བོད་ཡིག |
163a1 @##/ /rgya gar skad du/ AR+ya pany+tsa sha ti ka pradz+nyA pa ra mi ta/ bod skad du/ 'phags pa shes rab kyi pha rol tu phyin pa lnga brgya pa/ sangs rgyas dang byang chub sems dpa'
163a2 thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dang / byang chub
163a3 sems dpa'i tshogs chen po dang thabs cig tu bzhugs te/ de nas bcom ldan 'das kyis tshe dang ldan pa rab 'byor la bka' stsal pa/ rab 'byor/ gzugs ni dngos po med pa/
163a4 dngos po ngan pa/ dngos po yod pa'o/ /rab 'byor/ tshor ba dang / 'du shes pa dang / 'du byed rnams dang / rnam par shes pa ni dngos po med pa/ dngos po ngan pa/ dngos po yod pa'o/ /
163a5 rab 'byor/ mig dang / gzugs rnams dang / mig gi rnam par shes pa dang / rna ba dang / sgra rnams dang / rna ba'i rnam par shes pa dang / sna dang / dri rnams dang / sna'i rnam par shes
163a6 pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa ni
163a7 dngos po med pa/ dngos po ngan pa/ dngos po yod pa'o/ /de ltar gzugs de/ le'u gsum du byis pa so so'i skye bo rnams kyis yang dag pa ji lta ba bzhin du rab tu mi shes pas/ gzugs
163b1 de la mngon par zhen to/ /mngon par sgrub po/ /sgrib par byed do/ /de dag gzugs de la mngon par zhen cing mngon par sgrub ste/ sgrib par byed pas nyan thos kyi theg pa'am/ rang sangs rgyas kyi theg pas
163b2 kyang nges par 'byung bar mi 'gyur na/ theg pa chen pos lta smos kyang ci dgos/ de ltar mngon par zhen cing mngon par sgrub ste/ sgrib par byed pas 'di lta ste/ sems can dmyal ba rnams dang / dud 'gro dang /
163b3 yi dwags rnams dang / lha rnams dang / mi rnams kyi nang du yun ring por rga shi myong ngo / /rab 'byor/ de bzhin du tshor ba dang / 'du shes dang / 'du byed rnams dang / rnam par shes pa dngos po med pa
163b4 dang | dngos po ngan pa dang / dngos po yod pa dang / rab 'byor/ mig dang / gzugs rnams dang / mig gi rnam par shes pa dang / rna ba dang / sgra rnams dang / rna ba'i rnam par shes pa dang / sna dang /
163b5 dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams
163b6 dang | yid kyi rnam par shes pa dngos po med pa dang / dngos po ngan pa dang / dngos po yod pa de ltar yid kyi rnam par shes pa de/ le'u gsum du byis pa so so'i skye bo rnams kyis yang dag
163b7 pa ji lta ba bzhin du rab tu mi shes pas/ rnam par shes pa de la mngon par zhen to/ /mngon par sgrub po/ /sgrib par byed do/ /de dag rnam par shes pa de la mngon par zhen cing mngon par sgrub
164a1 ste| sgrib par byed pas nyan thos kyi theg pa'am/ rang sangs rgyas kyi theg pas nges par 'byung bar mi 'gyur na/ theg pa chen pos lta smos kyang ci dgos/ de
164a2 ltar mngon par zhen cing mngon par sgrub ste/ sgrib par byed pas 'di lta ste/ sems can dmyal ba rnams dang / dud 'gro dang / yi dwags rnams dang / lha dang / mi rnams kyi nang du
164a3 yun ring por rga shi myong ngo / /mkhas pa rnams kyis ni/ gzugs de/ de ltar le'u gsum du yang dag pa ji lta ba bzhin du rab tu shes pas/ mngon par zhen par mi byed cing / mngon
164a4 par sgrub par mi byed kyi/ gsal bar byed do/ /mngon par zhen par mi byed cing mngon par sgrub par mi byed kyi/ gsal bar byed pas theg pa chen pos kyang nges par 'byung bar 'gyur
164a5 na| nyan thos kyi theg pa'am/ rang sangs rgyas kyi theg pas lta smos kyang ci dgos/ de ltar mngon par zhen par mi byed cing mngon par sgrub par mi byed kyi/ gsal bar byed pas 'di lta
164a6 ste| sems can dmyal ba rnams dang / dud 'gro dang / yi dwags rnams dang / lha dang / mi rnams kyi nang du rga shi myong ba ma yin no/ /rab 'byor/ de bzhin du tshor ba dang / 'du shes
164a7 dang / 'du byed rnams dang / rnam par shes pa dang / mig dang / gzugs rnams dang / mig gi rnam par shes pa dang / rna ba dang / sgra rnams dang / rna ba'i rnam par shes pa dang / sna dang /
164b1 dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams
164b2 dang / yid kyi rnam par shes pa le'u gsum du mkhas pa rnams kyis yang dag pa ji lta ba bzhin du rab tu shes pas mngon par zhen par mi byed cing / mngon par sgrub par mi byed kyi/
164b3 gsal bar byed do/ /mngon par zhen par mi byed cing / mngon par sgrub par mi byed kyi/ gsal bar byed pas/ theg pa chen pos kyang nges par 'byung bar 'gyur na/ nyan thos kyi theg
164b4 pa'am| rang sangs rgyas kyi theg pas lta smos kyang ci dgos/ de ltar mngon par zhen par mi byed cing / mngon par sgrub par mi byed kyi/ gsal bar byed pas 'di lta ste/ sems can dmyal
164b5 ba rnams dang / dud 'gro dang / yi dwags rnams dang / lha dang / mi rnams kyi nang du rga shi myong ba ma yin no/ /rab 'byor/ gzugs ni/ skye ba'o/ /'jig pa'o/ /gzugs kyi skye ba gang yin pa de ni/
164b6 gzugs kyi skye ba med pa'o/ /gzugs kyi skye ba med pa gang yin pa de ni/ gzugs kyi skye ba med pa'i rang bzhin te/ byang chub sems dpa' sems dpa' chen pos gzugs kyi skye ba med pa'i rang
164b7 bzhin de yang dag pa ji lta ba bzhin du rab tu shes pas/ gzugs kyi skye ba med pa gang yin pa de yang dag par sgrub bo// rab 'byor/ de bzhin du tshor ba dang / 'du shes dang / 'du byed rnams
165a1 dang / rnam par shes pa ni/ skye ba'o/ /'jig pa'o/ /rnam par shes pa'i skye ba gang yin pa de ni/ rnam par shes pa'i skye ba med pa'o/ /rnam par shes pa'i skye ba med pa
165a2 gang yin pa de ni/ rnam par shes pa'i skye ba med pa'i rang bzhin te/ byang chub sems dpa' sems dpa' chen pos rnam par shes pa'i skye ba med pa'i rang bzhin te/ yang dag pa ji lta ba
165a3 bzhin du rab tu shes pas rnam par shes pa'i skye ba med pa gang yin pa de/ yang dag par sgrub bo/ /rab 'byor/ gang la la zhig gzugs ni/ bdag gam bdag gi'o/ /zhes de skad
165a4 smra na/ de ni/ phyi rol gyi byis pa so so'i skye bo'i phyogs la gnas pa ste/ log par lta ba'o/ /zhes nga smra'o/ /rab 'byor/ gang la la zhig tshor ba dang / 'du shes dang / 'du byed rnams
165a5 dang / rnam par shes pa ni/ sngon byas pa'i rgyu las byung ba'o/ /zhes sam/ dbang phyug gis sprul pa'i rgyu las byung ba'o/ /zhes sam/ rgyu med rkyen med pa'o/ /zhes de skad smra na/ de ni/ phyi rol
165a6 byis pa so so'i skye bo'i phyogs la gnas pa ste/ log par lta ba'o/ /zhes nga smra'o/ /rab 'byor/ gang yang gzugs ni/ gzugs su yod pa'i mtshan nyid do/ /tshor ba ni/ myong ba'i mtshan
165a7 nyid do| |'du shes ni/ kun tu shes pa'i mtshan nyid do/ /'du byed rnams ni/ mngon par 'du byed pa'i mtshan nyid do/ /rnam par shes pa ni/ rnam par shes pa'i mtshan nyid do/ /zhes de skad
165b1 smra na/ de ni/ phyi rol pas kyang phyi rol so so'i skye bo'i phyogs la gnas pa ste/ log par lta ba'o/ /zhes nga smra'o/ /rab 'byor/ de gang yang gzugs ni/ sdug bsngal ba ste/ rab tu ma zhi ba'o/ /
165b2 gzugs 'gog pa ni/ bde ba dang / zhi ba'o/ /zhes de skad smra na/ de ni/ phyi rol pas kyang phyi rol zhes bya ba nas log par lta ba'i bar du'o/ /zhes nga smra'o/ /rab 'byor/ gang yang tshor ba dang /
165b3 'du shes dang / 'du byed rnams dang / rnam par shes pa ni/ sdug bsngal ba ste/ rab tu ma zhi ba'o/ /rnam par shes pa 'gog pa ni/ bde ba dang / zhi ba'o/ /zhes de skad smra na/ de ni/ phyi rol bas
165b4 kyang phyi rol zhes bya ba nas log par lta ba'i bar du zhes nga smra'o/ /rab 'byor/ gang yang gzugs ni/ med pa nyid do/ /zhes de skad smra na/ de ni/ phyi rol pas kyang phyi rol so so'i skye bo'i phyogs la
165b5 gnas pa ste/ log par lta ba'o/ /zhes nga smra'o/ /rab 'byor/ gang yang tshor ba dang / 'du shes dang / 'du byed rnams dang / rnam par shes pa ni/ med pa nyid do/ /zhes de skad smra na/ de ni/ phyi rol
165b6 pas kyang phyi rol so so'i skye bo'i phyogs la gnas pa ste/ log par lta ba'o/ /zhes nga smra'o/ /rab 'byor/ gang yang bcom ldan 'das kyis gzugs rang bzhin med pa dang / skye ba med pa dang /
165b7 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni/ ldem por dgongs pa ma yin pa/ dgongs
166a1 pa ma yin pa ste/ sgra ji bzhin pa nyid du shes par bya'o/ /zhes de skad smra na/ de ni/ phyi rol pas kyang phyi rol so so'i skye bo'i phyogs la gnas pa ste/ log par
166a2 lta ba'o| |zhes nga smra'o/ /rab 'byor/ gang yang bcom ldan 'das kyis tshor ba dang / 'du shes dang / 'du byed rnams dang / rnam par shes pa rang bzhin med pa dang / skye ba med pa dang /
166a3 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni/ ldem por dgongs pa ma yin pa/
166a4 dgongs pa ma yin pa ste/ sgra ji bzhin pa nyid du shes par bya'o/ /zhes de skad smra na/ de ni/ phyi rol bas kyang phyi rol so so'i skye bo'i phyogs la gnas pa ste/ log par lta ba'o/ /zhes
166a5 nga smra'o| |rab 'byor/ gzugs ni/ yod de/ gang gzugs la mngon par zhen pa dang / skye ba dang / bstan par 'gyur ba'o/ /gzugs ni/ yod de/ gang gzugs la kun nas nyon mongs
166a6 pa dang / gnas pa dang / 'jug par 'gyur ba'o/ /gzugs ni/ yod de/ gang gzugs la rnam par byang ba dang / 'byor pa dang / dbang du 'gyur ba'o/ /rab 'byor/ tshor ba dang / 'du shes
166a7 dang / 'du byed rnams dang / rnam par shes pa ni/ yod de/ gang rnam par shes pa la mngon par zhen pa dang / skye ba dang / bstan par 'gyur ba'o/ /rab 'byor/ tshor ba dang / 'du shes dang /
166b1 'du byed rnams dang / rnam par shes pa ni/ yod de/ gang rnam par shes pa la kun nas nyon mongs pa dang / gnas pa dang / 'jug par 'gyur ba'o/ /tshor ba dang / 'du shes dang / 'du byed rnams
166b2 dang / rnam par shes pa ni/ yod de/ gang rnam par shes pa la rnam par byang ba dang / 'byor pa dang / dbang du 'gyur ba'o/ /rab 'byor/ gzugs ni/ yod de/ gang byang chub sems dpa'
166b3 rnams kyis spangs shing yongs su shes te bstan na/ dbang du 'gyur ba'o/ /rab 'byor/ gzugs ni/ yod de/ gang spangs shing yongs su shes te/ yang dag par bstan na/ dbang du 'gyur
166b4 ba'o| |rab 'byor/ gzugs ni/ yod de/ gang spangs shing yongs su shes pa na/ chos dkar po dang ldan pa dang / chos thams cad la dbang bskur ba dang / bde ba chen po la gnas par 'gyur ro/ /
166b5 rab 'byor/ tshor ba dang / 'du shes dang / 'du byed rnams dang / rnam par shes pa ni/ yod de/ gang byang chub sems dpa' rnams kyis spangs shing yongs su shes te bstan na/ dbang du 'gyur ba'o/ /
166b6 rab 'byor/ tshor ba dang / 'du shes dang / 'du byed rnams dang / rnam par shes pa ni/ yod de/ gang spangs shing yongs su shes te yang dag par bstan na/ dbang du 'gyur ba'o/ /rab 'byor/ tshor ba dang /
166b7 'du shes dang / 'du byed rnams dang / rnam par shes pa ni/ yod de/ gang spangs shing yongs su shes sna/ chos dkar po dang ldan pa dang / chos thams cad la dbang bsgyur ba dang / bde ba chen po
167a1 la gnas par 'gyur ro/ /rab 'byor/ byang chub sems dpa' gang la la zhig gzugs la gzugs tsam dang / sdug bsngal tsam du yang dag par rjes su mi
167a2 mthong ba de/ gzugs la bdag tu dmigs so/ /gang gzugs la bdag tu dmigs pa de/ gzugs la bdag tu lta bar dmigs so/ /gang gzugs la bdag tu lta bar dmigs pa
167a3 de| gzugs la thams cad dmigs so/ /gang gzugs la thams cad dmigs pa de/ gzugs la thams cad mi dmigs so/ /gzugs la thams cad dmigs pa ni/ thams cad
167a4 mi dmigs pa de'i dmigs pa de yongs su grub pa yin no/ /de dmigs pa de la gnas na/ nyan thos kyi theg pa dang rang sangs rgyas kyi theg pas kyang nges par 'byung bar mi 'gyur na/ theg
167a5 pa chen pos lta smos kyang ci dgos/ rab 'byor/ byang chub sems dpa' gang la la zhig tshor ba dang / 'du shes dang / 'du byed rnams dang / rnam par shes pa la rnam par shes pa tsam dang /
167a6 sdug bsngal tsam du yang dag par rjes su mi mthong ba de/ rnam par shes pa la bdag tu dmigs so/ /gang rnam par shes pa la bdag tu dmigs pa de/ rnam par shes pa la bdag
167a7 tu lta bar dmigs so/ /gang rnam par shes pa la bdag tu lta bar dmigs pa de/ rnam par shes pa la thams cad dmigs so/ /gang rnam par shes pa la thams cad dmigs pa de/
167b1 rnam par shes pa la thams cad mi dmigs so/ /gang rnam par shes pa la thams cad dmigs pa na thams cad mi dmigs pa de'i dmigs pa de yongs su grub pa yin no/ /de dmigs pa de la
167b2 gnas na/ nyan thos kyi theg pa dang rang sangs rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos/ rab 'byor/ gang yang gzugs la gzugs
167b3 tsam dang / sdug bsngal tsam du yang dag par rjes su mthong ba de/ gzugs la bdag tu mi dmigs so/ /gang gzugs la bdag tu mi dmigs pa de/ gzugs la bdag tu lta bar mi
167b4 dmigs so/ /gang gzugs la bdag tu lta bar mi dmigs pa de/ gzugs la thams cad mi dmigs so/ /gang gzugs la thams cad mi dmigs pa de/ gzugs la thams cad dmigs
167b5 so| |gang gzugs la thams cad dmigs pa na/ thams cad mi dmigs pa de'i dmigs pa de yongs su grub pa yin no/ /de dmigs pa de la gnas na/ nyan thos dang rang sangs rgyas kyi theg
167b6 pas nges par 'byung bar 'gyur gyi/ theg pa chen pos ni/ ma yin no/ /rab 'byor/ gang yang tshor ba dang / 'du shes dang / 'du byed rnams dang / rnam bar shes pa la rnam par shes pa tsam
167b7 dang / sdug bsngal tsam du yang dag par rjes su mthong ba de/ rnam par shes pa la bdag tu mi dmigs so/ /gang rnam par shes pa la bdag tu mi dmigs pa de/ rnam par shes pa la bdag tu lta
168a1 bar mi dmigs so/ /gang rnam par shes pa la bdag tu lta bar mi dmigs pa de/ rnam par shes pa la thams cad mi dmigs so/ /gang rnam par
168a2 shes pa la thams cad mi dmigs pa de/ rnam par shes pa la thams cad dmigs so/ /gang rnam par shes pa la thams cad dmigs pa na thams cad mi dmigs pa de'i dmigs
168a3 pa de yongs su grub pa yin no/ /de dmigs pa de la gnas na/ nyan thos kyi theg pa dang / rang sangs rgyas kyi theg pas nges par 'byung bar 'gyur gyi/ theg pa chen pos ni/ ma yin no//
168a4 rab 'byor/ gang la la zhig gzugs la yang dag pa ma yin pa kun brtags pa tsam dang / 'khrul pa tsam du yang dag par rjes su mi mthong ba de/ gzugs la gzugs su dmigs
168a5 so| |gang gzugs la gzugs su dmigs pa de/ gzugs la gzugs su lta bar dmigs so/ /gang gzugs la gzugs su lta bar dmigs pa de/ gzugs la thams cad
168a6 dmigs so/ /gang gzugs la thams cad dmigs pa de/ gzugs la thams cad mi dmigs so/ /gang gzugs la thams cad dmigs pa na/ thams cad mi dmigs pa de'i
168a7 dmigs pa de yongs su grub pa yin no/ /de dmigs pa de la gnas na/ nyan thos kyi theg pa dang rang sangs rgyas kyi theg pas kyang nges par 'byung bar mi 'gyur na/ theg pa chen
168b1 bos lta smos kyang ci dgos/ rab 'byor/ gang yang tshor ba dang / 'du shes dang / 'du byed rnams dang / rnam par shes pa la yang dag pa ma yin pa kun btags pa tsam dang / 'khrul pa tsam
168b2 du yang dag par rjes su mi mthong ba de/ rnam par shes pa la rnam par shes par dmigs so/ /gang rnam par shes pa la rnam par shes par dmigs pa de/ rnam par shes pa la rnam par shes
168b3 par lta bar dmigs so/ /gang rnam par shes pa la rnam par shes pa lta bar dmigs pa de/ rnam par shes pa la thams cad dmigs so/ /gang rnam par shes pa la thams cad dmigs
168b4 pa de| rnam par shes pa la thams cad mi dmigs so/ /gang rnam par shes pa la thams cad dmigs pa na thams cad mi dmigs pa de'i dmigs pa de/ yongs su grub pa yin no/ /de dmigs
168b5 pa de la gnas na/ nyan thos kyi theg pa'am/ rang sangs rgyas kyi theg pas kyang nges par 'byung bar mi 'gyur na/ theg pa chen po lta smos kyang ci dgos/ rab 'byor/ gang gzugs la
168b6 yang dag pa ma yin pa kun btags pa tsam dang / 'khrul pa tsam du yang dag par rjes su mthong ba de/ gzugs la gzugs su mi dmigs/ gang gzugs la gzugs su mi dmigs
168b7 pa de| gzugs la gzugs su lta bar mi dmigs so/ /gang gzugs la gzugs su lta bar mi dmigs pa de/ gang gzugs la thams cad mi dmigs so/ /gang gzugs la
169a1 thams cad mi dmigs pa de/ gzugs la thams cad dmigs so/ /gang gzugs la thams cad dmigs pa na/ thams cad mi dmigs pa de'i dmigs pa de
169a2 yongs su grub pa yin no/ /de mi dmigs pa de la gnas na/ theg pa chen pos kyang nges par 'byung bar 'gyur na/ nyan thos kyi theg pa'am/ rang sangs rgyas kyi theg pas lta smos kyang ci
169a3 dgos| rab 'byor/ gang tshor ba dang / 'du shes dang / 'du byed rnams dang / rnam par shes pa la yang dag pa ma yin pa kun tu btags pa tsam dang / 'khrul pa tsam du yang dag par
169a4 rjes su mthong ba de/ rnam par shes pa la rnam pa shes par mi dmigs so/ /gang rnam par shes pa la rnam par shes par mi dmigs pa de/ rnam par shes pa la rnam par shes par
169a5 lta bar mi dmigs so/ /gang rnam par shes pa la rnam par shes par lta bar mi dmigs pa de/ rnam par shes pa la thams cad mi dmigs so/ /gang rnam par shes pa la thams
169a6 cad mi dmigs pa de/ rnam par shes pa la thams cad dmigs so/ /gang rnam par shes pa la thams cad mi dmigs pa na/ thams cad dmigs pa de'i mi dmigs pa de yongs su
169a7 grub pa yin no/ /de dmigs pa de la gnas na/ theg pa chen pos kyang nges par 'byung bar 'gyur na/ nyan thos kyi theg pa'am/ rang sangs rgyas kyi theg pas lta smos kyang ci dgos/
169b1 rab 'byor/ byang chub sems dpa' gzugs la sgra ji bzhin du mngon par zhen te tha snyad du kun tu spyod na 'jig tshogs la lta bar kun tu spyod pa yin/ yang 'byung ba'i sred pa la kun tu
169b2 spyod pa yin/ 'jig pa yongs su tshol bar kun tu spyod pa yin te/ gzugs yongs su mi shes pa'i rtags yin no/ /de bzhin du byang chub sems dpa' tshor ba dang / 'du shes dang / 'du byed
169b3 rnams dang / rnam par shes pa la sgra ji bzhin du mngon par zhen te tha snyad du kun tu spyod na/ 'jig tshogs la lta bar kun tu spyod pa yin/ yang 'byung ba'i sred pa la kun tu spyod pa yin/
169b4 'jig pa yongs su tshol bar kun tu spyod pa yin te/ rnam par shes pa yongs su mi shes pa'i rtags yin no/ /rab 'byor/ byang chub sems dpa' gzugs la sgra ji bzhin du mngon par zhen
169b5 te tha snyad du kun tu mi spyod na/ 'jig tshogs la lta bar kun tu spyod pa ma yin/ yang 'byung ba'i sred pa la kun tu spyod pa ma yin/ 'jig pa yongs su tshol bar kun tu spyod pa ma yin te/
169b6 gzugs yongs su shes pa'i rtags yin no/ /rab 'byor/ byang chub sems dpa' tshor ba dang / 'du shes dang / 'du byed rnams dang / rnam par shes pa la sgra ji bzhin du mngon par zhen
169b7 te tha snyad du kun tu mi spyod na/ 'jig tshogs la lta bar kun tu spyod pa ma yin/ yang 'byung ba'i sred pa la kun tu spyod pa ma yin/ 'jig pa yongs su tshol bar kun tu spyod pa ma yin te/ rnam
170a1 par shes pa yongs su shes pa'i rtags yin no/ /rab 'byor/ byang chub sems dpa' gzugs la rkyen gang dag yongs su bzung na/ rnam par byang bar 'gyur ba'i sems kyi sa
170a2 bon ni/ gsum po 'di dag ste/ mos pa sems kyi sa bon dang / yid 'byung ba sems kyi sa bon dang / chud mi gson pa sems kyi sa bon no/ /rab 'byor/ byang chub sems dpa' gzugs
170a3 la mngon par zhen pa med pa'i sems dang / 'bral ba'i sems dang / yongs su sbyong ba'i sems dang / sems gsum po 'di dag bskyed par bya'o/ /rab 'byor/ byang chub sems dpa'
170a4 gzugs la sems skye ba dang / mi skye ba dang / cher skye ba dang / mnyam du skye ba de yang dag par rjes su mthong ste/ de de ltar yang dag par rjes su mthong na/ myur du bla na med pa yang dag par
170a5 rdzogs pa'i byang chub mngon par rdzogs par 'tshang rgya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la rkyen gang dag
170a6 yongs su bzung na/ rnam par byang bar 'gyur ba'i sems kyi sa bon ni/ gsum po 'di dag ste/ mos pa sems kyi sa bon dang / yid 'byung ba sems kyi sa bon dang / chud mi gson
170a7 pa sems kyi sa bon no/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la mngon par zhen pa'i sems dang / 'bral ba'i
170b1 sems dang / yongs su sbyong ba'i sems dang sems gsum po 'di dag bskyed par bya'o/ /rab 'byor/ gal te byang chub sems dpas tshor ba dang / 'du shes dang / 'du byed rnams dang /
170b2 rnam par shes pa la sems skye ba dang / mi skye ba dang / cher skye ba dang / mnyam du skye ba de yang dag par rjes su mthong ste/ de de ltar yang dag par rjes su mthong na/ myur du bla na med pa yang
170b3 dag par rdzogs pa'i byang chub mngon par rdzogs par 'tshang rgya'o/ /rab 'byor/ gal te byang chub sems dpas gzugs la yod pa nyid dang / de bzhin du yod pa nyid dam/ med pa nyid du
170b4 yang dag par rjes su mthong na/ de kho na mi shes pa'i byang chub sems dpar rig par bya'o/ /rab 'byor/ gal te byang chub sems dpas tshor ba dang / 'du shes dang / 'du byed rnams dang /
170b5 rnam par shes pa la yod pa nyid dang / de bzhin du yod pa nyid dam/ med pa nyid du yang dag par rjes su mthong na/ de kho na mi shes pa'i byang chub sems dpar rig par bya'o/ /rab 'byor/
170b6 gal te byang chub sems dpas gzugs la yod pa ma yin pa dang / de bzhin du yod pa ma yin pa dang / yod pa yang ma yin/ med pa yang ma yin par yang dag par rjes su mthong na/ de
170b7 kho na shes pa'i byang chub sems dpa' zhes bya'o/ /rab 'byor/ gal te byang chub sems dpas tshor ba dang / 'du shes dang / 'du byed rnams dang / rnam par shes pa la yod pa ma yin pa
171a1 dang / de bzhin du yod pa ma yin pa dang / yod pa yang ma yin/ med pa yang ma yin par yang dag par rjes su mthong na/ de kho na shes pa'i byang chub
171a2 sems dpa' zhes bya'o/ /rab 'byor/ byang chub sems dpa' gzugs la sems mnyam par gzhag par 'dod cing gzugs la mos la/ gzugs la sems de bskyod/ kun
171a3 tu bskyod/ rnam par bskyod na/ mos pa ngan pa'i byang chub sems dpar rig par bya'o/ /rab 'byor/ byang chub sems dpa' tshor ba dang / 'du shes dang / 'du byed rnams dang /
171a4 rnam par shes pa la sems mnyam par gzhag par 'dod cing rnam par shes pa la mos la/ rnam par shes pa la sems de bskyod/ kun tu bskyod/ rnam par bskyod na/ mos
171a5 pa ngan pa'i byang chub sems dpar rig par bya'o/ /rab 'byor/ byang chub sems dpa' gzugs la sems mnyam par 'dod cing sems de gzugs la mos pa na/ gzugs la
171a6 sems mi 'dogs/ kun tu mi 'dogs/ rnam par mi 'dogs na/ mos pa bzang po'i byang chub sems dpar rig par bya'o/ /rab 'byor/ byang chub sems dpa' tshor ba dang /
171a7 'du shes dang / 'du byed rnams dang / rnam par shes pa la sems mnyam par gzhag par 'dod cing / sems de rnam par shes pa la mos pa na/ rnam par shes pa la sems mi
171b1 'dogs/ kun tu mi 'dogs/ rnam par mi 'dogs na/ mos pa bzang po'i byang chub sems dpar rig par bya'o/ /rab 'byor/ byang chub sems dpa' gzugs la mtshan nyid med
171b2 pa'i chos yongs su shes par bya ba dang / sdug bsngal rab tu zhi bar bya ba dang / mya ngan las 'das pa la gcig tu nges par bya ba'i phyir zhugs na/ yang dag par zhugs par rig par
171b3 bya'o| |byang chub sems dpa' de ltar yang dag par zhugs pa ni/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor/ byang chub sems
171b4 dpa' tshor ba dang / 'du shes dang / 'du byed rnams dang / rnam par shes pa la mtshan nyid med pa'i chos yongs su shes par bya ba dang / sdug bsngal rab tu zhi bar bya ba dang / mya ngan las
171b5 'das pa la gcig tu nges par bya ba'i phyir zhugs na/ yang dag par zhugs par rig par bya'o/ /byang chub sems dpa' de ltar yang dag par zhugs pa ni/ myur du bla na med pa yang
171b6 dag par rdzogs pa'i byang chub mngon par rdzogs par 'tshang rgya'o/ /mtshan nyid med par shes bya dang / /sdug bsngal zhi bar bya ba dang / /zhi ba gcig tu nges par ni/ /byang chub sems
171b7 dpa' sgrub par byed/ /rab 'byor/ byang chub sems dpa' gzugs la snang ba med pa dang / kun tu snang ba dang / de la gnas pa dang / de la 'jug pa'i chos yang dag pa ji lta ba bzhin
172a1 du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor/ byang chub sems dpa' tshor
172a2 ba dang / 'du shes dang / 'du byed rnams dang / rnam par shes pa la snang ba med pa dang / kun tu snang ba dang / de gnas pa dang / de la 'jug pa'i chos yang dag pa ji lta ba bzhin
172a3 du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /chos gang snang ba med pa dang / /kun tu snang ba nyid dang ni/ /de la
172a4 gnas dang rab 'jug pa/ /de shes nas ni byang chub thob/ /rab 'byor/ byang chub sems dpa' gzugs la gzugs yongs su tshol ba na/ de mi dmigs te/ gzugs mi snang bar byas
172a5 shing / gzugs kyi chos nyid kyang rab tu rtogs par byas na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor/ byang chub sems
172a6 dpa' tshor ba dang / 'du shes dang / 'du byed rnams dang / rnam par shes pa la rnam par shes pa yongs su tshol ba na/ de mi dmigs te/ rnam par shes pa mi snang bar byas shing / rnam
172a7 par shes pa'i chos nyid kyang rab tu rtogs par byas na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab tu btsal nas mi dmigs
172b1 chos| |sems la dngos por mi snang ba/ /chos nyid legs par shes pa yi/ /blo ldan byang chub 'thob par 'gyur/ /rab 'byor/ byang chub sems dpa' gzugs la dngos po med par
172b2 mkhas pa ni/ gzugs 'jig pa dang ldan zhing / gzugs kyi chos kyi dbyings las mi g.yo bar myur du bla na med pa yang dag par rdzogs pa'i byang chub mngon par rdzogs par 'tshang
172b3 rgya'o| |rab 'byor/ byang chub sems dpa' tshor ba dang / 'du shes dang / 'du byed rnams dang / rnam par shes pa la dngos po med par mkhas pa ni/ rnam par shes pa 'jig pa dang ldan
172b4 zhing / rnam par shes pa'i chos kyi dbyings las mi g.yo bar myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /blo ldan dngos po med mkhas pa/ /rnam
172b5 par 'jig dang ldan gyur cing / /chos kyi dbyings las mi g.yo bar/ /thams cad mkhyen pa nyid thob 'gyur/ /rab 'byor/ byang chub sems dpas gzugs la don dang bral ba dang / don med
172b6 pa dang / don chen por yang dag par ji lta ba bzhin du rab tu shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor/ byang chub
172b7 sems dpas tshor ba dang / 'du shes dang / 'du byed rnams dang / rnam par shes pa la don dang bral ba dang / don med pa dang / don chen por yang dag pa ji lta ba bzhin du rab tu shes na/
173a1 myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /don bral don ni med pa dang / /don chen po yi don du ni/ /shes nas byang
173a2 chub sems dpa' rnams/ /byang chub chen po 'thob par 'gyur/ /rab 'byor/ byang chub sems dpa' sems dpa' chen pos gzugs la rnam par rtog pa'i 'dod chags dang / rab tu
173a3 rtog pa'i 'dod chags dang / rnam par rtog pa'i 'dod chags dang / 'dod chags dang / 'dod chags chen po dang 'dod chags lnga yongs su shes par bya ste/ yongs su spang bar bya'o/ /
173a4 rab 'byor/ byang chub sems dpa' sems dpa' chen pos tshor ba dang / 'du shes dang / 'du byed rnams dang / rnam par shes pa la rnam par rtog pa'i 'dod chags dang / rab tu rtog pa'i
173a5 'dod chags dang / rnam par rtog pa'i 'dod chags dang / 'dod chags dang / 'dod chags chen po dang 'dod chags lnga yongs su shes par bya ste/ yongs su spang bar bya'o/ /rab
173a6 'byor/ byang chub sems dpas gzugs la 'dod chags lnga po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs pas/
173a7 gzugs la gzugs su mi dmigs so/ /gzugs la gzugs su mi dmigs pas/ gzugs la gzugs dmigs te/ gang gzugs la gzugs dmigs pa de nyid
173b1 gzugs la gzugs mi dmigs pa'o/ /de gzugs dmigs pa mi dmigs pa des/ gzugs rnam pa thams cad du zil gyis mnan nas 'di lta ste/ bla na med pa yang dag par rdzogs
173b2 pa'i byang chub tu nges par 'byung ngo / /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la 'dod chags lnga po 'di dag yongs su
173b3 spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas/ rnam par shes pa la rnam par shes par mi dmigs so/ /rnam par shes pa la rnam
173b4 par shes par mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes
173b5 par mi dmigs pa'o/ /de rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs
173b6 pa'i byang chub tu nges par 'byung ngo / /rab 'byor/ byang chub sems dpas gzugs la rnam par rtog pa dang / rnam par dpyod pa'i zhe sdang dang / rab tu rtog pa dang / rnam par dpyod
173b7 pa'i zhe sdang dang / rnam par rtog pa dang / rnam par dpyod pa'i zhe sdang dang / zhe sdang dang / zhe sdang chen po dang zhe sdang lnga yongs su shes par byas te yongs su spang bar bya'o/ /rab
174a1 'byor| byang chub sems dpas tshor ba dang / 'du shes dang / 'du byed rnams dang / rnam par shes pa la rnam par rtog pa dang / rnam par dpyod pa'i zhe sdang
174a2 dang | rab tu rtog pa dang / rnam par dpyod pa'i zhe sdang dang / rnam par rtog pa dang / rnam par dpyod pa'i zhe sdang dang / zhe sdang dang / zhe sdang chen po dang / zhe sdang lnga yongs su shes
174a3 par byas te yongs su spang bar bya'o/ /rab 'byor/ byang chub sems dpas gzugs la zhe sdang lnga po 'di dag yongs su spangs nas gzugs kyi rang bzhin mi dmigs so/ /
174a4 gzugs kyi rang bzhin mi dmigs pas gzugs la gzugs su mi dmigs so/ /gzugs la gzugs su mi dmigs pas/ gzugs la gzugs dmigs te/ gang
174a5 gzugs la gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des/ gzugs rnam pa thams cad du zil gyis
174a6 mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpas tshor ba dang / 'du shes dang / 'du byed rnams
174a7 dang | rnam par shes pa la zhe sdang lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas/
174b1 rnam par shes pa la rnam par shes par mi dmigs so/ /rnam par shes pa la rnam par shes pa mi dmigs pas/ rnam par shes pa la rnam par shes pa dmigs te/ gang rnam par
174b2 shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des rnam par shes pa thams
174b3 cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpa' gzugs la 'khrul pa'i gti mug dang /
174b4 'khrul pa'i rgyu'i gti mug dang / mi 'khrul pa'i rgyu'i gti mug dang / gti mug dang / gti mug chen po dang gti mug lnga yongs su shes par byas te yongs su spang par bya'o/ /rab 'byor/
174b5 byang chub sems dpas tshor ba dang / 'du shes dang / 'du byed rnams dang / rnam par shes pa la 'khrul pa'i gti mug dang / 'khrul pa'i rgyu'i gti mug dang / mi 'khrul ba'i rgyu'i gti
174b6 mug dang / gti mug dang / gti mug chen po dang gti mug lnga yongs su shes par byas te yongs su spang bar bya'o/ /rab 'byor/ byang chub sems dpas gzugs la gti mug lnga
174b7 po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs pas/ gzugs la gzugs su mi dmigs so/ /gzugs la gzugs
175a1 su mi dmigs pas/ gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ /de gzugs
175a2 dmigs pa mi dmigs pa des/ gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor/
175a3 byang chub sems dpas tshor ba dang / 'du shes dang / 'du byed rnams dang / rnam par shes pa la gti mug lnga po 'di dag yongs su spangs nas rnam par shes pa'i rang bzhin mi
175a4 dmigs so/ /rnam par shes pa'i rang bzhin mi dmigs pas/ rnam par shes pa la rnam par shes par mi dmigs so/ /rnam par shes pa la rnam par shes par mi dmigs pas/
175a5 rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ /de rnam par
175a6 shes pa dmigs pa mi dmigs pa des/ rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par
175a7 'byung ngo / /rab 'byor/ byang chub sems dpas gzugs la mang du thos pa'i nga rgyal dang / mngon par mtho ba'i nga rgyal dang / mngon pa'i nga rgyal dang / nga rgyal dang / nga rgyal chen
175b1 po dang nga rgyal lnga yongs su shes par byas te yongs su spang bar bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la
175b2 mang du thos pa'i nga rgyal dang / mngon par mtho ba'i nga rgyal dang / mngon pa'i nga rgyal dang / nga rgyal dang / nga rgyal chen po dang nga rgyal lnga yongs su shes par byas te yongs su spang bar
175b3 bya'o| |rab 'byor/ byang chub sems dpas gzugs la nga rgyal lnga po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs
175b4 pas| gzugs la gzugs su mi dmigs so/ /gzugs la gzugs su mi dmigs pas/ gzugs la gzugs dmigs te/ gang gzugs la gzugs dmigs pa de nyid
175b5 gzugs la gzugs mi dmigs pa'o/ /de gzugs dmigs pa mi dmigs pa des/ gzugs rnam pa thams cad du zil gyis mnan nas 'di lta ste/ bla na med pa yang dag par rdzogs
175b6 pa'i byang chub tu nges par 'byung ngo / /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la nga rgyal lnga po 'di dag yongs
175b7 su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas/ rnam par shes pa la rnam par shes par mi dmigs so/ /rnam par
176a1 shes pa la rnam par shes pa mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes pa dmigs
176a2 pa de nyid/ rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des/ rnam par shes pa rnam pa thams cad du zil gyis mnan nas
176a3 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpas gzugs la rang bzhin phyin ci log gi lta ba dang / yod do/ /
176a4 snyam pa'i lta ba dang / skur ba 'debs pa'i lta ba dang / lta ba dang / lta ba chen po dang lta ba lnga yongs su shes par byas te yongs su spang bar bya'o/ /rab 'byor/ byang chub sems
176a5 dpas tshor ba dang / 'du shes dang / 'du byed rnams dang / rnam par shes pa la rang bzhin la phyin ci log gi lta ba dang / yod do/ /snyam pa'i lta ba dang / skur ba 'debs pa'i lta ba dang /
176a6 lta ba dang / lta ba chen po dang lta ba lnga yongs su shes par byas te yongs su spang bar bya'o/ /rab 'byor/ byang chub sems dpas gzugs la lta ba lnga po 'di dag yongs su spangs nas
176a7 gzugs kyi rang bzhin mi dmigs so/ /gzugs kyi rang bzhin mi dmigs pas/ gzugs la gzugs su mi dmigs so/ /gzugs la gzugs su mi dmigs pas/ gzugs
176b1 la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des/ gzugs rnam pa thams
176b2 cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpas tshor ba dang / 'du shes dang / 'du byed
176b3 rnams dang / rnam par shes pa la lta ba lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas/ rnam par
176b4 shes pa la rnam par shes par mi dmigs so/ /rnam par shes pa la rnam par shes pa mi dmigs pas/ rnam par shes pa la rnam par shes pa dmigs te/ gang rnam par shes pa la
176b5 rnam par shes pa dmigs pa de nyid/ rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des/ rnam par shes pa rnam pa thams cad
176b6 du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpas gzugs la chos la yid gnyis za ba
176b7 dang / 'gro ba dang sdug bsngal la yid gnyis za ba dang / mya ngan las 'das pa dang / sangs rgyas dang / byang chub sems dpa' gzugs la yid gnyis za ba dang / yid gnyis za ba
177a1 dang / yid gnyis za ba chen po dang yid gnyis za ba lnga yongs su shes par byas te yongs su spang bar bya'o/ /rab 'byor/ byang chub sems dpas tshor
177a2 ba dang / 'du shes dang / 'du byed rnams dang / rnam par shes pa la chos la yid gnyis za ba dang / 'gro ba dang sdug bsngal la yid gnyis za ba dang / mya ngan las 'das pa
177a3 dang / sangs rgyas dang / byang chub sems dpa' la yid gnyis za ba dang / yid gnyis za ba dang / yid gnyis za ba chen po dang yid gnyis za ba lnga yongs su shes par byas te
177a4 yongs su spang bar bya'o/ /rab 'byor/ byang chub sems dpas gzugs la yid gnyis za ba 'di dag yongs su spangs nas gzugs kyi rang bzhin mi dmigs so/ /gzugs kyi
177a5 rang bzhin mi dmigs pas/ gzugs la gzugs su mi dmigs so/ /gzugs la gzugs su mi dmigs pas/ gzugs la gzugs dmigs te/ gang gzugs la
177a6 gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des/ gzugs rnam pa thams cad du zil gyis mnan nas 'di
177a7 lta ste| bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpas tshor ba dang / 'du shes dang / 'du byed rnams dang / rnam
177b1 par shes pa la yid gnyis za ba lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas/ rnam par shes pa la
177b2 rnam par shes par mi dmigs so/ /rnam par shes pa la rnam par shes par mi dmigs pas/ rnam par shes pa la rnam par shes pa dmigs te/ gang rnam par shes pa la rnam par shes
177b3 pa dmigs pa de nyid/ rnam par shes pa mi dmigs pa'o/ /de la rnam par shes pa dmigs pa mi dmigs pa des/ rnam par shes pa rnam pa thams cad du zil gyis mnan nas 'di lta
177b4 ste| bla na med pa yang dag par rdzogs pa'i byang chub tu nges par 'byung ngo / /rab 'byor/ byang chub sems dpa' gzugs yongs su tshol zhing gzugs kyi chos ston la/ gzugs la
177b5 lus dang / ngag dang / yid kyi las yongs su sbyong zhing gzugs de ji ltar brjod pa dang / ji ltar bstan pa dang / ji ltar bsnyad pa bzhin du yongs su tshol zhing chos ston te/ de la
177b6 lus dang / ngag dang / yid kyi las yongs su sbyong na/ gzugs la nyes pa yongs su tshol ba'i byang chub sems dpar rig par bya'o/ /gzugs la dam pa'i chos ma yin pa'i
177b7 gtam can gyi byang chub sems dpar rig par bya'o/ /gzugs la lus dang / ngag dang / yid kyi las yongs su ma dag pa'i byang chub sems dpar rig par bya'o/ /rab 'byor/ byang
178a1 chub sems dpa' gzugs yongs su tshol zhing gzugs kyi chos ston la/ gzugs la lus dang / ngag dang / yid kyi las yongs su sbyong zhing / gzugs de la
178a2 ji ltar brjod pa bzhin du ma yin/ ji ltar bstan pa bzhin du ma yin/ ji ltar bsnyad pa bzhin du ma yin par yongs su tshol zhing chos ston te/ de la lus dang / ngag dang / yid kyi
178a3 las yongs su sbyong na/ gzugs la legs par tshol ba'i byang chub sems dpa' ste/ yang dag pa'i ngag gi las kyi gtam can gyi byang chub sems dpar rig par bya'o/ /gzugs
178a4 de la lus dang / ngag dang / yid kyi las yongs su dag pa'i byang chub sems dpar rig par bya'o/ /rab 'byor/ byang chub sems dpas tshor ba dang / 'du shes dang / 'du byed rnams
178a5 dang / rnam par shes pa yongs su tshol zhing rnam par shes pa'i chos ston la/ rnam par shes pa la lus dang / ngag dang / yid kyi las yongs su sbyong zhing / rnam par shes pa de ji ltar
178a6 brjod pa dang / ji ltar bstan pa dang / ji ltar bsnyad pa bzhin du yongs su tshol zhing chos ston te/ de la lus dang / ngag dang / yid kyi las yongs su sbyong na/ rnam par shes pa la
178a7 nyes pa yongs su tshol ba'i byang chub sems dpar rig par bya'o/ /rnam par shes pa la dam pa'i chos ma yin pa'i gtam can gyi byang chub sems dpar rig par bya'o/ /rnam par
178b1 shes pa la lus dang / ngag dang / yid kyi las yongs su ma dag pa'i byang chub sems dpar rig par bya'o/ /rab 'byor/ byang chub sems dpa' rnam par shes pa yongs su tshol zhing rnam
178b2 par shes pa'i chos ston la/ rnam par shes pa la lus dang / ngag dang / yid kyi las yongs su sbyong zhing rnam par shes pa de la ji ltar brjod pa bzhin du ma yin/ ji ltar bstan pa bzhin
178b3 du ma yin/ ji ltar bsnyad pa bzhin du ma yin par yongs su tshol zhing chos ston te/ de la lus dang / ngag dang / yid kyi las yongs su sbyod na/ rnam par shes pa la legs par tshol ba'i
178b4 byang chub sems dpa' ste/ yang dag pa'i ngag gi las kyi gtam can gyi byang chub sems dpar rig par bya'o/ /rnam par shes pa de la lus dang / ngag dang / yid kyi las yongs su
178b5 dag pa'i byang chub sems dpar rig par bya'o/ /rab 'byor/ byang chub sems dpa' gzugs la sems mnyam par gzhag par 'dod cing gzugs de la nang du mos na/ gzugs la
178b6 mos par bya ba'i gzugs dang / mos pa'i gzugs gnyis dmigs par 'gyur ro/ /de la byang chub sems dpa' mos pa'i gzugs la mos par bya ba ji lta ba bzhin du ston tam/
178b7 mos par bya ba ji lta ba bzhin du ston na/ gzugs la yang dag pa ma yin par ston pa'i byang chub sems dpar rig par bya'o/ /de ci'i phyir zhe na/ rab 'byor/ mos par bya ba'i gzugs
179a1 las mos pa'i gzugs kyi mtshan nyid gud na med do/ /rab 'byor/ gal te mos par bya ba'i gzugs las mos pa'i gzugs kyi mtshan nyid gud na yod
179a2 na ni| mos par bya ba la sems can mos pa tha dad pa rnams dang mtshungs par lta ba tha dad par dmigs par 'gyur zhing / rmi lam la sogs pa la dmigs pa med pa'i mos pas
179a3 dmigs par yang mi 'gyur la/ byis pa so so'i skye bo rnams kyang gzugs la de kho na mthong bar 'gyur zhing / rnam par mi rtog pa'i mos pa grub pa'i rigs pa la yang mos par
179a4 bya ba'i gzugs rjes su 'jug par mi 'gyur ba zhig na/ rab 'byor/ 'di ltar mos par bya ba la sems can mos pa tha dad pa rnams dang mtshungs par lta ba tha dad par ma gyur cing /
179a5 rmi lam la sogs pa la yang dmigs pa med pa'i mos pa dmigs la/ byis pa so so'i skye bo rnams kyang gzugs la de kho na mthong bar ma gyur te/ rnam par mi rtog pa'i mos pa
179a6 grub pa'i rigs pa la yang mos par bya ba'i gzugs rjes su 'jug ste/ de'i phyir byang chub sems dpas mos pa'i gzugs las mos par bya ba'i gzugs kyi mtshan nyid gud na
179a7 med par blta bar bya'o/ /gzhan du na mos par bya ba'i gzugs de ji lta ba bzhin du mtshan ma dang bcas pa'i lta ba'i mos pa'i gzugs kyang yang dag par byung ba ni/ ma gtogs
179b1 so| |de bas na/ don gzhan snang ngo / /de ltar mthong ba'i byang chub sems dpas mos par bya ba'i gzugs kyi 'du shes rnam par 'jig ste/ de 'di snyam du sems so/ /mos par bya ba'i
179b2 gzugs yod na/ mos pa'i gzugs rigs par 'gyur gyi/ med na ni/ ma yin par rig nas gzugs la 'khrul pa'i sems dmigs te mos pa'i gzugs kyi 'du shes kyang rnam
179b3 par 'jig go/ de gzugs nyid kyi 'du shes rnam par bshig cing / gzugs kyi 'du shes thams cad bshig nas gzugs thams cad mi dmigs so/ /gzugs thams cad
179b4 mi dmigs pas/ gzugs la 'khrul par dmigs so/ /gzugs la 'khrul par dmigs pas/ gzugs la 'khrul pa'i rgyud dmigs so/ /gzugs la 'khrul pa'i rgyu dmigs
179b5 pas| gzugs la 'khrul pa med pa'i chos yang dag par sgrub bo/ /gzugs la 'khrul pa med pa'i chos yang dag par bsgrubs pas/ gzugs la 'khrul pa med pa'i rgyu dmigs
179b6 so| |gzugs la 'khrul pa med pa'i rgyu dmigs pas/ gzugs la 'khrul pa med pa'i chos yang dag par sgrub bo/ /gzugs la 'khrul pa med pa'i chos yang dag par bsgrubs
179b7 pas| gzugs la 'khrul pa med pa'i rgyu mthun pa'i chos yang dag par sgrub ste/ des gzugs la 'khrul pa dang / 'khrul pa med pa'i chos snga nas yang dag par bsgrubs pa yin
180a1 no| |de gzugs la 'khrul pa med pa'i chos dang / 'khrul pa med pa'i rgyu mthun pa'i chos la brten nas sangs rgyas kyi chos thams cad sgom mo/ /sems
180a2 can rnams kyang yongs su smin par byed do/ /sangs rgyas kyi zhing yang yongs su spyod do/ /myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o//
180a3 byang chub sems dpas gzugs la de ltar ston na/ yang dag par ston pa yin no/ /rab 'byor/ byang chub sems dpa' tshor ba dang / 'du shes dang / 'du byed rnams dang / rnam par
180a4 shes pa la sems mnyam par gzhag par 'dod cing rnam par shes pa de la nang du mos na/ rnam par shes pa la mos par bya ba'i gzugs dang / mos pa'i gzugs gnyis dmigs
180a5 par 'gyur ro/ /de la byang chub sems dpa' mos pa'i rnam par shes pa la mos pa la mos par bya ba ji lta ba bzhin du ston tam/ mos par bya ba la mos pa ji lta ba bzhin du ston
180a6 na| rnam par shes pa la yang dag pa ma yin par ston pa'i byang chub sems dpar rig par bya'o/ /de ci'i phyir zhe na/ rab 'byor/ mos par bya ba'i rnam par shes pa las mos
180a7 pa'i rnam par shes pa'i mtshan nyid gud na med do/ /rab 'byor/ gal te mos par bya ba'i rnam par shes pa las mos pa'i rnam par shes pa'i mtshan nyid gud na yod na ni/ mos
180b1 par bya ba la sems can mos pa tha dad pa rnams dang mtshungs par lta ba tha dad par dmigs par 'gyur zhing / rmi lam la sogs pa la dmigs pa med pa'i mos pa dmigs par yang mi
180b2 'gyur la/ byis pa so so'i skye bo rnams kyang rnam par shes pa la de kho na mthong bar yang 'gyur zhing / rnam par mi rtog pa'i mos pa grub par rigs pa la yang mos par bya ba'i rnam par
180b3 shes pa rjes su 'jug par mi 'gyur ba zhig na/ rab 'byor/ 'di ltar mos par bya ba la sems can mos pa tha dad pa rnams dang mtshungs par lta ba tha dad par ma gyur cing / rmi lam
180b4 la sogs pa la yang dmigs pa med pa'i mos pa de dmigs la/ byis pa so so'i skye bo rnams kyang rnam par shes pa de kho na mthong bar ma gyur te/ rnam par mi rtog pa'i mos pa grub par
180b5 rigs pa la yang mos par bya ba'i rnam par shes pa rjes su 'jug pa ste/ de'i phyir byang chub sems dpas mos pa'i rnam par shes pa las mos par bya ba'i rnam par shes pa'i mtshan
180b6 nyid gud na med par blta bar bya'o/ /gzhan du na mos par bya ba'i rnam par shes pa de ji lta ba bzhin du mtshan ma dang bcas pa'i lta ba'i mos pa'i rnam par shes pa yang yang dag par
180b7 byung ba ni/ ma gtogs so/ /de bas na/ don gzhan snang ngo / /de ltar mthong ba'i byang chub sems dpas mos par bya ba'i rnam par shes pa'i 'du shes rnam par 'jig ste/ de 'di snyam
181a1 du sems so/ /mos par bya ba'i rnam par shes pa yod na/ mos pa'i rnam par shes pa yang rigs par 'gyur gyi/ med na ni/ ma yin par rig nas mos pa'i
181a2 rnam par shes pa la mos pa'i rnam par shes pa'i 'du shes kyang rnam par 'jig go/ de rnam par shes pa gnyis kyi 'du shes rnam par ba shig nas rnam par shes pa thams cad mi
181a3 dmigs so/ /rnam par shes pa thams cad mi dmigs pas/ rnam par shes pa la 'khrul par dmigs so/ /rnam par shes pa la 'khrul par dmigs pas/ rnam par shes pa
181a4 la 'khrul pa'i rgyu dmigs so/ /rnam par shes pa la 'khrul pa'i rgyu dmigs pas/ rnam par shes pa la 'khrul pa med pa'i chos yang dag par sgrub bo/ /rnam par shes pa la 'khrul
181a5 pa med pa'i chos yang dag par bsgrubs pas/ rnam par shes pa la 'khrul pa med pa'i rgyu mthun pa'i chos yang dag par sgrub ste/ des rnam par shes pa la 'khrul pa dang / 'khrul
181a6 pa med pa'i chos snga nas yang dag par bsgrubs pa yin no/ /de rnam par shes pa la 'khrul pa med pa'i chos dang / 'khrul pa med pa'i rgyu mthun pa'i chos la brten nas sangs rgyas kyi
181a7 chos thams cad sgom mo/ /sems can rnams kyang yongs su smin par byed do/ /sangs rgyas kyi zhing yang yongs su sbyong ngo / /myur du bla na med pa yang dag par rdzogs pa'i byang chub
181b1 tu mngon par rdzogs par 'tshang rgya'o/ /byang chub sems dpa' rnam par shes pa la de ltar ston na/ yang dag par ston par rig par bya'o/ /rab 'byor/ byang chub sems dpas
181b2 gzugs la dam pa'i chos nye bar sgrub pa'i byams pa dang / 'jig rten pa'i bde ba nye bar sgrub pa'i byams pa dang / 'jig rten las 'das pa'i bde ba nye bar sgrub pa'i byams pa
181b3 dang | byams pa dang / byams pa chen po dang byams pa rnam pa lnga bsgom par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par
181b4 shes pa la dam pa'i chos nye bar sgrub pa'i byams pa dang / 'jig rten pa'i bde ba nye bar sgrub pa'i byams pa dang / 'jig rten las 'das pa'i bde ba nye bar sgrub pa'i byams pa
181b5 dang / byams pa dang / byams pa chen po dang byams pa rnam pa lnga bsgom par bya'o/ /rab 'byor/ byang chub sems dpas gzugs la mi sdud pa'i snying rje dang / 'du ba'i snying rje dang /
181b6 'bral ba'i snying rje dang / snying rje dang / snying rje chen po dang snying rje rnam pa lnga bsgom par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang /
181b7 rnam par shes pa la mi sdud pa'i snying rje dang / 'du ba'i snying rje dang / 'bral ba'i snying rje dang / snying rje dang / snying rje chen po dang snying rje rnam pa lnga bsgom par bya'o/ /rab 'byor/ byang chub
182a1 sems dpas gzugs la dam pa'i chos la dad pas brlan pa dang / phan 'dogs pa dang / rjes su yi rang ba'i dga' ba dang / 'jig rten pa'i bde bas
182a2 brlan pa dang / phan 'dogs pa dang / rjes su yi rang ba'i dga' ba dang / 'jig rten las 'das pa'i bde bas brlan pa dang / phan 'dogs pa dang / rjes su yi rang ba'i dga' ba dang /
182a3 dga' ba dang / dga' ba chen po dang dga' ba rnam pa lnga bsgom par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par
182a4 shes pa la dam pa'i chos la dad pas brlan pa dang / phan 'dogs pa dang / rjes su yi rang ba'i dga' ba dang / 'jig rten pa'i bde bas brlan pa dang / phan 'dogs pa dang / rjes su yi
182a5 rang ba'i dga' ba dang / 'jig rten las 'das pa'i bde bas brlan pa dang / phan 'dogs pa dang / rjes su yi rang ba'i dga' ba dang / dga' ba dang / dga' ba chen po dang dga'
182a6 ba rnam pa lnga bsgom par bya'o/ /rab 'byor/ byang chub sems dpas gzugs la lta ba ngan pa dang kun nas nyon mongs pa med pa brtul ba'i btang snyoms dang / nyes pa thams
182a7 cad yongs su spang ba dang kun nas nyon mongs pa med pa brtul ba'i btang snyoms dang / yon tan thams cad yongs su bsdu ba dang kun nas nyon mongs pa med pa'i brtul ba'i
182b1 btang snyoms dang / btang snyoms dang / btang snyoms chen po dang btang snyoms rnam pa lnga bsgom par bya'o/ /rab 'byor/ byang chub sems dpas tshor ba dang / 'du shes dang / 'du
182b2 byed rnams dang / rnam par shes pa la lta ba ngan pa dang kun nas nyon mongs pa med pa brtul ba'i btang snyoms dang / nyes pa thams cad yongs su spang ba dang kun nas nyon mongs pa
182b3 med pa brtul ba'i btang snyoms dang / yon tan thams cad yongs su bsdu ba dang kun nas nyon mongs pa med pa brtul ba'i btang snyoms dang / btang snyoms dang / btang snyoms chen
182b4 po dang btang snyoms rnam pa lnga bsgom par bya'o/ /rab 'byor/ byang chub sems dpa' sbyin pa'i pha rol tu phyin pa la brtson pas/ gzugs la dam bca' ba'i sbyin pa dang / zang zing
182b5 dang mi 'jigs pa sgrub pa'i sbyin pa dang / chos sgrub pa'i sbyin pa dang / sbyin pa dang / sbyin pa chen po dang sbyin pa rnam pa lnga bsgom par bya'o/ /rab 'byor/ byang chub sems dpa' sbyin
182b6 pa'i pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la dam bca' ba'i sbyin pa dang / zang zing dang mi 'jigs pa sgrub pa'i
182b7 sbyin pa dang / chos sgrub pa'i sbyin pa dang / sbyin pa dang / sbyin pa chen po dang sbyin pa rnam pa lnga bsgom par bya'o/ /rab 'byor/ byang chub sems dpa' tshul khrims kyi pha rol tu
183a1 phyin pa la brtson pas/ gzugs la yang dag par blangs pa dang / brda can gyi sdom pa'i tshul khrims dang / bsam gtan gyi sdom pa'i tshul khrims dang /
183a2 zag pa med pa'i sdom pa'i tshul khrims dang / tshul khrims dang / tshul khrims chen po dang tshul khrims rnam pa lnga bsgom par bya'o/ /rab 'byor/ byang chub sems dpa' tshul khrims
183a3 kyi pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la yang dag par blangs pa dang / brda can gyi sdom pa'i tshul khrims dang /
183a4 bsam gtan gyi sdom pa'i tshul khrims dang / zag pa med pa'i sdom pa'i tshul khrims dang / tshul khrims dang / tshul khrims chen po dang tshul khrims rnam pa lnga bsgom par bya'o/ /
183a5 rab 'byor/ byang chub sems dpa' bzod pa'i pha rol tu phyin pa la brtson pas/ gzugs la sems can gnod pa byed pa la ji mi snyam pa'i bzod pa dang / sdug bsngal dang du
183a6 len pa'i bzod pa dang / chos la nges par sems pa'i bzod pa dang / bzod pa dang / bzod pa chen po dang bzod pa rnam pa lnga bsgom par bya'o/ /rab 'byor/ byang chub sems
183a7 dpa' bzod pa'i pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la sems can gnod pa byed pa la ji mi snyam pa'i bzod
183b1 pa dang / sdug bsngal dang du len pa'i bzod pa dang / chos la nges par sems pa'i bzod pa dang / bzod pa dang / bzod pa chen po dang bzod pa rnam pa lnga bsgom par bya'o/ /rab 'byor/ byang chub
183b2 sems dpa' brtson 'grus kyi pha rol tu phyin pa la brtson pas/ gzugs la lung mnod pa dang / kha ton bya bar sems pa'i brtson 'grus dang / nyes pa thams cad yongs su spong ba'i brtson
183b3 'grus dang / yon tan thams cad yongs su bsdu ba'i brtson 'grus dang / brtson 'grus dang / brtson 'grus chen po dang brtson 'grus rnam pa lnga bsgom par bya'o/ /rab 'byor/ byang chub
183b4 sems dpa' brtson 'grus kyi pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la lung mnod pa dang / /kha ton bya bar sems pa'i brtson
183b5 'grus dang / nyes pa thams cad yongs su spong ba'i brtson 'grus dang / yon tan thams cad yongs su bsdu ba'i brtson 'grus dang / brtson 'grus dang / brtson 'grus chen po dang brtson 'grus
183b6 rnam pa lnga bsgom par bya'o/ /rab 'byor/ byang chub sems dpa' bsam gtan gyi pha rol tu phyin pa la brtson pas/ gzugs la tshig 'bru la ltos pa'i dge ba'i bsam gtan dang / tshig
183b7 'bru la mi ltos pa'i dge ba gdod ma nas dag pa'i 'jig rten pa'i bsam gtan dang / 'jig rten las 'das pa'i bsam gtan dang / bsam gtan dang / bsam gtan chen po dang bsam
184a1 gtan rnam pa lnga bsgom par bya'o/ /rab 'byor/ byang chub sems dpa' bsam gtan gyi pha rol tu phyin pa la brtson pas/ tshor ba dang / 'du shes dang / 'du byed
184a2 rnams dang / rnam par shes pa la tshig 'bru la ltos pa'i dge ba'i bsam gtan dang / tshig 'bru la mi ltos pa'i dge ba gdod ma nas dag pa'i 'jig rten pa'i bsam gtan dang /
184a3 'jig rten las 'das pa'i bsam gtan dang / bsam gtan dang / bsam gtan chen po dang bsam gtan rnam pa lnga bsgom par bya'o/ /rab 'byor/ byang chub sems dpa'
184a4 shes rab kyi pha rol tu phyin pa la brtson pas/ gzugs la tshig 'bru la ltos pa'i dge ba'i bsam gtan la brten pa'i shes rab dang / tshig 'bru la mi ltos pa'i dge ba gdod ma
184a5 nas dag pa'i 'jig rten pa'i bsam gtan la brten pa'i shes rab dang / 'jig rten las 'das pa'i bsam gtan la brten pa'i shes rab dang / shes rab dang / shes rab chen po
184a6 dang shes rab rnam pa lnga bsgom par bya'o/ /rab 'byor/ byang chub sems dpa' shes rab kyi pha rol tu phyin pa la brtson pas/ tshor ba dang / 'du shes dang / 'du byed rnams dang /
184a7 rnam par shes pa la tshig 'bru la ltos pa'i dge ba'i bsam gtan la brten pa'i shes rab dang / tshig 'bru la mi ltos pa'i dge ba gdod ma nas dag pa'i 'jig rten pa'i bsam
184b1 gtan la brten pa'i shes rab dang / 'jig rten las 'das pa'i bsam gtan la brten pa'i shes rab dang / shes rab dang / shes rab chen po dang shes rab rnam pa lnga bsgom par bya'o/ /rab
184b2 'byor| byang chub sems dpa' dge ba'i bshes gnyen la brten pa dang ldan pas mnyan pas bsten pa dang / bsnyen bkur bya ba dang yongs su spyad pa dang bslab pa'i cho ga dang mthun pas
184b3 bsten pa dang / nan tan gyis mgu bar bya bas bsten pa dang / bsten pa dang / bsten pa chen po dang dge ba'i bshes gnyen la brten pa rnam pa lngas gzugs la dge ba'i bshes gnyen
184b4 la brten par bya'o/ /rab 'byor/ byang chub sems dpa' dge ba'i bshes gnyen la brten pa dang ldan pas mnyan pas bsten pa dang / bsnyen bkur bya ba dang yongs su spyad pa dang bslab
184b5 pa'i cho ga bzhin du bsten pa dang / nan tan gyis mgu bar bya bas bsten pa dang / bsten pa dang / bsten pa chen po dang dge ba'i bshes gnyen la brten pa rnam pa lngas tshor ba dang /
184b6 'du shes dang / 'du byed rnams dang / rnam par shes pa la dge ba'i bshes gnyen la brten par bya'o/ /de ltar dge ba'i bshes gnyen la brten pa'i byang chub sems dpa' ni/
184b7 rnam par thar pa'i thabs kyang yongs su 'dzin cing / bsod nams mang po yang rab tu bskyed de/ myur du bla na med pa yang dag par rdzogs pa'i byang chub tu yang nges par 'byung ngo / /
185a1 rab 'byor/ byang chub sems dpa' de bzhin gshegs pa la mchod pa la brtson pas/ bstod pa sna tshogs nye bar sgrub pa'i mchod pa dang / 'thob pa dang
185a2 bkur sti nye bar sgrub pa'i mchod pa dang / nan tan gyis mnyes par bya ba'i mchod pa dang / mchod pa dang / mchod pa chen po dang mchod pa rnam pa lngas gzugs la de bzhin gshegs
185a3 pa la mchod par bya'o/ /rab 'byor/ byang chub sems dpa' de bzhin gshegs pa la mchod pa la brtson pas/ bstod pa sna tshogs nye bar sgrub pa'i mchod pa dang / 'thob pa dang
185a4 bkur sti nye bar sgrub pa'i mchod pa dang / nan tan gyis mnyes par bya ba'i mchod pa dang / mchod pa dang / mchod pa chen po dang mchod pa rnam pa lngas tshor ba dang / 'du shes dang /
185a5 'du byed rnams dang / rnam par shes pa la de bzhin gshegs pa la mchod par bya'o/ /de ltar de bzhin gshegs pa la mchod pa la brtson pa'i byang chub sems dpa' la phyogs
185a6 bcu'i 'jig rten gyi khams mtha' yas pa'i sangs rgyas bcom ldan 'das rnams kyis bsngags pa brjod pa mdzad do/ /lha dang / mi dang / lha ma yin du bcas pa'i 'jig rten las
185a7 kyang 'thob pa dang / bkur sti rnyed do/ /sems can tshad med pa yang yongs su smin par byed do/ /sangs rgyas kyi zhing yang yongs su dag par byed de/ myur du bla na med pa yang dag par
185b1 rdzogs pa'i byang chub kyang mngon par rdzogs par 'tshang rgya'o/ /rab 'byor/ byang chub sems dpa' sbyin pa'i pha rol tu phyin pa dang ldan pas gzugs la mtshan ma dang bcas pa'i sbyin pa sgom na/
185b2 myur du sbyin pa'i pha rol tu phyin pa yongs su rdzogs par mi byed do/ /mtshan ma med pa'i sbyin pa sgom na ni/ myur du sbyin pa'i pha rol tu phyin pa yongs su rdzogs par byed do/ /rab 'byor/ byang chub
185b3 sems dpa' gzugs la mtshan ma dang bcas pa'am/ mtshan ma med pa'i sbyin pa ji ltar bsgom zhe na/ rab 'byor/ gal te byang chub sems dpa' gzugs la sbyin pa la mos na/ mos
185b4 par bya ba'i sbyin pa'am/ mos pa'i sbyin pa dmigs te/ byang chub sems dpa' gzugs la mtshan ma dang bcas pa'i sbyin pa sgom par rig par bya'o/ /rab 'byor/ gal te byang chub sems
185b5 dpa' gzugs la sbyin pa la mos pa na/ 'di lta ste/ gzugs kyi ngo bo nyid kyis dmigs su med pa dang / de ltar dngos po dmigs su med pa dang / rang bzhin gyis dmigs su med pas mos
185b6 par bya ba'i sbyin pa mi dmigs shing / mos pa'i sbyin pa dmigs te/ byang chub sems dpa' gzugs la mtshan ma med pa'i sbyin pa sgom par rig par bya'o/ /rab 'byor/ byang chub sems
185b7 dpa' sbyin pa'i pha rol tu phyin pa la brtson pas/ tshor ba dang / 'du shes dang / 'du byed rnams dang / rnam par shes pa la mtshan ma dang bcas pa'i sbyin pa sgom na/ myur du sbyin pa'i pha
186a1 rol tu phyin pa yongs su rdzogs par mi byed do/ /mtshan ma med pa'i sbyin pa sgom na ni/ myur du sbyin pa'i pha rol tu phyin pa yongs su rdzogs par byed do/ /
186a2 rab 'byor/ byang chub sems dpa' rnam par shes pa la mtshan ma dang bcas pa'am/ mtshan ma med pa'i sbyin pa ji ltar sgom zhe na/ rab 'byor/ gal te byang chub sems dpa' rnam
186a3 par shes pa la sbyin pa la mos na/ mos par bya ba'i sbyin pa'am/ mos pa'i sbyin pa dmigs te/ byang chub sems dpa' rnam par shes pa la mtshan ma dang bcas pa'i sbyin pa sgom
186a4 par rig par bya'o/ /rab 'byor/ gal te byang chub sems dpa' rnam par shes pa la sbyin pa la mos na/ 'di lta ste/ rnam par shes pa ngo bo nyid kyis dmigs su med pa dang / de
186a5 ltar dngos po dmigs su med pa dang / rang bzhin gyis dmigs su med pas mos par bya ba'i sbyin pa mi dmigs shing / mos pa'i sbyin pa mi dmigs te/ byang chub sems dpa'
186a6 rnam par shes pa la mtshan ma med pa'i sbyin pa sgom par rig par bya'o/ /tshul khrims dang / bzod pa dang / brtson 'grus dang / bsam gtan dang / shes rab la yang de bzhin du
186a7 sbyar bar bya'o/ /rab 'byor/ byang chub sems dpas gzugs la stong pa nyid kyi ting nge 'dzin yongs su shes par bya'o/ /rab 'byor/ gzugs la stong pa nyid kyi ting nge 'dzin
186b1 gang zhe na/ rab 'byor/ gang gzugs la dngos po med pa stong pa nyid dang / de ltar dngos po stong pa nyid dang / rang bzhin stong pa nyid la dmigs nas sems rtse gcig tu byed pa 'di ni/ stong pa
186b2 nyid kyi ting nge 'dzin te/ byang chub sems dpas de ltar gzugs la stong pa nyid kyi ting nge 'dzin yongs su shes par bya'o/ /rab 'byor/ byang chub sems dpas tshor ba dang / 'du shes dang /
186b3 'du byed rnams dang / rnam par shes pa la stong pa nyid kyi ting nge 'dzin yongs su shes par bya'o/ /rab 'byor/ rnam par shes pa la stong pa nyid kyi ting nge 'dzin gang zhe na/ rab 'byor/ gang
186b4 rnam par shes pa la dngos po med pa stong pa nyid dang / de ltar dngos po stong pa nyid dang / rang bzhin stong pa nyid la dmigs nas sems rtse gcig tu byed pa 'di ni/ stong pa nyid kyi ting nge
186b5 'dzin te/ rab 'byor/ byang chub sems dpas de ltar rnam par shes pa la stong pa nyid kyi ting nge 'dzin yongs su shes par bya'o/ /rab 'byor/ byang chub sems dpas gzugs la
186b6 mtshan ma med pa'i ting nge 'dzin yongs su shes par bya'o/ /rab 'byor/ gzugs la mtshan ma med pa'i ting nge 'dzin gang zhe na/ rab 'byor/ gang byang chub sems dpas gzugs la
186b7 gzugs dngos po med pa stong pa nyid dang / de ltar dngos po stong pa nyid dang / rang bzhin stong pa nyid du yid la byed cing / gzugs la dngos po'i mtshan ma 'gag ste dngos po med pa'i mtshan
187a1 ma'i rjes su 'brang ba'i rnam par shes pa dang yang bral/ de ltar dngos po'i mtshan ma'i rjes su 'brang ba'i rnam par shes pa dang yang bral/ dngos po dang dngos po
187a2 med pa'i mtshan ma'i rjes su 'brang ba'i rnam par shes pa dang yang bral bar sems rtse gcig tu byed pa 'di ni/ rab 'byor/ gzugs la mtshan ma med pa'i ting nge 'dzin te/ byang chub
187a3 sems dpas de ltar gzugs la mtshan ma med pa'i ting nge 'dzin yongs su shes par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang /
187a4 rnam par shes pa la mtshan ma med pa'i ting nge 'dzin yongs su shes par bya'o/ /rab 'byor/ rnam par shes pa la mtshan ma med pa'i ting nge 'dzin gang zhe na/ rab 'byor/ byang chub sems
187a5 dpas rnam par shes pa la rnam par shes pa dngos po med pa stong pa nyid dang / de ltar dngos po stong pa nyid dang / rang bzhin stong pa nyid du de ltar yid la byed cing / rnam par shes pa
187a6 la dngos po'i mtshan ma 'gag ste dngos po med pa'i mtshan ma'i rjes su 'brang ba'i rnam par shes pa dang yang bral/ de ltar dngos po'i mtshan ma'i rjes su 'brang ba'i rnam par shes
187a7 pa dang yang bral/ dngos po dang dngos po med pa'i mtshan ma'i rjes su 'brang ba'i rnam par shes pa dang yang bral bar sems rtse gcig tu byed pa 'di ni/ rab 'byor/ rnam par shes
187b1 pa la mtshan ma med pa'i ting nge 'dzin te/ byang chub sems dpas de ltar rnam par shes pa la mtshan ma med pa'i ting nge 'dzin yongs su shes par bya'o/ /rab 'byor/ byang chub sems dpas
187b2 gzugs la smon pa med pa'i ting nge 'dzin yongs su shes par bya'o/ /rab 'byor/ gzugs la smon pa med pa'i ting nge 'dzin gang zhe na/ gang gzugs la stong pa nyid dang / mtshan ma med
187b3 pa'i ting nge 'dzin rnyed pas/ gzugs la dngos po med pa'i mtshan ma dang mi mthun pa'i dmigs pa dang / de ltar dngos po med pa'i mtshan ma dang mi mthun pa'i dmigs pa dang / dngos po
187b4 dang dngos po med pa'i mtshan ma dang mi mthun pa'i dmigs pa la sems rtse gcig tu byed pa 'di ni/ rab 'byor/ gzugs la smon pa med pa'i ting nge 'dzin te/ rab 'byor/ byang chub sems
187b5 dpas de ltar gzugs la smon pa med pa'i ting nge 'dzin yongs su shes par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa
187b6 la smon pa med pa'i ting nge 'dzin yongs su shes par bya'o/ /rab 'byor/ rnam par shes pa la smon pa med pa'i ting nge 'dzin gang zhe na/ rab 'byor/ gang rnam par shes pa la stong pa nyid
187b7 dang | mtshan ma med pa'i ting nge 'dzin rnyed pas/ rnam par shes pa la dngos po med pa'i mtshan ma dang mi mthun pa'i dmigs pa dang / de ltar dngos po med pa'i mtshan ma dang mi mthun pa'i
188a1 dmigs pa dang / dngos po dang dngos po med pa'i mtshan ma dang mi mthun pa'i dmigs pa la sems rtse gcig tu byed pa 'di ni/ rab 'byor/ rnam par shes pa la smon
188a2 pa med pa'i ting nge 'dzin te/ rab 'byor/ byang chub sems dpas de ltar rnam par shes pa la smon pa med pa'i ting nge 'dzin yongs su shes par bya'o/ /rab 'byor/ byang chub sems dpas
188a3 gzugs la med pa'i don dang / rnam par 'jig pa'i don dang / dri ma dang bcas pa dang dri ma med pa'i don dang don gsum gyis mi rtag pa nyid yongs su shes par bya'o/ /rab 'byor/ byang
188a4 chub sems dpas tshor ba dang / 'du shes dang / 'du byed rnams dang / rnam par shes pa la med pa'i don dang / rnam par 'jig pa'i don dang / dri ma dang bcas pa dang dri ma med pa'i
188a5 don dang don gsum gyis mi rtag pa nyid yongs su shes par bya'o/ /rab 'byor/ byang chub sems dpa' gzugs la mngon par zhen pa'i don dang / mtshan nyid rnam pa gsum gyi
188a6 don dang / 'brel ba'i don dang don gsum gyis sdug bsngal nyid yongs su shes par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang /
188a7 rnam par shes pa la mngon par zhen pa'i don dang / mtshan nyid rnam pa gsum gyi don dang / 'brel ba'i don dang don gsum gyis sdug bsngal nyid yongs su shes par bya'o/ /rab
188b1 'byor| byang chub sems dpas gzugs la dngos po med pa bdag med pa'i don dang / de ltar dngos po bdag med pa'i don dang / rang bzhin bdag med pa'i don dang don gsum gyis
188b2 bdag med pa nyid yongs su shes par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la dngos po med pa bdag med pa'i
188b3 don dang / de ltar dngos po bdag med pa'i don dang / rang bzhin bdag med pa'i don dang don gsum gyis bdag med pa nyid yongs su shes par bya'o/ /rab 'byor/ byang chub sems
188b4 dpas gzugs la gzugs dngos po med pa shin tu zhi ba'i don dang / de ltar dngos po zhi ba'i don dang / rang bzhin gyis rnam par dag pa zhi ba'i don dang don gsum gyis mya ngan las
188b5 'das pa zhi ba nyid yongs su shes par bya'o/ /rab 'byor/ byang chub sems dpas tshor ba dang / 'du shes dang / 'du byed rnams dang / rnam par shes pa la rnam par shes pa dngos po med
188b6 pa shin tu zhi ba'i don dang / de ltar dngos po zhi ba'i don dang / rang bzhin gyis rnam par dag pa zhi ba'i don dang don gsum gyis mya ngan las 'das pa zhi ba nyid yongs su shes par
188b7 bya'o| |bcom ldan 'das kyis de skad ces bka' stsal nas gnas brtan rab 'byor dang / dge slong dang / dge slong ma dang / dge bsnyen dang / dge bsnyen ma de dag dang / lha dang /
189a1 mi dang / lha ma yin dang / dri zar bcas pa'i 'jig rten yid rangs te bcom ldan 'das kyis gsungs pa la mngon par bstod do/ /'phags pa shes rab
kyi pha rol tu phyin pa lnga brgya pa rdzogs so/
CLOSE WINDOW