བོད་ཡིག |
269b4 / //rgya gar skad du/ AR+ya d+harma tA swa b+hA wa shU n+ya ta a tsa la pra ti sarba A lo ka sU tra/ bod skad du/ 'phags pa chos nyid rang gi ngo bo stong pa nyid las
269b5 mi g.yo bar tha dad par thams cad la snang ba'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig
269b6 na| bcom ldan 'das ri dwags kyi rgyal po'i chos kyi khang pa na ye shes kyi khyad par las grub pa'i rin po che sna tshogs kyi khri chen po bshams pa la chos nyid rang gi ngo bo nyid
269b7 ji lta ba las mi g.yo bar bzhugs so/ /de'i tshe gnas der byang chub sems dpa' chen po tshad med grangs med pa dag kyang 'dus/ lha dang / mi dang / lha ma yin la sogs pa
270a1 'khor phal po che thams cad kyang 'dus par gyur to/ /de nas 'khor 'dus pa thams cad kyis bcom ldan 'das la yang dang yang du bskor ba byed
270a2 cing phyag btsal te rang rang gi phyogs phyogs su 'dug ste mchod pa'i mchog thams cad kyis mchod par byed/ bsti stang du byed/ ri mor byed pa la yid skyo bar mi byed de/ chos
270a3 nyan par brtsams te mgo btud nas 'dug par gyur to/ /de'i tshe bcom ldan 'das ni rnam grangs dang dbye ba'i chos la rtog par mi mdzad kyang smon lam dang thugs rje'i byin
270a4 gyi rlabs kyis 'khor rnams kyi so so'i mos pa dang bsam pa ji lta ba bzhin du gsung sgrogs bar snang ste/ bcom ldan 'das ni bdag la chos ston te/ gzhan dag la ni ma
270a5 yin no snyam mo/ /de'ang 'khor phal po che de dag las kyang kha cig gis ni ji ltar snang ba bzhin du yod pa'i chos ston to snyam ste/ de la nges par 'dzin cing rtog par byed do/ /
270a6 kha cig gis ni chos thams cad sems tsam las ma gtogs par gzhan med pa'i chos ston te snyam ste/ de la nges par 'dzin cing rtog par byed do/ /kha cig gis ni sems
270a7 nyid kyang ma skyes pa yin par bdag cag la chos ston to snyam ste/ de la nges par 'dzin cing rtog par byed do/ /kha cig gis ni chos thams cad sgyu ma bzhin du snang zhing sgyu ma
270b1 bzhin du ma grub pa'i chos ston to snyam ste/ de la nges par 'dzin cing rtog par byed do/ /kha cig gis ni chos thams cad rang bzhin gyis ma skyes pa/ ngo bo nyid kyis mi gnas pa/ las dang
270b2 bya ba'i mtha' thams cad dang bral ba rtog pa dang rtog pa'i yul las 'das pa/ thog ma med pa'i dus nas spros pa rnam par dag pa'i chos ston to snyam ste/ de la nges par 'dzin cing
270b3 rtog par byed do/ /de nas bcom ldan 'das chos nyid rang gi ngo bo nyid ji lta ba las mi g.yo bar bzhugs pa de las snying rje dang ldan pa'i skur byas nas 'khor 'dus pa de dag gi lta
270b4 ba tha dad par gyur pa'i rtog pa'i mun pa sel ba zhes bya ba'i 'od zer ljags kyi dbang po las spros te/ 'od zer des phyogs bcu thams cad snang bar byas nas 'khor de na byang chub
270b5 sems dpa' 'jam dpal 'dug par gyur pa la bskul bas byang chub sems dpa' 'jam dpal gyis 'khor phal mo che'i rtog pa lnga po tha dad par gyur pa sems kyis shes
270b6 nas| ci'i phyir chos thams cad kyi gzhi gcig la lta ba dang mos pa tha dad par gyur snyam ste/ bdag gis bcom ldan 'das la zhu par bya'o snyam pa dang / 'od zer de dag
270b7 bcom ldan 'das kyi ljags kyi dbang po la slar 'dus par gyur to/ /de nas bcom ldan 'das la byang chub sems dpa' 'jam dpal gyis 'di skad ces gsol to/ /
271a1 bcom ldan 'das/ bcom ldan 'das ni rnam grangs dang dbye ba'i chos la rtog par mi mdzad kyang 'khor 'dus pa 'di dag mos pa dang rtog pa tha dad
271a2 pa 'di ci las gyur/ bcom ldan 'das/ chos la brtag pa'i mtha' lnga po 'di dag kun yang dag pa lags sam/ 'on te kha cig ni yang dag pa lags la/ kha cig ni yang
271a3 dag pa ma lags sam/ bcom ldan 'das/ chos la brtag pa'i mtha' lnga po 'di dag gis rnam par grol ba thob par mtshungs lags sam/ bcom ldan 'das/ chos la
271a4 brtag pa'i mtha' lnga po 'di dag la gang zag gi rigs ni mchis lags sam/ bcom ldan 'das/ chos la brtag pa'i mtha' lnga po 'di dag la tha dad par snang ba'i mthun
271a5 pa'i dpe ni ji ltar lags/ bcom ldan 'das/ chos la brtag pa'i mtha' lnga po 'di dag ltar so sor rtog pa'i gang zag ma 'ongs pa'i dus na'ang 'byung bar 'gyur ba
271a6 lags sam/ bcom ldan 'das/ chos la brtag pa'i mtha' lnga po 'di dag la slob pa'i gang zag rnams don lags pa dang ma lags par rtsod par mi 'gyur lags
271a7 sam| bcom ldan 'das/ 'khor 'dus pa 'di dag gi the tshom gyi dra ba bcad pa'i slad du bdag la bshad du gsol/ de skad ces gsol pa dang / bcom ldan 'das/
271b1 kyis bka' stsal pa/ 'jam dpal/ khyod 'di skad du/ bcom ldan 'das ni rnam grangs dang dbye ba'i chos la rtog par mi mdzad kyang 'khor 'dus pa 'di dag 'di ltar mos pa dang rtog
271b2 pa tha dad pa ci las gyur zhes zer ba ni sbyangs pa dang ma sbyangs pa'i dbang las shes pa dang / mos pa che chung las gyur te/ sangs rgyas rnams ni sbyangs pa dang bsags pa dpag tu
271b3 med pas rtsol ba med par chos nyid rang gi ngo bo nyid ji lta ba las mi g.yo ba gcig pu yin te/ 'di ni sangs rgyas thams cad kyi spyod yul yin no/ /cher sbyangs pa dang cung zad sbyangs
271b4 pa rnams kyi ni yang dag pa yin pa dang ma yin pa brgyud pa las thob pa ste/ de'i phyir na mos pa dang rtog pa tha dad par 'gyur ro/ /'jam dpal/ khyod 'di skad du/ chos la brtags pa'i
271b5 mtha' lnga po 'di dag kun yang dag pa lags sam/ 'on te kha cig ni yang dag pa lags la/ kha cig ni yang dag pa ma lags sam zhes zer ba ni/ chos la brtag pa'i mtha'
271b6 lnga po 'di dag thams cad kyang yang dag pa yin par gzung ste/ kha cig gis ni chos thams cad ji ltar snang ba bzhin du yod pa'i chos ston to snyam pa'ang yin te/ ci'i phyir zhe na/
271b7 'byung ba bzhi dang des byas pa rnams ni tha dad du sgyu ma bzhin du yod pa'i phyir ro/ /kha cig gis ni chos thams cad ni sems tsam las ma gtogs pa gzhan med pa'i chos ston te/
272a1 snyam pa'ang yin te/ ci'i phyir zhe na/ chos sna tshogs su 'dogs pa rnams rtag pa ther zug tu brtags pa'i bag chags sems la bzhag pa'i mthus dus
272a2 thams cad du bdag dang chos rnams su snang ba tha snyad tsam dus nang yang don du rang bzhin med de/ sems tsam las med pa'i phyir ro/ /kha cig gis ni sems nyid kyang ma skyes
272a3 ba yin par bdag cag la chos ston to snyam pa'ang yin te/ ci'i phyir zhe na/ 'di la dbyibs sam/ kha dog gam/ dus gsum mam/ mtha' dbus med pa'i phyir ro/ /kha
272a4 cig gis ni chos thams cad sgyu ma bzhin du snang zhing sgyu ma bzhin du ma grub pa'i chos ston to snyam pa'ang yin te/ ci'i phyir zhe na/ chos thams cad ni rgyu rkyen las skye zhing 'byung
272a5 ba'i phyir ro/ /kha cig gis ni chos thams cad rang bzhin gyi ma skyes pa/ ngo bo nyid kyis mi gnas pa/ las dang bya ba'i mtha' thams cad dang bral ba/ rtog pa dang rtog pa'i
272a6 yul las 'das pa/ thog ma med pa'i dus nas spros pa rnam par dag pa'i chos ston to snyam pa'ang yin te/ ci'i phyir zhe na/ chos thams cad kyi rang gi ngo bo nyid phyin ci ma log
272a7 pa de yin pa'i phyir ro/ /'jam dpal/ yang kha cig yang dag pa ma yin par yang bzung ste/ sbyangs pa chung ba/ mos pa dman pa/ shes rab zhan pa dag gis rtogs pa'o//
272b1 kha cig sbyangs pa dang / mos pa dang / shes rab 'bring ba rnams kyis rtogs pa'o/ /lhag ma ni yang dag pa ste mchog tu gyur pa'i rtogs pa'o/ /'jam dpal/ khyod 'di skad du/ chos la brtag
272b2 pa'i mtha' lnga po 'di dag gis rnam par grol ba thob par mtshungs sam zer ba ni/ shes rab mchog tu gyur pa'i rtogs pa yang dag pa las lhag ma bzhi po gcig la gcig brgyud pa'i
272b3 khyad par gyis nye ring yod kyang rnam par grol ba thob par mtshungs par blta'o/ /'jam dpal/ khyod kyis 'di skad du/ chos la brtag pa'i mtha' lnga po 'di dag la gang zag gi rigs
272b4 ni mchis lags sam zhes zer ba ni theg pa chung ngu'i rigs dang theg pa chen po'i rigs gnyis kyis chos la brtag pa'i mtha' lnga las bzhi las brgyud nas lhag ma gcig tu yang
272b5 dag pa phyin ci ma log pa sangs rgyas kyi spyod yul rtogs par bya'o/ /'jam dpal/ khyod 'di skad du/ chos la brtag pa'i mtha' lnga po 'di dag la tha dad par snang ba'i mthun pa'i
272b6 dpe ni ji ltar lags zhes zer ba ni/ chos kyi gzhi gcig la tha dad par rtog pa'i dpe ni dzam+bu'i gling du nyi ma 'char bas bstan te/ dzam+bu'i gling du nyi ma 'char ba dpag tshad bzhi khri'i
272b7 nam mkha' las 'char ba'i tshe mi rnams kyis rang gi grong khyer dang ri 'di las shar bar so so nas rtog go /de bzhin du de ltar gyi 'khor 'dus pa 'di dag gis chos kyi gzhi gci
273a1 la so sor rtog go /so sor mthong ngo / /so sor 'dzin to/ /'jal dpal/ rnam par ma brtags pa'i tshe rang gi grong khyer gyi ri las mi 'char ba ma yin
273a2 pa bzhin du chos la brtag pa'i mtha' 'di dag kyang yang dag pa phyin ci ma log pa sangs rgyas rnams kyi spyod yul la ma ltos pa gzhan bzhi po de bzhin du snang ngo / /'jam dpal/
273a3 rang gi grong khyer gyi ri de las yang dag par 'char ba ma yin pa de bzhin du bzhi po ni rtogs pa'i thabs blo'i rim pa la de ltar snang ste/ don yang dag pa nyid ma yin no/ /
273a4 'jam dpal/ brtag pa lnga po 'di dag las rnam par grol ba mtshungs pa thob pa'i dpe ni nor bu rin po ches bstan te/ rin po che de'ang sems can rnams kyis bsten pa'i
273a5 las byas pa dang ma byas pa yod de/ gang zag rtog pa med pa dang log par rtog pa rnams kyis ni chos la brtag pa'i mtha' lnga la mi rten pa ste/ rin po che bsten pa'i las ma
273a6 byas pa'i gang zag gis rin po che mi rnyed pa dang / dgos pa mi 'byung ba bzhin du de dag la mi dpyod mi sems pas khams gsum las mi thar pa yin no/ /bsten pa'i
273a7 las byas pa ni khyad par du bsags pa dang / cher bsags pa dang / cung zad bsags pa dang / cung zad bsags pa rnams la rin po che'i dgos pa'ang rim pa gsum du 'byung ba de bzhin du yang
273b1 dag pa phyin ci ma log pa dang / lhag ma bzhi po brgyud par brtag pa theg pa che chung rim pa gsum yang dpe rim pa bzhin no/ /ngas bshad pa'i mdo sde bcu gnyis dang / chos la brtag
273b2 pa'i mtha' lnga ji lta bu yin pa'i dpe ni rgya mtsho la phyogs bzhi nas chu 'bab pas bstan te/ phyogs bzhi nas chu bo bzhi yan lag mang po dang bcas pa phyogs bzhi nas babs kyang gzhi
273b3 rgya mtsho chen po las babs par 'du bas rgya mtsho ni phyogs bzhi nas 'bab pa'i chu thams cad kyi gzhi yin no/ /spyi yin no/ /de bzhin du chos la brtag pa'i mtha' lnga tha dad kyang
273b4 ngas mdo sde bcu gnyis bshad pa la brten pa yin pas mdo sde bcu gnyis ni gzhi yin no/ /spyi yin no/ /'jam dpal/ khyod 'di skad du/ chos la brtag pa'i mtha' lnga po 'di dag
273b5 ltar so sor rtog pa'i gang zag ma 'ongs pa'i dus na'ang 'byung bar 'gyur ba lags sam zhes zer ba ni/ da ltar ngas chos rnams kyi rang gi ngo bo nyid ji lta ba bzhin du ston pa na'ang
273b6 'khor 'dus ba rnams la rtog pa 'di lta bur tha dad par gyur nga mya ngan las 'das nas tha dad par 'gyur ba lta ci smos te/ ches mang bar 'gyur ro/ /'jam dpal/ nga mya ngan
273b7 las 'das nas lo lnga brgya dang / dgu brgya dang / stong dgu brgya dang / nyis stong dang / nyis stong lnga brgya'i bar du chos la brtag pa'i mtha' lnga po 'di dag la so sor rtog pa'i gang
274a1 zag rim par 'byung bar 'gyur ro/ /'jam dpal/ khyod 'di skad du/ chos la brtag pa'i mtha' lnga po 'di dag la slob pa'i gang zag rnams la don
274a2 lags pa dang ma lags par rtsod par mi 'gyur lags sam zhes zer ba ni/ ma 'ongs pa'i dus nga mya ngan las 'das nas lo lnga brgya nas rtsod par 'gyur te/ de'i tshe gang
274a3 zag rnams mos pa dang shes rab che chung gi dbang gis don ma nor bar rtogs ma rtogs kyi bye brag med par bdag nyid kyi don ma yin pa la yin nges par byas te/ gzhan gyi
274a4 don yin pa'ang ma yin par bsgrubs nas rtsod par 'gyur ro/ /gzhan drung na 'khod cing nyan pa rnams kyis kyang don bzhin du phyogs 'dzin par mi byed kyi/ yul gyis
274a5 bsdus pa dang gnyen gyi phyogs 'dzin par 'gyur ro/ /don ma nor bar shes pa rnams kyis kyang mi shes pa rnams la bstan par bya ba'i phyir mi rtsod kyi/ smad bab pa dang
274a6 shed gcad pa'i phyir rtsod de/ khyod kyi don gyi ngo bo ji ltar mthong ba smros zhes dris nas/ des smras pa dang / don ma nor yang mdo sde gzhan la brtsams nas smra bar 'gyur
274a7 ro| |khyod 'di skad zer zhes nor pa gzhan la sgrogs par 'gyur ro/ /bdag nyid las ma gtogs pa gzhan gyis ma shes na ci ma rung snyam par 'gyur ro/ /byang chub kyi phyir ma
274b1 yin gyi zang zing gi phyir sgrogs par 'gyur ro/ /de skad ces bka' stsal pa dang / 'jam dpal gyis 'di skad ces gsol to/ /bcom ldan 'das/ chos la brtag pa'i mtha' lnga po 'di
274b2 dag chos kyi gzhi gcig la tha dad par 'gyur na chos kyi gzhi de ni gang lags/ de la ji ltar brtags na ni 'khrul pa lags/ de'i ma nor ba'i rang gi ngo bo ni gang lags/ bcom
274b3 ldan 'das kyis bka' stsal pa/ 'jam dpal/ gzhi ni phung po rnams so/ /'byung ba rnams so/ /khams dang skye mched rnams so/ /de dag sgyu ma bzhin tha snyad tsam du snang ba las
274b4 rtag pa dang thar zug tu bzung na 'khrul pa yin no/ /rang bzhin skye ba med pa la dngos po tha snyad du snang ba bsal nas med par brtags na'ang 'khrul pa yin no/ /de'i gzhi ma nor ba'i rang
274b5 gi ngo bo chos de dag gi rang bzhin skye ba med pa yin no/ /gsol pa/ 'o na yul 'khrul pa'i gzhi ma mchis na yul 'khrul pa snang zhes bya ba ji lta bu lags/ bka' stsal pa/ chos sgyu ma bzhin
274b6 tha snyad tsam du snang zhing yod pa de sems 'khrul pas snang bar ni mi bzung gi /chos de dag gi rang bzhin skye ba med par mi shes nas rtag pa ther zug tu bzung ba'i 'khrul pa'i
274b7 snang ba la sems 'khrul pa yul du snang bar zungs shig /de ci'i phyir zhe na/ chos rnams la gang gis rtag pa dang ther zug tu bzung na 'khor bar 'gyur ro/ /'khor bar gyur
275a1 na phung po dang / khams dang / skye mched rnams yod par 'gyur ro/ /de yod na bde ba dang sdug bsngal rnams myong bar 'gyur ro/ /gang gis chos rnams
275a2 gyi rang bzhin skye ba med pa shes nas chos rnams kyi dngos po rtag pa ther zug dang / med pa dang chad pa'i mtha' gnyis po bsal na bla na med pa yang dag par rdzogs pa'i byang chub tu
275a3 'gyur ro/ /de thob pa dang / mtshan dang / dpe byad dang / sangs rgyas kyi zhing yongs su dag par snang bar 'gyur ro/ /'jam dpal/ mdor na chos kyi rang bzhin skye ba med
275a4 par ma shes chos rnams la rtag pa dang ther zug tu bzung bas 'khor par gyur nas/ chos rnams snang ba la sems 'khrul pa snang zhes bya yi/ thog ma nam mkha' lta bu
275a5 med pa las sems 'khrul pa'i mthus chos rnams snang ba ni ma yin no/ /'jam dpal/ mthong ba dag pa dang ma dag pa gnyis kyis 'khor dang mya ngan las 'das par
275a6 snang ba la'ang yul ni sems snang ba yin zhes bya'o/ /de skad ces bka' stsal pa dang 'khor 'dus pa de dag thams cad yi rangs te/ bcom ldan 'das kyis gsungs
275a7 pa la mngon par bstod do// //chos nyid rang gi ngo bo nyid las mi g.yo bar tha dad par thams cad snang ba'i mdo rdzogs so// //rgya gar gyi mkhan
275b1 po dA na sha'i la dang / ban+de ye shes sdes bsgyur cing zhus te gtan la phab pa/ dA na sha'i la'i zhal nas sde snod kyi bstan bcos dang dbu ma'i lta ba tha dad rnams 'di las 'phros pa
yin gsung skad/
CLOSE WINDOW