བོད་ཡིག |
11a7 /tshigs su bcad pa gnyis pa'i gzungs rdzogs so// //rgya gar skad du/ AR+ya ma hA yA na pra sA da pra b+hA
11b1 ba na nA ma ma hA yA na sU tra/ bod skad du/ 'phags pa theg pa chen po la dad pa rab tu sgom pa zhes bya ba theg pa chen po'i mdo/ bam po dang po/ sangs rgyas dang /
11b2 byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la
11b3 byang chub sems dpa' sems dpa' chen po sangs rgyas kyi zhing tha dad pa nas 'dus pa'i byang chub sems dpa'i dge 'dun chen po dang thabs cig tu bzhugs te/ thams
11b4 cad kyang bdud dang phyir rgol ba bcom pa/ nyon mongs pa dang / nye ba'i nyon mongs pa thams cad kyi bag chags kyi kun tu rgyu ba las ring du gyur pa/ bsam bzhin du
11b5 srid par skye ba kun tu ston pa la dbang chen po'i sa thob pa/ bskal pa dpag tu med par lus dang gnas gtong ba'i dbang thob pa/ bdud kyi las tshad med pa dang bar du
11b6 gcod pa thams cad shin tu rab tu rtogs pa/ sems can thams cad kyi don thams cad thob par bya ba'i thabs kyi cho ga shes pa/ nges par 'byung ba thams cad shes
11b7 pa'i stobs chen po thob pa/ mu stegs can gyi smra ba thams cad zlog pa la mkhas pa/ rdzu 'phrul gyi rnam par 'phrul pa chen pos skye bo phal po che nye bar bsdu ba la
12a1 mkhas pa/ pha rol tu phyin pa chen po bsgoms pas rnal 'byor chen po rnam pa thams cad thob pa/ nam mkha' lta bur 'jig rten gyi
12a2 chos kyis sems ma gos pa sha stag la 'di lta ste/ byang chub sems dpa' sems dpa' chen po dad pa gsal dang / byang chub sems dpa' dad pa dri ma med dang /
12a3 byang chub sems dpa' dad pa mi sgul ba dang / byang chub sems dpa' dad pas rab tu 'jug pa dang / byang chub sems dpa' dad pa rab gnas dang / byang
12a4 chub sems dpa' dad pa ma nyams dang / byang chub sems dpa' dad pa mi g.yo dang / byang chub sems dpa' dad par ba tshol dang / byang chub sems
12a5 dpa' dad pa mnyam dang / byang chub sems dpa' dad pa chen po dang / byang chub sems dpa' rtag tu dad pa'i rjes 'brang dang / byang chub sems dpa' dad pa
12a6 la yang dag par zhugs dang / byang chub sems dpa' dad par 'jug byed dang / byang chub sems dpa' dad pa la yid gnyis rnam par 'joms dang / byang
12a7 chub sems dpa' dad pa ston dang / byang chub sems dpa' dad pa rab tu 'jog byed dang / byang chub sems dpa' dad pa rnam par 'phel byed dang / byang chub
12b1 sems dpa' dad pa rnam par sbyong ba dang / byang chub sems dpa' dad pa'i snod yongs su tshol dang / byang chub sems dpa' sems dpa' chen po dad pa thabs chen
12b2 dang / de dag la sogs pa byang chub sems dpa' lnga stong dang / 'od srung chen po la sogs pa dge slong stong nyis brgya lnga bcu dang thabs cig tu bzhugs te/ bcom
12b3 ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin
12b4 pa tshad med pa dag gis kun nas bskor zhing mdun gyis byas te 'khor brgya stong du ma'i nang na bzhugs par gyur ro/ /de'i tshe 'khor der byang chub sems dpa' las
12b5 dang po pa mos pas spyod pa'i sa la gnas pa mang po 'dus te 'khod par gyur to/ /de nas bcom ldan 'das byang chub sems dpa' las dang po pa mos pas spyod pa'i
12b6 sa la gnas pa de dag las brtsams te gtam rtsom pa mdzad do/ /rigs kyi bu dag /gal te ji tsam du byang chub sems dpa' gang theg pa chen po'i phyir theg pa chen
12b7 po la dad na/ don che zhing 'bras bu che ste/ phan yon che'o/ /de lta bas na/ byang chub sems dpa' las dang po pa mos pas spyod pa la zhugs pas theg pa chen po la dad
13a1 pas mang du gnas par bya'o/ /de nas byang chub sems dpa' dad pa thabs chen sangs rgyas kyi mthu dang / sangs rgyas kyi byin gyi rlabs
13a2 kyis stan las langs te bla gos phrag pa gcig tu gzar nas pus mo g.yas pa'i lhang sa la btsugs te bcom ldan 'das ga la ba de glos su thal mo sbyar ba
13a3 btud nas bcom ldan 'das la 'di skad ces gsol to/ /bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa'i
13a4 mtshan nyid du rig par bgyi ba gang lags/ byang chub sems dpa' rnams kyi theg pa chen po'i phyir theg pa chen po la dad pa skye ba gang lags/ bcom ldan 'das/
13a5 byang chub sems dpa' rnams kyi theg pa chen po'i phyir theg pa chen po la dad pa rab tu dbye ba rnam pa du zhig mchis/ byang chub sems dpa' rnams kyi theg pa chen
13a6 po'i phyir theg pa chen po la dad pa'i phan yon rnam pa du zhig mchis/ bcom ldan 'das kyis bka' stsal pa/ rigs kyi bu/ khyod byang chub sems dpa'
13a7 tshad med pa dag gi don gyi phyir zhugs nas de bzhin gshegs pa la don 'di yongs su 'dri bar sems pa legs so legs so/ /de'i phyir rigs kyi bu nyon cig
13b1 dang don de bstan par bya'o/ /rigs kyi bu/ bcu gcig po 'di dag ni/ byang chub sems dpa' rnams kyi theg pa chen po'i phyir theg pa chen po la dad pa'i mtshan nyid
13b2 du rig par bya'o/ /'di lta ste/ gsal ba'i mtshan nyid dang / brlan pa'i mtshan nyid dang / rnam pa'i mtshan nyid dang / yongs su gzung ba'i mtshan nyid dang /
13b3 gnas kyi mtshan nyid dang / yang dag par 'da' ba'i mtshan nyid dang / rtsa ba'i mtshan nyid dang / sped pa'i mtshan nyid dang / yongs su 'brel ba'i mtshan nyid dang /
13b4 rgyun gyi mtshan nyid dang / yongs su grub pa'i mtshan nyid do/ /dad pa thabs chen gyis gsol pa/ bcom ldan 'das/ byang chub sems dpa' rnams kyi theg pa
13b5 chen po'i phyir theg pa chen po la dad pa'i gsal ba'i mtshan nyid gang lags/ bcom ldan 'das kyis bka' stsal pa/ rigs kyi bu/ rnyog pa rnam pa bzhi dang
13b6 bral na ni/ byang chub sems dpa' rnams kyi theg pa chen po'i phyir theg pa chen po la dad pa'i gsal ba'i mtshan nyid do/ /rnyog pa rnam pa bzhi gang zhe na/ 'di lta
13b7 ste| khong khro ba'i rnyog pa dang / yid mi ches pa'i rnyog pa dang / sdang ba'i rnyog pa dang / theg tshom gyi rnyog pa'o/ /rigs kyi bu/ 'di ltar theg pa chen po'i phyir
14a1 theg pa chen po la dad pa thob pa'i byang chub sems dpa' ni/ phyis theg pa chen po la khong khro ba'i sems skyed mi srid do/ /zab
14a2 cing rgya che ba'i chos rnams la yid mi ches pa'i sems skyed mi srid do/ /zab cing rgya che ba'i chos rnams la dngang skrag kun tu dngang bar 'gyur mi srid do/ /zab cing
14a3 rgya che ba'i chos rnams la mi bzod pa dang the tshom za bar 'gyur mi srid do/ /byang chub sems dpa' dad pa thabs chen gyis gsol pa/ bcom ldan 'das/
14a4 ci'i slad du las dang po pa'i byang chub sems dpa' mos pas spyod pa la zhugs pa chos shes pa rtog pa ma mchis par theg pa chen po'i chos zab cing rgya che
14a5 ba 'di lta bu dag la the tshom ma mchis shing the tshom gyi rnyog pa dang bral ba lags/ bcom ldan 'das kyis bka' stsal pa/ rigs kyi bu/ byang chub sems
14a6 dpa' chos nyid ma rtogs pa'i shes pa nyid theg pa chen po'i chos zab cing rgya che ba dag la the tshom med pa dang / the tshom gyi rnyog pa dang bral ba ma yin gyi/
14a7 byang chub sems dpa' gzhan gyi dring las mos pa'i stobs kyis kyang theg pa chen po'i chos zab cing rgya che ba dag la the tshom med cing the tshom gyi rnyog pa dang bral ba
14b1 yin no| |'di ltar las dang po pa'i byang chub sems dpa' mos pas spyod pa la zhugs pa ni/ theg pa chen po'i chos zab cing rgya che ba bstan pa dag la de bzhin gshegs
14b2 pa nyid dpang du byas nas chos 'di dag ni/ de bzhin gshegs pas gsungs pa'o/ /zhes de bzhin gshegs pas thugs su chud pa la mos pa bzhag nas chos rnams
14b3 la ma log par mos pa 'jog go /gzhan gyi dring las mos pa'i stobs des de bzhin gshegs pas gsungs pa zab cing rgya che ba'i mdo sde'i chos rnams la the tshom
14b4 med cing the tshom dang bral ba yin te/ rigs kyi bu/ de lta bu ni/ byang chub sems dpa'i theg pa chen po'i phyir theg pa chen po la dad pa'i gsal ba'i mtshan nyid
14b5 du blta'o/ /byang chub sems dpa' dad pa thabs chen gyis gsol pa/ bcom ldan 'das/ byang chub sems dpa' theg pa chen po'i phyir theg pa chen po la dad pas
14b6 brlan pa'i mtshan nyid du rig par bgyi ba gang lags/ bcom ldan 'das kyis bka' stsal pa/ rigs kyi bu/ byang chub sems dpa'i theg pa chen po'i phyir
14b7 theg pa chen po la dad pa dang ldan pa'i yid bde bas lus brlan pa dang / sems brlan pa gang yin pa de ni/ de'i brlan pa'i mtshan nyid du rig par bya'o/ /de'ang byang
15a1 chub sems dpa' rnams kyi theg pa chen po'i phyir theg pa chen po la dad pa dang ldan pa'i bde ba dang / yid bde bas lus dang sems
15a2 sim par byed pa yin gyi/ 'dod pa la longs spyod pa rnams kyi 'dod pa'i yon tan las byung ba'i bde ba dang / yid bde bas ni/ ma yin no/ /gzugs dang / gzugs
15a3 med pa na spyod pa'i sems can rnams kyi bde ba dang / yid bde ba gang yin pa des ni/ 'di 'dra bar de dag gi lus dang sems sim par byed pa ma yin no/ /de ci'i
15a4 phyir zhe na/ 'di ltar de dag gi bde ba dang / yid bde ba ni/ ma zhi ba'o/ /ci'i phyir ma zhi ba zhe na/ gang 'dod pa'i yon tan las byung ba'i bde ba dang / yid bde
15a5 ba de dang / 'dod pa la longs spyod pa rnams kyi bde ba dang / yid bde ba de ni/ de tsam du 'dod chags dang / khong khro ba dang ldan pa ma zhi ba'i mtshan nyid do/ /mtho
15a6 dman gyi rgyu'i phyir ma zhi ba'i mtshan nyid do/ /bden pa rnams la yid gnyis dang the tshom za ba'i rjes su song ba'i phyir rab tu ma zhi ba'i mtshan nyid do/ /ngar 'dzin pa
15a7 dang / nga yir 'dzin pa dang / de'i rtsa ba las byung ba'i lta bar gyur pa tshad med pa dang 'brel ba'i phyir rab tu ma zhi ba'i mtshan nyid do/ /nye ba'i nyon mongs pa'i phyir ci
15b1 log dang / g.yeng ba dang / rgod pa dang / rmugs pa dang / bag med pa dang / ngo tsha med pa'i rtsa ba'i phyir rab tu ma zhi ba'o/ /'gro ba lnga'i las sna tshogs mngon par 'du byed
15b2 pa'i rtsa ba'i phyir rab tu ma zhi ba'o/ /sdug bsngal gyi bden pas bsdus shing 'gro ba'i phyir rab tu ma zhi ba'o/ /rigs kyi bu/ 'di ltar nyon mongs pa dang / las dang / tshe'i
15b3 kun nas nyon mongs pa'i rgyu dang / 'bras bur bcas pa'i rgyun la 'jug pa dang ldan pas 'dod pa'i yon tan lnga las byung ba'i bde ba dang / yid bde ba ni/ rab tu
15b4 ma zhi ba ste/ de bas na/ de'i lus dang sems sim par byed pa ma yin no/ /ji ltar 'dod pa la longs spyod pa rnams kyi 'dod pa'i yon tan las byung ba'i bde ba
15b5 dang / yid bde ba ma yin pa de bzhin du gzugs dang / gzugs med pa na spyod pa rnams kyi snyoms par zhugs pa las byung ba la'ang rnam pa de dag gis ci rigs
15b6 par rab tu ma zhi ba'i mtshan nyid du rig par bya'o/ /rab tu ma zhi bas na/ 'phags pa'i chos 'dul ba la lus dang sems sim par mi 'gyur ro/ /byang chub sems
15b7 dpa' rnams kyi theg pa chen po'i phyir theg pa chen po la dad pa las byung ba'i bde ba dang / yid bde ba gang yin pa de ni/ 'dod chags dang / khong khro ba'i rab tu ma
16a1 zhi ba dang bral ba dang / mtho dman gyi rab tu ma zhi ba dang bral ba dang / bden pa la yid gnyis dang the tshom za ba'i rab tu ma zhi
16a2 ba dang bral ba dang / ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa'i rab tu ma zhi pa dang bral ba dang / nye ba'i
16a3 nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa'i rab tu ma zhi ba dang bral ba dang / 'gro ba
16a4 lnga'i las sna tshogs mngon par 'du byed pa'i rab tu ma zhi ba dang bral ba dang / sdug bsngal gyi bden pas bsdus pa'i rab tu ma zhi ba dang bral ba dang / 'di
16a5 ltar nyon mongs pa dang / las dang / tshe'i kun nas nyon mongs pa'i rgyu dang / 'bras bur bcas pa'i rgyun las 'jug pa'i rab tu ma zhi ba dang bral ba'i
16a6 phyir rab tu zhi ba'o/ /rab tu zhi ba'i phyir 'phags pa'i chos 'dul pa la lus dang sems sim par 'gyur te/ rigs kyi bu/ 'di ni/ byang chub sems
16a7 dpa' rnams kyi theg pa chen po'i phyir theg pa chen po la dad pas brlan pa'i mtshan nyid do/ /byang chub sems dpa' dad pa thabs chen gyis gsol pa/ bcom
16b1 'das| byang chub sems dpa' rnams kyi theg pa chen po'i phyir theg pa chen po la dad pas brlan pa'i mtshan nyid dang / bde ba dang yid bde ba'i don 'di ngo
16b2 mtshar to/ /bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa las byung ba'i bde ba dang / yid bde ba'i
16b3 don las rab tu mos par bgyi'o/ /bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa'i rnam pa'i mtshan
16b4 nyid gang lags/ bcom ldan 'das kyis bka' stsal pa/ rigs kyi bu/ byang chub sems dpa' rnams rnam pa gsum gyis theg pa chen po'i phyir theg pa chen
16b5 po la dad pa 'jug ste/ 'di lta ste/ yid ches pa'i rnam pa dang / 'gyur ba'i rnam pa dang / mngon par dga' ba'i rnam pa'o/ /gsol pa/ bcom ldan
16b6 'das| byang chub sems dpa' rnams kyi theg pa chen po'i phyir theg pa chen po la dad pa yid ches pa'i rnam pas 'jug pa ji lta bu lags/ bcom ldan 'das
16b7 kyis bka' stsal pa/ rigs kyi bu/ byang chub sems dpa' zab cing rgya che ba'i chos bstan pa rnams la thog ma nyid du yod par mos so/ /de ci'i phyir zhe na/ 'di
17a1 ltar chos 'di dag ni/ de bzhin gshegs pa nyid kyi yul de bzhin gshegs pa nyid kyis gsungs par 'os pa'o/ /de bas na/
17a2 de bzhin gshegs pa rnams nyid kyis mngon par rdzogs par sangs rgyas te/ rtog ge pa rnams kyi yul ma yin no/ /'di ltar rtog ge pa rnams ni/ zab cing rgya
17a3 che ba'i chos 'di lta bu dag thos na dngang bar gyur te rtogs par lta ba ga la 'gyur/ de bas na/ de dag ni/ rtog ge pa rnams kyi yul ma yin no/ /sangs rgyas rnams
17a4 kyi byang chub ji ltar de dag gis bstan pa'i chos de dag kyang de bzhin du yod de/ de'i phyir sangs rgyas bcom ldan 'das de dag gi chos bstan pa zab cing rgya che ba 'bras
17a5 bu dang bcas pa la yod pa nyid du mos nas byang chub sems dpa' yid ches pa'i rnam pas dad pa skyed do/ /gsol pa/ bcom ldan 'das/ byang chub sems
17a6 dpa' rnams kyi theg pa chen po'i slad du theg pa chen po la dad par 'gyur ba'i rnam pas 'jug pa ji lta bu lags/ bcom ldan 'das kyis bka' stsal pa/ rigs
17a7 kyi bu| byang chub sems dpa' zab cing rgya che ba'i chos yod pa yon tan dang ldan pa dag la rnam pa du mar mos shing lus kyi 'gyur ba dang / sems kyi 'gyur ba dang
17b1 bcas par theg pa chen po'i phyir theg pa chen po la dad pa skyed do/ /gsol pa/ bcom ldan 'das/ byang chub sems dpa' theg pa chen po'i phyir theg pa chen po la dad pa
17b2 las byung ba'i lus kyi 'gyur ba ji lta bu lags/ bcom ldan 'das kyis bka' stsal pa/ rigs kyi bu/ spu ldang ba dang / sbu g.yo ba dang / mchi ma 'khor ba dang /
17b3 mchi ma zag pa ni/ byang chub sems dpa'i theg pa chen po'i phyir theg pa chen po la dad pa las byung ba'i lus kyi 'gyur ba'o/ /gsol pa/ bcom ldan 'das/ byang
17b4 chub sems dpa' rnams kyi theg pa chen po'i phyir theg pa chen po la dad pa las byung ba'i sems kyi 'gyur ba gang lags/ bcom ldan 'das kyis bka' stsal pa/ rigs
17b5 kyi bu| lus las byung ba'i yid bde ba rgya che ba kha na ma tho ba med pa ni/ byang chub sems dpa'i theg pa chen po'i phyir theg pa chen po la dad pa las byung ba'i sems
17b6 kyi 'gyur ba'o/ /rigs kyi bu/ de ltar byang chub sems dpa'i theg pa chen po'i phyir theg pa chen po la dad pa 'gyur ba'i rnam pas 'jug go /gsol pa/ bcom ldan
17b7 'das| byang chub sems dpa'i theg pa chen po'i phyir theg pa chen po la dad pa mngon par dga' ba'i rnam pas 'jug pa gang lags/ bcom ldan 'das kyis
18a1 bka' stsal pa/ rigs kyi bu/ 'di la byang chub sems dpa'i theg pa chen po'i phyir theg pa chen po la dad pa thob pa 'di snyam du sems
18a2 te| sngon sems can tshad med pa mir gyur pa rnams kyis brtson 'grus kyi stobs dang / shes pa'i stobs kyis zab cing rgya che ba'i chos 'di rab tu rnyed do/ /de bzhin
18a3 du ma 'ongs pa'i dus na'ang rnyed par 'gyur ro/ /de bzhin du da ltar byung ba'i dus na'ang sems can tshad med pa mir gyur nas brtson 'grus kyi stobs dang / shes pa'i
18a4 stobs kyis zab cing rgya che ba'i chos 'di rab tu rnyed na/ bdag mir gyur la rkyen rnyed bzhin du zab cing rgya che ba'i chos 'di thob par bya ba la brtson 'grus nyams par
18a5 ci'i phyir bya zhes de ltar shes nas byang chub sems dpa' sangs rgyas kyi zhing de dang de dag na rtag par rgyun du zab cing rgya che ba dag la dad pa des mngon par dga' ba skyes
18a6 shing mos pa skyes pas gnas so/ /rigs kyi bu/ de ltar byang chub sems dpa'i theg pa chen po'i phyir theg pa chen po la dad pa mngon par dga' ba'i rnam pas
18a7 'jug ste/ rigs kyi bu/ 'di ni/ byang chub sems dpa' rnams kyi theg pa chen po'i phyir theg pa chen po la dad pa'i rnam pa'i mtshan nyid do/ /gsol pa/ bcom
18b1 ldan 'das/ byang chub sems dpa'i theg pa chen po'i phyir theg pa chen po la dad pa yongs su gzung ba'i mtshan nyid gang lags/ bcom ldan 'das kyis bka' stsal
18b2 pa| rigs kyi bu/ byang chub sems dpa' rnams kyi theg pa chen po'i phyir theg pa chen po la dad pa ni/ bsod nams dang / ye shes tshad med pa yongs su bzung nas
18b3 skye'o| |de ci'i phyir zhe na/ rigs kyi bu/ sems can thams cad la phan pa dang / bde ba'i gnas yin pa'i phyir 'jig rten pa'i dge ba'i rtsa ba ji snyed pa 'di lta ste/
18b4 mtho ba'i rigs su 'gyur ba'am/ gzugs bzang por 'gyur ba'am/ phyug po'i rigs su 'gyur ba'am/ yid gzhungs pa dang / blo dang / dran pa dang ldan par
18b5 'gyur ba'am/ phyogs dang / g.yog 'khor mang por 'gyur ba'am/ tshe ring por 'gyur ba'am/ dbang che bar grags par 'gyur ba'am/ rgyal rigs shing sA la chen
18b6 chen po lta bu'i rigs su 'gyur ba'am/ bram ze shing sA la chen po lta bu'i rigs su 'gyur ba'am/ khyim bdag /shing sA la chen po lta bu'i rigs su 'gyur ba'am/ rgyal
18b7 chen bzhi'i rigs su skye bar 'gyur ba'am/ sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed du skye bar 'gyur ba'am/
19a1 'khor los bsgyur ba nyid dang / 'jig rten skyong ba nyid dang / brgya byin nyid dang / bdud nyid dang / tshangs pa nyid du 'gyur ba'am/
19a2 gzugs kyi bsam gtan du skye bar 'gyur ba nas 'du shes med 'du shes med min srid pa'i rtse mo'i bar du skye bar 'gyur ba'i dge ba'i rtsa ba de dag ni/ theg pa chen po'i
19a3 theg pa chen po la dad pas bsod nams dang / ye shes yongs su bzung ba'i dge ba'i rtsa ba de'i brgya'i char yang nye bar mi 'gro ste/ stong gyi cha dang / brgya stong gi
19a4 cha'am| grangs sam/ cha'am/ bgrang ba'am/ bsgrun pa'am/ zla'am/ dper yang mi bzod do/ /de ci'i phyir zhe na/ 'jig rten pa'i dge ba'i rtsa ba de dag
19a5 ni| 'dod chags dang / khrong khro ba rab tu ma zhi ba dang 'brel pa'o/ /mtho dman rab tu ma zhi ba dang 'brel pa'o/ /bden pa rnams la yid gnyis dang / the tshom
19a6 za ba rab tu ma zhi ba dang 'brel pa'o/ /ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa rab tu ma zhi ba dang 'brel
19a7 pa'o| |nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa rab tu ma zhi ba dang 'brel pa'o//
19b1 'gro ba lnga'i las sna tshogs mngon par 'du byed pa'i rjes su 'brel pa rab tu ma zhi ba dang 'brel pa'o/ /sdug bsngal gyi bden pas bsdus pas rab tu ma zhi ba dang /
19b2 'brel pa'o/ /rigs kyi bu/ de ltar 'jig rten ba'i dge ba'i rtsa ba de dag ni/ nyon mongs pa dang / las dang / tshe'i kun nas nyon mongs pa rgyu dang 'bras bur bcas pa'i rgyun
19b3 la 'jug pa rab tu ma zhi ba dang 'brel ba dag go /byang chub sems dpa'i theg pa chen po'i phyir theg pa chen po la dad pa dang 'brel pa bsod nams dang / ye shes yongs
19b4 su bzung ba'i dge ba'i rtsa ba rnams ni/ 'dod chags dang / khong khro ba rab tu ma zhi ba las rnam par grol ba'o/ /mtho dman rab tu ma zhi ba las rnam par grol ba'o/ /bden
19b5 pa rnams la yid gnyis dang / the tshom za ba rab tu ma zhi ba las rnam par grol ba'o/ /ngar 'dzin pa dang / nga yir 'dzin pa dang / de'i rtsa ba las byung ba'i lta bar
19b6 gyur pa tshad med pa rab tu ma zhi ba las rnam par grol ba'o/ /nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang /
19b7 ngo tsha med pa rab tu ma zhi ba las rnam par grol ba'o/ /'gro ba lnga'i las sna tshogs mngon par 'du byed pa rab tu ma zhi ba las rnam par grol ba'o/ /rigs kyi bu/ de ltar byang
20a1 chub sems dpa'i theg pa chen po'i phyir theg pa chen po la dad pa dang 'brel ba bsod nams dang / ye shes yongs su bzung ba dge
20a2 ba'i rtsa ba rnams ni/ nyon mongs pa dang / las dang / tshe'i kun nas nyon mongs pa rgyu dang 'bras bur bcas pa'i rgyun la 'jug pa rab tu ma zhi ba las rnam par
20a3 grol ba'o/ /de lta bas na/ de dag ni/ 'jig rten pa'i dge ba'i rtsa ba thams cad las khyad par du 'phags par rig par bya'o/ /gang dag nyan thos dang / rang sangs
20a4 rgyas rnams kyi mi slob pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas kun tu bzung
20a5 ba'i 'jig rten las 'das pa'i dge ba'i rtsa ba de dag kyang nyon mongs pa dang / las dang / tshe'i kun nas nyon mongs pa rgyu dang 'bras bur bcas pa'i rgyun la 'jug pa
20a6 rab tu ma zhi ba dang 'brel ba ma yin mod kyi/ 'on kyang bdag la phan pa 'ba' zhig gi gnas yin pas don chung ba ste/ phung po ma lus pa'i mya ngan las 'das pa'i
20a7 dbyings su zad par 'gyur ro/ /byang chub sems dpa'i theg pa chen po'i phyir theg pa chen po la dad pa dang 'brel pa bsod nams dang / ye shes yongs su bzung ba'i
20b1 dge ba'i rtsa ba de dag ni/ sems can thams cad kyi phan pa dang bde ba'i gnas yin pas don che ba ste/ phung po ma lus pa'i mya ngan las 'das pa'i dbyings su zad par 'gyur
20b2 ba ma yin no/ /rigs kyi bu/ de lta bas na/ byang chub sems dpa'i theg pa chen po'i phyir theg pa chen po la dad pa dang 'brel pa bsod nams dang / ye shes yongs su
20b3 bzung ba'i dge ba'i rtsa ba dag ni/ 'jig rten pa'i dge ba'i rtsa ba 'ba' zhig las khyad par du 'phags pa ma yin gyi/ 'jig rten las 'das pa'i dge ba'i rtsa ba dag
20b4 las kyang khyad par du 'phags pa yin te/ rigs kyi bu/ 'di ni/ byang chub sems dpa'i theg pa chen po'i phyir theg pa chen po la dad pa yongs su bzung ba'i mtshan nyid
20b5 do| |byang chub sems dpa' dad pa thabs chen gyis gsol pa/ bcom ldan 'das/ byang chub sems dpa' sems dpa' chen po rnams kyi theg pa chen po'i phyir theg pa
20b6 chen po la dad pa dang 'brel ba bsod nams dang / ye shes yongs su bzung ba'i dge ba'i rtsa ba ni/ mthu che ba bla na ma mchis pa ste/ ngo mtshar to/ /bcom ldan 'das
20b7 kyis bka' stsal pa/ rigs kyi bu/ de de bzhin te/ ji tsam du dge ba'i rtsa ba don du gnyer ba'i byang chub sems dpa' dge ba'i rtsa ba rnam pa 'di lta bu dag yongs su gzung
21a1 ba la brtson par bya'o/ /dge ba'i rtsa ba de dag ni/ 'jig rten pa dang / 'jig rten las 'das pa'i dge ba'i rtsa ba thams cad zil gyis
21a2 mnan nas 'jig rten pa'i phun sum tshogs pa thams cad rjes su sbyin pa'o/ /'bras bu rab tu sbyin pa dang / de'i rgyus kyang dgos pa yin te/ mthar yang mi zad par
21a3 bla na med pa yang dag par rdzogs pa'i byang chub mngon par sgrub bo/ /sems can tshad med pa dag kyang theg pa gsum gyis sdug bsngal thams cad spong zhing nges
21a4 par 'byung bar byed par 'gyur ro/ /byang chub sems dpa' dad pa thabs chen gyis gsol pa/ bcom ldan 'das/ byang chub sems dpa' rnams kyi theg pa chen
21a5 po'i phyir theg pa chen po la dad pa'i gnas kyi mtshan nyid gang lags/ bcom ldan 'das kyis bka' stsal pa/ rigs kyi bu/ byang chub sems dpa' rnams kyi
21a6 theg pa chen po'i phyir theg pa chen po la dad pa ni/ sems can thams cad kyi gnas so/ /de ci'i phyir zhe na/ 'di ltar theg pa chen po bstan pa sems can thams
21a7 cad la phan pa dang / bde ba'i thabs kyis rab tu phye ba de la dmigs nas byang chub sems dpa' theg pa chen po'i phyir theg pa chen po la dad pa skyes so/ /de lta bas na/
21b1 byang chub sems dpa' de bstan pa de la dad pas gang bstan pa la dga' ba gnas pa'i rgyu des byang chub sems dpa'i theg pa chen po'i phyir theg pa chen po la dad pa na/
21b2 sems can thams cad kyi phan pa dang / bde ba'i gnas su rig par bya'o/ /rigs kyi bu/ ji ltar byang chub sems dpa' sems dpa' chen po theg pa chen po la dad pa
21b3 thob pa sems can thams cad la phan pa dang / bde ba 'byung ba de ltar pha ma dang / bu dang / mdza' bo dang / rtsa lag dang / gnyen gyi tshogs ni/ gnyen gyi tshogs
21b4 la phan pa dang / bde ba 'byung ba ma yin no/ /de ci'i phyir zhe na/ pha ma la sogs pa gnyen 'dab kyi tshogs de ni/ gnyen 'dab kyi tshogs la phan pa ma yin pa la
21b5 phan par 'du shes shing phan pa la ni/ phan pa ma yin par 'du shes pa yin/ bde ba ma yin pa la bde bar 'du shes shing / bde ba la ni/ bde ba ma yin par 'du shes
21b6 pa yin no/ /phan pa dang / bde ba de gnyi ga la'ang phyin ci log tu gyur pas phan pa ma yin pa la phan par sgrub cing / phan pa la ni/ phan pa ma yin par sgrub pa yin /
21b7 bde ba ma yin pa la bde bar sgrub cing / bde ba la ni/ bde ba ma yin par sgrub pa yin no/ /byang chub sems dpa' ni/ theg pa chen po la dad pa la brten nas gnyen 'dab lta
22a1 bu'i sems can thams cad la dam pa'i chos ston pas sems can de dag la phan pa la'ang phan par 'du shes shing phan pa ma yin pa
22a2 la'ang phan pa ma yin par 'du shes pa yin/ bde ba la'ang bde bar 'du shes shing sdug bsngal la'ang sdug bsngal du 'du shes pa yin no/ /de ltar phan pa dang /
22a3 bde ba la phyin ci ma log pa'i blo dang ldan pas phan pa gang yin pa de ni/ sgrub bo/ /gang phan pa ma yin pa de ni/ mi sgrub bo/ /bde ba gang yin pa de ni/ sgrub bo/ /
22a4 sdug bsngal gang yin pa de ni/ mi sgrub bo/ /de lta bas na/ byang chub sems dpa'i theg pa chen po la dad pa ni/ sems can thams cad kyi phan pa dang / bde ba'i
22a5 gnas yin pas 'jig rten pa thams cad las khyad par du 'phags pa yin no/ /rigs kyi bu/ 'jig rten pa rnams las khyad par du 'phags par yang ma zad de/
22a6 'jig rten las 'das pa rnams las kyang khyad par du 'phags pa yin no/ /de ci'i phyir zhe na/ 'di ltar nyan thos dang / rang sangs rgyas rnams ni/ byang chub sems dpa'i
22a7 rjes su 'jug cing sems can rnams la phan pa dang / bde ba byed kyi/ rang gi snying rjes ni/ ma yin te/ shin tu byed pa'ang ma yin no/ /byang chub sems dpa' rnams kyi theg
22b1 pa chen po'i phyir theg pa chen po la dad pa sems can thams cad kyi phan pa dang / bde ba'i gnas gang yin pa de ni/ rang gi snying rje dang / shin tu byed pas yin te/ bya dka'
22b2 ba tshad med pa la ji mi snyam pas 'jug go /de lta bas na/ byang chub sems dpa' rnams kyi phan pa dang / bde ba'i gnas ni/ 'jig rten las 'das pa'i phan pa dang / bde
22b3 ba'i gnas dang / 'jig rten pa rnams las kyang khyad par du 'phags pa yin te/ rigs kyi bu/ 'di ni/ byang chub sems dpa' rnams kyi theg pa chen po'i phyir
22b4 theg pa chen po la dad pa gnas kyi mtshan nyid du rig par bya'o/ /gsol pa/ bcom ldan 'das/ byang chub sems dpa' sems dpa' chen po rnams kyi theg pa chen po'i
22b5 phyir theg pa chen po la dad pa'i yang dag par 'da' ba'i mtshan nyid gang lags/ bcom ldan 'das kyis bka' stsal pa/ rigs kyi bu/ byang chub sems dpa' rnams
22b6 kyi theg pa chen po'i phyir theg pa chen po la dad pa ni/ ngan 'gro'i sems can dmyal ba dang / dud 'gro dang / yi dwags thams cad las yang dag par 'das pa yin
22b7 no| |byang chub sems dpa' dad pa thabs chen gyis gsol pa/ bcom ldan 'das/ sa la zhugs pa las ring du gnas pa las dang po ba mos pas spyod pa la zhugs pa'i
23a1 byang chub sems dpa' rnams kyi ngan 'gro thams cad las yang dag par 'da' bar 'gyur ba ji lta bu lags/ bcom ldan 'das kyis
23a2 bka' stsal pa/ rigs kyi bu/ byang chub sems dpa' sa la bzhugs pa rnams nyid kyi theg pa chen po'i phyir theg pa chen po la dad pa thob pas ngan 'gro las yang
23a3 dag par 'da' bar 'gyur zhing bde 'gro'i rkyen gcig nas gcig tu brgyud pa thob pa ma yin gyi/ ma thob pa'i byang chub sems dpa' rnams kyi theg pa chen po'i phyir theg
23a4 pa chen po la dad pa thob pas kyang ngan 'gro las yang dag par 'da' bar rig par bya'o/ /rigs kyi bu/ 'di ltar theg pa chen po'i phyir theg pa chen po la dad pa thob
23a5 pa'i byang chub sems dpa' ni/ gcig nas gcig tu brgyud pas dus ring po na tshe rabs thams cad du sangs rgyas dang / byang chub sems dpa' rnams dang 'grogs
23a6 pa thob bo/ /de bas na/ dam pa'i chos mnyan pa dang / tshul bzhin yid la byed pa'i rjes su 'gro ba'i yang dag pa'i nan tan la zhugs pa'i byang chub sems dpa'
23a7 ni| gang du rtag par rgyun du byang chub kyi tshogs yongs su rdzogs par 'gyur ba der skye bar 'gyur te/ rigs kyi bu/ rnam grangs 'dis na/ byang chub sems dpa'
23b1 bde 'gro thams cad las kyang yang dag par 'da' bar 'gyur ba yin na/ ngan 'gro las lta smos kyang ci dgos/ gsol pa/ bcom ldan 'das/ byang chub sems
23b2 dpa' ngan 'gro las yang dag par 'das pa nyid ces bgyi'am/ ci bde 'gro las yang dag par 'das pa zhes mi bgyi/ bcom ldan 'das kyis bka' stsal pa/
23b3 rigs kyi bu/ byang chub sems dpa' theg pa chen po la dad pa thob pa kha cig ni/ bde 'gro las kyang yang dag par 'das par rig par bya'o/ /'di ltar theg pa chen
23b4 po la dad pa thob pa'i byang chub sems dpa' ni/ las dang / nyon mongs pa dang / las kyi rang dbang gis skye ba gang yin pa dang / sems can gyi don chung du'i don
23b5 gyis skye ba gang yin pa de dag las kyang rim gyis yang dag par 'da'o/ /de lta mod kyi/ 'on kyang rigs kyi bu/ rnam grangs 'dis na/ byang chub sems dpa'i bde 'gro'ang
23b6 ngan 'gro yin la ngan 'gro'ang bde 'gro yin par rig par bya'o/ /de ci'i phyir zhe na/ rigs kyi bu/ byang chub sems dpa'i gzhan gyi dbang gang yin pa dang / don
23b7 chung ngu'i bde 'gro gang yin pa de ni/ ngan 'gro yin no/ /smon lam gyi dbang gis snying rje chen po sngon du 'gro ba'i sems kyis sems can rnams 'dul ba'i phyir byang chub
24a1 sems dpa' sems can dmyal ba dang / dud 'gro dang / yi dwags rnams su skye ba gang yin pa de ni/ de'i bde 'gror rig par bya'o/ /
24a2 gsol pa/ bcom ldan 'das/ ci lags/ byang chub sems dpa' smon lam gyi dbang gis sems can dmyal ba dang / dud 'gro dang / yi dwags rnams su skye
24a3 ba'ang de bzhin du sdug bsngal ba'am rmongs pa lags sam/ bka' stsal pa/ rigs kyi bu/ de ni/ ma yin te/ de ltar mi blta'o/ /byang chub sems dpa' smon
24a4 lam gyi dbang gis ngan 'gro rnams su skye ba ni/ bsam gtan bzhi'i sa pa'i bde ba las shin tu 'das nas bde ba dang ldan par gnas te/ 'jig rten pa thams
24a5 cad dang / 'jig rten las 'das pa dman pa'i shes rab las kyang shin tu 'das nas shes rab kyi rgyu ba la 'jug go /de bas na/ de de na sems can gyi don la
24a6 brtson par rig par bya'o/ /ngas de las dgongs te sems can rnams kyi las kyi rgyud kyang bsam gyis mi khyab na/ byang chub sems dpa' rnams kyi lta smos kyang ci
24a7 dgos zhes gsungs so/ /rigs kyi bu/ 'di ni/ byang chub sems dpa' rnams kyi theg pa chen po la dad pa'i yang dag par 'da' ba'i mtshan nyid do/ /gsol pa/
24b1 bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa'i rtsa ba'i mtshan nyid gang lags/ bcom ldan 'das kyis bka'
24b2 stsal pa| rigs kyi bu/ byang chub sems dpa' rnams kyi theg pa chen po la dad pa de ni/ sangs rgyas kyi chos tshad med pa thams cad kyi sa bon yin pa'i phyir sangs rgyas kyi chos
24b3 tshad med pa thams cad kyi rtsa ba nyid du rig par bya'o/ /de ci'i phyir zhe na/ sangs rgyas kyi chos sna tshogs tshad med pa ji snyed theg pa chen po la snang ba dang / rab tu phye ba de dag
24b4 theg pa chen po la dad pa thob pa'i byang chub sems dpa' nyan to/ /kun tu 'dzin to/ /dmigs pa des dad pa skyed do/ /de la byang chub sems dpa' de'i dad pa skye ba'i dmigs
24b5 pa ji snyed par sa bon yongs su 'dzin pa dang / sa bon la sogs pa'ang de snyed du gnas so/ /de bas na/ byang chub sems dpa' rnams kyi theg pa chen po la dad pa de ni/
24b6 sangs rgyas kyi chos tshad med pa thams cad kyi rtsa ba zhes bya ste/ rigs kyi bu/ 'di ni/ byang chub sems dpa' rnams kyi theg pa chen po'i phyir theg pa chen po la dad pa'i rtsa ba'i
24b7 mtshan nyid do/ /gsol pa/ bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa'i spong ba'i mtshan nyid gang lags/
25a1 bcom ldan 'das kyis bka' stsal pa/ rigs kyi bu/ 'di la byang chub sems dpa' theg pa chen po'i phyir theg pa chen po la dad pa skyes
25a2 nas 'di lta ste/ ser sna'i sems yongs su spong zhing dang du mi len pas sped pa dang / ngan pa'i ngang tshul gyi mtshan ma yongs su spong zhing dang du mi len pas sped pa
25a3 dang / khro ba'i mtshan ma yongs su spong zhing dang du mi len pas sbed pa dang / le lo'i mtshan ma yongs su spong zhing dang du mi len pas sbed pa dang / rnam par
25a4 g.yeng ba'i mtshan ma yongs su spong zhing dang du mi len pas sbed pa dang / 'chal pa'i shes rab kyi mtshan nyid ma yongs su spong zhing dang du mi len pas sbed pa'i phyir
25a5 nyon mongs pa dang / nye ba'i nyon mongs pa dang / phyir rgol ba'i kun tu rgyu ba thams cad las sems shin tu srung zhing shin tu sbed par byed do/ /rigs kyi bu/ 'di
25a6 lta ste| dper na/ 'di ltar skyes bu zhig lus mi rmas par bya ba'i phyir go cha bzang po bgos pa ni/ go chas bsrung zhing go chags pas pa'i phyir dgra thams cad kyis
25a7 mi tshugs so/ /rigs kyi bu/ de bzhin du theg pa chen po'i phyir theg pa chen po la dad pa'i byang chub kyi sems kyi go cha bgos shing des legs par bsrungs shing legs
25b1 bar bcas pa ni/ nyon mongs pa dang / nye ba'i nyon mongs pa dang / sgrib pa'i dgra thams cad kyis 'jigs par mi 'gyur te/ rigs kyi bu/ 'di ni/ byang chub sems dpa'
25b2 rnams kyi theg pa chen po'i phyir theg pa chen po la dad pa'i sbed pa'i mtshan nyid do/ /gsol pa/ bcom ldan 'das/ byang chub sems dpa' rnams kyi theg pa chen po'i phyir theg
25b3 pa chen po la dad pa'i rjes su 'brel ba'i mtshan nyid gang lags/ bcom ldan 'das kyis bka' stsal pa/ rigs kyi bu/ 'di la byang chub sems dpa' rnams kyi theg
25b4 pa chen po'i phyir theg pa chen po la dad pa'i bag chags byang chub sems dpa'i gnas la rjes su 'brang ba de ni/ 'di ltar rjes su 'brang ste/ 'di lta ste/ 'gro'am/ 'dug
25b5 gam| nyal lam/ ma nyal lam/ gnyid kyis log gam/ ra ro'am/ smyos kyang rung ste/ rtag tu theg pa chen po la dad pa de dang ldan par 'gyur ro/ /byang chub sems
25b6 dpa' tshe rabs gzhan du rjes te theg pa chen po la dad pa de brjed du zin kyang dman pa skal pa mi mnyam pa'i sems bskyed pa'i tshul can ma yin pas gshegs gnyen ngan pa nyan
25b7 thos dang / rang sangs rgyas dang 'dre bas kyang 'phrog par mi 'gyur na/ gzhan mu stegs can gyis lta 'phrog par ga la 'gyur/ theg pa chen po'i phyir theg pa chen po la dad pa'i rkyen
26a1 chung du zhig rnyed pas kyang myur ba dang / shas che ba dang / rgyun gyis theg pa chen po'i phyir theg pa chen po la dad pa skyed do/ /de'i theg pa chen po'i
26a2 phyir theg pa chen po la dad pa'i bag chags rjes su 'brel pa de'ang tshe rabs tshe rabs su rnam par 'phel te/ bla na med pa yang dag par rdzogs pa'i byang chub kyi bar du 'gyur
26a3 ro| |rigs kyi bu/ 'di ni/ byang chub sems dpa'i theg pa chen po'i phyir theg pa chen po la dad pa'i rjes su 'brel pa'i mtshan nyid do/ /gsol pa/ bcom ldan 'das/
26a4 byang chub sems dpa' rnams kyi theg pa chen po'i phyir theg pa chen po la dad pa'i rgyun gyi mtshan nyid gang lags/ bcom ldan 'das kyis bka' stsal pa/ rigs kyi bu/
26a5 'di la byang chub sems dpa'i theg pa chen po'i phyir theg pa chen po la dad pa thob pa ni/ dad pa'i shugs de dag gis rtse zhing dus su theg pa chen po'i chos klog go /nyan
26a6 to| |'don to/ /kha ton byed do/ /gzhan dag la'ang rab tu ston to/ /tshul bzhin sems so/ /sgom pa'i rnam pas sbyor ro/ /rigs kyi bu/ thos pa dang / sems
26a7 pa dang / sgom pa de dang de la de ltar sbyor ba'i byang chub sems dpa' ni/ 'bras bu yod par 'chi ba'i dus bya ba'i phyir kun tu sbyor ba'i tshul gyis theg pa chen po la dad pa'i rgyun
26b1 rab tu 'jug go /rigs kyi bu/ 'di ni/ byang chub sems dpa' rnams kyi theg pa chen po'i phyir theg pa chen po la dad pa'i rgyun gyi mtshan nyid do/ /gsol pa/ bcom ldan
26b2 'das| byang chub sems dpa' rnams kyi theg pa chen po'i phyir theg pa chen po la dad pa yongs su grub pa'i mtshan nyid gang lags/ bka' stsal pa/ rigs kyi bu/ byang
26b3 chub sems dpa' rnams kyi theg pa chen po'i phyir theg pa chen po la dad pa yongs su grub pa'i rnam pa bzhir rig par bya ste/ skye ba mchog dang / tshad med mchog dang / phan
26b4 pa mchog dang / 'gyod pa med pa mchog go /rigs kyi bu/ 'di ltar 'di las phyi rol pa 'jig rten pa rnams kyi rang gi gtsug lag khang la dad pa gang yin pa de'ang dad pa nyid
26b5 du rig par bya'o/ /nyan thos dang / rang sangs rgyas rnams sangs rgyas kyi bstan pa la dad pa gang yin pa de ni/ bdag la phan pa gtso bor byas pas chung zhing yongs su
26b6 ma rdzogs pa'i phyir byang chub sems dpa'i dad pa'i mtshan nyid dang bral ba'o/ /'di ltar nyan thos rnams ni/ ji ltar bcom ldan 'das de ni/ bdag la phan pa mdzad cing
26b7 gces spras mdzad pa ste/ bcom ldan 'das de ni/ bdag gi sdug bsngal gyi chos mang po rnams sel ba/ bcom ldan 'das de ni/ bdag la bde ba'i chos mang po sgrub
27a1 pa| bcom ldan 'das de ni/ bdag gi sdig pa mi dge ba'i chos rnam pa du ma sel ba/ bcom ldan 'das de ni/ bdag la dge
27a2 ba'i chos rnam pa du ma sgrub pa'o/ /zhes bdag la phan pa mang po gtso bor byed pas sangs rgyas la dad pa skyed pa de ltar bdag la phan pa gtso bor byed pas sangs rgyas la
27a3 dad pa skyed do/ /byang chub sems dpa' ni/ de ltar dad pa skyed pa ma yin te/ sems can thams cad la phan pa dang / bde ba gtso bor byas nas byang chub sems
27a4 dpa' sangs rgyas la dad pa skyed do/ /de lta bas na/ rigs nyid kyis byang chub sems dpa' rnams kyi theg pa chen po'i phyir theg pa chen po la dad pa ni/ rgya che ba'o/ /rgya che ba'i
27a5 phyir mchog go /mchog gi phyir yongs su grub pa'o/ /gzhan yang byang chub sems dpa' rnams kyi theg pa chen po'i phyir theg pa chen po la dad pa chung dus ni/ dad pa 'bring
27a6 skyed do| |dad pa 'bring gis ni/ dad pa mchog skyed de/ dad pa mchog gang yin pa de'ang byang chub sems dpa' rnams kyi theg pa chen po'i phyir theg pa chen po la dad pa yongs
27a7 su grub pa'o/ /gzhan yang byang chub sems dpa' rnams kyi theg pa chen po la dad pa ni/ sems can thams cad la phan par gyur pa yin te/ de lta bas na'ang yongs su grub pa'o//
27b1 gzhan yang byang chub sems dpa' rnams kyi theg pa chen po'i phyir theg pa chen po la dad pa ni/ sangs rgyas kyi chos tshad med pa zad mi shes pa yang dag par 'grub par 'gyur te/
27b2 de lta bas na'ang yongs su grub par rig par bya'o/ /rigs kyi bu/ 'di ni/ byang chub sems dpa' rnams kyi theg pa chen po'i phyir theg pa chen po la dad pa yongs su grub pa'i mtshan nyid
27b3 do| |rigs kyi bu/ 'di ni/ byang chub sems dpa' rnams kyi theg pa chen po'i phyir theg pa chen po la dad pa'i mtshan nyid rnam pa bcu gcig po thams cad bsdus pa'i mtshan nyid
27b4 du rig par bya'o/ /mtshan nyid rab tu dbye ba'i le'u zhes bya ste/ dang po'o// //de nas bcom ldan 'das la byang chub sems dpa' dad pa thabs chen gyis 'di
27b5 skad ces gsol to/ /bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa skye ba gang lags/ bcom ldan 'das kyis bka' stsal
27b6 pa| rigs kyi bu/ byang chub sems dpa' rnams kyi theg pa chen po'i phyir theg pa chen po la dad pa skye ba de'ang rnam pa bcu gcig tu rig par bya'o/ /'di lta ste/ rgyu las skye ba
27b7 dang | grogs las skye ba dang / yid la byed pa las skye ba dang / spyod pa las skye ba dang / 'dris pa las skye ba dang / yongs su mi skyo ba las skye ba dang / yongs su bskang ba
28a1 las skye ba dang / ting nge 'dzin las skye ba dang / chog mi shes pa las skye ba dang / rab tu dben pa las skye ba dang / ston pa tshad mar byas
28a2 pa las skye ba'o/ /gsol pa/ bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa rgyu las skye ba gang lags/ bcom
28a3 ldan 'das kyis bka' stsal pa/ rigs kyi bu/ 'di la byang chub sems dpa' thog ma'i gnas nyid nas theg pa chen po'i chos dkar po'i sa bon dang ldan pa yin te/ de
28a4 thog ma nas chos dkar po la 'dris pa'i stobs kyis rang bzhin nyid kyis snying rje dang rab tu ldan pa'i theg pa chen po'i chos bstan pa la 'dod pa yang dag par gnas so//
28a5 de 'dod pa sngon du 'gro bas dad pa skye'o/ /rang bzhin gyis zab cing rgya che ba dang rab tu ldan pa'i theg pa chen po'i chos bstan pa la mos pas 'dod pa yang dag par gnas te
28a6 de las de'i dad pa skye'o/ /de ltar byang chub sems dpa' rang bzhin nyid kyis dka' ba spyod pa dang rab tu ldan pa'i theg pa chen po'i chos bstan pa la bzod pa yang dag par
28a7 gnas te/ des de'i dad pa skye'o/ /rang bzhin nyid kyis sbyin pa dang rab tu ldan pa'i theg pa chen po'i chos bstan pa la mos pa yang dag par gnas te/ des de'i dad pa
28b1 skye'o| |rang bzhin nyid yis tshul khrims dang rab tu ldan pa dang / bzod pa dang rab tu ldan pa dang / brtson 'grus dang rab tu ldan pa dang / bsam gtan dang rab tu ldan pa dang
28b2 shes rab dang rab tu ldan pa'i theg pa chen po'i chos bstan pa la mos pa yang dag par gnas te des de'i dad pa skye'o/ /rigs kyi bu/ byang chub sems dpa'i theg pa chen po'i
28b3 phyir theg pa chen po la dad pa rgyu las byung ba ni/ de lta bu'i tshul can du rig par bya'o/ /byang chub sems dpa' dad pa thabs chen gyis gsol pa/ bcom ldan 'das/ byang
28b4 chub sems dpa'i theg pa chen po'i phyir theg pa chen po la dad pa grogs las skye ba gang lags/ bcom ldan 'das kyis bka' stsal pa/ rigs kyi bu/ 'di la byang chub
28b5 sems dpa' ni/ dge ba'i bshes gnyen byang chub sems dpa' nyid 'di lta ste/ lung dang thos pa phun sum tshogs pa/ rab tu zhi ba dang / tshul khrims dang / bslab
28b6 pa dang / spyod lam dang / spyod pa phun sum tshogs pa/ ngag rnam par dag pa phun sum tshogs pa/ zang zing med pa'i sems dang / yongs su mi skyo ba phun sum tshogs pa rnyed
28b7 nas mthu kun tu bstan pa'am/ theg pa chen po'i chos ma nor bar rig pas yang dag par bstan pa'am/ rtag par rgyun du 'gro zhing snyan bar brjod pas thabs kyis stobs
29a1 bskyed pa 'dris pas byang chub sems dpa'i theg pa chen po'i phyir theg pa chen po la dad pa skyed de/ rigs kyi bu/ 'di ni/ byang chub sems
29a2 dpa'i theg pa chen po'i phyir theg pa chen po la dad pa grogs las skye bar rig par bya'o/ /gsol pa/ bcom ldan 'das/ byang chub sems dpa'i theg pa chen po'i
29a3 phyir theg pa chen po la dad pa yid la bgyid pa las skye ba gang lags/ bcom ldan 'das kyis bka' stsal pa/ rigs kyi bu/ byang chub sems dpa' sgra ji bzhin du
29a4 tshul bzhin ma yin par chos rab tu rnam par 'byed pa ni/ theg pa chen po la dad pa skye ba'i gnas ma yin no/ /sgra ji bzhin du ma yin gyi dgongs pa las byung ba'i don
29a5 tshul bzhin yid la byed pa ni/ theg pa chen po la dad pa skye ba'i gnas yin no/ /rigs kyi bu/ 'di ltar byang chub sems dpa' sgra ji bzhin du tshul bzhin ma yin par
29a6 chos rab tu rnam par 'byed pa la yang dag pa ma yin pa'i lta ba nyi shu rtsa brgyad 'byung ngo / /'di lta ste/ mtshan mar lta ba dang / lta ba la lta ba ma yin par lta ba dang / tha snyad
29a7 la skur pa 'debs pa'i lta ba dang / kun nas nyon mongs pa la skur ba 'debs pa'i lta ba dang / de kho na la skur pa 'debs pa'i lta ba dang / sbyor ba sel ba'i lta ba dang / yongs
29b1 su 'dzin pa'i lta ba dang / sgyur ba'i lta ba dang / nges par 'byung ba ma yin pa'i lta ba dang / kha na ma tho ba med par lta ba dang / 'byung bar lta ba dang / sgrib pa la sogs pa'i lta
29b2 ba dang / brnyas pa'i lta ba dang / rab tu 'khrugs pa'i lta ba dang / bsod nams ma yin pa 'phel ba'i lta ba dang / log par lta ba dang / ngal ba 'bras bu med pa'i lta ba dang /
29b3 'phel bar lta ba dang / slu ba' lta ba dang / khas mi len par lta ba dang / g.yo'i lta ba dang / chad pas bcad pa'i lta ba dang / bkur sti byed par lta ba dang / skur pa'i
29b4 lta ba dang / rmongs pa brtan pa'i lta ba dang / mi smra ba'i lta ba dang / lta ba chen po dang / mngon pa'i nga rgyal gyi lta ba'o/ /rigs kyi bu/ mtshan mar lta ba gang zhe na/ gang
29b5 ngas 'dus pa las byung ba'i ngo bo nyid las dgongs te chos rnams med do/ /zhes bstan pa de la sgra ji bzhin du mngon par zhen nas kun nas nyon mongs pa las byung ba'i chos
29b6 rnams dang / rnam par byang ba las byung ba'i chos rnams la'ang mngon par zhen cing med pa nyid du mtshan mar bzung bas med par lta bar 'gyur te/ de'i phyir mtshan mar lta ba
29b7 zhes bya'o/ /de la lta ba la lta ba ma yin par lta ba ni/ med par lta ba de la byang chub sems dpa' de sgra ji bzhin du mngon par zhen pas lta ba ma yin par 'du shes par 'gyur
30a1 ro| |gang med par lta ba de ni/ de'i lta ba chen po ste/ de'i phyir lta ba la lta ba ma yin par lta ba zhes bya'o/ /de la tha snyad la skur pa 'debs pa'i
30a2 lta ba dang / kun nas nyon mongs pa la skur pa 'debs pa'i lta ba dang / de kho na la skur pa 'debs pa'i lta ba ni/ mtshan mar lta ba des thams cad la skur pa btab pas
30a3 tha snyad la skur pa 'debs pa'i lta ba'ang mngon par zhe na/ kun nas nyon mongs pa la skur pa 'debs pa'i lta ba la'ang mngon par zhen te/ de kho na la skur pa 'debs
30a4 pa'i lta ba la'ang mngon par zhen te/ de'i phyir tha snyad la skur pa 'debs pa'i lta ba zhes kyang bya/ kun nas nyon mongs pa la skur pa 'debs pa'i lta ba zhes kyang bya/ de kho
30a5 na la skur pa 'debs pa'i lta ba zhes kyang bya'o/ /de la sbyor ba sel pa'i lta ba ni/ skur pa 'debs pa'i lta ba can de nyid gong du rab tu rnam par 'byed pa la sbyor ba sel
30a6 bar byed pa ste/ des na khyad par du 'gro ba las yongs su nyams so/ /de la yongs su 'dzin pa'i lta ba ni/ lta ba la lta ba ma yin par lta ba dang / skur pa 'debs pa'i
30a7 lta ba dang / sbyor ba sel ba'i lta ba can de nyid gzhan dag dang / chos kyi mtshan nyid rnam par gdon mi za bar byed pa na med pa'i phyogs nyid yongs su 'dzin te/ de'i phyir
30b1 yongs su 'dzin pa'i lta ba zhes bya'o/ /de la sgyur ba'i lta ba ni/ gal te theg pa chen po'i mdo sde'i don brjod cing chos 'di dag thams cad ni/ med pa'i don du mngon par
30b2 smra'o| |zhes don de dag med par lta ba de nyid la sgyur ba ste/ de'i phyir sgyur ba'i lta ba zhes bya'o/ /de la nges par 'byung ba ma yin pa'i lta ba ni/ rigs kyi bu/ bdag dang / gzhan
30b3 yongs su 'dzin pa'i lta ba gang yin pa dang / sgyur ba'i lta ba gang yin pa la brten pas de theg pa dman pas kyang rdzogs pa'i byang chub tu nges par mi 'byung na/ bla na med pa
30b4 yang dag par rdzogs pa'i byang chub tu lta ci smos/ de'i phyir nges par 'byung ba ma yin pa'i lta ba zhes bya'o/ /de la kha na ma tho ba med par lta ba ni/ de med pa'i mtshan ma la
30b5 lta bar gyur nas 'di ltar gang lta ba 'di dang ldan na/ de gang cung zad 'khrul pa'i nyes byas la spyod kyang byang chub sems dpa' de thams cad du kha na ma tho ba med par 'gyur
30b6 ro snyam du lta bar 'gyur te/ de'i phyir kha na ma tho ba med par lta ba zhes bya'o/ /de la 'byung bar lta ba ni/ gang med pa'i mtshan mar lta ba'i byang chub sems dpa' de 'di snyam du
30b7 sems te/ med pa'i mtshan mar lta ba 'di ni/ nyes byas kyi kha na ma tho ba thams cad kyi 'byung ba'o/ /snyam du sems la/ de ni/ 'byung ba ma yin te/ de'i phyir 'byung bar lta
31a1 ba zhes bya'o/ /de la sgrib pa la gsog pa'i lta ba ni/ kha na ma tho ba med par lta ba dang / 'byung bar lta ba nyid de/ sgrib pa'i rgyu la de'i
31a2 gnyen po yin pa'i blo 'byung ba'i phyir ro/ /de la brnyas pa'i lta ba ni/ gang med pa'i mtshan ma la lta ba'i byang chub sems dpa' de nyan thos kyi theg pa la brnyas
31a3 pa'i sems skyed de/ chos 'di dag ni/ chung ba'i phyir byang chub sems dpas chos de dag goms par mi bya/ byang chub sems dpas chos de dag la mkhas par
31a4 mi bya'i| byang chub sems dpas chos de dag ring du yongs su spang bar bya'o snyam ste/ de'i phyir brnyas pa'i lta ba zhes bya'o/ /de la rab tu 'khrugs pa'i lta ba ni/
31a5 gang med pa'i mtshan ma la lta ba'i byang chub sems dpa' de nyan thos kyi theg pa'i gang zag de dag la khong khro ba'i sems skyed de/ 'di dag dang lhan cig gnas par
31a6 mi bya| smra ba dang / kun tu smra ba dang / kun brjod pa dang / chos gos la sogs pa yongs su spyad pa kun spyad par mi bya'o/ /snyam ste/ de'i phyir rab tu 'khrugs
31a7 pa'i lta ba zhes bya'o/ /de la bsod nams ma yin pa 'phel ba'i lta ba ni/ brnyas pa'i lta ba dang / rab tu 'khrugs pa'i lta ba can gyi byang chub sems dpa' de nyid
31b1 bsod nams ma yin pa mang du skyed de/ de'i phyir bsod nams ma yin pa 'phel ba'i lta ba zhes bya'o/ /de la log par lta ba ni/ gang med pa'i mtshan ma la lta ba'i byang
31b2 chub sems dpa' de stong pa nyid la stong pa nyid du mi rtog /mtshan ma med pa la mtshan ma med par mi rtog /smon pa med pa la smon pa med par mi rtog ste/ des na/ de sgom
31b3 pa'i ting nge 'dzin rnam pa gsum po 'di mi sgrub ste/ de'i phyir log par lta ba zhes bya'o/ /de la ngal ba 'bras bu med pa'i lta ba ni/ gang log par lta ba'i byang chub sems
31b4 dpa' de ting nge 'dzin sgom pa'i ngal ba 'bras bu med par 'gyur te/ de'i phyir ngal ba 'bras bu med pa'i lta ba zhes bya'o/ /de la 'phel bar lta ba ni/ gang med pa'i mtshan
31b5 ma la lta ba'i byang chub sems dpa' de 'di ltar byang chub sems dpa' gang skye bo'i tshogs chen po lta ba 'di la 'dzud cing skye bo'i tshogs chen po dad par byed pa de bsod
31b6 nams mang du skyed do/ /snyam du lta bar 'gyur te/ de'i phyir 'phrel bar lta ba zhes bya'o/ /de la slu ba'i lta ba ni/ gang 'phel bar lta ba'i byang chub sems dpa' de bdag dang
31b7 gzhan la bsod nams kyi bsam pas bsod nams bslus par 'gyur te/ de'i phyir slu ba'i lta ba zhes bya'o/ /de la khas mi len par lta ba ni/ gang med pa'i mtshan ma la
32a1 lta ba'i byang chub sems dpa' de 'di snyam du sems te/ chos thams cad med pa nyid 'di la gzhan dang rtsod par gyur na/ bdag gi phyogs
32a2 gang yang khas mi blang ste/ bdag gis mi gzugs pa 'ba' zhig tu bya'o snyam mo/ /de'i phyir khas mi len par lta ba zhes bya'o/ /de la g.yo'i lta ba ni/ gang med pa'i
32a3 mtshan ma la lta ba'i byang chub sems dpa' de nyid phyogs khas mi len te/ sgra ji bzhin du med pa de rnam par 'jog pa na bag bzungs dang ltag chod kyi sbyor bar byed
32a4 de| bgab zungs dang ltag chod kyi sbyor ba ni/ g.yo smra ba zhes bya ste/ de'i phyir g.yo'i lta ba zhes bya'o/ /de la chad pas bcad pa'i lta ba ni/ byang chub sems
32a5 dpa' gang khas mi len par lta ba dang / g.yo'i lta ba smra ba de nyid smra ba snying po med pa'i phyir mkhas pa rnams kyi dus thams cad du chad pas bcad par 'gyur te/
32a6 de'i phyir chad pas bcad pa'i lta ba zhes bya'o/ /de la bkur sti byed par lta ba ni/ gang med pa'i mtshan mar lta ba'i byang chub sems dpa' de nyid ltar gang de bzhin
32a7 gshegs pas gsungs pa'i lta ba de lta bu 'di dag la brten pa de ni/ ston pa la bsti stang byed/ bla mar byed/ ri mor byed pa yin par lta ba de ni/ rim gro byed pa
32b1 ma yin te/ de'i phyir bkur sti byed par lta ba zhes bya'o/ /de la skur pa'i lta ba ni/ gang bkur sti byed par lta ba'i byang chub sems dpa' de nyid de bzhin gshegs pa la skur par
32b2 byed de| bsti stang mi byed pa 'ba' zhig ni/ ma yin no/ /de'i phyir skur pa'i lta ba zhes bya'o/ /de la rmongs pa brtan pa'i lta ba ni/ gang med pa'i mtshan ma la lta ba'i
32b3 byang chub sems dpa' de sgra ji bzhin du mngon par ma zhen pa phyin ci ma log par lta ba'i byang chub sems dpa' gzhan dag gis rigs par bstan cing rnam pa du mar bzlog pa
32b4 byas kyang lta ba de las bskyod par mi nus te/ de'i phyir rmongs pa brtan pa'i lta ba zhes bya'o/ /de la mi smra ba'i lta ba ni/ nyon mongs pa brtan pa'i lta ba can gyi byang chub sems
32b5 dpa' de nyid mi smra ba'i lta ba zhes bya'o/ /de la lta ba chen po ni/ lta ba nyi shu rtsa drug po de dag thams cad la lta ba chen po zhes bya'o/ /de ci'i phyir zhe na/ lta ba 'di ji lta ba
32b6 bzhin du 'jig tshogs la lta ba'i rtsa ba las byung ba lta bar gyur pa drug cu rtsa gnyis ni/ ji lta ji ltar kha na ma tho ba che ba ma yin te/ de'i phyir lta ba chen po zhes bya'o/ /ji ltar
32b7 byang chub sems dpa' chos ma yin pa la chos su 'du shes shing don ma yin pa la don du 'du shes nas de ltar lta ba med par lta ba yongs su brjod pas dus tshad med par las
33a1 kyi sgrib pa yongs su 'dzin pa chos kyis phongs par 'gyur ba'i las kyis 'jig rten kun tu sbyor ba ltar 'jig tshogs la lta ba'i rtsa ba las byung
33a2 ba'i lta bar gyur pa rnams ni/ de ltar chos kyis phongs par 'gyur ba'i las kyi 'jig rten kun tu sbyor ba ma yin no/ /de la mngon pa'i nga rgyal gyi lta ba ni/ lta ba chen po nyid
33a3 mngon pa'i nga rgyal gyi lta ba zhes bya'o/ /theg pa chen po'i chos kyi don la sgra ji bzhin du mngon par rlom sems su byed pas log par lta ba 'di 'byung ste/ de'i phyir mngon pa'i
33a4 nga rgyal gyi lta ba zhes bya'o/ /'di la byang chub sems dpa' theg pa chen po la sgra ji bzhin du ma yin par dgongs pa las byung ba'i don la tshul bzhin du so sor rtog pa
33a5 la ni| 'phags pa'i lta ba rnams med par yang lta ba 'di dag mi 'byung ste/ theg pa chen po la dad cing yid la mngon du 'gyur ro/ /de'i tshul bzhin yid la byed pa'i
33a6 rjes su 'gro ba'i theg pa chen po'i phyir theg pa chen po la dad pa skye ba ni/ don chen po yin no/ /chos la'ang chos su 'du shes shing don la'ang don du 'du shes pa yin
33a7 te| 'di ni/ byang chub sems dpa'i theg pa chen po'i phyir theg pa chen po la dad pa yid la byed pa las skye'o/ /bam po gnyis pa ste tha ma/ byang chub
33b1 sems dpa' dad pa thabs chen gyis gsol pa/ bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa spyod pa las skye ba gang
33b2 lags| bcom ldan 'das kyis bka' stsal pa/ rigs kyi bu/ 'di la byang chub sems dpas ji lta ji lta bur theg pa chen po'i chos bris nas 'chang ba dang / dran par byed pa
33b3 dang / mchod pa dang / gzhan la bgod par byed pa dang / klog pa dang / nyan pa dang / 'don pa dang / kha ton byed pa dang / gzhan dag la'ang rgya cher rab tu ston pa dang /
33b4 tshul bzhin sems pa dang / de ji lta ji lta bur sgom pa'i rnam pa'i bar du sbyor zhing de lta de ltar sbyor ba de tsam du 'di lta ste/ sngon ma thos pa dang / sngon thos pa brtan par bya
33b5 ba'i phyir gus pa'i dad pa sgom po nas skye ste/ rigs kyi bu/ 'di ni/ byang chub sems dpa'i theg pa chen po'i phyir theg pa chen po la dad pa spyod pa las skye ba'o/ /gsol
33b6 pa| bcom ldan 'das/ byang chub sems dpa'i theg pa chen po'i phyir theg pa chen po la dad pa 'dris pa las skye ba gang lags/ bcom ldan 'das kyis bka' stsal pa/
33b7 rigs kyi bu/ 'di la byang chub sems dpa' theg pa chen po'i phyir theg pa chen po la dad pa 'di ltar mang du byed pa ni/ theg pa chen po'i phyir theg pa chen po la dad pa chung ngu la
34a1 brten nas 'bring thob par 'gyur/ theg pa chen po'i phyir theg pa chen po la dad pa 'bring la brten nas theg pa chen po thob par 'gyur te/
34a2 dad pa des dad pa'i shas chen po thob nas dad pa mang du gnas pa 'di ni/ rigs kyi bu/ byang chub sems dpa'i theg pa chen po'i phyir theg pa chen po la dad pa
34a3 'dris pa las skye ba'o/ /gsol pa/ bcom ldan 'das/ byang chub sems dpa'i theg pa chen po'i phyir theg pa chen po la dad pa yongs su mi skyo ba las skye ba
34a4 gang lags/ bcom ldan 'das kyis bka' stsal pa/ rigs kyi bu/ 'di la byang chub sems dpa' de ltar dad pa shas chen po rnyed nas yongs su skyo bar mi
34a5 'gyur te/ rgyun mi chad par dge ba'i phyogs la sbyor ba'i bar du yongs su mi skyo/ /'khor ba'i sdug bsngal gyis yongs su mi skyo/ /sems can log par zhugs pa thams
34a6 cad kyis yongs su mi skyo/ /byang chub sems dpa'i dka' ba spyod pas yongs su mi skyo/ /de de ltar yongs su mi skyo bas sangs rgyas dang / byang chub sems dpa' dang / dge
34a7 ba'i bshes gnyen rnams mnyes par byed de theg pa chen po la dad pa'i rkyen kyang rnyed do/ /de'i phyir theg pa chen po la dad pa skyed cing sbyor ba rgyun mi gcod de sbyor ba ma
34b1 btang ba yin no/ /des na de rgyun mi chad par theg pa chen po'i phyir theg pa chen po la dad pa de 'jug ste/ rigs kyi bu/ 'di ni/ byang chub sems dpa'i theg pa chen po'i phyir
34b2 theg pa chen po la dad pa yongs su mi skyo ba las skye ba'o/ /gsol pa/ bcom ldan 'das/ byang chub sems dpa'i theg pa chen po'i phyir theg pa chen po la dad pa
34b3 yongs su bskang ba las skye ba gang lags/ bcom ldan 'das kyis bka' stsal pa/ rigs kyi bu/ 'di ltar yongs su mi skyo bar sbyor ba'i byang chub sems dpa' rgyun du
34b4 theg pa chen po la dad pa thob pas myur du bsod nams kyi tshogs dang / ye shes kyi tshogs yongs su rdzogs par 'gyur ro/ /de bsod nams dang / ye shes kyi tshogs
34b5 yongs su rdzogs shing dge ba'i rtsa bas legs par brtan pas theg pa chen po la dad pa'i rkyen chung ngus kyang theg pa chen po la dad pa rgya chen po skye na/ theg pa chen po la dad
34b6 pa'i rkyen rgya chen pos lta ci smos te/ de nyin mo'am/ mtshan mo'am/ nyal lam/ mi nyal yang rung / theg pa chen po la dad pa'i shugs kyis don med par mi 'gyur
34b7 te| rigs kyi bu/ 'di ni/ byang chub sems dpa'i theg pa chen po'i phyir theg pa chen po la par pa yongs su bskang pa las skye ba'o/ /gsol pa/ bcom ldan 'das /
35a1 byang chub sems dpa'i theg pa chen po'i phyir theg pa chen po la dad pa gnas pa las skye ba gang lags/ bcom ldan 'das kyis bka' stsal
35a2 pa| rigs kyi bu/ 'di la byang chub sems dpa' 'di ltar bsod nams dang / ye shes kyi tshogs yongs su rdzogs pa ni/ myur ba myur bar theg pa chen po'i phyir theg pa
35a3 chen po la dmigs nas dad pa dang / mchog tu dga' ba las byung ba'i sems kyi ting nge 'dzin thob ste/ mnyam par bzhag pa'i sems nges theg pa chen po'i chos
35a4 yang dag pa ji lta ba bzhin du ston to/ /de'i phyir de ma log pa'i rnam pas dad pa skye zhing theg pa chen po'i phyir theg pa chen po la dad pa ches khyad par du 'phags pa skye'o//
35a5 byang chub sems dpa' de'i sems kyi ting nge 'dzin snga ma dang / lhag mthong 'di ni/ zhi gnas dang / lhag mthong gis yongs su zin pa'i rnal 'byor gyi lam du 'gyur
35a6 ro| |byang chub sems dpa' rnal 'byor gyi lam 'di la brten nas rim gyis sangs rgyas kyi chos rnams yang dag par sgrub par 'gyur te/ rigs kyi bu/ 'di ni/ byang
35a7 chub sems dpa'i theg pa chen po'i phyir theg pa chen po la dad pa gnas las skye ba'o/ /byang chub sems dpa' dad pa thabs chen gyis gsol pa/ bcom ldan 'das/ ci
35b1 lags| zhi gnas dang / lhag mthong gi lam 'di byang chub sems dpa' tshogs bsags pa rnams kyi lags sam/ 'on te tshogs ma bsags pa rnams kyi'ang lags/
35b2 bcom ldan 'das kyis bka' stsal pa/ rigs kyi bu/ zhi gnas dang / lhag mthong gi lam ni/ byang chub sems dpa' tshogs ma bsags pa rnams kyi'ang yin par ngas
35b3 bshad do/ /rigs kyi bu/ 'di ltar sems mnyam par bzhag pa ni/ mngon par rtogs pa dang mthun pa byang chub sems dpa'i skyon med pa la 'jug pa'i phyogs kyis la
35b4 'jug pa la nye bar 'gyur te/ rigs kyi bu/ 'di ni/ byang chub sems dpa'i theg pa chen po'i phyir theg pa chen po la dad pa gnas las skye ba ste/ gnas ni/ ting nge
35b5 'dzin ces bya'o/ /byang chub sems dpa' dad pa thabs chen gyis gsol pa/ bcom ldan 'das/ byang chub sems dpa' rnams kyi theg pa chen po'i phyir theg pa chen po
35b6 la dad pa chog mi shes pa las skye ba gang lags/ bcom ldan 'das kyis bka' stsal pa/ rigs kyi bu/ ting nge 'dzin thob pa'i byang chub sems dpa' zhi gnas tsam
35b7 dang / ting nge 'dzin gyi ro de tsam gyis cho ga par mi 'dzin gyi/ ting nge 'dzin de nyid la gnas nas de theg pa chen po'i chos de dag la bgrang zhing 'jal la dpyod cing so sor rtog
36a1 ste| de la bgrang zhing 'jal la dpyod cing so sor rtog pa'i rnam pa'i lhag mthong rab tu skye'o/ /des na de lhag mthong dang lhan cig song
36a2 ba'i rgyun chu bo ltar 'bab cing rlabs 'byung ba/ mngon par rtogs pa dang ches mthun pa/ byang chub sems dpa'i skyon med pa la 'jug pa'i phyogs kyi mchog gi sa
36a3 la 'jug pa dag tu 'dod de/ shes rab la nye bar mi gnas na/ rigs kyi bu/ byang chub sems dpa'i theg pa chen po'i phyir theg pa chen po la dad pa ji ltar yang mi
36a4 skye'o| |zhes nga smra'o/ /rigs kyi bu/ byang chub sems dpa' tshogs ma bsags kyang theg pa chen po'i chos nyan tam sems kyang rung ste/ zhi gnas dang / lhag mthong
36a5 la gnas na/ theg pa chen po'i phyir theg pa chen po la dad pa skye'o/ /sems rtse gcig tu mi byed cing theg pa chen po'i chos mi 'dzin na/ theg pa chen po la dad pa mi
36a6 skye'o| |rigs kyi bu/ byang chub sems dpa' gang la la theg pa chen po'i phyir theg pa chen po la dad pa skye ba de thams cad ni/ mi g.yeng ba'i sems kyis chos kyi don
36a7 la rtog pa las skye bar rnam grangs 'dis de ltar rig par bya'o/ /gsol pa/ bcom ldan 'das/ tshogs bsags pa'i sa pa'i rnal 'byor gyi lam dang / tshogs ma
36b1 bsags pa'i sa pa'i rnal 'byor gyi lam khyad par ci mchis/ bcom ldan 'das kyis bka' stsal pa/ rigs kyi bu/ tshogs ma bsags pa'i sa pa'i rnal 'byor gyi lam
36b2 ni| sa dang mi nye ba ste/ ji ltar tshogs bsags pa'i sa pa ltar de de ltar rdzogs pa ma yin no/ /rigs kyi bu/ byang chub sems dpa' tshogs bsags pa'i sa pa'i rnal
36b3 'byor gyi lam gang yin pa ni/ sa la 'jug pa dang nye zhing rdzogs pa yin te/ rigs kyi bu/ 'di ni/ byang chub sems dpa'i theg pa chen po'i phyir theg pa chen po la dad pa
36b4 chog mi shes pa las skye ba'o/ /gsol pa/ bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa rab tu dben pa las skye ba
36b5 gang lags/ bcom ldan 'das kyis bka' stsal pa/ rigs kyi bu/ rdzogs pa'i rnal 'byor gyi lam thob pa'i byang chub sems dpa' ni/ khyim na gnas pa dang / rab
36b6 tu byung ba rnams dang 'dre zhing mi gnas kyi/ bas mthar gnas 'cha' zhing gnas te/ de dag na gcig pu rgyang bsrings te bag yod pa dang / rtun pa dang / rgyun du gnas so/ /
36b7 de ltar rab tu dben par gnas pa de rnal 'byor gyi lam de nyid la gnas nas theg pa chen po'i chos rnams yid la byed pas bar chad med par theg pa chen po'i phyir theg pa chen
37a1 bo la dad pa rab tu skyed do/ /ji tsam du nyin mo dang / mtshan mo dang / de dag 'das pa dang / skad cig thang gcig yud tsam de dang de dag 'das
37a2 shing byang chub kyi phyogs kyi chos khyad par du 'gro'o/ /de de ltar rab tu dben pa'i rnal 'byor gyi lam la gnas nas rim gyis bla na med pa yang dag par rdzogs pa'i byang chub
37a3 mngon par rdzogs par 'tshang rgya ba'i bar du 'gyur te/ de gong du thabs kyi khyad par gzhan btsal bar bya ba med do/ /rigs kyi bu/ 'di ni/ byang chub sems dpa'
37a4 rnams kyi theg pa chen po'i phyir theg pa chen po la dad pa rab tu dben pa las skye ba'o/ /byang chub sems dpa' dad pa thabs chen gyis gsol pa/ bcom ldan 'das/
37a5 byang chub sems dpa' rnams kyi theg pa chen po'i phyir theg pa chen po la dad pa ston pa tshad mar bgyis pa las skye ba gang lags/ bcom ldan 'das kyis bka' stsal
37a6 pa| rigs kyi bu/ de ltar rab tu dben pa'i rnal 'byor gyi lam la gnas pa'i byang chub sems dpa' de theg pa chen po'i chos rnams yid la byed pas gang theg pa chen po'i
37a7 chos zab cing gsang ba blos mi chud pa de la ston pa nyid tshad par byed do/ /ston pa nyid tshad mar byas nas chos de dag la mos so/ /de ltar tshul bzhin du rab tu rnam par
37b1 'byed pas bdag gang gi tshe ston pa la mos par ma gyur pa de'i tshe bdag ston pas bshad pa'i chos rnams la mos par mi 'gyur te/ ston pa'i che ba nyid la mos pa shin tu ma rung bar ma
37b2 byas par rig nas ston pa la mos pa 'jug pa theg pa chen po'i chos gsang ba dag la mos pa 'jug go /byang chub sems dpa' ji lta ji ltar khong du chud cing rtogs nas theg pa chen po'i chos zab
37b3 cing gsang ba de dag la dad pa thob pa de ltar khong du ma chud cing ma rtogs kyang byang chub sems dpa' mos pa'i stobs bskyed pas chos de dag la dad pa thob ste/ rigs kyi bu/ 'di ni/
37b4 byang chub sems dpa' rnams kyi theg pa chen po'i phyir theg pa chen po la dad pa ston pa tshad mar byas pa las skye ba'o/ /byang chub sems dpa' dad pa thabs chen gyis gsol pa/ de
37b5 ltar skye ba sna tshogs 'di dag gis theg pa chen po la dad pa thob pa'i byang chub sems dpas theg pa chen po'i chos gang yid la bgyis te bla na med pa yang dag par rdzogs pa'i byang
37b6 chub bsgrub par bgyi/ bcom ldan 'das kyis bka' stsal pa/ rigs kyi bu/ theg pa chen po la dad pa thob pa'i byang chub sems dpas dpag tu med pa bcu yid la byas nas bla
37b7 na med pa yang dag par rdzogs pa'i byang chub bsgrub par bya'o/ /bcu gang zhe na/ chos dpag tu med pa dang / zab ba dpag tu med pa dang / brjod pa dpag tu med pa dang / tshig rab
38a1 tu dbye ba dpag tu med pa dang / sems can dpag tu med pa dang / rjes su gzung ba dpag tu med pa dang / thabs la mkhas pa dpag tu med pa dang /
38a2 dkon mchog gi che ba nyid dpag tu med pa dang / zhing dpag tu med pa dang / las dpag tu med pa'o/ /rigs kyi bu/ de la chos dpag tu med pa ni/ gang mdo dang / dbyangs
38a3 kyis bsnyad pa dang / lung bstan pa la sogs pa bstan pa'i chos rnams kyi sde snod du gtogs pa dang / de'i yan lag tu gtogs pa rnams kyi chos dpag tu med pa'o/ /de
38a4 la zab pa dpag tu med pa ni/ gang theg pa chen po la gang zag la bdag med pa dang / chos la bdag med pa dang / stong pa nyid dang / de bzhin nyid dang / yang dag pa'i mtha'
38a5 dang / mtshan ma med pa dang / don dam pa dang / chos kyi dbyings kyi rnam grangs rnams kyis bstan pa tshad med pa dang / dgongs pa las byung ba dang / zab pa bstan pa dpag
38a6 tu med pa'o/ /de la brjod pa dpag tu med pa ni/ rigs kyi bu/ brjod pa gang dang gang gis sems can dang / chos dang / don rtogs par 'gyur ba tha na dud 'gro'i skyes gnas su
38a7 song ba'i sems can rnams la'ang ji tsam du tshig brjod pa de dang des don khong du chud par bya ba'i phyir de bzhin gshegs pa rnams kyi gsung brjod pa rnams dpag tu med par 'byung
38b1 ba'o| |rigs kyi bu/ de tshig rab tu dbye ba dpag tu med pa ni/ rigs kyi bu/ sems can rnams la 'dul ba'i dbang gi phyir de bzhin gshegs pas tshig rab tu dbye ba'i sgo mang
38b2 po nye bar ston cing / don re re la'ang tshig rab tu dbye ba tshad med pa dag gis rnam grangs su phye ste rab tu ston pa'o/ /de la sems can dpag tu med pa ni/ gang skye ba'i 'khor ba thog
38b3 ma dang / tha ma med pa dang / kun tu rgyug pa dang / 'khor ba'i sdug bsngal gyi sngon gyi mtha' mi mngon pas sems can dpag tu med do/ /de la rjes su gzung ba dpag tu med pa
38b4 ni| rigs kyi bu/ de bzhin gshegs pa 'di lta ste/ gnod pa las yongs su bskyab pa'i rjes su bzung ba dang / ngan song las yongs su bskyab pa'i rjes su gzung ba dang /
38b5 'jig tshogs las yongs su bskyab pa'i rjes su gzung ba dang / theg pas yongs su bskyab pa'i rjes su gzung ba dang / rjes su gzung ba tshad med pas sems can tshad med pa
38b6 dag la dus thams cad du nye bar gnas ba'o/ /de la thabs la mkhas pa dpag tu med pa ni/ thabs la mkhas pa gang dang gang gis sems can tshad med pa dag 'dul bar 'gyur
38b7 ba ste| yang na rigs pa yang dag par bstan pas sam/ yang na bag med pa yang dag par bskul bas sam/ yang na zhum pa gzengs bstod pas sam/ yang na yang dag par
39a1 sgrub pa yang dag par dga' bar bya bas sam/ yang na tshig drag po'i sbyor bas sam/ yang na tshig 'jam po'i sbyor bas sam/ yang na bzo'i
39a2 gnas dang / las kyi gnas kyis chos dang mthun pa nyid kun tu bstan pas sam/ yang na rnam par dag par skye ba'i lus kun tu bstan pas sam/ yang na rdzu 'phrul rnam
39a3 par 'phrul pa'i cho 'phrul kun tu bstan pas sam/ yang na kun bstan pa'i cho 'phrul gyis sam/ yang na rjes su bstan pa'i cho 'phrul kun tu bstan pas sam/ de lta bu'i
39a4 tshul gyi thabs la mkhas pa'i sbyor ba tshad med pa dag gis sems can tshad med pa dag 'dul lo/ /rigs kyi bu/ de la dkon mchog gi che ba nyid dpag tu med pa ni/ rnam
39a5 pa gsum ste/ sangs rgyas dkon mchog gi che ba nyid dpag tu med pa dang / chos dkon mchog gi che ba nyid dpag tu med pa dang / dge 'dun dkon mchog gi che ba nyid dpag
39a6 tu med pa'o/ /de la sangs rgyas dkon mchog gi che ba nyid dpag tu med pa ni/ rnam pa bdun du khong du chud par bya ste/ mngon par shes pa chen po brnyes pa'i phyir de bzhin
39a7 gshegs pa chos thams cad la dbang sgyur ba dang / mi gnas pa'i mya ngan las 'das pa dang / rnam par grol ba'i sku bsam gyis mi khyab pa dang / chos kyi sku rtag pa nyid kyi phyir
39b1 de bzhin gshegs pa'i sku zad mi shes pa dang / nyon mongs pa dang shes bya'i sgrib pa spangs pa dang / kha na ma tho ba med pa'i phyir de bzhin gshegs pa mchog tu kha na ma tho ba
39b2 med pa dang / sangs rgyas kyi mdzad pa brtsams pa rgyun ma bcad pa'i phyir de bzhin gshegs pa lhun gyis grub pa dang / sangs rgyas kyi zhing yongs su dag pa dang / chos kyi longs
39b3 spyod chen po la longs spyod pa'i phyir de bzhin gshegs pa longs spyod che ba dang / 'jig rten du byung yang 'jig rten gyi chos kyis mi gos pa'i phyir de bzhin gshegs pa gos
39b4 pa med pa dang / rtag tu rgyun mi chad par sems can gyi khams tshad med pa yongs su smin par mdzad cing rnam par grol bar mdzad pa'i phyir de bzhin gshegs pa don che ba'o/ /de
39b5 la chos dkon mchog gi che ba nyid dpag tu med pa ni/ rigs kyi bu/ byang chub sems dpa' rnams kyi chos zhes bya ba ni/ gang chos kyang ma yin la chos med pa'ang ma yin pa
39b6 dang / 'dod chags kyang ma yin la 'dod chags dang bral ba'ang ma yin pa dang / 'khor ba'ang ma yin la mya ngan las 'das pa dang ma yin pa'o/ /byang chub sems
39b7 dpa' rnams kyi chos de ni/ 'khor bar snang ba'i chos yongs su mi gtong ba dang / de na'ang kun nas nyon mongs pa shin tu med pa dang / nam mkha' dang mtshungs shing sems
40a1 can gyi khams dang yang dag pa'i mtha' dang mtshungs te mi zad pa dang / sems can thams cad la shin tu phan pa dang / bde ba'i gnas
40a2 la nye bar gnas pa'i phyir 'khor ba'am/ mya ngan las 'das pa gang la'ang mi gnas pa'o/ /de la dge 'dun dkon mchog gi che ba nyid dpag tu med pa la byang chub
40a3 sems dpa'i dge 'dun ni/ byang chub sems dpa' rnams kyi dge 'dun dkon mchog ste/ bla na med pa yang dag par rdzogs pa'i byang chub ni/ byang chub sems
40a4 dpa'i dge 'dun gyis rab tu che ba'o/ /de bas na/ rnam grangs 'dis sangs rgyas dkon mchog gi che ba nyid dang / byang chub sems dpa'i dge 'dun dkon mchog dang mnyam
40a5 par blta'o/ /de la las dang po pa'i byang chub sems dpa' 'di snyam du sems te/ gang sangs rgyas dkon mchog gi che ba nyid 'di 'dra ba las brtsams te bdag dad pa
40a6 skyes pa dang / chos dkon mchog gi che ba nyid 'di 'dra ba las brtsams te bdag dad pa skyes pa dang / dge 'dun dkon mchog gi che ba nyid 'di 'dra ba las brtsams te bdag
40a7 dad pa skyes pa ni/ bdag gis rnyed pa legs par rnyed do/ /bdag la ni/ sangs rgyas dkon mchog gi che ba nyid 'di lta bu thob par bya ba'i skal ba yod do/ /bdag la ni/ chos
40b1 dkon mchog gi che ba nyid 'di lta bu thob par bya ba'i skal ba yod de/ /bdag gang sa chen po la zhugs pa bsam pa dag pa'i byang chub sems dpa' de dag dang lhan cig tu byang
40b2 chub sems dpa'i grangs su 'gro ba ni/ bdag gis rnyed pa legs par rnyed do/ /bdag la ni/ de dag dang bsam pa dang sbyor ba mtshungs pa'i skal pa yod do snyam mo/ /de
40b3 la zhing dpag tu med pa ni/ rigs kyi bu/ zhing 'di gnyis te/ sangs rgyas kyi zhing yongs su ma dag pa dang / yongs su dag pa'o/ /de la yongs su ma dag pa'i sangs rgyas
40b4 kyi zhing dang / yongs su dag pa dag kyang dpag tu med do/ /de la yongs su dag pa'i sangs rgyas kyi zhing rnams la gnas nas de bzhin gshegs pa rnams gcig tu dge ba
40b5 dang / gcig tu bde ba dang / gcig tu kha na ma tho ba med pa dang / gcig tu dbang bsgyur zhing sangs rgyas kyi zhing de dag rab tu myong ngo / /rgyun mi chad par chos kyi longs spyod
40b6 chen po rab tu myong ngo / /yongs su ma dag pa'i sangs rgyas kyi zhing rnams su'ang rnam pa thams cad du byang chub yang dag par ston cing yongs su ma smin pa'i sems can rnams
40b7 ni| yongs su smin par mdzad/ yongs su smin pa rnams ni/ rnam par grol bar mdzad de/ 'di dag ni/ sangs rgyas bcom ldan 'das de dag gi las dpag tu med
41a1 par rig par bya'o/ /skye ba'i le'u zhes bya ste/ gnyis pa'o// //byang chub sems dpa' dad pa thabs chen gyis gsol
41a2 pa| bcom ldan 'das/ byang chub sems dpa' rnams kyi theg pa chen po'i phyir theg pa chen po la dad pa rnam pa du zhig mchis/ bcom ldan 'das kyis bka' stsal
41a3 pa| rigs kyi bu/ byang chub sems dpa' rnams kyi theg pa chen po'i phyir theg pa chen po la dad pa ni/ bzhi po 'di dag go /bzhi gang zhe na/ 'di lta ste/ gnas
41a4 pa'i dad pa dang / skye ba na dad pa dang / dus gzhan na dad pa dang / rang bzhin gyis dad pa'o/ /de la gnas pa'i dad pa ni/ rigs kyi bu/ 'di lta ste/ dper
41a5 na| ba lang gi rjes kyi chu dkrugs pa las ma dkrugs ma bskyod par bzhag na/ sngon bzhin du dang bar 'gyur ro/ /de bzhin du theg pa chen po'i phyir theg pa chen po
41a6 la dad pa thob pa'i byang chub sems dpa' 'phral gyi bya ba mang po la chags pas theg pa chen po la dad pa dkrugs pa las gang gi tshe chags pa las rnam par bkrol
41a7 nas chags pa de dag gis mi 'khrugs te/ theg pa chen po'i chos la rtse gcig tu gyur pa de'i tshe sngon bzhin du mngon sum du 'gyur ro/ /de la skye ba na dad pa ni/ rigs
41b1 kyi bu| 'di lta ste/ dper na/ chang la sogs pa 'gyur ba na dang bar 'gyur ro/ /de bzhin du theg pa chen po'i phyir theg pa chen po la dad pa thob pa'i byang chub sems dpa' skye
41b2 ba de dang der skye ba na theg pa chen po la dad pa skyes nas thob pa skyed do/ /de la dus gzhan na dad pa ni/ rigs kyi bu/ 'di lta ste/ dper na/ ston gyi dus kyi tshe chu klung dang bar
41b3 'gyur ro/ /de bzhin du byang chub sems dpa' theg pa chen po'i phyir theg pa chen po la dad pa thob pa dang / sems pa dang / sgom pa dus gzhan na sbyor bas sbyor ba las byung
41b4 ba 'grub par 'gyur ro/ /de la rang bzhin gyis dad pa ni/ rigs kyi bu/ 'di lta ste/ dper na/ bai DUR+ya dang / nor bu rin po che la sogs pa'i rang bzhin gyis dad pa'i rjes
41b5 su 'jug pa'o/ /de bzhin du byang chub sems dpa'i rnam par mi rtog pa 'jig rten las 'das pa'i theg pa chen po la dad pa'ang ngo bo nyid kyis rjes su 'jug go /rigs kyi bu/
41b6 gzhan yang dad pa bzhi ste/ bzhi gang zhe na/ 'di lta ste/ rgya che ba'i dad pa dang / gsal ba'i dad pa dang / rab tu zhi ba'i dad pa dang / rnam par dag pa'i dad pa'o/ /de la rgya che
41b7 ba'i dad pa ni/ byang chub sems dpa' theg pa chen po'i chos la gus par byas te spyod pa dang ldan pa rnams kyi'o/ /de la gsal ba'i dad pa ni/ byang chub sems dpa' rtag tu theg pa
42a1 chen po'i chos spyod pa dang ldan pa rnams kyi'o/ /de la rab tu zhi ba'i dad pa ni/ byang chub sems dpa' nga dang nga yir 'dzin pa dang bral zhing chos nyid
42a2 rab tu rtogs pa thob pa rnams kyi'o/ /de la rnam par dag pa'i dad pa ni/ byang chub sems dpa'i sgrib pa med pa'i ye shes thob pa rnams kyi'o/ /rigs kyi bu/ gzhan yang
42a3 dad pa bzhi ste/ bzhi gang zhe na/ 'di lta ste/ 'phen pa'i dad pa dang / rtsom pa'i dad pa dang / rjes su 'dzin cing gus par byed pa'i dad pa dang / mos pa'i dad pa'o/ /
42a4 de la 'phen pa'i dad pa ni/ sngon nas rang bzhin gyis dge ba'i rtsa ba mngon par 'dus byas shing yongs su bsgoms pa rnams kyi theg pa chen po la dad pa gang yin pa'o/ /de la
42a5 rtsom pa'i dad pa ni/ byang chub sems dpa' bla na med pa yang dag par rdzogs pa'i byang chub tu sems bskyed pa dang / sems bskyed pa rnams kyi sems bskyed pa rjes su
42a6 dran pas theg pa chen po la dad pa gang yin pa'o/ /de la rjes su 'dzin cing gus par byed pa'i dad pa ni/ rjes su 'dzin pa'i byang chub sems dpa' rnams kyi sems can rjes
42a7 su 'dzin cing las gus par byed pas theg pa chen po la dad pa gang yin pa'o/ /de la mos pa'i dad pa ni/ chos kyi dbyings zab mo bstan pa la mos pa'i byang chub sems dpa'
42b1 rnams kyi theg pa chen po la dad pa gang yin pa'o/ /gzhan yang dad pa bzhi ste/ bzhi gang zhe na/ 'di lta ste/ mthong ba dang / thos pas dad pa dang / bstan pa la 'phel ba rjes su dran
42b2 pa'i dad pa dang / dge ba'i phyogs 'phel ba rjes su dran pa'i dad pa dang / re ba dang 'dod pa rjes su dran pa'i dad pa'o/ /de la mthong ba dang thos pas dad pa ni/ gang sangs rgyas dang byang
42b3 chub sems dpa'i gzugs sam 'od mthong zhing thos na/ theg pa chen po la dad pa'o/ /de la bstan pa 'phel ba rjes su dran pa'i dad pa ni/ gang sems can yongs su smin par bya
42b4 ba rjes su dran pas theg pa chen po la dad pa'o/ /de la dge ba'i phyogs 'phel ba rjes su dran pa'i dad pa ni/ gang bdag nyid rtag par rgyun du byang chub kyi phyogs kyi chos dang / dge ba'i
42b5 phyogs 'phel ba rjes su dran pas byang chub sems dpa' theg pa chen po la dad pa'o/ /de la re ba dang 'dod pa rjes su dran pa'i dad pa ni/ gang dge ba'i phyogs 'phel ba des sangs
42b6 rgyas kyi zhing yongs su dag cing sangs rgyas kyi chos thams cad bsgrubs pas re zhing 'dod de/ byang chub sems dpa' re ba dang 'dod pa rjes su dran pas theg pa chen po la dad pa'o/ /
42b7 gzhan yang dad pa bzhi ste/ bzhi gang zhe na/ brjod pa rjes su dran pa'i dad pa dang / gcod nus pa rjes su dran pa'i dad pa dang / bskrun pa rjes su dran pa'i dad pa dang / sgrub pa rjes
43a1 su dran pa'i dad pa'o/ /de la brjod pa rjes su dran pa'i dad pa ni/ gang theg pa chen po'i sgo thams cad la mos pa'i byang chub sems dpa' rnams
43a2 mos pa rjes su dran pas theg pa chen po la dad pa'o/ /de la gcod nus pa rjes su dran pa'i dad pa ni/ gang byang chub sems dpa' mang du thos pa thos pa 'dzin pa thos pa bsags
43a3 pa rnams the tshom gcod nus pa rjes su dran pas theg pa chen po la dad pa'o/ /de la bskrun pa rjes su dran pa'i dad pa ni/ gang pa rol gyi rgyud la theg pa chen po'i chos klog pa
43a4 dang / kha ton byed pa dang / don 'dzin pa dang / 'don pa la sogs pas bskrun te gzhan gyi rgyud la dam pa'i chos bskrun pa de rjes su dran pas theg pa chen po la dad pa'o/ /
43a5 de la sgrub pa rjes su dran pa'i dad pa ni/ gang byang chub sems dpa' theg pa chen po'i chos de nyid nan tan gyis bsgrub ste/ nan tan gyis bsgrubs pa de rjes su dran pas theg pa
43a6 chen po la dad pa'o/ /rigs kyi bu/ gzhan yang dad pa bzhi ste/ bzhi gang zhe na/ rnal 'byor thob pa'i dad pa dang / thabs kyis yongs su zin pa'i lus kyi las sbyor ba'i
43a7 dad pa dang / thabs kyis yongs su zin pa'i ngag gi las sbyor ba'i dad pa dang / thabs kyis yongs su zin pa'i yid kyi las sbyor ba'i dad pa'o/ /de la rnal 'byor thob pa'i dad pa
43b1 ni| gang theg pa chen po'i chos la dmigs pa'i zhi gnas dang / lhag mthong thob pa'i byang chub sems dpa' rnams de la dmigs nas dad pa'o/ /de la thabs kyis yongs su
43b2 zin pa'i lus kyi las sbyor ba'i dad pa ni/ gang byang chub sems dpa' bag yod pas yongs su zin pa rnams byang chub sems dpa' lus kyi las bag med par spyod pa bzhams
43b3 pa dang / spyo bas 'dul ba dag 'dul bas de la dmigs nas theg pa chen po la dad pa'o/ /de la thabs kyis yongs su zin pa'i ngag gi las sbyor ba'i dad pa ni/ gang byang chub
43b4 sems dpa' bag yod pas yongs su zin pa rnams byang chub sems dpa' ngag 'khrul par spyod pa bzhams pa dang / spyo bas 'dul ba dag 'dul bas de la dmigs nas theg
43b5 pa chen po la dad pa'o/ /de la thabs kyis yongs su zin pa'i yid kyi las sbyor ba'i dad pa ni/ gang byang chub sems dpa' bag yod pas yongs su zin pa rnams byang chub
43b6 sems dpa' yid 'khrul par spyod pa bzhams pa dang / spyo ba lus dang ngag las byung bas 'dul bas de la dmigs nas theg pa chen po la dad pa'o/ /gzhan yang dad pa
43b7 bzhi ste| bzhi gang zhe na/ mi lta ba rjes su dran pa'i dad pa dang / zil gyis mnan pa rjes su dran pa'i dad pa dang / kun tu spyod pa rjes su dran pa'i dad pa dang / nye bar spyod pa
44a1 dang 'brel pa rjes su dran pa'i dad pa'o/ /de la mi lta ba rjes su dran pa'i dad pa ni/ gang byang chub sems dpa' pha rol tu phyin pa drug sgrub pa
44a2 na lus dang srog la mi lta bar pha rol tu phyin pa drug sgrub pa'i rjes su mthun pa rjes su dran pas theg pa chen po la dad pa'o/ /de la zil gyis mnan pa rjes su dran pa'i dad pa
44a3 ni| gang byang chub sems dpa' pha rol tu phyin pa drug gi mi mthun pa'i phyogs zil gyis mnan pa rjes su dran pas theg pa chen po la dad pa'o/ /de la kun tu spyod pa rjes su
44a4 dran pa'i dad pa ni/ gang byang chub sems dpa' pha rol tu phyin pa drug la sbyor ba na pha rol tu phyin pa drug gi yang dag pa'i nan tan rjes su dran pas theg pa chen po la dad
44a5 pa'o| |de la nye bar spyod pa dang 'brel pa rjes su dran pa'i dad pa ni/ gang byang chub sems dpa' sems can gzhan rnams dang / gang zag gzhan dag pha rol tu phyin pa
44a6 drug yang dag par 'dzin du 'jug la/ pha rol tu phyin pa drug dang ldan pa'i sems can rnams rjes su dran pa theg pa chen po la dad pa'o/ /gzhan yang dad pa bzhi ste/ bzhi
44a7 gang zhe na/ zang zing med pa'i sems rjes su dran pa'i dad pa dang / yang dag par so sor shes par byed pa rjes su dran pa'i dad pa dang / yongs su mi skyo ba rjes su dran pa'i
44b1 dad pa dang / bde ba kha na ma tho ba med par sbyor ba rjes su dran pa'i dad pa'o/ /de la zang zing med pa'i sems rjes su dran pa'i dad pa ni/ gang tshogs sdud pa'i byang chub sems
44b2 dpa' zang zing med pa'i sems kyi tshogs sdud la/ zang zing med pa'i sems rjes su dran pa'i theg pa chen po la dad pa'o/ /yang dag par so sor shes par byed pa rjes su dran
44b3 pa'i dad pa ni/ 'di lta ste/ zang zing med pa'i sems rjes su dran zhing tshogs sdud la theg pa chen po la dad de/ 'di ltar tshogs la yang dag par so sor shes par byed
44b4 cing phyin ci ma log pa bstan pa'i phyir nan tan byed pa'o/ /yongs su mi skyo ba rjes su dran pa'i dad pa ni/ 'di lta ste/ log par zhugs pa rnams kyis yongs su mi skyo la/ yongs
44b5 su mi skyo ba la rjes su dran pas theg pa chen po la dad pa'o/ /bde ba kha na ma tho ba med par sbyor ba rjes su dran pa'i dad pa ni/ 'di lta ste/ bdag la gnod par sbyor ba dang /
44b6 'dod pa'i bde ba la sbyor ba spangs nas tshogs la sbyor te/ sbyor ba de rjes su dran pas theg pa chen po la dad pa'o/ /gzhan yang dag pa bzhi ste/ bzhi gang zhe na/ yon tan
44b7 rjes su dran pa'i dad pa dang / dngos po phun sum tshogs pa rjes su dran pa'i dad pa dang / dad pa rjes su dran pa'i dad pa dang / skye bo mang po la phan par bya ba rjes su dran pa'i
45a1 dad pa'o/ /de la yon tan rjes su dran pa'i dad pa ni/ gang sangs rgyas la mchod pa dang / rim gro byed pa la brtson pa'i byang chub sems dpa'
45a2 sangs rgyas kyi yon tan rjes su dran pas theg pa chen po la dad pa'o/ /de la dngos po phun sum tshogs pa rjes su dran pa'i dad pa ni/ gang sangs rgyas la mchod pa dang / rim
45a3 gro byed pa la brtson pa'i byang chub sems dpa' nyid mchod pa phun sum tshogs pa mthong ba rjes su dran pas theg pa chen po la dad pa'o/ /de la dad pa rjes su dran pa'i dad
45a4 pa ni| gang sangs rgyas la mchod cing / rim gro byed pa la brtson pa'i byang chub sems dpa' nyid rang gi sems dang ba dang / gzhan gyi sems dang ba rjes su dran pas
45a5 theg pa chen po la dad pa'o/ /de la skye bo mang po la phan par bya ba rjes su dran pa'i dad pa ni/ gang sangs rgyas la mchod pa dang / rim gro byed pa la brtson pa'i byang chub
45a6 sems dpa' de nyid sangs rgyas la mchod pa dang / rim gro byed pa de nyid kyis skye bo mang po la phan pa byed la/ de'ang rjes su dran pas theg pa chen po la dad pa'o/ /gzhan
45a7 yang dad pa bzhi ste/ bzhi gang zhe na/ bla ma'i yon tan phun sum tshogs pa rjes su dran pa'i dad pa dang / bdag gi yang dag pa'i nan tan rjes su dran pa'i dad pa dang /
45b1 byas pa gzo ba rjes su dran pa'i dad pa dang / bla ma'i 'dod pa sgrub pa rjes su dran pa'i dad pa'o/ /de la bla ma'i yon tan phun sum tshogs pa rjes su dran pa'i dad pa ni/ gang
45b2 dge ba'i bshes gnyen la brten pa la brtson pa'i byang chub sems dpa' dge ba'i bshes gnyen gyi phun sum tshogs pa yongs su rdzogs par mthong ba rjes su dran pas theg
45b3 pa chen po la dad pa'o/ /de la bdag gi yang dag pa'i nan tan rjes su dran pa'i dad pa ni/ gang dge ba'i bshes gnyen la brten pa la brtson pa'i byang chub sems dpa' de nyid
45b4 dge ba'i bshes gnyen gyi gan du 'gro zhing chos mnyan pa'i phyir bsnyen bkur byed la/ ji ltar rjes su bstan pa bzhin du sgrub cing bdag gis yang dag pa'i nan tan rjes
45b5 su dran pas theg pa chen po la dad pa'o/ /de la byas pa gzo pa rjes su dran pa'i dad pa ni/ gang dge ba'i bshes gnyen la brten pa la brtson pa'i byang chub sems dpa' de
45b6 nyid de las man ngag dang yon tan rjes su thob nas byas pa gzo ba de rjes su dran pas theg pa chen po la dad pa'o/ /de la bla ma'i 'dod pa sgrub pa rjes su dran pa'i dad pa ni/
45b7 gang dge ba'i bshes gnyen la brten pa la brtson pa'i byang chub sems dpa' de nyid man ngag des skye bo mang po la phan par bya ba rjes su dran pas theg pa chen po la dad pa'o//
46a1 gzhan yang dad pa bzhi ste/ bzhi gang zhe na/ ldan pa'i bsam pa sgrub pa rjes su dran pa'i dad pa dang / 'bral ba'i bsam pa sgrub pa rjes su dran
46a2 pa'i dad pa dang / mi 'bral ba'i bsam pa sgrub pa rjes su dran pa'i dad pa dang / kun nas nyon mongs pa med pa'i bsam pa sgrub pa rjes su dran pa'i dad pa'o/ /de la ldan
46a3 pa'i bsam pa sgrub pa rjes su dran pa'i dad pa ni/ gang byams pa sgom pa la brtson pa'i byang chub sems dpa' sems can rnams la bde ba dang ldan pa'i bsam pas
46a4 bde ba dang ldan par sgrub pa rjes su dran pas theg pa chen po la dad pa'o/ /de la 'bral ba'i bsam pa sgrub pa rjes su dran pa'i dad pa ni/ gang snying rje sgom pa la brtson
46a5 pa'i byang chub sems dpa' sems can rnams la sdug bsngal dang 'bral ba'i bsam pa sgrub pa rjes su dran pas theg pa chen po la dad pa'o/ /de la mi 'bral ba'i
46a6 bsam pa sgrub pa rjes su dran pa'i dad pa ni/ gang dga' ba sgom pa la brtson pa'i byang chub sems dpa' sems can rnams la bde ba dang mi 'bral ba'i bsam pa sgrub
46a7 pa rjes su dran pas theg pa chen po la dad pa'o/ /de la kun nas nyon mongs pa med pa'i bsam pa sgrub pa rjes su dran pa'i dad pa ni/ gang btang snyoms sgom pa la brtson
46b1 pa'i byang chub sems dpa' sems can rnams la kun nas nyon mongs pa med pa'i bsam pa sgrub pa rjes su dran pas theg pa chen po la dad pa'o/ /rigs kyi bu/ de ltar byang chub
46b2 sems dpas theg pa chen po la dad pa'i rnam pa rab tu dbye ba tshad med pa 'di lta bu dag gis theg pa chen po la dad pa'i rnam pa rab tu dbye ba tshad med pa shes par bya'o/ /bskal pa
46b3 bye ba khrag khrig brgyar yang de'i mtha' bde bar shes par mi 'gyur te/ rigs kyi bu/ 'di ni/ byang chub sems dpa' rnams kyi theg pa chen po'i phyir theg pa chen po la
46b4 rab tu dbye bar rig par bya'o/ /rab tu dbye ba'i le'u ste/ gsum pa'o// //byang chub sems dpa' dad pa thabs chen gyis gsol pa/ bcom ldan
46b5 'das| theg pa chen po'i phyir theg pa chen po la dad pa'i phan yon du 'tshal bar bgyi ba gang lags/ bcom ldan 'das kyis bka' stsal pa/ rigs kyi bu/ byang chub
46b6 sems dpa' rnams kyi theg pa chen po'i phyir theg pa chen po la dad pa'i phan yon ni/ tshad med de/ de'i phyogs tsam zhig bstan par bya'o/ /rigs kyi bu/ byang chub sems
46b7 dpa' rnams kyi theg pa chen po la dad pa ni/ dge ba'i rtsa ba thams cad rnam par 'phel bar byed pas rnam par 'phel ba dang ldan pa'o/ /rigs kyi bu/ byang chub sems
47a1 dpa' rnams kyi theg pa chen po la dad pa ni/ nyan thos dang rang sangs rgyas dang skal ba mnyam pa dang / skal ba mi mnyam par sems skyed
47a2 pa dag las byang chub kyi sems skyed pa bsrung ba'i phyir kun srung ba'o/ /rigs kyi bu/ byang chub sems dpa' rnams kyi theg pa chen po la dad pa ni/ bdag gi don dang / gzhan
47a3 gyi don phun sum tshogs pa dang mthun pa'i phyir don che ba'o/ /rigs kyi bu/ byang chub sems dpa' rnams kyi theg pa chen po la dad pa ni/ chos kyi dbyings zab mo bstan pa'i
47a4 rnam pa thams cad la mos pa dang mthun pa'i phyir zab pa'o/ /rigs kyi bu/ byang chub sems dpa' rnams kyi theg pa chen po la dad pa ni/ byang chub sems dpa'i mngon
47a5 par shes pa chen po mngon par sgrub pa dang mthun pa'i phyir mthu che ba'o/ /rigs kyi bu/ byang chub sems dpa' rnams kyi theg pa chen po la dad pa ni/ sems can tshad
47a6 med pa yongs su smin par byed pa dang mthun pa'i phyir gzi brjid che ba'o/ /rigs kyi bu/ byang chub sems dpa' rnams kyi theg pa chen po la dad pa ni/ sangs rgyas kyi
47a7 zhing yongs su dag par bya ba dang / sangs rgyas kyi chos thams cad sgrub pa dang mthun pa'i phyir ring du 'gro ba'o/ /rigs kyi bu/ byang chub sems dpa' rnams kyi theg pa
47b1 chen po la dad pa ni/ bdud kyi las dang / mu stegs can thams cad kyis theg pa chen po la mos pa mi sgul ba'i phyir mi g.yo ba'o/ /rigs kyi bu/ byang chub sems dpa'
47b2 rnams kyi theg pa chen po la dad pa ni/ mang du thos pa la brten nas sems can thams cad kyi the tshom gcod pa dang mthun pa'i phyir nus pa'o/ /rigs kyi bu/ byang chub sems
47b3 dpa' rnams kyi theg pa chen po la dad pa ni/ byang chub sems dpa'i yang dag pa'i nan tan phun sum tshogs pa thams cad dang mthun pa'i phyir sgrub par byed pa'o/ /rigs kyi
47b4 bu| byang chub sems dpa' rnams kyi theg pa chen po la dad pa ni/ bdag dang / gzhan dang / rnal 'byor chen po thob pa dang / lus dang / ngag dang / yid kyi las 'dul
47b5 ba dang mthun pa'i phyir rjes su 'dzin pa'o/ /rigs kyi bu/ byang chub sems dpa' rnams kyi theg pa chen po la dad pa ni/ sems can thams cad kyi bsam pa yongs su skong
47b6 ba dang mthun pa'i phyir sbyin pa'i pha rol tu phyin pa yongs su bskang ba dang mthun pa'o/ /rigs kyi bu/ byang chub sems dpa' rnams kyi theg pa chen po la dad pa ni/ sems
47b7 can thams cad phan tshun lus dang ngag gi gnod pa med pa yang dag par 'dzin du gzhug pa dang mthun pa'i phyir tshul khrims kyi pha rol tu phyin pa yongs su bskang ba dang mthun pa'o/ rigs kyi bu/
48a1 byang chub sems dpa' rnams kyi theg pa chen po la dad pa ni/ sems can log par zhugs pa dang / 'khor ba'i sdug bsngal
48a2 dang / dka' ba spyod pa thams cad dang du blang ba dang mthun pa'i phyir bzod pa'i pha rol tu phyin pa yongs su bskang ba dang mthun pa'o/ /rigs kyi bu/ byang chub sems
48a3 dpa' rnams kyi theg pa chen po la dad pa ni/ bskal pa mtha' yas par chos dkar po rnam par spel bar rtsol ba la yongs su mi skyo ba dang mthun pa'i phyir brtson
48a4 'grus kyi pha rol tu phyin pa yongs su bskang ba dang mthun pa'o/ /rigs kyi bu/ byang chub sems dpa' rnams kyi theg pa chen po la dad pa ni/ sems can thams cad
48a5 kyi don sgrub pa'i ting nge 'dzin mngon par sgrub pa dang mthun pa'i phyir bsam gtan gyi pha rol tu phyin pa yongs su bskang ba dang mthun pa'o/ /rigs kyi bu/ byang chub
48a6 sems dpa' rnams kyi theg pa chen po la dad pa ni/ 'jig rten las 'das pa de'i bla ma'i ye shes bla na med pa la gnas nas sangs rgyas kyi chos sgrub pa dang mthun pa'i
48a7 phyir shes rab kyi pha rol tu phyin pa yongs su bskang ba dang mthun pa'o/ /rigs kyi bu/ byang chub sems dpa' rnams kyi theg pa chen po la dad pa ni/ sems can gyi tshogs
48b1 mtha' yas pa theg pa gsum gyis nges par 'byung ba'i yang dag par bstan pa dang mthun pa'i phyir tshogs yongs su sdud pa dang mthun pa'o/ /rigs kyi bu/ byang chub sems
48b2 dpa' rnams kyi theg pa chen po la dad pa ni/ bsod nams tshad med pa skyed cing / sangs rgyas kyi zhing rmad du byung ba'i bsod nams yongs su gzung ba dang mthun pa'i phyir de bzhin
48b3 gshegs pa la mchod pa dang / rim gro bya ba chen po dang mthun pa'o/ /rigs kyi bu/ byang chub sems dpa' rnams kyi theg pa chen po la dad pa ni/ sangs rgyas dang / byang
48b4 chub sems dpa' dang / dge ba'i bshes gnyen yongs su gzung ba dang mthun pa'i phyir shin tu yongs su gzung ba dang mthun pa'o/ /rigs kyi bu/ byang chub sems
48b5 dpa' rnams kyi theg pa chen po la dad pa ni/ sems can dpag tu med pa la ldan pa dang / 'bral ba dang / kun nas nyon mongs pa med pa'i bsam pa sgrub pa dang mthun pa'i
48b6 phyir snying brtse bas non pa'o/ /rigs kyi bu/ byang chub sems dpa' rnams kyi theg pa chen po la dad pa ni/ byang chub sems dpa'i 'khrul pa'i nyes byas kun tu spyod pa thams
48b7 cad la mdzes pa nye bar gnas pa dang mthun pa'i phyir shin tu sped pa'o/ /rigs kyi bu/ byang chub sems dpa' rnams kyi theg pa chen po la dad pa ni/ sems can log par
49a1 zhugs pa dang / 'khor ba'i sdug bsngal ba dang / dka' ba spyod pa thams cad la sgyid lug pa med pa dang mthun pa'i phyir brtan pa'o/ /
49a2 rigs kyi bu/ byang chub sems dpa' rnams kyi theg pa chen po la dad pa ni/ nyin mtshan du dge ba'i phyogs chen po la mngon par brtson par byas pas yongs su mi skyo
49a3 ba dang mthun pa'i phyir sbyor ba legs par goms par byas pa'o/ /rigs kyi bu/ byang chub sems dpa' rnams kyi theg pa chen po la dad pa ni/ rig pa'i gnas
49a4 lnga byang ba dang mthun pa'i phyir legs par byang ba'o/ /rigs kyi bu/ byang chub sems dpa' rnams kyi theg pa chen po la dad pa ni/ dus thams cad du bzhin 'dzum
49a5 zhing gsong bor smra ba dang mthun pa'i phyir mthun pa'o/ /byang chub sems dpa' rnams kyi theg pa chen po la dad pa ni/ gnod pa dang / ma dad pa dang / dngang pa dang /
49a6 the tshom dang / rnyog pa'i dri ma dang bral ba'i phyir rin po che lta bur blta'o/ /byang chub sems dpa' rnams kyi theg pa chen po la dad pa ni/ rgya che ba dang / kha na ma tho ba
49a7 med pa dang / dga' ba dang / mchog tu dga' bas lus dang sems sim par byed pa'i phyir zla ba lta bur blta'o/ /byang chub sems dpa' rnams kyi theg pa chen po la
49b1 dad pa ni/ rnam pa thams cad du sangs rgyas kyi chos thams cad la khyab pa'i phyir nam mkha' lta bur blta'o/ /byang chub sems dpa' rnams kyi theg pa chen po la dad pa
49b2 ni| bsod nams dang / ye shes tshad med pa yongs su gzung ba'i phyir rin po che sna tshogs kyis gang ba'i gru lta bur blta'o/ /byang chub sems dpa' rnams kyi theg pa chen
49b3 po la dad pa ni/ sems can thams cad kyi bde ba'i gnas yin pas rtsi chen po lta bur blta'o/ /byang chub sems dpa' rnams kyi theg pa chen po la dad pa ni/ ngan song
49b4 dang ngan 'gro thams cad las 'da' bar byed pa'i phyir zam pa lta bur blta'o/ /byang chub sems dpa' rnams kyi theg pa chen po la dad pa ni/ sangs rgyas kyi chos thams cad
49b5 dang / sems can thams cad kyi dge ba'i rtsa ba'i lo rtog skye ba'i rtsa ba byed pa'i phyir sa bon lta bur blta'o/ /byang chub sems dpa' rnams kyi theg pa chen po la dad pa ni/ nyon
49b6 mongs pa dang / nye ba'i nyon mongs pa'i dgra'i mtshon cha thams cad kyis gnod par mi 'gyur bar srung ba'i phyir go cha lta bur blta'o/ /byang chub sems dpa' rnams kyi
49b7 theg pa chen po la dad pa ni/ 'jig rten dang / 'jig rten las 'das pa'i dge ba'i rtsa ba rin po che phun sum tshogs pa thams cad gsog cing sdud de rnam par gnas par
50a1 byed pa'i phyir gter chen po lta bur blta'o/ /byang chub sems dpa' rnams kyi theg pa chen po la dad pa ni/ de las gzhan du dad pa thams
50a2 cad zil gyis gnon pa'i dbang rnyed pa'i phyir rgyal po lta bur blta'o/ /byang chub sems dpa' rnams kyi theg pa chen po la dad pa ni/ yun ring po nas rjes su 'brang ba'i
50a3 ngan song dang / gnod sems dang / sdig pa mi dge ba'i las dang / nyon mongs pa'i dug gi gnyen por gyur pa'i phyir sman nad med byed lta bur blta'o/ /byang chub
50a4 sems dpa' rnams kyi theg pa chen po la dad pa ni/ dge ba'i rtsa ba gcod pa la dad pa'i mtshon cha'i gnyen por gyur pa'i phyir rdo rje lta bur blta'o/ /byang chub sems
50a5 dpa' rnams kyi theg pa chen po la dad pa ni/ smre sngags 'don pa dang / sdug bsngal ba dang / yid mi bde ba dang / 'khrug pa dang / gdung bar byed pa dang / mya ngan
50a6 gyi me'i gnyen por gyur pa'i phyir chu lta bur blta'o/ /byang chub sems dpa' rnams kyi theg pa chen po la dad pa ni/ mi 'dod pa thams cad dang phrad par byed pa'i nyon
50a7 mongs pa'i dgra'i gnyen por gyur pa'i phyir lag cha bzang po lta bur blta'o/ /byang chub sems dpa' rnams kyi theg pa chen po la dad pa ni/ rtag par rgyun du dkar po'i phyogs
50b1 kyi chos rnam par 'phel ba'i phyir zla ba lta bur blta'o/ /byang chub sems dpa' rnams kyi theg pa chen po la dad pa ni/ sems can tshad med pa la ye shes tshad med pas snang bar
50b2 bya ba dang mthun pa'i phyir nyi ma lta bur blta'o/ /byang chub sems dpa' rnams kyi theg pa chen po la dad pa ni/ dam pa'i chos kyi char tshad med pa 'bebs pa dang mthun pa'i phyir
50b3 sprin chen po lta bur blta'o/ /byang chub sems dpa' rnams kyi theg pa chen po la dad pa ni/ gzhan mu stegs can dang / phas kyi rgol ba thams cad gzhom pa dang mthun pa'i
50b4 phyir lce 'bab pa lta bur blta'o/ /byang chub sems dpa' rnams kyi theg pa chen po la dad pa ni/ sems can thams cad kyis grib pa thams cad 'joms par byed pa dang
50b5 mthun pa'i phyir lo legs pa lta bur blta'o/ /rigs kyi bu/ ngas mngon par shes te/ 'das pa'i dus na yang dag par rdzogs pa'i sangs rgyas 'od srung gi tshe rgyal po'i
50b6 khab 'di nyid du bud med grong pa'i tha chad phyag dar byed pa ngan 'gro ba zhig byung ste/ des khyim bdag che go mo zhes bya ba zhig khyim du sangs rgyas la sogs pa dge slong gi dge
50b7 'dun spyan 'dren ces thos nas des bkres pa dang skom pas nyen pas khyim bdag de'i khyim ga la ba der song ba dang / der 'khor gyi khams na sangs rgyas la sogs pa dge slong
51a1 gi dge 'dun rab tu zhi ba'i spyod lam du gnas pa dang bshos 'brim pa mthong ngo / /bud med des spyod lam phun sum tshogs pa de dang /
51a2 tshogs kyis bskor ba mdzes pa de'ang mthong nas kye ma'o/ /bcom ldan 'das yang dag par rdzogs pa'i sangs rgyas 'od srung rab tu zhi ba'i spyod lam dang / zhabs
51a3 'bring ba mdzes pas mdzes so/ /zhes dad pa'i sems gcig bskyed nas de 'chi ba'i dus byas so/ /de rgyu de nyid kyis sum cu rtsa gsum gyi lha'i nang du skyes pa nas rgyu
51a4 de nyid kyis bla na med pa yang dag par rdzogs pa'i byang chub tu nges par gyur pa'i bar du'o/ /rigs kyi bu/ ngas mngon par shes te/ 'das pa'i dus na yang dag
51a5 par rdzogs pa'i sangs rgyas rnam par gzigs kyi tshe rgyal po'i khab 'di nyid du zas 'dod ces bya ba'i bram ze zhig byung ngo / /zas 'dod de sangs rgyas dang / chos dang /
51a6 dge 'dun dkon mchog la rang bzhin gyis ma dad na/ bsnyen bkur lta ga la zhig byed/ de'i tshe bcom ldan 'das yang dag par rdzogs pa'i sangs rgyas rnam par
51a7 gzigs rgyal po'i khab tu bsod snyoms kyi phyir gshegs pa dang / bram ze de'ang don zhig gnyer zhing rgyal po'i khab nas byung ngo / /de byung ba dang bcom ldan 'das
51b1 rnam par gzigs de bzhin gshegs pa de kho bos mngon sum du mthong ngo / /mthong nas kyang des gzugs mdzes pa la dmigs te/ kye ma'o bcom ldan 'das rnam par gzigs
51b2 de bzhin gshegs pa dgra bcom pa yang dag par rdzogs pa'i sangs rgyas mtshan dang dpe byad bzang po rnams kyis sku legs par brgyan to/ /zhes dad pa'i sems gcig rnyed
51b3 nas de 'chi ba'i dus byas so/ /de rgyu des rab mtshe ma'i lha'i nang du skyes pa nas rgyu de nyid kyis rim gyis bla na med pa yang dag par rdzogs pa'i byang chub tu nges par gyur pa'i bar
51b4 du'o| |rigs kyi bu/ ngas mngon par shes te/ 'das pa'i dus na yang dag par rdzogs pa'i sangs rgyas 'od srung gi tshe rgyal po'i khab 'di nyid du gzhan mu stegs can lnga brgya
51b5 zhig byung ste/ de dag skabs btsal ba'i bsam pas yang dag par rdzogs pa'i sangs rgyas 'od srung ga la ba der dong ngo / /de'i che bcom ldan 'das yang dag par rdzogs
51b6 pa'i sangs rgyas 'od srung 'khor brgya phrag du mas bskor te mdun gyis byas nas chos ston cing bzhugs so/ /de na mu stegs can lnga brgya tsam po de dag gis kye ma'o/ /yang dag
51b7 par rdzogs pa'i sangs rgyas 'od srung ni/ snyan pa gsung ba'o/ /zhes dad pa'i sems gcig rnyed nas de dag 'chi ba'i dus byas so/ /de dag rgyu des dga' ldan gyi lha'i ris su
52a1 skyes pa nas rgyu de nyid kyis rim gyis nga'i bstan pa la rab tu byung ste zag pa zad pa rjes su thob pa'i bar du'o/ /rigs kyi bu/ gnas mngon
52a2 par shes te/ gang gi phyir de bzhin gshegs pas 'od zer gang gis sems can dmyal bar skyes pa'i sems can rnams sems can dmyal ba nas 'byung bar 'gyur
52a3 ba'i 'od zer bkye bas des sems can dmyal bar skyes pa'i sems can rnams la reg nas sems can dmyal ba'i gnod pa'i sdug bsngal thams cad rgyun chad de
52a4 bde ba dang ldan par gyur nas de dag 'di snyam du/ gang gis bdag cag gi sems can dmyal ba'i gnod pa'i sdug bsngal thams cad rgyun chad nas bde ba dang
52a5 ldan par gyur pa 'di su'i mthu snyam pa dang / de bzhin gshegs pas byin gyis brlabs nas de dag gis de bzhin gshegs pa'i sku mthong ngo / /mthong nas kye ma'o
52a6 gang gis bdag cag gi sems can dmyal ba'i gnod pa'i sdug bsngal thams cad rgyun bcad nas bde ba dang ldan par gyur pa de'i mthu 'di ni/ mthu che ba'o
52a7 snyam ste| dad pa'i sems can gcig rnyed nas de dag 'chi ba'i dus byas te shi 'phos nas rgyu de nyid kyis mtshungs par de dag lhar skyes pa nas rim gyis rgyu de nyid kyis
52b1 nga'i bstan pa la dad pa rnyed de/ la la ni/ nyan thos kyi theg pas/ la la ni/ rang sangs rgyas kyi theg pas yongs su mya ngan las 'das so/ /la la ni/ theg pa chen
52b2 pos bla na med pa yang dag par rdzogs pa'i byang chub tu nges par gyur to/ /rigs kyi bu/ rnam grangs 'dis ngas mngon par shes te/ bgrang ba las 'das pa'i sems
52b3 can dag gang gi phyir de bzhin gshegs pa'i theg pa chen po la dad pa srab cing chung ba'i sems gcig gis kyang kha cig ni/ ngan song las log par gyur/ kha cig
52b4 ni| kun nas nyon mongs par gyur pa'i lus las log par gyur to/ /log nas kyang 'jig rten pa'i phun sum tshogs pa rjes su thob bo/ /theg pa chen po la dad pa'i
52b5 sems srab cing chung ba des 'jig rten las 'das pa'i phun sum tshogs pa'i rnam pa thams cad kyang rjes su thob bo/ /rigs kyi bu/ byang chub sems dpa' rnams kyi
52b6 theg pa chen po la dad pa srab cing chung ba gcig gi phan yon yang de ltar tshad med na/ /byang chub sems dpa' rnams kyi theg pa chen po la dad pa rgyun du 'byung zhing chu bo
52b7 ltar 'bab pa'i phan yon lta smos kyang ci dgos te/ bskal ba bye ba khrag khrig brgya stong du'ang brjod par sla ba ma yin no/ /de skad ces bka' stsal pa dang / byang chub
53a1 sems dpa' dad pa thabs chen gyis bcom ldan 'das la 'di skad ces gsol to/ /bcom ldan 'das kyis las dang po pa'i byang chub sems
53a2 dpa' mos bas spyod pa la zhugs pa rnams la theg pa chen po la dad pa'i mtshan nyid phun sum tshogs pa bstan pa dang / skye ba phun sum tshogs pa bstan pa dang / rab
53a3 tu dbye ba phun sum tshogs pa bstan pa dang / phan yon phun sum tshogs pa bstan pa ni/ ngo mtshar to/ /bcom ldan 'das/ rjes su dpag pa dang / rjes su
53a4 'jug pa 'dis byang chub sems dpa' gzhan dag gi yon tan phun sum tshogs pa khyad par du 'phags pa tshad ma mchis pa dag kyang brjod par 'gyur ro/ /chos kyi rnam
53a5 grangs 'di bshad pa na las dang po pa'i byang chub sems dpa' lnga stong byang chub sems dpa'i chos mngon par rtogs pa'i rjes su mthun pa'i bzod pa chen po skyes so/ /
53a6 'khor der 'dus pa las dang po pa'i byang chub sems dpa'i lhag ma rnams kyang mos pa las mi g.yo ba'i tshul gyis mos pa klung du byed pa'i bzod pa skyes so/ /de nas
53a7 bcom ldan 'das la byang chub sems dpa' dad pa thabs chen gyis 'di skad ces gsol to/ /bcom ldan 'das/ byang chub sems dpa' gang la la dag chos kyi rnam
53b1 grangs 'di la mos pa sngon du btang ste sbyor bar bgyid pa ni/ ring po mi thogs par de dag de bzhin gshegs pa rnams kyi zhal zas dang / btung ba dang / bzhon pa dang / na
53b2 bza' dang / rgyan dang / snod spyad dang / 'tshog chas dang / yo byad dang / spos dang / phreng ba dang / byug pa dang / glu dang / gar dang / rol mo'i dbyangs sgra dang / mar
53b3 me dang / bud med dang / skyes pa dang / kun spyod pa'i yo byad thob par 'gyur ro/ /de nas byang chub sems dpa' dad pa'i snod yongs su tshol bas byang chub sems dpa' dad
53b4 pa thabs chen la 'di skad ces smras so/ /rigs kyi bu/ de bzhin gshegs pa rnams kyi zhal zas dang / btung ba dang / bzhon pa dang / na bza' dang / rgyan dang / snod spyad
53b5 dang / 'tshog chas dang / yo byad gang yin/ spos dang / phreng ba dang / byug pa dang / glu dang / gar dang / rol mo'i dbyangs sgra dang / mar me dang / bud med dang /
53b6 skyes pa dang / kun spyod pa'i yo byad gang yin/ byang chub sems dpa' dad pa thabs chen gyis smras pa/ rigs kyi bu/ sgrib pa thams cad rnam par dag pa'i bsam gtan gyi
53b7 dga' ba ni/ de bzhin gshegs pa rnams kyi zhal zas so/ /sgrib pa thams cad rnam par dag pa'i dam pa'i chos kyi khu ba ni/ de bzhin gshegs pa rnams kyi btung ba'o/ /sgrib
54a1 pa thams cad rnam par dag pa'i zhi gnas dang / lhag mthong ni/ de bzhin gshegs pa rnams kyi bzhon pa'o/ /sgrib pa thams cad rnam
54a2 par dag pa'i ngo tsha shes pa dang / khrel yod pa ni/ de bzhin gshegs pa rnams kyi na bza'o/ /sgrib pa thams cad rnam par dag pa'i rgyan dang bcas pa'i tshul khrims
54a3 rnam par dag pa ni/ de bzhin gshegs pa rnams kyi rgyan no/ /sgrib pa thams cad rnam par dag pa'i mang du thos pa ni/ de bzhin gshegs pa rnams kyi snod spyad dang /
54a4 'tshog chas dang / yo byad do/ /sgrib pa thams cad rnam par dag pa'i bsam gtan dang / rnam par thar pa dang / ting nge 'dzin dang / snyoms par 'jug pa
54a5 rnams ni/ de bzhin gshegs pa rnams kyi spos dang / phreng ba dang / byug pa'o/ /sgrib pa thams cad rnam par dag pa'i chos kyi rdzogs par longs spyod pa 'brel
54a6 pa'i gtam rnam par gdon mi za ba ni/ de bzhin gshegs pa rnams kyi glu dang / gar dang / rol mo'i dbyangs sgra'o/ /sgrib pa thams cad rnam par dag pa'i gzungs
54a7 kyi sgo rnams ni/ de bzhin gshegs pa rnams kyi mar me'o/ /sgrib pa thams cad rnam par dag pa'i ting nge 'dzin gyi sgo dang / rnam par thar pa'i sgo rnams ni /de bzhin
54b1 gshegs pa rnams kyi bud med dang / skyes pa dang / kun spyod pa'i yo byad do/ /rigs kyi bu/ de ltar chos kyi rnam grangs 'di la mos pa sngon du btang ste sbyor bar byed pa
54b2 de ni/ de bzhin gshegs pa rnams kyi yo byad bcu po 'di dag ring po mi thogs par kun rdzob dang / don dam par yang thob par 'gyur na/ gang dag 'di la de bzhin nyid du
54b3 sbyor bar byed pa lta smos kyang ci dgos te/ rigs kyi bu/ de bzhin gshegs pa rnams kyi yo byad bcu po 'di dag thob par 'gyur ba'i steng du de dag gis gzhal med
54b4 khang gang la de bzhin gshegs pa rnams bzhugs pa'i gzhal med khang de'ang thob par 'gyur ro/ /smras pa/ rigs kyi bu/ de bzhin gshegs pa rnams bzhugs pa'i
54b5 gzhal med khang ci 'dra/ byang chub sems dpa' dad pa thabs chen gyis smras pa/ rigs kyi bu/ rin po che sna bdun mchog tu 'bar ba bkod pa/ 'jig rten gyi khams
54b6 tshad med pa rgyas par 'gengs pa'i 'od zer chen po shin tu 'byung ba/ gnas gzhan dag shin tu rnam par phye ba tshad med pa/ rnam par bzhag pa/ 'khor gyi khyams yongs
54b7 su ma chad pa/ khams gsum pa las yang dag par 'das pa'i sbyod yul gyi mtshan nyid 'jig rten las 'das pa de'i bla ma'i dge ba'i rtsa ba las byung ba/ dbang sgyur ba'i
55a1 rnam par rig pa/ shin tu rnam par dag pa'i mtshan nyid/ de bzhin gshegs pa'i gnas/ byang chub sems dpa' dpag tu med pa
55a2 gnas pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang / mi ma yin pa
55a3 dpag tu med pa rnam par rgyu ba/ chos kyi ro'i dga' ba dang bde ba chen pos brtan pa/ sems can thams cad kyi don thams cad mdzad pas nye bar gnas pa| nyon
55a4 mongs pa dang / nye ba'i nyon mongs pa'i gnod pa thams cad dang bral ba/ bdud thams cad yongs su spangs pa thams cad kyi bkod pa las lhag pa/ de bzhin
55a5 gshegs pa'i byin gyi rlabs kyi bkod pa dran pa dang / blo gros dang / rtogs pa chen pos nges par 'gro ba/ zhi gnas dang lhag mthong chen po'i theg pa/ stong
55a6 pa nyid dang / mtshan ma med pa dang / smon pa med pa chen po nas 'jug pa'i yon tan gyi tshogs tshad med pas brgyan pa/ pad+ma chen po'i rgyal pos brtan pa'i
55a7 gzhal med khang chen po na de bzhin gshegs pa rnams bzhugs te/ rigs kyi bu/ gang dag chos kyi rnam grangs 'di la mos pa sngon du btang ste sbyor bar byed pa de
55b1 dag gis de bzhin gshegs pa'i gzhal med khang de lta bu'ang thob par 'gyur na/ gang dag de bzhin nyid du sbyor bar byed pa lta smos kyang ci dgos/ bcom ldan 'das
55b2 kyis bka' stsal pa/ rigs kyi bu/ legs so/ /legs so/ /rigs kyi bu/ ji ltar khyod kyis bshad pa bzhin te/ gang dag chos kyi rnam grangs 'di la mos pa sngon du
55b3 btang nas sbyor bar byed pa de dag ring po mi thogs par de bzhin gshegs pa rnams kyi yo byad 'di dag dang / de bzhin gshegs pa'i gzhal med khang de'ang thob bar
55b4 'gyur na/ gang dag 'di la de bzhin nyid du sbyor bar byed pa lta smos kyang ci dgos/ de nas bcom ldan 'das la tshe dang ldan pa kun dga' bos 'di skad ces gsol
55b5 to| |bcom ldan 'das/ rigs kyi bu'am rigs kyi bu mo gang dag chos kyi rnam grangs 'di la mos pa dang / klog pa dang / yi ger 'bri ba dang / 'don pa dang / nyan
55b6 pa dang / kha ton bgyid pa dang / gzhan dag la'ang rgya cher rab tu ston pa dang / tshul bzhin sems pa dang / sgom pa'i rnam pas sbyor ba de dag bsod nams ji tsam
55b7 skyed par 'gyur/ bcom ldan 'das kyis bka' stsal pa/ kun dga' bo/ gang la la dag chos kyi rnam grangs 'di la mos pa dang / klog pa dang / yi ger 'bri ba
56a1 dang / 'don pa dang / nyan pa dang / kha ton byed pa dang / gzhan dag la'ang rgya cher yang dag par rab tu ston pa dang / tshul bzhin
56a2 sems pa dang / sgom pa'i rnam pas sbyor ba de dag ni/ bsod nams gang la 'jig rten pa'i bsod nams kyi rnam pa thams cad dang / nyan thos dang / rang sangs
56a3 rgyas rnams kyi bsod nams 'jig rten las 'das pa/ rnam pa thams cad kyi dper yang mi bzod pa de lta bu'i bsod nams skyed par 'gyur ro/ /de ci'i phyir zhe na/
56a4 kun dga' bo/ 'jig rten pa'i bsod nams tshad med pa gang yin pa de'ang rgyu dang 'bras bur bcas pa sdug bsngal gyi bden pa dang / kun 'byung ba'i bden
56a5 par bsdus pa'i phyir 'dod pa nyid yongs su grub pa ma yin te/ de ni/ rgyu zad de 'bras bu phyung bas mi rtag pa'o/ /kun dga' bo/ nyan thos dang / rang sangs
56a6 rgyas rnams kyi bsod nams 'jig rten las 'das pa gang yin pa de'ang rgya che ba ma yin zhing don chung la zad par 'gyur ba'o/ /de la rgya che ba ma yin pa ni/ theg pa
56a7 dman pa la gnas shing dmigs te yid la byed pa'i phyir ro/ /don chung ba ni/ bdag nyid rjes su 'dzin par nye bar gnas pa'i phyir ro/ /zad par gyur pa ni/ phung
56b1 po ma lus pa'i mya ngan las 'das pa'i dbyings su zad par 'gyur ba'i phyir ro/ /kun dga' bo/ /byang chub sems dpa' rnams kyi theg pa chen po la dad pa las byung ba'i bsod
56b2 nams de ni/ yongs su grub pa/ rgyu zad pa ma yin pa/ rgya che ba/ don che ba/ zad par mi 'gyur ro/ /de bas na/ byang chub sems dpa' rnams kyi theg pa chen po la dad
56b3 pa las byung ba'i bsod nams de la ni/ 'jig rten pa dang / 'jig rten las 'das pa'i bsod nams kyis dper yang mi bzod do/ /kun dga' bos gsol pa/ bcom
56b4 ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo/ de'i phyir chos kyi rnam
56b5 grangs 'di theg pa chen po la dad pa rab tu sgom pa zhes bya bar yang zungs shig /theg pa chen po la dad pa rnam par 'phel ba zhes bya bar yang zungs shig /theg pa chen po la
56b6 dad pa nges par 'byung ba zhes bya bar yang zungs shig /de bas na/ chos kyi rnam grangs 'di theg pa chen po la dad pa rab tu sgom pa zhes bya ba'i tshig bla dwags so/ /bcom
56b7 ldan 'das kyis de skad ces bka' stsal pa dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri
57a1 zar bcas pa'i 'jig rten bcom ldan 'das kyis gsungs pa la yi rang ste mngon par bstod do/ /'phags pa theg pa chen po la dad pa
57a2 rab tu sgom pa zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo tsA ba ban+d+he ye shes sde
la sogs pas zhus shing bris te gtan la phab pa/
CLOSE WINDOW