བོད་ཡིག |
153b6 rgya gar skad du/ AR+ya ta thA ga ta ma hA ka ru Na nir de sha nA ma mahA yA na sU
153b7 tra| bod skad du/ 'phags pa de bzhin gshegs pa'i snying rje chen po nges par bstan pa zhes bya ba theg pa chen po'i mdo/ bam po dang po/ sangs rgyas dang /
154a1 byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ rgyal po'i khab na bya rgod kyi phung po'i
154a2 ri sngon rgyal ba bzhugs bzhugs pa'i mchod rten chen po de bzhin gshegs pa'i byin gyi rlabs kyis brlabs pa/ sa'i snying po byang chub sems dpas mngon par bstod
154a3 pa/ chos kyi gdan/ lha dang / klu dang / gnod sbyin dang / dri za dang / lha ma yin gyis phyag byas pa'i sa phyogs/ dge ba'i rtsa ba yang dag par skul ba/ de bzhin gshegs
154a4 pa 'byung ba/ chos kyi sgo mngon par brjod pa/ byang chub sems dpa' 'byung ba/ yon tan tshad med pa las yang dag par byung ba/ de bzhin gshegs pa'i spyod yul na
154a5 bcom ldan 'das chos thams cad kyi mnyam pa nyid ni/ mngon par rdzogs par sangs rgyas/ chos kyi 'khor lo ni/ shin tu bskor/ slob ma shin tu dul ba mtha' yas
154a6 pa'i tshogs ni/ mnga'/ chos thams cad la mnga' dbang ni/ brnyes/ sems can thams cad kyi bsam pa sgrub pa ni/ legs par mkhyen/ dbang po dam pa'i pha rol
154a7 tu phyin pa ni/ brnyes/ sems can thams cad kyi bag chags kyi mtshams sbyor ba legs par 'joms pa la ni/ mkhas/ sangs rgyas kyi mdzad pa lhun gyis grub pa
154b1 ni| rgyun mi chad cing dge slong stong phrag drug cu'i dge slong gi dge 'dun chen po dang thabs gcig tu bzhugs te/ thams cad kyang cang shes pa/ glang po chen po/ /bya ba byas pa/ byed
154b2 pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ shes rab shin
154b3 tu rnam par grol ba/ nyon mongs pa'i bag chags kyi mtshams sbyor ba thams cad legs par bcom pa/ de bzhin gshegs pa chos kyi rgyal po'i sras/ chos zab mo
154b4 la gnas par mkhas pa/ dmigs pa med pa'i chos kyis nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin
154b5 gshegs pa'i bka' la shin tu zhugs pa sha stag go /byang chub sems dpa'i dge 'dun dpag tu med pa dang yang thabs cig ste/ byang chub sems dpa' sems
154b6 dpa' chen po thams cad mkhyen pa chags pa med pa'i spyod yul gyis nges par byung ba/ byams pa chen po dang / snying rje chen po'i chos kyi sprin las lhag mthong dang /
154b7 rig pa dang / rnam par grol ba'i glog phyung zhing bdud rtsi'i chu'i rgyun gyi char 'bebs pas 'gro ba thams cad tshim par byed pa/ sems can thams cad la sems
155a1 sa dang mnyam pa/ rjes su chags pa dang khong khro ba dang bral ba/ byang chub kyi phyogs kyi chos sna tshogs kyi lo thog yang dag par 'phel
155a2 bar byed pa/ nyi ma'i dkyil 'khor bas lhag pa'i shes rab kyi 'od zer rab tu gtong bas gti mug gi mun pa sel ba'i lam gyi snang ba thob pa kun tu ston pa
155a3 dang / sems can gyi pad+ma kha 'byed pa dang / dge ba'i rtsa ba yongs su smin par byed pa dang / sred pa'i chu skem pa dang / shes pa'i las kyi mtha' la rab tu
155a4 'jog pa la mngon par shes pa chen po dang / zhi gnas kyis rgyu ba/ zla ba lta bur 'gro ba thams cad la sems mnyam pas mngon par zhi bar bya ba'i bsam pa
155a5 tshim par bya ba'i thabs la mkhas pas 'grib pa dang 'phel ba kun tu ston pa/ ri rab lta bu'i lhag pa'i bsam bas tshangs pa'i gnas pa'i rin po che shin tu
155a6 brtan te/ ngos bzhi nas yul gyi rlung thams cad kyis mi sgul cing 'jig rten gyi chos las mngon par 'phags pa'i sangs rgyas kyi zhing thams cad kun tu
155a7 bstan pa snang bar gyur pa/ rgya mtsho chen po ltar gzungs dang dran pa'i snod rgya chen po chos kyi chus yongs su gang ba dang / byang chub sems dpa'i spyod pa rin po/
155b1 ches 'gro ba thams cad nye bar 'tsho ba/ ri dwags kyi rgyal po ltar bden pa'i rkang pa dang / byams pa rab tu 'phel ba'i mjug ma dang / zhi gnas dang / lhag mthong gi
155b2 mig dang ldan zhing chos zab mo la skrag pa med pas pha rol rgol ba thams cad 'joms pa/ bskal pa brgya stong phrag dpag tu med cing mtha' yas thug pa med
155b3 par byang chub sems dpa'i spyod pa rgyun ma bcad pas yon tan thams cad dang ldan pa sha stag dang thabs cig pa la 'di lta ste/ byang chub sems dpa' sems
155b4 dpa' chen po kun nas snang zhing sgrib pa med par lta ba zhes bya ba dang / byang chub sems dpa' sems dpa' chen po zhing thams cad kyi rgyan bkod pa kun tu ston
155b5 pa zhes bya ba dang / byang chub sems dpa' sems dpa' chen po de bzhin gshegs pa'i rigs las byung ba'i spyod pa'i blo gros zhes bya ba dang / byang chub sems
155b6 dpa' sems dpa' chen po spyod lam thams cad kyis 'dul ba mi 'khrugs pa kun tu ston pa zhes bya ba dang / byang chub sems dpa' sems dpa' chen po spobs
155b7 pa mtha' yas pa'i tog gi rgyal mtshan rnam par sprul pa'i dbyangs zhes bya ba dang / byang chub sems dpa'i sems dpa' chen po gser bzang po bsags pa'i
156a1 'od kyi gzi brjid kyi 'od zer zhes bya ba dang / byang chub sems dpa' sems dpa' chen po shes rab kyis rnam par nges pa'i tshig la spobs
156a2 pa zhes bya ba dang / byang chub sems dpa' sems dpa' chen po bsod nams dang / ye shes kyi tshogs dpag tu med pas brtan pas bsags pa zhes
156a3 bya ba dang / de la sogs pa byang chub sems dpa' sems dpa' chen po grangs med dpag tu med pa dag dang thabs cig go /de nas bcom ldan 'das byang
156a4 chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par rab tu ston to/ /de nas bcom
156a5 ldan 'das mngon par rdzogs par sangs rgyas nas lo bcu drug bzhes te/ tshangs par spyod pa rgyas par gyur par mkhyen/ byang chub sems dpa' 'dus
156a6 pa chen po de'ang gzigs shing mkhyen te/ kye ma byang chub sems dpa' 'dus pa 'di dag ni/ de bzhin gshegs pa'i chos kyi mdzod 'dzin par mkhyen
156a7 nas 'di snyam du gang gi phyir ngas byang chub sems dpa' rgya cher rjes su yongs su gzung ba dang / 'di lta ste/ byang chub sems dpa' sems dpa' chen
156b1 po rnams de bzhin gshegs pa'i yul la gzud pa'i phyir de bzhin gshegs pa'i rnam par 'phrul pa chen po dang / de bzhin gshegs pa'i cho 'phrul chen pos
156b2 byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs yang dag par bstan par bya'o snyam du dgongs
156b3 so| |de nas de'i tshe bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par ston pa zhes
156b4 bya ba la snyoms par zhugs so/ /bcom ldan 'das de bzhin gshegs pa'i ting nge 'dzin sangs rgyas kyi yul rnam par sprul pa ji lta ba bzhin du yang dag par
156b5 ston pa zhes bya ba de la snyoms par zhugs ma thag tu de nas de'i tshe sangs rgyas kyi mthus steng gi bar snang la 'dod pa'i khams dang / gzugs kyi khams kyi bar
156b6 du 'khor gyi khyams/ sangs rgyas kyi gnas/ de bzhin gshegs pa'i dge ba'i rtsa bas mngon par grub pa/ byang chub sems dpa'i bsam pa yongs su sbyong ba/
156b7 phyogs bcu'i 'jig rten gyi khams snang bar byed pa/ sems can tshad med pa'i bsam pa tshim par byed pa/ lha'i gzhal med khang thams cad zil gyis gnon
157a1 pa/ phyogs bcu'i byang chub sems dpa' yang dag par skul ba/ gzhi bai DUR+ya dkar po'i dbyibs dang / dzam+bu'i gling gi gser gyi khang
157a2 pa dag dang / dpal gyi snying po'i rta babs dag dang / rin po che rdo'i snying po'i sgo khang dag dang / nor bu rin po che snying po'i kha khyer dag dang / rin po che dri ma
157a3 med pa'i 'od kyi stegs bu dag dang / rin po che kun nas 'od kyi khang pa brtsegs pa dag dang / rin po che thams cad kyis dgab pa dang / mu tig gi rgyan phreng
157a4 rab tu dpyangs pa dang / gdugs dang / rgyal mtshan dang / ba dan sgreng ba dang / lha'i dar gyi lda ldi mngon par dbyangs pas bsngags pa bstan pa dpag tu
157a5 med cing thug pa med pa stong gsum gyi stong chen po'i 'jig rten gyi khams kyi tshad tsam zhig byung ste/ 'khor gyi khyams de'ang tsan+dan sprul gyi snying pos
157a6 bskus pa/ tsan+dan dus kyi rjes su 'brang ba'i dri yid du 'ong ba dang ldan pa/ dri'i mchog a ga ru dam pa'i snying pos bdugs pa/ klu'i mu tig dang rin po
157a7 che'i me tog gis rnam par spras pa/ me tog sil ma bkram pa/ rin po che'i shing dang / rin po che'i mkha' rten gyis mdzes par byas pa ste/ phyogs bcu'i 'jig
157b1 rten gyi khams thams cad na rgyan mdzes pa bgod pa ji snyed ba de dag thams cad 'khor gyi khyams de nyid na kun tu snang ngo / /der gdan seng+ge'i khri bye ba khrag khrig
157b2 brgya stong phrag mang po dpag tu med pa/ grangs med pa/ sna tshogs pa/ blta na sdug pa/ mtho ba/ rab tu bzang ba/ yangs pa/ rgya che ba/ yid du 'ong ba/ yid
157b3 dga' bar byed pa dag byung bar gyur to/ /gling bzhi pa'i 'jig rten gyi khams 'dir them skas kha khyer mi bdun gyi 'phang tsam gyis bskor ba/ rgyar dpag tshad
157b4 phyed kyis yongs su bzung ba/ rin po che an+da rnyil dang / mthon kha chen pos snying por gyur pa/ brgya byin thogs pa'i nor bu rin po che chen po'i gdugs can /
157b5 tshangs pa'i ne tso'am ci dang / rin po che ser pos spras pa/ rin po che'i dril bu g.yer kha'i dra ba kun tu bskyod pas sgra 'byung ba/ sa'i steng nas 'khor gyi khyams
157b6 la thug gi bar du gyen du mngon par 'phags pa/ drang pa/ ma yo ba bzhi stong byung bar gyur to/ /gling bzhi pa'i 'jig rten gyi khams 'dir ji lta ba bzhin du stong
157b7 gsum gyi stong chen po'i 'jig rten gyi khams thams cad kyi gling bzhi pa'i 'jig rten gyi khams thams cad du'ang de lta bu'i them skas chen po dag byung bar gyur to//
158a1 de nas bcom ldan 'das dgongs shing mkhyen bzhin du ting nge 'dzin de las bzhengs par gyur to/ /bcom ldan 'das ting nge 'dzin de las bzhengs ma
158a2 thag tu stong gsum gyi stong chen po'i 'jig rten gyi khams 'di rnam pa drug tu g.yos te snang ba chen po'ang byung bar gyur to/ /de nas bcom ldan 'das byang chub sems
158a3 dpa'i tshogs dang thabs cig /nyan thos kyi tshigs dang thabs cig tu byang chub sems dpa'i tshogs kyis yongs su bskor zhing nyan thos kyi tshogs kyis mdun du
158a4 bdar te lha dang / klus mngon par bstod cing me tog gi char chen po ni/ 'bebs/ na bza'i char chen pos ni/ mngon par 'gebs/ phye ma dang / spos dang / byug pa'i
158a5 char chen po ni/ 'thor/ sil snyan dang / sgra dbyangs chen po ni/ rab tu sgrog /'jig rten gyi khams dpag tu med pa ni/ rab tu g.yo bar mdzad/ 'jig rten gyi khams
158a6 grangs med pa ni/ snang bar mdzad cing sangs rgyas kyi mthu chen po dang / sangs rgyas kyi rdzu 'phrul chen po dang / sangs rgyas kyi cho 'phrul chen po dang / sangs rgyas kyi
158a7 khyu mchog tu gyur pa chen po dang / sangs rgyas kyi byin gyi rlabs chen po dang / sangs rgyas kyi gzi brjid chen po dang / sangs rgyas kyi byin chen po dang / sangs rgyas
158b1 kyi rnam par 'phrul pa chen pos bya rgod kyi phung po'i ri las mi snang bar gyur te lha dang / klu dang / gnod sbyin dang / dri za dang / lha ma yin dang / nam mkha' lding dang /
158b2 mi'am ci dang / lto 'phye chen po bye ba phrag du ma zhabs 'bring du 'brang zhing nor bu rin po che sna tshogs kyi them skas kyi dbus nas 'khor gyi khyams bkod pa ga la ba der
158b3 gshegs so/ /de nas rgyal po chen po bzhi la sogs pa rgyal chen bzhi'i ris kyi lha rnams kyis bcom ldan 'das them skas su zhugs par rig nas bcom ldan 'das la
158b4 mchod pa'i las kyi phyir lha'i me tog gi sprin gyi char rab tu phab ste thal mo sbyar nas bcom ldan 'das la mngon par bstod pa/ nyi ma me dang nor bu'i 'od dang lha yul
158b5 pa yi lha 'od shin tu dri med pa/ /thub pas 'od kyis thams cad zil gyis mnan nas ngan song gsum po dag kyang zhi bar mdzad/ /ri bo lhun po dang ni khor khor yug rtse mo
158b6 bsnyil te zhing rnams gsal bar gyur pas na/ /dga' zhing yid rnams mgu nas don rnams thams cad grub pa'i rgyal ba la ni skyabs su mchi/ /de nas rgyal chen bzhi'i
158b7 ris kyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das gshegs pa'i zhabs 'bring du 'brang ngo / /de nas lha'i
159a1 dbang po brgya byin la sogs pa sum cu rtsa gsum gyi lha rnams kyis bcom ldan 'das them skas su zhugs par rig nas bcom ldan 'das
159a2 la mchod pa'i las kyi phyir lha'i spos kyi sprin gyi char rab tu phab ste thal mo sbyar nas bcom ldan 'das la mngon par bstod pa/ rdzu 'phrul dam pa brnyes shing rab tu
159a3 mtshungs pa med pa rnam par 'phrul pa shin tu ston/ /rgyal ba nyi ma ji bzhin 'phags te zhing rnams bye ba brgya dag tu yang rab tu gda'/ /rgyal bas rang gi yon tan kun
159a4 gyis zhing rnams thams cad brgyan te shin tu mdzes mdzad pa/ /gang zhig shin tu mnyam med mtshungs pa med cing rdzu 'phrul dbang du gyur la phyag 'tshal lo/ /de nas
159a5 sum cu rtsa gsum gyi lha rnams kyis bcom ldan 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang ngo / /de nas
159a6 lha'i rgyal po rab 'thab bral la sogs pa 'thab bral gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i
159a7 las kyi phyir lha'i na bza'i sprin gyi char rab tu phab ste thal mo sbyar nas bcom ldan 'das la mngon par bstod pa/ bde gshegs khyod kyi mkhyen pa mtha' yas
159b1 yangs pas sems can bsam pa mkhyen/ /mkha' 'dra'i lam gyi chos gsum dag la chags med thams cad mkhyen pa nyid/ /sems kyi 'jug pa gcig gis 'gro
159b2 ba'i sems kyi spyod pa thams cad mkhyen/ /des na srid pa gsum po dag na lus can rnams kyis mchod par 'os/ /de nas 'thab bral gyi lha rnams kyis bcom ldan
159b3 'das la tshigs su bcad pa 'dis mngon par bstod nas bcom ldan 'das kyi zhabs 'bring du 'brang bar gyur to/ /de nas lha'i rgyal po rab dga' ldan la sogs pa
159b4 dga' ldan gyi lha rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i rin po che'i sprin gyi char rab tu
159b5 phab ste thal mo sbyar nas bcom ldan 'das la mngon par bstod pa/ gang gi slad du sgra dang yi ge ma mchis gang du'ang rgyu ba ma mchis pas/ /khyod kyis chos rnams
159b6 mi g.yo ya ma brla dang sgyu ma smig rgyu 'drar mkhyen nas/ /bcom ldan 'das kyis thugs rjes sems can rnams la ched du chos mchog gsungs pas na/ /chos kyi
159b7 dngos po'i rang bzhin mkhas pa bdag med gsung ba'i rgyal la phyag 'tshal lo/ /de nas dga' ldan gyi ris kyi lha rnams kyis bcom ldan 'das la tshigs su bcad
160a1 pa 'dis mngon par bstod nas bcom ldan 'das kyi zhabs 'bring du 'brang ngo / /de nas lha'i rgyal po rab 'phrul dga' la sogs pa 'phrul dga'i lha
160a2 rnams kyis bcom ldan 'das them skas su zhugs par rig nas bcom ldan 'das la mchod pa'i las kyi phyir lha'i rgyan gyi sprin gyi char rab tu phab ste thal mo sbyar nas bcom
160a3 ldan 'das la tshigs su bcad pa 'dis mngon par bstod do/ /chos kyi zong gis rang gi stobs bcu mkha' 'dra 'od zer ldan pa dang / /thugs rje brnyes nas byams
160a4 pa'i dgongs pas sems can rnams la gzugs ston pa/ /gru tshul chos la gnyis su med par zhugs kyang rgyal ba mtshungs par mkhyen/ /chos kyi khyad par sems
160a5 lhag don kun grub pa'i rgyal la phyag 'tshal lo/ /de nas 'phrul dga'i lha rnams kyis bcom ldan 'das la tshigs su bcad pa 'dis mngon par bstod nas
160a6 bcom ldan 'das kyi zhabs 'bring du 'brang bar gyur to/ /de nas lha'i rgyal po dbang sgyur la sogs pa gzhan 'phrul dbang byed kyi lha rnams kyis bcom
160a7 ldan 'das them skas su zhugs pa dang 'khor gyi khyams su mngon par phyogs par rig nas bcom ldan 'das la mchod pa'i las kyi phyir mu tig gi do shal gyi
160b1 sprin gyi char rab tu phab ste/ thal mo sbyar nas bcom ldan 'das la tshigs su bcad pa 'di dag gis mngon par bstod do/ /tshul khrims dri ma mi mnga' rnam dag
160b2 rnam par nges pa dam pa ting nge 'dzin mchog mi g.yos pa/ /mnyam med blo ldan rgya mtsho 'dra bar gnas shing srid las rnam grol dbang sgyur zhabs la phyag 'tshal lo/ /
160b3 rim gyis byams dang ldan pa'i thugs rje yis ni bden pa'i lam gyi rnam pa rab tu gnas mdzad pa/ /rnam thar gsum gyi lam gyi khyim na gnas pa'i bde gshegs seng ge
160b4 khyod la bdag cag phyag 'tshal lo/ /snying rje'i chu bo ting nge 'dzin gyis rnam 'phel ba/ /zhi gnas 'dab ma rnam par grol ba'i me tog rgyas/ /slob ma'i tshogs kyi bung
160b5 bas nges par bsnyen gyur pa/ /bde gshegs pad+ma la ni spyi bos phyag 'tshal lo/ /mnga' bdag g.yo ba ma mchis tshul khrims sar gnas pas/ /brtson 'grus
160b6 mtshungs pa ma mchis stobs kyis yang dag 'phags/ /yul gyi rlung rnams langs pa chen pos mi g.yos pa/ /sangs rgyas ri bo dam pa khyod la phyag 'tshal
160b7 lo| |mnga' bdag thugs rjes dbyangs kyi dkyil 'khor rnam dag pa/ /blo gter blo mchog gis ni rab tu 'joms mdzad pa/ /sems can brgya dag gis ni mang
161a1 pos mchod gyur pa/ /bde gshegs zla ba khyod la bdag cag phyag 'tshal lo/ /mkha' ltar zhi ba'i rnam par thar pa'i lam gshegs
161a2 pa| |shes rab 'od kyis phyogs bcu dag ni rgyas 'gengs shing / /skye bo mang po mtshungs med pad+ma kha 'byed pa/ /sangs rgyas nyi ma dam pa khyod la phyag 'tshal lo/ /
161a3 mnga' bdag phyogs bcu'i 'jig rten gsum po dag na yang / /'dren pa khyod dang mnyam pa dmigs par ma gyur te/ /khyod ni yon tan kun gyis yang dag grub
161a4 pa lags/ /bdag cag khyod la bstod pas ngoms par 'gyur ma lags/ /lha dbang klu dang lha ma yin gyis phyag bgyis pa/ /lha mchog brgya dag gis kyang yang
161a5 dag mngon bstod pa/ /bsngags pa brgya phrag mang pos yang dag mngon bstod pa/ /bde bar gshegs pa bstod 'os khyod la phyag 'tshal lo/ /de nas gzhan 'phrul
161a6 dbang byed kyi lha rnams kyis bcom ldan 'das la tshigs su bcad pa 'di dag gis mngon par bstod nas bcom ldan 'das kyi zhabs 'bring du 'brang ngo / /de nas
161a7 bcom ldan 'das de ltar sangs rgyas kyi yul rnam par sprul pa tshad med pa lha 'bum gyis mngon par bstod nas 'khor gyi khyams rin po che bkod par gshegs
161b1 te| ji ltar bcom ldan 'das gling bzhi pa'i 'jig rten gyi khams mi mjed 'dir them skas nas 'khor gyi khyams rin po che bkod par gshegs pa shes
161b2 pa de bzhin du/ stong gsum gyi 'jig rten gyi khams thams cad kyi gling bzhi pa'i 'jig rten gyi khams thams cad na'ang gshegs par shes so/ /de nas
161b3 bcom ldan 'das 'khor gyi khyams stong gsum gyis yongs su bzung ba rin po che bkod par gdan seng+ge'i khri ji ltar bshams pa la bzhugs so/ /byang chub sems
161b4 dpa' dang / nyan thos chen po dag kyang stan ci rigs pa la 'khod par gyur to/ /de nas bcom ldan 'das de'i tshe sangs rgyas kyi ting nge 'dzin rnam par thar pa sgrib
161b5 pa med pa la sangs rgyas rnam par rol pa zhes bya ba la snyoms par zhugs so/ /bcom ldan 'das sangs rgyas kyi ting nge 'dzin rnam par thar pa sgrib pa med pa la
161b6 sangs rgyas rnam par rol pa zhes bya ba la snyoms par zhugs ma thag tu de nas bcom ldan 'das kyi sku'i spu'i khung bu thams cad kyi spu'i khung bu re re nas kyang 'od zer
161b7 gang+gA'i klung gi bye ma snyed byung ste/ byung nas kyang shar phyogs kyi 'jig rten gyi khams thams cad snang bar byas so/ /de bzhin du lho dang / nub dang / byang gi phyogs
162a1 rnams dang / 'og dang / steng dang / phyogs mtshams rnams kyi 'jig rten gyi khams thams cad snang bar byas so/ /'jig rten gyi khams
162a2 rnams snang bar byas ma thag tu de nas sems can dmyal ba pa'i sems can thams cad kyi sems can dmyal ba'i sdug bsngal gyi tshor ba rgyun chad do/ /dud 'gro'i
162a3 skye gnas pa'i sems can rnams dang / gshin rje'i 'jig rten pa'i sems can rnams kyi sdug bsngal gyi tshor ba'ang rgyun chad do/ /sems can thams cad
162a4 kyang skad cig de la 'dod chags kyis gnod par ma gyur cing / zhe sdang gis ma yin/ gti mug gis ma yin te/ nyon mongs pa gzhan gyis kyang gnod par ma
162a5 gyur to| |de'i tshe sems can thams cad kyang byams pa'i sems dang / pha ma lta bu'i 'du shes su gyur to/ /byang chub sems dpa' yang dag par bskul ba'i
162a6 phyir sangs rgyas kyi mthus de bzhin gshegs pa'i 'od de las tshigs su bcad pa 'di byung ngo / /gang gis brtson 'grus stobs ni mtha' yas yangs pa brtan
162a7 pa brtsams gyur te/ /gang gis brtson 'grus chen po'i stobs kyis bskal pa dag las phyir phyogs spangs/ /gang gi yon tan dag ni phyogs bcu rnams na mthu ldan
162b1 rab brjod pa/ /shAkya thub pa'i 'od yangs 'gro ba thams cad snang bar byed pa mdzes/ /gang chos rgya chen bla med mnyan slad de yi zhabs la phyag 'tshal te/ /mkhas pa
162b2 blo gros brtan pa dag ni bskal pa grangs med rtag tu nyan/ /blo rgyas gang zhig rdzogs pa'i byang chub sems dpa'i bsam pa tshim skyed pa/ /thub pa des ni gang phyir sems
162b3 can bde bar bzhed pas 'od 'di phyung / /mnga' bdag gang zhig brtson 'grus kyis ni bdud stobs mu stegs tshogs bcas pha ma mdzad nas/ /pad+ma byung ba bzhin du
162b4 'phags shing phyogs bcu dag tu lhun po ji bzhin mdzes/ /gang zhig nyi ma bzhin du sku yi 'od kyis 'gro ba ma lus snang mdzad pa/ /de yi chos kyi 'khor lo gzhag
162b5 pa don chen gsan du rgyal ba gshegs su gsol/ /rab tu bskor bar ma gyur mtshungs pa med cing rgyal ba kun gyis bskor gyur pa/ /'khor lo dam pa stobs bcu
162b6 sems can thugs brtse phyir ni de ring bskor bar mdzad/ /srog chags rnams kyis bsten par rnyed dka' legs pa rgya chen de ring 'byung bar 'gyur/ /gang dag dad pa dang ba
162b7 che yangs don du gnyer ba de dag de ring ltos/ /de nas 'od zer de dag gis sangs rgyas kyi zhing thams cad tshigs su bcad pa 'di dag gis go bar byas/ byang chub sems dpa'
163a1 thams cad yang dag par bskul/ 'jig rten gyi khams thams cad rab tu g.yo bar byas/ sems can thams cad bde bar byas/ nyon mongs
163a2 pa'i khams thams cad rnam par sbyangs/ mun pa mun nag thams cad bsal/ bdud kyi khyim thams cad mog mog por byas nas byang chub sems dpa'i 'khor
163a3 dpag tu med pa dag dang / 'jig rten gyi khams mi mjed du slar 'ongs te bcom ldan 'das kyi dbu'i gcug tu mi snang bar gyur to/ /de nas shar phyogs na de
163a4 bzhin gshegs pa dri med rnam dag rin chen 'od byang chub kyi yan lag dang ldan pa'i chos rgyun mi chad pa'i 'od zer bkod pa'i rgyal po'i sangs rgyas kyi zhing
163a5 'jig rten gyi khams yon tan mtha' yas pa'i rin po che'i bsod nams bkod pas rgya che ba dang ldan pa na byang chub sems dpa' me tog dpal gyi snying po chos
163a6 thams cad la dbang sgyur ba zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te
163a7 lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin
163b1 po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te lan khri bskor ba byas nas bcom ldan 'das
163b2 la mchod pa'i las kyi phyir lha'i nor bu bai DUR+ya'i dra pa'i char rab tu phab ste bcom ldan 'das la tshigs su bcad pa 'di dag gis mngon par bstod do/ /bcom ldan
163b3 rab tu mtshungs med yon tan pha rol phyin/ /khyed kyi yon tan bsngags phreng phyogs bcu kun na brjod/ /khyod kyi yon tan tshogs mchis zhing gang yon tan gter/ /der
163b4 ni chos don gnyer ba bdag cag rab tu mchi/ /chos dbyings mnyam nyid rnam rtog ma mchis ji bzhin du/ /bcom ldan dri med 'od kyis mnyam pa nyid mkhyen kyang / /
163b5 shin tu bslab pa'i sgyu ma mkhan ltar chos kyi rgyal/ /sems can rnam par dgrol slad tha dad bstan pa mdzad/ /de nas byang chub sems dpa' de dag gis byang chub
163b6 sems dpa'i bstod pa tshad med pa dag gis bcom ldan 'das la mngon par bstod nas shar phyogs logs su gnas te rang gi rdzu 'phrul gyi stobs kyis sprul pa'i
163b7 rang rang gi stan dag la 'khod do/ /de nas lho phyogs na de bzhin gshegs pa yon tan mtha' yas rin chen spobs pa'i sangs rgyas kyi zhing 'jig rten gyi khams
164a1 sangs rgyas kyi spobs pa na byang chub sems dpa' rin chen srog shing zhes bya ba 'od des bskul ma thag tu byang chub sems dpa' gang+gA'i
164a2 klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la
164a3 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo
164a4 bos phyag bcal te lan khri bskor ba byas nas bcom ldan la mchod pa'i las byed cing gser gyi dra bas bcom ldan la mngon par bkab ste tshigs su bcad pa 'di
164a5 dag gis bcom ldan 'das la mngon par bstod do/ /bcom ldan thugs rje'i sprin gyis 'jig rten rgyas bkang nas/ /'od kyi glog phyung stong pa bdag med sgra bsgrags
164a6 te| |yan lag brgyad pa'i lam gyi chu yis zhi mdzad cing / /dkar po'i stobs dbang nags tshal gel pa 'phel bar mdzad/ /bde gshegs shes rab 'od kyis gti
164a7 mug mun bsal nas/ /ring nas srid mtshor gnyid log sems can sad mdzad de/ /lam yang bstan cing sred pa dag kyang skam par mdzad/ /thar pa'i grong gnas
164b1 rnams kyi mig kyang rnam par sbyong / /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par
164b2 bstod nas lho phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas nub phyogs na de bzhin gshegs pa kun
164b3 nas snang ba'i sangs rgyas kyi zhing 'jig rten gyi khams snang ba dang ldan pa na byang chub sems dpa' sgra bsgrags pa'i stobs kyi rgyal po zhes bya ba 'od des bskul ma
164b4 thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad
164b5 cig thad gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom
164b6 ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing nor bu mu tig gi do
164b7 shal gyi phreng ba'i dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /khyod kyi sku yi 'phrin las
165a1 nam mkha'i khams 'dra zhing / /smon lam dge bas dag pa bye ba phrag mang ldan/ /dri med rnam par dag cing zag pa med pa des/ /phyogs
165a2 bcu'i sangs rgyas zhing rnams bsam gyis mi khyab gsal/ /khyod kyi tshig ni rgyun chags gsal zhing mtshungs pa ste/ /'gro ba bsam dag bsam pa mnyam nyid
165a3 yongs tshim bgyid/ /sems kyi rgyu dang rnam rtog gang yang mi mnga' yang / /sems can bsam pa rnams la rgyal ba dag gi 'byung / /de nas byang chub sems dpa'
165a4 de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas nub phyogs logs su gnas te rang gi rdzu 'phrul gyi
165a5 stobs kyis sprul pa'i rang rang gi stan dag la 'khod do/ /de nas byang phyogs na de bzhin gshegs pa yon tan mtha' yas rin chen spobs pa'i sangs rgyas kyi
165a6 zhing 'jig rten gyi khams rin po che thams cad kyis spras pa na byang chub sems dpa' blo mchog rgya mtsho zhes bya ba 'od des bskul ma thag tu byang chub sems dpa'
165a7 gang+gA'i klung bcu'i bye ma snyed kyis yongs su bskor cing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud
165b1 tsam de la 'jig rten gyi khams ma mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs
165b2 la mgo bos phyag btsal te bcom ldan 'das la lan khri bskor bar byas nas bcom ldan 'das la mchod pa'i las byed cing nor bu'i do shal dang / rin po che'i dra bas
165b3 bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /dzam+bu'i chu gser bco ma lta bur ser ba'i sku/ /
165b4 kun nas spyan mnga' phyogs bcu dag tu rnam par mdzes/ /mtshungs med sku la sems can gang dag nges rtog pa/ /de dag skyon med bde zhing dga' ba thob par 'gyur//
165b5 gang gis lhun po brtsegs pa lta bu'i khrun cam du/ /'jig rten mkhyen pa mtshungs med rgyal ba bltas kyang ni/ /de yi rdzu 'phrul kun gyi stobs dang brtson 'grus kyi/ /
165b6 rnam par sprul pas rgyal ba'i spyi gtsug mthong mi nus/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom
165b7 ldan 'das la mngon par bstod nas byang phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas shar dang
166a1 lho'i mtshams phyogs na de bzhin gshegs pa mya ngan thams cad bcom pa'i sangs rgyas kyi zhing 'jig rten gyi khams mya ngan med pa na byang
166a2 chub sems dpa'i kun nas snang ba zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du
166a3 bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams
166a4 rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor
166a5 ba byas nas bcom ldan 'das la mchod pa'i las byed cing rin po che'i dra bas bcom ldan 'das la mngon par bkab ste tshigs su bcad pa 'di dag gis bcom
166a6 ldan 'das la mngon par bstod do/ /spu yi mtha' dpung ma mchis pa yi zhing 'dzin kyang / /sems can rnams la mi gnod zhing la mi gnod pas/ /mig med rnams
166a7 kyis rgyal ba'i spyod yul 'tshal bar dka'/ /sangs rgyas sras ni rgyal ba'i byin gyis yang dag 'tshal/ /zhing gcig phyogs la zhing mang rab 'byams ston mdzad
166b1 de| |kun tu bstan kyang rnam par 'phel dang 'grib ma mchis/ /bsam pa chen po dag ldan ci 'drar gyur de la/ /dpag med rdzu 'phrul rnam par sprul pas de ston to/ /de
166b2 nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par bstod nas shar dang lho'i phyogs
166b3 mtshams logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas lho dang nub kyi mtshams phyogs na de bzhin gshegs
166b4 pa thugs rje chen pos sems can thams cad la gzigs pa'i sangs rgyas kyi zhing 'jig rten gyi khams mig bzang po na byang chub sems dpa' snying rje chen po sems
166b5 pa zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi
166b6 zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom
166b7 ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan
167a1 'das la mchod pa'i las byed cing na bza'i dra bas bcom ldan 'das la mngon par bkab ste tshigs su bcad pa 'di dag gis bcom
167a2 ldan 'das la mngon par bstod do/ /sems can dam pa g.yag rnga thogs pa ji bzhin du/ /tshul khrims dri med nor bu rin chen 'dra ba bsrungs/ /tshul
167a3 khrims med gzigs mgon po shin tu thugs rje zhing / /bdag la bstod pa mi mdzad gzhan la smod mi mdzad/ /lhun po ji bzhin khyod brtan bla ma rgya chen
167a4 bste| |chu gter zab mo bzhin du shin tu gting dpag dka'/ /srid pa thog mar bcings pa kun nas grol ba ste/ /sems can khrag khrig nyes pa chen pos
167a5 bcings las grol/ /de nas byang chub sems dpa' de dag gis byang chub sems dpa'i bstod pa tshad med pa dag gis bcom ldan 'das la mngon par
167a6 bstod nas lho dang / nub kyi mtshams phyogs logs su gnas te rang gi rdzu 'phrul gyi stobs kyis sprul pa'i rang rang gi stan dag la 'khod do/ /de nas nub dang
167a7 byang gi mtshams phyogs na de bzhin gshegs pa 'od bkod pa'i rgyal po'i sangs rgyas kyi zhing 'jig rten gyi khams mun pa dang bral ba na byang chub sems
167b1 dpa' 'od zer dra ba can zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor cing mdun du bdar te lhan cig tu
167b2 sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom
167b3 ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la
167b4 mchod pa'i las byed cing rgyan gyi dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /srid pa'i rang
167b5 bzhin sgyu ma'i rang bzhin rtogs mdzad nas/ /byed pa sgyu ma lta bu dngos po med par ston/ /sgyu ma lta bu sems can khams ni 'dul mdzad kyang / /'di na sems can rang bzhin
167b6 ma mchis khams ma mchis/ /dper na mi zhig gnyid kyis log pa'i rmi lam na/ /gzugs mthong yang dag 'du shes de bzhin mthong ma lags/ /'dus byas dngos po ma mchis
167b7 rmi lam 'dra bar gsung / /chos rnams snang yang 'di na chos la chags ma mchis/ /de nas byang chub sems dpa' de dag gis byang chub sems dpa'i bstod pa tshad med pa
168a1 dag gis bcom ldan 'das la mngon par bstod nas nub dang / byang gi mtshams phyogs logs su gnas te rang gi rdzu 'phrul gyi stobs
168a2 kyis sprul pa'i rang rang gi stan dag la 'khod do/ /de nas byang dang / shar gyi mtshams phyogs na de bzhin gshegs pa nam mkha'i dkyil dri ma med pa rnam par sems
168a3 pa'i sangs rgyas kyi zhing 'jig rten gyi khams yongs su dag pa dri ma med par rab tu gnas pa na byang chub sems dpa' blo mtha' yas dri med ces bya ba 'od des
168a4 bskul ma thag tu byang chub sems dpa' gang+gA'i klung bcu'i bye ma snyed kyis yongs su bskor zhing mdun du bdar te lhan cig tu sangs rgyas kyi zhing de nas mi snang bar
168a5 gyur nas skad cig thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug
168a6 nas de bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing
168a7 rtag tu sgra 'byung ba'i sil snyan gyi dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do//
168b1 zab mo'i chos la mkhas shing rab tu zhi la mos/ /khyod kyis chos kun stong zhing mtshan ma med par mkhyen/ /khyod kyi thugs kyi dgongs pa 'jig rten kun ma 'tshal/ /mtha'
168b2 yas blo mnga' sems kyi bsam pa cho ga mkhyen/ /sems can gcig gi spyod bzhin sems can kun gyi spyod/ /gang dag dus gsum ldan pa de dag khyod kyis mkhyen/ /
168b3 sems can 'du shes mi 'jug sems kyi 'du shes min/ /'du shes yongs shes mkhas shing mnyam pa nyid dang ldan/ /de nas byang chub sems dpa' de dag gis
168b4 byang chub sems dpa'i bstod pa tshad med pa dag gis bcom ldan 'das la mngon par bstod nas byang dang / shar gyi phyogs mtshams logs su gnas te rang gi rdzu
168b5 'phrul gyi stobs kyis sprul pa'i rang rang gi stan dag la 'khod do/ /de nas 'og gi phyogs na de bzhin gshegs pa rin chen ut+pa la dmar po'i dpal gyi sangs rgyas
168b6 kyi zhing 'jig rten gyi khams rnam par snang byed du snang ba na byang chub sems dpa' spobs pa'i rgyan bkod pa zhes bya ba 'od des bskul ma thag tu byang chub sems
168b7 dpa' gang+gA'i klung bcu'i bye ma snyed kyis yongs su bskor zhing mdun dub dar te lhan cig tu sangs rgyas kyi zhing de nas mi snang bar gyur nas skad cig thang gcig yud
169a1 tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'dug nas
169a2 des bcom ldan 'das kyi zhabs la mgo bos phyag btsal te bcom ldan 'das la lan khri bskor ba byas nas bcom ldan 'das la mchod pa'i las byed cing nor bu rin
169a3 po che'i gling gi phreng gi dra bas bcom ldan 'das la mngon par bkab ste tshigs su bcad pa 'di dag gis bcom ldan 'das la mngon par bstod do/ /gal te khrag khrig
169a4 zhing na ji snyed rdul mchis pa/ /de snyed bde gshegs sras po rgyal ba'i drung lhags te/ /bskal pa bye ba stong mang zhu ba zhus pa dag /de dag thams cad tshig gcig
169a5 dus kyis go bar mdzad/ /blo la mkhas par ba rdzogs shes rab shin tu rdzogs/ /gzungs dang ting 'dzin rab rdzogs bsod nams mtha' yas te/ /bskal pa mang
169a6 po mtha' yas bsngags pa rab brjod kyang / /skra rtses rgya mtsho ji bzhin zad par mi nus so/ /de nas byang chub sems dpa' de dag gis byang chub sems dpa'i bstod
169a7 pa tshad med pa dag gis bcom ldan 'das la mngon par bstod nas 'og gi phyogs logs su gnas te rang gi rdzu 'phrul gyi stobs kyis sprul pa'i rang rang gi stan
169b1 dag la 'khod do/ /de nas steng gi phyogs na de bzhin gshegs pa sgra bsgrags mchog gi rgyal po'i sangs rgyas kyi zhing 'jig rten gyi khams rgyan gyis brgyan pa na byang chub
169b2 sems dpa' chos thams cad rnam par 'phrul ba'i rgyal po zhes bya ba 'od des bskul ma thag tu byang chub sems dpa' gang+gA'i klung bcu'i bye ma snyed kyis yongs su
169b3 bskor zhing mdun du bdar te lhan cig tu sangs rgyas kyi zhing de nas mi snang bar gyur nas skad cig thang gcig yud tsam de la 'jig rten gyi khams mi mjed 'dir phyin
169b4 te 'khor gyi khyams rin po che bkod par bcom ldan 'das kyi spyan sngar 'dug nas des bcom ldan 'das kyi zhabs la mgo bos phyag btsal te bcom ldan 'das la
169b5 lan khri bskor ba byas nas bcom ldan 'das la mchod pa'i las byed cing rgyan thams cad bkod pa dang / rin po che'i dril bu g.yer kha'i dra bas bcom ldan 'das
169b6 la mngon par bkab ste tshigs su bcad pa 'di dag gis bcom ldan 'das la mngon par bstod do/ /bde gshegs sku yi 'phrin las mtha' dang dbus ma mchis/ /
169b7 bla med rnams kyi gsung thugs spyod yul mtha' yas pa/ /de ni sangs rgyas mkhyen gyi sems can gzhan gyis min/ /dper na nam mkha'i mtha' ma skye bos mi rnyed
170a1 bzhin/ /mtshungs med spyod pa mtha' dbus med pa ji bzhin du/ /byang chub 'khor lo de bzhin 'on te mya ngan 'das/ /sa bon ji bzhin de ltar
170a2 'bras bu 'byung ba ltar/ /de bzhin phyogs bcur rgyal ba'i gnas kyang tshad ma mchis/ /de nas byang chub sems dpa' de dag gis byang chub sems dpa'i bstod
170a3 pa tshad med pa dag gis bcom ldan 'das la mngon par bstod nas steng gi bar snang la dong ste rang gi rdzu 'phrul gyi stobs kyis sprul pa'i rang rang gi stan dag la 'khod
170a4 do| |de ltar phyogs bcu dag nas byang chub sems dpa' bcu 'dus pa la sogs pa byang chub sems dpa' tshad med pa dag 'od des bskul ma thag tu skad cig
170a5 thang gcig yud tsam de la 'jig rten gyi khams mi mjed 'dir phyin te 'khor gyi khyams rin po che bkod par bcom ldan 'das kyi spyan sngar 'khod do/ /de nas bcom
170a6 ldan 'das dran pa dang ldan zhing mkhyen bzhin du ting nge 'dzin de las bzhengs te gsung bsal ba'i sgra mdzad nas gsung bsal ba'i sgra des stong gsum gyi stong
170a7 chen po'i 'jig rten gyi khams dbyangs kyis go bar gyur te/ stong gsum gyi stong chen po'i 'jig rten gyi khams 'di na gang dag dad pa dang ldan zhing snod du gyur
170b1 pa'i dge slong dang / dge slong ma dang / dge bsnyen dang / dge bsnyen ma dang / mi dang / mi ma yin pa de dag gis bcom ldan 'das kyis gsung bsal ba'i sgra de thos nas
170b2 lus dang / sems tshim par gyur te sangs rgyas kyi mthus ji ltar byung ba'i them skas dag nas skad cig thang gcig yud tsam de la 'khor gyi khyams rin po che bkod par
170b3 phyin te| de dag gis bcom ldan 'das kyi zhabs la mgo bos phyag btsal nas phyogs gcig tu ji ltar mthun pa'i stan dag la 'khod do/ /gsung bsal ba'i sgra de
170b4 nyid kyis tshangs pa'i lha rnams dang / tshangs ris dang / tshangs pa'i mdun na 'don dang / tshangs 'khor dang / tshangs chen dang / 'od chen dang / 'od chung dang / tshad med
170b5 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che ba dang / 'du shes med pa'i
170b6 sems can dang / mi che ba dang / mi gdung ba dang / gya nom snang dang / shin tu mthong ba dang / 'og min gyi lha rnams kyang bskul nas skad cig thang gcig yud tsam de la
170b7 'khor gyi khyams rin po che bkod par phyin te/ de dag gis bcom ldan 'das kyi zhabs la mgo bos phyag btsal nas stan rab tu brtan pa dag la 'khod do/ /de nas
171a1 bcom ldan 'das kyis 'khor 'dus pa chen po de mkhyen nas smin mtshams kyi mdzod spu nas byang chub sems dpa'i stobs nye bar ston
171a2 pa zhes bya ba'i 'od zer phyung ste/ des thams cad dang ldan pa'i byang chub sems dpa'i tshogs la lan bdun bskor ba byas nas byang chub sems dpa'i tshogs de
171a3 nyid kyi spyi bor mi snang bar gyur to/ /de nas byang chub sems dpa' me tog dpal gyi snying po chos thams cad la dbang sgyur ba 'od nges reg ma thag tu de'i tshe sangs
171a4 rgyas kyi mthus byang chub sems dpa'i ting nge 'dzin rgyan thams cad bkod pa zhes bya ba la snyoms par zhugs so/ /byang chub sems dpa' me tog dpal gyi snying
171a5 pos chos thams cad la dbang sgyur ba byang chub sems dpa'i ting nge 'dzin rgyan thams cad bkod pa la snyoms par zhugs ma thag tu de nas de'i tshe 'khor gyi khyams
171a6 rin po che bkod pa'i dbus nas bcom ldan 'das kyi gdan seng+ge'i khri 'phang du shin ta la bye ba khrag khrig brgya stong phrag brgyad cu tsam du mtho ba/ rin po che thams
171a7 cad kyis spras pa/ kha khyer rgyan thams cad las byas pa/ ras bkod pa thams cad bting ba/ me tog sil ma sna tshogs thams cad bkram pa/ bla re yid du 'ong
171b1 ba thams cad bres pa/ byang chub sems dpa'i lus thams cad kyis yang dag par bzung ba/ 'khor thams cad kyi mig gis bltas pa/ sems can thams cad kyi bsam
171b2 pa ji lta ba bzhin du ston pa/ bsam pa tshim par byed pa zhig byung bar gyur to/ /de nas byang chub sems dpa' me tog dpal gyi snying po chos thams cad la dbang sgyur bas de bzhi
171b3 gshegs pa'i gdan seng+ge'i khri chen po bskul bar bsngags pa mtha' yas zhes bya ba mngon par sprul nas dran pa dang ldan zhing shes bzhin du ting nge 'dzin de las langs
171b4 te gus pa dang bcas shing zhes dang bcas par thal mo sbyar nas bcom ldan 'das la tshigs su bcad de gsol pa/ nyi ma'i 'od kyis 'gro ba'i dgos pa rab tu bgyid/ /lha
171b5 dbang gzi brjid yon tan sum cu rtsa gsum dga'/ /tshangs pa'i dbyangs kyis tshangs pa'i 'jig rten rnam par mdzes/ /sangs rgyas mthu yi yul gyis rnam par 'phrul pa
171b6 'di| |chos rnams mi g.yo nam mkha'i rang bzhin ya ma bral/ /sgyu ma smig rgyu lta bu chu yi zla 'dra zhing / /rje med byed pa po dang tshor ba po med par/ /mkhyen nas mgon po 'dir ni
171b7 rnam par sgrub pa ston/ /bkod pa'i sems kyi dbang 'gro sems ni gzugs can min/ rnam sgrub thams cad sems kyi rang bzhin dbang du 'gro/ /bkod pa thams cad 'dir
172a1 ni sgyu ma'i rang bzhin 'dra/ /rnam sgrub bdag gis ma mchis gang na'ang gnas ma mchis/ /gang gis sems rgyun ma mchis rang bzhin dag
172a2 'tshal ba/ /de la glo bur gnas pa'i nyon mongs ma mchis so/ /rtog dang kun rtog yongs su rtog las sems grol ba/ /de ni sgyu ma'i rnam bar sprul pa sna tshogs ston/ /
172a3 sa steng rdul tsam mngon par 'phags pa ma mchis kyang / /sa steng nor bu rin chen sna tshogs kun tu bstan/ /gdan gang bzhugs nas sems can bye ba 'dul 'gyur ba/ /
172a4 khyod kyi seng+ge'i khri gdan rab mdzes bdag gis bgyis/ /gdus dang rgyal mtshan mchog dan dar gyi phreng ba bsgrengs/ /de ni gang du'ang 'gro ba ma mchis 'ong ma mchis/ /khyod
172a5 kyis gang nas chos rnams 'du ba mkhyen nas kyang / /sems can dam pa rnam par 'phrul ba sna tshogs ston/ /tshangs pa'i dbyangs ldan legs shing shin tu bsrungs
172a6 pa'i gsung / /'jig rten sgron ma mdzad pa bsod nams gzi brjid mang / /bdag la thugs brtse'i slad du 'dzegs te gdan la bzhugs/ /rga dang 'chi dang na ba gcod
172a7 ba'i chos bshad gsol/ /khyod la bsnyen bkur bgyi dang chos ni mnyan slad du/ /rnam dag sems can 'di rnams phyogs bcu dag nas lhags/ /gang gi don du lhags
172b1 pa'i don de stsal du gsol/ /seng+ge'i khri la bzhugs te chos kyang bshad du gsol/ /de nas bcom ldan 'das kyis byang chub sems dpa' me tog dpal gyi snying po chos thams
172b2 cad la dbang sgyur ba'i lhag pa'i bsam pa mkhyen nas gdan seng+ge'i khri de la bzhugs so/ /de nas bcom ldan 'das sgrib pa med pa'i rnam par thar pa brnyes nas byang chub
172b3 sems dpa'i spyod pa la 'jug pas nges par 'byung ba sgrib pa med pa'i sgo zhes bya ba'i chos kyi rnam grangs byang chub sems dpa'i lam bkod pa la dmigs pa dang / sangs rgyas kyi chos zab mo thams cad dang /
172b4 stobs bcu dang / mi 'jigs pa yongs su sgrub pa dang / ye shes kyi 'byung gnas chos thams cad la dbang sgyur ba'i gzungs
172b5 kyi phyag rgya'i skor 'jug pa/ so so yang dag par rig pa la rnam par gtan la dbab pa la gzhol ba'i sgor 'jug pa/ mngon par shes pa chen po'i ye she sla gzhol
172b6 ba'i sgor 'jug pa/ phyir mi ldog pa'i 'khor la mi skye ba'i chos ston pa/ theg pa thams cad theg pa gcig tu mnyam pa nyid du yang dag par 'du ba/ chos kyi dbyings tshul
172b7 gcig cing ma 'dres pa la 'jug pa/ sems can thams cad kyi bsam pa dang dbang po la 'jug pa ston pa/ snying po dang ldan pa/ chos rnam par gdon mi za ba/ bdu
173a1 kyi dkyil 'khor thams cad rnam par 'joms par byed pa/ tshul bzhin gyi chos kyi tshul la gzhol bar 'jug pa/ nyon mongs pa dang lta
173a2 bar gyur pa thams cad 'dul ba/ chags pa med pa'i ye shes kyi rjes su 'jug pa/ thub pa med par yongs su bsngo ba la mkhas pa'i thabs dang ye shes ston pa/
173a3 sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyi rlabs kyi sgor 'jug pa/ chos thams cad ji lta ba bzhin du rnam par
173a4 nges pa ston pa/ rtog pa med pa dang rnam par rtog pa med pa mnyam pa nyid du 'jug pa/ bsod nams dang ye shes kyi tshogs thams cad bsags pa'i phyir rten
173a5 cing 'brel bar 'byung ba zab mo mnyam pa nyid rtogs par byed pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang / blo
173a6 gros dang / rtogs pa dang / mos pa dang / shes rab zad mi shes pa mngon par sgrub pa/ nyan thos kyi theg pas 'dul ba'i phyir 'phags pa'i bden pa'i tshul la
173a7 'jug pa/ rang sangs rgyas kyi theg pas 'dul ba'i phyir lus dang / ngag dang / sems rab tu dben par shes pa/ theg pa chen pos 'dul ba'i phyir thams cad mkhyen
173b1 pa'i ye shes kyi sang dbang bskur ba rab tu thob pa/ de bzhin gshegs pa'i yon tan thams cad brjod pa'i phyir chos thams cad la dbang sgyur ba'i tshul la 'jug pa 'di lta
173b2 bu'i chos kyi rnam grangs yang dag par rab tu bstan pa dang / bsnyad pa dang / bshad pa dang / bklag pa dang / gzung ba dang / rnam par shes par bya ba dang / byang chub
173b3 sems dpa'i tshogs thams cad kyi bsam pa yongs su bskang ba dang / de bzhin gshegs pa'i rnam par sprul pa yang dag par bstan pa dang / 'khor gyi the tshom
173b4 thams cad gcad pa dang / bdud kyi dkyil 'khor thams cad tshar gcad pa dang / de bzhin gshegs pa'i bstan pa 'bar bar bya ba dang / sangs rgyas kyi mdzad pa
173b5 chen po yongs su thob par bya ba'i phyir bcom ldan 'das gdan seng+ge'i khri de la bzhugs so/ /bam po gnyis pa/ de nas sangs rgyas kyi mthus byang chub
173b6 sems dpa' rin chen srog shing zhes bya bas sangs rgyas kyi rgyan bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor sangs
173b7 rgyas kyi rgyan gyis brgyan par byin gyis brlabs so/ /de nas sangs rgyas kyi mthus byang chub sems dpa' sgra bsgrags stobs kyi rgyal pos pad+ma bkod pa zhes bya ba'i
174a1 ting nge 'dzin la snyoms par zhugs nas thams cad dang ldan pa'i 'khor gyi lag pa rnams su me tog gi lda ldi dag dang / me tog gi skon
174a2 bu rnams byin gyis brlabs te me tog gi lda ldi dang / me tog gi skon bu de dag gis bcom ldan 'das dang / byang chub sems dpa'i tshogs thams cad la mngon
174a3 par 'thor ro/ /de nas sangs rgyas kyi mthus byang chub sems dpa' blo mchog rgya mtshos dri bkod pa zhes bya ba'i ting nge 'dzin la snyoms par zhugs nas thams
174a4 cad dang ldan pa'i 'khor gyi spu'i khung bu thams cad du tsan+dan sprul gyi snying po'i drir byin gyis brlabs so/ /de nas sangs rgyas kyi mthus byang chub sems dpa' 'od zer
174a5 dra ba can gyis 'od bkod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor la lus kyi 'od mtha' yas pa byin gyis brlabs so/ /
174a6 de nas sangs rgyas kyi mthus byang chub sems dpa' snying rje chen po sems pas mig mi 'dzum pa zhes bya ba'i ting nge 'dzin la snyoms par zhugs nas thams cad dang ldan
174a7 pa'i 'khor de bzhin gshegs pa la mngon par phyogs shing mig mi 'dzum par byin gyis brlabs so/ /de nas sangs rgyas kyi mthus byang chub sems dpa' blo mtha'
174b1 yas dri med kyis chos la mchog tu dga' ba zhes bya ba'i ting nge 'dzin la snyoms par zhugs nas thams cad dang ldan pa'i 'khor chos don du gnyer zhing chos la dga' ba dang / mos par byin gyis brlabs so/
174b2 /de nas sangs rgyas kyi mthus byang chub sems dpa' spobs pa'i rgyan bkod pas rab tu zhi ba dang ldan pa zhes bya ba'i ting nge 'dzin la
174b3 snyoms par zhugs nas thams cad dang ldan pa'i 'khor sgrib pa lnga rnam par sel bar byin gyis brlabs so/ /de nas sangs rgyas kyi mthus byang chub sems dpa' chos
174b4 thams cad rnam par 'phrul pa'i rgyal pos brjed pa med par spyod pa zhes bya ba'i ting nge 'dzin la snyoms par zhugs nas thams cad dang ldan pa'i 'khor byang chub
174b5 kyi sems dran zhing de bzhin gshegs pa la dmigs pa mi brjed par byin gyis brlabs so/ /de nas de'i tshe sangs rgyas kyi mthus byang chub sems dpa' sems
174b6 dpa' chen po kun nas snang ba zhes bya bas zil gyis mi non pa zhes bya ba'i ting nge 'dzin la snyoms par zhugs nas thams cad dang ldan pa'i 'khor bdud dang / phyir rgol
174b7 ba bcom par byin gyis brlabs so/ /de nas de'i tshe sangs rgyas kyi mthus byang chub sems dpa' bdud rab tu 'joms pas bdud kyi dkyil 'khor thams cad rnam
175a1 par 'joms pa zhes bya ba'i ting nge 'dzin la snyoms par zhugs te/ byang chub sems dpa'i bdud rab tu 'joms pa bdud kyi dkyil 'khor
175a2 rnam par 'joms pa'i ting nge 'dzin de la snyoms par zhugs ma thag tu de nas de'i tshe stong gsum gyi stong chen po'i 'jig rten gyi khams na bdud bye ba phrag brgya ji
175a3 snyed pa de dag thams cad dpung dang bcas/ g.yog 'khor dang bcas te myur ba myur ba ring thabs su rang rang gi bdud kyi gnas nas mi snang bar gyur te 'khor gyi
175a4 khyams rin po che bkod par bcom ldan 'das kyi spyan sngar 'khod nas de dag gis bcom ldan 'das kyi zhabs la mgo bos phyag btsal te lha'i mchod pa rnam pa
175a5 brgya stong phrag du mas bcom ldan 'das la mchod nas gus pa dang bcas shing zhe sa dang bcas par thal mo sbyar te bcom ldan 'das la gsol ba btab nas
175a6 bcom ldan 'das/ bdag cag gsol ba 'tshal na/ bcom ldan 'das/ chos bshad du gsol/ bde bar gshegs pa/ chos bshad du gsol/ byang chub sems
175a7 dpa' bdud rab tu 'joms pa'i byin gyi rlabs kyis bdag cag bdud kyi su ga las 'dor zhing slan chad sems can rnams la mig gis mi rtsol bar 'gyur ba'i
175b1 las mi bgyid do/ /bcom ldan 'das/ bdag cag la dbugs dbyung ba stsol cig dang / bcom ldan 'das kyi thad du mchis te bdag cag chos nyan par bgyid do/ /
175b2 de nas bcom ldan 'das kyis bdud de dag dbugs dbyung ba'i phyir 'di skad ces bka' stsal to/ /grogs po dag /legs so legs so/ /gang gi phyir khyed bdud
175b3 kyi las kyang 'or la de bzhin gshegs pa la chos bshad par gsol ba'ang thob cig dang / de nyid khyed kyi bdud kyi lam thams cad las 'da' ba'i rgyur 'gyur ro/ /
175b4 de ci'i phyir zhe na/ sangs rgyas la dge ba'i rtsa ba bskrun pa'i stobs bskyed pa'i phyir ro/ /grogs po dag /'di lta ste/ dper na/ mun pa mun nag lo du mar bsags
175b5 pa ni| mar me gcig gis med par 'gyur ro/ /grogs po dag /de bzhin du nyon mongs pa'i mun pa mun nag bskal pa brgyar bsags pa'ang ye shes kyi stobs
175b6 bskyed pa gcig gis med par 'gyur ro/ /grogs po dag /'di lta ste/ dper na/ zla ba'i dkyil 'khor gcig dang / nyi ma'i dkyil 'khor gcig dang / nor bu rin
175b7 po che chen po gcig gis mun pa mun nag thams cad sel to/ /grogs po dag /de bzhin du dge ba'i sems lhag mthong dang ldan pa gcig gis mi shes pa'i mun
176a1 pa mun nag thams cad sel to/ /grogs po dag /de'i phyir khyed dge ba'i rtsa ba 'dis rim gyis mi shes pa'i mun pa mun nag thams cad bsal
176a2 nas chos kyi snang ba chen po thob par 'gyur ro/ /de nas byang chub sems dpa'i chos kyi dbang phyug gi rgyal po zhes bya ba 'khor de nyid du 'dus par gyur te 'dug pa
176a3 des bcom ldan 'das la 'di skad ces gsol to/ /bcom ldan 'das/ sangs rgyas kyi yul de bzhin gshegs pas byin gyis brlabs pa dang / kun tu bstan pa
176a4 'di ni| bsam gyis mi khyab bo/ /deng ni/ de bzhin gshegs pa byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bgyi
176a5 ba 'dus pa chen po'i le'u'i chos kyi rnam grangs bshad par bzhed par the tshom ma mchis so/ /de ci'i slad du zhe na/ bcom ldan 'das/ e ma byang chub sems
176a6 dpa' rnams kyi 'dus pa 'di ni/ che ste/ bcom ldan 'das/ 'di ni/ byang chub sems dpa' bsam gyis mi khyab pa'i go cha bgos pa/ mngon par shes pa'i
176a7 ye shes chen pos rnam par rol pa/ phyogs bcur sgra bsgrags pa/ sems shin tu byang bar bgyis te dri ma mchis pa/ rig pa dang rnam par grol bas snang bar
176b1 gyur pa| sangs rgyas thams cad kyis bstod cing bsngags pa/ chos thams cad la dbang phyug gis dbang sgyur pa/ pha rol tu phyin pa thams cad kyi pha rol tu son
176b2 pa| thabs mkhas pa thams cad las nges par skyes pa/ bdud kyi las dang / rtsod pa dang / nyon mongs pa thams cad bsal ba/ phas kyi rgol ba dang / ngan pa'i
176b3 tshogs can gyi tshogs thams cad rab tu 'dul ba/ tshig thams cad rab tu dbye ba bstan pa shes pa la mkhas pa/ shes rab kyi pha rol tu phyin pa chags pa ma mchis
176b4 pa'i pha rol tu son pa/ dran pa dang / blo gros dang / rtogs pa dang / khrel yod pa dang / mos pa dang / gzungs dang / ye shes rab tu thob pa/ byin gyi rlabs thogs
176b5 pa ma mchis shing spobs pa rgyun mi chad pa/ sems can thams cad kyi dbang po mchog dang / mchog ma lags pa shes pa la mkhas pa/ sems can thams cad
176b6 kyi mos pa ji lta ba bzhin du chos ston pa/ 'khrul pa ma mchis par kha na ma tho ba ma mchis pa'i chos ston pa/ sems can thams cad kyi sgra dang / skad la mkhas
176b7 pa| mi'am ci dang / bya ka la ping+ka dang / khrung khrung gi sgra dang / tshangs pa'i sgra dbyangs can/ shin tu bshes gnyen bgyis pas sems can thams cad yongs su
177a1 mya ngan las 'das pa la 'god pa/ byams pa chen po dang / snying rje chen po'i lhag pa'i bsam pa can/ brtan zhing shin tu gnas la mi g.yo
177a2 zhing ji skad smras pa de bzhin du bgyid pa/ chos kyi rgyal mtshan yang dag par sgreng bar bgyid pa/ rdo rje ltar sra zhing mi shigs pa'i khor yug lta bu/ smon pa ma mchis
177a3 pa'i smon lam dang ldan pa/ rten cing 'brel par 'byung ba zab mo blta dka' zhing rtogs par dka' ba la zhugs pa/ chad pa dang / rtag pa'i mtha' gnyi ga dang / lta bar
177a4 gyur pa thams cad dang / bag chags kyi mtshams sbyor ba yang dag par bcad pa/ tshogs can chen po'i tshogs kyi rgyal po yongs su 'gugs pa/ ded dpon chen po
177a5 bskal pa grangs med par chos dkon mchog gis bsod nams yang dag par bsgrubs pa/ sman pa'i rgyal po chen po sems can thams cad kyi nyon mongs pa gzugs
177a6 can ma lags pa'i nad gso bar bgyid pa/ seng+ge'i sgra chen po sgrog pa/ snrel zhi'i rgyud dang / spyi'u tshugs kyi rgyud thams cad dang / de bzhin gshegs pa'i gsang ba la
177a7 mi skrag pa/ mtshan dang dpe byad bzang pos lus legs par brgyan pa/ gtan pa med pa'i mchod sbyin bgyid pa thams cad la sems dpa' ba/ bdud bzhi dang /
177b1 nyon mongs pa'i g.yul 'dul ba/ mnyan pa lta bur gyur pa/ dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin
177b2 la snyoms par 'jug pa/ shin tu yongs su sbyang ba bgyis pa/ sems can thams cad rab tu sgrol ba la brtson pa/ ri lta bur gyur pa/ 'jig rten gyi chos brgyad po rnyed
177b3 pa dang / ma rnyed pa dang / grags pa dang / ma grags pa dang / smad pa dang / bstod pa dang / bde ba dang / sdug bsngal las log pa/ dga' ba dang / dang ba dang / mchog tu
177b4 dga' ba'i chos la sems zhugs pa/ chos dkon mchog gi 'od zer dang ldan pa/ shes rab kyis ngoms nas ngoms par bgyid pa/ pad+ma lta bu 'dus byas kyi chos thams
177b5 cad kyis mi gos pa/ 'od kyi dkyil 'khor rnam par dag pa/ zla ba dang / nyi ma dang / brgya byin dang / tshangs pa'i 'od mog mog por bgyid pa/ rgya mtsho'i phyag rgya'i ting
177b6 nge 'dzin thob pa/ chos dkon mchog thams cad la yang dag par gzhol ba/ dkon mchog gsum gyi gdung mi gcod pa/ sems can thams cad yongs su smin
177b7 par bgyi ba dang / 'dul ba'i cho ga 'tshal ba/ sangs rgyas kyi chos dkon mchog thams cad kyi mdzod yang dag par 'dzin pa/ bsngags pa mtha' yas pa dang yang
178a1 dag par ldan pa/ bsod nams tshad ma mchis pa bsags pa/ rnam pa thams cad kyi mchog dang ldan pa'i thams cad mkhyen pa'i ye
178a2 shes la nye bar gyur pa/ phyi ma'i mtha'i mu'i bskal par bsngags pa mthar mi phyin pa 'di lta bu rnams kyi 'dus pa lags so/ /bcom ldan 'das/ de la bdag
178a3 'di snyam du bcom ldan 'das ni/ byang chub sems dpa'i spyod pa la 'jug pas nges par 'byung ba sgrib pa med pa'i sgo zhes bgyi ba 'dus pa chen po'i le'u'i
178a4 chos kyi rnam grangs bshad par bzhed pa snyam bgyid do/ /bcom ldan 'das/ ji tsam du sangs rgyas 'byung ba ni/ phan 'dogs par 'gyur ba/ sems can thams
178a5 cad tshim par 'gyur ba/ ma 'ongs pa'i byang chub sems dpa' rnams kyi dge ba'i rtsa ba yang dag par skyed pa/ sems dang po bskyed pa'i byang chub sems
178a6 dpa' rnams kyi bsam pa yongs su sbyong ba/ spyod pa la zhugs pa'i byang chub sems dpa' rnams kyi tshul gcig la 'jug pa/ phyir mi ldog pa'i byang chub
178a7 sems dpa' rnams sangs rgyas kyi chos la dbang bskur ba/ skye ba gcig gis thogs pa'i byang chub sems dpa' rnams kyi rgyu dang 'bras bu chud mi za ba/ nges
178b1 pa'i sems can rnams la rkyen nye bar sgrub pa/ ma nges pa'i sems can rnams la snying rje chen po nye bar sgrub pa/ log pa nyid du nges pa'i sems can rnams 'dzud pa/
178b2 theg pa gsum la mos pa'i sems can rnams la rnam par dgod pa ston pa ste/ ngo mtshar to/ /bcom ldan 'das/ sangs rgyas 'byung ba ni/ lha dang / mi dang / lha
178b3 ma yin du bcas pa'i 'jig rten gyi rgyan lags so/ /de ci'i slad du zhe na/ bcom ldan 'das/ sangs rgyas byung bar gyur na/ ngo mtshar rmad du byung ba'i chos 'di lta bu
178b4 'di dag 'jig rten du 'byung bar 'gyur ro/ /bcom ldan 'das/ skyes bu dam pa 'di dag gis 'khor gyi khyams 'dir sems bskyed pa gcig gis bkod pa gang
178b5 byin gyis brlabs pa 'di ni/ nyan thos dang / rang sangs rgyas thams cad kyis bskal pa brgya phrag stong du'ang ston pa'i rngo mi thogs so/ /bcom ldan 'das/ de la bdag
178b6 'di snyam bgyid de/ e ma ji tsam du gang rdzu 'phrul gyis rnam par sprul pa'i cho 'phrul 'di lta bu 'di mthong yang nyan thos kyi theg pa'am/ rang sangs rgyas kyi theg
178b7 pa la re ba skyed pa'i sems can shes rab 'chal pa can de dag ni/ ngo mtshar che ba snyam bgyid do/ /de ci'i slad du zhe na/ bcom ldan 'das/ byang chub sems dpa'
179a1 sems dang po bskyed pa nyid kyis nyan thos dang / rang sangs rgyas thams cad zil gyis non pa'i slad du'o/ /bcom ldan 'das/ 'di lta
179a2 ste| dper na/ shes rab 'chal pa'i rang bzhin can gyi mi la la zhig nor bu rin po che bai DUR+ya bor nas nor bu mching bu la dmigs pa snyam du sems pa dang /
179a3 bcom ldan 'das/ gang dag theg pa chen po bor nas nyan thos dang / rang sangs rgyas kyi theg pa la dmigs par bgyi ba snyam du sems pa'i sems can dag ni/
179a4 'dra ba nyid du bdag la gda'o/ /bcom ldan 'das/ rigs kyi bu'am/ rigs kyi bu mo gang dag lhag pa'i bsam pas bla na med pa yang dag par rdzogs pa'i
179a5 byang chub tu sems bskyed pa dang / skyed par 'gyur ba de dag thams cad ni/ ring po mi thogs par chos 'di lta bu dang ldan par 'gyur ro/ /byang chub sems
179a6 dpa' chos kyi dbang phyug gi rgyal pos bstan pa 'di bshad pa na lha dang mir bcas pa'i skye rgu'i 'khor de las srog chags bye ba khrag khrig brgya stong phrag gsum
179a7 cus bla na med pa yang dag par rdzogs pa'i byang chub tu sems bskyed do/ /rgyan bkod pa zhes bya ba 'dus pa'i le'u'o// //de nas bcom ldan
179b1 'das kyis byang chub sems dpa'i 'dus pa chen po de gzigs nas e ma byang chub sems dpa' 'dus pa 'di dag ni/ chos don du gnyer ba de bzhin gshegs
179b2 pa'i chos kyi mdzod 'dzin par mkhyen nas byang chub sems dpa'i spyod pa la 'jug pas nges par 'byung ba sgrib pa med pa'i sgo'i le'u'i chos kyi rnam grangs rab tu
179b3 bshad pa'i phyir mi 'jigs pas spobs pa zhes bya ba'i 'od zer skyes bu chen po'i mtshan spyi gtsug nas byung ngo / /bcom ldan 'das kyi 'od zer de phyung ma thag tu de nas
179b4 thams cad dang ldan pa'i byang chub sems dpa'i tshogs la lan bdun bskor ba byas te byang chub sems dpa' gzungs kyi dbang phyug gi rgyal po'i lus la lan
179b5 brgyar bskor ba byas nas byang chub sems dpa' gzungs kyi dbang phyug gi rgyal po'i spyi gtsug tu mi snang bar gyur to/ /'od des byang chub sems dpa' gzungs kyi
179b6 dbang phyug gi rgyal po la reg ma thag tu de nas sangs rgyas kyi mthus byang chub sems dpa' gzungs kyi dbang phyug gi rgyal pos thams cad dang ldan pa'i byang
179b7 chub sems dpa'i tshogs kyi 'od dang / seng+ge'i khri dang / lus brgya 'gyur du zil gyis mnan nas lam me/ lhang nge / lhan ne'o/ /de nas byang chub sems dpa'
180a1 gzungs kyi dbang phyug gi rgyal pos de bzhin gshegs pa'i byin gyi rlabs rig nas stan las langs te bla gos phrag pa gcig la
180a2 gzar nas pus mo g.yas pa'i lha nga sa la btsugs te bcom ldan 'das ga la bde logs su thal mo sbyar ba btud nas bcom ldan 'das kyi dbu'i gtsug
180a3 gi drang thad kyi steng gi bar snang la rin po che'i gdugs de bzhin gshegs pa'i rgyan ces bya ba yu ba ni/ bai DUR+ya/ g.yogs ma ni| gser/ snying po ni/ rin po che ne
180a4 tso'am ci/ rtsibs ni/ an+da rnyil las byas pa/ mu tig gi do shal rab tu dpyangs pa/ dar gyi lda ldis mdzes par byas pa/ dril bu g.yer ka'i dra ba 'khrol ba/
180a5 byang chub sems dpa'i lus kyis bzung ba/ rgyar stong gsum gyi stong chen po'i 'jig rten gyi khams kyi tshad tsam zhig byin gyis brlabs so/ /de bzhin gshegs
180a6 pa la mchod pa'i las kyi phyir rin po che'i gdugs de lta bu byin gyis brlabs nas me tog gi char yang phab ste/ sil snyan dang / sgra dbyangs rtag tu rgyun mi chad
180a7 par sgra 'byung bar byin gyis brlabs nas bcom ldan 'das la tshigs su bcad pa 'di dag gis mngon par bstod do/ /kun tu snang ba kun nas 'od zer can/ /don rnams ma
180b1 lus ston pa kun nas spyan/ /rang byung chos kyi ngo bo nyid la mkhas/ /bsam gyis mi khyab yon tan kun dang ldan/ /skyes bu khyu mchog gis ni 'od zer phyung / /zhal yang rnam par spyod
180b2 zhing 'od mdzad pa/ /'dren pa de ni bdag gi lus la yang / /lan brgyar bskor ba bgyis nas spyi bor zhi/ /mi yi 'dren pa'i 'od kyis reg pas na/ /gang dag bdag gis sngon thob dran
180b3 pa dang / /blo gros spobs pa snang ba de bzhin gzungs/ /rnam pa stong du khyad par 'phags par 'gyur/ /bdag lus rab sim sems ni rnam par dag /bdag gi blo gros dga' mgu
180b4 mnyam par gyur/ /gzhan yang sangs rgyas mkhyen pa mtha' yas dang / /spobs pa bdag gi lus la rab tu zhugs/ /sangs rgyas mthu chen bsnyen par dka' ba la/ /nyam chung dag
180b5 gis mnyes par bgyid mi nus/ /sangs rgyas gnang nas 'gro kun phan slad du/ /sangs rgyas la ni zhu ba zhu bar 'tshal/ /rdzogs pa'i byang chub sems dpa'i spyod 'jug dang / /
180b6 'jig rten rnam 'dren dag gi 'byung ba dang / /snang dang nges 'byung rnam par sprul pa dang / /dbang bskur ye shes yongs su zhu bar 'tshal/ /theg mchog dam pa rtogs par khong chud
180b7 cing / /mtha' yas rgya che ba yi 'khor lhags dang / /gang dag rgya chen chos don gnyer ba dag/ de dag phan slad sangs rgyas la yang zhu/ /bdud kyi dkyil 'khor shin tu tshar
181a1 gcad cing / /sangs rgyas bstan pa 'di ni shin tu gzung / /bcom ldan phung po ma mchis dam chos mdzod/ /lus can rnams la bshad pa'i
181a2 dus 'di lags/ /skyes bu khyu mchog mkhyen pa mtha' yas pas/ /bcom ldan de la bdag gi blo mi chud/ /bde gshegs mkhyen pa shes pas mi dpog pas/ /mkhas pa
181a3 yangs pa bdag ni zhu bar 'tshal/ /ji ltar bcom ldan 'das kyi mkhyen 'jug dang / /ji ltar yun ring nas ni bslab pa dang / /chos kyi dbang phyug rgyal po rab brlabs pa/ /
181a4 'dren pa rnams kyi spyod yul bshad du gsol/ /de nas byang chub sems dpa' gzungs kyi dbang phyug gi rgyal pos tshigs su bcad pa 'di dag gis bcom ldan
181a5 'das la mngon par bstod nas bcom ldan 'das la 'di skad ces gsol to/ /bcom ldan 'das/ de bzhin gshegs pa'i yul ni/ bsam gyis mi khyab/ byang chub
181a6 sems dpa'i spyod yul ni/ tshad ma mchis te/ bcom ldan 'das/ bdag gis de bzhin gshegs pa ni/ yongs su mi skyo bar chos ston pa lags par rig cing / de
181a7 bzhin gshegs pa ni/ sems can thams cad mi gtong ba'i thugs rje chen po la gnas par mthong nas don 'di zhu bar 'tshal lo/ /bcom ldan 'das/ byang chub sems
181b1 dpa' rnams kyi rgyan dag ni/ gang lags/ bcom ldan 'das/ byang chub sems dpa' rgyan gang dag gis brgyan na/ byang chub sems dpa'i spyad pa spyod pa na mdzes pa lags/
181b2 bcom ldan 'das/ ji ltar na/ byang chub sems dpa' chos kyi snang ba bsam gyis mi khyab pa thos nas gti mug gi mun pa dang bral zhing the tshom ma mchis pa dang / chos kyi sgo
181b3 chen po shin tu yongs su sbyangs pa rnams lags/ bcom ldan 'das/ ji ltar na/ byang chub sems dpa' sems can thams cad kyi mi gtong pa'i snying rje chen po dang / snying
181b4 rje chen po la gnas pa mchog dang ldan zhing sems can thams cad yongs su mi gtong bar gnas pa rnams lags/ bcom ldan 'das/ ji ltar na/ byang chub sems dpa'
181b5 ngag byang chub sems dpa'i las yang dag pa la zhugs pa dang / legs par bgyid pa'i las bgyid pa dang / las kyi mtha' gdung ba ma mchis pa rnams lags/
181b6 bcom ldan 'das/ ci nas kyang byang chub sems dpa' bdud dang / phyir rgol ba bcom zhing the tshom dang bral nas de bzhin gshegs pa'i yul la 'jug par 'gyur ba
181b7 dang / byang chub sems dpa'i yul la mngon du 'phags par 'gyur ba dang / sems can thams cad kyi bsam pa la 'jug par 'gyur ba dang / sems can thams cad kyi
182a1 sems kyi spyod pa dag yongs su 'tshal bar 'gyur ba dang / sangs rgyas kyi zhing rnams rnam par sbyong bar 'gyur ba dang / bdud kyi dkyil
182a2 'khor tshar gcod par 'gyur ba dang / de bzhin gshegs pa'i bstan pa yang dag par 'dzin par 'gyur ba dang / myur du chos thams cad la dbang ba thob par 'gyur
182a3 bar de bzhin gshegs pas blo shin tu rnam par nges pas byang chub sems dpa'i spyod pa la 'jug pas mngon par 'phags pa'i chos kyi sgo de legs par bshad
182a4 du gsol/ de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /skyes bu
182a5 dam pa| khyod legs so/ /legs so/ /khyod ji ltar de bzhin gshegs pa'i spyod yul tshad med pa la rnam par nges pa thob nas khyod blo rnam par nges pa 'di lta bus
182a6 de bzhin gshegs pa la don 'di 'dri bar sems pa ni/ skyes bu dam pa/ khyod legs so/ /de'i phyir rigs kyi bu/ khyod shin tu legs par nyon la yid la zungs
182a7 shig dang / byang chub sems dpa' sems dpa' chen pos ji ltar yon tan 'di dag dang / byang chub sems dpa'i yon tan tshad med pa gzhan dag kyang yongs
182b1 su rdzogs par 'gyur ba dang / myur du chos thams cad la dbang sgyur ba thob par 'gyur ba ngas khyod la bshad do/ /byang chub sems dpa' gzungs kyi dbang phyug gi rgyal
182b2 pos bcom ldan 'das/ legs so/ /zhes gsol te bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rigs kyi bu /
182b3 byang chub sems dpa' rnams kyi rgyan ni/ bzhi po 'di dag ste/ bzhi gang zhe na/ 'di lta ste/ tshul khrims kyi rgyan dang / ting nge 'dzin gyi rgyan dang / shes rab kyi rgyan
182b4 dang / gzungs kyi rgyan te/ rigs kyi bu/ byang chub sems dpa' rnams kyi rgyan ni/ bzhi po 'di dag go /rigs kyi bu/ de la byang chub sems dpa' rnams kyi tshul khrims
182b5 kyi rgyan gang zhe na/ rigs kyi bu/ byang chub sems dpa' rnams kyi tshul khrims kyi rgyan ni/ gcig ste/ gcig gang zhe na/ 'di lta ste/ sems can thams cad la gnod
182b6 pa mi byed pa ste/ byang chub sems dpa' zhe sdang ba'i sems med pa ni/ sems can thams cad kyi yid du 'ong zhing dga' ba ste/ rigs kyi bu/ 'di ni/ byang chub sems
182b7 dpa' rnams kyi tshul khrims kyi rgyan gcig go /rigs kyi bu/ byang chub sems dpa' rnams kyi tshul khrims kyi rgyan ni/ gnyis po 'di dag ste/ gnyis gang zhe na/ 'di
183a1 lta ste/ ngan 'gro'i sgo gcod pa dang / bde 'gro'i sgo 'byed pa ste/ gnyis po 'di dag go /rigs kyi bu/ byang chub sems dpa' rnams kyi
183a2 tshul khrims kyi rgyan ni/ gsum po 'di dag ste/ gsum gang zhe na/ 'di lta ste/ lus rnam par dag pa dang / ngag rnam par dag pa dang / yid rnam par dag pa ste/ gsum
183a3 po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ bzhi po 'di dag ste/ bzhi gang zhe na/ 'di lta ste/ gang 'dod pa de 'byor pa dang / gang
183a4 smon pa de yang dag par grub pa dang / gang 'dod pa de thob pa dang / gang rtsom pa de nyams 'og tu chud par byed pa ste/ bzhi po 'di dag go /rigs kyi bu/ byang chub sems
183a5 dpa' rnams kyi tshul khrims kyi rgyan ni/ lnga po 'di dag ste/ lnga gang zhe na/ 'di lta ste/ tshul khrims dang ldan pa'i ting nge 'dzin sgyu med pa yin/ shes rab sgyu med pa yin/
183a6 rnam par grol ba sgyu med pa yin/ rnam par grol ba'i ye shes mthong ba sgyu med pa yin/ yongs su mya ngan las 'das pa chen po bla na med pa sgyu med pa yin te/ lnga po 'di
183a7 dag go /rigs kyi bu/ byang chub sems dpa' rnams kyi tshul khrims kyi rgyan ni/ drug po 'di dag ste/ drug gang zhe na/ 'di lta ste/ yid la chags pa med pa'i tshul khrims
183b1 kyi phyir skyon med pa'i tshul khrims dang / kha na ma tho ba med pa'i tshul khrims kyi phyir nyams pa med pa'i tshul khrims dang / 'dren ma ma yin pa'i tshul khrims kyi phyir 'dres pa ma
183b2 yin pa'i tshul khrims dang / dge ba'i chos shin tu rnam par 'phel ba'i phyir sra sre ma yin pa'i tshul khrims dang / gang gis 'dod par 'gro ba'i tshul khrims kyi phyir rang dga'i
183b3 tshul khrims dang / gzhan la rag ma lus pa'i shes pas rang gi dbang sgyur ba'i tshul khrims te/ drug po 'di dag go /rigs kyi bu/ byang chub sems dpa' rnams kyi tshul
183b4 khrims kyi rgyan ni/ bdun po 'di dag ste/ bdun gang zhe na/ 'di lta ste/ tshul khrims dang ldan pa'i sbyin pa rnam par dag pa dang / bzod pa rnam par dag pa dang / brtson
183b5 'grus rnam par dag pa dang / bsam gtan rnam par dag pa dang / shes rab rnam par dag pa dang / thabs rnam par dag pa dang / bag yod pa rnam par dag pa ste/ bdun
183b6 po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ brgyad po 'di dag ste/ brgyad gang zhe na/ 'di lta ste/ spobs pa phun sum tshogs pa
183b7 dang / sa phun sum tshogs pa dang / rnam par 'phro ba med pa phun sum tshogs pa dang / lhod pa med pa phun sum tshogs pa dang / 'khyon du 'dzin pa med pa phun sum tshogs pa
184a1 dang / sangs rgyas 'byung ba mnyes par byed pa phun sum tshogs pa dang / dal ba phun sum tshogs pa dang / dge pa'i bshes gnyen
184a2 mgu bar byed pa phun sum tshogs pa ste/ brgyad po 'di dag go /rigs kyi bu/ byang chub sems dpa' rnams kyi tshul khrims kyi rgyan ni/ dgu po 'di dag
184a3 ste/ dgu gang zhe na/ 'di lta ste/ 'jigs pa med pa yin/ skrag pa med pa yin/ bsam pa nges pa yin/ nye bar zhi ba yin/ bsal ba yin/ bcings
184a4 pa lhod pa yin/ sems las su rung ba yin/ sems cang shes pa yin/ dul ba'i sa rjes su thob pa yin te/ dgu po 'di dag go /rigs kyi bu/ byang chub sems
184a5 dpa' rnams kyi tshul khrims kyi rgyan ni/ bcu po 'di dag ste/ bcu gang zhe na/ 'di lta ste/ mtshan dang dpe byad bzang po yongs su rdzogs pa'i phyir lus kyi rgyan
184a6 dang / ji skad smras pa de bzhin byed pa'i phyir ngag gi rgyan dang / nyon mongs pa med pa'i phyir sems kyi rgyan dang / smon lam yongs su rdzogs pa'i phyir zhing gi rgyan
184a7 dang / bsam pa yongs su sbyong ba'i phyir sems can yongs su smin par byed pa'i rgyan dang / sdig pa thams cad mi byed pa'i phyir skye ba'i rgyan dang / de bzhin
184b1 gshegs pa'i spyod pa la rjes su slob pa'i phyir byang chub sems dpa'i spyod pa'i rgyan dang / nga rgyal med pa'i phyir shes pa'i rgyan dang / dge ba'i rtsa ba yongs su bsngo
184b2 ba'i phyir byang chub kyi snying po'i rgyan dang / tshul khrims kyi rtsa ba la gnas pa mi 'dor ba'i phyir stobs dang / mi 'jigs pa dang / sangs rgyas kyi chos ma 'dres
184b3 pa'i rgyan te/ rigs kyi bu/ bcu po 'di dag ni/ byang chub sems dpa' rnams kyi tshul khrims kyi rgyan no/ /rigs kyi bu/ de la byang chub sems dpa' rnams
184b4 kyi ting nge 'dzin gyi rgyan gang zhe na/ rigs kyi bu/ byang chub sems dpa' rnams kyi ting nge 'dzin gyi rgyan ni/ gcig ste/ gcig gang zhe na/ 'di lta ste/ sems can
184b5 thams cad la byams pa ste/ 'di ni/ gcig go /rigs kyi bu/ byang chub sems dpa' rnams kyi ting nge 'dzin gyi rgyan ni/ gnyis po 'di dag ste/ gnyis gang zhe
184b6 na| 'di lta ste/ drang ba dang / mnyen pa ste/ gnyis po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ gsum po 'di dag
184b7 ste| gsum gang zhe na/ 'di lta ste/ sgyu med pa dang / g.yo med pa dang / bcos ma med pa ste/ gsum po 'di dag go /rigs kyi bu/ byang chub sems dpa' rnams
185a1 kyi ting nge 'dzin gyi rgyan ni/ bzhi po 'di dag ste/ bzhi gang zhe na/ 'di lta ste/ 'dun pas 'gro ba ma yin par mi 'gro ba dang / zhe sdang
185a2 gis 'gro ba ma yin par mi 'gro ba dang / gti mug gis 'gro ba ma yin par mi 'gro ba dang / 'jigs pas 'gro ba ma yin par mi 'gro ba ste/ bzhi po 'di dag
185a3 go /rigs kyi bu/ byang chub sems dpa' rnams kyi ting nge 'dzin gyi rgyan ni/ lnga po 'di dag ste/ lnga gang zhe na/ 'di lta ste/ sgrib pa lnga spong ba ste/ lnga po de
185a4 dag gang zhe na/ 'dod pa la 'dun pa dang / gnod sems dang / rmugs pa dang gnyid dang / rgod pa dang 'gyod pa dang / the tshom ste/ sgrib pa lnga po 'di dag
185a5 spong ba'o/ /rigs kyi bu/ byang chub sems dpa' rnams kyi ting nge 'dzin gyi rgyan ni/ drug po 'di dag ste/ drug gang zhe na/ 'di lta ste/ sangs rgyas rjes su dran
185a6 pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/
185a7 drug po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ bdun po 'di dag ste/ bdun gang zhe na/ 'di lta ste/ byang chub kyi sems
185b1 mi brjed pa'i byang chub kyi yan lag bdun sgom pa ste/ dran pa yang dag byang chub kyi yan lag dang / chos rab tu 'byed pa yang dag byang chub kyi yan lag dang / brtson
185b2 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang
185b3 dag byang chub kyi yan lag dang / btang snyoms yang dag byang chub kyi yan lag ste/ bdun po 'di dag go /rigs kyi bu/ byang chub sems dpa' rnams kyi ting nge 'dzin
185b4 gyi rgyan ni/ brgyad po 'di dag ste/ brgyad gang zhe na/ 'di lta ste/ 'phags pa'i lam yan lag brgyad pa sgom pa ste/ 'di ltar yang dag pa'i lta ba dang / yang dag
185b5 pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang /
185b6 yang dag pa'i ting nge 'dzin te/ brgyad po 'di dag go /rigs kyi bu/ byang chub sems dpa' rnams kyi ting nge 'dzin gyi rgyan ni/ dgu po 'di dag ste/ dgu gang zhe na/
185b7 rigs kyi bu/ 'di la byang chub sems dpa' brjed pa med pa'i sems kyis snying rje chen po'i gnas la gnas te/ sems can thams cad yongs su mi gtong bar gnas
186a1 nas 'dod pa dag las dpen pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/
186a2 dpen pa las skyes pa'i dga' ba dang / bde ba can bsam gtan dang po rdzogs par byas te gnas so/ /de rtog pa dang / dpyod pa dang bral zhing nang yongs su
186a3 dang ste/ sems kyi rgyud gcig tu gyur pas rtog pa med pa dpyod pa med pa'i ting nge 'dzin las skyes pa'i dga' ba dang / bde ba can bsam gtan gnyis pa rdzogs
186a4 par byas te gnas so/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la 'phags
186a5 pa rnams kyis gang de dran pa dang ldan pa/ bde ba la gnas pa btang snyoms pa'o/ /zhes brjod pa ste/ dga' ba med pa bsam gtan gsum pa rdzogs par byas
186a6 te gnas so/ /de bde ba'ang spangs te/ snga nas sdug bsngal ba'ang spangs shing yid bde ba dang / yid mi bde ba'ang nub pas bde ba'ang ma yin/ sdug bsngal ba'ang
186a7 ma yin pa/ btang snyoms dang dran pa yongs su dag pa bsam gtan bzhi ba rdzogs par byas te gnas so/ /de rnam pa thams cad du gzugs kyi 'du shes rnams
186b1 las yang dag par 'das te thogs pa'i 'du shes rnams nub par gyur cing / sna tshogs kyi 'du shes rnams yid la mi byed pas/ nam mkha' mtha' yas so/ /snyam nas
186b2 nam mkha' mtha' yas skye mtshed rdzogs par byas te gnas so/ /de rnam pa thams cad du nam mkha' mtha' yas skye mched las yang dag par 'das te rnam par shes
186b3 pa mtha' yas so/ /snyam nas rnam shes mtha' yas skye mched rdzogs par byas te gnas so/ /de rnam pa thams cad du rnam shes mtha' yas skye mched las yang
186b4 dag par 'das te ci'ang med do snyam nas ci'ang med pa'i skye mched rdzogs par byas te gnas so/ /de rnam pa thams cad du ci'ang med pa'i skye mched las yang dag par
186b5 'das nas 'du shes med 'du shes med min skye mched rdzogs par byas te gnas so/ /de rnam pa thams cad du 'du shes med 'du shes med min skye mched las yang dag
186b6 par 'das te 'du shes dang tshor ba 'gog pa'i snyoms par 'jug pa la snyoms par 'jug kyang thabs mkhas pas yang dag pa'i mtha' mngon sum du'ang mi byed la sngon gyi byin
186b7 gyi rlabs kyis yang dag par gnas/ sems can rnams kyang yongs su smin par byed pa ste/ ting nge 'dzin gyi rgyan ni/ dgu po 'di dag go /rigs kyi bu/ byang chub sems
187a1 dpa' rnams kyi ting nge 'dzin gyi rgyan ni/ bcu po 'di dag ste/ bcu gang zhe na/ 'di lta ste/ mi 'khrugs pas nges par sems pa dang /
187a2 zhi gnas yongs su rdzogs par byed pa dang / mngon par brtson pa mi 'dor ba dang / nang du yang dag 'jog sbed pa dang / dge ba'i rtsa ba rnams chud mi za ba dang /
187a3 sems dben pa dang / lus shin tu sbyangs pa dang / chos rnams la sems shing 'jal la so sor rtog pa dang / sems la dbang sgyur ba dang / 'phags pa'i rigs
187a4 thob pa ste/ rigs kyi bu/ byang chub sems dpa' rnams kyi ting nge 'dzin gyi rgyan ni/ bcu po 'di dag go /rigs kyi bu/ de la byang chub sems dpa' rnams kyi
187a5 shes rab kyi rgyan gang zhe na/ rigs kyi bu/ byang chub sems dpa' rnams kyi shes rab kyi rgyan ni/ gcig ste/ gcig gang zhe na/ 'di lta ste/ chos thams cad
187a6 la the tshom med pa ste/ 'di ni/ gcig go /rigs kyi bu/ byang chub sems dpa' rnams kyi shes rab kyi rgyan ni/ gnyis po 'di dag ste/ gnyis gang zhe na/ 'di lta ste/
187a7 'gyod pa dang bral ba dang / kun nas ldang ba dang bral ba ste/ gnyis po 'di dag go /rigs kyi bu/ byang chub sems dpa' rnams kyi shes rab kyi rgyan ni/ gsum po
187b1 'di dag ste/ gsum gang zhe na/ 'di lta ste/ gti mug spong ba dang / ma rig pa'i sgo nga'i sbubs nges par gcog pa dang / mun pa mun nag sel ba ste/ gsum po 'di dag
187b2 go /rigs kyi bu/ byang chub sems dpa' rnams kyi shes rab kyi rgyan ni/ bzhi po 'di dag ste/ bzhi gang zhe na/ 'di lta ste/ sdug bsngal yongs su shes par bya ba'i shes
187b3 pa dang / kun 'byung ba spang ba'i snang ba dang / 'gog pa mngon sum du bya ba'i mngon gsal dang / lam bsgom pa'i byin gyi rlabs te/ bzhi po 'di dag go /rigs kyi
187b4 bu| byang chub sems dpa' rnams kyi shes rab kyi rgyan ni/ lnga po 'di dag ste/ lnga gang zhe na/ 'di lta ste/ dmigs pa med pas tshul khrims kyi phung po yongs su dag pa
187b5 dang / shes rab mchog gis bsam gtan pa yin pas ting nge 'dzin gyi phung po yongs su dag pa dang / gnyis dang bral bas rnam par grol ba'i phung po yongs su dag pa
187b6 dang / dus gsum mnyam pa nyid pas rnam par grol ba'i ye shes mthong ba'i phung po yongs su dag pa dang / 'dod chags dang bral ba'i chos nyid pas chos kyi phung po yongs
187b7 su dag pa ste/ lnga po 'di dag go /rigs kyi bu/ byang chub sems dpa' rnams kyi shes rab kyi rgyan ni/ drug po 'di dag ste/ drug gang zhe na/ 'di lta ste/ 'khor gsum
188a1 yongs su dag pa'i sbyin pa'i pha rol tu phyin pa ni/ sgyu ma dang mnyam pa nyid pas bdag gi 'khor yongs su dag pa dang / rmi lam dang mnyam pa nyid
188a2 pas sems can gyi 'khor yongs su dag pa dang / rnam par smin pa la re ba med pas byang chub kyi 'khor yongs su dag pa'o/ /'khor gsum yongs su dag pa'i tshul
188a3 khrims kyi pha rol tu phyin pa ni/ gzugs brnyan lta bu'i phyir lus kyi 'khor yongs su dag pa dang / brag ca lta bu'i shes pas ngag gi 'khor yongs su dag pa dang /
188a4 sgyu ma dang mnyam pa nyid pas sems kyi 'khor yongs su dag pa'o/ /'khor gsum yongs su dag pa'i bzod pa'i pha rol tu phyin pa ni/ nyes par smras pa'i tshig rnams
188a5 la khong khro ba spong ba yongs su dag pa dang / bstod pa dang / bsngags pa dang / rjes su chags pa spong ba yongs su dag pa dang / yan lag dang nying lag gcod pa
188a6 dag la chos kyi sku la rab tu rtog pa yongs su dag pa'o/ /'khor gsum yongs su dag pa'i brtson 'grus kyi pha rol tu phyin pa ni/ 'khor ba rmi lam lta bur mos
188a7 pas yongs su mi skyo ba yongs su dag pa dang / rdo rje lta bu'i bsam pas bstan pa yongs su dag pa dang / mtshan ma thams cad las sgrol bas blang ba med pa
188b1 dang / dor ba med pa yongs su dag pa'o/ /'khor gsum yongs su dag pa'i bsam gtan gyi pha rol tu phyin pa ni/ 'gyur par shes pas de la ma chags pa yongs su dag
188b2 pa dang / mngon par zhen pa med pas lhag mthong yongs su dag pa dang / mngon par shes pa skyed pas dmigs pa yongs su dag pa'o/ /'khor gsum yongs su
188b3 dag pa'i thabs kyi pha rol tu phyin pa ni/ sems can yongs su smin par byed pas bsdu ba'i dngos po yongs su dag pa dang / dam pa'i chos yongs su 'dzin pas
188b4 gzungs yongs su dag pa dang / sangs rgyas kyi zhing gi rgyan gyi phyir smon lam yongs su dag pa ste/ drug po 'di dag go /rigs kyi bu/ byang chub sems dpa' rnams
188b5 kyi shes rab kyi rgyan ni/ bdun po 'di dag ste/ bdun gang zhe na/ 'di lta ste/ dran pa nye bar gzhag pa rnams la dran pa med cing yid la byed pa med pa dang / yang dag
188b6 par spong ba rnams la skye ba med pa dang 'gag pa med par shes pa dang / rdzu 'phrul gyi rkang pa rnams kyis lus dang sems dben pa dang / dbang po rnams la dbang po
188b7 yongs su shes pa dang / stobs rnams kyis bdud dang nyon mongs pa thams cad tshar gcod pa dang / byang chub kyi yan lag rnams kyis chos thams cad kyi ngo bo
189a1 nyid dang / lam rnams la 'ong ba med pa dang 'gro ba med par shes pa ste/ bdun po 'di dag go /rigs kyi bu/ byang chub sems dpa' rnams kyi
189a2 shes rab kyi rgyan ni/ brgyad po 'di dag ste/ brgyad gang zhe na/ 'di lta ste/ shin tu zhi ba'i phyir zhi gnas shes pa dang / rab rib dang bral ba'i phyir lhag mthong shes pa
189a3 dang / chos kyi phung po rjes su rtogs pa'i phyir phung po shes pa dang / nam mkha'i khams dang mnyam pa nyid kyi phyir khams shes pa dang / grong stong dang mnyam pa
189a4 nyid kyi phyir skye mched shes pa dang / bdag med pa'i phyir rten cing 'brel bar 'byung bar shes pa dang / mi 'khrugs pa'i phyir bden pa shes pa dang / yang dag pa ji lta ba
189a5 bzhin rab tu rtogs pas chos thams cad nges par rtogs pa shes pa ste/ brgyad po 'di dag go /rigs kyi bu/ byang chub sems dpa' rnams kyi shes rab kyi rgyan ni/ dgu
189a6 po 'di dag ste/ dgu gang zhe na/ 'di lta ste/ sngon gyi mtha' dag pas 'das pa shes pa dang / phyi ma'i mtha' dag pas ma 'ongs pa shes pa dang / bar gyi mtha' dag pas
189a7 da ltar byung ba shes pa dang / rgyu chud mi za bas nges pa rnams shes pa dang / rkyen nye bar sgrub pas ma nges pa rnams shes pa dang / yongs su smin par byed pas log pa
189b1 nyid du nges pa rnams shes pa dang / chos kyi skus rab tu phye ba'i phyir sangs rgyas thams cad mnyam pa nyid du shes pa dang / 'dod chags dang bral ba'i chos kyi phyir chos thams cad
189b2 mnyam pa nyid du shes pa dang / 'dus ma byas kyis rab tu phye ba'i phyir 'phags pa thams cad mnyam pa nyid du shes pa ste/ dgu po 'di dag go /rigs kyi bu/ byang chub
189b3 sems dpa' rnams kyi shes rab kyi rgyan ni/ bcu po 'di dag ste/ bcu gang zhe na/ 'di lta ste/ rnam par sgrub pa'i mtshan nyid kyi phyir sgyu ma lta bur shes pa dang / yongs su rtog
189b4 pa'i mtshan nyid kyi phyir rmi lam lta bur shes pa dang / rnam par 'khrul pa'i mtshan nyid kyi phyir smig rgyu lta bur shes pa dang / 'pho ba med pa'i mtshan nyid kyi phyir gzugs brnyan
189b5 lta bur shes pa dang / 'du 'phrod kyi mtshan nyid kyi phyir mig yor lta bur shes pa dang / rkyen gyi mtshan nyid kyi phyir brag ca lta bur shes pa dang / chos kyi dbyings 'dres pa med pa'i
189b6 mtshan nyid du shes pa dang / de bzhin nyid gnas med pa'i mtshan nyid du shes pa dang / yang dag pa'i mtha' mi 'khrugs pa'i mtshan nyid du shes pa dang / 'dus byas
189b7 dag 'dus ma byas kyi mtshan nyid du shes pa ste/ rigs kyi bu/ byang chub sems dpa' rnams kyi shes rab kyi rgyan ni/ bcu po 'di dag go /rigs kyi bu/ /de la byang
190a1 chub sems dpa' rnams kyi rgyan ni/ gang zhe na/ rigs kyi bu/ byang chub sems dpa' rnams kyi gzungs kyi rgyan ni/ gcig ste/ gcig gang
190a2 zhe na/ 'di lta ste/ dran pa brjed pa med pa ste/ 'di ni/ gcig go /rigs kyi bu/ byang chub sems dpa' rnams kyi gzungs kyi rgyan ni/ gnyis po 'di dag ste/
190a3 gnyis gang zhe na/ 'di lta ste/ kun tu 'dzin pa dang / 'dzin pa ste/ gnyis po 'di dag go /rigs kyi bu/ byang chub sems dpa' rnams kyi gzungs kyi rgyan ni/
190a4 gsum po 'di dag ste/ gsum gang zhe na/ 'di lta ste/ don la mkhas pa dang / tshig 'bru la mkhas pa dang / nges pa'i tshig la mkhas pa ste/ gsum po 'di
190a5 dag go /rigs kyi bu/ byang chub sems dpa' rnams kyi gzungs kyi rgyan ni/ bzhi po 'di dag ste/ bzhi gang zhe na/ 'di lta ste/ chags pa med pa'i tshig dang /
190a6 rtsub pa ma yin pa'i tshig dang / rab tu grol ba'i tshig dang / rdzun pa med pa'i tshig ste/ bzhi po 'di dag go /rigs kyi bu/ byang chub sems dpa' rnams kyi
190a7 gzungs kyi rgyan ni/ lnga po 'di dag ste/ lnga gang zhe na/ 'di lta ste/ thos pa thams cad kyi nang nas don la rton pa dang / yi ge'i tshogs thams cad kyi nang nas ye
190b1 shes la rton pa dang / mdo sde thams cad kyi nang nas nges pa'i don gyi mdo sde la rton pa dang / gang zag gi sgra thams cad las chos nyid la rton pa dang / 'jig rten
190b2 thams cad las 'jig rten las 'das pa la rton pa ste/ lnga po 'di dag go /rigs kyi bu/ byang chub sems dpa' rnams kyi gzungs kyi rgyan ni/ drug po 'di dag ste/
190b3 drug gang zhe na/ 'di lta ste/ ji skad smras pa de bzhin du byed pa dang / bden pa'i rjes su mthun pa'i tshig rab tu thob pa dang / nga rgyal med pas gzung bar 'os pa'i tshig
190b4 dang / g.yo med pas blang bar 'os pa'i tshig dang / snying rje chen po la sbyor bas 'bras bu yod pa'i chos ston pa dang / snod la mkhas pas phyed par chos ston pa dang /
190b5 'jig rten shes pas dus su chos ston pa ste/ drug po 'di dag go /rigs kyi bu/ byang chub sems dpa' rnams kyi gzungs kyi rgyan ni/ bdun po 'di dag ste/ bdun gang
190b6 zhe na| 'di lta ste/ mgyogs pa'i spobs pa dang / shugs can gyi spobs pa dang / myur ba'i spobs pa dang / chags pa med pa'i spobs pa dang / rgyun chad pa med
190b7 pa'i spobs pa dang / 'khrul pa med pa'i spobs pa dang / shin tu nges pa'i tshig gi spobs pa ste/ bdun po 'di dag go /rigs kyi bu/ byang chub sems dpa' rnams
191a1 kyi gzungs kyi rgyan ni/ brgyad po 'di dag ste/ brgyad gang zhe na/ 'di lta ste/ lha'i skad shes pa dang / klu'i skad shes pa dang / gnod
191a2 sbyin gyi skad shes pa dang / dri za'i skad shes pa dang / lha ma yin gyi skad shes pa dang / nam mkha' lding gi skad shes pa dang / mi 'am ci'i skad shes pa dang / lto
191a3 'phye chen po'i skad shes pa nas sems can thams cad kyi bar gyi skad shes pa ste/ brgyad po 'di dag go /rigs kyi bu/ byang chub sems dpa' rnams kyi gzungs
191a4 kyi rgyan ni/ dgu po 'di dag ste/ dgu gang zhe na/ 'di lta ste/ 'khor gyi nang du spa gong ba med pa dang / smra ba'i nang du zhum pa med pa dang / chos bshad pa'i
191a5 nang du 'jigs pa med pa dang / 'dri ba rnams la nges par 'byung ba shes pa dang / mngon pa'i nga rgyal can rnams la snrel zhi bstan pa shes pa dang / yang
191a6 dag par zhugs pa rnams la rjes su mthun pa bstan pa shes pa dang / khengs pa dag la lag na rdo rje ston pa dang / mngon par chags pa rnams la sreg pa'i
191a7 bskal pa ston pa dang / yongs su smin pa rnams la theg pa'i rim pa ji lta ba bzhin du ston pa ste/ dgu po 'di dag go /rigs kyi bu/ byang chub sems dpa'
191b1 rnams kyi gzungs kyi rgyan ni/ bcu po 'di dag ste/ bcu gang zhe na/ 'di lta ste/ dogs pa thams cad la the tshom med par ston pa shes pa dang / blo'i chos skye ba'i sgo
191b2 dang / shes rab kyi snang ba gzhan la lhag ma ma lus pa dang / yi ge bstan pa mi zad pa dang / don bstan pa rgyun chad pa med pa dang / sangs rgyas kyi bsngags pa
191b3 mtha' yas pa yang dag par rab tu brjod pa dang / kun nas nyon mongs pa'i skyon mu med par brjod pa dang / rnam par byang ba'i bsngags pa tshad med pa ston pa dang /
191b4 dbang po thams cad la gzhol bar 'jug pa chags pa med pa dang / sangs rgyas kyis gnang ba'i so so yang dag par rig pa la 'jug pa shes pa ste/ rigs kyi bu/ byang
191b5 chub sems dpa' rnams kyi gzungs kyi rgyan ni/ bcu po 'di dag go /de nas bcom ldan 'das kyis don de nyid rgya cher bstan pa'i phyir tshigs su bcad pa 'di dag
191b6 gsungs so/ /gang gis theg mchog dam pa 'di mdzes pa/ /blo gros chen po rnams kyi rgyan bzhi ste/ /tshul khrims ting 'dzin de bzhin shes rab mchog /shin tu rnam
191b7 des don dang de bzhin gzungs/ /de ni lus can kun gyi yid 'ong dga'/ /lus dang ngag rnams dang ni yid dag cing / /de yi rnam par ltung ba kun chad pa/ /'di ni tshul
192a1 khrims ldan pa'i rgyan yin no/ /lha mi rnams kyi nang du mkhas pa ste/ /de yi smon lam ji ltar 'dod bzhin 'grub/ /nan tan snying por
192a2 byed dang yang dag ldan/ /'di ni tshul khrims dag pa'i rgyan yin no/ /de yi ting 'dzin sgyu ma ma yin te/ /shes rab rnam grol de bzhin ye shes mthong / /de yi mya
192a3 ngan 'das pa sgyu ma min/ /'di ni tshul khrims rnam par dag pa'i rgyan/ /tshul khrims skyon med tshul khrims rnam par dag /tshul khrims sra sre ma yin 'dren ma
192a4 med| |de yi rang dga' de bzhin rang dbang yin/ /'di ni gang dag tshul khrims dag pa'i rgyan/ /tshul khrims kyis ni sbyin pa dag par 'gyur/ /bzod pa dag cing
192a5 de bzhin brtson 'grus dag /bsam gtan dag cing de bzhin shes rab dag /thabs dang de bzhin bag yod dag pa yin/ /g.yo ba med cing brtan la shin
192a6 tu gnas/ /sa mchog thob cing rnal 'byor rnam 'phro med/ /lhod pa spangs shing dgad sla gso yang sla/ /'di ni gang dag tshul khrims dag pa'i rgyan/ /brtson
192a7 'grus 'bar zhing tshul khrims bsngags pa ste/ /de yi sems ni nam yang gdung mi 'gyur/ /de la yid la chags par 'gyur med de/ /'di ni gang dag tshul
192b1 khrims dag pa'i rgyan/ /'jigs pa med cing mi skrag mi zhum ste/ /bsam pa nges shing zhi la yid rab zhi/ /'dir ni de yi bcings pa lhad par 'gyur/ /'di ni gang
192b2 dag tshul khrims dag pa'i rgyan/ /grags chen sems ni las su rung ba yin/ /de ni dul zhing de bzhin cang shes yid/ /'dir ni rang lus mtshan gyis brgyan byed
192b3 pa| |'di ni gang dag tshul khrims dag pa'i rgyan/ /de ni ji skad smras pa de bzhin byed/ /mkhas pa de ni dag gi rgyan thob ste/ /de ni nyon mongs med pas rtag sems
192b4 brgyan| |'di ni gang dag tshul khrims dge pa'i rgyan/ /khyad par 'phags pa'i zhing ni legs par brgyan/ /theg pa mchog la sems can yongs smin byed/ /gang
192b5 phyir sdig pa thams cad mi byed pas/ /rang gi skye ba legs par rgyan par byed/ /byang chub spyod pa rtag tu rgyan byed cing / /byang chub snying po dam pa rgyan par byed/ /
192b6 stobs dang mi 'jigs pa dag rgyan byed cing / /nga rgyal med pas shes pa legs par brgyan/ /de ni byams pas sems can kun khyab byed/ /mkhas pa rtag tu
192b7 drang dang mnyen pa yin/ /g.yo ni med cing sgyu med bcos pa med/ /gti mug 'dod sdang 'jigs pas 'gro ma yin/ /de ni sgrib pa lnga po rnam par sel/ /bag
193a1 yod gyur nas rjes su dran drug sgom/ /byang chub yan lag bdun dang lam sgom ste/ /mthar gyis dgu dang ting 'dzin bsam gtan
193a2 byed| |rnal 'byor pa ni zhig nas nges sems sbyor/ /de ni tshul bzhin dge ba chud mi gson/ /dben dang shin tu sbyangs dang so sor rtog /'phags pa'i rigs
193a3 la dbang ni sgyur ba yin/ /chos rnams la ni the tshom med par gyur/ /de la kun nas ldang dang 'gyod pa med/ /de la ma rig gti mug mun pa med/ /bden pa
193a4 snang ba yongs su shes pa shes/ /tshul khrims dag pa dmigs pa med pa ste/ /shes rab dam pa bsam gtan ting 'dzin dag /gnyis bsal nas ni rnam
193a5 par grol ba dag /lhag pa'i nga rgyal med cing shes pa dag /dus gsum dag la ye shes mthong mi chags/ /'dod chags bral ba'i shes pas chos kyang dag /
193a6 dag nas 'dir ni de la rlom sems med/ /'di ni gang dag shes rab ldan pa'i rgyan/ /shes rab kyis ni sbyin pa brgyan gyur te/ /rmi lam sgyu ma tshol ba med pa'i
193a7 phyir| |bdag dang byang chub de bzhin sems can rnams/ /'khor gsum po dag de dag rnam par sbyong / /shes rab kyis ni tshul khrims brgyan gyur te/ /gzugs
193b1 brnyan sgyu ma brag ca 'dra ba'i phyir/ /lus dang ngag rnams dang ni de bzhin sems/ /'khor gsum po dag de ni rnam par sbyong / /shes rab kyis ni bzod pa brgyan gyur
193b2 te| |mkhas dang mtho min dma' bar 'gyur min dang / /dam pa'i chos sku rtag tu rab rtog pa/ /'khor gsum po dag de ni rnam par sbyong / /shes rab kyis ni brtson
193b3 'grus brgyan gyur te/ /skyo ba med cing bsam pa brtan pa dang / /de ni blang ba med cing dor med pa/ /'khor gsum po dag de ni rnam par sbyong / /shes rab kyis ni
193b4 bsam gtan brgyan gyur te/ /de la ma chags gyur dang lhag mthong dang / /mkhas pa mngon par shes pa skyed pa dang / /'khor gsum po dag de ni rnam par sbyod/ /
193b5 shes rab kyis ni thabs kyang brgyan byed de/ /shin tu sdud dang gzungs dang yang dag smon/ /'khor gsum po dag de ni rnam sbyong zhing / /sems can chos dang de bzhin
193b6 zhing rnams sbyong / /dran pa nye bar gzhag la dran mi 'jug /yang dag spong pa rnams la gnyis med de/ /rdzu 'phrul gyis ni lus dang sems kyang dben/ /sems
193b7 can gyis ni dbang po kun mi shes/ /bdud dang nyon mongs rnams kyis zil mi non/ /chos kyi rang bzhin tshul bzhin rjes su rtogs/ /de bzhin lam la 'ong med 'gro
194a1 ba med| |'di ni gang dag shes rab ldan pa'i rgyan/ /de ni shin tu zhi bas zhi gnas shes/ /de yi lhag mthong spyod yul mtha' yas
194a2 te| |chos kyi phung po ci zhig phung po shes/ /khams ni nam mkha' mtshungs shing 'dra bar shes/ /des ni stong pa lta bur skye mched shes/ /rten pas bsags
194a3 pas chos rnams 'byung med de/ /don dam bden par 'khrugs pa med par shes/ /tshul bzhin gyis ni nges par rtogs par shes/ /dus gsum la ni chags
194a4 med ye shes 'jug /rnam par bzhag phyir phung po gsum yang shes/ /dkon mchog gsum ni mtshan nyid gcig tu shes/ /'di ni gang dag shes rab
194a5 ldan pa'i rgyan/ /rnam bsgrubs mtshan nyid sgyu ma lta bur shes/ /yongs brtags rtsa ba rmi lam ji bzhin no/ /rnam 'phrul mtshan nyid smig rgyu 'dra ba ste/ /'pho
194a6 med chos rnams gzugs brnyan mtshan nyid do/ /'du 'phrod byung ba mig yor lta bu ste/ /rkyen rnams kyis ni brag ca ji bzhin no/ /chos kyi dbyings ni rtag tu
194a7 ma 'dres shes/ /de bzhin nyid ni gnas med de rab shes/ /yang dag mtha' ni rtag tu mi g.yo chos/ /'dus ma byas dang 'dus byas gnyis su med/ /shes
194b1 rab zab cing blo ni rab yangs par/ /brgyan nas sangs rgyas chos rnams tshol bar byed/ /de ni nam yang dran pa brjed pa med/ /chos rnams kun tu 'dzin cing 'dzin par byed/ /
194b2 don dang tshig 'bru la ni rtag tu mkhas/ /nges tshig shes pa rtag par rtogs khong chud/ /chags med tshig dang rtsub pa ma yin dang / /rab tu grol ba'i tshig dang rdzun
194b3 med tshig /thos pa kun don rtag tu rtog pa dang / /mkhas pa de ni ye shes rton par byed/ /nges don mdo sde rtogs par rab tu shes/ /gang zag med pa'i chos nyid
194b4 rton byed cing / /'jig rten 'das pa'i chos nyid la yang rton/ /de ni gzungs kyis brgyan bar gyur pa yin/ /de yi tshig ni bden pa'i rjes su mthun/ /gzung bar 'os
194b5 dang dus su 'os pa yin/ /de yi chos bstan de ni 'bras bu yod/ /phyed pa dang ni dus su rgyun chags 'jug /de yi spobs pa mgyogs pa skye ba ste/ /shugs can dang
194b6 ni myur dang rtag mi chags/ /rgyun chad med dang 'khrul med nges pa'i tshig /legs par brgyus pa'i phreng bas legs brgyan bzhin/ /lha dang klu yi skad ni rab tu
194b7 shes| |gnod sbyin dag dang dri za lha min dang / /mkha' lding mi 'am ci dang lto 'phye che/ /sems can kun gyi skad kyang rab tu shes/ /'khor lhags shes nas pa gong
195a1 med pa ste/ /smra ba mthong nas zhum par gyur ba'ang med/ /'jigs pa med par chos kyi gtam yang rjod/ /'dri ba rnams la nges 'byung
195a2 rab tu shes/ /lhag pa'i nga rgyal can mthong snel zhi yi/ /gtam brjod rnal 'byor mthong nas rjes su mthun/ /nga rgyal can la lag na rdo rje ston/ /yul mngon
195a3 chags la sreg pa'i bskal pa ste/ /theg pa gsum gyi rim pa'i gtam yang brjod/ /dogs pa kun gyi tha tshom gcod pa ste/ /blo yi chos rnams mngon sum
195a4 'gyur ba yin/ /de yi shes rab nam yang gzhan mi ltos/ /yi ge thams cad rtag tu zad mi shes/ /don rnams nges pa dag la rgyun chags te/ /'di ni sangs
195a5 rgyas chos rnams mtha' yas brjod/ /de ni gzungs kyis brgyan par gyur pa yin/ /kun nas nyon mongs skyon ni mtha' yas shes/ /rnam pa byang ba'i phan
195a6 yon thug pa med/ /de bzhin sems can dbang po thams cad shes/ /sangs rgyas gnang ba'i so so rig pa thob/ /de ni gzungs kyis brgyan par gyur pa ste/ /
195a7 de yi yon tan 'di dang gzhan dag kyang / /bskal par rgyun chad med par rab brjod kyang / /yon tan mtha' ni rtogs par mi nus so/ /bam po
195b1 gsum pa/ bcom ldan 'das kyis gzhan yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu/ snang ba gang dag gis
195b2 snang bar gyur na byang chub sems dpa' mun pa mun nag dang bral shing byang chub sems dpa'i spyod pa yongs su dag pa spyod par 'gyur ba byang chub sems dpa' rnams
195b3 gyi snang ba ni/ brgyad po 'di dag go /brgyad gang zhe na/ 'di lta ste/ dran pa'i snang ba dang / blo gros kyi snang ba dang / rtogs pa'i snang ba dang / chos kyi snang ba
195b4 dang / shes pa'i snang ba dang / bden pa'i snang ba dang / mngon par shes pa'i snang ba dang / sgrub pa'i snang ba ste/ rigs kyi bu/ byang chub sems dpa'
195b5 rnams kyi snang ba ni/ brgyad po 'di dag go /rigs kyi bu/ de la byang chub sems dpa' rnams kyi dran pa'i snang ba gang zhe na/ rigs kyi bu/ byang chub sems
195b6 dpa' rnams kyi dran pa'i snang ba ni/ brgyad po 'di dag ste/ brgyad gang zhe na/ 'di lta ste/ sngon byas pa'i dge ba'i rtsa ba chud mi gzon pa dang / dge ba'i rtsa
195b7 ba ma byas pa gsog pa dang / thos pa'i chos rnams mi brjed pa dang / don rnam par nges pa rjes su thob pa dang / yul drug gis mi 'phrog pa dang / mi dge ba'i
196a1 chos spang zhing dge ba'i chos yongs su rdzogs par bya ba'i phyir dran pa rgya chen po phun sum tshogs par gyur pa dang / de dran pa phun
196a2 sum tshogs par rig nas sangs rgyas bcom ldan 'das rnams kyis chos kyi grong khyer srung bar 'jog pa dang / dran pa sngon du 'gro bas chos thams cad la
196a3 snang ba thob pa yin te/ rigs kyi bu/ byang chub sems dpa' rnams kyi dran pa'i snang ba ni/ brgyad po 'di dag go /rigs kyi bu/ byang chub sems dpa'
196a4 rnams kyi blo gros kyi snang ba ni/ brgyad po 'di dag ste/ brgyad gang zhe na/ 'di lta ste/ don gyi blo gros yin gyi tshig 'bru'i blo gros ma yin pa dang / ye shes
196a5 kyi blo gros yin gyi rnam par shes pa'i blo gros ma yin pa dang / chos kyi blo gros yin gyi nyon mongs pa'i blo gros ma yin pa dang / rigs pa'i blo gros yin
196a6 gyi 'gal ba'i blo gros ma yin pa dang / byang chub kyi sems kyi blo gros yin gyi nyan thos dang rang sangs rgyas kyi blo gros ma yin pa dang / rlabs po che'i blo gros
196a7 yin gyi dman pa'i blo gros ma yin pa dang / sangs rgyas kyi blo gros yin gyi bdud kyi blo gros ma yin pa dang / snying rje chen po'i blo gros yin gyi sems can
196b1 la rnam par 'tshe ba'i blo gros ma yin pa ste/ rigs kyi bu/ byang chub sems dpa' rnams kyi blo gros kyi snang ba ni/ brgyad po 'di dag go /rigs kyi bu/ byang chub sems
196b2 dpa' rnams kyi rtogs pa'i snang ba ni/ brgyad po 'di dag ste/ brgyad gang zhe na/ 'di lta ste/ chos thams cad rtogs par khong du chud par 'gyur ba dang / dgongs
196b3 te bstan pa rnams rtogs par khong du chud par 'gyur ba dang / sems can gyi bsam pa rnams rtogs par khong du chud par 'gyur ba dang / so so yang dag par
196b4 rig pa'i shes pa rnams rtogs par khong du chud par 'gyur ba dang / rten cing 'brel par 'byung ba zab mo rtogs par khong du chud par 'gyur ba dang / snel zhi'i
196b5 rgyud bstan pa rtogs par khong du chud par 'gyur ba dang / spyi'i tshugs kyi rgyud bstan pa rtogs par khong du chud par 'gyur ba dang / sangs rgyas kyi chos thams
196b6 cad rtogs par khong du chud par 'gyur ba ste/ rigs kyi bu/ byang chub sems dpa' rnams kyi rtogs pa'i snang ba ni/ brgyad po 'di dag go /rigs kyi bu/ byang chub
196b7 sems dpa' rnams kyi chos kyi snang ba ni/ brgyad po 'di dag ste/ brgyad gang zhe na/ 'di lta ste/ sems can rnams la las kyi bya ba la 'jug pa ston pas 'jig
197a1 rtan pa'i chos kyi snang ba dang / thar pa 'dod pa rnams la shes rab kyis ston pas 'jig rten las 'das pa'i chos kyi snang ba dang /
197a2 lam shin tu bsgoms pa'i phyir sgrib pa med pa'i chos kyi snang ba dang / 'dod pa dang / srid pa dang / ma rig pa dang / lta ba'i zag pa mi slong ba'i phyir zag
197a3 pa med pa'i chos kyi snang ba dang / 'phags pa rnams kyi nges par gyur pa mngon sum du byed pa'i phyir 'dus ma byas pa'i chos kyi snang ba dang / glo bur gyi nyon
197a4 mongs pa la shin tu rtogs pa'i phyir kun nas nyon mongs pa'i chos kyi snang ba dang / sems rang bzhin gyis 'od gsal ba'i phyir rnam par byang ba'i
197a5 chos kyi snang ba dang / chos rnams shin tu nye bar zhi ba'i phyir mya ngan las 'das pa'i chos kyi snang ba ste/ rigs kyi bu/ byang chub sems dpa' rnams
197a6 kyi chos kyi snang ba ni/ brgyad po 'di dag go /rigs kyi bu/ byang chub sems dpa' rnams kyi shes pa'i snang ba ni/ brgyad po 'di dag ste/ brgyad
197a7 gang zhe na/ 'di lta ste/ brgyad pa'i shes pa'i snang ba dang / rgyun du zhugs pa'i shes pa'i snang ba dang / lan gcig phyir 'ong ba'i shes pa'i snang ba
197b1 dang / phyir mi 'ong ba'i shes pa'i snang ba dang / dgra bcom pa'i shes pa'i snang ba dang / rang sangs rgyas kyi shes pa'i snang ba dang / byang chub sems dpa'i shes
197b2 pa'i snang ba dang / yang dag par rdzogs pa'i sangs rgyas kyi mkhyen pa'i snang ba ste/ rigs kyi bu/ byang chub sems dpa' rnams kyi shes pa'i snang ba ni/ brgyad po
197b3 'di dag go /rigs kyi bu/ byang chub sems dpa' rnams kyi bden pa'i snang ba ni/ brgyad po 'di dag ste/ brgyad gang zhe na/ 'di lta ste/ bden pa sgom pa gang
197b4 gis nges par gyur pa la 'jug pa de la de'i snang ba dang / bden pa sgom pa gang gis 'bras bu dang po thob par 'gyur ba de la de'i snang ba dang / bden pa sgom pa
197b5 gang gis 'bras bu gnyis pa thob par 'gyur ba de la de'i snang ba dang / bden pa sgom pa gang gis 'bras bu gsum pa thob par 'gyur ba de la de'i snang ba dang /
197b6 bden pa sgom pa gang gis 'bras bu bzhi pa thob par 'gyur ba de la de'i snang ba dang / bden pa sgom pa gang gis rang sangs rgyas nyid thob par 'gyur ba de la de'i
197b7 snang ba dang / bden pa sgom pa gang gis byang chub sems dpa'i bzod pa rab tu thob par 'gyur ba de la de'i snang ba dang / bden pa sgom pa gang gis sangs rgyas
198a1 kyi byang chub mngon par rdzogs pa 'tshang rgya bar 'gyur ba de la de'i snang ba ste/ rigs kyi bu/ byang chub sems dpa' rnams kyi bden
198a2 pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi mngon par shes pa'i snang ba ni/ brgyad po 'di dag ste/ brgyad gang
198a3 zhe na| 'di lta ste/ lha'i mig gis gzugs thams cad yang dag par mthong ba'i phyir gsal ba'i snang ba dang / lha'i rna bas sgra thams cad thos pa'i phyir
198a4 nges par rtog pa'i snang ba dang / sngon gyi gnas bskal ba grangs med pa rjes su dran pa'i phyir rjes su dran pa'i snang ba dang / sems can thams cad kyi sems
198a5 la lta ba'i phyir rang bzhin gyis 'od gsal ba'i snang ba dang / sangs rgyas kyi zhing mtha' yas par rdzu 'phrul gyis 'gro ba'i phyir nam mkha' sgrib pa med pa'i
198a6 snang ba dang / zag pa med pa'i shes pa yongs su rdzogs par byed pa'i phyir shes pa'i snang ba dang / sems can thams cad nye bar 'tsho ba'i phyir bsod nams kyi
198a7 tshogs kyi snang ba dang / sems can thams cad kyi dogs pa gcod pa'i phyir ye shes kyi tshogs kyi snang ba ste/ rigs kyi bu/ byang chub sems dpa' rnams kyi
198b1 mngon par shes pa'i snang ba ni/ brgyad po 'di dag go /rigs kyi bu/ byang chub sems dpa' rnams kyi sgrub pa'i snang ba ni/ dgu po 'di dag ste/ dgu gang zhe
198b2 na| 'di lta ste/ sgrub pas ye shes kyi snang ba dang / sgrub pas shes rab kyi snang ba dang / sgrub pas blo'i snang ba dang / sgrub pas yang dag pa'i lta ba'i snang ba dang /
198b3 sgrub pas zhi gnas kyi snang ba dang / sgrub pas lhag mthong gi snang ba dang / sgrub pas sems can gyi bsam pa'i snang ba dang / sgrub pas 'khrugs pa med par
198b4 sems rnam par grol ba'i snang ba dang / sgrub pas shin tu mthar thug pa'i snang ba snang ba ste/ rigs kyi bu/ byang chub sems dpa' rnams kyi sgrub pa'i snang ba
198b5 ni| dgu po 'di dag go /de nas bcom ldan 'das kyis de'i tshe tshigs su bcad pa 'di dag gsungs so/ /dran pa de dang yang dag 'dres pa ni/ /sngon chad las
198b6 dge bsags pa chud mi gzon/ /phra bar bsngo ba phun sum tshogs pa ste/ /phyi phyir zhing ni yang dag sgrub par byed/ /thos pa'i chos rnams la ni brjed pa med/ /rnam
198b7 par nges pa myur du thob par 'gyur/ /nye bar zhi bas yul rnams las ni sbas/ /dran dang ldan pa mi dge rnams dang bral/ /dran pa rgya bo che ni shin tu bsags/ /bya
199a1 ba bya ba dag ni rnam par 'byed/ /dran pa dag dang ldan par rig nas ni/ /rgyal ba rang byung dag gi byin gyis rlob/ /dam pa'i chos
199a2 kyi grong khyer skyong byed pa/ /de ni 'gro ba rnams la chos ston nus/ /shes rab ldan pa mun pa rnam bral te/ /lha dang mi rnams kyi ni don kyang byed/ /blo gros bzang
199a3 ldan snang ba thob gyur nas/ /dogs pa dang ni the tshom rnams kyang gcod/ /dran dang ldan pa rang byung ye shes kyis/ /byang chub myur du rjes su rtogs par byed/ /
199a4 de ni don gyi blo gros can yin gyi/ /tshig 'bru'i rjes su mi rgyug sgra la'ang min/ /sems can dag pa ye shes blo gros can/ /rnam par shes pa'i blo gros 'dod
199a5 ma yin| |chos kyi blo gros ldan par gyur pa de/ /nyon mongs blo gros sel cing gti mug bral/ /shes rab dang ni thabs kyi tshul shes pa/ /de ni rgyal ba'i byang
199a6 chub 'gal mi byed/ /de ni sangs rgyas 'gyur ba'i blo gros ldan/ /nyan thos 'gyur min rang rgyal 'gyur ma yin/ /rtag tu rlabs chen blo gros can yin gyi/ /
199a7 de ni blo gros chung du 'dod ma yin/ /sangs rgyas blo gros rtag tu ldan yin gyi/ /bdud kyi blo gros su ni 'gyur ma yin/ /blo gros ldan pa snying rje cher gzhol gyi/ /
199b1 sems can gang la'ang rnam par 'tshe ba min/ /chos 'ga' bstan pa gang yin de la ni/ /the tshom med cing rtogs par khong du chud/ /de ni dgongs te gsungs la
199b2 mkhas 'gyur zhing / /sems can spyod pa rnams la rtogs dang ldan/ /so so yang dag rig la rtogs ldan zhing / /de yi shes pa 'jug pa chags pa med/ /rkyen byung
199b3 byed pa po dang rnam bral bar/ /rten pa'i chos rnams dag ni rab tu shes/ /de ni snrel zhi'i rgyu la mkhas gyur cing / /spyi'u tshugs tshul ni rtogs par khong du chud/ /
199b4 sangs rgyas kyi ni chos rnams ji snyed pa/ /thams cad kyang ni rtogs par khong du chud/ /'jig rten pa yi chos kyi snang ba yis/ /lha mi rnams kyi las kyi bya ba shes/ /
199b5 'jig rten las ni 'das pa'i ye shes kyis/ /shes rab snang ba dang ni ldan pa yin/ /kha na ma thor bcas dang ma tho med/ /ye shes rab tu gsal ba chen po 'jug/
199b6 lam ni shin tu bsgoms par gyur pa'i phyir/ /rtag tu 'bras bu yod par chos ston to/ /zag par bcas dang zag pa med pa yi/ /chos la de yi snang ba rab tu 'jug/
199b7 de ni zag pa thams cad spong byed cing / /lha dang mi rnams kyi ni don kyang byed/ /'dus ma byas dang 'dus byas chos rnams la/ /de yi shes pa rtag tu rab tu 'jug /
200a1 de ni de yis dri bral rab rib med/ /skyon med thob nas spyad pa rnams kyang spyod/ /rnam par byang dang kun nas nyon mongs pa/ /de yi
200a2 shes pa sgrib pa med pa 'jug /rang bzhin gyis ni sems 'od gsal ba dang / /kun nas nyon mongs pa yi tshul yang shes/ /ji ltar mya ngan 'das par gyur
200a3 pa ni| |skye ba med cing 'byung ba med par shes/ /'di 'dra 'di ni theg pa chen po la/ /chos kyi snang ba mtha' yas gyur pa yin/ /de ni brgyad pa yi ni shes pa dang / /
200a4 rgyun du zhugs la shes pa 'jug pa dang / /lan gcig phyir 'ong ba yi shes pa dang / /phyir mi 'ong la shes pa 'jug pa dang / /de ni dgra bcom pa dang rang
200a5 rgyal dang / /'jig rten mgon po byang chub sems dpa' dag /kun la de yi shes dang sgrub pa rnams/ /lhag ma lus pa med par rab tu 'jug /gang gis
200a6 'bras bu thob par 'gyur ba dang / /'khrugs med don dam nges par 'byung 'gyur ba/ /de la rab bsgoms smra ba dpa' bo rnams/ /bden pa'i snang ba
200a7 dag dang ldan pa yin/ /bden pa dag ni sgom pa byas pas na/ /skyon med 'jug dang 'bras bu dang po thob/ /gnyis dang gsum dang de bzhin bzhi pa dang / /
200b1 rang rgyal rnams kyi 'bras bu thob par 'gyur/ /sgom pa gang gis su ni smra ba'i stag /de dag bzod pa dag ni thob 'gyur dang / /gang gis rgyal ba byang chub 'tshang
200b2 rgya ba| |bden pa de dag lnga ni snang bar 'gyur/ /lha yi mig gis su ni de yis kyang / /gzugs kyi rnam pa dag ni thams cad mthong / /lha yi rna ba nges par rtogs pa
200b3 yis| |phyogs bcu dag gi sgra rnams rtogs par 'gyur/ /sngon gyi gnas shes pa yi snang ba yis/ /bskal pa khrag khrig dag ni rjes su dran/ /'od gsal ba yi
200b4 shes pa'i snang ba yis/ /gzhan gyi sems kyi spyod pa rnams la mkhas/ /rdzu 'phrul kyi ni shes pa'i snang ba yis/ /phyogs bcu'i zhing ni khrag khrig rnams su 'gro/ /zag
200b5 pa med pa'i shes pa'i snang ba ni/ /nam mkha' dang ni mtshungs shing 'dra ba yin/ /bsod nams kyi ni snang ba mtha' yas pa'i/ /mngon shes thog ma 'gro ba nye bar
200b6 'gro/ /de yi shes pa chags pa med pa yis/ /'gro ba'i dogs pa dag ni gcod par byed/ /nan tan snying por byed pa'i rnal 'byor pa/ /dran dang blo gros rtogs
200b7 dang chos shes snang / /bden pa yi ni snang ba mtha' yas te/ /mngon par shes pa'i snang bar gyur pa yin/ /sgrub pas ye shes dang ni shes rab dang / /rgya chen blo dang
201a1 spobs pa mtha' yas dang / /yang dag lta ba dang ni lhag mthong dang / /shin tu 'khrugs pa med pa mthar thug gyur/ /snang ba shin
201a2 tu rnam par dag pa brgyad/ /'di dag mthu chen gang la yod pa ni/ /re zhig byang chub thob par ma gyur kyang / /de ni sangs rgyas mdzad pa byed par 'gyur/ /bcom ldan
201a3 'das kyis gzhan yang byang chub sems dpa' gzungs kyi dbang phyug gi rgyal po la bka' stsal pa/ /rigs kyi bu/ byang chub sems dpa' rnam pa bcu drug
201a4 gis sems can rnams la byang chub sems dpa'i snying rje chen po skye'o/ /bcu drug gang zhe na/ rigs kyi bu/ 'di la byang chub sems dpa' 'di snyam du kyi
201a5 ma sems can 'di dag ni/ 'jig tshogs la lta bas bcings pa/ lta ba sna tshogs dang 'dres pa dag ste/ lta ba thams cad spang pa'i phyir de dag la chos
201a6 bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ yod pa ma yin pa'i phyin
201a7 ci log tu gyur nas mi rtag pa la rtag par 'du shes/ sdug bsngal ba la bde bar 'du shes/ bdag med pa la bdag tu 'du shes/ mi sdug pa la sdug
201b1 par 'du shes pa dag ste/ phyin ci log thams cad spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen
201b2 po skye ba dang / kye ma sems can 'di dag ni/ ngar 'dzin pa dang / nga yir 'dzin pa la gnas pa/ dngos po med pa la dngos por 'du shes pa dag ste/ ngar
201b3 'dzin pa dang / nga yir 'dzin pa spang ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang /
201b4 kye ma sems can 'di dag ni/ sgrib pa lngas bsgribs te 'dod pa'i zug rdus zug pa/ khong khro ba mang ba/ rmugs pa dang gnyid la chags pa/ dam pa ma
201b5 yin pa la 'gyod pa kun nas langs pa/ zab mo'i chos la nges pa ma thob pa dag ste/ sgrib pa thams cad spang ba'i phyir de dag la chos bstan par bya'o snyam du
201b6 sems can rnams la byang chub sems dpa'i snying rje chen po skye ba dang / kye ma sems can 'di ni/ skye mched drug gis chags pas chags te/ mig gis gzugs
201b7 rnams mthong nas mtshan mar 'dzin cing mngon rtags su 'dzin pa yin/ rna bas sgra thos/ snas dri snams/ lces ro myangs/ lus kyis reg bya rnams la reg /yid
202a1 kyis chos rnams rnam par shes nas mtshan mar 'dzin cing mngon rtags su 'dzin pa dag yin te/ skye mched drug gis chags pa sdang
202a2 ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ nga rgyal
202a3 dang / lhag pa'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal dang / log
202a4 pa'i nga rgyal gyis bcom pas chung du dag pas bdag cag che'o snyam du bdag la rlom sems su byed pa/ /mtshungs pa dag pas ni/ bdag cag che'o snyam du bdag
202a5 la rlom sems su byed pa dang / ches che ba dag pas kyang bdag cag ches che'o snyam du bdag la rlom sems su byed pa/ gzugs la bdag tu khas len pa nas
202a6 rnam par shes pa'i bar la bdag tu khas len pa/ ma thob par bdag la thob pa snyam du shes pa/ bdag cag ni/ 'phags pa'o snyam du bdag la sems pa/
202a7 log pa'i lta ba la yang dag pa'i lta bar mos pa dag ste/ nga rgyal gyi rnam pa thams cad spang pa'i phyir de dag la chos bstan par bya'o snyam du sems can rnams la
202b1 byang chub sems dpa'i snying rje chen po skye ba dang / kye ma sems can 'di dag ni/ lam ngan par zhugs pa/ 'phags pa'i lam dang bral ba dang ste/ lam ngan pa spang
202b2 zhing 'phags pa'i lam thob par bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems
202b3 can 'di dag ni/ sred pa'i khol po chung ma dang / bu pho dang / bu mo la yongs su zhen pas spags pa/ rang dbang med pa/ bdag la mi dpon ba dag ste/ rang dbang yod
202b4 cing bdag la dbog par bya ba dang / gar dga' bar 'gro bar bya ba'i phyir de dag la chos bstan par bya'o snyam du sems can rnams la byang chub sems dpa'i snying
202b5 rje chen po skye ba dang / kye ma sems can 'di dag ni/ phan tshun mi 'phrod pa/ khro ba dang / zhe sdang dang / gnod sems mang ba dag ste/ khro ba dang / zhe sdang dang /
202b6 gnod sems spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di
202b7 dag ni| sdig pa'i grogs pos yongs su zin pa/ dge ba'i bshes gnyen dang bral ba/ sdig pa'i las byed pa dag ste/ dge ba'i bshes gnyen gyis yongs su
203a1 zin pa dang / sdig pa'i grogs po yongs su spang bar bya ba'i phyir de dag la chos bstan par bya'o snyam du sems can rnams la byang
203a2 chub sems dpa'i snying rje chen po skye ba dang / kye ma sems can 'di dag ni/ brkam pa/ chags pas zil gyis non pa/ chog mi shes shing 'phags pa'i shes
203a3 rab kyi gnas pa dang bral ba dang ste/ chags pa spangs pa dang / 'phags pa'i shes rab bskyed pa'i phyir de dag la chos bstan par bya'o snyam du sems can
203a4 rnams la byang chub sems dpa'i snying rje chen po skye ba dang / kye ma sems can 'di dag ni/ las kyi rnam par smin pa med par lta zhing rtag pa dang chad pa la gnas
203a5 pa dag ste/ rten cing 'brel bar 'byung ba zab mo dang / las dang / bya ba la gzud pa'i phyir de dag la chos bstan par bya'o snyam du sems can rnams la byang
203a6 chub sems dpa'i snying rje chen po skye ba dang / skye ma sems can 'di dag ni/ ma rig pa dang gti mug gis ldongs pa/ bdag dang / sems can dang / srog
203a7 dang / gso ba dang / skyes bu dang / gang zag la mngon par zhen pa dag ste/ 'phags pa'i shes rab kyi mig rnam par dag par bya ba dang / lta bar gyur pa
203b1 thams cad spang bar bya ba'i phyir de dag la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag
203b2 ni| 'khor ba la mngon par dga' ba/ phung po lnga'i gshed mas yongs su zin pa dag ste/ khams gsum thams cad las dbyung ba'i phyir de dag la chos bstan
203b3 par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ bdud kyi zhags pa'i bcing bas bcings
203b4 pa| g.yo ba dang | rlom sems la gnas pa dag ste/ bdud kyi zhags pas bcings pa thams cad las rnam par dgrol ba dang / g.yo dang / rlom sems spang
203b5 ba'i phyir de dge la chos bstan par bya'o snyam du sems can rnams la byang chub sems dpa'i snying rje chen po skye ba dang / kye ma sems can 'di dag ni/ mya ngan las
203b6 'da' ba'i sgo bcad cing ngan 'gro'i sgo phye ba dag ste/ mya ngan las 'da' ba'i sgo dbye ba dang / ngan 'gro'i sgo gcad pa'i phyir de dag la chos bstan par bya'o snyam
203b7 snyam du sems can rnams la byang chub sems dpa'i snying rje chen po skye ba ste/ rigs kyi bu/ rnam pa bcu drug po de dag gis sems can rnams la byang chub sems
204a1 dpa'i snying rje chen po skye'o/ /rigs kyi bu/ 'di dag ni/ byang chub sems dpa' rnams kyi las ma 'dres pa sum cu rtsa gnyis te/ de
204a2 dag la brtson na/ byang chub sems dpa' rnams legs par byed pa'i las byed pa rnams yin no/ /sum cu rtsa gnyis gang zhe na/ 'di lta ste/ sems can dag
204a3 gti mug gi gnyid kyis log pa dang / bdag shes rab kyis sad par mthong nas shes rab kyis sems can rnams sad par byed pa 'di ni/ byang chub sems
204a4 dpa'i las ma 'dres pa dang po'o/ /sems can dag chung du la mos pa dang / bdag rgya chen po la mos par mthong nas theg pa chen po la sems can rnams yang
204a5 dag par 'dzin du 'jug pa dang / sems can dag chos ma yin pa 'dod pa dang / bdag chos la gnas par mthong nas sems can rnams chos 'dod pa
204a6 la rab tu 'god pa dang / sems can dag 'tsho ba yongs su ma dag pa dang / bdag 'tsho ba yongs su dag par mthong nas sems can rnams 'tsho ba yongs
204a7 su dag par sbyor ba dang / sems can dag lta bar gyur par bying ba dang / bdag yang dag pa'i lta bar zhugs par mthong nas sems can rnams 'phags
204b1 pa'i yang dag pa'i lta ba la rab tu 'god pa dang / sems can dag ma rig par gyur cing tshul bzhin ma yin pa yid la byed pa ba shags par mthong zhing bdag rig
204b2 pa'i rjes su mthun pa'i tshul bzhin yid la byed pa la gnas par rig nas sems can rnams rig pa'i rjes su mthun pa'i tshul bzhin yid la byed pa la rab tu 'god
204b3 pa dang / sems can dag log pa'i chos la gnas pa dang / bdag yang dag pa'i chos la zhugs par mthong nas yang dag pa'i chos bsgrub par bya ba'i phyir sems
204b4 can rnams la chos ston pa dang / sems can dag ser sna can du gyur te kun tu 'dzin pa'i sems dang ldan pa dang / bdag bdog pa thams cad yongs su gtong bar
204b5 mthong nas sems can rnams bdag pa thams cad yongs su gtong ba la sbyor ba dang / sems can dag ngang tshul ngan pa can du gyur te sdom pa la mi gnas pa dang /
204b6 bdag tshul khrims yongs su dag par gnas nas sems can rnams tshul khrims kyi sdom pa la rab tu 'god pa dang / sems can dag gnod sems mang zhing khro
204b7 ba shas che ba dang / bdag bzod pa'i stobs dang / byams pa la gnas par mthong nas sems can rnams bzod pa'i stobs dang / byams pa la gnas pa
205a1 yang dag par 'dzin du 'jug pa dang / sems can dag le lo can du gyur te brtson 'grus chug nab dang / bdag le lo med cing brtson
205a2 'grus brtsams par mthong nas sems can rnams brtson 'grus rtsom pa la sbyor ba dang / sems can dag sems g.yengs shing dran pa nyams pa dang / bdag
205a3 mnyam par bzhag ste bsam gtan la bsam gtan byed par mthong nas sems can rnams sems mi g.yeng pa dang / dran pa dang / shes bzhin la rab tu
205a4 'god pa dang / sems can dag shes rab 'chal bar gyur te dman zhing gti mug dang ldan pa dang / bdag shes rab dang ldan zhing gti mug dang bral bar
205a5 mthong nas sems can rnams shes rab chen po dang / gti mgu dang bral ba yang dag par shin tu 'jug pa dang / sems can dag rigs pa ma yin par lhung zhing
205a6 yang ba'i byed pa brtsams pa dang / bdag thabs mkhas pa dang ldan zhing yang dag pa'i las brtsams par mthong nas sems can rnams thabs mkhas pa dang /
205a7 yang dag pa'i las rtsom pa yang dag par 'dzin du 'jug pa dang / sems can dag nyon mongs pas bcom zhing kun tu rtog pa dang / rnam par rtog pa dang /
205b1 yongs su rtog pa'i spyod yul par gyur pa dang / bdag nyon mos pa thams cad las log par mthong nas sems can rnams nyon mongs pa thams cad spong ba la rab
205b2 tu 'god pa dang / sems can dag 'jig tshogs la lta ba'i bcing pas bcings shing dmigs pa la rab tu gnas pa dang / bdag 'jig tshogs la lta ba yongs su
205b3 mos pa dang ldan zhing dmigs pas bcings pa las yongs su grol bar mthong nas sems can rnams 'jig tshogs la lta ba yongs su shes pa dang / dmigs
205b4 pa dang bral pa la sbyor ba dang / sems can dag ma dul zhing ma sbas te byang ba ma yin pa dang / bdag dul zhing sbas te byang bar mthong nas sems can rnams
205b5 dul ba dang / spas pa dang / byang ba la rab tu 'god pa dang / sems can dag byas pa mi gzo zhing byas pa mi shes te dge ba'i rtsa ba 'joms pa dang / bdag
205b6 byas pa gzo zhing byas pa shes te dge ba'i rtsa ba srung bar gnas par mthong nas sems can rnams byas pa gzo ba dang / byas pa shes pa dang / dge ba'i rtsa ba
205b7 chud mi gzon pa la rab tu 'god pa dang / sems can dag chu bor lhung zhing sdig pa 'dod pa'i dbang du song ba dang / bdag chu bo thams cad las yang dag
206a1 par 'das par mthong nas sems can rnams chu bo thams cad las yang dag par 'da' ba la spyor ba dang / sems can dag bka'
206a2 blo mi bde zhing mthun par 'dzin pa ma yin pa dang / bdag bka' blo bde zhing mthun par 'dzin par mthong nas sems can rnams la bka' blo bde zhing mthun par
206a3 'dzin pa yang dag par 'dzin du 'jug pa dang / sems can dag phongs pa mang zhing dam pa ma yin pa la yongs su zhen pa dang / bdag ma phongs pa mang zhing dge
206a4 ba bdud rtsi la gnas par mthong nas sems can rnams yongs su zhen pa dang bral zhing dge ba'i rtsa ba la gnas par sbyor ba dang / sems can dag dbul zhing
206a5 'phags pa'i nor dang bral ba dang / bdag 'phags pa'i nor dang ma bral zhing nor bdun dang ldan par mthong nas sems can rnams 'phags pa'i nor thob
206a6 par bya ba la rab tu 'god pa dang / sems can dag rtag tu na zhing khams rnam pa bzhi po'i sbrul gdug pas zin pa dang / bdag nad med cing bde la 'gyur
206a7 ba med par mthong nas sems can rnams nad thams cad spong ba yang dag par 'dzin du 'jug pa dang / sems can dag mi shes pa'i mun pas kun tu gtibs
206b1 shing ye shes kyi snang ba dang bral ba dang / bdag ye shes kyi snang ba thob par mthong nas sems can rnams ye shes kyi snang ba chen po la rab tu 'god pa dang / sems can
206b2 dag khams gsum la chags pas chags shing rgyud lnga'i 'gro ba'i 'khor ba'i 'khor lo'i rjes su 'jug pa mthong zhing / bdag khams gsum yongs su shes pa la
206b3 mkhas par shes nas sems can rnams khams gsum yongs su shes pa la mkhas pa yang dag par 'dzin du 'jug pa dang / sems can dag g.yon phyogs kyi
206b4 lam du zhugs shing g.yas phyogs kyi lam dang bral ba dang / bdag g.yos phyogs kyi lam la gnas par mthong nas sems can rnams g.yas phyogs kyi lam
206b5 la rab tu 'god pa dang / sems can dag lus dang srog la chags shing nyes pa ma mthong ba dang / bdag lus dang srog la mi lta zhing nyes pa mthong ba yin par
206b6 mthong nas sems can rnams lus dang srog la mi lta ba dang / nyes pa mthong ba la rab tu 'god pa dang / sems can dag sangs rgyas dang / chos dang / dge
206b7 'dun dang bral ba dang / bdag dkon mchog gsum gyi rigs rgyun mi gcod par gnas par mthong nas sems can rnams dkon mchog gsum gyi rigs rgyun mi
207a1 gcod pa la 'dzud pa dang / sems can rnams dam pa'i chos las nyams pa dang / bdag dam pa'i chos yongs su 'dzin par
207a2 gnas par mthong nas sems can rnams dam pa'i chos yongs su 'dzin pa la rab tu 'god pa dang / sems can dag ston pa rin po che dang ring du gnas shing /
207a3 rjes su dran pa drug dang bral ba dang / bdag rjes su dran pa drug ma btang bar mthong nas sems can rnams rjes su dran pa drug sgom pa la rab tu 'god pa dang /
207a4 sems can dag las dang nyon mongs pa'i sgrib pas bsgribs pa dang / bdag las dang nyon mongs pa dang bral bar mthong nas sems can rnams las dang
207a5 nyon mongs pa dang bral ba la rab tu 'god pa dang / sems can dag mi dge ba'i chos thams cad dang ldan zhing dge ba'i chos thams cad spangs pa dang / bdag
207a6 mi dge ba'i chos thams cad spangs shing dge ba'i chos thams cad dang ldan par mthong nas sems can rnams mi dge ba'i chos thams cad spong ba dang / dge
207a7 ba'i chos thams cad yongs su rdzogs par byed pa la rab tu 'god pa ste/ rigs kyi bu/ byang chub sems dpa'i las sum cu rtsa gnyis po 'di dag ni/ byang
207b1 chub sems dpa' rnams kyi yang dag phul yin te/ de dag la gnas nas byang chub sems dpa' rnams legs par byed pa'i las byed pa rnams yin no/ /rigs
207b2 kyi bu| yang byang chub sems dpa'i las ni/ tshad med do/ /de ci'i phyir zhe na/ rigs kyi bu/ sems can rnams kyi kun nas nyon mongs pa'i sgo ji snyed par byang
207b3 chub sems dpas rnam par byang ba'i sgo yang dag par bsgrub par bya ba'ang de snyed do/ /rigs kyi bu/ gal te gang dag gang+gA'i klung gi bye ma snyed kyi 'jig rten gyi
207b4 khams kyi sems can de dag thams cad nyan thos kyi theg pa'am/ rang sangs rgyas kyi theg pa la rab tu gnas par gyur kyang sems can de dag thams cad kyi las gang
207b5 yin pa de sems dang po bskyed pa'i byang chub sems dpa'i las kyi brgya'i char yang nye bar mi 'gro'o/ /stong gi cha dang / brgya stong gi cha dang / bye ba'i cha dang / bye ba brgya
207b6 phrag stong gi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ nyan thos dang / rang sangs rgyas dang ni/
207b7 rang gi rgyud kyi nyon mongs pa spong bar nye bar gnas pa yin gyi/ byang chub sems dpa' dag ni/ sems can thams cad kyi nyon mongs pa spong bar nye bar gnas pa
208a1 yin no| |rigs kyi bu/ de ltar na/ sems can thams cad kyi las gang yin pa dang / nyan thos dang / rang sangs rgyas thams cad
208a2 kyi las gang yin pa bas 'dir byang chub sems dpa'i las nyid mchog ces brjod do/ /de ci'i phyir zhe na/ byis pa so so'i skye bo rnams kyi las ni/ phyin ci log
208a3 dang ldan pa/ nyan thos dang / rang sangs rgyas thams cad kyi las ni/ nyi tshe ba dang ldan pa yin gyi/ byang chub sems dpa'i las ni/ phyin ci log med cing tshad
208a4 med pa'i rnam pa'i yon tan rtsom pa ste/ byang chub sems dpa' rgyu 'dis sems can thams cad dang / nyan thos dang / rang sangs rgyas thams cad zil gyis
208a5 non to| |de nas byang chub sems dpa' gzungs kyi dbang phyug gi rgyal po tshim zhing mgu la yid rang sa shing rab tu dga' ste/ dga' ba dang / yid bde ba skyes
208a6 nas bcom ldan 'das kyis gsungs pa la mngon par dga' ste rjes su yi rang nas yang bcom ldan 'das la 'di skad ces gsol to/ /bcom ldan
208a7 'das| ji tsam du de bzhin gshegs pas byang chub sems dpa'i rgyan dang / byang chub sems dpa'i snang pa dang / byang chub sems dpa'i snying rje chen po dang /
208b1 byang chub sems dpa'i las legs par gsungs pa de dag ni/ ngo mtshar to/ /bcom ldan 'das/ de bzhin gshegs pa dgra bcom pa yang dag par rdzogs
208b2 pa'i sangs rgyas kyis yang bshad du gsol/ bcom ldan 'das/ ji ltar sems can dag la sangs rgyas bcom ldan 'das rnams kyi thugs rje chen po/
208b3 'jug /de bzhin gshegs pa'i thugs rje chen po ni/ ji tsam/ rnam pa ni/ gang lags/ rtags ni/ gang lags/ mtshan ma ni/ gang lags/ gnas
208b4 ni| gang lags/ sangs rgyas bcom ldan 'das rnams 'phrin las ni/ ji ltar mdzad/ de bzhin gshegs pa'i 'phrin las ni/ ji tsam/ rnam pa ni/ gang
208b5 lags| rtags ni/ gang lags/ mtshan ma ni/ gang lags/ gnas ni/ gang lags pa de bcom ldan 'das thams cad mkhyen pa/ thams cad
208b6 gzigs pa/ de bzhin gshegs pa'i 'phrin las rnams mngon sum du gyur pas mngon sum du bdag cag la legs par yang dag par bshad du gsol/
208b7 de skad ces gsol pa dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /rigs kyi bu/
209a1 khyod de'i phyir legs par nyon la yid la zungs shig dang / de bzhin gshegs pa'i snying rje chen po dang / de bzhin gshegs
209a2 pa'i 'phrin las la 'jug pa tsam cung zad cig khyod la bshad par bya'o/ /rigs kyi bu/ sems can rnams la sangs rgyas bcom ldan 'das rnams kyi thugs
209a3 rje chen po ni/ skye ba'ang med/ 'jug pa'ang med do/ /zhes brjod par bya'o/ /de ci'i phyir zhe na/ sangs rgyas bcom ldan 'das rnams kyi thugs rje chen po ni/
209a4 rtag tu 'jug pa'i phyir ro/ /de ni/ bskal pa grangs med par yongs su sbyang ba byas pas yang dag par bskyed pa ste/ 'jug pa'ang med/ log pa'ang med
209a5 do| |sangs rgyas bcom ldan 'das rnams kyi thugs rje chen po ni/ ma btang ba/ sems can thams cad la gnas pa'o/ /de bzhin gshegs pa'i thugs rje chen
209a6 po de ni/ ji tsam du las yongs su thob par bya bar sla ba ma yin pa de tsam du tshad med/ de tsam du bsam gyis mi khyab ste/ de tsam du mi zad cing / de tsam du ring
209a7 du song ba'o/ /de ci'i phyir zhe na/ rigs kyi bu/ de bzhin gshegs pas ji ltar byang chub thob pa de ltar sems can rnams la thugs rje chen po 'jug go /byang
209b1 chub ji 'dra ba thugs rje chen po'ang de 'dra'o/ /de bzhin gshegs pas byang chub ji ltar thob ce na/ de bzhin gshegs pas rtsa ba med pa dang / gnas med par
209b2 byang chub thob bo/ /de la rtsa ba ni/ gang / gnas ni/ gang zhe na/ 'jig tshogs ni/ rtsa ba'o/ /yang dag pa ma yin pa kun rtog pa ni/ gnas so/ /de gnyis ni/ de
209b3 bzhin gshegs pas byang chub dang mnyam pa nyid kyis mnyam par yongs su shes te/ de'i phyir de bzhin gshegs pas rtsa ba med pa dang / gnas med par byang
209b4 chub mngon par rdzogs par sangs rgyas zhes bya'o/ /sems can 'di dag gis ni/ rtsa ba med pa dang / gnas med pa'i chos 'di dag khong du ma chud pas de dag
209b5 gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ rigs kyi bu/ byang chub ni/ zhi ba dang / nye bar zhi
209b6 ba'o| |de la zhi ba ni/ gang / nye bar zhi ba ni/ gang zhe na/ nang ni/ zhi ba'o/ /phyi ni/ nye bar zhi ba'o/ /de ci'i phyir zhe na/ mig ni/ bdag dang / bdag gis stong
209b7 ste| de ni/ de'i rang bzhin no/ rna ba dang / sna dang / lce dang / lus dang / yid ni/ bdag dang / bdag gis stong ste/ de ni/ de'i rang bzhin no/ /mig stong par
210a1 yongs su shes nas gzugs rnams la mi rgyug ste/ de'i phyir nye bar zhi ba zhes bya'o/ /rna ba stong par yongs su shes nas sgra rnams
210a2 la mi rgyug ste/ de'i phyir nye bar zhi ba zhes bya'o/ /sna stong par yongs su shes nas dri rnams la mi rgyug ste/ de'i phyir nye bar zhi ba zhes bya'o/ /lce stong par yongs su
210a3 shes nas ro rnams la mi rgyug ste/ de'i phyir nye bar zhi ba zhes bya'o/ /lus stong par yongs su shes nas reg bya rnams la mi rgyug ste/ de'i phyir nye bar zhi ba zhes
210a4 bya'o| |yid stong par yongs su shes nas chos rnams la mi rgyug ste/ de'i phyir nye bar zhi ba zhes bya'o/ /sems can 'di dag gis ni/ zhi ba dang / nye bar zhi ba khong
210a5 du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ sems rang bzhin
210a6 gyis 'od gsal ba'i phyir byang chub rang bzhin gyis 'od gsal ba'o/ /ci'i phyir rang bzhin 'od gsal ba zhes bya zhe na/ rang bzhin gang yin pa de ni/ kun nas
210a7 nyon mongs pa med pa/ nam mkha' dang mtshungs pa/ nam mkha'i rang bzhin/ nam mkha' dang mnyam par gzhol ba/ nam mkha' dang mnyam pas mnyam
210b1 pa ste| rang bzhin de ni/ shin tu 'od gsal ba nyid do/ /byis pa so so'i skye bo rnams kyis ni/ rang bzhin 'od gsal ba 'di khong du ma chud pas glo bur gyi nyon mongs
210b2 pa rnams kyis kun nas nyon mongs te/ rang bzhin 'od gsal ba de dag gis khong du chud par bya'o snyam du sems can rnams la de bzhin gshegs pa'i thugs rje
210b3 chen po 'jug go /rigs kyi bu/ byang chub ni/ blang ba med pa dang / dor ba med pa'o/ /de la blang ba med pa ni/ gang / dor ba med pa ni/ gang zhe na/ blang ba med
210b4 pa zhes bya ba ni/ chos thams cad mi 'dzin pa'o/ /dor ba med pa zhes bya ba ni/ chos thams cad mi 'dor ba'o/ /de la de bzhin gshegs pa blang ba med pa dang /
210b5 dor ba med par chu bor 'jug pa na/ ji ltar de bzhin nyid la pha rol med pa dang / pha rol med pa ma yin par yang dag par rjes su mthong ba de ltar rgal to/ /de ltar
210b6 de bzhin gshegs pas chos thams cad pha rol med pa dang / pha rol dang bral bar mngon par rdzogs par sangs rgyas te/ de'i phyir de bzhin gshegs pa zhes
210b7 bya'o| |byis pa so so'i skye bo dag gis ni/ blang ba med pa dang / dor ba med pa 'di khong du ma chud pas de dag gis khong du chud par bya'o snyam du sems can rnams
211a1 la de bzhin gshegs pa'i thugs rje chen po 'jug go /rigs kyi bu/ byang chub ni/ mtshan ma med pa dang / dmigs pa med pa'o/ /
211a2 de la mtshan ma med pa ni/ gang / dmigs pa med pa ni/ gang zhe na/ mig gi rnam par shes pa dmigs su med pa ni/ mtshan ma med pa'o/ /gzugs
211a3 yang dag par rjes su mi mthong ba ni/ dmigs pa med pa'o/ /rna ba'i rnam par shes pa dmigs su med pa ni/ mtshan ma med pa'o/ /sgra mnyan du med pa ni/
211a4 dmigs pa med pa'o/ /sna'i rnam par shes pa dmigs su med pa ni/ mtshan ma med pa'o// dri bsnam du med pa ni/ dmigs pa med pa'o/ /lce'i rnam par
211a5 shes pa dmigs su med pa ni/ mtshan ma med pa'o/ /ro myang du med pa ni/ dmigs pa med pa'o/ /lus kyi rnam par shes pa dmigs su med pa ni/ mtshan
211a6 ma med pa'o/ /reg bya reg par byar med pa ni/ dmigs pa med pa'o/ /yid kyi rnam par shes pa dmigs su med pa ni/ mtshan ma med pa'o/ /chos yang
211a7 dag par rjes su mi mthong ba ni/ dmigs pa med pa'o/ /de ltar na/ mtshan ma med pa dang / dmigs pa med pa ni/ 'phags pa rnams kyi spyod yul lo/ /
211b1 'phags pa rnams kyi spyod yul gang zhe na/ gang khams gsum pa'i spyod yul ma yin pa de ni/ 'phags pa rnams kyi spyod yul lo/ /de ltar na/ gang spyod yul
211b2 ma yin pa de ni/ 'phags pa rnams kyi spyod yul te/ 'phags pa'i spyod yul 'di byis pa so so'i skye bo rnams kyis khong du ma chud pas de dag gis khong du chud par
211b3 bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ 'das pa ma yin/ ma 'das pa ma yin/ da
211b4 ltar byung ba ma yin te/ dus gsum mnyam pa 'khor gsum yongs su chad pa'o/ /de la 'khor gsum yongs su chad pa gang zhe na/ gang 'das pa la sems mi 'jug
211b5 pa dang / ma 'ongs pa la rnam par shes pa mi rgyug pa dang / da ltar byung ba la yid la byed pa mi 'jug pa'o/ /de sems dang / yid dang / rnam par shes pa mi gnas pas
211b6 'das pa la rtog par mi byed/ ma 'ongs pa la mi sems/ da ltar byung ba spros par mi byed do/ /de ltar dus gsum mnyam pa nyid dang / 'khor gsum yongs su dag
211b7 pa 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go/ rigs kyi bu/
212a1 byang chub ni/ lus med cing 'dus ma byas pa'o/ /de la lus med pa ni/ gang mig gi rnam par shes pas rnam par
212a2 shes par bya ba ma yin/ rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin pa'o/ /'dus ma byas zhes bya ba
212a3 ni| gang la skye ba med pa dang / 'jig pa med pa dang / gnas med pa ste/ de ni/ mtshan nyid gsum dang bral ba'i 'dus ma byas zhes bya'o/ /'dus ma byas ji
212a4 lta bar 'dus byas kyang de bzhin du khong du chud par bya'o/ /de ci'i phyir zhe na/ chos thams cad kyi rang bzhin gang yin pa de ni/ med pa'o/ /med pa gang yin pa
212a5 de la ni| gnyis med do/ /lus med pa dang / 'dus ma byas 'di byis pa so so'i skye bo dag gis khong du ma chud pas de dag gis khong du chud par bya'o snyam du sems
212a6 can rnams la de bzhin gshegs pa'i thugs rje chen po 'jug go /rigs kyi bu/ byang chub ces bya ba de ni/ dbyer med pa dang / gnas so/ /de la gnas ni/
212a7 gang / dbyer med pa ni/ gang zhe na/ de bzhin nyid ni/ gnas so/ /gnas med pa ni/ dbyer med pa'o/ /chos kyi dbyings ni/ gnas so/ /tha dad pa ma yin pa
212b1 ni| dbyer med pa'o/ /yang dag pa'i mtha' ni/ gnas so/ /g.yo ba med pa ni/ dbyer med pa'o/ /stong pa nyid ni/ gnas so/ /dmigs su med pa ni/ dbyer med pa'o//
212b2 mtshan ma med pa ni/ gnas so/ /rnam par rtog pa med pa ni/ dbyer med pa'o/ /smon pa med pa ni/ gnas so/ /smon lam 'debs pa med pa ni/ dbyer med pa'o/ /sems
212b3 can med pa nyid ni/ gnas so// sems can ngo bo nyid med pa ni/ dbyer med pa'o/ /nam mkha' ni/ gnas so/ /dmigs su med pa ni/ dbyer med pa'o/ /skye ba
212b4 med pa ni/ gnas so/ /'gog pa med pa ni/ dbyer med pa'o/ /'dus ma byas ni/ gnas so/ /rgyu ba med pa ni/ dbyer med pa'o/ /byang chub ni/ gnas so/ /nye bar
212b5 zhi ba ni| dbyer med pa'o/ /mya ngan las 'das pa ni/ gnas so/ /mngon par grub pa med pa ni/ dbyer med pa'o/ /de ltar dbyer med pa dang / gnas 'di sems
212b6 can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/
212b7 byang chub ni/ lus kyis kyang mngon par rdzogs par 'tshang mi rgya/ sems kyis kyang ma yin no/ /de ci'i phyir zhe na/ lus ni/ bem po'o/ /sems ni/ sgyu ma lta bu'o/
213a1 gang lus dang sems 'di lta bur khong du chud pa de ni/ tha snyad btags nas byang chub ces bya'o/ byang chub ni/ lus sam/ sems
213a2 sam| chos sam/ chos ma yin pa'am/ yang dag pa'am/ yang dag pa ma yin pa'am/ bden pa'am/ rdzun pa gang gis kyang brjod par bya ba ma yin no/ /de
213a3 ci'i phyir zhe na/ byang chub ni/ chos thams cad kyis brjod par bya ba ma yin no/ /byang chub ni/ gang gis tshig tu tha snyad gdags par 'gyur ba'i dbyibs ci'ang
213a4 med de/ ji ltar nam mkha' dbyibs med cing brjod par bya ba ma yin pa de bzhin du byang chub kyang dbyibs med cing brjod par bya ba ma yin no/ /de ltar yang dag
213a5 pa ji lta ba bzhin du yongs su btsal na/ chos thams cad ni/ brjod par bya ba ma yin pa ste/ chos la tshig med do/ /tshig la'ang chos med do/ /chos kyi tshul
213a6 kyi rnam pa 'di sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen
213a7 po 'jug go /rigs kyi bu/ byang chub ni/ gzung du med pa dang / gzhi med pa'o/ /de la gzung du med pa ni/ gang / gzhi med pa ni/ gang zhe na/ mig yongs
213b1 su shes pa ni/ gzung du med pa'o/ /gzugs dmigs su med pa ni/ gzhi med pa'o/ /rna ba yongs su shes pa ni/ gzung du med pa'o/ /sgra dmigs su med pa ni/ gzhi
213b2 med pa'o/ /sna yongs su shes pa ni/ gzung du med pa'o/ /dri dmigs su med pa ni/ gzhi med pa'o/ /lce yongs su shes pa ni/ gzung du med pa'o/ /ro dmigs su
213b3 med pa ni/ gzhi med pa'o/ /lus yongs su shes pa ni/ gzung du med pa'o/ /reg bya dmigs su med pa ni/ /gzhi med pa'o/ /yid yongs su shes pa ni/ gzung du
213b4 med pa'o/ /chos dmigs su med pa ni/ gzhi med pa'o/ /de ltar de bzhin gshegs pas byang chub gzung du med pa dang / gzhi med par mngon par rdzogs par
213b5 sangs rgyas so/ /mngon par rdzogs par sangs rgyas nas kyang mig gzung du med/ gzugs gzhi ma yin/ rnam par shes pa gnas pa med do/ /rna ba gzung du med/
213b6 sgra gzhi ma yin/ rnam par shes pa gnas pa med do/ /sna gzung du med/ dri gzhi ma yin/ rnam par shes pa gnas pa med do/ /lce gzung du med/ ro gzhi ma yin/
213b7 rnam par shes pa gnas pa med do/ /lus gzung du med/ reg bya gzhi ma yin/ rnam par shes pa gnas pa med do/ /yid gzung du med/ chos gzhi ma yin/
214a1 rnam par shes pa gnas pa med do/ /de rnam par shes pa gnas pa med pas sems can thams cad kyi sems kyi gnas rnams rab tu shes
214a2 so| |sems can dag gi sems kyi gnas rnams gang zhe na/ sems can rnams kyi sems kyi gnas ni/ bzhi po 'di dag go /bzhi gang zhe na/ 'di lta ste/ gzugs
214a3 sems can rnams kyi sems kyi gnas dang / tshor ba dang / 'du shes dang / 'du byed dag sems can rnams kyi sems kyi gnas te/ sems kyi gnas de dag kyang
214a4 de bzhin gshegs pas gnas med par mkhyen to/ /gnas med pa'i mtha' 'di sems can rnams kyis khong du ma chud pas de dag gis khong du chud par bya'o snyam
214a5 du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ces bya ba 'di ni/ stong pa nyid kyi tshig bla dwags so/ /stong
214a6 pa nyid gang gis byang chub stong pa'i stong pa nyid des chos thams cad stong ngo / /stong pa nyid ji lta ba bzhin du chos de dag thams cad de bzhin gshegs pas mngon
214a7 par rdzogs par sangs rgyas te/ stong pa nyid kyis stong pa nyid mngon par rdzogs par sangs rgyas pa ma yin no/ /de ni/ 'di lta ste/ stong pa nyid dang / byang chub ces
214b1 bya ba tshul gcig par shes pa ste/ de la gnyis gang gis stong pa nyid dang / byang chub gnyis su dbye ba'i gnyis cung zad kyang med do/ /de ci'i phyir zhe na/ chos thams
214b2 cad ni| gnyis su med pa/ gnyis su dbyer med pa/ mtshan nyid med pa/ ming med pa/ mtshan ma med pa/ rgyu ba med pa/ rab tu rgyu ba med pa'o/ /kun tu 'byung ba
214b3 med pa'o/ /gang stong pa zhes bya ba de ni/ mngon par zhen pa med cing 'dzin pa med pa'i tshig bla dwags so/ /'di la don dam par gang stong pa zhes bya ba'i chos gang yang
214b4 dmigs su med kyang stong pa zhes kyang brjod do/ /ji ltar nam mkha' la nam mkha' zhes brjod kyang nam mkha' ni/ brjod par bya ba ma yin pa de bzhin du stong pa la
214b5 stong pa zhes brjod kyang stong pa ni/ brjod par bya ba ma yin no/ /'di lta ste/ ming med pa la ming du tha snyad 'dogs pa de ni/ chos thams cad la 'jug pa'o/ /ming de
214b6 yang yul na gnas pa ma yin/ phyogs na gnas pa ma yin no/ /ji ltar ming yul na gnas pa ma yin/ phyogs na gnas pa ma yin pa de bzhin du ming gang gis
214b7 chos gang brjod pa'i chos de'ang yul na gnas pa ma yin/ phyogs na gnas pa ma yin no/ /de ltar de bzhin gshegs pas chos de dag thams cad mkhyen te/ gzod
215a1 ma nas ma skyes pa dang / ma 'gag pa dang / mtshan nyid med pa dang / sems dang / yid dang / rnam par shes pa dang bral ba dang /
215a2 yi ge med pa dang / sgra med par shes so/ /ji ltar shes pa de bzhin du rnam par grol te/ bcings pa'ang med/ grol ba'ang med do/ /mnyam pa nyid 'di'ang byis
215a3 pa so so'i skye bo dag gis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go / rigs kyi bu/
215a4 byang chub ni/ nam mkha' dang mnyam ste/ nam mkha' ni/ mnyam pa'ang ma yin/ mi mnyam pa'ang ma yin no/ /byang chub kyang mnyam pa'ang ma
215a5 yin| mi mnyam pa'ang ma yin no/ /chos gang la yang dag par yongs su grub pa med pa de mnyam pa'am mi mnyam par brjod pa ma yin no/ /de ltar de bzhin
215a6 gshegs pas chos thams cad mnyam pa'ang ma yin/ mi mnyam pa'ang ma yin par mngon par rdzogs par sangs rgyas te/ ji ltar chos cung zad tsam yin
215a7 yang mnyam par yang mi byed/ mi mnyam par yang mi byed pa de ltar mngon par rdzogs par sangs rgyas so/ /chos 'di dag ji 'dra ba de 'dra bar yang dag pa'i
215b1 ye shes kyis mkhyen to/ /yang dag pa'i ye shes kyang gang zhe na/ 'di lta ste/ chos thams cad ni/ rtsa ba med pa/ ma skyes pa/ ma 'gag ste/ de dag ni/ ma
215b2 byung ba las 'byung ba/ byung nas kyang 'bral ba'o/ /de dag ni/ bdag po med par 'byung ba/ bdag po med par 'bral ba'o/ /de ltar 'byung ba dang / 'jig pa la
215b3 brten nas 'jug kyang 'di la 'jug pa gang yang med de/ lam gcad pa'i phyir de bzhin gshegs pa chos ston to/ /zhes kyang brjod do/ /lam chad pa de'ang
215b4 sems can rnams kyis khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go / rigs kyi bu/
215b5 byang chub ces bya ba de ni/ ji lta ba bzhin gyi gnas so/ /de la ji lta ba bzhin gyi gnas gang zhe na/ byang chub ji lta bar gzugs kyang de bzhin te/
215b6 de bzhin nyid las mi 'da'o/ /byang chub ji lta bar tshor ba dang / 'du shes dang / 'du byed rnams dang / rnam par shes pa'ang de bzhin te/ de bzhin nyid las
215b7 mi 'da'o/ /byang chub ji lta bar sa'i khams dang / chu'i khams dang / me'i khams dang / rlung gi khams kyang de bzhin te/ de bzhin nyid las mi 'da'o/ /byang
216a1 chub ji lta bar mig gi khams dang / gzugs kyi khams dang / mig gi rnam par shes pa'i khams kyang de bzhin te/ de bzhin nyid
216a2 las mi 'da'o/ /byang chub ji lta bar rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i
216a3 rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang /
216a4 lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin te/ de bzhin nyid las
216a5 mi 'da'o/ /chos su btags pa ni/ 'di dag tu zad de/ 'di ltar phung po dang / khams dang / skye mched du btags pa'o/ /de dag ni/ de bzhin gshegs pas
216a6 ji lta ba bzhin du mngon par rdzogs par sangs rgyas so/ /phyin ci ma log par mngon par rdzogs par sangs rgyas so/ /de dag ni/ sngon gyi ji lta bar phyis kyang
216a7 de bzhin/ bar du'ang de bzhin te/ sngon gyi mthar yang ma skyes/ phyi ma'i mthar yang mi 'pho/ /bar du'ang dben pa dag go /de ltar na/ 'di ni/ ji lta ba bzhin
216b1 gyi gnas yin no/ /gcig ji lta bar thams cad kyang de bzhin/ thams cad ji lta bar gcig kyang de bzhin te/ ji lta ba bzhin la ni/ gcig pa'am/ mang bar mi
216b2 dmigs so/ /ji lta ba bzhin gyi gnas 'di'ang byis pa so so'i skye bo rnams kyis khong du ma chud pas de dag gis khong du chud par bya'o snyam du sems can rnams la
216b3 de bzhin gshegs pa'i thugs rje chen po 'jug go /rigs kyi bu/ byang chub ni/ rnam pa la 'jug pas rnam pa med pa la zhugs pa'o/ /de la rnam pa ni/ gang /rnam
216b4 pa med pa ni/ gang zhe na/ rnam pa zhes bya ba ni/ dge ba'i chos thams cad rtsom pa'o/ /rnam pa med pa zhes bya ba ni/ chos thams cad mi dmigs pa'o/ /rnam pa
216b5 zhes bya ba ni/ gnas pa med pa'i sems kyi gnas so/ /rnam pa med pa zhes bya ba ni/ mtshan ma med pa'i ting nge 'dzin gyi rnam par thar pa'i sgo'o/ /rnam pa zhes bya
216b6 ba ni| chos rnams la sems pa dang / 'jal ba dang / bgrang ba dang / so sor rtog pa'o/ /rnam pa med pa zhes bya ba ni/ 'jal ba las shin tu 'das pa'o/ /'jal
216b7 ba las shin tu 'das pa gang zhe na/ gang la rnam par shes pa'i las med pa'o/ /rnam pa zhes bya ba ni/ 'dus byas la so sor rtog pa'o/ /rnam pa med pa zhes bya
217a1 pa ni| 'dus ma byas la mngon sum du byed pa'o/ /rnam pa dang / rnam pa med pa la 'jug pa 'di'ang byis pa so so'i skye po rnams kyis
217a2 khong du ma chud pas de dag gis khong du chud par bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub
217a3 ni| zag pa med pa dang / nye bar len pa med pa'o/ /de la zag pa med pa'o/ gang / nye bar len pa med pa ni/ gang zhe na/ zag pa med pa zhes bya ba ni/ zag
217a4 pa bzhi dang bral ba'i phyir te/ 'di lta ste/ 'dod pa'i zag pa dang bral ba dang / srid pa'i zag pa dang bral ba dang / ma rig pa'i zag pa dang bral ba dang / lta
217a5 ba'i zag pa dang bral ba'i phyir ro/ /nye bar len pa med pa zhes bya ba ni/ nye bar len pa bzhi dang bral ba'i phyir te/ 'di ltar 'dod pa'i nye bar len pa dang /
217a6 bral ba dang / lta ba'i nye bar len pa dang bral ba dang / bdag tu smra ba'i nye bar len pa dang bral ba dang / tshul khrims dang brtul zhugs mchog tu 'dzin
217a7 pa'i nye bar len pa dang bral ba'i phyir ro/ /de la nye bar len pa bzhi po 'di dag thams cad kyang ma rig pas mun par byas shing sred pas bsnyen te bdag go
217b1 snyam du mngon par zhen pas nye bar len pa dag go /de la de bzhin gshegs pas bdag nye bar len pa'i rtsa ba yongs su shes nas bdag rnams par dag pas sems can
217b2 rnam par dag par rtogs so/ /bdag rnam par dag pa gang yin pa dang / sems can thams cad rnam par dag pa gang yin pa de gnyis su med cing gnyis su dbyer
217b3 med do| |gnyis su med pa'i don gang yin pa de skye ba med do/ /skye ba dang 'gag pa med pas sems dang / yid dang / rnam par shes pa rnams mi 'jug go /gang
217b4 la sems dang / yid dang / rnam par shes pa mi 'jug pa de la yongs su rtog pa gang gis tshul bzhin ma yin pa yid la byed par 'gyur ba'i yongs su rtog pa
217b5 gang yang med do/ /der tshul bzhin yid la byed pa dang ldan pas ma rig pa kun nas mi slong ngo / /gang ma rig pa kun nas mi ldang ba de srid pa'i yan lag bcu
217b6 gnyis kun nas mi ldang ngo / /gang srid pa'i yan lag bcu gnyis kun nas ni ldang ba de mi skye ba'o/ /gang mi skye ba de nges par gyur pa'o/ /gang nges par gyur pa de
217b7 nges pa'i don to/ /nges pa'i don gang yin pa de don dam pa'o/ /don dam pa gang yin pa de gang zag med pa'i don to/ /gang zag med pa'i don gang yin pa de
218a1 brjod du med pa'i don to/ /brjod du med pa'i don gang yin pa de rten cing 'brel par 'byung ba'i don to/ /rten cing 'brel par 'byung ba'i
218a2 don gang yin pa de chos kyi don to/ /chos kyi don gang yin pa de de bzhin nyid kyi don to/ /de bzhin nyid kyi don gang yin pa de de bzhin gshegs pa'i don to/ /
218a3 des na sus rten cing 'brel par 'byung ba mthong ba des chos mthong ngo / /sus chos mthong ba des de bzhin gshegs pa mthong ngo / /zhes bya ste/ ji ltar de bzhin
218a4 nyid kyis yongs su btsal na ci'ang mi mthong ba de ltar mthong ngo / /de la ci'ang zhes bya ba gang zhe na/ 'di lta ste/ mtshan ma dang / dmigs pa'o/ /des gang gi
218a5 tshe sems med pa dang / dmigs pa med par mthong ba de'i tshe yang dag pa mthong ngo / /de ltar de bzhin gshegs pas chos de dag mnyam pa nyid kyis mnyam par
218a6 mngon par rdzogs par sangs rgyas so/ /zag pa med pa dang / nye bar len pa med pa 'di'ang sems can rnams kyis khong du ma chud pas de dag gis khong du chud par
218a7 bya'o snyam du sems can rnams la de bzhin gshegs pa'i thugs rje chen po 'jug go /rigs kyi bu/ byang chub ni/ dag pa dang / dri ma med pa dang / nyon mongs
218b1 pa med pa'o/ /de la dag pa ni/ gang / dri ma med pa ni/ gang / nyon mongs pa med pa ni/ gang zhe na/ stong pa nyid ni/ dag pa'o/ /mtshan ma med pa ni/ dri ma med pa'o/ /smon
218b2 pa med pa ni/ nyon mongs pa med pa'o/ /skye ba med pa ni/ dag pa'o/ /mngon par 'du byed pa med pa ni/ dri ma med pa'o/ /'byung ba med pa ni/ nyon mongs pa med pa'o/ /
218b3 rang bzhin ni/ dag pa'o/ /yongs su dag pa ni/ dri ma med pa'o/ /'od gsal ba ni/ nyon mongs pa med pa'o/ /spros pa med pa ni/ dag pa'o/ /ma spros pa ni/ dri ma med
218b4 pa'o| |spros pa nye bar zhi ba ni/ nyon mongs pa med pa'o/ /de bzhin nyid ni/ dag pa'o/ /chos kyi dbyings ni/ dri ma med pa'o/ /yang dag pa'i mtha' ni/ nyon mongs
218b5 pa med pa'o/ /skabs 'byed pa ni/ dag pa'o/ /nam mkha' ni/ dri ma med pa'o/ /nam mkha' ni/ nyon mongs pa med pa'o/ /nang yongs su shes pa ni/ dag pa'o/ /phyi
218b6 rol tu mi rgyu ba ni/ dri ma med pa'o/ /nad dang phyi mi dmigs pa ni/ nyon mongs pa med pa'o/ /phung po yongs su shes pa ni/ dag pa'o/ /khams kyi ngo bo nyid ni/ dri ma
218b7 med pa'o/ skye mched 'dor ba ni/ nyon mongs pa med pa'o/ /'das pa la zad par shes pa ni/ dag pa'o/ /ma 'ongs pa la mi skye bar shes pa ni/ dri ma med pa'o/ /de
219a1 ltar byung ba la chos kyi dbyings gnas par shes pa ni/ nyon mongs pa med pa'o/ /de ltar na/ dag pa dang / dri ma med pa dang / nyon
219a2 mongs pa med pa ni/ 'di lta ste/ zhi ba'i gnas kyi gnas gcig tu yang dag par 'du'o/ /zhi ba gang yin pa de rab tu zhi ba'o/ /rab tu zhi ba gang yin pa de nye bar
219a3 zhi ba'o| |nye bar zhi ba gang yin pa de nye bar zhi bar byed pas mtshan ma med pa zhes bya'o/ /mtshan ma med pa gang yin pa de nye bar zhi ba'o/ /nye bar zhi ba gang yin
219a4 pa de blo gros zhes bya'o/ /rigs kyi bu/ de ltar na/ nam mkha' ji lta bar byang chub kyang de bzhin no/ /byang chub ji lta bar chos thams cad kyang de bzhin no/ /chos
219a5 rnams ji lta bar sems can rnams kyang de bzhin no/ /sems can rnams ji lta bar zhing rnams kyang de bzhin no/ /zhing rnams ji lta bar mya ngan las 'das pa'ang de
219a6 bzhin no/ /des na/ chos thams cad ni/ mya ngan las 'das pa dang mnyam pa zhes bya ste/ mthar phyin cing mur thug pa'i phyir gnyen po med pa'o/ /gnyen po
219a7 med pa'i phyir chos thams cad ni/ gzod ma nas dag pa/ gzod ma nas dri ma med pa/ gzod ma nas nyon mongs pa med pa'o/ /de la de bzhin gshegs
219b1 pas de lta bu'i tshul dang mthun par chos thams cad mngon par rdzogs par sangs rgyas te ma dag pa dang / dri ma med pa ma yin pa dang / nyon mongs pa dang bcas
219b2 pa'i sems can gyi khams la rnam par gzigs nas sems can thams cad la rnam par rol pa zhes bya ba'i thugs rje chen po 'jug go /de bzhin gshegs pa ni/
219b3 thabs mkhas pas tshangs pa la gzhes te gsol ba ma btab par chos kyi 'khor lo mi bskor ro/ /de nas tshangs pa gtsug phud can tshangs pa brgya stong phrag brgyad kyis
219b4 yongs su bskor te mdun du bdar nas lhan cig tu tshangs pa'i 'jig rten nas mi snang bar gyur te de bzhin gshegs pa'i spyan sngar 'dug nas des de bzhin gshegs
219b5 pa'i zhabs gnyis la gtugs te chos kyi 'khor lo bskor ba'i slad du bcom ldan 'das kyis chos bshad du gsol/ /bde bar gshegs pas chos bshad du
219b6 gsol zhes de bzhin gshegs pa la gsol ba btab bo/ /de'i tshe tshangs pa gtsug phud can gyis de bzhin gshegs pa la tshigs su bcad pas kyang gsol to/ /khyod kyi
219b7 chos ni zhi zhing rab zhi la/ /dag cing rnam dag dri med 'od gsal te/ /brjod med sgra med yi ge med 'phags par/ /sangs rgyas ye shes kyis ni thugs su chud/ /yun
220a1 ring gnyid log gti mug rgyags pas bsgribs/ /nor pa'i sems can sad par mdzad don du/ /de skad khyod kyis bskal pa bye bar ni/ /
220a2 brtul zhugs dka' thub shin tu dka' ba spyad/ /gang dag sngon gyi rgyal ba'i rgyus lhags pa/ /de dag chos mchog 'di ni rtogs 'gyur te/ /'di na sems dge bsam
220a3 pa mang mchis kyi/ /de bzhin gshegs pas chos rab 'khor lo bskor/ /khyod kyis bdud 'khor shin tu tshar bcad de/ /khyod kyis bdud rtsi'i sgo ni rab tu phye/ /ded
220a4 dpon chen po lam log 'khyams pa yi/ /sems can dag ni 'phags pa'i lam du khrid/ /khyod kyi sangs rgyas thugs rje bla na med/ /'gro la phan par bsam
220a5 gyis mi khyab 'jug /ston pa khyod la bdag ni gsol 'debs kyi/ /chos mchog 'khor lo rab tu bskor du gsol/ /ji ltar rgyal ba 'khor ba 'jig gis
220a6 bskor/ /ji ltar gser thub rgyal bas bskor ba dang / /bde gshegs 'od srung gis kyang bskor ba ltar/ /bcom ldan 'das kyang chos kyi 'khor lo bskor/ /mi
220a7 ltar sprin gyi chu yis tshim ba gyis te/ /de yis lo thog sman rnams bskyed pa ltar/ /thugs rje'i sprin gyis 'jig rten khyab mdzad de/ /de bzhin gshegs pa khyod
220b1 kyis chos char phob/ /rnam par 'dren mchog gang zhig skyes ma thag /'gro ba thar par mdzad slad sgra phyung ba/ /de dus deng lags lha mi skom pa rnams/ /chos chen chu
220b2 yis skom pa bsal du gsol/ /rigs kyi bu/ de ltar de bzhin gshegs pas tshangs pa gtsug phud can gyis gsol ba btab par mkhyen nas nyid kyis thugs rje
220b3 chen po ma btang bas grong khyer wA ra NA si drang srong lhung ba ri dwags kyi nags su dge sbyong dang / bram ze'am/ lha'am/ bdud dam/ tshangs pa'am/ gang gis kyang
220b4 'jig rten du chos dang mthun par ma bskor ba'i chos kyi 'khor lo bla na med pa bskor te/ der mi rtag pa'i sgras stong gsum gyi stong chen po'i 'jig rten gyi khams go
220b5 bar byas so/ /kau N+Di n+yas kyang thog mar chos kun tu shes so/ /de nas de'i tshe ched du brjod pa 'di ched du brjod do/ /brjod du med cing zab pa ste/ /yi ge med cing nges
220b6 pa'i don/ /kau N+Di n+yas ni 'di shes pas/ /nga yi 'bad pa don med min/ /de bzhin gshegs pas chos kyi 'khor lo bskor bas sems can grangs med dpag tu
220b7 med pa dag btul bar gyur to/ /de bzhin gshegs pa thugs rje chen pos rnam par rol par rig nas sems can tshad med/ /grangs med pa dag gis byang chub tu
221a1 sems bskyed par gyur to/ /rigs kyi bu/ sangs rgyas bcom ldan 'das kyi thugs rje chen po rnam pa bcu drug po 'di ni/ lhun gyis 'grub
221a2 par rtag tu 'jug pa ste/ yang gtang bar bya ba ma yin no/ /thugs rje chen po de dang ldan pas de bzhin gshegs pa sems can re re'i ched du'ang bskal pa gang+gA'i
221a3 klung gi bye ma snyed du sems can dmyal ba chen po rnams su gnas par spro ste/ gal te sems can de dag 'phags pa'i chos 'dul ba la 'dul bar 'gyur ba lta
221a4 na/ de bzhin gshegs pa'ang yongs su mi skyo zhing / thugs rje chen po de'ang yongs su mi nyams so/ /de ltar sems can rnams la sangs rgyas bcom ldan 'das
221a5 rnams kyi thugs rje chen po bsam gyis mi khyab pa 'jug go /nyan thos dang rang sangs rgyas rnams kyi snying rje ni/ pags pa'i rnam pa lta bu'o/ /byang chub sems dpa' rnams
221a6 kyi snying rje ni/ sha'i rnam pa lta bu'o/ /sangs rgyas bcom ldan 'das rnams kyi thugs rje chen po ni/ rus pa dang / rkang gi rnam pa lta bu'o/ /nyan thos rnams kyi snying
221a7 rje ni| sangs rgyas kyi ye shes la rjes su yi rang ba'o/ /byang chub sems dpa' rnams kyi snying rje ni/ byang chub kyi sems yang dag par 'dzin du 'jug pa'o/ /sangs
221b1 rgyas bcom ldan 'das rnams kyi thugs rje chen po ni/ byang chub tu lung ston par byed pa'o/ /nyan thos rnams kyi snying rje ni/ byams pa la ltos pa'o/ /byang chub sems dpa'
221b2 rnams kyi snying rje ni/ sems can yongs su smin pa la ltos pa'o/ /sangs rgyas bcom ldan 'das rnams kyi thugs rje chen po ni/ shin tu yongs su smin par bya ba la ltos
221b3 ba'o| |nyan thos rnams kyi snying rje chen po ni/ rtsom pas yongs su skyo ba'o/ /byang chub sems dpa' rnams kyi snying rje ni/ rtsom pa nyams 'og tu tshud par byed ba'o/ /
221b4 sangs rgyas bcom ldan 'das rnams kyi thugs rje chen po ni/ rtsom pa thams cad nyams 'og tu tshud par byed pa'o/ /rigs kyi bu/ de ltar na/ sangs rgyas bcom
221b5 ldan 'das rnams kyi thugs rje chen po ni/ mchog yin te/ gang gi phyir sangs rgyas kyi 'dul ba'i ched du bskal ba'am/ bskal pa brgya'am/ bskal pa stong ngam/
221b6 bskal pa brgya phrag stong du gnas kyang de srid shin tu yongs su mya ngan las 'da' bas yongs su mya ngan las mi 'da'o/ /rigs kyi bu/ khyod kyis rnam grangs 'dis kyang
221b7 'di ltar rig par bya'o/ /rigs kyi bu/ sngon byung ba 'das pa'i dus na bskal ba grangs med pa pas kyang ches grangs med par gyur ba de'i tshe de'i dus na dri mchog gi
222a1 bskal ba la 'jig rten gyi khams dri ldan du de bzhin gshegs pa dgra bcom pa yang dag par rdzogs pa'i sangs rgyas tsan+dan khyim zhes bya
222a2 ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs
222a3 rgyas bcom ldan 'das 'jig rten du byung ngo / /bcom ldan 'das tsan+dan khyim de bzhin gshegs pa de'i tshe'i tshad ni/ lo brgyad khri bzhi stong phrag bcu drug thub
222a4 par gyur to/ /de'i nyan thos kyi 'dus pa ni/ nyan thos brgyad cu rtsa bzhi phrag bcu drug go /bcom ldan 'das tsan+dan khyim de bzhin gshegs pa de'i spu'i khung bu
222a5 gcig nas dri'i ngad byung ba gang yin pa des stong gsum gyi stong chen po'i 'jig rten gyi khams der dri zhim po'i dir byed do/ /'jig rten gyi khams de ni dring ba
222a6 'byung ba med do/ /yang 'jig rten gyi khams de na rtsig pa dang / shing dang / ri dang / gzugs su snang ba rnams de bzhin gshegs pa'i dri des yongs su bsgos
222a7 par gyur te/ des na 'jig rten gyi khams de dri ldan zhes bya'o/ /sems can gang dag 'jig rten gyi khams der skyes par gyur pa de dag thams cad de bzhin
222b1 gshegs pa'i dri des lus dang / ngag dang / yid kyi spyod pa kha na ma tho ba med par gyur to/ /sems can gang dag bcom ldan 'das de'i bstan pa la rab tu byung ba
222b2 de dag kyang dri de snams pas bsam gtan bzhi dag bskyed par gyur to/ /'jig rten gyi khams der sangs rgyas stong phrag bcu gcig car byung bar gyur te/ thams cad
222b3 kyang 'di ltar tsan+dan khyim zhes bya bar ming mthun par gyur to/ /des na bskal pa de dri mchog ces bya'o/ /bcom ldan 'das tsan+dan khyim de bzhin gshegs pa de sangs
222b4 rgyas kyi mdzad pa mdzad nas yongs su mya ngan las 'das pa'i dus kyi tshe sems can sangs rgyas kyis 'dul ba gang zhig ngas gdul bar bya zhes sems can gyi khams
222b5 la rnam par gzigs nas des lha'i spyan rnam par dag pa mi'i las 'das pas 'du shes med 'du shes med 'du shes med min gyi lha'i nang na sems can sngon dge ba'i rtsa ba bskyed
222b6 pa rgya chen po la mos pa/ sangs rgyas kyis 'dul ba gcig cig der bskal pa stong phrag brgyad cu rtsa bzhir gnas nas de nas shi 'phos te mi rnams dang skal ba mnyam
222b7 par skye zhing / gal te 'dod pa rnams la ma rtses par theg pa chen po'i bsngags pa thos pa lta na/ bla na med pa yang dag par rdzogs pa'i byang chub tu sems bskyed par
223a1 'gyur| bla na med pa yang dag par rdzogs pa'i byang chub las phyir mi ldog par 'gyur ba zhig gzigs so/ /de nas bcom ldan 'das
223a2 tsan+dan khyim de bzhin gshegs pa de thabs mkhas pas thugs rje chen po mngon du mdzad nas dge slong rnams la bka' stsal pa/ dge slong dag /nga yongs su
223a3 mya ngan las 'da' ba'i dus la bab kyi/ deng yongs su mya ngan las 'da' bar bya'o/ /de nas bcom ldan 'das tsan+dan khyim de bzhin gshegs pas thugs rje
223a4 chen po la lta bas yongs su mi skyo ba zhes bya ba'i ting nge 'dzin la snyoms par zhugs nas yongs su mya ngan las 'da' ba bstan to/ /de yongs su mya ngan las
223a5 'das nas sku gdung ni/ rgyas par gyur to/ /de'i dam pa'i chos ni/ lo brgyad khri bzhi stong phrag brgyad du gnas par gyur to/ /de'i dam pa'i chos gnas pa'ang skye
223a6 bo mang pos thob par gyur to/ /de'i dam pa'i chos ltar bcos pa gang yang med par gyur to/ /bcom ldan 'das ting nge 'dzin gyi stobs bskyed pa dang / rdzu 'phrul
223a7 gyi byin gyi rlabs kyis bskal pa stong phrag brgyad cu rtsa bzhir sku mi snang bar gnas par gyur to/ /de ltar bskal pa stong phrag brgyad cu rtsa bzhi po de dag 'das nas sems
223b1 can de 'du shes med 'du shes med min skye mched kyi lha rnams kyi nang nas shi 'phos te mi'i 'jig rten du tshong dpon zhig gi rigs su skyes par gyur to/ /khye'u de gang gi
223b2 tshe lo brgyad lon par gyur pa de'i tshe bcom ldan 'das tsan+dan khyim de bzhin gshegs pa de bskal pa stong phrag brgyad cu rtsa bzhi 'das nas ting nge 'dzin de las gzhengs
223b3 te| khye'u de'i mdun du sangs rgyas kyi kha dog dang / gzugs kyis bzhugs nas khye'u de ma gtogs par gzhan gang gis kyang de ma mthong ste/ des ci nas kyang khye'u
223b4 de sems thag pa nas bla na med pa yang dag par rdzogs pa'i byang chub tu sems bskyed de/ bla na med pa yang dag par rdzogs pa'i byang chub las phyir mi ldog par 'gyur
223b5 ba de ltar theg pa chen po 'di las brtsams te khye'u de la chos bstan to/ /'dod pa'i nyes pa'i gtam yang yang dag par bshad do/ /bcom ldan 'das des de lhag
223b6 pa'i bsam pa phun sum tshogs par rig nas lha'i bu dag khye'u 'di bskal pa grangs med pa brgya stong phrag bdun cu rtsa gnyis na bla na med pa yang dag par rdzogs pa'i
223b7 byang chub tu mngon par rdzogs par 'tshang rgya ste/ de bzhin gshegs pa rin chen mchog ces bya bar 'jig rten du 'byung ngo / /zhes lung bstan to/ /de'i lung bstan
224a1 pa de ni/ khye'u de ma gtogs par mir gyur pa gang gis kyang ma thos so/ /lha'i bu snod du gyur pa stong phrag bcu gnyis kyis de'i lung
224a2 bstan pa de thos nas bla na med pa yang dag par rdzogs pa'i byang chub tu sems bskyed par gyur te/ 'di skad du gang gi tshe bcom ldan 'das rin chen mchog
224a3 de bzhin gshegs pa des byang chub brnyes par gyur pa de'i tshe bdag cag sangs rgyas kyi zhing der skye bar shog cig /ces smon lam yang btab bo/ /bcom ldan
224a4 'das de dag thams cad sangs rgyas kyi zhing der skye bar bya ba'i phyir de bzhin gshegs pa rin chen mchog de khyod la bla na med pa yang dag par rdzogs pa'i
224a5 byang chub tu lung ston par 'gyur ro/ /zhes lung bstan to/ /de nas bcom ldan 'das tsan+dan khyim de bzhin gshegs pa des byang chub sems dpa' de dag lung
224a6 bstan nas de'i 'og tu shin tu yongs su mya ngan las 'das pas yongs su mya ngan las 'das par gyur to/ /de'i sku gdung ni/ lha rnams kyis mchod par
224a7 gyur to| |rigs kyi bu/ sangs rgyas bcom ldan 'das rnams ni/ gang na nyan thos dang / rang sangs rgyas thams cad kyis med pa de lta bu'i thugs rje chen po
224b1 dang ldan no/ /rigs kyi bu/ de ltar sangs rgyas bcom ldan 'das rnams ji ltar sangs rgyas kyi rigs rgyun mi gcod pa de ltar gang dag sangs rgyas rnams la yon
224b2 'bul ba de dag gis dge ba'i rtsa ba de'ang yongs su mya ngan las ma 'das kyi bar du rgyun mi chad de/ rgyu chud mi za ba'i phyir ro/ /de bzhin gshegs pa'i thugs
224b3 rje chen po bstan pa 'di bshad pa na 'khor de las sems can gang+ga'i'i klung gi bye ma'i sum cha snyed kyis ni/ bla na med pa yang dag par rdzogs pa'i byang chub tu sems
224b4 bskyed par gyur to/ /byang chub sems dpa' gang+gA'i klung gi bye ma'i phyed snyed kyis ni/ rjes su mthun pa'i bzod pa thob par gyur to/ /byang chub sams dpa' gang+gA'i
224b5 klung gi bye ma snyed kyis ni/ snying rje chen po rnam pa bcu drug thob par gyur to/ /sangs rgyas kyi chos thams cad dbang bskur ba dang ldan pa'i chos kyi bzod pa'ang
224b6 thob par gyur to/ /de nas thams cad dang ldan pa'i 'khor de bstan pa 'di thos nas tshim zhing mgu la yid rangs shing rab tu dga' ste/ dga' ba dang / yid
224b7 bde ba skyes nas bcom ldan 'das la legs so/ /zhes bya ba gsol te lha dang / mi'i mchod pas bcom ldan 'das la mchod do/ /bam po bzhi
225a1 pa| de nas bcom ldan 'das kyis yang byang chub sems dpa' gzungs kyi dbang phyug gi rgyal po la bka' stsal pa/ rigs kyi bu/ de la
225a2 de bzhin gshegs pa'i las gang zhe na/ rigs kyi bu/ de bzhin gshegs pa'i las ni/ sum cu rtsa gnyis po 'di dag go /sum cu rtsa gnyis gang zhe na/ rigs
225a3 kyi bu| 'di la de bzhin gshegs pas ye shes bla na med pas gnas la'ang gnas su yang dag pa ji lta ba bzhin du rab tu mkhyen to/ /gnas ma yin pa la'ang
225a4 gnas ma yin par yang dag pa ji lta ba bzhin du rab tu mkhyen to/ /rigs kyi bu/ de la gnas ni/ gang / gnas ma yin pa ni/ gang zhe na/ rigs kyi bu/ 'di
225a5 ni| gnas ma yin zhing go skabs med de/ gang lus kyis nyes par spyad pa dang / dag gis nyes par spyad pa dang / yid kyis nyes bar spyad pa'i rnam par
225a6 smin pa 'dod pa dang / sdug pa dang / dga' ba dang / yid du 'ong bar 'gyur ba 'di ni/ gnas med do/ /'di ni/ gnas yin zhing go skabs yod pa ste/ gang
225a7 lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin pa 'dod pa dang / sdug pa dang / dga'
225b1 ba dang / yid du 'ong bar 'gyur ba 'di ni/ gnas yin no/ /rigs kyi bu/ gnas ma yin zhing go skabs med de/ gang ser snas longs spyod chen po mngon par
225b2 'grub pa dang / 'chal pa'i tshul khrims kyis lha dang mir skye ba dang / gnod sems kyis mdzes par 'gyur ba dang / le los mngon par rtogs pa thob pa dang / sems
225b3 rnam par g.yeng pas nges par gyur pa la 'jug pa dang / gang 'chal ba'i shes rab kyis bag chags kyi mtshams sbyor ba legs par 'joms par 'gyur ba ni/
225b4 gnas ma yin zhing go skabs med de/ de ni/ gnas ma yin no/ /'di ni/ gnas yin zhing go skabs yod pa ste/ gang sbyin pas longs spyod chen po mngon par 'grub
225b5 pa dang / tshul khrims kyis lha dang mir skye ba dang / bzod pas mdzes par 'gyur ba dang / brtson 'grub kyis mngon par rtogs pa thob pa dang / bsam gtan
225b6 gyis nges par gyur pa la 'jug pa dang / gang shes rab kyis bag chags kyi mtshams sbyor ba thams cad legs par 'joms pa 'di ni/ gnas yin zhing go skabs
225b7 yod do/ /gnas ma yin zhing go skabs med de/ gang mtshams med pa byed pa sems gnas par 'gyur ba 'di ni/ gnas med do/ /gang tshul khrims rnam par
226a1 dag pa'i sems gnas par 'gyur ba 'di ni/ gnas yin zhing go skabs yod do/ /gnas ma yin zhing go skabs med do/ gang
226a2 dmigs pa can gyis rjes su mthun pa'i bzod pa thob par 'gyur ba de ni/ gnas med do/ /gang stong pa nyid la mos pas bzod pa thob par 'gyur ba 'di ni/
226a3 gnas yin zhing go skabs yod do/ /gnas ma yin zhing go skabs med de/ gang 'gyod pa la rab tu gnas bas sems shin tu sbyangs par 'gyur ba 'di ni/
226a4 gnas med do/ /gang kun nas ldang ba med pa'i sems shin tu sbyangs par 'gyur ba 'di ni/ gnas yin zhing go skabs yod do/ /gnas ma yin zhing go skabs
226a5 med de/ gang bud med lus de nyid kyis 'khor los bsgyur pa'i rgyal po'am/ brgya byin nam/ tshangs pa'am/ sangs rgyas su 'jig rten du 'byung ba 'di ni/
226a6 gnas med do/ /'di ni/ gnas yin zhing go skabs yod de/ gang bud med kyi lus brjes nas 'khor los bsgyur ba'i rgyal po'am/ brgya byin nam/ tshangs
226a7 pa'am| sangs rgyas su 'jig rten du 'byung ba 'di ni/ gnas yin no/ /gnas ma yin zhing go skabs med de/ gang 'khor los bsgyur ba'i rgyal po mi mnyam
226b1 pas rgyal srid byed pa 'di ni/ gnas med do/ /gang mnyam pas byed pa 'di ni/ gnas yin zhing go skabs yod do/ /gnas ma yin zhing go skabs med de/ gang byang
226b2 gi sgra mi snyan gyi mi log par ltung bar 'gro ba 'di ni/ gnas med do/ /bde 'gror 'gro ba ni/ gnas yin zhing go skabs yod do/ /gnas ma yin zhing go skabs
226b3 med de/ gang srog gcod pa'i skyes bu gang zag srog gcod pa'i rgyus tshe ring bar 'gyur ba nas log par lta ba dag log par lta ba can log pa'i las yang dag par
226b4 blangs pa'i rgyas 'phags pa'i lam thob par 'gyur ba'i bar 'di ni/ gnas med do/ /'di ni/ gnas yin zhing go skabs yod de/ gang srog gcod pa spangs pa'i
226b5 rgyus tshe ring par 'gyur ba nas yang dag par lta ba 'phags pa'i lam thob par 'gyur ba'i bar 'di ni/ gnas yin no/ /gnas ma yin zhing go skabs med de/ gang brgyad
226b6 pa 'bras bu ma thob par ldang ba 'di ni/ gnas med do/ /gang 'bras bu thob nas ldang ba 'di ni/ gnas yin zhing go skabs yod do/ /gnas ma yin zhing go skabs
226b7 med do/ gang rgyun du zhugs pa srid pa brgyad pa mngon par 'grub pa 'di ni/ gnas med do/ /gang re ltar thogs kyang srid pa bdun du 'gyur ba 'di ni/ gnas yin
227a1 no/ /gnas ma yin zhing go skabs med de/ gang lan gcig phyir 'od ba srid pa gnyis pa mngon par 'grub pa 'di ni/ gnas med do/ /
227a2 gang lan gcig phyir 'ong ba 'jig rten 'dir 'ongs nas sdug bsngal mthar 'byin par byed pa 'di ni/ gnas yin zhing go skabs yod do/ /gnas ma yin
227a3 zhing go skabs med de/ gang phyir mi 'ong ba 'jig rten 'dir 'ong ba 'di ni/ gnas med do/ /gang de nyid du yongs su mya ngan las 'da' ba 'di ni/ gnas
227a4 yin zhing go skabs yod do/ /gnas ma yin zhing go skabs med de/ gang dgra bcom pa nyid mtshams sbyor bar 'gyur ba 'di ni/ gnas med do/ /gang dgra
227a5 bcom pa la nyid mtshams sbyor ba med pa 'di ni/ gnas yin zhing go skabs yod do/ /gnas ma yin zhing go skabs med de/ gang 'phags pa'i gang zag
227a6 ston pa gzhan gyi lung nod pa 'di ni/ gnas med do/ /gang lha gzhan med pa 'di ni/ gnas yin no/ /gnas ma yin zhing go skabs med de/ gang mi skye
227a7 ba'i chos la bzod pa rab tu thob pa'i byang chub sems dpa' phyir ldog par 'gyur ba 'di ni/ gnas med do/ /gang byang chub mngon par rdzogs par 'tshang rgya ba 'di
227b1 ni/ gnas yin no/ /gnas ma yin zhing go skabs med de/ gang byang chub sems dpa' byang chub kyi snying po la 'dug nas mngon par rdzogs par sangs ma rgyas par ldang ba
227b2 'di ni/ gnas med do/ /gang byang chub mngon par rdzogs par sangs rgyas nas ldang ba 'di ni/ gnas yin no/ /gnas ma yin zhing go skabs med de/ gang de bzhin
227b3 gshegs pa la bag chags kyi mtshams sbyor ba snang ba 'di gnas med do/ /gang de bzhin gshegs pa bag chags kyi mtshams sbyor ba thams cad legs par bcom
227b4 pa 'di ni/ gnas yin zhing go skabs yod do/ /gnas ma yin te/ gang de bzhin gshegs pa'i ye shes thogs par 'gyur ba 'di ni/ gnas med do/ /gang
227b5 de bzhin gshegs pa'i ye shes thogs pa med pa 'di ni/ gnas yin no/ /gnas ma yin zhing go skabs med de/ gang de bzhin gshegs pa'i spyi gtsug mthong bar
227b6 'gyur ba 'di ni/ gnas med do/ /gang de bzhin gshegs pa'i spyi gtsug bltar mi mthong ba 'di ni/ gnas yin no/ /gnas ma yin zhing go skabs med de/ gang
227b7 sangs rgyas kyi mthu ma gtogs par de bzhin gshegs pa'i sems kyi rgyu ba shes pa 'di ni/ gnas med do/ /gang mi shes pa 'di ni/ gnas yin no/ /gnas ma
228a1 yin te/ gang de bzhin gshegs pa la sems mnyam par ma bzhag pa dmigs pa 'di ni/ gnas med do/ /gang de bzhin gshegs
228a2 pa rtag tu mnyam par bzhag pa 'di ni/ gnas yin no/ /'di ni/ gnas ma yin te/ gang de bzhin gshegs pa la log pa'i tshig 'byung ba 'di ni/ gnas
228a3 med do| |gang bden pa'i tshig 'byung ba 'di ni/ gnas yin no/ /rigs kyi bu/ gnas ma yin zhing go skabs med de/ de bzhin gshegs pa la 'khrul pa
228a4 dmigs pa 'di ni/ gnas med do/ /'di ni/ gnas yin zhing go skabs yod de/ gang de bzhin gshegs pa la 'khrul pa med pa 'di ni/ gnas yin
228a5 no| |rigs kyi bu/ de ltar gang de bzhin gshegs pa'i gnas dang / gnas ma yin pa mkhyen pa'i stobs de yi ge rnams kyis tshad bstan du med de/ yang dag
228a6 pa'o| |de kho na'o/ /gzhan ma yin pa nyid do/ /de la 'di skad ces bya'o/ /sa kun 'grum par 'gyur yang srid/ /nam mkha' g.yo bar 'gyur srid kyi/ /sangs rgyas
228a7 gnas min bshad pa ni/ /gnas su 'gyur ba mi srid do/ /skyes bus kha dog lnga can du/ /nam mkha' gzugs su byed kyang srid/ /sangs rgyas gnas min bshad
228b1 pa ni| gnas su 'gyur ba mi srid do/ /tha ma dang ni 'bring dang mchog /gang dag sangs rgyas gnas bshad pa/ /de kun de bzhin bshad pa ste/ /gzhan du 'gyur ba
228b2 yod ma yin/ /tha ma dang ni 'bring dang mchog /gang dag gnas min bshad pa yang / /de kun de bzhin bshad pa ste/ /gzhan du 'gyur ba yod ma yin/ /gnas
228b3 dang gnas min rab shes pa/ /sems can bsam pa ji bzhin du/ /des ni phyad par yang dag dang / /chos kyang srog chags rnams la bshad/ /dge sbyong dang ni bram ze
228b4 gzhan| |gang du thams cad rgyug byed cing / /gnas dang gnas min ma shes pa/ /sangs rgyas la ni de med do/ /gnas gang dang ni ldan pas na/ /sems can thar byed
228b5 dpung 'gyur ba/ /yon tan kun ldan sangs rgyas kyis/ /de ni yang dag rab tu bshad/ /sems can gang dag snod min gang / /de la sangs rgyas btang snyoms mdzad/ /
228b6 gang gi dus na 'grol 'gyur ba/ /de yi dus la rab tu gzhes/ /gang gis sems can thar byed pa/ /kha na ma tho med pa'i las/ /sangs rgyas blo mchog ldan pa yin//
228b7 'phrin las dang po 'di yin no/ /gnas dang gnas min bshad pa ni/ /dpag tu med cing grangs med de/ /drang srong chen po'i stobs 'di ni/ /pha rol rgol pas thub par
229a1 dka'| |rigs kyi bu/ gzhan yang de bzhin gshegs pas 'das pa dang / ma 'ongs pa dang / da ltar byung ba'i las rnams dang / las len
229a2 pa rnams gnas dang / rgyu dang / dngos po dang / rnam par smin pa la mkhas pa yang dag pa ji lta ba bzhin rab tu mkhyen to/ /ji ltar rab tu mkhyen ce na/ rigs kyi
229a3 bu| 'di la 'das pa'i las len pa gang dge ba'i rgyu las byung ba/ mi dge ba dang bral ba gang ma 'ongs pa'i dus na dge ba'i rgyu las byung ba 'byin pa de de bzhin
229a4 gshegs pas rab tu mkhyen to/ /las len pa gang mi dge ba'i rgyu las byung ba/ dge ba dang bral ba gang ma 'ongs pa'i dus na mi dge ba'i rgyu las byung ba 'byin pa
229a5 de'ang de bzhin gshegs pas rab tu mkhyen to/ /las len pa gang ma 'ongs pa'i dus na dman pa la brten par 'gyur ba de'ang de bzhin gshegs pas yang
229a6 dag pa ji lta ba bzhin du rab tu mkhyen to/ /las len pa gang ma 'ongs pa'i dus na khyad par la brten par 'gyur ba de'ang de bzhin gshegs pas rab tu mkhyen to//
229a7 las len pa gang da ltar byung ba'i dus na dman pa la brten la ma 'ongs pa'i dus na khyad par la brten par 'gyur ba de'ang de bzhin gshegs pas rab tu mkhyen
229b1 to| |las len pa gang da ltar byung ba'i dus na khyad par la brten la ma 'ongs pa'i dus na dman pa la brten par 'gyur ba de'ang de bzhin gshegs pas rab tu mkhyen to/ /
229b2 las len pa gang da ltar byung ba'i dus na'ang dman pa la brten la ma 'ongs pa'i dus na'ang dman pa la brten par 'gyur ba de'ang de bzhin gshegs pas rab tu mkhyen
229b3 to| |las len pa gang da ltar byung ba'i dus na'ang khyad par la brten la ma 'ongs pa'i dus na'ang khyad par la brten par 'gyur ba de'ang de bzhin gshegs pas rab tu
229b4 mkhyen to/ /las len pa gang 'das pa na sbyor ba dman la de ma 'das pa'i dus na rgya che zhing sbyor ba rgya che bar 'gyur ba de'ang de bzhin gshegs pas rab tu mkhyen to/ /
229b5 las len pa gang rtsom pa chud la khyad par chen por 'gyur ba dang / las len pa gang rtsom pa chen por gyur la khyad par chung dur 'gyur ba dang / las len pa gang
229b6 nyan thos nyid kyi rgyu 'byin pa de'ang de bzhin gshegs pas rab tu mkhyen to/ /las len pa gang rang sangs rgyas nyid kyi rgyu 'byin pa de'ang de bzhin gshegs pas rab
229b7 tu mkhyen to/ /las len pa gang sangs rgyas nyid kyi rgyu 'byin pa de'ang de bzhin gshegs pas rab tu mkhyen to/ /las len pa gang da ltar byung ba na sdug bsngal la
230a1 ma 'ongs pa na rnam par smin pa bde bar 'gyur ba dang / las len pa gang de ltar byung ba na bde la ma 'ongs pa na rnam par smin pa sdug
230a2 bsngal par 'gyur ba dang / las len pa gang da ltar byung ba na sdug bsngal la ma 'ongs pa na'ang rnam par smin pa sdug bsngal bar 'gyur ba dang / las len
230a3 pa gang da ltar byung ba na'ang bde la ma 'ongs pa na'ang rnam par smin pa bde bar 'gyur ba de'ang de bzhin gshegs pas rab tu mkhyen to/ /rigs kyi bu/ de ltar
230a4 na| 'das pa dang / ma 'ongs pa dang / da ltar byung ba'i sems can rnams kyi las gang yin pa dang / rkyen gang yin pa dang / rnam par smin pa gang yin
230a5 pa de de bzhin gshegs pas de kho na dang / gzhan ma yin pa la brten par yang dag pa ji lta ba bzhin du rab tu mkhyen to/ /mkhyen nas kyang de bzhin du chos
230a6 ston te/ 'di ni/ de bzhin gshegs pa'i de bzhin gshegs pa'i 'phrin las gnyis pa'o/ /de la 'di skad ces bya'o/ /de bzhin gshegs pa rgyu la mkhas pa
230a7 ste| |las kyi rnam smin tshul mkhyen spyan dang ldan/ /dus gsum dag la chags pa mi mnga' ste/ /sems can kun gyi spyod pa rab tu mkhyen/ /rgyu ni gang zhig bde
230b1 bar 'gyur ba ste/ /lha dang mi yi rnam par smin ldan dang / /gang yang sdug bsngal dag tu 'gyur byed pa/ /de ni bde bar gshegs pas rab tu mkhyen/ /dge ba dang ni mi dge'i
230b2 las rnams kyi/ /rgyu dang rnam par smin pa cir 'gyur ba/ /de ni bde bar gshegs pas rab mkhyen te/ /nor bu rin chen phyag tu bzhag pa bzhin/ /las gang chung du'i rgyu las byung
230b3 gyur la/ /tshad med rgyu yang 'byin par 'gyur ba dang / /gang yang rgya che ba dang chung du yang / /de ni ji lta bzhin du sangs rgyas mkhyen/ /gang yang nyon thos kyi ni rgyu 'byin dang / /rkyen
230b4 gyi theg pa de bzhin 'byin pa dang / /gang yang rgyal ba'i rgyu ni 'byin 'gyur ba/ /de kun bde bar gshegs pas rab tu mkhyen/ /rgyu ni gang zhig sdug bsngal 'gyur byed la/ /de
230b5 yang bde ba dag tu 'gyur ba dang / /rgyu ni gang zhig bde bar 'gyur byed la/ /de yang sdug bsngal dag tu 'gyur ba dang / /rgyu ni bde la sdug bsngal gnas pa dang / /rgyu yang
230b6 bde la bde bar gnas pa dang / /las kyi ngo bo nyid kyi chos nyid ni/ /rgyu dang mthun par bde gshegs rab tu mkhyen/ /dus gsum dag tu sems can thams cad kyi/ /rgyu gang
230b7 las 'jug byed dang las kyang ni/ /gzhan ma yin par sangs rgyas ye shes kyis/ /de bzhin rgyal bas phyed par rab tu mkhyen/ /rigs kyi bu/ gzhan yang de bzhin gshegs
231a1 pas sems can gzhan rnams dang / gang zag gzhan dag gi mos pa du ma dang / mos pa sna tshogs yang dag pa ji lta ba bzhin du
231a2 rab tu mkhyen to/ /rigs kyi bu/ de bzhin gshegs pas sems can gzhan dag dang / gang zag gzhan rnams kyi mos pa du ma dang / mos pa sna tshogs yang
231a3 dag pa ji lta ba bzhin du ji ltar rab tu mkhyen ce na/ gang zag gang 'dod chags sa gnas shing zhe sdang la mos pa dang / gang zag gang zhe sdang la gnas shing
231a4 'dod chags la mos pa dang / gang zag gang gti mug la gnas shing 'dod chags dang / zhe sdang dang / gti mug la mos pa de'ang de bzhin gshegs
231a5 pas rab tu mkhyen to/ /gang zag gang dge ba la gnas shing dge ba la mos pa de'ang de bzhin gshegs pas rab tu mkhyen to/ /gang zag gang dag sbyor ba dman
231a6 zhing bsam pa rgya chen po la mos pa de dag kyang de bzhin gshegs pas rab tu mkhyen to/ /gang zag gang dag sbyor ba rgya chen zhing bsam pa dman pa la mos pa
231a7 de dag kyang de bzhin gshegs pas rab tu mkhyen to/ /mos pa gang gis sbyor ba dman zhing khyad par la ngas par 'gyur ba dang / mos pa gang gis sbyor ba khyad
231b1 par du 'phags shing dman pa la gnas par 'gyur ba dang / mos pa gang gis log pa nyid du nges la nges pa'i khams thob par 'gyur ba dang / mos pa gang gis ma
231b2 nges la yang dag pa nyid du nges pa'i khams thob par 'gyur ba dang / mos pa gang gis yang dag pa nyid du nges la rnam par grol ba thob par 'gyur ba de'ang de bzhin
231b3 gshegs pas yang dag pa ji lta ba bzhin du rab tu mkhyen to/ /mos pa gang gis 'dod pa'i khams las yang dag par 'da' bar 'gyur ba dang / mos pa gang gis
231b4 gzugs kyi khams las yang dag par 'da' bar 'gyur ba dang / mos pa gang gis khams gsum pa las yang dag par 'da' bar 'gyur ba de'ang de bzhin gshegs
231b5 pas rab tu mkhyen to/ /mos pa gang gis dman pa la brten cing khyad par gnon par 'gyur ba dang / mos pa gang gis khyad par du gyur nas kyang dman pa la gnas
231b6 par 'gyur ba de'ang de bzhin gshegs pas rab tu mkhyen to/ /mos pa gang gis skye ba tha dad pa dang / kha dog tha dad pa dang / yongs su longs spyod pa tha dad pa
231b7 yongs su 'dzin par 'gyur ba de'ang de bzhin gshegs pas rab tu mkhyen to/ /mos pa gang gis rtse mo las nyams par 'gyur ba dang / mos pa gang gis rnam par
232a1 grol ba thob par 'gyur ba de'ang de bzhin gshegs pas rab tu mkhyen to/ /mkhyen nas kyang de bzhin du chos ston te/ 'di ni/ de bzhin
232a2 gshegs pa'i de bzhin gshegs pa'i 'phrin las gsum pa'o/ /de la 'di skad ces bya'o/ /'jig rten mos pa sna tshogs mos pa du mar blo gros tshad med pa/ /de yi
232a3 mos pa de bzhin gshegs pas lhag ma ma lus mkhyen par gyur/ /'di na gang gis mos pa zhe sdang rgyus byung 'dod chags gnas pa dang / /zhe sdang gnas shing gti
232a4 mug mos pa sangs rgyas kyis ni rab tu mkhyen/ /gti mug gnas pa'i sems ni dge dang 'dod chags la yang 'jug pa dang / /de 'og gang 'jug pa dang sems can
232a5 sbyor ba dman la rgya chen mos/ /bsam pa rgya che ba dang gang dag sbyor ba rgya chen yod kyang ni/ /mos pa dman par gyur pa de yang bde bar gshegs pas rab tu mkhyen/ /mos
232a6 pa gang gis sems can sbyor ba dman la rgya cher 'gyur ba dang / /sems can blo gros rgya chen 'gyur la dman par 'gyur ba de yang mkhyen/ /log pa nyid du gang nges
232a7 pa yang yang dag nyid du nges 'gyur dang / /khams gsum pa las rnam par grol ba'i mos pa'ang sangs rgyas rab tu mkhyen/ /dus gsum thams cad dag gi sems can
232b1 kun gyi skye dang kha dog dang / /de bzhin yongs spyod tha dad pa dang rtse mo las ni nyams 'gyur dang / /gang yang rnam par grol bar 'gyur ba'i mos pa rgyal bas thams cad
232b2 mkhyen| |mkhyen nas chos ston mdzad pa 'di yong bde gshegs 'phrin las yin zhes gsungs/ /rigs kyi bu/ gzhan yang de bzhin gshegs pas khams du ma dang /
232b3 khams sna tshogs can gyi 'jig rten yang dag pa ji lta ba bzhin du rab tu mkhyen to/ /ji ltar rab tu mkhyen ce na/ khams gang gis 'jig rten bsod nams kyi 'du byed
232b4 gsog pa'i khams de'ang de bzhin gshegs pas yang dag pa ji lta ba bzhin du rab tu mkhyen to/ /khams gang gis bsod nams ma yin pa'i 'du byed gsog pa
232b5 de'ang de bzhin gshegs pas rab tu mkhyen to/ /khams gang gis mi g.yo ba'i 'du byed gsog pa de'ang de bzhin gshegs pas rab tu mkhyen to/ /khams gang gis
232b6 'byung ba'i khams su'ang 'jog par 'gyur ba de'ang de bzhin gshegs pas rab tu mkhyen to/ /gzhan yang de bzhin gshegs pas mig gi khams dang / gzugs kyi
232b7 khams dang / mig gi rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab
233a1 tu mkhyen to/ /rna ba'i khams dang / sgra'i khams dang / rna ba'i rnam par shes pa'i khams rab tu mkhyen to/ /ji ltar rab tu mkhyen ce na /nang
233a2 stong pa nyid dang / phyi stong pa nyid dang / phyi nang stong pa nyid du rab tu mkhyen to/ /sna'i khams dang / dri'i khams dang / sna'i rnam par shes pa'i khams rab tu mkhyen
233a3 to| |ji ltar rab tu mkhyen ce na/ snang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /lce'i khams dang / ro'i khams dang / lce'i
233a4 rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang / phyi nang stong pa nyid du rab tu mkhyen to/ /lus kyi
233a5 khams dang / reg bya'i khams dang / lus kyi rnam par shes pa'i khams rab tu mkhyen to/ /ji ltar rab tu mkhyen ce na/ nang stong pa nyid dang / phyi stong pa nyid dang /
233a6 phyi nang stong pa nyid du rab tu mkhyen to/ /yid kyi khams dang / chos kyi khams dang / yid kyi rnam par shes pa'i khams rab tu mkhyen to/ /ji ltar rab tu mkhyen ce na/ nang
233a7 stong pa nyid dang / phyi stong pa nyid dang / phyi nang stong pa nyid du rab tu mkhyen to/ /sa'i khams dang / chu'i khams dang / me'i khams dang / rlung gi khams rab tu
233b1 mkhyen to/ /ji ltar rab tu mkhyen ce na/ nam mkha'i khams ji lta ba de bzhin du rab tu mkhyen to/ /'dod pa'i khams dang / gzugs kyi khams dang / gzugs med pa'i khams
233b2 rab tu mkhyen to/ /ji ltar rab tu mkhyen ce na/ kun tu rtog pa las byung bar rab tu mkhyen to/ /'dus byas kyi khams ni mngon par 'du byed pa'i mtshan nyid du rab tu mkhyen to/ /
233b3 'dus ma byas kyi khams ni mngon par 'du mi byed pa'i mtshan nyid du rab tu mkhyen to/ /kun nas nyon mongs pa'i khams ni glo bur gyi nyon mongs pa'i mtshan nyid du rab tu
233b4 mkhyen to/ /rnam par byang ba'i khams ni rang bzhin gyis 'od gsal ba'i mtshan nyid du rab tu mkhyen to/ /'khor ba'i khams ni tshul bzhin ma yin pa ma rig pa'i mtshan
233b5 nyid du rab tu mkhyen to/ /mya ngan las 'das pa'i dbyings ni tshul bzhin rig pa'i mtshan nyid du rab tu mkhyen to/ /de ltar na/ 'jig rten gnas pa'i khams gang yin
233b6 pa dang / rab tu gnas pa'i khams gang yin pa dang / rjes su khrid pa'i khams gang yin pa dang / thogs pa'i khams gang yin pa dang / sbyor ba'i khams gang yin
233b7 pa dang / bsam pa'i khams gang yin pa dang / nges par sems pa'i khams gang yin pa dang / rten pa'i khams gang yin pa de de bzhin gshegs pas rab
234a1 tu mkhyen te/ mkhyen nas kyang de bzhin du chos ston te/ 'di ni de bzhin gshegs pa'i de bzhin gshegs pa'i 'phrin las bzhi pa'o/ /de la 'di skad ces bya'o/ /mi yi seng+ge
234a2 khams rnams kun gyi tshul la mkhas/ /gang du gang gi khams ni ji 'dra 'jug pa dang / /khams gang dge brgya chen kun tu 'byung byed pa/ /de kun bde bar
234a3 gshegs pas ma lus rab mkhyen to/ /bsod nams bsod nams min dang mi g.yo rgyus byung myong / /gang gis 'byung ba thob par 'gyur bzhi pa'i khams/ /khams
234a4 gang gnas nas khams las rnam par grol 'gyur ba/ /khams de shes rab chen po bde bar gshegs pas mkhyen/ /mig gi khams dang de bzhin gzugs dang
234a5 yid kyi khams/ /rang bzhin stong par rgyal bas spyod pa'i bdag nyid mkhyen/ /de bzhin rna ba sna dang lce dang de bzhin lus/ /yid dang chos kyi khams kyang rtag tu
234a6 stong par mkhyen/ /chu dang me dang sa dang rlung gi khams 'di dag /nam mkha' mnyam par mi yi seng+ges rab tu mkhyen/ /'dod pa dang ni gzugs dang gzugs med
234a7 khams 'di dag /yongs su rtog las yang dag byung bar ma lus mkhyen/ /nyon mongs khams ni rgyal bas rang bzhin med par mkhyen/ /rnam byang rang bzhin 'dra bar
234b1 bde bar gshegs pas mkhyen/ /mi mkhas dag gis 'khor ba rtag tu 'dus byas dang / /mya ngan 'das pa gang la mtshan nyid gsum med dang / /khams gang mi dge
234b2 bas ni 'jug pa'i mtshan nyid dang / /gang yang dge bas 'jug pa thams cad gcod pa dang / /sna tshogs khams dang du ma'i khams can 'jig rten 'di/ /sangs
234b3 rgyas mkhyen kyang ngas mkhyen snyam du rlom sems med/ /nam mkha' ji lta bzhin du mtha' yas phyogs rnams kyi/ /khams rnams de bzhin mi yi seng+ges rab tu mkhyen/ /
234b4 rgyal ba'i ye shes dam pa de ni thug pa med/ /de yi mtha' ni 'gro ba rnams kyis shes mi nus/ /'di ni skyob pa rdul med rnams kyi 'phrin las bzhi/ /de yis sems can
234b5 'dul ba'i khams rnams cho ga mkhyen/ /gang dag las legs byas pas dul gyur de dag la/ /'khrul pa brgya lam na yang nam yang mi 'byung ngo / /rigs kyi bu/ gzhan
234b6 yang de bzhin gshegs pas sems can gzhan dag dang / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen to/ /rigs kyi bu/
234b7 de bzhin gshegs pas ji ltar sems can gzhan dag dang / gang zag gzhan rnams kyi dbang po'i rim pa yang dag pa ji lta ba bzhin du rab tu mkhyen ce na/ rigs
235a1 kyi bu| 'di la de bzhin gshegs pas sems can dbang po rtul po rnams kyang sems can dbang po rtul por yang dag pa ji lta ba bzhin
235a2 du rab tu mkhyen to/ /de bzhin du dbang po 'bring yang rab tu mkhyen to/ /dbang po rno ba'ang rab tu mkhyen to/ /dbang po khyad par du 'phags pa'ang rab tu mkhyen to/ /
235a3 dbang po dman pa'ang rab tu mkhyen to/ /yongs su rtog pa'i dbang po ji lta bus mthar phyin pa'i 'dod chags skye ba dang / mthar phyin pa'i zhe sdang skye ba dang / mthar
235a4 phyin pa'i gti mug skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus 'dod chags dang / zhe sdang dang / gti mug
235a5 bcos ma skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus snrel zhi'i 'dod chags dang / zhe sdang dang / gti mug
235a6 skye ba de'ang de bzhin gshegs pas rab tu mkhyen to/ /yongs su rtog pa'i dbang po ji lta bus tshar bcad cing 'dod chags dang / zhe sdang dang / gti mug skye ba
235a7 de'ang de bzhin gshegs pas rab tu mkhyen to/ /yongs su rtog pa'i dbang po ji lta bus dbang po gang dag dge ba'i rgyu las byung ba dang / dbang po gang dag mi
235b1 dge ba'i rgyu las byung ba dang / dbang po gang dag mi g.yo ba'i rgyu las byung ba dang / dbang po gang dag 'byung ba'i rgyu las byung ba de dag thams cad kyang de bzhin gshegs pas
235b2 rab tu mkhyen to/ /rigs kyi bu/ gzhan yang de bzhin gshegs pas mig gi dbang po rab tu mkhyen to/ /rna ba'i dbang po dang / sna'i dbang po dang / lce'i dbang po dang / lus
235b3 kyi dbang po dang / yid kyi dbang po dang / po'i dbang po dang / mo'i dbang po dang / srog gi dbang po dang / bde ba'i dbang po dang / sdug bsngal gyi dbang po dang / yid bde ba'i
235b4 dbang po dang / yid mi bde ba'i dbang po dang / btang snyoms kyi dbang po rab tu mkhyen to/ /dad pa'i dbang po dang / brtson 'grus kyi dbang po dang / dran pa'i dbang po dang /
235b5 ting nge 'dzin gyi dbang po dang / shes rab kyi dbang po rab tu mkhyen to/ /mi shes pa kun shes par byed pa'i dbang po dang / kun shes pa'i dbang po dang / kun shes pa dang
235b6 ldan pa'i dbang po rab tu mkhyen to/ /dbang po gang mig gi dbang po'i rgyu las byung la rna ba'i dbang po la gnas par gyur te sna dang / lce dang / lus kyi dbang po la ma yin pa
235b7 de'ang de bzhin gshegs pas rab tu mkhyen to/ /dbang po gang rna ba'i dbang po'i rgyu las byung la sna'i dbang po la gnas par 'gyur ba dang / dbang po gang sna'i dbang po'i rgyu
236a1 las byung la lce'i dbang po la gnas par 'gyur ba dang / dbang po gang lce'i dbang po'i rgyu las byung la lus kyi dbang po la gnas par 'gyur ba
236a2 dang / dbang po gang lus kyi dbang po'i rgyu las byung la mig gi dbang po la gnas par 'gyur ba de'ang de bzhin gshegs pas rab tu mkhyen to/ /sems can gang sbyin
236a3 pa'i dbang po can yin la de'ang tshul khrims la sbyor ba de la de bzhin gshegs pas dbang po mchog dang mchog ma yin pa mkhyen pas sbyin pa'i gtam ston to/ /sems
236a4 can gang tshul khrims kyi dbang po can yin la de'ang sbyin pa la sbyor ba de la de bzhin gshegs pas dbang po mchog dang mchog ma yin pa mkhyen pas tshul khrims kyi
236a5 gtam ston to/ /sems can gang bzod pa'i dbang po can yin la de'ang brtson 'grus la sbyor ba de la de bzhin gshegs pas dbang po mchog dang mchog ma yin pa mkhyen
236a6 pas bzod pa'i gtam ston to/ /sems can gang brtson 'grus kyi dbang po can yin la de'ang bzod pa la sbyor ba de la de bzhin gshegs pas dbang po mchog dang mchog
236a7 ma yin pa mkhyen pas brtson 'grus kyi gtam ston to/ /sems can gang bsam gtan gyi dbang po can yin la de'ang shes rab la sbyor ba de la de bzhin gshegs pas
236b1 dbang po mchog dang mchog ma yin pas mkhyen pas bsam gtan gyi gtam ston to/ /sems can gang shes rab kyi dbang po can yin la de'ang bsam gtan la sbyor ba de la
236b2 de bzhin gshegs pas dbang po mchog dang mchog ma yin pa mkhyen pas shes rab kyi gtam ston to/ /de bzhin du byang chub kyi phyogs kyi chos thams cad la'ang rgyas par
236b3 khong du chud par bya'o/ /sems can gang nyan thos kyi theg pa'i dbang po can yin la de'ang rang sangs rgyas kyi theg pa la sbyor ba de la de bzhin gshegs pas dbang po mchog
236b4 dang mchog ma yin pa mkhyen pas nyan thos kyi theg pa'i gtam ston to/ /sems can gang rang sangs rgyas kyi theg pa'i dbang po can yin la de'ang nyan thos kyi theg pa la sbyor
236b5 ba de la de bzhin gshegs pas dbang po mchog dang mchog ma yin pa mkhyen pas rang sangs rgyas kyi theg pa'i gtam ston to/ /sems can gang theg pa chen po'i dbang
236b6 po can yin la de'ang nyan thos dang rang sangs rgyas kyi theg pa la sbyor ba de la de bzhin gshegs pas dbang po mchog dang mchog ma yin pas mkhyen pas theg pa chen po'i
236b7 gtam ston to/ /sems can gang tha ma'i dbang po can yin la de'ang theg pa chen po la sbyor ba de la de bzhin gshegs pas dbang po mchog dang mchog ma yin pa mkhyen
237a1 pas tha ma'i gtam ston to/ /sems can skal pa med pa'i dbang po can skal pa med par snang ba de dag de bzhin gshegs pas snod ma yin
237a2 par rig nas btang snyoms su 'jog go /sems can skal ba yod pa'i dbang po can skal pa yod par snang ba dag la de bzhin gshegs pas skal ba yod par rig nas
237a3 ri mor byas shing chos ston te/ rigs kyi bu/ de ltar de bzhin gshegs pas sems can thams cad kyi dbang po yongs su smin pa rnams kyang rab tu mkhyen/ dbang po yongs
237a4 su ma smin pa rnams kyang rab tu mkhyen/ 'byung ba ma yin pa'i dbang po rnams kyang rab tu mkhyen/ 'byung ba dang bcas pa'i dbang po rnams kyang rab tu mkhyen te/ sems
237a5 can gyi dbang po'i rnam pa gang yin pa dang / sbyor ba gang yin pa dang / bsam pa gang yin pa dang / gang gi rgyu las byung ba dang / rkyen gang yin pa dang / dmigs pa
237a6 gang yin pa dang / rgyu mthun pa gang yin pa dang / sems can gyi dbang po'i mtha' gang yin pa de dag thams cad de bzhin gshegs pas yang dag pa ji lta ba bzhin du rab
237a7 tu mkhyen te/ 'di ni/ de bzhin gshegs pa'i de bzhin gshegs pa'i 'phrin las lnga ba'o/ /de la 'di skad ces bya'o/ /gang zhig dbang po shes pa'i pha ro son pa
237b1 sems can bsam pa rnams la mkhas/ /gang gi dbang po'i spyod pa ji 'drar gyur pa thams cad rgyal bas rab tu mkhyen/ /rgyal ba dbang po khyad par can dang 'bring dang tha ma'i
237b2 cho ga mkhyen gyur te/ /gang gis 'gro ba grol byed mtshungs pa med pa'i las 'di khyad par 'phags pa yin/ /gang gis mthar phyin pa yi nyon mongs gyur dang gang gis bcos
237b3 par gyur ba dang / /dbang po gang gis gsog tu gyur pa dang ni gang gis snrel zhir gyur pa dang / /nyon mongs pa dag tshar gcod 'gyur dang dge ba'i dbang po dang ni mi g.yo dang //
237b4 de bzhin mi dge ba dang gzhan yang grol bar 'gyur ba dag kyang rab tu mkhyen/ /gang gis mig dang yid dang pho mo srog gi dbang po dang ni bde ba dang / /sdug bsngal dang ni
237b5 yid bde ba dang gang gis yid mi bde bar 'gyur ba dang / /gang gis btang snyoms dad dang brtson 'grus dran dang shes rab de bzhin rtse gcig 'gyur/ /kun shes byed dang
237b6 kun shes dbang po'i cho ga dang ni grol ba'i dbang po gang yin mkhyen/ /mig gi rgyu las byung la rna bar gnas par byed kyi sna dang lce la min/ /lus kyi bar gyi rgyu las byung bar
237b7 gyur la de yang mig la gnas pa dang / /sbyin pa'i dbang po yin la tshul khrims snang ba'i mi de la ni sbyin pa'i gtam/ /tshul khrims dbang po yin la sbyin par snang ba'i mi
238a1 de la ni tshul khrims gtam/ /bzod pa'i dbang po yin la brtson 'grus snang ba'i mi la bzod pa'i gtam ston to/ /brtson 'grus dbang po
238a2 yin la bzod par snang ba'i mi de la ni brtson 'grus gtam/ /bsam gtan dbang po shes rab snang ba'i mi de la ni bsam gtan gtam ston to/ /shes rab dbang po
238a3 yin la bsam gtan snang ba'i mi de la ni shes rab gtam ston to/ /gang dag nyan thos theg pa'i dbang po yin la rang rgyal sbyor bar byed pa'i mi/ /de dag la ni nyan
238a4 thos gtam ston byed kyi rang rgyal gtam ni spong bar byed/ /gang gi dbang po rkyen gyi theg par nges la sgra la sbyor byed gnas byed pa/ /de dag la ni rkyen gyi theg pa bstan
238a5 pa'i cho ga ngag dbang rab tu ston/ /gang dag dbang po theg pa chen por nges la sbyor ba dman pa'i mi rnams gang yin pa/ /de dag la ni thugs rje che la gnas pa'i rgyal
238a6 ba'i pha rol phyin gtam ston/ /skal ba yod med mkhyen nas rgyal ba gsung zhing kha cig la ni btang snyoms 'jog /dbang po yongs su smin dang gang yang dbang po
238a7 yongs ma smin pa stobs bcus mkhyen/ /mi yi dbang po'i spyod pa'i rnam pa gang dang gang gi sbyor ba ji lta dang / /bsam pa ji lta ba dang rkyen gang yin dang ji ltar rgyu gang
238b1 yin pa'ang mkhyen/ /dmigs pa ji lta ba dang mthar thug ji 'drar gyur dang rgyu mthun de bzhin du/ /rang byung ye shes kyis mkhyen ston pa'i 'phrin las 'di na nor ba yod ma yin/ /rigs
238b2 kyi bu| gzhan yang de bzhin gshegs pas thams cad du 'gro ba'i lam yang dag pa ji lta ba bzhin du rab tu mkhyen to/ /ji ltar rab tu mkhyen ce na/ yang dag pa nyid du nges pa'i
238b3 sems can gyi khams kyang rab tu mkhyen to/ /ma nges pa'i sems can gyi khams kyang rab tu mkhyen to/ /log pa nyid du nges pa'i sems can gyi khams kyang rab tu mkhyen to/ /nges pa
238b4 dang bcas pa'i sems can gyi khams kyang de bzhin du rab tu mkhyen to/ /sems can gang dag rgyu'i stobs can/ sngon gyi sbyor ba phun sum tshogs pa/ zur tsam gyis go ba/ dbang po
238b5 rno ba'i sems can de dag la de bzhin gshegs pas chos bstan kyang rung / ma bstan kyang rung ste rnam par grol ba'i skal ba yod pa de dag de bzhin gshegs pas sngon gyi rgyu'i stobs
238b6 mkhyen nas ci nas de dag myur du rnam par grol bar 'gyur bar de lta de ltar chos ston to/ /ma nges pa'i sems can gyi khams kyang rab tu mkhyen te/ gang dag rkyen gyi stobs can
238b7 yongs su smin par bya ba'i mtshan nyid kyi sems can de dag gal te mthun par 'doms shing rjes su ston pa dang phrad na rnam par grol bar 'gyur gyi/ ma phrad na rnam par grol bar
239a1 mi 'gyur ba de dag la'ang de bzhin gshegs pa da lta de ltar rgyu dang / rkyen dang ldan pa'i gtam yang dag par gsung ste/ 'di ltar de bzhin
239a2 gshegs pa las de lta bu'i chos thos nas tshul bzhin rab tu sbyor bas 'bras bu thob par 'gyur ba de dag gi don du sangs rgyas bcom ldan 'das rnams 'byung ngo / /log pa
239a3 nyid du nges pa'i sems can gyi khams kyang de bzhin du rab tu mkhyen te/ yongs su sbyor ba ma byas pa/ kho re chung ba/ blun pa/ snod du ma gyur pa'i sems can de dag la de
239a4 bzhin gshegs pas chos bstan kyang rung / ma bstan kyang rung ste sems can de dag rnam par dgrol ba'i skal ba med pas de dag de bzhin gshegs pas snod ma yin
239a5 par rig nas btang snyoms su 'jog ste/ de dag gi ched du byang chub sems dpa' rnams go cha gyon to/ /rigs kyi bu/ gzhan yang de bzhin gshegs pas 'dod chags
239a6 kyi lam rnam gsum rab tu mkhyen te/ rnam gsum gang zhe na/ 'dod chags kyi lam sdug pa'i rnam pa las skye ba'ang yod/ 'dod chags kyi lam rjes su chags pa'i
239a7 rnam pa las skye ba'ang yod/ 'dod chags kyi lam sngon gyi rgyu las skye ba'ang yod do/ /zhe sdang gi lam rnam pa gsum yang rab tu mkhyen te/ zhe sdang gi lam khong khro
239b1 ba'i rgyu las skye ba'ang yod/ zhe sdang gi lam bsam pa yongs su ma rdzogs pa las skye ba'ang yod/ zhe sdang gi lam sngon gyi bag la nyal las skye ba'ang yod do/ /gti mug
239b2 gi lam rnam pa gsum yang rab tu mkhyen te/ gti mug gi lam ma rig pa'i rgyu las skye ba'ang yod/ gti mug gi lam 'jig tshogs la lta ba'i rgyu las skye ba'ang
239b3 yod| gti mug gi lam the tshom gyi rgyu las skye ba'ang yod de/ de dag kyang de bzhin gshegs pas rab tu mkhyen to/ /rigs kyi bu/ gzhan yang dbang po rno ba'i phyir
239b4 mngon par shes pa myur la dka' ba'i lam yang de bzhin gshegs pas rab tu mkhyen to/ /dbang po rtul ba'i phyir mngon par shes pa bul la dka' ba'i lam yang
239b5 rab tu mkhyen to/ /dbang po rno ba'i phyir mngon par shes pa myur la sla ba'i lam yang rab tu mkhyen to/ /dbang po rtul ba'i phyir mngon par shes pa myur la dka' ba'i lam
239b6 yang rab tu mkhyen to/ /dmigs pa bor ba'i phyir mngon par shes pa bul la bul ba'i lam yang rab tu mkhyen to/ /lam gyi rgyun ma bcad pa'i phyir mngon par shes pa
239b7 myur la bul ba'i lam yang rab tu mkhyen to/ /yongs su thug pa med par dbugs 'byin pa'i phyir mngon par shes pa bul la myur ba'i lam yang rab tu mkhyen to/ /de
240a1 la ma chags pa'i phyir mngon par shes pa myur la bul ba'i lam yang rab tu mkhyen to/ /so sor rtog pa'i stobs yongs su rdzogs par byed kyi sgom
240a2 pa'i stobs la ma yin pa'i lam yang yod de/ de'ang de bzhin gshegs pas rab tu mkhyen to/ /sgom pa'i stobs yongs su rdzogs par byed kyi so sor rtog pa'i stobs la ma
240a3 yin pa'i lam yang yod de/ de'ang de bzhin gshegs pas rab tu mkhyen to/ /so sor rtog pa'i stobs kyang yongs su rdzogs par mi byed la sgom pa'i stobs la'ang ma yin
240a4 pa'i lam yang yod de/ de'ang de bzhin gshegs pas rab tu mkhyen to/ /so sor rtog pa'i stobs dang / sgom pa'i stobs kyang yongs su rdzogs par byed pa'i lam yod
240a5 de| de'ang de bzhin gshegs pas rab tu mkhyen to/ /bsam pa phun sum tshogs la sbyor ba phun sum tshogs pa ma yin pa'i lam yang yod de/ de'ang de bzhin gshegs
240a6 pas rab tu mkhyen to/ /sbyor ba phun sum tshogs la bsam pa phun sum tshogs pa ma yin pa'i lam yang yod de/ de'ang de bzhin gshegs pas rab tu mkhyen to/ /bsam
240a7 pa'ang phun sum tshogs pa ma yin la sbyor ba'ang phun sum tshogs pa ma yin pa'i lam yang yod/ bsam pa'ang phun sum tshogs la sbyor ba'ang phun sum tshogs pa'i lam
240b1 yang yod de/ de'ang de bzhin gshegs pas rab tu mkhyen to/ /lus sbyong gi /ngag lam yin/ sems la ma yin pa'i lam yang yod/ ngag sbyong gi /lus la ma yin /sems
240b2 la ma yin pa'i lam yang yod/ lus dang / ngag dang / sems kyang sbyong ba'i lam yang yod/ lus la ma yin/ ngag la'ang ma yin la/ sems kyang mi sbyong ba'i lam yod
240b3 yod de| de ltar sems can thams cad kyi 'jug pa'i rgyu las byung ba dang / log pa'i rgyu las byung ba'i lam gang ji snyed pa de dag thams cad du de bzhin gshegs pa'i ye
240b4 shes mthong ba thogs pa med pa 'jug ste/ 'di ni/ de bzhin gshegs pa'i de bzhin gshegs pa'i 'phrin las drug pa'o/ /de la 'di skad ces bya'o/ /bde bar gshegs pas
240b5 lam kun rab tu mkhyen cing nges dang rgyu dang bcas pa'i sems can khams kyang mkhyen/ /ma nges yongs su smin par bya ba'i mtshan nyid dang ni de bzhin snod min log par lta
240b6 ldan dang / /'dod chags rnam gsum lam ldan dag dang zhe sdang rnam pa gsum dang de bzhin gti mug ldan pa dang / /nyon mongs khams kyi rnam pa mtha' yas pa dang
240b7 lam gyi rgyu dang rkyen kyang ston pas rab tu mkhyen/ /rno bar gyur la dka' ba'i lam dang de bzhin dbang po rnams ni zhan phyir bul bar gyur pa dang / /rno bar 'gyur la sla ba'i lam
241a1 dang de bzhin bul ba 'jig rten gyi ni mgon pos rab tu mkhyen/ /bul ba'i lam la de yi blo yang bul zhing de bzhin bul bar gyur la rno
241a2 zhing dag pa'ang yod/ /bul bar gyur la myur ba'i lam dang de bzhin de la ma chags phyir ni shin tu myur ba dang / /so sor rtog pa skyed par byed kyi sgom pa'i lam ni skyed par
241a3 mi byed pa yi lam yang yod/ /sgom pa skyed par byed dang khyad par can gyi sbyor dang ldan pas gnyi ga skyed par byed pa'ang yod/ /bsam pa rnam par sbyong bar byed kyi sbyong
241a4 ba dag par byed pa ma yin pa yi lam yang yod/ /gnyi ga sbyong bar byed pa'ang yod de de yang sangs rgyas bdag nyid chen po thams cad gzigs pas mkhyen/ /lus
241a5 ni rnam par sbyong bar byed kyi ngag la ma yin pa dang sems kyang sbyong bar mi byed yod/ /tshig dang de bzhin lus kyang sbyong bar byed kyi nam yang sems ni rnam par sbyong
241a6 bar mi byed dang / /sems ni rnam par sbyong bar byed kyi nam yang ngag ni rnam par sbyong bar mi byed pa'ang yod/ /ngag dang de bzhin sems kyang sbyong bar byed kyi nam
241a7 yang lus ni rnam par sbyong bar mi byed dang / /lus dang de bzhin sems kyang sbyong bar byed pa'i lam dang ji ltar 'jug par 'gyur dang ldog pa yang / /ye shes dang ni
241b1 sems gzigs pas mkhyen 'di yang bde gshegs 'phrin las khyad par 'phags pa drug /rigs kyi bu/ gzhan yang de bzhin gshegs pas bsam gtan dang /
241b2 rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba thams cad yang dag pa ji lta ba bzhin du
241b3 rab tu mkhyen to/ /ji ltar rab tu mkhyen ce na/ sems can rnams kyi kun nas nyon mongs pa skye ba'i rgyu gang yin pa dang / rkyen gang yin pa de'ang de bzhin gshegs
241b4 pas rab tu mkhyen to/ /sems can rnams rnam par dag par 'gyur ba'i rgyu gang yin pa dang / rkyen gang yin pa de'ang de bzhin gshegs pas rab tu mkhyen to/ /de la rgyu
241b5 ni| gang / rkyen ni/ gang zhe na/ sems can rnams kyi kun nas nyon mongs pa'i rgyu ni/ tshul bzhin ma yin pa yid la byed pa'o/ /sems can rnams kyi kun nas nyon mongs
241b6 pa'i rkyen ni/ ma rig pa'o/ /ma rig pa ni/ rgyu'o/ /'du byed rnams ni/ rkyen to/ /'du byed ni/ rgyu'o/ /rnam par shes pa ni/ rkyen to/ /rnam par shes pa ni/ rgyu'o/ /ming
241b7 dang gzugs ni/ rkyen to/ /ming dang gzugs ni/ rgyu'o/ /skye mched drug ni/ rkyen to/ /skye mched drug ni/ rgyu'o/ /reg pa ni/ rkyen to/ /reg pa ni/ rgyu'o/ /tshor ba ni/ rkyen
242a1 to| |tshor ba ni/ rgyu'o/ /sred pa ni/ rkyen to/ /sred pa ni/ rgyu'o/ /nye bar len pa ni/ rkyen to/ /nye bar len pa ni/ rgyu'o/ /srid pa ni/ rkyen to/ /
242a2 srid pa ni/ rgyu'o/ /skye ba ni/ rkyen to/ /skye ba ni/ rgyu'o/ /rga shi ni/ rkyen to/ /rga shi ni/ rgyu'o/ /nyon mongs pa rnams ni/ rkyen to/ /nyon mongs pa rnams ni/ rgyu'o/ /las
242a3 rnams ni/ rkyen to/ /lta ba ni/ rgyu'o/ /sred pa ni/ rkyen to/ /bag la nyal ni/ rgyu'o/ /kun nas ldang ba ni/ rkyen to/ /'di ni/ sems can rnams kyi kun nas nyon mongs
242a4 pa'i rgyu'o/ /'di ni/ rkyen to/ /de la sems can rnams kyi rnam par dag par 'gyur ba'i rgyu ni/ gang / rkyen ni/ gang zhe na/ sems can rnams kyi rnam par dag pa'i rgyu
242a5 gnyis dang / rkyen gnyis so/ /gnyis gang zhe na/ gzhan las rjes su mthun pa'i sgra dang / so so bdag nyid tshul bzhin yid la byed pa ste/ gnyis po 'di dag
242a6 go /gzhan yang sems can rnams kyi rnam par dag pa'i rgyu gnyis dang / rkyen gnyis te/ zhi gnas la rtse gcig pa dang / lhag mthong la mkhas pa'o/ /gzhan
242a7 yang rgyu gnyis dang / rkyen gnyis te/ 'ong ba med par shes pa dang / 'gro ba med par shes pa'o/ /gzhan yang rgyu gnyis dang / rkyen gnyis te/ skye ba med par
242b1 rab tu rtog pa dang / nges par gyur pa la reg pa byed pa'o/ /gzhan yang rgyu gnyis dang / rkyen gnyis te/ rkang par ldan pa dang / rig pas rnam par grol ba mngon sum
242b2 du byed pa'o/ /gzhan yang rgyu gnyis dang / rkyen gnyis te/ rnam par thar pa'i sgo la sgom pa dang / rang bzhin gyis rnam par grol bar shes pa'o/ /gzhan yang rgyu gnyis
242b3 dang / rkyen gnyis te/ zad pa shes pa dang / mi skye ba shes pa'o/ /gzhan yang rgyu gnyis dang / rkyen gnyis te/ bde ba rjes su rtogs pa dang / bden pa rjes su thob pa
242b4 ste| 'di ni/ sems can rnams kyi rnam par dag pa'i rgyu'o/ /'di ni/ rkyen te/ de'ang de bzhin gshegs pas rab tu mkhyen to/ /rigs kyi bu/ gzhan yang kun nas
242b5 nyon mongs pa la dmigs pa tshad med/ rnam par dag pa la dmigs pa'ang tshad med de/ yang dag pa ji lta ba bzhin du so sor rtog pas kun nas nyon mongs pa la
242b6 dmigs pa rnam par byang ba la dmigs par 'jog pa'ang yod/ lhag pa'i nga rgyal gyis 'dzin pas rnam par dag pa la dmigs pa kun nas nyon mongs pa la
242b7 dmigs par 'jog pa'ang yod de/ de la snrel zhi'i rnam grangs kyis de bzhin gshegs pa'i ye shes 'jug go /rigs kyi bu/ de bzhin gshegs pa ni/ ye
243a1 shes 'di lta bu dang ldan pas 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod
243a2 pa dang bcas pa/ dben pa las skyes pa'i dga' ba dang / bde ba can/ bsam gtan dang po la snyoms par zhugs te 'gog pa las ldang ngo / /'gog pa las
243a3 snyoms par zhugs te bsam gtan dang po las ldang ngo / /rnam par thar pa brgyad la rjes su mthun par snyoms par 'jug go /mi mthun par yang snyoms par 'jug
243a4 go /thod rgal du'ang snyoms par 'jug go /ting nge 'dzin ni/ snyoms par 'jug par ston/ snyoms par 'jug pa ni/ ting nge 'dzin du ston kyang de bzhin gshegs
243a5 pa'i ting nge 'dzin la 'dres pa gang yang med cing de bzhin gshegs pa la ni/ dmigs pas ting nge 'dzin la snyoms par 'jug par bya ba med do/ /de bzhin gshegs
243a6 ba'i ting nge 'dzin gcig gis ting nge 'dzin thams cad mngon par 'grub ste/ de bzhin gshegs pa ni/ ting nge 'dzin gcig las ma bzhengs par ting nge 'dzin
243a7 thams cad la snyoms par 'jug kyang de bzhin gshegs pa la sems gcig nas gcig tu 'jug pa med do/ /de bzhin gshegs pa la sems mnyam par ma bzhag
243b1 pa mi dmigs so/ /de bzhin gshegs pa'i ting nge 'dzin ni/ sus kyang blta bar mi nus te/ nyan thos kyi ting nge 'dzin ni/ rang sangs rgyas kyi ting nge 'dzin gyis zil gyis non
243b2 to| |rang sangs rgyas kyi ting nge 'dzin ni/ byang chub sems dpa'i ting nge 'dzin gyis zil gyis non to/ /byang chub sems dpa'i ting nge 'dzin ni/ de bzhin gshegs pa'i ting nge
243b3 'dzin gyis zil gyis non te/ /de bzhin gshegs pa'i ting nge 'dzin ni/ zil gyis mi non pa ste/ 'di la de bzhin gshegs pa'i ye shes ni/ zil gyis mi non par 'jug
243b4 go /gdams pa gang dang / rjes su bstan pa gang gis nyan thos rnams ting nge 'dzin skyed pa de'ang de bzhin gshegs pas rab tu mkhyen to/ /de bzhin du rang sangs rgyas
243b5 dang | de bzhin du byang chub sems dpa' rnams kyi de dag kyang de bzhin gshegs pas rab tu mkhyen to/ /mkhyen nas kyang de bzhin du 'doms shing de bzhin du rjes
243b6 su ston te/ 'di ni/ de bzhin gshegs pa'i de bzhin gshegs pa'i 'phrin las bdun pa'o/ /de la 'di skad ces bya'o/ /'dir ni 'gro ba'i kun nas nyon mongs rgyu
243b7 dang rkyen/ /rgyal ba rang byung ye shes ldan pas de kun mkhyen/ /de bzhin mngon par brtson rgyus rnam dag 'gyur ba yi/ /rgyu dang rkyen de chos kyi rjes ni rab tu mkhyen/ /tshul/
244a1 bzhin ma yin rgyu ste rkyen ni ma rig pa/ /rgyu ni ma rig pa ste rkyen ni 'du byed yin/ /rnam par shes dang ming dang gzugs dang dbang po drug /
244a2 thams cad srid pa'i yan lag 'gro ba'i rgyu dang rkyen/ /nyon mongs rnams ni rgyu ste de bzhin las rnams rkyen/ /lta ba rgyu ste de bzhin sred pa rkyen du gsungs/ /kun tu sbyor
244a3 dang bag la nyal 'di 'dir rgyu ste/ /mi gang rgyu las kun tu byung ba de 'dir rkyen/ /'gro ba rnam dag 'gyur ba'i rgyu dang rkyen gnyis te/ /gzhan las mthun pa'i sgra thos
244a4 pa dang thos nas kyang / /chos rnams stong par nang du tshul bzhin rtog byed pa/ /de ni srid pa'i mtsho la rnam par sgrol bar 'gyur/ /zhi gnas lhag mthong gnyi ga
244a5 zung du 'brel ldan pa/ /sgom pa gang du'ang 'gro ba med cing 'ong ba med/ /de la skye med 'chi 'pho dang ni rtog med de/ /de ni skyon med reg cing rnam par dag par 'gyur//
244a6 rkang par ldan nas rig pa gsum ni rjes su nyal/ /bag yod gyur nas rnam thar gsum gyi sgo la sgom/ /zad pa dang ni mi skye shes dang bden pa thob/ /'di ni rnam dag
244a7 lam du 'dren pa'i rgyu dang rkyen/ /rgyal ba bsam gtan gcig la yang dag snyoms zhugs nas/ /'gog par reg ste de bzhin dran dang ldan par bzhengs/ /rjes
244b1 su mthun dang mi mthun pa dang thod rgal du/ /chos kyi rgyal po rnam thar brgyad la snyoms par 'jug /mtshungs pa med pa mnyam pa nyid la gnas nas ni/ /ting 'dzin gcig
244b2 las ting 'dzin bye ba mtha' yas ston/ /sems la 'dres pa med cing chos la rnam rtog med/ /de phyir rgyal ba mnyam par ma bzhag sems kyang med/ /gang dag nyan thos de
244b3 bzhin rang rgyal ting nge 'dzin/ /byang chub sems dpa'i ting 'dzin rnam pa bye ba dag /de kun bde gshegs ting nge 'dzin gyis zil gyis non/ /gdams pa shes la mkhas
244b4 pa bde gshegs 'phrin las so/ /rigs kyi bu/ gzhan yang de bzhin gshegs pas bdag dang sems can gzhan rnams dang / gang zag gzhan dag gi sngon gyi gnas
244b5 rnam pa du ma rjes su dran no/ /'di lta ste/ skye ba gcig rjes su dran no/ /gnyis sam/ gsum mam/ bzhi'am/ lnga'am/ bcu'am/ nyi shu'am/ sum cu'am/ bzhi
244b6 bcu'am/ lnga bcu'am/ skye ba brgya'am/ skye ba stong ngam/ skye ba brgya phrag stong ngam/ skye ba bye ba brgya phrag stong ngam/ 'jig pa'i bskal pa'am/ 'chags pa'i bskal
244b7 pa'am| 'jig pa dang 'chags pa'i bskal pa'am/ 'jig pa'i bskal pa du ma'am/ 'chags pa'i bskal pa du ma'am/ 'jig pa dang 'chags pa'i bskal pa du
245a1 ma rjes su dran no/ /sems can de dag ming 'di zhes bya bar gyur to/ /nga der byung ste ming 'di zhes bya/ rus ni/ 'di zhes bya/ rigs ni/
245a2 'di zhes bya/ khas zas ni/ 'di lta bu zhig za za/ kha dog ni/ 'di lta bu/ dbyibs ni/ 'di lta bu/ yun ni/ 'di srid cig tu gnas gnas/ bde ba dang sdug bsngal
245a3 ni| 'di lta bu zhig myong ste/ bdag de nas shi 'phos nas che ge mo zhig tu skyes so/ /de nas shi 'phos nas 'dir skyes par rnam pa dang bcas/ yul phyogs dang bcas/
245a4 gzhi ci las gyur pa dang bcas par bdag dang / sems can gzhan dag gi sngon gyi gnas rnam pa du ma rjes su dran no/ /de sems can de'i sngon gyi gnas rjes su dran
245a5 no| |sngon gyi rgyu ji lta bu dang / rgyu gang gis sems can gang kun tu byung ba de'i sngon gyi rgyu de bzhin gshegs pas rab tu mkhyen te/ mkhyen nas kyang de bzhin du chos ston
245a6 to| |'das pa'i sems can thams cad kyi sems kyi rgyu ba'ang de bzhin gshegs pas rab tu mkhyen to/ /sems kyi dmigs pa gang gi 'og tu gang la dmigs pa'i
245a7 sems skye ba dang / dmigs pa gang gis skyes pa dang / dmigs pa gang mtshang bas 'gags pa de'ang de bzhin gshegs pas rab tu mkhyen to/ /de ltar ji tsam du
245b1 sems can gcig gi sems gcig nas gcig tu brgyud de 'jug pa sems de lta bu zhig gi 'og tu sems 'di lta bu zhig byung ba de bskal pa gang+gA'i klung gi bye ma snyed
245b2 du'ang tshig tu bstan pas bstan par dka'o/ /de bzhin du sems can thams cad kyi'ang de lta bur so so'i sems gcig nas gcig tu brgyud pa de bzhin gshegs pas rab
245b3 tu mkhyen to/ /yongs su brtag pa nye bar bzung ste/ de bzhin gshegs pas phyi ma'i mtha'i mur thug par bstan kyang de'i ye shes mthar thug par mi 'gyur ro/ /de bzhin
245b4 gshegs pa'i sngon gyi gnas rjes su dran pa'i mkhyen pa 'di ni/ bsam gyis mi khyab cing mtshungs pa med la tshad med de/ de'i mtha'i gnas ni/ bstan par sla ba ma
245b5 yin no| |sangs rgyas kyi khyu mchog tu gyur pas de bzhin gshegs pa sems can de dag la kye sems can dag /dge ba'i rtsa ba sangs rgyas la bskyed pa'am/ nyan thos la
245b6 bskyed pa'am/ rang sangs rgyas la bskyed pa de lta bu de dran par gyis shig /dran par gyis shig /ces dran par mdzad do/ /'di lta ste/ sangs rgyas kyi mthus de dag
245b7 gis kyang dran par 'gyur ro/ /de bzhin gshegs pas de dag la de dge ba'i rtsa ba la dmigs pa des gang gi phyir ci nas kyang theg pas rnam par grol ba las phyir mi
246a1 ldog par 'gyur ba de ltar de ltar chos ston te/ 'di ni/ de bzhin gshegs pa'i de bzhin gshegs pa'i 'phrin las brgyad pa'o/ /de
246a2 la 'di skad ces bya'o/ /de ni bdag dang de bzhin gzhan dag gi /sngon gyi mtha' ni bye ba khrag khrig dang / /thug pa med par 'jig rten sgron mas dran/ /skyu ru ra lnga phyag mthil
246a3 bzhag pa bzhin/ /ming rus de bzhin kha dog rnam rtog dang / /tshe gnas 'chi 'pho dang ni 'gro ba dang / /rgyu gang gis ni sems can gang 'ongs pa/ /de la dus mkhyen nas
246a4 ni chos kyang ston/ /'gro ba'i sems dang sems las byung ba'i chos/ /gang dag 'das pa mtha' yas thug med dang / /gang gi 'og tu sems ni gang 'byung ba/ /ye
246a5 shes tshe ldan rgyal bas thams cad mkhyen/ /sems can gcig gi sems ni snga ma gang / /'das pa gang yin bde bar gshegs pas mkhyen/ /bskal pa gang+gA'i klung gi bye
246a6 snyed du/ |de ni bstan kyang de la thug pa med/ /gang yang sngon gyi spyod pa bye ba dag /mtha' yas thug pa med pa bstan kyang ni||mtshungs pa med pa'i ye shes mi zad de//
246a7 bde gshegs ye shes rgya mtsho de 'dra 'o/ /sems can gang dag bsam pa dge gyur dang / /gang gis sngon chad rgyal ba bsti stang byas/ /sangs rgyas rdzu 'phrul stobs
246b1 kyi shugs gnas te/ /sngon chad dkar po byas pa dran par byed/ /sngon chad dkar po des byas ci 'dra ba/ /sangs rgyas mthus ni de dag dran par 'gyur/ /de dran nas kyang theg pa
246b2 gsum gnas te/ /de dag thar lam dge las phyir mi ldog /bde gshegs rnams kyi sngon byung mtha' yas pa/ /sems can kun gyis bsam par mi nus te/ /gang gis
246b3 sems can thug pa med btul pa/ /skyes bu chen po rnams kyi 'phrin las brgyad/ /rigs kyi bu/ gzhan yang de bzhin gshegs pas lha'i mig rnam par dag pa mi las shin
246b4 tu 'das pas sems can rnams 'chi 'pho dang / skye ba dang / bzang po dang / ngan pa dang / kha dog mdzes pa dang / kha dog mi sdug pa dang / bde 'gror 'gro ba dang / ngan
246b5 'gror 'gro ba rnams gzigs so/ /kye ma sems can 'di dag ni/ lus kyis nyes par spyod pa dang ldan pa/ ngag gis nyes par spyod pa dang ldan pa/ yid kyi nyes par spyod
246b6 pa dang ldan pa/ 'phags pa rnams la skur pa 'debs pa/ log par lta ba dag ste/ log par lta ba'i las yang dag par blangs pa'i rgyus lus zhig ste shi ba'i 'og tu
246b7 ngan song ngan 'gro log par ltung ba sems can dmyal ba rnams su skye bar 'gyur ro/ /sems can 'di dag ni/ lus kyis legs par spyod pa dang ldan pa/ ngag gis legs
247a1 par spyod pa dang ldan pa/ yid kyis legs par spyod pa dang ldan pa/ 'phags pa rnams la skur pa mi 'debs pa/ yang dag par lta ba
247a2 dag ste| yang dag par lta ba yang dag par blangs ba'i rgyus lus zhig ste shi ba'i 'og tu bde 'gro mtho ris kyi 'jig rten du lha rnams kyi nang du skye bar 'gyur ro/ /zhes
247a3 ji ltar las kyis nye bar 'gro ba'i sems can dag rab tu mkhyen to/ /de la de bzhin gshegs pa'i lha'i mig ni/ 'di yin te/ mig des phyogs bcu'i 'jig
247a4 rten chos kyi dbyings kyis klas pa/ nam mkha'i mthas gtugs pa/ tshad med pa/ grangs med pa/ bgrang ba las shin tu 'das pa'i sangs rgyas kyi zhing dag na zhing gang
247a5 dag kha cig snang ba de dag thams cad ni/ 'jig pa dang / 'chags par gzigs so/ /sems can gang dag kha cig snang ba de dag thams cad ni/ 'chi 'pho ba dang /
247a6 skye bar gzigs so/ /byang chub sems dpa' gang dag kha cig snang ba de dag thams cad ni/ 'chi 'pho ba dang / mngal du 'jug pa dang / btsa' bar gzigs so/ /
247a7 sangs rgyas gang dag kha cig snang ba de dag thams cad ni/ mngon par rdzogs par 'tshang rgya ba dang / chos kyi 'khor lo bskor ba dang / tshe'i 'du byed 'dor ba dang /
247b1 yongs su mya ngan las 'da' bar gzigs so/ /nyan thos gang dag kha cig snang ba de dag thams cad ni/ rnam par grol ba yongs su mya ngan las 'da' bar gzigs so/ /
247b2 rang sangs rgyas gang dag kha cig snang ba de dag thams cad ni/ rdzu 'phrul ston cing yon sbyong bar gzigs so/ /sems can gang dag snang bar ma gyur pa dag dang / gang dag phyi
247b3 rol gyi mngon par shes pa lnga dang ldan pa rnams kyi mig gi lam du ma gyur pa dang / nyan thos rnams kyi ma yin pa dang / rang sangs rgyas rnams kyi ma yin pa dang / byang chub
247b4 sems dpa' dag gi ma yin pa de dag kyang de bzhin gshegs pa'i lha'i mig la snang bar 'gyur ro/ /yang shing rta'i phang lo tsam gyis phyogs na snang bar ma gyur pa'i sems
247b5 can gang dag de bzhin gshegs pa la snang bar gyur pa de dag ni/ ches mang gi /stong gsum gyi stong chen po'i 'jig rten gyi khams kyi lha dang / mi rnams ni/ de lta ma yin
247b6 te| de ltar snang bar ma gyur pa'i sems can gyi khams ni/ tshad med do/ /de ltar sangs rgyas kyis 'dul ba'i sems can gang yin zhes de bzhin gshegs pa'i lha'i mig gis
247b7 sangs rgyas kyi zhing thams cad du sems can gyi khams la rnam par gzigs te/ sangs rgyas kyis 'dul ba'i sems can gyi ris ji snyed pa de dag gi mdun na de snyed kyi de
248a1 bzhin gshegs pa bzhugs shing sems can de dag 'dul yang de dag ma yin pa'i sems can gzhan gyis mi shes te/ 'di ni/ de bzhin
248a2 gshegs pa'i de bzhin gshegs pa'i 'phrin las dgu pa'o/ /de la 'di skad ces bya'o/ /de bzhin gshegs pa'i lha yi mig ni dri med 'od gsal te/ /mig ni rnam sbyangs
248a3 mtha' yas bsod nams gzi brjid gzi brjid gyur/ /phyogs bcu dag gi zhing rnams kun tu mtshan nyid rnam gzigs te/ /gang dag byung dang gang dag 'byung bar
248a4 'gyur dang gang dag byung / /de na sems can gzugs can gzugs med gang dag yod pa dang / /bde 'gro ngan 'gro dag na rab 'bring tha ma gang mchi dang / /sdig pa
248a5 byed pa gang dag ngan 'gro rnams su 'gro ba dang / /gang yang mtho ris bsod nams las can de dag rgyal bas gzigs/ /byang chub sems dpa' gang dag zhing
248a6 rnams kun tu spyad spyod dang / /mngal du 'jug dang 'byung dang byang chub shing drung 'gro ba dang / /gang dag la la byang chub shing drung gnas nas bdud 'dul ba/ /de kun
248a7 sangs rgyas thams cad gzigs pas lha yi mig gis gzigs/ /sangs rgyas chos kyi rgyal po gang dag byang chub mchog sangs rgyas/ /gang dag chos kyi 'khor lo
248b1 bskor zhing lha dang mi rnams 'grol/ /sangs rgyas mdzad pa mchog mdzad nas ni rgyal ba tshe 'dor dang / /gang yang mya ngan 'das pa ston pa de dag rgyal bas gzigs/ /
248b2 gang dag 'dren pa'i chos thos nas ni tshul bzhin rab sbyor ba/ /dam pa bsil bar gyur pa rims med zhi ba'i gnas la reg /gang yang bdag kyang chos thos nas ni srid
248b3 pa'i rgya mtsho las/ /brgal te bde bar pha rol phyin pa de dag rgyal bas gzigs/ /gsang ba pa dang nyan thos rang rgyal byang chub sems dpa' yi/ /lha mig lam du ma
248b4 gyur sems can khams ni mtha' yas gang / /de bzhin gshegs pa'i lha mig rnam dag dri ma med pa yis/ /sems can kun gyi lus phra shin tu gnas pa rnams kyang
248b5 gzigs/ /gang yang phang lo tsam la sems can khams phra rgyal bas gzigs/ /de ni ches mang stong gsum lha mi skye rgu de lta min/ /'gro ba yangs pa dag na sems can
248b6 khams 'khor mtha' yas pa/ /rab tu shes kyang thams cad gzigs la sems can 'du shes med/ /de bzhin gshegs pas 'dul ba'i sems can dbang po rno ba gang / /
248b7 de yi mdun na 'jig rten mgon po chos mchog gsung yang ni/ /sems can tshogs gzhan gang gis kyang ni de bzhin gshegs mi mthong / /'di ni 'dren pa'i lha yi mig
249a1 gi stobs kyi 'phrin las yin/ /rigs kyi bu/ gzhan yang de bzhin gshegs pa zag pa thams cad zad pas bdag skye ba ni/ zad/ tshangs
249a2 par spyod pa ni/ bsten/ bya ba ni/ byas te/ 'di las srid pa gzhan mi shes so/ /zhes zag pa med pa/ sems rnam par grol ba/ rang gi mngon par shes pa mngon sum
249a3 du byas nas rdzogs par byas te gnas so/ /de la de bzhin gshegs pa'i zag pa zad pa mkhyen pa de ni/ dag pa/ dri ma med pa/ yongs su dag pa/ 'od gsal ba/ bag
249a4 chags kyis mtshams sbyor ba thams cad legs par bcom pa'o/ /nyan thos rnams kyi zag pa zad pa ni/ tshad yod pa'i bag chags legs par bcom pa'o/ /rang sangs
249a5 rgyas rnams kyi zag pa zad pa ni/ tshad yod pa/ snying rje chen po dang bral ba/ spobs pa dang bral ba'o/ /de bzhin gshegs pa'i zag pa zad pa ni/ rnam pa thams cad kyi
249a6 mchog dang ldan pa dang / bag chags kyis mtshams sbyor ba thams cad legs par bcom pa/ snying rje chen pos kun tu bzung ba/ mi 'jigs pa dang / spobs pa dang
249a7 ma bral ba/ 'jig rten thams cad kyis zil gyis mi non pa ste/ sems kyi skad cig gcig dang ldan pa'o/ /de ci'i phyir zhe na/ de bzhin gshegs pa la las kyi bag
249b1 chags med/ nyon mongs pa'i bag chags med/ spyod lam 'khrul ba'i bag chags med do/ /'di lta ste/ dper na/ nam mkha' rang bzhin gyis yongs su dag pas rdul
249b2 dang / du ba dang lhan cig mi gnas pa de bzhin gshegs pa'i zag pa zad pa mkhyen pa de'ang las dang / nyon mongs pa'i bag chags thams cad dang lhan cig mi gnas
249b3 so| |de zag pa zad pa mkhyen pa de 'di lta bu la rab tu gnas ma thag tu zag pa dang bcas pa/ len pa dang bcas pa'i sems can rnams la zag pa zad par bya ba dang /
249b4 len pa spang ba'i phyir chos ston to/ /kye ma sems can yang dag pa ma yin pa kun tu rtog pa las kun tu byung ba dag /khyed zag pa dang / len pa de dag la yang dag pa ji
249b5 lta ba bzhin du so sor rtogs shig /ces de dag la de bzhin gshegs pas ci nas kyang zag pa rnams yang dag pa ma yin par yang dag pa ji lta ba bzhin rab tu shes
249b6 par 'gyur ba dang / rab tu shes nas kyang chos gang yang mi len te/ de dag mi len pas yongs su mya ngan las 'da' bar 'gyur ba de lta de ltar dpe nye bar bkod pa'i
249b7 dpe rnams kyis chos ston te/ rigs kyi bu/ 'di ni/ de bzhin gshegs pa'i de bzhin gshegs pa'i 'phrin las bcu pa'o/ /de la 'di skad ces bya'o/ /'dren pa'i
250a1 zag pa zad pa mkhyen pa ni/ /shin tu rgya che ma bsgribs tshad med ldan/ /stobs bcu stobs ni de yis byang chub mchog /zhi ba 'di ni rtogs
250a2 shing rab tu phye/ /nyan thos rnams kyi zag zad shes pa ni/ /bag chags ma bcom tshad dang ldan pa yin/ /mi yi mchog gi rab mchog 'dren pa yi/ /bag chags bcom
250a3 zhing tshad dang ldan ma yin/ /de bzhin gang dag rang rgyal byang chub reg /de la snying rje che dang spobs pa med/ /zag pa dag ni yongs su zad gyur nas/ /snying rje che dang
250a4 spobs pa tshad kyang med/ /sangs rgyas zag zad mkhyen la gnas nas ni/ /'gro ba'i zag pa yang dag ma yin mkhyen/ /rigs pa'i gnas kyi tshul 'di ma shes pas//
250a5 sems can 'di dag thams cad log par sbyor/ /de la rgyal bas snying rje mi zad bskyed/ /mi rtag stong pa bdag med chos kyang ston/ /chos 'di dngos med sgyu ma lta bur
250a6 ni| |rtogs la zhi mchog yang dag thob par gyis/ /'di ni srog dang gang zag shes skyes dang / /shed bu de bzhin byed pa po med kyang / /sems can 'di kun log
250a7 par zhen pas na/ /snying rje bskyed pa ston pa thar pa 'chang / /bde bar gshegs la yongs su skyo med cing / /yang dag shes la nam yang nyes pa med/ /des ni rgyal ba
250b1 rtag tu rnal 'byor brtson/ /'gro la phan phyir chos kyang rab tu ston/ /'di ni pha rol rgol ba rab 'dul ba/ /stobs bcu ldan gyi rgyal dang mthun pa'i las/ /stobs bcu mnga' ba
250b2 stobs der gnas nas ni/ /mtshungs med 'khor lo dam pa rab tu bskor/ /bam po lnga pa/ rigs kyi bu/ gzhan yang de bzhin gshegs pa ni/ de bzhin
250b3 gshegs pa'i mi 'jigs pa bzhi po dag la rab tu gnas te 'phrin las mdzad cing yang dag par rdzogs pa'i sangs rgyas so/ /zhes bdag nyid zhal gyis 'che ba de la lha
250b4 dang bcas pa'i 'jig rten gang gis kyang khyod kyis chos 'di dag mngon par rdzogs par sangs ma rgyas so/ /zhes chos dang mthun pas de bzhin gshegs pa la rgol mi nus
250b5 so| |ci'i phyir de bzhin gshegs pa yang dag par rdzogs pa'i sangs rgyas zhes bya zhe na/ de bzhin gshegs pas chos thams cad mi mnyam pa med par yang dag par
250b6 mngon par rdzogs par sangs rgyas te/ so so'i skye bo'i chos rnams gang yin pa dang / slob pa'i chos rnams gang yin pa dang / mi slob pa'i chos rnams gang yin
250b7 pa dang / rang sangs rgyas kyi chos rnams gang yin pa dang / byang chub sems dpa'i chos rnams gang yin pa dang / sangs rgyas kyi chos rnams gang yin pa de dag thams
251a1 cad de bzhin gshegs pas mnyam pa nyid du yang dag par mngon par rdzogs par sangs rgyas so/ /'jig rten pa dang / 'jig rten las
251a2 'das pa dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas kyi chos gang yin pa de dag
251a3 thams cad kyang de bzhin gshegs pas mnyam pa nyid du yang dag par mngon par rdzogs par sangs rgyas so/ /de la mnyam pa nyid gang zhe na/ lta ba'i ngo bo
251a4 nyid kyis stong pa nyid du mnyam pa nyid do/ /mtshan ma'i ngo bo nyid kyis mtshan ma med par mnyam pa nyid do/ /khams gsum pa'i ngo bo nyid kyis smon pa med par mnyam
251a5 pa nyid do/ /skye ba'i ngo bo nyid kyis mi skye bar mnyam pa nyid do/ /mngon par 'du byed pa'i ngo bo nyid kyis mngon par 'du byed pa med par mnyam pa nyid do/ /'byung
251a6 ba'i ngo bo nyid kyis 'byung ba med par mnyam pa nyid do/ /kun gzhi'i ngo bo nyid kyis kun gzhi med par mnyam pa nyid do/ /dus gsum gyi ngo bo nyid kyis ji lta
251a7 ba bzhin du mnyam pa nyid do/ /ma rig pa dang / srid pa dang / srid pa'i ngo bo nyid kyis rig pa dang / rnam par grol bar mnyam pa nyid do/ /'khor ba'i ngo bo
251b1 nyid kyis mya ngan las 'das par mnyam pa nyid de/ de ltar de bzhin gshegs pas chos thams cad mnyam pa nyid du mngon par rdzogs par sangs rgyas pas de'i phyir
251b2 yang dag par rdzogs pa'i sangs rgyas zhes bya'o/ /de bzhin gshegs pas ji ltar chos de dag mngon par rdzogs par sangs rgyas pa de bzhin du thugs rje chen po la gnas
251b3 te bstan pa sna tshogs dang / rnam grangs sna tshogs dang / rkyen sna tshogs rnams kyis sems can gzhan dag dang / gang zag gzhan rnams la yang dag par rab tu
251b4 ston te| de'i chos de'ang de byed pa'i sdug bsngal yang dag par zad par bya ba'i phyir nges par 'byung ngo / /gang dag ston pa ma yin par ston pa'o/ /zhes khas 'che ba
251b5 dang / yang dag par rdzogs pa'i sangs rgyas ma yin par yang dag par rdzogs pa'i sangs rgyas so/ /zhes khas 'che ba de dag de bzhin gshegs pa'i mi 'jigs
251b6 pa 'dis zil gyis non par 'gyur zhing med par yang 'gro bar 'gyur te/ 'di ni de bzhin gshegs pa'i de bzhin gshegs pa'i 'phrin las bcu gcig pa'o/ /
251b7 de la 'di skad ces bya'o/ /rang byung gis ni chos rnams kun/ /mnyam pa nyid du rjes rtogs pas/ /des ni yang dag rdzogs sangs rgyas/ /de bzhin gshegs pas mnyam
252a1 par gzigs/ /so so'i skye bo'i chos rnams dang / /slob dang mi slob chos rnams dang / /rang rgyal chos rnams gang yin pa/ /de dag sangs rgyas
252a2 chos dang mnyam/ /'jig rten pa dang de bzhin du/ /'jig rten las ni 'das pa dang / /dge dang mi dge gang yin pa/ /mya ngan 'das dang mtshungs shing 'dra/ /stong pa
252a3 mtshan ma med pa dang / /smon pa rnam par spangs pa dang / /skye med mngon par 'du mi byed/ /thams cad mnyam pa nyid du gzigs/ /de dag rtogs nas thugs rje
252a4 yis| |sems can rnams la rab ston to/ /des ni sems can rnam par 'grol/ /'di ni thub pa'i las kyi mchog /rigs kyi bu/ gzhan yang de bzhin gshegs
252a5 pas nga zag pa zad do/ /zhes bdag nyid zhal gyis 'che ba de la lha dang bcas pa'i 'jig rten gang gis kyang khyod zag pa 'di dag ma zad do/ /zhes chos dang mthun
252a6 pas de bzhin gshegs pa la rgol mi nus so/ /de la de bzhin gshegs pa'i zag pa zad pa ni/ 'di yin te/ 'dod pa'i zag pa rnams las de bzhin gshegs
252a7 pa'i sems rnam par grol bas 'dod chags la spyod pa'i bag chags thams cad legs par bcom mo/ /srid pa'i zag pa rnams las de bzhin gshegs pa'i
252b1 sems rnam par grol bas zhe sdang la spyod pa'i bag chags thams cad legs par bcom mo/ /ma rig pa'i zag pa rnams las de bzhin gshegs pa'i sems rnam par
252b2 grol bas gti mug la spyod pa'i bag chags thams cad legs par bcom mo/ /lta ba'i zag pa rnams las de bzhin gshegs pa'i sems rnam par grol bas nyon mongs
252b3 pa la spyod pa'i bag chags thams cad legs par bcom ste/ de'i phyir 'jig rten gyi kun rdzob nye bar bzung nas de bzhin gshegs pa zag pa zad pa zhes bya'o/ /don
252b4 dam par ni/ 'phags pa'i shes rab dang / ye shes kyi mdun na gang yongs su shes par bya ba'am/ spang bar bya ba'am/ bsgom par bya ba'am/ mngon sum du bya
252b5 bar 'gyur ba'i chos gang yang mi gnas so/ /de ci'i phyir zhe na/ gang zad pa zhes bya ba de ni/ nam du'ang mi zad pa yin no/ /de ni/ shin tu zad pa nyid yin gyi/ gnyen
252b6 pos zad pa zhes ni/ mi bya ste/ de ni/ ji lta ba bzhin du zad pa'o/ /ji lta ba bzhin du zad pa gang yin pa de la zad pa gang yang med do/ /gang la zad pa gang yang med pa de
252b7 'dus ma byas pa'o/ /'dus ma byas pa gang yin pa de la skye ba med/ 'jig pa med/ gnas pa med de/ de'i phyir de bzhin gshegs pa rnams byung yang rung /ma byung yang
253a1 rung ste| chos nyid dang / chos kyi dbyings de ni/ gnas pa nyid do/ /chos kyi dbyings de ji ltar gnas pa de bzhin du de la ye shes zhugs
253a2 te| ji ltar 'jug pa med pa dang / ldog pa med pa de ltar zhugs so/ /de lta bu'i chos kyi tshul gyis zag pa dang / zag pa spong ba mi dmigs te/ de bzhin gshegs
253a3 pa ni| thugs rje chen po la gnas nas sems can rnams kyi zag pa spang ba'i phyir sems can rnams la chos ston te/ 'di ni/ de bzhin gshegs pa'i de bzhin
253a4 gshegs pa'i 'phrin las bcu gnyis pa'o/ /de la 'di skad ces bya'o/ /rgyal bas 'dod pa'i zag pa spangs pas na/ /'dod chags bag chags phyis ni yod ma yin//
253a5 mi dbang srid pa kun las rnam grol bas/ /de yi nyes pa ma lus yang dag chad/ /bde gshegs rig pa kun la gnas pas na/ /de yi gti mug lhag ma ma lus bral//
253a6 mi yi seng+ge lta ba kun dang bral/ /des ni nyon mongs spyod pa'i bag chags med/ /kun gyis zag pa zad pa thob 'gyur bar/ /rgyal ba kun rdzob tu ni chos ston to/ /gang
253a7 zhig 'phel ba dang ni zad 'gyur ba/ /chos de dam pa'i don du yod ma yin/ /zad pa gnyen pos zad pa ma yin te/ /sngon nas zad pas de phyir zad ces bstan/ /zad
253b1 pa gang yin de ni 'dus ma byas/ de la mtshan nyid gsum ni yod ma yin/ /dbyings de gnas pa yin te 'gyur ba med/ /dbang gi pha rol son pas chos rnams mkhyen/ /
253b2 de dag shes nas de bzhin chos ston te/ /'di ni rgyal ba'i 'phrin las bcu gnyis pa/ /rigs kyi bu/ gzhan yang de bzhin gshegs pas bar du gcod pa'i chos rnams
253b3 mtshungs par rab tu gcod par yang dag pa ji lta ba bzhin du rab tu mkhyen pa de la lha dang bcas pa'i 'jig rten gang gis kyang chos 'di dag bar du gcod par mi 'gyur
253b4 ro| |zhes chos dang mthun pas de bzhin gshegs pa la rgol mi nus so/ /de la bar du gcod pa'i chos rnams gang zhe na/ bar du gcod par 'gyur ba'i chos gcig
253b5 ste/ gcig gang zhe na/ 'di lta ste/ dang ba med pa'i sems so/ /bar du gcod pa'i chos gnyis te/ gnyis gang zhe na/ 'di lta ste/ ngo tsha mi shes pa dang / khrel
253b6 med pa'o/ /bar du gcod par 'gyur ba'i chos gsum ste/ gsum gang zhe na/ 'di lta ste/ lus kyis nyes par spyod pa dang / ngag gis nyes par spyad pa dang / yid kyis
253b7 nyes par spyad pa ste/ gsum po 'di dag go /bar du gcod par 'gyur ba'i chos bzhi ste/ bzhi gang zhe na/ 'di lta ste/ 'gro ba ma yin par 'gro ba bzhi ste/ 'dun pas
254a1 'gro ba ma yin par 'gro ba dang / zhe sdang gis 'gro ba ma yin par 'gro ba dang / gti mug gis 'gro ba ma yin par 'gro ba
254a2 dang / 'jigs pas 'gro ba ma yin par 'gro ba ste/ bzhi po 'di dag go /bar du gcod par 'gyur ba'i chos lnga ste| lnga gang zhe na/ 'di lta ste/ srog gcod pa
254a3 dang / ma byin par len pa dang / 'dod pa la log par g.yem pa dang / brdzun du smra ba dang / chang 'thung ba ste/ lnga po 'di dag go /bar du gcod par 'gyur ba'i
254a4 chos drug ste/ drug gang zhe na/ 'di lta ste/ sangs rgyas la ma gus pa yin/ chos la ma gus pa yin/ dge 'dun la ma gus pa yin/ bslab pa la ma gus pa
254a5 yin/ ting nge 'dzin la ma gus pa yin/ gding ba la ma gus pa yin te/ drug po 'di dag go /bar du gcod par 'gyur ba'i chos bdun te/ bdun gang zhe na/
254a6 'di lta ste/ nga rgyal dang / che ba'i nga rgyal dang / nga rgyal las kyang nga rgyal dang / nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal
254a7 dang / log pa'i nga rgyal te/ bdun po 'di dag go /bar du gcod par 'gyur ba'i chos brgyad de/ brgyad gang zhe na/ 'di lta ste/ log pa'i lta ba dang / log pa'i
254b1 rtog pa dang / log pa'i ngag dang / log pa'i las kyi mtha' dang / log pa'i 'tsho ba dang / log pa'i rtsol ba dang / log pa'i dran pa dang / log pa'i ting nge 'dzin te/
254b2 brgyad po 'di dag go /bar du gcod par 'gyur ba'i chos dgu ste/ dgu gang zhe na/ 'di lta ste/ bdag la gnod pa byas so/ /byed do/ /byed par 'gyur ro/ /zhes kun nas
254b3 mnar sems kyi sems skyed pa dang / bdag gi mdza' bo gang yin pa de la gnod pa byas so/ /byed do/ /byed par 'gyur ro/ /zhes kun nas mnar sems kyi sems skyed pa dang /
254b4 bdag dang mi mdza' ba gang yin pa de'i don byas so/ /byed do/ /byed par 'gyur ro/ /zhes kun nas mnar sems kyi sems skyed pa ste/ dgu po 'di dag go /bar du gcod par
254b5 'gyur ba'i chos bcu ste/ bcu gang zhe na/ 'di lta ste/ mi dge ba bcu'i las kyi lam rnams yin no/ /bcu gang zhe na/ 'di lta ste/ srog gcod pa dang / ma byin par
254b6 len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig kyal pa dang / brnab sems dang / gnod sems dang /
254b7 log par lta ba ste/ tshul bzhin ma yin pa yid la byed pa dang ldan pa'i kun tu sbyor bar 'gyur ba'i chos rnams ro myang ba la rjes su lta zhing gnas pa dang / phyin ci log
255a1 log dang ldan pa dang / sgrib pas kun nas dkris pa dang / sred pa dang lta ba la mngon par zhen pa'i zang zing dang bcas pa dang / phung po
255a2 dang bcas pa'i lus kyi las dang / ngag gi las dang / yid kyi las ji snyed pa de dag thams cad bar du gcod pa'i chos su de bzhin gshegs pas mkhyen
255a3 cing bar du gcod par 'gyur ro/ /zhes de bzhin gshegs pa de bzhin du yang dag pa ji lta ba bzhin du ston te/ 'di dag ni/ bar du gcod par 'gyur ba'i chos rnams
255a4 so| |bar du gcod par 'gyur ba'i chos de dag zhi bar bya ba dang / nye bar zhi bar bya ba dang / spang bar bya ba'i phyir de bzhin gshegs pas chos ston te/ 'di ni/ de
255a5 bzhin gshegs pa'i de bzhin gshegs pa'i 'phrin las bcu gsum pa'o/ /de la 'di skad ces bya'o/ /rgyal ba yis ni chos gang rjes rtogs pa/ /de dag bsten na
255a6 rnam par grol mi thob/ /gang la dad pa spang ba yod pa dang / /gang la ngo tsha khrel ltas cung zad med/ /de bzhin lus dang ngag dang sems sdom pa/ /gang dag la ni
255a7 nam yang med pa dang / /'dun pa dang ni zhe sdang gti mug nas/ /srog gcod gzhan gyi longs spyod 'jig pa'i bdag /gzhan gyi chung ma rdzun smra de bzhin chang / /ma
255b1 gus drug po dag dang nga rgyal bdun/ /log pa brgyad ni gang yin de dag kyang / /thams cad rnam par grol ba'i lam gyi gegs/ /kun nas mnar sems dngos po dgur
255b2 gsungs dang / /mi dge bcu po'i las kyi lam rnams dang / /gang yang tshul bzhin mi ldan de dag la/ /mngon par shes dang thar pa nam yang med/ /de dag phyin ci log
255b3 dang ldan pa dang / /mthar zhen yang dag ma yin chags rig nas/ /chos rnams 'di dag rnam par spang ba'i phyir/ /rgyal ba dbang po byams pas 'chad pa mdzad/ /rigs
255b4 kyi bu| gzhan yang de bzhin gshegs pas 'phags pa'i nges par 'byung ba'i lam ni/ de byed pa'i sdug bsngal yang dag par zad par 'gyur ba'i 'phags pa'i nges
255b5 bar 'byung ba'i lam du yang dag pa ji lta ba bzhin du rab tu mkhyen te/ de la brten na sems can rnams nges par 'byung ba de la lha dang bcas pa'i 'jig rten gang gis kyang
255b6 'di nges par 'byung ba'i lam ma yin no/ /zhes chos dang mthun pas de bzhin gshegs pa la rgol mi nus so/ /nges par 'byung ba'i lam gang zhe na/ 'di lta ste/ sems
255b7 can rnams rnam par dag par 'gyur ba'i bgrod pa gcig pu'i lam mo/ /nges par 'byung ba'i lam gyi chos gnyis te/ gnyis gang zhe na/ 'di lta ste/ zhi gnas dang /
256a1 lhag mthong ngo / /nges par 'byung ba'i lam gyi chos gsum ste/ gsum gang zhe na/ 'di lta ste/ stong pa nyid dang / mtshan ma med pa dang /
256a2 smon pa med pa ste/ gsum po 'di dag go /nges par 'byung ba'i lam gyi chos bzhi ste/ bzhi gang zhe na/ 'di lta ste/ lus su gtogs pa'i dran pa dang / tshor bar
256a3 gtogs pa dang / sems su gtogs pa dang / chos su gtogs pa'i dran pa ste/ de la nang gi lus la lus kyi rjes su lta ba'i dran pa nye bar gzhag pa dang / phyi'i
256a4 lus la lus kyi rjes su lta ba'i dran pa nye bar bzhag pa dang / nang dang phyi'i lus la lus kyi rjes su lta ba'i dran pa nye bar gzhag pa dang / nang gi tshor ba dang / phyi'i
256a5 tshor ba dang / nang dang phyi'i tshor ba la tshor ba'i rjes su lta ba'i dran pa nye bar gzhag pa dang / nang gi sems dang / phyi'i sems dang / nang dang phyi'i sems la sems
256a6 kyi rjes su lta ba'i dran pa nye bar gzhag pa dang / nang gi chos dang / phyi'i chos dang / nang dang phyi'i chos rnams la chos kyi rjes su lta ba'i dran pa nye bar gzhag pa ste/
256a7 bzhi po 'di dag go /nges par 'byung ba'i lam gyi chos lnga ste/ lnga gang zhe na/ 'di lta ste/ dad pa'i dbang po dang / brtson 'grus kyi dbang po dang / dran pa'i dbang
256b1 po dang / ting nge 'dzin gyi dbang po dang / shes rab kyi dbang po ste/ lnga po 'di dag go /nges par 'byung ba'i lam gyi chos drug ste/ drug gang zhe na/ 'di lta ste/ sangs rgyas
256b2 rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa ste/ drug
256b3 po 'di dag go /nges par 'byung ba'i lam gyi chos bdun te/ bdun gang zhe na/ 'di lta ste/ dran pa yang dag byang chub kyi yan lag dang / chos rnam par 'byed pa yang
256b4 dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang
256b5 chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ bdun po 'di dag go /nges par 'byung
256b6 ba'i lam gyi chos brgyad de/ brgyad gang zhe na/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi
256b7 mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ brgyad po 'di dag go /nges par 'byung
257a1 ba'i lam gyi chos dgu ste/ dgu gang zhe na/ 'di lta ste/ bsam gtan dang po dang / bsam gtan gnyis pa dang / bsam gtan
257a2 gsum pa dang / bsam gtan bzhi pa dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par
257a3 'jug pa dang / ci'ang med pa'i skye mched kyi snyoms par 'jug pa dang / 'du shes med 'du shes med min skye mched la snyoms par 'jug pa dang / 'du shes dang tshor ba 'gog
257a4 pa'i snyoms par 'jug pa ste/ dgu po 'di dag go /nges par 'byung ba'i lam gyi chos bcu ste/ bcu gang zhe na/ 'di lta ste/ dge ba bcu'i las kyi lam rnams so/ /de dag kyang gang
257a5 zhe na/ 'di lta ste/ srog gcod pa spong ba dang / ma byin par len pa spong ba dang / 'dod pas log par g.yem pa spong ba dang / brdzun du smra ba spong ba dang / phra ma spong ba dang / ngag
257a6 rtsub po spong ba dang / tshig kyal pa spong ba dang / brnab sems spong ba dang / gnod sems spong ba dang / log par lta ba spong ba ste/ nges par 'byung ba'i lam gyi chos bcu po 'di dag go /de
257a7 ltar ji tsam byang chub kyi phyogs kyi chos dge ba tshul khrims kyi phung po dang ldan pa'am/ ting nge 'dzin gyi phung po dang ldan pa'am/ shes rab kyi phung po dang ldan pa'am/ rnam par grol
257b1 ba'i phung po dang ldan pa'am/ rnam par grol ba'i ye shes mthong pa'i phung po dang ldan pa'am/ 'phags pa'i bden pa dang ldan pa de'ang nges par 'byung ba'i lam zhes bya'o/ /
257b2 gzhan yang nges par 'byung ba'i lam zhes bya ba ni/ gang yang yang dag par sgrub pa'o/ /yang dag par sgrub pa gang yin pa de la ni gsog pa'am/ mi gsog pa'am/ blang
257b3 pa'am/ dor ba'am/ gzung ba'am/ spong ba'i chos gang yang med do/ /de ci'i phyir zhe na/ yang dag par zhugs pa ni gnyis la blo mi 'jug ste/ chos thams cad gnyis
257b4 su med par yang dag pa ji lta ba bzhin du ye shes kyis mthong ba ni nges par 'byung ba'i lam ste/ de bzhin gshegs pa nges par 'byung ba'i lam de sems can rnams la
257b5 yang dag par ston to/ /de la brten na/ de byed pa'i sdug bsngal yang dag par zad par 'gyur ba'i phyir sems can rnams nges par 'byung ste/ 'di ni de bzhin gshegs
257b6 pa'i de bzhin gshegs pa'i 'phrin las bcu bzhi pa'o/ /de la 'di skad ces bya'o/ /gang sbyangs bde ba tshad med 'gyur ba dang / /gang brten pas na mis ni zhi rig pa/ /thams
257b7 cad rgyal bas mkhyen te rang thos shing / /mkhyen nas 'chi med 'gro ba'i chos ston to/ /rgyal bas bsngags pa dge ba byang chub phyogs/ /dge chos mang po ji snyed yod pa dag /
258a1 blo gros can gyis bsten na mi 'grol ba'i/ /gnas med ces ni bde bar gshegs pas bshad/ /yang dag chos la mkhas dang yang dag
258a2 ldan| |tshul bzhin gyis ni nyon mongs rgya chen zhi/ /chos min ma zhen chos la'ang ma yin pa/ /de ni rnam grol nad med zhi la reg /rten la mkhas pa gang zhig chos rnams
258a3 la| |gsob gsog ya ma brla dang mkha' 'dra dang / /sgyu ma'i gzugs mtshungs rmi lam 'drar rtog pa/ /de ni srid pa'i mtsho las thar par 'gyur/ /'di ni drang srong rgyal po
258a4 thub pa'i las/ /snying rje bskyed nas skye bo myos pa dang / /gang phyir srid pa'i 'khor lo las 'grol ba/ /de phyir de dag 'dra ba med pa yin/ /rigs kyi bu/ gzhan yang
258a5 gang gi phyir de'i lus 'khrul pas byis pa'am/ mkhas pas kyang rung ste/ chos dang mthun pas rgol bar 'gyur ba'i 'khrul pa de bzhin gshegs pa la med do/ /de ci'i
258a6 phyir zhe na/ sangs rgyas bcom ldan 'das rnams ni/ sku'i 'phrin las 'khrul pa med pa dang ldan pa ste/ kun tu gzigs pa dang / rnam par gzigs pa dang / bskum
258a7 pa dang / rmyang ba dang / chos gos snam sbyar dang / than ba dang / lhung bzed dang / chos gos thogs pas spyod lam mdzes par bzhud pa dang / byon pa dang / 'chag
258b1 pa dang / bzhengs pa dang / bzhugs pa dang / gzims pa dang / grong dang / grong khyer dang / grong rdal du 'jug pa dang / 'byung ba na zhabs kyi mthil sa la mi reg
258b2 ste| 'khor lo rtsibs stong pas las 'byung zhing dri yid du 'ong ba'i pad+ma mngon par 'byung ste/ de la de bzhin gshegs pa'i zhabs 'jog go /de la gang dud 'gro'i skye
258b3 gnas su song ba'i sems can gang dag de bzhin gshegs pa'i zhabs la reg pa de dag zhag bdun rab tu bde ba dang ldan par 'gyur ro/ /shi 'phos na'ang bde 'gro
258b4 mtho ris kyi 'jig rten du skye bar 'gyur ro/ /de bzhin gshegs pa'i sku la chos gos sor bzhin tsam gyis mi reg mod kyi/ rnam par 'thor rlung gi rlung gis kyang bzlog
258b5 bar mi nus so/ /sku'i 'od kyis mnar med pa'i bar gyi sems can bde bar byed de/ de'i phyir de bzhin gshegs pa'i sku la 'khrul pa med ces bya'o/ /rigs kyi bu/ yang
258b6 gang gi phyir de'i gsung gi 'khrul pas byis pa'am/ mkhas pas kyang rung ste/ chos dang mthun pas rgol bar 'gyur ba'i gsung gi 'khrul pa de bzhin gshegs pa la
258b7 med do| |de ci'i phyir zhe na/ rigs kyi bu/ de bzhin gshegs pa ni/ dus su gsung ba/ tshigs su gsung ba/ yang dag par gsung ba/ bden par gsung ba/ ji
259a1 skad gsungs pa de bzhin du mdzad pa'o/ /shin tu nges pa'i tshig dang ldan pa'o/ /sems can thams cad tshim par byed pa'i tshig dang ldan pa'o/ /
259a2 mi zlos pa'i tshig dang ldan pa'o/ /don dang tshig 'brus ba rgyan pa'i tshig dang ldan pa'o/ /skad cig brjod pas sems can thams cad kyi bsam pa tshim par brnyed pa ste/ de'i
259a3 phyir de bzhin gshegs pa'i gsung 'khrul pa med ces bya'o/ /rigs kyi bu/ yang gang gi phyir de'i thugs 'khrul pas byis pa'am/ mkhas pas kyang rung ste/ chos dang
259a4 mthun pas rtsod par 'gyur ba'i sems kyi 'khrul pa de bzhin gshegs pa la med do/ /de ci'i phyir zhe na/ 'di ltar de bzhin gshegs pa ni/ mnyam par bzhag pa'i
259a5 gnas mi 'dor zhing sangs rgyas kyi mdzad pa thams cad mdzad kyang sems der mi gtong zhing chos thams cad la chags pa med pa'i ye shes kyi mthong ba 'jug ste/ de'i
259a6 phyir de bzhin gshegs pa'i sems 'khrul pa med ces bya'o/ /ji ltar de'i sems 'khrul pa med pa de bzhin du 'khrul pa thams cad sel ba'i phyir sems can rnams
259a7 la chos ston te/ 'di ni/ de bzhin gshegs pa'i de bzhin gshegs pa'i 'phrin las bco lnga pa'o/ /de la 'di skad ces bya'o/ /sku dang gsung dang thugs kyi 'khrul
259b1 pa dag /rnam par 'dren la cung zad yod ma yin/ /'jig rten mgon po kha na ma tho med/ /'khrul med 'gro la phan byed kun nas gzigs/ /ji ltar rgyal ba cung zad 'khrul
259b2 med pa| |de ltar chos mchog zhi ba 'gro la ston/ /'khrul pa 'di dag thams cad rnam spangs pa/ /'di ni rgyal ba'i 'phrin las bco lnga pa/ /rigs kyi bu/ gzhan yang de'i
259b3 ca co gang las bdud dam/ bdud kyi ris kyi lha'am/ gzhan mu stegs can dag gis glags rnyed par 'gyur ba'i ca co de bzhin gshegs pa la med do/ /de ci'i phyir zhe
259b4 na| de bzhin gshegs pa la ca co'am/ rjes su ca co med do/ /de ci'i phyir zhe na/ de bzhin gshegs pa ni/ rjes su chags pa dang / khong khro ba dang bral ba ste/ sems can
259b5 thams cad kyis bkrus ti byas kyang mtho bar mi sems/ sems can thams cad kyis bkur sti ma byas kyang sro shi bar mi 'gyur ro/ /gang gi phyir de 'gyod pas rjes su ca co
259b6 'byung bar 'gyur ba bya dka' ba'i bya ba'am/ mthar ma phyin pa cung zad kyang de bzhin gshegs pa la med do/ /de bzhin gshegs pa ni/ 'jig rten gang dang yang rtsod
259b7 pa ma yin te/ de'i phyir de bzhin gshegs pa la ca co med do/ /de bzhin gshegs pa ni/ nyon mongs pa med pa la gnas pa ste/ nga yi ba med pa/ yongs su 'dzin pa
260a1 med pa| len pa med pa/ mdud pa thams cad dang bral ba ste/ de'i phyir de bzhin gshegs pa la ca co med do/ /ji ltar de la ca co med pa
260a2 de bzhin du sems can thams cad kyis ca co thams cad spang pa'i phyir chos ston to/ 'di ni/ de bzhin gshegs pa'i de bzhin gshegs pa'i 'phrin las bcu drug
260a3 pa'o| |de la 'di skad ces bya'o/ /bsngags pa thos kyang mtho bar sems pa med/ /mi bsngags thos kyang sro shir mi 'gyur te/ /rjes su chags dang khrong khror 'gyur ba
260a4 med| |sngon spyod legs par spyad pa smad pa min/ /rgyal bas nyon mongs med pa rtag tu bsgoms/ /de la nga yi med cing 'dzin mdud med/ /ji ltar gnas pa de ltar
260a5 chos ston te/ /'di ni bden pa mthong ba'i lam gyi mchog /rigs kyi bu/ gzhan yang bsnyel ba gang gis chos gang la'ang rmongs par 'gyur ba'i bsnyel ba de bzhin
260a6 gshegs pa la med do/ /de ci'i phyir zhe na/ de bzhin gshegs pa ni/ bsam gtan dang / rnam par thar pa dang / ting nge 'dzin dang / snyoms par 'jug pa
260a7 thams cad la bsnyel ba med do/ /de bzhin gshegs pa ni/ sems can thams cad kyi sems kyi spyod pa dang / g.yo ba la rnam par lta zhing so so ci rigs par chos ston
260b1 pa la bsnyel ba med do/ /de bzhin gshegs pa ni/ don dang / chos dang / nges pa'i tshig dang / spobs pa so so yang dag par rig pa rnams la bsnyel ba med do/ /de bzhin
260b2 gshegs pa ni/ 'das pa dang / ma 'ongs pa dang / da ltar byung ba la chags pa med pa'i ye shes mthong ba la bsnyel ba med do/ /de bzhin gshegs pa ji ltar bdag bsnyel
260b3 ba med pa de ltar sems can thams cad brjod par mi 'gyur bar chos ston te/ 'di ni/ de bzhin gshegs pa'i de bzhin gshegs pa'i 'phrin las bcu bdun pa'o/ /de
260b4 la 'di skad ces bya'o/ /chos dang ye shes rnam thar spyod yul la/ /rnam par 'dren pa bsnyel ba med pa ste/ /bsam pa ji bzhin chos rnams bstan pa'i phyir/ /sems
260b5 can bsam pa rnams la spyod mtha' yas/ /so so yang dag rig la bsnyel ba med/ /dus gsum la ni ye shes bsgribs pa med/ /ji ltar mi bsnyel de ltar chos ston te/
260b6 'di ni skyes mchog rnams kyi 'phrin las yin/ /rigs kyi bu/ gzhan yang de bzhin gshegs pa la sems mnyam par ma bzhag pa med do/ /de bzhin gshegs pa ni /
260b7 'chag gam/ bzhengs sam/ bzhugs sam/ gzigs sam/ bshos gsol lam/ gsung ngam/ cang mi gsung yang rung ste/ rtag tu mnyam par bzhag pa/
261a1 ting nge 'dzin zab mo'i mchog thob pa/ sgrib pa med pa'i bsam gtan la bsam gtan byed pa ste/ de bzhin gshegs pa'i byin gyis
261a2 rlabs ma gtogs par sems can gyi ris na sems can gang mnyam par bzhag kyang rung / mnyam par ma bzhag kyang rung ste/ su yang de bzhin gshegs pa'i
261a3 sems la lta bar nus pa med do/ /de bzhin gshegs pa ji ltar rtag tu mnyam par bzhag pa de ltar de bzhin gshegs pa sems can rnams ting nge 'dzin las mi
261a4 g.yeng bar bya ba'i phyir chos ston to/ /'di ni/ de bzhin gshegs pa'i de bzhin gshegs pa'i 'phrin las bco brgyad pa'o/ /de la 'di skad ces bya'o/ /bzhengs sam
261a5 bzhugs sam gzims sam 'chag pa rnams su yang / /sangs rgyas sems ni mnyam par ma bzhag nam yang med/ /mi gsung bzhugs dang gsung pa dang ni bshos
261a6 gsol dang / /rgyal ba mnyam par bzhag la g.yeng ba mi dmigs so/ /gang zhig bde gshegs mnyam par bzhag pa'i sems shes pa/ /gang zag de ni phyogs bcu
261a7 dag na'ang yod ma yin/ /de ni ji ltar mnyam bzhag de ltar 'gro ba la/ /rtag tu chos rnams ston te 'di ni rgyal ba'i las/ /rigs kyi bu/ gzhan yang tha dad pa'i 'du
261b1 shes gang gis sems mi mnyam par gnas par 'gyur ba'i tha dad pa'i 'du shes de bzhin gshegs pa la med do/ /de ci'i phyir zhe na/ nam mkha' bzhin du zhing mi zad pa'i
261b2 phyir de bzhin gshegs pa zhing rnams la tha dad pa'i 'du shes med do/ /rang bzhin gyis bdag med pa'i phyir de bzhin gshegs pa sems can rnams la tha dad pa'i 'du shes
261b3 med do| |chos kyi dbyings 'dres pa med cing mnyam pa nyid du shes pa'i phyir de bzhin gshegs pa sangs rgyas kyi zhing rnams la tha dad pa'i 'du shes med do/ /'dod chags
261b4 dang bral ba'i chos nyid kyi phyir de bzhin gshegs pa chos rnams la tha dad pa'i 'du shes med do/ /de bzhin gshegs pa ni/ tshul khrims dang ldan pa rnams la'ang rjes
261b5 su chags pa med/ tshul khrims 'chal pa rnams la'ang khong khro ba med/ phan btags pa rnams la'ang lan du phan 'dogs pa med/ gnod pa byas pa rnams la'ang
261b6 lan du gnod pa byed pa med/ 'dul bar 'os pa rnams la'ang mnyam pa nyid du ma yin/ log par nges pa rnams la'ang smod pa ma yin gyi/ de bzhin gshegs pa
261b7 ni| chos thams cad la mnyam pa nyid du gnas pa ste/ de'i phyir de bzhin gshegs pa la tha dad pa'i 'du shes med ces bya'o/ /ji ltar de bzhin gshegs pa la tha
262a1 dad pa'i 'du shes med pa de ltar sems can thams cad kyi tha dad pa'i 'du shes spang ba'i phyir chos ston te/ 'di ni/ de bzhin gshegs
262a2 pa'i de bzhin gshegs pa'i 'phrin las bcu dgu pa'o/ /de la 'di skad ces bya'o/ /zhing dang sems can de bzhin chos rnams la/ /tha dad 'du shes bde bar gshegs
262a3 pa med| /mnyam nyid gnas shing grags pa che rnams la/ /tha dad 'du shes nam yang yod ma yin/ /khrims ldan kha na ma tho med pa'i khrims/ /sems can 'dul
262a4 ba'i 'os dang gdul dka' ba/ /de la rkang gnyis dam pa sems mnyam ste/ /sems can tha dad 'dzin pa thar par byed/ /rigs kyi bu/ gzhan yang de bzhin gshegs
262a5 pa la so sor ma brtags pa'i btang snyoms med do/ /de ci'i phyir zhe na/ de bzhin gshegs pa'i btang snyoms ni/ lam bsgoms pa yin gyi/ lam ma bsgoms
262a6 pa ma yin te/ lus bsgoms pa/ sems bsgoms pa/ tshul khrims bsgoms pa'o/ /de bzhin gshegs pa'i btang snyoms ni/ shes rab bsgoms pa yin
262a7 gyi| ma bsgoms pa ma yin no/ /de bzhin gshegs pa'i btang snyoms ni/ ye shes dang ldan pa yin gyi/ gti mug dang ldan pa ma yin no/ /de bzhin gshegs
262b1 pa'i btang snyoms ni/ 'jig rten las 'das pa yin gyi/ 'jig rten par ltung ba ma yin no/ /de bzhin gshegs pa'i btang snyoms ni/ 'phags pa nges par 'byung ba
262b2 yin gyi| 'phags pa ma yin pa nges par mi 'byung ba ma yin no/ /de bzhin gshegs pa'i btang snyoms ni/ chos kyi 'khor lo bskor ba ste/ sems can la snying rje chen
262b3 po dang bral ba ma yin no/ /de bzhin gshegs pa'i btang snyoms de ni/ rang gi tshul gyis sgrub pa ste/ gnyen po'i rjes su song ba ma yin/ mtho bar sems pa ma yin/
262b4 dma' bar sems pa ma yin te/ gnas pa mi g.yo bar gyur pa/ dmigs pa dang bral ba/ rtog pa dang sel ba las shin tu 'das pa/ dus la lta ba/ dus las ma
262b5 yol ba| mi g.yo ba/ mi sems pa/ mi rtog pa/ rnam par mi rtog pa/ rnam par ma bsgrubs pa/ bstan du med pa/ yang dag pa/ de kho na/ de bzhin nyid/ gzhan ma
262b6 yin pa de bzhin nyid de/ de bzhin gshegs pa ni/ btang snyoms chen po de lta bu phun sum tshogs pas sems can thams cad la btang snyoms de lta bu yongs su rdzogs
262b7 par bya ba'i phyir chos ston te/ 'di ni/ de bzhin gshegs pa'i de bzhin gshegs pa'i 'phrin las nyi shu ba'o/ /de la 'di skad ces bya'o/ /legs spyad lam mchog
263a1 shin tu bsgoms pa'i phyir/ /so sor ma brtags btang snyoms yod ma yin/ /gang zag mchog ni lus dang de bzhin sems/ /tshul khrims
263a2 shes rab bden pa shin tu bsgoms/ /rgyal ba rjes su chags dang khong khro med/ /rtog dang rnam par rtog dang rnam bsgrubs med/ /btang snyoms yang dag de bzhin
263a3 gzhan ma yin/ /de ltar yin yang 'gro ba kun la 'chad/ /rigs kyi bu/ gzhan yang de bzhin gshegs pa'i 'dun pa nyams pa med do/ /de la 'dun pa gang zhe na/
263a4 'di lta ste/ dge ba'i chos la 'dun pa'o/ /de'ang gang zhe na/ byams pa chen po la de bzhin gshegs pa'i 'dun pa nyams pa med do/ /snying rje chen po la de bzhin
263a5 gshegs pa'i 'dun pa nyams pa med do/ /chos ston pa la 'dun pa nyams pa med do/ /sems can 'dul ba la 'dun pa nyams pa med do/ /sems can yongs su
263a6 smin par bya ba la 'dun pa nyams pa med do/ /rab tu dben pa la 'dun pa nyams pa med do/ /sems can byang chub yang dag par 'dzin du 'jug pa la 'dun pa
263a7 nyams pa med do/ /dkon mchog gsum gyi rigs rgyun mi gcod pa la 'dun pa nyams pa med do/ /de bzhin gshegs pa ni/ 'dun pas 'gro ba ma yin gyi/ de
263b1 bzhin gshegs pa'i 'dun pa ni/ ye shes sngon du 'gro ba nyid de/ de'i phyir de bzhin gshegs pa'i 'dun pa nyams pa med ces bya'o/ /sems can thams cad
263b2 la bla na med pa'i 'dun pa yongs su rdzogs par bya ba'i phyir chos kyang ston te/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa gcig
263b3 pa'o/ |de la 'di skad ces bya'o/ /rgyal ba'i 'dun pa rtag tu dge ba'i chos kyi tshul la 'dod cing dga'/ /sems can rab tu thar par bya phyir byams dang snying rje chos kyang
263b4 sbyin| |sems can yongs smin bya dang nags tshal dga' la mos pa nyams pa med/ /rab tu mang po byang chub 'dzin 'jug dkon mchog gsum gyi rgyun mi gcod/ /'dod
263b5 dang zhe sdang dang ni 'jigs dang gti mug gis ni 'gro ma yin/ /khyad par gyur nas mkhas de shes pas byas pa'i chos kun rtogs par 'gyur/ /rgyal ba sems
263b6 can 'dun bral le lo can dag mthong nas 'dun la sbyor/ /gang gis 'gro ba 'dun pa'i las ni mtshungs pa med pa'i shes pas rig /rigs kyi bu/ gzhan yang
263b7 de bzhin gshegs pa'i brtson 'grus nyams pa med do/ /de la de bzhin gshegs pa'i brtson 'grus ni/ 'di yin te/ 'di lta ste/ 'dul ba'i sems can
264a1 rnams yal bar mi 'dor ba'i brtson 'grus dang / chos nyan pa dag la brnyas pa med pa'i brtson 'grus so/ /gal te de bzhin gshegs
264a2 pas chos kyi snod chos nyan pa gang bskal par yang chos nyan pas skyo bar mi 'gyur ba rnyed na/ de bzhin gshegs pa'ang chos ston/ kha zas dang bral ba'i rgyud du gyur
264a3 kyang bskal par yang mi ldang ngo / /de bzhin gshegs pa ni/ sems can la lta bas tha na gang na sangs rgyas kyis 'dul ba'i sems can gcig gi phyir yang sangs
264a4 rgyas kyi zhing gang+gA'i klung gi bye ma snyed 'da' zhing bzhud de/ de bzhin gshegs pa la sku mnyel ba'am/ gsung mnyel ba'am/ thugs mnyel ba med do/ /de bzhin
264a5 gshegs pa ni/ sems shin tu sbyangs pa/ brtson 'grus brtsams pa/ brtson 'grus kyi bsngags pa smra ba ste/ yang dag par sbyor ba'i brtson 'grus gang gis
264a6 sems can rnams kyis 'phags pa'i rnam par grol ba thob par 'gyur ba'i brtson 'grus de sems can rnams la bsngags par byed de/ 'di ni/ de bzhin gshegs
264a7 pa'i de bzhin gshegs pa'i 'phrin las nyi shu rtsa gnyis pa'o/ /de la 'di skad ces bya'o/ /brtson 'grus gang gis mi yi seng+ge 'phags 'gyur ba/ /brtson 'grus
264b1 stobs de'i bsngags pa rtag tu rjod par byed/ /brtson 'grus stobs ni gang du'ang nyams pa yod min te/ /snod du gyur ba rnyed nas chos kyang ston par byed/ /bde bar gshegs
264b2 kyi brtson 'grus gnas pa yod min te/ /lus dang ngag dang sems ni gang du'ang skyo ba med/ /ji ltar rang byung brtson 'grus kun tu sdig med pa/ /de ltar blo sbyangs sems
264b3 can yang dag 'dzin du 'jug /rigs kyi bu/ gzhan yang de bzhin gshegs pa'i dran pa ni/ thams cad kyi thams cad rnam pa thams cad kyi thams cad du nyams pa
264b4 med do| |de ci'i phyir zhe na/ de bzhin gshegs pa la bsnyel ba med do/ /rigs kyi bu/ de bzhin gshegs pas bla na med pa yang dag par rdzogs pa'i byang chub
264b5 mngon par rdzogs par sangs rgyas ma thag tu 'das pa dang / ma 'ongs pa dang / da ltar byung ba'i sems can rnams kyi sems kyi rgyud la rnam par gzigs kyang de
264b6 la de bzhin gshegs pa bsnyel ba shin tu med do/ /sems can gyi spyod pa ji lta ba bzhin du mkhyen kyang de la de bzhin gshegs pas ye shes kyang gtong ba med do//
264b7 de bzhin gshegs pa ni/ phung po gsum du rnam par dgod pa dang / sems can gyi dbang po la 'jug pa dang / sems can gyi bsam pa la 'jug pa dang sems
265a1 can gyi spyod pa la rnam par gzigs pas dran pa nyams pa med pa nyid de/ de bzhin gshegs pa ni/ dran par byas sam/ bsam
265a2 mam| rnam par brtags te sems can rnams la chos ston pa med do/ /ston kyang nyams pa med do/ /de ci'i phyir zhe na/ de bzhin gshegs pa'i dran pa ni/ ji ltar
265a3 nyams pa med do/ /de ji ltar bdag dran zhing bsnyel ba med pa de ltar sems can rnams la chos ston te/ 'di ni/ de bzhin gshegs pa'i de bzhin gshegs
265a4 pa'i 'phrin las nyi shu rtsa gsum pa'o/ /de la 'di skad ces bya'o/ /ston pa'i dran pa gang yang nyams med de/ /rgyal ba'i dran pas dran par bya ba med/ /rgyal bas
265a5 gang tshe byang chub sangs rgyas nas/ /'gro ba'i sems ni ma lus rnam par mkhyen/ /bsam pa dbang po sems can spyod pa dag /phyis kyang rnam par shes par bya ba
265a6 med| |lhun gyis grub pa'i bya bar gnas nas ni/ /rgyal ba'i dbang po 'gro la chos ston to/ /rigs kyi bu/ gzhan yang de bzhin gshegs pa'i ting nge 'dzin nyams
265a7 pa med do| |de bzhin gshegs pa'i ting nge 'dzin gang yin pa de ni/ chos thams cad mnyam pa nyid dang / chos thams cad mi mnyam pa ma yin pa dang / chos
265b1 thams cad ji lta ba bzhin no/ /ci'i phyir de bzhin gshegs pa'i ting nge 'dzin nyams par mi 'gyur zhe na/ de bzhin nyid gang dang mnyam pa de dang ting nge 'dzin mnyam mo/ /
265b2 ting nge 'dzin gang dang mnyam pa de dang de bzhin gshegs pa mnyam ste/ de'i phyir mnyam par bzhag pa zhes bya'o/ /'dod chags kyi mtha' gang dang mnyam pa 'dod chags
265b3 dang bral ba'i mtha' yang de dang mnyam mo/ /zhe sdang gi mtha' gang dang mnyam pa zhe sdang dang bral ba'i mtha' yang de dang mnyam mo/ /gti mug gi mtha' gang dang mnyam pa
265b4 gti mug dang bral ba'i mtha' yang de dang mnyam mo/ /'dus byas kyi mtha' gang dang mnyam pa 'dus ma byas kyi mtha' yang de dang mnyam mo/ /'khor ba'i mtha' gang dang
265b5 mnyam pa mya ngan las 'das pa'i mtha' yang de dang mnyam ste/ mnyam pa nyid de dag la snyoms par zhugs pas de'i phyir mnyam par bzhag pa zhes bya'o/ /de'i phyir de
265b6 bzhin gshegs pa'i ting nge 'dzin nyams pa med ces bya'o/ /de ci'i phyir zhe na/ mnyam pa nyid de la nyams pa med/ yongs su nyams pa med do/ /de bzhin gshegs
265b7 pa'i ting nge 'dzin de'ang mig dang ldan pa ma yin/ rna ba dang / sna dang / lce dang / lus dang / yid dang ldan pa ma yin mod kyi/ /de bzhin gshegs pa dbang po ma tshang
266a1 ba'ang ma yin no/ /de bzhin gshegs pa'i ting nge 'dzin ni/ sa'i khams la mi gnas so/ /chu'i khams la ma yin/ me'i khams la ma
266a2 yin te| rlung gi khams la'ang mi gnas so/ /'dod pa'i khams la mi gnas/ gzugs kyi khams la mi gnas/ gzugs med pa'i khams la mi gnas/ 'jig
266a3 rten 'di la mi gnas/ 'jig rten pha rol la mi gnas so/ /mi gnas pa'i phyir nyams pa med de/ de'i phyir de bzhin gshegs pa'i ting nge 'dzin nyams pa med ces
266a4 bya'o| |de bzhin gshegs pa sems can thams cad kyang ting nge 'dzin thob par bya ba'i phyir chos ston te/ 'di ni/ de bzhin gshegs pa'i de bzhin gshegs pa'i
266a5 'phrin las nyi shu rtsa bzhi pa'o/ /de la 'di skad ces bya'o/ /sangs rgyas rtag tu mnyam par bzhag /de yi ting 'dzin nyams pa med/ /chos rnams kun dang mnyam
266a6 par ldan/ /sangs rgyas mnyam nyid mnyam par bzhag /sa chu me la ma yin te/ /rlung dang 'dod gzugs gzugs med la/ /rgyal ba gnas te bsam gtan min//
266a7 des 'di ting 'dzin nyams pa med/ /rigs kyi bu/ gzhan yang de bzhin gshegs pa'i shes rab nyams pa med do/ /shes rab gang zhe na/ gang chos thams
266b1 cad rab tu shes pa ste/ gzhan gyi dring mi 'jog pa'i shes pa'o/ /sems can gzhan dag dang / gang zag gzhan rnams la chos yang dag par ston pa'i shes pa'o/ /so
266b2 so yang dag par rig pa la mkhas pas tshig rab tu dbye ba shes pa'o/ /tshig gcig la 'jug pas bskal pa brgya stong du gnas shing ston pa shes pa'o/ /ji ltar dris pa
266b3 bzhin du the tshom gcod pa'i shes pa'o/ /thams cad du chags pa med pa shes pa'o/ /theg pa gsum rnam par dgod pa bstan pa shes pa'o/ /sems can gyi sems kyi
266b4 spyod pa brgyad khri bzhi stong yongs su shes pa'i shes pa'o/ /chos kyi phung po brgyad khri bzhi stong so so ci rigs par chos ston pa shes pa'o/ /'di ni/ de bzhin gshegs
266b5 pa'i shes rab mtha' yas pa/ thug pa med pa/ zad pa med pa/ tshad med pa bstan pa'o/ /ji ltar de bzhin gshegs pa la nyams pa med cing yongs su nyams pa
266b6 med pa de ltar sems can thams cad kyang shes rab mi zad par bya ba'i phyir chos ston te/ 'di ni/ de bzhin gshegs pa'i de bzhin gshegs pa'i 'phrin las nyi shu rtsa lnga
266b7 pa'o/ /de la 'di skad ces bya'o/ /shes rab kyis ni tshul rnams mngon sum ste/ /so so yang dag rig dbang pha rol son/ /bsam bzhin rang byung sems can chos ston te/ /
267a1 'bru gcig tshig la mtha' yas tshig rnams 'jug /'gro ba'i spyod pa thug med rab shes nas/ /de bzhin brgyad khri bzhi stong chos ston kyang //
267a2 nam yang bde gshegs shes rab nyams med de/ /stobs bcu'i las 'di 'gro las khyad par 'phags/ /rigs kyi bu/ gzhan yang de bzhin gshegs pa'i rnam
267a3 par grol ba nyams pa med do/ /de bzhin gshegs pa'i rnam par grol ba gang zhe na/ nyan thos rnams kyi rnam par grol ba ni/ sgra'i rjes su 'gro ba'o/ /rang sangs rgyas
267a4 rnams kyi rnam par grol ba ni/ rkyen khong du chud pa'o/ /sangs rgyas rnams kyi rnam par grol ba ni/ chags pa dang / 'dzin pa thams cad dang bral bas rnam par grol
267a5 ba zhes bya ste/ sngon gyi mthar yang ma bcings/ phyi ma'i mthar yang mi 'pho/ da ltar byung ba la'ang mi gnas so/ /mig dang gzugs la gnyis su 'dzin pa las rnam
267a6 par grol ba'o/ /rna ba dang sgra dang / sna dang dri dang / lce dang ro dang / lus dang reg bya dang / yid dang chos la gnyis su 'dzin pa las rnam par grol ba ste/ 'dzin
267a7 par mngon par zhen pa'i gnas las rnam par grol ba'o/ /sems rang bzhin 'od gsal ba de bzhin du shes pa ste/ de'i phyir sems kyi skad cig gcig dang ldan
267b1 pa'i shes rab kyis bla na med pa yang dag par rdzogs pa'i byang chub mngon par rdzogs par sangs rgyas zhes bya'o/ /ji ltar de bzhin gshegs pas mngon par rdzogs par
267b2 sangs rgyas pa de ltar de bzhin gshegs pa sems can gzhan dag dang / gang zag gzhan rnams la chos ston to/ /'di ni/ de bzhin gshegs pa'i de bzhin gshegs
267b3 pa'i 'phrin las nyi shu rtsa drug pa'o/ /de la 'di skad ces bya'o/ /nyan thos rnams kyi rnam grol sgra rjes 'gro /rang sangs rgyas kyi brten nas skyes pa'o/ /sangs rgyas ma
267b4 smad rnams kyi rnam grol ni/ /chags las rab 'das dri med nam mkha' 'dra/ /sems ni sngon nas bcings par ma gyur te/ /sems rgyun 'di dag rang bzhin rnam par
267b5 grol| |ji ltar rnam grol de ltar yang dag shes/ /shes nas rnam grol nyams pa gang yang med/ /rigs kyi bu/ gzhan yang de bzhin gshegs pa'i lus kyi
267b6 las thams cad ye shes sngon du 'gro zhing ye shes kyi rjes su 'brang ba'o/ /de bzhin gshegs pa lus kyi las de dang ldan pas lta bas kyang sems can rnams 'dul/
267b7 smra bas kyang sems can rnams 'dul/ cang mi smra bas kyang sems can rnams 'dul/ za bas kyang sems can rnams 'dul/ spyod lam gyis kyang sems can rnams
268a1 'dul| mtshan dag gis kyang sems can rnams 'dul/ dpe byad bzang po dag gis kyang sems can rnams 'dul/ spyi gtsug bltar mi
268a2 snang bas kyang sems can rnams 'dul/ bltas pa tsam gyis kyang sems can rnams 'dul/ 'od gtong bas kyang sems can rnams 'dul/ gom pa 'dor bas kyang
268a3 sems can rnams 'dul/ grong khyer du 'jug pa dang 'byung bas kyang sems can rnams 'dul te/ sangs rgyas bcom ldan 'das rnams kyi spyod lam gang sems
268a4 can 'dul bar mi 'gyur ba de gang yang med do/ /de'i phyir de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba zhes bya'o/ /
268a5 'di ni| de bzhin gshegs pa'i de bzhin gshegs pa'i 'phrin las nyi shu rtsa bdun pa'o/ /de la 'di skad ces bya'o/ /'dren pa rnams kyi spyod lam ston pa dang / /
268a6 'gro dang 'jug dang de bzhin 'byung ba dang / /dpe byad bzang dang mtshan dang spyi gtsug gis/ /sangs rgyas dag ni sems can 'dul bar sbyor/ /rnam par 'dren pa
268a7 gang tshe 'od gtong ba/ /de tshe skye bo du ma bde bar gyur/ /'od kyis reg nas 'dul bar rab tu 'gro /'di ni rkang gnyis dam pa rnams kyi las/ /rigs kyi bu/ gzhan
268b1 yang de bzhin gshegs pa'i dag gi las thams cad ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin gshegs pa ni/ 'bras bu yod
268b2 pa'i chos ston pa'o/ /phyad par lung ston pa'o/ /shin tu nges pa'i tshig smra ba'o/ /de bzhin gshegs pa'i ngag de'ang kun shes par byed pa'o/ /rnam par shes par byed pa'o/ /
268b3 mi mtho ba'o/ /mi dma' ba'o/ /ma yo ba'o/ /ldab ldib can ma yin pa'o/ /gya gyu ma yin pa'o/ /mi brlang ba'o/ /mi rtsub pa'o/ /ma 'chal pa'o/ /'jam pa'o/ /mnyen pa'o/ /las
268b4 su rung ba'o/ /ra ra po ma yin pa'o/ /byung rgyal ma yin pa'o/ /brtabs pa ma yin pa'o/ /rnam par myur ba ma yin pa'o/ /rab tu myur ba ma yin pa'o/ /shin tu rnam par phye ba'o//
268b5 shin tu nges pa'i tshig go /shin tu dga' ba skyed pa'o/ /shin tu snyan pa'o/ /shin tu gdangs snyan pa'o/ /shin tu gsal pa'o/ /thags thogs med pa'o/ /rdzogs
268b6 pa'o| |snyan pa'o/ /'brel pa'o/ /bsgrags pa'o/ /mchod par gyur pa'o/ /mdzes pa'o/ /rdul med pa'o/ /rdul dang bral ba'o/ /tha ba med pa'o/ /dri ma med pa'o/ /dri
268b7 ma dang bral ba'o/ /rmongs pa med pa'o/ /shin tu zur phyin pa'o/ /chags pa med pa'o/ /rab tu grol ba'o/ /'od gsal ba'o/ /drang ba'o/ /mi dman pa'o/ /mi 'dzings
269a1 pa'o| |dib dib po ma yin pa'o/ /bde ba skyed pa'o/ /lus tshim par byed pa'o/ /sems dga' ba skyed pa'o/ /'dod chags zhi bar
269a2 byed pa'o/ /zhe sdang 'dul ba'o/ /gti mug sel ba'o/ /bdud 'joms pa'o/ /sdig pa sel ba'o/ /rgol ba 'dul ba'o/ /rnam par shes par byed pa'o/ /rnga'i sgra'o/ /
269a3 mkhas pa dga' bar byed pa'o/ /ka la ping+ka'i sgra dbyangs so/ /brgya byin gyi sgra'o/ /tshangs pa'i sgra'o/ /rgya mtsho'i rlabs kyi sgra'o/ /sprin gyi sgra'o/ /sa'i sgra dbyangs so/ /
269a4 khrung khrung gi sgra'o/ /rma bya'i sgra skad do/ /khu byug gi sgra'o/ /shang shang te'u'i sgra'o/ /ngang pa'i rgyal po'i sgra'o/ /ri dwags kyi rgyal po'i sgra'o/ /pi wang dang / pi wang
269a5 rgyud gsum pa dang / khar rnga dang / gling bu dang / dung dang / sil snyan gyi sgra'o/ /kun shes par bya ba'o/ /rnam par shes par bya ba'o/ /yid du 'ong ba'o/ /mnyan
269a6 par 'os pa'o/ /zab pa'o/ /rdzun pa ma yin pa'o/ /rna ba bde bar byed pa'o/ /dge ba'i rtsa ba skyed pa'o/ /tshig dang yi ge nyams pa med pa'o/ /tshig dang yi ge shin
269a7 tu nges pa'i tshig go /don dang ldan pa'o/ /chos dang ldan pa'o/ /dus dang ldan pa'o/ /dus tshigs thams cad dang ldan pa'o/ /dus las mi g.yo ba'o/ /dbang po mchog
269b1 dang mchog ma yin pa shes pa ston pa'o/ /sbyin pas brgyan pa'o/ /tshul khrims kyis rnam par dag pa'o/ /bzod pas yang dag par bsgrubs pa'o/ /brtson 'grus kyis shin
269b2 tu sbyangs pa'o/ /bsam gtan gyis las su rung bar byas pa'o/ /shes rab kyis nges par brtags pa'o/ /byams pas shin tu brtsams pa'o/ /snying rjes skyo ba med pa'o/ /rab
269b3 tu dga' ba'o/ /'od gsal ba'o/ /btang snyoms kyis nges par brtags pa'o/ /theg pa gsum rnam par 'jog pa'o/ /dkon mchog gsum gyi rigs rgyun mi gcod
269b4 pa'o| |phung po gsum rnam par 'byed pa'o/ /rnam par thar pa'i sgo gsum gyis rnam par sbyangs pa'o/ /bden pas yongs su bsgos pa'o/ /ye shes kyis yongs su bsgos
269b5 pa'o| |mkhas pas ma smad pa'o/ /'phags pas bsngags pa'o/ /nam mkha'i tshad kyi rjes su 'gro ba'o/ /rnam pa thams cad kyi mchog dang ldan pa'o/ /rigs kyi bu/ de
269b6 bzhin gshegs pa'i ngag ni/ de lta bu ste/ de'i phyir de bzhin gshegs pa'i ngag gi las thams cad ye shes sngon du 'gro zhing ye shes kyi rjes su 'brang ba zhes bya'o//
269b7 'di ni| de bzhin gshegs pa'i de bzhin gshegs pa'i 'phrin las nyi shu rtsa brgyad pa'o/ /de la 'di skad ces bya'o/ /mtshungs pa med pa'i ngag ni gsal zhing dri
270a1 med yon tan kun gyis 'phags/ /zhing stong rgyas par 'gengs shing skad cig las kyang skad rnams kun grag ste/ /sems can kha
270a2 cig nyan thos theg dang de bzhin rang rgyal theg pa thos/ /thos nas sangs rgyas bdag nyid chen pos de bzhin byang chub 'dir yid 'jud/ /yi ge rnams ni mtshams
270a3 sbyor ma yin phan tshun 'gal bar 'gyur ba'ang min/ /de ltar chos rab ston kyang sems ni rnam par rtog par 'gyur ba med/ /ji ltar brag ca g.yo ba med cing
270a4 byed pa med par sgra sgrog pa/ /de ltar mi yi dam pa sgra rnams sgrog cing sems can tshim par byed/ /rigs kyi bu/ gzhan yang de bzhin gshegs pa'i yid kyi
270a5 las thams cad ye shes sngon du 'gro zhing ye shes kyi rjes su 'brang ba'o/ /de ci'i phyir zhe na/ de bzhin gshegs pa ni/ sems kyis brjod par bya ba ma yin/
270a6 yid kyis ma yin/ rnam par shes pas ma yin gyi/ de bzhin gshegs pa ni/ ye shes kyis rab tu phye ba ste/ ye shes kyi bdag por gyur pa'o/ /de bzhin gshegs
270a7 pa'i ye shes de ni/ sems can thams cad kyi sems kyi rjes su song ba'o/ /sems can thams cad kyi yid kyi rjes su zhugs pa'o/ /sems can thams cad kyi shes
270b1 pa rig pa'o/ /chos thams cad nges par bsam pa'o/ /ting nge 'dzin thams cad la gzhan gyi dring mi 'jog pa'o/ /dmigs pa las shin tu 'das pa'o/ /rkyen las skye ba
270b2 dang bral ba'o/ /srid pa gsum bsal ba'o/ /nga rgyal gyi rim pa thams cad las shin tu 'das pa'o/ /bdud kyi las thams cad las rnam par grol ba'o/ /sgyu dang g.yo
270b3 thams cad dang bral ba'o/ /ngar 'dzin pa dang nga yir 'dzin pa spangs pa'o/ /ma rig pa dang gti mug gi mun pa dang rab rib kyi ling tog dang bral ba'o/ /lam gyi yan
270b4 lag shin tu yongs su bsgoms pa'o/ /nam mkha' ltar rnam par mi rtog pa'o/ /chos kyi dbyings dang dbyer med pa ste/ de bzhin gshegs pa'i yid kyi las ye shes sngon
270b5 du 'gro ba ni/ de lta bu'o/ /'di ni/ de bzhin gshegs pa'i de bzhin gshegs pa'i 'phrin las nyi shu rtsa dgu pa'o/ /de la 'di skad ces bya'o/ /rgyal ba rkang gnyis dbang
270b6 po sems dang yid kyis gzhal ma yin/ /ye shes rnam par dag gis 'dren pa kun gyi las rnam dag /bde gshegs ye shes de ni sems can kun gyi bsam pa la/ /
270b7 mnyam pa nyid du rjes su zhugs shing chos dbyings rang bzhin no/ /bsam gtan dang ni de bzhin ting 'dzin kun dang rab tu ldan/ /sems dang yid kyi rnam par rtog pa kun
271a1 tu rgyu ba med/ /bdud kyi yul las grol zhing bdud kyi las las shin tu 'das/ /nam mkha'i rang bzhin mtshungs shing dri med rnam par 'gyur
271a2 ba med| |rigs kyi bu/ gzhan yang 'das pa'i dus la de bzhin gshegs pa'i ye shes mthong ba chags pa med cing thogs pa med par 'jug go /ji ltar 'jug ce na/
271a3 'das pa'i dus kyi sangs rgyas kyi zhing byung ba dang / zhig pa ji snyed pa de dag thams cad bgrang ba'i tshul gyis rab tu mkhyen to/ /sangs rgyas kyi zhing de dag na rtswa dang / shing
271a4 gel pa dang / sman dang / nags tshal du gyur pa de dag thams cad kyang rab tu mkhyen to/ /sangs rgyas kyi zhing de dag na sems can gyi tshogs sems can du btags
271a5 par gyur pa ji snyed pa de dag thams cad kyang rab tu mkhyen to/ /sems can de dag gi spyod pa sna tshogs su gyur pa ji snyed pa de dag thams cad kyang rab tu mkhyen to/ /
271a6 sangs rgyas kyi zhing de dag tu sangs rgyas byung ba ji snyed pa de dag thams cad kyang rab tu mkhyen to/ /sangs rgyas re res chos bstan cing brjod pa ji snyed pa de dag thams
271a7 cad kyang rab tu mkhyen to/ /sems can ji snyed cig nyan thos kyi theg par btul ba de dag thams cad kyang rab tu mkhyen to/ /sems can ji snyed cig rang sangs rgyas kyi
271b1 theg par btul ba de dag thams cad kyang rab tu mkhyen to/ /sems can ji snyed cig theg pa chen por btul ba de dag thams cad kyang rab tu mkhyen to/ /sangs rgyas kyi zhing
271b2 rnam par phye ba thams cad kyang rab tu mkhyen to/ /dge slong gi dge 'dun rnam par phye ba'ang rab tu mkhyen to/ /tshe'i tshad rnam par phye ba'ang rab tu mkhyen to/ /chos gnas
271b3 pa rnam par phye ba'ang rab tu mkhyen to/ /dbugs 'byung ba dang rdub pa'ang rab tu mkhyen to/ /zas kyi mchog gi longs spyod kyang rab tu mkhyen to/ /sems can thams cad
271b4 kyi 'das pa'i rnam pa dang / 'chi 'pho dang / 'gro bar skye ba rnams kyang de bzhin gshegs pas rab tu mkhyen to/ /dbang po sna tshogs dang / spyod pa sna tshogs dang /
271b5 bsam pa sna tshogs rnams kyang rab tu mkhyen to/ /sems kyi rgyud kyang rab tu mkhyen to/ /sems gang gi 'og tu sems gang byung ba de dag thams cad kyang de bzhin gshegs
271b6 pas mngon sum gyi shes pa dang / rjes su rtogs pa'i shes pas bgrang ba'i tshul gyis rab tu mkhyen to/ /de dang de bzhin gshegs pa'i sems kyi rgyud 'das pa btang ba
271b7 rnams kyang dmigs so/ /de bzhin gshegs pa ni/ ye shes de lta bu dang ldan pas sems can rnams la bsam pa ji lta ba bzhin du phyad par chos ston te/ 'di ni/
272a1 de bzhin gshegs pa'i de bzhin gshegs pa'i 'phrin las sum cu pa'o/ /de la 'di skad ces bya'o/ /zhing dang sems can dang ni chos smra
272a2 la| |sangs rgyas ye shes chags med tshad kyang med/ /'dren pas sems can gang dag thar byas dang / /zhing du dge slong dge 'dun gyur grangs dang / /sems can
272a3 bsam pa dbang po gang yin dang / /dbyibs dang sgra yi rim pa gang dang sems/ /ming dang sbyor ba gang dag 'das pa kun/ /rdzogs pa'i sangs rgyas yang dag gzigs
272a4 pas rtogs/ /rigs kyi bu/ gzhan yang ma 'ongs pa'i dus la de bzhin gshegs pa'i ye shes mthong ba chags pa med cing thogs pa med pa 'jug go /ji ltar 'jug
272a5 zhe na| sems can nam/ chos sam/ zhing gang dag kha cig ma 'ongs pa'i dus na 'byung ba'am/ 'gag pa'am/ 'byung bar 'gyur ba'am/ 'jig par 'gyur ba de
272a6 dag thams cad de bzhin gshegs pas rab tu mkhyen to/ /bskal pa'i mes tshig par 'gyur ba ji snyed pa dang / chus 'jig par 'gyur ba ji snyed pa dang / sangs rgyas
272a7 kyi zhing gnas par 'gyur ba ji snyed pa dang / sangs rgyas kyi zhing de dag na sa'i khams su 'gyur ba ji snyed pa dang / rdul phra rab kyi rdul du 'gyur ba ji snyed pa dang / rtswa dang /
272b1 shing gel pa dang / sman dang / nags tshal du 'gyur ba ji snyed pa dang / skar ma'i gzugs su 'gyur ba ji snyed pa dang / zhing rab 'byams re rer sangs rgyas 'byung bar 'gyur
272b2 ba ji snyed pa dang / nyan thos 'byung bar 'gyur ba ji snyed pa dang / rang sangs rgyas 'byung bar 'gyur ba ji snyed pa dang / byang chub sems dpa' 'byung bar 'gyur ba ji snyed
272b3 pa dang / zas kyi mchog gi longs spyod dang / dbugs 'byung ba dang / rdub pa dang / 'chag pa dang / 'dug pa dang / spyod lam du 'gyur ba ji snyed pa dang / de bzhin
272b4 gshegs pa rab 'byams re res nyan thos kyi theg pa dang / rang sangs rgyas kyi theg pa dang / theg pa chen pos sems can thar bar byed par 'gyur ba ji snyed pa de dag
272b5 thams cad de bzhin gshegs pas rab tu mkhyen to/ /zhing rab 'byams re re na sems can rnams kyi skye ba'i gnas ji snyed pa dang / sems dang sems las byung ba ji snyed
272b6 cig 'byung bar 'gyur ba de dag thams cad de bzhin gshegs pas rab tu mkhyen kyang de bzhin gshegs pa'i ma 'ongs pa'i sems kyi rgyun bskal par 'gyur ba ma yin
272b7 par ma 'ongs pa la lta bas sems can rnams la chos ston te/ 'di ni/ de bzhin gshegs pa'i de bzhin gshegs pa'i 'phrin las sum cu rtsa gcig pa'o/ /de la
273a1 'di skad ces bya'o/ /dri med mig gis ma 'ongs dus na ni/ /cung zad 'byung bar 'gyur dang 'jig 'gyur dang / /sangs rgyas zhing rnams kun
273a2 na rgyal ba dang / /de dag thams cad ma lus sangs rgyas mkhyen/ /ma 'ongs pa yi dmigs par gtong ba na/ /de yi sems ni nam yang g.yeng ba med/ /sems can rnams
273a3 la de bzhin chos ston te/ /'di ni rkang gnyis mchog gi 'phrin las yin/ /rigs kyi bu/ gzhan yang da ltar byung ba'i dus de bzhin gshegs pa'i ye shes mthong
273a4 ba chags pa med cing thogs pa med pa 'jug go /ji ltar 'jug ce na/ 'di la de bzhin gshegs pas phyogs bcu dag na da ltar byung ba'i sangs rgyas kyi zhing thams
273a5 cad bgrang ba rnam pa gsum gyi tshul gyis rab tu mkhyen to/ /da ltar byung ba'i sangs rgyas thams cad rab tu mkhyen to/ /da ltar byung ba'i byang chub sems dpa' thams
273a6 cad rab tu mkhyen to/ /da ltar byung ba'i nyan thos thams cad rab tu mkhyen to/ /da ltar byung ba'i rang sangs rgyas thams cad rab tu mkhyen to/ /da ltar byung ba'i
273a7 skar ma'i gzugs thams cad rab tu mkhyen to/ /da ltar byung ba'i rtswa dang / shing gel pa dang / sman dang / nags tshal rnams rab tu mkhyen to/ /phyogs bcu dag
273b1 na da ltar byung ba'i sa'i khams rdul phra rab kyi rdul gyi char brlags pa thams cad bgrang ba'i tshul gyis rab tu mkhyen to/ /phyogs bcu'i chu'i khams skra'i rtse mo'i blangs
273b2 pa'i thigs pa thams cad kyang bgrang ba'i tshul gyis rab tu mkhyen to/ /phyogs bcu'i me'i khams kyi skye ba dang / 'gag pa thams cad kyang bgrang ba'i tshul gyis rab tu
273b3 mkhyen to/ /phyogs bcu'i rlung gi khams thams cad kyang gzugs su gyur pa la bab pa'i tshul gyis rab tu mkhyen to/ /phyogs bcu'i nam mkha'i khams thams cad kyang skra'i
273b4 rtse mos rgyas par dgang ba'i tshul gyis rab tu mkhyen to/ /da ltar byung ba'i sems can gyi khams rnam pa gsum yang rab tu mkhyen to/ /da ltar byung ba'i sems can dmyal ba pa'i
273b5 sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i dud 'gro'i skye gnas su song ba'i sems can gyi khams kyang
273b6 rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i gshin rje'i 'jig rten pa'i sems can gyi khams kyang rab tu mkhyen to/ /de'i skye ba'i rgyu
273b7 dang / thar pa'i rgyu yang rab tu mkhyen to/ /da ltar byung ba'i mir gyur pa'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung
274a1 ba'i lha'i sems can gyi khams kyang rab tu mkhyen to/ /de'i skye ba'i rgyu dang / thar pa'i rgyu yang rab tu mkhyen to/ /da ltar byung ba'i sems can
274a2 rnams kyi sems kyi rgyun kyang rab tu mkhyen to/ /de dag nyon mongs pa dang bcas pa dang / nyon mongs pa dang bral ba'ang rab tu mkhyen to/ /da ltar byung ba'i sems can
274a3 gdul bar 'os pa rnams kyi dbang po rnams kyang rab tu mkhyen to/ /gdul bar 'os pa ma yin pa dag gi dbang po rnams kyang rab tu mkhyen to/ /de bzhin gshegs pas
274a4 de ltar rab tu mkhyen kyang de bzhin gshegs pa la gnyis kyi rjes su 'brang ba'i rnam par shes pa med cing gnyis su med pa la gzung ba'i phyir sems can rnams la chos
274a5 kyang ston te/ 'di ni/ de bzhin gshegs pa'i de bzhin gshegs pa'i 'phrin las sum cu rtsa gnyis pa'o/ /de la 'di skad ces bya'o/ /rgyal ba rnams kyi spyod yul
274a6 thug pa med/ /tshad med gzhal du med cing bsam mi khyab/ /nam mkha' mtshungs shing dpe yang med pa ste/ /'gro ba kun gyis shes par mi nus so/ /phyogs bcu dag na
274a7 da ltar byung ba yi/ /'gro ba'i bya bar byur pa ji snyed pa/ /de dag thams cad rgyal bas rjes su mkhyen/ /'di ni rang byung rnams kyi las kyi mchog /rigs kyi bu/ de bzhin
274b1 gshegs pa'i 'phrin las ni/ sum cu rtsa gnyis po 'di dag ste/ de bzhin gshegs pa'i 'phrin las de dag dang ldan pas sems can gyi khams 'dul lo/ /de bzhin
274b2 gshegs pa'i 'phrin las ni/ tshad med mod kyi/ sems can rnams gzud pa'i phyir mdo tsam du tshad kyis bstan to/ /bam po drug pa/ rigs kyi bu/ gzhan
274b3 yang de bzhin gshegs pa'i de bzhin gshegs pa'i 'phrin las gang yin pa de ni/ tshad med pa'o/ /bsam gyis mi khyab pa'o/ /'jig rten thams cad kyis rnam par shes par
274b4 bya ba ma yin pa'o/ /yi ge rnams kyis brjod par bya ba ma yin pa'o/ /gzhan dag gis thob par dka' ba'o/ /sangs rgyas kyi zhing thams cad du rgyun chad pa med pa'o/ /sangs rgyas
274b5 thams cad dang mnyam pa nyid du rjes su song ba'o/ /'bad pa'i bya ba thams cad las shin tu 'das pa'o/ /rnam mkha' dang mnyam pa nyid pas rnam par mi rtog pa'o/ /chos
274b6 kyi dbyings kyi bya ba ma yin pas sna tshogs su byar med pa'o/ /de ci'i phyir zhe na/ rigs kyi bu/ sangs rgyas bcom ldan 'das rnams ni/ gtam sna tshogs kyi ched du 'byung
274b7 ba ma yin te/ sems can sna tshogs kyi gtam gyi phyir ma yin/ zhing sna tshogs kyi gtam gyi phyir ma yin/ bstan pa sna tshogs kyi gtam gyi phyir ma yin/ bsam pa sna tshogs
275a1 kyi gtam gyi phyir ma yin/ rnam par grel ba sna tshogs kyi gtam gyi phyir ma yin/ yongs su mya ngan las 'das pa sna tshogs kyi gtam gyi phyir
275a2 ma yin gyi/ de bzhin gshegs pa ni/ chos kyi dbyings ro gcig pa/ sgrib pa med pa/ sems can thams cad la go skabs 'byed pa/ mngon par rdzogs par sangs rgyas
275a3 nas sems can rnams chos khong du chud par bya ba'i phyir sgrib pa med pa'i chos kyi 'khor lo 'di lta ste/ phyir mi ldog pa'i 'khor lo rab tu bskor ro/ /rigs kyi bu/ 'di lta ste/
275a4 dper na/ nor bu mkhan mkhas pa nor bu sbyong ba'i cho ga shin tu shes pa des nor bu'i rigs las sbyang ba ma byas pa'i nor bu rin po che blangs nas bul thog gi chu rnon pos bkrus te skra nag
275a5 po'i la bas byi dor bya bas byi dor byed kyang de tsam gyis brtson 'grus rgyun mi gcod kyi/ de'i 'og tu dngul chu rnon po dang bcas pas bkrus te shing dang snam bus byi dor
275a6 bya bas byi dor byed do/ /de tsam gyis kyang brtson 'grus rgyun mi gcod de/ de'i 'og tu'ang sman chen po'i khu bas bkrus te ras phra mos byi dor bya bas byi dor byed do/ /byi dor
275a7 byas te nor bu mching bu'i rigs dang bral nas bai DUR+ya zhes bya'o/ /rigs kyi bu/ de bzhin du de bzhin gshegs pas yongs su ma dag pa'i sems can gyi khams rig nas
275b1 mi rtag pa dang / sdug bsngal ba dang / bdag med pa dang / mi sdug pa yid 'byung bar 'gyur ba'i gtam gyis 'khor ba la mngon par dga' ba'i sems can rnams yid 'byung
275b2 bar byed/ 'phags pa'i chos 'dul ba la 'jug par byed do/ /de tsam gyis de bzhin gshegs pa brtson 'grus rgyun mi gcod cing / de'i 'og tu stong pa nyid dang / mtshan
275b3 ma med pa dang / smon pa med pa'i gtam gyis de bzhin gshegs pa'i tshul khong du chud par byed do/ /de tsam gyis kyang de bzhin gshegs pa brtson 'grus rgyun mi gcod kyi/
275b4 de'i 'og tu phyir mi ldog pa'i 'khor lo'i gtam dang / 'khor gsum yongs su dag pa'i gtam gyis sems can de dag de bzhin gshegs pa'i yul la 'dzud do/ /sems
275b5 can rgyu dang rang bzhin sna tshogs pa de dag mnyam du zhugs nas de bzhin gshegs pa'i chos nyid khong du chud pas sbyin gnas bla na med pa rnams zhes bya'o/ /de'i phyir rigs
275b6 kyi bu| khyod kyis ji ltar de bzhin gshegs pa'i 'phrin las bsam gyis mi khyab pa dang / kun gyi rjes su song ba dang / thams cad du kha na ma tho ba med pa dang / dus gsum
275b7 gyi rjes su song ba dang / dkon mchog gsum gyi rigs rgyun mi gcod pa rnam grangs 'dis kyang 'di ltar rig par bya ste/ de bzhin gshegs pa ni de bzhin gshegs pa'i
276a1 'phrin las bsam gyis mi khyab pa de la'ang gnas so/ /nam mkha'i rang bzhin gyi lus kyang mi 'dor ro/ /sangs rgyas kyi zhing thams cad
276a2 du'ang ston to/ /brjod du med pa'i chos ston pa'i tshig kyang mi 'dor ro/ /sgra ji bzhin gyi rnam par rig byed kyis sems can rnams la chos kyang ston to/ /sems can
276a3 thams cad kyi sems dmigs pa dang bral ba dang / sems can thams cad kyi sems kyi bsam pa'ang rab tu mkhyen to/ /sangs rgyas bcom ldan 'das ni/ byang
276a4 chub sems dpa'i bsam pa rnam par dag par bya ba'i phyir 'byung ngo / /rigs kyi bu/ gang rgyun chad pa med pa/ rgyun chags pa/ rgyun mi gcod pa/ byang chub sems
276a5 dpa' lung bstan pa'i gtam rgyun mi gcod pa 'di ni/ de bzhin gshegs pa rnams kyi de bzhin gshegs pa'i 'phrin las yang dag pa'o/ /de bzhin gshegs
276a6 pa'i 'phrin las bstan pa 'di bshad pa na phyogs bcu'i sangs rgyas kyi zhing dpag tu med pa/ grangs med pa/ bgrang ba las shin tu 'das pa dag rnam pa drug tu
276a7 g.yos par gyur to/ /snang ba chen pos kyang gsal bar gyur to/ /me tog gi sil mas kyang gtor bar gyur to/ /'khor gyi khyams rin po che bkod par gzi brjid
276b1 che ba gzi brjid che ba'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma
276b2 yin pa dang / dge slong dang / dge slong ma dang / dge bsnyen dang / dge bsnyen ma ji snyed 'dus pa de dag thams cad kyis de bzhin gshegs pa'i 'phrin las bstan
276b3 pa'i chos kyi rnam grangs 'di thos nas tshim zhing mgu ste yid rangs nas de bzhin gshegs pa la mchod pa'i las kyi phyir me tog dang / bdug pa dang / spos dang / phreng ba
276b4 dang / byug pa dang / phye ma dang / chos gos dang / gdugs dang / rgyal mtshan dang / ba dan rnam pa sna tshogs dang / sil snyan dang / pheg rdob pa dang / glu dbyangs
276b5 byed pas bcom ldan 'das rnams mchod do/ /dbu'i gtsug tu me tog rnams kyis kyang gtor to/ /thig le lta bu'i rgyan dang / rna cha dang / dpung rgyan dang / nor bu'i
276b6 rgyan phreng dang / mu tig gi rgyan phreng dang / rgyan zla gam dang / spen tog rgyan dang / rgyan ne'u le can dang / sor gdub rgyan dang / gdu bu rgyan ta la 'dab dang / rgyan
276b7 lcam khris can dang / se ral phreng dang / rkang gdub dang / do shal dang / mgo rgyan dang / lag rgyan dang / rna rgyan dang / rkang rgyan rnams kyis kyang gtor to/ /rin
277a1 po che bai DUR+ya dag kyang gtor to/ /dzam+bu'i chu ba'i gser rin po che rnams dang / rin po che rdo'i snying po rnams dang / rin po che dpal gyi snying
277a2 po rnams dang / rin po cha an+da rnyil rnams dang / rin po che me mdog rnams dang / rin po che skar 'od rnams dang / rin po che kha dog mtha' yas rnams kyis kyang
277a3 gtor to/ /gser phye dang / dngul phye dang / a ga ru'i phye ma dang / rgya spos kyi phye ma dang / tsan+dan gyi phye ma dang / tsan+dan dus kyi rjes su 'brang ba'i phye ma dang /
277a4 tsan+dan dmar po'i phye ma dang / ke sa ra'i phye ma rnams kyis kyang mngon par gtor to/ /lha'i me tog rnams kyang mngon par gtor ba la 'di lta ste/ me tog mnad ra pa dang
277a5 mnad ra ba chen pa dang / yongs 'du dang / many+dzu sha ka dang / many+dzu sha ka chen po dang / mdog mdzes dang / mdog mdzes chen po dang / s+tha la dang / s+tha la chen po dang /
277a6 me tog 'khor lo dang / 'khor lo dri med dang / 'dab brgya dang / 'dab stong dang / 'dab 'bum dang / kun nas 'od dang / kun tu srung dang / kun tu cher
277a7 snang mig tu sdug dang / skar 'od dang / 'od byed dang / kha dog mtha' yas dang / me tog de lta bu dag kyang mngon par gtor to/ /chu nas skyes pa'i me tog ut+pa
277b1 la dang / pad+ma dang / ku mud dang / pad+ma dkar po rnams kyang gtor to/ /thang las skyes pa sna ma'i me tog dang / paR+shi ka dang / a ti mug+ta ka dang / tsam+pa ka dang / mya ngan
277b2 'tshang dang / d+ha nu ka ri dang / skya snar dang / me tog btang gzung dag kyang gtor to/ /sil snyan dang / pheg rdob pa dag kyang kun tu yang dag par sbyar ba la 'di lta ste/
277b3 pheg rdob pa dang / gling bu dang / rnga bo che dang / dung dang / rdza rnga dang / 'khar rnga dang / sil snyan dang / glu dbyangs rnam pa sna tshogs kyang byas so/ /spos kyi char dang / phye ma'i
277b4 char dang / rin po che'i char dang / rgyan gyi char dang / mu tig gi rgyan phreng gi char dang / gos kyi char dang / sil snyan dang / rol mo'i sgra'i char yang mngon par phab bo//
277b5 byang chub sems dpa' gang dag phyogs bcu 'jig rten gyi khams sna tshogs nas 'dus pa de dag steng gi bar snang la mngon par 'phags te bcom ldan 'das la
277b6 mchod pa'i las kyi phyir rang rang gi lus bor ro/ /byang chub sems dpa' de dag gis lus bor ma thag tu de nas steng gi bar snang la thams cad dang ldan pa'i 'khor gyi
277b7 khyams rin po che bkod pa khebs par byas te/ rin po che'i dra ba mu tig gi rgyan phreng du ma dpyangs pa/ kun nas mig mang ris su bris pa/ shin tu yongs su las su byas
278a1 pa| dril bu g.yer ka'i dra bas mdzes par byas pa/ rin po che'i pad+mas spras pa byung bar gyur to/ /mu thig gi rgyan phreng de dag gi mu tig gi
278a2 'bru re re las kyang byang chub sems dpa'i lus dpag tu med cing grangs med pa dag byung bar kun tu snang ngo / /de dag byung nas bcom ldan 'das la lan bdun bskor
278a3 ba byas te rin po che bkod pa'i pad+ma'i seng+ge'i khri de dag la 'khod do/ /phyogs bcu'i sangs rgyas kyi zhing tshad med pa nas sangs rgyas bcom ldan 'das tshad med pa dag gis
278a4 chos kyi rnam grangs 'di la mchod pa'i las kyi phyir de bzhin gshegs pa re res kyang bskal par brjod pa yongs su thug pa med pa zhes bya ba'i mchod pa bkod pa
278a5 bsgrubs te 'jig rten gyi khams mi mjed 'dir btang ba dang / sangs rgyas kyi mthus bkod pa de dag 'jig rten gyi khams mi mjed 'dir phyin te/ de dag gis
278a6 'khor gyi khyams rin po che bkod pa la rgyan gyi mchog gis brgyan par gyur to/ /'khor 'di las sems can tshad med pa yang dag par rdzogs pa'i byang chub tu
278a7 sems bskyed do/ /byang chub sems dpa' tshad med pa dag mi skye ba'i chos la bzod pa thob par gyur to/ /de nas bcom ldan 'das kyis thams cad dang ldan
278b1 pa'i byang chub sems dpa'i tshogs la glang po che'i lta stangs kyis gzigs nas 'di skad ces bka' stsal to/ /skyes bu dam pa khyed rnams las rgyan bkod pa bsam gyis mi
278b2 khyab ba| byang chub sems dpa'i ting nge 'dzin gyis byin gyis brlabs pa/ de bzhin gshegs pas btang ba/ rnam par brtags pa ma yin pa/ ma 'khrugs pa/ ma rnying
278b3 pa| ma nyams pa 'di ni/ de bzhin gshegs pa byams pa mngon par rdzogs par sangs rgyas nas lo bcu drug lon te/ 'khor gyi khyams rin po che bkod par 'dug
278b4 nas byang chub sems dpa'i spyod pa la 'jug pas nges par 'byung ba sgrib pa med pa'i sgo 'dus pa chen po'i le'u'i chos kyi rnam grangs 'di rgya cher yang dag par rab tu ston pa
278b5 na bstan pa dang / thams cad dang ldan pa'i byang chub sems dpa'i tshogs 'dun par bya ba dang / mchod pa 'dis de bzhin gshegs pa byams pa dang / bskal ba bzang
278b6 po'i de bzhin gshegs pa thams cad la mchod par su spro/ de nas byang chub sems dpa'i chos thams cad rnam par 'phrul pa'i rgyal po zhes bya ba 'khor de nyid du 'dus par
278b7 gyur nas 'dug pa de pad+ma'i stan las langs te pus mo g.yas pa'i lha nga pad+ma'i snying po la btsugs nas bcom ldan 'das ga la ba de logs su thal mo sbyar ba btud de bcom
279a1 ldan 'das la 'di skad ces gsol to/ /bcom ldan 'das/ bdag rgyan bkod pa/ rnam par ma brtags pa/ ma 'khrugs pa/ ma rnying ba/ ma nyams
279a2 pa 'dis de bzhin gshegs pa byams pa dang / da ma lags pa bskal pa bzang po'i de bzhin gshegs pa dgra bcom pa yang dag par rdzogs pa'i sangs rgyas gzhan thams
279a3 cad la'ang mchod pa bgyid par spro'o/ /de'i tshe bdud rnam par 'phrul pa zhes bya ba shin tu gnas pa'i gling bzhi pa na gnas pa 'khor de nyid du 'dug nas byang chub sems dpa'
279a4 chos thams cad rnam par 'phrul pa'i rgyal po la 'di skad ces smras so/ /rigs kyi bu/ snod gang gis bkod pa 'di rnying par gyur gyi bar du 'dzin pa'i khyod kyi snod de ji tsam
279a5 zhig /de skad ces smras pa dang / byang chub sems dpa' chos thams cad rnam par 'phrul pa'i rgyal pos bdud rnam par 'phrul pa la 'di skad ces smras so/ /rigs kyi bu/
279a6 snod ji snyed pa de dag thams cad ni/ 'chags par 'gyur ba/ bar du gcod pa dang bcas pa dag go /nam mkha' ni/ mi shigs pa bar du gcod pa med pa ste/ snod de
279a7 thams cad kyi mchog yin no/ /grogs po/ mig ma 'dzum par nga'i lus la ltos shig dang / snod chen po mthong bar 'gyur ro/ /de nas bdud rnam par 'phrul bas byang
279b1 chub sems dpa' chos thams cad rnam par 'phrul pa'i lus la mig mi 'dzum par bltas pa dang / des byang chub sems dpa' chos thams cad rnam par 'phrul pa'i lus kyi dkyil
279b2 lta ba'i dkyil 'khor na chu'i rgyal por snang ba zhes bya ba'i 'jig rten gyi khams mthong ngo / /ci'i phyir chu'i rgyal por snang ba zhes bya zhe na/ 'jig rten gyi khams de chus rab tu gang
279b3 ste rgya mtsho gcig pa ltar snang ngo / /de na de bzhin gshegs pa rin chen ut+pa la'i dpal zhes bya ba bzhugs so/ /'tsho'o/ /gzhes so/ /byang chub sems dpa' nyi tshe la chos
279b4 kyang ston to/ /chu'i phung po de las rin po che bkod pa'i pad+ma mngon par 'phags te/ de la bcom ldan 'das de dang / byang chub sems dpa' de dag bzhugs so/ /de nas
279b5 bdud rnam par 'phrul pas thal mo sbyar te byang chub sems dpa' chos thams cad rnam par 'phrul ba'i rgyal po la phyag btsal to/ /de nas byang chub sems dpa' chos thams
279b6 cad rnam par 'phrul ba'i rgyal pos bdud rnam par 'phrul ba la 'di skad ces smras so/ /grogs po/ khyod kyis byang chub sems dpa' rnams kyi snod mthong ngam/ smras pa/ mthong
279b7 ngo / /skyes bu dam pa/ khyod kyis snod 'di lta bu 'dis bskal pa bye ba khrag khrig brgya stong du rin po che bkod pa chen po ma bskams pa/ ma rnying pa 'di 'dzin par nus sam /
280a1 de nas bdud rnam par 'phrul pas bcom ldan 'das la phyag btsal te tshig 'di skad ces smras so/ /bcom ldan 'das/ bdag gis sngon
280a2 chad skyes bu dam pa 'di'ang ma mthong ngo / /chos kyi rnam grangs 'di'ang ma thos pas ci bdag nyan thos kyi theg pas myur du yongs su mya ngan las 'das par bgyi'am snyam
280a3 pa las| deng bdag gis chos kyi rnam grangs 'di'ang thos/ byang chub sems dpa' chos thams cad rnam par 'phrul pa'i rnam par sprul pa'i byin gyis brlabs pa 'di'ang
280a4 mthong bas lhag pa'i bsam pas bla na med pa yang dag par rdzogs pa'i byang chub tu sems bskyed par bgyi'o/ /bcom ldan 'das/ gal te bskal pa gang+gA'i klung gi
280a5 bye ma snyed du sems can dmyal ba chen por bsregs la/ de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur du
280a6 lags kyang bla na med pa yang dag par rdzogs pa'i byang chub 'di lta bu yongs su mi gtong ngo / /de nas bcom ldan 'das kyis bdud rnam par 'phrul pa la legs so//
280a7 zhes bya ba gnang ste/ skyes bu dam pa/ khyod kyis bla na med pa yang dag par rdzogs pa'i byang chub tu go cha bgos pa dang / rnam par sprul pa'i byin gyi rlabs 'di lta bu dang
280b1 ldan par 'gyur ba legs so/ /legs so/ /de nas byang chub sems dpa' seng+ge'i tog ces bya ba 'khor de nyid du 'dus par gyur te 'dug pa des byang chub sems dpa' gzungs
280b2 kyi dbang phyug gi rgyal po la 'di skad ces smras so/ /rigs kyi bu/ byang chub sems dpa' dag gzungs gang la rab tu gnas na/ sangs rgyas thams cad kyis gsungs pa
280b3 kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par byed par 'gyur ba byang chub sems dpa' rnams
280b4 kyi gzungs gang yin/ de skad ces smras pa dang / byang chub sems dpa' gzungs kyi dbang phyug gi rgyal pos byang chub sems dpa' seng+ge'i tog la 'di skad ces smras so/ /
280b5 rigs kyi bu/ byang chub sems dpa' rnams gzungs gang dag la rab tu gnas na/ sangs rgyas bcom ldan 'das rnams kyis gsungs pa kun tu 'dzin pa dang / chos bstan
280b6 pa na zad par mi 'gyur ba dang / legs par bshad pas sems can thams cad tshim par byed par 'gyur ba byang chub sems dpa' rnams kyi gzungs ni/ brgyad po 'di dag
280b7 go /brgyad gang zhe na/ 'di lta ste/ sgra dbyangs rnam par dag pa zhes bya ba'i gzungs dang / mi zad pa'i za ma tog ces bya ba'i gzungs dang / 'khyil ba mtha' yas zhes bya ba'i
281a1 gzungs dang / rgya mtsho'i phyag rgya zhes bya ba'i gzungs dang / pad+ma bkod pa zhes bya ba'i gzungs dang / chags pa med pa'i sgor 'jug pa
281a2 zhes bya ba'i gzungs dang / so so yang dag par rig pa rnam par nges pa la 'jug pa zhes bya ba'i gzungs dang / sangs rgyas kyi rgyan byin gyis brlabs pa zhes bya ba'i
281a3 gzungs te/ rigs kyi bu/ byang chub sems dpa' rnams kyi gzungs ni/ brgyad po 'di dag ste/ byang chub sems dpa' rnams gzungs 'di dag la rab tu gnas
281a4 na| sangs rgyas thams cad kyi gzungs kun tu 'dzin to/ /chos bstan pa na zad par mi 'gyur ro/ /legs par bshad pas sems can thams cad tshim par byed par
281a5 'gyur ro/ /de nas byang chub sems dpa' seng+ge'i tog gis byang chub sems dpa' gzungs kyi dbang phyug gi rgyal po la 'di skad ces smras so/ /rigs kyi bu/ khyod byang
281a6 chub sems dpas gang thos pas gzungs 'di dag thob par bya ba'i phyir brtson par 'gyur ba'i gzungs 'di dag rgya cher rnam par dbye ba la 'jug pa bstan pa la spobs
281a7 par gyis shig /byang chub sems dpa' gzungs kyi dbang phyug gi rgyal pos smras pa/ de'i phyir rigs kyi bu/ khyod kyis shin tu legs par nyon la yid la zungs shig
281b1 dang / gzungs 'di dag rgya cher rnam par dbye ba la 'jug pa kho bos khyod la bshad par bya'o/ /rigs kyi bu/ de la sgra dbyangs rnam par dag pa'i gzungs gang zhe na/ rigs kyi
281b2 bu| 'di la byang chub sems dpa' gzungs 'di la rab tu gnas pa na chags pa med pa la 'jug pa'i sgo shin tu rnam par dag pas snying po dang ldan pa'i blos shin tu gnas te chos
281b3 bstan pa'i byin gyi rlabs nges par byas nas chos ston pa na sangs rgyas kyi zhing gcig dbyangs kyis go bar byed do/ /gnyis sam/ gsum mam/ bzhi'am/ lnga'am/ bcu'am/ nyi
281b4 shu'am/ sum cu'am/ bzhi bcu'am/ lnga bcu'am/ brgya'ang dbyangs kyis go bar byed do/ /sangs rgyas kyi zhing stong dbyangs kyis go bar byed pa nas sangs rgyas kyi zhing stong phrag
281b5 bcu'am/ nyi shu'am/ sum cu'am/ bzhi bcu'am/ lnga bcu'am/ brgya'i bar du dbyangs kyis go bar byed do/ /sangs rgyas kyi zhing bye ba khrag khrig brgya stong phrag mtha' yas
281b6 mu med pa'i bar dag dbyangs kyis go bar byed do/ /des rgyad grags kyi tshad tsam gyi seng+ge'i khri byin gyis brlabs te/ de la 'dug nas chos ston to/ /ji ltar mos pa'i sems
281b7 can rnams mos pa de lta bus tshim par bya ba'i phyir dpag tshad phyed kyi tshad tsam mam/ dpag tshad kyi tshad tsam mam/ ri rab kyi tshad tsam mam/ tshangs pa'i 'jig rten gyi tshad
282a1 tsam gyi seng+ge'i khri byin gyis brlabs te/ de la 'dug nas chos ston to/ /de ltar seng+ge'i khri de la 'dug pa na phyogs bcu'i sangs rgyas thams cad
282a2 snang bar gyur to/ /sangs rgyas bcom ldan 'das de dag gis chos gang bshad pa de thams cad kyang thos so/ /thos nas kyang gzungs kyi stobs kyis kun tu 'dzin to/ /mi
282a3 brjed do/ /chos des ches kyi don so sor myong bar byed do/ /de chos gzhan nyan pas chos ston pa la sgrib par mi byed do/ /chos ston pas chos nyan pa la sgrib par mi byed
282a4 do| |yi ge'i sgra gcig la 'jug pas yi ge'i sgra thams cad la 'jug pa ston to/ /yi ge'i dang po a zhes bya ba brjod pa'i tshul gyis chos kyi sgo mtha' yas pa brjod
282a5 de| 'di lta ste/ 'od ba med pa'i mtshan nyid kyi tshul gyis chos thams cad ni/ 'ong ba med pa'o/ /'pho ba med pa'i tshul gyis chos thams cad ni/ song ba med pa'o/ /
282a6 gnas med pa'i tshul gyis chos thams cad ni/ gnas pa med pa'o/ /gzod ma nas rnam par dag pa'i phyir chos thams cad ni/ ngo bo nyid med pa'o/ /gzod ma nas ma
282a7 skyes pa'i phyir chos thams cad ni/ rtsa ba med pa'o/ /gzod ma nas byung ba med pa'i phyir chos thams cad ni/ mtha' ma med pa'o/ /rnam par 'gro ba med pa'i tshul gyis chos
282b1 thams cad ni/ zad pa med pa'o/ /mngon par 'du ba med pa'i tshul gyis chos thams cad ni/ ma skyes pa'o/ /byed pa po med pa'i tshul gyis chos thams cad ni/ skye ba med pa'o/ /rgyu ba
282b2 med pa'i tshul gyis chos thams cad ni/ 'byung ba med pa'o/ /phan tshun yang dag par 'du ba'i tshul gyis chos thams cad ni/ mi mthun pa med pa'o/ /bdag po med pa'i tshul gyis
282b3 chos thams cad ni/ ma 'gags pa'o/ /smon pa med pa'i phyir chos thams cad ni/ rgyu ba med pa'o/ /mi rtog cing rnam par mi rtog pa'i tshul gyis chos thams cad ni/ spros pa med
282b4 pa'o| |shin tu sgra la zhugs pa'i phyir chos thams cad ni/ brjod pa med pa'o/ /sgra med pa'i phyir chos thams cad ni/ smra ba med pa'o/ /rnam par gnas pa med pa'i phyir chos thams
282b5 cad ni| bstan du med pa'o/ /rtog pa med pa'i phyir chos thams cad ni/ rnam par brtags pa ma yin pa'o/ /rnam par bsgrubs pa ma yin pa'i phyir chos thams cad ni/ rlom sems
282b6 med pa'o/ /rlom sems med pa'i phyir chos thams cad ni/ g.yo ba med pa'o/ /nam mkha' dang mnyam pa'i phyir chos thams cad ni/ rnam par shes pa med pa'o/ /tshig gi lam
282b7 med pa'i phyir chos thams cad ni/ tha snyad med pa'o/ /yul na mi gnas pa'i phyir chos thams cad ni/ gnas med pa'o/ /phyogs na mi gnas pa'i phyir chos thams cad ni/ skye ba
283a1 med pa'o/ /nyon mongs pa med pa'i phyir chos thams cad ni/ gzod ma nas rnam par dag pa'o/ /bdag gi rang bzhin med pa'i phyir chos thams
283a2 cad ni| bdag med pa'o/ /gzod ma nas rnam par dag pa'i phyir chos thams cad ni/ sems can med pa'o/ /dbang po med pa'i phyir chos thams cad ni/ srog med
283a3 pa'o| |don dang bral ba'i phyir chos thams cad ni/ gang zag med pa'o/ /nang nye bar zhi ba'i phyir chos thams cad ni/ gzod ma nas stong pa'o/ /mtha' med par gyur
283a4 pa'i phyir chos thams cad ni/ mtshan ma med pa'o/ /nye bar len pa med pa'i phyir chos thams cad ni/ smon pa med pa'o/ /'dus byas ma yin pa'i phyir chos thams
283a5 cad ni| mngon par 'du byed pa med pa'o/ /gnas med pa dang / gnas las shin tu 'das pa'i phyir chos thams cad ni/ 'dus ma byas pa'o/ /gzhan gyi dring mi
283a6 'jog pa'i phyir chos thams cad ni/ thun mong ma yin pa'o/ /len pa med pa'i phyir chos thams cad ni/ blang ba med pa'o/ /'dor ba med pa'i phyir chos thams cad ni/
283a7 dor ba med pa'o/ /lus med pa'i phyir chos thams cad ni/ ngo bo nyid med pa'o/ /rnam par dag pa'i phyir chos thams cad ni/ rnam pa med pa'o/ /byed pa po med pa'i
283b1 phyir chos thams cad ni/ las med pa'o/ /'pho ba med pa'i phyir chos thams cad ni/ rnam par smin pa med pa'o/ /sa bon med pa'i phyir chos thams cad ni/ gdung ba med pa'o//
283b2 'dzin pa med pa'i phyir chos thams cad ni/ mtshan ma med pa'o/ /mdud pa med pa'i phyir chos thams cad ni/ log pa'i las med pa'o/ /rnam par bsgrubs pa ma yin pa'i
283b3 phyir chos thams cad ni/ mdud pa med pa'o/ /byas pa ma yin pa'i phyir chos thams cad ni/ rnam par bsgrubs pa ma yin pa'o/ /zag pa mi slong ba'i phyir chos thams
283b4 cad ni| zag pa med pa'o/ /gzod ma nas byung ba med pa'i phyir chos thams cad ni/ ma byung ba'o/ /gnyen po med pa'i phyir chos thams cad ni/ gsal ba'o/ /rnam pa sna
283b5 tshogs med pa'i phyir chos thams cad ni/ gnyen po med pa'o/ /'byung ba chen po las ma byung ba'i phyir chos thams cad ni/ gzugs can ma yin pa'o/ /tshor ba med pa'i
283b6 phyir chos thams cad ni/ tshor ba med pa'o/ /'du shes kyi lam las shin tu 'das pa'i phyir chos thams cad ni/ 'du shes med pa'o/ /sred pa dang bral ba'i phyir chos
283b7 thams cad ni/ 'du byed pa med pa'o/ /so sor rnam par rig pa med pa'i phyir chos thams cad ni/ rnam par shes pa med pa'o/ /khams nam mkha' dang mtshungs pa'i phyir
284a1 chos thams cad ni/ khams med pa'o/ /yul gyi lam las shin tu 'das pa'i phyir chos thams cad ni/ 'dren pa med pa'o/ /rgyu ba med pa'i phyir
284a2 chos thams cad ni/ yul med pa'o/ /kun brtags pa ma yin pa'i phyir chos thams cad ni/ 'dod pa med pa'o/ /'jug pa med pa'i phyir chos thams cad ni/ gzugs
284a3 med pa'o/ /nges par sems pa med pa'i phyir chos thams cad ni/ gzugs med pa ma yin pa'o/ /'khrugs pa spangs pa'i phyir chos thams cad ni/ 'khrugs pa med pa'o/ /
284a4 gzung ba ma yin pa'i phyir chos thams cad ni/ bsam gyis mi khyab pa'o/ /gnyis su dbyer med pa'i phyir chos thams cad ni/ yid med pa'o/ /yul gyi lam las shin tu
284a5 'das pa'i phyir chos thams cad ni/ gzung ba ma yin pa'o/ /rtag pa med pa'i phyir chos thams cad ni/ kun gzhi med pa'o/ /rten pa dang mi mthun pa med pa'i phyir chos thams
284a6 cad ni| ther zug ma yin pa'o/ /mtshan ma med pa'i phyir chos thams cad ni/ ming med pa'o/ /phan tshun gcig nas gcig tu brgyud pa med pa'i phyir chos thams cad
284a7 ni| 'dres pa med pa'o/ /gnas med pa'i phyir chos thams cad ni/ gnas med pa'o/ /'gyod pa med pa'i phyir chos thams cad ni/ brjod pa med pa'o/ /sdig pa dang
284b1 bral ba'i phyir chos thams cad ni/ 'gyod pa med pa'o/ /dri ma med pa'i phyir chos thams cad ni/ bag chags med pa'o/ /gzod ma nas rnam par dag pa'i phyir chos thams cad
284b2 ni| dri ma med pa'o/ /nyon mongs pa med pa'i phyir chos thams cad ni/ gzod ma nas rnam par dag pa'o/ /rten pa med pa'i phyir chos thams cad ni/ nyon mongs pa med
284b3 pa'o| |g.yos pa med pa'i phyir chos thams cad ni/ rten pa med pa'o/ /chags pa med par 'jug pa'i phyir chos thams cad ni/ g.yo ba med pa'o/ /sgrib pa med pa'i
284b4 phyir chos thams cad ni/ chags pa med par 'jug pa'o/ /nam mkha' dang mtshungs pa'i phyir chos thams cad ni/ sgrib pa med pa'o/ /rnam par rtog pa med pa'i phyir chos
284b5 thams cad ni/ nam mkha' dang mtshungs pa'o/ /rgyu ba med pa'i phyir chos thams cad ni/ gzugs can ma yin pa'o/ /snang ba med pa'i phyir chos thams cad ni/ bstan du
284b6 med pa'o/ /snang ba dang bral ba'i phyir chos thams cad ni/ snang ba med pa'o/ /mi mnyam pa med pa'i phyir chos thams cad ni/ mnyam pa med pa'o/ /nam mkha' dang mtshungs
284b7 pa'i phyir chos thams cad ni/ mi mnyam pa med pa'o/ /gsal ba med pa'i phyir chos thams cad ni/ mun pa med pa'o/ /gnyen po med pa'i phyir chos thams cad ni/ snang ba
285a1 med pa'o/ /ltung ba dang bral ba'i phyir chos thams cad ni/ kha na ma tho ba med pa'o/ /las byas pa med pa'i phyir chos thams cad ni/ kha na ma tho ba
285a2 med pa'o/ /rdzun pa slu ba'i chos yin pa'i phyir chos thams cad ni/ ji lta ba bzhin du ma yin pa'o/ /gzod ma nas gnas pa'i phyir chos thams cad ni/ phye ba med pa'o/ /
285a3 gzugs can ma yin pa'i phyir chos thams cad ni/ lta ba po med pa'o/ /sgra med pa'i phyir chos thams cad ni/ nyan pa po med pa'o/ /dri med pa'i phyir chos thams cad ni /
285a4 snom pa po med pa'o/ /ro med pa'i phyir chos thams cad ni/ myang ba po med pa'o/ /reg bya med pa'i phyir chos thams cad ni/ reg pa po med pa'o/ /chos med pa'i phyir chos
285a5 thams cad ni/ rnam par shes pa po med pa'o/ /sems dang / yid dang / rnam par shes pa dang bral ba'i phyir chos thams cad ni/ dmigs pa med pa'o/ /byang chub dang
285a6 mtshungs shing 'dra ba'i phyir chos thams cad ni/ bsam gyis mi khyab pa'o/ /gzod ma nas ma skyes pa'i phyir chos thams cad ni/ gzod ma nas yongs su mya ngan las
285a7 'das pa'o/ /rigs kyi bu/ de ltar sgra dbyangs rnam par dag pa'i gzungs rab tu thob pa'i byang chub sems dpa' yi ge dang po a zhes bya ba yongs su brjod pa na bskal
285b1 ba'am| bskal pa las lhag par chos ston kyang yi ge a zhes bya ba'i sgra mi 'dor bar ston to/ /de bzhin du sbyar te/ yi ge thams cad kyi nang nas yi ge gang dang gang gis chos ston par
285b2 rtsom pa'i yi ge de dang de zad par mi 'gyur ro/ /rgyun chad pa med par chos kyi tshul don dang tshig 'bru dang ldan pa ston to/ /gzungs 'di la rab tu gnas pa'i byang chub sems
285b3 dpa' ni/ spyod lam gyis lus rnam par dag pa yin no/ /spobs pas ngag rnam par dag pa yin no/ /byams pa sgom pas sems rnam par dag pa yin no/ /chos dang zang
285b4 zing sbyin pa la ser sna med pas sbyin pa rnam par dag pa yin no/ /tshul khrims nyams pa med pas tshul khrims rnam par dag pa yin no/ /zhe 'gras pa'i sems med pas bzod
285b5 pa rnam par dag pa yin no/ /legs par byed pa'i las byed pas brtson 'grus rnam par dag pa yin no/ /de la ma chags pas bsam gtan rnam par dag pa yin no/ /ye
285b6 shes kyi snang ba rab rib med pas shes rab rnam par dag pa yin no/ /kha na ma tho ba med pas las rnam par dag pa yin no/ /lha'i mig yongs su dag pas mig rnam par dag
285b7 pa yin no/ /lha'i snang ba thob pa dang / de bzhin gshegs pa thams cad kyis chos bstan pa nyan pas rna ba rnam par dag pa yin no/ /de bzhin gshegs pa'i tshul khrims kyi dri la
286a1 snom pa'i phyir sna rnam par dag pa yin no/ /ro zhim po la brkam pa med pa'i phyir lce rnam par dag pa yin no/ /brdzus te skye bas mngal gyi dri
286a2 mas mi gos pa'i phyir lus rnam par dag pa yin no/ /chos rab tu 'byed pa la mkhas pas sems rnam par dag pa yin no/ /mtshan gyis legs par brgyan pas gzugs rnam
286a3 par dag pa yin no/ /yid du 'ong ba'i sgra brjod pas sgra rnam par dag pa yin no/ /tshul khrims dang / thos pa dang / gtong ba'i dris yongs su bsgos pas dri rnam par dag pa yin
286a4 no| |skyes bu chen po'i mtshan ro bro ba'i mchog thob pas ro rnam par dag pa yin no/ /'jam zhing mnyen pa'i rkang lag thob pas reg pa rnam par dag pa yin no/ /chos la snang ba
286a5 thob pas chos rnam par dag pa yin no/ /ji ltar thos pa'i chos rnams ma brjed pas dran pa rnam par dag pa yin no/ /bdud kyi lam las shin tu 'das pas blo gros rnam par
286a6 dag pa yin no/ /chos zab mo rtogs par khong du chud pas rtogs pa rnam par dag pa yin no/ /gzungs 'di la rab tu gnas pa'i byang chub sems dpa' ni/ sangs rgyas
286a7 kyi zhing ji snyed sgras go bar byed pa de snyed 'od kyis rgyas par 'gengs so/ /'di lta ste/ gzungs 'di nyid kyi ma 'dres pa'i khyad par rab tu thob pas 'od des phyogs bcu'i
286b1 sangs rgyas thams cad kyis gsungs pa'i chos kyi tshul 'byung bar byed do/ /rigs kyi bu/ sgra dbyangs rnam par dag pa'i gzungs 'di ni/ gang cung zad gzhol bar 'jug pa ste/
286b2 sgra dbyangs rnam par dag pa'i gzungs 'di bstan pa ni/ tshad med de/ yi ge rnam par phye bas bsam gyis mi khyab pa'o/ /nges par bstan pas mtha' yas pa'o/ /rnam par gdon
286b3 mi za bas tshad med pa'o/ /bshad pas thug pa med pa'o/ /gzhol bar 'jug pas chags pa med pa'o/ /rigs kyi bu/ de la mi zad pa'i za ma tog gi gzungs gang zhe na/ 'di
286b4 lta ste| gzungs kyi bstan pa mi zad pa ste/ gzugs mi rtag go /zhes mi rtag par bstan pa mi zad pa dang / gzugs sdug bsngal lo/ /zhes sdug bsngal bar bstan pa mi zad
286b5 pa dang / gzugs bdag med pa'o/ /zhes bdag med par bstan pa mi zad pa dang / gzugs zhi ba'o/ /zhes zhi bar bstan pa mi zad pa dang / gzugs dben pa'o/ /zhes
286b6 dben par bstan pa mi zad pa dang / gzugs dbu ba rdos pa lta bu'o/ /zhes dbu ba rdos pa lta bur bstan pa mi zad pa dang / gzugs sgyu ma lta bu'o/ /zhes sgyu ma lta bur bstan
286b7 pa mi zad pa dang / gzugs smig rgyu lta bu'o/ /zhes smig rgyu lta bur bstan pa mi zad pa dang / gzugs chu'i zla ba lta bu'o/ /zhes chu'i zla ba lta bur bstan pa mi zad pa dang /
287a1 gzugs rmi lam lta bu'o/ /zhes rmi lam lta bur bstan pa mi zad pa dang / gzugs brag ca lta bu'o/ /zhes brag ca lta bur bstan pa mi zad
287a2 pa dang / gzugs mig yor lta bu'o/ /zhes mig yor lta bur bstan pa mi zad pa dang / gzugs gzugs brnyan lta bu'o/ /zhes gzugs brnyan lta bur bstan pa
287a3 mi zad pa dang / gzugs ngo bo nyid med pa'o/ /zhes ngo bo nyid med par bstan pa mi zad pa dang / gzugs dngos po med pa'o/ /zhes dngos po med par bstan pa
287a4 mi zad pa dang / gzugs gnas med pa'o/ /zhes gnas med par bstan pa mi zad pa dang / gzugs stong pa'o/ /zhes stong par bstan pa mi zad pa dang / gzugs mtshan
287a5 ma med pa'o/ /zhes mtshan ma med par bstan pa mi zad pa dang / gzugs smon pa med pa'o/ /zhes smon pa med par bstan pa mi zad pa dang / gzugs mngon par 'du byed
287a6 pa med pa'o/ /zhes mngon par 'du byed pa med par bstan pa mi zad pa dang / gzugs ma skyes pa'o/ /zhes ma skyes par bstan pa mi zad pa dang / gzugs skye ba med pa'o/ /
287a7 zhes skye ba med par bstan pa mi zad pa dang / gzugs sngon gyi mthar ngo bo nyid med pa'o/ /zhes sngon gyi mthar ngo bo nyid med par bstan pa mi zad pa dang / gzugs phyi ma'i
287b1 mthar ngo bo nyid med pa'o/ /zhes phyi ma'i mthar ngo bo nyid med par bstan pa mi zad pa dang / gzugs par du ngo bo nyid med pa'o/ /zhes par du ngo bo nyid med par bstan pa mi zad pa dang /
287b2 gzugs rab tu zhi ba'o/ /zhes rab tu zhi bar bstan pa mi zad pa dang / gzugs nye bar zhi ba'o/ /zhes nye bar zhi bar bstan pa mi zad pa dang / gzugs rgyu ba med pa'o/ /zhes
287b3 rgyu ba med par bstan pa mi zad pa dang / gzugs spros pa med pa'o/ /zhes spros pa med par bstan pa mi zad pa dang / gzugs bsam gyis mi khyab pa'o/ /zhes bsam gyis mi khyab
287b4 par bstan pa mi zad pa dang / gzugs mtshungs pa med pa'o/ /zhes mtshungs pa med par bstan pa mi zad pa dang / gzugs bdag med pa'o/ /zhes bdag med par bstan pa
287b5 mi zad pa dang / gzugs sems can med pa'o/ /zhes sems can med par bstan pa mi zad pa dang / gzugs srog med pa'o/ /zhes srog med par bstan pa mi zad pa dang / gzugs
287b6 gso ba med pa'o/ /zhes gso ba med par bstan pa mi zad pa dang / gzugs gang zag med pa'o/ /zhes gang zag med par bstan pa mi zad pa dang / gzugs bem po'o/ /zhes
287b7 bem por bstan pa mi zad pa dang / gzugs g.yo ba med pa'o/ /zhes g.yo ba med par bstan pa mi zad pa dang / gzugs byed pa med pa'o/ /zhes byed pa med par bstan pa mi
288a1 zad pa dang / gzugs rtswa dang / rtsig pa dang / shing dang / bong ba dang / mig yor lta bu'o/ /zhes rtswa dang / rtsig pa dang / shing dang / bong ba
288a2 dang / mig yor lta bur bstan pa mi zad pa dang / gzugs rnam par bsgrubs pa'i mtshan nyid do/ /zhes rnam par bsgrubs pa'i mtshan nyid du bstan pa mi zad pa dang / gzugs
288a3 'byung ba chen po bzhi las gyur pa'o/ /zhes 'byung ba chen po bzhi las gyur par bstan pa mi zad pa dang / gzugs sgra med pa'o/ /zhes sgra med par bstan pa mi zad pa dang /
288a4 gzugs rnam par rig pa ma yin pa'o/ /zhes rnam par rig pa ma yin par bstan pa mi zad pa dang / gzugs brjod du med pa'o/ /zhes brjod du med par bstan pa mi zad pa
288a5 dang / gzugs rang gi ngang gis yongs su dag pa'o/ /zhes rang gi ngang gis yongs su dag par bstan pa mi zad pa dang / gzugs rten cing 'brel par 'byung ba'o/ /zhes
288a6 rten cing 'brel bar 'byung ba bstan pa mi zad pa dang / gzugs chad pa med pa'o/ /zhes chad pa med par bstan pa mi zad pa dang / gzugs rtag pa med pa'o/ /
288a7 zhes rtag pa med par bstan pa mi zad pa dang / gzugs byed pa po med pa'o/ /zhes byed pa po med par bstan pa mi zad pa dang / gzugs tshor ba po med pa'o//
288b1 zhes tshor ba po med par bstan pa mi zad pa dang / gzugs las kyi rnam par smin pas grub pa'o/ /zhes las kyi rnam par smin pas grub par bstan pa mi zad pa dang /
288b2 gzugs chos kyi dbyings dang mnyam pa'o/ /zhes chos kyi dbyings dang mnyam par bstan pa mi zad pa dang / gzugs de bzhin nyid la rab tu gnas pa'o/ /zhes de
288b3 bzhin nyid la rab tu gnas par bstan pa mi zad pa dang / gzugs yang dag pa'i mtha' la rab tu gnas pa'o/ /zhes yang dag pa'i mtha' la rab tu gnas par
288b4 bstan pa mi zad pa dang / gzugs nga yi ba med pa'o/ /zhes nga yi ba med par bstan pa mi zad pa dang / gzugs yongs su 'dzin pa med pa'o/ /zhes yongs su 'dzin
288b5 pa med par bstan pa mi zad pa dang / gzugs zin pa med pa'o/ zhes zin pa med par bstan pa mi zad pa dang / gzugs bsam gyis mi khyab pa'o/ /zhes bsam gyis mi
288b6 khyab par bstan pa mi zad pa dang / gzugs mtshungs pa med pa'o/ /zhes mtshungs pa med par bstan pa mi zad pa dang / gzugs tshad med pa'o/ /zhes tshad med par
288b7 bstan pa mi zad pa dang / gzugs thug pa med pa'o/ /zhes thug pa med par bstan pa mi zad pa dang / gzugs byang chub kyi rang bzhin no/ /zhes byang chub kyi rang bzhin du
289a1 bstan pa mi zad pa dang / gzugs nam mkha' dang mnyam pa'o/ /zhes nam mkha' dang mnyam par bstan pa mi zad pa dang / gzugs mya
289a2 ngan las 'das pa'i rang bzhin no/ /zhes mya ngan las 'das pa'i rang bzhin du bstan pa mi zad pa'o/ /de bzhin du phung po rnams dang / khams rnams dang / skye mched
289a3 rnams dang / ming gi tshogs dang / tshig gi tshogs dang / yi ge'i tshogs thams cad dang / chos thams cad kyi bar du 'ang sgra gcig brjod pa la 'jug pas bstan pa
289a4 mi zad pa shes par thams cad la rgyas par sbyar ro/ /'byung ba chen po bzhi las gyur pa lus kyi za ma tog 'di'i mi zad pa yongs su brjod pa shes pa dang / rin po che'i
289a5 za ma tog chos kyi rnam grangs mi zad pa la 'jug pa shes pa dang / bstan pa shes pa mi zad pa 'di ni/ mi zad pa'i za ma tog gi gzungs zhes bya ste/ gang cung
289a6 zad 'jug pa tsam zhig bstan gyi/ bskal pa'am de las lhag par yang mi zad pa'i za ma tog ces brjod du yod do/ /rigs kyi bu/ de la 'khyil ba mtha' yas
289a7 kyi gzungs gang zhe na/ mtha' zhes bya ba chad pa dang / rtag pa'o/ /'khyil ba zhes bya ba ni/ rten cing 'brel bar 'byung ba yan lag bcu gnyis pa ste/ 'di lta ste/ ma
289b1 rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched
289b2 drug /skye mched drug gi rkyen gyis rag pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i
289b3 rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar
289b4 'gyur te/ de ltar sdug bsngal gyi phung po chen po 'di 'ba' zhig 'byung bar 'gyur ro/ /de la sngags kyi dgongs pa mtha' yas pa dang / sngags bstan pa'i sgo mtha'
289b5 yas pa dang / gzhol bar 'jug pa mtha' yas pa 'di ni/ 'khyil ba mtha' yas pa'i gzungs zhes bya'o/ /mtha' zhes bya ba ni/ len pa dang / 'dor ba'o/ /
289b6 'khyil ba zhes bya ba ni/ mi len mi 'dor ba'o/ /mtha' zhes bya ba ni/ skye ba dang / 'gags pa'o/ /'khyil ba zhes bya ba ni/ skye ba med pa dang / 'gags pa med
289b7 pa'o| |mtha' zhes bya ba ni/ kun nas nyon mongs pa dang / rnam par byang ba'o/ /'khyil ba zhes bya ba ni/ rang bzhin gyis rnam par dag pa'o/ /mtha' zhes bya ba ni/ mtshan
290a1 ma dang / spros pa'o/ /'khyil ba zhes bya pa ni/ kun tu 'byung ba med pa'o/ /mtha' zhes bya ba ni/ rtog pa dang / rnam par rtog
290a2 pa'o| |'khyil ba zhes bya ba ni/ rtog pa med pa dang / rnam par rtog pa med pa'o/ /mtha' zhes bya ba ni/ rgyu dang / lta ba'o/ /'khyil ba zhes bya ba ni/ rgyu dang /
290a3 lta ba yongs su shes pa'o/ /mtha' zhes bya ba ni/ ming dang / gzugs so/ /'khyil ba zhes bya ba ni/ rnam par rig byed ma yin pa'o/ /mtha' zhes bya ba ni/
290a4 'dus byas dang / 'dus ma byas pa'o/ /'khyil ba zhes bya ba ni/ 'khor gsum yongs su dag pa'o/ /mtha' zhes bya ba ni/ nang dang / phyi'o/ /'khyil ba
290a5 zhes bya ba ni/ rnam par shes pa mi gnas pa'o/ /mtha' zhes bya ba ni/ las dang / rnam par smin pa'o/ /'khyil ba zhes bya ba ni/ las med pa dang / rnam
290a6 par smin pa med pa'o/ /mtha' zhes bya ba ni/ dge ba dang / mi dge ba'o/ /'khyil ba zhes bya ba ni/ mngon par 'du byed pa med pa'o/ /mtha' zhes bya ba ni/
290a7 kha na ma tho pa dang bcas pa dang / kha na ma tho ba med pa'o/ /'khyil ba zhes bya ba ni/ gnyis su med pa'o/ /mtha' zhes bya ba ni/ las dang / nyon mongs pa
290b1 rnams so/ /'khyil ba zhes bya ba ni/ rang bzhin gyis 'od gsal ba'o/ /mtha' zhes bya ba ni/ bdag dang / bdag med pa'o/ /'khyil ba zhes bya ba ni/ shin tu rnam
290b2 par dag pa'o/ /mtha' zhes bya ba ni/ 'khor ba dang / mya ngan las 'das pa'o/ /'khyil ba zhes bya ba ni/ chos thams cad rang bzhin gyis yongs su mya ngan las
290b3 'das pa'o/ /rigs kyi bu/ de ltar mtha' yas pa bstan pa tshad med do/ /'khyil ba stan pa tshad med do/ /'khyil ba mtha' yas pa'i gzungs 'di la rab tu gnas
290b4 pa'i byang chub sems dpa' ni/ mtha' yas pa'i rjes su song / /chos 'khyil ba'i rjes su song bas bskal pa brgya stong phrag mtha' yas par chos ston kyang don dang
290b5 tshig 'brus gzungs kyi ye shes 'di'i mthar mi phyin to/ /'di ni/ 'khyil ba mtha' yas pa'i gzungs la gzhol bar 'jug pa dang / rjes su 'gro bar bstan pa
290b6 dang / ye shes kyi snang ba rjes su rtogs pa dang / rnam par dag pa'i sgo la rab rib med pa'i ye shes kyi rjes su 'gro ba rjes su rtogs pa'o/ /rigs kyi bu/ de la
290b7 rgya mtsho'i phyag rgya'i gzungs gang zhe na/ rigs kyi bu/ 'di lta ste/ dper na/ gling bzhi pa chen po'i 'jig rten gyi khams na gang dag gzugs su snang ba dang /
291a1 sems can gyi gzugs su snang ba'am/ ri'i gzugs su snang ba'am/ shing gi gzugs su snang ba'am/ rtswa dang / shing gel pa
291a2 dang / sman dang / nags tshal dang / lo tog gi gzugs su snang ba'am/ zla ba dang / nyi ma dang / skar ma dang / nor bu dang / sprin dang / me dang / glog gi gzugs
291a3 su snang ba'am/ grong dang / grong khyer dang / grong rdal gyi dbyibs kyi gzugs su snang ba'am/ gzhal med khang dang / longs spyod kyi gzugs su snang ba'am
291a4 skyed mos tshal dang / chu mig dang / mtshe'u dang / lteng ga dang / 'bab chu'i gzugs su snang ba'am/ nye bar spyod pa'am/ yongs su spyod pa thams cad kyi
291a5 gzugs su snang ba ngan pa dang / 'bring dang / rab dang / gzugs su snang ba de dag thams cad rgya mtsho chen po la rgya dang bcas par mi nyung / mi mang /
291a6 lhag pa med pas de'i phyir rgya mtsho chen po zhes bya'o/ /rigs kyi bu/ de bzhin du rgya mtsho'i phyag rgya'i gzungs la rab tu gnas pa'i byang chub sems
291a7 dpa' yang sems can thams cad la lus rgya dang mtshungs pa yin no/ /sems can thams cad la ngag rgya dang mtshungs pa yin no/ /sems can thams
291b1 cad la sems rgya dang mtshungs pa yin no/ /phyogs bcu dag na sangs rgyas bcom ldan 'das chos ston pa'i gsungs gi 'phrin las ji snyed 'jug pa de dag byang
291b2 chub sems dpa' de'i kha'i sgo nas phyag rgyas btab pa dang mtshungs par 'byung ngo / /byang chub sems dpa' de bzhin gshegs pa'i phyag rgyas btab ste gang ci
291b3 brjod pa de thams cad de bzhin gshegs pa'i phyag rgyas rnam par mi rtog par phyag rgya thams cad ston pa la gzhan gyi dring mi 'jog par 'gyur ro/ /de la phyag
291b4 rgya bstan pa ni/ 'di yin te/ 'di lta ste/ a zhes bya ba ni/ mngon par 'du byed med pa'i phyag rgya'o/ /ra zhes bya ba ni/ chos thams cad la 'dod chags dang
291b5 bral ba thob pa'i phyag rgya'o/ /pa zhes bya ba ni/ don dam pa bstan pa'i phyag rgya'o/ /tsa zhes bya ba ni/ mig rnam par dag pa'i phyag rgya'o/ /na zhes bya ba ni/ ming
291b6 dang gzugs thams cad yongs su shes pa'i phyag rgya'o/ /la zhes bya ba ni/ sred pa'i 'khri shing dang bral ba'i phyag rgya'o/ /da zhes bya ba ni/ stobs bcu yongs su
291b7 dag pa'i phyag rgya'o/ /ba zhes bya ba ni/ stobs dang byang chub kyi yan lag yongs su dag pa'i phyag rgya'o/ /Da zhes bya ba ni/ khrag khrug dang bral ba dang / gdung
292a1 bas gdungs pa dang bral ba'i phyag rgya'o/ /Sha zhes bya ba ni/ mngon par shes pa drug thob pa'i phyag rgya'o/ /ba zhes bya ba ni/ g.yon
292a2 phyogs kyi lam rnam par spangs pa'i phyag rgya'o/ /ta zhes bya ba ni/ de kho na bstan pa'i phyag rgya'o/ /ya zhes bya ba ni/ ji lta ba bzhin gyi phyag rgya'o/ /sta zhes
292a3 bya ba ni/ khengs pa'i tha ba dang bral ba'i phyag rgya'o/ /ka zhes bya ba ni/ the tshom dang bral ba'i phyag rgya'o/ /sa zhes bya ba ni/ bden pa bstan pa'i phyag rgya'o//
292a4 ma zhes bya ba ni/ lam rnam par dag pa'i phyag rgya'o/ /ga zhes bya ba ni/ zab mo la 'jug pa'i phyag rgya'o/ /s+tha zhes bya ba ni/ mthu dang stobs kun tu bstan
292a5 pa'i phyag rgya'o/ /dza zhes bya ba ni/ rga shi las shin tu 'da' ba'i phyag rgya'o/ /shwa zhes bya ba ni/ gcan gzan gyi nyes pa rnam par spangs pa'i phyag rgya'o/ /
292a6 d+ha zhes bya ba ni/ chos kyi dbyings 'dres pa med pa'i phyag rgya'o/ /sha zhes bya ba ni/ zhi gnas yongs su rdzogs pa'i phyag rgya'o/ /kha zhes bya ba ni/ nam
292a7 mkha' mi zad pa'i chos nyid kyi phyag rgya'o/ /k+Sha zhes bya ba ni/ zad pa shes pa dang / mi skye ba shes pa'i phyag rgya'o/ /su zhes bya ba ni/ rmugs pa'i sgrib pa
292b1 rnam par spangs pa'i phyag rgya'o/ /sa zhes bya ba ni/ sems can thams cad kun tu shes par byed pa'i phyag rgya'o/ /ha zhes bya ba ni/ nyams pa la rten pa'i
292b2 chos rnam par spangs pa'i phyag rgya'o/ /b+ha zhes bya ba ni/ dngos po dang / dngos po med pa rjes su rtogs par byed pa'i phyag rgya'o/ /tsha zhes bya ba ni/ 'dod
292b3 pa dang / zhe sdang dang / 'jig pa dang / gti mug rnam par spong ba'i phyag rgya'o/ /sma zhes bya ba ni/ bran pa dang / shes bzhin dang / brjod pa med pa'i
292b4 phyag rgya'o/ /ha zhes bya ba ni/ bod pa'i phyag rgya'o/ /sa zhes bya ba ni/ nyon mongs pa thams cad dor ba'i phyag rgya'o/ /g+ha zhes bya ba ni/ thibs po dang / ling
292b5 tog dang / ma rig pa sel ba'i phyag rgya'o/ /Tha zhes bya ba ni/ mthar thug par 'gro ba'i phyag rgya'o/ /Na zhes bya ba ni/ gya nom pa'i chos rjes su rtogs par
292b6 byed pa'i phyag rgya'o/ /pha zhes bya ba ni/ 'bras bu thob par byed pa'i phyag rgya'o/ /ska zhes bya ba ni/ phung po yongs su shes par bya ba'i phyag rgya'o/ /dz+wa zhes bya ba
292b7 ni rims nad sel ba'i phyag rgya'o/ /sh+tsa zhes bya ba ni/ ngo mtshar rmad du byung ba'i chos mngon par rdzogs par byang chub par bya ba'i phyag rgya'o/ /ba zhes bya ba ni/
293a1 lam gyi rgyun gcod cing mya ngan las 'das pa rjes su thob par byed pa'i phyag rgya'o/ /la zhes bya ba ni/ yi ge'i mtha' thug pa
293a2 med pa'i phyag rgya'o/ /rigs kyi bu/ de ltar byang chub sems dpa' rnam pa ji snyed kyis chos ston pa'i yi ge de dag thams cad kyi phyag rgya bstan pa rab tu
293a3 shes te| rigs kyi bu/ 'di ni/ rgya mtsho'i phyag rgya'i gzungs kyi sgor 'jug pa'o/ /rigs kyi bu/ de la pad+ma bkod pa zhes bya ba'i gzungs de gang zhe na/
293a4 rigs kyi bu/ 'di la byang chub sems dpa' gzungs 'di la rab tu gnas pa ni/ 'khor gyi dkyil 'khor gang dang gang du chos bstan pa de dang / der
293a5 de'i pad+ma'i stan sna tshogs pa blta na sdug pa 'byung ste/ de pad+ma'i stan de la 'dug ma thag tu steng gi bar snang las pad+ma'i char 'bab bo/ /pad+ma de dag
293a6 las kyang chos bstan pa rnam pa sna tshogs 'byung ste/ 'di lta ste/ zab mo bstan pa dang / sna tshogs bstan pa dang / dpe brjod pa bstan pa dang / mdo
293a7 dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / rtogs pa brjod pa'i sde dang / de
293b1 lta bu byung ba dang / skyes pa'i rabs dang / rmad du byung ba'i sde dang / shin tu rgyas pa dang / chos gtan la dbab pa bstan pa dag ston par 'gyur ro/ /pad+ma las
293b2 chos brjod pa byung ba de'ang de med pa'i sdug bsngal yang dag par zad par 'gyur ro/ /byang chub sems dpa' de'ang btang snyoms su byed cing mi smra ba dang / mnyam
293b3 par bzhag pa'i gnas kyang mi 'dor ro/ /pad+ma 'byung ba las nges par byung ba de'ang de byed pa'i sdug bsngal yang dag par zad par 'gyur te/ sangs rgyas kyi
293b4 mdzad pa'ang byed do/ /byang chub sems dpa' de'i lus kyi spu'i khung bu thams cad nas 'od zer dag 'byung ngo / /'od zer de dag las kyang pad+ma dag 'byung ngo / /
293b5 pad+ma dag las kyang byang chub sems dpa'i gzugs rnams 'byung ste/ de dag phyogs bcu 'jig rten gyi khams mtha' yas mu med pa dag tu dong nas sangs rgyas
293b6 kyi mdzad pa byed de/ 'di ni/ pad+ma bkod pa'i gzungs kyi sgor 'jug pa'o/ /rigs kyi bu/ de la chags pa med pa'i sgor 'jug pa zhes bya ba'i gzungs gang zhe na/ /
293b7 'di lta ste/ bstan pa gcig la mi chags so/ /bstan pa gnyis dang / gsum dang / bzhi dang / lnga dang / drug dang / bdun dang / brgyad dang / dgu dang /
294a1 bcu dag la mi chags so/ /bstan pa nyi shu dang / sum cu dang / bzhi bcu dang / lnga bcu dang / drug cu dang / bdun cu dang / brgyad
294a2 cu dang / dgu bcu dang / brgya dag la mi chags so/ /bstan pa stong la mi chags so/ /bstan pa bye ba brgya phrag stong la mi chags so/ /bstan pa ther 'bum dang /
294a3 khrag khrig dang / gtams dang / dkrigs dang / mi 'khrugs pa dang / tshad med pa dang / grangs med pa dang / mtshungs pa med pa dang / gzhal du med pa dang /
294a4 dpag tu med pa la mi chags so/ /bstan pa gang+gA'i klung gi bye ma'i rdul phra rab kyi rdul snyed la mi chags so/ /bstan pa dzam+bu'i gling gi rdul phra rab kyi rdul snyed
294a5 la mi chags so/ /bstan pa gling bzhi pa'i rdul phra rab kyi rdul snyed la mi chags so/ /bstan pa stong gsum gyi stong chen po nyi shu dang / sum cu dang / bzhi bcu
294a6 dang / lnga bcu dang / sangs rgyas kyi zhing gi rdul phra rab kyi rdul snyed la mi chags so/ /bstan pa sangs rgyas kyi zhing gang+gA'i klung gi bye ma snyed kyi rdul phra rab kyi rdul
294a7 snyed la mi chags pa nas bstan pa sangs rgyas kyi zhing thams cad kyi rdul phra rab kyi rdul snyed la mi chags so/ /rigs kyi bu/ de ltar chos kyi sgo gang dang gang
294b1 brtsams pa'i chos kyi sgo de dang de'i bstan pa sangs rgyas kyi zhing thams cad kyi rdul phra rab kyi rdul snyed dag bstan pa gcig gis ston to/ /gnyis dang / gsum dang /
294b2 bzhi dang / lnga dang / drug dang / bcu dang / nyi shu dang / sum cu dang / bzhi bcu dang / lnga bcu dang / brgya dang / stong dang / tshad med pa'i bstan pas ston te/ ldan
294b3 pa dang / 'byor pa dang / shin tu nges pa'i tshig dang / don dang / tshig 'bru dang ldan par ston kyang chags pa med cing rgyun chad pa med de/ 'di ni/ chags pa med
294b4 pa'i sgor 'jug pa zhes bya ba'i gzungs so/ /rigs kyi bu/ de la so so yang dag par nges pa la 'jug pa'i gzungs gang zhe na/ gang don so so yang dag par rig pa
294b5 bstan pa mi zad pa shes pa dang / chos so so yang dag par rig pa bstan pa mi zad pa shes pa dang / nges pa'i tshig so so yang dag par rig pa bstan pa mi zad pa
294b6 shes pa dang / spobs pa so so yang dag par rig pa bstan pa mi zad pa shes pa ste/ shes pa 'di lta bu rab tu thob pa de la shar phyogs kyi sems can ji snyed pa de
294b7 dag thams cad gcig tu 'dus te rang rang gi skad kyis don la mkhas pa yongs su dris/ gang dag lho phyogs kyi sems can de dag gis ni/ chos la mkhas pa
295a1 yongs su dris/ gang dag nub phyogs kyi sems can de dag gis ni/ nges pa'i tshig la mkhas pa yongs su dris/ gang dag byang phyogs
295a2 kyi sems can de dag gis ni/ spobs pa la mkhas pa yongs su dris na/ de la byang chub sems dpa'i ngag gi las kyang de snyed du tshad med de/ dus gcig
295a3 tu brjod cing skad sna tshogs la 'jug pa la brjed par mi 'gyur/ sems g.yeng bar mi 'gyur ro/ /skad la 'jug pa shes pas skad thams cad kyi rjes su zhugs
295a4 te| skad cig brjod pas sems can thams cad kyi sems kyi rnam par rig pa tshim par byed de/ 'di ni/ so so yang dag par rig pa rnam par nges pa la
295a5 'jug pa zhes bya ba'i gzungs so/ /rigs kyi bu/ de la sangs rgyas kyi rgyan byin gyis brlabs pa zhes bya ba'i gzungs gang zhe na/ rigs kyi bu/ 'di la byang chub
295a6 sems dpa' gzungs 'di lta bu rab tu thob pa/ chos kyi stan chen po la 'dug pa/ 'khor gyi dkyil 'khor chen po'i dbus na 'dug pa'i spyi gtsug gi drang thad
295a7 kyi steng na de bzhin gshegs pa'i sku gser gyi mdog can/ mtshan dang dpe byad kyis legs par brgyan pa'i lus dang ldan pa'i gzugs 'byung ste/ de bzhin
295b1 gshegs pa'i gzugs des phyag g.yas pa de'i spyi gtsug tu 'jog go /phyag bzhag ma thag tu byang chub sems dpa' de sangs rgyas kyi rgyan gyis brgyan pa'i lus kyi
295b2 las dang ldan par 'gyur ro/ /sangs rgyas kyi rgyan gyis brgyan pa'i ngag gi las dang ldan par 'gyur ro/ /sangs rgyas kyi rgyan gyis brgyan pa'i dran pa'i las dang
295b3 ldan par 'gyur ro/ /de chos de lta bu dang ldan te/ 'khor thams cad kyi sems kyi bsam pa la 'jug pas so so ci rigs par chos ston to/ /zhag gcig
295b4 gam| zhag gnyis sam/ zhag gsum mam/ zhag bzhi'am/ zhag bdun nam/ zla ba phyed dam/ zla ba gcig gam/ dus sam/ lo khyud kor ram/ lo brgya'am/
295b5 stong ngam/ lo brgya phrag stong ngam/ ji tsam du 'dod pa de tsam du kha zas dang bral ba'i rgyud kyis chos ston kyang de bzhin gshegs pa'i byin gyi rlabs kyis shin tu
295b6 yongs su bzung ba'i phyir de'i chos kyi sgo yongs su zad par mi 'gyur/ lus dang sems ngal bar mi 'gyur ro/ /shes pa chen po bzhi dang ldan par 'gyur te/ bzhi
295b7 gang zhe na/ sems can gyi bsam pa dang / tshig rab tu dbye ba shes pa dang / so so yang dag par rig pa mi zad pa shes pa dang / theg pa ji ltar rnam par dgod pa
296a1 shes pa dang / so so ci rigs par bstan pa shes pa dang ldan par 'gyur te/ rigs kyi bu/ 'di ni/ sangs rgyas kyi rgyan byin gyis
296a2 brlabs pa'i gzungs kyi gang cung zad gzhol ba'i sgor 'jug pa zhes bya'o/ /gzungs 'di ni/ mi zad pa/ thug pa med pa'i rjes su song ba/ de bzhin
296a3 gshegs pa'i mtshams dang bcas pa dang / bstan pa tshad med pa'o/ /rigs kyi bu/ byang chub sems dpa' rnams kyi gzungs ni/ brgyad po 'di dag ste/
296a4 gzungs de dag la rab tu gnas pa'i byang chub sems dpa' rnams ni/ sangs rgyas thams cad kyis gsungs pa kun tu 'dzin to/ /chos ston pa ni/ mi
296a5 zad par 'gyur ro/ /legs par bshad pas sems can thams cad tshim par byed par 'gyur ro/ /de nas de'i tshe byang chub sems dpa' gzungs kyi dbang
296a6 phyug gi rgyal pos tshigs su bcad pa 'di dag smras so/ /bde gshegs rnams kyis rab tu gsungs pa'i gsung brgyad po/ /theg pa 'dir ni de dag rnam par nges
296a7 thob pa| |mdo sde bye ba stong phrag thug pa med 'chad kyang / /de ni don dang tshig 'bru gang la'ang chags pa med/ /yid 'ong shin tu snyan cing chags par 'gyur
296b1 ba'i dbyangs/ /bye ba stong phrag tshad med zhing du go byed pa/ /sems can rnams kyis de thos mya ngan 'das par 'gro /sgra dbyangs rnam par dag pa'i gzungs 'di thug
296b2 pa med| |yi ge thams cad shes pa mkhas pa blo gros ldan/ /bskal pa mang por 'chad kyang chos la zad pa med/ /rtsa ba'i tshig gcig brjod pa'ang zad par mi
296b3 'gyur te/ /mi zad chos kyi za ma tog 'di dran pa yi/ /gang gis gzungs thob mtha' mar thug par yongs bcad pa/ /mnyam nyid tshul bzhin chos la sems
296b4 pa blo gros ldan/ /mthar 'dzin thams cad rnam par spangs te yongs dag pas/ /khyu mchog gyur pa de ni dbus la gnas mi 'gyur/ /gang gis mtsho chen phyag
296b5 rgya'i gzungs ni rab thob pa/ /de yi kha nas phyag rgya bsam yas brjod pa na/ /gang dag gling bzhi gzugs kyi rnam pa ji snyed pa/ /de dag kun dang rgya mtsho mtsho
296b6 chen bcas mi rtog /'khor du gal te bdag nyid chen po de chos ston/ /nam mkha' las ni pad+ma dag gi char chen 'bab/ /pad+ma dag las chos mang bye ba rab tu
296b7 'byung / /'di ni pad+ma bkod pa'i gzungs te yongs su dag /chags pa med pa'i gzungs ni gal te thob gyur na/ /tshig gcig brjod pa rab tu smra dang gnyis
297a1 dag dang / /gsum dang bzhi dang lnga dang bye ba dag dang ni/ /khrag khrig thug pa med par smra la chags pa med/ /gang gis rnam par
297a2 gdon mi za pa'i gzungs thob pa/ /don dang chos dang nges tshig spobs pa ji snyed pa/ /phyogs bcu'i sems can ji snyed mang pos yongs dris na/ /de dag the
297a3 tshom kun bcad dogs pa med par 'gyur/ /gang gis sangs rgyas rnam par 'phrul pa'i gzungs thob pa/ /gzi brjed chen po de ni stan la 'dug pa na/ /
297a4 sangs rgyas phyag g.yas de yi spyi bor 'jog mdzad de/ /de yang rgyal ba'i spobs pa ci 'dra bzhin du 'gyur/ /gang gis gzungs rnams 'di dag rab tu
297a5 thob gyur pa/ /de yi yon tan bsam yas thug pa med 'gyur te/ /gang+gA'i snyed kyi bskal pa bye ba stong brjod kyang / /khyu mchog gyur pa'i bsngags pa brjod
297a6 pas zad pa med/ /gang gis gzungs kyi mchog rnams rab tu thob gyur pa/ /de yi shes pa srid pa gsum la mnyam 'jug ste/ /pad+ma bzhin du srid pa gsum
297a7 las 'phags 'gyur zhing / /ri rab bzhin du yul rnams kyis ni mi bskyod 'gyur/ /gang gis gzungs kyi mchog rnams rab tu thob gyur pa/ /de ni srid kun rnam
297b1 par spangs pa'i spyad spyod de/ /mu stegs can gyi tshogs kun 'joms pa sgrog pa na/ /seng+ge bzhin du 'khor du 'jigs pa med par 'gyur/ /sa ltar dge ba
297b2 rnams ni rnam par skyed par 'gyur/ /chu ltar dri ma rnams ni rab tu ded par 'gyur/ /me ltar rlom sems med cing rnam rtog med par 'gyur/ /rlung ltar
297b3 yul rnams la ni chags pa med par 'gyur/ /gang gis gzungs kyi mchog rnams rab tu thob gyur pa/ /de ni smra tshe shes dang dbang po 'khrug pa med/ /de ni sman
297b4 pa bzhin du 'gro ba thar byed 'gyur/ /phan par 'dod pas chos kyi bkru sman sbyin par byed/ /gang gis gzungs kyi mchog rnams rab tu thob gyur pa/ /skye ba'i
297b5 tshogs rnams de la lta bas mi ngoms te/ /zla ba bzhin du dge ba dag ni rnam sbyor 'gyur/ /sems snyoms gzi brjid chen po 'od zer mnyam par gtong / /gang
297b6 gis gzungs kyi mchog rnams rab tu thob gyur pa/ /de ni 'gro ba'i srid pa ma lus skem par byed/ /nyi ma bzhin du 'od byed mun pa sel bar 'gyur/ /gnyid
297b7 log sems can srid pa gsum las sad par byed/ /gang gis gzungs kyi mchog rnams rab tu thob gyur pa/ /de ni kun la cung zad tsam yang 'dzin pa med/ /
298a1 de ni rgyal po bzhin du 'jig rten dbang phyug che/ /rnam thos bu bzhin nor ldan chos rnams ston par byed/ /gang gis gzungs
298a2 kyi mchog rnams rab tu thob gyur pa/ /rdzu 'phrul chen po dran ldan klu dang 'drar 'gyur te/ /sprin gyi bya ba med cing mkha' las glog phyung nas/ /zhi bar bya phyir de
298a3 ni chos kyi char pa 'bebs/ /gang gis gzungs kyi mchog rnams rab tu thob gyur pa/ /'khor rnams thams cad khyu mchog gyur pa'i gdong du blta/ /brgya byin
298a4 bzhin du dman pa ma yin gzugs mchog ldan/ /blo chen 'gro ba rnams la chos dang don rnams sems/ /gang gis gzungs kyi mchog rnams rab tu thob
298a5 gyur pa| |de ni tshangs pa'i gnas pa yongs dag bsam gtan byed/ /tshangs pa bzhin du mnyam bzhag snying rje ldan par 'gyur/ /'jig rten 'di kun zil
298a6 gyis mnan nas bsam gtan byed/ /gang gis gzungs kyi mchog rnams rab tu thob gyur pa/ /de ni phyogs bcu'i sangs rgyas mang la mchod pa byed/ /de ni
298a7 rtag tu mngon shes lnga las nyams mi 'gyur/ /zhing brgya bsam gyis mi khyab dag tu mkha' nas 'gro /gang gis gzungs kyi mchog rnams rab tu thob gyur pa/ /
298b1 de ni ring por mi thogs sangs rgyas yon tan thob/ /phyogs na rgyal ba rnams ni de yi bsngags brjod de/ /bu gcig pa zhig yon tan ldan pa bzhin du bstod/ /gang
298b2 gis gzungs kyi mchog rnams rab tu thob gyur pa/ /de ni spobs pa phreng ba legs brgyus ji bzhin te/ /mdo sde zab mo sna tshogs mang po 'chad pa na/ /spobs pa rgya
298b3 che yangs shing zad pa med par 'gyur/ /gang gis gzungs kyi mchog rnams rab tu thob gyur pa/ /de la rgyags pa med cing g.yo med nga rgyal med/ /dran ldan blo gros ldan
298b4 zhing blo ldan rtogs dang ldan/ /ye shes mtha' yas spyod yul nam mkha' bzhin du 'gyur/ /gang gis gzungs kyi mchog rnams rab tu thob gyur pa/ /de yi
298b5 'dus byas nyes pa thams cad rab tu chad/ /shes rab ye shes thabs dang zung du 'brel par 'gyur/ /byams dang snying rje dag kyang zung du 'brel par 'gyur/ /
298b6 gang gis gzungs kyi mchog rnams rab tu thob gyur pa/ /de ni smra tshe 'khrul ba cung zad mi dmigs te/ /bdag nyid che de sems can rnams kyi sgra skad shes/ /spyod dang
298b7 dbang po dang ni mos pa thams cad shes/ /gang gis gzungs kyi mchog rnams rab tu thob gyur pa/ /des ni chos la lhag mthong dge dang dran pa dang / /rdzu 'phrul dang
299a1 ni spong dang dbang po stobs lnga dang / /byang chub yan lag de bzhin lam mchog zhi gnas thob/ /gang gis gzungs kyi mchog rnams
299a2 rab tu thob gyur pa/ /de ni bde gshegs rnams kyi spyod yul rang gis rtogs/ /pha rol phyin pa dag ni kun gyi pha rol son/ /bsdu ba'i dngos po kun la
299a3 mkhas shing blo gros ldan/ /gang gis gzungs kyi mchog rnams rab tu thob gyur pa/ /de la nam yang 'khrul ba cung zad mi dmigs te/ /des pa de ni zhi zhing
299a4 nyer zhi myos pa med/ /de ni spyod la rab tu gnas gyur shin tu dul/ /gang gis gzungs kyi mchog rnams rab tu thob gyur pa/ /de ni bde gshegs spyan sngar
299a5 pad+ma'i steng na 'dug /de yi lus ni chos kyi rgyus byung rdul dang bral/ /de yi lus la mngal gyi dri mas gos mi 'gyur/ /gang gis gzungs kyi mchog rnams rab
299a6 tu thob gyur pa/ /de ni rgyal ba kun gyis byin brlabs chos smra ste/ /de ni lus dang ngag yid las rnams gang byed pa/ /thams cad shes pas byas te skye bo phan par
299a7 byed| |gang gis gzungs kyi mchog rnams rab tu thob gyur pa/ /de ni smra tshe bsngags pa zad par mi 'gyur te/ /sems can thams cad 'dren pa shes rab cher
299b1 gyur kyang / /de yi bsngags pa bskal pa mang por bsam mi khyab/ /bam po bdun pa ste/ tha ma/ de nas bcom ldan 'das kyis byang chub sems
299b2 dpa' sems dpa' chen po gzungs kyi dbang phyug gi rgyal po la legs so zhes bya ba gnang ste/ gzungs kyi dbang phyug gi rgyal po/ khyod kyis gzungs rnam par nges
299b3 par bstan pa 'di legs par bshad pa dang / ji ltar yang khyod chos 'di dag la gzhan gyi dring mi 'jog pa dang / ji ltar yang khyod sngon gyi de bzhin gshegs pa rnams
299b4 la gzungs kyi sgo'i tshig zab mo rnams yongs su 'dri ba'i rang bzhin can du gyur pa legs so legs so/ /de'i phyir gzungs kyi dbang phyug gi rgyal po/ khyod kyis rnam
299b5 grangs 'dis kyang 'di ltar rig par bya'o/ /gzungs kyi dbang phyug gi rgyal po/ sngon byung ba 'das pa'i dus na bskal pa grangs med pa'i yang ches grangs med pa/ rgyas
299b6 pa| tshad med pa/ bsam gyis mi khyab par gyur pa de'i tshe de'i dus na rnam par snang byed kyi bskal pa la 'jig rten gyi khams dri ma med par de bzhin gshegs pa
299b7 dri ma med par snang ba zhes bya ba sangs rgyas bcom ldan 'das zhes bya ba'i bar du gyur pa 'jig rten du byung ngo / /'jig rten gyi khams dri ma med pa de'ang bai DUR+ya
300a1 ltar dag par gyur te/ me long lta bur shin tu byi dor byas pa/ lag mthil ltar mnyam pa'o/ /'jig rten gyi khams der rin po
300a2 che sna bdun gyi shing ljon pa rin po che'i yal ga dang / lo ma dang / me tog dang / 'bras bur ldan pa dag byung bar gyur to/ /dzam+bu'i chu bo'i gser gyi pad+ma tshad
300a3 shing rta'i phang lo tsam du gyur pa sna tshogs pa/ blta na sdug pa dag kyang byung bar gyur to/ /lha dang mi de dag kyang rin po che'i khang pa brtsegs pa la yongs
300a4 su longs spyod par gyur to/ /zas dang skom yang bsam pa tsam gyis 'byor te/ 'di lta ste/ dper na/ gzhan 'phrul dbang byed kyi lha rnams kyi longs spyod
300a5 dag yongs su spyod pa ltar lha dang mi de dag gi longs spyod dang / yongs su spyod pa'ang de 'dra bar gyur to/ /lha dang mi de dag kyang 'dod chags chung ba/ zhe sdang chung ba/
300a6 gti mug chung ba/ rnam pa bzang ba/ shin tu rnam par rig par byed par gyur to/ /'jigs rten gyi khams de ni/ nyi ma dang / zla bar btags pa rnams
300a7 med par gyur te/ bcom ldan 'das de bzhin gshegs pa dri ma med par snang ba de ni/ lus kyi 'od kyis thams cad dang ldan pa'i sangs rgyas zhing gsal
300b1 bar gyur to/ /'jig rten gyi khams de na pad+ma kha zum pas mtshan mo zhes bya ba dang / pad+ma kha bye bas nyin mor bgrang ba ma gtogs par nyin mtshan du gdags
300b2 pa med do/ /bcom ldan 'das de bzhin gshegs pa dri ma med par snang ba de'i byang chub sems dpa'i dge 'dun ni/ byang chub sems dpa' rab tu byung ba snyoms
300b3 par zhugs pa'i byang chub sems dpa' bye ba brgya phrag drug cur gyur to/ /khyim pa tshad med pa dag ni/ bla na med pa yang dag par rdzogs pa'i byang chub la yang
300b4 dag par zhugs par gyur to/ /de ni/ theg pa chen po ma gtogs par theg pa rnam par dgod pa gzhan med par gyur to/ /bcom ldan 'das/ de ni/ phyir mi
300b5 ldog pa dag pa'i gtam yang dag par ston to/ /bcom ldan 'das de'i sku tshe'i tshad ni/ bskal pa phyed du gyur to/ /mi rnams kyang bar ma dor 'chi ba'i dus byed pa
300b6 med par gyur to/ /sangs rgyas kyi zhing de na gang dag sa la gnas pa'i khang pa brtsegs pa rnams na gnas pa de dag ni/ mi zhes bya ba'i grangs su 'gro /gang dag
300b7 nam mkha' la gnas pa'i khang pa brtsegs pa rnams na gnas pa de dag ni/ lha zhes bya ba'i grangs su 'gro ba ma gtogs par lha dang mi rnams kyi kha dog dang /
301a1 yongs su spyod pa tha dad du bya ba med par gyur to/ /'jig rten gyi khams de na bcom ldan 'das chos kyi rgyal po bla na med pa de ma gtogs par rgyal po
301a2 gzhan gang yang med do/ /lha dang mi de dag thams cad kyang de bzhin gshegs pa la mchod pa'i las byed pa dang / chos nyan pa la 'dun par gyur pa ma gtogs par lha
301a3 gzhan med/ ston pa gzhan med/ gzhan la phyag mi 'tshal/ las gzhan mi byed/ gzhan yid la mi byed par gyur to/ /'jig rten gyi khams de ni bud med du gdags pa med
301a4 do| |sems can de dag bslab pa gsum po dag la slob pa ma gtogs par ltung bar gdags pa med do/ /bslab pa las 'da' bar gdags pa med do/ /bslab pa gsum gang zhe na/
301a5 'di lta ste/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'o/ /de la lhag pa'i tshul khrims kyi bslab pa gang zhe na/ gang thams
301a6 cad mkhyen pa'i sems mi gtong ba dang / mngon par 'du byed pa thams cad rnam par spong ba'o/ /de la lhag pa'i sems kyi bslab pa gang zhe na/ gang ting nge 'dzin la rab tu gnas nas lhag
301a7 pa'i shes rab thob pa'o/ /de la lhag pa'i shes rab kyi bslab pa gang zhe na/ gang shes rab kyi pha rol tu phyin pa la rab tu gnas nas so so yang dag par rig pa thob pa'o/ /byang chub sems
301b1 dpa' de dag ni lung phog pa med par bslab pa 'di lta bu dag la slob pa dag go /'jig rten gyi khams de ni de lta bur yongs su dag par gyur to/ /bcom ldan 'das/ de'i chos bstan pa'ang de
301b2 lta bur yongs su dag par gyur to/ /de'i tshe byang chub sems dpa' 'od dpal zhes bya ba 'khor de nyid du 'dus te 'dug par gyur pa de stan las langs te bcom ldan 'das de bzhin gshegs pa
301b3 dri ma med par snang ba de la 'di skad ces gsol to/ /bcom ldan 'das/ gzungs gzungs zhes bgyi na/ bcom ldan 'das/ byang chub sems dpa' dag gzungs gang la rab tu gnas nas
301b4 sangs rgyas bcom ldan 'das thams cad kyis gsungs pa kun tu 'dzin pa dang / chos bstan pa na zad par mi 'gyur ba dang / legs par bshad pas sems can thams cad tshim par bgyi ba'i
301b5 gzungs de gang lags/ de skad ces gsol pa dang / bcom ldan 'das de bzhin gshegs pa dri ma med par snang ba des byang chub sems dpa' 'od dpal la 'di skad ces bka' stsal to/ /rigs
301b6 kyi bu/ khyod gang gi phyir/ de bzhin gshegs pa la don de yongs su dri bar sems pa legs so legs so/ /rigs kyi bu/ rin chen sgron ma zhes bya ba'i gzungs yod de/ byang chub sems
301b7 dpa' dag gzungs de la rab tu gnas nas/ sangs rgyas thams cad kyis gsungs pa kun tu 'dzin to/ /legs par bshad pas sems can thams cad tshim par byed do/ /de skad ces
302a1 bka' stsal pa dang / de bzhin gshegs pa dri ma med par snang ba la/ byang chub sems dpa' 'od dpal gyis 'di skad ces gsol to/ /bcom
302a2 ldan 'das/ gang thos pas bdag cag de bzhin du sgrub cing gzungs 'di thob par 'gyur bar de bzhin gshegs pas rin chen sgron ma'i gzungs gang cung zad 'jug pa tsam
302a3 zhig legs par bshad du gsol/ de nas de bzhin gshegs pa dri ma med par snang bas byang chub sems dpa' 'od dpal la tshigs su bcad de bka' stsal pa/ nyon mongs
302a4 rnams kyi rdul dang bral gyur te/ /dri ma med cing dri ma kun tu spangs/ /sems ni rtag tu dag cing dri med pa/ /'di ni rin chen sgron ma'i gzungs yin no/ /lus kyi ngag rnams dag cing yid
302a5 kyis ni/ /zla ba lta bur dri bral dri med 'od/ /byams pa'i sems dang yid kyang snyoms gyur pa/ /'di ni rin chen sgron ma'i gzungs yin no/ /gnyis su lta ba dag las rnam grol
302a6 zhing / /rtog dang rnam par rtog dang kun tu bral/ /'du shes rnams ni yongs su shes gyur pa/ /'di ni rin chen sgron ma'i gzungs yin no/ /dran dang blo gros rtog la 'jug pa 'grub//
302a7 shes rab che ldan yon tan rnams dang ldan/ /nam mkha'i dkyil ltar dri ma med cing dag /'di ni rin chen sgron ma'i gzungs yin no/ /dkon mchog gsum
302b1 po rgyun mi chad pa dang / /dri gsum rnam spangs srid pa gsum las grol/ /gnyis la yid gnyis za ba mthar 'byin pa/ /rin chen sgron ma'i gzungs ni dag pa
302b2 yin| |'dod chags dang ni zhe sdang gti mug bcom/ /dus ngan rnyog spangs yon tan kun dang ldan/ /nyon mongs mun pa rab rib sel byed pa/ /rin chen sgron ma gzungs kyi
302b3 mchog yin no/ /'jig rten dag na sgra skad tha ma dang / /'bring dang mchog ni ji snyed yod pa dag /sgra rnams kun la shin tu zhugs gyur pa/ /rin chen sgron ma'i gzungs ni rdul
302b4 dang bral/ /zab mo'i chos rnams dang ni ldan gyur cing / /tshig dang yig 'bru sna tshogs mtha' yas mang / /bdag dang sems can dag tu lhung ba med/ /gnyis med ldan pa
302b5 'di ni gzungs yin no/ /so so yang dag rig pa thob gyur cing / /rkang pa snying po bzhi la rab gnas te/ /bsam gtan bzhi dang yang dag rab ldan pa/ /'di ni rin chen sgron
302b6 ma'i gzungs yin no/ /dam pa'i don gyi chos kyi tshul gyur cing / /tshangs pa'i gnas pa bzhi dang bsdu dang ldan/ /mngon par shes pa lnga la 'gro byed pa/ /'di ni rin chen sgron
302b7 ma'i gzungs yin no/ /dran pa nye bar gzhag pa rnams la gnas/ /yang dag spong ba rnams dang rtag tu mthun/ /rdzu 'phrul rkang pa bzhi la spyod byed pa/ /'di ni rin chen
303a1 sgron ma'i gzungs yin no/ /dbang po lnga po dag dang ldan gyur cing / /stobs lnga dag la gnas pa mi g.yo'i shugs/ /byang chub yan lag rnams dang rab
303a2 ldan pa| |'di ni rin chen sgron ma'i gzungs yin no/ /yan lag brgyad pa'i lam gyis 'gro byed cing / /zhi gnas mchog dang lhag mthong zung du 'brel/ /rig dang rnam par
303a3 grol bas 'gro byed pa/ /'di ni rin chen sgron ma'i gzungs yin no/ /sa rnams gnon pa dag ni rab ldan zhing / /mtshams sbyor grol ba'i lam dang rjes su mthun/ /nyes pa
303a4 rnams ni kun tu spangs gyur pa/ /'di ni rin chen sgron ma'i gzungs yin no/ /'jig rten thams cad na ni snang byed cing / /nyi dang zla yi 'od kyi dkyil 'khor ltar/ /rnam par dag
303a5 cing mig ni 'byed byed pa/ /'di ni rin chen sgron ma'i gzungs yin no/ /'dir ni lha mig dag ste rab rib med/ /shes rab mchog gi mig kyang rnam dag pa/ /'dir ni
303a6 chos kyi mig kyang dag gyur te/ /rgyal ba dam pa'i spyan ni rnam par dag /'dir ni nyon mongs bdud kyang dag par gyur/ /phung po lnga yi nyes pa 'dir yongs dag /'dir ni
303a7 'chi bdag bdud kyang dag gyur cing / /'dir ni sde dang bcas pa'i bdud kyang bcom/ /'dir ni gzungs la rab tu gnas nas su/ /bye ba khrag khrig dag gi zhing du 'gro /
303b1 sangs rgyas khrag khrig dag kyang mthong 'gyur zhing / /bla na med pa'i chos kyang nyan par byed/ /rgya chen chos ni thos par gyur nas kyang / /gzungs kyi dran pa'i stobs kyis 'dzin par
303b2 byed| |don dang tshig 'bru dag kyang gzungs ldan par/ /sems can thams cad la ni ston par byed/ /rgyu dang rkyen gyis rnam par phye bas na/ /sems ni skad cig 'jig par shes
303b3 gyur te| |chos rnams rab tu dbye ba shes thob pa/ /gzungs 'di la ni gnas par gyur pa yin/ /spobs pa thob cing gsum rig chags pa med/ /mig gsum rnam par dag
303b4 pa'ang rab tu thob/ /rnam par thar pa gsum gyi don kyang thob/ /'dir ni gzungs rnams thob par gyur dang ldan/ /gang dag gzungs rnams mang po gzhal yas shing / /tshad
303b5 med pa dag nges par bstan pa yang / /gzungs kyi dam pa 'di ni thob gyur na/ /de dag thams cad rab tu thob par 'gyur/ /bsam gtan gang dang rnam thar gang dag dang / /snyoms
303b6 'jug ting 'dzin gang dag mtha' yas dang / /mngon par shes pas rnam par rol dang gzungs/ /mtha' yas de dag la ni rab tu 'jug/ ji ltar rgya mtsho dpag tu med pa la/ /
303b7 mtha' yas sgo nas klung mtsho mtshe'u 'jug pa/ /de ltar gzungs 'di 'dzin par byed pa yang / /mtha' yas chos rnams kyi ni sgo mor 'jug /zad pa med pa'i sgra la 'jug pa
304a1 yang / /zad pa med pa'i shes pas khong du chud/ /gzungs 'di smra bar byed pa de yis ni/ /bsod nams thams cad zad par mi 'gyur ro/ /gzungs 'di rab
304a2 tu thob par gyur pa ni/ /rin chen dam pa dri med lag tu 'gyur/ /gzugs dang mtshan rnams dang ni rigs dang yang / /rus dang skye ba dag ni rnam par dag /zab mo'i tshul dag la
304a3 ni 'jug pa dang / mi skye ba la bzod dang ma skyes dang / /phyir mi ldog pa'i shes pa'i sa dag kyang / /gzungs 'di yin par nges par bstan pa yin/ /byang chub bla med mchog
304a4 'di tshol byed pa'i/ /byang chub sems dpa' mang po gang dag gis/ /gzungs 'di rab tu thob par gyur na ni/ /byang chub bla na med pa rnyed mi dka'/ /gang dag phyogs bcu
304a5 rnams na bde bar gshegs/ /'gro la phan dang bde phyir chos ston pa/ /gzungs kyi dam pa 'di ni thob gyur na/ /de dag spobs pa rgyun chad mi 'gyur ro/ /gzungs 'di rab
304a6 tu thob par gyur pa dag /dga' dang mos dang bsam pa shes nas ni/ /de dag 'bras bu yod pa ston pas na/ /sems can khrag khrig dag ni tshim par byed/ /gzungs 'di
304a7 la ni gnas pa'i dpa' bo dag /'khor lo dam pa rab tu bskor byed cing / /sems can sdug bsngal sna tshogs rnams las 'grol/ /theg pa dam pa la yang 'jog
304b1 par byed/ /bskal pa bye ba khrag khrig mang por ni/ /bsngags dang yon tan legs pa brjod byas kyang / /drang srong chen pos de yi yon tan gyi/ /mtha' ma brjod du nus par mi 'gyur ro/ /
304b2 rigs kyi bu/ de ltar bcom ldan 'das de bzhin gshegs pa dri ma med par snang pa des gzungs bstan pa 'di bshad pa na byang chub sems dpa'i 'khor chen po de las byang chub sems
304b3 dpa' stong phrag sum cu rtsa gnyis kyis gzungs thob par gyur to/ /byang chub sems dpa' sems dpa' chen po 'od dpal gyis ni/ rin chen sgron ma'i gzungs 'di thob par gyur to//
304b4 gzungs kyi dbang phyug gi rgyal po/ /khyod de'i tshe de'i dus na byang chub sems dpa' 'od dpal zhes bya bar gyur pa de gzhan zhig yin pa snyam du dogs shing yid gnyis gyur tam/
304b5 the tshom za ba lta na/ khyod kyis de ltar mi blta'o/ /de ci'i phyir zhe na/ khyod nyid de'i tshe de'i dus na byang chub sems dpa' 'od dpal zhes bya bar gyur te/ gzungs kyi dbang phyug gi rgyal
304b6 po| khyod kyis de tshun chad bgrang ba las 'das pa'i de bzhin gshegs pa dag la gzungs rnam par nges pa 'di yongs su dris so/ /yongs su dri ba byas so/ /des na khyod da ltar yang
304b7 de bzhin gshegs pa la yongs su 'dri ba de ltar 'jigs pa med cing / gzungs kyi rnam par nges pa 'di'ang ston to/ /khyod kun tu lta ba'i blos chos 'di mngon sum du gyur
305a1 pas rnam grangs 'dis na/ ngas khyod byang chub sems dpa' gzungs thob pa dang / byang chub sems dpa' dran pa dang ldan pa rnams kyi mchog tu bstan
305a2 to| |de nas byang chub sems dpa' shes rab brtsegs zhes bya ba 'khor de nyid du 'dug par gyur pa des bcom ldan 'das la 'di skad ces gsol to/ /bcom ldan 'das/
305a3 ji ltar na/ byang chub sems dpa' rin chen sgron ma'i gzungs 'di rab tu thob cing / thob nas kyang chab 'tshal bar mi bgyid pa dang / 'di lta ste/ gzungs kyi stobs bskyed pas
305a4 sems can thams cad nye bar 'tsho ba lags/ de skad ces gsol ba dang / bcom ldan 'das kyis byang chub sems dpa' shes rab brtsegs la 'di skad ces bka' stsal to/ /
305a5 rigs kyi bu/ gang gi tshe byang chub sems dpa' shes rab kyi rtsa ba la gnas par gyur ba dang / shes rab kyi las byed par gyur pa de'i tshe gzungs 'di rab tu thob bo/ /chud za
305a6 bar mi byed do/ /sems can thams cad kyi nye bar 'tsho bar yang 'gyur ro/ /de skad ces bka' stsal pa dang / bcom ldan 'das la byang chub sems dpa' shes rab brtsegs
305a7 kyis 'di skad ces gsol to/ /bcom ldan 'das/ shes rab kyi rtsa ba ni/ gang lags/ shes rab kyi las ni/ gang lags/ de bzhin gshegs pas legs par bshad
305b1 du gsol/ bcom ldan 'das kyis bka' stsal pa/ de'i phyir rigs kyi bu/ khyod shin tu legs par nyon la yid la zungs shig dang / ngas khyod la bshad par bya'o/ /rigs kyi bu/
305b2 byang chub sems dpa' ma thos pa'i chos nyan pa gang yin pa 'di ni/ shes rab kyi rtsa ba'o/ /ji ltar thos pa'i chos gzhan dag la rgya cher yang dag par ston pa gang yin pa 'di ni/ shes
305b3 rab kyi las so/ /dpyod pa ni/ shes rab kyi rtsa ba'o/ /gang dpyad pa gzhan dag la nye bar ston pa 'di ni/ shes rab kyi las so/ /tshul bzhin so sor rtog pa ni/ shes rab kyi rtsa ba'o/ /
305b4 sems can rnams tshul bzhin la rab tu dgod pa 'di ni/ shes rab kyi las so/ /yang dag par sbyor ba ni/ shes rab kyi rtsa ba'o/ /yang dag par sgrub pa ni/ shes rab kyi las so/ /sems
305b5 la nges par sems pa ni/ shes rab kyi rtsa ba'o/ /sems la nges par sems pa yang dag par ston pa ni/ shes rab kyi las so/ /rab tu dben par gnas pa ni/ shes rab kyi rtsa ba'o//
305b6 lus dang sems dben par shes pa ni/ shes rab kyi las so/ /gcig pur dga' ba ni/ shes rab kyi rtsa ba'o/ /gcig pur bgrod pa'i lam sgrub pa ni/ shes rab kyi las so/ /
305b7 zhi gnas dang lhag mthong sgom pa ni/ shes rab kyi rtsa ba'o/ /rig pa dang rnam par grol ba thob pa ni/ shes rab kyi las so/ /rnam par thar pa gsum sgom pa ni/ shes rab kyi rtsa
306a1 ba'o| |rig pa gsum mngon sum du byed pa ni/ shes rab kyi las so/ /dran pa nye bar gzhag pa sgom pa ni/ shes rab kyi rtsa ba'o/ /dran pa med cing yid la
306a2 byed pa med pa ni/ shes rab kyi las so/ /yang dag par spong ba sgom pa ni/ shes rab kyi rtsa ba'o/ /chos thams cad rang bzhin gyis spangs par rab tu shes pa ni/ shes rab
306a3 kyi las so/ /rdzu 'phrul gyi rkang pa sgom pa ni/ shes rab kyi rtsa ba'o/ /mngon par 'du bya ba med pa rdzu 'phrul thob pa ni/ shes rab kyi las so/ /dad pas mos te yid ches pa
306a4 ni| shes rab kyi rtsa ba'o/ /chags pa thams cad las yang dag par 'da' ba ni/ shes rab kyi las so/ /sems mi 'jug pa ni/ shes rab kyi rtsa ba'o/ /lus dang sems
306a5 shin tu sbyangs pa ni/ shes rab kyi las so/ /dran pa dang shes bzhin ni/ shes rab kyi rtsa ba'o/ /dran par bya ba rjes su dran pa ni/ shes rab kyi las so/ /ting nge 'dzin
306a6 rim gyis rjes su rtogs par byed pa ni/ shes rab kyi rtsa ba'o/ /rtag tu mnyam par bzhag par gnas pa thob pa ni/ shes rab kyi las so/ /shes rab kyi dbang po la
306a7 brten pa ni/ shes rab kyi rtsa ba'o/ /dbang po mchog dang mchog ma yin pa shes pa ni/ shes rab kyi las so/ /stobs lnga'i gnas shes pa ni/ shes rab kyi rtsa ba'o/ /
306b1 bdud dang nyon mongs pas mi rdzi ba ni/ shes rab kyi las so/ /byang chub kyi yan lag rjes su mthun pa'i bzod pa ni/ shes rab kyi rtsa ba'o/ /chos thams cad kyi rang bzhin rjes su
306b2 rtogs pa ni/ shes rab kyi las so/ /lam gyi yan lag yang dag par sgrub pa ni/ shes rab kyi rtsa ba'o/ /chos thams cad gzings lta bur shes nas chos dang chos ma yin pa la
306b3 mi gnas pa ni/ shes rab kyi las so/ /sdug bsngal dang / kun 'byung ba dang / 'gog pa dang / lam sgom pa ni/ shes rab kyi rtsa ba'o/ /'gog pa mngon sum du byed pa ni/ shes
306b4 rab kyi las so/ /drang ba'i don gyi mdo sde kun chub par byed pa ni/ shes rab kyi rtsa ba'o/ /nges pa'i don gyi mdo sde la rton pa ni/ shes rab kyi las so/ /thos pa thams cad 'dzin pa
306b5 ni| shes rab kyi rtsa ba'o/ /don la rton pa ni/ shes rab kyi las so/ /rnam par shes pa la so sor rtog pa ni/ shes rab kyi rtsa ba'o/ /ye shes la rton pa ni/ shes rab kyi las so/ /
306b6 gang zag gi sgra la mngon par zhen pa med pa ni/ shes rab kyi rtsa ba'o/ /chos nyid la rton pa ni/ shes rab kyi las so/ /'du byed thams cad mi rtag par so sor rtog pa ni/ shes
306b7 rab kyi rtsa ba'o/ /gdod ma nas ma skyes pa rab tu shes pa ni/ shes rab kyi las so/ /'du byed thams cad sdug bsngal bar so sor rtog pa ni/ shes rab kyi rtsa ba'o/ /chos thams cad mngon par
307a1 'du bya ba med par shes pa ni/ shes rab kyi las so/ /chos thams cad la bdag med par so sor rtog pa ni/ shes rab kyi rtsa ba'o/ /sems can gzod ma nas rnam par dag
307a2 pa shes pa ni/ shes rab kyi las so/ /mya ngan las 'das pa la zhi bar so sor rtog pa ni/ shes rab kyi rtsa ba'o/ /chos thams cad rang bzhin gyis yongs su mya ngan las 'das par
307a3 shes pa ni/ shes rab kyi las so/ /don thos nas skrag pa med pa ni/ shes rab kyi rtsa ba'o/ /don so so yang dag par rig pa ni/ shes rab kyi las so/ /yang dag pa'i chos nyid thos
307a4 nas skrag pa med pa ni/ shes rab kyi rtsa ba'o/ /chos so so yang dag par rig pa ni/ shes rab kyi las so/ /nges pa'i tshig thams cad la skrag pa med pa ni/ shes rab kyi rtsa ba'o/ /nges
307a5 pa'i tshig so so yang dag par rig pa ni/ shes rab kyi las so/ /sangs rgyas kyi spobs pa thob nas skrag pa med pa ni/ shes rab kyi rtsa ba'o/ /spobs pa so so yang dag par rig pa
307a6 ni| shes rab kyi las so/ /sems can la dmigs pa dang / chos la dmigs pa'i byams pa ni/ shes rab kyi rtsa ba'o/ /dmigs pa med pa'i byams pa ni/ shes rab kyi las so/ /
307a7 bdag la byed pa dang / gzhan la byed pa la snying rje ba ni/ shes rab kyi rtsa ba'o/ /mtha' gnyi ga bsal ba'i snying rje chen po ni/ shes rab kyi las so/ /chos la
307b1 sems pa la mchog tu dga' bar byed pa'i dga' ba ni/ shes rab kyi rtsa ba'o/ /blang ba med pa dang / dor ba med pa ni/ shes rab kyi las so/ /rjes su chags pa dang / khong khro ba
307b2 ba dang bral ba'i btang snyoms ni/ shes rab kyi rtsa ba'o/ /gnyis dang bral ba ni/ shes rab kyi las so/ /sangs rgyas rjes su dran pa ni/ shes rab kyi rtsa ba'o/ /chos kyi
307b3 sku rab tu shes pa ni/ shes rab kyi las so/ /chos rjes su dran pa ni/ shes rab kyi rtsa ba'o/ /'dod chags dang bral ba'i chos nyid shes pa ni/ shes rab kyi las so/ /dge
307b4 'dun rjes su dran pa ni/ shes rab kyi rtsa ba'o/ /'dus ma byas su so sor rtog pa ni/ shes rab kyi las so/ /gtong ba rjes su dran pa ni/ shes rab kyi rtsa ba'o/ /nyon mongs pa
307b5 thams cad yongs su gtong ba ni/ shes rab kyi las so/ /tshul khrims rjes su dran pa ni/ shes rab kyi rtsa ba'o/ /tshul khrims mngon par 'du bya ba med par shes pa ni/ shes
307b6 rab kyi las so/ /lha rjes su dran pa ni/ shes rab kyi rtsa ba'o/ /rnam par dag pa'i chos nyid ni/ shes rab kyi las so/ /thos pa la rtog pa ni/ shes rab kyi rtsa ba'o/ /'jig
307b7 rten thams cad la rtog pa ni/ shes rab kyi las so/ /ma byas pa'i las byed pa ni/ shes rab kyi rtsa ba'o/ /las kyi rnam par smin pa med par shes pa ni/ shes rab kyi las
308a1 so| |nga rgyal med pa ni/ shes rab kyi rtsa ba'o/ /ye shes chen po thob pa ni/ shes rab kyi las so/ /bdag gi don ni/ shes rab kyi rtsa ba'o/ /gnyi ga'i don ni/
308a2 shes rab kyi las so/ /chos kyi phung po brgyad khri bzhi stong kun tu 'dzin pa ni/ shes rab kyi rtsa ba'o/ /chos kyi phung po brgyad khri bzhi stong yongs su shes pa ni/ shes rab kyi las
308a3 so| |chos bstan pa shes pa ni/ shes rab kyi rtsa ba'o/ /'bras bu yod pa'i chos ston pa ni/ shes rab kyi las so/ /sems can rnams byang chub yang dag par 'dzin du 'jug
308a4 pa ni| shes rab kyi rtsa ba'o/ /shes rab kyi pha rol tu phyin pa dang thabs mkhas pas sems can rnams phyir mi ldog pa'i sa la rab tu dgod pa 'di ni/ shes rab kyi las so/ /
308a5 srid par 'gro bar skye ba thams cad kyis skrag pa ni/ shes rab kyi rtsa ba'o/ /bsam bzhin du skye ba ni/ shes rab kyi las so/ /sgra'i rjes su 'gro ba'i bzod pa ni/ shes rab
308a6 kyi rtsa ba'o/ /bsgoms pa las byung ba'i bzod pa ni/ shes rab kyi las so/ /zad pa shes pa ni/ shes rab kyi rtsa ba'o/ /mi skye ba shes pa ni shes rab kyi las so/ /rjes su mthun
308a7 pa'i bzod pa ni/ shes rab kyi rtsa ba'o/ /mi skye ba'i chos la bzod pa ni/ shes rab kyi las so/ /phyir mi ldog pa'i sa ni/ shes rab kyi rtsa ba'o/ /dbang bskur ba'i sa ni/ shes
308b1 rab kyi las so/ /byang chub kyi snying po la 'dug pa ni/ shes rab kyi rtsa ba'o/ /gang ci shes par bya ba dang / thos par bya ba dang / rtogs par bya ba dang / mngon par rdzogs par 'tshang rgya bar
308b2 bya ba de thams cad sems kyi skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya ba 'di ni/ shes rab kyi
308b3 las so| |shes rab kyi rtsa ba dang / las bstan pa 'di bshad pa na phyogs bcu'i sangs rgyas kyi zhing grangs med dpag tu med pa dag rnam pa drug tu g.yos par gyur to/ /'khor gyi
308b4 khyams rin po che bkod pa'ang rnam pa drug tu g.yos so/ /de nas bcom ldan 'das la byang chub sems dpa' shes rab brtsegs kyis 'di skad ces gsol to/ /bcom ldan 'das/
308b5 gang gis phyogs bcu'i sangs rgyas kyi zhing grangs ma mchis dpag tu ma mchis pa 'di dag rab tu g.yos par gyur pa dang / nam mkha' la gnas pa'i 'khor gyi khyams 'di'ang
308b6 rnam pa drug tu g.yos par gyur ba'i rgyu gang lags/ rkyen gang lags/ bcom ldan 'das kyis bka' stsal pa/ rigs kyi bu/ shes rab kyi rtsa ba dang / las bstan pa'i chos kyi rnam
308b7 grangs 'di 'das pa'i de bzhin gshegs pa rnams kyis sngon bshad pa na rigs kyi bu/ khyod nyid kyis nam mkha' yongs su 'dzin pa 'di nyid du de bzhin gshegs pa de dag la
309a1 yongs su dris shing yongs su dri ba byas te/ sa chen po g.yos pa 'jig rten du byung ba'i rgyu ni 'di yin no/ /rkyen ni 'di yin no/ /de nas bcom ldan
309a2 'das la byang chub kyi sems dpa' so so yang dag par rig pa la spobs pa zhes bya bas 'di skad ces gsol to/ /bcom ldan 'das/ ci'i slad du byang chub sems dpa' shes
309a3 rab brtsegs la shes rab brtsegs zhes bgyi/ bcom ldan 'das kyis bka' stsal pa/ rigs kyi bu/ sngon byung ba 'das pa'i dus na dri ma med pa'i bskal pa la 'jig rten gyi
309a4 khams 'byung ba bzang po na de bzhin gshegs pa dpal spas zhes bya ba'i sangs rgyas bcom ldan 'das zhes bya ba'i bar gyur pa 'jig rten du byung ngo / /'jig rten gyi
309a5 khams 'byung ba bzang po de'i sems can rnams ni bde bas tshim pas gnas par gyur to/ /de bzhin gshegs pa dpal spas de'i byang chub sems dpa'i dge 'dun ni byang chub sems
309a6 dpa' stong phrag bzhi bcu rtsa gnyis su gyur to/ /de'i nyan thos kyi dge 'dun ni nyan thos stong phrag brgyad cu rtsa bzhir gyur to/ /rigs kyi bu/ de ltar bcom ldan 'das de bzhin gshegs
309a7 pa dpal spas des byang chub sems dpa' de dag gi spobs pa rgya chen po nye bar bzung ste dri ba bye ba phrag brgya ched du mdzad nas byang chub sems dpa' de dag la bka'
309b1 stsal pa| skyes bu dam pa khyod kyi nang nas su dus ji srid cig na dri ba bye ba phrag brgya po 'di dri ba re re la bstan pa bye ba phrag brgya brgyas lan 'debs par spro/ de'i nang nas byang
309b2 chub sems dpa' kha cig gis gsol pa/ mtshan mo 'di bas te lan gdab par bgyi'o/ /kha cig gis gsol pa/ dgung bdun na'o/ /kha cig gis gsol pa/ dgung zla phyed
309b3 na'o| |kha cig gis gsol pa/ bcom ldan 'das/ dris pa 'di dag bdag cag gis dgung zla gcig na lan gdab par bgyi'o/ /de'i tshe byang chub sems dpa' dran pa'i blo zhes bya
309b4 ba 'khor de nyid du 'dus te 'dug par gyur pa des bcom ldan 'das de bzhin gshegs pa dpal spas de la 'di skad ces gsol to/ /bcom ldan 'das/ bdag stan las mi
309b5 ldang zhing spyod lam 'khrug pa ma mchis par de bzhin gshegs pa dbang du bgyis te dri ba 'di bas par lan gdab par bgyi'o/ /skyes bu dam pa des seng+ge'i sgra bsgrags ma thag
309b6 tu de nas stong gsum gyi stong chen po'i 'jig rten gyi khams 'di rnam pa drug tu g.yos so/ /snang ba chen po'ang 'jig rten du byung bar gyur te/ /snang ba des bskul nas sa bla'i lha
309b7 nas bzung ste gnas gtsang ma'i ris kyi bar gyi lha rnams 'dus so/ /dge slong dang / dge slong ma dang / dge bsnyen dang / dge bsnyen ma stong phrag mang po'ang 'dir 'dus par
310a1 gyur to| |de ltar skad cig thang gcig yud tsam de la dpag tshad stong phrag bcur 'khor gyi dkyil 'khor gcig tu gnas par gyur to/ /de nas byang
310a2 chub sems dpa' dran pa'i glos 'khor 'dus pa chen po de mthong nas rang gi bsod nams kyi stobs dang / ye shes kyi stobs dang / dran pa'i stobs dang / gzungs kyi stobs
310a3 dang / spobs pa'i stobs dang / mi 'jigs pa'i stobs dang / sangs rgyas kyi byin gyi rlabs dang stobs kyis dri ba ched du mdzad pa bye ba phrag brgya po de kun tu bzung nas
310a4 bcom ldan 'das de'i spyan sngar thams cad dang ldan pa'i 'khor de'i mdun du dri ba bye ba phrag brgya po re re la bstan pa bye ba phrag brgyas lan btab ste/ phyed pa dang / rgyun
310a5 chad pa med pa dang / rjes su 'brel pa dang / tshig dang yig 'bru ldan pa dang / shin tu nges pa'i tshig rnams kyis de'i lan btab pa dang / 'khor de las srog chags
310a6 stong phrag drug cus bla na med pa yang dag par rdzogs pa'i byang chub tu sems bskyed do/ /byang chub sems dpa' stong phrag bzhi bcu ni/ mi skye ba'i chos la bzod pa thob
310a7 par gyur to/ /bcom ldan 'das de bzhin gshegs pa dpal spas des de la legs so/ /zhes bya ba byin te/ legs so/ /zhes bya ba'i sgra des stong gsum gyi stong chen
310b1 po'i 'jig rten gyi khams dbyangs kyis go bar gyur to/ /sa bla'i lha nas bzung ste gnas gtsang ma'i ris kyi bar kyi lha rnams kyis kye ma gang shes rab dang / spobs pa dang / bstan pa
310b2 'di 'dra ba 'di ni/ byang chub sems dpa' shes rab brtsegs su 'gyur ro/ /zhes sgra byung ste sgra bsgrags so/ /de ltar na/ de shes rab brtsegs shes rab brtsegs zhes ming du
310b3 btags so/ /rigs kyi bu/ de'i tshe de'i dus na byang chub sems dpa' dran pa'i blo zhes bya bar gyur pa de gzhan yin pa snyam du dogs shing yid gnyis su gyur tam/ the tshom za
310b4 ba lta na| khyod kyis de ltar mi blta'o/ /de ci'i phyir zhe na/ byang chub sems dpa' shes rab brtsegs pa 'di nyid de'i tshe de'i dus na byang chub sems dpa' dran pa'i blo zhes bya
310b5 bar gyur to/ /de nas bcom ldan 'das kyis don 'di rgya cher brjod pa'i phyir de'i tshe tshigs su bcad pa 'di dag gsungs so/ /ma mos gyur nas ma thos chos rnams rtag nyan
310b6 pa| |shes rab rtsa ba sems can dag pas thob nas ni/ /'dzin cing byams pas 'gro ba dag la ston byed pa/ /shes rab las te byang chub sems dpa' rtag tu byed/ /dpyod
310b7 pa'i dran pa chen po 'di ni shes rab rtsa/ /dpyad nas 'gro la brtag tu ston pa shes rab las/ /gal te tshul bzhin rab sreg 'di ni shes rab rtsa/ /de la sbyar nas ston pa shes rab
311a1 las zhes bya/ /yang dag sbyor la gal te sbyor ba shes rab rtsa/ /sgrub cing ston par byed pa de ni shes rab las/ /sems la nges par sems rnyed 'di ni shes
311a2 rab rtsa| |nges par sems pa spyod pa 'di ni shes rab las/ /gcig pu dben par spyod pa 'di ni shes rab rtsa/ /lus dang sems la nga'i med 'di ni shes rab las/ /gang tshe
311a3 'du 'dzis 'jigs gyur de ni shes rab rtsa/ /gcig pu bgrod pa'i lam la rig byed shes rab las/ /zhi gnas lhag mthong dga' ba 'di ni shes rab rtsa/ /rig dang
311a4 rnam par grol la reg 'di shes rab las/ /rnam thar gsum la mngon par brtson pa shes rab rtsa/ /rig gsum mngon du byed pa shes rab las zhes bya/ /gal te dran
311a5 ba nyer gzhag sgom pa shes rab rtsa/ /dran med yid la byed med de ni shes rab las/ /sdig pa spangs te dge ba spyod pa shes rab rtsa/ /chos 'di rang bzhin spangs pa de ni
311a6 shes rab las/ /gal te rdzu 'phrul rkang pa bzhi sgom shes rab rtsa/ /lhun grub rdzu 'phrul thob pa 'di ni shes rab las/ /dad pas mos nas yid ches pa ni shes rab rtsa//
311a7 chags pa thams cad gang bral de ni shes rab las/ /zhum med rtag tu brtson pa de ni shes rab rtsa/ /lus dang yid sems rab sbyangs de ni shes rab las/ /dran dang shes
311b1 bzhin mkhas pa 'di ni shes rab rtsa/ /gnas rnams kun la mi gnas 'di ni shes rab las/ /rang gis ting 'dzin rtogs pa de ni shes rab rtsa/ /rang bzhin mnyam par bzhag la spyod 'di
311b2 shes rab las/ /gal te shes rab dbang por rab gnas shes rab rtsa/ /'gro ba'i dbang po thams cad thos pa shes rab las/ /stobs lnga po dag rjes su sgom pa shes rab rtsa/ /bcom
311b3 nas ye shes thob pa de ni shes rab las/ /byang chub yan lag rjes mthun bzod pa shes rab rtsa/ /chos kun rjes su gang rtogs de ni shes rab las/ /lam gyi yan lag skye gnas sgrub
311b4 pa shes rab rtsa/ /chos dang chos min spon ba 'di ni shes rab las/ /sdug bsngal rang bzhin mkhas pa 'di ni shes rab rtsa/ /gal te 'gog pa mngon sum byed 'di shes rab las/
311b5 drang ba'i don gyi mdo sde tshig 'dzin shes rab rtsa/ /nges pa'i don la rton pa 'di ni shes rab las/ /thams cad thos pas mi ngoms 'di ni shes rab rtsa/ /don la rab tu rton pa 'di ni
311b6 shes rab las/ /rnam par shes la tshul bzhin tshol pa shes rab rtsa/ /ye shes la ni rab tu rton 'di shes rab las/ /gang zag gang la'ang ma zhen 'di ni shes rab rtsa/ /gal te
311b7 chos nyid rton pa 'di ni shes rab las/ /'du byed mi rtag yongs su tshol ba shes rab rtsa/ /gal te gzod nas ma skyes shes pa shes rab las/ /'du byed sdug bsngal mos par
312a1 byed pa shes rab rtsa/ /chos rnams 'dus ma byas su mos pa shes rab las/ /chos rnams bdag med the tshom med pa shes rab rtsa/ /sems can 'di
312a2 dag gdod nas dag de shes rab las/ /mya ngan 'das la zhi bar mos pa shes rab rtsa/ /'gro ba shin tu mya ngan 'das 'di shes rab las/ /don gyi rjes su rtogs pa 'di ni
312a3 shes rab rtsa/ /don rtogs so so yang dag rig pa shes rab las/ /gal te chos nyid mos par byed pa shes rab rtsa/ /chos la so so yang dag rig pa shes rab las/ /sgra rnams
312a4 kun la skrag pa med 'di shes rab rtsa/ /nges tshig so so yang dag rig 'di shes rab las/ /skrag med blo yis spobs pa de ni shes rab rtsa/ /spobs pa so so yang dag rig pa shes
312a5 rab las/ /gal te sems can gnas pa'i byams de shes rab rtsa/ /dmigs pa med pa'i byams thob de ni shes rab las/ /bdag dang gzhan la snying rje 'di ni shes rab rtsa/ /
312a6 gang gis gnyi gar mi rtog de ni shes rab las/ /mchog tu dga' la dga' ba thob 'di shes rab rtsa/ /dga' med gdung ba med pa 'di ni shes rab las/ /byams dang gnod
312a7 par mi byed de ni shes rab rtsa/ /gnyis las sems grol thob pa de ni shes rab las/ /blo gros ldan pa sangs rgyas dran 'di shes rab rtsa/ /gang tshe chos sku rjes su rtogs pa shes
312b1 rab las/ /chos kyang rtag tu dran pa 'di ni shes rab rtsa/ /chos rnams 'dod chags bral bar rtogs pa shes rab las/ /yon tan las ni dge 'dun dran de shes rab rtsa/ /de yang 'dus
312b2 ma byas su rtogs pa shes rab las/ /blo ldan gtong ba dran pa de ni shes rab rtsa/ /gang phyir nyon mongs kun 'dor 'di ni shes rab las/ /tshul khrims shin tu dag pa dran 'di shes
312b3 rab rtsa| |tshul khrims zag pa med la gnas ni shes rab las/ /che ba'i bdag nyid lha dran 'di ni shes rab rtsa/ /dge nas dag pa dran pa 'di ni shes rab las/ /gang phyir bsgrims te
312b4 thos pa tshol ba shes rab rtsa/ /gzhan dag las ni phyis mi tshol ba shes rab las/ /legs par byed pa'i las byed 'di ni shes rab rtsa/ /las phyis mngon par 'du mi byed pa shes
312b5 rab las/ /nga rgyal med cing 'dud par byed pa shes rab rtsa/ /ye shes che ba'i bdag nyid thob 'di shes rab las/ /bdag gi don la brtson 'gyur 'di ni shes rab rtsa/ /sems
312b6 can rnams kyi don byed 'di ni shes rab las/ /gal te chos kyi phung po 'dzin byed shes rab rtsa/ /sems can spyod pa rjes su rtogs byed shes rab las/ /gzhan gyi blo la yang dag
312b7 thob byed shes rab rtsa/ /sems can theg gsum nges 'byung byed pa shes rab las/ /blo gros ldan pa sbyin dang snyan par smra ba dang / don byed sems can yongs su smin byed
313a1 shes rab rtsa/ /gal te don mthun pa yis sangs rgyas yon tan 'god/ /'di ni skyes bu dam pa rnams kyi shes rab las/ /srid pa kun tu 'bar zhes skrag
313a2 pa shes rab rtsa/ /mi skye bzod pa thob pa de ni shes rab las/ /phyir mi ldog pa'i sa 'di shes rab rtsa ba ste/ /dbang bskur de yis thob de ni shes rab las/ /gal te byang chub
313a3 shing drung 'dug pa shes rab rtsa/ /kun mkhyen ye shes rig pa 'di ni shes rab las/ /byang chub sems 'di shes rab rtsa ba zhes kyang bya/ /sems ni gnas su gang byed de ni
313a4 shes rab las/ gang dag byang chub sems la rtag gnas mi g.yo ba/ /de dag shes rab kyis ni rtag tu las bya byed/ /rtsa ba 'di 'dra byang chub spyod pa mchog gi sems/ /
313a5 sangs rgyas stobs dang de bzhin so so yang dag rig/ de yi bsngags pa bskal pa bye ba mang brjod kyang / /sangs rgyas yon tan mtha' mar thug par 'gyur ba med/ /gang dag
313a6 'das pa'i bde gshegs de bzhin da ltar byung / /gang dag ma 'ongs pa dang phyogs bcu'i thub dbang po/ /tshad med pa la bsnyen bkur tshad med byed 'dod gang / /de ni ma
313a7 myos byang chub sems la dga' ba yin/ /de nas bcom ldan 'das la byang chub sems dpa' gzungs kyi dbang phyug gi rgyal pos 'di skad ces gsol to/ /bcom ldan 'das/
313b1 kye ma ji tsam du sangs rgyas bcom ldan 'das rnams kyi bla na med pa yang dag par rdzogs pa'i byang chub 'di shin tu rnam par nges shing yi ge rnams kyis bstan pa mtha' yas pa/ don
313b2 gyis 'jug pa mtha' yas pa/ mi brtson pa rnams kyis 'jug par dka' ba/ rten cing 'brel par 'byung ba rjes su rtogs pas zab pa/ gnyis la spyod pa rnams kyis 'tshal bar dka'
313b3 ba| skye mched drug la brten pa rnams kyis mthong bar dka' ba/ theg pa dman pa la mos pa rnams kyis yid ches par dka' ba/ nyan thos dang rang sangs rgyas rnams kyi ma lags
313b4 pa| byang chub sems dpa' rnams kyi spyod yul/ chos thams cad kyi phyag rgya/ chos kyi dbyings mnyam pa nyid pas phye ba ma mchis pa/ nam mkha'i mtshan nyid kyi slad du 'gyur
313b5 ba ma mchis pa/ shin tu 'das pas kun gzhi ma mchis pa/ sems can thams cad kyi spyod pa rab tu shes pa/ rgyu thams cad yongs su shes pa/ shes rab kyi pha rol tu phyin pa'i
313b6 snang ba| nges par 'byung ba rnams kyi 'byung ba/ dge ba'i rtsa ba rnams kyi thabs/ so so yang dag par rig pa thob pa rnams kyis rnam par dbye bar bgyi ba/ mngon par shes pa thob pa
313b7 rnams kyis rnam par dgrol bar bgyi ba/ tshul gcig la gnas pa rnams kyis mnyam pa nyid du rtogs par bgyi ba/ sna tshogs ma mchis par spyod pa rnams la khyad par ma
314a1 mchis pa/ nam mkha' dang mnyam pa nyid pas mnyam pa/ gnyen po ma mchis pas mnyam pa ma mchis pa/ sangs rgyas thams cad dang mnyam pa nyid
314a2 pas mi mnyam pa dang mnyam pa/ 'gog pas rab tu phye bas gnyis dang bral ba/ yi ge rnams kyis dpyad du ma mchis pa/ don gyi yang dag par bzhag pa/ sgras rnam par rig
314a3 par bgyi ba/ don dam par brjod du ma mchis pa/ kun rdzob tu mchis pa/ dkon mchog gsum gyi mthu dang ldan pa/ theg pa gsum la rnam par rtog pa/ rnam par thar pa'i sgo
314a4 gsum po dag rab tu ston pa/ khams gsum pa las shin tu 'das pa/ rig pa gsum po dag khong du chud par bgyid pa/ rdo rje lta bur ting nge 'dzin bskyed pa/ chos thams cad kyi
314a5 gnas| sangs rgyas kyi ye shes las byung ba/ sems can thams cad kyi nye bar 'tsho ba sangs rgyas thams cad kyis gsal bar mdzad pa ni/ ngo mtshar to/ /bcom ldan 'das/ rigs
314a6 kyi bu'am/ rigs kyi bu mo gang dag sangs rgyas bcom ldan 'das rnams kyi byang chub bstan pa tshad ma mchis pa 'di la mos par bgyid pa dang / bla na med pa yang dag par
314a7 rdzogs pa'i byang chub tu yang sems skyed par bgyid pa dang / dam pa'i chos yongs su gzung ba'i slad du mdo sde 'di lta bu 'di mnyan par bgyid pa dang / mos par bgyid pa dang /
314b1 'dzin pa dang / 'chang ba dang / klog pa dang / kun chub par bgyid pa dang / gzhan dag la'ang rgyas par yang dag par ston par bgyid pa de dag ni/ bcom ldan 'das/ bsod nams mang du
314b2 skyed pa lags so/ /de bzhin gshegs pa rnams la'ang byas pa gzo ba dang / byas pa 'tshal ba lags so/ /bcom ldan 'das kyis bka' stsal pa/ rigs kyi bu/ de de bzhin no//
314b3 ji skad smras pa bzhin te/ de dag bsod nams mang du skyed par 'gyur ro/ /rigs kyi bu/ gang gis de bzhin gshegs pa'i spyan gyis gzigs pa'i sangs rgyas kyi zhing thams cad
314b4 rin po che thams cad kyis rab tu bkang ste de bzhin gshegs pa rnams la sbyin pa byin pa bas gang gis dam pa'i chos yongs su bzung ba dang / dkon mchog gsum rgyun mi chad
314b5 par bya ba'i phyir mdo sde 'di lta bu 'di nyan tam/ mos sam/ 'dzin tam/ 'chang ngam/ klog gam/ kun chub par byed dam/ ston tam/ gzhan dag la'ang rgyas par yang dag par ston
314b6 tam| sgom pa'i rnal 'byor la brtson par gnas na/ 'di ni/ de bas bsod nams ches mang du skyed do/ /de nas bcom ldan 'das kyis de'i tshe tshigs su bcad pa 'di dag bka' stsal
314b7 to| |sangs rgyas spyan gyis zhing gang ngas mthong ba/ /rin chen bkang ste de bzhin gshegs phyin yang / /'di lta bu yi chos 'di ma thos na/ /de ni bsod nams chung zhes nga smra'o/ /gang gis
315a1 dam pa'i don ldan phra zad pa/ /mdo sde bzang bo 'di ni thos gyur na/ /kun tu 'dzin cing bzung nas klog byed pa/ /'di ni de bas bsod nams mchog tu 'phags/ /
315a2 'di ltar rgyal ba'i chos kyis nyer gnas shing / /chos kyis nges par 'byung gi zang zing min/ /de pas gang zhig bde gshegs chos 'dzin pa/ /de ni sangs rgyas kun la byas pa gzo/ /de
315a3 nas bcom ldan 'das kyis byang chub sems dpa'i tshogs chen po de la bka' stsal pa/ skyes bu dam pa dag/ khyed kyi nang nas nga yongs su mya ngan las 'das pa'i phyin dam pa'i chos
315a4 yun ring du gnas par bya ba'i phyir chos kyi rnam grangs 'di rgyas par bya ba dang / sangs rgyas bcom ldan 'das rnams kyi byang chub 'di yongs su srung bar su spro/ /de nas byang chub
315a5 sems dpa'i 'khor de'i nang nas byang chub sems dpa' bye ba phrag drug cus mgrin gcig tu tshig smras pa/ bcom ldan 'das/ bdag cag rnams de bzhin gshegs pa'i byang
315a6 chub bskal pa grangs ma mchis par bsgrubs pa 'di 'dzin pa dang / slad ma'i tshe slad ma'i dus de na'ang rgyas par bgyid par spro'o/ /bcom ldan 'das/ 'on gyis kyang ci nas de'i
315a7 dus na skye bo mang po gnas par 'gyur ba/ dge ba'i rtsa ba bskrun pa'i sems can de dag gi rna bar grags par 'gyur bar de bzhin gshegs pas chos kyi rnam grangs 'di byin
315b1 gyis brlab tu gsol/ de nas bcom ldan 'das kyis de'i tshe tshigs su bcad pa 'di dag bka' stsal to/ /rdzogs pa'i sangs rgyas bden pa gsung / /bden pa'i chos la rab tu gnas/ /byin
315b2 gyi rlabs kyis de dag la/ /mdo sde 'di ni byin gyis brlabs/ /snying rje chen po'i go cha bgos/ /byams pa chen po rab tu gnas/ /kun la byams pa nyid kyi phyir/ /mdo sde 'di ni byin gyis brlabs
315b3 bsod nams tshogs ni phun sum tshogs/ /ye shes tshogs kyis byung gyur pa/ /tshogs rnams kun dang ldan pa yis/ /mdo sde 'di ni byin gyis brlabs/ /bdud rnams thams cad nges 'joms
315b4 la| |smra ba thams cad rab 'dul zhing / /lta ba thams cad rgyun gcod pa/ /mdo sde 'di ni byin gyis brlabs/ /'jig rten skyong dang brgya byin dang / /de bzhin lha ma yin rnams dang / /lha dang dri
315b5 za klu dag kyang / /ngas ni byin gyis brlabs pa byas/ /sa dang de bzhin bar snang la/ /lha rnams mang po gang 'khod pa/ /sangs rgyas rnams kyi byin rlabs kyis/ /tshul 'di rab tu 'dzin par
315b6 'gyur| |'khor 'di bsrung bar bya ba'i phyir/ /tshangs pa'i gnas pa rnams ldan zhing / /bden pa bzhi yis brgyan gyur pa/ /mdo sde 'di ni byin gyis brlabs/ /nam mkha' gzugs can
315b7 byed kyang srid/ /gzugs ni gzugs med byed srid kyi/ /sangs rgyas rnams kyi byin rlabs ni/ /rnam par dkrug par mi nus so/ /de nas bcom ldan 'das la rgyal po chen po bzhi po dag
316a1 gis mgrin gcig tu tshigs su bcad pa 'di gnyis gsol to/ /de bzhin gshegs pa bdag cag rnams/ /mdo 'di kun tu bsrung slad du/ /rtsa lag dang
316a2 ni bcas rnams kyis/ /srung ba bzang po bgyi bar 'tshal/ /mkhas pa byang chub blo gros kyis/ /gang dag 'dzin par bgyid pa dang /de dag la ni phyogs bzhi nas/ /rtag par kun tu
316a3 srung ba bgyi/ /de nas bcom ldan 'das la lha'i dbang po brgya byin gyis tshigs su bcad pa 'di gnyis gsol to/ /bdag ni bcom ldan mdzad pa gzo/ /'dren pa chos
316a4 kyi dbang bdag lags/ /mgon po mdo sde mchog 'di las/ /sangs rgyas 'byung ba rab tu bstan/ /sangs rgyas rnams ni thams cad kyi/ /mdzad pa gzo ba srung bgyid cing / /'di
316a5 'dra'i mdo dang de bzhin du/ /mdo sde 'dzin par srung bar 'tshal/ /de nas bcom ldan 'das la mi mjed kyi bdag po tshangs pas tshigs su bcad pa 'di gnyis gsol to/ /
316a6 bsam gtan gang dang tshad med dang / /theg pa kun gyis 'byung ba gang / /de dag don ldan zab mo yi/ /mdo sde 'di las nges par 'byung / /bdag ni tshangs pa'i bde bor te/ /
316a7 gang na tshul 'di 'chad par ni/ /mnyan pa'i slad dang de bzhin du/ /bsrung ba'i slad du mchi bar bgyi/ /de nas bcom ldan 'das la lha'i bu rab dga' ldan gyis tshigs su
316b1 bcad pa 'di gnyis gsol to/ /gang zhig sangs rgyas gsung ba yi/ /mdo sde 'di ni 'dzin 'gyur ba/ /skye ba gcig gis rab gnas nas/ dga' ldan rnams su gnas par 'gyur//
316b2 mgon po bdag ni lha yul ba'i/ /phun sum tshogs pa por nas su/ /tshul 'di rab tu ston bgyid cing / /dzam+bu gling du gnas par spro/ /de nas bcom ldan 'das la bdud kyi bu nged
316b3 dpon gyis tshigs su bcad pa 'di gnyis gsol to/ /gang zhig don dang ldan pa yi/ /mdo sde 'di ni 'dzin 'gyur ba/ /de dag bdud las 'di sbyangs pas/ /bdud kyi dbang du mi
316b4 mchi'o| |de bzhin gshegs pa bdag kyang ni/ /mdo 'di kun tu bsrung slad du/ /ci nas kyang ni rgyas 'gyur par/ /brtson par bgyid cing 'dun par bgyid/ /de nas bcom ldan 'das
316b5 la bdud sdig can gyis tshigs su bcad pa 'di gnyis gsol to/ /rnam par 'dren pa gang zhig ni/ /nyon mongs thams cad tshar gcod pa/ /'di 'dzin bgyid pa de dag la/ /bdag
316b6 ni sgrib par mi bgyid do/ /mdo sde mchog ni 'byung ba der/ /bdud kyi go skabs ma mchis so/ /mgon pos gsungs pa dran bgyid pa/ /de la srung ba bgyid par 'tshal/ de nas bcom
316b7 ldan 'das la lha'i bu mtshams rab kyis tshigs su bcad pa 'di gnyis gsol to/ /sangs rgyas kun gyi byang chub ni/ /mdo sde 'di las rab bshad pas/ /gang zhig mdo sde
317a1 'di 'dzin pa/ /des ni sangs rgyas kun la mchod/ /mgon po bdag ni mdo sde 'di/ /lha ni bye ba rnams la bshad/ /gang dag gus par nyan pa dag/ byang
317a2 chub yang dag 'dzin du stsal/ /de nas bcom ldan 'das la byang chub sems dpa' byams pas tshigs su bcad pa 'di gnyis gsol to/ /mi gang byang chub rab zhugs te/ /
317a3 dam chos yongs su bsrung slad du/ /bdag kyang stong bgyid de dag ni/ /gsol ba ma btab bshes gnyen lags/ /bdag ni dga' ldan mchis nas su/ /sangs rgyas kyi ni
317a4 byin rlabs kyis/ /'di lta bu yi mdo sde 'di/ /shin tu rgyas par bgyid par 'tshal/ /de nas bcom ldan 'das la tshe dang ldan pa 'od srung chen pos tshigs su bcad pa 'di
317a5 gnyis gsol to/ /ston pa las ni bdag gis su/ /mdo sde stong phrag mang thos kyang / /bdag gis mdo sde 'di lta bu/ /sngon chad nam yang ma thos so/ /mngon sum du ni
317a6 mdo sde 'di/ /blangs shing kun tu bzung lags te/ /byang chub sems dpa'i ched du ni/ /shin tu rgyas par bgyi bar 'tshal/ /de nas bcom ldan 'das kyis brgya byin
317a7 dang | tshangs pa dang / 'jig rten skyong ba de dag dang / lha'i bu de dag dang / byang chub sems dpa' de dag dang / nyan thos chen po de dag la legs so//
317b1 zhes bya ba gnang ste/ skyes bu dam pa dag/ khyed kyis dam pa'i chos yongs su gzung ba'i phyir 'di lta bu'i seng+ge'i sgra bsgrags pa legs so legs so/ /skyes bu
317b2 dam pa dag /khyed la bsgo'o/ /khyed kyis khong du chud par bya'o/ /sems can gang dag theg pa chen po la zhugs pa bzod pa ma thob pa de dag sangs rgyas bcom ldan 'das
317b3 rnams kyi byin gyi rlabs kyis chos kyi rnam grangs 'di kun tu bzung ste/ bzung nas kyang kun chub par byas nas bla na med pa yang dag par rdzogs pa'i byang chub tu lung bstan pa
317b4 ma thob kyi bar du de bzhin gshegs pa bdun pa las 'da' bar mi 'gyur ro/ /gang dag nyan thos kyi theg pa par 'gyur ba de dag ni/ de bzhin gshegs pa byams pa'i nyan
317b5 thos 'dus pa dang po'i grangs su chud par 'gyur ro/ /rang sangs rgyas kyi theg pa pa gang dag chos kyi rnam grangs 'di 'dzin par 'gyur ba de dag ni/ nga yongs su mya ngan
317b6 las 'das pa'i 'og tu gzhan las ma thos par rang byang chub thob par 'gyur ro/ /gzungs kyi dbang phyug gi rgyal pos yongs su zhus pa bstan pa'i chos kyi
317b7 rnam grangs 'di bcom ldan 'das kyis bstan pa na sems can dpag tu med pa dag byang chub tu sems bskyed do/ /byang chub sems dpa' grangs med pa dag ni /
318a1 phyir mi ldog pa la rab tu gnas so/ /'jig rten gyi khams grangs med pa dag ni/ rnam pa drug tu g.yos so/ /snang ba chen pos kyang gsal
318a2 bar gyur to/ /me tog sil mas kyang gtor bar gyur to/ /phyogs bcu'i 'jig rten gyi khams nas 'dus pa'i byang chub sems dpa' de dag gis bcom ldan 'das
318a3 dang / chos kyi rnam grangs 'di la mchod pa'i las kyi phyir thams cad dang ldan pa'i 'khor gyi khyams rin po che bkod pa rin po che sna bdun gyi me tog gis rnam par
318a4 bkra bar byas te ched du brjod pa 'di ched du brjod do/ /bcom ldan 'das/ bdag cag gis rnyed par bgyi ba legs par rnyed do/ /gang gi slad du bdag cag gis
318a5 rnam par nges pa'i chos kyi rnam grangs 'di lta bu thos pas bdag cag 'dir mchis pa don ma mchis pa ma lags so/ /kye ma bcom ldan 'das shAkya thub
318a6 pa'i sku tshe yongs su bskyang du gsol/ /dzam+bu'i gling gi mi rnams la chos kyi rnam grangs 'di yun ring du gnas par gyur cig /dge slong dang / dge slong ma dang /
318a7 dge bsnyen dang / dge snyen ma gang dag mdo sde 'di lta bu 'dzin pa de dag kyang dus ring por yun du tshe yongs su skyong bar gyur cig /sems can thams cad la'ang
318b1 phan pa byed par gyur cig /de nas bcom ldan 'das la byang chub sems dpa' gzungs kyi dbang phyug gi rgyal pos 'di skad ces gsol to/ /kye ma bcom ldan 'das
318b2 ji tsam du rnam par nges pa'i chos kyi rnam grangs 'di don bzang ba dang / tshig 'bru bzang ba dang / legs par brgyan pa dang / byang chub sems dpa' thams cad mchog tu
318b3 dga' ba skyed pa dang / bdud dang pha rol rgol ba thams cad 'joms pa dang / chos thams cad la mkhas par 'dzin pa dang / sems can thams cad kyi bsam pa tshim
318b4 par bgyid pa dang / theg pa thams cad kyi nges par 'byung ba'i phyir 'byung ba dang / de bzhin gshegs pa thams cad kyi yon tan la 'jug pa'i rjes su song ba dang /
318b5 thams cad kyis brtson par bgyi ba las gti mug ma mchis par ston par ngo mtshar to/ /bcom ldan 'das/ chos kyi rnam grangs 'di'i ming ci lags/ 'di ji ltar
318b6 gzung bar bgyi/ de skad ces gsol ba dang / bcom ldan 'das kyis byang chub sems dpa' gzungs kyi dbang phyug gi rgyal po la 'di skad ces bka' stsal to/ /de'i
318b7 phyir gzungs kyi dbang phyug gi rgyal po/ khyod kyis chos kyi rnam grangs 'di de bzhin gshegs pa'i snying rje chen po bstan pa zhes bya bar zungs shig /de bzhin gshegs
319a1 pa'i las don yod pa nyan pa lung bstan pa zhes bya bar yang zungs shig /bcom ldan 'das kyis de skad ces bka' stsal nas byang chub sems
319a2 dpa' gzungs kyi dbang phyug gi rgyal po dang / byang chub sems dpa'i tshogs dang / nyan thos kyi tshogs de dag thams cad dang / lha dang / mi dang / lha ma yin dang / dri
319a3 zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa de bzhin gshegs pa'i snying rje chen po bstan pa zhes
319a4 bya ba theg pa chen po'i mdo rdzogs so// //rgya gar gyi mkhan po shI len+d+ra po d+hi dang / zhu chen gyi lots+tsha ba ban+d+he ye shes sdes bsgyur cing zhus te skad gsar bcad
kyis kyang bcos nas gtan la phab pa/
CLOSE WINDOW