བོད་ཡིག |
319a5 rgya gar skad du/ AR+ya ga ga na gany+dza pa ri pr-its+tsha nA ma ma hA yA na sU tra/ /bod skad du/ 'phags pa nam mkha' mdzod kyis
319a6 zhus pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus
319a7 gcig na/ bcom ldan 'das de bzhin gshegs pa'i spyod yul rin po che bkod pa'i 'khor gyi khyams de bzhin gshegs pa'i gnas/ bsod nams chen po'i rgyan gyi
319b1 tshogs bsags pa/ spyod pa chen po'i rgyu mthun pa/ sangs rgyas kyi chos thams cad rnam par smin pas mngon par grub pa/ byang chub sems dpa' sems dpa' chen po'i
319b2 gnas mtha' yas pa nges par bstan pa/ de bzhin gshegs pa'i rnam par sprul pa'i byin gyis brlabs/ mi chags pa'i spyod yul gyi ye shes la 'jug pa/ dga' ba rgya chen po
319b3 rab tu skyed pa/ dran pa dang / blo gros dang / rtogs pa la 'jug pa/ kun nas ma smad pa/ ye shes kyis rnam par dpyod pa/ de'i rang bzhin ma yin pa la 'jug pa/ phyi ma'i
319b4 mtha'i bskal par mngon du bstod pa/ /yon tan gyi tshogs thams cad dpag tu med pa na bzhugs te/ bcom ldan 'das chos thams cad kyi mnyam pa nyid ni/ mngon
319b5 par rdzogs par sangs rgyas/ chos kyi 'khor lo ni/ rab tu bskor/ slob ma shin tu dul ba mtha' yas pa'i tshogs ni/ mnga'/ tshos thams cad la ni/ mnga' brnyes/
319b6 sems can thams cad kyi bsam pa'i bya ba ni/ shin tu mkhyen/ dbang po dam pa'i pha rol tu ni/ byon/ sems can thams cad kyi nyon mongs pa'i bag chags kyi
319b7 mtshams sbyor ba yang dag par 'joms pa la ni/ mkhas shing / sangs rgyas kyi mdzad pa lhun gyis grub pa ni/ rgyun ma bcad do/ /dge slong sa ya phrag drug gi dge
320a1 slong gi dge 'dun chen po dang thabs cig ste/ thams cad kyang cang shes kyi sems dang ldan pa/ yang dag pa'i shes pas sems shin tu rnam
320a2 rnam par grol ba/ nyon mongs pa thams cad kyi bag chags kyi mtshams sbyor ba yang dag par 'joms pa la brtson pa/ de bzhin gshegs pa chos kyi rgyal po'i sras/
320a3 chos zab mo la gnas par mkhas pa/ dmigs su med pa'i chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/
320a4 de bzhin gshegs pa'i bka' la shin tu zhugs pa sha stag go /sangs rgyas kyi zhing sna tshogs nas 'dus pa'i byang chub sems dpa' sems dpa' chen po dpag tu
320a5 med| grangs med/ bsam gyis mi khyab/ mtshungs pa med pa/ gzhal du med pa/ tshad med pa/ brjod du med pa'i yang brjod du med pa'i byang chub sems dpa'i
320a6 tshogs chen po dang yang thabs cig ste/ thams cad kyang sems kyi skad cig gis sangs rgyas kyi zhing mtha' yas par 'gro ba la mkhas pa/ de bzhin gshegs pa
320a7 thams cad la mchod pa dang rim gro bya ba la mkhas pa/ chos nyan pa la mi ngoms par yang dag par tshol ba/ rtag tu rgyun mi chad par sems can thams cad yongs
320b1 su smin par byed pa la brtson pa/ thabs dang shes rab dam pa'i pha rol tu phyin pa/ sgrib pa med pa'i rnam par thar pa la rab tu gnas pa/ rtog pa dang / rnam par rtog pa
320b2 dang / /spros pa thams cad las yang dag par 'das pa/ thams cad mkhyen pa'i ye shes la nye bar gyur pa sha stag la 'di lta ste/ byang chub sems dpa' glog gi lha
320b3 zhes bya ba dang / byang chub sems dpa' g.yul las rnam par rgyal ba zhes bya ba dang / byang chub sems dpa' rnam par snang mdzad snying po zhes bya ba dang / byang chub
320b4 sems dpa' rnam par gnon pa dpa' bo zhes bya ba dang / byang chub sems dpa' yid gnyis yang dag par 'joms pa zhes bya ba dang / byang chub sems dpa'
320b5 rnam par bsgrags ldan zhes bya ba dang / byang chub sems dpa' rnam par lta ba'i mig ces bya ba dang / byang chub sems dpa' mun pa dang bral ba zhes bya ba dang / de dag la
320b6 sogs pa byang chub sems dpa' sems dpa' chen po dpag tu med/ tshad med/ grangs med/ bsam gyis mi khyab/ mtshungs pa med/ gzhal du med/ dpag gis mi lang /
320b7 brjod du med pa'i yang brjod du med pa dag dang yang thabs cig go /de nas bcom ldan 'das 'dus pa chen po'i le'u zhes bya ba'i chos kyi rnam grangs byang chub sems
321a1 dpa' sems dpa' chen po rnams la rab tu ston te/ 'dus pa chen po'i le'u'i chos kyi rnam grangs 'di bshad pa ni thams cad dang ldan pa'i
321a2 'khor de nam mkha'i dkyil na 'khod cing bkod pa chen po'i khang pa brtsegs pa'i nang na bdag 'dug pa snyam du sems so/ /khang pa brtsegs pa de dag gi bkod pa nyid
321a3 sems can rnams kyi mig sngar snang bar gyur te/ khang pa brtsegs pa na 'khod pa'i byang chub sems dpa' sems dpa' chen po rnams dang / nyan thos chen po rnams
321a4 dang / gzhan yang lha dang / klu dang / gnod sbyin dang / dri za'i 'khor de dag thams cad ma gtogs par stong gsum gyi stong chen po'i 'jig rten gyi khams na gzugs su
321a5 snang ba lhag ma gzhan thams cad med par gyur te thams cad kyang nam mkha' lta bur gyur pa snyam du shes so/ /'di lta ste/ dper na/ bskal pas shin tu bsregs te
321a6 nam mkha' bzhin du gyur pa na stong gsum gyi stong chen po'i 'jig rten gyi khams na gzugs su snang ba gang yang mig sngar snang bar mi 'gyur ba de bzhin du/ de'i tshe na
321a7 gang gzugs su snang ba rnams sems can dag gi mig sngar mi snang bar gyur to/ /'di lta ste/ dper na/ de bzhin gshegs pa rin po che bkod pa gcig pa'i 'jig
321b1 rten gyi khams bkod pa chen po zhes bya ba na byang chub sems dpa' de dag gi khang pa brtsegs pa yongs su longs spyod pa de 'dra ba'i khang pa brtsegs pa de na snang ngo / /nam
321b2 mkha' la khang pa brtsegs pa 'dug pa de dag ma gtogs par stong gsum gyi stong chen po'i 'jig rten gyi khams 'di'i sa'i steng dang / gzhi'i bar du thams cad kyang mi
321b3 snang ba snyam du rab tu shes te/ ri'i rgyal po ri rab dang / khor yug gi ri dang / khor yug gi ri chen po dag sems can gang gi mig sngar yang mi snang bar gyur to/ /
321b4 grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams kyang mi snang ste/ gzhan du nam mkha'i dkyil na gnas pa'i
321b5 khang pa brtsegs pa de dag nyid du shes shing / bcom ldan 'das kyis seng+ge'i khri ni/ 'phang du dpag tshad khrir 'phags pa rab tu snang ngo / /gang la bcom ldan 'das
321b6 bzhugs pa'i seng+ge'i khri nge'i 'od kyis kyang stong gsum gyi stong chen po'i 'jig rten gyi khams snang ba chen pos khyab par gyur te/ gang stong gsum gyi stong chen po'i
321b7 'jig rten gyi khams de'i nyi ma dang / zla ba dang / skar ma dang / brgya byin dang / tshangs pa dang / 'jig rten skyong ba'i 'od de dag thams cad kyang mog mog por
322a1 byas par gyur to/ /de nas byang chub sems dpa'i 'khor de dag thams cad kyis 'di lta bu'i cho 'phrul ngo mtshar dang / rmad du byung ba mthong
322a2 nas phan tshun du smras pa/ khang pa brtsegs pa 'di bkod pa ci 'dra ba de ni/ bdag cag gi tshe'i tshad bskal par 'dug par gyur kyang bdag cag gis rgya cher rnam par
322a3 dbye ba bstan par sla ba ma yin te/ de tsam du khang pa brtsegs pa 'di dag gi yon tan bkod pa ni/ tshad med do/ /zhes 'dzer to/ /de nas bcom ldan 'das kyi mthus
322a4 gnas brtan shwa ri'i bu khang pa brtsegs pa de nas langs nas nam mkha' la 'dug ste pus mo g.yas pa'i lha nga sa la btud nas bcom ldan 'das ga la ba de
322a5 logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ nam mkha' la mchis pa'i khang ba brtsegs pa 'di ma lags
322a6 pa gzhan stong gsum gyi stong chen po'i 'jig rten gyi khams thams cad nam mkhar gyur cing nam mkha'i rang bzhin can du gda' ba 'di su'i snga ltas lags/ bcom ldan 'das kyis bka' stsal pa/
322a7 shA ri'i bu/ khyod kyis khang pa brtsegs pa 'di mthong ngam/ gsol pa/ bcom ldan 'das/ mthong ngo / /bcom ldan 'das
322b1 kyis bka' stsal pa/ shA ri'i bu/ khyod kyis khang pa brtsegs pa 'di dag gi bsngags pa yongs su brjod pa'i mtha' shes par nus sam/ gsol pa/ bcom ldan 'das/
322b2 bdag gi tshe'i tshad bas par gyur kyang khang pa brtsegs pa 'di dag gi bsngags pa'i mtha' rtogs par mi nus so/ /bka' stsal pa/ shA ri'i bu/ ji ltar na 'khor 'di dag
322b3 thams cad nam mkha' la song zhing khang pa brtsegs pa bkod pa chen por zhugs par snang bzhin du bkod pa chen po'i 'jig rten gyi khams kyi khang pa brtsegs pa de'ang 'di
322b4 'dra'o| |gsol pa/ bcom ldan 'das/ bkod pa chen po'i 'jig rten gyi khams de dag gang gi phyogs na mchis/ bcom ldan 'das kyis bka' stsal pa/ shA ri'i bu/ de ni/ 'di
322b5 nas shar phyogs su sangs rgyas kyi zhing brgyad kyi rdul phra rab kyi rdul gyis yongs su gang bsnyed kyi sangs rgyas kyi zhing rnams 'das pa na bkod pa chen po zhes bya ba'i 'jig rten gyi
322b6 khams na de bzhin gshegs pa rin po che bkod pa gcig pa zhes bya ba da lta bzhugs te 'tsho zhing gzhes la chos kyang ston to/ /shA ri'i bu/ bkod pa chen po'i 'jig rten gyi
322b7 khams de na byang chub kyi sems rin po che las rin po che gzhan mi 'byung ngo / /de bas na/ de bzhin gshegs pa de rin po che bkod pa gcig pa zhes bya'o/ /de bzhin gshegs
323a1 pa de'ang nam byang chub sems dpa' de dag la chos 'chad pa de na seng+ge'i khri dang bcas te ta la bye ba phrag brgyad cu srid kyi nam mkha'i dkyil du mngon
323a2 par 'phags so/ /byang chub sems dpa' de dag kyang khang pa brtsegs pa bkod pa chen po der nam mkha'i dkyil du mngon par 'phags nas de bzhin gshegs pa de la chos nyan
323a3 te de bzhin gshegs pa de'ang nam mkha'i dkyil yongs su dag pa zhes bya ba'i chos kyi phyag rgya yang dag par rab tu ston to/ /shA ri'i bu/ bkod pa chen po'i 'jig rten gyi khams
323a4 de na gang byang chub sems dpa' de dag gi khang pa brtsegs pa'i yongs su longs spyod pa de ni/ bskal par yang brjod mi nus so/ /shA ri'i bu/ khyod kyis nga'i seng+ge'i khri 'di mthong
323a5 ngam| gsol pa/ bcom ldan 'das/ mthong ngo / /bcom ldan 'das kyis bka' stsal pa/ shA ri'i bu/ bcom ldan 'das de bzhin gshegs pa rin po che bkod pa gcig pa de'i
323a6 seng+ge'i khri'ang 'di 'dra ste/ de la bcom ldan 'das de bzhugs nas byang chub sems dpa' de dag la rnam pa sum cu rtsa gnyis la 'jug pa nam mkha'i dkyil yongs su dag
323a7 pa'i chos kyi phyag rgya yang dag par rab tu ston to/ /rnam pa sum cu rtsa gnyis la 'jug pa nam mkha'i dkyil yongs su dag pa'i chos kyi phyag rgya de gang zhe na/ 'di lta ste/
323b1 dngos po med pas chos thams cad yod pa dang med pa dang bral ba dang / rnam par rig pa'i mtshan nyid pas chos thams cad dngos po med pa dang / snang bar gyur pa med
323b2 pas chos thams cad rnam par rig pa med pa dang / rgyu dang dmigs pa med bas chos thams cad snang bar gyur ba med pa dang / nye bar zhi bar mtshan nyid pas chos thams
323b3 cad dmigs pa med pa dang / gnyis su med pas chos thams cad nye bar zhi ba dang / so so tha dad pa med pas chos thams cad gnyis su med pa dang / tshul gcig la zhugs
323b4 pas chos thams cad tha dad pa med pa dang / ngo bo nyid kyi mtshan nyid dang bral bas chos thams cad tshul gcig pa dang / dus gsum las yang dag par 'das pas chos
323b5 thams cad ngo bo nyid med pa dang / thams cad la mi gnas pas chos thams cad nam mkha'i dkyil dang / thams cad du mi snang bas chos thams cad mi gnas pa'i
323b6 sgo dang / yul gyi lam las yang dag par 'das pas chos thams cad snang ba med pa dang / nang dang phyi'i rnam par dag pas chos thams cad yul med pa dang / rang bzhin
323b7 gyis kun nas nyon mongs pa can ma yin pas chos thams cad rnam par dag pa dang / ngo bo nyid kyis nye bar zhi bas chos thams cad rang bzhin gyis yongs su dag pa dang /
324a1 sems dang yid dang rnam par shes pa med pas chos thams cad nye bar zhi ba dang / gzod ma nas ma byung bas chos thams cad mchan nyid med pa
324a2 dang / nga yi ba med cing yongs su 'dzin pa med pas chos thams cad gzod ma nas ma byung ba dang / bdag po med pas chos thams cad nga yi ba med cing yongs su
324a3 'dzin pa med pa dang / rang bzhin gyis bdag med pas chos thams cad bdag po med pa dang / gzod ma nas rnam par dag pas chos thams cad rang bzhin gyis
324a4 bdag med pa dang / ldog pa med pas chos thams cad gzod ma nas rnam par dag pa dang / sgyu ma'i mtshan nyid kyi rang bzhin pas chos thams cad ldog pa med pa dang
324a5 dngos po med pas chos thams cad sgyu ma lta bu dang / mngon par 'du mi byed pa'i mtshan nyid pas chos thams cad dngos po med pa dang / sems dang lus dben pas
324a6 chos thams cad mngon par 'dus ma byas pa dang / mtshan nyid med cing mtshan nyid kyi gzhi'i mtshan nyid med bas chos thams cad dben pa'i mtshan nyid dang /
324a7 rang gi mtshan nyid las ma g.yos pas chos thams cad mtshan nyid med pa dang / gnas dmigs su med pas chos thams cad ma g.yos pa dang / dmigs
324b1 pa med pa'i mtha' la rab tu gnas pas chos thams cad gnas med pa dang / kun gzhi med pas chos thams cad dmigs pa med pa dang / kun gzhi dang bral bas chos
324b2 thams cad kun gzhi med pa ste/ shA ri'i bu/ de ltar de bzhin gshegs pa rin po che bkod pa gcig pa de byang chub sems dpa' de dag la rnam pa sum cu rtsa gnyis la 'jug
324b3 pa nam mkha'i dkyil yongs su dag pa'i chos kyi phyag rgya yang dag par rab tu ston te/ de thos pas kyang byang chub sems dpa' tshad med pa dag mngon par shes pa rnam
324b4 par dag pas rnam par shes pa la bzod pa chos thams cad la dbang byed pa rjes su thob bo/ /yang shA ri'i bu/ bkod pa chen po'i 'jig rten gyis khams de'i byang chub
324b5 sems dpa' rnams ni/ sbyin pas brgyan cing / bskal pa grangs med par gtong ba'i rjes su song ba/ tshul khrims kyis brgyan cing blo shin tu byang ba/ bzod pas
324b6 brgyan cing sems can thams cad la zhe 'gras pa med pa'i sems dang ldan pa/ brtson 'grus kyis brgyan cing sangs rgyas kyi chos thams cad kyi tshogs bsags
324b7 pa| bsam gtan gyis brgyan cing bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa thams cad kyis rnam
325a1 par rtsen pa/ shes rab kyis brgyan cing bag chags kyis mtshams sbyor ba'i nyon mongs pa thams cad dang bral ba/ byams pa chen pos brgyan
325a2 cing sems can thams cad yongs su skyob par gnas pa/ snying rje chen pos brgyan cing sems can thams cad yongs su mi gtong bar gnas pa/ dga' ba chen
325a3 pos brgyan cing sems can thams cad dga' ba dang / bde ba rab tu dga' ba la so sor 'god pa'i rgyun mi gcod pa/ btang snyoms chen pos brgyan cing sems can
325a4 thams cad mi mtho mi dma' ba la 'god pa rgyun mi gcod par sbyor ba sha stag go /yang shA ri'i bu/ bcom ldan 'das de bzhin gshegs pa rin po che bkod pa gcig
325a5 pa de'i sangs rgyas kyi zhing na byang chub sems dpa' sems dpa' chen po nam mkha'i mdzod ces bya ba 'dug ste/ bsod nams kyi gzi brjid kyis shin tu brjid pa/ ye
325a6 shes mthong ba thogs pa med pa/ mtshan rnams kyis lus brgyan pa/ dpe byad bzang po rnams kyis byams pa brgyan pa/ spobs pas ngag brgyan pa/ gzungs kyis
325a7 sems brgyan pa/ thos pas dran pa brgyan pa/ nges par sems pas bden pa brgyan pa/ rtog pas don rtogs pa brgyan pa/ bsam pas dam bcas pa brgyan pa/
325b1 khyad par du 'gro bas lhag pa'i bsam pa brgyan pa/ sbyor bas brgyan cing chos thams cad la the tshom med par gyur pa/ btang snyoms chen pos brgyan cing mtho dman med pa/ mngon
325b2 par shes pa chen pos brgyan cing rdzu 'phrul gyis rnam par rtsen pa thams cad mngon par shes pa/ bsod nams kyis brgyan cing lag na rin po che gtong bas mngon par grub
325b3 pa| ye shes kyis brgyan cing sems can thams cad kyi sems kyi bsam pa la zhugs pa/ blos brgyan cing sems can thams cad kyi dge ba'i rtsa ba rtogs par byed pa/ mig
325b4 gis brgyan cing mig lnga'i yul la shin tu rnam par dag pa/ rna bas brgyan cing sgra dang don thams cad rtogs pa'i snying po dang ldan pa/ so so yang dag par rig pas
325b5 brgyan cing don dang chos dang nges pa'i tshig dang spobs pa so so yang dag par rig pa mi zad par ston pa/ stobs kyis brgyan cing de bzhin gshegs pa'i stobs bcu rjes su
325b6 thob pa| mi 'jigs pas brgyan cing phas kyi rgol ba thams cad kyis zil gyis mi non pa/ yon tan gyis brgyan cing sangs rgyas kyi yon tan mtha' yas pa thob pa/ chos
325b7 kyis brgyan cing spu'i bu ga thams cad nas chos sgrog pa/ so sor rig pa'i rjes su song ba/ snang bas brgyan cing sangs rgyas kyi chos thams cad lag mthil du thob pa/ 'od
326a1 kyis brgyan cing sangs rgyas kyi chos thams cad snang bar byed pa/ kun nas ston pas brgyan cing phyad par lung ston pa/ gdams pa dang rjes su bstan
326a2 pas brgyan cing de byed pa'i chos tshar phyin pa/ rdzu 'phrul gyi cho 'phrul gyis brgyan cing rdzu 'phrul rnam par dag pas rnam par grol pa thams cad ston pa/ sangs rgyas thams
326a3 cad kyis mngon par bstod pas brgyan cing gzhan la rag ma las pa'i ye shes la gnas pa/ tshogs thams cad kyi yon tan gyis brgyan cing sangs rgyas thams cad
326a4 kyi chos 'dul ba'i rjes su zhugs pa ste/ shA ri'i bu/ gang bkod pa 'di lta bu kun tu snang ba 'di ni/ byang chub sems dpa' nam mkha'i mdzod kyi byin gyi rlabs so/ /shA
326a5 kyi'i bu| byang chub sems dpa' sems dpa' chen po nam mkha' mdzod de nga la blta ba dang / phyag 'tshal ba dang / bsnyen bkur byed pa dang / 'dus pa chen po'i le'u'i
326a6 chos kyi rnam grangs 'di rab tu yongs su gzung ba dang / phyogs bcu'i 'jig rten gyi khams nas 'dus pa'i byang chub sems dpa' 'di dag chos kyi dga' ba dang /
326a7 bde ba dang / mchog tu dga' ba bskyed pa dang / theg pa chen po 'di'ang rab tu yongs su gzung ba dang / byang chub sems dpa' thams cad kyi byang chub kyi phyogs kyi chos
326b1 kyang yongs su gzung ba'i phyir nga'i gan du 'ong ngo / /de nas byang chub sems dpa' sems dpa' chen po nam mkha' mdzod de bzhin gshegs pa rin po che bkod pa gcig pa de la
326b2 gsol nas byang chub sems dpa' bye ba phrag bcu gnyis kyis yongs su bskor te mdun du bdar nas lhan cig tu mngon du gyur pa'i rdzu 'phrul mngon par 'du mi byed pa sangs rgyas
326b3 kyi rnam par rol pa dang / rdzu 'phrul gyi rkang pas bkod pa chen po'i 'jig rten gyi khams de nas mi snang bar gyur te/ sems kyi skad cig gcig byung ba tsam gyis mi mjed kyi 'jig
326b4 rten gyi khams 'dir phyin nas de yang snang la 'dug ste/ bkod pa chen po'i 'jig rten gyi khams kyi me tog dang / phreng ba dang / phye ma dang / spos dang / byug pa dang / gdugs
326b5 dang / rgyal mtshan dang / ba dang ci 'dra ba de 'dra ba'i char rab tu phab pa/ 'di lta ste/ zla ba dang / zla ba chen po dang / shin tu mdzes pa'i zla ba dang / nyi ma'i 'od dang / nyi
326b6 ma rab tu 'bar ba dang / me shel dang / mdog mdzes dang / mdog mdzes chen po dang / mdog mdzes par 'dug pa dang / s+tha la dang / s+tha la chen po dang / s+tha la rab
326b7 mdzes dang / dri ma med pa dang / kun tu dri ma med pa dang / rnam dag 'od dang / gser du snang dang / nam mkha' snang ba dang / reg gyur dang / dri chen dkar dang / 'dab
327a1 brgya pa dang / ze ba stong ldan dang / mya ngan sel ba dang / dga' byed dang / lha'i stong dang / klu'i me tog dang / dga' ba bde ba kun skyed pa dang /
327a2 bsam gtan yan lag dang / dris dga' ba dang / lus sems tshim byed dang / stong gsum dri dang / nad kun zhi byed dang / nad kun sel dang / bdag gi gzi brjid kyis
327a3 brgyan cing dpag tu med pa'i bsod nams kyis grub pa/ phyogs bcu'i byang chub sems dpas rig pa de lta bu'i me tog gis stong gsum gyi stong chen po'i 'jig rten gyi khams
327a4 'di kun tu khebs par byas pas bcom ldan 'das 'khor gyi dkyil 'khor thams cad du me tog gis pus mo nub tsam du gang bar gyur to/ /de nas thams cad dang
327a5 ldan pa'i 'khor des sngon ma thos ma mthong ba'i me tog de mthong nas bcom ldan 'das la 'di skad ces gsol to/ /bcom ldan 'das/ 'di lta bu'i me tog blta na sdug
327a6 pa 'di dag ga la mchis/ bcom ldan 'das kyis bka' stsal pa/ skyes bu dam pa/ byang chub sems dpa' sems dpa' chen po nam mkha' mdzod de bkod pa chen
327a7 po 'jig rten gyi khams de nas 'ongs te de nam mkha'i dkyil du 'dug nas 'di lta bu'i me tog gi char rab tu phab bo/ /de nas byang chub sems dpa' sems
327b1 dpa' chen po nam mkha'i mdzod byang chub sems dpa' bye ba phrag bcu gnyis po 'di dag dang lhan cig tu nam mkha'i dkyil de nas babs te/ bcom ldan 'das kyi zhabs la
327b2 mgo bos phyag btsal nas lan gsum bskor ba byas te bcom ldan 'das la 'di skad ces gsol to/ /bcom ldan 'das/ de bzhin gshegs pa rin po che bkod pa
327b3 gcig pa de bcom ldan 'das la gnod pa chung ngam/ nyam nga ba chung ngam/ bskyod pa yang ngam/ stobs dang bde bar reg pa la gnas sam ces snyun gsol zhing / byang
327b4 chub sems dpa' sems dpa' chen po nam mkha' mdzod la sogs pa byang chub sems dpa' bye ba phrag bcu gnyis po 'dus pa chen po'i le'u'i tshos kyi rnam grangs nyan 'tshal
327b5 ba 'di dag ji ltar chos thams cad la dbang bgyid cing / chos chen po dang ldan pas slar ldog par 'gyur ba'i chos kyi bka' mchid kyis bcom ldan 'das kyis mgu bar mdzod
327b6 cig /ces de skad kyang gsung ngo / /de nas byang chub sems dpa' nam mkha' mdzod kyis bcom ldan 'das kyi seng+ge'i khri steng gi bar snang la dpag tshad stong phrag bcu tsam gyi rin
327b7 po che'i gdugs byin gyis brlabs nas bcom ldan 'das la thal mo sbyar te phyag btsal nas tshigs su bcad pa 'di dag gis mngon par bstod/ chos dang don dang yon
328a1 tan ye shes 'phags pas na/ /yongs dag rnam dag snga nas dag cing dri ma med/ /gnas med nam mkha' 'dra bar mi g.yo rab tu brnyes/ /rab zab kun
328a2 nas spyod yul min la phyag 'tshal lo/ /rgyal ba chos kyi skus ni rab phye sku mnyam yang / /gzugs mdzes ldan zhing gzugs bzang sku yang ston par mdzad/ /sems can rnams
328a3 la phan pa'i thugs rje rab bskyed nas/ /bsod nams brgya pa'i mtshan gyi sku yi mchog kyang ston/ /khyod ni mi gsung rtog med sgra dang tshig kyang med/ /tshig gi rang bzhin
328a4 brag ca'i mtshan nyid gzung du med/ /sgra med rtags med yi ge med pa mkhyen nas kyang / /byams pa khyod ni snying rje can pas rgyal ba'i tshig kyang gsung / /sems can kun
328a5 gyi sems dang sems byung rjes su rig /khyod ni sems kyi rang bzhin sgyu ma'i mtshan nyid mkhyen/ /sems kyi rgyud kyi rang bzhin ji 'dra rab mkhyen kyang / /sems dang
328a6 yid rnams la ni khyod kyi sems mi gnas/ /'gro ba rnams la khyed kyis spyod pa kun bstan te/ /bde bar gshegs pa'i sku ni 'gyur ba yong ma mchis/ /gang gi gzugs
328a7 dang sems dang yon tan ci 'dra bar/ /mtshan dang spyod lam dag kyang de yi tshul du ston/ /bde gshegs chos 'di la ni nga yir 'dzin pa med/ /khyod ni chos la gnas pa
328b1 med cing 'dzin pa med/ /sems can mang po kun rtog chos kyis 'dul mkhyen nas/ /khyod ni bla na med pa'i chos rnams rtag tu ston/ /rgyal ba'i sku la 'khor 'di kun gyis bltas pa
328b2 na| |gzugs dang mtshan ma tha dad skal pa mi mnyam nas/ /khyod kyi sku ni mi 'gyur rtog med mtshan med de/ /'khor rnams ji lta'i sems dang bsam bzhin tshim par mdzad//
328b3 chos 'di thams cad rgyu dang rkyen las skyes pa ste/ /byed med ngo bo nyid med kun tu rtog las skyes/ /bde gshegs de 'dra'i chos kyi tshul rnams mkhyen nas su/ /byang chub mi
328b4 'gyur zhi ba bla na med pa brnyes/ /mtha' dang de bzhin dbus bcad rnam par rtog pa med/ /stong zhing gsog la rang bzhin gso ba ste ya ma brla/ /khyod kyis de 'dra'i
328b5 chos nyid rnam dag mkhyen nas su/ /'gro ba rnams la rgyu dang las dang byed pa ston/ /chos 'di sems can med cing srog dang gang zag med/ /nam mkha' mtshungs mnyam pas na
328b6 ming yang rnam par dag /sems can gan du nyer gshegs yang dag bdag med pa/ /mi 'chi 'dus ma byas la sems can mang sad mdzad/ /brtson 'grus mthu dang stobs kyis
328b7 byang chub 'di tshol phyir/ /khyod kyis bskal pa bsam yas bye ba phrag brgyar spyad/ /sgrub pa med pa'i nan tan mtshan nyid byang chub ste/ /gang phyir spyod pa'i don de rjes su thob
329a1 par 'gyur/ /chos rnams mnyam pa nyid ni mnyam par bzhag mkhyen pas/ /rab dang 'bring dang tha ma dag kyang mnyam par mkhyen/ /mnyam pa nyid
329a2 la mnyam nyid rtag bzhugs rnam mi rtog /de phyir rgyal ba mnyam par bzhag cing mi 'gyur ba/ /phung po khams dang dbang po ji ltar sgyu ma bzhin/ /'jig rten gsum po chu zla
329a3 'dra ste 'pho ba med/ /sems can rnams ni rmi lam lta bur dngos med de/ /mkhyen pas rmi lam bzhin du rtogs nas chos 'di gsung / /byang chub mchog rab brda yi rang
329a4 bzhin khyod kyis brnyes/ /de ni thob dang ma thob pa zhes brjod du med/ /ji ltar byang chub khyod kyis de bzhin 'khor lo yang / /tshul dang tshul min 'jug pa'i mtshan bral rab
329a5 tu bskor/ /rgal nas sems can mang po bsam yas rab sgrol ba/ /grol nas bcings pa'i nang na mchis pa shin tu grol/ /theg chen bla med 'di la 'gro ba dbugs
329a6 'byin cing / /nges 'byin mnyam pa brnyes pa mya ngan 'das la 'god/ /gang na sems can nam yang mya ngan 'das ma mchis/ /sems can gdod nas rnam dag sems
329a7 can nyid mi sgrub/ /sems can sgyu ma'i mtshan du byang chub sangs rgyas nas/ /'di yi mtha' rnams sems can mang po rtogs par mdzad/ /nam mkha' la ni gzugs
329b1 rnams nam yang mi snang bzhin/ /de ltar 'gro ba kun gyi gzugs ni gzugs nyid mtshungs/ /chos de gzugs dang gzugs med gzugs min mtshan nyid de/ /gang gis de ltar
329b2 don rnams yang dag dben rtogs pa/ /ci tsam rgyal ba'i bsngags pa dag gis dper bgyis pa/ /de dag thams cad bsngags pa 'di la mthong chags te/ /rang gi yon
329b3 tan rnams kyi 'dren bsngags nam mkha' 'dra/ /gnyis med bsngags brjod de ni rgyal ba'i bsngags pa'o/ /sangs rgyas 'gro ba sad par mdzad cing dmigs med pa/ /
329b4 sems med sems nyid brnyes pa khyod la phyag 'tshal lo/ /ji ltar 'dren pa kun gyi mi yi seng+ge bsngags/ /de ltar de bzhin nyid phyir yang dag yon tan bsngags/ /sems
329b5 can thams cad bdag med mtshan nyid ye shes mnyam/ /thams cad rtogs nas chos dbyings rjes su rig par bgyi/ /chos kun 'dod chags bral ba mtshan gyi tshul
329b6 shes pa| |des ni mnyam pa nyid kyis 'dren pa mchod par 'gyur/ /byang chub sems dpa' sems dpa' chen po nam mkha' mdzod kyis tshigs su bcad pa 'di dag smras
329b7 ma thag tu nam mkha' la 'dug pa'i khang pa brtsegs pa bkod pa chen po de'ang rnam pa drug tu g.yos so/ /bar snang las kyang gang sangs rgyas bcom ldan 'das rnams
330a1 kyis bskal pa grangs med pa bye ba khrag khrig brgya stong du yang dag par bsgrubs pa bla na med pa'i yang dag par rdzogs pa'i byang chub de ni/ byang
330a2 chub sems dpa' sems dpa' chen po nam mkha' mdzod kyis tshigs su bcad pa'i dbyangs kyis kun tu brjod do/ /byang chub sems dpa' de dag ni/ rmi lam na'ang
330a3 mngon par zhen pas dmigs par lta ba mi 'byung ngo / /gang dag tshigs su bcad pa'i chos kyi tshul 'di thos nas mos pa dang / gang yang thos nas sgrub pa de dag ni/
330a4 ji ltar byang chub sems dpa' nam mkha' mdzod da ltar seng+ge'i sgra sgrog pa bzhin du/ /de dag kyang seng+ge'i sgra sgrog par 'gyur ro/ /zhes de lta bu'i sgra byung ngo / /de nas byang
330a5 chub sems dpa' nam mkha' mdzod kyis tshigs su bcad pa 'di dag smras nas bcom ldan 'das la 'di skad ces gsol to/ /bcom ldan 'das/ bdag kyang 'dus pa chen
330a6 po'i le'u'i chos kyi rnam grangs 'di'i ming thos nas mi mjed kyi 'jig rten gyi khams 'dir bcom ldan 'das la blta ba dang / phyag bgyi ba dang / bsnyen bkur bgyi ba dang /
330a7 chos kyi rnam grangs 'di la'ang chos snang bar bgyi ba gang cung zad bstan pa'i slad du 'dir mchis so/ /bcom ldan 'das/ da skyes bu dam pa 'di dag gis chos kyi
330b1 rnam grangs 'di la rang rang gi chos la the tshom du gyur pa de nges par bstan pa/ bcom ldan 'das/ de bzhin gshegs pa la yongs su zhus te/ de bzhin gshegs pa nges pa'i blo
330b2 la rab tu gnas pas de dag gi the tshom thams cad kyang rab tu bsal cing sangs rgyas kyi chos thams cad snang bar bgyis pa de legs so/ /bcom ldan 'das/ gal te de bzhin
330b3 gshegs pas bdag la skabs phye na/ chos rnam par nges pa la 'jug pa'i bka' mchid cung zad cig bdag zhu'o/ /de ci'i slad du zhe na/ bcom ldan 'das ni/ mi chags pa'i ye
330b4 shes can te/ sems can thams cad kyi dbang po mchog dang mchog ma lags pa mkhyen pa/ ye shes la mkhas pa/ bcom ldan 'das ni/ snang ba brnyes pa ste/ mun pa thams cad
330b5 dang bral ba/ bcom ldan 'das ni/ don mkhyen pa ste/ tshig thams cad rab tu dbye ba'i ye shes la mkhas pa/ bcom ldan 'das ni/ dus mkhyen pa ste/ tshod las mi 'da' zhing
330b6 phyad par lung ston pa/ bcom ldan 'das ni/ chod mkhyen pa ste/ sems can thams cad la so so rigs par chos ston pa/ bcom ldan 'das ni/ rnam par rol pa ste/ mngon
330b7 par shes pa dang / rdzu 'phrul gyi rkang pa rnam par nges pa'i ye shes la mkhas pa/ bcom ldan 'das ni/ shin tu rnam par gzigs pa'i blo dang ldan pa ste/ sems can thams
331a1 cad kyi sems kyi spyod pa phyag mthil du 'jog par kun tu ston pa/ bcom ldan 'das ni/ mngon par 'phags pa ste/ spyi gtsug bltar mi mthong ba/
331a2 bcom ldan 'das ni/ zil gyis ma non pa ste/ stong gsum gyi stong chen po'i 'jig rten gyi khams na dpa' bo gcig po/ /bcom ldan 'das ni/ rang byung ba ste/ slob dpon med
331a3 par chos thams cad rang gis mngon par rdzogs par sangs rgyas pa/ bcom ldan 'das ni/ 'dren pa ste/ 'dren pa med pa dang / lam ngan par zhugs pa rnams la yang dag
331a4 pa'i lam ston pa/ bcom ldan 'das ni/ sman pa'i rgyal po ste/ thog ma dang / tha ma ma mchis pa'i 'dod pa dang / nyon mongs pa dang / kun tu bsgribs pa dang / shin tu
331a5 bsgribs pa dang / kun nas sdang bas bsgribs pa'i 'jig rten gnas pa rnams nad ma mchis pa/ 'chi ba ma mchis pa'i gnas kyi lam la rab tu 'god pa/ bcom ldan
331a6 'das ni/ stobs dang / drag shul 'chang ba ste/ gnas dang gnas ma yin pa mkhyen pa la mkhas shing gsum rig pa'i rig pa brnyes pa/ bcom ldan 'das ni/ mi
331a7 'jigs pa chen po brnyes pa ste/ zag pa zad cing mnyam pa nyid mngon par rdzogs par sangs rgyas te kun nas nyon mongs pa med pa dang / rnam par byang ba mkhyen pa
331b1 la mkhas pa/ lha dang bcas pa'i 'jig rten gyi mdun du khyu mchog seng+ge'i sgra sgrog pa/ bcom ldan 'das ni/ sangs rgyas kyi chos ma 'dres pa dang ldan pa ste/ dus gsum la thogs
331b2 pa med pa'i ye shes can/ bcom ldan 'das ni/ sku dang / gsung dang / thugs yongs su dag pa ste/ 'khrul ba dang ca co mi mnga' ba/ snyoms par 'jug pa thams cad dang / rnam
331b3 par grol ba'i ye shes gzigs pa/ bcom ldan 'das ni/ byams pa chen po la gnas pa ste/ zhe 'gras pa med pa'i blo dang ldan pa/ sems can thams cad la sems
331b4 snyoms pa/ nam mkha' dang mtshungs pa'i 'od zer gyis gzigs pa'i spyan dang ldan pa/ bcom ldan 'das ni/ thugs rje chen po la gnas pa ste/ legs par byas pa dang /
331b5 nyes par byas pa dang / bde ba dang sdug bsngal bas mi skyod pa/ sems can thams cad la mnyam par 'jug pa'i blo dang ldan pa/ bcom ldan 'das ni/ sangs rgyas thams
331b6 cad dang mnyam pa ste/ mnyam pa'i ye shes gnyis su med pa la zhugs pa/ bcom ldan 'das ni/ bye brag med pa ste/ nam mkha' lta bur shin tu rnam par dag cing sems
331b7 can thams cad la mnyam par sbyor ba/ bcom ldan 'das ni/ 'dod pa med pa ste/ shes rab kyis ngoms pa/ rnyed pa dang / bkur sti dang / tshigs su bcad pa dang
332a1 bral ba| bcom ldan 'das ni/ thams cad mkhyen cing thams cad gzigs pa spyan lnga'i tshul yongs su dag pa'o/ /bcom ldan 'das ni/ de ltar
332a2 de bzhin gshegs pa yon tan dang / chos dang / ye shes tshad ma mchis pa dang / ldan par bdag gis rig nas chos rab tu brjod pa'i sgo yongs su zhu bar 'tshal te
332a3 gus pa dang bcas shing chos la gces sbras su bgye ba dang ldan pa ste/ nga rgyal ma mchis shing sems can thams cad chos la sbyor ba/ thams cad mkhyen pa'i ye shes
332a4 kyis mngon par sgrub pas chos 'tshal ba'i slad du de bzhin gshegs pa la yongs su zhu'o/ /de skad ces gsol pa dang / bcom ldan 'das kyis byang chub sems
332a5 dpa' sems dpa' chen po nam mkha' mdzod la 'di skad ces bka' stsal to/ /legs so legs so/ /skyes bu dam pa/ ji ltar gang+gA'i klung gi bye ma snyed kyi sangs rgyas
332a6 bcom ldan 'das rnams la dris pa rnams lung bstan pa thob pa rigs kyi bu/ khyod ci dang ci 'dod pa de bzhin gshegs pa la dris shig dang / dris pa de dang de nyid du
332a7 lung bstan pas ngas khyod kyi sems rangs par bya'o/ /de nas byang chub sems dpa' sems dpa' chen po yon tan gyi rgyal po rab tu snang ba zhes bya ba 'khor der
332b1 'dus par gyur te 'dug pa des byang chub sems dpa' sems dpa' chen po nam mkha'i mdzod la 'di skad ces smras so/ /ci zhig gi phyir rigs kyi bu/ khyod de bzhin gshegs pa la
332b2 zhu bar 'dod/ de nas byang chub sems dpa' sems dpa' chen po nam mkha'i mdzod kyis byang chub sems dpa' sems dpa' chen po yon tan gyi rgyal po rab tu snang ba la tshigs
332b3 su bcad pa slar smras pa/ gang rnams sems dang sems la sems yid mtshungs/ /shin tu bsam sems ye shes mnyam la gnas/ /sems la sems med par ni zhugs pa'i tshul//
332b4 de dag don du rgyal la bdag zhu'o/ /snang ba thob cing mun pa dri ma med/ /yid gnyis can gyi yid gnyis blo gcod pa/ /nges byas rnam par thar pa la gzhag pa/ /de dag ched du bde
332b5 bar gshegs la zhu/ /bdag la bdag med shin tu rnam dag yid/ /sems can don zhugs sems can med la dga'/ /sems can bdag med gnyis las thar byed pa/ /rnam
332b6 par nges pa'i chos kyi gtam 'di'o/ /cho ga spyod yul brtul zhugs yongs su dag /bsam pa dag cing sems ni nam mkha' 'dra/ /lhun po lta bar brtan cing mi g.yo ba/ /de
332b7 dag ched du don yod mdzad la zhu/ /mi ldog brtan pa brtson 'grus kun nas bzang / /dpa' bo bdud kyi dgra yi nga rgyal bcom/ /nyon mongs rab tu nyon mongs dri sbyong ba/
333a1 mthong dga' de dag don du 'di zhu'o/ /thos sbyin tshul khrims bzod pa brtson 'grus dga'/ /bsam gtan rnam thar shes rab mchog tu gyur/ /mngon
333a2 shes bsam gtan rnam par grol ba'i 'od/ /rab dag dri med don du bdag zhu'o/ /stong pa mtshan ma med cing mi smon gnas/ /bsam bzhin shi 'pho dang ni skye ba ston/ /skyes
333a3 pa med cing mi gnas 'chi 'pho med/ /de dag don du mi yi spyod pa zhu/ /nyan thos rang rgyal skye bo gzhan dag gis/ /rtogs par dka' zhing zab mo mthong dka' ba/ /skye
333a4 bo kun gyi yid rnams kun skul ba'i/ /chos kyi gtam ni bde bar gshegs la zhu/ /legs par byas pa rdzogs pa'i chos la dga'/ /chos la chos med 'dzin pa gnyis las
333a5 grol| |rtag tu mnyam bzhag mchog gi chos la dga'/ /sems kyang nam mkha' mtshungs ba'i don du zhu/ /gang dag sangs rgyas rigs gnas chos la dga'/ /rtag tu sangs
333a6 rgyas bstod pa kun med blo/ /grags pa mtha' yas 'jig rten gsum du thos/ /yon tan rgya mtsho de phyir 'di zhu'o/ /de nas bcom ldan 'das la byang chub sems dpa'
333a7 sems dpa' chen po nam mkha' mdzod kyis 'di skad ces gsol to/ /bcom ldan 'das/ ji ltar na/ byang chub sems dpa' gang dag sbyin pa nam mkha' dang mtshungs
333b1 pa rnams lags/ tshul khrims nam mkha' dang mtshungs pa dang / bzod pa nam mkha' dang mtshungs pa dang / brtson 'grus nam mkha' dang mtshungs pa dang / bsam gtan nam
333b2 mkha' dang mtshungs pa dang / shes rab nam mkha' dang mtshungs pa dang / bsod nams nam mkha' dang mtshungs pa dang / ye shes nam mkha' dang mtshungs pa rnams
333b3 lags/ sangs rgyas kyis gnang ba'i sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes
333b4 su dran pa dang mi 'bral ba rnams lags/ sangs rgyas kyis gnang ba'i lha rjes su dran pa dang mi 'bral ba rnams lags/ mya ngan las 'das pa dang mnyam pa thob cing byang
333b5 chub sems dpa'i spyad pa'ang spyod de sems can thams cad kyi spyod pa'i mtshan nyid dang / cho ga shes pa rnams lags/ sangs rgyas bcom ldan 'das rnams kyi chos dkon
333b6 mchog gi mdzod 'dzin pa dang / mtshan nyid kyi ngo bo nyid kyi chos gang de bzhin gshegs pas mngon par rdzogs par sangs rgyas pa'i mtshan nyid kyi ngo bo nyid de'i chos thams cad
333b7 yongs su 'dzin pa dang / thog ma nas sems can rnam par dag pas sems can thams cad yongs su smin par bgyid pa dang / sangs rgyas kyi chos thams cad yang
334a1 dag par bsgrub pa'i slad du tshul bzhin du'ang rab tu sbyor ba rnams lags/ mngon par shes pa las ma nyams shing chos thams cad la dbang
334a2 bgyid pa rnams lags/ nyan thos dang rang sangs rgyas thams cad kyis shin tu rtogs par dka' ba'i chos kyi tshul zab mo la zhugs pa rnams lags/ rten cing 'brel
334a3 par 'byung ba la 'jug pa'i shes pa la mkhas te mtha' gnyis su lta ba thams cad dang bral ba rnams lags/ de bzhin gshegs pa'i phyag rgyas btab pas de bzhin
334a4 nyid dbyer med pa shes pa mkhas pa rnams lags/ chos kyi dbyings kyi tshul la rab tu zhugs shing chos kyi dbyings thams cad la yang dag par gzhol pa rnams lags/
334a5 bsam pa rdo rje ltar sra zhing mi phyed de theg pa chen po 'di la legs par gnas shing mi g.yo ba rnams lags/ sangs rgyas kyi yul rjes su thob cing rang gi yul yongs su dag
334a6 pa rnams lags/ gzungs thob pa rtag tu mi brjod par spyod pa rnams lags/ spobs pa thogs pa med pa rgyun mi chad la rtag tu sangs rgyas kyi byin gyi rlabs kyis byin
334a7 gyis brlabs pa rnams lags/ skye ba dang / 'chi 'pho ba dang / 'byung ba rnams la dbang thob pa rnams lags/ bdud bzhi'i lam las yang dag par 'das shing
334b1 bdud dang phyir rgol ba thams cad bcom pa rnams lags/ bsod nams kyis tshogs tshad med pa bsags shing sems can thams cad kyi 'tsho bar gyur pa rnams lags/
334b2 sangs rgyas rnams ma byung yang sangs rgyas kyi mdzad pas sems can rnams la nye bar gnas pa rnams lags/ rgya mtsho'i phyag rgya'i ting nge 'dzin thob cing sems can thams cad
334b3 kyi sems dang spyod pa la mi chags pa rnams lags/ chags pa thams cad las yang dag par 'das pa dang / nam mkha' la rlung dmar lta bu'i sems dang ldan pa rnams
334b4 lags| cho ga dang spyod pa'i tshul shes pa dang / mun pa dang bral zhing snang ba thob pa rnams lags/ gzhan gyi dring la mi 'jog cing rang byung gi ye shes shin tu rtogs pa
334b5 rnams lags/ myur du theg pa chen po las thams cad mkhyen pa'i ye shes 'di thob par 'gyur ba lags/ de skad ces gsol pa dang / bcom ldan 'das kyis byang chub sems
334b6 dpa' sems dpa' chen po nam mkha' mdzod la 'di skad ces bka' stsal to/ /skyes bu dam pa/ khyod legs so legs so/ /skyes bu dam pa/ khyod de bzhin gshegs pa la
334b7 don 'di 'dri bar sems pa legs so/ /'di lta ste/ khyod ni/ sems can thams cad kyis gsol ba ma btab pa'i bshes gnyen sangs rgyas kyi chos thams cad la snang ba thob
335a1 pa| byams pa chen po dang snying rje chen po'i go cha bgos pa/ bgrang ba las 'das pa'i sangs rgyas la bsnyen bkur byas pa/ rtag tu chos las mi dom
335a2 pa| ye shes kyi mtshon cha can/ nga rgyal gyi rnam pa thams cad las yang dag par 'das pa/ rtag tu rgyun mi chad par sems can gyi don la brtson pa/ 'jig rten gyi chos brgyad las
335a3 yang dag par 'das pa/ nam mkha' dang mtshungs pa'i sems kyis thams cad mkhyen pa'i ye shes yang dag par sgrub pa ste/ skyes bu dam pa/ khyod kyi yon tan rnams kyi mtha'
335a4 rtogs par sla ba ma yin no/ /de'i phyir rigs kyi bu/ khyod legs par rab tu nyon la yid la zungs shig dang / ji ltar byang chub sems dpa' sems dpa' chen po rnams
335a5 kyis yon tan 'di rnams dang / gzhan dag kyang thob par 'gyur ba bshad do/ /bcom ldan 'das/ legs so/ /zhes gsol nas byang chub sems dpa' nam mkha'
335a6 mdzod bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rigs kyi bu/ chos bzhi dang ldan na/ byang chub sems dpa' sbyin
335a7 pa nam mkha' dang mtshungs pa yin te/ bzhi gang zhe na/ 'di lta ste/ bdag rnam par dag pas sems can rnam par dag pa la 'jug pa dang / sems can rnam par
335b1 dag pas sbyin pa rnam par dag pa la 'jug pa dang / sbyin pa rnam par dag pas bsngo ba rnam par dag pa la 'jug pa dang / bsngo ba rnam par dag pas byang chub rnam par dag pa
335b2 la 'jug pa ste/ rigs kyi bu/ chos bzhi po de dag dang ldan na/ byang chub sems dpa' sbyin pa nam mkha' dang mtshungs pa yin no/ /des rnam par dag pa brgyad kyi sgo nas sbyin
335b3 pa de byin te/ brgyad gang zhe na/ 'di lta ste/ ngar 'dzin pa rnam par dag par sbyin pa de byin/ nga yir 'dzin pa rnam par dag par sbyin pa de byin/ rgyu rnam par dag par sbyin pa de byin/
335b4 lta ba rnam par dag par sbyin pa de byin/ mtshan ma rnam par dag par sbyin pa de byin/ tha dad pa rnam par dag par sbyin pa de byin/ rnam par smin pa la mi re ba rnam par dag par sbyin
335b5 pa de byin/ nam mkha' dang mtshungs pa'i sems rnam par dag par sbyin pa de byin te/ de rnam par dag pa brgyad po 'di dag gi sgo nas sbyin pa de byin no/ /ji ltar nam mkha' mtha'
335b6 med pa de bzhin du sems mtha' med par byas te sbyin pa de byin/ ji ltar nam mkha' rgya che zhing sgrib pa med pa de bzhin du byang chub tu bsngos te sbyin pa de byin/ ji ltar nam
335b7 mkha' la gzugs med pa de bzhin du gzugs thams cad la mi gnas par sbyin pa de byin/ ji ltar nam mkha' la tshor ba med pa de bzhin du tshor ba thams cad dang bral
336a1 bar sbyin pa de byin/ ji ltar nam mkha' la 'du shes med pa de bzhin du 'du shes thams cad kyi mdud pa med par sbyin pa de byin/ ji ltar nam
336a2 mkha' 'dus ma byas pa de bzhin du 'dus byas thams cad med par sbyin pa de byin/ ji ltar nam mkha' mtshan nyid rnam par rig pa med pa de bzhin du rnam par shes pa mi
336a3 gnas par sbyin pa de byin/ ji ltar nam mkha' sangs rgyas kyi zhing thams cad la khyab pa de bzhin du sems can thams cad la byams pas khyab par sbyin pa de byin/ ji ltar
336a4 nam mkha' mi zad pa de bzhin du dkon mchog gsum gyi rigs mi zad par bsngo zhing sbyin pa de byin/ ji ltar nam mkha' la mun pa med pa de bzhin du nyon mongs pa thams
336a5 cad kyi mun pa med par sbyin pa de byin/ /ji ltar nam mkha' rtag par rab tu snang ba de bzhin du sems kyi rang bzhin yongs su dag par sbyin pa de byin/ ji ltar nam mkha'
336a6 sems can thams cad kyi go skabs 'byed pa de bzhin du sems can thams cad nye bar 'tsho bar sbyin pa de byin/ ji ltar nam mkha' la nga yi ba med pa de bzhin du sems
336a7 can thams cad yid la byed pa thams cad dang bral bar sbyin pa de byin/ ji ltar sprul pas sprul pa la sbyin pa de byin pa lta bur rnam par mi rtog cing lhun gyis grub ste/
336b1 sems dang yid dang rnam par shes pa dang bral zhing chos thams cad la re ba med pa de ltar gnyis dang bral ba'i phyir sgyu ma'i mtshan nyid kyi ngo bo nyid rnam par dag par byang chub
336b2 sems dpas sbyin pa de byin te/ rigs kyi bu/ gang de lta bur sbyin pa yongs su gtong ba de ni/ shes rab kyi ye shes kyis ni/ sems can thams cad kyi nyon mongs pa thams cad
336b3 yongs su 'dor zhing thabs kyi ye shes kyis ni/ sems can thams cad mi gtong ba ste/ rigs kyi bu/ de lta bur mi gtong ba'i sems ni/ byang chub sems dpa' sbyin pa nam mkha'
336b4 dang mtshungs pa yin no/ /de nas byang chub sems dpa' sems dpa' chen po lag na mar me zhes bya ba 'khor de nyid du 'dus par gyur te 'dug pa des bcom ldan 'das la 'di skad
336b5 ces gsol to/ /bcom ldan 'das/ byang chub sems dpa' gang dag gi sbyin pa yongs su gtong ba 'di 'dra ba lags/ bcom ldan 'das kyis bka' stsal pa/ rigs kyi bu/ byang
336b6 chub sems dpa' sems dpa' chen po gang de dag gi rnam pa med pa ste/ rnam par dag pa/ sems can gyi rnam pa ste/ sems can rnam par dag pa/ chos kyi rnam pa ste/ chos
336b7 rnam par dag pa/ ye shes kyi rnam pa ste/ ye shes rnam par dag pa/ shes rab kyi rnam pa ste/ shes rab rnam par dag pa/ sems kyi rnam pa ste/ sems rnam par dag pa/
337a1 'jig rten gyi rnam pa ste/ 'jig rten rnam par dag pa/ gzugs med pa ste/ gzugs su ston pa dang / mi ston pa'i ye shes rnam par dag pa/ mun pa
337a2 med cing mun pa rab tu snang bar byed pa/ mtshan ma thams cad rnam par gshig pas mtshan ma med pa'i mthar gyur pa/ mthar phyin pa'i ye shes rnam par dag pa/ mi zad pa'i
337a3 bzod pa dang ldan pa'i de bzhin gshegs pa'i ye shes kyi mkhyen pa'i lung bstan pa thob pa/ mtshams bcad cing byang chub sems dpa' nges par gyur pa la zhugs pa/
337a4 phyir mi ldog pa'i phyag rgyas btab cing dbang bskur ba thob pa/ sangs rgyas kyi chos thams cad la yang dag par zhugs shing mnyam pa nyid kyi mnyam par spyod pa/ legs par
337a5 spyod pa la spyad pa/ sems can thams cad kyi spyod pa'i mtshan nyid dang / chog shes pa'i byang chub sems dpa' sems dpa' chen po de dag gi spyod yul te/ skyes bu dam pa de
337a6 dang / de dag ni/ de lta bu'i sbyin pa sbyin par byed do/ /bstan pa 'di bshad pa na byang chub sems dpa' khri drug stong nam mkha' dang mtshungs pa'i sbyin pa la bzod pa skyes so/ /
337a7 de nas bcom ldan 'das kyis de'i tshe tshigs su bcad pa 'di dag gsungs so/ /dag pa'i sems kyis rtag tu sbyin pa byin/ /byang chub phyir te rnam smin yong mi 'dod/ /dga'
337b1 zhing mgu nas rjes su gdung med de/ /rab tu grol nas rtag tu sbyin pa byin/ /mkhas pas chos rnams sgyu 'drar shes nas su/ /lus dang srog la'ang chags par mi 'gyur zhing / /
337b2 de dag la ni nam yang 'dzin pa med/ /de ltar de dag bsam pa byang chub nges/ /thams cad gtang yang mi dgar mi 'gyur zhing / /de la zhum pa med de gong ba med/ /de yis nam
337b3 mkha' mtshungs par chos rnams bsgoms/ /de bas dga' bar mi 'gyur zhum pa med/ /bdag gi rang bzhin snga nas rnam par dag /byang chub rnam par dag pas sbyin pa
337b4 byin/ /de ni sems kyi rgyud la mi chags par/ /spros pa med par sbyin pa rab tu byin/ /sems mnyam yid kyang mnyam pas sbyin pa gtong / /rab 'bring tha ma gsum yang med
337b5 par sbyin/ /bsam pa yengs dag dri ma med pa yis/ /thams cad gtong yang rnam par smin mi 'dod/ /lus dang tshe ni mi rtag sgyu ma 'dra/ /longs spyod rmi lam glog bzhin
337b6 snying po med/ /'jig rten kun la snying rje brtse bskyed nas/ /'jig rten chos kyis mgos sbyin pa byin/ /nyon mongs dag phyir bdag gi nor kun gtong / /rgyal ba'i tshig gi
337b7 gnas su 'gyur snyam ste/ /bdud rnams kyis kyang bdag la glags mi rnyed/ /de ltar brtags nas thams cad gtong ba yin/ /stobs bcus byin pa rtsa ba yin zhes
338a1 gsungs/ /de la rab tu gnas na tshul khrims ldan/ /tshul khrims yon tan gnas nas bsam gtan rnyed/ /bsam gtan ma chags shes rab
338a2 rdzogs par byed/ /sbyin pa dang ni dul bas sems rab tshim/ /nyon mongs rnams kyang tshig nas phyir mi skye/ /sbyin pa bdag dang gzhan la phan par gsungs/ /phan dang bde ba
338a3 'dus byas sbyin pas mgu/ /sbyin gtong nyon mongs spang zhing dge ba'i phyir/ /des na 'dzin pa la ni chags mi 'gyur/ /pha rol nyon mongs phyir ni mi gtong ste/ /bdag blo rnam
338a4 dag byang chub phyir gtong ngo / /ji lta ji ltar ma zhum sems kyis gtong / /de ltar des ni byang chub yon tan mthong / /ji lta ji ltar byang chub yon tan mthong / /de lta de ltar
338a5 sems can brgya tshim byed/ /de nas yang bcom ldan 'das kyis byang chub sems dpa' sems dpa' chen po nam mkha' mdzod la bka' stsal pa/ rigs kyi bu/ chos bzhi
338a6 dang ldan na/ byang chub sems dpa' sems dpa' chen po tshul khrims nam mkha' dang mtshungs pa yin te/ bzhi gang zhe na/ 'di lta ste/ gzugs brnyan lta bu'i lus mnyam
338a7 pa nyid dang / brag ca lta bu'i sgra mnyam pa nyid dang / sgyu ma lta bu'i sems mnyam pa nyid dang / nam mkha' lta bu'i blo mnyam pa nyid de/ rigs kyi bu/ chos bzhi po de
338b1 dag dang ldan na/ byang chub sems dpa' tshul khrims nam mkha' dang mtshungs pa yin no/ /rigs kyi bu| brgyad po 'di dag ni/ byang chub sems dpa' rnams kyi tshul khrims
338b2 yongs su dag pa ste/ brgyad gang zhe na/ 'di lta ste/ sems rnam par dag pa'i phyir byang chub kyi sems dang mi 'bral ba dang / tshad mar gyur pa rnam par dag pa'i phyir nyan
338b3 thos dang rang sangs rgyas kyi sems med pa dang / dam bcas pa rnam par dag pa'i phyir bslab pa thams cad mi 'dor ba dang / smon lam yongs su dag pa'i phyir skye ba thams cad
338b4 du mi 'jug pa dang / mngon par 'du mi byed pa yongs su dag pa'i phyir phyir mi ldog pa dang / /mtshan ma yongs su dag pa'i phyir byang chub tu bsngo ba dang / nyon mongs pa
338b5 yongs su dag pa'i phyir kun nas gdung ba med pa dang / byang chub yongs su dag pa'i phyir smon lam yongs su rdzogs pa ste/ rigs kyi bu/ brgyad po de dag ni/ byang chub sems
338b6 dpa' rnams kyi tshul khrims yongs su dag pa'o/ /gzhan yang tshul khrims yongs su dag pa ni/ nam mkha' dag pa ste/ tshul khrims de yang dag pa'o/ /nam mkha' dri
338b7 ma med pa ste/ tshul khrims de'ang dri ma med pa'o/ /nam mkha' zhi ba ste/ tshul khrims de'ang zhi ba'o/ /nam mkha' mi mtho ba ste/ tshul khrims de'ang mi mtho ba'o/ /nam
339a1 mkha' mi dma' ba ste/ tshul khrims de'ang mi dma' ba'o/ /nam mkha' gzung du med pa ste/ tshul khrims de'ang gzung du med pa'o/ /nam mkha'
339a2 gnas med pa ste/ tshul khrims de'ang gnas med pa'o/ /nam mkha' med pa ma yin te/ tshul khrims de'ang med pa ma yin pa'o/ /nam mkha' rtag pa ste/ tshul khrims de'ang
339a3 rtag pa'o/ /nam mkha' mi zad pa ste/ tshul khrims de'ang mi zad pa'o/ /nam mkha' mtshan ma med pa ste/ tshul khrims de'ang mtshan ma med pa'o/ /nam mkha' rgyu ba med
339a4 pa ste| tshul khrims de'ang rgyu ba med pa'o/ /nam mkha' spros pa med pa ste/ tshul khrims de'ang spros pa med pa'o/ /nam mkha' zag pa med pa ste/ tshul khrims de'ang zag pa med
339a5 pa'o| |nam mkha' 'dus ma byas pa ste/ tshul khrims de'ang 'dus ma byas pa'o/ /nam mkha' mi 'gyur ba ste/ tshul khrims de'ang mi 'gyur ba'o/ /nam mkha' rnam par mi rtog
339a6 pa ste| tshul khrims de'ang rnam par mi rtog pa'o/ /nam mkha' thams cad du song ba ste/ tshul khrims de'ang thams cad du song ba'o/ /nam mkha' mi chod mi phyed pa ste/ tshul
339a7 khrims de'ang mi chod mi phyed pa'o/ /nam mkha' mtshungs par sbyor ba ste/ tshul khrims de'ang mtshungs par sbyor ba'o/ /nam mkha' rang bzhin gyis kun nas nyon mongs
339b1 bcan ma yin pa ste/ tshul khrims de'ang rang bzhin gyis kun nas nyon mongs pa can ma yin pa'o/ /rigs kyi bu/ de ltar gnas pa'i byang chub sems dpa' ni/ tshul khrims nam
339b2 mkha' dang mtshungs pa yin no/ /de nas bcom ldan 'das kyis de'i tshe tshigs su bcad pa 'di dag gsungs so/ /sems kyi tshul khrims dri med srung zhing gdung ba med/ /lus dang sems
339b3 kyang rnam dag ngag yid thams cad bsdams/ /mkhas pa rtag tu nad zhi tshul khrims dregs mi stems/ /blo 'chang sems la mi gnas byang chub sems la rton/ /las gang ma byas ma
339b4 bsam de bzhin ma brtags te/ /de ni dmar sngo ser min kha dog gzugs mi gnas/ /gzugs med mi bden mi g.yo dben pa nam mkha' bzhin/ /tshul khrims lta ba'i gnas
339b5 med mkhas pa kun gyis bsngags/ /tshul khrims de ni rab zhi zhi byed nyon mongs zhi/ /zhi gnas lhag mthong dag gi mthar phyin mthar ston pa/ /gang su bcings las grol ba de dag tshul
339b6 khrims brten/ /de bas tshul khrims thar byed byang chub rtsa ba'i gzhi/ /gang su sbyangs pa dgon gnas 'dod nyung chog shes pa/ /yo byad bsnyungs shing bsam gtan dben tshogs
339b7 sems sbyangs pa/ /tshul khrims de yi gnas des sems rkang thar pa'i rten/ /de phyir tshul khrims brgyan pa lam bde thar gnas pa/ /g.yo ba rlom sems kun bral lta ba'i
340a1 nyon mongs gcod/ /nam mkha' mtshungs mnyam byams pas khyab cing mthar 'dzin spyod/ /byang chub phyir nges mi gtong byang chub kun mi rtog /gang
340a2 mkhas chos shes de 'dra tshul khrims pha rol phyin/ /'phags pa nam mkha' mdzod kyis zhus pa zhes bya ba/ bam po gnyis pa/ rigs kyi bu/ de la ji ltar na/ byang chub
340a3 sems dpa' bzod pa nam mkha' dang mtshungs pa yin zhe na/ rigs kyi bu/ chos bzhi dang ldan na/ byang chub sems dpa' bzod pa nam mkha' dang mtshungs pa yin te/ bzhi gang
340a4 zhe na| 'di lta ste/ tshig nam mkha' dang mtshungs pa'i phyir gshe yang slar mi gshe ba dang / lus nam mkha' dang mtshungs pa'i phyir brdegs kyang slar mi rdeg pa dang / sems
340a5 nam mkha' dang mtshungs pa'i phyir spyos kyang slar mi spyod ba dang / bsam pa nam mkha' dang mtshungs pa'i phyir khros kyang slar mi khro ba ste/ rigs kyi bu/ chos bzhi po de dag dang ldan
340a6 na| byang chub sems dpa' bzod pa nam mkha' dang mtshungs pa yin no/ /rigs kyi bu/ byang chub sems dpa' rnams kyi bzod pa nam mkha' dang mtshungs pa yongs su dag pa
340a7 'di brgyad de/ brgyad gang zhe na/ 'di lta ste/ nam mkha' la zhe 'gras pa med de/ sems can thams cad la zhe 'gras pa med pa'i bzod pa yongs su dag pa dang / nam
340b1 mkha' la rjes su chags pa med de/ rnyed pa dang bkur sti la rjes su chags pa med pa'i bzod pa yongs su dag pa dang / nam mkha' ni /mnyam par sbyor ba ste/ sems can thams
340b2 cad la sems mnyam pa'i bzod pa yongs su dag pa dang / nam mkha' ni/ ma smad ma nyams ba ste/ lus dang sems zad pas nyams pa med pa'i bzod pa yongs su dag pa dang / nam
340b3 mkha' ni/ bag la nyal thams cad spangs pa ste/ bag la nyal med pa'i bzod pa yongs su dag pa dang / nam mkha' ni/ yid dang dmigs pa med pa ste/ yid dang dmigs pa med pa'i
340b4 bzod pa yongs su dag pa dang / nam mkha' ni/ ma skyes ma byung ba ste/ ma skyes ma byung ba'i bzod pa yongs su dag pa dang / nam mkha' ni/ gzugs dang gzugs med pa thams cad
340b5 la khyab pa ste/ byams pas khyab pa'i bzod pa yongs su dag pa dang / rigs kyi bu/ brgyad po de dag ni/ byang chub sems dpa' rnams kyi bzod pa yongs su dag pa nam mkha' dang mtshungs
340b6 pa'o| |rigs kyi bu/ byang chub sems dpa' rnams kyi chos la nges par rtog pa'i bzod pa dang / 'di brgyad de/ brgyad gang zhe na/ stong pa nyid la bzod kyang lta ba gzhig pa'i phyir ma yin
340b7 pa dang / mtshan ma med pa la bzod kyang mtshan ma sel ba ma yin pa dang / smon pa med pa la bzod kyang byang chub tu smon pa med pa ma yin pa dang / mngon par 'du mi byed pa la bzod
341a1 kyang 'dus byas rnam par gzhig pa'i phyir ma yin pa dang / skye ba med pa la bzod kyang 'dus ma byas kyi mtshan nyid kyis ma yin pa dang / 'byung ba med pa la
341a2 bzod kyang skye ba dang gnas pas ma yin pa dang / sems can med pa la bzod kyang dngos po rnam par gzhig pa'i phyir ma yin pa dang / ji lta ba bzhin du bzod kyang dus rnam
341a3 par gzhig pa'i phyir ma yin pa ste/ rigs kyi bu/ brgyad po de dag ni/ byang chub sems dpa' rnams kyi chos la nges par rtog pa'i bzod pa'o/ /bzod pa zhes bya ba ni/ 'di dag
341a4 bdag la gshe'ang bzod do/ /snyam pa de ni/ nga yir 'dzin pa'i bzod pa ste/ 'di ni/ nam mkha' dang mtshungs pa'i bzod pa ma yin no/ /'di dag gshe ba bdag gis bzod par bya'o//
341a5 snyam pa de ni/ ngar 'dzin pa'i bzod pa ste/ de ni/ nam mkha' dang mtshungs pa'i bzod pa ma yin no/ /'di dag ni/ yi ge bsnor ba'o/ /snyam pa de ni/ sgra dang / skad kyi bzod pa ste/ de ni/
341a6 nam mkha' dang mtshungs pa'i bzod pa ma yin no/ /'di'ang stong pa/ bdag kyang stong pa'o/ /snyam pa de ni/ yid la byed pa sbyor ba'i bzod pa ste/ de ni/ nam mkha' dang mtshungs pa'i
341a7 bzod pa ma yin no/ /bdag gis bzod pa bya'o/ /snyam pa de ni/ rnam par rig pa'i bzod pa ste/ de ni/ nam mkha' dang mtshungs pa'i bzod pa ma yin no/ /'di lta ste/ dper na/
341b1 shing sA la chen po'i tshal yod par la la zhig 'ongs te shing sA la bcad na/ de la shing sA la bcad pa'i lhag ma rnams 'di snyam du 'di dag ni/ bcad do/ /bdag ni/ ma bcad do/ /
341b2 snyam du mi sems te/ de dag la rjes su chags pa'ang med/ khong khro ba'ang med de/ mi rtog /rnam par mi rtog/ yongs su mi rtog pa de bzhin du/ gang bzod pa ni/ byang chub sems dpa'i
341b3 bzod pa nam mkha' dang mtshungs pa yongs su dag pa'i mchog go /de nas bcom ldan 'das kyis de'i tshe tshigs su bcad pa 'di dag gsungs so/ /zad pa shes pa bzod pa mi zad
341b4 gtsang / /yid ni yul la ma chags shin tu bsgoms/ /phyi nang shin tu rnam dag mi gnas pa/ /nam mkha' mtshungs mnyam sems mchog bzod pa'o/ /lus 'di gzugs brnyan rtsi
341b5 shing rtsig pa 'dra/ /sems kyang gzugs med mi snang sgyu ma 'dra/ /chos 'di lta ba'i gnas med nam mkha' bzhin/ /lus kyang mi 'gyur yid la khro ba med/ /bkur sti byed la dga' dang
341b6 zhe sdang med/ /mtho dang dma' bar rnam par rtog pa med/ /theg pa gang 'dra sa ltar sbyor ba de/ /sems can dag par bstan 'dir bzod smra yin/ /srog med gang zag bdag med
341b7 sems can med/ /chos 'di thams cad stong par gang bzod cing / /rgyu dang rkyen dang byed dang 'gal mi byed/ /de ni bstan 'dir bzod mchog yang dag nyid/ /kha ngan zer ba'i tshig
342a1 thos mi gshe zhing / /byed pa med pa nam mkha'i sprin sgra bzhin/ /bdag rnam bsal yid stong pa'i mchog mthong de/ /bstan 'dir sems can gtsang ma
342a2 bzod smra yin/ /rigs kyi bu/ de la ji ltar na/ byang chub sems dpa' brtson 'grus nam mkha' dang mtshungs pa yin zhe na/ rigs kyi bu/ chos bzhi dang ldan na/ byang chub sems
342a3 dpa' sems dpa' chen po brtson 'grus nam mkha' dang mtshungs pa yin te/ bzhi gang zhe na/ 'di lta ste/ dge ba'i rtsa ba thams cad la rtsom pa yang chos thams cad yongs su
342a4 ma grub par rab tu shes pa dang / sangs rgyas thams cad la mchod pa dang rim gro bya ba mngon par 'du byed kyang de bzhin gshegs pa rnams chos kyi sku mnyam par yang dag par rjes
342a5 su mthong ba dang / sems can yongs su smin par byed kyang sems can rnam par dag pas sems can mi dmigs pa dang / sangs rgyas thams cad kyi dam pa'i chos yongs su 'dzin
342a6 kyang 'dod chags dang bral bar bya ba'i chos yang dag par rjes su mi mthong ba ste/ rigs kyi bu/ chos bzhi po de dag dang ldan na/ byang chub sems dpa' sems dpa' chen po
342a7 brtson 'grus nam mkha' dang mtshungs pa yin no/ /rigs kyi bu/ byang chub sems dpa' rnams kyi brtson 'grus yongs su dag pa 'di brgyad de/ brgyad gang zhe na/ brtson 'grus gang
342b1 gis lus brgyan pa'i lus de gzugs brnyan lta bur rig pas mi dmigs pa dang / brtson 'grus gang gis tshig mngon par 'du byed pa'i tshig de ya ma brlar rnam par brtags te mi
342b2 dmigs pa dang / brtson 'grus gang gis sems ting nge 'dzin gyi gnas su 'jog pa'i sems de sems kyi chos nyid kyis rnam par brtags te mi dmigs pa dang / brtson 'grus gang
342b3 gis pha rol tu phyin pa'i phyogs thams cad rab tu sdud par byed kyang de gcig nas gcig tu sems zad pa'i chos nyid kyis shin tu brtags te mi dmigs pa dang / brtson 'grus gang
342b4 gis byang chub kyi phyogs kyi chos thams cad yang dag par sgrub kyang byang chub de dngos po'i mtshan nyid rnam par brtags te yang dag par rjes su mi mthong ba dang / brtson 'grus gang
342b5 gis sangs rgyas kyi zhing yongs su sbyong bar byed pa'i zhing de'ang nam mkha' dang mtshungs pas rnam par brtags te mi dmigs pa dang / brtson 'grus gang gis thos pa thams cad
342b6 'dzin par byed pa de'ang sgra brag ca dang mtshungs par yang dag par rjes su mi mthong ba dang / brtson 'grus gang gis sangs rgyas kyi chos thams cad rab tu sgrub pa de'ang chos kyi
342b7 dbyings dbyer med pa'i mtshan nyid du rnam par brtags nas mi dmigs pa ste/ rigs kyi bu/ brgyad po de dag ni/ byang chub sems dpa' rnams kyi brtson 'grus yongs su
343a1 dag pa'o/ /rigs kyi bu/ 'di gnyis ni/ byang chub sems dpa' rnams kyi brtson 'grus te/ gnyis gang zhe na/ 'di lta ste/ sbyor ba'i brtson 'grus dang /
343a2 yongs su chad pa'i brtson 'grus so/ /de la sbyor ba'i brtson 'grus ni/ lus dang / ngag dang / sems dang rab tu ldan pa'o/ /yongs su chad pa'i brtson 'grus ni/ len pa
343a3 med pa| 'dor ba med pa/ gnas med pa ste/ nam byang chub sems dpa' lus dang / ngag dang / sems sbyor ba'i brtson 'grus rtsa ba nas mi gnas par shin tu brtags nas mi dmigs
343a4 shing yongs su chad pa'i brtson 'grus ni/ chos kyi dbyings kyi rjes su 'jug pas rjes su 'gro ba ste/ de ltar na/ byang chub sems dpa'i brtson 'grus nam mkha' dang mtshungs pa yin
343a5 no| |ji ltar nam mkha' gzugs med cing sems can thams cad rab tu rgyu ba de bzhin du byang chub sems dpa' rnams kyi brtson 'grus de'ang chos thams cad la mi gnas shing
343a6 sems can thams cad yongs su smin par byed do/ /ji ltar nam mkha' gzugs thams cad la go skabs 'byed cing bla gab med pa de bzhin du byang chub sems dpa' rnams
343a7 kyi brtson 'grus de'ang sems can thams cad la go skabs 'byed cing lta ba thams cad dang bral ba'o/ /ji ltar nam mkha' las rtswa dang / nags tshal dang / lo tog skye'ang
343b1 rtsa ba med cing gnas med pa de bzhin du byang chub sems dpa' rnams kyi brtson 'grus de'ang sangs rgyas kyi chos thams cad skyes kyang 'jig tshogs la lta ba'i rtsa ba la gnas pa med do/ /ji
343b2 ltar nam mkha' thams cad du song yang 'pho ba'i mtshan nyid ma yin pa de bzhin du byang chub sems dpa'i brtson 'grus de'ang dge ba'i chos thams cad kyi rjes su song yang 'pho ba'i
343b3 mtshan nyid ma yin no/ /ji ltar nam mkha' mtshungs par sbyor zhing gzugs tha dad par ston pa de bzhin du byang chub sems dpa' rnams kyi brtson 'grus de'ang sems can thams cad
343b4 la chos thams cad mtshungs par sbyor zhing spyod pa sna tshogs kun tu ston to/ /nam byang chub sems dpa' gang kun tu sgrub par byed pa de mnyam pa nyid pas yang dag par rjes su
343b5 mi mthong zhing / gang la rtsom pa de'ang rnam par brtags nas mi dmigs te/ de ltar na/ byang chub sems dpa'i brtson 'grus nam mkha' dang mtshungs pa yin no/ /de nas bcom
343b6 ldan 'das kyis de'i tshe tshigs su bcad pa 'di dag gsungs so/ /brtson 'grus dag gi stobs kyis mthu bskyed nas/ /lus dang srog la'ang phangs par mi byed cing / /bdag nyid chen
343b7 po byang chub spyad pa spyod/ /sems can phan pa'i don byed phan sems pa/ /sngon gyi srid par 'dus byas ci srid pa/ /byang chub yon tan phyir ni de srid 'khor/ /de dag skyo bar
344a1 'gyur ba'ang yong med de/ /phyi phyir brtson 'grus dag ni rab tu skyed/ /sems can bsam mi khyab pa dgrol bar brtson/ /sangs rgyas bsam mi khyab pa
344a2 mchod par brtson/ /zhing rnams bsam gyis mi khyab lta bar brtson/ /bsam gyis mi khyab bdud rnams gdul bar brtson/ /sbyin pa bsam gyis mi khyab gtong bar brtson/ /tshul
344a3 khrims bsam gyis mi khyab srung bar brtson/ /bzod pa bsam gyis mi khyab sgom par brtson/ /brtson 'grus bsam gyis mi khyab dge bar brtson/ /bsam gtan bsam gyis mi
344a4 khyab sems par brtson/ /shes rab bsam gyis mi khyab sgom par brtson/ /byams pa bsam gyis mi khyab sgom par brtson/ /don dang yon tan sgrub pa rab tu brtson/ /srog dang
344a5 lus kyang mi phangs brtson par byed/ /nyon mongs 'thab pa kun las rnam par grol/ /stong pa rnam thar bdag med mngon par brtson/ /bdag la bdag med che ba'i bdag nyid
344a6 brtson| |lta las rnam grol byang chub phyir yang brtson/ /sgyu ma smig rgyu'i ngo bo nyid du brtson/ /sems med sems kyang sems ma yin pa thob/ /g.yo ba med pa'i chos rnams ston
344a7 par brtson/ /'gro ba kun tu spyod cing rnam par grol/ /bshad cing klog pa la ni rtag tu brtson/ /chos dang chos min gnyis las shin tu 'das/ /sgra dang yi ge'i ngo bo nyid la
344b1 brtson| |'gro ba rnams la mdo sde stong rnams smra/ /sangs rgyas yon tan rnams ni mtha' yang med/ /sems can spyod pa rnams la'ang mtha' med de/ /mkhas pa de la rtag tu brtson 'grus
344b2 sbyor| |sems can spyod mtha' med la rab tu 'jug /chos 'di rnams ni skye med 'gag med de/ /mkhas pa de dag sems kyang mi zhum zhing / /phyi phyir brtson 'grus rlabs chen rab bskyed
344b3 de| |'di 'dra'i chos la sems can sgom du btsud/ /rigs kyi bu/ de la ji ltar na byang chub sems dpa' bsam gtan nam mkha' dang mtshungs pa yin zhe na/ rigs kyi bu/ chos
344b4 bzhi dang ldan na/ byang chub sems dpa' bsam gtan nam mkha' dang mtshungs pa yin te/ bzhi gang zhe na/ 'di lta ste/ sems nang du yang dag 'jog la nang du sems gnas par
344b5 yang yang dag par rjes su mi mthong ba dang / sems phyi rol nas kyang zlog la phyi rol tu sems rgyu ba'ang mi dmigs pa dang / bdag gi sems mnyam pa nyid kyis sems can thams
344b6 cad kyi sems kyang mnyam pa nyid du snyoms par 'jug pa dang / sems mnyam pa nyid de'ang sems kyi sgyu ma'i chos su mnyam pa nyid du snyoms par 'jug pa ste/ rigs kyi bu/ chos
344b7 bzhi po de dag dang ldan na/ byang chub sems dpa' bsam gtan nam mkha' dang mtshungs pa yin no/ /rigs kyi bu/ byang chub sems dpa' rnams kyi bsam gtan yongs
345a1 su dag pa 'di brgyad de/ brgyad gang zhe na/ 'di lta ste/ bsam gtan byed kyang phung po la gnas te bsam gtan mi byed pa dang / bsam gtan byed kyang
345a2 khams la gnas te bsam gtan mi byed pa dang / bsam gtan byed kyang skye mched la gnas te bsam gtan mi byed pa dang / bsam gtan byed kyang 'jig rten 'di la
345a3 gnas te bsam gtan mi byed pa dang / bsam gtan byed kyang 'jig rten pha rol la gnas te bsam gtan mi byed pa dang / bsam gtan byed kyang 'dod pa'i khams la gnas
345a4 te bsam gtan mi byed pa dang / bsam gtan byed kyang gzugs kyi khams la gnas te bsam gtan mi byed pa dang / bsam gtan byed kyang gzugs med pa'i khams la
345a5 gnas te bsam gtan mi byed pa ste/ rigs kyi bu/ brgyad po de dag ni/ byang chub sems dpa' rnams kyi bsam gtan yongs su dag pa'o/ /gzhan yang nges par rtog pa'i
345a6 sems ni/ bsam gtan yongs su dag pa ste/ de la nges par rtog pa'i sems nyid gang zhe na/ gang chos rnams la mi mtho mi dma' ba/ mi bstod mi smod pa/ 'gyur
345a7 ba med pa/ rnam par mi rtog pa/ gsog pa med pa/ 'bri ba med pa/ 'dzin pa med pa/ gtong ba med pa/ mun pa med pa/ snang ba med pa/ rtog pa med pa/ rnam par
345b1 rtog pa med pa/ 'du shes med pa/ yid la byed pa med pa/ gcig pa'ang ma yin/ gnyis pa'ang ma yin/ gnyis ma yin pa'ang ma yin pa/ g.yo ba med pa/ rlom sems med pa/
345b2 spros pa med pa/ gsog pa med pa/ bri ba med pa/ sgom pa med pa/ 'jigs pa med pa ste/ gang mtshan ma dang / dmigs pa thams cad la mi gnas pa/ gang sems mi gnas pa
345b3 de ni| sems nges par rtog pa'o/ /sems nges par rtog pa ni/ gzugs rnams la mi rgyug ste/ mig dang / gzugs dang / rnam par shes pa rig cing rang gi mtshan nyid rnam
345b4 par dag par bsam gtan byed do/ /sems nges par rtog pa ni/ sgra rnams la mi rgyug ste/ rna ba dang / sgra dang / rnam par shes pa rig cing rang gi mtshan nyid rnam par dag par
345b5 bsam gtan byed do/ /sems nges par rtog pa ni/ dri rnams la mi rgyug ste/ sna dang / dri dang / rnam par shes pa rig cing rang gi mtshan nyid rnam par dag par bsam gtan byed
345b6 do| |sems nges par rtog pa ni/ ro rnams la mi rgyug ste/ lce dang / ro dang / rnam par shes pa reg cing rang gi mtshan nyid rnam par dag par bsam gtan byed do/ /sems
345b7 nges par rtog pa ni/ reg pa rnams la mi rgyug ste/ lus dang / reg pa dang / rnam par shes pa rig cing / rang gi mtshan nyid rnam par dag par bsam gtan byed do/ /sems nges
346a1 par rtog pa ni/ chos rnams la mi rgyug ste/ yid dang / chos dang / rnam par shes pa rig cing rang gi mtshan nyid rnam par dag par bsam gtan byed do//
346a2 rigs kyi bu/ 'di lta ste/ dper na/ bskal pas sreg pa na nam mkha' mi 'tshig cing / chus 'jigs pa na nam mkha' gsher bar mi 'gyur pa de bzhin du byang chub sems
346a3 dpa'i bsam gtan nam mkha' dang mtshungs pa'ang nyon mongs pa thams cad kyis mi 'tshig cing bsam gtan dang / rnam par thar pa dang / ting nge 'dzin dang / snyoms
346a4 par 'jug pa thams cad la'ang ma tshogs pa yin no/ /mnyam par bzhag pa'ang yin la sems rnam par g.yengs pa'i sems can rnams kyang shin tu 'god do/ /mnyam
346a5 par bzhag kyang dga' ba med la langs nas kyang khong khro ba med pa yin no/ /'phags pa'i skye bo rnams la zhi ba nye bar ston kyang 'phags pa ma yin pa'i skye bo rnams yongs
346a6 su smin par bya ba'i phyir brtson 'grus rab tu 'bar bar yang byed do/ /mnyam par bzhag cing mnyam pa'ang yin la mi mnyam par spyod pa rnams la tha dad par ston
346a7 pa'ang rab tu ston to/ /mnyam pa nyid kyis mi mnyam pa'ang mi mthong ngo / /mi mnyam pas mnyam pa nyid dang 'gal bar yang mi byed do/ /de ni/ mi 'gal zhing 'gal ba
346b1 med pa nam mkha' dang mtshungs pa'i sems kyi bsam gtan pa zhes bya'o/ /shes rab che ba'i bsam gtan pa zhes bya'o/ /rnam par shes pa rab tu mi gnas pa'i bsam gtan pa zhes
346b2 bya'o| |gang gis bsam gtan de ltar mngon par rtogs pa'i byang chub sems dpa' de bsam gtan nam mkha' dang mtshungs pa ste/ mi gnas pa'i bsam gtan yin no/ /de nas
346b3 bcom ldan 'das kyis tshigs su bcad pa 'di dag gsungs so/ /bsam gtan rnams kyis dbang po yongs su dag /dran pa rtse gcig yid ni mnyam par bzhag /gnas rnams thams
346b4 cad la yang mi gnas shing / /'gro ba kun la mnyam nyid snyoms par bzhag/ nang dang phyi rol dag na gnas pa yi/ /phung po skye mched khams la mi gnas shing / /nye bar zhi ba dben
346b5 pa spyod yul te/ /mkhas pa de dag rtag tu mnyam par bzhag /mnyam pa nyid kyis rtag tu mnyam bzhag pa/ /chos kyi dbyings dang mnyam zhing mtshungs pa'i yid/ /shin tu dben
346b6 pa'i sems kyang ston byed cing / /mkhas pa bsam gtan kun la'ang mi chags so/ /'gro ba rnams kyang yongs su smin bya'i phyir/ /'chi'i pho skye ba 'chi ba nyer ston kyang / /ting nge
346b7 'dzin las de dag mi nyams te/ /de ni sems rtogs dbang gis de 'dra'o/ /gzugs med ting nge 'dzin kyang spyod yul la/ /sems can rnams ni yongs su smin bya'i phyir/ /
347a1 'dod pa'i khams su'ang rab tu snang byed de/ /de dag bdag dang sems can mi gnas so/ /nam mkha' dang ni mtshungs pa'i spyod yul te/ /sgyu ma dang /
347a2 yang mtshungs shing smig rgyu 'dra/ /rmi lam mchu zla sprin gyi mtshan nyid du/ /chos rnams shes nas rtag tu mnyam par bzhag /'gro ba kun gyi sems kyi spyod yul dang / /'gro ba
347a3 rnams la sems dang blo 'jug cing / /sems rgyud la ni sgrib pa med pa ste/ /rang gi sems kyi rgyud kyang rab tu shes/ /bsam gtan rdzu 'phrul mngon shes mkhas pa yis//
347a4 zhing rnams mang po bye bar der 'gro zhing / /mi shes nyon mongs thams cad spangs pa'i yid/ /rgyal ba bsam mi khyab la mchod par byed/ /dbang po rnams ni dul zhing zhi ba'i
347a5 yid| |zhi gnas pha rol phyin cing mi rtog pa/ /de ni 'gro ba rnams la zhi ba'i yid/ /rtag tu ye shes stobs la mnyam par bzhag /mnyam pa nyid dang mnyam pa'ang yod med la//
347a6 mnyam pa nyid ces bya bar mtshan med de/ /mnyam nyid de la gang dag rab gnas pa/ /de dag rtag tu mnyam par bzhag pa yin/ /rigs kyi bu/ de la ji ltar na/ byang chub sems
347a7 dpa' shes rab nam mkha' dang mtshungs pa yin zhe na/ rigs kyi bu/ chos bzhi dang ldan na/ byang chub sems dpa' sems dpa' chen po shes rab nam mkha' dang mtshungs
347b1 pa yin te/ bzhi gang zhe na/ 'di lta ste/ nam mkha' rnam par dag pas sems can thams cad rnam par dag par 'jug pa dang / ye shes rnam par dag pas rnam par shes pa
347b2 thams cad rnam par dag par 'jug pa dang / chos kyi dbyings rnam par dag pas bdag dang sems can dang srog dang gang zag rnam par dag par 'jug pa dang / /don rnam par
347b3 dag pas yi ge thams cad rnam par dag par rab tu rtogs pa ste/ rigs kyi bu/ chos bzhi po de dag dang ldan na/ byang chub sems dpa' shes rab nam mkha' dang mtshungs pa
347b4 yin no| |rigs kyi bu/ byang chub sems dpa' rnams kyi shes rab yongs su dag pa ni/ 'di brgyad de/ brgyad gang zhe na/ 'di lta ste/ dge ba'i chos thams cad yang dag par sgrub
347b5 kyang rtag par lta bar mi sbyor ba dang / mi dge ba'i chos thams cad spong bar brtson 'grus rtsom yang chad par lta bar mi lta ba dang / rten cing 'brel par 'byung ba la 'jug kyang
347b6 mi skye ba'i bzod pa dang 'gal bar mi byed pa dang / so so yang dag par rig pa bzhi shes par snang yang nges pa'i tshig gi spobs pa la mi chags pa dang / chos kyi sdom bzhi'ang
347b7 ston la mi rtag pa dang / sdug bsngal ba dang / bdag med pa dang / zhi ba nyid du dngos po yang dag par rjes su mi mthong ba dang / las dang bya ba la 'jug pa rab tu ston kyang
348a1 las byed cing rnam par smin pa med pa las kyang mi g.yo ba dang / spros pa med pa'i chos shes pa la gnas pa yin yang chos thams cad kyi tshig rab tu
348a2 dbye ba nges par bstan pa rab tu ston pa dang / chos thams cad kyi snang ba la rab tu rnyed pa yin gyi/ kun nas nyon mongs pa dang rnam par byang ba'ang sems can rnams la rab
348a3 tu ston pa ste/ rigs kyi bu/ brgyad po de dag ni/ byang chub sems dpa' rnams kyi shes rab yongs su dag pa'o/ /yang shes rab ces bya ba 'di ni/ rnam par rtog pa kun nas
348a4 'bar ba med pa'i phyir nye bar zhi ba'i tshig go /rang gi mtshan nyid kyis rnam par dag pa'i phyir 'di ni/ mi 'gyur ba'i tshig go /gnas med pa'i phyir 'di ni/ rnam par mi rtog
348a5 pa'i tshig go /yang dag pa nyid ji lta ba'i phyir 'di ni/ ji lta ba bzhin gyi tshig go /'gyur pa ma yin pa'i phyir 'di ni/ bden pa'i tshig go /ma rung bar mi 'gyur ba'i phyir
348a6 'di ni| yang dag pa'i tshig go /bcings pa yang dag par bcom pa'i phyir 'di ni/ yid rno ba'i tshig go /'phags pa'i yon tan gyi phyir 'di ni/ ngoms pa'i tshig go /shin
348a7 tu brtags pa'i phyir 'di ni/ nges par 'byed pa'i tshig go /brjod du med pa'i phyir 'di ni/ don gyi tshig go /khyad par med pa'i phyir 'di ni/ mtshungs pa'i tshig go /
348b1 mi shigs pa'i phyir 'di ni/ snying po'i tshig go /mi gnas pa'i phyir 'di ni/ ma g.yos pa'i tshig go /rab tu 'bigs pa'i phyir 'di ni/ rdo rje'i tshig go /byed pa byas pa'i phyir
348b2 'di ni| sgrol ba'i tshig go /rang bzhin gyis kun nas nyon mongs pa med pa'i phyir 'di ni/ rnam par dag pa'i tshig go /snang ba mi dmigs pa'i phyir 'di ni/ mun pa med pa'i
348b3 tshig go /sgro btags pa med pa'i phyir 'di ni/ gnyis su med pa'i tshig go /shin tu zab cing byang ba'i phyir 'di ni/ zad pa'i tshig go /'dus ma byas pa'i phyir 'di ni/ mi zad pa'i
348b4 tshig go /sbyor ba med pa'i phyir 'di ni/ 'dus ma byas kyi tshig go /shin tu rnam par dag pa'i phyir 'di ni/ nam mkha'i tshig go /sgrib pa med pa'i phyir 'di ni/ nam mkha'i tshig go /gnas
348b5 pa'i gnas kyi phyir 'di ni/ kun nas gsal byed kyi tshig go /ngo bo nyid med pa'i phyir 'di ni/ mi dmigs pa'i tshig go /rnam par shes pa dang ye shes gnyis su med pa'i phyir 'di
348b6 ni| ye shes kyi tshig go /gnyen po med pa'i phyir 'di ni/ mi rdzi ba'i tshig go /mngon par ma grub pa'i phyir 'di ni/ lus med pa'i tshig go /kun tu rtog pa'i sdug bsngal gyi phyir
348b7 'di ni| yongs su shes pa'i tshig go /sred pa'i bag la nyal yang dag par bcom pa'i phyir 'di ni/ kun 'byung ba spangs pa'i tshig go /rab tu ma byung ba'i phyir 'di ni/ 'gog
349a1 pa'i tshig go /gnyis su med pa'i lam la rab tu 'jug pa'i phyir 'di ni/ sgom pa'i tshig go /rdzogs pa'i sangs rgyas par rab tu phye ba'i phyir 'di ni/ sangs
349a2 rgyas pa'i tshig go /rab tu 'dod chags dang bral ba'i phyir 'di ni/ chos kyi tshig ste/ gang de lta bu'i tshig la 'jug pa'i ye shes snang ba gzhan gyi dring la mi 'jog pa'i phyir 'di
349a3 ni| shes rab ces bya'o/ /gang nges par bstan pa thams cad la nam mkha' dang mtshungs par bstan pa'i rjes su 'gro ste/ rjes su 'gro bas chos chung du la'ang mi rtog rnam
349a4 par mi rtog pa 'di ni/ byang chub sems dpa'i shes rab kyi pha rol tu phyin pa nam mkha' dang mtshungs pa'o/ /de nas bcom ldan 'das kyis de'i tshe tshigs su bcad pa 'di
349a5 dag gsungs so/ /shes rab lta dang mun pa nyon mongs gcod/ /rab tu bag chags nyon mongs rab bsal cing / /rgyu dang rkyen dang byed pa nges par ston/ /mtha' rnams
349a6 thams cad yongs su gcod par byed/ /bdag dang sems can la'ang mi gnas shing / /gang zag srog la'ang rtag tu gnas pa med/ /dngos dang dngos med gnyis las
349a7 thar byed de/ /shes rab pha rol 'gro bar rab tu bstan/ /shes rab bdud las rgyal te nyon mongs med/ /shes rab chu bo las bsgral rab tu sgrol/ /shes rab ye shes
349b1 byed cing rnam par spyod/ /shes rab thar pa bde ba'i mchog kyang ston/ /shes rab kyis ni sgrib pa'i rtsa ba sbyong / /phung po khams ni yongs su shes pa'i mtshan/ /mtshan dang mtshan
349b2 gzhi mtshungs mtshan grol byed pa/ /shes rab thob pa srid pa gsum na mdzes/ /yongs su dag spyod shes rab ces bya ste/ /'jig rten thams cad kyis ni mi gos spyod/ /spyad
349b3 pa spyod pa rab tu rtogs par spyod/ /shes rab dag pa'i mi ni rnam par mdzes/ /mig lnga dag ni yongs su dag byed cing / /dbang po lnga ni yongs su snang bar byed/ /'gro ba lnga
349b4 rnams rab tu gcod par byed/ /phung po lnga ni zad phyir chos ston to/ /pha rol tshu rol rtag tu mi gnas shing / /chos kyi dbyings gnas gnas la shin tu gnas/ /bar snang dang
349b5 ni mtshungs mnyam 'dra ba ste/ /sangs rgyas ye shes rjes su mthun zhing 'phags/ /rnyed dang mi rnyed gnyi ga'i mtha' las grol/ /dbus la rtog pa kun rtog mi rtog pa/ /gang rnams
349b6 'phags pa thams cad song ba yi/ /'chi ba med pa'i lam du 'jug pa ston/ /sdug bsngal shes shing de bzhin sred pa spangs/ /lam rnams ston cing 'gog pa'ang rab tu
349b7 'chad| |bden pa shes par shes rab 'di 'jug ste/ /des ni sngon gyi mtha' yang rab tu bcad/ /zhing rnams thams cad zhing mtshungs zhing ma yin/ /chos rnams thams
350a1 cad chos mtshungs rab tu dben/ /sems can thams cad bdag med sems can mtshungs/ /shes rab blos dpyod pas ni 'di shes so/ /rigs kyi
350a2 bu| de la byang chub sems dpa' rnams kyi bsod nams nam mkha' dang mtshungs pa gang zhe na/ rigs kyi bu/ sangs rgyas kyi chos ni/ nam mkha' dang mtshungs te/ de
350a3 dag gi byang chub kyi sems kyi sa bon de'ang nam mkha' dang mtshungs so/ /rigs kyi bu/ byang chub sems dpa'i bsod nams ji snyed mngon par 'du bya ba mngon par
350a4 'du byed pa de'ang byang chub kyi sems dang mi 'bral te dge ba'i rtsa ba bsags shing bsags pa de dag kyang thams cad mkhyen pa nyid du bsngo bar byed cing de dag thams cad
350a5 kyang nam mkha' dang mtshungs par tshad med par rab tu gnas so/ /de la byang chub sems dpa' 'di ltar nam mkha' tshad med pa'i phyir bdag gis bsod nams tshad
350a6 med pa mngon par 'du bya'o snyam du sems bskyed par bya'o/ /de ci'i phyir zhe na/ tshad med par brtsams pas tshad med pa'i don 'phel ba yin te/ de la byang chub sems
350a7 dpas bsod nams kyi tshogs tshad med pa la brtson par bya'o/ /rigs kyi bu/ tshad med pa bcu po 'di dag ni/ gang byang chub sems dpas bsod nams kyi tshogs kyis
350b1 yongs su rdzogs par bya ba ste/ bcu gang zhe na/ 'di lta ste/ mtshan dang dpe byad bzang po yongs su rdzogs pas lus kyi rgyan tshad med pa yongs su rdzogs par bya ba dang / sems can
350b2 thams cad kyi rjes su song ba'i dbyangs kyi dkyil 'khor rnam par dag pas ngag gi rgyan tshad med pa yongs su rdzogs par bya ba dang / sems can thams cad kyi sems kyi rjes su
350b3 'jug pas sems kyi rgyan tshad med pa yongs su rdzogs par bya ba dang / spyod pa dang ye shes dang spyod lam tshad med pas sems can yongs su smin par bya ba tshad med pa yongs
350b4 su rdzogs par bya ba dang / rnam pa tshad med pa rnams kyis sangs rgyas kyi zhing yongs su dag pa tshad med pa yongs su rdzogs par bya ba dang / bsod nams dang sems nges par
350b5 rtog pa dang dpyod pa tshad med pas sangs rgyas kyi spyod lam tshad med pa yongs su rdzogs par bya ba dang / rgyan bkod pa thams cad dang / spyod pa thams cad kyis byang chub kyi snying po'i rgyan
350b6 tshad med pa yongs su rdzogs par bya ba dang / gtan pa med pa'i mchod sbyin yongs su rdzogs pas mdzod spu yongs su sbyang ba tshad med pa yongs su rdzogs par bya ba dang / bla ma la
350b7 rim gro byed cing 'dud pa tshad med pa dang / nga rgyal bcom pa tshad med pas dbu'i gtsug tor spyi gtsug pa ltar mi mthong ba tshad med pa yongs su rdzogs par bya ba dang / sgyu dang
351a1 g.yo med par 'ong ba dang / 'gro ba dang mthun par 'dzin pas don yod par rnam par gnon pa tshad med pa yongs su rdzogs par bya ba ste/ rigs
351a2 kyi bu| tshad med pa bcu po de dag ni/ gang byang chub sems dpas bsod nams kyi tshogs kyis yongs su rdzogs par bya ba'o/ /gzhan yang rigs kyi bu/ nam byang chub
351a3 sems dpa' sems dpa' nam mkha' dang mtshungs par gyur pa de nam mkha' tshad med pas de'i rtsom pa thams cad kyang tshad med par kun tu gnas te/ de bas na/ bsod
351a4 nams nam mkha' dang mtshungs pa zhes bya'o/ /rigs kyi bu/ de la ji ltar na/ byang chub sems dpa' ye shes nam mkha' dang mtshungs pa yin zhe na/ gang sems can thams
351a5 cad kyi sems la ye shes des khyab par byed cing / sems can thams cad kyi sems 'dod chags dang bcas pa'i sems kyang 'dod chags dang bcas pa'i sems su yang
351a6 dag pa ji lta bu bzhin du rab tu shes so/ /zhe sdang dang bcas pa'i sems kyang zhe sdang dang bcas pa'i sems su yang dag pa ji lta ba bzhin du rab tu shes so/ /gti mug dang
351a7 bcas pa'i sems kyang gti mug dang bcas pa'i sems su yang dag pa ji lta ba bzhin du rab tu shes so/ /nye ba'i nyon mongs pa dang bcas pa'i sems kyang des nye ba'i nyon
351b1 mongs pa dang bcas pa'i sems su yang dag pa ji lta ba bzhin du rab tu shes so/ /des bdag 'dod chags med pa'i chos kyi rang bzhin las ma g.yos par sems can
351b2 gzhan rnams dang / gang zag gzhan dag la 'dod chags 'dul ba'i phyir chos 'chad do/ /des bdag nyid zhe sdang med pa'i chos kyi rang bzhin las ma g.yos par sems can rnams
351b3 dang / gang zag gzhan dag la zhe sdang 'dul ba'i phyir chos 'chad do/ /des bdag nyid gti mug med pa'i chos kyi rang bzhin las ma g.yos par sems can gzhan rnams dang / gang
351b4 zag gzhan la gti mug 'dul ba'i phyir chos 'chad do/ /des bdag nyid nye ba'i nyon mongs pa med pa'i chos kyi rang bzhin las ma g.yos par sems can gzhan rnams dang / gang
351b5 zag gzhan dag la nyon mongs pa thams cad 'dul ba'i phyir chos 'chad do/ /des 'dod chags dang / zhe sdang dang / gti mug gi nyon mongs pa rnam par dag par bya ba'i phyir chos
351b6 'chad do/ /'dod chags dang / zhe sdang dang / gti mug dang / nye ba'i nyon mongs pa'i sems la dman par yang yang dag par rjes su mi mthong / 'dod chags dang / zhe sdang dang /
351b7 gti mug dang / nye ba'i nyon mongs pa med pa'i sems la mchog tu 'ang yang dag par rjes su mi mthong ngo / /de ci'i phyir zhe na/ 'di ltar byang chub sems dpa' de gnyis su med pa'i
352a1 mtha'i sgo nas chos kyi dbyings yongs su shes te/ chos kyi dbyings gang yin pa de 'dod chags kyi dbyings/ chos kyi dbyings gang yin pa de zhe sdang gi
352a2 dbyings/ chos kyi dbyings gang yin pa de gti mug gi dbyings/ chos kyi dbyings gang yin pa de nyon mongs pa'i dbyings so/ /de bas na/ chos thams cad chos kyi dbyings su yang
352a3 dag par 'du'o/ /zhes bya ste/ chos kyi dbyings ni/ gar yang 'gro ba med/ mi 'gro ba'ang med do/ /chos thams cad ni/ chos kyi dbyings kyi rjes su song ste/ gang bdag gi dbyings
352a4 shes pa des chos kyi dbyings kyang shes so/ /de ltar na/ chos kyi dbyings dang / bdag gi dbyings de dag mi gnyis so/ /de ci'i phyir zhe na/ bdag rnam par dag pas chos
352a5 kyi dbyings kyang rnam par dag go /de bzhin du chos thams cad kyang rnam par dag pa ste/ gang rnam par dag pa de rab tu snang ba'o/ /gang rab tu snang ba de bla ga ba med pa'o/ /
352a6 gang bla gab med pa de la mtshan ma thams cad kyi skabs med do/ /gang mtshan ma med pa de la gnas pa gang yang med de/ mi gnas pa ni/ nam mkha'o/ /gang de ltar ye shes
352a7 kyi rjes su 'gro zhing ye shes des chos thams cad kyi rjes su 'gro ba de ni/ byang chub sems dpa' ye shes nam mkha' dang mtshungs pa'o/ /rigs kyi bu/ de la byang chub
352b1 sems dpa'i sangs rgyas kyis gnang ba'i sangs rgyas rjes su dran pa gang zhe na/ gang tshul khrims las sangs rgyas rjes su dran zhing zag pa med pa'i tshul khrims las kyang mi nyams
352b2 pa'o| |ting nge 'dzin las sangs rgyas rjes su dran zhing chos kyi dbyings mnyam pa thams cad las kyang mi 'gyur pa'o/ /shes rab las kyang sangs rgyas rjes su dran zhing chos
352b3 thams cad rgyu ba med par yang rnam par mi rtog pa'o/ /rnam par grol ba las sangs rgyas rjes su dran zhing sems gnyis pa la'ang mi gnas pa'o/ /rnam par grol ba'i ye shes
352b4 mthong ba las sangs rgyas rjes su dran zhing shes pa thams cad la'ang mi chags pa'o/ /stobs las sangs rgyas rjes su dran zhing dus gsum mtshungs pa'i ye shes las kyang
352b5 mi g.yo ba'o/ /mi 'jigs pa las sangs rgyas rjes su dran zhing zag pa thams cad dang lhan cig tu'ang mi gnas pa'o/ /sangs rgyas kyi chos thams cad las kyang sangs rgyas
352b6 rjes su dran zhing chos kyi dbyings mnyam pa nyid du'ang rnam par mi rtog pa'o/ /gzhan yang sangs rgyas rjes su dran pa ni/ gang gzugs las sangs rgyas yang dag par rjes su mi
352b7 mthong la/ gzugs kyi ngo bo nyid shes pas dran pa'i ye shes kyi rjes su 'gro ba'o/ /de bzhin du tshor ba dang / 'du shes dang / 'du byed dang / rnam par shes pa las sangs
353a1 rgyas yang dag par rjes su mi mthong la/ rnam par shes pa ngo bo nyid shes pas dran pa'i ye shes kyi rje su 'ang 'gro ba'o/ /phung po dang / khams
353a2 dang / skye mched rnams las sangs rgyas yang dag par rjes su mi mthong la/ phung po dang khams dang skye mched kyi ngo bo nyid shes pas dran pa'i ye shes kyi rjes su 'ang
353a3 'gro ba'o/ /gang yang chos thams cad kyi ngo bo nyid shes pas shes rab che ba'i dran pa de ni/ yid la byed pa thams cad med de/ lta ba thams cad kun nas ldang ba med pa'o//
353a4 gang de lta bu rnyog pa med pa'i dran pas dran pa nye bar gzhag pa zhes pa de ni/ sangs rgyas kyis gnang ba'i sangs rgyas rjes su dran pa zhes bya'o/ /gzhan yang sangs rgyas rjes su
353a5 dran pa ni/ gang spyod lam thams cad du sangs rgyas la mngon par chags pa mi byed do/ /'gro ba dang / 'chag pa dang / 'dug pa dang / nyal ba dang / 'gro ba dang / 'ong ba
353a6 dang / smra ba dang / mi smra bar yang sangs rgyas la mngon par chags par mi byed do/ /de mngon par ma chags pas dran pa'ang dran par mi byed/ mi dran pa'ang dran par mi byed
353a7 do| |de dran pa yid la mi byed pas gzugs dang / mtshan dang / chos nyid du'ang sangs rgyas rjes su mi dran no/ /rigs kyi bu/ 'di ni/ sangs rgyas kyis gnang ba'i sangs
353b1 rgyas rjes su dran pa ste/ gang la mtshan ma dang / dmigs pa thams cad kun tu spyod pa med pa'o/ /rigs kyi bu/ de la byang chub sems dpa' rnams kyi sangs rgyas gyis gnang ba'i chos rjes
353b2 su dran pa gang zhe na/ chos zhes bya ba ni/ 'dod chags med pa'o/ /de la gang chos ci la chags kyang rung de dag la chos rjes su dran pa gang yang med do/ /chos zhes bya ba ni/ kun gzhi
353b3 med pa'o/ /de la gang chos gang la sbyor ba de dag la chos rjes su dran pa gang yang med do/ /chos zhes bya ba ni/ nye bar zhi ba ste/ gang sems dang / yid 'bar bar byed pa de dag la
353b4 chos rjes su dran pa gang yang med do/ /chos zhes bya ba ni/ mtshan ma med pa ste/ gang mtshan ma'i rjes su 'brang ba'i rnam par shes pa de dag la chos rjes su dran pa gang yang med do//
353b5 chos zhes bya ba ni/ 'dus ma byas pa ste/ gang 'dus byas su rab tu gzhag pa la gnas pa de dag la chos rjes su dran pa gang yang med do/ /yang chos rjes su dran pa ni/ gang gis
353b6 'du byed thams cad skye ba med par mthong ba ste/ yang dag pa nyid skyon med pa la 'jug pa'o/ /byang chub sems dpas chos thams cad rang bzhin gyis ma skyes par rig nas mi
353b7 skye ba'i chos la bzod pa rab tu 'thob bo/ /gang de lta bu'i gnas ni/ yang dag pa'i chos kyi gnas so/ /gang gis de ltar mngon par rtogs pa ni/ chos thams cad mngon par rtogs
354a1 pa ste| 'di ni/ slob pa dang / mi slob pa dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyis mngon
354a2 par rtogs pa'o/ /de ltar mnyam par bzhag pa ni/ 'phags pa thams cad kyi rnam par grol ba ste/ de la chos gang yang kun tu spyod pa med do/ /chos gang yang kun tu spyod pa
354a3 med pa de ni/ sangs rgyas kyis gnang ba'i chos rjes su dran pa'o/ /rigs kyi bu/ de la byang chub sems dpa'i sangs rgyas kyis gnang ba'i dge 'dun rjes su dran pa gang zhe na/ dge
354a4 'dun zhes bya ba ni/ 'dus ma byas pa ste/ mngon par 'du byed pas rjes su dran par mi nus so/ /gang na lus kyi las dang / ngag gi las dang / yid kyi las kun tu spyod pa
354a5 med pa de ni/ mngon par 'du mi byed pa zhes bya'o/ /de la 'dus byas zhes bya ba ni/ gdags pa dang / tha snyad do/ /'dus ma byas ni/ gdags pa thams cad yang dag par 'joms
354a6 pa'o| |tha snyad thams cad las yang dag par 'das pa ste/ rigs kyi bu/ 'di ni/ sangs rgyas kyis gnang ba'i dge 'dun rjes su dran pa'o/ /rigs kyi bu/ de la byang chub sems
354a7 dpa'i sangs rgyas kyis gnang ba'i gtong ba rjes su dran pa gang zhe na/ gtong ba zhes bya ba ni/ phung po thams cad 'dor zhing rab tu gtong ba'o/ /de ci'i phyir zhe na/ des
354b1 chos gang yang btang ba med do/ /'di ltar de la gang gtong ba'i chos yang snang bar mi 'gyur te/ 'di la gang chos thams cad mi 'dzin pa de na/ gtong ba'i mchog go /gang
354b2 mi 'dzin pa de ni/ mi gtong ngo / /gang mi gtong ba de ni/ mi snye mas so/ /gang mi snyems pa de ni/ dmigs par mi byed do/ /dmigs par mi byed pa de la sems rgyu ba med do/ /rgyu ba
354b3 med pa ni/ sems kyis rnam par rig pa med pa'o/ /gang la sems kyis rnam par rig pa med pa de ni/ rnam par shes pa mi gnas pa'o/ /rnam par shes pa mi gnas pa de ni/
354b4 sangs rgyas kyis gnang ba'i gtong ba rjes su dran pa'o/ /gang yang byang chub sems dpa'i gtong ba de ni/ thams cad mkhyen par bsngos pa ste/ gang thams cad mkhyen pa ni/
354b5 chos thams cad kyi mnyam pa nyid do/ /gang mnyam pa nyid la gnas pa ni/ rab tu gtong zhing byang chub tu 'ang bsngo ste/ de rjes su dran yang chos gang yang
354b6 rjes su dran pa med do/ /de ci'i phyir zhe na/ thams cad mkhyen pa ni/ chos dang / chos ma yin pa gnyis dang ldan pa ma yin te/ gang 'di gnyis su med pa de yid la byed pa ci yang
354b7 med do| |rigs kyi bu/ de ltar chos shes pa la rab tu sbyor ba'i byang chub sems dpa' ni/ sangs rgyas kyis gnang ba'i gtong ba rjes su dran pa yin no/ /rigs kyi bu/ de
355a1 la byang chub sems dpa'i sangs rgyas kyis gnang ba'i tshul khrims rjes su dran pa gang zhe na/ tshul khrims zhes bya ba ni/ 'dus ma byas pa ste/ zag pa
355a2 med pa| smon lam med pa/ lhun gyis grub pa/ brtul zhugs grub pa/ brtul zhugs thams cad yongs su rdzogs pa ste/ rnam par rig pa'i mtshan nyid ma yin no/ /ting nge 'dzin
355a3 gyis gnas te/ sems kyi dmigs pa'i gnas ma yin no/ /shes rab kyi rtsa ba ste/ spros pa'i mtshan nyid ma yin no/ /rnam par grol ba'i rgyu mthun pa ste/ gnyis kyis rab tu
355a4 phye ba ma yin no/ /mkhas pas rab tu bsngags pa ste/ gzugs snang ba ma yin no/ /nyon mongs pa zhi ba ste/ so so rnam par rig pa'i mtshan nyid ma yin no/ /bde ba thams cad
355a5 kyi rjes su 'gro zhing gnyen pos bskyed pa ma yin te/ gang de lta bu'i tshul khrims rjes su dran zhing dran pa la rnyog pa med pa de ni/ rigs kyi bu/ sangs rgyas kyis gnang ba'i tshul khrims
355a6 rjes su dran pa zhes bya'o/ /rigs kyi bu/ de la byang chub sems dpa'i sangs rgyas kyis gnang ba'i lha rjes su dran pa gang zhe na/ lha'i ris gnyis rjes su dran par bya ste/ gnyis gang
355a7 zhe na| gnas gtsang ma'i ris kyi lha dang / skye ba gcig gis thogs pa'i byang chub sems dpa' dga' ldan gyi gnas na 'khod pa rnams so/ /de la byang chub sems dpa' gnas
355b1 gtsang ma'i ris kyi lha rnams rjes su dran no/ /yang skye ba gcig gis thogs pa'i byang chub sems dpa' dga' ldan gyi gnas na gang dag 'khod pa de dag ni/ spyi bo lta bu bcus rjes su dran te/ bcu
355b2 gang zhe na/ pha rol tu phyin pa thams cad kyi nang na shes rab kyi pha rol tu phyin pa spyi bor gyur pa dang / mngon par shes pa thams cad kyi nang na mi nyams pa'i mngon par shes pa dang / sa thams
355b3 cad kyi nang na dbang bskur ba'i sa dang / byang chub kyi phyogs kyi chos thams cad kyi nang na yang dag pa'i lta ba dang / ting nge 'dzin mi nyams pa dang / so so yang dag par rig pa'i nang na don
355b4 dang spobs pa rgyun mi 'chad pa dang / shes pa thams cad kyi nang na chags pa med pa'i ye shes la 'jug pa dang / dbang po thams cad kyi nang na rab 'bring tha ma la 'jug pa shes pa dang /
355b5 stobs dang mi 'jigs pa la snang ba'i ye shes rjes su 'gro ba dang / spyan thams cad kyi nang na sangs rgyas kyi spyan kun tu gzigs pa dang / sangs rgyas kyi chos thams cad 'di dag gi
355b6 lag mthil du song ba ltar 'dug pa dang / byang chub kyi snying po la 'dug nas sems kyi skad cig gcig dang ldan pa'i shes rab kyis mngon par rdzogs par byang chub pa'o/ /zhes spyi bo lta bu'i
355b7 chos rnam pa bcu po de dag gis rjes su dran no/ /de'i dran pa de ni/ lta bsam 'khrugs/ bag la nyal dang kun nas ldang bas ma 'khrugs/ yid la byed pas ma 'khrugs/ spros pas ma
356a1 'khrugs pa ste/ de lta bu'i dran pa rnyog pa med pas lha rjes su dran pa 'di ni/ rigs kyi bu/ sangs rgyas kyis gnang ba'i lha rjes su dran pa zhes bya'o/ /rigs kyi
356a2 bu| de la ji ltar na/ byang chub sems dpa' mya ngan las 'das pa dang mnyam pa nyid thob kyang byang chub sems dpa'i spyad pa'ang spyod pa yin zhe na/ mya ngan las 'das pa zhes bya ba
356a3 ni| nyon mongs pa thams cad rab tu zhi ba ste/ tshor ba thams cad rgyun bcad pa/ dmigs pa thams cad zhi ba/ phung po dang / khams dang / skye mched rnams kyi nyid mtshams sbyor
356a4 ba med pa ste/ skyes bu dam pa de mya ngan las 'das pa dang mnyam pa nyid thob cing /sngon gnas bcas pa'i snying rje chen po dang / thabs dang / shes rab dang / ye shes kyis rnam
356a5 par rol pa/ sangs rgyas kyi byin gyi rlabs kyis ni/ shin tu byin gyis brlabs/ shes rab dang / ye shes ni/ shin tu bsgoms/ sngon gyi byin gyi rlabs kyis ni/ sgom pa
356a6 yongs su dag /sgyu mas rnam par rol pa'i ting nge 'dzin la ni/ gnas te/ nyon mongs pa gang gis 'khor ba rab tu skyed pa'am/ 'khor bar 'ching ba de dag rab tu spangs shing /
356a7 ye shes gang gis mya ngan las 'das par ston pa de la dbang thob pas mi skye ba'i las skye zhing mi 'byung ba las 'byung ste/ mya ngan las 'das pa dang mnyam pa nyid du yang dag
356b1 bar zhugs kyang sems can yongs su smin par bya ba'ang mi 'chad do/ /de ni/ rigs kyi bu/ byang chub sems dpa' rnams kyi phrugs su tshang ba zhes bya ba'i ye shes kyi sgo ste/ ye shes
356b2 kyi sgo gang la gnas pas byang chub sems dpa' mya ngan las 'das pa dang mnyam pa nyid thob kyang byang chub sems dpa'i spyad pa spyod pa'o/ /rigs kyi bu/ de la ji ltar na/ byang
356b3 chub sems dpa' sems can thams cad kyi spyod pa'i mtshan nyid dang / chog shes pa gang yin zhe na/ rigs kyi bu/ sems can rnams kyi spyod pa ni/ brgyad khri bzhi stong ste/ 'di
356b4 ni| sdom gyi rtsa ba'i tshig go /gang yang sems can thams cad kyi spyod pa tshad med pa/ bsam gyis mi khyab pa/ brjod du med pa de sangs rgyas kyi ye shes kyis mkhyen te/ nyan thos
356b5 dang rang sangs rgyas kyi ye shes kyis mi rig /byang chub sems dpa'i ye shes kyis mi rig pa de la byang chub sems dpa' sangs rgyas kyi byin gyi rlabs dang / rang gi shes pas
356b6 sems can thams cad kyi spyod pa'i mtshan nyid kyi rjes su rab tu 'jug ste/ spyod pa de'i gang ngo bo nyid dam/ gang mtshan nyid kyang rung ste/ rgyu'i mtshan nyid dam/ rkyen gyi mtshan
356b7 nyid dam/ byed rgyu'i mtshan nyid dam/ tshogs pa'i mtshan nyid dam/ tha dad pa'i mtshan nyid dam/ mi 'dra ba'i mtshan nyid dam/ 'dod chags kyi mtshan nyid dam/ zhe
357a1 sdang gi mtshan nyid dam/ gti mug gi mtshan nyid dam/ skal pa mnyam pa'i mtshan nyid dam/ sems can dmyal ba'i mtshan nyid dam/ dud 'gro'i
357a2 skye gnas kyi mtshan nyid dam/ gshin rje'i 'jig rten gyi mtshan nyid dam/ lha'i mtshan nyid dam/ mi'i mtshan nyid dam/ nyan thos kyi nges par gyur ba'i mtshan nyid dam/
357a3 rang sangs rgyas kyi nges par gyur pa'i mtshan nyid dam/ sangs rgyas kyi nges par gyur pa'i mtshan nyid dam/ ring po'i rgyu'i mtshan nyid dam/ bar ma'i rgyu'i mtshan nyid dam/
357a4 nye ba'i rgyu'i mtshan nyid kyang rung ste/ spyod pa de dag thams cad kyi mtshan nyid yang dag pa ji lta ba bzhin du rab tu shes te/ ye shes thams cad la kha na mtho ba med pa yin
357a5 no| |rigs kyi bu/ de ltar na/ byang chub sems dpa' sems can thams cad kyi spyod pa'i mtshan nyid dang / cho ga shes pa yin no/ /rigs kyi bu/ de la ji ltar na/ byang chub sems dpa'
357a6 sangs rgyas bcom ldan 'das dag gi chos dkon mchog gi mdzod 'dzin pa yin zhe na/ rigs kyi bu/ sangs rgyas bcom ldan 'das dag gi chos dkon mchog gi mdzod ni/ mi zad pa
357a7 ste| sems can thams cad kyi spyod pa'i mtshan nyid la rab tu 'jug pa ji snyed pa sangs rgyas bcom ldan 'das rnams kyi chos dkon mchog gi mdzod la gzung ba'i ye shes la 'jug
357b1 pa'ang de snyed do/ /ji ltar sems can gyi spyod pa mi zad cing mtha' med pa de bzhin du sangs rgyas bcom ldan 'das rnams kyi chos dkon mchog gi mdzod kyang mi zad cing mtha' med pa'o/ /
357b2 chos dkon mchog gi mdzod ces bya ba ni/ gang gi nub mo de bzhin gshegs pas byang chub brnyes pa nas gang gi nub mo yongs su mya ngan las 'das pa de'i bar du de bzhin gshegs pas
357b3 bshad pa dang / 'chad pa dang / 'chad par 'gyur pa de thams cad ni/ de bzhin no/ /ma nor ba de bzhin no/ /gzhan ma yin pa'o/ /ci'i phyir de bzhin zhes bya zhe na/ de bzhin nyid zhi ba la
357b4 yang dag par zhugs pas de'i phyir de bzhin zhes bya'o/ /ci'i phyir ma nor ba de bzhin nyid ces bya zhe na/ don dam pa'i bden pa la yang dag par zhugs pa de'i phyir ma nor ba de bzhin nyid
357b5 ces bya'o/ /ci'i phyir na gzhan ma yin pa de bzhin nyid ces bya zhe na/ de bdag gi ngo bo nyid ma yin par gzhan du mi btsal te/ de'i phyir gzhan ma yin pa'o/ /yang sangs rgyas bcom
357b6 ldan 'das rnams kyi chos dkon mchog gi mdzod ni/ stong gsum gyi stong chen po'i 'jig rten gyi khams su gtogs pa'i sems can rnams mang du thos pa kun dga' bo lta bur gyur
357b7 kyang de dag thams cad kyis bskal ba bye ba brag stong du'ang yi ge khong du chud par mi nus so/ /yang don gcig tu bstan te ji lta ba bzhin du bstan pa 'di lta bu ni/ sangs rgyas bcom
358a1 ldan 'das rnams kyi chos dkon mchog gi mdzod do/ /de byang chub sems dpa' rnams 'dzin te/ ji ltar yi ge thams cad mi brjed cing don thams cad mi
358a2 nyams par sems can thams cad mgu bar byed/ sangs rgyas thams cad rab tu mnyes par byed/ /bdud thams cad pham par byed/ mu stegs can gzhan thams cad tshar
358a3 gcod| nyon mongs pa thams cad zhi bar byed cing de dag la chos dkon mchog rab tu sgrog pa de ltar 'dzin to/ /rigs kyi bu/ de ltar na/ byang chub sems dpas sangs rgyas
358a4 bcom ldan 'das rnams kyi chos dkon mchog gi mdzod 'dzin pa yin no/ /yang rigs kyi bu/ chos gang gi ngo bo nyid du ngas chos rnams mngon par sangs rgyas pa de'i ngo bo
358a5 nyid du byang chub sems dpas chos rnams gzung bar bya'o/ /yang ji lta bur de bzhin gshegs pas chos rnams mngon par rdzogs par sangs rgyas she na/ yongs su ma grub pa'i tshul
358a6 gyis sgyu ma'i ngo bo nyid dang / yul las shin tu 'das pa'i tshul gyis rmi lam gyi ngo bo nyid dang / shin tu skye ba med pa'i tshul gyis smig rgyu'i ngo bo nyid dang / mi 'pho ba'i tshul gyis
358a7 mig yor gyi ngo bo nyid dang / rang bzhin med pa'i tshul gyis gzugs brnyan gyi ngo bo nyid dang / rag las pa'i tshul gyis stong pa'i ngo bo nyid dang / rnam par mi rtog pa'i tshul
358b1 gyis mtshan ma med pa'i ngo bo nyid dang / sems chags pa med pa'i tshul gyis smon pa med pa'i ngo bo nyid dang / 'dod chags thams cad dang bral ba'i tshul gyis 'dod chags
358b2 med pa'i ngo bo nyid dang / grangs thams cad las 'das pa'i tshul gyis 'dus ma byas pa'i ngo bo nyid de/ de ltar rigs kyi bu/ tha snyad du gzhan rnam par rig pa la brten nas de 'dra ba
358b3 chos de ngas mngon par rdzogs par sangs rgyas te/ gang chos de'i ngo bo nyid kyi mtshan nyid de ni/ tshig gis brjod par mi nus so/ /de la chos rnams 'dzin par 'dod pa'i byang chub sems
358b4 dpas de lta bu'i ngo bo nyid kyi chos rnams mngon par rdzogs par sangs rgyas par bya ste/ yi ge dang / nges pa'i tshig gis kyang sems can gzhan rnams dang / gang zag gzhan dag la
358b5 bstan par bya'o/ /rigs kyi bu/ de la ji ltar na/ byang chub sems dpa' thog ma nas sems can rnam par dag pas sems can rnams yongs su smin par byed ce na/ rigs kyi bu/ sems
358b6 can gyi khams ni/ thog ma nas rnam par dag pa ste/ de la sems can rnams kyi rtse ba'i dngos po med de/ byang chub sems dpa'i chos thams cad kyi rtsa ba yongs su chad par rig nas sems
358b7 can gang rnams yongs su smin par byed pa de la bdag tu lta bar mi 'gyur/ sems can du lta bar ma yin/ /srog tu lta bar ma yin/ gang zag tu lta bar yang mi 'gyur ro/ /yang de 'di
359a1 snyam du sems te/ sems can zhes bya ba 'di ni/ phyin ci log ste/ rgyur lta ba'i kun nas dkris pa dang / ma rig pa dang / srid pa dang / sred pa dang / yang
359a2 dag pa ma yin pa kun tu rtog pa las sems can zhes brjod snyam mo/ /de la byang chub sems dpas med pa phyin ci log las byung ba'i nyon mongs pa rab tu spang ba'i phyir sems can
359a3 rnams la chos ston te/ dngos po gang yang chud mi gzon to/ /sems can med cing sems can dben pas sems can rnams yongs su smin par byed de/ de ltar byang chub
359a4 sems dpa' thog ma nas rnam par dag pas sems can rnams yongs su smin par byed do/ /rigs kyi bu/ de la ji ltar na/ byang chub sems dpa' tshul bzhin la rab tu sbyor
359a5 bas sangs rgyas kyi chos thams cad yang dag par sdud ce na/ tshul bzhin zhes bya ba ni/ rten cing 'brel bar 'byung ba la 'jug pa'o/ /de ci'i phyir zhe na/ rgyu dang rkyen ci 'dra ba de 'dra
359a6 bar 'bras bu mngon par 'grub bo/ /sbyin pa ni/ longs spyod chen po'i rgyu ste/ de la byang chub sems dpa' gang gtong pa de'ang thams cad mkhyen par bsngos nas sbyin pa'i
359a7 pha rol tu phyin pa yongs su rdzogs par byed do/ /tshul khrims ni/ lha dang mir skye ba'i rgyu ste/ lha dang mir skyes nas byang chub sems dpas sems can rnams tshul khrims
359b1 la rab tu 'dzud de/ tshul khrims yang dag par bzung ba des de'ang thams cad mkhyen par bsngos nas tshul khrims kyi pha rol tu phyin pa yongs su rdzogs par byed do/ /bzod pa dang /
359b2 des pa ni/ lus dang / ngag dang / sems kyi rgyan gyi rgyu ste/ lus dang / ngag dang / sems brgyan pas byang chub sems dpa' bdag la phan pa dang / gzhan la phan par zhugs pa yin
359b3 te| phan par 'dod pa bzod pa'i gnas de'ang thams cad mkhyen par bsngos nas bzod pa'i pha rol tu phyin pa yongs su rdzogs par byed do/ /brtson 'grus ni/ sangs rgyas kyi chos
359b4 thams cad sdud pa'i rgyu ste/ byang chub sems dpas brtson 'grus ba rtsams nas dge ba'i rtsa ba thams cad yang dag par sgrub cing dge ba'i rtsa ba thams cad yang dag par grub pa'i
359b5 brtson 'grus de'ang thams cad mkhyen par bsdos nas brtson 'grus kyi pha rol tu phyin pa yongs su rdzogs par byed do/ /bsam gtan ni/ sems dga' ba dang / cang shes pa'i rgyu
359b6 ste| byang chub sems dpa' dga' ba dang / cang shes pas zhi gnas kyi tshogs kun skong ste/ zhi gnas kyi tshogs de'ang thams cad mkhyen par bsngos nas bsam gtan gyi pha rol
359b7 tu phyin pa yongs su rdzogs par byed do/ /thos pa ni/ shes rab che ba'i rgyu ste/ byang chub sems dpa' shes rab chen po ni/ dmigs par lta ba mi 'dzin cing dmigs pa med pa'i
360a1 thos pa de'ang thams cad mkhyen par bsngos nas shes rab kyi pha rol tu phyin pa yongs su rdzogs par byed do/ /de bzhin du dge ba'i chos thams cad de dge
360a2 ba'i chos kyi rgyu gang dang / gang bsags pa de dang / de'i 'bras bu lhun gyis grub pas mngon par skye bar 'gyur te/ rgyu dang / rkyen de ni/ tshul bzhin yid la byed pa zhes bya'o//
360a3 gzhan yang tshul bzhin zhes bya ba la chos thams cad kyi tshul bzhin ni/ bdag yin te/ ji ltar bdag ni/ bdag med pa de bzhin du sems can thams cad la bdag med do//
360a4 ji ltar na/ bdag stong pa de bzhin du chos thams cad stong ngo / /ji ltar bdag ming du btags pa tsam du zad pa de bzhin du chos thams cad kyang ming du btags pa tsam
360a5 du zad do/ /de ltar tshul bzhin la rab tu sbyor ba'i byang chub sems dpa' ni/ chos thams cad mnyam par sbyor ro/ /gang chos thams cad mnyam pa nyid de ni/ sangs rgyas kyi
360a6 chos thams cad mnyam pa nyid do/ /de ltar tshul bzhin la sbyor ba'i byang chub sems dpa' ni/ sangs rgyas kyi chos rnams yang dag par sgrub bo/ /rigs kyi bu/ de ji ltar na/
360a7 byang chub sems dpa' mngon par shes pa las ma nyams shing chos thams cad la dbang byed pa yin zhe na/ 'di la rigs kyi bu'am/ dge sbyong ngam/ bram ze 'jig tshogs
360b1 la lta ba ma bcom pas mngon par shes pa rnams las nyams par yang 'gyur ro/ /yang byang chub sems dpa' ni/ 'jig tshogs la lta ba'i rtsa ba las byung ba'i lta bar gyur pa drug
360b2 cu rtsa gnyis yang dag par bcom nas lta ba dang len pa thams cad med par mngon par shes pa bskyed de/ ye shes dang ldan/ shes rab dang ldan/ blo dang ldan/ bzod pa dang
360b3 ldan| tshul khrims dang ldan te/ ting nge 'dzin la snyoms par zhugs shing lus dben/ sems dben te/ 'di 'dra ba'i ye shes kyis nang nye bar 'gro zhing phyi rol du mi rgyu ba/
360b4 yul med pa'i yul can/ cang shes pa'i sems dang ldan pa/ dga' ba'i sems dang ldan pa/ shin tu brtag pas brtags pa/ rab tu dkar ba'i blo nyon mongs pas ma 'khrugs
360b5 pa| snang ba thob pa/ ye shes rab rib med pa/ bsod nams kyi tshogs bsags pa/ ye shes kyi tshogs bsags pa/ zhi gnas kyi tshogs bsags pa/ lhag mthong gi tshogs
360b6 bsags pa/ sbyin pas brtan pa/ tshul khrims kyis brgyan pa/ bzod pa'i go gyon pa/ brtson 'grus kyi ya la da bgos pa/ bsam gtan la gnas pa/ shes rab shin tu bsgoms
360b7 pa'i blo dang ldan pa/ byams pas rjes su mthun pa/ snying rje la rab tu gnas pa/ thabs kyis mngon par sgrub pa de lta bu'i chos dang ldan pas mngon par shes pa bskyed do/ byang
361a1 chub kyi snying po'i bar du mngon par shes pa de dag gis shin tu 'phags shing de mngon par shes pa de dag gis chos thams cad la dbang byed pa yin te/ gzugs thams cad mthong /
361a2 sgra thams cad thos/ sems thams cad la 'jug cing bskal pa grangs med pa rjes su dran te/ rdzu 'phrul thams cad kyi rnam par 'phrul pa/ zag pa
361a3 zad pa'i bde ba rnyed cing / yid kyi rnam par rtog pa ji snyed pa la rnam par rtog pa dang / rnam par dpyod pa thams cad la dbang byed pa yin te/ des chos thams cad la de bzhin
361a4 du lhun gyis grub par gnas so/ /rigs kyi bu/ de ltar na/ byang chub sems dpa' mngon par shes pa las mi nyams shing chos thams cad la dbang byed pa yin no/ /rigs kyi bu/
361a5 de la ji ltar na/ byang chub sems dpa' chos kyi tshul zab mo la rab tu zhugs shing nyan thos dang / rang sangs rgyas thams cad kyis rtogs par dka' ba yin zhe na/ rigs kyi bu/ zab
361a6 mo zhes bya ba ni/ rten cing 'brel par 'byung ba'o/ /rten cing 'brel bar 'byung ba'i tshul ni/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/
361a7 rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen/
361b1 gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang /
361b2 yid mi bde ba dang / 'khrug pa rnams su 'byung bar 'gyur te/ de ltar na/ sdug bsngal gyi phung po chen po 'di 'ba' zhig 'byung bar 'gyur ro/ /sems can rnams kun nas nyon mongs
361b3 par 'gyur ba'i rgyu gang dang / rkyen gang yin pa de la byang chub sems dpa' ye shes rab tu 'jug ste/ 'di ni/ rten cing 'brel par 'byung ba kun 'byung ba'i tshul zhes bya'o/ /de la
361b4 rten cing 'brel bar 'byung ba 'gog pa'i tshul gang zhe na/ 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes
361b5 pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba
361b6 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags
361b7 pas rga shi dang / mya ngan dang / smra sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'ba' zhig
362a1 'gag par 'gyur ro/ /de ni/ rigs kyi bu/ rten cing 'brel bar 'byung ba 'gog pa'i tshul zhes bya'o/ /sems can rnams rnam par dag par 'gyur ba'i
362a2 rgyu gang dang / rkyen gang yin pa de la byang chub sems dpa' ye shes rab tu 'jug ste/ de ni/ chos kyi tshul zab mo la 'jug pa zhes bya ste/ gang nyan thos dang / rang sangs
362a3 rgyas thams cad kyi sa ma yin pa'o/ /de ci'i phyir zhe na/ nyan thos dang / rang sangs rgyas thams cad kyis ma yin zhe na/ sems can thams cad kyi kun nas nyon mongs pa
362a4 dang / rnam par byang ba shes pa ni/ sangs rgyas bcom ldan 'das kyi yul lo/ /rang gi ye shes dang / sangs rgyas kyi byin gyi rlabs kyis byang chub sems dpas kyang de'i mtshams
362a5 sbyor ba shes so/ /gzhan yang zab mo zhes bya ba ni/ 'jig tshogs dang / bdag rnam par dag pa dang / chos thams cad rnam par dag pa'o/ /de ci'i phyir zhe na/ 'jig tshogs
362a6 ni| kun tu btsal kyang mi dmigs so/ /gang mi dmigs pa de ni/ zab mo'o/ /bdag ni/ sangs rgyas thams cad kyis kyang ma brnyes so/ /de ci'i phyir zhe na/ bdag thog ma
362a7 nas kyang rnam par dag pa ste/ ji ltar bdag rnam par dag pa de bzhin du chos thams cad rnam par dag go /de ci'i phyir rnam par dag pa zhes bya zhe na/ de la chos gang yang ma
362b1 skyes| ma skyed/ ma 'gags/ mi 'gag pa ste/ de bas na/ rnam par dag pa zhes bya'o/ /mun pa med pa/ snang ba med pa/ kun gzhi med pa/ rab rib med pa/ don dam pa zab mo gang la
362b2 mig med cing mig 'gog pa med pa nas yid kyi bar du med cing yid 'gog pa med pa ste/ de ni/ yul du bgrang ba ma yin no/ /gang yul ma yin zhing yul med pa de ni/ don dam pa
362b3 ste| de'i phyir zab mo zhes bya'o/ /de la sems dang / yid 'dzin pa med de rtogs par dka' ba/ mthong bar dka' ba/ khong du chud par dka' ba de lta bu'i chos kyi tshul zab mo la
362b4 ye shes gzhan gyi dring la mi 'jog cing sems can gzhan la'ang rab tu ston te/ de ltar na/ byang chub sems dpa'i chos kyi tshul zab mo la rab tu zhugs pa/ nyan thos dang /
362b5 rang sangs rgyas thams cad kyis gting dpag dka' ba yin no/ /'phags pa nam mkha' mdzod kyis zhus pa/ bam po gsum pa/ rigs kyi bu/ de la ji ltar na/
362b6 byang chub sems dpa' rten cing 'brel par 'byung ba la 'jug pa'i shes pa la mkhas te/ mtha' gnyis su lta ba thams cad dang bral ba yin zhe na/ rigs kyi bu/ 'di la byang
362b7 chub sems dpa' 'di snyam du sems te/ gang rten pa de ni/ ci'ang ma yin pa/ gang rten pa de ni/ dngos po med pa/ gang rten pa de ni/ yongs su ma grub pa/ gang rten cing
363a1 'brel par 'byung ba de ni/ mi rtag pa/ sdug bsngal ba/ bdag med pa/ zhi ba/ gang rten pa de la ni/ bdag med/ sems can med/ srog med/ gso ba
363a2 med| skyes bu med/ gang zag med/ shed las skyes med/ shed bu med/ gang rten pa de la ni/ yang dag par 'byung ba gang yang med/ gang rten pa de la ni/ ci'ang med pa/
363a3 rtsol ba med pa/ stong pa/ mtshan ma med pa/ dben pa/ rgyu ba med pa/ ma spros pa/ spros pa med pa ste/ de'i phyir skye ba ni/ chos kho na skye/ 'gag pa ni/ chos kho na 'gag ste/
363a4 'di la bdag gam/ sems can nam/ srog gam/ gso ba'am/ skyes bu'am/ gang zag gam/ shes las skyes sam/ shed bu med ces bya'o/ /chos gang dag rten cing 'brel
363a5 par 'byung ba de dag la ni/ skye ba ci'ang med cing bdag po med de/ de'i phyir chos thams cad ni/ rtswa dang / shing dang / rtsig pa dang / lam dang / mig yor lta bu zhes bya ste/ ji
363a6 ltar phyi rol gyi dngos po rnams skye ba ni/ skyed par byed pa med/ 'gag pa na'ang 'gog par byed pa med pa de bzhin du nang gi chos rnams skye ba na'ang skyed par byed pa med/
363a7 'gag pa na'ang 'gog par byed pa med de/ gzhan du na rkyen rnams yod na/ 'byung gi /rkyen ma tshang na/ 'gog go snyam du sems te/ de ltar na shes pa la sbyor ba ni/ mthar
363b1 lta ba thams cad rab tu spong ngo / /de la mthar lta ba gang zhe na/ mtha' zhes bya ba ni/ chad pa dang / rtag pa ste/ de gang mi skyed cing rnam par mi 'jig pa ni/ chad pa dang / rtag pa dang bral
363b2 ste| de'i phyir dag pas na/ mthar lta ba thams cad rnam par dag pa ste/ rigs kyi bu/ de ltar na/ byang chub sems dpa' rten cing 'brel par 'byung ba la 'jug pa'i shes pa la mkhas te
363b3 mthar lta ba thams cad dang bral ba yin no/ /rigs kyi bu/ de la ji ltar na/ byang chub sems dpa' de bzhin gshegs pa'i phyag rgyas btab pas/ de bzhin nyid dbyar med pa shes pa
363b4 la mkhas pa yin zhe na/ de bzhin gshegs pa'i phyag rgyas btab pa zhes bya ba la de bzhin dbyer med pa de ni/ phyag rgya ste/ phye ba med pa/ 'jug pa med pa/ mngon par zhen pa med pa/ mi bskyod
363b5 pa| bskyod par bya ba ma yin pa ste/ lha dang / mi dang / lha ma yin du bcas pa'i 'jig rten gyis bskyod par mi nus so/ /de ci'i phyir zhe na/ lha dang / mi dang / lha ma yin du bcas pa'i 'jig
363b6 rten ni/ phyag rgya des btab pa nyid do/ /de bzhin gshegs pa'i phyag rgya de ni/ shin tu mi skye ba'i phyag rgya/ shin tu stong pa nyid kyi phyag rgya/ shin tu mtshan ma med pa'i phyag rgya/ shin
363b7 tu smon pa med pa'i phyag rgya/ shin tu 'dus ma byas pa'i phyag rgya/ shin tu 'dod chags dang bral ba'i phyag rgya/ shin tu de bzhin nyid kyi phyag rgya/ shin tu yang dag pa'i mtha' phyag
364a1 rgya| shin tu nam mkha'i phyag rgya ste/ dper na/ nam mkha'i phyag rgya ma snang ba de bzhin du de bzhin gshegs pa'i phyag rgya de'ang spyan lnga la mi snang ste/ rang gi
364a2 mtshan nyid kyi phyag rgyas btab pa'o/ /de bzhin gshegs pas chos kyi tha snyad du ji snyed du tha snyad 'dogs pa de thams cad ni/ de bzhin gshegs pa'i phyag rgyas btab pa de bzhin
364a3 du tha snyad 'dogs so/ /de la gang dag rnam par shes pa'i spyod yul ba de dag ni/ chos rnam par 'jog par byed do/ /gang dag rnam par shes pa la mi gnas pa de dag ni/ chos rnam
364a4 par 'jog par mi byed/ chos tha dad du mi byed do/ /de dag de bzhin gshegs pa'i phyag rgyas btab pas na/ de dag de bzhin nyid 'byed par mi byed do/ /de la de bzhin nyid tha
364a5 dad pa gang zhe na/ gang dag tha ma dang / 'bring dang / rab kyi chos rnams su rnam par rtog pa'o/ /gang dag chos thams cad la mi rtog cing rnam par mi rtog pa de dag de bzhin
364a6 nyid tha dad mi byed do/ /yang ji snyed mang po brtags shing rnam par brtags kyang de bzhin nyid dbye bar mi nus te/ dper na/ sems can thams cad ni/ nam mkha' la rnam
364a7 par rgyu'ang nam mkha'i khams ni/ 'dres par mi byed do/ /de bzhin du sems can thams cad de bzhin nyid la rnam par rgyu'ang de bzhin nyid ni/ 'dres par mi byed do/ /
364b1 gang 'dir de lta bu'i chos rnams shes pa'i byang chub sems dpa' de lta bu ni/ de bzhin gshegs pa'i phyag rgyas btab pa yin te/ de bzhin nyid kyang 'dres par mi byed do/ /rigs kyi
364b2 bu| de la ji ltar na/ byang chub sems dpa' chos kyi dbyings kyi tshul la zhugs shing chos kyi dbyings thams cad la yang dag par gzhol ba yin zhe na/ chos kyi dbyings zhes bya ba ni/
364b3 rdul thams cad dang bral ba'i phyir 'dod chags dang bral ba'i dbyings so/ /yang dag par bsgrubs pa med pa'i phyir ma skyes pa'i dbyings so/ /ma byung ba'i phyir mi 'gog pa'i dbyings
364b4 so| |'gro ba med pa'i phyir mi 'gro ba'i dbyings so/ /rgal ba med pa'i phyir 'ong ba med pa'i dbyings so/ /'byung ba med pa'i phyir gnas med pa'i dbyings so/ /dus gsum mnyam pa'i
364b5 phyir ji lta ba bzhin gyi dbyings so/ /gzod ma nas rnam par dag pa'i phyir bdag gi dbyings so/ /don dam pa yin pa'i phyir gang zag med pa'i dbyings so/ /gnas med pa'i phyir
364b6 rnam par rig pa med pa'i dbyings so/ /'dre ba med pa'i phyir kun gzhi med pa'i dbyings so/ /ngas par 'gyur pa'i phyir skye ba med pa'i dbyings so/ /rang bzhin gyis yongs su dag
364b7 pa'i phyir nam mkha'i dbyings so/ /gnyen po med pa'i phyir mya ngan las 'das pa'i dbyings te/ 'di ni/ chos kyi dbyings kyi tshul la 'jug pa zhes bya'o/ /rigs kyi bu/ chos thams
365a1 cad de ltar zhugs pas de la byang chub sems dpa' de ltar chos kyi tshul la zhugs pa'i gang ci smra ba dang / brjod pa dang / ston pa de thams cad ni/
365a2 chos kyi dbyings su yang dag par gzhol ba nyid do/ /chos kyi dbyings kyi tshul la zhugs pa de 'dod chags kyi khams dang / chos kyi dbyings de dag gnyis su med par rab tu shes so/ /
365a3 de ci'i phyir zhe na/ 'dod chags ni/ chos kyi dbyings kyi rang bzhin can no/ /zhe sdang gi khams dang / chos kyi dbyings de dag ni/ gnyis su med de/ de ci'i phyir zhe na/ zhe sdang ni/
365a4 chos kyi dbyings kyi rang bzhin can no/ /gti mug gi khams dang / chos kyi dbyings de dag ni/ gnyis su med de/ de ci'i phyir zhe na/ gti mug ni/ chos kyi dbyings kyi rang bzhin
365a5 can no/ /nyon mongs pa'i khams dang / chos kyi dbyings de dag ni/ gnyis su med de/ de ci'i phyir zhe na/ nyon mongs pa ni/ chos kyi dbyings kyi rang bzhin can no/ /'dod pa'i
365a6 khams dang / chos kyi dbyings de dag ni/ gnyis su med de/ de ci'i phyir zhe na/ 'dod pa'i khams ni/ chos kyi dbyings kyi rang bzhin can no/ /gzugs kyi khams dang / chos
365a7 kyi dbyings de dag ni/ gnyis su med de/ de ci'i phyir zhe na/ gzugs kyi khams ni/ chos kyi dbyings kyi rang bzhin can no/ /gzugs med pa'i khams dang / chos kyi
365b1 dbyings de dag ni/ gnyis su med de/ de ci'i phyir zhe na/ gzugs med pa'i khams ni/ chos kyi dbyings kyi rang bzhin can no/ /mig gi khams dang / chos kyi dbyings de dag ni/ gnyis
365b2 su med de/ de ci'i phyir zhe na/ mig ni/ chos kyi dbyings kyi rang bzhin can no/ /gzugs kyi khams dang / chos kyi dbyings de dag ni/ gnyis su med de/ de ci'i phyir zhe na/ gzugs ni/
365b3 chos kyi dbyings kyi rang bzhin can no/ /mig gi rnam par shes pa'i khams dang / chos kyi dbyings de dag ni/ gnyis su med de/ /de ci'i phyir zhe na/ mig gi rnam par shes pa ni/ chos
365b4 kyi dbyings kyi rang bzhin can no/ /yid kyi bar gyi khams dang / chos kyi dbyings de dag ni/ gnyis su med de/ de ci'i phyir zhe na/ yid kyi khams ni/ chos kyi dbyings kyi rang bzhin no/ /
365b5 yid kyi rnam par shes pa'i khams dang / chos kyi dbyings de dag ni/ gnyis su med de/ de ci'i phyir zhe na/ yid kyi rnam par shes pa ni/ chos kyi dbyings kyi rang bzhin can no/ /phung po'i
365b6 khams dang / chos kyi dbyings de dag ni/ gnyis su med de/ de ci'i phyir zhe na/ phung po'i khams ni/ chos kyi dbyings kyi rang bzhin can no/ /sa'i khams dang / chu'i khams dang / me'i
365b7 khams dang / rlung gi khams dang / chos kyi dbyings de dag ni/ gnyis su med de/ de ci'i phyir zhe na/ sa dang / chu dang / me dang / rlung ni/ chos kyi dbyings kyi rang bzhin can no/ /
366a1 chos kyi phung po brgyad khri bzhi stong dang / spyod pa brgyad khri bzhi stong dang / chos thams cad kyi bar dang / chos kyi dbyings de dag ni/ gnyis su med de/ de ci'i
366a2 phyir zhe na/ chos thams cad ni/ chos kyi dbyings kyi rang bzhin can no/ /byang chub sems dpa' gang chos mnyam pa nyid 'di la zhugs pa de ni/ chos kyi dbyings thams cad la yang
366a3 dag par gzhol ba'i chos thams cad rab tu shes pa yin te/ rigs kyi bu/ de ltar na/ byang chub sems dpa' chos kyi tshul la zhugs pa yin no/ /rigs kyi bu/ de la ji ltar na/ byang
366a4 chub sems dpa' bsam pa rdo rje ltar sra zhing mi phyed de theg pa chen po 'di la legs par gnas shing mi g.yo ba yin zhe na/ rigs kyi bu/ byang chub sems dpa' rdo rje ltar sra
366a5 zhing mi phyed pa bcu gnyis kyis ni/ lha dang bcas pa'i 'jig rten gyis mi phyed pa yin te/ bcu gnyis gang zhe na/ 'di lta ste/ byang chub kyi sems mi phyed pa dang / bsam pa dang /
366a6 lhag pa'i bsam pas spyor ba mi phyed pa dang / sbyin pa mi phyed pa dang / tshul khrims dang / bzod pa dang / brtson 'grus dang / bsam gtan dang / shes rab mi phyed pa dang / byams
366a7 pa chen po dang / snying rje chen po mi phyed pa dang / bsdu ba'i dngos po mi phyed pa dang / sems can yongs su smin par byed pa mi phyed pa dang / sangs rgyas kyi zhing yongs su dag pa
366b1 mi phyed pa dang / 'khor bas yongs su mi skyo ba mi phyed pa dang / dge ba'i rtsa bas mi ngoms pa mi phyed pa dang / mtshan dang dpe byad bzang po'i phyir gtan pa med pa'i mchod sbyin byed pa
366b2 mi phyed pa dang / dam pa'i chos yongs su gzung ba'i phyir lus dang srog 'dor ba mi phyed pa dang / sems can gzhan dang gang zag gzhan gyi phyir dge ba'i rtsa ba bsngo ba mi phyed pa dang /
366b3 sangs rgyas kyi chos thams cad yang dag par sgrub pa mi phyed pa ste/ rigs kyi bu/ gang gi tshe byang chub sems dpa' chos 'di lta bu 'di dag las mi phyed pa de'i tshe bsam pa rdo rje ltar sra
366b4 zhing mi phyed pa yin no/ /'di lta ste/ dper na/ nor bu rin po che rdo rje ni/ nor bu rin po che thams cad 'bigs kyang bdag nyid ni/ mi phigs so/ /de bzhin du byang chub sems dpa'
366b5 bsam pa rdo rje ltar sra zhing mi phyed pa'ang sems can thams cad kyi bag la nyal dang / nyon mongs pa kun nas ldang ba dang / lta bar gyur pa rnams sel kyang bdag nyid ni/ theg pa chen
366b6 po 'di las mi phyed do/ /rigs kyi bu/ de ltar na/ byang chub sems dpa' bsam pa rdo rje ltar sra zhing mi phyed de/ theg pa chen po 'di la legs par gnas shing mi g.yo ba yin no/ /
366b7 rigs kyi bu/ de la ji ltar na/ byang chub sems dpa' sangs rgyas kyi yul rjes su thob cing rang gi yul yongs su dag pa yin zhe na/ sangs rgyas kyi yul zhes bya ba ni/ yul ma yin
367a1 pa| yul med pa yul thams cad las yongs su dag pa'o/ /de la byang chub sems dpa' ni/ sangs rgyas kyi yul yongs su dag pas gang gi yul yongs su sbyong
367a2 ste| de 'di snyam du mig gi yul ni/ sangs rgyas kyi yul yin yang sangs rgyas kyi yul ni/ su dang yang nye ba'ang / ring ba ma yin no/ de ci'i phyir zhe na/ sangs rgyas kyi yul ni/ dben
367a3 pa'i yul yin pa'i phyir te/ dben pa'i yul ni/ mig gi yul gang yang med do/ /rna ba'i yul ni/ sangs rgyas kyi yul yin yang sangs rgyas kyi yul ni/ su dang yang nye ba'am/ ring ba ma
367a4 yin no/ /de ci'i phyir zhe na/ sangs rgyas kyi yul ni/ dben pa'i yul yin pa'i phyir te/ dben pa'i yul la ni/ rna ba'i yul gang yang med do/ /sna'i yul ni/ sangs rgyas kyi yul yin
367a5 yang sangs rgyas kyi yul ni/ su dang yang nye ba'am/ ring ba ma yin no/ /de ci'i phyir zhe na/ sangs rgyas kyi yul ni/ dben pa'i yul yin pa'i phyir te/ dben pa'i yul la ni/ sna'i
367a6 yul gang yang med do/ /lce'i yul ni/ sangs rgyas kyi yul yin yang sangs rgyas kyi yul ni/ su dang yang nye ba'am/ ring ba ma yin no/ /de ci'i phyir zhe na/ sangs rgyas kyi yul ni/
367a7 dben pa'i yul yin pa'i phyir te/ dben pa'i yul la ni/ lce'i yul gang yang med do/ /lus kyi yul ni/ sangs rgyas kyi yul yin yang sangs rgyas kyi yul ni/ su dang yang nye
367b1 pa'am/ ring ba ma yin no/ /de ci'i phyir zhe na/ sangs rgyas kyi yul ni/ dben pa'i yul yin pa'i phyir te/ dben pa'i yul la ni/ lus kyi yul gang yang med do/ /yid kyi yul ni/
367b2 sangs rgyas kyi yul yin yang sangs rgyas kyi yul ni/ su dang yang nye ba'am/ ring ba ma yin no/ /de ci'i phyir zhe na/ sangs rgyas kyi yul ni/ dben pa'i yul yin pa'i phyir te/ dben
367b3 pa'i yul la ni/ yid kyi yul gang yang med do/ /phung po rnams dang / khams rnams dang / skye mched rnams dang / rten cing 'brel par 'byung ba yan lag bcu gnyis la'ang de bzhin
367b4 no/ /rigs kyi bu/ de ltar na/ byang chub sems dpa' sangs rgyas kyi yul dben pa nyid kyi yul thams cad dben par 'jug go /rang gi zhing yongs su dag pas sangs rgyas kyi zhing
367b5 la zhugs pa de ni/ /chos gang dag de'i dbang po drug la snang bar gyur pa de dag thams cad la sangs rgyas kyi yul dben pas 'jug go /ji ltar de bzhin gshegs pa'i yul chags pa
367b6 med cing thogs pa med pa de bzhin du de yul thams cad la'ang mi chags mi thogs te/ rigs kyi bu/ de ltar na/ byang chub sems dpa' sangs rgyas kyi yul la rjes su zhugs shing rang
367b7 gi yul yongs su dag pa yin no/ /rigs kyi bu/ de la ji ltar na/ byang chub sems dpa' gzungs thob pa rtag tu mi brjed par spyod pa yin zhe na/ rigs kyi bu/ 'di la byang chub sems
368a1 dpa' gzungs yongs su sbyang ba bya bas gzungs thob par gyur te/ de la gzungs yongs su sbyang ba byed pa gang zhe na/ rigs kyi bu/ sum cu rtsa gnyis bo 'di
368a2 dag ni/ gzungs yongs su sbyang ba byed pa ste/ sum cu rtsa gnyis po gang zhe na/ 'di lta ste/ chos don du gnyer ba dang / chos 'dod pa dang / chos kyi kun dga' la dga' zhing mos pa
368a3 dang / chos la gzhol ba dang / chos la bab pa dang / mang du thos pa rnams la brten cing bsnyen la bsnyen bkur byed pa dang / slob dpon dang mkhan po rnams la nga rgyal med cing
368a4 btsun par gus par byed pa dang / chos yongs su tshol bas mi ngoms pa dang / rjes su bstan pa rnams la bka' blo bde zhing mthun par 'dzin pa dang / chos smra ba'i gang zag rnams
368a5 la ston pa tsam du sems shing 'khrul ba mi tshol ba dang / kun 'dzin pa dang / klog pa dang / ston pa la le lo med pa dang | chos la slob dpon gyi dpe mkhyud med cing zang zing med par chos
368a6 sbyin pa dang / shes rab kyi rtsa ba'i gnas thos pa dang / tshul bzhin gyi chos la sbyor ba dang / ji ltar thos pa'i chos la so sor brtag pa'i phyir mang du thos pa mu med par byas pa dang /
368a7 tshangs par spyod pa la gnas pa med par byas pa dang / rtag tu dben pa la sems gzhol ba dang / rjes su dran pa drug rjes su dran pa dang / yang dag par chags par 'gyur ba drug
368b1 mi 'dor ba dang / gus par bya ba'i gnas drug yongs su mi gtong ba dang / sems can thams cad la khong khro ba med pa'i sems kyis chos la sbyor ba dang / rten cing 'brel bar 'byung ba
368b2 dang mi 'gal ba'i las dang / bya ba la 'jug pa dang / rnam par thar pa'i sgo gsum la sems nges par rtog pa la mi skrag pa dang / 'phags pa'i rigs dang sbyangs pa'i yon tan kun
368b3 'dzin pas yongs su mi 'chad pa dang / dam pa'i chos yongs su gzung ba la sems zhum pa med pa dang / sems can la lta bas snying rje che ba dang / chos la lta bas lus dang srog 'dor
368b4 ba dang / ye shes la lta bas rtag tu nga rgyal med pa dang / sems can yongs su smin par bya ba la yongs su mi skyo ba ste/ 'di ni gzungs yongs su sbyang ba byed pa zhes bya'o/ /rigs kyi bu/ de
368b5 la gzungs gang zhe na/ gang kun bzung ba'i chos rnams mi brjed pa dang / ji ltar thos pa'i chos rnams mi brjed pa dang / dran pa rjes su dran pa dang / rtogs par khong du chud pa dang / blo
368b6 gros 'dod pa dang / yi ge mi zad pa dang / nges pa'i tshig dang skad la 'jug pa shes pa dang spobs pa bstan pa thogs pa med cing rgyun mi chad pa dang / nges pa'i don gyi mdo sde rtogs pa la
368b7 'jug pa shes pa dang / drang ba'i don gyi mdo sde rtogs pa la 'jug pa shes pa dang / kun rdzob mi zad pa bstan pa shes pa dang / don dam pa dbyer med pa'i de kho na bstan pa shes pa
369a1 dang | bden pa la 'jug pa nges pa shes pa dang / dran pa nye bar bzhag pa'i rjes su 'jug pa shes pa dang / yang dag par spong ba'i brtson 'grus mi 'gong pa shes
369a2 pa dang / rdzu 'phrul gyi rkang pas rnam par rol pa shes pa dang / dbang po'i rig pa shes pa dang / stobs la gnas pa mi bskyod par shes pa dang / byang chub kyi yan lag rtogs pa dang / mthun
369a3 pa shes pa dang / lam la 'jug pa'i gnas pa dang / zhi gnas kyi sems gnas par shes pa dang / lhag mthong gis chos sgrol bar shes pa dang / rig pa dang rnam par grol ba rjes su
369a4 mthun pa shes pa dang / so so yang dag par rig pa la 'jug pa shes pa dang / mngon par shes pa'i ye shes skyed pa shes pa dang / pha rol tu phyin pa drug la 'jug pa shes pa dang / bsdu ba'i dngos
369a5 po bzhi so so ci rigs par shes pa dang / sgra skad dang ngag gi lam la 'jug pa shes pa dang / chos kyi brda ston pa shes pa dang / don dbyer med par shes pa dang / tshig 'bru mi zad par shes pa
369a6 dang | sems can thams cad tshim par bya ba shes pa dang / so so ci rigs par chos ston pa shes pa dang / sangs rgyas thams cad kyis gsungs pa'i dran pas 'dzin pa shes pa dang / tshig dang yi
369a7 ge thams cad mtshams sbyar ba'i nges pa'i tshig la 'jug pa shes pa dang / kun nas nyon mongs pa dang rnam par byang ba yang dag pa ji lta ba bzhin du rtogs pa shes pa dang / rgyu dang bya ba ba la 'jug pa
369b1 shes pa dang / chos thams cad la snang ba rab rib med par shes pa ste/ 'di ni gzungs zhes bya'o/ /lus dang ngag dang sems dang 'dra ba'i chos kun tu 'dzin pa de ni mi zad pa ste/ chos kyi char 'bebs
369b2 pa dang / nyon mongs pa'i gdung ba rab tu zhi bar byed pa dang / sangs rgyas kyi chos thams cad rnam par skyed pa 'di ni gzungs kyi tshul la 'jug pa yin te/ gzungs thob pa sangs
369b3 rgyas kyi chos thams cad la mi brjed par spyod par shes par bya'o/ /rigs kyi bu/ de ltar na/ byang chub sems dpa' gzungs thob pa rtag tu mi brjed par spyod pa yin no/ /rigs kyi
369b4 bu| de la ji ltar na/ byang chub sems dpa' spobs pa thogs pa med cing rgyun mi chad la rtag tu sangs rgyas kyi byin gyi rlabs kyi sbyin gyis brlabs pa yin zhe na/ rigs kyi bu/ nyi
369b5 shu rtsa bzhi po 'di dag ni byang chub sems dpa' rnams kyi spobs pa yin te/ nyi shu rtsa bzhi gang zhe na/ 'di lta ste/ sbobs pa myur ba dang / spobs pa mgyogs pa dang / spobs pa thogs
369b6 pa med pa dang / spobs pa rgyun mi chad pa dang / shin tu nges pa'i tshig la spobs pa dang / zab mo la spobs pa dang / sna tshogs la spobs pa dang / legs par brgyan pa'i spobs pa dang / zhum pa med
369b7 pa'i spobs pa dang / 'jigs pa med pa'i spobs pa dang / tshigs su bcad pa sna tshogs bstan pa'i nges pa'i tshig la spobs pa dang / mdo dang / rtogs pa brjod pa dang / sngon byung ba la spobs
370a1 pa dang / mi thul ba'i spobs pa dang / tshig rab tu dbye ba bstan pa mi zad pa la spobs pa dang / spobs pa shin tu gsal zhing shin tu mdzes pa dang / tshig
370a2 btsun zhing gzung ba'i spobs pa dang / chos ston pa'i 'bras bu yod pa'i spobs pa dang / lha'i 'khor gyi rgyan gyi spobs pa dang / the tshom thams cad gcod pa'i spobs pa dang /
370a3 'jig rten dang 'jig rten las 'das pa'i chos la spobs pa dang / 'khrul pa med pa'i spobs pa dang / 'khor la byams pa dang / snying rje dang / dga' ba dang / btang snyoms kyi
370a4 spobs pa dang / skye ba dran pa'i mngon par shes pa'i spobs pa dang / sangs rgyas kyi byin gyi rlabs kyi byin gyis brlabs pa'i spobs pa yin te/ rigs kyi bu/ nyi shu rtsa bzhi po de
370a5 dag ni| byang chub sems dpa' rnams kyi spobs pa yin no/ /de dag kyang yongs su sbyang ba byas pa nyi shu rtsa bzhis 'grub ste/ nyi shu rtsa bzhi gang zhe na/ 'di lta ste/ bla ma'i ngag mi
370a6 gcog pas myur ba'i spobs par 'gyur ro/ /tshur shog ces bya ba dang song zhes bya ba la g.yo med pas spobs pa mgyogs par 'gyur ro/ /nyon mongs pa thams cad la chags
370a7 pa med pas spobs pa thogs pa med par 'gyur ro/ /de la ma chags par gnas pas spobs ba rgyun mi chad par 'gyur ro/ /phra ma'i tshig med pas shin tu nges pa'i tshig la spobs
370b1 par 'gyur ro/ /rten cing 'brel par 'byung ba rtogs pas zab mo la spobs par 'gyur ro/ /sbyin pa sna tshogs bsags pas sna tshogs la spobs par 'gyur ro/ /chung ma legs par
370b2 brgyan te rab tu byin pas legs par brgyan pa'i spobs par 'gyur ro/ /byang chub kyi sems las mi nyams pas zhum pa med pa'i spobs par 'gyur ro/ /tshul khrims kyi phung po legs
370b3 par kun tu bsrungs pas 'jigs pa med pa'i spobs par 'gyur ro/ /gdugs dang / rgyal mtshan dang / ba dan dang / dril bu sna tshogs byin pas tshigs su bcad pa sna tshogs
370b4 bstan pa nges pa'i tshig la spobs par 'gyur ro/ /sbyin pa dang ldan pa dang / rim gro byed pa dang / bsnyen bkur byed pa sngon du 'gro bas mdo dang / rtogs pa brjod pa dang / sngon byung
370b5 ba la spobs par 'gyur ro/ /sdug bsngal ba dang / dbul ba dang / mgon med pa la mi brnyas pas mi thul ba'i spobs par 'gyur ro/ /gter mi zad pa sbyin pa dang / pha rol chos
370b6 la sbyor bas tshig rab tu dbye ba bstan pa mi zad pa la spobs par 'gyur ro/ /tshig bden pa dang / tha ba med pa dang / ngag rtsub po med pa'i ngag gi las dang ldan pas spobs pa
370b7 shin tu gsal zhing mdzes par 'gyur ro/ /bla ma'i tshig khyad du mi gsong pa dang / gzhan gyi tshig mi gcod pas tshig btsun zhing gzung ba'i spobs par 'gyur ro/ /rang gi yon
371a1 tan gyi chos sgrub pas chos bstan pa 'bras bu yod pa'i spobs par 'gyur ro/ /bdag la mi bstod pa dang / gzhan la mi smod pa dang / phangs pa'i dngos po
371a2 yongs su gtong ba lha'i 'khor gyi rgyan gyi spobs par 'gyur ro/ /chos la slob dpon gyi dpe mkhyud med pa dang / chos ji ltar thos pa bzhin du ston pas the tshom thams cad gcod
371a3 pa'i spobs par 'gyur ro/ /bstan bcos thams cad shes pa dang / gzhan la mi gnod pa dang / nad pa rnams kyi nad g.yog byed pa dang / sman rab tu sbyin pas 'jig
371a4 rten pa dang / 'jig rten las 'das pa'i chos thams cad la spobs par 'gyur ro/ /pha rol la 'khrul pa'i skabs mi tshol ba dang / gzhan dag gi ltung ba mi gleng ba dang / 'khrul
371a5 pa la mi rtog pas 'khrul pa med pa'i spobs par 'gyur ro/ /sems can thams cad la sems snyoms pa dang / sems can thams cad la mtshungs par sbyor ba dang / mya ngan
371a6 las 'das pa'i lam la 'god pa dang / rnyed pa dang / bkur sti dang / tshigs su bcad pa thams cad don du mi gnyer bas 'khor la byams pa dang / snying rje dang / dga' ba
371a7 dang / btang snyoms kyi spobs bar 'gyur ro/ /bka' blo bde ba dang / des pa dang / ji skad smras pa de bzhin byed pa dang / sems dga' ba dang / gzhan gyi rgyud 'khrug par
371b1 mi byed pas skye ba dran pa'i mngon par shes pa'i spobs par 'gyur ro/ /theg pa chen po las mi nyams pa dang / theg pa dman pa mi 'dod pa dang / sems can la snying rje che ba dang /
371b2 thams cad nan tan la 'god pas sangs rgyas kyi byin gyi rlabs kyis byin gyis brlabs pa'i spobs par 'gyur ro/ /sems can gzhan la go bar byed pas de'i phyir spobs pa zhes
371b3 bya'o| |sems can gzhan la nan tan du bya ba ston pas de'i phyir spobs pa zhes bya'o/ /gzhan gyi sems kyi rgyud tshim par byed pas de'i phyir spobs pa zhes bya'o/ /sems can gzhan
371b4 gyi sems pa dang mthun par ston pas de'i phyir spobs pa zhes bya'o/ /rigs kyi bu/ chos dang / yon tan dang / ye shes de lta bu dang ldan pa'i byang chub sems dpa' ni/ spobs pa
371b5 thogs pa med cing rgyun mi chad la/ rtag tu sangs rgyas kyi byin gyis rlabs kyis byin gyis brlabs pa yin no/ /rigs kyi bu/ de la ji ltar na/ byang chub sems dpa' skye ba dang /
371b6 'chi 'pho dang / 'byung ba rnams la dbang thob pa yin zhe na/ rigs kyi bu/ chos bcu gnyis dang ldan na/ byang chub sems dpa' skye ba dang / 'chi 'pho ba dang / 'byung ba rnams la
371b7 dbang thob pa yin te/ bcu gnyis gang zhe na/ 'di lta ste/ sdig pa'i gogs po yongs su spangs shing rtag tu dge ba'i ba shes gnyen bsten pa dang / lta ba shin tu yongs su dag pa
372a1 dang / sangs rgyas kyis gnang ba'i tshul khrims kyi phung po yongs su dag pa dang / ting nge 'dzin dang / snyoms par 'jug pa dang ldan pa shes pa dang / shes
372a2 rab dang thabs zung du 'brel ba dang / mngon par shes pa ma nyams pa thob pa dang / ma skyes pa dang / ma byung par so sor rtog pa dang / bsam bzhin du skye ba dang / smon lam
372a3 yongs su rdzogs pa dang / sems can la lta ba'i byams pa la sbyor ba dang / snying rje chen po la nges par sems pa dang / chos la sgyu ma lta bur rtog pa dang / 'chi 'pho med par
372a4 'pho zhing skye ba dang / chos kyi mtshan nyid rmi lam gyi ngo bo nyid kyis chos la 'jug pa dang / phyin ci log gi chos la yang dag pa ji lta ba bzhin du rtog pa dang / sangs rgyas bcom
372a5 ldan 'das rnams kyis byin gyis brlabs pa nas skye ste 'pho zhing 'byung ba skye ba dang / 'pho ba dang / 'byung bar yang mi sems pa'o/ /rigs kyi bu/ byang chub sems dpa'
372a6 gang dang gang du skyes nas sems can gyi don byed pa'i skyes pa'i rabs bstan pa tshad med grangs med pa'i skyes pa'i rabs de dag thams cad ni/ rtsa ba gnyis la gnas pa ste/
372a7 'di lta ste/ mngon par shes pa'i ye shes la gnas pa drang / snying rje chen po'i rtsa ba la gnas pa'o/ /rigs kyi bu/ de ltar na/ byang chub sems dpa' skye ba dang / 'chi 'pho dang /
372b1 'byung ba rnams la dbang thob pa yin no/ /rigs kyi bu/ de la ji ltar na/ byang chub sems dpa' bdud bzhi'i lam las yang dag par 'das shing bdud dang / phyir rgol ba thams cad
372b2 yang dag par bcom pa yin zhe na/ rigs kyi bu/ 'di la byang chub sems dpa' chos thams cad sgyu ma lta bur shes shing rtogs pas phung po'i bdud las yang dag par 'da'o/ /ji
372b3 ltar thos pa'i chos la tshul bzhin so sor rtog pas nyon mongs pa'i bdud las yang dag par 'da'o/ /rtan cing 'brel bar 'byung ba rtogs pas 'chi bdag gi bdud las yang dag
372b4 par 'da'o/ /byang chub kyi sems mi nyams pas lha'i bu'i bdud las yang dag par 'da'o/ /yang des bdud kyi las rnams bcom pa yin te/ des bdud kyi las rnams bcom pa
372b5 gang zhe na/ gang dag gis byang chub sems dpa' la bdud kyis glags mi rnyed pa ste/ theg pa dman pa 'dod pa bdud kyi las dang / byang chub kyi sems mi srung ba bdud kyi las
372b6 dang / sems can tha dad par sbyin pa bdud kyi las dang / skye ba la gnas pa'i tshul khrims bdud kyi las dang / de bzhin du sbyar te gzugs su bsngos pa'i bzod pa dang / 'jig
372b7 rten gyi bya ba la brtson pa'i brtson 'grus dang / de la chags shing ro myang ba'i bsam gtan dang / shes rab kyi chos ngan pa la smod pa bdud kyi las dang / 'khor bas yongs su
373a1 skyo ba bdud kyi las dang / dge ba'i rtsa ba yongs su mi bsngo ba bdud kyi las dang / nyon mongs pa la mi smod pa bdud kyi las dang / ltung ba 'chab pa bdud kyi
373a2 las dang / byang chub sems dpa' la sdang ba bdud kyi las dang / dam pa'i chos spong ba bdud kyi las dang / byams pa rgyun gcod pa bdud kyi las dang / pha rol tu phyin pa rnams
373a3 yongs su mi tshol ba bdud kyi las dang / dam pa'i chos mnyan par mi 'dod pa bdud kyi las dang / chos la slob dpon gyi dpe mkhyud byed pa bdud kyi las dang / zang zing dang
373a4 'brel par chos ston pa bdud kyi las dang / thabs dang bral bas sems can yongs su smin par byed pa bdud kyi las dang / bsdu ba'i dngos po 'dor ba bdud kyi las dang /
373a5 tshul khrims 'chal pa rnams la khong khro ba bdud kyi las dang / tshul khrims dang ldan pa rnams la mi gus pa bdud kyi las dang / nyan thos kyi bslab pa'i rjes su mthun pa bdud kyi
373a6 las dang / rang sangs rgyas kyi theg pa can gyi rjes su 'jug pa bdud kyi las dang / dus ma yin par sgrub 'dod pa bdud kyi las dang / snying rje chen po bor nas rigs la rtog pa bdud
373a7 kyi las dang / 'dus ma byas 'dod pa bdud kyi las dang / 'dus byas la smod pa bdud kyi las dang / sems sems can gyi ci bya'o cog la g.yel ba bdud kyi las dang / nga rgyal
373b1 la gnas shing mi 'dud pa dang / lce gnyis smra ba dang / g.yo sgyu dang ldan pa dang / bcos ma la dga' ba dang / mi drang ba dang / rtsub cing brlang ba dang / sdig pa la mi smod pa dang / chos kyi
373b2 drungs 'byin pa dang / thob pa cung zad kyis chog par 'dzin pa dang / chos ma yin pa don du gnyer ba dang / chos ma yin pa 'dod pa dang / sgrib pa dang / chod pa dang / kun nas ldang ba rnam
373b3 par mi gnon pa bdud kyi las dang / sems kyi dri ma mi rtog pa bdud kyi las dang / dge sbyong gi dri ma la mi mjed pa bdud kyi las te/ rigs kyi bu/ ji cam du mi dge ba'i chos la 'jug pa
373b4 dang / dge ba'i chos 'dor ba de thams cad ni/ bdud kyi las so/ /chos bzhis ni/ bdud kyi las 'di dag las shin tu 'da' ste/ bzhi gang zhe na/ 'di lta ste/ byang chub kyi sems ma
373b5 brjed pa'i pha rol tu phyin pa drug po dag dang / dad pa dang brtson 'grus la gnas pa'i bag yod pa dang / thabs la mkhas pa la gnas te sems can yongs su smin par byed pa dang / chos
373b6 kyi tshul zab mo la gnas te dam pa'i chos yongs su 'dzin pas so/ /rigs kyi bu/ de ltar chos la sbyor ba'i byang chub sems dpa' ni/ bdud bzhi'i lam las yang dag par 'das
373b7 shing bdud dang phyir rgol ba thams cad bcom pa yin no/ /rigs kyi bu/ de la ji ltar na/ byang chub sems dpa' bsod nams tshad med pa bsags shing sems can thams
374a1 cad 'tsho bar gyur pa yin zhe na/ rigs kyi bu/ 'di la byang chub sems dpa' ni/ sems can rnams la byams pas gnas pa yin/ /'byung po rnams
374a2 la snying rje bar gnas pa yin/ bsam gtan rnams la de la ma chags par gnas pa yin/ slong ba rnams la bdog pa thams cad yongs su gtong ba yin/ bsod nams
374a3 dag gis longs spyod mthun pa yin/ bsam pa dag pas lag na rin po che yin/ mtho dman gyi yid med pas sems dang mtshungs pa yin/ tshul khrims yongs su dag pas bsam
374a4 pa 'byor ba yin/ mchod sbyin thams cad sgrub pas sems grol zhing sgo bsgribs pa med pa yin/ chos rnam par 'byed pas gzungs dang spobs pa phun sum tshogs pa yin/
374a5 sangs rgyas kyi zhing tshad med par 'gro bas mngon par shes pa'i ye shes la gnas pa yin no/ /ji ltar phyi rol gyi 'byung ba chen po bzhi po 'di dag sems can thams cad kyi
374a6 'tsho bar gyur pa de bzhin du bdag gi nang gi 'byung ba chen po bzhi po 'di dag kyang sems can thams cad kyi 'tsho bar gyur cig /bdag gi dge ba'i rtsa ba dang / chos shes pa la
374a7 mkhas pa gang yin pa de sems can thams cad kyi 'tsho ba ma yin par ma gyur cig /ces de ltar dge ba'i rtsa ba rnams kyang yongs su bsngo ste/ de ltar na/ byang chub sems dpa'
374b1 bsod nams tshad med pa bsags shing sems can thams cad kyi 'tsho bar gyur pa yin no/ /rigs kyi bu/ de la ji ltar na/ byang chub sems dpa' sangs rgyas rnams ma byung yang sangs
374b2 rgyas kyi mdzad pas sems can rnams la nye bar gnas pa yin zhe na/ rigs kyi bu/ 'di la byang chub sems dpa' ni/ gnas dang gnas ma yin pa'i bya ba shes pas stobs bcu yongs
374b3 su sbyang bar bya ba tshar phyin pa yin no/ /zag pa zad pa'i bya ba shes pas mi 'jigs pa bzhi yongs su sbyang bar bya ba tshar phyin pa yin/ dus gsum la chags pa med pa'i ye shes
374b4 kyi bya ba shes pas sangs rgyas kyi chos ma 'dres pa bco brgyad yongs su sbyang bar bya ba tshar phyin pa yin/ sangs rgyas kyi spyan gyi snang ba thob pas spyan lnga yongs su sbyang bar bya ba tshar
374b5 phyin pa yin/ byang chub kyi snying por 'gro ba thob pas mngon par shes pa thams cad yongs su sbyang bar bya ba tshar phyin pa yin/ /nyon mongs pa'i bag chags yang dag par bcad pas
374b6 dge ba'i chos thams cad yongs su bskang ba tshar phyin pa yin/ bsod nams kyi tshogs thams cad bsags pas lus dang / ngag dang / sems dang / mtshan dang / dpe byad bzang po'i
374b7 rgyan yongs su sbyang bar bya ba tshar phyin pa yin/ dbang bskur ba thob pas sa bcu yongs su sbyang bar bya ba tshar phyin pa yin/ ye shes kyi tshogs bsags pas sangs rgyas kyi chos
375a1 thams cad yongs su sbyang bar bya ba tshar phyin pa yin te/ rigs kyi bu/ de ltar na/ byang chub sems dpa' sangs rgyas rnams ma byung yang sangs rgyas kyi
375a2 mdzad pas sems can rnams la nye bar gnas pa yin no/ /rigs kyi bu/ de la ji ltar na/ byang chub sems dpa' rgya mtsho'i phyag rgya'i ting nge 'dzin thob cing sems can thams cad
375a3 kyi sems dang / spyod pa la mi chags pa yin zhe na/ rigs kyi bu/ 'di lta ste/ dper na/ dzam+bu'i gling na sems can rnams kyi gzugs snang ba ji snyed pa dag thams cad dang 'dra
375a4 ba'i phyag rgya rgya mtsho chen po la yod do/ /de'i phyir rgya mtsho chen po zhes bya'o/ /de bzhin du sems can thams cad kyi sems su snang ba'am/ gzugs su snang ba'am/ sgrar snang
375a5 ba ji snyed pa de dag thams cad rgya mtsho'i phyag rgya'i ting nge 'dzin la gnas pa'i byang chub sems dpa'i sems kyi snang ba gcig la snang bar 'gyur te/ de'i phyir rgya mtsho'i phyag rgya'i
375a6 ting nge 'dzin ces bya'o/ /'di lta ste/ dper na/ rgya mtsho chen po ni/ ro gcig pa yin no/ /de bzhin du byang chub sems dpa' yang chos la rnam par grol ba'i ror shes pas ro
375a7 gcig pa yin no/ /'di lta ste/ dper na/ rgya mtsho chen po ni/ dus las mi yol ba yin no/ /de bzhin du byang chub sems dpa' yang dus dang dus ma yin pa la so sar rtog
375b1 pas byang chub kyi snying po'i dus las mi yol lo/ /'di lta ste/ dper na/ rgya mtsho chen po ni/ shi ba'i ro dang lhan cig mi gnas so/ /de bzhin du byang chub sems dpa' yang bag chags
375b2 kyi nyon mongs pa thams cad dang / nyan thos dang / rang sangs rgyas kyi sems thams cad dang lhan cig mi gnas so/ /'di lta ste/ dper na/ rgya mtsho chen po ni/ chu thams cad zad pas bri
375b3 ba'am| gang ba med do/ /de bzhin du byang chub sems dpa' yang chos thams cad zad pas chos kyi dbyings bri ba'am/ gang bar mi byed do/ /'di lta ste/ dper na/ rgya mtsho chen po ni/
375b4 kha tshon tshad med do/ /de bzhin du byang chub sems dpa' yang shes rab kyis tshad med do/ /'di lta ste/ dper na/ rgya mtsho chen po ni/ zab cing gting dpag dka' ba yin no/ /de bzhin
375b5 du byang chub sems dpa' yang zab cing nyan thos dang / rang sangs rgyas thams cad kyis gting dpag dka' ba yin no/ /'di lta ste/ dper na/ rgya mtsho chen po ni/ sems can tshad
375b6 med pa'i gnas yin no/ /de bzhin du byang chub sems dpa' yang sems can yongs su smin par bya ba tshad med pa'i gnas yin no/ /'di ni/ rgya mtsho'i phyag rgya'i ting nge 'dzin
375b7 la 'jug pa yin te/ rigs kyi bu/ de ltar zhugs pa'i byang chub sems dpa' ni/ sems can thams cad kyi sems dang / spyod pa la mi chags pa yin no/ /rigs kyi bu/ de
376a1 la ji ltar na/ byang chub sems dpa' chags pa thams cad las yang dag par 'das pa yin zhe na/ chags pa zhes bya ba ni/ gang chos rnams la lta ba
376a2 kun nas ldang ba'o/ /byang chub sems dpa' ni/ lta ba kun nas ldang ba thams cad dang bral bas chags pa thams cad las yang dag par 'das pa yin no/ /'di lta ste/ dper
376a3 na| rlung mar ni/ nam mkha'i dkyil na mi chags so/ /de bzhin du byang chub sems dpa' rlung mar lta bu'i sems dang ldan pa'ang sems can thams cad la mi chags so/ /
376a4 yang skyes bu dam pa de dag ni/ spyod pa dang / cho ga'i tshul shes pa yin te/ de la cho ga ni/ dran pa'o/ /spyod pa ni/ rnam par mi g.yeng ba'o/ /de dag ni/ mun pa dang bral zhing
376a5 snang ba thob pa'ang yin te/ de la mun pa zhes bya ba ni/ gang chos rnams la mi shes pa'o/ /snang ba zhes bya ba ni/ gang chos rnams la ye shes thogs pa med pa ste/ de'i phyir de
376a6 dag mun pa dang bral zhing snang ba thob pa zhes bya'o/ /skyes bu dam pa de dag ni/ ye shes gzhan gyi dring la mi 'jog cing rang gi ye shes thob pa yin te/ de ci'i phyir zhe na/ de dag
376a7 rang byung gi ye shes la mngon par gnas shing sems can gzhan ye shes 'dod par byed pa yin no/ /gang gi tshe byang chub sems dpa' chos gtan la 'bebs pa'i ye shes
376b1 bstan pa 'di la gzhan gyi dring la mi 'jog cing rang gi ye shes thob par gyur pa de'i tshe myur du thams cad mkhyen pa'i ye shes thob par 'gyur ro/ /de nas bcom ldan 'das kyis de'i tshe tshig
376b2 su bcad pa 'di dag gsungs so/ /gang zhig lta ba kun las sems dben zhing / /mkhas pa bsod nams tshogs ni rab byed la/ /mtshan ma ldan pa yongs su spangs nas su/ /byang chub phyir
376b3 bsngos de ni zad mi 'gyur/ /nga rgyal las kyang nga rgyal kun spangs nas/ /de ni ye shes tshogs rnams tshol bar byed/ /mtha' yas blo ldan nam mkha'i ngo bo nyid/ /kun mkhyen ye shes
376b4 yongs su rdzogs par byed/ /rgyal ba'i sras de sangs rgyas rjes dran pa/ /gzugs dang mtshan gyi chos su ma yin te/ /gang na sems dang yid ni mi rgyub/ /de ni mthun par sangs rgyas rjes
376b5 su dran| |chos ni 'dod chags bral zhing rang bzhin dben/ /zhi zhing rab zhi rtag tu mtshan ma med/ /gang zhig dmigs pa thams cad bral gyur pa/ /de 'dir chos ni rjes su dran pa
376b6 yin| |'phags pa'i dge 'dun shin tu 'dus ma byas/ /stong pa mtshan med smon las rnam par grol/ /de la sems med dran dang 'jug pa med/ /de ni dge 'dun rjes su dran pa yin/ /phung
376b7 po yongs su btang ba thams cad gtong / /nyon mongs dngos po thams cad legs par 'dor/ /snyems pa med cing rtog dang rnam rtog dag /'di ni gtong ba legs par rjes su dran/ /
377a1 tshul khrims zag pa med cing 'dus ma byas/ /lus dang ngag dang yid kyis 'jug pa med/ /'byung ba med cing srid gsum mi gnas pa/ /de ni tshul khrims
377a2 rjes su dran pa yin/ /lha gang dag cing dri med nyon mongs med/ /dga' ldan gnas pa dbang bskur thob gyur ba/ /sems can dag pa de dag 'di dran zhing / /bdag kyang myur du de
377a3 'drar 'gyur snyam sems/ /de bzhin gshegs kyi dam chos 'dzin pa ni/ /nyon mongs dngos po thams cad 'dzin mi byed/ /chos dang chos min gnyis las rnam par grol/ /de
377a4 'dra de ni rgyal ba'i chos 'dzin yin/ /rgyal bas byang chub mtshan nyid gang bsnyes pa/ /chos kyi mtshan nyid de ni yongs 'dzin cing / /gang gis rdul med mtha' 'dir rab shes
377a5 pa| |de ni sangs rgyas kun gyi chos 'dzin yin/ /bdag ni rab tu dag pas sems can dag /chos kun dag par mkhas pa sus rtogs pa/ /de ni sems dag rang bzhin 'od gsal
377a6 te| |sems can btang phyir rtag tu yongs smin byed/ /sems can khams rnams ma rung mi byed cing / /de ni bri zhing gang bar mthong ba med/ /lta ba nor pa rab tu spang bar ston/ /
377a7 de 'dra de ni sems can mang po spyod/ /'jig rten yul kun rab tu gang ston pa/ /des ni sangs rgyas yul yang rab tu ston/ /sangs rgyas yul ni nam mkha' mtshungs pa ste/ /
377b1 de bzhin 'jig rten yul yang rab tu shes/ /sgra skad dbyangs dang yi ge thams cad ni/ /brag ca 'dra bar de yis rab mthong zhing / /de la nyan pa'ang shin tu yod min par/ /de ltar rab
377b2 tu shes pa gzungs thob bo/ /kun tu 'dzin dang 'dzin cing klog pa dang / chos rnams bstan pa'i rnam pa rab bshad kyi/ /bdag dang sems can chos su rlom sems med/ /de ni gzungs
377b3 la rab tu gnas pa yin/ /rgyal ba kun gyis gsungs pa 'dzin byed cing / /legs par gsungs pas sems can tshim byed pa/ /dran dang ting nge 'dzin dang bral mi 'gyur/ /gzungs la
377b4 nges pa'i yon tan 'di dag go /chos ni rnam pa kun tu bsags med pas/ /chos la mi 'phro 'phros pa med pa'ang min| /dper na klu ni char rgyun 'bebs pa ltar/ /de ltar de yang
377b5 chos kyi char pa 'bebs/ /yon tan 'byung gnas rnams kyi spobs pa ni/ /thogs med rgyun chags rgyun chad mi 'gyur par/ /mdo sde stong phrag bye ba rab tu 'chad/ /sems can dbang
377b6 po sems can 'du shes med/ /sangs rgyas mthu yis bskal pa bye stong du/ /rgyun mi chad par chos ni rab ston cing / /bsam pa ji bzhin sems can tshim par byed/ /spobs pa'i
377b7 tshul gyis sangs rgyas yon tan gnas/ /chos 'di thams cad nam mkha' 'dra ba bzhes/ /gang gis chos rnams kun gyi tshul shes la/ /sems can srog dang gang zag mi
378a1 'dzin pa/ /de ni rgyal pa rnams kyi dam chos 'dzin/ /sems can thams cad shin tu mya ngan 'das/ /de dag de ltar kun tu skye ba med/ /su yi bzod pa 'di
378a2 'dra'i 'od gsal ba/ /de ni bstan pa 'di la bag yod yin/ /phung po yang dag sgyu ma lta bur mthong / /chos dbyings ji 'dra de bzhin khams rnams shes/ /dbang po drug ni grong
378a3 stong 'dra mthong ba/ /de ni phung po'i bdud las yang dag 'da'/ /sprin brtsegs phung po lta bur nyon mongs rnams/ /bag yod tshul bzhin rab tu rtog byed cing / chos la mi rtog
378a4 rnam par mi rtog pa/ de ni nyon mongs bdud las yang dag 'da'/ /gang zag skye ba rtag tu skye med shes/ /'di la gang yang 'pho med 'gro ba med/ /chos rnams 'od med song ba med
378a5 shes pa| |de ni 'chi bdag bdud kyi dbang mi 'gro /gang zhig g.yo dang rlom sems mi byed cing / /byang chub gnas kyang byang chub 'du shes med/ /bdag dang sems can med kyang
378a6 snying rje 'jug /de ni dpung dang bcas pa'i bdud 'dul lo/ /rnam shes ye shes gnyis ni mnyam par mthong / /'dus byas mi gnas 'dus ma byas la min/ /'gro ba'i sems ni
378a7 sgyu ma 'drar mthong ba/ /de ni sems dpa'i rdzi ba med pa yin/ /pha rol tshu rol gang la'ang mi chags la/ /chos ldan gru ni yang dag su sbyor zhing / /sems can sgrol yang sems
378b1 can 'du shes med/ /mnyam pa zhes bya byang chub sems dpa' de/ /srid pa gsum po 'brog dgon 'dra ba dang / /stong pa 'gyur ba med par rab shes shing / /lam gyi rim gyis rtag tu sems
378b2 can sgrol/ /de ni ded dpon bdud rtsi lam ston pa/ /mdzangs pa de ni tshul dang tshul min mkhas/ /chos rnams gdod nas stong par rab tu shes/ /tshul dang rigs pa mya ngan 'das la mdzud/
378b3 byang chub sems dpa' de ni 'dren ces bya/ /sems kyi rgyud ni gzhan dang gzhan du 'gyur/ /sems ni sems la nam yang mtshams mi sbyor/ /'gro ba'i sems rgyud de dag rab shes
378b4 pa| |byang chub sems dpa' yongs su 'dren ces bya/ /nam mkha'i ngo bo nyid dang chu zla ltar/ /chos rnams thams cad dag cing rnam dag ces/ /nyon mongs kun dang 'dre bar mi byed
378b5 pa| |sems can dag pa de ni ma smad pa/ /gang zhig chos gcig gis ni chos rnams kun/ /sgyu ma mig rgyu 'dra bar gzung med dang / /gsog dang rdzun dang rtag pa med par shes/ /de ni
378b6 byang chub snying por myur du 'gro /chos gtan la 'bebs pa bstan pa 'di bshad pa na lha dang / mi dang / lha ma yin dang / mi 'am ci dang / lto 'phye chen po'i srog chags khrag khrig
378b7 phrag bdun cu rtsa gnyis bla na med pa yang dag par rdzogs pa'i byang chub tu sems bskyed do/ /byang chub sems dpa' sum khri nyis stong ni/ mi skye ba'i chos la bzod pa thob par gyur
379a1 to| |stong gsum gyi stong chen po'i 'jig rten gyi khams 'di'ang rnam pa drug tu rab tu g.yos so/ /snang ba chen pos kyang 'jig rten gyi khams khyab par gyur
379a2 to| |lha brgya stong dag kyang me tog gi char rab tu 'bebs shing sil snyan dag kyang dkrol nas 'di skad ces gang dag bstan pa 'di thos nas mos pa dang / 'dzin pa dang / nan tan
379a3 byed pa'i sems can de dag ni/ sangs rgyas kyi yul du rjes su dong ba yin no/ /gang du sangs rgyas bcom ldan 'das rnams 'byung ba'i sangs rgyas kyi zhing 'di thams cad mkhas
379a4 pa rnams kyis rgyan gyis legs par brgyan pa byas te phyag bya'o/ /de ci'i phyir zhe na/ sangs rgyas byung bar gyur na chos 'di lta bu 'di rab tu ston par 'gyur ro/ /skyes bu dam pa
379a5 bsam gyis mi khyab pa'i chos dang ldan pa 'di dag kyang mthong bar 'gyur ro/ /zhes ched du brjod pa ched du brjod do/ /de nas bcom ldan 'das kyis zhus pa lung bstan
379a6 pas byang chub sems dpa' sems dpa' chen po nam mkha' mdzod mngon du rangs par mdzad pas mu tig gi dra ba 'od dri ma med cing rnam par dag pa stong gsum yongs su
379a7 gang ba ri ba bcom ldan 'das kyi sku la mngon bar gsol nas bcom ldan 'das la 'di skad ces gsol to/ /sangs rgyas bcom ldan 'das rnams kyi ye shes ni/ chags pa
379b1 mi mnga' zhing sgrib pa mi mnga' ba bstan pa 'di ni/ rgyun mi chad pa/ de bzhin gshegs pa ni/ sems can thams cad kyi sems la gzigs shing dbang po mchog dang mchog ma yin pa
379b2 mkhyen pa'i ye shes la mkhas pa'o/ /bcom ldan 'das kyis 'di 'dra ba'i chos kyi tshul gyi rnam pa bstan pa des 'khor thams cad kyi sems tshim par gyur to/ /theg pa chen po 'di 'ang
379b3 rgyas par brjod pa mdzad par gyur to/ /phyogs bcu'i 'jig rten gyi khams nas 'dus pa'i byang chub sems dpa' 'di dag la'ang chos kyi snang ba chen pos rgyas par mdzad par gyur to/ /bcom
379b4 ldan 'das/ de bzhin gshegs pas bdag la'ang chos 'byung ba'i sgo bstan pas des chos 'byung ba'i sgo tshad ma mchis pa bstan par bgyi'o/ /'phags pa nam mkha' mdzod kyis
379b5 zhus pa| |bam po bzhi pa/ de nas byang chub sems dpa' sems dpa' chen po myur ba spobs pa zhes bya ba 'khor de nyid du 'dus par gyur te 'dug pa des byang
379b6 chub sems dpa' nam mkha' mdzod la 'di skad ces smras so/ /rigs kyi bu/ gang khyod kyi ming nam mkha' mdzod ces bya ba de/ ci nam mkha' khyod kyi mdzod dam/ smras pa/ rigs
379b7 kyi bu| de bzhin te/ nam mkha' ni/ kho bo'i mdzod do/ /myur bar spobs pas smras pa/ rigs kyi bu/ nam mkha'i mdzod kyi bye brag bdag cag gis kyang blta'o/ /de nas bcom ldan
380a1 'das kyis byang chub sems dpa' nam mkha' mdzod la bka' stsal pa/ rigs kyi bu/ khyod kyis nam mkha' mdzod kyi khyad par ston cig /de nas byang
380a2 chub sems dpa' nam mkha' mdzod kyis byang chub sems dpa' myur bar spobs pa la 'di skad ces smras so/ /rigs kyi bu/ khyod kyi yid la gang 'dod pa de kho bos nam mkha'
380a3 las char dbab bo/ /de nas byang chub sems dpa' myur bar spobs pa 'di snyam du sems te| de bzhin gshegs pa rin po che ut+pa la'i dpal gyi 'jig rten gyi khams pad+ma
380a4 bkod pa zhes bya ba na 'od thams cad rnam par snang ba zhes bya ba'i pad+ma rgya ni/ rgyang grags kyi tshad/ 'dab ma bye ba stong phrag mang po 'jam zhing gzhon pa/ gos ka tsa lin+di ka
380a5 ltar reg na bde ba/ dris ni/ sangs rgyas kyi zhing khyab pa/ kha dog mang po brgya stong dang ldan pa/ mthong na yid du 'ong zhing chog mi shes pa/ pad+ma de mthong ba dang dri ma
380a6 snams pas byang chub sems dpa' de dag ting nge 'dzin thob par 'gyur ba de bdag gis mthong ste/ 'khor 'dir de 'dra ba'i pad+ma'i char phob cig snyam pa dang / byang chub sems
380a7 dpa' myur bar spobs pas bsam ma thag tu de nas byang chub sems dpa' nam mkha' mdzod kyi byin gyi rlabs kyis nam mkha'i ngos las de 'dra ba'i pad+ma'i char mngon par
380b1 phab ste/ de nas 'khor de dag thams cad pad+ma de dag gi dri mthong zhing tshor bas dga' ba'i zas zhes bya ba'i ting nge 'dzin la snyoms par zhugs so/ /'khor de thams cad ting nge 'dzin las
380b2 langs te byang chub sems dpa' nam mkha' mdzod la phyag btsal nas 'di skad ces 'jer to/ /skyes bu dam pa'i byin gyi rlabs dang / ye shes kyi stobs legs so legs so/ /sems
380b3 can thams cad kyang 'di 'dra ba'i byin gyi rlabs thob par gyur cig /de nas byang chub sems dpa' rin chen po bkod pa zhes bya ba 'dus par gyur te 'dug pa des byang chub sems dpa'
380b4 nam mkha' mdzod la 'di skad ces smras so/ /rigs kyi bu/ khyod kyis nam mkha' las gser phye'i char phob cig /byang chub sems dpa' rin chen bkod pas tshig de skad ces
380b5 smras ma thag tu de'i mod la nam mkha' las gser phye'i char mngon par phab bo/ /de nas byang chub sems dpa' rin chen bkod pas byang chub sems dpa' nam mkha' mdzod la
380b6 'di skad ces smras so/ /rigs kyi bu/ khyod kyis nam mkha' las rin po che thams cad kyi char phob cig /tshig de skad ces smras ma thag tu de'i mod la phyogs bcu nas ri rab kyi tshad
380b7 tsam gyi rin po che grangs med/ dpag tu med pa/ ming tha dad pa/ kha dog tha dad yod pa de dag gi char chen po mngon par phab pa 'di lta ste/ gser dang / dngul dang / shel dang /
381a1 bai DUR+ya dang / rdo'i snying po dang / mu tig dmar po dang / spug dang / dpal gyi snying po'i ze ba can dang / dri med dang / rin chen byu ru dang / zla ba'i 'od
381a2 dang / me shel dang / snang byed dang / 'od mchog dang / 'dzam gling me 'od dang / dung dang / man shel dang / byu ru dang / an+da rnyil dang / yon tan 'byung gnas dang /
381a3 rab tu zhi ba'i 'od dang / chu 'od dang / chu mdog dang / chu dang bar byed dang / sa'i 'od dang / mi phyed pa'i gnas dang / mig mi bzod pa dang / brgya byin thogs pa dang / rgyal
381a4 ba dang / cher rgyal ba dang / gzi brjid 'bar ba dang / dpal gyi snying po'i rgyal po dang / rdo rje'i ze ba can dang / 'jig rten snang ba dang / skar ma dga' dang / 'od 'dzin dang / zla gam
381a5 dang / dzam+bu'i chu 'od dang / dzam+bu'i gling gi 'od dang / 'od stong ldan dang / skar mda'i sgo dang / me'i 'od dang / rgyal bas brgyan pa dang / tsha ba zhi byed dang / gdung ba med
381a6 dang / nad sel dang / mig spyod dang / rna ba dang / sna dang / lce dang / lus dang / yid sbyong dang / yan lag rnam par snang ba dang / rnam par snang ba'i 'od dang / 'od sngon po
381a7 dang / 'od ser po dang / dkar po dang / shel gyi kha dog dang / rin po che'i dra ba dang / rin po che thams cad yang dag par bsdus pa dang / ming de lta bu dang / ming de ma yin pa'i
381b1 rin po che'i char rab tu phab ste/ nor bu rin po che de dag gi ming bskal par yang zad par sla ba ma yin no/ /de nas byang chub sems dpa' dus kyi rgyal po zhes bya ba des byang chub sems
381b2 dpa' nam mkha' mdzod la 'di skad ces smras so/ /rigs kyi bu/ mi mjed kyi 'jig rten gyi khams 'di na sems can sdug bsngal zhing dbul ba/ zas dang skom med pa/ gcer bu
381b3 gos med pa/ gos ral po gyon pa dang / yi dwags rnams bkres shing skom pas yongs su zin pa/ gcer bu rang gi skras yog pa/ mchil ma dang / ngar snabs dang / khrag dang /
381b4 rnag za 'dod pa de lta bu'i sems can de dag bskyab pa'i phyir zas dang / skom dang / gos kyi char khyod kyis phob cig /de nas de ma thag tu byang chub sems dpa' nam mkha' mdzod
381b5 kyi byin gyi rlabs kyis bza' ba dang / bca' ba dang / myang ba dang / bldag pa sna tshogs kyi char rab tu phab ste/ ro brgya dang ldan pa'i khu ba dang / btung ba thams cad kyi char gyi
381b6 rgyun shing rta'i srog shing tsam gyi char mngon par bab bo/ /gos kha dog du ma dang / kha dog tha dad pa dang / kha dog brgya stong du ma dang / phra zhing 'jam pa ka ca lin+di ka ltar reg na bde
381b7 ba'i char rab tu phab ste/ de nas stong gsum gyi stong chen po'i 'jig rten gyi khams na bkren pa dang / dbul po thams cad dang / yi dwags thams cad kun tshim par byas so/ /de nas
382a1 byang chub sems dpa'i sman pa'i rgyal po zhes bya ba des byang chub sems dpa' nam mkha' mdzod la 'di skad ces smras so/ /rigs kyi bu/ sems can
382a2 na ba| g.yog med pa/ nad du mas reg pa yod pa de dag gi don du sman chen po'i char gang gis na ba de dag thams cad nad las yongs su thar bar 'gyur ba phob cig /de nas de ma
382a3 thag tu bar snang las bdud rtsi'i sman gyi char mngon par rab tu phab ste/ des nad thams cad las yongs su thar bar gyur to/ /de nas byang chub sems dpa' ngan song spong zhes
382a4 bya ba des byang chub sems dpa' nam mkha' mdzod la 'di skad ces smras so/ /rigs kyi bu/ khyod kyis ngan song gsum zhi bar gyis shig /de nas de ma thag tu bar snang las
382a5 'od rab tu btang ste sems can dmyal ba ba dang / dud 'gro'i skye gnas pa dang / gshin rje'i 'jig rten pa'i sems can rnams 'od des reg pa de dag thams cad bde ba dang rab
382a6 tu ldan par gyur te ngan song gsum po thams cad rab tu zhi bar gyur te/ 'di ltar sbyin pa yongs su gtong ba la rab tu sbyor ba'i bar du me tog dang / phreng ba dang / spos dang /
382a7 byug pa dang / phye ma dang / chos gos dang / gdugs dang / rgyal mtshan dang / ba dan la sogs pa dang / rol mo sna lnga dang ldan pa dang / glu'i dbyangs dang / bran po dang
382b1 bran mo dang / chung ma dang / khye'u dang / bu mo dang / slas dang / rta dang / bal glang dang / shing rta dang / dpung bu chung dang / bzhon ba dang / khyim dang / grong dang / grong khyer dang /
382b2 grong rdal dang / ljongs dang / yul 'khor dang / rgyal po'i pho brang 'khor dang / skyed mos tshal dang / yang tog dang / khang pa brtsegs pa dang / khang bzang dang / rta babs dang /
382b3 skar khung dang / zla ba kham pa lta bu dang / khri dang / khyogs dang / glang bzhi pa dang / glang bcu drug pa nas rta cang shes stong gis grangs pa dang ldan pa'i shing rta'i bar gyi char bar snang
382b4 las mngon par rab tu bab bo/ /de nas byang chub sems dpa' nam mkha' mdzod kyis de lta bur byin gyis brlabs nas byang chub sems dpa'i tshogs mang po la smras pa/ rigs kyi bu
382b5 dag /'di dag longs la byin cig /yongs su btang bar bgyis te sbyin pa'i pha rol tu phyin pa yongs su rdzogs par gyis shig /de nas byang chub sems dpa' tshul khrims kyi rgyan ces bya ba
382b6 des byang chub sems dpa' nam mkha' mdzod la 'di skad ces smras so/ /rigs kyi bu/ khyod kyis sbyin pa'i pha rol tu phyin pa'i char ni/ phab na/ de yang tshul khrims kyi pha rol tu
382b7 phyin pa'i char phob cig /des tshig de skad ces smras ma thag tu phyogs bcu na sangs rgyas dang / byang chub sems dpa' rnams tshul khrims kyi yon tan gyi rgyan gyi bsngags pa ji snyed
383a1 brjod pa de snyed kyi tshul khrims kyi yon tan bsngags pa'i sgra bar snang las byung ngo / /de bzhin du bzod pa dang / brtson 'grus dang / bsam gtan dang / shes
383a2 rab kyi yon tan gyi sgra'ang ci tsam phyogs bcu na sangs rgyas dang / byang chub sems dpa' rnams yi ge dang / nges pa'i tshig dang / brda dag gis chos kyi sgo brgya stong ston pa'i
383a3 chos kyi sgra de dag thams cad ma chad ma lhag khyad ma zhugs par bar snang las ma lus par rdzogs par byung ngo / /chos kyi sgra nges stong gsum gyi stong chen po'i 'jig rten gyi khams
383a4 thams cad go bar byas so/ /de nas tshad med grangs med pa'i sems can theg pa gsum la yongs su smin par byas par gyur to/ /de nas byang chub sems dpa' kun tu snang ba
383a5 zhes bya ba de 'di snyam du sems so/ /byang chub sems dpa' nam mkha' mdzod kyis bkod pa 'jig rten 'di 'ba' zhig na'am/ 'jig rten gyi khams gzhan dag na'ang yod snyam
383a6 mo| |de nas byang chub sems dpa' nam mkha' mdzod kyis byang chub sems dpa' kun tu snang ba'i sems kyi kun tu rtog pa sems kyis shes so/ /shes nas kyang byang chub sems
383a7 dpa' kun tu snang ba la 'di skad ces smras so/ /rigs kyi bu/ khyod shin tu dri ma med cing shin tu rnam par dag pa'i lha'i mig rnyed na/ rigs kyi bu/ khyod kyis phyogs bcu'i 'jig
383b1 rten gyi khams rnams su ci mthong ltos shig /de nas byang chub sems dpa' kun tu snang bas lha'i mig gis phyogs bcu'i 'jig rten gyi khams rnams su bltas na/ des phyogs bcu'i
383b2 sangs rgyas kyi zhing grangs med dpag tu med pa dag na ji ltar 'jig rten gyi khams 'dir rin po che thams cad kyi char rab tu bab pa dang / chos kyi sgra thams cad grags pa dang / de bzhin
383b3 du sangs rgyas kyi zhing de dag na'ang ma chad ma lhag khyad ma zhugs par 'di lta bu'i bya ba rnams rab tu 'byung ba mthong ngo / /de nas byang chub sems dpa' kun tu snang ba ngo mtshar du gyur
383b4 nas byang chub sems dpa' nam mkha' mdzod kyi smon lam gyi byin rlabs grub pa de ni/ bsam gyis mi khyab ste/ ga lar yang gcig car sangs rgyas kyi zhing thams cad du skyes bu dam pas 'di
383b5 'dra ba'i char mngon par rab tu phab bo/ /zhes ched du brjod pa 'di ched du brjod do/ /de nas sangs rgyas kyi mthu dang / byang chub sems dpa' nam mkha' mdzod kyi byin gyi rlabs kyis thams cad
383b6 dang ldan pa'i 'khor des gang du rin po che'i char dang / chos kyi char rab tu 'bab pa'i sangs rgyas kyi zhing de dag mthong ngo / /yang byang chub sems dpa' nam mkha' mdzod kyis rin po
383b7 che'i char dang / chos kyi char gyi cho 'phrul 'di bstan pas bgrang ba las 'das pa'i sems can rnams byang chub tu sems skyes so/ /de nas rgyal po'i khab nas bud med yugs mo lnga
384a1 brgya byung nas byang chub sems dpa' nam mkha' mdzod ga la ba der dong ste lhags nas byang chub sems dpa' nam mkha' mdzod la 'di skad ces
384a2 smras so| |skyes bu dam pa/ khyod sems can thams cad kyi 'dod pa rdzogs par mdzad na/ bdag cag la'ang khyo stsol cig /de nas de ma thag tu byang chub sems dpa' nam mkha'
384a3 mdzod kyi byin gyi rlabs kyis bud med de dag gi sngon gyi khyo'i kha dog dang / mtshan ma dang / dbyibs ci 'dra ba de lta bu'i skyes bu lnga brgya nam mkha' las babs nas byang chub sems
384a4 dpa' nam mkha' mdzod kyi mdun na 'khod do/ /de nas byang chub sems dpa' nam mkha' mdzod kyis bud med de dag la 'di skad ces smras so/ /sring mo dag /bdag bdag gi khyo ji
384a5 lta ba bzhin du khrid cig /de nas bud med de dag gis ji lta bur rang rang gi khyo gang yin pa khrid nas dga' mgu rangs shing rab tu dga' ste yid bde ba skyes nas rang rang gi khyim
384a6 du dong ngo / /de nas sprul pa'i skyes bu de dag gis zhag bdun du bud med de dag ji ltar bla na med pa yang dag par rdzogs pa'i byang chub sems las phyir mi ldog pa de lta de ltar
384a7 smin par byas so/ /de nas yang bud med lnga brgya po de dag byang chub sems dpa' nam mkha' mdzod kyi thad du lhags nas tshigs su bcad pa dag smras so/ /chos kyi rang bzhin
384b1 stong pa sgyu ma 'dra/ /chos kyi mtshan nyid de ni sngon ma 'tshal/ /de phyir khyod kyis sprul pa'i khyo stsal te/ /bdag cag theg pa'i mchog la des smin bgyis/ /chos 'di thams cad yang dag
384b2 sprul pa ste/ /g.yo ba med cing byed med snga nas stong / /zag med ye shes bdag gis rab rtogs te/ /slan chad nyon mongs dbang du mi mchi'o/ /byang chub mchog gi sems ni bskyed par
384b3 bgyi| |sems can thams cad mgron du gnyer bar bgyi/ /sems can rgya chen khyod kyis phab pa bzhin/ /bdag cag gis kyang chos mchog char pa dbab/ /'dren mchog thub pas de
384b4 dag lung bstan pa/ /khyed cag ma 'ongs dus na 'gyur ba ni/ /spyad pa spyod nas rgyal ba'i dbang po dag /shin tu dul zhes bya ba'i bde gshegs 'gyur/ /yang de'i tshe na mi lnga brgya gsang
384b5 par chad de gsod du khrid pa las de dag gis bar snang las sems can rnams byang chub sems dpa' nam mkha' mdzod ces bya ba gang 'jigs pa'i sems can rnams la mi 'jigs
384b6 pa sbyin pa zhig yod kyi/ de la khyed cag phyag tshol cig dang / gsod pa 'di las thar bar 'gyur ro/ /zhes sgra zhig thos so/ /de nas de dag thams cad shi bas 'jigs skrag pas sgra
384b7 skad gcig tu byang chub sems dpa' sems dpa' chen po nam mkha' mdzod la phyag 'tshal lo/ /zhes tshig de skad ces smras so/ /tshig de skad ces smras ma thag tu skad cig de nyid
385a1 la bar snang las mi lnga brgya babs te/ der lhags nas gshed ma'i mi de dag la 'di skad ces smras so/ /khyed cag gis mi dbul po 'di dag bsad de ci rub/
385a2 nged cag gi gos dang rgyan rnams khyer la nged cag gi srog bcad de mi 'di dag khye zhig /de dag chags pas non pa'i phyir gsod pa'i phyir mi lnga brgya po de dag btang ste sprul pa'i skyes bu de
385a3 dag bsad do/ /de nas mi gsad pa las btang ba de dag gsod pas 'jigs shing skrag pa las dbugs 'byin pa rnyed pas byang chub sems dpa' nam mkha' mdzod ga la ba der dong
385a4 ste lhags nas bcom ldan 'das kyi zhabs la'ang mgo bos phyag btsal/ byang chub sems dpa' nam mkha' mdzod la'ang thal mo sbyar te phyag btsal nas 'di skad ces gsol
385a5 to| |skyes bu dam pa/ khyod kyis bdag cag gi srog dang dbugs 'byin pa rnyed par bgyis na/ bdag cag chos gang la nan tan du bgyis pas bdag la sman pa dang / gzhan la
385a6 sman pa la zhugs par 'gyur ba'i chos bstan pa bdag cag la stsal du gsol/ byang chub sems dpa' nam mkha' mdzod kyis smras pa/ rigs kyi bu/ khyed cag bla na med pa yang
385a7 dag par rdzogs pa'i byang chub tu sems skyed cig dang / 'di ltar khyed rnams bdag la phan pa dang / gzhan la phan par zhugs par 'gyur ro/ /de dag la de skad ces smras
385b1 pa dang / bla na med pa yang dag par rdzogs pa'i byang chub tu sems bskyed do/ /de dag la byang chub sems dpa' nam mkha' mdzod kyis brgya stong ri ba'i ras bcos bu zung gcig byin te/ grogs
385b2 po dag /ras bcos bu zung 'di de bzhin gshegs pa la gsol cig /de dag thams cad kyis ras bcos bu zung de de bzhin gshegs pa'i sku la mngon par gsol te/ de dag thams
385b3 cad bcom ldan 'das kyis bskal pa bgrang pa las 'das pa na byang chub kyi phyogs kyi chos tshul yang dag par bsgrubs nas mi 'jigs pa sbyin pa zhes bya ba'i de bzhin gshegs pa 'jig
385b4 rten du 'byung ngo / /zhes lung bstan to/ /de nas tshe dang ldan pa shA ri'i bus byang chub sems dpa' nam mkha' mdzod la 'di skad ces smras so/ /rigs kyi bu/ khyod kyis gang mi
385b5 skam mi zad mi dengs pa'i nam mkha' la mdzod bzhag nas ji srid lon/ nam mkha' mdzod kyis smras pa/ btsun pa shA ri'i bu/ 'di ji snyam du sems/ ji nam mkha' skam pa'am/
385b6 zad pa yod dam/ dengs par 'gyur ram/ smras pa rigs kyi bu/ de lta ma yin no/ smras pa/ btsun pa shA ri'i bu/ de bzhin du byang chub de ni/ nam mkha' ngo bo nyid kyi mtshan nyid de
385b7 la bdag gi dge ba'i rtsa ba rnams der bsngos pas de bas na/ nam mkha' la mdzod mi skam mi zad mi dengs so/ /yang khyod kyis nam mkha' la mdzod bzhag nas ji srid lon zhes zer ba
386a1 ni| kho bos byang chub tu sems bskyed nas ji srid lon pa de srid do/ /smras pa/ rigs kyi bu/ khyod kyis byang chub tu sems bskyed nas ji srid lon/ smras pa/
386a2 bcom ldan 'das kyi mkhyen pas mkhyen to/ /de nas gnas brtan shA ri'i bus bcom ldan 'das la 'di skad ces gsol to/ /bcom ldan 'das/ byang chub sems dpa' nam mkha'
386a3 mdzod kyis byang chub tu sems bskyed nas ji srid lags/ bcom ldan 'das kyis bka' stsal pa/ shA ri'i bu/ gal te de bzhin gshegs pas gnas 'di bstan na/ lha dang bcas
386a4 pa'i 'jig rten rnams myos par 'gyur ro/ /gsol pa/ bcom ldan 'das/ 'khor 'di na sems can gang rnams rtog pa mang zhing dang par 'gyur pa dang mchis kyi/ bshad du
386a5 gsol| |bcom ldan 'das kyis bka' stsal pa/ shA ri'i bu/ 'di lta ste/ dper na/ gang+gA'i klung gi bye ma snyed kyi 'jig rten gyi khams na gang+gA'i klung gi bye ma ji snyed kyi sangs rgyas
386a6 kyi zhing rdul phra rab kyi rdul snyed kyis yongs su gang bar gyur te/ rdul phra rab kyi rdul de dag ji snyed yod pa de snyed kyi bskal pa brgya stong zhing rdul phra mo gcig bzhag la de lta bur
386a7 bgrang ba dang / mtshan ma bzhag pa de snyed kyi rdul phra mo thams cad ni/ zad par 'gyur gyi/ ji srid nas byang chub sems dpa' nam mkha' mdzod kyis bla na med pa yang dag
386b1 par rdzogs pa'i byang chub tu sems bskyed pa'i bskal pa grangs med pa bye ba khrag khrig brgya stong de dag la zad pa gang yang med do/ /shA ri'i bus gsol pa/ bcom ldan 'das/ gang
386b2 gi thad nas byang chub sems dpa' nam mkha' mdzod kyis dang po byang chub tu sems bskyed pa'i de bzhin gshegs pa de'i mtshan ci zhes bgyi/ bcom ldan 'das kyis bka'
386b3 stsal pa| yang shA ri'i bu/ de'i tshe de'i dus na rin po che bkod pa zhes bya ba'i bskal pa la sangs rgyas kyi zhing thams cad ston pa'i 'jig rten gyi khams su de bzhin gshegs pa
386b4 dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha
386b5 dang mi rnams kyi ston pa sangs rgyas bcom ldan 'das smon lam thams cad las shin tu byung ba rin po che'i gzi brjid 'phags pa'i rgyal po zhes bya ba 'jig rten du byung ste/ yang shA
386b6 ri'i bu/ de bzhin gshegs pa de'i sangs rgyas kyi zhing gi yon tan bkod pa de dag gi tshe'i tshad bskal par gnas kyang bshad par sla ba ma yin no/ /shA ri'i bu/ de bzhin
386b7 gshegs pa de'i 'khor gyi dkyil 'khor ni/ 'jig rten gyi khams stong gi tshad du gyur te/ byang chub sems dpa'i dge 'dun ni/ bgrang ba las 'das pa zhig byung ngo / /
387a1 shA ri'i bu/ de'i dus na 'jig rten gyi khams de na stong gsum gyi 'khor los bsgyur ba'i rgyal po lha thams cad kyis dbang bskur ba zhes bya ba zhig byung ste/
387a2 rin po che'i mdzod bsam gyis mi khyab bo/ /de'i bu rdzus te skyes pa rang gi gzi brjid kyis mngon par grub pa dgu khri drug stong yod do/ /de ci'i phyir zhe na/ sangs rgyas kyi zhing de na
387a3 bud med kyi ming yang med do/ /shA ri'i bu/ de bzhin gshegs pa de'i tshe'i tshad bskal pa stong phrag brgya thub bo/ /de nas rgyal po lha thams cad kyis dbang bskur bas bar gyi bskal
387a4 pa bzhi bcur bcom ldan 'das de la bsnyen bkur dang / rim gror byas te nyin gcig la 'god pa'ang ri rab bye ba stong snyed kyi rin po che phung po zad par 'gyur ba de lta bus
387a5 bsnyen bkur dang / rim gro byas so/ /de nas rgyal po de bsod nams kyis brtan pas bu'i tshogs dang / grong gi mi rnams dang / 'khor rnams dang bcas te bla na med pa yang dag par
387a6 rdzogs pa'i byang chub tu sems bskyed do/ /shA ri'i bu/ de'i tshe de'i dus na 'khor los bsgyur ba'i rgyal po lha thams cad kyis dbang bskur ba zhes bya ba de gzhan zhig yin pa snyam
387a7 du khyod sems na/ de de ltar mi lta'o/ /de ci'i phyir zhe na/ byang chub sems dpa' nam mkha' mdzod de'i tshe de'i dus na stong gsum gyi 'khor los bsgyur ba'i rgyal po lha thams cad
387b1 kyis dbang bkur ba zhes bya bar gyur to/ /de nas bcom ldan 'das la tshe dang ldan pa shA ri'i bus 'di skad ces gsol to/ /kye ma byang chub sems dpa' nam mkha' mdzod 'dis bsam
387b2 gyis mi khyab pa'i go cha bgos te/ bcom ldan 'das/ de srid nas theg pa la rab tu zhugs pa ngo mtshar to/ /bcom ldan 'das/ de 'dra ba'i spyod pas 'di 'dra ba'i chos kyi mthu chen
387b3 po rnyed par nus so/ /bcom ldan 'das kyis bka' stsal pa/ shA ri'i bu/ byang chub sems dpa' nam mkha' mdzod 'dis gang+gA'i klung gi bye ma snyed kyi sangs rgyas bcom ldan 'das rnams
387b4 la rim gro dang / bsti stang byas te byang chub kyi sems yongs su sbyangs so/ /gang+gA'i klung gi bye ma snyed kyi byang chub kyi sems yongs su dag pas bsam pa yongs su sbyangs te/ gang+gA'i klung gi
387b5 bye ma snyed kyi bsam pa yongs su dag pas sbyor ba yongs su sbyangs/ /gang+gA'i klung gi bye ma snyed kyi sbyor ba yongs su dag pas lhag pa'i bsam pa yongs su sbyangs/ gang+gA'i klung gi bye ma snyed
387b6 kyi lhag pa'i bsam pa yongs su dag pas sbyin pa'i pha rol tu phyin pa yongs su sbyangs/ gang+gA'i klung gi bye ma snyed kyi sbyin pa'i pha rol tu phyin pa yongs su dag pas tshul khrims kyi pha
387b7 rol tu phyin pa yongs su sbyangs/ gang+gA'i klung gi bye ma snyed kyi tshul khrims kyi pha rol tu phyin pa yongs su dag pas bzod pa'i pha rol tu phyin pa yongs su sbyangs/ gang+gA'i klung gi bye
388a1 ma snyed kyi bzod pa'i pha rol tu phyin pa yongs su dag pas brtson 'grus kyi pha rol tu phyin pa yongs su sbyangs/ gang+gA'i klung gi bye ma snyed kyi brtson
388a2 'grus kyi pha rol tu phyin pa yongs su dag pas bsam gtan gyi pha rol tu phyin pa yongs su sbyangs/ gang+gA'i klung gi bye ma snyed kyi bsam gtan gyi pha rol tu phyin pa yongs su dag
388a3 pas shes rab kyi pha rol tu phyin pa yongs su sbyangs/ gang+gA'i klung gi bye ma snyed kyi shes rab kyi pha rol tu phyin pa yongs su dag pas thabs kyi pha rol tu phyin pa yongs su sbyangs/
388a4 gang+gA'i klung gi bye ma snyed kyi thabs kyi pha rol tu phyin pa yongs su dag pas sems can thams cad la khong khro ba med pa'i sems dang / thogs pa med pa'i 'od zer yongs su
388a5 sbyangs| gang+gA'i klung gi bye ma snyed kyi sems can thams cad la khong khro ba med pa'i sems dang / thogs pa med pa'i 'od zer yongs su dag pas byams pa chen po yongs su
388a6 sbyangs pa nas snying rje chen po dang / dga' ba chen po dang / btang snyoms chen po dang / mngon par shes pa chen po'i ye shes kyi bar du yongs su sbyangs so/ /de bzhin du lus
388a7 yongs su dag pa dang / ngag yongs su dag pa dang / sems yongs su dag pa ste/ gang+gA'i klung gi bye ma snyed kyi sems yongs su dag pas skyes bu chen po'i mtshan gcig yongs
388b1 su sbyangs so/ /de bzhin du sbyar te/ skyes bu chen po'i mtshan sum cu rtsa gnyis thams cad nas skyes bu chen po'i mtshan thams cad yongs su dag pas dge ba'i rtsa ba'i bar du des gang+gA'i klung
388b2 gi bye ma snyed las 'das pa'i dge ba'i rtsa ba rnams yongs su dag pas nam mkha'i mdzod 'di yongs su dag par byang chub sems dpa' nam mkha' mdzod 'dis yongs su sbyangs so/ /shA
388b3 ri'i bu/ byang chub sems dpa' nam mkha' mdzod 'dis nam mkha' las byang chub sems dpa'i spyod pa thams cad ston te/ shA ri'i bu/ ji ltar nam mkha' la zad pa med pa de bzhin du
388b4 rigs kyi bu/ 'di'i smon lam dang / spyod pa thams cad yongs su dag pas gang la'ang zad pa med do/ /des na/ 'di nam mkha' mdzod ces bya'o/ /bstan pa 'di bshad pa na byang chub
388b5 sems dpa' khri longs spyod mi zad pa dang / lag na rin po che dang / nam mkha' mdzod kyi smon lam yongs su bskang ba'i bzod pa skyes so/ /de nas byang chub sems dpa' chos kyi rgyal po zhes
388b6 bya ba des byang chub sems dpa' nam mkha' mdzod la 'di skad ces smras so/ /rigs kyi bu/ bdag cag gis nam mkha' las chos bsgrags pa'i mdzod mnyan to/ /nam mkha' mdzod
388b7 kyis smras pa/ de'i phyir rigs kyi bu/ gus pa dang bcas shing zhes dang bcas par 'dug la nam mkha' 'di la ston par 'du shes skyed cig dang / chos mnyan pa'i mdzod thos so/ /de
389a1 nas byang chub sems dpa' chos kyi rgyal po dang / 'khor de dag thams cad thal mo sbyar nas nam mkha' la phyag btsal te 'khod do/ /de nas byang chub
389a2 sems dpa' nam mkha' mdzod kyi byin gyi rlabs kyis par snang las tshigs su bad pa 'di dag byung ngo / /nam mkha' 'dra ba'i yid rnams kyi/ /thams cad chos kyi tshul gang yin/ /
389a3 de la 'jug pa rab bstan gyi/ /khyed cag mthar gyis mnyan par gyis/ /nam mkha' la ni mtho ba med/ /dma' ba'ang yod pa ma yin te/ /gang gi chos nyid mtho dma' med/ /de la 'dud pa
389a4 ga la yod/ /nam mkha' la ni skye ba med/ /'gog pa dag kyang mi dmigs so/ /ma skyes pa yi chos rnams la/ /de la rnam par rtog pa med/ /nam mkha' la ni bri ba med/ /gang ba
389a5 dag kyang mi dmigs so/ /chos rnams gang med bri med de/ /nam mkha' dang ni mtshungs mnyam mo/ /nam mkha' la ni mun pa med/ /de ni de yis nyon mi mongs/ /sems kyi rang bzhin
389a6 'od gsal bas/ /de bas nam yang nyon mongs med/ /nyi zla yi ni 'od zer gyis/ /nam mkha' dga' bar mi 'gyur te/ /nam mkha' 'dra ba'i sems rnams kyang / /gang la'ang
389a7 dga' bar 'gyur ba med/ /mdung thung rtse gnyis 'bab pas kyang / /nam mkha' la ni nyon mongs med/ /de bzhin sdug bsngal sgo kun gyis/ /rgyal ba'i sras ni nyon mi mongs/ /
389b1 bdud rtsi dus kyi char pa yis/ /nam mkha' la ni dga' 'gyur med/ /rnyed dang bsti stang thams cad kyis/ /byang chub sems dpa' dga' mi byed/ /bstod pa dang ni smad pa la/ /nam mkha'
389b2 yongs su mi rtog ste/ /de bzhin bde dang sdug bsngal la/ /byang chub sems dpa' brtan mi g.yo/ /sa dag g.yos par gyur kyang ni/ /nam mkha' nam yang g.yo ba min/ /'jig rten 'di
389b3 dag g.yo 'khrug kyang / /byang chub sems dpa' 'khrug pa med/ /sreg pa'i bskal ba 'byung ba na/ /ji ltar nam mkha' mi 'tshig pa/ /de bzhin nyon mongs thams cad kyis/ /byang chub sems
389b4 dpa' bstan mi gdung / /skye ba med cing 'dul ba'ang med/ /ji ltar nam mkha' gnas pa bzhin/ /chos rnams 'gro med 'ong ba'ang med/ /chos kyi dbyings la de dag gnas/ /gzugs
389b5 su snang ba ji snyed pa/ /nam mkha' las ni thams cad 'byung / /chos su snang ba ji snyed pa/ /de dag chos kyi dbyings las byung / /mtshan ma med cing gzugs med pa/ /nam mkha' bltar
389b6 yod ma yin te/ /de ltar sems rnams rab shes na/ /nam mkha' dang yang mtshungs mnyam mo/ /ming tsam ba ni nam mkha' ste/ /de la kha dog dbyibs kyang med/ /sems dang yid dang
389b7 rnam shes kyang / /ming gis yongs su bstan pa'o/ /ji ltar nam mkha' mtha' med cing / /thams cad du yang gzung du med/ /de bzhin ye shes mthu chen yang / /nam mkha' dang ni mnyam
390a1 zhing mtshungs/ /sems can nam mkha' 'gro mod kyi/ /de la 'gro ba'i rjes kyang med/ /sems can byang chub phyir spyod kyang / /de ni spyod pa'i mtshan ma
390a2 min| |ji ltar sngon gyi mtha' yi lus/ /nam mkha' dang ni mtshungs 'dra ba/ /de bzhin phung po'i ngo bo nyid/ /nam mkha' dang ni mnyam zhing mtshungs/ /khams bzhi dag kyang nam mkha'
390a3 dang / /mtshungs zhing 'dra bar rab tu gsungs/ /'di ltar sreg pa'i bskal ba la'ang / /nam mkha' dang ni khams 'di mtshungs/ /ji ltar sems can thams cad kyis/ /nam yang yongs
390a4 su gang mi nus/ /de bzhin yul rnams kun gyis kyang / /sems kyi rgyud ni mi gang ngo / /tshig chen seng+ge'i sgra dag gis/ /'jig rten mgon zhes gsungs pa ni/ /'jig rten 'das
390a5 ba'i shes rab gang / /de dag bstan pa 'di la ngoms/ /ji ltar nam mkha' rgya che bas/ /tha ma dmigs par mi 'gyur te/ /de bzhin sangs rgyas chos rnams kyang / /mtha' ma
390a6 dmigs par mi 'gyur ro/ /chos rnams thams cad sangs rgyas so/ /gang gis yang dag nyid shes na/ /de dag dngos po mi 'jig cing / /dngos po dag la'ang mi gnas so/ /
390a7 dngos dang dngos med rnam shes shing / /yang dag mtha' la gang gnas ba/ /dngos po dang ni dngos med pa/ /lta ba mkhas pas mi 'dzin to/ /stong pa nyid ni sgra yis bsgrags//
390b1 sgra la stong pa nyid med de/ /de ni sgra med brjod pa med/ /de phyir stong pa nyid ces bya/ /sangs rgyas kun gyis bshad kyang ni/ /stong pa nyid ni brjod du med/ /gang de stong zhes bya ba yang / /de
390b2 yi don ni brjod du med/ /sgyu ma smig rgyu rmi lam dang / /mig yor dang ni brag ca rnams/ /de la sogs pa bshad pa yis/ /'dren pa rnams ni chos ston to/ /sems can rnams ni drang ba'i phyir/
390b3 dpe rnams shin tu kun bstan te/ /rab tu zhi ba'i chos rnams la/ /gnyen po rnams ni mi dmigs so/ /mtshan nyid med pa'i chos kun kyang / /mtshan nyid du ni rab tu bstan/ /mtshan
390b4 gzhi mtshan gzhi med pa dag /chos kyi dbyings la mi dmigs so/ /mtshan gzhi nam mkha'i mtshan nyid de/ /nam mkha' mtshan nyid med pa yin/ /gang gis tshul 'di rab rtogs pa//
390b5 de dag byang chub sems dpa' yin/ /chags pa med cing bcings pa med/ /shin tu cung zad med pa ste/ /spros med spros dang bral ba de/ /byang chub sems dpa' zhes bya'o/ /sems can
390b6 las ni ma grol ba/ /sems can la yang mi gnas shing / /sems can rang bzhin ye shes kyis/ /byang chub sems dpa' zhes de bya/ /sems can rab tu mya ngan 'das/ /thos
390b7 nas dngang bar mi byed de/ /gang de byang chub pa rab zhugs pa/ /dpa' bo dag gi go cha 'di/ /sgyu ma byed pa'i sems can dag /mang du sprul nas der bsad kyang / /de la bsad pa gang
391a1 yang med/ /sems can mtshan nyid de bzhin no/ /sgyu ma dang ni sems can dang / /mya ngan 'das dang sangs rgyas kun/ /rnam pa kun tu rang bzhin gcig
391a2 rang bzhin rang bzhin med par rtogs/ /nam mkha' las ni nam mkha'i mdzod/ /mi zad pa yi mdzod grub ste/ /sems can thams cad mgu byed cing / /mdzod de zad par mi
391a3 'gyur ro/ /tshad med bsod nams chu bos ni/ /mdzod 'di rnam par sbyangs pa ste/ /chos rnams la yang 'pho med par/ /chos rnams chos nyid blta bar bya/ /rgyu la brten te
391a4 'byung ba yi/ /chos rnams thams cad rab shes na/ /de yi mdzad ni mi zad de/ /chos kyi mdzod ni bsam mi khyab/ /chos bzhi 'di dag mi zad par/ /'jig rten mgon pos rab
391a5 gsungs te/ /sems can nam mkha' byang chub sems/ /de bzhin sangs rgyas chos rnams so/ /de ste de dag rdzas yin na/ /de dag yongs su zad 'gyur gyi/ /de dag med pas
391a6 mi zad ces/ /de bas de ni mi zad gsungs/ /chos ni rab tu skad cig pa/ /zad pa chos ni mi zad de/ /mi zad de la zad pa med/ /de phyir mi zad pa zhes bya/ /byang chub sems dpa'
391a7 gang zhig gis/ /chos bstan 'di ni rab shes na/ /des ni byang chub rnyed mi dka'/ /byang chub phyir la yang dag zhugs/ /tshigs su bcad pa bstan pa 'di byung ba na byang chub
391b1 sems dpa' brgya stong ni/ mi skye ba'i chos la bzod pa thob bo/ /lha'i bu nam mkha'i dkyil na 'khod pa khri nyis stong ni/ bla na med pa yang dag par rdzogs pa'i byang chub tu sems bskyed do/ /
391b2 de nas 'khor de nyid du byang chub sems dpa' ltad mo can zhes bya ba 'dus par gyur te 'dug pa des bcom ldan 'das la 'di skad ces gsol to/ /bcom ldan 'das/ sgra 'di ga las
391b3 byung snyam du bdag ngo mtshar du gyur to/ /bcom ldan 'das kyis bka' stsal pa/ rigs kyi bu/ byang chub sems dpa' nam mkha' mdzod la dris shig dang / 'di khyod la lan ldon no//
391b4 de nas byang chub sems dpa' ltad mo can kyis byang chub sems dpa' nam mkha' mdzod la 'di skad ces smras so/ /rigs kyi bu/ sgra 'di ga las byung snyam du bdag ltad mor 'dzin par
391b5 gyur to| |nam mkha' mdzod kyis smras pa/ rigs kyi bu/ 'di ji snyam du sems/ brag ca'i sgra ga las byung / smras pa/ rigs kyi bu/ pha rol gyi sgra'i rnam par rig byed las brag
391b6 ca'i sgra 'byung ngo / /smras pa/ rigs kyi bu/ brag ca la lus sam/ sems sam/ gzugs sam/ kha dog gam| dbyibs gang yang yod dam/ smras pa/ rigs kyi bu/ de ni/ med
391b7 do| |smras pa/ rigs kyi bu/ de de bzhin no/ /ji ltar brag ca yongs su ma grub kyang sgra skad go bar byed pa de bzhin du/ nam mkha' yongs su ma grub ste/ sgra skad go bar byed par
392a1 'gyur ro/ /smras pa/ rigs kyi bu/ sgra 'di go bar byed pa su/ gang nas dbyangs 'di 'byung / smras pa/ rigs kyi bu/ ye shes kyi so sor rnam par
392a2 rig pa bsam gyis mi khyab ste/ kho bos yid kyi sems pas gang bsam pa de bar snang 'di las 'byung yang sems de der 'gro ba'ang med/ de 'dir 'ong ba'ang med mod kyi/ sgra'i
392a3 sgra brnyan kyang 'byung ngo / /rigs kyi bu/ rten cing 'brel bar 'byung ba ji tsam du zab pa la ltos/ gang rgyu las 'bras bu 'byung yang rgyu las 'bras bu 'grub par mi 'phel/ rgyu med pa
392a4 las kyang 'bras bu 'byung ba ma yin no/ /'di ltar rgyu dang rkyen las 'bras bu mngon par grub pa'i chos 'di gnyi ga la'ang g.yo ba med cing byed pa med do/ /gang de lta bu'i 'du shes pa
392a5 de dag ni/ bral ba ste/ de ci'i phyir zhe na/ bcom ldan 'das kyis kyang gang kun nas nyon mongs pa shes pa de nyid de'i rnam par byang ba zhes gsungs so/ /kun nas nyon mongs pa
392a6 bsal bas rnam par byang ba ma yin te/ gang kun nas nyon mongs pa'i ngo bo nyid kyi mtshan nyid de ni/ rnam par byang ba'o/ /'di lta ste/ kun nas nyon mongs pa dang / rnam par byang
392a7 bzhes bya ba 'di gnyis ka'ang brda'i tshig go /don dam pa'i mtha' la kun nas nyon mongs pa dang / rnam par byang ba'ang dmigs su med do/ /don dam pa'i mtha' ni/ mtha'
392b1 ma yin te/ gang 'di mtha' ma yin pa de ni/ yang dag pa'i mtha' zhes bya'o/ /gang yang dag pa'i mtha' de stong pa nyid kyi mtha'o/ /gang stong pa nyid kyi mtha' de bdag gi mtha'o/ /gang bdag gi mtha'
392b2 de ni/ chos thams cad kyi mtha'o/ /de ci'i phyir zhe na/ chos thams cad ni/ de'i mtha' stong pa nyid kyi mtha'/ nye bar zhi ba'i mtha' ste/ gang mtha' de gsum gyi sgo la mi chags pa de ni/ chos thams cad
392b3 la mi chags pa'i ye shes rnyed do/ /de nas gnas brtan shA ri'i bus byang chub sems dpa' ltad mo can la 'di skad ces smras so/ rigs kyi bu/ khyod ltad mo can zhes ming sus btags/ smras pa/
392b4 btsun pa shA ri'i bu/ khyod gang dang gang du chos la 'dun pa dang / brtson pa de dang der ltad mor mi 'gyur ram/ smras pa/ rigs kyi bu/ de de bzhin no/ /smras pa/ btsun pa shA ri'i bu/ de
392b5 bzhin du kho bo chos thams cad la 'dun cing brtson pa de dang der kho bos na me sangs rgyas kyi chos thams cad yongs su rdzogs par 'gyur snyam du ltad mo dang ldan te/ de'i phyir kho
392b6 bo ltad mo can zhes bya'o/ /byang chub sems dpa'i spyod pa thams cad la kho bo ltad mor gyur to/ /sems can thams cad kyi sems dang / spyod pa la 'jug pa shes pa la kho bo ltad mor
392b7 gyur te| de'i phyir kho bo ltad mo can zhes bya'o/ /gang la kho bo ltad mor mi 'gyur ba'i ye shes de gang yang med/ 'jug pa de gang yang med pas de'i phyir kho bo ltad mo can zhes bya'o/
393a1 gang du kho bo ltad mor gyur pa der nyon mongs pa thams cad dang / bdud kyi las thams cad kyi skabs med de/ de'i phyir na/ kho bo ltad mo can zhes
393a2 bya'o| |de nas bcom ldan 'das la gnas brtan shA ri'i bus 'di skad ces gsol to/ /bcom ldan 'das/ skyes bu dam pa'i ming 'di nyid las sangs rgyas kyi chos thams cad phongs
393a3 su brjod de/ sangs rgyas kyi chos thams cad ston kyang gang la'ang mi chags te/ chags pa ma mchis par sangs rgyas kyi chos thams cad kyang ston pa ni/ ngo mtshar to/ /de nas 'khor
393a4 de nyid du byang chub sems dpa' rin chen dpal zhes bya ba 'dus par gyur te 'dug pa des byang chub sems dpa' nam mkha' mdzod la 'di skad ces smras so/ /rigs kyi bu/ khyod kyis
393a5 ting nge 'dzin rab tu bstan pa las brtsams te gang ci 'dra bar ting nge 'dzin yongs su sbyang ba bya ba la spobs par gyis shig /de skad ces smras pa dang / byang chub sems dpa'
393a6 nam mkha' mdzod kyis byang chub sems dpa' rin chen dpal la 'di skad ces smras so/ /rigs kyi bu/ byang chub sems dpa' rnams kyi ting nge 'dzin byang chub kyi snying por thogs
393a7 pa med par 'gro ba bsam pa dag pa zhes bya ba yod do/ /rigs kyi bu/ byang chub sems dpa' rnams kyi ting nge 'dzin sems can thams cad la khong khro ba med pa'i 'od zer
393b1 ces bya ba yod de/ de bdag dang gzhan bsrung ba'i phyir gzhan gyi gnod pa thams cad las yang dag par 'da' bar 'gyur ro/ /dri ma med ces bya ba'i ting nge 'dzin ni/ sems yongs su
393b2 dag par 'gyur ro/ /rnam par snang mdzad ces bya ba'i ting nge 'dzin ni/ dge ba'i chos thams cad rnam par 'phel bar 'gyur ro/ /dge ba zhes bya ba'i ting nge 'dzin ni/ rnyog pa med par
393b3 'gyur ro/ /mngon par 'phags pa zhes bya ba'i ting nge 'dzin ni/ spyi gtsug bltar mi mthong bar 'gyur ro/ /rnam par sel ba zhes bya ba'i ting nge 'dzin ni/ nyon mongs pa thams cad
393b4 'dul bar 'gyur ro/ /'khyil ba zhes bya ba'i ting nge 'dzin ni/ g.yas phyogs kyi lam yongs su rdzogs par 'gyur ro/ /zlog pa zhes bya ba'i ting nge 'dzin ni/ rgyu dang lta ba las rnam par
393b5 zlog par 'gyur ro/ /dga' byed ces bya ba'i ting nge 'dzin ni/ chos kyi kun dga' la dga' zhing mos par 'gyur ro/ /skar ma'i rjes su song ba zhes bya ba'i ting nge 'dzin ni/ sbyin gnas
393b6 yongs su dag par 'gyur ro/ /mthu drag po zhes bya ba'i ting nge 'dzin ni/ sems mi 'jum par 'gyur ro/ /mtshungs par mnyam pa nyid la 'jug pa zhes bya ba'i ting nge 'dzin ni/ sems
393b7 can thams cad la sems mnyam par 'gyur ro/ /byed pa la 'jug pa zhes bya ba'i ting nge 'dzin ni/ las rnam par smin pa la 'jug par 'gyur ro/ /seng+ga'i tog ces bya ba'i ting nge 'dzin ni/
394a1 'jigs pa dang spu zing zhes byed pa med par 'gyur ro/ /sems pa zhes bya ba'i ting nge 'dzin ni/ nyon mongs pa'i bdud thams cad skrag par 'gyur ro/ /
394a2 pad+ma dkar po zhes bya ba'i ting nge 'dzin ni/ 'jig rten thams cad kyis mi gos par 'gyur ro/ /pad+ma bkod pa zhes bya ba'i ting nge 'dzin ni/ sems kyi rgyan du 'gyur ro/ /'od bkod
394a3 pa zhes bya ba'i ting nge 'dzin ni/ sangs rgyas thams cad kyi zhing snang bar 'gyur ro/ /bya ba byed pa zhes bya ba'i ting nge 'dzin ni/ rjes su chags pa dang khong khro ba spong bar 'gyur
394a4 ro| |rgyal mtshan gyi rtse mo'i dpung rgyan ces bya ba'i ting nge 'dzin ni/ sangs rgyas thams cad kyi chos la snang bar 'gyur ro/ /skar mda' ldan zhes bya ba'i ting nge 'dzin ni/
394a5 bag chags thams cad 'joms par 'gyur ro/ /nyi ma'i sgron ma zhes bya ba'i ting nge 'dzin ni/ mun pa mun nag med par 'gyur ro/ /nyi ma 'khyil ba zhes bya ba'i ting nge 'dzin
394a6 ni| sems can thams cad kyi sems la rnam par lta bar 'gyur ro/ /yon tan gyi 'byung gnas zhes bya ba'i ting nge 'dzin ni/ yon tan gyi chos thams cad kyi rjes su 'gro bar
394a7 'gyur ro/ /sred med kyi bu lta bu zhes bya ba'i ting nge 'dzin ni/ pha rol rgol ba thams cad 'joms par 'gyur ro/ /snying po'i rjes su song ba zhes bya ba'i ting nge 'dzin ni/ rdo rje'i
394b1 lus mi phyed par 'gyur ro/ /snying po dang ldan pa zhes bya ba'i ting nge 'dzin ni/ dam bcas pa thams cad nyams 'og tu chud par 'gyur ro/ /rdo rje'i dkyil 'khor zhes bya ba'i ting nge
394b2 'dzin ni/ mngon par shes pa las mi nyams par 'gyur ro/ /rdo rje'i snying po zhes bya ba'i ting nge 'dzin ni/ byang chub kyi snying por 'gro bar 'gyur ro/ /rdo rje lta bu zhes bya ba'i ting nge 'dzin
394b3 ni| chos thams cad rab tu rtogs par 'gyur ro/ /spyod pa dang ldan pa zhes bya ba'i ting nge 'dzin ni/ sems can thams cad kyi sems dang / spyod pa la 'jug pa'i ye shes su 'gyur
394b4 ro| |sa 'dzin ces bya ba'i ting nge 'dzin ni/ chags pa dang / zhe sdang med par 'gyur ro/ /bdud kyi dkyil 'khor 'joms pa zhes bya ba'i ting nge 'dzin ni/ bdud bzhi las yang dag par
394b5 'da' bar 'gyur ro/ /lus rnam par 'jig pa zhes bya ba'i ting nge 'dzin ni/ gzugs thams cad rnam par 'jig par 'gyur ro/ /mi 'dzum pa zhes bya ba'i ting nge 'dzin ni/ sems rtse
394b6 gcig tu 'gyur ro/ /rnam pa la 'jug pa zhes bya ba'i ting nge 'dzin ni/ dmigs pa thams cad yongs su dag par 'gyur ro/ /nyon mongs pa med pa zhes bya ba'i ting nge 'dzin ni/ dmigs
394b7 pa thams cad las yang dag par 'da' bar 'gyur ro/ /'khor lo dri ma med pa zhes bya ba'i ting nge 'dzin ni/ chos kyi 'khor lo yongs su dag par 'gyur ro/ /glog 'od ces bya ba'i
395a1 ting nge 'dzin ni/ sems kyi skad cig 'jig pa la rnam par lta bar 'gyur ro/ /legs par byas pas rnam par rgyal ba zhes bya ba'i ting nge 'dzin ni/ dge
395a2 ba'i chos thams cad yongs su rdzogs par 'gyur ro/ /rnam par sbyong ba zhes bya ba'i ting nge 'dzin ni/ mi dge ba'i chos thams cad spong bar 'gyur ro/ /lus kyi rgyan ces bya ba'i ting
395a3 nge 'dzin ni/ mtshan dang dpe byad bzang po yongs su rdzogs par 'gyur ro/ /ngag gi rgyan ces bya ba'i ting nge 'dzin ni/ tshangs pa'i sgra skad bsgrags pas sems can thams cad kyi
395a4 sems mgu bar 'gyur ro/ /sems kyi rgyan ces bya ba'i ting nge 'dzin ni/ ting nge 'dzin las mi nyams par 'gyur ro/ /brtan pa zhes bya ba'i ting nge 'dzin ni/ phyir mi ldog par
395a5 'gyur ro/ /mtshungs par gtong ba zhes bya ba'i ting nge 'dzin ni/ sems can tha dad pa med par 'gyur ro/ /tshul khrims bsags pa zhes bya ba'i ting nge 'dzin ni/ smon lam
395a6 thams cad yongs su rdzogs par 'gyur ro/ /bzod pa'i go bgos pa zhes bya ba'i ting nge 'dzin ni/ lus dang srog la mi lta bar 'gyur ro/ /brtson 'grus brtan pa zhes bya ba'i ting
395a7 nge 'dzin ni/ mngon par shes pa myur bar 'gyur ro/ /tshad med pa'i rnam pa zhes bya ba'i ting nge 'dzin ni/ tshangs pa la dbang byed par 'gyur ro/ /ci'ang med pa zhes bya ba'i ting
395b1 nge 'dzin ni/ gzugs med pa'i khams yongs su sbyong bar 'gyur ro/ /lhun po'i rgyal mtshan zhes bya ba'i ting nge 'dzin ni/ sems can thams cad zil gyis gnon par 'gyur ro/ /lhun po'i
395b2 sgron ma zhes bya ba'i ting nge 'dzin ni/ phyogs bcur rnam par lta bar 'gyur ro/ /shes rab kyi skar mda' zhes bya ba'i ting nge 'dzin ni/ sgrib pa dang / chod pa dang / kun nas ldang ba thams
395b3 cad rnam par sel bar 'gyur ro/ /rgya mtsho'i phyag rgya zhes bya ba'i ting nge 'dzin ni/ las dang bya ba sna tshogs la 'jug par 'gyur ro/ /mtha' yas 'khyil ba zhes bya ba'i ting nge 'dzin ni/
395b4 lta ba thams cad yongs su gcod par 'gyur ro/ /stong pa nyid ces bya ba'i ting nge 'dzin ni/ dmigs pa dang / lta ba thams cad spong bar 'gyur ro/ /mtshan ma med pa zhes bya ba'i
395b5 ting nge 'dzin ni/ rtog pa dang / rnam par rtog pa dang / yongs su rtog pa thams cad spong bar 'gyur ro/ /smon pa med pa zhes bya ba'i ting nge 'dzin ni/ /smon lam thams cad yongs su
395b6 rdzogs par 'gyur ro/ /mi g.yo ba zhes bya ba'i ting nge 'dzin ni/ g.yo ba dang / sems pa thams cad 'joms par 'gyur ro/ /sgra dang ldan pa zhes bya ba'i ting nge 'dzin ni/ spobs
395b7 pa thogs pa med par 'gyur ro/ /kun 'dzin pa zhes bya ba'i ting nge 'dzin ni/ thos pa thams cad 'dzin par 'gyur ro/ /dran pa rnam par dag pa zhes bya ba'i ting nge 'dzin ni/
396a1 tshad med pa'i snod kyis sangs rgyas kyi chos thams cad tshol bar 'gyur ro/ /mi zad pa zhes bya ba'i ting nge 'dzin ni/ sems can thams cad mgu bar 'gyur
396a2 ro| |rin chen bkod pa zhes bya ba'i ting nge 'dzin ni/ lag na rin po che rab tu rnyed par 'gyur ro/ /rjes su 'gro ba zhes bya ba'i ting nge 'dzin ni/ sems can thams cad kyi sems
396a3 shes par 'gyur ro/ /'gro ba la 'jug pa zhes bya ba'i ting nge 'dzin ni/ 'gro ba thams cad rtogs par 'gyur ro/ /blo gros la 'jug pa zhes bya ba'i ting nge 'dzin ni/ sems
396a4 dang / yid rnam par dag par 'gyur ro/ /sprin dang ldan pa zhes bya ba'i ting nge 'dzin ni/ mos pa ji lta ba bzhin du chos kyi char rab tu 'bebs par 'gyur ro/ /sangs rgyas
396a5 rjes su dran pa zhes bya ba'i ting nge 'dzin ni/ bdud rtsi'i chos rnyed par 'gyur ro/ /chos rjes su dran pa zhes bya ba'i ting nge 'dzin ni/ 'dod chags dang bral ba'i chos mngon sum du byed
396a6 par 'gyur ro/ /dge 'dun rjes su dran pa zhes bya ba'i ting nge 'dzin ni/ sangs rgyas kyi chos las mi ldog par 'gyur ro/ /gtong ba rjes su dran pa zhes bya ba'i ting nge 'dzin ni/
396a7 phung po thams cad rab tu 'dor bar 'gyur ro/ /tshul khrims rjes su dran pa zhes bya ba'i ting nge 'dzin ni/ sangs rgyas thams cad kyi chos kyi rtsa ba la rab tu 'god par 'gyur
396b1 ro| |lha rjes su dran pa zhes bya ba'i ting nge 'dzin ni/ rnam par dag pa'i chos la kha na ma tho ba med par 'gyur ro/ /chos kyi dbyings la 'jug pa zhes bya ba'i ting nge 'dzin ni/ chos thams
396b2 cad la yang dag par gzhol bar 'gyur ro/ /nam mkha'i ngo bo nyid ces bya ba'i ting nge 'dzin ni/ chos thams cad la chags pa med par 'gyur ro/ /rang bzhin gyis ma skyes pa zhes bya
396b3 ba'i ting nge 'dzin ni/ mi skye ba'i chos la bzod pa thob par 'gyur ro/ /rgyud chags pa dang / rgyud ma yin pa'i rjes su rtogs pa zhes bya ba'i ting nge 'dzin ni/ yi ge thams cad dang / tshig
396b4 rab tu dbye ba la mkhas pa 'dzin par 'gyur ro/ /shin tu sbyangs pa dri ma med pa'i phyag rgya zhes bya ba'i ting nge 'dzin ni/ ting nge 'dzin gang dang ldan na/ byang chub sems dpa' de sems
396b5 kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya'o/ /rigs kyi bu/ de dag ni/ ting nge 'dzin gyi sgo
396b6 brgyad cu ste/ ting nge 'dzin de re re la'ang 'khor ting nge 'dzin gyi sgo lnga brgya lnga brgya yod do/ /de dag thams cad bsdoms na/ ting nge 'dzin bzhi khrir 'gyur te/ de dag kun nas
396b7 nyon mongs pa dang / rnam par byang bas ting nge 'dzin brgyad khrir 'gyur ro/ /de dag sngon gyi mtha' dang / phyi ma'i mtha' dang / da ltar byung ba mi zad pa ye shes kyi ting nge 'dzin
397a1 brgyad khri bzhi stong du 'gyur ro/ /ting nge 'dzin ji snyed pa chos kyi sgo mo'ang de snyed/ chos kyi phung po'ang de snyed de/ de'i phyir sems can gyi spyod pa
397a2 brgyad khri bzhi stong la rab tu 'jug pa'i phyir chos kyi phung po brgyad khri bzhi stong de bzhin gshegs pas bshad ces bya'o/ /rigs kyi bu/ 'di ni /sangs rgyas kyi ye shes
397a3 dang / spyod pa la 'jug pa sems can rnams shes par bya ba'i phyir chos kyi mdo'o/ /gang sangs rgyas kyi ye shes mtha' dag dang / sems can gyi spyod pa mtha' dag la
397a4 'jug pa de ni/ tshad med bsam gyis mi khyab ste/ bskal pa brgyad stong gi mthar 'dug kyang bshad par sla ba ma yin no/ /sangs rgyas kyi ye shes 'di yongs su bstan
397a5 cing ting nge 'dzin gyi sgo 'di dag bshad pa na byang chub sems dpa' khri drug stong ni/ ting nge 'dzin dang / ye shes kyis mngon par bsgrubs pa'i mi skye ba'i chos la bzod
397a6 pa thob par 'gyur ro/ /lha'i bu brgyad khri bzhi stong ni/ bla na med pa yang dag par rdzogs pa'i byang chub tu sems skyes so/ /de nas bcom ldan 'das kyis byang chub sems
397a7 dpa' nam mkha' mdzod la legs so/ /zhes bya ba byin te/ skyes bu dam pa/ khyod kyis ting nge 'dzin gyi sgo 'di bstan pa ni/ legs par smras te/ lus mngon sum
397b1 pas gzhan gyi dring la mi 'jog pa'i chos rnams la ji lta ba bzhin du de bzhin gshegs pa'i ye shes yongs su brjod pa 'di shin tu yongs su bstan pa ni/ legs so legs
397b2 so| |'phags pa nam mkha' mdzod kyis zhus pa/ bam po lnga pa/ de nas bcom ldan 'das la byang chub sems dpa' rin chen dpal gyis 'di skad ces
397b3 gsol to/ /bcom ldan 'das/ de bzhin gshegs pa gang gi thad du byang chub sems dpa' nam mkha' mdzod kyis thog mar nam mkha' 'di las rin po che thams cad kyi char
397b4 rab tu phab/ de skad ces gsol pa dang / bcom ldan 'das kyis byang chub sems dpa' rin chen dpal la 'di skad ces bka' stsal to/ /rigs kyi bu/ sngon byung ba 'das
397b5 pa'i dus na bskal pa bgrang ba las 'das pa'i pha rol gyi'ang ches pha rol tu gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas
397b6 rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom
397b7 ldan 'das dri ma med pa'i 'od mtha' yas 'od zer gyi rgyal po zhes bya ba ska rags zhes bya ba'i 'jig rten gyi khams su yon tan gyi 'od ces bya ba'i bskal pa la 'jig rten du
398a1 byung ste| yang rigs kyi bu/ ska rags zhes bya ba'i 'jig rten gyi khams de'ang 'byor ba/ bde ba/ lo legs pa/ rgyas pa/ skye bo mang po dang mis gang ba/
398a2 rin po che sna bdun gyis brgyan pa/ 'jam zhing mnyen pa/ gos ka tsa lan+di ka ltar reg na bde ba/ dzam+bu'i chu bo gser gyi pad+ma bkram pa/ rin po che gsal ba sna tshogs kyis
398a3 rnam par spras pa/ mig mang ris su bres pa/ lag mthil ltar mnyam ste/ 'jig rten gyi khams de 'di lta ste/ dper na/ gzhan 'phrul dbang byed kyi lha rnams kyi longs
398a4 spyod dang / kun spyod pa ltar 'dug go /mi de dag thams cad kyang gzhal med khang dang / khang pa brtsegs pa na gnas par gyur cing bsam pas zas dang skom rab tu 'byor to/ /
398a5 de'ang rigs kyi bu/ de bzhin gshegs pa dri ma med pa'i 'od mtha' yas 'od zer gyi rgyal po'i byang chub sems dpa' khrag khrig phrag drug cu'i byang chub sems dpa'i dge 'dun
398a6 chen po byung ngo / /yang rigs kyi bu/ de'i tshe de'i dus na 'khor los bsgyur ba'i rgyal po bsod nams kyis brgyan pa zhes bya ba rin po che sna bdun dang ldan pa zhig byung ste/ yang
398a7 rigs kyi bu/ rgyal po bsod nams kyis brgyan pa de'i khang pa dzam+bu'i gling gi dbus su brtsigs bar gyur to/ /shar phyogs su'ang dpag tshad bzhi/ nub phyogs dang / lho phyogs
398b1 dang / byang phyogs su'ang dpag tshad bzhi bzhi bkra ba/ blta na sdug pa/ rin po che sna bdun las byas pa/ skyed mos tshal lnga brgyas rab tu brgyan pa'o/ /yang rigs kyi bu/ rgyal
398b2 po bsod nams kyi sa brgyan pa'i btsun mo brgyad khri bzhi stong yod do/ thams cad kyang yul gyi bzang mo sha stag go /khye'u brgyad khri bzhi stong yod de/ thams cad kyang tshan po che
398b3 chen po'i stobs dang / drag shul 'chang ba sha stag go /yang rigs kyi bu/ rgyal po bsod nams kyis brgyan pa la btsun mo rin po che gnyis yod de/ gcig gi ming ni/ dpal gyi
398b4 gzi brjid/ gcig gi ming ni/ dpal gyi 'od do/ /rgyal po bsod nams kyis brgyan pa de dga' ba bkod pa zhes bya ba'i skyed mos tshal du zhugs te btsun mo'i nang na 'dug pa'i tshe lha
398b5 mo de gnyis kyi pang pa nas khye'u gnyis byung ste/ rdzus te skyes pa sngon gyi sbyor ba phun sum tshogs pa/ smon lam rdzogs pa/ bla na med pa yang dag par rdzogs pa'i byang chub tu mngon par
398b6 zhugs pa ste/ gcig gi ming ni/ seng+ge zhes bya/ gcig gi ming ni/ seng+ge'i rtsal gyis 'gro ba zhes bya ste/ de gnyis byung ma thag tu sgra skad dang / dbyangs gcig tu pha bsod nams
398b7 kyis brgyan pa la tshigs su bcad pa 'di dag smras so/ /sngon byas dge dang mi dge chud mi za/ /de bzhin gshegs la mchod byas chud mi za/ /bsam pa byang chub sems kyang chud
399a1 mi za| |sgrub pa gtsor byed thos pa chud mi za/ /sbyin dang dul dang sdom pa chud mi za/ /bzod dang des pa rnams kyang chud mi za/ /byas pa gzo zhing dge ba'i
399a2 las byas phyir/ /brtson 'grus brtsams pa de yang chud mi za/ /rtse gcig bsam gtan dang ni rnam thar sems/ /nges par rtog dang shes rab sems mi nyams/ /ye
399a3 shes las byas rtag tu mi 'khrugs te/ /mi 'khrugs chos las byang chub brnyed mi dka'/ /de ni nyon mongs pa yis mi gos te/ /de ni slar yang mngal du mi gnas shing //
399a4 de ni pad+ma'i snying por brdzus te skye/ /mi gos pa ni pad+ma chu las ltar/ /shar phyogs logs kyi rgyal ba sman pa'i rgyal/ /dus gsum mi chags ye shes dam pa yi/ /bde
399a5 gshegs dri med 'od kyi gan nas su/ /chos 'dod phyir ni de nas bdag cag 'ongs/ /u dum+Wa ra'i me tog ji lta bar/ /de bzhin gshegs pa'i 'byung ba rnyed par
399a6 dka'i| |de la bsnyen bkur bgyi dang blta slad du/ /bde gshegs thad du yab kyang bzhud par bgyi/ /rgyal pos rjes su bstan pa 'di thos nas/ /bu dang btsun mo 'khor
399a7 dang lhan cig tu/ /srog chags bye ba stong gis yongs bskor te/ /rgyal ba de yi gan du nye bar dong / /me tog dri zhim byug par bcas pa yis/ /de la tshul dang 'dra ba'i
399b1 mchod byas nas/ /zhabs la phyag btsal rab tu bskor byas te/ /thal mo sbyar ba btud nas spyan sngar 'dug /seng+ge dang ni seng+ge'i rtsal 'gro yang / /de bzhin gshegs pa'i zhabs
399b2 la bzung nas su/ /gtugs nas chos dang don ldan mkhas pa yi/ /'phags pa des ni tshigs bcad 'di dag smras/ khyod ni skyabs dang mgon dang dpung gnyen te/ 'jig
399b3 rten long ba rnams kyi sgron mar gyur/ /sems can rnams kyi bsam spyod gyur la mkhas/ /ji ltar mos pa de bzhin gnas par mdzad/ /rgyal po 'di ni phyug cing skyid pas mos/ /
399b4 gzugs dang sgra dang dri dang bcas pas bcings/ /nam yang ston pa la ni mchod phyir yang / /nye bar mi mchi chos lta ga la nyan/ /mgon po thugs rje rab tu bskyed mdzod la/ /
399b5 ji ltar de kun lhan cig thos nas su/ theg pa mchog las ldog par mi 'gyur ba/ /byang chub lam mchog de ni lags par ston/ /bcom ldan mgon po ta la brgyad cu
399b6 srid| |nam mkhar 'phags bzhugs mi dbang de la gsungs/ /nga yi chos mchog rgyal po khyod nyon la/ /thos nas de la tshul bzhin nan tan gyis/ /'dod pa mi rtag de
399b7 bzhin rgyal srid srog /srog ni rtswa yi zil pa'i thigs pa 'dra/ /brtse ba de bzhin 'dod bde rmi lam 'dra/ /mkhas pa su zhig 'di la dga' ba skyed/ /sems can gang yang 'dod
400a1 pas ngoms med de/ /phyir yang de bzhin 'dod pa skom zhing rgyu/ /byis pa ngoms mi shes shing yul la gnas/ /shes rab gang ngoms de dag
400a2 shin tu ngoms/ /sgyu ma slu zhing snying po med pa ltar/ /de bzhin phung po lnga yang sgyu ma 'dra/ /khams rnams 'di dag sbrul gdug bzhin du bstan/ /dbang po drug ni stong pa'i grong
400a3 dang 'dra/ /bu dang chung ma rgyal srid yul 'khor yang / /'chi bar gnas pa'i grogs su gyur pa med/ /sbyin dul kun sdom tshul khrims phung po ni/ /de dag pha rol 'gro ba'i
400a4 grogs yin no/ /nga yi gzugs dang yon tan spobs pa rdzogs/ /rdzu 'phrul dag kyang ji 'dra rab ltos la/ /gal te 'di 'dra bar yang 'gyur 'dod na/ /byang chub dam pa 'di phyir
400a5 sems skyed cig /rgyal po glang po des ni chos thos nas/ /srog chags bye ba stong phrag bdun cu dang / /sras dang btsun mo stobs bcas grong mi rnams/ /byang chub dam pa 'di phyir
400a6 sems bskyed de/ /bdag cag mchog gi sems ni bskyed par bgyi/ /sems can thams cad mgron du gnyer bar bgyi/ /byang chub spyod mchog yid 'ong spyad par bgyi/ /'gro
400a7 ba bla med sangs rgyas 'gyur bar bgyi/ /rigs kyi bu/ de ltar rgyal po bsod nams kyis brgyan pa des bcom ldan 'das 'khor dang bcas pa la lo brgyad khri bzhi stong gi
400b1 bar du rung ba yid du 'ong ba kha na ma tho ba med pa'i bde ba'i yo byad dang / yongs su longs spyod pa thams cad kyis rim gro byas so/ /khye'u seng+ge dang / seng+ge'i rtsal gyis 'gro ba de gnyis
400b2 bcom ldan 'das de'i bstan pa la khyim nas khyim med par rab tu byung ngo / /de dag rab tu byung bas rgyal bu phyi ma nyi khri'ang khyim nas khyim med par rab tu byung ngo / /de nas seng+ge
400b3 dang / seng+ge'i rtsal gyis 'gro ba'i dge slong byang chub kyi phyogs kyi chos dang / yo byad bsnyungs pa dang / nyin par spyod pa la sbyor zhing brtson pas ring po ma lon par mngon par
400b4 shes pa lnga bskyed do/ /de dag mngon par shes pa rnyed pas 'jig rten gyi khams thams cad du rang gi rdzu 'phrul gyi stobs dang / smon lam gyi stobs kyis chos bshad nas de gnyis
400b5 kyis sems can tshad med grangs med pa yongs su smin par byas te bla na med pa yang dag par rdzogs pa'i byang chub la rab tu bkod par gyur to/ /rigs kyi bu/ 'di ltar lo brgyad
400b6 khri bzhi stong 'das nas rgyal po bsod nams kyis brgyan pa de bcom ldan 'das de bzhin gshegs pa dri ma med pa'i 'od mtha' yas 'od zer gyi rgyal po ga la ba der song ba dang / des khye'u de gnyis rab tu byung bar mthong ngo /
400b7 /mthong nas kyang ngas ni/ lo brgyad khri bzhi stong gi bar du de bzhin gshegs pa la bde ba'i yo byad thams cad kyis bsnyen bkur
401a1 byas na| 'di gnyis rab tu byung nas ngas ma byas pa ci zhig byas snyam du brnyas pa'i sems skyes so/ /rigs kyi bu/ de nas yang de bzhin gshegs
401a2 pa dri ma med pa'i 'od mtha' yas 'od zer gyi rgyal pos rgyal po bsod nams kyis brgyan pa de lta bur sems pa mkhyen nas byang chub sems dpa' seng+ge rtsal gyis 'gro ba la 'di
401a3 skad ces bka' stsal to/ /rigs kyi bu/ khyod kyis shes rab dang / mngon par shes pa dang / bsod nams dang / ye shes kyi stobs ston la 'khor thams cad dga' bar
401a4 gyis shig /bdud kyi gnas thams cad mog mog por gyis shig /byang chub kyi lam 'bar bar gyis shig /sems can thams cad tshim par gyis shig /phas kyi rgol ba
401a5 rnams tshar chod cig /chos kyi sgron ma 'bar bar gyis shig /nyon mongs pa thams cad zhi bar gyis shig /byang chub sems dpa'i rnam par rol pa'ang ston cig /de nas
401a6 de'i tshe byang chub sems dpa' seng+ge'i rtsal gyis 'gro bas de'i dus na nam mkha' la lag pas byugs nas des nam mkha' la lag pas byugs pa dang / stong gsum gyi stong chen
401a7 po'i 'jig rten gyi khams rnam pa drug tu rab tu g.yos so/ /des yang nam mkha' la lag pas byugs pa dang / de nas de'i tshe bar snang las sil snyan bye ba khrag khrig brgya
401b1 stong ma dkrol bar sgra byung ngo / /des yang nam mkha' la lag pas byugs pa dang / de nas bar snang las sngon ma thos ma mthong ba'i dri zhim zhing 'jam pa ka tsa lin+di ka ltar reg na
401b2 bde ba'i me tog rnams kyi char bab bo/ /des yang nam mkha' la lag pas byugs pa dang / de nas de ma thag tu bar snang las rin po che thams cad kyi char rab tu mngon par
401b3 bab bo| |longs spyod dang / kun spyod pa thams cad kyi char rab tu bab bo/ /ji lta bur stong gsum gyi stong chen po'i 'jig rten gyi khams der yo byad thams cad kyi char mngon
401b4 par rab tu 'bab pa de de lta bu'i zas dang / skom dang / bro'i char mngon par rab tu bab bo/ /de nas de bzhin gshegs pa dri ma med pa'i 'od mtha' yas 'od zer gyi rgyal pos rgyal
401b5 po bsod nams kyis brgyan pa la 'di skad ces bka' stsal to/ /rgyal po chen po/ khyod kyis sbyin pa yongs su btad ba dang / /rin po che'i char bab pa 'di gang mang / gsol pa/
401b6 bcom ldan 'das/ rin po che'i char 'di ni/ dper bgyi pa'ang sla ba ma lags te/ de tsam du tshad ma mchis so/ /bka' stsal pa/ rgyal po chen po/ byang chub sems dpa' seng+ge'i
401b7 rtsal gyis 'gro ba 'di mngon par shes pa'i ye shes kyi stobs kyis 'dod na gang+gA'i klung gi bye ma snyed kyi 'jig rten gyi khams su 'di 'dra ba'i rin po che'i char mngon par 'bebs
402a1 so| |gang 'jig rten gyi khams de dag gi sems can de dag la ji lta bur 'dod pa bzhin du ngoms shing tshim par byed do/ /rigs kyi bu/ 'di ltar
402a2 de'i tshe de'i dus na gang sa bla'i lha rnams kyis ma la 'di sems bskyed ma thag tu nam mkha' las rin po che thams cad kyi char mngon par rab tu bab pa las na/ byang chub
402a3 sems dpa' 'di ni/ nam mkha'i mdzod du 'gyur ba snyam zhes sgra phyung ngo / /ji ltar sa bla'i lha rnams kyis sgra phyung ba de bzhin du bar snang dang / rgyal chen bzhi'i ris dang /
402a4 sum cu rtsa gsum dang / 'thab bral dang / dga' ldan dang / 'phrul dga' nas 'og min gyi bar gyi lha rnams kyis kyang ma la 'di sems bskyed ma thag tu 'di 'dra ba'i rin po che'i
402a5 char rab tu bab pa las na/ kye ma byang chub sems dpa' 'di ni/ nam mkha'i mdzod du 'gyur pa snyam zhes sgra phyung bas ming de la bcom ldan 'das de bzhin gshegs pa
402a6 dri ma med pa'i 'od mtha' yas 'od zer gyi rgyal po de rjes su yi rang ngo / /gang la des rjes su yi rang ba de la gang+gA'i klung gi bye ma snyed kyi sangs rgyas bcom ldan 'das rnams kyang
402a7 rjes su yi rang ngo / /rigs kyi bu/ 'di ltar rgyal po bsod nams kyis brgyan pa des byang chub sems dpa' seng+ge'i rtsal gyis 'gro ba'i mngon par shes pa dang / bsod
402b1 nams dang / ye shes kyi stobs de mthong nas khye'u rgyal ba'i blo gros zhes bya ba rgyal por bcug ste dad pas khyim nas khyim med par rab tu byung nas sbyin pa 'di ni/ sems kun tu
402b2 chags pa'o/ /rab tu byung ba ni/ sems yongs su dag pa'o/ /sbyin pa 'di ni/ lus dang / ngag gi gegs so/ /rab tu byung ba ni/ lus dang / dag yongs su sbyong ba'o/ /sbyin pa
402b3 'di gegs chen po'o/ /rab tu byung ba ni/ gegs thams cad nye bar zhi ba'o/ /sbyin pa 'di ni/ rtswa dang / lo ma'o/ /rab tu byung ba ni/ snying po dang / 'bras bur 'grub pa'o/ /sbyin pa
402b4 'di ni/ nga yi ba dang bcas shing yongs su 'dzin pa dang bcas pa'o/ /rab tu byung ba ni/ yongs su 'dzin pa thams cad 'dor ba'o/ /sbyin pa 'di ni/ 'jig tshogs la lta ba las mi
402b5 bskyod pa'o/ /rab tu byung ba ni/ lta ba thams cad yongs su sbyong ba'o/ /sbyin pa 'di ni/ byis pa'i rtsed mo sbyor ba'o/ /rab tu byung ba 'di ni/ dul ba dang / zhi ba dang / cang shes pa'i sa'o snyam
402b6 du de de ltar tshul bzhin rab tu sbyor zhing / sems de lta bu dang / bsam pa de lta bus de ltar rab tu byung ste gcig pu/ mi 'dre ba/ bag yod pa/ brtson pa/ rab tu dben par gnas
402b7 pas ring po ma thogs par mngon par shes pa lnga bskyed do/ /rigs kyi bu/ de'i tshe de'i dus na rgyal po bsod nams kyis brgyan par gyur pa de gzhan zhig yin pa snyam du khyod sems
403a1 na| de de ltar mi blta'o/ /de ci'i phyir zhe na/ de bzhin gshegs pa 'khor ba 'jig de de'i tshe de'i dus na 'khor los bsgyur ba'i rgyal po bsod
403a2 nams kyis brgyan ces bya bar gyur to/ /byang chub sems dpa' nam mkha' mdzod 'di ni/ de'i tshe de'i dus na byang chub sems dpa' seng+ge'i rtsal gyis 'gro ba zhes bya bar gyur
403a3 te| des thog mar nam mkha'i mdzod las rin po che'i char phab bo/ /de tshun chad bskal pa bye ba khrag khrig brgya stong dpag tu med grangs med par nam yang nam mkha'i
403a4 mdzod las rin po che'i char 'bebs pa mngon par shes pa las ma nyams so/ /rigs kyi bu/ nga ni/ de'i tshe de'i dus na byang chub sems dpa' seng+ge zhes bya bar gyur to/ byang
403a5 chub sems dpa' byams pa ni/ de'i tshe de'i dus na rgyal bu rgyal ba'i blo gros zhes bya bar gyur te/ gang rgyal po bsod nams kyis brgyan pas rgyal por btsug pa'o/ /rigs
403a6 kyi bu| de'i gsung rab kyang 'di ltar dga' zhing yongs su dag par gyur te/ dge ba'i rtsa ba bskyed pa'i sems can rnams kyi gnas su gyur to/ /sems can gang ji snyed
403a7 kyis bla na med pa yang dag par rdzogs pa'i byang chub tu sems bskyed pa de dag kyang byang chub las phyir mi ldog par gyur to/ /sngon byung ba dang ldan pa'i gtam 'di bstan
403b1 pa na srog chags khri nyis stong bla na med pa yang dag par rdzogs pa'i byang chub tu sems bskyed do/ /de nas bcom ldan 'das la byang chub sems dpa' nam mkha' mdzod kyis 'di
403b2 skad ces gsol to/ /bcom ldan 'das/ byang chub sems dpa' sems dpa' chen po rnams kyi 'jig rten las 'das pa'i lam gang lags/ /de skad ces gsol pa dang / bcom
403b3 ldan 'das kyis byang chub sems dpa' nam mkha' mdzod la 'di skad ces bka' stsal to/ /rigs kyi bu/ byang chub sems dpa' rnams kyi lam zhes bya ba ni/ pha rol tu phyin pa
403b4 drug dang / byang chub kyi phyogs kyi chos sum cu rtsa bdun dang / zhi gnas dang / lhag mthong dang / bsdu ba'i dngos po bzhi dang / bsam gtan bzhi dang / tshad med pa bzhi dang /
403b5 gzugs med pa'i snyoms par 'jug pa bzhi dang / mngon par shes pa lnga rnams te/ rigs kyi bu/ 'di ni/ byang chub sems dpa' rnams kyi 'jig rten las 'das pa'i lam zhes
403b6 bya'o| |'jig rten zhes bya ba ni/ phung po lnga'o/ /de la byang chub sems dpa' gzugs mi rtag par rig nas sbyin pa byin no/ /gzugs sdug bsngal bar rig nas sbyin pa byin no/ /
403b7 gzugs bdag med par rig /gzugs zhi bar rig /gzugs stong par rig /gzugs mtshan ma med par rig /gzugs smon pa med par rig /gzugs mngon par 'du
404a1 mi byed par rig /gzugs ma skyes par rig /gzugs ma byung bar rig /gzugs rten cing 'brel bar 'byung bar rig /gzugs dben par rig /gzugs
404a2 gzung ba med par rig /gzugs kun gzhi med par rig /gzugs 'byung ba med par rig /gzugs sgyu ma lta bur rig /gzugs rmi lam lta bur rig /gzugs smig rgyu lta bur
404a3 rig /gzugs chu zla lta bur rig /gzugs brag ca lta bur rig /gzugs mig yor lta bur rig /gzugs gzugs brnyan lta bur rig /gzugs rtswa dang / shing dang / rtsig pa
404a4 dang / lam dang / mig yor lta bur rig nas sbyin pa byin te/ gzugs kyi de bzhin nyid kyis sbyin pa'i de bzhin nyid la 'jug go /sbyin pa'i de bzhin nyid kyis bsngo ba'i de
404a5 bzhin nyid rjes su shes so/ /bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de
404a6 bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid ni/ de
404a7 bzhin nyid med de/ ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas sbyin pa ste/ spyin pa 'di ni/ rigs kyi bu/ byang chub
404b1 sems dpa'i 'jig rten las 'das pa'i lam mo/ /de bzhin du tsher ba dang / 'du shes dang / 'du byed rnams dang / rnam par shes pa mi rtag par rig nas sbyin pa byin no/ /rnam par
404b2 shes pa sdug bsngal ba dang / bdag med par rig /rnam par shes pa zhi bar rig /rnam par shes pa stong par rig /rnam par shes pa mtshan ma med par rig /rnam par shes pa smon
404b3 pa med par rig /rnam par shes pa mngon par 'du mi byed par rig /rnam par shes pa ma skyes par rig /rnam par shes pa ma byung bar rig /rnam par shes pa rten cing 'brel par 'byung
404b4 bar rig nas sbyin pa byin no/ /rnam par shes pa dben par rig /rnam par shes pa gzung ba med par rig /rnam par shes pa kun gzhi med par rig /rnam par shes pa mi 'byung bar
404b5 rig /rnam par shes pa sgyu ma lta bur rig /rnam par shes pa rmi lam lta bur rig /rnam par shes pa smig rgyu lta bur rig /rnam par shes pa chu zla lta bur rig /rnam par shes pa brag ca
404b6 lta bur rig /rnam par shes pa mig yor lta bur rig /rnam par shes pa gzugs brnyan lta bur rig /rnam par shes pa rnam par rig pa med pa'i mtshan nyid du rig nas sbyin pa byin
404b7 te| de rnam par shes pa'i de bzhin nyid kyis sbyin pa'i de bzhin nyid rjes su shes so/ /sbyin pa'i de bzhin nyid kyis bsngo ba'i de bzhin nyid dang / bsngo ba'i de bzhin nyid kyis byang
405a1 chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang / bdag
405a2 gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni/ de bzhin nyid med do/ /ma nor ba de bzhin nyid dang / gzhan ma
405a3 yin pa de bzhin nyid do/ /de bzhin nyid rjes su shes pas sbyin pa byin pa 'di ni/ rigs kyi bu/ byang chub sems dpa'i 'jig rten las 'das pa'i lam mo/ /gzhan yang rigs
405a4 kyi bu| byang chub sems dpa' gzugs mi rtag par rig nas tshul khrims srung ba nas gzugs rtswa dang / shing dang / rtsig pa dang / lam dang / gzugs brnyan lta bu'i bar du rig nas
405a5 tshul khrims srung ngo / /de gzugs kyi de bzhin nyid kyis tshul khrims kyi de bzhin nyid rjes su shes so/ /tshul khrims kyi de bzhin nyid kyis bsngo ba'i de bzhin nyid dang / bsngo ba'i de
405a6 bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang /
405a7 bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni/ de bzhin nyid med de/ ma nor ba de bzhin nyid dang /
405b1 gzhan ma yin pa de bzhin nyid do/ /de bzhin nyid rjes su shes pas tshul khrims de srung ba 'di ni/ rigs kyi bu/ byang chub sems dpa'i 'jig rten las 'das pa'i lam mo/ /de bzhin du
405b2 tshor ba dang / 'du shes dang / 'du byed rnams dang / rnam par shes pa mi rtag par rig nas tshul khrims srung ba nas rnam par shes pa rnam par rig pa med pa'i mtshan nyid kyi bar du rig
405b3 nas tshul khrims srung ste/ de rnam par shes pa'i de bzhin nyid kyis tshul khrims kyi de bzhin nyid rjes su shes so/ /tshul khrims kyi de bzhin nyid kyis bsngo ba'i de bzhin nyid dang / bsngo
405b4 ba'i de bzhin nyid kyi byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang / bdag gi
405b5 de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni/ de bzhin nyid med de/ ma nor ba de bzhin nyid dang / gzhan ma yin pa de
405b6 bzhin nyid do/ /de bzhin nyid rjes su shes pas tshul khrims de srung ba 'di ni/ byang chub sems dpa'i 'jig rten las 'das pa'i lam mo/ /gzhan yang rigs kyi bu/ byang chub sems
405b7 dpa' gzugs mi rtag par rig nas bzod pa sgom pa nas de bzhin du sbyar te/ rjes su shes pa 'di lta bus brtson 'grus rtsom mo/ /bsam gtan la mnyam par 'jog go /shes rab
406a1 rnam par dpyod do/ /des gzugs mi rtag par rig nas shes rab rnam par dpyod pa nas gzugs rtswa dang / shing dang / rtsig pa dang / lam dang / mig yor lta bur rig
406a2 nas shes rab rnam par dpyod do/ /de gzugs kyi de bzhin nyid kyis shes rab kyi de bzhin nyid rjes su shes so/ /shes rab kyi de bzhin nyid kyis bsngo ba'i de bzhin nyid dang / bsngo
406a3 ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid
406a4 dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni/ de bzhin nyid med de/ ma nor ba de bzhin nyid
406a5 dang / gzhan ma yin pa de bzhin nyid do/ /de bzhin nyid rjes su shes pas shes rab rnam par dpyod pa 'di ni/ byang chub sems dpa'i 'jig rten las 'das pa'i lam mo/ /de
406a6 bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas shes rab rnam par dpyod pa nas rnam par shes pa rnam par rig pa med
406a7 pa'i mtshan nyid kyi bar du rig nas shes rab rnam par dpyod do/ /rnam par shes pa'i de bzhin nyid kyis shes rab kyi de bzhin nyid rjes su shes so/ /shes rab kyi de bzhin nyid
406b1 kyis bsngo ba'i de bzhin nyid dang / bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin
406b2 nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid kyi rjes su shes so/ /gang chos thams cad kyi de bzhin nyid de ni/ de bzhin nyid med de/
406b3 ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas shes rab rnam par dpyod pa 'di'ang rigs kyi bu/ byang chub sems dpa'i 'jig
406b4 rten las 'das pa'i lam mo/ /gzhan yang rigs kyi bu/ byang chub sems dpas gzugs mi rtag par rig nas lus la lus kyi rjes su lta zhing dran pa nye bar gzhag pa sgom pa nas gzugs rtswa
406b5 dang / shing dang / rtsig pa dang / lam dang / mig yor lta bu'i bar du rig nas lus la lus kyi rjes su lta zhing dran pa nye bar gzhag pa sgom mo/ /gzugs kyi de bzhin nyid kyis lus kyi de
406b6 bzhin nyid rjes su shes so/ /lus kyi de bzhin nyid rjes su shes pa nas chos thams cad kyi de bzhin nyid kyi bar du rjes su shes so/ /gang chos thams cad kyi de bzhin nyid de ni/ de bzhin nyid med
406b7 de| ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas lus la lus kyi rjes su lta zhing dran pa nye bar gzhag pa sgom ste/ lus dang ldan pa'i
407a1 rnam par rtog pas rnam par mi rtog pa 'di ni/ rigs kyi bu/ byang chub sems dpa'i 'jig rten las 'das pa'i lam mo/ /de bzhin du tshor ba dang / 'du
407a2 shes dang / 'du byed rnams dang / rnam par shes pa mi rtag par rig nas rgya cher de bzhin du sbyin pa byin pa'i bar dang / de bzhin du tshor ba dang / sems dang / chos rnams
407a3 kyang rgyas par bya ste/ gzugs mi rtag par rig pa nas chos la chos kyi rjes su lta zhing dran pa nye bar gzhag pa sgom pa nas rtswa dang / shing dang / rtsig pa dang / lam dang / mig yor
407a4 lta bu'i bar du rig pa nas chos la chos kyi rjes su lta zhing dran pa nye bar gzhag pa sgom mo/ /de bzhin du tshor ba dang / 'du shes dang / 'du byed rnams dang / rnam par shes pa mi rtag
407a5 par rig nas chos la chos kyi rjes su lta zhing dran pa nye bar gzhag pa sgom pa nas rnam par shes pa rnam par rig pa med pa'i mtshan nyid kyi bar du rig nas chos la chos kyi rjes
407a6 su lta zhing dran pa nye bar gzhag pa sgom mo/ /de ltar phung po'i de bzhin nyid gang yin pa de dran pa nye bar gzhag pa'i de bzhin nyid do/ /dran pa nye bar gzhag pa'i de bzhin nyid gang
407a7 yin pa de bsngo ba'i de bzhin nyid do/ /bsngo ba'i de bzhin nyid gang yin pa de byang chub kyi de bzhin nyid do/ /byang chub kyi de bzhin nyid gang yin pa de sems can gyi de bzhin nyid
407b1 do| |sems can gyi de bzhin nyid gang yin pa de bdag gi de bzhin nyid do/ /bdag gi de bzhin nyid gang yin pa de chos thams cad kyi de bzhin nyid do/ /chos thams cad kyi de bzhin nyid gang
407b2 yin pa de ni/ de bzhin nyid med de/ ma nor pa de bzhin nyid dang / gzhan ma yin pa de bzhin nyid do/ /de bzhin nyid rjes su shes pas chos la chos kyi rjes su lta zhing dran pa nye bar gzhag
407b3 pa sgom yang chos dang ldan pa'i rnam par rtog pas rnam par mi rtog ste/ gang de ltar rjes su shes pa 'di ni/ byang chub sems dpa'i 'jig rten las 'das pa'i lam zhes bya'o/ /de bzhin
407b4 du sbyar te de ltar dran pa nye bar gzhag pa la ji lta ba bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang /
407b5 zhi gnas dang / lhag mthong dang / bsdu ba'i dngos po dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga'ang
407b6 de bzhin du rgyas par byas te/ des gzugs mi rtag par rig nas mngon par shes pa'i ye shes sgrub par byed de/ gzugs sdug bsngal pa dang / gzugs bdag med pa dang / gzugs
407b7 zhi ba dang / gzugs stong pa dang / gzugs mtshan ma med pa dang / gzugs smon pa med par rig /gzugs mngon par 'du mi byed par rig /ma skyes pa dang / ma byung ba dang / rten
408a1 cing 'brel par 'byung ba dang / dben pa dang / gzung ba med pa dang / kun gzhi med pa dang / mi 'byung ba dang / sgyu ma lta bu dang / rmi lam lta bu dang / chu zla lta
408a2 bu dang / brag ca lta bu dang / mig yor lta bu dang / gzugs brnyan lta bu dang / gzugs rtswa dang / shing dang / rtsig pa dang / lam dang / mig yor lta bur rig nas mngon par
408a3 shes pa'i ye shes mngon par sgrub bo/ /de bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas mngon par shes pa'i ye shes
408a4 mngon par sgrub ste/ rnam par shes pa sdug bsngal bar rig /rnam par shes pa bdag med pa dang / rnam par shes pa zhi ba dang / rnam par shes pa stong pa dang / mtshan ma med pa
408a5 dang / smon pa med pa dang / mngon par 'du byed pa med pa dang / ma skyes pa dang / ma byung ba dang / rten cing 'brel par 'byung ba dang / dben pa dang / gzung ba med pa dang /
408a6 kun gzhi med pa dang / mi 'byung ba dang / sgyu ma lta bu dang / rmi lam lta bu dang / mig sgyu lta bu dang / chu zla lta bu dang / brag ca lta bu dang / mig yor lta bu dang / gzugs brnyan
408a7 lta bu dang / rnam par shes pa rnam par rig pa med pa'i mtshan nyid du rig nas mngon par shes pa'i ye shes mngon par sgrub bo/ /'di lta ste/ phung po'i de bzhin nyid gang
408b1 yin pa de mngon par shes pa'i de bzhin nyid do/ /mngon par shes pa'i de bzhin nyid gang yin pa de bsngo ba'i de bzhin nyid do/ /bsngo ba'i de bzhin nyid gang yin pa de byang chub kyi de
408b2 bzhin nyid do/ /byang chub kyi de bzhin nyid gang yin pa de sems can gyi de bzhin nyid do/ /sems can gyi de bzhin nyid gang yin pa de bdag gi de bzhin nyid do/ /bdag gi de bzhin
408b3 nyid gang yin pa de chos thams cad kyi de bzhin nyid do/ /chos thams cad kyi de bzhin nyid gang yin pa de ni/ de bzhin nyid med de/ ma nor ba de bzhin nyid dang / gzhan ma yin
408b4 pa de bzhin nyid do/ /de bzhin nyid rjes su shes pas mngon par shes pa'i ye shes rab tu sgrub ste/ gang de ltar rjes su shes pa de ni/ byang chub sems dpa'i 'jig rten las 'das
408b5 pa'i lam zhes bya'o/ /de ci'i phyir zhe na/ 'jig rten las 'das pa'i lam de ni/ gzugs kyi de bzhin nyid rjes su shes pa ste/ gzugs 'jig pa ma yin/ chad ba ma yin/ rtag
408b6 pa ma yin/ rten cing 'brel bar 'byung ba rang bzhin gyis ma skyes pa'o/ /de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid rjes
408b7 su shes pa ste/ rnam par shes pa 'jig pa ma yin/ chad pa ma yin/ rtag pa ma yin/ rten cing 'brel par 'byung ba rang bzhin gyis ma skyes pa'o/ /gang phung po'i 'jig rten
409a1 las rgal ba de ni/ 'dod pa dang / gzugs dang / gzugs med pa'i 'jig rten la'ang mi chags pa ste/ de mi chags pas med 'gro ba lngar skyes pa'i
409a2 sems can rnams 'jig rten las 'da' ba'i phyir chos ston te/ gang 'jig rten 'jig par mi byed pa de ltar ston to/ /de ci'i phyir zhe na/ 'jig rten mi rtag pa'i
409a3 mtshan nyid de 'jig par mi byed do/ /'jig rten ni/ sdug bsngal gyi mtshan nyid/ bdag med pa'i mtshan nyid/ zhi ba'i mtshan nyid/ stong pa'i mtshan nyid/ mtshan ma med
409a4 pa'i mtshan nyid/ smon pa med pa'i mtshan nyid/ mngon par 'du mi byed pa'i mtshan nyid nas de bzhin nyid kyi mtshan nyid kyi bar du ste/ 'jig rten 'jig par mi byed pa
409a5 'di ni/ rigs kyi bu/ byang chub sems dpa'i 'jig rten las 'das pa'i lam yongs su dag pa'o/ /gang lam yongs su dag pa la rab tu gnas pa'i byang chub
409a6 sems dpa' lam log pa la gnas pa'i sems can rnams la chos kyi snang ba chen po byed do/ /de dag snang ba rnyed nas 'jig rten las 'das pa'i lam de nyid
409a7 la rab tu gnas so/ /byang chub kyi snying po thob par byed pa'i phyir lam 'di ni/ rab kyi mchog go /mi dge ba thams cad kyi sems med pa'i phyir lam 'di ni/
409b1 mchog go /sangs rgyas kyi ye shes kyi rtse mo rnyed pa'i phyir lam 'di ni/ dam pa'o/ /chu bo thams cad las sgrol ba'i phyir lam 'di ni/ bla na med pa'o/ /nyi tshe ba'i lam
409b2 thams cad las 'das pa'i phyir lam 'di ni/ gong na med pa'o/ /gnyen po mi dmigs pa'i phyir lam 'di ni/ mnyam pa med pa'o/ /sngon gyi sangs rgyas kyi lam du yang
409b3 dag par 'gro ba'i phyir lam 'di ni/ mi mnyam pa dang mnyam pa'o/ /bdud dang phyir rgol ba thams cad bcom pa'i phyir lam 'di ni/ bde bar 'gro ba'o/ /mngon par
409b4 shes pa dang rdzu 'phrul gyi rkang pa'i ye shes kyis rnam par rol pa'i phyir lam 'di ni/ mi thogs par 'gro ba'o/ /shes rab kyis snang ba'i 'od rnam par dag pa'i phyir lam 'di
409b5 ni| mun pa mun nag med pa'o/ /sgyu dang g.yo med pa'i phyir lam 'di ni/ drang pa'o/ /sems gya gyu med pa'i phyir lam 'di ni/ gsal ba'o/ /sems can thams cad la sems
409b6 mnyam pa'i phyir lam 'di ni/ mnyam pa'o/ /sems can thams cad la go 'byed pa'i phyir lam 'di ni/ rgya che ba'o/ /phan tshun gnod par mi 'gyur bas lam 'di ni/
409b7 yangs pa'o/ /yongs su mi skyo bar 'gro bas lam 'di ni/ rnal du 'dug pa'o/ /sbyin pa'i pha rol tu phyin pas lam 'di ni/ bsod nams kyis brtan pa'o/ /tshul khrims kyi
410a1 pha rol tu phyin pas lam 'di ni/ gdung ba med pa'o/ /bzod pa'i pha rol tu phyin pas lam 'di ni/ 'jig pa med pa'o/ /brtson 'grus kyi pha rol tu phyin pas
410a2 lam 'di ni/ mi zlog pa'o/ /bsam gtan gyi pha rol tu phyin pas lam 'di ni/ rdul thams cad dang bral ba'o/ /shes rab kyi pha rol tu phyin pas lam 'di ni/ nam mkha' dang mnyam
410a3 bar 'gro ba'o/ /nga rgyal med pas lam 'di ni/ ye shes kyi rjes su 'gro ba'o/ /dge ba'i chos thams cad yang dag par sgrub pas lam 'di ni/ sangs rgyas kyi chos thams cad yongs su
410a4 sgrol ba'i rjes su 'gro ba'o/ /sngon thos pa mi slu ba'i phyir lam 'di ni/ chos kyi 'khor lo rab tu bskor ba rjes su 'gro ba ste/ rigs kyi bu/ de dag ni/ byang chub sems dpa' rnams kyi 'jig
410a5 rten las 'das pa'i lam yongs su dag pa ste/ lam yongs su dag pas gang la gnas nas byang chub sems dpa' go cha chen po bgos te theg pa chen po de la zhugs nas byang chub
410a6 kyi snying po ga la ba der 'gro ba'o/ /de la 'di ni/ byang chub sems dpa' rnams kyi go cha ste/ gru chen po yang dag par sbyor bas ma rgal ba sgrol ba'i go cha'o/ /nyon mongs pa dang / lta
410a7 ba'i bcings pa thams cad las yongs su 'grol bas ma grol ba 'grol ba'i go cha'o/ /yongs su 'dzin pa'i 'jigs pa thams cad 'dor bas dbugs ma phyin pa rnams dbugs
410b1 'byin pa'i go cha'o/ /med pa la phyin ci log tu gyur pa mnyam pa nyid du ston pas yongs su mya ngan las ma 'das pa mya ngan las 'da' ba'i go cha'o/ /bdag dang / sems can dang /
410b2 srog dang / gang zag mi dmigs pas sems can thams cad yongs su grol ba'i go cha'o/ /lus dang / srog la mi lta bas dam pa'i chos yongs su 'dzin pa'i go cha'o/ /dge ba'i rtsa ba'i
410b3 tshogs bsags pas ngoms mi myong bas sangs rgyas kyi zhing yongs su sbyong ba'i go cha'o/ /sbyin pa'i tshogs bsags pas mtshan dang dpe byad bzang po lus kyi rgyan gyi go cha'o/ /
410b4 mngon par shes pa thob pas bdud dang phas kyi rgol ba thams cad btul ba'i go cha'o/ /so so yang dag par rig pa'i ye shes kyis sems can thams cad shin tu tshim
410b5 par byed pa'i go cha'o/ /gzungs kyi ye shes kyis sangs rgyas kyi chos thams cad nyan pa dang tshol ba'i go cha'o/ /mngon par shes pa'i ye shes kyis sems can thams
410b6 cad kyi sems la lta ba'i go cha'o/ /shes rab kyi ye shes kyis sems can thams cad kyi dbang po mchog dang mchog ma yin pa shes pa'i go cha'o/ /shes rab dang
410b7 ye shes kyi stobs yang dag par sgrub pas stobs bcu yongs su skong ba'i go cha'o/ /thams cad du sems gong ba med pas mi 'jigs pa thob pa'i go cha'o/ /mi dge
411a1 ba'i chos thams cad spangs shing dge ba'i chos thams cad yongs su rdzogs par byed pas sangs rgyas kyi chos ma 'dres pa bco brgyad
411a2 yongs su skong ba'i go cha'o/ /chos thams cad sgyu ma dang / rmi lam dang / mig yor dang / brag ca dang / chu zla lta bur thos kyang mi skrag /mi dngang / dngang bar mi
411a3 'gyur ba de ni/ byang chub sems dpa' rnams kyi mi skrag pa'i go cha ste/ sems can thams cad rang bzhin gyis yongs su mya ngan las 'das par shes kyang sems
411a4 can thams cad yongs su mi gtong par gnas pa de ni/ byang chub sems dpa' rnams kyi snying rje chen po'i go cha'o/ /chos thams cad stong pa nyid dang / mtshan ma
411a5 med pa dang / smon pa med pa dang / mngon par 'du mi byed pa dang / ma skyes pa dang / ma byung bar thos kyang tshe dang / 'chi 'pho dang / skye ba kun tu ston pa de ni/ byang
411a6 chub sems dpa' rnams kyi thabs la mkhas pa'i go cha'o/ /chos thams cad nges par gyur pa la zhugs pa'i mtshan nyid du shes shing 'du byed thams cad skye ba
411a7 med par rig kyang 'gog par mi ltung zhing 'bras bu mngon sum du'ang mi byed pa de ni/ byang chub sems dpa' rnams kyi sngon gyi byin gyi rlabs mi 'khrugs pa'i go
411b1 cha'o/ /go cha chen po nyi shu po de dag bgos nas de theg pa chen po la mngon par zhugs pa yin no/ /theg pa chen po de ni/ bsdu ba'i dngos pos phang lo bzhi dang legs par ldan
411b2 par byas pa/ bsam pas dge ba'i rtsa ba yongs su bsngos pas rtsibs shin tu sbyar ba/ rten cing 'brel par 'byung ba ye shes lhag par che bas lte ba zab cing legs par
411b3 byas pa| sems can thams cad kyi khur skye ba'i phyir srog shing dang ldan zhing shin tu bzung ba/ byams pa chen po dang snying rje chen pos yang dag par zin pas shing rta'i mda'
411b4 brtan par sbyar ba/ chos rin po che thams cad kyis legs par brgyan pas rin po che thams cad kyi kha ran gyis bskor ba/ sngon dam bcas pa kha 'og tu lus 'khrus par
411b5 byed pas lhag pa'i bsam pa sra ba'i 'breng bas bcings pa/ thabs dang shes rab zung du 'brel pas gnya' shing gi khur khyer ba/ zhi gnas dang lhag
411b6 mthong gi bu gar legs par sbyar ba/ bden pa bzhi yongs su shes pa'i stobs kyi 'gros can/ cang shes stong rab tu 'bad pa dang ldan pa/ rdzu 'phrul gyi rkang
411b7 pa bzhis sangs rgyas kyi zhing thams cad du 'gro ba/ dran pa'i ru dag rin po che'i phreng ba'i srad bus bcings pa/ sems can thams cad shong bas rgya che zhing
412a1 yangs par rgyu ba dang / dgra dang bdud kyi dgra 'dul ba/ legs par bya ba byas pa/ rig pa dang ye shes rab tu sbyor ba/ byin gyi
412a2 rlabs kyis byin gyis brlobs pa/ phyogs bcu'i sangs rgyas thams cad kyis dgongs pa/ seng+ge'i khri shin tu brgyan pa/ lha dang / brgya byin dang / tshangs pa
412a3 thams cad kyis mngon par bstod pa/ gzugs bzang zhing blta bas mi ngoms pa/ blta na sdug pa/ rdo rje ltar sra zhing mi tshugs pa/ lhag pa'i bsam pa brtan
412a4 pas dam bcas pa las mi 'gyur ba/ kha lo sgyur bas shin tu bsdus shing bzung ba/ rtag tu byang chub kyi sems sngon du 'gro ba/ smon lam gyi yon tan yongs
412a5 su rdzogs pa'i rjes su song bas gar dga' mgur 'gro ba/ phyogs bcur rnams par lta ba'i lha'i mig snang ba thob pa/ phyogs bcur snang bar byed pa'i phyir 'od
412a6 yangs pa rnam par dag cing 'od zer mtha' yas pa/ byang chub kyi yan lag gi me tog gi char rgyun du 'bab pas rtag tu mi tog gang ba/ rtag tu chos yang dag
412a7 par brjod pa'i rol mo sil snyan dang ldan pa/ skye bo'i 'khor skal ba mthun pa/ byang chub sems dpa' spyod pa thams cad tshor ba/ yon tan gyi rnam pa tshad
412b1 med pa'i ye shes mtha' yas pas shin tu 'phags pa/ rnam pa thams cad kyi mchog dang ldan pa'i stong pa nyid thams cad mkhyen pa'i ye shes dang rab tu ldan pa ste/
412b2 rigs kyi bu/ theg pa chen po de ni/ de 'dra'o/ /skyes bu dam pa de dag de'i phyir go bgos nas mngon par zhugs te/ 'jig rten las 'das pa'i lam de la rab tu zhugs
412b3 pas thams cad mkhyen pa ma thob kyang sangs rgyas kyi mdzad pas sems can rnams la nye bar gnas pa yin no/ /lam dang / go cha dang / theg pa bkod pa 'di bstan pa na/
412b4 lha dang mi'i srog chags bdun khri nyis stong ni/ bla na med pa yang dag par rdzogs pa'i byang chub tu sems skyes so/ /byang chub sems dpa' sum khri nyis stong ni/ 'jig
412b5 rten las 'das pa'i lam yongs su dag pas mi skye ba'i chos la bzod pa thob bo// //'phags pa nam mkha' mdzod kyis zhus pa/ bam po drug
412b6 pa| de nas byang chub sems dpa' rin chen dpal gyis byang chub sems dpa' nam mkha' mdzod la 'di skad ces smras so/ /rigs kyi bu/ khyod kyis 'jig rten las
412b7 'das pa'i lam rnam par sbyangs so/ /smras pa/ rigs kyi bu/ bdag rnam par dag pas rnam par sbyangs so/ /smras pa/ rigs kyi bu/ khyod ji ltar na/ bdag rnam par
413a1 dag /smras pa/ rigs kyi bu/ 'jig rten rnam par dag pas bdag rnam par dag go /smras pa/ rigs kyi bu/ 'jig rten rnam par dag pa
413a2 'di gang / smras pa/ gzugs sngon gyi mtha' rnam par dag pas 'pho ba'ang med/ gzugs kyi phyi ma'i mtha' rnam par dag pas 'ong ba'ang med/ gzugs da ltar
413a3 byung ba'ang rnam par dag pas chos nyid gnas pa ste/ de bzhin du tshor ba dang / 'du shes dang / 'du byed rnams dang / rnam par shes pa'i sngon gyi mtha' rnam par
413a4 dag pas 'pho ba'ang med/ rnam par shes pa phyi ma'i mtha' rnam par dag pas 'ong ba'ang med/ rnam par shes pa da ltar byung ba'ang rnam par dag pas chos nyid
413a5 gnas pa ste/ de ni/ rigs kyi bu/ 'jig rten rnam par dag pa zhes bya'o/ /smras pa/ de ltar rnam par dag pa'i 'jig rten ci la lta/ smras pa/ rigs kyi bu/ de ltar
413a6 rnam par dag pa'i 'jig rten na/ chos thams cad la lta'o/ /smras pa/ ji ltar na chos thams cad la lta/ smras pa/ shes rab dang ye shes kyis chos thams cad
413a7 sngon gyi mtha' dang phyi ma'i mthar yongs su chad par rab tu shes so/ /smras pa/ chos thams cad sngon gyi mtha' dang / phyi ma'i mtha' yongs su chad pa gang / smras pa/
413b1 gang la chad pa'ang med/ rtag pa'ang med pa'o/ /smras pa/ gang la chad pa'ang med/ rtag pa'ang med pa de la ci zhes bya/ smras pa/ gang la chad pa'ang med/ rtag pa'ang
413b2 med pa de la ni/ skye ba med pa dang / 'gag pa med pa zhes bya ba'o/ /smras pa/ gang la skye ba'ang med/ 'gag pa'ang med pa de ci zhes bya/ smras pa/ gang skye ba med pa dang /
413b3 'gag pa med pa de ni/ ji skad ces kyang mi bya'o/ /de ci'i phyir zhe na/ chos de bgrang du med cing brjod du med pa'o/ /smras pa/ rigs kyi bu/ bgrang du med pa'i chos ji ltar
413b4 bgrang bar 'gyur/ smras pa/ 'di lta ste/ dper na/ sa'i steng na nam mkha' la bgrang mod kyi/ nam mkha' la ni/ bgrang bar mi nus so/ /de bzhin du bgrang ba'i sgo
413b5 nas ni| bgrang mod kyi/ bgrang ba'i sgo nas bgrang bar mi nus so/ /gang bgrang ba'i sgo de nyid ni/ bgrang du med pa'i sgo'o/ /de la bgrang ba'i sgo gang / bgrang du med pa'i sgo
413b6 gang zhe na/ bgrang ba'i sgo zhes bya ba ni/ 'dus byas so/ /bgrang du med pa'i sgo zhes bya ba ni/ 'dus ma byas so/ /de la gang 'dus ma byas la bgrang ba med pa de ni/ bgrang
413b7 du med pa'o/ /gang bgrang du med pa de ni/ 'dus ma byas te/ bcom ldan 'das kyis kyang de 'di skad ces bgrangs shing gcal te/ shes rab kyis gang spang bar bya ba de
414a1 spongs shig ces gsungs so/ /de la nam byang chub sems dpa' 'dus byas la bgrang zhing rnam par shes pa la 'jal te tshul bzhin
414a2 so sor rtog pa de na gang yongs su shes par bya ba'am/ spang bar bya ba'am/ mngon sum du bya ba'am/ bsgom par bya ba'i chos gang yang yang dag par rjes su mi
414a3 mthong ngo / /des chos thams cad yang dag par rjes su mi mthong bas chos la gnas su mi byed do/ /nam chos la gnas su mi byed pa de ni/ gzhi med pa thob pa yin
414a4 no| |nam gzhi med pa thob pa de ni/ gang la'ang 'dod par mi 'gyur ro/ /nam gang la'ang 'dod par mi byed pa de ni/ ci la'ang mi dmigs so/ /de dmigs pa dang
414a5 bral bas bdag gi ba med cing yongs su 'dzin pa med do/ /ci yongs su mi 'dzin ce na/ gzugs la rtag pa'am/ mi rtag par yongs su mi 'dzin to/ /tshor ba dang /
414a6 'du shes dang / 'du byed rnams dang / rnam par shes pa la rtag pa dang mi rtag par yongs su mi 'dzin to/ /gzugs la sdug bsngal ba dang bde bar yongs su mi
414a7 'dzin| tshor ba dang / 'du shes dang / 'du byed rnams dang / rnam par shes pa la sdug bsngal ba dang bde bar yongs su mi 'dzin/ gzugs la bdag dang bdag
414b1 med par yongs su mi 'dzin pa nas rnam par shes pa'i bar la bdag dang bdag med par yongs su mi 'dzin to/ /gzugs la sdug pa dang mi sdug par yongs su mi 'dzin
414b2 pa nas rnam par shes pa'i bar la sdug pa dang mi sdug par yongs su mi 'dzin/ gzugs la stong pa'am mi stong par yongs su mi 'dzin pa nas rnam par shes pa'i bar
414b3 la stong pa'am mi stong par yongs su mi 'dzin to/ /de yongs su mi 'dzin kyang ting nge 'dzin thob pas 'khor ba na spyod cing 'khor ba'i nyon mongs pa rnams yongs su mi
414b4 'dzin to/ /sems can rnams kyang mya ngan las 'das pa la mos par byed la bdag kyang thog mar yongs su mya ngan las 'das pa yin no/ /de la byang chub sems dpa'i
414b5 yongs su mya ngan las 'das pa gang zhe na/ yongs su mya ngan las 'das pa zhes bya ba ni/ mngon par 'du mi byed pa'o/ /de la byang chub sems dpa'i mi dge ba'i las
414b6 cung zad kyang mngon par 'du mi byed do/ /gang dge ba'i chos rnams yang dag par 'dzin cing 'jug go /de lus dang / ngag dang / sems dben pa'i mngon par 'du mi byed pa
414b7 thams cad mngon par 'du byed de/ /so sor brtags nas thams cad mkhyen par yongs su bsngo'o/ /thams cad mkhyen pa de gzugs su mi snyems/ tshor bar ma yin/
415a1 'du shes su ma yin/ 'du byed rnams su ma yin/ rnam par shes par yang snyems par mi byed do/ /de'i sems la snyems pa med
415a2 cing tshul khrims snyems pa med pas smon lam thams cad yongs su rdzogs par byed kyang chos gang la'ang bri ba'am gang bar yang dag par rjes su mi mthong ngo / /
415a3 de bri ba med cing gang ba med pas chos thams cad mnyam pa nyid rnyed nas chos kyi dbyings la gnas shing byang chub sems dpa'i spyad pa spyod de/ /chos gang
415a4 yang spyad pa'ang med/ rnam par spyad pa'ang med do/ /rigs kyi bu/ de ltar yongs su mya ngan las 'das pa'i byang chub sems dpa' byang chub sems dpa'i
415a5 spyad pa spyod do/ /de ci'i phyir zhe na/ mngon par 'du bya ba thams cad la mngon par 'du mi byed par rab tu gnas pa ni/ mya ngan las 'das pa ste/ de'i phyir
415a6 byang chub sems dpa' mngon par 'du bya ba de la mngon par 'du mi byed de/ mngon par 'du mi byed pa ni/ mngon par 'dus ma byas pas yongs su mya ngan
415a7 las 'das pa zhes bya'o/ /pha rol ces bya ba ni/ gang rnam par shes pa mi 'jug pa ste/ byang chub sems dpa' rnam par rig pa med par rab tu phye ba ni/
415b1 yongs su mya ngan las 'das pa zhes bya'o/ /pha rol ces bya ba ni/ mtshan ma med pa ste/ de la de'i sems mtshan ma la yongs su mi bsngo ba ni/ yongs su mya ngan
415b2 las 'das pa zhes bya'o/ /pha rol ces bya ba ni/ kun tu rtog pa med pa ste/ kun tu rtog pa de la de'i sems mi 'jug pas de'i phyir yongs su mya ngan las 'das pa
415b3 zhes bya'o/ /pha rol ces bya ba ni/ gzhi med pa'o/ /gzhi de la de'i sems yongs su mi bsngo ste/ de'i phyir yongs su mya ngan las 'das pa zhes bya'o/ /rigs kyi
415b4 bu| de ltar na/ byang chub sems dpa' yongs su mya ngan las 'das pa byang chub sems dpa'i spyad pa spyod do/ /de nas bcom ldan 'das kyis byang chub sems dpa'
415b5 sems dpa' chen po nam mkha' mdzod la legs so/ /zhes bya ba byin te/ legs so/ /legs so/ /skyes bu dam pa/ gal te bshad par bya na de ltar bshad do/ /
415b6 bstan pa 'di bshad pa na byang chub sems dpa' lnga brgya bzod pa skyes so/ /de nas bcom ldan 'das la byang chub sems dpa' sems dpa' chen po nam mkha'
415b7 mdzod kyis 'di skad ces gsol to/ /bcom ldan 'das/ bdag cag ni/ de bzhin gshegs pa'i chos snang ba 'dis spobs so/ /bcom ldan 'das/ 'di lta ste/
416a1 dper na| snang ba la brten nas gzugs rnams gda' ba de bzhin du de bzhin gshegs pa'i skyes bu'i mthu 'dis bdag cag rnams
416a2 spobs so/ /de nas byang chub sems dpa' rin chen dpal gyis byang chub sems dpa' nam mkha' mdzod la 'di skad ces smras so/ /rigs kyi bu/ ci'i phyir
416a3 na| bdag gi ye shes 'di bcab ste sangs rgyas kyi byin gyi rlabs kyis bdag spobs so/ /zhes ston/ smras pa/ rigs kyi bu/ byang chub sems dpa' rnams
416a4 kyi gang cung zad spobs pa ji snyed pa de thams cad sangs rgyas kyi byin gyi rlabs su blta'o/ /de ci'i phyir zhe na/ gal te sangs rgyas bcom ldan 'das rnams kyis
416a5 chos de dag yongs su snang bar ma mdzad na/ byang chub sems dpa' spobs par ga la 'gyur/ /smras pa /rigs kyi bu/ ci spobs pa de 'pho ba zhig gam /
416a6 smras pa| rigs kyi bu/ 'pho ba ma yin mod kyi/ 'on kyang de sangs rgyas kyi spobs pa'i rgyus spobs so/ /'di lta ste/ dper na/ ma rig pa ni/ 'du byed
416a7 rnams su mi 'pho mod kyi/ ma rig pa'i rgyus 'du byed rnams kyang skye ba de bzhin du sangs rgyas kyi spobs pa'ang gang du'ang mi 'pho mod kyi/ de'i rgyus spobs par yang
416b1 'gyur ro/ /'di lta ste/ dper na/ rta dang / glang po che dang / mi rnams kyi sgra brag car mi 'pho mod kyi/ de'i rgyus brag ca'i sgra'ang 'byung ba de bzhin du sangs
416b2 rgyas kyi spobs pa gang du'ang mi 'pho mod kyi/ de'i rgyud spobs par yang 'gyur ro/ /rin chen dpal gyis smras pa/ rigs kyi bu/ rten cing 'brel par 'byung ba ni/ zab
416b3 bo| |smras pa/ 'di ltar chos gang yang mi skye'o/ /smras pa/ rigs kyi bu/ ci chos thams cad rten cing 'brel bar 'byung ba ma yin nam/ smras pa/ gal te rkyen
416b4 rnams la byed pa po 'ga' zhig yod par gyur na ni/ chos rnams skye bar 'gyur na/ rkyen rnams la byed pa po gang yang mi dmigs pas de'i phyir chos thams cad la
416b5 byed pa po dmigs su med do/ /smras pa/ rigs kyi bu/ ci de bzhin gshegs pa ma byung ngam/ smras pa/ gal te de bzhin nyid byung na ni/ de bzhin gshegs pa'ang
416b6 'byung bar 'gyur na/ de bzhin nyid ni/ 'byung bar mi 'dod do/ /de ci'i phyir zhe na/ de bzhin nyid ni/ skye ba med pas rab tu phye ba ste/ de bzhin nyid ji lta bar chos
416b7 thams cad kyang de bzhin te/ de thugs su chud pas na/ de bzhin gshegs pa zhes bya'o/ /smras pa/ rigs kyi bu/ ci de bzhin gshegs pa byung ngam/ smras pa/
417a1 de 'di 'dra ba 'di ni/ gzhag par bya ba'o/ /smras pa/ gzhag par bya ba de gang / smras pa/ chos kyi dbyings ji ltar gnas pa bzhin
417a2 no| |smras pa/ chos kyi dbyings kyi gnas ji lta bu/ smras pa/ skye ba'i gnas ma yin/ 'jig pa'i gnas ma yin te/ gnas kyang ma yin/ gnas med pa'ang ma
417a3 yin pa 'di lta bu'i gnas kyi chos kyi dbyings kyi gnas so/ /chos kyi dbyings kyi gnas ji lta bar chos thams cad kyi gnas kyang de bzhin no/ /chos thams cad kyi
417a4 gnas gang yin pa de ni/ gnas ma yin te/ gang gnas ma yin pa de la skye ba'i gnas gang yang med/ 'jig pa'i gnas kyang med pas gnas kyang ma yin/
417a5 gnas ma yin pa'ang ma yin te/ de lta bu'i gnas ni/ de bzhin gshegs pa'i gnas so/ /de bzhin gshegs pa'i gnas gang yin pa de skye ba'i gnas su'ang mi
417a6 'dod do/ /'gog pa'i gnas su'ang ma yin no/ /'di ltar rigs kyi bu/ de bzhin gshegs pa byung ngo / /zhes bya ba 'di ni/ mtha' gcig go /de bzhin gshegs pa
417a7 ma byung ngo / /zhes bya ba 'di ni/ mtha' gnyis te/ /gang skye ba dang / skye ba med pa de gnyis kyi dbu ma'i lam de las de bzhin gshegs pa btsal bar bya'o/ /rin chen
417b1 dpal gyis smras pa/ rigs kyi bu/ gang la skye ba'ang med/ 'jig pa'i gnas kyang med par sangs rgyas skye ba ni/ zab na/ rigs kyi bu/ sangs rgyas 'byung ba 'di la
417b2 su zhig mos par 'gyur/ smras pa/ gang lhag par mi byed pa'o/ /smras pa/ rigs kyi bu/ lhag par byed ces bya ba ji ltar bstan pa yin/ smras pa/ rigs kyi bu/ lhag
417b3 par byed ces bya ba 'di ni/ sgro 'dogs pa'i tshig go /su chos gang la'ang sgro mi 'dogs pa de ni/ chos gang la'ang lhag par mi byed pa ste/ lhag par mi byed pa'i tshig ni/
417b4 mnyam pa nyid kyi tshig go /mnyam pa nyid kyi tshig ni/ 'dra ba med pa'i tshig go /'dra ba med pa'i tshig ni/ tshig ma yin pa'i tshig go /tshig ma yin pa'i tshig ni/ yi
417b5 ge med pa'i tshig go /yi ge med pa'i tshig ni/ rnam par rig pa med pa'i tshig go /rnam par rig pa med pa'i tshig de la sems dang / yid kyi bar du rgyu ba med pa de rab tu
417b6 rgyu ba med pa'i tshig go /'di lta ste/ dper na/ nam mkha' la bya rjes kyi gnas med kyang sgras gnas su brjod pa de bzhin du sangs rgyas skye ba'ang skye ba med pa ste/ 'on
417b7 kyang skye ba'i sgras brjod do/ /de la byang chub sems dpa' ni/ mkhas pas skye ba med pa ston cing yongs su snang bar byed do/ /de ci'i phyir zhe na/ chos thams cad kyi ngo bo
418a1 nyid ni/ 'di lta ste/ 'di ni/ mi skye ba'i ngo bo nyid do/ /gang mi skye ba'i ngo bo nyid de ni/ ngo bo nyid med pa'o/ /gang ngo bo nyid med pa
418a2 de la dngos po med do/ /gang dngos po med pa de la gnas gang yang med do/ /chos thams cad ni/ mi gnas pa'i mtha'o/ /gang mi gnas pa'i mtha' de ni/ chos
418a3 thams cad kyi mtha' ste/ de'i phyir chos thams cad ni/ yang dag pa'i mtha' la gnas zhes bya'o/ /yang dag pa'i mtha' zhes bya ba ni/ yongs su ma chad pa'i
418a4 mtha'o/ |mtha' thams cad kyi rjes su 'gro ba'i mtha' ste/ chos thams cad ni/ mtha' der phyin par snang ngo / /de ci'i phyir zhe na/ nam mkha'i cha shas gshegs
418a5 pa'i mtha' 'di ste/ ji ltar nam mkha' gtan du chad pa'i mtha' ma yin pa de bzhin du yang dag pa'i mtha' la chos thams cad kyi mtha' med do/ /yang
418a6 dag pa'i mtha' gang yin pa de ni/ bdag gi mtha' ste/ bdag gi mtha' rjes su shes pas sems can thams cad kyi mtha' rjes su shes par khong du chud
418a7 par bya'o/ /gang sems can thams cad kyi mtha' der chos thams cad kyi mtha'ang 'dus te/ de'i phyir chos thams cad ni/ zad pa'i mu/ zad pa'i mthar thug
418b1 pa zhes bya'o/ /zad ces bya ba de ni/ mya ngan las 'das pa'i ming bla dwags so/ /de bas na chos thams cad ni/ mya ngan las 'das pa dang mtshungs pa zhes bya'o/ /de
418b2 ci'i phyir zhe na/ de dag la gnyen po med do/ /'di lta ste/ dper na/ nam mkha' la gnyen po med pa de bzhin du chos thams cad la'ang gnyen po med do/ /gang dag
418b3 gnyen pos mya ngan las 'das pa tshol ba de dag ni/ skye ba dang / 'jig par lta ba yin te/ chos 'di dag ni/ bskyed par bya/ chos 'di dag ni/ dgag par bya
418b4 zhes de dag skye ba dang / 'jig pa la spyod pas de dag mya ngan las 'das pa'i mnyam pa nyid mi shes so/ /de bas na/ bcom ldan 'das kyis kyang 'di skad ces
418b5 shes par gyis shig /shes par gyis shig /ma rtsod cig /rtsod pa med pa dge sbyong gi yon tan gyi mchog rnams yongs su rdzogs par gyis shig ces gsungs so/ /
418b6 de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ byang chub sems dpa' nam mkha' mdzod ji ltar lus
418b7 mngon sum du gyur pa de bzhin du ston pa ngo mtshar to/ /byang chub sems dpa' nam mkha' mdzod kyis smras pa/ btsun pa kun dga' bo/ /kho bo'i lus ni/ mngon sum
419a1 ste| lus kyi mngon sum bdag ma yin no/ /de ci'i phyir zhes/ nam mkha' ni/ bdag gi lus te/ de'i phyir kho bo'i lus ni/ mngon
419a2 sum mo| |de ji ltar na lus mngon sum yin zhe na/ gang gi phyir lus kyis sangs rgyas kyi mdzad pa byed kyang chos kyi sku lus kyang mi nyams la/ phung po dang /
419a3 khams dang / skye mched kyis rab tu phye ba'ang ma yin/ lus phyin ci log las byung ba'ang ma yin te/ yid kyi lus rab tu rnyed do/ /de ltar byang chub sems
419a4 dpa' lus mngon sum pa yin no/ /kun dga' bos smras pa/ rigs kyi bu/ khyod chos thams cad mngon sum pa yin nam/ smras pa/ btsun pa kun dga'
419a5 bo| kho bo'i lus ni/ chos las rnam par grol bar mi 'dod de/ kho bo'i lus nyid chos so/ /chos nyid ni/ kho bo'i lus so/ /de bas na/ kho bo'i lus mngon
419a6 sum mo| |kun dga' bos smras pa/ rigs kyi bu/ khyod gal te lus mngon sum pa yin na/ khyod ci dgra bcom pa'am/ smras pa/ nyon mongs pa med pa'i chos
419a7 kyi sgo rtogs shing / 'dod chags med la zhe sdang med cing gti mug med pa'i phyir kho bo ni/ dgra bcom pa'o/ /smras pa/ rigs kyi bu/ khyod gal te khyed dgra bcom/
419b1 pa yin na ji srid cig na yongs su mya ngan las 'da'/ smras pa/ btsun pa kun dga' bo/ /dgra bcom pa ni/ yongs su mya ngan las mi 'da' ste/ so so'i skye bo rnams
419b2 yongs su mya ngan las 'da'i/ dgra bcom pa ni/ ma yin no/ /de ci'i phyir zhe na/ dgra bcom pa ni/ mya ngan las 'das pa'i 'du shes spangs pa'o/ /so so'i
419b3 skye bo rnams ni/ yongs su mya ngan las 'da'o/ /zhes rnam par rtog ste/ de dag ji tsam du rtog cing rnam par rtog pa de tsam du yongs su mya ngan las 'da'o/ /smras pa/
419b4 rigs kyi bu/ bdag cag gis ji ltar khyod kyis smras pa'i don shes pa ltar na/ khyod ni/ dgra bcom pa'ang ma yin/ so so'i skye bo'ang ma yin/ slob pa'ang ma yin/
419b5 mi slob pa'ang ma yin/ rang sangs rgyas kyang ma yin/ byang chub sems dpa' yang ma yin/ de bzhin gshegs pa'ang ma yin no/ smras pa/ btsun pa kun dga'
419b6 bo| legs so/ /legs so/ /dgra bcom pa'ang ma yin/ so so'i skye bo'ang ma yin/ slob pa'ang ma yin/ mi slob pa'ang ma yin/ rang sangs rgyas kyang ma yin/
419b7 byang chub sems dpa' yang ma yin/ de bzhin gshegs pa'ang ma yin pa de ni/ sa thams cad kyang ston pa gang la'ang rab tu mi gnas so/ /bstan pa 'di bshad
420a1 pa na nyan thos lnga brgya tsam gyis byang chub sems dpa' nam mkha' mdzod la bla gos chos la dgab par gtor te tshig 'di skad du
420a2 sems can thams cad kyang 'di 'dra ba'i spobs pa rnyed par gyur cig ces smras so/ /de nas byang chub sems dpa' nam mkha' mdzod kyi byin gyi rlabs kyis chos
420a3 gos de dag nam mkha'i nang du song ngo / /de nas dge slong dgra bcom pa de dag gis 'di skad ces smras so/ /rigs kyi bu/ chos gos de dag gar song / smras
420a4 pa| nam mkha'i mdzod du song ngo / /de'i tshe bcom ldan 'das 'dzum pa mdzad pa dang / tshe dang ldan pa kun dga' bos bcom ldan 'das la 'dzum pa mdzad pa de'i
420a5 don zhus pa/ bcom ldan 'das/ de bzhin gshegs pa ni/ don ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/
420a6 bcom ldan 'das kyis bka' stsal pa/ kun dga' bo/ dge slong lnga brgya po de dag gis bla gos lnga brgya byang chub sems dpa' nam mkha' mdzod la gtor te/
420a7 byang chub sems dpa' nam mkha' mdzod kyis nam mkha'i mdzod du bzhag pa de dag dur smrig gi rgyal mtshan zhes bya ba'i 'jig rten gyi khams su song ste bcom
420b1 ldan 'das de bzhin gshegs pa ri dbang rgyal po'i sangs rgyas kyi zhing na/ sangs rgyas kyi bya ba byed do/ /byang chub sems dpa' nam mkha' mdzod kyis gtam byas pa de sangs
420b2 rgyas kyi zhing der chos gos de dag las byang ste/ chos bstan pa des byang chub sems dpa' stong phrag mang po zhig bzod pa thob bo/ /kun dga' bo/ rnam grangs du mas
420b3 sems can rnams yongs su smin par byed pa byang chub sems dpa' rnams kyi rdzu 'phrul dang / ye shes kyi yul la ltos/ bstan pa 'di bshad pa na me lta
420b4 bu'i kha dog dang / zla ba dang nyi ma ltar 'bar ba'i kha dog sngon ma mthong ma thos pa'i me tog rnams kyi char chen po mngon par rab tu bab ste/ me tog de dag las
420b5 gang byang chub sems dpa' nam mkha' mdzod kyis bstan pa 'di thos nas mos par 'gyur ba'i sems can de dag ni/ phyir mi ldog pa'i phyag rgyas btab cing byang
420b6 chub kyi snying po la gzhol ba yin no/ /zhes de lta bu'i sgra byung ngo / /kun dga' bos gsol pa/ bcom ldan 'das/ me tog 'di dag ga las mchis/ bcom
420b7 ldan 'das kyis bka' stsal pa/ kun dga' bo/ tshangs pa 'od bkod pa zhes bya ba tshangs pa'i 'jig rten gyi khams stong phrag brgyal dbang ba zhig yod de/ tshangs
421a1 pa des byang chub sems dpa' nam mkha' mdzod la mchod pa bya ba'i phyir me tog 'di dag gtor to/ /kun dga' bos gsol
421a2 pa| bcom ldan 'das/ bdag cag gis tshangs pa de lta'o/ /bka' stsal pa/ tshangs pa de de'u re mthong gi /cung zhig sdod cig /de nas tshangs pa 'od bkod pa
421a3 tshangs pa stong phrag drug cu rtsa brgyad kyis yongs su bskor cing mdun du bdar te tshangs pa'i 'jig rten nas mi snang bar gyur nas bcom ldan 'das kyi spyan sngar
421a4 phyin te/ des bcom ldan 'das kyi zhabs la mgo bos phyag btsal nas lan gsum bskor ba byas te phyogs gcig tu 'dug go /de nas bcom ldan
421a5 'das la tshangs pa 'od bkod pas 'di skad ces gsol to/ /bcom ldan 'das/ byang chub sems dpa' nam mkha' mdzod kyi tshul khrims kyi che ba dang /
421a6 ting nge 'dzin gyi che ba dang / mngon par shes pa'i che ba dang / ye shes kyi che ba dang / shes rab kyi che ba dang / smon lam yongs su rdzogs pa'i che ba dang / thabs
421a7 la mkhas pa'i che ba dang / lhag pa'i bsam pa'i che ba dang / chos kyi dbang phyug gi che ba dang / lus kyi rgyan gyi che ba dang / ngag dang sems kyi rgyan gyi che ba
421b1 dang / chos thams cad la dbang ba'i che ba ngo mtshar to/ /'di ltar byang chub sems dpa' nam mkha' mdzod ces bgyi ba sngon shin tu sbyang ba bgyis pas lus
421b2 dang / ngag dang / sems dag gis brtson pa ma mchis par bgyi ba thams cad ston to/ /bcom ldan 'das/ su zhig sngon gyi dge ba'i rtsa ba rnams la byas pa
421b3 mi gzo bar 'gyur/ bcom ldan 'das/ byang chub sems dpa' nam mkha' mdzod da ltar gang seng+ge'i sgra sgrog pa 'di ni/ sngon gyi spyod pa zab mo'i rgyu mthun
421b4 pa'o| |bcom ldan 'das kyis bka' stsal pa/ de de bzhin no/ /tshangs pa/ ji skad smras pa bzhin te/ byang chub sems dpa' rnams kyi bla na med pa yang dag
421b5 par rdzogs pa'i byang chub ni/ sngon gyi dge ba'i rtsa ba dang / bsod nams dang / ye shes las byung ngo / /de nas bcom ldan 'das la tshangs pa 'od bkod pas
421b6 'di skad ces gsol to/ /bcom ldan 'das/ byang chub sems dpa' rnams kyi dge ba'i rtsa ba gang lags/ bsod nams gang lags/ ye shes gang lags/
421b7 bcom ldan 'das kyis bka' stsal pa/ tshangs pa/ dge ba'i rtsa ba zhes bya ba ni/ gang sems dang po bskyed pa ste/ sangs rgyas kyi chos thams cad kyi rtsa ba'o/ /
422a1 bsod nams ni/ gang byang chub kyi sems bskyed ma thag tu sems can thams cad dang / nyan thos dang / rang sangs rgyas thams
422a2 cad kyi sbyin pa las byung ba dang / tshul khrims las byung ba dang / bsgoms pa las byung ba'i bsod nams bya ba'i dngos po thams cad zil gyis gnon pa'o/ /
422a3 ye shes ni/ gang dge ba'i rtsa bsags shing bsags pa rnams rnam pa thams cad mkhyen pa nyid du bsngo ba'o/ /gzhan yang dge ba'i rtsa ba ni/ sgyu dang g.yo
422a4 med pa'i phyir bsam pa'o/ /bsod nams ni/ gang bsod nams thams cad gsog pa'i phyir rab tu sbyor ba'o/ /ye shes ni/ gang khyad par du 'gro ba'i phyir
422a5 lhag pa'i bsam pa'o/ /gzhan yang dge ba'i rtsa ba ni/ gang dge ba'i chos rnams la yi dam brtan pa'o/ /bsod nams ni/ gang dge ba'i rtsa ba'i tshogs kyis chog
422a6 mi shes pa'o/ /ye shes ni/ gang dge ba'i rtsa ba rnams la sgyu mar so sor rtog pa'o/ /gzhan yang dge ba'i rtsa ba ni/ gang dge ba'i bshes gnyen rnyed pa'o/ /bsod
422a7 nams ni/ gang dge ba'i bshes gnyen mi gtong ba'o/ /ye shes ni/ gang dge ba'i bshes gnyen la kun 'dri ba'o/ /gzhan yang dge ba'i rtsa ba ni/ gang chos
422b1 don du gnyer ba'o/ /bsod nams ni/ gang chos 'dod pa'o/ /ye shes ni/ gang chos kyi kun dga' la dga' zhing mos pa'o/ /gzhan yang dge ba'i rtsa ba ni/ gang
422b2 chos tshol ba'o/ /bsod nams ni/ gang zang zing med par chos ston pa'o/ /ye shes ni/ gang chos la slob dpon gyi dpe mkhyud med pa'o/ /gzhan gang dge ba'i
422b3 rtsa ba ni| gang chos nyan pa'o/ /bsod nams ni/ gang tshul bzhin so sor rtog pa'o/ /ye shes ni/ gang chos sgrub pa'o/ /gzhan yang dge ba'i rtsa ba ni/ gang sangs
422b4 rgyas mthong ba'o/ /bsod nams ni/ gang sangs rgyas la rim gro byed pa'o/ /ye shes ni/ gang sangs rgyas la rab tu rton pa'o/ /gzhan yang dge ba'i rtsa ba ni/ gang
422b5 rab tu byung ba rnyed pa'o/ /bsod nams ni/ gang 'phags pa'i rigs kyis shin tu dga' ba'o/ /ye shes ni/ gang dgon par gnas pa la dga' ba'o/ /gzhan yang
422b6 dge ba'i rtsa ba ni/ gang dgang sla ba dang / gso sla ba'o/ /bsod nams ni/ gang chos gos dang / bsod snyoms lhun gyis grub par rnyed pa'o/ /ye shes ni/
422b7 gang mi chags mi brkam par de la yongs su spyod pa'o/ /gzhan yang dge ba'i rtsa ba ni/ gang dran pa nye bar gzhag pa rnams la sgom pa'o/ /bsod nams ni/ gang
423a1 yang dag par spong ba rnams yongs su rdzogs par byed pa'o/ /ye shes ni/ gang rdzu 'phrul gyi rkang pa thob pa'o/ /gzhan yang
423a2 dge ba'i rtsa ba ni/ gang dad pa'i dbang po la 'jug pa'o/ /bsod nams ni/ gang brtson 'grus dang / dran pa dang / shes bzhin no/ /ye shes ni/ gang
423a3 ting nge 'dzin dang / shes rab sgom pa'o/ /gzhan yang dge ba'i rtsa ba ni/ gang stobs lnga la gnas pa'o/ /bsod nams ni/ gang byang chub kyi yan lag
423a4 rnams rjes su shes pa'o/ /ye shes ni/ gang lam la 'jug pa shes pa'o/ /gzhan yang dge ba'i rtsa ba ni/ gang sems dga' ba'o/ /bsod nams ni /
423a5 gang zhi gnas kyi tshogs yongs su tshol ba'o/ /ye shes ni/ gang lhag mthong la mkhas pa'o/ /gzhan yang dge ba'i rtsa ba ni/ gang sbyin pa las byung
423a6 ba'i bsod nams bya ba'i dngos po'o/ /bsod nams ni/ gang tshul khrims las byung ba'i bsod nams bya ba'i dngos po'o/ /ye shes ni/ gang bsgoms
423a7 pa las byung ba'i bsod nams bya ba'i dngos po'o/ /gzhan yang dge ba'i rtsa ba ni/ lhag pa'i tshul khrims la slob pa'o/ /bsod nams ni/ lhag pa'i
423b1 sems la slob pa'o/ /ye shes ni/ lhag pa'i shes rab la slob pa'o/ /gzhan yang dge ba'i rtsa ba ni/ sdig pa thams cad so sor 'chags pa'o/ /bsod nams ni /
423b2 bsod nams thams cad la rjes su yi rang ba'o/ /ye shes ni/ sangs rgyas thams cad la gsol ba 'debs pa'o/ /gzhan yang dge ba'i rtsa ba ni/ bdog pa thams
423b3 cad yongs su gtong ba'o/ /bsod nams ni/ rnam par smin pa la mi re ba'o/ /ye shes ni/ sbyin pa mi snyems shing byang chub tu yongs su bsngo ba'o/ /gzhan yang dge
423b4 ba'i rtsa ba ni/ bslab pa yang dag par 'dzin pa'o/ /bsod nams ni/ tshul khrims ma nyams pa'o/ /ye shes ni/ mngon par 'du mi byed pa tshul khrims byang chub tu
423b5 yongs su bsngo ba'o/ /gzhan yang dge ba'i rtsa ba ni/ sems can thams cad la khod khro ba med pa'o/ /bsod nams ni/ mi snyan par zer ba bzod pa'o/ /ye shes ni/ sems
423b6 can thams cad yongs su smin par bya ba'i phyir lus dang srog gtong zhing byang chub tu yongs su bsngo ba'o/ /gzhan yang dge ba'i rtsa ba ni/ gang dge ba'i chos rnams la rtsom
423b7 pa'o| |bsod nams ni/ gang dge ba'i rtsa ba thams cad la 'dun pa'o/ /ye shes ni/ gang mtshan ma med pa la mtshungs par 'jug cing dge ba'i rtsa ba byang chub tu yongs
424a1 su bsngo'o/ /gzhan yang dge ba'i rtsa ba ni/ gang bsam gtan gyi yan lag yongs su tshol ba'o/ /bsod nams ni/ gang bsam gtan
424a2 rnyed pas sngon gyi dge ba'i rtsa ba zad par mi byed pa'o/ /ye shes ni/ gang bsam gtan las ldog nas 'dod pa'i khams su skye ba'o/ /gzhan yang dge ba'i rtsa ba
424a3 ni| gang shes rab kyi rtsa ba thos pa'o/ /bsod nams ni/ gang thos pa la so sor rtog pa'o/ /ye shes ni/ gang shes rab yongs su skong ba'o/ /gzhan yang dge ba'i
424a4 rtsa ba ni| sems can thams cad la sems mnyam pa'o/ /bsod nams ni/ byams pa'i sems la snyoms par 'jug pa'o/ /ye shes ni/ nam mkha' dang mtshungs
424a5 pas sems can thams cad la byams pa'o/ /gzhan yang dge ba'i rtsa ba ni/ gang sa gsum gyi tshogs so/ /bsod nams ni/ gang sa bzhi la sogs pa'o/ /ye shes
424a6 ni| gang sa bcu pa yongs su skong ba'o/ /gzhan yang dge ba'i rtsa ba ni/ sems dang po skyes pa'i byang chub sems dpa' rnams kyi'o/ /bsod nams ni/ spyod pa la zhugs
424a7 pa'i byang chub sems dpa' rnams kyi'o/ /ye shes ni/ phyir mi ldog pa'i byang chub sems dpa' rnams kyi'o/ /gzhan yang dge ba'i rtsa ba ni/ rkang mthil mnyam
424b1 par reg pa'o/ /bsod nams ni/ mtshan dang dpe byad bzang po'i rgyan to/ /ye shes ni/ spyi gtsug bltar mi mthong ba'o/ /gzhan yang dge ba'i rtsa ba ni/ sangs rgyas kyi
424b2 zhing gi rgyan to/ /bsod nams ni/ bza' ba dang btung ba yid kyis longs spyod pa'o/ /ye shes ni/ dbang po rno ba'i sems can du skye ba'o/ /gzhan yang dge ba'i rtsa
424b3 ba ni| bdud kyi las rnams thos pa'o/ /bsod nams ni/ bdud kyi las rig pa'o/ /ye shes ni/ bdud kyi las las yang dag par 'das pa'o/ /gzhan yang
424b4 dge ba'i rtsa ba ni/ snying rje chen po'o/ /bsod nams ni/ thabs la mkhas pa'o/ /ye shes ni/ shes rab kyi pha rol tu phyin pa'o/ /gzhan yang dge ba'i rtsa ba ni/
424b5 byang chub kyi snying po'i rgyan to/ /bsod nams ni/ bdud thams cad 'dul ba'o/ /ye shes ni/ sems kyi skad cig gcig dang ldan pa'i shes rab kyis byang chub
424b6 mngon par rdzogs par 'tshang rgya ba'o/ /tshangs pa/ de ltar na/ byang chub sems dpa' dge ba'i rtsa ba dang / bsod nams dang / ye shes las byung ba yin no/ /de nas
424b7 bcom ldan 'das la tshangs pa 'od bkod pas 'di skad ces gsol to/ /bcom ldan 'das/ de bzhin gshegs pas rtsa ba'i gnas gsum po 'di dag las
425a1 sangs rgyas kyi chos thams cad sna tshogs su bshad pa ngo mtshar to/ /de skad ces gsol pa dang / byang chub sems dpa' sems dpa' chen po
425a2 nam mkha' mdzod kyis tshangs pa 'od bkod pa la 'di skad ces smras so/ /tshangs pa/ gnas gcig tu chos thams cad yang dag par 'du'o/ /de ci'i phyir zhe na/ stong
425a3 pa nyid kyi gnas ni/ gnas te/ stong pa nyid du chos thams cad yang dag par 'du'o/ /mtshan ma med pa'i gnas ni/ gnas te/ mtshan ma med pa'i chos thams
425a4 cad yang dag par 'du'o/ /smon pa med pa'i gnas ni/ gnas te/ smon pa med pa'i chos thams cad yang dag par 'du'o/ /de bzhin du sbyar te/ mngon par 'du mi
425a5 byed pa'i bar gyi gnas ni/ gnas so/ /'dod chags med pa'i gnas ni/ gnas so/ /zhi ba'i gnas ni/ gnas so/ /gzhi med pa'i gnas ni/ gnas so/ /chos kyi
425a6 dbyings kyi gnas ni/ gnas so/ /de bzhin nyid kyi gnas ni/ gnas so/ /yang dag pa'i mtha'i gnas ni/ gnas so/ /mi 'byung ba'i gnas ni/ gnas so/ /skye ba
425a7 med pa'i gnas ni/ gnas so/ /mya ngan las 'das pa'i gnas ni/ gnas te/ chos thams cad ni/ mya ngan las 'das par yang dag par 'du'o/ /tshangs pa/
425b1 gzhan yang 'dod chags ni/ 'dod chags med pa'i gnas so/ /de ci'i phyir zhe na/ 'dod chags ni/ 'dod chags med pa'i rang bzhin te/ chos thams cad ni/ 'dod
425b2 chags kyi rang bzhin no/ /zhe sdang ni/ zhe sdang med pa'i gnas so/ /de ci'i phyir zhe na/ zhe sdang ni/ zhe sdang med pa'i rang bzhin te/ chos thams cad ni/ zhe sdang gi rang
425b3 bzhin no/ /gti mug ni/ gti mug med pa'i gnas so/ /de ci'i phyir zhe na/ gti mug ni| gti mug med pa'i rang bzhin te/ chos thams cad ni/ gti mug gi
425b4 rang bzhin no/ /'jig tshogs ni/ 'jig tshogs med pa'i gnas so/ /de ci'i phyir zhe na/ 'jig tshogs ni/ 'jig tshogs med pa'i rang bzhin te/ chos thams cad ni/
425b5 'jig tshogs kyi rang bzhin no/ /gzugs ni/ gzugs med pa'i gnas so/ /de ci'i phyir zhe na/ gzugs ni/ gzugs med pa'i rang bzhin te/ chos thams cad ni/
425b6 gzugs med pa'i rang bzhin no/ /de bzhin du tshor ba dang / 'du shes dang / 'du byed rnams dang / rnam par shes pa'ang rnam par shes pa med pa'i gnas so/ /rnam par
425b7 shes pa ni/ rnam par shes pa med pa'i rang bzhin te/ chos thams cad ni/ rnam par shes pa med pa'i rang bzhin no/ /khams rnams dang / skye mched rnams dang / rten cing
426a1 'brel par 'byung ba'i yan lag bcu gnyis kyang de bzhin du sbyar te/ ma rig pa ni ma rig pa med pa'i gnas so/ /ma rig pa ni ma rig pa med pa rang
426a2 bzhin te/ sangs rgyas kyi chos thams cad ni ma rig pa'i rang bzhin no/ /skye ba'i bar du'ang skye ba med pa'i gnas so/ /skye ba ni skye ba med pa'i rang bzhin te/ sangs rgyas
426a3 kyi chos thams cad ni skye ba'i rang bzhin no/ /sangs rgyas kyi chos thams cad ni chos ma yin pa'i gnas so/ /de ci'i phyir zhe na/ chos thams cad ni rtog pa med pa'i
426a4 rang bzhin te/ sangs rgyas kyi chos thams cad ni chos thams cad kyi rang bzhin no/ /tshangs pa/ de dag ni gnas med pa'i gnas med pa la 'jug pa zhes bya
426a5 ba chos kyi gnas pa'i sgo ste/ gang du gnas re rer sangs rgyas kyi chos thams cad yang dag par 'du ba'o/ /tshangs pa/ 'di lta ste dper na/ rgya mtsho chen por ni
426a6 'bab chu thams cad 'bab pa de bzhin du/ chos kyi sgo'i gnas gcig tu sangs rgyas kyi chos thams cad yang dag par 'du'o/ /tshangs pa/ 'di lta ste dper na/ nam mkha' la
426a7 gzugs su snang ba thams cad yang dag par 'du ba de bzhin du chos kyi sgo'i gnas gcig tu sangs rgyas kyi chos thams cad yang dag par 'du ste/ de'i phyir gnas 'di ni mi zad pa'i
426b1 gnas te/ 'bum gzhag pa'i gnas so/ /tshangs pa/ 'di lta ste dper na/ 'bum gzhag pa'i gnas gcig tu 'bum thams cad yang dag par 'du ste/ de dag
426b2 la stong du bzhag nas byung yang 'bum de snyed kyang gnas de la mi 'byar la gnas kyang 'bum la mi 'byar ba de bzhin du tshangs pa/ bskal pa brgya stong du sangs rgyas kyi
426b3 chos rnams bgrangs shing bzhag la gzhal kyang sangs rgyas kyi chos rnams lus la song ba'am sems la song bar mi 'gyur te/ bshad kyang rung ma bshad kyang rung ba de
426b4 snyed do/ /de snyed pa de'ang de snyed ma yin te/ de ci'i phyir zhe na/ gal te de snyed dam/ de snyed ma yin pa zhig rnyed na ni de snyed pa nyid du 'gyur na/ gang gi phyir de dag ni de snyed
426b5 kyang ma yin te/ de snyed ma yin pa'ang ma yin pas de'i phyir de dag ni de snyed dam/ de snyed ma yin pa zhes mi brjod do/ /tshangs pa/ gang sangs rgyas kyi chos bgrang ba de ni chos
426b6 thams cad bgrang ba'o/ /de ci'i phyir zhe na/ chos thams cad ni sangs rgyas kyi chos te/ sangs rgyas kyi chos gang yin pa de dag gi chos kyang ma yin/ chos ma yin pa'ang ma yin
426b7 no| |de ci'i phyir zhe na/ sangs rgyas kyi chos ni 'du shes kyis kun btags pa ma yin te/ 'du shes yongs su shes par bya ba'i phyir sangs rgyas kyi chos rnams rab tu bstan te/
427a1 gang 'du shes kyang med 'du shes med pa'ang ma yin pa'i kun rtog pa de ni/ chos kyang ma yin/ chos ma yin pa'ang ma yin no/ /tshangs
427a2 pa| sangs rgyas kyi chos 'di dag ni/ mtshan nyid de lta bu ste/ rang gi mtshan nyid kyis dag pa/ rang gi mtshan nyid kyis dben pa'o/ /rang gi mtshan nyid ni/ mtshan nyid
427a3 med pa ste/ mtshan nyid med pa ni/ nam mkha'o/ /nam mkha'i mtshan nyid ni/ chos thams cad do/ /byang chub sems dpa' nam mkha' mdzod kyis gtam shin tu brjod
427a4 pa 'di bstan pa ni tshangs pa'i 'khor de nas tshangs pa khri nyis stong ni/ bla na med pa yang dag par rdzogs pa'i byang chub tu sems skyes so/ /yongs su sbyang ba byas pa
427a5 dge ba'i rtsa ba rnams bskyed pa'i tshangs pa lnga stong ni/ mi skye ba'i chos la bzod pa thob par gyur to/ /'phags pa nam mkha' mdzod kyis zhus pa/ bam po
427a6 bdun pa/ de nas byang chub sems dpa' lag na rin po ches byang chub sems dpa' sems dpa' chen po nam mkha' mdzod la 'di skad ces smras so/ /rigs kyi
427a7 bu| byang chub kyi sems byang chub kyi sems zhes bya ba'i byang chub de chos gang dag gis bsdus na phyir mi ldog par kun tu gnas/ nam mkha' mdzod kyis smras pa/ rigs
427b1 kyi bu| byang chub kyi sems ni/ chos rnam pa gnyis kyis bsdus pas phyir mi ldog par gnas so/ /gnyis gang zhe na/ bsam pa dang / lhag pa'i bsam pa'o/ /smras pa/
427b2 rigs kyi bu/ bsam pa dang / lhag pa'i bsam pa gang gis bsdus/ smras pa/ rigs kyi bu/ bsam pa ni/ g.yo med pa dang / sgyu med pas bsdus pa'o/ /lhag pa'i
427b3 bsam pa ni/ de la ma chags pa dang / khyad par du 'gro bas bsdus so/ /smras pa/ rigs kyi bu/ chos bzhi po 'di dag gang gis bsdus/ smras pa/ rigs kyi bu/ chos
427b4 bzhi po 'di dag ni/ chos brgyad kyis bsdus te/ brgyad gang zhe na/ 'di lta ste/ g.yo med pa ni/ drang po dang / gsal bas bsdus so/ /sgyu med pa ni/ bcos ma ma yin pa
427b5 dang / bsam pa dag pas bsdus so/ /de la ma chags pa ni/ sems ma god pa dang / brtson 'grus ma god pas bsdus so/ /khyad par du 'gro ba ni/ bsod nams kyi tshogs
427b6 dang / ye shes kyi tshogs kyis bsdus so/ /smras pa/ rigs kyi bu/ chos brgyad po 'di dag gang gis bsdus/ smras pa/ rigs kyi bu/ chos brgyad po 'di dag ni/ chos
427b7 bcu drug gis bsdus te/ bcu drug gang zhe na/ 'di lta ste/ drang po ni/ zhi ba dang / nges pas bsdus so/ /gsal ba ni/ nga rgyal med pa dang / thibs po med pas bsdus so/ /bcos
428a1 ma ma yin pa ni/ byams pa chen po dang / snying rje chen pos bsdus so/ /bsam pa dag pa ni/ lus dang / sems yongs su dag pas bsdus
428a2 so| |sems ma god pa ni/ brtan pa dang / stobs kyis bsdus so/ /brtson 'grus ma god pa ni/ de nyid byed pa dang / yang dag pa'i nan tan gyis bsdus so/ /bsod
428a3 nams kyi tshogs ni/ sbyor ba dang / sbyor ba mthar 'byin pas bsdus so/ /ye shes kyi tshogs ni/ thos pa dang / thos pas bsgrubs pas bsdus so/ /rigs kyi
428a4 bu| chos brgyad po de dag ni/ chos bcu drug po 'di dag gis bsdus so/ /smras pa/ rigs kyi bu/ chos bcu drug po 'di dag gang gis bsdus/ smras pa/ rigs kyi bu/
428a5 chos bcu drug po 'di dag ni/ chos sum cu rtsa gnyis kyis bsdus te/ sum cu rtsa gnyis gang zhe na/ 'di lta ste/ zhi ba ni/ ngo tsha shes pa dang / khrel yod pas bsdus so//
428a6 nges pa ni/ bka' blo bde ba dang / 'grogs na bde bas bsdus so/ /nga rgyal med pa ni/ khyad du mi gsod pa dang / 'dus pas bsdus so/ /thibs po med pa ni/ dri
428a7 ma med pa dang / mi rtsub pas bsdus so/ /byams pa chen po ni/ khong khro ba med pa'i sems dang / sems can thams cad la sems mnyam pas bsdus so/ /snying rje
428b1 chen po ni/ yongs su mi skyo ba dang / sems can thams cad kyi bya ba ci yod ces bya bas bsdus so/ /lus yongs su dag pa ni/ mi 'tshe ba dang / rang gi longs spyod kyis chog
428b2 par 'dzin pas bsdus so/ /sems yongs su dag pa ni/ dul ba dang / zhi bas bsdus so/ /brtan pa ni/ yi dam mi zhig pa dang / dam bcas pa nyams su lon par byed
428b3 pas bsdus so/ /stobs ni/ blo rab tu gnas pa dang / blo mi g.yo bas bsdus so/ /de nyid byed pa ni/ ji skad smras pa dang / de bzhin du byed pas bsdus so/ /yang dag pa'i nan
428b4 tan ni| yang dag pa'i sbyor ba dang / yang dag pa'i rtsol bas bsdus so/ /sbyor ba ni/ sgrol ba dang / mi ldog pas bsdus so/ /sbyor ba mthar 'byin pa ni/ pha rol gyi sgra dang /
428b5 tshul bzhin yid la byed pas bsdus so/ /thos pa ni/ dge ba'i bshes gnyen dang / mthun par 'dzin pas bsdus so/ /thos pas bsgrubs pa ni/ rab tu sems pa dang /
428b6 nges par sems pas bsdus so/ /rigs kyi bu/ chos bcu drug po de dag ni/ chos sum cu rtsa gnyis po de dag gis bsdus so/ /smras pa/ rigs kyi bu/ chos sum cu rtsa
428b7 gnyis po 'di dag chos du zhig gis bsdus/ /smras pa/ rigs kyi bu/ chos sum cu rtsa gnyis po 'di dag ni/ chos drug cu rtsa bzhis bsdus te/ drug cu rtsa bzhi gang zhe na/
429a1 'di lta ste/ ngo tsha shes pa ni/ nang du so sor rtog pa dang / dbang po yang dag pas bsdus so/ /khrel yod pa ni/ phyi rol gyi yul srung ba dang /
429a2 mkhas shing rtogs pa la 'dzem pas bsdus so/ /bka' blo bde ba ni/ chos don du gnyer ba dang / chos 'dod pas bsdus so/ /'grogs na bde ba ni/ lus yid du 'ong
429a3 ba dang / sems yid du 'ong bas bsdus so/ /khyad du mi gsod pa ni/ ma khengs pa dang / chos spyod pas bsdus so/ /'dud pa ni/ lus gya gyu med pa dang / sems gya
429a4 gyu med pas bsdus so/ /dri ma med pa ni/ dri ma gsum bsal ba dang / rnam par thar pa gsum sgom pas bsdus so/ /mi rtsub pa ni/ mi brlang ba dang / phra ma med pas
429a5 bsdus so/ /khong khro ba med pa'i sems ni/ bdag srung ba dang / gzhan srung bas bsdus so/ /sems can thams cad la sems mnyam pa ni/ tha dad pa med pa dang /
429a6 ro gcig pas bsdus so/ /yongs su mi skyo ba ni/ rmi lam gyi rang bzhin dang / sgyu ma'i rang bzhin gyis bsdus so/ /sems can thams cad kyi bya ba ci yod ces bya ba
429a7 ni| mngon par shes pa dang / thabs kyis bsdus so/ /mi 'tshe ba ni/ 'dod pa dang / las kyi rnam par smin pa la yid ches pas bsdus so/ /rang gi longs spyod kyis chog
429b1 par 'dzin pa ni/ 'dod pa nyung ba dang / chog shes pas bsdus so/ /dul ba ni/ mi 'khrug pa dang / mi rtsod pas bsdus so/ /zhi ba ni/ ngar 'dzin pa 'dor pa dang / nga yid
429b2 'dzin pa spong bas bsdus so/ /yi dam ma zhig pa ni/ byang chub kyi sems la lta ba dang / byang chub kyi snying po la rton pas bsdus so/ /dam bcas pa nyams su lon par byed
429b3 pa ni| bdud kyi las rig pa dang / sangs rgyas kyi byin gyi rlabs kyis bsdus so/ /blo shin tu ngas pa ni/ mi 'gyur ba'i blo dang / mi rgod pas bsdus so/ /mi g.yo
429b4 ba'i blo ni/ ri lta bu dang / mi bskyod pas bsdus so/ /ji skad smra ba ni/ legs par bya ba'i las byed pa dang / mi gdung bas bsdus so/ /de ltar byed pa de ni/ bden pa
429b5 dang / yang dag par smra bas bsdus so/ /yang dag pa'i sbyor ba ni/ rten cing 'brel bar 'byung bar mthun pa dang / rtag pa dang chad pa yongs su spong bas bsdus so/ /
429b6 yang dag pa'i rtsol ba ni/ rigs pa dang / tshul gyis bsdus so/ /sgrol ba ni/ yang dag pa'i spong ba dang / brtson 'grus mi 'dor bas bsdus so/ /phyir mi ldog pa ni/ rtul
429b7 ba dang / rtsol bas bsdus so/ /pha rol gyi sgra ni/ dge ba'i bshes gnyen dang / chos don du gnyer bas bsdus so/ /tshul bzhin du yid la byed pa ni/ zhi gnas kyi
430a1 tshogs dang / lhag mthong gi tshogs kyis bsdus so/ /dge ba'i bshes gnyen ni/ nyan 'dod pa dang / ri mo byed pas bsdus so/ /mthun par
430a2 'dzin pa ni/ lus yang ba dang / sems yang bas bsdus so/ /rab tu sems pa ni/ skyo ba dang / 'dod chags dang bral bas bsdus so/ /nges par sems pa ni/ rgyur
430a3 gyur pa dang / 'bras bu chud mi za ba sa bsdus so/ /rigs kyi bu/ chos sum cu rtsa gnyis po de dag ni/ chos drug cu rtsa bzhi po 'di dag gis bsdus so/ /smras pa/
430a4 rigs kyi bu/ chos drug cu rtsa bzhi po 'di dag chos du zhig gis bsdus/ smras pa/ rigs kyi bu/ chos drug cu rtsa bzhi po de dag ni/ chos brgya nyi shu rtsa brgyad kyis
430a5 bsdus te/ brgya nyi shu rtsa brgyad gang zhe na/ 'di lta ste/ nang du so sor rtog pa ni/ stong pa nyid du so sor rtog pa dang / rang bzhin la so sor rtog pas bsdus so//
430a6 dbang po yang dag par sdom pa ni/ dran pa dang / shes bzhin gyis bsdus so/ /phyi rol gyi yul srung ba ni/ dbang po spas pa dang / mi rgyug pas bsdus so/ /mkhas
430a7 shing rtog pa la 'dzem pa ni/ bdag gi 'khrul pa la nyes par so sor rtog pa dang / gzhan gyi 'khrul pa la nyes par lta bas bsdus so/ /chos don du gnyer ba ni/
430b1 bdag gi dam bcas pa nyams 'og tu chud par byed pa dang / pha rol gyi 'gyod pa sel bas bsdus so/ /chos 'dod pa ni/ chos la gzhol ba dang / chos la 'bab pas
430b2 bsdus so/ /lus yid du 'ong ba ni/ gnyid med pa dang / gti mug med pas bsdus so/ /sems yid du 'ong ba ni/ cang shes pa dang / glo bur gyi nyon mongs pa bsal
430b3 bas bsdus so/ /ma khengs pa ni/ pho theg spangs pa dang / brjid spangs pas bsdus so/ /chos spyod pa ni/ mi dge ba'i chos spangs pa dang / dge ba'i chos yongs su
430b4 rdzogs par byed pas bsdus so/ /lus gya gyu med pa ni/ mi brlang ba dang / mi rtsub pas bsdus so/ /sems gya gyu med pa ni/ yang dag pa'i dran pa dang / yang dag pa'i
430b5 ting nge 'dzin gyis bsdus so/ /dri ma gsum bsal ba ni/ mi sdug pa sgom pa dang / byams pa sgom pas bsdus so/ /rnam par thar pa gsum sgom pa ni/ gang zag med
430b6 pa dang / don dam pas bsdus so/ /mi rtsub pa ni/ phan pa dang / bde bas bsdus so/ /phram med pa ni/ dbyen mi byed pa dang / phye ba'i sdums byed pas bsdus so/ /bdag
430b7 srung ba ni/ sdig pa mi byed pa dang / /bsod nams thams cad gsog pas bsdus so/ /gzhan srung ba ni/ bzod pa dang / des pas bsdus so/ /tha dad pa med pa ni/ sems
431a1 nam mkha' dang mtshungs pa dang / sems rlung dang mtshungs pas bsdus so/ /ro gcig pa ni/ de bzhin nyid dang / chos kyi dbyings kyis bsdus so/ /
431a2 rmi lam gyi rang bzhin ni/ mthong zhing thos la dran zhing shes pa dang / chos kyi rjes su myong ba'i bdag nyid kyis bsdus so/ /sgyu ma'i rang bzhin ni/ rnam par sgrub pa
431a3 dang / yongs su rtog pas bsdus so/ /mngon par shes pa ni/ don la rton pa dang / ye shes la rton pas bsdus so/ /thabs ni/ shes rab kyis lta ba dang / sems can la
431a4 lta bas bsdus so/ /'dod pa ni/ ltung ba med pa dang / ltung ba mi 'chab pas bsdus so/ /las kyi rnam par smin pa la yid ches pa ni/ tshe 'di la bag yod pa dang /
431a5 'jig rten pha rol la kha na ma tho bas 'jigs par lta bas bsdus so/ /'dod pa nyung ba ni/ 'dod pa'i drod zin pa dang / shes rab kyis mi ngoms pas bsdus so/ /chog
431a6 shes pa ni/ dgang sla ba dang / gso sla bas bsdus so/ /mi 'khrug pa ni/ shin tu mur thug pa dang / shin tu mthar phyin pas bsdus so/ /mi rtsod pa ni/ bden pa dang /
431a7 chos la dga' bas bsdus so/ /ngar 'dzin pa 'dor ba ni/ rgyu yongs su shes pa dang / lta ba yang dag par bcom pas bsdus so/ /nga yir 'dzin pa spong ba ni/ nga yi ba
431b1 med pa dang / yongs su 'dzin pa med pas bsdus so/ /byang chub kyi sems la lta ba ni/ theg pa dman pa mi 'dod pa dang / sems can thams cad la snying rje bas bsdus so/ /
431b2 byang chub kyi snying po la rton pa ni/ bdud thams cad la bcom pa dang / chos thams cad mngon par rdzogs par byang chub pas bsdus so/ /bdud kyi las rig pa ni/ dge ba'i bshes
431b3 gnyen gyi man ngag dang / shes rab kyi pha rol tu phyin pa la brtson pas bsdus so/ /sangs rgyas kyi byin gyi rlabs ni/ ji skad smras pa de bzhin du byed pa dang / sems can thams
431b4 cad yongs su mi gtong bas bsdus so/ /blo mi 'gyur ba ni/ sa dang 'dra ba'i sems dang / rjes su chags pa dang khong khro ba spangs pas bsdus so/ /mi rgod pa ni/ rgod pa dang
431b5 'gyod pa spangs pa dang / mi rtag par so sor rtog pas bsdus so/ /ri lta bu ni/ mi mtho ba dang / mi dma' bas bsdus so/ /mi bskyod pa ni/ dam bcas pa mi nyams pa dang /
431b6 dam bcas pa nyams su len par byed pas bsdus so/ /legs par bya ba'i las byed pa ni/ gdung ba med pa dang / 'gyod pa med pas bsdus so/ /gdung ba med pa ni/ tshul
431b7 khrims yongs su dag pa dang / ting nge 'dzin yongs su dag pas bsdus so/ /bden pa ni/ kun rdzob kyi bden pa dang / don dam pa'i bden pas bsdus so/ /yang dag pa nyid
432a1 ni| de bzhin nyid dang / de kho na nyid kyis bsdus so/ /brten pa'i rjes su mthun pa ni/ rgyu dang / rkyen gyis bsdus so/ /rtag pa dang chad pa rnam
432a2 par spong ba ni/ skye ba med pa dang / 'gag pa med pas bsdus so/ /rigs pa ni/ las kyi rnam par smin pa la yid ches pa dang / las dang mi 'gal bas bsdus so/ /tshul ni/
432a3 dben pa'i tshul dang / mi skye ba'i tshul gyis bsdus so/ /yang dag pa'i spong ba ni/ mi dge ba'i chos spong ba dang / dge ba'i chos chud mi gson pas bsdus so/ /brtson pa
432a4 mi 'dor ba ni/ lus kyi stobs dang / sems kyi stobs kyis bsdus so/ /rtul ba ni/ spro ba dang / gzhan gnon pas bsdus so/ /rtsol ba ni/ de la ma zhen pa dang / phyir mi
432a5 ldog pas bsdus so/ /dge ba'i bshes gnyen ni/ ldang ba dang / rim gro byed pas bsdus so/ /chos don du gnyer ba ni/ ye shes 'dod pa dang / rnam par grol bar
432a6 'dod pas bsdus so/ /zhi gnas kyi tshogs ni/ lus dben pa dang / sems dben pas bsdus so/ /lhag mthong gi tshogs ni/ thos pa tshol bas ngoms mi myong ba dang //
432a7 tshul bzhin yid la byed pas bsdus so/ /nyan par 'dod pa ni/ thal mo sbyor ba'i las dang / lus rab tu 'dud pas bsdus so/ /ri mo byed pa ni/ dben pa dang / mi slu bas/
432b1 bsdus so/ /lus yang ba ni/ kha zas kyi tshod shes pa dang / nam gyi cha stod dang nam gyi cha smad la mi nyal bar sbyor ba la rjes su sbyor bas bsdus so/ /sems yang ba ni/
432b2 'dun pa dang / dpyod pas bsdus so/ /skyo ba ni/ mi rtag pa dang / sdug bsngal gyis bsdus so/ /'dod chags dang bral ba ni/ nga yi ba med pa dang / /yongs su 'dzin pa
432b3 med pas bsdus so/ /rgyu ni/ chud mi za ba dang / de'i rgyu las ldog pas bsdus so/ /'bras bu ni/ ci rigs par mi slu ba dang / mos pa ji lta ba bzhin du 'bras bu la 'dzin pas
432b4 bsdus te/ rigs kyi bu/ chos drug cu rtsa bzhi po de dag ni/ chos brgya nyi shu rtsa brgyad po 'di dag gis bsdus so/ /rigs kyi bu/ 'di ni/ chos thams cad mdor bstan pa
432b5 ste| gal te kho bos tshig gcig las lhag pa dang / tshig gnyis las lhag par bstan pas bskal pa'am bskal pa las lhag par chos bstan pa bshad kyang chos rnams
432b6 kyi chos nyid zad par yang mi 'gyur la/ kho bo'i spobs pa'ang zad par mi 'gyur ro/ /chos bsdu ba'i le'u'i chos kyi rnam grangs 'di bstan pa na byang chub sems dpa'
432b7 lag na rin po ches byang chub sems dpa' nam mkha' mdzod dang / chos kyi rnam grangs 'di la mchod pa bya ba'i phyir rin po che'i lag pa g.yas pas stong gsum gyi stong
433a1 chen po'i 'jig rten gyi khams 'di khebs par byas so/ /de nas skad cig de nyid la phyogs bcu'i 'jig rten gyi khams na me tog dang / bdug
433a2 spos dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rol mo dang / sil snyan gyi sgra ci yod pa de dag
433a3 rin po che'i lag pa g.yas pa de las rab tu bab bo/ /me tog gi char des stong gsum gyi stong chen po'i 'jig rten gyi khams 'di thams cad pus nub tsam du yog par
433a4 gyur to| |nam mkha'i dkyil thams cad kyang gdugs dang / rgyal mtshan dang / ba dan dang / gos kyis legs par brgyan par gyur to/ /sil snyan gyi sgra de dag las
433a5 'di lta bu'i tshigs su bcad pa dag kyang byung ste/ yon tan bdog pa yon tan rgyas pa yon tan brgyas gang ba/ /bdud kyi 'gro ba rnam sel dran dang blo gros rtogs dang ldan//
433a6 skyes bu dam pa dge sbyong mchog gi skad ni mdzes pa 'byung / phyogs bcu rnams su rgyu bas srid pa rnam par sel bar byed/ /shin tu rab tu mos par phul gyi rab tu
433a7 rgyas pa po/ /srid pa brgya ni rnam par sel zhing rdul dang mun pa bral/ /lha dang mi rnams 'jigs pa med pa'i grong khyer 'gro ba sgrol/ /srid pa med cing stobs bcu ldan
433b1 pa nam mkha' mnyam pa'i yid/ sgra 'byin mdzes shing shin tu snyan la rab tu zhi ba'i bzhin/ /tha ba med cing mi khyud dri med dri ma rab tu sel/ /srid pa gsum po dag na mtshungs med
433b2 lha dang mi yis mchod/ /srid pa med cing 'gro ba dag la bde sbyin phan pa byed/ /dran dang blo gros rtogs dang mos pas spyad pa legs par spyad/ /stobs bcu rnams dang rab kyi
433b3 stobs kyis gzhan gyi stobs kyang 'joms/ /pha rol dpung rnams rnam par 'thor ba 'chi med go 'phang thob/ /srid pa med cing skyes bu dam pa mkhas pa'i sgra yang 'byin/ /
433b4 'khor 'di las ni gang dag tu yang ma song ma g.yos par/ /phyogs bcu rnams su lha mi mang po dag kyang rnam par btul/ /gang du'ang mi gnas blo gros ci 'dra de ltar
433b5 rab tu gnas/ /chos kyi dbyings las mi g.yo bar yang sa ni g.yo bar byed/ /nyi ma'i 'od kyis mun pa rnam par sel cing rdul spong ltar/ /de bzhin skyes bu dam pa 'di yang
433b6 rdul dang mun pa sel/ /shes rab 'od kyis rab tu lhan pa 'od kyi dpal gyis rgyas/ /thub pa'i 'od kyis khyab nas bdud kyi gnas kun mog mog gyur/ mkha' la rlung dmar bzhin
433b7 du sems can spyod pa'i rjes su zhugs/ /gnas pa ma yin rtog pa med cing rtog pa kun dang bral/ /'gro ba kun gyi rjes su song ba yid ni mkha' dang mnyam/ /'di 'dra'i
434a1 rgyal sras de dag la ni lha mis phyag byas so/ /stong gsum dag gi rgya mtsho'i chu ni gzhal bar nus kyang srid/ /phyogs bcu dag gi nam mkha'i
434a2 bya rjes brjod par nus kyang srid/ /mi 'ga' zhig gis sems can kun sems gcig tu byed srid kyi/ /thub pa'i sras kyi yon tan chen po zad par mi nus so/ /tshigs
434a3 su bcad pa sgrub pa 'di bshad pa na bdud sdig can gyis yan lag bzhi'i dpung gi tshogs sprul nas bcom ldan 'das kyi 'khor gyi khyams ga la ba der song ste phyin
434a4 pa dang / 'khor gyi khyams kyi phyi rol na 'dug ste/ bdag nyid khyim bdag gi gzugs su sprul nas bcom ldan 'das ga la ba der song ste phyin nas bcom ldan 'das
434a5 kyi zhabs gnyis la mgo bos phyag btsal te bcom ldan 'das la 'di skad ces gsol to/ /byang chub sems dpa' nam mkha' mdzod dang / lag na rin po che dang skyes
434a6 bu dam pa 'di gnyis ni/ yon tan gyi chos tshad ma mchis pa dang ldan te/ de bzhin du byang chub sems dpa' gzhan dag kyang 'di lta bu ngo mtshar dang / rmad du
434a7 byung ba'i chos dang / cho 'phrul 'jig rten du ston to/ /yang bcom ldan 'das chos 'phrul 'di dag la yid ches pa'i sems can la la 'byung bar 'gyur ba mchis sam/
434b1 bcom ldan 'das kyis bka' stsal pa/ rgya mtsho chen po las skra'i rtse mo'i thog mas chu blangs pa ji snyed kyi sems can rnams ni/ skyes bu dam pa 'di dag gi cho 'phrul la yid
434b2 ches par 'gyur ro/ /rgya mtsho'i chu'i phung po ji tsam pa de bas kyang mang du ni/ mi mos par 'gyur ro/ /de nas bdud sdig can tshig 'di thos nas tshim zhing mgu la yid rangs
434b3 te rab tu dga' nas dga' ba dang / mgu ba dang / yid bde ba skyes nas bro brdungs te 'khor de nas song ngo / /de nas yang tshe dang ldan pa shA ri'i bus bcom ldan 'das la 'di
434b4 skad ces gsol to/ /bcom ldan 'das/ skyes bu 'di ci'i slad du 'di ltar dga' ste 'khor 'di nas mchis/ bcom ldan 'das kyis bka' stsal pa/ shA ri'i bu/ 'di
434b5 ni| bdud yin te/ khyim bdag gi gzugs kyis chos kyi rnam grangs 'di nub par bya ba'i phyir de bzhin gshegs pa'i gan du 'ongs te/ des gang chos kyi rnam grangs 'di la
434b6 mos par 'gyur ba'i sems can nyung zad cig 'byung bar thos nas dge sbyong gau ta ma'i phyogs ni/ nyung / bdag gi phyogs ni/ mang ngo / zhes de ltar dga' bas ched du
434b7 brjod pa ched du brjod de 'khor 'di nas song ngo / /de nas yang byang chub sems dpa' nam mkha' mdzod kyis bdud sdig can la 'di skad ces smras so/ /sdig can/ ngo bstan nas
435a1 ci'i phyir slar 'gro /de nas bdud sdig can 'di snyam du sems te/ byang chub sems dpa' nam mkha' mdzod dang / de ma yin pa'i byang chub sems
435a2 dpa' dag gis kyang tshor na/ de bzhin gshegs pas lta smos kyang ci dgos te/ bdag da rang gi gnas su 'gro'o snyam mo/ /de nas byang chub sems dpa' nam mkha'
435a3 mdzod kyis bdud sdig can g.yog dang bcas te nam mkha'i dkyil na 'dug nas rang gi gnas su 'gro mi nus par de ltar byin gyis brlabs so/ /de nas yang byang
435a4 chub sems dpa' nam mkha' mdzod kyis bdud sdig can la 'di skad ces smras so/ /sdig can/ nam mkha' ni/ sgrib pa med pa yin na/ ci'i phyir rang gi gnas su
435a5 mi 'gro/ /bdud kyis smras pa/ rigs kyi bu/ khyed la ni/ nam mkha' mi sgrib mod kyi/ bdag cag gis ni/ mun par mthong ste/ gang dang gang gi tshe ngo gyen du bltas
435a6 pa de dang de'i tshe na ni/ mun pa mun nag tu mthong ngo / /nam bcom ldan 'das kyi 'khor gyi dkyil 'khor la bltas pa de'i tshe ni/ thams cad du snang bar mthong ngo /
435a7 smras pa/ sdig can/ de de lta'o/ /gang chos dkar po la sems pa'i sems can rnams kyi mun pa ni/ bdud kyi las yin no/ /zhes bka' stsal to/ /smras
435b1 pa| skyes bu dam pa/ deng phyin chad bdud kyi las mi bgyi'o/ /smras pa/ 'di lta bu'i sems can rnams kyi nang na dam bcas pa la brten pa rnyed par dka'i/ sdig can/
435b2 g.yog dang bcas te bobs la de bzhin gshegs pas bstan pa'i chos 'dul ba nyon cig /de nas bdud sdig can mi 'dod bzhin du nam mkha'i dkyil de nas g.yog
435b3 dang bcas te babs so/ /de nas byang chub sems dpa' nam mkha' mdzod kyis byang chub sems dpa'i 'khor de dag la smras pa/ rigs kyi bu/ khyed rnams kyis bdud
435b4 kyi las kyi lam yang dag par 'da' ba'i chos kyi sgo rnams la spobs par gyis shig /de'i tshe byang chub sems dpa' gser gyi ri'i rgyal po zhes bya ba des 'di skad
435b5 ces smras so/ /gang yul yongs su 'dor ba de dag ni/ bdud kyi yul la chags pa'o/ /gang yul thams cad sangs rgyas kyi yul yin par rig pa de dag ni/ sangs
435b6 rgyas kyi yul rig pa ste/ sangs rgyas kyi yul de'ang mi mthong na/ rang gi yul lta ga la mthong ste/ de ltar yul las shin tu 'das pa'i byang chub sems dpa' ni/
435b7 bdud kyi yul las yang dag par 'das te/ 'di ni/ bdud kyi yul las yang dag par 'da' ba'i chos kyi sgo'o/ /byang chub sems dpa' rin chen dpal gyis smras pa/
436a1 sems kyi dmigs pa ni/ bdud kyi yul te/ gang chos gang la'ang mi dmigs pa de la bdud kyis ci zhig byar yod/ de gzhi med
436a2 pas rnyed de/ brten pas rnyed pa ni/ ma yin la dus las kyang rtogs par 'gyur ba de ni/ byang chub sems dpa'i bdud kyi yul las yang dag par 'da' ba zhes
436a3 bya ba'i chos kyi sgo'o/ /byang chub sems dpa' lag na rin po ches smras pa/ yongs su 'dzin pa dang bcas pa la ni/ bdud kyis glags rnyed kyi/ chos gang yang
436a4 yongs su mi 'dzin pa de ni/ su dang yang mi rtsod de/ de gcig pu gnyis su med pas bdag gi sems dang gnas pa dang yang lhan cig mi gnas na/ bdud dang lhan cig
436a5 gnas pa lta ci smos/ mi gnas pa'i byang chub sems dpa' ni/ bdud kyi yul las yang dag par 'da'o/ /byang chub sems dpa' rin chen 'phags kyis smras pa/
436a6 gang ltung ba de ni/ 'bod pa ste/ gang 'bod pa de la bdud kyis glags rnyed par 'gyur gyi/ gang mi ltung ba'i mtshan ma'i rjes su 'brang ba'i rnam par shes pa mi
436a7 'jug ste/ mtshan ma med pa'i mtha' la rab tu gnas pa'i byang chub sems dpa' ni/ bdud kyi yul las yang dag par 'da'o/ /byang chub sems dpa' rin chen
436b1 sems kyis smras pa/ bcom ldan 'das kyis kyang nyon mongs pa ni/ gzugs brnyan dang / mig yor lta bu'o/ /zhes gsungs te/ gang gzugs brnyan dang / mig
436b2 yor lta bu de la 'pho ba'ang med/ mi 'pho ba'ang med/ 'ongs pa'ang med/ sod pa'ang med/ nang na'ang med/ phyi rol na'ang ma yin te/ yul la mi gnas shing phyogs
436b3 na mi gnas par shes pa de ni/ nyon mongs pa thams cad dang lhan cig mi gnas te/ de rnam par mi rtog pas nyon mongs pa mi slong ngo / /rnam par mi rtog pas nyon mongs
436b4 pa mi 'gog go /de ltar rnam par mi rtog cing kun tu rtog pa spangs pa'i byang chub sems dpa' ni/ bdud kyi yul las yang dag par 'da'o/ /byang chub sems dpa' dkon
436b5 mchog 'byung gnas kyis smras pa/ gang dga' ba de ni/ bag la nyal lo/ /gang mi dga' ba de ni/ khong khro ba'o/ /gang dga' ba'ang med mi dga' ba'ang med pa de ni/
436b6 rjes su chags par mi 'gyur/ zhe 'gras par mi 'gyur ro/ /rjes su chags pa med cing zhe 'gras pa med pa ni/ mnyam pa nyid la gnas pa zhes bya'o/ /gang mnyam pa nyid
436b7 la gnas pa de ni/ chos gang yang tha dad du mi byed do/ /tha dad pa med pa la gnas pa ni/ mnyam pa dang / mi mnyam par mi sems te/ bsam du med pa'i chos thob pa la
437a1 bdud kyis glags mi rnyed do/ /byang chub sems dpa' rin chen 'od kyis smras pa/ bdag kun nas ldang ba las bdud kyi las rnams ldang
437a2 ste| bdag rnam par dag par gnas pa la bdud kyis ci zhig byar yod/ de ci'i phyir zhe na/ bdag rnam par dag pas nyon mongs pa rnam par dag go /nyon mongs
437a3 pa rnam par dag pas chos thams cad rnam par dag go /gang chos thams cad rnam par dag pa de ni/ nam mkha' rnam par dag pa ste/ nam mkha' rnam par dag pa
437a4 la gnas pa'i byang chub sems dpa' ni/ bdud kyi yul las yang dag par 'da'o/ /byang chub sems dpa' chos kyi rgyal pos smras pa/ ji ltar rgyal po'i dbang
437a5 bskur ba thob pa'i stobs dang 'khor mang po dang ldan pa su la'ang mi 'jigs pa de bzhin du byang chub sems dpa' dbang bskur ba thob pa chos rin po che'i 'khor dang
437a6 ldan pa'ang bdud thams cad kyis mi 'jigs so/ /de la dbang bskur ba de ni/ sangs rgyas kyi chos mthar phyin pa rnams yongs su rdzogs pa'o/ /chos rin po che'i 'khor
437a7 ni| gang phyogs bcu'i sangs rgyas gyis gsungs pa'i chos rnams 'dzin pa'o/ /de lta bu la gnas pa'i byang chub sems dpa' ni/ bdud kyi yul thams cad las
437b1 yang dag par 'das pa zhes bya ste/ 'di ni/ bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' ri rdob rgyal pos smras pa/ de 'di
437b2 lta ste| dper na/ bu gar rlung 'jug pa de bzhin du gang nas gang du sems kyi bu ga yod pa de dang der bdud kyis glags rnyed do/ /de lta bas na/ byang chub sems dpas rtag
437b3 tu sems bu ga med par bya'o/ /de la bu ga med pa'i sems ni/ 'di lta ste/ rnam pa thams cad kyi mchog dang ldan pa'i stong pa nyid yongs su rdzogs pa ste/ 'di ni/ byang chub
437b4 sems dpa' bdud kyi yul las yang dag par 'da' ba zhes bya ba'i chos snang ba'i sgo'o/ /byang chub sems dpa' mthong na dga' bas smras pa/ gang ji snyed cung zad mthong ba'i
437b5 nang na sangs rgyas dang chos mthong ba ni/ de dag gi mchog ces bya'o/ /de la sangs rgyas mthong ba de ni/ gang gzugs su mi mthong ba dang / tshor ba dang / 'du shes dang / 'du
437b6 byed rnams dang / rnam par shes par mi mthong ba ste/ gang chos thams cad mi mthong ba de ni/ yang dag pa'i mthong ba'o/ /yang dag pa'i mthong ba ni/ sangs rgyas mthong
437b7 ba'o| |de la chos mthong ba ni/ gang yid la byed pa thams cad mi spyod pa'o/ /gang mi 'gyur bar mthong ba de ni/ 'dod chags dang bral ba'o/ /gang 'dod chags dang bral
438a1 ba de ni/ chos mthong ba zhes bya ste/ gang byang chub sems dpa' de ltar sangs rgyas mthong ba dang / chos mthong ba dang ldan par gyur ba de ni /
438a2 bdud kyi yul las yang dag par 'da' ste/ de ni/ bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' mig 'phrul can gyis
438a3 smras pa| bdud kyi las ni/ g.yo ba dang / snyems pa dang / bskyod pa las langs te/ de la gang gzhi las g.yo ba dang / snyems pa dang / bskyod pa'i gzhi de byang chub
438a4 sems dpas mi bya'o/ /de ni/ tshul bzhin ma yin pa yid la byed pa'o/ /de tshul bzhin rab tu sbyar bas mi g.yo/ mi snyems/ mi bskyod do/ /de mi g.yo/ mi snyems/ mi bskyod
438a5 pas bdud kyi yul las yang dag par 'da'o/ /byang chub sems dpa' yon tan rgyal po snang gis smras pa/ gnyen po ji snyed par bdud kyi las kyang de snyed do/ /gnyen po med pa ni/ chos
438a6 kyi dbyings so/ /chos thams cad ni/ chos kyi dbyings su yang dag par 'dus te/ de bas na/ gang gis chos kyi dbyings rtogs pa des chos thams cad rtogs so/ /chos kyi
438a7 dbyings las gud na'ang bdud kyi las mi dmigs so/ /chos kyi dbyings ji lta bur bdud kyi las kyang de bzhin te/ chos dbyings de bzhin nyid las tha mi dad do/ /
438b1 de ltar tshul gcig la 'jug pa'i rjes su song ba'i byang chub sems dpa' ni/ bdud kyi yul las yang dag par 'da'o/ /byang chub sems dpa' spos kyi glang po'i bal glang
438b2 gis smras pa/ nyam chung ba la ni/ bdud kyis glags rnyed de/ stobs dang ldan pa la ni/ bdud kyis glags mi rnyed do/ /de la nyam chung ba de ni/ rnam par thar ba'i sgo
438b3 gsum gyis skrag pa'o/ /de la stobs dang ldan pa de ni/ rnam par thar pa'i sgo gsum gyis mi skrag pa ste/ mngon sum pas mi skrag go /shin tu rtogs pas na/ mi skrag
438b4 go /rab tu bsgoms pas na/ mi skrag ste/ skrag pa med pas bdud kyi yul las yang dag par 'da' ste/ de ni/ bdud kyi yul las yang dag par 'da' ba zhes bya ba'i chos
438b5 snang ba'i sgo'o/ /byang chub sems dpa' byams pas smras pa/ 'di lta ste/ dper na/ rgya mtsho chen po'i chu ro gcig pa bzhin du chos kyi ye shes kyi rgya mtsho 'dir chos
438b6 thams cad kyang ro gcig go /gang bdud kyi las rnams dang / gang sangs rgyas kyi 'phrin las de dag thams cad ni/ stong pa nyid du mtshungs/ mtshan ma med par mtshungs/
438b7 smon pa med par mtshungs/ skye ba med par mtshungs/ 'byung ba med par mtshungs te/ ro gcig pa la zhugs pa'i byang chub sems dpa' ni/ bdud kyi yul las
439a1 yang dag par 'da'o/ /byang chub sems dpa' nam mkha' mdzod kyis smras pa/ kye grogs po dag /nam mkha' ni/ yul thams cad
439a2 las yang dag par 'das te/ nam mkha' ni/ mig gi yul ma yin/ rna ba dang / sna dang / lce dang / lus dang / yid kyi yul ma yin no/ /chos thams cad ni/ nam mkha'i
439a3 ngo bo nyid kyi yul te/ lus dang / ngag ni/ nam mkha' dang mnyam pa nyid kyi rjes su song ba'i ye shes snang ba'o/ /ye shes snang ba mthong ba'i byang chub sems dpa'
439a4 ni| bdud kyi yul las yang dag par 'da' ste/ de ni/ bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' 'jam
439a5 dpal gyis smras pa/ skyes bu dam pa/ khyed rnams kyis ji snyed bshad pa de thams cad kyang bdud kyi las dang / bdud kyi yul lo/ /de ci'i phyir zhe na/ yi ger byas
439a6 pa rnam par rig pa ste/ sangs rgyas kyi gsung ni/ yi ge med pa'o/ /tshig ji snyed par bdud kyi las kyang de snyed de/ tshig med pa la bdud kyis ci zhig byar yod /
439a7 gang tshig med pa ni/ rnam par rig pa med pa ste/ bdag dang pha rol yang dag par rjes su mi mthong ngo / /bdag med cing pha rol med pas chos gang la'ang phan
439b1 'dogs pa'am/ gnod pa byed par gnas pa ma yin no/ /de ltar rjes su rtogs pa ni/ bdud kyi yul las yang dag par 'da' ba ste/ rigs kyi bu/ de ni/ byang chub
439b2 sems dpa'i bdud kyi yul las yang dag par 'da' ba zhes bya ba'i chos kyi sgo'o/ /de nas byang chub sems dpa' nam mkha' mdzod kyis bdud sdig can la 'di skad
439b3 ces smras so/ /sdig can/ khyod kyis bdud kyi yul las yang dag par 'da' ba'i chos kyi sgo 'di thos sam/ smras pa/ thos so/ /smras pa/ sdig can/ khyod kyis 'di
439b4 lta bu'i chos kyi tshul la rab tu zhugs pa'i byang chub sems dpa' rnams la bdud kyi las byed nus sam/ smras pa/ rigs kyi bu/ gang gis bdud kyi yul las yang dag
439b5 par 'da' ba'i chos kyi sgo 'di thos sam/ nyan pa de dag la'ang bdag gis bdud kyi las byed mi nus na/ ye shes kyis mngon sum du rtogs pa'i byang chub sems dpa' rnams
439b6 la lta ci smos/ de nas yang byang chub sems dpa'i g.yog byed pa tshogs bral ldan dang / dga' tshogs ldan dang / spos can dang / khang bzang can dang lha bzhi po de dag
439b7 gis bdud sdig can la 'di skad ces smras so/ /sdig can gyi mngon sum du bcom ldan 'das kyis byang chub kyi snying por sngon stobs dang / drag shul dang / bkod pa dang /
440a1 g.yog ji lta bu dang lhags pa de ni/ bcom ldan 'das kyis byams pa dang / snying rje dang / sbyin pa dang / dul ba dang / yang dag par sdom pa
440a2 dang / des pa dang / tshul khrims dang / thos pa dang / ting nge 'dzin dang / shes rab dang / brtson 'grus brtan cing 'bar ba dang / bsod nams dang / ye shes kyi tshogs
440a3 bsags pa'i phyag rin po che sa la brdabs pa dang / 'jig rten gyi khams mtha' yas mu med par rab tu g.yos te/ khyod stobs dang g.yog dang bcas par shin tu
440a4 pham par byas pa de de ltar khyod la mngon sum du gyur bzhin du'ang bcom ldan 'das dang / byang chub sems dpa' rnams la bdud kyi las byed du 'ong ngam/ de bzhin
440a5 gshegs pa byang chub sems dpa' 'khor dang bcas pa rnams la mchod pa'i las byos shig /de nas bdud sdig can gyis rin po che'i gdugs bye ba phrag brgyad khri
440a6 bzhi stong mngon par sprul te 'khor dang bcas pa la phul lo/ /lha'i me tog dang / spos dang / phreng ba dang / byug pa rnam pa tha dad pa mang po thogs te bcom ldan 'das ga
440a7 la ba de logs su gtor nas g.yog dang bcas pas tshig 'di skad ces smras so/ /gal te byang chub sems dpa' nam mkha' mdzod kyis nam mkha'i mdzod 'di bdag
440b1 cag la stsal na/ bdag cag bla na med pa yang dag par rdzogs pa'i byang chub tu sems bskyed do/ /byang chub sems dpa' nam mkha' mdzod kyis smras pa/ sdig can/ khyod
440b2 kyis nam mkha'i mdzod 'di mthong ngam/ smras pa/ rigs kyi bu/ mthong ngo / /'dod pa'i khams thams cad kyang bkod pa ji snyed pa dang / sangs rgyas kyi zhing thams cad kyi
440b3 bkod pa ji snyed pa dang / bdag gi gnas kyi bkod pa ji snyed pa de dag pas ches lhag pa 'dir mthong ste/ de la ni/ lha 'am/ mi'i rin po che'i longs spyod de gang yang med
440b4 pa ma yin no/ /smras pa/ sdig can/ khyod la nam mkha'i mdzod 'di dag thams cad sbyin gyi/ bla na med pa yang dag par rdzogs pa'i byang chub tu sems skyed cig /de nas bdud
440b5 sdig can gyis srog chags brgyad khri bzhi stong dang lhan cig tu bla na med pa yang dag par rdzogs pa'i byang chub tu sems bskyed do/ /de'i tshe bzhin mi sdug pa la sogs pa
440b6 bdud kyi bu lnga brgya ma dad cing chos ma yin pa 'dod pas de dag tshig 'di skad ces bdag cag gi phas byang chub tu sems bskyed du zin kyang bdag cag ni/ 'di lta bu'i chos
440b7 kyi rnam grangs nub par bya ba'i phyir 'bad par bya'o/ /zhes 'dzer to/ /de'i tshe bcom ldan 'das kyis byang chub sems dpa' nam mkha' mdzod la bka' stsal pa/ rigs kyi
441a1 bu| khyod kyi rig pa'i gsang sngags kyi tshig gang gis bdud gang+gA'i klung gi bye ma snyed byang chub la bkod pa bdud tshar gcod pa'i rig pa'i
441a2 gsang sngags kyi tshig la khyod spobs par gyis shig /de nas byang chub sems dpa' nam mkha' mdzod kyis de'i tshe rig pa'i gsang sngags kyi tshig 'di dag smras so/ /
441a3 'di lta ste/ a bat+te/ bi bat+te/ saM bat+te/ sa hi tA nu san+d+hi/ du ru t+ta ra No/ nir+g+ha ta ni/ mai t+r+ya yuk+te/ kA ru Na niSh+yan+te/ sat+ya ba ti/ b+hU ra k+She/ d+harma ni bri t+te/ d+harma rak+She/ ak+khu
441a4 le| ni khi li ni/ hu lu hu lu hu lu hu lu hu lu/ tat+ka re/ ta thA ba di te/ shI la a nu brti/ ak+Sha ya nirde she /kle sha pa ri She/ bud+d+ha a d+hiSh+Tha te d+harma dz+wa li ni/ saM g+ha
441a5 a nu ga me/ a nud+d+ha re/ an+ti kra ma Ni ye/ ni gra ha Ni mA ra pa k+Sha s+ya yuk+ki kr-i te/ a dan+te/ a sha ste/ swa bi Sha ya a nu ga me/ A R+ya gu Na ka re/ sid+d+hi sid+d+hi ba te/ mok+Sha a nu
441a6 ku le| ni gra ha ni ba ra pra ti nAM/ dAR+Sha ni ma ra baR+Sha ta/ a ba shan+tA tsa twA ro ma hA rA dzA na/ sha kro de bA nAM in+d+ra brah+ma sa ha pa ti/ bud+d+ha bra saM nA nAM/ de ba nA ga /yak+Sha kr-i taM
441a7 pa ri trA NAM/ s+thA pi tA na swas+t+ya yA nAM/ d+harma b+ha na ka nAM/ a rak+Sha ye/ sad+d+harma s+ya tsa pa ri gra ha ye/ de nas byang chub sems dpa' nam mkha' mdzod kyis rig pa'i gsang
441b1 sngags kyi tshig 'di dag smras ma thag tu skad cig de nyid la stong gsum gyi stong chen po'i 'jig rten gyi khams rnam pa drug tu g.yos so/ /bdud kyi bu lnga brgya ma dad cing chos
441b2 ma yin pa 'dod pa de dag gis bar snang las sgra 'di skad ces bdud dam/ bdud kyi ris kyi bu'am/ bdud kyi ris kyi lha gang rig pa'i gsang sngags kyi tshig 'di dag
441b3 thos nas byang chub tu sems mi skyed cing / bdud kyi las rnams mi 'dor ba de la gnod sbyin lag na rdo rjes rdo rje kun tu 'bar zhing rab tu 'bar bas spyi bo 'gems so/ /zhes
441b4 thos nas bdud kyi bu de dag gis bar snang la bltas pa dang / de dag gis lag na rdo rje lnga brgya bdag bdag gi spyi bo na rab tu 'bar ba'i rdo rje thogs shing 'dug pa mthong
441b5 nas de dag 'jigs shing skrag ste byang chub tu sems bskyed do/ /de nas bcom ldan 'das de'i dus na 'dzum pa mdzad pa dang / 'dzum pa de'i don tshe dang ldan pa kun
441b6 dga' bos bcom ldan 'das la zhus nas de la bcom ldan 'das kyis bka' stsal pa/ kun dga' bo/ bdud kyi bu lnga brgya po 'di dag 'jigs shing skrag ste bla na
441b7 med pa yang dag par rdzogs pa'i byang chub tu sems bskyed pa mthong ngam/ gsol pa/ bcom ldan 'das/ mthong ngo / /bcom ldan 'das kyis bka' stsal pa
442a1 kun dga' bo/ nam bdud sdig can de byang chub thob par 'gyur ba de'i sangs rgyas kyi zhing der de dag thams cad kyang ming tha dad pa'i byang chub
442a2 sems dpar 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ ji srid na bdud sdig can bla na
442a3 med pa yang dag par rdzogs pa'i byang chub tu mngon par rdzogs par 'tshang rgya/ de byang chub thob nas ming ji skad ces bgyi bar 'gyur/ de'i 'jig rten gyi khams kyang
442a4 ming ci zhes bgyi bar 'gyur/ bcom ldan 'das kyis bka' stsal pa/ kun dga' bo/ bdud sdig can 'di da dung yang phyogs bcu'i sangs rgyas kyi zhing rnams su bdud
442a5 kyi bya ba byed de/ sangs rgyas bcom ldan 'das de dag las kyang rdo rje snying po nyon mongs pa rab tu 'joms pa'i chos bstan pa 'di thos par 'gyur zhing / sangs rgyas
442a6 rnams dang / byang chub sems dpa' rnams kyi cho ga gsang ba dang / spyod lam dang / yon tan dang / tshul khrims kyi gnas dang / spyad pa dang / cho ga dang / sbyor ba
442a7 mthong bar 'gyur te/ ci tsam gyis byang chub kyi sems de brtan par gyur pa de na de bzhin gshegs pa mtha' yas dri ma med pa'i tog ces bya ba 'byung ste/ de'i
442b1 gsung rab la bdud sdig can 'di'ang tha mar bdud kyi las byed de/ de dge ba'i rtsa ba yongs su smin nas sems med pa'i sems kyis sangs rgyas dang / chos kyi snang ba
442b2 thams cad rnam par dag pa'i rjes su song zhing byang chub kyi sems bskyed do/ /de'i 'og tu grangs med pa bgrang ba las 'das pa'i de bzhin gshegs pa mnyes par
442b3 byed de/ bsti stang byed/ bla mar byed/ ri mor byed cing mchod par byed par 'gyur ro/ /sangs rgyas bcom ldan 'das de dag gi bstan pa la rab tu 'byung bar 'gyur
442b4 ro| |rab tu byung nas kyang dam pa'i chos dus gsum du yongs su 'dzin par 'gyur/ sems can tshad med pa'ang byang chub la yongs su smin par byed par 'gyur ro//
442b5 de de'i 'og tu bskal pa grangs med pa bzhi bcu rtsa bzhi na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rnam par
442b6 sbyong ba'i bskal pa la yongs su dag par gnas pa'i 'jig rten gyi khams su shin tu gnas pa'i chos snang ba thob ces bya ba'i de bzhin gshegs pa dgra bcom
442b7 pa yang dag par rdzogs pa'i sangs rgyas su 'jig rten du 'byung ste/ rig pa dang zhabs su ldan pa nas sangs rgyas bcom ldan 'das kyi bar du'o/ /yang kun dga'
443a1 bo/ yongs su dag par gnas pa'i 'jig rten gyi khams de 'byor ba dang / rgyas pa dang / bde ba dang / lo legs pa dang / lha dang mis gang bar
443a2 'gyur ro/ /'di lta ste/ dper na/ kun dga' bo/ dga' ldan gyi lha'i longs spyod dang / kun spyod pa ci 'dra bar sems can de dag gi longs spyod dang / kun
443a3 spyod pa yang de 'dra bar 'gyur ro/ /kun dga' bo/ de bzhin gshegs pa shin du gnas pa'i chos snang ba thob ces bya ba'i tshe'i tshad ni/ bar gyi bskal pa bzhi bcu
443a4 thub par 'gyur ro/ /nyan thos bye ba phrag drug cu rtsa bzhi rnams kyi nyan thos kyi 'dus pa chen por 'gyur ro/ /byang chub sems dpa' khri nyis stong gi dge 'dun du
443a5 'gyur ro/ /kun dga' bo/ gang bdud dang / bdud kyi bu dang / bdud kyi ris kyi lha da ltar na bla na med pa yang dag par rdzogs pa'i byang chub la zhugs pa 'di dag
443a6 thams cad kyang yongs su dag par gnas pa'i 'jig rten gyi khams der skye bar 'gyur te/ bcom ldan 'das de bzhin gshegs pa shin du gnas pa'i tshes snang
443a7 ba thob pa'i sangs rgyas kyi zhing du de dag thams cad de bzhin gshegs pa des bla na med pa yang dag par rdzogs pa'i byang chub tu lung ston par 'gyur ro/ /bdud
443b1 sdig can lung bstan pa bshad pa 'di rab tu bstan pa na gang 'khor der 'dus pa'i brgya byin dang / tshangs pa dang / 'jig rten skyong ba de dag thams cad ngo mtshar du gyur nas/ 'di
443b2 ltar bdud kyi las de snyed bgyid kyang de bzhin gshegs pa mthong ba don yod pas bla na med pa yang dag par rdzogs pa'i byang chub tu mya ngan las 'das bar 'gyur ba
443b3 ni/ sangs rgyas bcom ldan 'das kyis legs par gsungs pa'i chos 'dul ba ngo mtshar to/ /bcom ldan 'das/ rigs kyi bu 'am/ rigs kyi bu mo su zhig gang zag la
443b4 gang zag gis tshod gzung / bcom ldan 'das sangs rgyas kyi yul 'di ni/ nyan thos dang / rang sangs rgyas thams cad kyi sa ma lags so/ /zhes ched du brjod pa 'di
443b5 ched du brjod do/ /bcom ldan 'das kyis bka' stsal pa/ de de bzhin no/ /grogs po dag ji skad smras pa bzhin te/ 'di ni/ sangs rgyas kyi yul lo/ /'on kyang grogs
443b6 po dag sems ni rten cing 'brel par 'byung ba ste/ ngas sems can 'di dag chags pas gom pa 'deg cing chags pa dang bral bas 'jog pa dang / kun nas nyon
443b7 mongs pas chos gos 'dzin pa dang / nyon mongs pa dang bral bar gyon pa dang / len pa dang bcas pas zan kham gyis gcod pa dang / len pa med par mthong ste/ kye
444a1 grogs po dag /sems can gyi spyod pa ni/ sna tshogs so/ /mgo smos pas go ba dang / spros te bshad pas go ba dang / tshig lhur len pa'i
444a2 sems can dag yod de/ de dag la de bzhin gshegs pa so so ci rigs par chos la gzud par bstan pa'i gtam rnams gsung ngo / /kye grogs po dag /nyon mongs
444a3 pa ni/ yul la yang mi gnas shing phyogs la 'ang mi gnas te/ nyon mongs pa ni/ bsags pa 'ang med/ phung po'i dngos po yang med do/ /tshul bzhin ma yin pa byung
444a4 bas nyon mongs pa byung ngo / /tshul bzhin byung bas rnam par dag pa byung ngo / /de la de ltar kun nas nyon mongs pa 'byung ba de tshul bzhin brtags na rnam par dag
444a5 pa 'byung bar 'gyur ro/ /ngas 'di las dgongs te log par lta ba yang dag pa ji lta ba bzhin du shes na/ de'i yang dag par lta ba yin no/ /zhes
444a6 tshig 'di smras so/ /nam yang log par lta ba ni/ yang dag pa'i lta bar ma gyur/ mi 'gyur/ 'gyur ba med do/ /'on kyang ji ltar log par lta ba la log par lta
444a7 bar rig nas de la mi gnas/ rab tu mi gnas/ spyod pa med/ rab tu spyod pa med pa de ni/ yang dag par lta ba'i lam la 'jug pa ste/ 'di ni yang dag
444b1 pa'i lta ba zhes bya'o/ /kye grogs po dag /nyon mongs pa ni/ sgrib par byed pa'o/ /rnam par dag pa ni/ snang ba'o/ /nyon mongs pa ni/ nyam chung ba'o/ /lhag mthong ni/
444b2 stobs dang ldan pa'o/ /nyon mongs pa ni glo bur ro/ /rang bzhin ni rtsa ba rnam par dag pa'o/ /nyon mongs pa ni kun du rtog pa'o/ /rang bzhin ni/ kun du rtog pa
444b3 med pa'o/ /kye grogs po dag /'di lta ste/ dper na/ sa chen po 'di ni/ chu la rten to/ /chu ni/ rlung la rten to/ /rlung ni/ nam mkha' la rten to/ /nam mkha' ni/
444b4 rten pa med do/ /de bzhin du sa yi khams dang / chu'i khams dang / me'i khams dang / rlung gi khams dang khams bzhi po 'di dag pas ni/ nam mkha'i khams thams
444b5 cad kyi nang na stobs che zhing sra ste/ sogs pa med pa'o/ /sogs pa med pa ni/ ma skyes pa ma 'gags pa ste/ rang gi ngang gi tshul gyis gnas pa'o/ /de la gang
444b6 khams gsum po de dag ni/ skye ba dang / 'jig par ldan pa/ mi gnas pa/ ring du mi gnas pa ste/ 'di dag ni/ 'gyur/ bar snang gi nam mkha'i khams la ni/
444b7 'gyur ba gang yang med do/ /de bzhin du phung po dang / khams dang / skye mched ni/ las dang / nyon mongs pa la gnas pa'o/ /las dang / nyon mongs pa ni/ tshul bzhin
445a1 ma yin pa yid la byed pa la gnas so/ /tshul bzhin ma yin pa yid la byed pa la ni/ rang bzhin yongs su dag pa la gnas te/ de'i phyir sems
445a2 rang bzhin 'od gsal ba de glo bur gyi nyon mongs pas nye bar nyon mongs zhes bya'o/ /de la gang tshul bzhin ma yin pa yid la byed pa dang / gang las dang nyon mongs
445a3 pa dang / gang phung po dang / khams dang / skye mched thams cad kyang rgyu dang rkyen gyis yang dag par zin na ni skye/ rgyu dang rkyen ma tshogs na ni/ 'gag ste/ gang
445a4 de'i rang bzhin de la ni/ rgyu yang med/ rkyen yang med/ tshogs pa yang med/ skye ba yang med/ 'gag pa yang med do/ /de la nam mkha'i khams ji lta bar rang
445a5 bzhin yang de bzhin no/ /tshul bzhin ma yin pa yid la byed pa ji lta bar rlung yang de bzhin no/ /las dang nyon mongs pa ji lta bar chu yang de bzhin no/ /phung po
445a6 dang / khams dang / skye mched rnams ji lta bar sa'i khams kyang de bzhin te/ de'i phyir chos thams cad ni/ rtsa ba yongs su chad pa zhes bya ste/ snying po med pa'i
445a7 rtsa ba/ mi gnas pa'i rtsa ba/ dag pa'i rtsa ba/ rtsa ba med pa'i rtsa ba'o/ /kye grogs po dag de ni/ rang bzhin rnam par dag pa'i sgo zhes bya ba'i chos snang ba'i sgo
445b1 ste sgo gang la brten nas byang chub sems dpa' rnams nyon mongs pa thams cad kyi sgo la mi gnas shing / rnam par dag pa'i sgo thams cad kyang mi snyems pa'o/ /de
445b2 dag thams cad snyems pa yang dag par bcom pas tshul dang 'dra bar 'gro ba'i lam khong du chud de bdud kyi yul las yang dag par 'da' bar 'gyur ro/ /de dag
445b3 bdud kyi yul las yang dag par 'das pas sangs rgyas kyi yul la rab tu gnas par 'gyur ro/ /de dag sangs rgyas kyi yul la rab tu gnas pas sems can thams cad
445b4 kyi yul la 'jug par 'gyur ro/ /sems can thams cad kyi yul la zhugs pas chos kyi dbyings kyi yul 'khrug par mi byed par 'gyur ro/ /de dag chos kyi dbyings
445b5 kyi rjes su song ste/ mnyam pa bye brag med pa thob pas thams cad mkhyen pa'i ye shes rjes su thob par 'gyur ro/ /bstan pa 'di bshad pa na byang chub sems dpa'
445b6 mang po zhig las dang nyon mongs pa dang / chos kyi sgrib pa kun nas ldang ba dang / 'gyod pa kun nas ldang ba thams cad dang bral te mi skye ba'i chos la bzod pa thob
445b7 par gyur to/ /'phags pa nam mkha' mdzod kyis zhus pa/ bam po brgyad pa ste tha ma/ de nas dge bsnyen dpal sbas shes bya bas bcom
446a1 ldan 'das kyi zhabs gnyis la phyag 'tshal nas/ bcom ldan 'das la 'di skad ces gsol to/ /bcom ldan 'das chos rnam par grol ba'i
446a2 sgo chos kyi rnam grangs 'di ni/ bcom ldan 'das kyis bdag gi slad du bshad do/ /de ci'i slad du zhe na/ bcom ldan 'das/ bdag gis bcom ldan 'das bsad
446a3 pa'i slad du shul zhugs kyis bltams par bgyis te bshos kyang dug dang bsres pa sbyar ba des bcom ldan 'das las bdag gis chos mang du thos kyang 'gyod
446a4 pa rab tu bsal bar ma nus kyi/ bcom ldan 'das/ bdag gis chos kyi rnam grangs 'di thos nas 'gyod pa de thams cad ma mchis par gyur te/ chos thams cad
446a5 la snang ba 'ang skyes so/ /bcom ldan 'das/ bdag ni/ 'gyod pa ma mchis/ the tshom ma mchis te/ snang ba thob pas bla na med pa yang dag par rdzogs pa'i byang
446a6 chub tu sems bskyed par bgyi ste/ bcom ldan 'das/ dper na/ bdud sdig can ltar bdag kyang khyad par du mchi bar 'gyur ro/ /bcom ldan 'das kyis
446a7 bka' stsal pa/ khyim bdag /legs so legs so/ /ngas bshad pa'i don khyod kyis khong du chud de/ ngas khyim bdag khyod la lung bstan gyi/ sems dang /
446b1 lhag pa'i bsam pa 'dis bskal pa bzang po'i sangs rgyas bcom ldan 'das thams cad la sti stang du byas/ bla mar byas/ ri mor byas te mchod nas de dag gi
446b2 thad nas tshangs par spyad pa spyod par 'gyur/ de dag gi dam pa'i chos kyang yongs su 'dzin par 'gyur ro/ /de'i 'og tu sangs rgyas bcom ldan 'das bgrang ba las
446b3 'das pa snyed cig mnyes par byas te bskal pa grangs med pa bdun brgya na shin du dri ma med pa'i bskal pa la de bzhin gshegs pa kun nas ldang ba thams cad rnam
446b4 par sel ba zhes bya ba 'jig rten du 'byung ste/ rig pa dang zhabs su ldan pa zhes bya ba nas sangs rgyas bcom ldan 'das shes bya ba'i bar du 'gyur ro/ /de nas dge
446b5 bsnyen dpal sbas kyis bcom ldan 'das las bdag bla na med pa yang dag par rdzogs pa'i byang chub tu lung bstan pa thos nas tshim zhing mgu la yid rangs te rab tu
446b6 dga' nas dga' ba dang yid bde ba skyes te rgyan ji snyed thogs pa bcom ldan 'das kyi sku la gsol nas tshig 'di skad ces gsol to/ /bcom ldan 'das/ bdag
446b7 gi khyim na gter chen po bzhi mchis te/ rin po che mang po dang / gser gyis yongs su gang ba'o/ /de dag las gter chen po gcig ni/ khyim gyi bu smad dang /
447a1 dang / bran po dang / bran mo dang / las bgyid pa rnams la stsal to/ /gter chen po gcig ni/ dbul po slong ba thams cad la stsal to/ /gter
447a2 chen po gcig ni/ dge slong phyogs bzhi nas lhags pa'i phyogs bzhi'i dge slong gi dge 'dun rnams la 'bul lo/ /gter chen po gcig ni/ sangs rgyas la
447a3 sogs pa dge slong gi dge 'dun rnams la 'bul lo/ /bcom ldan 'das/ bdag ni/ yang bar gyur te nga yi ba ma mchis/ yongs su 'dzin pa'ang ma mchis na/
447a4 bcom ldan 'das/ bdag legs par bshad pa'i chos 'dul ba la rab tu 'byung ste bsnyen par rdzogs shing dge slong gi tshul thob par bgyir gsol/ dge
447a5 bsnyen dpal sbas legs par bshad pa'i chos 'dul ba la rab tu byung ste bsnyen par rdzogs nas dge slong gi tshul thob bo/ /de nas bcom ldan 'das la byang chub
447a6 sems dpa' nam mkha' mdzod kyis 'di skad ces gsol to/ /bcom ldan 'das/ de bzhin gshegs pa yongs su mya ngan las 'das na bskal pa grangs ma
447a7 mchis pa bye bar yang dag par bsgrubs pa'i byang chub 'di su 'dzin par 'gyur/ de nas 'khor de nas byang chub sems dpa' bye ba phrag drug bcu langs nas de dag
447b1 thams cad thal mo sbyar te/ bcom ldan 'das la phyag 'tshal nas sgra skad dbyangs gcig tu tshigs su bcad pa 'di dag gsol to/ /bcom ldan rkang gnyis dam pa ni/ /
447b2 mya ngan 'das slad bdag cag rnams/ /lus dang srog tu bcas btang ste/ /dam pa'i chos ni gzung bar spro/ /rnyed dang bkur sti spangs nas su/ /sten pa kun kyang
447b3 rab spangs te/ /sangs rgyas ye shes bstan pa yi/ /chos 'di rjes su mi btang ngo / /dam pa'i chos ni gzung slad du/ /gshe dang mi snyan mchi ba dang / /ngan du smra ba'i tshig
447b4 rnams kyang / /bzod pa de dag dang du blang / /tshul 'di rab tu bzung nas su/ /co 'dri ba dang sdigs pa dang / /mi bsngags pa dang mi snyan pa/ /de dag thams cad
447b5 bzod par bgyid/ /dmigs pa dag la rab gnas pa/ /bdud kyi pho nya bdud kyi phyogs/ /dam pa'i chos la skur 'debs pa'i/ /dge slong dag ni 'byung bar 'gyur/ /
447b6 tshul khrims 'chal pa sdig chos can/ /khyim pa dang ni bsten cing gnas/ /bkur bsti dag dang rnyed la brkam/ /chos 'di tshol ba mi bgyid do/ /'jig rten rgyang
447b7 pan rnams dang 'dre/ /bdag la rab tu stod bgyid cing / /rab tu des pa rnams la smod/ /mi mkhas nga rgyal can dag 'byung / /dgon pa'i gnas ni spangs nas su/ /
448a1 rtag tu 'du 'dzin rnams la dga'/ /'jig rten gsang tshig rnams la brtson/ /'jig tshogs la ni rab tu gnas/ /mi mkhas
448a2 pa dag dge 'dun las/ /zhal ta byed la rtag tu brtson/ /bsam gtan bsam gtan byed spangs te/ /dkon mchog gsum dang 'dre mi byed/ /thos dang khrims
448a3 kyis ma lags kyis/ /tshogs gyi nang na rnyed pa tshol/ /sbyin pa dag la phyir phyir brtson/ /rtog pa bcas shing mya ngan bcas/ /nga yir 'du shes gzung nas su/ /
448a4 mdza' dang slong ster khyim la dga'/ /de dag der ni rab 'jug cing / /'jig rten pa yi gtam rnams bgyid/ /zhing gi don dang khyim gyi don/ /de dag nyo
448a5 tshong bgyid la gnas/ /thong gshol shal ba rnams ldan yang / /bdag cag dge sbyong yin zhes 'dzer/ /dmigs pa yis ni rab tu bgyid/ /lta ba tha dad kun
448a6 du gnas/ /stong pa nyid kyi chos thos nas/ /de dag g.yang sa bzhin du 'gyur/ /'jig rten pha rol mi spyod cing / /las kyi rnam par smin pa 'dor/ /brdzun
448a7 du smra dang rab tu ldan/ /chos ma lags la chos su 'dzin/ /dge sbyong rgyal po rab 'khrug cing / /de ltar rab tu ma rungs pa/ /rnam par 'jig tshe sems can
448b1 phyir/ /bdag cag dam chos gzung bar bgyi/ /mdo sde rnams kyang phan tshun du/ /'thun par spyod par mi byed de/ /rang rang gi ni smra rnams la/ /de dag rtag tu mos
448b2 par bgyid/ /mdo sde gang dag rab zab cing / /rnam grol 'bras bur ldan pa rnams/ /rab tu 'dzin par mi bgyid de/ /de dag sna tshogs gtam rnams bgyid/ /
448b3 'di 'dra ba yi dus 'di na/ /don bcas tshig 'brur ldan pa yi/ /legs par gsungs pa'i chos rnams ni/ /rab tu rnam par 'jig par 'gyur/ /de yi tshe na sems
448b4 can yang / /rab tu rnam par 'jig par 'gyur/ /rgyal po'i las kyis bsdigs pa na/ /'jigs shing skrag nas 'bros par 'gyur/ /'jig dus rab tu mi
448b5 zad pa/ /sdig pa'i dus ni 'di 'dra tshe/ /sangs rgyas kyis ni gang bshad pa/ /chos 'di bdag cag gzung bar bgyi/ /tshul 'di rab tu bzung nas su/ /gang
448b6 dag chos la mi gnas pa'i/ /sems can rnams la byams par bgyi/ /de dag la ni snying rje'ang bgyi/ /sems can rnyed dang 'dod gnas pa/ /tshul khrims 'chal
448b7 pa mthong nas su/ /de yi 'gro ba cir 'gyur zhes/ /mchi ma'ang rab tu dbyung bar bgyi/ /dam pa'i chos la skur 'debs pa/ /de dag 'phral du mthong na yang / /de
449a1 dag gshe bar mi 'gyur bar/ /ring nas byams pa btsal bar bgyi/ /rab tu bsdams nas ngag gi las/ /nyams kyis ci nus
449a2 bsrung bar bgyi/ /sdig pa la ni rab gnas pa/ /de la glo bur gtam mi bgyi/ /nor sbyin de bzhin sti stang gis/ /mi rnams yongs su smin bgyis
449a3 nas/ /yang dag sdig med spyod yul gyis/ /slad kyis de dag bskul bar bgyi/ /khyim dang sten pa kun spangs te/ /don nyung ba dang bgyid nyung ba/ /
449a4 bas mtha' dgon pa'i spyod yul ba/ /ri dgas bzhin du 'gyur bar bgyi/ /'phags pa'i rigs la dga' ba dang / /sbyangs pa'i tshul khrims gnas
449a5 pa dang / /mnyam bzhag shes rab ldan pa dang / /g.yel ba ma mchis 'gyur bar bgyi/ /dul ba dang ni zhi ba dang / /grol bas grong du zhugs nas kyang / /
449a6 sems can gang dag chos tshol ba/ /de la bdag cag chos bstan to/ /chos 'dod par ni rtogs nas su/ /shin du ring du 'ang mchi bar bgyi/ /chos la
449a7 dga' zhing mos rnyed nas/ /sems can rnams kyi don yang bgyi/ /sems can rnams kyi 'khrul mang po/ /de dag mngon par mthong nas kyang / /chos
449b1 dang nges par rab gnas nas/ /bdag la rab tu brtag par bgyi/ /sti stang bgyis dang ma bgyis la/ /ri rab lta bur gyur nas su/ /'jig rten gyis ni mi
449b2 gos pa/ /'jig rten 'dren par 'gyur bar bgyid/ /dge slong tshul las nyams rnams kyi/ /mi snyan pa dag rtogs nas kyang / /las ni bdag gir bya bar bgyi/ /
449b3 de dag las ni smin ma 'gyur/ /chos rnams la ni gnas pa la/ /nged la de 'dra'i chos rnams ni/ /ji lta bur yang yod med ces/ /gshed ma dag kyang 'gyod
449b4 par 'gyur/ /bdag cag ming gi dge sbyong ste/ /dge sbyong yon tan med do zhes/ /yang dag bskul ba thos pa dang / /mdo sde 'di ni spong bar 'gyur/ /sna
449b5 dang rna chad de dag ni/ /me long dga' bar mi 'gyur ltar/ /yang dag bskul ba thos pa dag /de dag dam chos spong bar 'gyur/ /dge slong gang dag
449b6 dam pa'i chos/ /rab tu 'dzin par 'byung 'gyur te/ /de dag bzhin du tshul 'chos kyang / /gang yang chos 'di mi nyan to/ /rgyal po rnams kyang slu bar
449b7 bgyid/ /skye bo chen po 'byed 'gyur yang / /sangs rgyas kyi ni byin brlabs kyis/ /sems can de rtag chos nyan 'gyur/ /dus ngan de tshe bdag cag rnams/ /
450a1 sems can dag la sman slad du/ /lus dang srog kyang rab btang ste/ /dam pa'i chos ni gzung bar bgyi/ /'jig pa chen po'i
450a2 dus de na/ /tshig tsam du ni ma lags kyi/ /sgrub pa snying por bgyid par yang / /mgon pos bdag cag bsam pa mkhyen/ /dam chos 'di ni yongs bzung
450a3 na/ /bsod nams tshogs ni ji tsam mchis/ /chos kyi rgyal po 'od mdzod pa/ /'jig rten snang bar mdzad la zhu/ /de'i tshe bcom ldan 'das kyis byang
450a4 chub sems dpa' nam mkha' mdzod la bka' stsal pa/ rigs kyi bu/ 'di lta ste/ dper na/ shar phyogs kyi stong gsum bcu'i 'jig rten gyi khams re re'ang
450a5 rdul phra rab kyi char rdul phra rab kyi rdul du bshig la/ de bzhin du lho dang / nub dang / byang dang / steng dang / 'og dang / phyogs bcu kun du stong sum
450a6 cu'i 'jig rten gyi khams re re yang rdul phra rab kyi rdul du bshig ste/ de nas rdul phra rab de dag thams cad ji snyed par shar phyogs su sangs rgyas kyi zhing de
450a7 snyed 'das shing rdul phra rab kyi rdul gcig bzhag la/ tshul de lta bur shar phyogs su rdul phra rab de thams cad zad zad du bzhag kyang shar phyogs kyi
450b1 sangs rgyas kyi zhing gi mthar thug pa gang yang med do/ /shar phyogs su ji lta ba de bzhin du phyogs bcu kun gyi phyogs re rer yang sangs rgyas kyi zhing de snyed
450b2 do/ /rigs kyi bu/ 'di ji snyam du sems/ phyogs bcu'i sangs rgyas kyi zhing de dag gi rdul phra rab rnams tshul de lta bus phyogs bcur bzhag pa las tshad dam
450b3 mtha' rtogs par nus sam/ gsol pa/ bcom ldan 'das/ de ni/ mi nus so/ /gzhan du na de bzhin gshegs pas sangs rgyas kyi ye shes chags pa mi mnga'
450b4 bas mkhyen pa ni/ ma gtogs so/ /bcom ldan 'das kyis bka' stsal pa/ rigs kyi bu/ de ltar sangs rgyas kyi zhing ji snyed pa de dag las gang du rdul phra rab de
450b5 dag bzhag par gyur pa'i sangs rgyas kyi zhing de dag thams cad grong khyer gcig tu gyur te brtsig pas bskor nas 'og gi chu'i phung po nas bzung ste srid pa'i rtse mo'i
450b6 bar gyi grong khyer de dag yungs 'bru mi rtsub pa 'ba' shig gi yongs su gang bar gyur na/ rigs kyi bu/ 'di ji snyam du sems/ yungs 'bru de dag mang ngam/ gsol
450b7 pa/ bcom ldan 'das/ de bzhin gshegs pas ji ltar dpe 'di btsal ba ngo mtshar to/ /bcom ldan 'das/ gang dpe 'di thos nas dad par 'gyur ba'i sems can
451a1 de dag kyang ngo mtshar rmad du byung ba'i chos dang ldan par 'gyur ro/ /bcom ldan 'das kyis bka' stsal pa/ rigs kyi bu/ de bzhin gshegs
451a2 pa ni| yungs 'bru de dag brgya phrag 'di snyed ce 'am/ stong phrag 'di snyed cig ce 'am/ brgya stong phrag 'di snyed cig ce 'am/ dkrigs pa dang / gtams pa dang / khyad
451a3 phyin dang / mi 'khrugs pa phrag 'di snyed cig ce 'am/ sangs rgyas kyi zhing 'di snyed cig ce 'am/ sangs rgyas kyi zhing brgya phrag 'di snyed cig ce 'am/ sangs rgyas kyi
451a4 zhing stong phrag 'di snyed cig ce 'am/ sangs rgyas kyi zhing brgya stong phrag 'di snyed cig yod do/ /zhes rab tu mkhyen to/ /rigs kyi bu/ byang chub 'dod pa la la zhig
451a5 gis sangs rgyas kyi zhing de snyed rin po che sna bdun gyis rab tu bkang ste sbyin pa byin pas/ ji ltar skyes bu dam pa dam pa'i chos yongs su 'dzin pa gang yon tan
451a6 gyi chos 'di lta bu la gnas pa de dag gis de bzhin gshegs pa gcig gis dam pa'i chos yongs su bzung na/ 'di de bas bsod nams ches mang du skyed do/ /yungs
451a7 'bru ji snyed pa de snyed kyi sangs rgyas bcom ldan 'das rnams la gang la la zhig gis sti stang du byas/ bla mar byas/ ri mor byas te mchod pa bas/ gang
451b1 zab mo'i chos la bzod pa de ni de bas bsod nams ches mang du skyed do/ /yungs 'bru ji snyed pa de snyed kyi gtan pa med pa'i mchod sbyin byin pa bas/ gang gzhan zhig sems
451b2 can thams cad la khong khro ba med pa'i sems kyis chos la rab tu dga' zhing bzod pas gom pa bdun bor na/ de bas de bsod nams ches mang du skyed do/ /yungs 'bru
451b3 de dag ji snyed pa de snyed du brgya byin dang / tshangs pa dang / 'khor los sgyur ba'i rgyal po dang / byang chub sems dpa' snyed pas/ gzhan dag gis 'dus byas
451b4 thams cad mi rtag pa dang / sdug bsngal bar rig cing chos thams cad la bdag med par rig la/ mya ngan las 'das pa zhi bar rig nas sems can rnams la snying
451b5 rje chen po bskyed de dkon mchog gsum gyi rigs rgyun mi 'chad pa'i phyir bla na med pa yang dag par rdzogs pa'i byang chub tu sems bskyed na/ de ni/ de bas ches bsod
451b6 nams mang du skyed do/ /de nas bcom ldan 'das la byang chub sems dpa' nam mkha' mdzod kyis 'di skad ces gsol to/ /bcom ldan 'das slad ma'i tshe slad ma'i dus na ci nas
451b7 chos kyis rnam grangs 'di 'dzam bu'i gling du spyod cing rgyas par yang 'gyur bar de bzhin gshegs pas chos kyi rnam grangs 'di byin gyis brlabs tu gsol/ bcom ldan
452a1 'das kyis bka' stsal pa/ rigs kyi bu/ de'i phyir rgyal po chen po bzhi dgug pa'i tshig bshad par bya ste/ dgug pa'i tshig de dag
452a2 gis rgyal po chen po bzhi 'ongs nas chos kyi rnam grangs 'di yun ring du gnas par bya ba dang / rgya cher rnam par dbye zhing rab tu bstan pa'i phyir brtson par
452a3 'gyur ro/ /de la 'di dag ni/ dgug pa'i tshig go/ /'di lta ste/ d+hu d+hu re/ d+hi d+hi re/ d+h+wa dza ba ti/ d+h+wa dza a laM ka ra/ a ba dwa ni/ sha me sha ma ba ti/ shAn+ti mu
452a4 khe/ ni gra ha pa ra pa k+Sha/ a no d+ha ra/ ut+t+wa ri bi ga ma/ sa ma pA tha/ pA tha shud+d+hi/ pA tha a nu ga ma/ pA tha san+d+hi/ pradz+nyA mu khe/ Ar+ya ku le/ b+hU ta rak+Sha
452a5 a me sa tsa/ me ne sa tsa/ ta ma sa tsa/ ta ta ma sa tsa/ bud+d+ha pA da/ d+harma a nu san+d+hi/ Ar+ya ga na mu kha ma/ Ar+ya nir+g+ha ta ni/ rush+ta pra sA da ni/ I shwa ra pa da lo ka tsit+ti
452a6 kr-i ta/ a nu rA ga yan+tu/ i man+d+harma san+d+hi/ bi b+ha tsan+tu ni ruk+ta/ nirde sha pra ti rak+Shan+tu/ d+har+m+ma d+ha ra Ni/ rigs kyi bu/ 'di dag ni/ rgyal po chen po bzhi dgug pa'i
452a7 tshig go/ /de nas rgyal po chen po bzhi 'jigs shing skrag ste spu zing zhes byed nas bcom ldan 'das ga la ba der lhags te bcom ldan 'das kyi zhabs la mgo bos
452b1 phyag 'tshal nas bcom ldan 'das la 'di skad ces gsol to/ /bcom ldan 'das/ bdag cag rgyal po chen po bzhi chos kyi rnam grangs 'di bsrung ba dang / bskyab pa
452b2 dang / sba ba dang / yun ring du gnas par bgyi ba dang / rjes su gzung ba'i slad du gnas par bgyi'o/ /gang na chos kyi rnam grangs 'di spyod pa der lha dang / klu dang /
452b3 gnod sbyin dang / dri za dang / lha ma yin dang / nam mkha' lding dang / mi 'am ci gang dag chos ma lags pa 'tshal bar 'gyur ba de dag shin du tshar bcad par bgyi'o/ /
452b4 gang dag chos 'tshal bar 'gyur ba de dag gi sems rab tu dga' bar bgyi'o/ /chos smra ba de'i 'khor gyi dkyil 'khor yang yongs su legs par gzhag par bgyi'o/ /
452b5 tshig gi mtshams su tshig gi mtshams sbyor bar bgyi'o/ /spobs pa yang stsal bar bgyi'o/ /dran pa dang / blo gros dang / rtogs pa dang / dga' ba yang 'phel bar
452b6 bgyi'o/ /de skad ces gsol pa dang / bcom ldan 'das kyis rgyal po chen po de bzhi la 'di skad ces bka' stsal to/ /grogs po dag /'di lta ste/ khyed ni/ nga'i bu chos
452b7 las skyes pa chos kyis byung ba ste/ khyed rnams nga'i dam pa'i chos yongs su gzung ba'i phyir spro ba ston pa ni/ legs so legs so/ /khyed rnams chos kyi rgyu
453a1 'thun pa 'dis 'jig rten du 'jig rten gyi bdag por 'gyur te/ 'jig rten thams cad las yang dag par 'das nas 'phags pa'i mya
453a2 ngan las 'da' ba'i dbyings su yongs su mya ngan las 'da' bar 'gyur ro/ /de nas yang bcom ldan 'das kyis byang chub sems dpa' nam mkha' mdzod la 'di skad ces
453a3 bka' stsal to/ /rigs kyi bu/ lha'i dbang po brgya byin dgug pa'i tshig bshad par bya ste/ rig pa'i gsang sngags kyi tshig de dag gis lha'i dbang po brgya byin chos kyi rnam
453a4 grangs 'di bsrung ba dang / yun ring du gnas par bya ba'i phyir gnas par 'gyur ro/ /de la tshig ni/ 'di rnams so/ /'di lta ste/ shu b+he/ shu b+ha ma ti/ shu b+ha byU te
453a5 du da re/ da ri da du ra ni/ da me sha me/ u pa sha me/ khu be/ u ga sha me/ kha be/ u ga kha ra/ a so mu khe/ d+hA ra Ni/ a rad+di/ shu shru She/ sa hi te/ a
453a6 b+he de b+he da san+d+hi sau me sa ma ba te sa ma rasmi/ a she/ hu hu/ he he/ khu ru khu re/ a n+ti kra me/ de ba rla k+Sha sa hi ta ma hA b+ha ba b+ha sa pra me/ A gats+tsha du sha kro de ba nAM
453a7 man+t+ra/ da sha sha ta na ya na/ bar ma ku ta d+ha ra/ i shwa ra u ma rut+pa b+ha na ni ba si/ rigs kyi bu/ 'di dag ni/ lha'i dbang po brgya byin dgug pa'i tshig ste/ dgug
453b1 pa'i tshig gang gis lha'i dbang po brgya byin bkug nas chos kyi rnam grangs 'di yun ring du gnas par bya ba'i phyir gnas par bya'o/ /de nas lha'i dbang po brgya byin chos kyi
453b2 shugs kyis dga' ba skyes nas sum bcu rtsa gsum gnas kyi khang pa thams cad rab tu g.yos par byas te/ g.yog lha brgya stong mang po dang / bcom ldan 'das ga
453b3 la ba der dong nas lhags te bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das/
453b4 bdag ni/ lha'i dbang po brgya byin te/ sum bcu rtsa gsum pa'i lha la dbang bgyid de/ g.yog lha'i tshogs dang / chos kyi rnam grangs 'di 'dzam bu'i gling du rgyas par
453b5 bgyi ba'i slad du nan tan du bgyi'o/ /chos smra ba de dag dang / mdo sde 'di 'chang ba de dag la ji ltar mi gnod pa dang / dga' ba dang / mchog tu dga' ba dang / mos
453b6 pa rnyed cing chos kyi rgyan gyis brgyan te chos kyi rnam grangs 'di grong dang / grong khyer dang / grong rdal dang / yul 'khor dang / rgyal po'i pho brang du zhugs nas rab tu
453b7 'chad par 'gyur ba de ltar chos kyis bsrung ba dang / bskyab pa dang / sba bar bgyi'o/ /bcom ldan 'das/ bdag cag chos mnyan pa'i slad du chos smra ba de dag gi gan
454a1 du mchi bar bgyi'o/ /khro zhing gshe yang dang du blang bar bgyi'o/ /bdud bar chad bgyid pa'i gnod pa thams cad las kyang bsrung ba dang / bskyab pa
454a2 dang / sba bar bgyi'o/ /bcom ldan 'das kyis bka' stsal pa/ kau shi ka /ji lta bur khyod lha'i dbang po thob pas chos kyi dbang por zhugs nas nga dang / sangs
454a3 rgyas thams cad kyi dam pa'i chos yongs su gzung ba'i phyir seng ge'i sgra sgrogs pa legs so legs so/ /de ci'i phyir zhe na/ kau shi ka /de bzhin gshegs pa gcig
454a4 gi dam pa'i chos yongs su bzung na/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i chos yongs su bzung ba
454a5 yin no/ /de'i tshe bcom ldan 'das kyis yang byang chub sems dpa' nam mkha' mdzod la bka' stsal pa/ de la rigs kyi bu/ mi mjed kyi bdag po tshangs pa
454a6 dgug pa'i tshig bshad kyis/ /dgug pa'i tshig gang dag gis mi mjed kyi bdag po tshangs pa chen po chos kyi rnam grangs 'di bsrung ba'i phyir gnas par 'gyur ba nyon cig /de
454a7 la dgug pa'i tshig ni/ 'di rnams so/ /'di lta ste/ mai tre/ shu b+ha mai tre/ d+harma mai tre/ mai t+r+ya/ nu sa hi te sa mai tre/ san+d+hi mai tre/ a nu ga ma mai tre/ a nu ga k+Sha
454b1 mai tre/ a nut+tA ra mai tre/ sa tra mai tre/ d+harma mai tre/ a nu gra ha mai tre/ a pra ti sA ri mai tre/ u la lo ka na mai tre/ bi lo ka na mai tre/ bi lo ka na mai tre/ be b+h+yaH a nu
454b2 ga ma na mai tre/ bud+d+ha a d+hi Sh+ThA na mai tre/ a nu rA ga k+Sha mai tre/ a nu rA ga kha sha mai tre/ d+harma pra ti sA ra Na mai tre/ mo kha sha mai tre/ o no o no nu roM d+he/ bi ro d+ha mai tre/
454b3 o to mo mai tre/ brah+ma ba tha mai tre/ d+h+ya na a lang+ka ra mai tre/ ta s+ya a nu san+d+hi kA ru Na mai tre/ ta s+ya a nu san+d+hi mu ti ta mai tre/ ta s+ya sa nu san+d+hi u pe k+Sha mai tre/ brah+ma ba tha a
454b4 nu ga ma na mai tre/ tsit+ta U ts+tshi la l+ya mai tre/ a nu sA ra Na mai tre/ ni sti ra Na mai tre/ sarba ta a nu ga na ma na mai tre/ A gats+tsha tu brah+ma/ ud pri dz+yo/ dA na su khe na/
454b5 byut+tiSh+Tha swa ma d+he/ ni tra ma ma hA bi ma nA da/ bya ba lo kA ya/ dzam+bu dwI pa na ku ru ShA d+har+m+ma ra k+ShA na/ mA ti kra ma bud+d+ha d+hi Sh+Tha nA+oM/ nam mkha' mdzod/ 'di dag ni/ mi
454b6 mjed kyi bdag po tshangs pa dgug pa'i tshig go /de nas mi mjed kyi bdag po tshangs pa'i 'jig rten na 'dug pa sangs rgyas kyis byin gyis brlabs pa'i rig
454b7 pa'i gsang sngags byams pa'i tshig 'di dag sangs rgyas kyi mthus lha'i rna ba'i khams kyis thos te/ thos nas kyang tshangs pa brgya stong phrag drug bcu rtsa brgyad dang lhan
455a1 cig tu bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig
455a2 tu 'dug go /phyogs gcig tu 'dug nas mi mjed kyi bdag po tshangs pas bcom ldan 'das la 'di skad ces gsol to/ /bcom ldan 'das/ bdag cag
455a3 de bzhin gshegs pa'i byin gyis rlabs kyis byin gyis rlabs pas bdag byams pa dang snying rjer ldan te chos kyi rnam grangs 'di bsrung ba'i slad du nan tan du bgyi'o/ /
455a4 gang chos smra ba de dag 'di lta bu'i sangs rgyas kyi chos sdud cing mdo sde 'di 'dzin pa dang / 'chang ba dang / klog pa dang / 'chad pa dang / tha na glegs bam la bris
455a5 te 'chang ba de dag dgon par mchis sam/ lam gol bar mchis sam/ grong dang / grong khyer ram/ grong rdal du mchis sam/ yul 'khor ram/ rgyal po'i
455a6 pho brang 'khor du mchis kyang rung / chos kyi gtam bgyid kyang rung ste/ chos kyi rnam grangs 'di rgya cher 'chad na/ bsam par bgyi'o/ /bsrung ba dang / bskyab
455a7 pa dang / sba bar bgyi'o/ /de dag la spro ba stsal bar bgyi'o/ /stobs yongs su rdzogs par bgyi'o/ /dran pa bsgrub par bgyi'o/ /blo gros yongs su
455b1 gzung bar bgyi'o/ /rtogs pa'i rjes su 'jug par bgyi'o/ /spobs pa stsal bar bgyi'o/ /ma dad pa rnams dad par bgyi'o/ /dad pa rnams bsgral bar
455b2 bgyi'o/ /bcom ldan 'das/ ji ltar de bzhin gshegs pa'i chos kyi tshul bdag cag gis yongs su bzung ste rgya cher 'gyur ba de ltar bgyi'o/ /de skad ces gsol
455b3 pa dang / bcom ldan 'das kyis mi mjed kyi bdag po tshangs pa la 'di skad ces bka' stsal to/ /legs so legs so/ /tshangs pa/ dam pa'i chos yongs
455b4 su bzung bas de bzhin gshegs pa khyod la rjes su yi rang ngo / /ji ltar ngas da ltar bskor ba bzhin du tshangs pa/ khyod kyis kyang ring por mi thogs par chos kyi 'khor lo rab
455b5 tu bskor bar 'gyur ro/ /ji ltar khyod kyis da ltar nga'i dam pa'i chos yongs su bzung ba de bzhin du tshangs pa gzhan dag kyang khyod kyi dam pa'i chos 'dzin par 'gyur
455b6 ro/ /de'i tshe bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa/ ji tsam du gzung ba dang / bcang ba dang /
455b7 bklag pa dang / gzhan dag la yang rgya cher yang dag par rab tu bstan par bya ba dang / de bzhin gshegs pa la byas pa gzo zhing byas pa shes pa bskyed pa dang /
456a1 bdag gis bsam pa yongs su rdzogs par bya ba dang / sems can rnams kyi dge ba'i rtsa ba rgyas pa rnam par dag par bya ba dang / byang chub
456a2 sems dpa' rnams chos snang ba thob par bya ba dang / bdud thams cad tshar gcad pa dang / mu stegs thams cad gzhom pa dang / don dam pa'i chos yongs su gzung
456a3 ba dang / dkon mchog gsum gyi rigs mi chad par bya ba'i phyir bskal pa bye ba phrag grangs med par yang dag par bsgrubs pa'i bla na med pa yang dag par rdzogs pa'i
456a4 byang chub 'di khyod la yongs su gtad do/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /
456a5 bcom ldan 'das/ bdag gis de bzhin gshegs pa yongs su mya ngan las 'das pa'i slad du bla na med pa'i chos dkon mchog gi mdzod 'di bsrung bar bgyi'o/ /de
456a6 ci'i slad du zhe na/ bcom ldan 'das/ 'di ni/ bdag dang / 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i
456a7 chos lags so/ /bcom ldan 'das/ bdag dga' ldan gyi gnas na mchis te/ 'di lta bu'i mdo sde dag kun du bsrung ba dang / yongs su gzung ba dang / yun ring
456b1 du gnas par bgyi ba'i slad du nan tan bgyi'o/ /bcom ldan 'das/ slad ma'i tshe slad ma'i dus na 'di lta bu'i mdo sde dam pa su'i rna bar grag par 'gyur ba dang / thos nas 'dzin
456b2 pa dang / 'chang ba dang / klog pa dang / gzhan dag la yang rgya cher rab tu ston cing bdag nyid kyang sbyor bar bgyid pa de ni/ bcom ldan 'das/ byang chub sems dpa' byams
456b3 pa'i byin gyis brlabs su rig par bgyi'o/ /bcom ldan 'das/ de'i tshe bdud kyi phyogs kyang g.yos par gyur te/ 'on kyang dge ba'i rtsa ba gang gis bdag gi spu'i khung bu
456b4 re re grub pa de la stong gsum gyi stong chen po'i 'jig rten gyi khams kyi sems can de dag thams cad bdud sdig can du gyur kyang / de dag bdag gi spu'i bu ga gcig gis
456b5 yongs su bzung ba'i dge ba'i rtsa ba'i brgya'i char yang nye bar mi mchi ba nas dpe'i bar du yang nye bar mi mchi'o/ /bcom ldan 'das/ bdag gi bsod nams kyi stobs dang / ye
456b6 shes kyi stobs kyis bdud kyi dkyil 'khor thams cad rab tu pham par bgyis la/ de bzhin gshegs pas bskal pa bye ba grangs ma mchis par yang dag par bsgrubs
456b7 pa'i byang chub 'di bsrung bar bgyi'o/ /bcom ldan 'das kyis bka' stsal pa/ byams pa/ legs so legs so/ /byams pa/ bzhi po 'di dag ni/ byang chub sems dpa'i
457a1 las te/ bzhi gang zhe na/ 'di lta ste/ bdud dang nyon mongs pa thams cad tshar gcad pa dang / phas kyi rgol ba thams cad chos
457a2 dang 'thun pas zil gyis mnan pa dang / sems can yongs su smin par bya ba dang / dam pa'i chos yongs su gzung ba ste/ byams pa/ bzhi po de dag ni/ byang
457a3 chub sems dpa'i las so/ /las bzhi po de dag las gcig gis yongs su bsdus so/ /gcig po gang zhe na/ 'di lta ste/ dam pa'i chos yongs su 'dzin pa'o/ /
457a4 de'i tshe bcom ldan 'das kyi gnas brtan 'od srung chen po dang / tshe dang ldan pa kun dga' bo la bka' stsal pa/ 'od srung dang kun dga' bo/ ji tsam du
457a5 gzung ba dang / bcang ba dang / bklag pa dang / gzhan dag la yang rgya cher yang dag par rab tu bstan par bya ba'i phyir bla na med pa yang dag par rdzogs pa'i
457a6 byang chub 'di yongs su gtad do/ /'od srung chen pos gsol pa/ bcom ldan 'das/ bdag gis mthu dang / stobs dang / nus pa ji lta ba bzhin du de bzhin
457a7 gshegs pa'i byang chub 'di yongs su gzung bar bgyi'o/ /kun dga' bos gsol pa/ bcom ldan 'das/ chos kyi rnam grangs 'di bdag cag gis bzung
457b1 lags te/ de bzhin gshegs pa'i byin gyi brlabs kyis bdag gis yangs shing rgyas par bgyi'o/ /de nas bcom ldan 'das la byang chub sems dpa' sems dpa' chen po
457b2 bsod nams kyis brgyan pas 'di skad ces gsol to/ /bcom ldan 'das/ rigs kyi bu 'am/ rigs kyi bu mo gang 'di lta bu'i mdo sde de bzhin gshegs pas gsungs
457b3 pa zab mo snang bas rgyun chad pa/ nges pa'i don mthong bar dka' ba/ rtogs par dka' ba/ don dam pa stong pa nyid dang ldan pa/ tshul khrims kyi rgyan gyis brgyan pa/
457b4 dran pa dang / ting nge 'dzin dang / nges par rtogs pa dang / yid rab tu dga' bar byed pa/ shes rab kyi 'od snang bar byed pa/ rnam par grol ba nges par ston
457b5 pa/ zhi ba/ ma gos pa/ mkhas shing rtogs pa rnams kyis rig par bya ba/ sangs rgyas thams cad kyis bstod cing bsngags pa/ gzungs dang mdo sde'i rgyal po'i
457b6 phyag rgyas btab pa/ thogs pa med pa'i spobs pa 'dzin pa dang / dran pa dang / blo gros dang / rtogs pa dang / mos pa rnam par 'phel ba/ bdud dang phas kyi
457b7 rgol ba thams cad kyis mi non pa/ tshul khrims 'chal ba rnams spa bkong ba/ sbyangs pa'i yon tan dang / yo byad bsnyungs pa dang / sdom pa tshar phyin pa dang /
458a1 gtong ba'i yon tan gyi chos la rab tu gnas pa/ yon tan gyi chos mtha' yas pa las nges par byung ba/ sangs rgyas thams cad
458a2 kyi chos dang ye shes 'di 'dzin tam/ len tam/ 'chang ngam/ klog gam/ kun chub par byed dam/ gzhan dag la yang rgya cher yang dag par rab tu
458a3 ston tam/ yi ger 'dri 'am/ yi ger 'drir 'jug gam/ tshig tu 'don tam/ sems sam/ rtog gam/ tshul bzhin nges par sems sam/ nan
458a4 tan la gnas pa de dag bsod nams ji tsam zhig skyed par 'gyur/ de nas bcom ldan 'das kyis byang chub sems dpa' bsod nams kyis brgyan pa la
458a5 slar tshigs su bcad pa 'di dag gsungs so/ /phyogs bcu rgya cher dpag tu med pa yi/ /zhing rnams sangs rgyas spyan gyis gang gzigs pa/ /de dag thams
458a6 cad rin chen rab bkang ste/ /byang chub sems dpas sbyin pa byin pa bas/ /gang gis sangs rgyas mang pos bshad pa yi/ /mdo 'di 'dra ba rab bzang ma
458a7 gos pa/ /'chang ngam klog gam gzhan la ston byed pa/ /de yi bsod nams de ni ches mchog go/ /me tog dri zhim byug pa gdugs rnams dang / /
458b1 ba dan rgyal mtshan lda ldi gos rnams kyis/ /zhing de thams cad yongs su gang byas nas/ /byang chub sems dpas sangs rgyas mchod pa bas/ /bde gshegs
458b2 bstan pa dam chos rab 'jig cing / /'gag pa'i tshe na gang zhig bag yod pa/ /dam pa'i chos ni yongs su 'dzin byed pa/ /de yi bsod nams de ni ches
458b3 mchog go/ /phyogs bcu dag na rgya mtsho gang yod pa/ /de dag 'bru mar dri zhim rab bkang ste/ /snying po ri rab tshad tsam byas nas su/ /rgyal ba'i mchod rten me
458b4 mar bus pa bas/ /gang gis chos sgron 'di ni rab 'jig tshe/ /'jig rten 'di dag mun pas bsgribs shes nas/ /rgyal bas gsungs pa'i chos 'di 'dzin byed
458b5 na/ /de yi bsod nams de ni ches mchog go/ /sangs rgyas kyi ni byang chub mchog tshol zhing / /zhing rnams bye bar 'dren pa gang mthong ba/ /de dag la ni bskal pa
458b6 bye mang du/ /lha rdzas 'du byed yid 'ong mchod pa bas/ /gang zhig sangs rgyas byas pa gzo ba dang / /dkon mchog gsum ni rjes su gzung ba dang / /chos
458b7 'di la ni sems can gzud pa'i phyir/ /dam chos 'dzin pa de ni ches mchog go/ /ji ltar mgon po rnams kyi chos 'dzin ltar/ /sems can gang
459a1 ngas sangs rgyas spyan gyis gzigs/ /de dag gang gis brgya byin tshangs par bkod/ /de yi bsod nams de snyed mi 'phel lo/ /
459a2 sems can de kun dgra bcom bkod pa dang / /rang rgyal theg par rab tu bkod pa bas/ /gang zhig byang chub tu ni sems bskyed nas/ /dam chos 'dzin pa de ni
459a3 khyad par 'phags/ /gal te bsod nams de la gzugs yod na/ /phyogs bcu'i zhing rnams thams cad gang bar 'gyur/ /skyes bu khyu mchog ye shes ma gtogs
459a4 par/ /bsod nams de yi snod ni yod ma yin/ /ji ltar bskal pa bye ba stong brjod kyang / /sangs rgyas ye shes mtha' yod ma yin ltar/ /de bzhin gshegs
459a5 kyi dam chos 'dzin pa yi/ /bsod nams de yang tshad yod ma yin no/ /de nas byang chub sems dpa' bsod nams kyis brgyan pas bcom ldan 'das las
459a6 dam pa'i chos yongs su 'dzin pa'i bsod nams bshad pa 'di thos nas tshim zhing mgu la yi rangs te rab tu dga' nas dga' ba dang / yid bde ba skyes
459a7 te bcom ldan 'das la 'di skad ces gsol to/ /bcom ldan 'das/ byang chub sems dpa' gang dag dam pa'i chos yongs su 'dzin pa la brtson par mi
459b1 bgyid pa de dag ni/ bdud kyis byin gyis brlabs pa lags so/ /bcom ldan 'das/ gang dag dam pa'i chos yongs su 'dzin pa dang bral ba'i dge ba'i rtsa ba gzhan
459b2 thams cad ni/ bdag la yungs 'bru tsam du gda'o/ /dam pa'i chos yongs su 'dzin pa'i dge ba'i rtsa ba ni/ phyogs bcu'i nam mkha'i khams ji lta ba bzhin du
459b3 bdag 'du shes gnas par gyur to/ /bcom ldan 'das/ 'di ltar bdag sems can thams cad la bde bar 'tshal ba'i slad du lus dang / srog kyang bor te/ bde ba
459b4 thams cad mi 'tshal bar dam pa'i chos yongs su bzung ba'i slad du go cha bgo bar bgyi'o/ /chos kyi rnam grangs 'di bshad pa na byang chub sems dpa' nam mkha'
459b5 mdzod kyi bsod nams kyi rnam par smin pa'i rgyu 'thun pas phyogs bcu'i sangs rgyas kyi zhing dpag tu med pa nas byang chub sems dpa' nam mkha' mdzod dang blo mnyam
459b6 pa'i byang chub sems dpa' rnams kyis chos kyi rnam grangs 'di la mchod pa bya ba'i phyir nam mkha'i dkyil nas me tog gi char mngon par rab tu phab po/ /bar snang las
459b7 kyang sgra 'di skad ces byang chub sems dpa' sems dpa' chen po nam mkha' mdzod kyis 'dus pa chen po'i le'u 'di brgyan te yongs su gzung ba'i bar du sangs rgyas
460a1 kyi bya ba byas so/ /byang chub kyi sems dang ma bral ba'i sems can gang dag chos kyi rnam grangs 'di 'dzin par 'gyur ba de dag kyang de
460a2 bzhin du dam pa'i chos rgyan par byed par 'gyur ro/ /de nas bcom ldan 'das kyis de'i tshe sku las 'di lta bu'i 'od rab tu btang bas 'od des phyogs bcu'i
460a3 sangs rgyas kyi zhing thams cad rgyas par gang bar gyur to/ /chos kyi rnam grangs 'di'i thog ma dang / tha ma bshad pa na sems can dpag tu med grangs med pa
460a4 ni byang chub tu sems skyes so/ /sems can dpag tu med grangs med pa dag ni/ bzod pa thob par gyur to/ /sems can la la dag ni/ sems rnam par
460a5 grol lo/ /la la dag ni/ chos kyi mig rnam par dag go/ /la la dag ni/ 'dod chags dang bral ba rnyed do/ /la la dag ni/ lha dang mi'i phun sum tshogs pa yongs su
460a6 bzung bar gyur te/ sangs rgyas gzhan dag la yang blta ba'i phyir rgyu bsags par yang gyur to/ /de dag thams cad la yang bcom ldan 'das rjes su thugs rang ngo / /
460a7 bcom ldan 'das kyis de skad ces bka' stsal nas byang chub sems dpa' sems dpa' chen po nam mkha' mdzod dang / byang chub sems dpa' sems dpa' chen po
460b1 byams pa dang / byang chub sems dpa' ltad mo can dang / byang chub sems dpa' lag na rin po che dang / byang chub sems dpa' rin chen dpal dang / byang chub sems dpa'
460b2 yon tan rgyal po'i 'od dang / byang chub sems dpa' bsod nams kyis brgyan pa dang / byang chub sems dpa' ngan song spong dang / byang chub sems dpa' chos kyi rgyal po
460b3 dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa kun dga' bo dang / mi mjed kyi bdag po tshangs pa dang / lha'i dbang po brgya
460b4 byin dang / rgyal po chen po bzhi dang / dge slong de dag dang / byang chub sems dpa' de dag dang / thams cad dang ldan pa'i 'khor de dang / lha dang / mi dang /
460b5 lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do/ /'dus pa chen po'i le'u las/ 'phags
460b6 pa nam mkha' mdzod kyis zhus pa zhes bya ba theg pa chen po'i mdo/ rdzogs so// // rgya gar gyi mkhan po bi dza ya shI la dang / shI len+d+ra
bo d+hi dang /
CLOSE WINDOW