བོད་ཡིག |
159a7 ku mA ra rak+Shi ta la sogs pas zhus shing gtan la phab pa// //rgya gar skad du/ AR+ya su bi krAn+ta tsin+ta de ba pu tra pa ri pr-its+tshA nA ma ma hA ya na sU tra/ bod skad du/
159b1 'phags pa lha'i bu rab rtsal sems kyis zhus pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis
159b2 thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin kyi kun dga' ra ba na dge slong khri'i dge slong gi dge 'dun chen po dang / 'jig rten
159b3 gyi khams gzhan dag nas 'dus pa'i byang chub sems dpa' stong phrag rab tu mang po dang / 'dod pa na spyod pa dang / gzugs na spyod pa'i lha'i bu rnams dang / de las gzhan pa'i lha'i bu
159b4 rnams dang / klu'i rgyal po rgya mtsho la sogs pa klu'i 'khor mang po rnams dang / gnod sbyin gyi rgyal po lus ngan la sogs pa gnod sbyin gyi 'khor mang po rnams dang / nam mkha' lding gi rgyal
159b5 po stobs chen la sogs pa nam mkha' lding gi 'khor mang po rnams dang / lha ma yin gyi dbang po sgra gcan la sogs pa lha ma yin gyi 'khor mang po rnams dang / mi 'am ci'i rgyal po ljon pa la
159b6 sogs pa mi 'am ci'i 'khor mang po rnams dang / lto 'phye chen po'i dbang po lag bzang la sogs pa lto 'phye chen po'i 'khor mang po rnams dang / rgyal po chen po bzhi 'khor dang bcas pa rnams
159b7 dang / lha'i dbang po brgya byin lha'i bu stong phrag mang po'i 'khor dang bcas pa dang / mi mjed kyi bdag po tshangs pa tshangs ris kyi lha'i bu 'bum phrag du ma'i 'khor dang bcas pa dang / rgyal po
160a1 gsal rgyal 'khor stong phrag du ma dang bcas pa dang / khyim bdag mgon med zas sbyin 'khor dang bcas pa dang thabs gcig tu bzhugs te/ de dag la sogs pa 'khor rnam
160a2 bzhi mang po rnams kyis yongs su bskor cing mdun gyis bltas te chos ston to/ /de'i tshe na 'jam dpal gzhon nur gyur pa 'khor de nyid du 'dus par gyur te 'dug go /lha'i bu byang chub sems
160a3 dpa' sems dpa' chen po bla na med pa yang dag par rdzogs pa'i byang chub las phyir mi ldog pa rab rtsal sems kyang 'dus par gyur te 'dug go /de nas lha'i bu rab rtsal sems kyis 'khor
160a4 phal po che de 'dus par rig nas stan las langs te bla gos phrag pa gcig tu gzar nas bus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba
160a5 btud nas bcom ldan 'das la 'di skad ces gsol to/ /bcom ldan 'das/ ji ltar na byang chub sems dpa' sems dpa' chen po theg pa chen po la gzhan gyi dring mi 'jog pa rnams lags/
160a6 ji ltar na byang chub sems dpa' sems dpa' chen po brtsams pa thams cad la brtson 'grus brtan pa rnams lags/ ji ltar na byang chub sems dpa' sems dpa' chen po bsod nams
160a7 dag gis mngon par 'phags pa rnams lags/ ji ltar na byang chub sems dpa' sems dpa' chen po ye shes kyis chags pa ma mchis par spyod pa rnams lags/ ji ltar na byang
160b1 chub sems dpa' sems dpa' chen po shes rab kyis mun pa dang bral ba rnams lags/ ji ltar na byang chub sems dpa' sems dpa' chen po 'khor rnams kyi nang du 'jigs pa dang
160b2 bral ba rnams lags/ ji ltar na byang chub sems dpa' sems dpa' chen po thos pas don la rton pa rnams lags/ ji ltar na byang chub sems dpa' sems dpa' chen po 'jig rten
160b3 tshul gyis chos la rton pa rnams lags/ ji ltar na byang chub sems dpa' sems dpa' chen po sangs rgyas bcom ldan 'das rnams kyis gsungs pa bzhin du smra ba rnams lags/ ji ltar
160b4 na byang chub sems dpa' sems dpa' chen po sems can rnams la chos smra ba rnams lags/ ji ltar na byang chub sems dpa' sems dpa' chen po mngon par shes pa rnams kyis mngon
160b5 par 'phags pa rnams lags/ ji ltar na byang chub sems dpa' sems dpa' chen po bdud thams cad kyis thub par dka' ba rnams lags/ ji ltar na byang chub sems dpa' sems
160b6 dpa' chen po blo gros gting dpag dka' ba rnams lags/ ji ltar na byang chub sems dpa' sems dpa' chen po 'jig rten gyi chos brgyad kyis mi gos pa rnams lags/ ji ltar na byang chub
160b7 sems dpa' sems dpa' chen po gting dpag dka' zhing zab mo la spyod pa rnams lags/ ji ltar na byang chub sems dpa' sems dpa' chen po chos ston pas dbang po la mkhas pa
161a1 rnams lags/ ji ltar na byang chub sems dpa' sems dpa' chen po 'dus ma byas pa dang ma 'dres pas rnam par thar pa'i sgor gnas pa rnams lags/ ji ltar na
161a2 byang chub sems dpa' sems dpa' chen po lhag pa'i nga rgyal can tshar gcod pa'i slad du snrel zhir bsgrub pa la mkhas pa rnams lags/ ji ltar na byang chub sems dpa' sems dpa'
161a3 chen po las kyi bgyi pa thams cad kyi rgyu la mkhas pa rnams lags/ ji ltar na byang chub sems dpa' sems dpa' chen po lta ba'i rnam pa dang bral zhing rten cing 'brel par 'byung ba la
161a4 mkhas pa rnams lags/ ji ltar na byang chub sems dpa' sems dpa' chen po sems can yongs su smin par bgyid pa dag la mkhas pa rnams lags/ ji ltar na byang chub sems
161a5 dpa' sems dpa' chen po bsam pa yongs su dag pas brtul zhugs grub pa rnams lags/ ji ltar na byang chub sems dpa' sems dpa' chen po zhe 'gras pa'i sems ma mchis
161a6 shing bzod pa'i stobs dang ldan pa rnams lags/ ji ltar na byang chub sems dpa' sems dpa' chen po pha rol tu phyin pa thams cad kyi pha rol tu son pa rnams lags/ ji ltar na byang
161a7 chub sems dpa' sems dpa' chen po sems can thams cad kyi nye bar 'tsho ba rnams lags/ ji ltar na byang chub sems dpa' sems dpa' chen po 'jig rten thams cad mngon par
161b1 'du bar 'gyur ba rnams lags/ ji ltar na byang chub sems dpa' sems dpa' chen po srog chags thams cad kyis bsngags par 'gyur ba rnams lags/ ji ltar na byang chub sems dpa' sems
161b2 dpa' chen po dge ba'i spyod pa thams cad la rmas pa ma mchis pa rnams lags/ ji ltar na byang chub sems dpa' sems dpa' chen po shes rab dag la rgya mtsho lta bu rnams lags/ ji ltar na byang
161b3 chub sems dpa' sems dpa' chen po chos la dbang sgyur bas dbang phyug tu gyur pa rnams lags/ ji ltar na byang chub sems dpa' sems dpa' chen po bgyi ba thams cad la slob dpon du gyur
161b4 pa rnams lags/ ji ltar na byang chub sems dpa' sems dpa' chen po thams cad du kha na ma tho ba ma mchis shing yon tan rnam pa thams cad dang ldan pa rnams lags/ de skad ces gsol pa dang /
161b5 bcom ldan 'das kyis lha'i bu rab rtsal sems la 'di skad ces bka' stsal to/ /rab rtsal sems/ legs so/ /legs so/ /lha'i bu/ khyod byang chub sems dpa' sems dpa' chen po 'jig rten thams cad
161b6 las mngon par 'phags pa/ 'jig rten gyi yongs su 'dren pa/ snying rje chen po dang ldan pa/ bskal pa grangs med pa nas go cha bgos pa/ brtson 'grus shin tu brtan pa/ ded dpon chen po/ sems can
161b7 dpag tu med pa'i don byed pa/ sems can dpag tu med pa thams cad kyang bde ba la rab tu 'god pa la mkhas pa/ yon tan dpag tu med pa dang ldan pa rnams kyi don du de bzhin gshegs pa la
162a1 yongs su zhu ba ni yang khyod legs so/ /lha'i bu/ de'i phyir legs par rab tu nyon la yid la zungs shig dang / ji ltar byang chub sems dpa' sems dpa' chen po rnams kyis
162a2 yon tan gyi khyad par de dag dang / gzhan dag kyang 'thob par 'gyur ba ngas khyod la bshad par bya'o/ /lha'i bu rab rtsal sems kyis/ bcom ldan 'das/ de ltar 'tshal lo zhes gsol te bcom
162a3 ldan 'das kyi ltar nyan pa dang / bcom ldan 'das kyis 'di skad ces bka' stsal to/ /lha'i bu/ byang chub sems dpa' sems dpa' chen po chos bzhi dang ldan na theg pa chen po la gzhan gyi dring mi
162a4 'jog pa rnams yin te/ bzhi gang zhe na/ thabs la mkhas pas mngon par bsgrub pa'i shes rab dang / snying rje chen pos mngon par bsgrub pa'i byams pa dang / don dang / chos kyis mngon par
162a5 bsgrub pa'i spobs pa dang / byang chub kyi yan lag gi rnam pas mngon par bsgrub pa'i mngon par shes pa lnga po dag ste/ lha'i bu/ byang chub sems dpa' sems dpa' chen po chos bzhi po de dag
162a6 dang ldan na theg pa chen po la gzhan gyi dring mi 'jog pa rnams yin no/ /de la 'di skad ces bya ste/ thabs la mkhas pa mngon par sgrub par byed pa yi/ /mngon sum shes rab rtogs par khong
162a7 du chud gyur cing / /thams cad skyabs phyir snying rje chen po yangs pa la/ gnas pa'i byams pa mngon par sgrub par byed gyur la/ /don dang chos la shin tu mkhas par 'gyur ba yi/ so so yang
162b1 dag rig la spobs pa thob gyur la/ /byang chub lam la mngon shes dag gis rnam rtse na/ /des ni gzhan gyi dring la 'jog par mi 'gyur ro/ /lha'i bu/ byang chub sems dpa' sems dpa' chen po chos bzhi
162b2 dang ldan na brtsam pa thams cad la brtson 'grus brtan pa rnams yin te/ bzhi gang zhe na/ phyir mi ldog pa'i brtson 'grus dang / bsam pa dag pa'i brtul ba dang / byang chub la 'dun pa drag po dang
162b3 ldan pa dang / sangs rgyas kyi chos yongs su bsgrub pa la yid yongs su mi skyo ba dang ldan pa ste/ lha'i bu/ byang chub sems dpa' sems dpa' chen po chos bzhi po de dag dang ldan na brtsam pa
162b4 thams cad la brtson 'grus brtan pa yin no/ /de la 'di skad ces bya ste/ brtson 'grus brtan zhing rab tu gnas par med gyur cing / /bsam pa rnyog pa med cing yongs su dag gyur la/ /sangs
162b5 rgyas ye shes don phyir 'dun pa grags ldan zhing / /sangs rgyas chos rnams 'dod cing rtag tu yongs mi skyo/ /gang la chos bzhi rgya chen khyad par de yod pa/ /de ni byang chub lam du mngon 'byung brtan
162b6 'gyur zhing / /byang chub yan lag mthil bzhag pa bzhin gyur la/ /ring po mi thogs 'jig rten gsum gyi chos rgyal 'gyur/ /lha'i bu/ byang chub sems dpa' sems dpa' chen po chos
162b7 bzhi dang ldan na bsod nams dag gis mngon par 'phags pa rnams yin te/ bzhi gang zhe na/ byang chub sems dpa' rnams shes rab kyi pha rol tu phyin pa la 'doms par byed pa dang / sems
163a1 can gang dag byang chub tu sems ma bskyed pa de dag byang chub tu sems bskyed du 'jug pa dang / sprul pa lta bur dus gsum yongs su bsngo ba dang / byang chub kyi sems
163a2 dang ma bral bas dge ba'i rtsa ba thams cad skyed pa mngon par 'du byed pa ste/ chos bzhi po de dag dang ldan pa'o/ /de la 'di skad ces bya ste/ mkhas pa gang dag shes rab pha rol phyin 'doms
163a3 shing / /byang chub zhugs pas byang chub sems 'dzin 'jug byed pa/ /gang dag byang chub zhugs pas dus gsum yi rang zhing / /yid dang ma bral sprul 'dra byang chub 'dod byed pa/ /dge ba
163a4 gang yin cung zad byed pa thams cad ni/ /thams cad mkhyen nyid sems la rten par byed pa yin/ /lha'i bu/ byang chub sems dpa' sems dpa' chen po chos bzhi dang ldan na ye shes kyis chags pa
163a5 med par spyod pa rnams yin te/ bzhi gang zhe na/ shes pas byis pa'i bya ba rnams byed cing nga rgyal gyis byas pa rnams mi byed pa dang / chos thams cad rkyen las rag las shing byin gyis rlob pa
163a6 med la gang zag dang bral bar shes pa dang / stong pa nyid spyod yul du gyur cing sems can thams cad mi gtong ba'i bsam pa dang ldan pa dang / chags pa thams cad las yang dag par
163a7 'das shing skye mched drug yongs su shes pa srung ba ste/ chos bzhi po de dag dang ngo / /de la 'di skad ces bya ste/ shes pas las byed de dag nga rgyal yod min zhing / /brten la mkhas pa
163b1 yin zhing de dag lta med la/ /stong nyid spyod yul de dag sems can mi gtong zhing / /chags pa kun las 'das shing phyi nang gnas pa med/ /chos mchog bzhi po de la shin tu rab gnas pa/ /shes
163b2 pas pha rol phyin cing chags med spyod pa yin/ /lha'i bu/ byang chub sems dpa' sems dpa' chen po chos bzhi dang ldan na shes rab kyi mun pa dang bral ba rnams yin te/ bzhi gang zhe
163b3 na| thos pas ngoms pa med cing tshul bzhin la rab tu sbyor ba dang / zang zing med pa'i sems kyis chos ston pa dang / chos kyi dbyings dbyer med pa shes par bya ba'i phyir nyon mongs pa
163b4 thams cad la sgyu ma lta bur so sor rtog pa dang / tshul gcig la 'jug pas thams cad kyi 'jug pa la 'jug pa ste/ chos bzhi po de dag dang ngo / /de la 'di skad ces bya ste/ de dag thos 'tshol
163b5 ngoms med tshul bzhin rtogs byed cing / /de mnyam ston cing klog 'dzin rnyed pa 'tshol mi byed/ /nyon mongs sprin 'dra sgyu ma rmi lam lta bur blta/ /chos nyid tha dad mi byed de dag tshul gcig
163b6 'jug /tshe bdag chos bzhi de brten khyad par thob 'gyur zhing / /shes rab sgron 'das mun bsal zla ltar 'jig rten rgyu/ /lha'i bu/ byang chub sems dpa' sems dpa' chen po chos
163b7 bzhi dang ldan na 'khor rnams kyi nang du 'jigs pa dang bral ba rnams yin te/ bzhi gang zhe na/ thos pa thams cad 'dzin pa'i gzungs thob pa dang / sems can thams cad kyi the
164a1 tshom gcod pa'i spobs pa thob pa dang / sems can thams cad la bdag med pa ston pa'i snying rje chen po dang / bdud dang nyon mongs pa dang bral ba mngon
164a2 par shes pa'i ye shes kyi go cha bgos pa ste/ chos bzhi po de dag dang ngo / /de la 'di skad ces bya ste/ thos kun chud mi za bar 'gyur ba'i gzungs thob cing / /de dag spobs ldan
164a3 sems can som nyi gcod par byed/ /snying rjes chos 'di thams cad bdag med ston byed cing / /mngon shes shes pa'i go bgos bdud kyis mi nyams la/ /byang chub sems dpa'
164a4 chos bzhi de dag gis 'jug na/ /'khor kun nang du song yang de la 'jigs pa med/ /lha'i bu/ byang chub sems dpa' sems dpa' chen po chos bzhi dang ldan na thos pas don
164a5 la rton pa rnams yin te/ bzhi gang zhe na/ thos pas thams cad mi 'dzin pas thos pa dang mi ldan zhing sgrub pa nyams pa'i byis pa thams cad yongs su spong ba dang / yi ge dang
164a6 sgra dang / skad dang / tshig gi lam thams cad mngon du rnam par shes par bya ba'i phyir/ brag ca dang mtshungs pa nyid du khong du chud pa dang / don 'dod pa nyid kyi phyir thos pa
164a7 yongs su 'tshol zhing dga' mgur bya ba'i phyir ma yin pa dang / brjod du med pa'i don la 'jug cing brjod pa'i don ma yin pa ste/ chos bzhi po de dag dang ngo / /de la 'di
164b1 skad ces bya ste/ ji tsam mang du thos kyang don la mi rtog pas/ /byis pa thos dang mi ldan rtag tu sgrub chos nyams/ /srid gsum sgra skad dbyangs dang tshig lam gang yod pa/ /brag ca 'dra
164b2 bar de las don ldan sgra thos nas/ /don nyid rtogs shing dga' mgur nyes kun phyir mi 'jug /chos nyid 'di ni don mchog yin te brjod du med/ /'di ni don dang sgra skad thos
164b3 par gyur pa las/ /'gro ba rnams su 'gro bar byed cing 'gro bar 'gyur/ /lha'i bu/ byang chub sems dpa' sems dpa' chen po chos bzhi dang ldan na 'jig rten gyi tshul gyis chos la
164b4 ston pa rnams yin te/ bzhi gang zhe na/ bre mo gtam byed pa rnams la chos ston pa dang / skye bo phal po che 'dus pa dag la 'chi ba rjes su dran pa dang / gtong ba chen po dag la
164b5 rjes su yi rang zhing byang chub tu yongs su bsngo ba dang / 'du 'dzi thams cad la dben par gzhol ba ste/ chos bzhi po de dag dang ngo / /de la 'di skad ces bya ste/ gang tshe skye bo mang
164b6 po'i dbus su son gyur pa/ /der ni mkhas pas chos kyi gtam la 'jug par bya/ /skye bo mang po 'dus par gyur pa'i tshogs rnams la/ /'chi bar 'gyur ba'i 'du shes rnam par
164b7 bsgom par bya/ /des ni bag yod gzhan gyi gtong ba rnam lnga yi/ /gtong la yi rangs byas nas byang chub bsngo bya zhing / /gang tshe 'du 'dzi dag dang phrad par gyur pa'i tshe/ /der ni
165a1 dben par gzhol bar rab tu 'dod par bya/ /lha'i bu/ byang chub sems dpa' sems dpa' chen po chos bzhi dang ldan na sangs rgyas bcom ldan
165a2 'das rnams kyis gsungs pa bzhin du smra ba rnams yin te/ bzhi gang zhe na/ byang chub kyi sems mi gtong ba dang / thos pa bsgrub pa snying por byed pa dang / ji skad smras
165a3 pa de bzhin du byed pa dang / rang bzhin gyis bdag med pa la 'jug pa ste/ chos bzhi po de dag dang ngo / /de la 'di skad ces bya ste/ nyam nga gnod par gyur kyang byang chub sems
165a4 mi gtong / /de dag skyob pa'i chos thos sgrub pa snying por byed/ /bka' blo bde mthun ji skad smras pa de bzhin byed/ /mkhas pa de dag chos kun rang bzhin bdag med 'jug /
165a5 de ltar brtson pa'i shes ldan smras bzhin byed 'gyur zhing / /rtag brtson mi 'dor rjes mthun bdag med ci yang med/ /rtag tu snyan pa'i phreng ba phyogs bcur grags 'gyur zhing / /
165a6 de ltar chos smra de dag chos kyi shes pas 'phags/ /lha'i bu/ byang chub sems dpa' sems dpa' chen po chos bzhi dang ldan na sems can rnams la chos smra ba rnams yin
165a7 te| bzhi gang zhe na/ bdag nyid sgrub pas gnas shing sems can rnams la chos ston pa dang / bdag nyid dul ba dang / bsrung ba dang / grol ba dang / brtul ba dang /
165b1 yongs su mya ngan las 'das shing sems can gzhan dag dul bar bya ba dang / bsrung ba dang / dgrol ba dang / gdul ba dang / yongs su mya ngan las 'da' ba'i phyir chos
165b2 ston par byed pa dang / bdag nyid yang dag par rdzogs pa'i byang chub tu bsam pa nges par gyur cing sems can rnams kyang theg pa chen po la rab tu 'god par byed pa dang /
165b3 bdag nyid chos 'dod cing chos 'dod pas gzhan dag la'ang ston par byed pa ste/ chos bzhi po de dag dang ngo / /de la 'di skad ces bya ste/ sgrub pa snying por byed cing 'gro la
165b4 chos ston la/ /dul bsrung legs btul shin tu mya ngan 'das gnas kyang / /gang dag ma dul ma bsrungs ma btul mya ngan las/ /ma 'das de dag chos kyi dkon mchog
165b5 'byor par 'dzud/ /de dag byang chub sems la bsam pa nges gyur cing / /theg pa de la 'gro ba rnams kyang 'god par byed/ /rtag tu chos 'dod don ldan bla ma gus
165b6 byed cing / /sems can rnams la de dang mthun pa'i chos rnams ston/ /lha'i bu/ byang chub sems dpa' sems dpa' chen po chos bzhi dang ldan na mngon par shes pa
165b7 rnams kyis mngon par 'phags pa rnams yin te/ bzhi gang zhe na/ yang dang yang du tshangs pa'i gnas pa bzhi'i gnas pa dang / rtag par rgyun du rab tu dben par gnas
166a1 pa dang / chos zab mo la bzod pa dang / lus dang / sems mnyam pa nyid du shes pa ste/ chos bzhi po de dag dang ngo / /de la 'di skad ces bya ste/
166a2 tshangs pa'i gnas pa dag la rtag tu rab gnas shing / /dben par gnas pa la yang dga' ba skyed byed la/ /shes pas zab mo'i bzod las nges pa thob gyur cing / /mkha'
166a3 dang mnyam pa'i sems dang ldan par gyur pa ste/ /de ltar mngon par brtson pa'i 'jig pa med pa rnams/ /mngon shes lnga po dag gis mngon par 'phags gyur cing / /
166a4 de dag sangs rgyas rnams kyi spyan sngar 'dug 'dra la/ /sems can mang po rnams kyang yongs su smin byed 'gyur/ /lha'i bu/ byang chub sems dpa' sems dpa' chen po
166a5 chos bzhi dang ldan na bdud thams cad kyis thub pa dka' ba rnams yin te/ bzhi gang zhe na/ stong pa nyid kyi rnam pas mngon par bsgrub pa'i bsam gtan bzhi dang / sems
166a6 can thams cad mi gtong ba'i snying rje chen po dang / dkon mchog gsum gyi gdung rgyun mi gcod pa'i brtson 'grus dang / thabs la mkhas pa mngon par bsgrub pa'i pha rol
166a7 tu phyin pa drug ste/ chos bzhi po de dag dang ngo / /de la 'di skad ces bya ste/ mtshan med stong pas nges pa'i bsam gtan bzhi bsgom zhing / /sems can yongs su skyabs phyir
166b1 rtag tu snying rje ldan/ /dkon mchog gsum rgyun mi gcod brtson 'grus thob gyur cing / /kun tu thabs ldan pha rol phyin pa drug la 'jug /de ltar spyod mkhas blo ldan che bdag yid gzhungs pa/ /
166b2 de dag bdud bzhi dag las yang dag 'das gyur cing / /bdud kyi lcags kyus zin pa'i 'gro ba mgon med rnams/ /mya ngan 'da' bar 'gro ba'i lam la 'god par byed/ /lha'i bu/ byang
166b3 chub sems dpa' sems dpa' chen pos chos bzhi dang ldan na blos gting dpag dka' ba rnams yin te/ bzhi gang zhe na/ chos zab mo'i tshul la 'jug pa dang / rtag tu don dang ldan
166b4 zhing bsnyen par dka' ba dang / rtag tu yid byung zhing chos sems par byed pa dang / sangs rgyas kyi ye shes sgrib pa med pa la sems kyis nges par rtogs par byed pa ste/ chos bzhi po de
166b5 dag dang ngo / /de la 'di skad ces bya ste/ zab mo'i chos kyi tshul la zhugs par gyur pa dang / /rtag tu don dang ldan zhing bsnyen par dka' 'gyur la/ /rtag tu yid byung chos la bsam pa zhugs
166b6 gyur cing / /sems kyis nges par rtogs par byed pa gang yin pa'i/ /mkhas pa theg pa che la brten pa rab gnas pa/ /blo rnams dag gis gting dpag dka' bar rab 'gyur zhing / chags pa med
166b7 pa'i ye shes yang dag sgrub byed pa/ /de phyir blo rnams dag gis gting dpag dka' ba yin/ /lha'i bu/ byang chub sems dpa' sems dpa' chen po chos bzhi dang ldan na/ 'jig rten gyi chos brgyad kyis
167a1 mi gos pa rnams yin te/ /brgyad gang zhe na/ rnyed pa dang / snyan pa dang / bstod pa dang / bde bas khengs pa med pa dang / ma rnyed pa dang / mi snyan pa dang /
167a2 smad pa dang / sdug bsngal gyis zhum pa med pa dang / sems can yongs su smin par bya ba'i phyir phung po rnams la yongs su spyod par byed pa dang / phung po yongs su shes
167a3 pa srung zhing dben par lta ba ste/ chos brgyad po de dag dang ngo / /de la 'di skad ces bya ste/ rnyed dang snyan dang bstod dang bde ba kun thob kyang / /de dag la ni nam yang khengs par
167a4 'gyur ba med/ /ma rnyed mi snyan smad dang sdug bsngal thob gyur kyang / /de dag pad+ma bzhin du chags med 'jig rten spyod/ /sems can smin par bya phyir phung po yongs su spyod cing / /
167a5 phung po sgyu ma gsog 'dra ya ma brlar shes pa/ /sems can phan bde'i don du 'jig rten spyod byed kyang / /'jig rten chos kyis mi gos tshul khrims spos ngad ldan/ /lha'i bu/ byang
167a6 chub sems dpa' sems dpa' chen po chos bzhi dang ldan na gting dpag dka' zhing zab mo la spyod pa rnams yin te/ bzhi gang zhe na/ bdag la bdag med pa dang / sems
167a7 can la sems can med pa dang / chos dben pa dang / shes pa chags pa med pa ste/ chos bzhi po de dag dang ngo / /de la 'di skad ces bya ste/ bdag la bdag med nyid du yongs
167b1 su shes gyur cing / /sems can sems can med par rjes su rtogs gyur la/ /chos rnams dben pa nyid du yongs su shes gyur cing / /mkha' la lag bzhin shes rab chags pa yod
167b2 min pa'i/ /dpa' rnams zab mo dag la yongs su spyod byed la/ /spyad pa med la rtag tu spyod par byed gyur cing / /'dzin dang kun 'dzin kun dang rnam par bral gyur pas/ /sems can
167b3 dag pa de dag de phyir gting dpag dka'/ /lha'i bu/ byang chub sems dpa' sems dpa' chen po chos bzhi dang ldan na chos ston pas dbang po rnams la mkhas pa rnams yin te/ bzhi
167b4 gang zhe na/ mngon par shes pa thob pa dang / so so yang dag par rig pa shes pa dang / shes rab rno ba dang / sngon gyi smon lam rnam par dag pa ste/ chos bzhi po de dag dang ngo / /
167b5 de la 'di skad ces bya ste/ mngon par shes pa rnams ni rab tu thob gyur cing / /shes pas so so yang dag rig pas mi zad gyur/ /rtag tu shes rab rnon por gyur cing sngon yang ni/ /yang
167b6 dag bsags pa yongs su dag pa thob gyur pa/ /sems can rnams kyi dbang po yongs su shes byas nas/ /de dang 'dra ba'i chos rnams yongs su ston par byed/ /de dag bstan pa
167b7 'bras bu med pa ma yin te/ /de phyir mya ngan 'das nas mya ngan 'da' bar byed/ /lha'i bu/ byang chub sems dpa' sems dpa' chen po chos bzhi dang ldan na 'dus ma byas dang
168a1 ma 'dres pas rnam par thar pa'i sgor zhugs pa rnams yin te/ bzhi gang zhe na/ stong pa nyid spyod yul du gyur cing / lta ba'i 'ching bas bcings
168a2 pa'i sems can rnams thar bar byed pa dang / mtshan ma med pa la gnas shing rnam par rtog pa spyod pa rnams yongs su mya ngan las 'da' bar byad pa dang / smon pa med pa
168a3 la gnas zhing sems can yongs su smin par bya ba'i phyir bsam bzhin du skye ba len pa dang / thabs la mkhas shing shes rab kyi nges par byung ba ste/ chos bzhi po de dag dang
168a4 ngo| |de la 'di skad ces bya ste/ stong nyid spyod yul de dag ltas bcing grol byed cing / /mtshan med gnas shing sems can 'di dag yongs smin byed/ /smon pa med la gnas
168a5 shing sems can smin bya'i phyir/ /bsam bzhin skye zhing gang du 'dod pa der skye 'gyur/ /shes rab thabs kyis nges byung rnam thar sgor gnas kyang / 'dus ma byas pa'i dbyings
168a6 ni dus min thob mi byed/ /lha'i bu/ byang chub sems dpa' sems dpa' chen po chos bzhi dang ldan na lhag pa'i nga rgyal can tshar gcod pa'i phyir snrel zhir bsgrub pa la mkhas
168a7 pa rnams yin te/ bzhi gang zhe na/ chos kyi dbyings kun nas sgo yang dag par shes pa dang / chos thams cad sgrib pa med par mos pa dang / kun tu rtog pa'i rtsa ba las byung ba'i
168b1 nyon mongs pa rnams yongs su shes pa dang / mya ngan las 'das pa'i rang bzhin can gyi chos thams cad la nem nur med pa ste/ chos bzhi po de dag dang ngo / /de la 'di skad ces
168b2 bya ste| sems mnyam chos kyi dbyings su nges par byung gyur cing / /de dag rnams kyis sgrib pa 'ga' yang mthong mi 'gyur/ /nyon mongs kun tu rtog pa'i rtsa las rab byung bar//
168b3 shes nas de las snrel zhir kun tu ston mi byed/ /chos 'di thams cad rang bzhin mya ngan 'das pa dang / /ma skyes ma 'gag ngo bo nyid kyis dag pa yin/ /de dag kun mkhyen yongs
168b4 btsal mya ngan 'das gyur nas/ /lhag pa'i nga rgyal can dag tshar gcod byed pa yin/ /lha'i bu/ byang chub sems dpa' sems dpa' chen po chos bzhi dang ldan na las kyi bya ba thams
168b5 cad kyi rgyu la mkhas pa rnams yin te/ bzhi gang zhe na/ longs spyod chen po'i rgyu sbyin pa mi spong ba dang / mtho ris su skye ba'i rgyu tshul khrims mi spong ba dang / shes rab chen po'i rgyu
168b6 thos pa mi spong ba dang / bral ba'i rgyu sgom pa mi spong ba ste/ chos bzhi po de dag dang ngo / /de la 'di skad ces bya ste/ longs spyod che rgyu sbyin pa mi spong de'i 'bras de/ /mtho ris skye
168b7 rgyu tshul khrims thob cing de'i 'bras de/ /shes rab nyon mongs 'joms rgyu thos pa de'i 'bras de/ /rnam grol rig rgyu sgom par byed cing de 'bras de/ /rgyu bzhi de la rtog brtson
169a1 mkhas pa de dag ni/ /byang chub snying por dbang bskur 'bras phyir nyin mtshan spyod/ /lha'i bu/ byang chub sems dpa' sems dpa' chen po chos
169a2 bzhi dang ldan lta ba'i rnam pa dang bral zhing rten cing 'brel bar 'byung ba la mkhas pa rnams yin te/ bzhi gang zhe na/ chad par smra ba ma yin pa dang / rtag par smra ba
169a3 ma yin pa dang / ma rig pa byang na rga shi'i bar du 'byung bar lta zhing bdag tu lta bar mi byed pa dang / ma rig pa 'gags na rga shi'i bar du 'gags par lta zhing srid pa
169a4 'gog par yang mi byed pa ste/ chos bzhi po de dag dang ngo / /de la 'di skad ces bya ste/ nam yang rtag par mi lta chad par ltung mi byed/ /des ni chos rnams rkyen byung byed pa
169a5 po dang ni/ /tshor ba po med rang bzhin rnam par dag par shes/ /ma rig rtsa las rga shi'i bar du 'byung 'gyur ba/ /rgyal ba kun gyis gsungs te de 'gags rgyu dang ni/ /
169a6 rkyen zad de phyir phyin chad skye mi 'gyur zhes gsungs/ /lha'i bu/ byang chub sems dpa' sems dpa' chen po chos bzhi dang ldan na sems can yongs su smin par bya ba'i
169a7 thabs la mkhas pa rnams yin te/ bzhi gang zhe na/ byang chub sems dpa' sems can thams cad la rag las par lta ba dang / dge ba'i rtsa ba yang dag par bsags pa la skyo ba
169b1 med pa dang / 'khro ba'i sgo nas mya ngan las 'das pa'i sgo yongs su 'tshol ba dang / sems can rnams kyi mos pa ji lta ba de lta bu'i mos pa thabs gyis nyams su myong bar byed
169b2 cing nyon mongs pa rnams kyis ma yin pa ste/ chos bzhi po de dag dang ngo / /de la 'di skad ces bya ste/ sangs rgyas byang chub 'di ni sems can rnams la rten/ dge ba gsog cing
169b3 'dod pas yongs su skyo ba med/ /'khor ba'i sgo nas mya ngan 'das pa yongs 'tshol zhing / /sems can ji bzhin mos pa thabs kyis yongs su shes/ /lha'i bu/ byang chub
169b4 sems dpa' sems dpa' chen po chos bzhi dang ldan na sems can thams cad kyi nye bar 'tsho ba rnams yin te/ bzhi gang zhe na/ longs spyod mi zad pa dang / chos ston pa
169b5 mi zad pa dang / mngon par shes pa thob pa dang / sems sa ltar mnyam pa ste/ chos bzhi po de dag dang ngo / /de la 'di skad ces bya ste/ de dag rnams kyi longs spyod rtag
169b6 tu mi zad cing / /rtag tu chos kyi mi zad rgya mtsho 'dra ba yin/ /de dag mngon shes lnga po mi zad rtag mi g.yo/ /rtag tu dran ldan bsam pas dang 'dra ba yin/ /mnyam med byang
169b7 chub phyir ni yang dag zhugs gyur cing / /mya ngan ma 'das gang la chos rnams de yod pa/ /de dag 'gro ba kun gyi nye bar 'tsho 'gyur zhing / /byang chub mchog phyir myur du nges
170a1 par 'byung bar 'gyur/ /lha'i bu/ byang chub sems dpa' sems dpa' chen po chos bzhi dang ldan na 'jig rten thams cad mngon par 'du bar
170a2 'gyur ba rnams yin te/ bzhi gang zhe na/ tshangs pa'i gnas pa bzhis nas pa dang / bsdu ba'i dngos po bzhis sdud pa dang / bden pa bzhi shes pa dang / so so yang
170a3 dag par rig pa bzhi thob pa ste/ chos bzhi po de dag dang ngo / /de la 'di skad ces bya ste/ tshangs pa'i gnas pa bzhi po dag gis gnas byed cing / /bsdu ba'i dngos
170a4 po dag la rtag tu dga' byed la/ /bden pa bzhi po dag la 'jig med dpa' bo rnams/ /'gro bas ri mo byas shing mchod pa byas par 'gyur/ /so so yang dag rig
170a5 pa'i pha rol son gyur cing / /'chad dang klog pa dag la rtag tu brtson gyur la/ /pha rol bde bar gyur ba'i bde bas mgu byed na/ /de phyir de dag yid du 'ong zhing sdug par
170a6 'gyur/ /lha'i bu/ byang chub sems dpa' sems dpa' chen po chos bzhi dang lan na srog chags thams cad kyis bsngags par 'gyur ba rnams yin te/ bzhi gang zhe na/
170a7 thos pa dang tshul khrims dang ldan zhing tshul 'chos pa med pa dang / des shing 'grogs na bde ba dang / dben pa la dga' shing dbang po bsrung ba dang / bdag nyid bde
170b1 ba la lhag par chags pa med cing rtag tu kha na ma tho ba la lta ba ste/ chos bzhi po de dag dang ngo / /de la 'di skad ces bya ste/ thos pa'i yon tan thob cing tshul khrims pha rol son//
170b2 tshul 'chos med cing rtag tu des la brtul zhugs bzang / /nags dang nags rab gnas shing dbang po sdom byed la/ /dran ldan bdag pa de mi ltos kha na ma tho ste/ /gang la
170b3 rtag tu dge ba'i yon tan de yod pa/ /de dag rtag tu sems can phan phyir brtson 'grus zhing / /de dag sems can don yang rtag tu byed 'gyur la/ /de dag rtag tu byang chub phyir
170b4 ni yid gzhol 'gyur/ /lha'i bu/ /byang chub sems dpa' sems dpa' chen po chos bzhi dang ldan na dge ba'i sbyor ba thams cad la smad pa med pa rnams yin te/ bzhi gang zhe
170b5 na| dad pa phun sum tshogs pa dang / brtson 'grus phun sum tshogs pa dang / snying rje chen po phun sum tshogs pa dang / theg pa chen por yongs su bsngo ba la mkhas pa rnams
170b6 yin te/ bzhi po de dag dang ngo / /de la 'di skad ces bya ste/ de dag dad dang ldan la brtul ba brtan ldan zhing / /de dag brtson 'grus mthu dang stobs dang ldan pa yin/ /'gro ba
170b7 kun la byams dang snying rje che ldan zhing / /byang chub ched du yongs su bsngo la mkhas pa ste/ /de phyir dge ba kun la smras pa yod min zhing / /zla ba nya ba'i zla ba mkha' la skar ma
171a1 yi| |tshogs kyi dbus na gnas pa rnam par mdzes pa dag /yang dang yang du dge ba kun la rnam 'phel 'gyur/ /lha'i bu/ byang chub sems dpa' sems
171a2 dpa' chen po chos bzhi dang ldan na shes rab dag la rgya mtsho lta bu rnams yin te/ bzhi gang zhe na/ ji skad smras pa de bzhin du byed pa dang / sgrub pa snying por byed pa dang / blo
171a3 rab tu gnas pa dang / lhag pa'i bsam pa rdo rje ltar brtan pa ste/ chos bzhi po de dag dang ngo / /de la 'di skad ces bya ste/ mkhas pa de dag ji skad smras pa de bzhin byed/ /de
171a4 dag sgrub pa snying por byed cing blo rab gnas/ /gang dag brtson pa de dag rdo rje lta bu yi/ /lhag pa'i bsam pa brtan pa dag dang ldan par 'gyur/ /mkhas pa gang dag chos bzhi
171a5 de dag ston byed pa/ /de dag rtag tu dge ba'i bshes gnyen sten byed cing / /dam bcas rnams la snying por byed par 'gyur ba dang / /rtag tu sangs rgyas gsung yang 'dzin par
171a6 byed pa yin/ /lha'i bu/ byang chub sems dpa' sems dpa' chen po chos bzhi dang ldan na chos la dbang bsgyur bas dbang phyug tu gyur pa rnams yin te/ bzhi gang zhe na/ ye
171a7 shes kyi stobs can rnams yin zhing nyon mongs pa'i stobs can rnams ma yin pa dang / sems la dbang sgyur ba rnams yin zhing bdud kyi dbang sgyur ba ma yin pa dang / gzungs
171b1 dang / spobs pa phun sum tshogs pa rnams yin pa dang / 'bras bu yod par chos ston pa rnams yin te/ chos bzhi po de dag dang ngo / /de la 'di skad ces bya ste/ de dag ye shes stobs ldan
171b2 nyon mongs dbang mi 'gro/ shes rab stobs kyis blun spangs lta rnams kun tu bral/ /sems la dbang sgyur byed cing bdud bzhi spangs gyur la/ /spobs pa brtan par gyur cing gzungs
171b3 gyis 'khrug pa med/ /de dag ston pa 'bras bu med par mi 'gyur te/ /de phyir myur du dbang phyug nyid dang ldan par 'gyur/ /lha'i bu/ byang chub sems dpa' sems dpa' chen po chos
171b4 bzhi dang ldan na bya ba thams cad la slob dpon du gyur pa rnams yin te/ bzhi gang zhe na/ nga rgyal med pa dang / bla ma la gus pa dang / bag yod pa dang / 'dun pa drag po ste/ chos bzhi
171b5 po de dag dang / /de la 'di skad ces bya ste/ nga rgyal med cing bla mar gus pas gnas gyur la/ /kun nas bag yod byang chub mchog la 'dun drag cing / /bsam pa thag pas smon
171b6 cing rtag tu drang gyur la/ /slob dpon dpe mkhyud med pa rtag tu slob dpon 'gyur/ /mkhas pa 'jig rten 'jig rten 'das pa'i don mkhas shing / /tshul dang tshul ma yin pa'i
171b7 mkhas pas brtan pa rnams/ /'jig rten kun mdza' thams cad rtogs par khong du chud/ /de phyir 'gro ba spyi bor thal sbyar de la 'dud/ /lha'i bu/ byang chub sems dpa' sems
172a1 dpa' chen po chos bzhi dang ldan na thams cad du kha na ma tho ba med cing yon tan rnam pa thams cad dang ldan pa rnams yin te/ bzhi gang zhe na
172a2 mngon par shes pa'i ye shes kyis rnam par brtse ba dang / sangs rgyas thams cad kyi dgongs pa'i spobs pa dang / dge ba thams cad dang mi 'bral zhing bag chags dang
172a3 bral ba dang / dge ba'i chos thams cad dang ldan zhing dbang bskur ba thob pa ste/ chos bzhi po de dag dang ngo / /de la 'di skad ces bya ste/ sems can dag pa rgya chen mngon
172a4 shes shes pas brtse/ /bde gshegs kun gyis dgongs pa mkha' 'dra'i spobs dang ldan/ /brtson 'grus thogs med mi dge bag chags kun spangs shing / /dge dang
172a5 ldan zhing dbang bskur thob par gyur pa ste/ /chos rnams de dag la ni rab tu gnas gyur pa/ /de dag kha na ma tho med pa'i yon tan ldan/ /bcom ldan 'das kyis bzhi pa
172a6 bsgrub pa 'di bstan pa na lha dang / mi rnams la srog chags sa ya nyis 'bum gyis bla na med pa yang dag par rdzogs pa'i byang chub tu sems bskyed do/ /byang chub sems
172a7 dpa' nyi khri lnga stong gis ni mi skye ba'i chos la bzod pa thob par gyur to/ /lha dang / mi rnams kyi skye dgu las srog chags 'bum ni chos rnams la chos kyi mig rdul med cing
172b1 dri ma dang bral ba rnam par dag go /stong gsum gyi stong chen po'i 'jig rten gyi khams 'di'ang rnam pa drug tu rab tu g.yos shing 'jig rten thams cad snang ba chen pos khyab
172b2 par yang gyur to/ /lha rnams kyis kyang lha'i me tog gi char rab tu phab cing / lha'i sil snyan dag gi sgra'ang byung bar gyur ro/ /klu rnams kyis kyang mu tig dmar po dang / klu'i me
172b3 tog gi char rab tu phab bo/ /lha ma yin dang / nam mkha' lding dang / mi'am ci dang / lto 'phye chen po dang / gnod sbyin rnams kyis kyang bcom ldan 'das la lha'i mchod pa dag
172b4 gis mchod pa byas/ thams cad dang ldan pa'i 'khor rnams kyis kyang / a la la chos/ a la la chos/ a la la chos zhes lan gsum ched du brjod pa ched du brjod nas mchod
172b5 pa chen po dag kyang byas so/ /de nas lha'i bur brtsal sems kyis 'jam dpal gzhon nur gyur pa la 'di skad ces smras so/ /'jam dpal/ bcom ldan 'das kyis chos sum cu
172b6 rtsa gnyis po de dag gi don dang / tshig rnam par gtan la 'bebs pa bstan par bka' stsal gyi/ 'jam dpal/ khyod kyang chos sum cu rtsa gnyis po de dag gi don dang / tshig rnam par
172b7 gtan la dbab pa de la spobs par gyis shig /'jam dpal/ ji ltar na byang chub sems dpa' sems dpa' chen po theg pa chen po la gzhan gyi dring mi 'jog pa rnams
173a1 yin| 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams gzhan gyi rkyen gyis mi 'gro ba de lta na
173a2 lha'i bu/ byang chub sems dpa' sems dpa' chen po theg pa chen po la gzhan gyi dring mi 'jog pa rnams yin no/ /lha'i bus smras pa/ 'jam dpal/ ji ltar na byang chub
173a3 sems dpa' sems dpa' chen po brtsam pa thams cad la brtson 'grus brtan pa rnams yin/ 'jam dpal gyis smras pa/ lha'i bu/ gang gi che byang chub sems dpa'
173a4 sems dpa' chen po rnams nyon mongs pa thams cad nges par 'joms par byed pa de lta na lha'i bu byang chub sems dpa' sems dpa' chen po brtsam pa thams cad la
173a5 brtson 'grus brtan pa rnams yin na/ /lha'i bus smras pa/ 'jam dpal/ ji ltar na byang chub sems dpa' sems dpa' chen po bsod nams dag gis mngon par 'phags
173a6 pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos kyi dbyings mi g.yo ba rjes su rtogs pa de lta na
173a7 lha'i bu byang chub sems dpa' sems dpa' chen po bsod nams dag gis mngon par 'phags pa rnams yin no/ /lha'i bus smras pa/ 'jam dpal/ ji ltar na byang chub
173b1 sems dpa' sems dpa' chen po ye shes kyi chags pa med par spyod pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa'
173b2 chen po rnams yul thams cad la chags par mi byed pa de lta na/ lha'i bu/ byang chub sems dpa' sems dpa' chen po ye shes kyi chags pa med par spyad pa rnams yin no/ /
173b3 lha'i bus smras pa/ 'jam dpal/ ji ltar na byang chub sems dpa' sems dpa' chen po shes rab kyi mun pa dang bral ba rnams yin/ 'jam dpal gyis smras pa/ lha'i bu/ gang
173b4 gi tshe byang chub sems dpa' sems dpa' chen po rnams chos thams cad rang bzhin gyis yongs su dag par shes par byed pa de lta na/ lha'i bu/ byang chub sems dpa'
173b5 sems dpa' chen po shes rab kyi mun pa dang bral ba rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po 'khor rnams
173b6 kyi nang du 'jigs pa dang bral ba rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos thams cad rnam par
173b7 phye na mi rnyed par byed pa de lta na/ lha'i bu/ byang chub sems dpa' sems dpa' chen po 'khor rnams kyi nang du 'jigs pa dang bral ba rnams yin no/ /lha'i bu'i smras pa/
174a1 'jam dpal/ ji ltar na byang chub sems dpa' sems dpa' chen po thos pas don la rton pa rnams yin/ 'jam dpal gyis smras pa/ lha'i bu
174a2 gang gi tshe byang chub sems dpa' sems dpa' chen po rnams chos thams cad brjod du med par shes par byed pa de lta na/ lha'i bu/ byang chub sems dpa' sems
174a3 dpa' chen po thos pas don la rton pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po 'jig rten gyi tshul
174a4 gyis chos la rton pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos kyi dbyings zhi ba nyid du shes par
174a5 byed pa de lta na/ lha'i bu/ byang chub sems dpa' sems dpa' chen po 'jig rten gyi tshul gyis chos la rton pa rnams yin no/ /lha'i bus smras pa/ 'jam dpal/ ji ltar na byang
174a6 chub sems dpa' sems dpa' chen po sangs rgyas bcom ldan 'das rnams kyis gsungs pa bzhin du smra ba rnams yin/ 'jam dpal gyis smras pa/ lha'i bu/ gang gi tshe
174a7 byang chub sems dpa' sems dpa' chen po rnams sgra thams cad la rten par mi byed pa de lta na/ lha'i bu/ byang chub sems dpa' sems dpa' chen po sangs rgyas bcom
174b1 ldan 'das rnams kyis gsungs pa bzhin du smras ba rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po sems can rnam
174b2 la chos smra ba rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams smra ba thams cad las ldog par byed pa de lta
174b3 na| lha'i bu/ byang chub sems dpa' sems dpa' chen po sems can rnams la chos smra ba rnams yin no/ /lha'i bus smras pa/ 'jam dpal/ ji ltar na byang chub sems
174b4 dpa' sems dpa' chen po mngon par shes pa rnams kyis mngon par 'phags pa rnams yin/ 'jam dpal gyis smras pa/ lha'i bu/ gang gi tshe byang chub sems dpa'
174b5 sems dpa' chen po rnams chos thams cad las g.yo bar mi byed pa de lta na/ lha'i bu/ byang chub sems dpa' sems dpa' chen po mngon par shes pa rnams kyis mngon par
174b6 'phags pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po bdud thams cad kyis thub par dka' ba rnams yin/ 'jam
174b7 dpal gyis smras pa/ lha'i bu/ gang gi tshe byang chub sems dpa' sems dpa' chen po rnams stong pa nyid rjes su rtogs par bya ba'i phyir nyon mongs pa nyid byang chub yin par
175a1 yongs su 'tshol bar byed pa de lta na/ lha'i bu/ byang chub sems dpa' sems dpa' chen po bdud thams cad kyis thub par dka' ba rnams yin no/ /lha'i
175a2 bus smras pa/ 'jam dpal/ ji ltar na byang chub sems dpa' sems dpa' chen po blos gting dpag dka' ba rnams yin/ 'jam dpal gyis smras pa/ lha'i bu/ gang gi
175a3 tshe byang chub sems dpa' sems dpa' chen po rnams sangs rgyas kyi chos thams cad kyis gting rtogs par byed pa de lta na/ lha'i bu/ byang chub sems dpa' sems dpa'
175a4 chen pos blos gting dpag dka' ba rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po 'jig rten gyi chos brgyad
175a5 kyis mi gos pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams 'jig rten na spyod kyang 'jig rten gyi
175a6 chos rnams kyis gos par mi 'gyur ba de lta na/ lha'i bu/ byang chub sems dpa' sems dpa' chen po 'jig rten gyi chos brgyad kyis mi gos pa rnams yin no/ /lha'i bus
175a7 smras pa/ 'jam dpal/ ji ltar na byang chub sems dpa' sems dpa' chen po gting dpag dka' zhing zab mo la spyod pa rnams yin/ 'jam dpal gyis smras pa/ lha'i bu/
175b1 gang gi tshe byang chub sems dpa' sems dpa' chen po rnams bdag la bdag med pas sgyid lug par mi 'gyur ba de lta na/ lha'i bu/ byang chub sems dpa' sems dpa' chen
175b2 po gting dpag dka' zhing zab mo la spyod pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po chos ston pas dbang
175b3 po la mkhas pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams dbang po drug gis dbang po thams cad
175b4 la lta bar byed par de lta na/ lha'i bu/ byang chub sems dpa' sems dpa' chen po chos ston pas dbang po la mkhas pa rnams yin no/ /lha'i bus smras pa/ 'jam dpal/
175b5 ji ltar na byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas pa rnams yin/ 'jam dpal gyis smras pa/ lha'i bu/
175b6 gang gi tshe byang chub sems dpa' sems dpa' chen po rnams sgo thams cad nas thar pa ston par byed pa de lta na/ lha'i bu/ byang chub sems dpa' sems dpa' chen po
175b7 'dus ma byas dang ma 'dres pas rnam par thar pa'i sgor gnas pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen
176a1 po lhag pa'i nga rgyal can tshar gcod pa'i phyir snrel zhir bsgrub pa la mkhas pa rnams yin/ 'jam dpal gyis smras pa/ lha'i bu/ gang gi tshe byang
176a2 chub sems dpa' sems dpa' chen po rnams 'khor ba las mya ngan las 'das pa tshol zhing lta bar byed la/ mya ngan las 'das pa las kyang 'khor ba tshol zhing lta bar byed
176a3 pa de lta na/ lha'i bu/ byang chub sems dpa' sems dpa' chen po lhag pa'i nga rgyal can tshar gcod pa'i phyir snrel zhir bsgrub pa la mkhas pa rnams yin no/ /lha'i bus
176a4 smras pa/ 'jam dpal/ ji ltar na byang chub sems dpa' sems dpa' chen po las kyi bya ba thams cad kyi rgyu la mkhas pa rnams yin/ 'jam dpal gyis smras pa/ lha'i
176a5 bu| gang gi tshe byang chub sems dpa' sems dpa' chen po rnams chos thams cad mi 'pho bar lta bar byed pa lta na/ lha'i bu/ byang chub sems dpa' sems dpa' chen po
176a6 las kyi bya ba thams cad kyi rgyu la mkhas pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po lta ba'i rnam pa dang
176a7 bral zhing rten cing 'brel bar 'byung ba la mkhas pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos
176b1 thams cad bdag po med par shes par byed pa de lta na/ lha'i bu/ byang chub sems dpa' sems dpa' chen po lta ba'i rnam pa dang dral zhing rten cing 'brel bar 'byung ba la
176b2 mkhas pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po sems can yongs su smin par bya ba dag la thabs la mkhas
176b3 pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams 'jig rten gyi tshul la smod par mi byed pa de lta na/ lha'i
176b4 bu| byang chub sems dpa' sems dpa' chen po sems can yongs su smin par bya bdag la thabs mkhas pa rnams yin no/ /lha'i bus smras pa/ 'jam dpal/ ji ltar na byang
176b5 chub sems dpa' sems dpa' chen po bsam pa yongs su dag pas brtul zhugs grub pa rnams yin/ 'jam dpal gyis smras pa/ lha'i bu/ gang gi tshe byang chub sems dpa'
176b6 sems dpa' chen po rnams rtogs pa nyid byang chub yin par shes par byad pa de lta na/ lha'i bu/ byang chub sems dpa' sems dpa' chen po bsam pa yongs su dag pas brtul
176b7 zhugs grub pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po zhi 'gras pa'i sems med cing bzod pa'i stobs
177a1 dang ldan pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos thams cad gtan
177a2 du yongs su mya ngan las 'das par shes par byed/ lta bar byed pa de lta na/ lha'i bu/ byang chub sems dpa' sems dpa' chen po zhe 'gras pa'i sems med cing bzod
177a3 ba'i stobs dang ldan pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po pha rol tu phyin pa thams cad kyi pha rol
177a4 tu son pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos thams cad pha rol las mthong bar byed
177a5 pa de lta na/ lha'i bu/ byang chub sems dpa' sems dpa' chen po pha rol tu phyin pa thams cad kyi pha rol tu son pa rnams yin no/ /lha'i bus smras pa/ 'jam dpal/ ji
177a6 ltar na byang chub sems dpa' sems dpa' chen po sems can thams cad kyi nye bar 'tsho ba rnams yin/ 'jam dpal gyis smras pa/ lha'i bu/ gang gi tshe byang chub sems
177a7 dpa' sems dpa' chen po rnams chos kyi dbyings mi zad pa rab tu rtogs par byed pa de lta na/ lha'i bu/ byang chub sems dpa' sems dpa' chen po sems can thams
177b1 cad gyi nye bar 'tsho ba rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po 'jig rten thams cad mngon par 'du bar
177b2 'gyur ba rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams mi snang ba'i tshul gyis sangs rgyas kyi zhing thams cad
177b3 snang ba de lta na/ lha'i bu/ byang chub sems dpa' sems dpa' chen po 'jig rten thams cad mngon par 'du bar 'gyur ba rnams yin no/ /lha'i bus smras pa/ 'jam dpal
177b4 ji ltar na byang chub sems dpa' sems dpa' chen po srog chags thams cad kyis bsngags par 'gyur ba rnams yin/ 'jam dpal gyis smras pa/ lha'i bu/ gang gi tshe byang
177b5 chub sems dpa' sems dpa' chen po rnams chos 'ga' yang len par mi byed/ spong bar mi byed pa de lta na/ lha'i bu/ byang chub chub sems dpa' sems dpa' chen po
177b6 srog chags thams cad kyis bsngags par 'gyur ba rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po dge ba'i
177b7 spyod pa thams cad la smras pa med pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos thams cad nam
178a1 mkha' dang mtshungs shing 'dra bar shes par byed pa de lta na/ lha'i bu/ byang chub sems dpa' sems dpa' chen po dge ba'i spyod pa thams cad
178a2 la smras pa med pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po shes rab dag la snying por gyur pa rnams
178a3 yin| 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po rnams chos kyi dbyings kun tu 'byed par mi byed pa de lta na/ lha'i bu/
178a4 byang chub sems dpa' sems dpa' chen po shes rab dag la snying por gyur pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems
178a5 dpa' chen po chos la dbang sgyur bas dbang phyug tu gyur pa rnams yin/ 'jam dpal gyis smras pa/ lha'i bu/ gang gi tshe byang chub sems dpa' sems dpa' chen po
178a6 rnams bsam du med pa sems pas sems thams cad shes par byed pa de lta na byang chub sems dpa' sems dpa' chen po chos la dbang sgyur bas dbang phyug tu gyur
178a7 pa rnams yin no/ /lha'i bus smras pa/ 'jam dpal/ ji ltar na byang chub sems dpa' sems dpa' chen po bya ba thams cad la slob dpon du gyur pa rnams yin/ 'jam
178b1 dpal gyis smras pa/ lha'i bu/ gang gi tshe byang chub sems dpa' sems dpa' chen po rnams tshul gcig gis tshul thams cad shes par byed cing / tshul thams cad kyis kyang
178b2 tshul gcig shes par byed pa de lta na/ lha'i bu/ byang chub sems dpa' sems dpa' chen po bya ba thams cad la slob dpon du gyur pa rnams yin no/ /lha'i bus smras pa/ 'jam
178b3 dpal/ ji ltar na byang chub sems dpa' sems dpa' chen po thams cad du kha na ma tho ba med cing yon tan thams cad dang ldan pa rnams yin/ 'jam dpal gyis smras pa/ lha'i
178b4 bu| gang gi tshe byang chub sems dpa' sems dpa' chen po rnams chos thams cad gnyen po med par rtogs nas chos 'ga' yang bsgrub par mi byed/ chos 'ga' yang sel bar mi byed pa de lta
178b5 na| lha'i bu/ byang chub sems dpa' sems dpa' chen po thams cad du kha na ma tho ba med cing yon tan rnam pa thams cad dang ldan pa rnams yin no/ /'jam dpal gzhon nur gyur pas bstan
178b6 pa 'di bshad pa na byang chub sems dpa' lnga khri brgyad stong gis mi skye ba'i chos lung bstan pa la bzod pa thob par gyur to/ /lha dang / mi rnams kyi skye dgu bdun khri nyis stong
178b7 ni chos rnams la chos kyi mig rdul med cing dri ma dang bral ba rnam par dag go /srog chags 'bum lhag tsam gyis bla na med pa yang dag par rdzogs pa'i byang chub tu sems
179a1 bskyed do/ /'jam dpal gzhon nur gyur pa la mchod pa'i phyir lha rnams kyis kyang steng gi bar snang las lha'i me tog gi char dag mngon par rab tu
179a2 phab bo/ /thams cad dang ldan pa'i 'khor rnams kyis kyang 'jam dpal gzhon nur gyur pas bstan pa 'di thos nas yi rangs pa dang / dga' ba dang / yid bde ba skyes nas
179a3 tshig 'di skad ces bdag cag gis kyang chos de dag thob par gyur cig /'jam dpal gzhon nur gyur pa'i spobs pa ji lta ba de lta bu'i spobs pa mi chod pa'ang thob par
179a4 gyur cig ces smras so/ /bcom ldan 'das kyis kyang 'jam dpal gzhon nur gyur pa la/ 'jam dpal khyod kyis chos rnam par gtan la dbab pa bstan pa 'di legs par
179a5 smras te/ legs so/ /legs so zhes bya ba byin no// //bam po gnyis pa/ de nas lha'i bu rab rtsal sems kyis 'jam dpal gzhon nur gyur pa la 'di skad
179a6 ces smras so/ /'jam dpal/ ci khyod kho bo las chos kyis dgab pa 'dod dam/ 'jam dpal gyis smras pa/ lha'i bu/ 'di skad du khyod chos kyi dgab pa 'dod dam zhes zer
179a7 pa ni/ lha'i bu/ legs par gsungs pa'i chos 'dul ba 'di la chos kyi dgab pa zhes bya ba ni sred pa dang / 'dod pa spangs pa yin te/ chos 'di ni so sor rtogs pa med
179b1 pa'i phyir 'dod pa med pa yin no/ /chos 'di ni mig gi lam las yang dag par 'das pa'i phyir ltar mi snang ba yin no/ /chos 'di ni mngon par grub pa med pa'i phyir ma byas pa
179b2 yin no/ /chos 'di ni yul drug dang ma 'dres pa'i phyir mi mthong ba yin no/ /chos 'di ni sems dang / yid dang / rnam par shes pa dang bral ba'i phyir bdag gi ba med pa yin no/ /chos
179b3 'di ni gtan yongs su ma grub pa'i phyir gzung ba med pa yin no/ /chos 'di ni yul med pa'i yul du 'gro ba'i phyir gzhi med pa yin no/ /chos 'di ni rang bzhin gyis dben
179b4 pa'i phyir zag pa med pa yin no/ /chos 'di ni sngon gyi mtha' rnam par dag pa'i phyir 'ong ba med pa yin no/ /chos 'di ni phyi ma'i mtha' rnam par dag pa'i phyir 'gro ba med
179b5 pa yin no/ /chos 'di ni da ltar byung ba rnam par dag pa'i phyir gnas pa med pa yin no/ /chos 'di ni brtag cing sel ba dang bral ba'i phyir rtsol ba med pa yin no/ /chos 'di
179b6 ni nam mkha' dang mnyam pa'i phyir mnyam pa med pa yin no/ /chos 'di ni gnyen po med pa'i phyir mi mnyam pa dang / mnyam pa med pa yin no/ /chos 'di ni bdud kyi yul thams
179b7 cad las yang dag par 'das pa'i phyir g.yo ba med pa dang / rlom sems med pa dang / ma brtag pa dang / rnam par ma brtag pa dang / rnam par ma bsgrub pa dang / kun tu ma bstan
180a1 pa yin no/ /chos 'di ni skye ba dang / 'jig pa dang bral ba'i phyir blang ba med pa dang / dor ba med pa yin no/ /chos 'di ni chos kyi dbyings su yang dag
180a2 par gzhol ba'i phyir gnas pa med par gnas pa yin no/ /chos 'di ni yang dag par ma byung ba'i phyir dbyer med pa yin no/ /chos 'di ni spros pa dang bral ba'i phyir rab tu spyod
180a3 pa med pa yin no/ /chos 'di ni rang bzhin gyis nye bar zhi ba'i phyir spros pa dang bral ba yin no/ /chos 'di ni rnam par rtog pa thams cad dang bral ba'i phyir nye bar zhi ba yin
180a4 no| |chos 'di ni phas kyi rgol ba thams cad nges par bcom pa'i phyir rnam par rtog pa med pa yin no/ /chos 'di ni 'dod pa'i 'dod chags kyi rdul dang bral ba'i phyir shin tu
180a5 'phags pa yin no/ /chos 'di ni stong pa nyid kyi phyir stong pa med pa yin no/ /chos 'di ni nges par ma brtags pa'i phyir mtshan ma med pa yin no/ /chos 'di ni rnam par
180a6 shes pa mi gnas pa'i phyir smon pa med pa yin no/ /chos 'di ni rtsa ba yongs su chad pa'i phyir mi gnas pa yin no/ /chos 'di ni grogs med pa'i phyir mi rten pa yin no/ /
180a7 chos 'di ni mi rten pa'i phyir mi g.yo ba yin no/ /chos 'di ni bzod ma nas rnam par dag pa'i phyir bdag med pa yin no/ /chos 'di ni gtan mngon par grub pa med pa'i
180b1 phyir sems can med pa yin no/ /chos 'di ni gzod ma nas ma byung ba'i phyir rtag pa med pa yin no/ /chos 'di ni gzod ma nas ma skyes pa'i phyir ma byung ba yin no/ /chos
180b2 'di ni mtshan nyid dang bral ba'i phyir ma skyes pa yin no/ /chos 'di ni mtshan nyid thams cad dang bral ba'i phyir mtshan nyid med pa yin no/ /chos 'di ni gzod ma nas yang dag
180b3 par rgyun chad pa'i phyir zhi ba yin no/ /chos 'di ni gzod ma nas nye bar zhi ba'i phyir yang dag par rgyun chad pa med pa yin no/ /chos 'di ni mi phyed pa dang / mi snang ba'i phyir nam
180b4 mkha'i mtshan nyid lta bu yin no/ /lha'i bu/ chos de lta bu la chos kyi dgab pa de lta bu zhig yod/ lha'i bus smras pa/ 'jam dpal/ chos 'di'i dgab pa ni kun tu 'phro ba med
180b5 pa yin no/ /'jam dpal gyis smras pa/ lha'i bu/ legs so/ /legs so/ /ji skad smras pa de bzhin te/ chos 'di'i dgab pa ni gang la lus dang / ngag dang / sems kyis
180b6 rtul ba med pa de lta bu yin no/ /de ci'i phyir zhe na/ chos 'di ni gsal ba rnyog pa med pa yin pas de ni sems rnyog pa can gyis chod par mi nus pa'i phyir ro/ /lha'i bus smras
180b7 pa| 'jam dpal/ ji ltar na sems rnyog pa can yin/ 'jam dpal gyis smras pa/ lha'i bu/ gzugs kyi mtshan ma rjes su dran pas sangs rgyas rjes su dran par byed pa'i
181a1 sems ni sems rnyog pa can yin no/ /sgra dang / skad dang / dbyangs dang / tshig gi lam gyis chos rjes su dran par byed pa'i sems ni sems rnyog pa
181a2 can yin no/ /'bras bu thob pa mngon du byed pas dge 'dun rjes su dran par byed pa'i sems ni sems rnyog pa can yin no/ /nyon mongs pa gtan spong ba rjes su dran par
181a3 byed pa'i sems ni sems rnyog pa can yin no/ /skye ba la rten pas lha rjes su dran par byed pa'i sems ni sems rnyog pa can yin no/ /ma dul ba'i sbyin pa'i sems ni
181a4 sems rnyog pa can yin no/ /ma zhi ba'i tshul khrims kyi sems ni sems rnyog pa can yin no/ /sems can la brten pa'i bzod pa'i sems ni sems rnyog pa can yin
181a5 no| |spros pa dang bcas pa'i shes rab kyi sems ni sems rnyog pa can yin no/ /bdag tu 'dzin pa la gnas pa'i byams pa'i sems ni sems rnyog pa can yin no/ /
181a6 sems la nges par ma bsam pa'i bsam gtan gyi sems ni sems rnyog pa can yin no/ /the tshom gyi snying rje'i sems ni sems rnyog pa can yin no/ /mya ngan las 'das
181a7 pa'i lam dang bral ba'i dga' ba'i sems ni sems rnyog pa can yin no/ /gnyis la gnas pa'i btang snyoms kyi sems ni sems rnyog pa can yin no/ /lus su 'du
181b1 shes pa'i tshor ba'i sems ni sems rnyog pa can yin no/ /chos su 'du shes pa'i dran pa nye bar gzhag pa'i sems ni sems rnyog pa can yin no/ /skye ba dang / 'jig par 'du
181b2 shes pa'i yang dag par spong ba'i sems ni sems rnyog pa can yin no/ /lus dang sems la rten pa'i rdzu 'phrul gyi rkang pa'i sems ni sems rnyog pa can yin no/ /dbang po
181b3 drug la rten pa'i dbang po lnga'i sems ni sems rnyog pa can yin no/ /lta ba'i stobs dang ldan pa'i stobs lnga'i sems ni sems rnyog pa can yin no/ /chos su 'du shes pa
181b4 la gnas pa'i byang chub kyi yan lag gi sems ni sems rnyog pa can yin no/ /'du byed yid la byed pa la brtson pa'i lam sgom pa'i sems ni sems rnyog pa can yin no/ /
181b5 sdug bsngal la yongs su rtog pa'i 'du shes can gyi sems ni sems rnyog pa can yin no/ /kun 'byung ba la sgom pa'i 'du shes can gyi sems ni sems rnyog pa can yin no//
181b6 'gog pa zad par 'du shes pa'i sems ni sems rnyog pa can yin no/ /lam la sgom par 'du shes pa'i sems ni sems rnyog pa can yin te/ lha'i bu/ ji tsam du rang bzhin
181b7 gyis yongs su dag pa nyid la sgro 'dogs par byed pa de tsam du sems rnyog pa can yin no/ /lha'i bus smras pa/ 'jam dpal/ sems rnyog pa med pa gang dag yin/ 'jam
182a1 dpal gyis smras pa/ lha'i bu/ gang dag sems nam mkha' dang mnyam pa dag go /lha'i bus smras pa/ 'jam dpal/ nam mkha' la sems cung zad kyang yod
182a2 dam/ 'jam dpal gyis smras pa/ lha'i bu/ ji ltar nam mkha' la sems med pa bzhin du sems de'ang de dang 'dra ste/ gang gi sems de 'dra ba de ni sems nam mkha' dang
182a3 mnyam pa yin no/ /lha'i bus smras pa/ 'jam dpal/ gnas de la su zhig mos par 'gyur/ 'jam dpal gyis smras pa/ lha'i bu/ lhag par byed pa la brtson pa rnams kyis
182a4 mos par dka' ba yin no/ /lha'i bus smras pa/ 'jam dpal/ lhag par byed pa zhes bya ba de ji lta bu yin/ 'jam dpal gyis smras pa/ lha'i bu/ gang sems nam mkha'
182a5 dang mnyam pa nyid kyi phyir lhag par byed pa'o/ /lha'i bus smras pa/ 'jam dpal/ ci zhig lhag par byed pa yin/ 'jam dpal gyis smras pa/ lha'i bu/ rtag par byed pa ni
182a6 lhag par byed pa yin no/ /mi rtag par byed pa ni lhag par byed pa yin no/ /de bzhin du bde ba dang / sdug bsngal dang / sdug pa dang / mi sdug pa dang / bdag dang / bdag med
182a7 par byed pa ni lhag par byed pa yin no/ /stong pa zhes bya ba dang / gang zag ces bya ba de ni lhag par byed pa yin no/ /mtshan ma med pa zhes bya ba dang / smon pa med pa zhes bya ba
182b1 de ni lhag par byed pa yin no/ /sgyu ma dang / rmi lam dang / mig yor dang / gzugs brnyan dang / brag ca dang / chu zla dang / smig rgyu dang / sprul pa'i dpe nye bar dgod pa dag gi chos
182b2 rnam par 'jog par byed/ mtshon par byed/ 'jug par byed/ ston par byed pa de ni lhag par byed pa yin no/ /de ji tsam du chos rnam par 'jog par byed pa de tsam du lhag par
182b3 byed pa yin te/ kun nas nyon mongs pa la skyon du byed pa dang / rnam par byang ba la skyon med par byed pa de ni lhag par byed pa yin no/ /'khor ba la skyon du lta bar byed pa dang / mya
182b4 ngan las 'das pa la phan yon du lta bar byed pa de ni lhag par byed pa yin te/ lha'i bu/ de dag ni lhag pa'i nga rgyal can rnams kyis lhag par byed pa dag yin no/ /lha'i bus smras
182b5 pa| 'jam dpal/ ji ltar na lhag pa'i nga rgyal med pa yin/ 'jam dpal gyis smras pa/ lha'i bu gang gis nges par 'byung ba'i dbyings rtogs shing nyon mongs pa thams cad
182b6 'gog pa bsgrubs te gnas kyang 'gog pa 'gog par yang mi byed la/ skye ba med pa bskyed par yang mi byed cing / sgra thams cad kyis skrag par yang mi byed la/ kun nas nyon
182b7 mongs pa'i rang bzhin gang yin pa de nyid rnam par byang ba'i rang bzhin yin pa de ltar shes shing chos thams cad la gnyis dang bral ba dang / blang ba med pa dang / dor ba
183a1 med pa thob pa de ni/ lha'i bu/ lhag pa'i nga rgyal med pa yin no/ /'jam dpal gzhon nur gyur pas bstan pa 'di bshad pa na lha'i bu nyi khri nyis stong
183a2 chos rnams la chos kyi mig rdul med cing dri ma dang bral ba rnam par dag go /dge slong lnga stong ni len pa med par zag pa rnams las sems rnam par grol lo/ /byang chub sems
183a3 dpa' nyi khri nyis stong gis mi skye ba'i chos la bzod pa thob par gyur to/ /srog chags stong phrag rab tu mang po dag gis ni bla na med pa yang dag par rdzogs pa'i byang chub tu
183a4 sems bskyed do/ /dge bsnyen stong yang chos rnams la chos kyi mig rdul med cing dri ma dang bral ba rnam par dag go /khyim pa dang / rab tu byung ba las bud med nyis stong yang
183a5 chos rnams la chos kyi mig rdul med cing dri ma dang bral ba rnam par dag go /de nas lha'i bu rab rtsal sems kyis nyan thos chen po de dag la 'di skad ces smras so/ /tshe
183a6 dang ldan pa dag/ khyed cag kyang the tshom ci yod pa dag 'jam dpal gzhon nur gyur pa la dris shig /de nas gnas brtan 'od srung chen pos 'jam dpal gzhon nur gyur
183a7 pa la 'di skad ces smras so/ /'jam dpal/ dge slong rnam par thar pa brgyad la bsam gtan byed pa ji zhig la bsam gtan byed pa yin/ 'jam dpal gyis smras pa/
183b1 btsun pa 'od srung chen po/ dge slong rnam par thar pa brgyad la bsam gtan byed pa ni rtsa ba med pa dang / mtha' med pa dang / gnas med pa la bsam gtan byed pa dang / mi
183b2 'khrugs pa la bsam gtan byed pa dang / yang dag pa la bsam gtan byed pa yin no/ /'od srung chen pos smras pa/ 'jam dpal/ ci las bsams te de skad smra/ 'jam
183b3 dpal gyis smras pa/ btsun pa 'od srung chen po/ rtsa ba ni rang gi lus yin/ mtha' ni ngar 'dzin pa yin/ gnas ni khams gsum pa yin/ 'khrugs pa ni nyon mongs pa rnams yin/
183b4 mi mnyam pa ni gnyis yin te/ de la des lus ni rtsa ba med par shes/ ngar 'dzin pa ni mtha' med par shes/ khams gsum ni gnas med par shes/ nyon mongs pa rnams
183b5 ni mi 'khrugs par shes/ bsam gtan rnams ni gnyis su med par shes pas na/ btsun pa 'od srung chen po/ kho bos de las bsams nas dge slong rnam par thar pa
183b6 brgyad la bsam gtan byed pa ni rtsa ba med pa dang / mtha' med pa dang / gnas med pa la bsam gtan byed pa dang / mi 'khrugs pa la bsam gtan byed pa dang / yang dag
183b7 pa la bsam gtan byed pa yin no zhes smras so/ /shA ri'i bus smras pa/ 'jam dpal/ ji ltar na byang chub sems dpa' chags pa med pa'i shes rab dang ldan pa yin/ 'jam
184a1 dpal gyis smras pa/ btsun pa shA ri'i bu/ byang chub sems dpa' gang chags pa thams cad la spyod par byed kyang chags pa thams cad kyis
184a2 gos par mi 'gyur zhing / nyon mongs pa thams cad la mngon sum du byed kyang sems can yongs su smin par bya ba'i phyir nyon mongs pa de dag gi rang bzhin gang yin
184a3 pa'i nyon mongs pa de dag kyang spong bar mi byed na/ de tsam gyis na byang chub sems dpa' chags pa med pa'i shes rab dang ldan pa yin no/ /maud+gal gyi bu chen pos smras pa/
184a4 'jam dpal/ ji ltar na byang chub sems dpa' rdzu 'phrul che ba yin/ 'jam dpal gyis smras pa/ btsun pa maud+gal gyi bu chen po/ byang chub sems dpa' gang 'dus byas
184a5 kyang ma thob/ 'dus ma byas kyang ma thob la slob pa dang / mi slob pa rnams kyang 'dul bar byed na de tsam gyis na byang chub sems dpa' rdzu 'phrul che ba yin no/ /rab 'byor
184a6 gyis smras pa/ 'jam dpal/ ji ltar na byang chub sems dpa' nyon mongs pa med par gnas pa yin/ 'jam dpal gyis smras pa/ btsun pa rab 'byor/ gang gi tshe
184a7 byang chub sems dpa' chos thams cad sgrib pa med par shes par byed pa/ pha rol dang / tshur rol dang bral bar byed cing / byang chub kyi sgrib pa'ang mi spong la ting nge
184b1 'dzin las kyang mi ldang zhing bya ba thams cad ston par byed na/ de tsam gyis na byang chub sems dpa' nyon mongs pa med par gnas pa yin no/ /byams ma'i bu gang pos
184b2 smras pa/ 'jam dpal/ ji ltar na byang chub sems dpa' chos smra ba yin/ 'jam dpal gyis smras pa/ btsun pa gang po/ gang gi tshe byang chub sems dpa' dbang po thams
184b3 cad kyis spobs par byed cing 'du byed thams cad mi rtag go zhes 'bras bu yod par chos ston par byed la/ bskal pa stong phrag rnams su don dang / tshig dang / yi ge ston pa rnams
184b4 kyis rgyas par byed kyang mthar thug par mi 'gyur na de tsam gyis na byang chub sems dpa' chos ston pa yin no/ /nam grus smras pa/ 'jam dpal/ ji ltar na byang chub
184b5 sems dpa' bsam gtan pa yin/ 'jam dpal gyis smras pa/ btsun pa nam gru/ gang gi tshe byang chub sems dpa' chos thams cad rang bzhin gyis mnyam par
184b6 bzhag pa nyid yin par yang shes par byed la sems rnam par g.yengs pa rnams la snying rje chen po bskyed de/ phyi ma'i mtha'i mur thug pa'i bar du spyod par byed cing
184b7 bsam gtan la gnas pa las g.yo bar mi 'gyur na de tsam gyis na byang chub sems dpa' bsam gtan pa yin no/ /nye bar 'khor gyis smras pa/ 'jam dpal/ ji ltar
185a1 na byang chub sems dpa' 'dul ba 'dzin pa yin/ 'jam dpal gyis smras pa/ btsun pa nye bar 'khor/ gang gi tshe byang chub sems dpa' chos
185a2 rnams gtan dul ba nyid du'ang shes par byed cing ltung ba dang / nyon mongs pa dang bral la/ ltung ba dang / nyon mongs pa gdul ba'i phyir chos ston par byed cing / de ltar
185a3 nyon mongs rnams rtogs par yang byed la byang chub kyang tshol bar byed na de tsam gyis na byang chub sems dpa' 'dul ba 'dzin pa yin no/ /ma 'gags pas smras pa/
185a4 'jam dpal/ ji ltar na byang chub sems dpa' lha'i mig dang ldan pa yin/ 'jam dpal gyis smras pa/ btsun pa ma 'gags pa/ gang gi tshe byang chub sems
185a5 dpa' phyogs bcu'i gzugs snang ba thams cad kyang mthong bar byed la/ gzugs dben par mthong bas chos thams cad dben par mthong ba rjes su rtogs par
185a6 byed na de tsam gyis na byang chub sems dpa' lha'i mig dang ldan pa yin no/ /ba ku las smras pa/ 'jam dpal/ ji ltar na byang chub sems dpa' dbang po bsrung ba
185a7 yin/ 'jam dpal gyis smras pa/ gang gi tshe byang chub sems dpa' yul thams cad sangs rgyas kyi yul yin par lta zhing sangs rgyas kyi yul yang med par lta na de
185b1 tsam gyis na byang chub sems dpa' dbang po bsrung ba yin no/ /sor mo'i phreng bas smras pa/ 'jam dpal/ ji ltar na byang chub sems dpa' dbang po rno ba yin/ 'jam dpal gyis smras
185b2 pa| gang gi tshe byang chub sems dpa' byang chub rang bzhin gyis ma skyes pa'i phyir mtshams med pa dang mnyam par lta bar byed na de tsam gyis na byang chub sems dpa' dbang po rno ba
185b3 yin no/ /kA t+yA'i bu chen pos smras pa/ 'jam dpal/ ji ltar na byang chub sems dpa' mdo sde rnam par 'byed pa la mkhas pa yin/ 'jam dpal gyis smras pa/ btsun pa
185b4 kA t+yA'i bu chen po/ gang gi tshe byang chub sems dpa' so so yang dag par rig pa mi zad pa bzhi thob cing / tshig gcig gis kyang bskal pa 'bum gyi bar du rgya cher rnam par 'byed
185b5 cing ston la/ ci nas kyang kun nas nyon mongs pa spong bar ni byed pa dang / rnam par byang ba len par mi byed pa de ltar ston par byed pa dang / chos nyid gnas pa las kyang mi g.yo
185b6 la gnas thams cad la'ang mi rten pa de ltar ston par byed na de tsam gyis na byang chub sems dpa' mdo sde rnam par 'byed pa la mkhas pa yin no/ /gsus po che chen pos smras
185b7 pa| 'jam dpal/ ji ltar na byang chub sems dpa' so sor yang dag par rig pa thob pa yin/ 'jam dpal gyis smras pa/ gang gi tshe byang chub sems dpa' brjod du med pa'i
186a1 don gyis don so so yang dag par rig pa ston pa dang / chos kyi dbyings gnas pa nyid kyi chos so so yang dag par rig pa ston pa dang / ming dang / mtshan
186a2 ma med pa nyid kyis nges pa'i tshig so so yang dag par rig pa ston pa dang / brag ca dang mnyam pa nyid kyis spobs pa so so yang dag par rig pa ston par byed na de tsam gyis na
186a3 byang chub sems dpa' so so yang dag par rig pa thob pa yin no/ /sgra gcan zin gyis smras pa/ 'jam dpal/ ji ltar na byang chub sems dpa' tshul khrims dang ldan
186a4 pa yin/ 'jam dpal gyis smras pa/ btsun pa sgra gcan zin/ gang gi tshe byang chub sems dpa' tshul khrims dang brtul zhugs yang dag par blangs shing sems can yongs
186a5 su smin par bya ba'i phyir tshul khrims 'chal ba'i 'gro ba gang yin par 'gro bar byed na de tsam gyis na byang chub sems dpa' tshul khrims dang ldan pa yin no/ /kun dga'
186a6 bos smras pa/ 'jam dpal/ ji ltar na byang chub sems dpa' mang du thos pa yin/ 'jam dpal gyis smras pa/ btsun pa kun dga' bo/ gang gi tshe byang chub sems dpa'
186a7 sangs rgyas thams cad kyis gsungs pa nyan par byed cing thos pa thams cad kyi don kyang rtogs par byed la ji ltar thos pa'ang 'dzin par byed cing / ji ltar bzung ba bzhin
186b1 ston par yang byed na de tsam gyis na byang chub sems dpa' mang du thos pa yin no/ /de nas lha'i bu rab rtsal sems kyis nyan thos chen po de dag la 'di skad smras so/ /tshe dang
186b2 ldan pa dag /khyed cag 'jam dpal gzhon nur gyur pas 'di skad bstan pa de lta bu'i chos 'ga' dang ldan nam/ de dag gis smras pa/ lha'i bu/ bdag cag la ni chos de
186b3 dag las 'ga' tsam yang med do/ /lha'i bus smras pa/ tshe dang ldan pa dag de lta na khyed cag nyan thos chen po mchog tu gyur pa ma yin par mi 'gyur ram/ shA ri'i bus smras
186b4 pa| lha'i bu/ 'di lta ste/ dper na/ gang rjes las brten na rdzid bu mchog yin pa de bzhin du nyan thos gzhan dag las brten na kho bo cag kyang mchog yin no/ /'di lta ste /
186b5 dper na/ rgya mtsho chen po las brten na 'og gi chu'i phung po mchog yin pa de bzhin du nyan thos dang / rang sangs rgyas thams cad las brten na byang chub sems dpa' mchog yin
186b6 no| |lha'i bus smras pa/ btsun pa shA ri'i bus de ni nyan thos mngon pa'i nga rgyal med pa rnams kyis bstan pa yin te/ legs so/ /legs so/ /'jam dpal gyis smras pa/ lha'i
186b7 bu| de de bzhin te/ nyan thos ni lhag pa'i nga rgyal med pa yin no/ /byang chub sems dpa' ni lhag pa'i nga rgyal can yin no/ /lha'i bus smras pa/ 'jam dpal/ ji las bsams
187a1 te de skad smra/ 'jam dpal gyis smras pa/ lha'i bu/ 'di ltar nyan thos rnams ni sangs rgyas la brten nas nga rgyal spangs pa yin gyi/ byang chub
187a2 sems dpa' ni lhag pa'i nga rgyal can yin la nga rgyal des sangs rgyas kyi chos rnams yang dag par sgrub par byed pas na de'i phyir byang chub sems dpa' ni lhag pa'i nga
187a3 rgyal can yin no/ /lha'i bus smras pa/ 'jam dpal/ lhag pa'i nga rgyal can ni bdag la bstod par byed cing gzhan la smod par byed pa yin na/ byang chub sems dpa' yang
187a4 de lta bur mi 'gyur ram/ 'jam dpal gyis smras pa/ lha'i bu/ de bzhin te/ byang chub sems dpa' ni bdag la bstod par byed cing gzhan la smod par byed pa yin no/ /lha'i
187a5 bus smras pa/ 'jam dpal/ ci las bsams te de skad smra/ 'jam dpal gyis smras pa/ lha'i bu/ byang chub sems dpa' ni rnam grangs du mar theg pa chen po'i bsngags
187a6 pa rjod par byed cing nyan thos kyi theg pa ba'i bsngags pa ma yin par rjod par byed pa dang / ji ltar sems can rnams byang chub tu sems bskyed par 'gyur snyam nas bdag nyid
187a7 kyi yon tan gyi chos rjod par byed cing / 'di la dga' ba'i sems bskyed par mi 'gyur bar bya'o snyam nas theg pa dman pa la rnam par sdang bar byed pa yin pas/ lha'i bu/ de
187b1 ltar na byang chub sems dpa' ni theg pa chen po la bstod par byed pa dang / nyan thos kyi theg pa la smod par byed pa yin no/ /lha'i bus smras pa/ 'jam dpal/ de ltar na byang chub
187b2 sems dpa' ltung ba dang bcas par mi 'gyur ram/ 'jam dpal gyis smras pa/ lha'i bu/ gang gis nor bu mching bu'i bsngags pa ma yin par brjod cing nor bu rin po che bai
187b3 DUR+ya'i bsngags par rjod par gyur na de'ang ltung ba dang bcas par 'gyur ram/ lha'i bus smras pa/ 'jam dpal/ de ni mi 'gyur ro/ /'jam dpal gyis smras pa/ lha'i bu/
187b4 de bzhin du byang chub sems dpa'i theg pa chen po'i bsngags pa rjod par byed cing nyan thos kyi theg pa'i bsngags pa ma yin rjod par byed pa'ang ltung ba dang bcas par mi 'gyur
187b5 ro| |lha'i bu/ 'di lta ste/ dper na/ skyes bu shin tu stobs dang ldan pa gang zhig gis 'khor los bsgyur ba'i rgyal po'i bsngags pa brjod cing khams kyi rgyal po la de lta bu yin
187b6 na| de smad pa'i 'os su 'gyur ba yin snyam mam/ lha'i bus smras pa/ 'jam dpal/ de lta ma yin no/ /'jam dpal gyis smras pa/ lha'i bu/ de bzhin du byang chub sems dpa' theg
187b7 pa chen po la bstod par byed cing nyan thos kyi theg pa la smod par byed pa'ang smad pa'i 'os su mi 'gyur ro/ /de nas bcom ldan 'das kyis 'jam dpal gzhon nur gyur pa la
188a1 legs so zhes bya ba byin te/ 'jam dpal/ legs so/ /legs so/ /khyod kyi tshig de ni legs par smras te/ 'jam dpal/ theg pa chen po'i
188a2 bsngags pa brjod pas ni theg pa thams cad kyis bsngags pa brjod par 'gyur ro/ /de ci'i phyir zhe na/ 'jam dpal/ theg pa thams cad ni de las nges par byung ba yin
188a3 pa'i phyir ro/ /gzhan yang / lha'i bu rab rtsal sems kyis 'jam dpal gzhon nur gyur pa la 'di skad ces smras so/ /'jam dpal/ byang chub sems dpa' gang la brten
188a4 nas byang chub tu sems skyed par byed/ 'jam dpal gyis smras pa/ lha'i bu/ byang chub sems dpa' ni sems can thams cad kyi nyon mongs pa la brten nas byang chub tu
188a5 sems bskyed par byed do/ /lha'i bus smras pa/ 'jam dpal/ ci'i phyir na byang chub sems dpa' sems can thams cad kyi nyon mongs pa la brten nas byang chub tu sems
188a6 skyed par byed/ 'jam dpal gyis smras pa/ lha'i bu/ gal te sems can rnams kyi nyon mongs pa dag byang chub kyi theg pa ma yin du zin na ni byang chub sems dpa' yang byang
188a7 chub tu sems bskyed nas go cha gyon par mi 'gyur ro/ /lha'i bus smras pa/ 'jam dpal/ byang chub kyi sems ci zhig la brten/ 'jam dpal gyis smras pa/ lha'i bu/ byang
188b1 chub kyi sems ni sangs rgyas kyi chos thams cad la brtson to/ /de ci'i phyir zhe na/ lha'i bu/ sangs rgyas kyi chos thams cad ni byang chub kyi sems kyi rtsa ba la brten nas skye bar 'gyur
188b2 ba'i phyir ro/ /lha'i bus smras pa/ 'jam dpal/ chos thams cad ci la brten/ 'jam dpal gyis smras pa/ lha'i bu/ chos thams cad ni rtsa ba med pa'i gnas la brten pa yin
188b3 no| |de ci'i phyir zhe na/ lha'i bu/ chos thams cad ni mtha' yas pa'i phyir rtsa ba med pa dang / mngon par skabs yod pa dang / nam mkha' la brten pa'ang yin pa'i phyir ro/ /
188b4 lha'i bus smras pa/ 'jam dpal/ sangs rgyas kyi chos rnams ji snyed yod/ 'jam dpal gyis smras pa/ lha'i bu/ chos thams cad ji snyed pa de snyed yod do/ /de ci'i phyir zhe
188b5 na| de bzhin gshegs pas ni chos thams cad sangs rgyas bas na/ lha'i bu/ de'i phyir chos thams cad ji snyed pa sangs rgyas kyi chos rnams kyang de snyed do/ /lha'i bus smras pa/
188b6 'jam dpal/ 'o na ci/ 'dod chags dang / zhe sdang dang / gti mug rnams kyang sangs rgyas kyi chos yin nam/ 'jam dpal gyis smras pa/ lha'i bu/ de de bzhin te/ 'dod
188b7 chags dang / zhe sdang dang / gti mug rnams kyang sangs rgyas kyi chos yin no/ /de ci'i phyir zhe na/ nyon mongs pa de dag gi rtsa ba'i gnas rjes su rtogs pa ni sangs rgyas yin no
189a1 zhes ston pa'i phyir ro/ /lha'i bus smras pa/ 'jam dpal/ gang gis sems can thams cad sangs rgyas su 'gyur ba'i rnam grangs yod dam/
189a2 'jam dpal gyis smras pa/ lha'i bu/ rnam grangs med pas sems can thams cad sangs rgyas su 'gyur gyi/ rnam grangs kyis ni ma yin no/ /de ci'i phyir zhe na/ de bzhin
189a3 gshegs pas ni sems can thams cad rtogs par thugs su chud pa'i phyir ro/ /lha'i bus smras pa/ 'jam dpal/ ji ltar rtogs par thugs su chud/ 'jam dpal
189a4 gyis smras pa/ lha'i bu/ sems can med pa'i rnam pa dang / stong pa nyid kyis rnam pas so/ /lha'i bus smras pa/ 'jam dpal/ stong pa nyid kyis ci zhig rtogs par byed/
189a5 'jam dpal gyis smras pa/ lha'i bu/ gal te cung zad rjes su rtogs par byed na ni/ de stong pa nyid du mi 'gyur ro/ /de ci'i phyir zhe na/ lha'i bu/ stong pa nyid ni rnam par rtog
189a6 pa med pa dang / rtsol ba med pa yin pa'i phyir ro/ /lha'i bus smras pa/ 'jam dpal/ de bzhin gshegs pas stong pa nyid rjes su rtogs pa ni byang chub yin no zhes
189a7 ma gsungs sam/ 'jam dpal gyis smras pa/ lha'i bu/ stong pa nyid gang yin pa de nyid byang chub yin pas na bcom ldan 'das kyis kyang stong pa nyid rjes su rtogs
189b1 pa kho na byang chub yin no zhes gsungs so/ /lha'i bus smras pa/ 'jam dpal/ stong pa nyid la gnas pa ji zhig la gnas pa yin/ 'jam dpal gyis smras pa/ lha'i bu /
189b2 stong pa nyid la gnas pa ni 'dod pa dang / gzugs dang / gzugs med pa la gnas pa ma yin/ phung po dang / khams dang / skye mched la gnas pa ma yin/ lus dang / sems
189b3 la gnas pa ma yin no/ /de ci'i phyir zhe na/ lha'i bu/ de gnas pa gang gis gnas par 'gyur ba'i gnas pa de'ang stong pas na stong pa nyid ni stong pa nyid la mi gnas pa'i
189b4 phyir ro/ /lha'i bus smras pa/ 'jam dpal/ de bzhin gshegs pa don dam pa stong pa nyid kyi gnas pas gnas par mi mdzad dam/ 'jam dpal gyis smras pa/ lha'i
189b5 bu| de bzhin gshegs pa nyid stong pa nyid yin la/ stong pa nyid gang yin pa de ni gnyis su med pa yin pas na de bzhin gshegs pa ni gnyis su med pa'i gnas par
189b6 mdzad do/ /lha'i bus smras pa/ 'jam dpal/ gnyis su med pa'i gnas pas gnas pa gang yin/ 'jam dpal gyis smras pa/ lha'i bu gnyis su med pa'i gnas
189b7 pa ni gnyis su med pa nyid yin gyi/ de la gnas pa gzhan med de/ de'i gnas pa gnyis su med pa las gzhan med pa de nyid kyang gnyis su med pa nyid yin no/ /lha'i bus
190a1 smras pa/ 'jam dpal/ gnyis zhes bya ba ni gang / gnyis su med pa zhes bya ba ni gang / 'jam dpal gyis smras pa/ lha'i bu/ 'dod chags
190a2 dang / 'dod chags dang bral bar byed pa de ni gnyis so/ /'dod chags kyi rang bzhin ni gnyis su med pa'o/ /zhe sdang dang / zhe sdang med par byed pa de ni gnyis so//
190a3 zhe sdang gi rang bzhin ni gnyis su med pa'o/ /gti mug dang / gti mug med par byed pa de ni gnyis so/ /gti mug gi rang bzhin ni gnyis su med pa'o/ /nyon mongs
190a4 pa dang / nyon mongs pa med par byed pa de ni gnyis so/ /nyon mongs pa'i rang bzhin ni gnyis su med pa'o/ /bdag dang / bdag med par byed pa de ni gnyis so/ /
190a5 bdag gi rang bzhin ni gnyis su med pa'o/ /lha'i bus smras pa/ 'jam dpal/ bdag gis rang bzhin gang yin/ 'jam dpal gyis smras pa/ lha'i bu/ bdag gi
190a6 rang bzhin ni bzod ma nas dag pa'i phyir bdag med pa nyid yin no/ /bdag gi rang bzhin ni bzod ma nas dag pa'i phyir gzod ma nas dben pa nyid dang / gzod
190a7 ma nas ma skyes pa nyid dang / gzod ma nas ma byung ba nyid yin no/ /lha'i bus smras pa/ 'jam dpal/ ci'i phyir rang bzhin zhes bya/ 'jam dpal gyis smras pa/
190b1 lha'i bu/ de ni 'gyur ba med pas de'i phyir rang bzhin zhes bya'o/ /de ni gzod ma nyid nas gsal zhing nyon mongs pa can ma yin pas de'i phyir rang bzhin zhes bya'o/ /de ni
190b2 nam mkha' dang mnyam pa nyid kyis mnyam zhing tshad med pas de'i phyir rang bzhin zhes bya'o/ /de ni spros pa dang bral ba dang / de ni rgyu ba dang bral ba dang / de ni 'od gsal bas
190b3 de'i phyir rang bzhin zhes bya'o/ /de ni blang ba med pa dang dor ba med pas de phyir rang bzhin zhes bya'o/ /lha'i bus smras pa/ 'jam dpal/ rang bzhin mi shes pa dag gang
190b4 yin/ 'jam dpal gyis smras pa/ lha'i bu/ gang dag chos rnams kyi rang bzhin mi shes pa dag go /lha'i bus smras pa/ 'jam dpal/ rang bzhin shes pa dag gang yin/
190b5 'jam dpal gyis smras pa/ lha'i bu/ gang dag de dag gi rang bzhin shes pa dag go /lha'i bus smras pa/ 'jam dpal/ dad pa dang ldan pa'i mtshan nyid gang yin/ 'jam
190b6 dpal gyis smras pa/ lha'i bu/ dad pa dang ldan pa'i mtshan nyid ni chags pa thams cad las yang dag par 'das pa yin no/ /lha'i bus smras pa/ 'jam dpal/ dge slong
190b7 dad pa dang mi ldan pa ji ltar dad pas byin pa la dad par byed/ 'jam dpal gyis smras pa/ lha'i bu/ dad pa dang mi ldan pa zhes bya ba ni gang mngon sum du gyur pa'i chos
191a1 thams cad la gzhan gyi dring mi 'jog cing gzhan gyi dad pas yang dang yang du mi 'gro ba yin pas de'i phyir dad pa dang mi ldan pa zhes bya ste/ de ni dad pas
191a2 byin pa spyod par mi byed do/ /de ci'i phyir zhe na/ gzod ma nas dag pa'i phyir ro/ /lha'i bus smras pa/ 'jam dpal/ dge slong gang dge 'dun dang lhan cig mi gnas pa de la
191a3 ji skad ces bya/ 'jam dpal gyis smras pa/ lha'i bu/ dge slong gang dge 'dun dang lhan cig mi gnas pa de ni des na 'jig rten gyi sbyin gnas su 'gyur ro/ /de ci'i phyir zhe na/
191a4 lha'i bu/ dge 'dun ni 'dus ma byas pa yin la/ byang chub sems dpa' ni 'dus ma byas dang lhan cig mi gnas pas de'i phyir de ni 'jig rten gyi sbyin gnas su 'gyur ba
191a5 yin pa'i phyir ro/ /lha'i bus smras pa/ 'jam dpal/ gal te byang chub sems dpa' 'dus ma byas dang lhan cig gnas par gyur na nyes pa cir 'gyur/ 'jam dpal
191a6 gyis smras pa/ lha'i bu/ 'dus ma byas thob nas sems can rnams skyob par mi byed cing nyan thos su 'gyur bas de'i nyes pa ni der 'gyur ro/ /lha'i bus smras pa/ 'jam dpal/ 'dus
191a7 byas ni so so skye bo'i sa yin la/ 'dus ma byas ni 'phags pa rnams kyis yin na/ 'o na/ ji ltar byang chub sems dpa' 'phags pa'i sa spangs shing so so skye bo'i sa la
191b1 gnas pa 'jig rten gyi sbyin gnas su 'gyur/ 'jam dpal gyis smras pa/ lha'i bu/ byang chub sems dpa' 'dus byas la'ang mi gnas/ 'dus ma byas la'ang mi gnas
191b2 pas de'i phyir de ni 'jig rten gyi sbyin gnas su 'gyur ro/ /de ci'i phyir zhe na/ lha'i bu/ byang chub sems dpa' ni 'du byed las yid bskyod pa dang / 'dus ma byas la mi gnas
191b3 pa yin pas 'dus byas kyi skyon dang bral ba dang / 'dus mas byas shes pa rtogs pa yin te/ de 'dus byas kyi skyon dang bral bas ni 'dus byas la mi gnas la/ 'dus ma byas
191b4 shes pa rtogs pas ni 'dus ma byas su mi ltung ba'i phyir ro/ /lha'i bu/ 'di lta ste/ dper na/ tshan po che chen pos steng gi bar snang la mda' 'phangs par gyur la de nas mda'
191b5 de nam mkha' la mi gnas par 'dug cing sa la'ang mi ltung na/ lha'i bu/ de la dka' ba cung zad yod dam/ lha'i bus smras pa/ 'jam dpal/ dka'o/ /'jam dpal gyis smras
191b6 pa| |lha'i bu/ de bas kyang byang chub sems dpa' sems dpa' chen po gang dag 'dus byas kyang mi spong zhing 'dus ma byas kyang thob par byed la/ 'dus ma byas su'ang mi ltung
191b7 zhing 'dus byas thob pa rnams kyang yongs su smin par byed pa ni ches dka' ba yin no/ /lha'i bus smras pa/ 'jam dpal/ byang chub sems dpa'i 'jigs pa 'dus byas
192a1 sam| 'on te 'dus ma byas sam/ gang las 'byung bar 'gyur/ 'jam dpal gyis smras pa/ lha'i bu/ byang chub sems dpa'i 'jigs pa
192a2 ni 'dus byas las kyang 'byung bar 'gyur/ 'dus ma byas las kyang 'byung bar 'gyur ro/ /de ci'i phyir zhe na/ lha'i bu/ 'dus byas las ni nyon mongs pa'i 'jigs pa
192a3 'byung la/ 'dus ma byas las ni nyon mongs pa med pa'i 'jig pa 'byung ba'i phyir ro/ /lha'i bus smras pa/ 'jam dpal/ nyon mongs pa med pas 'jigs pa ci yod
192a4 'jam dpal gyis smras pa/ lha'i bu/ khams gsum na ni nyon mongs pa'i 'jigs pa yod la/ byang chub sems dpa' gang khams gsum du nyon mongs par mi byed na/
192a5 de ni nyan thos su 'gyur ro/ /lha'i bus smras pa/ 'jam dpal/ ji ltar na byang chub sems dpa' 'jigs pa med pa yin/ 'jam dpal gyis smras pa/ lha'i bu/ byang
192a6 chub sems dpa' gang shes rab kyi shes pas 'dus byas la spyod par byed cing / thabs kyi shes pas 'dus ma byas su mi ltung ba de lta na/ lha'i bu/ byang chub sems
192a7 dpa'i 'jigs pa med pa yin no/ /lha'i bu/ gzhan yang / gang gi tshe byang chub sems dpa' sems can la lta bas 'dus byas spong bar mi byed cing / sangs rgyas kyi chos
192b1 la lta bas 'dus ma byas su mi ltung ba de lta na/ lha'i bu/ byang chub sems dpa' 'jigs pa med pa yin no/ /lha'i bu/ gzhan yang / gang gi tshe byang chub sems dpa' bsod
192b2 nams kyi tshogs nye bar bsags pa'i phyir 'dus byas la sbyor bar byed cing / sangs rgyas kyi ye shes kyi tshogs nye bar bsags pa'i phyir 'dus ma byas su mi ltung ba de lta na byang
192b3 chub sems dpa' 'jigs pa med pa yin no/ /lha'i bu/ gzhan yang / gang gi tshe byang chub sems dpa' 'dus ma byas la gnas te bsam gtan rnams skyed par byed cing /
192b4 thabs la gnas te bsam gtan rnams las ldog par byed pa de lta na byang chub sems dpa' 'jigs pa med pa yin no/ /lha'i bu/ gzhan yang / gang gi tshe byang chub sems dpa'
192b5 byang chub kyi sems la gnas te dge ba'i rtsa ba nye bar gsog par byed cing / snying rje chen po la gnas te sems can rnams yongs su smin par byed pa de lta na byang chub sems
192b6 dpa' 'jigs pa med pa yin no/ /lha'i bu/ gzhan yang / gang gi tshe byang chub sems dpa' dben pa la gnas te bdud kyi las rnams rtogs par byed cing / thabs la gnas te
192b7 bdud gyi las rnams spong bar byed pa de ltar na byang chub sems dpa' 'jigs pa med pa yin no/ /lha'i bu/ gzhan yang / gang gi tshe byang chub sems dpa' byams pa chen po
193a1 la gnas te chos ston par byed cing / snying rje chen po la gnas te zang zing gi sbyin pa sbyin par byed pa de ltar na byang chub sems dpa' 'jigs pa
193a2 med pa yin no/ /lha'i bu/ gzhan yang / gang gi tshe byang chub sems dpa' 'khor ba la gnas te mya ngan las 'das pa yongs su spyad pa'i las byed cing / mya ngan las 'das pa
193a3 la gnas te 'khor ba yongs su spyad pa'i las byed pa de tsam gyis na byang chub sems dpa' 'jigs pa med pa yin no/ /lha'i bu/ gzhan yang / gang gi tshe byang chub sems dpa' skye ba
193a4 med pas skye bar byed cing 'pho ba med pas 'byung bar byed pa dang / chos la lta bas snang bar byed cing phung po dang / khams dang / skye mched kyis rab tu phye ba ma yin pa
193a5 dang / thams cad dang rjes su 'brel zhing zhi ba dang nye bar zhi bar gyur ba dang / 'bar bar byed cing 'bar bas tshig par mi byed pa dang / nyon mongs pa thams cad la
193a6 yongs su spyod par byed cing nyon mongs pa'i skyon rnams kyis mi gos pa dang / slob pa dang / mi slob pa rnams 'dul bar byed cing nyan thos kyi rnam par grol ba la reg par mi
193a7 byed pa dang / sems can rnams kyi bsam pa la 'jug cing chos kyi bsam pa spong bar mi byed pa dang / bdud kyi lcags kyu shes par byed cing chos kyi lcags kyu spong bar
193b1 mi byed pa dang / shes pas 'jug par byed cing thabs kyis ldog par byed pa dang / 'phags pa'i rnam pa ston par byed cing 'phags pa ma yin pa yongs su smin par bya ba la
193b2 spro bar byed pa dang / sangs rgyas mthong ba la mngon par dga' bar byed cing chos mthong ba la kun tu 'dod par byed pa de tsam gyis na byang chub sems dpa' 'jigs pa med pa
193b3 yin no/ /'jam dpal gzhon nur gyur pas bstan pa 'di bshad pa na lha'i bu lnga khri chos rnams la chos kyi mig rdul med cing dri ma dang bral ba rnam par dag go /lha'i bu
193b4 nyi khri lnga stong ni len pa med par zag pa rnams las sems can rnam par grol lo/ /byang chub sems dpa' sngon dge ba'i rtsa ba bskyed pa lnga khri ni mi skye ba'i chos la bzod pa rab
193b5 tu thob par gyur to/ /byang chub sems dpa' nyi khri ni spobs pa thogs pa med pa skyes so/ lha dang / mi rnams kyi skye dgu las srog chags stong phrag rab tu mang po dag gis ni
193b6 byang chub tu sems bskyed nas/ de bzhin gshegs pa dang / 'jam dpal gzhon nur gyur pa la lha'i mchod pa dag byas so/ /gzhan yang / lha'i bu rab rtsal sems kyis 'jam
193b7 dpal gzhon nur gyur pa la 'di skad ces smras so/ /'jam dpal/ ji ltar na byang chub sems dpa' lam la gnas pa yin/ 'jam dpal gyis smras pa/ lha'i bu/ gang gi
194a1 tshe byang chub sems dpa' 'dod chags spang ba'i phyir yang chos ston par byed la 'dod chags dang bral ba mngon du'ang mi byed pa dang / zhe
194a2 sdang spangs pa'i phyir yang chos ston par byed la zhe sdang spong ba mngon du mi byed pa dang / gti mug spang pa'i phyir yang chos ston par byed la gti mug spong ba mngon
194a3 du'ang mi byed pa dang / nyon mongs pa spang ba'i phyir chos ston par yang byed la nyon mongs pa spong ba mngon du'ang mi byed pa de tsam gyis na/ lha'i bu/ byang chub sems
194a4 dpa' lam la gnas pa yin no/ /lha'i bu/ gzhan yang / gang gi tshe byang chub sems dpa' sems can rnams la stong pa nyid ston par yang byed la/ stong pa nyid mngon
194a5 du'ang mi byed pa dang / sems can rnams la mtshan ma med pa stong par yang byed la mtshan ma med pa mngon du'ang mi byed pa dang / sems can rnams la smon pa med pa
194a6 ston par yang byed la smon pa med pa mngon du'ang mi byed pa dang / de bzhin du sems can rnams la mngon par 'du byed pa med pa dang / skye ba med pa dang / 'byung ba
194a7 med pa dang / dngos po med pa dang / 'dod chags dang bral ba dang mi ldan pa dang / 'gog pa'i chos ston par yang byed la 'gog pa mngon du'ang mi byed pa de tsam gyis na
194b1 byang chub sems dpa' lam la gnas pa yin no/ /lha'i bu/ gzhan yang / gang gi tshe byang chub sems dpa' yongs su mi gtong bas sbyin pa'i pha rol tu phyin pa sgrub par
194b2 byed pa dang / tshul khrims las yang dag par 'da' bas tshul khrims kyi pha rol tu phyin pa sgrub par byed pa dang / gnod sems kyis bzod pa'i pha rol tu phyin pa sgrub
194b3 par byed pa dang / le los brtson 'grus kyi pha rol tu phyin pa sgrub par byed pa dang / brjed ngas pas bsam gtan gyi pha rol tu phyin pa sgrub par byed pa dang / bems pe
194b4 dang / lug ltar lkugs pas shes rab kyi pha rol tu phyin pa sgrub par byed pa de tsam gyis na byang chub sems dpa' lam la gnas pa yin no/ /lha'i bus smras pa/ 'jam
194b5 dpal/ ci las bsams te de skad smra/ 'jam dpal gyis smras pa/ lha'i bu/ bzhi po 'di dag ni byang chub sems dpa' rnams kyis yongs su mi gtong ba yin te/
194b6 bzhi gang zhe na/ sems can yongs su mi gtong ba dang / chos yongs su mi gtong ba dang / byang chub kyi sems yongs su mi gtong ba dang / dge ba'i chos thams cad yongs
194b7 su mi gtong ba ste/ byang chub sems dpa' ni chos bzhi po de dag yongs su mi gtong bas sbyin pa'i pha rol tu phyin pa sgrub par byed do/ /lha'i bu/ tshul khrims las yang
195a1 dag par 'da' ba zhes bya ba de ni de'i rang bzhin ma yin pa'i tshig bla dwags te/ tshul khrims las yang dag par 'da' bas ting nge 'dzin dang
195a2 ting nge 'dzin las yang dag par 'da' bas shes rab dang / shes rab las yang dag par 'da' bas rnam par grol ba shes pa sgrub par byed de/ lha'i bu/ khyod
195a3 kyis rnam grangs des gang tshul khrims las yang dag par 'da' ba de tshul khrims kyi pha rol tu phyin pa sgrub par byed pa yin par rig par bya'o/ /lha'i bu/ byang chub
195a4 sems dpa' gang gnod sems la zhugs pa ni nyan thos kyi theg pa las log par zhugs pa dang / rang sangs rgyas kyi theg pa las log par zhugs pa yin pas de
195a5 ni theg pa chen po la legs par zhugs pa yin te/ gang theg pa chen po la legs par zhugs pa de ni bzod pa'i pha rol tu phyin pa sgrub par byed pa yin no/ /lha'i
195a6 bu| gang gi tshe byang chub sems dpa' lus kyi rtul bar mi byed cing ngag dang sems kyi bu rtul bar mi byed pa de ni le lo can yin la/ gang de ltar chos la mngon par
195a7 brtson pa de ni brtson 'grus kyi pha rol tu phyin pa sgrub par byed pa yin no/ /lha'i bu/ gzhan yang / byang chub sems dpa' ni rmi lam na'ang sa gnyis po dag la dga'
195b1 pa'i sems skyed par mi byed pas de ni brjed ngas pa yin la/ gang nyan thos dang / rang sangs rgyas kyi theg pa la brjed ngas pa de ni theg pa chen po la mnyam par bzhag pa yin
195b2 pas de ni bsam gtan gyi pha rol tu phyin pa sgrub par byed pa yin no/ /lha'i bu chos thams cad ni bems po ste/ rtswa dang / shing dang / rtsig pa dang / lam dang / mig yor dang /
195b3 lug ltar lkugs pa dang 'dra bar rang bzhin gyis nus pa med pa yin pas/ gang gi tshe byang chub sems dpa' shes rab dang ye shes kyis de ltar chos thams cad bems po
195b4 dang / lug ltar lkugs pa lta bus byang chub sgrub par byed pa de ni shes rab kyi pha rol tu phyin pa sgrub par byed pa yin te/ de ltar zhugs pa'i byang chub sems dpa' ni lam sgrub
195b5 par byed pa yin no/ /lha'i bu/ gzhan yang / gang gi tsha byang chub sems dpa' 'khor ba'i lam yang mi spong la/ mya ngan las 'das pa'i lam yang tshol bar byed pa dang / lam
195b6 gyi las kyi rgyun yang mi gcod cing lam gyi byang ba'ang sgrub par byed pa dang / lam ngan par zhugs pa'i sems can rnams kyang lam la 'god par byed pa de lta na byang chub sems
195b7 dpa' lam la gnas pa yin no/ /lha'i bu/ gzhan yang / gang gi tshe byang chub sems dpa' sems can thams cad dang chos thams cad btsal yang mi rnyed pa dang / byang chub kyi
196a1 lam spong bar mi byed pa dang / 'bras bu yod pa bsam gtan byed pa de lta na byang chub sems dpa' byang chub kyi lam thob pa yin no/ /lha'i bu /
196a2 gzhan yang / gang gi tshe byang chub sems dpa' nyan thos kyi lam yang rab tu shes la nyan thos kyi lam gyis nges par 'byung bar yang mi byed pa dang / rang sangs rgyas kyi
196a3 lam yang rab tu shes la rang sangs rgyas kyi lam gyis nges par 'byung bar mi byed pa dang / byang chub sems dpa'i lam yang thob par byed la lam des kyang dbang po
196a4 yongs su ma rdzogs par nges par 'byung bar mi byed pa de lta na byang chub sems dpa' lam la gnas pa yin no/ /lha'i bu/ gzhan yang / gang gi tshe byang chub sems dpa'
196a5 dge ba'i rtsa ba thams cad mngon par 'du byed pa dang / mngon par 'du bya ba'i 'bras bu don du mi gnyer ba dang / mngon par 'du byed pa'i skyon gyis mi gos pa dang / dge
196a6 ba'i rtsa ba mngon par 'du bya ba thams cad byang chub tu yongs su bsngo bar byed pa dang / byang chub kyi phyir 'phel ba yang dag par rjes su mi mthong ba dang / 'bri ba yang dag
196a7 par rjes su mi mthong ba de lta na byang chub sems dpa' lam la gnas pa yin no/ /lha'i bu/ gzhan yang / gang gi tshe byang chub sems dpa' lam ngan pa las lam yongs
196b1 su tshol bar byed pa dang / lam yongs su btsal nas kyang nges par 'byung bar mi byed pa de lta na byang chub sems dpa' lam la gnas pa yin no/ /lha'i bus smras pa/ 'jam
196b2 dpal/ ji ltar na byang chub sems dpa' lam ngan pa las lam yongs su tshol bar byed/ 'jam dpal gyis smras pa/ lha'i bu lam ngan pa zhes bya ba ni 'khor ba ste/ byang chub
196b3 sems dpa' ni de la gnas nas sems can nges par 'byung ba'i phyir lam yongs su tshol bar byed kyi/ bdag nyid nges par 'byung ba'i phyir ni ma yin no/ /lha'i bus smras pa/
196b4 'jam dpal/ byang chub sems dpa'i spyod pa ni 'jig rten thams cad dang mi mthun pa yin no/ /'jam dpal gyis smras pa/ lha'i bu/ 'di ltar byang chub sems dpa' rnams ni
196b5 'jig rten na spyod kyang 'jig rten gyi chos rnams kyis mi gos pa dang / nyon mongs pa med pa ston par byed kyang nyon mongs pa med pa nyid du mi ltung ba dang / rga ba dang / 'chi ba
196b6 ston par byed kyang chos thams cad skye ba med pa dang / 'byung ba med par shes shing skyon med pa mngon du mi byed pa dang / phung po dang / khams dang / skye mched la yongs su
196b7 spyod pa byed kyang phung po dang / khams dang / skye mched don du mi gnyer ba dang / phung po dang / khams dang / skye mched yongs su shes par bya ba'i phyir sems can rnams la
197a1 chos ston kyang yongs su shes pa de dag yongs su shes par mi byed pa dang / bsam gtan dang / rnam par thar pa dang / ting nge 'dzin dang / snyoms
197a2 par 'jug pa dang / mngon par sgrub par byed cing sems rnam par g.yengs pa rnams nye bar 'jog par byed kyang nye bar 'jog pa la 'byung bar mi byed pa dang / bdud
197a3 kyi yul nye bar ston par byed kyang bdud kyi las rnams kyis mi 'phrogs pa dang / sangs rgyas kyi yul spong bar mi byed pa dang / bdud kyi yul gyi rjes su mi 'jug pa
197a4 dang | chos kyi dbyings kyi yul las ldog par mi byed pa dang / sems can gyi khams kyi yul nye bar len par byed pas na de'i phyir sems can chen po de dag gi spyod pa
197a5 ni 'jig rten thams cad dang mi mthun pa yin no/ /lha'i bus smras pa/ 'jam dpal/ khyod byang chub sems dpa' rnams kyi spyod pa la spobs par gyis shig /'jam
197a6 dpal gyis smras pa/ lha'i bu/ bsam pa yongs su dag cing nang dang / phyi rol dben pa nyid kyis lhag pa'i bsam pa la spyod pa dang / rab tu spyod pa med pa nyid kyis sbyor
197a7 ba la spyod pa dang / sems mi brjed pa nyid kyis byang chub kyi sems mi brjed pa la spyod pa dang / sems dul ba nyid kyis sbyin pa la spyod pa dang / sems zhi ba nyid kyis
197b1 tshul khrims la spyod pa dang / rmas pa med pa nyid kyis bzod pa la spyod pa dang / lus dben pa nyid kyis brtson 'grus la spyod pa dang / chos kyi dbyings rnam par g.yeng ba
197b2 med pa nyid kyis bsam gtan la spyod pa dang / spros pa med pa nyid kyis shes rab la spyod pa dang / sems can la bdag med pa nyid kyis byams pa la spyod pa dang / nyon
197b3 mongs pa yod pa ma yin par rab tu zhi ba nyid kyis snying rje la spyod pa dang / rang bzhin gyis rnam par grol ba'i phyir dga' ba la spyod pa dang / mtha' gnyis dang bral
197b4 ba'i phyir btang snyoms la spyod pa dang / gzod ma nas ma skyes pa'i phyir mi rtag pa la so sor rtog pa la spyod pa dang / yongs su rtog pa sdug bsngal ba'i phyir sdug bsngal la
197b5 so sor rtog pa la spyod pa dang / phyin ci log rang bzhin med pa'i phyir bdag med pa la so sor rtog pa la spyod pa dang / 'du shes yongs su shes pa'i phyir zhi ba la so
197b6 sor rtog pa la spyad pa dang / phung po sgyu ma lta bur yongs su shes pa'i phyir sdug bsngal yongs su shes pa la spyod pa dang / ma rig pa sngon du 'gro ba'i phyir kun 'byung ba
197b7 shes pa la spyod pa dang / rang bzhin gyis 'gag pa'i phyir 'gog pa shes pa la spyod pa dang / 'dus byas la mngon par zhen pa med pa'i phyir lam shes pa la spyod
198a1 pa dang / 'bras bu yongs su shes pa nyid kyis rgyu shes pa la spyod pa dang / rten cing 'brel bar 'byung ba'i phyir rkyen shes pa la spyod pa
198a2 dang | du ma'i phyir tshogs pa la spyod pa dang / brjod du med pa'i phyir don so so yang dag par rig pa la spyod pa dang / chos kyi dbyings dbyer med pa'i phyir chos
198a3 so so yang dag par rig pa la spyod pa dang / ming dang / gzugs 'byung ba med pa'i phyir nges pa'i tshig so so yang dag par rig pa la spyod pa dang / sgra brag ca dang mtshungs
198a4 pa'i phyir spobs pa so so yang dag par rig pa la spyod pa dang / tshig 'bru gsal ba nyid kyis don la rton pa la spyod pa dang / rnam par shes pa'i spyod yul ma spangs pa
198a5 nyid kyis ye shes la rton pa la spyod pa dang / las kyi rnam par smin pa stong nyid kyis nges pa'i don gyi mdo sde la rton pa la spyod pa dang / gang zag yongs su smin par bya ba nyid
198a6 kyis chos la rton pa la spyod pa dang / las rnam par dag pa'i phyir lha'i mig la spyod pa dang / tshul khrims rnam par dag pa'i phyir lha'i rna ba la spyod pa dang / ting nge
198a7 'dzin rnam par dag pa'i phyir pha rol gyi sems shes pa la spyod pa dang / dus gsum mnyam pa nyid kyi phyir sngon gyi gnas rjes su dran pa shes pa la spyod pa dang /
198b1 sems la dbang sgyur ba'i phyir rdzu 'phrul mngon par bsgrub pa la spyod pa dang / mi phyed pa'i phyir spyod pa brtan pa la spyod pa dang / mi lhod pa'i phyir spyod pa sra ba la spyod pa dang /
198b2 bskyod du med pa'i phyir gnas med pa la spyod pa dang / tha dad pa med pa nyid kyis spyod pa mnyam pa la spyod pa dang / thams cad rjes su ma brtags pa'i phyir sa dang / chu
198b3 dang | me dang / rlung dang / nam mkha' lta bur spyod pa dang / rnam par bsgrub pa'i mtshan nyid kyi phyir sgyu ma lta bu la spyod pa dang / yang dag pa ma yin pa'i mtshan nyid kyis
198b4 rmi lam lta bu la spyod pa dang / rnam par rmongs pa'i mtshan nyid kyis smig rgyu lta bu la spyod pa dang / bdag mi sbed pa'i mtshan nyid kyis stong pa nyid la spyod pa dang / sems
198b5 rang bzhin med pa'i mtshan nyid kyis mtshan ma med pa la spyod pa dang / khams gsum rang bzhin med pa'i mtshan nyid kyis smon pa med pa la spyod pa dang / 'dus byas
198b6 rang bzhin med pa'i mtshan nyid kyis mngon par 'du byed pa med pa la spyod pa dang / sems dang / yid dang / rnam par shes pa 'jug pa med pa'i mtshan nyid kyis bdud
198b7 tshar bcad pa la spyod pa dang / spyod pa thams cad rnam par bsgrub pa'i mtshan nyid kyis dkon mchog gsum gyi gdung rgyun mi gcod pa la spyod pa ste/ lha'i bu/ de ltar spyod
199a1 pa'i byang chub sems dpa' ni byang chub sems dpa'i spyad pa la spyod pa yin no// //bam po gsum pa ste tha ma/ lha'i bus smras pa /
199a2 'jam dpal/ byang chub sems dpa'i spyod pa de ni/ nyan thos dang / rang sangs rgyas thams cad las yang dag par 'das pa yin no/ /'jam dpal gyis smras pa/ lha'i
199a3 bu| de de bzhin te/ lha'i bu/ kho bo ni byang chub sems dpa' gang dad pas rjes su 'brang ba ma yin pa dang / chos kyis rjes su 'brang ba ma yin pa dang / gang brgyad pa ma
199a4 yin pa dang / rgyun du zhugs pa ma yin pa dang / lan gcig phyir 'ong ba ma yin pa dang / phyir mi 'ong ba ma yin pa dang / dgra bcom pa ma yin pa dang / gang nyan thos
199a5 ma yin pa dang / rang sangs rgyas ma yin pa dang / gang sangs rgyas bcom ldan 'das ma yin pa dang / de bzhin gshegs pa ma yin pa dang / yang dag par rdzogs pa'i
199a6 sangs rgyas ma yin pa dang / ston pa ma yin pa de ni byang chub sems dpa' yin par mi smra'o/ /lha'i bu/ kho bo ni byang chub sems dpa' gang so so skye bo'i chos can ma
199a7 yin pa dang / 'dod chags kyi chos can ma yin pa dang / zhe sdang gi chos can ma yin pa dang / gti mug gi chos can ma yin pa dang / gang 'khor ba'i chos can ma yin
199b1 pa dang / yongs su mya ngan las 'da' ba'i chos can ma yin pa de ni byang chub sems dpa' yin par mi smra'o/ /lha'i bus smras pa/ 'jam dpal/ ci la bsams te de skad
199b2 smra| 'jam dpal/ ji ltar na byang chub sems dpa' dad pas rjes su 'brang ba dang / chos kyi rjes su 'brang ba dang / brgyad pa dang / rgyun du zhugs pa dang / lan gcig phyir
199b3 'ong ba dang / phyir mi 'ong pa dang / dgra bcom pa dang / nyan thos dang / rang sangs rgyas dang / sangs rgyas bcom ldan 'das dang / de bzhin gshegs pa dang / yang dag par
199b4 rdzogs pa'i sangs rgyas dang / ston pa dang / so so skye bo'i chos can dang / 'dod chags kyi chos can dang / zhe sdang gi chos can dang / gti mug gi chos can dang / 'khor ba'i
199b5 chos can dang / yongs su mya ngan las 'da' ba'i chos can yin/ 'jam dpal gyis smras pa/ lha'i bu/ gang gi tshe byang chub sems dpa' sangs rgyas kyi chos thams cad la
199b6 dad par byed pa dang / chags pa thams cad la dad par byed kyang de la chags par mi 'gyur ba dang / gzhan gyi dad pas mi 'gro ba dang / pha rol tu phyin pa drug gi lam la dad
199b7 pa skyed cing 'dzin par byed pa dang / chags pas chags par gyur pa rnams thar bar byed pa dang / chags pa med pa'i ye shes yongs su tshol bar byed pa dang / 'khor ba
200a1 la chags par mi byed pa dang / mya ngan las 'das par mi ltung ba de tsam gyis na/ lha'i bu/ byang chub sems dpa' dad pas rjes su 'brang ba
200a2 yin no/ /lha'i bus smras pa/ 'jam dpal/ ji ltar na byang chub sems dpa' chos kyi rjes su 'brang ba yin/ 'jam dpal gyis smras pa/ lha'i bu/ gang gi tshe byang
200a3 chub sems dpa' sangs rgyas thams cad kyis gsungs pa 'dzin par byed pa dang / kun 'dzin par byed pa dang / chos kyi zas dang ldan zhing zang zing gi zas med pa
200a4 dang / chos la gnas kyi nyon mongs pa la mi gnas pa dang / chos kyi stobs can yin gyi nga rgyal gyi stobs can ma yin pa dang / chos smra ba yin gyi 'jig rten rgyang pan
200a5 pa'i gtam smra ba ma yin pa dang / chos kyi dbang phyug yin gyi nyon mongs pa'i dbang phyug ma yin pa dang / chos la rton pa yin gyi gang zag la rton pa ma yin pa dang / chos
200a6 smra ba yin gyi chos ma yin par mi smra ba dang / chos kyi rjes su mthun pa'i chos la rton pa yin gyi brtson pa btang ba'i chos la mi gnas pa dang / chos skyon med pa nyid
200a7 du chos thams cad shes par byed pa dang / gzungs kyi sgo chags pa med pa dang ldan pa dang / nor bdun dang ldan pa dang / dam pa'i chos yongs su 'dzin par byed pa
200b1 dang | chos kyi khyad par la gnas pa de lta na/ lha'i bu/ byang chub sems dpa' chos kyi rjes su 'brang ba yin no/ /lha'i bus smras pa/ 'jam dpal/ ji ltar na byang chub sems
200b2 dpa' brgyad pa yin/ 'jam dpal gyis smras pa/ lha'i bu/ gang gi tshe byang chub sems dpa' log pa nyid brgyad las yang dag par 'das pa dang / yang dag pa nyid brgyad la
200b3 rab tu gnas pa dang / lam yan lag brgyad pa rnam par sbyang ba la mkhas pa dang / sbyor ba yongs su ma rdzogs par lam des nges par 'byung bar mi byed pa dang / mi khom
200b4 pa brgyad du skyes pa'i sems can rnams dal ba phun sum tshogs pa dag la 'god par byed pa dang / skyes bu dam pa'i rnam par rtogs pa brgyad la gnas pa dang / rnam
200b5 par thar pa brgyad la bsam gtan byed pa dang / byang chub sems dpa'i lhag pa'i bsam pa mi spong ba de lta na/ lha'i bu/ byang chub sems dpa' brgyad pa yin no/ /lha'i
200b6 bus smras pa/ 'jam dpal/ ji ltar na/ byang chub sems dpa' rgyun du zhugs pa yin/ 'jam dpal gyis smras pa/ lha'i bu/ gang gi tshe byang chub sems dpa' sems
200b7 can rgyun phyogs su ded pa rnams rgyun las zlog par byed pa dang / 'khor ba'i rgyun thams cad kyang gcod par byed la 'khor ba mi gcod pa dang / ngan song thams cad
201a1 rgyun gcod par byed pa dang / sems can rnams bde 'gro dang mya ngan las 'das pa mngon du bya ba'i lam la 'god par byed pa dang / mtshams bcad
201a2 pa dang / lha dang / mi la gzhol ba dang / bden pa ston par byed pa dang / rlom sems su mi ltung ba dang / the tshom dang bral ba dang / nges pa dang / sangs rgyas kyi chos la gzhol ba dang /
201a3 so so skye bo'i lam las yang dag par 'das pa dang / sangs rgyas kyi chos kyi lam la rab tu gnas pa dang / 'khor ba'i gting rnyed pa dang / mya ngan las 'das pa la mngon du
201a4 phyogs par gyur pa dang / 'jig rten gyi sbyin gnas su gyur pa dang / 'dus byas la snang ba dang / 'dus ma byas pas rab tu phye ba dang / phyir ldog par mi 'gyur ba dang /
201a5 dge 'dun la yang dag par gzhol ba de lta na/ lha'i bu/ byang chub sems dpa' rgyun du zhugs pa yin no/ /lha'i bus smras pa/ 'jam dpal/ ji ltar na byang chub sems
201a6 dpa' lan gcig phyir 'ong ba yin/ 'jam dpal gyis smras pa/ lha'i bu/ gang gi tshe byang chub sems dpa' chos thams cad 'ong ba med pa dang / 'gro ba med par shes nas
201a7 sems can yongs su smin par bya ba'i phyir bsam bzhin du 'ong ba dang / sems can rnams yongs su smin par byed pa dang / 'ong ba dang / 'gro bar ston par byed pa dang /
201b1 chos nyid la 'ong ba dang / 'gro ba med par mthong ba dang / 'ong yang nyon mongs pa med pas 'ong ba dang / rang gi las yongs su dag pas 'gro ba dang / 'ong ba mnyam pa nyid mi spong ba
201b2 dang / bdud kyi dbang gis mi 'gro ba dang / byang chub kyi lam nye bar ston pa'i phyir 'ong ba dang / nye bar blangs pa'i sems can bsgral ba'i phyir 'ong ba dang / byang chub kyi lhag
201b3 pa'i bsam pa sra zhing mi phyed pa de lta na/ lha'i bu/ byang chub sems dpa' lan gcig phyir 'ong ba yin no/ /lha'i bus smras pa/ 'jam dpal/ ji ltar na byang chub sems
201b4 dpa' phyir mi 'ong ba yin/ 'jam dpal gyis smras pa/ lha'i bu/ gang gi tshe byang chub sems dpa' lta ba rnams dang / phyin ci log rnams dang / sgrib pa rnams su'ang mi
201b5 'ong ba dang / 'dun pa dang / 'dod chags dang / zhe sdang dang / 'jigs pa dang / gti mug gis kyang 'ong ba dang / 'gro bar mi 'gyur ba dang / byas pa nges par ma gyur cing
201b6 sangs rgyas kyi chos rnams ma rdzogs par mi 'ong ba dang / 'ong ba med pa dang / 'pho ba med pa la mkhas pa dang / rga shi med pa la thob pa dang / mthar gnas pa dang / byas pa
201b7 nges pa dang / lung bstan pa thob pa dang / dmigs su med pa dang / rnam pa med pa thob pa dang / shes pas gzhan la rag ma las pa de lta na/ lha'i bu/ byang chub sems dpa'
202a1 phyir mi 'ong ba yin no/ /lha'i bus smras pa/ 'jam dpal/ ji ltar na byang chub sems dpa' dgra bcom pa yin/ 'jam dpal gyis smras pa/
202a2 lha'i bu/ gang gi tshe byang chub sems dpa' chags pa med cing 'dod chags gdul ba'i phyir sems can rnams la chos ston pa dang / sdang ba med cing zhe sdang gdul
202a3 ba'i phyir sems can rnams la chos ston pa dang / rmongs pa med cing gti mug gdul ba'i phyir sems can rnams la chos ston pa dang / chos thams cad la nyon mongs pa
202a4 med par gnas pa dang / sems can thams cad la sems ma btang ba dang / sangs rgyas kyi chos thams cad la brtson 'grus brtsams pa dang / 'dod pa'i longs spyod thams
202a5 cad la dga' ba med pas dga' ba dang / dgra bcom pa dang / pad+ma bzhin du nyon mongs pa thams cad kyis ma gos pa dang / shes pas 'phags pa dang mnyam pa dang / thabs
202a6 kyis 'phags pa ma yin par gnas pa dang / nye bar len pa thams cad la bdag gir med cing yongs su 'dzin pa med pa dang / sangs rgyas kyi chos thams cad la bdag gir
202a7 byed cing yongs su 'dzin pa dang / rang gi sems kyi rgyud dag la zag pa med pa'i sems dang ldan pa dang / gzhan gyi sems kyi rgyud dag la zag pa med par gnas par
202b1 byed pa dang / sngon dam bcas pa dag la brnag pa yongs su rdzogs pa dang / tshu rol dang / pha rol la gnas pa rnams kyi pha rol tu son pa dang / tshu rol gyi gnas ma spangs pa dang /
202b2 gzhan gyis sems can gzhan thar bar byed pa de lta na/ lha'i bu/ byang chub sems dpa' dgra bcom pa yin no/ /lha'i bus smras pa/ 'jam dpal/ ji ltar na byang chub sems
202b3 dpa' nyan thos yin/ 'jam dpal gyis smras pa/ lha'i bu/ gang gi tshe byang chub sems dpa' sems can thams cad la ma thos pa'i chos sgrogs par byed cing yul rnams la
202b4 spyod par mi byed pa dang / yang dag pa'i dam pa'i chos dang / skye ba med pa dang / 'gag pa med pa'i chos sgrogs par byed pa dang / rgyu dang / rkyen dang / bdag med pa dang / sems
202b5 can med pa dang / rang bzhin gyis g.yo ba med pa sgrogs par byed pa dang / sangs rgyas kyi chos tshad med pa dang / nam mkha' dang mnyam pa'i chos rnams sgrogs par byed
202b6 pa dang / sangs rgyas kyi ye shes dang / ye shes chen po la chos thams cad rgyus nye bar 'gro bar rtsoms shig ces sgrogs par byed pa dang / sgrogs pa'ang gzhan gyi dring
202b7 mi 'jog pa dang / thos pas kyang rlom sems mi byed pa dang / sgrogs pa thams cad kyi sngon dang / phyi ma'i mtha' mi chad pa yongs su shes pa dang / so so yang dag par rig
203a1 pa mi zad pa thob pa dang / don dang / tshig dang / yig 'bru mi zad pa dang / sems can thams cad kyi sems dang / spyod pa dang / shes pa ston par byed
203a2 pa dang / so so ci rigs par chos ston par byed pa dang / zhi ba'i sa la gnas pa dang / spros pa med pa dang / sngon gyi smon lam gyi spyod pa de lta na/ lha'i bu/ byang chub
203a3 sems dpa' nyan thos yin no/ /lha'i bus smras pa/ 'jam dpal/ ji ltar na byang chub sems dpa' rang sangs rgyas yin/ 'jam dpal gyis smras pa/ lha'i bu/ gang gi
203a4 tshe byang chub sems dpa' chos thams cad rkyen la rag las pa dang / sems can med pa dang / srog med pa dang / gang zag med pa dang / bdag po med pa dang / rnam par bsgrub
203a5 pa nye bar gnas pa'i mtshan nyid du shes pa dang / des rkyen rnams legs par mthong ba'i phyir byang chub 'dren par byed pa'i rkyen/ 'di lta ste/ pha rol tu phyin pa thams cad
203a6 kyi phyogs dang / byang chub kyi phyogs kyi chos rnams kyi phyogs dang / bsdu ba'i dngos po bzhi'i phyogs dang / tshad med pa bzhi'i phyogs dang / mngon par shes pa'i phyogs
203a7 yang dag par sgrub par byed pa dang / de rkyen nye bar sgrub par byed gzhan gyi dring mi 'jog pas byang chub mngon par rdzogs par 'tshang rgya bar byed pa dang / sa ngan pa dag las
203b1 sems skyo bar byed pa dang / nye che ba'i shes pa 'dul ba la mkhas pa dang / theg pa chen po la legs par rab tu gnas pa dang / chos thams cad la mngon du gyur pa de lta na/
203b2 lha'i bu/ byang chub sems dpa' rang sangs rgyas yin no/ /lha'i bus smras pa/ 'jam dpal/ ji ltar na byang chub sems dpa' sangs rgyas yin/ 'jam dpal gyis smras
203b3 pa| lha'i bu/ gang gi tshe byang chub sems dpa' chos thams cad gzod ma nas dben pa nyid du rtogs par byed pa dang / sems can thams cad gzod ma nas bdag med pa
203b4 nyid du rtogs par byed pa dang / ming mngon par rtogs par bya ba'i phyir spyod pa dman pa dang / mchog dang / bar ma thams cad rtogs par byed pa dang / rang gi nyon mongs pa
203b5 stong pa nyid kyis nyon mongs pa thams cad rtogs par byed pa dang / skad cig gcig la rjes su rtogs pa'i rim gyis sa dang spyod pa sna tshogs ston par byed pa dang / sems
203b6 can gyi dbang po dang / mos pas chos ston par byed pa dang / 'bras bu yod par chos ston par byed pa de lta na/ lha'i bu/ byang chub sems dpa' sangs rgyas yin no/ /lha'i bus
203b7 smras pa/ 'jam dpal/ ji ltar na byang chub sems dpa' de bzhin gshegs pa yin/ 'jam dpal gyis smras pa/ lha'i bu/ gang gi tshe byang chub sems dpa' de bzhin
204a1 gshegs pa'i lam du 'gro ba dang / de bzhin nyid ma brjod pa dang / de bzhin nyid la rab tu gnas pa dang / de bzhin nyid kyi sbyin pa dang / de bzhin
204a2 nyid kyi tshul khrims dang / de bzhin nyid kyi bzod pa dang / de bzhin nyid kyi brtson 'grus dang / de bzhin nyid kyi bsam gtan dang / de bzhin nyid kyi shes rab dang / de bzhin
204a3 nyid kyi thabs dang / de bzhin nyid kyi smon lam dang / de bzhin nyid kyi stobs dang / de bzhin nyid kyi ye shes dang ldan pa dang / de bzhin nyid kyi sems can med pa dang /
204a4 sems can yongs su thar bar byed pa dang / sems can gyi gnas dang / 'khor ba na'ang spyod la spyod pa thams cad las kyang yang dag par 'das pa dang / spyod pa las sgrol
204a5 bar byed pa dang / de na'ang yin la de na'ang ma yin pa dang / 'di na'ang yin la 'di na'ang ma yin pa dang / gnyis ka las dag pa dang / mun pa dang bral ba dang / rtag tu
204a6 gsal ba dang / mun pa med pa dang / mun pa'i ling tog dang bral ba dang / de bzhin nyid kyi rjes su song ba dang / de bzhin gshegs pa'i sa'i rjes su song ba de ltar
204a7 na| lha'i bu/ byang chub sems dpa' de bzhin gshegs pa zhes bya'o/ /lha'i bus smras pa/ 'jam dpal/ ji ltar na byang chub sems dpa' bcom ldan 'das zhes
204b1 gyi/ 'jam dpal gyis smras pa/ lha'i bu/ gang gi tshe byang chub sems dpa' nyon mongs pa bcom pa dang / chu bo las brgal ba dang / srid pa mthong ba dang / sems can
204b2 thams cad kyi khur dang / srid pa 'joms pa dang / srid pa'i 'du shes dang bral ba dang / bdud bcom pa dang / /khur bor ba dang / srid pa'i 'gro bar 'chi 'pho ba dang / skye
204b3 ba shes pa dang / bya ba shes pa dang / srid pa'i 'dod chags bsal ba dang / lus dang sems bsgoms pa dang / tshul khrims dang / shes rab bsgoms pa dang / srid
204b4 pa'i skyon legs par mthong ba dang / srid pa'i sred pa dang bral ba dang / sems can la bsam pa ma btang pa dang / srid pa'i rgya mtsho las sgrol ba dang / chu lon dang / zam pa legs
204b5 par byas pa dang / mi gnas pas legs par mthong ba dang / rtag tu sgom pa la yid kyis brtson pa dang / sems can gyi srid pa zad par byed pa dang / srid pa thams cad las rnam par
204b6 log pa dang / thabs la mkhas pa dang / nyon mongs pa thams cad thal bar rlog par byed pa dang / srid pas rnam par rtse ba la mkhas pa dang / srid pa gsum na yod pa rnams kyis
204b7 mchod pa de ltar na/ lha'i bu/ byang chub sems dpa' bcom ldan 'das zhes bya'o/ /lha'i bus smras pa/ 'jam dpal/ de ltar na byang chub sems dpa' yang dag par rdzogs
205a1 pa'i sangs rgyas yin/ 'jam dpal gyis smras pa/ lha'i bu/ gang gi tshe byang chub sems dpa' mtshams med pa gang dang mnyam pa byang chub kyang de dang
205a2 mnyam pas mnyam pa nyid du mngon par rdzogs par byang chub par byed pa dang / lta ba'i rnam pa rnams dang / phyin ci log rnams dang / sgrib pa rnams dang / chod pa rnams
205a3 dang | kun nas ldang ba rnams gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / 'dod chags dang / zhe sdang
205a4 dang | gti mug dang mnyam pa dang / nyon mongs pa thams cad gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa
205a5 dang | so so'i skye bo'i chos rnams dang / slob pa'i chos rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams gang
205a6 dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / mnyam pa nyid rnam par 'khrug par mi byed pa dang / rnam
205a7 par thar pa'i sgo gsum mnyam pa nyid kyis mnyam pa nyid du lta bar byed pa dang / chos thams cad gzod ma nas dag pa'i phyir rkyen la rag las pa dang / yod pa ma yin pa'i
205b1 yongs su rtog pas kun nas bslang ba nam mkha' dang mnyam pa nyid du mngon par rdzogs par byang chub par byed pa de lta na/ lha'i bu/ byang chub sems dpa' yang dag par rdzogs
205b2 pa'i sangs rgyas yin no/ /lha'i bus smras pa/ 'jam dpal/ ji ltar na byang chub sems dpa' ston pa yin/ 'jam dpal gyis smras pa/ lha'i bu/ gang gi tshe byang chub sems
205b3 dpa' gang la ston pa dang / rab tu ston pa dang / rjes su ston par byed pa de dag thams cad mi g.yo ba'i chos can du 'gyur ba dang / bstan pa yongs su 'dzin par 'gyur ba dang / stong
205b4 gsum gyi stong chen po'i 'jig rten gyi khams su ston pa dang / rab tu ston pa dang / ston pa gcig pur 'gyur ba dang / sems can thams cad kyi skyabs dang / gling dang / dpung
205b5 gnyen du 'gyur ba dang / mtshan ma thams cad zhi ba dang / rab tu zhi ba dang / nye bar zhi bar 'gyur ba dang / the tshom dang bral ba dang / sems can thams cad kyi the tshom gcod pa la
205b6 mkhas pa dang / brgya byin dang / tshangs pa dang / 'jig rten skyong gyis phyag byas pa dang / yang dag par smra ba dang / khams gsum pas phyag byas pa dang / sems nam mkha'
205b7 dang mnyam zhing khengs pa med pa dang / yang dag pa'i mtha' legs par mthong ba'i phyir smad pa dang / brdeg pa dang / dgod pa dang / bshung ba dang / khro ba dang / spyo ba dang /
206a1 bsdigs pa thams cad dang / rlom sems thams cad kyis zhum par mi 'gyur ba dang / sems can gyi rang bzhin legs par mthong ba'i phyir sems
206a2 can thams cad la phan zhing snying brtse ba dang / 'jig rten la ston par grags par 'gyur pa de lta na/ lha'i bu/ byang chub sems dpa' ston pa yin no/ /lha'i bus smras pa/
206a3 'jam dpal/ ji ltar na byang chub sems dpa' so so skye bo'i chos can yin/ 'jam dpal gyis smras pa/ lha'i bu/ gang gi tshe byang chub sems dpa' thabs kyi so so skye bo'i
206a4 spyod pa thams cad kyang ston par byed la shes pas so so skye bo'i spyod pa thams cad la chags par yang mi 'gyur ba de lta na/ lha'i bu/ byang chub sems dpa' so so skye bo'i
206a5 chos can yin no/ /lha'i bus smras pa/ 'jam dpal/ ji ltar na byang chub sems dpa' 'dod chags kyi chos can yin/ 'jam dpal gyis smras pa/ lha'i bu/ gang gi
206a6 tshe byang chub sems dpa' rtag tu sangs rgyas kyi chos rnams la rjes su chags par 'gyur ba dang / rtag tu sangs rgyas kyi sku la kun tu chags par 'gyur ba dang / bsam
206a7 gtan dang / ting nge 'dzin dang / snyoms par 'jug pa bsgrub pa'i phyir rtag tu dgon par gnas pa la rjes su chags par 'gyur pa dang / sems can rnams bsdu ba'i dngos
206b1 po bzhis bsdu ba la rtag tu rjes su chags par 'gyur ba dang / sems can thams cad la zhe 'gras pa'i sems med par 'gyur ba de lta na/ lha'i bu/ byang chub sems dpa'
206b2 'dod chags kyi chos can yin no/ /lha'i bus smras pa/ 'jam dpal/ ji ltar na byang chub sems dpa' zhe sdang gi chos can yin/ 'jam dpal gyis smras pa/ lha'i bu/ gang gi
206b3 tshe byang chub sems dpa' 'dus byas rnams la gcig tu nyes pa'i skyon chags par lta bar byed pa dang / nyan thos dang / rang sangs rgyas kyi theg pa la sdang bar byed pa dang / nyon
206b4 mongs pa thams cad dang / 'du byed thams cad la skyon du'ang 'du shes la nyon mongs pa rnams dang 'du byed rnams spong bar yang mi byed pa dang / sems can yongs su
206b5 smin par bya ba'i phyir brtson 'grus rgyun gcod par mi byed pa dang / snying rje chen pos yang dag par zin pa'i yid kyis snying brtse ba rgya chen po yang dag par skyed par byed pa dang /
206b6 sems can yongs su smin par bya ba'i phyir sems can nyon mongs pa'i 'dam rdzab las 'byin bar byed pa dang / sems can zhe sdang can rnams la bzod pa nye bar bsgrub
206b7 par byed cing nyon mongs pa rnams la nyes pa sbyin par byed pa dang / 'chi 'pho'i thabs thams cad dang / 'khor ba sun 'byin par byed pa de lta na/ lha'i bu/ byang chub sems dpa'
207a1 zhe sdang gi chos can yin no/ /lha'i bus smras pa/ 'jam dpal/ ji ltar na byang chub sems dpa' gti mug gi chos can yin/ 'jam dpal
207a2 gyis smras pa/ lha'i bu/ gti mug ces bya ba ni gang cung zad kyang mi shes pa yin pas de la gang gi tshe byang chub sems dpa' chos kyi ngo bo nyid la snyoms par zhugs pa de
207a3 shes par mi byed/ rnam par shes par mi byed/ kun tu shes par mi byed/ len par mi byed/ spong bar mi byed/ 'byung bar mi byed/ 'jig par mi byed/ g.yo bar mi byed/
207a4 rlom sems su mi byed/ skyod par mi byed/ chos kyi rang bzhin gyis 'gog pa la snyoms par zhugs pa de lta na/ lha'i bu/ byang chub sems dpa' gti mug gi chos
207a5 can yin no/ /lha'i bus smras pa/ 'jam dpal/ ji ltar na byang chub sems dpa' 'khor ba'i chos can yin/ 'jam dpal gyis smras pa/ lha'i bu/ gang gi tshe byang chub
207a6 sems dpa' khor ba las kyang mi g.yo la de nyid las sangs rgyas kyi chos rnams tshol bar yang byed pa dang / bdud thams cad dang thun mong ma yin zhing spyod pa dman pa
207a7 rnams dang ma 'dres pa dang / sems can rnams spyod pa dman pa las phral zhing spyod pa rgya chen po la 'god par byed pa dang / don mthun par byed pa dang / mi dge ba thams
207b1 cad la mi bsngags brjod par byed cing 'dun pa bzlog pa dang / phyir zlog par byed pa dang / byang chub 'khor ba la gzhol bar shes par byed pa dang / 'khor ba mnyam pa nyid
207b2 kyis sangs rgyas mnyam pa nyid du lta bar byed pa dang / 'khor ba las mi g.yo zhing gnas pa'ang mi byed pa de lta na/ lha'i bu/ byang chub sems dpa' 'khor ba'i chos can
207b3 yin no/ /lha'i bus smras pa/ 'jam dpal/ ji ltar na byang chub sems dpa' yongs su mya ngan las 'das pa'i chos can yin/ 'jam dpal gyis smras pa/ lha'i bu/ gang gi tshe
207b4 byang chub sems dpa' sems can thams cad rang bzhin gyis yongs su mya ngan las 'das par lta bar byed pa dang / chos thams cad rang bzhin gyis nye bar zhi bar shes
207b5 par byed pa dang / sems can thams cad yongs su mya ngan las 'da' ba dang / nye bar zhi bar bya ba'i chos ston par byed pa dang / sems can dpag tu med pa me gsum gyis
207b6 'bar bar gyur pa rnams nye bar zhi bar byed cing yongs su mya ngan las 'da' bar byed pa dang / yongs su mya ngan las 'das pa la dang spyod par byed la/ gtan du yongs su mya
207b7 ngan las 'da' bas yongs su mya ngan las 'da' bar yang mi byed pa de lta na/ lha'i bu/ byang chub sems dpa' yongs su mya ngan las 'da' ba'i chos can yin te/ thabs la mkhas
208a1 pa dang / thabs shes pa la nges par skyes pa dang / sems can thams cad la phan pa dang / rjes su snying brtse ba dang ldan pa yin no/ /'jam dpal
208a2 gzhon nur gyur pas bstan pa 'di bshad pa na srog chags 'bum lhag tsam chos rnams la chos kyi mig rdul med cing dri ma dang bral ba rnam par dag go /srog chags
208a3 drug khri ni len pa med pa zag pa rnams las sems rnam par grol lo/ /sngon dge ba'i rtsa ba bskyed cing sangs rgyas mang po la bsnyen bkur byas pa'i sems can rnams
208a4 kyis ni mi skye ba'i chos la bzod pa thob par gyur to/ /byang chub sems dpa' nyi khri lnga stong gis ni mi zad pa'i rnam pa'i mdzod ces bya ba'i gzungs so sor thob par gyur
208a5 to| |srog chags sa ya phrag gnyis dang lnga 'bum gyis ni bla na med pa yang dag par rdzogs pa'i byang chub tu sems bskyed do/ /steng gi bar snang las kyang bcom ldan
208a6 'das dang / 'jam dpal gzhon nur gyur pa la mchod par bya ba'i phyir me tog gi char dag mngon par rab tu phab bo/ /de nas lha'i bu rab rtsal sems kyis 'jam
208a7 dpal gzhon nur gyur pa la 'di skad ces smras so/ /'jam dpal/ ji ltar na byang chub sems dpa' thabs dang / shes rab kyis nges par 'byung ba yin/ de nas 'jam
208b1 dpal gzhon nur gyur pas lha'i bu rab rtsal sems la tshigs su bcad de smras pa/ gang tshe sems ni chags med pa/ /bla med byang chub sems yin te/ /sems kyi rang bzhin
208b2 mngon sum pa/ /de ni shes rab mtshan nyid do/ /sems rnams bskyed pa thams cad ni/ /byang chub tu ni yongs bsngo zhing / /byang chub sems las rab rtas pa/ /de ni
208b3 thabs kyi mtshan nyid do/ /sems can thams cad bdag med cing / /mi bden ya ma brla gsog tu/ /gang tshe shes pas shes byed pa/ /de ni shes rab mtshan nyid do/ /gang
208b4 phyir sems can thams cad dag /byang chub phyir ni sbyin byed cing / /bsam pa thag pas sdud byed pa/ /de ni thabs kyi mtshan nyid do/ /gang tshe bdag dang byang chub dag/ gtan
208b5 du mthong bar mi byed cing / /'khor gsum yongs su dag gyur pa/ /de ni shes rab mtshan nyid do/ /nang dang yang na phyi rol dag /thams cad yongs su gtong byed cing / /sems
208b6 can kun la yongs bsngo ba/ /de ni thabs kyi mtshan nyid do/ /zhi zhing rab zhi gtsang dag cing / /tshul khrims rlom sems mi byed la/ /lus dang ngag yid zhi gyur pa/ /
208b7 de ni shes rab mtshan nyid do/ /tshul khrims la ni zhugs gyur cing / /gzhan yang tshul khrims sbyor byed la/ /sangs rgyas tshul khrims bsngo byed pa/ /de phyir thabs
209a1 zhes bya ba yin/ /chos rnams thams cad rab stong zhing / /bdag med bzod pa sgom byed la/ /lus dang sems kyis ma smras pa/ /de ni shes rab
209a2 pha rol phyin/ /lus kyis sbyor bar mi byed cing / /ngag dang sems kyis ma yin la/ /chos rnams kun la dben gyur pa/ /de ni shes rab pha rol phyin/ /sems can kun gyi khro ba
209a3 dang | |gsod dang 'ching ba bzod byed cing / /sems can de dag mi spong ba/ /de ni thabs kyi pha rol phyin/ /sems can yongs su smin bya'i phyir/ ba/sam gtan bde ba rab
209a4 spangs nas/ /grong dang yul 'khor snang byed pa/ /de ni thabs kyi pha rol phyin/ /tshu rol ma yin pha rol min/ /mthun pa'i pha rol rab gnas shing / /spros pa'i lta ba rgyun bcad
209a5 pa| |shes rab pha rol phyin rtogs yin/ /gang gis stong nyid rtogs gyur nas/ /de ni btang snyoms mi byed cing / /sems can stong nyid sbyor byed pa/ /de ni thabs kyi tshul yin
209a6 no| |sangs rgyas gzugs med mkha' 'dra bar/ /chos kyis sgo nas lta byed cing / /de tshe gzugs la zhen med pa/ /de ni shes rab mtshan nyid do/ /sangs rgyas mtshan nyid
209a7 mchod 'dod cing / /sangs rgyas bye ba mchod byed la/ /'dren kun mchod du 'jug byed pa/ /de phyir thabs zhes bya ba yin/ /chos rnams rdul med rdul bral zhing / /mkha'
209b1 dang mnyam pas mnyam gyur la/ /chos 'ga'ang 'dzin par mi byed pa/ /de ni shes rab pha rol phyin/ /chos ni yongs su gzung ba'i phyir/ /lus dang srog ni 'dor byed cing / /
209b2 'jig rten kun gyis dben gyur ba/ /de ni thabs kyi sgo yin no/ /chos dbyings gnas pa nyid kyi phyir/ /yang dag mtha' la rab gnas shing / /de bzhin nyid las mi g.yo ba/ /de
209b3 ni shes rab sgo yin no/ /gang gi chos nyid ci 'dra ba/ /sems can de 'drar shes byed cing / /de ltar rtog par byed pa'i mtha'/ /de ni shes rab pha rol phyin/ /chos kun 'chi 'pho yod
209b4 min zhing / /skye ba med par shes byed la/ /mi 'gro rgyug par mi byed pa/ /de ni shes rab pha rol phyin/ /sems can yongs su smin bya'i phyir/ /mkhas pas 'dod dang gzugs rnams
209b5 su| |bsam bzhin du ni skye byed pa/ /de dag thabs kyi yon tan yin/ /dgon pa gnas rab gnas byed cing / /nyon mongs med la rab gnas la/ /bsam gtan rnam thar rten byed
209b6 pa| |de dag shes rab mtshan nyid yin/ /grong dang yul 'khor rnams su ni/ /song nas snyan gtam ston byed cing / /mi zad zhum pa yod min pa'i/ /mkhas pa thabs la mkhas
209b7 pa yin/ /'jig rten gsum po thams cad las/ /skrag cing 'du 'dzi bsten med la/ /bdag nyid dul zhing zhi gyur pa/ /de ni shes rab pha rol phyin/ /'gro ba dag na 'dul chen
210a1 dang | |tshogs dang 'du 'dzin ji snyed pa/ /kun na snang ba de dag ni/ /thabs kyis smras pa med pa yin/ /brtan pa chags med spyod byed cing / /yi ge don
210a2 gnyer mi byed la/ /brjod med nges don don gnyer ba/ /de ni shes rab pha rol phyin/ /mkhas pa chags pa thams cad na/ /snang zhing chos rnams ston byed la/ /dkon
210a3 mchog gsum gyi bsngags brjod pa/ /de ni thabs kyi pha rol phyin/ /mngon shes shes la mkhas gyur cing / /zhi zhing dul la zag pa med/ /bdag med gzhag pa yod
210a4 min pa/ /de ni shes rab pha rol phyin/ /mngon shes dag la rnam 'phrul zhing / /zhing rnams bye bar 'gro byed la/ /sangs rgyas bye ba mang mchod pa/ /de ni thabs kyi
210a5 mtshan nyid yin/ /phung po sgyu ma 'drar shes shing / /nyon mongs dngos med shes byed nas/ /de dag bdud kun zhi gyur pa/ /de ni shes rab pha rol phyin/ /bdud rnams
210a6 thams cad ston byed cing / /bstan nas rgyal bar byed gyur la/ /de las sems can thar byed pa/ /de ni thabs kyi sgo yin no/ /stong nyid mtshan ma med pa dang / /smon par
210a7 byed pa yod min pa'i/ /rnam thar sgo la ston byed pa/ /de ni shes rab mtshan nyid yin/ /chags med sdang ba yod min zhing / /rmongs med shes pa'i spyod yul dang / /blang
210b1 med dor ba yod min pa/ /de ni shes rab mtshan nyid yin/ /rnam pa kun gyi mchog ldan zhing / /stong nyid rab tu sten gyur la/ /kun gyi pha rol son gyur pa/ /mnyam med 'gog
210b2 pa'i mtshan nyid yin/ /zag med brtul ba ma yin pa/ /de dag shes rab ldan 'gyur zhing / /'khor ba'i spyod yul de dag ni/ /sems can kun gyi grogs su 'gyur/ /bsod
210b3 nams tshogs kyis mi ngoms pa'i/ /mkhas pa thabs la mkhas pa yin/ /shes rab thabs la mkhas pa yi/ /yan lag gnyis ldan lam de ni/ /shes ldan byang chub sems
210b4 dpa' ste/ /des ni 'dren rnams nges par 'byung / /thabs dang mi ldan shes rab kyis/ /ma byung 'byung bar 'gyur ba med/ /shes rab med pa'i thabs kyis ni/ /mkhas pa
210b5 rab tu zhi mi 'gyur/ /shes rab dang ni thabs shes pa/ /de gnyis kun tu 'dres gyur cing / /gnyis ka zung du 'jug 'gyur na/ /des ni dam pa rtogs par 'gyur/ /gang dag
210b6 bgrod pa 'dir 'gro ba/ /sangs rgyas kun gyis rab bsngags shing / /ye shes pha rol phyin 'gyur te/ /de ni chos rnams chos nyid do/ /de dag sangs rgyas spyod yul gyi/ /
210b7 chos dbyings dbyer med dga' byed cing / /sangs rgyas byang chub bla med pa'i/ /rdul med byang chub rtogs par 'gyur/ /lha'i bu rab rtsal sems kyis 'jam dpal
211a1 gzhon nur gyur pa la/ gzhan yang / 'di skad ces smras so/ /'jam dpal/ byang chub kyi yul gang yin/ /'jam dpal gyis smras pa/ lha'i bu
211a2 byang chub kyi yul ni rang gi yul dben pa nyid do/ /lha'i bus smras pa/ /'jam dpal/ byang chub kyi mtshan nyid gang yin/ 'jam gyis smras pa/ lha'i bu/ byang chub ni nam
211a3 mkha'i mtshan nyid do/ /lha'i bus smras pa/ /'jam dpal/ byang chub kyi mtha' gang yin/ 'jam dpal gyis smras pa/ lha'i bu/ byang chub kyi mtha' ni stong pa nyid yin no/
211a4 lha'i bus smras pa/ 'jam dpal/ byang chub kyi gnas gang yin/ 'jam dpal gyis smras pa/ lha'i bu/ byang chub kyi gnas ni chos thams cad kyi gnas yin no/ /lha'i bus
211a5 smras pa/ 'jam dpal/ byang chub kyi sgo gang yin/ 'jam dpal gyis smras pa/ lha'i bu/ byang chub kyi sgo ni kun nas sgo yin no/ /lha'i bus smras pa/ 'jam dpal/ byang
211a6 chub kyi rtsom pa gang yin/ 'jam dpal gyis smras pa/ lha'i bu/ byang chub kyi rtsom pa ni sems can thams cad bdag med pa'o/ /lha'i bus smras pa/ 'jam dpal/ byang chub
211a7 ci dang mnyam/ 'jam dpal gyis smras pa/ lha'i bu/ byang chub ni chos thams cad mi skye ba dang mnyam mo/ /lha'i bus smras pa/ 'jam dpal/ byang chub kyi bgrod pa gang yin/
211b1 'jam dpal gyis smras pa/ lha'i bu/ byang chub kyi bgrod pa ni sems can thams cad kyi sems dang spyod pa yin no/ /byang chub kyi bgrod pa ni 'gro ba med par 'gro ba dang / rgyu
211b2 ba med par 'gro ba yin no/ /lha'i bus smras pa/ 'jam dpal/ byang chub gang gi rgyu mthun pa yin/ 'jam dpal gyis smras pa/ lha'i bu/ byang chub ni snying rje chen po'i rgyu
211b3 mthun pa yin no/ /lha'i bus smras pa/ 'jam dpal/ snying rje chen po gang gi rgyu mthun pa yin/ 'jam dpal gyis smras pa/ lha'i bu/ snying rje chen po ni sems can thams
211b4 cad rab tu thar bar bya ba'i rgyu mthun pa yin no/ /lha'i bus smras pa/ 'jam dpal/ byang chub ga las btsal bar bya/ 'jam dpal gyis smras pa/ lha'i bu/ byang chub ni
211b5 sems can thams cad kyi nyon mongs pa rjes su rtogs pa las btsal bar bya'o/ /lha'i bus smras pa/ 'jam dpal/ nyon mongs pa rnams ga las btsal bar bya/ 'jam
211b6 dpal gyis smras pa/ lha'i bu/ nyon mongs pa rnams ni 'phags pa'i lam yan lag brgyad pa las btsal bar bya'o/ /lha'i bus smras pa/ 'jam dpal/ ci 'phags pa'i
211b7 lam nyon mongs pa rnams dang lhan cig gnas sam/ 'jam dpal gyis smras pa/ lha'i bu/ gal te 'phags pa'i lam gnyis su gyur pa zhig yin na ni 'phags pa'i
212a1 lam nyon mongs pa rnams dang lhan cig gnas par yang 'gyur ba zhig /lha'i bu/ 'phags pa'i lam ni gnyis su gyur pa med pa ste/ nyon mongs pa
212a2 tshol ba gang yin pa de nyid 'phags pa'i lam yin no/ /lha'i bus smras pa/ 'jam dpal/ ji ltar na lam gyis lam gyi bya ba byas pa yin/ 'jam dpal gyis smras pa/ lha'i
212a3 bu| gang gi tshe btsal na nyon mongs pa rnams mi rnyed cing 'khor ba'ang mi rnyed/ mya ngan las 'das pa'ang mi rnyed pa de ltar na lam gyis lam gyi bya ba byas pa yin no/ /lha'i bus
212a4 smras pa/ 'jam dpal/ byang chub sems dpa'i lam gang yin/ 'jam dpal gyis smras pa/ lha'i bu/ byang chub sems dpa'i lam ni lta ba'i rnam pa drug cu rtsa gnyis
212a5 dang | phyin ci log bzhi dang / sgrib pa lnga dang / mi dge ba'i phyogs kyi chos thams cad do/ /lha'i bus smras pa/ 'jam dpal/ ci las bsams te de skad smra/ 'jam dpal gyis
212a6 smras pa/ lha'i bu/ byang chub sems dpa' ni sems can la sbyor ba yin pas sems can rnams kyang lta ba'i rnam pa dang / phyin ci log dang / sgrib pa dang / mi dge ba'i
212a7 chos rnams ma gtogs pa gzhan las btsal bar mi bya'o/ /de'i phyir byang chub sems dpa' ni gang gis sems can rnams rab tu phye ba'i lta ba'i rnam pa dang / phyin
212b1 ci log dang / sgrib pa dang / nyon mongs pa de dag nyid tshol bar byed de/ /de tshol bar byed na sems can yang mi rnyed/ nyon mongs pa rnams kyang mi rnyed do/ /ma rnyed na sems
212b2 can yongs su smin par bya ba la skyo bar mi 'gyur ba ste/ lha'i bu/ rnam grangs des na nyon mongs pa tshol ba ni byang chub sems dpa'i lam yin la/ sems can tshol ba'ang
212b3 byang chub sems dpa'i lam yin/ phung po dang / khams dang / skye mched dang / nyon mongs pa tshol ba'ang byang chub sems dpa'i lam yin no/ /lha'i bus smras pa/ 'jam
212b4 dpal| rnam par thar pa'i sgo gsum po dag byang chub sems dpa'i lam ma yin nam/ 'jam dpal gyis smras pa/ lha'i bu/ stong pa nyid ni btsal bar mi nus la/ mtshan
212b5 ma med pa dang / smon pa med pa'ang btsal bar ni nus so/ /de ci'i phyir zhe na/ lha'i bu/ de la ni sems dang / yid dang / rnam par shes pa 'jug par mi 'gyur la gang la sems
212b6 dang | yid dang / rnam par shes pa 'jug par mi 'gyur ba de ni btsal bar mi nus pa'i phyir ro/ /lha'i bus smras pa/ 'jam dpal/ lam ji ltar mngon par rtogs par bya/
212b7 'jam dpal gyis smras pa/ lha'i bu/ yang dag pa'i lta ba gang dang mnyam pa log pa'i lta ba'ang de dang mnyam pa de ltar mngon par rtogs pa gang yin pa de ni lam mngon
213a1 par rtogs pa yin no/ /yang dag pa'i rtog pa gang dang mnyam pa log pa'i rtog pa'ang de dang mnyam pa dang / yang dag pa'i ngag gang dang mnyam
213a2 pa log pa'i ngag kyang de dang mnyam pa dang / yang dag pa'i las kyi mtha' gang dang mnyam pa log pa'i las kyi mtha' yang de dang mnyam pa dang / yang dag pa'i 'tsho ba
213a3 gang dang mnyam pa log pa'i 'tsho ba'ang de dang mnyam pa dang / yang dag pa'i rtsol pa gang dang mnyam pa log pa'i rtsol ba'ang de dang mnyam pa dang / yang dag pa'i dran
213a4 pa gang dang mnyam pa log pa'i dran pa'ang de dang mnyam pa dang / yang dag pa'i ting nge 'dzin gang dang mnyam pa log pa'i ting nge 'dzin kyang de dang mnyam pa de ltar
213a5 mngon par rtogs pa gang yin pa de ni lam mngon par rtogs pa yin no/ /lha'i bus smras pa/ 'jam dpal/ yang dag pa'i lta ba gang dang mnyam/ 'jam dpal gyis
213a6 smras pa/ lha'i bu/ yang dag pa'i lta ba dang / log pa'i lta ba ni stong pa nyid dang / dben pa nyid dang mnyam pa yin no/ /lha'i bus smras pa/ 'jam dpal/ stong pa nyid
213a7 dang / dben pa nyid tha dad du bya ba ci yod/ 'jam dpal gyis smras pa/ lha'i bu/ nam mkha' dang / nam mkha' la tha dad du bya ba ci yod/ lha'i bus smras pa/ 'jam dpal/ tha dad
213b1 du bya ba cung zad kyang med do/ /'jam dpal gyis smras pa/ lha'i bu/ de bzhin du stong pa nyid dang / dben pa nyid la'ang tha dad du bya ba cung zad kyang med do/ /lha'i bus smras pa/
213b2 'jam dpal/ tha dad du bya ba gang las rab tu phye ba yin/ 'jam dpal gyis smras pa/ lha'i bu/ tha dad du bya ba ni mtshan ma dang / dmigs pa dang / 'du shes dang / spros pa
213b3 las rab tu phye ba yin te/ mtshan ma dang / dmigs pa dang / 'du shes dang / spros pa gang yin pa de'i ngo bo nyid kyi mtshan nyid rjes su rtogs pa gang yin pa de la ni tha dad
213b4 du bya ba med do/ /lha'i bu/ 'di lta ste/ dper na/ rgya mtsho chen por ma zhugs pa'i chu la ni tha dad du bya ba yod kyi rgya mtsho chen por zhugs pa'i chu la ni tha dad du bya ba med pa de
213b5 bzhin du/ lha'i bu/ chos kyi dbyings yongs su ma shes pa la ni chos la tha dad du bya ba yod kyi chos kyi dbyings yongs su shes pa la ni chos tha dad du bya ba med do/ /lha'i bus
213b6 smras pa/ 'jam dpal/ ci chos kyi dbyings yongs su shes par nus sam/ 'jam dpal gyis smras pa/ lha'i bu/ chos kyi dbyings ni yongs su shes par mi nus so/ /de ci'i
213b7 phyir zhe na/ lha'i bu/ chos thams cad ni chos kyi dbyings su yang dag par 'du ba yin la/ chos kyi dbyings kyis ni chos kyi dbyings yongs su mi shes pa'i phyir ro/ /chos
214a1 kyi dbyings su yang dag par 'du ba'i chos de dag la gnyis su med par shes pa de dag gang yin pa de ni yongs su shes pa zhes bya ste/ sems
214a2 gcig nas gcig tu brgyud pa nye bar zhi bar byed pa'i phyir de ni yongs su shes pa zhes bya'o/ /gzhan gyi rnam par rig pa la gnas pa'i phyir de ni yongs su shes pa zhes bya'o/ /
214a3 lha'i bu/ 'di lta ste/ dper na/ nam mkha' gzugs med pa'i snang ba la gzugs thams cad snang yang gzugs de dag ni nam mkha'i ngo bo nyid yin pa de bzhin du/
214a4 lha'i bu/ byang chub sems dpas rang gis smras pa'i chos kyi dbyings kyi sgo nas chos thams cad mthong yang chos de dag ni chos kyi dbyings kyi ngo bo nyid kho na yin no/
214a5 lha'i bus smras pa/ 'jam dpal/ ji ltar na byang chub sems dpa' mgo smos pas go ba yin/ 'jam dpal gyis smras pa/ lha'i bu/ mgo smos pas go ba'i rang
214a6 gi lta bas sems can thams cad kyi lta ba spang ba'i phyir chos ston par byed na'o/ /lha'i bus smras pa/ 'jam dpal/ ji ltar na byang chub sems dpa' rnam par spros
214a7 pas go ba yin/ 'jam dpal gyis smras pa/ lha'i bu/ dben pa'i phyir bdag kyang gzhan du mi byed la/ bdag med pa'ang gzhan du mi byed na'o/ /lha'i bus smras pa/
214b1 'jam dpal/ ji ltar na byang chub sems dpa' mi bkri ba yin/ 'jam dpal gyis smras pa/ lha'i bu/ gang gi tshe byang chub sems dpa' chos 'ga' yang khrid par mi
214b2 byed na'o/ /lha'i bus smras pa/ 'jam dpal/ ji ltar na byang chub sems dpa' gnas lhur len pa yin/ 'jam dpal gyis smras pa/ lha'i bu/ gang gi tshe byang chub sems
214b3 dpa' mtshan ma med pa'i gnas las g.yo bar mi byed na'o/ /lha'i bus smras pa/ 'jam dpal/ gang gis byang chub sems dpa' tshogs gsum po nges pa nyid dang / ma
214b4 nges pa nyid dang / log pa nyid du nges pa'i tshogs dag la snang bar 'gyur ba'i rnam grangs yod dam/ 'jam dpal gyis smras pa/ lha'i bu/ yod do/ /lha'i bus smras pa/
214b5 'jam dpal/ ji lta bu yin/ 'jam dpal gyis smras pa/ lha'i bu/ byang chub sems dpa' nges pa ni sangs rgyas kyi chos thams cad la'o/ /ma nges pa ni nyan thos dang / rang sangs
214b6 rgyas kyis la'o/ /log pa nyid du nges pa ni de las sems can bsgral bar bya ba la'o/ /lha'i bus smras pa/ 'jam dpal/ gang gis byang chub sems dpa' mi khom pa thob cing
214b7 khom pa ma thob pa'i rnam grangs yod dam/ 'jam dpal gyis smras pa/ lha'i bu/ yod do/ /lha'i bus smras pa/ 'jam dpal/ 'o na ci'i phyir byang chub sems dpa' mi khom
215a1 pa thob pa rnams la snying rje chen po skyed par byed cing sems can yongs su smin par bya ba'i phyir khom pa thob pa de dag kyang yal bar 'jog par
215a2 byed| 'jam dpal gyis smras pa/ lha'i bu/ gang rnam par grol ba'i tshogs de dag ni khom pa thob pa yin pas de la ni byang chub sems dpar mi snang ngo / /lha'i bus
215a3 smras pa/ 'jam dpal/ khyod mi khom pa thob pa yin nam/ 'on te khom pa thob pa yin/ 'jam dpal gyis smras pa/ lha'i bu/ kho bo ni khom pa thob pa'ang ma yin/ mi
215a4 khom pa thob pa'ang ma yin no/ /lha'i bus smras pa/ 'jam dpal/ ci'i phyir/ 'jam dpal gyis smras pa/ lha'i bu/ kho bo ni thob pa'ang ma yin/ yang dag par
215a5 thob pa'ang ma yin/ khom pa'ang ma yin/ mi khom pa'ang ma yin la/ khom pa dang / mi khom pa la chags par yang mi byed pa'i phyir ro/ /lha'i bus smras pa/ 'jam
215a6 dpal/ chos kyi rnam grangs 'dis ni bdud kyi dkyil 'khor thams cad tshar gcod do/ /'jam dpal gyis smras pa/ lha'i bu/ 'di ltar chos kyi rnam grangs 'di la
215a7 ni phung po yongs su shes pa'ang med/ nyon mongs pa sel ba'ang med/ bdud las yang dag par 'das pa'ang med pa'i phyir ro/ /lha'i bus smras pa/ 'jam dpal/
215b1 nye bar sbyar bas gzhan mu stegs can rnams pham par byas so/ /'jam dpal gyis smras pa/ lha'i bu/ 'di ltar 'di la mu stegs can thams cad kyi spyod pa med pa'i
215b2 phyir ro/ /lha'i bus smras pa/ 'jam dpal/ chos kyi tog btsugs so/ /'jam dpal gyis smras pa/ lha'i bu/ snang ba med pa dang / mun pa med pa'i phyir ro/ /lha'i bus
215b3 smras pa/ 'jam dpal/ 'dis ni chos kyi 'khor lo rab tu bskor to/ /'jam dpal gyis smras pa/ lha'i bu/ lta ba'i mtha' thams cad yongs su gcad pa'i phyir ro/ /lha'i bus
215b4 smras pa/ 'jam dpal/ chos bstan pa 'dis chos kyi snang ba ji snyed cig byas/ /'jam dpal gyis smras pa/ lha'i bu/ gang dag la snang ba'ang med pa mun pa'ang med pa de
215b5 dag chos kyi snang bar byas so/ /lha'i bus smras pa/ 'jam dpal/ sems can gang dag chos kyi rnam grangs 'di thos nas mos par 'gyur ba de dag ni dkon no/ /'jam dpal
215b6 gyis smras pa/ lha'i bu/ de de bzhin no/ /lha'i bus smras pa/ 'jam dpal/ 'di la su dag mos par 'gyur/ 'jam dpal gyis smras pa/ lha'i bu/ gang dag 'ching bas
215b7 rnam par 'khrug par mi 'gyur ba rnams so/ /lha'i bus smras pa/ 'jam dpal/ 'ching bas rnam par 'khrug par mi 'gyur ba dag gang yin/ 'jam dpal gyis smras
216a1 pa| lha'i bu/ gang dag 'dod chags dang / zhe sdang dang / gti mug dang / nyon mongs pa bsal ba'i sgo nas thar pa tshol bar mi byed pa dang /
216a2 gang dag 'dod chags dang / zhe sdang dang / gti mug dang / nyon mongs pa mnyam pa nyid kyi rnam par grol ba mnyam par 'gyur pa dag ste/ de dag gis ni 'ching
216a3 ba ma dmigs pas rnam par 'khrug pa'ang mi 'gyur ba'i phyir ro/ /'jam dpal gzhon nur gyur pas bstan pa 'di bshad pa na srog chags lnga 'bum tsam gyis
216a4 byang chub tu sems bskyed nas/ tshig 'di skad ces/ bdag cag gis kyang ci ltar 'jam dpal gzhon nur gyur pa dang / de bzhin gshegs pa dgra bcom pa yang dag
216a5 par rdzogs pa'i sangs rgyas kyis chos 'di dag brnyes pa de bzhin du thob par gyur cig ces kyang smras so/ /lha dang / mi rnams kyi skye dgu las srog chags 'bum lhag
216a6 tsam chos rnams la chos kyi mig rdul med cing dri ma dang bral ba rnam par dag go /gnas gtsang ma'i ris kyi lha'i bu drug khri ni len pa med par zag pa rnams las sems
216a7 rnam par grol lo/ /'dod pa na spyod pa'i lha'i bu brgyad khri'ang len pa med par zag pa rnams las sems rnam par grol lo/ /srog chags dang / dge slong dang / dge slong ma dang /
216b1 dge bsnyen dang / dge bsnyen ma nyi khri'ang len pa med par zag pa rnams las sems rnam par grol lo/ /byang chub sems dpa' sngon dge ba'i rtsa ba bskyed pa bdun khri nyis
216b2 stong gis ni mi skye ba'i chos la bzod pa thob par gyur to/ /thams cad dang ldan pa'i 'khor rnams kyang dga' ba dang / mgu ba dang / yi rangs ba dang / rab tu dga' ba dang /
216b3 dga' ba dang / yid bde ba skyes nas ched du brjod pa 'di ched du brjod do/ /e ma'o kun nas yongs grol ba'i/ /dmigs med chos ni legs par bshad/ /'jam dpal
216b4 gzhon nur gyur pa yis/ /shin tu legs par bshad par byas/ /de nas byang chub sems dpa' de dag dang / lha dang / klu dang / gnod sbyin dang / dri za dang / lha ma yin
216b5 dang | nam mkha' lding dang / mi'am ci dang / lto 'phye chen po dang / mi dang / mi ma yin pa de dag gis lha dang / mi'i mchod pa dag byas te/ steng gi bar snang las kyang lha'i me
216b6 tog gi char dag kyang phab/ rin po che'i char dag kyang phab/ gos kyi char dag kyang phab/ bdug spos kyi char dag dang / spos chu'i char dag dang / phye ma'i char dag kyang phab bo/ /lha
216b7 rnams kyis steng gi bar snang las lha'i sil snyan brgya stong dag kyang rab tu gsil bar gyur to/ /dge bsnyen dang / dge bsnyen ma rnams dang / rgyal po gsal rgyal gyis kyang
217a1 rang rang gi 'byor pa ci bdog pa dag gis bcom ldan 'das dang / 'jam dpal gzhon nur gyur pa la mchod pa byas so/ /thams cad dang ldan
217a2 pa'i 'khor rnams kyis kyang thal mo sbyar te tshig 'di skad ces/ bcom ldan 'das/ gang dag chos kyi rnam grangs 'di la dad par mi bgyid pa de dag la ni sangs rgyas
217a3 'byung ba ma mchis lags so/ /gang dag chos kyi rnam grangs 'di spong bar bgyid pa de dag la ni rab tu 'byung ba ma mchis lags so/ /gang dag chos kyi rnam grangs
217a4 'di bsgrubs te gnas par mi bgyid pa de dag la ni bsnyen par rdzogs par ma mchis lags so/ /de dag la ni 'phags pa'i bsnyen par rdzogs pas bsnyen par
217a5 rdzogs pa'ang ma mchis lags so/ /gang dag chos kyi rnam grangs 'di bgrod par mi mchi ba de dag la ni dge sbyong gi tshul ma mchis lags so/ /de dag la ni bram ze'i tshul
217a6 yang ma mchis lags so/ /gang dag chos kyi rnam grangs 'di la skrag par 'gyur ba de dag la ni thob pa'ang ma mchis/ mngon par rtog pa'ang ma mchis lags so/ /
217a7 gang dag chos kyi rnam grangs 'di nyan par bgyid pa dang / thos nas kyang mos par bgyid pa dang / len par bgyid pa dang / kun chub par bgyid pa dang / 'dzin par
217b1 bgyid pa dang / klog par bgyid pa dang / yi ger 'dri bar bgyid pa dang / snod 'tshal bar bgyid nas gzhan dag la'ang ston par bgyid pa dang / skyo ba ma mchis pa'i yid
217b2 kyis 'doms par bgyid pa dang / rjes su ston par bgyid pa dang / 'di la nan tan gyis sgrub par bgyid pa dang / gzhan dag kyang nan tan gyis sgrub du stsol ba dang / nyams
217b3 par mi bgyid pa de dag ni sems can dam pa dang / sems can chen po dang / dge ba'i rtsa ba bsrungs pa dang / sangs rgyas mang po la bsnyen bkur bgyis pa dang / gting
217b4 rnyed pa dang / log par ltung ba'i rgyun bkum pa dang / ngan song dang / ngan 'gro'i sgo bkum pa dang / dge ba'i bshes gnyen gyis yongs su zin pa dang / dge ba'i bshes
217b5 gnyen rnams la shin tu gus pa dang / dge ba'i bshes gnyen rnams la bgyis pa gzo zhing bgyis pa tshor ba lags shing / de dag ni 'das pa dang / ma 'ongs pa dang / da ltar byung
217b6 ba'i sangs rgyas bcom ldan 'das rnams kyis dam pa'i chos yongs su gzung ba'i slad du zhugs pa lags te/ skyes bu dam pa de dag la ni sangs rgyas 'byung ba'ang
217b7 mchis lags so/ /de dag la ni chos kyi 'khor lo bskor ba'ang mchis lags so/ /de dag la ni 'bras bu mchis pa dang / khom pa dang / ldan pa lags so zhes kyang
218a1 gsol to/ /de nas bcom ldan 'das kyis thams cad dang ldan pa'i 'khor de dag la legs so zhes bya ba byin nas/ byang chub sems dpa'
218a2 byams pa la bka' stsal pa/ byams pa/ chos kyi rnam grangs 'di bshad pa na lha dang / mi rnams kyi skye dgu las srog chags nyi khri nyis stong ni chos rnams la chos kyi
218a3 mig rdul med cing dri ma dang bral ba rnam par dag go /lha dang / mi rnams kyi skye dgu las srog chags 'bum phrag brgyad ni len pa med par zag pa rnams las sems
218a4 rnam par grol lo/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / dge slong dang / dge slong
218a5 ma dang / dge bsnyen dang / dge bsnyen ma sa ya phrag gnyis kyis ni byang chub tu sems bskyed do/ /'di na gnas pa dang / 'jig rten gyi khams gzhan dag nas 'dus
218a6 pa'i byang chub sems dpa' lnga 'bum gyis ni mi skye ba'i chos la bzod pa thob par gyur to/ /byang chub sems dpa' bsam pa tha dad pa gnyis stong tsam gyis ni gzungs
218a7 na tshogs so sor thob par gyur to/ /byang chub sems dpa' 'bum gyis ni gzungs dri ma med pa so sor thob par gyur to/ /de dag las byang chub sems dpa' mang po dag /
218b1 byang chub sems dpa' byams pa/ khyod kyis byang chub thob pa'i dam pa'i chos yongs su 'dzin par 'gyur zhing mdo sde zab mo 'di lta bu dag nod pa dang / ston pa dang / 'dzin pa
218b2 dang | klog par yang 'gyur te/ de dag ni byams pa khyod nyid kyis byang chub tu lung ston par 'gyur ro/ /de nas bcom ldan 'das la byang chub sems dpa' byams pas 'di
218b3 skad ces gsol to/ /bcom ldan 'das/ rigs kyi bu'am/ rigs kyi bu mo gang dag mdo sde 'di 'dzin pa dang / klog pa dang / ston pa dang / yi ger 'dri ba dang / dam pa'i chos
218b4 yun ring du gnas par bgyi ba'i slad du glegs bam du bgyis te 'chang ba dang / tha na lan 'ga' zhig nyan par bgyid pa dang / rna lam du grags par bgyid pa de dag bsod
218b5 nams ji tsam bskyed par 'gyur lags/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa/
218b6 khyod de bzhin gshegs pa la don 'di yongs su 'dri bar sems pa ni legs so/ /legs so/ /byams pa/ de'i phyir legs par rab tu nyon la yid la zungs shig dang ngas
218b7 khyod la bshad par bya'o/ /byams pa/ nan gyis dper na/ lha dang / mi rnams kyi skye dgu las lha'am/ mi gang zhig gis sangs rgyas bcom ldan 'das 'khor gang+gA'i klung gi bye ma
219a1 snyed dang bcas pa gang+gA'i klung gi bye ma snyed cig la bskal pa gang+gA'i klung gi bye ma snyed du bde ba'i yo byad thams cad kyis bsnyen bkur byas par
219a2 gyur pa de bas ni gang gis mdo sde legs par gsungs pa 'di yi ger bris te 'dzin pa dang / klog pa dang / de bzhin nyid du sgrub par byed pa dang / gzhan dag la
219a3 ston par byed pa ches bsod nams mang du bskyed par 'gyur te/ byang chub mngon par rdzogs par 'tshang rgya ba'i phyir ring por mi thogs par byang chub kyi snying por nye bar
219a4 'gro bar yang 'gyur ro/ /byams pa/ nga ni gang dag gis mdo sde 'di thos nas spong bar mi byed cing mos par byed pa dang / tha na glegs bam du 'dri bar byed pa de dag
219a5 kyang mos pa ji lta ba bzhin du phyir mi ldog pa nyid du lung ston to/ /byams pa/ nga ni gang dag gi mdo sde zab mo 'di lta bu 'di ni ming tsam thos pa de dag kyang 'bras bu yod par
219a6 lung ston par byed na gang dag mos pa dang / yi ger 'dri ba dang / klog pa dang / gzhan dag la'ang ston par byed pa dag lta smos kyang ci dgos/ gang dag mdo sde 'di yi ger
219a7 'dri ba dang / lung nod pa dang / kha ton byed pa dang / klog pa dang / de bzhin nyid du sgrub par byed pa de dag ni sangs rgyas bcom ldan 'das rnams dang lhan cig tu gtam 'dri
219b1 bar byed pa dang / phebs par smra bar byed par 'gyur te/ de dag ni rtag tu sangs rgyas bcom ldan 'das rnams dang mi 'bral bar 'gyur zhing 'jig rten gyi khams gzhan dag na
219b2 bzhugs pa'i sangs rgyas bcom ldan 'das rnams dang / byang chub sems dpa' sems dpa' chen po rnams kyis kyang de dag la ston par mdzad cing bla na med pa yang dag par
219b3 rdzogs pa'i byang chub tu lung ston par 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ chos kyi rnam grangs 'di thos
219b4 pa de ni sangs rgyas 'byung ba dang 'dra ba yin gyi/ kun dga' bo/ khyod kyis chos kyi rnam grangs 'di zungs shig /gzhan dag la'ang rgya cher ston cig /kun dga' bos gsol
219b5 pa| bcom ldan 'das/ chos kyi rnam grangs 'di'i ming ci zhes bgyi/ 'di ji ltar gzung bar bgyi/ 'di'i ming ji skad bstan par bgyi lags/ bcom ldan 'das kyis
219b6 bka' stsal pa/ kun dga' bo/ chos kyi rnam grangs 'di lha'i bu rab rtsal sems kyis zhus pa zhes bya ba dang / 'jam dpal gyis bstan pa chos thams cad rnam par gtan la
219b7 dbab pa bstan pa zhes bya bar yang zungs shig /de nas 'khor de dag gis chos kyi rnam grangs 'di'i ming thos nas thal mo sbyar te bcom ldan 'das la 'di skad ces gsol
220a1 to| |bcom ldan 'das/ bdag cag gis 'jam dpal gzhon nur gyur pas chos bstan pa mang du thos lags na ji ltar chos kyi rnam grangs
220a2 rab tu rnam par phye ste rgya cher bstan pa de lta bu'i chos ni nam yang ma byung lags so/ /bdag cag gis kyang chos kyi rnam grangs la dga' ba 'di lta bu thob pa ni sngon ma myong
220a3 lags te/ de lta lags pas bcom ldan 'das yongs su mya ngan las 'das nas kyang skye bo mang po la sman pa dang / ma 'ongs pa'i skye bo rnams kyi slad du chos kyi rnam grangs
220a4 'di ci nas sangs rgyas kyi mdzad pa bgyid par 'gyur ba dang / sems can mos pa tha dad pa rnams kyis chos kyi rnam grangs 'di thos nas mos pa ji lta ba bzhin du theg
220a5 pa tha dad pas nges par 'byung bar 'gyur ba dang / de dag bde 'gror mchi bar bgyi bar bcom ldan 'das kyis chos kyi rnam grangs 'di legs par byin gyis brlab tu gsol
220a6 de nas bcom ldan 'das kyis 'khor bzhi po de dag gis gsol ba btab par thugs su chud nas phyogs bcur rnam par gzigs so/ /bcom ldan 'das phyogs bcur
220a7 rnam par gzigs ma thag tu de nas de'i mod la stong gsum gyi stong chen po'i 'jig rten gyi khams 'di'i sa gzhi chen po rnam pa drug tu rab tu g.yos par gyur cing / lha
220b1 dang | klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams kyang dga' ba dang / mgu ba dang / yi rangs pa dang /
220b2 spro ba dang / dga' ba dang / yid bde ba skyes nas ci nas kyang phyi ma'i dus na chos kyi rnam grangs 'di nub bar mi 'gyur bar byin gyis brlab par bya ba'i phyir de bzhin gshegs
220b3 pa dang / byang chub sems dpa' sems can la dga' ba rnams dang / nyan thos kyi dge 'dun la lha'i mchod pa dag byas shing steng gi bar snang las me tog gi char dag kyang
220b4 rab tu phab/ lha'i sil snyan dang / glu dbyangs dag kyang rab tu gsil cing blangs so/ /de nas de bzhin gshegs pas thams cad dang ldan pa'i 'khor de la 'di skad ces/ nga dang /
220b5 'jam dpal gzhon nur gyur pas chos kyi rnam grangs 'di byin gyis brlabs so zhes go bar mdzad do/ /de nas thams cad dang ldan pa'i 'khor de dang / byang chub sems dpa'
220b6 de dag dga' ba dang / mgu ba dang / yi rangs ba dang / rab tu dga' ba dang / dga' ba dang / yid bde ba skyes nas bcom ldan 'das dang / 'jam dpal gzhon nur gyur pa la mchod
220b7 pa byas te/ rang rang gi gnas su dong ngo / /bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa kun dga' bo
221a1 dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ /'phags pa lha'i bu rab
221a2 rtsal sems kyis zhus pa zhes bya ba theg pa chen po'i mdo rdzogs so// //rgya gar gyi mkhan po pradz+nyA warma dang / zhus chen gyi lo tsA ba ban+de ye shes sde la
sogs pas bsgyur cing zhus te gtan phab pa/
CLOSE WINDOW