བོད་ཡིག |
276a5 rgya gar skad du/ AR+ya sa mA d+hi a gra ut+ta ma/ bod skad du/ 'phags pa ting nge 'dzin mchog dam pa/ bam po gcig go /'di skad bdag gis thos pa dus gcig na/ bcom
276a6 ldan 'das rgyal po'i khab na dge slong chen po'i dge 'dun sum khri dang / byang chub sems dpa' skyes bu chen po lnga stong tsam dang / lha dang / klu la sogs pa sde brgyad dang /
276a7 lha dang / mi la sogs pa 'khor mang po dang thabs cig tu bzhugs so/ /de ma yin pa gzhan yang phyogs bzhi'i mgon po bzhi dang / srin po dang / yi dwags la sogs pa sde
276b1 bzhi'ang 'khor der 'dus par gyur to/ /de'i tshe na bcom ldan 'das 'od zer gyi ting nge 'dzin du bzhugs nas cang ma gsung zhing bzhugs pa las 'khor mang po rnams the tshom du
276b2 gyur to| |de nas byang chub sems dpa' 'jam dpal gzhon nu chos kyi rgyal bu 'dug pa las langs te sangs rgyas la lan gsum bskor ba byas nas tshigs su bcad pa 'di dag
276b3 gis mngon par bstod do/ /shin tu legs so chos kyi rje/ /ting nge 'dzin la zhi bar bzhugs/ /'khor gyi dkyil 'khor mang po rnams/ /thams cad the tshom skyes par gyur/ /shin
276b4 tu legs so nyi zla'i 'od/ /cang mi gsung bar snang mi mdzad/ /shin tu legs so rin chen gter/ /dbul phongs rnams la sbyin mi mdzad/ /shin tu legs so mi yi rgyal/ /ting
276b5 nge 'dzin las bzhengs su gsol/ /shin tu legs so klu yi rgyal/ /bdud rtsi'i char pa dbab tu gsol/ /shin tu legs so lha yi mchog /myur du chos rnams bstan du gsol/ /
276b6 shin tu legs so sems can la/ /theg pa gcig don bstan du gsol/ /de nas bcom ldan 'das ting nge 'dzin de las bzhengs nas 'khor mang po rnams la 'di skad ces
276b7 bka' stsal to/ /nga la rin po che bla na med pa'i ye shes mang du yod pa khyod la phan pa dang bde bar mdzad cing dbul phongs pa dang bral bar bya ba yod kyi/ the tshom ma byed par ci
277a1 dang ci 'dod pa dris shig /de nas dga' bo stan las langs te sangs rgyas la 'di skad ces gsol to/ /bcom ldan 'das/ bdag gis ni/ mang du thos pas
277a2 bla na med pa'i byang chub myur du 'thob snyam na/ mdo sde dag las bshad pa thos pa ltar na mang du thos shing shes rab rno ba'i dbang po dang ldan pa ni/ byang chub thob pa shin tu
277a3 dka' ste/ bgegs brgyad du skye'o/ /zhes 'byung na/ bdag gis ji ltar bla na med pa'i byang chub thob par 'gyur/ bcom ldan 'das kyis dga' bo la bka' stsal pa/ dga'
277a4 bo| mang du thos pa la sems rnam pa gnyis te/ gang zhe na/ ting nge 'dzin gyi sems dang / 'khrul pa'i sems so/ /sems ting nge 'dzin la gnas na ni/ mang du thos pas kyang
277a5 gnod pa med do/ /sems 'khrul pa la gnas na ni/ mang du thos pas kyang phan pa med de/ gang gis ting nge 'dzin dang / shes rab dang shin tu ldan na/ myur du bla na med
277a6 pa'i byang chub thob par 'gyur ro/ /dga' bos gsol pa/ bcom ldan 'das/ ci'i slad du mdo kun las ting nge 'dzin dang / shes rab ni/ mchog dam pa'o/ /zhes bstod/
277a7 bcom ldan 'das kyis dga' bo la bka' stsal pa/ dga' bo/ ting nge 'dzin dang / shes rab tu ldan pa ni/ dper na/ ri dwags kyi nang na seng+ge mchog tu gyur pa dang / snang ba
277b1 thams cad kyi nang na nyi ma mchog tu gyur pa dang / ri'i nang na ri rab lhun po mchog tu gyur pa lta bu'o/ /de'ang ci'i phyir zhe na/ ting nge 'dzin dang / shes rab tu ldan pa'i shugs ni/
277b2 mchog dam pa yin pa'i phyir ro/ /bcom ldan 'das kyis dga' bo la bka' stsal pa/ dga' bo/ gal te mi zhig gis shing tsan+dan las stong gsum gyi stong chen po'i 'jig rten gyi
277b3 khams gang ba'i gtsug lag khang brtsigs pa dang / mi gzhan zhig gis rin po che sna bdun las stong gsum gyi stong chen po'i 'jig rten gyi khams gang ba'i gtsug lag khang byas
277b4 na| mi de gnyis kyi bsod nams mnyam pa yin nam/ dga' bos gsol pa/ mi de gnyis kyi nang na rin po che sna bdun las bgyis pa'i bsod nams mchog go /sangs rgyas kyis dga'
277b5 bo la bka' stsal pa/ gzhan yang mi zhig gis gser tha mal pa las stong gsum gyi stong chen po'i 'jig rten gyi khams gang ba'i gtsug lag khang byas pa dang / mi gzhan zhig gis
277b6 gser btso ma las stong gsum gyi stong chen po'i 'jig rten gyi khams gang ba'i gtsug lag khang byas na/ de gnyis kyi bsod nams mnyam pa yin nam/ dga' bos gsol pa/
277b7 gser btso ma las byas pa'i bsod nams rab tu che'o/ /sangs rgyas kyis dga' bo la bka' stsal pa/ gal te mi zhig gis shing tsan+dan dang / spos kyi shing gzhan dag las stong
278a1 gsum gyi stong chen po'i 'jig rten gyi khams gang ba'i sku gzugs byas te mchod pa byed cing phyag 'tshal ba dang / mi gzhan zhig gis gser btso ma dang /
278a2 rin po che sna bdun las stong gsum gyi stong chen po'i 'jig rten gyi khams gang ba'i sku gzugs byas te mchod pa byed cing phyag 'tshal na/ mi de gnyis kyi bsod nams la
278a3 khyad par yod dam/ dga' bos gsol pa/ rin po che sna bdun dang / gser btso ma las sku gzugs bgyis pa'i bsod nams che'o/ /sangs rgyas kyis dga' bo la bka' stsal
278a4 pa| gal te mi zhig gis sbyin pa chen po'i sems bskyed de rin po che sna bdun gyi bang mdzod dang / chung ma dang / bu sbyin pa byin pa dang / mi gzhan zhig gis yan lag gi dam
278a5 pa mgo dang / mig dang / lus dang / rnyed dka' ba'i rin po che sna bdun gyi bang mdzod kyi sbyin pa byin na/ mi de gnyis kyi bsod nams la khyad par ci yod/ dga' bos gsol
278a6 pa| rin po che sna bdun dang / lus dang / chung ma dang / bur bcas pa'i sbyin pa'i bsod nams che ba lags so/ /sangs rgyas kyis dga' bo la bka' stsal pa/ gal te mi zhig
278a7 gis mdo sde bcu gnyis stong gsum gyi stong chen po'i 'jig rten gyi khams gang ba'i mi rnams la 'jig rten du spel te klog cing kha ton byed du 'jug pa dang / de la mi zhig
278b1 gis stong gsum gyi stong chen po'i 'jig rten gyi khams gang ba'i mi rnams yi ge bzhin du 'don cing yi ge dang don stong cing khong du chud na/ mi de gnyis kyi bsod nams gang che/
278b2 dga' bos gsol pa/ yi ge bzhin du 'don cing khong du chud pa'i bsod nams che'o/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis kyang
278b3 thogs pa med par kha ton du shes la don zab mo mi shes par mdo sde glegs bam yang stong gsum gyi stong chen po'i 'jig rten gyi khams gang ba tsam 'chang ba dang / de la mi
278b4 zhig mdo sde bcu gnyis kyang byang bar kha ton shes la don zab mo'ang rtogs te/ mdo sde'i glegs bam yang stong gsum gyi stong chen po'i 'jig rten gyi khams gang ba tsam 'chang
278b5 na| mi de gnyis kyi bsod nams gang mchog tu gyur pa yin/ dga' bos gsol pa/ kha ton bgyis la don yang rtogs te/ gzhan la'ang ston cing 'chad pa'i bsod nams
278b6 mchog tu gyur pa lags so/ /sangs rgyas kyis dga' bo la bka' stsal pa/ gal te mi zhig gis mdo sde bcu gnyis 'grel cing 'chad la/ sbyin pa dang / tshul khrims dang /
278b7 bzod pa dang / byams pa dang / snying rje dang / dga' ba dang / btang snyoms mi spyod pa dang / gal te mi zhig gis mdo sde bcu gnyis kyang 'grel cing 'chad la/ sbyin pa dang /
279a1 tshul khrims dang / bzod pa dang / byams pa dang / snying rje dang / dga' ba dang / btang snyoms kyang rgya cher spyod/ sems can rnams la bu gcig pa dang
279a2 'dra bar sems snyoms na/ mi de gnyis bsod nams gang che ba yin/ dga' bos gsol pa/ byams pa dang / snying rje dang / dga' ba dang / btang snyoms dang / tshul khrims
279a3 dang / bzod pa spyod cing sems can la sbyin pa byin pa'i bsod nams che zhing mang ba lags so/ /bcom ldan 'das kyis dga' bo la bka' stsal pa/ gal te mi zhig gis
279a4 mdo sde bcu gnyis kyang 'grel cing 'chad shes la bstan bcos 'u ta bco lnga yang byang bar 'chad shes te 'jig rten du spel ba dang / de la mi zhig gis mdo sde bcu gnyis
279a5 kyang 'grel cing 'chad shes la/ bkri ba'i bstan bcos dang / nges pa'i bstan bcos dang / phung po lnga'i bstan bcos dang / rten cing 'brel par 'byung ba bcu gnyis kyi
279a6 bstan bcos dang / khams bco brgyad kyi bstan bcos dang / stong pa chen po'i bstan bcos dang / nyi zla'i bstan bcos dang / zla ba sbrin gyi bstan bcos dang / mdo sde
279a7 rgyan gyi bstan bcos dang / don dam pa nyid kyi bstan bcos dang / rdo rje snying po'i bstan bcos dang / rnam pa thams cad mkhyen pa'i bstan bcos dang / rnam par thar pa'i
279b1 sgo gsum gyi bstan bcos la sogs pa bstan bcos 'u ta bco lnga'ang shes la/ sbyin ba dang / tshul khrims dang / bzod pa dang / byams pa dang / snying rje dang / dga' ba dang / btang
279b2 snyoms kyang spyod de/ tshul khrims 'chal pa dang / tshul khrims srung ba dang / sems gnyis su med cing nam mkha' ltar mnyam pa dang / sems can gyi skyon thams cad mi mthong zhing
279b3 sems can rnams la bu gcig pa dang 'dra bar snyoms te dgra sdang ba la'ang nam mkha' ltar mnyam pa dang / de la mi zhig gis phyogs su rgyas pa'i mdo sde bcu gnyis la skur pa
279b4 mi 'de bas na/ mi de gnyis kyi bsod nams gang che ba yin/ dga' bos gsol ba/ phyogs su rgyas pa'i mdo sde bcu gnyis la skur ba ma btab na/ mi de'i bsod nams tshad ma
279b5 mchis grangs ma mchis te/ bsam gyis mi khyab pa lags so/ /bcom ldan 'das kyis dga' bo la bka' stsal pa/ gzhan yang mi zhig gi gong du smras pa'i bsod nams thams
279b6 cad kyang stong gsum gyi stong chen po'i 'jig rten gyi khams gang bar byed nus la mdo sde bcu gnyis dang / bstan bcos 'u ta bco lnga snyed kyang kha ton dang 'grel cing 'chad nus te/
279b7 tshul khrims dang / bzod pa dang / byams pa la sogs pa'ang spyod/ sbyin pa'ang byed de/ mang du thos pa'i mchog tu'ang gyur la chos thams cad stong zhing zhi ba'i don yang ston te/ nyan
280a1 pa'i mngon bar shes pa lnga thob par byed de/ de ltar phan pa dang de ba'i don byas kyang des ni/ mi zhig nyin gcig gam/ mtshan gcig ting nge 'dzin du
280a2 zhugs pa tsam du mi phod do/ /de ci'i phyir zhe na/ mang du thos pa'i gang zag ni/ ri'am rgya mtsho ltar nga rgyal gyi sems che'o/ /de ltar nga rgyal che ba ni/ ngan song du bskal pa
280a3 grangs med kyi bar du sdug bsngal myong bar 'gyur ro/ /dmyal ba de las thar na'ang 'dab chags kyi byar skye bar 'gyur na/ mang du thos pa la phan pa ci yod/ gang la bsam
280a4 gtan gyi ting nge 'dzin yod pa ni/ skye shi 'khor ba'i sdig kha na ma tho ba'i las lci ba byang bar nus so/ /mang du thos pa ni/ rtswa dang 'dra'o/ /ting nge 'dzin ni/ me dang 'dra'o/ /mang
280a5 du thos pa ni/ lcags dang 'dra'o/ /bsam gtan gyi ting nge 'dzin ni/ gser dang 'dra'o/ /mang du thos pa ni/ rtsi bdug pa dang 'dra'o/ /bsam gtan gyi ting nge 'dzin ni/ rtsi'i
280a6 sdong po dang 'dra'o/ /mang du thos pa ni/ gtsang po dang 'dra'o/ /bsam gtan gyi ting nge 'dzin ni/ rgya mtsho dang 'dra ste/ ngas bsam gtan gyi ting nge 'dzin gyi bsod nams dang /
280a7 yon tan bshad na/ zad pa'i mtha' med de/ bskal par yang mi rdzogs so/ /bcom ldan 'das kyis dga' bo la bka' stsal gangs mngon sum du dran pa sngon 'das
280b1 pa'i dus na mang du thos pa'i skye bor gyur pa'i tshe 'jam dpal dang nga gnyis yod med gnyis la rtsod par gyur te/ 'jam dpal ni/ yod ces smra/ ngas ni/ med do/ /zhes smras te/
280b2 yod med gnyis kyi bden pa la rtsod par gyur te gcig tu ma chad do/ /tha ma tshe 'phos nas ngan song du skyes par gyur te/ bskal pa grangs med kyi bar du lcags kyi thu lum za
280b3 bar gyur to/ /dmyal ba de las thar te sangs rgyas 'od srung dang phrad nas yod pa dang / med pa'i bden pa gnyis 'od srung gis 'di skad du bshad do/ /chos thams cad kyi rang
280b4 bzhin ni/ gcig tu nges shing chad pa med de/ khyed yod pa dang / med par smra ba ni/ don de lta bu ma yin no/ /de ci'i phyir zhe na/ chos thams cad ni/ stong pa nyid kyis zhi ba ste/ bden
280b5 pa 'di gnyis ni/ yod pa'ang ma yin la/ med pa'ang ma yin te/ khyed shes pa ni/ yi ge'i don shes par zad kyi/ don zab mo mi shes pas don 'di lta bu ni/ khyed dmus long
280b6 dam 'on pa lta bu yin na/ don zab mo 'di lta bu ji ltar shes shing rtogs par gyur ces bshad pa thos nas ri dben par song ste/ bdag nyid yid la byas nas bsam gtan gyi
280b7 ting nge 'dzin la zhugs so/ /zhag bdun lon pa dang bsam gtan zhi ba'i ting nge 'dzin dang / ting nge 'dzin rnam gsum dang / ye shes rnam gsum dang / chen po stong pa nyid dang /
281a1 don dam pa stong pa nyid dang / stong pa nyid stong pa nyid 'di dag rtogs shing khong du chud par gyur te/ chos thams cad stong pa nyid kyis zhi ba ci'ang med par rtogs
281a2 so| |de ci'i phyir zhe na/ chos thams cad ni/ ngo bo nyid kyis stong pa'i phyir ro/ /de bas na/ bsam gtan sgom pa ni/ mchog dam par rig par bya ste/ gang zhig nyin gcig gam/
281a3 mtshan gcig gam/ nyin zhag bdun gyi bar du bsam gtan gyi ting nge 'dzin bsgoms na/ bskal pa grangs med pa tshun chad kyi kha na ma tho ba'i sdig lci ba'ang khad kyis zhi zhing
281a4 byang bar 'gyur ro/ /gzhan yang kha na ma tho ba'i sdig lci ba'ang 'byang bar 'gyur te/ de'ang gang zhe na/ pha ma bsad pa dang / dgra bcom pa bsad pa dang / mchod rten dang / gtsug
281a5 lag khang bshig pa dang / dge 'dun gyi gnas khang mes btang ba yin te/ phas pham pa bzhi dang / phas pham pa brgyad dang / lci ba lnga dang / rang bzhin
281a6 gyi lci ba drug nyams pa yin/ phyogs su rgyas pa'i mdo sde la skur pa btab pa yin/ pha rol po'i nyes pa'i skyon smra zhing bkur sti mi byed pa yin/ gang du skyes par nga rgyal
281a7 che ba dang / rang bzhin gyis sdig lci ba yang yin te/ de'ang bsam gtan gyi ting nge 'dzin bsgoms na rang zhi zhing 'byang bar 'gyur/ de'ang bsam gtan gyi ting nge 'dzin gyi
281b1 mthus 'byang gi /gzhan gyis 'byang ba ma yin no/ /nyin zhag bdun tsam gyis kyang de ltar yon tan dang / bsod nams dpag tu med pa 'thob na/ tshe gcig tu dben par ri dang
281b2 shing drung du 'dug ste rtog pa bsal ba dang / 'jug pa dang / spong ba yid la byed pa lta smos kyang ci dgos/ de ci'i phyir zhe na/ sems ni 'bab chu dang 'dra ste/ skad cig kyang mi
281b3 sdod| sems ni/ spre'u dang mtshungs te/ gcig btang yang gcig la 'dzin to/ /mdor na sems ni/ ting nge 'dzin gyi dbang gis mi g.yo'o/ /gal te sems g.yo na/ chos thams
281b4 cad la 'khrul ba'i 'du shes skye'o/ /gal te ting 'dzin la gnas na ni/ 'jig rten na skye ba dang / gnas pa dang / 'gog pa'i 'du shes shing rtogs te/ chos thams cad stong pa nyid
281b5 kyis zhi ba/ mi rtag pa/ 'gyur zhing 'pho ba/ stong zhing bdag med pa/ sgyu ma dang 'dra ba/ sprul pa lta bu/ glog dang / rlung dang / dri za'i grong khyer lta bu/ chu'i dbu ba dang / smig rgyu
281b6 dang / brag ca dang / bar snang gi bya'i rjes lta bur rtogs so/ /'jig rten na srid pa ri dang / tshal dang / gtsang po dang / 'bab chu dang / mtshe'u dang / lteng ka dang / rgya mtsho la sogs
281b7 pa chu thams cad kyang me'i bskal pa chen po byung ba'i tshe thams cad tshig cing zad par 'gyur yang bsam gtan bzhi dang / gzugs med pa'i ting nge 'dzin bzhi ma gtogs ta/
282a1 chos thams cad stong pa nyid du shes na bsam gtan gyi mthu ni/ shin tu bsam gyis mi khyab par rig par bya'o/ /sems ting nge 'dzin la gnas na/ phyogs
282a2 bcu'i stong gsum gyi stong chen po'i 'jig rten gyi khams kyi nyi ma dang / zla ba dang / skar ma dang / 'bab chu dang / gtsang po dang / rgya mtsho dang / ri dang / tshal dang / klu dang / lung pa
282a3 dang / skyu ru ra'i 'bras bu lag mthil du bzhag pa bzhin du mthong bar 'gyur ro/ /bsam gtan gyi ting nge 'dzin la gnas na/ rdzu 'phrul gyis phyogs bcu'i 'jig rten gyi khams
282a4 gang+gA'i klung gi bye ma snyed du'ang phyin cing phyogs bcu'i 'jig rten gyi khams kyi rlung dang / me dang / sa dang / chu dang / nyi ma dang / zla ba dang / skar ma dang / gza' dang / ri dang / tshal
282a5 dang / chu dang / shing dang / lha'i pho brang dang / klu'i pho brang yang rdzu 'phrul gyis sprul nus te/ de bas na bsam gtan gyi mthu ni/ shin tu bsam gyis mi khyab par rig par bya/
282a6 bsam gtan gyi ting nge 'dzin gyi shugs kyis stong gsum gyi stong chen po'i phyogs bcu'i 'jig rten gyi khams kyang sprul nus so/ /dga' bo/ /maud+gal gyi bu chen po ting nge
282a7 'dzin du zhugs nas ting nge 'dzin gyis rnam pa sna tshogs su sprul cing ting nge 'dzin gyis sa chen po 'di'ang mgal me bskor ba bzhin du bskyod nus te/ mang du thos pas ni/
282b1 de ltar mi nus par rig par bya'o/ /bcom ldan 'das kyis dga' bo la khyod sa chen po sgul cig cas bka' stsal pa dang / dga' bos gsol pa/ bdag la bsam gtan gyi ting nge 'dzin
282b2 ma mchis pas sgul rngo mi thogs so/ /bcom ldan 'das kyis dga' bo la bka' stsal pa/ bsam gtan gyi ting nge 'dzin sgom pa dge sbyong gi 'bras bu bzhi ma thob kyang mang du thos
282b3 pa las khri phrag brgya stong gis 'phags so/ /de'i tshe de'i dus na 'od ma'i tshal na gnas pa'i dge slong lnga brgya tsam zhig thams cad mang du thos bar rlom pa las/ bcom ldan 'das kyis
282b4 dga' bo la bka' stsal pa/ maud+gal gyi bu chen po'i rdzu 'phrul dang / ting nge 'dzin mchog go /zhes gsungs pa thos nas sangs rgyas gang na ba der lhags nas bcom ldan 'das kyi
282b5 zhabs la mgo bos phyag 'tshal nas sangs rgyas la 'di skad ces gsol to/ /bcom ldan 'das kyis bdag cag mang du thos pa bslab ste mdo sde bcu gnyis kyang khod du chud pas
282b6 rgyal khams chen po bcu drug snyed kyang bdag cag la sangs rgyas dang 'dra bar gus shing bkur sti bgyi na/ ci'i slad du bcom ldan 'das kyis mang du thos pa ni/ nam yang bla
282b7 na med pa'i byang chub thob par mi 'gyur ro/ /zhes gsungs zhes gsol pa dang / bcom ldan 'das la dge slong lnga brgya po mthun par dus gcig tu bdag cag ni/ mang du
283a1 thos pa spang zhing bsam gtan gyi ting nge 'dzin la slob bo zhes gsol to/ /bcom ldan 'das kyis dge slong rnams la bka' stsal pa/ dge slong /khyed mang
283a2 du thos pa spangs te bsam gtan gyi ting nge 'dzin la 'jug go/ zhes ma smra zhig/ ngas bltas na/ khyed kyi shes rab ni/ sbrang bu'i 'dab mas nyi zla sgrib par 'dod pa dang /
283a3 dmus long gis ri rab lhun po la 'dzeg par 'dod pa dang / gru gzings med par rgya mtsho la rgal bar 'dod pa dang / bya 'dab ma chag pa nam mkha' la 'phur 'dod pa
283a4 bzhin khyed kyang de dang 'dra'o/ /zhes bka' stsal pa dang / dge slong rnams shi ba tsam du 'jigs shing skrag pa'i sems skyes so/ /de nas bcom ldan 'das kyis dge slong
283a5 rnams la bka' stsal pa/ dge slong khyod ma 'jigs ma skrag par sems ting nge 'dzin la zhog cig /dge slong rnams kyis gsol pa/ bdag cag la bsam gtan gyi
283a6 mthu'ang ma mchis na/ ting nge 'dzin du ga la 'gyur/ bcom ldan 'das kyis bka' stsal pa/ nga la sman dam pa yod de/ khyed ting nge 'dzin thob par bya'o/ /zhes bka' stsal
283a7 pa dang / dge slong rnams kyis bcom ldan 'das bstan du gsol/ bdag cag gis de bzhin du spyod par 'tshal lo/ /zhes gsol to/ /bcom ldan 'das kyis bka'
283b1 stsal pa| sman dam pa zhes bya ba ni/ 'di lta ste/ rtog pa dang / bsal ba dang / 'jug pa dang / spong ba'o/ /dge slong rnams kyis gsal pa/ rtog pa dang / bsal ba dang / 'jug pa
283b2 dang / spong ba ci lags bdag cag gis ma 'tshal na/ bcom ldan 'das kyis bstan du gsol/ de nas sangs rgyas kyis 'di skad ces bka' stsal to/ /dang po'i sems ni/ rtog pa
283b3 zhes bya| sems gnyis byung ba ni/ bsal ba zhes bya/ sems gsum byung ba ni/ 'jug pa zhes bya/ sems bzhi byung ba ni/ spong ba zhes bya'o/ /gzhan yang 'di lta ste/ bsam
283b4 gtan dang po la rtog pa zhes bya/ bsam gtan gnyis pa la bsal ba zhes bya/ bsam gtan gsum pa la 'jug pa zhes bya/ bsam gtan bzhi pa la spong ba zhes bya'o/ /gzhan
283b5 yang 'di lta ste/ bsam gtan zhes bya ba ni/ lus dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa dang / tshor ba dran pa nye bar
283b6 gzhag pa yin te/ de bzhin du mngon par shes pa bzhi dang / chos thams cad ni/ 'di ltar yang dag par spong ba bzhi dang / rdzu 'phrul gyi rkang pa bzhi dang / bden pa bzhi
283b7 dang / ting nge 'dzin bzhi dang / mtshan ma med pa bzhi dang / byang chub bzhi yin na/ dge slong khyed bsam gtan dang po'ang gsal bar ma rtogs na/ bsam gtan bzhi dang /
284a1 chos thams cad lta ci smos/ dge slong dag thabs sna tshogs kyis bsam gtan gyi ting nge 'dzin la 'jug par bya'o/ /gal te mi gtsang ba la rtog na/ lus
284a2 kyi chen po bzhi bags pa dang / rus pa dang / tshigs pa dang / rang khrag zags pa dang / snod pu ga dgu yod pa'i nang du chu blugs na zag pa bzhin du mi gtsang ba'i dngos po
284a3 bshad gci che chung dang / btsog pha shin tu skyor rung ba zag pa mthong ngo / /ting nge 'dzin de las kyang dngos po rnam pa sna tshogs mthong ba ni/ 'di ltar g.yo ba dang / gnas pa
284a4 dang / rnam par sdos pa dang / rnam par ser ba dang / rnam par dkar ba dang / rnam par nag pa tha dad pa sna tshogs mthong bas sems ma 'khrul bar gyur na/ dngos po de dag
284a5 mthong ba'i tshe phyir bzlog par bya'o/ /rus pa dkar po dang / dbugs phyi nang du rgyu ba bgrang ba'i rtog pa'ang de dang 'dra'o/ /gal te tshul khrims kyi rtsa ba bzhi nyams pa dang /
284a6 dge slong mas rtsa ba brgyad nyams pa dang / dge ba snyen mas khrims kyi rtsa ba lnga nyams pa dang / dge tshul gyis khrims bcu nyams pa dang / dge slong mas lci ba drug nyams
284a7 ba dang / sangs rgyas dang chos dang dge 'dun gyi spyi'i dkor brkus pa dang / mkhan po dang / slob dpon dang / bla ma dang / pha ma dang / dge 'dun gyi dkor brkus pa dang /
284b1 phyogs su rgyas pa'i mdo sde la skur ba'i gang zag de lta bu ni/ bsam gtan gyi ting nge 'dzin la 'jug pa'i tshe bdag gi lus dang / ngag rlung nag po lta bu dang / khrag ni/ me rab tu
284b2 'bar ba 'dra ba dang / rus pa ni/ ri dang brag lta bu dang / rtswa ni/ shing lta bu dang / nang grol lnga ni/ sprul lam rtsangs pa lta bur mthong ba dang / lag na me chen po thogs te rlung chen
284b3 po la rgyug pa dang / mgo la ri chen po khyer zhing langs kyang rdab 'chos pa dang / kha nas seng+ge 'byung ba dang / mig nas 'bar ba mo 'byung ba dang / sna nas sbrul chen po 'byung ba
284b4 dang / rna ba nas 'phar spyad 'byung ba dang / bshang gci che chung chu lta bur 'bab cing rgya mtsho lta bur mthong ba dang / gal te phyogs bcu'i sangs rgyas thams cad cho 'phrul rnam pa
284b5 mang po ston pa mthong na/ mtshan ma de lta bu mthong ba'i tshe bsam gtan las langs te tshal lam ri dgon bar song ste phyogs su rgyas pa'i mdo sde 'don cing 'gyod tshangs bya'o/ /
284b6 de ltar sngon gyi kha na ma tho ba'i sdig 'gyod tshangs bya ba'ang zhag bdun nam/ bdun gnyis sam/ bdun gsum mam/ bdun lnga'am/ bdun drug gam/ bdun
284b7 bdun gyi bar du mthol tshangs bya'o/ /de ltar sdig sbyangs nas bsam gtan bsgom par bya ste/ de la sdig chung ba ni/ bags kyis bdag gi lus bai DUR+ya'i ri lta bur mthong bar
285a1 'gyur ro/ /gang rtsa ba bzhi ma nyams pa nas rang bzhin gyi khrims lci ba lnga'i bar du ma nyams pa ni/ ting nge 'dzin du 'jug pa'i tshe phyogs bcu'i sangs rgyas
285a2 dus gcig tu chos ston pa dang / de yang na bden pa bzhi'am/ yang dag pa'i spong ba bzhi'am/ rdzu 'phrul gyi rkang pa bzhi'am/ sdug bsngal ba'am/ bzod pa'am/ spyi bo
285a3 dang / 'jig rten mchog gi chos ston pa dang / yang na byang chub kyi yan lag bdun dang / bsam gtan bzhi dang / skyes bu ya brgyad kyi chos dang / stong pa nyid bzhi dang / ting nge
285a4 'dzin gsum dang / rnam par thar pa brgyad ston par mthong ba dang / ting nge 'dzin las mun nag mthong ba dang / snang ba mthong na/ ting nge 'dzin de las langs te shin tu dga'
285a5 ba'i sems bskyed par bya'o/ /zhes bka' stsal pa dang / dge slong dag phyir gnas pa'i tshal du dong ste bsam gtan gyi ting nge 'dzin nyin zhag bdun bsgoms pas thams cad
285a6 kyis dgra bcom pa thob par gyur nas bcom ldan 'das gang na ba der lhags te sangs rgyas la 'di skad ces gsol to/ /bcom ldan 'das/ bdag cag ni/ sangs rgyas kyis
285a7 bstan pa bzhin 'khor ba las thar te bla na med pa'i 'bras bu thob bo/ /bcom ldan 'das kyis bka' stsal pa/ de ltar thob na cho 'phrul bstan pa'i dus la bab bo/ /zhes
285b1 bka' stsal pa dang / dge slong lnga brgya rnams steng gi bar snang la 'phags te nyal ba dang / 'dug pa dang / 'gro ba dang / sdod pa dang / lus la me dang / chu la sogs pa 'byung ba'i cho
285b2 'phrul rnam pa bco brgyad mngon par bstan te/ de'i tshe mang du thos pa'i dge slong rnams bsam gtan bsgoms pas maud+gal gyi bu chen po dang 'dra bar rdzu 'phrul tha mi dad par gyur to/ /
285b3 de nas dga' bos bcom ldan 'das la 'di skad ces gsol to/ /bcom ldan 'das/ dam pa'i chos 'di de bzhin gshegs pa mya ngan las 'das nas ji srid du gnas shing dus
285b4 ngan pa'i tshe sems can ji snyed cig chos 'di bsgoms pas/ dge sbyong gi 'bras bu bzhi thob par 'gyur/ bcom ldan 'das kyis dga' bo la bka' stsal pa/ da da phyin chad dpyid
285b5 zla 'bring po la rtswa mchog gi grong khyer du mya ngan las 'da'o/ /nga mya ngan las 'das nas lo brgyad cu'i bar du chos la spyod pa'i sems can mang du 'byung ste/ dur khrod dang shing drung
285b6 na gnas shing 'di yid la byed de/ rtog pa dang / bsal ba dang / 'jug pa dang / spong ba'i chos spyod pa stong phrag bcu la stong phrag dgus dge sbyong gi 'bras bu bzhi thob par 'gyur
285b7 ro| |lo sum brgya'i bar du ni/ sems can stong phrag brgya la stong phrag bcus dge sbyong gi 'bras bu bzhi 'thob par 'gyur ro/ /lo sum brgya phan chad/ lo lnga brgya tshun chad ni/
286a1 nga'i nye gnas rnams bags kyis mi dge ba'i chos spyod do/ /phrag dog gi sems kyis log pa'i 'tsho bas 'tsho bar 'gyur ro/ /stong phrag lnga brgya la stong phrag
286a2 bcus dge sbyong gi 'bras bu thob bo/ /lo lnga brgya phan chad/ brgyad brgya tshun chad nga'i nye gnas rnams khyim pa'i gos gyon nas ba lang dang / lug dang / byi la dang / bong bu
286a3 dang / rta gso zhing 'bru mang po gsog ste/ rang gi lag dar zhing rang za ba dang / bran pho dang / bran mo'ang gso bar 'gyur te/ de'i tshe stong phrag stong la stong phrag gcig gis
286a4 dge sbyong gi 'bras bu bzhi thob par 'gyur ro/ /lo brgyad brgya phan chad nas lo stong tshun chad ni/ nga'i nye gnas rnams sdig pa'i chos bslab ste/ rgyal po dang / rgyal bu dang /
286a5 blon po chen po dang / khyim bdag la grogs por bsten cing phan tshun tha na 'phrin gyis 'drul zhing / zhing rmo brko byed de/ 'bru gzan mang po dang / gser dang / dngul dang /
286a6 rin po che sna bdun gsog cing sha za zhing chang 'thung ste chen po bzhi gso zhing rtas par byed pa dang / smad tshong ma ltar gos spu gu gyon zhing 'drid pa dang / slu ba'i las byed
286a7 de| de la 'bum phrag khri la brgya tsam zhig gis dge sbyong gi 'bras bu bzhi thob bo/ /lo stong phan chad/ sum brgya tshun chad ni/ che thang du 'khrugs te/ nga'i nye gnas rnams
286b1 lus chos gos gyon yang shing gi kha la 'phan rnying btags pa 'dra ste/ gzi byin yang med/ khyim pas mthong na'ang bkur sti mi byed pas sha na pa dang 'dra bar 'gyur ro/ /de'i dus
286b2 na yul khams kyang 'khrugs te/ gcig la gcig dgra byed cing gsod pas rgyal po dang / blon po dang / pha ma dang / bu dang / bu mo'ang gcig la gcig dgra byed de/ byams
286b3 pa dang / snying brtse ba'i sems kyang med pas bza' ba dang / btung bas nyon mongs te/ khyim thab med pa dang / chung ma med pa dang / bu pho med pa dang / bu mo med pa dang / long
286b4 ba dang / 'on pa dang / lkugs pa dang / dbang po ma tshang ba dang / bran pho dang / bran mo las bros pa/ yul khams phung bar byed pa/ 'tsho bas rang mi sos pa dag nga'i chos la zhugs
286b5 nas khyim pa rnams kyis kyang rngon pa dang 'dra bar lta ste/ dper na/ lha'i glang dang / rta rgod dam/ bal glang myos pa ltar gdul dka' ba/ rang dgar yang 'gro ba/ slob dpon
286b6 dang / slob ma'ang mi rgod ma rungs pa dang 'dra ste/ 'dod chags la bag med par spyod cing / bla ma dang / 'og ma'i rim pa'ang med pa dang / bzang ngan gyi rim pa'ang med de/ dud
286b7 'gro phyugs dang 'dra ba/ kha na ma tho ba'i sdig pa mang po byed cing ngan song gsum gyis mi 'jigs par gar song bar gnas kyang chang tshong ba dang / shan pa dang / rngon pa dang /
287a1 smad tshong ma dang sten cing 'grogs pa/ kha nas kyang ngag sdig pa smra zhing sems la'ang sdig pa sems pa dang / yang na blon po dang sten cing dge ba'i mi dag la
287a2 thabs sna tshogs kyis bsdigs shing nor 'phrog ste bu smad gso'o/ /yang na rngon pa'i yo byad nya rgya la sogs pa 'chang zhing nya la sogs pa bcus nas rang gi lag bdar te
287a3 gsod pa dang / sreg pa dang / zla ba nya ba dang / shi ba'i tshe gso sbyong mi byed de rang nyams su gtong ba dang / tshul khrims kyi las byed pa rnams phan tshun rtsod cing / bla ma dang /
287a4 'og ma dang / grogs po la zhe sdang ba dang / gdug pa'i sems bskyed pa dang / slob dpon dang / slob ma'ang gcig la gcig skyon 'dru zhing 'phya ba dang / sgrog pa'i gtam
287a5 smra ste| dper na/ rtsangs pa mang po kun gcig tu 'dus pa dang 'dra ba dang / phan tshun dpung dang sde tshan gcig la gcig tshig ngan gyis sma 'bebs pa dang / bla 'og gi
287a6 rim pa'ang med pa dang / mi rgod ma rungs pa ltar dge ba byed pa las 'phrog rlom byed pa dang / khe dang grags pa la chags te chos mi shes par gyur pa de'i tshe mdo sde bcu
287a7 gnyis kyang nub par gyur te klog pa dang / 'don pa'ang med pa dang / de'i slob ma rnams kyang dgra chos dang / gtsug lag dang / yi ge dang / rtse ba dang / bzhon pa dang / bon
287b1 chos dang / mig mang dang / glu gar dang / 'du ba dang / sbyugs pa dang / 'phong rtsal dang / rta rgyug pa la sogs pa'i chos ma yin pa slob cing spyod de/ de ltar ma legs pa'i chos
287b2 spyod pas tshe 'phos ma thag tu ngan song du lhung ste/ bskal pa grangs med par ngan song gi sdug bsngal myong nas de las thar nas yang byol song du skye ste/ ltogs pa dang /
287b3 skom pa dang / sdug bsngal gyis nyen pa dang / khal lci ba 'gal zhing 'gro bar 'gyur ro/ /phyi zhig na sbyangs pa'i yon tan slob pa'ang chos ma yin pa mang du byed de/ ri dang /
287b4 tshal dang / dur khrod dang / shing drung na mi gnas shing rtag tu grong du rgyug ste/ sems la rtog pa mang zhing khe dang grags pa tshol te/ nor rdzas dang / longs spyod la chags
287b5 shing chog mi shes pa dang / chos ston pa'i bshad mkhan zhig yin na'ang sangs rgyas kyi chos ston pa'ang khri tsam la gcig tsam yang thog tu mi phebs te/ 'khor mang po dang
287b6 'grogs nas grong rgyu zhing khyim pa'i khyim du zhugs nas khyim pa la chos ston pa'ang khe dang grags pa'i phyir te/ longs spyod mang du gsog cing shan pa dang 'dra'o/ /sha dang
287b7 chang la mi spyod pa dag gis dge slong dag/ khyed ni/ btsun pa khyim nas khyim med par rab tu byung ba yin na/ snying rje'i sems kyang med de/ 'di ltar chos ma yin pa mang du
288a1 spyod pas khyed ni/ shan pa dang 'dra'o/ /zhes spyod zhing brgyad par 'gyur ro/ /dge slong de dag de skad gshe ba thos nas kun log ste/ de la rdeg pa dang /
288a2 gshe ba dang / brgyad bkag ste gcig la gcig 'di skad du smra'o/ /de bzhin gshegs pa bzhugs pa'i tshe na ni/ nged sha dang chang 'thung ba ma gnang ste/ da nged de bzhin
288a3 gshegs pa mya ngan las 'das nas da ni/ ci'ang gnang ba deng sha dang chang 'thung ba yin no/ /khyim pa dang bral ba'i 'og tu de dag gcig la gcig bdag cag gis shes
288a4 pa ni| sangs rgyas kyi zhal nas gsungs pa dang 'dra'o/ /zhes smra zhing / la la ni/ tshig kyal pa dang / don med pa'i tshig dang / 'gran dor gyi tshig dang / 'khrul pa'i tshig tu gtam
288a5 smra zhing dper na/ dmus long zhig mdzub mo gnyis nyi ma la btsugs te/ nyi ma ya gi ni/ byin chung ngo / /yangs so/ /dog go / zhes smra ba'am/ mi 'on pa zhig bdag gis gnam
288a6 gyi steng na chos 'chad pa'i sgra thos so/ /zhes zer ba dang 'dra bar dmus long mang po tshogs te 'jig rten na 'jam dpal dang / 'od srung chen po la sogs pa sprul te/ de'i nang
288a7 na bzhugs kyang kun gyis rdeg cing gshe ste/ de nas skrod cing 'dug tu mi ster ro/ /gzhan yang dper na/ seng+ge ni/ spos kyi ri la gnas te/ ri dwags dang / gcan gzan gang
288b1 yang gnas der nye mi bzod do/ /seng+ge ri de las byung ste song ba'i 'og tu ni/ gcan gzan gdug pa khro ba la sogs pa gcig gis gcig bos te spos kyi ri la lhags nas 'bras bu
288b2 zhim po za zhing chu mig la 'thung ngo / /de ltar za zhing 'thung ba las thams cad bskams shing med par gyur te/ spos kyi ri la gnas pa'i lha rnams kyang skyo ba par mi 'gyur bas rtswa
288b3 gdug pa skyes te zos ma thag tu tshe'i dus byas par 'gyur ro/ /nga mya ngan las 'das pa'i 'og tu dge slong thams cad kyis ngas bstan pa'i mdo sde bcu gnyis 'don cing klog pa'ang
288b4 gong ma ni/ bar du bcug/ bar ma ni/ 'og tu bcug/ 'og ma ni/ gong du bcug/ bar ma ni/ 'og dang / tha mar bcug ste/ don ma yin pa la don zhes zer/ don la ni/ don ma
288b5 yin zhes zer te/ ji ltar mu stegs can dag so so nas nga'i gzhung ni/ bden pa yin no/ /zhes zer ba dang 'dra'o/ /de'i dus na mdo sde bcu gnyis 'jig rten na spyod kyang gzi
288b6 brjid dang / mthu med do/ /la la zhig 'don tam klog kyang mi gcig 'ga' yang dge sbyong gi 'bras bu bzhi thob pa med do/ /de ltar nga'i slob ma rnams kyang rgyal po srid stor
288b7 pa'am/ bya 'dab ma med pa dang 'dra ste/ gtsug lag khang dang / mchod rten yang stongs shing zhig ral gso ba'ang med do/ /de ltar sku gzugs dang / ba dan dang / rin po che'i
289a1 gdugs yod pa'ang dgra cha zhig pa dang 'dra ste/ phug ron dang / bye'u dang / phag dang / khyi dang / lug la sogs pa'i tshang dang / gnas su 'gyur ro/ /dge
289a2 slong so so na 'dug pa'i gnas ni/ byi dor bzang du byed do/ /bcom ldan 'das kyis dga' bo la bka' stsal pa/ 'di'ang khyed la mdo tsam zhig bshad pa yin no/ /dga'
289a3 bos sangs rgyas kyis gsungs pa thos nas mchi ma blags te ngus so/ /de ltar dga' bos yid gdung zhing du ba ma btang ba las/ bcom ldan 'das kyis dga' bo la bka'
289a4 stsal pa| khyod de ltar ma du bar mdo sde 'di gzungs su bzung la 'jig rten du rgyas par spel cig/ de nas dga' bos gdong mchi ma phyis nas bcom ldan 'das la bdag
289a5 gis gzungs su gzung ngo / /zhes gsol to/ /brgya byin dang / lha dang / mi rnams kyis kyang dga' bo la 'di skad ces smras so/ /btsun pa/ bdag cag gis yongs su bzung ste/
289a6 gang zhig mdo sde 'di ri'am/ tshal lam/ shing drung ngam/ pas mtha' ma/ dur khrod na gnas te 'don tam/ klog na/ bdag cag gis lha dang mi'i 'khor dang / mi ma yin
289a7 ba dang bcas te gnas der 'gro zhing chung ngu na tshigs su bcad pa gcig gam/ tshig gcig tsam yang mi brjed mi nyams par gzung ngo / /zhes gsol to/ /mdo sde 'di
289b1 gsungs pa'i tshe dge slong stong snyed kyis dge sbyong gi 'bras bu bzhi thob par gyur to/ /dge slong ma stong lnga brgyas rgyun du zhugs pa'i 'bras bu thob par gyur to/ /dge bsnyen lnga brgya
289b2 yongs su dag par gyur te/ lha dang / mi dang / lha ma yin la sogs pas phyag byas nas phyir dong ngo / /'phags pa ting nge 'dzin mchog dam pa rdzogs so// //
CLOSE WINDOW