བོད་ཡིག |
16a2 zhus chen gyi lo tsA ba ban+de ye shes sdes bsgyur cing zhus te gtan la phab pa// //rgya gar skad du/ AR+ya
16a3 brah+ma dat+ta pa ri pr-i ts+tshA nA ma ma hA yA na sU tra/ bod skad du/ 'phags pa tshangs pas byin gyis zhus pa zhes bya ba theg pa chen po'i mdo/ sangs rgyas dang / byang chub sems dpa'
16a4 thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun
16a5 dga' ra ba na dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po thams cad kyang mngon
16a6 par shes pa mngon par shes pa'i byang chub sems dpa' mngon par shes pa thob pa/ gzungs thob pa/ ting nge 'dzin thob pa/ chags pa med pa'i gzungs thob pa/ sgo
16a7 mtha' yas pa'i phyag rgya bsgrub pa'i gzungs la mkhas pa/ stong pa nyid la gnas pa/ mtshan ma med pa'i spyod yul ba/ ma brtags pa'i smon lam can/ mi skye ba'i
16b1 chos la bzod pa thob pa sha stag dang thabs gcig tu bzhugs te/ de nas byang chub sems dpa' mthong ba don yod byang chub sems dpa' lnga brgya tsam dang lhan cig tu bcom
16b2 ldan 'das kyi zhabs la phyag btsal te/ bcom ldan 'das la bskor ba byas nas/ mthar gyis ljongs rgyu zhing song ba las lnga 'dzin gyi ljongs su phyin to/ /de nas rgyal po tshangs pas byin
16b3 gyis byang chub sems dpa' mthong ba don yod bdag gi yul 'dir phyin to zhes thos nas de tshim zhing mgu la yi rangs te/ rab tu dga' ba dang / yid bde ba skyes nas skye
16b4 bo'i tshogs mang pos yongs su bskor cing mdun du bdar nas/ byang chub sems dpa' mthong ba don yod pa/ ga ba der song ste phyin nas/ byang chub sems dpa' mthong ba
16b5 don yod kyi rkang pa la mgo bos phyag btsal te phyogs gcig tu 'dug go/ skye bo phal po che de dag kyang byang chub sems dpa' mthong ba don yod kyi rkang pa la mgo bos
16b6 phyag btsal nas/ phyogs gcig tu 'khod do/ /de nas byang chub sems dpa' sems dpa' chen po mthong ba don yod kyis rgyal po tshangs pas byin g.yog 'khor dang
16b7 bcas pa 'khod par rig nas rgyal po tshangs pas byin la 'di skad ces smras so/ /rgyal po chen po/ rgyal rigs spyi bo nas dbang bskur ba'i rgyal po chos lnga dang ldan
17a1 pa ni 'khor ba na 'khor ba'i tshe rtag tu khyad par du 'gro bar 'gyur la/ mi khom pa rnams su'ang skye bar mi 'gyur ro/ /de bzhin gshegs pa dang yang
17a2 phrad cing mnyes par byed par 'gyur ro/ /sangs rgyas bcom ldan 'das rnams chos ston pa na'ang ldem po'i ngag la mkhas par 'gyur ro/ /dran pa mi chod pa dang ldan par
17a3 'gyur/ mdzes par yang 'gyur/ dbang po ma tshang bar mi 'gyur/ sangs rgyas bcom ldan 'das rnams kyis kyang don dam pa dang ldan pa'i gtam/ 'di lta ste/ bden pa
17a4 bzhi bstan pa dang ldan pas bod par 'gyur te/ lnga gang zhe na/ rgyal po chen po/ 'di la rgyal rigs spyi bo nas dbang bskur ba'i rgyal po ni dad pa can yin te/ dad pa'i
17a5 shas che zhing zhe 'gras pa med pa'i yid dang ldan no/ /de'i dad pa de'ang nges par rtsa zug tu bstan pa yin no/ /dad pa de'ang rnam pa bcur blta bar bya ste/ bcu gang zhe
17a6 na| 'di lta ste/ g.yo med par sbyin pa dang / ba dog pa thams cad yongs su gtong ba dang / lhag pa'i nga rgyal med pa dang / dad pa'i shas che ba dang / 'phags pa'i
17a7 bstan pa la skyon du mi 'dzin pa dang / dge slong rab 'bring tha ma rnams la 'khrul ba mi 'tshol ba dang / stong pa nyid la mos pa dang / lus kyi las yongs su dag pa dang /
17b1 ngag gi las yongs su dag pa dang / yid kyi las yongs su dag pa ste bcu po de dag yin no/ /rgyal po chen po/ chos dang po 'di dang ldan pa'i rgyal rigs spyi bo nas dbang bskur ba'i rgyal
17b2 po ni ji skad smos pa'i yon tan de dag thob par 'gyur ro/ /rgyal po chen po/ gzhan yang / rgyal rigs spyi bo nas dbang bskur ba'i rgyal po ni chos 'dod pa yin te/ rgyun mi 'chad par
17b3 'phags pa rnams mthong bar 'dod pa dang / thos pa 'tshol ba la chog mi shes so/ /de'i mang du thos pa de'ang sems kyis shin tu brtags pa dang / mthong bas shin tu rtogs
17b4 pa yin no/ /rgyal po chen po/ yan lag bcu dang ldan na chos dang ldan pa'i rgyal por rig par bya ste/ bcu gang zhe na/ 'di lta ste/ chos 'dod pas lus la mi lta zhing srog la mi
17b5 lta ba dang / 'khor ba la skyo ba'i yid dang ldan pa dang / khyim na gnas pa la skyon mang bar sems pa dang / dngos po thams cad la mi lta ba'i yid dang ldan pa dang / sngon mngon
17b6 par 'dus byas pa'i las kyi nang nas sdig pa'i las la smod cing ma 'ongs pa mngon par 'du mi byed pa dang / sdug pa dang / mi sdug pa rnams la nges par sems pa'i yid dang
17b7 ldan pa dang / bsam pa thag pa nas sgrub pas byang chub sems dpa'i spyod pa rdzogs par byed de/ tshig lhur len par mi byed pa dang / ye shes yongs su 'tshol bas dam
18a1 bcas pa la brtan pa dang / rang gi g.yog 'khor byang chub yang dag par 'dzin du 'jug cing / rgyun mi 'chad par de dag chos kyi sbyin pas yongs su smin par
18a2 byed la/ de dag gi zang zing yang sdud par byed pa ste/ bcu po de dag yin no/ /rgyal po chen po/ chos gnyis po 'di dang ldan pa'i rgyal rigs spyi bo nas dbang bskur ba'i rgyal
18a3 po ni ji skad smos pa'i yon tan de dag thob par 'gyur ro/ /rgyal po chen po/ gzhan yang / rgyal rigs spyi bo nas dbang bskur ba'i rgyal po ni chos zab mo'i bzod pa la mos
18a4 shing stong pa nyid kyi ting nge 'dzin sgrub pa thob pa yin no/ /de'i zab mo la mos pa de'ang rnam pa bcur rig par bya'o/ /bcu gang zhe na/ 'di lta ste/ ji skad smras pa de bzhin du
18a5 byed pa dang / dge ba'i chos spyod pa thams cad yongs su rdzogs par bya ba las shas cher gus pa drag po dang ldan zhing yang ba'i las mngon par 'du byed pa'ang yongs
18a6 su spong ba dang / mngon par 'du byed pa yid du 'ong ba'ang mngon par 'du byed pa dang / skye bo dbang phyug dang ldan pa rnams la'ang gzu lums su nan gyis gnon
18a7 par mi byed pa dang / yid du 'ong ba'i sbyin pa'ang gzhan dag la stobs par byed de/ yid du mi 'ong ba yongs su spong ba dang / chos thams cad la'ang stong ngo snyam du
18b1 nges par 'byung bar byed pa dang / byed pa med pa'i lta bas yang dag pa'i mtha' la mtshan nyid gcig tu mos par yang mi byed la tha dad pa'i 'du shes can yang ma yin pa dang /
18b2 rang gi yon tan gyis kyang gzhan gyi yon tan khyad du gsod par mi byed pa dang / tshad nges par 'dzin pa'ang mi byed pa dang / gang zag sbyor ba med pa rnams la'ang chos kyi
18b3 dbyings bsam gyis mi khyab pa dang / mthun par byed pa ste/ bcu po de dag yin no/ /rgyal po chen po/ chos gsum po 'di dang ldan pa'i rgyal rigs spyi bo nas dbang bskur
18b4 ba'i rgyal po ni ji skad smos pa'i yon tan de dag thob par 'gyur ro/ /rgyal po chen po/ gzhan yang rgyal rigs spyi bo nas dbang bskur ba'i rgyal po ni 'jig rten gnas pa'i
18b5 gnod pa'i sbags pas sbags par yang dag par mthong ba na bla na med pa yang dag par rdzogs pa'i byang chub bsgrub pa'i phyir bstan pa yongs su 'dzin pa la 'jug ste/ pha
18b6 rol tu phyin pa drug gi stobs bskyed pa la brtson shing sems can yongs su smin par bya ba la yongs su mi skyo'o/ /de'i bstan pa yongs su 'dzin pa de'ang rnam pa bcur rig
18b7 par bya ste/ bcu gang zhe na/ 'di lta ste/ 'jig rten gyi chos brgyad kyis mi tshugs pa'i ting nge 'dzin sgrub pa la brtson pa dang / gzungs yongs su 'tshol ba la brtson pa dang /
19a1 dam pa'i chos yongs su gzung ba'i phyir rnam par nges pa la mkhas pa dang / gang zag gang dag mngon par brtson pa de dag gi gos dang / zas dang / mal cha
19a2 dang / stan dang / nad kyi gsos sman dang / yo byad rnams bstabs pas yongs su mi skyo ba dang / byang chub yang dag par 'dzin du 'jug pa la brtson pa dang / legs par bsam
19a3 pa sems pa dang / legs par smra bas smra ba dang / legs pa'i las byed pa dang / rab tu 'byung ba sems pa dang / rgyal po la dga' ba la skyon du rtog pa dang / gzugs sdug
19a4 cing gzugs bzang ba thams cad la mi lta ba'i yid dang ldan pa dang / tha na rgyal po gcig pur sred pas bsgrub pa la'ang mi lta ba'i yid dang ldan pa ste/ bcu po 'di dag
19a5 yin no/ /rgyal po chan po/ chos bzhi po 'di dag dang ldan pa'i rgyal rigs spyi bo nas dbang bskur ba'i rgyal po ni ji skad smos pa'i yon tan de dag thob par 'gyur ro/ /
19a6 rgyal po chen po/ gzhan yang rgyal rigs spyi bo nas dbang bskur ba'i rgyal po ni gang zag gang dag bla na med pa yang dag par rdzogs pa'i byang chub bskal pa grangs
19a7 med pa bye ba khrag khrig phrag 'bum gyis yang dag par bsgrub pa 'di 'dzin pa dang / klog pa dang / ston pa de dag la chos bzhin du bsrung ba dang / skyob pa dang / sbed
19b1 par byed la sems can gang dag gang zag de lta bu dag la gnod pa byed pa'i rang bzhin can gyi gang zag de lta bu de dag la ni 'di ltar chos kyi longs spyod 'di la spyod pa yongs
19b2 su bsrung ba'i phyir chad pas gcod par byed do/ /de'i dam pa'i chos yongs su 'dzin pa de'ang rnam pa bcur rig par bya ste/ bcu gang zhe na/ 'di lta ste/ yang dag par bsgrub
19b3 pa dang / nges par phangs par byed pa dang / chos la mos pa dang / 'khrul pa med par kun tu spyod pa dang / ye shes 'dod cing yon tan gyi khyad par la yid ches pa dang / de
19b4 bzhin gshegs pa'i pho nya dang / nye bar spyod pa dang / sangs rgyas kyi snod du rung ba dang / dkon mchog gsum gyi gdung sdud pa dang / dam pa'i chos 'bar bar byed pa
19b5 dang / skye bo mang po yongs su smin par byed pa ste/ bcu po de dag yin no/ /rgyal po chen po/ chos lnga po 'di dang ldan pa'i rgyal rigs spyi bo nas dbang bskur ba'i rgyal po
19b6 ni ji skad smos pa'i yon tan 'di dag thob par 'gyur ro/ /de nas byang chub sems dpa' mthong ba don yod kyis de'i tshe tshigs su bcad pa 'di skad smras so/ /rgyal po
19b7 sangs rgyas chos dang dge 'dun la/ /rtag tu lhag pa'i bsam pa g.yo med pas/ /dad pa dang ni dang ba mi phyed pa/ /de la yon tan 'di dag dkon pa med/ /bcos
20a1 ma ma yin shes nas dad pa skyes/ /de la dngos po ci yod sri ba med/ /byin nas kyang ni de la 'gyod pa med/ /'dir ni yon tan de dag dad pa'i
20a2 mtshan/ /de dag bsam pa rtag tu rnyog pa med/ /mi phyed ri rab bzhin du bskyod du med/ /bum pa gang ba legs gnas mi g.yo ltar/ /de dag dad pa shin tu g.yo med
20a3 ba| |mthong lam mthong thos la ma thos pa/ /gang dag ri bzhin du ni g.yo ba med/ /de dag lta bu dad pa'i mtshan nyid de/ /gnas rnams kun tu nam yang 'gyur ba med/ /
20a4 zhi ba 'dod phyir chos 'dod gang yin pa/ /mkhas pa des ni chos don kun spongs shing / /de spongs nas kyang de la sems pa med/ /de dag chos 'dod rnams kyi mtshan
20a5 nyid do/ /skyo bo'i bdag po gang zhig chos 'dod pa/ /gang tshe legs par gsungs pa mi nyan pa/ /sa bon rul pa zhing ngan btab pa ltar/ /'dren pa'i bstan pa dag
20a6 la skye mi 'gyur/ /thos kyang 'di la bdag ni mkhas snyam sems/ /chos rnams rang bzhin ci 'dra rtogs snyam ste/ /lhag pa'i bsam pas spyod pa ma dag la/ /gnyis
20a7 sems ldan la dag pa ga las 'ong / /chos 'dod gang dag dran pa'i blo dang ni/ /gus bcas g.yo med lug ltar lkugs med pa/ /rgya mtsho chen po bzhin du 'bab pa
20b1 med/ /de 'dra de dag byang chub mchog gi snod/ /chos 'dod pa ni nang dang phyi rol gyi/ /dngos po kun la sdug 'dzin ci yang med/ /shes pa rnams la phangs shing byis pas
20b2 smad/ /'dis ni chos 'dod gang yin shes par bya/ /de yi phyir na rgyal po chos 'dod pa/ /'di thos nas ni bsgrub pa dag pa yis/ /smras pa tsam dang thos la gnas ma byed/ /
20b3 bsam pa nyams pa la ni shes rab med/ /zab mo bzod la mos pa gang yin de/ /sdug dang mi sdug rnam la chags pa med/ /de dag rlung ltar chags pa med par yang / /bskal pa
20b4 brgya grangs mtha' yas spyod par 'gyur/ /rgyal po gal te byang chub khyod 'dod na/ /lhag pa'i bsam pas bsam pa sbyang bar gyis/ /bdag dang bdag gi snyam pa'i nga rgyal gyis/
20b5 gnas 'dir phyin ci log tu gnas ma byed/ /khyod kyis nyes pa rtag tu bshags par gyis/ /khyod ni mthun pa'i sdom la gnas par gyis/ /dbang phyug dang ni gnyen la mi rtag
20b6 soms/ /rten pa med pa 'di ni yang dag stong / /stong pa'i chos rnams mang po ji snyed smra/ /stong nyid ji bzhin de la gnas pa min/ /chos nyid las ni gang gi 'gal byas pa/ /
20b7 de ni zab mo'i tshul la bzod pa min/ /de phyir stong pa 'di na kun tu 'gal/ /stong nyid ji bzhin de ni gang gis shes/ /de ni ngang pa'i rgyal pos rdza ba spangs shing / /khams las
21a1 nges byung byang chub mchog la reg /de bzhin gshegs la gus par byas nas kyang / /rgyal po khyod kyis bstan pa brtag par gyis/ /rgyal po lus ni
21a2 rab tu 'jig pa'i phyir/ /byang chub theg pa la ni yi ma chad/ /ston pa'i bstan bcos spyod yul cho ga shes/ /mkhas pa de dag la ni rtag tu bsrung / /smra ba tsam gyi dbang du
21a3 ma 'gro zhig /nad pa rgyun ring por ni gyur ta re/ /gang gis bstan pa 'di ni legs brtags pa/ /de ni don du bsrung ba'i rgyud la sgrims/ /las dang nyon mongs sna tshogs spangs
21a4 nas de/ /khyad par du ni byang chub mchog tu 'gyur/ /pha rol phyin drug 'di la legs par slobs/ /de la bslab na byang chub thob par 'gyur/ /ji snyed bstan pa 'di ni
21a5 bsgrub par gyis/ /kun mkhyen chos rnams ring po mi thogs 'thob/ /me tog khu bar bung ba mi chags dang / /nam mkha' la ni bya rjes med pa ltar/ /yul rnams la ni
21a6 gang sems de 'dra ba/ /de 'dra de ni rgyal pos sangs rgyas 'gyur/ /zab mo'i bzod dang spobs pa thob nas 'dir/ /sangs rgyas rnams kyi mdzod 'dzin gang yin pa/ /de dag
21a7 khyod kyis chos bzhin bsrung bar gyis/ /mkhas pa de 'dra sreg phyir ma gtang zhig /mkhas pa de dag la ni gnod byed mi/ /chos dang mi ldan brtson pa mang po rnams/ /
21b1 de dag rtag tu khyod kyis chad pas chod/ /chos kyi tshul 'di myur du nyams sa re/ /gang phyir 'jig rten mgon po mi 'byung na/ /mkhas pa de dag 'jig rten ston par 'gyur/ /srog chags
21b2 phan phyir chos sgron 'bar bar byed/ /de phyir de dag don du rtag tu sgrims/ /byang chub sems dpa' mang po bye ba stong / /snying nas sems can don ni spyod mi byed/ /de dag lhag
21b3 sems med cing tshul khrims mchog /de dag lung bstan rgyal ba gsung mi 'gyur/ /ji skad smras pa de bzhin byed pa rnams/ /de ltar de dag skye med spyod yul can/ /rgyal khyod
21b4 yang dag spyod pa 'di thos kyi/ /ji skad bstan pa'i bstan 'dir gnas par gyis/ /de nas rgyal po tshangs pas byin gyis byang chub sems dpa' sems dpa' chen po mthong ba don
21b5 yod la 'di skad ces smras so/ /mthong ba don yod/ skyon 'di dag thams cad ni bdag la mchis par gda' la/ yon tan rnams ni mi gda'o/ /mthong ba don yod/ bdag
21b6 ni gnod pa'i sbags pas sbags pa'o/ /mthong ba don yod bdag ni gzu lums kyi las la lhag par zhen pa'i shas che ba dang / nor yongs su 'tshol ba dang / 'khor
21b7 yongs su bsdu bas kun nas mnar sems kyis sems skyes pa bsal bar rdo mi thog go /gzhan yang / bdag ni gzhan dag la dbyug pas bsnun pa dang / mtshon gyis bsnun
22a1 pas bsnun par bgyid do/ /mthong ba don yod/ des na bdag gis byang chub tu sems ma bskyed do/ /bdag ni tha na rmi lam du'ang gzhan dag la kun nas
22a2 mnar sems kyis sems skyed par bgyid do/ /mthong ba don yod/ da ni bdag gis lhag pa'i bsam pas bla na med pa yang dag par rdzogs pa'i byang chub tu sems bskyed par
22a3 bgyi'o/ /mthong ba don yod/ bdag gis ji ltar bcas pa'i byang chub sems dpa'i bslab pa dag la ma bslabs na bdag gis phyogs bcu'i 'jig rten gyi khams dag na
22a4 bzhugs pa'i sangs rgyas bcom ldan 'das rnams slus par gyur cig /bdag bla na med pa yang dag par rdzogs pa'i byang chub yongs su bsgrub pa'i slad du/ ji skad smras pa
22a5 de bzhin du bgyid par 'gyur bar bgyi'o/ /de nas rgyal po tshangs pas byin gyi rjes su bslabs pa'i srog chags brgyad khris sngon ma bskyed pa bla na med pa yang dag par
22a6 rdzogs pa'i byang chub tu sems bskyed de/ /de dag gis kyang ji skad bstan pa'i byang chub sems dpa'i spyod pa dag la smon lam btab bo/ /srog chags nyi khri ni chos
22a7 rnams la chos kyi mig rdul med cing dri ma dang bral ba rnam par dag go/ de nas rgyal po tshangs bas byin gyis byang chub sems dpa' sems dpa' chen po mthong ba don
22b1 yod la 'di skad ces smras so/ /mthong ba don yod/ bdag la thugs brtse ba dang / skye bo phal po che 'di dag la phan gdags pa'i slad du bdag gi 'di nyid du dbyar gnas
22b2 bar gnang bar mdzod cig /mthong ba don yod/ 'di ltar snod kyi rkyen du mi 'bab cing spyod yul gyi rkyen du mi 'bab la skye bo dang skal pa mnyam pa ma lags
22b3 shing / de bzhin gshegs pa'ang mi mthong la chos kyang rgyun du mi thos te/ dge ba'i rtsa ba'i tshogs kyang mi mang la sems can mang po yongs su smin par bgyir yang ma mchis
22b4 mod kyi/ 'on kyang bdag cag la phan gdags par 'gyur ro/ /de nas byang chub sems dpa' sems dpa' chen po mthong ba don yod byang chub sems dpa' lnga brgya tsam dang
22b5 lhan cig tu rgyal po tshangs pas byin la snying brtse ba'i phyir khas blangs so/ /de'i tshe rgyal po tshangs pas byin gyis byang chub sems dpa' mthong ba don yod 'khor lnga brgya'i
22b6 mal cha dang / stan dang / gding ba dang / bgo ba dang / bza' ba thams cad kyi yo lang yang bshams so/ /byang chub sems dpa' chen po mthong ba don yod la'ang chos kyi
22b7 mchod pa ci rigs par byas so/ /de'i tshe gnas de na dge slong drug cu gnas par gyur to/ /de dag mi brtson pa dang / thos pa nyung ba dang / kun nas mnar sems mang ba dang
23a1 gzhan mchod pa dag la sems sdug bsngal ba dang / byang chub sems dpar khas 'che ba dang / byang chub sems dpa' dmu rgod dang / cang shes ma
23a2 yin pa dang / dbang po kho ru chud pa dang / rgod pa dang / khengs pa dang / rgod bag can dang / mu cor smra ba dang / khwa ltar skur ba dang / 'jig rten pha rol la mi lta ba dang / las
23a3 kyis mi 'jigs pa dang / bre mo'i gtam la dga' ba dang / gnyid che ba dang / chos ma yin pa 'dod pa dang / lus dang / ngag dang / yid kyi las kyi mtha' ma bsdams pa
23a4 dang / rtsod pa mang ba dang / tshul khrims dang ldan pa la sdang ba dang / gzhan gyi shes pa la shas cher ma mos pa dang / tha na ston pa blta bar yang mngon par mi dga' na
23a5 tshangs pa mtshungs par spyod pa gzhan dag la lta smos kyang ci dgos pa sha stag ste/ de dag byang chub sems dpa' mthong ba don yod la chos bzhin ma yin par skur
23a6 pa 'debs so/ /de'ang dad pa chung ngu'i bram ze dang / khyim bdag rnams kyi khyim du song nas sgrogs par byed de/ de thos nas bskal pa bye ba phrag brgyad cur sems can
23a7 dmyal pa chen por skye ba yongs su 'dzin par gyur to/ /de nas byang chub sems dpa' mthong ba don yod kyis sems can de dag nyid la snying brtse ba'i phyir/ rgyal po tshangs
23b1 pas byin la ma bsnyad do/ /de'i tshe rgyal po tshangs pas byin gyi mdun na 'don pa bram ze rab tu rmugs byed ces bya ba zhig byung ste/ des de na gnas pa'i dge slong rnams byang chub
23b2 sems dpa' mthong ba don yod dang bye bar byas te/ chos ma yin pas kyang skur pa btab bo/ /rgyal po tshangs pas byin yang mi mngon pa'i thabs kyis byang chub sems dpa'
23b3 mthong ba don yod dang bye bar byas so/ /chos kyi mchog tu dga' ba byung ngo cog kyang 'gog par byed de/ ci nas kyang byang chub sems dpa' mthong ba don yod la sems mi
23b4 dga' bar 'gyur bar byed do/ /chos kyi gtam la zhugs na'ang de las phyir bzlog pa'i gtam byed de/ ci nas kyang byang chub sems dpa' dmu rgod rnams kyis bya ba byed do/ /
23b5 de la chos bzhi dang ldan na byang chub sems dpa' dmu rgod yin te/ bzhi gang zhe na/ khwa ltar skur ba dang / mu cor smra ba dang / gzhan gyi yid dang mi sbyor ba yin/ bdag la
23b6 bstod pa dang / gzhan la smod pa yin/ tshe 'di ched cher 'dzin pa dang / sdig pa'i bsam pa can yin/ mthun par byed pa'i shas che ba yin te/ chos bzhi po de dag dang
23b7 ldan na byang chub sems dpa' dmu rgod yin no/ /byang chub sems dpa' mthong ba don yod kyis der bde ba dang / sdug bsngal ba dang / bde ba dang / yid mi bde
24a1 bas dbyar gnas pa de 'das par bya'o/ /de ci'i phyir zhe na/ 'di ltar mi brtson pa dang lhan cig gnas pa ni sdug bsngal ba'i phyir ro/ /de nas byang
24a2 chub sems dpa' sems dpa' chen po mthong ba don yod kyis dbyar gnas par byas te/ dbyar zla gsum 'das nas chos gos byas shing chos gos bsgrubs te/ lhung
24a3 bzed dang gos zin nas mthar gyi yul rgyu zhing mnyan du yod pa'i rgyal bu rgyal byed kyi tshal mgon med pa la zas sbyin pa'i kun dga' ra ba ga la ba dang / bcom ldan 'das
24a4 ga la ba der song ste phyin nas/ bcom ldan 'das kyi zhabs la mgo bos phyag btsal te/ phyogs gcig tu 'dug go/ de nas rgyal po tshangs pas byin gyis byang chub
24a5 sems dpa' mthong ba don yod dge slong gnas pa rnams kyis gnod pa byas pas/ bcom ldan 'das kyi thad du song ngo zhes thos so/ /de nas rgyal po tshangs pas byin
24a6 srog chags khri dang lhan cig tu lnga 'dzin gyi ljongs nas ko sa la'i ljongs ga la ba dang / bcom ldan 'das ga la ba der song ste/ phyin nas bcom ldan 'das kyi zhabs
24a7 la mgo bos phyag 'atsal te phyogs gcig tu 'dug go/ phyogs gcig tu 'dug nas bcom ldan 'das la rgyal po tshangs pas byin gyis 'di skad ces gsol to/ /
24b1 bcom ldan 'das/ byang chub sems dpa' mthong ba don yod ni bdag gi yul nas ha cang sngar mchis lags so/ /bcom ldan 'das kyis bka' stsal pa/ rgyal po chen po/
24b2 gang zag phrag dog can dang / mngon par mi brtson pa dang / smra ba la dga' ba dang / bre mo'i gtam byed pa mang ba dang / tshul bzhin las thag ring ba dang / sbyor ba dang bral ba
24b3 rnams gang na gnas pa der de bzhin gshegs pa dang / de bzhin gshegs pa'i nyan thos mi gnas so/ /rgyal po chen po/ rgyu bcus na gang zag mngon par mi brtson pa
24b4 yin par rig par bya ste/ bcu gang zhe na/ gnyid che ba dang / mkhas so snyam du mngon pa'i nga rgyal byed pa dang / bdag la bstod pa dang / gzhan la smod pa dang / bre mo'i
24b5 gtam la dga' ba dang / smra ba la dga' ba dang / tshogs la dga' ba dang / rnyed pa ched cher 'dzin pa dang / bkur sti ched cher 'dzin pa dang / tshul 'chos pa ste/
24b6 rgyal po chen po/ rgyu bcu po de dag dang ldan na gang zag mngon par mi brtson pa yin par rig par bya'o/ /de nas bcom ldan 'das kyis de'i tshe tshigs su bcad pa 'di dag bka'
24b7 stsal to/ /mi rigs ldan pa rtag tu mi mthun te/ /ji ltar rgya mtsho chen po mi ro dang / /ji ltar skye bo bya dang phrad pa bzhin/ /de ni mkhas pa rnam dang shin tu ring / /dad med de ni
25a1 'khrul pa 'tshol bar byed/ /bre mo gtam smra spyod yul tshogs la dga'/ /rgyal ba rnams kyi bstan la ma gus pa/ /'di nas shi 'phos myur du ngan
25a2 'gror 'gro/ mi ldan pa la dran med shes rab med/ /mya ngan mi 'da' mi 'grol tshul khrims med/ /de ni dmus long lam dang ji bzhin du/ /'phags pa'i lam dang
25a3 shin tu ring bas ring / /gang zag mi ldan de ni smra ba mang / /rgod la dga' zhing rtag tu dbang po g.yengs/ /de ni bstan la chu ri'i chu 'os min/ /de ni grong zas lcags kyi thu
25a4 lum za/ /sbyin pa po yis dad pas byin pa ni/ /ldan dang grol la nga yis gnang ba yin/ /mi ldan pas ni kham cig zos na yang / /ngo lon ri rab tsam yang bya ba yin/ /
25a5 bstan la yul 'khor zas ni sbyong bar dka'/ /ldan pa gang yin rnams kyang 'di la 'dzem/ /mi ldan de yis rgod bzhin zos na ni/ /glang chen rta dang ba lang bong bur skye/ /de
25a6 dag de zos brnyas pa'i gzugs su 'gyur/ /de dag rid cing nyam chung smad par 'gyur/ /zas blang zos pas mi gtsang dri ngar 'gyur/ /de dag dbyug pas bsnun pas
25a7 sbyong bar 'gyur/ /sems kyang g.yengs shing dran pa rnam par nyams/ /slong mo byed cing smyon pa dag tu 'gyur/ /bstan pa bsod nams stegs 'di thob na yang / /bag
25b1 med gyur na ngan 'gror ltung bar 'gyur/ /lo ni bye ba khrag khrig mtha' yas par/ /ngan song sdug bsngal mang po de myong nas/ /mi yi 'jig rten khom pa thob par 'gyur/ /sdig
25b2 byas phyir yang ngan 'gror ltung bar 'gyur/ /lcags kyi thu lum rgya mtsho chen po yi/ /nang du ltung bar gyur na gnas med de/ /lo ni bye ba phrag stong snyed du yang / /rgya mtsho che
25b3 las slar ni dbyung mi nus/ /de bzhin byis pa ngan 'gror ltung ba yang / /bskal pa bye ba khrag khrig brgya stong du/ /de dag mir skye ba yang the tshom bcas/ /de dag mtho ris
25b4 byang chub ga la thob/ /bsam pa dag cing rtag tu brtson pa dang / /legs par bsdams shing g.yo sgyu med pa dang / /mnyam pa'i sems kyis byang chub thob 'gyur te/ /de
25b5 la thams cad mkhyen nyid dka' ba med/ /rgyal po chen po/ chos bcu drug po 'di dag ni gang zag phrag dog can gyi mtshan ma yin par rig par bya ste/ bcu drug gang zhe
25b6 na| khwa ltar skru ba dang / mu cor smra ba dang / legs par ma bsdams pa dang / gzhan gyi bsngags pa ma yin pas bde bar 'dzin pa dang / gzhan gyi yon tan dag la yid
25b7 mi ches pa dang / bsam pa mang ba dang / mya ngan mang ba dang / yid mi bde ba mang ba dang / mig ser pa dang / kha dog dang / dbyibs nyams pa dang / nga rgyal gyis non pa dang /
26a1 dge slong la mi dga' ba dang / glo bur du 'ongs pa la bsting ba'i dang tshul can dang / brtsad du rung ba'i 'khrul pa 'tshol ba dang / gnas la ser sna
26a2 byed pa dang / chos nyan du mi 'gro la rna blags te mi nyan/ sems rnam par g.yengs shing gzhan dang / gzhan du gtam rlung la skur bar byed cing chos kyi gtam la mi dga'
26a3 ste| 'di skad du ci zer ba ngas mi shes so/ /'di ni blun po yin te/ 'jig rten gyi tha snyad kyi chos ston to zhes kyang zer te/ gang 'phags pa rnams kyis thugs su chud pa'i chos
26a4 'dul ba la ma gus pa 'di nyid mi blun po de dag mi shes pa yin no/ /bdag gis ni byang chub thob nas gdod byang chub kyi shing drung du chos la gus par gnas par bya'o
26a5 zhes zer zhing / dge slong rnams la chos ston pa na'ang phyi sgo na 'greng zhing 'dug la chos nyan par byed de stan la 'dug mi 'dod pa na'ang dge slong dag la 'tsho bar
26a6 byed de/ brgyad sde'i byang chub kyi yan lag gi gtam ston pa na'ang bdag gis mnyan par bya'o/ /de thos na bdag gis nad de 'byang bar 'gyur ro snyam mo/ /de bas
26a7 na mi blun po de dag chos ma yin pa 'dod pas byang chub yongs su btsal bar sems pa dag ni/ dper na/ mi'i mig gnyis phyung nas blta bar 'dod pa'am/ nor
26b1 thams cad med par byas nas mgron pa mang po dang mthun par 'dod pa'am/ rkang pa bcad nas lam du 'gro bar 'dod pa dang 'dra ste/ rgyal po chen po/ de ltar 'dod pa'i mi blun po de
26b2 dag gi byang chub ni de 'dra ba snyam byed do/ /rgyal po chen po/ chos nyi shu rtsa lnga dang ldan na gang zag byang chub las nyams par rig par bya ste/ nyi shu rtsa lnga gang zhe na/ gnas la ser
26b3 sna byed pa dang / khyim la ser sna byed pa dang / bsngags pa la ser sna byed pa dang / phrag dog can dang / ma dad pa dang / ngo tsha mi shes pa dang / khrel med pa dang / sdig pa'i bsam pa
26b4 can dang / g.yo ba'i bsam pa can dang / gzhan la gnod pa dang ldan pa dang / spyod lam kho re chud pa dang / tshul 'chos pa dang / 'khon dam du 'dzin pa dang / gsog 'jog gi
26b5 shas che ba dang / de bzhin gshegs pas gsungs pa la skrag nas log par brda sprod cing sgro 'dogs te/ chos spong bar byed pa dang / lhag pa'i nga rgyal can yin te mi 'dri ba'i
26b6 dang tshul can dang / chos la slu ba byas kyang 'gyod pa med pa dang / snying mi 'bebs shing dgra zla mang ba dang / 'khor gyi nang du song na mthong ma thag tu gzhan gyi mos pa bzlog pa'i
26b7 phyir gzhan dag gi mtshang 'dru ba dang / gsang ba'i gnas la yid brtan pa las 'khu ba dang / sngon mthong yang rung ma mthong yang rung pa'i dge slong dag la 'di rnams la su'ang
27a1 dga' bar mi 'gyur bar bya'o snyam ste/ gnod par bya ba'i phyir bsngags pa ma yin pa brjod pa dang / gzhan gyi bsngags pa ma yin pa brjod par bya ba'i
27a2 phyir gzhan spong ba dang / rnyed pa'i bsam pas bdag gi bsnyen par rdzogs pa de nyams par gyur na mi rung ngo snyam ste/ so sor brtags nas tshul khrims srung ba'o/ /rgyal po
27a3 chen po/ gang zag de 'dra ba de dag ni bstan pa las tshabs cher nyams par 'gyur ba'am/ khyim gyi gnas su 'gro bar 'gyur ro/ /de nas de'i tshe bcom ldan 'das kyis tshigs
27a4 su bcad pa 'di dag bka' stsal to/ /khwa ltar skur zhing ma bsdams mu cor smra/ /'jig rten mkhyen rnams bstan la gus pa med/ /khengs pa khrel med rtag tu mi mthun pa/ /phrag
27a5 dog zil gnon rtags ni 'di rnams yin/ /gzhan dag gis ni bsngags pa ma yin la/ /mi dgar mi byed dbul pos gser rnyed bzhin/ /snying por 'dzin cing thams cad
27a6 rnam par spangs/ /gnod sems can la byang chub ga la yod/ /snga ma de yis kun nas mnar sems ltas/ /de yi rnam smin gyis ni ngan 'gro myong / /'dir ni mi lus thob
27a7 nas mig kyang ser/ /de yi mdog kyang gsal zhing mdzes mi 'gyur/ /de ni su la'ang brtsam pa yod med de/ /kun tu de yi zhe ni 'gras par 'gyur/ /la la'i shes pa'i khyad
27b1 par mthong na yang / /phrag dog bskyed nas chos ni spong bar byed/ /rgod cing snying la thogs pa med pa yis/ /gzhan dang lhan cig sdig pa mang po smra/ /gal te gzhan gyi gtam ngan ma smras
27b2 kyang / /'khrug pa'i sems kyis mtshan mo 'da' bar byed/ /de ni grong du spyod lam gzhan du sgyur/ /gtsug lag khang du dmu rgod rta bzhin byed/ /gzhan gyi skyon 'dzin pa dag gi 'dzin
27b3 mi byed/ /phrag dog can rnams chos ni de 'dra'o/ /'di ni ci nas phyogs 'dir mi gnas par/ /'di yi khyim du 'di dang 'di skad bya/ /sang ni bdag gis ngan du brjod snyam ste/ /de ni
27b4 sdang ba'i yid kyis mang du sems/ /de ni mya ngan mang zhing yid mi bde/ /gzhan gyis shes phyir bkur ba rnams mthong na/ /de ni las kyi rnam smin yid mi ches/ /nyes pas non
27b5 nas bsngags pa ma yin smra/ /mkhas pa de dag sman rnams khong du chud/ /de phyir de yi bsnyen bkur 'phel 'gyur na/ /de ni sbyin mchog bla med sbyin byed na/ /chos mchog
27b6 'dzin par yin pa yong mi shes/ /dge slong bya ba dag la des ba yi/ /glo bur pa dag 'ong pa mthong na gnod/ /shin tu sdug bsngal gnas 'dir ci 'dod ces/ /gus pa med
27b7 par ma dad chos rnams smra/ /gtsug lag khang 'di rtag tu las mang la/ /rnyed pa'ang med de spyod yul rnams mi bzad/ /gal te des bskul de ni mi 'gro na/ /legs par ma
28a1 bsdams 'thab mo byed par 'gyur/ /'di 'dra dag gi gnas 'dir gang yang med/ /yul zhig tu ni ci 'dra dran par gyis/ /gnas pa'i dge slong dag
28a2 gi khyod bskrad na/ /yul 'di sun dbyung phyir ni 'ongs sam khyod/ /dge bsnyen blun po rnams ni 'di mi shes/ /'di dag khrims 'chal tshul khrims ldan mi shes/ /dge slong
28a3 dga' dang mi dgas myur du song / /mi sdug pa dang drag pos song nga re/ /sangs rgyas la ni slob pa'i chos smra ba/ /des shing dam brtan dag gi mthong na ni/ /blun dang mi mthun
28a4 'gyur na mi rung zhes/ /de dag ga las 'ongs par phyir yang 'gro/ /kye ma bdag gi 'dren pa'i bstan pa po/ /rgyal ba dag gi chos 'di 'gag par 'gyur/ /dge slong sdig
28a5 can 'di dag rab tu 'phel/ /chos smra gang yin rnams ni nyung bar 'gyur/ /gang tshe mang du thos pa glo bur 'ongs/ /skye bo mang po dga' byed ston pa na/ /blo gros chung du 'di
28a6 ltar ci shes zhes/ /mi rigs de dag gzhan la sbron par byed/ /des ni lung yang ma mnos chos ma dris/ /'di yi mkhan po ci 'dra slob dpon gang / /rang skye shing ltar
28a7 chos gos bgos nas ni/ /bde ba'i don du rnyed pa 'tshol bar byed/ /de 'dir mdo sde de la mi mkhas te/ /de yis shes pa bdag cag shes so snyam/ /de dag blun zhing
28b1 bstan pa sun 'byin pa/ /ting 'dzin ma thob byis pa'i bsam pa sems/ /rgyal po ngas ni 'das pa'i dus dran pas/ /sangs rgyas ye shes 'od ces bya ba byung / /lo ni brgyad khri tham
28b2 pa'i bar dag du/ /chos rnams bstan nas rgyal ba mya ngan 'das/ /rgyal ba de ni 'das pa'i dus kyi 'og /dam pa'i chos ni nyams shing thug pa na/ /dge slong dran pa'i blo can
28b3 zhes bya byung / /gzungs thob ma yin spobs pa thob par 'gyur/ /mdzes shing des la bka' blo bde ba dang / /rtag tu ngan don tsam gyis chos shes pa/ /skye dgu sprin gyi chus
28b4 ni tshim byed ltar/ /lhar bcas 'gro ba chos kyis tshim par byed/ /de yi dus kyi tshe nas steng du/ /bkod pa'i rgyal po zhes bya grong khyer byung / /kho ra khor yug dpag tshad
28b5 brgyad du gyur/ /mi rnams de dag blo ldan lo legs bde/ /chos smra dran pa'i blo can de 'ongs nas/ /srog chags rnams la phan phyir chos kyang bstan/ /srog chags bye ba
28b6 phrag ni nyi shu gsum/ /bla med byang chub la ni bkod par gyur/ /me tog rnams dang spos dang gos rnams dang / /bca' ba thug pa dang ni 'tsham pa yi/ /glu dbyangs rol mo'i sgra
28b7 rnams rab mchog gis/ /de dag de la sangs rgyas bzhin du mchod/ /dge slong lnga brgya shin tu mi mthun gyur/ /grong khyer du ni de yi bsngags min sgrogs/ /tshul khrims mi
29a1 ldan nyes pa nged shes zhes/ /re re nas ni phyin pa'i mdun du brjod/ /zla ba nya ba'i gso sbyong bab pa na/ /gal te do nub myur du ma song na/ /gnad rnams
29a2 gtub cing srog kyang gcad do zhes/ /smra ba'i dge slong sdig can langs par gyur/ /dge slong de dag nyid la snying rje nas/ /sems can dag pa de ni ma zhum song / /sangs rgyas
29a3 sras la ci phyir brnyas byed ces/ /lha rnams stong dag mi dga' du bar byed/ /de na dge slong lnga brgya de dag kun/ /dgod cing mgu bas mtshan mo 'da' bar byed/ /kye ma bdag
29a4 cag de las legs par thar/ /khur lci bor ba snyam du nyams la sems/ /dge slong lnga brgya dus las 'das gyur na/ /bskal pa brgyad cur dmyal bar gnas par 'gyur/ /
29a5 bskal pa bye stong bdun cu rtsa drug tu/ /yi dwags 'jig rten der ni dge slong gnas/ /sems can de dag tshe rabs dag tu ldong / /de dag sbrul gdug skyes te sa rdul za/ /byis
29a6 pa rnams kyis mthong nas bong bas brgyab/ /skyabs kyang med cing dpung gnyen med par gyur/ /tshe rabs bye ba stong phrag bco brgyad du/ /mi yi nang du skyes nas dbul por
29a7 gyur/ /smyo zhing ldongs la rtag tu lus kyang rul/ /mdog ngan smad par gyur te mthu yang chung / /de ltar bye ba lnga brgya zil gyis gnon/ /bdag nyid rtag tu mi sdug mang po byed//
29b1 gzhan gyi sbyin pa la ni skyon yang 'dogs/ /g.yang sa chen por bdag nyid 'dor bar byed/ /ma 'ongs dus na bskal pa drug cu pa/ /grags chen zhes bya bskal pa 'byung bar 'gyur/ /
29b2 der ni skyob pa 'jig rten don mdzad pa/ /bde gshegs stong phrag bcu dag 'byung bar 'gyur/ /de dag nang na sangs rgyas tha ma'i tshe/ /der ni de dag mi lus thob 'gyur te/ /sangs
29b3 rgyas de mthong nas ni bzod pa thob/ /sangs rgyas gang+gA'i bye snyed mthong bar 'gyur/ /sngon ni lhan cig de dag thams cad kyis/ /thams cad mkhyen pa'i sems su smon lam btab/ /
29b4 der ni de dag byang chub sems ma nyams/ /bsam pa'i bye brag gis ni ngan 'gror lhung / /nga ni de tshe chos smra rgyal ba'i bu/ /dran pa'i blo can zhes bya der yang gyur/ /sun 'byin
29b5 de ni ston la sun 'byin 'gyur/ /de srid nga rgyal spangs shing bor nas ni/ /tshul min spangs te ye shes sbyor bar gyis/ /gang zhig bdag nyid brlag par mi 'dod pa/ /des ni mi
29b6 shes tshig rnams spangs nas kyang / /me yi phung po bzhin du phrag dog spongs/ /mthong dang ma mthong thos dang ma thos dang / /bden dang mi bden pas ni gzhan mi gleng / /byang chub
29b7 mchog tu 'tshang rgya 'dod pa yi/ /dge slong des ni bdag gi nyes pa bsal/ /des pa rnams ni nang dang phyi rol gyi/ /dngos po de dag thams cad gtong bar byed/ /gang zhig nga
30a1 yi byang chub mchog la 'dun/ /de dag ci phyir gzhan la spro ba skyed/ /phyi ma'i dus na nga yi bstan pa la/ /dmu rgod mang po byang chub sun yang 'byin/ /
30a2 de dag gcod rong g.yang sa chen por 'gro/ /bsam pa nyams la byang chub ci byar yod/ /nga yi byang chub mchog 'dod gang yin pas/ /rigs ngan bu 'drar nga rgyal spangs
30a3 byas nas/ /sems can kun la byams pa'i sems bskyed nas/ /thob dang ma thob mi dgar yong mi bya/ /rgyal po chen po/ gzhan yang / gang na gus pa med pa dang / ma
30a4 dad pa dang / gzhan dag la sdang ba dang / glags lta ba dag yod pa der ni de bzhin gshegs pa rnams dang / de bzhin gshegs pa'i nyan thos rnams yun ring du
30a5 mngon par dga' bar mi 'gyur te/ myur ba kho nar 'dod par 'gyur ro/ /rgyal po chen po/ chos bcu drug po 'di dag ni ma dad pa'i gang zag ston pa ste/ bcu drug po gang
30a6 zhe na/ mi mthun par 'dzin du 'jug pa dang / sdig pa'i bstan pa la 'thad par lta ba dang / chos kyi gtam la mi 'thad par lta ba dang / sdig pa'i bsam pa can dang /
30a7 sems khengs pa dang / glags lta ba dang / khong g.yo can dang / 'tsho ba yongs su ma dag pa dang / bkur sti 'dod pa dang / sems kyi rgyud mi dge ba dang / sbyor ba med pa
30b1 dang / gzhan la skur ba 'debs pa dang / gcig tu nges par skyon 'dzin pa dang / bstan pa la ma nges pa dang / log par lta ba dang / las kyi rnam par smin pa la the tshom za ba ste/
30b2 rgyal po chen po/ chos bcu drug po de dag ni ma dad pa'i gang zag ston pa'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /rjes su bstan pa
30b3 mthun par mi 'dzin pa/ /khron pa rnying pa bzhin du yongs su spangs/ /thar dang mi mthun rgyun bzhin 'gro ba de/ /sdang sems mu stegs can dad khyad par med/ /las kyi rnam par smin
30b4 la yid mi ches/ /yid mi ches pas gzhan la 'doms mi byed/ /bdag nyid ri rang zom ltar mthor 'dzin te/ /nga rgyal myos pa de ni de bzhin byed/ /legs par gsungs pa'i
30b5 chos ni ston pa na/ /sdig pa'i spyod yul can de mi 'thad 'dzin/ /dad med chos la som nyi bskyed nas ni/ /bskal pa bye ba mang por smyon par 'gyur/ /ma dad pa yi bsam
30b6 pas sdig can 'gyur/ /blo sdang gang gi yid kyang srung mi byed/ /snying po can kun rnam par spangs nas ni/ /dad pa med pas snyigs ma 'dzin par byed/ /'gying bar byed cing
30b7 rtag tu khebs pa ste/ /ma dang de ni gzhan la 'dud mi byed/ /shi nas rigs dmar skye ba 'dzin par 'gyur/ /dbul por 'gyur zhing gzhan la 'khu bar byed/ /gang zag ma
31a1 dad bdag nyid gleng mi byed/ /klan ka 'tshol zhing gzhan gyi nyes pa 'dzin/ /nags kyi e raN+Da yi shing lta bu/ /de ni khyim pa ma yin dge slong min/ /
31a2 rnam par ma dag rang bzhin khong g.yo can/ /su yi bstan pa la yang 'jug mi byed/ /gzhan gyi yid brtan na yang 'khu bar byed/ /bskal par gsos kyang mdza' bor yong
31a3 mi 'gyur/ /de dag 'tsho ba nam yang dag pa med/ /ma dad rab tu byung ba'i dge slong rnams/ /de dag thar pa'i chos mang spangs pas na/ /ring por mi thogs par ni ltung bar
31a4 'gyur/ /dad pa med pa bsnyen bkur 'dod pa'i phyir/ /mi bden chos rnams gzhan la go bar byed/ /g.yo byed rang bzhin rnam par sped byed cing / /de ni gzhogs
31a5 slong kha gsag byed pa yin/ /de yi sems rgyud rtag tu g.yan yang spyo/ /gzhan dag gtam brjod pa ni thos na yang / /gtam 'di bdag gi phyir ni gtam byed
31a6 snyam/ /dad pa med pa khu 'phrigs za bar 'gyur/ /de ni gzhan gyi gtam dag brjod byas nas/ /bdag nyid ma dag de bzhin gzhan yang mthong / /ma dad pa ni ri dwags
31a7 skrag pa bzhin/ /su la'ang mi 'bebs yid kyang rton mi byed/ /sbyor ba nyams shing gzhan yid mi srung ba/ /tshogs kyi nang du yid kyang zhum par 'gyur/ /lag pas
31b1 tsham ngam byed cing 'thab par byed/ /'ong pa dag la tshar yang gcod byed cing / /gzhung med par ni 'dzugs shing gleng bar byed/ /phra ma'i rang bzhin sdig pa mang po can/ /
31b2 mthun dang bral la 'thab cing sdang ba rnams/ /ma dad rang bzhin mtshan ma 'di dag yin/ /de dag dad med rab tu byung nas ni/ /'dren pa'i bstan la de dag sun yang 'byin
31b3 mthun pa gang gis dge 'dun mdzes 'gyur te/ /de dag chos min tshig gis 'gal bar byed/ /rgyal ba rnams kyi bstan la de ma nges/ /mu stegs can ltar som nyi the
31b4 tshom bcas/ /des ni chos la glags gtong 'gal byas nas/ /dad med de ni chos kyang spong bar byed/ /de yi log pa lta ba ma spangs te/ /phyi rol mu stegs can gyis nang du
31b5 smod/ /des ni bstan pa 'di la gting mi tshugs/ /chos gos 'chang ba tsam gyis dge slong brjod/ /bdag med rdo rje shin tu sgom pa des/ /'jig tshogs lta ba 'di dang bral
31b6 ba yi| |dge slong de ni bstan 'dir ye shes la/ /spyod yul rlung ltar 'dus byas chags pa med/ /dad pa med pa las la yid mi ches/ /sdig pa'i sems kyi dbang du song
31b7 nas ni/ /de ni ji ltar gzhan la gtses pa bzhin/ /ring po mi thogs ngan song gnas par 'gyur/ /rgya mtsho che la ji ltar chu gnas bzhin/ /bstan pa 'di la dad pa gzhi
32a1 yin te/ /gang zag gang zhig bstan la ma dad de/ /nga yi ma yin nga yang de'i ma yin/ /bgrod pa phun sum tshogs gzhi dad pa yin/ /bdud rtsi thob
32a2 pa'i lam dang snang ba yin/ /ji ltar dzam+bu gling pa'i rgyal po bzhin/ /'di ni yon tan kun gyi thog mar 'gro/ rgyal po chen po/ khyod kyi gtsug lag khang gi dge slong de dag
32a3 ni yon tan de lta bu de dag dang mi ldan pas na de'i phyir der byang chub sems dpa' mthong ba don yod kyis so sor brtags nas ma 'dug par myur ba kho nar song ngo / /rgyal
32a4 po chen po/ dge slong drug cu po de dag thams cad ni de nas shi 'phos nas bskal pa gsum gyi bar du ngan song rnams su 'khor 'khor nas tshe rabs brgyad khri'i bar
32a5 du rigs ngan du skye bar 'gyur te/ dman pa dang / gzhan gyi zas kyis 'tsho ba dang / 'jig rten gyis smad par 'gyur ba dang / lus rid pa dang / mdog ngan pa dang /
32a6 chung bar grags pa dang / byad ngan pa dang / tshe rabs thams cad du shas cher nad rgyun ring dang / khams ma snyoms te 'khrug pa dang / nyam thag pa'i skad kyis cho
32a7 de 'don pa dang / gshis ngan du 'chi bar 'gyur ro/ /de nas tshe rabs kyi tha ma las shi 'phos nas 'jig rten gyi khams bde ba can du skye bar 'gyur te/ lo brgyad
32b1 khri'i bar du de dag gis de bzhin gshegs pa tshe dpag med chos ston par thos la shes par ni mi 'gyur ro/ /de bzhin gshegs pa de'i 'od mthong la de bzhin gshegs pa de ni
32b2 mi mthong ngo / /de dag gi lus la 'od kyis phog par yang mi 'gyur ro/ /de dag gis gtan du rnam par dag par bya ba'i phyir nyin lan gsum mtshan lan gsum du byang chub sems
32b3 dpa' 'dus pa la yan lag lngas gtugs te/ nyes pa bshags nas gdod de'i 'og tu las de rnam par dag par 'gyur ro/ /de nas de bzhin gshegs pa'ang mthong / chos
32b4 kyang shes par 'gyur la/ byang chub tu lung bstan pa'ang thob par 'gyur ro/ /de nas bcom ldan 'das la rgyal po tshangs pas byin gyis 'di skad ces gsol to/ /bcom ldan 'das/
32b5 dge slong de dag bsal du stsal bar bgyi'o/ /dge slong sdig can de lta bu dag chags 'og thams cad du grags pa'ang mi spro na/ mthong ba lta smos kyang ci 'tshal/ de nas rgyal po
32b6 tshangs pas byin gyis zho shas 'tsho ba dag btang ste/ dge slong de dag bsal du bcug nas chab 'og thams cad du de dag mi 'dug par byas so/ /bcom ldan 'das/ 'di ni de
32b7 dag gi che 'di'i rnam par smin pa lags so/ /de dag ni tshe phyi ma la'ang bdag nyid kyis bdag nyid brdegs pa lags so/ /de skad ces gsol pa dang / bcom ldan 'das kyis
33a1 rgyal po tshangs pas byin la 'di skad ces bka' stsal to/ /rgyal po chen po/ bzhi po 'di dag ni bstan pa 'di la rab tu byung ba'i g.yang sa yin te/ bzhi gang
33a2 zhe na/ sangs rgyas la ma gus pa dang / dam pa'i chos spong ba dang / chos smra ba la sdang ba dang / mngon par brtson pa med par dad pas byin pa len pa ste/ rgyal po chen po/
33a3 bzhi po de dag ni bstan pa 'di la rab tu byung ba'i g.yang sa yin no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas som
33a4 nyis za ba g.yang sa'i mchog/ 'jig rten kun gyi skyabs byed mi nus te/ /blo chung de ni bstan las nyams gyur pas/ /mgon med de ni ngan 'gror 'gro bar 'gyur/ /
33a5 des ni chos kyang spangs pas ngan song 'gro/ /lo ni stong las mi nyung bar du yang / /dmus long dbang po dman zhing sems kyang nyams/ /sdug bsngal chen po 'di ni g.yang
33a6 sa gnyis/ /sangs rgyas chos 'dzin mi 'jigs gang yin pa/ /thams cad mkhyen pa'i ye shes skyong byed pa/ /de dag skur 'debs g.yang sa chen po gsum/ /bskal pa
33a7 bye ba mang por myong bar 'gyur/ /de ni dad pas byin pa mi rigs spyod/ /de ni g.yang sa chen po bzhi pa yin/ /de ni 'jig rten sus kyang skyabs mi nus/ /sdig pa'i las
33b1 can ngan song kun tu rgyug/ bsam pa dag pa 'phags pa'i dag pa yin/ /byang chub g.yo med de ni sems kyi gzhi/ /smras pa tsam gyis byang chub mi 'thob kyi/ /sems kyang dag
33b2 bar bya zhes bde gshegs gsungs/ /bcom ldan 'das kyis chos kyi rnam grangs 'di bshad pa na srog chags lnga stong gis sngon ma bskyed pa las bla na med pa yang dag par
33b3 rdzogs pa'i byang chub tu sems bskyed de/ mi skye ba'i chos rnams la'ang bzod pa thob par gyur to/ /rgyal po tshangs pas byin yang bla na med pa yang dag par rdzogs pa'i
33b4 byang chub las phyir mi ldog par gyur te/ srog chags 'bum ni chos rnams la chos kyi mig rdul med cing dri ma dang bral ba rnam par dag go/ lha dung phyur gyis ni sngon ma bskyed
33b5 pa las byang chub tu sems bskyed de/ /de nas bcom ldan 'das kyis de'i tshe 'dzum pa mdzad de/ 'di ni sangs rgyas bcom ldan 'das rnams kyi chos nyid de/ gang gi tshe 'dzum
33b6 pa mdzad pa de'i mod la/ bcom ldan 'das kyi zhal gyi sgo nas 'od zer kha dog du ma kha dog sna tshogs pa/ 'di lta ste/ sngon po dang / ser po dang / dmar po dang / dkar po dang /
33b7 btsong ka dang / shel kyi kha dog dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med pa snang bas khyab par byas nas steng du'ang
34a1 tshangs pa'i 'jig rten gyi bar du song ste/ nyi ma dang / zla ba rnams kyi gzi brjid kyang med par byas nas phyir log ste/ bcom ldan 'das la lan gsum
34a2 bskor ba byas nas bcom ldan 'das kyi spyi bo'i gtsug tu mi snang bar gyur to/ /de nas byang chub sems dpa' mthong ba don yod kyis bcom ldan 'das gal pa der
34a3 logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das/ 'dzum pa mdzad pa'i rgyu gang lags/ rkyen gang lags/ bcom
34a4 ldan 'das kyis bka' stsal pa/ mthong ba don yod/ rgyal po tshangs pas byin 'di ni bskal pa sum cu'i bar du log par ltung bar mi 'gyur te/ lha dang mi'i phun
34a5 sum tshogs pa myong nas sangs rgyas dung phyur phrag brgyad mnyes par byed par 'gyur ro/ /thams cad du'ang 'khor los bsgyur ba'i rgyal por 'gyur te/ gling bzhi
34a6 yongs su btang nas sangs rgyas bcom ldan 'das de dag thams cad la zhe 'gras pa med pa'i sems kyis dgongs pa bzhin du bsnyen bkur byed par 'gyur ro/ /de
34a7 de'i 'og tu bde ba can gyi bkod pa dang 'dra ba'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur
34b1 te| de bzhin gshegs pa dgra bcom pa yang dag par rdzogs pa'i sangs rgyas bkod pa dpag tu med pa'i rgyal po zhes bya bar 'gyur ro/ /de nas rgyal po tshangs pas byin tshi ma
34b2 zhing mgu la yi rangs te/ rab tu dga' zhing dga' ba dang / yid bde ba skyes te/ byang chub sems dpa' mthong ba don yod kyi rkang pa la yan lag lngas gtugs nas/ bcom
34b3 ldan 'das/ mthong ba don yod la gang gi phyir bdag gi slad du dge slong gi dge 'dun de dag dang lhan cig 'o brgyal cing bzhugs par gyur pa bdag gis lhag pa'i
34b4 bsam pas bzod pa gsol lo zhes byas so/ /byang chub sems dpa' mthong ba don yod kyis rgyal po tshangs pas byin la snying brtse ba'i phyir bzod par byas so/ /bcom ldan
34b5 'das kyis de skad ces bka' stsal nas rgyal po tshangs pas byin dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das
34b6 kyis gsungs pa la mngon par bstod do/ /'phags pa tshangs pas byin gyis zhus pa zhes bya ba theg pa chen po'i mdo rdzogs so// //rgya gar gyi mkhan po su ren+d+ra
bo d+hi dang /
CLOSE WINDOW