བོད་ཡིག |
180a3 /rgya gar skad du/ AR+ya sA ga ra nA ga rA dza pa ri pr-its+tsha nA ma ma hA yA na sU tra/
180a4 bod skad du/ 'phags pa klu'i rgyal po rgya mtshos zhus pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal
180a5 lo| |'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong brgyad stong gi dge slong gi dge 'dun chen po dang /
180a6 byang chub sems dpa' mngon par shes pa mngon par shes pas phyogs bcu'i 'jig rten gyi khams nas 'dus pa/ rnam pa'i mchog thams cad dang ldan pa/ gzungs dang mdo
180a7 sde rtogs par khong du chud pa/ sems can thams cad kyi spobs pas mgu bar byed pa/ mngon par shes pa'i ye shes ston pa la mkhas pa/ pha rol tu phyin pa thams cad kyi
180b1 dam pa'i pha rol tu son pa/ byang chub sems dpa'i ting nge 'dzin dang / snyoms par 'jug pa dang ldan pa shes pa lam pas pa/ sangs rgyas thams cad kyis bstod cing bsngags la
180b2 snyan par brjod pa/ sangs rgyas kyi zhing thams cad du rdzu 'phrul gyis 'gro ba shes pa la mkhas pa/ bdud thams cad skrag par bya ba shes pa la mkhas pa/ chos thams cad ji
180b3 lta ba bzhin du shes pa la mkhas pa/ sems can thams cad kyi dbang po mchog dang mchog ma yin pa shes pa la mkhas pa/ byang chub kyi phyogs kyi chos thams cad yang dag
180b4 par sgrub pa shes pa la mkhas pa/ sangs rgyas thams cad kyi mchod pa'i las yang dag par sgrub pa'i shes pa la mkhas pa/ 'jig rten gyi chos thams cad kyis ma gos pa/
180b5 lus dang dag dang sems kyi rgyan thams cad kyis brgyan pa/ byams pa chen po dang / snying rje chen po la spro ba'i go cha bgos pa/ bskal pa grangs med par brtson 'grus chen
180b6 pos yid yongs su mi skyo ba/ seng+ge'i sgra chen po bsgrags pa/ phas kyi rgol ba thams cad kyis zil gyis mi non pa/ phyir mi ldog pa'i chos kyi phyag rgyas btab pa/ sangs rgyas
180b7 kyi chos thams cad kyi dbang bskur ba thob pa khri nyis stong la 'di lta ste/ byang chub sems dpa' sems dpa' chen po lhun po dang / ri rab dang / lhun po chen po dang / lhun po'i rtse
181a1 'dzin dang / lhun po mar me'i rgyal po dang / lhun po brtsegs pa dang / lhun po'i rgyal mtshan dang / lhun po'i rgyal po dang / lhun po'i rtse mo rdob pa'i rgyal
181a2 po dang / 'brug sgra dang / rnga sgra dang / rin chen 'byung gnas dang / rin chen tog dang / rin chen rtse mo dang / rin chen dpal dang / rin chen 'byung dang / rin chen 'od dang / rin chen
181a3 khar ba can dang / rin chen rtse mo dang / lag na rin chen phyag rgya dang / rin chen dra ba dang / rin chen bkod pa dang / rin chen 'od dang / rin chen gling dang / rin chen sgron ma dang /
181a4 lag na rin chen dang / dga' byed dang / chos la dga' ba bkod pa dang / bkod pa'i rgyal po dang / mtshan gyis yang dag par brgyan pa dang / tshig bkod pa'i 'od dang / tshig
181a5 rnam par dag pa'i 'od dang / gtsug na rin po che dang / lha brtsegs dang / rin chen brtsegs dang / 'od zer stong ldan dang / me lce dang / skar ma la dga' ba dang / zla 'od
181a6 dang / sems bskyed ma thag tu chos kyi 'khor lo bskor ba dang / gser bzang rnam dag 'od dang / byang chub sems dpa' sems dpa' chen po rtag tu rgyun mi chad par mi
181a7 'jigs pa sbyin pa dang / byams pa la sogs pa bskal pa bzang po'i byang chub sems dpa' sems dpa' chen po thams cad dang / 'jam dpal la sogs pa sems
181b1 dpa' dpe med pa drug cu dang / bzang skyong la sogs ba skyes bu dam pa bcu drug dang / rgyal po chen po bzhi la sogs pa rgyal chen bzhi'i ris kyi lha rnams dang / lha'i dbang po brgya
181b2 byin la sogs pa sum cu rtsa gsum pa'i lha rnams dang / lha'i rgyal po rab 'thab bral la sogs pa 'thab bral pa'i lha rnams dang / lha'i rgyal po yongs su dga' ldan la sogs
181b3 pa dga' ldan gyi ris kyi lha rnams dang / lha'i rgyal po rab 'phrul dga' la sogs pa 'phrul dga'i lha rnams dang / lha'i rgyal po dbang byed la sogs pa gzhan 'phrul dbang byed kyi
181b4 lha rnams dang / lha'i bu ded dpon la sogs pa bdud kyi ris kyi lha'i bu dkar po'i phyogs thams cad dang / rab tshangs pa la sogs pa tshangs pa'i mdun na 'don pa'i lha rnams
181b5 dang / mi mjed kyi bdag po tshangs pa la sogs pa tshangs chen gyi ris kyi lha rnams dang / lha'i rgyal po 'od gsal la la sogs pa 'od gsal gyi lha rnams dang / lha'i rgyal po dge
181b6 rgyas la sogs pa dge rgyas kyi lha rnams dang / lha'i rgyal po 'bras bu che la sogs pa 'bras bu che ba'i lha rnams dang / lha'i rgyal po dbang phyug chen po la sogs pa gnas gtsang
181b7 ma'i ris kyi lha'i bu rnams dang / lha'i rgyal po dri med 'od la sogs pa 'og min gyi lha'i bu rnams dang / lha ma yin gyi dbang po sgra gcan la sogs pa lha ma yin gyi dbang po
182a1 drug khri dang / mi 'am ci'i rgyal po ljon pa la sogs pa mi 'am ci'i rgyal po bzhi khri nyis stong dang / dri za'i rgyal po phreng thogs la sogs pa dri za'i rgyal
182a2 po sum khri nyis stong dang / klu'i rgyal po ma dros pa la sogs pa klu'i rgyal po bdun khri nyis stong dang / bya'i rgyal po nam mkha' lding bzhi stong dang / de ma yin pa'i lha dang /
182a3 klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'og gzi brjid che ba gzi brjid che ba stong dag dang thabs cig tu bzhugs so/ /de
182a4 nas bcom ldan 'das 'khor stong phrag du mas yongs su bskor cing mdun gyis bltas te chos ston cing / lha thams cad kyi bkod pas legs par brgyan pa'i seng+ge'i khri
182a5 la ri'i rgyal po ri rab rgya mtsho'i nang nas gyen du 'phags pa bzhin du bzhugs te/ bcom ldan 'das kyis lha dang bcas pa'i 'jig rten zil gyis mnan nas dge slong
182a6 gi tshogs kyis yongs su bskor te lam me/ lhan ne/ lhang nge nge zhing bzhugs so/ /de nas de ltar 'dus pa'i 'khor de'i nang na de bzhin gshegs pa de ltar bzhugs pa'i steng
182a7 gi bar snang la rin po che'i gdugs rin po che thams cad kyi 'od dang ldan zhing rin po che thams cad kyis legs par brgyan pa zhig byung ste/ rin po che'i gdugs des thams
182b1 cad dang ldan pa'i gling bzhi pa chen po'i 'jig rten 'di kun tu khebs par gyur to/ /rin po che'i gdugs de las kyang mu tig kha dog du ma'i rgyan phreng 'bum phrag dum 'di lta ste/ mu
182b2 tig dkar po dang / mu tig dmar po dang / mu tig dri ma med pa dang / gser lta bu'i mu tig dang / zla ba lta bu'i mu tig dang / pad+ma lta bu'i mu tig dang / nam mkha' lta bu'i mdog
182b3 can gyi mu tig rnams 'phyang ngo / /mu tig gi rgyan phreng de dag las kyang 'od zer dag byung ngo / /'od zer de dag las kyang me tog kha dog sna tshogs pa/ kha dog 'bum phrag du ma/
182b4 dri zhim pa/ blta na sdug pa/ yid du 'ong ba dag gi char mngon par bab bo/ /me tog de dag gis kyang 'khor gyi khyams thams cad pus mo nub pa tsam du gang bar gyur to/ /bar snang
182b5 la'ang 'brug sgra chen po bsgrags par gyur to/ /a ga ru dang / tsan+dan gyi phye ma dag dang / tsan+dan dus kyi rjes su 'brang ba'i phye ma dag gi char yang bab bo/ /de nas sangs rgyas kyi
182b6 mthus tshe dang ldan pa maud+gal gyi bu chen po stan las langs nas bla gos phrag pa gcig tu gzar te pus mo g.yas pa'i lha ngas la btsugs nas bcom ldan 'das ga la ba de
182b7 logs su thal mo sbyar ba btud de bcom ldan la 'di skad ces gsol to/ /bcom ldan 'das/ sngon ma mthong ma thos pa'i cho 'phrul 'di lta bu gda' ba 'di dag su'i snga
183a1 ltas lags/ de skad ces gsol pa dang / bcom ldan 'das kyis tshe dang ldan pa maud+gal gyi bu chen po la 'di skad ces bka' stsal to/ /maud+gal gyi
183a2 bu| 'di ni/ klu'i rgyal po rgya mtsho de bzhin gshegs pa la bltar 'ong ba de'i snga ltas yin no/ /de nas bcom ldan 'das kyis tshig de skad ces bka' stsal nas ring po ma
183a3 lon par klu'i rgyal po rgya mtsho klu bye ba phrag brgyad cu rtsa bzhi dang / klu'i bu mo bye ba phrag bdun cu rtsa gnyis kyis bskor cing mdun du bdar te me tog dang / bdug pa dang / spos
183a4 dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan thams cad dang / sil snyan dang / pheg rdob pa dang / glu dbyangs brgya
183a5 stong dag len cing bcom ldan 'das ga la ba der dong ste lhags nas bcom ldan 'das kyi zhabs la mgo bos phyag btsal te ji ltar thogs pa'i me tog dang / bdug pa dang /
183a6 spos dang / me tog phreng dang / byug pa la sogs pa dang / gdugs dang / rgyal mtshan dang / bdan la sogs pa dang / sil snyan dang / pheg rdob pa dang / glu dbyangs rnams
183a7 kyis bcom ldan 'das la mchod pa byas nas btsun mo'i 'khor dang bcas pa dang / gnyen 'dab kyi 'khor dang bcas pas de'i tshe bcom ldan 'das la tshul dang mthun pa'i
183b1 tshigs su bcad pa 'di dag gis mngon par bstod do/ /'jig rten dag na 'jig rten phan par bzhed pa 'jig rten gyis mchod 'jig rten mig sbyin pa/ /'jig rten du skyes 'jig rten
183b2 dri ma rnams kyis ma gos pad+ma chus mi chags pa bzhin/ /'jig rten snang ba rnam par gzigs pa spyan gsum mnga' ba 'jig rten bde ba sbyin mdzad pa/ /'jig rten nyi ma rkyen la
183b3 mkhas pa 'jig rten gtso bo khyod la de ring bdag phyag 'tshal/ /dul zhing dul bas yongs bskor stobs bcu mnga' ba sbyin pa rnams dang dul ba rnams kyis 'phags/ /'dren pa
183b4 nyon mongs rdul dang mun pa dang ni dri ma tha ba bsregs shing myu gu bsregs/ /snying rjes nor gyi gtso bo bdun po sbyin par mdzad cing sems can rnams la byams pas 'phags/ /
183b5 bsod snyoms zhing ste 'jig rten rtsa lag brtan po khyod la bdag ni mgo bos phyag 'tshal lo/ /khyod kyi zhal gyi smin mtshams mdzod spu 'bar ba me tog kund zla ba dung mdog
183b6 'dra| |'di na tshangs pa'i gnas na 'khod pa'i lha rnams kyis kyang khyod kyi spyi gtsug mthong mi 'gyur/ /zla ba lta bu'i zhal nas byung ba'i rmad byung 'od kyis 'gro ba ma lus snang bar
183b7 mdzad| |de yis reg par gyur pa'i dbang gis mtshams med sems can rnams kyang bde ba nyid du gyur/ /khyod kyi gsung ni shin tu yid 'ong tshig ste zla ba bzhin du yid kyang tshim par
184a1 bgyid| |lha dang mi yi sgra skad zil gyis gnon cing gcig tu nges par dag la gtsang ba ste/ /'dod chags zhe sdang mun pa rdul rnams rab tu zhi bar bgyid
184a2 cing shes rab gsal bar bgyid/ /dga' dang mgu bgyid bde ba shin tu skyed par bgyid cing thar pa yang dag ston pa lags/ /khyod kyi ye shes dus gsum gtogs pa
184a3 thogs pa ma mchis gar yang chags pa ma mchis te/ /khyod kyis sems can rnams kyi spyod pa chung dang 'bring dang dam pa ma lus thugs su chud/ /gang dag gis ni dbang po
184a4 bsam pa dag dang 'gro dang thar pa tha dad ji 'dra ba/ /thams cad khyod kyis skad cig tsam gyis thugs su chud pa de slad khyod la phyag 'tshal lo/ /rdzogs pa'i byang chub shing
184a5 rgyal drung du glags blta'i phyir brtson bdud rnams bye ba brgya phrag snyed/ /khyod kyi thad du lhags par gyur kyang gnas las ma g.yos thugs brtser ldan pa'i blo mnga' ba/ /
184a6 mnga' bdag khyod kyis bden dang brtul zhugs dpal dang yon tan rnams dang byams pas pham par mdzad/ /de slad mi rnams su zhig deng 'dir khyod la mchod pa'i slad
184a7 du khyod la ngom par 'dzin/ /mnga' bdag khyod kyis chos rnams byed pa med dang ya ma brla dang zla ba 'dra ba dang / /dbu ba glog sprin chu yi chu bur 'dra zhing sgyu ma smig rgyu lta bur
184b1 thugs su chud/ /gang la rgyu med rtog pa mi 'byung khyod kyis chos de dag ni rtag tu bdag med de/ /de ltar 'gro ba'i 'dod pa lnga bskyed mdzad pas mnga' bdag khyod ni thar pa lags
184b2 par 'os/ /gang gi don du bskal pa bye ba khrag khrig mang por dka' ba rnams ni bsten pa dang / /gang gi don du rtag tu 'gro la phan mdzad 'dren pa rnams la mchod pa mdzad pa dang / /
184b3 gang gi don du sbyin dang yang dag sdom dang dul dang bzod pa rtag tu bsten pa yi/ /rnam 'dren khyod kyi smon lam chen po shin tu rmad du byung ba de ni rdzogs par gyur/ /de nas klu'i rgyal
184b4 po rgya mtshos bcom ldan 'das la tshul dang mthun pa'i tshigs su bcad pa 'di dag gis mngon par bstod nas bcom ldan 'das la 'di skad ces gsol to/ /gal te zhus nas
184b5 zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das/ /de bzhin gshegs pa dgra bcom pa yang dag par rdzogs pa'i sangs rgyas la
184b6 phyogs 'ga' zhig zhu bar 'tshal lo/ /de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ /klu'i bdag po/ khyod ci dang ci
184b7 'dod pa de bzhin gshegs pa la dris shig dang / ngas dri ba dris ba de dang de lung bstan pas khyod kyi sems rangs par bya'o/ /de nas bcom ldan 'das kyis dri ba lung bstan pa'i
185a1 skabs phye nas bcom ldan 'das la klu'i rgyal po rgya mtshos 'di skad ces gsol to/ /bcom ldan 'das/ ji ltar na/ byang chub sems dpa' rnams
185a2 ngan 'gro dang / ngan song thams cad yang dag par chad pa dang / mi khom pa brgyad las 'das pa dang / lha dang / mi'i skye bar 'gro ba lags/ bcom ldan 'das/ ji ltar na/ byang
185a3 chub sems dpa' rnams rtag tu rgyun mi 'chad par sangs rgyas mthong ba thob pa dang / dge ba'i bshes gnyen dang phrad pa dang / 'tsham pa'i yul du gnas pa 'thob pa lags/
185a4 bcom ldan 'das/ ji ltar na/ byang chub sems dpa' rnams dad pa dang / dga' ba'i shas che ba dang / las kyi rnam par smin pa la rton pa dang / mi dge ba'i chos thams cad
185a5 spangs nas dge ba'i chos thams cad kyis 'bogs pa lags/ bcom ldan 'das/ ji ltar na/ byang chub sems dpa' rnams chos don du gnyer ba dang / chos 'tshal ba
185a6 dang / chos kyi kun dga' la dga' bas dga' ba dang / thos pa tshol bas chog ma 'tshal ba dang / thos pa sgrub pas mngon par 'phags pa lags/ bcom ldan 'das/
185a7 ji ltar na/ byang chub sems dpa' rnams rab tu 'byung ba la mos pa dang / nags dang / nags 'dabs na rgyu ba dang / 'phags pa'i rigs dang / sbyangs pa'i yon tan dang / yo
185b1 byad bsnyungs pa la mngon par dga' ba dang / rab tu byung ba'i yon tan rnams yongs su rdzogs par bgyid pa lags/ bcom ldan 'das/ ji ltar na/ byang chub sems dpa' ches zab
185b2 mo'i tshul la gnas pa dang / chad pa dang rtag par lta ba yongs su spangs pa dang / rgyu dang rkyen gyi chos rnams la zhugs pa dang / lta ba'i rnam pa thams cad dang bral ba lags/ bcom
185b3 ldan 'das/ ji ltar na/ byang chub sems dpa' rnams mngon par shes pa'i ye shes kyis rnam par rtse ba dang / sgrib pa ma mchis pa'i ye shes mthong ba lags/ bcom ldan 'das/
185b4 ji ltar na/ byang chub sems dpa' rnams sems can gyi spyod pa dang / bsam pa dang / cho ga 'tshal ba lags/ bcom ldan 'das/ ji ltar na/ byang chub sems dpa' rnams yongs
185b5 su smin par bgyi ba dang / gzung ba dang / bklag pa dang / brda sprod pa la mkhas pa lags/ bcom ldan 'das/ ji ltar na/ byang chub sems dpa' rnams bdud kyis phyir rgol ba
185b6 bcom pa dang / skrag pa dang / 'jigs pa thams cad dang bral nas byang chub sems dpa'i spyad pa spyod pa lags/ bcom ldan 'das/ ji ltar na/ byang chub sems dpa' rnams phyir
185b7 mi ldog pa'i chos la yang dag par gzhol ba dang / bzod pa thob pa dang / lung bstan pa thob pa lags/ de skad ces gsol pa dang / bcom ldan 'das kyis klu'i rgyal po rgya mtsho
186a1 la 'di skad ces bka' stsal to/ /klu'i bdag po/ legs so legs so/ /khyod de bzhin gshegs pa la don 'di 'dri bar sems pa ni/ klu'i bdag po/
186a2 legs so/ /klu'i bdag po/ de'i phyir legs par rab tu nyon la yid la zungs shig dang ngas khyod la bshad do/ /bcom ldan 'das/ legs so zhes gsol te klu'i rgyal
186a3 po rgya mtsho bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /klu'i bdag po/ chos bzhi dang ldan na/ byang chub sems
186a4 dpa' rnams ngan 'gro dang / ngan song thams cad yang dag par chad par 'gyur te/ bzhi gang zhe na/ 'di lta ste/ sems can thams cad la khong khro ba'i sems med pa dang /
186a5 dge ba bcu'i las kyi lam yang dag par blangs nas thams cad srung ba dang / gzhan gyi nyes pa mi gleng zhing brnyas par mi byed pa dang / bdag gis 'khrul pa rtog par byed
186a6 kyi| gzhan gyi 'khrul pa la mi rtog pa ste/ klu'i bdag po/ chos bzhi po de dag dang ldan na/ byang chub sems dpa' rnams ngan 'gro dang / ngan song thams cad yang dag par
186a7 chad par 'gyur ro/ /klu'i bdag po/ chos bzhi dang ldan na/ byang chub sems dpa' rnams mi khom pa thams cad spong bar 'gyur te/ bzhi gang zhe na/ 'di lta ste/ dkon mchog
186b1 gsum po 'di lta ste/ sangs rgyas dkon mchog dang / chos dkon mchog dang / dge 'dun dkon mchog gi bsngags pa rgyun du brjod pa dang / chos 'dod pa rnams g.yeng par mi byed
186b2 pa dang / gzhan dag gi 'gyod pa mi skyed pa dang / sems can 'gyod cing 'dug pa rnams kyi 'gyod pa sel ba ste/ klu'i bdag po/ chos bzhi po de dag dang ldan na/ byang chub sems
186b3 dpa' rnams kyi mi khom pa thams cad spong bar 'gyur ro/ /klu'i bdag po/ chos bzhi dang ldan na/ byang chub sems dpa' rnams lha dang / mi'i skye bar 'gro bar 'gyur te/ bzhi gang
186b4 zhe na| 'di lta ste/ byang chub kyi sems mi gtong zhing gzhan dag la'ang sgrog pa dang / tshul khrims yang dag par blangs pa mi gtong zhing nyams par mi byed pa dang / smon lam la
186b5 bsam pa rnam par dag pa dang / sems can yongs su smin par bya ba'i phyir de dag la snying rje chen po skyed pa ste/ klu'i bdag po/ chos bzhi po de dag dang ldan na/ byang chub sems
186b6 dpa' rnams lha dang / mi'i skye bar 'gro bar 'gyur ro/ /klu'i bdag po/ chos brgyad dang ldan na/ byang chub sems dpa' rnams sangs rgyas mthong ba dang 'bral bar mi 'gyur
186b7 te| brgyad gang zhe na/ 'di lta ste/ sangs rgyas rjes su dran pa yid la byed pa dang / de bzhin gshegs pa la bsnyen bkur dang / mchod pa byed pa dang / de bzhin gshegs pa'i
187a1 bsngags pa rgyun du brjod pa dang / de bzhin gshegs pa'i sku gzugs byed du 'jug pa dang / de bzhin gshegs pa lta ba la sems can rnams yang dag par
187a2 'dzud pa dang / sangs rgyas kyi zhing gang na de bzhin gshegs pa bzhugs pa thos pa der skye bar smon lam 'debs pa dang / rgyud zhum pa med cing rgya chen po la mos pa dang / sangs
187a3 rgyas kyi ye shes 'dod pa ste/ klu'i bdag po/ chos brgyad po de dag dang ldan na/ byang chub sems dpa' rnams sangs rgyas mthong ba dang 'bral bar mi 'gyur ro/ /klu'i bdag po/
187a4 chos bzhi dang ldan na/ byang chub sems dpa' rnams dge ba'i bshes gnyen rnyed par 'gyur te/ bzhi gang zhe na/ 'di lta ste/ dge ba'i bshes gnyen la sgyu med pa dang g.yo
187a5 med par bsnyen bkur byed pa dang / chos la gces pa dang gus pa dang ri mo byed pa dang / bka' blo bde zhing gso sla la des pa dang / nga rgyal med cing sri zhu byed pa ste/ klu'i bdag
187a6 po| chos bzhi po de dag dang ldan na/ byang chub sems dpa' rnams dge ba'i bshes gnyen rnyed par 'gyur ro/ /klu'i bdag po/ chos gsum dang ldan na/ byang chub sems
187a7 dpa' rnams 'tshal ba'i yul du gnas pa thob par 'gyur te/ gsum gang zhe na/ 'di lta ste/ mi brlang zhing gya gyu med pa'i sems dang ldan pa dang / phrag dog dang ser sna bsal
187b1 ba dang / gzhan dag gi rnyed pa dang bkur sti dang bde bar sbyar ba'i bar dga' ba ste/ klu'i bdag po/ gsum po de dag dang ldan na/ byang chub sems dpa' rnams 'tshal ba'i yul du
187b2 gnas pa thob par 'gyur ro/ /klu'i bdag po/ chos lnga dang ldan na/ byang chub sems dpa' rnams dad pa dang ldan par 'gyur te/ lnga gang zhe na/ 'di lta ste/ mos pa'i stobs dang /
187b3 bsod nams kyi stobs dang / las kyi rnam par smin pa la 'jug pa'i stobs dang / byang chub kyi sems mi gtong ba'i stobs dang / chos nyid la rton pa'i stobs te/ klu'i bdag po/
187b4 chos lnga po de dag dang ldan na/ byang chub sems dpa' rnams dad pa dang ldan par 'gyur ro/ /klu'i bdag po/ chos gnyis dang ldan na/ dga' ba'i shas che bar 'gyur te/ gnyis
187b5 gang zhe na/ 'di lta ste/ rgyu'i stobs dang / yang dag par sbyor ba'i stobs te/ klu'i bdag po/ chos de gnyis dang ldan na/ byang chub sems dpa' rnams dga' ba'i shas che bar
187b6 'gyur ro/ /klu'i bdag po/ chos gsum dang ldan na/ byang chub sems dpa' rnams las kyi rnam par smin pa la rton par 'gyur te/ gsum gang zhe na/ 'di lta ste/ bdag med
187b7 pa la mos pa dang / bzod pa'i stobs dang / yang dag pa'i las la legs par brtson pa ste/ klu'i bdag po/ chos gsum po de dag dang ldan na/ byang chub sems dpa' rnams las
188a1 kyi rnam par smin pa la rton par 'gyur ro/ /klu'i bdag po/ chos gnyis dang ldan na/ byang chub sems dpa' rnams mi dge ba'i chos thams cad spangs nas dge
188a2 ba'i chos thams cad kyis 'bogs par 'gyur te/ gnyis gang zhe na/ phung po gsum gyi yongs su bsngo ba dang ldan pa dang / bag yod par gnas pa ste/ de gnyis so/ /gzhan yang
188a3 gnyis te/ 'di lta ste/ dge ba'i rang bzhin du gyur pa dang / rnam par smin pa la mi re ba ste/ klu'i bdag po/ chos de gnyis dang ldan na/ byang chub sems dpa' sems mi dge ba'i
188a4 chos thams cad spangs nas dge ba'i chos thams cad kyis 'bogs par 'gyur ro/ /klu'i bdag po/ chos lnga dang ldan na/ byang chub sems dpa' rnams chos don du gnyer ba
188a5 yin te| lnga gang zhe na/ 'di lta ste/ gzugs don du gnyer ba ma yin pa dang / sgra don du gnyer ba ma yin pa dang / dri don du gnyer ba ma yin pa dang / ro don du gnyer ba ma yin
188a6 pa dang | reg bya don du gnyer ba ma yin pa ste/ lnga po ni/ de dag yin no/ /klu'i bdag po/ gzhan yang chos lnga dang ldan na/ byang chub sems dpa' rnams chos don du gnyer ba
188a7 yin te| lnga gang zhe na/ 'di lta ste/ chos don du gnyer ba yin gyi lus don du gnyer ba ma yin pa dang / yon tan don du gnyer ba yin gyi srog don du gnyer ba ma yin pa dang /
188b1 shes rab don du gnyer ba yin gyi reg pa don du gnyer ba ma yin pa dang / dge ba don du gnyer ba yin gyi tshor ba don du gnyer ba ma yin pa dang / sems can yongs su bskyab
188b2 pa don du gnyer ba yin gyi bdag gi dge ba don du gnyer ba ma yin pa ste/ klu'i bdag po/ chos lnga po de dag dang ldan na/ byang chub sems dpa' rnams chos don du gnyer ba yin
188b3 no| |klu'i bdag po/ chos drug dang ldan na/ byang chub sems dpa' rnams chos 'dod pa yin te/ drug po dag gang zhe na/ 'di lta ste/ rab tu byung ba'i yon tan 'dod kyi gos tshon
188b4 can gyi rtags 'dzin pa tsam 'dod pa ma yin pa dang / chos nyan pa 'dod kyi 'jig rten rgyang pan pa'i gsang tshig nyan 'dod pa ma yin pa dang / chos bstan pa 'dod kyi 'jig rten
188b5 gyi zang zing 'dod pa ma yin pa dang / chos la so sor rtog par 'dod kyi tshul bzhin ma yin pa yid la byed 'dod pa ma yin pa dang / chos sgrub pa 'dod kyi yi ge dang nges pa'i tshig dang
188b6 brda yongs su tshol ba 'dod pa ma yin pa dang / sangs rgyas kyi chos nyan 'dod kyi nyan thos dang rang sangs rgyas kyi chos 'dod pa ma yin pa ste/ klu'i bdag po/ chos drug po de dag
188b7 dang ldan na/ byang chub sems dpa' rnams chos 'dod pa yin no/ /klu'i bdag po/ chos brgyad dang ldan na/ byang chub sems dpa' rnams chos kyi kun dga' la dga' bas
189a1 dga' ba yin te/ brgyad gang zhe na/ 'di lta ste/ byang chub kyi sems kyi gtam la dga'i theg pa dman pa'i gtam la ma yin pa dang / bsdu ba'i dngos po'i
189a2 gtam la dga'i phyin ci log gi gtam la ma yin pa dang / chos kyi lugs kyi gtam la dga'i 'jig rten rgyang pan pa'i gtam la ma yin pa dang / sangs rgyas kyi che ba nyid kyi
189a3 gtam la dga'i 'khor ba gcad pa'i gtam la ma yin pa dang / zab cing gting dpag dka' ba'i rten cing 'bral bar 'byung ba'i gtam la dga'i bdag tu lta ba 'dzin pa'i
189a4 gtam la ma yin pa dang / chos bdag med pa'i rang bzhin dang rkyen rnam par dag pa'i gtam la dga'i chad pa dang / rtag pa dang / bdag dang / sems can dang / srog dang / skyes
189a5 bu dang / gang zag tu 'dzin pa'i gtam la ma yin pa dang / stong pa nyid dang / mtshan ma med pa dang / smon pa med pa'i gtam yang dag pa ji lta ba la dga'i dmigs par lta
189a6 ba'i gtam la ma yin pa dang / rab tu byung ba la dmigs pa dang / sangs rgyas kyi zhing gi rgyan bkod pa'i gtam la dga'i zhi ba la btang snyoms su byed pa'i gtam la ma yin pa
189a7 ste| klu'i bdag po/ chos brgyad po de dag dang ldan na/ byang chub sems dpa' rnams chos kyi kun dga' la dga' ba yin no/ /klu'i bdag po/ byang chub sems dpa' rnams ni/
189b1 don gyi dbang rnam pa lnga mthong ba'i phyir thos pa yongs su tshol ba na chog mi shes te/ lnga gang zhe na/ byang chub sems dpa' rnams thos pa las shes rab 'byung bar yang dag par
189b2 mthong ba'i phyir thos pa yongs su tshol ba na chog mi shes pa dang / byang chub sems dpa' rnams thos pas 'gyod pa dang / the tshom med par 'gyur ba yang dag par mthong ba'i phyir thos
189b3 pa yongs su tshol ba na chog mi shes pa dang / byang chub sems dpa' rnams thos pas kun nas nyon mongs pa dang / rnam par byang ba rtog par 'gyur bar yang dag par mthong ba'i phyir
189b4 thos pa yongs su tshol ba na chog mi shes pa dang / byang chub sems dpa' rnams thos pas sems can thams cad kyi nyon mongs pa spang ba'i phyir nyon mongs pa spong bar 'gyur bar
189b5 yang dag par mthong ba'i phyir thos pa yongs su tshol ba na chog mi shes pa dang / byang chub sems dpa' rnams thos pas mi 'jigs par 'gyur la mi 'jigs pa las sems can
189b6 thams cad kyi the tshom chad par 'gyur bar yang dag par mthong ba'i phyir thos pa yongs su tshol ba na chog mi shes pa ste/ lnga po de dag go /gzhan yang byang chub sems dpa' rnams
189b7 ni| don gyi dbang rnam pa gnyis mthong ba'i phyir thos pa yongs su tshol ba na chog mi shes te/ gnyis gang zhe na/ 'phags pa'i yang dag pa'i lta ba skye ba dang / chags pa med
190a1 pa'i gzungs thob pa ste/ de gnyis so/ /klu'i bdag po/ chos bcu dang ldan na/ byang chub sems dpa' rnams thos pa sgrub pas mngon par 'phags par
190a2 'gyur te/ bcu gang zhe na/ rnyed pa dang bkur sti rnams la 'dod pa nyung zhing chog shes pa dang / yongs su tshol ba rnams la lus dang srog la mi lta ba dang / spyod lam rnams la dran
190a3 pa dang / shes bzhin dang / ji skad thos pa la shas cher yongs su rtog pa dang / 'du 'dzi med pas bya ba nyung ba dang / sbyor ba la brtson pa'i brtson 'grus kyis nam gyi cha stod dang / nam
190a4 gyi cha smad la mi nyal ba dang / bla ma la gus pa dang / ri mo byed pa dang / ngo tsha shes pa dang / khrel yod pa phun sum tshogs pas dag pa'i bshes gnyen la bsten pa dang / snying rje chen
190a5 pos sems can la lta ba dang / yon tan yongs su rdzogs par bya ba'i phyir 'phags pa'i skye bo la rim gro byed pa dang / shes pas lha dang bcas pa'i 'jig rten yongs su skyob
190a6 pa ste| klu'i bdag po/ chos bcu po de dag dang ldan na/ byang chub sems dpa' rnams thos pa sgrub pas mngon par 'phags par 'gyur ro/ /klu'i bdag po/ byang chub sems
190a7 dpa' rnams ni/ phan yon rnam pa lnga po 'di dag yang dag par mthong nas rab tu 'byung ba la mos par 'gyur te/ lnga gang zhe na/ bdag gis las byas pa chud za bar mi 'gyur
190b1 ba dang / bdag gis byas pa'i bag chags kyis bsgo bar 'gyur ba dang / yongs su 'dzin pa thams cad la bdag gi sems gtong bar 'gyur ba dang / sangs rgyas bcom ldan
190b2 'das rnams kyis bdag smad par mi 'gyur ba dang / bdag grol zin nas kyang nyon mongs pa'i bcing ba rnams kyis bcings pa'i sems can rnams 'ching ba de las rab tu thar par
190b3 bya ba'i phyir chos ston par 'gyur ro snyam pa ste/ lnga po de dag go/ gzhan yang rnam pa lnga ste/ lnga gang zhe na/ rab tu 'byung ba ni/ tshul khrims 'chal pa'i sems can yongs su
190b4 smin par bya ba'i phyir tshul khrims dang mthun pa yin no/ /rab tu 'byung ba ni/ thos pa nyung ba'i sems can yongs su smin par bya ba'i phyir thos pa dang mthun pa yin no/ /rab tu 'byung
190b5 ba ni| sems rnam par g.yeng pa'i sems can yongs su smin par bya ba'i phyir ting nge 'dzin dang mthun pa yin no/ /rab tu 'byung ba ni/ shes rab 'chal ba'i sems can yongs
190b6 su smin par bya ba'i phyir shes rab dang mthun pa yin no/ /rab tu 'byung ba ni/ mya ngan las 'das pa'i bde ba'i lam la sems can dgod par bya ba'i phyir rnam par grol ba'i ye
190b7 shes dang mthun pa yin te/ lnga po de dag go/ gzhan yang rnam pa lnga ste/ lnga gang zhe na/ rab tu 'byung ba ni/ phung po lnga yongs su shes par bya ba'i phyir nga rgyal bcom pa'o/ /rab tu
191a1 'byung ba ni/ kun 'byung ba spangs pa'i phyir srid pa'i bag la nyal ba spong ba'o/ /rab tu 'byung ba ni/ 'gog pa mngon sum du bya ba'i phyir zhi ba dang / rab
191a2 tu zhi ba dang / nye bar zhi bar byed pa'o/ /rab tu 'byung ba ni/ 'phags pa'i lam yan lag brgyad pa bsgom pa'i phyir lam la 'jug go /rab tu 'byung ba ni/ 'phags pa'i bden
191a3 pa rnams la sems can dgod pa'i phyir bden pa la 'jug pa ste/ lnga po de dag go /klu'i bdag po/ chos bzhi dang ldan na/ byang chub sems dpa' rnams nags dang / nags
191a4 'dabs na rgyu zhing bas mtha'i gnas mal dag na gnas pa yin te/ bzhi gang zhe na/ lus dang srog la mi lta ba dang / dge ba'i chos thams cad la lta ba dang / mngon par
191a5 shes pa'i shes pa skyed par 'dod pa dang / spyod lam rab tu zhi bas lha dang mi rnams mgu bar byed pa ste/ klu'i bdag po/ chos bzhi po de dag dang ldan na/ byang chub sems
191a6 dpa' rnams nags dang / nags 'dabs na rgyu zhing bas mtha'i gnas mal dag na gnas pa yin no/ /klu'i bdag po/ gzhan yang byang chub sems dpa' ni/ don gyi dbang rnam
191a7 pa bzhi mthong nas nags dang / nags 'dabs na rgyu zhing bas mtha'i gnas mal dag na gnas pa yin te/ bzhi gang zhe na/ dgon pa dang / rab tu dgon pa 'di dag ni/ sangs
191b1 rgyas kyis bsngags pa yin te/ dgon pa na gnas na snying rje chen pos sems can thams cad rab tu thar par bya ba la dmigs pa ni/ bdag gis bre mo gtam zer ba yin gyi/ phyogs
191b2 gcig tu gyur pa ni/ ma yin no snyam pa dang / bdag gis ni/ byang chub kyi snying po'i rgyan bsags kyi/ nyon mongs pa rnams ni/ ma yin no snyam pa dang / bdag gis ni/ yongs su
191b3 sbyang ba byas pa'i byang chub sems dpa' du ma dag gi rjes su bslab dgos so snyam pa dang / bdag dgon pa na gnas te chos thams cad yang dag par bsgrubs nas grong dang / grong khyer
191b4 dang / grong rdal dang / ljongs dang / yul 'khor dang / pho brang 'khor dag tu song ste/ sems can rnams la chos bstan par bya'o snyam pa ste/ klu'i bdag po/ chos bzhi po de dag
191b5 dang ldan na/ nags dang / nags 'dabs na rgyu zhing bas mtha'i gnas mal dag na gnas pa yin no/ /klu'i bdag po/ chos gsum po 'di dag ni/ 'phags pa'i rigs dang / sbyangs
191b6 pa'i yon tan dang / yo byad bsnyungs pa la gnas pa'i byang chub sems dpa'i yon tan dang phan yon phul dang rab mchog yin te/ gsum gang zhe na/ dga' ba dang / mi dga' ba
191b7 rnams la mi lta ba'i phyir 'du 'dzi'i bya ba med pa dang / sems rag las pa med cing gang du 'dod par 'gror yod pa'i phyir rang nyam dang / rang dbang dang / tha mal par gnas pa dang /
192a1 sems can thams cad mnyam pa nyid du sems pa'i phyir de'i ting nge 'dzin myur du skye bar 'gyur ba ste/ gsum po de dag go/ gzhan yang gsum ste/ de la
192a2 tshul 'chos pa dang / kha gsag mi 'byung ba dang / de la rjes su chags pa dang / khong khro ba'i sems mi skye ba dang / sgrub cing 'dug pa na khyim la rjes su lta bar mi 'gyur pa ste/ klu'i
192a3 bdag po/ chos gsum po de dag ni/ 'phags pa'i rigs dang / sbyangs pa'i yon tan dang / yo byad bsnyungs pa la gnas pa'i byang chub sems dpa'i yon tan dang / phan yon
192a4 phul dang / rab mchog yin no/ /klu'i bdag po/ chos brgyad dang ldan na/ byang chub sems dpa'i rab tu 'byung ba'i yon tan yongs su rdzogs par 'gyur te/ brgyad gang zhe na/
192a5 'phags pa'i rigs kyis chog par 'dzin pa dang / sbyangs pa'i yon tan dang / yo byad bsnyungs pa la gnas pa dang / mang du thos pa dang / sems nges par sems pa la dga'
192a6 ba dang / byang chub sems dpa'i bsam pa la kun tu rmongs par byed pa dang / dran pa nye bar bzhag pas gnas pa dang / ting nge 'dzin dang / shes rab sgom pa'i sbyor ba la brtson
192a7 pa dang / brtsams pa thams cad sgrub pa snying por byed pa ste/ klu'i bdag po/ chos brgyad po de dag dang ldan na/ byang chub sems dpa'i rab tu 'byung ba'i yon tan yongs su rdzogs
192b1 par 'gyur ro/ /klu'i bdag po/ /chos bcu dang ldan na/ byang chub sems dpa' rnams chos zab mo'i tshul la gnas pa yin te/ bcu gang zhe na/ bdag gi ngo bo nyid kyis chos thams
192b2 cad kyi ngo bo nyid kyi rjes su 'gro ba dang / bdag dag pas chos thams cad dag pa'i rjes su 'jug pa dang / bdag med pas chos thams cad bdag med pa la mos pa dang / bdag stong pas
192b3 chos thams cad stong par som nyi med pa dang / bdag dben pas chos thams cad dben pa la 'jug pa dang / bdag zhi bas chos thams cad zhi bar so sor rtog pa dang / bdag ji lta ba
192b4 bzhin pas chos thams cad ji lta ba bzhin du khong du chud pa dang / bdag zab pas chos thams cad zab par nges par sems pa dang / bdag bem po yin pas chos thams cad bem
192b5 po yin par nges par rtog pa dang / bdag gzung du med pas chos thams cad gzung du med par rab tu shes pa ste/ bcu po de dag go /klu'i bdag po/ /gzhan yang chos bcu dang ldan
192b6 na| byang chub sems dpa' rnams chos zab mo'i tshul la gnas pa yin te/ bcu gang zhe na/ rnam par bsgrubs pas gnas pa'i mtshan nyid kyi phyir chos thams cad sgyu ma lta bur
192b7 shes pa dang / phyin ci log las byung bar mthong bas chos thams cad rmi lam lta bur rab tu shes pa dang / phyin ci log tu 'du shes pas chos thams cad smig rgyu lta bur rab tu
193a1 shes pa dang / rgyu'i bya ba dang / rkyen la dmigs te skye ba'i chos thams cad mig yor lta bur rab tu shes pa dang / 'pho ba med pa'i mtshan nyid las phyir
193a2 mi ldog pas chos thams cad chu zla lta bur rab tu shes pa dang / yul la mi gnas shing phyogs na mi gnas te ngo bo nyid med pas chos thams cad brag ca lta bur rab tu shes pa
193a3 dang | skad cig kyang mi sdod pas chos thams cad sprin dang glog snang ba lta bur rab tu shes pa dang / 'dod chags dang / zhe sdang dang / gti mug gis chags par mi 'gyur bas
193a4 chos thams cad 'ja' tshon lta bur rab tu shes pa dang / glo bur gyi nye ba'i nyon mongs pas nyon mongs pa can du mi 'gyur bas chos thams cad rang bzhin gyis rab tu dag par
193a5 shes pa dang / skye ba dang / 'jig pa dang / gnas pa dang bral bas chos thams cad nam mkha' lta bur rab tu shes te/ klu'i bdag po/ chos bcu po de dag dang ldan na/ byang chub
193a6 sems dpa' rnams chos zab mo'i tshul la gnas pa yin no/ /klu'i bdag po/ chos gnyis dang ldan na/ byang chub sems dpa' rnams chad par lta bar ltung bar mi 'gyur te/
193a7 gnyis gang zhe na/ las kyi bya ba la 'jug pa shes pa dang / sangs rgyas kyi chos thams cad rnam par sgrub pa shes pa ste/ klu'i bdag po/ chos de gnyis dang ldan na/ byang chub
193b1 sems dpa' rnams chad par lta bar ltung bar mi 'gyur ro/ /klu'i bdag po/ chos gnyis dang ldan na/ byang chub sems dpa' rnams rtag par lta bar ltung bar mi 'gyur te/ gnyis gang
193b2 zhe na| mi rtag pa'i chos la 'jug pa shes pa dang / skyes nas zhig cing zhu ste/ mi gnas par rab tu rnam par dbye ba shes pa ste/ klu'i bdag po/ chos gnyis dang ldan na/ byang chub
193b3 sems dpa' rnams rtag par lta bar ltung bar mi 'gyur ro/ /glu'i bdag po/ chos bzhi dang ldan na/ byang chub sems dpa' rnams rten cing 'byung ba la mkhas pa yin te/ ma rig pa
193b4 kun 'byung ba nas rga shi kun 'byung ba'i bar la 'jug pa dang / ma rig pa 'gag pa nas rga shi 'gag pa'i bar la 'jug pa dang / chad par lta bar yang mi ltung ba dang / rtag par lta bar
193b5 yang mi gnas pa ste/ klu'i bdag po/ chos bzhi po de dag dang ldan na/ byang chub sems dpa' rnams rten cing 'brel bar 'byung ba la 'jug pa la mkhas pa yin no/ /klu'i bdag po/
193b6 chos bzhi dang ldan na/ byang chub sems dpa' rnams lta bar gyur pa thams cad du lta bar mi 'gyur te/ bzhi gang zhe na/ stong pa nyid shes pas bdag dang sems can du lta bar mi
193b7 'gyur ba dang / mtshan ma med pa shes pas srog dang gang zag tu lta bar mi 'gyur ba dang / smon pa med pa shes pas 'byung ba dang 'jig par lta bar mi 'gyur ba dang / rten cing 'brel
194a1 par 'byung ba shes pas chad pa dang rtag par lta bar mi 'gyur ba ste/ chos bzhi po de dag dang ldan na/ byang chub sems dpa' rnams lta bar gyur pa thams
194a2 cad du lta bar mi 'gyur ro/ /klu'i bdag po/ chos drug dang ldan na/ byang chub sems dpa' rnams mngon par shes pa'i shes pas rnam par rtse bar 'gyur te/ drug gang zhe na/
194a3 sems can thams cad la khong khro ba med pa'i lta bas de'i lha'i mig rnam par dag par 'gyur ba dang / ngan du smras pa'i tshig dang du len pas lha'i rna ba rnam par dag par 'gyur ba
194a4 dang | sems kun nas nyon mongs pa med pas gzhan gyi sems shes pa rnam par dag par 'gyur ba dang / sngon byas pa'i dge ba'i rtsa ba sems can thams cad la gtong bas
194a5 sngon gyi gnas rjes su dran pa shes pa rnam par dag par 'gyur ba dang / mthun par byed pa dang / bka' blo bde ba dang / ji skad smras pa bzhin byed pas rdzu 'phrul bya ba shes pa rnam
194a6 par dag par 'gyur ba dang / chos rnams la slob dpon gyi dpe mkhyud med pas zag pa zad pa shes pa rnam par dag par 'gyur ba ste/ drug po de dag go /klu'i bdag po/ /gzhan
194a7 yang mar me byin pas ni/ lha'i mig rnam par dag par 'gyur ro||sil snyan dang / pheg rdob pa dang / glu'i dbyangs thams cad byin pas ni/ lha'i rna ba rnam par dag par 'gyur
194b1 ro| |kun nas nyon mongs pa med par byin pas ni/ gzhan gyi sems shes pa rnam par dag par 'gyur ro/ /dge ba'i chos dran par byed cing bskul bas ni/ sngon gyi gnas rjes su dran
194b2 pa shes pa rnam par dag par 'gyur ro/ /sgrib pa dang / 'gyod pa bsal bas ni/ rdzu 'phrul gyi bya ba shes pa rnam par dag par 'gyur ro/ /chos byin pas ni/ zag pa zad pa shes pa
194b3 rnam par dag par 'gyur ro/ /klu'i bdag po/ gzhan yang de bzhin gshegs pa la lta bas ni/ lha'i mig rnam par dag par 'gyur ro/ /dam pa'i chos mnyan pas ni/ lha'i rna ba
194b4 rnam par dag par 'gyur ro/ /sems kyis nges par brtags pas ni/ gzhan gyi sems shes pa rnam par dag par 'gyur ro/ /dge 'dun rjes su dran pas ni/ sngon gyi gnas rjes su
194b5 dran pa shes pa rnam par dag par 'gyur ro/ /'dun pa drag pos ni/ rdzu 'phrul gyi bya ba shes pa rnam par dag par 'gyur ro/ /chos bsgrubs pas ni/ zag pa zad pa shes pa rnam par
194b6 dag par 'gyur ro/ /de la mngon par shes pas rnam par rtse ba gang zhe na/ klu'i bdag po/ 'di la nyan thos dang / rang sangs rgyas rnams kyi lha'i mig gang yin pa dang / phyi rol gyi
194b7 drang srong mngon par shes pa lnga dang ldan pa rnams kyi lha'i mig gang yin pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci
195a1 dang | lto 'phye chen po dang / mi dang / mi ma yin pa rnams kyi lha'i mig gang yin pa de bas ni/ byang chub sems dpa'i lha'i mig de ches 'das pa dang / ches
195a2 gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/ de'i lha'i mig des ni/ de bzhin gshegs pa'i spyan gyi yul ma gtogs
195a3 par sems can du snang ba'am/ gzugs su snang ba'am/ chos su snang ba gang yang mi rtogs pa dang / mi mthong ba dang / mi shes pa ci'ang med do/ /klu'i bdag po/ de la nyan thos dang /
195a4 rang sangs rgyas rnams kyi lha'i rna ba gang yin pa nas mi dang mi ma yin pa'i bar rnams kyi lha'i rna ba gang yin pa de bas ni/ byang chub sems dpa'i lha'i rna ba de ches 'das pa dang / ches
195a5 gsal ba dang / ches khyad par du 'phags pa dang / ches mchog tu gyur ba dang / ches rnam par dag pa ste/ de lha'i rna ba'i dbang po des ni/ de bzhin gshegs pa'i snyan gyi yul ma
195a6 gtogs par sgrar grag pa gang yang thos par mi 'gyur ba ci'ang med de/ des ni/ sgra thams cad kyi sngon gyi mtha' dang / phyi ma'i mtha' yongs su gcod pa rab tu shes so/ /klu'i bdag
195a7 po| de la byang chub sems dpas ni/ sems can thams cad kyi sems kyi rgyu ba dang / sems kyi dmigs pa dang / sems kyi mtshan ma dang / sems kyi dpyod pa dang / sems kyi rgyu
195b1 dang | sems kyi bsam pa dang / sems kyi 'bras bu dang / sems kyi nges pa dang / sems kyi brtag pa dang / sems kyi rnam pa sna tshogs dang / sems kyi rjes su chags pa dang /
195b2 sems kyi khong khro ba dang / sems rnam par g.yeng ba dang / sems bsdu ba dang / sems bral bar g.yo ba dang / sems lhag par g.yo ba dang / sems bskul ba dang / sems
195b3 gnas pa dang / sems kyi sngon gyi mtha' dang / sems kyi phyi ma'i mtha' dang / sems kyi de ltar byung ba dang / sems kyi gnas dang / sems kyi gnas pa thams cad yang dag par
195b4 ji lta ba bzhin du rab tu shes te/ shes nas kyang de bzhin du de sems can de dag la chos dang ldan pa'i gtam 'jug par byed do/ /des sngon gyi gnas rjes su dran pas bdag dang
195b5 gzhan rnams kyi sngon gyi mtha'i mur thug pa'i bar gyi 'chi 'pho yang dag pa ji lta ba bzhin du rab tu shes shing dran te/ rnam pa dang bcas/ yul phyogs dang bcas par yang dag pa ji lta
195b6 ba bzhin du de kho na nyid dang / gzhan ma yin par rjod par byed do/ /rdzu 'phrul gyi bya ba rnams la'ang mngon par 'du byed pa med pa thob ste bya ba thams cad ston to/ /klu'i bdag po/ 'di
195b7 dag ni| byang chub sems dpa'i mngon par shes pa ste/ de la rang gi sems la dbang byed pas don thams cad yongs su rdzogs par byed pa 'di ni/ de'i rnam par rtse ba ste/ sangs
196a1 rgyas yongs su mya ngan las 'da' ba'ang kun tu ston la gtan du yongs su mya ngan las 'da' bas yongs su mya ngan las 'da' bar yang mi byed pa lta bu'o/ /
196a2 des byang chub sems dpa'i zag pa zad pa shes pa mngon sum du byed pa'i mngon par shes pa gang zhe na/ nyan thos dang / rang sangs rgyas kyi rnam par grol ba la ma chags te/
196a3 sangs rgyas kyi ye shes kyi rnam par grol ba la lhag par dmigs shing rang bzhin gyis zag pa zad pa shes kyi/ shes pa de mngon sum du byed pa ni/ ma yin la sems can thams
196a4 cad kyi zag pa zad par bya ba kho na'i phyir yang 'khor ba'i rgyun la gnas pa 'di ni/ byang chub sems dpa'i mngon par shes pa drug pa'o/ /klu'i bdag po/ chos bzhi dang ldan na/
196a5 byang chub sems dpa' sgrib pa med pa'i ye shes mthong pa la 'jug pa yin te/ bzhi gang zhe na/ thams cad mkhyen pa'i ye shes kyis yongs su bsgos pa'i mngon par shes pa
196a6 lnga dang / byams pa chen po dang / snying rje chen pos yongs su bsgos pa'i so so yang dag par rig pa bzhi dang / thabs dang shes rab kyis yongs su bsgos pa'i gzugs med
196a7 pa'i snyoms par 'jug pa bzhi dang / stong pa nyid dang / mtshan ma med pa dang / smon pa med pas yongs su bsgos pa'i byang chub kyi phyogs kyi chos sum cu rtsa bdun te/ klu'i
196b1 bdag po/ chos bzhi po de dag dang ldan na/ byang chub sems dpa' sgrib pa med pa'i ye shes mthong ba la 'jug pa yin no/ /klu'i bdag po/ de la sgrib pa med pa'i ye shes mthong ba
196b2 gang zhe na/ nyon mongs pa thams cad kyang mthong la bag chags kyi mtshams sbyor ba'i rnam pa'i nyon mongs pa thams cad kyang yang dag par bcom pa gang yin pa dang / 'khor ba'ang mthong
196b3 la mya ngan las 'das pa la'ang yang dag par gzhol ba dang / nyan thos dang / rang sangs rgyas kyi sa'ang mthong la byang chub kyi snying po la'ang gzhol ba dang / sems can gyi spyod pa'i
196b4 rjes su'ang 'jug la sems can gyi spyod pa dben par yang shes pa ste/ 'di ni/ sgrib pa med pa'i ye shes mthong pa zhes bya'o/ /gzhan yang sgrib pa med pa'i ye shes mthong ba ni/
196b5 'dus byas kyi bya ba thams cad kyi rjes su'ang 'jug la/ 'dus ma byas pa'ang thob pa gang yin pa dang / 'dus byas thams cad kyi nye bar zhi ba'ang mthong la 'dus byas kyang thob
196b6 pa'o| |klu'i bdag po/ byang chub sems dpa' ni/ 'dus byas la spyod pa na'ang 'dus ma byas shes pas sgrib pa med pa la 'dus ma byas pa thob pa la'ang 'dus ma byas kyi chos
196b7 kyis sgrib pa med de/ der sgrib pa med pa'i ye shes gang yin pa de ni/ byang chub sems dpa' sgrib pa med pa'i ye shes mthong ba zhes bya'o/ /klu'i bdag po/ chos bzhi dang ldan na/
197a1 byang chub sems dpa' sems can gyi spyod pa dang / bsam pa dang / cho ga shes pa yin te/ bzhi gang zhe na/ 'jig rten gyi rjes su 'jug pa'i shes pa dang /
197a2 snyoms par 'jug pa la mkhas pa'i shes pa dang / shes pa dang / bsam pa las su rung ba'i bsam pa dang / sems la dbang byed pa'i thabs te/ klu'i bdag po/ chos bzhi po
197a3 de dag dang ldan na/ byang chub sems dpa' sems can gyi spyod pa dang / bsam pa dang / cho ga shes pa yin no/ /klu'i bdag po/ chos lnga dang ldan na/ byang chub sems dpa'
197a4 sems can rnams yongs su smin par byed pa yin te/ lnga gang zhe na/ bdag gi bde ba la mi lta bas yid yongs su mi skyo ba dang / brtson pa brtan pas sems can la bde ba
197a5 sbyin pa dang / snying rje chen po dang / sems can rnams kyi spyod pa ji lta ba de lta bu'i spyod pa la rjes su 'jug pa dang / gong du'ang yon tan khyad par can la'ang 'god par byed pa ste/
197a6 klu'i bdag po/ chos lnga po de dag dang ldan na/ byang chub sems dpa' sems can yongs su smin par byed pa yin no/ /klu'i bdag po/ chos drug dang ldan na/ byang chub sems
197a7 dpa' 'dzin pa dang / klog pa dang / brda sprod pa la mkhas pa yin te/ drug gang zhe na/ gzungs thob pa dang / dran pa dang / shes bzhin gyis sgrub pa dang / yang dag pa la tshul
197b1 bzhin du 'jug pa dang / sems kyi rjes su 'jug pa shes pa dang / thogs pa med pa'i spobs pa thob pa dang / dgongs pa'i tshig ston pa'i shes pa la mkhas pa ste/ klu'i bdag po/
197b2 chos drug po de dag dang ldan na/ byang chub sems dpa' 'dzin pa dang / klog pa dang / brda sprod pa la mkhas pa yin no/ /klu'i bdag po/ chos brgyad dang ldan na/ byang chub sems dpa'
197b3 bdud phyir rgol ba bcom pa yin te/ brgyad gang zhe na/ sgyu ma'i chos nyid phung po lnga yongs su shes pa dang yang ldan la 'jig tshogs la lta ba'i nyon mongs pa dang bral te song pa nyid
197b4 la spyod yul ba'ang yin pa dang / 'du byed thams cad kyi skye ba med par yang rab tu shes la sems can yongs su smin par bya ba'i phyir bsam bzhin du skye bar yang byed pa dang / brtson
197b5 'grus brtan pas byang chub kyi bsam pa'ang yongs su mi gtong la khams gsum pas kyang yid rtag tu skrag pa dang / mngon par 'du byed pa med par yang mi ltung la thams cad mkhyen
197b6 pa'i ye shes kyang yongs su tshol ba dang / sems can rnams la'ang lta la bsod nams kyi tshogs kyang gsog pa dang / mi rtag pa'i mtshan nyid la'ang yid ches la ye shes kyi tshogs
197b7 kyang gsog pa dang / nyan thos dang / rang sangs rgyas kyi shes pa la'ang ma chags pa ste/ klu'i bdag po/ chos brgyad po de dag dang ldan na/ byang chub sems dpa' bdud phyir rgol ba
198a1 bcom pa yin no/ /klu'i bdag po/ chos bcu dang ldan na/ byang chub sems dpa' skrag pa dang / 'jigs pa thams cad dang bral te byang chub sems
198a2 dpa'i spyad pa spyod pa yin te/ bcu gang zhe na/ sbyin pas nye bar brtan pa yin te mtshan gyis legs par brgyan pa dang / tshul khrims la gnas pa yin te ngan song thams cad yang
198a3 dang /
198a4 bsam gtan la gnas pa yin te cang shes kyi sems dang ldan pa dang / shes rab dang ldan pa yin te nyon mongs pa dang bral ba dang / thabs la mkhas pa yin te kun tu yongs su
198a5 bsngo ba shes pa la mkhas pa dang / so so yang dag par rig pa thob pa yin te don dang / chos dang / nges pa'i tshig dang / spobs pa la mkhas pa dang / gzungs thob pa yin te
198a6 sems can thams cad kyi the tshom gcod pa la mkhas pa dang / sangs rgyas kyis byin gyis brlabs pa yin te dam pa'i chos yongs su 'dzin pa ste/ klu'i bdag po/ chos bcu po
198a7 de dag dang ldan na/ byang chub sems dpa' skrag pa dang / 'jigs pa thams cad dang bral te byang chub sems dpa'i spyad pa spyod pa yin no/ /klu'i bdag po/ chos brgyad dang ldan na/
198b1 byang chub sems dpa' phyir mi ldog pa'i chos la yang dag par gzhol ba yin te/ brgyad gang zhe na/ ji skad smras pa de bzhin du byed pa dang / bdag gi 'khrul ba la so sor rtog par byed
198b2 kyi gzhan gyi 'khrul ba la mi rtog pa dang / srog gi phyir yang gzhan dag la brnyas par mi byed pa dang / rnyed pa dang bkur sti thob pas kyang mtho bar mi 'dzin la ma thob pas kyang dma'
198b3 bar mi 'dzin pa dang / sems can thams cad la yon gnas kyi sems bskyed de sbyin pa byin pa dang / bgo bsha'i ngang tshul can yin te/ chos la slob dpon gyi dpe mkhyud mi byed pa dang /
198b4 gzhan gyi bde bas dga' ba yin te phrag dog dang ser sna dang bral ba dang / sdug pa dang mi sdug pa thams cad yongs su gtong ba la 'gyod pa med pa ste/ klu'i bdag po/ chos brgyad po de
198b5 dag dang ldan na/ byang chub sems dpa' phyir mi ldog pa'i chos la yang dag par gzhol ba yin no/ /klu'i bdag po/ chos lnga dang ldan na/ byang chub sems dpa' bla na med pa yang
198b6 dag par rdzogs pa'i byang chub las phyir mi ldog pa yin te/ lnga gang zhe na/ pha rol tu phyin pa thams cad yongs su rdzogs pa yin te thebs la mkhas pa dang / chos thams cad ji lta ba
198b7 la mkhas pa yin te chos zab mo'i tshul la gnas pa dang / mngon par shes pa ma nyams pa yin te sems can thams cad kyi dbang po'i rig pa'i cho ga shes pa dang / legs
199a1 par khong du chud pa shes pa yin te chags pa med par spyod pa dang / zad mi shes pa mngon par sgrub pas kyang rten cing 'brel bar 'byung bar spyod par byed la zag
199a2 pa thams cad kyang zad par mi byed pa ste/ klu'i bdag po/ chos lnga po de dag dang ldan na/ byang chub sems dpa' bla na med pa yang dag par rdzogs pa'i byang chub las phyir mi ldog
199a3 pa yin no/ /klu'i bdag po/ chos gsum dang ldan na/ byang chub sems dpa' bzod pa thob pa yin te/ gsum gang zhe na/ sems can yongs su dag par bya ba'i phyir bdag med pa
199a4 dang | chos yongs su dag par bya ba'i phyir dben pa dang / ye shes yongs su dag par bya ba'i phyir chags pa med pa ste/ gsum po de dag go /gzhan yang gsum ste/ sngon gyi mtha'
199a5 rnam par dag par bya ba'i phyir mi zad pa'i chos nyid dang / phyi ma'i mtha' rnam par dag par bya ba'i phyir mi skye ba'i chos nyid dang / da ltar byung ba'i chos rnam par dag par bya ba'i phyir
199a6 legs par gnas pa'i chos nyid de/ gsum po de dag go /klu'i bdag po/ gzhan yang chos gsum dang ldan na/ byang chub sems dpa' bzod pa thob pa yin te/ gsum gang
199a7 zhe na| lus yongs su dag par bya ba'i phyir bsod nams kyis nye bar brtan pa dang / ngag yongs su dag par bya ba'i phyir ye shes mtha' yas pa dang / sems yongs su dag par
199b1 bya ba'i phyir ting nge 'dzin la dmigs pa ste/ klu'i bdag po/ chos gsum po de dag dang ldan na/ byang chub sems dpa' bzod pa thob pa yin no/ /klu'i bdag po/ chos bzhi dang ldan na//
199b2 byang chub sems dpa' sangs rgyas bcom ldan 'das rnams kyis lung ston par mdzad de/ bzhi gang zhe na/ chos rnams la lhag pa'i bsam pas sgrub pa dang / dkar po rnam par mthong
199b3 bas spyod pa la spyod pa yongs su rdzogs pa dang / sems can kyi bsam pa rnams la ye shes kyi stobs bskyed pa thob pa dang / shin tu med pa'i rang bzhin gyis ma skyes ma byung ba'i chos
199b4 rnams rab tu shes pa ste/ klu'i bdag po/ chos bzhi po de dag dang ldan na/ byang chub sems dpa' sangs rgyas bcom ldan 'das rnams kyis lung ston par mdzad do/ /bstan pa 'di
199b5 bshad pa na lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa khrag khrig phrag bcu
199b6 gnyis ni/ bla na med pa yang dag par rdzogs pa'i byang chub tu sems skyes so/ /byang chub sems dpa' bdun khri nyis stong gi ni mi skye ba'i chos rnams la bzod pa thob bo/ /dge slong
199b7 khri bzhi stong ni/ chos rnams la chos kyi mig rdul med cing dri ma dang bral ba rnam par dag go /dge slong ma brgyad stong ni/ len pa med par zag pa rnams las sems rnam par grol lo//
200a1 lha'i bu lnga stong gis ni/ 'dod chags dang bral ba thob bo/ /stong gsum gyi stong chen po'i 'jig rten gyi khams 'di'ang de'i tshe rnam pa drug tu g.yos so/ /
200a2 'jig rten yang snang ba chen pos khyab par gyur to/ /me tog gi char chen po'ang bab bo/ /lha'i bu rnams kyis kyang bar snang las sil snyan brgya stong dag dkrol te ched du brjod pa 'di
200a3 skad kyang ched du brjod de/ a la la de bzhin gshegs pas ni/ chos kyi 'khor lo gnyis pa bskor ba 'di chos kyi rnam grangs 'di las bskor to/ /yul wA ra NA si drang srong smra ba
200a4 ri dwags kyi nags su chos kyi 'khor lo bskor ba gang yin pa dang / chos kyi rnam grangs 'di las bskor ba gang yin pa 'di ni/ mtshungs so/ /de ci'i phyir zhe na/ 'di ltar chos kyi
200a5 rnam grangs 'di las sems can dpag tu med grangs med pa'i don mdzad pa'i phyir ro/ /gzhan yang sems can gang chos kyi rnam grangs 'di thos pa de dag ni/ dge ba'i rtsa ba
200a6 ngan don ma yin pa dang ldan pa yin na/ sems can gang dag thos nas kyang 'chang bar byed pa lta ci smos te/ de dag gis ni/ mir skye ba rnyed pa legs par rnyed do/ /de dag gis
200a7 ni| de bzhin gshegs pa legs par mthong ngo / /de dag gis ni/ chos kyi rnam grangs 'di legs par thos so/ /chos kyi tshul gyi rnam pa 'di thos nas bla na med pa yang dag
200b1 par rdzogs pa'i byang chub tu sems bskyed pa gang yin pa de dag gi ngan song thams cad ni/ bkag par gyur to/ /de dag lha dang mir skye ba'i sgo rnams ni/ phye bar gyur to/ /de dag
200b2 ni| yongs su mya ngan las 'das zin par rig par bya'o/ /zhes brjod do/ /de nas bcom ldan 'das kyis lha'i bu de dag la legs so/ /zhes bya ba byin te/ grogs po dag /legs
200b3 so legs so/ /khyed kyis chig 'di legs par smras so/ /mdo sde'i tshig bstan pa 'di lta bu dag la dga' ba thob pa'i sems can gang yin pa de dag ni/ sangs rgyas kyis byin
200b4 gyis brlabs pa dang / theg pa chen pos 'dul ba yin no/ /sems can de dag ni/ sangs rgyas kyi ye shes kyis thugs su chud pa dang / phyir mi ldog pa'i phyag rgyas btab pa yin
200b5 no| |chos kyi rnam grangs 'di la dga' ba thob pa gang yin pa'i sems can de dag ni/ de bzhin gshegs pa'i ye shes 'ba' zhig la yang dag par gzhol ba ma gtogs pa de
200b6 dag 'gro bar mi 'gyur na/ gang dag bsngags pa thos nas 'jin par byed pa dang / de bzhin nyid du sgrub pa rnams lta ci smos/ klu'i rgyal po rgya mtshos zhus pa las/ gleng gzhi'i
200b7 le'u ste dang po'o// //bam po gnyis pa/ de nas klu'i rgyal po rgya mtshos bshad pa 'di thos nas tshim zhing mgu la yid rangs te rab tu dga' zhing dga' ba dang /
201a1 yid bde ba skyes nas rgya mtsho'i gnas rnam par dag par byed pa'i rin po che'i bkod pa kun tu 'od zer 'byung ba'i 'od can zhes bya ba'i nor bu rin po che chen
201a2 po stong gsum gyi stong chen po'i 'jig rten gyi khams ri ba gang yin pa de bcom ldan 'das la chos kyi dgab par phul lo/ /nor bu rin po che de'i 'od kyis kyang nyi ma dang / zla ba gnyis
201a3 kyi 'od mog mog por byas so/ /'khor thams cad kyang ngo mtshar du gyur nas bcom ldan 'das la phyag 'tshal zhing tshig 'di skad du a la la sangs rgyas byung ba ni/ ngo mtshar che
201a4 ste| de byung bas ni/ 'di ltar ya mtshan du rung zhing rmad du byung ba'i chos dag kyang snang ngo / /zhes smras so/ /de nas klu'i rgyal po rgya mtshos bcom ldan 'das la mngon par dgab pa
201a5 byas nas 'di skad ces gsol to/ /bcom ldan 'das/ dge ba'i rtsa ba 'dis na bdag sangs rgyas kyi sku'i 'od dri ma ma mchis pa thob par gyur cig /'od des kyang phyogs
201a6 bcu'i sangs rgyas kyi zhing thams cad snang bar gyur cig /sems can gang la 'od des phog pa de dag kyang nyon mongs pa thams cad kyis gnod par ma gyur cig /de bzhin
201a7 gshegs pa'i smin mtshams kyi mdzod spu ci 'dra ba de lta bu yang bdag gis thob par gyur cig /byang chub kyi lam shes pa sgrib pa ma mchis pa'ang thob par gyur cig /lam
201b1 shes pa des kyang sems can lam log par zhugs pa rnams yang dag pa'i lam la 'god par gyur cig /bcom ldan 'das/ gzhan yang ji ltar na/ byang chub sems dpa'
201b2 mun pa mun nag dang bral te lam shes pa thob par 'gyur lags/ de skad ces gsol ba dang / bcom ldan 'das kyis klu'i rgyal po rgya mtsho la 'di skad ces bka' stsal to/ /klu'i
201b3 rgyal po/ 'di la byang chub sems dpa' shes rab kyi dbang gis byung ba/ shes rab kyi sgron ma lag na thogs pa/ shes rab kyi shes pa can/ shes rab kyi sngon du 'gro ba/ shes
201b4 rab kyi mtshon cha can/ shes rab kyi bya ba byed pa de ni/ shes rab kyi gnas la gnas nas sbyin pa sbyin par byed/ tshul khrims srung bar byed/ bzod pa sgom par byed/ brtson 'grus
201b5 rtsom par byed/ bsam gtan la snyoms par 'jug par byed/ chos rnams lhag par mthong bar byed/ sems can rnams yongs su smin par byed do/ /klu'i bdag po/ de la
201b6 ji ltar na/ byang chub sems dpa' shes rab kyi gnas la gnas nas sbyin pa sbyin par byed ce na/ klu'i bdag po/ 'di la sbyin pa mnyam pa nyid kyis bdag mnyam pa nyid do/ /bdag
201b7 mnyam pa nyid kyis sems can mnyam pa nyid do/ /sems can mnyam pa nyid kyis chos mnyam pa nyid do/ /chos mnyam pa nyid kyis byang chub mnyam pa nyid do/ /mnyam pa nyid 'di
202a1 dag kyang mi spong la sbyin pa'ang sbyin par byed de/ sbyin pa de'ang nyon mongs pa'i dbang gis sbyin par mi byed do/ /des de ji lta ji ltar yongs su 'jal ba de kho na
202a2 bzhin du nyon mongs pa thams cad yongs su gtong bar byed de/ nyon mongs pa thams cad yongs su gtong ba dang / lta ba'i rnam pa thams cad nye bar zhi ba dang / rtsod pa thams cad
202a3 'dor ba gang yin pa de ni/ gtong ba'i mchog yin te/ klu'i bdag po/ 'di ni/ byang chub sems dpa' shes rab kyi gnas la gnas pa'i sbyin pa yongs su gtong ba'o/ /de la
202a4 byang chub sems dpa' shes rab kyi gnas la gnas pa'i tshul khrims gang zhe na/ lus dang / ngag dang / sems dben par mthong ba gang yin pa de ni/ tshul khrims yongs su
202a5 srung ba ste/ lus dang / ngag dang / sems la'ang mi rten/ 'jig rten 'di la'ang mi rten/ 'jig rten pha rol la'ang mi rten/ nang la'ang mi rten/ phyi rol la'ang mi rten/ phung po
202a6 la'ang mi rten/ khams la'ang mi rten/ skye mched la'ang mi rten/ byang chub la'ang mi rten/ mya ngan las 'das pa la'ang mi rten/ chos thams cad la'ang mi rten par tshul khrims
202a7 srung bar byed la/ tshul khrims des kyang rlom sems su mi byed cing shin tu rlom sems su mi byed pa 'di ni/ byang chub sems dpa' shes rab kyi gnas la gnas pa'i tshul khrims
202b1 zhes bya'o/ /de la byang chub sems dpa' shes rab kyi gnas la gnas pa'i bzod pa gang zhe na/ bzod pa gang sgom pa rnam dag dang / sems can dang / srog dang / gang zag tu mi
202b2 dmigs shing / ngar 'dzin pa dang / nga yir 'dzin pa la'ang mi gnas pa de ni/ nang dag pa dang / sems can dag pa dang / chos thams cad dag pas bzod pa sgom pa yin te/ de ni
202b3 bzod pa'ang sgom la/ chos gang yang sgom par mi byed/ mi sgom par yang mi byed la/ chos gang yang bskyed pa'i phyir ram/ dgag par bya ba'i phyir yang sgom par mi byed/ chos
202b4 gang yang zad par bya ba'i phyir ram/ nye bar zhi bar bya ba'i phyir yang sgom par mi byed/ sems can bdag med pa dang / sems can dben pas kyang mi skrag/ mi dngang / dngang
202b5 bar mi 'byung la bzod pa de'ang lus la dmigs pa dang / ngag la dmigs pa dang / sems la dmigs pas bzod par mi byed pa dang / de lus bshig pa'am/ yan lag
202b6 dang / nying lag rnams gcod pa na rtswa dang / shing dang / rtsig pa dang 'dra bar so sor rtog cing bzod pa dang / de gzhan gyis ngan du smras pa thos na ngag ya ma bral dang / ngag gso ba
202b7 dang / ngag gsag dang / ngag gzung du med pa dang / ngag zhi ba dang / ngag mi gnas pa shes nas bzod pa dang / de sems rnyog pa med pa dang / sems gsar ma yin pa dang / sems
203a1 rnying ma yin pa dang / gcig la gcig mtshams sbyor ba med pa dang / skad cig gis 'jig pas med par 'gyur bar so sor rtog cing bzod la/ mtshams
203a2 sbyor ba med par mthong ba 'di ni/ byang chub sems dpa' shes rab kyi gnas la gnas pa'i bzod pa zhes bya'o/ /de la byang chub sems dpa' shes rab kyi gnas la gnas pa'i brtson
203a3 'grus gang zhe na/ byang chub sems dpa' dge ba'i rtsa ba thams cad rnam par 'phel bar bya ba'i phyir brtson 'grus kyang rtsom la/ brtson 'grus rnam par 'phel ba des kyang
203a4 chos kyi dbyings rnam par 'phel ba dang / yongs su 'grib pa yang dag par rjes su mi mthong ba gang yin pa dang / des chos thams cad chos kyi dbyings su yang dag par 'du bar
203a5 rig nas chos gang yang bden par yongs su grub par yang dag par rjes su mi mthong la/ mi bden pa phyin ci log la 'jig rten gnas pa'ang mthong ba dang / des de ltar shes
203a6 rab rnam par dag pa'i sgo nas chos thams cad la rnam par lta ba na chos rnams 'phel bar yang mi byed/ 'grib par yang mi byed pa dang / chos thams cad spungs pa'i rang bzhin
203a7 ma yin pa dang / yul na mi gnas pa dang / phyogs na mi gnas pa dang / gang nas kyang mi 'ong ba dang / gang du'ang mi 'gro bar rab tu shes te/ de de lta bu'i chos dang ldan pas phyin
203b1 ci log pa yang dag pa ji lta ba bzhin du yongs su shes par bya ba'i phyir sems can rnams la chos ston pa'i brtson 'grus rtsom pa/ sems can de dag kyang yang dag par mi dmigs
203b2 te| sems can mi dmigs pa gang yin pa de nyid de'i chos thams cad mi dmigs pa'o/ /de ci'i phyir zhe na/ sems can lam gtogs pa'i chos gang yang med la/ chos la ma gtogs
203b3 pa'i sems can rnams kyang med mod kyi/ 'on kyang chos kyi ngo bo nyid gang yin pa de ni/ bdag gi ngo bo nyid do/ /bdag gi ngo bo nyid gang yin pa de ni/ chos thams cad kyi ngo bo nyid do/ /
203b4 chos thams cad kyi ngo bo nyid gang yin pa de ni/ sangs rgyas kyi chos rnams kyi ngo bo nyid do/ /ngo bo nyid mnyam pa nyid 'dis sangs rgyas kyi chos thams cad tshol ba gang yin pa dang /
203b5 btsal nas kyang chos kyang mi dmigs/ chos ma yin pa'ang mi dmigs pa dang / tshol ba na'ang gang gis btsal ba dang / gang btsal ba dang / sus btsal ba de dag thams cad mi dmigs
203b6 pa 'di ni/ byang chub sems dpa' shes rab kyi gnas la gnas pa'i brtson 'grus zhes bya'o/ /de la byang chub sems dpa' shes rab kyi gnas la gnas pa'i bsam gtan gang zhe
203b7 na/ bsam gtan rnams la'ang snyoms par 'jug la/ mnyam pa nyid las kyang nyams par yang mi 'gyur/ phun sum tshogs par yang mi 'gyur ba gang yin pa dang / de bsam
204a1 gtan rnams kyang bsam gtan du byed la/ chos gang yang skyed par yang mi byed/ 'bri bar yang mi byed pa dang / yul thams cad la'ang mi rten par bsam
204a2 gtan byed la/ chos thams cad dang mthun pa dang / mi mthun pa med par yang bsam gtan byed pa dang / lus dang sems kyis kyang bsam gtan gyi yan lag dang / bsam
204a3 gtan gyi bsam pa dang / bsam gtan gyi sbyor ba de dag mngon par sgrub par mi byed pa dang / de snyoms par 'jug pa na ci nas de bzhin nyid dang / yang dag pa'i mtha' dang /
204a4 chos kyi dbyings kyis snyoms par 'jug pa de lta bus snyoms par 'jug pa dang / de sems can thams cad mnyam pa nyid dang / chos thams cad la sgro mi 'dogs pas snyoms
204a5 par 'jug pa ste/ de de ltar ting nge 'dzin sgom pa'i sbyor ba na rtson pa na nang dang phyi rol gyi lus dang sems la'ang mi gnas la/ phyi rol gyi yul la yang sems mi gnas pa de ni/ mi gnas
204a6 pa'i rnam par shes pa ste/ dmigs pa can gyi rang bzhin gyi snyoms par 'jug pa thams cad kyang zil gyis gnon la/ phyi rol gyi drang srong mngon par shes pa lnga dang ldan pa
204a7 rnams dang / nyan thos dang / rang sangs rgyas thams cad dang / bsam gtan dang / bsam gtan la snyoms par 'jug pa thams cad kyang zil gyis gnon to/ /de dge ba'i
204b1 rtsa ba rnams dang / bsam gtan de dag kyang shes rab kyi shas che ba dang / lta ba'i nyon mongs pa dang bral ba yin la/ byang chub tu yongs su bsngos pa'ang yin pa dang / sems
204b2 can yongs su smin par byed pa'ang sgrub pa yin te/ de lta bas na/ de bzhin gshegs pa ni/ snyoms par 'jug pa gcig gis yongs su mya ngan las 'da' ba'i mtha'i bar du
204b3 thug par mdzad de/ 'di ni/ byang chub sems dpa' shes rab kyi gnas la gnas pa'i bsam gtan no/ /de la byang chub sems dpa' shes rab kyi gnas la gnas pa'i chos lhag
204b4 par mthong ba gang zhe na/ des chos gang lhag par mthong ba de dag shes rab kyi mig kho nas lhag par mthong gi /sha'i mig dang / lha'i mig gis chos de dag lhag par mthong ba
204b5 ma yin no/ /de dag zhi ba kho nar lhag par mthong gi /ma zhi bar lhag par mthong ba ma yin no/ /de bzhin du chos rnams rgyu ba med pa dang / gnas pa med pa dang / dben pa dang /
204b6 yongs su grub pa med par lhag par mthong ngo / /de ltar mthong ba gang yin pa de ni/ chos thams cad lhag par mthong ba'o/ /des chos thams cad lhag par mthong ba na gal te chos
204b7 'ga' zhig mthong na ni/ lhag mthong ma yin te/ de ci'i phyir zhe na/ chos mthong bas ni/ lhag mthong skyes pa ma yin la/ shes pa ni/ mi shes pa yin pa'i phyir ro/ /ma mthong ba ni/
205a1 chos lhag par mthong ba yin la/ bdag ma mthong ba dang / sems can ma mthong ba dang / srog dang / gso ba dang / skyes bu dang / gang zag ma mthong ba ni/
205a2 chos lhag par mthong ba yin te/ de ltar na/ byang chub sems dpa' ni/ chos de dag kyang ji lta ba bzhin du mthong la/ sems can rnams kyang phyin ci log tu gyur par mthong
205a3 nas de'i tshe byang chub sems dpa' de kye ma chos 'di dag ni/ 'di ltar dag na/ sems can 'di dag ni/ kun nas nyon mongs so snyam nas sems can rnams la snying rje chen po
205a4 skye'o| |de bas na/ de sems can rnams rab tu grol bar bya ba'i phyir snying brtse ba chen po skyed do/ /sems can de dag kyang rtag tu sems can med pa kho na ste/ 'di ni/ byang chub
205a5 sems dpa' shes rab kyi gnas la gnas pa'i chos lhag par mthong ba'o/ /de la byang chub sems dpa' shes rab kyi gnas la gnas pa'i sems can yongs su smin par bya
205a6 ba gang zhe na/ klu'i bdag po/ 'di la byang chub sems dpa' ni/ sems can med pa'i phyir sems can rnams yongs su smin par byed do/ /sems can bdag med pa dang / sems
205a7 can la sems can med pa dang / sems can dben pa dang / sems can rang bzhin gyis sems can du brjod pa tsam du zad pa dang / sems can du gdags pa tsam du zad pa dang /
205b1 sems can stong pa dang / sems can mtshan ma med pa dang / sems can smon pa med pa dang / sems can mngon par 'du byed pa med pa dang / sems can ji lta ba bzhin ma yin
205b2 pa dang / sems can ma skyes pa dang / sems can ma byung ba dang / sems can rnam par dag pa'i phyir sems can rnams yongs su smin par byed de/ de'ang bdag gzhig pa'i phyir
205b3 ma yin/ sems can gzhig pa'i phyir ma yin/ srog dang / gsob dang / skyes bu dang / gang zag gzhig pa'i phyir ma yin/ dngos po gzhig pa'i phyir ma yin/ rdzas gzhig
205b4 pa'i phyir ma yin gyi/ klu'i bdag po/ sems can de dag gi ngo bo nyid ji lta ba de kho na bzhin du yongs su smin par byed do/ /sems can rnams kyi ngo bo nyid ji lta bu zhe na/ 'di lta ste/
205b5 rang bzhin gyis bdag med pa'i ngo bo nyid ni/ ngo bo nyid med pa'o/ /ngo bo nyid med pa ni/ sems can rnams kyi ngo bo nyid do/ /sems can rnams kyi ngo bo nyid gang yin pa'i ngo bo
205b6 nyid de nyid ni/ chos thams cad kyi ngo bo nyid do/ /chos thams cad kyi ngo bo nyid gang yin pa de nyid ni/ sangs rgyas kyi chos thams cad kyi ngo bo nyid de/ de bas na/ chos thams
205b7 cad ni| sangs rgyas kyi chos zhes bya'o/ /klu'i bdag po/ chos thams cad ces bya ba ni/ ming tsam du zad de/ ming de'ang ming du mi dmigs so/ /klu'i bdag po/ chos thams cad ces
206a1 bya ba bstan pa ni/ chos ma yin pa bstan pa yin no/ /de ci'i phyir zhe na/ ji tsam du chos tha snyad du byed pa de tsam du chos ma yin pa'i phyir ro/ /de la chos gang
206a2 brjod pa de dag thams cad ni/ chos ma yin pa kho na'o/ /klu'i bdag po/ chos nyid dang / chos kyi dbyings ni/ rang bzhin gyis brjod pa'am smra bar mi nus te/ 'di ltar chos kyi
206a3 dbyings kyi rang bzhin brjod du med pa dang / chos thams cad chos kyi dbyings kyi rang bzhin can yin te/ de lta bas na/ chos thams cad brjod par mi nus so/ /klu'i bdag po/
206a4 sangs rgyas kyi chos 'di dag ni/ rnam grangs 'di dang / tshul 'dis bstan mod kyi/ 'on kyang sangs rgyas kyi chos de dag ni/ sgra'i rnam par rig byed kyis rnam par rig par bya
206a5 ba ma yin no/ /klu'i bdag po/ sangs rgyas kyi chos rnams ni/ 'dus byas dang / 'dus ma byas kyi chos rnams kyis rnam par rig par bya ba ma yin/ gdags par bya ba ma
206a6 yin no| |de ci'i phyir zhe na/ klu'i bdag po/ 'dus byas dang / 'dus ma byas la ma gtogs par gang gzhan du bgrang du rung ba'i chos ci'ang med do/ /gsol pa/ bcom
206a7 ldan 'das/ 'o na sangs rgyas kyi chos rnams 'dus ma bgyis pa lags sam/ de bzhin gshegs pa'ang de lta bu lags sam/ bcom ldan 'das kyis bka' stsal pa/
206b1 klu'i bdag po/ de de bzhin no/ /de de bzhin te/ sangs rgyas kyi chos rnams kyang 'dus ma byas pa'o/ /de bzhin gshegs pa'ang 'dus ma byas pa'o/ /klu'i bdag po/ de la ji snyam du
206b2 sems| 'dus ma byas pa la gdags pa ci'ang yod da/ gsol pa/ bcom ldan 'das/ de ni/ ma lags so/ /bcom ldan 'das kyis bka' stsal pa/ klu'i bdag po/ rnam
206b3 grangs 'dis kyang khyod kyis ji ltar sangs rgyas kyi chos rnam par rig par bya ba ma yin pa dang / gdags par bya ba ma yin pa de ltar rig par bya'o/ /sangs rgyas kyi chos rnams
206b4 ji lta ba bzhin du chos thams cad kyang de dang 'dra'o/ /klu'i bdag po/ sems can rnams la de bzhin gshegs pa'i thugs rje chen po ji tsam du bstan pa la ltos/ 'di ltar rnam
206b5 par rig par bya ba ma yin pa dang / gdags par bya ba ma yin pa'i chos rnams ming dang brdas 'dogs par mdzad de/ chos 'di dag ni/ zag pa dang bcas pa'o/ /chos 'di
206b6 dag ni| zag pa med pa'o/ /de bzhin du 'jig rten pa rnams dang / 'jig rten las 'das pa rnams dang / kha na ma tho ba dang bcas pa rnams dang / kha na ma tho ba med pa rnams
206b7 dang / 'dus byas rnams dang / 'dus ma byas rnams dang / kun nas nyon mongs pa'i phyogs dang mthun pa rnams dang / rnam par byang ba'i phyogs dang mthun pa rnams dang /
207a1 bsten par bya ba rnams dang / yongs su spang bar bya ba rnams dang / gdags par bya ba rnams dang / gzhig par bya ba rnams dang / so so'i skye bo'i chos
207a2 rnams dang / slob pa'i chos rnams dang / mi slob pa'i chos rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams
207a3 'dogs par mdzad de/ klu'i bdag po/ de ltar na/ de bzhin gshegs pa ni/ de ltar chos rnam par gzhag pa bstan pa'ang ston par mdzad la/ chos gang la'ang mtshan mar
207a4 yang dag par rjes su mi gzigs so/ /klu'i bdag po/ dper na/ mi la la zhig skyes la/ des nam mkha'i khams gzugs med cing bstan du med pa 'di la tshon rtsi thams
207a5 cad kyis ri mor bris te lha'i gzugs rnams kyang der bstan/ mi'i gzugs rnams dang / rta dang / glang po che dang / shing rta dang / dpung bu chung dang / bzhon pa rnams kyang
207a6 der bstan na/ klu'i bdag po/ 'di ji snyam du sems/ ci mi de dka' ba byed pa yin nam/ gsol pa/ bcom ldan 'das/ dka' ba bgyid pa lags so/ /bde bar gshegs
207a7 pa dga' ba bgyid pa lags so/ /bcom ldan 'das kyis bka' stsal pa/ klu'i bdag po/ de bas na/ gang gzugs med cing bstan du med pa/ gzung du med pa/ yi ge
207b1 med pa| brjod du med pa'i chos 'di sems can gzhan rnams dang / gang zag gzhan rnams la brda sprad cing yi ge rnams kyis mtshon te thabs sna tshogs kyis go bar byas pa
207b2 de| de bzhin gshegs pas ches dka' ba mdzad pa yin no/ /klu'i bdag po/ de bas kyang gang dag 'di ltar bstan pa'i chos 'di dag la mos par 'gyur ba'am/ 'jug par
207b3 'gyur ba de dag ni/ ches ngo mtshar che ba byed pa yin no/ /klu'i bdag po/ gzhan yang zab mo'i tshul 'di la 'jug pa'i sems can gang yin pa de dag ni/ sngon gyi de bzhin gshegs
207b4 pa rnams la yongs su sbyang ba byas pa yin te/ de dag la ni/ bdud sdig can gyis kyang glags mi rnyed do/ /klu'i bdag po/ ngas mngon par shes pa/ 'das pa'i dus na sangs rgyas
207b5 bcom ldan 'das tshad med pa ngas mnyes par byas te mchod pa'ang byas/ de dag gi bstan pa la'ang nga rab tu byung ste tshangs par spyod pa'ang spyad na/ 'on kyang de bzhin gshegs pa
207b6 de dag gis nga la 'di ltar zab cing 'di ltar rgyu ba chad pa'i chos ma bstan te/ gzhan du na sbyor ba'i gtam nyi tshe dang / sbyin pa dang / dul ba dang / legs par sdom pa dang / nges pa'i
207b7 gtam nyi tshe dang / tshul khrims dang / thos pa dang / gtong ba dang / bzod pa dang / brtson 'grus dang / bag yod pa'i gtam nyi tshe dang / tshangs par spyad pa dang / sbyangs pa'i yon tan
208a1 dang / yo byad bsnyungs pa'i gtam nyi tshe bstan to/ /de ci'i phyir zhe na/ 'di ltar yongs su sbyang ba ma byas pa'i phyir ro/ /klu'i bdag po/ gang gi tshe pa yongs su
208a2 sbyang ba byas par gyur pa de'i tshe ni/ ngas de bzhin gshegs pa mar me mdzad chen po las zab mo'i chos kyi tshul 'di thos so/ /thos nas kyang nga mi mthun pa'i chos rnams la bzod
208a3 pa skyes so/ /klu'i bdag po/ de lta bas na/ rnam grangs 'dis kyang khyod kyis 'di ltar zab cing nga'o snyam pa'i nga rgyal las rnam par grol ba yongs su rtog pas byas pa/ rgyu dang
208a4 rkyen las byung ba/ sems can dang / srog dang / gso ba dang / gang zag tu rtog pa med pa'i chos rnams la mos pa dang / dad pa dang / 'dzin pa dang / gzhan dag la'ang brda
208a5 sprod par byed pa'i sems can de dag ji ltar sngon gyi de bzhin gshegs pa rnams la yongs su sbyang ba byas pa gang yin pa dang / de dag la ni/ bsod nams kyang mang du 'phel
208a6 bar 'gyur ba de ltar rig par bya'o/ /klu'i bdag po/ byang chub sems dpa' sems can rnams la phan pa dang bde ba'i don la zhugs pa/ gang gis stong gsum gyi stong chen
208a7 po'i 'jig rten gyi khams na sems can lha rnams dang / mi rnams kyi bde ba'i yo byad ji snyed yod pa'i bde ba'i yo byad de snyed sems can re re la byin na/ klu'i bdag po/
208b1 'di ji snyam du sems/ ci byang chub sems dpa' des sems can de dag la bde ba'i yo byad mang po byin pa yin nam/ gsol pa/ bcom ldan 'das/ mang lags so/ /bde bar
208b2 gshegs pa/ mang lags so/ /bcom ldan 'das kyis bka' stsal pa/ klu'i bdag po/ byang chub sems dpas sems can de dag la bde ba'i yo byad de snyed byin pa gang yin
208b3 pa dang / de dag la mi rtag pa dang ldan pa tshig gcig tsam bstan tam/ sdug bsngal ba dang ldan pa'am/ bdag med pa dang ldan pa'am/ zhi ba dang ldan pa'am/ stong pa nyid dang ldan
208b4 pa'am| mtshan ma med pa dang ldan pa'am/ smon pa med pa dang ldan pa'am/ sems can med pa dang / srog med pa dang / gso ba med pa dang / gang zag med pa dang ldan pa'am/ ma
208b5 skyes ma byung ba dang ldan pa tshig gcig tsam bstan na/ de nyid des bde ba'i yo byad de bas ches mang du byin pa yin te/ bsod nams kyang ches mang du 'phel bar 'gyur ro/ /de ci'i
208b6 phyir zhe na/ klu'i bdag po/ 'dus byas kyi bde ba'i yo byad thams cad ni/ sems can rnams kyis sngon myong zin gyi/ 'dus ma byas kyi bde ba'i yo byad ni/ sems can rnams
208b7 kyis sngon ma myong ba'i phyir ro/ /klu'i bdag po/ de la 'di ltar zab pa'i chos 'di dag thos pa gang yin pa 'di ni/ 'dus ma byas kyi bde ba'i yo byad 'dren pa yin te/ de bas na/
209a1 klu'i bdag po/ byang chub sems dpa' bdag gi don dang / gzhan gyi don yongs su rdzogs par byed 'dod pa rnams kyis ni/ chos zab mo rnams la brtson
209a2 par bya'o/ /klu'i bdag po/ byang chub sems dpa' 'khor gyi nang du 'ongs la/ 'khor gyi nang du 'dug nas zab mo'i gtam gyi bar chad byed de/ gtam sna tshogs gleng ba gang
209a3 yin pa de ni/ dam pa'i chos nub par bya ba'i phyir brtson pa yin no/ /de ci'i phyir zhe na/ dzam+bu'i gling 'dir ji srid du zab mo'i chos grags pa de srid du dam pa'i chos nub par
209a4 mi 'gyur ba'i phyir ro/ /klu'i bdag po/ gzhan yang mi chos 'dod de chos nyan pa ni/ nyung la/ mi ma yin pa chos nyan pa ni/ mang ste/ der dam pa'i chos smra ba po gang gis zab
209a5 mo'i gtam ni/ 'chab par byed la/ gtam sna tshogs ni/ gleng bar byed na/ der zab mo la mos pas lha rnams yid ma rangs par gyur te/ 'di skad du rigs kyi bu 'di ni/
209a6 gang kho na la 'jig rten pa nyon mongs pa sbyod pa de nyid kyi 'jig rten pa'i gtam gleng zhing 'dug ste/ kye re ngan/ 'di na sangs rgyas kyi gsung mi grag go /zhes tshig ngan thon nas
209a7 de dag 'khor de dag la mi dga' ste/ 'dong bar byed do/ /smon lam gyi le'u ste gnyis pa'o// //de nas bcom ldan 'das la klu'i rgyal po rgya mtshos 'di skad
209b1 ces gsol to/ /bcom ldan 'das/ ci 'jig rten pa'i sbyin pa dang / dul ba dang / legs par sdom pa dang / nges pa'i gtam dang / rab tu 'byung ba dang / nges par 'byung ba'i gtam
209b2 dang / tshangs par spyod pa dang / tshul khrims dang / thos pa dang / bag yod pa dang / sbyangs pa'i yon tan dang / yo byad bsnyungs pa'i gtam sangs rgyas kyi gsung ma lags sam/ bcom
209b3 ldan 'das kyis bka' stsal pa/ klu'i bdag po/ chos gang sangs rgyas bcom ldan 'das rnams 'byung bar 'gyur pa dang / 'gog par 'gyur ba'i phyir skye ba ma yin pa/ khams
209b4 gsum na spyod pa/ nges par 'byung bar 'gyur ba ma yin pa de dag thams cad ni/ 'jig rten pa'i yin gyi/ de dag ni/ sangs rgyas kyi gsung ma yin no/ /de dag kyang gang zhe na/
209b5 bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dge ba bcu'i las kyi lam rnams dang / 'jig rten
209b6 pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab shes pa dang / yi ge dang / grangs dang / bgrang ba dang / lag rtsis shes pa
209b7 dang / 'byung khungs shes pa dang / sngags dang / sman dang / gso ba shes pa dang / las dang bzo'i gnas shes pa dang / mtshan ma dang bcas pa dang / ched du bya ba dang bcas pa
210a1 dang / zang zing dang bcas pa dang / rgyu ba dang bcas pa dang / rdzas dang bcas pa shes pa dang / 'jig rten pa dang / khams gsum na spyod pa gang yin pa de
210a2 dag ni| sangs rgyas kyi gsung ma yin no/ /klu'i bdag po/ sangs rgyas bcom ldan 'das rnams 'byung bar 'gyur ba'i chos sngon ma thos pa las thos pa gang dag yin pa 'di
210a3 lta ste| mi rtag pa'i don dang / sdug bsngal ba'i don dang / bdag med pa'i don dang / zhi ba'i don dang / sdug bsngal yongs su shes pa'i don dang / kun 'byung ba spang pa'i don
210a4 dang / 'gog pa mngon sum du bya ba'i don dang / lam sgom pa'i don dang / stong pa nyid sgom pa'i don dang / mtshan ma med pas nges par rgal ba'i don dang / smon pa med pas
210a5 nges par 'byung ba'i don dang / mngon par 'du bya ba med pa dang / ma skyes pa dang / ma byung ba'i don dang / dran pa nye bar gzhag pa bzhi dang / yang dag par spong ba dang / rdzu
210a6 'phrul gyi rkang ba dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong gi don dang / ji lta ba bzhin du rang bzhin gyis ma
210a7 skyes ba'i don dang / phung po dang / khams dang / skye mched dben pa'i don dang / chos gang rjes su rtogs nas chos rnams dang / chos ma yin pa rnams gnyis su mi 'byed pa
210b1 dang / chos thams cad kyang bstan du mngon par mi 'grub par rab tu shes pa dang / skye ba med pa dang / chad pa med pa dang / rtag pa med pa dang / rten cing 'brel bar 'byung ba thob pa rnams
210b2 dang / rang bzhin gyis 'dod chags dang bral ba thob pa rnams dang / de ltar 'dus ma byas pa'i chos mthong bas yang dag par nges pa la 'jug la/ chos rnams kyi nges pa la'ang mi rtog
210b3 pa dang / rnam par rtog pa dang / yongs su rtog pa thams cad dang yang bral ba dang / phri ba'ang med bsnan pa'ang med pa dang / mun pa'ang med snang ba'ang med pa dang / nam mkha'i ngo bo
210b4 nyid dang mnyam pa nyid thob pa dang / rang bzhin gyi mtshan nyid dang / mnyam pa'i mtshan nyid dang / mtshan nyid med pa dang / mtshan nyid med pa ma yin pa dang / mtshan nyid med par
210b5 mtshan nyid gcig pa dang / 'du shes thams cad dang bral ba dang / rig pa med pa dang / tshor ba thams cad rgyun bcad pa dang / phyin ci log mnyam pa nyid du mthong ba ni/ tha snyad
210b6 kyi sgo nas 'bras bu thob pa zhes bya ste/ don dam par ni/ ma yin pa dang / des ci'ang thob pa med la/ ma thob pa'ang med pa dang / blangs pa'ang med bor ba'ang med pa ste/ klu'i bdag
210b7 po| de ltar na/ nges par 'byung ba'i chos gang dag yin pa rnams ston cing 'chad pa gang gis nyan thos rnams kyis nyan thos kyi shes pa thob pa dang / rang sangs rgyas rnams kyis rang
211a1 sangs rgyas rnams kyi shes pa thob pa dang / byang chub sems dpa' rnams kyis mi skye ba'i chos rnams la bzod pa thob pa dang / de bzhin gshegs
211a2 pa rnams kyi bla na med pa yang dag par rdzogs pa'i byang chub mngon par rdzogs pa'i 'tshang rgya bar 'gyur ba 'di ni/ sangs rgyas kyi gsung zhes bya'o/ /de'ang kun rdzob kyi gzhi'i
211a3 gnas las brten pa yin gyi/ don dam par ni/ ji ltar yang sangs rgyas kyi gsung tha snyad du gdags par mi nus te/ sangs rgyas kyi gsung ni/ tshig med pa'o/ /sangs rgyas kyi
211a4 gsung ni/ ngag med pa/ sgra med pa/ tshig gi lam med pa/ brjod du med pa/ rnam par rig par byed pa med pa/ gdags pa med pa/ ming med pa/ mtshan ma med pa/ bye brag
211a5 phyed pa med pa/ rnam par shes pa med pa/ bsam du med pa/ bsam gyis mi khyab pa 'jug pa ste/ rab tu dbye ba dang / brda sprad pa dang / nye bar bstan par mi nus so/ /klu'i
211a6 bdag po/ sangs rgyas kyi gsung ni/ de lta bu yin no/ /de ci'i phyir zhe na/ klu'i bdag po/ da ni/ yi ge 'dod pa'i sems can rnams la chos mi ston mod kyi/ 'on kyang yi ge
211a7 yongs su shes par bya ba'i phyir chos ston te/ de bas na/ sangs rgyas kyi gsung ni/ yi ge med pa'o/ /klu'i bdag po/ nga ni/ brjod pa 'dod pa la chos mi ston mod kyi/ 'on kyang
211b1 brjod pa thams cad bsal ba'i phyir chos ston te/ de bas na/ sangs rgyas kyi gsung ni/ brjod du med do/ /klu'i bdag po/ nga ni/ rnam par rig par byed pa la mngon par zhen par bya ba'i
211b2 phyir chos mi ston mod kyi/ 'on kyang rnam par rig par byed pa dang / yongs su rtog pa thams cad nye bar zhi bar bya ba'i phyir chos ston te/ de lta bas na/ sangs rgyas kyi gsung ni/
211b3 rnam par rig par byed pa ma yin no/ /klu'i bdag po/ nga ni/ chos gzung bar bya ba'i phyir dang / chos la mngon par zhen par bya ba'i phyir dang / chos spros par bya ba'i phyir dang / chos
211b4 yongs su brtag par bya ba'i phyir dang / chos bskyed par bya ba'i phyir dang / chos dgag par bya ba'i phyir dang / chos rnam par 'jig par bya ba'i phyir dang / chos gnas par bya ba'i
211b5 phyir dang / chos dmigs par bya ba'i phyir dang / chos rlom sems su bya ba'i phyir dang / chos kyi ngo bo nyid kyi phyir dang / chos brtag par bya ba'i phyir dang / chos mtshan mar bya
211b6 ba'i phyir dang / chos la bsgrim par bya ba'i phyir dang / chos 'chad par bya ba'i phyir chos mi ston to/ /klu'i bdag po/ nga ni/ chos gang yang spang bar bya ba'am/ 'gag par bya
211b7 ba'i phyir chos mi ston mod kyi/ 'on kyang nga ni/ chos thams cad rang bzhin gyis sgro btags pa med pa'i phyir chos ston te/ klu'i bdag po/ de lta bas na/ chos thams cad rang bzhin
212a1 gyis sgro btags pa med pa gang yin pa de ni/ sangs rgyas kyi gsung zhes bya'o/ /ci'i phyir de la sangs rgyas kyi gsung zhes bya zhe na/ tshig thams cad kyi tshul
212a2 ni/ sangs rgyas yin te/ de nas/ sangs rgyas kyi gsung zhes bya'o/ /tshig thams cad kyi sngon gyi mtha' dang / phyi ma'i mtha' yongs su gcod pa ni/ sangs rgyas yin te/ des na/ sangs
212a3 rgyas kyi gsung zhes bya'o/ /tshig thams cad kyi ldem por dgongs pa ston pa ni/ sangs rgyas yin te/ des na/ sangs rgyas kyi gsung zhes bya'o/ /tshig thams cad kyi lan mkhyen pa
212a4 ni| sangs rgyas yin te/ des na/ sangs kyi gsung zhes bya'o/ /tshig thams cad kyi rgyu dang / dmigs pa dang / tha snyad ni/ sangs rgyas yin te/ des na| sangs rgyas
212a5 kyi gsung zhes bya'o/ /tshig thams cad brag ca dang 'dra bar yang gzhol bar mkhyen pa ni/ sangs rgyas yin te/ des na/ sangs rgyas kyi gsung zhes bya'o/ /klu'i bdag po/
212a6 gzhan yang yi ge ci'ang rung ba dang / tshig ci'ang rung ba de dag ni/ sangs rgyas kyi gsung ma yin pa med do/ /de ci'i phyir zhe na/ yi ge de dag nyid ni/ 'das pa dang / ma
212a7 byon pa dang / da ltar byung ba'i sangs rgyas bcom ldan 'das rnams kyis gsungs pa dang / gsung ba dang / gsung bar 'gyur ba'i phyir ro/ /de lta bas na/ yi ge thams cad
212b1 dang / tshig thams cad ni/ sangs rgyas kyi gsung yin te/ de lta bu'i tshig gi don de la 'jug pa gang yin pa 'di ni/ byang chub sems dpa'i don so so yangs dag par rig pa zhes bya'o/ /
212b2 yi ge thams cad dang / tshig thams cad ni/ sangs rgyas kyi gsung yin te/ de la chos kyi dbyings dbyer med cing ro gcig par shes pa gang yin pa de ni/ byang chub sems dpa'i
212b3 chos so so yang dag par rig pa zhes bya'o/ yi ge thams cad dang / tshig thams cad ni| sangs rgyas kyi gsung yin te/ de la ci rigs pas chos la dpyod pa shes pa gang yin pa
212b4 'di ni/ byang chub sems dpa'i tshig so so yang dag par rig pa zhes bya'o/ /yi ge thams cad dang / tshig thams cad ni/ sangs rgyas kyi gsung yin te/ de la ci rigs
212b5 pa'i gnas las chags pa med par ston pa shes pa gang yin pa 'di ni/ byang chub sems dpa'i spobs pa so so yang dag par rig pa zhes bya'o/ /klu'i bdag po/ de ltar na/ so so
212b6 yang dag par rig pa bzhis ma bsdus pa'i chos gang yang med la/ so so yang dag par rig pa thob pa'i byang chub sems dpa' yang yi ge ci'ang rung ba de dang / tshig ci'ang rung ba de
212b7 dang / nges pa'i tshig gang yang rung ba gang yin pa de ni/ sangs rgyas kyi gsung yin no/ zhes bya ba la 'jug ste/ des na/ de ni/ chags pa med cing thogs pa med par bskal pa
213a1 stong gi bar du'ang ston cing 'chad de/ thogs pa'ang med do/ /de ci'i phyir zhe na/ klu'i bdag po/ 'di ni/ mi zad pa'i za ma tog ces bya ba'i gzungs
213a2 yin te| gzungs de thob pa'i byang chub sems dpa' ni/ tshig dang / yi ge mi zad pa'i mos pa'i tshig legs pa byas pa rnams dang / sngon gyi mtha' dang / phyi ma'i mtha'i
213a3 phan tshun gyi nyes pa spangs pa rnams dang / thogs pa med pa rnams dang / 'thad pa rnams dang / kun rdzob kyi bden pas brgyan pa rnams dang / don dam pa dang ldan pa rnams
213a4 dang / rten rnam par dag pa rnams dang / drang ba'i don dang / nges pa'i don mnyam par rtag pa rnams dang / kun nas nyon mongs pa dang / rnam par byang ba'i gzhi ji lta ba
213a5 bzhin du bstan pa rnams dang / sems can thams cad kyi spyod pa la 'jug par rtogs pa'i bstan pa 'chad pa rnams dang / dbang po brgyad khri bzhi stong rkyen ji lta ba bzhin
213a6 du rab tu rnam par 'byed pa rnams dang / yi ge rnams kyis kyang chos de dag gleng bar byed na/ 'on kyang de'i yi ge zad pa'am/ chos brjod pa zad pa'am/ dper bya ba bkod pa
213a7 zad pa'am/ dus bstan pa zad pa'am/ rgyu dang 'bras bu bstan pa zad pa'am/ tshod dang gnas dang mtshams zad pa'am/ sems kyi 'jug pa zad pa'am/ a zhes bya ba'i
213b1 sgo'i tshig zad pa'am/ a zhes bya ba'i mtshams sbyor ba'i tshig zad pa'am/ de bzhin du sbyar te/ pa zhes bya ba'i zad pa nas la zhes bya ba'i bar du zad pa'am/ rnam par byang
213b2 ba rnam par gzhag pa'i bar du zad pa'am/ chos kyi nges pa'i tshig gi gtam zad pa'am/ sna tshogs dang zab mo'i gtam zad pa'am/ snrel zhi'i rgyud ston pa'i gtam zad pa'am/
213b3 spyi'u tshugs dang mthun pa'i gtam zad pa'am/ mthun pa dang mi mthun pa'i gtam zad pa'am/ nges pa'i tshig med pa'i gtam ma zad pa'am/ sangs rgyas dang / chos dang / dge
213b4 'dun gyi yon tan gyi bsngags pa brjod pa zad pa'am/ bden pa bstan pa'i gtam zad pa'am/ byang chub kyi phyogs kyi chos bstan pa'i gtam zad pa'am/ las kyi rnam par
213b5 smin pa bstan pa'i gtam zad pa'am/ pha rol tu phyin pa bstan pa'i gtam zad pa med do/ /klu'i bdag po/ de ltar na/ yi ge thams cad bstan pa la zad pa med pa gang yin
213b6 pa de ni/ mi zad pa'i za ma tog ces bya ba'i gzungs zhes bya'o/ /klu'i bdag po/ mi zad pa'i za ma tog gi gzungs 'di ni/ mi zad pa nyid bzhis rtogs nga ra bya ste/ bzhi gang zhe na/
213b7 so so yang dag par rig pa mi zad pa nyid dang / ye shes mi zad pa nyid dang / shes rab mi zad pa nyid dang / gzungs kyi spobs pa mi zad pa nyid de/ bzhi po de dag go /klu'i bdag
214a1 po| mi zad pa'i za ma tog gi gzungs ni/ gting dpag dka' ba bzhis rtogs par bya ste/ bzhi gang zhe na/ bsam pa gting dpag dka' ba dang /
214a2 blo gting dpag dka' ba dang / chos la 'jug pa gting dpag dka' ba dang / sems can gyi spyod pa la 'jug pa gting dpag dka' ba ste/ bzhi po de dag go /klu'i bdag po/
214a3 bzhi po ni 'di dag mi zad pa'i za ma tog gi gzungs kyi snying po dang / yi ge yin par rtogs par bya ste/ bzhi gang zhe na/ shes rab la snying por byed pa dang / sgrub pa la snying
214a4 por byed pa dang / bzod pa la gnas pa snying por byed pa dang / brtsams pa nyams 'og tu chud par byed pa snying por byed pa ste/ bzhi po de dag go /klu'i bdag po/ bzhi po
214a5 'di dag ni/ mi zad pa'i za ma tog gi gzungs kyi nges par 'byed pa ste/ bzhi gang zhe na/ bden pa nges par 'byed pa dang / rten cing 'brel par 'byung ba nges par 'byed pa
214a6 dang / sems can thams cad kyi spyod pa nges par 'byed pa dang / theg pa thams cad nges par 'byed pa ste/ bzhi po de dag go /klu'i bdag po/ bzhi po 'di dag ni/ mi zad pa'i
214a7 za ma tog gi gzungs kyi snang ba yin te/ bzhi gang zhe na/ 'di lta ste/ sems can thams cad kyi snang ba dang / shes rab kyi snang ba dang / shes rab kyi mig gi snang ba dang /
214b1 so so ci rigs par chos ston pa'i snang ba ste/ bzhi po de dag go /klu'i bdag po/ bzhi po 'di dag ni/ mi zad pa'i za ma tog gi gzungs kyi brtun pa yin te/ bzhi gang zhe na/ brtson
214b2 'grus brtun pa dang / tshul khrims brtun pa dang / bsod nams kyi tshogs yongs su tshol ba brtun pa dang / ye shes kyi tshogs yongs su tshol ba brtun pa ste/ bzhi po de dag go /
214b3 klu'i bdag po/ bzhi po 'di dag ni/ mi zad pa'i za ma tog gi gzungs kyi chos yongs su tshol ba mthar thug pa med pa ste/ bzhi gang zhe na/ pha rol tu phyin pa yongs su tshol ba mthar
214b4 phyin pa med pa dang / 'khor bas yongs su mi skyo ba yongs su tshol ba mthar phyin pa med pa dang / sems can yongs su smin par bya ba yongs su tshol ba mthar phyin pa med pa dang /
214b5 thams cad mkhyen pa'i ye shes yongs su tshol ba mthar phyin pa med pa ste/ bzhi po de dag go /klu'i bdag po/ bzhi po 'di dag ni/ mi zad pa'i za ma tog gi gzungs la chog mi
214b6 shes pa ste/ bzhi gang zhe na/ sangs rgyas bcom ldan 'das rnams las mngon sum du chos mnyan pas chog mi shes pa dang / sems can rnams la chos bstan pas chog
214b7 mi shes pa dang / dge ba'i rtsa ba yongs su tshol bas chog mi shes pa dang / de bzhin gshegs pa la mchod pa dang / bkur sti bya bas chog mi shes pa ste/ bzhi po de dag
215a1 go /klu'i bdag po/ bzhi po 'di dag ni/ mi zad pa'i za ma tog gi gzungs la tshugs par dka' ba yin te/ bzhi gang zhe na/ 'di lta ste/ nyon mongs pa thams
215a2 cad kyis tshugs par dka' ba dang / bdud thams cad kyis tshugs par dka' ba dang / phas kyi rgol ba thams cad kyis tshugs par dka' ba dang / gzhan gyis byas pa thams cad
215a3 kyis tshugs par dka' ba ste/ bzhi po de dag go /klu'i bdag po/ bzhi po 'di dag ni/ mi zad pa'i za ma tog gi gzungs kyis ma 'dres pa ste/ bzhi gang zhe na/ nyan thos dang / rang
215a4 sangs rgyas rnams dang ma 'dres pa dang / rnyed pa dang / bkur sti dang / tshigs su bcad pa thams cad kyis ma 'dres pa dang / bag chags kyi mtshams sbyor ba thams cad dang ma
215a5 'dres pa dang / so so skye bo'i nyes pa thams cad dang ma 'dres pa ste/ bzhi po de dag ni ma 'dres pa yin no/ /klu'i bdag po/ bzhi po 'di dag ni/ mi zad pa'i za ma tog gi gzungs
215a6 la smad du med pa ste/ bzhi gang zhe na/ skye bo smad du med pa dang / tshul khrims 'chal pa'i sems can yongs su smin par bya ba smad du med pa dang / chos bstan pa'i bre mo gtam
215a7 gcig pu la smad du med pa dang / theg pa chen pos sgrol ba'i phyir slong ba po smad du med pa ste/ bzhi po de dag ni/ smad du med pa yin no/ /klu'i bdag po/ bzhi po 'di dag ni/
215b1 mi zad pa'i za ma tog gi gzungs kyi stobs yin te/ bzhi po gang zhe na/ sems can thams cad kyi nyes pa byas pa bzod pa'i phyir bzod pa'i stobs dang / sems can thams cad kyi
215b2 som nyi gcod pa'i phyir ye shes kyi stobs dang / sems can thams cad kyi sems dang spyod pa yongs su shes pa'i phyir mngon par shes pa'i stobs dang / so so ci rigs par chos ston
215b3 pa'i phyir thabs kyi stobs te/ bzhi po de dag ni/ stobs yin te/ klu'i bdag po/ bzhi po 'di dag ni/ mi zad pa'i za ma tog gi gzungs kyi gter chen po mi zad pa yin te/ bzhi gang
215b4 zhe na| 'di lta ste/ dkon mchog gsum gyi gdung mi 'chad pa'i gter chen po mi zad pa dang / chos rtogs pa tshad med pa'i gter chen po mi zad pa dang / sems can thams cad mgu
215b5 bar bya ba'i gter chen po mi zad pa dang / nam mkha' dang mnyam pa'i ye shes kyi gter chen po mi zad pa ste/ bzhi po de dag ni/ gter chen po mi zad pa yin no/ /klu'i bdag po/
215b6 bzhi po de dag ni/ mi zad pa'i za ma tog gi gzungs kyi tshad med pa nyid de/ bzhi gang zhe na/ 'di lta ste/ thos pa tshad med pa nyid dang / shes rab tshad med pa nyid dang / yongs su
215b7 bsngo ba tshad med pa nyid dang / nges pa'i tshig bstan pa rnams la sgra tshad med pa nyid de/ bzhi po de dag go /klu'i bdag po/ bzhi po 'di dag ni/ mi zad pa'i za ma tog gi gzungs kyi
216a1 don yod pa nyid de/ bzhi gang zhe na/ chos bstan pa don yod pa nyid dang / dben pa'i tshig bstan pa don yod pa nyid dang / chos la sbyor ba rnams par dbye ba
216a2 don yod pa nyid dang / byang chub kyi snying por 'gro ba don yod pa nyid do/ bzhi po de dag go /klu'i bdag po/ bzhi po 'di dag ni/ mi zad pa'i za ma tog gi gzugs la mi 'jigs
216a3 pa thob pa ste/ bzhi gang zhe na/ 'di lta ste/ ngan 'gro thams cad kyis mi 'jigs pa thob pa dang / 'khor rnams kyi nang du zil gyis non pas mi 'jigs ma thob pa dang / sems
216a4 can thams cad kyis so ma nyi gcod pa la mi 'jigs pa thob pa dang / sangs rgyas kyi sa la 'jug pa la mi 'jigs pa thob pa ste/ bzhi po 'di dag ni/ mi zad pa'i za ma tog gi
216a5 gzungs la mi 'jigs pa thob pa yin par rig par bya ste/ klu'i bdag po/ de ltar na/ mi zad pa'i za ma tog gi gzungs ni/ yon tan bstan pa tshad med pa dang / shes rab la
216a6 'jug pa tshad med pa'o/ /klu'i bdag po/ byang chub sems dpa'i spyod pa rnams dang / byang chub sems dpa'i ye shes rnams dang / byang chub sems dpa'i rnam par rtse ba rnams dang /
216a7 byang chub sems dpa'i rgya cher rtse ba rnams dang / byang chub sems dpa'i yon tan gyi rgyan bkod pa rnams dang / byang chub sems dpa'i lam rnams dang / byang chub sems dpa'i
216b1 snod rnams dang / byang chub sems dpa'i sde snod rnams dang / sde snod de la 'jug pa rnams dang / gzungs kyi sgo'i phyag rgya la 'jug pa rnams dang / bsgre ba dang / bsgre ba ma yin pa la
216b2 mkhas pa dang / lus dang ngag dang sems kyi rgyan bkod pa rnams dang / sangs rgyas kyi zhing gi yon tan bkod pa yongs su 'dzin pa dang / byang chub kyi snying po'i tshogs bsags pa rnams
216b3 dang / sems can yongs su sbyangs pa'i ye shes la 'jug pa rnams dang / dam pa'i chos yongs su 'dzin pa dang mthun pa dang / stobs dang / brtson 'grus dang / pha rol tu phyin pa thams
216b4 cad nye bar brtan pa shes pa dang / byang chub kyi snying po'i rgyan bkod pa rnams dang / sangs rgyas kyi chos thams cad ji snyed pa zhes bya ba'i tshig tu smra ba na mi zad pa'i za ma tog gi gzungs
216b5 yang dag par smra bas smra bar bya'o/ /klu'i bdag po/ sems can gyi brda'i rjes su 'jug pa'am/ chos kyi brda'i rjes su 'jug pa'i yi ge gang yin pa de dag thams cad ni/ mi zad pa'i
216b6 za ma tog gi gzungs kyi rjes su 'jug pa'i tshul gyis byang chub sems dpas yi ger de dang / de rnams kyi tshul gyi dgongs pa rab tu shes te/ 'di lta ste/ chos thams cad gzod ma nas
216b7 dag pa na chos thams cad kyi rang bzhin la slu bar mi byed do/ /chos thams cad dga' bas na/ chos kyi kun dga' la dga' ba la slu bar mi byed do/ /chos thams cad don dam pa yin
217a1 pas na| chos thams cad kyi nges pa'i don la slu bar mi byed do/ /chos thams cad mig yin pas na/ chos thams cad kyi snang ba la slu bar mi byed do/ /
217a2 chos thams cad ming tsam du zad pas na/ chos thams cad kyi brda la slu bar mi byed do/ /chos thams cad thob pa yin pas na/ chos thams cad kyi dgongs pa'i sbyor ba la slu
217a3 bar mi byed do/ /chos thams cad dul bas na/ chos thams cad kyi cang shes pa nyid la slu bar mi byed do/ /chos thams cad zhe pas na/ chos thams cad kyi snang ba nyid la slu bar
217a4 mi byed do/ /chos thams cad stobs dang bral bas na/ chos thams cad kyi stobs med pa nyid la slu bar mi byed do/ /chos thams cad tshig ma yin pas na/ chos thams cad kyi mi skye
217a5 ba nyid la slu bar mi byed do/ /chos thams cad dad pa dang ldan pas na/ chos thams cad kyi mos pa la slu bar mi byed do/ /chos thams cad tshig gi lam yin pas na/ chos thams
217a6 cad kyi brjod pa la slu bar mi byed do/ /chos thams cad de bzhin nyid yin pas na/ chos thams cad kyi de bzhin nyid kyi rjes su 'gro ba la slu bar mi byed do/ /chos thams cad ji lta
217a7 ba bzhin pas na/ chos thams cad kyi dus gsum mnyam pa nyid la slu bar mi byed do/ /chos thams cad gnas na gnas pas na/ chos thams cad kyi mi g.yo ba nyid la slu bar
217b1 mi byed do/ /chos thams cad lag mthil na 'dug pas na/ chos thams cad kyi bya ba yod pa la slu bar mi byed do/ /chos thams cad mnyam pas na/ chos thams
217b2 cad kyi khyad par med pa nyid la slu bar mi byed do/ /chos thams cad la ma yin pas na/ chos thams cad kyi kun nas 'jug pa ston to/ /chos thams cad
217b3 nam mkha' yin pas na/ chos thams cad kyi nam mkha' lta bu nyid ston to/ /chos thams cad nan gyis byas pas na/ chos thams cad kyi sgrol ba nyid du ston to/ /chos thams
217b4 cad blang du med pas na/ chos thams cad kyi bdag po med pa nyid ston to/ /chos thams cad dran pa yin pas na/ chos thams cad kyi brjod pa med pa ston to/ /chos thams cad
217b5 gzungs yin pas na| chos thams cad kyi mi zad pa nyid ston to/ /chos thams cad zhi ba yin pas na/ chos thams cad kyi nye bar zhi ba ston to/ /chos thams cad nam mkha' dang
217b6 mnyam pas na/ chos thams cad kyi yangs pa nyid ston to/ /chos thams cad zad pa'i sgo yin pas na/ chos thams cad kyi zad pa'i mtha'i sgo ston to/ /chos thams cad gnas na
217b7 gnas pas na/ /chos thams cad kyi gnas pa'i chos nyid ston to/ /chos thams cad ye shes la 'jug pas na/ chos thams cad kyi gti mug dang bral ba nyid ston to/ /chos thams
218a1 cad khongs su 'dus pas na/ chos thams cad kyi snrel zhi nyid ston to/ /chos thams cad dngos po dang bral bas na/ chos thams cad kyi dngos po med pa
218a2 nyid ston to/ /chos thams cad g.yo ba dang ldan pas na/ chos thams cad kyi tshul bzhin ma yin pa yongs su 'dzin pa ston to/ /chos thams cad dran par byed pa yin pas na/ chos
218a3 thams cad kyi sngon gyi gnas rjes su dran pa ston to/ /chos thams cad yo byad mang ba yin pas na/ chos thams cad kyi srid pa nyid ston to/ /chos thams cad kyi sa zhes bya ba la
218a4 'jug pas na/ chos thams cad kyi ma ning gi tshig bla dwags ston to/ /chos thams cad ha zhes bya ba dang / na zhes bya ba la 'jug pas na/ chos thams cad kyi mi 'dra ba nyid ston
218a5 to| |chos thams cad rgya mtsho la 'jug pas na/ chos thams cad kyi dgongs pa'i tshig rgya chen po ston to/ /chos thams cad lhun stug pas na/ chos thams cad kyi skyon du med pa
218a6 nyid ston to/ /chos thams cad gnas na gnas pas na/ chos thams cad kyi chos kyi dbyings gnas pa nyid ston to/ /chos thams cad 'dren pa yin pas na/ chos thams cad kyi
218a7 yang dag pa'i dul ba ston to/ /chos thams cad 'bras bu thob pa yin pas na/ chos thams cad kyi yid la byed pa med pa nyid ston to/ /chos thams cad phung po tsam du zad pas na/
218b1 chos thams cad kyi sdug bsngal yongs su shes pa ston to/ /chos thams cad chom rkun yin pas na/ chos thams cad glo bur gyi nye ba'i nyon mongs pa nyid ston to/ /chos thams
218b2 cad spangs pa yin pas na/ chos thams cad kyi mngon par zhen pa med pa nyid ston to/ /chos thams cad da zhes bya ba yin pas na/ chos thams cad kyi lam chad pa nyid ston to/ /chos
218b3 thams cad d+ha zhes bya ba yin pas na/ chos thams cad kyi mtha' yas pa dang / yongs su chad pa med pa nyid ston to/ /klu'i bdag po/ 'di ni/ yi ge'i brda la 'jug pa zhes bya ba mi
218b4 zad pa'i za ma tog gi gzungs la byang chub sems dpas gzungs thob nas yi ge thams cad kyi nges pa'i tshig gi dgongs pa rtogs par 'gyur pa'o/ /klu'i bdag po/ dper na/ yi
218b5 ge rnams mi zad pa de bzhin du chos thams cad kyi bstan pa mi zad do/ /dper na/ yi ge rnams ni/ lus lam sems gang nas kyang mi 'byung ba de bzhin du chos thams cad kyang gang
218b6 nas kyang mi 'byung ste/ lus la'ang mi gnas/ sems la'ang mi gnas so/ /dper na/ yi ge rnams ni/ kun nas nyon mongs par yang mi 'gyur la kun nas nyon mongs par yang
218b7 brjod do/ /rnam par byang bar yang mi 'gyur la rnam par byang bar yang brjod do/ /de bzhin du mi zad pa'i za ma tog gi gzungs thob pa'i byang chub sems dpa' rnams kyang kun nas nyon
219a1 mongs pa'ang brjod la kun nas nyon mongs pa'i chos kyis kyang kun nas nyon mongs par mi 'gyur ro/ /rnam par byang ba'i chos kyang brjod la rnam par byang
219a2 ba'i chos kyis kyang rnam par dag par mi 'gyur te/ shin tu rnam par dag pa'i phyir ro/ /dper na/ yi ge rnams ni/ gang nas kyang ma 'phos la go bar yang byed pa de bzhin du
219a3 chos thams cad kyang gang nas kyang ma 'phos la go bar byed de/ gzhan gyi sems kyang rnam par dag par byed do/ /dper na/ yi ge brjod pa rnams kyang phyogs dang / phyogs
219a4 mtshams su 'gro ba med la/ ma brjod pa rnams kyang nang du gsog pa med pa de bzhin du chos brjod pa'ang / bstan pa thams cad kyang phyogs dang / phyogs mtshams su
219a5 'gro ba med la/ ma bstan pa rnams kyang nang du gsog pa med do/ /dper na/ yi ge rnams ni/ gzugs med cing bstan du med par 'byung ba de bzhin du chos thams cad kyang
219a6 gzugs med cing bstan du med par sems kyi dmigs pa rnams las 'byung ngo / /dper na/ yi ge rnams ni/ skad cig pa dang / ya ma brla dang / gso ba dang / gsog yin la/
219a7 de rnams kyi byed pa po 'ga' yang med pa de bzhin du chos thams cad kyang skad cig pa dang / ya ma brla dang / gso ba dang / gsog yin la/ de rnams kyi byed pa po 'ga'
219b1 yang med do/ /dper na/ yi ge rnams ni/ chags pa'ang med/ sdang ba'ang med/ rmongs pa'ang med par 'byung la yi ge'i rnam par rig byed des kyang byis pa rnams rjes su chags pa'am/
219b2 khong khro ba'am/ rmongs par 'gyur ba de bzhin du chos thams cad kyang chags pa med do/ /sdang ba'ang med/ rmongs pa'ang med par yongs su rtog pa la mngon par zhen pas 'dod chags dang /
219b3 zhe sdang dang / gti mug skye bar 'gyur ro/ /dper na/ yi ge'i brdas ni/ 'bras bu thob par yang bstan la yi ge rnams kyis thob pa'ang med/ mngon sum du bya ba'ang med pa de bzhin du
219b4 chos rnam par gzhag pas 'bras bu thob pa bstan mod kyi/ 'di la chos 'ga'i thob pa'am/ mngon sum du bya ba'ang med do/ /dper na/ chos gang yang yi ge rnams kyis ma bsdus pa
219b5 med pa de bzhin du chos gang yang byang chub kyis ma bsdus pa med de/ klu'i bdag po/ de ltar na/ mi zad pa'i za ma tog gi gzungs la gnas pa'i byang chub sems dpa' ni/ yi ge
219b6 rnams kho nas byang chub tshol bar byed do/ /yi ge rnams kho nas byang chub ston par byed do/ /yi ge rnams kho nas byang chub gleng bar byed do/ /yi ge rnams kho nas byang chub la reg par
219b7 byed do| /bam po gsum pa/ klu'i bdag po/ byang chub sems dpa' ni/ mi zad pa'i za ma tog gi gzungs thob pas stobs bcu thob par 'gyur ro/ /mi 'jigs pa
220a1 bzhi dang / ma 'dres pa bco brgyad dang / sangs rgyas kyi chos rnams dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / bla
220a2 na med pa'i shes rab thob par 'gyur te/ de'i shes rab de'ang sems can thams cad gzugs med par sgrol ba'o/ /nyon mongs pa thams cad sreg pa'o/ /sems can thams cad
220a3 yongs su smin par byed pa'o/ /chu bo bzhi las sgrol ba'o/ /bdud bzhi rnam par 'joms pa'o/ /sems can thams cad la 'dzum pa'i bzhin ston pa'o/ /sems can thams cad
220a4 ma gu bar byed pa'o/ /shes rab rin po che'i sems yang dag par skyed pa'o/ /dkon mchog gsum gyi gdung mi 'chad par byed pa'o/ /phas kyi rgol ba thams cad yang dag
220a5 par 'joms pa'o/ /nyon mongs pa'i mche ba phye mar rlog pa'o/ /gsang ba gsum gyi gsang sngags kyis kun tu srung ba'i gzungs so/ /chos thams cad la rnam par lta ba'o/ /
220a6 nyon mongs pa'i khur las sgrol ba'o/ /'jigs pa dang skrag pa thams cad dang bral ba'o/ /rgya che zhing zab pa'i chos la lta ba'o/ /seng+ge'i rtsal spyod pa'o/ /sems can thams cad
220a7 kyi nye bar 'tsho ba'o/ /mya ngan las 'das pa'i lam du 'gro ba'o/ /g.yon phyogs kyi lam yongs su spong ba'o/ /g.yas phyogs kyi lam du 'dzud pa'o/ /de ltar ye shes rin po che
220b1 dang ldan pa de ni/ sems can thams cad kyi spyod pa dang / bsam pa dang / chog shes pa'o/ /mngon par shes pa lnga rtogs par khong du chud pa'o/ /bsam gtan rtse gcig pa la dga'
220b2 ba'o| |'phags pa'i bden pa bzhi'i kha dang ldan pa'o/ /spyan lnga'i mig bzang po dang ldan pa'o/ /nam mkha'i dkyil mtha' dag gi lus dang ldan pa'o/ /chos kyi dbyings dang mnyam
220b3 pa'i dpral ba dang ldan pa'o/ /de bzhin nyid kyi mgrin pa dang ldan pa'o/ /mi skye ba'i lce dang ldan pa'o/ /mnyam pa nyid dang ro gcig pa'o/ /chos thams cad la thos pa 'dzin pa'o/ /sgra
220b4 thams cad rtogs pa'i thos pa dang ldan pa'o/ /dri la rjes su chags pa med pa'o/ /dri la khong khro ba med pa'o/ /dri thams cad rig pa'o/ /dran pa nye bar gzhag pa bzhi'i mgo bo dang
220b5 ldan pa'o/ /tshangs pa'i gnas pa bzhi'i skra dri zhim pa dang ldan pa'o/ /rnam par thar pa gsum gyi gtsug phud dang ldan pa'o/ /yang dag par spong ba bzhi'i thal gong shin tu rgyas pa
220b6 dang ldan pa'o/ /rdzu 'phrul gyi rkang pa bzhi'i dpung mgo dang ldan pa'o/ /stobs lnga'i thong gshin tu yangs pa dang ldan pa'o/ /dbang po lnga'i lte ba shin tu zab pa dang ldan pa'o/ /byang chub kyi
220b7 yan lag bdun gyi lto ba dang ldan pa'o/ /lam yan lag brgyad pa'i sta zur dang ldan pa'o/ /ye shes mtha' yas pa'i spu'i khung bu dang ldan pa'o/ /dge ba'i rtsa ba phun sum tshogs pa
221a1 thams cad 'dren pa'i lag pa dang ldan pa'o/ /dge ba bcu'i las kyi lam legs par srung ba'i sor mo dang ldan pa'o/ /ngo bo nyid kyis rnam par dag
221a2 pa'i chos nyid mthong ba dang / sgom pa'i sen mo dang ldan pa'o/ /chos thams cad la som nyi med pa'i rtsi ba logs dang ldan pa'o/ /sa'i rim pa'i tshul thob pa'i sgal tshigs
221a3 dang ldan pa'o/ /dus las mi 'da' bar chos ston pa'i stobs dang ldan pa'o/ /bsam gtan dang / rnam par thar pa dang / ting nge 'dzin dang / snyoms par 'jug pa thams cad la
221a4 yongs su sbyang ba legs par byas pa'i zhi gnas dang / lhag mthong gi brla dang ldan pa'o/ /chos kyi nges pa la 'jug pa'i pus mo dang ldan pa'o/ /chos ji lta ba bzhin du ston
221a5 pa'i rje ngar dang ldan pa'o/ /chos rtogs pas bsrungs pa'i rnam pa'i dran pa dang ldan pa'o/ /nyon mongs pa thams cad las rnam par rgyal ba'i long bu dang ldan pa'o/ /phyogs
221a6 bcur 'gro pa'i rkang pa dang ldan pa'o/ /bstan pa mtshams 'byor ba'i 'gro zhing 'ong ba dang ldan pa'o/ /ngo tsha shes pa dang / khrel yod pa'i gos gyon pa'o/ /byang chub kyi yan lag
221a7 gi chos kyi me tog phreng bas brgyan pa'o/ /shin tu rnam par spel ba'i tshig gis chos ston pa'o/ /mthun pa dang mi mthun pa dang bral ba'o/ /'chi 'pho dang / 'gro ba dang / skye ba'i
221b1 shes rab dang / ye shes dang / mngon par shes pa zab mo'i phye ma'i bsgo bas bsgos pa'o/ /tshul khrims kyi phung po mtha' yas pa'i byug pa dang ldan pa'o/ /tshangs pa'i g.yog 'khor
221b2 dang ldan pa'o/ /tshangs pa'i lam mya ngan las 'das pa'i lam dang ldan pa'o/ /lam bzang po ston pa'o/ /thar pa'i lam du khrid pa'o/ /'grogs na bde ba'i mdza' bshes dang / mdza'
221b3 bo'i mchog dang ldan pa'o/ /sems can thams cad kyi rtsa lag go /snying rje chen po dang ldan pa'o/ /sems can thams cad kyi phan pa tshol ba'o/ /skyes bu mchog go /skyes bu chen po'o/ /
221b4 skyes bu dam pa'o/ /skyes bu byu mchog go /skyes bu seng+ge'o/ /skyes bu pad+ma'o/ /skyes bu pad+ma dkar po'o/ /skyes bu gces pa 'dzin pa'o/ /skyes bu gtso bo'o/ /skyes bu cang shes so/ /
221b5 sems can thams cad phongs pa dang / sdug bsngal las thar par byed pa'o/ /sems can thams cad la snying brtse ba'o/ /sems can thams cad nges par sgrol ba'o/ /sems can
221b6 thams cad kyi nyon mongs pa'i bag chags gcod pa'o/ /bdud rtsi'i chos kyi mchog ston pa'o/ /byang chub sems dpa'i theg pa chen po yang dag par 'dzin pa'o/ /chos thams cad la dbang
221b7 byed pa thob pa'o/ /sems can thams cad kyi bdag po'o/ /pha ma dang nye dur gyur pa'o/ /'jig rten gyi chos brgyad las yang dag par 'das pa'o/ /'jig rten thams cad kyi rjes su mthun pa'o/
222a1 chos kyi dbang phyug go /sems la dbang byed pa'o/ /bstan bcos dang yi ge thams cad kyi dam pa'i pha rol tu phyin pa'o/ /byang chub dang thams cad mkhyen pa
222a2 nyid ni| de'i sems kyi grogs byed pa'o/ /sbyin pa'i pha rol tu phyin pa ni/ de'i gos dang / zas dang / skom dang / bza' ba'i bya ba byed pa'o/ /tshul khrims kyi pha rol tu phyin pa ni/
222a3 de'i dus tshigs kyi bde ba byed pa'o/ /bzod pa'i pha rol tu phyin pa ni/ de'i thams cad las mi 'jigs par byed pa'o/ /brtson 'grus kyi pha rol tu phyin pa ni/ de'i legs par bya
222a4 ba'i las byed pa'o/ /bsam gtan gyi pha rol tu phyin pa ni/ de'i 'gyod pa med par byed pa dang / nye bar zhi bar byed pa'o/ /shes rab kyi pha rol tu phyin pa ni/ de'i chos thams
222a5 cad yongs su dag par byed pa'o/ /thabs la mkhas pa'i pha rol tu phyin pa ni/ de'i gnyi ga'i don byed pa'o/ /smon lam gyi pha rol tu phyin pa ni/ de'i ci 'dod pa'i don yang dag par
222a6 thob par byed pa'o/ /stobs kyi pha rol tu phyin pa ni/ de'i nyon mongs pa thams cad rnam par 'joms par byed pa'o/ /ye shes kyi pha rol tu phyin pa ni/ de'i dus gsum la ye shes
222a7 thogs pa med par byed pa'o/ /byams pa ni/ de'i sems can thams cad kyi phan pa sgrub par byed pa'o/ /snying rje ni/ de'i sems can thams cad la sdug bsngal sel bar byed pa'o//
222b1 dga' ba ni/ de'i rangs pa dang / dga' bar byed pa'o/ /btang snyoms ni/ de'i rjes su chags pa dang / khong khro ba spong bar byed pa'o/ /bden pa'i gtam ni/ de'i 'jig rten thams cad
222b2 la mi slu bar byed pa ste/ klu'i bdag po/ 'di dag ni/ mi zad pa'i za ma tog gi gzungs kyi kha dog ni lus yin no/ /byang chub sems dpa' gang gzungs 'dis chos kyi kun dga' la dga' ba de ni/
222b3 rgyal po btsun mo'i 'khor gyi nang na mgo bor gyur pa lta bu yin no/ /brgya byin ri rab kyi zom na bdag por gyur pa lta bu'ang yin no/ /tshangs pa lta bur tshangs par gyur pa'ang yin no/ /lha
222b4 ma yin gyi dbang po sgra gcan lta bur lus khyad par du 'phags pa'ang yin no/ /rgya mtsho gting dpag dka' zhing mu med pa lta bu'ang yin no/ /ri rab lta bur bsod nams dag gis mngon
222b5 bar 'phags pa'ang yin no/ /lha rnams kyi snying du sdug ba dang / yid du 'ong ba'ang yin no/ /pha ma'i bu gcig pa lta bu'ang yin no/ /nam mkha'i dkyil na zla ba nya ba 'dug pa lta bur blta
222b6 na sdug pa'ang yin no/ /ston pa lta bur lha dang mi rnams kyis phyag bya ba'i gnas kyang yin no/ /nyi ma shar ba lta bur snang ba chen po'ang yin no/ /nags na 'dug pa'i rma bya lta bur skad snyan
222b7 pa'ang yin no/ /ri phug na 'dug pa'i seng+ge lta bur chos kyi sgra chen po sgrog pa'ang yin no/ /sems shin tu dul ba'i glang po che lta bur cang shes kyi zas la longs spyod pa'ang yin no/ /chos
223a1 kyi rgyal po 'khor los bsgyur ba lta bur chos kyi rgyal srid ston pa'ang yin no/ /klu'i tshogs rtse ba lta bur chos kyi sprin 'gyed pa'ang yin no/ /klu'i bdag po
223a2 char chen po 'bebs pa lta bur chos kyi 'brug sgra mngon par sgrog pa'ang yin no/ /brgya byin lta bur dus su chos kyi char chen po 'bebs pa'ang yin no/ /dpa' bos gzhan gyis
223a3 dmag la bya ba lta bur mu stegs can thams cad skrag par byed pa'ang yin no/ /chu'i rgyun gyis me la bya ba lta bur nyon mongs pa thams cad rab tu zhi bar byed pa'ang yin no/ /rlung
223a4 gis phub ma spar gang la bya ba lta bur bdud thams cad zil gyis gnon pa'ang yin no/ /ma mas byis pa la bya ba lta bur sems can thams cad dang mthun par byed pa'ang yin no/ /
223a5 sa gzhi rdzas rnams kyis mi bskyod pa lta bur bde ba dang / sdug bsngal rnams kyis mi bskyod pa'ang yin no/ /rlung gis shing gi lo ma rnams la bya ba lta bur phas kyi rgol ba
223a6 thams cad g.yo bar byed pa'ang yin no/ /rnam thos kyi bu rin po che thams cad 'byor pa lta bur chos kyi nor bu mthun par sbyin pa'ang yin no/ /'gro ba thams cad kyi bkod pa'i
223a7 snying po zhes bya ba'i yid bzhin gyi nor bu rin po che lta bur sems can thams cad kyi bsam pa yongs su rdzogs par byed pa'ang yin te/ klu'i bdag po/ de ltar na/ mi zad pa'i
223b1 za ma tog gi gzungs la gnas pa'i byang chub sems dpa' ni/ byang chub kyi snying po la gnas pa zhes brjod do/ /klu'i bdag po/ dper na/ rgya mtsho chen po ni/ rin po che chen po thams
223b2 cad kyi 'byung gnas dang / rin po che thams cad kyi za ma tog yin pa de bzhin du mi zad pa'i za ma tog gi gzungs la gnas pa'i byang chub sems dpa' ni/ chos thams cad kyi 'byung gnas
223b3 dang / chos thams cad kyi za ma tog yin no/ /klu'i bdag po/ dper na/ spos brgya phrag du ma yod pa'i spos kyi za ma tog ni/ sems can thams cad spos kyis yongs su mgu bar byed pa
223b4 de bzhin du mi zad pa'i za ma tog gi gzungs la gnas pa'i byang chub sems dpa' ni/ sems can thams cad la legs par smra bas yang dag par mgu bar byed do/ /klu'i
223b5 bdag po/ gzhan yang gzungs 'di ni/ sgra thams cad la 'jug pa ste/ 'di ni/ byang chub kyi sems zhes bya ba gang yin pa de ni/ de bzhin gshegs pa rin chen gdugs gcig
223b6 pa'i sangs rgyas kyi zhing mi zad pa dang ldan pa'i 'jig rten gyi khams na mnyam par bzhag pa zhes bya'o/ /'di na thams cad mkhyen pa nyid ces bya ba gang yin pa de ni/ de bzhin
223b7 gshegs pa sred med kyi bu'i sangs rgyas kyi zhing khyad par bsdus pa'i 'jig rten gyi khams na thams cad dang ldan pa zhes bya'o/ /'di na sbyin pa'i pha rol tu phyin pa zhes bya ba gan
224a1 yin pa de ni/ de bzhin gshegs pa grub par gshegs pa'i sangs rgyas kyi zhing zhi ba'i 'jig rten gyi khams na gzi byin can zhes bya'o/ /'di na tshul
224a2 khrims kyi pha rol tu phyin pa zhes bya ba gang yin pa de ni/ de bzhin gshegs pa mya ngan dang bral ba'i sangs rgyas kyi zhing mya ngan med pa'i 'jig rten gyi khams na legs so zhes
224a3 bya ba'i tshul zhes bya'o/ /'di na bzod pa'i pha rol tu phyin pa zhes bya ba gang yin pa de ni/ de bzhin gshegs pa dri ma med pa'i zhal gyi sangs rgyas kyi zhing dri ma med pa'i 'jig rten
224a4 gyi khams na rgya chen po mi zad pa dang ldan pa zhes bya ba'o/ /'di na brtson 'grus kyi pha rol tu phyin pa dang ldan pa zhes bya ba gang yin pa de ni/ de bzhin gshegs pa dri med 'od
224a5 kyi sangs rgyas kyi zhing kun tu snang ba'i 'jig rten gyi khams na sgrol bar byed pa zhes bya'o/ /'di na bsam gtan gyi pha rol tu phyin pa zhes bya ba gang yin pa de ni/ de bzhin gshegs
224a6 pa bstan pa'i snying po zhes bya ba'i sangs rgyas kyi zhing snying po can gyi 'jig rten gyi khams na nye bar zhi bar spyod pa zhes bya'o/ /'di na shes rab kyi pha rol tu phyin pa zhes bya ba gang
224a7 yin pa de ni/ de bzhin gshegs pa sprin gyi rgyal po'i sangs rgyas kyi zhing sprin dang ldan pa zhes bya ba'i 'jig rten gyi khams na yongs su dag pa zhes bya'o/ /'di na thabs mkhas pa
224b1 zhes bya ba gang yin pa de ni/ de bzhin gshegs pa phyag dri ma med pa'i sangs rgyas kyi zhing mchog dam pa'i 'jig rten gyi khams na 'jig rten dang mthun pa zhes bya'o/ /'di na byams pa dang /
224b2 snying rje dang / dga' ba dang / btang snyoms zhes pa gang yin pa de dag ni/ de bzhin gshegs pa don grub kyi sangs rgyas kyi zhing legs pa'i 'jig rten gyi khams na phan pa dang / yid du
224b3 'ong ba dang / thub pa dang / gnyi ga las zhi ba zhes bya'o/ /'di na sdug bsngal dang / kun 'byung ba dang / 'gog pa dang / lam zhes bya ba gang yin pa de dag ni/ de bzhin gshegs pa dpal
224b4 srung gi sangs rgyas kyi zhing smad du med pa'i 'jig rten gyi khams na rtsa ba dang / rtsa ba'i rjes su 'gro ba dang / rtsa ba zad pa dang / rtsa ba zhi bar 'gyur ba zhes bya'o/ /'di na dran pa nye bar gzhag
224b5 pa rnams zhes bya ba gang yin pa de dag ni/ gzhan dag na gnas pa rnams zhes bya'o/ /'di na yang dag par spong ba rnams zhes bya ba gang yin pa de dag ni/ gzhan dag na khyad par du sgrol
224b6 ba rnams zhes bya'o/ /'di na rdzu 'phrul gyi rkang pa rnams zhes bya ba gang yin pa de dag ni/ gzhan dag na phyogs su 'gro ba rnams zhes bya'o/ /'di na dbang po rnams zhes bya ba gang
224b7 yin pa de dag ni/ gzhan dag na rab tu shes pa rnams zhes bya'o/ /'di na stobs rnams zhes bya ba gang yin pa de dag ni/ gzhan dag na bstan pa rnams zhes bya'o/ /'di na byang chub
225a1 kyi yan lag rnams zhes bya ba gang yin pa de dag ni/ gzhan dag na rjes su 'gro ba rnams zhes bya'o/ /'di na lam zhes bya ba gang yin pa de dag ni /
225a2 gzhan dag na sgrol ba zhes bya'o/ /'di na so so yang dag par rig pa zhes bya ba gang yin pa de dag ni/ gzhan dag na mngon sum gyi sgo zhes bya'o/ /'di na chos kyi sbyin pa zhes bya ba
225a3 gang yin pa de dag ni/ gzhan dag na legs par sdud pa zhes bya'o/ /'di na zhi gnas dang / lhag mthong zhes bya ba gang yin pa de dag ni/ gzhan dag na nye bar zhi ba dang /
225a4 rnam par lta ba zhes bya'o/ /'di na rnam par thar pa zhes bya ba gang yin pa de dag ni/ gzhan dag na don yod pa zhes bya'o/ /'di na bsod nams zhes bya ba gang yin pa de ni/ gzhan
225a5 dag na phan pa zhes bya'o/ /'di na ye shes zhes bya ba gang yin pa de ni/ gzhan dag na rtogs byed ces bya'o/ /'di na rab tu 'byung ba zhes bya ba gang yin pa de ni/ gzhan dag na lam
225a6 gyi rjes su 'gro ba zhes bya'o/ /'di na bsnyen par rdzogs pa zhes bya ba gang yin pa de ni/ gzhan dag na 'da' bar mi bya zhes bya'o/ /'di na mya ngan las 'das pa zhes bya ba gang yin
225a7 pa de ni| gzhan dag na nye bar zhi ba zhes bya'o/ /'di na sangs rgyas bcom ldan 'das rnams ni/ bsngags pa mtha' yas pa dang ldan pa'o zhes bya ba gang yin pa de ni/ 'jig rten
225b1 gyi khams gzhan dag na sangs rgyas bcom ldan 'das rnams ni/ bgegs med pa'i tshul can no zhes bya'o/ /klu'i bdag po/ nges pa'i tshig gi tshig dang / brda'i tshig gi tshig 'di dag
225b2 ni/ sangs rgyas kyi tshig gzhan dang / gzhan dag tu 'byung ste/ mi zad pa'i za ma tog gi gzungs la gnas pa'i byang chub sems dpas ni/ sangs rgyas kyi zhing thams cad du de dag gi nges
225b3 pa'i tshig ces bya'o/ /klu'i bdag po/ nges pa'i tshig gi tshig dang / brda'i tshig gi tshig bstan pa phyogs bcu dag tu 'byung ba gang yin pa de dag ni/ bskal pa'am/ bskal pa las lhag
225b4 par ngas bstan kyang sangs rgyas kyi zhing gi nges pa'i tshig gi tshig dang / brda'i tshig gi tshig bstan pa rnams mthar thug pa gang yang med do/ /mi zad pa'i za ma tog gi gzungs 'di bstan
225b5 pa na byang chub sems dpa' drug khris gzungs thob par gyur to/ /byang chub sems dpa' brgyad stong gis ni/ mi skye ba'i chos rnams la bzod pa thob par gyur to/ /mi sum khri nyis
225b6 stong gis ni/ bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis yang klu'i rgyal po rgya mtsho la bka' stsal pa/ klu'i bdag po/ byang chub
225b7 sems dpa' rnams ni/ mun pa mun nag dang bral pa'i lam 'dis thams cad mkhyen pa nyid yang dag par sgrub par byed do/ /mi zad pa'i za ma tog gi gzungs kyi le'u ste gsum pa'o// //
226a1 klu'i bdag po/ /sngon byung ba 'das pa'i dus na bskal pa grangs med pa bas kyang ches grangs med pa/ yun ring po dpag tu med pa bsam gyis mi khyab pa'i snga
226a2 rol du gyur pa de'i tshe de'i dus na bskal pa rnam par spyod pa zhes bya ba la 'jig rten gyi khams khyad par gyi yon tan bkod pa bsdus pa zhes bya bar de bzhin gshegs pa dgra
226a3 bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha
226a4 dang mi rnams kyi ston pa sangs rgyas bcom ldan 'das tshangs pa'i dpal lha'i rgyal po zhes bya ba 'jig rten du byung ngo / /de'i tshe de'i dus na 'jig rten gyi khams khyad par gyi yon
226a5 tan bkod pa bsdus pa de 'byor pa dang / rgyas pa dang / bde ba dang / lo legs pa dang / nyams dga' ba dang / skye bo mang po dang / lha dang / mi rnams kyis gang bar gyur to/ /sangs
226a6 rgyas kyi zhing 'di ni/ gling bzhi pa'i 'jig rten gyi khams bye ba phrag brgya pa ji tsam pa de tsam gyi gling bzhi par gyur la/ de lta bu'i gling bzhi pa'i 'jig rten gyi khams bye ba phrag
226a7 brgya ni| bcom ldan 'das de bzhin gshegs pa tshangs pa'i dpal lha'i rgyal po de'i 'jig rten gyi khams khyad par gyi yon tan bkod pa bsdus par gyur te/ de ltar tha gru che zhing
226b1 yangs pa de ltar tshad med do/ /'jig rten gyi khams de nor bu rin po che rdo rje'i 'od 'dra bar gyur te/ de nyid kyi snang bas rtag tu snang bar gyur to/ /'jig rten gyi khams de rin po che'i dra
226b2 bas kun tu khebs shing dar gyi lda ldi mang po ni/ btags/ gdugs dang / rgyal mtshan dang / ba dan bsgreng bas ni/ legs par brgyan/ bla re chen po rnams ni/ bres/ mtshan mo
226b3 bar snang las kyang sil snyan brgya stong dag ma brdungs ma dkrol bar sgra rang 'byung ste/ sil snyan dang / glu dbyangs kyi sgra des stong gsum gyi stong chen po'i 'jig rten gyi khams thams
226b4 cad mngon par go bar byas te sil snyan dang / glu dbyangs kyi sgra de dag las 'dod pa dang ldan pa dang / 'dod chags dang / zhe sdang dang / gti mug dang / nyon mongs pa rab tu 'bar ba'i
226b5 sgra ni| mi 'byung gi /zhi ba dang / rab tu zhi ba dang / chos kyi dga' ba dang / mgu ba dang ldan pa'i sgra de dag 'ba' zhig 'byung bar gyur te/ de thos pa tsam gyi lha dang / mi de dag thams
226b6 cad kyi dran pa dang / nye bar zhi ba dang / dga' ba dang / bde ba thob la nyon mongs pa thams cad kyang de dag la gnod par ma gyur to/ /'jig rten gyi khams de'ang lag mthil ltar
226b7 mnyam la/ ka tsa linada'i gos ltar 'jam zhing reg na bde bar gyur to/ /'jig rten gyi khams de na ngan song ngan 'gror gdags pa med de/ lha dang / mi de dag kyang dag pa 'ba'
227a1 zhig tu gyur to/ /de dag ni/ phal cher rgya chen po la mos pa dang / theg pa chen po la zhugs pa sha stag go /nyan thos dang / rang sangs rgyas kyi theg pa
227a2 ni| nyung ngo / /de dag gi longs spyod thams cad kyang yid la bsam pas 'byung la/ lha dang / mi de dag bde zhing longs spyod dang ldan par gyur to/ /de na su'ang sdug pa dang / dbul
227a3 po med de/ dper na/ dga' ldan gyi lha rnams kyi longs spyod dang / nye bar spyad pa ji lta ba bzhin du de na 'khod pa'i mi rnams kyang de dang 'dra bar gyur to/ /de bzhin gshegs pa
227a4 de'i sku tshe'i tshad kyang lo 'bum phrag brgyad cu rtsa bzhi phrag brgyad du bsgres pa snyed du gyur to/ /mi de dag gi tshe'i tshad kyang de nyid do/ /de na tshe'i mthar ma phyin par su'ang 'chi ba med
227a5 do| |de bzhin gshegs pa de'i byang chub sems dpa'i 'khor yang khrag khrig phrag bdun cu rtsa gnyis yod par gyur to/ /de'i nyan thos kyi dge 'dun ni/ tshad med do/ /klu'i
227a6 bdag po/ de'i tshe de'i dus na de ra 'khor los bsgyur ba'i rgyal po gling chen po bzhi'i dbang phyug gi rgyal po bsod nams mi zad pa zhes bya ba zhig byung ste/ rgyal po bsod nams
227a7 mi zad pa de'i btsun mo bud med lha mo dang 'dra ba khrag khrig brgya phrag brgyad cu rtsa bzhi yod de/ de dag gi nang na de'i btsun mo dam pa ni/ bzhi yod par gyur te/ 'di lta ste/ dri
227b1 ma med pa zhes bya ba dang / dri ma med pa'i 'od ces bya ba dang / dag pa zhes bya ba dang / dga' ldan ma zhes bya ba'o/ /de'i bu'ang brgyad khri bzhi stong yod de/ tshan po che'i stobs dang ldan
227b2 pa| mtshan nyi shu rtsa brgyad kyi gzugs dang ldan pa/ theg pa chen po la zhugs pa sha stag go /klu'i bdag po/ rgyal po bsod nams mi zad pa de'ang grong khyer chen po dga' 'byung
227b3 zhes bya ba na gnas so/ /grong khyer chen po de'ang shar dang / nub dang / byang dang / lho'i ngos re re la dpag tshad drug cu rtsa bzhi bzhi yod par gyur to/ /bcom ldan 'das de bzhin gshegs
227b4 pa tshangs pa'i dpal lha'i rgyal po'ang grong khyer chen po dga' 'byung de nyid du sku bltams so/ /grong khyer chen po de'i nang du rgyal po bsod nams mi zad pa'i pho brang rin po che sna bdun
227b5 gyis byas par gyur to/ /grong khyer chen po de'i nang na lam po che dang / srang gi sgo 'bum phrag brgyad cu rtsa bzhi yod par gyur to/ /lam po che dang / srang gi sgo thams cad na'ang khyim bye
227b6 ba 'bum phrag brgyad cu rtsa bzhi gnas so/ /grong khyer chen po de'ang ra ba rim bdun dang / lan kan rim bdun dang / ta la'i phreng rim bdun dang / dril bu g.yer ka'i dra ba rim bdun
227b7 gyis bskor to/ /skyed mos tshal khris kyang bskor to/ /'obs bdun rim gyis kyang bskor te/ 'obs de dag kyang yan lag brgyad dang ldan pa'i chus yongs su gang la/ me tog ut+pal dang /
228a1 pad+ma dang / ku mu ta dang / pad+ma dkar po dang / dri mchog gis khebs pa/ ngang dur la sogs pa rtag tu skad 'byin par gyur te/ de ltar grong khyer chen po de bsam gyis mi
228a2 khyab pa'i yon tan gyi rgyan bkod pa dang ldan par gyur to/ /bcom ldan 'das de bzhin gshegs pa tshangs pa'i dpal lha'i rgyal po de'ang grong khyer chen po dga' 'byung de nyid nags
228a3 tshal spos mchog 'od ces bya ba gang du rgyal po bsod nams mi zad pas bcom ldan 'das de'i gtsug lag khang byas pa na bzhugs so/ /rgyal po bsod nams mi zad pa bu dang
228a4 bcas/ btsun mo dang bcas/ gnyen 'dab dang / tshal za'i 'khor dang bcas pas bskal pa 'bum tham pa'i bar du de bzhin gshegs pa de la yid du 'ong ba'i bde ba'i yo
228a5 byad dang / longs spyod thams cad kyis bsnyen bkur byas so/ /klu'i bdag po/ de nas rgyal po bsod nams mi zad pa de 'khor de dag dang lhan cig tu bcom ldan 'das de bzhin
228a6 gshegs pa tshangs pa'i dpal lha'i rgyal po ga la ba der song nas bcom ldan 'das de'i zhabs la mgo bos phyag 'tshal te phyogs gcig tu 'dug go /de 'ongs par thugs su
228a7 chud nas de bzhin gshegs pa des 'di skad ces bka' stsal to/ /rgyal po chen po/ chos bzhi dang ldan na/ rgyal rigs spyi bo nas dbang bskur ba'i rgyal po chos kyi dbang phyug thob
228b1 par gyur la dge ba'i chos rnams kyis kyang khyad par du 'gro bar 'gyur te/ bzhi gang zhe na/ dad pa la gnas te dge ba gang yin pa tshol zhing nga rgyal med par 'phags pa dag gi thad du
228b2 'gro ba dang / chos don du gnyer te chos 'dod cing chos kyi kun dga' la dga' bas dga' ste rtag tu don gyi rjes su lta ba dang / mi rtag pa'i chos nyid la so sor rtog pa dang / 'dus byas
228b3 kyi nyes pa rtogs pa dang / yongs su 'dzin pa thams cad la rnam par 'gyur ba'i chos can yin no snyam du dran pas nye bar gnas par byed pa dang / bag yod par byed de 'dod pa'i yon
228b4 tan thams cad la lhag par zhen pa med cing dge ba'i rtsa ba thams cad kyang zad par mi byed la gong du'ang rnam par 'phel bar byed pa dang / byang chub kyi sems kyi bsam pa'ang rnam par
228b5 mi spong ba ste/ klu'i bdag po/ chos bzhi po de dag dang ldan na/ rgyal rigs spyi bo nas dbang bskur ba'i rgyal pos chos kyi dbang phyug thob par 'gyur la/ dge ba'i chos rnams kyis
228b6 kyang khyad par du 'gro bar 'gyur ro/ /de skad ces bka' stsal pa dang / de bzhin gshegs pa tshangs pa'i dpal lha'i rgyal po la rgyal po bsod nams mi zad pas 'di skad ces gsol
228b7 to| |bcom ldan 'das/ chos gang dag dang ldan na/ byang chub sems dpas chos la dbang phyug thob par 'gyur lags/ bcom ldan 'das des bka' stsal pa/ rgyal po chen po/ chos
229a1 brgyad dang ldan na/ byang chub sems dpas chos la dbang phyug thob par 'gyur te/ brgyad gang zhe na/ rnam par rtse zhing mi nyams par 'gro ba'i mngon
229a2 par shes pa lnga dang ldan pa yin/ chags pa med pa dang / thogs pa med pa dang / bskyed du med pa'i shes rab dang ldan pa yin/ ye shes kyis bsdus pa dang / yongs su sbyang bar
229a3 byas pa dang / mngon par 'du byed pa med pa'i rdzu 'phrul gyi rkang pa bzhi dang ldan pa yin/ shes rab dang ye shes nges pa dang / lta ba dang / nyon mongs pa thams cad dang bral ba'i so
229a4 so yang dag par rig pa bzhi dang ldan pa yin/ sangs rgyas kyi byin gyi rlabs kyis byin gyis brlabs pa dang / chags pa med pa'i byin gyi rlabs pas byin gyis brlabs kyi stobs
229a5 dang ldan pa yin/ bsod nams mi zad pa'i rgya mtsho'i phyag rgya'i ting nge 'dzin dang ldan pa yin/ sems can thams cad mgu bar bya ba dang / sangs rgyas kyi chos thams cad la yang
229a6 dag par gzhol ba dang / brjed ngas pa med pa yongs su dag pa'i gzungs dang ldan pa yin/ chos ji lta ba bzhin rjes su 'gro ba dang / tshul gcig pa'i chos kyi rjes su 'gro ba dang /
229a7 gnyis su med pa yang dag pa'i mtha' la gnas pa dang / mi skye ba'i chos la bzod pa thob pa dang ldan pa yin te/ rgyal po chen po/ chos brgyad po de dag dang ldan pa'i byang chub
229b1 sems dpa' ni/ chos kyi dbang phyug thob par 'gyur ro/ /rgyal po chen po/ gzhan yang rin po che'i za ma tog ces bya ba'i gzungs yod de/ de thob na/ byang chub sems dpas chos
229b2 kyi dbang phyug thob bar gyur te/ de ltar na/ de bzhin gshegs pas rin po che'i za ma tog gi gzungs las brtsams nas lo 'bum gyi bar du rgyas par rnam par dbye bas de la
229b3 yang dag par bstan to/ /rgyal po bsod nams mi zad pa de'ang rgyal po'i bya ba thams cad btang ste las gzhan mi byed la/ sems kyi rgyud rnam par g.yeng ba med par dpung dang bcas/
229b4 'khor dang bcas pas chos mnyan te/ des lo 'bum po de'i bar du 'dod pa'i rtog pa'am/ gnod sems kyi rtog pa'am/ rnam par 'tshe ba'i rtog pa'am/ bu dang / chung ma dang /
229b5 rgyal srid dang / yongs su 'dzin pa dang / sdug pa thams cad la nges pa'i rtog pa rnams la brtag par ma bsam ste/ chos la sdug par nges pa yid la byed pa dang / byang chub kyi sems
229b6 kyi bsam pa la gnas par gyur pa dang / byams pa chen pos sems can thams cad la sems snyoms pa dang / snying rje chen po'i go cha ba gos nas chos 'ba' zhig mnyan to/ /de
229b7 nas bcom ldan 'das de las lo 'bum tham pa'i bar du dam pa'i chos nyan te/ thos nas kyang rin po che'i za ma tog gi gzungs 'di nyid kyi rtsa ba yongs su sbyang ba byas so/ /de
230a1 bskal pa sa ya phrag bdun gyi 'khor ba phyir bsnyil bar gyur to/ /bskal pa khri'i bar du las kyi sgrib pa bsags pa ni/ rnam par dag par gyur to/ /
230a2 sangs rgyas 'bum ni/ de'i mig lam du snang bar gyur to/ /sangs rgyas bye ba phrag 'bum mngon sum du mthong bar 'gyur ba'i dge ba'i rtsa ba'ang des yongs su bzung ba'o/ /gang+gA'i
230a3 klung gi bye ma snyed kyi brgya byin dang / tshangs pa dang / 'jig rten skyong du 'gyur ba dang / 'khor los bsgyur ba'i rgyal srid 'thob pa'i dge ba'i rtsa ba'ang bskyed do/ /dran pa dag pa
230a4 zhes bya ba'i thas pa'i gzungs kyang thob ste/ thos pa'i gzungs des na sangs rgyas brgyas gsungs pa'i chos yang dag par 'dzin par byed do/ /gzhon nu de dag dang / de dag gi
230a5 ma de rnams kyis kyang rjes su mthun pa'i chos kyi bzod pa thob bo/ /btsun mo de dag gi nang nas kyang bud med brgyad khri bzhi stong gis ni/ byang chub tu sems bskyed de/ /bud
230a6 med brgyad khri bzhi stong gis ni/ bzod pa thob par gyur to/ /lha dang mi khrag khrig phrag dgu bcus ni/ byang chub tu sems bskyed do/ /lha dang mi brgyad khri bzhi stong gis bzod pa
230a7 thob bar gyur to/ /nyan thos kyi theg pa ba khrag khrig phrag sum cu rtsa gnyis ni/ chos rnams la chos kyi mig rnam par dag pa'o/ /dge slong khri drug stong ni/ len pa med par zag pa
230b1 rnams las sems rnam par grol lo/ /rgyal po bsod nams mi zad pa'ang rgyal srid thams cad spangs nas lha dang mi'i 'dod pa rnams la don du gnyer ba med par bla na med pa yang
230b2 dag par rdzogs pa'i byang chub 'di nyid la rten bcas te/ dad pas khyim nas khyim med par rab tu byung ngo / /rab tu byung ba de thos nas rgyal po de'i bu de dag thams cad kyang rab tu byung ngo /
230b3 de dag kyang rab tu byung bar shes nas yul gyi mi dang / 'khor drug 'bum rab tu byung ngo / /rgyal po'i btsun mo'i nang nas kyang btsun mo dam pa bzhi rab tu byung ste/ klu'i rgyal po/ de ltar
230b4 na| dag pa'i sems can dge ba'i rtsa ba bskyed pa yongs su spyad pa byas pa rnams kyi gnas su gyur pa'i gsung rab de dag dga' dga' ltar 'dug par gyur to/ /klu'i bdag po/ de'i tshe
230b5 de'i dus na 'khor los bsgyur ba'i rgyal po bsod nams mi zad pa de gzhan zhig yin snyam du khyod som nyi'am/ yid gnyis sam/ the tshom za bar gyur na/ de ltar mi blta'o/ /de
230b6 ci'i phyir zhe na/ klu'i rgyal po/ de'i tshe de'i dus na khyod nyid 'khor los bsgyur ba'i rgyal po bsod nams mi zad pa zhes bya bar gyur to/ /klu'i bdag po/ khyod rgyal po'i bu dang / rgyal
230b7 po'i bu'i mi de dag gzhan zhig yin pa snyam du sems na/ de ltar mi blta'o/ /de ci'i phyir zhe na/ 'khor 'dir 'dus shing 'khod pa'i byang chub sems dpa' sems dpa' chen po
231a1 'di dag nyid yin no/ /klu'i bdag po/ 'di ji snyam du sems/ rin po che'i za ma tog ces bya ba'i gzungs gang de bzhin gshegs pa tshangs pa'i dpal lha'i
231a2 rgyal po des rgyal po bsod nams mi zad pa de la bstan pa de gzhan zhig yin snyam du sems na/ khyod kyis de ltar mi blta'o/ /de ci'i phyir zhe na/ mi zad pa'i za ma tog gi gzungs
231a3 'di nyid de'i tshe rin po che'i za ma tog ces bya'o/ /klu'i bdag po/ de ltar na/ de bzhin gshegs pa ni/ sangs rgyas kyi spyan chags pa med pas rnam par gzigs nas sems can
231a4 rnams la sngon gyi rgyu las byung ba'i chos kyi gtam brjod pa mdzad de/ /klu'i bdag po/ khyod kyis de bzhin gshegs pa mang po las mi zad pa'i za ma tog gi gzungs 'di thos so//
231a5 khyod kyis sangs rgyas 'bum phrag mang po las gzungs 'di'i don yang dang yang du thos te/ des na/ da ltar khyod 'di ltar pa dang ldan pa dang / 'di ltar blo gros dang ldan pa dang /
231a6 'di ltar rtogs pa dang ldan pa dang / 'di ltar spobs pa phun sum tshogs pa dang / 'di ltar shes rab dang ye shes dang ldan pa yin no/ /klu'i bdag po/ gang dag mi zad pa'i za ma tog
231a7 gi gzungs 'di'i ming cam mam/ bstan pa'i phyogs tsam thos pa de dag thams cad kyang spobs pa mi zad par nges par 'byung bar 'gyur ro/ /de ci'i phyir zhe na/ gzungs 'di'i rgyu
231b1 dang mthun pa ni/ de yin pa'i phyir ro/ /klu'i bdag po/ gzungs kyi nges par 'byung ba'i srung ba 'di phyi ma'i 'dus phyi ma'i tshe sbyod par 'gyur ba gang yin pa de dag thams cad kyang de bzhin
231b2 gshegs pa'i byin gyi rlabs kho na las gyur par blta bar bya'o/ /klu'i bdag po/ de la gzungs 'di ni/ chos kyi phung po brgyad khri bzhi stong gi sgo yin no/ /spyod pa brgyad khri bzhi stong
231b3 la 'jug pa yin no/ /ting nge 'dzin brgyad khri bzhi stong gi rjes su 'gro ba yin no/ /gzungs brgyad khri bzhi stong gi rtsa ba ni/ mi zad pa'i za ma tog gi gzungs 'di nyid yin no/ /klu'i
231b4 bdag po/ byang chub sems dpas phyogs bcur chags pa med cing thogs pa med par so so yang dag par rig pa bzhis chos kyi char chen po rab tu 'bebs pa gang yin pa de'ang mi
231b5 zad pa'i za ma tog gi gzungs 'ba' zhig gi rgyu dang mthun pa las gyur pa yin no/ /klu'i bdag po/ de la mi zad pa'i za ma tog gi gzungs 'di la 'jug pa'i tshig rnams dang /
231b6 mtshams sbyor ba'i tshig rnams dang / lha dang / klu dang / gnod sbyin dang / dri za dang / lha ma yin dang / nam mkha' lding gi srung ba'i tshig rnams ngas bstan par bya'o/ /tad+ya thA/ he tu ma
231b7 ti| sha ma ma ti/ pra sA da ma ti/ udz+dzu ma ti/ ut+tA ra ma ti/ a k+Sha ya ma ti/ a nu san+d+hi/ u la ga mu khe/ pra b+hA muk+te/ pra b+ha ke tu/ pra tsa ra ke tu/ smr-i ti ka ra Ne/ ma ti bi sho d+ha ne/ ga
232a1 ti pra be she/ shu ra ba le/ ta mo nu te/ san+d+ha ri Ni/ ut+tA ra Ni/ shAn+ta mu khe/ shAn+ta pra b+he she/ shAn+ta kle she/ b+ha sa na a pa ga te/ ku sha la bA si ni/ a nu san+d+hi/
232a2 bi san+d+hi/ bi ga te s+thi te/ a wa s+thi te/ s+tha na a nu ga te/ a ba s+thA na ga te/ a bi sA re/ a shu pra dz+nye/ pra dz+nyA mU le/ mU la ba ti/ sha shi pra b+he/ sUR+ya ba ti/ dz+yo ti Sh+p+ra b+he/ su bi ma le/
232a3 a ma la| sarba ta mo bi sho d+ha ne/ bud+d+ha a d+hi Sh+Thi te/ sarba de ba ta pa ri gr-i hi te/ sarba bud+d+ha nAM/ swas+t+ya ya ne/ a nu dz+nyA na brah+ma Na/ pra ti ts+tshit+ta sha kra Ne/ pA li ta lo ka pA le/ ba ri gr-i hI ta/
232a4 AR+ya saM gr-i hI ta/ r-i Shi bi gau tra na yuk+tA nAM/ mok+Sha bud+d+hA nAM/ saM gra ho de ba ma nu Sh+yA nAM/ ni gra ha kle shA nAM/ ni r+g+ha tA nAM/ mA rA NaM/ d+ha ri ShA NAM/ tIr+thi kA nAM/ ni gra he/ sarba pa ra pra bA de nI/ tso
232a5 da na a bi mA ni kA nAM/ a nu pa kra mo d+harma b+ha Na kA nAM/ a brdza nAM pa ri Sha da/ sarba san+to ShA nAM/ d+harma kA mA nAM/ pa ri rak+Sha d+harma ko Sha s+ya/ a nu pa ts+tse da s+t+wi rat+na na bi d+sha ta s+ya/ mai trI sarba satwA
232a6 nAM| stu ta sarba gu Na aR+thi kaiH/ klu'i bdag po/ 'di dag ni/ mi zad pa'i za ma tog gi gzungs kyi kun tu srung ba dang / yongs su srung ba'i tshig yin te/ de dag brjod na/ chos
232a7 smra ba das mi 'jigs pa sum cu rtsa gnyis thos par 'gyur te/ sum cu rtsa gnyis gang zhe na/ gzhan yang dag par dga' bar 'gyur ba'i phyir thos pa mi 'jigs pa thob par 'gyur
232b1 ba dang / tshig 'khrul pa med pa'i phyir bstan pa mi 'jigs pa thob par 'gyur ba dang / tshig blos bu med pa'i phyir nges pa'i tshig mi 'jigs pa thob par 'gyur ba dang / sgra ji lta ba
232b2 bzhin du 'jug pa'i phyir brtag pa mi 'jigs pa thob par 'gyur ba dang / byin gyis rlabs ston pa'i phyir spobs pa mi 'jigs pa thob par 'gyur ba dang / 'dzin pa'i blo dang ldan pa'i
232b3 phyir dran pa mi 'jigs pa thob par 'gyur ba dang / gzhan gyi blo gros yang dag par mgu bar byed pa'i phyir blo gros mi 'jigs pa thob par 'gyur ba dang / som nyi myur du gcod
232b4 pa'i phyir rtogs pa mi 'jigs pa thob par 'gyur ba dang / gzhan gyi ngor mi lta ba'i phyir blo mi 'jigs pa thob par 'gyur ba dang / tshig ji skad smras pa bzhin du 'gyur ba'i phyir
232b5 'khrol pa med pa mi 'jigs pa thob par 'gyur ba dang / tshul khrims yongs su dag pa'i phyir spa gong ba med pa mi 'jigs pa thob par 'gyur ba dang / bzod pa yongs su dag pa'i
232b6 phyir 'dzum pa'i bzhin mi 'jigs pa thob par 'gyur ba dang / yang dag par dam bcas pa las mi nyams pa'i phyir brtan pa mi 'jigs pa thob par 'gyur ba dang / kla na ka mi tshol
232b7 ba'i sems dang ldan pa'i phyir tshig gzung bar 'os pa mi 'jigs pa thob par 'gyur ba dang / 'khor mngon par mgu bar byed pa'i phyir tshig btsun pa mi 'jigs pa thob bar 'gyur
233a1 ba dang / zab mo'i chos gleng ba'i phyir shes rab mi 'jigs pa thob par 'gyur ba dang / khengs pa med pa'i phyir dpyod pa mi 'jigs pa thob par 'gyur ba dang /
233a2 phas kyi rgol ba thams cad tshar gcod pa'i phyir seng+ge'i sgra mi 'jigs pa thob par 'gyur ba dang / zang zing med par chos ston pa'i phyir skur pa med pa mi 'jigs pa thob par 'gyur ba
233a3 dang / nyams su len pa gtan la 'bebs pa'i phyir bstan pa kha na ma tho ba med pa mi 'jigs pa thob par 'gyur ba dang / mkhas pas ma smad pa'i phyir smad du med pa ma 'jigs pa
233a4 thob par 'gyur ba dang / mdo sde dang mi 'gal ba'i phyir sbyor 'byor mi 'jigs pa thob par 'gyur ba dang / dus su yang dag par skul ba'i phyir yang dag par skul ba mi 'jigs
233a5 pa thob par 'gyur ba dang / ji skad smras pa de bzhin byed pa'i phyir phyin ci ma log pa mi 'jigs pa thob par 'gyur ba dang / sems can rnams la 'dud pa'i phyir nga rgyal med pa mi
233a6 'jigs pa thob par 'gyur ba dang / sngon thos pa legs par gzung ba'i phyir tshig dang / yi ge zad mi shes pa mi 'jigs pa thob par 'gyur ba dang / chos tshad med pa rtogs
233a7 ba'i phyir thams cad kyi dri ba skabs 'byed pa mi 'jigs pa thob par 'gyur ba dang / bdag nyid yongs su dag bar byed pa'i phyir 'khor thams cad mngon par mgu bar byed pa mi
233b1 'jigs pa thob par 'gyur ba dang / nyon mongs pa thams cad yongs su shes pa'i phyir bdud dang / phyir rgol ba bcom pa mi 'jigs pa thob par 'gyur ba dang / zhe 'gras pa med pa'i
233b2 sems dang ldan pa'i phyir byams pa chen po mi 'jigs pa thob bar 'gyur ba dang / sems can thams cad rjes su bsrung ba'i phyir snying rje chen po mi 'jigs pa thob par 'gyur ba dang /
233b3 chos kyi rgyal po byed pa'i phyir sangs rgyas kyi ye shes mi 'jigs pa thob par 'gyur ba ste/ klu'i bdag po/ de ltar na/ byang chub sems dpa' sems dpa' chen po mi zad pa'i za ma tog
233b4 gi gzungs nyan pa dang / mos pa dang / sgrub pa na mi 'jigs pa sum cu rtsa gnyis po de dag thob par 'gyur ro/ /mi 'jigs pa sum cu rtsa gnyis po de dag rgyun ma chad pas na/ des mthar
233b5 gyis de bzhin gshegs pa'i mi 'jigs pa bzhi thob par 'gyur te/ mi 'jigs pa de dag dang ldan pas lha dang bcas pa'i 'jig rten gyi mdun du de bzhin gshegs pa seng+ge'i sgra
233b6 sgrog go /sems can thams cad kyi dri ba lung bstan pa'i phyir yang skabs 'byed do/ /sems can gyi ris na gang de bzhin gshegs pa la chos dang mthun par rgol nus pa'am/ de bzhin
233b7 gshegs pa'i chos gsung ba mdzad pa la gcod nus pa de lta bu'i sems can ni/ gang yang med do/ /klu'i bdag po/ de lta bas na/ byang chub sems dpas mi zad pa'i za ma tog gi
234a1 gzungs 'di la sbyor bar bya'o/ /klu'i bdag po /mi zad pa'i za ma tog gi gzungs 'di la sbyor ba gang zhe na/ gang la mig tu sbyor ba'ang med/ gzugs su
234a2 sbyor ba'ang med/ mig gi rnam par shes par sbyor ba'ang med pa dang / rna bar sbyor ba'ang med/ sgrar sbyor ba'ang med/ rna ba'i rnam par shes par sbyor ba'ang med pa dang / snar sbyor
234a3 ba'ang med/ drir sbyor ba'ang med/ sna'i rnam par shes par sbyor ba'ang med pa dang / lcer sbyor ba'ang med/ ror sbyor ba'ang med/ lce'i rnam par shes par sbyor ba'ang med pa dang /
234a4 lus su sbyor ba'ang med/ reg byar sbyor ba'ang med/ lus kyi rnam par shes par sbyor ba'ang med pa dang / yid du sbyor ba'ang med/ chos su sbyor ba'ang med/ yid kyi rnam par
234a5 shes par sbyor ba'ang med pa de ni/ gzungs 'di la sbyor ba yin no/ /klu'i bdag po/ gzhan yang gang la gzugs su sbyor ba'ang med/ gzugs skye bar sbyor ba'ang med/ gzugs
234a6 gnas par sbyor ba'ang med/ gzugs 'gag par sbyor ba'ang med pa de ni/ gzungs 'di la sbyor ba yin no/ /de bzhin du tshor ba dang / 'du shes dang / 'du byed dang / rnam par shes
234a7 par sbyor ba'ang med/ rnam par shes pa skye bar sbyor ba'ang med/ rnam par shes pa gnas par sbyor ba'ang med/ rnam par shes pa 'gag par sbyor ba'ang med pa de ni/ gzungs
234b1 'di la sbyor ba yin no/ /klu'i bdag po/ gzhan yang gzugs stong pa nyid du sbyor ba dang / gzugs stong pa nyid du'ang rlom sems mi byed pa'i sbyor ba gang yin pa de ni/ gzungs 'di la
234b2 sbyor ba yin no/ /de bzhin du tshor ba dang / 'du shes dang / 'du byed dang / rnam par shes pa stong pa nyid du sbyor ba dang / rnam par shes pa stong pa nyid du'ang rlom sems mi byed pa'i sbyor
234b3 ba gang yin pa de ni/ gzungs 'di la sbyor ba yin no/ /klu'i bdag po/ gzhan yang gzugs mtshan ma med par sbyor ba dang / gzugs mtshan ma med par yang rlom sems mi byed pa'i
234b4 sbyor ba gang yin pa de ni/ gzungs 'di la sbyor ba yin no/ /de bzhin du tshor ba dang / 'du shes dang / 'du byed dang / rnam par shes pa mtshan ma med par sbyor ba dang / rnam par shes
234b5 pa mtshan ma med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /klu'i bdag po/ gzhan yang gzugs smon pa med par sbyor ba dang /
234b6 gzugs smon pa med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /de bzhin du tshor ba dang / 'du shes dang / 'du byed dang / rnam
234b7 par shes pa smon pa med par sbyor ba dang / rnam par shes pa smon pa med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /gzugs mngon
235a1 par 'du byed pa med par sbyor ba dang / gzugs mngon par 'du byed pa med par yang rlom sems mi byed pa'i sbyor ba gang yin pa dang / tshor
235a2 ba dang / 'du shes dang / 'du byed dang / rnam par shes pa mngon par 'du byed pa med par sbyor ba dang / rnam par shes pa mngon par 'du byed pa med par yang rlom sems
235a3 mi byed pa'i sbyor ba gang yin pa de ni/ gzungs 'di la sbyor ba yin no/ /gzugs ma skyes pa dang / ma byung bar sbyor ba dang / gzugs ma skyes pa dang / ma byung bar
235a4 yang rlom sems mi byed pa'i sbyor ba gang yin pa dang / tshor ba dang / 'du shes dang / 'du byed dang / rnam par shes pa ma skyes pa dang / ma byung bar sbyor ba dang / rnam par
235a5 shes pa ma skyes pa dang / ma byung bar yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /gzugs dben par sbyor ba dang / gzugs
235a6 dben par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /tshor ba dang / 'du shes dang / 'du byed dang / rnam par shes pa dben par
235a7 sbyor ba dang / rnam par shes pa dben par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /gzugs rang bzhin gyis rnam par dag
235b1 par sbyor ba dang / gzugs rang bzhin gyis rnam par dag par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /de bzhin du tshor ba dang /
235b2 'du shes dang / 'du byed dang / rnam par shes pa rang bzhin gyis rnam par dag par sbyor ba dang / rnam par shes pa rang bzhin gyis rnam par dag par yang rlom sems mi byed pa
235b3 'di ni/ gzungs 'di la sbyor ba yin no/ /klu'i bdag po/ gzhan yang khams rnams la chos kyi dbyings su sbyor ba dang / chos kyi dbyings la'ang rlom sems mi byed pa'i sbyor
235b4 ba gang yin pa dang / skye mched rnams la rang bzhin gyis stong pa nyid sbyor ba dang / rang bzhin gyis stong pa nyid la'ang rlom sems mi byed pa'i sbyor ba gang yin pa de ni/ gzungs
235b5 'di la sbyor ba yin no/ /chos thams cad la rten cing 'brel bar 'byung bar sbyor ba dang / rten cing 'brel bar 'byung ba yongs su brtag pa la'ang rlom sems mi byed pa'i sbyor ba
235b6 gang yin pa dang / chos thams cad la gnas med par sbyor ba dang / gnas med par yang mngon par zhen pa med pa'i sbyor ba gang yin pa dang / chos thams cad de bzhin nyid du
235b7 sbyor ba dang / de bzhin nyid du'ang mngon par zhen pa med pa'i sbyor ba gang yin pa dang / chos thams cad yang dag pa'i mtha' la gnas par sbyor ba dang / yang dag pa'i mtha'
236a1 la gnas par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ /klu'i bdag po/ gzhan yang sems can
236a2 'dod chags spyod pa rnams kyi 'dod chags kyi spyod pa yongs su shes pa'i sbyor ba dang / chos kyi dbyings 'dod chags kyi spyod pa dang / kun tu sbyor ba'ang med pa'i sbyor ba gang yin
236a3 pa de ni| gzungs 'di la sbyor ba yin no/ /de bzhin du sems can zhe sdang spyod pa rnams kyi zhe sdang gi spyod pa yongs su shes pa'i sbyor ba dang / chos kyi dbyings zhe sdang gi spyod pa dang /
236a4 kun tu sbyor ba'ang med pa'i sbyor ba gang yin pa de ni/ gzungs 'di la sbyor ba yin no/ /sems can gti mug spyod pa rnams kyi gti mug gi spyod pa yongs su shes pa'i sbyor
236a5 ba dang / chos kyi dbyings gti mug gi spyod pa dang / kun tu sbyar ba'ang med pa'i sbyor ba gang yin pa de ni/ gzungs 'di la sbyor ba yin no/ /sems can cha mnyam pa spyod pa
236a6 rnams kyi cha mnyam pa'i spyod pa yongs su shes pa'i sbyor ba dang / chos kyi dbyings la cha mnyam pa chad pa'ang med pa'i sbyor ba gang yin pa de ni/ gzungs 'di la sbyor ba
236a7 yin no| |klu'i bdag po/ mdor bsdu na spyod pa brgyad khri bzhi stong yongs su shes pa'i sbyor ba dang / chos kyi dbyings la sbyor ba'ang med pa gang yin pa de ni/ gzungs 'di la
236b1 sbyor ba yin no/ /klu'i bdag po/ gzhan yang sbyor ba gang yin pa dang / mi sbyor ba gang yin pa'i chos gang yang de la sbyor ba'ang med/ mi sbyor ba'ang med do/ /ci'i phyir zhe na/ sbyor
236b2 ba de ni| snang ba'ang ma yin/ brtags pa'ang ma yin/ mtshan mar byas pa'ang ma yin pa'i phyir te/ de bas na/ sbyor ba de ni/ yang dag pa'i sbyor ba yin no/ /yang dag pa'i
236b3 sbyor ba'ang chos gang yang 'dren par yang mi byed/ mi 'dren par yang mi byed/ 'dzin par yang mi byed/ gtong bar yang mi byed/ gnas par yang mi byed/ 'gro bar yang mi byed
236b4 de| de bas na/ sbyor ba de ni/ yang dag pa'i sbyor ba zhes bya'o/ /klu'i bdag po/ byang chub sems dpa' de ltar sbyor ba ni/ mi zad pa'i za ma tog gi gzungs 'di thob par
236b5 'gyur ro/ /de nas de'i tshe bcom ldan 'das kyis tshigs su bcad pa 'di dag bka' stsal to/ /gang tshe de yis gzungs 'di thob gyur na/ /de yis dran dang blo gros yongs su dag /
236b6 mdo sde rtogs pa kun gyi pha rol phyin/ /'gro ba'i skad dang sgra yang rab tu shes/ /'gro ba'i spyod dang sems pa ngan pa dang / /bzang dang 'bring gi rgyu ba gang yin shes/ /spyod dang
236b7 sems kyi rgyud rnams shes nas kyang / /ji ltar 'tsham par chos kyi tshig rnams ston/ /gang tshe de ni gzungs la rab mkhas na/ /de ni rgyu dang byed dang rkyen la mkhas/ /rtag dang
237a1 chad par lta bar mi 'gyur te/ /mthar 'dzin thams cad rnam par spangs pa yin/ /gang tshe de yis gzungs 'di thob gyur na/ /yi ge dang ni tshig rnams 'byed la
237a2 mkhas| |skad rnams mang po du ma tha dad shes/ /don dang yi ge la yang mkhas par gyur/ /de yi lha yi mig kyang dri med 'gyur/ /de yi lha yi rna ba'ang rnam par dag/ shes rab mtha'
237a3 yas pha rol sems la mkhas/ /'das pa dang ni ma 'ongs bskal pa dran/ /de bzhin rdzu 'phrul rkang pa thob gyur nas/ /zhing rnams bye ba mtha' yas skad cig 'gro/ /'jig rten 'dren
237a4 rnams la ni mchod pa byed/ /de bzhin gzungs la thos pas chos kyang 'dzin/ /bdud rnams 'bum phrag ji snyed yod pa yis/ /de yi 'gro ba'i yul rnams mi shes la/ /mun bsal
237a5 sems can dag pa nyon mongs med/ /mdo sde stong phrag tshad med ston par byed/ /chu yi nang na pad+mo ma gos bzhin/ /de ni 'jig rten chos rnams gos med spyod/ /rjes chags khong khro
237a6 rnams las rtag tu grol/ /'jig rten kun la sems ni mkha' ltar snyoms/ /mtshan gyi dam pa gzugs 'chang dag pa ste/ /de la blta bas skye bo chog mi shes/ /spyod lam dang ni
237a7 spyod pa shes bzhin rgyu/ /'gro la phan don byed cing 'jig rten rgyu/ /gang tshe gzungs 'di thob par 'gyur pa na/ /brgya byin de bzhin tshangs pa 'jig rten skyong / /de yi rkang mthil du ni
237b1 gus par 'dud/ /'on kyang de yid gang du'ang khengs pa med/ /de ni skad snyan tshangs pa'i dbyangs dang ldan/ /skye ba'i yid ni rnam sbyong mgu bar byed/ /skyon med snyan cing dag
237b2 la dus su smra/ /de yi bstan pa don med yang mi 'gyur/ /gang tshe de yis gzungs ni thob gyur na/ /de ni 'khor gyi nang du 'jigs pa med/ /seng+ge'i sgra can mi 'jigs sgrog
237b3 par byed/ /pha rol tshogs rnams thams cad rab tu 'joms/ /sems can g.yo can gdul dka' nga rgyal khengs/ /mngon pa'i nga rgyal skyon ldan gang yin pa/ /de dag
237b4 mkhas pa'i chos ni thob gyur na/ /nga rgyal spangs nas rkang mthil 'dud par byed/ /chos kyi dbyings ni rang bzhin zhi ba dang / /don rtogs dang ni chos nyid nges par shes/ /de phyir
237b5 chos ni gtan la 'bebs pa dang / /yi ge 'byed la de yi tshig mi zad/ /sems can rang bzhin rnam dag chos kyi dbyings/ /de bzhin bdag nyid rnam dag de yis shes/ /de
237b6 ltar sems can de bzhin nyid shes pas/ /de yi chos rnams bstan pa thogs pa med/ /zad pa nam yang zad par mi nus la/ /mi zad pa yang nam yang zad mi 'gyur/ /chos
237b7 nyid rab zhi 'di ni rtogs nas kyang / /der ni mdo sde bye ba mtha' yas ston/ /yi ge 'di dag lus la mi gnas shing / /yid la mi gnas sems las ma byung ste/ /ji ltar
238a1 brag ca'i sgra ni thos pa bzhin/ /yi ge rnams kyi rang bzhin stong zhing dben/ /gzungs 'di yi ge rnams dang sgra la med/ /tshig gi lam dang lus
238a2 dang ngag la med/ /de ltar yi ge'i tshul rnams rtogs pas na/ /smras kyang de yi tshig ni thogs pa med/ /de ni ston kyang yid la rnam rtog med/ /sems la'ang rlom sems
238a3 byed pa yong med de/ /'on kyang chos 'di rtogs par bya ba'i phyir/ /chos nyid rab tu 'thad pa'i chos kyang ston/ /gang tshe de yis gzungs ni thob gyur na/ /so so yang dag rig bzhi
238a4 rjes su rtogs/ /don la rab bslab chos nyid cho ga shes/ /sgra dang skad dang nges pa'i tshig la mkhas/ /de bzhin spobs pa thogs med tshad kyang med/ /de ni kun rdzob don dam
238a5 shes pa ste/ /de bzhin sna tshogs zab mo bstan pa shes/ /lugs 'byung lugs las ldog pa'ang rab tu shes/ /mtho dma' 'gro ba rnams la'ang pha mthar phyin/ /sems
238a6 zhum pa na rab tu 'dzin la mkhas/ /de bzhin khengs rnams tshar gcod shes la mkhas/ /bstan pa dag la bya ba'i tshul kun shes/ /lus dang ngag dang sems kyi las rnams
238a7 la| |shes pa thogs med rnam par nges par 'jug /gzungs dang ldan pa'i tshig la 'khrul pa med/ /nyes pa spangs shing brtan por gyur pa yin/ /sems can 'dul
238b1 gzungs yid dang dran pa la/ /zhugs par gyur na chos zhes zhugs pa ste/ /thos pa gang yin nam yang chud mi za/ /ji skad thos pa mtshungs par ril gyis 'dzin/ /gzungs ni chos
238b2 nyid 'gal ba ma yin la/ /de ni chos la'ang zhi ba ma yin te/ /chos dang shin tu mi mtshungs mi mnyam mnyam/ /chos nyid sbyor dang ldan phyir gzod nas zhi/ /mi zad pa'i za ma tog
238b3 gi gzungs kyi sbyor ba 'di bstan pa dang / tshigs su bcad pa mngon par sgrub pa 'di bstan pa na klu'i rgyal po rgya mtsho'i 'khor gyi nang nas klu khri nyis stong gis bla na med pa yang
238b4 dag par rdzogs pa'i byang chub tu sems bskyed de/ de dag gis tshig 'di skad du/ bcom ldan 'das/ bdag cag kyang ma 'ongs pa'i dus na mi zad pa'i za ma tog gi gzungs
238b5 'di thob nas ji ltar da ltar na de bzhin gshegs pas chos ston pa de kho na bzhin du sems can thams cad la chos ston par gyur cig ces kyang smras so/ /za ma tog gi gzungs
238b6 kyi phan yon gyi le'u ste bzhi pa'o// //bam po bzhi pa/ de nas bcom ldan 'das la tshe dang ldan pa shA ri'i bus 'di skad ces gsol to/ /bcom
238b7 ldan 'das/ klu'i skye gnas su skyes pa dag kyang 'di ltar bla na med pa yang dag par rdzogs pa'i byang chub tu sems bskyed par bgyid la/ 'di na mir gyur pa kha cig ni/
239a1 byang chub tu sems bskyed pa'i rngo mi thogs pa ni/ ngo mtshar lags so/ /bcom ldan 'das kyis bka' stsal pa/ shA ri'i bu/ klu khri nyis
239a2 stong po 'di dag ni/ de bzhin gshegs pa 'od srung gi gsung rab la rab tu byung bar gyur te/ 'di dag gis de bzhin gshegs pa de las byang chub kyi sems dang
239a3 ldan pa'i gtam gcig thos so/ /thos nas kyang de bzhin gshegs pa de la legs so/ /zhes bya ba gsol te/ theg pa chen po ni/ bsam gyis mi khyab ste/ legs
239a4 so legs so zhes tshig tu smras so/ /mi dge ba'i 'du 'dzi 'di lta ste/ mdza' bshes kyi khyim dang / slong mo ster ba'i khyim yongs su bzung ba'i phyir tshul khrims rnams
239a5 nyams su ma blangs par gyur te/ tshul khrims nyams par byas pa de na 'di dag de nas shi 'phos nas klu'i skye gnas su skyes par gyur to/ /'di dag gi theg pa chen
239a6 po'i gtam de thos la/ bcom ldan 'das de la'ang legs so/ /zhes bya ba gsol ba'i rgyu de dang / rkyen de dang / dge ba'i rtsa ba des ni/ da ltar nga las theg pa
239a7 chen po'i gtam thos te/ mi zad pa'i za ma tog gi gzungs bstan pa thos nas bla na med pa yang dag par rdzogs pa'i byang chub tu sems skyes so/ /shA ri'i bu/ lhag
239b1 pa'i bsam pa'i khyad par la ltos/ ngas 'di dag bla na med pa yang dag par rdzogs pa'i byang chub tu lung bstan te/ bskal pa bgrang ba las 'das pa dag na de bzhin gshegs
239b2 pa'ang bgrang ba las 'das pa dag la mchod pa byas nas byang chub kyi phyogs dang mthun pa'i chos rnams yang dag par bsgrubs te bskal pa mngon par dga' zhes bya ba la
239b3 'jig rten gyi khams dri ma med pa'i snying por bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ye shes bla ma zhes bya ba dang / bsod
239b4 nams bla ma zhes bya ba dang / chos bla ma zhes bya ba dang / shes rab bla ma zhes bya ba'i mtshan 'di bzhir mthun pa sha stag gi de bzhin gshegs par 'gyur ro/ /de dag thams
239b5 cad kyang bskal pa gcig kho na la 'byung bar 'gyur te/ dper na/ bskal pa bzang po 'di la sangs rgyas stong 'byung bar 'gyur ba bzhin no/ /de nas bcom ldan 'das la
239b6 klu'i rgyal po rgya mtshos 'di skad ces gsol to/ /bcom ldan 'das/ gang gi tshe bdag bskal pa'i dang por rgya mtsho chen po'i nang na gnas pa dang / gang gi tshe bcom ldan 'das
239b7 de bzhin gshegs pa 'khor ba 'jig 'jig rten du byung ba de'i tshe ni/ rgya mtsho chen po'i nang na klu dang / klu'i bu dang / klu'i bu mo dag nyung bar gyur te/ bdag kyang 'khor nyung bar
240a1 gyur| bcom ldan 'das/ da ni/ rgya mtsho chen po'i nang na klu dang / klu'i bu dang / klu'i bu mo dag kyang 'di ltar tshad ma mchis te/ grangs kyis
240a2 mtha' rtogs par mi nus lags na/ bcom ldan 'das/ 'di la rgyu ni/ gang lags/ rkyen ni/ gang lags/ bcom ldan 'das kyis bka' stsal pa/ klu'i bdag po/
240a3 gang dag legs par gsungs pa'i chos 'dul ba la rab tu byung nas tshul khrims dag la yongs su rdzogs par ma byas te/ cho ga nyams pa dang / 'tsho ba nyams pa dang /
240a4 tshul khrims nyams pa dang / yongs su rdzogs par ma byas la de dag gi lta ba'ang drang por gyur te/ des na/ sems can dmyal ba rnams su ni/ mi skye'i/ shi 'phos nas
240a5 klu'i skye gnas rnams su skye bar 'gyur te/ klu'i bdag po/ de bzhin gshegs pa 'khor ba 'jig gi gsung rab las ni/ srog chags khyim pa dang / rab tu byung ba bye ba
240a6 phrag dgu bcu rtsa brgyad cho ga dang / 'tsho ba dang / tshul khrims nyams te shi 'phos nas klu'i skye gnas rnams su skyes so/ /de bzhin gshegs pa gser thub kyi gsung
240a7 rang las ni/ srog chags khyim pa dang / rab tu byung ba bye ba phrag drug cu rtsa bzhi rab tu byung ba las tshul khrims 'chal par gyur pas shi 'phos te klu rnams kyi skye gnas
240b1 su skyes so/ /de bzhin gshegs pa 'od srung gi gsung rab las ni/ srog chags khyim pa dang / rab tu byung ba bye ba phrag brgyad cu cho ga dang / 'tsho ba dang / tshul khrims nyams
240b2 te shi 'phos nas klu'i skye gnas rnams su skyes so/ /klu'i bdag po/ da ltar nga'i gsung rab 'di las ni/ srog chags khyim pa dang / rab tu byung ba bye ba phrag dgu bcu rtsa dgu rab
240b3 tu byung ba las rtsod pa sna tshogs dang / 'thab pa sna sogs dang / 'du 'dzi sna tshogs kyis cho ga dang / 'tsho ba dang / tshul khrims nyams te shi 'phos nas klu'i skye gnas rnams su skye
240b4 bar 'gyur te/ klu'i bdag po/ rgyu ni/ de yin no/ /rkyen ni/ de yin te/ des na/ da ltar klu dang / klu'i bu dang / klu'i bu mo rnams de ltar tshad med do/ /klu'i bdag po/ da dung yang
240b5 nga yongs su mya ngan las 'das pa'i 'og phyi ma'i dus phyi ma'i tshe na dge slong sdig can rnams dang / dge slong ma sdig can rnams dang / dge bsnyen sdig can rnams dang / dge
240b6 bsnyen ma sdig can rnams tshul khrims nyams pas klu'i skye gnas rnams su skye bar 'gyur ro/ /de'i nang nas kha cig ni/ sems can dmyal ba rnams su ltung bar 'gyur ro/ /
240b7 gsol pa/ bcom ldan 'das/ rab tu byung bar gtogs la tshul khrims nyams pa klu'i skye gnas rnams su skyes pa dang / skye bar 'gyur ba gang lags pa de dag gi las rnams
241a1 la khyad par ci mchis lags/ bcom ldan 'das kyis bka' stsal pa/ klu'i bdag po/ rab tu byung bar gtogs la tshul khrims nyams pa klu'i skye
241a2 gnas rnams su skyes pa dang / skye bar 'gyur ba gang yin pa de dag gi sbyor ba ni/ yongs su ma dag la/ de bzhin gshegs pa'i bstan pa la yid ches pa'i phyir de dag gi
241a3 bsam pa ni/ yod de/ de dag ni/ klu'i skye gnas de nas shi 'phos nas lhag pa'i bsam pa de'i stobs kyis lha dang / mi rnams kyi nang du skye bar 'gyur te/ bskal pa bzang
241a4 po 'di la sangs rgyas su 'gyur ba gang yin pa de'i de bzhin gshegs pa de dag gi bstan pa la theg pa ji lta ba bzhin du mos par 'gyur te/ theg pa chen po la zhugs
241a5 pa rnams ma gtogs par thams cad kyang bskal pa bzang po 'di nyid la yongs su mya ngan las 'da' bar 'gyur ro/ /klu'i bdag po/ de bzhin gshegs pa'i bstan
241a6 pa'i che ba nyid dang / rab tu byung ba'i yon tan gyi rgyu'i khyad par la ltos/ 'di ltar sems can de dag mi dge ba'i chos thams cad spangs nas khyad par du 'gro bar 'gyur
241a7 ro| |de nas bcom ldan 'das la klu'i rgyal po rgya mtsho'i bu dpal gyi gzi brjid kyis 'di skad ces gsol to/ /bcom ldan 'das/ sangs rgyas bcom ldan 'das rnams
241b1 ni| mthong ba dang / thos pa don mchis pa lags te/ ngo mtshar lags so/ /'di ltar smad du ma mchis pa'i las can rnams kyi sangs rgyas la dmigs pa'i sems gcig tsam
241b2 bskyed pa'ang chab 'tshal bar mi 'gyur te/ de ni/ de dag gi yongs su mya ngan las 'da' ba'i bar du rgyur 'gyur ba lags so/ /bcom ldan 'das/ bdag kyang bla na med pa yang
241b3 dag par rdzogs pa'i byang chub 'di lta ste/ mthong ba dang / thos pa'i don mchis par sems bskyed par 'tshal lo/ /byang chub kyi snying po la thug gi bar du bdag gi byang chub sems
241b4 dpa'i spyod pa don mchis par gyur cig /bdag sems rmongs par ma gyur cig /dge ba la rmongs pa dang / byams pa chen po dang / snying rje chen po la rmongs par ma gyur cig /bdag
241b5 tshe rabs thams cad du sangs rgyas mthong ba dang / chos thos pa dang / 'phags pa'i dge 'dun la bsnyen bkur bgyid pa dang / sems can yongs su smin par bgyid pa dang 'bral
241b6 bar ma gyur cig /de nas bcom ldan 'das kyis klu'i rgyal po rgya mtsho'i bu dpal gyi gzi brjid la legs so/ /zhes bya ba byin te/ bzhin bzang / khyod kyis sems can thams
241b7 cad kyi rten gyi sems bskyed pa legs so legs so/ /'di lta bu'i lhag pa'i bsam pa dang / 'di lta bu'i snying rje chen pos byang chub tu sems bskyed pa 'di'i dge ba'i rtsa ba'i
242a1 rnam par smin pa de ni/ de bzhin gshegs pas lo bdun dang / zla ba bdun dang / zhag bdun du bshad kyang mthar phyin par bshad par mi spyod de/ khyod
242a2 kyis dge ba'i rtsa ba'i tshogs de tsam du tshad med pa 'di yongs su bzung ngo / /de nas bcom ldan 'das kyis klu'i rgyal po rgya mtsho'i bu dpal gyi gzi brjid kyi lhag pa'i bsam
242a3 pa thugs su chud nas de'i tshe 'dzum pa mdzad do/ /'di ni/ sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas de'i mod la bcom ldan 'das kyi
242a4 zhal gyi sgo nas 'od zer 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ngo / /'od zer de
242a5 dag gis 'jig rten gyi khams mtha' yas mu med pa snang ba chen pos khyab par byas nas tshangs pa'i 'jig rten gyi bar du mngon par 'phags te nyi ma dang zla ba gnyis kyi
242a6 gzi brjid dang / 'od kyang mog mog por byas nas phyir log ste bcom ldan 'das la lan gsum bskor ba byas nas bcom ldan 'das kyi dbu'i gtsug tu nub par gyur to/ /de
242a7 nas tshe dang ldan pa kun dga' bo stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs
242b1 su thal mo sbyar ba btud nas bcom ldan 'das la 'dzum pa mdzad pa'i don tshigs su bcad pas zhus pa/ bde gshegs bsod nams brgyas spras sku mnga' ba/ /mtshan mchog sum
242b2 cu rtsa gnyis ldan pa'i sku/ /zla ba lta bur dri med dag pa'i zhal/ /ci yi slad du 'dzum pa ston par mdzad/ /bcom ldan dri med dri ma gsum bral ba/ /tha ba mi mnga' rnam dag pad+ma'i
242b3 spyan| |lha dang lha ma yin dang klus mchod pa/ /ci yi slad du 'dzum pa ston par mdzad/ /bcom ldan tshems snyoms thags bzang dkar bar ldan/ /stobs bcu mnga' zhing dri bsung
242b4 gda' ba'i zhal/ /rga dang 'chi ba'i mthar thug mdzad pa po/ /ci yi slad du 'dzum pa ston par mdzad/ /nam mkha'i dkyil ltar dri ma med pa'i thugs/ /mgon po thugs kyis dgra zin
242b5 mnyam snyoms pa/ /thugs ni ri bo lta bur mi g.yo ba/ /bcom ldan 'dzum pa'i don 'dir bka' stsal gsol/ /bcom ldan tshangs pa'i sgra skad sgrog pa po/ /mi'am ci dang
242b6 ka la ping+ka dang / /rnga sgra lta bur snyan cing dga' ba dang / /mnyen por gsung ba 'dzum pa'i thabs gsungs shig /'dren pa thogs pa med pa'i blo mnga' ba/ /dus gsum 'gro
242b7 ba'i spyod dang mos pa dang / /dbang po rnams kyang rab tu mkhyen pa po/ /ci yi slad du 'dzum pa ston par mdzad/ /bcom ldan sman pa'i rgyal po mi rnams dang / /lha klu rnams kyi nad ni zhi
243a1 mdzad pa/ /bcom ldan gtan du bde ba ston pa po/ /ci yi slad du 'dzum pa ston par mdzad/ /yon tan mnga' ba bdag la bka' stsol cig /lha dang
243a2 mi rnams khrag khrig nyan cing mchis/ /thos nas yid ni rab tu dga' 'gyur zhing / /thams cad mkhyen pa'i dgongs pa bgyid par 'gyur/ /de skad ces gsol pa dang /
243a3 bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ khyod kyis klu'i rgyal po'i bu dpal gyi gzi brjid nga'i mdun du
243a4 'dug nas lhag pa'i bsam pas bla na med pa yang dag par rdzogs pa'i byang chub tu sems bskyed pa 'di mthong ngam/ gsol pa/ bcom ldan 'das/ mthong lags
243a5 so| |bcom ldan 'das kyis bka' stsal pa/ kun dga' bo/ dpal gyi gzi brjid 'di ni/ bskal pa grangs med pa phrag brgyad brgyan bskal pa kun tu lta ba la 'jig
243a6 rten gyi khams yongs su dag cing brtan par de bzhin gshegs pa mthong ba don yod ces bya bar 'gyur te 'jig rten du 'byung bar 'gyur ro/ /kun dga' bo/ dpal gyi gzi
243a7 brjid 'di ni/ byang chub sems dpa'i spyod pa don yod pa spyod cing sangs rgyas bcom ldan 'das tshad med pa mnyes par byas te mchod par byas nas rab tu 'byung ste/ tshangs
243b1 par spyod par 'gyur ro/ /sems can tshad med pa'ang theg pa gsum gyis yongs su smin par byed pa yin no/ /kun dga' bo/ de bzhin gshegs pa mthong ba don yod kyi 'jig rten
243b2 gyi khams yongs su dag cing brtan pa de'ang 'byor pa dang / rgyas pa dang / bde ba dang / lo legs pa dang / nyams dga' bar 'gyur la/ skye bo mang po dang / lha dang mi rnams
243b3 kyis gang bar 'gyur te/ dper na/ 'thab bral gyi lha rnams kyi nye bar spyad pa dang / longs spyod ji lta ba bzhin du de na mi rnams kyi'ang de dang 'dra bar 'gyur ro/ /de bzhin gshegs
243b4 pa de'i tshe'i tshad kyang lo khri thub par 'gyur ro/ /de'i nyan thos kyi dge 'dun ni/ bye ba phrag drug cu yod do/ /byang chub sems dpa'i dge 'dun ni/ 'bum phrag bcu gnyis 'du
243b5 bar 'gyur ro/ /kun dga' bo/ de bzhin gshegs pa mthong ba don yod de sems can gang dag gi mig sngar snang ba de dag kyang mthong ba'i mod la byams pa'i rnam pa'i ting nge
243b6 'dzin thob par 'gyur ro/ /kun dga' bo/ de bzhin gshegs pa mthong ba don yod ni/ mthong ba'i mod la sems can rnams 'dul bar 'gyur ro/ /de la nyan thos kyi theg pa
243b7 par gyur ba gang dag yin pa de dag ni/ dang po mthong bas rgyun du zhugs par 'gyur ro/ /lan gnyis mthong bas ni/ lan gcig phyir 'ong ba'i 'bras bu thob par 'gyur ro/ /lan
244a1 gsum mthong bas ni/ phyir mi ldog pa'i 'bras bu thob par 'gyur ro/ /lan bzhi mthong bas ni/ dgra bcom pa nyid thob par 'gyur ro/ /byang chub
244a2 sems dpa'i theg pa par gyur pa gang dag yin pa de dag ni/ de bzhin gshegs pa mthong ba don yod de mthong ba'i mod kho na la mi skye ba'i chos rnams la bzod pa thob
244a3 par 'gyur ro/ /kun dga' bo/ /'jig rten gyi khams yongs su dag cing brten pa ni/ sems can su'ang tshul khrims nyams pa'am/ lta ba nyams pa'am/ cho ga nyams
244a4 pa'am| 'tsho ba nyams par mi 'gyur te/ de dag thams cad yang dag pa nyid du nges par 'gyur ro/ /sems can de nas shi 'phos pa su'ang ngan 'gror 'gro bar mi 'gyur
244a5 te| de dag thams cad lha dang mi rnams kyi nang du skye bar 'gyur ro/ /sangs rgyas kyi zhing yongs su dag pa dag tu'ang skye bar 'gyur ro/ /de nas klu'i rgyal po rgya mtsho'i bu
244a6 dpal gyi gzi bzhin kyis bdag nyid lung bstan pa thos nas tshim zhing mgu la yid rangs te rab tu dga' nas dga' ba dang / yid bde ba skyes te/ mu tig gi dra ba nor bu rin
244a7 po che 'bum gyis spras pa de bzhin gshegs pa'i sku la gsol nas sor mo bcu'i thal mo sbyar te mngon sum du bcom ldan 'das la tshul dang mthun pa'i tshigs su
244b1 bcad pa 'di dag gis mngon par bstod pa/ mi dbang zla ba dri med 'od kyi zhal/ /gzi brjid mtha' yas lha dang mis mchod pa/ /mtshungs med stobs ldan mtha' yas shugs mnga'
244b2 ba| |ye shes tshad ma mchis la mgos phyag 'tshal/ /phan par mdzad pa'i ye shes tshad ma mchis/ /de bzhin shes rab 'od kyang bsam mi khyab/ /tshul khrims dri med rab brtan rnam
244b3 par dag /mi dbang mkha' dkyil 'dra la phyag 'tshal lo/ /bskal pa dpag tu med pa mtha' yas par/ /spyod pa spyad nas sangs rgyas ye shes brnyes/ /des na 'gro ba'i spyod pa
244b4 rab tu mkhyen/ /de bzhin de dag dbang po bsam pa mkhyen/ /'jig rten bcom ldan gzugs dang mtshungs ma mchis/ /de phyir 'gro ba blta bas chog ma 'tshal/ /de yi nyon mongs skye
244b5 bar mi 'gyur zhing / /de tshe nyon mongs thams cad rab tu zhi/ /ka la ping+ka khu byug mi'am ci/ /de bzhin tshangs pa'i sgra dang lha min sgra/ /phyogs bcu dag na yid 'ong sgra de dag /
244b6 bde gshegs gsung gcig gis ni zil gyis mnan/ /mkha' las zla bas la ltung yang gda'/ /rgya mtsho bskams shing ri rab snyil yang gda'/ /sa la gnam lhung dum bu
244b7 brgyar 'gyur gda'/ /rgyal ba'i bka' ni gzhan du yong mi gsung / /bden pa'i brtul zhugs rab 'brel ston pas 'dir/ /sangs rgyas ye shes gtso bos bdag lung bstan/ /
245a1 bdag ni rgyal ba rang byung yon gnas 'gyur/ /bdag la yid gnyis som nyi dogs ma mchis/ /phyogs bcu dag tu rin chen legs spras pa/ /bye ba
245a2 mtha' yas 'dren pa rnams la phul/ /byang chub sems gcig bskyed pa gang lags la/ /bsod nams snga mas 'di yi char mi phod/ /gang zhig byang chub sems mchog
245a3 bskyed par bgyi/ /de ni sangs rgyas mchod pa mchog tu 'phags/ /gang zhig 'dren rnams tshul 'di mi gcod pa/ /de ni stobs bcu kun gyi bka' drin gzo/ /klu'i rgyal po
245a4 rgya mtsho'i bu dpal gyi gzi brjid des tshigs su bcad pa mngon par sgrub pa 'di smras pa na/ srog chags khris bla na med pa yang dag par rdzogs pa'i byang chub tu sems
245a5 bskyed de/ de dag gis tshig 'di skad du gang gi tshe bcom ldan 'das de bzhin gshegs pa mthong ba don yod des byang chub brnyes pa de'i tshe bdag cag kyang bcom ldan
245a6 'das dang 'phrad de 'jig rten gyi khams yongs su dag cing brtan pa der skye bar gyur cig /de bzhin gshegs pa de'i dam pa'i chos yongs su 'dzin cing mchod pa dang / bsnyen
245a7 bkur yang bgyid par gyur cig /bcom ldan 'das de'i 'og tu bdag cag kyang byang chub mngon par rdzogs par 'tshang rgya bar gyur cig ces kyang smras so/ /bcom ldan 'das
245b1 kyis kyang de dag thams cad 'jig rten gyi khams mthong ba don yod kyi sangs rgyas kyi zhing der skye bar lung bstan to/ /lung bstan pa'i le'u ste lnga pa'o// //de nas bcom ldan
245b2 'das la klu'i rgyal po rgya mtshos 'di skad ces gsol to/ /bcom ldan 'das/ bdag cag la thugs brtse ba dang / skye bo mang po la sman pa dang / skye bo mang po la bde ba dang / 'jig
245b3 rten la thugs brtse ba'i slad du rgya mtsho chen por sang gdugs tshod gsol bar mdzad du gsol/ de ci'i slad du zhe na/ bcom ldan 'das/ rgya mtsho chen po'i nang na lha dang / klu dang /
245b4 gnod sbyin dang / dri za dang / lha ma yin dang / de ma lags par yang dud 'gro'i skye gnas su skyes pa'i sems can tshad ma mchis pa dag mchis te/ de dag gis de bzhin gshegs
245b5 pa mthong na dge ba'i rtsa ba dag bskyed par 'gyur la/ dam pa'i chos thos pas kyang 'khor ba thog ma ma mchis pa'i mtha' rtogs par 'gyur ba dang / bdag gi klu'i rgyal po'i
245b6 gnas kyang yongs su longs spyad par 'gyur te/ lha dang bcas pa'i 'jig rten gyis brnyas par mi 'gyur la/ de bzhin gshegs pas kyang sangs rgyas kyi che ba nyid bstan par
245b7 'gyur pa dang / bdag gi byang chub kyi phyogs kyi chos dang ldan pa'i chos nye bar bstan pa bgyis par 'gyur ba'i slad du'o/ /bcom ldan 'das kyis kyang klu'i rgyal po rgya mtsho la
246a1 thugs brtse ba dang / sems can tshad med pa dag gi dge ba'i rtsa ba 'phel bar bya ba'i phyir gnang ngo / /de nas klu'i rgyal po rgya mtsho bcom ldan
246a2 'das kyis gnang bar rig nas tshim zhing mgu la yid rangs te rab tu dga' zhing dga' ba dang / yid bde ba skyes te bcom ldan 'das kyi zhabs la mgo bos phyag 'tshal nas
246a3 lan gsum bskor ba byas te dpung dang bcas/ 'khor dang bcas par bcom ldan 'das kyi thad nas mi snang bar gyur te rgya mtsho'i nang du phyir song ngo / /de nas der skye bo'i tshogs
246a4 'dus pa thams cad la 'di skad ces smras so/ /bdag gis de bzhin gshegs pa sang gdugs tshod gsol bar spyan drangs te/ des kyang bdag la thugs brtse ba'i phyir gnang gi /der
246a5 khyed kun gyis kyang lhan cig tu mthun pa dang / yang dag par dga' ba dang / de bzhin gshegs pa la mchod pa dang / bsnyen bkur la brtson par gyis shig /de nas klu'i rgyal po rgya
246a6 mtshos lha ma yin gyi dbang po sgra gcan dang / lha ma yin gyi dbang po bde mchog dang / tshim byed dang / thags bzang ris la smras pa/ grogs po dag/ shes par gyis shig/ de bzhin
246a7 gshegs pa rgya mtsho chen po 'dir gshegs kyi/ der khyed 'khor dang bcas pa thams cad bcom ldan 'das la mchod pa'i las bya ba'i phyir bdag gi skabs phye lags kyi/ bdag gi
246b1 gnas su sbyon cig/ de nas klu'i rgyal po rgya mtshos klu'i rgyal po 'jog po dang / kha dog mtha' yas dang / dri ma med pa dang / 'od can dang / rnam par rtse dang / bgod pa dang / lag na rdo rje dang /
246b2 brjod bya dang / kha dog thams cad ston pa dang / tsan+dan gyi rnam pa dang / de la sogs pa klu'i rgyal po 'bum phrag du ma la smras pa/ grogs po dag/ khyed cag thams cad kyang de bzhin
246b3 gshegs pa la blta ba dang / phyag bya ba dang / bsnyen bkur bya ba'i phyir bdag gi gnas su sbyon cig /de nas klu'i rgyal po rgya mtshos gzhon nu dpal gyi gzi brjid la bsgo ba/ bzhin bzang /
246b4 khyod song la klu'i rgyal po ma dros pa'i rkang pa la mgo bos phyag tshol la nga'i 'phrin 'di skad ces gyis shig /bdag gi pha'i mchid nas bcom ldan 'das yang dag par rdzogs pa'i sangs
246b5 rgyas bshos gsol gyi/ rgya mtsho chen por sbyon cig ces gyis shig /leg so zhes byas te mnyan nas ji skad bsgo ba bzhin du klu'i rgyal po rgya mtsho'i bu dpal gyi gzi brjid kyis byas
246b6 so| |de nas klu'i rgyal po rgya mtshos klu'i rgyal po shugs drag la smras pa/ shugs drag/ khyod song la ri rab kyi steng du song ste klu'i rgyal po dga' bo dang / nye dga' gnyis kyang bos shig/ lha
246b7 rnams kyi dbang po brgya byin la'ang de bzhin gshegs pa la mchod pa dang / bsnyen bkur gyi/ rgya mtsho chen por bdag gi gnas su sbyon cig ces gyis shig/ de nas klu'i rgyal po rgya mtsho'i
247a1 bu shugs drag ji skad bsgo ba bzhin du klu'i rgyal po dga' bo dang / nye dga' gnyis dang / lha rnams kyi dbang po brgya byin gyi thad du song nas ji skad bsgo ba bzhin du
247a2 bos so| |de nas klu'i rgyal po rgya mtshos rang gi gnas su 'khor gyi khyams bkod pa baiDUR+ya sngon po dag dang / dzam+bu chu bo'i gser las byas pa bshams te rin po che du mas ni/ spras/ rin
247a3 po che'i dra bas ni/ khebs par byas/ dril ngu g.yer ka'i dra ba ni/ dpyangs/ dar gyi lda ldi mang po ni/ btags/ bla bre ni/ bres/ rgyal mtshan dang ba dan ni/ bsgreng / rgya mtsho'i spos kyi
247a4 mchog gis ni/ bdug/ me tog sna tshogs ni/ bkram ste/ 'khor gyi khyams yangs shing rgya che ba de'i nang du bcom ldan 'das seng+ge'i khri 'phang du dpag tshad bcu gnyis pa/ rin po che thams
247a5 cad kyis spras pa/ lha rdzas kyi ras bcos bu rnam pa sna tshogs du ma mang po bting / bla bre bres pa rin po che sna bdun gyi stegs bus bskor ba/ rin po che'i dra bas khebs pa/ dril bu
247a6 g.yer ka'i dra ba dpyangs pa/ dar gyi lda ldi btags pas brgyan pa/ rnam pa thams cad kyi mchog dang ldan pa zhig bshams so/ /dge slong gi dge 'dun thams cad kyi gdan yang ji
247a7 ltar 'tsham pa bzhin du bshams so/ /ro brgya bsgos pa'i zhal zas dag kyang bshams te/ thams cad legs par zin par rig nas bu dang / gnyen 'dab dang / 'khor dang bcas
247b1 te ri'i rgyal po ri rab kyi bang rim la 'khod nas bcom ldan 'das la gdugs tshod bab pa'i tshigs su bcad pa 'di dag gsol to/ /chos kyi dbang phyug ye shes rgya chen khyed brnyes pa//
247b2 ye shes 'byung gnas mkha' 'dra ye shes mtha' yas pa/ /'jig rten 'das pa spyan yangs dag pa'i spyan dang ldan/ /phan pa mdzad pa gdugs tshod bab kyi gshegs su gsol/ /
247b3 tshangs pa'i gsung dang rnam dag gsung ldan dbyangs snyan pa/ /ka la ping+ka'i rnga sgra bdud rtsi'i don ston pa/ /sman pa'i mchog ste nyon mongs sna tshogs mun sel ba/ /sems can rin chen gdugs
247b4 tshod bab kyi gshegs su gsol/ /zhi zhing rab zhi thugs mnga' rtag tu zhi bar spyod/ /rgyal ba grol ba lha dang mi rnams rab grol mdzad/ /chu bo bzhi las rgal ba 'gro ba dgrol ba po/ /pha rol
247b5 gshegs pa bde sbyin gdugs tshod dus la bab/ /sbyin dul yang dag sdom dgyes tshul khrims yongs su dag /bzod pa'i stobs dang ldan zhing brtson 'grus chen po brnyes/ /bsam gtan rnam
247b6 thar dgyes pa shes rab yongs su rdzogs/ /zhal ras zla 'dra gdugs tshod bab kyi gshegs su gsol/ /lam mkhyen lam la mkhas shing lam srang ngan pa spangs/ /byang chub yan lag dbang stobs bden
247b7 pa bzhi ston pa/ /yang dag spong dang rdzu 'phrul bzhi dran dang ldan pa/ /thams cad zil mnon yon tan mnga' ba gdugs tshod bab/ /sum cu rtsa gnyis mtshan mnga' bsod nams brgya yi tog /bsod nams 'tshal
248a1 rnams bsod nams zhing chen bcom ldan 'das/ /mchod sbyin dam pa bzhes pa'i 'os lags yon gyi gnas/ /byams la dgyes pa gdugs tshod
248a2 bab kyi gshegs su gsol/ /lhun po 'dra zhing sa dang mtshungs la sbyor ba snyoms/ /byams sdang mi mnga' nam mkha'i ngo bo nyid dang mtshungs/ /mi yi dbang po khengs pa mi
248a3 mnga' dman mi mnga'/ /stong dang rnam par thar la dgyes pa gdugs tshod bab/ /kun mkhyen kun la mkhas pa dus dang cho ga mkhyen/ /chos rnams dbye la mkhas pa
248a4 rtag tu dul bzhin spyod/ /sems can bsam pa rab mkhyen don rig mkhyen pa ldan/ /chos kyi ngo bo nyid mkhyen gdugs tshod dus la bab/ /de nas bcom ldan 'das kyis
248a5 klu'i rgyal po rgya mtshos gdugs tshod bab pa de thugs su chud nas dge slong rnams la bka' stsal pa/ dge slong dag /klu'i rgyal po rgya mtshos gdugs tshod bab kyi/ lhung
248a6 bzed dang / chos gos longs la sems can yongs su smin par bya ba dang / klu'i rgyal po rgya mtsho'i gnas yongs su longs spyad pa'i phyir rgya mtsho chen por 'dong ngo / /de
248a7 nas bcom ldan 'das byang chub sems dpa'i tshogs kyis ni/ yongs su bskor/ nyan thos kyi dge 'dun gyis mdun du bdar/ lha'i tshogs kyis ni/ phyag byas/ lha ma yin
248b1 gyi tshogs kyis bstod de/ ngang pa'i rgyal po bzhin du steng gi bar snang la 'phags te gshegs nas 'od zer ni/ 'gyed/ sangs rgyas kyi zhing rnams ni/ snang bar mdzad/ pad+ma'i char ni
248b2 'bebs/ sil snyan 'bum ni/ sgrog/ glu dbyangs 'bum ni/ grags par mdzad de/ rgya mtsho'i 'gram ga la ba der gshegs te byon nas rgya mtsho'i 'gram na dga' ba'i tshal ltar nyams
248b3 dga' ba zhes bya ba'i tsam+pa ka'i tshal ga la ba der gshegs so/ /de nas klu'i rgyal po rgya mtsho bcom ldan 'das ga la ba der song ste phyin nas bcom ldan 'das kyi zhabs la mgo bos
248b4 phyag 'tshal te bcom ldan 'das la mchod pa byas so/ /mchod pa byas nas gdugs tshod phab bo/ /de nas klu'i rgyal po rgya mtsho 'di snyam du sems te/ bcom ldan 'das kyi rdzu 'phrul
248b5 gyis bdag gi gnas su gshegs pa ni/ bdag gis rigs pa ma yin/ cha ma yin gyi/ bdag gis bcom ldan 'das la mchod pa'i las bya ba'i phyir them skas ji lta bu dag
248b6 gis bcom ldan 'das sum cu rtsa gsum gyi gnas nas dzam+bu gling du gshegs pa de kho na lta bu'i them skas dag byin gyis brlabs la/ them skas de dag las bcom ldan 'das rgya
248b7 mtsho chen por gshegs par bya gor ma chag snyam mo/ /de nas klu'i rgyal po rgya mtshos rgya mtsho chen po'i 'gram nas rang gi gnas kyi bar du them skas kyi rim pa gsum bshams te
249a1 gcig ni/ gser las byas/ gcig ni/ bai DUR+ya las byas/ gcig ni/ mu tig dmar po las byas te/ rin po che thams cad kyis spras pa/ bkra
249a2 ba| blta na sdug pa dag bshams so/ /de nas bcom ldan 'das kyis ci nas rgya mtsho chen po'i chu'i phung po sus kyang mig gis ma mthong ba dang / chus kyang sems can dag
249a3 la gnod par mi 'gyur ba de lta bu'i byin gyi rlabs kyis byin gyis brlabs so/ /bcom ldan 'das kyi sku las kyang 'od gang gis rgya mtsho chen po snang bar gyur nas stong gsum
249a4 gyi stong chen po'i 'jig rten gyi khams snang bar 'gyur ba de lta bu'i 'od 'gyed par mdzad do/ /rgya mtsho chen po na sems can gnas pa gang yin pa de dag kyang 'od des reg pa
249a5 tsam gyis byams pa'i sems dang / phan pa'i sems dang / mnyen pa'i sems dang / bde ba'i sems su gyur te/ phyin chad su'ang phan tshun rnam par 'tshe ba med cing gnod pa
249a6 byed pa med de/ de dag thams cad gcig la gcig pha mar 'du shes par gyur to/ /'dod pa na spyod pa dang / gzugs na spyod pa'i lha'i bu rnams kyang chos mnyan pa dang / klu'i
249a7 rgyal po rgya mtsho'i gnas kyi bkod pa blta bar 'dod pa'i phyir bcom ldan 'das kyi phyi bzhin 'brang ngo / /de nas bcom ldan 'das byang chub sems dpa' rnams dang / nyan thos
249b1 chen po rnams dang / brgya byin dang / tshangs pa dang / 'jig rten skyong ba la sogs pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci
249b2 dang / lto 'phye chen po rnams dang / mi dag mi ma yin pa rnams dga' ba'i tshal ltar nyams dga' ba'i tsam+pa ka'i tshal nas langs te klu'i rgyal po rgya mtshos them skas kyi rim pa bshams
249b3 pa ga la ba der dong ste lhags nas them skas dbus ma la ni/ bcom ldan 'das bzhugs so/ /g.yas rol na ni/ byang chub sems dpa' rnams 'khod do/ /g.yon rol na ni/
249b4 nyan thos chen po rnams 'khod do/ /mdun logs na ni/ brgya byin bye ba phrag drug cu lag pa g.yas pas lam mtshon par byed do/ /tshangs pa bye ba phrag drug cu ni/ nam mkha'i
249b5 dkyil na 'khod de bcom ldan 'das la rin po che'i gdugs rnams 'dzin to/ /lha bye ba phrag drug cu ni/ bcom ldan 'das kyi snam logs na 'khod de me tog gi char 'bebs so//
249b6 'dod pa na spyod pa'i lha'i bu rnams ni/ bcom ldan 'das la mchod pa'i las bya ba'i phyir sil snyan bye ba phrag drug cu dkrol bar byed do/ /lha'i bu mo bye ba phrag drug cu ni/ bcom
249b7 ldan 'das kyi bshul spos chus chag chag 'debs so/ /klu'i bu mo bye ba phrag drug cu ni/ nam mkha'i dkyil na 'khor de ro stod khebs pa'i mu tig gi phreng ba dag 'phyang bar byed do/ /
250a1 mi'am ci bye ba phrag drug cu ni/ bcom ldan 'das la tshigs su bcad pa brjod pas bstod par byed do/ /dri za bye ba phrag drug cu ni/ bcom ldan 'das
250a2 kyi spyan snga na me tog gi phreng ba rnams 'phyang bar byed do/ /lha ma yin bye ba phrag drug cu ni/ ras bcos bu kha dog sna tshogs stong gis bcom ldan 'das la 'gebs par byed do/ /
250a3 klu'i rgyal po ma dros pa'ang 'khor bye ba phrag brgya nam mkha'i dkyil na 'khod de me tog dang / spos dang / phye ma dang / byug pa dang / gos dang / gdugs dang / rgyal mtshan
250a4 dang / ba dan thams cad dang / sil snyan dang / glu dbyangs dang / pheg rdob pa dang / lha'i bkod pa thams cad kyis bcom ldan 'das la mchod pa byed de/ de la sogs
250a5 pa klu'i rgyal po drug khri bcom ldan 'das la mchod pa'i las byed pa la zhugs so/ /de bzhin gshegs pa tshe dpag tu med pa'i sangs rgyas kyi zhing 'jig rten gyi khams bde ba can
250a6 nas kyang byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa'i 'khor mang po bye ba khrag khrig phrag 'bum klu'i
250a7 rgyal po rgya mtsho dga' bar bya ba dang / bcom ldan 'das la mchod pa'i las bya ba'i phyir lhags so/ /de dag gis kyang bcom ldan 'das la mchod pa'i bkod pa snga ma gang yin pa de
250b1 mog mog por byed cing mi mngon par byed pa de lta bu'i mchod pa byas so/ /de bzhin du bcom ldan 'das de bzhin gshegs pa bzod dka'i sangs rgyas kyi zhing 'jig rten gyi khams 'od
250b2 zer can nas kyang byang chub sems dpa' 'od kyi tog dang / 'od kyi dpal gnyis 'ongs so/ /bcom ldan 'das de bzhin gshegs pa mi 'khrugs pa'i sangs rgyas kyi zhing 'jig
250b3 rten gyi khams mngon dga' nas kyang byang chub sems dpa' spos kyi glang po dang / glang chen spos kyi glang po gnyis 'ongs so/ /bcom ldan 'das de bzhin gshegs pa nyi zla'i
250b4 sangs rgyas kyi zhing 'jig rten gyi khams rnam par snang byed nas kyang byang chub sems dpa' seng+ge dang / seng+ge'i blo gros gnyis 'ongs so/ /bcom ldan 'das de bzhin gshegs
250b5 pa spyan bzang gi zhing 'jig rten gyi khams mig mi 'dzum pa nas kyang byang chub sems dpa' kha lo sgyur ba dang / chos thams cad la dbang byed pa gnyis 'ongs so/ /bcom
250b6 ldan 'das de bzhin gshegs pa kun tu snang ba'i sangs rgyas kyi zhing kyi 'jig rten gyi khams snang ba can nas kyang byang chub sems dpa' rin chen dkyil 'khor can dang / rin
250b7 chen ta la gnyis 'ongs so/ /bcom ldan 'das de bzhin gshegs pa rin po rin chen dpal gyi sangs rgyas kyi zhing 'jig rten gyi khams dga' ba'i snying po nas kyang byang chub sems
251a1 dpa' mthong ba don yod dang / rnam par gnon pa don yod gnyis 'ongs so/ /bcom ldan 'das de bzhin gshegs pa kun tu rnam par gzigs kyi
251a2 sangs rgyas kyi zhing 'jig rten gyi khams kun tu lta ba nas kyang byang chub sems dpa' sprin gyi rgyal po dang / chos kyi rgyal po gnyis 'ongs so/ /bcom ldan 'das de bzhin
251a3 gshegs pa 'jig rten dbang phyug rgyal po'i sangs rgyas kyi zhing mthong na dga' ba nas kyang byang chub sems dpa' bdud rab tu 'joms pa dang / brag 'joms rgyal
251a4 po gnyis 'ongs so/ /bcom ldan 'das de bzhin gshegs pa rin chen tog gi sangs rgyas kyi zhing 'jig rten gyi khams rin chen ldan nas kyang byang chub sems dpa' blo
251a5 gros rab gnas dang / sgrib pa thams cad rnam par sel ba gnyis 'ongs so/ /de ltar phyogs bcu nas byang chub sems dpa' bye ba khrag khrig 'bum phrag bye ba mang po klu'i
251a6 rgyal po rgya mtsho dga' bar bya ba dang / de bzhin gshegs pa la mchod pa'i las bya ba'i phyir lhags so/ /de nas bcom ldan 'das kyis sangs rgyas kyi mthu chen po dang /
251a7 sangs rgyas kyi tshong phrul chen po dang / sangs rgyas kyi rnam par 'phrul pa chen po dang / sangs rgyas kyi bkod pa chen po dang / sangs rgyas kyi bdag nyid chen po dang / sangs
251b1 rgyas kyi rnam par rol pa chen po dang / sangs rgyas kyi mchod pa chen po dang / sangs rgyas kyi seng+ge'i sgra chen pos phyogs bcur sangs rgyas kyi zhing dpag tu med pa dag 'od kyis khyab par
251b2 mdzad de/ sangs rgyas kyi gsung gis go bar mdzad nas lha 'bum gyi sil snyan dang / glu dbyangs len cing me tog gi char 'bebs la/ ngan song thams cad kyi 'chi 'pho dang / skye
251b3 ba rab tu zhi bar byas te/ sems can thams cad kyi bde ba dang / yid bde ba bsgrubs nas snying rje chen po brtan pa zhes bya ba'i sangs rgyas kyi ting nge 'dzin la snyoms par
251b4 zhugs so/ /bkod pa bsam gyis mi khyab pa de lta bus rin po che'i them skas de dag las rgya mtsho chen por gshegs te/ de lta bu'i klu'i dbyangs len pa dang / phyogs
251b5 bcu'i sangs rgyas kyi zhing dpag tu med par gsung gis go bar mdzad nas sangs rgyas kyi mthu dang / de bzhin gshegs pa'i byin gyi rlabs kyis 'jig rten gyi khams
251b6 gzhan dang / gzhan dag na gnas pa'i byang chub sems dpa' rnams dang / brgya byin dang / tshangs pa dang / 'jig rten skyong ba rnams dang / lha dang / klu dang / gnod sbyin
251b7 dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa rnams kyis kyang bcom ldan 'das de bzhin gshegs
252a1 pa shAkya thub pa rgya mtsho chen por gshegs pa mthong ngo / /de na lha'i bu mo dang / klu'i bu mo dang / gnod sbyin gyi bu mo dang / lha ma yin gyi bu mo dang / nam
252a2 mkha' lding gi du mo dang / dri za'i bu mo dang / mi'am ci'i bu mo dang / lto 'phye chen po'i bu mo bye ba phrag 'bum dag gis sil snyan dang / glu'i dbyangs len cing bcom ldan 'das
252a3 mdun nas bsu nas de'i tshe rgyud kyi sgra skad las 'byung ba'i tshigs su bcad pa khyad par du 'phags pa 'di dag gis bcom ldan 'das la mngon par bstod pa/ sbyin pa las byung
252a4 tshul khrims mdzes dang ldan/ /bzod pa'i stobs las byung ba byams pa bsgoms/ /brtson 'grus las byung don gyi rgya mtsho las/ /bsam gtan rnam thar dgyes pa khyod phyag
252a5 'tshal| |shes rab 'od ldan dgongs pa rnam par dag /'od dang gzi brjid dpal gyis mngon par brgyan/ /rnam par grol ba mngon sum ston mdzad pa/ /thub pa nyon mongs
252a6 bsal la phyag 'tshal lo/ /brtul zhugs shin tu rdzogs pa brtul zhugs mchog /dka' thub mthar phyin rtogs par thugs su chud/ /mig ni sbyin par mdzad cing
252a7 mig sbyong ba/ /'gro ba kun tu rgyu ba 'gro ba'i mchog /don dam zab mo shin tu ston pa po/ /gzhan la phan pa zla med thugs su chud/ /chags pa med par tshig gi don ston
252b1 pa| |gzhan la phan pa dpe med 'od mdzad pa/ /dus skabs mkhyen pa kun tu ston pa po/ /rgol ba ngan pa'i tshogs kun rab 'joms pa/ /brtul zhugs yongs su rdzogs pa brtul zhugs
252b2 mchog /bdud rtsi'i bde skyid bde ba sbyin mdzad pa/ /nam mkha' 'dra zhing dgongs pa dag pa ste/ /dri ma kun sel rnam par 'dren pa po/ /yon tan rgya mtsho bsod nams mi zad
252b3 pa| |rgya mtshor 'jug pa ye shes rgya mtshor ldan/ /chos kyi dbang phyug nyon mongs sel mdzad pa/ /chos kyi sbyin bdag ser sna mi mnga' ba/ /chos kyi rin chen nor mchog sbyin
252b4 mdzad pa/ /chos mchog ye shes de nyid ston pa po/ /dga' ba ston pa bde ba ston mdzad pa/ /bag la nyal gyi nyes pa spong ba ston/ /ri yi dbang po bzhin du mi g.yo ba/ /de bzhin
252b5 gshegs pa khyod la mgos phyag 'tshal/ /mi dang lha dang mkha' lding gsang ba pa/ /lha min srin po mi'am ci yi bdag /klu rnams dang ni grul bum gnod sbyin rnams/ /khyod kyi
252b6 zhabs la mgo bos phyag kyang 'tshal/ /mtshan mchog sum cu rtsa gnyis ldan pa ste/ /rab mdzes shin tu dpe med ston mdzad pa/ /gser gyi mdog can dpal ldan mdog sdug pa/ /
252b7 sen mo zangs 'dra mdog sdug phyag mthil mnyam/ /ka la ping+ka'i gdangs can ya mtshan gsung / /tshangs ba lha dbang gdangs can gdangs kyi mchog /gsung gis stong gsum so sor
253a1 'gengs par mdzad/ /'jam gnyen gsung ldan khyod la phyag 'tshal lo/ /dbang po dul zhing thugs kyang dul ba ste/ /zhal ras zla ba 'dra zhing spyan legs
253a2 pa| |rtag tu bden pa gsung zhing mnyam par bzhag /rtag tu chos 'dzin khyod la phyag 'tshal lo/ /rga nad sdug bsngal rab tu grol mdzad pa/ /'gro ba'i don mdzad nyon mongs spong
253a3 mdzad pa/ /rgyal bar 'os pa 'dud 'joms rgyal ba po/ /skye ba mi bzad de nyid ston mdzad pa/ /dgra bcom dgra yi tshogs rnams rab 'joms pa/ /lha las 'das pa lha mang rnams kyis
253a4 mchod| |khyod ni rtag tu bzhes pa'i 'os kyi mchog /skye rgu kun mchog 'dren pa bzang po lags/ /de nas lha'i bu mo dang / klu'i bu mo dang / lha ma yin dang / mi'am ci dang / nam mkha'
253a5 lding dang / lto 'phye chen po dang / dri za'i bu mo de dag gis bcom ldan 'das la tshigs su bcad pa 'di rnams kyis mngon par bstod nas thams cad gcig tu mthun par gyur pas bla na
253a6 med pa yang dag par rdzogs pa'i byang chub tu sems bskyed nas rang rang gi rgyan rnams bcom ldan 'das kyi sku la gsol to/ /de nas bcom ldan 'das mthar gyis rgya mtsho chen por
253a7 gshegs te/ rgya mtsho chen po'i gting gi dkyil gyi gnas klu'i rgyal po rgya mtsho'i 'khor gyi khyams bkod pa ga la ba der gshegs nas seng+ge'i khri de la bzhugs so/ /dge slong gi dge
253b1 'dun rnams dang / byang chub sems dpa' rnams kyang stan ji ltar bshams pa de dag la 'khod do/ /de nas klu'i rgyal po rgya mtshos bcom ldan 'das dang / dge slong gi dge 'dun dang / byang
253b2 chub sems dpa' rnams bzhugs par rig nas bu dang bcas/ chung ma dang bcas/ gnyen 'dab dang 'khor dang bcas pas rang gis lag gi zhal zas ro brgya dang ldan pa/ bsod pa
253b3 mang pos tshim par byed cing ci bzhes stob par byed do/ /tshim par byas shing ci bzhes pa bstabs nas bshos gsol lags te/ btsang sder gyu ba dang phyag bcabs par rig
253b4 nas chos mnyan pa'i phyir klu'i rgyal po rgya mtsho lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang /
253b5 brgya byin dang / tshangs pa dang / 'jig rten skyong ba rnams dang / phyogs bcu nas 'dus pa'i byang chub sems dpa' sems dpa' chen po de dag dang lhan cig tu bcom ldan 'das kyi
253b6 spyan sngar 'khod do/ /de nas bcom ldan 'das kyis thams cad dang ldan pa'i 'khor de tshogs te 'khod par thugs su chud nas bde ba dang / dga' ba dang / mchog tu dga' ba'i chos
253b7 mnyan pa zhes bya ba'i 'od zer sku las 'gyed par mdzad de/ 'od zer de de dag gis rgya mtsho chen po'i nang na srog chags rab dang / 'bring dang / tha ma ji snyed gnas pa de dag thams cad
254a1 kyis bcom ldan 'das mdun na bzhugs par mthong bar gyur te/ bde ba dang / dga' ba dang / mchog tu dga' ba skyes nas chos mnyan pa la khrod cing
254a2 gus pa dang bcas pas thal mo sbyar te bcom ldan 'das la 'dud cing 'khod par gyur to/ /de nas bcom ldan 'das kyis klu'i rgyal po rgya mtsho la bka' stsal pa/ klu'i bdag
254a3 po| 'jig rten gnas pa 'di ni/ las sna tshogs kyis bskyod nas sems kyi dmigs pa sna tshogs kyi las rnam pa sna tshogs mngon par 'du bya ba mngon par 'du bya ba mngon par 'du byed de/ de'i 'gro ba'ang
254a4 sna tshogs su gyur to/ /klu'i bdag po/ rgya mtsho chen po 'di na gzugs rnam pa sna tshogs ji snyed yod pa dang / tha mal pa ji snyed snang ba la ltos/ klu'i bdag po/ 'di dag thams cad
254a5 ni| rang gi sems dang / dge ba dang / mi dge ba'i rtsa ba'i lus dang / ngag dang / yid kyi las sna tshogs kyis sna tshogs su byas pa dag go /sems ni/ gzugs med pa/ bstan du
254a6 med pa ste/ klu'i bdag po/ de ltar na/ chos thams cad ni/ bcos ma rnam par bsgrubs pas nye bar gnas pa'i mtshan nyid de/ bdag po med pa/ bdag gi med pa/ yongs
254a7 su 'dzin pa med pa'o/ /de dag ni/ las ji ltar bsags pa bzhin du bsgrubs pa sna tshogs su byas pa dag ste/ 'di la byed pa po gang yang med do/ /de ltar na/ chos 'di dag ni/
254b1 bsam gyis mi khyab pa/ sgyu ma'i mtshan nyid kyi ngo bo nyid do/ /klu'i bdag po/ de la mkhas pas chos thams cad rnam par bsgrubs pas nye ba gnas pa'i mtshan nyid du shes nas dge
254b2 ba mngon par 'du bya bdag khon mngon par 'du bya ste/ dge ba mngon par 'du bya ba dag mngon par 'du byed pa'i phung po dang / khams dang / skye mched rnam par bsgrubs nas nye bar
254b3 gnas pa'i mtshan nyid mngon par 'grub pa gang yin pa de dag mdzes shing gzugs bzang la blta na sdug par mngon par 'grub par 'gyur ro/ /klu'i bdag po/ de bzhin
254b4 gshegs pa'i sku bsod nams bye ba phrag 'bum gyis ji ltar brgyan pa dang / ji ltar rnam par bsgrubs pa dang / gang gis lha dang bcas pa'i 'jig rten zil gyis mnan cing
254b5 non par 'dug pa dang / gang gis 'bum phrag bcu la dbang bsgyur ba'i tshangs pa 'di dag kyang mog mog por byed pa dang / de bzhin gshegs pa'i sku la blta ba na'ang mig khral khrul du
254b6 gyur pa la ltos/ byang chub sems dpa' sems dpa' chen po 'di dag gi lus kyi rgyan gzugs kyi mtshan rnams la ltos/ 'di dag thams cad ni/ dge ba mngon par 'du byed pas mngon
254b7 par 'du byas pa brgyan pa/ rnam par bsgrubs pa dag go /klu'i bdag po/ khyod kyi bkod pa 'di'ang bsod nams las byung ba yin no/ /brgya byin dang / tshangs pa dang / 'jig rten skyong ba
255a1 dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po 'di rnams kyi bkod pa 'di
255a2 dag thams cad kyang bsod nams las byung ba dag go /klu'i rgyal po rgya mtsho chen po 'di na gang dag lus sna tshogs gzugs mi sdug cing dbyibs ma legs pa dang / lus rags
255a3 shing che ba rnams dang / gang dag lus phra zhing chung ba de dag thams cad kyang rang rang gi sems dang / dge ba dang / mi dge ba'i rtsa ba'i lus dang / ngag dang / yid kyi las sna tshogs
255a4 kyis sna tshogs su byas pa dag ste/ klu'i bdag po/ de lta bas na/ khyod kyis las bdag gir bya ba dang / las kyi rnam par smin pa la rton par 'gyur bar de ltar slobs
255a5 shig dang / las bdag gir bya ba dang / las kyi rnam par smin pa la rton pa khyed dge ba'i las mngon par 'du bya ba dag la blo 'jug par 'gyur ro/ /lta ba chud gson
255a6 par byed par mi 'gyur ro/ /chad par lta ba dang / rtag par lta ba la gnas par yang mi 'gyur ro/ /khyed kyis sbyin pa'i gnas rnams mnyes par gyis shig /mnyes par
255a7 byas nas kyang thugs byung bar ma byed cig /bkur sti'i rgyu las byung ba'i dge ba'i rtsa ba mngon par 'du byed pas kyang lha dang bcas pa'i 'jig rten gyi bkur sti'i gnas su
255b1 'gyur bar gyis shig /bam po lnga pa/ klu'i bdag po/ byang chub sems dpa' rnams kyi chos gcig gis ngan song ngan 'gro log par ltung bar skye ba yang dag par gcod
255b2 do| |chos gcig po de gang zhe na/ 'di lta ste/ bdag ji ltar gyur cing nyin mtshan 'da' zhing 'dug snyam du dge ba'i chos rnams la so sor rtog pa ste/ de dge ba'i chos la so
255b3 sor rtog pa mang bas mi dge ba'i sems dang / sems las byung ba'i chos rnams kyi go skabs mi 'byed do/ /de mi dge ba'i chos spangs te dge ba'i chos dang ldan pas bsam pa
255b4 dge ba'i sems can 'di lta ste/ sangs rgyas rnams dang / byang chub sems dpa' rnams dang 'grogs pa rnyed par 'gyur ro/ /klu'i bdag po/ de la dge ba'i chos de dag gang zhe na/
255b5 dge ba'i chos rnams zhes bya ba ni/ lha dang / mi'i skye rgu'i phun sum tshogs pa'i rtsa ba'i rten to/ /nyan thos dang / rang sangs rgyas kyi byang chub kyi rtsa ba'i rten to/ /bla na med pa
255b6 yang dag par rdzogs pa'i byang chub kyi rtsa ba'i rten to/ /rtsa ba'i rten kyang gang zhe na/ 'di lta ste/ dge ba bcu'i las kyi lam rnams te/ bcu gang zhe na/ 'di lta ste/ srog gcod
255b7 pa spong ba dang / ma byin par len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag rtsub po spong ba dang / tshig
256a1 kyal ba spong ba dang / brnab sems spong ba dang / gnod sems spong ba dang / log par lta ba spong ba ste/ de ni/ rtsa ba'i rten ces bya'o/ /klu'i bdag po/
256a2 de la srog gcod pa spangs pa'i skyes bu gang zag ni/ rab tu zhi bar byed pa'i chos bcu thob ste/ bcu gang zhe na/ 'di lta ste/ des sems can thams cad la mi 'jigs
256a3 pa byin pa yin/ de'i sems byams par dmigs pa la gnas pa yin/ de'i zhe sdang gi bag chags yang dag par chad pa yin/ des nad nyung bar 'gyur ba'i lam
256a4 yongs su bzung ba yin/ des tshe ring bar 'gyur ba'i sa bon btab pa yin/ de la mi ma yin pa rnams kyang srung ba dang / skyob pa dang / sbed par byed pa yin/ bde bar
256a5 nyal zhing bde bar sad pa dang / sdug pa'i rmi lam mi rmi ba yin/ gnyid log pa na'ang de la lha rnams srung ba yin/ de la shar gnyer ba med pa yin te/ de la shar
256a6 gnyer ba'i bag la nyal ba med pa yin/ ngan 'gro thams cad kyis mi 'jigs pa dang / shi 'phos nas kyang bde 'gro mtho ris kyi 'jig rten du skye ba yin te/ rab tu zhi
256a7 bar byed pa'i chos bcu po de dag thob bo/ /srog gcod pa spangs pa'i dge ba'i rtsa ba de gal te/ bla na med pa yang dag par rdzogs pa'i byang chub tu yongs su bsngo na/ des de
256b1 byang chub thob pa na tshe'i tshad sems kyi dbang du 'gyur ro/ /klu'i bdag po/ ma byin par len pa spangs pa'i skyes bu gang zag ni/ yid brtan pa'i chos lnga thob ste/ lnga gang zhe na/
256b2 longs spyod che bar 'gyur la de'i longs spyod de dag kyang rgyal po dang / chom rkun dang / chu dang / me dang / bgo skal la spyod pa'i mi mdza' ba rnams kyis mi 'phrog pa yin/ skye
256b3 bo mang po'i yid du 'ong zhing dga' ba yin/ dogs pa med pa yin/ phyogs dang phyogs mtshams su de'i bsngags pa brjod cing de la pha rol gyi gnod pas 'jigs pa med pa
256b4 yin| de'i sems sbyin pa'i bgo bsha' la 'jug pa yin te/ lnga po de dag go /ma byin par len pa spangs pa'i dge ba'i rtsa ba de gal te bla na med pa yang dag par rdzogs pa'i byang
256b5 chub tu yongs su bsngo na/ des de de bzhin gshegs pa nye ba'i nyon mongs pa can ma yin pa'i ye shes can du rang gis mngon par rtogs nas bla na med pa yang dag par rdzogs pa'i
256b6 byang chub mngon par rdzogs par 'tshang rgya'o/ /klu'i bdag po/ 'dod pas log par g.yem pa spangs pa'i skyes bu gang zag ni/ mkhas pas bsngags pa'i chos bzhi thob ste/
256b7 bzhi gang zhe na/ dbang po bsdams pa dang / rgol ba las yang dag par 'das pa dang / 'jig rten thams cad kyis bsngags pa dang / chung ma mi 'phrog pa ste/ bzhi po de dag go /
257a1 'dod pa la log par g.yem pa spangs pa'i dge ba'i rtsa ba de gal te/ bla na med pa yang dag par rdzogs pa'i byang chub tu yongs su bsngo na/ des de skyes
257a2 bu chen po'i mtshan mdoms kyi sba ba spubs su nub pa thob bo/ /klu'i bdag po/ brdzun du smra ba spangs pa'i skyes bu gang zag ni/ lha dang / mis bsngags pa'i chos brgyad thob
257a3 ste| brgyad gang zhe na/ ut+pa la'i dri 'byung bas kha dog yongs su dag pa thob pa dang / 'jig rten thams cad kyi tshad mar 'gyur ba dang / lha dang / mi dga' bas dbang gcig
257a4 pur 'gyur ba dang / yang dag pa'i bsam pa dang ldan pas dogs pa med par 'gyur ba dang / lhag pa'i bsam pa phun sum tshogs pas lus dang / ngag dang / sems
257a5 yongs su dag par 'gyur ba dang / tshig 'khrul pa med pas mchog tu dga' ba mang bar 'gyur ba dang / tshig gzung bar 'os pas ngag mnyan par 'gyur ba dang / shes
257a6 rab thob pas lha dang mir skyes na'ang dpang gcig pur 'gyur ba yin te/ brgyad po de dag go /brdzun du smra ba spangs pa'i dge ba'i rtsa ba de gal te bla na med pa yang dag
257a7 par rdzogs pa'i byang chub tu yongs su bsngo na/ des de bden pa'i rjes su 'jug pa'i tshig tu 'gyur ro/ /klu'i bdag po/ phra ma spangs pa'i skyes bu gang zag ni/ mi phyed
257b1 pa lnga thob ste/ lnga gang zhe na/ gzhan gyis gnod par bya ba dang bral bas lus mi phyed pa thob pa dang / gzhan dag gi la chags pa med pas g.yog 'khor mi phyed pa thob pa dang / las
257b2 kyi rnam par smin pa mthong bas dad pa mi phyed pa thob pa dang / sgrub pa snying por byed pas chos las mi phyed pa thob pa dang / mi slu bas mdza' ba shes mi phyed pa thob pa ste/ lnga po de dag
257b3 go /dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de g.yog 'khor mi phyed pa'i de bzhin gshegs pa dgra bcom pa yang dag
257b4 par rdzogs pa'i sangs rgyas su 'gyur te/ de'i 'khor bdud dang / pas kyi rgol ba thams cad kyis dbye bar mi nus so/ /klu'i bdag po/ ngag rtsub po spangs pa'i skyes bu gang
257b5 zag ni| yongs su dag pa brgyad thob la/ shi 'phos na'ang lha dang / mi rnams kyi nang du skye bar 'gyur te/ brgyad gang zhe na/ 'di lta ste/ ran pa'i tshig dang / phan pa'i tshig dang /
257b6 rigs pa'i tshig dang / 'jam pa'i tshig dang / gzung ba'i tshig dang / mnyan pa'i tshig dang / skye bo mang po dga' ba'i tshig dang / mi smad pa'i tshig ste/ brgyad po de dag go /dge ba'i
257b7 rtsa ba de gal te bla na med pa yang dag par rdzogs pa'i byang chub tu yongs su bsngo na/ des de tshangs pa'i sgra skad kyi gdangs can gyi de bzhin gshegs par 'gyur ro/ /klu'i bdag po/
258a1 tshig kyal pa spangs pa'i skyes bu gang zag ni/ gcig tu nges pa gsum thob ste/ gsum gang zhe na/ mkhas pa rnams gcig tu nges par dga' ba dang /
258a2 lan legs par glon pas gcig tu nges pa de'i blo bden pa la 'gro ba dang / bcos ma ma yin pas gcig tu nges par lha dang mi'i bdag nyid chen po thob pa ste/ gsum po de
258a3 dag go /dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des de phyad par lung ston cing gzhan du mi gsung ba'i de bzhin gshegs
258a4 par 'gyur ro/ /klu'i bdag po/ brnab sems spangs pa'i skyes bu gang zag ni/ bdag po'i chos lnga thob ste/ lnga gang zhe na/ dbang po ma tshang ba med pas lus dang / ngag dang /
258a5 sems kyi bdag po thob pa dang / dgra thams cad kyi mi rdzi bas longs spyod dang / dbang phyug rgya chen po'i bdag po thob pa dang / bsod nams la dbang byed pas de'i sems nye
258a6 bar spyad pa dang / longs spyod rgya chen po rnams la 'jug pa dang / phyis bkrabs pa thob pas rgyal po bdag pos mchod pa dang / sngon phrag dog med pas longs spyod ji ltar smon
258a7 pa rnams 'bum 'gyur du khyad par du 'gyur ba thob pa ste/ lnga po de dag go /dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na/ des
258b1 de 'jig rten gyis mchod pa'i de bzhin gshegs pa ston pa gcig pur 'gyur ro/ /klu'i bdag po/ gnod sems spangs pa'i skyes bu gang zag ni/ yid bde bar byed pa'i chos brgyad thob ste/
258b2 brgyad gang zhe na/ de'i sems rnam par mi 'tshe ba la 'jug pa dang / de'i gnod sems rab tu zhi ba la 'jug pa dang / de'i sems rtsod pa med cing 'thab pa med pa la 'jug pa dang /
258b3 de'i sems 'jam pa dang / mnyen pa dang / des pa la 'jug pa dang / byams pa'i sems dang ldan pa'i phyir 'phags pa'i skye bos bkur ba dang / sems can thams cad kyi bde
258b4 ba la mngon par dga' ba'i phyir phan pa'i dngos po mang ba dang / skye bo mang pos bkur sti bya ba'i phyir mdzes pa dang / sems 'jam zhing las su rung ba'i phyir de tshangs pa'i 'jig
258b5 rten du skye bar dka' ba med pa ste/ brgyad po de dag go /dge ba'i rtsa ba de gal te bla na med pa yang dag par rdzogs pa'i byang chub tu yongs su bsngo na /des de sems thogs pa med
258b6 pa'i de bzhin gshegs pa blta bas chog mi shes par 'gyur ro/ /klu'i bdag po/ log par lta ba spangs pa'i skyes bu gang zag ni/ yon tan gyi chos bcu thob ste/ bcu gang zhe na/
258b7 bsam pa dge bar 'gyur zhing grogs po dge ba rnyed pa dang / las kyi rnam par smin pa la yid ches te srog gi phyir yang sdig pa'i las mi byed pa dang / lhar sangs rgyas 'dzin te
259a1 gzhan lhar mi 'dzin pa dang / dge mtshan dang bkra shis su 'dzin pa med pas lta ba drang ba dang / grogs lha dang mi yin te/ dud 'gro'i skye gnas dang / gshin
259a2 rje'i 'jig rten gyi grogs ma yin pa dang / bsod nams 'bar bas khyad par du 'gro ba dang / log pa thams cad med pas 'phags pa'i lam du zhugs pa dang / 'jig tshogs
259a3 la lta ba las bskyod de sdig pa'i lta ba thams cad dang bral ba dang / sgrib pa med par mthong ba yin te/ yang dag par song ba yang dag par zhugs pa dang / lha dang mi rnams
259a4 kyi nang na mi khom pa dang bral ba yin te/ bcu po de dag go /log par lta ba spangs pa'i dge ba'i rtsa ba de gal te bla na med pa yang dag par rdzogs pa'i byang chub tu yongs
259a5 su bsngo na/ des de byang chub thob pa na sangs rgyas kyi chos thams cad de la mngon sum du 'gyur zhing mngon par shes pa myur ba'i de bzhin gshegs par 'gyur ro/ /klu'i
259a6 bdag po/ de la srog gcod pa spangs pa'i byang chub sems dpas sbyin pa byin na/ longs spyod che bar 'gyur zhing / tshe ring bar yang 'gyur ro/ /byang chub sems dpa'i spyad pa
259a7 spyod pa na 'ang gzhan gyis gnod par bya ba thams cad las yang dag par 'da' bar 'gyur ro/ /ma byin par len pa spangs pa'i byang chub sems dpas sbyin pa byin na/ longs spyod
259b1 che bar 'gyur zhing longs spyod mi 'phrog par yang 'gyur ro/ /byang chub sems dpa'i spyad pa spyod pa na'ang dge ba'i rtsa ba thams cad yang dag par bsgrubs pas bla na med pa thob
259b2 par 'gyur ro/ /'dod pa la log par g.yem pa spangs pa'i byang chub sems dpas sbyin pa byin na/ longs spyod che bar 'gyur zhing chung ma mi g.yem par yang 'gyur ro/ /byang chub
259b3 sems dpa'i spyad pa spyod pa na'ang de'i ma dang / bu dang / chung ma la su'ang chags pa'i sems kyis lta bar mi 'gyur ro/ /brdzun du smra ba spangs pa'i byang chub sems dpas sbyin pa byin na/
259b4 longs spyod che bar 'gyur zhing longs spyod mi 'phrog pa dang / skur ba 'debs pa med par 'gyur ba'i lam yang yongs su 'dzin par 'gyur ro/ /byang chub sems dpa'i spyad pa spyod pa
259b5 na'ang ji skad smras pa de bzhin du byed de/ dam bcas pa brtan par 'gyur ro/ /phra ma spangs pa'i byang chub sems dpas sbyin pa byin na/ longs spyod che bar 'gyur zhing g.yog 'khor
259b6 mi phyed par yang 'gyur ro/ /byang chub sems dpa'i spyad pa spyod pa na'ang bsam pa mthun pas byang chub sems dpa'i g.yog 'khor thob bo/ /ngag rtsub po spangs pa'i byang chub
259b7 sems dpas sbyin pa byin na/ longs spyod che bar 'gyur zhing tshig btsun par 'gyur la tshig sun dbyung du med par yang 'gyur ro/ /byang chub sems dpa'i spyad pa spyod pa na'ang
260a1 'khor ma mgu bar su'ang mi 'gro'o/ /tshig kyal pa spangs pa'i byang chub sems dpas sbyin pa byin na/ longs spyod che bar 'gyur zhing tshig mnyan
260a2 par yang 'gyur ro/ /byang chub sems dpa'i spyad pa spyod pa na'ang the tshom thams cad gcod pa la mkhas par 'gyur ro/ /brnab sems spangs pa'i byang chub sems
260a3 dpas sbyin pa byin na/ longs spyod che bar 'gyur zhing longs spyod dang / yongs su spyad pa rgya chen po dag la de'i sems 'jug par 'gyur ro/ /byang chub sems dpa'i
260a4 spyad pa spyod pa na'ang rgya chen po la mos shing dbang che bar grags par 'gyur ro/ /gnod sems spangs pa'i byang chub sems dpas sbyin pa byin na/ longs spyod che bar
260a5 'gyur zhing mdzes pa dang / skye bo mang po dga' zhing yid du 'ong bar yang 'gyur ro/ /byang chub sems dpa'i spyad pa spyod pa na'ang blo thogs pa med cing sems thogs pa
260a6 med la dbang po ma tshang ba med par 'gyur ro/ /log par lta ba spangs pa'i byang chub sems dpas sbyin pa byin na/ longs spyod che bar 'gyur zhing sangs rgyas la dad pa dang /
260a7 yang dag par lta ba'i khyim du skye'o/ /byang chub sems dpa'i spyad pa spyod pa na'ang sangs rgyas la lta ba dang / chos nyan pa dang / dge 'dun la bsnyen bkur byed pa dang / byang
260b1 chub tu sems bskyed pa dang 'bral bar mi 'gyur ro/ /klu'i bdag po/ dge ba bcu'i las kyi lam 'di dag sbyin pas brgyan na/ de ltar mthu che zhing phan yon che la byin che zhing rgya che
260b2 bar 'gyur ro/ /dge ba bcu'i las kyi lam 'di dag nyid tshul khrims kyis brgyan na/ sangs rgyas kyi chos thams cad la smon pa yongs su rdzogs par byed pa'o/ /bzod
260b3 pas brgyan na/ mtshan dang dpe byad bzang po dang / sangs rgyas kyi gsung gi gdangs yongs su rdzogs par 'gyur ro/ /brtson 'grus kyis brgyan na/ bdud phyir rgol pa
260b4 'joms pa dang / sangs rgyas kyi chos thams cad mthar phyin par 'gyur ro/ /bsam gtan gyis brgyan na/ dran pa dang / blo gros dang / rtogs pa dang / do tsha shes pa
260b5 dang / brtan pa yongs su dag par 'gyur ro/ /shes rab kyis brgyan na/ lta ba thams cad yang dag par 'joms par 'gyur ro/ /byams pas brgyan na/ sems can
260b6 thams cad dang zhe 'gras pa med par 'gyur ro/ /snying rjes brgyan na/ sems can thams cad yongs su mi gtong bar 'gyur ro/ /dga' bas brgyan na/ sems zhum pa
260b7 med par 'gyur ro/ /btang snyoms kyis brgyan na/ rjes su chags pa dang / khong khro ba spong bar 'gyur ro/ /bsdu ba'i dngos pos brgyan na/ sems can thams cad yongs su
261a1 smin par byed par 'gyur ro/ /dran pa nye bar gzhag pas brgyan na/ lus dang / tshor ba dang / sems dang / chos la mkhas par 'gyur ro/ /
261a2 yang dag pa'i spong bas brgyan na/ mi dge ba'i chos thams cad spong ba dang / dge ba'i chos thams cad yongs su rdzogs par 'gyur ro/ /rdzu 'phrul gyi rkang pas brgyan na/
261a3 lus dang / sems yang dag par 'gyur ro/ /dbang po lngas brgyan na/ dad pa brtan pa dang / brtson 'grus brtan pa dang / rmongs pa med pa dang / sems las su rung ba
261a4 dang / nyon mongs pa thams cad spong bar 'gyur ro/ /stobs kyis brgyan na/ rdzi ba med pa dang / dgra dang / 'khrug pa thams cad nges par 'joms par 'gyur ro/ /byang
261a5 chub kyi yan lag gis brgyan na/ chos thams cad yang dag pa ji lta ba bzhin du khong du chud par 'gyur ro/ /lam gyis brgyan na/ yang dag pa'i ye shes 'dren par 'gyur
261a6 ro| |zhi gnas kyis brgyan na/ nyon mongs pa thams cad tshar gcod par 'gyur ro/ /lhag mthong gis brgyan na/ chos thams cad yang dag pa ji lta ba bzhin du yongs su
261a7 shes par 'gyur ro/ /thabs kyis brgyan na/ 'dus byas dang / 'dus ma byas kyi bde ba yongs su rdzogs par 'gyur ro/ /klu'i bdag po/ mdor na/ dge ba bcu'i
261b1 las kyi lam 'di dag kho nas de bzhin gshegs pa'i stobs bcu yongs su rdzogs pa dang / mi 'jigs pa bzhi yongs su rdzogs pa dang / sangs rgyas kyi chos thams cad yongs su
261b2 rdzogs par 'gyur te/ klu'i bdag po/ de lta bas na/ dge ba bcu'i las kyi lam 'di dag rgyas par rnam par dbye ba dang / brgyan par brtson par bya'o/ /klu'i bdag po/ dper
261b3 na| grong dang / grong khyer dang / grong rdal dang / ljongs dang / yul 'khor dang / rgyal po'i pho brang thams cad dang / rtswa dang / shing gel pa dang / sman dang / shing thams cad dang /
261b4 las kyi mtha' thams cad dang / sa bon gyi tshogs thams cad dang / lo thog thams cad skye zhing rmo ba dang / shal bas bshal ba dang / 'byung ba rnams ni/ sa la gnas te/
261b5 de dag gi gnas ni/ sa yin no/ /klu'i bdag po/ de bzhin du dge ba bcu'i las kyi lam 'di dag ni/ lha dang / mir skye ba dang / slob pa dang / mi slob pa'i dge sbyong gi 'bras
261b6 bu thob pa dang / rang sangs rgyas kyi byang chub dang / byang chub sems dpa'i spyod pa thams cad dang / sangs rgyas kyi chos thams cad kyi gnas yin no/ /dge ba bcu'i las kyi lam
261b7 la gnas pa zhes bya ba'i le'u ste drug pa'o// //de nas bcom ldan 'das la klu'i rgyal po rgya mtshos 'di skad ces gsol to/ /bcom ldan 'das/ chos kyi sgor
262a1 'jug pa gang dang ldan na/ byang chub sems dpa' sngon gyi las kyi sgrib pa'i nongs pa rnams spong zhing las kyi sgrib pa thams cad spangs nas kyang khyad par gyi
262a2 gnas su mchi bar 'gyur ba'i chos kyi sgor 'jug pa gang lags/ bcom ldan 'das kyis bka' stsal pa/ klu'i bdag po/ chos gcig gis las kyi sgrib pa thams cad rgyun
262a3 chad par 'gyur te/ chos gcig po gang zhe na/ 'di lta ste/ sdom pa la gnas pa nyes pa byung ba 'chags pa ste/ gcig ni/ de yin no/ /klu'i bdag po/ chos gnyis kyis
262a4 sang kyi sgrib pa rgyun chad par 'gyur te/ gnyis gang zhe na/ 'di lta ste/ tshul bzhin du chos la so sor rtog pa dang / da ltar byung ba mngon par 'du mi byed pa ste/ de gnyis
262a5 so| |klu' bdag po/ chos gsum gyis las kyi sgrib pa rgyun chad par 'gyur te/ gsum gang zhe na/ 'di lta ste/ rkyen gyi chos la 'jug pa'i shes pa la so sor rtog pa
262a6 dang / mi gsar mi rnying ba'i chos la so sor rtog pa dang / rang bzhin gyis kun nas nyon mongs pa med pa'i chos rnams la so sor rtog pa ste/ gsum po de dag go /klu'i
262a7 bdag po/ chos bzhis las kyi sgrib pa rgyun chad par 'gyur te/ bzhi gang zhe na/ 'di lta ste/ stong pa nyid la nges par sems pa dang / mtshan ma med pa la gnas pa dang /
262b1 smon pa dang bral ba dang / mngon par 'du byed pa med pa shes pa ste/ bzhi po de dag go /klu'i bdag po/ chos lngas las kyi sgrib pa rgyun chad par 'gyur te/ lnga gang zhe na/ 'di lta ste/ bdag med pa nyid
262b2 dang / sems can med pa nyid dang / srog med pa nyid dang / gang zag med pa nyid dang / gso ba med pa nyid dang / lnga po de dag go / klu'i bdag po/ chos drug gis las kyi sgrib pa rgyun chad par
262b3 'gyur te/ drug gang zhe na/ 'di lta ste/ mos pa dang / yid ches pa dang / gcig tu nges pa dang / the tshom med pa dang / yang dag pa la so sor rtog pa dang / lhag pa'i bsam pas bya ba la
262b4 'jug pa ste/ chos drug po de dag gis las kyi sgrib pa rgyun chad par 'gyur ro/ /de skad ces bka' stsal pa dang / bcom ldan 'das la klu'i rgyal po rgya mtshos 'di skad ces gsol to/ /bcom
262b5 ldan 'das/ ji ltar na/ byang chub sems dpa' khyad par du mchi ba lags/ bcom ldan 'das kyis bka' stsal pa/ klu'i bdag po/ chos bcu dang ldan na/ byang chub sems dpa' khyad
262b6 par du 'gro bar 'gyur te/ bcu gang zhe na/ 'di lta ste/ de la ma chags pa dang / lhag pa'i bsam pa yongs su dag pa dang / thabs la mkhas pas brtson 'grus brtan pa dang / sems
262b7 can la lta zhing snying rje che ba dang / bsod nams la chog mi shes pa dang / thos pa btsal pa la chog mi shes pa dang / bag yod pa dang / byang chub kyi snying po rjes su dran pa dang / sangs
263a1 rgyas kyi ye shes mngon sum du thob pa dang / byang chub kyi sems mi gtong ba ste/ chos bcu po de dang ldan na/ byang chub sems dpa' khyad par du 'gro bar
263a2 'gyur ro/ /de nas bcom ldan 'das la lha ma yin gyi dbang po sgra gcan gyis 'di skad ces gsol to/ /bcom ldan 'das/ ji ltar na/ byang chub sems dpa' yon tan thams
263a3 cad kyis mngon par 'phags par 'gyur pa lags/ bcom ldan 'das kyis bka' stsal pa/ lha ma yin gyi dbang po/ chos brgyad dang ldan na/ byang chub sems dpa' yon tan
263a4 thams cad kyis mngon par 'phags par 'gyur te/ brgyad gang zhe na/ 'di lta ste/ sgra gcan/ theg pa chen po 'di la byang chub sems dpa' ni/ nga rgyal med pa yin te/ sems can
263a5 thams cad la 'dud cing mngon par 'dud pa dang / bka' blo bde ba yin te/ mthun par 'dzin pa dang / ji skad smras pa bzhin byed pa dang / bla ma rnams la gus pa skyes pa dge ba spyod
263a6 pa thams cad la sngon du 'gro ba dang / dge ba'i chos rnams la dam bcas pa brtan pa dang / rgya chen po la mos pa yin te/ sbyin pa rnam pa sna tshogs sbyin pa dang / srog gi phyir yang
263a7 gzhan 'khrug par mi byed pa dang / gong du'ang sems can 'jigs pa rnams la mi 'jigs pa sbyin zhing skyabs su 'ongs pa'i sems can rnams yongs su mi gtong ba dang / bsod
263b1 nams dang / ye shes thams cad yongs su tshol ba dang / chog mi shes pa ste/ chos brgyad po de dag dang ldan na/ byang chub sems dpa' yon tan thams cad kyis mngon par 'phags
263b2 par 'gyur ro/ /de nas bcom ldan 'das la lha ma yin gyi dbang po sgra gcan gyis yang 'di skad ces gsol to/ /bcom ldan 'das/ chos du dang ldan na/ byang chub sems dpa' lus
263b3 che ba nyid dang / gzugs che ba nyid dang / 'khor che ba nyid dang / sems che ba nyid thob par 'gyur lags/ bcom ldan 'das kyis bka' stsal pa/ sgra gcan/ chos bzhi dang ldan na/
263b4 byang chub sems dpas lus che ba nyid thob par 'gyur te/ bzhi gang zhe na/ 'di lta ste/ gzhan dag gi spyod lam la mi 'phya ba dang / de bzhin gshegs pa'i sku rnam pa thams
263b5 cad yongs su rdzogs par byad du 'jug pa dang / sems can bye ba dang / 'thab pa rnams bsdums shing mthun par bkod nas bla na med pa yang dag par rdzogs pa'i byang chub
263b6 la 'dzud pa dang / sems can thams cad la dbang po zhe 'gras pa med pa ste/ chos bzhi po de dag dang ldan na/ byang chub sems dpa' lus che ba nyid thob par 'gyur ro/ /chos bzhi
263b7 dang ldan na/ byang chub sems dpas gzugs che ba nyid thob par 'gyur te/ bzhi gang zhe na/ 'di lta ste/ rgyan rnam pa sna tshogs sbyin pa dang / 'phags pa'i dngos po thams cad yongs
264a1 su gtong ba dang / de bzhin gshegs pa la byams pa'i mig gis lta ba dang / byad bzhin bzang po dag la phrag dog dang / ser sna mi byed pa ste/ chos bzhi po de
264a2 dag dang ldan na/ byang chub sems dpa' gzugs che ba nyid thob par 'gyur ro/ /chos bzhi dang ldan na/ byang chub sems dpa' 'khor che ba nyid thob par 'gyur te/ bzhi gang zhe
264a3 na| 'di lta ste/ phra ma'i tshig spong zhing gzhan gyi 'khor mi 'byed pa dang / gzhan gyi 'khor la dga' ba dang / byang chub kyi sems shin tu brtan pa dang / gzhan dag byang chub
264a4 la 'dzud pa ste/ lha ma yin gyi dbang po/ chos bzhi po de dag dang ldan na/ byang chub sems dpas 'khor che ba nyid thob par 'gyur ro/ /chos bzhi dang ldan na/ byang chub sems
264a5 dpas sems che ba nyid thob par 'gyur te/ bzhi gang zhe na/ 'di lta ste/ bsam pa dag ste g.yo med pa dang / sgyu can ma yin pa dang / 'dun pa drag po dang ldan pa dang / bar ma
264a6 dor skyo ba med pa dang / rgya chen po la mos shing theg pa dman pa mi 'dod pa dang / chos thams cad rang bzhin gyis stong pa nyid la 'jug pas chos zab mo'i tshul la 'jug pa ste/
264a7 sgra gcan/ chos bzhi po de dag dang ldan na/ byang chub sems dpa' sems che ba nyid thob par 'gyur ro/ /de nas lha ma yin gyi dbang po sgra gcan 'khor sum khri nyis stong dang
264b1 bcas pa tshim zhing mgu la yid rangs te rab tu dga' zhing dga' ba dang / yid bde ba skyes nas rin po che'i me tog rin po che thams cad kyis spras pa khal bcu tshad brgyas bcom ldan 'das la
264b2 gtor te bla na med pa yang dag par rdzogs pa'i byang chub tu sems bskyed nas de'i tshe bcom ldan 'das la tshigs su bcad pas mngon par bstod pa/ phyogs bcu dag na sems can
264b3 khams rnams mtha' yas gang su dag /skad cig thang gcig yud tsam gcig la rgyal ba mchod byed dang / /phyogs bcu dag na sems can gang dag bskal pa 'bum du yang / mchod
264b4 la brtson pa'i sems can dag ni phan par byed pa dang / /byams dang bsod nams 'phags pa'i rang bzhin las byung mchod pa rnams/ /ci 'dra ba dang mtshungs shing mnyam pa ma lags
264b5 khyod la 'os/ /mtshungs med sems kyis yang lag gnas nas bskyed pa gang lags pa/ /de ni stobs bcu ldan pa rnams la rjed dang mchod pa lags/ /bdag ni byang chub reg 'gyur snyam
264b6 ste de la sgrib gnas nas/ /bdag ni g.yo med byang chub mtshungs ma mchis la zhugs pa lags/ /mi dbang las bzhin srid gsum su yang bdag gi dbang ma mchis/ /bdag gi bsam
264b7 pa ci 'dra'i dpang ni stobs bcu ldan pa lags/ /bdag ni kun la shin tu sdug cing nga rgyal gsal ba dang / /sbyin dang dul dang ldan zhing tshul khrims ldan la bzod ldan dang / /brtson
265a1 'grus dran pa ting 'dzin shes rab rnam dag gnas pa dang / /byams dang snying rjer ldan zhing bden pa'i chos la spyod gyur cig /phan bzhed rgyal ba gal te
265a2 bdag la lung ston mi mdzad kyang / /mi yi dbang po bdag ni rang gis rang la lung yang bstan/ /bdag ni rang byung mi 'gyur snyam du yid gnyis dogs ma mchis/ /de ltar bdag
265a3 ni bsam pa thag pas byang chub nyid sems des/ /mi dbang 'dzum pa mdzad nas zla ba'i tog gis zhus pa ni/ /rang byung 'dzum pa mdzad pa 'di ni ci lags lung bstan gsol/ /
265a4 gang gi phyir na das ni dag pa'i 'od rnams ston mdzad pa/ /zla ba'i tog khyod mnyan par gyis zhes ston pas de la gsungs/ /lha min sgra gcan bdag nyid chen po byang chub mchog
265a5 la zhugs/ /g.yog 'khor sum khri nyis stod gang lags rnams kyang de bzhin te/ /bskal pa stong phrag brgyar ni byang chub spyod pa spyad nas kyang / /thams cad rjes su mthun par
265a6 byang chub gtso bo thob par 'gyur/ /rgyal ba gang+gA'i bye ma snyed rnams la ni mchod bgyis te/ /de nas sems can shin tu mang po byang chub bkod nas kyang / /de yi 'og tu
265a7 bskal pa dge ba bkod pa mdzes pa la/ /byang chub rdul bral zhi ba mya ngan med par 'tshang yang rgya/ /sgra gcan bdag nyid chen po 'di ni chos kyi rgyal por 'gyur/ /brtson 'grus
265b1 stobs dang ldan te dbang po'i rgyal mtshan zhes kyang bgyi/ /'jig rten khams kyang dga' bskyed ba'i bkod pa zhes bgyi ste/ /dga' ldan gnas dang 'dra bar 'byor cing rgyas la la
265b2 yang legs/ /stobs bcu ldan gyi tshe ni lo grangs bye ba bdun cu ste/ /dge slong 'phags pa'i dge 'dun khrag khrig drug cu tham par 'gyur/ /byang chub sems dpa'i dge 'dun khrag
265b3 khrig phrag bcu brgyad cu ste/ /thos pa dang ni 'dul ba 'dzin pa gzungs la shin tu gnas/ /bskal pa dge ba bkod pa zhes bgyi mdzes pa de dag tu/ /sems can brgya stong dag
265b4 ni byang chub bkod pa bgyis nas kyang / /'di dag thams cad rim gyis byang chub mchog tu 'tshang yang rgya/ /byang chub sems mchog gi ni yon tan khyad par dag la ltos/ /der ni sgra gcan bzang
265b5 po lung bstan thos par gyur nas kyang / /srog chags 'bum phrag bzhi dag byang chub mchog la zhugs par gyur/ /legs par yon tan 'chang ba rnams kyi bsam pa'i khyad par gyis//
265b6 stong gsum rab g.yos lhas kyang me tog char pa rab tu phab/ /de nas bcom ldan 'das la klu'i rgyal po ma dros pas 'di skad ces gsol to/ /bcom ldan 'das/ chos thams
265b7 cad ni| bdag ma mchis pa/ byed pa po ma mchis pa lags na/ lung bstan pa ni/ gang lags/ de bzhin gshegs pa ni/ gang lags/ byang chub mngon par rdzogs par 'tshang
266a1 rgya ba ni/ gang lags/ bcom ldan 'das kyis bka' stsal pa/ klu'i bdag po/ de de bzhin te/ chos thams cad ni/ bdag med pa/ byed pa po med
266a2 pa yin te/ de ni chos rnams kyi chos nyid yin mod kyi/ 'on kyang byis pa so so'i skyi bo phyin ci log dang ldan pa/ ngar 'dzin pa dang / nga yir 'dzin pa la gnas pa rnams sems
266a3 can med pa dag la sems can du 'du shes skyed par byed de/ /de la byang chub sems dpa' rnams kyis snying rje chen po bskyed nas phyin ci log gi 'du shes spod du gzhug pa
266a4 dang | ngar 'dzin pa dang / nga yir 'dzin pa yongs su shes par bya ba'i phyir byang chub tu go cha gyon par zad kyi/ skyes bu dam pa de dag gis sems can med pa dang / gang
266a5 zag med pa mi shes pa ni/ ma yin te/ bdag dang / sems can dang / srog dang / gso ba dang / skyes bu dang / gang zag tu lta ba'i sems can de dag yongs su grol bar byed do/ /klu'i
266a6 ba dag po/ khyod 'di skad du 'di la lung bstan nas gshegs zhes zer ba gang yin pa de la mngon sum du chos khong du chud pa ni/ lung bstan pa'o/ /sems can med pa dang / srog
266a7 med pa dang / gso ba med pa dang / gang zag med pa des sems nges par sems pa'i sems dang ldan par lung bstan pa'o/ /ma byung ba dang / ma skyes pa dang / rtsa ba med pa dang / gnas
266b1 med pa la gnas pa ni/ lung bstan pa'o/ /sems can thams cad mtshungs par bdag med pa la mos pa ni/ lung bstan pa'o/ /chos thams cad mtshungs par chos dben par mthod ba ni/ lung
266b2 bstan pa'o/ /zhing thams cad zhing du mtshungs par nam mkha' bzhin du dag cing dri ma med pa'i sems dang ldan pa ni/ lung bstan pa'o/ /chos thams cad sangs rgyas kyi chos kyi dbyings
266b3 dang dbyer med pa'i ye shes mthong ba ni/ lung bstan pa'o/ /bdud thams cad mtshungs par bdud kyi nyon mongs pas kun nas nyon mongs pa can du mi 'gyur te/ rang bzhin gyis yongs su
266b4 dag pa'i sems dang ldan pa ni/ lung bstan pa'o/ /stong pa nyid dang mtshan ma med pa la mi rtog cing rnam par mi rtog la mi len mi 'dor ba ni/ lung bstan pa'o/ /klu'i bdag po/ de ltar na
266b5 sems dang / yid dang / rnam par shes pa mi gnas pa lung bstan pa ji lta ba bzhin du chos thams cad kyang de dang 'dra ste/ dmigs su med do/ /chos thams cad mnyam pa nyid ji lta ba
266b6 bzhin du khong du chud pa ni/ byang chub yin te/ de la don dam par na gang gi lung bstan pa'am/ gang gi byang chub ba ma/ gang lung bstan par bya ba'am/ gang gis lung bstan pa'am/ cis
266b7 lung bstan pa ci'ang mi dmigs so/ /klu'i bdag po/ de ci'i phyir zhe na/ chos thams cad ni/ dngos po med pa ste/ rtsa ba rnams yongs su chad pa'i phyir ro/ /chos thams cad ni/ bdag po med
267a1 pa ste| rgyu dang rkyen rnams las 'byung ba'i phyir ro/ /chos thams cad ni/ gzung du med pa ste/ ngo bo nyid med pa'i mtshan nyid yin pa'i phyir ro/ /chos
267a2 thams cad ni/ ngo bo nyid med pa ste/ bral ba med pa'i mtshan nyid yin pa'i phyir ro/ /chos thams cad ni/ ma 'ongs pa ste/ sngon gyi mtha' nas ma 'phros pa'i phyir ro/ /chos
267a3 thams cad ni/ med par gyur pa ste/ phyi ma'i mthar mi 'byung ba'i phyir ro/ /chos thams cad ni/ mi gnas pa ste/ gnas mi dmigs pa'i phyir ro/ /chos thams cad ni/ mi
267a4 dmigs pa ste/ byed pa med pa'i phyir ro/ /chos thams cad ni/ byed pa med pa ste/ lus med pa'i phyir ro/ /chos thams cad ni/ lus med pa ste/ gnas med pa'i phyir ro/ /chos
267a5 thams cad ni/ gnas med pa ste/ rten med pa'i phyir ro/ /chos thams cad ni/ rten med pa ste/ mi g.yo ba'i phyir ro/ /chos thams cad ni/ mi g.yo ba ste/ mi gnas pa'i phyir
267a6 ro| |chos thams cad ni/ mi gnas pa ste/ bem po yin pa'i phyir ro/ /chos thams cad ni/ bem po yin te/ ngo bo nyid med pa'i phyir ro/ /chos thams cad ni/ ngo bo nyid med pa
267a7 ste| rnam par rig par mi byed pa'i phyir ro/ /chos thams cad ni/ rnam par rig par mi byed pa ste/ sgro btags pa med pa'i phyir ro/ /chos thams cad ni/ sgro btags pa med
267b1 pa ste| yid la byed pa med pa'i phyir ro/ /chos thams cad ni/ yid la byed pa med pa ste/ dmigs su med pa'i phyir ro/ /chos thams cad ni/ dmigs su med pa ste/ 'gyur ba med
267b2 pa'i phyir ro/ /chos thams cad ni/ 'gyur ba med pa ste/ rtog cing dpyod pa med pa'i phyir ro/ /chos thams cad ni/ rtog cing dpyod pa med pa ste/ zhi ba'i phyir ro/ /chos thams cad ni/ zhi zhing
267b3 rab tu zhi la nye bar zhi ba ste/ rgyu las byung ba ma yin pa'i phyir ro/ /chos thams cad ni/ rgyu las byung ba ma yin pa ste/ rang bzhin gyis rnam par grol ba'i phyir ro/ /chos thams cad
267b4 ni| rang bzhin gyis rnam par grol ba ste/ rnam par grol ba'i mtshan nyid yin pa'i phyir ro/ /chos thams cad ni/ rnam par grol ba'i mtshan nyid de/ gnyis dang bral ba'i phyir ro/ /
267b5 chos thams cad ni/ gnyis dang bral ba ste/ bgrod pa gcig pa'i phyir ro/ /chos thams cad ni/ bgrod pa gcig pa ste/ so so tha dad pa dang bral ba'i phyir ro/ /chos thams
267b6 cad ni| so so tha dad pa dang bral ba ste/ bye brag med pa'i phyir ro/ /chos thams cad ni/ bye brag med pa ste/ mnyam pa nyid khong du chud pa'i phyir ro/ /klu'i bdag po/ de ltar na/ chos
267b7 thams cad kyi mnyam pa nyid gang yin pa de la ni/ lung bstan par bya ba dang / mngon par rdzogs par 'tshang rgya ba ci'ang med do/ /klu'i bdag po/ de bzhin gshegs pa rnams
268a1 kyi snying rje chen po dang / byang chub sems dpa' rnams kyi mos pa'i stobs la ltos/ gang chos 'di lta bu dag ming dang brdas rnam par phye nas sems
268a2 can dag la go par byed la sems can la ma gtogs pa'i chos rnams kyang ma mthong / chos la ma gtogs pa'i sems can rnams kyang ma mthong ngo / /sems can rnams
268a3 ji lta ba bzhin du chos rnams kyang de dang 'dra'o/ /byang chub kyang de dang 'dra'o/ /sangs rgyas kyang de dang 'dra'o/ /lung bstan pa'ang de dang 'dra'o/ /chos thams cad kyi dbyings
268a4 kyang de dang 'dra ste/ des na/ de bzhin gshegs pa zhes bya'o/ /de bzhin nyid rtogs pa'i don dang / de bzhin nyid la gnas pa'i don gyis na/ de bzhin nyid do/ /de bzhin
268a5 nyid ma bsgribs pa'i don dang / de bzhin nyid dbyer med pa'i don dang / de bzhin nyid khong du chud pa'i don des na/ de bzhin gshegs pa zhes bya'o/ /ji ltar de bzhi na gshegs
268a6 pa dang / de bzhin nyid mtshungs par rab tu phye ba de bzhin du chos thams cad kyang de bzhin nyid dang mtshungs par rab tu phye ba yin te/ klu'i bdag po/ 'di ni/ de bzhin
268a7 gshegs pa'i mnyam pa nyid kyis yin te/ byang chub sems dpa' rnams de la gnas na/ mi skrag mi da dang zhing dngang bar mi 'gyur la/ de bzhin gshegs pa'i sa
268b1 mnyam pa nyid 'di'ang sems can rnams la go bar byed do/ /bstan pa 'di bshad pa na byang chub sems dpa' sum stong nyid brgyas mi skye ba'i chos rnams la bzod pa thob par gyur to/ /
268b2 klu'i rgyal po ma dros pa'ang tshim zhing mgu la yid rangs te rab tu dga' zhing dga' ba dang / yid bde ba skyes nas dzam+bu'i gling ri ba'i mu tig gi phreng ba de bzhin gshegs pa'i sku
268b3 la gsol to/ /de nas klu'i rgyal po rgya mtsho'i bu mo lha ma yin gyi dbang po thag bzang ris kyi tsha mo rin chen sna tshogs can zhes bya ba des klu'i bu mo khri dang lhan cig tu lag pa g.yas
268b4 pas mu tig gi phreng ba brangs nas bcom ldan 'das la mig mi 'dzum par blta ste phyag 'tshal zhing 'dug par gyur ro/ /de nas bu mo rin chen sna tshogs can dang / klu'i bu mo khri bo de dag
268b5 gis bcom ldan 'das kyi sku la mu tig gi phreng ba de dag gsol nas tshig 'di skad ces gsol to/ /bcom ldan 'das/ bdag cag rnams lhan cig tu mthun zhing yang dag par
268b6 dga' bzhin du bla na med pa yang dag par rdzogs pa'i byang chub tu sems bskyed do/ /bdag cag kyang ma 'ongs pa'i dus na de bzhin gshegs pa dgra bcom pa yang dag par
268b7 rdzogs pa'i sangs rgyas su gyur cig /da ltar gyi de bzhin gshegs pa ji lta ba bzhin du 'di 'dra bar chos kyang ston par gyur cig /dge 'dun yang srung bar gyur cig /de nas
269a1 tshe dang ldan pa 'od srung chen pos klu'i bu mo de la 'di skad ces smras so/ /bu mo/ bla na med pa yang dag par rdzogs pa'i byang chub ni/ bud med kyi lus kyis
269a2 mngon par rdzogs par 'tshang rgya bar mi nus te/ 'grub par dka'o/ /de nas bu mo rin chen sna tshogs can gyis tshe dang ldan pa 'od srung chen po la 'di skad ces smras so/ /btsun pa
269a3 'od srung chen po/ bud med kyi lus kyis kyang bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur la lhag pa'i bsam pa la zhugs
269a4 pa la'ang byang chub 'grub dka' ba ma mchis so/ /byang chub sems dpa'i byang chub ni/ sems bskyed pa la rag las te/ byang chub tu sems bskyed ma thag tu sangs rgyas
269a5 kyi chos thams cad bzung bar 'gyur ro/ /btsun pas gang 'di skad du bud med kyi lus kyis bla na med pa yang dag par rdzogs pa'i byang chub mngon par rdzogs par 'tshang
269a6 rgya bar mi nus so/ /zhes gsungs pa de ni/ skyes pa'i lus kyis kyang mngon par rdzogs par 'tshang rgya bar mi nus so/ /de ci'i slad du zhe na/ de bzhin gshegs pas
269a7 'di skad du mig ni/ skyes pa'ang ma yin/ bud med kyang ma yin no/ /de bzhin du rna ba dang / sna dang / lce dang / lus dang / yid ni/ bud med kyang ma yin/ skyes pa'ang
269b1 ma yin no/ /zhes gsungs pa'i phyir ro/ /btsun pa 'od srung chen po/ de ci'i slad du zhe na/ mig ni/ stong pa ste/ stong pa gang lags pa de la ni/ bud med kyang ma mchis/ skyes
269b2 pa'ang ma mchis pa'i slad du'o/ /btsun pa 'od srung chen po/ de bzhin du rna ba dang / sna dang / lce dang / lus dang / yid ni/ stong pa ste/ stong pa gang lags pa de la ni/ bud med
269b3 kyang ma mchis/ skyes pa'ang ma mchis pa'i slad du'o/ /btsun pa/ de la mig khong du chud pa gang lags pa de ni/ byang chub lags so/ /rna ba dang / sna dang / lce dang / lus
269b4 dang / yid khong du chud pa gang lags pa de ni/ byang chub lags so/ /byang chub gang lags pa de la ni/ bud med kyi chos rnams sam/ skyes pa'i chos rnams ma mchis so/ /
269b5 btsun pa 'od srung chen po/ de lta bas na/ byang chub kyi ngo bo nyid gang lags pa de ni/ bdag gi ngo bo nyid kyang de lags so/ /smras pa/ bu mo/ ci khyod byang chub yin nam/
269b6 smras pa/ gnas brtan dang / bdag cag gnyis ka'ang byang chub lags so/ /smras pa/ bu mo/ kho bo ni/ byang chub ma yin gyi/ kho bo ni/ nyan thos yin no/ /smras pa/
269b7 btsun pa 'od srung chen po/ khyod sus btul/ smras pa/ bu mo/ kho bo ni/ de bzhin gshegs pas btul to/ /smras pa/ gnas brtan/ gal te de bzhin gshegs pas
270a1 btul na/ gal te de bzhin gshegs pa mngon par rdzogs par sangs ma rgyas su zin na/ de bzhin gshegs pas gnas brtan gdul bar spyod
270a2 dam| bu mo/ de ni/ ma yin no/ /smras pa/ btsun pa 'od srung chen po/ de lta bas na/ khyod nyid kyang byang chub lags te/ byang chub ma lags pa'i chos ci'ang ma mchis
270a3 so| |smras pa/ bu mo/ ci mtshams med pa rnams kyang byang chub yin nam/ smras pa/ btsun pa/ de de bzhin te/ mtshams med pa rnams kyang byang chub lags so/ /
270a4 de ci'i slad du zhe na/ byang chub ni/ mtshams med pa'i rang bzhin can lags te/ mtshams med pa'i chos kyi stong pa nyid kyi rang bzhin gang lags pa de ni/ byang chub
270a5 lags la/ stong pa nyid kyi chos kyi rang bzhin gang lags pa de ni/ byang chub lags pa'i slad du'o/ /btsun pa/ de ltar na/ mtshams med pa khong du chud pa lags byang
270a6 chub 'byung ngo / /btsun pa/ byang chub ma lags pa gang lags pa de ni/ ma mchis te/ gal te chos 'ga' zhig dang mi ldan na ni/ ma lags kyi/ chos thams cad mnyam
270a7 pa nyid dang ldan pa de ni/ byang chub lags so/ /smras pa/ bu mo/ khyod kyi spobs pa 'di sus byin/ smras pa/ gnas brtan gyis stsal to/ /de ci'i slad du zhe na/ gal te gnas brtan
270b1 gyis ma smras na/ bdag gi spobs pa 'di skye bar mi 'gyur ba'i slad du'o/ /btsun pa/ dper na/ gal te ma smras na brag ca'i sgra 'byung bar mi 'gyur ba de bzhin du btsun pa 'od srung
270b2 chen po| byang chub sems dpa' rnams ni/ ma dris kyi par du spobs pa skye bar mi 'gyur ro/ /smras pa/ bu mo/ khyod kyis de bzhin gshegs pa ji snyed la bsnyen bkur byas/ smras
270b3 pa| gnas brtan gyis nyon mongs pa ji snyed spangs pa snyed la'o/ /smras pa/ bu mo/ kho bo'i nyon mongs pa rnams ni/ spangs pa med do/ /smras pa/ btsun pa/ nyon mongs pa dang bcas
270b4 pa lags sam/ smras pa/ kho bo ni/ nyon mongs pa dang bcas pa'ang ma yin/ nyon mongs pa rnams spangs pa'ang ma yin no/ /smras pa/ ci btsun pa/ khyod kyis nyon mongs pa rnams
270b5 bzhag gam/ smras pa/ bskyed pa'ang med/ 'gag par byas pa'ang med/ bzhag pa'ang med de/ de bzhin nyid ji lta ba bzhin du shes so/ /smras pa/ ci de bzhin nyid shes par bgyi
270b6 ba zhig lags sam/ smras pa/ de ni/ ma yin no/ /smras pa/ 'o na ci'i slad du de bzhin nyid ji lta ba bzhin du nyon mongs pa shes so/ /zhes gsungs/ gal te mkhyen na ni/ de bzhin
270b7 nyid lags so/ /ci ste mi mkhyen na ni/ de lta na rdzun pa byis pa so so'i skye bo thams cad dang mi shes pa can du mtshungs so/ /smras pa/ bu mo/ khyod kyi tshig thams cad ni/ gzhan gyi
271a1 tshig gcod par byed pa'o/ /smras pa/ bdag ni/ tshig gcod par yang mi bgyid/ sgrub par yang mi bgyid do/ /de ci'i slad du zhe na/ chos kyi dbyings ni/
271a2 gcad du ma mchis pa lags la/ tshig thams cad ni/ chos kyi dbyings su yang dag par 'du ba'i slad du'o/ /smras pa/ gang khyod kyis bdag byis pa so so'i skye bo thams cad
271a3 dang mnyam ste bzhag pa de khyod 'gyod par mi 'gyur ram/ smras pa/ btsun pa 'od srung chen po/ gal te bdag gis gnas brtan yang tha dad la byis pa so so'i skye bo thams cad
271a4 kyang tha dad par bzhag pa ni/ de ltar bdag 'gyod par 'gyur ba zhig na gang gi slad du bdag gis gnas brtan byis pa so so'i skye bo thams cad dang tha mi dad par bzhag pa
271a5 des na| bdag 'gyod par mi 'gyur ro/ /btsun pa/ mtshungs zhes bgyi ba de ni/ chos thams cad tha dad pa ma mchis pa dang / nam mkha' dang mtshungs pa nyid kyi tshig bla
271a6 dwags lags so/ /smras pa/ bu mo/ /ci khyod so so'i skye bo rnams dang mtshungs sam/ 'on te 'phags pa rnams dang mtshungs/ smras pa/ btsun pa/ bdag ni/ so so'i
271a7 skye bo rnams dang mtshungs pa'ang ma lags/ 'phags pa rnams dang mtshungs pa'ang ma lags so/ /de ci'i slad du zhe na/ gal te bdag so so'i skye bo rnams dang mtshungs na
271b1 ni| bdag ni/ byang chub sems dpa'i spyod pa don ma mchis par 'gyur ro/ /ji ste 'phags pa rnams dang mtshungs na ni/ nyan thos rnams dang mtshungs par 'gyur te/ de ltar na ni/ bdag
271b2 sangs rgyas kyi chos rnams las yongs su nyams par 'gyur ro/ /smras pa/ bu mo/ gal te khyod so so'i skye bo rnams dang gang mi mtshungs/ 'phags pa rnams dang yang mi mtshungs na/
271b3 ci khyod sangs rgyas kyi chos rnams dang mtshungs sam/ smras pa/ 'od srung chen po/ bdag ni/ da gzod sangs rgyas kyi chos rnams dang mtshungs pa ma lags so/ /de ci'i slad du zhe na/
271b4 bdag ni/ thog ma nas kyang sangs rgyas kyi chos rnams dang mtshungs so/ /smras pa/ bu mo/ gal te khyod sangs rgyas kyi chos rnams dang mtshungs na/ ci sangs rgyas kyi chos de dag khyod
271b5 la yod dam/ smras pa/ gnas brtan/ ci sangs rgyas kyi chos su gdags pa 'das pa'am/ ma 'ongs pa'am/ da ltar byung ba'am/ yul na gnas pa'am/ phyogs na gnas
271b6 pa'am| sngon po'am/ ser po 'am/ dmar po'am/ dkar po'am/ btsod ka'am/ shel gyi kha dog gam/ dngul gyi kha dog lta bu lags sam/ smras pa/ bu mo/ sangs
271b7 rgyas kyi chos rnams gdags pa ni/ kha dog dang / dbyibs kyi sgo nas bstan par mi nus so/ /smras pa/ btsun pa/ gal te sangs rgyas kyi chos rnams gdags su ma mchis pa dang /
272a1 gdags su mi rung ba lags na/ ci'i slad du bdag la tshor bar mdzad/ smras pa/ bu mo/ 'o na sangs rgyas kyi chos gang las btsal bar bya/ smras pa/
272a2 lta ba'i rnam pa drug cu rtsa gnyis las btsal bar bgyi'o/ /smras pa/ lta ba'i rnam pa drug cu rtsa gnyis kyang gang las btsal bar bya/ smras pa/ de bzhin gshegs pa'i rnam par
272a3 grol ba las btsal bar bgyi'o/ /smras pa/ de bzhin gshegs pa'i rnam par grol ba gang las btsal bar bya/ smras pa/ mtshams med pa lnga las btsal bar bgyi'o/ /
272a4 smras pa| mtshams med pa lnga'ang gang las btsal bar bya/ smras pa/ gnas brtan 'od srung chen po'i rnam par grol ba'i ye shes mthong ba las btsal bar bgyi'o/ /smras
272a5 pa| bu mo/ khyod kyi gtam 'di 'dra ba de ji lta bu zhig /smras pa/ btsun pa/ gtam 'di ni/ ma bcings ma grol ba'i gtam lags so/ /blang du ma mchis shing dor du ma
272a6 mchis te/ rang bzhin gyis yongs su dag pa'i gtam lags so/ /chos thams cad tha dad pa ma mchis pa'i gtam lags so/ /smras pa/ bu mo/ 'di ni/ de bzhin gshegs
272a7 pa rnams kyi byang chub dang mthun pa ma yin no/ /smras pa/ btsun pa 'od srung chen po/ /de ni/ med de/ 'di ni/ de bzhin gshegs pa rnams kyi byang chub dang mthun pa ma lags
272b1 so| |de ci'i slad du zhe na/ 'di ltar de bzhin gshegs pa rnams kyi byang chub ni/ brjod du ma mchis pa/ bsnyad du ma mchis pa lags pa'i slad du'o/ /btsun pa 'od srung chen po/ /
272b2 bshad pa'i dngos po gang lags ba de dag thams cad ni/ sgras rnam par dbye ba lags so/ /byang chub gang lags pa de ni/ don dam par sgras brda sprad par mi nus pa lags
272b3 so| |btsun pa/ byang chub ces bgyi ba 'di ni/ nye bar zhi ba'i gzhi lags so/ /'di ni/ yi ge ma mchis pa'i gzhi lags so/ /'di ni/ ji lta ba bzhin gyi gzhi lags so/ /
272b4 'di ni| gzhi ma mchis pa'i gzhi lags so/ /smras pa/ bu mo/ gal te byang chub kyi mtshan nyid de lta bu yin na/ de ji ltar mngon par rdzogs par 'tshang rgya bar 'gyur/ smras
272b5 pa| btsun pa 'od srung chen po/ lus dang sems kyis mngon par rdzogs par 'tshang rgya bar mi 'gyur ro/ /de ci'i slad du zhe na/ byang chub ni/ lus dang sems kyi ngo bo nyid kho na
272b6 lags te/ ngo bo nyid kyis ngo bo nyid mngon par rdzogs par 'tshang rgya bar mi 'gyur ro/ /smras pa/ bu mo/ ci khyod byang chub mngon par rdzogs par 'tshang rgya bar 'gyur ram/ smras
272b7 pa| bdag nyid byang chub lags te/ byang chub kyis byang chub mngon par rdzogs par 'tshang rgya bar mi 'gyur lags so/ /smras pa/ bu mo/ gal te khyod nyid byang chub yin na/
273a1 ci khyod kyis chos kyi 'khor lo bskor ram/ smras pa/ bdag ni/ chos kyi 'khor lo bskor lags so/ /smras pa/ khyod kyis chos kyi 'khor lo bskor
273a2 ba ji lta bu zhig /smras pa/ 'khor lo de ni/ rten thams cad dang bral ba'i slad du mi g.yo ba lags so/ /'khor lo de ni/ chos kyi dbyings la gnas pa'i tshul gyis gnas
273a3 pa ma mchis pa lags so/ /'khor lo de ni/ bral ba ma mchis pa'i tshul gyis de bzhin nyid lags so/ /'khor lo de ni/ yang dag pa'i mtha' la gnas pas mi gnas
273a4 pa lags so/ /'khor lo de ni/ gnas thams cad las byung ba ma lags pas gnas ma mchis pa lags so/ /'khor lo de ni/ chos thams cad kyi mnyam pa nyid
273a5 kyi rjes su song bas gnyis su ma mchis pa lags so/ /'khor lo de ni/ gcig dad tha dad pa mi dmigs pas tha dad pa ma lags so/ /'khor lo de ni/ sgra dang / skad
273a6 dang / tshig gi lam thams cad ro gcig pas brjod du ma mchis pa lags so/ /'khor lo de ni/ shin tu kun nas nyon mongs pa can ma lags pas rnam par dag pa
273a7 lags so/ /'khor lo de ni/ chad pa dang / rtag pa mi dmigs pas yod pa yongs su chad pa ma lags so/ /'khor lo de ni/ rgyu dang / rkyen shin tu brtags pas 'gal
273b1 ba ma mchis pa lags so/ /'khor lo de ni/ bden pa lags so/ /'khor lo de ni/ mi skye mi 'gag pa lags so/ /'khor lo de ni/ stong pa nyid dang / mtshan ma med pa dang / smon
273b2 pa med pa lags so/ /btsun pa 'od srung chen po/ 'khor lo de 'dra ba gang lags pa de'i bskor ba ci 'dra ba zhig lags/ smras pa/ bu mo/ khyod kyis bstan pa 'di 'dra ba lags
273b3 na| khyod ni/ ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /smras pa/ gang gi tshe gnas brtan byang chub
273b4 mngon par rdzogs par 'tshang rgya bar 'gyur ba de'i tshe bdag kyang mngon par rdzogs par 'tshang rgya bar 'gyur lags so/ /smras pa/ kho bo byang chub mngon par rdzogs par 'tshang
273b5 rgya bar 'gyur ba de ni/ gnas med skabs med de/ smras pa/ de de lta lags te/ byang chub ni/ gnas ma mchis pa la gnas pa ste/ de ni/ sus kyang mngon par
273b6 rdzogs par 'tshang rgya bar mi nus pa lags so/ /bu mo des bstan pa 'di bshad pa na byang chub sems dpa' lnga brgyas mi skye ba'i chos la bzod pa thob par gyur to/ /bcom ldan
273b7 'das kyis kyang bu mo de la legs so/ /zhes bya ba byin te/ bu mo/ legs so legs so/ /khyod kyis chos bstan pa 'di legs par smras so/ /bam po drug pa/ de nas
274a1 'khor de'i nang nas lha dang / klu dang / gnod sbyin dang / dri za kha cig 'di snyam du sems te/ bu mo 'di yun ji srid cig na bla na med pa yang dag
274a2 par rdzogs par byang chub mngon par rdzogs par 'tshang rgya bar 'gyur snyam pa dang / bcom ldan 'das kyis de dag gi bsam pa thugs su chud nas dge slong dag la bka'
274a3 stsal pa/ dge slong dag/ bu mo rin chen sna tshogs can 'di ni/ bskal pa grangs med pa sum brgya na bskal pa rnam par sbyong ba zhes bya ba la 'jig rten gyi khams snang ba
274a4 can du de bzhin gshegs pa dgra bcom pa yang dag par rdzogs pa'i sangs rgyas kun tu rnam par gzigs zhes bya bar 'gyur ro/ /'jig rten gyi khams snang ba can
274a5 de'ang de bzhin gshegs pa de'i 'od kyis rtag tu snang bar 'gyur ro/ /zhabs 'bring ba byang chub sems dpa' ni/ bye ba phrag dgu bcu rtsa gnyis su 'gyur ro/ /de'i
274a6 tshe'i tshad ni/ bar gyi bskal pa bcur 'gyur ro/ /de nas klu'i bu mo khri bo de dag gis kyang bcom ldan 'das la 'di skad ces gsol to/ /bcom ldan 'das/ gang
274a7 gi tshe de bzhin gshegs pa kun tu rnam par gzigs des byang chub brnyes pa de'i tshe bdag cag 'jig rten gyi khams der skye bar gyur cig/ ces gsol nas de dag
274b1 kyang bcom ldan 'das kyis 'jig rten gyi khams der skye bar lung bstan to/ /de nas bcom ldan 'das la lha'i dbang po brgya byin gyis 'di skad ces gsol to/ /bcom
274b2 ldan 'das/ sum cu rtsa gsum pa'i lha 'di dag ni/ lha ma yin gyis 'jigs pas rtag tu skrag bzhin du gnas la/ lha dang / lha ma yin g.yul 'gyed pa na 'pham na
274b3 tshun rtsod cing 'gyed par bgyid de/ de bas na/ bcom ldan 'das/ de bzhin gshegs pas ci nas sems can thams cad sems mthun par 'gyur ba de lta bur chos
274b4 bstan na/ legs so/ /legs so/ /'khor 'dir lha dang / lha ma yin 'dus pa 'di dag thams cad kyang ci nas gcig la gcig mthun par bgyid pa dang / byams par
274b5 sems pa dang / phan par sems pa dang / gnod par sems par mi 'gyur ba de lta bur sems dang par bcom ldan 'das kyis mdzad du gsol/ /de nas bcom ldan
274b6 'das kyis lha ma yin gyi dbang po sgra gcan dang / lha ma yin gyi dbang po bde mchog dang / thag bzang ris dang / lag bzang dang / sim byed rnams la bka' stsal pa/
274b7 grogs po dag /byams pa ni/ sangs rgyas thams cad kyis bsngags so/ /byams pa'i rjes su 'jug pa'i skyes bu gang zag gis ni/ tshe 'di dang / tshe phyi ma'i don thob par
275a1 'gyur ro/ /grogs po dag /tshe 'di ni/ yun thung ngo / /tshe phyi mar ni/ 'gro dgos so/ /'byor pa thams cad kyi mtha' ni/ rgud pa'o/ /rgyal po'i longs spyod
275a2 dang | dbang phyug rnams ni/ mi rtag gi /khyed lhan cig mthun pa dang / gnod sems med pa dang / 'jig rten pha rol la lta ba dang / las kyi rnam par smin pa la rton pas
275a3 gnas par gyis shig /bcom ldan 'das kyis de ltar ci nas sum cu rtsa gsum pa'i lha rnams dang / lha ma yin de dag mthun par gnas par 'gyur ba de lta bu'i skyo
275a4 ba'i gtam mdzad do/ /de nas tshig 'di skad ces gsol to/ /bcom ldan 'das/ bdag cag deng slan chad mnyen pa'i tshul du bgyid cing gcig la gcig byams pa'i sems
275a5 dang | gnod sems ma mchis pas gnas par 'tshal lo/ /bcom ldan 'das kyis bka' stsal pa/ grogs po dag/ legs so/ /legs so/ /byams pa'i sems gang
275a6 yin pa de ni/ de bzhin gshegs pa rnams kyi mchod pa'i mchog yin no/ /rdzas las byung ba'i bsod nams bya ba'i dngos po rnams kyis mchod pas ni/ 'di lta ste/
275a7 byams pa'i sems kyi ting nge 'dzin de mchog yin te/ ngas de las dgongs nas de skad bstan to/ /grogs po dag /gzhan yang bzhi po 'di dag ni/ de bzhin gshegs
275b1 pa la mchod pa khyad du 'phags pa yin te/ bzhi gang zhe na/ bslab pa las 'gal bar mi byed pa dang / byams pa'i lus dang ngag dang yid kyi las dang / dkon mchog gsum gyi gdung
275b2 mi chad par bya ba'i phyir byang chub kyi sems dang / ji ltar thos pa'i chos la so sor rtog pa'i chos kyi nan tan te/ bzhi po de dag ni/ de bzhin gshegs pa la mchod pa khyad
275b3 par du 'phags pa'o/ /bstan pa 'di thos nas lha'i 'khor dang / lha ma yin gyi 'khor de dag gi nang nas bzhi khrims byang chub tu sems bskyed do/ /de nas bcom ldan 'das
275b4 la klu'i rgyal po dbugs can dang / klu'i rgyal po dbugs can chen po dang / 'jog pa dang / kha dog mtha' yas kyis 'di skad ces gsol to/ /bcom ldan 'das/ rgya mtsho
275b5 chen po 'di'i nang na klu rigs tshad ma mchis pa/ las kyi rnam par smin pa sna tshogs las skyes pa gang dag mchis te/ de la kha cig ni/ dbang cher grags pa lags /kha cig
275b6 ni| lus nyam chung zhing chung bar grags la lus chung ba dag kyang mchis te/ bcom ldan 'das/ bya'i rgyal po nam mkha' lding bzhi der babs nas klu gzhon nu dang / klu'i bu
275b7 mo lus nyam chung ba rnams bton te 'tshal bar bgyid la/ rgya mtsho'i nang gi klu'i rigs thams cad kyang skrag par bgyid lags na/ ci nas rgya mtsho chen po'i klu de dag thams
276a1 cad kyang 'jigs pa ma mchis pa dang / skrag pa ma mchis par gnas par 'gyur ba de lta bur bcom ldan 'das kyi sa srung ba dang / bskyab pa dang / sba ba
276a2 mdzad du gsol/ de skad ces gsol ba dang / bcom ldan 'das kyis ras phrag zar phrag las phab nas klu'i rgyal po rgya mtsho la bka' stsal pa/ kye klu'i bdag po/ ras phrag
276a3 zar 'di longs la/ klu'i rigs thams cad dang / klu'i gnas thams cad du dum bu dum bur gsheg ste byin cig dang / ji srid du ras phrag zar 'di las tha na nyag ma gcig tsam
276a4 gnas pa de srid du'ang rgya mtsho chen por nam mkha' lding thams cad rgyu bar mi 'gyur ro/ /de ci'i phyir zhe na/ klu'i bdag po/ de bzhin gshegs pa tshul khrims dang ldan pa'i
276a5 mchog gi thugs kyis smon pa ni/ 'grub pa'i phyir ro/ /de nas klu'i rgyal po de dag thams cad ras phrag zar 'di ltar chung ba 'di rgya mtsho chen po'i klu thams cad kyis ji ltar
276a6 thob par 'gyur snyam ste zhum par gyur to/ /de nas bcom ldan 'das kyis klu'i rgyal po de rnams kyi sems kyi yongs su rtog pa thugs kyis mkhyen nas klu'i rgyal po rgya mtsho la
276a7 bka' stsal pa/ klu'i bdag po/ gal te stong gsum gyi stong chen po'i 'jig rten gyi khams kyi sems can gang yin pa de dag thams cad kyis ras phrag zar 'di las dum
276b1 bu dum bur khyer du zin kyang ras phrag zar 'di yongs su zad par mi 'gyur te/ de dag gis gos ji tsam gyi tshad du 'gyur bar 'dod na'ang de las de dag gi gos de tsam du 'gyur te/ klu'i
276b2 bdag po/ de bzhin gshegs pa'i byin gyi rlabs ni/ de ltar bsam gyis mi khyab bo/ /de nas klu'i rgyal po rgya mtsho'i ras phrag zar de blangs te dum bu 'bum phrag du mar byas
276b3 nas klu thams cad dang / klu gzhon nu thams cad la so sor phyin no/ /der su ji tsam du 'dod pa de la de tsam gyi gos su mngon par 'grub par 'gyur te/ yangs shing rgya che bar
276b4 'gyur la/ ras phrag zar de'ang yongs su zad par mi 'gyur ro/ /de nas klu'i rgyal po rgya mtshos klu'i rgyal po de dag thams cad la smras pa/ grogs po dag /ras phrag zer de la
276b5 ston pa'i 'du shes dang / mchod rten gyi 'du shes skyed cig /de ci'i phyir zhe na/ ras phrag zar 'di ni/ de bzhin gshegs pas longs spyod pa yin te/ sems can thams
276b6 cad kyi mchod rten du gyur pa yin no/ /grogs po dag /de bzhin gshegs pa la mchod pa byed pa gang yin pa dang / ras phrag zer 'di la mchod pa byed pa gang yin pa de la ni/ bye brag tu bya
276b7 ba'am| tha dad du bya ba cung zad kyang med do/ /de nas bcom ldan 'das kyis klu'i rgyal po rgya mtsho la legs so/ /zhes bya ba byin te/ klu'i bdag po/ legs so/ /legs so/ /khyod kyis ji
277a1 skad smras pa bzhin te/ ras phrag zar de la mchod pa byed pa gang yin pa de dag gis ni/ de bzhin gshegs pa la mchod pa byas pa yin no/ /klu'i
277a2 bdag po/ klu dang / klu gzhon nu dang / klu'i bu mo ji snyed kyis ras phrag zar de las dum bu dum bur khyer ba mthong ngam/ gsol pa/ bcom ldan 'das/ mthong lags so//
277a3 bcom ldan 'das kyis bka' stsal pa/ 'di dag thams cad ni/ bskal pa bzang po 'di kho na la yongs su mya ngan las 'da' bar ngas lung bstan te/ theg pa chen po la
277a4 zhugs pa rnams ni/ ma gtogs so/ /klu'i bdag po/ de bzhin gshegs pa ni/ de ltar 'jig rten na yon gnas yin te/ de la sems bskyed pa tsam yang chud za bar
277a5 mi 'gyur ro/ /de nas rgya mtsho chen po'i nang na klu dang / klu gzhon nu dang / klu'i bu mo ji snyed gnas pa de dag thams cad tshim zhing mgu la yid rangs te /rab tu dga' zhing
277a6 dga' ba dang / yid bde ba skyes nas bcom ldan 'das kyi zhabs gnyis la gtugs te tshig 'di skad ces kyang smras so/ /de bzhin gshegs pa ni/ gnyis su mi gsung
277a7 ba'o| |de bzhin gshegs pa ni/ bden pa gsung pa'o/ /yang dag par gsung ba'o/ /phyin ci ma log par gsung ba ste/ des bdag cag thams cad yongs su mya ngan las 'da'
277b1 bar lung bstan to/ /bcom ldan 'das/ bdag cag ni/ sangs rgyas dang / chos dang / dge slong gi dge 'dun la shin tu skyabs su mchi'o/ /bslab pa'i gzhi rnams kyang gzung
277b2 bar 'tshal lo/ /de bzhin gshegs pa la'ang bka' drin du gzo bar 'tshal te/ de bzhin gshegs pa bzhugs pa na'ang blta ba dang / phyag 'tshal ba dang bsnyen bkur
277b3 bgyi ba dang / chos mnyan pa'i slad du rgyun mi chad par thad du mchi'o/ /de bzhin gshegs pa yongs su mya ngan las 'das pa na'ang sku gdung 'chang ba rnams la mchod pa
277b4 bgyi'o| |bkur sti dang / rim gro thams cad kyang bgyi'o/ /klu yongs su bskyab pa zhes bya ba'i le'u ste/ bdun pa'o// //de nas bya'i rgyal po nam mkha' lding bzhis
277b5 de bzhin gshegs pa'i byin gyi rlabs 'di thos nas mi dga' zhing / rings pa'i tshul gyis bcom ldan 'das ga la ba der dong ste lhags nas bcom ldan 'das kyi zhabs la
277b6 mgo bos phyag 'tshal te lan gsum bskor ba byas nas bcom ldan 'das la 'di skad ces gsol to/ /bcom ldan 'das kyis bdag cag gi 'tshal ma bkur sti ci bgyi lags/
277b7 bcom ldan 'das kyis bka' stsal pa/ grogs po dag /zas bzhi po 'di dag ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro
278a1 bar 'gyur ba yin te/ bzhi gang zhe na/ grogs po dag /zas gang srog chags gzhan bsad pa dang / srog chags gzhan la rnam par 'tshe
278a2 pa dang / gzhan gyi srog gcod pas 'tsho ba 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas dang po'o/ /
278a3 grogs po dag /gzhan yang zas gang ma byin par len cing 'phrog pa dang / gzhan gyi longs spyod 'jig par byed pa dang / dbyug pa dang / ral gri dang / mtshon cha
278a4 dang / lag chas 'tshog pa 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas gnyis pa'o/ /grogs
278a5 po dag /gzhan yang zas gang tshul 'chos pa dang / kha gsag dang / pha rol la gnod pa byed pa dang / spyod lam yang dag par ston pa dang / cho ga nyams pa dang / tshul
278a6 khrims nyams pa dang / lta ba nyams pa dang / 'tsho ba nyams pa dang / log pa yang dag pa ma yin pa'i yon tan gyis 'tsho ba 'di ni/ sems can dmyal ba dang / dud 'gro'i skye
278a7 gnas dang / gshin rje'i 'jig rten du 'gro ba'i zas gsum pa'o/ /grogs po dag/ gzhan yang zas gang ston pa ma yin pa la ston par khas 'che ba dang / yang dag par song
278b1 ba ma yin pa la yang dag par song bar khas 'che ba dang / dge sbyong ma yin par dge sbyong du khas 'che ba dang / tshangs par spyod pa ma yin pa la tshangs par spyod par khas 'che bas
278b2 'tsho ba 'di ni/ sems can dmyal ba dang / dud 'gro'i skye gnas dang / gshin rje'i 'jig rten du 'gro bar 'gyur ba'i zas bzhi pa ste/ grogs po dag /nga ni/ zas bzhi po
278b3 'di dag yang dag par gcad pa'i phyir chos ston te/ grogs po dag /lus gso ba'i phyir gzhan gyi srog gcad par mi bya'o/ /de ci'i phyir zhe na/ sems can thams cad la
278b4 ni |srog gces shing phangs pa'i phyir te/ grogs po dag /de lta bas na/ bdag nyid bsrung ba'i phyir dang / 'jig rten pha rol bsrung ba'i phyir dang / sems can thams cad
278b5 la bde ba sbyin pa'i phyir mkhas pas srog gi phyir yang gzhan gyi srog mi gcod cing / bya ba ma yin pa thams cad mi bya'o/ /de skad ces bka' stsal pa dang / bya'i rgyal po nam
278b6 mkha' lding bzhi g.yog sa ya sa ya dang ldan pas bcom ldan 'das la 'di skad ces gsol to/ /bcom ldan 'das/ bdag cag de bzhin gshegs pa dang / chos dang / dge
278b7 slong gi dge 'dun la skyabs su mchi'o/ /sngon sdig pa'i las bgyis pa'ang so sor bshags so/ /slan chad kyang sdom par 'tshal lo/ klu'i rigs thams cad la'ang mi 'jigs
279a1 pa stsal to/ /bcom ldan 'das kyis dam pa'i chos yun ji srid gnas pa de srid du'ang rtag tu rgyun mi chad par de bzhin gshegs pa la mchod pa'i las
279a2 la brtson par bgyi'o/ /de nas bcom ldan 'das kyis bya'i rgyal po nam mkha' lding bzhi po de dag la bka' stsal pa/ grogs po dag / khyed ni/ de bzhin gshegs pa gser
279a3 thub kyi gsung rab la dge slong bzhir gyur te/ dga' byed dang / dga' byed chen po dang / bla ma dang / bla ma'i bshes gnyen zhes bya bar gyur to/ /dge slong bzhi po de
279a4 dag rnyed pa dang / bkur sti dang / tshigs su bcad pa'i rgyags pas myos shing mdza' bshes kyi khyim dang / slong mo ster ba'i khyim gyi rgyags pas myos la/ bdag nyid
279a5 ni| tshul khrims dang / cho ga dang / lta ba nyams/ tshul khrims dang ldan pa'i dge slong rnams la ni/ 'khrug pa dang / gnod pa byas te lus dang / ngag dang / yid ma
279a6 bsdams shing sdig pa mang po byas par gyur to/ /de bzhin gshegs pa gser thub de la'ang de dag gis mchod pa mang po byas so/ /des na khyed sems can dmyal bar ma
279a7 song ste| dud 'gro'i skye gnas 'dir skyes nas 'di ltar sdom pas ma bsdams pa'i phyir khyod kyis srog gcod pa mang du byas shing sdig pa'i las mang du byas la/ mang po dag
279b1 kyang 'jigs par byas so/ /de nas bcom ldan 'das kyis de'i tshe bya'i rgyal po nam mkha' lding bzhi po de dag gis ci nas tshe rabs dran par 'gyur ba dang / de bzhin gshegs pa gser
279b2 thub de dang der dge sbyong du gyur nas las mngon par 'du byed pa mngon par 'dus byas pa de dag thams cad rjes su dran par 'gyur ba de lta bu'i rdzu 'phrul mngon par 'du byed pa mdzad
279b3 do| |de dag gis mngon sum du bcom ldan 'das la 'di skad ces gsol to/ /bcom ldan 'das/ sems ni/ dmu rgod gdul dka' zhing srung dka' ba lags te/ der bdag cag
279b4 gis sems brkam chags can du gyur pas/ bcom ldan 'das de bzhin gshegs pa gser thub de ma mnyes par bgyis lags so/ /bcom ldan 'das/ bdag cag gis
279b5 slan chad rang gi srog kyang yongs su gtang bar 'tshal gyi/ sdig pa'i las ni/ mi bgyid do/ /bcom ldan 'das kyis de dag la chos kyi gtam gyis dga' ba bskyed nas 'di skad
279b6 ces bka' stsal to/ /grogs po dag /de bzhin gshegs pa byams pa'i 'dus pa dang po'i grangs su gtogs par 'gyur ro/ /de nas bcom ldan 'das kyis rgya mtsho chen por
279b7 sems can gyi don ji snyed bya dgos pa de dag thams cad mdzad nas klu'i rgyal po rgya mtsho la bka' stsal pa/ klu'i bdag po tshur shog /da rang gi mal cha dang / stan rnams sdus shig /
280a1 nga ni| rang gi gnas su 'gro'o/ /de nas bcom ldan 'das zhabs 'bring ba dang bcas par gdan de las bzhengs nas rgya mtsho chen po'i nang nas phyir
280a2 yang rin po che'i them skas rnams las bkod pa chen po dang / mchod pa chen po dang / sangs rgyas kyi che ba nyid chen pos gshegs nas mgur bsal te rgya mtsho'i 'gram du
280a3 gzhes so/ /de nas rgya mtsho'i lha mo 'od ldan mas bcom ldan 'das la tshigs su bcad pa 'di dag gis mngon par bstod pa/ sum cu rtsa gnyis mtshan mnga' lha dang mis
280a4 mchod pa/ /lha min dbang pos bsnyen bkur mi mchog deng phyag 'tshal/ /pad+ma lta bu'i spyan mnga' zhal ras zla ba 'dra/ /dge ba'i chos kyis 'phags pa bde sbyin deng phyag 'tshal/ /
280a5 gzugs mchog ston pa bsod nams brgya yi mtshan dang ldan/ /yon tan ye shes 'phags pa rnam 'dren deng phyag 'tshal/ /sbyin dang dul bas 'phags pa tshul khrims bzang
280a6 po brtsegs/ /bzod pa'i stobs kyis 'phags pa mi mchog deng phyag 'tshal/ /brtson 'grus stobs kyis byung ba bsam gtan blo gros sbyangs/ /shes rab mkha' mtshungs
280a7 khyod la de ring mgos phyag 'tshal/ /byams pas snyoms pa'i thugs ldan thugs rjes 'gro la gzigs/ /'dren pa thugs dgyes rtag tu btang snyoms pha rol gshegs/ /ka
280b1 la ping+ka lta bur gsung snyan tshangs skad ston/ /gsung snyan ston pa khyod la de ring mgos phyag 'tshal/ /bdud dpung 'joms pa bdud stobs nges par 'joms mdzad pa/ /byang chub brtul
280b2 zhugs sgrub pa srid gsum srid pas mchod/ /dri gsum dri ma sbyong ba rnam thar gsum ston par/ /'jig rten gsum grags khyod la de ring ma gos phyag 'tshal/ /bden pa'i brtul
280b3 zhugs bzang rtogs rtag tu chos kyis 'phags/ /rtag tu dgon pa spyod yul rtag tu ye shes spyod/ /nyon mongs dgra 'joms gzi brjid lhag par gzi bskyed pa/ /pad+ma lta bu'i
280b4 spyan mnga' deng khyod mgos phyag 'tshal/ /lhun po'i rtse 'dra dgongs pa rdo rje lta bur brtan/ /dgongs pas 'dra yon tan rgya mtsho phyag 'tshal lo/ /'gro la stong pa ston pa zhi
280b5 gnas pha rol phyin/ /rab tu zhi ba'i thugs ldan khyod la skyabs su mchi/ /bdud rtsi dam pa ston pa 'gro min 'gro ba gcod/ /lha dang mis mchod khyod la de ring mgos phyag
280b6 'tshal| |sa steng lha yul grags pa snyan dang grags pa 'phags/ /yon tan rgya chen mi bzad yon tan 'byung gnas 'dud/ /ji skad gsungs bzhin mdzad cing ji skad mdzad
280b7 bzhin gsung / /ji skad spyod bzhin skul ba deng khyod mgos phyag 'tshal/ /rga shi grol mdzad sman pa 'gro ba'i bsnyen bkur ba/ /thar pa'i lam ston khyod la de ring mgos phyag
281a1 'tshal/ /rgyu yi byed pa rab ston lta ba'i mun pa sel/ /lam mchog ston pa rgyal ba khyod la skyabs su mchi/ /rin chen sbyin pa gcig pu chos kyi dga'
281a2 ba gsung / /sa 'dra'i thugs ldan khyod la bdag ni skyabs su mchi/ /'dren pa yon tan rgya mtsho yon tan las bstod pa'i/ /bdag gis bsod nams gang lags des ni
281a3 khyod 'drar shog /de nas rgya mtsho chen po'i lha mo 'od ldan mas bcom ldan 'das la de skad bstod nas 'di skad ces gsol to/ /bcom ldan 'das/ bcom ldan 'das
281a4 slar byung ste gshegs pas rgya mtsho chen po mi mdzes pa lags na/ ci nas bdag rgya mtsho mdzes par bgyid pa de lta bur bcom ldan 'das kyis rjes su bstan na legs
281a5 so| |de skad ces gsol pa dang / bcom ldan 'das kyis rgya mtsho chen po'i lha mo 'od ldan ma la 'di skad ces bka' stsal to/ /'od ldan ma/ chos bcu po 'di dag ni/ rgyan du
281a6 'gyur ba yin te/ bcu gang zhe na/ 'di lta ste/ dge ba bcu'i las kyi lam yongs su rdzogs par bya ba'i phyir byams pa'i rjes su 'jug pa'i sems bskyed pa dang / sems
281a7 can thams cad la rnam par mi 'tshe bar bya ba'i phyir snying rje chen po la gnas pa dang / bsam pa'i sbyor ba bla na med pa yang dag par rdzogs pa'i byang chub tu yongs su bsngo
281b1 ba'i sems bskyed pa dga' bar gnas pa dang / sbyin pa thams cad yongs su gtong ba dang / rnam pa sna tshogs kyi rgyan gyi smon lam la brtson 'grus brtan pa dang / dge ba'i rtsa ba'i
281b2 chos thams cad yongs su rdzogs par bya ba'i phyir dran pa dang / shes bzhin du gnas pa dang / sngon gyi dge ba chud mi za ba'i phyir dang / shes rab yongs su rdzogs par bya
281b3 ba'i phyir chos dang ldan zhing chos 'dod pa dang / phan pa'i dngos pos sems can thams cad la yon tan thams cad bskyed pa dang / gnyis su med pas gong du khyab par
281b4 rtogs pa dang / sangs rgyas kyi thugs su chud pa la yang dag par gzhol bas sangs rgyas rjes su dran pa thob pa ste/ 'od ldan ma / chos bcu po de dag ni/ rgyan du 'dul ba yin
281b5 no| |de skad ces bka' stsal pa dang / rgya mtsho chen po'i lha mo 'od ldan ma lha mo khri dang lhan cig tu bla na med pa yang dag par rdzogs pa'i byang chub tu sems bskyed nas bcom
281b6 ldan 'das la 'di skad ces gsol to/ /bcom ldan 'das/ rgya mtsho chen po'i rgyan lags so/ /de ci'i slad du zhe na/ bcom ldan 'das/ byang chub kyi sems ni/ stong gsum gyi stong
281b7 chen po'i 'jig rten gyi khams thams cad kyi rgyan lags na/ rgya mtsho chen po'i lta smos kyang ci 'tshal te/ byang chub kyi sems de ni/ sangs rgyas kyi zhing thams cad brgyan pa'i slad du
282a1 bdag cag gis bskyed lags so/ /bcom ldan 'das/ de bzhin gshegs pa bzhugs kyang rung / yongs su mya ngan las 'das kyang rung ste/
282a2 bdag ni/ rgya mtsho chen po'i nang na gnas bzhin du dam pa'i chos yongs su bsrung ba'i slad du rtag tu brtson pa kho nar 'tshal lo/ /bcom ldan 'das/ grong khyer du gshegs
282a3 pa na'ang bkod pa thams cad nye bar bstan par 'tshal lo/ /chos kyi dben pa'i gtam mdzad pa na'ang 'khor gyi khyams kyi bkod pa sgrub par 'tshal lo/ /bcom ldan
282a4 'das kyis bka' stsal pa/ 'od ldan ma/ 'di ltar khyod kyis ni/ sangs rgyas khri la mchod pa byas so/ /'khor gyi khyams kyi bkod pa'ang bstan to/ /dam pa'i chos kyang
282a5 yongs su bsrungs so/ /'od ldan ma/ khyod ni/ bskal pa bzang po'i de bzhin gshegs pa thams cad la'ang mchod pa byed par 'gyur ro/ /dam pa'i chos kyang yongs su
282a6 srung bar 'gyur ro/ /khyod ni/ bskal pa bzang po 'di 'das pa'i 'og tu de bzhin gshegs pa mi 'khrugs pa'i sangs rgyas kyi zhing 'jig rten gyi khams mngon par
282a7 dga' bar skye bar 'gyur te/ bud med kyi dngos po brjes nas skyes pa'i dngos po thob par 'gyur ro/ /khyod ni/ de bzhin gshegs pa mi 'khrugs pas bla na med pa
282b1 yang dag par rdzogs pa'i byang chub tu lung ston par 'gyur ro/ /de nas rgya mtsho chen po'i lha mo 'od ldan mas bcom ldan 'das las bdag nyid kyi lung bstan pa thos nas tshim zhing
282b2 mgu la yid rangs te rab tu dga' zhing dga' ba dang / yid bde ba skyes te rgya mtsho chen po'i rin po che dang rin thang mnyam pa'i rin po che'i phreng ba bcom ldan 'das kyi sku la gsol
282b3 nas sor mo bcu'i thal mo sbyar te/ de'i tshe bcom ldan 'das la tshigs su bcad pa 'di dag smras so/ /bdag ni thub pa ye shes yon tan kun gyi 'byung gnas de yis lung bstan
282b4 te/ /bdag ni 'dren par 'gyur ba dag la yid gnyis the tshom ci yang yod ma mchis/ /stong gsum sa gzhi thams cad 'gas shing zla ba sa la lhung yang gda'/ /lha las lhag pa'i
282b5 lhas mchod sangs rgyas phyin ci log gi tshig gsum yong mi gda'/ /bsam pa byams pa brtson 'grus yul la thugs ni 'khrug par 'gyur ba mi mnga' ltos/ /bdag ni stong pa'i
282b6 ye shes yul gyi chos rnams dag la gus par bgyid la ltos/ /bde bar gshegs pa'i yang dag spyod pa rnams dang ye shes thogs pa mi mnga' ltos/ /de yis 'dren ni bdag
282b7 gi sems kyi yul bden mkhyen nam de bzhin lud yang bstan/ /smon pa rab mchog bde sbyin sdug bsngal kun las grol bar mdzad la phyag 'tshal lo/ /gnas dang skyabs dang dpung
283a1 gnyen skyob pa 'jigs pa rnams la 'jigs med sbyin mdzad pa/ /rgyal ba lam mchog dam pa ston mdzad lam ngan yongs su spyod la phyag 'tshal lo/ /
283a2 'jig rten rnam par gzigs la mkhas pa 'jig rten 'das pa'i 'dren la phyag 'tshal lo/ /'dir ni lha dang mi rnams gang dag sangs rgyas chos dang tshogs rnams thos pa dang / /byang
283a3 chub spyod cing byang chub bsam pa sems pa de dag rnyed pa legs par rnyed/ /de dag la ni ngan song ngan 'gro'i 'jigs pa med de mi khom brgyad las yongs su grol/ /de dang de dag lha
283a4 dang mi yi bde la nges shing zhi ba'i go 'phang thob/ /de nas bcom ldan 'das la klu'i rgyal po rgya mtsho'i bu mthong dgas 'di skad ces gsol to/ /bcom ldan 'das/ lha dang / klu dang /
283a5 gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma lags pa mang po dag gis ni/ de bzhin gshegs pa la
283a6 mchod pa bgyis lags na/ gal te bcom ldan 'das kyis bdag la gnang ba mdzad na/ bdag gis kyang de bzhin gshegs pa la mchod pa'i las cung zad tsam 'tshal te/
283a7 bdag gis bcom ldan 'das zhabs 'bring ba dang bcas par rnam par rgyal byed dang 'dra ba'i bkod pa chen po'i khang bzang gi nang du bzhugs par gsol la/ bya rgod kyi phung
283b1 po'i ril skyel bar 'tshal lo/ /bcom ldan 'das kyis bka' stsal pa/ rigs kyi bu/ 'di'i dus la bab par shes na/ skyo ba cig /de nas klu'i rgyal po rgya mtsho'i bu mthong dgas sangs rgyas
283b2 kyi mthu dang / rang gi rdzu 'phrul gyi stobs kyis rnam par rgyal byed dang 'dra ba'i khang bzang byin gyis brlabs nas/ der bcom ldan 'das zhabs 'bring dang bcas par bzhugs par gsol nas
283b3 steng gi bar snang las gshegs te klu'i bu mo brgyad khri bzhi stong yang sil snyan byed/ pheg rdob/ glu dbyangs len cing me tog gi char chen po 'bebs la/ lha'i spos dang / phye ma sna tshogs
283b4 kyi char 'bebs bzhin du mthar gyis bcom ldan 'das bya rgod phung po'i ri la bskyal to/ /de nas klu'i rgyal po rgya mtsho bu dang bcas/ chung ma dang g.yog 'khor dang bcas pas bcom ldan
283b5 'das kyi zhabs gnyis la btugs nas bcom ldan 'das la bzod pa gsol to/ /bcom ldan 'das/ bdag cag gis ma 'byor bar gyur pa gang lags pa rnams bdag cag la bzod pa
283b6 mdzad du gsol/ /de ci'i slad du zhe na/ bcom ldan 'das/ rin po che ji lta ba bzhin du de dang 'tsham pa'i mchod pa'i 'os lags la/ bcom ldan 'das ni/ sems can thams cad
283b7 kyi bla na ma mchis pa'i bsod nams kyi zhing rin po che lags te/ mchod pa'i 'os lags na/ de ni/ stong gsum gyi stong chen po'i 'jig rten gyi khams thams cad du gtogs pa'i sems
284a1 can thams cad kyis kyang 'byor pa'am/ yongs su rdzogs par bgyid pa'i rngo mi thogs te/ de bzhin gshegs pa de tsam tshad ma mchis pa'i mchod pa'i
284a2 'os lags pa'i slad du'o/ /bcom ldan 'das/ gzhan yang byang chub sems dpa' ji ltar de bzhin gshegs pa la mchod pa bgyid pa lags/ bcom ldan 'das kyis bka'
284a3 stsal pa| klu'i bdag po/ byang chub sems dpa' nan tan byed pas de bzhin gshegs pa ji ltar mchod pa nyon cig /bsam pa rnam par dag pa ni/ de bzhin gshegs pa la
284a4 mchod pa yin te/ bcos ma ma yin pa dang / g.yo med pa'i phyir ro/ /lhag pa'i bsam pa yongs su dag pa ni/ de bzhin gshegs pa la mchod pa yin te/ dge ba'i rtsa ba thams
284a5 cad la lhag par dmigs pa'i phyir ro/ /zhe 'gras pa med pa'i sems ni/ de bzhin gshegs pa la mchod pa yin te/ sems can thams cad la sems snyoms pa'i phyir ro/ /tshul
284a6 'chos pa dang / kha gsag thams cad rnam par spangs pa ni/ de bzhin gshegs pa la mchod pa yin te/ spyod lam yongs su dag pa'i phyir ro/ /ji skad smras pa de bzhin byed pa ni/ de
284a7 bzhin gshegs pa la mchod pa yin te/ 'jig rten thams cad la mi slu ba'i phyir ro/ /'phags pa'i rigs kyis chog par 'dzin cing sbyangs pa'i yon tan thams cad yang dag par
284b1 blangs pa mi 'dor ba ni/ de bzhin gshegs pa la mchod pa yin te/ dam bcas pa la brtan pa'i phyir ro/ /dben pa la dga' zhing be mo'i gtam yongs su spong ba ni/ de bzhin gshegs pa
284b2 la mchod pa yin te/ sems yongs su 'dul ba'i phyir ro/ /ji skad thos pa'i chos la tshul bzhin du so sor rtog pa ni/ de bzhin gshegs pa la mchod pa yin te/ yang dag pa ji lta ba
284b3 bzhin yongs su shes pa'i phyir ro/ /bdag med pa dang / sems can med pa dang / gso ba med pa dang / gang zag med par nye bar rtogs pa ni/ de bzhin gshegs pa la mchod pa
284b4 yin te| gzod ma nas ma byung ba'i phyir ro/ /stong pa'i chos la 'jug pa dang / mtshan ma med pa la nges par rtog pa dang / smon pa dang bral ba ni/ de bzhin gshegs pa la mchod pa
284b5 yin te| rnam par thar pa'i sgo mngon sum du byed pa'i phyir ro/ /rkyen 'di la nyid la 'jug cing mthar lta ba sel ba ni/ de bzhin gshegs pa la mchod pa yin te/ rtag pa dang / chad
284b6 par lta ba yongs su spong ba'i phyir ro/ /ma byung ba dang / ma skyes par bzod pa ni/ de bzhin gshegs pa la mchod pa yin te/ rang bzhin gyis ma byung ba'i phyir ro/ klu'i bdag po/
284b7 de ltar na/ lus dang / ngag dang / sems kyi rtsom pa gang yin pa de dag ni/ de bzhin gshegs pa la mchod pa yongs su dag pa ma yin gyi/ gang lus dang / ngag dang / sems kyi rtsom
285a1 pa med pa de ni/ de bzhin gshegs pa la mchod pa yongs su dag pa yin no/ /mngon par 'du byed pa med pa dang / blang ba med pa dang / dor ba med pa dang / 'khor
285a2 gsum yongs su bde ba dang / dus gsum mnyam pa nyid dang / dri ma gsum gyi dri ma sal ba dang / khams gsum la mi rten pa dang / rnam par thar pa'i sgo gsum la 'jug pa dang /
285a3 rig pa gsum gyi rig pa shes pa ni/ de bzhin gshegs pa la mchod pa yin no/ /de skad ces bka' stsal pa dang / bcom ldan 'das la klu'i rgyal po rgya mtshos 'di skad ces
285a4 gsol to/ /bcom ldan 'das/ me tog dang / bdug pa dang / spos dang / me tog phreng dang / byug pa dang / phye ma dang / gdugs dang / rgyal mtshan dang / ba dan dang / na bza' dang /
285a5 bshos dang / gzims cha dang / gdan dang / snyun gyi gsos sman dang / yo byad dang / sil snyan dang / pheg rdob pa dag gis de bzhin gshegs pa la mchod pa bgyid pa gang
285a6 lags pa de dag kyang ni de bzhin gshegs pa la mchod pa bgyid pa lags sam/ bcom ldan 'das kyis bka' stsal pa/ klu'i bdag po/ de ni/ bla na med pa'i mchod pa de nyid
285a7 yongs su sbyong ba yin gyi/ mchod pa de ni/ shin tu mthar thug pa dang / shin tu dri ma med pa dang / shin tu tshangs par spyod pa'i mthar thug pa ma yin no/ /klu'i bdag po/ dge
285b1 ba'i rtsa ba bskyed pa'i slob pa de dag ni/ 'phags pa'i rnam par grol ba la sems gnas kyi/ dge ba'i rtsa ba ma bskyed pa rnams ni/ de lta ma yin no/ /klu'i bdag po/ gzhan yang
285b2 chos bzhi dang ldan pa'i byang chub sems dpa' ni/ de bzhin gshegs pa la mchod pa byed pa dag yin te/ bzhi gang zhe na/ byang chub kyi sems mi brjed pa'i bsod nams
285b3 kyi tshogs gsog pa dang / snying rje chen po la gnas pa'i sems kyi ye shes kyi tshogs gsog pa dang / brtson 'grus chen po shin tu brtsams pa'i sems kyis sangs rgyas
285b4 kyi zhing yongs su dag par byed pa dang / chos zab mo rgya chen po la sems bskyed pas bzod pa skyes pa thob pa ste/ klu'i bdag po/ chos 'di bzhi dang ldan pa'i byang chub sems
285b5 dpa' ni/ de bzhin gshegs pa la mchod pa byed pa yin no/ /de nas rgyal po'i khab na gnas pa'i bram ze dang / rgyal rigs dang / khyim bdag rnams dang / grong rdal pa
285b6 dang / yul gyi mi rnams dang / rgyal po ma skyes dgra dang / blon po dang / nang 'khor dang / sgo dpon dang / 'khor dang / tshong dpon rnams kyis de bzhin gshegs pa klu'i rgyal
285b7 po rgya mtsho'i gnas su ba shos gsol nas bya rgod kyi phung po'i ri la gshegs so/ /zhes thos nas der srog chags bdun khri nyis stong dang / rgyal po ma skyes dgra g.yog
286a1 'khor sum khri nyis stong dang lhan cig tu rgyal po'i khab kyi grong khyer nas byung nas bya rgod phung po'i rig la ba der dong ste lhags nas bcom ldan
286a2 'das kyi zhabs la mgo bos phyag btsal te lan gsum bskor ba byas nas phyogs gcig tu 'khod do/ /de nas bcom ldan 'das la rgyal po ma skyes dgras 'di skad ces
286a3 gsol to/ /bcom ldan 'das/ de bzhin gshegs pa rgya mtsho chen por gshegs na chab kyi tshogs de na mchis pa de gang du mchi lags/ bcom ldan 'das kyis bka'
286a4 stsal pa| rgyal po chen po/ gang gi tshe dge slong me'i khams kyi ting nge 'dzin la snyoms par 'jug pa de'i tshe stong gsum gyi stong chen po'i 'jig rten gyi khams mes yongs su
286a5 gang bar mthong na/ de'i chu'i phung po de dag gang du song / gsol pa/ bcom ldan 'das/ de ni/ ting nge 'dzin la dbang thob pa'i sems de lta bur las su rung bar gyur pa lags
286a6 so| |bka' stsal pa/ rgyal po chen po/ khyod kyis de nyan thos ting nge 'dzin dang / snyoms par 'jug pa la dbang thob pa'i sems las su rung ba las gyur par 'dod na/ de bzhin
286a7 gshegs pa rtag tu mnyam par bzhag pa/ ting nge 'dzin dang snyoms par 'jug pa thams cad la mkhas pa/ sems la dbang yod pa/ chos thams cad kyi dbang phyug /
286b1 chos la dbang yod pa ni/ de ltar mi 'dod dam/ rgyal po chen po/ gang gi tshe nga rgya mtsho chen por zhugs pa de'i tshe chu de'i nang na gnas pa'i sems can rnams ni/ bdag nyid chu'i nang na
286b2 gnas so snyam du 'dzin to/ /skam sa la gnas pa'i sems can rnams kyis ni/ rgya mtsho chen po skam par mthong ngo / /ji ltar gzhan 'phrul dbang byed pa'i lha rnams kyi gnas kyi bkod
286b3 pa rnams rgyan thams cad kyis brgyan pa de bzhin du klu dang / dri za dang / lha ma yin gyi gnas thams cad kyang de bzhin gshegs pa'i 'od kyis khyab par gyur to/ /rgya mtsho chen po'i nang gi
286b4 sems can thams cad kyang gcig la gcig byams pa'i sems dang / phan pa'i sems dang / gnod sems med pa dang / rnam par 'tshe ba med par gnas par gyur to/ /de nas
286b5 bcom ldan 'das la rgyal po ma skyes dgras 'di skad ces gsol to/ /bcom ldan 'das/ sangs rgyas bcom ldan 'das rnams kyi sangs rgyas kyi che ba nyid dang / byang chub sems
286b6 dpa' rnams kyi thabs la mkhas pa de tsam du bsam gyis mi khyab pa ni/ ngo mtshar lags te/ 'di ltar klu'i rgyal po rgya mtshos de bzhin gshegs pa spyan drangs te/ de ltar sems can
286b7 gyi don tshad ma mchis pa bgyis na/ bcom ldan 'das/ klu'i rgyal po rgya mtshos yun ji srid ci gnas ni/ bla na med pa yang dag par rdzogs pa'i byang chub tu sems bskyed lags/
287a1 de bzhin gshegs pa ji snyed cig la ni/ mchod pa bgyis/ yun ji srid cig na ni/ bla na med pa yang dag par rdzogs pa'i byang chub mngon par rdzogs
287a2 par 'tshang rgya bar 'gyur lags/ de mngon par rdzogs par sangs rgyas pa'i mtshan ni/ ci zhes bgyi bar 'gyur/ de'i sangs rgyas kyi zhing ni/ ci 'dra bar 'gyur lags/
287a3 bcom ldan 'das kyis bka' stsal pa/ rgyal po chen po/ sngon byung ba 'das pa'i dus na bskal pa grangs med pas ces grangs med pa/ bsam gyis mi khyab pa/ yun ring
287a4 ba| tshad med pa'i snga rol de'i tshe de'i dus na bskal pa yid du 'ong zhing zhi ba zhes bya ba la shar gyi phyogs kyi 'jig rten gyi khams yongs su dag pa zhes bya bar bcom ldan
287a5 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul
287a6 ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'od rnam par dag ba'i 'od zer rgyal po zhes bya ba 'jig rten du byung ste/ rgyal po
287a7 chen po/ 'jig rten gyi khams lta ba yongs su dag pa de'i bkod pa byung ba de dag ni/ de'i tshe'i tshad bskal par gnas su zin kyang rgyas par bstan par sla ba ma yin no/ /rgyal po chen
287b1 po| de'i tshe de'i dus na 'khor los bsgyur ba'i rgyal po lhas btsa' zhes bya ba zhig byung ste/ bcom ldan 'das de bzhin gshegs pa 'od rnam par dag pa'i 'od zer rgyal po de la lo bzhi khri nyis stong gi
287b2 bar du mchod pa byas te dge ba'i rtsa bas nye bar brtan pa de gnyid log pa'i rmi lam du tshigs su bcad pa 'di gnyis thos so/ /skyes bu khyu mchog la ni mchod chen mang / /dpag med rgya chen
287b3 bsam yas byas zin gyi/ /'gro ba dag la snying brtse bskyed nas kyang / /rab mchog byang chub sems ni bskyed par gyis/ /byang chub sems ni yang dag sgrub byed gang / /de ni mchod mchog
287b4 dam pa khyad par 'phags/ /de ni de bzhin gshegs rnams bkur sti yin/ /de ni phyi ma'i bsod nams gzi byin yin/ /bam po bdun pa ste tha ma/ rgyal po chen po/ de nas 'khor los
287b5 bsgyur ba'i rgyal po lhas btsa' des tshigs su bcad pa 'di gnyis thos te/ de'i mtshan mo 'das nas g.yog 'khor dang bcas te bcom ldan 'das de bzhin gshegs pa 'od rnam par
287b6 dag pa'i 'od zer rgyal po ga la ba der dong ste lhags nas bcom ldan 'das kyi zhabs la spyo bos phyag 'tshal te lan gsum bskor ba byas nas srog chags brgyad khri bzhi stong dang lhan cig
287b7 tu bcom ldan 'das de'i spyan sngar 'khod do/ /thal mo sbyar nas lhag pa'i bsam pas bla na med pa yang dag par rdzogs pa'i byang chub tu sems bskyed de/ de'i tshe tshigs su bcad pa 'di
288a1 dag smras so/ /gzugs la brkam dang sgra la brten pa dang / /dri dang ro dang reg la gnas pa dang / /'dod la brkam dang bde ba dga' ba yis/ /byang chub phyogs 'di
288a2 rtogs par mi nus so/ /le lo can dang dma' la brtson pa dang / /ser sna can dang tshul khrims ma bsngams dang / /sdang ba'i sems dang blo ni 'khrul pa yis/ /byang chub mchog 'di rtogs
288a3 par mi nus so/ /rang gi bde ba thams cad spangs pa dang / /'gro ba'i sdug bsngal thams cad bzod pa dang / /brtson 'grus brtsams shing rtag tu chos 'dod gang / /de ni 'jig rten de
288a4 'dra'i sangs rgyas 'gyur/ /sangs rgyas byang chub la ni bdag zhugs pa/ /sangs rgyas rnams dang lha rnams dbang btsugs te/ /ci nas bdag gi tshig log par mi 'gyur ba/ /de ltar sman
288a5 slad spyod pa spyad par bgyi/ /byang chub sems ni bdag gis rmi lam thos/ /thos nas bdag ni byang chub mchog la zhugs/ /de yi slad du sangs rgyas mi yi mchog /ye shes ldan pa de
288a6 'dra bdag gis bgyi/ /rgyal po chen po/ de'i tshe de'i dus na 'khor los bsgyur ba'i rgyal po lhas btsa' zhes bya bar gyur pa de gzhan zhig yin snyam du khyod som nyi'am/ yid gnyis
288a7 sam| the tshom za na/ rgyal po chen po/ khyod kyis de ltar mi blta'o/ /de ci'i phyir zhe na/ klu'i rgyal po rgya mtsho 'di nyid de'i tshe 'khor los bsgyur ba'i rgyal po lhas btsa' zhes bya bar
288b1 gyur to| |de'ang de'i dang po byang chub tu sems bskyed pa yin no/ /rgyal po chen po/ khyod 'di skad du/ klu'i rgyal po rgya mtsho 'di yun ji srid cig na bla na med pa yang dag par rdzogs pa'i byang
288b2 chub mngon par rdzogs par 'tshang rgya bar 'gyur zhes zer ba de nyon cig /rgyal po chen po/ klu'i rgyal po rgya mtsho 'di ni/ bskal pa grangs med pa nyis brgyan bskal pa dpal gyi me tog ces bya
288b3 ba la 'jig rten gyi khams chos kyi sgra grags pa zhes bya bar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/
288b4 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shin tu dri ma med cing yongs
288b5 su dag la yon tan gyi tshogs mtha' yas pa las byung ba'i rgyal po zhes bya bar 'gyur ro/ /rgyal po chen po/ 'jig rten gyi khams chos kyi sgra grags pa de ni/ rin po che sa yas spras par
288b6 'gyur te/ dzam+bu chu bo'i gser las grub pa/ rin po che sna tshogs du mas bris shing mig mang ris su rnam par phye la lag mthil bzhin du mnyam ste/ ka tsa lin+di ka'i gos bzhin du 'jam zhing
288b7 reg na bde la yangs shing tha gru che ste/ gling bye ba phrag 'bum dang ldan la/ 'byor pa dang / rgyas pa dang / bde ba dang / yid du 'ong ba ste/ lha dang mi mang po dag gis gang la/ gzhan 'phrul
289a1 dbang byed pa'i lha rnams kyi nye bar spyad pa dang / longs spyod ji lta ba bzhin du mi de dag gi'ang de dang 'dra bar 'gyur ro/ /'jig rten gyi khams chos kyi sgra
289a2 grags pa zhes bya ba de na rin po che thams cad las grub pa'i shing ta la'i phreng ba dag 'byung bar 'gyur te/ shing ta la de dag gi lo ma dang / me tog dang / 'bras bu thams cad las
289a3 chos kyi sgra khrag khrig phrag 'bum mang po dag 'byung ngo / /'jig rten gyi khams de na sgra ji snyed 'byung ba 'di lta ste/ lha'i sgra'am/ mi'i sgra'am/ mi ma yin pa'i sgra'am/ sprul pa'i
289a4 sgra'am| bya'i sgra'am/ rlung gi sgra'ang rlung ste/ sgra de dag thams cad chos dang ldan par 'byung bar 'gyur ro/ /de bzhin du zhi ba dang ldan pa dang / rab tu zhi ba dang ldan pa dang / nye bar zhi ba
289a5 dang ldan pa dang / dga' ba dang dben pa dang ldan pa dang / sangs rgyas kyi chos dang ldan pa dang / pha rol tu phyin pa dang ldan pa dang / bsdu ba'i dngos po dang ldan pa dang / thabs la
289a6 mkhas pa dang ldan pa dang / skyo ba dang 'dod chags dang bral ba'i lta ba dang ldan pa dang / stong pa nyid dang / mtshan ma med pa dang / smon pa med pa dang / mngon par 'du byed pa med pa
289a7 dang ldan pa'i sgra dag 'byung bar 'gyur te/ de'i phyir 'jig rten gyi khams de'i ming chos kyi sgra grag pa zhes bya bar 'gyur ro/ /'jig rten gyi khams der lha dang mi gang dag skye ba de dag
289b1 thams cad kyang chos kyi dga' ba'i zas kho na dang ldan par 'gyur zhing mngon par shes pa'i shes pa la mkhas pa dang / bla na med pa yang dag par rdzogs pa'i byang chub la the tshom med pa
289b2 sha stag go /bcom ldan 'das de bzhin gshegs pa shin tu dri ma med cing yongs su dag la yon tan gyi tshogs mtha' yas pa las byung ba'i rgyal po de'ang gang gi tshe chos ston par
289b3 ba zhod pa de'i tshe de nyid kyi sku las 'od 'gyed par mdzad de/ 'od des sangs rgyas kyi zhing thams cad snang bar 'gyur ro/ /de bzhin gshegs pa'i 'od de las kyang sangs rgyas bye ba phrag
289b4 stong gsung pa'i chos ston pa 'byung bar 'gyur ro/ /de na lha dang mi rnams kyis de bzhin gshegs pa'i 'od de'ang mthong la chos bstan pa de'ang thos nas dga' ba dang / mchog tu
289b5 dga' ba chen po rgya cher skyes te/ bcom ldan 'das de bzhin gshegs pa shin tu dri ma med cing yongs su dag la yon tan gyi tshogs mtha' yas pa las byung ba'i rgyal po ga la ba
289b6 der dong ste lhags nas de bzhin gshegs pa de la mchod pa tshad med pa byas te/ rdzu 'phrul dang / mngon par shes pa'i stobs kyis nam mkha'i dkyil na rin po che'i bkod pa
289b7 chen po dang ldan pa'i pad+ma dag la skyil mo krung bcas te 'khod par 'gyur ro/ /de bzhin gshegs pa de'ang nam mkha'i dkyil nyid na seng+ge'i khri la bzhugs te lha dang / mi de dag la
290a1 chos ston to/ /de chos ston pa na phyogs bcu nas byang chub sems dpa' tshad med grang med pa brgya stong dag chos mnyan pa'i phyir 'ong bar 'gyur ro/ /'jig rten gyi
290a2 khams de na sems can su'ang chos la zhe 'gras pa med do/ /de na bdud sdig can dag dang / gzhan mu stegs can dag gi sgrar gdags pa'ang med do/ /de bzhin gshegs pa de'i sku tshe'i
290a3 tshad ni| bskal pa bcur 'gyur ro/ /de'i byang chub sems dpa' ni/ bgrang ba las 'das par 'gyur ro/ /rgyal po chen po/ de ltar na/ sangs rgyas kyi zhing de'i bkod pa ni/ bsam
290a4 gyis mi khyab po/ /chos bstan pa'ang bsam gyis mi khyab bo/ /zhabs 'bring 'khor byang chub sems dpa' yang bsam gyis mi khyab bo/ /klu'i rgyal po rgya mtsho lung bstan pa'i le'u ste
290a5 brgyad pa'o// //de nas bcom ldan 'das la rgyal po ma skyes dgras 'di skad ces gsol to/ /bcom ldan 'das/ chos thams cad ni/ rgyu'i rjes su 'brang ba dang / rnam
290a6 par bsgrubs na 'byung ba'i mtshan nyid lags te/ de dag ni/ ji lta ji lta 'dod pa de lta de ltar rnam par 'grub pa lags so/ /bcom ldan 'das/ byang chub kyi spyod pa ni/ mtha' yas
290a7 pa lags so/ /de la byang chub sems dpa' ni/ ji srid du rnam pa thams cad kyi mchog dang ldan pa'i sangs rgyas kyi zhing yongs su ma bzung ba de srid du byang chub sems dpa'i spyod pa spyad
290b1 par bgyi'o/ /bcom ldan 'das/ byang chub sems dpa' thams cad kyis ni/ klu'i rgyal po rgya mtsho'i ji lta ba de bzhin du sangs rgyas kyi zhing yongs su sbyang bar bgyi'o/ /bcom ldan 'das kyis bka'
290b2 stsal pa| rgyal po chen po/ khyod ji skad zer ba bzhin te/ chos thams cad ni/ yid la byed pa las 'byung ste/ chos thams cad byed pa med pa'i phyir de dag ni/ ji ltar 'dod pa bzhin du rnam par
290b3 'grub bo/ /de nas rgyal po ma skyes dgras klu'i rgyal po rgya mtsho la 'di skad ces smras so/ /klu'i bdag po/ gang khyod de bzhin gshegs pas 'di ltar sangs rgyas kyi zhing gi yon tan gyi rgyan
290b4 bkod pa bsam gyis mi khyab par bla na med pa yang dag par rdzogs pa'i byang chub tu lung bstan pa ni/ khyod kyis rnyed pa legs par rnyed do/ /de skad ces smras pa dang / klu'i rgyal po rgya mtsho rgyal
290b5 po ma skyes dgra la 'di skad ces smras so/ /rgyal po chen po/ chos gang yang lung bstan du med do/ /de ci'i phyir zhe na/ chos thams cad ni/ gzod ma nas rnam par dag pa'i phyir ro/ /rgyal pos smras
290b6 pa| klu'i bdag po/ sngon dge ba'i rtsa ba bskyed pa rnams kyang lung bstan du med dam/ klu'i rgyal po rgya mtshos smras pa/ rgyal po chen po/ sems can du gdags pa ni/ phung po dang / khams
290b7 dang / skye mched rnams su zad la/ phung po dang / khams dang / skye mched rnams ni/ lung bstan du med do/ /rgyal po chen po/ ming dang gzugs la sems can du gdags par zad la/ ming
291a1 dang gzugs la lung bstan du med do/ /rgyu dang / lta ba dang / 'du shes dang / yid la byed pa las sems can du gdags par zad na/ rgyu dang / lta ba dang / 'du
291a2 shes dang / yid la byed pa de la'ang lung bstan du med do/ /dge ba'i rtsa ba gang dag gis byang chub sems dpa' thams cad mkhyen pa nyid du yang dag par 'grub pa'i dge ba'i rtsa
291a3 ba de dag kyang lung bstan du med do/ /rgyal po chen po/ /chos thams cad ni/ stong pa nyid kyi mtshan nyid yin la/ stong pa nyid ni/ lung bstan du med do/ /rgyal po chen po/ chos thams
291a4 cad ni| mtshan ma med pa dang / smon pa med pa dang / mngon par 'du byed pa med pa'i mtshan nyid yin la/ mtshan ma med pa dang / smon pa med pa dang / mngon par 'du byed
291a5 pa med pa'i mtshan nyid ni/ lung bstan du med pa'o/ /rgyal po chen po/ gzhan yang sangs rgyas rnams kyi snying rje chen po 'di ni/ bsam gyis mi khyab ste/ ming med pa dang /
291a6 mtshan ma med pa'i chos thams cad ming dang / mtshan mas ston par mdzad la/ sangs rgyas bcom ldan 'das rnams ni/ ming dang / mtshan ma'i rjes su 'brang ba'i rnam par
291a7 shes pa can yang ma yin no/ /rgyal po chen po/ lung bstan pa 'di ni/ 'jig rten brda sprad par zad de/ 'di la gang lung bstan par bya ba'i chos gang yang nang ngam/ phyi rol na mi
291b1 dmigs so/ /rgyal pos smras pa/ klu'i bdag po/ bzod pa thob pa'i byang chub sems dpa' sems dpa' chen po lung bstan pa med dam/ smras pa/ rgyal po chen po/ bzod pa de'ang skad cig pa/
291b2 zad pa'i mtshan nyid/ mi zad pa'i mtha' can/ yang dag pa'i mthar nges pa/ mnyam pa'i mtha' can/ gnyis su med pa'i mthar nges pa ste/ gnyis su med pa'i mtha' ni/ yang dag
291b3 pa'i mtha'o/ /yang dag pa'i mtha' ni/ gtan du mi 'byung ba'i mtha'o/ /mtha' can gang yin pa de ni/ 'dod chags dang / zhe sdang dang / gti mug rnams so/ /de'i mtha' can ni/
291b4 rnam par grol ba'i mtha'o/ /gang mtha' de'i sgor zhugs pa ni/ gang du'ang mngon par zhen pa med do/ /gang mngon par zhen pa de ni/ tha snyad kyis brda la chags pa med do/ /ma chags
291b5 na| grol bar 'gyur ro/ /grol na/ phyin chad mi rgyu/ rab tu mi rgyu'o/ /mi rgyu/ rab tu mi rgyu na/ gang du'ang nyams par mi 'gyur ro/ /blo ma nyams na/ thams cad las nges par 'byung
291b6 bar mthong ste/ ji ltar rnam par mi mthong ba de ni/ de ltar yang mthong ngo / /gang gi tshe rnam par mi mthong ba de'i tshe gnyis su mi 'byed do/ /gnyis su med pa la gnas na/ mnyam pa nyid
291b7 la 'jug go /mnyam pa nyid la zhugs na/ mtho bar yang mi 'gyur/ dma' bar yang mi 'gyur ro/ /mtho ba'ang med/ dma' ba'ang med na/ mnyam pa nyid kyi chos kyis rab tu phye ba'i
292a1 bzod pa thob par 'gyur te/ de la bzod pa gang yin pa dang / lung bstan pa gang yin pa dang / gang lung bstan par bya ba dang / lus lung bstan pa dang / ci'i phyir
292a2 lung bstan pa'i chos de dag thams cad chos mnyam pa dang / chos med pa'i chos kyi dbyings su nges pa dang / brda med pa dang / 'byung ba med pa dang / dngos po dang dngos po med pa dang
292a3 bral ba dang / gnyis su med pa'i mtha' can de dag gi don yongs su gzhal nas chos gang yang bgrang bar mi byed do/ /dper na/ nam mkha' ni/ bgrang du med cing pa grang ba
292a4 las yang dag par 'das pa ste/ de bzhin du chos thams cad kyang de dang 'dra bar blta bar bya'o/ /klu'i rgyal po rgya mtshos bstan pa 'di bshad pa na byang chub sems dpa' nyis
292a5 brgya ni/ mi skye ba'i chos la bzod pa thob par gyur to/ /dge slong nyis brgya ni/ len pa med par zag pa rnams las sems rnam par grol lo/ /de nas bcom ldan 'das la rgyal
292a6 po ma skyes dgras 'di skad ces gsol to/ /bcom ldan 'das/ klu'i rgyal po rgya mtshos spobs pa ni/ ngo mtshar lags so/ /bcom ldan 'das kyis bka' stsal pa/ rgyal
292a7 po chen po/ 'di'i spobs pa ni/ ngo mtshar yang mi che la dka' ba'ang ma yin gyi/ las dang po pa gang dag gis bstan pa 'di thos na mi skrag/ mi dngang / dngang bar mi 'gyur
292b1 ba 'di ni/ de dag gi ches ngo mtshar che ba dang / cher dka' ba yin no/ /de ci'i phyir zhe na/ sangs rgyas bcom ldan 'das rnams kyi byang chub ni/ de ltar mos par dka' ba ste/ de
292b2 la ni| lha dang bcas pa'i 'jig rten 'jug par mi 'gyur/ 'gro bar mi 'gyur/ mos par mi 'gyur/ yid ches par mi 'gyur pa'i phyir te/ rgyal po chen po/ rnam grangs 'dis
292b3 kyang gang dag chos zab mo bstan pa 'di la mi skrag/ mi dngang zhing dngang bar mi 'gyur ba'i sems can de dag ni/ sangs rgyas mang po la bsnyen bkur byas pa yin par de ltar rig
292b4 par bya'o/ /rgyal po chen po/ gzhan yang 'di ji snyam du sems/ skyes bu gang gis nam mkha' gzugs can ma yin pa bstan du med pa 'di gzugs can du ston par byed na/ ci
292b5 de dka' ba byed pa yin nam/ gsol pa/ bcom ldan 'das/ mchog tu dka' ba lags so/ /bde bar gshegs pa/ mchog tu dka' ba lags so/ /bka' stsal pa/ chos
292b6 'di lta bur zab pa/ zab par snang ba/ tshor ba thams cad rgyun chad pa/ bdag med pa/ sems can med pa/ srog med pa/ gso ba med pa/ gang zag med pa/ rgyu ba med pa 'di la mos
292b7 la mos nas kyang de kho na bzhin du sgrub pa gang yin pa de dag ni/ de bas kyang ches dka' ba byed pa yin te/ de dag ni/ de bzhin gshegs pa rnams kyi mthun pa'i dge ba dang / grogs dang /
293a1 mdza' bshes yin no/ /de dag gis ni/ sems can rnams kyi phyin ci log spang pa'i phyir chos bstan nus so/ /de dag gis ni/ byang chub kyi snying po mchog dam
293a2 pa la 'dug nas bdug kyi dpung bye ba phrag brgya byams pa dang / shes rab dang / ye shes dang / brtson 'grus kyis gzhom par nus so/ /de dag gis ni/ chos thams cad la dbang
293a3 byed pa dang / sems dpa' ba dang / thams cad mkhyen pa'i ye shes mngon sum du byed pa dang / sems kyi skad cig gcig dang ldan pas thams cad mkhyen pa'i ye shes
293a4 mngon par rdzogs par 'tshang rgya bar nus so/ /de dag gis ni/ sems can thams cad brda sprad pa dang / sems can thams cad kyi sems ji lta ba bzhin du shes pa dang /
293a5 sems can thams cad kyi dbang po mchog dang mchog ma yin pa ji lta ba bzhin du shes pas chos kyi 'khor lo bla na med pa bskor bar nus so/ /de dag gis ni/ phas kyi rgol ba
293a6 rnams tshar gcad pa dang / mu stegs can thams cad zil gyis mnan pa dang / dgra thams cad tshar gcad I phyir chos kyi dung 'bud nus so/ /de nas klu'i rgyal po rgya mtsho
293a7 bsam pa grub cing brang pa dang / yid la bsam pa yongs su rdzogs te rang gis lung bstan pa thos nas bar snang ba mngon par 'phags te bcom ldan 'das la tshigs su bcad pa 'di
293b1 dag gsol to/ /bdud rnams sde bcas dpung bcas nges bcom zhing / /lta ba ngan pa'i tshogs kun bshig nas ni/ /thub pa chen pos chos kyi char phab ste/ /'jig rten thams cad bdud rtsis
293b2 tshim par mdzad/ /khyod ni chos rgyal mi 'jigs stsal pa lags/ /'dam las rgal te 'jigs med 'gram na bzhugs/ /'jig rten mig ste lam mchog ston pa po/ /skye bo skyabs ma
293b3 mchis pa'i mgon po lags/ /sman pa'i rgyal khyod zug rdu 'byin pa yi/ /sman pa rga shi med pa'i sman stsol ba/ /ci nas phyin chad nang rnams mi 'byung bar/ /nad dang rga bas gzir rnams
293b4 gso mdzad pa/ /khyod ni ston skyabs bla ma gcig pu lags/ /gtan du bde ba sbyin pa khyod nyag gcig /khyod ni ru skya 'dzin pa don dam mkhyen pa lags/ /'khor ba'i sdug bsngal las ni zlog
293b5 mdzad pa/ /lha yi lha ste 'gro ba rnams kyi gtso/ /'jig rten kun gyi sgron mar gyur pa lags/ /khyod dang mjal na 'jig rten chu chen rgal/ /mi rnams kyi ni mi mchog khyod nyag gcig /ye shes
293b6 gzugs dang pha rol gnon pa yis/ /thub dbang khyod 'dra su yang ma mchis te/ /khyod ni lhar bcas 'jig rten thams cad kyi/ /ston pa po ste thar pa'i lam mtshon lags/ /khyod ni thams cad
293b7 zil mnan kun mkhyen mchog /'jig rten chos rnams kyis ni khyod ma gos/ /kun mkhyen sred bral rnam grol dpa' ba dang / /ye shes mchog brnyes khyod la bdag phyag 'tshal/ /ji ltar bar
294a1 snang nam mkha' rnam par dag /gzugs med gzung du ma mchis 'dus ma bgyis/ /de bzhin chos rnams dri med rnam par dag /'jig rten rnam par 'dren
294a2 pas rab tu bstan/ /yod dang med par lta ba spangs nas kyang / /rnam dag chos rnams bde bar gshegs pas gsungs/ /rkyen dang bcas shing rgyu dang bcas pa ste/ /sems can ma
294a3 mchis gang zag srog ma mchis/ /gzod nas rnam dag nam mkha'i ngo bo nyid/ /sgyu ma smig rgyu chu zla 'dra ba ste/ /shin tu dag pa nam mkha'i ngo bo nyid/ /gnas pa ma mchis glog dang 'dra
294a4 ba'i tshul/ /sngon gyi mtha' stong phyi ma'i mtha' yang stong / /skye dang 'jig dang gnas pa'i ngo bo stong / /'dir ni 'di dag dngos med dngos med min/ /'di dag thams cad rang bzhin ma
294a5 mchis stong / /chos dbyings rang bzhin ngo bo gang lags te/ /sems can khams kyi rang bzhin ngo bo lags/ /sems can khams kyi rang bzhin ngo bo gang / /sangs rgyas chos kyi rang
294a6 bzhin ngo bo de/ /sangs rgyas chos kyi rang bzhin ngo bo gang / /de ni chos kun rang bzhin ngo bo nyid/ /chos kun rang bzhin ngo bo gang lags pa/ /sangs rgyas zhing gi ngo bo rang bzhin te/ /sangs
294a7 rgyas zhing gi rang bzhin ngo bo gang / /sangs rgyas byang chub rang bzhin ngo bo de/ /sangs rgyas byang chub rang bzhin ngo bo gang / /de ni chos dbyings rang bzhin ngo bo nyid/ /chos rnams kun la rnam
294b1 par dag pa 'di/ /gang tshe byang chub sems dpas de ltar mthong / /de nas rgyal rnams ye shes dam pa yis/ /byang chub mchog tu de ni lung ston mdzad/ /chos rnams brda dang ming dang tha snyad
294b2 tsam| |mnyam pa lags te mi bden ming du btags/ /de dag sngon chad sus kyang ma thob ste/ /de dag gis ni ming rnams kun tu brjod/ /ming ma mchis par ming ni rnam par btags/ /
294b3 chos rnams stong ste rang bzhin rnam par dag /'jig rten 'du shes mkhas par rig nas ni/ /tha snyad tsam la kun tu spyad par bgyi/ /chos kun sgyu ma bzhin du rig nas kyang / /mi bden
294b4 snying po ma mchis rmi lam 'dra/ /rnam smin rgyu dang nying mtshams sbyor ba tsam/ /de la bden pa'i 'du shes yong mi bgyi/ /chos kun slu bar mi bgyid 'jigs pa lags/ /sgyu ma smig rgyu 'dra ste
294b5 mi bden pa/ /mgal me'i 'khor lo gzugs brnyan 'dra ba lags/ /rtag tu byis pa'i skye bo rmongs par bgyid/ /byis pas bdag dang bdag gir 'dir brtags nas/ /blun po sred pas gzir
294b6 ba 'dir rmongs te/ /'khor ba'i 'khor los yongs su 'khor ba na/ /sdug bsngal gyis non zhi ba thob mi 'gyur/ /'gro ba'i 'jug pa 'di ni yang dag min/ /gang gi 'jug pa de ni ma mchis
294b7 te| |'tsho ba'i 'jig rten lta ba gti mug ldongs/ /rgyun du yang dang yang du sdug bsngal rnyed/ /lha rnams sdug bsngal 'chi 'pho'i chos gcig pa/ /mi rnams kyi ni sdug bsngal tshol khro lags//
295a1 dmyal ba dag gi sdug bsngal gnod pa rnams/ /gcig la gcig 'tshal dud 'gro rnams kyi lags/ /yi dwags sdug bsngal 'di na bkres dang skom/ /
295a2 'jig rten thams cad sdug bsngal rnams su nus/ /skyabs med gyur dang rten med gyur pa yi/ /'jig rten sdug bsngal thams cad gzigs nas ni/ /drang srong chen po thugs
295a3 brtse thugs rje can/ /sdug bsngal rnam par dgrol phyir 'byung bar mdzad/ /byang chub sems dpa' bskal mang bye bar yang / /brtul zhugs brtan zhing pha rol phyin la
295a4 brtson| |srid ma mchis pa de 'dra mkhyen nas ni/ /'dam las rgal te sems can rnams kyang 'dul/ /gang tshe chos rnams gsog dang gsob tu gzigs/ /nam mkha'
295a5 chang stong 'dra zhing snying po med/ /de dag bdag gi ngo bo ma mchis pas/ /bdag med dngos med dngos po med pa lags/ /mtha' rnams kun tu lta ba kun spangs na/ /byang chub
295a6 rdul med rnam dag thob par 'gyur/ /skye dang rga dang gnod par bgyi ba gang / /'chi dang gnas pa gang lags su yang med/ /gang 'dir skye dang rga dang na dang 'chi/ /shed las skyes
295a7 dang shed du de ma mchis/ /'di na bdag dang bdag gi ma mchis te/ /gang zag shed skyes shed bu yod ma mchis/ /'di brdzun bdag po ma mchis dbang ma mchis/ /'tsho ba'i
295b1 'jig rten sgyu ma lta bur 'jug /byed pa ma mchis tshor ba po ma mchis/ /'on kyang las ma chis 'bras bu don ma mchis/ /'gro ba'i las kyi rkyen gyis rang bzhin 'byung / /phan tshun
295b2 du ni rgyu la brten par 'dus/ /dge dang mi dge'i las gang bgyid pa dang / /gang zhig bsgoms dang gang zhig mang du bgyis/ /yul na ma mchis phyogs na ma mchis te/ /ngo bo nyid
295b3 stong 'on kyang rnam par smin/ /nang dang slad rol bar na mi gnas te/ /chos rnams gang du'ang 'phungs par yong ma mchis/ /de dag gang la'ang rten pa ma mchis la/ /rnam par
295b4 smin pa slu bar yong mi bgyid/ /skyes pa mi mnga' 'gags pa mnga' ma lags/ /mkhas pa rnams ni go bar bgyi slad du/ /nyan pa la ni smra bas tshig kyang bstan/ /lta ba rnam
295b5 par spyad pa'i slad du bstan/ /gang gi 'du shes 'du shes can ma mchis/ /mya ngan 'das mchis su yang zhi ma mchis/ /skye ba ma mchis mtha' gang mtha' de lags/ /bdag
295b6 gi bdag med mtha' ni nam mkha'i mtha'/ /kun gyi mtha' ni mtha' mnyam thob pa des/ /sangs rgyas bsam gyis mi khyab dam pa thob/ /sngon gyi mtha' dang phyi ma'i mtha' dang
295b7 ni| |skye ba'i mtha' dang skye ba ma mchis mtha'/ /mtha' kun de ltar mnyam par mthong ba dang / /chags med mtha' yi sgo shes ldan pa dang / /dus gsum mtha' rnams la ni ma
296a1 chags des/ /rgyal ba rnams kyi rigs mchog thob par 'gyur/ /'gro ba bcings las rnam par grol mdzad nas/ /zhi mchog mya ngan 'das pa brnyes
296a2 par 'gyur/ /'gro kun rmi lam lta bur des gzigs nas/ /'dir ni ming dang gzugs la sems ma chags/ /chos kun las ni rnam par dag pa'i mig /zhi ba dang ni mi
296a3 g.yo mi 'gul thob/ /chos rnams thams cad sgra med skad med pa/ /gzung du med cing dngos med rnam par dag/ de bzhin rgyal ba dam pa rnams kyi gdung / /zhi ba'i ngo bo nyid de
296a4 smon pa spangs/ /skyon med rims nad med cing mya ngan bral/ /spros kun nye bar zhi zhing bsam mi khyab/ /rgyal ba mchog rnams kyi ni chos 'di dag /gzung bral rang bzhin sgra dang
296a5 skad ma mchis/ /'gro la sman slad skyes bu dam pa yis/ /de yang yi ge rnams kyis gleng zhing bstan/ /gang gis 'jig rten bla mar rang 'byung mthong / /mthong nas kyang ni
296a6 yid la dad bgyid dang / /khyad par 'gro ba'i chos kyang nyan pa yi/ /lha dang mi rnams rnyed pa legs par rnyed/ /phyogs dang phyogs mtshams rnams su chos 'di ni/ /'jig rten
296a7 rnam par 'dren pas rab tu bstan/ /gang dag ma 'ongs sangs rgyas 'gyur ba rnams/ /thams cad kyang ni mnyam pa'i chos su 'gyur/ /sgra rnams thams cad brag ca tsam du bas/ /
296b1 de ni brjod na rna bar grag par 'gyur/ /de ni tshul bzhin lam gyi rgyud 'gyur te/ /chos so 'tshal gyi slad du btags pa tsam/ /chos kun sgyu ma 'dra zhing gsog lags te/ /de dag sems can
296b2 slad du rnam par phye/ /de dag rang bzhin ngo bo gang yin pa/ /de ni nam yang rnam par dbyer mi rung / /'jig rten na ni sangs rgyas chos rgyal mchog /chos kyi dbang phyug kun rig kun mkhyen
296b3 pa| |ston pa de la slob na de bzhin du/ /'phags pa kun gyis de nyid don kyang rtogs/ /byung ba gang lags pa dang da ltar dang / /ma 'ongs pa na 'byung ba gang lags pa/ /thams cad la
296b4 yang thub pa skyes mchog gi /ye shes 'jug ste thogs pa yong mi mnga'/ /skyes bu dam pa de yis de ring bdag /dogs ma mchis par byang chub mchog lung bstan/ /bdag ni
296b5 'gro la phan phyir sangs rgyas 'gyur/ /bdag la som nyi ma mchis dogs ma mchis/ /chos thams cad rang bzhin gyis yongs su dag pa'i le'u ste dgu pa'o// //
296b6 de nas bcom ldan 'das kyis byang chub sems dpa' de dag thams cad la bka' stsal pa/ skyes bu dam pa/ khyod kyis de bzhin gshegs pa'i byang chub ci nas yun ring du gnas par
296b7 bya ba'i phyir mdo sde 'di zungs shig /khyod kyi nang nas su dag mdo sde 'di lta bu 'di dag gzung bar spro/ /de nas der byang chub sems dpa' nyi khri dang / lha'i bu khri stan las langs te/ /
297a1 bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bdag cag
297a2 gis mdo sde 'di lta bu 'di dag gzung bar 'tshal lo/ /rgyas par yang bgyi'o/ /bcom ldan 'das kyis bka' stsal pa/ rigs kyi bu/ khyed kyis chos sgrub pa ji lta bus de
297a3 bzhin gshegs pa'i byang chub 'di 'dzin par byed/ de nas der byang chub sems dpa' ye shes rgyal mtshan tog ces bya ba des bcom ldan 'das la 'di skad ces gsol
297a4 to| |bcom ldan 'das/ bdag gis dam pa'i chos gzung bar 'tshal na/ ci bdag de bzhin gshegs pa'i byang chub 'dzin pa lags sam/ bcom ldan 'das kyis
297a5 bka' stsal pa/ rigs kyi bu/ khyod de ltar sgrub na/ de bzhin gshegs pa'i byang chub 'dzin pa yang dag pa yin no/ /byang chub sems dpa' mnyam par lta bas gsol pa/
297a6 bcom ldan 'das/ bdag gis mtshams ma mchis pa mnyam pa nyid kyis byang chub mnyam pa nyid du mthong na/ ci bdag de bzhin gshegs pa'i byang chub 'dzin pa lags
297a7 sam| bka' stsal pa/ rigs kyi bu/ khyod de ltar sgrub na/ nga'i byang chub 'dzin pa yang dag pa yin no/ /byang chub sems dpa' lta ba med kyis gsol pa/ bcom ldan 'das/
297b1 bdag gis so so'i skye bo'i chos rnams kyang ma mthong / slob pa'i chos dang / mi slob pa'i chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos
297b2 rnams kyang ma mthong na/ ci bdag de bzhin gshegs pa'i byang chub 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' chos thams
297b3 cad la khas 'che ba med par shin tu gnas pas gsol pa/ bcom ldan 'das/ bdag gis chos kyi rang bzhin ci'ang ma 'tshal cing mi 'dzin na/ ci bdag dam pa'i chos 'dzin pa
297b4 lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' mig mi 'dzum gyis gsol pa/ bcom ldan 'das/ bdag mig gis mi lta/ sems kyis
297b5 mi gtong / dran pa mi skyed na/ ci bdag dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' brjod du med pas gsol
297b6 pa| bcom ldan 'das/ bdag chos kyang mi ston/ chos ma lags pa'ang mi ston/ bdag las chos kyi sgra'ang mi 'byung / chos kyi 'du shes pa'ang rtog par mi bgyid na/ ci bdag
297b7 dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' ming med pas gsol pa/ bcom ldan 'das/ bdag gang gi ming
298a1 dang mtshan ma'ang mi nyan lags na/ ci bdag dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems
298a2 dpa' nam mkha'i mdzod kyis gsol pa/ bcom ldan 'das/ bdag gis chos thams cad nam mkha'i ngo bo nyid du rig nas gang la 'dzin pa'i chos rnams dang / chos ma lags pa
298a3 rnams mi mthong na/ ci bdag dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' mi g.yo ba'i stobs kyis 'gro bas
298a4 gsol pa/ bcom ldan 'das/ bdag chos thams cad la mi dmigs mi g.yo mngon par zhen pa ma mchis na/ ci bdag dam pa'i chos 'dzin pa lags sam/ bka' stsal pa/
298a5 rigs kyi bu/ de ni/ de bzhin no/ /byang chub sems dpa' bdud 'joms kyis gsol pa/ bcom ldan 'das/ bdag sangs rgyas kyi yul la bdud kyi yul gyi rjes su mchis la/
298a6 bdud kyi yul la'ang sangs rgyas kyi yul gyi rjes su mchi na/ ci bdag dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa'
298a7 rdo rje'i stabs kyis 'gro bas gsol pa/ bcom ldan 'das/ gang chos kyi dbyings kyang 'byed par mi bgyid/ sems can gyi khams la ma gtogs par yang chos kyi dbyings la 'jug par
298b1 mi bgyid na/ ci de dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' mi dmigs pas gsol pa/ bcom ldan 'das/ gang
298b2 chos ci'ang mi dmigs la/ ba spu'i khung bu thams cad nas kyang chos kyi sgra 'byung na/ ci de dam pa'i chos 'dzin pa lags sam/ bka' stsal pa/ rigs kyi bu/ de ni/ de bzhin no/ /
298b3 byang chub sems dpa' kun nas bsrungs pas gsol pa/ bcom ldan 'das/ gang bdud kyi zhags pas kyang ma bcings la/ byang chub sems dpa'i spyad pa spyod na/ ci de dam pa'i
298b4 chos 'dzin pa lags sam/ bka' stsal pa/ rigs kyi bu/ de ni/ de bzhin no/ /byang chub sems dpa' blo gros rgya mtshos gsol pa/ bcom ldan 'das/ gang chos thams cad
298b5 rgya mtsho'i phyag rgyas yang dag par 'du ba dang / rnam par grol ba'i ngo bo nyid ro gcig par 'tshal na/ ci de dam pa'i chos 'dzin pa lags sam/ bka' stsal pa/ rigs kyi bu/ de ni/
298b6 de bzhin no/ /lha'i bu mtshan bzang gis gsol pa/ bcom ldan 'das/ gang skye'ang skye la/ phung po dang / khams dang / skye mched rnams 'byung ba'ang mi 'dzin/ 'byung yang 'byung la/ de
298b7 sems dan/ga yid du 'dogs par yang mi bgyid na/ ci de dam pa'i chos 'dzin pa lags sam/ bka' stsal pa/ lha'i bu/ de ni/ de bzhin no/ /lha'i bu dri ma med pas gsol pa/ bcom
299a1 ldan 'das/ gang chos thams cad dri ma ma mchis pa dang / snyigs ma ma mchis pa dang / 'dod chags kyi rdul dang bral bar rig nas rgyu las rnam par grol bar
299a2 mi bgyid na/ ci de dam pa'i chos 'dzin pa lags sam/ bka' stsal pa/ lha'i bu/ de ni/ de bzhin no/ /lha'i bu sems can sgrol gyis gsol pa/ bcom ldan 'das/ gang sems
299a3 can rnams kyang sgrol bar bgyid pa/ bdag ma mchis pa'ang 'tshal/ bsgral nas kyang 'dzud par bgyid la/ tshu rol dang pha rol gyi 'gram na'ang mi gnas na/ ci de dam pa'i chos
299a4 'dzin pa lags sam/ bka' stsal pa/ lha'i bu/ de ni/ de bzhin no/ /lha'i bu dbang byed kyis gsol pa/ bcom ldan 'das/ gang chos thams cad la dbang yang thob la/ chos
299a5 gang yang skye bar yang mi bgyid/ 'gag par yang mi bgyid na/ ci de dam pa'i chos 'dzin pa lags sam/ bka' stsal pa/ lha'i bu/ de ni/ de bzhin no/ /lha'i bu rgyal po bzang
299a6 pos gsol pa/ bcom ldan 'das/ gang sems can thams cad sems can mnyam pa dang / chos thams cad chos mnyam pa dang / zhing thams cad zhing mnyam pa dang / sangs
299a7 rgyas thams cad sangs rgyas mnyam par rjes su song na/ ci de dam pa'i chos 'dzin pa lags sam/ bka' stsal pa/ lha'i bu/ de ni/ de bzhin no/ /lha'i bu legs par sems
299b1 kyis gsol pa/ bcom ldan 'das/ bdag chos ci'ang mi sems shing spros par mi bgyid de/ mtshan mar mi bgyid na/ ci bdag dam pa'i chos 'dzin pa lags sam/ bka' stsal pa/
299b2 lha'i bu| de ni/ de bzhin no/ /sring mo ut+pa las gsol pa/ bcom ldan 'das/ bdag chos thams cad sangs rgyas kyi chos rnams lags par 'tshal la/ 'on kyang bdag mngon par
299b3 rdzogs par 'tshang mi rgya na/ ci bdag dam pa'i chos 'dzin pa lags sam/ bka' stsal pa/ sring mo/ de ni/ de bzhin no/ /bu mo/ mu tig phrang gis gsol pa/ bcom ldan 'das/ bdag
299b4 gis bud med kyi chos rnams kyang mi dmigs/ skyes pa'i chos rnams kyang mi dmigs to/ sangs rgyas kyi chos rnams mtshan nyid gang lags pa de/ bud med dam/ skyes pa'i chos rnams
299b5 kyi mtshan nyid lags la/ chos de dag kyang chos kyang ma lags/ chos ma lags pa'ang ma lags te/ de'i slad du 'di ltar bdag ni/ skyed par yang mi bgyid/ khas len par yang mi bgyid
299b6 na| ci bdag dam pa'i chos 'dzin pa lags sam/ bka' stsal pa/ bu mo/ de ni/ de bzhin no/ /bu mo rin chen gyis gsol pa/ bcom ldan 'das/ bdag gis byang chub dang / byang chub
299b7 sems dpa'i spyod pa'ang ma mthong la/ sems can thams cad kyi go cha'ang bdag gis bgos/ de dag kyang gtan du bdag gis ma mthong na/ ci bdag dam pa'i chos 'dzin pa lags
300a1 sam/ bka' stsal pa/ bu mo/ de ni/ de bzhin no/ /bu mo dri ma med pa'i 'od kyis gsol pa/ bcom ldan 'das/ bdag chos thams cad la'ang chos kyi
300a2 'du shes mi skyed la/ sems can thams cad la'ang sems can gyi 'du shes mi skyed/ chos thams cad kyis kyang sangs rgyas kyi chos rnams la rnam par mi rtog ste/ sangs rgyas
300a3 kyi chos rnams kyi khongs su'ang chos thams cad 'jus par yang dag par mthong la/ de dag gi khongs su'ang ma zhen par yang dag par mthong na/ bcom ldan 'das/ bdag de
300a4 ltar brtson na/ ci dam pa'i chos 'dzin pa lags sam/ bcom ldan 'das kyis bka' stsal pa/ bu mo/ khyod de ltar sgrub na/ dam pa'i chos 'dzin pa yang dag pa yin no/ /de nas
300a5 bcom ldan 'das la lha'i dbang po brgya byin gyis 'di skad ces gsol to/ /bcom ldan 'das/ 'di ltar bsam gyis mi khyab pa'i chos rnam par nges pa'i spobs pa dang ldan
300a6 pa'i bu mo rnams kyis 'dir rnam pa dang / sgra dang / brda sna tshogs kyi chos nyid de kho na gleng ste/ chos gang dang yang 'gal bar mi bgyid la/ chos thams cad kyang byang chub dang
300a7 mnyam pa nyid du ston pa ni/ ngo mtshar lags so/ /bcom ldan 'das kyis bka' stsal pa/ kau shi ka /gzhan yang chos de ni/ de bzhin te/ bu mo 'di dag ni/ bsam gyis mi khyab pa'i
300b1 chos rnam par nges pa ston pa la mkhas pa/ sangs rgyas mang po la bsnyen pa kur byas pa/ bzod pa thob pa sha stag go /kau shi ka /gzhan yang chos kyi rnam grangs 'di gzung ba dang / gzhan dag
300b2 la'ang rgyas par bstan pa dang / de bzhin gshegs pa mya ngan las 'das pa'i 'og tu'ang ma 'ongs pa'i sems can chen po dam pa'i chos kyi grong khyer srung ba de dag la bstan pa'i phyir khyod la
300b3 gtad do/ /de ltar byas na/ khyod kyis de bzhin gshegs pa la mchod pa'i chog byas par 'gyur ro/ /brgya byin gyis gsol pa/ bcom ldan 'das/ chos kyi rnam grangs 'di bdag gis
300b4 bzung lags so/ /'di ni/ bdag gis de bzhin gshegs pa'i byin gyi rlabs kho nas rgyas par bgyi'o/ /ma 'ongs pa'i sems can chen po de dag la'ang bstab par 'tshal lo/ /de ci'i
300b5 slad du zhe na/ bcom ldan 'das/ bdag gis ni/ de bzhin gshegs pa la bka' drin bsam pa'i rdo mi thogs te/ 'di ltar bdag ni/ de bzhin gshegs pa'i chos kyis phan
300b6 gdags pa'i slad du'o/ /bcom ldan 'das/ gzhan yang ci nas bdud dang / phyir rgol pa nges par bcom nas 'di dzam+bu'i gling du spyod par 'gyur ba de lta bur chos kyi rnam grangs 'di de bzhin
300b7 gshegs pas byin gyis brlab tu gsol/ /bcom ldan 'das kyis bka' stsal pa/ kau shi ka /de'i phyir legs par rab tu nyon la yid la zungs shig dang / bar du gcod pa thams cad
301a1 rnam par sbyong ba zhes bya ba'i rig sngags dang / gsang sngags kyi gzhi'i byin rlabs ngas bstan par bya ste/ rig sngags dang / gsang sngags kyi gzhi
301a2 de dag gis bdud thams cad dang / phas kyi rgol ba thams cad kyang shin tu tshar gcod par 'gyur la/ de bzhin gshegs pa'i chos kyi sgron ma 'di'ang yun ring du gnas par
301a3 'gyur ro/ /tad+ya thA/ a b+ha ye/ b+ha ya bi ga te/ b+ha ya bi sho d+ha ne/ a b+ha ya nga de/ ni ru b+ha dra be/ A na ku le/ a ku la saM sho d+ha ne/ a gra he/ a bi bA de/ a galbe/ a galbe/
301a4 a ts+yu t+te/ shu b+ha te dze/ te dzo ba ti/ ma hA te dze/ u bA sha me/ me t+r+yang+ga te/ sho Sha ya ma ne/ sa t+ya daR+sha ne/ i ba ru d+he sa hi ta ar+the/ ar+tha sid+d+he/ a mr-i ta ba te/ sA ga re/ sA ga ra ba
301a5 ti| a b+hi te/ badzra sin+d+ha/ ak+Sha ye/ ak+Sha ta pra b+he/ dza ti bi sho d+ha ne/ shud+d+he/ shud+d+he/ a ba b+hA sa ba ti/ sa ma pra yo ge /sa ma tsi te/ a nut+ta re/ bud+d+hA a d+hiSh+Tha ne/ shI la bi sho d+ha ne/
301a6 an+ti kra ma Ne/ a si ha R+ye/ ni gr-i hI taM ma ra ba la ma/ ba ra dza yo d+hiSh+Ti ga tA naM/ dzo lA naM d+ha molkA nAM/ saM gr-i hi tA na/ d+harma tA nAM/ ud+g+ha TI nI/ d+harma ni d+ha nAM/ kau shi ka /rig sngags dang /
301a7 gsang sngags kyi gzhi ni/ 'di dag yin te/ 'das pa dang / ma 'ongs pa dang / da ltar byung ba'i sangs rgyas rnams kyi dam pa'i chos yongs su gzung ba'i phyir gsungs so/ /rig sngags
301b1 dang / gsang sngags kyi gzhi 'di dag gis ni/ rtsod pa'i bdag po bdud thams cad tshar gcod par 'gyur ro/ /de nas bcom ldan 'das la tshangs pa kun tu snang ba zhes bya bas 'di skad ces
301b2 gsol to/ /bcom ldan 'das/ bdag gis kyang chos kyi rnam grangs 'di gzung bar bgyi/ bcang bar bgyi/ rgyas pa bgyi'o/ /de ci'i slad du zhe na/ bcom ldan 'das/ byas pa gzo ba dang /
301b3 byas pa tshor ba rjes su srung ste/ de bzhin gshegs pa'i chos kyi tshul 'di gzung bar bgyi/ yongs su bsrung bar bgyi'o/ /de nas bcom ldan 'das la lha'i bu bsod nams 'phags kyis gsol
301b4 pa| bcom ldan 'das/ rigs kyi bu'am/ rigs kyi bu mos de bzhin gshegs pa'i chos bzung na/ bsod nams ji tsam zhig skyed par 'gyur lags/ de nas bcom ldan 'das kyis lha'i
301b5 bu de la tshigs su bcad de bka' stsal pa/ sangs rgyas spyan gyis phyogs bcu yi/ /zhing rnams ji snyed ngas mthong ba/ /de kun rin chen gang byas nas/ /mi gang sbyin pa sbyin byed la/ /gang
301b6 zhig 'jig rten mgon po'i chos/ /snying nas yongs su 'dzin byed na/ /de bas mi de'i bsod nams ni/ /shin tu mang du 'phel bar 'gyur/ /bskal pa'i bar du bzhugs nas ni/ /dpe rnams
301b7 bstan pas bshad na yang / /dam pa'i chos ni 'dzin pa yi/ /bsod nams zad par yong mi 'gyur/ /chos kyi rnam grangs 'di bstan pa na lha khrag khrig bdun cu rtsa drug gis bla na med pa yang
302a1 dag par rdzogs pa'i byang chub tu sems bskyed do/ /byang chub sems dpa' drug khri ni/ mi skye ba'i chos rnams la bzod pa skyes so/ /stong gsum gyi stong
302a2 chen po'i 'jig rten gyi khams 'di'ang rnam pa drug dang / mtshan ma chen po bco brgyad du rab tu g.yos par gyur to/ /'di lta ste/ shar phyogs mtho na nub phyogs dma'/ nub
302a3 phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ dbus mtho na mtha' dma'/ mtha' mtho na dbus dma' bar gyur
302a4 te| g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu 'gul/ ldeg /rab tu ldeg /kun tu rab tu ldeg /'khrugs/ rab tu 'khrugs/ kun
302a5 tu rab tu 'khrugs/ 'ur 'ur/ rab tu 'ur 'ur/ kun tu rab tu 'ur 'ur/ chem chem/ rab tu chem chem/ kun tu rab tu chem chem mo/ /snang ba chen pos kyang 'jig rten khyab par
302a6 gyur to| |me tog gi char chen po'ang bab bo/ /sel snyan dag kyang ma bkrol bar rang 'khrol zhing sil snyan dang / klu'i dbyangs de dag las kyang sgra 'di lta bu byung ste/ bcom ldan
302a7 'das kyis chos kyi rnam grangs 'di phas kyi rgol ba thams cad kyis mi tshugs par byin gyis brlabs so/ /chos kyi rnam grangs 'di rnam par dkrug tu med pa'i tshul du chos kyi dbyings
302b1 kyi phyag rgyas legs par btab bo/ /zhes byung ngo / /klu'i rgyal po rgya mtshos kyang stong gsum gyi stong chen po'i 'jig rten gyi khams thams cad khyab par mu tig gi char chen po phab po/ /de
302b2 nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ khyod kyis chos kyi rnam grangs 'di gzung la gzhan dag la'ang rgyas par yang dag par ston cig /
302b3 gsol pa/ bcom ldan 'das/ chos kyi rnam grangs 'di bdag gis bzung lags na/ bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/
302b4 bcom ldan 'das kyis bka' stsal pa/ de'i phyir chos kyi rnam grangs 'di klu'i rgyal po rgya mtshos zhus pa zhes bya bar zungs shig /klu'i bdag po'i gzungs kyi le'u zhes bya bar yang
302b5 zungs shig /rin po che kun las btus pa'i chos kyi sgo yongs su dag pa'i le'u zhes bya bar yang zungs shig /bcom ldan 'das kyis de skad ces bka' stsal nas tshe dang ldan pa kun
302b6 dga' bo dang / klu'i rgyal po rgya mtsho dang / klu'i rgyal po ma dros pa dang / klu'i rgyal po rgya mtsho'i bu dpal gyi gzi brjid dang / rgyal po ma skyes dgra dang / phyogs bcu nas 'dus pa'i byang
302b7 chub sems dpa' sems dpa' chen po de dag thams cad dang / 'khor de dag thams cad dang / lha dang / mi dang / lha ma yin dang / dri zar bcas pa'i 'jig rten yid rangs te bcom ldan
303a1 'das kyis gsungs pa la mngon par bstod do/ /'phags pa klu'i rgyal po rgya mtshos zhus pa zhes bya ba theg pa chen po'i mdo rdzogs so// //
CLOSE WINDOW