བོད་ཡིག |
106b4 / //rgya gar gyi mkhan po shAkya pra b+ha dang / zhu chen gyi lo tsA ba ban+d+he rat+na rak+Shi tas zhus te gtan la phab pa/ skad gsar bcad kyis kyang bcos lags / rgya gar skad du/ AR+ya sarba pu N+ye sa muts+tsha ya sa mA d+hi nA ma mahA yA na sU tra/ bod skad du/'phags pa bsod nams thams cad bsdus pa'i ting nge 'dzin ces bya ba theg pa chen po
106b5 mdo| bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yangs pa na a
106b6 mras bsrungs pa'i tshal chen po'i khang pa brtsegs pa'i gnas na dge slong khri'i dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/
107a1 dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po/ bya ba byas pa/ byed pa
107a2 byas pa| khur bor ba/ rang gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems thams cad kyi
107a3 dbang gi dam pa'i pha rol tu son pa sha stag dang / byang chub sems dpa' nyi khri thams cad kyang phyir mi ldog pa/ gzungs thob pa/ spobs pa thogs pa med pa/ mngon par shes
107a4 pa thob pa/ ting nge 'dzin sgrub pa la mkhas pa/ dran pa dang / blo gros dang / rtogs pa dang / brtan pa dang / shes rab dang / thabs la mkhas pa'i dam pa'i pha rol tu son pa sha
107a5 stag la 'di lta ste/ byang chub sems dpa' sems dpa' chen po spyod pa'i blo gros dang / byang chub sems dpa' sems dpa' chen po seng+ge'i blo gros dang / byang chub sems
107a6 dpa' sems dpa' chen po blo gros bla ma dang / byang chub sems dpa' sems dpa' chen po khyad par blo gros dang / byang chub sems dpa' sems dpa' chen po 'phel ba'i
107a7 blo gros dang / byang chub sems dpa' sems dpa' chen po blo gros mtha' yas dang / byang chub sems dpa' sems dpa' chen po chos kyi blo gros dang / byang chub sems
107b1 dpa' sems dpa' chen po byams pa dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems dpa' chen po sred med kyi bu dang /
107b2 de dag la sogs pa byang chub sems dpa' nyi khri dang / lha'i bu bzhi khri thams cad kyang theg pa chen po la yang dag par zhugs pa sha stag dang / brgya byin dang / tshangs pa dang / 'jig rten skyong ba
107b3 mang po dang thabs cig tu bzhugs te/ de nas bcom ldan 'das 'khor 'bum phrag du mas yongs su bskor cing mdun gyis bltas te chos ston to/ /de'i tshe bcom ldan 'das kyi bstan pa shin
107b4 tu snying por gyur te mu stegs byed kyi tshogs thams cad zil gyis mnan to/ /de nas byang chub sems dpa' sems dpa' chen po sred med kyi bu stan las langs te bla gos phrag pa gcig tu gzar
107b5 nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ bcom
107b6 ldan 'das kyi bstan pa 'di shin tu snying por gyur te mu stegs can ngan pa spyod pa can dang / kun tu rgyu grangs ma mchis pa dang / gcer pu pa la sogs pa thams cad zil gyis mnan te mdzes
107b7 par gyur lags so/ /bcom ldan 'das/ de'i slad du byang chub sems dpa' sems dpa' chen po rnams legs par yongs su gzud du gsol/ byang chub sems dpa' sems dpa' chen po
108a1 rnams la phan gdags su gsol/ byang chub sems dpa' sems dpa' chen po rnams yongs su bskyang du gsol/ byang chub sems dpa' sems dpa' chen
108a2 po rnams kyi dge ba'i rtsa ba bskyed par gsol/ byang chub sems dpa' sems dpa' chen po rnams gzengs bstod pa dang / yang dag par dga' bar mdzad pa dang / yang dag par
108a3 bstan par gsol/ byang chub sems dpa' sems dpa' chen po rnams kyi sangs rgyas kyi gdung rgyun mi 'chad pa'i chos kyi tshul yongs su gzung du gsol/ sems can thams
108a4 cad yongs su mi gtong bar gsol/ ji lta bu'i tshul gyi chos kyi phan gdags pas mya ngan las 'das par mchi ba'i lam bstan par gsol/ de bzhin gshegs pa yongs su mya
108a5 ngan las 'das pa na'ang byang chub sems dpa' sems dpa' chen po rnams bla na med pa yang dag par rdzogs pa'i byang chub las nyams par mi 'gyur ba dang / yongs su nyams par
108a6 mi 'gyur ba dang / sangs rgyas mthong ba dang / chos nyan pa dang / dge 'dun la bsnyen bkur bgyid pa dang mi 'bral ba dang / bskyud ngas ba ma mchis pa'i chos can gyi slad du dran
108a7 pa dang ldan par 'gyur pa dang / chos kyi dgongs pa rtogs par 'gyur ba'i slad du blo gros dang ldan par 'gyur ba dang / don rtogs pa rjes su 'thob pa'i slad du rtogs pa dang ldan par
108b1 'gyur ba dang / rang gi sems yongs su dag pa'i slad du ngo tsha dang ldan par 'gyur ba dang / sdig pa'i las thams cad spang ba'i slad du khrel yod pa phun sum tshogs par 'gyur ba dang / cho
108b2 ga dang spyod pa phun sum tshogs pa'i slad du brtan pa dang ldan par 'gyur ba dang / nyon mongs pa thams cad bsal ba'i slad du dpa' bar 'gyur ba dang / 'khor thams cad kyi nang du
108b3 bag tsha ba dang bral ba'i slad du sran thub par 'gyur bar mdzad du gsol/ bcom ldan 'das/ ji ltar na/ byang chub sems dpa' sems dpa' chen po rnams bsod nams yongs
108b4 su mi nyams pa dang / chos yongs su mi nyams pa dang / shes rab yongs su mi nyams pa dang / ye shes yongs su mi nyams par 'gyur ba lags/ ji ltar na/ lhag pa'i
108b5 bsam pa brtan pas byang chub kyi sems yongs su mi nyams pa dang / mya ngan las 'das pa'i mthar thug gi bar du sems can thams cad la mdza' ba brtan pa dang / ji skad
108b6 smras pa de bzhin du bgyid pa dang / sangs rgyas kyi chos yongs su rdzogs par bgyi ba'i slad du gnas pas sems can rnams la mi slu ba dang / gtong ba thams cad rjes su 'jug pas
108b7 ma bstan pa'i sbyin pa dang ldan pa dang / sdom pa gsum yongs su dag pa la gnas pas ma bstan pa'i tshul khrims dang ldan pa dang / gnod sems med pa'i yid kyis sems can thams
109a1 cad la sems snyoms pas ma bstan pa'i bzod pa dang ldan pa dang / yongs su mi skyo ba'i yid kyis don thams cad yongs su bsgrub pas ma bstan pa'i
109a2 brtson 'grus dang ldan pa dang / dran pa dang / shes bzhin la mkhas te bsam gtan dang / ting nge 'dzin dang / snyoms par 'jug pa thams cad la mi gnas pas ma bstan pa'i
109a3 bsam gtan dang ldan pa dang / lta ba thams cad dang bral zhing sangs rgyas kyi chos thams cad la snang ba thob pas ma bstan pa'i shes rab dang ldan pa dang / sems can rnams
109a4 bsdu ba'i dngos po bzhis bsdu ba la shin tu brtson pas bsdu ba shin tu bsdus pa dang / lha dang mi'i skye ba thams cad la mi rtag par yid la bgyid pa la brtson pas re ba ma
109a5 mchis pa dang / thams cad mkhyen pa nyid kyi sems la legs par gnas shing nyan thos dang / rang sangs rgyas 'dod pa dang bral bas sgo'i them pa'i rten lta bu dang / chos kyi dbang
109a6 du bgyid kyi 'dod pa'i dbang du mi bgyid pa dang / chos kyi rgyal srid don du gnyer bar bgyid kyi/ lha dang mi'i rgyal srid don du mi gnyer ba dang / sangs rgyas kyis gnang ba'i tshig dang
109a7 ldan pa'i chos smra bar 'gyur ba dang / chos kyis 'tsho bar 'gyur gyi zang zing gis mi 'tsho ba dang / yongs su 'dzin pa thams cad la 'dod chags dang bral bar 'gyur ba dang /
109b1 sems can thams cad la zhe 'gras pa ma mchis pa'i sems dang ldan pas zhe sdang dang bral bar 'gyur ba dang / chos thams cad la gti mug gi mun pa dang bral bas gti mug dang bral
109b2 bar 'gyur ba dang / nye ba'i nyon mongs pa dang bral bas bdud thams cad las yang dag par 'da' bar 'gyur ba dang / sgo thams cad nas yongs su bsngo ba la mkhas pas thabs la
109b3 mkhas par 'gyur ba lags/ de skad ces gsol pa dang / bcom ldan 'das kyis byang chub sems dpa' sems dpa' chen po stong gsum gyi bdag po sred med kyi bu la 'di skad ces
109b4 bka' stsal to/ /sred med kyi bu/ khyod legs so/ /legs so/ /khyod kyis de bzhin gshegs pa la byang chub sems dpa' rnams kyi phyir don 'di 'dri bar sems pa ni/ sred med kyi bu/
109b5 khyod legs so/ /sred med kyi bu/ de'i phyir legs par rab tu nyon la yid la zungs shig dang / byang chub sems dpa' sems dpa' chen po rnams yon tan gyi khyad par 'di dag dang / gzhan dag kyang thob par
109b6 'gyur ba ngas bshad do/ /bcom ldan 'das/ legs so/ /zhes gsol to/ byang chub sems dpa' sems dpa' chen po sred med kyi bu bcom ldan 'das kyi ltar nyan pa dang / bcom
109b7 ldan 'das kyis de la 'di skad ces bka' stsal to/ /sred med kyi bu/ byang chub sems dpa' sems dpa' chen po rnams kyi ting nge 'dzin bsod nams thams cad bsdus pa zhes bya ba
110a1 yod de| de la brten na/ byang chub sems dpa' sems dpa' chen po rnams bsod nams yongs su nyams par mi 'gyur/ chos yongs su nyams par
110a2 mi 'gyur/ shes rab yongs su nyams par mi 'gyur/ ye shes yongs su nyams par mi 'gyur/ sangs rgyas mthong ba dang / chos nyan pa dang / dge 'dun la bsnyen
110a3 bkur byed pa dang 'bral bar mi 'gyur/ bsdu ba'i dngos po bzhi la brtson pa dang / sems can thams cad yongs su mi gtong bar gnas pa nas sgo thams cad nas yongs su
110a4 bsngo ba la mkhas pas thabs mkhas par 'gyur ba'i bar de dag dang / yon tan gyi khyad par gzhan dag dang yang ldan par 'gyur ro/ /de nas bcom ldan 'das kyis bsod
110a5 nams thams cad bsdus pa'i ting nge 'dzin 'di'i ming tsam bka' stsal nas cang mi gsung bar gyur to/ /de nas de'i tshe dri ma med pa'i gzi brjid ces bya ba tshan po che chen po stobs
110a6 chen po dang ldan pa zhig yangs pa'i grong khyer chen po na gnas so/ /de nas de 'di snyam du sems te/ bdag ni/ tshan po che chen po stobs po che'i shugs dang ldan pa ste/ dzam+bu'i
110a7 gling 'di'i sems can la 'di lta ste/ stobs sam spro ba bdag dang mnyam pa'ang med na/ lhag pa lta ga la yod snyam mo/ /des dge sbyong gau ta ma stobs po che'i shugs dang
110b1 ldan te| stobs bcu'i stobs dang ldan zhing sred med kyi bu'i lus thob bo/ /zhes grag go snyam mo/ /de'ang 'di snyam du sems te/ bdag dge sbyong gau ta ma'i thad du song la bcom ldan
110b2 'das de ci 'dra ba dang / bdag ci 'dra ba sad par bya gor ma chag snyam mo/ /de nas tshan po che chen po dri ma med pa'i gzi brjid yangs pa'i grong khyer chen po nas byung nas a mras bsrungs
110b3 pa'i tshal chen po'i khang pa brtsegs pa'i gnas ga la ba der song ste phyin nas de bzhin gshegs pa dgra bcom pa yang dag par rdzogs pa'i sangs rgyas 'khor 'bum phrag du
110b4 mas yongs su bskor cing mdun gyis bltas te sangs rgyas kyi mthu chen pos chos ston cing / ri'i rgyal po ri rab rgya mtsho'i nang nas mngon par 'phags pa dang 'dra la kun nas mdzes
110b5 shing blta bas chog mi shes pa mthong ngo / /de nas bcom ldan 'das mthong ma thag tu dga' ba dang / dang ba dang / mchog tu dga' ba chen po thob bo/ /de dga' ba dang / dang ba dang /
110b6 mchog tu dga' ba chen po thob nas bcom ldan 'das kyi zhabs la gtugs te bcom ldan 'das la bskor ba byas nas phyogs gcig tu 'dug ste bcom ldan 'das 'ba' zhig la
110b7 phyag 'tshal zhing mgo bor thal mo sbyar nas bcom ldan 'das la rtog cing 'dug go /de nas bcom ldan 'das kyis tshan po che chen po dri ma med pa'i gzi brjid kyi lhag pa'i bsam
111a1 pa thugs su chud nas nga rgyal dang / /rgyags pa dang / dregs pa gdul ba'i phyir gnas brtan maud+gal gyi bu chen po la bka' stsal pa/ maud+gal gyi bu/ khyod song
111a2 la nga byang chub sems dpar gyur pa na shAkya'i bu mo sa 'tsho ma'i phyir mda' 'phangs pa gang yin pa de 'dir longs shig /de skad ces bka' stsal pa dang / bcom ldan
111a3 'das la tshe dang ldan pa maud+gal gyi bus 'di skad ces gsol to/ /bcom ldan 'das/ gnam mda' de ga la mchis pa bdag gis ma mthong lags so/ /de nas bcom ldan 'das
111a4 kyis de'i tshe phyag g.yas pa nas snang bar byed pa zhes bya ba'i 'od zer zhig btang ste/ 'od zer des stong gsum gyi stong chen po'i 'jig rten gyi khams 'di snang bar byas so/ /de nas
111a5 sangs rgyas kyi zhing 'di'i khor yug chen po gang yin pa de na mda' de 'dug pa snang bar gyur to/ /de nas bcom ldan 'das kyis tshe dang ldan pa maud+gal gyi bu chen po la bka' stsal pa/
111a6 maud+gal gyi bu/ 'jig rten gyi khams 'di'i khor yug chen po na mda' 'dug pa de khyod kyis mthong ngam/ gsol pa/ bcom ldan 'das/ mthong lags so/ /bcom ldan 'das
111a7 kyis bka' stsal pa/ maud+gal gyi bu/ khyod song la mda' de longs shig /bcom ldan 'das/ legs so/ /zhes gsol nas tshe dang ldan pa maud+gal gyi bu chen pos bcom ldan 'das
111b1 kyi ltar mnyan te 'khor thams cad kyi nang nas mi snang bar gyur nas dper na/ skyes bu stobs dang ldan pa'i lag pa bskum pa las brkyang ba'am/ brkyang pa las bskum pa bzhin du skad
111b2 cig thad gcig yud tsam de la 'jig rten gyi khams kyi khor yug chen po de nas mda' de blangs te bcom ldan 'das la phul nas bcom ldan 'das la 'di skad ces gsol to/ /bcom
111b3 ldan 'das/ ci gnam mda' 'di byang chub sems dpa' bab yum las byung ba'i stobs kyis 'phangs pa lags sam/ gal te rdzu 'phrul gyi stobs kyis 'phangs pa lags/ bka' stsal
111b4 pa/ maud+gal gyi bu/ yab yum las byung ba'i stobs kyis mda' 'phangs pa yin gyi/ rdzu 'phrul gyi stobs kyis 'phangs pa ni/ ma yin no/ /maud+gal gyi bu/ gal te rdzu 'phrul gyi stobs kyis
111b5 'phangs su zin na/ 'jig rten gyi khams mtha' yas mu med par 'gro bar 'gyur ro/ /gsol pa/ bcom ldan 'das/ byang chub sems dpa' sems dpa' chen po'i yab yum las byung
111b6 ba'i stobs rang gi stobs bsod nams yongs su smin pa las skyes pa de ji lta bu zhig lags/ bcom ldan 'das kyis bka' stsal pa/ maud+gal gyi bu/ mi bcu'i stobs gang yin pa de ni/ glang
111b7 gcig gi stobs so/ /glang bcu'i stobs gang yin pa de ni/ glang sngon po gcig gi stobs so/ /glang sngon po bcu'i stobs gang yin pa de ni/ glang po che tha mal pa gcig gi stobs so/ /glang po che
112a1 tha mal pa bcu'i stobs gang yin pa de ni/ glang po che 'jigs su rung ba gcig gi stobs so/ /glang po che 'jigs su rung ba bcu'i stobs gang yin pa de ni/
112a2 glang po che glang po che mo 'dra ba gcig gi stobs so/ /glang po che glang po che mo 'dra ba bcu'i stobs gang yin pa de ni/ dgon pa'i glang po che gcig gi stobs so/ /dgen pa'i glang po che bcu'i
112a3 stobs gang yin pa de ni/ ri 'bigs byed kyi glang po che gcig gi stobs so/ /ri 'bigs byed kyi glang po che bcu'i stobs gang yin pa de ni/ glang po che mtshon cha'i sder mo can gcig gi
112a4 stobs so/ /glang po che mtshon cha'i sder mo can bcu'i stobs gang yin pa de ni/ glang po che gshol mda' 'dzin gcig gi stobs so/ /glang po che gshol mda' 'dzin bcu'i stobs gang
112a5 yin pa de ni/ glang po che stang zil mdog gcig gi stobs so/ /glang po che stang zil mdog bcu'i stobs gang yin pa de ni/ glang po che gel pa gcig gi stobs so/ /glang po che gel ba
112a6 bcu'i stobs gang yin pa de ni/ glang po che sngon po gcig gi stobs so/ /glang po che sngon po bcu'i stobs gang yin pa de ni/ glang po che ser po gcig gi stobs so/ /glang po che ser po bcu'i
112a7 stobs gang yin pa de ni/ glang po che dmar po gcig gi stobs so/ /glang po che dmar po bcu'i stobs gang yin pa de ni/ glang po che skya bo gcig gi stobs so/ /glang po che skya bo bcu'i
112b1 stobs gang yin pa de ni/ glang po che ku mu da gcig gi stobs so/ /glang po che ku mu da bcu'i stobs gang yin pa de ni/ glang po che pad+ma dkar po gcig gi stobs so/ /glang po che pad+ma dkar po bcu'i
112b2 stobs gang yin pa de ni/ glang po che pad+ma gcig gi stobs so/ /glang po che pad+ma bcu'i stobs gang yin pa de ni/ spos kyi glang po che gcig gi stobs so/ /spos kyi glang po che bcu'i stobs
112b3 gang yin pa de ni/ spos kyi glang po che chen po gcig gi stobs so/ /spos kyi glang po che chen po bcu'i stobs gang yin pa de ni/ seng+ge ral pa can thabs can gcig gi stobs so/ /seng+ge ral
112b4 pa can thabs can bcu'i stobs gang yin pa de ni/ tshan po che gcig gi stobs so/ /tshan po che bcu'i stobs gang yin pa de ni/ tshan po che chen po gcig gi stobs so/ /tshan po che chen po
112b5 bcu'i stobs gang yin pa de ni/ stobs mchog gcig gi stobs so/ /stobs mchog bcu'i stobs gang yin pa de ni/ stobs mchog chen po gcig gi stobs so/ /stobs mchog
112b6 chen po bcu'i stobs gang yin pa de ni/ rab gnon gcig gi stobs so/ /rab gnon bcu'i stobs gang yin pa de ni/ rab gnon chen po gcig gi stobs so/ /rab gnon chen po bcu'i
112b7 stobs gang yin pa de ni/ sa bla'i lha'i bu gcig gi stobs so/ /sa bla'i lha'i bu bcu'i stobs gang yin pa de ni/ gzhal med khang na gnas pa'i lha'i bu gcig gi stobs so/ /gzhal med
113a1 khang na gnas pa'i lha'i bu bcu'i stobs gang yin pa de ni/ lha'i bu gshol gda' 'dzin gcig gi stobs so/ /lha'i bu gshol gda' 'dzin bcu'i
113a2 stobs gang yin pa de ni/ lha'i bu lag na phreng thogs gcig gi stobs so/ /lha'i bu lag na phreng thogs bcu'i stobs gang yin pa de ni/ lha'i bu rtag tu myos gcig gi stobs
113a3 so| |lha'i bu rtag tu myos bcu'i stobs gang yin pa de ni/ rgyal chen bzhi'i ris kyi lha'i bu gcig gi stobs so/ /rgyal chen bzhi'i ris kyi lha'i bu thams cad kyi stobs gang
113a4 yin pa de ni/ lus ngan gcig gi stobs so/ /lus ngan bcu'i stobs gang yin pa de ni/ sum cu rtsa gsum pa'i lha'i bu gcig gi stobs so/ /sum cu rtsa gsum pa'i
113a5 lha'i bu thams cad kyi stobs gang yin pa de ni/ lha'i dbang po brgya byin gcig gi stobs so/ /lha'i dbang po brgya byin bcu'i stobs gang yin pa de ni/ 'thab bral gyi
113a6 lha'i bu gcig gi stobs so/ /'thab bral gyi lha'i bu thams cad kyi stobs gang yin pa de ni/ lha'i bu rab 'thab bral gcig gi stobs so/ /lha'i bu rab 'thab bral bcu'i
113a7 stobs gang yin pa de ni/ dga' ldan gyi lha'i bu gcig gi stobs so/ /dga' ldan gyi lha'i bu thams cad kyi stobs gang yin pa de ni/ lha'i rgyal po yongs su dga' ldan
113b1 gcig gi stobs so/ /lha'i rgyal po yongs su dga' ldan bcu'i stobs gang yin pa de ni/ 'phrul dga'i lha'i bu gcig gi stobs so/ /'phrul dga'i lha'i bu thams cad gyi
113b2 stobs gang yin pa de ni/ lha'i rgyal po rab 'phrul gcig gi stobs so/ /lha'i rgyal po rab 'phrul bcu'i stobs gang yin pa de ni/ gzhan 'phrul dbang byed kyi lha'i bu gcig
113b3 gi stobs so/ /gzhan 'phrul dbang byed kyi lha'i bu thams cad kyi stobs gang yin pa de ni/ lha'i rgyal po dbang byed gcig gi stobs so/ /lha'i rgyal po dbang byed bcu'i stobs
113b4 gang yin pa de ni/ bdud kyi ris kyi lha'i bu gcig gi stobs so/ /bdud kyi ris kyi lha'i bu thams cad kyi stobs gang yin pa de ni/ bdud sdig can gcig gi stobs so/ /bdud sdig
113b5 can bcu'i stobs gang yin pa de ni/ sred med kyi bu phyed pa gcig gi stobs so/ /sred med kyi bu phyed pa bcu'i stobs gang yin pa de ni/ sred med kyi bu gcig gi stobs so/ /sred
113b6 med kyi bu bcu'i stobs gang yin pa de ni/ sred med kyi bu chen po gcig gi stobs so/ /sred med kyi bu chen po bcu'i stobs gang yin pa de ni/ byang chub sems dpa' nges par
113b7 byung nas bskal pa brgya lon pa gcig gi stobs so/ /byang chub sems dpa' nges par byung nas bskal pa brgya lon pa bcu'i stobs gang yin pa de ni/ byang chub sems dpa' nges
114a1 par byung nas bskal pa stong lon pa gcig gi stobs so/ /byang chub sems dpa' nges par byung nas bskal pa stong lon pa bcu'i stobs gang yin pa de ni/
114a2 byang chub sems dpa' nges par byung nas bskal pa khri lon pa gcig gi stobs so/ /byang chub sems dpa' nges par byung nas bskal pa khri lon pa bcu'i stobs gang yin
114a3 pa de ni| byang chub sems dpa' nges par byung nas bskal pa 'bum lon pa gcig gi stobs so/ /byang chub sems dpa' nges par byung nas bskal pa 'bum lon pa
114a4 bcu'i stobs gang yin pa de ni/ byang chub sems dpa' nges par byung nas bskal pa sa ya lon pa gcig gi stobs so/ /byang chub sems dpa' nges par byung nas
114a5 bskal pas pa lon pa bcu'i stobs gang yin pa de ni/ byang chub sems dpa' nges par byung nas bskal pa bye ba lon pa gcig gi stobs so/ /byang chub sems dpa' nges
114a6 par byung nas bskal pa bya ba lon pa bcu'i stobs gang yin pa de ni/ byang chub sems dpa' nges par byung nas bskal pa bye ba phrag bcu lon pa gcig gi stobs so| /byang
114a7 chub sems dpa' nges par byung nas bskal pa bye ba phrag bcu lon pa bcu'i stobs gang yin pa de ni/ byang chub sems dpa' nges par byung nas bskal pa bye ba phrag brgya lon
114b1 pa gcig gi stobs so/ /byang chub sems dpa' nges par byung nas bskal pa bye ba phrag brgya lon pa bcu'i stobs gang yin pa de ni/ byang chub sems dpa' nges par byung nas bskal pa bye
114b2 ba phrag stong lon pa gcig gi stobs so/ /byang chub sems dpa' nges par byung nas bskal pa bye ba phrag stong lon pa bcu'i stobs gang yin pa de ni/ byang chub sems dpa' nges par byung
114b3 nas bskal pa bye ba phrag khri lon pa gcig gi stobs so/ /byang chub sems dpa' nges par byung nas bskal pa bye ba khrag khri lon pa bcu'i stobs gang yin pa de ni/ byang chub sems
114b4 dpa' nges par byung nas bskal pa bye ba phrag 'bum lon pa gcig gi stobs so/ /byang chub sems dpa' nges par byung nas bskal pa bye ba phrag 'bum lon pa bcu'i stobs gang yin
114b5 pa de ni/ byang chub sems dpa' nges par byung nas bskal pa bye ba phrag sa ya lon pa gcig gi stobs so/ /byang chub sems dpa' nges par byung nas bskal pa bye ba phrag sa ya lon pa
114b6 bcu'i stobs gang yin pa de ni/ byang chub sems dpa' mi skye ba'i chos la bzod pa thob pa gcig gi stobs so/ /byang chub sems dpa' mi skye ba'i chos la bzod pa thob pa bcu'i
114b7 stobs gang yin pa de ni/ byang chub sems dpa' sa bcu la gnas pa srid pa tham pa gcig gi stobs yin te/ maud+gal gyi bu/ stobs de dang ldan na/ byang chub sems dpa' sems dpa'
115a1 chen po btsas ma thag tu sa la gom pa bdun 'gro bar 'gyur ro/ /maud+gal gyi bu/ gal te 'jig rten gyi khams gzhan na bzhugs pa'i sangs rgyas bcom ldan
115a2 'das rnams kyis byang chub sems dpa' ga la 'dug pa'i 'jig rten gyi khams de rdo rje'i rang bzhin du byin gyis ma brlabs su zin na/ btsas ma thag tu gom pa bdun 'dor ba'i
115a3 che 'jig rten gyi khams de'i sa chen po thur du dpag tshad drug khri brgyad stong zhom par 'gyur te/ de'i 'og nas chu'i phung po las chu'i rgyun shing rta'i srog shing tsam sa gzhi chen
115a4 po brtol te 'byung bar 'gyur ba zhig na/ 'on kyang sangs rgyas kyi mthus sa chen po de'ang zhom pas mi 'gyur la/ sems can rnams la'ang gnod par mi 'gyur te/ byang
115a5 chub sems dpa' sems dpa' chen po srid pa tha ma pa btsas ma thag pa'i stobs dang / myur ba dang / shugs dang / mthu ni/ de 'dra'o/ /maud+gal gyi bu/ byang chub sems
115a6 dpa' srid pa tha ma pa btsas ma thag pa bcu'i stobs gang yin pa de ni/ byang chub sems dpa' lang tsho'i mchog la bab pa gcig gi stobs yin te/ stobs de dang ldan pa'i byang
115a7 chub sems dpa' sems dpa' chen po ni/ byang chub mngon par rdzogs par 'tshang rgya bar bya ba'i phyir byang chub kyi snying por 'gro'o/ /ji lta bu'i stobs dang ldan pas byang chub
115b1 sems dpa' sems dpa' chen po byang chub kyi snying por 'gro ba de bas 'bum gyur gyis lhag pa'i stobs kyis ni/ byang chub kyi snying po la 'jug go /de bas kyang ches grangs med/ dpag tu med
115b2 brjod du med/ bsam gyis mi khyab pa'i stobs dang ldan pas ni/ bla na med pa yang dag par rdzogs pa'i byang chub mngon par rdzogs par 'tshang rgya'o/ /maud+gal gyi bu/ gal te 'jig rten gyi
115b3 khams thams cad kyi sems can gang yin pa de dag thams cad byang chub mngon par rdzogs par 'tshang rgya bar 'dod de/ byang chub sems dpa'i stobs dang ldan par gyur na'ang de dag ni/ de
115b4 bzhin gshegs pa'i gnas dang gnas ma yin pa'i mkhyen pa'i stobs gcig gi 'bum gyi char yang mi phod pa nas dpe'i bar du'ang mi bzod de/ stobs de lta bu brnyes pas stobs bcu'i
115b5 stobs dang ldan pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /maud+gal gyi bu/ byang chub sems dpa'i stobs 'di ni/ sngon gyi dge ba'i rtsa ba
115b6 yongs su smin pas bsdus pa ste/ de las chung ba'ang med/ lhag pa'ang med do/ /de ni/ rdzu 'phrul yang ma yin/ cho 'phrul yang ma yin no/ /byang chub sems dpa' sems dpa' chen po
115b7 rnams kyi rdzu 'phrul gyi stobs ni/ stobs gang dang ldan na byang chub sems dpas rkang pa'i mthe bo'i spu'i khung bu gcig gis 'jig rten gyi khams gang+gA'i klung gi bye ma snyed bgrangs nas 'jig
116a1 rten gyi khams mtha' yas mu med pa dag tu 'phangs kyang sems can 'ga' tsam la'ang gnod par mi 'gyur te/ byang chub sems dpa' sems dpa' chen po
116a2 rnams kyi rdzu 'phrul dang / cho 'phrul gyi stobs ni/ de ltar dpag tu med/ bsam gyis mi khyab/ mtshungs pa med/ grangs med do/ /de bzhin gshegs pa ni/ mi mnyam pa dang mnyam
116a3 mo/ /maud+gal gyi bu/ gal te de bzhin gshegs pa'i stobs de bstan du zin na ni/ khyed kyis kyang yid ches par mi nus na/ sems can gzhan gyis lta ci smos/ maud+gal gyi bu/ gang gi tshe byang
116a4 chub sems dpa' byang chub kyi snying por 'gro ba de'i tshe khams bzhi pos dang / chu dang / me dang / klung gi khams 'di dag khams gcig pu 'di lta ste/ nam mkha'i khams su byin gyis
116a5 rlob ste| des nas chen po de zhom par mi 'gyur la/ sems can rnams la'ang gnod par mi 'gyur ro/ /de nas tshan po che chen po dri ma med pa'i gzi brjid kyis de bzhin gshegs pa
116a6 las byang chub sems dpa'i yab yum las byung ba'i stobs 'di thos nas dga' zhing spu zing zhes byed la ngo mtshar du gyur nas stan las langs te bla gos phrag pa gcig la gzar nas
116a7 pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/
116b1 bcom ldan 'das las byang chub sems dpa'i stobs thos nas bdag gi nga rgyal dang / dregs pa chag ste ma mchis par gyur lags so/ /bcom ldan 'das/
116b2 bdag sangs rgyas dang / chos dang / dge slong gi dge 'dun la skyabs su mchi'o/ /sems can thams cad la sman pa dang / bde ba'i slad du bla na med
116b3 pa yang dag par rdzogs pa'i byang chub tu'ang sems bskyed do/ /de bzhin gshegs pa dgra bcom pa yang dag par rdzogs pa'i sangs rgyas kyi stobs bcu ci 'dra ba
116b4 de lta bu'ang bdag gis thob par gyur cig /tshan po che chen po dri ma med pa'i gzi brjid las lha'i bu khris tshig 'di thos nas bla na med pa yang dag par rdzogs pa'i byang chub
116b5 tu sems bskyed de 'di skad du/ bcom ldan 'das/ bdag cag kyang da ltar de bzhin gshegs pa dgra bcom pa yang dag par rdzogs pa'i sangs rgyas ci 'dra ba de
116b6 lta bu'i stobs dang ldan par gyur cig/ ces smras so/ /de nas bcom ldan 'das la byang chub sems dpa' sred med kyi bus 'di skad ces gsol to/ /bcom ldan 'das/ bcom
116b7 ldan 'das kyis gang gi ming bka' stsal nas cang mi gsung bar gyur ba'i ting nge 'dzin bsod nams thams cad bsdus pa zhes bgyi ba de gang lags/ bcom ldan 'das
117a1 ci nas byang chub sems dpa' rnams kyis bsod nams thams cad bsdus pa'i ting nge 'dzin thob par 'gyur ba'i slad du bsod nams thams cad bsdus pa'i
117a2 ting nge 'dzin de bshad du gsol/ de nas bcom ldan 'das kyis stong gsum gyi bdag po byang chub sems dpa' sred med kyi bu la bka' stsal pa/ sred med kyi bu/ byang chub sems
117a3 dpa' sems dpa' chen po gang gis bla na med pa yang dag par rdzogs pa'i byang chub tu sems bskyed pa des bsod nams thams cad bsdus pa'i ting nge 'dzin 'di yongs su ma
117a4 bzung ba de ni/ gang yang med do/ /de ci'i phyir zhe na/ bsod nams bya ba'i dngos po thams cad ni/ byang chub kyi sems bskyed pa de'i khongs su 'dus shing rjes su zhugs pa'i
117a5 phyir ro| |sred med kyi bu/ dper na /chu mig thams cad dang / mtsho phran thams cad dang / mtshe'u thams cad dang / chu klung thams cad dang / chu bran thams cad dang / mtsho
117a6 thams cad dang / lteng ka thams cad ni/ rgya mtsho chen po'i khongs su 'dus shing rjes su zhugs pa de bzhin du sred med kyi bu/ bsod nams bya ba'i dngos po ci'ang rung ba sbyin
117a7 pa las byung ba rnams dang / tshul khrims las byung ba rnams dang / bsgoms pa las byung ba rnams dang / zag pa dang bcas pa rnams dang / zag pa med pa rnams dang / 'jig
117b1 rten pa rnams dang / 'jig rten las 'das pa rnams dang / lha rnams dang / mi rnams kyi bsod nams bya ba'i dngos po ji snyed pa'i bsod nams bya ba'i dngos po de dag thams cad
117b2 ni/ byang chub kyi sems kyi khongs su 'dus shing rjes su zhugs pa dag go/ sred med kyi bu/ de'i phyir bsod nams thams cad yongs su gzung bar 'dod pa'i rigs kyi bu'am rigs
117b3 kyi bu mos bla na med pa yang dag par rdzogs pa'i byang chub tu sems bskyed par bya'o/ /sred med kyi bu/ dper na/ rin po che'i ri chen po gang dag yin pa 'di lta ste/ lhun po dang /
117b4 lhun po chen po dang / btang bzung dang / btang bzung chen po dang / khor yug dang / khor yug chen po dang / gzhan yang ri nag po rnams dang / rtswa dang / shing gel pa dang / sman dang /
117b5 nags tshal thams cad dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang dang / dzam+bu'i gling dang / shar gyi lus 'phags dang / nub
117b6 kyi ba lang spyod dang / byang gi sgra mi snyan dang / gling bzhi pa'i 'jig rten gyi khams dang / stong gi 'jig rten gyi khams dang / stong gnyis kyi 'jig rten gyi khams dang / stong gsum
117b7 gyi 'jig rten gyi khams dang / 'dod pa'i khams dang / gzugs kyi khams dang / gzugs med pa'i khams dang / zla ba dang / nyi ma dang / gza' dang / rgyu skar ji snyed yod pa nas
118a1 gling chen po bzhi pa'i 'jig rten gyi khams bye ba phrag brgya'i bar 'di dag thams cad ni/ stong gsum gyi stong chen po'i 'jig rten gyi khams kyi khongs su
118a2 'dus shing rjes su zhugs par blta bar bya ba de bzhin du sred med kyi bu/ so so skye ba'i bsod nams rnams dang / slob pa'i bsod nams rnams dang / mi slob pa'i bsod nams
118a3 rnams dang / rang sangs rgyas kyi bsod nams rnams dang / byang chub sems dpa' bsod nams rnams ci'ang rung ba ji snyed pa de dag thams cad ni/ byang chub sems dpa' sems
118a4 dpa' chen po sems dang po bskyed pa'i khongs su 'dus shing rjes su zhugs te/ sred med kyi bu/ rnam grangs des kyang gang dag gis bla na med pa yang dag par rdzogs pa'i byang chub
118a5 tu sems bskyed pa'i sems can de dag gis bsod nams thams cad yongs su bzung ba de ltar rig bar bya'o/ /sred med kyi bu/ gling bzhi pa'i 'jig rten gyi khams kyi sems
118a6 can las theg pa chen po la yang dag par zhugs pa ma gtogs pa ji snyed pa de dag gi nang na 'khor los bsgyur ba ni/ bsod nams dang shes rab kyis mchog tu brjod do/ /
118a7 sred med kyi bu/ gling bzhi ba'i 'jig rten gyi khams na sems can ji snyed yod pa de dag thams cad 'khor los bsgyur ba'i bsod nams kyi phung po dang ldan par gyur te/ sems
118b1 can re re'ang 'khor los bsgyur ba'i rgyal po'i bsod nams ci 'dra ba de lta bu'i bsod nams dang ldan par gyur na/ sred med kyi bu/ 'di snyam du sems/ ci bsod nams kyi phung po de
118b2 mang ngam/ byang chub sems dpa' sred med kyi bus gsol pa/ bcom ldan 'das/ 'khor los bsgyur ba gcig gi bsod nams kyi phung po'ang mang lags na/ sems can grangs ma
118b3 mchis pa de dag gi lta smos kyang ci 'tshal/ bcom ldan 'das kyis bka' stsal pa/ sred med kyi bu/ gal te stong gsum gyi stong chen po'i 'jig rten gyi khams na sems can ji
118b4 snyed yod pa sems can du bsdu bar bsdus pa de dag re re nas 'khor los bsgyur ba'i bsod nams kyi phung po dang ldan pa'am/ stong gsum gyi stong chen po'i 'jig rten gyi khams
118b5 kyi sems can rnams 'khor los bsgyur ba'i bsod nams kyi phung po dang ldan pa lta zhog gi /sred med kyi bu/ gal te 'jig rten gyi khams gang+gA'i klung gi bye ma snyed kyi sems can
118b6 gang dag yin pa de dag thams cad 'khor los bsgyur ba'i bsod nams kyi phung po dang ldan par gyur na/ sred med kyi bu/ 'di ji snyam du sems /ci sems can de dag gi bsod
118b7 nams kyi phung po mang ngam/ byang chub sems dpa' sred med kyi bus gsol pa/ bcom ldan 'das/ sems can gcig 'khor los bsgyur ba dang mnyam par gyur pa'i bsod nams
119a1 kyi phung po'ang dpag tu ma mchis grangs ma mchis na/ sems can grangs ma mchis pa 'khor los bsgyur ba'i rgyal por gyur ba de dag gi bsod nams kyi
119a2 phung po lta smos kyang ci 'tshal/ bcom ldan 'das kyis bka' stsal pa/ sred med kyi bu/ khyod mos par bya/ khyod du chud par bya ste/ de bas na/ sems dang po bskyed pa'i byang
119a3 chub sems dpa'i bsod nams kyi phung po yongs su bzung ba ches mang la ches dpag tu med de/ 'khor los bsgyur ba'i bsod nams kyi phung pos ni/ bsod nams kyi phung po
119a4 de'i brgya'i char yang mi phod/ stong gi cha dang / 'bum gyi cha dang / bye ba phrag brgya'i cha dang / bye ba phrag stong gi cha dang / bye ba phrag 'bum gyi char yang mi phod/ grangs dang /
119a5 cha dang / bgrang ba dang / dpe dang / rgyur yang mi bzod de/ sred med kyi bu/ 'di ni/ bsod nams thams cad bsdus pa'i ting nge 'dzin la 'jug pa dang po'o/ /sred med kyi bu/
119a6 gzhan yang stong gi bdag po tshangs pa ni/ stong gi 'jig rten gyi khams byams pas khyab par byed do/ /sred med kyi bu/ 'di ji snyam du sems/ gal te mi la la zhig gis
119a7 stong gi 'jig rten gyi khams rin po che sna bdun gyis gang bar byas te sbyin pa byin na/ sbyin pa las byung ba'i bsod nams kyi phung po de dang / tshangs pa'i byams pa dang ldan pa'i
119b1 bsod nams kyi phung po de gnyis gang mang / byang chub sems dpa' sred med kyi bus gsol pa/ bcom ldan 'das/ tshangs pa'i bsod nams kyi phung po de nyid ches mang gi/ sbyin pa
119b2 las byung ba ni/ de lta ma lags so/ /sred med kyi bu/ stong gi bdag po tshangs pa'i bsod nams kyi phung po lta zhog gi/ sred med kyi bu/ 'di ji snyam du sems/ stong gnyis kyi bdag
119b3 po tshangs pas stong gnyis kyi 'jig rten gyi khams byams pas khyab par byed la/ sred med kyi bu/ gal te mi la la zhig gis stong gnyis kyi 'jig rten gyi khams rin po che sna bdun
119b4 gyis yongs su gang bar byas te sbyin pa byin na/ sred med kyi bu/ sbyin pa las byung ba dang / byams pa las byung ba'i bsod nams kyi phung po de gnyis gang mang / byang chub sems dpa'
119b5 sred med kyi bus gsol pa/ bcom ldan 'das/ stong gnyis kyi bdag po tshangs pa'i byams pa dang ldan pa'i bsod nams kyi phung po gang lags pa de nyid ches mang gi /sbyin pa las
119b6 byung ba ni/ de lta ma lags so/ /sred med kyi bu/ stong gnyis kyi bdag po tshangs pa'i bsod nams kyi phung po lta zhog gi /sred med kyi bu/ 'di ji snyam du sems/ stong gsum gyi bdag po
119b7 tshangs pas stong gsum gyi stong chen po'i 'jig rten gyi khams byams pas khyab par byed la/ sred med kyi bu/ mi la la zhig gis stong gsum gyi stong chen po'i 'jig rten gyi khams rin
120a1 po che sna bdun gyis gang bar byas te sbyin pa byin na/ sred med kye bu/ sbyin pa las byung ba dang / tshangs pa chen po'i byams pa dang ldan pa'i bsod nams kyi
120a2 phung po de gnyis gang mang / byang chub sems dpa' sred med kyi bus gsol pa/ bcom ldan 'das/ sbyin pa las byung ba'i bsod nams kyi phung po ni/ tshangs pa chen po'i byams pa
120a3 dang ldan pa'i bsod nams kyi phung po'i brgya'i char yang mi phod pa nas rgyu'i bar du'ang mi bzod lags so/ /bcom ldan 'das kyis bka' stsal pa/ sred med kyi bu/ stong gsum gyi
120a4 stong chen po'i 'jig rten gyi khams kyi tshangs pa chen po'i byams pa dang ldan pa'i bsod nams kyi phung po lta zhog gi /sred med kyi bu/ gal te stong gsum gyi stong chen po'i 'jig
120a5 rten gyi khams kyi sems can du bsdu bar bsdus pa ji snyed pa de dag thams cad tshangs pa chen po'i byams pa sgom pa dang ldan pa'i bsod nams kyi phung po dang ldan par gyur pa'i
120a6 sems can de dag thams cad kyi bsod nams kyi phung po de bas ni/ sems dang po bskyed pa'i byang chub sems dpa' lhag pa'i bsam pa la zhugs pa sems can thams cad
120a7 yongs su dgrol ba la brtson pa/ g.yo med cing sgyu med pa'i byams pa chen po dang / snying rje chen po bsgoms pa las byung ba'i bsod nams kyi phung po gang yin pa'i byang chub sems
120b1 dpa'i bsod nams kyi phung po 'di nyid de bas ches mang ste/ tshangs pa'i bsod nams kyi phung po de ni/ byang chub sems dpa' de'i bsod nams kyi phung po'i brgya'i char yang mi phod pa
120b2 nas rgyu'i bar du'ang mi bzod do/ /sred med kyi bu/ de ltar na/ sems dang po bskyed pa'i byang chub sems dpa' sems dpa' chen po rnams kyi bsod nams kyi phung bo ni/ dpag tu med
120b3 pa yin te/ sred med kyi bu/ rnam grangs 'dis kyang rigs kyi bu'am rigs kyi bu mo gang dag gis bla na med pa yang dag par rdzogs pa'i byang chub tu sems bskyed pa dang / bskyed
120b4 par 'gyur ba de dag gis bsod nams thams cad yongs su bsdus pa de ltar rig par bya ste/ sred med kyi bu/ 'di ni/ bsod nams thams cad bsdus pa'i ting nge 'dzin la 'jug
120b5 pa gnyis pa'o/ /sred med kyi bu/ 'di ji snyam du sems/ shar phyogs su 'jig rten gyi khams ji snyed cig yod/ lho dang / nub dang / byang dang / 'og dang / steng dang / phyogs bcur
120b6 'jig rten gyi khams ji snyed cig yod/ byang chub sems dpa' sred med kyi bus gsol pa/ bcom ldan 'das/ dpag tu ma mchis so/ /bde bar gshegs pa/ dpag tu ma
120b7 mchis so/ /phyogs bcu'i 'jig rten gyi khams de dag ni/ brjod pa'am/ brda sprad par rngo mi thogs lags so/ /bcom ldan 'das kyis bka' stsal pa/ sred med kyi bu/ gal
121a1 te dper blang ba bstan pas bskal pa 'bum gyi bar du bstan du zin kyang phyogs bcu na 'jig rten gyi khams ji snyed yod pa ni/ bstan par sla ba ma yin no/ /sred
121a2 med kyi bu/ 'on kyang don 'di nyid brda sprod pa dang / bsod nams thams cad bsdus pa'i ting nge 'dzin yongs su rdzogs par bya ba dang / sems can bsod nams 'dod pa rnams
121a3 phyir zhing 'bogs par bya ba dang / byang chub sems dpa'i thegs pa pa'i sems can rnams kyi brtson 'grus chen po yongs su rdzogs par bya ba'i phyir ngas khyod la dpes bstan to/ /
121a4 sred med kyi bu/ dper na/ mi la la thig gis stong gsum gyi stong chen po'i 'jig rten gyi khams 'di chu'i phung po yan chad srid pa'i rtse mo man chad yungs 'brus yongs su gang
121a5 bar byas la/ sred med kyi bu/ de las shar phyogs su yungs 'bru de dag ji snyed pa de snyed kyi 'jig rten gyi khams 'das nas yungs 'bru gcig por te/ de lta bu'i tshul gyis
121a6 yungs 'bru de dag thams cad yongs su zad par byas kyang shar phyogs kyi 'jig rten gyi khams rnams kyi mtha' rtogs par mi nus so/ /lho dang / nub dang / byang dang / 'og dang /
121a7 steng dang / phyogs bcu kun tu'ang de bzhin du sbyar ro/ /sred med kyi bu/ gal te 'jig rten gyi khams gang+gA'i klung gi bye ma snyed yungs 'brus yongs su gang bar gyur pa de las
121b1 mi la la zhig gis yungs 'bru re re 'ang yungs 'bru de dag ji snyed yod pa de snyed kyi char gses na/ sred med kyi bu/ 'di ji snyam du sems/ yungs 'bru'i cha gses pa de dag bgrang
121b2 ba'i tshul gyis mtha' rtogs par nus sam/ byang chub sems dpa' sred med kyi bus gsol pa/ bcom ldan 'das/ yungs 'bru gcig gi cha gses pa'i phyogs gang lags pa
121b3 de'ang gling bzhi pa'i sems can thams cad shA ri'i bu dang 'dra bar gyur pas kyang bskal par yang rtogs par rdo mi thogs lags na/ yungs 'bru'i cha gses pa thams cad lta smos
121b4 kyang ci 'tshal/ sred med kyi bu/ gal te mi la la zhig gis shar phyogs su yungs 'bru'i cha gses pa de dag ji snyed pa de snyed kyi 'jig rten gyi khams 'das nas yungs 'bru'i cha
121b5 gses pa re re bor te/ sred med kyi bu/ de lta bu'i tshul gyis yungs 'bru'i cha gses pa thams cad zad par byas kyang shar phyogs kyi 'jig rten gyi khams rnams kyi mtha' rtogs
121b6 par mi nus so/ /lho dang / nub dang / byang dang / 'og dang / steng dang / phyogs bcu kun tu'ang de bzhin du sbyar ro/ /sred med kyi bu/ de ltar phyogs bcu'i 'jig rten gyi khams nam
121b7 mkhas yongs su khyab pa ji snyed pa de dag thams cad mi la la zhig gis rin po che sna bdun gyis yongs su gang bar byas te sbyin pa byin na/ sred med kyi bu/ 'di ji snyam du sems/ mi
122a1 de gzhi de las bsod nams mang du skyed dam/ byang chub sems dpa' sred med kyi bus gsol pa/ bcom ldan 'das/ dpag tu ma mchis so/ /bde bar gshegs
122a2 pa| dpag tu ma mchis so/ /bcom ldan 'das kyis bka' stsal pa/ sred med kyi bu/ de lta bu'i sbyin pa las byung ba'i bsod nams kyi phung po bsdus pa gang yin pa de ni/ sems
122a3 dang po bskyed pa'i byang chub sems dpa' sems dpa' chen po'i lhag pa'i bsam pa phun sum tshogs pa g.yo med pa/ sgyu med pa/ sems can thams cad yongs su dgrol ba las
122a4 brtson pa'i snying rje chen po dang / byams pa chen po sgom pa dang ldan pa'i bsod nams kyi phung po bsdus pa'i brgya'i char yang mi phod pa nas rgyu'i bar du'ang mi bzod do/ /sred med
122a5 kyi bu| dper na/ gzugs kyi rnam pa nam mkha'i khams kyis ma khyab pa ci'ang med pa de bzhin du/ sred med kyi bu/ byang chub sems dpa' rnams kyi byang chub sems dpa'i byams
122a6 pa des ni/ phyogs bcu'i 'jig rten na 'jig rten gyi khams ji snyed yod pa dang / sangs rgyas kyi zhing ji snyed yod pa de dag ma khyab pa gang yang med de/ 'jig rten gyi khams de dag
122a7 na sems can 'khod pa de dag thams cad byang chub sems dpa'i byams pas yongs su khyab bo/ /'jig rten gyi khams de dag na sems can gang dag sems can du bsdu bar
122b1 bsdus pa de dag thams cad 'khor los bsgyur ba'i bsod nams kyi phung po dang ldan par gyur tam/ de bzhin dub rgya byin gyis bsod nams kyi phung po dang ldan par gyur tam/ de bzhin
122b2 du tshangs pa'i bsod nams kyi phung po dang ldan par gyur kyang byang chub sems dpa' lhag pa'i bsam pa la zhugs pa/ g.yo med pa/ sgyu med pa/ sems can yongs su dgrol pa la
122b3 brtson pa/ snying rje chen po la zhugs pa/ byams pa chen po la gnas pa'i gom pa bdun la bsod nams kyi phung po bsdus pa gang yin pa de ni/ de bas ches mang ste/ sems can
122b4 thams cad 'khor los bsgyur ba dang / brgya byin dang / tshangs pa'i bsod nams dang ldan par gyur pa'i bsod nams kyi phung po ni/ de lta ma yin no/ /sred med kyi bu/ 'di ni/ bsod
122b5 nams thams cad bsdus pa'i ting nge 'dzin la 'jug pa gsum pa'o/ /sred med kyi bu/ gzhan yang stong gsum gyi stong chen po'i 'jig rten gyi khams su gtogs pa'i sems
122b6 can ji snyed pa de dag thams cad 'khor los bsgyur ba dang mnyam pa'i bsod nams kyi phung po dang ldan par gyur kyang de dag thams cad brgya byin gyi bsod nams kyi phung po'i brgya'i char
122b7 yang mi phod pa nas rgyu'i bar du'ang mi bzod do/ /sred med kyi bu/ stong gsum gyi stong chen po'i 'jig rten gyi khams kyi sems can ji snyed pa de dag thams cad brgya byin dang mnyam
123a1 pa'i bsod nams kyi phung po dang ldan par gyur kyang de dag thams cad ni/ tshangs pa chen po'i bsod nams kyi phung po brgya'i char yang mi phod pa nas rgyu'i
123a2 bar du'ang mi bzod do/ /sred med kyi bu/ stong gsum gyi stong chen po'i 'jig rten gyi khams kyi sems can ji snyed pa de dag thams cad tshangs pa chen po dang mnyam pa'i bsod
123a3 nams kyi phung po dang ldan par gyur kyang de dag thams cad ni/ dge bsnyen nag po'i mchog gi bsod nams kyi phung po'i brgya'i char yang mi phod pa nas rgyu'i bar du'ang mi bzod
123a4 do| |sred med kyi bu/ stong gsum gyi stong chen po'i 'jig rten gyi khams kyi sems can ji snyed pa de dag thams cad dge bsnyen nag po'i mchog dang mnyam pa'i bsod nams kyi
123a5 phung po dang ldan par gyur kyang de dag thams cad ni/ shA ri'i bu'i shes rab dang / ye shes dang / bsod nams kyi phung po'i brgya'i char yang mi phod pa nas rgyu'i bar du'ang mi bzod
123a6 do| |sred med kyi bu/ stong gsum gyi stong chen po'i 'jig rten gyi khams kyi sems can ji snyed pa de dag thams cad shA ri'i bu dang mnyam pa'i shes rab dang / ye shes dang /
123a7 bsod nams kyi phung po dang ldan par gyur kyang de dag thams cad ni/ rang sangs rgyas gcig gi shes rab dang / ye shes dang / bsod nams kyi phung po'i brgya'i char yang mi phod
123b1 pa nas rgyu'i bar du'ang mi bzod do/ /sred med kyi bu/ stong gsum gyi stong chen po'i 'jig rten gyi khams kyi sems can ji snyed pa de dag thams cad rang sangs rgyas kyi shes rab dang /
123b2 ye shes dang / bsod nams kyi phung po dang ldan par gyur kyang de dag thams cad ni/ byang chub sems dpa' sems dpa' chen po nges par byung nas bskal pa lnga brgya lon pa'i shes
123b3 rab dang / ye shes dang / bsod nams kyi phung po'i brgya'i char yang mi phod pa nas rgyu'i bar du'ang mi bzod do/ /thams cad la'ang de bzhin du sbyar te/ sred med kyi bu/ 'di ni/ bsod
123b4 nams thams cad bsdus pa'i ting nge 'dzin la 'jug pa bzhi pa'o/ /bstan pa 'di bshad pa na/ mi sum khri nyis stong gis bla na med pa yang dag par rdzogs pa'i byang chub tu sems
123b5 bskyed do/ /stong gsum gyi stong chen po'i 'jig rten gyi khams 'di'ang rnam pa drug tu g.yos so/ /lha dang mi'i sil snyan dag kyang grag go /lha dang mi'i me tog gi sprin dag kyang bab
123b6 ste| me tog gi sprin de dag gis sa chen po 'di pus mo nub tsam du bkram mo/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /
123b7 lto 'phye chen po dang / brgya byin dang / tshangs pa dang / 'jig rten skyong ba de dag thams cad kyis kyang tshig 'di skad ces gsol to/ /bcom ldan 'das/ rigs kyi bu'am/ rigs kyi
124a1 bu mo bla na med pa yang dag par rdzogs pa'i byang chub tu sems bskyed pa dang / skyed pa dang / bskyed par 'gyur ba gang dag lags pa de dag gis ni/
124a2 bdag cag zil gyis gnon to/ /bcom ldan 'das/ bdag cag ni/ sems can de dag gi don bgyid pa lags so/ /bcom ldan 'das kyis gsungs pa'i don bdag cag
124a3 gis 'tshal ba ltar na/ sems can gang su dag bla na med pa yang dag par rdzogs pa'i byang chub la ma zhugs pa de dag ni/ bsod nams thams cad bsdus pa'i ting nge 'dzin
124a4 las mngon par byung ba'ang ma lags/ de dag thams cad ni/ bsod nams thams cad bsdus pa'i ting nge 'dzin 'di la yang dag par gzhol ba'ang ma lags kyi/ bcom ldan
124a5 'das| gang dag gis bla na med pa yang dag par rdzogs pa'i byang chub tu sems bskyed pa de dag thams cad ni/ bsod nams thams cad bsdus pa'i ting nge 'dzin las mngon
124a6 par byung ba'ang lags/ de dag thams cad ni/ bsod nams thams cad bsdus pa'i ting nge 'dzin de la yang dag par gzhol ba'ang lags so/ /le'u dang po'o// //bam po gnyis pa/ de nas bcom ldan 'das la tshan po che chen po dri ma med pa'i gzi brjid kyis 'di skad ces gsol to/ /bcom ldan 'das/ bsod nams thams cad bsdus
124b1 pa'i ting nge 'dzin 'di thob par bgyid pa'i chos rnams gang lags/ de skad ces gsol pa dang / bcom ldan 'das kyis tshan po che chen po dri ma med pa'i gzi brjid la 'di skad ces
124b2 bka' stsal to/ /rigs kyi bu/ bsod nams thams cad bsdus pa'i ting nge 'dzin 'di thob par byed pa'i chos gcig ste/ gcig gang zhe na/ 'di lta ste/ thams cad mkhyen pa nyid kyi
124b3 sems mi gtong ba ste/ rigs kyi bu/ chos gcig pu 'di ni/ bsod nams thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams
124b4 thams cad bsdus pa'i ting nge 'dzin 'di thob par byed pa'i chos gnyis te/ gnyis gang zhe na/ 'di lta ste/ mnyan pa'i chos yongs su tshol bas chog mi shes pa dang / ji ltar thos pa'i
124b5 chos la tshul bzhin du so sor rtog pa ste/ rigs kyi bu/ chos 'di gnyis ni/ bsod nams thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang
124b6 bsod nams thams cad bsdus pa'i ting nge 'dzin 'di thob par byed pa'i chos gsum ste/ gsum gang zhe na/ 'di lta ste/ sdig pa thams cad yongs su spong ba dang / dge ba'i chos
124b7 rnams mngon par 'du byed pa dang / yongs su bsngo ba la mkhas pa ste/ rigs kyi bu/ chos gsum po de dag ni/ bsod nams thams cad bsdus pa'i ting nge 'dzin 'di thob par byed
125a1 pa'o| |rigs kyi bu/ gzhan yang bsod nams thams cad bsdus pa'i ting nge 'dzin 'di thob par byed pa'i chos bzhi ste/ bzhi gang zhe na/ 'di lta ste/ tshul
125a2 khrims yongs su dag pa dang / lta ba yongs su dag pa dang / sems yongs su dag pa dang / shes rab yongs su dag pa ste/ rigs kyi bu/ chos bzhi po de dag ni/ bsod nams
125a3 thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams thams cad bsdus pa'i ting nge 'dzin 'di thob par byed pa'i chos lnga ste/ lnga gang
125a4 zhe na| 'di lta ste/ lhag pa'i bsam pas byang chub la zhugs pa dang / rtag tu bden pa'i tshig smra ba dang / g.yo med pa dang / phrag dog med pa dang / sems can thams cad la sems
125a5 snyoms pa ste/ rigs kyi bu/ lnga po de dag ni/ bsod nams thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams thams cad bsdus
125a6 pa'i ting nge 'dzin 'di thob par byed pa'i chos drug ste/ drug gang zhe na/ 'di lta ste/ dge ba'i bshes gnyen la bsten pa dang / sdig pa'i grogs po yongs su spong ba dang / tshogs
125a7 kyi kha mi 'dren pa dang / dben pa'i gnas na gnas pa dang / byams pa chen po mi gtong ba dang / sems can thams cad la snying rje chen po dang ldan pa ste/ rigs kyi bu/ chos
125b1 drug po de dag ni/ bsod nams thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams thams cad bsdus pa'i ting nge 'dzin 'di thob par
125b2 byed pa'i chos bdun te/ bdun gang zhe na/ 'di lta ste/ zhi gnas yongs su tshol ba dang / lhag mthong la mkhas pa dang / rgyu yongs su shes pa dang / rten cing 'brel par 'byung ba la
125b3 mkhas pa dang / yang dag par sgrub pa dang / lam gyi tshogs yongs su tshol ba dang / lam sgom pa la le lo med pa ste/ rigs kyi bu/ bdun po de dag ni/ bsod nams thams cad
125b4 bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams thams cad bsdus pa'i ting nge 'dzin 'di thob par byed pa'i chos brgyad de/ brgyad gang zhe na/
125b5 'di lta ste/ lus las su rung ba nyid dang / sems las su rung ba nyid dang / tshor ba la so sor rtog pa nyid dang / chos la rjes su lta ba nyid dang / sdig pa mi dge ba'i chos ma skyes
125b6 pa rnams mi bskyed pa dang / sdig pa mi dge ba'i chos skyes pa rnams spang ba dang / dge ba'i chos ma skyes pa rnams skyed pa dang / dge ba'i chos skyes pa rnams kun nas srung zhing
125b7 yongs su sbyong ba ste/ rigs kyi bu/ chos brgyad po de dag ni/ bsod nams thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams thams
126a1 cad bsdus pa'i ting nge 'dzin 'di thob par byed pa'i chos dgu ste/ dgu gang zhe na/ 'di lta ste/ 'das pa mi zad pa'i chos nyid dang / ma 'ongs pa mi zad pa'i
126a2 chos nyid dang / da ltar byung ba mi zad pa'i chos nyid du so sor rtog pa dang / sgyu ma'i chos la so sor rtog pa dang / dus gsum mnyam pa nyid du khong du chud pa dang / chos thams
126a3 cad la ji lta ba bzhin du chos kyi bzod pa dang ldan pa dang / stong pa nyid mi spong ba dang / mtshan ma med pa rnam par bsgoms pas smon pa dang bral ba dang / bsam bzhin du srid
126a4 par skye ba ste/ rigs kyi bu/ chos dgu po de dag ni/ bsod nams thams cad bsdus pa'i ting nge 'dzin 'di thob par byed pa'o/ /rigs kyi bu/ gzhan yang bsod nams thams cad
126a5 bsdus pa'i ting nge 'dzin 'di thob par byed pa'i chos bcu ste/ bcu gang zhe na/ 'di lta ste/ bdag med pa la mos pa dang / srog med pa la bzod pa dang / gang zag med pa la gcig
126a6 tu nges pa dang / mi rtag pa la yid ches pa dang / skye ba thams cad la sems can dmyal bar 'du shes pa dang / phung po rnams la gshed mar 'du shes pa dang / khams rnams
126a7 la sprul gdug par 'du shes pa dang / skye mched rnams la grong stong par 'du shes pa dang / srid pa rnams la nges par 'byung bar 'du shes pa dang / rnam par thar pa'i sgo rnams
126b1 la 'dris par 'du shes pa ste/ rigs kyi bu/ chos bcu po de dag ni/ bsod nams thams cad bsdus pa'i ting nge 'dzin 'di thob par byed pa'o/ /de skad ces bka' stsal pa dang / bcom
126b2 ldan 'das la tshan po che chen po dri ma med pa'i gzi brjid kyis 'di skad ces gsol to/ /bcom ldan 'das/ bsod nams kyi tshogs yang dag par bsdus par 'tshal ba'i byang chub sems
126b3 dpa' sems dpa' chen pos bsod nams thams cad bsdus pa'i ting nge 'dzin 'di mnyan par bgyi'o/ /bsod nams gsog par 'tshal ba'i byang chub sems dpa' sems dpa' chen
126b4 pos bsod nams thams cad bsdus pa'i ting nge 'dzin 'di mnyan par bgyi'o/ /bsod nams bsam gyis mi khyab pa thob par 'tshal ba'i byang chub sems dpa' sems dpa' chen po
126b5 bsod nams thams cad bsdus pa'i ting nge 'dzin 'di mnyan par bgyi/ mos par bgyi'o/ /bsod nams mi zad pa thob par 'tshal ba'i byang chub sems dpa' sems dpa' chen pos
126b6 ting nge 'dzin 'di la brtson par bgyi'o/ /bsod nams rgya mtsho thob par 'tshal ba'i byang chub sems dpa' sems dpa' chen pos ting nge 'dzin 'di gzung bar bgyi/ bcang bar bgyi/ bklag
126b7 par bgyi/ bshad par bgyi'o/ /bsod nams brgya'i mtshan yongs su gzung bar 'tshal ba'i byang chub sems dpa' sems dpa' chen pos ting nge 'dzin 'di sgom pa'i rnal 'byor la
127a1 brtson par bgyi'o/ /de nas yang bcom ldan 'das la tshan po che chen po dri ma med pa'i gzi brjid kyis 'di skad ces gsol to/ /bcom ldan 'das/ byang chub
127a2 sems dpa' sems dpa' chen po mngon par brtson pas 'di lta ste/ bsod nams mi zad pa dang / bsod nams rgya mtsho dang / bsod nams bsam gyis mi khyab pa dang / bsod nams
127a3 gsog pa dang / bsod nams brgya'i mtshan gyis chos 'di dag ji ltar yongs su rdzogs par bgyid pa lags/ de skad ces gsol pa dang / bcom ldan 'das kyis tshan po che chen po
127a4 dri ma med pa'i gzi brjid la 'di skad ces bka' stsal to/ /rigs kyi bu/ gsum po 'di dag ni/ bsod nams nye bar rton pa dang / bsod nams kyi tshogs dang / bsod nams 'du
127a5 ba dang / bsod nams rgyas pa dang / bsod nams mi zad pa dang / bsod nams bsam gyis mi khyab pa dang / bsod nams rgya mtsho yin te/ gsum gang zhe na/ 'di lta ste/ sbyin pa'i
127a6 tshogs dang / tshul khrims kyi tshogs dang / thos pa'i tshogs so/ /rigs kyi bu/ de la byang chub sems dpa' sems dpa' chen pos sbyin pa'i tshogs la ji ltar brtson par bya zhe na/
127a7 rigs kyi bu/ 'di la byang chub sems dpa' sems dpa' chen pos dngos po gang la de'i gtong ba'i sems mi skye zhing gtong ba'i blo mi 'byung ba'i dngos po de blang par mi bya'o/ /
127b1 yongs su gzung ba gang la btang ba'i sems mi skye ba'i yongs su gzung ba de yongs su gzung bar mi bya'o/ /gang la slong ba rnams kyis bslangs na yongs su 'dzin pa'i blo skye ba'i g.yog
127b2 'khor de gzung bar mi bya'o/ /dngos po gang la slong ba rnams kyis bslangs na byang chub sems dpa' mi gtong ba'i blo skye bar 'gyur ba'i rgyal srid de blang bar mi bya'o/ /longs spyod de dag
127b3 dang / nor de dang / rdzas de dang / rin po che de dag blang bar mi bya ba nas de lta bu'i dngos po ci'ang rung ba'i bar du blang bar mi bya'o/ /rigs kyi bu/ gzhan yang byang chub sems dpa' sems
127b4 dpa' chen pos 'di snyam du sems bskyed par bya ste/ bdag gi lus 'di'ang sems can thams cad la btang ste yongs su btang na/ phyi rol gyi dngos po rnams lta ci smos snyam du sems
127b5 bskyed par bya'o/ /gzhan yang sems can gang dang gang la dngos po gang dang gang gis dngos po gang dang gang byed par 'gyur ba de yod na/ de dang de la de dang de mi dga' ba med pa dang /
127b6 'gyod pa med par sbyin par bya ste/ lag pa 'dod pa rnams la lag pa'ang sbyin no/ /rkang pa 'dod pa rnams la rkang pa dang / mig 'dod pa rnams la mig kyang sbyin no/ /sha 'dod pa
127b7 rnams la sha dang / khrag 'dod pa rnams la khrag dang / rkang 'dod pa rnams la rkang dang / yan lag dang nying lag 'dod pa rnams la yan lag dang nyid lag dang / mgo bo 'dod pa
128a1 rnams la mgo bo'ang yongs su gtong bar bya na/ phyi rol gyi dngos po 'di lta ste/ nor dang / 'bru dang / gser dang / dngul dang / rin po che dang / rgyan dang / rta
128a2 dang / glang po che dang / shing rta dang / bzhon pa dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang dang / tshong 'dus dang / ri 'or ba dang /
128a3 bran po dang / bran mo dang / las byed pa dang / bu dang / bu mo dang / chung ma dang / 'khor rnams lta ci smos/ gzhan yang sems can gang dang gang la gang dang gang gis don
128a4 byed par 'gyur ba de dang de yod na/ de dang de la dngos po de dang de sbyin par bya ste/ mi dga' ba med pa dang / 'gyod pa med pa dang / rnam par smin pa la mi re bar yongs su gtang
128a5 par bya'o/ /mi lta bar sbyin par bya'o/ /gzhan du na sems can la phan gdags pa dang / sems can la snying rje ba dang / sems can de la snying brtse ba dang / sems can de dag nyid
128a6 bsdu ba'i phyir bya bar zad do/ /bdag gis byang chub thob pa na ci nas sems can 'di dag chos kun rtogs par gyur cig snyam du sems bskyed par bya'o/ /rigs kyi bu/ byang chub
128a7 sems dpa' gang su dag de ltar sems skyed par byed pa de dag ni/ byang chub sems dpa' zhes bya'o/ /rigs kyi bu/ gzhan yang byang chub sems dpa' ni/ lus dang srog la'ang
128b1 mi lta ba yin te/ de ni/ srog gi phyir yang sdig pa'i las mngon par 'du mi byed do/ /lus brtas par bya ba'i phyir yang ba'i 'tsho bas 'tsho bar mi byed do/ /de ni/ srog gi phyir
128b2 yang gzhan la slong khro mi byed do/ /longs spyod kyi phyir mi dge ba mngon par 'du mi byed do/ /g.yog 'khor gyi phyir yang rtsod pa dang 'thab mo slong bar mi byed do/ /chung ma dang / bu dang /
128b3 bu mo rnams kyi phyir yang gzhan dag la 'drid par mi byed do/ /gzhan gyi longs spyod dag la'ang brnab sems skyed par mi byed/ ser sna'i sems skyed par mi byed do/ /de 'dod pa
128b4 nyung ste sems bskyed pa gcig kyang dge ba dang mi ldan pa skyed par mi byed na/ mang po lta ci smos/ de de ltar brtson na/ 'dod chen dang chags pa spong bar 'gyur ro/ /'dod chen dang
128b5 chags pa spangs na/ btsal bar bya ba tshol bar mi byed do/ /btsal bar bya ba mi tshol na/ yang dag pa la brtson par 'gyur ro/ /yang dag pa la brtson na/ yang dag par 'gro ba
128b6 thob par 'gyur ro/ /yang dag par song na/ yang dag pa'i sgrub pa la gnas par 'gyur ro/ /yang dag pa la zhugs na/ yang dag pa'i dge ba'i bshes gnyen rnams mnyes par
128b7 byed do| |yang dag pa'i dge ba'i bshes gnyen rnams mnyes par byas nas sten par byed/ 'grogs par byed/ bsnyen bkur byed do/ /de dge ba'i bshes gnyen rnams dang
129a1 bsten cing 'grogs la bsnyen bkur byed na/ dge ba'i bshes gnyen rnams las yang dag par nges pa'i chos rnams thos par 'gyur ro/ /thos nas
129a2 kyang sgrub par byed do/ /de yang dag pa'i chos la zhugs nas log par sgrub pa la gnas pa'i sems can rnams kyi don thams cad byed do/ /de sems can gyi don la brtson na/ mi
129a3 rigs par ltung bar mi 'gyur ro/ /de rigs pa la zhugs na/ 'di lta ste/ sems can rnams kyi dbang po mchog dang mchog ma yin pa shes pa'i tshul dang tshul ma yin pa la mkhas
129a4 pa thob par 'gyur te/ rigs kyi bu/ de ltar na/ sbyin pa'i tshogs la spyod pa'i byang chub sems dpa' rnams ni/ yon tan gyi khyad par de lta bu dag thob par 'gyur ro/ /rigs kyi
129a5 bu| gzhan yang byang chub sems dpa' sems dpa' chen pos ni/ nang dang phyi rol gyi chos rnams la gcig gi 'du shes bskyed par bya'i/ gnyis kyi 'du shes bskyed par mi bya
129a6 ste| nang gi sa'i khams gang yin pa dang / phyi rol gyi sa'i khams gang yin pa 'di la gnyis su med de gnyis su byar med do/ /de ci'i phyir zhe na/ lus 'di ni/ rtswa dang / shing
129a7 dang / rtsig pa dang / lam snang ba dang 'dra ste/ spyod pa med pa/ byed pa med pa/ sems pa med pa/ snying po med pa/ khams kyis bsdus pa yin pa'i phyir ro/ /gal te 'di la la la
129b1 zhig gis bcad dam/ gtubs sam/ dbyug pa'am/ mtshon cha'am/ shing ngam/ bong bas bsnun kyang rung ste/ de la bdag gis tshor ba'i rnam par rig pa bskyed par mi bya'o/ /lus
129b2 la blta bar mi bya'o/ /srog la chags pa bskyed par mi bya'o/ /sems can de dag la'ang tha ba dang sdang ba'i sems bskyed par mi bya'o/ /snyam pa'i steng du des sems can de dag la
129b3 byams pa'i sems bskyed par bya'o/ /rigs kyi bu/ dper na/ sman gyi shing ljon pa ni/ rtsa ba las khyer ram/ sdong po'am/ yal ga'am/ shun lpags sam/ la ma'am/ me tog
129b4 gam| 'bras bu'am/ snying po las khyer na/ 'di snyam du bdag gi rtsa ba khyer la sdong po ma khyer cig ce'am/ bdag gi sdong po khyer la rtsa ba ma khyer cig ce'am/ bdag gi yal ga
129b5 khyer la lo ma ma khyer cig ce'am/ bdag gi lo ma khyer la yal ga ma khyer cig ce'am/ de bzhin du bdag gi yal ga phre'u dang / me tog dang / 'bras bu dang / shun lpags dang /
129b6 snying po las khyer la snying po med pa las ma khyer cig ce'am/ bdag gi snying po med pa las khyer la snying po las ma khyer cig snyam du rtog par mi byed de/ de ltar na/ sman gyi shing
129b7 ljon pa ni/ thams cad kyi thams cad du rnam par rtog par mi byed mod kyi/ 'on kyang sman gyi shing ljon pa ni/ rnam par mi rtog bzhin du nad rab dang / 'bring dang / tha ma sel bar byed
130a1 pa de bzhin du rigs kyi bu/ byang chub sems dpa' sems dpa' chen pos 'byung ba chen po bzhi'i lus 'di la sman gyi shing ljon pa lta bu'i 'du shes
130a2 bskyed par bya'o/ /sems can gang dang gang dag la ci dang ci dgos pa de dang de de bzhin du khyer cig ces byas te/ lag pa 'dod pa la ni/ lag pa/ rkang pa 'dod pa la ni/ rkang pa/
130a3 mig 'dod pa la ni/ mig/ sha 'dod pa la ni/ sha/ khrag 'dod pa la ni/ khrag/ rus pa 'dod pa la ni/ rus pa/ rkang 'dod pa la ni/ rkang / mgo bo 'dod pa la ni/ mgo bo/ yan
130a4 lag dang nying lag thams cad 'dod pa la ni/ bdag gi yan lag dang nying lag thams cad khyer cig snyam ste/ rigs kyi bu/ de ltar sems pa'i byang chub sems dpa' sems
130a5 dpa' chen po ni/ sbyin pa'i tshogs kyi bsod nams mi zad pas mngon par 'byung ba yin te/ byang chub sems dpa' sems dpa' chen po des sbyin pa sbyin pa na sems can
130a6 ser sna can rnams kyi gtong ba yongs su rdzogs par bya ba'i phyir yongs su bsngo bar bya'o/ /sems can dbul po rnams kyis longs spyod chen po 'thob par bya ba'i phyir
130a7 yongs su bsngo bar bya'o/ /des yan lag dang nying lag rnams yongs su gtong ba na sems can thams cad kyi yan lag dang / nying lag thams cad yongs su rdzogs par
130b1 'gyur ba'i phyir yongs su bsngo bar bya'o/ /des sbyin pa sbyin pa na dus thams cad du chos gsum du yongs su bsngo bar mi bya ste/ gsum gang zhe na/ 'di lta ste/ 'dod pa'i dga' ba
130b2 dang / rgyal srid dang / longs spyod dang / dbang phyug thob par bya ba'i phyir yongs su bsngo bar mi bya ba dang / bdag nyid bsod nams dang ldan par bya ba'i phyir yongs su bsngo bar mi bya ba
130b3 dang / nyan thos dang rang sangs rgyas kyi sa 'thob par bya ba'i phyir yongs su bsngo bar mi bya'o/ /des sbyin pa sbyin pa na sbyin pa de yan lag bzhi yongs su dag pa yongs su rdzogs par
130b4 bya ba'i phyir yongs su bsngo bar bya ste/ de la yan lag bzhi yongs su dag pa yongs su rdzogs pa gang zhe na/ sangs rgyas kyi zhing yongs su dag par bya ba'i phyir yongs su bsngo bar bya
130b5 ba dang / byang chub sems dpa'i dge 'dun yongs su dag par bya ba'i phyir yongs su bsngo bar bya ba dang / sems can thams cad yongs su smin par bya ba'i phyir yongs su bsngo bar
130b6 bya ba dang / thams cad mkhyen pa'i ye shes yongs su dag par bya ba'i phyir yongs su bsngo bar bya ba ste/ de ltar na/ yan lag bzhi yongs su dag pa yongs su rdzogs par bya ba'i
130b7 phyir byang chub sems dpa' sems dpa' chen pos sbyin pa de yongs su bsngo bar bya'o/ /rigs kyi bu/ gzhan yang byang chub sems dpa' sems dpa' chen pos sbyin pa nye bar brtan
131a1 par bya'i/ zad par mi bya'o/ /de la byang chub sems dpa' rnams kyi sbyin pa ji ltar zad par 'gyur zhe na/ rigs kyi bu/ byang chub sems dpa' chos bzhi
131a2 dang ldan pa rnams kyi sbyin pa ni/ zad par 'gyur te/ bzhi gang zhe na/ 'di lta ste/ yongs su ma bsngos pa dang / thabs mi mkhas pa dang / dma' bar skye bar 'dod pa dang / sdig pa'i
131a3 grogs po la bsten pa ste/ rigs kyi bu/ byang chub sems dpa' chos bzhi po de dag dang ldan pa rnams kyi sbyin pa ni/ zad par 'gyur ro/ /rigs kyi bu/ byang chub sems dpa'
131a4 sems dpa' chen po chos bzhi dang ldan pa rnams kyi sbyin pa ni/ yongs su zad par mi 'gyur la nye bar brtan par 'gyur ro/ /bzhi gang zhe na/ 'di lta ste/ bla na med pa yang dag
131a5 par rdzogs pa'i byang chub tu yongs su bsngo ba dang / thabs la mkhas pa dang / chos kyi rgyal srid 'dod pa dang / dge ba'i bshes gnyen la sten pa ste/ rigs kyi bu/ byang chub
131a6 sems dpa' sems dpa' chen po chos bzhi po de dag dang ldan pa rnams kyi sbyin pa ni/ yongs su zad par mi 'gyur la nye bar brtan par 'gyur ro/ /rigs kyi bu/ gzhan yang
131a7 byang chub sems dpa' sems dpa' chen pos chos bzhi mngon du byas la sbyin pa sbyin par bya ste/ bzhi gang zhe na/ 'di lta ste/ byang chub kyi sems mi gtong ba dang / sems can
131b1 la snying brtse ba dang / de bzhin gshegs pa'i bka' dang mi 'gal ba dang / chos dang zang zing gi sbyin pa'i rnam par smin pa la mi re ba ste/ rigs kyi bu/ byang chub sems dpa' sems
131b2 dpa' chen pos chos bzhi po de dag mngon du byas la sbyin pa sbyin par bya'o/ /rigs kyi bu/ gzhan yang byang chub sems dpa' sems dpa' chen pos chos gsum la dgod pa'i phyir
131b3 sbyin pa sbyin par bya ste/ gsum gang zhe na/ 'di lta ste/ sems can thams cad byang chub la dgod pa dang / chos bstan pa de nyid la dgod pa dang / sems can thams cad bla na med pa'i
131b4 bde ba la dgod pa'i phyir te/ rigs kyi bu/ chos gsum po de dag la sems can rnams dgod pa'i phyir byang chub sems dpa' sems dpa' chen pos sbyin pa sbyin par bya'o/ /rigs kyi
131b5 bu| gzhan yang chos gnyis 'dod pa'i byang chub sems dpa' sems dpa' chen pos sbyin pa sbyin par bya ste/ gnyis gang zhe na/ 'di lta ste/ longs spyod chen po dang / gtong ba'i sems
131b6 te| chos de gnyis 'dod pa'i byang chub sems dpa' sems dpa' chen pos sbyin pa sbyin par bya'o/ /rigs kyi bu/ gzhan yang chos gnyis yongs su spang ba'i phyir byang chub sems
131b7 dpa' sems dpa' chen pos sbyin pa sbyin par bya ste/ gnyis gang zhe na/ 'di lta ste/ chags pa dang / ser sna ste/ rigs kyi bu/ chos de gnyis yongs su spang ba'i phyir byang chub
132a1 sems dpa' sems dpa' chen pos sbyin pa sbyin par bya'o/ /rigs kyi bu/ gzhan yang chos gnyis yongs su rdzogs par bya ba'i phyir byang chub sems
132a2 dpa' sems dpa' chen pos sbyin pa sbyin par bya ste/ gnyis gang zhe na/ 'di lta ste/ shes rab dang / ye shes te/ rigs kyi bu/ chos 'di gnyis yongs su rdzogs par bya ba'i
132a3 phyir byang chub sems dpa' sems dpa' chen pos sbyin pa sbyin par bya'o/ /rigs kyi bu/ gzhan yang chos gnyis thob par bya ba'i phyir byang chub sems dpa' sems dpa'
132a4 chen pos sbyin pa sbyin par bya ste/ gnyis gang zhe na/ 'di lta ste/ zad pa shes pa dang / mi skye ba shes pa ste/ rigs kyi bu/ chos 'di gnyis thob par bya ba'i phyir byang chub sems
132a5 dpa' sems dpa' chen pos sbyin pa sbyin par bya'o/ /rigs kyi bu/ gzhan yang byang chub sems dpas gang dag sbyin par bya ba'i sbyin pa dag ni/ rnam pa bzhi ste/ bzhi gang
132a6 zhe na| 'di lta ste/ sems snyoms pa'i sbyin pa dang / rnam par smin pa la mi re ba'i sbyin pa dang / byang chub tu yongs su bsngo ba'i sbyin pa dang / dul ba dang / zhi ba dang / nye bar zhi ba
132a7 yongs su rdzogs pa'i sbyin pa ste/ rigs kyi bu/ sbyin pa bzhi po de dag ni/ byang chub sems dpa' sems dpa' chen pos sbyin par bya ba dag go /rigs kyi bu/ de lta bas na/ byang
132b1 chub sems dpa' bsod nams mi zad pa mngon par 'byung bar 'dod pas sbyin pa'i tshogs 'di lta bu la brtson par bya'o/ /de skad ces bka' stsal pa dang / bcom ldan 'das la tshan po
132b2 che chen po dri ma med pa'i gzi brjid kyis 'di skad ces gsol to/ /bcom ldan 'das/ 'di ltar de bzhin gshegs pas sangs rgyas kyi chos thams cad yongs su gzung ba'i slad du sbyin pa'i
132b3 tshogs 'di bka' stsal pa ngo mtshar lags so/ /bcom ldan 'das/ byang chub sems dpa' sems dpa' chen po gang dag sbyin pa'i tshogs 'di lta bu dang ldan pa de dag ni/ nam yang
132b4 bsod nams yongs su nyams pa'am/ ye shes yongs su nyams pa'am/ shes rab yongs su nyams par mi 'gyur lags so/ /bcom ldan 'das kyis bka' stsal pa/ rigs kyi bu/
132b5 de de bzhin no/ /khyod ji skad zer ba bzhin te/ byang chub sems dpa' sems dpa' chen po gang dag sbyin pa'i tshogs 'di lta bu dang ldan pa de dag ni/ bsod nams mi zad pa dang / bsod
132b6 nams rgya mtshos mngon par 'byung bar 'gyur ro/ /de dag ni/ 'phags pa'i chos dang ldan pas dbul por yang mi 'gyur ro/ /de dag ni/ chos kyi rgyun dang ldan pas longs spyod chen por
132b7 yang 'gyur ro/ /de dag ni/ nor bdun dang ldan pas phyug por 'gyur ro/ /de dag ni/ bsod nams brgya'i mtshan yod pas bsod nams chen po dang ldan pa'ang yin no/ /de dag ni/
133a1 sems can thams cad nye bar 'tsho bas bsod nams kyi zhing yang yin no/ /bcom ldan 'das kyis tshan po che chen po dri ma med pa'i gzi brjid la gzhan yang
133a2 bka' stsal pa/ rigs kyi bu/ de la byang chub sems dpa' rnams kyi tshul khrims kyi tshogs gang zhe na/ gang tshul khrims ma nyams pa dang / bslab pa yongs su mi gtong ba dang /
133a3 tshul khrims 'chal ba rnams la snying rje ba dang / tshul khrims dang ldan pa rnams la gus pa drag po dang ldan pa dang / lus kyi yan lag gsum yongs su dag pa dang / ngag gi
133a4 yan lag bzhi yongs su dag pa dang / yid kyi yan lag gsum yongs su dag pa dge ba bcu'i las kyi lam yang dag par blang ba rjes su sgrub pa ste/ gzhan dag kyang de la
133a5 'dzud pa dang / de dag la 'god par byed pa dang / bdag la mi bstod pa dang / gzhan dag la mi smod pa dang / tshul khrims dag la de'i ngang can du gyur pa dang / tshul khrims kyis
133a6 mi rlom pa dang / brtson pa mi 'dor ba dang / sbyangs pa'i yon tan dang yo byad bsnyungs pa dag las mi g.yo ba dang / 'phags pa'i rigs la gnas par byed pa dang / rang gi
133a7 sems srung ba dang / gzhan gyi 'khrul pa dag la skyon du mi lta ba dang / sdig pa thams cad mi byed pa dang / srid pa mngon par 'grub pa la mngon par mi dga' ba dang / gzhan
133b1 rnams dge ba'i rtsa ba dag la 'dzud pa dang / gzhan gyi bya ba dag la spro ba dang / bde ba dag la de'i ngang can du mi 'gyur ba dang / dgon par gnas pa mi 'dor ba dang / nad pa rnams kyi
133b2 g.yog byed pa dang / byas nas kyang dga' ba dang / mchog tu dga' bar 'gyur ba dang / ji skad smras pa de bzhin byed pa dang / bkur sti mi byed pa dag la dang du len pa dang / bkur sti byed
133b3 pa rnams la khengs par mi byed pa dang / rnyed pa dang ma rnyed pa dang / grags pa dang ma grags pa dang / smad pa dang bsngags pa dang / bde ba dang sdug bsngal pa dag la khengs par yang mi
133b4 'gyur| zhum par yang mi 'gyur ba dang / rjes su chags pa dang / khong khro ba spong ba dang / 'khon du mi 'dzin pa dang / rtag tu rgyun mi chad par byams pa la gnas pa dang / mdza'
133b5 bshes dang dgra rnams la sems snyoms par lta ba dang / tshul khrims kyi phung po la mchog tu mi 'dzin pa dang / theg pa gzhan du yongs su mi bsngo ba dang / lha gzhan la phyag mi
133b6 'tshal ba dang / lta bar gyur pa thams cad dang bral ba dang / bag la nyal ba dang / kun nas ldang ba rnam par gnon pa dang / 'gyod pa spong ba dang / yid la gcags pa med pa dang /
133b7 dngos po thams cad yongs su gtong ba la mchog tu dga' ba dang / skye ba'i gnas thams cad la lhag par chags pa med pa dang / bsam bzhin du srid pa'i 'gro bar skye ba dang / mi
134a1 dga' ba bzod pa dang / brtson 'grus rtsom pa dang / sems rab tu 'dzin pa dang / dmigs pa la rnam par g.yeng ba med pa dang / mi skye ba'i chos la bzod
134a2 cing mi skrag pa ste/ rigs kyi bu/ de ltar na/ 'di ni/ byang chub sems dpa'i tshul khrims kyi tshogs yin te/ tshul khrims kyi tshogs de la brten nas srog gi phyir yang bslab pa
134a3 nyams par mi byed de/ de ni/ rgyal srid kyi phyir tshul khrims srung bar mi byed do/ /mtho ris kyi phyir ma yin/ brgya byin du 'gyur ba'i phyir ma yin/ tshangs par 'gyur ba'i phyir ma
134a4 yin| longs spyod kyi phyir ma yin/ dbang phyug gi phyir ma yin/ kha dog gi phyir ma yin/ grags pa'i phyir ma yin/ snyan pa dang sgra dang tshigs su bcad pa'i phyir ma yin/
134a5 rnyed pa'i phyir ma yin/ bkur sti'i phyir ma yin/ srog gi phyir ma yin/ gos kyi phyir ma yin/ zas kyi phyir ma yin/ mal cha dang stan gyi phyir ma yin te/ na ba'i gsos dang
134a6 sman zong gi phyir tshul khrims srung bar mi byed do/ /mig dang / rna ba dang / sna dang / lce dang / lus la brten te tshul khrims srung bar mi byed do/ /gzugs dang / sgra dang / dri dang / ro
134a7 dang / reg bya dang / chos la brten te tshul khrims srung bar mi byed do/ /gzugs la brten te tshul khrims srung bar mi byed do/ /tshor ba dang / 'du shes dang / 'du byed dang / rnam par
134b1 shes pa la brten te tshul khrims srung bar mi byed do/ /'dod pa'i khams la brten te tshul khrims srung bar mi byed do/ /gzugs kyi khams la brten te tshul khrims srung bar mi byed do/ /
134b2 gzugs med pa'i khams la brten te tshul khrims srung bar mi byed do/ /sems can dmyal ba'i 'jigs pas skrag ste/ tshul khrims srung bar mi byed do/ /dud 'gro'i skye gnas kyi
134b3 'jigs pas skrag ste/ tshul khrims srung bar mi byed do/ /gshin rje'i 'jig rten gyi 'jigs pas skrag ste skyabs 'dod pa'i phyir tshul khrims srung bar mi byed do/ /mi dbul po'i
134b4 'jigs pas skrag ste tshul khrims srung bar mi byed do/ /lha dbul po'i 'jigs pas skrag pa dang / klu dang / gnod sbyin dang / dri za dang / lha ma yin dang / nam mkha' lding dang / mi
134b5 'am ci dang / lto 'phye chen po'i dbul po'i 'jigs pas skrag ste tshul khrims srung bar mi byed de/ gzhan du na sangs rgyas kyi tshul gnas par bya ba'i phyir tshul khrims srung bar byed
134b6 do| |sangs rgyas kyi rigs gnas par bya ba dang / chos kyi rigs gnas par bya ba dang / dge 'dun gyi rigs gnas par bya ba'i phyir tshul khrims srung bar byed do/ /skye ba dang /
134b7 rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yang dag par 'da' bar bya ba'i phyir tshul
135a1 khrims srung bar byed do/ /sems can thams cad rab tu dgrol bar 'dod de tshul khrims srung bar byed do/ /sems can thams cad la phan pa dang / bde ba dang /
135a2 grub pa dang / bde ba 'dod de tshul khrims srung bar byed do/ /sangs rgyas kyi chos gnas par 'dod de tshul khrims srung bar byed do/ /chos kyi 'khor lo bskor bar 'dod de tshul khrims
135a3 srung bar byed do/ /'phags pa'i dge 'dun yongs su bsdu bar 'dod de tshul khrims srung bar byed do/ /sangs rgyas kyi rigs mi 'chad par 'dod pa dang / chos kyi rigs mi 'chad
135a4 par 'dod pa dang / dge 'dun gyi rigs mi 'chad par 'dod de tshul khrims srung bar byed do/ /'phags pa'i rigs yongs su spyad par 'dod de tshul khrims srung bar byed do/ /lha'i
135a5 mngon par shes pa 'dod pa dang / ting nge 'dzin 'dod pa dang / shes rab 'dod pa dang / rnam par grol ba 'dod pa dang / rnam par grol ba'i ye shes mthong ba 'dod de tshul khrims
135a6 srung bar byed do/ /rdzu 'phrul 'dod pa dang / cho 'phrul 'dod de tshul khrims srung bar byed de/ de'i tshul khrims de'ang ma nyams pa dang / ma zhig pa dang / ma 'dres pa dang / ma 'chol
135a7 ba dang / rang dbang yod pa dang / legs par tshar phyin pa dang / legs par bsam pa dang / ma nogs pa dang / rma med pa dang / gtsang ba dang / dri zhim pa dang / mkhas pas bsngags
135b1 pa dang / sangs rgyas thams cad kyis bstod pa dang / ma smad pa dang / chos kyi rjes su mthun pa'i chos sgrub pa snying por byed pa yin no/ /de tshul khrims kyi phung po de lta bu dang ldan pas chos
135b2 bcu las nyams par mi 'gyur te/ bcu gang zhe na/ 'di lta ste/ 'khor los bsgyur ba'i rgyal srid las yongs su nyams par mi 'gyur te/ de la'ang bag yod la byang chub 'dod pa
135b3 dang / brgya byin las yongs su nyams par mi 'gyur te/ de la'ang bag yod la byang chub 'dod cing sangs rgyas mthong ba 'ba' zhig 'dod pa dang / tshangs pa las yongs su nyams
135b4 par mi 'gyur te/ de la'ang bag yod la byang chub 'dod pa dang / shes nas dad pa thob pa'i phyir sangs rgyas mthong ba las yongs su nyams par mi 'gyur ba dang / ji ltar thos pa'i
135b5 chos la nan tan du bsgrub pa'i phyir chos thos pa las yongs su nyams par mi 'gyur ba dang / byang chub sems dpa'i dam bcas pa shes pa las yongs su nyams par mi 'gyur
135b6 ba dang / dge ba'i rtsa ba'i chos thams cad shes pa 'dod pa'i phyir spobs pa mi chod pa las yongs su nyams par mi 'gyur ba dang / bsam gtan las yongs su nyams par mi
135b7 'gyur pa dang / sangs rgyas dang / rang sangs rgyas dang / nyan thos dang / byang chub sems dpa' thams cad kyis bsngags pa las yongs su nyams par mi 'gyur ba dang / mngon
136a1 par shes pa myur ba dang / thams cad mkhyen pa'i ye shes yongs su rdzogs par bya ba las yongs su nyams par mi 'gyur ba ste/ tshul khrims kyi phung po de lta
136a2 bu dang ldan pa'i byang chub sems dpa' sems dpa' chen po de ni/ chos bcu po de dag las yongs su nyams par mi 'gyur ro/ /tshul khrims kyi phung po de lta bu la gnas pa'i byang chub
136a3 sems dpa' sems dpa' chen po ni/ lha rnams kyis rtag tu phyag byas pa yin no/ /klu rnams kyis rtag tu bsngags pa yin no/ /gnod sbyin rnams kyis rtag tu bkur sti byas pa
136a4 yin no| |dri za rnams kyis rtag tu mchod pa yin no/ /klu'i dbang po dang / lha ma yin rnams kyis rtag tu bsnyen bkur byas pa yin no/ /rgyal rigs dang / bram ze dang / tshong dpon
136a5 dang / khyim bdag rnams kyis rtag tu bkur ba yin no/ /mkhas pa rnams kyis rtag tu thad du 'gro bar bya ba yin no/ /sangs rgyas rnams kyis rtag tu dgongs pa yin no/ /lha dang
136a6 bcas pa'i 'jig rten gyis rtag tu ston par bkur ba yin no/ /sems can thams cad la snying brtse ba can yin no/ /de ltar tshul khrims kyi phung po yang dag par srung ba'i byang chub
136a7 sems dpa' sems dpa' chen po de ni/ 'gro ba bzhir 'gro bar mi 'gyur te/ bzhi gang zhe na/ 'di lta ste/ sems can yongs su smin par bya ba'i ched ma gtogs par mi khom
136b1 pa'i 'gro bar 'gro bar mi 'gyur ba dang / sangs rgyas mi bzhugs pa'i sangs rgyas kyi zhing gi 'gro bar 'gro bar mi 'gyur ba dang / log par lta ba'i rigs su skye ba'i 'gro bar 'gro
136b2 bar mi 'gyur ba dang / ngan 'gro thams cad kyi 'gro bar 'gro bar mi 'gyur ba ste/ de ltar tshul khrims kyi phung po legs par yang dag par srung ba'i byang chub sems dpa' sems
136b3 dpa' chen po ni/ 'gro ba bzhi po de dag tu 'gro bar mi 'gyur ro/ /gzhan yang de ltar tshul khrims kyi phung po yang dag par srung ba'i byang chub sems dpa' sems dpa' chen po ni/
136b4 chos bzhi las yongs su nyams par mi 'gyur te/ bzhi gang zhe na/ 'di lta ste/ rdzogs pa'i byang chub kyi sems las yongs su nyams par mi 'gyur ba dang / sangs rgyas rjes su
136b5 dran pa las yongs su nyams par mi 'gyur ba dang / ji ltar thos pa dang / kun chub par byed pa'i chos rnams las yongs su nyams par mi 'gyur ba dang / bskal pa grangs med pa
136b6 rjes su dran pa las yongs su nyams par mi 'gyur ba ste/ de ltar tshul khrims kyi phung po yang dag par srung ba'i byang chub sems dpa' sems dpa' chen po ni/ chos bzhi po de dag
136b7 las yongs su nyams par mi 'gyur ro/ /rigs kyi bu/ de ltar tshul khrims kyi phung po yang dag par srung ba'i byang chub sems dpa' sems dpa' chen po ni/ rnam par 'jig pa bzhi
137a1 dang phrad par mi 'gyur te/ bzhi gang zhe na/ 'di lta ste/ dam pa'i chos rnam par 'jig pa dang phrad par mi 'gyur ba dang / mtshon gyi bar gyi bskal pa dang
137a2 phrad par mi 'gyur ba dang / mu ge'i bar gyi bskal pa dang phrad par mi 'gyur ba dang / nad kyi bar gyi bskal pa dang phrad par mi 'gyur ba ste/ rigs kyi bu/ de ltar tshul khrims kyis
137a3 phung po yang dag par srung ba'i byang chub sems dpa' sems dpa' chen po ni/ rnam par 'jig pa bzhi po de dag dang phrad par mi 'gyur ro/ /rigs kyi bu/ gzhan yang de ltar tshul
137a4 khrims kyi phung po la gnas pa'i byang chub sems dpa' sems dpa' chen po ni/ mngon par mtho ba bzhi thob par 'gyur te/ bzhi gang zhe na/ 'di lta ste/ sangs rgyas bcom ldan
137a5 'das rnams la mi slu ba dang / lha la mi slu ba dang / sems can rnams la mi slu ba dang / rang gi sems la mi slu ba ste/ de ltar tshul khrims kyi phung po la ngas pa'i byang chub
137a6 sems dpa' sems dpa' chen po ni/ mngon par mtho ba bzhi po de dag thob par 'gyur ro/ /rigs kyi bu/ gzhan yang de ltar tshul khrims kyi phung po la gnas pa'i byang chub sems
137a7 dpa' sems dpa' chen po ni/ 'jigs pa bcu las yang dag par 'da' bar 'gyur te/ bcu gang zhe na/ 'di lta ste/ sems can dmyal ba'i 'jigs pa las yang dag par
137b1 'da' bar 'gyur ba dang / dud 'gro'i skye gnas kyi 'jigs pa las yang dag par 'da' bar 'gyur ba dang / gshin rje'i 'jig rten gyi 'jigs pa las yang dag par 'da' bar 'gyur
137b2 ba dang / dbul po'i 'jigs pa las yang dag par 'da' bar 'gyur ba dang / bsngags pa dang / snyan pa dang / grags pa dang / sgra dang / tshigs su bcad pa ma yin pa'i 'jigs pa
137b3 dang / bdud kyis kun nas dkris pa'i 'jigs pa dang / nyan thos dang / rang sangs rgyas kyi nges pa'i 'jigs pa dang / lha dang / klu dang / gnod sbyin dang / dri za dang / lha ma yin dang /
137b4 nam mkha' lding dang / mi'am ci dang / lto 'phye chen po dang / grul bum dang / srin po'i 'jigs pa dang / dug dang / mtshon dang / me dang / chu'i 'jigs pa dang / seng+ge dang / stag dang /
137b5 sprul dang / dom dang / dred dang / gzig dang / khyi dang / wa dang / chu srin ma ka ra dang / chu srin byis pa gsod dang / chu srin kum+b+hi ra dang / byi la dang / byi ba dang / sdig pa dang / srin
137b6 gyi me dang / sprul gdug pa dang / rgyal po dang / chom rkun gyi 'jigs pa rnams las yang dag par 'da' bar 'gyur ba ste/ de ltar tshul khrims kyi phung po la gnas pa'i byang chub
137b7 sems dpa' sems dpa' chen po ni/ 'jigs pa bcu pa de dag las yang dag par 'da' bar 'gyur ro/ /rigs kyi bu/ sangs rgyas kyi chos rnams kyi rten ni/ tshul khrims yin te/
138a1 byang chub dang sangs rgyas kyi chos rnams ni/ tshul khrims kyi phung po la ngas so/ /gang la tshul khrims yod pa de la ni/ ting nge 'dzin 'di yod do/ /gang la tshul
138a2 khrims yod pa de la ni/ shes rab 'di yod do/ /gang la tshul khrims yod pa de la ni/ rnam par grol ba 'di yod do/ /gang la tshul khrims yod pa de la ni/ rnam par grol ba'i
138a3 ye shes mthong ba 'di yod do/ /rigs kyi bu/ de la gang nyon mongs pa rnams rab tu zhi ba'i tshul khrims ni/ gang yin/ ci'i phyir na nyon mongs pa rnams zhes bya zhe na/ nyon mongs
138a4 par byed pas na/ nyon mongs pa rnams te/ 'di ltar khams gsum du sems can rnams nyon mongs par byed pas na/ nyon mongs pa rnams zhes bya'o/ /de dag zhi bar byed pa gang
138a5 zhe na| gang rtog pa med pa dang / rnam par rtog pa med pa dang / yongs su rtog pa med pa dang / rgyu ba med pa dang / skye ba med pa dang / kun tu rtog pa med pa dang / yid la byed pa med
138a6 pa ste| 'di ni/ nyon mongs pa rnams rnam par zhi ba zhes bya'o/ /rigs kyi bu/ byang chub sems dpa' sems dpa' chen po gang su dag nyon mongs pa rab tu zhi ba mi shes pa de dag
138a7 gi tshul khrims kyi phung po ni/ yongs su dag pa ma yin no/ /de ci'i phyir zhe na/ de dag ni/ tshangs pa'i 'jig rten du song yang nyon mongs pa dang bcas par zad do/ /de dag ni/ srid
138b1 pa'i rtse mor song yang nyon mongs pa dang bcas par zad do/ /rigs kyi bu/ de bas na/ rnam grangs 'dis kyang khyod kyis gang la khams gsum pa'i nyon mongs pa rnams med pa de'i tshul
138b2 khrims kyi phung po ni/ yongs su dag pa yin par de ltar rig par bya'o/ /de nas bcom ldan 'das la tshan po che dri ma med pa'i gzi brjid kyis 'di skad ces gsol to/ /bcom ldan
138b3 'das| gal te khams gsum pa'i nyon mongs pa rnams ma mchis pa de'i tshul khrims kyi phung po yongs su dag pa lags na/ bcom ldan 'das/ nyon mongs pa dang bral ba'i byang
138b4 chub sems dpa' de ji ltar khams gsum par smon par bgyid/ de skad ces gsol pa dang / bcom ldan 'das kyis tshan po che chen po dri ma med pa'i gzi brjid la 'di skad ces
138b5 bka' stsal to/ /rigs kyi bu/ byang chub sems dpa' sems dpa' chen po rnams ni/ kun nas nyon mongs par bya ba'i phyir khams gsum par smon par mi byed de/ rigs kyi bu/
138b6 gang dag bdag nyid kyang nyon mongs pa med la sems can yongs su smin par bya ba'i phyir khams gsum du'ang kun nas nyon mongs par 'gyur ba de ni/ byang chub sems dpa' rnams
138b7 kyi thabs yin no/ /rigs kyi bu/ 'di lta ste/ mi la la zhig gis nam mkha' la ri mo rnam par sna tshogs bkra ba ston par byed na/ rigs kyi bu/ 'di ji snyam du sems/ ci mi de dka'
139a1 ba byed pa yin nam/ gsol pa/ bcom ldan 'das/ de de lta lags so/ /bde par gshegs pa/ de de lta lags te/ mi de ni/ dka' ba bgyid pa lags so/ /
139a2 bcom ldan 'das kyis bka' stsal pa/ rigs kyi bu/ byang chub sems dpa' gang dag bdag nyid kyang nyon mongs pa med la sems can yongs su smin par bya ba'i phyir khams
139a3 gsum du'ang kun nas nyon mongs par 'gyur ba dang / sems can yongs su smin par byas nas kyang theg pa gsum ston par byed pa de dag ni/ de bas kyang ches dka' ba byed pa
139a4 yin no| |gsol pa| bcom ldan 'das/ byang chub sems dpa' sems dpa' chen po gang dag thar pa'i sgo'ang mthong la/ sems can rnams la snying brtse ba'i slad du khams
139a5 gsum na'ang gnas pa de dag ni/ snying rje chen po dang ldan pa lags so/ /bcom ldan 'das/ dper bgyi na/ dgu ma pa'i gnod pa las thar pa lags pa'i mi slar dgum pa'i
139a6 gnod pa'i gnas su mchis te/ dgum pa'i gnod pa bgyid pa rnams la 'di skad du bdag sod cig/ gzhan ma gsad cig /ces mchi ba de bzhin du bcom ldan 'das/ dgum
139a7 pa'i gnod pa'i gnod pa lta bu ni/ khams gsum lags so/ /dgon par bgyi ba lta bu ni/ 'jig rten gnas pa lags so/ /dgum pa'i gnod pa bgyid pa lta bu ni/ 'du byed
139b1 rnams lags so/ /dgum pa'i gnod pa spangs pa lta bu ni/ byang chub sems dpa' sems dpa' chen po khams gsum las rnam par grol ba de dag lags te/ sems can
139b2 yongs su smin par bgyid pa dang / sems can yongs su dgrol bar bgyi pa'i slad du khams gsum 'ba' zhig tu rgyu lags so/ /bcom ldan 'das/ byang chub sems dpa' sems
139b3 dpa' chen po rnams kyis ni/ snying rje chen po'i sems bskyed pa des nyan thos dang rang sangs rgyas thams cad zil gyis gnon to/ /de ci'i slad du zhe na/ bcom ldan 'das/ nyan
139b4 thos dang / rang sangs rgyas thams cad la ni/ de lta bu'i snying rje chen po'ang ma mchis/ thabs la mkhas pa'ang ma mchis pa'i slad du'o/ /de nas yang bcom ldan 'das kyis tshan po
139b5 che chen po dri ma med pa'i gzi brjid la bka' stsal pa/ rigs kyi bu/ byang chub sems dpa' sems dpa' chen pos thos pa'i tshogs la ni/ ji ltar brtson par bya/ des thos pa ni/
139b6 ji ltar btsal par bya zhe na/ rigs kyi bu/ 'di la byang chub sems dpa' sems dpa' chen pos mkhan po dang / slob dpon la nga rgyal bcom pa dang / bka' blo bde bas bla ma'i sri
139b7 zhu dang / gus pa dang / phangs pa dang / gces pa'i sems bskyed par bya'o/ /des chos la ni/ sman gyi 'du shes bskyed par bya'o/ /mkhan po dang slob dpon rnams la ni/ ston pa'i 'du shes
140a1 bskyed par bya'o/ /des bdag la ni/ nad pa'i 'du shes bskyed par bya'o/ /des chos kyi gdams ngag ston pa la ni/ sman pa'i 'du shes bskyed par bya'o/ /
140a2 des sems can thams cad la ni/ nad pa'i 'du shes bskyed par bya'o/ /des sangs rgyas kyi chos tshol ba ni/ lus la phangs par mi bya'o/ /srog la lhag par chags pa bskyed
140a3 par mi bya'o/ /dngos po sna tshogs yongs su 'dzin pa rnams la'ang des shin tu nyon mongs pa'i 'du shes bskyed par mi bya'o/ /nor phun sum tshogs pa la'ang des chags pa
140a4 bskyed par mi bya'o/ /chos gtso bor byas te nor thams cad yongs su gtang bar bya'o/ /dam pa'i chos kyi don dang dam pa'i chos yongs su gzung ba'i phyir 'jig rten pa thams
140a5 cad yongs su gtang bar bya'o/ /chos kyi rnyed pa 'dod pas rnyed pa dang / bkur sti dang / tshigs su bcad pa yongs su gtang bar bya'o/ /chos kyi rgyal srid 'dod pa'i phyir rgyal
140a6 srid thams cad yongs su gtang bar bya'o/ /nyon mongs pa thams cad yongs su gtang bar 'dod pas dam pa'i chos yongs su btsal ba la brtson par bya'o/ /sems can
140a7 sems can yongs su bskyab par 'dod pas dam pa'i chos yongs su gzung ba la brtson par bya'o/ /dam pa'i chos yongs su 'dzin pa'i byang chub sems dpa' sems dpa' chen
140b1 po rnams kyis dge ba'i rtsa ba thams cad yongs su 'dzin par thob par 'gyur ro/ /rigs kyi bu/ de bas na/ byang chub 'dod pa dang / byang chub mngon par rdzogs par 'tshang rgya bar 'dod
140b2 pa dang / shes rab kyi ka ba sgreng bar 'dod pa rnams kyis thos pa la brtson par bya'o/ /rigs kyi bu/ 'di lta ste/ dper na/ khang bzang rnam par rgyal byed ni/ ka bas brtan pa sum
140b3 cu rtsa gsum pa'i lha rnams 'du bar 'gyur ba de bzhin du/ rigs kyi bu/ shes rab kyi ka ba ni/ thos pa'i stobs kyis yongs su bzung bas gnas pa la byang chub sems dpa'
140b4 sems dpa' chen po rnams dang / lha dang / bcas pa'i 'jig rten 'du bar 'gyur ro/ /rigs kyi bu/ byang chub sems dpa' gang byang chub tu sems bskyed nas byang chub sems dpar
140b5 dam bcas te bdag sangs rgyas su gyur cig /ces smras pa de'ang thos pa yongs su tshol ba la mi brtson na/ sems can thams cad shes rab 'chal par bya ba la zhugs pa yin
140b6 no| |rigs kyi bu/ gang gi tshe byang chub sems dpa' sems dpa' chen po thos pa yongs su tshol ba la brtson 'grus rtsom par byed na/ des ni/ sems can thams cad kyi shes
140b7 rab yongs su rdzogs par bya ba'i phyir nye bar brtan pa byas pa yin no/ /lha rnams kyang de'i tshe de la mgu zhing yid bde bar gyur nas a la la skyes bu dam pa 'dis ni/ thos pa
141a1 dang / brtson 'grus dang / shes rab sbyangs pa'i blos pa'i stobs bcu thob par nus so/ /a la la skyes bu dam pa 'dis ni/ shes rab kyi mtshon gyis nyon mongs pa'i
141a2 dra ba'i rgyud thams cad rnam pa thams cad du gcad par nus so/ /a la la skyes bu dam pa 'dis ni/ sems can thams cad kyi nyon mongs pa spang pa'i phyir chos ston par nus so/ /a
141a3 la la skyes bu dam pa 'dis ni/ sngon gyi rgyal ba bzhugs bzhugs pa'i byang chub kyi snying po la 'dug par nus so/ /a la la skyes bu dam pa 'dis ni/ bdud dpung dang bzhon pa
141a4 dang bcas pa pham par byed nus so/ /a la la byang chub sems dpa' 'dis ni/ rnam pa bcu gnyis dang ldan pa'i chos kyi 'khor lo bskor bar nus so/ /zhes ched du rjod par byed
141a5 do| |rigs kyi bu/ gang gi tshe byang chub sems dpa' chos nyan pa la brtson pa de'i tshe rigs kyi bu/ bdud kyi gnas thams cad mog mog por 'gyur ro/ /stong gsum gyi stong
141a6 chen po'i 'jig rten gyi khams kyi bdud sdig can rnams dang / bdud kyi ris kyi lha gang dag yin pa de dag thams cad de'i tshe sdug bsngal zhing yid mi bde bar 'gyur te/ 'di ni/
141a7 bdag chag gi dbang du mi 'gyur ro/ /'di la ni/ bdag cag dbang med do/ /'dis ni/ bdag cag rnam pa thams cad du bcom mo/ /'dis ni/ bdag cag dbang du byas so snyam mo/ /
141b1 de ci'i phyir zhe na/ rigs kyi bu/ 'di ltar thos pa dang ldan na/ shes rab skye bar 'gyur ro/ /shes rab dang ldan na/ nyon mongs pa zhi bar 'gyur ro/ /nyon mongs pa med na/ bdud kyis glags mi rnyed do/ /
141b2 thos pa dang ldan na/ rtog par 'gyur ro/ /rtog pa yod na/ tshul bzhin du chos yongs su tshol bar 'gyur ro/ /tshul bzhin du chos yongs su tshol ba la brtson na/ bdud sdig can gyis glags mi rnyed do/ /thos
141b3 pa dang ldan na/ log par lta ba dang bral bar 'gyur la yang dag pa'i lta ba'ang skyed par 'gyur ro/ /yang dag par zhugs na/ bdud kyis glags mi rnyed do/ /yang dag par zhugs na/ don
141b4 la nye bar rtog pa dang gnod pa dang 'bral bar 'gyur ro/ /don 'dod na/ don la yang dag par 'brang bar 'gyur te/ rigs kyi bu/ rnam grangs des kyang thos pa mang po la brtson pa'i
141b5 byang chub sems dpa' sems dpa' chen po ni/ bdud bzhi pham par byed nus par 'gyur ba de ltar rig par bya'o/ /bzhi gang zhe na/ 'di lta ste/ phung po'i bdud dang / nyon mongs
141b6 pa'i bdud dang / 'chi bdag gi bdud dang / lha'i bu'i bdud de/ bzhi po 'di dag pham par byed nus so/ /rigs kyi bu/ gzhan yang ji ltar sngon gyi byang chub sems dpa' chos don
141b7 du gnyer ba dang / chos 'dod pa rnams kyis thos pa yongs su btsal ba de las cung zad tsam khyod la bstan par bya'o/ /rigs kyi bu/ sngon byung ba 'das pa'i dus bskal pa grangs
142a1 med pa bas kyang ches grangs med pa yun ring po tshad med bsam gyis mi khyab pa 'das pa de'i tshe de'i dus na drang srong chen po mchog ces bya ba nags dang / nags 'dabs dang /
142a2 ril gnas pa/ mngon par shes pa lnga dang ldan pa/ rtag tu byams pa la gnas pa dang / snying rje la gnas pa zhig byung ste/ drang srong de mchog tu gyur to/ /de nags khung de dag na gnas
142a3 pa na 'di snyam du sems te/ bdag byams pa la gnas pa 'di ni sems can rnams kyi dga' ba skyed par yang mi 'gyur la/ byams pa 'dis ni sems can rnams kyi 'dod chags dang /
142a4 zhe sdang dang / gti mug rnams dang / bskal pa mtha' yas pa nas bsags pa'i nyon mongs pa thams cad kyang nye bar zhi bar byed mi nus so/ /byams pa 'dis ni 'phags
142a5 pa'i yang dag pa'i lta ba'ang bskyed par mi nus so snyam mo/ /de'ang 'di snyam du sems te/ 'phags pa'i yang dag pa'i lta ba gang las skye zhig gu snyam mo/ /de la rtog
142a6 pa 'di lta bu zhig byung ste/ 'phags pa'i yang dag pa'i lta ba skye ba la ni rgyu gnyis dang / rkyen gnyis yod de/ gnyis gang zhe na/ 'di lta ste/ gzhan gyi sgra dang / so sor
142a7 rang gi tshul bzhin yid la byed pa ste/ 'di gnyis ni 'phags pa'i yang dag pa'i lta ba skye ba'i rgyu gnyis dang / rkyen gnyis so snyam mo/ /de de'i tshe chos yongs su tshol ba la brtson
142b1 pa'i blo skyes te/ legs par gsungs pa bdag gis ga las rnyed par 'gyur snyam mo/ /de chos kyi phyir chos yongs su tshol ba la brtson nas grong dang / grong khyer dang / grong rdal dang /
142b2 ljongs dang / yul 'khor dang / rgyal po'i pho brang du song nas chos btsal to/ /btsal kyang chos smra ba 'ga' yang ma rnyed do/ /de nas de'i mdun du bdud kyi ris kyi lha zhig byung ste/ de
142b3 drang srong de'i thad du song nas 'di skad ces smras so/ /sangs rgyas bcom ldan 'das rnams las sangs rgyas kyis gsungs pa'i sangs rgyas kyi mtshan gyi tshigs su bcad pa gcig
142b4 gzung ba nga la yod do/ /drang srong des smras pa/ smros shig /lha des smras pa/ gal te khyod kyis rang gi lus las pags pa bshus te nyi ma la bskams nas shog bur byas te rang gi
142b5 khrag dang sbyar bas snag tsha byas la/ rang gi rus pas smyug gu byas te nga las tshigs su bcad pa de 'bri na/ de lta na/ sangs rgyas kyis gsungs pa'i tshigs su bcad pa de ngas khyod la
142b6 sbyin no| |rigs kyi bu/ de nas drang srong chen po mchog 'di snyam du sems te/ bdag gi lus 'di'i 'khor ba thog ma med pa nas skye ba de dang de dag dang / skye ba'i gnas de dang de
142b7 dag tu bskal pa 'bum phrag mang por nyes pa byas nas dgra dang gshed ma'i lag tu song nas chom rkun dang / rgyal pos bkra bas pa la sogs pas mtshon rnon pos yan lag
143a1 dang / nying lag thams cad dum bu du mar bcad cing gtubs te 'dod pa'i phyir dang / nor gyi phyir dang / ba sad pa dang / bcad pa dang / bcing ba dang /
143a2 brdeg pa dang / bsdigs pa la sogs pa dka' ba 'bum nyams su myong mod kyi/ 'on kyang bdag gi lus de dag dang / tshor ba de dag gis sems can su la'ang don ci'ang byas
143a3 pa med na/ da bdag gis snying po med pa'i lus 'dis chos rnyed par 'gyur ba ni/ bdag gis rnyed pa legs par rnyed do snyam nas dga' zhing mgu la yid rangs te/ lha de la'ang
143a4 slob dpon gyi 'du shes bskyed nas mtshan rnon pos rang gi lus las pags pa bshus te nyi ma la bskams nas shog bur byas te rang gi lus las khrag gzags nas rang gi
143a5 khrag gis snag tsha sbyar te/ rang gi rus pas smyug gu byas nas lha da la thal mo sbyar te 'di skad ces smras so/ /lha/ sangs rgyas kyis gsungs pa'i sangs rgyas kyi mtshan bsdus
143a6 pa'i tshigs su bcad pa de bdag la gsungs shig /khyod kyis ji skad bsgo ba bzhin du bdag gis bgyis lags te/ bdag gis pags pa bshus nas bskams te shog bur
143a7 bgyis nas rang gi khrag gis snag tsha sbyar te rang gi rus pas smyug gu bgyis lags so/ /zhes byas so/ /rigs kyi bu/ de nas bdud kyi ris kyi lha des drang srong chen po mchog de'i
143b1 gus pa dang / don du gnyer ba de lta bu mthong nas gnong gnong ltar byas te/ de nyid du mi snang bar gyur te/ rigs kyi bu/ de nas drang srong chen po mchog des de'i tshe lha de mi snang bar
143b2 gyur par rig nas 'di snyam du sems te/ bdag gis tshigs su bcad pa da ma thos su zin kyang gang gi phyir bdag gis chos la gus pa chen pos snag tsha 'di rang gi pags pa
143b3 bshus te bskams nas rang gi khrag dang sbyar ba dang / rang gi rus pa phyung ste smyug gu byas pas bdag gi chos la gus pa'i dge ba'i rtsa ba 'di chud za bar mi 'gyur ro/ /slu bar
143b4 yang mi 'gyur ro/ /'on kyang bdag gis lhag pa'i bsam pa dang / g.yo ba med pas sems can rnams la snying rje'i sems bskyed nas lus dang / srog la mi lta bar pags pa
143b5 shog bur byas te rang gi khrag gis sbyar nas/ rus pas smyug gu byas pa'i chos la gus pa'i bden pa dang bden pa'i tshig gang yin pa'i bden pa dang bden pa'i tshig des na/ 'jig
143b6 rten gyi khams 'di dang 'jig rten gyi khams gzhan dag na chos gsung zhing chos ston pa bdag nyid chen po su bzhugs kyang rung ste/ de dag gis bdag la zhal bstan par gsol
143b7 bdag la chos kyang thos par mdzad du gsol zhes byas so/ /rigs kyi bu/ de ltar drang srong chen po mchog gis tshig de skad cig smras ma thag tu skad cig de dang / thang gcig de dang / yud
144a1 tsam de nyid la 'og gi phyogs su sangs rgyas kyi zhing 'di nas sangs rgyas kyi zhing sum cu rtsa gnyis 'das pa na 'jig rten gyi khams kun nas dri ma med pa zhes
144a2 bya ba zhig yod de/ de na de bzhin gshegs pa dgra bcom pa yang dag bar rdzogs pa'i sangs rgyas dri ma med par grags pa'i rgyal po zhes bya ba bzhugs te 'tsho zhing gzhes la
144a3 chos kyang ston to/ /des drang srong chen po mchog de'i lhag pa'i bsam pa thugs su chud de/ dzam+bu'i gling 'di'i sems can yongs su smin pa'ang gzigs nas dper na/ skyes bu
144a4 stobs dang ldan pa'i lag pa bskum pa las brkyang ba'am/ brkyang ba las bskum pa bzhin du skad cig thang gcig yud tsam de la de bzhin gshegs pa dri ma med par grags
144a5 pa'i rgyal po de byang chub sems dpa' lnga brgya dang thabs cig tu de nas mi snang bar gyur nas drang srong chen po mchog gi mdun du bzhugs te/ bcom ldan 'das de bzhin
144a6 gshegs pa dgra bcom pa yang dag par rdzogs pa'i sangs rgyas dri ma med par grags pa'i rgyal po de byon ma thag tu de'i mod la nags khung de snang ba chen pos khyab par gyur
144a7 to| |me tog gi char chen po'ang bab bo/ /de'i tshe nags khung de na shing gi yal ga dang / lo ma dang / mgo lcogs dang / me tog dang / 'bras bu thams cad las chos ston pa'i
144b1 sgra dag byung ngo / /de'i tshe lha bye ba khrag khrig 'bum phrag du ma 'dus par gyur to/ /de nas drang srong chen po mchog la bcom ldan 'das de bzhin gshegs pa dri ma med par grags pa'i
144b2 la kha dog dang gzugs snga mkho bzhin du gyur te rma dang / snad pa med par gyur to/ /de nas drang srong chen po mchog gis bcom ldan
144b3 'das de bzhin gshegs pa dgra bcom pa yang dag par rdzogs pa'i sangs rgyas de'i zhabs la mgo bos phyag 'tshal nas bcom ldan 'das la lan gsum bskor ba byas te sor
144b4 mo bcu'i thal mo sbyar ba spyi bor bzhag nas de bzhin gshegs pa dri ma med par grags pa'i rgyal po la 'di skad ces gsol to/ /bcom ldan 'das ni/ bdag gi ston pa lags
144b5 so| |bde bar gshegs pa ni/ bdag gi ston pa lags so/ /bdag ni/ bcom ldan 'das dang / chos dang / dge slong gi dge 'dun la skyabs su mchi'o/ /ci nas bdag gis chos
144b6 thos nas log par zhugs pa'i sems can lta bar gyur pa'i glag glag pa spyod yul pa rnams kyi log par lta ba'i mun pa bsal nas yang dag pa'i lta ba'i chos ston par 'gyur
144b7 bar bcom ldan 'das kyis bdag la chos bstan du gsol/ bde bar gshegs pas bdag la chos bstan du gsol/ rigs kyi bu/ de nas de bzhin gshegs pa dri ma med par
145a1 grags pa'i rgyal po des drang srong chen po mchog gtso bor mdzad nas lha'i bu de dag dang / byang chub sems dpa' de dag la bsod nams thams cad bsdus
145a2 pa'i ting nge 'dzin 'di nyid las brtsams te/ ci nas lha'i bu'i 'khor de'i nang nas sngon dge ba'i rtsa ba yongs su sbyangs pa'i lha'i bu brgya stong bla na med pa yang dag par rdzogs
145a3 pa'i byang chub tu sems bskyed par 'gyur ba dang / drang srong chen po mchog de'ang dga' ba dang / dang ba dang / mchog tu dga' ba rgya chen po dang / spobs pa mi chod pa thob par 'gyur
145a4 ba de lta bu'i chos bstan to/ /bam po gsum pa/ bcom ldan 'das des rdo rje'i tshig brgyad po 'di dag kyang bstan te/ brgyad gang zhe na/ 'di lta ste/ chos thams cad
145a5 ni| nyon mongs pa dang bral ba'i phyir rang bzhin gyis yongs su dag pa'o/ /chos thams cad ni/ zag pa thams cad yongs su chad pa'i phyir zag pa med pa'o/ /chos thams
145a6 cad ni| gnas thams cad las yang dag par 'das pa'i phyir gnas med pa'o/ chos thams cad ni/ gnyis su med pa'i phyir sgo med pa'o/ /chos thams cad ni/ rnam
145a7 par thar pa'i sgo kun nas ston pa'i phyir kun nas sgo'o/ /chos thams cad ni/ 'gro ba med pa'i tshul gyis 'pho ba med pa'o/ /chos thams cad ni/ 'gro ba thams cad yang dag
145b1 par chad pa'i phyir 'gro ba med pa'o/ /chos thams cad ni/ 'das pa dang / ma 'ongs pa dang / da ltar byung ba gnyis su dbyer med pa'i phyir dus gsum mnyam pa ste/ rdo rje'i tshig brgyad
145b2 po de dag ni/ bcom ldan 'das de bzhin gshegs pa dri ma med par grags pa'i rgyal po des chos thams cad nges par 'byed pa'i phyir bstan to/ /mchog/ gzhan yang chos kyi sgo'i
145b3 tshig brgyad po 'di dag ni/ byang chub sems dpa' sems dpa' chen po yid rtul bar mi 'gyur ba ste/ brgyad gang zhe na/ 'di lta ste/ ming ni/ chos thams cad kyi sgo ste/ sgo sna tshogs
145b4 rnam par gzhag pa'i phyir ro/ /sgra ni/ chos thams cad kyi sgo ste/ ngag tha dad par brjod pa'i phyir ro/ /brda ni/ chos thams cad kyi sgo ste/ chos thams cad mngon par zhen pa med
145b5 pa'i phyir ro/ /rnam par rig pa ni/ chos thams cad kyi sgo ste/ gso ba dang / gsog dang / ya ma brla yin pa'i phyir ro/ /bdag gi ngo bo nyid ni/ chos thams cad kyi sgo ste/
145b6 bdag gi ngo bo nyid med pa'i phyir ro/ /zad pa ni/ chos thams cad kyi sgo ste/ yod pa ma yin pa'i phyir ro/ /gdags pa ni/ chos thams cad kyi sgo ste/ gdags pa 'byung ba
145b7 med pa'i phyir ro/ /mnyam pa nyid ni/ chos thams cad kyi sgo ste/ ro gcig pa'i phyir ro/ /mchog/ chos kyi sgo'i tshig de dag ni/ byang chub sems dpa' sems dpa' chen po yid
146a1 rtul bar mi 'gyur ba'o/ /mchog /gzhan yang sa bon gyi tshig brgyad po 'di dag ni/ spobs pa mi zad par 'gyur ba ste/ brgyad gang zhe na/ 'di lta ste/
146a2 mchog /a zhes bya ba sa bon gyi tshig ni/ chos thams cad gzod ma nas ma skyes par ston to/ /mchog/ pa zhes bya ba sa bon gyi tshig ni/ chos thams cad don dam par
146a3 ston to| |mchog /na zhes bya ba sa bon gyi tshig ni/ chos thams cad kyi ming dang / gzugs yongs su shes par ston to/ /mchog /da zhes bya ba sa bon gyi tshig ni/
146a4 chos thams cad dul ba dang / zhi bar ston to/ /mchog /sa zhes bya ba sa bon gyi tshig ni/ chos thams cad las yang dag par 'das par ston to/ /mchog /ta zhes bya ba
146a5 sa bon gyi tshig ni/ chos thams cad de bzhin nyid du dbyer med par ston to/ /mchog /ka zhes bya ba sa bon gyi tshig ni/ chos thams cad zad pa nyid du ston to/ /mchog /ma
146a6 zhes bya ba sa bon gyi tshig ni/ chos thams cad dbus dang / mtha' yongs su chad par ston to/ /mchog /sa bon gyi tshig brgyad po de dag ni/ spobs pa mi zad par 'gyur
146a7 pa'o| |de lta bas na/ sa bon gyi tshig 'di dag dang / chos kyi sgo'i tshig 'di dag dang / rdo rje'i tshig 'di dag la dran pa dang / shes bzhin du spyod pa mnyam pa nyid la
146b1 brtson par bya'o/ /rtag tu 'du 'dzi med par spyod pas tshul bzhin du so sor brtag pa la brtson par bya'o/ /rtag tu dge ba gang yin zhes tshol zhing 'dod pa la brtson par bya'o/ /
146b2 rigs kyi bu/ de ltar bcom ldan 'das de bzhin gshegs pa dri ma med par grags pa'i rgyal po des chos kyi tshig zhus pa de dag gi lan btab nas 'jig rten gyi khams de
146b3 snang bar mdzad cing rab tu g.yos par mdzad nas byang chub sems dpa' de dag dang thabs gcig tu mi snang bar gyur te/ skad cig thang gcig yud tsam de la rang gi sangs rgyas kyi
146b4 zhing du bzhugs par gyur to/ /sangs rgyas kyi zhing de nas kyang gang du'ang gshegs pa'am slar gshegs par mngon pa med do/ /rigs kyi bu/ de nas drang srong chen po mchog de
146b5 spobs pa mi chod pa de dang ldan par gyur te/ brjed ngas pa med pa'i dran pa de dang yang ldan par gyur nas lhas yongs su bzung ba thob par gyur to/ /lhas yongs su bzung ba des
146b6 na| bdud phyir rgol ba'ang bcom nas grong dang / grong khyer dang / grong rdal dang / ljongs dang / yul 'khor dang / rgyal po'i pho brang du song nas sems can rnams la chos ston te/
146b7 bsod nams thams cad bsdus pa'i ting nge 'dzin 'di nyid rgyas par bshad cing rab tu bstan to/ /des lo stong tham par chos bstan te srog chags brgyad khri bzhi stong ni/ nyan
147a1 thos su yongs su smin par byas so/ /srog chags brgyad khri bzhi stong ni/ rang sangs rgyas su yongs su smin par byas so/ /srog chags brgyad khri bzhi stong ni/
147a2 bla na med pa yang dag par rdzogs pa'i byang chub tu yongs su smin par byas so/ /srog chags brgyad khri bzhi stong ni/ 'khor los bsgyur bar yongs su smin par byas so/ /srog chags
147a3 brgyad khri bzhi stong ni/ brgya byin du yongs su smin par byas so/ /srog chags brgyad khri bzhi stong ni/ tshangs par yongs su smin par byas so/ /srog chags brgyad khri bzhi stong ni/
147a4 byams pa sgom pa la bkod do/ /srog chags brgyad khri bzhi stong ni/ snying rje sgom pa la bkod do/ /srog chags brgyad khri bzhi stong ni/ dga' bsgom pa la bkod do/ /srog chags
147a5 brgyad khri bzhi stong ni/ btang snyoms sgom pa la bkod do/ /srog chags dpag tu med pa zhig ni/ mtho ris kyi 'jig rten du nye bar 'gro bar byas so/ /de'i 'og tu drang srong chen
147a6 po mchog de shi nas lha'i bu brgyad khri bzhi stong dang lhan cig tu de bzhin gshegs pa dgra bcom pa yang dag par rdzogs pa'i sangs rgyas dri ma med par grags pa'i rgyal po de
147a7 nyid kyi sangs rgyas kyi zhing kun nas dri ma med pa'i 'jig rten gyi khams su skyes so/ /rigs kyi bu/ de'i tshe de'i dus na drang srong chen po mchog de gzhan zhig yin par khyod som
147b1 nyi'am| yid gnyis sam/ the tshom za na/ rigs kyi bu/ khyod kyis de ltar mi blta'o/ /de ci'i phyir zhe na/ nga nyid de'i tshe de'i dus na drang srong chen po mchog tu gyur te/ ngas chos 'dod pa dang /
147b2 chos la gus par gnas pa'i bden pa'i byin gyi rlabs des 'og gi phyogs nas bcom ldan 'das de bzhin gshegs pa dri ma med par grags pa'i rgyal po de spyan drangs so/ /dri ma
147b3 med pa'i gzi brjid/ rnam grangs des kyang khyod kyis chos 'dod pa'i byang chub sems dpa' sems dpa' chen po rnams la ni/ nam yang de bzhin gshegs pa mya ngan las 'da' bar
147b4 mi 'gyur la/ dam pa'i chos kyang nub par mi 'gyur ba de ltar rig par bya'o/ /de ci'i phyir zhe na/ dri ma med pa'i gzi brjid/ chos 'dod pa'i byang chub sems dpa' sems dpa'
147b5 chen po bsam pa phun sum tshogs pa/ gus pa dang bcas pa rnams ni/ 'jig rten gyi khams gzhan na 'dug kyang sangs rgyas bcom ldan 'das rnams zhal ston par mdzad cing chos
147b6 kyang thos par mdzad do/ /dri ma med pa'i gzi brjid/ chos 'dod pa'i byang chub sems dpa' sems dpa' chen po rnams kyi chos kyi gter ri dang / ri sul dang / shing dag gi nang du bcug
147b7 pa dag yod de/ gzungs dang / chos kyi sgo mtha' yas pa glegs bam du byas pa dag kyang lag tu 'ong bar 'gyur ro/ /dri ma med pa'i gzi brjid/ chos 'dod pa'i byang chub sems dpa'
148a1 sems dpa' chen po rnams la ni/ sngon sangs rgyas mthong ba'i lha rnams spobs pa sgrub par byed do/ /dri ma med pa'i gzi brjid/ chos 'dod pa'i byang chub
148a2 sems dpa' sems dpa' chen po rnams ni/ tshe zang na'ang sangs rgyas bcom ldan 'das rnams dang / lha rnams kyis tshe dang / stobs sgrub par byed de/ sangs rgyas kyi byin gyi
148a3 rlabs dang / lha'i byin gyi rlabs kyis de dag 'dod na lo stong du'ang 'khod do/ /lo 'bum phrag gnyis sam/ gsum mam/ bzhi'am/ lnga'i bar du'ang 'khod pa nas bskal pa
148a4 dang / bskal pa las lhag pa'am/ yang na ji srid 'dod pa'i bar du'ang 'khod do/ /dri ma med pa'i gzi brjid/ chos la gus pa skyes pa'i byang chub sems dpa' sems dpa'
148a5 chen po rnams la ni/ sangs rgyas bcom ldan 'das rga ba'ang sel bar mdzad do/ /nad kyang sel bar mdzad do/ /dran pa'ang sgrub par mdzad do/ /rtogs pa dang / spobs pa'ang
148a6 sgrub par mdzad do/ /chos la gus pa skyes pa'i byang chub sems dpa' sems dpa' chen po rnams la sangs rgyas bcom ldan 'das rnams lta bar gyur pa rnams ni/ sel
148a7 bar mdzad la/ yang dag pa'i lta ba ni/ sgrub par mdzad do/ /dri ma med pa'i gzi brjid/ chos la gus pa'i byang chub sems dpa' sems dpa' chen po rnams la gzhan gyi
148b1 gnod pa thams cad 'byung bar mi 'gyur ro/ /dri ma med pa'i gzi brjid/ de lta bas na/ byang chub sems dpa' sems dpa' chen pos thos pa'i tshogs la mkhas pa la brtson par bya'o/ /
148b2 thos pa'i tshogs la mkhas pa la brtson pa'i byang chub sems dpa' sems dpa' chen po la yon tan gyi khyad par de lta bu dag 'byung bar 'gyur ba'am/ yang na de bas kyang gong
148b3 ma'am| de bas kyang lhag par 'gyur te/ dri ma med pa'i gzi brjid/ gsum po 'di dag ni/ bsod nams nya bar rton pa dang / bsod nams kyi tshogs dang / bsod nams 'byung ba
148b4 dang / bsod nams rgyas pa dang / bsod nams kyi rgyu mthun pa dang / bsod nams mi zad pa dang / bsod nams bsam gyis mi khyab pa dang / bsod nams rgya mtsho yin te/ de la
148b5 gnas pa'i byang chub sems dpa' sems dpa' chen po dag gi bsod nams rnams kyi mtha'am tshad ni/ rtogs par mi nus so/ /dri ma med pa'i gzi brjid/ rgya mtsho chen po'i
148b6 thigs pa rnams kyi tshad dang / mtha' ni/ rtogs par nus kyi/ byang chub sems dpa' sems dpa' chen po rnams kyi sbyin pa'i tshogs dang / tshul khrims kyi tshogs dang / thos
148b7 pa'i tshogs bsags pa'i bsod nams kyi phung po'i tshad dang / mtha' ni/ rtogs par mi nus so/ /dri ma med pa'i gzi brjid/ stong gsum gyi stong chen po'i 'jig rten gyi
149a1 khams na sa la ri dang / shing ljon pa dang / nags tshal dang / rtswa yod pa thams cad ni/ srang tshad kyis tshad dang / mtha' rtogs pa'am shes par nus kyi/
149a2 byang chub sems dpa' sems dpa' chen po rnams kyi sbyin pa'i tshogs dang / tshul khrims kyi tshogs dang / thos pa'i tshogs bsags pa'i bsod nams kyi phung po ni/
149a3 tshad gzung bar mi nus so| /zhes ba smra'o/ /de nas bcom ldan 'das la tshan po cha chen po dri ma med pa'i gzi brjid kyis 'di skad ces gsol to/ /bcom ldan 'das/ tshogs
149a4 gsum po sbyin pa'i tshogs dang / tshul khrims kyi tshogs dang / thos pa'i tshogs de dag gi nang na tshogs gang ches mchog dang / ches gtso bo lags/ bcom ldan
149a5 'das kyis bka' stsal ba/ dri ma med pa'i gzi brjid/ tshogs gsum po sbyin pa'i tshogs dang / tshul khrims kyi tshogs dang / thos pa'i tshogs de dag gi nang na thos
149a6 pa'i tshogs 'ba' zhig mchog ces bya/ rab mchog ces bya/ gya nom pa zhes bya/ gtso bo zhes bya/ khyad par du 'phags pa zhes bya/ bla ma zhes bya/ bla na med pa zhes bya'o//
149a7 gong na med pa zhes bya'o/ /gong ma'i yang gong ma zhes bya'o/ /rigs kyi bu/ 'di lta ste/ dper na/ ri'i rgyal po ri rab kyi mdun na yungs 'bru gcig 'dug pa bzhin du sbyin
149b1 pa'i tshogs dang / tshul khrims kyi tshogs kyang de dang 'dra bar blta bar bya'o/ /ri'i rgyal po ri rab ji lta ba de bzhin du ni/ thos pa'i tshogs blta bar bya'o/ /rigs kyi bu/ 'di lta ste/ dper na/
149b2 nam mkha' la bya'i rjes ji lta ba bzhin du sbyin pa'i tshogs dang / tshul khrims kyi tshogs kyang de dang 'dra bar blta bar bya'o/ /phyogs bcu'i nam mkha' mtha' yas pa ji lta ba de bzhin du ni/
149b3 thos pa'i tshogs blta bar bya'o/ /rigs kyi bu/ sbyin pa'i tshogs ni/ bya ba gnyis byed de/ gnyis gang zhe na/ 'di lta ste/ dbul ba sel ba dang / longs spyod chen po sgrub pa ste/ bya
149b4 ba 'di gnyis byed do/ /tshul khrims kyi tshogs kyang bya ba gnyis byed de/ gnyis gang zhe na/ 'di lta ste/ ngan 'gro sel ba dang / bde 'gro sgrub pa ste/ bya ba 'di gnyis byed do/ /shes
149b5 rab kyi tshogs kyang bya ba gnyis byed de/ gnyis gang zhe na/ 'di lta ste/ lta bar gyur pa thams cad sel ba dang / shes rab sgrub pa ste/ bya ba 'di gnyis byed do/ /rigs kyi bu/ sbyin
149b6 pa'i tshogs ni/ zag pa dang bcas pa dang / len pa dang bcas pa dang / phung por rnam par smin pa'o/ /rigs kyi bu/ tshul khrims kyi tshogs ni/ zag pa dang bcas pa dang / len pa dang
149b7 bcas pa dang / phung por rnam par smin pa'o/ /rigs kyi bu/ thos pa'i tshogs ni/ zag pa med pa dang / len pa med pa dang / phung por rnam par smin pa ma yin pa'o/ /rigs kyi bu/ de
150a1 lta bas na/ byang chub sems dpa' sems dpa' chen po brtson 'grus brtsams pa rnams kyis thos pa'i tshogs la brtson par bya'o/ /sbyin pa'i tshogs dang /
150a2 tshul khrims kyi tshogs dang / thos pa'i tshogs 'di dag bstan pa na/ sngon dge ba'i rtsa ba bskyed pa'i srog chags sum stong gis bla na med pa yang dag par rdzogs pa'i byang chub tu
150a3 sems bskyed do/ /lha'i bu lnga stong ni/ chos rnams la chos kyi mig rdul med cing dri ma dang bral ba rnam par dag go /tshan po che chen po dri ma med pa'i gzi brjid kyis kyang rjes su
150a4 mthun pa'i chos kyi bzod pa thob bo/ /de nas bcom ldan 'das la tshan po che chen po dri ma med pa'i gzi brjid kyis 'di skad ces gsol to/ /bcom ldan 'das/ byang chub sems
150a5 dpa' sems dpa' chen po chos du dang ldan na/ mi skye ba'i chos rnams la bzod pa myur du thob par 'gyur lags/ bcom ldan 'das kyis bka' stsal pa/ rigs kyi bu/ byang
150a6 chub sems dpa' sems dpa' chen po chos bzhi dang ldan na/ mi skye ba'i chos rnams la bzod pa myur du thob par 'gyur te/ bzhi gang zhe na/ 'di lta ste/ lus la gzugs
150a7 brnyan dang 'dra bar mos pa dang / ngag la brag ca dang 'dra bar mos pa dang / sems la sgyu ma dang 'dra bar mos pa dang / chos thams cad la mi zad pa'i chos nyid du mos pa ste|
150b1 rigs kyi bu/ byang chub sems dpa' sems dpa' chen po chos bzhi po de dag dang ldan na/ mi skye ba'i chos rnams la bzod pa myur du thob par 'gyur ro/ /rigs kyi bu/ gzhan yang
150b2 byang chub sems dpa' sems dpa' chen po chos bzhi dang ldan na/ mi skye ba'i chos rnams la bzod pa myur du thob par 'gyur te/ bzhi gang zhe na/ 'di lta ste/ sems can thams cad
150b3 la byams pas khyab par yang byed la sems can du 'du shes pa'ang med pa dang / chos thams cad la stong pa dang / mi rtag par yang mos par byed la gzhir yang mi byed pa dang / sangs
150b4 rgyas thams cad kyang mthong la sha'i mig la'ang mngon par zhen pa med pa dang / sems rab tu rnam par 'byed pa la'ang mkhas la sems kyang sems la gtod par mi byed pa ste/
150b5 rigs kyi bu/ byang chub sems dpa' sems dpa' chen po chos bzhi po de dag dang ldan na/ mi skye ba'i chos rnams la bzod pa myur du thob par 'gyur ro/ /rigs kyi bu/ gzhan
150b6 yang byang chub sems dpa' sems dpa' chen po chos bzhi dang ldan na/ mi skye ba'i chos rnams la bzod pa myur du thob par 'gyur te/ bzhi gang zhe na/ 'di lta ste/ lta ba spang
150b7 pa'i phyir bdog pa thams cad yongs su gtong ba dang / nyon mongs pa thams cad rab tu zhi ba'i phyir tshul khrims yongs su dag pa dang / chos kyis lhag pa'i phyir bzod pa'i stobs
151a1 dang ldan pa dang / dben pa'i chos kyis rnam par grol ba'i phyir brtson 'grus brtsams pa ste/ rigs kyi bu/ byang chub sems dpa' sems dpa' chen
151a2 po chos bzhi po de dag dang ldan na/ mi skye ba'i chos rnams la bzod pa myur du thob par 'gyur ro/ /rigs kyi bu/ gzhan yang byang chub sems dpa' sems dpa' chen po
151a3 chos bzhi dang ldan na/ mi skye ba'i chos rnams la bzod pa myur du thob par 'gyur te/ bzhi gang zhe na/ 'di lta ste/ bsam gtan yang thob la bsam gtan la'ang mi rten pa
151a4 dang / shes rab kyis kyang rnam par brtags la spros pa'ang med pa dang / thabs la mkhas pa'ang rab tu 'dzin la sems can yang sdud pa dang / spyod pa thams cad la'ang
151a5 gegs med la spyod pa'ang khong du chud par byed pa ste/ rigs kyi bu/ byang chub sems dpa' sems dpa' chen po chos bzhi po de dag dang ldan na/ mi skye ba'i chos rnams
151a6 la bzod pa myur du thob par 'gyur ro/ /rigs kyi bu/ gzhan yang byang chub sems dpa' sems dpa' chen po chos bzhi dang ldan na/ mi skye ba'i chos rnams la bzod pa
151a7 myur du thob par 'gyur te/ bzhi gang zhe na/ 'di lta ste/ byams pa chen pos sems can thams cad yongs su skyob pa dang / snying rje chen pos 'khor ba las yongs su mi skyo
151b1 ba dang / dga' ba chen pos chos la dga' zhing mchog tu dga' ba dang / btang snyoms chen pos rjes su chags pa dang / khong khro ba spong ba ste/ rigs kyi bu/ byang chub sems dpa'
151b2 sems dpa' chen po chos bzhi po de dag dang ldan na/ mi skye ba'i chos rnams la bzod pa myur du thob par 'gyur ro/ /rigs kyi bu/ gzhan yang byang chub sems dpa' sems
151b3 dpa' chen po chos bzhi dang ldan na/ mi skye ba'i chos rnams la bzod pa myur du thob par 'gyur te/ bzhi gang zhe na/ 'di lta ste/ rnam par thar pa'i sgo gsum mngon sum du byed
151b4 pa dang / dus gsum yongs su shes pa dang / khams gsum las yang dag par 'da' ba dang / chos thams cad rang bzhin gyis sa ma skyes pa la yid ches pa ste/ rigs kyi bu/
151b5 byang chub sems dpa' sems dpa' chen po chos bzhi po de dag dang ldan na/ mi skye ba'i chos rnams la bzod pa myur du thob par 'gyur ro/ /bzhi pa sgrub ba'i chos kyi rnam grangs
151b6 'di bshad pa na tshan po che chen po dri ma med pa'i gzi brjid kyis mi skye ba'i chos la bzod pa thob ste/ de dga' ba dang / mchog tu dga' ba thob pa de kho nas ta la bdun srid tsam gyi
151b7 nam mkha' la mngon par 'phags so/ /stong gsum gyi stong chen po'i 'jig rten gyi khams 'di'ang rnam pa drug tu g.yos so/ /lha dang mi'i sil snyan 'bum yang 'khrol lo/ /pad+ma'i
152a1 sprin gyi char chen po'ang mngon par bab po/ /'jig rten 'di'ang snang ba chen pos khyab par gyur to/ /de nas de'i tshe bcom ldan 'das 'dzum pa mdzad de/
152a2 'di ni| de bzhin gshegs pa rnams kyi chos nyid de/ gang gi tshe 'dzum pa de'i tshe bcom ldan 'das kyi zhal gyi sgo nas 'od zer sna tshogs 'di lta ste/ sngon po dang / ser
152a3 po dang / dmar po dang / dkar po dang / btsod ka dang / shel dang / dngul gyi kha dog lta bu dag byung ngo / /de dag byung nas 'jig rten gyi khams mtha' yas mu med pa 'od kyis khyab
152a4 par gyur nas nyi ma dang / zla ba rnams kyi 'od kyang zil gyis mnan te tshangs pa'i 'jig rten du thug nas phyir log ste bcom ldan 'das kyi spyi gtsug tu nub par gyur to/ /de nas
152a5 tshe dang ldan pa kun dga' bo stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su
152a6 thal mo sbyar ba btud nas bcom ldan 'das la 'di skad ces gsol to/ /bcom ldan 'das/ sangs rgyas bcom ldan 'das rnams ni/ rgyu ma mchis/ rkyen ma mchis par
152a7 'dzum pa mi mdzad na/ 'dzum pa mdzad pa'i rgyu ni/ gang lags/ rkyen ni/ gang lags/ de'i tshe tshigs su bcad pa 'di dag kyang smras so/ /ye shes mchog brnyes yongs dag
152b1 yangs pa'i spyan mnga' ba/ /dbang po zhi ba zhi gnas pha rol phyin mchog brnyes/ /sku mdog gser gyi ri bo lha yi 'ong 'dra ba/ /ci yi slad du bcom ldan 'dzum pa 'di ston mdzad/ /
152b2 gang gi blo gros ci 'dra dus gsum ldan pa dang / /lha dang mi rnams sems kyi spyod pa mkhyen bzhin du/ /'du shes mi mnga' rtag tu ye shes mchog brnyes pa/ /zhal ras zla 'dra 'dzum
152b3 pa'i don ni bstan par gsol/ /'das pa'i sangs rgyas ji snyed gang dag ma 'ongs dus/ /gang dag gnas pa'i rgyal ba de dag mtshungs pa ste/ /sems can gang dag dkar po spyod pa sna
152b4 tshogs pa/ /sbyor mkhyen lung bstan slad du thams cad yang dag gsungs/ /sangs rgyas zhing 'di dag ni sku yis thams cad khyab/ /khyod kyi gsung ni sangs rgyas zhing mang yangs par
152b5 grag /'dir ni thugs kyis 'gro ba kun la byams pa bskyed/ /rgyal ba ye shes mtha' yas ldan pa gang slad gsungs/ /chos rnams ya ma brla ste chu zla 'dra ba dang / /sgyu ma lta bur
152b6 'jig pa rmi lam ngo bo nyid/ /sprin ltar mi brtan 'jig pa'i chos can mkhyen pa po/ /mi yi seng+ge gang slad 'dzum don bstan par gsol/ /stong pa mtshan med smon med rtogs pas rnam
152b7 par grol/ /rtag tu thugs dul chos kyi ngo bo nyid la mkhas/ /rlung srub mkha' la 'tshub kyang spros med 'dra ba po/ /ci slad 'dzum mdzad 'di la don ni ci mchis gsungs/ /gang gi
153a1 sems deng sangs rgyas ye shes mchog la btud/ /gang gis de ring shing rgyal drung du bdud kyang bcom/ /gang gis rgyal ba mchog rnams gdan ni yongs
153a2 su bzung / /skyes bu khyu mchog gis ni ci phyir 'dzum pa bstan/ /'di na rgyal ba'i nyan thos de rnams sa ma mchis/ /'di la rang sangs rgyas kyi yul yang ci ma mchis/ /'di ni
153a3 sangs rgyas yon tan rgya mtsho rnams kyi yul/ /'jig rten mchog gis 'dzum pa'i rgyu ni bstan par gsol/ /de nas bcom ldan 'das kyis tshe dang ldan pa kun dga' po la 'di
153a4 skad ces bka' stsal to/ /kun dga' bo/ khyod kyis tshan po che chen po dri ma med pa'i gzi brjid ta la bdun srid tsam gyi steng gi bar snang la mngon par 'phags te 'dug pa
153a5 mthong ngam/ gsol pa/ bcom ldan 'das/ mthong lags so/ /bde bar gshegs pa/ mthong lags so/ /bcom ldan 'das kyis bka' stsal pa/ kun dga' bo/ tshan po
153a6 che chen po dri ma med pa'i gzi brjid 'di bskal pa grangs med pa gsum pa phrag 'bum gyis bla na med pa yang dag par rdzogs pa'i byang chub tu mngon par rdzogs par 'tshang rgya
153a7 bar 'gyur te/ shar phyogs kyi 'jig rten gyi khams rnam par dag par byed pa zhes bya bar bskal pa tshangs pas bstod pa zhes bya ba la de bzhin gshegs pa dgra bcom pa
153b1 yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi
153b2 ston pa sangs rgyas bcom ldan 'das bkod pa mang po'i rgyal po zhes bya bar 'jig rten du 'byung ngo / /kun dga' bo/ de bzhin gshegs pa dgra bcom pa yang dag par rdzogs pa'i
153b3 sangs rgyas bkod pa mang po'i rgyal po'i sangs rgyas kyi zhing rnam par dag par byed pa'i 'jig rten gyi khams de'ang 'byor pa dang / rgyas pa dang / bde ba dang / lo legs pa dang / nyams
153b4 dga' ba dang / skye po dang / mi mang pos gang bar 'gyur te/ kun dga' bo/ dper na/ dga' ldan gyi lha rnams kyi longs spyod dang / yongs su spyad pa ji lta ba bzhin du sangs rgyas
153b5 gyi zhing rnam par dag pa'i 'jig rten gyi khams kyi sems can de dag gi longs spyod dang / yongs su spyad pa'ang de 'dra bar 'gyur ro/ /de bzhin gshegs pa bkod pa mang po'i
153b6 rgyal po de'ang gtam gzhan mi gsung bar byang chub sems dpa' bsdu ba'i phyir byang chub sems dpa'i sde snod 'ba' zhig ston to/ /de na nyan thos dang / rang sangs rgyas rnams
153b7 kyi ming yang med de/ byang chub sems dpa' sems dpa' chen po bzod pa thob pa'i byang chub sems dpa'i dge 'dun chen po 'ba' zhig 'byung bar 'gyur ro/ /de bzhin gshegs
154a1 pa de'ang tshe dpag tu med par 'gyur ro/ /de'i sangs rgyas kyi zhing de na mi khom pa brgyad med de/ de bdud dang phyir rgol ba bcom pa/ gzhan mu stegs can med pa
154a2 dang / bai DUR+ya las grub la dzam+bu chu bo'i gser gyi pad+mas spras pa'i sangs rgyas kyi zhing du 'gyur ro/ /de nas tshan po che chen po dri ma med pa'i gzi brjid bar snang de las babs te
154a3 bcom ldan 'das kyi zhabs la phyag 'tshal nas bcom ldan 'das la rab tu 'byung bar gsol te de bzhin gshegs pa'i bstan pa la rab tu byung ngo / /de nas bcom ldan
154a4 'das la byang chub sems dpa' sems dpa' chen po sred med kyi bus 'di skad ces gsol to/ /bcom ldan 'das kyis chos 'dul ba legs par gsungs pa ni/ bcom
154a5 ldan 'das/ ngo mtshar lags so/ /bde bar gshegs pa/ ngo mtshar lags te/ 'di ltar de bzhin gshegs pa la skur pa 'debs pa'am/ klan ka tshol ba'am/ mtho
154a6 'tsham pa'am/ bsting ba'i slad du mchis pa gang dag lhags pa de dag kyang de bzhin gshegs pa mthong ma thag tu dga' ba dang / dang ba dang / mchog tu dga' ba drag po thob
154a7 par 'gyur la/ nga rgyal dang / rgyags pa dang / dregs pa nges par bcom nas de bzhin gshegs pa nyag gcig la 'dud cing / bcom ldan 'das nyag gcig la thal mo sbyar
154b1 ba btud pa dang / bcom ldan 'das/ 'di ltar tshan po che chen po dri ma med pa'i gzi brjid 'di nga rgyal dang / rgyags pa dang / dregs pa drag pos mchis la/ chos 'di lta bu 'di
154b2 thos nas bdag nyid chen po 'di lta bu thob ste/ sems can dpag tu ma mchis grangs ma mchis pa'i nga rgyal dang / rgyags pa dang / dregs pa spangs pa'i slad du chos ston par 'gyur
154b3 lags so/ /bcom ldan 'das/ sngon 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas ji snyed cig la tshan po che chen po dri ma med pa'i
154b4 gzi brjid kyis yang dag par rdzogs pa'i byang chub 'tshal ba'i slang du dge ba'i rtsa ba bskyed nas des na/ da ltar 'di lta bu'i mngon par shes pa myur ba thob par gyur lags/ de
154b5 skad ces gsol pa dang / bcom ldan 'das kyis byang chub sems dpa' sems dpa' chen po sred med kyi bu la 'di skad ces bka' stsal to/ /sred med kyi bu/ tshan po che chen
154b6 bo dri ma med pa'i gzi brjid kyis ni/ 'das pa'i dus na yang dag par rdzogs pa'i byang chub 'dod pa'i phyir sangs rgyas bye ba phrag drug cu rtsa gnyis la dge ba'i rtsa ba bskyed do/ /
154b7 de phyin chad kyang sangs rgyas bcom ldan 'das dpag tu med/ grangs med pa la bkur stir byed/ bla mar byed/ ri mor byed/ mchod par byed par 'gyur te/ tshangs par spyad pa spyod
155a1 par 'gyur ro/ /sred med kyi bus gsol pa/ bcom ldan 'das/ mi dge ba'i rtsa ba gang gis na/ de'i byang chub kyi sems ma mchis par gyur nas des na
155a2 'di brtsad pa'i bsam pas de bzhin gshegs pa'i spyan sngar mchis la 'di lta bu'i nga rgyal dang / rgyags pa dang / dregs pa dang ldan par gyur lags/ de skad ces gsol
155a3 pa dang / bcom ldan 'das kyis byang chub sems dpa' sems dpa' chen po sred med kyi bu la 'di skad ces bka' stsal to/ /sred med kyi bu/ byang chub sems dpa' chos
155a4 bzhi dang ldan na/ byang chub kyi sems brjed par 'gyur te/ bzhi gang zhe na/ 'di lta ste/ lhag pa'i nga rgyal dang / chos la ma gus pa dang / dge ba'i bshes gnyen la khyad
155a5 du gsod pa dang / log pa'i tshig smra ba ste/ sred med kyi bu/ byang chub sems dpa' chos bzhi po de dag dang ldan na/ byang chub gyi sems brjed par 'gyur ro/ /sred med kyi bu/
155a6 gzhan yang byang chub sems dpa' chos bzhi dang ldan na/ byang chub kyi sems brjed par 'gyur te/ bzhi gang zhe na/ 'di lta ste/ nyan thos dang / rang sangs rgyas kyi theg pa
155a7 pa'i rnal 'byor spyod pa dag dang 'dris par byed pa dang / theg pa dman pa la mos pa rnams dang / byang chub sems dpa' la sdang zhing skur pa 'debs pa dang / chos rnams la slob
155b1 dpon gyi dpe ma khyud byed pa ste/ sred med kyi bu/ byang chub sems dpa' chos bzhi po de dag dang ldan na/ byang chub kyi sems brjed par 'gyur ro/ /sred med kyi bu/ gzhan yang
155b2 byang chub sems dpa' chos bzhi dang ldan na/ byang chub kyi sems brjed par 'gyur te/ bzhi gang zhe na/ 'di lta ste/ sgyu byed pa dang / sems can rnams la g.yos bsten par
155b3 byed pa dang / dge ba'i bshes gnyen rnams la lce gnyis byed pa dang / rnyed pa dang bkur sti la lhag par zhen pa ste/ sred med kyi bu/ byang chub sems dpa' chos bzhi po de dag
155b4 dang ldan na/ byang chub kyi sems brjed par 'gyur ro/ /sred med kyi bu/ gzhan yang byang chub sems dpa' chos bzhi dang ldan na/ byang chub kyi sems brjed par 'gyur te/ bzhi
155b5 gang zhe na/ 'di lta ste/ bdud kyi las ma rtogs pa dang / las kyi sgrib pas bsgribs pa dang / lhag pa'i bsam pa stobs chung ba dang / shes rab dang thabs med pa ste/ sred med
155b6 kyi bu| byang chub sems dpa' chos bzhi po de dag dang ldan na/ byang chub kyi sems brjed par 'gyur ro/ /sred med kyi bu/ yang gang gi phyir tshan po che chen po dri ma med pa'i gzi
155b7 brjid kyi byang chub sems brjed par gyur pa de nyon cig /sred med kyi bu/ sngon byung ba 'das pa'i dus na bskal pa bzang po 'di nyid la de bzhin gshegs pa dgra bcom pa
156a1 yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na
156a2 med pa| lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ de'i bstan pa gnas pa na bram ze shing sA la chen po lta bu
156a3 nor bzang zhes bya ba zhig byung ste/ de bdud kyis bslus nas lhag pa'i nga rgyal can du gyur te/ de bzhin gshegs pa'i thad du mi 'gro ba'i steng du nga rgyal gyis zil gyis non
156a4 nas bram ze dang / khyim bdag chos smra ba rnams dang lhan cig tu 'thab pa dang / rtsod pa dang / 'gyed pa la zhugs te/ chos dang / chos smra ba rnams la'ang ma gus pa bskyed do//
156a5 de'i tshe de nyid la chos lnga dang bral bar gyur te/ lnga gang zhe na/ 'di lta ste/ sangs rgyas mthong ba dang / chos thos pa dang / byang chub sems dpa' sems dpa' chen po theg pa
156a6 chen po la yang dag par zhugs pa dag dang 'brel ba'i gtam sna tshogs dri bar bya ba dang / dge ba'i rtsa ba yongs su bsngo ba dang / byang chub kyi sems shin tu brtan por bya ba
156a7 dang bral bar gyur nas des mi dge ba'i chos ni/ yongs su bzung la/ byang chub kyi sems ni/ yongs su bzung ste/ sred med kyi bu/ chos lnga po de dag dang bral bar gyur to/ /
156b1 sred med kyi bu/ de'i tshe de'i dus na bram ze shing sA la chen po lta bu nor bzang gang yin pa de gzhan zhig yin par khyod som nyi'am/ yid gnyis sam/ the tshom zan/ khyod kyis de
156b2 ltar mi blta'o/ /de ci'i phyir zhe na/ tshan po che chen po dri ma med pa'i gzi brjid 'di nyid de'i tshe de'i dus na bram ze shing sA la chen po lta bu nor bzang du gyur te nga rgyal des na/ de'i byang
156b3 chub kyi sems brjed do// sngon gyi dge ba'i rtsa bas yongs su bsrungs pa dang / byang chub kyi sems kho nas bskyabs pa des ni/ ngan song dag tu ma skyes so/ /de nga rgyal gyis khengs
156b4 te| tshan po che chen po'i shugs thob kyang sangs rgyas kyi mthus sangs rgyas mthong ba dang ma bral lo/ /de de bzhin gshegs pa'i stobs kyi shugs ma bzod de 'ongs pa las/ de
156b5 bzhin gshegs pa dang byang chub sems dpa'i stobs kyi shugs thos nas nga rgyal dang / rgyags pa dang / dregs pa thams cad yongs su chad do/ /sdig pa ma byas pa'i phyir ni/ de
156b6 bzhin gshegs pa mthong ngo / /de'i sngon gyi rgyu las byung ba'i dge ba'i rtsa ba mngon du byung ste/ des na mngon par shes pa myur la bzod pa thob bo/ /de nas byang chub sems dpa'
156b7 sred med kyi bus tshan po che chen po dri ma med pa'i gzi brjid la 'di skad ces smras so/ /rigs kyi bu/ khyod kyis chos gang bskyed na/ des khyod kyis bzod pa thob par gyur/ dri ma
157a1 med pa'i gzi brjid kyis smras pa/ bdag gis so so'i skye bo'i chos thams cad bskyed do/ /sred med kyi bus smras pa/ khyod kyis ji ltar bskyed/ dri ma med
157a2 pa'i gzi brjid kyis smras pa/ ji ltar 'byung ba med pa dang / 'jig pa med pa de ltar bskyed do/ /ji ltar mngon par zhen pa med pa dang / skye ba med pa de ltar bskyed do/ /sred med kyi
157a3 bus smras pa/ rigs kyi bu/ so so skye ba'i chos rnams dang / sangs rgyas kyi chos rnams la khyad par ni/ ci zhig yod/ tha dad du dbye ba ni/ ci zhig yod/ dri ma med pa'i gzi
157a4 brjid kyis smras pa/ ming la ni/ tha dad du dbye ba yod kyi/ don la ni/ tha dad du dbye ba med do/ /sred med kyi bus smras pa/ dri ma med pa'i gzi brjid/ so so skye bo'i chos rnams
157a5 kyi don gang yin/ dri ma med pa'i gzi brjid kyis smras pa/ de'i don ni/ med pa las yongs su brtags pa dang / rnam par rtog pa med pa'o/ /sred med kyi bus smras pa/ dri ma med
157a6 pa'i gzi brjid/ don gyis ni/ ci zhig sel bar byed/ ci zhig ni/ sgrub par byed/ dri ma med pa'i gzi brjid kyis smras pa/ sred med kyi bu/ don gyis ni/ so so'i skye bo'i chos
157a7 rnams sel bar byed do/ /sangs rgyas kyi chos rnams ni/ sgrub par byed do/ /sred med kyi bus smras pa/ dri ma med pa'i gzi brjid/ sangs rgyas kyi chos rnams kyi don gang yin/
157b1 dri ma med pa'i gzi brjid kyis smras pa/ sred med kyi bu/ sangs rgyas kyi chos rnams kyi don ni/ gnyis su dbyer med pa'o/ /sred med kyi bus smras pa/ rigs kyi bu/ don la rton par
157b2 bya'i| tshig 'bru la rton par mi bya'o/ /zhes de bzhin gshegs pas gsungs pa dang / yang dag pa'i lta ba skyes pa la ni/ rgyu gnyis dang / rkyen gnyis yod de/ gnyis gang zhe na/
157b3 'di lta ste/ gzhan gyi sgra dang / rang gi tshul bzhin yid la byed pa'o/ /zhes gsungs na/ ji ltar tshig 'bru'ang de nyid yin la/ don kyang de nyid yin/ dri ma med pa'i gzi brjid kyis
157b4 smras pa| sred med kyi bu/ don la rton pa'i byang chub sems dpas ni/ tshig 'bru phri ba'ang med do/ /yang tshig 'bru dmigs su med pa de ni/ don yin la/ don de'ang brjod du med
157b5 pa'i don yin no/ /don la rton pa la ni/ chos kyang ci'ang med do/ /don kyang ci'ang med do/ /de ci'i phyir zhe na/ chos thams cad ni/ brjod du med pa dang / ya ma brla dang / yul na
157b6 mi gnas pa dang / phyogs na mi gnas pa dang / gang kho na gnas pa de kho nar 'gags pa'i phyir ro/ /bcom ldan 'das kyis kyang don ni/ gtan du 'gog pa'i mtshan nyid do//
157b7 zhes gsungs te/ sred med kyi bu/ de lta bas na/ gang don la rton pa de ni/ chos gang las kyang mi 'phro rnam par mi 'phro'o/ /gang mi 'phro rnam par mi 'phro ba de ni/ don to/ /sred
158a1 med kyi bus smras pa/ rigs kyi bu/ gang don la rton pa de chos thams cad la rton pa'i rnam grangs yod dam/ dri ma med pa'i gzi brjid kyis smras pa/ sred med kyi
158a2 bu| yod de/ 'di ltar chos thams cad ni/ stong pa/ chos thams cad ni/ dben pa ste/ de dag ni/ chos thams cad ji ltar stong pa de kho na bzhin du de la rton to/ /ji ltar dben
158a3 pa de kho na bzhin du da la rton to/ /sred med kyi bu/ de ltar na/ gang don la rton pa de ni/ chos thams cad la rton to/ /sred med kyi bus smras pa/ dri ma med pa'i gzi brjid/ de lta bas
158a4 na| chos thams cad 'di rton pa yin no/ /dri ma med pa'i gzi brjid kyis smras pa/ sred med kyi bu/ de ni/ de bzhin no/ /khyod ji skad zer ba bzhin te/ chos thams cad ni/ don
158a5 dam pa la rton pa yin no/ /don dam pa ni/ de dag gi sgo yin te/ don dam par de dag btsal bar bya ba yin no/ /ji ltar chos kyang mi sgrub/ chos ma yin pa'ang mi sgrub pa de ltar
158a6 de dag btsal bar bya'o/ /gnyis su med pa btsal ba ni/ 'phags pa rnams kyi btsal ba yin no/ /btsal ba de ni/ byed pa med pa'o/ /btsal ba de ni/ bya ba ma yin/ rnam par
158a7 bya ba ma yin no/ /gang gi tshe mi byed cing rnam par mi byed pa de'i tshe btsal ba byas pa yin no/ /gal te don dang 'gal bar mi byed na/ btsal bar bya ba'i 'os yin no/ /de
158b1 nas tshan po che chen po dri ma med pa'i gzi brjid kyis don 'di bstan pa na dge slong lnga brgya len pa med par zag pa rnams las sems rnam par grol lo/ /lha'i bu brgyad stong ni/
158b2 chos rnams la chos kyi mig rdul med cing dri ma dang bral ba rnam par dag go /byang chub sems dpa' sems dpa' chen po sred med kyi bus kyi byang chub sems dpa' dri ma med pa'i gzi
158b3 brjid la gzhan yang 'di skad ces smras so/ /dri ma med pa'i gzi brjid/ de bzhin gshegs pas don la rton par bya'i/ tshig 'bru la ma yin zhes gsungs pa de ni/ sems
158b4 can 'di dag don la mi mkhas shing gnyis la spyod pa dang / tshig 'bru la'ang mi mkhas pas tshig 'bru la sgro 'dogs shing don mi shes pa'i phyir de dag la don la rton par bya'o /tshig
158b5 'bru la ma yin zhes de bzhin gshegs pas gsungs te/ de dag don la rton pas tshig 'bru la rang bzhin mnyam pa nyid du rtogs pas tshig 'bru las yang dag par 'da' bar
158b6 'gyur ro/ /rigs kyi bu/ de bzhin gshegs pas yang dag pa'i lta ba skye ba la ni/ rgyu gnyis dang / rkyen gnyis yod do/ /zhes de skad gsungs pa de ni/ 'di ltar chos 'dul ba ma
158b7 thos pas ting nge 'dzin tsam gyis chog par 'dzin pa de dag 'khor ba las rnam par ma grol bzhin du rang bzhin du rang bzhin gyis mngon pa'i nga rgyal can yin te/ rang bzhin gyis mngon pa'i nga
159a1 rgyal can de dag thos pa mang po la gzud pa'i phyir te/ de dag gis chos thos nas gal te tshul bzhin du sgrub na ni/ de dag kyang lhag pa'i nga rgyal med par
159a2 'gyur te/ lam la gnas pa de la dgongs nas bcom ldan 'das kyis/ thos pas chos rnams shes par 'gyur/ /thos pas sdig pa byed mi 'gyur/ /thos pas gnod pa
159a3 spang bar 'gyur/ /thos pas mya ngan 'da' ba 'thob/ /ces gsungs so/ /byang chub sems dpa' sped med kyi bus smras pa/ rigs kyi bu/ ji ltar na dge slong rnal 'byor spyod pa
159a4 tshul bzhin du chos la sbyor ba yin/ dri ma med pa'i gzi brjid kyis smras pa/ gang du'ang sbyor ba med la 'bral bar yang mi byed na/ de ltar na tshul bzhin du chos la sbyor ba
159a5 yin no| |sred med kyi bu/ tshul bzhin du sbyor ba zhes bya ba de ni/ sbyor ba med pa'i tshig bla dgas so/ /sred med kyi bu/ gzhan yang gang gi tshe dge slong sbyor bar mi byed
159a6 na| nyes pa kun nas slong bar mi byed/ bdag kun nas slong bar mi byed de/ de ni/ de'i tshul bzhin du sbyor ba'o/ /gang gi tshe sngon gyi mtha' dang / phyi ma'i mtha' la so sor
159a7 rtog ste| gang la smra ba dang / gang smra bar bya ba dang / gang yongs su shes par bya ba'i phyir smra ba dang / gang spang ba'i phyir smra ba dang / gang rtogs par bya ba'i phyir smra ba dang /
159b1 gang bsgom pa'i phyir smra ba de dag thams cad 'das pa'i rgyus thob pa ma yin/ ma 'ongs pa'i rgyus 'thob pa ma yin/ da ltar byung ba'i rgyus 'thob pa ma yin pa 'di ni/ tshul bzhin
159b2 du sbyor ba zhes bya'o/ /gang gi tshe chos thams cad ngo bo nyid kyis 'gags par mthong ba de'i tshe tshul bzhin du mthong ngo / /gang gi tshe chos thams cad rang bzhin gyis rnam par zhi
159b3 ba dang / rang bzhin gyis snyoms par zhugs par mthong ba de'i tshe tshul bzhin du mthong ba yin no/ /gang gi tshe chos thams cad gtan du ma skyes par mthong ba de'i tshe tshul bzhin
159b4 du mthong ba yin no/ /gang gi tshe chos thams cad gtan du ma skyes pa dang / gtan du ma byung ba dang / gtan du yongs su mya ngan las 'das par mthong ba dang / gang gis mthong ba
159b5 dang / gang mthong ba de'ang mi mthong ba dang / ji ltar mi mthong ba dang / rnam par mi mthong ba de ltar mthong na/ tshul bzhin du mthong ba zhes bya'o/ /de nas bcom ldan 'das kyis
159b6 tshan po che chen po dri ma med pa'i gzi brjid la legs so/ /zhes bya ba byin te/ rigs kyi bu/ legs so/ /legs so/ /gal te bstan nam bstan pa na de ltar bstan par bya'o/ /
159b7 tshul bzhin du brtson pa ni/ chos gang la'ang rmongs pa med do/ /tshul bzhin du brtson pa ni/ chos gang la'ang sgrib pa med do/ /tshul bzhin du brtson pa ni/ gang du'ang bcings pa'ang
160a1 med grol ba'ang med do/ /de ci'i phyir zhe na/ tshul bzhin du brtson pa ni/ chos gang yang spang ba'am 'bral bar bya ba'i phyir 'bad pa med do/ /gang chos thams
160a2 cad yang dag par mthong ba dang / ji lta ba bzhin du mthong ba de ni/ de'i yang dag par lta ba yin no/ /chos rnams la ji lta ba bzhin du mthong ba gang zhe na/ 'di lta ste/ mthong
160a3 ba med pa kho na'o/ /mthong ba med pa zhes bya ba de ni/ ma skyes pa'i tshig bla dwags so/ /ma skyes pa zhes bya ba de ni/ ma byung ba'i tshig bla dgas so/ /ma byung ba zhes bya ba de ni/
160a4 ma mthong ba'i tshig bla dwags te/ ngas de las dgongs nas tshig 'di skad du chos thams cad ma skyes ma mthong na/ yang dag pa nyid skyon med pa la 'jug par 'gyur ro/ /zhes
160a5 gsungs so/ /'di ni/ yang dag pa'i lta ba ste/ 'di lta ste/ yang dag pa nyid skyon med pa la 'jug pa'o/ /ci'i phyir yang dag pa nyid skyon med pa la 'jug pa zhes bya zhe na/
160a6 bdag mnyam pa gang yin pa de ni/ bdag med pa'i mnyam pa'o/ /bdag med pa'i mnyam pa gang yin pa de ni/ chos thams cad mnyam pa ste/ de bas na/ yang dag pa
160a7 nyid skyon med pa la 'jug pa zhes bya'o/ /de nas bcom ldan 'das la byang chub sems dpa' sems dpa' chen po sred med kyi bus 'di skad ces gsol to/ /bcom ldan
160b1 'das| 'di ltar byang chub sems dpas chos thams cad 'di lta bu'i mtshan nyid dang / rang bzhin gyis yongs su mya ngan las 'das pa'i tshul du chos kyi rnam grangs 'di yang dag par
160b2 shes shing thos la yid ches shing mos su lags kyang bar ma dor yongs su mya ngan las 'da' bar mi 'gyur ba ni/ bcom ldan 'das/ ngo mtshar lags so/ /bde bar gshegs
160b3 pa| ngo mtshar lags so/ /bcom ldan 'das kyis bka' stsal pa/ sred med kyi bu/ 'di ltar byang chub sems dpa' thabs la mkhas pa de dag ni/ thabs la mkhas pa de dang
160b4 ldan pas sems bskyed pa thams cad la chos bzhis yongs su sgo bar byed de/ bzhi gang zhe na/ 'di lta ste/ byams pa chen po dang / snying rje chen po dang / thams cad mkhyen
160b5 pa'i ye shes dang / sangs rgyas 'byung bas chos kyi tshul rgyun mi 'chad par bya ba ste/ sred med kyi bu/ chos bzhi po de dag gis chos thams cad yongs su sgo bar byed de/ chos
160b6 thams cad rang bzhin gyis yongs su mya ngan las 'das par shes shing thos la yid ches shing mos su zin kyang bar ma dor yongs su mya ngan las 'da' bar mi 'gyur ro/ /des
160b7 sems can rnams kyi don gyi phyir chos 'dul ba 'di shes te/ shes shing mthong la nges pa ni/ mi mthong ngo / /de ci'i phyir zhe na/ des sems can thams cad yongs su ma btang ba'i
161a1 phyir ro| |de nas bcom ldan 'das la tshan po che chen po dri ma med pa'i gzi brjid kyis 'di skad ces gsol to/ /bcom ldan 'das/ bcom ldan 'das
161a2 kyis nges par ltung bar 'gyur ro/ /zhes de skad gsungs pa'i byang chub sems dpa'i skyon de gang lags/ bcom ldan 'das kyis bka' stsal pa/ rigs kyi bu/ byang chub
161a3 sems dpa' rnams la ni/ skyon gang yin pa'i lta bar gyur pa'ang ci'ang med la rnam par rtog pa'ang ci'ang med mod kyi/ 'on kyang nyan thos kyi theg pa la dmigs pa byas nas
161a4 sems can thams cad la ma dmigs/ sangs rgyas kyi rigs la ma dmigs/ chos dang / dge 'dun gyi rigs la mi dmigs/ theg pa chen po la dmigs te/ thams
161a5 cad mkhyen pa yal bar bor nas mi lta ba dang / yang dag par rdzogs pa'i byang chub tu smon lam mi 'debs pa dang / 'dus byas thams cad la skyo bas nyan thos kyi skyon med
161a6 pa la 'jug par byed do/ /byang chub sems dpa' sems dpa' chen pos ni/ sems can thams cad la dmigs pa byas te dkon mchog gsum gyi rigs la dmigs pa
161a7 byas shing theg pa chen po la dmigs pa byas nas thams cad mkhyen pa'i ye shes la lta ste/ lus dang srog la mi lta'o/ /chos thams cad mtshan nyid gcig par shes kyang
161b1 skyon med pa la 'jug par mi byed/ sems can la blta ba'i phyir bsam gtan yang 'dris par byed la/ nyan thos kyi skyon med par yang mi ltung ste/ rigs kyi bu/ rnam grangs des kyang
161b2 khyod kyis byang chub sems dpa' rnams kyi skyon yang med la/ skyon med pa la'ang 'jug par mi byed pa de ltar rig par bya'o/ /de skad ces bka' stsal pa dang / bcom ldan 'das la
161b3 chen po che chen po 'dri ma med pa'i gzi brjid kyis 'di skad ces gsol to/ /bcom ldan 'das/ byang chub sems dpa' sems dpa' chen po rnams kyi rmad du byung ba'i chos de la nyan thos
161b4 dang / rang sangs rgyas thams cad kyis ma mchis pa ni/ ngo mtshar lags so/ /de nas 'jam dpal gzhon nur gyur pa 'khor de nyid du 'dus par gyur te 'dug go /de nas bcom ldan
161b5 'das la byang chub sems dpa' sems dpa' chen po sred med kyi bus 'di skad ces gsol to/ /bcom ldan 'das/ 'jam dpal gzhon nur gyur pa 'di bsod nams thams
161b6 cad bsdus pa'i ting nge 'dzin 'di'i skabs su bka' mchid kyi rgyud ci'ang mi mchi lags so/ /de nas 'jam dpal gzhon nur gyur pas byang chub sems dpa' sems dpa' chen po
161b7 sred med kyi bu la 'di skad ces smras so/ /rigs kyi bu/ byang chub sems dpa' sems dpa' chen po ni/ bsod nams 'dod pa'i phyir byang chub tu spyod par mi byed do/ /rnyed pa dang /
162a1 bkur sti dang / tshigs su bcad pa 'dod pa dang / mtho ris 'dod pa dang / longs spyod 'dod pa dang / 'khor 'dod pa dang / grags pa dang / snyan pa dang / bsngags
162a2 pa 'dod pa'i phyir byang chub tu spyod pa mi byed do/ /sred med kyi bus smras pa/ 'jam dpal/ 'o na ci'i phyir byang chub sems dpa' rnams byang chub tu spyod par byed/ 'jam dpal gyis
162a3 smras pa| rigs kyi bu/ byang chub sems dpa' rnams ni/ sems can thams cad la snying rje ba'i phyir byang chub tu spyod par byed do/ /byang chub sems dpa' rnams ni/ chos
162a4 'dod pa dang / sems can thams cad kyi sdug bsngal bsal bar 'dod pa dang / yang dag pa ma yin pa'i nyon mongs pa rab tu zhi bar 'dod pa dang / bdag gi sdug bsngal dang
162a5 'dra bar 'dod pa dang / lan du phan 'dogs pa mi 'dod pa'i phyir byang chub tu spyod par byed do/ /rigs kyi bu/ byang chub sems dpa' lus dang sems la mi lta ba dang / yongs
162a6 su 'dzin pa med pa dang / mi 'phrog pa dang / lhag par zhen pa med pa dang / mtshan ma med pa dang / yid la byed pa med pa dang / mi ldog pa dang / phyir mi ldog pa'i chos can
162a7 dang / yang dag par rtog par mi byed pa dang / bskyod du med pa dang / rjes su chags pa med pa dang / khong khro ba med pa dang / gcig tu dpa' ba dang / thub pa med pa dang /
162b1 gong ba med pa dang / mi skrag pa dang / mi 'jigs pa dang / kun tu rab tu mi 'jigs pa dang / ma khengs pa dang / ma dud pa dang / brtan pa dang / mi g.yo ba thob pa dang / dben pa las
162b2 skyes pa dang / don gcig pa dang / tshul gcig pa dang / gcig tu chad pa dang / tshul gcig la zhugs pa dang / gcig tu nges par brtson pa dang / sems can thams cad bsgral bar 'dod
162b3 ba dang / gcig tu 'dod pa dang / de nyid 'dod pa rnams ni/ byang chub tu spyod par byed do/ /smras pa/ 'jam dpal/ ji ltar na/ byang chub sems dpa' byang chub sems dpa'i spyad pa la spyod
162b4 pa yin| smras pa/ rigs kyi bu/ gang gi tshe byang chub sems dpa' byang chub de zad pa'i phyir dang / skye ba'i phyir dang / mi zad pa'i phyir dang / mi skye ba'i phyir mi spyod de/ gtan du zad pa
162b5 dang / zad pa med pa'i phyir rlom sems su mi byed la/ gtan du mi skye ba'ang 'khrug par mi byed de/ de ltar spyod pa'i byang chub sems dpa' ni/ byang chub sems dpa'i spyad pa la
162b6 spyod pa yin no/ /sred med kyi bu/ gzhan yang byang chub sems dpa' 'das pa'i sems zad do/ /zhes spyod par mi byed/ ma 'ongs pa'i sems ma phyin to/ /zhes spyod par mi byed/
162b7 da ltar byung ba'i sems mi gnas so/ /zhes spyod par mi byed la/ 'das pa dang / ma 'ongs pa dang / da ltar byung ba'i sems can rnams dang / chags par mi byed de/ de ltar spyod
163a1 pa'i byang chub sems dpa' sems dpa' chen po ni/ byang chub sems dpa'i spyad pa la spyod pa yin no/ /sred med kyi bu/ gzhan yang byang chub sems dpa' ni/ sbyin
163a2 pa dang / byang chub dang / sems can rnams dang / de bzhin gshegs pa 'di la gnyis su med par spyod do/ /tshul khrims dang / byang chub dang / sems can rnams dang / de bzhin
163a3 gshegs pa 'di la gnyis su med par spyod do/ /bzod pa dang / byang chub dang / sems can rnams dang / de bzhin gshegs pa 'di la gnyis su med par spyod do/ /brtson 'grus
163a4 dang / byang chub dang / sems can rnams dang / de bzhin gshegs pa 'di la gnyis su med par spyod do/ /bsam gtan dang / byang chub dang / sems can rnams dang / de bzhin
163a5 gshegs pa 'di la gnyis su med par spyod do/ /shes rab dang / byang chub dang / sems can rnams dang / de bzhin gshegs pa 'di la gnyis su med par spyod de/ gang
163a6 gi tshe byang chub sems dpa' rnams de ltar pha rol tu phyin pa rnams la spyod la/ spyod pa'i mtshan nyid dang / ngo bo nyid kyang 'khrug par mi byed na/ de tsam gyis na byang chub sems dpa'
163a7 rnams byang chub kyi spyad pa la spyod pa zhes bya'o/ /sred med kyi bu/ gzhan yang byang chub sems dpa' gzugs stong zhes mi spyod de/ gzugs nyid stong pa nyid dang / de bzhin du
163b1 tshor ba dang / 'du shes dang / 'du byed rnams dang / rnam par shes pa stong zhes mi spyod de/ rnam par shes pa nyid stong pa'o/ /gzugs ni/ stong pa nyid kyis zad par mi byed de/ gzugs
163b2 ni| stong pa nyid kyi ngo bo nyid kyis gtan du zad pa kho na'o/ /de bzhin du stong pa nyid kyis tshor ba dang / 'du shes dang / 'du byed rnams dang / rnam par shes pa zad par mi byed de/ stong pa
163b3 nyid kyi ngo bo nyid kyis rnam par shes pa gtan du zad pa kho na'o/ /chos thams cad ni/ ngo bo nyid kyis zag pa kho nas zad pa yin te/ gzugs zad pas chos thams cad zad pa ma yin
163b4 no| |tshor ba zad pa dang / 'du shes zad pa dang / 'du byed rnams zad pa dang / rnam par shes pa zad pas chos thams cad zad pa ma yin te/ de ltar spyod pa'i byang chub sems dpa' sems
163b5 dpa' chen po ni/ byang chub sems dpa'i spyad pa la spyod pa yin no/ /sred med kyi bu/ gzhan yang byang chub sems dpa' ni/ so so'i skye bo'i chos rnams spang ba'i phyir yang 'bad par mi
163b6 byed la| sangs rgyas kyi chos rnams bskyed pa'i phyir yang spyod par mi byed do/ /'khor ba las yang dag par 'da' ba'i phyir dang / mya ngan las 'das pa yongs su rdzogs par bya ba'i
163b7 phyir spyod par mi byed do/ /mi dge ba'i chos yongs su 'grub par yang mi mthong la/ dge ba'i chos yang dag par 'grub par yang mi mthong ngo / /shes bya la ma gtogs par shes pa
164a1 yang dag par mi mthong ste/ byang chub sems dpa' ni/ chos kyi dbyings dbyer med par spyod pa la mos pa yin te/ sred med kyi bu/ de ltar spyod pa'i byang chub
164a2 sems dpa' ni/ byang chub sems dpa'i spyad pa la spyod pa yin no/ /sred med kyi bu/ gzhan yang byang chub sems dpa' ni/ sems can gyi khams tshad med pa dang / chos kyi
164a3 dbyings tshad med par yang mos la/ sems can gyi khams kyang zad par mi byed cing chud gzan pa'i phyir yang spyod par mi byed do/ de ci'i phyir zhe na/ sems can gyi khams dang /
164a4 chos kyi dbyings de gnyis su med de/ gnyis su dbyer med cing mtshan nyid med pa'i phyir ro/ /chos kyi dbyings kyang 'phel ba'ang med/ yongs su 'grib pa'ang med la/ sems can
164a5 gyi khams kyang 'phel ba'ang med/ yongs su 'grib pa'ang med do/ /chos kyi dbyings kyi mtshan nyid gang yin pa de ni/ sems can gyi khams kyi mtshan nyid kyang de nyid yin no/ /sred
164a6 med kyi bu/ gzhan yang byang chub sems dpas chos thams cad mtshan nyid med par shes nas chos kyi dbyings dang / sems can gyi khams zad pa'i phyir yang mi spyod/ 'phel
164a7 ba'i phyir yang mi spyod do/ /'di la yang dag pa ma yin par yongs su brtags pa las byung ba dang / phyin ci log las byung ba dang / rnam par bsgrubs pas nye bar gnas pa'i nyon
164b1 mongs pa yongs su shes par bya ba'i phyir spyod kyi/ 'khor ba'i gnod pa gzhig pa'i phyir dang / bdag dang / sems can dang / srog dang / gang zag gzhig pa'i phyir spyod par mi byed de/
164b2 sred med kyi bu/ de ltar spyod pa'i byang chub sems dpa' ni/ byang chub sems dpa'i spyod pa la spyod pa yin no/ /bam po bzhi pa ste tha ma/ 'jam dpal gzhon nur gyur pas
164b3 spyod pa'i le'u'i chos bstan pa 'di bshad pa na theg pa chen po la yang dag zhugs pa'i lha'i bu bcu drug gis mi skye ba'i chos la bzod pa thob bo/ /de nas tshan po che chen po dri ma med pa'i
164b4 gzi brjid kyis chos kyi rnam grangs 'di la mchod pa'i las bya ba dang / yongs su gzung ba'i phyir bcom ldan 'das/ chos kyi rnam grangs 'di la mos pa'i sems can gang dag lags
164b5 pa de dag gi don thams cad 'grub par 'gyur lags so/ /zhes ched du brjod pa ched du brjod do/ /de nas lha'i bu bdud bral gyi 'jam dpal gzhon nur gyur pa la 'di skad ces smras
164b6 so| |'jam dpal/ bdag gis kyang byang chub sems dpa' sems dpa' chen pos ji ltar spyad na/ byang chub sems dpa'i spyad pa spyod pa la spobs so/ /'jam dpal gyis smras pa/ lha'i
164b7 bu| khyod kyis de'i dus la dbab par shes na/ spobs par gyis shig /lha'i bus smras pa/ 'jam dpal/ chos thams cad la spyod pa gang yin pa de ni/ byang chub sems dpa'i spyod
165a1 pa'o| |bdud thams cad kyi spyod pa gang yin pa de ni/ byang chub sems dpa'i spyod pa'o/ /sems can thams cad kyi spyod pa gang yin pa de ni/ byang chub sems
165a2 dpa'i spyod pa'o/ /slob pa dang mi slob pa thams cad kyi spyod pa gang yin pa de ni/ byang chub sems dpa'i spyod pa'o/ /rang sangs rgyas thams cad kyi spyod pa gang yin pa de ni/ byang chub
165a3 sems dpa'i spyod pa'o/ /sangs rgyas thams cad kyi spyod pa gang yin pa de ni/ byang chub sems dpa'i spyod pa'o/ /de ci'i phyir zhe na/ byang chub sems dpa' sems dpa' chen pos
165a4 thams cad la bslab dgos pa'i phyir ro/ /de nas byang chub sems dpa' sred med kyi bus lha'i bu bdud bral la 'di skad ces smras so/ /lha'i bu/ byang chub sems dpa' sems
165a5 dpa' chen pos chos thams cad kyi spyod pa 'di la ji ltar spyad par bya/ lha'i bus smras pa/ sred med kyi bu/ byang chub sems dpa' sems dpa' chen pos ni/ sems can gyi spyod
165a6 pa brgyad khri bzhi stong la bslab par bya ste/ sems can gyi spyod pa brgyad khri bzhi stong po gang zhe na/ 'di lta ste/ 'dod chags spyod pa rnams kyi nyi khri chig stong dang / zhe sdang spyod
165a7 pa rnams kyi nyi khri chig stong dang / gti mug spyod pa rnams kyi nyi khri chig stong dang / cha mnyam par spyod pa rnams kyi nyi khri chig stong ngo / /byang chub sems dpa' sems dpa' chen
165b1 pos sems can de dag thams cad kyi spyod pa de la'ang 'jug par bya ste/ des 'dod chags spyod pa la spyad par bya zhing 'dod chags dang bral bar yang bya'o/ /zhe sdang spyod pa la spyad
165b2 par bya zhing zhe sdang dang yang bral bar bya'o/ /gti mug spyod pa la spyad par bya zhing gti mug dang bral bar yang bya'o/ /nyes pa thams cad spyod pa la spyad par bya zhing nyes pa thams
165b3 cad dang bral bar yang bya'o/ /byang chub sems dpa' gang spyad pa thams cad la'ang spyod la/ spyod pa thams cad kyis kyang mi gos pa dang / sems can thams cad yongs su smin par
165b4 bya ba'i phyir spyod pa thams cad kyang 'grub par snang ba'i byang chub sems dpa' de ni/ byang chub sems dpa'i spyad pa spyod pa yin no/ /byang chub sems dpa' sred med kyi bus smras pa/
165b5 lha'i bu| ji ltar na bdud thams cad kyi spyod pa gang yin pa de byang chub sems dpa'i spyod pa yin/ lha'i bus smras pa/ byang chub sems dpas ni/ sems kyi 'jug pa rnams las
165b6 bdud thams cad kyi spyod pa blta bar bya ste/ bdud kyi las byung ngo cog gi dbang du'ang 'gro bar mi bya'o/ /bdud kyi las kyi nyid mtshams sbyor bar yang mi bya'o/ /spyod pa thams
165b7 cad la 'jug pa'ang sbyor bar bya'o/ /bdud gcig tu nges par yang bstan par bya ste/ de'i dbang du 'gro bar yang mi bya'o/ /des bdud kyi rnam par smin pa la'ang bslab par bya ste/
166a1 bdud kyi las dang 'bral bar yang bya'o/ /smras pa/ lha'i bu/ ji ltar na slob pa dang / mi slob pa dang / rang sangs rgyas thams cad kyi spyod pa gang yin pa de byang chub
166a2 sems dpa'i spyod pa yin/ smras pa/ rigs kyi bu/ 'di ltar byang chub sems dpas spyod pa thams cad ngo bo nyid med pa'i spyod pa dang / rnam par smin pa med pa'i spyod pa dang / gnas pa
166a3 med pa'i spyod pa dang / 'pho ba med pa'i spyod pa dang / skye ba med pa'i spyod pa la mos pa rnams la sbyor bar bya'o/ /de nas lha'i bu bdud bral gyis bstan pa 'di bshad nas 'jam dpal
166a4 gzhon nur gyur pa la 'di skad ces smras so/ /'jam dpal/ bdag gi spobs pa ni/ de tsam du bas kyi/ spyod pa bshad pa 'di las brtsams te rgyas par khyod spobs par mdzod cig/
166a5 de nas 'jam dpal gzhon nur gyur pas lha'i bu de la 'di skad ces smras so/ /lha'i bu/ byang chub sems dpa'i spyod pa ni/ yul thams cad las yang dag par 'das pa yin no/ /
166a6 de ci'i phyir zhe na/ spyod pa de ni/ mig dang gzugs kyi yul du bgrang ba ma yin pa'o/ /rna ba dang sgra dang / sna dang dri dang / lce dang ro dang / lus dang reg bya dang / yid dang chos kyi yul
166a7 du bgrang ba ma yin te/ lha'i bu/ rnam grangs des kyang khyod kyis ci nas skyes bu dam pa de dag gi spyod yul thams cad las yang dag par 'das pa yin par de ltar rig par bya'o//
166b1 lha'i bu| gzhan yang byang chub sems dpa' spyod pa gang la spyod na/ sangs rgyas bcom ldan 'das rnams mi mnyes par mi byed pa de ltar spyod pa'i byang chub sems dpa' ni/ byang chub
166b2 sems dpa'i spyad pa la spyod pa yin no/ /lha'i bus smras pa/ 'jam dpal/ byang chub sems dpas ji ltar spyad na sangs rgyas bcom ldan 'das rnams mnyes par bgyid/ 'jam
166b3 dpal gyis smras pa/ lha'i bu/ de bzhin gshegs pas ni/ chos thams cad yang dag par stong par mngon par rdzogs par sangs rgyas te/ gal te byang chub sems dpa' lta ba
166b4 'ga' zhig la mngon par zhen te/ tha na sangs rgyas kyi chos dang / mya ngan las 'das pa'i lta ba la mngon par zhen na'ang de bzhin gshegs pa rnams kyi sku slu ba yin no/ /lha'i bu/ de
166b5 bzhin gshegs pas ni/ chos thams cad yang dag par mtshan ma med par mngon par rdzogs par sangs rgyas te/ gal te byang chub sems dpa' chos 'ga' zhig mtshan mar byed
166b6 dam| mtshan ma dang 'grogs par byed na/ sangs rgyas bcom ldan 'das rnams kyi sku slu ba yin no/ /de bzhin gshegs pas ni/ chos thams cad yang dag par smon pa med
166b7 par mngon par rdzogs par sangs rgyas so/ /de bzhin gshegs pas ni/ chos thams cad mngon par 'dus ma byas pa dang / yod pa ma yin pa dang / ma byung ba dang / ma skyes pa dang /
167a1 ma thon pa dang / mtshan ma med pa dang / mtshan nyid med pa dang / ma 'ongs pa dang / ma song ba dang / mi gnas pa dang / rang bzhin gyis yongs su dag pa
167a2 dang / rang bzhin gyis yongs su mya ngan las 'das pa dang / chos thams cad nam mkha' dang 'dra bar mngon par rdzogs par sangs rgyas te/ gal te byang chub sems dpa' chos
167a3 sam| chos kyi ngo bo nyid 'ga' zhig la dmigs par byed na/ de bzhin gshegs pa dgra bcom pa yang dag par rdzogs pa'i sangs rgyas rnams kyi sku slu ba yin no/ /lha'i
167a4 bu| gal te byang chub sems dpas lta bar gyur pa thams cad stong pa nyid du yang dag par 'du ba dang / lta bar gyur pa thams cad mtshan ma med par yang dag par 'du ba dang /
167a5 lta bar gyur pa thams cad smon pa med par yang dag par 'du ba dang / lta bar gyur pa thams cad khams gsum las yang dag par 'das pa shes na/ chos thams cad mngon
167a6 par 'dus ma byas pa dang / yod pa ma yin pa dang / ma byung ba dang / ma skyes pa dang / mthon pa dang / mtshan ma med pa dang / mtshan nyid med pa dang / ma 'ongs pa dang /
167a7 ma song ba dang / mi gnas pa dang / rang bzhin gyis yongs su dag pa dang / rang bzhin gyis 'od gsal ba dang / rang bzhin gyis yongs su mya ngan las 'das pa dang / chos
167b1 thams cad nam mkha' dang 'dra ba dang / rang bzhin gyis kun nas nyon mongs pa med par shes te/ de ltar na/ byang chub sems dpa' sangs rgyas bcom ldan 'das kyi sku mi slu ba
167b2 yin no| |de nas bcom ldan 'das kyis 'jam dpal gzhon nur gyur pa la legs so/ /zhes bya ba byin te/ 'jam dpal/ legs so/ /legs so/ /khyod kyi tshig 'di legs par
167b3 smras te| de ltar spyod pa'i byang chub sems dpa' ni/ byang chub sems dpa'i spyad pa la spyod pa yin te/ lung bstan pa'ang myur du thob par 'gyur ro/ /'jam dpal/ ngas mngon
167b4 par shes te/ de bzhin gshegs pa mar me mdzad kyi sngon rol tu dkar po'i spyod pa gang la ngas ma spyad pa ci'ang med de/ 'on kyang ngas lung bstan pa ma thob bo/ /de ci'i phyir
167b5 zhe na| 'di ltar ngas mtshan ma dang bcas par spyad pa dang / rtsol ba dang bcas par spyad pa dang / dmigs pa dang bcas par spyad pa'i phyir ro/ /gang gi tshe ngas de bzhin gshegs
167b6 pa dgra bcom pa yang dag par rdzogs pa'i sangs rgyas mar me mdzad mthong ba'i tshe spyod pa thams cad las yang dag par 'das te/ mthong ma thag tu bcom ldan 'das de'i spyod
167b7 pa mthong ba ngas thob par gyur cing chos thams cad rang bzhin gyis ma skyes pa'ang rtogs te/ de nas gdod ma 'ongs pa'i dus na khyod de bzhin gshegs pa dgra bcom pa yang dag
168a1 par rdzogs pa'i sangs rgyas shAkya thub pa zhes bya bar 'gyur ro/ /zhes bcom ldan 'das de bzhin gshegs pa mar me mdzad des lung bstan to/ /de nyid
168a2 kyi tshe ngas mi skye ba'i chos rnams la bzod pa'ang thob po/ /'jam dpal/ de lta bas na/ byang chub sems dpa' sems dpa' chen po myur du mi skye ba'i chos rnams la bzod pa
168a3 thob par 'dod pa rnams kyis spyod pa'i le'u 'di la dmigs su med pa dang / rtsol ba med pa'i chos la mos pa dang / rnam par grol ba la sbyor bar bya'o/ /de nas bcom ldan
168a4 'das la 'jam dpal gzhon nur gyur pas 'di skad ces gsol to/ /bcom ldan 'das/ gang thob par bgyi ba'i slad du bzod pa brnyes lags/ bcom ldan 'das kyis
168a5 bka' stsal pa/ 'jam dpal/ phung po dang / khams dang / skye mched thob par bya ba'i phyir bzod pa thob ste/ de'ang chos thams cad thob par bya ba'i phyir bzod pa thob bo/ /
168a6 'jam dpal/ bzod pa thob ces bya ba de ni/ mi zad pa'i chos nyid de thob pa'o/ /'jam dpal/ bzod pa thob ces bya ba de ni/ yang dag pa nyid kyi tshig bla dwags so/ /
168a7 'jam dpal/ bzod pa thob pa de la ni/ 'jig rten gyi chos rnams kun tu spyod pa med do/ /so so'i skye bo'i chos rnams dang / slob pa'i chos rnams dang / mi slob pa'i chos
168b1 rnams dang / rang sangs rgyas kyi chos rnams dang / byang chub sems dpa'i chos rnams dang / sangs rgyas kyi chos rnams kun tu spyod pa med do/ /chos thams cad kun tu mi spyod pas na/ de'i
168b2 phyir de la bzod pa thob pa zhes bya'o/ /bzod pa de ni/ chos thams cad kyi mtshan ma dang / dmigs pa rnams kyi sgo nas skad cig pa ma yin te/ de bas na/ bzod pa zhes bya'o/ /bzod
168b3 pa 'di la ni/ mig dang / rna ba dang / sna dang / lce dang / lus dang / yid du bgrang ba ci'ang med do/ /rlom sems su bya ba'ang med do/ /zad pa'ang med do/ /bzod pa de la ni/ zad pa'ang med
168b4 do| |bzod pa de la ni/ yul yang med do/ /bzod pa de la ni/ yul dang bral ba'ang med de/ de bas na/ bzod pa zhes bya'o/ /bzod pa bstan pa 'di bshad pa na byang chub sems dpa'
168b5 lnga brgyas mi skye ba'i chos la bzod pa thob ste/ tshig 'di skad du bdag cag gis ni/ bsod nams thams cad bsdus pa'i ting nge 'dzin 'di gnas par 'gyur ba'i bya ba byas so/ /
168b6 dpe med pa'i chos thams cad kyang yongs su rdzogs par byas so/ /bcom ldan 'das/ byang chub sems dpa' rnams kyis ni/ zab mo'i gnas thams cad gus par mnyan par
168b7 bya'o| |bsgom par bya'o/ /zhes smras so/ /de nas byang chub sems dpa' sred med kyi bus 'jam dpal gzhon nur gyur pa la 'di skad ces smras so/ /'jam dpal/ ji ltar byang chub
169a1 sems dpa' sems dpa' chen po rnams chos zab mo 'di dag la yongs su sbyang ba byas pa yin/ 'jam dpal gyis smras pa/ sred med kyi bu/ gang gi tshe
169a2 byang chub sems dpa' rnams kyis chos thams cad ma byas pa dang / ma bsgyur bar shes na/ sred med kyi bu/ de tsam gyis na byang chub sems dpa' rnams yongs su sbyang ba
169a3 byas pa yin no/ /gang gi tshe chos thams cad mngon par 'dus ma byas par shes pa dang / byas pa la mi 'gyod pa dang / ma byas pa la'ang rmongs pa med na/ de'i tshe byang chub sems
169a4 dpa' rnams yongs su sbyang ba byas pa yin no/ /bya ba la'ang sbyor ba dang / byas pa la byas pa mi gzo ba las byas pa gzo bar byed pa dang / bkur sti byas pa dang / bkur sti ma
169a5 byas pas kyang sro sos pa dang / sro shi bar mi 'gyur ba dang / byed pa po dang / tshor ba po'ang mi dmigs la yongs su sbyang ba'ang byas pa dang / sbyin pa'ang sbyin zhing de'ang byang chub
169a6 tu yongs su bsngo bar byed la yongs su sbyang ba'ang byas pa dang / sbyin pa dang / byang chub dang / bdag dang / pha rol kyang mi dmigs la yongs su sbyang ba'ang byas pa dang /
169a7 tshul khrims kyang srung bar byed/ bzod pa'ang sgom par byed/ brtson 'grus kyang rtsom par byed/ bsam gtan yang sten par byed/ shes rab kyang sgom par byed cing byang chub
169b1 tu'ang yongs su bsngo bar byed la shes rab de'ang dmigs par mi byed/ byang chub dang / bdag dang / pha rol yang dmigs par mi byed pa'i byang chub sems dpa' de dag ni/ yongs su sbyang
169b2 ba byas pa yin par rig par bya'o/ /lus dang / ngag dang / yid kyi dge ba rnams mi dmigs pa gang yin pa de'ang byang chub sems dpa' rnams kyi yongs su sbyang ba byas pa yin no/ /
169b3 lus dang / ngag dang / yid kyi tshogs la mkhas pa mi dmigs pa gang yin pa de'ang byang chub sems dpa' rnams kyi yongs su sbyang ba byas pa yin no/ /de nas byang chub sems dpa'
169b4 rtag tu brtson 'grus brtan gyis 'jam dpal gzhon nur gyur pa la 'di skad ces smras so/ /'jam dpal/ bdag kyang ji ltar byang chub sems dpa' yongs su sbyang ba byas pa yin pa
169b5 la spobs so/ /'jam dpal gyis smras pa/ rigs kyi bu/ khyod kyis de'i dus la da bab par shes nas spobs par gyis shig /byang chub sems dpa' rtag tu brtson pa brtan gyis smras
169b6 pa| 'jam dpal/ gang gi tshe byang chub sems dpas tha na sems can gcig tsam sangs rgyas kyi bstan pa la 'jug par byed na'ang byang chub sems dpa' yongs su sbyang ba byas pa
169b7 yin no| |gang gi zas za ba'am/ gang las len par byed pa'am/ gang la sbyin par byed pa de dag byang chub la 'dzud par byed na/ gnyis ka la byang chub sems dpa'i yon dag par
170a1 'gyur ro/ /chos sgrub pa la btsud na'ang sbyin pa po dang / len pa po gnyis ka la byang chub sems dpa'i yon dag par 'gyur ro/ /gang gi tshe byang chub sems
170a2 dpa' sems can gzhan dag la sangs rgyas kyi sgra sgrog par byed cing chos kyi sgra dang / dge 'dun gyi sgra sgrog par byed la/ bdag nyid kyang sangs rgyas dang / chos dang / dge 'dun
170a3 rjes su dran bzhin du sbyin pa sbyin par byed pa dang / sbyin pa'am/ tshul khrims sam/ bzod pa'am/ brtson 'grus sam/ bsam gtan nam/ shes rab yid la byed dam/
170a4 gzhan dag la pha rol tu phyin pa drug sgrog par byed cing sems can rnams la sems par byed la/ dge ba'i rtsa ba de'ang sems can de dag dang thun mong du byas nas byang chub tu
170a5 yongs su bsngo bar byed na/ byang chub sems dpa' yongs su sbyang ba byas pa yin te/ de'i tshe zas longs spyod pa'i 'os yin no/ /byang chub sems dpa' gang bzod pa sgom pa na
170a6 chom rkun pa rnams dang / rigs ngan yan chad kyis spyos shing brgyad bkag kyang 'khrug par mi 'gyur/ gnod sems mi byed de/ sems can de dag nyid kyi dga' ba bskyed pa'i
170a7 phyir brtson 'grus rtsom zhing stobs dang / brtson 'grus dang / mthu chen po skyed par byed na/ de'i tshe byang chub sems dpa' byang chub sems dpa'i spyod pa la yongs su sbyang ba byas
170b1 ba yin par rig par bya'o/ /gal te byang chub sems dpa' dbyig bye ba phrag brgya'am/ gling bzhi pa'i 'jig rten gyi khams dbyig thams cad kyis yongs su bkang ba byin te brid
170b2 na'ang shes bzhin du brdzun du mi smra la/ gzhan dag gis chos dris na'ang gzing gzing ba'i tshig mi smra zhing chos la skur ba btab nas chos ma yin pa smra bar mi byed na/ byang chub
170b3 sems dpa' yongs su sbyang ba byas pa yin par rig par bya'o/ /gal te byang chub sems dpa' zhag bdun gyi bar du zan chad nas kha zas bstabs na'ang thams cad mkhyen pa nyid
170b4 kyi sems 'ba' zhig de la mngon du 'gyur zhing / sems can thams cad rab tu dgrol bar bya ba 'ba' zhig gi phyir de la byang chub kyi sems mngon du 'gyur na/ byang chub sems
170b5 dpas yongs su sbyang ba byas pa yin par rig par bya'o/ /'jam dpal/ gzhan yang byang chub sems dpa' chos nyan pa'i phyir sa gzhi mtshon chas gtams pa'am/ mes gang ba rgal
170b6 te 'gro bar byed la lus phangs pa'am/ srog phangs par mi byed de/ phung po dang / khams dang / skye mched rnams ni/ rnyed par sla'i/ sangs rgyas bcom ldan 'das rnams ni/ rnyed
170b7 par dka'o/ /chos ston pa ni/ rnyed par dka'o/ /chos la gus pa'i sems can dag kyang rnyed par dka'o snyam du de ltar yang slob ste/ gal te de lta bur 'dzin pa la zhugs na/ byang
171a1 chub sems dpa' yongs su sbyang ba byas pa yin par rig par bya'o/ /'jam dpal/ gzhan yang gal te byang chub sems dpa' tshig bzhi pa'i tshigs su
171a2 bcad pa gcig gam/ sdom pa'am/ chos kyi gdams ngag gis ni/ chos yid rangs par 'gyur la/ 'khor los bsgyur ba'i rgyal srid kyis ni/ yid rangs par mi 'gyur ba
171a3 rdang / sems can gcig la'ang tshig bzhi pa'i tshigs su bcad pa bsgrags pas ni/ chos yid rangs par 'gyur la/ brgya byin du 'gyur ba thob pas ni/ de lta ma yin na/
171a4 byang chub sems dpa' yongs su sbyang ba byas pa yin no/ /'jam dpal/ gzhan yang byang chub sems dpa' dud 'gro'i skye gnas su gyur pa khyi la sbyin pa byed pas ni/ ches
171a5 yid rangs par 'gyur la/ tshangs par 'gyur ba thob pas ni/ ma yin na/ byang chub sems dpa' yongs su sbyang ba byas pa yin par rig par bya'o/ /'jam dpal/ gzhan yang
171a6 gal te byang chub sems dpa' thos pa la gnas pa'i rnyed pa gcig cig thams cad mkhyen pa nyid du yongs su bsngos pas ni/ ches yid rangs par 'gyur la/ nor gyi phung po
171a7 dpag tu med pas ni/ de lta ma yin pa dang / thams cad mkhyen pa nyid kyi sems kyis ni/ ches yid rangs bar 'gyur la/ stong gsum gyi stong chen po'i 'jig rten gyi khams
171b1 rin po che sna bdun gyis yongs su bkang bas ni/ de lta ma yin pa dang / dge ba'i rtsa ba gcig cig sems kyis byang chub tu yongs su bsngos bas byang chub tu dmigs pa/ sems can
171b2 thams cad la phan pa dang / bde ba'i phyir yongs su bsngos pas ni/ ches yid rangs par 'gyur la/ rnyed pa dang / bkur sti dang / tshigs su bcad pa thams cad kyis ni/ yid rangs par
171b3 mi 'gyur te/ de ltar spyod na/ byang chub sems dpa' yongs su sbyang ba byas pa yin par rig par bya'o/ /'jam dpal/ gzhan yang byang chub sems dpas ni/ sems can yongs su
171b4 smin par bya ba'i phyir rtag tu brtson par bya'o/ /byang chub sems dpas ni/ thos pa mang po btsal ba'i phyir mthu rtsal brtan por bya'o/ /byang chub sems dpas ni/ yan lag dang /
171b5 nyid lag yongs su gtang bas mthu dang ldan par bya'o/ /byang chub sems dpas ni/ 'jig rten gyi chos rnams dang du len par spro bar bya'o/ /byang chub sems dpas ni/ srog gi
171b6 phyir yang bslab pa yongs su mi gtang bas spyod pa la blo dang ldan par bya'o/ /byang chub sems dpas ni/ phan du smras pa'i tshig dang du len pa'i dang tshul can gyis bzod pa'i stobs
171b7 dang ldan par bya'o/ /byang chub sems dpas ni/ sangs rgyas kyi zhing yongs su dag pa yongs su gzung bas le lo med par bya'o/ /byang chub sems dpas ni/ byang chub kyi sems
172a1 dang mi 'bral bas rtse gcig tu bya'o/ /byang chub sems dpas ni/ pha rol tu phyin pa drug yongs su btsal bas byang chub kyi sems mi brjed par
172a2 bya'o| |byang chub sems dpas ni/ rang gi don la brtson pa dang ldan pa dang / sems can thams cad yongs su mi gtang ba dang / sems can thams cad kyi skabs dbye ba'i phyir mi
172a3 'phrog par bya'o/ /byang chub sems dpas ni/ sangs rgyas kyi rigs mi 'chad par bya ba'i phyir dam bcas pa la brtan par bya'o/ /byang chub sems dpas ni/ lus dang / ngag
172a4 dang / yid drang po yongs su dag pas g.yo thams cad yongs su spang bar bya'o/ /byang chub sems dpas ni/ sems can skyabs su 'ongs pa yongs su bskyab pa'i phyir shin tu
172a5 dkar po'i phyogs gcig tu nges par bya'o/ /byang chub sems dpas ni/ lus dang srog la ma chags pas mi lta bar bya'o/ /byang chub sems dpas ni/ tshur shog/ 'ongs pa
172a6 legs so/ /zhes smra bas 'jam por bya'o/ /byang chub sems dpas ni/ khro gnyer med pa'i bzhin gyis gsod por smra bar bya'o/ /byang chub sems dpas ni/ rjes su
172a7 chags pa dang / khong khro ba med pas sa dang 'dra bar bya'o/ /byang chub sems dpas ni/ 'grogs na bde bas des par bya'o/ /byang chub sems dpas ni/ mthun par 'dzin
172b1 pas bka' blo bde bar bya'o/ /byang chub sems dpas ni/ sems can thams cad la 'dud pas nga rgyal gzhom par bya'o/ /byang chub sems dpas ni/ nga rgyal bcag pas khyi
172b2 dang 'dra bar bya'o/ /byang chub sems dpas ni/ sngon dam bcas pa nyams su lon par byed pas slu ba med par bya'o/ /byang chub sems dpas ni/ sems can thams cad la sems
172b3 snyoms par bya'o/ /byang chub sems dpas ni/ 'byung po thams cad la byams pa'i sems su bya'o/ /byang chub sems dpas ni/ sems can thams cad kyi don la mngon bar brtson
172b4 pas snying rje chen po dang ldan par bya'o/ /byang chub sems dpas ni/ sangs rgyas kyi chos dang / dge ba'i rtsa ba thams cad yongs su btsal ba la mngon par brtson pas sems dga'
172b5 bar bya'o/ /byang chub sems dpas ni/ 'dod pa'i yon tan gyi dga' ba dang / rtse ba thams cad la mi lta bas btang snyoms su ldan par bya'o/ /byang chub sems dpas ni/ rang gi
172b6 lus dang / srog yongs su gtong bas ser sna med par bya'o/ /byang chub sems dpas ni/ yongs su gzung ba'i dngos po rnams la bdag gir 'dzin pa med par bya'o/ /byang chub
172b7 sems dpas ni/ yongs su rtog pa dang / lta bar gyur pa thams cad dor ba'i sems su bya'o/ /byang chub sems dpas ni/ nor bdun gyi nor chen pos phyug par bya'o/ /byang chub sems
173a1 dpas ni/ sgrub pa la gnas pas brtan pa dang ldan par bya'o/ /byang chub sems dpas ni/ sangs rgyas kyi yon tan mtha' yas pa tshol bas chog mi shes par
173a2 bya'o| |byang chub sems dpas ni/ pha rol tu phyin pa rnams kyis yongs su rdzogs par bya'o/ /byang chub sems dpas ni/ bdud bzhi las rnam par rgyal bas dpa' bar bya'o/ /
173a3 byang chub sems dpas ni/ sems can thams cad kyi nyon mongs pa'i nad zhi bar bya ba la mkhas pas sman pa'i rgyal por bya'o/ /byang chub sems dpas ni/ byang chub kyi
173a4 sems dang ma bral bas yon gnas su bya'o/ /byang chub sems dpas ni/ sems can thams cad la lta bas bsod nams kyi zhing du bya'o/ /byang chub sems dpas ni/ 'jig rten
173a5 gyi chos thams cad kyi 'dam gyis mi gos pas pad+ma lta bur bya'o/ /byang chub sems dpas ni/ sems can thams cad sgrol bas gru dang 'dra bar bya'o/ /byang chub sems dpas ni/ rab
173a6 dang / 'bring dang / tha ma la mi brnyas pas zam pa lta bur bya'o/ /byang chub sems dpas ni/ dam pa'i chos kyi chu mi zad pa'i bsam pas chu mig dang / mtsho dang / mtsho bran dang / mtshe'u
173a7 lta bur bya'o/ /byang chub sems dpas ni/ thos pa la rtsa gcig pas chog mi shes pas rgya mtsho lta bur bya'o/ /byang chub sems dpas ni/ bskyod du med pas lhun po lta bur bya'o/ /byang
173b1 chub sems dpas ni/ sgo'i them pa'i rten lta bus shin tu brtan par bya'o/ /byang chub sems dpas ni/ phun sum tshogs pa thams cad la lhag par chags pa med par bya'o/ /byang chub
173b2 sems dpas ni/ sems yongs su sgyur ba la mkhas pas dbang dang ldan par bya'o/ /byang chub sems dpas ni/ rgya chen po la mos pas rgyal po lta bur bya'o/ /byang chub sems dpas
173b3 ni| sems can thams cad kyis bsten pa'i 'os su gyur pas brgya byin lta bur bya'o/ /byang chub sems dpas ni/ chos thams cad kyi bdag po byed pas tshangs pa lta bur bya'o/ /byang chub
173b4 sems dpas ni/ gtan du bde ba'i mya ngan las 'das pa la 'god pas sems can thams cad kyi bde ba bsgrub par bya'o/ /byang chub sems dpas ni/ sems can thams cad la
173b5 phan pa dang / bde ba'i dngos po bstabs pas pha ma dang 'dra bar bya'o/ /byang chub sems dpas ni/ dge ba dang / mi dge ba'i chos thams cad kyis ma nyams ma smas par bya'o/ /byang
173b6 chub sems dpas ni/ mdza' bshes dang / dgra rnams la sems snyoms pas zhe 'gras pa med par bya'o/ /byang chub sems dpas ni/ skye ba'i gnas thams cad la yid brtan par
173b7 mi bya'o| |byang chub sems dpas ni/ lhug par gtor bas chos kyi sbyin bdag bya'o/ /byang chub sems dpas ni/ bag yod pas rgyags pa dang / bag med pa thams cad dang bral
174a1 bar bya'o/ /'jam dpal/ byang chub sems dpas ni/ byang chub sems dpa'i spyod pa tshol ba dang / spyod pa dang / sdom pa dang / bslab pa dang / brtson 'grus rnams
174a2 la bag yod pas bla na med pa yang dag par rdzogs pa'i byang chub mngon par rdzogs par 'tshang rgya bar nus so/ /de nas bcom ldan 'das kyis byang chub sems dpa' rtag tu brtson
174a3 pa brtan pa la legs so/ /zhes bya ba byin te/ rigs kyi bu/ legs so/ /legs so/ /byang chub sems dpa' rnams kyi spyod pa gnas pa la mkhas pa 'di khyod kyis legs
174a4 par smras so/ /rigs kyi bu/ byang chub sems dpa' sems dpa' chen po bsod nams thams cad bsdus pa'i ting nge 'dzin 'di thob par 'dod pas ni/ bsod nams ma yin pa
174a5 thams cad dang bral bar bya ba dang / bsod nams thams cad yongs su gzung ba la brtson par bya'o/ /de nas bcom ldan 'das la byang chub sems dpa' sred med kyi bus 'di
174a6 skad ces gsol to/ /bcom ldan 'das/ bsod nams thams cad bsdus pa'i ting nge 'dzin 'di thob pa'i byang chub sems dpa'i rnam pa ni/ gang dag lags/ rtags ni/
174a7 gang dag lags/ mtshan ma ni/ gang dag lags/ yon tan ni/ gang dag lags/ phan yon ni/ gang dag lags/ de nas bcom ldan 'das kyis byang chub sems dpa' sred
174b1 med kyi bu la 'di skad ces bka' stsal to/ /rigs kyi bu/ bsod nams thams cad bsdus pa'i ting nge 'dzin 'di thob pa'i byang chub sems dpa' ni/ mi khom pa brgyad las log pas na/ ngan
174b2 song dang bral ba yin no/ /bsam pa tsam gyis thams cad 'grub pas na/ dbul ba thams cad yang dag par chad pa'ang yin no/ /skyes bu chen po'i mtshan sum cu rtsa gnyis kyis legs par
174b3 brgyan pas na/ dbang po tshang ba'ang yin no/ /mi zad pa'i chos nyid kyis na/ spobs pa thob pa'ang yin no/ /brjed ngas pa med pas na/ gzungs thob pa'ang yin no/ /chos kyi 'khor lo bskor
174b4 bas na| bsod nams thams cad kyis mtho ba'ang yin no/ /brgya byin dang / tshangs pa dang / 'jig rten skyong gi dbang thob pas na/ sems can thams cad kyi mchod pa'i gnas kyi dbang
174b5 bskur ba thob pa'ang yin no/ /mngon par shes pa ma nyams pas na/ mngon par shes pa thob pa'ang yin no/ /skye ba'i gnas thams cad du dbang thob pa'ang yin no/ /chos kyi nor thams
174b6 cad rnam par 'phel bas na/ thabs kyi mdzod mi zad pa'ang yin no/ /sdig pa'i lta ba dang bral bas na/ shes rab kyis kun tu lta ba'ang yin no/ /nyan thos dang rang sangs rgyas kyis la
174b7 'dod pa med pa'ang yin no/ /nyan thos dang rang sangs rgyas thams cad kyi 'dul ba po'ang yin no/ /sems can thams cad yongs su smin par bya ba'i phyir dbang po la mkhas pa'ang
175a1 yin no| |bsam gtan dang / ting nge 'dzin dang / snyoms par 'jug pa dang / rnam par thar pa'i sgo rnams la rnam par rtse ba'ang yin no/ /gtong ba la mos pas na/ ma
175a2 bstan pa'i sbyin pa dang ldan pa'ang yin no/ /sdom pa gsum yongs su dag pas na/ ma bstan pa'i tshul khrims can yang yin no/ /sems kyi rgyud la byams pa mngon par bsgrubs
175a3 bas na/ bzod pa dpag tu med pa dang ldan pa'ang yin no/ /yid skyo ba med pas na/ sems can thams cad la brtson 'grus rtsom pa'ang yin no/ /dben pa la mos pas na/ bsam
175a4 gtan gyi pha rol tu son pa'ang yin no/ /sems can thams cad yongs su smin par bya ba'i phyir 'dod pa'i khams su'ang skye bar 'gyur ro/ /sgra dang sgra ma yin pa so sor brtag
175a5 pa la mkhas pas na/ shes rab kyis rnam par grol ba rnam par dag pa dang ldan pa'ang yin no/ /ya nga ba'i lam yongs su spangs pas na/ mig dang ldan pa'ang yin no/ /chos nyid dang /
175a6 sangs rgyas mthong ba dang yang ma bral ba yin no/ /stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma byung ba dang / ma skyes pa dang /
175a7 dngos po med pa'i sgra dang yang ma bral ba yin no/ /sangs rgyas kyis gsungs pa thams cad kyang 'dzin to/ /phyir mi ldog pa'i byang chub sems dpa'i dge 'dun mthong ba dang yang mi
175b1 'bral ba yin no/ /sangs rgyas kyi zhing gi yon tan thams cad yongs su 'dzin pas na/ sgrib pa med par grol pa'ang yin no/ /bdud bzhi spangs pas na/ bdud dang phyir rgol ba bcom
175b2 pa'ang yin no/ /phyir mi ldog pa'i chos can yin pas na/ zab mo bzod pa'ang yin no/ /sangs rgyas kyi chos kyi cho 'phrul gyis na/ mngon par shes pa myur ba'ang yin no/ /de ni/ ma thos
175b3 pa'i chos kyi rgyun kyang rnam par rig par yang 'gyur ro/ /sangs rgyas kyi zhing gi yon tan yongs su dag pa rgya chen po thams cad yongs su 'dzin pas na/ bsam pa thams cad dang ldan
175b4 pa'ang yin no/ /de'i bag chags kyi nying mtshams sbyor ba thams cad kyang phyir log pa'ang yin no/ /lus dang / gzugs dang / lus kyi ngo bo thams cad kun tu ston pas na/ yid las
175b5 byung ba'i gnas dang / lus nges pa'ang yin no/ /phas kyi rgol ba thams cad kyis kyang mi tshugs pa'ang yin no/ /sangs rgyas bcom ldan 'das rnams kyi dam pa'i chos yongs su 'dzin
175b6 pa'ang yin no/ /dam pa'i chos kun tu bsrung ba'i phyir lus dang / srog yongs su gtong ba'ang yin no/ /sangs rgyas kyi yul yang ston la/ gtan du yongs su mya ngan las 'das pas yongs
175b7 su mya ngan las 'da' bar yang mi byed do/ /'khor gyis bag tsha ba dang / 'jigs pa dang bral bas na/ mi 'jigs pa thob pa'ang yin no/ /bya ba thams cad kyang shes pas byed kyi nga rgyal
176a1 gyis byed pa ma yin no/ /sgyu ma lta bu'i ting nge 'dzin la rnam par 'phrul pas na/ bkod pa chen po dang ldan pa'ang yin no/ /gnod pa thams cad dang bral bas na/ mi
176a2 g.yo ba'i shugs thob pa'ang yin no/ /sangs rgyas kyi zhing thams cad du tshig gis shin tu go bar byed bas na/ sgra'i tshogs yongs su dag pa'ang yin no/ /bdud kyi dpung thams cad
176a3 'joms pas na| sems dpa' ba'ang yin no/ /sangs rgyas kyi zhing thams cad g.yo bar byed pas na/ rdzu 'phrul gyis rnam par 'phrul ba'i pha rol tu phyin pa'ang yin no/ /don dang /
176a4 chos dang / nges pa'i tshig dang / spobs pa phun sum tshogs pas na/ so so yang dag par rig pa thob pa'ang yin no/ /bag yod pas na/ thogs pa med pa'i ye shes la mos pa'ang
176a5 yin no| |sems can thams cad la thams cad mkhyen pa'i ye shes yang dag par ston pas na/ sangs rgyas kyi 'phrin las la nye bar gnas pa'ang yin no/ /sred med kyi bu/ de
176a6 ltar na| byang chub sems dpa' bsod nams thams cad sdus pa'i ting nge 'dzin 'di la nges par 'gyur ba gang yin pa de dag gi rnam pa ni/ de dag yin no/ /rtags ni/ de
176a7 dag yin no/ /mtshan ma ni/ de dag yin no/ /yon tan dang phan yon ni/ de dag yin no/ /de nas bcom ldan 'das la byang chub sems dpa' sred med kyi bus 'di skad ces
176b1 gsol to/ /bcom ldan 'das/ sems can thams cad kyis kyang bsod nams thams cad bsdus pa'i ting nge 'dzin 'di thob par gyur cig /byang chub sems dpa' rnams kyang ci nas ting nge
176b2 'dzin 'di thob nas nyan thos dang rang sangs rgyas thams cad la ma mchis pa'i yon tan dang / phan yon gang dag lags pa 'di dag dang ldan par gyur cig /bcom ldan 'das/ sems can
176b3 gang dag ting nge 'dzin rin po che 'di rna lam du mi thos pa dang / thos na'ang mos par mi 'gyur ba de dag ni/ bdud kyis byin gyis brlabs pa lags so/ /bcom ldan 'das kyis bka'
176b4 stsal pa| sred med kyi bu/ de de bzhin te/ khyod tshig ji skad zer ba bzhin no/ /gzhan yang byang chub sems dpa' gang dag ting nge 'dzin 'dis nges par byung ba rnams dang / nges par
176b5 'byung ba rnams dang / nges par 'byung bar 'gyur ba de dag ni/ yon tan dpag tu med pa dang ldan pa dang / yon tan bsam gyis mi khyab pa dang ldan pa yin no/ /de nas byang chub sems
176b6 dpa' sred med kyi bus 'jam dpal gzhon nur gyur pa la 'di skad ces smras so/ /'jam dpal/ byang chub sems dpa' sems dpa' chen po ting nge 'dzin 'di thob par 'dod pas chos
176b7 gang dag la sbyor bar bya/ 'jam dpal gyis smras pa/ sred med kyi bu/ byang chub sems dpa' sems dpa' chen po ting nge 'dzin 'di thob par 'dod pas ni/ so so skye bo'i chos rnams
177a1 kyang chud mi gzan pa dang / sangs rgyas kyi chos rnams kyang 'thob par mi bya ba'i phyir sbyor bar bya'o/ /ci nas chos dang chos ma yin pa la sbyor bar yang mi
177a2 bya| 'bral bar yang mi bya ba de ltar des sbyor bar bya'o/ /ci nas 'khor ba'i khongs su'ang gtogs la/ 'khor bar bya ba'i phyir yang slob par mi byed pa dang / 'khor ba'i nye ba'i
177a3 nyon mongs pas kyang nyon mongs par mi 'gyur ba dang / mya ngan las 'da' ba'i phyir yang slob la/ nyan thos dang / rang sangs rgyas kyi yongs su mya ngan las 'das pas kyang
177a4 yongs su mya ngan las 'da' bar mi byed pa de ltar des sbyor bar bya'o/ /gzhan yang sred med kyi bu/ byang chub sems dpa' sems dpa' chen po ting nge 'dzin 'di thob par 'dod
177a5 pas ni| bsod nams thams cad yang dag par 'byung ba la bslab par bya ste/ zag pa dang bcas pa dang / zag pa med pa'i bsod nams dag la'ang rnam par rtog pa bskyed par mi
177a6 bya'o| |kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas dang / 'jig rten pa dang / 'jig rten las 'das pa'i bsod nams dang / bsod
177a7 nams ma yin pa dag la'ang rnam par rtog pa bskyed par mi bya'o/ /des chos kyi dbyings su yang dag par 'du ba'i bsod nams thams cad la mos par bya'o/ /des bsod nams
177b1 dang / mi g.yo ba'i 'du byed rnams la mtshan nyid gcig par 'jug par bya'o/ /des sems can thams cad kyi bsod nams kyang 'di dang 'dra bar blta bar bya ste/ 'khor ba med par
177b2 nyams su myong ba'i phyir ro/ /sangs rgyas gcig gi bsod nams dang / sangs rgyas thams cad kyi bsod nams kyang 'dra bar blta bar bya'o/ /'on kyang 'dra ba dang / mi 'dra ba'ang cung
177b3 zad kyang blta bar mi bya ste/ chos kyi dbyings la khyad par med pa'i phyir ro/ /so so'i skye bo'i bsod nams gang dag yin pa dang / slob pa'i bsod nams gang dag yin pa dang / mi slob
177b4 pa'i bsod nams gang dag yin pa dang / rang sangs rgyas kyi bsod nams gang dag yin pa dang / byang chub sems dpa'i bsod nams gang dag yin pa dang / yang dag par rdzogs pa'i
177b5 sangs rgyas kyi bsod nams gang dag yin pa de dag thams cad kyang yang dag pa ma yin pa/ dngos po med pa/ yul na mi gnas pa/ phyogs na mi gnas pa yin par mos par bya'o/ /
177b6 bsod nams thams cad kyang sems can thams cad dang 'brel bar mos par bya'o/ /rigs kyi bu/ 'di lta ste/ dper na/ gzugs gang ci'ang rung ba de dag thams cad ni/ 'byung
177b7 ba chen po bzhi bo dag dang / 'byung ba chen po bzhi po rgyur byas pa'i gzugs zhes bya'o/ /de bzhin du byang chub sems dpa' sems dpa' chen pos bsod nams kyang thams cad du
178a1 'brel bar mos par bya'o/ /bsod nams kyis rgyags par yang mi bya ste/ rtag tu mi zad pa'i chos nyid yin pa'i phyir ro/ /sred med kyi bu/ byang chub sems
178a2 dpa' sems dpa' chen po ting nge 'dzin rin po che 'di thob par 'dod pas ni/ bsod nams mi zad pa dang / tshad med pa rnam pa bzhis skrag par mi bya ste/ bzhi gang zhe na/ 'di lta ste
178a3 sems can thams cad la snying rje chen po tshad med pa dang / sangs rgyas kyi zhing tshad med pa dang / sangs rgyas kyi ye shes tshad med pa dang / sems can thams cad kyi sems kyi spyod
178a4 pa la 'jug pa tshad med pa ste/ sred med kyi bu/ bzhi po de dag gis byang chub sems dpa' skrag par mi bya'o/ /byang chub sems dpa' sems dpa' chen pos bsam gyis mi khyab
178a5 pa bzhi la mos par bya ste/ bzhi gang zhe na/ 'di lta ste/ las rnams kyi las kyi rnam par smin pa bsam gyis mi khyab pa dang / sems can rnams kyi spyod pa'i yul tha dad pa bsam
178a6 gyis mi khyab pa dang / sangs rgyas bcom ldan 'das rnams kyi sangs rgyas kyi rnam par thar pa bsam gyis mi khyab pa dang / byang chub sems dpa' rnams kyi 'gro bar skye ba yongs su
178a7 dag pa'i yul bsam gyis mi khyab pa ste/ sred med kyi bu/ byang chub sems dpa' sems dpa' chen pos bsam gyis mi khyab pa bzhi po de dag la mos par bya'o/ /rigs kyi bu/
178b1 de ltar mos pa'i byang chub sems dpas ni/ mi zad pa bzhi thob par 'gyur te/ bzhi gang zhe na/ 'di lta ste/ bsod nams mi zad pa dang / smon lam yongs su rdzogs pa mi zad pa dang / thogs
178b2 pa med pa'i sbobs pa mi zad pa dang / bsod nams dang ye shes mi zad pa ste/ sred med kyi bu/ byang chub sems dpa' mi zad pa bzhi po de dag thob par 'gyur ro/ /sred med kyi bu/ byang
178b3 chub sems dpas chos bzhi la sbyar bar bya ste/ bzhi gang zhe na/ 'di lta ste/ dge ba'i rtsa ba'i tshogs kyis chog mi shes pa dang / chos ston pas chog mi shes pa dang / yongs su bsngo
178b4 ba shin tu rdzogs pa la mkhas pas chog mi shes pa dang / sangs rgyas kyi zhing gi yon tan thams cad bdag gi zhing du 'jug par bya bas chog mi shes pa ste/ sred med kyi bu/ bzhi po
178b5 de dag la sbyar bar bya'o/ /de nas byang chub sems dpa' sred med kyi bus 'jam dpal gzhon nur gyur pa la 'di skad ces smras so/ /'jam dpal/ bsod nams thams cad bsdus
178b6 pa'i ting nge 'dzin 'di byang chub sems dpa' sems dpa' chen po khyim pa'am/ rab tu byung ba ji lta bu dag gi lag tu 'ong bar 'gyur/ glegs bam du byed pa'am/ kha ton du byad
178b7 pa'am| ngas par sems pa'i bzod pa dang ldan par 'gyur/ 'jam dpal gyis smras pa/ sred med kyi bu/ byang chub sems dpa' sems dpa' chen po gang dag gi rna lam du tha na ting
179a1 de 'dzin 'di grag par 'gyur ba'am/ lag tu 'ong ba'am/ glegs bam du byed pa'am/ kha ton du byed la de'ang spong bar mi byed pa de dag ni/ khyim na gnas pa
179a2 zhes nga mi smra ste/ de dag ni/ rab tu byung ba kho na yin par brjod par bya'o/ /de ci'i phyir zhe na/ 'di ltar byang chub sems dpa' ting nge 'dzin 'di khong du chud par bya ba'i phyir
179a3 brtson pa rnams ni/ 'du shes thams cad dang bral bar gyur te/ gnas pa gang dang gang gi sa gnas pa de dang des bsod nams dang / ye shes mi zad pa thams cad mi spong ngo / /
179a4 sred med kyi bu/ byang chub sems dpa' rnams ni/ sems can yongs su min par bya ba'i phyir kha dog dang / gzugs sna tshogs ston to/ /sred med kyi bu/ gzhan yang de dag
179a5 ni| thams cad du'ang 'brel la thams cad du'ang ma gtogs te/ sred med kyi bu/ 'di lta ste/ dper na/ zla ba dang / nyi ma 'di gnyis ni/ thams cad du 'brel te/ gling bzhi po
179a6 dag tu'ang rgyu la thams cad du'ang ma gtogs pa de bzhin du/ sred med kyi bu/ byang chub sems dpa' de dag ni/ spyod pa thams cad la'ang mi rten la khyim gyi sa na gnas pa'ang
179a7 ma yin| khyim gyi chos la'ang mi rten/ rab tu byung ba'ang ma yin/ rab tu byung ba la'ang mi gnas/ dge sbyong gi chos la'ang mi rten te/ de dag ni/ gnyis ka'i phyogs su brjod
179b1 du med do/ /de ci'i phyir zhe na/ byang chub sems dpa' de dag ni/ skye pa'i gnas thams cad la mi rten par blta bar bya ba'i phyir ro/ /sred med kyi bu/ dper na/ nor bu rin po che chen
179b2 po bai DUR+ya ni/ snod gang dang gang na gnas kyang rung ste/ de dag dang de nyid na nor bu rin po che'i rang bzhin mi 'dor ba de bzhin du/ sred med kyi bu/ byang chub sems dpa' ting nge
179b3 'dzin 'di la gnas pa rnams ni/ khyim gyi sa na gnas pa de dag kyang rab tu byung ba zhes brjod par bya ste/ chos kyi dbyings kyi ngo bo nyid de yong mi 'dor ro/ /de skad ces smras nas
179b4 byang chub sems dpa' sred med kyi bus 'jam dpal gzhon nur gyur pa la 'di skad ces smras so/ /'jam dpal/ byang chub sems dpa' sems dpa' chen po gnas pa gang gis
179b5 gnas na/ bsod nams thams cad bsdus pa'i ting nge 'dzin 'di las yongs su nyams par mi 'gyur la/ bsod nams kyi tshogs dang / ye shes kyi tshogs mi zad pa'ang 'thob
179b6 par 'gyur/ 'jam dpal gyis smras pa/ sred med kyi bu/ bzhi po 'di dag ni/ byang chub sems dpa' rnams kyi gnas pa yin te/ bzhi gang zhe na/ 'di lta ste/ byang chub
179b7 sems dpa' rnams ni/ lus dang srog la lhag par zhen pa med par gnas pa yin te/ de dag rnyed pa dang / bkur sta dang / tshigs su bcad pa 'dod pa ma yin pa dang / byang
180a1 chub sems dpa' rnams ni/ stong pa nyid dang / mtshan ma med pa dang / smon pa med pa la gnas pa yin te/ nyan thos dang / rang sangs rgyas kyi nges pa
180a2 la 'jug pas gnas pa ma yin pa dang / byang chub sems dpa' rnams ni/ sangs rgyas kyi ye shes dang / so so yang dag par rig pa 'dod pa yin te/ g.yo ba dang / rlom sems
180a3 dang / kun tu rtog pa dang / rnam par rtog pa mi 'dzin par ngas pa dang / byang chub sems dpa' rnams ni/ sems can thams cad 'dra bar thar pa la gnas pa yin te/
180a4 bdag dang / sems can dang / srog dang / gso ba dang / skyes bu dang / gang zag la mi dmigs par ngas pa'o/ /sred med kyi bu/ byang chub sems dpa' rnams kyi gnas
180a5 pa bzhi po de dag ni/ gnas pa'i mchog dang / rab dang / rab mchog yin te/ bsod nams kyi tshogs mi zad pa dang / ye shes kyi tshigs mi zad par 'gyur ba nas lta ba'i rnam pa
180a6 thams cad spong bar 'gyur ba dang / sangs rgyas kyi chos thams cad kyi bar du rtogs par 'gyur ba'o/ /byang chub sems dpa' sred med kyi bus smras pa/ 'jam dpal/ ji
180a7 ltar na| byang chub sems dpa' rnams kyis gnas pa 'di dag thob par 'gyur zhing / khyim gyi gnas nas kyang mngon par 'byung bar 'gyur/ 'jam dpal gyis smras pa/
180b1 sred med kyi bu/ bzhi po 'di dag ni/ byang chub sems dpa' rnams kyi gnas pa yin te/ bzhi gang zhe na/ 'di lta ste/ byams pa la gnas pa dang / snying rje la gnas pa dang / dga' ba
180b2 la gnas pa dang / btang snyoms la gnas pa ste/ sred med kyi bu/ bzhi po de dag ni/ byang chub sems dpa' rnams kyi gnas pa yin no/ /sred med kyi bu/ byang chub sems dpa' gang
180b3 yang rung ste/ grong ngam/ dgon pa na gnas kyang rung gnas pa bzhi po de dag gis gnas pa de ni/ gnas pa la gnas pa zhes brjod par bya'o/ /gal te rnam par rgyal byed dang 'dra
180b4 ba'i khyams dang / khang pa brtsegs pa dag na gnas su zin kyang gnas pa na gnas pa zhes brjod par mi bya'o/ /sred med kyi bu/ gal te byang chub sems dpa' tshangs pa'i gnas pa
180b5 bzhi dang bral bzhin du bdag nyid gnas pa la gnas so snyam du 'dzin na/ de ni/ bdag dang / lha dang / mi dang / lha ma yin dang bcas pa'i 'jig rten slu ba yin te/ yul 'khor
180b6 gyi bsod snyoms za ba'ang don med par 'gyur ro/ /sred med kyi bu/ byang chub sems dpa' tshangs par spyad pa spyod pa gang dag su'ang rung ba de dag thams cad ni/ tshangs pa'i gnas pa
180b7 chen po bzhis nges par 'byung ngo / /sred med kyi bu/ de bas na/ tshangs pa'i gnas pa bzhi po rnams dang / 'phags pa'i bsam gtan thob pa la mi snang ba gang dag yin pa de dag ni/
181a1 tshangs par spyod pa la gnas pa las thag ring la/ nga rgyal ma spangs pa'i phyir 'jig rten pa'i 'jig tshogs la lta bas rlom sams su byed par 'gyur ro/ /byang
181a2 chub sems dpa' sred med kyi bsu smras pa/ 'jam dpal/ ji ltar na/ byang chub sems dpa' rnams byams pa la gnas pa yin/ ji ltar na/ snying rje la gnas pa yin/ ji
181a3 ltar na| dga' ba la gnas pa yin/ ji ltar na/ btang snyoms la gnas pa yin/ 'jam dpal gyis smras pa/ sred med kyi bu/ gal te byang chub sems dpa' 'di ltar
181a4 gnas par byed de/ bdag gis sems can thams cad bsgral bar bya'o snyam du sems na/ byams pa la gnas pa yin no/ /bdag gis sems can thams cad dgrol bar
181a5 bya'o snyam du sems na/ snying rje la gnas pa yin no/ /bdag gis sems can thams cad sangs rgyas kyi chos rnams la dgod par bya'o snyam du sems na/ dga' ba la gnas pa
181a6 yin no| |bdag gis sems can thams cad 'jig rten gyi chos rnams las rnam par grol bar bya'o snyam du sems te/ gal te byang chub sems dpa' de ltar gnas na/
181a7 btang snyoms la gnas pa yin no/ /sred med kyi bu/ gzhan yang byang chub sems dpa' gang gi tshe chos kyi dbyings stong pa la mos pa de'i tshe byams pa la gnas pa yin no/ /
181b1 gang gi tshe chos thams cad dben pa la mos pa de'i tshe snying rje la gnas pa yin no/ /gang gi tshe chos thams cad chags pa med pa dang | bcings pa med pa dang / grol ba med par mos pa
181b2 de'i tshe dga' ba la gnas pa yin no/ /gang gi tshe chos thams cad la song ba med pa dang / 'ong ba med pa la mos pa de'i tshe btang snyoms la gnas pa yin te/ sred med kyi bu/ de ltar
181b3 na| byang chub sems dpa' byams pa dang / snying rje dang / dga' ba dang / btang snyoms la gnas pa yin no/ /sred med kyi bu/ gzhan yang byang chub sems dpa' gang gi tshe chos
181b4 bdag med pas mi skrag pa de'i tshe byams pa la gnas pa yin no/ /gang gi tshe chos thams cad dben pas mi skrag pa de'i tshe snying rje la gnas pa yin no/ /gang gi tshe sangs
181b5 rgyas kyi chos thams cad mnyam pa'i chos nyid kyis mi skrag pa de'i tshe dga' ba la gnas pa yin no/ /gang gi tshe sangs rgyas kyi zhing thams cad mi zang pa'i chos nyid kyis mi skrag
181b6 pa de'i tshe btang snyoms la gnas pa yin no/ /sred med kyi bu/ gzhan yang byams pa ni/ zhe 'gras pa med pa'i mtshan nyid do/ /snying rje ni/ kun tu spyod pa med pa'i mtshan nyid do/ /
181b7 dga' ba ni| gnod sems med pa'i mchen nyid do/ /btang snyoms ni/ ma khengs ma dud pa'i mtshan nyid do/ /sred med kyi bu/ gzhan yang byams pa dang / snying rje yin la/ byams
182a1 pa chen po'ang ma yin/ snying rje chen po'ang ma yin pa'ang yod de/ byams pa chen po dang / snying rje chen po gang yin pa de ni/ nyan thos dang / rang sangs
182a2 rgyas thams cad la med do/ /nyan thos dang / rang sangs rgyas la yod pa gang yin pa de ni/ byams pa dang / snying rje yin te/ sems can thams cad bde bar gyur cig /ces bya
182a3 ba 'di ni/ byams pa dang / snying rje yin gyi/ byams pa chen po dang / snying rje chen po ma yin no/ /'on byams pa chen po dang / snying rje chen po gang yin zhe na/ sems can thams
182a4 cad la sems snyoms pa gang yin pa de ni/ byams pa chen po'o/ /sems can thams cad sdug bsngal thams cad las yongs su grol bar byed pa gang yin pa de ni/ snying rje
182a5 chen po'o/ /bdag gi bde ba spangs nas 'gro ba lngar skyes pa'i sems can rnams kyi nang du bsam bzhin du srid par 'gro ba len pa gang yin pa de ni/ byams pa chen po zhes
182a6 bya'o| |bdag gis sems can 'di dag 'khor ba'i lam ngan pa las bsgral te lam bzang por dgod par bya'o/ /snyam pa gang yin pa de ni/ snying rje chen po zhes byas/ /sred
182a7 med kyi bu| de bas na/ rnam grangs 'dis kyang khyod kyis nyan thos dang / rang sangs rgyas rnams kyi ni/ byams pa dang / snying rje yin la/ byams pa chen po dang / snying rje chen po ni/
182b1 ma yin pa'ang yod pa de ltar rig par bya'o/ /sred med kyi bu/ de lta bas na/ byang chub sems dpa' sems dpa' chen po rnams kyis byams pa chen po dang / snying rje chen po dang ldan par bya'o/ /bstan
182b2 pa 'di bshad pa na srog chags brgyad stong gis bla na med pa yang dag par rdzogs pa'i byang chub tu sems bskyed de tshig 'di skad du/ bcom ldan 'das/ bdag cag kyang 'jam dpal gzhon
182b3 nur gyur pa 'dis bshad pa gang lags pa'i gnas pa 'di dag gis gnas par bgyi'o/ /zhes kyang gsol to/ /byang chub sems dpa' brgyad khris ni/ bsod nams thams cad bsdus
182b4 pa'i ting nge 'dzin 'di thob bo/ /srog chags brgyad stong ni/ chos rnams la chos kyi mig rdul med cing dri ma dang bral ba rnam par dag go/ de nas bcom ldan 'das la byang chub sems
182b5 dpa' sred med kyi bus 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas bsod nams brgya'i mtshan dang ldan pa
182b6 zhes bgyi ba de la bsod nams ji lta bu dag gis de bzhin gshegs pa'i bsod nams brgya'i mtshan rnams mngon par grub pa lags/ de skad ces gsol pa dang / bcom ldan
182b7 'das kyis byang chub sems dpa' sred med kyi bu la 'di skad ces bka' stsal to/ /sred med kyi bu/ 'jig rten gyi khams gang+gA'i klung gi bye ma snyed dag na sems can ji snyed yod pa
183a1 sems can du bsdu bar bsdus pa de dag thams cad 'khor los bsgyur ba'i bsod nams kyi phung po dang ldan par gyur la/ sems can de dag thams cad kyi
183a2 'khor los bsgyur ba'i bsod nams kyi phung po gang yin pa'i bsod nams kyi phung po de dag gcig tu bsdoms pa ni/ lha'i dbang po brgya byin gcig la yod do/ /sred med kyi
183a3 bu| 'jig rten gyi khams gang+gA'i klung gi bye ma snyed dag na sems can ji snyed yod pa sems can du bsdu bar bsdus pa de dag thams cad brgya byin gyi bsod nams kyi phung po
183a4 dang ldan par gyur la/ sems can de dag thams cad kyi brgya byin gyi bsod nams kyi phung po gang yin pa'i bsod nams kyi phung po de dag bsdoms pa ni/ tshangs pa gcig la
183a5 yod do| |sred med kyi bu/ 'jig rten gyi khams gang+gA'i klung gi bye ma snyed dag na sems can ji snyed yod pa sems can du bsdu bar bsdus pa de dag thams cad tshangs pa'i bsod
183a6 nams kyi phung po dang ldan par gyur la/ sems can de dag thams cad kyi tshangs pa'i bsod nams kyi phung po gang yin pa'i bsod nams kyi phung po de dag gcig tu bsdoms pa
183a7 ni| nyan thos gcig la yod do/ /sred med kyi bu/ 'jig rten gyi khams gang+gA'i klung gi bye ma snyed dgra na sems can ji snyed yod pa sems can du bsdu bar bsdus pa de dag thams
183b1 cad nyan thos kyi bsod nams kyi phung po dang ldan par gyur la/ sems can de dag thams cad kyi nyan thos kyi bsod nams kyi phung po gang yin pa'i bsod nams kyi phung po de dag gcig tu
183b2 bsdoms pa ni/ rang sangs rgyas gcig la yod do/ /sred med kyi bu/ 'jig rten gyi khams gang+gA'i klung gi bye ma snyed dag na sems can ji snyed yod pa sems can du bsdu bar bsdus pa de
183b3 dag thams cad rang sangs rgyas kyi bsod nams kyi phung po dang ldan par gyur la/ nyan thos dang rang sangs rgyas de dag thams cad kyi bsod nams kyi phung po gang yin pa'i bsod nams kyi
183b4 phung po de dag ril gyis bsdoms pa de lta bu'i bsod nams kyi phung po dang ldan pa'i byang chub sems dpas ni/ bsod nams thams cad bsdus pa'i ting nge 'dzin ces bya ba 'di thob par
183b5 'gyur ro/ /sred med kyi bu/ 'jig rten gyi khams gang+gA'i klung gi bye ma snyed dag na sems can ji snyed yod pa sems can du bsdu bar bsdus pa de dag thams cad kyis bsod nams thams
183b6 cad bsdus pa'i ting nge 'dzin 'di thob par gyur la/ sems can de dag thams cad kyi bsod nams kyi phung po gang yin pa'i bsod nams kyi phung po de dag bsdoms pas ni/ nan
183b7 gyis dper bya na/ gtan pa med pa'i mchod sbyin gcig 'grub par 'gyur ro/ /sred med kyi bu/ de lta bu'i mchod sbyin dang / mchod sbyin gyi 'bras bu'i bsod nams kyi phung po de dag
184a1 brgya 'gyur du bsgres pas ni/ de bzhin gshegs pa'i sku la skyes bu chen po'i mtshan gcig mngon par 'grub par 'gyur te/ des na/ de bzhin gshegs pa bsod
184a2 nams brgya'i mtshan dang ldan pa zhes bya'o/ /thabs de lta bu'i de bzhin gshegs pa'i sku la skyes bu chen po'i mtshan sum cu rtsa gnyis kyi bar du mngon par 'grub ste/ de dag ni/
184a3 sems can thams cad kyis bsam par mi nus so/ /des na/ de bzhin gshegs pa bsod nams bsam gyis mi khyab pa'i mtshan dang ldan pa zhes bya'o/ /bsod nams brgya'i
184a4 mtshan bstan pa 'di bshad pa na stong gsum gyi stong chen po'i 'jig rten gyi khams 'di rnam pa drug tu g.yos te snang ba chen pos kyang khyab par gyur to/ /sil snyan 'bum yang
184a5 ma brdungs par 'khrol bar gyur te/ me tog gi char chen po'ang mngon par bab bo/ /lha dang bcas pa'i 'jig rten yang ngo mtshar du gyur te/ /ca co dang gzha'i sgra bton nas thal
184a6 mo sbyar te de bzhin gshegs pa la phyag btsal nas tshig 'di skad du sems can gang dag gis bla na med pa yang dag par rdzogs pa'i byang chub tu sems bskyed pa de dag ni/ rnyed pa legs par rnyed pa lags so/
184a7 /bsod nams brgya'i mtshan 'di lta bu dang ldan par 'gyur ba de dag gis ni/ brgya byin dang / tshangs pa dang / 'jig rten skyong ba de dag
184b1 thams cad dang / nyan thos dang / rang sangs rgyas thams cad kyang zil gyis non lags so/ /ting nge 'dzin rin po che 'di sems can gang dag gi rna lam du grag pa'am/ thos nas kyang ma
184b2 nor bar sgrub pa de dag kyang rnyed pa legs par rnyed pa lags so/ /sa phyogs gang na ting nge 'dzin 'di spyod ba de dag kyang skal pa dang ldan pa lags so/ /rigs kyi bu'am/ rigs kyi bu mo
184b3 gang dag ting nge 'dzin rin po che 'di rgyas par yang dag par ston pa de dag ni/ de bzhin gshegs pas byin gyis brlabs par rig par bgyi'o/ /gang du ting nge 'dzin gyi chos kyi
184b4 rnam grangs 'di rna lam du grags par 'gyur ba der ni/ 'jig rten gyi khams gang+gA'i klung gi phye ma snyed zhugs kyis gtams pa la'ang 'bogs te/ ting nge 'dzin 'di mnyan pa'i
184b5 slad du mchi bar bgyi'o/ /zhes kyang gsol to/ /bcom ldan 'das kyis bka' stsal pa/ rigs kyi bu dag /de ni/ de bzhin te/ khyed ji skad zer ba bzhin no/ /rigs kyi bu'am
184b6 rigs kyi bu mo gang dag ting nge 'dzin 'di mi nyan pa dang / mi 'chang ba dang / mi klog pa dang / kun chub par mi byed pa dang / gzhan dag la'ang rgyas par yang dag par mi ston pa de
184b7 dag ni| bdud kyis byin gyis brlabs par rig par bya'o/ /rigs kyi bu/ byang chub sems dpa' gang dag bsod nams thams cad bsdus pa'i ting nge 'dzin 'di gzhan dag la
185a1 rgyas par yang dag par mi ston pa de dag la ni/ mang du thos pa zhes nga mi smra'o/ /de nas lha'i bu de dag dang / byang chub sems dpa' de dag gis mthun par
185a2 bcom ldan 'das la 'di skad ces gsol to/ /bsod nams thams cad bsdus pa'i ting nge 'dzin gyi chos kyi rnam grangs 'di ci nas slad ma'i dus na spyod pa dang / rgyas par 'gyur
185a3 bar bcom ldan 'das kyis byin gyis brlab tu gsol/ de nas bcom ldan 'das kyis de'i tshe smin mtshams kyi mdzod spu nas 'od phyung ste/ 'od des 'jig rten gyi khams mtha'
185a4 yas mu med pa snang bar byas so/ /'od de las de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di byin gyis brlabs so/ /
185a5 zhes sgra'ang byung ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ de bzhin gshegs pa ni/ ring po mi thogs par zla ba gsum
185a6 'das pa na yongs su mya ngan las 'da' bar 'gyur te/ kun dga' bo/ chos kyi rnam grangs 'di gzung ba dang / gzhan dag la'ang rgyas par yang dag par bstan pa'i bar gyi phyir
185a7 khyod la gtad do/ /kun dga' bo/ sems can gang dag su'ang rung ste/ chos kyi rnam grangs 'di 'chang bar byed pa de dag la ni/ sangs rgyas bcom ldan 'das rnams yongs
185b1 su mya ngan las 'da' bar mi 'gyur ro/ /chos kyang nub par mi 'gyur ro/ /de ci'i phyir zhe na/ kun dga' bo/ gal te chos kyi rnam grangs 'di la sgrub par byed na/ de ni/ sangs
185b2 rgyas mthong ba yin la/ gzhan dag la brjod cing ston pa de ni/ dam pa'i chos yongs su 'dzin pa'i phyir ro/ /de nas tshe dang ldan pa kun dga' bo dus te mchi ma phyis nas bcom ldan
185b3 'das la 'di skad ces gsol to/ /skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo'i tshogs chen po dang / lha dang / mi rnams kyi
185b4 don dang / sman pa dang / bde ba'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa'am/ bskal pa las lhag par
185b5 bzhugs su gsol/ bcom ldan 'das kyis bka' stsal pa/ kun dga' bo/ khyod mya ngan ma byed cig /smre sngags ma 'don cig /kun dga' bo/ khyod yun ji srid du chos kyi rnam
185b6 grangs 'di 'chang ba dang / klog pa dang / ston par byed pa de srid du sangs rgyas mthong ba dang 'bral bar mi 'gyur ro/ /de ci'i phyir zhe na/ kun dga' bo/ de bzhin gshegs pa ni/
185b7 gzugs dang / mtshan dang / dpe byad du blta ba ma yin te/ kun dga' bo/ ji srid du ji skad bstan pa'i chos kyi rnam grangs 'di lta bu 'di dag mthong ba de nyid sangs rgyas mthong ba
186a1 yin pa'i phyir ro/ /bcom ldan 'das kyis de skad ces bka' stsal nas 'jam dpal gzhon nur gyur pa dang / byang chub sems dpa' sred med kyi bu dang / tshan po che
186a2 chen po dri ma med pa'i gzi brjid dang / byang chub sems dpa' sems dpa' chen po'i dge 'dun de dag dang / nyan thos chen po de dag dang / tshe dang ldan pa kun dga' bo dang / lha'i
186a3 bu mang po de dag dang / lha dang / mi dang / lha ma yin dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa
186a4 bsod nams thams cad bsdus pa'i ting nge 'dzin ces bya ba theg pa chen po'i mdo rdzogs so// //rgya gar gyi mkhan po pradz+nyA warma dang / shI len+d+ra bod+hi dang / zhu chen gyi
lo tsA ba ban+d+he ye shes sde la sogs pas bsgyur cing zhus te gtan la phab pa/
CLOSE WINDOW