dgu brgya bzlas brjod bya ste/ bdug pa sbyar/ bsreg cing dri zhim pos bsgos pa'i 'bru mar gyi mar me dang / pog phor
385a6 dang / dri zhim pos bsgos pa'i chu dang / ro sna gcig gzhag par bya ste/ mar la bzlas brjod byas nas mgo bo dang khar bskus na mgo bo'i nad thams cad las thar
385a7 bar 'gyur ro/ /'thungs na dran pa skye bar 'gyur ro/ /chos slob par 'dod pas mar de 'thungs na dbang po rnon por 'gyur ro/ /gzungs sngags gang bsgrubs kyang rung
385b1 ste| 'di las smos pa bzhin du yongs su rdzogs par bzlas brjod bya ste/ gzung sngags thams cad dang / sangs rgyas kyi mtshan rnams phyogs bcu'i phyogs re rer lan
385b2 sum cu rtsa gsum gsum brjod par bya'o/ /gang gi tshe gzungs sngags brjod pa na nyin lan gsum mtshan lan gsum du phyogs bcur tshe dpag med kyi snying po'i gzungs
385b3 sngags brjod par bya'o/ /sangs rgyas bcom ldan 'das de dag gi mtshan phyogs re rer brjod par bya'o/ /sangs rgyas thams cad kyi snying po zhes bya ba'i gzungs sngags 'di
385b4 dag ni yid bzhin gyi nor bu rin po che ji ltar chos dang ldan pa'i dam pa ji lta bur 'dod pa bzhin du thams cad thob par byed pa de bzhin du sus brjod pa des/ sangs rgyas
385b5 nyid kyang 'thob par 'gyur la sdug bsngal thams cad las thar par 'gyur ro/ /des 'di skad du bdag gis gang gi tshe sangs rgyas kyi byang chub thob nas dgrol bar bya'o
385b6 zhes byas so/ /de'i tshe lha mo dri ma med pa'i 'od kyis/ 'di skad du/ ji ltar bdag gis gzungs sngags 'di dag gis ming po thar par byas pa de bzhin du sems can thams
385b7 cad kyang gzungs sngags 'di dag gis yongs su thar bar byed par shog cig ces byas so/ /nam zhig na sum pa rnams der 'ong ba dang / gdong dmar gyis yul
386a1 'dzin par 'gyur ba'i dus 'ong bar 'gyur te/ de'ang las 'di lta bu las 'gyur ro/ /gang gi tshe gzhon nu sdig can byung ba na mi rgod byung ba de
386a2 dag rgyal po'i thad du btang ste/ blon po chen po gtso bo'i khyim du song nas nor rnams khyer ro/ /de nas de'i mdzod sgo na de'i chung ma bud med cig nyal ba de dag sang shor
386a3 gyis dogs pa'i phyir khrid de bsad do/ /de nas mi rgod de dag bzung nas blon po dag gi lag tu byin no/ /mi rgod de dag gi bu dang / chung ma dang / nor rnams kyang blon po chen
386a4 po de dag gi mdun du bzhag go /de nas blon po chen po gtso bo de khong dge ba zhig ste/ bdag gi nor nyi tshe'i ngo blangs so/ /de nas blon po chen po gtso bo de'i sring mo mtshan
386a5 mo mi nyal bar 'chags na 'chags pas der mi rgod 'ongs pa tshor nas/ rgyal po'i gan du khrid pa'ang des mthong ngo / /de nas de dag bu dang / chung ma rnams ni blon po
386a6 chen po gcig shos kyis khyer ro/ /nor rnams ni rgyal po'i dkor du bsdus nas/ blon po chen po gcig shos kyis bu dang / chung ma khyer ba de'ang rgyal pos ma rmas so/ /
386a7 de nas blon po chen po gcig shos kyi nu bo dang / bu la mi rgod gtso bo'i chung ma byin nas chen po gcig gis de'i bu dang / chung ma rnams kyang mi rgod de dag gis mtshan mo
386b1 brkus te rang gi bu dang / chung ma ni phyir ma thob bo/ /de nas de'i tshe de dag gis smon lam btab pa/ gang gi tshe khyod kyis mi'i lus thob par gyur ba de'i tshe/ nged kyis khyed kyi chung ma
386b2 'phrog par gyur cig ces byas so/ /mi rgod kyi gtso bo gang gis mdzod kyi sgo nas bud med khrid de song ba des smon lam btab pa/ bdag blon po chen po khyed kyi 'khor du skyes te
386b3 gang gi tshe khyod las byed pa de'i tshe/ ngas khyod kyi sems dkrug cing gtam ngan chen po sgrogs par gyur cig ces byas so/ /de nas rigs dang ldan pa'i bud med gang gis mi
386b4 rgod 'ong ba tshor ba de la dris pa/ ngas tshor ro zhes khyod kyis bya ste/ ci bya zhes des smras pa rdzun du smra bar gyur gyis dogs pa dang / de'i sdig pa dag gi lus kyis myong bar 'gyur du
386b5 dogs pa'i phyir ro zhes byas so/ /de na mi rgod kyi gtso bo des smon lam 'di skad ces btab ste/ dus thams cad du bdag blon po chen po de'i mdza' bo'i tshul du 'dug cing
386b6 dgar byed par gyur cig ces byas so/ /de la blon po chen po gtso bo de ni skar rdo'i rgyal por 'gyur ro/ /gcig shos ni li yul gyi rgyal por 'gyur ro/ /blon po chen po gcig shos kyi
386b7 nu bo ni shad ku la zhes bya bar 'gyur ro/ /bur gyur pa de ni bsod nams 'phel zhes bya bar 'gyur ro/ /mi rgod kyi gtso bor gyur pa de ni sa bi te ku la zhes bya bar 'gyur ro/ /blon po
387a1 chen po de'i chung ma gsod gsod pa'i mi de gnyis las gcig ni a kun zhes bya bar 'gyur ro/ /gcig ni tu pa la zhes bya bar 'gyur ro/ /de'i chung
387a2 ma smon lam 'debs pa gnyis las gcig ni mya ngan dang bral ba zhes bya bar 'gyur ro/ /gcig ni rab sdug ces bya bar 'gyur ro/ /blon po chen po de'i chung ma mdzod kyi sgo na
387a3 nyal nyal ba de ni pi da ku la'i chung ma las skar rdo'i rgyal pos khyer ba yin no/ /mi rgod rnams kyi mar gyur pa de ni mi rgod 'dzin pa rnams kyi mar gyur te/ de'ang de'i
387a4 grogs su 'gyur ro/ /rgyal po gsod pa des ni smon lam 'di skad ces btab ste/ ci nas bdag pag mar btang nas khyod la gsod par gyur cig ces byas so/ /de'i phyir na
387a5 li'i rgyal pos mya ngan med pa'i a kun la byin no/ /skar rdo'i rgyal pos kyang pid ku la'i chung ma khyer bar 'gyur te/ de phyin chad gcig la gcig dgrar 'gyur ro/ /
387a6 dge byed kyi phyogs gang yin pa de dag ni li yul na dge ba byed par 'gyur ro/ /mi rgod du gyur pa de dag ni li yul du sdig byed par 'gyur ro/ /chung ma 'phrog par byed pa'i
387a7 mi rgod de dag gis kyang blon po chen po de la 'di skad ces smras te smon lam bdab ba/ /khyod kyis chos bzhin du byas te yus yod bzhin du btang nas rang gi nor nyi
387b1 tshe'i ngo blangs pas na khyod dge ba ci rtsom yang rung ste/ der bdag cag khyod kyi grogs su gyur cig ces byas so/ /sngon du pa la li'i rgyal ba'i mir gyur pa'i tshe smon lam btab
387b2 pas na skar rdo'i rgyal po'i grogs su gyur te/ nam de'i dus la bab pa na skar rdo'i rgyal po'i pid ku li'i chung ma khyer bar 'gyur te/ de'i tshe pid ku las gtam ngan chen
387b3 po bsgrags nas mi de'i bsams pa las na lus 'di ci zhig bya snyam nas de'i tshe skyo ba chen po skye bar 'gyur ro/ /de'i tshe sngon gyi dge ba'i rtsa ba dran par 'gyur te/ 'di ni
387b4 bud med du skye ba'i tha ma yin te/ sangs rgyas kyi bka' 'di dran par bya'o snyam mo/ /de nas nam 'tsho'i bar du dge bsnyen ma'i bslab pa'i gzhi 'dzin par 'gyur te/ de'i
387b5 tshe kun tu dga' ba zhes bya ba'i gzungs sngags brjod nas/ der gang gis tshe rabs dran par gyur pa'i ting nge 'dzin dang / bzod pa 'thob par 'gyur ro/ /de nas ring po mi thogs
387b6 par yul de gdong dmar rnams 'dzin par 'gyur te/ de dag thog li yul du 'gro 'dod pa de'i tshe sangs rgyas bcom ldan 'das 'das de dag dang / li yul gyi srung ma'i lha de dag
387b7 dang khrul po chen po bzhi dang / gnod sbyin kun tu rgyal dang / 'phrog ma bu dang bcas pa dang / byang chub sems dpa' spyan ras gzigs dbang phyug rnams ka pi la na'i
388a1 mchod rten du thams cad 'ong bar 'gyur te/ der bcom ldan 'das kyi spyan sngar gzungs sngags bshad do/ /de'i tshe der mchod rten de nyid las 'di
388a2 ltar byang phyogs pa la sogs pa'i dmag 'ong bar 'gyur te/ shin tu mi bzad pa yin no zhes sgra rang 'byung bar 'gyur ro/ /de'i tshe byang chub sems dpa' spyan ras gzigs
388a3 dbang phyug dang / lha rnams dang / 'phrog ma bu dang bcas pa de dag thams cad mya ngan gyi go bgos nas/ der 'ongs te/ 'di skad du/ gdong dmar rnams kyi dmag 'ongs
388a4 te| dri gtsang khang dang / mchod rten dang / dge 'dun gyi kun dga' ra ba rnams kyang 'jig par byed kyi/ ci nas yul kun 'jig par mi 'gyur bar grogs gyis shig ces
388a5 zer ro/ /de nas de'i tshe na dri ma med pa'i 'od kyis 'di skad ces smras so/ /bdag gis bgyi ba gang lags pa de bka' stsol cig dang / yul gyi phyir ci ste bdag gi srog yal
388a6 du zin kyang de la chags pa med do/ /de nas lha rnams kyis 'di skad ces smras so/ /'di la thabs gcig kho na zhig yod de/ ci nas yul gyi mi thams cad kyis theg pa chen
388a7 po'i mdo dam pa'i chos pad+ma dkar po'i mdo nyi shu rtsa gcig bris la dam pa'i chos pad+ma dkar po chos kyi rnam grangs kyi srung ma'i lha de dag dang / mdo de las ming smos
388b1 pa'i srin po dang / srin mo gang yin pa de dag la chos kyi sbyin pa bya ba'i phyir a shwa dam pa'i mchod rten chen po bklag par bya ste/ ro dang ldan pa'i zas rnams kyang gzhag par bya'o//
388b2 mar me de dag kyang sbyar bar bya'o/ /de nas dri ma med pa'i 'od kyis 'di skad ces smras so/ /bdag gis yul gyi phyir thams cad la 'drir gzhug pa dang / klog tu gzhug par bsgo
388b3 ba'i mthu de lta bu bdag la med kyi/ yul gyi phyir bdag nyid kyis klog cing ro dang ldan pa'i zas rnams kyang gzhag go /mar me de dag kyang sbyar ro/ /gang gi tshe dri ma med pa'i 'od
388b4 kyis dam pa'i chos pad+ma dkar po klog pa dang / ro dang ldan pa'i zas rnams gzhag par rtsom pa de'i tshe gdong dmar de dag lo dang po la li yul du 'gro bar rtsom par 'gyur ro//
388b5 de nas lo gsum pa'i tshe 'gro nus par 'gyur ro/ /de'i tshe sdig byed kyi grogs por gyur pa'i mi rgod lnga brgya po gang yin pa de dag kyang de'i tshe mi rgod kyis 'dzin par 'gyur ro/ /
388b6 de'i tshe dri ma med pa'i 'od g.yengs par 'gyur te/ dam pa'i chos pad+ma dkar po dag kyang klog par mi byed/ ro dang ldan pa'i zas rnams kyang 'grems par mi byed do/ /de nas
388b7 gdong dmar rnams rang gi yul nas 'phags te ston zla ra ba la li yul du 'gro bar chas so/ /de'i tshe li'i rgyal po srin mo dri ma med pa'i 'od la mi dga'o/ /du ba la dang / a kun
389a1 gnyis kyang de'i tshe g.yengs par 'gyur te/ klog par mi byed/ ro dang ldan pa'i zas rnams kyang 'grems par mi byed/ mar me'ang sbyar bar mi byed do//
389a2 de nas lha rnams tsar min d+ha'i yul du g.yul 'gyed de pham par 'gyur ro/ /de'i tshe dri ma med pa'i 'od kyis dgag dbye'i tshes bcu bzhi la gzungs sngags brjod nas der lha
389a3 rnams kyis yid du mi 'ong ba'i tshig smras pa/ khyod kyis dam pa'i chos pad+ma dkar po'i chos kyi rnam grangs bdag gis nyin gcig bzhin du cho ga bzhin bklag par bya'o zhes
389a4 gang smras pa de khyod kyis ma bklags pa'i phyir kho bo cag pham par gyur pas sum pa rnams 'dir 'ong bar 'gyur ro zhes zer ro// //dri ma med pa'i 'od kyis zhus
389a5 pa| bam po bzhi pa ste tha ma/ de nas de'i tshe lha mo dri ma med pa'i 'od kyis bcom ldan 'das la 'di skad ces gsol to/ /bcom ldan 'das/ sngon 'byung ba gang lags pa
389a6 dang / slad kyis ji ltar 'gyur ba dang / ci nas bdag gis ji ltar dran par 'gyur ba bshad du gsol/ de nas bcom ldan 'das kyis 'di skad ces bka' stsal to/ /ma 'ongs
389a7 pa'i dus na yul 'dir 'di lta bu 'byung bar 'gyur te/ de la 'di skad ces bya'o/ /li yul gyi rgyal srid sum pas 'dzin par 'gyur te/ de na'ang gang gi tshe rgyal po 'phags
389b1 skyes pos shAkya'i yul du dmag drangs pa de'i tshe shAkya'i yul gyis rgyal po'i 'khor du gyur pa zhig shAkya dag gi zla la g.yul bkye nas/ de'i phyi bzhin du mi gzhan zhig byung ba des
389b2 der| 'di skad du/ khyod kyis shAkya thams cad la bslab pa 'dzin du bcug nas/ de dag gi yul du dag byung na'ang 'thab mo ma byas pas na ma 'ongs pa'i dus su gang du khyod kyi sku gdung
389b3 dang / bstan pa 'byung pa der ngas dge 'dun gyi kun dga' ra ba rnams dang / mchod rten chen po rnams ci nas kyang gzhig par bya'o zhes smon lam btab bo/ /de nas bcom ldan
389b4 'das kyis spyan ras gzigs dbang phyug la pos te bka' stsal pa/ nu sdug /gang gi tshe bcom ldan 'das rin chen snying po grong khyer du gshegs pa der 'u bu cag gnyis kyis
389b5 lhan cig tu sangs rgyas su lung bstan pa thob pa dran pa gyis shig /de nas yang bcom ldan 'das kyis spyan ras gzigs dbang phyug la bka' stsal pa/ nu sdug /li yul der
389b6 de lta bu 'ong ba'i dus la bab pa na ji ltar yang yul de cung zad kyang 'jig par mi 'gyur ro/ /de nas de'i tshe bcom ldan 'das kyis nor bu bzang la 'di skad ces bka' stsal to/ /byang
389b7 chub sems dpa' spyan ras gzigs dbang phyug dang / ngas dgongs te/ u rgyan gyi yul der lung ji ltar bsgo ba de bzhin du 'di'ang zungs shig /de nas gang gi tshe bcom ldan
390a1 'das kyis li yul du sum pa 'ongs pa de ltar thugs su chud pa de'i tshe spyan ras gzigs dbang phyug la 'di skad ces bka' stsal to/ /nu sdug/
390a2 khyod kyis li yul 'di lta bur 'gyur ba'i dus la bab pa de'i che skabs phye zhig /de nas de'i tshe spyan ras gzigs dbang phyug gi cha lugs kyi gzugs byas nas dge slong zhig
390a3 la byin te/ des li yul der khyer te 'ong bar 'gyur ro/ /de'i tshe byang chub sems dpa' 'phags pa spyan ras gzigs dbang phyug gis li yul dang / dmag gi dpung 'dzin
390a4 pa'i lha gang yin pa de dag la skul bar byed do/ /dge slong de'ang phyis gser gyi yul du skye bar 'gyur te/ bsod nams la dga' ba zhes bya bar 'gyur ro/ /gang gi tshe shi
390a5 'pho bar 'gyur ba de'i tshe yang sangs rgyas kyi zhing yongs su dag par 'gro bar 'gyur ro/ /gang gi tshe sum pa 'ong bar 'gyur ba de'i tshe dgun zla tha chung tshes bco lnga nya'i nam
390a6 phyed na de dag gis dri ma med pa'i 'od de la bos te/ 'di lta ste/ kye rab nges/ li yul du dmag 'ongs so/ /rgyal po'ang phyir byung ste/ yul yang shin tu mi bzad pa'i dus
390a7 la bab po zhes zer ro/ /gnod sbyin ser skyas kyang / 'di skad du/ khyod dang lhan cig tu li yul bsrung ba'i phyir lag tu mnos pa'i lha dang / gnod sbyin gang ji snyed yod pa de
390b1 dag la ci nas gser gyi yul srung ba dang / ci nas sum pa dag gis gshig pa mi 'gyur ba de lta bur bsgo zhig ces zer ro/ /de dag kyang / 'di skad du /bdag cag gis yid bzhin gyi nor bu
390b2 rin po che gang gis khyod las byed nus par 'gyur ba dang / ci nas sum pa rnams phyir ldog par 'gyur ba dang / rgyal po'ang phyir rang gi yul du 'ong bar 'gyur ba de lta bu sbyin par
390b3 bya'o zhes zer ro/ /de'i tshe ci nas sangs rgyas de dag gi chos bshad pa thams cad der yongs su shes par 'gyur ba'i gzungs sngags de'ang byin no/ /tad+ya thA/ u ka se mu ka se/
390b4 u ku ru mu ku phu ru swAhA/ tad+ya thA/ ni dzi te bi rdzi te/ b+ha shi te/ d+harma skan d+ha/ a pa ra dzi ta/ in+d+ra brdzi te phuHswAhA/ 'di skad du /gzungs sngags 'di dag zla ba gcig gi bar du phye ma red kyi dus
390b5 su lan brgya rtsa brgyad brgyad rjod cig dang / ji ltar 'gyur ba bdag gis khyod la bstan par bya ste/ gzungs sngags de dag bstan par bya'o zhes kyang zer ro/ /gang gi tshe rabs nges kyis zla ba
390b6 gcig gi bar du gzungs sngags bzlas brjod nas de'i dbyid zla ra ba tshes bcu bzhi la lha rnams kyis brjod du bcug pa'i gzungs sngags gang yin pa de brjod na de'i tshe bsam
390b7 gtan gyi mdun khang gi steng khang du de bzhin gshegs pa shAkya thub pa dang / de bzhin gshegs pa mi 'khrugs pa dang / de bzhin gshegs pa rin po che'i tog dang / de bzhin
391a1 gshegs pa 'od dpag med dang / de bzhin gshegs pa rnga sgra dang / sangs rgyas bcom ldan 'das ji snyed der 'dug par 'gyur ba'i sangs rgyas
391a2 bcom ldan 'das de dag thams cad thabs gcig tu chos bgro ba mdzad mdzad pa der sangs rgyas bcom ldan 'das chos kyi 'byung gnas zhes bya ba gang+gA'i klung gi bye ma
391a3 snyed gshegs so/ /lha'i rgyal po sum cu rtsa gnyis kyang der 'ongs te/ dri ma med pa'i 'od las rab nges zhes bya bar 'gyur ba de'i thad du tshes bcu bzhi'i nyin par 'ong bar
391a4 'gyur te/ ba lang ba sum pa rnams dpyid zla tha chung la nges par phyir ldog par 'gyur ro/ /de'i tshe gzungs sngags gang gis sum pa rnams phyir ldog par 'gyur ba dang / mu
391a5 ge'ang 'byung bar mi 'gyur ba dang / de bzhin gshegs pa chos kyis 'byung gnas zhes bya ba de dag gshegs par 'gyur ba'i gzungs sngags de dag kyang byin no/ /de
391a6 bzhin gshegs pa chos 'dzin la phyag 'tshal lo/ /de bzhin gshegs pa chos dpa' ba'i rigs la phyag 'tshal lo/ /de bzhin gshegs pa chos snang la phyag
391a7 'tshal lo/ /de bzhin gshegs pa chos dgyes la phyag 'tshal lo/ /de bzhin gshegs pa chos gnas la phyag 'tshal lo/ /de bzhin gshegs pa chos kyi tog la phyag
391b1 'tshal lo/ /de bzhin gshegs pa chos kyi gzi brjid la phyag 'tshal lo/ /de bzhin gshegs pa chos dbang la phyag 'tshal lo/ /de bzhin gshegs pa chos brtan la phyag
391b2 'tshal lo/ /de bzhin gshegs pa chos brtsegs la phyag 'tshal lo/ /tad+ya thA/ bu bu bu bu/ d+ha rma a d+hi Sh+Thi te phuH/ a a a a/ da ku la a d+hi Sh+Thi te/ ba na dza rai phug tsa rai phuH/ bi
391b3 bi bi bi phuH/ sa sa sa sa phuH/ kau kau kau kau phuH/ hA hA hA hA phuHswAhA/ gzungs sngags 'di ni sa 'dzin pa zhes bya ste/ bab col la zhugs pa'i sems can gang yin pa des lan
391b4 brgya rtsa brgyad bzlas brjod byas na de las thar bar 'gyur ro/ /gang gi tshe dmag byung na de'i tshe yang bzlas brjod bya'o/ /de nas de'i tshe sangs rgyas bcom ldan 'das rnams
391b5 kyis gzhon nu rdo rje sde dang / lha mo rab des zhes bya bar 'gyur ba gang yin pa de'i don gyi phyir der tshes bcu bzhi'i nyin par skar rngo'i rgyal po rnam par rgyal ba'i go cha la dam
391b6 pa stsol bar mdzad do/ /gang gi tshe der rgya dang / sum pa 'ong bar 'gyur ba de'i tshe de li yul du rgyal srid 'dzin par 'gyur te/ yul gyi phyir blus 'jal bar 'gyur ro/ /dri gtsang
391b7 khang dang / dge 'dun gyi kun dga' ra ba dang / mchod rten rnams gdong dmar dag gis bsregs pa'ang phyir 'chos par byed do/ /lo du mar mul bde ba dang / lo legs pa
392a1 dang / yid du 'ong bar gnas par 'gyur te/ de'i tshe gzungs 'di'ang stsol bar mdzad do/ /na mo d+harma tsin ta ku la s+ya/ ta thA ga ta s+ya/ ta d+ya thA/ tsa tsa tsa
392a2 tsa| A A nga A/ ru tsa na gan+d+he/ pa ru ra gan+d+he/ ro d+ha nA tiSh+Thi te ku la a d+hiSh+Thi te swAhA/ gter rnyed par 'dod pa'am/ yang na nor mang po rnyed par 'dod na kha zas mi za bar gzungs
392a3 sngags 'di lan brgya rtsa brgyad bzlas brjod bya'o/ /sgrub pa'i thabs ni 'di yin te/ zhag bdun gyi bar du bslab pa bzung la sha mi bza' bar 'o thug gam/ 'bras chan bza'
392a4 bar bya'o/ /zhag bdun pa'i nyin par ni kha zas mi bza' bar nang par khrus byas la gzungs sngags 'di'ang bzlas brjod byas te/ ri'i rtse mor 'phags pa spyan ras gzigs
392a5 dbang phyug gi mdun du lan stong bzlas brjod bya'o/ /pad+ma stong gi steng du gser gyi pad+ma bdun bzhag ste/ byang chub sems dpa'i mdun du gur gum gyis dkyil 'khor byas la
392a6 ro dang ldan pa'i zas sna brgyad gur gum gyis bsgos pa dang / gur gum gyis chus bkang ba'i snod bzhi bzhag ste/ der sbyin sreg 'di'ang bya ste/ a ga ru nag po dang / tsan+dan
392a7 dkar po dang / tsan+dan dmar po dang / tsan+dan ser po rnams kyi yam sreg shing dang / 'bras ma drus pa dang / sha ri ba rnams bsreg par bya'o/ /cho ga ni 'di ltar bya ste/ dkyil
392b1 'khor dus su rnga yab stong la lan re bzlas brjod bya ste sbyin sreg bya'o/ /a ga ru dang / rgya spos dang / ka li ya ka dang / ga pur dang / shi li ya ka dang / gur gum dang / du ru ka
392b2 rnams kyi bdug pas kyang der bdug par bya'o/ /de'i tshe gzungs sngags 'di'ang ji ltar rta gnas kyi rig sngags bshad pa'i cho ga rgyas pa bzhin du bzlas brjod bya'o/ /gnas der
392b3 ri'ang 'dri bar bya'o/ /yang na ri'i steng du bzlas brjod bya'o/ /de nas de'i tshe bcom ldan 'das kyis byang chub sems dpa' spyan ras gzigs dbang phyug la 'di skad ces bka' stsal
392b4 to| /de'i tshe khyod kyis rab nges de la dran par gyis la cho ga rgyas par 'di'ang shod cig dang / sangs rgyas kyi bka' bzhin du byed pa gang yin pa'i byang chub sems dpa' spyan ras
392b5 gzigs dbang phyug dang / dbang phyug gi lha dang / ljon pa'i dbang phyug rgyal po dang / snying rje'i dbang phyug dang / spong ba'i 'od kyi dbang phyug dang / dri za'i dbang phyug dang / tshogs
392b6 kyi dbang phyug dang / 'jig rten dbang phyug dang / 'od kyi dbang phyug dang / rigs kyi dbang phyug dang / chos kyi dbang phyug dang / byang chub sems dpa' de dag der 'ong bar 'gyur ro//
392b7 gsang sngags 'di'ang bshad de/ rab nges/ gsang sngags 'di brjod cig zer ro/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal
393a1 lo| |byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /sngon gyi tshe na bsam pa yi/ /gsang
393a2 sngags rab tu bshad pa 'di/ /sems can rnams la snying brtse'i phyir/ /cho ga 'di ni bshad par bya/ /byang chub sems dpa' sems dpa' chen po 'phags pa spyan ras
393a3 gzigs dbang phyug snying rje chen po dang ldan pa la phyag 'tshal lo/ /bcing ba thams cad tshar gcod par mdzad pa la phyag 'tshal lo/ /'jigs pa thams cad rab tu zhi bar
393a4 mdzad pa la phyag 'tshal lo/ /sems can thams cad la byams par sems pa la phyag 'tshal lo/ /sems can thams cad bde byed pa'i/ /rig sngags 'di ni rab tu
393a5 bshad/ /tad+ya thA/ tsa ra tsa ra Ni/ sa ra sa ra te/ sa ra bi sa ra/ bud+d+ha bud+d+ha/ bo d+ha ya bo d+ha ya/ sarba satwa hi ta/ a nu ka ma bi/ bo d+ha ya bo d+ha ya/ mi te AR+yA ba lo ke te shwa rA ya/ sma
393a6 ra sma ra sa ma ya na/ sarba satwa nAn/ mai tre tsi da tA nAn/ ya sa sarba satwa nAn/ mor sha ra/ ki ri ki ri ki ri ki /ki ri ki ri ki ri/ ki ki ri ki ri/ tu ru tu ru tu ru tu ru/ bo d+hi ya bo d+ha yA
393a7 mai tre/ hu ru hu ru/ mu ru mu ru/ shIg+h+ran+na a gats+tsha/ a gats+tsha/ sarba satwa hi ta/ ru ka ma bI sarba sid d+he Shu ma hA ka ru Ni ka /daR+sha yu ru pa na/ sA d+ha ya sA d+ha ya/ bi d+h+ya na de hi/ de hi
393b1 me bar na/ d+ha nan/ g+ha nan g+ha nan/ su ru mi su ru mi/ mahA su ru me swAhA| na mo AR+yA ba lo ke te shwa rA ya/ bo d+hi satwA ya/ mahA satwA ya/ sid d+h+yan tu man+t+ra pa da swAhA/ na mo rat+na tra
393b2 yA ya/ na mo AR+yA ba lo ke te sha ra ya/ bo d+hi satwA ya/ mahA satwA ya/ tad+ya thA/ d+hu ru d+hu ru/ i si li mi li ni/ hu hu ma ma li ni/ du du be na ma na mA swAhA/ na mo rat+na tra yA ya/
393b3 na mo AR+yA ba lo ki te shwa rA ya/ bo d+hi satwa ya/ mahA satwa ya/ tad+ya thA/ mug te bi mug te/ ts+tshe da ni ts+tshe da ni/ bid ts+tshe da ni bid ts+tshe da ni/ nir ma le/ mang+ga l+ye/ su mu/ khe bi mu khai/
393b4 'jigs pa thams cad las rnam par thar bar byed pa/ gnod pa thams cad las rnam par thar bar byed pa ni rgyal po'i 'jigs pa dang / chom rkun gyi 'jigs pa dang / 'chi
393b5 ba'i 'jigs pa dang / mi mdza' ba'i 'jigs pa dang / dug gi 'jigs pa dang / mtshon gyi 'jigs pa dang / me'i 'jigs pa dang / chu'i 'jigs pa dang / pha rol gyi dmag
393b6 tshogs kyi 'jigs pa dang / dmag gi nang na 'dug pa dang / chom rkun gyi nang na 'dug pa dang / seng+ge'i nang na 'dug pa dang / stag gi nang na 'dug pa dang / dom gyi nang na
393b7 'dug pa dang / gzig gi nang na 'dug pa dang / gcan gzan khro bo'i nang na 'dug pa dang / sprul nag po'i nang na 'dug pa dang / lcags sgrog tu bcug pa dang / shing sgrog tu
394a1 bcug pa dang / ko drar bcug pa dang / sprul po che'i nang na 'dug pa dang / glang po che'i nang na 'dug pa dang / rgya mtsho'i nang na 'dug pa dang / dus
394a2 kyi zhags pas zin pa dang / sdug bsngal thams cad las thar par 'gyur zhing gnod pa thams cad las thar bar 'gyur ro/ /'phags pa spyan ras gzigs dbang phyug
394a3 bdag la bsrung du gsol/ bsrung du gsol/ ha te bi ha te/ ha re bi ha re/ sarba bi d+ha na sa ya pra t+yAR+tha ka ma mok+sha Ni bIR+ya Ni swAhA/ dkon mchog gsum la phyag 'tshal
394a4 lo| |byang chub sems dpa' sems dpa' chen po 'phags pa spyan ras gzigs dbang phyug snying rje chen po dang ldan pa sems can thams cad la snying brtse ba la phyag
394a5 'tshal lo/ /sems can thams cad la byams par sems pa la phyag 'tshal lo/ /sems can thams cad sdug bsngal las rab tu thar bar mdzad pa la phyag 'tshal
394a6 lo| |bcings pa thams cad gcod par bya mdzad pa la phyag 'tshal lo/ /'jigs pa thams cad rab tu zhi bar mdzad pa la phyag 'tshal lo/ /de la phyag 'tshal nas
394a7 'phags pa spyan ras gzigs dbang phyug gi snying po las dang / don thams cad sgrub pa/ nad thams cad las rnam par thar bar byed pa 'di brjod par bya'o/ /tad+ya
394b1 thA| su ru su ru su ru/ tu ru tu ru/ hi li mi li/ si li si li/ di si li/ dzA le dzA le nai/ u khai mu khe/ puk+ka si gau ri gan+d+ha ri/ Dom+bi ni ma tang gi pug ka se/ d+hu re d+hu re d+hu re d+hu re/
394b2 d+harme d+harme/ d+harmi ne/ shAn+te shAn+ta ni mA se mug te/ bi mug tai/ dza ye bi dza ye/ hi li hi li mi ha li mahA li me/ hi li mi li/ su ba ne su ma ne/ su ra se/ a pri ta sA d+ha ni/ na d+he na d+he
394b3 mu khai/ tsan+d+re tsan+d+re mu khe/ pad+me pad+ma mu khe/ shud+d+ha kan The/ sUR+ya pra b+he sUR+ya rash+mI sa tri shi bram she brah+ma swA re in+d+ri/ an+d+ra kra mai/ b+ha ya a ra dze/ a mr-i ta ma hA pra b+he dun+du b+hi swA re/ ma
394b4 d+hu re swA re/ sarba satwa/ a nu kam b+ha ya/ sA d+ha ya sA d+ha ya/ bud+d+ha ma nu sma rA hI/ d+harma ma nu sma rA hI/ sang+ga ma nu sma rA hI/ bud+d+h+ya bud+d+h+ya/ hr-i da ya ma nu sma ra/ bo d+ha ya bo d+ha ya/ bo d+hi satwa me
394b5 karma sA d+ha ya/ bar satwA ya swAhA/ kA ru ni kA ya swAhA/ karma me sa d+hA ya swAhA/ na mo AR+yA wa lo ki te shwa rA ya/ sid+d+h+yan du man+t+ra pa daiHswAhA/ gang gi tshe 'di dag lan brgya rtsa brgyad
394b6 bzlas brjod byas na/ pad+ma'i sbyin sreg byas par 'gyur te/ de'i tshe gsang sngags 'di dag bzlas brjod bya'o/ /na mo rat+na tra yA ya/ na mo AR+yA ba lo ki te shwa rA ya/ bo d+hi satwA
394b7 ya| mahA satwA ya/ tad+ya thA/ khi ri khi ri/ tsi ri tsi ri/ su ru su ru/ gats+tsha gats+tsha/ ya thA su khan/ AR+yA ba lo ke te shwa rA ya swAhA/ lan gsum brjod par bya'o/ /me tog dang / bdug
395a1 pa la'ang lan gsum bzlas brjod bya ste/ a ga ru'i bdug pa bsregs la 'phags pa spyan ras gzigs dbang phyug la slar gtang bar bya'o/ /
395a2 'di'i cho gar bya ba thams cad ni sngar bshad pa'i cho ga rgyas pa'i nang du 'dus so/ /rta gnas kyi rig sngags kyi dkyil 'khor las bzlas brjod ji ltar bya ba bzhin du 'phags
395a3 pa spyan ras gzigs dbang phyug gi cho ga 'di'ang de bzhin du bzlas brjod bya ste/ cho ga de nyid dang 'dra'o/ /de'i tshe gzungs sngags 'di'ang gser gyi pad+ma'i cho ga mchod
395a4 pa'i skabs su bshad pa de bzhin du brjod par bya'o/ /de'i tshe mdo 'di'ang gser gyi rigs kyi yul du bskur bar bya'o/ /de'i tshe sangs rgyas bcom ldan 'das de dag
395a5 gis 'di skad ces gsungs so/ /bcom ldan 'das shAkya thub pa'i phyag mtshan li'i yul 'khor der mi ji snyed skye bar 'gyur ba de dag thams cad ni/ bla na med pa yang
395a6 dag par rdzogs pa'i byang chub tu nges par gyur pa dang / phyir mi ldog pa sha stag ste/ der rgan po dang / byis pa rnams kyis bsod nams ji snyed byed pa thams cad kyang
395a7 bla na med pa yang dag par rdzogs pa'i byang chub tu yongs su bsngo bar byed do/ /de la li'i yul 'khor de ci'i phyir yang dang yang du gzhig par 'dod la/ gzhig nus
395b1 par yang mi 'gyur zhes the tshom 'byung ste/ des na sangs rgyas bcom ldan 'das kyis bla na med pa yang dag par rdzogs pa'i byang chub tu lung bstan pa'i byang chub sems
395b2 dpa' lnga brgya sangs rgyas kyi bstan pa ji srid gnas kyi bar du rtag tu yul der skye ba len par 'gyur te/ sum brgya ni dge slong dang / dge slong ma'i tshul du gnas so/ /
395b3 nyis brgya ni dge bsnyen dang / dge bsnyen ma dang / rgyal po'i 'khor dang / skyes pa dang / bud med dang / rgan po dang / byis pa'i tshul du gnas te/ byang chub sems
395b4 dpa' de dag li yul 'khor der sems can la phan pa dang / bstan pa yongs su bsrung ba'i phyir li yul du gnas so/ /gang gis bcom ldan 'das la theg pa chen
395b5 po'i mdo sde shes rab kyi pha rol tu phyin pa'i mdo zhu bar byed pa'i gnas brtan rab 'byor 'di ni dge slong brtson 'grus las byung ba de yin par rig par bya'o/ /de'i tshe
395b6 ci'i phyir li yul de 'jig par mi 'gyur zhe na/ de bzhin gshegs pa shAkya thub pa dang / de bzhin gshegs pa chos kyi 'byung gnas de dag dang / byang chub sems
395b7 dpa' spyan ras gzigs dbang phyug gis ci nas der bdag cag sum pa rnams kyi mchod rten dang / dri gtsang khang dang / dge 'dun gyi kun dga' ra ba rnams 'jig
396a1 par mi 'gyur bar yul de byin gyis brlabs pa'i phyir ro/ /de bzhin gshegs pa shAkya thub pas ka pi la na'i mchod rten la bzhugs pa'i
396a2 de bzhin gshegs pa'i dri ma med pa'i dpal tsan+dan gyi snying po dang thabs gcig tu sangs rgyas kyi 'phrin las mdzad do zhes de ltar mkhyen to/ /de'i tshe grong khyer
396a3 der mir gyur pa dge slong dang / rgyal po'i 'khor dang / gzhan yang / skye bo mang po 'byung ba de dag sum pa rnams kyis sangs rgyas kyi mchod rten dang / dge 'dun gyi
396a4 kun dga' ra ba rnams gzhig tu 'ong ngo snyam ste shin tu yid mi bde bar 'gyur ro/ /de nas sangs rgyas bcom ldan 'das de dag gis ka pi la na'i mchod rten de'i
396a5 srung ma'i mir 'gyur ba gang yin pa de dag 'di snyam du bdag cag gis sangs rgyas bcom ldan 'das grong khyer du gshegs par bya'o snyam du sems kyi rtog pa
396a6 skyes par mdzad do/ /gang gi tshe sangs rgyas bcom ldan 'das grong khyer gyi nang du gshegs pa de'i tshe ka pi la na'i mchod rten du sangs rgyas bcom ldan 'das
396a7 chos kyi 'byung gnas rnams gshegs par 'gyur te/ lha rnams kyi mya ngan bsal ba'i phyir 'dul bar mdzad do/ /de'i tshe de'i nub mo dri ma med pa'i 'od las rab
396b1 nges zhes bya bar gyur pa lha rnams du ba'i sgra thos so/ /du ba'i sgra thos nas grong khyer 'dir sdig can gyi mi 'ong slar snyam nas 'jigs shing skrag par gyur te gzungs sngags brjod
396b2 do| |de nas bcom ldan 'das rnams kyis 'di skad ces gsungs so/ /sangs rgyas bcom ldan 'das chos bzhin du grong khyer du gshegs su gsol cig /de nas bcom ldan
396b3 'das mngon sum du bzhugs pa ji lta ba bzhin du grong khyer gyi sgo nas gshegs su gsol bar byed do/ /gang gi tshe sangs rgyas bcom ldan 'das grong khyer du gshegs par
396b4 gyur pa de na sangs rgyas bcom ldan 'das gang dag gis 'od zer btang ba dang / de dag las tshig de dag 'byung ba de dag gis rab nges de la khyod ma 'ongs pa'i dus na 'jig
396b5 rten gyi khams bud med du grags pa zhes bya bar sangs rgyas bcom ldan 'das chos rnam par sgrogs pa phyag na rin chen mdzod bsnams zhes bya bar 'gyur ro zhes lung
396b6 bstan pa thob par 'gyur ro/ /de'i tshe rab nges zhes bya bar gyur pa dang / ka bi la na'i mchod rten gyi drung du sangs rgyas bcom ldan 'das 'od zer gtong ba de dag gser gyi yul
396b7 gyi dge slong gi dge 'dun rnams dang thabs gcig tu 'ongs par 'gyur te/ ci nas sum pa rnams kyi phran byed pa de las thar bar bya ba'i phyir de sngon gyi ma byin pa len pa
397a1 las grol bar mdzad do/ /de nas gtam de grags par gyur nas sum pa rnams phyir ni ldog par 'gyur ro/ /de nas de'i tshe der rab nges des phyis
397a2 'khor du 'gyur ba gang yin pa'i sems can phal po che rnams 'dul bar 'gyur ro/ /de nas sangs rgyas bcom ldan 'das kyis 'di skad ces bka' stsal to/ /khyed rnams/
397a3 ma 'ongs pa na ci'i phyir na bdag sum pas li'i yul du dri gtsang khang dang / dge 'dun gyi kun dga' rab rnams gshig par 'gyur snyam du the tshom za bar gyur tam /
397a4 yang na sum pa 'di dag la ci'i phyir bdag ces bya zhes na/ 'das pa'i dus na rgyal po tshangs pas byin zhes bya ba zhig byung ste/ de'i yul du kun tu rgyu byang chub ces bya ba
397a5 zhig byung ste/ rgyal po tshangs byin des yul nas bskrad nas rgyal po gzhan zhig gi yul du phyin te/ bdag 'dir phan tshun du rtsa ba dang 'bras bu bza'o snyam ste/ der lo ma'i
397a6 spyil po zhig byas nas 'dug go /de nas bud med gzhan zhig jo bo'i ba 'tsho zhing 'dug pa des kun tu rgyu de mthong nas sems dang ba thob ste/ nyin gcig bzhin du bdag gi
397a7 kha zas la longs spyod cig ces kha zas la mgron du gnyer to/ /ba de dag bud med de nyid dbang ba ma yin te/ ngo bo'i yin pas na kun tu rgyu la kha zas byin pa gang yin
397b1 pa de ni der sbyar bar gyur to/ /bdag mi dbang ba'i 'o ma kun tu rgyu la byin pa gang yin pa de ni ma byin par blang bar gyur to/ /de nas ba lang de dag gi bdag por gyur pa'i mi gang
397b2 yin pa de ni shAkya'i yul du skye ba blangs te/ des 'di skad du/ ma 'ongs pa'i dus na bcom ldan 'das khyod kyi bstan pa bdag gis gshig par gyur cig ces smon lam btab
397b3 ste/ de'ang gzhan yin par mi lta yi/ sum pa'i rgyal po gang li yul 'jig par byed pa de yin no/ /kun tu rgyur gyur pa gang yin pa de ni bcom ldan 'das shAkya thub pa nga
397b4 yin no| |bud med gang gis kun tu rgyu la 'o ma byin pa de ni rigs dang ldan pa'i bud med gang gis sangs rgyas dka' ba spyod pa spyad nas bzhengs pa la thog mar zhal zas
397b5 'bul ba 'di yin no/ /de nas de'i tshe sangs rgyas bcom ldan 'das kyis 'di skad ces bka' stsal to/ /nga'i yul der sum pa dang / gdong dmar dag 'ong ba de'i rgyu ni 'di
397b6 yin te/ rgyal po gzugs can snying po zhes bya ba zhig byung ste/ de'i tshe rgyal po nga'i yul na bud med gzhan zhig la bu zhig yod pa de zhing rmo ba'i phyir phyi rol tu byung ngo / /der
397b7 mi gzhan zhig gis kyang de'i 'dab tu zhing rmos so/ /de nas bud med de'i bus mi de'i rkyal pa dang / shing gzhong dang / phye dang / zong dag cig brkus te/ phye dang / zong la sogs
398a1 pa brkus pa'i phyir/ ba bdag sum pa dang / gdong dmar rnams li yul du 'ong bar 'gyur ro/ /bud med de'i bu gang gis phye dang / rkyal pa dang /
398a2 shing gzhong dang / zong khyer ba de ni li'i rgyal por 'gyur ro/ /mi gang gis rkyal pa la sogs pa rdzas phrogs pa de ni de'i tshe gdong dmar gyi rgyal por 'gyur ro/ /ba de dag ni
398a3 de'i tshe dmag mir 'gyur ro/ /mi de'i mar gyur pa'i bud med de ni de'i tshe li yul gyi rgyal po'i mar 'gyur ro/ /ma byin par len pa byed pa'i mi de'i mas ni phye de blangs te /
398a4 sangs rgyas kyi nyan thos kyi dge slong grong khyer mdzes zhes bya ba la bsod snyoms su phul te/ dge ba'i rtsa ba des na'ang mir skye ba thob par 'gyur ro/ /mi de ni ma la phye
398a5 byin pa dang / mas kyang dge slong grong khyer mdzes la phul ba de de'i bsod nams bsags pas ma 'ongs pa'i dus na li yul du dpa' sbed ces bya bar 'gyur te/ rgyu des
398a6 na rnam par rgyal ba'i go cha zhes bya bar yang gyur nas rgyal srid thob par gyur te/ skar rdor g.yul 'gyed par 'gyur ro/ /phye sbyin par byed pa de ni rgyu des na mir skye ba thob
398a7 par 'gyur te/ mi des lam gyi 'gram na 'bras rmos so/ /der mi gang dag gis 'bras chan chud gzan par byas pa de dag ni de'i tshe dge slong du 'gyur te/ des na de dag
398b1 gis dge 'dun gyi nor yul gyi glud du 'jal bar 'gyur ro/ /der bya sna tshogs kyis 'bras zos pa gang yin pa de dag ni de'i tshe li'i rgyal po'i bran du 'gyur ro/ /de'i tshe bcom ldan
398b2 'das kyis 'di skad ces bka' stsal to/ /'di ltar/ li yul du mi rgod mang po 'byung bar 'gyur te/ de dag gis ni gang gi tshe gzhon nu dge byed skyes pa de la phan 'dogs
398b3 par 'gyur ro/ /gang gi tshe sdig byed skyes pa na de la gnod pa byed par 'gyur te/ de'i tshe mi rgod lnga brgya po de dag rgyal po yab kyi thad du gtong bar 'gyur ro/ /mi rgod de
398b4 dag kyang li yul der skye ba len par 'gyur te/ dge 'dun gyi nor dang / mchod rten gyi nor chud gzon par byed do/ /mi rgod de dag kyang sngon ma byin par len pa byed byed pa'i
398b5 phyir yan lag bcang nas bsad pa des na de dag gis kyang li'i rgyal po rnam par rgyal ba'i grags pa gsod par 'gyur ro/ /ma 'ongs pa'i dus su mi rgod de dag 'khor ba
398b6 las grol bar byed pa'i dge slong zla ba dag pa zhes bya ba zhig kyang 'byung bar 'gyur te/ de'ang byang chub sems dpa' 'jam dpal sngon gyi sangs rgyas rnams kyi yab kyi bya ba
398b7 byed byed pa 'di yin te/ de bzhin du byang chub sems dpa' 'jam dpal 'di ni ma 'ongs pa'i dus na sangs rgyas bcom ldan 'das rnams 'byung bar 'gyur ba'i bskal
399a1 pa bzang po'i sangs rgyas de dag gi sku gdung yang 'dzin par 'gyur ro/ /gang gi tshe sangs rgyas bcom ldan 'das yongs su mya ngan las 'das pa
399a2 de'i tshe'ang byang chub sems dpa' 'jam dpal bram ze dro na sa go tra zhes bya ba chos dang ldan pa zhig tu 'gyur ro/ /gang gi tshe rgyal po rnams phan tshun du g.yul 'gyed par
399a3 chas pa de'i tshe bram ze dro na sa go tras bum pa bzang po blangs nas sku gdung bged par byed do/ /gang gi tshe li yul du byang chub sems dpa' phal po che ma byung ba dang /
399a4 mchod rten phal po che dang / sangs rgyas kyi sku gzugs dang / dge 'dun gyi kun dga' ra ba mdzes pa dag ma byung ba de'i tshe byang chub sems dpa' 'jam dpal grong khyer
399a5 du 'byung bar 'gyur te/ rigs dang ldan pa'i bud med du 'gyur ro/ /byang chub sems dpa' 'jam dpal gyi spyod pa ji lta bu zhe na/ tham cad du 'dod dgur sgyur ba'i
399a6 gzugs can yin te/ byang chub sems dpa'i rang bzhin ji lta ba bzhin du'ang snang / rgyal po ji lta ba bzhin du'ang snang / rgyal mo ji lta ba dang / dge sbyong dang / bram ze'i
399a7 gzugs ji lta bu dang / 'dod pa'i khams su gtogs pa'i sems can rnams kyi bar du thams cad du 'jug par 'gyur te/ rol mo mkhan rol mo'i gnas la mkhas
399b1 pa gzugs rnam pa sna tshogs thams cad ston pa bzhin no/ /chags pa'i sems dang ldan pa'i sems can gyi thad du'ang shin tu lhag par ston to/ /ci'i phyir byang chub sems
399b2 dpa' 'jam dpal bud med kyi gzugs su ston ce na/ gang gi phyir bud med lhag par 'dod pa'i 'dod chags la chags pa'i sems dang ldan pa ni shin tu glen zhing shin
399b3 tu ser sna che bas na de'i phyir byang chub sems dpa' 'jam dpal lhag par bud med du ston to/ /bud med byang chub kyi spyad pa spyod pa dag kyang yod pas na de'i phyir yang byang
399b4 chub sems dpa' 'jam dpal de lta bur byed do/ /bud med du skyes nas snying rje chen po thob par 'gyur ba'i dus kyang yod do/ /bud med rnams kyang 'dzem par 'gyur ba dang /
399b5 'khor ba'i skyon rtogs par 'gyur ba dang / skyes pa gzhan spong bar 'gyur ba dag kyang yod do/ /gang gi tshe bdag sum pa der 'ongs te/ mchod rten chen po rnams dang /
399b6 dri gtsang khang mang po dang / dge 'dun gyi kun dga' ra ba bzang po rnams bsreg par 'gyur bar lha mo dri ma med pa'i 'od kyis rtogs pa de'i tshe byang chub sems dpa'
399b7 spyan ras gzigs dbang phyug gis lha mo de la 'di skad ces smras te/ sring mo sdug pa/ gang gi tshe bcom ldan 'das rin chen snying po grong khyer du gshegs pa de ni nga
400a1 khyod kyi dge ba'i bshes gnyen du gyur te/ der 'u bu cag gnyis kyis byang chub kyi phyir dang / sems can 'jigs shing skrag pa ji snyed yod pa de dag
400a2 thams cad bdag gis yongs su bskyang bar bya'o zhes smon lam btab pa'i dus de dran par gyis shig /sring mo sdug pa/ ji ltar dri ma med pa'i 'od ces bya bar gyur pa'i
400a3 tshe| rdo rje sde dang gnyis kyis bcom ldan 'das kyis bka' mnos pa dran par gyis shig /gzungs sngags de dag dang / sangs rgyas kyi mtshan de dag dang / 'od zer gang
400a4 dag khyod kyis byang chub sems dpa'i spyad pa spyod pa'i tshe 'dir mthong ba de dag sangs rgyas par bshad kyi/ khyod kyis gzung la bris te/ de ming po'i thad du khyer cig /mi mjed
400a5 kyi 'jig rten gyi khams su sangs rgyas de dag gis 'od zer btang ba'ang / li yul 'di bcom ldan 'das shAkya thub pa'i phyag mtshan yin la bskal pa bzang po'i byang
400a6 chub sems dpa' de dag sems can rnams la phan pa'i phyir der skye ba len par 'gyur ba'i phyir ro/ /chos kyi rgyal po'i mchod rten de dag la sangs rgyas bcom ldan
400a7 'das phal po che de dag gi sku gdung mang po gnas pa de dag lha mo de'i lag tu 'ong bar 'gyur te/ mchod pa'i phyir sems can de dag la bged par byed do/ /yul der lha
400b1 mo de snying rje skye bar 'gyur te/ ci nas mchod pa'i gnas su 'gyur bar byed do/ /de nas grong khyer gyi nang du khang pa shin tu mdzes par bya ste/ grong khyer de na mi ji snyed gnas pa de dag der
400b2 ci nas bsod nams byed par 'gyur zhing 'dzin pa dang / mchod pa dang / rtse bar byed par 'gyur ba dang / ci nas spyod pa de la 'jug par 'gyur bar bya'o/ /ci'i phyir sangs rgyas bcom
400b3 ldan 'das rnams kyis li yul gyi phyir chos yang dag par bgro ba mdzad ce na/ li yul bcom ldan 'das shAkya thub pa'i phyag mtshan yin pa dang / bskal pa bzang po'i
400b4 sangs rgyas bcom ldan 'das ji snyed pa de dag thams cad kyi phyag mtshan yin pa dang / ri glang mgo dang / go ma sa la gan d+ha'i mchod rten du bskal pa bzang po'i sangs rgyas
400b5 thams cad 'du bar 'gyur ba dang / li yul byang chub sems dpa'i gnas su 'gyur ba'i phyir ro/ /de nas sangs rgyas bcom ldan 'das kyis byang chub sems dpa' 'phags
400b6 pa spyan ras gzigs dbang phyug la bka' stsal pa/ gang gi tshe gdong dmar dang rgya 'thab pa'i dus la bab pa de'i tshe nu bo khyod kyis bya ba'i dus la bab bo/ /rab nges kyang sems
400b7 can la phan pa'i phyir shes bzhin du'ang skye ba len par 'gyur ro/ /sangs rgyas bcom ldan 'das de dag gis 'dir 'od zer btang nas/ bcom ldan 'das shAkya thub pa la
401a1 skyes bskur te/ skyes de dag kyang byang chub sems dpa' spyan ras gzigs dbang phyug gis 'dir khyer te 'ongs nas/ sems can 'jigs
401a2 shing skrag pa rnams kyi don gyi phyir snying rjes sangs rgyas kyi zhing rnams kyang byung ngo / /gzungs sngags de dag dang / 'od zer de dag kyang li yul gyi don du sangs rgyas kyis
401a3 bzhes nas de dag gi grogs su 'gyur ro/ /byang chub sems dpa' dag kyang ci nas li yul de 'jig par mi 'gyur bar bya ba'i phyir sangs rgyas kyi zhing sna tshogs nas shi
401a4 'phos nas der skye ba len par 'gyur ro/ /gang gi tshe li yul du gnod pa byung na de'i tshe sangs rgyas de dag gi mtshan dang / gzungs sngags de dag dang / 'od zer
401a5 gyi ming de dag bris te/ grong khyer gyi sgo rnams su bzhag la/ dmag gi nang du'ang bris te/ rgyal mtshan la gdegs so/ /yang na ming de dag 'dzin du gzhug cing bklag
401a6 pa dang bcang bar bya'o/ /pha rol gyi dmag tshogs dang / mu ge rab tu zhi bar bya ba dang / dge ba'i phyogs 'phel bar bya ba dang / sdig pa 'byang bar bya ba dang / nad las
401a7 thar bar bya ba rnams la'ang phan par byed pa yin no/ /gang la sdig pa lci ba yod na des zhag nyi shu rtsa gcig gi bar du phyogs bcu'i sangs rgyas rnams la rim gro byas
401b1 te| sku gdung dang ldan pa'i mchod rten nam/ sangs rgyas kyi sku gzugs kyi spyan sdang dus gsum du bzlas brjod byas na dge ba'i phyogs las gang 'dod pa myur du thob par
401b2 'gyur te/ 'od zer de dag kyang de'i steng du gnas par 'gyur ro/ /pha rol gyi dmag tshogs 'ong ba la'ang bzlas brjod bya'o/ /yang na nyin gcig bzhin du lan bdun bdun bklag
401b3 par bya'o/ /gang sdug bsngal bar gyur pa'am/ nad pa'am/ yang na ji lta bur 'dod kyang rung ste bzlas brjod bya'o/ /yang na bklag par bya'o/ /ci ste mi klog na'ang skud pa la mdud
401b4 pa bdun bor te lan bdun bdun bzlas brjod byas nas btags na sdug bsngal las thar bar 'gyur ro/ /grong khyer gang gi sgo la btags na grong khyer der dgra 'ong mi nus par
401b5 'gyur ro/ /de nas bcom ldan 'das kyis 'di skad ces bka' stsal to/ /gang gi tshe gdong dmar dang / rgya 'thab pa'i dus la bab pa de'i tshe gzhon nu rdo rje sde bcom ldan 'das
401b6 kyis las su bskos pa de rnam par rgyal ba'i go cha zhes bya bar gyur pa na phrin yig 'di gser gyi rigs kyi yul du khyer la phrin yig 'di gser gyi rigs kyi rgyal po la
401b7 bstan par bya ste/ mi mang po'i mig sngar ni bstan par mi bya'o/ /yul de'i glung kyang khyer la kha cig ni der bskur bar bya'o/ /kha cig ni skar rdor gzhag par bya'o/ /gang gi
402a1 tshe sangs rgyas bcom ldan 'das kyis/ 'di skad du/ sngon byung ba ni 'di lta bu'o/ /ma 'ongs pa'i dus na ni 'di ltar 'gyur ro zhes bka' stsal pa/ de'i tshe
402a2 bcom ldan 'das rdo rje'i dkyil 'khor zhes bya ba'i ting nge 'dzin la snyoms par zhugs so/ /zla ba'i tog ces bya ba'i ting nge 'dzin dang / dri ma med pa'i 'od ces bya ba'i ting nge 'dzin
402a3 dang / mi g.yo ba zhes bya ba'i ting nge 'dzin dang / rnam pa thams cad med pa zhes bya ba'i ting nge 'dzin dang / dga' ba'i dbang bskur ba zhes bya ba'i ting nge 'dzin dang / thams
402a4 cad kyi rgyan ces bya ba'i ting nge 'dzin dang / dpa' ba'i rgyal mtshan zhes bya ba'i ting nge 'dzin dang / 'od chen po zhes bya ba'i ting nge 'dzin dang / dpa' bar 'gro ba zhes bya ba'i
402a5 ting nge 'dzin dang / ting nge 'dzin bcu po 'di dag sangs rgyas bcom ldan 'das snyoms par zhugs nas smin mtshams kyi gseb nas snang ba chen po zhes bya ba'i 'od
402a6 zer byung ngo / /'od zer de las kyang 'od zer bcu byung nas sangs rgyas kyi zhing thams cad du song ngo / /song nas kyang sangs rgyas kyi zhing grangs med par 'phros so/ /sangs
402a7 rgyas bcom ldan 'das rnams kyi sangs rgyas kyi zhing ji snyed yod pa'i zhing de dag thams cad du ji ltar li yul du rdo rje gzhon nu rdo rje sde dang / lha mo dri ma med pa'i 'od kyi
402b1 phyir sngar bshad pa bzhin du tshig tu brjod pa de dag byung ngo / /de nas de'i tshe sangs rgyas bcom ldan 'das de dag dang / bcom ldan 'das shAkya thub pas dgongs pa mthun par
402b2 rdo rje'i dkyil 'khor zhes bya ba'i gzungs sngags 'di gsungs so/ /tad+ya thA/ bo d+hi bo d+hi/ sarba a lang kA ra ba ra ga ta/ d+ha rma tsakra ba ra ga ta/ ma ra sai n+ya pa ra ga ta/ a bI Sha ya ba
402b3 ra gA tA/ a bid+yA pra t+yA ya/ saM ska ra pra t+yA ya/ nA ma ru pa pra t+yA ya/ b+ha ba pra t+yA ya/ ni rud d+ha pra t+yA ya/ ta thA ga ta/ ma ra Na ha ra/ bud d+h+ya sad t+ye na/ de ba sad t+ye na/ nA ga sad t+ye na/
402b4 rA k+Sha sa sad t+ye na/ a su ra sad t+ye na/ sarba ba ra sad t+ye na/ rdo rje'i dkyil 'khor zhes bya ba'i gzungs sngags 'di ni sangs rgyas thams cad kyis gsungs te/ gang gi tshe lha
402b5 mo dri ma med pa'i 'od kyis thos pa de'i mod la rdo rje'i dkyil 'khor gyi gzungs sngags rtogs par 'gyur ro/ /gang gi tshe li yul gyi don gyi phyir sangs rgyas rnams kyis chos 'di
402b6 gsungs pa de'i tshe/ lha mo dri ma med pa'i 'od kyis thal mo sbyar te 'di skad ces gsol to/ /bdag ni sangs rgyas bcom ldan 'das nyid kyis mkhyen pa lags te/ bdag
402b7 sangs rgyas kyis zhing yongs su dag pa/ rnam par snang mdzad kyi 'od zer gyis so sor brgyan pa'i 'jig rten gyi khams sangs rgyas bcom ldan 'das pad+ma'i 'dab ma
403a1 dri ma med pa'i rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing nas/ mi mjed kyi 'jig rten gyi khams 'dir
403a2 ma'i don bgyi ba dang / dam pa'i chos pad+ma dkar po don du gnyer ba dang / de bzhin gshegs pa shAkya thub pa'i drung du smon lam gdab pa'i slad du mchis te/ dge bsnyen
403a3 ma hu sha zhes bya bar gyur nas bram ze rgya mtsho'i rdul dang mjal ba slan chad lung bstan pa thob ste/ de'i tshe der smon lam btab pas/ gang du khyod sangs rgyas su 'gyur ba'i
403a4 'jig rten gyi khams der bdag byang chub kyi spyad pa spyod par gyur cig ces bgyis nas/ 'jig rten gyi khams rnam par snang mdzad kyi 'od zer gyis so sor brgyan pa zhes
403a5 bgyi ba de bzhin gshegs pa pad+ma'i 'dab ma dri ma med pa rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing de nas/ mi mjed kyi 'jig
403a6 rten gyi khams 'dir bcom ldan 'das shAkya thub pa'i thad du mchis nas/ bcom ldan 'das kyis bka' stsal pa/ mi mjed kyi 'jig rten gyi khams kyi mi rnams ni chags
403a7 shing zhen la sdang zhing nga rgyal gyis khengs pa dang / 'gying ba ste/ de dag gi don du byang chub sems dpa' rnams phan tshun las chen po nyams su len par byed de/ de dag gi
403b1 sdig pa rnams tshe rabs kun tu sel bar byed do zhes gsungs so/ /de'i tshe bdag gis smon lam btab pa ji lta bu'i tshul dang thabs kyis der gzhan dag ma chi ba de bzhin du
403b2 bdag kyang mchi bar gyur cig ces bgyis nas/ de'i tshe tshe rabs snga ma la bdag gi mar gyur pa de'i don bgyi ba dang / ci nas ngan song du ma mchi bar bgyi ba'i slad du skye ba blangs
403b3 so| |sngon gyi mi mjed kyi 'jig rten gyi khams su dge bsnyen ma hu sha zhes bya bar gyur pa dang / gzhon nu nor bzang gis rnam par thar pa bdag la dris pa slan chad bdag
403b4 gis mi'i nang du mi'i skye ba blangs te/ bdag gis sems can dag dang 'dod chags spyad nas mi gzhan gyis bdag la kho mo'ang glen mar mthong ngo / /sems can rnams
403b5 yongs su grol ba'i slad du bud med kyi nang du mi bzad pa'i skye ba mang po blangs te/ rgyal mo dang / rgyal po'i bu mo dang / bud med phal dang / smad 'tshong ma dang / sdug
403b6 phongs pa dang / bud med dbul mo dag tu gyur te/ bud med du skyes pa rnams kyi don bgyid pa dang / bud med rnams yongs su grol bar bgyid do/ /rang gi las kyi
403b7 dbang gris ji ltar 'dod pa'i 'dod chags spyad kyang sems can de dag mgu bar ma nus te/ tshe rabs du mar mi mjed kyi 'jig rten gyi khams 'dir sems can gyi don gyi
404a1 slad du sdug bsngal mang po nyams su myong ste/ bud med du skye bas shin tu skyo bar gyur na 'on kyang bcom ldan 'das kyis sug las chen por bka'
404a2 stsal te/ tshe rabs grangs ma mchis par bdag gis sdug bsngal bzod par bgyi 'tshal te/ bcom ldan 'das shAkya thub pa mnyes par bgyi ba dang / sangs rgyas nyid
404a3 bsgrub pa'i slad du bdag gis smon lam chen po btab pa/ sems can thams cad la phan pa'i slad du tshe rabs gzhan dag tu bdag la sdug bsngal 'byung bar 'gyur
404a4 ba thams cad bdag gis bzod par bgyi'o/ /yul de srungs shig ces bcom ldan 'das kyis bdag la bka' stsal pa gang lags pa de nad dung mi'ang ma mchis/
404a5 yul yang ma byung mod kyi sangs rgyas bcom ldan 'das de dag dang / 'khor der 'dus pa lha dang / klu dang / gnod sbyin dang / lha ma yin dang / nam mkha' lding dang /
404a6 dri za dang / mi'am ci dang / lto 'phye chen po dang / srin po dang / mi dang / mi ma yin pa thams cad las dam pa blang bar bgyi'o/ /ji srid du bdag tshe rabs de dag tu skye
404a7 ba na bdag la 'dod chags dang / zhe sdang gi gzhir mthong na'ang bdag la sdig par ma gyur cig /ci rigs par skye ba'i dus 'tshal bar gyur la 'di lta bu yongs su
404b1 'dzin par gyur cig /gang gi tshe li yul thog mar byung ba'i dus la bab pa na/ de'i tshe yul bgyid pa'i slad du der bdag thog mar rgyal por gyur cig /li yul du nam rgyal po
404b2 de dag gi ming chags shing rgyal rabs thog mar byung ba na tshe rabs bdun du rgyal po byed par gyur cig /grong khyer dngar ldan zhes bgyi ba'ang bgyi'o/ /bal po se'u tshal du
404b3 ni sangs rgyas kyi mchod rten chen po bgyi'o/ /yul rta mjug tu ni chos dang ldan pa'i rgyal po'i mchod rten bgyi'o/ /'gum ti rar ni dge 'dun gyi kun dga' ra ba chen po bgyi'o/ /
404b4 rtsa rma pa nar yang dge 'dun gyi kun dga' ra ba chen po bgyi'o/ /pa ya di kar ni dri gtsang khang chen po dang / mchod rten chen po bgyi ste/ ji srid du bdag rgyal srid la gnas
404b5 pa de srid du las chen po dag bgyi'o/ /gang gi tshe rgyal po shi 'phos par gyur na'ang byang chub sems dpa' byams pa gang na bzhugs pa'i lha'i nang du skye bar gyur te/ bdag
404b6 de na mchis pa'i ting nge 'dzin rnams dran par gyur cig /de nas slar yang li yul 'dir skye ba len cing ji ltar bcom ldan 'das kyis bka' stsal pa bzhin du bud med
404b7 kyi gzugs su gyur te/ yang skar rdo'i rgyal po'i bu mo rab nges zhes bya bar gyur nas/ sangs rgyas bcom ldan 'das rnams kyis gzungs sngags ji snyed gsungs pa dang /
405a1 bdag gis rtogs pa gang lags pa'i gzungs sngags de dag thams cad de'i tshe bdag gis dran par gyur cig /mdo sde 'di'ang shin tu dran par
405a2 gyur te/ ci nas thams cad rgyas par gyur cig /gang gi tshe dmag sde gnyis 'thab par 'gyur ba dang / li yul gyi don gyi phyir las su bya ba yod par gyur pa dang / gang gi
405a3 tshe gzhon nu rdo rje sde skar rdo'i rgyal po rnam par rgyal ba'i go cha zhes bya bar gyur nas li yul gyi phyir glud 'jal ba'i dus la bab pa de'i tshe bdag rab nges zhes bya bar gyur
405a4 pas sangs rgyas bcom ldan 'das de dag thams cad dang / 'khor de'i nang du ji snyed 'dus par gyur pa'i lha de dag thams cad grogs su gyur te/ mdo 'di dang /
405a5 gzungs sngags rnams bshad pa'i gzungs sngags de dag thams cad dang / ting nge 'dzin thams cad bdag gis tshe rabs thams cad du dran par gyur cig ces byas
405a6 so| |gang gi tshe lha mo dri ma med pa'i 'od kyis tshig de skad ces smras pa de'i tshe/ des ting nge 'dzin rnams thob ste/ ci nas mdo 'di la sus kyang gnod pa byed mi nus
405a7 par 'gyur ba'i ting nge 'dzin theg pa chen po'i mdo dam pa'i chos pad+ma dkar po'i klong 'khyil ba zhes bya ba thob ste/ de'i tshe sangs rgyas thams cad kyis legs so zhes
405b1 bya ba byin te 'di skad ces bka' stsal to/ /gang gi tshe khyod las rtsom pa de'i tshe 'od zer de dag steng du gnas par gyur te/ de'i tshe gang gis mdo 'di dran par 'gyur zhing
405b2 shin tu nyams su len par 'gyur ba'i ting nge 'dzin sangs rgyas yid la byed pa zhes bya ba rtogs par 'gyur ro/ /sangs rgyas bcom ldan 'das rnams kyis rdo rje'i dkyil
405b3 'khor zhes bya ba'i gzungs sngags gsungs pa de'i rang bzhin gang gis gzungs sngags rtogs par 'gyur ba dang / ting nge 'dzin sbyong ba dang / sngon sangs rgyas bcom
405b4 ldan 'das rnams las chos thos pa de dag thams cad kyang dran par byed do/ /lha mo dri ma med pa'i 'od des kyang byang chub sems dpa' dag gis ting nge 'dzin dang / gzungs
405b5 sngags ji ltar rtogs pa de bzhin du rtogs par byed do/ /rnam par rgyal ba'i go cha zhes bya bas kyang rgyal srid thob par 'gyur te/ gzhan gyis bar chad byed mi nus so/ /
405b6 de dag gi las ni lan bdun bzlas brjod byas la rta gnas kyi rig sngags gang gis sdig pa rnams 'byang bar 'gyur ba'ang brjod par bya ste/ nyin lan gsum mtshan
405b7 lan gsum brjod na lo bdun gyis rdo rje'i dkyil 'khor gyi gzungs sngags rtogs par 'gyur ro/ /sangs rgyas bcom ldan 'das kyis rdo rje'i dkyil 'khor gyis gzungs
406a1 sngags 'di bshad pa de'i tshe bcom ldan 'das kyi steng du lha rnams kyis lha'i me tog gi char phab ste/ lha'i rol mo'i sgra sgrags nas 'di skad
406a2 ces smras so/ /bdag cag gis kyang sngon sangs rgyas bcom ldan 'das rnams las thos pa'i gzungs sngags rnams stsal bar bgyi'o/ /na maHsarba a t+yu da ga ta/ badzra
406a3 maN+Da lo da ta ma s+ya/ ta thA ga ta s+ya/ ka na kA b+ha/ sad t+ya s+ya/ bo d+hi sa twa s+ya/ tad+ya thA/ bud+d+ha sad t+ye na/ da sa pi ri/ de na ha ya ri/ kurtsi ru pra ti pa da ri pa b+ha ba tu/ ci tu ma tu ga la ra
406a4 ya ka da ma ba tu/ sa pa dza ma sa ra ta swAhA/ gzungs sngags 'di ni lha rnams chad pas gcod pa'i gzungs sngags zhes bya ste/ lan brgya rtsa brgyad bzlas brjod byas la rtswa
406a5 dUr ba brgya rtsa brgyad spyin sreg byas na gang ci byed kyang rung ste lha rnams kyis gzhigs par mi nus so/ /dkyil 'khor zlum por byas te/ lan brgya rtsa brgyad bzlas brjod
406a6 byas la mdud pa brgya rtsa brgyad bor nas gang du brjod pa der 'byung pos gnod pa byed mi nus so/ /byad stems byed par yang mi nus so/ /de nas de'i tshe 'khor de dag thams
406a7 cad kyis gzungs sngags 'di bshad do/ /tad+ya thA/ sarba de ba nan/ sarba baR+Sha nan/ nirdzi ta brdzi te/ skan d+ha na tsa pa na/ nad ta ma na pa na ga sa ra/ da da tsa tsa pa pa/ tsa da mi ma
406b1 b+ha s+thi ma/ dan Ta ka ra na ha ra/ sa pa ra/ de ba ma ra swAhA/ sa da ba baR+Sha ka ra na swAhA/ 'khor thams cad kyis bshad pa'i gzungs sngags 'di lan brgya rtsa brgyad bzlas brjod bya
406b2 ste| mdud pa brgya rtsa brgyad byas nas skud pa de bsregs na khyim der byad stems kyis mi tshugs la 'byung po'i nad rnams kyang med par 'gyur ro/ /tad+ya thA/ rA ti thA ka ra/
406b3 de ba bar phu dzi dzi ri phu dzi da ti phu swAhA/ gzungs sngags 'di lkog ma na ba la lan bdun bzlas brjod byas nas g.yag rnga la mdud pa bdun por te gdags par bya'o/ /tad+ya
406b4 thA| sarba bud+d+ha da ma ba Sha ka ra ba ba ra tsa tsa ra sa sa ra swAhA/ gzungs sngags 'di lus la nad byung ba thams cad la lan bdun bzlas brjod byas nas skud pa la mdud pa
406b5 bdun por te gdags so/ /de nas de'i tshe 'khor de dag thams cad kyis pus mo'i lha nga sa la btsugs te 'di skad ces gsol to/ /gang gi tshe gzhon nu rdo rje sde yul skar
406b6 rdo nas li yul du mchi ba de'i tshe gzungs sngags gang gis shul du dpa' bo'i las bgyid par 'gyur ba'i gzungs sngags bdag cag gis stsal par 'tshal lo/ /tad+ya thA/ de
406b7 bu bu de de bi bi sa sa/ ban+d+ha ba ba ra ti ka ra swAhA/ tad+ya thA/ sha ra ka ra bA/ dz+wa da tshe ba ra/ shad tra tra na dzi swAhA/ gzungs sngags 'di 'gron du 'gro ba rnams kyis lan bdun
407a1 bzlas brjod byas te khrus byas la lag par blugs nas lan bdun bzlas brjod byas te/ phyogs bzhir 'thor ram/ bdag nyid kyis 'thungs na de
407a2 la dgras gnod pa byed par mi nus te/ dpa' bo'i las kyang byed par 'gyur ro/ /de nas de bzhin gshegs pa rdo rje rgyal mtshan gyis 'di skad ces bka' stsal te/ de bzhin
407a3 du rnam thos kyi bu dang / dbang phyug chen po dang / kun tu rgyal dang / 'phrog ma bu dang bcas pa rnams kyis kyang 'di skad ces smras so/ /bdag cag gis kyang gzhon nu
407a4 rdo rje sde de la ci nas dgra rnams kyis gnod pa byed mi nus par gzungs sngags 'di dag sbyin no/ /na mo badzra d+h+wa dza s+ya/ ta thA ga ta h+ya/ tad+ya thA/ badzra bi bi bi bi ma ma sa ka
407a5 su ma te/ ad+d+ha re ad+d+ha re/ ad dz+wa la/ bA da ni swAhA/ na mo ma he shwa ra s+ya/ na mo bi shwa ra ma Na s+ya/ na maH san tsa ya s+ya/ na mo ha ri ta yi ba su pu tra/ pa ri pA rA ya/ tad+ya thA/
407a6 sa sa sa sa/ hA hA hA hA/ pri ya pri ya pri ya pri ya/ pud tra pud tra pud tra pud tra/ ba ra dad ta ka ra/ ts+tshan+d+ha mu le bid twe shan kA rA swAhA/ dbang phyug chen po dang / rnam thos kyi bu
407a7 dang / kun tu rgyal dang / 'phrog ma bu dang bcas pa rnams kyis gzungs sngags 'di bshad pa nas 'di skad ces gsol to/ /ji ltar bcom ldan 'das kyis bdag
407b1 cag su ga las chen por bskos pa'i gzungs sngags gzhan gyis mi tshugs pa de dag kyang bdag cag gis bshad par 'tshal lo/ /lha mo dri ma med pa'i 'od de dang / gzhon
407b2 nu rdo rje sde skar rdo'i rgyal po rnam par rgyal ba'i go char 'gyur ba gang lags pa des chad pas bcad par bgyi ba de'ang bdag cag gis bshad par bgyi'o/ /gang gi tshe dgra'am/
407b3 su'ang rung ba dag sdig pa'i las rtsom pa na gzungs sngags bshad pa 'di gnyis lan bdun bzlas brjod bya ste/ skud pa sngon po la mdud pa bdun por nas bsregs te
407b4 sra rtsi pog gi bdug pas bsreg la mi de'i ming nas brjod na gnod pa byed mi nus so/ /bdag cag gis yid dam dang por bcas pa bzhin du ste gzhon nu rdo rje sde dang / lha
407b5 mo dri ma med pa'i 'od kyis bsam pa yongs su rdzogs par ma bgyis na dus gsum du gshegs pa'i sangs rgyas bcom ldan 'das thams cad kyi sku bslus par gyur cig
407b6 ces byas so/ /de nas 'khor der ji snyed 'dus pa'i lha dang / klu dang / gnod sbyin dang / lha ma yin dang / nam mkha' lding dang / dri za dang / mi'am ci dang / lto 'phye
407b7 chen po dang / mi dang / mi ma yin pa de dag thams cad kyis kyang 'di skad ces gsol to/ /byang chub sems dpa' rnams kyis ji ltar dam bcas pa bzhin du bdag cag
408a1 thams cad kyis kyang dam bcas te/ de ltar ma bgyis na bdag cag gis dus gsum gyi sangs rgyas bcom ldan 'das thams cad kyi sku
408a2 bslus par gyur cig /bdag cag thams cad kyis rnam par rgyal ba'i go cha ci nas kyang li yul gyi rgyal por 'gyur bar thams cad sems mthun pas lhan cig tu
408a3 dbang bskur bar bgyi'o/ /gang gi tshe gdong dmar dang / rgya 'thab par 'gyur ba de'i tshe/ ci nas li yul 'jig par mi 'gyur ba dang / gang gi tshe yul gzhan nas
408a4 li yul du rab tu byung ba rnams 'ongs pa na der ci nas rim gro med par mi 'gyur ba dang / yul gzhan nas der sems can bros pa de dag der gnas 'thob
408a5 par 'gyur zhing gdong dmar gyis bsregs pa gang yin pa'i mchod rten chen po de dag dang / dge 'dun gyi kun dga' ra ba dag 'chos ba'i grogs byed par 'gyur bar
408a6 bya ba'i phyir li yul gyi glus 'jal ba dang / rgya dang / phan tshun du bag ma gtong ba dang len par byed do/ /de nas sangs rgyas bcom ldan 'das kyis de'i tshe lha mo dri ma
408a7 med pa'i 'od dang / gzhon nu rdo rje sde gnyis la li yul gtad nas/ de'i tshe sangs rgyas bcom ldan 'das kyis gzhon nu rdo rje sde la 'di skad ces bka' stsal to/ /khyod
408b1 li yul gyi rgyal po byed pa dang / lha mo dri ma med pa'i 'od kyis grogs byed par 'gyur gyi/ mdo 'di las ji skad bshad pa bzhin du khyod kyis thams cad kyis shig /gang gi tshe
408b2 khyod gser gyi rigs kyi yul du phyir log pa de'i tshe rgya'i dmag li yul du 'ongs so zhis de skad thos pa dang / the tshom ma byed par li yul du song la der po nya btang na der
408b3 'ong bar mi 'gyur te/ li yul dang / gu zan gyi yul du 'gro bar 'gyur ro/ /nga la phrin yig ni nga dang gnyen du byos la yul nga la byin cig ces springs shig /de nas de'i tshe khyod ni
408b4 li yul gyi rgyal por 'gyur ro/ /dbang po'i go cha ni skar rdo'i rgyal po byed par 'gyur te/ de'ang khyod ci nas li yul gyi rgyal por 'gyur ba'i grogs byed par 'gyur ro/ /skar
408b5 rdo'i yul du gnod pa 'byung ba de'i tshe khyod kyis ji nas kyang gnod pa byed du ma bzhug cig /dbang po'i go cha dang yang thog mar dum par gyis shig /las 'di dag byed pa'i
408b6 grogs su 'gyur ro/ /skar rdo ba ji snyed yod pa thams cad kyang grogs byed par 'gyur ro/ /a kun zhes bya ba dpa' bo zhig yod de/ de sngon ye shes grags zhes bya bar gyur pa
408b7 na des dar ma ti ra zhes bya ba'i gtsug lag khang byas so/ /de nas khyod kyis a ku na tshol zhig dang yul gzung ba'i phyir grogs byed par 'gyur ro/ /de ci'i phyir zhe na/ de
409a1 dang khyod sngon smon lam lhan cig tu btab pa'i phyir te/ a kun zhes bya ba'i mi de ni sngon rgyal por gyur te/ mi rgod rnams kyis chung ma brkus te /
409a2 phyir ma rnyed pa yin no/ /khyod ni rgyal po'i blon po chen po yin te/ dga' byed kyi phar gyur pa yin no/ /de nas de'i tshe sangs rgyas bcom ldan 'das kyis gzhon nu rdo rje sde la
409a3 'di skad ces bka' stsal to/ /gzhon nu rdo rje sde/ khyod ni li yul 'khor du rnam par rgyal pa'i go cha zhes bya ba'i rgyal por gyur te/ lo sum cu'i bar du rgyal srid 'dzin par
409a4 'gyur la/ dge bsnyen du gyur nas li yul gyi phyir lus yongs su gtong ba'i 'bras bus thob par 'gyur ro/ /de nas de'i tshe bcom ldan 'das kyis lha mo dri ma med pa'i 'od
409a5 la 'di skad ces bka' stsal to/ /khyod li yul du rab nges zhes bya bar gyur pa'i tshe mdo 'di zungs shig /'di la 'jug par gyis shig /rgyas par gyis shig /skar rdo'i
409a6 yul du'ang ming po la skur cig dang / khyod kyi steng du 'od zer rnams gnas par 'gyur ro/ /gang gi tshe khyod kyis gzungs sngags rnams rtogs par gyur pa de'i tshe khyed la
409a7 sangs rgyas bcom ldan 'das nyid gsung bar 'gyur zhing lha rnams kyang ji nas khyod kyis las byed nus par 'gyur ba de lta bu rgyas par smra bar 'gyur ro/ /de nas de'i tshe
409b1 sangs rgyas bcom ldan 'das kyis byang chub sems dpa' spyan ras gzigs dbang phyug la 'di skad ces bka' stsal to/ /nu sdug /ji ltar bcom ldan 'das rin chen snying
409b2 po grong khyer du gshegs pa'i tshe 'u du cag gnyis sangs rgyas nyid du lung bstan pa thob nas/ der de skad du phyogs bcu na sems can 'jigs shing skrag pa ji snyed yod pa
409b3 de dag thams cad bdag gis skyabs byed par gyur cig /de skad ces smon lam btang pa'i dus la de dran par gyis la/ da nga'i li yul 'di dang / lha mo dri ma med pa'i
409b4 'od dang / gzhon nu rdo rje sde gtad pa 'di khyod kyis longs shig /de nas bcom ldan 'das kyis byang chub sems dpa' kun tu bzang po dang / 'jam dpal dang / nam mkha'i
409b5 snying po dang / mthu chen thob dang / sman gyi rgyal po dang / rab sbyin dpa' bo dang / sa'i snying po dang / byams pa dang / byang chub sems dpa' spyan ras gzigs dbang phyug la
409b6 'di skad ces bka' stsal to/ /sngon 'di'i phu bo dang / grogs su gyur pa dang / rtag tu 'grogs 'grogs pa ni 'di dag yin te/ sna tshogs kyi lha dang / dbang phyug gi lha
409b7 dang / ljon shing gi dbang phyug gi rgyal po dang / snying rje'i dbang phyug dang / gzungs kyi dbang phyug dang / spong ba'i dbang phyug dang / 'od kyi dbang phyug dang / dri'i dbang phyug
410a1 dang / tshogs kyi dbang phyug dang / 'jig rten gyi dbang phyug dang / 'od gsal dang / rigs kyi dbang phyug rnams so/ /de nas bcom ldan 'das
410a2 kyis byang chub sems dpa' kun tu bzang po la sogs pa byang chub sems dpa' de dag thams cad la bos te bka' stsal to/ /rigs kyi bu dag /khyed nga'i theg pa chen po'i
410a3 mdo 'di dang / gzhon nu rdo rje sde dang / lha mo dri ma med pa'i 'od yongs su zungs shig /de nas gsang ba'i bdag po lag na rdo rje la bos te 'di skad ces bka' stsal to/ /
410a4 khyod rtag tu nga'i phyi bzhin du 'brang ba yin gyi/ mdo 'di dang / gzhon nu rdo rje sde dang / lha mo dri ma med pa'i 'od khyod la gtad do/ /gnod sbyin dbang po rnam thos kyi bu dang /
410a5 gnod sbyin kun tu rgyal dang / lha'i bu blo gros bstan pa dang / klu'i rgyal po ma dros pa dang / 'phrog ma bu dang bcas pa dang / lha'i pho brang sum cu rtsa gnyis kyi lha'i rgyal po rnams
410a6 dang / 'khor der 'dus pa thams cad dang / sangs rgyas bcom ldan 'das 'od zer gtong ba de dag dang / phyogs bcu nas 'dus pa'i byang chub sems dpa' de dag
410a7 thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad de/ yongs su gtad pa'i dam pas yongs su gtad do/ /de nas
410b1 yang de dag thams cad la 'di skad ces bka' stsal to/ /ngas ji skad bshad pa dang / khyod kyis ji ltar dam bcas pa bzhin du grogs gyis la ngas dgongs pa kun thams cad
410b2 nas thams cad du mthar phyin par gyis la/ ci nas yod par ma 'gyur ba de ltar gyis shig /ngas bskal pa mang por 'khor ba na dka' las shin tu mang po dang ldan pa
410b3 dag byas pa lta bu ni byang chub sems dpa' gzhan dag gis kyang ma byas so/ /nga'i li yul 'khor der sems can ngas yongs su smin par ma byas pa de gang yin pa de
410b4 dag phyis li yul 'khor du gnas par gyur te/ nga'i chos kyis yongs su grol bar 'gyur ro/ /de nas bcom ldan 'das kyis bskal pa bzang po'i byang chub sems
410b5 dpa' rnams la bos te 'di skad ces bka' stsal to/ /khyed thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad do/ /
410b6 gang gi tshe sangs rgyas bcom ldan 'das kyis sangs rgyas thams cad dang / byang chub sems dpa' thams cad dang / lha thams cad la mdo 'di dang / li yul dang /
410b7 gzhon nu rdo rje sde dang / lha mo dri ma med pa'i 'od gtad pa de'i tshe sangs rgyas bcom ldan 'das shAkya thub pa'i steng du lha'i me tog gi char phab bo/ /lha rnams kyis lha'i
411a1 rol mo'i sgra bsgrags so/ /lha'i rgyan gyi char yang phab bo/ /de bzhin du 'khor de dag thams cad kyis kyang bcom ldan 'das la ji ltar 'os
411a2 pa'i mchod pas bcom ldan 'das la mchod par byas so/ /sangs rgyas bcom ldan 'das de dag gis kyang mi mjed kyi 'jig rten gyi khams 'dir 'od zer shin
411a3 tu mang po btang ngo / /mi mjed kyi 'jig rten gyi khams 'di na gnas pa'i sems can rnams kyis kyang sangs rgyas bcom ldan 'das de dag 'khor gyi dkyil
411a4 'khor dang bcas pa mthong ngo / /de na gnas pa rnams kyis kyang de bzhin gshegs pa shAkya thub pa 'khor gyi dkyil 'khor dang bcas pa dang / mi mjed kyi 'jig rten
411a5 gyi khams mthong ste/ 'khor thams cad dang / lha dang / mi rnams gcig gis gcig mthong bar gyur to/ /de nas de'i tshe dge slong kun dga' bo stan las langs te
411a6 thal mo sbyar nas bcom ldan 'das la zhus pa/ bcom ldan 'das/ ma 'ongs pa'i dus na su la mdo 'di klog pa dang / sems pa dang / nyan pa dang / kun
411a7 chub par bgyid pa dang / 'dri ba dang / 'drir 'jug pa de'i bsod nams kyi phung po ji tsam du 'phel bar 'gyur/ bcom ldan 'das kyis bka' stsal pa/ sangs rgyas kyi
411b1 zhing brgyad khri bzhi stong gi nang na skye bo ji snyed gnas pa rnams la sbyin pa byin pa pas ni/ su mdo 'di 'chang ba'am/ kha ton du byed pa'am/ klog pa de'i bsod nams
411b2 kyi phung po ches mang bar 'gyur ro/ /mdor na/ ji ltar 'bras bu gsum pa rtogs pa de'i bsod nams kyi phung po ji snyed 'phel bar 'gyur ro zhes nga smra 'o/ /de nas lha dang
411b3 klu dang / gnod sbyin dang / lha ma yin dang / nam mkha' lding dang / dri za dang / mi'am ci dang / lto 'phye chen po dang / srin po dang / 'khor de dag thams cad kyis 'di
411b4 skad ces gsol to/ /bdag cag 'khor 'dir 'dus pa ji snyed mchis pa rnams gang du mdo 'di brjod pa der ma mchis sam/ gzhon nu rdo rje sde dang / lha mo dri ma med
411b5 pa'i 'od la gzungs sngags ma stsal tam/ dam bcas pa 'di bskyud par gyur na bdag cag gis dus gsum du gshigs pa'i sangs rgyas bcom ldan 'das rnams kyi sku
411b6 bslus par gyur cig /mtshams ma mchis pa'i las bgyis pa'i sdig pa ji tsam mchis pa bdag cag gis bgyis par gyur cig /de nas 'od zer de dag las tshig tu brjod
411b7 pa 'di skad ces 'byung ste/ gang na mdo 'di brjod pa der bdag cag 'ong ngo zhes sgra sgrogs par 'gyur ro/ /de nas kun dga' bo dang / 'khor de dag thams cad kyis zhus
412a1 pa| bcom ldan 'das chos kyi rnam grangs 'di'i ming ci lags/ ci ltar gzung bar bgyi/ bka' stsal pa/ mdo 'di'i ming ni chos kyi
412a2 spyi bo zhes kyang bya/ sangs rgyas thams cad kyi chos kyi snying po zhes kyang bya/ dri ma med pa'i 'od kyis zhus pa zhes kyang bya'o/ /de nas bcom ldan 'das shAkya thub pas
412a3 'di skad ces bka' stsal to/ /ngas chos gang bshad pa de dag thams cad ni mdo 'di nyid kyi nang du 'dus so/ /bcom ldan 'das kyis de skad ces bka' stsal nas/
412a4 byang chub sems dpa' de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin du bcas pa'i 'jig rten yi rangs
te| bcom ldan 'das kyis gsungs pa la mngon par bstod do/
CLOSE WINDOW