བོད་ཡིག |
1a1 @#/ /mdo ja pa bzhugs so//
1b1 @##/ /rgya gar skad du/ sang+ng+harma puN+Ta rI ka nA ma ma hA yA na sU tra/ bod
1b2 skad du/ dam pa'i chos pad+ma dkar po zhes bya ba theg pa chen po'i mdo/ bam po
1b3 dang po/ sangs rgyas dang byang chub sems dpa' thams cad la phyag 'tshal lo/ /
1b4 'di skad bdag gis thos pa dus gcig na/ bcom ldan 'das rgyal po'i
2a1 khab na/ bya rgod kyi phung po'i ri la bzhugs te/ dge slong khri nyis stong gi dge slong gi
2a2 dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan
2a3 par gyur pa/ sems shin tu rnam par grol ba/ shes rab shin tu rnam par grol ba/ cang shes pa/
2a4 glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par
2a5 kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi
2b1 dbang thams cad kyi dam pa'i pha rol tu son pa/ mngon par shes pas mngon par shes pa'i nyan thos chen po sha
2b2 stag la 'di lta ste/ tshe dang ldan pa kun shes kauN+Di n+ya dang / tshe dang ldan pa rta thul dang / tshe dang ldan pa rlangs pa dang /
2b3 tshe dang ldan pa ming chen dang / tshe dang ldan pa bzang po dang / tshe dang ldan pa 'od srung chen po dang / tshe dang ldan pa
2b4 lteng rgyas 'od srung dang / tshe dang ldan pa chu klung 'od srung dang / tshe dang ldan pa ga ya 'od srung dang / tshe dang ldan pa shA ri'i
2b5 bu dang / tshe dang ldan pa maud+gal gyi bu chen po dang / tshe dang ldan pa kA t+ya'i bu chen po dang / tshe dang ldan pa ma 'gags pa dang /
2b6 tshe dang ldan pa nam gru dang / tshe dang ldan pa ka pi na dang / tshe dang ldan pa ba lang bdag dang / tshe dang ldan pa pi lin+da'i bu
3a1 dang | tshe dang ldan pa ba ku la dang / tshe dang ldan pa gsus po che dang / tshe dang ldan pa b+ha ra d+h+wa dza dang / tshe dang
3a2 ldan pa dga' bo dang / tshe dang ldan pa nye dga' dang / tshe dang ldan pa mdzes dga' dang / tshe dang ldan pa byams ma'i bu gang po
3a3 dang | tshe dang ldan pa rab 'byor dang / tshe dang ldan pa sgra gcan zin dang / de dag dang nyan thos chen po gzhan dag dang /
3a4 slob pa tshe dang ldan pa kun dga' bo dang / gzhan yang slob pa dang mi slob pa'i dge slong nyis stong dang / skye dgu'i bdag
3a5 mo chen mo la sogs pa dge slong ma drug stong dang / sgra gcan zin gyi ma dge slong ma grags 'dzin 'khor dang bcas pa dang
3a6 thabs gcig go /byang chub sems dpa' brgyad khri thams cad kyang bla na med pa yang dag par rdzogs pa'i byang chub
3b1 las phyir mi ldog pa/ gzungs thob pa/ spobs pa chen po la gnas pa/ phyir mi ldog pa'i chos kyi 'khor lo bskor ba/ sangs rgyas brgya stong mang po la bsnyen bkur
3b2 byas pa/ sangs rgyas brgya stong mang po la dge ba'i rtsa ba bskyed pa/ sangs rgyas brgya stong mang po sa yang dag par bstod pa/ lus dang ngag dang sems byams pas yongs
3b3 su bsgos pa/ de bzhin gshegs pa'i ye shes 'dzud pa la mkhas pa/ shes rab chen po/ shes rab kyi pha rol tu phyin pa rtogs par khong du chud pa/ 'jig rten gyi khams
3b4 brgya stong mang por rnam par grags pa/ srog chags bye ba khrag khrig brgya stong mang po yang dag par sgrol ba sha stag la 'di lta ste/ byang chub sems dpa' sems dpa' chen
3b5 bo 'jam dpal gzhon nur gyur pa dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / byang chub sems dpa' don
3b6 thams cad ces bya ba dang / byang chub sems dpa' rtag tu brtson dang / byang chub sems dpa' brtson pa mi gtong ba dang / byang chub sems dpa' lag na rin chen dang /
3b7 byang chub sems dpa' sman gyi rgyal po dang / byang chub sems dpa' sman yang dag 'phags dang / byang chub sems dpa' bkod pa'i rgyal po dang / byang chub sems
4a1 dpa' rab tu sbyin pa dang / byang chub sems dpa' rin chen zla ba dang / byang chub sems dpa' rin chen 'od dang / byang chub sems dpa' zla gang
4a2 dang | byang chub sems dpa' gnon pa chen po dang / byang chub sems dpa' mtha' yas gnon dang / byang chub sems dpa' 'jig rten gsum gnon dang / byang chub
4a3 sems dpa' spobs pa chen po dang / byang chub sems dpa' rtag par rgyun du brtson dang / byang chub sems dpa' sa 'dzin dang / byang chub sems dpa' blo gros mi zad
4a4 pa dang / byang chub sems dpa' pad+ma'i dpal dang / byang chub sems dpa' skar ma'i rgyal po dang / byang chub sems dpa' byams pa dang / byang chub sems dpa'
4a5 sems dpa' chen po seng ge dag dang yang thabs gcig go /bzang skyong la sogs pa skyes bu dam pa bcu drug 'di lta ste/ bzang skyong dang / dkon mchog 'byung gnas
4a6 dang | ded dpon bzang po dang / mis byin dang / phug spas dang / chus byin dang / dbang pos byin dang / bla ma'i blo gros dang / khyad par blo gros dang / 'phel ba'i blo gros
4a7 dang | mthong ba don yod dang / shin tu yang dag zhugs dang / rab kyi rtsal gyis rnam par gnon pa dang / dpe med blo gros dang / nyi ma'i snying po dang / sa 'dzin dag
4b1 dang yang thabs gcig ste/ de dag la sogs pa byang chub sems dpa' brgyad khri dag dang yang thabs gcig go /lha rnams kyi dbang po brgya byin dang / 'khor lha'i bu nyi khri 'di lta
4b2 ste/ lha'i bu zla ba dang / lha'i bu nyi ma dang / kun tu dri dang / rin chen 'od dang / lha'i bu snang 'od dang / de dag la sogs pa lha'i bu nyi khri dang yang thabs gcig go /rgyal po
4b3 chen po bzhi dang / 'khor lha'i bu sum khri 'di lta ste/ rgyal po chen po 'phags skyes po dang / rgyal po chen po mig mi bzang dang / rgyal po chen po yul 'khor srung dang / rgyal
4b4 po chen po rnam thos kyi bu dang / lha'i bu dbang phyug dang / lha'i bu dbang phyug chen po dang / 'khor lha'i bu sum khri dag dang yang thabs gcig go /mi mjed kyi bdag po tshangs
4b5 pa dang / 'khor tshangs ris kyi lha'i bu khri nyis stong 'di lta ste/ tshangs pa gtsug phud can dang / tshangs pa skar ma'i 'od dang / de dag la sogs pa tshangs ris kyi lha'i bu khri
4b6 nyis stong dang yang thabs gcig go /klu'i rgyal po brgyad 'di lta ste/ klu'i rgyal po dga' bo dang / nye dga' dang / rgya mtsho dang / nor rgyas kyi bu dang / 'jog po dang / gzi can
4b7 dang | ma dros pa dang / klu'i rgyal po ut+pa la dang / 'khor klu bya ba brgya stong mang po dag dang yang thabs gcig go /mi'am ci'i rgyal po bzhi 'di lta ste/ mi 'am ci'i rgyal po
5a1 ljon pa dang / mi'am ci'i rgyal po chos chen dang / mi'am ci'i rgyal po chos bzang dang / mi'am ci'i rgyal po chos 'dzin dang / 'khor mi'am ci bye ba
5a2 brgya stong mang po dag dang yang thabs gcig go /dri za'i ris kyi lha'i bu bzhi 'di lta ste/ dri za yid du 'ong ba dang / yid 'ong dbyangs dang / 'jam snyan dang / dri za dbyangs
5a3 snyan dang / 'khor dri za bye ba brgya stong mang po dag dang yang thabs gcig go /lha ma yin gyi dbang po bzhi 'di lta ste/ lha ma yin gyi dbang po stobs can dang / phrag rtsub dang /
5a4 thags bzang ris dang / lha ma yin gyi dbang po sgra gcan dang / 'khor lha ma yin bye ba brgya stong mang po dag dang yang thabs gcig go /nam mkha' lding gi dbang po bzhi
5a5 'di lta ste/ nam mkha' lding gi dbang po gzi brjid chen po dang / lus chen po dang / rdzogs chen dang / nam mkha' lding gi dbang po 'phrul chen thob dang / 'khor nam
5a6 mkha' lding bye ba brgya stong mang po dang yang thabs gcig go /lus 'phags ma'i bu yul ma ga d+hA'i rgyal po ma skyes dgra dang yang thabs gcig go /de'i tshe na bcom ldan
5a7 'das 'khor bzhi po de dag gis yongs su bskor cing mdun gyis bltas te/ bsti stang du byas/ btsun par byas/ ri mor byas/ mchod par byas/ brjed par byas/
5b1 gsol ba byas te/ nges par bstan pa chen po zhes bya ba'i chos kyi rnam grangs mdo sde shin tu rgyas pa chen po byang chub sems dpa' rnams la gdams pa/ sangs rgyas thams
5b2 cad kyis yongs su bzung ba bshad par bzhed de/ chos kyi gdan de nyid la skyil mo krung bcas nas/ mtha' yas nges par bstan pa'i gnas zhes bya ba'i ting nge 'dzin la snyoms
5b3 par zhugs te sku mi g.yo zhing sems mi g.yo bar gyur nas bzhugs so/ /bcom ldan 'das snyoms par zhugs ma thag tu/ bcom ldan 'das la lha'i me tog man+dA ra dang /
5b4 man+dA ra chen po dang / many+dzu Sha ka dang / many+dzu Sha ka chen po rnams kyi me tog gi char chen po mngon par bab ste/ bcom ldan 'das dang 'khor bzhi po de dag la 'thor ro/ /thams
5b5 cad dang ldan pa'i sangs rgyas kyi zhing yang rnam pa drug tu g.yos par gyur te/ 'gul/ kun tu rab tu 'gul/ ldeg /kun tu rab tu ldeg /'khrugs/ kun tu rab tu 'khrugs
5b6 so/ /de'i tshe dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding
5b7 dang / mi'am ci dang / lto 'phye chen po dang / mi dang mi ma yin pa rnams dang / rgyal phran dang / stobs kyi 'khor los bsgyur ba dang / gling bzhi'i 'khor los bsgyur ba
6a1 gang dag 'khor der 'dus nas 'khod par gyur pa 'khor dang bcas pa de dag thams cad bcom ldan 'das la lta zhing 'khod de ngo mtshar du gyur/ rmad du gyur/
6a2 shin tu dga' bar gyur to/ /de nas de'i tshe bcom ldan 'das kyi smin mtshams kyi mdzod spu nas 'od zer gcig byung nas/ de shar phyogs su sangs rgyas kyi
6a3 zhing khri brgyad stong du song ste/ sangs rgyas kyi zhing de dag thams cad mnar med pa'i sems can dmyal ba chen po yan chad srid pa'i rtse mo man chad 'od zer de'i 'od kyis
6a4 shin tu khyab par snang ngo / /sangs rgyas kyi zhing de dag gi 'gro ba drug po de dag na sems can gang yod pa de dag thams cad ma lus par snang ngo / /sangs rgyas kyi zhing de
6a5 dag na sangs rgyas bcom ldan 'das gang dag bzhugs shing 'tsho gzhes pa de dag thams cad kyang snang ngo / /sangs rgyas bcom ldan 'das de dag chos gang 'chad pa de
6a6 dag thams cad kyang ma lus par grag go /sangs rgyas kyi zhing de dag na dge slong dang / dge slong ma dang / dge bsnyen dang / dge bsnyen ma dang / rnal 'byor can dang /
6a7 rnal 'byor spyod pa gang dag 'bras bu thob pa dang / 'bras bu ma thob pa de dag thams cad kyang snang ngo / /sangs rgyas kyi zhing de dag na/ byang chub sems dpa' sems
6b1 dpa' chen po gang dag nyan pa dang / dmigs pa dang / mos pa rnam pa sna tshogs du ma'i rgyu'i thabs mkhas pa dag gis byang chub sems dpa'i spyad pa spyod pa de dag thams cad
6b2 kyang snang ngo / /sangs rgyas kyi zhing de dag na/ sangs rgyas bcom ldan 'das gang dag yongs su mya ngan las 'da' ba de dag thams cad kyang snang ngo / /sangs rgyas kyi zhing de dag na/
6b3 sangs rgyas bcom ldan 'das gang dag yongs su mya ngan las 'das pa rnams kyi ring bsrel gyi mchod rten rin po che las byas pa de dag thams cad kyang snang ngo / /de nas byang chub
6b4 sems dpa' sems dpa' chen po byams pa 'di snyam du sems te/ kye ma de bzhin gshegs pas ltas cho 'phrul chen po bstan pa 'di 'dir ci'i rgyur 'gyur zhig gu/ ci'i
6b5 phyir bcom ldan 'das kyis ltas cho 'phrul chen po 'di lta bu 'di bstan te/ bcom ldan 'das kyang ting nge 'dzin la snyoms par zhugs shing / rdzu 'phrul gyi cho 'phrul chen po ngo
6b6 mtshar rmad du byung ba chen po bsam gyis mi khyab pa 'di lta bu 'di dag kyang snang bar gyur pa 'di'i don bdag gis su la dri/ 'di na don 'di'i lan ldon nus pa ni su yod snyam mo//
6b7 de yang 'di snyam du 'jam dpal gzhon nur gyur pa 'di sngon gyi rgyal ba rnams la lhag par bya ba byas pa/ dge ba'i rtsa ba bskyed pa/ sangs rgyas mang po la bsnyen bkur byas
7a1 pa ste| 'jam dpal gzhon nur gyur pa 'dis sngon chad kyang sngon gyi de bzhin gshegs pa dgra bcom pa yang dag par rdzogs pa'i sangs rgyas
7a2 rnams kyi ltas 'di lta bu byung ba rnams mthong zhing sngon chad chos chen po'i 'bel ba'i gtam dag kyang myong bas na/ bdag gis 'jam dpal gzhon nur gyur pa la
7a3 de'i don dri'o snyam du sems so/ /dge slong dang / dge slong ma dang / dge bsnyen dang / dge bsnyen ma'i 'khor bzhi po de dag dang / lha dang / klu dang / gnod sbyin dang / dri
7a4 za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa mang po de dag kyang / bcom ldan 'das kyi ltas kyi rdzu 'phrul
7a5 gyi cho 'phrul chen po'i snang ba 'di lta bu 'di mthong nas ngo mtshar du gyur/ rmad du gyur/ ltad mor gyur te 'di snyam du/ bcom ldan 'das kyis rdzu 'phrul gyi cho 'phrul
7a6 chen po'i snang ba 'di lta bu 'di bstan pa bdag cag gis su la dri snyam du sems so/ /de nas byang chub sems dpa' sems dpa' chen po byams pas skad cig thang cig
7a7 yud tsam de nyid la 'khor bzhi po rnams kyi sems kyi rnam par rtog pa sems kyis shes nas 'jam dpal gzhon nur gyur pa la 'di skad ces smras so/ /'jam dpal/
7b1 bcom ldan 'das kyis ltas ngo mtshar rmad du byung ba rdzu 'phrul gyi snang ba 'di lta bu 'di bstan te/ sangs rgyas kyi zhing khri brgyad stong po 'di dag rnam par bkra ba/ mchog tu lta na
7b2 sdug pa| de bzhin gshegs pa sngon du bzhud pa/ de bzhin gshegs pa yongs su 'dren par snang ba 'di'i rgyu gang / rkyen gang / de nas byang chub sems dpa' sems dpa'
7b3 chen po byams pas 'jam dpal gzhon nur gyur pa la tshigs su bcad pa 'di dag smras so/ /'jam dpal ci yi phyir na 'di lta bu/ /mi yi mgon pos 'od zer gcig po 'di/ /
7b4 zhal gyi smin mtshams kyi ni mdzod spu nas/ /shin tu snang ba'i 'od zer rab tu btang / /lha rnams dga' bas tsan+dan phye ma dang / /lha yi spos rab yid du 'ong ba dang / /man+dA ra dang
7b5 many+dzu Sha ka yi/ /me tog dag gi char chen rab tu phab/ /des ni sa 'di kun tu mdzes gyur cing / /'khor bzhi 'di dag dga' ba rab tu thob/ /zhing rnams 'di dag thams cad rnam
7b6 drug tu| |shin tu 'jigs pa'i gzugs su kun nas g.yos/ /'od zer de yis shar gyi phyogs logs kyi/ /zhing ni stong phrag bco brgyad tshangs ba rnams/ /skad cig gcig gis
7b7 thams cad rab tu snang / /zhing rnams gser gyi kha dog bzhin du mdzes/ /mnar med yan chad srid pa'i rtse mo'i bar/ /zhing de dag na sems can ji snyed pa/ /'gro ba drug po de
8a1 na yod pa rnams/ /gang dag der yang shi 'pho skye ba rnams/ /de dag las kyi rnam pa sna tshogs dang / /'gro ba bde dang mi bde rnams kyang snang / /bzang po
8a2 ngan pa de bzhin par ma yang / /'di na 'dug kyang de dag thams cad mthong / /sangs rgyas seng ge mi yi dbang po rnams/ /chos nyid rab ston rnam par dbye ba mthong / /sems
8a3 can bye ba mang la rab ston pa/ /snyan pa'i sgra dang dbyangs su gsung ba dag /zab cing rgya che rmad du byung ba'i sgra/ /so so'i zhing rnams su yang rab tu 'byin/ /dpe dang gtan
8a4 tshigs khrag khrig bye ba yis/ /sangs rgyas chos 'di rab tu ston pa ni/ /sems can gang rnams sdug bsngal gzir ba dag /skye dang rga bas yid skyo mi shes la/ /'di ni
8a5 dge slong sdug bsngal tha ma zhes/ /de la rab zhi mya ngan 'das pa ston/ /mi rnams gang gis rgya che mthu thob cing / /sangs rgyas mthong bas de bzhin bsod nams ldan/ /de
8a6 dag la ni chos tshul 'di brjod cing / /rang rgyal theg pa yang ni ston pa mdzad/ /gzhan yang bde bar gshegs pa'i sras po gang / /bla na med pa'i ye shes tshol ba dag/
8a7 bya ba sna tshogs rtag tu byed pa la/ /de dag la ni byang chub phyir bsngags gsung / /'di na 'dug bzhin de na 'di 'dra dang / /khyad par gzhan yang stong phrag bye ba dag /shin
8b1 tu mthong zhing thos te 'jam pa'i dbyangs/ /de dag las ni phyogs tsam smos par bya/ /bdag mthong zhing rnams mang po de dag na'ang / /byang chub sems dpa' gang+gA'i bye ma snyed//
8b2 gang rnams bye ba stong phrag mi nyung ba/ /brtson 'grus rnam pa mang pos byang chub skyed/ /la la sbyin pa sbyin pa'ang de bzhin te/ /nor dang 'gron bu gser dang dngul rnams dang / /mu
8b3 tig nor bu man shel byu ru dang / /bran pho bran mo rta dang shing rta lug /de bzhin rin chen dag gis brgyan pa'i khyogs/ /yongs su dga' ba'i yid kyis sbyin pa gtong / /bdag
8b4 cag gis kyang theg mchog thob shog ces/ /byang chub mchog 'dir yongs su bsngo bar byed/ /sbyin pa 'di 'dra 'di dag sbyin byas na/ /khams gsum nang na theg mchog khyad
8b5 par can/ /sangs rgyas theg pa bde gshegs gang bsngags pa/ /de ni bdag gis myur du thob gyur cing /la la rta bzhi can gyi shing rta la/ /kha khyer bcas pa me tog rgyal mtshan
8b6 brgyan| |rin chen dag las byas pa'i ba dan can/ /la las de lta bu yang sbyin pa byin/ /de bzhin bu dang chung ma rnams kyang byin/ /la la phangs pa'i sha yang sbyin par byed/ /
8b7 byang chub dam pa 'di ni 'tshol ba'i phyir/ /lag pa dang ni rkang pa bslangs na byin/ /la la dag gi mgo dang la las mig /la la bdag gi lus mchog rab kyang gtong / /dang
9a1 ba'i sems kyis sbyin pa rnams byin nas/ /de bzhin gshegs kyi ye shes don du gnyer/ /'jam dpal bdag gis mthong ba la la na/ /rgyal srid
9a2 skyid pa rnam par spangs byas te/ /btsun mo'i 'khor dang de bzhin gling kun dang / /gnyen dang blon po thams cad rnam spangs nas/ /'jig rten rnam par 'dren gyi drung dong ste/ /
9a3 zhi ba'i phyir ni chos rab mchog 'dri zhing / /ngur smrig gos rnams rab tu gyon byed de/ /skra dang kha spu dag kyang 'dreg par byed/ /bdag mthong byang chub sems dpa' la la ni/ /
9a4 dge slong gyur cing nags tshal gnas pa dag /dgon pa stong pa rnams su gnas 'cha' zhing / /la la lung nod kha ton byed la dga'/ /bdag mthong byang chub sems dpa'
9a5 la la dag /ri sul dag tu zhugs pa'i brtan pa rnams/ /sangs rgyas ye shes 'di la rnam par sgom/ /yongs su sems shing nye bar rtogs par byed/ /kha cig gis ni
9a6 'dod pa ma lus spangs/ /yongs bsgoms bdag nyid spyod yul rnam par dag /mngon par shes pa lnga yang der thob nas/ /bde bar gshegs pa'i sras po dgon par
9a7 gnas| |brtan pa la la rkang gshibs der gnas te/ /'dren pa'i spyan sngar thal mo sbyar byas nas/ /dga' ba bskyed de rgyal dbang rgyal po la/ /tshigs su bcad pa stong
9b1 gis mngon par bstod/ /dran dang ldan zhing dul ba mi 'jigs pa/ /la la spyod pa phra ba shes pa dag /rkang gnyis gtso la chos kyang 'dri bar byed/ /thos nas de dag chos rnams
9b2 'dzin par 'gyur/ /yongs bsgoms bdag nyid rgyal dbang sras po rnams/ /la la dag gis de dang der mthong ba/ /dpe dang gtan tshigs khrag khrig du ma yis/ /srog chags bye
9b3 ba mang la chos rnams ston/ /mchog tu dga' skyes chos rnams rab ston cing / /byang chub sems dpa' mang po yang dag 'dzud/ /bdud rnams stobs dang bzhon par bcas
9b4 bcom ste/ /chos kyi rnga 'di shin tu rdung bar byed/ /la la bde bar gshegs kyi bstan pa la/ /bder gshegs sras la lha mi gnod sbyin dang / /srin pos mchod kyang ngo mtshar
9b5 mi 'dzin cing / /snyems med zhi zhing rab zhi spyod pa mthong / /phal cher nags gnas de bzhin gzhan dag kyang / /snang ba'i 'od ni lus las rab gtong ste/ /sems can dmyal
9b6 nas sems can rnams 'don cing / /de dag byang chub sems la yang yang dag 'dzud/ /rgyal ba'i sras po la la brtson 'grus gnas/ /kha cig gis kyang ma lus gnyid spangs nas/ /
9b7 'chag pa byed cing nags tshal gnas pa dag /de dag brtson pas byang chub mchog la zhugs/ /la la tshul khrims ma ral srung ba ni/ /rtag tu rnam dag nor bu rin chen bzhin/ /
10a1 la la spyad pa yongs su rdzogs par 'gyur/ /de dag khrims kyis byang chub mchog la zhugs/ /rgyal sras la la bzod pa'i stobs can te/ /dge slong nga
10a2 rgyal can dag khro ba dang / /de bzhin gshe zhing sdig pa'ang bzod par byed/ /bzod pas de dag byang chub mchog la zhugs/ /bdag mthong byang chub sems dpa' la la
10a3 ni/ /rtsed mo dga' ba thams cad rnam spangs te/ /byis pa'i grogs po rnams kyang yongs spangs nas/ /'phags pa rnams dang 'grogs dga' mnyam par gzhag /rnam
10a4 par g.yeng ba'i sems ni rnam spangs nas/ /lo stong bye bar nags dang ri sul na/ /rtse gcig sems su bsam gtan byed pa rnams/ /de dag bsam gtan byang chub mchog
10a5 la zhugs/ /dge 'dun slob bcas rgyal ba mngon sum du/ /bza' dang bca' dang de bzhin zas dang skom/ /na ba'i sman ni mi nyung mang po dag /kha cig de ltar sbyin pa sbyin par
10a6 byed| |dge 'dun slob bcas rgyal ba mngon sum du/ /de dag gos brgya bye ba sbyin par byed/ /la la stong phrag bye ba brgya ri dang / /rin thang med pa'i gos rnams rab tu 'bul//
10a7 rin po che dang de bzhin tsan+dan gyi/ /gtsug lag khang ni bye ba brgya byas nas/ /stan dang mal cha mang pos brgyan pa rnams/ /bde bar gshegs pa rnams la mngon sum
10b1 'bul/ /kun dga' ra ba yid 'ong gtsang ma rnams/ /me tog 'bras bu sna tshogs ldan pa dag /skyes bu khyu mchog nyan thos bcas pa la/ /la la nyin par zhugs phyir rab tu 'bul/ /
10b2 dga' ba skyes nas sna tshogs rnam mang po/ /de lta bu yi sbyin pa sbyin par byed/ /byin nas byang chub phyir yang brtson 'grus bskyed/ /sbyin pas de dag byang chub mchog la zhugs/ /la
10b3 la zhi ba'i chos kyang rab 'chad de/ /dpe dang gtan tshigs khrag khrig du ma yis/ /de dag srog chags bye ba stong la ston/ /de dag ye shes byang chub mchog la zhugs/ /byed pa med
10b4 pa'i chos rab shes pa ni/ /gnyis med rab zhugs nam mkha' mtshungs 'dra ba/ /ma chags bde bar gshegs pa'i sras po rnam/ /de dag shes rab byang chub mchog la zhugs/
10b5 bdag gis gzhan yang mthong ba 'jam pa'i dbyangs/ /bder gshegs mya ngan 'das pa'i bstan pa la/ /byang chub sems dpa' brtan pa mang byung nas/ /rgyal ba'i ring bsrel
10b6 dag la rim gro byed/ /mchod rten bye ba stong phrag mi nyung ba/ /ji ltar gang+gA'i klung gi bye ma bzhin/ /gang gis bye ba zhing rnams rtag brgyan pa/ /rgyal sras de dag byed du 'jug pa
10b7 mthong / /rin chen sna bdun mchog gi rgyal mtshan gdugs/ /de na bye ba stong rnams bsgreng ba ni/ /'phang du dpag tshad lnga stong phyin pa ste/ /khor yug tu ni dpag tshad nyis stong
11a1 yod| |rnam rgyal ba dan bcas pa khor mor mdzes/ /dril dang dril bu g.yer kha rtag tu 'khrol/ /me tog dri dang de bzhin sil snyan gyis/ /lha mi srin po
11a2 gnod sbyin rnams kyis mchod/ /yongs 'du shing gi me tog rgyas pa bzhin/ /de ltar phyogs bcu de dag mdzes byas te/ /rgyal ba'i ring bsrel dag la 'di 'dra 'dir/ /bde
11a3 gshegs sras kyis mchod pa byed du btsud/ /rgyal bas 'od zer gcig po 'di btang bas/ /lhar bcas 'jig rten 'di dag rab rgyas pa/ /bdag dang srog chags bye ba mang po
11a4 'dis| |'di na 'dug bzhin de dag thams cad mthong / /gang gis 'od zer gcig pa der btang bas/ /zhing rnams stong phrag mang por ston pa de/ /kye ma skyes bu khyu mchog
11a5 de yi mthu/ /kye ma ye shes rgya che zag med do/ /rmad du byung ba tshad med 'di 'dra ba'i/ /ltas rnams mthong nas bdag cag ngo mtshar gyur/ /'di yi don rnams 'jam dbyangs
11a6 rab ston te/ /sangs rgyas sras rnams the tshom gyur pa stsol/ /'khor bzhi 'di dag rab tu dga' sems kyis/ /dpa' bo khyod dang bdag la mngon par lta/ /bde bar
11a7 gshegs pas de ring ci yi phyir/ /snang ba 'di 'dra 'di ni rab tu btang / /bde gshegs sras po khyod kyi lung ston la/ /dga' ba skyed cing the tshom rnam par sel/ /'di ltar
11b1 'od zer rgya chen rab btang ba/ /de dag ci 'dra'i don du 'gyur ba zhig /bde bar gshegs pa skyes bu dam pa yis/ /byang chub snying por chos mchog gang brnyes pa/ /de dag 'jig
11b2 rten mgon po 'dir 'chad dam/ /byang chub sems dpa' 'di dag lung ston tam/ /zhing rnams stong phrag du ma gang bstan pa/ /sna tshogs rab tu bkra ba rin chen brgyan/ /mtha'
11b3 yas spyan can sangs rgyas rnams snang ba/ /'di ni mi chud rgyur 'gyur gor ma chag /rgyal ba'i sras la byams pas kun dris nas/ /lha mi gnod sbyin srin po de dag dga'/ /
11b4 'jam dbyangs 'dir ni ci zhig lung ston ces/ /'khor rnams bzhi po de dag shin tu sdod/ /de nas 'jam dpal gzhon nur gyur pas byang chub sems dpa' sems dpa' chen
11b5 po byams pa dang / thams cad dang ldan pa'i byang chub sems dpa'i tshogs de la smras pa/ rigs kyi bu dag /'di ni de bzhin gshegs pa chos chen po bsgrags pa'i 'bel ba'i
11b6 gtam mdzad par dgongs pa'o/ /rigs kyi bu dag /'di ni de bzhin gshegs pas chos kyi char chen po mngon par dbab pa dang / chos kyi rnga chen po rab tu brdung ba dang / chos
11b7 kyi rgyal mtshan chen po bsgreng ba dang / chos kyi sgron me chen po rab tu 'bar bar mdzad pa dang / chos kyi dung chen po rab tu 'bud pa dang / chos kyi rnga bo chen po rab tu brdung ba dang /
12a1 chos bstan pa chen po mdzad par dgongs pa ste/ rigs kyi bu dag /bdag ji ltar spobs pa dang / ji ltar sngon gyi de bzhin gshegs pa dgra bcom
12a2 pa yang dag par rdzogs pa'i sangs rgyas rnams kyi snga ltas 'di lta bu 'di bdag gis mthong ste/ sngon gyi de bzhin gshegs pa de dag gis kyang 'od zer gyi snang ba 'di btang
12a3 bas| bdag ni 'di ltar de bzhin gshegs pa'ang chos chen po bsgrag pa'i 'bel ba'i gtam mdzad par bzhed pa dang / chos chen po bsgrag pa thos par mdzad bzhed
12a4 pas 'di lta bu'i snga ltas 'di mdzad pa snyam byed do/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas 'jig rten thams cad
12a5 dang mi mthun pa'i chos kyi rnam grangs bsgrag par bzhad pas snga ltas cho 'phrul chen po 'od zer rab tu btang ba'i snang ba 'di lta bu 'di ston to/ /rigs kyi bu dang / bdag
12a6 gis dran pa 'das pa'i dus na bskal pa grangs med pa'i yang ches grangs med pa/ yangs pa dpag tu med pa/ bsam gyis mi khyab pa dpag gis mi lang ba tshad med pa de'i
12a7 pha rol gyi'ang ches pha rol tu gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar
12b1 bar gshegs pa 'jig rten mkhyen pa skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das nyi zla sgron ma zhes bya ba 'jig rten du byung
12b2 ste| des chos bstan pa tshangs par spyod pa thog mar dge ba/ bar du dge ba/ tha mar dge ba/ don bzang po tshig 'bru bzang po/ ma 'dres pa yongs su rdzogs pa/ yongs su dag pa
12b3 yongs su byang ba yang dag par ston te 'di lta ste/ nyan thos rnams la ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang /
12b4 yid mi bde ba dang / 'khrug pa las shin tu 'da' ba'i phyir/ mya ngan las 'das pa'i mthar thug pa 'phags pa'i bden pa bzhi dang ldan pa/ rten cing 'brel par 'byung ba la 'jug
12b5 pa'i chos ston to/ /byang chub sems dpa' sems dpa' chen po rnams la ni bla na med pa yang dag par rdzogs pa'i byang chub las brtsams te/ pha rol tu phyin pa drug dang ldan pa/
12b6 thams cad mkhyen pa'i ye shes kyi mthar thug pa'i chos ston to/ /rigs kyi bu dag /de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma de'i
12b7 pha rol gyi'ang ches pha rol na/ yang de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma zhes bya ba zhig 'jig rten du byung ste/ ma pham pa/ 'di
13a1 ltar snga rol dang snga rol brjod pa'i tshul 'dis/ de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma zhes bya bar
13a2 mtshan gcig pa/ rigs dang gdung gcig pa sha stag ste/ 'di ltar b+ha ra d+h+wa dza'i rigs su mthun pa de bzhin gshegs pa nyid khri byung ngo / /ma pham pa/ de la de bzhin gshegs
13a3 pa nyi khri po de dag thog ma'i de bzhin gshegs pa nas tha ma'i de bzhin gshegs pa'i bar du de dag gis chos bshad pa'ang tshangs par spyod pa thog mar dge ba/ bar du dge
13a4 ba| tha mar dge ba/ don bzang po tshig 'bru bzang po/ ma 'dres pa yongs su rdzogs pa/ yongs su dag pa/ yongs su byang ba yang dag par ston te 'di lta ste/ nyan thos rnams
13a5 la ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las shin tu 'da' ba'i phyir/
13a6 mya ngan las 'das pa'i mthar thug pa 'phags pa'i bden pa bzhi dang ldan pa rten cing 'brel par 'byung ba la 'jug pa'i chos ston to/ /byang chub sems dpa' sems
13a7 dpa' chen po rnams la ni bla na med pa yang dag par rdzogs pa'i byang chub las brtsams te/ pha rol tu phyin pa drug dang ldan pa rnam pa thams cad mkhyen pa'i ye shes kyi
13b1 mthar thug pa'i chos ston to/ /ma pham pa/ 'di ltar yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma de sngon gzhon
13b2 nur gyur cing khab na bzhugs pa las mngon par ma byung ba'i tshe sras brgyad yod par gyur te/ 'di lta ste/ rgyal bu gzhon nu blo gros zhes bya ba dang / bzang po'i blo gros dang / mtha'
13b3 yas blo gros dang / dkon mchog blo gros dang / khyad par blo gros dang / the tshom kun bcom dang / dbyangs kyi blo gros dang / rgyal bu gzhon nu chos kyi blo gros zhes bya ba yod do/ /ma
13b4 pham pa| bcom ldan 'das nyi zla sgron ma de'i sras rgyal bu gzhon nu brgyad po de dag rdzu 'phrul chen por gyur te/ de dag re re'ang gling chen po bzhi la kun tu longs spyod par
13b5 gyur cing de dag na rgyal po byed do/ /de dag gis bcom ldan 'das de khab nas mngon par byung bar shes shing / bla na med pa yang dag par rdzogs pa'i byang chub tu mngon par
13b6 rdzogs par sangs rgyas par thos nas/ rgyal po'i longs spyod thams cad spangs te/ bcom ldan 'das de'i rjes su rab tu byung nas thams cad kyang bla na med pa yang dag par
13b7 rdzogs pa'i byang chub tu yang dag par zhugs te chos smra bar gyur to/ /rgyal bu gzhon nu de dag rtag tu tshangs par spyod cing sangs rgyas brgya stong mang po la dge ba'i rtsa ba bskyed par
14a1 gyur to| |ma pham pa/ de'i tshe na'ang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla sgron ma des/ nges
14a2 par bstan pa chen po zhes bya ba'i chos kyi rnam grangs mdo sde shin tu rgyas pa chen po byang chub sems dpa' rnams la gdams pa sangs rgyas thams cad kyis yongs su bzung ba
14a3 bshad nas/ de'i tshe skad cig thang cig yud tsam de nyid la 'khor 'dus pa de nyid du chos kyi gdan chen po de nyid la skyil mo krung bcas te/ mtha' yas nges par bstan pa'i
14a4 gnas zhes bya ba'i ting nge 'dzin la snyoms par zhugs te sku mi g.yo zhing sems mi g.yo bar gyur nas bzhugs so/ /bcom ldan 'das de snyoms par zhugs ma thag tu/
14a5 bcom ldan 'das la me tog man+dA ra ba dang / man+dA ra ba chen po dang / many+dzu Sha ka dang / many+dzu Sha ka chen po dang / lha'i me tog dag gis char chen po mngon par bab ste/ bcom
14a6 ldan 'das 'khor dang bcas pa la mngon par 'thor ro/ /thams cad dang ldan pa'i sangs rgyas kyi zhing yang rnam pa drug tu rab tu g.yos par gyur te/ 'gul/ kun tu rab
14a7 tu 'gul/ ldeg /kun tu rab tu ldeg /'khrugs/ kun tu rab tu 'khrugs so/ /ma pham pa/ yang de'i tshe 'khor der dge slong dang / dge slong ma dang / dge bsnyen dang /
14b1 dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams
14b2 dang / rgyal phran dang / stobs kyi 'khor lo sgyur ba dang / gling bzhi'i 'khor los bsgyur ba rnams 'dus nas 'khod par gyur pa 'khor dang bcas pa de dag thams cad bcom ldan
14b3 'das la lta zhing ngo mtshar du gyur/ rmad du gyur/ dga' bar gyur to/ /de nas de'i tshe bcom ldan 'das de bzhin gshegs pa nyi zla sgron ma'i smin mtshams kyi bar gyi mdzod spu
14b4 nas 'od zer gcig byung nas de shar phyogs su sangs rgyas kyi zhing nyi khrir byung ste/ sangs rgyas kyi zhing de dag thams cad 'od zer de'i 'od kyis shin tu khyab par snang bar gyur
14b5 te| ma pham pa/ 'di lta ste/ dper na/ da ltar sangs rgyas kyi zhing 'di dag snang bar gyur pa bzhin no/ /ma pham pa/ yang de'i tshe bcom ldan 'das de'i zhabs 'bring na/ byang
14b6 chub sems dpa' bye ba phrag nyi shu 'khod pa dang / 'khor de na chos nyan pa de dag 'od zer chen po'i snang ba des 'jig rten snang bar byas pa mthong nas ngo mtshar du 'gyur/ rmad
14b7 du gyur te/ ltad mo cher byung ngo / /ma pham pa/ de'i tshe na yang bcom ldan 'das de'i bstan pa la byang chub sems dpa' sems dpa' chen po 'od mchog ces bya ba byung ste/
15a1 de'i slob ma brgyad brgya yod do/ /bcom ldan 'das de'ang ting nge 'dzin de las bzhengs nas byang chub sems dpa' 'od mchog las brtsams te/ dam
15a2 pa'i chos pad+ma dkar po'i chos kyi rnam grangs yang dag par ston te/ bar gyi bskal pa drug cu tshang bar gdan gcig la bzhugs nas sku mi bskyod/ sems mi g.yo bar
15a3 bshad do/ /'khor de dag thams cad kyang stan gcig la 'khod de/ lus mi bskyod sems mi g.yo bar bar gyi bskal pa drug cur bcom ldan 'das de la chos nyan te/ 'khor
15a4 de na sems can 'ga' yang lus ngal ba'ang med/ sems skyo ba'ang med do/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs
15a5 rgyas nyi zla sgron mas bar gyi bskal pa drug cu 'das kyi bar du/ dam pa'i chos pad+ma dkar po'i chos kyi rnam grangs mdo sde shin tu rgyas pa chen po byang chub sems dpa' rnams
15a6 la gdams pa/ sangs rgyas thams cad kyis yongs su bzung ba bshad nas/ skad cig de nyid la mya ngan las 'da'o zhes lha dang bcas/ bdud dang bcas/ tshangs pa dang
15a7 bcas pa'i 'jig rten dang / dge sbyong dang bram zer bcas pa'i skye dgu'i mdun du/ dge slong dag /do mod nam gyi gung thun la de bzhin gshegs pa phung po'i lhag ma
15b1 med pa'i mya ngan las 'da' ba'i dbyings su yongs su mya ngan las 'da'o zhes gsungs so/ /ma pham pa/ de nas bcom ldan 'das de bzhin gshegs pa dgra bcom pa yang dag
15b2 par rdzogs pa'i sangs rgyas nyi zla sgron ma des/ byang chub sems dpa' sems dpa' chen po dpal gyi snying po zhes bya ba bla na med pa yang dag par rdzogs pa'i byang chub tu lung
15b3 bstan nas 'khor de dag thams cad la bka' stsal pa/ dge slong dag/ byang chub sems dpa' dpal gyi snying po 'di/ nga'i 'og tu bla na med pa yang dag par rdzogs pa'i byang
15b4 chub mngon par rdzogs par 'tshang rgya ste/ de bzhin gshegs pa dgra bcom pa yang dag par rdzogs pa'i sangs rgyas dri ma med pa'i spyan zhes bya bar 'gyur ro zhes bya bar gsungs
15b5 so| |ma pham pa/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla'i sgron ma de'i nub mo nam gyi gung thun la/ phung
15b6 po'i lhag ma med pa'i mya ngan las 'das pa'i dbyings su yongs su mya ngan las 'das so/ /dam pa'i chos pad+ma dkar po'i chos kyi rnam grangs de'ang byang chub sems dpa'
15b7 sems dpa' chen po 'od mchog des blangs te/ bar gyi bskal pa brgyad cu'i bar du bcom ldan 'das mya ngan las 'das pa de'i bstan pa la yang dag par bstan to/ /ma
16a1 pham pa/ de la bcom ldan 'das de'i sras blo gros la sogs pa brgyad po de dag byang chub sems dpa' 'od mchog de'i slob mar gyur te/ des de dag
16a2 bla na med pa yang dag par rdzogs pa'i byang chub tu yongs su smin par byas so/ /de dag gis de'i 'og tu sangs rgyas bye ba khrag khrig brgya stong mang po mthong ste/ bkur sti byas
16a3 nas de dag thams cad kyang bla na med pa yang dag par rdzogs pa'i byang chub mngon par rdzogs par sangs rgyas te/ de dag gi tha ma ni de bzhin gshegs pa dgra bcom pa yang
16a4 dag par rdzogs pa'i sangs rgyas mar me mdzad yin no/ /slob ma brgyad brgya po de dag las gcig rnyed pa la rab tu gdu ba/ bkur sti la gdu ba/ shes kyi khe la gdu ba/
16a5 grags pa 'dod pas de la bstan pa'i tshig dang / yi ge mi zin/ mi chags te/ de'i ming yang grags 'dod ces bya bar gyur to/ /des kyang dge ba'i rtsa ba des sangs rgyas
16a6 bye ba khrag khrig brgya stong mang po mnyes par byas so/ /mnyes par byas nas bsti stang byas/ btsun par byas/ ri mor byas/ mchod pa dang / bkur ba dang / rim gro byas
16a7 so| |ma pham pa/ de'i tshe de'i dus na byang chub sems dpa' 'od mchog ces bya ba chos smra bar gyur pa de gzhan zhig yin pa snyam du khyod som nyi'am/ yid gnyis sam/ the
16b1 tshom za bar gyur na de ltar mi blta'o/ /de ci'i phyir zhe na/ kho bo de'i tshe de'i dus na byang chub sems dpa' 'od mchog ces bya ba chos smra bar gyur to/ /gang yang byang chub sems dpa'
16b2 grags 'dod ces bya ba le lo can du gyur pa de ni/ ma pham pa khyod nyid de'i tshe de'i dus na/ byang chub sems dpa' grags 'dod ces bya ba le lo can du gyur pa yin no/ /ma pham pa/
16b3 de ltar kho bos rnam grangs 'dis na bcom ldan 'das kyi snga ltas 'di lta bu'i 'od zer btang ba mthong nas/ bcom ldan 'das kyang dam pa'i chos pad+ma dkar po'i chos kyi rnam grangs
16b4 mdo sde shin tu rgyas pa chen po de bshad par bzhed pa snyam byed do/ /de nas 'jam dpal gzhon nur gyur pas don de nyid rgyas par ston cing de'i tshe tshigs su bcad pa 'di dag
16b5 smras so| |'das pa'i dus rnams rjes su dran pa ni/ /tshad med bsam gyis mi khyab bskal pa na/ /de tshe rgyal ba byung ba skye dgu'i mchog /mtshan ni nyi zla sgron ma zhes bya ba/ /skye
16b6 dgu 'dren pa de ni chos ston te/ /sems can mtha' yas bye ba rnam par 'dul/ /byang chub sems dpa' bsam yas bye ba stong / /mang po de dag ye shes yang dag 'dzud/ /rnam
16b7 par 'dren pa gzhon nur gyur pa yi/ /de tshe de yi sras gyur rgyal po dag /thub chen rab tu byung ba de mthong nas/ /'dod spangs thams cad myur bar rab tu byung / /'jig rten
17a1 mgon po de yi chos bshad pa/ /mtha' yas nges par bstan pa mdo sde mchog /de ming shin tu rgyas pa'i mdo zhes bya/ /srog chags stong phrag bye ba
17a2 dag la ston/ /rnam par 'dren pa de yis bshad ma thag /de tshe skad cig skyil mo krung bcas nas/ /mtha' yas nges bstan ting 'dzin dam pa la/ /thub mchog chos gdan bzhugs
17a3 nas bsam gtan mdzad/ /lha yi me tog man+dA ra ba 'bab/ /rma brdungs par ni rnga yi sgra yang byung / /lha dang gnod sbyin par snang gnas 'khod pa/ /rkang gnyis dam pa la ni mchod
17a4 pa byed| |zhing rnams thams cad de ma thag tu g.yos/ /de na ngo mtshar rmad du byung bar gyur/ /smin mtshams nas ni shin tu mdzes pa yi/ /'dren pas 'od zer gcig po rab
17a5 btang ba/ /shar gyi phyogs su 'od zer de song bas/ /zhing rnams stong phrag bco brgyad tshang ba dag /rab tu snang bas 'jig rten thams cad mdzes/ /sems can rnams kyi
17a6 shi 'pho skye ba ston/ /rnam par 'dren pa'i 'od zer de yi mthus/ /de ltar de na la la rin chen zhing / /de bzhin kha dog bai DUR+ya yi mdog /blta na sdug pa sna tshogs snang bar
17a7 gyur| |lha dang mi dang de bzhin gnod sbyin klu/ /lha yi bu mo dri za mi'am ci/ /gang rnams bde bar gshegs la mchod brtson pa/ /de dag 'jig rten khams na mchod
17b1 byed snang / /sangs rgyas rang 'byung de dag nyid kyang snang / /gser gyi mchod sdong lta bur blta na sdug /bai DUR+ya yi dbus na gser gzugs bzhin/ /'khor gyi dbus na chos ni rab tu
17b2 gsung / /de na nyan thos grangs yod ma yin te/ /bde gshegs nyan thos de snyed tshad med pa/ /so so'i zhing du rnam par 'dren pa yi/ /'od zer 'od kyis de dag thams cad ston/ /
17b3 brtson 'grus ldan zhing tshul khrims ma nyams te/ /tshul khrims skyon med nor bu rin chen 'dra/ /mi mgon sras dag ri yi sul dag na/ /gnas shing spyod pa de dag snang bar gyur/ /
17b4 bdog pa thams cad ma lus yongs su gtong / /brtan pa bzod pa'i stobs can bsam gtan dga'/ /byang chub sems dpa' gang+gA'i bye snyed mang / /'od zer de yis thams cad rab
17b5 tu snang | |bskyod pa med cing g.yo ba med par yang / /bzod nas bsam gtan dga' zhing mnyam par bzhag /de dag bsam gtan byang chub mchog zhugs pa/ /bde bar gshegs
17b6 pa'i thugs kyi sras rnams snang / /yang dag zhi ba zag pa med pa'i gnas/ /shin tu shes nas yang dag rab ston te/ /'jig rten khams mang du ni chos kyang 'chad/ /de 'dra'i byed
17b7 pa bder gshegs mthu yis byung / /nyi ma zla ba sgron ma de yi mthus/ /skyong ba'i 'khor bzhis de dag mthong nas su/ /de tshe thams cad dga' bar gnas gyur te/ /'di ltar ci
18a1 zhig ces ni phan tshun 'dri/ /gnod sbyin lha mis de mchod mi ring bar/ /'jig rten 'dren pa ting nge 'dzin las bzhengs/ /chos smra byang chub sems dpa'
18a2 gang mkhas pa/ /'od mchog sras la de tshe 'di skad gsungs/ /mkhas pa khyod ni 'jig rten mig dang lam/ /nga yi chos 'dzin shin tu yid brtan pas/ /ji ltar srog chags phan
18a3 phyir ngas bshad pa/ /nga yi chos mdzod 'di la khyod mngon sum/ /byang chub sems dpa' mang po kun bkod de/ /dga' bar byas shing shin tu bsngags bstod nas/ /bar gyi
18a4 bskal pa drug cu tshang bar ni/ /de tshe rgyal ba de yis chos mchog bshad/ /gdan gcig steng bzhugs 'jig rten mgon po yis/ /chos mchog dam pa dag ni gang bshad
18a5 pa| |de dag thams cad 'od mchog rgyal ba'i sras/ /chos smrar gyur pa de yis shin tu bzung / /rgyal ba des ni chos kyi mchog bshad de/ /skye bo du ma rab tu dga' byas
18a6 nas| |de yi nyin par lhar bcas 'jig rten mdun/ /rnam par 'dren pa de ni 'di skad gsung / /nga yis chos kyi tshul 'di rab bstan te/ /chos kyi rang bzhin ci 'dra bshad
18a7 zin gyi/ /dge slong do nub nam gyi gung thun la/ /nga ni mya ngan 'da' ba'i dus la bab/ /nga yi bstan pa 'di la rab sbyor la/ /bag med ma yin dad pa snying por gyis/ /bskal
18b1 pa bye ba khrag khrig 'das par yang / /rgyal ba drang srong chen po rnyed par dka'/ /rkang gnyis dam pa shin tu myur ba ru/ /mya ngan las ni 'da' ba'i sgra thos nas/ /sangs rgyas
18b2 sras rnams mang po mya ngan skyes/ /sdug bsngal rab dang shin tu ldan par gyur/ /srog chags bsam yas bye mang de dag la/ /mi yi dbang po rgyal pos dbugs phyung ba/ /mya
18b3 ngan nga 'das dge slong ma 'jigs shig /nga yi 'og tu sangs rgyas 'byung ba ni/ /byang chub sems dpa' dpal snying mkhas pa 'di/ /zag med ye shes 'di ni rtogs par rig/
18b4 nga yi byang chub mchog rab 'thob 'gyur te/ /spyan dang yan lag dri med rgyal bar 'ong / /de tshe de yi nam gyi gung thun la/ /rgyu zad me dang 'dra bar mya ngan 'das/ /de yi sku gdung
18b5 shin tu rgyas gyur te/ /mchod rten bye ba khrag khrig mtha' yas so/ /de na dge slong de bzhin dge slong ma/ /gang rnams byang chub mchog la rab zhugs shing / /bde gshegs
18b6 de yi bstan la mngon brtson pa/ /de dag mi nyung gang+gA'i bye ma snyed/ /de tshe chos smrar gang gyur dge slong ni/ /gang gis chos de bzung ba 'od mchog ste/ /bar gyi bskal pa brgyad
18b7 cu tshang bar des/ /bskal pa de la chos mchog rab tu ston/ /de yi slob mar gyur pa brgyad brgya dag /de dag thams cad yongs su smin par byas/ /de dag sangs rgyas bye
19a1 ba mang po mthong / /drang srong chen po de dag bkur sti byas/ /de tshe spyad pa rjes su mthun spyad na/ /'jig rten mang po khams su sangs rgyas gyur/ /
19a2 gcig 'og gcig tu de dag rjes bzhin du/ /byang chub mchog tu gcig gis gcig lung bstan/ /sangs rgyas de dag rim gyis byung ba yi/ /tha mar gyur pa mar me mdzad
19a3 pa ste| |lha yi lha mchog drang srong mang po'i mchog /srog chags bye ba stong yang rnam par btul/ /gang sngon bde bar gshegs pa de yi sras/ /de yi tshe na 'od mchog
19a4 chos smra ba'i/ /slob ma sred dang ldan zhing le lo can/ /shes kyi khe dang rnyed pa 'tshol ba dang / /shin tu grags pa 'dod pa'i shas che zhing / /grong nas grong du rgyu bar gyur
19a5 pa ste| |de yi kha ton lung nos de bzhin kun/ /de yi tshe na bshad pa rnams mi zin/ /de yi ming yang 'di zhes bya bar gyur/ /grags pa 'dod ces phyogs su rnam par grags//
19a6 de yang dge ba rnams kyi las de dag /'dren mar gyur pa mngon par 'dus byas pas/ /sangs rgyas stong phrag bye ba mnyes byas te/ /de dag mchod pa rgya cher byas par gyur/ /
19a7 rjes su mthun pa'i spyod pa rab spyad nas/ /sangs rgyas shAkya seng ge 'di yang mthong / /de ni 'dir yang tha mar byung ba ste/ /rjes bzhin byang chub mchog kyang 'thob 'gyur ba/ /
19b1 byams pa'i rigs su bcom ldan 'das su 'gyur/ /srog chags stong phrag bye ba rnam par 'dul/ /bder gshegs mya ngan 'das pa'i bstan pa la/ /de tshe le lo can du gang gyur
19b2 pa| |de na de 'drar gyur pa khyod nyid do/ /de tshe chos smrar gyur pa kho bo ste/ /kho bos de dang de yi rgyu dang gzhis/ /ye shes grags pa de yi ltas byung ba/ /sngon tshe de na kho bos mthong
19b3 gyur pa| |de 'dra'i ltas 'di deng yang mthong bas na/ /nges par rgyal ba'i dbang po kun tu spyan/ /shAkya'i rgyal chen don dam gzigs pas kyang / /de tshe kho bos rnam grangs mchog
19b4 thos gang / /de dag nyid ni 'dis kyang bshad par dgongs/ /de yi ltas nyid de ring yongs rdzogs kyi/ /rnam par 'dren pa rnams kyi thabs mkhas pa/ /shAkya seng ge yang dag
19b5 'jog mdzad de/ /chos kyi dbyings nyid phyag rgya ston par 'gyur/ /thal mo sbyar te sems bzang brtson par gyis/ /'jig rten phan zhing thugs brtse gnon gyur te/ /mtha' yas
19b6 pa yi chos kyi char pa 'bab/ /gang dag byang chub phyir zhugs ngoms par mdzad/ /byang chub sems dpa' byang chub 'dir zhugs pa/ /gang dag mkhas pa nyid las skyes gyur pa/ /
19b7 de dag rnams kyi som nyi gang yin dang / /yid gnyis the tshom gang yin de sel gyur/ /dam pa'i chos pad+ma dkar po'i chos kyi rnam grangs las/ gleng gzhi'i le'u zhes bya
20a1 ste dang po'o// //dam pa'i chos pad+ma dkar po/ bam po gnyis pa/ de nas bcom ldan 'das dran pa dang ldan zhing mkhyen bzhin du
20a2 ting nge 'dzin de las bzhengs so/ /bzhengs nas tshe dang ldan pa shA ra dwa ti'i bu la bka' stsal pa/ shA ri'i bu/ de bzhin gshegs pa dgra bcom pa yang dag par rdzogs
20a3 pa'i sangs rgyas rnams kyis thugs su chud pa/ sangs rgyas kyi ye shes ni zab pa/ mthong bar dka' ba/ rtogs par dka' ba ste/ nyan thos dang rang sangs rgyas thams
20a4 cad kyis shes par dka'o/ /de ci'i phyir zhe na/ shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas rnams ni/ sangs rgyas bye ba khrag
20a5 khrig brgya stong mang po la bsnyen bkur mdzad mdzad pa/ sangs rgyas bye ba khrag khrig brgya stong mang po la bla na med pa yang dag par rdzogs pa'i byang chub tu spyod pa spyad spyad
20a6 pa| yun ring po nas rjes su zhugs pa/ brtson 'grus mdzad mdzad pa ste/ ngo mtshar dang rmad du byung ba'i chos dang ldan zhing shes par dka' ba'i chos rnams mkhyen
20a7 pa'i phyir ro/ /shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas rnams kyi ldem por dgongs te bshad pa ni shes par dka'o/ /
20b1 de ci'i phyir zhe na/ rang gis rig pa'i chos rnams thabs mkhas pa dang / ye shes mthong ba dang / rgyu dang / gzhi dang / dmigs pa dang / nges pa'i tshig dang / rnam par rig
20b2 byed sna tshogs kyis yang dag par ston te/ thabs mkhas pa de dang de dag gis sems can de dang de la chags pa rnams rab tu 'grel ba'i phyir ro/ /shA ri'i bu/ de bzhin
20b3 gshegs pa dgra bcom pa yang dag par rdzogs pa'i sangs rgyas rnams ni thabs mkhas pa chen po dang / ye shes mthong ba dam pa'i pha rol tu byon pa'o/ /shA ri'i bu/ de
20b4 bzhin gshegs pa dgra bcom pa yang dag par rdzogs pa'i sangs rgyas rnams ni/ chags pa med cing thogs pa med pa'i ye shes mthong ba dang / stobs dang / mi 'jigs
20b5 pa dang / ma 'dres pa dang / dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang snyoms par 'jug pa
20b6 dang / rmad du byung ba'i chos dang ldan te/ chos rnam pa sna tshogs yang dag par ston pa'o/ /shA ri'i bu/ de bzhin gshegs pa dgra bcom pa yang dag par rdzogs pa'i sangs
20b7 rgyas rnams ni ngo mtshar chen po brnyes pa'o/ /shA ri'i bu/ de tsam gyis bshad pa chod par gyis shig/ shA ri'i bu de bzhin gshegs pa dgra bcom pa yang dag par
21a1 rdzogs pa'i sangs rgyas rnams ni ngo mtshar mchog brnyes pa ste/ shA ri'i bu/ de bzhin gshegs pas chos gang mkhyen pa'i chos de'ang de bzhin
21a2 gshegs pas de bzhin gshegs pa nyid la 'chad do/ /shA ri'i bu/ chos thams cad kyang de bzhin gshegs pa nyid ston to/ /chos thams cad kyang de bzhin gshegs
21a3 pa nyid kyis mkhyen te chos de dag gang yin pa dang / chos de dag ji lta bu yin pa dang / chos de dag ci 'dra ba dang / chos de dag gis mtshan nyid gang yin pa dang / chos
21a4 de dag gi ngo bo nyid ci yin pa dang / chos de dag gang yin pa dang / ji lta bu yin pa dang / ci 'dra ba dang / mtshan nyid gang yin pa dang / ngo bo nyid ci yin pa'ang mkhyen to/ /de nas
21a5 bcom ldan 'das kyis don de nyid rgyas par ston cing de'i tshe tshigs su bcad pa 'di dag bka' stsal to/ /lha mir bcas pa'i 'jig rten na/ /dpa' bo chen po dpag med pa/ /
21a6 rnam 'dren sems can thams cad kyis/ /rnam pa kun tu shes mi nus/ /de dag stobs dang rnam thar dang / /'jigs med gang dag ci 'dra dang / /sangs rgyas chos rnams ci
21a7 'dra ba| |sus kyang shes par mi nus so/ /sangs rgyas bye ba gang dag na/ /zab cing shin tu phra ba dang / /rig dka' mthong bar dka' ba yi/ /spyod pa dag ni sngan chad bsnyen/ /
21b1 bskal pa bye ba bsam yas su/ /spyod pa de dag spyad pa yi/ /'bras bu de ni ci 'dra ba/ /byang chub snying por ngas mthong ngo / /de ni 'jig rten rnams 'dren pa/ /gzhan dag na ni ngas kyang de//
21b2 ci lta yin dang ci 'dra dang / /de yi mtshan nyid ci 'dra shes/ /de ni bstan du mi nus te/ /de ni brjod du yong med do/ /mos pa la ni gang gnas pa/ /byang chub sems dpa' ma gtogs
21b3 par| |gang la chos de bstan pa dang / /bstan pa dag kyang shes pa yi/ /de 'dra'i sems can su yang ni/ /'jig rten dag na yod ma yin/ /gang dag 'jig rten mkhyen pa'i nyan thos
21b4 pa| |lhag par byas pa bde bar gshegs pas bsngags/ /zag zad tha ma'i lus 'dzin de dag gi /yul ni rgyal ba'i ye shes 'di la med/ /gal te 'jig rten de dag thams
21b5 cad du| |shA ri'i bu dang 'dra bas gang gyur te/ /gcig tu 'dus par gyur nas rnam bsams kyang / /de dag bder gshegs ye shes shes mi nus/ /gal te khyod dang 'dra ba'i
21b6 mkhas rnams kyis/ /phyogs rnams bcu char gang bar gyur pa dang / /gang yang nga yi nyan thos 'di gzhan rnams/ /de dag gis kyang de bzhin gang gyur te/ /de dag thams cad gcig
21b7 tu deng 'dus nas/ /bde bar gshegs pa'i ye shes rnams bsams kyang / /ji tsam tshad med ye shes ngas shes pa/ /thams cad 'dus pas shes par mi nus so/ /zag pa med par
22a1 gyur pa'i rang sangs rgyas/ /dbang po rno ba tha ma'i lus 'dzin pas/ /ji ltar smyig dang 'dam bu'i tshal bzhin du/ /phyogs bcu thams cad
22a2 gang bar gyur pa dag /gcig tu 'dus nas rnam par bsams byas kyang / /nga yi chos kyi mchog gi phyogs tsam yang / /bskal pa bye ba khrag khrig mtha' yas su/ /de yi yang
22a3 dag don ni yong mi shes/ /byang chub sems dpa' theg par gsar zhugs pa/ /sangs rgyas bye ba mang la bya ba byas/ /shin tu nges don chos smra mang po rnams/ /de dag gis kyang
22a4 phyogs bcu gang gyur te/ /smyig dang 'dam bu bzhin du 'jig rten kun/ /bar mtshams med par rtag tu gang gyur la/ /gcig tu 'dus nas rnam par sems byed cing / /shes
22a5 rab phra bas gzhan du mi sems par/ /bskal pa bye ba mang po dpag med pa/ /gang+gA'i bye ma snyed du bsam byas kyang / /chos gang bde bar gshegs pas mngon gzigs pa/ /'di
22a6 la de dag rnams kyi yul med do/ /phyir mi ldog pa'i byang chub sems dpa' gang / /mi nyung gang+gA'i bye ma snyed rnams kyis/ /gzhan du mi sems rnam par bsams byas kyang //
22a7 'di la de dag gi yang yul med do/ /zab cing shin tu phra ba'i chos rtogs shing / /rtog pa med la thams cad zag med pa/ /phyogs bcu'i 'jig rten rgyal ba de dag dang / /ngas ni
22b1 'di na de dag ci 'dra shes/ /gzhan min gsung ba rgyal ba drang srong che/ /yun ring dus na mchog gi don 'chad kyi/ /bde bar gshegs pas gang bstan de la ni/ /mos pa phun sum tshogs
22b2 byos shA ri'i bu/ /nyan thos pa ni 'di dag thams cad dang / /rang sangs rgyas su mi gang zhugs pa dang / /mya ngan 'das la ngas ni gang bkod cing / /sdug bsngal rgyud las yang dag dkrol
22b3 la bsgo'o/ /gang phyir 'jig rten du ni chos mang bshad/ /de dang de la chags pa rab dkrol zhing / /theg pa gsum dag nye bar bstan pa ni/ /de dag nga yi thabs mkhas mchog yin no/ /
22b4 de nas 'khor de na kun shes kau N+Di n+ya la sogs pa nyan thos chen po gang dag dgra bcom pa zag pa zad pa dbang dang ldan par gyur pa stong nyis brgya dang / gzhan yang gang dag nyan thos
22b5 kyi theg pa la zhugs pa'i dge slong dang / dge slong ma dang / dge bsnyen dang / dge bsnyen ma dag dang / gang yang rang sangs rgyas kyi theg pa la zhugs pa de dag thams cad 'di
22b6 snyam du sems te/ bcom ldan 'das kyis de bzhin gshegs pa rnams kyi thabs mkhas pa cher bsngags pa dang / chos zab mo de yang mngon par rdzogs par sangs rgyas so zhes
22b7 gsung zhing nyan thos dang / rang sangs rgyas thams cad kyis shes par dka'o zhes gsungs pa'i rgyu ni gang / gzhi ni ci zhig /'di ltar bcom ldan 'das kyis rnam par
23a1 grol ba gcig go /zhes bka' stsal to/ /bdag cag rnams kyang sangs rgyas kyi chos rnams rnyed par 'gyur zhing mya ngan las 'das pa thob pa yin mod kyi/
23a2 bcom ldan 'das kyis gsungs pa de'i don bdag cag gis ma rig go snyam mo/ /de nas tshe dang ldan pa shA ri'i bus 'khor bzhi po de dag som nyi dang the tshom za bar rig ste/ sems
23a3 kyi rnam par rtog pa sems kyis shes nas/ bdag nyid kyang chos la the tshom za bar gyur te/ de'i tshe bcom ldan 'das la 'di skad ces gsol to/ /bcom ldan 'das/ 'di ltar
23a4 bcom ldan 'das kyis de bzhin gshegs pa rnams kyi thabs mkhas pa mkhyen pa'i chos bstan pa yang dang yang bsngags pa mdzad pa dang / chos zab mo ngas mngon par rdzogs
23a5 par sangs rgyas so zhes bgyi ba dang / ldem por dgongs te bshad pa'ang shes par dka'o zhes yang dang yang gsungs pa'i rgyu gang lags/ rkyen gang lags/ bdag gis
23a6 bcom ldan 'das las chos kyi rnam grangs 'di lta bu sngon chad ma thos te/ bcom ldan 'das/ 'khor bzhi po 'di dag kyang the tshom dang som nyi 'tshal na/ de bzhin gshegs
23a7 pas ci la dgongs te/ de bzhin gshegs pa'i chos zab mo yang dang yang gsung ba mdzad pa de bcom ldan 'das kyis legs par bshad du gsol/ de nas tshe dang ldan pa
23b1 shA ri'i bus de'i tshe tshigs su bcad pa 'di dag gsol to/ /stobs dang rnam thar bsam gtan dag /dpag tu med pa ngas thob ces/ /ring nas mi yi nyi ma yis/ /deng gdod dka'
23b2 mchid 'di 'dra mdzad/ /khyod la zhu ba ma mchis par/ /byang chub snying po'ang brjod pa mdzad/ /khyod la su yang mi zhu bar/ /ldem por dgongs te bshad pa brjod/ /ma zhus par ni gsung
23b3 mdzad de/ /nyid kyi spyod pa bsngags pa mdzad/ /ye shes brnyes pa brjod mdzad cing / /zab mo dag kyang rab bshad pas/ /dbang ldan gyur cing zag med pa/ /mya ngan 'das par gang bzhugs
23b4 rnams| |rgyal ba ci zhig gsung snyam ste/ /de ring 'di dag the tshom 'gyur/ /rang rgyal byang chub gang 'tshal ba/ /dge slong de bzhin dge slong ma/ /lha dang klu dang gnod sbyin dang / /lto
23b5 'phye che dang dri za dag /the tshom 'tshal zhing rnam sems te/ /de dag phan tshun gtam mchi zhing / /rkang gnyis mchog la rab lta na/ /thub pa chen po lung bstan gsol/ /bde bar
23b6 gshegs pa'i nyan thos rnams/ /'di na ji snyed mchis pa kun/ /de yi nang na bdag mchog ces/ /drang srong mchog gis bstan lags na/ /mi yi gtso bo nyid kyi gnas/ /'di la
23b7 bdag kyang the tshom 'tshal/ /mya ngan 'das mthar bdag phyir tam/ /'on te bdag la spyod bstan tam/ /rnga mchog dbyangs kyis rab tu gsung phyung ste/ /chos 'di ji lta lags pa
24a1 bshad du gsol/ /rgyal sras thugs sras mchis pa 'di dag rnams/ /thal mo sbyar bar bgyis nas rgyal la lta/ /lha dang klu dang gnod sbyin srin por
24a2 bcas| |bye ba stong phrag gang+gA'i bye ma snyed/ /byang chub mchog 'di 'tshal ba gang lags pa/ /brgyad khri tshang bar gang mchis de dag dang / /sa bdag 'khor lo sgyur ba'i rgyal po
24a3 gang | |bye ba stong gi zhing nas lhags pa dag /spyod pa ji ltar yongs su rdzogs bgyi zhes/ /thams cad thal mo sbyar ta gus par mchis/ /de skad ces gsol pa dang / bcom
24a4 ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ don 'di bshad pas ci zhig bya/ de ci'i phyir zhe na/ shA ri'i bu/ don 'di bshad na
24a5 lha dang bcas pa'i 'jig rten 'di dngangs par 'gyur ro/ /yang tshe dang ldan pa shA ri'i bus/ bcom ldan 'das la lan gnyis su gsol ba btab pa/ don 'di nyid bcom ldan
24a6 'das| bshad du gsol/ bde bar gshegs pa/ bshad du gsol/ de ci'i slad du zhe na/ bcom ldan 'das/ 'khor 'di na srog chags brgya phrag mang po/ srog
24a7 chags stong phrag mang po/ srog chags brgya stong phrag mang po/ srog chags bye ba khrag khrig brgya stong mang po sngon gyi sangs rgyas mthong ba shes rab dang ldan pa gang dag/
24b1 bcom ldan 'das kyis bshad pa la dad pa dang / yid ches pa dang / 'dzin par 'gyur ba mchis so/ /de nas de'i tshe tshe dang ldan pa shA ri'i bus tshigs su bcad pa 'di gsol to/ /
24b2 srog chags stong rnams 'khor na mchis pa dag /dad dga' bde bar gshegs la gus pa ste/ /khyod kyi chos bstan de dag 'tshal bar 'gyur/ /mi dbang rgyal po gsal bar
24b3 bshad du gsol/ /de nas bcom ldan 'das kyis tshe dang ldan pa shA ri'i bu la lan gnyis su yang 'di skad ces bka' stsal to/ shA ri'i bu/ don 'di bshad pas ci zhig bya/
24b4 shA ri'i bu/ don 'di bshad na lha dang bcas pa'i 'jig rten 'di dngangs par 'gyur te/ dge slong lhag pa'i nga rgyal can du gyur pa rnams g.yang sa chen por lhung bar 'gyur
24b5 ro| |de nas bcom ldan 'das kyis de'i tshe tshigs su bcad pa 'di dag bka' stsal to/ /nga yi chos 'di bshad pas chog/ ye shes 'di phra brtag mi nus/ /byis pa mang 'khod nga
24b6 rgyal can/ /nga yis chos bshad mi shes spong / /de nas tshe dang ldan pa shA ri'i bus bcom ldan 'das la lan gsum du yang gsol ba btab pa/ don 'di nyid bcom ldan 'das/
24b7 bshad du gsol/ bde bar gshegs pa/ bshad du gsol/ bcom ldan 'das/ 'khor 'di na bdag dang 'dra ba brgya phrag mang du mchis so/ /bcom ldan 'das/ srog
25a1 chags brgya phrag mang po/ srog chags stong phrag mang po/ srog chags brgya stong phrag mang po/ srog chags bye ba khrag khrig brgya stong phrag mang po dag bcom
25a2 ldan 'das sngon gyi srid pa dag na yongs su smin par mdzad pa gzhan dag kyang mchis te/ bcom ldan 'das kyis bshad pa la dad par 'gyur/ yid ches par 'gyur/ 'dzin
25a3 par 'gyur ro/ /de'ang de dag gi yun ring po'i don dang sman pa dang bde bar 'gyur ro/ /de nas tshe dang ldan pa shA ri'i bus de'i tshe tshigs su bcad pa 'di dag gsol to/ /rkang
25a4 gnyis rnams kyi mchog gis chos bshad gsol/ /khyod la sras kyi thu bo bdag gsol pa/ /'di na srog chags bye ba stong mchis pa/ /de dag khyod kyis chos bshad 'di dad
25a5 'gyur| |sngon gyi srid pa rnams su khyod kyis gang / /yun ring rtag tu sems can smin mdzad pa/ /de kun thal mo sbyar te 'di na mchis/ /de dag chos 'di la ni dad par 'gyur/ /
25a6 bdag 'dra brgya phrag bcu gnyis 'di dag dang / /gang dag byang chub mchog tu zhugs pa dang / /de la gzigs nas bde gshegs rab bshad de/ /de dag dga' ba mchog kyang
25a7 bskyed du gsol/ /de nas bcom ldan 'das kyis tshe dang ldan pa shA ri'i bus lan gsum du gsol pa btab pa mkhyen nas/ tshe dang ldan pa shA ri'i bu la 'di skad ces bka'
25b1 stsal to| |shA ri'i bu/ 'di ltar de bzhin gshegs pa la lan gsum gyi bar du gsol pa 'debs na/ shA ri'i bu/ de ltar gsol pa 'debs pa la khyod la ji skad byas/ shA ri'i bu/
25b2 de'i phyir legs par rab tu nyon la yid la gzung zhig dang ngas khyod la bshad do/ /bcom ldan 'das kyis de skad ces bka' stsal ma thag tu/ 'khor de nas dge slong dang / dge
25b3 slong ma dang / dge bsnyen dang / dge bsnyen ma lhag pa'i nga rgyal can lnga stong stan las langs te/ bcom ldan 'das kyi zhabs gnyis la mgo bos phyag btsal nas 'khor de
25b4 nas dong ngo / /'di ltar lhag pa'i nga rgyal gyis dge ba'i rtsa ba ma thob par ni thob par 'du shes/ khong du ma chud par ni khong du chud par 'du shes pa de dag rang gi skyon shes
25b5 to| 'khor de nas dong ba la bcom ldan 'das kyis cang mi gsung bar gyur pas gnang ngo / /de nas bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA
25b6 ri'i bu| nga'i 'khor shin te ma med par gyur te/ shA ri'i bu/ snying po ma yin pa med par gyur la dad pa'i snying po la gnas te lhag pa'i nga rgyal can de dag dong ba'ang legs so/ shA ri'i
25b7 bu| de lta bas na de'i don bshad do/ /bcom ldan 'das/ legs so zhes gsol nas/ shA ri'i bu/ bcom ldan 'das kyi ltar nyan pa dang / bcom ldan 'das kyis 'di skad ces bka'
26a1 stsal to/ /shA ri'i bu/ de bzhin gshegs pa ni brgya la res 'ga' zhig 'di lta bu'i chos bstan pa gsung ngo / /'di lta ste/ dper na/ u dum+ba ra'i tshal la
26a2 me tog ni brgya la res 'ga' 'byung ngo / /shA ri'i bu/ de bzhin du de bzhin gshegs pa'ang brgyal res 'ga' zhig chos bstan pa 'di lta bu gsung ngo / /shA ri'i bu/ nga la yid ches
26a3 par gyis shig /nga ni bden par smra ba'o/ /nga ni yang dag par smra ba'o/ /nga ni gzhan ma yin par smra ba'o/ /shA ri'i bu/ de bzhin gshegs pa'i ldem por dgongs te bshad pa'i
26a4 don khong du chud par dka'o/ /de ci'i phyir zhe na/ shA ri'i bu/ ngas nges pa'i tshig dang / bstan pa dang / brjod pa dang / dpe sna tshogs dang / thabs la mkhas pa rnam pa brgya stong
26a5 dag gis chos rab tu bshad pa ni rtog tu med cing rtog ge'i spyod yul ma yin pa'i phyir te/ shA ri'i bu/ chos de ni de bzhin gshegs pas mkhyen par bya ba'o/ /de ci'i phyir zhe
26a6 na| shA ri'i bu/ bya ba gcig dang / byed pa gcig dang / bya ba chen po dang / byed pa chen po'i phyir/ bya ba gang dang / byed pa gang gis de bzhin gshegs pa dgra bcom pa yang dag
26a7 par rdzogs pa'i sangs rgyas 'jig rten du 'byung ba'i phyir ro/ /shA ri'i bu/ de bzhin gshegs pa'i bya ba gcig po dang / byed pa gcig po dang / bya ba chen po dang / byed pa chen po
26b1 dang / bya ba gang dang / byed pa gang gis de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba gang zhe na/ de ni sems can rnams de bzhin gshegs
26b2 pa'i ye shes mthong ba yang dag par 'dzin du gzud pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / /sems can rnams
26b3 la de bzhin gshegs pa'i ye shes mthong ba yang dag par bstan pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ngo / /
26b4 sems can rnams de bzhin gshegs pa'i ye shes mthong ba la zhugs pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung
26b5 ngo / /sems can rnams de bzhin gshegs pa'i ye shes mthong ba khong du chud par bya ba'i rgyu'i phyir/ de bzhin gshegs pa dgra bcom pa yang dag par rdzogs pa'i sangs rgyas 'jig
26b6 rten du 'byung ngo / /sems can rnams de bzhin gshegs pa'i ye shes mthong ba'i lam du gzud pa'i rgyu'i phyir/ de bzhin gshegs pa dgra bcom pa yang dag par rdzogs pa'i sangs
26b7 rgyas 'jig rten du 'byung ste/ shA ri'i bu/ de ni de bzhin gshegs pa'i bya ba gcig po dang / byed pa gcig po dang / bya ba chen po dang / byed pa chen po dang / 'jig rten du 'byung ba'i
27a1 dgongs pa gcig pa'o/ /shA ri'i bu/ de ltar de bzhin gshegs pas bya ba gcig po dang / byed pa gcig po dang / bya ba chen po dang / byed pa chen po de de bzhin
27a2 gshegs pas mdzad do/ /de ci'i phyir zhe na/ shA ri'i bu/ nga ni de bzhin gshegs pa'i ye shes mthong ba yang dag par 'dzin du 'jug pa'o/ /shA ri'i bu/ nga ni de bzhin
27a3 gshegs pa'i ye shes mthong ba yang dag par ston pa'o/ /shA ri'i bu/ nga ni de bzhin gshegs pa'i ye shes mthong ba la 'jug par byed pa'o/ /shA ri'i bu/ nga ni de bzhin
27a4 gshegs pa'i ye shes mthong ba khong du chud par byed do/ /shA ri'i bu/ nga ni de bzhin gshegs pa'i ye shes mthong ba'i lam la 'dzud pa'o/ /shA ri'i bu/ nga'ang theg pa
27a5 gcig las brtsams te sems can rnams la chos ston pa 'di lta ste/ sangs rgyas kyi theg pa thams cad mkhyen pa nyid kyi mthar thug pa ste/ theg pa gnyis sam gsum zhes
27a6 bya ba gang yang med do/ /shA ri'i bu/ phyogs bcu'i 'jig rten thams cad na'ang chos nyid ni 'di'o/ /de ci'i phyir zhe na/ shA ri'i bu/ de bzhin gshegs pa dgra bcom pa yang
27a7 dag par rdzogs pa'i sangs rgyas gang dag 'das pa'i dus na phyogs bcu'i 'jig rten gyi khams dpag tu med grangs med pa rnams su byung ste/ sems can mos pa tha dad pa dang /
27b1 khams dang bsam pa tha dad pa rnams kyi bsam pa mkhyen nas skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang / lha dang /
27b2 mi rnams kyi don dang phan pa dang bde ba'i phyir sna tshogs mngon par bsgrub pa bstan pa dang / rgyu dang / gzhi dang / dpe dang / dmigs pa dang / nges pa'i tshig dang / thabs mkhas pa
27b3 rnam pa sna tshogs kyis chos bstan pa'i sangs rgyas bcom ldan 'das de dag thams cad kyang / shA ri'i bu/ theg pa gcig la brtsams nas sems can rnams la chos bstan te
27b4 de'ang 'di ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin
27b5 du 'dzud pa/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong
27b6 ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston te/ shA ri'i bu/ 'das pa'i de bzhin
27b7 gshegs pa dgra bcom pa yang dag par rdzogs pa'i sangs rgyas de dag las sems can gang dag gis chos de thos pa de dag thams cad kyang bla na med pa yang dag par rdzogs pa'i
28a1 byang chub thob par gyur to/ /shA ri'i bu/ ma 'ongs pa'i dus na phyogs bcu'i 'jig rten gyi khams dpag tu med grangs med pa rnams su de bzhin gshegs
28a2 pa dgra bcom pa yang dag par rdzogs pa'i sangs rgyas gang dag 'byung ba/ sems can mos pa tha dad pa dang / bsam pa tha dad pa dang khams tha dad pa rnams kyi bsam pa mkhyen
28a3 nas/ skye bo mang po la phan pa dang / skye bo mang po la bde ba dang / 'jig rten la snying brtse ba dang / skye bo phal po che dang lha dang mi rnams kyi don dang phan pa dang bde ba'i phyir sna
28a4 tshogs mngon par bsgrub pa bstan pa dang / rgyu dang / gzhi dang / dpe dang / dmigs pa dang / nges pa'i tshig dang / thabs mkhas pa rnam pa sna tshogs kyis chos ston par
28a5 'gyur ba'i sangs rgyas bcom ldan 'das de dag thams cad kyang / shA ri'i bu/ theg pa gcig las brtsams nas sems can rnams la chos ston par 'gyur te/ de'ang 'di
28a6 ltar sangs rgyas kyi theg pa thams cad mkhyen pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du
28a7 'jug pa/ de bzhin gshegs pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye
28b1 shes mthong ba nyid khong du chud par byed pa/ sems can rnams de bzhin gshegs pa'i ye shes mthong ba nyid kyi lam du 'jug par byed pa'i chos ston par 'gyur te/ shA ri'i bu/ ma
28b2 'ongs pa'i de bzhin gshegs pa dgra bcom pa yang dag par rdzogs pa'i sangs rgyas de dag las sems can gang dag chos nyan pa de dag thams cad kyang bla na med pa yang dag par
28b3 rdzogs pa'i byang chub thob par 'gyur ro/ /shA ri'i bu/ da ltar byung ba'i dus na phyogs bcu'i 'jig rten gyi khams dpag tu med grangs med pa dag na de bzhin gshegs pa dgra bcom
28b4 pa yang dag par rdzogs pa'i sangs rgyas gang dag bzhugs te 'tsho zhing gzhes pa/ sems can mos pa tha dad pa dang / khams dang bsam pa tha dad pa rnams kyi bsam pa mkhyen
28b5 nas/ skye bo mang po la phan pa dang / skye bo mang po la bde ba dang / 'jig rten la snying brtse ba dang skye bo phal po che dang lha dang mi rnams kyi don dang phan pa dang bde ba'i phyir sna tshogs
28b6 mngon par bsgrub pa bstan pa dang / rgyu dang / gzhi dang / dpe dang / dmigs pa dang / nges pa'i tshig dang thabs mkhas pa rnam pa sna tshogs kyis chos ston pa'i sangs rgyas bcom
28b7 ldan 'das de dag thams cad kyang / shA ri'i bu/ theg pa gcig las brtsams nas sems can rnams la chos ston te/ de'ang 'di ltar sangs rgyas kyi theg pa thams cad mkhyen
29a1 pa nyid kyi mthar thug pa ste/ gang 'di sems can rnams de bzhin gshegs pa'i ye shes mthong ba nyid yang dag par 'dzin du 'jug pa/ de bzhin gshegs
29a2 pa'i ye shes mthong ba nyid ston pa/ de bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par
29a3 byed pa/ sems can rnams de bzhin gshegs pa'i ye shes mthong ba nyid kyis lam du 'jug par byed pa'i chos ston te/ shA ri'i bu/ da ltar gyi de bzhin gshegs pa dgra
29a4 bcom pa yang dag par rdzogs pa'i sangs rgyas de dag las/ sems can gang dag chos nyan pa de dag thams cad kyang bla na med pa yang dag par rdzogs pa'i byang chub thob par
29a5 'gyur ro/ /shA ri'i bu/ de ltar de bzhin gshegs pa dgra bcom pa yang dag par rdzogs pa'i sangs rgyas nga'ang sems can mos pa tha dad pa dang / khams dang bsam pa tha
29a6 dad pa rnams kyi bsam pa mkhyen nas skye bo mang po la phan pa dang skye bo mang po la bde ba dang 'jig rten la snying brtse ba dang skye bo phal po che dang lha dang mi rnams kyi don dang phan
29a7 pa dang bde ba'i phyir/ sna tshogs mngon par bsgrub pa bstan pa dang / rgyu dang / gzhi dang / dpe dang / dmigs pa dang / nges pa'i tshig dang thabs mkhas pa rnam pa sna tshogs kyis
29b1 chos ston to/ /shA ri'i bu/ nga'ang theg pa gcig las brtsams nas sems can rnams la chos ston te/ 'di ltar sangs rgyas kyi theg pa thams cad mkhyen pa nyid kyi mthar thug pa ste/
29b2 gang 'di'i sems can rnams de bzhin gshegs pa'i ye shes mthong ba nyid yang dag par 'dzin du 'jug pa dang / de bzhin gshegs pa'i ye shes mthong ba nyid ston pa dang / de
29b3 bzhin gshegs pa'i ye shes mthong ba nyid la 'jug par byed pa/ de bzhin gshegs pa'i ye shes mthong ba nyid khong du chud par byed pa/ sems can rnams de bzhin gshegs
29b4 pa'i ye shes mthong ba nyid kyi lam du 'jug par byed pa'i chos ston te/ shA ri'i bu/ sems can gang dag da ltar nga la 'di ltar chos nyan pa de dag thams cad kyang bla na med pa yang
29b5 dag par rdzogs pa'i byang chub thob par 'gyur ro/ /shA ri'i bu rnam grangs 'dis kyang 'di ltar rig par bya ste/ 'di ltar phyogs bcu'i 'jig rten gang na'ang theg pa gnyis su
29b6 gdags pa'ang med na gsum du lta ga la yod/ 'on kyang de bzhin gshegs pa dgra bcom pa yang dag par rdzogs pa'i sangs rgyas nam bskal pa'i snyigs ma las byung
29b7 ngam/ sems can gyi snyigs ma'am/ nyon mongs pa'i snyigs ma'am/ lta ba'i snyigs ma'am/ tshe'i snyigs ma las byung na/ shA ri'i bu/ 'di lta bur bskal pa dang 'khrul
30a1 pa'i snyigs ma dang dri ma mang po dang brkam pa'i sems can dge ba'i rtsa ba chung ba de'i tshe/ shA ri'i bu/ de bzhin gshegs pa dgra bcom pa yang dag par
30a2 rdzogs pa'i sangs rgyas rnams thabs mkhas pas sangs rgyas kyi theg pa gcig po de las theg pa gsum du bshad de bstan to/ /shA ri'i bu/ de ltar gang nyan thos sam/ dgra
30a3 bcom pa'am/ rang sangs rgyas rnams de bzhin gshegs pa'i bya ba sangs rgyas kyi theg pa yang dag par 'dzin du 'jug pa la mi nyan/ mi 'jug/ khong du chud par mi byed
30a4 pa de dag ni/ shA ri'i bu/ de bzhin gshegs pa'i nyan thos ma yin par rig par bya'o/ /dgra bcom pa'ang ma yin/ rang sangs rgyas kyang ma yin par rig par bya'o/ /shA
30a5 ri'i bu/ yang dge slong ngam/ dge slong ma la la dgra bcom par khas 'che zhing / bla na med pa yang dag par rdzogs pa'i byang chub tu smon lam yongs su mi 'dzin te/ nga ni
30a6 sangs rgyas kyi theg pa bcad pa'o zhes zer zhing nga'i lus 'di tha ma bya ngan las 'da' ba'o zhes zer ba ni/ shA ri'i bu/ de lhag pa'i nga rgyal can du shes par bya'o/ /de
30a7 ci'i phyir zhe na/ shA ri'i bu/ dge slong dgra bcom pa zag pa zad pa des/ de bzhin gshegs pa mngon sum du gyur te/ chos 'di thos nas dad par mi 'gyur ba'i go skabs
30b1 med cing gnas ma yin te/ de bzhin gshegs pa yongs su mya ngan las 'das pa ni ma gtogs so/ /de ci'i phyir zhe na/ shA ri'i bu/ de bzhin gshegs pa yongs su mya ngan las 'das
30b2 pa de'i tshe/ mdo sde 'di lta bu 'di 'dzin pa'am 'chang ba'i nyan thos mi 'byung ste/ shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas gzhan las
30b3 chos 'di la the tshom med par 'gyur ro/ /shA ri'i bu/ nga la dad par gyis shig /yid ches par gyis shig /rtogs par gyis shig /shA ri'i bu/ de bzhin gshegs pa rnams la
30b4 brdzun du smra ba med de/ shA ri'i bu/ theg pa 'di ni gcig tu zad de/ 'di lta ste/ sangs rgyas kyi theg pa'o/ /de nas bcom ldan 'das don de nyid rgyas par ston cing de'i tshe tshigs su
30b5 bcad pa 'di dag bka' stsal to/ /nga rgyal can gyi dge slong dang / /dge slong ma dang dge bsnyen dang / /dge bsnyen ma rnams ma dad pa/ /lnga stong las ni mi nyung ba dang / /bslab pa zhig gral
30b6 ldan pa rnams/ /nyes pa 'di dag mthong gyur nas/ /skyon rnams yongs su sbed pa'i phyir/ /byis pa'i blo can de dag dong / /gang gis chos 'di nyan par 'gyur ba yi/ /de dag la ni
30b7 dge ba de med de/ /'khor gyi snyigs ma nyid du mkhyen nas su/ /'jig rten mgon po ngas kyang bsal ba yin/ /nga yi 'khor ni legs par 'khod/ /shun pa med cing dag pa ste/ /snying
31a1 po ma yin kun med 'gyur/ /'di dag snying po rab tu gnas/ /skyes bu dam pa skyob pa sangs rgyas dag /thabs la mkhas pa brgya phrag du ma yis/ /rdzogs
31a2 pa'i sangs rgyas chos ni ci gsung pa/ /ci 'dra nga la nyon cig shA ri'i bu/ /de dag spyod pa bsam pa ci 'dra'ang mkhyen/ /srog chags bye ba mos pa tha dad pa/ /de dag sngon chad dge ba
31a3 ci byas dang / /las rnams sna tshogs dag ni mkhyen nas su/ /nges pa'i tshig dang gzhi rnams sna tshogs kyis/ /srog chags de dag khong du chud par byed/ /ngas ni rgyu dang dpe yang
31a4 brgya dag gis/ /sems can de lta de ltar mgu bar byas/ /mdo sde de bzhin tshigs su bcad pa'ang bshad/ /de ltar byung dang skyes rabs rmad byung dang / /gleng gzhi pa bzhin
31a5 gtan la dbab pa dang / /dbyangs snyan dpe brgya sna tshogs rnams kyis bshad/ /mi mkhas gang dag dman la mngon dga' zhing / /sangs rgyas bye ba mang la spyod ma spyad/ /'khor
31a6 bar chags shing shin tu sdug bsngal ba/ /de la mya ngan 'da' ba nye bar bstan/ /sangs rgyas ye shes rab tu rtogs bya phyir/ /da ltar rang byung ba ni thabs mdzod de/ /khyed
31a7 cag sangs rgyas su yang 'grub po zhes/ /de rnams la ni re zhig mi gsung ngo / /ci'i phyir zhe na skyob pa dus la bzhes/ /nga la gzigs te de nas gdod 'chad do /dal ba de ni
31b1 brgya la deng thob pas/ /de phyir yang dag nges pa 'dir bshad do/ /nga yi bstan pa yan lag dgu po yang / /sems can dag gi mthu dang stobs las bshad/ /'di ltar thabs kyis mchog
31b2 sbyin ye shes la/ /rab tu gzud pa'i phyir ni ngas bshad do/ /gang dag rtag tu rnam par dag gyur pa/ /gsal gtsang rab tu nges pa sangs rgyas sras/ /sangs rgyas bye ba mang la lhag
31b3 byas pa/ /de dag la ni rab rgyas mdo rnams bshad/ /'di ltar de dag bsam pa rdzogs pa dang / /rnam par dag pa'i tshul dang ldan gyur pa/ /de dag la ni ma 'ongs dus na yang / /phan
31b4 zhing brtse ba'i sangs rgyas 'gyur zhes gsung / /thos nas 'gro mchog sangs rgyas 'gyur snyam ste/ /thams cad shin tu dga' bas khyab par 'gyur/ /de dag spyod pa rnams kyang ngas
31b5 shes nas/ /shin tu rgyas pa'i mdo sde rab tu bshad/ /'di ltar 'dren pa'i nyan thos de dag la/ /gang dag nga yi bstan pa 'di thos pa/ /tshigs bcad gcig tsam thos ma bzung
31b6 yang rung / /thams cad the tshom med par byang chub 'gyur/ /theg pa tha dad par ni gang ston pa/ skyes mchog rnams kyi thabs mkhas ma gtogs par/ /theg pa gcig ste gnyis
31b7 su yod ma yin/ /'jig rten na ni nam yang gsum du med/ /sangs rgyas rnams kyi ye shes bstan pa'i phyir/ /'jig rten du yang 'jig rten mgon po byung / /bya ba gcig ste
32a1 gnyis su yod ma yin/ /sangs rgyas theg pa dman pas mi 'dren to/ /rang 'byung bdag nyid ci la gnas pa dang / /sangs rgyas ji lta bu dang ci 'dra ba/ /stobs
32a2 dang bsam gtan rnam thar dbang po rnams/ /de dag nyid la sems can rab tu 'jog /byang chub rdul med dam pa thob nas su/ /theg pa dman la sems can gcig bkod na/ /'di
32a3 ni nga yi legs pa ma yin te/ /ser sna'i nyes pa'ang nga la yod par 'gyur/ /nga la se sna dag ni cung zad med/ /nga la phrag dog med cing 'dod chags med/ /sdig pa'i chos
32a4 rnams thams cad ngas bcad de/ /de phyir 'gro ba rtogs pas nga sangs rgyas/ /ji ltar mtshan rnams kyis ni nga brgyan te/ /'jig rten 'di dag thams cad rab snang byed/ /srog
32a5 chags brgya phrag du mas mdun bltas shing / /chos kyi rang bzhin phyag rgya 'di bshad do/ /nga ni 'di snyam sems te shA ri'i bu/ /sum cu rtsa gnyis mtshan gyi gzugs ldan
32a6 zhing / /bdag 'od rang byung 'jig rten rig par yang / /de ltar ci nas sems can kun 'gyur snyam/ /ji ltar mthong zhing ji ltar bsams pa dang / /nga yis sngan chad ji ltar
32a7 brnags pa de/ /nga yi smon lam de dag yongs rdzogs te/ /byang chub sangs rgyas nas ni ma bstan to/ /sems can rnams la byang chub 'dun skyed ces/ /ngas ni de skad smras na
32b1 shA ri'i bu/ /mi shes sems can rnams ni 'dir myos te/ /nga yi legs bshad 'dzin par gzhar mi 'gyur/ /de dag 'di 'dra'i tshul du ngas shes te/ /tshe rabs snga mar spyod pa rnams
32b2 ma spyad/ /'dod pa'i yon tan rnams la chags shing zhen/ /sred pas brgyal zhing gti mug myos pa rnams/ /de dag 'dod rgyus ngan 'gror rab tu ltung / /'gro ba drug tu kun tu nyon
32b3 mongs te/ /dur khrod de dag phyi phyir 'phel bar byed/ /bsod nams chung bas sdug bsngal kun gyis gzir/ /lta ba'i thibs por rtag tu rnam par chags/ /yod dang med dang de bzhin
32b4 yod med pa/ /ltar gyur drug cu gnyis la brtan nas su/ /dngos po med la yongs su 'dzin cing gnas/ /sbyang par dka' zhing log byed nga rgyal can/ /byis pa thos nyung yon po g.yo
32b5 byed rnams/ /tshe rabs bye ba phrag steng nam du yang / /de dag sangs rgyas sgra 'di mi thos so/ /nga yi thabs kyis de la shA ri'i bu/ /sdug bsngal mthar phyung shing ces de skad smras/ /
32b6 sems can sdug bsngal gzir ba mthong bas na/ /de dag mya ngan 'das pa nye bar bstan/ /'di ltar ngas ni chos rnams 'di dag kun/ /gdod nas rab zhi mya ngan rtag 'das bshad/ /
32b7 sangs rgyas sras de spyod pa kun rdzogs nas/ /phyi ma'i dus kyi tshe la rgyal bar 'gyur/ /theg pa gsum du gang rnams bstan pa ni/ /nga yi thabs mkhas tshul ni de 'dra ste/ /theg pa
33a1 gcig ste de bzhin tshul yang gcig /de ltar 'dren pa rnams kyis bshad pa gcig /gang 'dir la la the tshom yod pa dag /the tshom za dang de bzhin som
33a2 nyi spongs/ /gzhan du mi gsung 'jig rten 'dren pa rnams/ /theg pa 'di ni gcig ste gnyis su med/ /sngon gyi de bzhin gshegs pa gang 'byung ba/ /sangs rgyas stong ngam mya
33a3 ngan yongs 'das shing / /'das pa'i dus na bskal pa grangs med la/ gang dag tshad ni nam yang yong med pa/ /skyes bu dam pa de dag thams cad kyis/ /dpe dang gzhi dang rgyu
33a4 dang bcas pa dang / /thabs la mkhas pa brgya phrag du ma yis/ /rnam par dag pa'i chos rnams par rab bshad pa/ /de dag thams cad theg pa gcig ston cing / /srog chags
33a5 stong phrag bye ba bsam yas rnams/ /theg pa gcig po la yang rab 'dzud de/ /theg pa gcig la yongs su smin par byed/ /mos dang de bzhin bsam pa rnams mkhyen
33a6 nas/ /de bzhin gshegs pas lhar bcas 'jig rten du/ /rgyal ba'i thabs gzhan rnam pa mang po dag /gang gis chos mchog 'di ni rab bstan pa/ /sems can gang
33a7 gis de las mngon sum der/ /chos nyan pa dang 'on te thos ldan pa/ /spyin pa sbyin zhing tshul khrims spyod pa dang / /bzod pas spyod pa thams cad bsgrub pa dang / /brtson 'grus
33b1 bsam gtan lhag par byas pa dang / /shes rab kyis ni chos 'di rnams bsams te/ /rnam pa tha dad bsod nams sus byas pa/ /de dag thams cad byang chub thob par 'gyur/ /mya ngan
33b2 shes pa'i rgyal ba de dag gi/ /bstan pa de la sems can gang zhugs te/ /de na bzod cing zhi la dul ba ni/ /de dag thams cad byang chub thob par 'gyur/ /rgyal ba mya ngan 'das pa de dag
33b3 / /rgyal ba'i ring bsrel dag la su mchod cing / /rin chen mchod rten stong phrag du ma dag /gser dang dngul dang 'on te shel gyi'am/ /rdo yi snying po'i mchod rten gang gis byas/ /
33b4 baiDUR+ya mchog de bzhin an+da rnyil/ /la las mu tig ke ke ru las byas/ /de dag gis kyang byang chub thob par 'gyur/ /gang gi mchod rten rdo las byas pa dang / gang gi a ga ru
33b5 dang tsan+dan nam/ /gang gis thang shing mchod rten byas pa dang / /la las shing mang gzhan las byas pa dang / /sa dang so phag las ni brtsigs pa yi/ /rgyal ba'i mchod rten dga'
33b6 zhing byas pa dang / /de phyir sa rdul phung po dag las kyang / /mya ngan dgon pa gang du byas pa dang / /byis pa rtsed mor de dang de dag tu/ /gang gis rgyal ba de phyir mchod rten dag /bye ma
33b7 las ni phung po byas pa yang / /de rnams kyis kyang byang chub thob par 'gyur/ /la las de bzhin rin chen gzugs byas pa/ /sum cu rtsa gnyis mtshan dang ldan pa'i gzugs/ /gang
34a1 gis de phyir byas pa de dag kyang / /de dag thams cad byang chub thob par gyur/ /la las der ni rin chen sna bdun dang / /la las de bzhin zangs dang /
34a2 'khar ba las/ /bde bar gshegs pa rnams kyi gzugs byas pa/ /de dag thams cad byang chub thob par 'gyur/ /ro nye dang ni lcags sam sa yang rung / /bde bar gshegs
34a3 pa rnams kyi gzugs byas te/ /blta na sdug pa 'jim pa'i las byed bcug /de dag thams cad byang chub thob par 'gyur/ /gang gis rtsig ngos gzugs kyi ri mo dag /bsod nams
34a4 brgya mtshan yongs su rdzogs pa'i sku/ /bdag gis bris sam 'dri ru bcug kyang rung / /de dag thams cad byang chub thob par gyur/ /skyes bu dag gam 'on te gzhon nu'ang rung / /
34a5 gang dag la la de ni slob pa'i tshe/ /rtsed mo dga' dang gsang ba byed pa na/ /rtsig ngos sen mo shing bus gzugs bris pa/ /de dag thams cad byang chub thob gyur te/ /de dag
34a6 thams cad snying rje can du gyur/ /thams cad kyang ni srog chags bye ba sgrol/ /byang chub sems dpa' mang po yang dag 'dzud/ /de bzhin gshegs pa rnams kyi ring bsrel dang / /
34a7 'jim pa'i gzugs dang mchod rten dag la'ang rung / /rtsig ngos bris dang rdul phung mchod rten la/ /de la me tog dang ni spos gsol te/ /der ni gang gis rab snyan cang te'u
34b1 dang / /dung dang rnga chen rol mo'i sgra byed bcug /byang chub mchog rab mchod pa bya ba'i phyir/ /gang dag rnga rnams rab tu rdung byed cing / /pi wang dang ni pheg dang 'khar ba'i rnga/ /rdza rnga
34b2 rgyud gcig gling bu yid 'ong dang / /e kon dang rab tu snyan 'byin pa /de dag thams cad byang chub thob par 'gyur/ /bde bar gshegs pa rnams la mchod pa'i phyir/ /gang dag
34b3 lcags kyi sil khrol rdung bcug dang / /chu la brdabs dang thal mo brdabs pa dang / /yid du 'ong zhing snyan pa'i glu blangs dang / /ring bsrel de dag rnams mang mchod byas pa/ /de dag
34b4 thams cad 'jig rten sangs rgyas 'gyur/ /bde gshegs ring bsrel la ni cung zad dang / /sil snyan gcig brdungs pa yi sgra phyung ngam/ /me tog gcig tsam gyis ni mchod pa dang /
34b5 bde gshegs gzugs dag rtsig ngos bris pa la/ /'khrug bzhin pa yi sems kyis mchod na yang / /de dag rim gyis sangs rgyas bye ba mthong / /mchod rten dag la gang gis
34b6 thal mo sbyar/ /yongs su tshang ba'am thal mo ya gcig gam/ /yang na mgo bo skad cig btud pa dang / /de bzhin lan gcig lus kyang btud pa dang / /gang gis ring bsrel
34b7 gnas pa de dag la/ g.yengs pa'i sems kyis phyag 'tshal sangs rgyas zhes/ /tshig gcig lan 'ga' brjod par byas pa yang / /de dag kun gyis byang chub mchog 'di 'thob//
35a1 de tshe bde bar gshegs pa de dag ni/ /mya ngan 'das sam yang na bzhugs kyang rung / /sems can gang gis chos 'di ming thos pa/ /de dag thams cad
35a2 byang chub thob par 'gyur/ /phyis 'byung sangs rgyas bye ba mang po rnams/ /de dag bsam gyis mi khyab tshad kyang med/ /'jig rten mgon mchog rgyal ba de dag kyang / /thabs
35a3 'di rnams ni rab tu ston par 'gyur/ /gang gis sangs rgyas ye shes zag med pa/ /'di la srog chags bye ba 'dul mdzad pa/ /'jig rten rnam par 'dren pa de dag gi/ thabs
35a4 la mkhas pa dag ni mtha' yas 'gyur/ /chos 'di thos nas sangs rgyas mi 'gyur ba/ /sems can de dag nam yang gcig kyang med/ /byang chub phyir spyad nas ni spyod par gzhug
35a5 de ni de bzhin gshegs rnams smon lam mo/ /chos sgo bye ba stong phrag du ma dag /ma 'ongs dus na rab tu ston 'gyur te/ /theg pa gcig po 'di ni mngon ston cing / /de bzhin
35a6 gshegs pa nyid du chos ston 'gyur/ /chos kyi tshul 'di rtag tu gnas pa dang / /chos kyi rang bzhin rtag tu 'od gsal bar/ /rkang gnyis dam pa sangs rgyas rnams mkhyen
35a7 nas/ /nga yi theg pa gcig ces ston par 'gyur/ /chos kyi gnas nyid skyon med chos nyid ni/ /'jig rten 'di na rtag tu mi g.yo nas/ /sa yi snying por byang chub sangs rgyas te//
35b1 thabs la mkhas pa shin tu ston par 'gyur/ /lha mi rnams kyis mchod pa'i sangs rgyas rnams/ /phyogs bcu bzhugs pa gang+gA'i bye ma snyed/ /'di na srog chags thams cad bde bya'i phyir/ /
35b2 de dag rnams kyang theg pa mchog 'di 'chad/ /zhi ba'i sa mchog 'di ni sangs rgyas nas/ /thabs la mkhas pas rab tu ston mdzad cing / /theg pa rnam pa tha dad mngon par 'chad/ /theg
35b3 pa gcig po'ang yongs su ston mdzad do/ /lus can kun gyi spyod pa rig pa dang / /de bzhin sngon chad ci bsgoms ci bsam pa/ /de byi mthu dang brtson 'grus rnams kyang rig /shin tu
35b4 dag pa mkhyen nas rab tu ston/ /'dren pa'i ye shes stobs kyis rgyu mang dang / /dpe dang gzhi yang mang po rab ston te/ /sems can mos pa sna tshogs rig nas ni/ /sna tshogs mngon
35b5 par bsgrub pa nye bar ston/ /da ltar rgyal dbang 'dren pa nga yang ni/ /sems can rnams la bde bya'i phyir byung ste/ /sna tshogs bsgrub pa bye ba phrag stong gis/ /sangs rgyas byang chub 'di
35b6 ni yang dag bstan/ /srog chags rnams kyi mos dang dad bsam mkhyen nas/ /chos rnams rnam pa mang po rab bshad de/ /rnam pa sna tshogs thabs kyis dga' ba bskyed/ /de ni nga yi rang
35b7 rig ye shes stobs/ /nga yis mthong ba sems can dbul po rnams/ /shes rab bsod nams rnams dang bral gyur cing / /'khor bar bying la mya ngan zhugs pa rnams/ /sdug
36a1 bsngal rgyud du shin tu nub pa ste/ /sred pas chags pa g.yag gi rnga ma bzhin/ /'dod pas 'di dag rtag tu ldongs par byas/ /sangs rgyas mthu chen rnams
36a2 kyang mi tshol zhing / /sdug bsngal mthar 'gro ba yi chos mi tshol/ /'gro ba drug po rnams su zin pa'i sems/ /log par mthong ba'i lta la mi g.yo gnas/ /sdug bsngal ba yi sdug
36a3 bsngal rab myong ba/ /de la nga yi snying rje stobs ldan te/ /byang chub snying por der ni nga sems shing / /bdun phrag gsum du tshang bar rab gnas te/ /nga ni 'di 'dra'i don la rab sems
36a4 shing | |de na sdong po de la bltas pa ni/ /shing mchog de la mig mi 'dzum par blta/ /de yi drung na phan tshun 'chag cing gnas/ /ye shes 'di ni dam pa ngo mtshar te/ /sems can
36a5 'di dag mi mkhas gti mug ldongs/ /de tshe nga la tshangs dang brgya byin dang / /dbang phyug che dang 'jig rten skyong bzhi dang / /de bzhin dbang phyug dag kyang gsol 'debs te/ /lha
36a6 rnams bye ba stong phrag mang po yang / /thams cad thal mo sbyar nas gus par 'khod/ /don rnams ji ltar bya ba rab tu bsams/ /nga yis byang chub yon tan bsngags na ni/ /
36a7 sems can 'di dag sdug bsngal gzir ba ste/ /nga yi chos la byis pa'i blo can skur/ /de ltar skur bas ngan song gnas su 'gro /ngas ni yong ma bshad na dgar 'gyur gyi/ /
36b1 nga deng zhi bar mya ngan 'da' sla snyam/ /sngon gyi sangs rgyas rnams dang de dag gi /thabs mkhas ji lta ba yang rab dran te/ /ngas kyang 'di ltar sangs rgyas byang chub 'di/ /rnam pa gsum du
36b2 'dir byed rab tu bshad/ /nga yis don de de ltar bsams pa na/ /phyogs bcu'i sangs rgyas de dag gzhan gyis kyang / /de dag rang gi lus kyang nga bstan nas/ /legs zhes bya ba'i sgra
36b3 yang rab bsgrags te/ /thub pa 'jig rten rnam par 'dren pa'i mchog /bla na med pa'i ye shes 'di rtogs nas/ /thabs la mkhas pa rnam par bsams pa dang / /'jig rten 'dren pa
36b4 rnams kyi rjes slob legs/ /nged kyang dam pa'i gnas ni rtogs pa'i tshe/ /rnam pa gsum du phye ste rab tu ston/ /mkhas pa ma yin dad pa chung ba'i mi/ /sangs rgyas rnams la dad par
36b5 mi 'gyur te/ /de bas nged kyis rgyu rnams kun bsdus pas/ /thabs la mkhas pa rnams ni rab spyad cing / /'bras bu 'dod pa yongs su brjod byas te/ /byang chub sems dpa' mang po
36b6 yang dag btsud/ /skyes bu khyu mchog dag gi yid 'ong sgra/ /thos nas de tshe nga ni dga' bar gyur/ /dga' ba'i sems kyis skyob ba de dag la/ /drang srong che mchog don yod gsung
36b7 ba ste| |mkhas pa 'jig rten 'dren pas gsungs pa ltar/ /bdag kyang de bzhin spyad par bgyi zhes smras/ /nga ni 'khrug dang mi bzad 'di yi tshe/ /sems can snyigs mar gyur
37a1 ba'i nang du skyes/ /de ltar ngas rig nas ni shA ri'i bu/ /de yi tshe na wA ra NA sir song / /de na dge slong lnga po dag la yang / /rab zhi sa yi chos ni thabs kyis
37a2 bshad/ /de nas nga yis chos kyi 'khor lo bskor/ /mya ngan 'da' ba'i sgra yang 'jig rten byung / /dgra bcom sgra dang de bzhin chos kyi sgra/ /dge 'dun sgra yang de tshe byung bar gyur/ /
37a3 lo grangs mi nyung bar ni rab bshad do/ /mya ngan 'da' ba'i sa yang mngon par bstan/ /'khor ba sdug bsngal mtha' ni 'di yin zhes/ /de bzhin rtag par dus su ngas smras so/ /ngas
37a4 ni de yi tshe na shA ri'i bu/ /rkang gnyis dam pa'i sras rnams mthong ba ni/ /gang dag byang chub dam pa mchog zhugs pa/ /bye ba khrag khrig stong phrag mtha' yas pa/ /nga yi drung du de
37a5 dag nyer lhags nas/ /thal mo sbyar te thams cad gus par 'khod/ /gang dag thabs la mkhas pa rnams mang po/ /rgyal ba dag la chos thos de dag mthong / /de nas skad cig
37a6 de la 'di snyam du/ /nga yis chos mchog bshad pa'i dus la bab/ /gang phyir nga ni 'jig rten 'dir skyes pa/ /byang chub mchog rab de ni 'dir bstan to/ /mtshan mar 'du shes
37a7 byis pa'i blo dang ldan/ /mi mkhas lhag pa'i nga rgyal ldan pa rnams/ /de ring 'di la dad par dka' 'gyur gyi/ /byang chub sems dpa' 'di dag nyan snyam ste/ /de tshe nga ni
37b1 'jigs med rab tu dga'/ /yang dag nang 'jog thams cad rnam spangs nas/ /bde bar gshegs pa'i srid kyi dbus su bshad/ /de dag byang chub la ni yang dag btsud/ /'di 'dra'i
37b2 sangs rgyas sras rnams mthong nas ni/ /khyod kyang som nyi rnam par spangs par 'gyur/ /gang dag zag zad brgya phrag bcu gnyis po/ /'di dag thams cad 'jig rten sangs rgyas
37b3 'gyur/ /snga ma'i skyob pa de dag ci 'dra dang / /ma 'ongs rgyal ba'i chos nyid ji lta bar/ /ngas kyang de la rnam par rtog spangs te/ /de bzhin du ni khyod la ngas deng bshad/ /res 'ga'
37b4 gang du ci yis 'jig rten du/ /skyes bu khyu mchog dag ni 'byung bar 'gyur/ /mtha' yas mig can 'jig rten byung na yang / /res 'ga' 'di 'dra ba yi chos 'chad de/ /bskal pa
37b5 bye ba khrag khrig snyed du yang / /'di 'dra'i chos mchog rab tu rnyed par dka'/ /gang dag chos mchog thos nas dad 'gyur ba/ /de 'dra'i sems can shin tu rnyed par dka'/ /u
37b6 dum+ba ra'i me tog rnyed dka' bzhin/ /ras 'ga' gang zhig ci yis snang gyur na/ /gzugs de 'gro ba'i yid du 'ong ba ste/ /lhar bcas 'jig rten rnams la ngo mtshar gyur/ /de
37b7 bas legs bshad chos 'di sus thos nas/ /rjes su yi rang tshig gcig brjod na yang / /shin tu ngo mtshar che bar 'dir bstan te/ /des ni sangs rgyas thams cad mchod par
38a1 'gyur/ /'di la the tshom som nyi rnam par spongs/ /chos kyi rgyal po ngas ni kun bstan te/ /byang chub dam pa 'di la yang dag gzung / /'di na nga la nyan thos
38a2 gang yang med/ /shA ri'i bu khyod 'di ni gsang chen gyis/ /nga yis nyan thos gang 'di thams cad dang / /byang chub sems dpa' gtso bo 'di dag gis/ /nga yi gsang chen 'di ni
38a3 thub par gyis/ /ci phyir zhen snyigs ma lnga yi tshe/ /sems can ngan pa gtum po 'byung bas na/ /byis pa'i blo can 'dod pas ldongs gyur pa/ /de dag nam yang byang chub sems
38a4 mi skye| |theg pa gcig bo 'di ni rgyal ba des/ /sngon rab bshad pa yin zhes thos nas su/ /ma 'ongs dus na sems can myos gyur te/ /mdo sde spangs pa sems can dmyal
38a5 bar 'gro/ /sems can gang dag 'dzem zhing gtsang ba dang / /gang dag byang chub dam pa mchog zhugs pa/ /de dag la ni 'jigs pa med gyis la/ /theg pa gcig gi bsngags
38a6 pa mtha' yas shod/ /'dren pa rnams kyis bshad pa de lta bu/ /thabs la mkhas pa dam pa mchog 'di ni/ /ldem por ngag rnams rab tu mang por bshad/ /'di ni ma
38a7 bslabs rnams kyis rig par dka'/ /de bas 'jig rten slob dpon sangs rgyas kyi/ /skyob pa'i ldem po gang ni shes rab kyis/ /the tshom chod la som nyi rnams spongs te/ /
38b1 sangs rgyas 'gyur gyi dga' ba rab tu skyed/ /dam pa'i chos pad+ma dkar po las/ thabs la mkhas pa'i le'u zhes bya ste gnyis pa'o// //dam pa'i chos pad+ma dkar po/ /
38b2 bam po gsum pa/ de nas tshe dang ldan pa shA ri'i bu de'i tshe tshim zhing mgu la yid rangs shing rab tu dga' ste/ dga' ba dang yid bde ba skyes nas bcom ldan 'das ga la ba de logs
38b3 su thal mo sbyar ba btud de/ bcom ldan 'das kyi spyan snga na bcom ldan 'das kho na la rab tu lta zhing bcom ldan 'das la 'di skad ces gsol to/ /bcom ldan 'das/ 'di lta
38b4 bu'i gsung 'di bcom ldan 'das las thos nas/ bdag ngo mtshar dang rmad du gyur te dga' ba thob bo/ /de ci'i slad du zhe na/ bcom ldan 'das/ byang chub sems dpa' gzhan
38b5 dag kyang mthong / byang chub sems dpa' rnams kyi ma 'ongs pa'i dus kyi sangs rgyas kyi mtshan yang thos te/ 'di lta bu'i chos ni bcom ldan 'das las bdag gis ma thos la/ bdag
38b6 de bzhin gshegs pa'i ye shes gzigs pa 'di lta bu las nyams so snyam nas shin tu mya ngan du gyur/ /shin tu yongs su gdung bar gyur pa'i slad du'o/ /bcom ldan 'das/
38b7 bdag ri dang / ri sul dang / nags khrod dang / kun dga' ra ba dang / chu 'gram dang / shing drung dben par gdugs la gnas pa'i slad du rtag par nam mchi ba de'i tshe'ang bcom
39a1 ldan 'das 'di ltar chos kyi dbyings la 'jug pa mtshungs na/ bcom ldan 'das kyis bdag cag theg pa dman pa bas nges par bton pa snyam du gnas
39a2 pa de lta bus mang du gnas te/ bcom ldan 'das de'ang bdag cag gis nongs kyi/ bcom ldan 'das kyis ma nongs so zhes de'i tshe ba dag de snyam du sems so/ /de ci'i slad du
39a3 zhe na| gang 'di bcom ldan 'das kyis bla na med pa yang dag par rdzogs pa'i byang chub las brtsams te/ yang dag phul gyi chos bstan pa gsung ba bdag cag gis bsnyad na ni/
39a4 bcom ldan 'das/ bdag cag kyang chos 'di nyid la nges par 'byung bar 'gyur ba zhig na/ bcom ldan 'das byang chub sems dpa' ma tshogs par/ bcom ldan 'das
39a5 kyis ldem por dgongs te bshad pa de bdag cag gis ma rtogs te/ rings thabs su de bzhin gshegs pas chos bstan pa thog mar gsungs pa nyid thos nas/ bzung
39a6 zhing bsgoms te bsams shing yid la bzung bas/ bcom ldan 'das/ bdag nyid la de ltar 'gyod pas mang du gdugs mtshan bas par 'gyur ro/ /bcom ldan 'das/
39a7 rmad du byung ba'i chos kyi sgra sngon ma thos pa 'di lta bu bcom ldan 'das las thos pas/ bcom ldan 'das/ deng bdag mya ngan las 'das pa thob ste/ bcom ldan 'das/
39b1 deng bdag bsil bar gyur to/ /bcom ldan/ deng bdag yongs su mya ngan las 'das so/ /bcom ldan 'das deng bdag gis dgra bcom pa thob bo/ /bcom ldan 'das/ deng
39b2 bdag bcom ldan 'das kyi sras thu bo/ thugs kyi sras zhal nas skyes pa/ chos las skyes pa/ chos kyi sprul pa/ chos kyi bgo skal la spyod pa chos kyis grub pa ste/ deng bdag
39b3 yongs su gdung ba dang bral lo/ /de nas tshe dang ldan pa shA ri'i bus de'i tshe bcom ldan 'das la tshigs su bcad pa 'di dag gsol to/ /sgra 'di thos nas tshim pa rab skyes te/ /rnam
39b4 'dren chen po bdag ni ngo mtshar gyur/ /bdag la the tshom nam yang phyis mi 'byung / /theg pa mchog 'dir bdag ni yongs smin gyis/ /bde bar gshegs pa'i gsung de ngo mtshar
39b5 te| |srog chags rnams kyi the tshom mya ngan bsal/ /zag pa zad pa bdag gi mya ngan kyang / /gsung thos pas ni thams cad bsal bar gyur/ /gdugs la gnas shing phan
39b6 tshun mchi ba dang / /nags tshal khrod dang kun dga' shing drung dang / /ri dang ri sul gnas par 'gyur ba'i tshe/ /bsam pa 'di dag nyid ni rjes su sems/ /zag pa med
39b7 pa'i chos su mtshungs pa la/ /'di ltar khams gsum pa yi chos kyi mchog /ma 'ongs dus na ston par mi 'gyur ba/ /kye ma bdag ni sdig pa'i sems kyis bslus/ /mtshungs
40a1 pa'i chos rnams la ni bdag rmongs pas/ /bdag ni sum cu rtsa gnyis mtshan las nyams/ /gser gyi kha dog mdog kyang rab tu stor/ /stobs dang rnam
40a2 thar 'di dag kun las nyams/ /thub pa chen po dpe byad bzang po gang / /mchog rab dam pa brgyad cu tshang ba dang / /gang yang ma 'dres pa yi bco brgyad chos/ /de las kye ma
40a3 bdag cag nyams shing bslus/ /'jig rten phan pa thugs brtse khyod mthong nas/ /gdugs la mchis nas gcig tu gnas pa'i tshe/ /ma chags ye shes bsam gyis mi khyab
40a4 las| |kye ma bdag ni bslus zhes rnam par sems/ /de ltar mang du rnam par sems pa yis/ /mgon po gdugs dang mtshan yang bas par gyur/ /'di las bdag ni nyams
40a5 sam ma nyams zhes/ /bcom ldan 'das la re zhig zhu snyam bgyid/ /byang chub sems dpa' mang po gzhan dag la/ /'jig rten 'dren pas bstod pa mthong nas su/ /rgyal
40a6 ba dbang po bdag ni de sems shing / /gdugs dang mtshan mo rtag tu de bzhin pas/ /ye shes brtag med phra zhing zag med pa/ /rgyal bas byang chub snying por gsungs pas na/ /
40a7 'di ni ldem por dgongs te gsungs pa zhes/ /sangs rgyas chos 'di thos nas bdag bzod do/ /sngan chad bdag ni lta la chags gyur pa/ /mu stegs can gyis bkur ba'i
40b1 kun tu rgyu/ /de nas mgon pos bdag gi bsam mkhyen nas/ /lta ba dgrol phyir mya ngan 'da' ba gsungs/ /lta bar gyur pa de dag kun las dkrol/ /bdag gis stong pa nyid kyi chos thob ste/ /
40b2 de phyir bdag ni mya ngan 'das snyam bgyid/ /mya ngan 'das zhes bgyi ba de ma lags/ /gang tshe sangs rgyas sems can gtsor gyur te/ /lha mi gnod sbyin srin pos mdun du bdar/ /sum cu rtsa
40b3 gnyis mtshan gyi gzugs ldan pa/ /de tshe ma lus mya ngan 'das pa lags/ /lhar bcas 'jig rten rnams kyi mdun du yang / /gang tshe bdag ni byang chub lung bstan/ /gsung thos
40b4 bdag ni de ring mya ngan 'das/ /'di ltar rlom sems kun kyang rnam par bsal/ /thog ma rnam par 'dren gyi gsung thos nas/ /sa 'dir sangs rgyas chad byad mngon sprul nas/ 'di bdud
40b5 kyal ka byed pa ma yin grang / /de ltar bdag ni bag tsha'i stobs skyes so/ /gang gi tshe na rgyu dang gzhi rnams dang / /dpe rnams bye ba khrag khrig rnams kyis kyang / /sangs rgyas byang chub mchog
40b6 de gnas par bstan/ /de nas bdag ni chos thos the tshom bral/ /gang tshe bdag la sangs rgyas bye ba stong / /mya ngan yongs 'das rgyal ba 'das pas brjod/ /thabs mkhas pa la rab tu
40b7 gnas nas ni/ /de dag gis kyang chos 'di shin tu bshad/ /ma byon sangs rgyas mang dang 'jig rten na/ /don dam gzigs pa gang dag bzhugs pa rnams/ /thabs la mkhas pa brgya yi
41a1 rang gi chos/ /shin tu ston par 'gyur zhing de ltar 'chad/ /de ltar khyod nyid spyod pa ci 'dra bar/ /khab nas byung ba tshun chad rab bstan cing / /chos kyi 'khor lo
41a2 ci 'dra khyod kyis mkhyen/ /ji ltar khyod kyis chos bshad gnas pa las/ /de bas 'di ni bdud ma lags par 'tshal/ /'jig rten mgon po yang dag spyod ston pa/ /'di la bdud kyi
41a3 spyod yul ma mchis na/ /bdag nyid de ltar sems la the tshom skyes/ /gang tshe 'jam zhing zab mo snyan pa yi/ /sangs rgyas gsung gis bdag gi dga' ba bskyed/ /de na bdag
41a4 gi dogs pa kun bsal gyur/ /bdag ni the tshom bral te ye shes gnas/ /lhar bcas 'jig rten dag gis mdun bdar te/ /de bzhin gshegs par bdag 'gyur the tshom bral/
41a5 byang chub sems dpa' mang po kun 'dzud cing / /sangs rgyas byang chub 'di yang dgongs par bshad/ /de skad ces gsol ba dang / bcom ldan 'das kyis tshe dang ldan pa shA ri'i
41a6 bu la 'di skad ces bka' stsal to/ /shA ri'i bu/ lha dang bcas pa'i 'jig rten 'di dag gi bdud dang bdud du bcas/ tshangs par bcas/ dge sbyong dang bram zer bcas pa'i
41a7 skye dgu'i mdun du khyod mos par bya'o/ /khyod kyis khong du chud par bya'o/ /shA ri'i bu/ ngas khyod sangs rgyas bye ba khrag khrig brgya stong phrag nyi shu'i drung du bla na med pa yang dag
41b1 par rdzogs pa'i byang chub tu yongs su smin par bya ste/ shA ri'i bu khyod yun ring po nas nga yi rjes su slob par gyur pa yin te/ shA ri'i bu khyod byang chub sems dpa'i man ngag dang / byang
41b2 chub sems dpa'i gsang chen gyis nga'i gsung rab 'di la skyes par gyur to/ shA ri'i bu/ 'di ltar khyod byang chub sems dpa'i byin gyi rlabs kyis sngon gyi spyod pa dang / smon lam dang /
41b3 byang chub sems dpa'i man ngag dang / byang chub sems dpa'i gsang chen mi dran nas/ bdag mya ngan las 'das so snyam du sems te/ shA ri'i bu/ ngas khyod sngon gyi spyod pa dang /
41b4 smon lam dang / ye shes khong du chud pa dran par bya bar 'dod de/ dam pa'i chos pad+ma dkar po'i chos kyi rnam grangs mdo sde shin tu rgyas pa chen po/ byang chub sems dpa' rnams
41b5 la gdams pa/ sangs rgyas thams cad kyis yongs su bzung ba 'di/ nyan thos rnams la yang dag par bstan to/ /shA ri'i bu khyod 'di ltar ma 'ongs pa'i dus na/ bskal pa dpag
41b6 yas bsam gyis mi khyab pa dpag tu med par de bzhin gshegs pa bye ba khrag khrig brgya stong mang po'i dam pa'i chos bzung zhing / mchod pa rnam pa sna tshogs byas te/ byang chub sems
41b7 dpa'i spyod pa 'di dag yongs su rdzogs par byas nas/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
42a1 pa| 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das pad+ma'i 'od ces bya
42a2 bar 'jig rten du 'byung bar 'gyur ro/ shA ri'i bu/ de'i tshe na/ bcom ldan 'das de bzhin gshegs pa pad+ma'i 'od de'i sangs rgyas kyi zhing rdul med pa zhes bya bar 'gyur te/
42a3 mnyam pa nyams dga' ba/ bzang ba sdug pa yongs su dag pa/ 'byor pa rgyas pa/ bde ba lo legs pa/ mi dang lha mang pos rab tu gang ba/ /gzhi bai DUR+ya la gser gyi skud
42a4 pas mig mang ris su bris pa/ mig mang ris de kun tu rin po che'i shing skyes te/ rtag par rgyun du rin po che sna bdun gyi me tog dang 'bras bu dang ldan par 'gyur ro/ /shA
42a5 ri'i bu/ de bzhin gshegs pa dgra bcom pa yang dag par rdzogs pa'i sangs rgyas pad+ma'i 'od de'ang theg pa gsum las brtsams nas chos ston te/ gzhan yang / shA ri'i
42a6 bu| de bzhin gshegs pa de bskal pa'i snyigs ma la mi 'byung mod kyi/ 'on kyang sngon gyi smon lam gyi dbang gis chos ston par 'gyur ro/ shA ri'i bu/ bskal pa de'i
42a7 ming yang rin po che chen pos brgyan pa zhes bya bar 'gyur ro/ /shA ri'i bu/ 'di ji snyam du sems/ ci'i phyir bskal pa de rin po che chen pos brgyan pa zhes bya zhe na/ shA ri'i bu/
42b1 sangs rgyas kyi zhing de na byang chub sems dpa' rnams ni rin po che chen po zhes bya ste/ de'i tshe de'i dus na 'jig rten gyi khams rdul med pa der/ de dag dpag tu med pa/ bgrang du med
42b2 pa| bsam gyis mi khyab pa/ bgrang ba las 'das pa mang po 'byung ste/ de bzhin gshegs pas bgrang ba ni ma gtogs so/ /de'i phyir bskal pa de rin po che chen pos brgyan pa
42b3 zhes bya'o/ shA ri'i bu/ 'di ltar yang de'i tshe/ byang chub sems dpa' rnams sangs rgyas kyi zhing de na phal cher rin po che'i pad+ma'i steng nas gom pa 'dor zhing 'gro bar 'gyur te/
42b4 byang chub sems dpa' 'byung ba de dag ni las dang po pa ma yin te/ dge ba'i rtsa ba yun ring po nas spyad pa/ lo brgya stong mang por tshangs par spyod pa spyad pa/ de bzhin gshegs
42b5 pas yongs su bstod pa/ sangs rgyas kyi ye shes la brtson pa/ mngon par shes pa chen po yongs su sbyangs pa las skyes pa/ chos kyi tshul thams cad la mkhas pa/ mnyen pa
42b6 dran pa dang ldan pa yin te/ shA ri'i bu/ phal cher ni byang chub sems dpa' de lta bus sangs rgyas kyi zhing de yongs su gang bar 'gyur ro/ /shA ri'i bu/ 'di ltar yang de bzhin
42b7 gshegs pa pad+ma'i 'od de'i tshe'i tshad ni/ gzhon nur gyur pa ma gtogs par bar gyi bskal pa bcu gnyis su 'gyur ro/ /sems can de dag gi tshe'i tshad ni bar gyi bskal pa brgyad
43a1 du 'gyur ro/ /shA ri'i bu/ de bzhin gshegs pa pad+ma'i 'od de'i bar gyi bskal pa bcu gnyis 'das pa dang / dge slong dag/ byang chub sems dpa'
43a2 sems dpa' chen po mos pa rdzogs pa 'di nga'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ste/ de bzhin gshegs pa dgra bcom pa
43a3 yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams
43a4 kyi ston pa sangs rgyas bcom ldan 'das pad+ma'i khyu mchog rnam par gnon pa zhes bya bar 'jig rten du 'byung ngo zhes byang chub sems dpa' sems dpa' chen po mos pa rdzogs
43a5 pa zhes bya ba bla na med pa yang dag par rdzogs pa'i byang chub tu lung bstan nas/ yongs su mya ngan las 'da' bar 'gyur ro/ /shA ri'i bu/ de bzhin gshegs pa pad+ma'i khyu
43a6 mchog rnam par gnon pa de'i sangs rgyas kyi zhing yang rnam pa de 'dra bar 'gyur ro/ /yang shA ri'i bu/ de bzhin gshegs pa pad+ma'i 'od de yongs su mya ngan las 'das nas bar
43a7 gyi bskal pa sum cu rtsa gnyis su dam pa'i chos gnas par 'gyur ro/ /bar gyi bskal pa sum cu rtsa gnyis su dam pa'i chos kyi gzugs brnyan gnas par 'gyur ro/ /de nas
43b1 bcom ldan 'das kyis de'i tshe tshigs su bcad pa 'di dag bka' stsal to/ /ma 'ongs du na shA ri'i bu khyod kyang / /rgyal ba de bzhin gshegs par 'byung 'gyur te/ /pad+ma'i 'od ces bya
43b2 ba kun tu spyan/ /srog chags bye ba stong dag rnam par 'dul/ /sangs rgyas bye ba mang la bkur sti byas/ /der ni spyod pa stobs rnams rab bsgrubs nas/ /stobs bcu dag kyang mngon
43b3 par bskyed byas te/ /byang chub dam pa mchog kyang thob par 'gyur/ /tshad med bsam gyis mi khyab bskal pa na/ /de tshe bskal pa rin chen mang po 'byung / /'jig rten ming yang de tshe rdul
43b4 med pa/ /rkang gnyis gtso bo'i zhing ni rnam par dag/ bai DUR+ya yis de bzhin sa gzhi yog /gser gyi skud pas so sor rab tu brgyan/ /me tog 'bras bus brgyan zhing blta sdug pa'i//
43b5 rin chen shing ljon brgya dang rab tu ldan/ /dran ldan byang chub sems dpa' de na mang / /spyod pa mngon par bsgrub la rab mkhas shing / /gang gis sangs rgyas brgya las spyod bslabs
43b6 pa| |de dag sangs rgyas zhing der skye bar 'gyur/ /rgyal ba de yi tha ma'i dus kyi tshe/ /gzhon nu'i sa las shin tu 'das gyur nas/ /'dod pa rnam par spangs nas mngon 'byung ste/ /
43b7 byang chub dam pa mchog kyang thob par 'gyur/ /de na rgyal ba de yi tshe tshad ni/ /bar gyi bskal pa bcu gnyis tshang bar 'gyur/ /de na mi de dag gi tshe tshad ni/ /bar gyi bskal pa
44a1 brgyad du thub par 'gyur/ /rgyal ba de ni mya ngan 'das nas kyang / /bar gyi bskal pa sum cu gnyis tshang bar/ /lhar bcas 'jig rten rnams la phan pa'i phyir//
44a2 de yi tes na dam pa'i chos gnas so/ /dam pa'i chos nub de yi gzugs brnyan yang / /bar gyi bskal pa sum cu gnyis su gnas/ /skyob pa de yi sku gdung rgyas 'gyur te/ /lha dang mi
44a3 yis rtag tu rim gro byas/ /bcom ldan 'das de de ltar 'byung 'gyur gyi/ /shA ri'i bu khyod rab tu dga' bar gyis/ /zil gyis mi non rkang gnyis gtso bo ste/ /de ltar 'gyur ba
44a4 de ni khyod nyid yin/ /de nas dge slong dang / dge slong ma dang / dge bsnyen dang / dge bsnyen ma 'khor bzhi po de dag dang / lha dang / klu dang / gnod sbyin dang / dri za dang / lha ma
44a5 yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams tshe dang ldan pa shA ri'i bu bla na med pa yang dag par rdzogs pa'i byang chub tu
44a6 lung bstan pa 'di/ bcom ldan 'das las mngon sum du thos nas/ tshim zhing mgu la yi rangs te rab tu dga' nas/ dga' ba dang yid bde ba skyes te/ rang rang gi gos
44a7 bcom ldan 'das kyi sku la gsol to/ /lha'i dbang po brgya byin dang / mi mjed kyi bdag po tshangs pa dang / lha'i bu gzhan bye ba brgya stong dag gis kyang / bcom ldan 'das kyi sku
44b1 la lha'i na bza' dag gsol/ lha'i me tog man+dA ra dang man+dA ra chen po dag kyang mngon par gtor/ steng gi bar snang la lha'i gos dag kyang bskon/ lha'i sil snyan brgya stong dang / rnga dag kyang
44b2 steng gi bar snang la brdungs te/ me tog gi char chen po'ang mngon par phab nas/ tshig 'di skad du bcom ldan 'das kyis sngon yul wA ra NA si drang srong lhung ba ri dwags kyi nags su chos
44b3 kyi 'khor lo bskor te/ deng 'dir yang bcom ldan 'das kyis bla na med pa'i chos kyi 'khor lo bskor to zhes smras nas/ lha'i bu de rnams kyis de'i tshe tshigs su bcad pa 'di dag
44b4 gsol to/ /wA ra NA sir 'jig rten na/ /mtshungs med gang zag dpa' chen gyis/ /phung po'i skye 'jig ston pa yi/ /chos kyi 'khor lo rab bskor te/ /der ni thog mar rab tu bskor//
44b5 'dren pas 'di dang lan gnyis te/ /yid ches dka' ba gang lags te/ /rnam 'dren khyod kyis deng bshad do/ /'jig rten mgon po'i spyan sngar ni/ /bdag cag chos mang thos na yang //
44b6 'di 'dra ba yi chos 'di ni/ /sngan chad nam yang ma thos so/ /drang srong chen po'i ldem ngag la/ /dpa' bo bdag cag rjes yi rang / /ji ltar 'jigs med shA ri'i bu/ /'phags pa 'di
44b7 la lung bstan bzhin/ /de 'dra bdag cag 'jig rten du/ /bla med sangs rgyas grub 'gyur nas/ /dgongs te bshad pa sangs rgyas kyi/ /byang chub bla med ston par shog /'jig rten
45a1 'di dang gzhan dag tu/ /rdzogs pa'i sangs rgyas mnyes bgyis te/ /bdag cag dge ba ci bgyis pa/ /byang chub tu yang smon par shog /de nas bcom
45a2 ldan 'das la tshe dang ldan pa shA ri'i bus 'di skad ces gsol to/ /bcom ldan 'das/ bdag bla na med pa yang dag par rdzogs pa'i byang chub tu lung bstan pa/ bcom ldan
45a3 'das las mngon sum du thos nas/ bcom ldan 'das/ bdag the tshom ma mchis par gyur/ som nyi dang bral bar gyur to/ /bcom ldan 'das/ gang dag dbang dang ldan
45a4 par gyur pa stong nyis brgya po sngon bcom ldan 'das kyis slob pa'i sa la bkod de/ dge slong dag/ gang 'di skye ba dang / rga ba dang / na ba dang / 'chi ba las yang dag par 'da'
45a5 ba| yongs su mya ngan las 'das pa'i mthar thug pa/ mya ngan las 'das pa la yang dag par gzhol ba de ni/ nga'i chos 'dul ba'i mthar thug pa yin no zhes de skad gtams
45a6 shing de skad rjes su bstan pa 'di dag dang / bcom ldan 'das slob pa dang mi slob pa'i dge slong bdag tu lta ba dang / 'byung bar lta ba dang / 'jig par lta ba'i lta ba thams cad
45a7 rnam par spangs pa/ bcom ldan 'das kyi nyan thos nyis stong po 'di dag thams cad kyang bdag mya ngan las 'das pa'i sa la gnas so snyam bgyid de/ 'di dag sngon ma thos
45b1 pa'i chos 'di lta bu 'di bcom ldan 'das las thos nas the tshom 'tshal bar gyur na/ bcom ldan 'das/ ci nas 'khor bzhi po 'di dag the tshom ma mchis/ /som nyi ma mchis par
45b2 gnas par 'gyur bar dge slong 'di dag gi dogs pa bsal ba'i slad du/ bcom ldan 'das kyis legs par bka' stsal du gsol/ de skad ces gsol pa dang / bcom ldan
45b3 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu/ sems can mos pa tha dad pa dang / bsam pa tha dad pa dang / khams tha dad pa rnams kyi bsam
45b4 pa mkhyen nas de bzhin gshegs pa dgra bcom pa yang dag par rdzogs pa'i sangs rgyas 'di ltar sna tshogs mngon par bsgrub pa dang / rgyu dang / gzhi dang / dpe dang / dmigs pa
45b5 dang | nges pa'i tshig dang / thabs la mkhas pa rnam pa sna tshogs kyis chos ston to/ /bla na med pa yang dag par rdzogs pa'i byang chub 'di las brtsams te/ chos bstan pa thams
45b6 cad kyis byang chub sems dpa'i theg pa 'di nyid la yang dag par 'dzud do zhes ngas khyod la bstan zin pa ma yin nam/ shA ri'i bu/ 'on kyang don de rgyas par bstan pa'i phyir khyod la
45b7 dpe bstan par bya'o/ /de ci'i phyir zhe na/ skyes bu mkhas pa la la ni smras pa'i don dpes shes par 'gyur ba'i phyir ro/ /shA ri'i bu/ 'di lta ste/ dper na/ grong ngam/ grong khyer
46a1 ram/ grong brdal lam/ ljongs sam/ yul 'khor ram/ rgyal po'i pho brang 'khor la la zhig na/ khyim bdag rgan po/ 'khogs pa/ gtugs pa/ dus
46a2 yol ba/ dgog tu phyin pa/ phyug pa/ nor che ba/ longs spyod che ba zhig 'dug la/ de'i khang pa'ang mtho zhing yangs pa brtsigs nas ring du lon pa/ grum pa/ srog chags
46a3 brgya phrag gcig gam/ gnyis sam/ gsum mam/ bzhi 'am/ lnga'i gnas sgo gcig pa zhig yod de/ rtswas g.yogs pa/ khyams rnams kyang grum pa/ ka ba'i rtsa pa rul
46a4 ba| rtsig pa dang sgo'i skyang nul gogs par gyur ba'i khang ba de la glo bur du me'i phung po chen po ngogs thams cad kun nas rab tu 'bar bar gyur la/ skyes bu de la'ang khye'u
46a5 lnga'am/ bcu'am/ nyi shu'am/ mang zhig yod de/ skyes bu de ni khang pa de nas byung bar gyur la/ shA ri'i bu/ de nas skyes bu des bdag gi khang pa la me'i phung po chen po
46a6 kun nas 'bar bar mthong ste/ dngangs skrag nas sems mi bde bar gyur te/ 'di ltar bdag ni me'i phung po chen po 'dis ma reg ma tshig cing bde bar myur du khyim 'bar
46a7 ba 'di'i sgor byung ste 'gro nus mod kyi/ bdag gi bu byis pa gzhon nu 'di dag khyim 'bar ba 'di na rtsed mo dag gis rtse dga' zhing dga' mgur spyod de/ khyim 'di tshig
46b1 par ma tshor/ mi shes/ ma rig /ma rtogs nas 'di ltar me'i phung po chen pos shin tu gdungs te/ sdug bsngal gyi phung po chen pos reg kyang mi dga' mi byed de/ sdug bsngal du'ang
46b2 yid la mi 'dzin/ phyir 'byung bar yang yid la bya ba mi skyed do snyam du sems so/ /shA ri'i bu/ skyes bu de'ang stobs dang ldan zhing lag stobs che ba yin te/ de 'di ltar bdag stobs dang
46b3 ldan zhing lag stobs yod na/ bdag gis khye'u 'di dag thams cad gcig tu bsdus la/ pang par blangs te khyer la khyim 'di nas phyung ngo snyam du bsams pa dang / des kyang 'di snyam
46b4 du bsams te/ khang pa 'di sgo gcig po yod la/ sgo de'ang dog /gzhon nu 'di dag ni g.yo zhing rgod de byis par gyur pas 'then par 'gyur du 'ong ste/ de dag me'i phung po chen po
46b5 'dis tshul ma yin par nyon mongs par 'gyur gyi/ 'di dag la sbran to snyam du de ltar bsams nas/ gzhon nu de dag la smras pa/ khyim 'di la me'i phung po chen po 'bar te 'dir
46b6 thams cad me'i phung po chen po 'dis tshig nas/ tshul ma yin par nyon mongs par 'gyur du 'ong gi /gzhon nu khyed tshur shog phyir byung zhes byas pa dang / de ltar phan par 'dod
46b7 pa'i skyes bu des de skad du bsgo ba/ gzhon nu de dag gis me 'bar ba 'di lta go ci zhig ces mi shes nas mi dgar mi byed/ /mi 'jigs/ mi skrag /'jigs par ma gyur te mi sems/
47a1 phyir 'byung du mi btub cing / ma rig/ mi shes te/ /gzhan du na de dang de dag tu 'phyan zhing phyi phyir brgyugs te pha de la blta'o/ /de ci'i phyir zhe na/ de dag 'di ltar
47a2 byis par gyur pa'i phyir ro/ /de nas yang skyes bu de 'di snyam du sems te/ khyim 'di la me'i phung po chen po 'bar te/ 'dir bdag dang gzhon nu 'di dag tshul ma yin par me'i phung po
47a3 chen po 'dis nyon mongs par 'gyur du 'ong gi/ 'di ltar bdag gis thabs mkhas pas gzhon nu 'di dag khyim 'di nas gdon to snyam nas/ skyes bu des gzhon nu de dag gis
47a4 bsam pa shes/ mos pa rig par gyur te/ gzhon nu de dag gi brtsen pa ni du ma ste/ rnam pa tha dad pa'ang du ma zhig yin la/ dga' bar 'gyur bal 'dod pa dang / mdzes pa
47a5 dang | sdug pa dang / yid du 'ong ba rnam pa du ma yin na de dag kyang dkon par gyur te/ de nas skyes bu des gzhon nu de dag gi bsam pa shes pas 'di skad ces smras te/ gzhon nu
47a6 dag| khyed kyi rtsed mor bya ba dga' bar 'gyur ba/ ngo mtshar rmad du byung ba/ gang ma rnyed pa'i phyir mi dga' bar gyur ba de dag kha dog sna tshogs rnam pa mang po de 'di lta ste/ glang
47a7 gi shing rta dang / ra'i shing rta dang / ri dwags kyi shing rta khyed kyis ji ltar bsams pa/ mdzes pa dang / sdug pa dang / yid du 'ong ba de dag thams cad khyed rtser gzhug pa'i phyir/
47b1 ngas khang pa'i phyi sgor bkod kyi/ khang pa 'di nas khyed phyir byung la rgyugs te shog cig dang / ngas khyed cag su ci 'dod pa de la de sbyin gyi/ de dag gi phyir myur du rgyugs te shog cig
47b2 ces byas pa dang / gzhon nu de dag 'dod pa dang / mdzes pa dang / sdug pa dang / yid du 'ong ba ji lta bur 'dod pa dang / ji lta bur bsams pa rnams kyi ming thos nas 'bar bar
47b3 gyur pa'i khang pa de nas rtsed mor bya ba dang / dga' bar bya ba'i phyir myur ba kho nar brtson 'grus brtsams nas/ mthu dang ldan pa'i bang gis gcig la gcig sdod pa med par su snga/ de bas
47b4 kyang su snga zhes lus gcig la gcig bsngos shing brgyugs te/ khyim 'bar ba de nas myur du phyir 'thon to/ /de nas skyes bu des byis pa de dag bde zhing legs par 'thon pa mthong
47b5 nas/ 'jigs pa med par gyur bar rig ste/ grong gi dpong sa bla gab med par 'dug nas dga' ba dang rangs pa skyes te/ mya ngan med cing sgrib pa dang bral nas 'jigs pa med pa
47b6 thob par gyur te/ de nas byis pa de dag pha de dag la 'dug pa der dong nas phyin pa dang / 'di skad du yang rtsed mor bgyi ba rnam pa mang po dga' bar 'gyur ba de dag 'di lta ste/ glang
47b7 gi shing rta dang / ra'i shing rta dang / ri dwags kyi shing rta bdag cag la stsal du gsol zhes smras pa dang / shA ri'i bu/ de nas skyes bu des bdag gi bu rnams la rlung ltar mgyogs
48a1 shing mthu dang ldan pa'i glang gi shing rta byin te/ rin po che sna bdun las byas pa/ logs dang ldan pa/ dril bu g.yer kha'i dra ba rab tu dpyangs pa/ mtho zhing
48a2 brtan pa/ rin po che ngo mtshar rmad du byung ba'i rgyan gyis brgyan pa/ rin po che'i phreng bas mdzes par byas pa/ me tog gi phreng bas brgyan pa/ shing bal gyi stan bting pa/ ras
48a3 bcos bu dang dar gyis g.yogs pa/ rgyab rten dmar po gnyis su bzhag pa/ glang dkar po thal kar shin tu mgyogs pa dag dang bcas nas/ ba dan dang ldan pa skyes bu mang
48a4 pos bzung ba/ glang stobs dang ldan zhing rlung bzhin du mgyogs pa/ kha dog mthun pa rnam pa sna tshogs pa'i glang gi shing rta byis pa rnams la re re byin no/ /shA ri'i bu/ de ci'i
48a5 phyir zhe na/ mi de de ltar phyug la nor che ba bang mdzod mang bas des 'di snyam du bsams te/ bdag gis byis pa 'di rnams la bzhon pa ngan pa byin te/ bdag la ci zhig bya
48a6 snyam mo/ /de ci'i phyir zhe na/ gzhon nu 'di dag kun kyang bdag nyid kyi bu ste/ thams cad kyang bdag la sdug cing yid du 'ong la/ bdag la'ang bzhon pa chen po 'di lta bu
48a7 dag yod na/ bdag gis gzhon nu 'di dag thams cad la snyoms par bsam gyi/ mi snyoms par mi bya'o/ /bdag kyang bang mdzod mang gi/ bdag gis sems can thams
48b1 cad la'ang bzhon pa chen po 'di 'dra ba dag sbyin na/ bdag gi bu rnams la lta ci smos snyam pa'i phyir ro/ /de'i tshe gzhon nu de dag kyang bzhon pa chen po de dag la zhon nas/ ngo mtshar dang
48b2 rmad du byung ba thob par gyur na/ shA ri'i bu/ 'di ji snyam du sems/ skyes bu des gzhon nu de dag la 'di ltar sngon du bzhon pa rnam pa gsum bstan la/ phyis thams cad kyang bzhon pa
48b3 chen po byin te/ bzhon pa rlabs po che'i byin na brdzun du smras pa mi 'gyur ram/ shA ri'i bus gsol pa/ bcom ldan 'das/ de ltar ma lags so/ /bde bar gshegs pa/ de lta ma
48b4 lags so/ /skyes bu des 'di ltar thabs mkhas pas byis pa de rnams khyim 'bar ba de nas phyung ste/ srog stsal ba'i slad du de nyid kyi rgyus skyes bu de sho be mchi ba ma lags so/ /de ci'i
48b5 slad du zhe na/ bcom ldan 'das/ bdag gi lus thob pa nyid kyis rtsed mor bgyi ba thams cad kyang thob pa lags te/ 'di ltar bcom ldan 'das/ skyes bu des gzhon nu de dag la shing
48b6 rta gcig ma stsal du lags kyang / bcom ldan 'das/ skyes bu de sho be mchi bar mi 'gyur ro/ /de ci'i slad du zhe na/ bcom ldan 'das/ skyes bu des thog ma nas thabs mkhas pas
48b7 gzhon nu de dag bdag gis sdug bsngal gyi phung po chen po las thar bar bgyi'o snyam du bsams pa'i slad du ste/ rnam grangs 'dis kyang skyes bu de sho be mchi ba ma lags na/ skyes
49a1 bu de bdag la bang mdzod mang po'ang mchis la/ bu yang sdug par bsams nas/ legs su 'dod pas spu mdog mthun pa'i bzhon pa/ bzhon pa chen po
49a2 stsal ba lta smos kyang ci 'tshal te/ bcom ldan 'das/ skyes bu de sho be mchi ba ma lags so/ /de skad ces gsol pa dang / bcom ldan 'das kyis tshe dang ldan pa shA ri'i bu la 'di
49a3 skad ces bka' stsal to/ /shA ri'i bu/ legs so/ /legs so/ /de de bzhin te/ ji skad smras pa bzhin no/ /shA ri'i bu/ de bzhin du de bzhin gshegs pa dgra bcom pa yang
49a4 dag par rdzogs pa'i sangs rgyas 'jigs pa thams cad sel ba/ 'tshe ba dang / 'khrug pa dang / gnod pa dang / sdug bsngal ba dang / yid mi bde ba dang / ma rig pa'i mun pa
49a5 mun nag gi rab rib sgrib pa dang / yongs su dkris pa thams cad las yong ye rnam par grol ba de bzhin gshegs pa'i ye shes dang / stobs dang / mi 'jigs pa dang / sangs
49a6 rgyas kyi chos ma 'dres pa dang ldan pa/ rdzu 'phrul gyi stobs kyis shin tu stobs dang ldan pa/ 'jig rten gyi pha thabs chen po la mkhas pa'i ye shes dam pa'i pha rol tu son pa/
49a7 snying rje chen po mi skyo ba'i yid kyi phan par 'dod pa snying brtse ba dang ldan pa de/ khams gsum sdug bsngal gyi phung po chen po 'bar ba gdung phyam dang steng gi g.yogs ma zhig pa'i
49b1 khang ba dang 'dra bar sems can skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / ma
49b2 rig pa'i mun pa mun nag gi rab rib sgrib pa dang yongs su dkris par zhugs pa rnams 'dod chags dang / zhe sdang dang / gti mug las yongs su grol bar bya ba dang / bla na med pa yang
49b3 dag par rdzogs pa'i byang chub tu gzud pa'i phyir 'byung ste/ de byung ma thag tu sems can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang /
49b4 sdug bsngal ba dang / yid mi bde ba dang / 'khrug pas sreg pa dang / btso ba dang / gdung ba dang / yongs su gdung ba dang / longs spyod kyi phyir 'dod pa'i rgyu'i gzhis sdug bsngal
49b5 rnam pa mang po rab tu myong ba dang / da ltar gyi tshe la tshol ba dang yongs su bsags pa'i phyir/ tshe phyi ma la sems can dmyal ba dang / dud 'gro'i skye gnas dang / gshin rje'i 'jig rten
49b6 du sdug bsngal rnam pa mang po rab tu myong ba dang / lha dang mi dbul po dang / mi sdug pa dang phrad pa dang / sdug pa dang bral ba'i sdug bsngal rab tu myong ba de nyid du/ sdug bsngal gyi
49b7 phung po 'khor zhing / rtse dga' la dga' mgur spyod de/ mi skrag mi dngang dngang bar mi 'gyur/ ma rig ma tshor skyo bar mi byed/ 'byung ba mi tshol bar khang pa 'bar ba dang 'dra ba'i
50a1 khams gsum der mngon par dga' nas de dang de dag tu rgyug ste/ sdug bsngal gyi phung po chen po de lta bus gzir kyang / sdug bsngal du 'du shes pa
50a2 yid la bya ba mi skyed par gzigs so/ /shA ri'i bu/ de la nga ni sems can 'di dag gi pha ste/ ngas sems can 'di dag sdug bsngal gyi phung po chen po 'di lta bu 'di las yongs
50a3 su thar bar bya zhing ngas gang gi sems can 'di dag rtse ba dang / dga' ba dang / dga' mgur spyod pa dang / rnam par rtse bar byed par 'gyur ba sangs rgyas kyi ye shes bde
50a4 ba dpag tu med cing bsam gyis mi khyab pa/ sems can 'di dag la sbyin par bya bar de bzhin gshegs pas de ltar gzigs so/ /shA ri'i bu/ de la nga ye shes kyi stobs
50a5 dang ldan zhing rdzu 'phrul gyi stobs dang ldan zhes gal te thabs ma yin pas sems can 'di dag la de bzhin gshegs pa'i ye shes gzigs pa dang / stobs dang / mi 'jigs
50a6 pa rnams thob par byas su zin na/ sems can 'di dag chos 'di dag gis nges par 'byung par mi 'gyur ro/ /de ci'i phyir zhe na/ sems can 'di dag ni 'dod pa'i yon
50a7 tan lnga po dag la shin tu chags pa/ sems can 'di dag ni khams gsum gyi dga' ba la shin tu chags pa/ skye ba dang / rga ba dang / na ba dang / 'chi ba dang / mya ngan
50b1 dang | smre sngags 'don pa dang / sdug bsngal ba dang / yid mi bde ba dang / 'khrug pa las ma thar ba/ bsreg btso gdung / yongs su gdung ba/ steng g.yogs dang / gdung phyam
50b2 'bar ba'i khyim dang 'dra ba'i khams gsum nas ma byung ba ste/ de dag gis sangs rgyas kyi ye shes la ji ltar longs spyod par 'gyur zhes de bzhin gshegs pas de ltar gzigs
50b3 so| |de la shA ri'i bu/ 'di ltar skyes bu lag stobs can des lag stobs bzhag ste/ thabs mkhas pas gzhon nu de dag khyim 'bar ba de nas 'don te/ bton nas de dag phyis
50b4 rlabs che ba'i bzhon pa chen po byin pa de bzhin du/ shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas de bzhin gshegs pa'i ye shes dang /
50b5 stobs dang / mi 'jigs pa dang ldan pa'ang de bzhin gshegs pa'i ye shes dang / stobs dang / mi 'jigs pa bzhag ste/ thabs mkhas pa'i ye shes kyis gdung phyam dang
50b6 steng g.yogs 'bar ba'i khyim dang 'dra ba'i khams gsum nas sems can rnams 'don pa'i phyir theg pa gsum ston pa 'di lta ste/ nyan thos kyi theg pa dang / rang sangs rgyas
50b7 kyi theg pa dang / byang chub sems dpa'i theg pa ste/ theg pa gsum gyis sems can rnams drangs te/ de dag la 'di skad ces gsungs te/ khyed cag khyim 'bar ba dang 'dra
51a1 pa'i khams gsum gyi gzugs dang / sgra dang / dri dang / ro dang / reg bya ngan pa la dga' bar ma byed cig /khyed cag khams gsum 'dir mngon par dga'
51a2 bas 'dod pa lnga'i yon tan dang bcas pa'i sred pas bsreg btso gdung / /yongs su gdung bar gyur gyi/ khams gsum 'di nas 'byung ba 'di lta ste/ nyan thos kyi theg pa
51a3 dang / rang sangs rgyas kyi theg pa dang / byang chub sems dpa'i theg pa ste/ theg pa gsum po dag thob par gyis shig/ nga ni gnas 'di la khyed kyi snying sdang ba ste/ ngas khyed
51a4 la theg pa 'di gsum sbyin gyi/ khams gsum nas 'byung ba'i phyir brtson par gyis shig /kye sems can dag/ theg pa 'di dag ni gang 'phags pa rnams la/ 'phags
51a5 pa rnams kyis rab tu bstod pa/ dga' ba chen po dang ldan pa yin te/ khyed cag mi phongs par brtson zhing dga' la/ dga' mgur spyod par 'gyur gyi/ dbang po dang /
51a6 stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pas dga' ba chen po rab tu myong bar 'gyur
51a7 ro/ /bde ba dang yid bde ba chen po dang yang ldan par 'gyur zhes gsung ngo / /shA ri'i bu/ de la sems can gang mkhas par gyur pa de dag ni de bzhin gshegs pa 'jig
51b1 rten gyi pha la mngon par yid ches par 'gyur ro/ /mngon par yid ches nas kyang de bzhin gshegs pa'i bstan pa la brtson par byed do/ /de la sems can kha cig gzhan gyi sgra thos
51b2 pa'i rjes su 'gro bar 'dod pa dag ni/ bdag yongs su mya ngan las 'da' ba dang / 'phags pa'i bden pa bzhi khong du chud par bya ba'i phyir/ de bzhin gshegs pa'i bstan pa
51b3 la brtson par byed de/ de dag ni nyan thos kyi theg pa 'dod cing / khams gsum nas byung ba zhes bya ste/ dper na/ khyim 'bar ba de nas byis pa kha cig ri dwags kyi shing rta
51b4 'dod de phyir byung ba lta bu'o/ /sems can gzhan yang slob dpon med pa'i ye shes dang / dul bar gnas pa dang zhi gnas 'dod pa dag ni/ bdag yongs su mya ngan las 'da'
51b5 ba dang / rgyu dang rkyen yongs su khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni rang sangs rgyas kyi theg pa 'dod cing khams gsum
51b6 nas byung ba zhes bya ste/ dper na/ khyim 'bar ba de nas byis pa kha cig ra'i shing rta 'dod de byung ba lta bu'o/ /yang sems can kha cig thams cad mkhyen pa'i ye shes/ sangs rgyas kyi
51b7 ye shes/ rang 'byung gi ye shes/ slob dpon med pa'i ye shes 'dod pa dag ni/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang
52a1 mi dang skye bo phal po che'i don dang / phan pa dang / bde ba dang / sems can thams cad yongs su mya ngan las 'da' ba dang / de bzhin gshegs pa'i ye
52a2 shes dang / stobs dang / mi 'jigs pa khong du chud par bya ba'i phyir/ de bzhin gshegs pa'i bstan pa la brtson par byed de/ de dag ni theg pa chen po 'dod cing / khams
52a3 gsum nas 'byung ba zhes bya'o/ /de'i phyir byang chub sems dpa' sems dpa' chen po zhes bya ste/ dper na/ khyim 'bar ba de nas byis pa kha cig glang gi shing rta 'dod de
52a4 phyir byung ba lta bu'o/ /shA ri'i bu/ 'di lta ste/ dper na/ mi des khyim 'bar ba de nas gzhon nu de dag 'thon par mthong nas/ bde bar legs par thar te/ 'jigs pa med
52a5 par rig la/ bdag kyang nor mang bar shes nas/ byis pa de dag la bzhon pa rlabs chen po gcig byin pa de bzhin du/ shA ri'i bu/ de bzhin gshegs pa dgra bcom
52a6 pa yang dag par rdzogs pa'i sangs rgyas kyang sems can bye ba du ma sdug bsngal dang / 'jigs pa dang / bag tsha ba dang / gtse bas yongs su gang ba'i khams gsum nas
52a7 yongs su thar te/ de bzhin gshegs pa'i bstan pa'i sgo nas byung nas/ 'jigs pa dang / bag tsha ba dang / gtse ba'i gnod pa dag las yongs su thar te/ mya ngan las
52b1 'das pa'i bde ba thob par gzigs nas/ shA ri'i bu/ de dag la de'i tshe de bzhin gshegs pa dgra bcom pa yang dag par rdzogs pa'i sangs rgyas bdag la ye shes dang / stobs dang /
52b2 mi 'jigs pa'i mdzod mang bar mkhyen te/ de dag thams cad kyang bdag nyid kyi bu yin par thugs su chud nas sems can de dag thams cad kyang sangs rgyas kyi theg pa nyid kyis yongs
52b3 su mya ngan las 'da' bar mdzad kyi/ sems can gang la'ang so so bdag gi mya ngan las 'das pa mi gsung ste/ sems can de dag thams cad kyang de bzhin gshegs pa'i mya ngan las
52b4 'da' bar mya ngan las 'da' ba chen pos yongs su mya ngan las 'da' bar mdzad do/ /shA ri'i bu/ sems can gang dag khams gsum nas thar bar gyur pa de dag la'ang de bzhin
52b5 gshegs pas bsam gtan dang / rnam par thar pa dang / ting nge 'dzin dang / snyoms par 'jug pa/ 'phags pa'i bden pa'i mchog dang brtson pa dga' bar 'gyur ba thams
52b6 cad kha dog gcig ba sbyin par mdzad do/ /shA ri'i bu/ 'di lta ste/ dper na/ skyes bu des 'di ltar gzhon nu de dag la bzhon pa gsum bstan nas de dag thams cad la bzhon pa
52b7 chen po gcig byin te/ rin po che sna bdun las byas pa/ rgyan thams cad kyis brgyan pa/ kha dog gcig pa/ bzhon pa rlabs po che bzhon pa'i mchog thams cad la byin pa'i
53a1 phyir/ /brdzun du smra ba ma yin pa de bzhin du/ shA ri'i bu/ de bzhin gshegs pa dgra bcom pa yang dag par rdzogs pa'i sangs rgyas kyang 'di ltar thabs
53a2 mkhas pas/ dang po theg pa gsum bstan nas/ phyis theg pa gcig pa nyid kyis sems can rnams yongs su mya ngan las 'da' bar mdzad pa'i phyir brdzun du smra ba ma yin no/ /
53a3 de ci'i phyir zhe na/ shA ri'i bu/ de bzhin gshegs pa ni ye shes dang / stobs dang / mi 'jigs pa'i bang mdzod mang po dang ldan te/ sems can kun la thams cad mkhyen
53a4 pa'i ye shes dang ldan pa'i chos bstan pa'i mthu mnga' ba'i phyir ro/ /shA ri'i bu/ 'di ltar thabs mkhas pa sna tshogs dang / ye shes mngon par bsgrubs pas/ de bzhin
53a5 gshegs pa theg pa chen po gcig tu ston par rnam grangs 'dis kyang de lta bur rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal
53a6 to/ /ji ltar skyes bu zhig gi khyim yod pa/ /che la rab tu 'grums te zhig la thug /de bzhin khyams rnams zhig par gyur pa ste/ /ka ba'i rtsa ba dag kyang rul bar gyur/ /pu shu
53a7 dang ni skar khung phyogs rer bral/ /rtsig pa re lde skyang nul rnams kyang gogs/ /stegs bu dag kyang rnyings nas 'grums shing zhig /rtswa yis g.yogs pa kun kyang 'dral zhing
53b1 'dzag /brgya phrag lnga dag las ni mi nyung ba/ /de na de dag gi yang gnas su gyur/ /khang phran shin tu dog pa mang po dag /smre bas rab tu gang zhing smad par gyur/ /de na khyams rnams dgu po
53b2 thams cad 'grums/ /ra ba rtsig pa dag kyang de bzhin zhig /bya rgod bye ba dag ni de na gnas/ /de bzhin phug ron 'ug pa bya gzhan dang / /mi bzad gdug pa'i sbrul rnams de na yod/ /dug
53b3 chen drag po rnams kyang phyogs phyogs nas/ /sdig pa dang ni byi ba sna tshogs dang / /shin tu gtum pa'i srog chags rnam mang gnas/ /mi ma yin pa'ang gnas dang gnas dag na/
53b4 bshang gci dag gis rab tu sme bar byas/ /srin bu me khyer grog ma spur bus gang / /khyi rnams dang ni wa dag nga ro 'don/ /ce spyang mi bzad khro bo de na 'khod/ /mi ro rnams la 'khren
53b5 cing rab tu za/ /de yi the rel sdod cing lta ba yang / /wa dang khyi dag de na du ma 'khod/ /de dag nyam chung rtag tu bkres pas nyen/ /gnas dang gnas na rnam par 'cha' zhing za/ /'thab
53b6 mo byed de rab tu sgra yang 'byin/ /rnam pa de 'drar khyim de rab tu 'jigs/ /mi yi ro dag la yang rnam 'khren zhing / /shin tu drag sems gnod sbyin de na 'khod/ /sbrul dang rkang brgya
53b7 pa dang gcan gzan rnams/ /de yi gnas dang gnas na rab tu 'khod/ /de dag phyogs dang phyogs su tshang bcas te/ /phrug gu rnams kyang klog cing 'jog par byed/ /de dag gis
54a1 ni bzhag cing bkod pa la/ /gnod sbyin rnams kyang de la phal cher za/ /rab tu gtum sems sems can gzhan zos pas/ /ji tsam gnod sbyin de dag
54a2 'grangs gyur te/ /sems can gzhan gyi sha yis lus rgyas nas/ /de tshe de na rab tu 'thab mo byed/ /mi bzad gtum sems khro ba'i grul bum rnams/ /zhig pa'i khyim de rnams su
54a3 gnas 'cha' ste/ /mtho gang tshad dang de bzhin khru gang tshad/ /khru do'i tshad kyi phan tshun rgyu zhing 'gro/ /de dag khyi yi rkang nas bzung nas ni/ /de bzhin sa la gan kyal de bzhag ste/
54a4 mgul bar rab tu bags shing bsdigs pa yis/ /'khang bu bcug pa de la dga' bar byed/ /gcer bu gnag cing de bzhin rid pa yi/ /yi dwags che zhing ring ba'ang der gnas te/
54a5 rab tu bkres pas kha zas kun 'tshol zhing / /de dag de na nyam thag cho nges 'debs/ /la la glang gi mgo la khab kyi kha/ /mi tsam dang ni de bzhin khyi tsam dag /zas la sred pas
54a6 rab tu gdungs pa'i phyir/ /skra dag lhug par bzhig cing sgra yang 'byin/ /gnod sbyin sha za yi dwags de dag kyang / /sred brkam kha zas dag ni 'tshol ba'i phyir/ /rtag tu mthongs
54a7 dang skar khung dag nas kyang / /de na phyogs bzhir rab tu lta bar byed/ /de ltar khyim de mi bzad 'jig gyur la/ /che zhing mtho la rab tu mi brtan te/ /rnam par 'grums shing
54b1 'jig nye 'jigs pa de/ /skyes bu gcig cig yongs su dbang gyur la/ skyes bu de yang khyim gyi phyi rol byung / khyim de kun kyang rab tu 'bar gyur te/ /ngos bzhi thams cad nas ni glo bur
54b2 du/ /me lce stong snyed kun tu 'bar bar 'gyur/ /'od ma dang ni shing dag mes tshig ste/ /drag po'i sgra rnams shin tu 'jigs par 'byung / /ka ba dang ni de bzhin rtsig par 'bar/ /
54b3 gnod sbyin yi dwags dag kyang sgra dag 'byin/ /bya rgod brgya yang rag rog tshig par 'gyur/ /grul bum dag ni gdong tshig ldem zhing 'phyan/ /de na kun tu sbrul brgya mang po dag /me
54b4 yis tshig nas tser lhang sgra yang 'byin/ /bsod nams med pa me yis kun tshig cing / /de na sha za mang po phan tshun rgyu/ /de dag gcig la gcig ni sos btab ste/ /tshig par gyur
54b5 ba dag la khrag gis 'thor/ /de na lce spyang dus byas shi ba la/ /sems can dag ni phan tshun rnam par za/ /ngan skyugs tshig pa'i dri nga yid mi 'ong / /'jig rten dag na phyogs bzhir
54b6 rab tu 'thul/ /srin bu rkang brgya ba dag bros pa la/ /de la grul bum dag ni shin tu za/ /bkres pa dang ni skom pas rab gdungs shing / /yi dwags rnams kyang sgra 'bar kun
54b7 'phyan te/ /de ltar khyim de shin tu mi bzad 'jigs/ /me lce dag ni stong snyed 'bar bar 'gyur/ /skyes bu khyim de'i bdag po de nyid ni/ /shin tu rnam par lta zhing sgo na 'dug
55a1 de na de yis thos pa bdag gi bu/ /'di ltar byis pa dag ni mi shes pas/ /rtsed mo brtsen pa dag la chags pa'i blo/ /rtsed mo dga' 'am rab tu drags myos
55a2 zhes/ /de thos bdag gi byis pa khye'u 'di kun/ /myur du tshig cing chud zos mi 'gyur bar/ /bdag gi bu rnams rab tu thar bya'i phyir/ /khyim de'i nang du myur du zhugs nas
55a3 su/ /de la des ni khyim gyi nyes brjod de/ /sdug bsngal 'di dag mi bzad rigs kyi bu/ /sems can rnam pa mang zhing me 'di dang / /sdug bsngal chen po dag kyang gcig phyir
55a4 gcig/ sbrul gdug shin tu gtum sems gnod sbyin dang / /grul bum dang ni yi dwags mang po gnas/ /ce spyang dag dang wa dang khyi yang mang / /bya rgod dag kyang kha zas kun
55a5 tu 'tshol/ /de 'dra ba dag 'di na mang gnas te/ /me med zin yang shin tu mi bzad 'jigs/ /'di yi kho ra yug tu me 'bar te/ /'di na de 'dra'i sdug bsngal 'ba' zhig
55a6 go/ /de ltar byis pa'i blo can de sbran te/ /gzhon nu rnams ni rtsed mos rab myos pas/ /pha yis bsgo ba de la mi sems te/ /de dag gi ni yid la ci mi snyam/ /de tshe skyes bu
55a7 de ni yang sems pa/ /bu phyir sems pas bdag ni sdug bsngal te/ /bdag gi bu dang rgyud dag med pa ru/ /me 'dis 'di dag tshig na mi rung zhes/ /de yi dus na de yi thabs
55b1 bsams pa/ /rtsed mo dag la byis pa 'di chags te/ /'di na rtsed mo dga' ba ci yang med/ /kye ma 'di ltar byis pa glen zhing rmongs/ /de la de yis smras pa gzhon nu nyon/ /bzhon pa rnam pa
55b2 gsum po nga la yod/ /ra dang glang po ri dwags mchog las bcas/ /che zhing mtho la legs par brgyan pa dag/ khyim gyi phyi rol na ni de dag yod/ /phyi rol byung la de la dgos par
55b3 spyod/ /khyed cag rnams kyi phyir ni ngas byas kyi/ /de la dga' bar lhan cig phyir 'thon cig /bzhon pa de 'dra yod par shes nas su/ /de dag brtson 'grus brtsams te rings gyur nas/ /
55b4 de yi mod la thams cad phyi rol 'thon/ /sdug bsngal dag las thar te stong par 'dug /mi des byis pa 'thon pa mthong nas su/ grong khyer dbus kyi dpong sar gnas pa ni/ /seng
55b5 ge'i khri la 'dug nas de skad smras/ /kye ma nga ni de ring mya ngan 'das/ /nga yis dka' bar rnyed pa nyon mongs dag /bu sdug nyi shu 'di dag snying gi bu/ /skye bo mang pos gang zhig
55b6 'jigs pa yi/ /de dag mi bzad gdon dka'i khyim na 'khod/ /kun tu 'bar zhing me lce cig gis gang / /de dag rtsed mo dga' la chags par gyur/ /ngas ni de ring de dag thar
55b7 byas te/ /de bas nga dang mya ngan 'das par gyur/ /pha de bde bar 'dug par rig nas su/ /byis pa de dag lhags nas 'di skad smra/ /bzhon pa yid du 'ong ba gsum po rnams/ /yab
56a1 kyis gsungs pa bzhin du bdag cag stsol/ /bzhon pa rnam pa gsum po khyed sbyin zhes/ /yab khyod kyis ni khyim der gang gsungs pa/ /gal te de dag thams
56a2 cad med na ni/ /da 'dir dus la bab kyi de dag stsol/ /mi de mdzod kyi gter dang ldan pa ste/ /gser dang dngul dang nor bu mu tig dang / /bran dang 'gron bu dag ni mi nyung ba/ /
56a3 bzhon pa de yang rnam pa sna gcig byin/ /glang gi shing rta rin chen dam pa ste/ /logs bcas dril bu g.yer kha'i dra bas bres/ /gdugs dang rgyal mtshan dag gis legs par
56a4 brgyan/ /mu tig dang ni nor bu'i dra bas g.yogs/ /gser gyi me tog rnams kyi phreng ba dag /phyogs dang phyogs rnams su ni shin tu dpyangs/ /rab tu che ba'i gos rgyus des
56a5 g.yogs te/ /dkar bzang bcos bu'i ras rnams shin tu bting / /de na de bzhin 'jam pa'i dar rnams dang / /shing rta de la shing bal mchog kyang bting / /gos rab ko tam pa
56a6 mchog dang ba'i mtshan/ /bye ba phrag stong ri ba rnams kyis g.yogs/ /rin chen shing rta bcas pa de dag ni/ /glang po dkar zhing tsho la stobs dang ldan/ /blta na sdug cing shin tu
56a7 bong yang che/ /skyes bu dam pa dag gis rab tu brten/ /skyes bu de ni bu rnams thams cad la/ /de lta bu yi shing rta mchog byin te/ /des ni de dag dga' zhing rangs nas su/ /phyogs
56b1 dang phyogs mtshams dag tu rtse zhing dong / /de bzhin drang srong nga yang shA ri'i bu/ /sems can rnams kyi skyabs dang pha yin te/ /srog chags 'di dag thams cad nga yi bu/ /byis pa dag ni
56b2 khams gsum 'dod la chags/ /khams gsum dag ni khang pa de 'dra ste/ /sdug bsngal shin tu mi bzad brgya yis dkrugs/ /na ba dang ni skye rga du ma rgyas/ /ma lus thams cad nas kyang
56b3 rab tu 'bar/ /nga ni khams gsum dag las thar cing zhi/ /nags tshal dag na gnas shing dben par 'dug /ngas ni khams gsum 'di dag yongs bzung ste/ /'di na gang rnams
56b4 sreg pa nga yi bu/ /nga nyid de yi skyabs su rig nas su/ /de la nyes pa dag ni ngas bstan te/ /'di ltar 'dod la rnam par chags pa'i blo/ /byis pa 'di kun nga yi mi nyan to/ /thabs la
56b5 mkhas pa dag ni ngas sbyar te/ /de dag la yang theg pa gsum du bshad/ /khams gsum dag gis nyes pa mang mkhyen nas/ /gdon bar bya ba'i phyir ni thabs bshad do/ /bu gang
56b6 nga la brten par gyur pa dag /mngon shes drug dang gsum rig mthu chen dang / /'di na rang rgyal rnams ni gang yod dang / /phyir mi ldog pa'i byang chub sems dpa' gang / /ngas ni
56b7 bu 'drar mkhas pa de dag la/ /de yi tshe na dpe mchog 'di dag gis/ /sangs rgyas theg pa gcig pu 'di bshad de/ /thams cad rgyal par 'gyur gyi 'di gzung zhig /sangs rgyas rkang
57a1 gnyis mchog gi ye shes de/ /khyad par 'phags shing shin tu yid du 'ong / /'jig rten 'di dag kun na khyad par can/ /yangs pa'i dngos po de bzhin phyag
57a2 byar 'os/ /stobs dang bsam gtan de bzhin rnam thar dang / /ting nge 'dzin dag bye ba du ma brgya/ /shing rta de ni de 'dra mchog yin te/ /de la sangs rgyas sras rnams rtag tu dga'/ /
57a3 de la brtsen pas nyin mtshan 'das par byed/ /dus dang zla ba phyed dang zla ba dang / /de bzhin lo dang bar gyi bskal pa dang / /bskal pa bye ba stong yang 'das par byed/ /bde gshegs
57a4 nyan thos gang rnams nyan pa dang / /byang chub sems dpa' mang po rnams brtsen zhing / /'dis ni byang chub snying po der 'gro ste/ /rin chen theg pa 'di ni dam pa mchog /skar
57a5 rgyal khyod kyis 'di ltar rig par gyis/ /phyogs bcu thams cad du ni btsal byas kyang / /skyes bu dam pa'i thabs rnams ma gtogs par/ /de la theg pa gnyis su gang
57a6 na'ang med/ /khyod kyi pha nga khyed kyang nga yi bu/ /khyed rnams khams gsum rab tu 'jigs pa na/ /bskal pa bye ba mang por bsregs pa yi/ /sdug bsngal dag las ngas ni rab
57a7 tu bton/ /'di ltar mya ngan 'das par ngas bstan pa/ /'khor ba'i sdug bsngal dag las khyed thar te/ /khyed ni da dung mya ngan yongs ma 'das/ /sangs rgyas theg pa nyid ni
57b1 btsal bar bya/ /'di na byang chub sems dpa' gang 'khod pa/ /nga yi sangs rgyas tshul 'di kun nyon cig /'dis ni byang chub sems dpa' mang po 'dul/ /'di ni rgyal ba'i thabs
57b2 la mkhas pa yin/ gang tshe theg pa dman pa smad pa la/ /de la sems can dga' bar gyur pa na/ /de tshe sdug bsngal 'phags pa'i bden pa dag /gzhan mi gsung ba 'jig
57b3 rten 'dren pa 'chad/ /gang rnams byis pa'i blo dag mi shes pas/ /sdug bsngal dag ni rtsa ba mi mthong ba/ /de dag la yang lam rnams bstan par bya/ /sred pa kun 'byung las ni
57b4 sdug bsngal skye/ /rtag tu mi gnas sred pa 'gog pa yang / /'di ni nga yi 'gog pa bden gsum pa yin/ /gzhan ma yin pa gang gis skyes bu mthar/ /lam rnams bsgoms nas
57b5 rnam par thar par 'gyur/ /de dag ci las rnam grol shA ri'i bu/ /med par 'dzin las de rnams rnam grol te/ /kun las de dag da dung thar ma yin/ /mya ngan de ma 'das zhes
57b6 'dren pa gsung / /de la thar bar ci phyir bshad ma mdzad/ /byang chub dam pa mchog 'di ma thob phyir/ /'jig rten bde bya'i phyir ni nga skyes pas/ /chos kyi rgyal po nga ni de ltar 'dod//
57b7 tha mar de ring ngas ni gang bshad pa/ /nga yi chos kyi rgya 'di shA ri'i bu/ /lhar bcas 'jig rten dag la phan bya'i phyir/ /phyogs dang phyogs mtshams dag tu bshad par gyis/ /
58a1 khyod kyis bstan pa'i tshe na sems can gang / /rjes su yi rang ngo zhes tshig smra zhing / /mdo 'di mgo bos rab tu len pa ni/ /mi de phyir mi ldog par khyod gzung
58a2 zhig /mdo sde 'di la dad par gang gyur pa/ /des ni sngon gyi de bzhin gshegs pa mthong / /de dag la yang bkur sti byas pa yin/ /rnam pa 'di lta bu yi chos kyang thos/ /nga
58a3 yis bshad pa 'di la gang dad pa/ /des ni khyod dang nga yang mthong ba yin/ /nga yi dge slong dge 'dun 'di kun dang / /byang chub sems dpa' 'di dag kun kyang mthong / /mngon
58a4 par shes pas rig nas ngas 'di bstan/ /mdo 'dis skye bo byis pa myos par 'gyur/ /'di la nyan thos rnams kyi yul yang med/ /'di la rang sangs rgyas kyi 'gro ba med/ /
58a5 shA ri'i bu khyod mos par mi byed na/ /nga yi nyan thos 'di dag gzhan ci smos/ /'di dag nga la dad phyir 'brang ba ste/ /so sor rang gis rig pa'i ye shes med/ /khyod kyis
58a6 nga rgyal can dang khengs pa dang / /mi rigs zhugs pa dag la 'di ma bshad/ /byis pa 'dod la rtag tu rab myos shing / /mi shes pas na chos bstan spong bar byed/ /'jig
58a7 rten rtag tu legs gnas sangs rgyas tshul/ /nga yi thabs mkhas 'di ni rab spangs shing / /khro gnyer byas te theg pa spangs pa yi/ /de yi mi bzad rnam smin 'dir nyon cig
58b1 nga ni 'dug gam mya ngan 'das kyang rung / /rnam pa 'di 'dra mdo sde rab spangs shing / /dge slong de dag la yang sdang 'dod pas/ /de yi rnam par smin pa nga las nyon/ /de dag mi las 'chi
58b2 'phos mnar med du/ /bskal pa tshang bar rab tu gnas par 'gyur/ /de nas bar gyi bskal pa du mar yang / /byis pa shi zhing 'phos nas der yang lhung / /sems can dmyal las nam
58b3 zhig shi 'phos kyang / /de nas dud 'gro dag tu skye bar 'gyur/ /shin tu rid pa'i wa dang khyir gyur cing / /gzhan dag rtsed mo byed pa'i gzhir 'gyur te/ /de na de dag kha dog gnag par
58b4 'gyur/ /sre'o rma can g.yan pa dag gis gang / /spu yang byi zhing shin tu nyam chung 'gyur/ /nga yi byang chub mchog 'dir zhe sdang pas/ /srog chags nang na rtag tu smad 'gyur te/ /rdo dang
58b5 bong bas phog nas shin tu 'khang / /de dang de na dbyug pas kun bsdigs la/ /bkres shing skom par gyur pas lus kyang bskams/ /byis pa'i blo gang sangs rgyas tshul spong ba/ /rnga
58b6 mo dang ni bong bur yang 'gyur te/ /kha zas bsam pa dag la rjes sems shing / /khal rnams bkal nas dbyug pa brgya yis brdegs/ /phyir yang de dag der ni war gyur te/ /shin
58b7 tu mi sdug zhar ba 'theng por 'gyur/ /grong gi gzhon nu dag gis rab gces shing / /byis pa de dag rdo dang bong bas brdeg /de nas byis pa'i blo can shi 'phos nas/ /dpag tshad dag
59a1 kyang lnga brgya mnyam pa yi/ /srog chags lus rid rnams su gyur nas su/ /shin tu blun zhing rmongs la 'gre zhing ldog /'di 'dra ba yi mdo sde spangs pas na/ /de
59a2 dag rkang pa med pa'i lto 'phyer 'gyur/ /srog chags bye ba mang pos bza' bas na/ /de dag shin tu mi bzad tshor ba myong / /nam zhig mi lus thob par gyur pa na/ /nga yi mdo sde 'di
59a3 la ma dad pas/ /de na de dag lus gnag theng por 'gyur/ /sgyur po zhar ba ldongs pa gleng zhing smras/ /sangs rgyas byang chub 'di la ma dad pas/ /'jig rten dag na yid kyang mi
59a4 ches te/ /de dag kha nas rul mnam rgyun mi 'chad/ /de yi lus la gnod sbyin gdon kyang gnod/ /dbul zhing gzhan gyi mngag gzhug byed pa ste/ /nyam chung gzhan gyis
59a5 rtag tu bkol bar 'gyur/ /de dag shin tu nad dang gnod pa mang / /mgon med 'gyur zhing 'jig rten dag na rgyu/ /de na de yis gang la nyer bsnyen kyang / /de la de dag sbyin
59a6 par dad mi 'gyur/ /byin na yang ni myur du stor 'gyur te/ /de yi sdig pa'i 'bras bu de 'dra'o/ /des na de yis sman dag rnyed pa ni/ /shin tu sbyar legs mkhas pas byin na
59a7 yang / /des kyang de dag nad ni phyir zhing skye/ /nam yang de yi nad rnams mthar mi 'byung / /gzhan gyis rkun po byas par gyur pa dang / /'khrug cing de bzhin dpung 'cha' 'thab
59b1 pa dang / /de bzhin gzhan gyis nor rnams 'phrog pa yang / /sdig pa'i las kyis de yi steng du 'bab/ /nga yi sangs rgyas tshul 'di spangs pas na/ /mi dbang rgyal po 'jig rten ston pa yi/ /
59b2 'jig rten mgon po des ni yong mi mthong / /de ni mi khom par yang gnas par 'gyur/ /byis pa des ni chos kyang mi thos te/ /de dag sems pa med cing 'on par 'gyur/ /byang chub 'di 'dra
59b3 ba ni spangs pas na/ /de dag nam yang zhi bar mi 'gyur ro/ /bskal pa gang+gA'i klung gi bye ma snyed/ /khrag khrig dag ni brgya stong mang po yang / /lus ni ma grims yan lag ma tshang 'gyur/ /
59b4 de ni mdo sde 'di spangs sdig pa'i 'bras/ /de yi skyed mos tshal ni sems can dmyal/ /ngan song dag ni de yi khyim yin te/ /phag dang bong bu wa dang sa 'dzul bar/ /de na de dag
59b5 rtag tu gnas par 'gyur/ /de dag mi yi lus su gyur na yang / /ldongs pa dang ni 'on pa glen pa ste/ /rtag tu dbul zhing gzhan gyis mngag par 'gyur/ /de tshe de yi rgyan ni de dag go/
59b6 de na de yi gos ni nad yin te/ /lus la rma ni bye ba khrag khrig 'byung / /de bzhin shu ba g.yan pa 'brum bu dang / /de bzhin sha bkra mdze dag bshul bar mnam/ /de yi 'jig tshogs
59b7 lta ba stug por 'gyur/ /de yi khro ba'i stobs kyang shin tu che/ /de yi 'dod chags dag kyang shin tu bdo/ /de ni dud 'gro'i skye gnas rnams su rtag /gang gis nga yi mdo sde 'di
60a1 spangs pa/ /de ring gal te nga yis shA ri'i bu/ /de yi nyes pa bskal par brjod na yang / /nyes pa'i mthar ni phyin par yong mi nus/ /ngas ni de yi don rnams
60a2 rab mthong bas/ /shA ri'i bu khyod yang dag bstan pa ni/ /khyod kyis skye bo byis pa'i mdun du yang / /mdo sde 'di 'dra ma bshad cig ces bsgo/ /'di ltar gang dag btsal zhing
60a3 mang thos pa/ /dran dang ldan zhing gang mkhas ye shes ldan/ /byang chub dam pa mchog la gang zhugs pa/ /de la khyod kyis don dam 'di sgrogs shig /gang gis sangs rgyas
60a4 bye ba mang po mthong / /gang gis dpag tu med pa'i dge ba bskyed/ /gang rnams lhag pa'i bsam pa shin tu brtan/ /de la khyod kyis don dam 'di sgrogs shig /gang rnams
60a5 brtson 'grus ldan zhing rtag byams sems/ /byams pa de la de dag ring du bsgoms/ /lus dang de bzhin srog kyang rab tu btang / /de dag la ni mdo 'di mngon sum shod/ /
60a6 phan tshun rtog cing rim gror bcas pa dang / /gang rnams byis pa dag kyang mi sten zhing / /gang dag ru sul rnams su dga' ba dag /de la mdo sde bzang po'i sgrogs shig /
60a7 dge ba'i bshes gnyen dag la rab bsnyen zhing / /sdig pa'i grogs po dag ni yongs spong ba/ /de lta bu yi sangs rgyas sras mthong na/ /de dag la yang mdo sde 'di ston cig /
60b1 tshul khrims ma nyams nor bu rin chen bzhin/ /shin tu rgyas pa'i mdo sde gzung bar gnas/ /de 'dra sangs rgyas sras po mthong na yang / /de dag mdun du mdo sde 'di shod cig /khro ba
60b2 med cing rtag tu drang ba ste/ /srog chags thams cad la yang snying rjer ldan/ /bde bar gshegs pa dag la rim gror bcas/ /de yi mdun du mdo sde 'di shod cig /gang dag 'khor
60b3 gyi dbus su chos ston pa/ /dpe rnams bye ba khrag khrig du ma yis/ /ma chags gyur cing nan tan yid kyis 'chad/ /de dag la yang mdo sde 'di shod cig /thams cad mkhyen pa nyid ni
60b4 yongs 'tshol shing / /gang dag thal mo sbyar te mgo la thug /legs par smra ba'i dge slong 'tshol ba'i phyir/ /gang dag phyogs bcu kun tu rab tu 'gro/ /shin tu rgyas pa'i mdo
60b5 sde kun 'dzin te/ /de ni nam yang gzhan la dga' mi byed/ /gzhan las tshigs bcad gcig kyang mi 'dzin pa/ /de dag la yang mdo sde mchog 'di shod/ /ji ltar de bzhin
60b6 gshegs pa'i sku gdung 'dzin/ /de ltar mi dag la la de 'tshol te/ /de bzhin du yang 'di 'dra mdo sde 'tshol/ /rnyed nas kyang ni de dag spyi bos len/ /mdo sde gzhan la nam yang
60b7 mi sems te/ /'jig rten rgyang pan pa dang bstan bcos gzhan /de 'dra byis pa rnams kyis spyod yul te/ /de dag khyod kyis spongs la 'di shod cig /bskal pa tshang bar yang ni shA
61a1 ri'i bu/ /byang chub dam pa mchog 'dir gang zhugs pa'i/ /rnam pa bye ba phrag stong mang smra ba/ /de dag mdun du mdo sde 'di shod cig/ dam pa'i chos pad+ma
61a2 dkar po las/ /dpe'i le'u zhes bya ste gsum pa'o// //dam pa'i chos pad+ma dkar po/ bam po bzhi pa/ de nas tshe dang ldan pa rab 'byor dang / tshe dang ldan
61a3 pa kA t+yA'i bu chen po dang / tshe dang ldan pa 'od srung chen po dang / tshe dang ldan pa maud+gal gyi bu chen pos/ sngon ma thos pa'i chos rnam pa 'di lta bu 'di bcom ldan 'das las thos
61a4 shing | tshe dang ldan pa shA ri'i bu bla na med pa yang dag par rdzogs pa'i byang chub tu mngon sum du lung bstan pa thos nas ngo mtshar du gyur/ /rmad du gyur/ shin tu dga' bar
61a5 gyur te/ de'i tshe stan las langs nas bcom ldan 'das ga la ba der dong ste phyin pa dang / bla gos phrag pa gcig tu gzar te bus mo g.yas pa'i lha nga sa la btsugs nas/
61a6 bcom ldan 'das ga la ba de logs su thal mo sbyar ba btud de/ bcom ldan 'das la mngon du lta zhing / lus btud/ lus mngon par btud/ lus rnam par btud/ lus
61a7 shin tu btud de/ de'i tshe bcom ldan 'das la 'di skad ces gsol to/ /bcom ldan 'das/ bdag cag rgas gtugs 'khogs nas/ dge slong gi dge 'dun 'di'i nang
61b1 na'ang gnas brtan du 'dzin te/ rgas 'khogs shing bdag cag mya ngan las 'das pa thob snyam nas/ bcom ldan 'das/ bdag cag la bla na med pa yang dag par rdzogs pa'i byang
61b2 chub tu brtson pa ma mchis te/ bdag cag ni brtson 'grus brtsam pa'i rngo mi thogs pa'o/ /gang gi tshe bcom ldan 'das chos ston cing / bcom ldan 'das ring du'ang bzhugs par
61b3 gyur te chos bshad pa de la bdag cag kyang mchis par gyur pa de'i tshe na ni/ bcom ldan 'das/ bdag cag kyang ring du mchis shing / bcom ldan 'das la ring du bsnyen bkur
61b4 bgyis pas/ yan lag dang nying lag kyang bro 'tshal/ tshigs dang tshigs phre'u rnams kyang bro 'tshal to/ /bcom ldan 'das/ de'i slad du bcom ldan 'das kyis chos bstan pa
61b5 na'ang stong pa nyid dang / mtshan ma med pa dang / smon pa med pa thams cad bdag cag gis brjod kyi/ sangs rgyas kyi chos 'di dag dang / sangs rgyas kyi zhing gi bkod pa 'di dag
61b6 dang | byang chub sems dpa'i rnam par rol pa dag dang / de bzhin gshegs pa'i rnam par rol pa dag la bdag cag gis re ba ma bskyed do/ /de ci'i slad du zhe na/ bcom ldan
61b7 'das/ 'di ltar bdag cag khams gsum nas byung ste/ mya ngan las 'das par 'du shes shing / bdag cag ni rgas 'khogs pas/ de'i slad du/ bcom ldan 'das/ bdag
62a1 cag gis byang chub sems dpa' gzhan bla na med pa yang dag par rdzogs pa'i byang chub tu lung bstan cing gtams mod kyi/ bcom ldan 'das/ de la bdag
62a2 cag gis re ba'i sems gcig kyang bskyed par ma gyur te/ bcom ldan 'das/ bdag cag gis bcom ldan 'das kyi drung nas nyan thos rnams kyang bla na med pa yang dag par
62a3 rdzogs pa'i byang chub tu 'gyur bar lung bstan pa thos nas/ ngo mtshar dang / rmad du gyur to/ /bcom ldan 'das/ deng 'phral la de bzhin gshegs pa'i gsung sngon ma thos pa
62a4 rnam pa 'di lta bu 'di thos nas/ bdag cag gis rnyed pa chen po thob bo/ /bcom ldan 'das/ bdag cag gis rin po che chen po thob bo/ /bcom ldan 'das/ bdag cag
62a5 gis tshad ma mchis pa'i rin po che chen po thob bo/ /bcom ldan 'das/ bdag cag gis ma bslabs/ ma btsal/ ma bsams/ ma smos par rnam pa 'di lta bu'i rin po
62a6 che chen po 'di thob ste/ bcom ldan 'das/ bdag cag spobs so/ /bde bar gshegs pa/ spobs so/ /bcom ldan 'das/ 'di lta ste/ dper na/ mi la la zhig 'di ltar
62a7 pha'i gan nas logs shig tu mchis la/ de logs shig tu mchis nas yul phyogs gcig cig tu phyin te/ de dang der dgung lo mang du nyi shu 'am/ sum cu'am/ bzhi bcu'am/ lnga
62b1 bcur gnas te/ bcom ldan 'das/ de nas mi de chen po zhig tu lags la/ de'ang dbul por gyur nas 'tsho ba 'tshol zhing / 'tshal ma dang rad pa'i slad du phyogs dang phyogs
62b2 mtshams su mchis nas/ yul phyogs gcig cig tu phyin te/ de'i pha de'ang yul gzhan du mchis la/ nor dang / 'gron bu dang / mdzod dang / bang ba mang por gyur te/ gser
62b3 dang | dngul dang / nor bu dang / mu tig dang / bai DUR+ya dang / dung dang / man shel dang / byu ru dang / sa le sbram dang / dngul dgog dang ldan par gyur la/ bran pho dang / bran mo
62b4 dang | sug las bgyid pa dang / zho shas 'tsho ba'i mi mang por gyur la/ glang po che dang / rta dang / shing rta dang / ba lang dang / lug mang po dang ldan par gyur te/ g.yog mang
62b5 zhing yul chen po'i nang na nor dang ldan pa lags la/ 'du ba dang / 'phel ba dang / rmo ba dang / 'tshol ba'ang mang du gyur te/ bcom ldan 'das/ de nas mi dbul po de
62b6 'tshal ma dang rad pa 'tshol ba'i slad du/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang du mthar gyis 'khyam pa las/ de na
62b7 nor dang / 'gron bu dang / mdzod dang / bang ba mang po mchis pa'i mi de gang na mchis pa'i grong khyer der phyin par gyur te/ bcom ldan 'das/ de nas mi dbul po de'i pha nor
63a1 dang / 'gron bu dang / mdzod dang / bang ba mang po can de grong khyer de na gnas shing / bu lo lnga bcu'i bar du stor ba de rtag par rgyun du dran yang bdag gcig
63a2 pu nang du gdung ba ma gtogs par gzhan su la'ang mi smra bar 'di snyam du'ang bdag ni rgas shing 'khogs te gtugs na/ bdag la 'gron bu dang / gser dang / nor dang / 'bru
63a3 dang | mdzod dang / bang ba mang du yod la/ bdag la bu ni gcig kyang med na/ bdag ni 'chi ba'i dus byed par 'gyur te/ 'di dag thams cad ma spyad par chud zos par
63a4 mi 'gyur ram snyam du de phyir zhing bu de dran nas/ kye ma/ gal te bdag gi bu de nor gyi tshogs 'di la spyod par gyur na ni/ bdag mya ngan med par 'gyur bar sems la/
63a5 bcom ldan 'das/ de nas mi dbul po de rad pa dang 'tshal ma 'tshol zhing mthar gyis 'gron bu dang / gser dang / nor dang / 'bru dang / mdzod dang / bang ba mang po can
63a6 gyi mi de'i gnas ga la ba der mchis te/ bcom ldan 'das/ de nas mi dbul po'i pha de bdag gi mchis brang gi chab sgo na bram ze dang / rgyal rigs dang / rje'u rigs
63a7 dang | dmangs rigs kyi 'khor chen pos yongs su bskor cing mdun gyis bltas te/ seng+ge'i khri chen po sug rten dang bcas pa gser dang / dngul gyis shin tu brgyan pa
63b1 la mchis nas/ 'gron bu bye ba brgya stong gis spyod pa bgyid de/ rnga yab kyis g.yob cing bla re bres pa'i sa'i phyogs/ me tog sil ma gtor cing rin po che'i phreng ba dpyangs pa na 'byor cing
63b2 longs spyod pa chen pos mchis la/ bcom ldan 'das/ mi dbul po des rang gi pha de rang gi mchis brang gi chab sgo na rnam pa 'di lta bu'i longs spyod mchis shing / skye bo phal po ches
63b3 yongs su bskor nas khyim bdag gi sug las bgyid pa mthong ste/ mthong nas kyang 'jigs shing skrag la mi dga' nas spu zing zhes bgyid de/ rab tu yid mi bde nas 'di snyam du
63b4 sems te/ rgyal po'am/ blon po chen po 'di dang bdag glo bur du phrad de/ 'di na bdag gi bya ba ci'ang med kyi/ bdag dbul po'i gnas ga la ba der song la/ der bdag gi zas
63b5 dang gos nyon mi mongs par rnyed kyi/ bdag 'dir ring du thogs su zin na mi rung ngo / /'dir bag tsam gzungs su zin tam/ nyes pa gzhan la la dang phrad par gyur du mi 'ong ngam snyam
63b6 nas/ bcom ldan 'das/ de nas mi dbul po de 'jigs pa brgyud mar yid la bgyid cing skrag nas/ de na mi gnas par rings par bros te mchis pa dang / bcom ldan 'das/ de nas
63b7 mi phyug po de/ bdag gi mchis brang gi chab sgo na seng ge'i khri la mchis pas/ bdag gi bu de mthong ma thag tu ngo mtshar te/ mthong nas kyang dga' mgu rangs te/ rab tu dga' zhing
64a1 dga' ba dang / yid bde ba skyes par gyur nas 'di snyam du 'gron bu dang / gser dang / nor dang / 'bru dang / mdzod dang / bang ba'i longs spyod chen po 'di
64a2 la spyod pa 'di ltar rnyed de/ bdag ni rgas 'khogs gtugs nas/ bdag kyang 'di nyid phyir zhing dran na 'di'ang kho bdag nyid 'dir 'ongs pa ngo mtshar che'o snyam du sems so/ /
64a3 bcom ldan 'das/ de nas mi de bu la sred pas gdungs pas/ de'i tshe skad cig thang cig yud tsam de nyid la/ mi mgyogs pa dag bkye ste/ grogs po dag /deng la mi de myur du
64a4 khrid de shog cig ces bsgo nas/ bcom ldan 'das/ de nas mi de dag thams cad kyis mgyogs par brgyugs nas mi dbul po de bzung ba dang / bcom ldan 'das/ de nas
64a5 mi dbul po de de'i tshe na 'jigs shing skrag la/ mi dga' nas ba spu zhing zhes bgyid cing rab tu yid mi bde ste/ dngangs pa'i sgra drag po phyung nas/ ku co 'don cing kho bos khyed
64a6 la nyes pa cung zad kyang ma byas na zhes tshig tu smras te/ de nas mi de dag gis nan gyis mi dbul po de ku co 'don bzhin du khrid pa dang / de nas mi dbul po de 'jigs shing
64a7 skrag la mi dga' nas/ spu zhing zhes bgyid cing rab tu yid mi bde ste/ 'di ltar bdag gsod du bcug nas ma rung bar mi bya'am snyam sems shing / de ba rgyal te dog sa la
64b1 'gyel nas myos par gyur la/ de'i pha de'ang nye ba zhig na mchis nas/ des mi de dag la khyed kyis mi'u ni khrid de ma 'ong bar/ 'u ni chu grang mos gtor cig ces de skad smras nas/ gzhan
64b2 mi mchis te/ de ci'i slad du zhe na/ khyim bdag de bdag ni mthu chen po dang ldan la/ mi dbul po 'di ni dman pa la mos par 'tshal nas/ khyim bdag gi bu lags par yang 'tshal na/
64b3 bcom ldan 'das/ de nas khyim bdag de thabs mkhas pa'i slad du/ 'di dag gi bu lags zhes su la'ang mi mchi ste/ bcom ldan 'das/ de nas khyim bdag des mi gzhan zhig la/
64b4 kye mi khyod song ste/ mi dbul po pha bi la kye mi khyod btang gi/ gar dga' bar 'gro la rag go zhes bsgo zhig ces mchi na/ lha/ bka' bzhin 'tshal zhes mi des de las mnyan nas/
64b5 mi dbul po de ga la ba der mchis te phyin nas/ mi dbul po de la/ kye mi khyod btang gi gar dga' bar 'gro la rag go zhes bgyis nas/ de nas mi dbul po de tshig de thos pa dang / ngo
64b6 mtshar dang rmad du byung ba thob par gyur te/ sa'i phyogs de nas langs nas/ de mi dbul po'i gnas ga la ba der 'tshal ma dang rad pa 'tshol ba'i slad du mchis te/ de nas khyim
64b7 bdag des mi dbul po de dgug pa'i slad du thabs mkhas pa sbyar ba/ des de la mdog mi sdug cing mdangs ngan pa'i mi gnyis shig mngags te/ khyed gnyis deng la gang 'dir 'ongs
65a1 pa'i mi de la khyed rang gi tshig gis nyi ma'i gla thang gis gla gyis la/ nga'i khyim 'dir las byed du chug cig /de gal te 'di skad du las ci bya zhes zer
65a2 ba dang / khyed gnyis kyis de la 'di skad du/ nged gnyis dang lhan cig tu phyag dar gyi phung po phyag go zhes smros shig ces bgyis nas/ mi de gnyis kyis mi dbul po de btsal te
65a3 sug las de bzhin du bsgrubs nas/ de nas mi de gnyis dang / mi dbul po des mi nor chen po de las gla blangs te/ khyim de nyid na phyag dar gyi phung po 'phyag cing / mi nor po
65a4 che de nyid kyi khyim drung gi spyil po na gnas shing mchis nas/ mi phyug po des mthongs khung dang skar khung dag nas bdag gi bu phyag dar 'phyag pa mthong ste/ mthong nas ngo
65a5 mtshar du gyur to/ /de nas khyim bdag de phreng ba dang rgyan bkrol te/ rad pa bzang po 'jam po chen po phud nas rad pa dri ma can 'tshal te/ bdag gi gnas nas babs nas
65a6 sug pa g.yon pa na skon pa thogs te/ phyag dar gyis bdag gi lus la gos par bgyis nas/ rgyang ring po nas smra zhing bu ga la ba der mchis te phyin nas/ 'di skad du
65a7 khyod ma 'khod par skon pa thogs la phyag dar skyos shig ces mchis shing / thabs 'dis bu de la smras te/ yang 'di skad bsgo'o/ /kye mi khyod 'di nyid na las byos la
65b1 phyir gzhan du ma 'gro zhig dang / ngas khyod gla bskyed de sbyin no/ /khyod la ci dang ci dgos pa yang na bum pa'i rin nam/ yang na ril pa'i rin nam/ yang na phru ba'i rin nam/ yang na shing
65b2 gi rin nam/ yang na lan tshwa'i rin nam/ yang na zas sam/ yang na gos kyang rung ste/ de dag nga la 'dzem pa med par slong shig /kye skyes bu/ nga la ras rnying pa'ang yod de/ de ste
65b3 de'ang khyod la dgos na'ang slongs shig dang / ngas khyed la sbyin no/ /kye skyes bu/ yo byad kyi rnam pa de lta bu de dag khyod la ci dang ci dgos pa de dang de dag thams cad ngas khyod la sbyin gyi/
65b4 mi khyod mya ngan med par byos la/ khyod kyi pha ji lta ba de bzhin du khyod kyis nga la soms shig /de ci'i phyir zhe na/ nga ni rgan/ khyod ni gzhon te khyod kyis nga'i phyag dar gyi phung pho
65b5 'di phyags shing las mang po byas te/ kye mi khyod las 'di byed pa'i tshe/ sgyu'am/ gya gyu'am/ g.yo'am/ nga rgyal lam/ 'chab pa sngon byas pa'am/ byed pa'ang med de/ kye
65b6 skyes bu ji ltar mi 'di dag gzhan las byed pa'i tshe/ skyon de dag yod pa/ khyod la rnam pa thams cad du nyes pa de dag las gcig kyang ma mthong gi/ deng phan chad nga la khyod
65b7 ni nga'i snying gi bu ji lta ba de dang 'dra ba yin no/ /bcom ldan 'das/ de nas khyim bdag des mi dbul po de la bu zhes ming du btags so/ /mi dbul po de'ang khyim bdag de la phar
66a1 'du shes bskyed de/ bcom ldan 'das/ rnam grangs 'dis khyim bdag de bu 'tshal bas skom nas/ dgung lo nyi shu'i bar du bu de phyag dar gyi phung po
66a2 'phyag tu stsal te/ de nas dgung lo nyi shu 'das pa dang / mi dbul po de khyim bdag de'i mchis brang gi slad nang du mchi ba la 'dzem pa ma mchis par gyur te/ spyil po de
66a3 nyid na gnas shing mchis pa las/ bcom ldan 'das/ de nas khyim bdag de bro 'tshal bar gyur te/ bdag 'gum pa'i dus la bab par mthong nas/ de mi dbul po de la
66a4 'di skad du/ kye mi khyod tshur shog/ nga'i 'gron bu dang / gser dang / nor dang / 'bru dang / mdzod dang / bang ba shin tu mang du yod pa 'di dag nga ni nad tshabs che na/ de
66a5 dag su la sbyin pa dang / su las blang ba dang / gang sba bar bya ba de dag thams cad khyod kyis shes par 'dod do/ /de ci'i phyir zhe na/ ji ltar nga nor 'di'i bdag por gyur pa
66a6 ltar khyed kyang de bzhin gyis/ nga'i 'di las khyod kyis cung zad kyang chud ma gzan zhig ces mchi nas/ bcom ldan 'das/ de nas mi dbul po de rnam grangs 'dis
66a7 khyim bdag de'i 'gron bu dang / gser dang / nor dang / 'bru dang / mdzod dang / bang ba rab tu mang ba de dag mchis par 'tshal la/ bdag nyid de la re ba ma mchis
66b1 shing | tha na phye phul gang gi rin thang tsam yang de la cung zad kyang slong ba ma mchis te/ rtswa'i spyil bo de na gnas shing mchis nas/ dbul po'i bsam pa de nyid rjes su sems so/ /
66b2 bcom ldan 'das/ de ni khyim bdag des bu de srung nus shing yongs su smin par 'tshal/ sems btul te rgya chen por sems shing / sngon dbul po bsams na nyam nga zhing ngo tsha
66b3 ste smod par 'tshal nas bdag 'gum pa'i dus la bab pa dang mi dbul po de dgug ste/ nye du 'dus pa mang po dang sprad nas/ rgyal po dang / blon po dang / grong rdal gyi mi dang / yul
66b4 mi'i mdun du mngon sum du 'di skad ces bsgrags so/ /khyod nyon cig /'di ni kho bo'i snying gi bu kho bos bskyed pa ste/ grong khyer gyi ming 'di zhes bya ba nas 'khyams nas lo lnga bcu
66b5 lon te/ 'di'i ming 'di zhes bya/ kho bo'i ming ni 'di zhes bya ste/ kho bo 'di 'tshol ba'i phyir grong khyer de nas 'dir 'ongs so/ /'di ni kho bo'i bu/ kho bo ni 'di'i pha ste/ bdag
66b6 gi spyod pa dang / longs spyod ci yod pa thams cad ni mi 'di la byin no/ /kho bo'i nang gi nor cung zad ci yod pa de kun kyang 'di nyid shes so zhes bgyis pa dang / bcom ldan 'das/
66b7 de nas mi dbul po des de'i tshe 'di lta bu'i sgra thos nas/ ngo mtshar dang rmad du gyur te/ 'di ltar bdag gis 'phral la 'gron bu dang / gser dang / nor dang / 'bru dang / mdzod
67a1 dang / bang ba mang po rnyed do snyam du sems so/ /bcom ldan 'das/ de bzhin du bdag cag ni de bzhin gshegs pa'i sras dang 'dra ste/ de bzhin gshegs
67a2 pa bdag cag la khyed ni nga'i bu'o zhes bka' stsal te/ khyim bdag de ji lta ba bzhin no/ /bcom ldan 'das/ bdag cag ni sdug bsngal gsum gyis gzir to/ /gsum gang zhe
67a3 na| 'di lta ste/ sdug bsngal gyi sdug bsngal nyid dang / 'du byed kyi sdug bsngal nyid dang / 'gyur ba'i sdug bsngal nyid do/ /'khor ba na dman pa la mos pas bdag cag
67a4 bcom ldan 'das chos ngan pa mang po phyag dar gyi phung po dang 'dra ba la sems su stsal te/ de rnams la bdag cag zhugs nas 'bad cing btsal nas/ bcom ldan 'das/ bdag
67a5 cag mya ngan las 'da' ba tsam zhig gdugs kyi gla bzhin du 'tshol zhing gsol te/ bcom ldan 'das/ bdag cag ni mya ngan las 'da' ba de rnyed pas na dga' bar gyur te/ de
67a6 bzhin gshegs pa las chos 'di dag la zhugs te/ 'bad cing btsal bas/ mang po rnyed par sems so/ /de bzhin gshegs pas bdag cag dman pa la mos par mkhyen
67a7 to| |de'i slad du bcom ldan 'das kyis bdag cag yal bar bzhag ste/ 'di ltar de bzhin gshegs pa'i ye shes kyi mdzod du khyad 'gyur ro zhes ma btol ma bstan te/
67b1 bcom ldan 'das/ thabs mkhas pas bdag cag de bzhin gshegs pa'i ye shes kyi mdzod la bgo skal spyod par bkod na/ bcom ldan 'das/ bdag cag de la re ba ma mchis
67b2 te| 'di ltar bdag cag gis de bzhin gshegs pa las mya ngan las 'da' ba gdugs kyi gla thang bzhin du bgyis pa ni/ de nyid bdag cag gis mang du bgyis par 'tshal to/ /
67b3 bcom ldan 'das/ bdag cag gis byang chub sems dpa' sems dpa' chen po rnams la/ de bzhin gshegs pa'i ye shes las brtsams nas chos rgya chen po bshad de /de
67b4 bzhin gshegs pa'i ye shes 'byed cing ston te/ nye bar ston du lags kyang / bcom ldan 'das/ bdag cag de la re ba ma mchis so/ /de ci'i phyir zhe na/ de bzhin gshegs
67b5 pa thabs mkhas pas bdag cag gi mos pa rab tu mkhyen na de bdag cag gis ni ma 'tshal/ ma rtogs so/ /bcom ldan 'das kyis 'di ltar bdag cag la bcom ldan 'das
67b6 kyi sras yang dag pa zhes gsungs te/ bcom ldan 'das kyis bdag cag de bzhin gshegs pa'i ye shes kyi bgo skal la spyod par dran par mdzad do/ /de ci'i slad du zhe na/
67b7 'di ltar bdag cag de bzhin gshegs pa'i sras yang dag pa lags mod kyi/ bdag cag dman pa la mos pa'i slad du'o/ /gal te bcom ldan 'das kyis bdag cag gi
68a1 mos pa'i stobs gzigs nas/ /bcom ldan 'das kyis bdag cag la byang chub sems dpa' zhes bgyi bar dka' stsal to/ /bcom ldan 'das kyis
68a2 bdag cag bgyi ba rnams gnyis bgyid du stsal te/ de dag byang chub sems dpa' rnams kyi mdun du ni dman pa la mos pa zhes bka' stsal te/ de dag ni sangs rgyas kyi byang chub
68a3 rgya chen po la yang dag par btsud do/ /bcom ldan 'das kyis bdag cag gi mos pa'i stobs mkhyen nas/ de skad ces bka' stsal to/ /bcom ldan 'das/ rnam grangs 'dis
68a4 bdag cag 'di skad ces bdag cag re ba ma mchis/ mi 'tshal/ ma bslangs/ ma btsal/ ma bsams/ ma gsol bar 'phral la/ de bzhin gshegs
68a5 pa'i sras 'di dag bzhin du thams cad mkhyen pa'i rin po che thob bo zhes mchi'o/ /de nas tshe dang ldan pa 'od srung chen pos de'i tshe tshigs su bcad pa 'di dag gsol to/ /de
68a6 ltar 'phral la de ring bdag cag gis/ /'dren pa'i gsung sgra yid du 'ong ba thos/ /gsung thos pas na bdag cag dga' ba thob/ /bdag cag ngo mtshar de bzhin rmad du gyur/ /
68a7 rin chen chen po mchog gi phung po rnams/ /bsams pa ma mchis rnam yang ma gsol par/ /de dag yud tsam gyis ni deng rnyed de/ /bdag cag thams cad deng thos ngo mtshar
68b1 gyur| |ji ltar byis par gyur pa'i mi zhig ni/ /skye bo byis pa rnams kyis bslus nas su/ /pha yi gan nas gar te mchis pa ni/ /gzhan gyi yul yang shin tu ring bar mchis/ /
68b2 bdag gi bu ni 'khyams par btsal bas na/ /de tshe pha yang de yi mya ngan bgyid/ /dgung lo lnga bcu las kyang mi nyung bar/ /mya ngan de bgyid phyogs dang phyogs mtshams 'tshol/ /de
68b3 ni de ltar bu de 'tshol ba na/ /grong khyer chen po gzhan du mchis pa dang / /'dod pa'i yon tan lnga dang ldan par ni/ /khyim rnams brtsigs shing de na rab tu gnas/ /de la gser
68b4 rnams dang ni 'gron bu dang / /nor dang 'bru dang man shes byi ru dang / /glang po che dang rta dang dpung bu chung / /de bzhin phyugs dang ba lang lug mang ste/ /'phel zhing 'du ba dang ni
68b5 de bzhin zhing / /bran pho bran mo mngag pa'i tshogs mang ste/ /srog chags bye ba stong gis ri mo bgyis/ /rgyal po la yang de ni rtag tu gnang / /grong na su gnas pa yi grong pa dang / /
68b6 grong khyer pas ni de la thal sbyar gyur/ /dgos pa mang la shin tu dbang bas na/ /tshong pa mang po de yi drung du mchi/ /de ltar mi de 'byor par ldan pa ste/ /rgas shing 'khogs la
68b7 shin tu gtugs par 'gyur/ /de ni bu yi mya ngan bgyid sems pas/ /nyin dang mtshan mo rtag tu bas par gyur/ /bdag gi bu ni de 'dra blo gros log /de ni 'khyams nas lo yang
69a1 lnga bcu lon/ /'di ltar bdag la mdzod ni mang du yod/ /bdag ni 'chi ba'i dus la nye bar gyur/ /de'i bu byis pa de ni de yi tshe/ /dbul zhing rtag tu phongs
69a2 par gyur pas na/ /zas dang de bzhin gos rnams 'tshol pa'i phyir/ /grong dang grong rnams su yang rjes su rgyu/ /cung zad tsam ni res 'ga' 'tshol ba na/ /cung zad rnyed cing
69a3 res 'ga' ci mi rnyed/ /byis pa de ni gzhan gyi khyim na rke/ /g.yan pa dang ni rkom pos lus kyang yog/ gang na pha mchis grong khyer der mchi zhing / /'tshal ma dang ni rad pa
69a4 'tshol ba na/ /rang gi pha yi khyim de gal bar/ /de ni mthar gyis de ru phyin par gyur/ /skyes bu de ni phyug cing nor mang ste/ /sgo na seng ge'i khri yi steng na mchis/ /srog chags
69a5 brgya phrag du mas 'khor bar bskor/ /de steng par snang la yang bla re bres/ /skye bo yid brtan de yi gam yo 'khod/ /la la dag ni nor dang 'gron bu 'grang / /la la dag ni de na
69a6 spring ba 'dri/ /la la skyed dang spogs su rab tu gtong / /khyim bdag de khyim rab tu brgyan pa dag/ /dbul po des ni khyim de mthong nas su/ /bdag ni deng 'dir ga las ci
69a7 ltar 'ongs/ /'di ni rgyal po'am yang na blon po yin/ /'di ni nyes par gyur na mi rung zhes/ /tsham gzungs su yang bzung bar mi 'gyur grang / /mi de de snyam sems shing
69b1 'bros bgyid la/ /dbul po rnams kyi shul srang kun tu 'dri/ /phyug po des ni bdag gi bu mthong nas/ /seng ge'i khri la mchis shing dga' bar gyur/ /des ni de yi gan du 'dzin par
69b2 btang / /skyes bu dbul po de ni khrid de shog/ de yi mod la mi de bzung ba dang / /bzung ma thag tu de ni brgyal bar gyur/ /gor ma chag par bdag gsod nye bar lhags/ /bdag la zas
69b3 dang gos kyis ci zhig bya/ /nor mang mkhas pa de yis de mthong nas/ /byis pa log yid 'di ni dman la mos/ /nga yi 'byor pa 'di la dad mi byed/ /'di ni bdag gi pha zhes yid
69b4 mi ches/ /de yis sems can dman zhing gos ngan la/ /yon po zhar ba thang 'grums gyur pa yi/ /de 'dra'i mi dag kha cig btang nas su/ /las byed pa yi mi de rab tshol cig/ nga
69b5 yi 'di na phyag dar rul pa dang / gcin dang bshang bas ma rung gyur pa rnams/ /de dag 'phyag pa'i phyir ni las byos shog/ khyod ni gla yang nyis gyur sbyin par bya/ /mi des 'di lta
69b6 bu yi sgra thos nas/ /'ongs te sa phyogs de dag de yis phyags/ /khyim gyi drung du rtsa yi spyi bo na/ /der yang gnas bcas nas ni 'dug par byed/ /skar khung snang ba nas ni rtag par
69b7 yang | |phyug po des kyang skyes bu de bltas te/ /dman la mos pa bdag gi bu 'di ni/ /phyag dar phung po rnams ni 'phyag par byed/ /de ni babs te skon bu thogs bgyid cing / /dri
70a1 ma can gyi gos dag 'tshal nas su/ /de yi gan du nye bar mchis nas ni/ /las rnams mi byed ces ni rab tu spyos/ /khyod las gla yang nyis gyur sbyin par
70a2 bya| |de bzhin rkang pa bsku ba'ang nyis gyur du/ /lan tshwa can gyi zas ni khyod la sbyin/ /ras dang tshod ma dag kyang sbyin par bya/ /de tshe de ltar de lta spyos nas ni/ /mkhas pas de
70a3 ni slar yang rab tu dkris/ /khyod kyis 'dir ni shin tu las byos shig /nga yi bu yin yang dag the tshom med/ /de ni bags kyis bags kyis khyim bzhag ste/ /lo grangs nyi shu
70a4 bar du tshang bar yang / /mi de las rnams legs par bgyid du stsal/ /bags kyis mi de rnam par yid phab nas/ /des ni shel dang 'gron bu mu tig kyang / /khyim de nyid du
70a5 rab tu sbed par byed/ /de ni thams cad bgrang zhing brtsi bar bgyid/ /don dang nor rnams kun la'ang de sems so/ /de yi mchis brang gi ni slad rol na/ /byis pa de ni
70a6 gcig pu spyil bur gnas/ /bdag la longs spyod 'di dag yod med ces/ /dbul po'i bsam pa dag ni rjes su sems/ /bu de 'du shes rgya cher gyur pa ni/ /de yi
70a7 rnam pa de 'dra des 'tshal nas/ /mdza' bo gnyen bshes mang po kun bsags te/ nor 'di thams cad 'di la gtad par bya/ /de yis rgyal po'i grong dang grong khyer
70b1 mi| |tshong pa mang po dag kyang bsags nas su/ /'khor gyi dbus su 'di skad tshig smras pa/ /bdag gi bu 'di stor nas yun ring ste/ /sngar ni lo grangs lnga bcu tshang bar lon/ /gzhan
70b2 yang bdag gis mthong nas nyi shu lags/ /grong khyer 'di zhes bgyi bar bdag gis stor/ /de 'tshol slad du bdag ni 'dir mchis so/ /bdag gi nor 'di kun gyi bdag po ste/ /'di
70b3 dag thams cad ma lus 'di la gtad/ /pha yi nor gyis dgos dgur spyad par gyis/ /bran bza' 'di dag kun kyang rab tu sbyin/ /dman la mos dang pha yi yon tan dang / /sngon gyi
70b4 dbul zhing phongs pa dran nas ni/ /mi de shin tu ngo mtshar thob par gyur/ /bran bza' rnyed pas de ring shin tu bde/ /de bzhin bdag cag rnam par 'dren pa yis/ /dman pa la ni mos
70b5 par mkhyen pas na/ /sangs rgyas su yang 'gyur zhes ma bstan te/ /khyod ni nyan thos nga yi bu yin no/ /bdag la 'jig rten mgon pos bka' stsal pa/ /mchog rab byang chub la ni
70b6 su zhugs rnams/ /lam gang bsgoms pas sangs rgyas 'gyur ba yi/ /bla med lam ni de la 'od srung shod/ /de phyir bde bar gshegs pas bka' stsal nas/ /byang chub sems
70b7 dpa' stobs chen mang po la/ /rgyu dang dpe yang bye ba khrag khrig gis/ /bdag cag gis kyang bla med lam bstan to/ /rgyal ba'i sras kyis bdag las thos nas ni/ /byang chub mchog
71a1 lam de ni goms par bgyid/ /sangs rgyas su ni 'jig rten 'di 'gyur zhes/ /de ma thag tu de dag lung yang bstan/ /chos mdzod 'di ni yang dag srung bgyid
71a2 cing | |rgyal pa'i sras rnams la ni bstan pa yang / /ji ltar mi de'i yid brtan de bzhin du/ /rnam par 'dren pa de 'dra'i las bgyi'o/ /dbul po dag gi bsam pa rnam par sems/
71a3 sangs rgyas mdzod 'di rnams ni rab sbyin zhing / /rgyal ba'i ye shes rab tu bshad mod kyi/ /rgyal ba'i ye shes 'di ni don mi gnyer/ /bdag nyid mya ngan las kyang 'da' bar
71a4 rtog| ye shes 'di tsam las ni gzhan mi 'byung / /sangs rgyas rnams kyi zhing gi bkod thos nas/ /bdag cag nam yang dga' bar ma gyur to/ /chos 'di thams cad
71a5 zag med zhi ba ste/ 'gog pa dang ni skye ba rnam par spangs/ /'di ni chos rnams gang yang ma mchis shes/ /de ltar bsams na dad par ma gyur to/ /sangs rgyas ye
71a6 shes bla na med pa la/ /bdag cag yun ring dus nas mi re zhing / /bdag cag nam yang 'di la ma smon te/ /rgyal bas 'di ni dam pa'i mthar gsungs so/ /mya ngan 'das
71a7 pa'i mthar thug lus 'di la/ /stong pa nyid du yun ring yongs su bsgoms/ /khams gsum sdug bsngal gzir las yongs su thar/ /bdag cag gis ni rgyal ba'i
71b1 bstan pa bgyis/ /rgyal ba'i sras la gang tshe rab bstan to/ /byang chub mchog la yang dag su zhugs pa/ /de dag la ni chos gang ci bshad pa/ /de la bdag cag nam yang ro
71b2 ma mchis/ /bdag cag 'jig rten slob dpon rang byung gis/ /dus la bzhes pa mdzad nas yal bar bzhag /bdag cag rnams kyi dad pa rab brtags nas/ /yang dag ldem
71b3 dgongs tshig don de ma bshad/ /de yi thabs mkhas pa ni ji lta bur/ /dus su nor mang po yi skyes bu ltar/ /dman par dad pa bu de legs par btul/ /btul nas de la nor
71b4 yang rab tu stsal/ /thabs la mkhas pas rab tu ston mdzad de/ /dman la mos pa'i sras rnams 'dul mdzad cing / /btul nas sangs rgyas ye shes 'di stsol ba/ /'jig rten
71b5 mgon po shin tu dka' ba mdzad/ /sangs rgyas bstan pa 'di la bdag cag rnams/ /thog ma'i 'bras bu zag med dam pa thob/ /ji ltar dbul pos nor rnams rnyed pa bzhin/ /
71b6 de ring 'phral la bdag cag ngo mtshar thob/ /bdag cag tshul khrims gang rnams yun ring du/ /'jig rten mkhyen pa'i bstan la legs gsungs pa/ /mgon po sngon chad tshul
71b7 khrims spyad pa yi/ /de yi 'bras bu de ring bdag cag thob/ /tshangs par spyod pa mchog rab rnam dag gang / /'dren pa'i bstan la shin tu bsnyen bgyid pa/ /de yi 'bras bu zhig
72a1 khyad par can/ /rgya chen zag pa ma mchis de ring thob/ /mgon po de ring bdag cag sgrogs gyur te/ /byang chub dam pa yang dag bsgrag par bgyi/ /byang chub pa yi
72a2 sgra yang rab tu brjod/ /de bas bdag cag sgrogs pa mi bzad 'dra/ /mgon po deng ni bdag cag 'os gyur te/ /lha dang bcas pa'i 'jig rten bdud dang bcas/ /tshangs par
72a3 bcas pa'i sems can thams cad kyis/ /bdag cag shin tu mchod par 'os pa lags/ /mi yi 'jig rten 'di na gang dka' ba/ /dka' ba 'di 'dra bdag cag mdzad pas na/ /
72a4 bskal pa bye ba mang por 'bad pas kyang / /khyod la lan glon rdo thogs ga la mchis/ /mgo dang lag pa dang ni rkang pas kyang / /lan du phan par bgyi ba shin tu dka'/ /gang+gA'i
72a5 bye snyed bskal pa rdzogs par yang / /mgo dang phrag la gang gis khyer ba dang / /bca' dang bza' dang skom dang gos rnams dang / /mal cha stan dang steng g.yogs chen po phul//
72a6 tsan+dan dag las gtsug lag khang bgyis te/ /bcos bu'i ras phrugs rab tu bting ba dang / /na ba'i gsos sman rnam pa mang po yang / /bde bar gshegs pa mchod phyir
72a7 rtag phul te/ /gang+gA'i bye snyed bskal par phul yang ni/ /de la nam yang lan glon rngo mi thogs/ /mtshungs med mthu mnga' che ba'i chos ldan pa/ /bzod pa'i stobs gnas rdzu
72b1 'phrul che rnams dang / /sangs rgyas rgyal chen zag med rgyal ba ni/ /byis pa dag gi 'di 'dra shin tu bzod/ /de bzhin rtag tu rjes su mthun 'jug cing / /mtshan ma spyod pa rnams la
72b2 chos ston te/ /chos kyi dbang phyug 'jig rten kun la dbang / /dbang phyug chen po 'jig rten 'dren dbang po/ /sems can gnas rnams rab tu mkhyen pas na/ /so sor bsgrub pa rnam
72b3 pa mang por ston/ /de dag mos pa sna tshogs mkhyen nas su/ /brgya phrag stong gis rab tu chos 'chad do/ /sems can thams cad dang ni gang zag gi /de bzhin gshegs kyi spyod pa
72b4 rab mkhyen pas/ /byang chub dam pa 'di ni rab ston cing / /chos rnams rnam pa mang po shin tu gsung / /dam pa'i chos pad+ma dkar po las/ mos pa'i le'u zhes bya ste bzhi pa'o// //de nas bcom ldan 'das kyis tshe dang ldan pa 'od srung chen po dang / gzhan yang gnas brtan nyan thos chen po de dag la bka' stsal pa/ 'od srung / legs so/ /legs so/ /khyed
72b5 kyis de bzhin gshegs pa'i yang dag pa'i yon tan bsngags pa brjod pa ni/ 'od srung / khyed legs so/ /'od srung / de dag ni de bzhin gshegs pa'i yon tan no/ /de bas gzhan
72b6 yang mang zhing tshad med grangs med de/ bskal pa dpag tu med par bshad kyang / de dag gi mtha' rtogs par sla ba ma yin no/ /'od srung / de bzhin gshegs pa ni chos kyi rje//
73a1 chos thams cad kyi rgyal po gtso bo mnga' ba ste/ 'od srung / de bzhin gshegs pas chos gang du bzhag pa dang / ji ltar bzhag pa de dag de bzhin du
73a2 'gyur ro/ /'od srung / de bzhin gshegs pa chos thams cad rig par 'jog ste/ de bzhin gshegs pa'i ye shes kyis 'jog go /ji ltar chos de dag thams cad mkhyen
73a3 pa'i sa nyid du 'byung bar de ltar 'jog go /chos thams cad kyi don gyi rim pa la de bzhin gshegs pa gzigs te/ chos thams cad la lhag pa'i bsam pa thob/ chos
73a4 thams cad nges par gtan la dbab pa la thabs mkhas pa'i ye shes dam pa mchog thob ste/ 'od srung / de bzhin gshegs pa dgra bcom pa yang dag par rdzogs pa'i
73a5 sangs rgyas ni thams cad mkhyen pa'i ye shes ston pa'o/ /thams cad mkhyen pa'i ye shes la 'dzud pa'o/ /thams cad mkhyen pa'i ye shes la 'jog pa'o/ /'od srung /
73a6 'di lta ste/ dper na/ stong gsum gyi stong chen po'i 'jig rten gyi khams 'di na/ rtswa dang / shing gel pa dang / sman dang / nags tshal kha dog sna tshogs rnam pa du ma dang /
73a7 sman mang po ming tha dad du btags pa sa dang / ri dang ri sul dag nas ji snyed skyes pa/ sprin chu chen pos rgyas pa 'dus nas/ thams cad dang ldan pa'i stong gsum gyi stong
73b1 chen po'i 'jig rten gyi khams khebs par byas so/ /kun khebs par byas nas dus gcig tu char mnyam par phab ste/ 'od srung / stong gsum gyi stong chen po'i 'jig rten gyi
73b2 khams 'di'i rtswa dang / shing gel pa dang / sman dang / nags tshal de na/ sdong bu dang / yal ga dang / lo ma dang / 'dab ma gzhon zhing 'jam pa ci yod pa dang / sdong bu dang /
73b3 yal ga dang / lo ma dang / 'dab ma bar ma ci yod pa dang / sdong bu dang / yal ga dang / lo ma dang / 'dab ma chen po dang / rtswa dang / shing gel pa dang / sman pa dang / nags tshal
73b4 gyi sdong po dang / sdong po chen po ci yod pa de dag thams cad/ sprin chen po las char bab pa la mthu dang yul ji lta ba bzhin du chu'i khams so sor 'thungs te/ de'ang sprin chen po
73b5 gcig las byung ba/ ro gcig pa'i chu mang pos sa bon ji lta bar rjes su mthun par skyes te/ 'phel zhing rgyas par 'gyur ro/ /de bzhin du me tog dang / 'bras bu 'byung ste/
73b6 de dag kyang so so'i ming thob bo/ /sa gcig la gnas pa'i sman mang po sa bon mang po de thams cad chu ro gcig pas bangs pa de bzhin du/ 'od srung / de bzhin gshegs pa
73b7 dgra bcom pa yang dag par rdzogs pa'i sangs rgyas 'jig rten du byung ngo / /ji ltar sprin chen po 'dus pa de bzhin du de bzhin gshegs pa byung nas/ lha dang / mi dang / lha
74a1 ma yin du bcas pa thams cad dang ldan pa'i 'jig rten la dbyangs kyis go bar mdzad do/ /de la 'di lta ste/ dper na/ sprin chen po des thams cad dang
74a2 ldan pa'i stong gsum gyi stong chen po'i 'jig rten gyi khams khebs pa de bzhin du/ 'od srung / de bzhin gshegs pa dgra bcom pa yang dag par rdzogs pa'i sangs rgyas
74a3 kyis lha dang / mi dang / lha ma yin du bcas pa'i 'jig rten gyi mdun du sgra 'di skad 'byin cing dbyangs kyis thos par byed de/ lha dang mi dag /nga ni de bzhin gshegs pa
74a4 dgra bcom pa yang dag par rdzogs pa'i sangs rgyas te/ brgal nas bsgral lo/ /grol nas dgrol lo/ /dbugs phyin nas dbugs dbyung ngo / /yongs su mya ngan las 'das
74a5 nas yongs su mya ngan las 'da'o/ /nga ni da ltar gyi 'jig rten dang / 'jig rten gzhan yang yang dag pa'i shes rab kyis yang dag pa ji lta ba bzhin du rab tu mkhyen to/ /thams
74a6 cad mkhyen cing thams cad gzigs so/ /lha dang mi dag/ chos nyan pa'i phyir nga'i drung du shog cig /nga ni lam ston pa'o/ /lam 'chad pa'o/ /lam rig pa'o/ /lam
74a7 mkhas pa'o/ /'od srung / de ltar srog chags bye ba khrag khrig brgya stong mang po de bzhin gshegs pa la chos nyan zhing nye bar lhags pa'i sems can de dag gi dbang po
74b1 dang | brtson 'grus kyi rim pa de bzhin gshegs pas mkhyen nas/ de dag la chos kyi rnam grangs nye bar sbyor ro/ /de dag la chos kyi gtam mang po sna tshogs dga' ba/ tshim pa/
74b2 mgu bar byed pa/ phan pa dang bde bar 'gyur ba'i gtam gang gis sems can tshe 'di la bde bar 'gyur zhing 'chi ba'i dus byas nas kyang bde 'gror skye la/ gar skyes pa der
74b3 'dod pa mang po spyod kyang chos nyan zhing / chos de thos nas sgrib pa med par 'gyur te/ mthar gyis thams cad mkhyen pa'i chos la stobs ji lta ba dang / yul ji lta ba dang /
74b4 mthu ji lta ba bzhin du 'jug pa 'gyur ba gsung ngo / /'od srung / 'di lta ste/ dper na/ sprin chen po des stong gsum gyi stong chen po'i 'jig rten gyi khams khebs nas char
74b5 mnyam par phab ste/ rtswa dang / shing gel pa dang / sman dang / nags tshal thams cad chus ngoms te/ stobs ji lta ba dang / yul ji lta ba dang / mthu ji lta ba bzhin du rtswa
74b6 dang / shing gel pa dang / sman dang / nags tshal la sogs bas chu 'thung ste/ bdag bdag gi so so'i rigs dang tshad du skye'o/ /'od srung / de bzhin du de bzhin gshegs
74b7 pa dgra bcom pa yang dag par rdzogs pa'i sangs rgyas kyis chos bshad pa/ chos thams cad ro gcig pa ste/ de ni rnam par grol ba dang / 'dod chags dang bral ba dang / 'grog
75a1 pa dang / thams cad mkhyen pa'i ye shes kyi mthar ro gcig go /'od srung / de bzhin du de bzhin gshegs pas chos bshad pa de la sems
75a2 can gang nyan pa dang / 'dzin pa dang / 'dzud pa de dag bdag gis bdag shes pa'am rig pa'am rtogs pa med do/ /de ci'i phyir zhe na/ 'od srung / de bzhin gshegs
75a3 pas 'di ltar sems can de dag de bzhin du mkhyen te/ de dag su yin pa dang / de dag ci lta bu yin pa dang / de dag ci 'dra ba dang / de dag ci la sems pa dang / de dag
75a4 ji ltar sems pa dang / de dag cis sems pa dang / de dag ci la sgom pa dang / de dag ji ltar sgom pa dang / de dag cis sgom pa dang / de dag ci 'thob pa dang / de dag
75a5 ji ltar 'thob pa dang / de dag cis 'thob pa de dag thams cad ni/ 'od srung / /de bzhin gshegs pa la mngon sum ste/ mngon sum du gzigs/ ji lta ba bzhin du
75a6 gzigs pa'i phyir ro/ /'od srung / 'di lta ste/ rnam par grol ba'i ro dang / mya ngan las 'das pa'i mthar thug pa dang / rtag par yongs su mya ngan las 'das pa dang /
75a7 sa gcig pa dang / nam mkha'i spyod yul du ngas chos rnams ro gcig par rtogs kyang / sems can rnams kyi dad pa bsrung ba'i phyir/ sa de dang de dag na gnas pa'i
75b1 sems can rtswa dang / shing gel ba dang / sman dang / nags tshal rab 'bring tha ma de dag lta bu la thams cad mkhyen pa'i ye shes glo bur du mi ston to/ /'od srung / de bzhin gshegs
75b2 pas ldem por dgongs te bshad pa la khyed 'jug mi nus pas khyed ngo mtshar du gyur to/ /de ci'i phyir zhe na/ 'od srung / de bzhin gshegs pa dgra bcom pa yang dag par rdzogs
75b3 pa'i sangs rgyas rnams kyis dgongs te bshad pa ni shes par dka' ba'i phyir ro/ /de nas bcom ldan 'das kyis de'i don rgyas par ston cing / de'i tshe tshigs su bcad pa 'di dag
75b4 bka' stsal to/ /chos rgyal srid pa 'joms mdzad pa/ /nga ni 'jig rten byung nas su/ /mos pa rnam par mkhyen gyur nas/ /sems can rnams la chos 'chad do/ /dpa' bo chen
75b5 po blo brtan pas/ /bshad pa rnams ni yun ring srung / /gsang chen dag kyang 'dzin mdzad cing / /srog chags rnams la mi ston to/ /ye shes de ni shes dga' ste/ /byis pa
75b6 rnams kyis 'phra la thos/ /mi shes pas na the tshom gyur/ /de las nyams shing de dag 'khyam/ /de yi stobs kyang ci 'dra dang / /yul yang ji bzhin bshad par bya/ /tha dad pa
75b7 yi don rnams kyis/ /lta ba dag ni drang por bya/ /'od srung sprin ni ji lta bur/ /'dus nas 'jig rten khams rnams su/ /sa rnams rab tu yog par ni/ /thams cad du yang khebs
76a1 par gyur/ /de ni rab tu chus rgyas te/ /sprin chen glog gi phreng bar bcas/ /skad kyis shin tu sgra 'byin cing / /lus can rnams la dga' bar byed/ /nyi
76a2 ma'i 'od ni bsgribs pas na/ /dkyil 'khor dag kyang bsil bar byas/ /lag gis slebs par 'dug nas su/ /thams cad du ni char yang 'bebs/ /de ni snyoms par 'bebs
76a3 pa yang / /chu yi phung po mi chung bar/ /kun tu bab par gyur pas na/ /sa 'di rnams kyang ngoms par byas/ /gang dag sa 'di rnams las ni/ /skye bar gyur pa sman rnams
76a4 dang / /rtswa dang gel ba nags tshal dang / /sdong po dang ni sdong chen dang / /'bru yi rnam pa mang po dang / /sngon por gyur pa dag kyang rung / /ri dang ri sul nags rnams
76a5 sam| |sman ljongs nas ni gang 'khrungs pa/ /sprin gyis thams cad ngoms par byed/ /rtswa dang gel pa nags tshal dang / /gdungs pa'i sa yang ngoms par byas/ /sman
76a6 rnams la yang kun tu phab/ /chu de rnams kyang ro gcig ste/ /sprin las bab pa 'di na gnas/ /ji ltar stobs dang yul gzhan du/ /rtswa dang gel pa de 'thung ngo / /sdong po
76a7 dang ni sdong po chen po rnams/ /chung ngu bar ma na tshod ji bzhin du/ /ji ltar stobs bzhin thams cad chu 'thung ste/ /'thungs nas ji ltar 'dod pa bzhin du skye/ /sprin las
76b1 char pa bab pas rtsi chen rnams/ /sdong bu sbu gu shun pa ji ltar bar/ /yal ga gyes dang 'dab ma ji bzhin du/ /'bras bu me tog rnams kyang de bzhin 'phel/ /char pa ro gcig pa
76b2 yang bab pas na/ /ji lta'i stobs dang yul ni ci 'dra bar/ /gang gis sa bon dag ni ci 'dra las/ /de dag rang rang las ni skye ba 'byin/ /'od srung de bzhin sangs rgyas 'jig rten
76b3 'dir| |'jig rten char 'dzin sprin dang 'dra bar 'byung / /'jig rten mgon po byung nas chad par 'gyur/ /srog chags la ni yang dag spyod par ston/ /lhar bcas 'jig rten
76b4 dag gis mdun bdar nas/ /de ltar drang srong chen po rab sgrogs te/ /de ni rkang gnyis mchog rgyal de bzhin gshegs/ /sprin lta bur ni 'jig rten 'dir byung ste/ /rab tu lus
76b5 bskams srid pa gsum chags pa/ /sems can thams cad ngas ni ngoms par byas/ /sdug bsngal dag gis bskams pa bde la dgod/ /ngas ni 'dod dang mya ngan 'das pa'ang
76b6 sbyin| |lha dang mi tshogs rnams kyang nga la nyon/ /nga la lta ba'i phyir ni nye bar shog /de bzhin gshegs pa bcom ldan zil mi non/ /bsgral ba'i phyir ni 'jig rten 'dir
76b7 skyes te| |rnam dag shin tu mthong bar bya ba'i chos/ /srog chags bye ba stong la bshad par bya/ /de yi mnyam pa nyid dang yang dag gcig /de ni rnam grol mya ngan 'da' ba
77a1 yin| |rtag tu byang chub phyir ni zhugs par yang / /dbyangs gcig gis ni rab tu chos bshad de/ /de ni mnyam pa nyid de mi mnyam med/ /'dod
77a2 chags med cing zhe sdang dag kyang med/ /nam yang nga la rjes su chags pa med/ /su la'ang nga ni mdza' zhing sdang ba med/ /sems can gcig bzhin 'gro ba gzhan la ste/ /
77a3 lus can rnams la chos ni snyoms par 'chad/ /las gzhan mi byed rab tu chos 'chad de/ /'gro ba dang ni 'greng dang 'dug pa dang / /mal du zhugs te nyal ba'i tshe na
77a4 yang / /nam yang nga la skyo bar gyur pa med/ /sprin gyis char pa mnyam par phab pa bzhin/ /'jig rten 'di rnams thams cad ngoms par bya/ /'phags pa dang ni ma rabs
77a5 mtshungs pa'i blo/ /tshul khrims ldan dang tshul khrims 'chal ba dang / /de bzhin mi gang spyod pa nyams pa dang / /spyod dang cho ga rnams su ldan pa dang / /lta la gnas
77a6 shing lta ba gang nyams dang / /yang dag gang lta lta ba rnam dag dang / /blo gros ngan pa dang ni dam pa'ang rung / /dbang po brtul po rnams la chos bshad de/ /skyo ba thams
77a7 cad rab tu rnam spangs nas/ /ngas ni yang dag chos kyi char pa phab/ /ji lta'i stobs bzhin nga la mnyan nas ni/ /lha mi nang na yid du 'ong ba dang / /'khor los bsgyur
77b1 dbang rgya byin tshangs pa yi/ /rnam pa mang po'i sa la gnas par 'gyur/ /phran tshegs phran tshegs sman rnams 'di dag dang / /'jig rten 'di na gang chung 'di dag dang / /bar ma
77b2 chen po dman rnams gzhan dag kyang / /de dag thams cad rab tu bshad kyi nyon/ /zag pa med pa'i chos rnams rab shes nas/ /mi dag mya ngan 'das thob gnas pa dang / /
77b3 drug mngon shes shing gsum rig gang 'gyur pa/ /de ni bar ma'i sman zhes bya ba yin/ /gang dag ri sul rnams na gnas pa dang / /mi gang rang rgyal byang chub 'dod byed pa/ /de
77b4 'dra 'bring du rnam par dag pa'i blo/ /de ni bar ma'i sman zhes bya ba yin/ /brtson 'grus dang ni bsam gtan rnams bsten cing / /lha dang mi mgon sangs rgyas 'gyur bya zhes/ /skyes bu
77b5 khyu mchog tu yang gang smon pa/ /de ni sman gyi mchog ces bya ba yin/ /bde bar gshegs pa'i sras po gang bzhugs pa/ /byams pa bsnyen cing 'di la zhi ba spyod/ /skyes bu khyu mchog
77b6 tu yang the tshom med/ /de 'dra 'di na sdong po yin zhes bya/ /phyir mi ldog pa'i 'khor lo rab bskor zhing / /rdzu 'phrul stobs la gnas pa gang dpa' ba/ /srog chags bye ba mang po rab
77b7 tu 'grol/ /de ni 'di na sdong po chen po yin/ /rgyal bas chos de mnyam par bshad pa ni/ /sprin gyis char pa mnyam pa phab pa bzhin/ /sna tshogs mngon shes 'di 'dra 'di dag kyang //
78a1 sa steng sman rnams ji ltar gnas pa bzhin/ /de lta bu yi dpe dag bstan pa yis/ /de bzhin gshegs pa'i thabs rnams shes par gyis/ /ji ltar de yis
78a2 chos gcig bshad pa yang / /sna tshogs tshig ni char gyi thigs pa bzhin/ /ngas kyang chos kyi char pa phab pas na/ /'jig rten 'di dag thams cad ngoms par gyur/ /rab tu bshad
78a3 pa ro gcig chos la yang / /ci 'dra stobs bzhin rjes su rnam par sems/ /ji ltar rtswa dang gel pa'i shing rnams dang / /bar ma'i sman rnams la yang ji lta bar/ /sdong po dang ni
78a4 sdong po chen po de/ /char bab phyogs bcu kun na'ang mdzes pa bzhin/ /'di ni rtag tu 'jig rten phan pa'i chos/ /'jig rten 'di kun chos kyis ngoms par byed/ /'jig rten
78a5 thams cad ngoms par byas nas ni/ /sman rnams la ni me tog rab tu 'byung / /bar ma'i sman rnams rnam par skye ba ni/ /dgra bcom gang dag zag pa zad gnas dang / /nags
78a6 tshal khrod nas rang sangs rgyas rnams la/ /legs par gsungs pa'i chos rnams bstan par bya/ /byang chub sems dpa' mang po dran ldan brtan/ /byang chub mchog 'di yongs
78a7 su 'tshol ba na/ /khams gsum thams cad rtogs par khong chud pa/ /de dag rtag tu skye ba sdong po bzhin/ /rdzu 'phrul gang ldan bsam gtan bzhir zhugs pa/ /gang dag stong
78b1 pa nyid thos dga' skyed cing / /'od zer stong phrag rab tu gtong ba rnams/ /de dag sdong po chen po zhes kyang bya/ /'od srung 'di lta bu yi chos bshad pa/ /sprin gyis char pa mnyam par phab
78b2 pa bzhin/ /mi yi me tog mang po mtha' yas pa/ /des ni mang po'i sman bzhin rnam par skyed/ /rang gis rig pa'i chos rnams rab tu bshad/ /sangs rgyas byang chub dag ni dus su
78b3 bstan/ /de ni 'jig rten 'dren pa thams cad dang / /nga yi thabs la mkhas pa mchog yin no/ /'di ltar don dam yang dag ngas bshad pa/ /nyan thos de kun mya ngan ma 'das te/ /de
78b4 dag byang chub spyod pa rab spyad nas/ /nyan thos 'di dag thams cad sangs rgyas 'gyur/ /'od srung / gzhan yang de bzhin gshegs pa ni sems can 'dul bar mtshungs te/ mi
78b5 mtshungs pa med do/ /'od srung / 'di lta ste/ dper na/ nyi ma dang / zla ba'i 'od kyis 'jig rten thams cad du snang bar byed pa ni/ dge ba byed pa dang / mi dge ba byed ba dang / steng
78b6 na gnas pa dang / 'og na gnas pa dang / dri zhim pa dang / dri mi zhim pa thams cad la mnyam par 'od kyis phog ste/ mi mnyam pa ma yin no/ /'od srung / de bzhin du de bzhin
78b7 gshegs pa dgra bcom pa yang dag par rdzogs pa'i sangs rgyas kyi thams cad mkhyen pa'i ye shes kyi sems kyi 'od kyis 'gro ba lngar skyes pa'i sems can thams cad ji ltar
79a1 mos pa bzhin du theg pa chen po pa dang / rang sangs rgyas kyi theg pa can dang / nyan thos kyi theg pa can rnams la chos bshad pa de mnyam par 'jug la/ de
79a2 bzhin gshegs pa'i ye shes ni skye ba'ang med/ 'bri ba'ang med de/ 'di ltar bsod nams dang / ye shes yang dag par sdud par 'gyur ro// //dam pa'i
79a3 chos pad+ma dkar po/ bam po lnga pa/ 'od srung / theg pa ni gsum du med de/ sems can spyod pa tha dad pas/ de'i phyir gyi na theg pa gsum du btags par zad do/ /de skad
79a4 ces bka' stsal nas/ bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das/ gal te theg pa gsum du ma mchis na/ ci'i
79a5 slad du da ltar byung ba'i dus na nyan thos dang / rang sangs rgyas dang / byang chub sems dpar gdags pas rab tu gdags/ de skad ces gsol nas/ bcom ldan 'das kyis
79a6 tshe dang ldan pa 'od srung chen po la 'di skad ces bka' stsal to/ /'od srung / 'di lta ste/ dper na/ rdza mkhan gyis 'jim pa mtshungs pa la snod byas te/ de las kha cig ni
79a7 bu ram gyi snod du gyur/ kha cig ni mar gyi snod/ kha cig ni zho dang 'o ma'i snod/ kha cig ni ngan pa mi gtsang ba'i snod du gyur/ 'jim pa la tha dad pa med mod kyi/ rdzas bcug pa
79b1 tsam gyis snod tha dad par snang ngo / /'od srung / de bzhin du theg pa gcig pu 'di nyid de/ 'di lta ste/ sangs rgyas kyi theg pa ste theg pa gnyis sam gsum du med do/ /de skad ces
79b2 bka' stsal nas/ bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das/ gal te sems can mos pa tha dad pa gang dag khams
79b3 gsum nas byung ba de dag gi mya ngan las 'das pa gcig gam/ 'on te gnyis sam gsum/ bcom ldan 'das kyis bka' stsal pa/ 'od srung / chos thams cad mnyam pa nyid du
79b4 khong du chud pa'i phyir/ mya ngan las 'da' bas na de ni gcig ste/ gnyis su med/ gsum du'ang med do/ /'od srung / skyes bu mkhas pa kha cig ni dpes bshad pa'i don rig par
79b5 'gyur te/ de'i phyir khyod la dpe bstan par bya'o/ /'od srung / 'di lta ste/ dper na/ mi dmus long zhig 'di skad du/ kha dog bzang po dang / kha dog ngan pa'i gzugs kyang med/
79b6 kha dog bzang po dang / kha dog ngan pa'i gzugs mthong ba'ang med/ nyi ma dang zla ba'ang med/ skar ma'ang med/ gza' mthong ba'ang med do zhes zer ro/ /de nas mi gzhan dag
79b7 gis dmus long de'i mdun du 'di skad ces/ kha dog bzang po dang kha dog ngan pa dag kyang yod/ kha dog bzang po dang kha dog ngan pa'i gzugs mthong ba'ang yod/ de bzhin du nyi
80a1 ma dang / zla ba dang / skar ma'ang yod/ gza' yang yod/ /gza' mthong ba'ang yod de zhes smras na/ mi dmus long de mi de dag la yid mi ches shing
80a2 smras pa bzhin mi 'dzin to/ /de nas sman pa nad thams cad shes pa la la zhig gis dmus long de mthong nas de 'di snyam du sems te/ mi de sngon gyi sdig pa'i las kyis nad
80a3 du gyur te/ gang cung zad nad du gyur pa de thams cad rnam pa bzhi ste/ rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur
80a4 pa'o snyam mo/ /de nas sman pas de'i nad zhi bar bya ba'i phyir yang dang yang thabs bsams te/ gang 'di na sman yod pa rnams kyis ni nad de phyin par mi nus kyi/ gangs kyi
80a5 ri'i rgyal po la sman sna bzhi yod de/ bzhi gang zhe na/ 'di lta ste/ gcig tu ni kha dog dang ro thams cad kyi gnas dang ldan pa zhes bya ba dang / gnyis su na nad thams cad las
80a6 rab tu thar par byed pa zhes bya ba dang / gsum du na dug thams cad las thar bar byed pa zhes bya ba dang / bzhir na gnas gang na 'dug par bde ba sbyin pa zhes bya ba dang de bzhi
80a7 yod do snyam mo/ /de nas dmus long de la sman pa des snying rje bskyed nas/ thabs gang gis gangs kyi ri'i rgyal po la 'gro nus pa de lta bu'i thabs bsams te/ song nas yar
80b1 yang 'dzegs/ mar yang babs/ /ngos la'ang btsal to/ /de ltar btsal te/ sman de sna bzhi rnyed nas/ rnyed pa dang kha cig ni sos bcas te byin/ kha cig ni btags/ kha cig ni phrad
80b2 gzhan dang sbyar la btsos te sbyin/ kha cig ni phrad rlon pa dang sbyar te byin/ kha cig ni lus kyi gnas thur mas phug ste blugs/ kha cig ni mes bsregs te byin/ kha cig ni phrad
80b3 gzhan dang sbyar te/ zas dang skom la sogs pa dang bsres te byin no/ /de nas dmus long de thabs sbyar ba des mig thob bo/ /des mig thob nas/ phyi dang / nang dang / ring po dang /
80b4 nye ba dang / zla ba dang / nyi ma'i 'od dang / skar ma dang / gza'i gzugs thams cad kyang mthong nas/ 'di skad ces/ kye ma/ a la la blun po kho bo sngon ni bstan kyang yid mi
80b5 ches shing smras pa bzhin mi 'dzin na/ da ni kho bos thams cad mthong nas dmus long las thar te kho bos mig thob pas/ kho bo lta bur khyad par du 'phags pa gang yang med do
80b6 zhes smras so/ /de'i tshe na drang srong mngon par shes pa lnga dang ldan pa lha'i mig dang / lha'i rna ba dang / pha rol gyi sems shes pa dang / sngon gyi gnas rjes su dran pa'i shes pa
80b7 dang / rdzu 'phrul mngon sum du bya ba la mkhas pa dag cig yod de/ de dag gis mi de la 'di skad ces smras te/ kye/ mi khyod ni mig rnyed pa 'ba' zhig tu zad kyi/ khyod gzhan
81a1 ci'ang mi shes na khyod kyi nga rgyal de ci las byung / khyod la ni shes rab kyang med/ mkhas pa'ang ma yin no/ /de dag gis yang de la 'di skad ces smras te/ kye|
81a2 mi khyod gang gi tshe khyim gyi nang na 'dug pa na/ phyi logs kyi gzugs gzhan dag mi mthong mi shes/ khyod kyis sems can gang dag byams par sems pa dang / gnod par sems
81a3 pa de dag kyang mi shes/ dpag tshad lnga'i bar na 'dug pa'i smra ba dang / rnga dang / dung la sogs pa'i sgra'ang mi shes mi thos/ rgyang grags gcig gi bar du gom pa mi 'dor bar
81a4 'gro'ang mi nus/ ma'i lto na skye zhing 'phel ba'i byed pa de dag kyang mi dran na/ ji ltar mkhas pa yin/ ji ltar na thams cad mthong zhes smra/ kye| mi khyod kyis snang ba gang yin
81a5 pa de ni mun par shes so/ /mun pa gang yin pa de ni snang bar shes so zhes smras pa dang / de nas mi des drang srong de dag la 'di skad ces smras te/ thabs gang dang dge ba'i
81a6 las ci byas na/ 'di 'dra ba'i shes rab 'thob/ khyod kyi bya dga' la yon tan de dag thob par gyis shig /de nas drang srong de dag gis mi de la 'di skad ces smras so/ /gal
81a7 te 'dod na 'brog dgon par gnas par gyis/ yang na brag phug tu 'dug la chos sems shing khyod kyis nyon mongs pa rnams spang bar bya ste/ de bzhin du sbyangs pa'i yon
81b1 tan dang ldan na/ mngon par shes pa rab tu 'thob bo/ /de nas mi des de'i don blangs te/ rab tu byung nas dgon pa la gnas te/ sems rtse gcig pas 'jig rten gyi sred pa spangs te/
81b2 mngon par shes pa lnga thob bo/ /mngon par shes pa lnga thob nas bsams pa/ sngon bdag gis las gzhan byas pa des bdag gis yon tan gang yang ma thob bo/ /da ni gar bsams
81b3 par 'gro'o/ /sngon bdag ni shes rab chung zhing rtogs pa chung ste/ bdag gi ni dmus long du gyur pa'o snyam mo/ /'od srung / de ltar don de rig par bya ba'i phyir/ dpe 'di byas te
81b4 de'i don ni 'di ltar blta'o/ /'od srung / dmus long zhes bya ba de ni sems can 'gro ba lnga'i 'khor ba na gnas pa rnams kyi tshig bla dwags te/ gang dag dam pa'i chos mi shes
81b5 shing | nyon mongs pa'i mun pa mun nag skyed pa de dag ma rig pas ldongs so/ /ma rig pas ldongs pas 'du byed sogs so/ /'du byed kyi rkyen gyis ming dang gzugs nas/ de
81b6 bzhin du sdug bsngal gyi phung po chen po 'ba' zhig pa de'i bar du 'byung bar 'gyur ro/ /de ltar ma rig pas ldongs te/ sems can 'khor ba na gnas pa rnams la de bzhin
81b7 gshegs pas thugs rje bskyed nas/ khams gsum las 'das kyang bu gcig pa'i pha byams pa bzhin du/ thugs rje chen po bskyed nas khams gsum du gshegs te/ sems
82a1 can rnams 'khor ba'i 'khor lo na 'khyam zhing nyon mongs kyang de dag 'khor ba las 'byung ba yang dag pa ji lta ba bzhin du mi shes par de dag bcom
82a2 ldan 'das kyi shes rab kyi spyan gyis gzigs so/ /gzigs nas kyang sems can 'di dag sngon dge ba byas pas zhe sdang chung la 'dod chags che ba dang / 'dod chags chung la
82a3 zhe sdang che ba dang / kha cig shes rab chung ba dang / kha cig mkhas pa dang / kha cig yongs su smin cing dag pa dang / kha cig log par lta ba mkhyen nas/ sems can de dag
82a4 la de bzhin gshegs pa thabs mkhas pas theg pa gsum du bshad do/ /de la ji ltar drang srong de dag mngon par shes pa lnga dang ldan zhing mig rnam par dag pa de bzhin du
82a5 byang chub sems dpas byang chub tu sems bskyed de/ mi skye ba'i chos la bzod pa thob nas/ bla na med pa yang dag par rdzogs pa'i byang chub mngon par rdzogs par 'tshang rgya
82a6 bar blta'o/ /de la sman pa chen po de ji lta ba bzhin du de bzhin gshegs par blta'o/ /dmus long ji lta ba bzhin du gti mug gis ldongs pa'i sems can du blta'o/ /rlung
82a7 dang | mkhris pa dang / bad gan ji lta ba de bzhin du 'dod chags dang / zhe sdang dang / gti mug dang / lta ba drug cu rtsa gnyis su gyur par blta'o/ /ji ltar sman sna bzhi po
82b1 de ltar stong pa nyid dang / mtshan ma med pa dang / smon pa med pa dang / mya ngan las 'das pa'i sgor blta'o/ /ji lta ji lta bur sman rnams btang bas/ de lta de lta bur nad rab tu
82b2 zhi ba de bzhin du rnam par thar pa'i sgo stong pa nyid dang / mtshan ma med pa dang / smon pa med pa bsgoms pas ma rig pa 'gag par byed cing / ma rig pa 'gags pas 'du byed
82b3 'gag pa nas/ de bzhin du sdug bsngal gyi phung po chen po 'ba' zhig pa de'i bar du 'gag par gyur te/ de bzhin du de'i sems dge ba la'ang mi gnas/ sdig pa la'ang mi
82b4 gnas te/ ji ltar dmus long gis mig mthong ba de bzhin du nyan thos dang / rang sangs rgyas kyi theg pa can du blta'o/ /'khor ba'i nyon mongs pas bcings pa gcod cing nyon
82b5 mongs pa'i bcing ba las rnam par grol te khams gsum gyi 'gro ba drug las rab tu thar bas na/ de'i phyir nyan thos kyi theg pa can gyi 'di ltar shes nas/ 'di skad ces mngon
82b6 par rdzogs par 'tshang rgya bar bya ba'i chos gzhan med de/ bdag ni mya ngan las 'das pa thob bo zhes zer ro/ /de nas de bzhin gshegs pa de la chos ston te/ gang gis
82b7 chos thams cad ma thob pa de la mya ngan las 'das pa ga la yod ces de bzhin gshegs pas de dag byang chub tu btsud de/ de byang chub kyi sems bskyed nas 'khor ba la'ang
83a1 mi gnas/ mya ngan las 'da' ba thob par yang mi 'gyur ro/ /des khams gsum rab tu rtogs nas phyogs bcu'i 'jig rten stong pa dang / sprul pa lta bu
83a2 dang | sgyu ma lta bu dang / rmi lam dang / smig rgyu dang / brag ca lta bu dang / chos thams cad ma skyes pa dang / ma 'gags pa dang / ma bcings pa dang / ma grol ba dang / mun
83a3 pa'ang ma yin/ snang ba'ang ma yin par mthong ngo / /gang gis de ltar chos zab mo mthong ba dang thos pa des khams gsum thams cad gang ba'i sems can gyi bsam pa dang
83a4 mos pa tha dad pa mi mthong ba'i tshul gyis mthong ngo / /de nas bcom ldan 'das kyis de'i don rgyas par ston cing de'i tshe tshigs su bcad pa 'di dag bka' stsal to/ /ji ltar
83a5 nyi ma zla ba'i 'od/ /yon tan ldan dang sdig can gyi/ /mi la mnyam par rab 'char te/ /de la skye zhing 'bri ba med/ /de bzhin gshegs kyi shes rab 'od/ /snyoms pa nyi ma
83a6 zla ba bzhin/ /lhag cing chad pa med par ni/ /sems can thams cad rnam par 'dul/ /ji ltar kham snod rdza mkhan gyis/ /'jim pa mtshungs las byas pa dag/ de
83a7 las snod du gyur pa ni/ /bu ram 'o ma mar dang chu/ /yang na la la mi gtsang dang / /kha cig zho yi snod du gyur/ /kham pa sna gcig des blangs te/ /rdza mkhan gyis ni sdong du
83b1 byas| |ji ltar dngos po bcug pa bzhin/ /des ni snod kyang so sor rtogs/ /de bzhin sems can bye brag med/ /tha dad mos pas de bzhin gshegs/ /theg pa tha dad rab ston kyang / /theg pa
83b2 sangs rgyas theg par nges/ /'khor ba'i 'khor lo mi shes pas/ /mya ngan 'das pa'ang shes ma yin/ /chos rnams bdag nyid rnam spangs shing / /stong par gang dag rnam shes pa/ /de
83b3 dag sangs rgyas bcom ldan gyi/ /byang chub yang dag nyid du shes/ /shes rab bar mar gdags pa ni/ /de ni rang rgyas zhes kyang bya/ /stong par shes nas rnams btul ba/ /de ni nyan
83b4 thos nyid du bzhag /chos rnams thams cad rtogs pa ni/ /yang dag rdzogs pa'i sangs rgyas yin/ /ji ltar dmus long la las ni/ /nyi zla gza' dang skar ma rnams/ /des ma mthong
83b5 bas 'di skad ces/ /gzugs ni rnam kun med ces smra/ /sman pa chen pos dmus long la/ /snying rje chen po bskyed nas su/ /gangs kyi ri la de song ste/ /gyen 'dzegs thur babs thad
83b6 kar song / /kha dog ro kun gnas ldan pa/ /de la sogs pa sna bzhi dag /ri las sman yang kun rnyed de/ /de nas de dag rab tu sbyar/ /kha cig dag ni sos kyang bcas/ /kha cig
83b7 btabs te de bzhin gzhan/ /yan lag tu yang khab rtse bcug /dmus long la ni rab tu gtong / /de yis mig thob nyi zla dang / /skar ma gza' rnams mthong bar gyur/ /mi shes
84a1 pas na sngon smras shes/ /de ni de ltar sems par gyur/ /de bzhin sems can mi shes tshe/ /dmus long 'dra dag 'di na 'khor/ /rten 'byung 'khor lo mi
84a2 shes pas/ /sdug bsngal chu bo'i lam du gyur/ /de bzhin mi shes rmongs pa yi/ /'jig rten du ni kun gyi mchog /sman pa chen po de bzhin gshegs/ /snying rje bdag nyid
84a3 'dir byung ste/ /ston pa thabs la mkhas pas na/ /des ni dam pa'i chos bshad de/ /bla med yang dag rdzogs byang chub/ /theg pa dam par zhugs la bshad/ /'dren pas
84a4 shes rab 'bring la yang / /bar ma dag gi rab tu bshad/ /'khor bas 'jigs la byang chub kyang / /gzhan du rab tu bshad pa yin/ /khams gsum las ni byung ba yi/ /nyan
84a5 thos rnams kyis 'di ltar shes/ /mya ngan 'das pa'i dri med zhi/ /bdag gis rab tu thob snyam sems/ /chos kun khong du chud gyur na/ /mi 'chi mya ngan 'das pa thob/ /drang
84a6 srong che rnams de la ni/ /shin tu snying rje bskyed nas su/ /de la smras pa blun po khyod/ /ye shes can du bdag ma sems/ /gang tshe khyod ni khang pa yi/ /nang na 'dug par gyur
84a7 pa na| |phyi rol dag na gang yod pa/ /shes rab chung khyod de mi shes/ /gang zhig nang na 'dug pa des/ /byas dang ma byas phyi rol gyi/ /shes bya da dung mi shes na/ /shes chung
84b1 khyad kyis ga la shes/ /dpag tshad lnga tsam bar dag gi/ sgra gang byung ba de rnams kyang / /de yang thos par mi nus na/ /de bas ring ba gzhan ci smos/ /khyod la gang dag nyes sems dang / /
84b2 de bzhin gzhan dag byams pa yang / /khyod kyis de dag shes mi nus/ /ci phyir khyod kyis nga rgyal bya/ /rgyang grags tsam du 'gro na yang / /gom pa ma bor 'gro mi nus/ /ma yi mngal du ci
84b3 byung ba/ /de dag de ma thag tu brjed/ /su la mngon shes 'di lnga yod/ /de 'dir thams cad shes zhes bya/ /khyod ni gti mug cang mi shes/ /bdag ni thams cad shes zhes smra/ /
84b4 thams cad mkhyen par khyed 'dod na/ /'di ltar mngon par shes pa sgrubs/ /mngon par shes pa de bsgrubs na/ /dgon par gnas shing rnam dag chos/ /bsam par bya ste de yis
84b5 khyod| |mngon par shes pa thob par 'gyur/ /don gzung dgon par de song ste/ /shin tu mnyam gzhag rnam par sems/ /mngon par shes pa lnga thob ste/ /ring por mi thogs yon
84b6 tan ldan/ /de bzhin nyan thos thams cad kyang / /mya ngan 'das thob 'du shes te/ /rgyal bas bshad pa de dag la/ /mya ngan ma 'das de ngal bso/ /gang yang tshul 'di gsung ba ni//
84b7 sangs rgyas rnams kyi thabs 'di ste/ /thams cad mkhyen pa ma gtogs par/ /mya ngan 'da' med 'di rtsoms shig /dus gsum ye shes mtha' yas dang / /pha rol phyin drug dge
85a1 ba dang / /stong pa nyid dang mtshan ma med/ /smon lam rnam par spangs pa dang / /byang chub sems dang gzhan yang gang / /mya ngan 'da' par 'gro ba'i chos/ /tshangs
85a2 pa'i gnas pa rnam bzhi dang / /bsdu ba rnams su gang brjod pa/ /sems can rnams ni 'dul ba'i phyir/ /drang srong mchog gis rab tu brjod/ /rmi lam sgyu ma'i rang bzhin dang / /snying
85a3 po med pa chu shing phung / /brag ca dang yang mtshungs par ni/ /gang gis chos rnams rab shes shing / /khams gsum lhag ma ma lus par/ /de yi rang bzhin shes bar yang / /
85a4 bcings med rnam par grol med pa'i/ /mya ngan 'das pa mi shes so/ /chos kun stong zhing mnyam pa ste/ /tha dad dbyer med bdag nyid do/ /de dag la ni mi rtogs te/ /chos ni gang yang
85a5 mthong med na/ /chos kyi sku ni ma lus par/ /shes rab chen po des mthong ngo / /theg pa gsum du yong med de/ /'di na theg pa gcig pu yod/ /chos kun mnyam ste thams cad
85a6 kyang | |mnyam zhing snyoms te rtag tu mnyam/ /de ltar rig nas zhi ba yi/ /mi 'chi mya ngan 'da' ba shes/ /dam pa'i chos pad+ma dkar po las/ /sman gyi le'u zhes bya ste lnga pa'o// //de nas bcom ldan 'das kyis tshigs su bcad pa de dag bka' stsal nas/ thams cad dang ldan pa'i dge slong gi dge 'dun la bka' stsal pa/ kye dge slong dag /khyed mos
85b1 par bya/ khong du chud par bya'o/ /nga'i nyan thos dge slong 'od srung 'di/ sangs rgyas bye ba stong phrag sum cu la bkur sti byed/ btsun par byed/ ri mor byed/ mchod pa byed par 'gyur
85b2 te| sangs rgyas bcom ldan 'das de dag gi dam pa'i chos 'dzin par 'gyur ro/ /de lus tha ma'i tshe bskal pa bkod pa chen po zhes bya ba la 'jig rten gyi khams snang ba thob pa zhes
85b3 bya bar/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i
85b4 kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od zer rab tu snang ba zhes bya bar 'jig rten du 'byung ngo / /de'i tshe'i tshad ni bar gyi bskal
85b5 pa bcu gnyis su 'gyur ro/ /bar gyi bskal pa nyi shur ni dam pa'i chos gnas par 'gyur ro/ /bar gyi bskal pa nyi shur ni dam pa'i chos kyi gzugs brnyan gnas par 'gyur
85b6 ro| |de'i tshe sangs rgyas kyi zhing de yang dag par 'gyur te/ gtsang zhing gyo mo dang gseg ma med pa ngam grog dang g.yang sa med pa/ 'jim ngan dang sme ba med de/ mnyam pa/
85b7 nyams dga' ba/ mdzes pa blta na sdug pa bai DUR+ya'i gzhi la rin po che'i shing ljon pas rab tu brgyan pa/ gser gyi skud pas mig mang ris su bris pa me tog gis gang ba ste/
86a1 der byang chub sems dpa' brgya stong phrag mang po 'byung bar 'gyur ro/ /der nyan thos bye ba khrag khrig brgya stong grangs med par 'byung ngo / /de na bdud sdig
86a2 can dang bdud kyi dkyil 'khor yang mi snang ngo / /der bdud dang bdud kyi 'khor dang byung na'ang / bcom ldan 'das de bzhin gshegs pa 'od zer rab tu snang ba de'i bstan pa la
86a3 dam pa'i chos yongs su 'dzin pa la brtson par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /dge slong khyed dag sangs rgyas
86a4 spyan gyis ngas/ /grangs med bskal par gnas brtan 'od srung 'dis/ /rkang gnyis rnams kyi dam pa mchod byas nas/ /ma 'ongs dus na sangs rgyas 'gyur bar mthong / /stong
86a5 phrag sum cu yongs su tshang ba yi/ /rgyal ba rnams ni 'od srung 'di yis mthong / /sangs rgyas ye shes phyir ni dge slong 'di/ /de na tshangs par spyad pa spyod 'gyur zhing / /rkang
86a6 gnyis gtso bo rnams la mchod byas nas/ /bla na med kyi ye shes 'di bsgrubs te/ /de ni tha ma'i lus tshe 'jig rten mgon/ /mtshungs pa med pa drang srong chen por 'gyur/ /
86a7 de yi zhing yang rnam bkra mchog gyur te/ /bzang zhing rnam dag nyams dga' blta na sdug /rtag tu dga' byed yid du 'ong ba'i gzugs/ /gser gyi skud pa dag gis legs
86b1 par brgyan/ /de yi rin chen shing ljon sna tshogs pa/ /mig mang ris bres de nang re re ste/ /yid du 'ong ba'i dri yang rnam par 'byung / /de ni dge slong 'di yi zhing du 'gyur/ /me tog
86b2 mang pos legs par brgyan pa ste/ /me tog sna tshogs rnams kyis mdzes par byas/ /ngam grog g.yang sa rnams kyang de na med/ /mnyam zhing bzang la blta na sdug par 'gyur/ /
86b3 de na byang chub sems dpa' bye ba stong / /rdzu 'phrul che zhing shin tu dul ba'i sems/ /skyob pa'i mdo sde shin tu rgyas 'dzin pa/ /stong phrag du ma mang po 'byung bar 'gyur/ /de tshe
86b4 chos kyi rgyal po'i nyan thos ni/ /zag med tha ma'i lus 'dzin rnams 'byung 'gyur/ /bskal par lha yi shes pas bgrangs na yang / /de dag tshad ni nam yang mi zin to/ /de ni
86b5 bar gyi bskal pa bcu gnyis gnas/ /dam pa'i chos ni nyi shu tshang bar gnas/ /bar gyi bskal pa nyi shur gzugs brnyan te/ /'od zer rab snang de bkod de ltar 'gyur/ /de
86b6 nas tshe dang ldan pa gnas brtan maud+gal gyi bu chen po dang / tshe dang ldan pa rab 'byor dang / tshe dang ldan pa kA t+yA ya'i bu chen po lus 'dar nas mig mi 'dzum par bcom ldan
86b7 'das la blta zhing / /de'i tshe so so'i yid la brjod nas/ tshigs su bcad pa 'di dag gsol to/ /dpa' bo chen po dgra bcom pa/ /shAkya seng ge mi yi mchog /bdag cag la
87a1 ni thugs brtse'i phyir/ /sangs rgyas sgra ni bsgrag tu gsol/ /skabs mkhyen pas na nges par yang / /bdag cag la ni mi mchog gis/ /bdud rtsi dag gi
87a2 rab gtor te/ /rgyal bas bdag cag lung bstan 'gyur/ /mu ge byung tshe mi 'ga' zhig /kha zas bzang po rnyed nas su/ /bdag gis kha zas rnyed do zhes/ /de yang bstan nas
87a3 rab tu smra/ /de bzhin bdag cag spro ba ni/ /theg pa dman par sems pa las/ /sangs rgyas ye shes thob 'gyur te/ /dus ngan sems can zas rnyed bzhin/ /bdag cag
87a4 rdzogs pa'i sangs rgyas kyi/ /thub pa chen pos lung ma bstan/ mi ltar sug pa bcug nas ni/ /kha zas de yang ma brtsal bzhin/ /dpa' bo bdag cag spro ba yang / /bla na
87a5 med pa'i gsung thos shing / /gang tshe lung bstan gyur pa na/ /de tshe mya ngan 'das par 'gyur/ /phan par bzhed pa thugs brtse ba/ /dpa' bo chen po lung bstan gsol/ /
87a6 dbul por sems pa rnams kyang ni/ /thub pa chen po mthar 'gyur ro/ /de nas bcom ldan 'das kyis gnas brtan nyan thos chen po de dag gi sems kyi rtog pa de lta bu de
87a7 thugs kyis thugs su chud nas/ yang thams cad dang ldan pa'i dge slong gi dge 'dun la bka' stsal pa/ dge slong dag /nga'i nyan thos chen po gnas brtan rab 'byor
87b1 'di sangs rgyas bye ba khrag khrig brgya stong phrag sum cu la bkur stir byed/ btsun par byed/ ri mor byed/ mchod par byed/ brjed par byed/ /gsol bar byed cing de na tshangs par
87b2 spyod pa spyad de byang chub sgrub par 'gyur ro/ /de lta bur lhag par bya ba byas te/ lus tha ma la de bzhin gshegs pa dgra bcom pa yang dag par rdzogs pa'i sangs rgyas rig
87b3 pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan
87b4 'das zla ba'i tog ces bya ba 'jig rten du 'byung ste/ sangs rgyas kyi zhing rin po che 'byung ba zhes bya bar 'gyur ro/ /bskal pa de ni rin po che snang ba zhes bya bar 'gyur ro/ /
87b5 sangs rgyas kyi zhing de ni mnyam pa nyams dga' ba/ shel gyi gzhi la rin po che'i shing ljon pas rnam par spras pa/ ngam grog dang g.yang sa med pa/ 'jim ngan dang sme ba
87b6 med pa/ yid du 'ong ba'i me tog dag bkram par 'gyur te/ khang pa brtsegs pa'i yongs su spyod pa dag na/ mi rnams gnas par 'gyur ro/ /der nyan thos mang po tshad
87b7 med par 'byung bar 'gyur te/ de dag gi mtha' ni bgrang bar rtogs par mi nus so/ /der byang chub sems dpa' bye ba khrag khrig brgya stong phrag mang po 'byung bar 'gyur ro/ /
88a1 bcom ldan 'das de'i tshe'i tshad ni/ bar gyi bskal pa bcu gnyis su 'gyur/ dam pa'i chos 'di ni bar gyi bskal pa nyi shur gnas par 'gyur/
88a2 dam pa'i chos kyi gzugs brnyan yang bar gyi bskal pa nyi shur gnas par 'gyur ro/ /bcom ldan 'das de nam mkha' bar snang la gnas nas rtag tu chos ston te/ byang
88a3 chub sems dpa' brgya stong mang po dang / nyan thos brgya stong mang po 'byung bar 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/
88a4 ngas deng dge slong dag ni mos par bya/ /khong du chud par bya'o nga las nyon/ /nga yi nyan thos gnas brtan rab 'byor ni/ /ma 'ongs dus kyi tshe na sangs rgyas 'gyur/ /bye ba
88a5 khrag khrig sum cu tshad pa yi/ /sangs rgyas mthu chen rnams kyang rab tu mthong / /ye shes 'di yi phyir yang 'di nyid ni/ /de tshe mthun pa'i spyod pa spyad par 'gyur/ /tha
88a6 ma'i lus kyi tshe na dpa' bo de/ /sum cu rtsa gnyis mtshan gyi gzugs dang ldan/ /drang srong chen po gser gyi mchod sdong 'dra/ /'jig rten rnams la phan zhing thugs brtser
88a7 'gyur/ /srog chags bye ba khrag khrig bsgral nas ni/ /'jig rten rtswa lag de ni gnas pa yi/ /zhing de shin tu blta na sdug pa dang / /skye bo mang po'i yid 'ong mdzes
88b1 par 'gyur/ /de na byang chub sems dpa' mthu chen mang / /phyir mi ldog pa'i 'khor lo skor byed pa/ /rgyal ba de yi bstan la dbang po rno/ /de dag rnams kyis sangs rgyas
88b2 zhing mdzes 'gyur/ /de yi nyan thos mang po grangs med de/ /de dag tshad ni nam yang mi zin no/ /drug mngon shes shing gsum rig rdzu 'phrul che/ /rnam thar brgyad la shin
88b3 tu gnas pa'o/ /byang chub mchog 'di rab tu bshad pa na/ /rdzu 'phrul stobs ni bsam gyis mi khyab 'gyur/ /gad+gA'i bye ma snyed kyi lha dang mi/ /de la rtag tu thal mo sbyor bar
88b4 'gyur/ /de ni bar gyi bskal pa bcu gnyis gnas/ /dam chos bar gyi bskal pa nyi shur gnas/ /de bzhin rkang gnyis mchog gi gzugs brnyan yang / /bar gyi bskal
88b5 pa nyi shur gnas par 'gyur/ /de nas yang bcom ldan 'das kyis thams cad dang ldan pa'i dge slong gi dge 'dun la bka' stsal pa/ dge slong dag /khyed mos par bya/
88b6 khyed khong du chud par bya'o/ /nga'i nyan thos gnas brtan kA t+yA ya'i bu chen po 'di/ sangs rgyas bye ba stong phrag brgyad la bkur stir byed/ btsun par byed/ /ri mor byed/
88b7 mchod par byed/ brjed par byed/ gsol bar byed par 'gyur ro/ /de bzhin gshegs pa de dag yongs su mya ngan las 'das nas kyang / rin po che sna bdun 'di lta ste/
89a1 gser dang / dngul dang / bai DUR+ya dang / shel dang / mu tig dmar po dang / rdo'i snying po dang / rin po che sna bdun pa spug las mchod rten 'phang du
89a2 dpag tshad stong / khor yug tu dpag tshad lnga brgya pa dag byed par 'gyur te/ mchod rten de dag la me tog dang / bdug pa dang / spos dang / phrang ba dang / byug pa dang / phye
89a3 ma dang / gos dang / gdugs dang / rgyal mtshan dang / lha'i ba dan dang / rnam par rgyal ba'i ba dan dag gis mchod pa byed par 'gyur ro/ /de'i pha rol gyi'ang ches
89a4 pha rol tu sangs rgyas bye ba phrag nyi shu la de lta bu'i bkur stir byed/ btsun par byed/ ri mor byed/ mchod par byed/ brjed par byed/ gsol bar byed par 'gyur ro/ /
89a5 de nas lus tha ma la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen
89a6 pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das dza m+bu'i chu bo'i gser gyi 'od ces bya bar 'jig rten du 'byung
89a7 ngo / /de'i sangs rgyas kyi zhing yang yongs su dag par 'gyur te/ mnyam pa nyams dga' ba/ mdzes pa blta na sdug pa/ shel gyi gzhi la rin po che'i shing ljon pas
89b1 rnam par spras pa/ gser gyi skud pa bres pa/ me tog gis chal bar bkram pa/ sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi
89b2 ris med de/ lha dang mi mang pos yongs su gang ba/ nyan thos brgya stong mang pos mdzes par byas pa/ byang chub sems dpa' brgya stong mang pos brgyan par 'gyur ro/ /de'i tshe'i
89b3 tshad ni bar gyi bskal pa bcu gnyis su 'gyur/ de'i dam pa'i chos ni bar gyi bskal pa nyi shur gnas par 'gyur/ dam pa'i chos kyi gzugs brnyan yang bar gyi bskal pa nyi shur
89b4 gnas par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gzhan du mi 'gyur ba yi tshig brjod kyi/ /de ring nga las dge slong kun
89b5 nyon cig /nga yi nyan thos gnas brtan kA t+yA'i bu/ /'di ni rnam 'dren rnams la mchod byed 'gyur/ /'jig rten 'dren pa mya ngan yongs 'das nas/ /de dag rnams kyi mchod rten
89b6 rnam mang byed/ /bkur sti rnam pa mang po byed 'gyur zhing / spos dang me tog gis kyang mchod par 'gyur/ /de yis tha ma yi ni lus thob nas/ /yongs su dag pa'i zhing du rgyal
89b7 bar 'gyur/ /ye shes 'di nyid yongs su rdzogs byas te/ /srog chags bye ba stong la 'chad par byed/ /lhar bcas 'jig rten dag na bkur sti byas/ /'od byed gtso bo bcom
90a1 ldan 'das su 'gyur/ /de ming dzam+bu'i chu bo gser gyi 'od/ /lha mi bye ba dag kyang shin tu sgrol/ /byang chub sems dpa' de bzhin nyan thos mang / /sangs rgyas
90a2 zhing der tshad med grangs med de/ /thams cad 'byung dang 'jigs pa rab spangs nas/ /sangs rgyas bstan pa mdzes par byed par 'gyur/ /de nas bcom ldan 'das kyis
90a3 thams cad dang ldan pa'i dge slong gi dge 'dun la bka' stsal pa/ dge slong dag /khyed mos par bya/ khong du chud par bya'o/ /nga yi nyan thos gnas brtan maud+gal gyi bu chen
90a4 po 'di/ sangs rgyas nyi khri brgyad stong mnyes par byed par 'gyur te/ sangs rgyas bcom ldan 'das de dag la rnam pa mang pos bkur sti byed/ btsun par byed/ ri mor byed/
90a5 mchod pa byed/ brjed pa byed/ gsol bar byed par 'gyur ro/ /sangs rgyas bcom ldan 'das de dag yongs su mya ngan las 'das nas kyang / rin po che sna bdun 'di lta ste/
90a6 gser dang / dngul dang / bai DUR+ya dang / shel dang / mu tig dmar po dang / rdo'i snying po dang / spug gi mchod rten 'phang du dpag tshad stong / kho ra khor yug tu dpag
90a7 tshad lnga brgya pa dag byed par 'gyur te/ mchod rten de dag la me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang /
90b1 rgyal mtshan dang / lha'i ba dan dang / rnam par rgyal ba'i ba dan dag gis mchod par byed par 'gyur ro/ /de'i pha rol gyi'ang ches pha rol du'ang sangs rgyas bye ba khrag khrig brgya
90b2 stong phrag nyi shu rnams la/ de bzhin du 'di ltar bkur stir byed/ btsun par byed/ ri mor byed/ mchod par byed/ brjed par byed/ gsol bar byed par 'gyur ro/ /de'i 'og tu
90b3 lus tha ma la de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul
90b4 ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das ta ma la'i lo ma dang tsan+dan kyi dri zhes bya bar 'jig rten du 'byung ste/ de'i sangs rgyas kyi
90b5 zhing ni mngon par dga' ba zhes bya bar 'gyur ro/ /bskal pa de ni dga' bas gang ba zhes bya bar 'gyur ro/ /de'i sangs rgyas kyi zhing de yongs su dag pa ste/ mnyam pa nyams
90b6 dga' ba/ mdzes pa blta na sdug pa/ shel gyi gzhi la rin po che'i shing ljon pas rnam par spras pa me tog sil mas gtor ba/ lha dang mi mang pos rab tu gang ba ste/ 'di
90b7 ltar nyan thos dang byang chub sems dpa'i drang srong brgya stong gnas par 'gyur ro/ /de'i tshe'i tshad ni bar gyi bskal pa nyi shu rtsa bzhir 'gyur/ de'i dam pa'i chos ni bar gyi
91a1 bskal pa bzhi bcur gnas par 'gyur/ dam pa'i chos kyi gzugs brnyan yang bar gyi bskal pa bzhi bcur gnas par 'gyur ro/ /de nas bcom ldan
91a2 'das kyis de'i tshe tshigs su bcad pa 'di dag bka' stsal to/ /nga yi nyan thos maud+gal rigs 'di ni/ /mi yi lus su gyur pa de bor nas/ /skyob pa rgyal ba stong phrag nyi shu
91a3 dang | |gzhan yang rdul dang bral ba brgyad rnams mthong / /tshangs par spyad pa yang ni der spyad de/ /sangs rgyas ye shes 'di ni tshol byed cing / /rkang gnyis gtso bo 'dren pa
91a4 de dag la/ /de tshe bkur sti rnam pa mang po byed/ /de dag gsungs pa dam chos dri med pa/ /bskal pa bye ba stong du 'dzin par 'gyur/ /bde gshegs de dag mya ngan yongs
91a5 'das nas/ /mchod rten dag la de tshe mchod byed 'gyur/ /rgyal mchog de dag rnams kyi mchod rten ni/ /rin chen mchod rten ba dan bcas pa byed/ /'jig rten phan pa
91a6 mdzad pa skyob rnams la/ /rol mo'i sgra dang me tog spos kyis mchod/ /de nas 'di ltar tha ma'i lus kyi tshe/ /blta sdug yid du 'ong ba'i zhing der ni/ /'jig rten phan pa
91a7 thugs brtser der 'gyur te/ /ming ni ta la'i lo ma tsan+dan dri/ /bar gyi bskal pa nyi shu bzhi tshang bar/ /bde bar gshegs pa'i tshe yi tshad du 'gyur/ /rtag tu lha rnams dang
91b1 dang ni mi dag la/ /sangs rgyas tshul 'di rab tu ston par 'gyur/ /de nas rgyal ba de yi nyan thos mang / /bye ba stong phrag gang+gA'i bye ma snyed/ /drug mngon shes shing gsum rig rdzu
91b2 'phrul che/ /bde gshegs bstan la mngon par shes pa thob/ /phyir mi ldog pa'i byang chub sems dpa' mang / /brtson 'grus brtsams shing rtag tu shes bzhin can/ /bde
91b3 bar gshegs kyi bstan la brtson byed pa/ /stong phrag mang po de dag de na yod/ /rgyal ba de dag mya ngan yongs 'das nas/ /bar gyi bskal pa bzhi bcu tshang bar ni/ /de yi tshe na
91b4 dam chos gnas par 'gyur/ /gzugs brnyan tshad kyang de dang mnyam par 'gyur/ /nga yi nyan thos 'phrul chen lnga po 'di/ /ngas ni de dag byang chub mchog lung bstan/ /ma
91b5 'ongs dus na rang 'byung rgyal ba yi/ /de dag gi ni spyod pa nga las nyon/ /dam pa'i chos pad+ma dkar po las/ nyan thos lung bstan pa'i le'u zhes bya ste drug pa'o// //dge slong dag /sngon byung ba 'das pa'i dus na bskal ba grangs med pa'i yang ches grangs med pa/ dpag tu med bsam gyis mi khyab pa/ gzhal du med pa tshad med pa'i pha rol
91b6 gyi'ang ches pha rol tu gyur pa/ de'i tshe de'i dus na bskal pa gzugs chen po zhes bya ba la/ 'jig rten gyi khams 'byung ba zhes bya bar de bzhin gshegs pa dgra bcom
92a1 pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur pa/ /
92a2 bla na med pa lha dang mi rnams kyi ston pa sangs rgyas bcom ldan 'das mngon par shes pa'i ye shes chen pos zil gyis gnon pa zhes bya ba 'jig rten du byung ngo / /dge slong dag /
92a3 de bzhin gshegs pa de byung nas ji srid lon zhe na/ dge slong dag /'di lta ste/ dper na/ mi la la zhig gis stong gsum gyi stong chen po'i 'jig rten gyi khams 'di'i
92a4 sa'i khams thams cad btabs te phye mar byas la/ de nas mi des 'jig rten gyi khams de nas rdul phra rab kyi rdul gcig blangs te/ shar phyogs su 'jig rten gyi khams
92a5 stong 'das nas/ der rdul phra rab kyi rdul gcig bzhag /de nas yang mi des rdul phra rab kyi rdul gcig blangs te/ de'i pha rol gyi'ang ches pha rol 'jig rten gyi khams
92a6 stong 'das nas rdul phra rab kyi rdul gcig bzhag la/ rnam grangs 'dis mi des shar phyogs su sa'i khams de thams cad bzhag na/ dge slong dag /de ji snyam du sems/
92a7 'jig rten gyi khams de dag gi mtha' dang mu bgrang bas rtogs par nus sam/ de dag gis gsol pa/ bcom ldan 'das/ de rngo mi sogs so/ /bde bar gshegs pa de rdo
92b1 mi thogs so/ /bcom ldan 'das kyis bka' stsal pa/ dge slong dag /gang dag tu rdul phra rab bzhag pa dang / gang dag tu ma bzhag pa'i 'jig rten gyi khams de rnams ni rtsis
92b2 pa'am rtsis pa chen po la la zhig gis bgrang zhing rtogs par nus kyi/ bcom ldan 'das de bzhin gshegs pa mngon par shes pa'i ye shes chen pos zil gyis gnon pa/
92b3 yongs su mya ngan las 'das nas bskal pa bye ba khrag khrig brgya stong ji snyed lon pa'i bskal pa ni bgrang ba'i tshul gyis mtha' rtogs par mi nus te/ dge slong dag /de bzhin
92b4 gshegs pa de yongs su mya ngan las 'das nas/ de tsam du yun ring ba ni de ltar bsam gyis mi khyab cing de ltar tshad med de/ ngas ni de bzhin gshegs pa'i ye shes mthong
92b5 pa'i stobs bskyed pas/ kha sang ngam de ring yongs su mya ngan las 'das pa bzhin dran no/ /de nas bcom ldan 'das kyis de'i tshe tshigs su bcad pa 'di dag bka' stsal
92b6 to| |rjes su dran pa 'das pa'i bskal pa mang / /de tshe thub chen rkang gnyis rnams kyi mchog /mngon shes ye shes chen pos zil gyis gnon/ /rgyal ba dam pa 'jig rten
92b7 byung bar 'gyur/ /'di ltar stong gsum 'di yi 'jig rten khams/ /la las phra rab rdul gyi rdul du byas/ /de nas phra rab rdul gcig khyer nas su/ /zhing stong rnams ni 'das
93a1 nas de bzhag la/ /de bzhin du ni gnyis dang gsum bzhag ste/ /des ni rdul du gyur pa kun bzhag pas/ /'jig rten 'di yi khams ni stongs gyur cing / /
93a2 rdul phran de yang thams cad zad gyur la/ /'jig rten khams de dag na yod pa yi/ /rdul phran phye ma de yang tshad med pa/ /de dag ma lus gang gis rdul byas te/ /bskal pa brgya
93a3 'das mtshan mar 'jog byed pa/ /de ltar bde gshegs mya ngan de 'das nas/ /bskal pa bye ba mang po dpag tu med/ /phra rab rdu kun mtshan mar mi chog ste/ /de snyed
93a4 bskal pa mang po zad par gyur/ /'dren pa mya ngan 'das ring de srid lon/ /nyan thos byang chub sems dpa' de dag kyang / /de 'dra de bzhin gshegs kyi ye shes kyis/ /thams
93a5 cad dran pa kha sang de ring bzhin/ /dge slong gang dag ye shes mtha' yas can/ /de bzhin gshegs kyi ye shes 'di 'dra'o/ /dran pa phra zhing zag pa med pa yis/ /bskal pa
93a6 du ma brgyas ni nga sangs rgyas/ /dge slong dag /'di ltar yang de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen
93a7 pos zil gyis gnon pa de'i tshe'i tshad ni bskal pa bye ba khrag khrig brgya stong phrag lnga bcu rtsa bzhir gyur to/ /bcom ldan 'das de bla na med pa yang dag par rdzogs pa'i byang
93b1 chub mngon par rdzogs par sangs ma rgyas par/ sngar byang chub kyi snying po mchog dam par song nas/ bdud kyi sde thams cad rab tu bcom zhing pham par byas so/ /rab tu bcom
93b2 zhing pham par byas nas/ bla na med pa yang dag par rdzogs pa'i byang chub tu mngon par rdzogs par sangs rgyas par bya'o snyam na yang / de srid du de la chos de dag mngon sum du
93b3 ni ma gyur to/ /de byang chub kyi shing drung du byang chub kyi snying por bar gyi bskal pa gcig tu gnas/ bar gyi bskal pa gnyis su gnas kyang de srid du bla na med pa yang dag par
93b4 rdzogs pa'i byang chub tu mngon par rdzogs par sangs ma rgyas nas/ bar gyi bskal pa gsum dang / bzhi dang / lnga dang / drug dang / bdun dang / brgyad dang / dgu dang / bcur
93b5 yang byang chub kyi shing drung du byang chub kyi snying po skyil mo krung lan gcig bcas pa las/ bar du ma langs par 'dug cing sems mi g.yo/ lus mi 'gul zhing / mi 'gyur bar
93b6 'dug kyang de srid du'ang de la chos de dag mngon du ma gyur nas/ dge slong dag /sum cu rtsa gsum pa'i lha rnams kyis/ bcom ldan 'das byang chub kyi snying po mchog dam
93b7 par song ba'i bcom ldan 'das de gang la 'dug ste/ bla na med pa yang dag par rdzogs pa'i byang chub tu mngon par rdzogs par sangs rgyas pa'i seng+ge'i khri chen po 'phang du dpag
94a1 tshad lnga brgya pa bshams te/ bcom ldan 'das de byang chub kyi snying por 'dug ma thag tu/ de nas tshangs ris kyi lha'i bu dag gis/ byang chub kyi snying po de'i khor
94a2 yug dpag tshad bcu tshun chad du me tog gi char mngon par phab bo/ /bar snang las rlung langs pas me tog gang dag rnyis pa de dag sel to/ /de ltar me tog gi char de rab tu phab
94a3 pa de| bcom ldan 'das byang chub gyi snying po la 'dug pa de la rgyun mi 'chad par rab tu phab ste/ bcom ldan 'das de la bar gyi bskal pa bcu tshang bar mngon par phab bo/ /de
94a4 ltar me tog gi char de rab tu phab ste/ bcom ldan 'das de de yongs su mya ngan las 'da' ba'i dus kyi bar du rab tu phab cing / bcom ldan 'das de la mngon par 'thor ro/ /
94a5 rgyal chen bzhi'i ris kyi lha'i bu dag kyang / bcom ldan 'das byang chub kyi snying po mchog dam pa na 'dug pa de la bkur sti bya ba'i phyir/ lha yul pa'i lha'i rnga rab tu brdungs te
94a6 bar gyi bskal pa bcu tshang bar rab tu brdungs nas/ de nas bcom ldan 'das de nam yongs su mya ngan las 'da' ba chen po'i dus kyi bar du/ lha'i sil snyan dag rgyun mi 'chad
94a7 par rab tu bsil to/ /dge slong dag /de nas bar gyi bskal pa bcu 'das pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs
94b1 rgyas mngon par shes pa'i ye shes chen pos zil gyis gnon pa de/ bla na med pa yang dag par rdzogs pa'i byang chub mngon par rdzogs par sangs rgyas so/ /mngon par rdzogs
94b2 par sangs rgyas ma thag tu bcom ldan 'das de gzhon nur gyur pa'i tshe/ de la snying gi bu sha stag bcu drug yod de/ de dag gi bu thu bo ni ye shes 'byung gnas zhes bya bar 'gyur
94b3 te| dge slong dag /'di ltar rgyal bu gzhon nu bcu drug po de dag re re la'ang rtsed mor bya ba/ sna tshogs bkra ba/ dga' bar 'gyur ba blta na sdug pa rnam pa du ma yod la/ dge
94b4 slong dag de nas rgyal bu gzhon nur gyur pa bcu drug po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes
94b5 pa'i ye shes chen pos zil gyis gnon pa de/ bla na med pa yang dag par rdzogs pa'i byang chub tu mngon par rdzogs par sangs rgyas par rig nas/ rtsed mor bya ba/ dga'
94b6 bar 'gyur ba rnam pa mang po de dag spangs te/ ma dang ma ma dag bzhin du yongs su bskor cing mdun du bdar nas/ 'khor lo sgyur ba'i rgyal po 'phags pa'i mdzod mang po dang /
94b7 rgyal po'i blon po dang / srog chags bye ba khrag khrig brgya stong mang pos yongs su bskor cing mdun du bdar te/ bcom ldan 'das de bzhin gshegs pa dgra bcom pa yang
95a1 dag par rdzogs pa'i sangs rgyas mngon par shes pa'i ye shes chen pos zil gyis gnon pa byang chub kyi snying po mchog dam pa na 'dug pa ga la ba der
95a2 dong ngo / /bcom ldan 'das de la bkur sti bya ba dang / btsun par bya ba dang / ri mor bya ba dang / mchod pa dang / brjed pa dang / gsol ba'i phyir der dong ste lhags nas/ bcom
95a3 ldan 'das de'i zhabs la mgo bos phyag 'tshal te/ bcom ldan 'das la lan gsum bskor ba byas nas thal mo sbyar te/ bcom ldan 'das de'i spyan sngar tshul dang 'dra ba'i
95a4 tshigs su bcad pa 'di dag gis mngon par bstod do/ /mngon pa chen po drug ldan bla na med/ /bskal pa mtha' yas dag gis yang dag bsgrubs/ /lus can thams cad
95a5 ma lus bsgral ba'i phyir/ /khyod kyi brnag pa bzad de 'dir rdzogs so/ /rab tu dka' mdzad bskal pa bar ma bcur/ /gdan gcig de la bzhugs te mdzad pa na/ /bar du nam
95a6 yang khyod kyi sku ma g.yos/ /phyag zhabs ma g.yos de bzhin gar ma gshegs/ /khyod thugs zhi bar gyur cing shin tu gnas/ /rtag par mi g.yo gyur cing mi 'gul te/ /khyod
95a7 la nam yang g.yeng ba mi mnga' la/ /khyod ni rab zhi zag pa med la gnas/ /dge ba dang ni bde ba dga' ba dang / /gnod pa med par byang chub mchog 'di brnyes/ /de lta bu ni
95b1 bdag cag rnams kyi khe/ /mi dbang seng ge bdag cag dge bar skyes/ /skye dgu 'di kun mgon med sdug bsngal te/ /mig phyung bde ba dag las rnam par nyams/ /sdug bsngal mthar
95b2 mchi lam rnams mi 'tshal bas/ /thar pa'i phyir ni brtson 'grus mi skyed do/ /yun ring du ni ngan song 'phel bar bgyid/ /lha yi lus las yongs su nyams pa'i chos/ /de na rgyal
95b3 ba'i sgra ni yong mi grag /'jig rten 'di kun gti mug mun gnag go /zag med dam pa zhi ba'i go 'phang ni/ /'jig rten rig pa khyod kyis deng brnyes pas/ /bdag cag rnams dang
95b4 'jig rten rjes su bzung / /mgon po khyod la rab tu skyabs su mchi/ /dge slong dag /de nas rgyal bu gzhon nur gyur ba'i byis pa bcu drug po de rnams kyis bcom ldan 'das
95b5 de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de la tshul dang 'dra ba'i tshigs su bcad
95b6 pa 'di dag gis mngon par bstod nas/ skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi dang skye bo phal po che'i don
95b7 dang phan pa dang bde ba'i slad du/ bcom ldan 'das/ chos bshad du gsol/ /bde bar gshegs pa/ chos bshad du gsol zhes bcom ldan 'das de la chos kyi 'khor lo
96a1 bskor bar gsol ba btab ste/ de'i tshe tshigs su bcad pa 'di dag gsol to/ /bsod nams brgya yi mtshan can chos bshad gsol/ /rnam par 'dren pa
96a2 mtshungs med drang srong che/ /ye shes dam pa khyad par 'phags brnyes pa/ /lha dang bcas pa'i 'jig rten rnams la ston/ /bdag cag rnams dang sems can 'di dag sgrol/ /
96a3 ci nas byang chub mchog 'di bdag cag dang / /sems can 'di rnams kyis kyang thob 'gyur bar/ /de bzhin gshegs kyi ye shes bstan du gsol/ /spyod pa dang ni ye shes
96a4 kun kyang mkhyen/ /bsam pa rnams dang sngon gyi bsod nams dang / /srog chags kun gyi mos pa rnams mkhyen pa/ /bla med 'khor lo dam pa bskor du gsol// //
96a5 dam pa'i chos pad+ma dkar po/ /bam po drug pa/ /dge slong dag /de nas yang de'i tshe na bcom ldan 'das de bzhin gshegs pa dgra bcom pa yang dag par rdzogs pa'i
96a6 sangs rgyas mngon par shes pa'i ye shes chen pos zil gyis gnon pa de/ bla na med pa yang dag par rdzogs pa'i byang chub mngon par rdzogs par 'tshang rgya ba dang /
96a7 phyogs bcu'i phyogs re rer yang 'jig rten gyi khams bye ba khrag khrig brgya stong phrag lnga bcu rnam pa drug tu g.yos nas snang ba chen pos khyab par gyur te/ 'jig rten gyi khams
96b1 de dag thams cad kyi 'jig rten gyi bar mi khom par gyur cing / mun pa mun nag tu gyur pa gang dag na/ nyi ma dang zla ba 'di ltar rdzu 'phrul che ba/ 'di ltar mthu che ba/ 'di ltar
96b2 gzi brjid che ba de dag gi 'od kyis kyang snang bar mi nus te/ de dag gi kha dog gis kyang kha dog dang gzi brjid du byed mi nus pa de dag tu'ang de'i tshe snang ba chen por byung bar gyur
96b3 to| |'jig rten gyi bar de dag tu sems can gang dag skyes pa de dag kyang / gcig gis gcig mthong nas/ e ma kye sems can gzhan dag cig kyang 'dir skyes shing 'khod
96b4 pa lta| e ma kye sems can gzhan dag cig kyang 'dir skyes shing 'khod pa lta zhes gcig gis gcig shes so/ /'jig rten gyi khams de dag thams cad na lha'i gnas
96b5 dang lha'i gzhal med khang gang dag yod pa nas/ tshangs pa'i 'jig rten gyi bar du'ang rnam pa drug tu g.yos par gyur nas/ snang ba chen pos khyab ste/ lha rnams kyi lha'i
96b6 mthu las kyang 'das so/ /dge slong dag /de ltar de'i tshe 'jig rten gyi khams de dag tu sa cher g.yos shing snang ba chen po'ang byung bar gyur to/ /de nas shar phyogs su
96b7 'jig rten gyi khams bye ba khrag khrig brgya stong phrag lnga bcu de dag na tshangs pa'i gzhal med khang gang dag yod pa de dag shin tu mdzes shing lhan ne lhang nger gyur la/ dpal
97a1 dang ldan zhing gzi brjid can du gyur to/ /dge slong dag /de nas tshangs pa de dag 'di snyam du/ tshangs pa'i gzhal med khang 'di dag shin tu mdzes
97a2 shing lhan ne lhang nger gyur la/ dpal dang ldan zhing gzi brjid can du gyur pa 'di su'i snga ltas su 'gyur snyam du sems so/ /dge slong dag /de nas 'jig rten gyi khams bye
97a3 ba khrag khrig brgya stong phrag lnga bcu po de dag na/ tshangs pa chen po gang dag 'khod pa de dag thams cad gnas dag tu phan tshun dong nas smra'o/ /dge slong dag /de nas tshangs
97a4 pa chen po sems can thams cad skyob pa zhes bya bas/ tshangs pa chen po'i tshogs de la tshigs su bcad de smras pa/ bdag cag thams cad de ring shin tu dga'/ /gzhal
97a5 med khang mchog 'di dag rab tu 'bar/ /dpal ldan lham me yid du 'ong ba ste/ /ci yi phyir na de ring 'di 'drar gyur/ /don 'di btsal bar byas na rab tu legs/ /lha yi bu
97a6 zhig de ring skyes gyur te/ /'di 'dra bar ni de yi mthus gyur tam/ /sngon chad ma byung 'di ni de ring snang / /gal te sangs rgyas mi dbang rgyal po de/ /'jig rten ga shed du ni deng
97a7 byung ste/ /de ring phyogs bcu dag na dpal 'bar ba/ /'di 'dra 'di ni de yi ltas yin nam/ /dge slong dag /de nas 'jig rten gyi khams bye ba khrag khrig brgya stong phrag lnga bcu
97b1 po de dag na tshangs pa chen po gang dag 'khod pa de dag thams cad lhan cig 'dus nas de dag rang rang gi tshangs pa'i lha'i gzhal med khang de dag tu zhugs te/ lha'i me tog gi phur ma ri rang
97b2 tsam thogs nas/ phyogs bzhir rgyu zhing 'dong ba las/ nub phyogs logs su dong ba dang / dge slong dag /de nas tshangs pa chen po de dag gis nub phyogs logs na bcom ldan 'das de
97b3 bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa/ byang chub kyi snying po mchog dam par gshegs shing /
97b4 byang chub kyi shing drung na seng ge'i khri la bzhugs te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang /
97b5 mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag gis ni chos kyi 'khor lo bskor bar gsol ba 'debs par mthong
97b6 ngo| |mthong nas kyang bcom ldan 'das de ga la ba der dong nas lhags pa dang / bcom ldan 'das de'i zhabs la mgo bos phyag btsal te/ bcom ldan 'das de la lan brgya stong du ma
97b7 bskor ba byas nas/ me tog gi phur ma ri rab tsam de dag gis bcom ldan 'das de la gtor/ rab tu gtor te/ byang chub kyi shing de'i dpag tshad bcu tshun chad gtor nas/ tshangs
98a1 pa'i gzhal med khang de dag kyang bcom ldan 'das de la phul te/ bcom ldan 'das/ bdag cag la thugs brtse ba'i slad du tshangs pa'i gzhal med khang
98a2 'di dag bzhes su gsol/ bcom ldan 'das/ bdag cag la thugs brtse ba'i slad du tshangs pa'i gzhal med khang 'di dag yongs su spyad du gsol/ bde bar gshegs pa/
98a3 yongs su spyad du gsol zhes gsol to/ /dge slong dag /de nas tshangs pa chen po de dag gis rang rang gi gzhal med khang de dag bcom ldan 'das de la phul nas/ de'i tshe
98a4 bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ /ngo mtshar gyur pa rgyal ba tshad med pa/ /'jig rten phan pa thugs brtse
98a5 'dir byung ste/ /mgon po bla ma ston pa byung gyur pas/ /deng ni phyogs bcu po dag rjes su gzung / /'di dag nas kyang 'jig rten mkhas rnams ni/ /bye ba khrag khrig lnga bcu tshang
98a6 ba nas/ /bdag cag de nas rgyal la phyag 'tshal lhags/ /gzhal med khang mchog rnam pa kun tu spangs/ /bdag cag rnams kyis sngon chad las bgyis pas/ /gzhal med
98a7 khang pa ri mo bkra 'di dag /bdag cag rnams la thugs brtse'i slad du bzhes/ /'jig rten mkhyen pa ci dgyes spyad du gsol/ /dge slong dag /de nas tshangs pa chen po de dag
98b1 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang 'dra ba'i
98b2 tshigs su bcad pa 'di dag gis mngon par bstod nas/ bcom ldan 'das la 'di skad ces gsol to/ /bcom ldan 'das/ 'jig rten du chos kyi 'khor lo bskor du gsol/ bcom
98b3 ldan 'das/ mya ngan las 'da' ba bshad du gsol/ bcom ldan 'das/ sems can rnams bsgral du gsol/ bcom ldan 'das/ 'jig rten 'di dag rjes su gzung du
98b4 gsol/ bcom ldan 'das/ lha dang bcas/ bdud dang bcas/ tshangs pa dang bcas pa'i 'jig rten dang / dge sbyong dang bram zer bcas pa'i skye dgu rnams dang / lha dang mi
98b5 dang lha ma yin du bcas pa la chos bstan du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang /
98b6 lha dang mi rnams kyi don dang sman pa dang bde bar 'gyur ro/ /dge slong dag /de nas tshangs pa chen po bye ba khrag khrig brgya stong phrag lnga bcu po de dag gis sgra skad gcig tu mthun
98b7 par brjod de/ bcom ldan 'das de la tshigs su bcad pa 'di dag gsol to/ /bcom ldan 'das kyis chos bshad gsol/ /rkang gnyis gtso bos bstan du gsol/ /byams
99a1 pa'i stobs kyis bshad du gsol/ /sems can sdug bsngal rnams las sgrol/ /'jig rten sgron ma rnyed dka' ste/ /u dum+bA ra'i me tog bzhin/ /
99a2 dpa' bo chen po byung bas na/ /de bzhin gshegs la gsol bar 'tshal/ /dge slong dag /de nas tshangs pa chen po de dag la/ bcom ldan 'das des cang mi gsung bar
99a3 gyur pas gnang ngo / /dge slong dag /de'i tshe na shar lho'i phyogs mtshams kyi 'jig rten gyi khams bye ba khrag khrig brgya stong phrag lnga bcu dag na/ tshangs pa'i gzhal med
99a4 khang gang dag yod pa de dag shin tu mdzes shing lhan ne lhang nger gyur la/ dpal dang ldan zhing gzi brjid can du gyur to/ /dge slong dag /de nas tshangs pa chen po de
99a5 dag 'di snyam du/ /tshangs pa'i gzhal med khang gang dag yod pa de dag shin tu mdzes shing lhan ne lhang nger gyur la/ dpal dang ldan zhing gzi brjid can du gyur pa 'di/
99a6 su'i snga ltas su 'gyur snyam du sems so/ /dge slong dag /de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa
99a7 de dag thams cad gnas dag tu phan tshun dong nas smra'o/ /dge slong dag /de nas tshangs pa chen po rab tu snying rje can zhes bya bas/ tshangs pa'i tshogs chen po de la tshigs
99b1 su bcad de smras pa/ grogs dag su yi snga ltas kyis/ /gzhal med khang rnams deng mdzes shing / /shin tu gzi brjid ldan gyur par/ /de ring 'di na snang bar 'gyur/ /ci ste de ring
99b2 lha yi bu/ /bsod nams can zhig 'dir 'ongs te/ /de yi mthus ni gzhal med khang / /'di dag thams cad mdzes gyur tam/ /'on te sangs rgyas rkang gnyis mchog /'jig rten
99b3 'dir ni byung gyur tam/ /gang gis mthus ni 'di ltar deng / /gzhal med khang 'di 'di 'drar gyur/ /thams cad 'dus te brtag par bya/ /'di ni don chung ma yin te/ /sngon chad dag ni
99b4 'di 'dra ba'i/ /ltas ni nam yang ma mthong ngo / /phyogs bzhi dag tu 'dong bar bya/ /bya ba snyed kyi zhing yang bskor/ /de ring sangs rgyas 'jig rten du/ /gdon mi za bar 'byung bar
99b5 'gyur| |dge slong dag /de nas tshangs pa bye ba khrag khrig brgya stong phrag lnga bcu po de dag/ rang rang gi tshangs pa'i lha'i gzhal med khang de dag tu zhugs te/ lha'i me tog gi phur
99b6 ma ri rab tsam thogs nas/ phyogs bzhir rgyu zhing 'dong ba las/ nub byang gi phyogs mtshams su dong ba dang / dge slong dag /de nas tshangs pa chen po de dag gis nub byang gi
99b7 phyogs mtshams na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa
100a1 de| byang chub kyi snying po mchog dam par gshegs shing / byang chub kyi shing drung na seng ge'i khri la bzhugs te/ lha dang / klu dang / gnod sbyin dang / dri
100a2 za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa dag gis ni yongs su bskor cing mdun gyis bltas te/ sras
100a3 rgyal bu gzhon nu bcu drug po de dag ni chos kyi 'khor lo bskor bar gsol ba 'debs pa mthong ngo / /mthong nas kyang bcom ldan 'das de ga la ba der dong ste lhags nas/
100a4 bcom ldan 'das de'i zhabs la mgo bos phyag btsal te/ bcom ldan 'das de la lan brgya stong du mar bskor ba byas nas me tog gi phur ma ri rab tsam de dag gis bcom
100a5 ldan 'das de la gtor/ rab tu gtor te/ byang chub kyi shing de'i dpag tshad bcu tshun chad gtor nas/ tshangs pa'i gzhal med khang dag kyang bcom ldan 'das de la phul
100a6 te| bcom ldan 'das/ bdag cag la thugs brtse ba'i slad du tshangs pa'i gzhal med khang 'di dag bzhes su gsol/ bde bar gshegs pa/ bdag cag la thugs brtse
100a7 ba'i slad du tshangs ba'i gzhal med khang 'di dag yongs su spyad du gsol zhes gsol to/ /dge slong dag /de nas tshangs pa chen po de dag gis rang rang gi gzhal med khang de
100b1 dag bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ /mtshungs med drang srong che la
100b2 phyag 'tshal lo/ /ka la ping+ka'i dbyangs snyan lha yi lha/ /rnam par 'dren pa lhar bcas 'jig rten na/ /'jig rten phan brtse khyod la phyag 'tshal lo/ /mgon po shin tu yun ring brgya
100b3 lam na/ /ngo mtshar gyur pa de ring 'jig rten byung / /bskal pa brgya tshangs 'tshol ba'i 'jig rten 'di/ /sangs rgyas brgyad cu dag dang mtshungs par gyur/ /bskal pa khrag khrig brgyad
100b4 cu rdzogs par ni/ /rkang gnyis gtso bos sngon chad stongs par gyur/ /de srid ngan song sa 'di rnam par 'phel/ /lha yi lus ni rtag tu nyams par gyur/ /da ni bdag cag rnams kyi
100b5 bsod nams kyis/ /chos kyi rgyal po mig dang rten dang gnas/ /skyob dang pha dang rtsa lag phan mdzad pa/ /thugs brtser ldan pa 'jig rten 'dir byung ngo / /dge slong dag /de nas
100b6 tshangs pa chen po de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis
100b7 gnod pa de'i spyan sngar tshul dang 'dra ba'i tshigs su bcad pa 'di dag gis mngon par bstod nas/ bcom ldan 'das de la 'di skad ces gsol to/ /bcom ldan 'das/ 'jig rten
101a1 du chos kyi 'khor lo bskor du gsol/ bcom ldan 'das/ mya ngan las 'da' ba bshad du gsol/ bcom ldan 'das/ sems can rnams bsgral du
101a2 gsol/ bcom ldan 'das/ 'jig rten 'di dag rjes su gzung du gsol/ bcom ldan 'das/ lha dang bcas/ bdud dang bcas/ tshangs pa dang bcas pa'i 'jig rten dang /
101a3 dge sbyong dang bram zer bcas pa'i skye dgu rnams dang / lha dang mi dang lha ma yin du bcas pa la chos bshad du gsol/ de ni skye bo mang po la sman pa dang / skye bo mang po la bde ba
101a4 dang / 'jig rten la thugs brtse ba dang / skye bo phal po che dang lha dang mi rnams kyi don dang sman pa dang bde bar 'gyur ro/ /dge slong dag /de nas tshangs pa chen po bye ba khrag
101a5 khrig brgya stong phrag lnga bcu po de dag gis sgra skad gcig tu mthun par brjod de/ bcom ldan 'das la tshigs su bcad pa 'di dag gsol to/ /thub pa chen po 'khor lo mchog
101a6 bskor gsol/ /phyogs bcu rnams su chos rab bshad du gsol/ /sdug bsngal chos kyis gzir ba'i sems can sgrol/ /lus can rnams la dga' zhing rangs pa skyed/ /de thos
101a7 pas na byang chub thob 'gyur te/ /lha yi gnas rnams su yang mchis par 'gyur/ /kun gyis lha ma yin gyi lus spangs te/ /dul zhing zhi la rab tu bde bar 'gyur/ /dge slong dag /de
101b1 nas tshangs pa de dag la'ang bcom ldan 'das des cang mi gsung bar gyur pas gnang ngo / /dge slong dag /de'i tshe lho phyogs kyi 'jig rten gyi khams bye ba khrag khrig brgya stong phrag lnga
101b2 bcu po de dag na tshangs pa'i gzhal med khang gang dag yod pa de dag shin tu mdzes shing lhan ne lhang nger gyur la/ dpal dang ldan zhing gzi brjid can du gyur to/ /dge slong dag /de
101b3 nas tshangs pa chen po de dag 'di snyam du tshangs pa'i gzhal med khang 'di dag ni shin tu mdzes shing lhan ne lhang nger gyur la/ dpal dang ldan zhing gzi brjid can du gyur pa 'di su'i
101b4 snga ltas su 'gyur snyam du sems so/ /dge slong dag /de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams
101b5 cad gnas dag tu phan tshun dong nas smra'o/ /dge slong dag/ de nas tshangs pa chen po chos bzang zhes bya bas tshangs pa'i tshogs chen po de la tshigs su bcad de smras pa/ grogs po de
101b6 ring rgyu med rkyen med par/ /gzhal med khang 'di thams cad gzi can gyur/ /'jig rten 'dir ni cung zad ltas ci ston/ /de yi don ni legs par btsal par bya/ /bskal pa
101b7 brgya phrag mi nyung 'das pa nas/ /'di 'dra'i ltas sngon nam yang byung ma gyur/ /yang na 'dir ni lha yi bu zhig skyes/ /yang na 'jig rten 'dir ni sangs rgyas byung / /dge slong
102a1 dag| de nas 'jig rten gyi khams bye ba khrag khrig brgya stong phrag lnga bcu po de dag na tshangs pa chen po gang dag 'khod pa de dag thams cad lhan cig tu 'dus
102a2 nas| rang rang gi tshangs pa'i gzhal med khang de dag tu bzhugs te/ lha'i me tog gi phur ma ri rab tsam de dag thogs nas/ phyogs bzhir rgyu zhing 'dong pa las byang phyogs
102a3 su dong ba dang / dge slong dag /de nas tshangs pa chen po de dag gis byang phyogs logs na bcom ldan 'das de bzhin gshegs pa dgra bcom pa yang dag par rdzogs pa'i
102a4 sangs rgyas mngon par shes pa'i ye shes chen po zil gyis gnon pa de/ byang chub kyi snying po mchog dam par gshegs shing byang chub kyi shing drung na seng+ge'i khri la bzhugs
102a5 te| lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa dag gis ni yongs
102a6 su bskor cing mdun gyis bltas te/ sras rgyal bu gzhon nu bcu drug po de dag ni chos kyi 'khor lo bskor bar gsol ba 'debs pa mthong ngo / /mthong nas kyang bcom ldan
102a7 'das ga la ba der dong ste lhags nas bcom ldan 'das de'i zhabs la mgo bos phyag btsal te/ bcom ldan 'das de la lan brgya stong du mar bskor ba byas nas/ me tog
102b1 gi phur ma ri rab tsam de dag gis bcom ldan 'das de la gtor/ rab tu gtor te/ byang chub kyi shing de'i dpag tshad bcu tshun chad gtor nas tshangs pa'i gzhal med khang de dag
102b2 kyang bcom ldan 'das la phul te/ bcom ldan 'das/ bdag cag la thugs brtse ba'i slad du tshangs pa'i gzhal med khang 'di dag bzhes su gsol/ bde bar gshegs pa/
102b3 bdag cag la thugs brtse ba'i slad du tshangs pa'i gzhal med khang 'di dag yongs su spyad du gsol zhes gsol to/ /dge slong dag /de nas tshangs pa chen po de dag gis kyang rang rang
102b4 gi gzhal med khang de dag bcom ldan 'das de la phul nas/ de'i tshe bcom ldan 'das de'i spyan sngar tshul dang 'dra ba'i tshigs su bcad pa 'di dag gis mngon par bstod do/ /'dren
102b5 pa mthong ba shin tu rnyed par dka'/ /legs gshegs khyod ni srid pa'i 'dod chags 'joms/ /'jig rten gyi ni ring lon khyod de mthong / /bskal pa brgya snyed tshang nas snang bar
102b6 'gyur/ /'jig rten mgon po skye dgu skom ngoms mdzod/ /sngon chad ma mthong brgya lam snang bar gyur/ /rnyed dka' u dum+bA ra'i me tog bzhin/ /de bzhin rnam par 'dren pa brgya
102b7 lam mthong / /rnam par 'dren pa bdag cag gzhal med khang / /khyod kyi mthus ni de ring mdzes par gyur/ /kun tu spyan gyis 'di dag bzhes su gsol/ /bdag cag thugs
103a1 brtse'i slad du spyad pa mdzod/ /dge slong dag /de nas tshangs pa chen po de dag gis bcom ldan 'das de bzhin gshegs pa dgra bcom pa yang dag
103a2 par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar/ tshul dang 'dra ba'i tshigs su bcad pa 'di dag gis mngon par bstod
103a3 nas| bcom ldan 'das de la 'di skad ces gsol to/ /bcom ldan 'das/ 'jig rten du chos kyi 'khor lo bskor du gsol/ bcom ldan 'das/ mya ngan las 'da' ba
103a4 bshad du gsol/ bcom ldan 'das/ sems can rnams bsgral du gsol/ /bcom ldan 'das/ 'jig rten 'di dag rjes su gzung du gsol/ /bcom ldan 'das/ lha
103a5 dang bcas/ bdud dang bcas/ tshangs pa dang bcas pa'i 'jig rten dang / dge sbyong dang bram zer bcas pa'i skye dgu rnams dang / lha dang mi dang lha ma yin du bcas pa la
103a6 chos bshad du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang lha dang mi rnams kyi don dang / sman
103a7 pa dang bde bar 'gyur ro/ /dge slong dag /de nas tshangs pa bye ba khrag khrig brgya stong phrag lnga bcu po de dag gis sgra skad gcig tu mthun par brjod de/ bcom ldan 'das la
103b1 tshigs su bcad pa 'di dag gsol to/ /rnam par 'dren pa bcom ldan chos bshad gsol/ /chos kyi 'khor lo rab tu bskor du gsol/ /chos kyi rnga rnams rab tu brdung du gsol/ /
103b2 chos kyi dung yang rab tu bud par gsol/ /dam chos char pa 'jig rten dbab tu gsol/ /dbyangs snyan pas ni legs par bstan du gsol/ /gsol ba bzhin du chos ni bshad du
103b3 gsol/ /sems can bye ba khrag khrig dgrol du gsol/ /dge slong dag /de nas tshangs pa chen po dag la yang bcom ldan 'das des cang mi gsung bar gyur pas gnang ngo / /de
103b4 bzhin du sbyar te de bzhin du lho nub kyi phyogs dang / de bzhin du nub kyi phyogs dang / de bzhin du nub byang gi phyogs dang / de bzhin du byang gi phyogs dang / de bzhin du byang shar gyi
103b5 phyogs dang / 'og gi phyogs kyang de bzhin no/ /dge slong dag /de nas steng gi phyogs kyi 'jig rten gyi khams bye ba khrag khrig brgya stong phrag lnga bcu po de dag na tshangs pa'i gzhal
103b6 med khang gang dang gang dag yod pa de dag shin tu mdzes shing lhan ne lhang nger gyur la dpal dang ldan zhing gzi brjid can du gyur to/ /dge slong dag /de nas tshangs pa chen po de
103b7 dag 'di snyam du tshangs pa'i gzhal med khang 'di dag shin tu mdzes shing lhan ne lhang nger gyur la dpal dang ldan zhing gzi brjid can du gyur pa 'di su'i snga ltas su 'gyur snyam
104a1 du sems so/ /dge slong dag /de nas 'jig rten gyi khams bye ba khrag khrig brgya stong phrag lnga bcu po de dag na/ tshangs pa chen po gang dag 'khod pa de dag thams
104a2 cad gnas dag tu phan tshun dong nas smra'o/ /dge slong dag /de nas tshangs pa chen po gtsug tor can zhes bya bas tshangs pa'i tshogs chen po de dag la tshigs su bcad de smras pa/
104a3 grogs po ci yi rgyu yis 'di ltar gyur/ /gzhal med khang rnams gang gis yongs su khyab/ gzi dang kha dog dang ni 'bar bas kyang / /shin tu rgyas pa 'di la rgyu ci yod/ /'di
104a4 'dra sngon chad bdag cag yong ma mthong / /sus kyang sngon chad 'di 'dra ma thos te/ /de ring 'di ltar 'od kyis 'di khyab pa /shin tu cher mdzes 'di la rgyu ci yod/ /ci ste dge ba'i
104a5 las dang ldan pa yi/ /lha yi bu zhig de ring 'dir byung ste/ /byung ba de yi mthu ni 'di yin nam/ /yang na brgya la sangs rgyas 'jig rten byung / /dge slong dag /de nas 'jig rten
104a6 gyi khams bye ba khrag khrig brgya stong phrag lnga bcu po de dag na tshangs pa chen po gang dag la 'khod pa de dag thams cad lhan cig 'dus nas/ rang rang gi tshangs pa'i gzhal med
104a7 khang de dag tu zhugs te/ lha'i me tog gi phur ma ri rab tsam thogs nas/ phyogs bzhir rgyu zhing 'dong ba las 'og gi phyogs logs su dong ba dang / dge slong dag /de nas
104b1 tshangs pa chen po de dag gi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis
104b2 gnon pa byang chub kyi snying po mchog dam par gshegs shing / byang chub kyi shing drung na seng+ge'i khri la bzhugs te/ lha dang / klu dang / gnod sbyin dang / dri za dang / lha ma yin dang /
104b3 nam mkha' lding dang / mi'am ci dang / lto 'phye chen po dang / mi dang mi ma yin pa dag gis ni yongs su bskor cing mdun gyis bltas te/ sras rgyal bu gzhon nu bcu drug po de dag ni
104b4 chos kyi 'khor lo bskor bar gsol ba 'debs pa mthong ngo / /mthong nas kyang bcom ldan 'das de ga la ba der dong ste lhags nas bcom ldan 'das de'i zhabs la mgo bos phyag
104b5 btsal te/ bcom ldan 'das de la lan brgya stong du mar bskor ba byas nas/ me tog gi phur ma ri rab tsam de dag gis bcom ldan 'das de la gtor/ rab tu gtor te/ byang chub kyi
104b6 shing de'i dpag tshad bcu tshun chad gtor nas/ tshangs pa'i gzhal med khang de dag kyang bcom ldan 'das de la phul te/ bcom ldan 'das/ bdag cag la thugs brtse ba'i slad du
104b7 tshangs pa'i gzhal med khang 'di dag bzhes su gsol/ bde bar gshegs pa/ bdag cag la thugs brtse ba'i slad du tshangs pa'i gzhal med khang 'di dag yongs su spyad du gsol/
105a1 zhes gsol to/ /dge slong dag /de nas tshangs pa chen po de dag rang rang gi gzhal med khang de dag bcom ldan 'das de la phul nas/ de'i tshe bcom ldan
105a2 'das de la tshul dang 'dra ba'i tshigs su bcad pa 'di dag gis mngon par bstod do/ /khams gsum dag na sems can rnams/ /bcings pa gang dag 'grol ba yi/ /'jig rten
105a3 mgon po skyobs mdzad pa/ /sangs rgyas rnams ni mthong ba legs/ /'jig rten dbang po kun tu spyan/ /phyogs bcur rnam par gzigs mdzad cing / /'chi ba med pa'i sgo phye
105a4 nas| |skye bo mang po shin tu sgrol/ /sngon chad bskal pa bsam mi khyab/ /'das pa de dag stongs gyur te/ /rgyal ba dbang po ma mthong bas/ /phyogs bcu dag ni ldongs par
105a5 gyur| |mi bzad sems can dmyal ba dang / /lha min dud 'gro skye gnas 'phel/ /srog chags bye ba phrag stong ni/ /yi dwags rnams su skye bar 'gyur/ /lha mi lus las nyams
105a6 nas ni/ /'chi zhing 'phos nas ngan 'gror mchis/ /sangs rgyas rnams kyi chos ma thos/ /de yi 'gro ba sdig can 'gyur/ /srog chags kun gyi spyod pa dag pa'i/ /rgyud kyi shes rab
105a7 nyams par gyur/ /de dag bde ba rnam par zhig /bde ba'i 'du shes zhig par gyur/ /de dag cho ga log pa lags/ /dam chos ma lags rnams la gnas/ /'jig rten
105b1 mgon gyis ma brtul bas/ /ngan 'gro rnams su de dag lhung / /dge ba 'jig rten sgron ma yi/ /shin tu ring nas byon par 'gyur/ /sems can kun gyi slad du yang / /rjes su thugs brtse
105b2 'dir byung ngo / /sangs rgyas ye shes bla med pa/ /dga' zhing bde bar rab tu brnyes/ /lha dang bcas pa'i 'jig rten dang / /bdag cag khyod la rjes yi rang / /gtso bo khyod kyi mthu yis
105b3 ni| |gzhal med khang dag rnam bkra ba/ /dpa' bo chen po khyod la 'bul/ /thub pa chen po bzhes su gsol/ /bdag cag rnams la thugs brtse'i slad/ /rnam 'dren yongs su spyad du
105b4 gsol/ /bdag cag rnams dang sems can kun/ /byang chub mchog la reg par bgyi/ /dge slong dag /de nas tshangs pa chen po de dag gis bcom ldan 'das de bzhin gshegs pa
105b5 dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de'i spyan sngar tshul dang 'dra ba'i tshigs su bcad pa 'di dag gis mngon
105b6 par bstod nas/ bcom ldan 'das de la 'di skad ces gsol to/ /bcom ldan 'das/ 'jig rten du chos kyi 'khor lo bskor du gsol/ /bcom ldan 'das/ /mya ngan las 'da'
105b7 ba bshad du gsol/ /bcom ldan 'das/ sems can thams cad bsgral du gsol/ /bcom ldan 'das/ 'jig rten 'di dag rjes su gzung du gsol/ bcom ldan 'das/ lha dang
106a1 bcas/ bdud dang bcas/ tshangs pa dang bcas pa'i 'jig rten dang / dge sbyong dang bram zer bcas pa'i skye dgu rnams dang / lha dang mi dang lha ma yin du
106a2 bcas pa la chos bshad du gsol/ de ni skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang lha dang mi rnams
106a3 kyi don dang / sman pa dang bde bar 'gyur ro/ /dge slong dag /de nas tshangs pa chen po bye ba khrag khrig brgya stong phrag lnga bcu po de dag gi sgra skad gcig tu mthun par brjod de/
106a4 bcom ldan 'das de la tshul dang 'dra ba'i tshigs su bcad pa 'di dag gsol to/ /'khor lo bla med dam pa bskor du gsol/ /'chi ba med pa'i rnga yang brdung du gsol/ /sems
106a5 can sdug bsngal brgya las thar bar mdzod/ /mya ngan 'das pa'i lam yang bstan du gsol/ /bdag cag gsol ba bzhin du chos gsung zhing / /'jig rten 'di dang bdag cag
106a6 rjes su gzung / /bskal pa bye ba stong du bsgrubs pa yi/ /gsung snyan 'jam pa de dag dbyung du gsol/ /dge slong dag /de nas bcom ldan 'das de bzhin gshegs pa dgra
106a7 bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de/ tshangs pa bye ba khrag khrig brgya stong phrag mang po de dag dang /
106b1 sras rgyal bu gzhon nu bcu drug po de dag gis gsol ba btab pa mkhyen nas/ de'i tshe dge sbyong ngam/ bram ze'am/ lha'am/ bdud dam/ tshangs pa'am/ gang gis kyang 'jig rten du
106b2 chos dang mthun pas ma bskor ba'i chos kyi 'khor lo 'di lta ste/ 'di ni sdug bsngal ba'o/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug
106b3 bsngal 'gog par 'gro ba'i lam mo zhes bya ba lan gsum du bzlas te rnam pa bcu gnyis su bskor ro/ /dge slong dag /'di ltar ma rig pa'i rkyen gyis 'du byed/ 'du byed kyi rkyen
106b4 gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug/ skye mched drug gi rkyen gyis reg pa/ reg pa'i rkyen
106b5 gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre
106b6 sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' zhig po 'di 'byung bar 'gyur ro/ /ma
106b7 rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags
107a1 pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /
107a2 sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags
107a3 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar sdug bsngal gyi phung po chen po 'ba' zhig po 'di 'gag par 'gyur ro zhes bya ba
107a4 rten cing 'brel par 'byung ba la 'jug pa'ang rgya cher rab tu ston to/ /dge slong dag /de ltar bcom ldan 'das de bzhin gshegs pa dgra bcom pa yang dag par rdzogs
107a5 pa'i sangs rgyas mngon par shes pa'i ye shes chen pos zil gyis gnon pa des/ chos kyi 'khor lo 'di lha dang bcas/ bdud dang bcas/ tshangs pa dang bcas pa'i 'jig
107a6 rten dang / dge sbyong dang bram zer bcas pa'i 'khor gyi mdun du bskor nas/ skad cig thang cig yud tsam de nyid la srog chags bye ba khrag khrig brgya stong phrag drug cu len pa
107a7 med par zag pa rnams las sems rnam par grol nas/ de dag thams cad kyang rig pa gsum dang ldan pa dang / mngon par shes pa drug dang ldan pa dang / rnam par thar pa
107b1 brgyad la bsam gtan par gyur to/ /dge slong dag /de nas yang mthar gyis bcom ldan 'das de chos bstan pa lan gnyis su mdzad de/ de bzhin lan gsum/ lan bzhi'i bar
107b2 du chos bstan pa mdzad do/ /dge slong dag /de nas bcom ldan 'das de'i chos bstan pa lan re re la'ang srog chags bye ba khrag khrig brgya stong gang+gA'i klung gi bye ma snyed len pa
107b3 med par zag pa rnams las sems rnam par grol lo/ /dge slong dag /de'i 'og tu bcom ldan 'das de'i nyan thos kyi dge 'dun bgrang ba las 'das pa byung ngo / /dge slong dag/
107b4 de nas yang de'i tshe rgyal bu bcu drug po de dag gzhon nur gyur bzhin du dad de/ khyim nas khyim med par rab tu byung nas de dag thams cad dge tshul phar gyur te/ mdzangs shing gsal
107b5 la yid rno zhing mkhas te/ sangs rgyas brgya stong mang po la spyad pa bla na med pa yang dag par rdzogs pa'i byang chub don du gnyer ba ste/ dge slong dag /de nas dge tshul bcu drug
107b6 po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa de la 'di
107b7 skad ces gsol to/ /bcom ldan 'das/ de bzhin gshegs pa'i nyan thos bye ba khrag khrig brgya stong mang po 'di dgra bcom ldan 'das kyis chos bstan pas rdzu 'phrul che zhing
108a1 mthu che ba dang dbang che bar yongs su grub bo/ /bcom ldan 'das/ de ltar lags pas bdag cag la thugs brtse ba'i slad du bla na med pa yang dag par
108a2 rdzogs pa'i byang chub las brtsams te chos bstan du gsol/ bdag cag kyang de bzhin gshegs pa'i rjes su slob bo/ /bcom ldan 'das/ de bzhin gshegs pa'i ye shes
108a3 bdag cag mthong bar 'tshal lo/ /bdag cag gi don 'di la bcom ldan 'das nyid mngon sum ste/ bcom ldan 'das khyod sems can thams cad kyi bsam pa mkhyen pas
108a4 bdag cag gi bsam pa'ang mkhyen to/ /dge slong dag /de nas de'i tshe rgyal bu gzhon nu byis pa khye'u rab tu byung ba dge tshul de dag mthong nas/ 'khor los bsgyur ba'i rgyal
108a5 po de'i 'khor du gyur pa ji snyed yod pa'i phyed srog chags bye ba khrag khrig brgya stong phrag brgyad cu rtsa bzhi rab tu byung bar gyur to/ /dge slong dag /de nas bcom ldan 'das de
108a6 bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa des dge tshul de dag gis gsol ba
108a7 btab pa mkhyen te/ bskal pa nyi khri 'das nas dam pa'i chos pad+ma dkar po zhes bya ba'i chos kyi rnam grangs mdo sde shin tu rgyas pa chen po byang chub sems dpa' rnams la
108b1 gdams pa/ sangs rgyas thams cad kyis yongs su bzung ba de 'khor bzhi po de dag thams cad la rgya cher rab tu bstan to/ /dge slong dag /de nas yang de'i tshe na bcom ldan
108b2 'das kyis bshad pa dge tshul bcu drug po de dag gis blangs so/ /bzung ngo / /kun chub par byas so/ /dge slong dag /de nas bcom ldan 'das de bzhin gshegs pa dgra bcom
108b3 pa yang dag par rdzogs pa'i sangs rgyas mngon par shes pa'i ye shes chen pos zil gyis gnon pa des/ dge tshul bcu drug po de dag bla na med pa yang dag par rdzogs pa'i
108b4 byang chub tu lung bstan to/ /dge slong dag /de nas yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par shes pa'i ye
108b5 shes chen pos zil gyis gnon pas chos kyi rnam grangs 'di bshad pa la/ nyan thos rnams dang / dge tshul bcu drug po de dag mos par gyur to/ /srog chags bye ba khrag
108b6 khrig brgya stong mang po ni the tshom za bar gyur to/ /dge slong dag /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mngon par
108b7 shes pa'i ye shes chen pos zil gyis gnon pa des/ dam pa'i chos pad+ma dkar po'i chos kyi rnam grangs 'di bskal pa brgya stong gi bar du mi mno bar bstan nas/ nang du yang dag
109a1 'jog la 'jug pa'i phyir gtsug lag khang du zhugs so/ /dge slong dag /de bzhin gshegs pa de 'di ltar/ bskal pa brgyad khri bzhi stong gi bar
109a2 du gtsug lag khang du gnas te/ nang du yang dag 'jog la zhugs so/ /dge slong dag /de nas dge tshul bcu drug po de dag gis/ bcom ldan 'das de nang du yang dag 'jog
109a3 la zhugs par rig nas so so nas chos kyi stan seng ge'i khri bshams te/ de dag la 'khod nas dam pa'i chos pad+ma dkar po'i chos kyi rnam grangs 'di 'khor bzhi po dag la bskal
109a4 pa brgyad khri bzhi stong du rgya cher rab tu bstan to/ /dge slong dag /de nas dge tshul byang chub sems dpa' re res kyang / srog chags bye ba khrag khrig brgya stong phrag gang+gA'i klung drug
109a5 cu drug cu'i bye ma snyed la yang dag par bstan te/ yang dag par gzengs bstod/ yang dag par rab tu dga' bar byas/ yang dag par 'dzin du bcug /zhugs par byas nas
109a6 bla na med pa yang dag par rdzogs pa'i byang chub tu yongs su smin par byas so/ /dge slong dag /de'i tshe bcom ldan 'das de bzhin gshegs pa dgra bcom pa yang dag par
109a7 rdzogs pa'i sangs rgyas mngon par shes pa'i ye shes chen pos zil gyis gnon pa de/ bskal pa brgyad khri bzhi stong po de dag 'das nas/ dran pa dang ldan zhing mkhyen
109b1 bzhin du ting nge 'dzin de las bzhengs so/ /bcom ldan 'das de bzhengs nas chos kyi gdan ga la ba der bzhud de byon nas gdan bshams pa la bzhugs so/ /dge slong dag /de nas
109b2 bcom ldan 'das de chos kyi gdan de la bzhugs ma thag tu/ de nas 'khor 'dus pa thams cad la gzigs nas dge slong gi dge 'dun la bka' stsal pa/ dge slong dag /dge tshul
109b3 bcu drug po 'di dag ngo mtshar du gyur pa/ rmad du gyur pa/ shes rab dang ldan pa/ sangs rgyas bye ba khrag khrig brgya stong mang po la bsnyen bkur byas pa/ shin tu spyod pa spyad pa/
109b4 sangs rgyas kyi ye shes 'dzin du 'jug pa/ sangs rgyas kyi ye shes la 'dzud pa/ sangs rgyas kyi ye shes yang dag par ston pa yin gyi/ dge slong dag /dge tshul bcu drug po 'di
109b5 dag la phyir zhing bsnyen bkur gyis shig /dge slong dag /nyan thos kyi theg pa can nam/ rang sangs rgyas kyi theg pa can nam/ byang chub sems dpa'i theg pa can yang rung ste/ gang
109b6 dag kha cig rigs kyi bu 'di dag gis chos bshad pa la mi spong mi smod pa de dag thams cad myur du bla na med pa yang dag par rdzogs pa'i byang chub thob par 'gyur ro/ /de dag thams
109b7 cad de bzhin gshegs pa'i ye shes thob par 'gyur ro/ /dge slong dag /rigs kyi bu bcu drug po de dag gis bcom ldan 'das de'i bstan pa la dam pa'i chos pad+ma dkar
110a1 po'i chos kyi rnam grangs 'di yang dang yang du rab tu bstan to/ /dge slong dag /dge tshul byang chub sems dpa' sems dpa' chen po bcu drug po byang
110a2 chub sems dpa' de dag re res kyang sems can bye ba khrag khrig brgya stong phrag gang+gA'i klung drug cu drug cu'i bye ma snyed byang chub tu yang dag par btsud par gyur te/ de dag thams
110a3 cad kyang de dag nyid dang / tshe rabs de dang de dag tu rab tu byung ste/ de dag la lta zhing de dag la chos nyan to/ /de dag gis sangs rgyas bye ba stong phrag bzhi bcu mnyes par byas
110a4 so| |kha cig ni da dung yang mnyes par byed do/ /dge slong dag /khyed mos par bya/ khong du chud par bya'o/ /rgyal bu gzhon nu bcu drug po de dag gzhon nur gyur bzhin du bcom
110a5 ldan 'das de'i bstan pa la dge tshul chos smra bar gyur pa de dag thams cad bla na med pa yang dag par rdzogs pa'i byang chub tu mngon par rdzogs par sangs rgyas nas/ de dag
110a6 thams cad da lta na bzhugs te 'tsho zhing gzhes so/ /phyogs bcu'i sangs rgyas kyi zhing tha dad pa dag na nyan thos dang byang chub sems dpa' bye ba khrag khrig brgya stong phrag mang po
110a7 la chos ston to/ /dge slong dag /'di lta ste/ shar phyogs na 'jig rten gyi khams mngon par dga' ba na/ de bzhin gshegs pa dgra bcom pa yang dag par rdzogs pa'i
110b1 sangs rgyas mi 'khrugs pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas lhun po brtsegs pa zhes bya ba'o/ /dge slong dag/ /shar
110b2 lho'i phyogs na de bzhin gshegs pa dgra bcom pa yang dag par rdzogs pa'i sangs rgyas seng ge'i sgra zhes bya ba dang / de bzhin gshegs pa dgra bcom pa yang dag par rdzogs
110b3 pa'i sangs rgyas seng ge'i rgyal mtshan zhes bya ba'o/ /dge slong dag /lho phyogs na de bzhin gshegs pa dgra bcom pa yang dag par rdzogs pa'i sangs rgyas nam mkha' la gnas
110b4 pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas rtag par yongs su mya ngan las 'das pa zhes bya ba'o/ /dge slong dag /lho nub kyi
110b5 phyogs na de bzhin gshegs pa dgra bcom pa yang dag par rdzogs pa'i sangs rgyas dbang po'i rgyal mtshan zhes bya ba dang / de bzhin gshegs pa dgra bcom pa yang dag par
110b6 rdzogs pa'i sangs rgyas tshangs pa'i rgyal mtshan zhes bya ba'o/ /dge slong dag /nub phyogs na de bzhin gshegs pa dgra bcom pa yang dag par rdzogs pa'i sangs rgyas tshe
110b7 dpag med ces bya ba dang / de bzhin gshegs pa dgra bcom pa yang dag par rdzogs pa'i sangs rgyas 'jig rten gyi khams thams cad kyi gnod pa dang skyo ba las rab tu
111a1 brgal ba zhes bya ba'o/ /dge slong dag /nub byang gi phyogs na de bzhin gshegs pa dgra bcom pa yang dag par rdzogs pa'i sangs rgyas ta ma la'i
111a2 'dab ma dang tsan+dan gyi dri mngon par shes pa zhes bya ba dang / de bzhin gshegs pa dgra bcom pa yang dag par rdzogs pa'i sangs rgyas lhun po lta bu zhes bya ba'o/ /dge slong
111a3 dag /byang phyogs na de bzhin gshegs pa dgra bcom pa yang dag par rdzogs pa'i sangs rgyas sprin sgra mar me zhes bya ba dang / de bzhin gshegs pa dgra bcom pa yang
111a4 dag par rdzogs pa'i sangs rgyas sprin sgra rgyal po zhes bya ba'o/ /dge slong dag /byang shar gyi phyogs na de bzhin gshegs pa dgra bcom pa yang dag par rdzogs pa'i
111a5 sangs rgyas 'jig rten thams cad kyi 'jigs pa dang pham pa dang bag tsha ba rnam par 'joms pa zhes bya ba'o/ /dge slong dag /de bzhin gshegs pa dgra bcom pa yang
111a6 dag par rdzogs pa'i sangs rgyas shAkya thub pa de ni bcu drug pa ste/ dbus kyi 'jig rten gyi khams mi mjed 'dir bla na med pa yang dag par rdzogs pa'i byang chub mngon par
111a7 rdzogs par sangs rgyas so/ /dge slong dag /dge tshul du gyur pa nged las sems can gang dag gis chos thos shing / bcom ldan 'das de'i bstan pa la byang chub sems
111b1 dpa' re res kyang sems can brgya stong phrag mang po gang+gA'i klung gi bye ma snyed nged kyis so sor bla na med pa yang dag par rdzogs pa'i byang chub la yang dag par btsud pa de dag /dge
111b2 slong dag /da dung nyan thos kyi sa na gnas te/ bla na med pa yang dag par rdzogs pa'i byang chub la yongs su smin par byed de/ bla na med pa yang dag par rdzogs pa'i byang chub mngon
111b3 par rdzogs par 'tshang rgya ba'i go rim ni de lta'o/ /de ci'i phyir zhe na/ dge slong dag /'di ltar de bzhin gshegs pa'i ye shes la mos par dka' ba'i phyir ro/ /dge slong dag/
111b4 nga byang chub sems dpar gyur pas bcom ldan 'das de'i bstan pa la sems can bye ba khrag khrig brgya stong phrag dpag tu med pa bgrang du med pa gang+gA'i klung gi bye ma snyed gang dag thams
111b5 cad mkhyen pa'i chos thos par bya ba'i sems can de dag gang zhe na/ dge slong dag /de dag ni khyed yin te/ de'i tshe de'i dus na sems can dag tu gyur to/ /dge slong dag /nga
111b6 mya ngan las 'das nas ma 'ongs pa'i dus na nyan thos gang dag 'byung ba de dag byang chub sems dpa'i spyod pa nyan yang bdag cag byang chub sems dpa' yin par mi shes pas/ de dag thams cad kyang yongs su mya ngan las 'da' bar 'du shes nas yongs su mya ngan las 'da' bar 'gyur ro/
111b7 /dge slong dag /'on kyang 'jig rten gyi khams gzhan dag na/
112a1 nga ming gzhan dang gzhan dag gis gnas pa der de dag de bzhin gshegs pa'i ye shes 'tshol zhing skye bar 'gyur ro/ /de na'ang de bzhin gshegs
112a2 pa rnams kyi yongs su mya ngan las 'das pa 'di gcig pu ste/ 'di las gud na mya ngan las 'da' ba gnyis su gzhan dag med do zhes de lta bu'i bya ba 'di nyan par 'gyur ro/ /dge
112a3 slong dag /chos bstan pa mngon par bsgrub pa de ni/ de bzhin gshegs pa rnams kyi thabs mkhas par rig par bya ste/ dge slong dag /gang gi tshe na de bzhin gshegs
112a4 pa bdag nyid yongs su mya ngan las 'da' ba'i dus kyang gzigs la 'khor yongs su dag cing mos pa snying por byed pa/ stong pa'i chos rtogs par byed pa/ stong pa'i chos
112a5 rtogs par khong du chud pa/ bsam gtan dang ldan pa/ bsam gtan chen po dang ldan pa'ang gzigs na/ dge slong dag /de bzhin gshegs pa dus la bab par mkhyen
112a6 nas| byang chub sems dpa' thams cad dang / nyan thos thams cad bsags te phyis don 'di yang dag par sgrogs so/ /dge slong dag /'jig rten na theg pa'am/ yongs
112a7 su mya ngan las 'das pa gnyis su gang yang med na/ gsum du lta ci smos/ dge slong dag /'di ni de bzhin gshegs pa rnams kyi thabs mkhas pa ste/ sems
112b1 can yun ring du ma rung zhing dman pa la dga' ba 'dod pa la chags par mkhyen nas/ dge slong dag /de dag gang la mos pa bzhin du de dag la de bzhin gshegs pa mya ngan las
112b2 'das pa de 'chad do/ /dge slong dag /'di lta ste/ dper na/ 'di ltar rin po che'i gling 'dong ba'i phyir 'brog dgon pa dpag tshad lnga brgya pa der skye bo'i tshogs lhags par gyur
112b3 te| de dag gi nang na lam mtshon pa mdzangs shing gsal la/ yid gzhungs shing mkhas pa gcig pu yod pa des mya ngam dgon pa de las 'gron pa mang po de dag sgrol lo/ /de
112b4 nas skye bo phal po che de dag ngal zhing chad de skrag nas 'di skad ces/ kye 'phags pa mtshon ma yongs su 'dren pa bdag cag ngal zhing chad de 'jigs shing skrag pas mya ngan de
112b5 las ma 'das par mkhyen par mdzod cig /'brog dgon pa 'di ni shin tu ring bas slar ldog go zhes byas pa dang / dge slong dag /de nas mtshon ma de dag thabs mkhas pas
112b6 mi de dag slar ldog par 'dod par shes nas/ 'di snyam du nyon mongs 'di dag rin po che'i gling chen po de lta bur mi 'gro bar gyur na mi rung ngo snyam du bsams nas des de dag
112b7 la snying brtse ba'i phyir thabs mkhas pa sbyar te/ dgon pa'i dbus su dpag tshad brgya'am/ dpag tshad nyis brgya 'das pa dang rdzu 'phrul gyi grong khyer mngon par sprul nas de nas
113a1 des mi de dag la 'di skad ces/ khyed cag ma 'jigs shig /slar ma ldog par yul chen po 'dir ngal sos shig/ bya ba gang dag ci yod pa de dag
113a2 thams cad kyang 'dir gyis shig /'dir mya ngan las 'da' ba thob par gnas par gyis shig/ 'dir ngal bsos nas su la dgos par gyur pa de ni rin po che'i gling chen po
113a3 'dir 'dong ngo zhes bsgo ba dang / dge slong dag /de nas dgon par phyin pa'i mi de dag bdag cag ni 'brog dgon pa las thar nas 'dir mya ngan las 'da' ba thob ste gnas
113a4 so snyam nas ngo mtshar thob par gyur to/ /dge slong dag/ de nas mi de dag rdzu 'phrul gyi grong khyer der zhugs nas phyin pa snyam du 'du shes par gyur/ brgal ba snyam du
113a5 'du shes par gyur/ mya ngan las 'das par 'du shes par gyur/ bdag cag mya ngan las 'das shing bsil bar gyur par sems par gyur to/ /de nas mtshon mas
113a6 de dag ngal bsos par shes nas rdzu 'phrul gyi grong khyer de mi snang bar byas so/ /mi snang bar byas nas mi de dag la 'di skad ces grong khyer chen po 'di ni khyed ngal bso ba'i
113a7 phyir kho bos sprul pa yin te/ rin po che'i gling chen po de dang yang nye bas sems can khyed 'dong ngo zhes bsgo ba de bzhin du/ dge slong dag /de bzhin gshegs pa dgra
113b1 bcom pa yang dag par rdzogs pa'i sangs rgyas kyang / khyed dang sems can thams cad kyi mtshon ma'o/ /dge slong dag /de nas de bzhin gshegs pa dgra bcom pa yang dag
113b2 par rdzogs pa'i sangs rgyas kyis 'di ltar nyon mongs pa'i dgon pa chen po 'di la skyo bar bya/ bzla bar bya/ spang bar bya na/ sems can 'di dag sangs rgyas kyi ye shes
113b3 gcig pu thos nas spangs te phyir ldog cing / sangs rgyas kyi ye shes bsgrub pa 'di nyon mongs pa mang po zhes mi 'jug par mi 'gyur grang zhes gzigs te/ de la de bzhin gshegs
113b4 pas sems can bsam pa'i stobs chung bar mkhyen nas/ ji ltar mtshon ma des sems can de dag ngal bso ba'i phyir rdzu 'phrul gyi grong khyer de mngon par sprul te/ sems can de dag
113b5 ngal bso nas 'di ni rdzu 'phrul gyi grong khyer yin no zhes bsgo ba de bzhin du/ dge slong dag /de bzhin gshegs pa dgra bcom pa yang dag par rdzogs pa'i sangs rgyas thabs mkhas
113b6 pa chen pos sems can rnams ngal bso ba'i phyir/ bar du mya ngan las 'da' ba'i sa gnyis bshad cing rab tu bstan te/ 'di ltar nyan thos kyis dang / rang sangs rgyas kyi sa ste/ dge
113b7 slong dag /gang gi dus na sems can de dag de la gnas par gyur pa de na/ dge slong dag /de bzhin gshegs pa dgra bcom pa yang dag par rdzogs pa'i sangs rgyas kyis 'di skad
114a1 du| dge slong dag/ khyed bya ba byas pa ma yin te/ byed pa byas pa ma yin la/ dge slong dag/ khyed de bzhin gshegs pa'i ye shes la nye bar gyur gyi
114a2 ltos shig /rtogs shig/ gang khyed kyi mya ngan las 'das pa de mya ngan las 'das pa ma yin te/ dge slong dag /gang theg pa gsum du bshad pa de ni de bzhin gshegs
114a3 pa dgra bcom pa yang dag par rdzogs pa'i sangs rgyas rnams kyi thabs mkhas pa'o zhes yang dag par sgrogs so/ /de nas bcom ldan 'das kyis don 'di nyid rgyas
114a4 par bstan cing de'i tshe tshigs su bcad pa 'di dag bka' stsal to/ /mngon shes ye shes zil gnon 'jig rten 'dren/ /'di ltar byang chub snying por zhugs gyur
114a5 pa| |de yang bar gyi bskal pa bcu tshang bar/ /don dam gzigs pa byang chub ma brnyes so/ /lha dang klu dang lha min gsang ba pa/ /rgyal ba de la rab tu mchod par
114a6 brtson/ /mi yi 'dren pa byang chub sangs rgyas la/ /der ni me tog char pa rab tu phab/ /rgyal ba de la mchod cing bkur sti'i phyir/ /steng gi mkha' la de dag rnga brdung
114a7 ngo| |ring nas bla na med pa'i gnas rtogs phyir/ /de nas rgyal ba shin tu sdug bsngal gyur/ /de nas bar gyi bskal pa bcu 'das nas/ /bcom ldan zil gnon
114b1 de yis byang chub thob/ /de tshe lha mi klu dang lha ma yin/ /thams cad rab tu dga' zhing mgu par gyur/ /yon tan phyug ba mi gtso de yi sras/ /gzhon nur gyur pa dpa' bo bcu
114b2 drug rnams/ /srog chags bye ba stong gis mdun bdar te/ /rkang gnyis dbang po mchog de'i drung du 'dong / /rnam par 'dren gyi zhabs la phyag btsal nas/ /mi dbang seng
114b3 ges 'dir ni legs bshad pas/ /bdag cag 'jig rten 'di rnams tshim mdzad cing / /chos rab bstan du gsol zhes gsol ba btab/ /ring nas phyogs bcu'i 'jig
114b4 rten 'di rnams su/ /rnam 'dren chen po byung bar rab tu rig /ltas kyis srog chags rnams ni bskul ba'i phyir/ /tshangs pa'i gzhal med khang rnams rab tu bskyod/ /
114b5 shar gyi phyogs su zhing rnams bye ba phrag/ stong phrag lnga bcu de dag g.yos par gyur/ /de nas tshangs pa gzhal med khang mchog dag/ de dag rab tu gzi brjid ldan
114b6 par gyur/ /de dag snga ltas 'di 'dra rig gyur nas/ /'jig rten 'dren dbang drung du nye bar lhags/ /'dren pa de la me tog mngon par 'thor/ /de la gzhal med
114b7 khang de thams cad phul/ /'khor lo rab tu bskor bar gsol ba 'debs/ /tshigs su bcad pa'i dbyangs kyis mngon par bstod/ /da dung nga yi chos bshad dus min
115a1 zhes/ /mi dbang rgyal po de ni ma gsung gyur/ /de bzhin du ni lho yi phyogs logs dang / /de bzhin du yang nub dang 'og dang byang / /steng gi
115a2 phyogs dang phyogs mtshams de bzhin te/ /tshangs pa bye ba phrag stong lhags gyur nas/ /'dren pa de la mngon par yang gtor te/ /rnam par 'dren pa'i zhabs la phyag
115a3 btsal nas/ /gzhal med khang rnams thams cad der phul te/ /mngon par bstod pa byas nas yang gsol pa/ /mtha' yas spyan ldan 'khor lo bskor du gsol/ /
115a4 bskal pa bye ba mang khyod rnyed rab dka'/ /sngon chad byams pa'i stobs bsnyen bstan du gsol/ /'chi ba med pa'i sgo yang dbye bar gsol/ /gsol ba mtha' yas
115a5 spyan gyis mkhyen nas ni/ /rnam pa mang por chos rnams rab bstan pa/ /bden pa bzhi rnams rab tu rgyas pa dang / /dngos po 'di dag thams cad rten nas byung / /
115a6 ma rig la sogs 'chi bzhi sdug bsngal yang / /mtha' yas par ni spyan dang ldan pas gsungs/ /skye ba las ni nyes pa 'di kun byung / mi yi 'chi bdag 'di
115a7 yang shes par gyis/ /rnam pa mang po sna tshogs mtha' yas pa/ / chos rnams de yis bshad ma thag tu yang / /thos nas sems can bye ba khrag khrig phrag/ brgyad
115b1 cu nyan thos sa la myur du gnas/ /rgyal ba de yi chos mang bshad pa ni/ /gzhan yang lan gnyis su ni gyur pa na/ /sems can gang+gA'i bye snyed rnam dag ste/ /skad cig gis ni de kun
115b2 nyan thos gyur/ /de yi 'og tu de tshe 'jig rten gyi/ /rnam 'dren de yi dge 'dun grangs med byung / /bskal pa khrag khrig bye bar bgrangs na yang / /re re la yang de dag mthar
115b3 mi phyin/ /rgyal bu bcu drug po ni de dag kyang / /thams cad gzhon nur gyur pa snying gi bu/ /'dren pa khyod kyis chos mchog bstan gsol zhes/ /rgyal ba de la dge tshul de
115b4 dag gsol/ /ji ltar skye dgu kun mchog khyod bzhin du/ /bdag cag 'jig rten mkhyen par 'gyur bar shog /ji ltar dpa' bo spyan dag khyed bzhin du/ /sems
115b5 can 'di dag thams cad de bzhin shog/ de sras gzhon nur gyur pa de dag gi /bsam pa dag ni rgyal ba des mkhyen pas/ /dpe rnams bye ba khrag khrig du ma yis/ /byang chub
115b6 dam pa mchog ni rab tu bstan/ /rgyu ni mang po stong gis nyer bstan te/ /mngon par shes dang ye shes rab tu bsgrags/ /byang chub sems dpa' mkhas pa spyod pa bzhin//
115b7 'jig rten mgon pos yang dag spyod pa bstan/ /gang dag tshad ni gang+gA'i bye snyed kyi/ /tshigs su bcad pa stong phrag mi nyung bar/ /rab rgyas mdo sde dam chos pad+ma dkar/
116a1 'di nyid bcom ldan 'das kyis rab tu bshad/ /rgyal pa des kyang mdo sde 'di bshad nas/ /'jig rten mgon po gtsug lag khang bzhugs
116a2 te| |stan gcig steng du mnyam par bzhag nas su/ /bskal pa brgyad cu rtsa bzhir tshang bar brtags/ /'dren pa gtsug lag khang bzhugs mi 'byung bar/ /dge tshul
116a3 de dag rnams kyis rig gyur nas/ /sangs rgyas ye shes zag med zhi ba 'di/ /srog chags bye ba mang po rnams la bsgrags/ /so sor khri stan bshams te 'dug nas ni/ /
116a4 de dag la yang mdo sde 'di nyid bshad/ /bde bar gshegs pa de yi bstan pa la/ /de dag de 'dra'i tshul du dbang byed do/ /bde gshegs sras po de dag re res kyang / /
116a5 de yi tshe na sems can stong phrag ni/ /gang+gA drug cu'i bye ma snyed la bsgrags/ /sems can mtha' yas pa dag rnam par 'dul/ /rgyal ba de dag mya ngan yongs 'das
116a6 nas| |de dag spyan nas sangs rgyas bye ba mthong / /de tshe thos byas rnams dang lhan cig tu/ /rkang gnyis dam pa la yang mchod pa byed/ /spyod pa yangs pa khyad par
116a7 'phags spyad nas/ /de dag phyogs bcur byang chub sangs rgyas te/ /rgyal ba de yi sras de bcu drug po/ /phyogs rnams kun na rgyal ba gnyis gnyis so/ /de
116b1 tshe gang dag thos byas de dag kyang / /rgyal ba de yi nyan thos thams cad de/ /bdag gis rnam pa tha dad thabs rnams kyis/ /byang chub 'di nyid rab tu thob par byas/ /nga
116b2 yang de dag nang du gtogs par gyur/ /ngas kyang khyed rnams thams cad thos par byas/ /de phyir da dung nga yi nyan thos khyed/ /byang chub 'di la thams cad thabs kyis
116b3 bkri| gang gi phyir na nga ni chos 'chad cing / /gang phyir byang chub mchog 'di ngas bkri ba/ /rgyu 'di rkyen 'di de tshe sngon byung ngo / /dge slong dag gis gnas 'dir ma 'jigs
116b4 shig| ji ltar dgon pa ma rungs bzod rlag pa/ /stong pa gnas med rten kyang med pa la/ /gcan gzan rab tu mang zhing chu med do/ /de ni byis pa 'jigs par byed pa
116b5 yin| |de la skyes bu stong phrag du ma rnams/ /dgon pa der ni de dag zhugs par gyur/ /dgon pa de yang stong zhing ring ba ni/ /dpag tshad lnga brgya snyed du tshang bar
116b6 gyur| |mya ngam dgon pa rab tu 'jigs pa na/ /de na de yi mtshon mar gang gyur pa/ /skyes bu phyug cing dran ldan gsal ba ste/ /shin tu dpa' zhing rtul la 'jigs
116b7 pa med/ /srog chags bye ba mang po de dag skyo/ /de tshe mtshon ma de la smras pa ni/ /'phags pa bdag cag skyo ste mi nus na/ /bdag cag de ring 'di nas ldog par
117a1 dga'/ /de tshe mkhas shing shin tu mdzangs pa yi/ /'dren pa de yang de tshe thabs sems te/ /kyi hud byis pa 'di dag thams cad ni/ /bdag
117a2 nyid ldog par rin po che las nyams/ /'di ltar nga yis rdzu 'phrul stobs kyis deng / /khang pa bye ba stong gis rab brgyan zhing / /gtsug lag khang dang tshal bus brgyan
117a3 pa yi| |grong khyer chen po mngon par sprul nas su/ /rdzing dang 'bab chu dag kyang mngon par sprul/ /kun dga' dang ni me tog dag gis brgyan/ /sgo dang rtsig pas shin
117a4 tu mdzes byas shing / /skyes pa bud med mtshungs med rnams ldan pa/ /sprul nas de dag rnams la 'di skad du/ /'jigs par ma byed rab tu dga' bar byos/ grong
117a5 khyer mchog tu khyed rnams da phyin gyi/ /zhugs te don rnams myur du gyis zhes smras/ /ci nas de dag thams cad phar 'gro bar/ /dbugs phyung bya ba'i phyir ni tshig
117a6 smras pa/ /dgon pa ma rungs kun las brgal zin te/ /mya ngan 'das zin sems ni dga' bar byos/ /thams cad ngal bsos gyur pa'i tshul rig nas/ /shin tu
117a7 ri mo byas te yang smras pa/ /tshur shog kho bos smras pa rnams la nyon/ /'di ni rdzu 'phrul grong khyer sprul pa ste/ /khyed rnams skyo bar kho bos rig pas na/ /khyed
117b1 rnams phyir mi ldog par bya ba'i phyir/ /'di 'dra 'di ni kho bos thabs mkhas yin/ /gling du 'gro ba'i phyir ni brtson 'grus bskyed/ /dge slong nga yang de bzhin mtshon
117b2 ma ste| |srog chags bye ba stong gi 'dren pa yin/ /nyon mongs sgo nga'i sbubs brtol mi nus shing / /skyo ba'i sems can dag kyang de bzhin mthong / /de phyir de yi don du
117b3 ngas bsams te/ /bsti ba'i gnas su mya ngan 'das 'di byas/ /sdug bsngal thams cad rjes su rtogs pa 'di/ /dgra bcom sa la khyed cag bya ba byas/ /gang gi tshe na
117b4 khyed cag 'dug gnas 'dir/ /gnas par dgra bcom thams cad mthong nas ni/ /de yi 'og tu thams cad 'dir bsdus te/ /chos 'di ji bzhin yang dag don bshad do/ /
117b5 drang srong chen pos theg pa gsum bstan pa/ /rnam 'dren rnams kyi thabs la mkhas pa ste/ /theg pa gcig ste gnyis su yod ma yin/ /bsti ba'i don du theg pa gnyis
117b6 bstan to/ /dge slong dag go de phyir de ring ngas/ /'di tsam gyis ni mya ngan mi 'da' ste/ /khyod kyis thams cad mkhyen gyi ye shes phyir/ /brtson 'grus rlabs chen
117b7 dam pa bskyed par gyis/ /nam zhig thams cad mkhyen gyi ye shes thob/ /rgyal ba'i chos rnams gang dag stobs bcu dang / /sum cu rtsa gnyis mtshan gyi gzugs
118a1 ldan pa/ /sangs rgyas gyur nas mya ngan 'das pa yin/ /'dren pa rnams kyi bstan pa 'di 'dra ste/ /bsti ba'i phyir ni mya ngan 'das pa gsung / /ngal bsos
118a2 rig nas mya ngan 'da' phyir kun/ /thams cad mkhyen gyi shes la bkri zhes bshad/ /dam pa'i chos pad+ma dkar po las/ /sngon gyi sbyor ba'i le'u zhes bya ste bdun pa'o// //dam pa'i chos pad+ma dkar po/ bam po bdun pa/ de nas tshe dang ldan pa byams ma'i bu gang pos/ bcom ldan 'das thabs mkhas pa'i ye shes gzigs pa dang / ldem
118a3 por dgongs te gsungs pa bstan pa 'di lta bu 'di'ang thos/ nyan thos chen po de dag lung bstan pa'ang thos/ sngon gyi sbyor ba dang ldan pa'i gtam 'di dang bcom ldan 'das
118a4 kyi khyu mchog tu gyur pa 'di'ang thos nas/ ngo mtshar du gyur/ rmad du gyur te/ zang zing med pa'i sems kyis dga' ba dang mchog tu dga' bas khyab par gyur nas/ de mchog tu
118a5 dga' ba chen po dang / chos la gus pa chen pos stan las langs te/ bcom ldan 'das kyi zhabs la phyag btsal nas 'di snyam du 'di ltar khams tha dad pa'i 'jig rten gyi rjes
118a6 su mthun par 'jug pa dang / thabs mkhas pa'i ye shes gzigs pa mang pos sems can rnams la chos ston pa dang / de dang de la chags pa'i sems can rnams rab tu
118b1 'grel ba ni/ /de bzhin gshegs pa dgra bcom pa yang dag par rdzogs pa'i sangs rgyas rnams shin tu dka' ba mdzad de/ bcom ldan 'das/ ngo mtshar to/ /bde bar
118b2 gshegs pa/ ngo mtshar to/ /bcom ldan 'das/ 'di la ni bdag cag gis bgyid pa'i rdo ga la thogs te/ de bzhin gshegs pa nyid kyis bdag cag gis bsam pa dang sngon gyi
118b3 sbyor ba'i spyod pa mkhyen to snyam du sems bskyed nas/ bcom ldan 'das kyi zhabs la mgo bos phyag btsal te phyogs gcig tu 'dug nas bcom ldan 'das nyid la phyag 'tshal
118b4 zhing mig ma 'dzum par blta'o/ /de nas bcom ldan 'das kyis tshe dang ldan pa byams ma'i bu gang po'i sems kyi bsam pa la gzigs nas/ thams cad dang ldan pa'i dge slong
118b5 gi dge 'dun la bka' stsal pa/ dge slong dag/ khyed nga'i nyan thos byams ma'i bu gang po 'di la ltos/ 'di ni ngas dge slong gi dge 'dun 'di'i nang na chos sgrog pa rnams kyi
118b6 mchog tu bstan pa yang dag pa'i yon tan mang pos bstod pa/ nga'i bstan pa 'di la rnam pa mang pos dam pa'i chos yongs su 'dzin par mngon par brtson pa/ 'khor bzhi
118b7 yang dag par rab tu dga' bar byed pa/ yang dag par 'dzin du 'jug pa/ yang dag par gzengs bstod pa/ chos 'chad pas ngal ba med pa/ chos 'di 'chad nus pa/
119a1 tshangs pa mtshungs par spyod pa rnams la phan 'dogs nus pa ste/ dge slong dag /de bzhin gshegs pa ma gtogs par gzhan gyis byams ma'i
119a2 bu gang po don nam tshig 'brus yongs su gtug par mi nus so/ /dge slong dag/ 'di ji snyam du sems/ 'di nga 'ba' zhig gi dam pa'i chos 'dzin pa yin snyam du sems
119a3 na| dge slong dag /khyed kyis de ltar mi lta'o/ /de ci'i phyir zhe na/ dge slong dag /ngas mngon par dran te/ 'das pa'i dus na sangs rgyas bye ba phrag dgu bcu rtsa dgu
119a4 byung pa'i sangs rgyas bcom ldan 'das de dag gi bstan pa la 'di nyid kyis dam pa'i chos yongs su bzung ste/ ji ltar da ltar nga'i chos sgrog pa rnams kyi mchog tu gyur pa
119a5 bzhin du thams cad du'ang gyur to/ /thams cad du'ang stong pa nyid rtogs par khong du chud par gyur to/ /thams cad du'ang so so yang dag par rig pa thob par gyur to/ /
119a6 thams cad du'ang byang chub sems dpa'i mngon par shes pa legs par rtogs par khong du chud par gyur to/ /shin tu nges par chos ston pa dang / the tshom med par chos
119a7 ston pa dang / yongs su dag par chos ston par gyur to/ /sangs rgyas bcom ldan 'das de dag gi bstan pa la chos btsal te tshangs par spyod pa spyad do/ /thams cad
119b1 du'ang nyan thos su kun gyis shes te/ de thabs 'dis sems can bye ba khrag khrig brgya stong dpag tu med grangs med pa rnams kyi don byas so/ /sems can dpag tu med grangs
119b2 med pa dag bla na med pa yang dag par rdzogs pa'i byang chub tu yongs su smin par byas so/ /thams cad du'ang sangs rgyas kyi bya bas sems can rnams la nye bar gnas
119b3 par gyur to/ /thams cad du'ang bdag gis sangs rgyas kyi zhing yongs su dag par byas so/ /sems can dag/ yongs su smin par bya ba la brtson par gyur to/ /
119b4 dge slong dag/ rnam par gzigs la sogs pa de bzhin gshegs pa bdun po de dag gi tha ma ni nga yin te/ de dag gi'ang chos brjod pa'i mchog tu gyur to/ /dge
119b5 slong dag/ bskal pa bzang po 'di la ma 'ongs pa'i dus na sangs rgyas stong du sangs rgyas bzhis ma tshang ba gang dag 'byung ba de dag gi bstan pa la'ang byams ma'i bu
119b6 gang po 'di nyid chos ston pa'i mchog tu 'gyur/ dam pa'i chos yongs su 'dzin par 'gyur ro/ /de bzhin du ma 'ongs pa'i dus na sangs rgyas bcom ldan 'das dpag tu
119b7 med grangs med pa'i dam pa'i chos kun 'dzin par 'gyur ro/ /sems can dpag tu med grangs med pa rnams kyi don byed par 'gyur ro/ /sems can dpag tu med
120a1 grangs med pa rnams bla na med pa yang dag par rdzogs pa'i byang chub tu yongs su smin par byed par 'gyur ro/ /rtag tu rgyun mi chad par
120a2 'gyur ro/ /bdag gi sangs rgyas kyi zhing yongs su dag par bya ba dang / sems can yongs su smin par bya ba la brtson par 'gyur ro/ /des byang chub sems
120a3 dpa'i spyod pa 'di lta bu yongs su rdzogs par byas te/ bskal pa grangs med dpag tu med pa na bla na med pa yang dag par rdzogs pa'i byang chub tu mngon par
120a4 rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs
120a5 pa| 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das chos rab tu snang ba zhes
120a6 bya ba 'jig rten du 'byung ste/ sangs rgyas kyi zhing 'di nyid du 'byung bar 'gyur ro/ /dge slong dag /yang de'i tshe sangs rgyas kyi zhing 'di stong gsum gyi stong chen
120a7 po'i 'jig rten gyi khams gang+gA'i klung gi bye ma snyed sangs rgyas kyi zhing gcig tu 'gyur te/ de rin po che sna bdun gyi gzhi la lag mthil ltar mnyam par med pa
120b1 rin po che sna bdun gyi khang pa brtsegs pas yongs su gang bar 'gyur ro/ /lha'i gzhal med khang dag dang yang nye bar 'gyur te/ lha dag gis kyang mi mthong / mi dag gis
120b2 kyang lha mthong bar 'gyur ro/ /dge slong dag /de'i tshe sangs rgyas kyi zhing 'di na ngan song med par 'gyur/ bud med kyang med de/ /sems can de dag thams cad kyang brdzus
120b3 te skye ba/ tshangs par spyod pa yid la byed pa'i lus 'od rang la yod pa/ rdzu 'phrul can nam mkha' la 'gro ba/ brtson 'grus dang ldan pa/ dran pa dang ldan pa/ shes
120b4 rab dang ldan pa/ lus gser gyi kha dog can skyes bu chen po'i mtshan sum cu rtsa gnyis kyis lus brgyan par 'gyur ro/ /dge slong dag /yang de'i tshe sangs rgyas kyi zhing
120b5 'dir sems can de dag gi zas rnam pa gnyis su 'gyur te/ gnyis gang zhe na/ 'di lta ste/ chos kyi dga' ba'i zas dang / bsam gtan gyi dga' ba'i zas so/ /de'i byang
120b6 chub sems dpa' bye ba khrag khrig brgya stong grangs med dpag tu med pa 'byung ste/ thams cad kyang mngon par shes pa chen po thob pa/ so so yang dag par rig pa rnams
120b7 rtogs par khong du chud pa/ sems can la 'dems mkhas pa sha stag ste/ de'i nyan thos bgrang ba las 'das pa 'byung ste/ rdzu 'phrul che ba/ mthu che ba/ rnam par
121a1 thar pa brgyad la bsam gtan pa sha stag go /sangs rgyas kyi zhing de de lta bu'i yon tan tshad med pa dang ldan par 'gyur ro/ /bskal pa ni rin
121a2 po che snang ba zhes bya bar 'gyur ro/ /'jig rten gyi khams de ni shin tu rnam par dag pa zhes bya bar 'gyur ro/ /de'i tshe'i tshad ni bskal pa grangs med dpag tu med
121a3 par 'gyur ro/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos rab tu snang ba de yongs su mya ngan las 'das nas
121a4 kyang | dam pa'i chos yun ring du gnas par 'gyur/ 'jig rten gyi khams de rin po che'i mchod rten gyis gang bar 'gyur ro/ /dge slong dag /de ltar bcom
121a5 ldan 'das de'i sangs rgyas kyi zhing de yon tan bsam gyis mi khyab pa dang ldan par 'gyur ro/ /bcom ldan 'das kyis de skad ces bka' stsal te/ bde bar
121a6 gshegs pas de skad ces gsungs nas/ ston pas gzhan yang 'di skad ces bka' stsal to/ /nga yi bu ni thabs mkhas legs bslabs pas/ /ji ltar spyod
121a7 pa spyad par gyur pa dang / /ji ltar byang chub spyod pa 'dir spyad pa/ /don de nga las nyon cig dge slong dag /theg pa rlabs po ches ni skrag 'gyur zhing / /'di na
121b1 sems can dman la mos rig nas/ byang chub sems dpa' 'di dag nyan thos gyur/ /rang rgyal byang chub bar yang rab tu ston/ /thabs la mkhas pa brgya phrag du ma yis/ /
121b2 byang chub sems dpa' mang po smin par byed/ /'di skad bdag cag nyan thos bdag cag ni/ /byang chub dam pa mchog las ring zhes smra/ /de dag rjes su spyod pa de slob pas//
121b3 sems can bye ba 'di dag smin par 'gyur/ /dman la mos shing le lo can gyi tshul/ /de dag thams cad mthar gyis sangs rgyas 'gyur/ /de dag mi tshor bar ni spyad pa
121b4 spyod| |bdag cag nyan thos byed pa chung ba yin/ /shi 'pho skye ba kun las rab tu skyo/ /bdag gi zhing yang yongs su dag par byed/ /bdag nyid 'dod chags bcas shing
121b5 zhe sdang bcas/ /gti mug bcas par yang ni rab tu ston/ /sems can lta la chags par rig nas kyang / /de yi lta ba rnams la nye bar gnas/ /nga yi nyan thos mang du
121b6 de ltar spyod/ /sems can thabs kyis rnam par grol bar byed/ /de yis spyod pa thams cad rab bstan na/ /mi mkhas mi rnams shin tu myos par 'gyur/ /dge
121b7 slong gang po nga yi nyan thos 'di/ /sangs rgyas rnams kyi ye shes 'di 'tshol phyir/ /sngon gyi sangs rgyas bye ba stong la spyad/ /de dag rnams kyi dam chos yongs su bzung
122a1 kun tu 'di ni nyan thos mchog tu gyur/ /mang du thos shing 'jigs med sna tshogs brjod/ /rtag tu mi skyod yang dag dga' bar byed/ /rtag
122a2 tu sangs rgyas bye bas nye bar gnas/ /rtag tu mngon shes chen pos rtogs par rig /so so yang dag rig pa thob par gyur/ /sems can rnams kyi dbang po
122a3 spyod yul shes/ /rtag tu rnam par dag pa'i chos kyang 'chad/ /dam pa'i chos kyi mchog kyang rab 'chad cing / /bla na med pa'i theg pa mchog 'di la/ /sems
122a4 can bye ba phrag stong yongs smin byed/ /bdag gi zhing mchog rnam par dag par byed/ /ma 'ongs dus kyi tshe yang de bzhin du/ /sangs rgyas bye ba phrag stong
122a5 mchod par 'gyur/ /dam pa'i chos mchog rnams kyang rab tu 'dzin/ /bdag gi zhing yang yongs su dag byed 'gyur/ /rtag tu 'jigs pa med par chos
122a6 'chad de/ /thabs la mkhas pa bye ba phrag stong gis/ /thams cad mkhyen gyi ye shes zag med la/ /sems can mang po yongs su smin par byed/ /mi
122a7 yi 'dren pa rnams la des mchod nas/ /dam pa'i chos mchog rtag tu bzung nas ni/ /'jig rten du yang rang byung sangs rgyas 'gyur/ /chos rab snang zhes
122b1 phyogs su rab tu grags/ /de yi zhing yang shin tu rnam dag 'gyur/ /rin chen sna bdun rtag tu khyad par 'phags/ /bskal pa de ni rin chen snang ba yin/ /'jig rten
122b2 khams de shin tu rnam dag yin/ /mngon shes che la shin tu mkhas pa yin/ /byang chub sems dpa' bye ba stong mang ste/ /rnam dag blo can rdzu 'phrul che rnams kyis/ /
122b3 'jig rten khams de yongs su gang bar 'gyur/ /de bzhin nyan thos dag kyang bye ba stong / /de tshe 'dren pa'i dge 'dun 'byung ba ni/ /rnam thar brgyad la bsam gtan rdzu
122b4 'phrul che/ /so so yang dag rig pa rtogs par rig /sems can thams cad sangs rgyas zhing de na/ /tshangs par spyod cing rab tu dga' bar 'gyur/ /thams cad gser
122b5 gyi mdog can brdzus te skye/ /sum cu rtsa gnyis mtshan gyi gzugs dang ldan/ /chos la mngon par dga' ba ma gtogs par/ /de na zas kyi 'du shes med par 'gyur/ /
122b6 der ni bud med rnams kyang mi 'byung ste/ /ngan song dang ni ngan 'gros 'jigs pa med/ /sems can rab tu dge bas kun gang ste/ /gang po yon tan yang dag rdzogs
122b7 ldan gyi/ /zhing mchog de ni de 'drar 'gyur ba ste/ /'di ni cung zad tsam zhig bshad pa yin/ /de nas dbang dang ldan par gyur pa stong nyis brgya po de dag 'di
123a1 snyam du sems te/ gal te bdag cag kyang bcom ldan 'das kyis nyan thos chen po gzhan dag ji ltar lung bstan pa de bzhin du/ de bzhin
123a2 gshegs pas bdag cag so sor lung bstan na ngo mtshar du 'gyur/ rmad du 'gyur snyam mo/ /de nas bcom ldan 'das kyis nyan thos chen po de dag gi sems kyi rnam
123a3 par rtog pa thugs kyis thugs su chud nas/ tshe dang ldan pa 'od srung chen po la bka' stsal pa/ 'od srung / dbang dang ldan par gyur pa stong nyis brgya po gang dag da
123a4 ltar nga mngon sum du gyur pa'i stong nyis brgya po 'di dag thams cad 'di'i 'og tu lung bstan to/ /'od srung / de la nyan thos chen po dge slong kau N+Di n+ya sangs rgyas bye ba
123a5 khrag khrig brgya stong phrag drug cu rtsa gnyis kyi pha rol gyi 'ang ches pha rol tu de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs
123a6 su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan
123a7 'das kun tu snang ba zhes bya bar 'jig rten du 'byung ste/ 'od srung / de na ming 'di gcig tu btags pa de bzhin gshegs pa lnga brgya 'byung bar 'gyur ro/ /nyan
123b1 thos chen po lnga brgya po thams cad gcig gi 'og tu gcig bla na med pa yang dag par rdzogs pa'i byang chub mngon par rdzogs par 'tshang rgya ste/ thams cad kyang kun tu snang ba
123b2 zhes bya bar 'gyur ro/ /'di lta ste/ ga yA 'od srung dang / chu klung 'od srung dang / lteng rgyas 'od srung dang / nag po dang / 'char ka nag po dang / ma 'gags pa dang / nam
123b3 gru dang / ka pi na dang / ba ku la dang / skul byed dang / legs 'ongs la sogs pa dbang dang ldan par gyur pa lnga brgya'o/ /de nas bcom ldan 'das kyis de'i tshe tshigs
123b4 su bcad pa 'di dag bka' stsal to/ /kau N+Di n+ya rigs nga yi nyan thos 'di/ /ma 'ongs dus kyi bskal pa mtha' yas na/ /de bzhin gshegs pa 'jig rten mgon du 'gyur//
123b5 srog chags bye ba phrag stong rnam par 'dul/ /ma 'ongs dus kyi mtha' yas bskal pa na/ /sangs rgyas mang po mtha' yas mthong nas ni/ /kun tu snang zhes bya ba'i
123b6 rgyal bar 'gyur/ /de yi zhing yang yongs su dag par 'gyur/ /sangs rgyas stobs dang 'od du ldan par 'gyur/ /phyogs bcu dag tu sgra yang rnam par bsgrags/ /srog
123b7 chags bye ba stong gis mdun gyis bltas/ /byang chub dam pa mchog kyang ston par 'gyur/ /de nas byang chub sems dpa' brtson pa rnams/ /gzhal med khang mchog
124a1 tu ni mngon zhugs nas/ /de na gnas shing rjes su rnam par sems/ /rnam dag tshul khrims rtag tu legs pa'i tshul/ /rkang gnyis gtso
124a2 bo de yi chos thos nas/ /zhing gzhan du ni de dag rtag tu yang / /de dag sangs rgyas stong la phyag 'tshal 'gro/ /de dag la ni rgya che'i mchod byas te/ /skad cig gis ni
124a3 rnam par 'dren pa yin/ /zhing der de dag phyir yang 'ong bar 'gyur/ /rab tu snang zhes bya ba mi yi gtso/ /spyod pa'i stobs ni de ltar de 'drar 'gyur/ /bde gshegs de
124a4 yi tshe tshad 'gyur par ni/ /bskal pa stong phrag drug cu tshang bar 'gyur/ /skyob pa yongs su mya ngan 'das nas ni/ /de las nyis gyur dam chos der gnas 'gyur/ /de yi
124a5 gzugs brnyan 'byung bar 'gyur ba ni/ /de yi sum 'gyur de srid dus su'o/ /skyob pa de yi dam chos med gyur nas/ /lha rnams dang ni mi dag sdug bsngal 'gyur/ /skyes
124a6 mchog kun tu snang zhes bya bar yang / /ming gcig pa yi rgyal ba 'byung ba ni/ /'dren pa lnga brgya yongs su tshang ba ste/ /de dag gcig gi 'og tu gcig 'byung 'gyur/ /
124a7 de dag kun gyi bkod pa de 'dra ste/ /rdzu 'phrul stobs dang de bzhin sangs rgyas zhing / /'dus la de bzhin dam chos de 'dra ste/ /dam pa'i chos gnas pa yang
124b1 mnyam par 'gyur/ /kun tu snang ba skyes bu dam pa yi/ /ji ltar nga yis sngar ni bshad pa bzhin/ /de tshe sgra ni lhar bcas 'jig rten du/ /thams cad de dag lta bur 'gyur
124b2 ba yin/ /ji ltar 'jig rten thams cad ngas bstan bzhin/ /'di ni nga yi 'og tu 'byung ngo zhes/ /mthar gyis de ltar 'di dag gcig nas gcig /phan zhing snying brtse ba
124b3 dag lung bstan 'gyur/ /'od srung khyod kyis de ring dbang ldan pa/ /lnga brgya las ni mi nyung 'di dag dang / /nga yi nyan thos gzhan yang de ltar zung / /de bzhin du yang
124b4 nyan thos gzhan la bsgo/ /de nas dgra bcom pa lnga brgya po de dag bcom ldan 'das las bdag cag bla na med pa yang dag par rdzogs pa'i byang chub tu mngon sum du lung
124b5 bstan pa thos nas tshim zhing mgu la yi rang ste/ dga' ba dang yid bde ba skyes nas bcom ldan 'das ga la ba der dong ste phyin nas/ bcom ldan 'das kyi zhabs la mgo
124b6 bos phyag btsal te 'di skad ces gsol to/ /bcom ldan 'das/ bdag cag gis rtag tu rgyun mi chad par 'di ni bdag cag gi mya ngan las 'da' ba lags te/ bdag
124b7 cag ni yongs su mya ngan las 'das so snyam sems la/ yongs su bsgoms pa'i nongs pa de dag bdag cag gis bshags so/ /bcom ldan 'das/ 'di ni bdag
125a1 gis ma rtogs/ ma 'tshal/ mi mkhas pa lags te/ de ci'i slad du zhe na/ 'di ltar bdag cag de bzhin gshegs pa'i ye shes kyis mngon
125a2 par rdzogs par 'tshang rgya bar bgyi ba lags na/ 'di lta bu'i ye shes chung ngus 'tshal lo snyam mo/ /'di lta ste/ dper na/ mi la la zhig mdza' bo'i mchis
125a3 brang du mchis nas/ de phyag las khom ma ma mchis nyal ba la mdza' bo des/ 'di'i nor bu rin po cher 'di bya'o zhes rin thang ma mchis pa'i nor bu rin po che de gos
125a4 kyi mtha' mar phur ro/ /bcom ldan 'das/ de nas mi de mchis langs te 'phags nas yul phyogs gzhan du mchis te/ de de na nyon mongs par gyur nas 'tshal
125a5 ma dang rad pa tshol ba'i slad du/ shin tu nyon mongs shing cher 'bad de/ gang zhig nas kha zas cung zad rnyed nas des mgu ste rab tu dga' bar gyur to/ /bcom ldan 'das/
125a6 de nas mi de'i mdza' bo rnying pas de'i gos kyi mtha' mar rin thang ma mchis pa'i nor bu rin po che phur ma bgyis pa'i mi des yang mthong nas/ des de la 'di skad ces/ kye
125a7 mi khyod zas dang skom 'tshol ba'i phyir ci ste nyon mongs su 'ong zhes/ kye mi khyod bde bar gnas par bya ba'i phyir ngas 'dod pa thams cad grub par byed pa rin thang med
125b1 pa'i nor bu rin po che gos kyi mtha' mar phur te/ kye mi khyod ngas nor bu rin po che de byin nas/ kye mi khyod kyi gos kyi mtha' ma la nor bu rin po che rin thang med pa phur na/
125b2 bdag la nam phur/ su zhig gis phur/ ci'i rgyu ci'i phyir phur ba/ kye mi khyod cung zad kyang mi lta 'am/ kye mi khyod byis pa'i rang bzhin can te/ kye mi khyod nyon mongs par
125b3 zas dang gos 'tshol ba tsam gyis chog par 'dzin tam/ kye mi khyod song la rin thang med pa'i nor bu rin po che 'di khyer te/ grong khyer chen por song la nor bu des nor gyi
125b4 bya ba thams cad byos shig ces mchi ba de bzhin du/ bcom ldan 'das/ bdag cag kyang de bzhin gshegs pas thog ma byang chub sems dpa'i spyad pa spyod pa na/ thams
125b5 cad mkhyen pa nyid kyi sems bskyed par gyur pa de dag bdag cag gis ma rtogs ma 'tshal te/ bcom ldan 'das/ de'i slad du bdag cag kyang dgra bcom pa'i sa
125b6 nas mya ngan las 'das pa snyam bgyid do/ /bcom ldan 'das/ bdag cag nyon mongs par tshol zhing / bcom ldan 'das/ 'di lta bu'i ye shes chung ngus 'tshal bar 'dzin to/ /
125b7 thams cad mkhyen pa'i ye shes su smon pa rtag tu ma nyams pa des/ bcom ldan 'das/ bdag cag de bzhin gshegs pas khong du chud par bstan pa/ dge slong dag /khyod 'di
126a1 ltar mya ngan las 'das par ma sems shing /dge slong dag /ngas sngon yongs su smin par byas pa'i dge ba'i rtsa ba de dag khyed kyi sems la yod do/ /chos
126a2 bshad cing brjod pas khyod da ltar mya ngan las 'da' ba yin par sems dpa' de'ang nga yi thabs mkhas pa'o zhes de ltar bcom ldan 'das kyis bdag cag khong du chud par bgyis te/ de ring bla na med pa yang dag par rdzogs pa'i byang chub tu lung bstan to/
126a3 /de nas kun shes kau N+Di n+ya la sogs pa dbang dang ldan par gyur pa lnga brgya po de dag gis de'i tshe tshigs
126a4 su bcad pa 'di dag gsol to/ /gang phyir mchog rab byang chub lung bstan te/ /'di 'dra ba yi dbugs 'byin bla med pa/ /'di thos nas ni bdag cag dga' mgu ste/ /
126a5 bcom ldan mtha' yas sbyan la phyag 'tshal lo/ /ji ltar byis pa mi mkhas ma 'tshal bzhin/ /bde bar gshegs pa'i bstan la bdag cag ni/ /mya ngan 'das pa tsam
126a6 gyis 'tshal 'dzin pa/ /nongs pa de dag khyed la rab tu bshags/ /ji ltar dper na mi 'ga' la la zhig /de yi mdza' bo'i khyim der phyin gyur nas/ /grogs po de
126a7 ni nor bdag phyug po ste/ /des ni de la bza' bca' mang stsal nas/ /zas kyis de ni yang dag tshim par bgyis/ /rin chen du ma ri ba de stsal te/ /de yi bla gos mtha'
126b1 mar phur te mdud/ /de la stsal nas de ni dga' bar gyur/ /byis pa de yang de nas mchis gyur pa/ /langs nas de yang grong khyer gzhan du mchis/ /de ni nyon mongs gyur te phongs
126b2 shing 'tshol/ /'tshal ma yongs su 'tshol bas shin tu skyo/ /kha zas de btsal mya ngan 'das par gyur/ /de ni kha zas rgya che mi sems shing / /de yi rin po che yang mi dran gyur//
126b3 bla gos la ni phur bar dran ma mchis/ /de ni grogs po snga ma de mthong nas/ /bdag gi khyim du rin chen byin pa de/ /de la shin tu yongs su spyos brgyad nas/ /rin chen
126b4 gos kyi mtha' na mchis pa bstan/ /de yis mthong nas bde ba mchog dang ldan/ /rin chen de yi mthu ni de 'dra ste/ /nor mang mdzod stobs can du de gyur nas/ /'dod
126b5 pa'i yon tan lnga dang shin tu ldan/ /de bzhin bcom ldan bdag cag 'di lta bur/ /sngon gyi srid pa shin tu yun ring nas/ /de bzhin gshegs pa nyid kyi 'di stsal te/ /sngon
126b6 gyi smon lam rnams ni ma 'tshal bas/ /bcom ldan bdag cag 'di na byis pa'i blo/ /bdag cag bde gshegs bstan pa ma 'tshal bas/ /bdag cag mya ngan 'das
126b7 tsam 'tshal bar gzung / /bla ma mi re mi tshol mi sems so/ /'di 'dra'i mya ngan 'das pa yod med ces/ /'jig rten gnyen gyis bdag cag 'tshal bar bgyis/ /mya ngan
127a1 'das gang mchog tu bde ba de/ /skyes bu dam pa rnams kyi ye shes mchog /'di ltar yangs pa rgya chen rnam mang gi /bla na med pa'i lung bstan
127a2 rab thos te/ /mgon po gcig la gcig lung ston pa yis/ /bdag cag dga' zhing mgu ba rangs pa skyes/ /dam pa'i chos pad+ma dkar po las/ /dge slong lnga brgya lung
127a3 bstan pa'i le'u zhes bya ste brgyad pa'o// //de nas de'i tshe tshe dang ldan pa kun dga' bo 'di snyam du bdag kyang lung bstan pa 'di lta bu thob par bya'o snyam
127a4 du sems te/ de 'di snyam du bsams shing rjes su rnam par bsams te smon nas stan las langs te/ bcom ldan 'das kyi zhabs la gtugs so/ /tshe dang ldan pa sgra gcan
127a5 zin gyis kyang de snyam du bsams te rjes su rnam par bsams shing smon nas/ bcom ldan 'das kyi zhabs la gtugs te tshig 'di skad ces gsol to/ /bcom ldan 'das/
127a6 bdag cag la'ang skabs dbye bar gsol/ /bde bar gshegs pa/ bdag cag la skabs dbye bar gsol/ bcom ldan 'das ni bdag cag gi pha dang / skyed pa dang / skyabs dang
127a7 gnas dang / dpung gnyen lags so/ /bcom ldan 'das/ bdag kyang bcom ldan 'das kyi sras/ bcom ldan 'das kyi zhabs 'bring ba ste/ bcom ldan 'das kyi chos
127b1 kyi mdzod 'dzin pa lags so zhes lha dang mi dang lha ma yin du bcas pa'i 'jig rten na shin tu ri mo bgyid par gyur to/ /de'i slad du bcom ldan 'das kyis bdag cag bla na med pa yang
127b2 dag par rdzogs pa'i byang chub tu myur du lung bstan na/ bcom ldan 'das/ mthun pa lags so/ /gzhan yang dge slong nyis stong lhag tsam slob pa dang mi slob pa de dag stan
127b3 las langs te bla gos phrag pa gcig tu gzar nas thal mo sbyar te bcom ldan 'das kyi spyan snga na/ bcom ldan 'das la lta zhing 'dug nas bsams pa 'di nyid 'di lta ste/ sangs
127b4 rgyas kyi ye shes 'di nyid la rjes su sems te/ bdag cag kyang bla na med pa yang dag par rdzogs pa'i byang chub tu lung bstan pa thob par gyur cig snyam mo/ /de nas bcom ldan
127b5 'das kyis tshe dang ldan pa kun dga' bo la bka' stsal pa/ kun dga' bo khyod ma 'ongs pa'i dus na bcom ldan 'das de bzhin gshegs pa dgra bcom pa yang dag par rdzogs
127b6 pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs
127b7 rgyas bcom ldan 'das rgya mtsho mchog 'chang blo rnam par rol pa'i mngon par shes pa zhes bya bar 'jig rten du 'byung ste/ sangs rgyas bye ba phrag drug cu rtsa gnyis la bsti
128a1 stang du byas/ btsun par byas/ ri mor byas/ mchod par byas te/ sangs rgyas bcom ldan 'das de dag gi dam pa'i chos blangs shing bstan pa
128a2 yongs su bzung ste /bla na med pa yang dag par rdzogs pa'i byang chub mngon par rdzogs par sangs rgyas nas/ byang chub sems dpa' bye ba khrag khrig brgya stong phrag gang+gA'i
128a3 klung nyi shu'i bye ma snyed bla na med pa yang dag par rdzogs pa'i byang chub tu yongs su smin par byed par 'gyur ro/ /khyod kyi sangs rgyas kyi zhing de shin tu 'byor cing / /sa gzhi ni
128a4 bai DUR+ya las grub par 'gyur ro/ /'jig rten gyi khams de ni ma bsnyal ba'i rgyal mtshan zhes bya bar 'gyur ro/ /bskal pa de ni yid du 'ong ba'i sgra mngon par bsgrags pa zhes
128a5 bya bar 'gyur ro/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol ba'i mngon par
128a6 shes pa de'i tshe'i tshad ni bskal pa dpag tu med par 'gyur te/ bcom ldan 'das de'i tshe'i tshad ni bgrang bas mthar phyin par mi nus pa'i bskal pa bye ba khrag khrig brgya
128a7 stong grangs med par 'gyur ro/ /kun dga' bo/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo
128b1 rnam par rol pa'i mngon par shes pa de'i tshe'i tshad ji tsam du 'gyur ba de'i nyis 'gyur du yongs su mya ngan las 'das nas dam pa'i chos gnas par 'gyur ro/ /bcom ldan 'das de'i
128b2 dam pa'i chos ji tsam du gnas par 'gyur ba de'i nyis 'gyur du dam pa'i chos kyi gzugs brnyan gnas par 'gyur ro/ /yang / kun dga' bo/ bcom ldan 'das de bzhin
128b3 gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol ba'i mngon par shes pa de la phyogs bcu'i sangs rgyas bye ba khrag khrig
128b4 brgya stong phrag mang po gang+gA'i klung gi bye ma snyed dag bsngags pa brjod par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /ngas ni
128b5 dge slong dge 'dun mos par bya/ /kun dga' bzang po nga yi chos 'dzin pa/ /bde gshegs bye ba drug cu mchod byas nas/ /ma 'ongs dus kyi tshe na rgyal bar 'gyur/ /de yi
128b6 ming ni rgya mtsho blo 'dzin te/ /mngon par shes thob ces kyang de na grags/ /blta na sdug pa yongs su dag pa'i zhing / /ma bsnyal rgyal mtshan rgyal ba'i ba dan no/ /byang chub
128b7 sems dpa' gang+gA'i bye snyed der/ /de bas lhag par yongs su smin par byed/ /rgyal ba de ni rdzu 'phrul che bar 'gyur/ /phyogs bcu'i 'jig rten du ni sgra yang grags/ /de tshe tshe
129a1 yang dpag tu med par 'gyur/ /'jig rten rnams la phan zhing brtse phyir gnas/ /skyob pa de ni mya ngan 'das 'og tu/ /nyis gyur de yi dam chos gnas par
129a2 'gyur/ /de nas gzugs brnyan de yi nyis gyur du/ /gnas te rgyal ba de yi bstan pa la/ /de nas sems can gang+gA'i bye ma snyed/ /sangs rgyas byang chub 'di la rgyu yang skyed/ /de
129a3 nas 'khor de na byang chub sems dpa' theg pa la gsar du yang dag par zhugs pa brgya stong 'di snyam du sems te/ byang chub sems dpa' rnams la'ang de lta bur rgya cher lung
129a4 bstan pa bdag cag gis sngon ma thos na nyan thos rnams la lta ci smos te/ 'di la rgyu gang dang rkyen ci zhig yod snyam mo/ /de nas bcom ldan 'das kyis byang chub sems dpa'
129a5 de dag gi sems kyi rnam par rtog pa thugs kyis thugs su chud nas/ byang chub sems dpa' de dag la bka' stsal pa/ rigs kyi bu dag /skad cig yud tsam gcig la mnyam
129a6 du nga dang kun dga' bo de bzhin gshegs pa dgra bcom pa yang dag par rdzogs pa'i sangs rgyas chos kyi nam mkha' mngon 'phags rgyal po'i spyan sngar/ /bla na med pa yang
129a7 dag par rdzogs pa'i byang chub tu sems bskyed de/ de nas rigs kyi bu 'di ni rtag tu rgyun mi chad par mang du thos pa la brtson pa 'gyur to/ /nga ni brtson 'grus rtsom pa la brtson
129b1 te/ /de'i phyir nga myur du bla na med pa yang dag par rdzogs pa'i byang chub tu mngon par rdzogs par sangs rgyas so/ /kun dga' bo/ bzang po 'di ni sangs rgyas bcom ldan 'das rnams
129b2 kyi dam pa'i chos kyi mdzod 'dzin par 'gyur te/ rigs kyi bu dag /'di lta ste/ byang chub sems dpa' rnams yongs su grub par bya ba'i phyir/ rigs kyi bu 'di'i smon lam ni 'di
129b3 yin no/ /de nas tshe dang ldan pa kun dga' bos/ bcom ldan 'das las bdag nyid bla na med pa yang dag par rdzogs pa'i byang chub tu lung bstan pa thos/ bdag gi sangs
129b4 rgyas kyi zhing gi yon tan bkod pa thos/ sngon gyi smon lam dang spyod pa'ang thos nas tshim zhing mgu la yi rangs te/ rab tu dga' zhing dga' ba dang yid bde ba skyes par
129b5 gyur te/ de'i tshe sangs rgyas bye ba khrag khrig brgya stong mang po'i dam pa'i chos dang bdag gi sngon gyi smon lam dran no/ /de nas tshe dang ldan pa kun dga' bos de'i tshe tshigs
129b6 su bcad pa 'di dag gsol to/ /ngo mtshar gyur pa rgyal ba dpag med pas/ /skyob pa yongs su mya ngan 'das rnams kyi/ /chos bstan pa dag bdag la dran mdzad pas/ /kha
129b7 sang de ring bzhin du dran par gyur/ /the tshom ma mchis byang chub don du gnas/ /bdag gi thabs la mkhas pa 'di 'dra ste/ /bdag ni bde bar gshegs pa'i zhabs 'bring
130a1 lags/ /byang chub don du dam pa'i chos kyang 'dzin/ /de nas bcom ldan 'das kyis tshe dang ldan pa sgra gcan zin la bka' stsal pa/ sgra
130a2 gcan zin khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas 'jig rten gyi khams bcu'i rdul phra rab kyi rdul snyed la bsti
130a3 stang du byas/ btsun par byas/ ri mor byas/ mchod par byas nas de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/
130a4 bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das rin po che sna bdun
130a5 gyi pad+ma la gom pas 'gro ba zhes bya bar 'gyur ro/ /rtag tu'ang sangs rgyas bcom ldan 'das de dag gi sras thu bor 'gyur te 'di lta ste/ dper na/ da ltar nga yi bzhin no/ /sgra gcan
130a6 zin/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che sna bdun gyi pad+ma la gom pas 'gro ba de'i tshe'i tshad kyang 'di lta bur
130a7 'gyur/ yon tan rnam pa mang po thams cad phun sum tshogs pa'ang 'di lta bur 'gyur te/ ji ltar bcom ldan 'das de bzhin gshegs pa dgra bcom pa yang dag par rdzogs pa'i
130b1 sangs rgyas rgya mtsho mchog 'chang blo rnam par rol ba'i mngon par shes pa'i yon tan rnam pa thams cad dang ldan pa'i sangs rgyas kyi zhing gi yon tan bkod pa bzhin du 'gyur ro/ /
130b2 sgra gcan zin /de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'chang blo rnam par rol ba'i mngon par shes pa de yi sras thu bor
130b3 yang khyod nyid 'gyur te/ de yi 'og tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas bcom ldan 'das kyis de'i tshe tshigs su
130b4 bcad pa 'di dag bka' stsal to/ /sgra gcan zin 'di nga yi bu thu bo/ /gzhon nur gyur pa'i tshe na snying gi bu/ /byang chub thob kyang nga yi bu yin te/ /drang srong chen po chos kyi bgo
130b5 skal 'dzin/ /ma 'ongs dus na sangs rgyas bye mang po/ /de dag tshad med pa ni mthong bar 'gyur/ /byang chub yongs su btsal bar bya ba'i phyir/ /rgyal pa de dag kun gyi sras su 'gyur/ /
130b6 sgra gcan zin gyis spyod 'di mi shes te/ /'di yi smon lam dag ni ngas shes so/ /bdag ni de bzhin gshegs pa'i sras po zhes/ /'jig rten gnyen la yang dag spyoms par
130b7 byed/ /sgra gcan zin pa nga yi bu 'di yi/ /yon tan bye ba khrag khrig dpag tu med/ /de la nam yang tshad gzung yod med de/ /de ltar 'di ni byang chub don du gnas/ /de nas
131a1 bcom ldan 'das kyis nyan thos slob pa dang mi slob pa nyis stong po de dag bcom ldan 'das kyi spyan snga na bcom ldan 'das la lta zhing sems dang po
131a2 dang | sems mnyen pa dang / sems 'jam par bcom ldan 'das kyis gzigs te/ de nas bcom ldan 'das kyis tshe dang ldan pa kun dga' bo la bka' stsal pa/ kun
131a3 dga' bo/ /nyan thos slob pa dang mi slob pa mi slob pa nyis stong po 'di dag mthong ngam/ /gsol ba/ bcom ldan 'das/ mthong lags so/ /bde bar gshegs pa/ mthong lags so/ /bcom
131a4 ldan 'das kyis bka' stsal pa/ kun dga' bo/ /dge slong nyis stong pa de dag thams cad mnyam du byang chub sems dpa'i spyod pa yang dag par sgrub par 'gyur te/ sangs rgyas
131a5 bcom ldan 'das 'jig rten gyi khams lnga bcu'i rdul phra rab kyi rdul snyed la bsti stang byas/ btsun par byas/ /ri mor byas/ /mchod par byas/ dam pa'i chos bzung nas/
131a6 lus tha mal skad cig thang cig yud tsam gcig la phyogs bcu'i 'jig rten gyi khams gzhan dang gzhan dag gis sangs rgyas kyi zhing rnams su bla na med pa yang dag par rdzogs
131a7 pa'i byang chub mngon par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rin po che'i me tog gi rgyal po zhes bya bar 'jig
131b1 rten du 'byung ste/ de dag gi tshe'i tshad ni bskal pa tshang bar 'gyur/ /de dag gis sangs rgyas kyi zhing gi yon tan bkod pa'ang mtshungs par 'gyur ro/ /de dag gi nyan thos kyi tshogs
131b2 dang | byang chub sems dpa'i tshogs kyang mnyam par 'gyur ro/ /de dag mnyam du yongs su mya ngan las 'da' bar 'gyur ro/ /de dag gi dam pa'i chos kyang mnyam par gnas
131b3 par 'gyur ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /kun dga' gang dag nga yi mdun 'khod pa/ /nyan thos nyis stong 'di dag thams cad
131b4 ni| |ma 'ongs du na de bzhin gshegs 'gyur zhes/ /ngas ni mkhas rnams de ring lus bstan no/ /dpe bstan pa ni mtha' yas rnam dag gis/ /sangs rgyas rnams la mchod pa mchog
131b5 byas nas/ /tha ma'i lus de la ni gnas nas su/ /nga yi byang chub mchog 'di thob par 'gyur/ /phyogs bcu rnams su ming ni gcig 'gyur te/ skad cig de bzhin yud tsam gcig la
131b6 ni| |shing mchog rnams kyi drung du 'khod nas su/ /ye shes thob ste sangs rgyas rnams su 'gyur/ /de dag rnams kyi ming ni gcig gyur te/ /rin chen tog ces bya bar 'jig rten grags
131b7 de dag rnams kyi zhing mchog mtshungs par 'gyur/ /nyan thos byang chub sems dpa'i tshogs kyang mnyam/ /rdzu 'phrul gyur pa'ang 'jig rten 'di kun na/ /mnyam zhing de dag phyogs
132a1 bcu rnams su yang / /chos bshad nas ni mnyam du mya ngan 'da'/ /de dag dam chos mnyam du gnas par 'gyur/ /de nas slob pa dang mi slob pa'i
132a2 nyan thos de dag bcom ldan 'das las mngon sum du rang rang gi lung bstan pa thos nas tshim zhing mgu la yi rangs te/ rab tu dga' zhing dga' ba dang yid bde ba skyes nas/ bcom
132a3 ldan 'das la tshigs su bcad pa 'di dag gsol to/ /lung bstan pa 'di thos pas na/ /'jig rten sgron ma bdag cag ngoms/ /bdud rtsi ji ltar gtor ba bzhin/ /de bzhin
132a4 gshegs pa bdag cag bde/ /bdag cag mi mchog mi 'gyur zhes/ /bdag cag yid gnyis dogs ma mchis/ /lung bstan pa ni 'di thos pas/ de ring bdag cag bde
132a5 ba thob/ /dam pa'i chos pad+ma dkar po las/ kun dga' bo dang / sgra gcan zin dang / dge slong nyis stong lung bstan pa'i le'u zhes bya ste dgu pa'o// //de
132a6 nas bcom ldan 'das kyis byang chub sems dpa' sman gyi rgyal po la sogs pa byang chub sems dpa' brgyad khri po de dag la bka' stsal pa/ sman gyi rgyal po/ 'khor 'di'i lha
132a7 dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phya chen po dang / mi dang mi ma yin pa dang / dge slong dang / dge slong
132b1 ma dang / dge bsnyen dang / dge bsnyen ma nyan thos kyi theg pa can dang / byang chub sems dpa'i theg pa can mang po 'di dag gis chos kyi rnam grangs 'di de bzhin gshegs pa las
132b2 mngon sum du thos pa de dag mthong ngam/ gsol ba/ bcom ldan 'das/ mthong lags so/ /bde bar gshegs pa/ mthong lags so/ /bcom ldan 'das kyis bka' stsal pa/ sman
132b3 gyi rgyal po/ 'di dag thams cad byang chub sems dpa' sems dpa' chen po ste/ 'khor 'di'i nang na gang dag tha na tshigs su bcad pa gcig thos pa dang / tshig gcig thos pa dang / gang
132b4 dag gis tha na mdo sde 'di la sems bskyed pa gcig tsam gyis rjes su yi rang ba'i 'khor bzhi po de dag thams cad ni/ sman gyi rgyal po/ ngas bla na med pa yang dag par rdzogs pa'i
132b5 byang chub tu lung bstan to/ /sman gyi rgyal po/ gang la la de bzhin gshegs pa yongs su mya ngan las 'das nas chos kyi rnam grangs 'di nyan pa dang tha na tshigs su bcad pa
132b6 gcig thos nas/ sems bskyed pa gcig tsam gyis kyang rjes su yi rang bar 'gyur ba'i rigs kyi bu'am rigs kyi bu mo de dag /sman gyi rgyal po/ ngas bla na med pa yang dag par
132b7 rdzogs pa'i byang chub tu lung bstan to/ /sman gyi rgyal po/ rigs kyi bu'am rigs kyi bu mo de dag gis sangs rgyas bye ba khrag khrig brgya stong tshang bal bsnyen bkur byas pa yin no/
133a1 sman gyi rgyal po/ rigs kyi bu'am rigs kyi bu mo de dag sangs rgyas bye ba khrag khrig brgya stong mang po la smon lam btab pa yin te/ /sman gyi
133a2 rgyal po/ /rigs kyi bu'am rigs kyi bu mo de dag sems can rnams la snying brtse ba'i phyir/ /dzam+bu'i gling 'dir mir skyes par rig par bya'o/ /gang dag chos kyi rnam grangs
133a3 'di las tha na tshigs su bcad pa gcig tsam yang 'dzin tam/ klog gam/ /ston tam/ /yang dag par brjod dam/ yi ger 'dri'am/ bris nas rjes su dran par byed dam/ /
133a4 dus dus su lta'am/ glegs bam de la de bzhin gshegs pa la bya ba bzhin du gus pa skyes dam/ ston pa la bya ba bzhin du gus par bkur sti byed dam/ brtsun par byed dam/
133a5 rim gror byed dam/ mchod dam/ glegs bam de la me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan
133a6 dang / lha'i ba dan dang / rol mo'i sgra la sogs pa dang / phyag 'tshal ba dang / thal mo sbyor ba byed pas mchod dam/ sman gyi rgyal po/ rigs kyi bu'am rigs kyi bu mo gang la la
133a7 chos kyi rnam grangs 'di las tha na tshigs su bcad pa gcig tsam yang 'dzin tam/ rjes su yi rang na/ sman gyi rgyal po de dag thams cad ngas bla na med pa yang dag par rdzogs
133b1 pa'i byang chub tu lung bstan to/ /sman gyi rgyal po/ de la skyes pa'am bud med gang la la zhig 'di skad du ma 'ongs pa'i dus na de bzhin gshegs la dgra bcom pa yang dag par
133b2 rdzogs pa'i sangs rgyas su 'gyur pa'i sems can de dag ci lta bu dag cig ces zer na/ sman gyi rgyal po/ skyes pa'am bud med de la rigs kyi bu'am rigs kyi bu mo de bstan par bya ste/
133b3 gang gis chos kyi rnam grangs 'di las tha na tshig bzhi pa'i tshigs su bcad pa gcig tsam yang 'dzin tam/ thos par byed dam/ bshad dam/ chos kyi rnam grangs 'di la ri mo byed na/
133b4 rigs kyi bu'am rigs kyi bu mo de ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su 'jig rten du 'byung bar ltos shig ces bya'o/ /de
133b5 ci'i phyir zhe na/ sman gyi rgyal po/ rigs kyi bu'am rigs kyi bu mo de de bzhin gshegs par rig par bya ba'i phyir te/ gang gis chos kyi rnam grangs 'di las tha na tshigs su
133b6 bcad pa gcig tsam bzung na'ang lha dang bcas pa'i 'jig rten gyis de bzhin gshegs pa la bkur sti bya ba bzhin du bya na/ gang zhig chos kyi rnam grangs 'di mtha' dag chub
133b7 par 'dzin tam/ 'chang pa'am/ kun chub par byed pa'am/ rab tu ston pa'am/ yi ger 'dri'am bris nas rjes su dran par byed pa'am/ /glegs bam de la me tog dang / /bdug
134a1 pa dang / spos dang / phreng ba dang / byug pa dang / phye ma dang / gos dang / /gdugs dang / rgyal mtshan dang / lha'i ba dan dang / rol mo'i sgra dang /
134a2 thal mo sbyar te phyag 'tshal zhing rab tu 'dud pa dag gis ri mor byed pa lta ci smos/ /sman gyi rgyal po/ rigs kyi bu'am rigs kyi bu mo de bla na med pa yang dag par rdzogs pa'i
134a3 byang chub tu yongs su grub par rig par bya'o/ /des de bzhin gshegs pa mthong bar rig par bya'o/ /'jig rten la phan zhing snying brtse ba smon lam gyi dbang gis chos kyi
134a4 rnam grangs 'di rab tu bstan pa'i phyir dzam+bu'i gling 'dir mir skyes te/ bdag nyid rgya cher chos mngon par 'du byed pa dang / sangs rgyas kyi zhing rgya chen por skye ba bzhag ste/ chos
134a5 kyi rnam grangs 'di shin tu yang dag par bsten pa'i phyir nga yongs su mya ngan las 'das nas sems can rnams la phan zhing snying brtse ba'i don du skyes par rig par bya'o/ /sman gyi
134a6 rgyal po/ de bzhin gshegs pa yongs su mya ngan las 'das nas/ gang gi chos kyi rnam grangs 'di bshad dam tha na gsangs ste rkun bur sems can gcig la'ang yang dag
134a7 par bshad dam bstan na'ang / sman gyi rgyal po/ rigs kyi bu'am rigs kyi bu mo de/ de bzhin gshegs pa'i pho nya yin par rig par bya'o/ /rigs kyi bu'am rigs kyi bu
134b1 mod de de bzhin gshegs pa'i bya ba byed pa ste/ de bzhin gshegs pas mngags par rig par bya'o/ /sman gyi rgyal po/ sems can sdang ba'i sems dang ldan pa dang / sdig
134b2 pa'i sems dang ldan pa dang / /drag shul gyi sems dang ldan pa gang la las/ /de bzhin gshegs pa la mngon du bskal bar mi snyan pa smra ba bas/ /gang zhig mdo sde 'di 'dzin
134b3 pa chos smra ba de lta bu khyim na gnas pa'am rab tu byung ba de dag la bden pa'am mi bden pa'i tshig mi snyan pa gcig pa bsgrags pa de sdig pa'i las shin tu mi bzad par bshad
134b4 de| de ci'i phyir zhe na/ sman gyi rgyal po/ rigs kyi bu'am rigs kyi bu mo de ni de bzhin gshegs pa'i rgyan gyis brgyan par rig par bya ba'i phyir te/ sman gyi rgyal po/ gang gis chos
134b5 kyi rnam grangs 'di yi ger bris nas glegs bam du byas te phrag pa la thogs pa des/ de bzhin gshegs pa phrag pa la thogs par 'gyur te/ de gang dang gang du 'gro ba de dang
134b6 der sems can rnams kyis thal mo sbyar bar bya/ bkur stir bya/ btsun par bya/ ri mor bya/ mchod par bya'o/ /lha dang mi'i me tog dang / bdug pa dang / spos dang / phreng ba
134b7 dang / byug pa dang / phye ma dang / gdugs dang / /rgyal mtshan dang / /lha'i ba dan dang / rol mo'i sgra dang / /bza' ba dang / /bca' ba dang kha zas dang / /btung ba
135a1 dang | bzhon pa dang / mchog tu 'gyur pa'i lha'i rin po che'i phung po dag gis chos smra ba de la bkur sti bya/ /chos smra ba de la lha'i rin po che'i phung
135a2 po dag dbul bar bya'o/ /de ci'i phyir zhe na/ chos kyi rnam grangs 'di lan gcig yang dag par rab tu bstan na'ang 'di thos pas dpag tu med grangs med pa'i sems can rnams
135a3 myur du bla na med pa yang dag par rdzogs pa'i byang chub tu yongs su 'grub par 'gyur ba'i phyir ro/ /de nas bcom ldan 'das kyis de'i tshe tshigs su bcad pa 'di dag bka' stsal
135a4 to| |sangs rgyas nyid du gnas 'dod cing / /rang 'byung ye shes 'dod pa yis/ /gang rnams tshul 'di 'dzin byed pa/ /sems can de dag bkur sti bya/ /thams cad mkhyen
135a5 nyid gang 'dod de/ /ji ltar myur du thob snyam pa/ /des ni mdo sde 'di bzung ste/ /'dzin pa la yang bkur sti bya/ /sems can rnams la brtse don du/ /mdo sde 'di ni su klog pa/ /
135a6 sems can rnam par 'dul ba'i phyir/ /'jig rten mgon gyis bkye ba yin/ /sems can rnams la snying brtse'i phyir/ /gang zhig mdo sde 'di 'dzin pa/ /skye ba bzang po btang
135a7 nas su /dpa' bo de ni 'dir 'ongs so/ /bla na med pa'i mdo sde 'di/ /phyi ma'i dus la rab 'chad cing / /gang phyir de na de snang ba/ /skye ba la ni de dbang ngo / /chos smra ba la rin
135b1 chen 'thor/ /mi yi spos rab thams cad dang /lha yi me tog dag gis mchod/ /lha yi gos kyis kun tu 'gebs/ /phyi dus 'jigs pa de na yang / /mya ngan nga 'das mdo 'dzin
135b2 pa| |ji ltar rgyal dbang rang byung bzhin/ /de la rtag tu thal sbyor 'gyur/ /lan gcig mdo sde 'di smra ba/ /rgyal sras de ni mchod pa'i phyir/ /bza' bca' de bzhin zas dang skom/ /
135b3 gnas dang mal cha gos bye sbyin/ /gang rnams mdo 'di phyi dus na/ /yi ger 'dri 'chang nyan pa ni/ /mi yi srid par ngas btang ste/ /de bzhin gshegs pa'i bya ba byed/ /gang zhig nga
135b4 yi mdun 'dug nas/ /khro gnyer byas shing gnod sems kyis/ bskal pa tshang bar mi snyan bsgrags/ /mi de sdig pa mang du 'phel/ /mdo sde 'di ni rab ston pa/ /gang rnams
135b5 mdo 'dzin de dag la/ /gshe zhing mi bsngags smra ba de/ /sdig pa shin tu des mang bshad/ /byang chub mchog 'di yongs 'tshol zhing / /bskal pa rdzogs par thal sbyar te//
135b6 tshigs bcad du khrag khrig gis/ /mi gang la la mngon par bstod/ /dga' skyes nga la bstod pa ni/ /de las bsod nams ches mang rnyed/ /mi gang de yi bsngags brjod pa/ /
135b7 de bas bsod nams mang du 'phel/ /bskal pa bye stong bco brgyad du/ /sgra dang gzugs dang ro rnams dang / /lha yi reg dang lha spos kyis/ /gzugs rten de dag sus mchod de/
136a1 bskal pa bye stong bco brgyad du/ /rten la de ltar mchod pa bas/ /lan gcig mdo sde 'di thos na/ /ngo mtshar chen po des thob 'gyur/ /sman
136a2 gyi rgyal po/ /khyod mos par bya/ khyod kyis khong du chud par bya'o/ /sman gyi rgyal po/ ngas chos kyi rnam grangs mang po bshad do/ /'chad do/ /bshad par bya'o/ /sman gyi
136a3 rgyal po/ chos kyi rnam grangs de dag thams cad kyi nang na/ chos kyi rnam grangs 'di ni 'jig rten thams cad dang mi mthun ba ste/ 'jig rten thams cad yid ches par mi
136a4 'gyur ba'o/ /sman gyi rgyal po/ /'di ni de bzhin gshegs pa'i mngon par shes pa'i nang gi gsang chen te/ de bzhin gshegs pa'i stobs kyis bsrungs pa sngon ma
136a5 'phel ba'o/ /gnas 'di ni sngon ma bstan pa ste/ /sman gyi rgyal po/ de bzhin gshegs pa bzhugs pa na'ang / chos kyi rnam grangs 'di la skye bo mang po spong na/ de bzhin
136a6 gshegs pa yongs su mya ngan las 'das nas lta ci smos/ /sman gyi rgyal po/ de bzhin gshegs pa yongs su mya ngan las 'das nas/ /gang dag chos kyi rnam grangs 'di la dad
136a7 pa dang / klog pa dang / yi ger 'dri ba dang / bkur sti byed pa dang / gzhan dag la'ang thos par byed pa'i rigs kyi bu'am rigs kyi bu mo de dag ni/ de bzhin gshegs
136b1 pa'i chos gos kyis g.yogs par rig par bya'o/ /'jig rten gyi khams gzhan na bzhugs pa'i de bzhin gshegs pa rnams kyis gzigs shing byin gyis brlabs pa'o/ /de dag
136b2 so so rang gi dad pa'i stobs dang / dge ba'i rtsa ba'i stobs dang / smon lam gyi stobs can du 'gyur ro/ /sman gyi rgyal po/ rigs kyi bu'am rigs kyi bu mo de dag de bzhin gshegs
136b3 pa dang gnas gcig na 'dug par 'gyur te/ de dag gi spyi bo la de bzhin gshegs pa'i phyag gis snyugs par 'gyur ro/ /sman gyi rgyal po/ sa phyogs gang na chos kyi rnam grangs
136b4 'di 'chad dam/ ston tam/ yi ger 'dri'am/ kha ton byed dam/ yang dag par brjod pa'i sa phyogs der/ sman gyi rgyal po/ de bzhin gshegs pa'i mchod rten rin po che las byas
136b5 pa mtho zhing che ba bya'o/ /der de bzhin gshegs pa'i sku gdung nges par gzhag mi dgos so/ /de ci'i phyir zhe na/ der de bzhin gshegs pa'i sku gdung gcig tu 'dus pa gzhag
136b6 par 'gyur ba'i phyir ro/ /sa phyogs gang na chos kyi rnam grangs 'di 'chad dam/ ston tam/ klog gam/ yang dag par brjod dam/ yi ger 'dri'am/ glegs bam du byas te gzhag
136b7 pa der mchod rten bzhin du bkur sti dang / btsun par bya ba dang / ri mo dang mchod par bya'o/ /me tog dang / bdug pa dang / spos dang / phreng ba dang / byug pa dang / phye ma dang / gos
137a1 dang / gdugs dang / rgyal mtshan dang / lha'i ba dan dang / rnam par rgyal ba'i bden thams cad dang / glu dang / rol mo'i sgra dang / gar dang / sil
137a2 snyan dang / pheg rdob pa thams cad kyis mchod par bya'o/ /sman gyi rgyal po/ sems can gang dag de bzhin gshegs pa'i mchod rten de la phyag 'tshal ba'am mthong ba rnyed
137a3 pa de dag thams cad ni/ sman gyi rgyal po/ bla na med pa yang dag par rdzogs pa'i byang chub dang shin tu nye bar gyur par rig par bya'o/ /de ci'i phyir zhe na/ sman gyi rgyal
137a4 po| khyim na gnas pa dang / rab tu byung ba'i byang chub sems dpa' mang po dag /byang chub sems dpa'i spyad pa spyod kyang chos kyi rnam grangs 'di lta ba'am/ mnyan pa'am/ yi
137a5 ger 'dri ba'am/ mchod par yang mi rnyed do/ /sman gyi rgyal po/ ji tsam du chos kyi rnam grangs 'di mi nyan pa de tsam du/ byang chub sems dpa' byang chub sems dpa'i spyod pa
137a6 la mkhas pa ma yin no/ /gang gi tshe chos kyi rnam grangs 'di mnyan te thos nas mos pa dang / rtogs pa dang / 'jug pa dang / shes pa dang / yongs su 'dzin pa de'i tshe/ bla na
137a7 med pa yang dag par rdzogs pa'i byang chub tu bsnyen par 'gyur te/ nye bar gnas pa yin no/ /sman gyi rgyal po/ 'di lta ste/ dper na/ mi la la zhig chu 'dod par gyur te chu
137b1 'tshol zhing / des chu'i phyir skam sa'i phyogs shig tu khron pa rkor bcug ste/ de rko ba na skam zhing skya ba'i sa 'byin par mthong ste/ mthong nas 'di ltar 'di nas chu da dung thag ring
137b2 ngo snyam du sems so/ /de nas dus gzhan zhig na/ mi des sa gsher ba dang 'dres pa 'dam rdzab dang chu'i thigs pa zag pa 'byin cing khron pa rko ba'i mi de dag lus la 'dam
137b3 rdzab kyis gos par mthong ste/ de nas yang / sman gyi rgyal po/ mi des snga ltas de mthong nas dogs pa dang the tshom med de/ 'di nas chu ni nye'o snyam mo/ /sman gyi rgyal po/ de
137b4 bzhin du ci tsam du chos kyi rnam grangs 'di mi nyan/ mi 'dzin/ khong du chud par mi byed/ mi 'jug/ mi sems pa'i bar du byang chub sems dpa' sems dpa' chen po 'di
137b5 dag bla na med pa yang dag par rdzogs pa'i byang chub las ring ba yin no/ /sman gyi rgyal po/ gang gi tshe byang chub sems dpa' sems dpa' chen po dag chos kyi rnam grangs 'di
137b6 nyan cing 'dzin pa dang / 'jug pa dang / kha ton du byed pa dang / sems pa dang / sgom pa de'i tshe/ de dag bla na med pa yang dag par rdzogs pa'i byang chub tu nye bar gyur ba yin
137b7 te| sman gyi rgyal po/ chos kyi rnam grangs 'di las sems can rnams kyi bla na med pa yang dag par rdzogs pa'i byang chub skye'o/ /de ci'i phyir zhe na/ chos kyi rnam grangs 'di ni ldem
138a1 por dgongs te bshad pa 'grel pa'i mchog yin pa'i phyir te/ de bzhin gshegs pa dgra bcom pa yang dag par rdzogs pa'i sangs rgyas kyis byang
138a2 chub sems dpa' sems dpa' chen po rnams yongs su grub par bya ba'i phyir chos gsang ba'i gnas bshad pa'o/ /sman gyi rgyal po/ byang chub sems dpa' gang la la zhig chos
138a3 kyi rnam grangs 'dis skrag cing dngangs te dngangs par gyur na/ sman gyi rgyal po/ byang chub sems dpa' sems dpa' chen po de theg pa la gsar du zhugs par rig par bya'o/ /gal te yang
138a4 nyan thos kyi theg pa can zhig chos kyi rnam grangs 'dis skrag cing dngangs te dngangs par gyur na/ sman gyi rgyal po/ de ni nyan thos kyi theg pa can gyi gang zag nga rgyal can du rig par
138a5 bya'o/ /sman gyi rgyal po/ byang chub sems dpa' sems dpa' chen po gang la la zhig de bzhin gshegs pa yongs su mya ngan las 'das nas phyi ma'i dus phyi ma'i tshe na/ chos kyi
138a6 rnam grangs 'di 'khor bzhi la yang dag par ston na/ sman gyi rgyal po/ byang chub sems dpa' des de bzhin gshegs pa'i gnas su zhugs te/ de bzhin gshegs pa'i
138a7 chos gos bgos la de bzhin gshegs pa'i stan la 'dug ste/ chos kyi rnam grangs 'di phyis 'khor bzhi la yang dag par bshad par bya'o/ /sman gyi rgyal po/ de bzhin
138b1 gshegs pa'i gnas gang zhe na/ sman gyi rgyal po/ sems can thams cad la byams par gnas pa ni/ sman gyi rgyal po/ de bzhin gshegs pa'i gnas te/ sman gyi rgyal po/ der
138b2 rigs kyi bu de 'jug par bya'o/ /sman gyi rgyal po/ de bzhin gshegs pa'i chos gos gang zhe na/ sman gyi rgyal po/ bzod pa dang / des pa chen po ni de bzhin gshegs pa'i chos
138b3 gos te/ sman gyi rgyal po/ de'ang rigs kyi bu des bgo bar bya'o/ /sman gyi rgyal po/ de bzhin gshegs pa'i chos kyi stan gang zhe na/ chos thams cad stong pa nyid du 'jug pa ste/
138b4 sman gyi rgyal po/ de bzhin gshegs pa'i chos kyi stan de la rigs kyi bu des 'dug par bya'o/ /'dug nas chos kyi rnam grangs 'di 'khor bzhi po dag la yang dag par bstan
138b5 par bya'o/ /byang chub sems dpa' mi zhan pa'i sems kyis byang chub sems dpa'i tshogs dang / byang chub sems dpa'i theg pa la yang dag par zhugs pa'i 'khor bzhi po dag gi
138b6 mdun du rab tu bstan par bya'o/ /sman gyi rgyal po/ nga 'jig rten gyi khams gzhan na 'dug na'ang sprul pas rigs kyi bu de'i 'khor dang mthun par bya'o/ /sprul pa'i dge slong
138b7 dang / dge slong ma dang / dge bsnyen dang / dge bsnyen ma dag chos nyan du dgye'o/ /chos smra ba des bshad pa de la de dag phyir mi zlog cing spong bar mi byed do/ /gal te de dgon
139a1 pa na 'dug par gyur na der ngas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen
139a2 po mang po chos nyan du dgye'o/ /sman gyi rgyal po/ nga 'jig rten gyi khams gzhan na 'dug na'ang rigs kyi bu de la nga'i ngo bo nye bar bstan to/ /gang dag chos kyi rnam grangs 'di las tshig
139a3 dang yi ge chad par gyur pa de dag kha ton byed pa na slar thon par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /zhen pa thams cad rnam
139a4 spangs te/ /'di 'dra ba yi mdo sde nyon/ /'di ni shin tu thos par dka'/ /mos pa rnyed par shin tu dka'/ /ji ltar la la chu 'dod pas/ /skam sar khron pa rkor bcug la/ /
139a5 phyi phyir rab tu rko ba na/ /sa skam dag ni 'byung bar mthong / /des mthong de na sems pa ni/ /'di nas chu yang rgyang ring ste/ /sa skam rko bar byed pa yang / /'di ni rgyang ring mtshan
139a6 ma snyam/ /phyi phyir sa dag snum pa yi/ /gsher pa gang tshe mthong gyur pa/ /de na de la thug par 'gyur/ /de nas chu yang thag mi ring / /de bzhin mdo 'di mi nyan cing / /phyi phyir
139a7 shin tu ma bsgoms pa/ /de dag sangs rgyas ye shes ni/ /'di 'dra ba las shin tu ring / /gang tshe nyan thos rnams kyi ni/ /gtan la phab pa mdo sde'i rgyal/ /zab mo
139b1 'di ni nyan 'gyur zhing / /lan gcig ma yin sems byed pa/ /mkhas pa de dag sangs rgyas kyi/ /ye shes la ni nye bar gyur/ /ji ltar sa ni gsher ba yis/ /chu dang nye zhes bya
139b2 ba bzhin/ /rgyal ba'i gnas der rab zhugs te/ /chos gos dag kyang bgo nas su/ /nga yi stan la 'dug nas ni/ /mdo sde 'di ni mi 'jigs shod/ /byams pa'i stobs ni nga
139b3 yi gnas/ /bzod dang des pa chos gos te/ stong pa nyid ni nga yi stan/ /de la 'dug nas rab tu ston/ /dbyig pa bong ba mdung thung dang / /gshe zhing sdigs par byed pa ni/ gang
139b4 du bshad pa de byung yang / /nga dran nas ni de bzod bya/ /bye ba phrag stong zhing du yang / /nga yi lus kyi dngos po brtan/ /bskal pa bye ba bsam yas su/ /sems can rnams la chos
139b5 ston to/ /yongs su mya ngan nga 'das nas/ /mdo sde 'di ni gang ston pa/ /nga ni dpa' bo de la yang / /sprul pa mang po dgye bar bya/ /dge slong rnams dang dge slong ma/ /dge bsnyen
139b6 rnams dang dge bsnyen ma/ /de dag de la mchod pa byed/ /'khor rnams la yang ri mo byed/ /bong dbyug de bzhin gshe pa dang / /sdigs par byed cing spyos pa dag /de la gang
139b7 rnams byed pa yang / /sprul pa rnams kyis de dag zlog /mi dang bral ba'i yul phyogs dang / /dgon pa rnams dang ri dag la/ /nam zhig gcig pu gnas nas su/ /kha ton byed
140a1 par 'gyur ba na/ /de na 'ong gsal nga yi lus/ /ngas ni de la bstan par bya/ /de yi kha ton nor ba yang / /phyir zhing thon par 'gyur bar bya/ /gcig pur
140a2 nags na rgyu byed cing / /de ni de na gnas pa'i tshe/ /lha dang gnod sbyin du ma dag /de yi grogs su dgye bar bya/ /'khor bzhi la ni rab ston pa/ /de yi yon tan de 'drar 'gyur/ /
140a3 nags tshal ri sul gcig gnas shing / /kha ton byed pa des nga mthong / /de yi sbobs pa thogs med 'gyur/ /chos dang nges tshig mang po shes/ /'di ltar sangs rgyas byin
140a4 brlabs pas/ /srog chags bye stong des tshim byed/ /sems can gang dag der brtan pa/ /byang chub sems dpar de myur 'gro /de dang bsten cing 'grogs pa kun/ /sangs
140a5 rgyas gang+gA'i bye snyed mthong / /dam pa'i chos pad+ma dkar po las/ /chos smra ba'i le'u zhes bya ste bcu pa'o// //dam pa'i chos pad+ma dkar po/ bam po
140a6 brgyad pa/ de nas bcom ldan 'das kyi spyan sngar sa phyogs de'i 'khor gyi dbus nas rin po che sna bdun gyi mchod rten byung ste/ 'phang du ni dpag tshad lnga brgya/ khor
140a7 yug tu ni de dang 'tsham pa/ bkra ba blta na sdug pa/ me tog bkram pa'i stegs bu lnga stong gis legs par brgyan pa/ rta ba bas stong phrag mang pos brgyan pa/ lha'i ba
140b1 dan dang rnam par rgyal ba'i ba dan stong gis brgyan pa/ rin po che'i phreng ba stong dbyangs pa/ dar dang dril bu stong rab tu dpyangs pa/ mngon par byung nas nam mkha' bar snang la gnas
140b2 te| ta ma la'i 'dab ma dang / tsan+dan gyi dri rab tu byung bas dri des thams cad dang ldan pa'i 'jig rten gyi khams 'di khyab par gyur te/ de'i gdugs kyi phreng ba rgyal chen bzhi'i ris kyi lha'i
140b3 khang pa'i bar du 'phags par gyur to/ /rin po che sna bdun las byas pa 'di lta ste/ gser dang / dngul dang / bai DUR+ya dang / spug dang / rdo'i snying po dang / mu tig dmar po dang / ke
140b4 ke ru'o/ /mchod rten de la sum cu rtsa gsum ris kyi lha'i bu rnams lha'i me tog man+dA ra ba dang / man+dA ra ba chen pos rin po che'i mchod rten de la 'thor ro/ /mngon par rab tu 'thor
140b5 ro| |rin po che'i mchod rten de las 'di 'dra ba'i sgra 'byung ste/ de bzhin gshegs pa rnams la ni/ sems pa med do/ /rtog pa med do/ /spyod lam thams cad kyang bstan
140b6 to| |de bzhin gshegs pa rnams ni phung po dang / khams dang / skye mched las rab tu phye ba ma yin no/ /las dang nyon mongs pa dang / pha ma dang / 'byung ba chen po las 'byung
140b7 ba ma yin gyi/ sha dang / khrag dang / chu ba las rnam par 'brel ba ma yin no/ /dbugs nang du rgyu ba dang / phyi rol du rgyu ba dang / srog dang nye bar 'brel ba ma yin no/ /de
141a1 bzhin gshegs pa rnams ni nam mkha' dang mtshungs te/ rtag pa ma yin/ mi rtag pa'ang ma yin no/ /'on kyang de bzhin gshegs pa rin chen mang bskal
141a2 pa bye ba khrag khrig brgya stong mang por yongs su mya ngan las 'das pa rtog pa dang / rnam par rtog pa thams cad dang bral ba/ sems can rnams kyi don gyi phyir sngon gyi smon lam
141a3 gyi dbang gis chos nyan pa'i phyir dang / sems can yongs su smin par bya ba'i phyir mthong ste/ de bzhin gshegs pa'i sku la ni cung zad kyang rtog pa med do/ /de bzhin gshegs
141a4 pa rnams ni yi ge 'bru gcig kyang ma gsungs so/ /ji ltar 'dul ba'i sems can rnams khams so so ba dang / mos pa so so ba rnams dang / chos kyi gtam de bzhin gshegs pa la
141a5 nyan to/ /gang de bzhin gshegs pa de ni de bzhin nyid/ gang de bzhin nyid de ni yang dag pa'i mtha'/ yang dag pa'i mtha' de ni chos kyi dbyings/ gang de bzhin nyid dang / yang
141a6 dag pa'i mtha' dang / chos kyi dbyings de ni dam pa'i chos pad+ma dkar po'i chos kyi rnam grangs so/ /de ltar yongs su dag pa'i de bzhin gshegs pa rnams gang gi tshe gshegs
141a7 pa dang / mthong ba dang / smras pa ni/ sngon gyi smon lam gyi dbang gis bsam pa yongs su dag pa'i sems can rnams la dam pa'i chos pad+ma dkar po'i chos kyi rnam grangs thab
141b1 mkhas pa chen po bstan to/ /yang rin po che'i mchod rten de las sgra 'di gnyis byung ngo / /bcom ldan 'das shAkya thub pa khyod kyis dam pa'i chos pad+ma dkar po zhes bya ba'i
141b2 chos kyi rnam grangs 'di legs par gsungs pa legs so/ /legs so/ /bcom ldan 'das/ de de lta'o/ /bde bar gshegs pa/ de de lta'o zhes bya ba'i sgra 'di 'dra ba byung
141b3 ngo / /de nas 'khor bzhi po de dag gis rin po che'i mchod rten chen po nam mkha' bar snang la 'dug pa de mthong nas/ dga' ba skyes shing mgu ba dang / rangs pa dang / mchog
141b4 tu dga' bar gyur te/ de'i tshe stan las langs nas thal mo sbyar te 'khod do/ /de nas de'i tshe byang chub sems dpa' sems dpa' chen po spobs pa chen po zhes bya bas lha dang mi
141b5 dang lha ma yin du bcas pa'i 'jig rten ngo mtshar du 'dzin par gyur par rig nas/ bcom ldan 'das la 'di skad ces gsol to/ /bcom ldan 'das/ rin po che'i mchod
141b6 rten chen po 'di lta bu 'di byung ba'i rgyu gang lags/ rkyen gang lags/ bcom ldan 'das/ rin po che'i mchod rten chen po 'di las 'di lta bu'i sgra 'byin pa su lags/ de skad
141b7 ces gsol pa dang / bcom ldan 'das kyis byang chub sems dpa' sems dpa' chen po spobs pa chen po la 'di skad ces bka' stsal to/ /spobs pa chen po/ rin po che'i
142a1 mchod rten chen po 'di'i nang na de bzhin gshegs pa'i sku gcig tu 'dus pa zhugs so/ /'di ni de'i mchod rten te/ des sgra 'di byung ngo / /
142a2 spobs pa chen po shar phyogs su 'jig rten gyi khams stong phrag grangs med pa 'das pa na/ 'jig rten gyi khams rin po che rnam par dag pa zhes bya ba yod de/ der de bzhin
142a3 gshegs pa dgra bcom pa yang dag par rdzogs pa'i sangs rgyas rin chen mang zhes bya ba byung ste/ bcom ldan 'das/ des smon lam 'di skad du/ nga sngon byang chub sems
142a4 dpa'i spyad pa spyod pa na/ ji srid du ngas dam pa'i chos pad+ma dkar po'i chos kyi rnam grangs byang chub sems dpa' rnams la gdams pa 'di ma thos pa de srid du bla na med pa
142a5 yang dag par rdzogs pa'i byang chub la nges par 'byung bar mi bya'i/ gang gi tshe ngas dam pa'i chos pad+ma dkar po'i chos kyi rnam grangs 'di thos pa de'i 'og tu nga bla na med pa
142a6 yang dag par rdzogs pa'i byang chub tu yongs su grub par gyur cig ces smon lam btab bo/ /spobs pa chen po/ yang bcom ldan 'das de bzhin gshegs pa dgra
142a7 bcom pa yang dag par rdzogs pa'i sangs rgyas rin chen mang de yongs su mya ngan las 'da' ba'i dus kyi tshe/ lha dang bcas pa'i 'jig rten gyi mdun du 'di skad ces/ dge
142b1 slong dag /nga yongs su mya ngan las 'das nas/ de bzhin gshegs pa'i lus gzugs kyi rin po che'i mchod rten chen po gcig byos shig /mchod rten lhag ma rnams ni nga'i phyir
142b2 gyis shig ces mos par byas so/ /spobs pa chen po/ yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang des/ nga'i
142b3 mchod rten 'di phyogs bcu'i 'jig rten gyi khams thams cad na/ sangs rgyas kyi zhing gang dang gang du dam pa'i chos pad+ma dkar po'i chos kyi rnam grangs 'di yang dag par rab tu
142b4 ston pa de dang de dag tu nga'i lus gzugs kyi mchod rten 'di mngon par byung ste/ sangs rgyas bcom ldan 'das de dang de dag dam pa'i chos pad+ma dkar po'i chos kyi rnam grangs 'di
142b5 'chad pa na/ 'khor gyi dkyil 'khor gyi steng gi nam mkha' la 'dug nas/ sangs rgyas bcom ldan 'das de dang de dag dam pa'i chos pad+ma dkar po'i chos kyi rnam grangs 'di ston pa
142b6 la nga'i lus gzugs kyis legs so/ /zhes bya ba sbyin no zhes de ltar byin gyis brlabs so/ /spobs pa chen po/ de'i phyir bcom ldan 'das de bzhin gshegs pa dgra bcom
142b7 pa yang dag par rdzogs pa'i sangs rgyas rin chen mang de'i sku gdung gi mchod rten 'di/ 'jig rten gyi khams mi mjed 'dir dam pa'i chos pad+ma dkar po'i chos kyi rnam grangs 'di
143a1 ngas bshad pa na/ 'khor gyi dkyil 'khor 'di'i dbus nas mngon par byung ste/ steng gi nam mkha' bar snang la 'dug nas legs so/ /zhes bya ba
143a2 byin no/ /de nas bcom ldan 'das la byang chub sems dpa' sems dpa' chen po spobs pa chen pos 'di skad ces gsol to/ /bcom ldan 'das/ bdag cag bcom ldan
143a3 'das kyi mthus de bzhin gshegs pa'i sku 'di blta'o/ /de skad ces gsol pa dang / bcom ldan 'das kyis byang chub sems dpa' sems dpa' chen po spobs pa chen po
143a4 la 'di skad ces bka' stsal to/ /spobs pa chen po/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i
143a5 smon lam lci bar gyur to/ /de'i smon lam ni 'di lta ste/ gang gi tshe sangs rgyas kyi zhing gzhan dag tu sangs rgyas bcom ldan 'das rnams dam pa'i chos pad+ma dkar po'i chos kyi
143a6 rnam grangs 'di 'chad pa de'i tshe/ nga'i lus gzugs kyi mchod rten 'di dam pa'i chos pad+ma dkar po 'di mnyan pa'i phyir de bzhin gshegs pa rnams kyi gan du 'gro bar gyur cig /
143a7 gang gi tshe/ sangs rgyas bcom ldan 'das de dag 'khor bzhi la nga'i lus gzugs phye ste bstan par 'dod par gyur na/ de nas de bzhin gshegs pa de dag gis phyogs bcu'i
143b1 sangs rgyas kyi zhing so so na de bzhin gshegs pa'i sku lus sprul pa ming tha dad pa gang dag sangs rgyas kyi zhing de dang de dag na chos ston pa de dag thams cad gsog la de'i 'og tu/ de
143b2 bzhin gshegs pa'i sku lus sprul pa de dag dang lhan cig tu nga'i lus gzugs kyi mchod rten 'di phye ste/ 'khor bzhi la bstan par bya'o zhes smon lam btab bo/ /spobs pa chen
143b3 po| de'i phyir ngas de bzhin gshegs pa'i gzugs sprul pa mang po gang dag phyogs bcu'i sangs rgyas kyi zhing 'jig rten gyi khams gzhan dang gzhan stong dag na sems can rnams
143b4 la chos ston pa de dag thams cad 'dir bsdu bar bya'o/ /de nas bcom ldan 'das la byang chub sems dpa' sems dpa' chen po spobs pos 'di skad ces gsol to/ /bcom
143b5 ldan 'das/ de bzhin gshegs pa'i sku/ de bzhin gshegs pas sprul pa de dag thams cad la bdag cag gis phyag bgyi'o/ /de nas de'i tshe bcom ldan 'das kyi zhal gyi mdzod spu nas
143b6 'od zer btang ste/ 'od zer btang ma thag tu shar phyogs kyi 'jig rten gyi khams bye ba khrag khrig brgya stong phrag gang+gA'i klung lnga bcu'i bye ma snyed dag na/ sangs rgyas bcom ldan 'das
143b7 gang dag bzhugs pa de dag thams cad snang ngo / /sangs rgyas kyi zhing de dag ni shel gyi gzhi la rin po che'i shing ljon pas brgyan pa/ ras bcos bu dang dar gyi lda ldis legs par
144a1 brgyan pa/ byang chub sems dpa' brgya stong mang pos yongs su gang ba/ bla bre bres pa/ rin po che sna bdun dang gser gyi dra bas g.yogs par snang
144a2 ngo| |de dag na sangs rgyas bcom ldan 'das de dag dbyangs snyan cing 'jam pas/ sems can rnams la chos ston par snang ngo / /sangs rgyas kyi zhing de dag byang chub sems dpa'
144a3 brgya stong gis yongs su gang bar snang ngo / /de bzhin du shar lho'i phyogs dang / de bzhin du lho'i phyogs dang / de bzhin du lho nub kyi phyogs dang / de bzhin du nub kyi phyogs dang /
144a4 de bzhin du nub byang gi phyogs dang / de bzhin du byang gi phyogs dang / de bzhin du byang shar gyi phyogs dang / de bzhin du steng gi phyogs dang / de bzhin du 'og gi phyogs te/ phyogs
144a5 bcu thams cad kyi phyogs re re na'ang 'jig rten gyi khams bye ba khrag khrig brgya stong phrag mang po gang+gA'i klung gi bye ma snyed dag na sangs rgyas bcom ldan 'das bye ba khrag khrig brgya stong
144a6 phrag mang po gang+gA'i klung gi bye ma snyed gang dag bzhugs pa de dag thams cad snang ngo / /de nas phyogs bcu'i de bzhin gshegs pa dgra bcom pa yang dag par rdzogs pa'i sangs
144a7 rgyas de dag gis rang rang gi byang chub sems dpa'i tshogs la bka' stsal pa/ rigs kyi bu dag /nged ni de bzhin gshegs pa rin chen mang gi sku gdung gi mchod rten la phyag
144b1 bya ba'i phyir/ 'jig rten gyi khams mi mjed du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i gan du 'dong ngo / /de nas
144b2 sangs rgyas bcom ldan 'das de dag bdag bdag gi zhabs 'bring ba dang lhan cig tu bdag dang gnyis sam/ bdag dang gsum 'jig rten gyi khams mi mjed 'dir gshegs
144b3 so| |'di ltar de'i tshe thams cad dang ldan pa'i 'jig rten gyi khams mi mjed 'di rin po che'i shing ljon pas rab tu brgyan par gyur to/ /bai DUR+ya'i gzhi la rin po che sna bdun
144b4 dang gser gyi dra bas bres pa/ rin po che chen po'i spos dang bdug pas bdugs pa/ me tog man+dA ra ba dang man+dA ra ba chen pos kun tu bkram pa/ dril bu g.yer ka'i dra bas
144b5 brgyan pa/ gser gyi skud pas mig mang ris bu bris par gyur te/ grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor kyang med
144b6 par gyur/ ri nag po'ang med par gyur/ ri btang zung dang / btang bzung chen po'ang med par gyur/ khor yug dang khor yug chen po'ang med par gyur/ ri'i rgyal po ri rab kyang
144b7 med par gyur/ ri chen po dang / ri gzhan yang med par gyur/ rgya mtsho chen po'ang med par gyur/ 'bab chu dang 'bab chu chen po'ang med par yongs su gnas par gyur to/ /lha dang
145a1 mi dang lha ma yin gyi tshogs kyang med par gyur/ sems can dmyal ba dang / dud 'gro'i skye gnas dang / gshin rje'i 'jig rten yang med par gyur to/ /'di
145a2 ltar de'i tshe 'jig rten gyi khams mi mjed 'dir 'gro ba drug tu skyes pa'i sems can de dag thams cad kun 'jig rten gyi khams gzhan dag tu bkod par gyur to/ /gang dag 'khor
145a3 der 'dus pa de dag ni ma gtogs so/ /de nas sangs rgyas bcom ldan 'das de dag zhabs 'bring ba dang gnyis sam zhabs 'bring ba dang gsum 'jig rten gyi khams mi mjed
145a4 'dir gshegs so/ /de bzhin gshegs pa gshegs shing byon pa de dag rin po che'i shing ljon pa'i drung na gnas shing bzhugs te/ rin po che'i shing ljon pa re re'i 'phang
145a5 yang dpag tshad lnga brgya bar gyur te/ yal ga dang / lo ma dang / 'dab ma dang / sboms ni ri bzhin/ me tog dang 'bras bus ni rab tu brgyan pa ste/ rin po che'i shing ljon pa
145a6 re re'i drung na'ang seng ge'i khri 'phang du dpag tshad brgya pa/ rin po che chen pos brgyan pa bshams pa de la de bzhin gshegs pa skyil mo krung bcas te bzhugs par gyur
145a7 to| |rnam grangs 'dis stong gsum gyi stong chen po'i 'jig rten gyi khams 'di thams cad na rin po che'i shing ljon pa thams cad kyi drung na/ de bzhin gshegs pa rnams skyil
145b1 mo krung bcas te bzhugs par gyur to/ /de'i tshe stong gsum gyi stong chen po'i 'jig rten gyi khams 'di thams cad de bzhin gshegs pas rab tu gang bar gyur kyang bcom ldan 'das
145b2 de bzhin gshegs pa shAkya thub pa'i sku sprul pa phyogs gcig nas kyang thams cad tshogs pa ni ma yin no/ /de ni bcom ldan 'das de bzhin gshegs pa dgra bcom pa yang dag par
145b3 rdzogs pa'i sangs rgyas shAkya thub pas de bzhin gshegs pa'i sku gshegs shing byon pa de dag gi go mngon par sprul te/ phyogs bcu thams cad du sangs rgyas kyi zhing bye ba stong
145b4 phrag nyi shu thams cad bai DUR+ya las ni byas/ rin po che sna bdun dang gser gyi dra ba ni bres/ dril bu g.yer ka'i dra bas ni brgyan/ me tog man+dA ra ba dang man+dA ra ba chen po ni kun
145b5 tu bkram/ lha'i bla bre ni bres/ lha'i me tog gi phreng ba ni dbyangs/ lha'i spos dang / bdug pas ni bdugs te/ sangs rgyas kyi zhing bye ba stong phrag nyi shu po de dag thams cad
145b6 na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor kyang med/ ri nag po'ang med/ ri btang zung dang btang zung che na
145b7 po'ang med/ ri khor yug dang khor yug chen po'ang med/ ri'i rgyal po ri rab kyang med/ ri chen po dang ri gzhan yang med/ rgya mtsho chen po'ang med par gyur cing / 'bab
146a1 chu dang 'bab chu chen po'ang med par yongs su bzhag go /lha dang mi dang lha ma yin gyi tshogs kyang med par gyur/ sems can dmyal ba dang / dud
146a2 'gro'i skye gnas dang / gshin rje'i 'jig rten yang med par gyur te/ sangs rgyas kyi zhing de thams cad sangs rgyas kyi zhing gcig dang mtshungs shing / phyogs gcig dang
146a3 'dra bar yongs su gnas par gyur te/ mnyam zhing nyams dga' la/ rin po che sna bdun gyi shing ljon pa dag gis brgyan par gyur te/ shing ljon pa de dag 'phang du ni dpag
146a4 tshad lnga brgya pa/ sboms su ni ri bzhin/ yal ga dang / lo ma dang / me tog dang / 'bras bu dang ni ldan no/ /rin po che'i shing ljon pa thams cad kyi drung na/ seng ge'i khri
146a5 khor yug tu ni dpag tshad lnga brgya pa/ lha'i rin po che las byas pa/ bkra ba blta na sdug pa bshams par gyur te/ de bzhin gshegs pa gshegs shing byon pa rnams shing
146a6 drung de dag na seng ge'i khri dag la skyil mo krung bcas te bzhugs so/ /rnam grangs 'dis gzhan yang phyogs re rer yang 'jig rten gyi khams bye ba stong phrag nyi shu de bzhin
146a7 gshegs pa shAkya thub pas yongs su gang bar mdzad do/ /de bzhin gshegs pa byon cing gshegs pa de dag gi go dbye ba'i phyir/ gzhan yang phyogs re rer yang 'jig
146b1 rten gyi khams bye ba stong phrag nyi shur grong dang / grong khyer dang / grong rdal dang / ljongs dang / yul 'khor dang / rgyal bo'i pho brang 'khor kyang med par gyur/ ri nag po'ang med par gyur/
146b2 ri btang zung dang btang zung chen po'ang med par gyur/ ri khor yug dang khor yug chen po'ang med par gyur/ ri'i rgyal po ri rab kyang med par gyur/ ri chen po dang ri gzhan yang
146b3 med par gyur/ rgya mtsho chen po'ang med par gyur/ 'bab chu dang 'bab chu chen po'ang med par yongs su bzhag go/ lha dang mi dang lha ma yin gyi tshogs kyang med par gyur/ sems
146b4 can dmyal ba dang / dud 'gro'i skye gnas dang / gshin rje'i 'jig rten yang med par gyur te/ sems can de dag thams cad 'jig rten gyi khams gzhan dag tu bkod do/ /
146b5 sangs rgyas kyi zhing de dag ni bai DUR+ya las grub pa rin po che sna bdun dang gser gyi dra bas bres pa/ dril bu g.yer ka'i dra bas brgyan pa/ me tog man+dA ra ba dang man+dA ra ba che pos
146b6 kun tu bkram pa/ lha'i bla bre bres pa/ lha'i me tog gi phreng ba mngon par dbyangs pa/ lha'i spos dang bdug pas bdugs pa/ rin po che'i shing ljon pas mdzes par byas pa ste/
146b7 rin po che'i shing ljon pa de dag thams cad kyi tshad kyang dpag tshad lnga brgya pa'o/ /seng ge'i khri dpag tshad lnga brgya pa de dag kyang mngon par sprul te/ rin po che'i shing ljon pa'i drung
147a1 dag na/ so so'i seng ge'i khri la de bzhin gshegs pa de dag skyil mo krung bcas te bzhugs so/ /yang de'i tshe bcom ldan 'das shAkya thub pas
147a2 sprul pa'i de bzhin gshegs pa gang dag shar phyogs na sangs rgyas kyi zhing bye ba khrag khrig brgya stong phrag gang+gA'i klung gi bye ma snyed dag na chos ston pa de dag thams cad
147a3 gshegs so/ /de bzhin du phyogs bcu nas gshegs shing byon pa de dag ni phyogs brgyad na bzhugs par gyur to/ /de'i tshe phyogs brgyad nas gshegs pa'i de bzhin
147a4 gshegs pa de dag gi phyogs re rer yang 'jig rten gyi khams bye ba phrag sum cu kun tu non par gyur to/ /de nas de bzhin gshegs pa de dag rang rang gi seng ge'i khri
147a5 la bzhugs nas rang rang gi zhabs 'bring ba dag bcom ldan 'das shAkya thub pa'i thad du bkye ste/ /rin po che'i me tog gi phur ma bskur nas 'di skad ces bka' stsal
147a6 to| |rigs kyi bu dag /khyed rgyal po'i khab kyi bya rgod kyi phung po'i ri la song ste/ de nas bcom ldan 'das de bzhin gshegs pa dgra bcom pa yang dag par
147a7 rdzogs pa'i sangs rgyas shAkya thub pa de la phyag tshol la/ nga'i tshig gis byang chub sems dpa'i tshogs dang / nyan thos kyi tshogs dang bcas pa la gnod pa nyung ngam/
147b1 snyun nyung ngam/ stobs dang ldan nam/ bde bar reg pa la gnas sam zhes dris la/ rin po che'i phung po 'dis gtor te 'di skad ces/ bcom ldan 'das kyis de bzhin
147b2 gshegs pa'i rin po che'i mchod rten chen po 'di dbye bar dad pa dbul lo zhes gsol cing / de ltar de bzhin gshegs pa de dag thams cad kyis rang rang gi zhabs 'bring
147b3 ba bkye'o/ /de nas bcom ldan 'das de bzhin gshegs pa shAkya thub pas de'i dus na/ bdag gis sprul pa ma lus par tshogs par mkhyen/ so sor seng ge'i khri dag
147b4 la bzhugs par mkhyen/ de bzhin gshegs pa dgra bcom pa yang dag par rdzogs pa'i sangs rgyas de dag gi zhabs 'bring ba lhags par mkhyen te/ de bzhin
147b5 gshegs pa dgra bcom pa yang dag par rdzogs pa'i sangs rgyas de dag gis dad pa phul bar mkhyen nas/ de'i tshe rang gi chos kyi gdan las bzhengs te nam mkha'
147b6 bar snang la bzhugs so/ /'khor bzhi po de dag thams cad kyang stan las langs nas/ thal mo sbyar te bcom ldan 'das la lta zhing 'khod do/ /de nas bcom ldan 'das
147b7 kyis rin po che'i mchod rten chen po nam mkha' la 'dug pa de phyag g.yas pa'i sor mos dbus nas phye'o/ /phye nas logs gnyis so sor gdangs so/ /'di lta ste/ dper
148a1 na| grong khyer chen po'i sgo 'phar chen po bcad pa'i gtan pa phyung nas so sor dbye ba de bzhin du/ bcom ldan 'das kyis rin po che'i mchod
148a2 rten chen po de phyag g.yas pa'i sor mos dbus nas phye ste sa ler mdzad do/ /de bzhin gshegs pa'i rin po che'i mchod rten chen po de phye ma thag tu de nas bcom ldan
148a3 'das de bzhin gshegs pa dgra bcom pa yang dag par rdzogs pa'i sangs rgyas rin chen mang seng ge'i khri la bzhugs te/ skyil mo krung bcas nas sku kun bskams
148a4 shing sku ma g.yos par/ ji ltar ting nge 'dzin la snyoms par zhugs pa de bzhin du snang ste/ 'di skad ces bcom ldan 'das shAkya thub pa khyod kyis dam pa'i chos pad+ma
148a5 dkar po'i chos kyi rnam grangs 'di legs par bshad pa legs so/ /legs so/ /bcom ldan 'das shAkya thub pa khyod kyis dam pa'i chos pad+ma dkar po'i chos kyi rnam
148a6 grangs 'di bshad pa yang legs so/ /bcom ldan 'das dam pa'i chos pad+ma dkar po'i chos kyi rnam grangs 'di nyan pa'i phyir kho bo 'dir 'ongs so zhes gsung ngo / /de nas
148a7 'khor bzhi po de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang bskal pa bye ba khrag khrig brgya stong phrag mang
148b1 po nas/ yongs su mya ngan las 'das pa de skad gsung ba thos nas ngo mtshar dang rmad du gyur te/ de'i tshe bcom ldan 'das de bzhin gshegs pa dgra bcom pa yang dag par
148b2 rdzogs pa'i sangs rgyas rin chen mang dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lha dang mi'i rin po che'i
148b3 phung pos mngon par gtor to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gis/ bcom ldan 'das de
148b4 bzhin gshegs pa dgra bcom pa yang dag par rdzogs pa'i sangs rgyas shAkya thub pa la seng ge'i khri de phyed bdar te rin po che'i mchod rten chen po de'i nang nas/ bcom ldan
148b5 'das de bzhin gshegs pa shAkya thub pa 'dir bzhugs zhes de skad gsung ngo / /de nas bcom ldan 'das de bzhin gshegs pa shAkya thub pa gdan de'i phyed la bzhugs so/ /de
148b6 bzhin gshegs pa de dang lhan cig tu de bzhin gshegs pa gnyis ka rin po che'i mchod rten chen po de'i dbus na seng ge'i khri la bzhugs nas nam mkha' bar snang ba la gnas par
148b7 snang ngo / /de nas 'khor bzhi po de dag 'di snyam du bdag cag de bzhin gshegs pa 'di dag dang thag ring na bdag cag kyang de bzhin gshegs pa'i mthus nam mkha' la 'phags
149a1 par bya'o snyam du sems so/ /de nas bcom ldan 'das kyis 'khor bzhi po de dag gi sems kyi rtog pa thugs kyis thugs su chud nas/ de'i dus na
149a2 rdzu 'phrul gyi stobs kyis 'khor bzhi po de dag nam mkha' bar snang la bkod do/ /de nas bcom ldan 'das de bzhin gshegs pa shAkya thub pas de'i tshe 'khor bzhi po de
149a3 dag la bka' stsal pa/ dge slong dag/ khyed kyi nang na 'jig rten gyi khams mi mjed 'dir dam pa'i chos pad+ma dkar po'i chos kyi rnam grangs 'di yang dag par 'chad
149a4 par spro ba su yod/ de bzhin gshegs pa mngon sum du bzhugs te/ de'i dus 'di'o/ /de'i tshe 'di'o/ /dge slong dag /de bzhin gshegs pa dam pa'i chos pad+ma
149a5 dkar po'i chos kyi rnam grangs 'di bzhag ste yongs su mya ngan las 'da' bar 'dod do/ /de nas bcom ldan 'das kyis de'i tshe tshigs su bcad pa 'di dag bka' stsal to//
149a6 dge slong gang dag 'dren pa drang srong che/ /mya ngan 'das 'di rin chen mchod rten 'dir/ /bzhugs nas chos 'di gsan cing gshegs mdzad na/ /chos kyi ched du brtson
149a7 'grus su mi skyed/ /mya ngan yongs 'das bskal pa bye ba mang / /'on kyang da dung de ni chos gsan te/ /chos kyi ched du de dang der yang gshegs/ /'di 'dra'i chos 'di shin
149b1 tu rnyed par dka'/ /rnam par 'dren pa 'di yi smon lam ni/ /srid pa snga ma dag la bsnyen gyur pas/ /mya ngan 'das kyang 'jig rten 'di kun na/ /phyogs bcu thams cad du yang
149b2 yongs su rgyu/ /bye ba stong phrag gang+gA'i bye ma snyed/ /'di dag thams cad nga yi lus yin te/ /mgon po mya ngan 'das pa 'di lta dang / /chos kyi bya ba bya phyir de dag lhags/ /ci nas
149b3 chos tshul yun ring gnas 'gyur bar/ /thams cad dam pa'i chos 'di bsrung ba'i phyir/ /nyan thos de bzhin mi dang lha kun dang / /so so rang rang gi ni zhing bor te/ /sangs
149b4 rgyas 'di dag bzhugs par bya ba'i phyir/ /ngas ni rdzu 'phrul stobs kyis 'di lta bur/ /'jig rten khams mang stong phrag bye ba nas/ /sems can thams cad spos shing yongs dag
149b5 byas| |chos kyi tshul 'di ji ltar bstan bya zhes/ /de lta bur ni nga yang shin tu brtson/ /shing dbang drung na sangs rgyas tshang med pa/ /ji ltar pad+ma'i phung po bzhin du bzhugs/ /
149b6 bye ba phrag ni mi nyung shing drung na/ /seng ge'i khri la 'dren pa bzhugs pa ni/ /rab tu mdzes par rtag tu der bzhugs te/ /mun nag chen po'i nang na me bzhin no/ /'jig rten
149b7 rnam 'dren rnams kyi yid 'ong dri/ /phyogs bcu rnams su rab tu ldang ba de/ /sems can 'di dag kun dang 'dres par gyur/ /rlung rnams 'dir ni rtag par langs pa bzhin/ /nga ni
150a1 mya ngan 'das nas gang / /chos kyi rnam grangs 'di 'dzin pa/ /'jig rten mgon po'i spyan snga 'dir/ /tshig ni myur du smra bar gyis/ /sangs rgyas mya ngan
150a2 yongs 'das pa/ /thub pa rin chen mang po yang / /'di la spro ba su byed pa/ /de yi seng ge'i sgra gsan to/ /gnyis pa nga dang 'dren pa bye ba phrag /mang po gang dag lhags pa 'di dag
150a3 kyang | |gang rnams chos 'di bshad par spro ba yi/ /rgyal ba'i sras kyi brtson pa nyan par byed/ /'di lta bu yi chos 'di mnyan pa'i phyir/ /phyogs dang phyogs mtshams rtag tu su
150a4 'gro ba/ /des ni nga dang rin chen mang ba yi/ /rgyal ba rang byung rtag tu mchod pa yin/ /mdo sde rab tu bstan pas 'jig rten mgon/ /gang 'di lhags par gyur cing gang dag gis//
150a5 sa 'di bkra mdzes byas pa de kun la/ /mchod pa rgya che mi chung byas par 'gyur/ /mchod rten nang bzhugs bcom ldan 'das 'di dang / /nga yang stan gyi steng na 'dug pa dang / /zhing
150a6 brgya du ma dag nas gang lhags pa/ /'jig rten mgon gzhan mang po 'di mthong ba/ /sems can kun la snying brtse'i phyir/ /rigs kyi bu dag khyed cag soms/ /shin tu bya
150a7 dka' gnas 'di la/ /rnam par 'dren pas spro bar mdzad/ /mdo sde stong phrag mang po dag /gang+gA'i bye ma ji bzhin pa/ /de dag gang zhig ston byed pa/ /de ni dka' ba ma
150b1 yin no/ /gang gi lag gis ri rab ri/ /chang par blangs par byas nas su/ /zhing rnams bye bar 'phen byed pa/ /de ni dka' ba ma yin no/ /gang gis stong gsum 'di dag kyang / /rkang
150b2 pa'i mthe bos bskyod nas su/ /zhing rnams bye bar 'phen par yang / /de ni dka' ba ma yin no/ /mi gang srid pa'i rtser gnas nas/ /mdo sde gzhan dag stong rnams kyi/ /chos 'di rab
150b3 tu 'chad pa yang / /de ni dka' ba ma yin no/ /'jig rten dbang po mya ngan 'das/ /phyi dus shin tu mi bzad la/ /gang zhig mdo sde 'di 'dzin tam/ /'chad pa de ni shin tu dka'/ /
150b4 gang zhig nam mkha'i khams kun yang / /chad pa gcig gi nang bcug cing / /rab tu btsug ste 'gro ba ni/ /de ni dka' ba ma yin no/ /nga ni mya ngan 'da' ba'i tshe/ /gang zhig mdo sde
150b5 'di 'dra ba/ /phyi dus yi ge 'drir 'jug pa/ /de ni shin tu dka' ba yin/ /gang zhig sa yi khams rnams kun/ /sen mo'i rtse mor 'jug byed la/ /rab tu bcug nas 'gro byed
150b6 cing | |tshangs pa'i 'jig rten 'dzeg byed pa/ /'jig rten kun gyi mdun du 'dir/ /de ltar dka' ba byas pa yang / /des ni dka' ba byas ma yin/ /brtson 'grus dag kyang de tsam
150b7 med| |nga ni mya ngan 'das pa'i tshe/ /phyi ma'i dus na mdo sde 'di/ /su zhig smra bar byed pa de/ /de bas shin tu dkar bar byed/ /bskal pas bsreg par mi gang zhig /rtswa yi
151a1 khur bu thogs nas su/ /tshig bzhin du ni dbus 'gro ba/ /'jig rten na ni de mi dka'/ /nga ni mya ngan 'das pa'i tshe/ /gang gis mdo 'di bzung
151a2 nas kyang / /sems can gcig la'ang thos byed pa/ /de bas shin tu dka' ba yin/ /chos kyi phung po stong phrag ni/ /brgyad cu rtsa bzhin 'dzin byed cing / /lung bcas ji skad
151a3 gsungs pa bzhin/ /srog chags bye ba rnams la 'chad/ /de tshe gang zhig dge slong rnams/ /'dul byed nga yi nyan thos rnams/ /mngon par shes la bkod pa yang / /de
151a4 ni dka' ba ma yin no/ /gang zhig mdo 'di 'dzin pa'am/ /dad dam mos par byed pa'am/ /yang dang yang du 'chad byed pa/ /'di ni de bas shin tu dka'/ /stong phrag bye ba
151a5 mang po rnams/ /gang+gA'i bye ma ji bzhin pa/ /mngon shes drug ldan skal chen dang / /dgra bcom nyid la dgod pa pas/ /nga ni mya ngan 'das 'og tu/ /gang zhig mdo mchog
151a6 'di 'dzin pa/ /mi mchog de ni de bas kyang / /shin tu las mang byed pa yin/ /sangs rgyas ye shes ched kyi phyir/ /'jig rten khams ni stong rnams su/ /nga yis shin tu
151a7 chos mang bshad/ /da dung du yang nga 'chad do/ /'di ni mdo sde thams cad las/ /mdo sde dam pa mchog ces bya/ /mdo sde 'di ni su 'dzin pa/ /de ni rgyal ba'i sku 'dzin
151b1 to| |rigs kyi bu dag phyi dus na/ /khyed cag rnams las gang su zhig /mdo sde 'dzin par spro ba khyed/ /de bzhin gshegs pa'i spyan sngar smros/ /shin tu gzung dka' mdo 'di
151b2 ni| |gang zhig yud tsam 'dzin pa yang / /'jig rten mgon la rnam kun tu/ /dka' ba chen po byas par gyur/ /'jig rten mgon gyis thams cad du/ /de ni shin tu bsngags
151b3 pa yin/ /shin tu dpa' zhing nus pa ste/ /byang chub tu ni mngon shes myur/ /mdo sde 'di ni su 'dzin pa/ /gces pa khyer ba de yin te/ /'jig rten mgon gyi thugs kyi sras/ /
151b4 dul ba'i sa yang rjes su thob/ /mi gtso mya ngan 'das pa na/ /mdo sde 'di ni rab ston pa/ /lha dang mir bcas 'jig rten na/ /de ni mig tu gyur pa yin/ /gang zhig phyi ma'i
151b5 dus kyi tshe/ /mdo sde 'di ni yud tsam zhig /'chad par byed pa mkhas pa de/ /sems can kun gyis phyag bya'i 'os/ /de nas bcom ldan 'das kyis byang chub sems dpa'i tshogs
151b6 ma lus pa dang / lha dang lha ma yin du bcas pa'i 'jig rten la bos te/ 'di skad ces bka' stsal to/ /dge slong dag /sngon byung ba 'das pa'i dus na/ /bskal pa tshad med grangs
151b7 med par ngas dam pa'i chos pad+ma dkar po'i mdo yongs su btsal te/ skyo ma myong la ngal ba med par gyur to/ /sngon bskal pa du ma la bskal pa brgya stong phrag du mar/ /nga rgyal por gyur te/
152a1 bla na med pa yang dag par rdzogs pa'i byang chub tu smon lam btab nas nga'i sems ldog par ma gyur to/ /pha rol tu phyin pa drug yongs su rdzogs
152a2 par bya ba'i phyir brtson par gyur nas/ sbyin pa tshad med pa rab tu byin te/ gser dang / nor bu dang / mu tig dang / bai DUR+ya dang / dung dang / man shel dang / byu ru dang / sa le sbram
152a3 dang | dngul dang / rdo'i snying po dang / spug dang / mu tig dmar po dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor
152a4 dang | chung ma dang / bu pho dang / bu mo dang / bran pho dang / bran mo dang / glang po che dang / rta dang / shing rta dang / bdag gi lus kyi bar du yongs su btang ste/ lag pa dang /
152a5 rkang pa dang / mgo dang / yan lag dang / nying lag thams cad dang / srog sbyin pa por gyur nas nga nam du'ang kun 'dzin pa'i sems ma skyes so/ /de'i tshe 'jig rten 'di
152a6 tshe ring por gyur te/ lo brgya stong du mar 'tsho'o/ /de'i tshe ngas chos kyi phyir chos kyi rgyal po byas kyi/ yul 'khor gyi phyir ni ma yin te/ bu thu bo dbang bskur nas nga phyogs
152a7 bzhir chos kyi mchog 'tshol ba la brtson par gyur to/ /ngas dril bu brdungs te 'di skad ces/ nga la sus chos kyi mchog rab tu byin pa dang / don rnam par bshad pa de'i bran
152b1 ngas bya'o zhes grags par byas so/ /de nas de'i tshe drang srong zhig yod pa de la 'di skad ces/ rgyal po chen po/ dam pa'i chos pad+ma dkar po zhes bya ba'i mdo mchog gi chos bstan
152b2 pa yod de/ bran du khas len na chos de kho bos khyod kyis thos par bya'o zhes zer ba dang / ngas drang srong de'i tshig thos nas dga' mgu rangs/ yid rab tu dga' ste/ drang
152b3 srong de ga la ba der bsnyen nas 'di skad ces/ bran gyi las ci byed pa de bya'o zhes smras te/ de ltar nga drang srong de'i bran du khas blangs nas rtswa dang / shing dang / chu dang / rtsa ba
152b4 dang | rdog gu dang / 'bras bu la sogs pa len pa'i las byas te/ ngas sgo bsrung ba yan chad byas so/ /nyin par rnam pa de lta bu'i las byas nas mtshan mo mal khri'i rkang pa'ang
152b5 bzung ngo / /'on kyang nga'i lus ngal bar gyur pa'ang med/ sems ngal bar gyur pa'ang med de/ las de ltar byas pas lo stong tshang bar 'das so/ /de nas bcom ldan
152b6 'das kyis/ de'i tshe don 'di yongs su bstan pa'i phyir tshigs su bcad pa 'di dag bka' stsal to/ /bskal pa 'das pa yang dag rjes dran te/ /ngas sngon chos phyir chos
152b7 rgyal gyur pa na/ /chos kyi phyir ni nga yis rgyal po byas/ /'dod phyir ma yin chos mchog don du'o/ /gang zhig chos smra de yi bran bya zhes/ /ngas ni phyogs bzhir de skad bsgrags
153a1 par byas/ /de yi tshe na drang srong mkhas yod pa/ /dam pa chos shes bya ba mdo sde smra/ /de ni nga la gal te chos 'dod na/ /bran du khas long de nas
153a2 chos bshad zer/ /tshig de thos nas nga ni rab tu dga'/ /de na bran gyis bya ba'i las de byas/ /dam pa'i chos phyir bran ni byed pa na/ /lus dang sems la ngal bas ma reg go /de
153a3 tshe nga ni sems can phyir smon gyi/ /bdag gi phyir min 'dod phyir ma yin te/ /las gzhan med par phyogs bcu rnams su rgyu/ /bskal pa stong du rdzogs par mi skyo bar/ /chos
153a4 shes bya ba mdo sde snyed kyi bar/ /rgyal po des ni de snyed brtson 'grus brtsams/ /dge slong dag /'di ji snyam du sems/ de'i tshe de'i dus na rgyal por gyur pa gzhan zhig
153a5 yin snyam du 'dzin na de ltar mi blta'o/ /de ci'i phyir zhe na/ de'i tshe de'i dus na rgyal por gyur pa de ni nga yin no/ /dge slong dag /de'i tshe de'i dus na drang srong du gyur pa de
153a6 gzhan yin snyam du 'dzin na de ltar mi blta'o/ /de ci'i phyir zhe na/ dge slong dag /lhas byin 'di de'i tshe de'i dus na drang srong du gyur te/ dge slong dag /lhas byin yang
153a7 nga'i dge ba'i bshes gnyen no/ /lhas byin la brten te ngas pha rol tu phyin pa drug yongs su rdzogs par byas so/ /byams pa chen po dang / snying rje chen po dang / dga' ba chen po dang /
153b1 btang snyoms chen po dang / skyes bu chen po'i mtshan sum cu rtsa gnyis dang / dpe byad bzang po brgyad cu dang / 'od 'dom gang ba dang / mdog gser gyi kha dog dang / stobs
153b2 bcu dang / mi 'jigs pa bzhi dang / bsdu ba'i dngos po bzhi dang / sangs rgyas kyi chos ma 'dres pa bco brgyad dang / rdzu 'phrul gyi stobs chen po dang / phyogs bcu'i sems
153b3 can bsgral ba de thams cad kyang lhas byin la brten te rdzogs par byas so/ /dge slong dag /khyod mos par bya'o/ /khong du chud par bya'o/ /dge slong dag /lhas byin 'di ma 'ongs
153b4 pa'i dus bskal pa tshad med grangs med pa na/ 'jig rten gyi khams lha'i them skas zhes bya bar de bzhin gshegs pa dgra bcom pa yang dag par rdzogs pa'i sangs rgyas lha'i
153b5 rgyal po zhes bya bar 'gyur ro/ /dge slong dag /de bzhin gshegs pa lha'i rgyal po de'i tshe'i tshad ni bar gyi bskal pa nyi shur 'gyur ro/ /chos kyang rgyas par ston par 'gyur
153b6 ro| |sems can gang+gA'i klung gi bye ma snyed dag ni nyon mongs pa thams cad spangs nas dgra bcom pa nyid mngon sum du byed par 'gyur ro/ /sems can du ma ni rang byang chub tu
153b7 sems bskyed par 'gyur ro/ /sems can gang+gA'i klung gi bye ma snyed dag ni bla na med pa yang dag par rdzogs pa'i byang chub tu sems bskyed par 'gyur zhing phyir mi ldog pa'i bzod
154a1 pa'ang thob par 'gyur ro/ /dge slong dag /de bzhin gshegs pa lha'i rgyal po yongs su mya ngan las 'das nas/ dam pa'i chos bar gyi bskal pa nyi
154a2 shur gnas so/ /de'i sku gdung gi ring bsrel ni 'gyes par mi 'gyur zhing de'i sku gdung gcig tu 'dus par 'gyur te/ rin po che sna bdun gyi mchod rten du bcug nas/ mchod
154a3 rten de'ang 'phang du ni dpag tshad drug cu/ rgyar ni dpag tshad bzhi bcu par 'gyur ro/ /de la mi dang lha thams cad kyis spos dang / bdug pa dang / me tog dang / phreng ba dang /
154a4 byug pa dang / phye ma dang / gos dang / gdugs dang / rgyal mtshan dang / lha'i ba dan la sogs pas mchod par byed par 'gyur ro/ /tshigs su bcad pa'i dbyangs kyis bstod
154a5 par 'gyur ro/ /gang dag mchod rten de la skor bar byed pa'am 'dud pa de dag kyang la la ni 'bras bu'i mchog dgra bcom pa nyid mngon sum du byed par 'gyur ro/ /la la
154a6 ni rang byang chub thob par 'gyur ro/ /lha dang mi bsam gyis mi khyab dpag tu med pa dag ni bla na med pa yang dag par rdzogs pa'i byang chub tu sems bskyed de phyir mi ldog
154a7 par 'gyur ro/ /de nas yang bcom ldan 'das kyis dge slong rnams la bka' stsal pa/ dge slong dag /ma 'ongs pa'i dus na rigs kyi bu'am rigs kyi bu mo gang la la
154b1 dam pa'i chos pad+ma dkar po'i mdo'i le'u 'di nyan pa dang / thos nas som nyi mi za ba dang / rnam par dag pa'i sems kyis mos pa de dag gis ngan 'gro gsum gyi sgo bcad par
154b2 'gyur te/ sems can dmyal ba dang / dud 'gro'i skye gnas dang / gshin rje'i 'jig rten du skye bar mi 'gyur ro/ /phyogs bcu'i sangs rgyas kyi zhing du skyes na'ang tshe rabs tshe rabs
154b3 su mdo sde 'di thos par 'gyur ro/ /lha dang mi'i 'jig rten du skyes na'ang des gnas khyad par can thob par 'gyur ro/ /sangs rgyas kyi zhing gang du skye ba der yang de bzhin gshegs
154b4 pa'i spyan sngar rin po che sna bdun gyi pad+ma'i nang nas brdzus te skye bar 'gyur ro/ /de nas de'i tshe 'og gi phyogs nas de bzhin gshegs gshegs pa rin chen mang gi sangs rgyas kyi zhing nas/ byang chub
154b5 sems dpa' sems dpa' chen po shes rab brtsegs zhes bya ba 'ongs pa des/ de bzhin gshegs pa rin chen mang la 'di skad ces gsol to/ /bcom ldan 'das/ nyid kyi sangs
154b6 rgyas kyi zhing du gshegs so/ /de nas bcom ldan 'das de bzhin gshegs pa shAkya thub pas byang chub sems dpa' sems rab brtsegs la 'di skad ces bka' stsal to/ /rigs
154b7 kyi bu/ yud tsam zhig sdod cig /nga'i byang chub sems dpa' sems dpa' chen po 'jam dpal gzhon nur gyur pa dang chos rnam par gtan la dbab pa 'ga' zhig gyis la/ phyis
155a1 bdag gi sangs rgyas kyi zhing du song zhig /de nas de'i tshe 'jam dpal gzhon nur gyur pa pad+ma 'dab ma stong yod pa/ tshad shing rta'i 'phang lo
155a2 tsam la 'dug ste/ byang chub sems dpa' du mas yongs su bskor nas/ rgya mtsho'i nang nas klu'i rgyal po rgya mtsho'i khang pa nas steng gi nam mkha' la 'phags te/ nam mkha'
155a3 las bya rgod kyi phung po'i ri la bcom ldan 'das kyi gan du song ngo / /de nas 'jam dpal gzhon nur gyur pa pad+ma las babs te/ bcom ldan 'das shAkya thub pa dang /
155a4 de bzhin gshegs pa rin chen mang gi zhabs la mgo bos phyag 'tshal nas/ byang chub sems dpa' shes rab brtsegs ga la ba der song ste/ phyin nas byang chub sems
155a5 dpa' shes rab brtsegs dang mngon sum du kun dga' zhing yang dag par mgu ba'i gtam rnam pa mang po byas te phyogs gcig tu 'dug go /de nas byang chub sems
155a6 dpa' shes rab brtsegs kyis 'jam dpal gzhon nur gyur pa la 'di skad ces smras so/ /'jam dpal khyod rgya mtshor zhugs te/ sems can gyi khams ji snyed cig
155a7 btul| 'jam dpal gyis smras pa/ ji tsam du tshig gis brjod mi nus shing sems kyis bsam mi nus pa de snyed du tshad med grangs med pa'i sems can du ma dag btul lo/ /
155b1 rigs kyi bu/ skad cig sdod cig dang snga ltas kyi bar du mthong bar 'gyur ro/ /'jam dpal gzhon nur gyur pas de skad ces smras ma thag tu de'i tshe pad+ma stong phrag du ma rgya mtsho'i nang
155b2 nas steng gi nam mkha' la byung ste/ pad+ma de dag la byang chub sems dpa' stong phrag du ma 'khod do/ /de nas byang chub dpa' de dag nam mkha' las bya rgod kyi phung po'i ri ga la ba der
155b3 lhags te/ steng gi nam mkha' la 'khod par snang ngo / /de dag thams cad kyang 'jam dpal gzhon nur gyur pas bla na med pa yang dag par rdzogs pa'i byang chub tu btul ba sha
155b4 stag go /de nas byang chub sems dpa' gang dag sngon theg pa chen po la yang dag par zhugs par gyur pa de dag ni theg pa chen po'i yon tan dang pha rol tu phyin pa drug po dag
155b5 gi bsngags pa brjod do/ /gang dag sngon nyan thos byed byed pa'i byang chub sems dpa' de dag ni nyan thos kyi theg pa nyid rjod de/ de dag thams cad kyang chos thams cad stong pa
155b6 nyid dang / theg pa chen po'i yon tan yang yang dag par shes pa sha stag go /de nas 'jam dpal gzhon nur gyur pas byang chub sems dpa' shes rab brtsegs la 'di skad
155b7 ces smras so/ /rigs kyi bu/ 'di dag thams cad ni kho bos rgya mtshor zhugs nas/ sems dul bar byas pa yin te/ de dag kyang 'di na snang ngo / /de nas byang chub sems dpa'
156a1 shes rab brtsegs kyis 'jam dpal gzhon nur gyur pa la tshigs su bcad pa'i dbyangs kyis yongs su dris pa/ bzang po chen po shes rab dper
156a2 brjod pa/ /khyod kyis sems can grangs med deng btul ba/ /mi yi lha khyod la ni de 'dri yi/ /'di ni su yi mthu lags de gsungs shig /byang chub lam bstan pa yi mdo gang
156a3 dang / /chos ni gang zhig khyod kyis rab bstan na/ /de thos 'di dag byang chub sems skyes shing / /thams cad mkhyen nyid nges te gting yang rnyed/ /'jam dpal gyis smras
156a4 pa/ rgya mtsho'i nang du dam pa'i chos pad+ma dkar po'i mdo bshad de/ /gzhan ma yin no/ /shes rab brtsegs kyis smras pa/ mdo 'di zab cing phra la mthong bar dka' ste/ mdo
156a5 sde 'di dang mtshungs pa'i mdo sde gzhan gang yang med na/ sems can gang la la mdo sde dkon mchog 'di khong du chud pa'am/ bla na med pa yang dag par rdzogs pa'i byang
156a6 chub mngon par rdzogs par 'tshang rgya bar nus pa yod dam/ 'jam dpal gyis smras pa/ rigs kyi bu/ yod de/ klu'i rgyal po rgya mtsho'i bu mo skyes nas lo brgyad
156a7 lon pa shes rab che ba/ dbang po rno ba/ ye shes sngon du 'gro ba'i lus dang ngag dang yid kyi las dang ldan pa/ de bzhin gshegs pa thams cad kyi bshad pa'i tshig
156b1 'bru dang don 'dzin pa'i gzungs thob pa chos thams cad dang sems can thams cad la mnyam par gzhag pa'i ting nge 'dzin stong skad cig gcig gis thob pa/ byang chub kyi
156b2 sems las phyir mi ldog pa/ smon lam rgya che ba sems can/ thams cad la bdag dang 'dra bar phangs par sems pa dang ldan pa/ yon tan bskyed par nus shing de dag las yongs
156b3 su mi nyams pa/ bzhin 'dzum pa kha dog rgyas pa mchog dang / ldan pa/ byams pa'i sems dang ldan pa snying rje'i tshig smra ba de yang dag par rdzogs pa'i byang chub mngon par rdzogs
156b4 par 'tshang rgya bar nus so/ /shes rab brtsegs kyis smras pa/ kho bos mthong ba bcom ldan 'das de bzhin gshegs pa shAkya thub pa byang chub kyi phyir 'bad cing byang chub sems
156b5 dpar gyur pa na bsod nams du ma mdzad do/ bskal pa stong phrag /du mar nam yang brtson 'grus ma nyams so/ /stong gsum gyi stong chen po'i 'jig rten gyi khams su tha na yungs
156b6 kar tsam gyi phyogs gang du'ang sems can gyi phyir sku ma bor ba cung zad kyang med de/ phyis byang chub mngon par rdzogs par sangs rgyas nas/ des yud tsam gyis bla na med pa yang
156b7 dag par rdzogs pa'i byang chub mngon par rdzogs par 'tshang rgya bar nus zhes bya ba de la su zhig yid ches/ de nas de'i tshe klu'i rgyal po rgya mtsho'i bu mo mdun na 'dug par snang ste/ des
157a1 bcom ldan 'das kyi zhabs la mgo bos phyag btsal nas/ phyogs gcig tu 'dug nas de'i tshe tshigs su bcad pa 'di dag gsol to/ /bsod nams
157a2 bsod nams shin tu zab/ /phyogs rnams kun tu khyab pa lags/ /sum cu rtsa gnyis mtshan rnams kyis/ /phra ba'i sku ni legs par brgyan/ /dpe byad bzang po rnams dang ldan/ /
157a3 sems can kun gyis phyag kyang bgyis/ /sems can thams cad 'du ba ni/ /dper na grong bar 'dra ba lags/ /bdag ni 'dod bzhin byang chub ste/ /de bzhin gshegs pa bdag gi
157a4 dbang / /sdug bsngal rnams las grol ba'i chos/ /rgya cher rab tu bstan par bgyi/ /de nas de'i tshe tshe dang ldan pa shA ri'i bus/ klu'i rgyal po rgya mtsho'i bu mo la 'di skad ces smras so/ /che
157a5 zhe khyod phyir mi ldog par byang chub tu sems skyes shing shes rab dpag tu med pa yod du zad de/ yang dag par rdzogs pa'i sangs rgyas nyid ni rnyed par dka'o/ /che zhe bud med
157a6 brtson 'grus mi 'dor zhing bskal pa stong phrag du mar bsod nams dag byed la/ pha rol tu phyin pa drug po dag yongs su rdzogs par byed kyang da dung sangs rgyas nyid mi thob pa
157a7 yod de/ de ci'i phyir zhe na/ bud med kyis da dung gnas lnga ma thob pa'i phyir te/ lnga gang zhe na/ dang po tshangs pa'i gnas dang / gnyis pa brgya byin gyi gnas dang / gsum pa
157b1 rgyal chen bzhi'i gnas dang / bzhi pa 'khor los bsgyur ba'i gnas dang / lnga pa phyir mi ldog pa'i byang chub sems dpa'i gnas so/ /de nas de'i tshe klu'i rgyal po rgya mtsho'i bu mo la stong gsum
157b2 gyi stong chen po 'jig rten gyi khams ma lus pa'i rin du chog pa'i nor bu gcig yod pa de/ klu'i rgyal po'i bu mo des bcom ldan 'das la phul nas/ bcom ldan 'das kyis kyang thugs
157b3 brtse ba'i phyir de bzhes so/ /de nas klu'i rgyal po rgya mtsho'i bu mos/ /byang chub sems dpa' shes rab brtsegs dang / gnas brtan shA ri'i bu la 'di skad ces smras so/ /gang bdag gis
157b4 bcom ldan 'das la nor bu phul ba de/ bcom ldan 'das kyis myur du bzhes sam/ 'on te ma bzhes/ gnas brtan gyis smras pa/ khyod kyis kyang myur du phul lo/ /bcom ldan 'das
157b5 kyis kyang myur du bzhes so/ /klu'i rgyal po rgya mtsho'i bu mos smras pa/ btsun pa shA ri'i bu/ gal te bdag gi rdzu 'phrul che bar gyur na/ de bas kyang ches myur du yang dag par rdzogs pa'i byang
157b6 chub mngon par rdzogs par 'tshang rgya ste/ nor bu 'di bzhes pa ni de lta ma yin no/ /de nas de'i tshe 'jig rten thams cad dang / gnas brtan shA ri'i bu'i mngon sum du klu'i rgyal po rgya
157b7 mtsho'i bu mo'i bud med kyi dbang po mi snang bar gyur te skyes pa'i dbang po byung nas/ bdag nyid byang chub sems dpar 'gyur bar yang dag par bstan te de'i tshe lho phyogs su song ngo / /de
158a1 nas lho phyogs su 'jig rten gyi khams dri ma med ces bya ba dang / rin po che sna bdun gyi shing drung du 'dug nas bdag nyid mngon par rdzogs par sangs rgyas par kun tu bstan
158a2 te/ skyes bu chen po'i mtshan sum cu rtsa gnyis dang / dpe byad bzang po thams cad dang ldan pa'i gzugs kyi lus kyi 'od kyi phyogs bcur khyab par byas te chos ston par byed do/ /
158a3 gang dag 'jig rten gyi khams mi mjed na 'khod pa'i sems can de dag thams cad kyis kyang / de bzhin gshegs pa de lha dang / klu dang / gnod sbyin dang / dri za dang / lha
158a4 ma yin dang / nam mkha' lding dang mi'am ci dang / lto 'phye chen po dang / mi dang mi ma yin pa de dag thams cad kyis phyag byas shing de dag la chos ston par mdzad par mthong
158a5 ngo / /sems can gang dag de bzhin gshegs pa des chos bstan pa nyan pa de dag thams cad ni bla na med pa yang dag par rdzogs pa'i byang chub las phyir mi ldog par gyur to//
158a6 'jig rten gyi khams dri ma med pa de dag dang / 'jig rten gyi khams mi mjed 'di'ang rnam pa drug tu g.yos so/ /bcom ldan 'das shAkya thub pa'i 'khor gyi dkyil 'khor las
158a7 kyang srog chags sum stong mi skye ba'i chos la bzod pa thob par gyur to/ /srog chags sum stong ni bla na med pa yang dag par rdzogs pa'i byang chub tu lung bstan pa thob par
158b1 gyur to/ /de nas byang chub sems dpa' sems dpa' chen po shes rab brtsegs dang / gnas brtan shA ri'i bu cang mi smra bar gyur to/ /dam pa'i chos pad+ma dkar po las/ mchod rten
158b2 bstan pa'i le'u zhes bya ste bcu gcig pa'o// //de nas byang chub sems dpa' sems dpa' chen po sman gyi rgyal po dang / byang chub sems dpa' sems dpa'
158b3 chen po spobs pa chen po'i g.yog byang chub sems dpa' nyis 'bum dang lhan cig bcom ldan 'das kyi spyan sngar tshig 'di skad ces gsol to/ /bcom ldan 'das/ don 'di la
158b4 thugs las chung ngur mdzad du gsol/ bcom ldan 'das/ bdag cag gis de bzhin gshegs pa yongs su mya ngan las 'das nas/ chos kyi rnam grangs 'di sems can rnams
158b5 la bstan par bgyi'o/ /yang dag par bstan par bgyi'o/ /bcom ldan 'das/ 'di ltar yang de'i tshe/ sems can dmu rgod dge ba'i rtsa ba chung ba lhag pa'i nga rgyal can/ rnyed
158b6 pa dang bkur stil gnas pa/ mi dge ba'i rtsa ba la zhugs pa/ 'dul dka' ba/ mos pa dang bral ba/ ma mos pa mang pa dag 'byung lags mod kyi/ bcom ldan 'das/ bdag
158b7 cag gis bzod pa'i stobs bstan te/ de'i dus na mdo 'di bstan par bgyi/ gzung bar bgyi/ bshad par bgyi/ yi ger 'dri bar bgyi/ bsti stang du bgyi/ rim gro bgyi/ mchod
159a1 par bgyi'o/ /bcom ldan 'das/ bdag cag gis lus dang srog kyang bor te/ mdo 'di bshad par bgyi yi/ bcom ldan 'das/ thugs las
159a2 chung ngur mdzad du gsol/ de nas 'khor de'i dge slong slob pa dang / mi slob pa dang / dge slong lnga brgya tsam gyis bcom ldan 'das la 'di skad ces gsol to/ /bcom
159a3 ldan 'das/ bdag cag kyang 'jig rten gyi khams gzhan dag tu chos kyi rnams grangs 'di rab tu bstan par spro lags so/ /de nas bcom ldan 'das kyi nyan thos slob pa dang /
159a4 mi slob pa ji snyed po de dag dang / gang dag bcom ldan 'das kyis bla na med pa yang dag par rdzogs pa'i byang chub tu lung bstan pa dge slong brgyad stong po de dag thams cad kyis
159a5 bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ thugs las chung ngur mdzad du gsol/
159a6 de bzhin gshegs pa yongs su mya ngan las 'das nas slad ma'i tshe slad ma'i dus na bdag cag gis kyang chos kyi rnam grangs 'di 'jig rten gyi khams gzhan dag tu bshad
159a7 par bgyi'o/ /de ci'i srad du zhe na/ bcom ldan 'das/ 'jig rten gyi khams mi mjed 'di'i sems can dag ni lhag ba'i nga rgyal can dge ba'i rtsa ba chung ba/ rtag tu gnod
159b1 sems kyi sems dang ldan pa/ g.yon can yon pe'i rang bzhin can lags pa'i slad du'o/ /de nas bcom ldan 'das kyis sru skye dgu'i bdag mo chen mo gau ta mI dge slong ma slob
159b2 pa dang / mi slob pa dge slong ma drug stong dang lhan cig tu stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la lta zhing
159b3 'khod do/ /de nas bcom ldan 'das kyis de'i tshe skye dgu'i bdag mo chen mo gau ta mI la bka' stsal pa/ gau ta mI khyod bdag ni de bzhin gshegs pas yongs su ma brjod de//
159b4 bla na med pa yang dag par rdzogs pa'i byang chub tu lung ma bstan snyam du yid mi bde bar de bzhin gshegs pa la lta zhing ma 'dug cig /gau ta mI/ 'di ltar 'khor thams cad
159b5 lung bstan pas khyod kyang lung bstan zin no/ /gau ta mI khyod 'di nas bzung ste sangs rgyas bye ba khrag khrig brgya stong phrag sum cu rtsa brgyad kyi thad na/ byang chub sems dpa' sems
159b6 dpa' chen po chos smra bar 'gyur ro/ /slob pa dang mi slob pa'i dge slong ma drug stong 'di dag dang khyod lhan cig tu de bzhin gshegs pa de dag gi thad nas byang chub sems dpa' chos
159b7 smra bar 'gyur ro/ /de'i pha rol gyi'ang ches pha rol nas byang chub sems dpa'i spyod pa yongs su rdzogs par byas te/ de bzhin gshegs pa dgra bcom pa yang dag par rdzogs
160a1 pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams
160a2 kyi ston pa sangs rgyas bcom ldan 'das sems can thams cad kyis mthong na dga' ba zhes bya bar 'jig rten du 'byung bar 'gyur te/ gau ta mI/ de bzhin gshegs pa dgra
160a3 bcom pa yang dag par rdzogs pa'i sangs rgyas sems can thams cad kyis mthong na dga' ba des/ byang chub sems dpa' drug stong po de dag gcig nas gcig tu bla na med pa yang
160a4 dag par rdzogs pa'i byang chub tu lung ston pas lung ston par 'gyur ro/ /de nas sgra gcan zin gyi ma dge slong ma grags 'dzin 'di snyam du/ bcom ldan 'das kyis bdag gi ming
160a5 ma smos so snyam du sems so/ /de nas bcom ldan 'das kyis dge slong ma grags 'dzin gyi sems kyi rtog pa thugs kyis thugs su chud nas/ dge slong ma grags 'dzin la 'di
160a6 skad ces bka' stsal to/ /grags 'dzin khyod mos par bya'o/ /khong du chud par bya'o/ /khyod kyang sangs rgyas bye ba stong phrag bcu'i thad na byang chub sems dpa' chos smra bar
160a7 'gyur ro/ /byang chub sems dpa'i spyod pa rim gyis yongs su rdzogs par byas nas/ 'jig rten gyi khams bzang po zhes bya bar de bzhin gshegs pa dgra bcom pa yang
160b1 dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi
160b2 rnams kyi ston pa sangs rgyas bcom ldan 'das 'od zer brgya stong yongs su rdzogs pa'i rgyal mtshan zhes bya bar 'jig rten du 'byung bar 'gyur ro/ /bcom ldan 'das de bzhin
160b3 gshegs pa dgra bcom pa yang dag par rdzogs pa'i sangs rgyas 'od zer brgya stong yongs su rdzogs pa'i rgyal mtshan de'i tshe'i tshad ni dpag tu med par 'gyur ro/ /de nas dge slong
160b4 ma skye dgu'i bdag mo chen mo gau ta mI'i dge slong ma g.yog 'khor dge slong ma drug stong dang / dge slong ma grags 'dzin g.yog 'khor dge slong ma bzhi stong dang / bcom ldan 'das
160b5 las bla na med pa yang dag par rdzogs pa'i byang chub tu bdag cag lung bstan pa thob nas ngo mtshar dang rmad du gyur te/ de'i tshe tshigs su bcad pa 'di dag gsol to/ /bcom ldan 'dren pa
160b6 rnam par 'dren pa ste/ /lhar bcas 'jig rten dag gi ston pa lags/ /dbugs 'byin lha dang mi yis mchod pa ste/ /mgon po bdag cag rnams kyang deng tshim bgyis/ /de nas dge
160b7 slong ma rnams kyis tshigs su bcad pa 'di gsol nas bcom ldan 'das la 'di skad ces gsol to/ /bcom ldan 'das/ bdag cag kyang slad ma'i dus slad ma'i tshe na /chos kyi
161a1 rnam grangs 'di 'jig rten gyi khams gzhan dag tu ston par spro lags so/ /de nas bcom ldan 'das kyis byang chub sems dpa' gzungs
161a2 thob pa phyir mi ldog pa'i chos kyi 'khor lo bskor ba'i/ /byang chub sems dpa' brgyad khri po de dag ga la ba de logs su gzigs so/ /de nas bcom ldan 'das kyis
161a3 gzigs ma thag tu byang chub sems dpa' sems dpa' chen po de dag stan las langs te/ bcom ldan 'das ga la ba de logs su thal mo sbyar ba btud nas 'di snyam
161a4 du| chos kyi rnam grangs 'di bshad par bya ba'i phyir/ bcom ldan 'das kyis bdag cag la bskul ba mdzad do snyam du sems so/ /de dag de snyam du bsams nas kun
161a5 g.yos te phan tshun du smras pa/ rigs kyi bu dag/ ma 'ongs pa'i dus na chos kyi rnam grangs 'di bshad par bya ba'i phyir/ bcom ldan 'das kyis bdag cag la bskul
161a6 ba mdzad na bdag cag gis ji ltar bya/ de nas rigs kyi bu de dag bcom ldan 'das la gus pa dang / bdag nyid kyi sngon gyi spyod pa dang / smon lam gyis bcom ldan
161a7 'das kyi spyan sngar seng ge'i sgra phyung ba/ bcom ldan 'das de bzhin gshegs pa yongs su mya ngan las 'das nas bdag cag phyogs bcur mchis te/ bcom ldan 'das
161b1 kyi mthus chos kyi rnam grangs 'di sems can rnams yi ger 'drir stsal bar bgyi/ klog tu stsal bar bgyi/ sems su stsal par bgyi/ 'chad du stsal bar bgyi'o/ /bcom ldan
161b2 'das kyang 'jig rten gyi khams gzhan na bzhugs te/ bdag cag la bsrung ba dang / skyobs pa dang / sbed pa mdzad par 'gyur ro/ /de nas byang chub sems dpa' sems dpa'
161b3 chen po de dag gis bcom ldan 'das la dbyangs mthun par tshigs su bcad pa 'di dag gsol to/ /bcom ldan 'das khyod thugs las chung mdzad gsol/ /khyod ni mya
161b4 ngan 'das nas bdag cag rnams/ /shin tu ma rungs slad ma'i dus kyi tshe/ /mdo sde dam pa 'di ni bshad par bgyi/ /byis pa rnams kyis spyos pa dang /brdeg pa dang ni dbyug thogs
161b5 te/ /gzas pa rnams ni bzod par bgyi/ /'dren pa bag la zha bar bgyi/ /ma rungs slad ma'i dus la ni/ /log pa'i blo dang yon po dang / /byis pa g.yo dang nga rgyal can/ /
161b6 ma thob thob par 'du shes pa/ /dgon pa dag la rab sems shing / /tshem bu dag kyang bgos nas ni/ /yo byad bsnyungs tshul spyod do zhes/ /blo ngan de skad smra bar 'gyur/
161b7 ro bro chags shing zhen pa rnams/ /khyim pa dag la chos kyang 'chad/ /mngon shes drug can ji bzhin du/ /bsti stang dag kyang bgyid par 'gyur/ /gtum pa'i sems
162a1 dang sdang sems ldan/ /khyim dang nor la rnam par sems/ /dgon pa dpen par rab zhugs te/ /bdag cag rnams la skur ba 'degs/ /
162a2 bdag cag la ni 'di skad mchi/ /rnyed dang bkur sti gnas pa ste/ /dge slong 'di dag mu stegs can/ /bdag gi rang bzo rab tu 'chad/ /rnyed pa dang ni bkur sti'i phyir//
162a3 rang gis mdo sde byas nas su/ /'khor gyi dbus su 'chad byed ces/ /bdag cag rnams la shin tu 'phya/ /rgyal po dang ni rgyal bu dang / /de bzhin rgyal po'i blon po
162a4 dang / /bram ze dang ni khyim bdag dang / /dge slong gzhan dag drung du ni/ /bdag cag rnams la mi bsngags brjod/ /mu stegs can zhes tshig kyang brjod/ /drang srong che la
162a5 gus pas na/ /thams cad bdag cag bzod par bgyi/ /de tshe ngan pa'i blo gros can/ bdag cag rnams la smod par 'gyur/ /'di dag sangs rgyas 'gyur zhes te/ rnam pa
162a6 thams cad bzod par bgyi/ /'khrug pa'i bskal pa 'jigs pa la/ /ma rungs 'jigs pa chen po'i tshe/ /gnod sbyin gzugs can dge slong mang / /bdag cag la ni mi snyan
162a7 brjod/ /'jig rten dbang la gus pa yis/ /shin tu dga' ba spro bar bgyi/ /bzod pa'i go cha bgos nas su/ /mdo 'di rab tu bshad par bgyi/ /'dren pa bdag cag lus dang
162b1 ni/ /srog kyang don du gnyer ma lags/ /bdag cag byang chub don gnyer bas/ /khyod kyis btams gtad 'dzin pa lags/ /ldem por dgongs bshad ma 'tshal ba/ /dge slong sdig
162b2 can ci 'dra dag /slad ma'i dus na 'byung ba ni/ /bcom ldan nyid kyis rab tu mkhyen/ /gtsug lag khang nas bskrad pa dang / /bcing dang brdeg pa rnam mang dang / /phyir zhing bcas
162b3 pa ma lags dang / /khro gnyer thams cad bzod par bgyi/ /'jig rten mgon gyis bka' stsal pa/ /dran par bgyid pas slad du na/ /'khor gyi dbus su mi 'jigs par/ /mdo
162b4 'di rab tu bshad par bgyi/ /'dren pa 'di ni 'di tshol pa/ /grong khyer grong du gang byung ba/ /de dag tu ni mchis nas su/ /khyod kyis btams pa stsal bar bgyi/ /'jig rten dbang
162b5 po thub pa che/ /khyod kyi mngag gzhug bdag cag 'tshal/ /mya ngan rab 'das zhi rnyed pa/ /thugs las chung ngur mdzad du gsol/ /phyogs bcu dag nas gang gshegs pa//
162b6 'jig rten sgron ma thams cad kyi/ /mos pa rnam par mkhyen pas na/ /bden pa'i tshig ni smra bar bgyid/ /dam pa'i chos pad+ma dkar po las/ spro bar bya ba'i le'u zhes bya
162b7 ste bcu gnyis pa'o// //dam pa'i chos pad+ma dkar po/ bam po dgu pa/ de nas bcom ldan 'das la 'jam dpal gzhon nur gyur pas 'di skad ces
163a1 gsol to/ /bcom ldan 'das/ /byang chub sems dpa' sems dpa' chen po 'di dag bcom ldan 'das la gus par spro ba ni dka' ba bgyid pa/ shin
163a2 tu dka' ba bgyid pa lags so/ /bcom ldan 'das/ byang chub sems dpa' sems dpa' chen po 'di dag gis/ slad ma'i tshe slad ma'i dus na chos kyi rnam grangs 'di ji
163a3 ltar rab tu bshad par bgyi/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal/
163a4 chos bzhi la gnas te byang chub sems dpa' sems dpa' chen pos chos kyi rnam grangs 'di phyi ma'i tshe phyi ma'i dus na yang dag par rab tu bstan par bya'o/ /bzhi gang zhe na/
163a5 'jam dpal/ 'di la byang chub sems dpa' sems dpa' chen po dag cho ga dang spyod yul la gnas te chos kyi rnam grangs 'di yang dag par rab tu bstan par bya'o/ /
163a6 'jam dpal/ ji ltar na/ byang chub sems dpa' sems dpa' chen po dag cho ga dang spyod yul la gnas pa yin zhe na/ 'jam dpal/ gang gi tshe byang chub sems
163a7 dpa' sems dpa' chen po bzod pa dang / dul ba dang / dul ba'i sa thob cing yid mi sdang la phrag dog med par 'gyur te/ 'jam dpal/ gang gi tshe byang chub sems
163b1 dpa' sems dpa' chen po dag chos gang la'ang mi spyod cing chos kyi rnam grangs kyi rang gi mtshan nyid la yang dag par blta ba bzhin du blta ste/ gang chos rnams la rnam par mi
163b2 dpyod rnam par mi rtog pa de ni/ 'jam dpal/ byang chub sems dpa' sems dpa' chen po'i cho ga zhes bya'o/ /'jam dpal/ byang chub sems dpa' sems dpa' chen
163b3 po'i spyod yul gang zhe na/ 'jam dpal/ gang gi tshe byang chub sems dpa' sems dpa' chen po rgyal po la mi sten/ rgyal bu dang / rgyal po'i blon po chen po dang / rgyal po'i
163b4 zhabs 'bring ba la mi sten/ mi bsnyen/ bsnyen bkur mi byed/ nye bar mi 'gro/ gzhan mu stegs can spyod pa ba dang / kun tu rgyu ba pa dang / 'tsho ba pa dang / gcer bu pa rnams
163b5 dang / snyan dngags kyi bstan bcos la zhugs pa'i sems can rnams dang mi sten/ mi bsnyen/ bsnyen bkur mi byed/ 'jig rten rgyang pan pa'i gsang tshig 'chang ba'i 'jig
163b6 rten rgyang pan pa la mi sten/ mi bsnyen/ bsnyen bkur mi byed/ de dag dang lhan cig tu 'dris par mi byed/ gdol pa pa dang / zol pa rnams dang ma yin/ phag 'tshong ba rnams dang ma
163b7 yin| bya gag 'tshong pa rnams dang ma yin/ ri dwags kyi rngon pa rnams dang ma yin/ nya pa rnams dang ma yin/ glu mkhan dang / gar mkhan dang / lcags kyi sil khrol byed pa rnams
164a1 dang ma yin/ gyad rnams dang ma yin/ gzhan dag gi dga' ba dang rtse ba'i gnas rnams su mi 'gro /de dag dang lhan cig 'dris par yang mi byed de/ drung
164a2 du lhags pa la dus su chos bshad pa ni ma gtogs te/ de'ang mi gnas par 'chad pa'o/ /nyan thos kyi theg pa can gyi dge slong dang / dge slong ma dang / dge bsnyen dang / dge
164a3 bsnyen ma la mi sten/ mi bsnyen/ bsnyen bkur mi byed/ de dag dang 'dris par mi byed de/ 'chags sa'am/ gnas khang ngam/ gtsug lag khang na'ang de dag dang 'grogs pa'i spyod
164a4 yul ba ma yin no/ /drung du lhags pa la dus su chos 'chad pa ni ma gtogs te de'ang mi gnas par 'chad pa'o/ /'jam dpal/ de ni byang chub sems dpa' sems dpa' chen
164a5 po'i spyod yul lo/ /'jam dpal/ gzhan yang byang chub sems dpa' sems dpa' chen po bud med la rjes su chags pa gang yang rung ba mtshan mar bzung nas rtag tu chos
164a6 'chad pa ma yin/ bud med la rtag tu blta bar 'dod pa ma yin/ khyim dag tu song ste bud med dam/ bu mo'am/ khyim mi mo la rtag tu chos bshad par sems pa ma yin/
164a7 yang dag par mgu bar byed pa ma yin/ ma ning la chos mi ston/ de dag dang lhan cig 'dris par mi byed/ yang dag par mgu bar byed pa ma yin/ slong ba'i phyir gcig pu khyim
164b1 du mi 'jug ste/ de bzhin gshegs pa rjes su dran pa bsgom pa ni ma gtogs so/ /gal te bud med la chos ston na'ang de tha ma chos la 'dod chags pas kyang chos mi ston na de bud
164b2 med la 'dod chags pas lta ci smos/ de chos ston pa na tha na so'i phreng ba'ang mi ston na bzhin gyi 'gyur pa chen po lta ci smos/ dge tshul dang / dge tshul ma dang / dge slong dang / dge slong
164b3 ma dang / gzhon nu dang / gzhon nu ma dang mi sten/ de dag dang gtam yang mi byed la nang du yang dag par 'jog la 'jug par dga' zhing nang du yang dag 'jog la rtag tu bsnyen pa yin
164b4 te/ 'jam dpal/ de ni byang chub sems dpa' sems dpa' chen po'i spyod yul dang po'o/ /'jam dpal/ /gzhan yang byang chub sems dpa' sems dpa' chen po chos thams
164b5 cad la stong par blta ste/ ji ltar gnas pa bzhin dang / ma log par gnas pa dang / yang dag pa ji lta ba bzhin du gnas pa dang / mi bskyod pa/ mi g.yo ba/ mi ldog pa/ mi 'gyur
164b6 ba/ rtag tu yang dag pa ji lta ba bzhin du gnas pa dang / nam mkha'i ngo bo nyid lta bu nges pa'i tshig dang tha snyad rnam par spang pa ma skyes pa/ ma byung ba/ yang dag par ma byung ba/ med
164b7 pa/ 'dus ma byas pa/ rgyun med pa/ med pa la tshig gis brjod pa/ mi chags pa'i gnas la 'dug pa 'du shes phyin ci log las byung bar/ de ltar/ 'jam dpal/ byang chub
165a1 sems dpa' sems dpa' chen po rtag tu chos thams cad la lta zhing gnas pa 'dis gnas na/ byang chub sems dpa' sems dpa' chen po spyod
165a2 yul la gnas pa yin te/ 'jam dpal/ de ni byang chub sems dpa' sems dpa' chen po'i spyod yul gnyis pa'o/ /de nas bcom ldan 'das kyis don 'di nyid rgyas par
165a3 ston cing de'i tshe tshigs su bcad pa 'di dag bka' stsal to/ /phyi dus shin tu 'jigs pa la/ zhum pa med cing mi 'jigs par/ /mdo sde 'di ni bstan par yang / /byang chub
165a4 sems dpa' gang 'dod pa/ /cho ga spyod yul bsrung bya zhing / /'du 'ji med la gtsang bar bya/ /rgyal po dang ni rgyal bu dang / /'dris byed rtag tu spang bar bya/ /rgyal po'i zhabs
165a5 'bring gang yin dang / /gdol pa dang ni zol pa dang / /mu stegs can ni de dag dang / /rnam pa kun tu 'dris mi bya/ /dge slong 'dul dang lung gnas pa/ /dgra bcom snyam du
165a6 sems byed cing / /nga rgyal can rnams bsten mi bya/ /tshul khrims 'chal rnams rnam par spang / /rgod cing smra ba'i spyod yul can/ /dge slong ma rnams rtag tu spangs/ /mi brtan
165a7 par ni mngon pa yi/ /dge bsnyen rnams kyang spang bar bya/ /dge bsnyen ma gang tshe 'di la/ mya ngan 'das pa gang tshol ba/ /de dag dang ni 'dris byed spang / /'di ni cho ga
165b1 yin zhes bya/ /gang zhig de yi thad 'ongs nas/ /byang chub mchog phyir chos 'dri na/ /gnas pa med cing mi zhan par/ dpa' bo rtag tu de la shod/ /bud med ma ning sems can gang /
165b2 de dag 'dris byed rnam par spang / /khyim rnams su ni mna' ma dang / /gzhon nu ma rnams rnam par spang / de la nam du'ang dga' mi byed/ /mkhas dang rgod pa 'dri ba dang / /phag 'tshong
165b3 ba dang bshan pa dang / /'dris par byed pa rnam par spang / /gang dag srog chags rnam mang dag /longs spyod phyir ni gsod pa dang / /bza' phyir sha rnams 'tshong byed pa/ /de dag 'dris
165b4 byed rnam par spang / /gang dag bud med gso byed dang / /gar mkhan gyad dang sil khrol ba/ /gang gzhan de dang 'dra ba yang / /de dag rnams dang 'dris byed spang / /res ma'i gtso bo
165b5 bsten mi bya/ /ji snyed longs spyod 'tsho ba gzhan/ /shin tu dga' ba de dag kyang / /rnam pa kun tu yongs su spang / /mkhas pa bud med rnams la yang / /gang gi dus na chos 'chad
165b6 pa| |de ni gcig pu mi 'gro ste/ /rgod cing 'dug par mi bya'o/ /gang tshe zas phyir yang dang yang / /grong du 'jug par byed pa na/ /dge slong gnyis pa btsal bar bya/ /yang na sangs
165b7 rgyas dran par bya/ /gang gis shes rab ldan pa dag /mdo sde 'di 'dra 'dzin gnas pa'i/ /cho ga dang ni spyod yul dag/ /thog mar ngas bshad 'di yin no/ /gang tshe 'dus byas
166a1 'dus ma byas/ /yang dag yang dag ma yin dang / /rab 'bring tha ma'i chos rnams la/ /rnam pa kun tu spyod pa med/ /brtan pa bud med ces mi spyod//
166a2 skyes pa zhes kyang mi rtog ste/ /chos so cog ni ma skyes phyir/ /btsal ba byas kyang mi mthong ba/ /'di ni byang chub sems dpa' yi/ /cho ga rnam pa kun tu bstan/ /de dag spyod
166a3 yul ci 'dra ba/ /de ni rnam par mnyan par gyis/ /chos 'di dag ni yod pa ma yin bstan/ /thams cad 'byung ba med cing skye ba med/ /rtag tu mi g.yo stong pa nyid du gnas/ /
166a4 de ni mkhas pa rnams kyi spyod yul yin/ /'di dag 'du shes log par brtags pa ste/ /yang dag min la yang dag yod la med/ /ma byung ba dang ma skyes chos rnams la/ /
166a5 yang dag nyid dang 'byung bar log par brtags/ /sems ni rtag tu rtse gcig mnyam gzhag ste/ /ri rab phung po ji bzhin rab tu gnas/ /de bzhin 'dug nas nam
166a6 mkha' lta bur ni/ /chos rnams 'di dag kun la brtag par bya/ /rtag tu nam mkha' mtshungs par snying po med/ /mi g.yo rlom sems rnam par spangs pa ste/ /chos rnams
166a7 'di dag rtag pa'i dus gnas pa/ /'di ni mkhas pa rnams kyi spyod yul yin/ /nga ni mya ngan 'das nas dge slong gang / /nga yi spyod yul 'di ni rab srung zhing / /de ni nam
166b1 yang zhum pa med pa yis/ /'jig rten du'ang mdo 'di rab shod cig /mkhas pa dus su sems par byed pa na/ /khang bur zhugs te de bzhin sgo bcad nas/ /chos 'di thams cad
166b2 la ni tshul bzhin blta/ /langs nas zhum pa med pa'i sems kyis shod/ /rgyal po rnams dang rgyal po'i bu gang dag /chos nyan pa rnams 'di ni de la srung / /gzhan yang khyim
166b3 bdag dag dang bram ze rnams/ /thams cad de yi g.yog tu 'khod par 'gyur/ /'jam dpal/ gzhan yang de bzhin gshegs pa yongs su mya ngan las 'das nas/ phyi ma'i
166b4 dus phyi ma'i tshe dam pa'i chos rab tu 'jig par 'gyur ba na/ /byang chub sems dpa' sems dpa' chen po chos kyi rnam grangs 'di rab tu ston par 'dod pa ni bde ba la gnas
166b5 pa yin no/ /de bde ba la gnas te chos 'chad do/ /lus la yod dam/ glegs bam du byas sam/ gzhan dag la ston na'ang / shin tu klan ka tshol ba'i rang bzhin can ma yin/ dge slong
166b6 chos smra ba gzhan dag la skur bar mi byed/ /mi snyan pa mi smra/ mi snyan pa mi brjod/ gzhan nyan thos kyi theg pa can gyi dge slong dag gi ming smos te mi snyan pa mi smra/ mi snyan pa mi rjod
166b7 cing de dag la phyir rgol bar 'du shes pa ma yin no/ /de ci'i phyir zhe na/ 'di ltar bde ba'i gnas la gnas pa'i phyir te/ de chos nyan du 'ongs shing lhags pa rnams la phan 'dogs
167a1 pa dang / phrag dog med par chos ston to/ /mi rtsod cing dri ba dris kyang nyan thos kyi theg pas lan mi ldon te/ ci nas sangs rgyas kyi ye shes mngon par
167a2 rdzogs par 'tshang rgya ba de lta bur lan ldon no/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mkhas pa bde la rtag tu gnas par
167a3 'gyur| |de la 'dug nas de bzhin chos kyang ston/ /gtsang zhing yid du 'ong ba'i sa phyogs su/ /yangs pa'i stan ni rab tu bshams bting ste/ /bzang po'i tshon gyis legs
167a4 par kha bsgyur ba/ /chos gos gtsang ma de ni rab bgos nas/ /rdul gzan bzang po de bzhin bshams byas la/ /sham thabs che tshad legs par rab bgos nas/ /bcos
167a5 pu'i ras rnams sna tshogs legs bting ba/ /rkang brten bcas pa'i khri la rab 'dug cing / /rkang pa legs par bkrus te steng 'dzegs nas/ /mgo dang bzhin gyi mdangs
167a6 ni rab snum zhing / /chos kyi stan de la ni rab 'dug nas/ /sems can lhags pa rtse gcig gyur rnams la/ /gtam mang rnam pa sna tshogs nye bar ston/ /dge slong
167a7 dag dang dge slong ma rnams dang / /dge bsnyen rnams dang dge bsnyen ma dag dang / /rgyal po dag dang rgyal bu rnams la yang / /mkhas te rtag tu phrag dog med par
167b1 ni| |sna tshogs don ldan snyan pa'i gtam yang ston/ /de tshe de la de dag dri dris nas/ /de la mthun pa'i don rnams rab tu ston/ /ci nas thos pas byang chub 'thob 'gyur ba/ /de ltar
167b2 don gyi rnam pa rab tu ston/ /le lo dag kyang rnam par rab spangs nas/ /skyo ba snyam pa'i 'du shes bskyed mi bya/ /mkhas pas mi dga' thams cad rnam par spang / /byams pa'i
167b3 stobs ni 'khor la bsgom par bya/ /nyin mtshan du yang chos mchog rab tu bsgom/ /mkhas pa des ni bye ba khrag khrig dkyes/ /'khor rnams mgu zhing de bzhin dga' bar byed/ /
167b4 de la nam yang 'dod pa cung zad med/ /zas dang skom dang bza' dang bca' ba dang / /gos dang mal cha chos gos rnams dang ni/ /na ba'i gsos sman dag kyang mi bsam ste/ /'khor
167b5 rnams la ni ci yang mi bslang ngo / /gzhan du mkhas pa rtag tu bdag nyid dang / /sems can 'di dag sangs rgyas grub par shog /phan phyir 'jig rten chos gang bstan pa de/ /bdag
167b6 gi bde ba'i yo byad kun snyam sems/ /dge slong gang zhig mya ngan nga 'das nas/ /phrag dog med par 'di ni rab ston pa/ /de la sdug bsngal med cing bar chad med/ /nam yang
167b7 mya ngan rnams kyang 'khrug pa'ang med/ /de la su yang spangs par mi byed de/ /brdeg pa med cing mi snyan smra ba'ang med/ /de ni nam yang bskrad par mi 'gyur te/ /'di ltar de
168a1 ni bzod pa'i stobs la gnas/ /rtag tu mkhas pa bde la gnas pa de/ /ji ltar nges bshad bzhin du gnas pa ni/ /yon tan bye ba du ma brgya
168a2 'byung ste/ /de ni bskal pa brgyar yang brjod mi nus/ 'jam dpal/ gzhan yang de bzhin gshegs pa yongs su mya ngan las 'das nas dam pa'i chos zad pa'i mtha'
168a3 ma'i dus kyi tshe/ mdo sde 'di 'chad pa'i byang chub sems dpa' sems dpa' chen po ni phrag dog dang / /g.yo dang sgyu med pa yin/ byang chub sems dpa'i theg pa can gyi gang
168a4 zag gzhan dag la mi snyan pa mi smra/ skur pa mi 'debs/ brnyas par mi byed do/ /dge slong dang / dge slong ma dang / dge bsnyen dang / dge bsnyen ma nyan thos kyi theg pa can
168a5 nam| rang sangs rgyas kyi theg pa can nam/ byang chub sems dpa'i theg pa can gzhan dag la 'gyod pa skyed par mi byed de/ rigs kyi bu dag /khyed bla na med pa yang dag
168a6 par rdzogs pa'i byang chub dang ring ste khyed de na mi snang ngo / /khyed ni rab tu bag med par gnas pa ste/ khyed ni de bzhin gshegs pa'i ye shes mngon par rdzogs par 'tshang
168a7 rgya ba'i mthu med pa'o zhes byang chub sems dpa'i theg pa can gang la'ang the tshom skye bar mi byed do/ /chos kyis rtsod pa la dga' ba ma yin te/ chos la rtsod par mi byed do/ /
168b1 thams cad thams cad la byams pa'i stobs mi mthong ngo / /de bzhin gshegs pa thams cad la phar 'du shes skyed do/ /byang chub sems dpa' thams cad la ston par 'du shes
168b2 skyed do/ /phyogs bcu'i 'jig rten rnams na byang chub sems dpa' sems dpa' chen po gang dag 'khod pa de dag la rgyun mi chad par lhag pa'i bsam pas gus par phyag
168b3 'tshal lo/ /chos 'chad pa na lhag chad med par chos 'chad do/ /chos kyi rnam grangs 'di rab tu bstan pa na chos kyi dga' ba snyoms par byed do/ /tha na 'ga' tsam la'ang chos kyi
168b4 dga' bas lhag par phan 'dogs par mi byed do/ /'jam dpal/ chos 'di gsum dang ldan pa'i byang chub sems dpa' sems dpa' chen po de bzhin gshegs pa yongs su mya
168b5 ngan las 'das nas dam pa'i chos zad pa'i mtha' ma'i dus kyi tshe/ chos kyi rnam grangs 'di yang dag par ston pa na/ bde bar reg pa la gnas shing gtse ba med par chos kyi rnam
168b6 grangs 'di rab tu ston to/ /de'i chos yang dag par 'gro ba'i grogs dag kyang 'byung bar 'gyur ro/ /gang dag de la chos nyan pa'i chos kyi rnam grangs 'di nyan pa dang / dad pa
168b7 dang | yid ches pa dang / 'dzin pa dang / kun chub par byed pa dang / yi ger 'dri ba dang / yi ger 'drir 'jug pa dang / glegs bam du byas te bsti stang du byed pa dang / btsun
169a1 par byed pa dang / rim gror byed pa dang / mchod par byed pa de dag kyang 'byung bar 'gyur ro/ /bcom ldan 'das kyis de skad ces bka' stsal
169a2 te| bde bar gshegs pas de skad ces gsungs nas/ ston pas gzhan yang 'di skad ces bka' stsal to/ /gang zhig mdo 'di 'chad 'dod chos smra bas/ /g.yo dang
169a3 nga rgyal de bzhin 'phya ba dang / /ma lus par ni yongs su spang bar bya/ /de bzhin mkhas pas phrag dog gzhar mi bya/ /nam du'ang su la'ang mi snyan brjod mi bya/ /lta bas rtsod
169a4 pa nam yang mi bya'o/ /bla med ye shes khyod thob mi 'gyur zhes/ /the tshom gnas ni nam yang mi bya'o/ /de ni rtag tu drang zhing mnyen pa ste/ /bde bar gshegs kyi sras po bzod
169a5 ldan 'gyur/ /chos 'di yang dang yang du rab ston kyang / /de 'dir skyo bar 'gyur ba cung zad med/ /byang chub sems dpa' gang dag phyogs bcu yi/ /'jig rten dag na sems can
169a6 snying brtses rgyu/ /de kun bdag gi ston ces de dag la/ /mkhas pa rnams ni bla mar gus pa skyed/ /sangs rgyas rkang gnyis mchog rnams dran byas la/ /rgyal ba rnams la rtag
169a7 tu phar sems skyed/ /nga rgyal 'du shes thams cad rnams spangs nas/ /de tshe de la bar kun 'byung mi 'gyur/ /rnam pa 'di 'dra'i chos 'di thos nas ni/ /mkhas pas de tshe legs
169b1 par bsrung bar bya/ /bde bar gnas pa'i phyir dang mnyam gzhag na/ /srog chags bye bas rab tu bsrung bar 'gyur/ /'jam dpal/ gzhan yang de bzhin gshegs pa yongs su
169b2 mya ngan las 'das nas/ dam pa'i chos spong ba'i dus kyi tshe/ byang chub sems dpa' sems dpa' chen po chos kyi rnam grangs 'di 'dzin par 'dod pa'i dge slong des/ khyim
169b3 na gnas pa dang rab tu byung ba rnams las ring ba bas kyang ring du gnas par bya'o/ /byams pa la gnas pas gnas par bya'o/ /sems can gang dag byang chub tu yang dag
169b4 par ma zhugs pa de dag thams cad la snying rje bskyed par bya'o/ /des 'di snyam du kye ma gang dag de bzhin gshegs pa'i thabs mkhas pa/ ldem por dgongs te bshad pa mi
169b5 nyan pa dang / mi shes pa dang / mi rtogs pa dang / mi 'dri ba dang / ma dad pa dang / ma mos pa'i sems can de dag ni shin tu shes rab 'chal ba'i rang bzhin can dag go /
169b6 gzhan yang sems can 'di dag ni chos kyi rnams 'di la mi 'jug cing khong du mi chud pa dag ste/ 'di ltar bdag bla na med pa yang dag par rdzogs pa'i byang chub mngon
169b7 par rdzogs par sangs rgyas nas gang la gang gnas par 'gyur ba de la de rdzu 'phrul gyi stobs kyis 'dun par bya'o/ /yid ches par bya'o/ /'jug par bya'o/ /yongs su smin
170a1 par bya'o/ /snyam du bsam par bya'o/ /'jam dpal/ chos bzhi po 'di dag dang ldan pa'i byang chub sems dpa' sems dpa' chen po de bzhin
170a2 gshegs pa yongs su mya ngan las 'das nas/ chos kyi rnam grangs 'di yang dag par rab tu ston pa na gnod pa med par 'gyur ro/ /dge slong dang / dge slong ma dang / dge
170a3 bsnyen dang / dge bsnyen ma dang / rgyal po dang / rgyal bu dang / rgyal po'i blon po chen po dang / rgyal po'i sna chen po la gtogs pa dang / grong rdal gyi mi dang / yul gyi mi dang /
170a4 bram ze dang / khyim bdag rnams/ bsti stang du byed/ btsun par byed/ ri mo byed/ mchod pa byed par 'gyur ro/ /bar snang la gnas pa'i lha dad pa dag kyang chos nyan pa'i
170a5 phyir de'i phyi bzhin 'brang bar 'gyur ro/ /lha'i bu rnams kyang de bsrung ba'i phyir rtag tu phyi bzhin 'brang bar 'gyur ro/ /grong na 'dug kyang rung / gtsug lag khang na
170a6 'dug kyang rung / chos yongs su 'dri ba dag nyin mtshan du de'i drung du 'dong bar 'gyur/ /de lan btab pas dga' mgu rangs par 'gyur ro/ /de ci'i phyir zhe na/
170a7 'jam dpal/ chos kyi rnam grangs 'di ni sangs rgyas thams cad kyis byin gyis brlabs pa'i phyir ro/ /'jam dpal/ chos kyi rnam grangs 'di ni 'das pa dang / ma byon pa dang /
170b1 da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis rtag tu byin gyis brlabs pa'i phyir ro/ /'jam dpal/ chos kyi rnam grangs
170b2 'di ni 'jig rten gyi khams mang por yang sgra'am dbyangs sam ming thos par yang rnyed par dka'o/ /'jam dpal/ 'di lta ste/ dper na/ stobs kyi 'khor lo sgyur ba'i rgyal po
170b3 ni stobs kyis bdag gi rgyal srid thub ste/ de la phyir rgol ba rgyal po zla dag dang de 'thab mo byed par gyur na/ stobs kyi 'khor lo sgyur ba'i rgyal po de la dmag mi mang po yod de/ de
170b4 dag dang dgra de dag 'thab bo/ /rgyal po des dmag mi 'thab pa de mthong nas/ dmag mi de dag la dga' zhing mgu rangs par 'gyur ro/ /de dga' zhing mgu rangs nas dmag
170b5 mi de dag la sbyin pa rnam pa du ma sbyin par byed de/ 'di lta ste/ grong dang / grong gi zhing rnams sbyin no/ /grong khyer dang / grong khyer gyi zhing dang / gos dang / thod dang / lag pa'i
170b6 rgyan dang / mgul rgyan dang / gser gyi tshong tshong dang / rna rgyan dang / se mo do dang / do shal dang / 'gron bu dang / gser dang / dngul dang / nor bu dang / mu tig dang /
170b7 bai DUR+ya dang / dung dang / man shel dang / byu ru'ang sbyin par byed/ glang po che dang / rta dang / shing rta dang / rkang thang dang / bran pho dang / bran mo'ang sbyin par byed/ bzhon pa
171a1 dang | khyogs kyang sbyin par byed do/ gtsug gi nor bu ni su la'ang sbyin par mi byed do/ /de ci'i phyir zhe na/ rgyal po'i gtsug tu btags pa'i nor bu
171a2 de ni gcig pu kho na yin pa'i phyir ro/ /'jam dpal/ gang gi tshe rgyal pos gtsug gi nor bu de'ang sbyin par byed pa na/ rgyal po'i dpung gi tshogs yan lag bzhi po de
171a3 dag thams cad ngo mtshar du 'gyur/ rmad du 'gyur ro/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas nyid kyi
171a4 lag stobs kyi bsod nams las byung ba'i khams gsum chos kyi rgyal po mdzad pa'i khams gsum de dag la bdud sdig can gnon te/ de nas de bzhin gshegs pa'i 'phags
171a5 pa'i dmag mi rnams dang / bdud du 'thab mo byed do/ /'jam dpal/ des na de bzhin gshegs pa dgra bcom pa yang dag par rdzogs pa'i sangs rgyas chos kyi rgyal po/ chos
171a6 kyi bdag po 'phags pa'i dmag mi 'thab mo byed pa de dag la mdo sde brgya stong rnam pa du ma 'chad do/ /'khor bzhi yang dag par dga' bar bya ba'i phyir de dag la mya ngan las
171a7 'das pa'i grong khyer dang / chos kyi grong khyer chen po'i sbyin pa byin te/ mya ngan las 'das pas de dag la rjod cing chos kyi rnam grangs 'di lta bu 'di ni mi 'chad do/ /'jam dpal/
171b1 de la ji ltar stobs kyi 'khor los sgyur ba'i rgyal po dmag mi de dag 'thab pa na skyes bu'i rtsal chen pos ngo mtshar du gyur nas phyis bdog pa thams cad kyi mchog gtsug gi nor bu
171b2 'jig rten thams cad yid mi ches shing ngo mtshar du gyur pa de sbyin par byed do/ /'jam dpal/ ji ltar rgyal po de'i gtsug gi nor bu gtsug na 'dug pa de yun ring du bsrungs
171b3 pa dang don du/ 'jam dpal/ de bzhin gshegs pa dgra bcom pa yang dag par rdzogs pa'i sangs rgyas khams gsum na chos kyi rgyal po chen po chos kyi rgyal po mdzad
171b4 pa| gang tshe nyan thos dag dang / byang chub sems dpa' dag phung po'i bdud dam/ nyon mongs pa'i bdud dang 'thab pa gzigs te/ de dag dang lhan cig tu 'thab pa na/ gang
171b5 gi mi 'dod chags dang zhe sdang dang gti mug zad de/ khams gsum pa thams cad nas byung zhing bdud thams cad 'joms pa skyes bu'i rtsal chen po byas par gyur pa de'i
171b6 tshe| de bzhin gshegs pa dgra bcom pa yang dag par rdzogs pa'i sangs rgyas mnyes nas 'phags pa'i dmag mi de dag la 'jig rten thams cad dang mi mthun pa/ 'jig rten thams cad la yid mi ches pa/
171b7 sngon ma bshad/ sngon ma bstan pa'i chos kyi rnam grangs 'di lta bu 'di bshad de/ kun gyis thams cad mkhyen pa nyid thob par
172a1 byed pa spyi gtsug gi nor bu chen po dang 'dra ba/ de bzhin gshegs pas nyan thos rnams la rab tu sbyin no/ /'jam dpal/ 'di ni de bzhin gshegs
172a2 pa rnams kyis chos bstan pa'i mchog ste/ 'di ni de bzhin gshegs pa rnams kyi chos kyi rnam grangs kyi mthu'o/ /chos kyi rnam grangs thams cad kyi nang na chos kyi rnam grangs
172a3 'di zab ste/ 'jig rten thams cad dang mi mthun pa'o/ /'jam dpal/ stobs kyi 'khor los sgyur ba'i rgyal po de nyid kyis ring du bsrungs pa'i gtsug gi nor bu bkrol te/
172a4 dmag mi mchog rnams la byin ba de bzhin du/ de bzhin gshegs pa'i chos kyi rnam grangs gsang ba yun ring por gsungs pa/ chos kyi rnam grangs thams cad kyi spyi bo
172a5 la 'dug pa/ de bzhin gshegs pas mkhyen pa de/ de bzhin gshegs pas de ring yang dag par rab tu ston to/ /de nas bcom ldan 'das don 'di nyid rgyas par ston
172a6 cing de'i tshe tshigs su bcad ba 'di dag bka' stsal to/ /byams pa'i stobs ni rab tu ston par byed/ /rtag tu sems can kun la snying yang brtse/ /bde bar gshegs pas
172a7 bsngags pa'i mdo sde mchog /'di 'dra'i chos 'di rab tu ston par byed/ /gang dag khyim na gnas dang rab byung dang / /byang chub sems dpa' ma yin phyi dus der/ /chos
172b1 'di thos nas smod par 'gyur 'ong zhes/ /thams cad la'ang des ni byams stobs bstan/ /bdag gis byang chub rjes su 'thob 'gyur te/ /de bzhin gshegs la 'jug
172b2 par nam gyur pa/ /de tshe thabs la gnas nas khyed la sbyin/ /byang chub mchog 'di kun tu bsgrags par bya/ /dper na stobs kyi 'khor los sgyur rgyal gyis/ /mgu nas dmag mi
172b3 rnams la mgron mang byin/ /glang chen rta dang shing rta rkang thang dang / /grong rnams dang ni grong khyer rnams kyang byin/ /dga' nas kha cig la ni lag pa'i rgyan/ /dngul dang gser gyi tshong
172b4 tshong rnams kyang byin/ /mu tig nor bu byu ru man shel dang / /sbyin par bya ba rnam pa mang po byin/ /gang tshe de ni de la gang zhig gis/ /tsham tshom med pa'i mchog gis ngo mtshar
172b5 gyur| |de yis ngo mtshar byas par shes nas su/ /cod pan las ni nor bu bkrol te byin/ /bzod pa'i stobs dang shes rab mdzod mang po/ /sangs rgyas chos rgyal ngas kyang de
172b6 bzhin du/ /phan zhing snying rje'i rjes su thugs brtse'i phyir/ /chos kyis 'jig rten 'di dag thams cad bstan/ /'tsho ba'i sems can dag kyang gzigs nas su/ /mdo sde
172b7 bye ba phrag stong rnams kyang bshad/ /sems can gang 'dir nyon mongs 'joms gtsang ba/ /srog chags de dag rnams kyi mthu mkhyen nas/ /de nas chos rgyal sman pa chen po
173a1 yang | |rnam grangs bye ba phrag brgya 'chad mdzad cing / /sems can stobs dang ye shes ldan mkhyen nas/ /gtsug gi nor bu lta bu'i mdo 'di
173a2 bshad/ /mdo sde kun gyi mchog gyur 'di yin te/ /'jig rten du ni mdo sde mtha' 'di bshad/ /ngas ni nam yang ma bshad rab bsrungs pa/ /de ni de ring bsgrags kyi thams
173a3 cad nyon/ /nga ni yongs su mya ngan 'das gyur nas/ /'di 'dra'i chos bzhi 'di dag bstan par bya/ /gang zhig byang chub dam pa mchog 'dod dang / /de dag nga yi bya ba rnams
173a4 byed pa/ /de la mya ngan med cing bar chad med/ /mdog mi sdug cing na bar mi 'gyur dang / /de yi mdog kyang nag por mi 'gyur te/ /de ni grong khyer ngan par yongs mi gnas/ /
173a5 rtag tu mthong dga' drang srong chen po de/ /de bzhin gshegs pa bzhin du mchod par 'gyur/ /lha yi bu pho gzhon nu de dag kyang / /rtag tu de yi g.yog kyang byed par 'gyur/ /
173a6 de la nam yang mtshon dang dug mi tshugs/ /lus la bong rdo dbyug bas mi phog go /de la gang dag kha ngan zer ba ni/ /de dag kha yang lkugs shing zums par 'gyur/ /mya
173a7 ngan nga 'das mdo 'di gang 'dzin pa/ /de ni srog chags rnams kyi mnyan du 'gyur/ /snang ba thob cing sa 'di'i steng na rgyu/ /srog chags bye ba mang po'i rab rib sel/ /de
173b1 yis rmi lam bzang po'i dngos mthong ste/ /des ni dge slong dge slong ma yang mthong / /de bzhin bdag lus seng ge'i khri la 'dug /rnam pa mang po'i chos rnams ston par byed/ /
173b2 de ni rmi lam na yang lha klu dang / /gnod sbyin lha min gang+gA'i bye ma snyed/ /thams cad thal mo sbyar ba de dag la/ /chos kyi dam pa rnam pa mang po 'chad/ /de ni rmi lam de bzhin
173b3 gshegs mthong ste/ /srog chags bye ba mang la chos ston cing / /'od zer stong dag rab tu 'gyed mdzad la/ /mgon po dbyangs snyan gser gyi mdog 'dra mthong / /de yang
173b4 de na thal mo sbyar 'dug nas/ /thub pa rkang gnyis mchog la mngon par bstod/ /rgyal pa sman ba chen po de yang ni/ /'khor bzhi dag la chos mchog ston pa mdzad/ /de yis thos
173b5 nas rab tu dga' bar 'gyur/ /rab tu mgu rkang gnyis mchog la mngon par bstod/ /rgyal pa sman ba chen po de yang ni/ /'khor bzhi dag la chos mchog ston pa mdzad/ /de yis thos
173b6 bos de yi bsam mkhyen nas/ /rigs kyi bu khyod ma 'ongs dus na 'dir/ /ye shes bla med zhi ba reg 'gyur zhes/ /skyes bu khyu mchog nyid du de lung ston/ /khyod kyi zhing yang shin
173b7 tu rgya cher 'gyur/ /'khor bzhi rnams kyang ji ltar nga yi bzhin/ /gus par gyur cing thal mo rab sbyar te/ /de dag zag med chos mang nyan par 'gyur/ /des ni bdag gi lus
174a1 kyang yang mthong ba/ /ri sul dag na chos ni sgom byed cing / /chos la goms par byas pas chos nyid reg /de yis ting nge 'dzin rnyed rgyal ba mthong /
174a2 gser gyi kha dog bsod nams rgyal mtshan ldan/ /rmi lam dag na mthong nas chos kyang nyan/ /thos nas de yang 'khor la rab tu ston/ /de yi rmi lam du ni de 'dra rmi/ /rmi
174a3 lam na yang rgyal srid thams cad dang / /btsun mo'i 'khor dang de bzhin gnyen tshogs spangs/ /'dod pa thams cad spangs te mngon par byung / /byang chub snying po ga la
174a4 yod par song / /byang chub 'dod pa'i phyir ni shing drung der/ /de na seng ge'i khri la 'dug nas su/ /de bzhin du yang zhag bdun 'das nas ni/ /de bzhin gshegs kyi
174a5 ye shes rjes su thob/ /byang chub thob ste de nas langs nas su/ /zag pa med pa'i 'khor lo rab bskor te/ /bskal pa bsam gyis mi khyab bye stong du/ /'khor bzhi dag la
174a6 de ni chos ston to/ /der ni zag pa med pa'i chos bstan nas/ /srog chags bye ba mang po mya ngan bzlas/ /rgyu zad mar me bzhin du mya ngan 'da'/ /de ni rmi lam rnam pa de 'dra
174a7 rmi| |nga yis legs bshad nga yi chos mdo mchog /gang zhig phyi ma'i dus na rab ston pa/ /de yi phan yon mang zhing mtha' yas te/ /'jam dbyangs de dag 'dra bar
174b1 de rtog 'gyur/ /dam pa'i chos pad+ma dkar po las/ bde bar gnas pa'i le'u zhes bya ste bcu gsum pa'o// //de nas 'jig rten gyi khams gzhan dag nas lhags
174b2 pa'i byang chub sems dpa' sems dpa' chen po gang+gA'i klung brgyad kyi bye ma snyed/ de'i tshe 'khor gyi dkyil 'khor de nas langs te de dag la thal mo sbyar nas bcom ldan 'das
174b3 la phyag btsal te/ bcom ldan 'das la 'di skad ces gsol to/ /gal te bcom ldan 'das kyis bdag cag la gnang na/ bcom ldan 'das/ bdag cag gis kyang de bzhin
174b4 gshegs pa yongs su mya ngan las 'das nas/ chos kyi rnam grangs 'di 'jig rten gyi khams mi mjed 'dir yang dag par rab tu bstan par bgyi'o/ /bklag par bgyi'o/ /yi ger 'dri
174b5 bar bgyi'o/ /mchod bar bgyi'o/ /chos kyi rnam grangs 'di la brtson par bgyi'o/ /bcom ldan 'das/ chos kyi rnam grangs 'di bdag cag la legs par bka' stsal du gsol/
174b6 de nas bcom ldan 'das kyis byang chub sems dpa' de dag thams cad la 'di skad ces bka' stsal to/ /rigs kyi bu dag /khyed kyis 'di bya ba ci dgos/ 'jig rten gyi khams mi
174b7 mjed 'di na nga'i byang chub sems dpa' stong phrag gang+gA'i klung drug cu'i bye ma snyed yod de/ byang chub sems dpa' de lta bu rnams kyi byang chub sems dpa' re re'i g.yog kyang / byang chub
175a1 sems dpa' stong phrag gang+gA'i klung drug cu'i bye ma snyed kho na ste/ byang chub sems dpa' de dag re re'i g.yog kyang de snyed do/ /de dag nga yongs su
175a2 mya ngan las 'das nas phyi ma'i dus phyi ma'i tshe na chos kyi rnam grangs 'di 'dzin to/ /yang dag par rab tu ston to/ /bcom ldan 'das kyis de skad ces bka' stsal ma thag tu
175a3 'jig rten gyi khams mi mjed 'di kun tu gas/ rnam par gas par gyur to/ /gas pa de dag gi bar nas gang dag 'jig rten gyi khams mi mjed 'di nyid la brten cing / sa
175a4 chen po 'di'i 'og gi nam mkha'i khams la gnas pa'i byang chub sems dpa' lus gser gyi kha dog lta bu/ skyes bu chen po'i mtshan sum cu rtsa gnyis dang ldan pa bye ba
175a5 khrag khrig brgya stong phrag mang po 'thon te/ de dag bcom ldan 'das kyi gsung 'di lta bu 'di thos nas sa rum nas 'thon te/ de dag las byang chub sems dpa' re re yang /
175a6 g.yog byang chub sems dpa' gang+gA'i klung drug cu'i bye ma snyed yod cing / tshogs dang tshogs chen po dang / tshogs kyi slob dpon no/ /byang chub sems dpa' sems dpa'
175a7 chen po tshogs dang tshogs chen po dang / tshogs kyi slob dpon 'di lta bu'i byang chub sems dpa' bye ba khrag khrig brgya stong phrag gang+gA'i klung drug cu'i bye ma snyed de dag 'jig
175b1 rten gyi khams mi mjed 'di'i sa rum 'di nas 'thon par gyur na/ byang chub sems dpa' sems dpa' chen po g.yog byang chub sems dpa' gang+gA'i klung lnga bcu'i bye ma snyed
175b2 yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang+gA'i klung bzhi bcu'i bye ma snyed yod pa rnams lta ci smos/ byang chub sems
175b3 dpa' sems dpa' chen po g.yog byang chub sems dpa' gang+gA'i klung sum cu'i bye ma snyed yod pa rnams lta ci smos/ /byang chub sems dpa' sems dpa' chen po g.yog byang chub
175b4 sems dpa' gang+gA'i klung nyi shu'i bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa' gang+gA'i klung bcu'i bye ma snyed yod
175b5 pa rnams lta ci smos/ byang chub sems dpa' sems dpa' chen po g.yog byang chub sems dpa' gang+gA'i klung lnga dang / bzhi dang / gsum dang / gnyis kyi bye ma snyed yod pa rnams
175b6 lta ci smos/ byang chub sems dpa' sems dpa' chen po g.yog byang chub sems dpa' gang+gA'i klung gcig gi bye ma snyed yod pa rnams lta ci smos/ /byang chub sems dpa' sems
175b7 dpa' chen po g.yog byang chub sems dpa' gang+gA'i klung phyed kyi bye ma snyed yod pa rnams lta ci smos/ byang chub sems dpa' sems dpa' chen po g.yog byang chub sems dpa'
176a1 gang+gA'i klung gi bye ma'i bzhi cha dang / drug cha dang / brgyad cha dang / nyi shu cha dang / lnga bcu cha dang / brgya'i cha dang / stong gi cha dang / brgya phrag stong gi
176a2 cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya phrag stong gi cha yod pa rnams lta ci smos/ /byang chub sems
176a3 dpa' sems dpa' chen po g.yog byang chub sems dpa' bye ba khrag khrig brgya stong mang po yod pa rnams lta ci smos/ /byang chub sems dpa' sems dpa' chen po g.yog
176a4 bye ba yod pa rnams lta ci smos/ byang chub sems dpa' sems dpa' chen po g.yog byang chub sems dpa' stong phrag brgya yod pa rnams lta ci smos/ byang chub sems dpa'
176a5 sems dpa' chen po g.yog stong yod pa rnams lta ci smos/ byang chub sems dpa' sems dpa' chen po g.yog lnga brgya yod pa rnams lta ci smos/ byang chub sems dpa'
176a6 sems dpa' chen po g.yog bzhi brgya dang / sum brgya dang / nyis brgya yod pa rnams lta ci smos/ byang chub sems dpa' sems dpa' chen po g.yog brgya yod pa rnams
176a7 lta ci smos/ byang chub sems dpa' sems dpa' chen po g.yog byang chub sems dpa' lnga bcu yod pa rnams lta ci smos/ de bzhin du sbyar te byang chub sems dpa' sems
176b1 dpa' chen po g.yog byang chub sems dpa' bzhi bcu pa dang / sum cu pa dang / nyi shu pa dang / bcu pa dang / lnga pa dang / bzhi pa dang / gsum pa dang / gnyis pa rnams lta ci smos/ byang
176b2 chub sems dpa' sems dpa' chen po bdag dang gnyis pa rnams lta ci smos/ byang chub sems dpa' sems dpa' chen po g.yog med pa de gcig pu gnas pa rnams lta ci smos te/
176b3 de dag gi grangs sam/ bgrang ba'am/ dpe'am/ zla'ang mi dmigs pa'i byang chub sems dpa' sems dpa' chen po dag 'jig rten gyi khams mi mjed 'di'i sa rum nas 'thon no/ /de
176b4 dag 'thon nas bcom ldan 'das de bzhin gshegs pa rin chen mang yongs su mya ngan las 'das pa dang / bcom ldan 'das de bzhin gshegs pa shAkya thub pa dang lhan cig tu seng
176b5 ge'i khri gang la bzhugs pa'i rin po che'i mchod rten chen po nam mkha' bar snang la gnas pa ga la ba der dong ste lhags nas/ de bzhin gshegs pa dgra bcom pa yang dag par rdzogs
176b6 pa'i sangs rgyas de gnyis kyi zhabs la mgo bos phyag btsal te/ bcom ldan 'das de bzhin gshegs pa shAkya thub pa nyid kyi sprul pa/ de bzhin gshegs pa'i sku gang dag phyogs bcu
176b7 kun gyi 'jig rten gyi khams gzhan dang gzhan dag nas 'dus pa/ rin po che sna tshogs kyi shing ljon pa'i drung dag na seng ge'i khri dag la bzhugs pa'i bcom ldan 'das de dag thams cad la
177a1 btud cing phyag btsal te/ de bzhin gshegs pa dgra bcom pa yang dag par rdzogs pa'i sangs rgyas de dag la lan brgya stong du mar bskor ba
177a2 byas nas/ byang chub sems dpa'i bstod pa rnam pa du mas mngon par bstod de phyogs gcig tu 'khod nas thal mo sbyar te/ bcom ldan 'das de bzhin gshegs pa dag
177a3 bcom pa yang dag par rdzogs pa'i sangs rgyas shAkya thub pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang
177a4 la mngon du phyag 'tshal lo/ /de'i tshe byang chub sems dpa' sems dpa' chen po de dag sa rum nas 'thon nas/ bar gyi bskal pa lnga bcu rdzogs par 'das kyi bar du de bzhin
177a5 gshegs pa rnams la phyag 'tshal zhing byang chub sems dpa'i bstod pa rnam pa du mas bstod do/ bar gyi bskal pa lnga bcu po de dag la bcom ldan 'das shAkya thub pa de cang
177a6 mi gsung bar gyur to/ /'khor bzhi po de dag kyang bar gyi bskal pa lnga bcu po de dag nyid la mi smra bar 'khod par gyur to/ /de nas bcom ldan 'das kyi rdzu 'phrul mngon
177a7 par 'du bya ba 'di lta bu mdzad de/ rdzu 'phrul ji lta bu mngon par 'du bya ba mngon par mdzad pas 'khor bzhi po de dag gis de dag phyi dro gcig kho na snyam du shes so/ /'jig
177b1 rten gyi khams mi mjed 'di'ang 'jig rten gyi khams stong phrag brgya'i nam mkha' tsam du gyur te/ byang chub sems dpas yongs su gang bar mthong ngo / /byang chub sems dpa'i tshogs
177b2 chen po dang / byang chub sems dpa'i phung po chen po de'i gtso bo byang chub sems dpa' sems dpa' chen po bzhi gang dag byung ba 'di lta ste/ byang chub sems dpa' sems dpa'
177b3 chen po spyod pa khyad par can zhes bya ba dang / byang chub sems dpa' sems dpa' chen po spyod pa mtha' yas zhes bya ba dang / byang chub sems dpa' sems dpa' chen po spyod pa rnam
177b4 dag ces bya ba dang / byang chub sems dpa' sems dpa' chen po spyod pa brtan pa zhes bya ba ste/ byang chub sems dpa' sems dpa' chen po bzhi po de dag ni byang chub sems dpa'i
177b5 tshogs chen po dang / byang chub sems dpa'i phung po chen po de'i gtso bor gyur to/ /de nas byang chub sems dpa' sems dpa' chen po bzhi po de dag byang chub sems dpa'i tshogs
177b6 chen po dang / byang chub sems dpa'i phung po chen po de'i mdun du 'dug ste/ bcom ldan 'das kyi spyan sngar thal mo sbyar nas bcom ldan 'das la 'di skad ces gsol to/ /bcom ldan 'das
177b7 la gnod pa chung lags sam/ snyun nyung lags sam/ bde bar reg pa la gnas lags sam/ bcom ldan 'das khyod kyi sems can rnams tshul mdzes lags sam/ legs
178a1 par go ba lags sam/ gdul sla ba lags sam/ rnam par sbyang sla ba lags sam/ bcom ldan 'das la skyo ba skyed par mi bgyid lags sam/
178a2 de nas byang chub sems dpa' sems dpa' chen po bzhi po de dag gis/ bcom ldan 'das la tshigs su bcad pa 'di dag gsol to/ /'jig rten mgon po 'od mdzad
178a3 pa/ /bde bar reg la gnas lags sam/ /gnod las rnam par rab grol lam/ /sdig pa mi mnga' sku bde'am/ /khyod kyi sems can tshul mdzes sam/ /gdul sla
178a4 sbyang bar sla lags sam/ /'jig rten mgon gyis bshad pa na/ /skyo ba skyed par mi bgyid dam/ /de nas bcom ldan 'das kyis byang chub sems dpa'i tshogs chen po dang /
178a5 byang chub sems dpa'i phung po chen po de'i gtso bo byang chub sems dpa' bzhi la 'di skad ces bka' stsal to/ /rigs kyi bu dag /de bzhin te/ bde bar reg pa la gnas so/ /gnod
178a6 pa chung ngo / /snyun nyung ngo / /nga'i sems can 'di dag tshul mdzes so/ /go sla'o/ /gdul sla'o/ rnam par sbyang sla'o/ /rnam par sbyong ba na nga la skyo ba mi skye'o/ /de ci'i phyir
178a7 zhe na/ rigs kyi bu dag /nga nyid kyis sems can 'di dag sngon gyi yang dag par rdzogs pa'i sangs rgyas kyi tshe yongs su sbyang ba byas pa'i phyir te/ rigs kyi bu dag /nga mthong
178b1 ba dang thos pa tsam gyis kyang mos par 'gyur la/ sangs rgyas kyi ye shes la 'bab cing 'dug ste/ gang dag nyan thos kyi sa la yongs su 'dris par byas pa rnams ni ma gtogs
178b2 so| |de dag kyang ngas da ltar sangs rgyas kyi ye shes la btsud de/ don dam pa thos par byas so/ /de nas de'i tshe byang chub sems dpa' sems dpa' chen po de dag gi tshigs su
178b3 bcad pa 'di dag gsol to/ /dpa' bo chen po legs so legs/ /khyod kyi sems kyi tshul mdzes shing / /gdul sla rnam pa sbyang sla dang / /'dren pa gang dag khyod kyi ni/ /ye shes
178b4 zab mo 'di nyan cing / /thos nas mos par 'gyur ba dang / /'dren par 'jug par 'gyur ba la/ /bdag cag rjes su yi rang ngo / /de skad ces gsol ba dang / bcom ldan 'das kyis byang
178b5 chub sems dpa'i tshogs chen po dang / byang chub sems dpa'i phung po chen po de'i gtso bo byang chub sems dpa' sems dpa' chen po bzhi po de dag la/ /rigs kyi bu dag /legs
178b6 so| |legs so/ /rigs kyi bu dag /khyed de bzhin gshegs pa la mngon par bstod pa'ang legs so/ /legs so zhes bya ba byin no/ /de'i tshe byang chub sems dpa' sems
178b7 dpa' chen po byams pa dang / gzhan yang byang chub sems dpa' bye ba khrag khrig brgya stong phrag gang+gA'i klung brgyad kyi bye ma snyed dag 'di snyam du sems par gyur te/ byang chub sems
179a1 dpa'i tshogs chen po dang / byang chub sems dpa'i phung po chen po gang sa rum nas 'thon te/ bcom ldan 'das kyi spyan sngar 'dug nas bcom
179a2 ldan 'das la bsti stang du byed/ btsun par byed/ bcom ldan 'das la dgyes par byed pa 'di dag bdag cag gis sngon ma mthong / sngon ma thos na byang chub sems dpa'
179a3 sems dpa' chen po 'di dag ga las lhags snyam sems so/ /de nas byang chub sems dpa' sems dpa' chen po byams pas bdag nyid the tshom dang som nyir gyur
179a4 ba'ang shes/ byang chub sems dpa' sems dpa' chen po bye ba khrag khrig brgya stong phrag gang+gA'i klung brgyad kyi bye ma snyed de dag gi sems kyi rnam par rtog pa'ang sems
179a5 kyis rig nas de'i tshe thal mo sbyar te/ bcom ldan 'das la tshigs su bcad pa'i dbyangs kyis don de zhus pa/ byang chub sems dpa' sngon ma byung / /brgya stong phrag ni
179a6 mang po dang / /bye ba phrag ni mtha' yas pa/ /rkang gnyis mchog gis bstan du gsol/ /rdzu 'phrul chen po 'di dag rnams/ /gang nas ji ltar lhags par gyur/ /
179a7 rab tu che ba'i lus kyi gzugs/ /'di dag gang nas ji ltar lhags/ /'di dag thams cad brtan ldan zhing / /dran dang ldan la drang srong che/ /shin tu blta na sdug
179b1 ba'i gzugs/ /'di dag gang nas lhag par gyur/ /byang chub sems dpa' mkhas gyur pa/ /re re'i g.yog kyang dpag mi lang / /gang+gA'i bye ma ji snyed pa/ /de snyed mchis so 'jig
179b2 rten dbang / /byang chub sems dpa'i g.yog rnams ni/ /grangs ldan drug cur yongs tshang ba/ /gang+gA'i klung gi bye ma snyed/ /kun kyang byang chub zhugs pa lags/ /dpa' bo g.yog dang
179b3 ldan gyur pa/ /rnam pa 'di 'dra'i skyo ba rnams kyi/ /'di dag tshad ni gang+gA'i klung / /drug cu kho na'i bye ma snyed/ /gzhan dag de bas ches mang ste/ /g.yog rnams mtha' yas ldan pa lags/
179b4 gang+gA phrag ni lnga bcu dang / /bzhi bcu dang ni sum cu dang / /gang+gA nyi shu'i bye snyed de/ /g.yog 'khor de dag de snyed lags/ /gzhan dag de bas ches mang ste/ /de dag rnams kyi
179b5 bcu dang lnga/ /skyob pa sangs rgyas sras rnams kyi/ /so so re re'i g.yog gyur pa/ /gang nas 'di 'dra'i 'khor 'di rnams/ /rnam par 'dren pa de ring lhags/ /so so re re re'i g.yog
179b6 gyur pa/ /rjes su slob pa'i grogs po dag /gang+gA bzhi dang gsum rnams dang / /gnyis kyi bye ma snyed kyang mchis/ /gzhan yang de bas ches mang ba/ /de yi grangs ni mtha' yas
179b7 te| |bskal pa bye ba stong du yang / /de dag dpag par nus ma lags/ /byang chub sems dpa' dpa' bo pa/ /skyob pa dag gi g.yog rnams ni/ /gang+gA phyed dang sum cha dang / bcu
180a1 dang nyi shu'i cha yang mchis/ /gzhan yang de bas ches mang ste/ /bskal pa bye ba brgya rnams su/ /re re bgrang bar bgyis na ni/ /de dag rnams la tshad ma
180a2 mchis/ /gzhan yang de bas ches mang ste/ /g.yog rnams nyung ba ma lags pa/ /bye ba bye phrag bye ba dang / /de bzhin bye ba phyed pa'ang mchis/ /gzhan yang drang srong che rnams kyi/ /
180a3 byang chub sems dpa' shes rab che/ /bgrang ba las ni 'das pa rnams/ /thams cad gus dang bcas par gnas/ /g.yog 'khor stong dang ldan pa dang / /de bzhin brgya
180a4 dang lnga bcu dang / /bskal pa bye ba phrag brgyar yang / /de dag bgrang bar nus ma lags/ /dpa' bo dag gi g.yog rnams ni/ /nyi shu dag dang bcu dang lnga/ /de bzhin
180a5 bzhi gsum gnyis pa yang / /de dag la ni grang ma mchis/ /gang dag bdag nyid gcig rgyu zhing / /gcig bu zhi ba myong bgyid pa/ /gang dag de ring 'dir lhags pa/ /
180a6 de dag la yang grangs ma mchis/ /grangs shing lag na thogs nas su/ /gang+gA'i bye ma snyed rnams kyi/ /bskal par gal te mis bgrangs kyang / /des ni mtha' ma rnyed ma
180a7 lags/ /kun kyang che ba'i bdag nyid can/ /skyob pa brtson 'grus ldan pa ste/ /byang chub sems dpa' dpa' bo pa/ /'di rnams gang las byung ba lags/ /gang
180b1 gis 'di dag chos rnams bstan/ /byang chub la ni su yis bkod/ /'di dag su yi bstan la mos/ /gang gis bstan pa 'dzin pa lags/ /sa 'di thams cad brtol nas
180b2 su| /phyogs bzhi dag ni kun nas kyang / /mkhas shing rdzu 'phrul ldan pa yang / /shes rab chen po rnams kyang 'thon/ /byang chub sems dpa' 'jigs bral ba/ /de ltar
180b3 'thon pa 'di dag gis/ /thub pa 'jig rten khams 'di yang / /kun tu sa nga seng bgyis lags so/ /'di dag nam yang bdag cag gis/ /sngon chad yong ya ma mthong na/ /de
180b4 yi zhing gi mi rnams ni/ /'jig rten 'dren pas bstan du gsol/ /phyogs bcu dag tu bdag cag rnams/ /'di ltar yang dang yang mchis na/ /byang chub sems dpa' 'di dag
180b5 ni| |bdag cag rnams kyis yong ma mthong / /khyod kyi sras rnams gcig kyang ni/ /bdag cag nam yang ma mthong ba/ /'di dag de ring 'phral la mthong / /thub pa de yi spyod
180b6 pa gsungs/ /byang chub sems dpa' khrag khrig phrag /stong gi phrag ni brgya rnams kyang / /thams cad ngo mtshar ltad mor gyur/ /rkang gnyis mchog la de dag lta/ /byang
180b7 chub sems dpa' 'jigs bral ba/ /dpa' bo 'di dag ga las mchis/ /phung po mi mnga' dpag yas pa/ /dpa' bo chen po lung bstan gsol/ /yang de'i tshe bcom
181a1 ldan 'das de bzhin gshegs pa shAkya thub pa'i sprul pa gang dag phyogs bcu'i 'jig rten gyi khams gzhan dag na sems can rnams la
181a2 chos ston pa'i de bzhin gshegs pa dgra bcom pa yang dag par rdzogs pa'i sangs rgyas bye ba khrag khrig brgya stong 'jig rten gyi khams gzhan dag nas gshegs
181a3 nas| bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i phyogs brgyad kun nas rin po che'i shing ljon pa'i drung
181a4 dag na rin po che'i seng ge'i khri chen po la skyil mo krung bcas te bzhugs pa/ de bzhin gshegs pa de dag gi so so'i zhabs 'bring ba de dag gis kyang byang chub sems
181a5 dpa'i tshogs chen po dang / byang chub sems dpa'i phung po chen po sa rum nas 'thon te nam mkha' la 'khod pa de dag mthong nas/ ngo mtshar dang rmad du gyur/
181a6 so so'i de bzhin gshegs pa la 'di skad ces gsol to/ /bcom ldan 'das/ byang chub sems dpa' sems dpa' chen po dpag tu ma mchis/ grangs ma mchis pa 'di
181a7 snyed gang nas lhags/ de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas de dag gis/ rang rang gi zhabs 'bring
181b1 ba de dag la 'di skad ces bka' stsal to/ /rigs kyi bu dag /khyed yul tsam zhig sdod cig dang / byang chub sems dpa' sems dpa' chen po byams pa/ bcom ldan 'das
181b2 shAkya thub pa'i 'og tu bla na med pa yang dag par rdzogs pa'i byang chub tu lung bstan pa de/ bcom ldan 'das shAkya thub pa de la don 'di 'dri ste/ bcom ldan 'das de bzhin
181b3 gshegs pa dgra bcom pa yang dag par rdzogs pa'i sangs rgyas shAkya thub pas de'i lan ldon par 'gyur gyi/ de las khyed nyon cig /de nas bcom ldan 'das kyis byang chub
181b4 sems dpa' sems dpa' chen po byams pa la bka' stsal pa/ ma pham pa/ gang khyod kyis nga la gnas rgya chen po 'di dris pa/ ma pham pa/ legs so/ /legs so/ /de
181b5 nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag /de bzhin gshegs pa'i ye shes mthong ba
181b6 dang | de bzhin gshegs pa'i khyu mchog tu gyur pa dang / de bzhin gshegs pa'i 'phrin las dang / de bzhin gshegs pa'i rnam par rol pa dang / de bzhin gshegs
181b7 pa'i mthu bgyings pa dang / de bzhin gshegs pa'i pha rol gnon pa/ de bzhin gshegs pa dgra bcom pa yang dag par rdzogs pa'i sangs rgyas de yang dag par rab tu ston
182a1 gyi| rigs kyi bu dag de'i phyir/ byang chub sems dpa'i tshogs 'di thams cad sgrims shig /shin tu go gyon la mthu brtan par gyis shig /de
182a2 nas bcom ldan 'das kyis de'i tshe tshigs su bcad pa 'di dag bka' stsal to/ /gzhan ma yin pa'i tshig rnams ngas bshad kyi/ /rigs kyi bu dag thams cad rab tu bsgrims/ /
182a3 de bzhin gshegs kyi ye shes bsam mi khyab/ /'di la mkhas rnams zhum par ma byed cig /kun kyang brtan dang ldan zhing dran ldan byos/ /kun kyang mnyam par gzhag cing gnas
182a4 par gyis/ /de bzhin gshegs pa rnams kyi ngo mtshar ba/ /sngon chad ma byung chos ni mnyan par byos/ /ngas ni khyed cag legs par yongs dgod kyi/ /thams cad the tshom nam yang
182a5 ma byed cig /rnam par 'dren pa gzhan du gsung ma yin/ /nga yi ye shes nam yang grangs yod min/ /bde bar gshegs pas chos zab thugs chud de/ /brtag mi nus
182a6 shing de la tshad kyang med/ /ngas ni chos de rab tu bstan par byas/ /de dag ci 'dra ci lta nga las nyon/ /de nas bcom ldan 'das kyis tshigs su bcad pa de dag bka'
182a7 stsal nas/ /byang chub sems dpa' sems dpa' chen po byams pa la bka' stsal pa/ ma pham pa khyod mos par bya/ khyod khong du chud par bya'o/ /ma pham pa khyod byang
182b1 chub sems dpa' sems dpa' chen po dpag tu med/ grangs med bsam gyis mi khyab gzhal du med/ bgrang du med pa gang dag khyod kyis sngon ma mthong ba sa rum nas
182b2 gdod 'thon pa'i byang chub sems dpa' sems dpa' chen po 'di dag thams cad ni/ ma pham pa/ nga 'jig rten gyi khams mi mjed 'dir bla na med pa yang dag par rdzogs
182b3 pa'i byang chub mngon par rdzogs par sangs rgyas nas/ nga nyid kyis bla na med pa yang dag par rdzogs pa'i byang chub la btsud de yongs su bsngos so/ /rigs kyi bu/ 'di dag ni
182b4 ngas byang chub sems dpa'i chos 'di la yongs su smin par byas pa/ rab tu bkod pa bzhag pa/ yongs su gnas par byas pa/ btsud pa khong du chud par byas pa dag go /ma pham pa/
182b5 byang chub sems dpa' sems dpa' chen po 'di dag ni 'jig rten gyi khams mi mjed 'di'i 'og gi nam mkha'i khams kyi yongs su zin pa na gnas te/ kha ton dang / lung nod pa
182b6 dang | tshul bzhin yid la byed pa la zhugs pa dag go /rigs kyi bu/ 'di dag ni 'du 'dzi la mi dga' zhing / 'du 'dzi med pa la dga' ba/ brtson pa mi 'dor zhing brtson 'grus
182b7 brtsams pa dag go /ma pham pa/ rigs kyi bu 'di dag ni dben pa la mngon par dga' zhing dben pa la mos pa ste/ rigs kyi bu/ 'di dag ni lha dang mi la brten cing mi gnas
183a1 so| |rigs kyi bu/ 'di dag ni 'du 'dzi med pa'i spyod pa la dga' ba/ chos kyi kun dga' ba la mos pa/ sangs rgyas kyi ye shes la brtson pa
183a2 dag go /de nas bcom ldan 'das kyis de'i tshe tshigs su bcad pa 'di dag bka' stsal to/ /byang chub sems dpa' 'di dag dpag med pa/ /'di dag bsam gyis
183a3 mi khyab tshad kyang med/ /rdzu 'phrul shes rab thos pa rnams dang ldan/ /bskal pa bye ba mang por ye shes spyad/ /nga yis 'di dag thams cad byang chub la/ /yongs su
183a4 smin byas nga yi zhing na 'khod/ /'di dag thams cad nga yis smin byas te/ byang chub sems dpa' 'di dag nga yi bu/ /'di dag thams cad mgon dang sbyangs la mos//
183a5 'du 'dzi sa ni rtag tu spong bar byed/ /nga yi spyod pa mchog gi rjes slob cing / /nga bu 'di dag 'du 'dzi med par spyod/ /nam mkhas yongs su 'dzin pa der gnas
183a6 te| |zhing 'di'i 'og na dpa' rnams yongs su spyod/ /byang chub sems dpa' 'di ni kun sgrub cing / /nyin mtshan du ni bag yod shin tu brtson/ /thams cad brtson
183a7 'grus brtsams pa dran dang ldan/ /dpag tu med pa'i shes rab stobs la gnas/ /'di dag mi 'jigs par yang chos 'chad pa'i/ /'od gsal 'di dag
183b1 thams cad nga yi bu/ /byang chub dam pa 'di ni ngas thob nas/ /grong khyer ga ya de yi shing drung der/ /chos kyi 'khor lo bla na med pa bskor/ /thams cad byang chub mchog
183b2 'dir smin par byas/ /zag med yang dag nga yi tshig 'di ni/ /thos nas thams cad nga la dad par gyis/ /nga yis de ltar byang chub mchog thob ring / /ngas ni 'di dag thams cad
183b3 yongs smin byas/ /de nas byang chub sems dpa' sems dpa' chen po byams pa dang / /byang chub sems dpa' bye ba khrag khrig brgya stong mang po de dag ngo mtshar du gyur/ rmad du
183b4 gyur nas/ ji ltar na bcom ldan 'das skad cig bzhugs nas/ yun ring po ma lon par byang chub sems dpa' grangs med pa 'di snyed 'di dag bla na med pa yang dag par rdzogs
183b5 pa'i byang chub tu yang dag par btsud de yongs su smin par mdzad snyams mo/ /de nas bcom ldan 'das la/ byang chub sems dpa' sems dpa' chen po byams pas 'di skad ces
183b6 gsol to/ /bcom ldan 'das/ de bzhin gshegs pa gzhon nur gyur pa na/ ser skya'i gnas kyi shAkya'i grong khyer nas mngon par byung ste/ ga ya'i grong khyer nas shin tu mi ring
183b7 ba byang chub kyi snying po mchog dam par gshegs te/ bla na med pa yang dag par rdzogs pa'i byang chub mngon par rdzogs par sangs rgyas nas/ bcom ldan 'das/ deng du de'i dus
184a1 nas lo bzhi bcu lhag tsam lags na/ bcom ldan 'das/ ji ltar de bzhin gshegs pas dus 'di tsam gyis de bzhin gshegs pa'i mdzad
184a2 pa dpag tu ma mchis pa 'di dang / de bzhin gshegs pa'i khyu mchog tu gyur pa dang / de bzhin gshegs pa'i pha rol gnon pa mdzad cing byang chub sems dpa'i tshogs
184a3 dang | byang chub sems dpa'i phung po 'di bcom ldan 'das kyis dus de tsam gyis/ bla na med pa yang dag par rdzogs pa'i byang chub tu btsud cing yongs su smin par mdzad/ bcom
184a4 ldan 'das/ byang chub sems dpa'i tshogs dang / byang chub sems dpa'i phung po 'di bskal pa bye ba khrag khrig brgya stong du bgrangs kyang mtha' mi rnyed pa de tsam du/ bcom
184a5 ldan 'das/ dpag tu ma mchis pa/ de ltar grangs ma mchis pa'i byang chub sems dpa' 'di dag ni/ yun ring por tshangs par spyod pa spyad pa/ sangs rgyas brgya stong
184a6 mang po la dge ba'i rtsa ba bskrun pa/ bskal pa brgya stong mang por yongs su grub pa lags so/ /bcom ldan 'das/ 'di lta ste/ dper na/ mi gzhan zhig btsas nas
184a7 lo nyi shu rtsa lnga lon pa gzhon nu thor bu lang tsho skra nag po thog ma'i na tshod dang ldan pa 'ga' zhig mchis la/ des bu lo brgya lon pa dag ston cing / rigs kyi bu 'di dag
184b1 ni nga'i bu'o zhes de skad smras la/ mi lo brgya lon pa de dag kyang 'di skad du/ 'di ni bdag gi pha ste skyed pa yin no zhes mchi na/ bcom ldan 'das/ mi de'i tshig la 'jig
184b2 rten yid ches par mi 'gyur te/ yid ches par dka' ba lags so/ /bcom ldan 'das/ de bzhin du de bzhin gshegs pa'ang bla na med pa yang dag par rdzogs pa'i
184b3 byang chub mngon par rdzogs pa'i sangs rgyas nas/ ring po ma lags par byang chub sems dpa' sems dpa' chen po dpag tu ma mchis pa mang po bskal pa bye ba khrag khrig
184b4 brgya stong mang por tshangs par spyod pa spyad pa/ yun ring por sangs rgyas kyi ye shes la nges par bgyis pa/ ting nge 'dzin gyi sgo brgya stong la mnyam par gzhag pa dang ldan pa la
184b5 mkhas pa/ mngon par shes pa chen po yongs su spyad pa bgyis pa/ sangs rgyas kyis la mkhas pa/ de bzhin gshegs pa'i chos rnams yang dag par brjod pa la mkhas
184b6 pa| 'jig rten na ngo mtshar dang rmad du gyur pa/ brtson 'grus dang stobs dang mthu chen po thob pa de dag la/ bcom ldan 'das kyis 'di skad du/ ngas 'di dag thog ma
184b7 nas byang chub sems dpa'i sa 'di la yang dag par btsud de/ yongs su smin par byas shing yongs su bsngos te/ de ltar bla na med pa yang dag par rdzogs pa'i byang chub
185a1 mngon par rdzogs par sangs rgyas nas/ nga nyid kyis brtson 'grus dang pha rol gnon pa 'di dag thams cad byas so zhes gsungs pa la/ bcom
185a2 ldan 'das| bdag cag ni de bzhin gshegs pa gzhan ma lags par gsung pa ste/ don 'di de bzhin gshegs pa nyid kyis mkhyen to/ /zhes de bzhin gshegs pa
185a3 la yid ches lags mod kyi/ bcom ldan 'das/ byang chub sems dpa' theg pa la gsar du yang dag par zhugs pa rnams gnas 'di la the tshom 'tshal bar 'gyur
185a4 ro| |de bzhin gshegs pa yongs su mya ngan las 'das nas/ chos kyi rnam grangs 'di thos na yid mi ches mi dad mi mos par 'gyur te/ bcom ldan 'das/
185a5 de'i slad du de dag ni chos kyis phongs par 'gyur ba'i las mngon par 'du bgyid pa dang rnam par 'gyur ro/ /ci nas bdag cag kyang ches 'di la the tshom 'tshal bar mi
185a6 'gyur ba dang / ma 'ongs pa'i dus na'ang rigs kyi bu'am rigs kyi bu mo byang chub sems dpa'i theg pa can dag gis thos na'ang the tshom 'tshal bar mi 'gyur bar
185a7 bcom ldan 'das kyis don 'di legs par bshad du gsol/ de nas byang chub sems dpa' sems dpa' chen po byams pas/ de'i tshe bcom ldan 'das la tshigs
185b1 su bcad pa 'di dag gsol to/ /gang tshe ser skya'i gnas su bltams gyur cing / /shAkya'i gnas nas mngon par byung nas su/ /grong khyer ga yar byang chub brnyes gyur pa/ /
185b2 'jig rten mgon po de nas yun mi ring / /'jigs bral 'di dag dang ni gzhan mang ba/ /tshogs chen bskal pa bye bar spyad pa ste/ /rdzu 'phrul stobs la gnas shing mi
185b3 g.yo ba/ /legs bslabs shes rab stobs kyang rtogs par rig /chu yi pad+ma lta bur ma gos pa/ /de dag sa 'di brtol nas deng 'dir lhags/ /'jig rten bdag po
185b4 dran ldan slob ma sras/ /thams cad thal sbyar gus dang bcas te mchis/ /khyod kyi rmad byung 'di 'dra de dag la/ /byang chub sems dpa' ji ltar yid ches 'gyur/ /the tshom
185b5 gzhom pa'i slad du bka' stsal te/ /don 'di ci bzhin khyod kyis 'dir bshad gsol/ /dper na 'di na skyes bu la la zhig /btsas nas lo ni nyi shu lhag lon pa/ /gzhon
185b6 nu thor bu lang tsho skra gnag des/ /btsas nas lo brgya lon la bur rton cing / /skra skya gnyer ma can dag 'di skad du/ /'di ni bdag cag lus skyed yin mchi na/ /thor bu'i bu ni
185b7 'di 'dra 'di dag la/ /'jig rten mgon po shin tu yid ches dka'/ /de bzhin bcom ldan 'das kyang sku gzhon la/ /byang chub sems dpa' mkhas pa mang po 'di/ /dran
186a1 dang ldan zhing mi 'jigs shes rab can/ /bskal pa bye ba stong du legs par bslabs/ /brten dang ldan zhing shes rab mkhas gyur pa/ /
186a2 thams cad byad bzhin bzang zhing blta na sdug /chos rnams gtan la dbab cing mi 'jigs pa/ /'jig rten rnam par 'dren pas yongs su bstod/ /rlung ltar chags
186a3 pa ma mchis rgyu ba ste/ /nam mkha'i khams la rtag tu gnas ma lags/ /sangs rgyas byang chub 'di ni yongs tshol zhing / /bde bar gshegs kyi sras rnams brtson
186a4 'grus skyed/ /'jig rten mgon po'i mngon sum thos pas na/ /bdag cag la ni the tshom gzhar ma mchis/ /'jig rten rnam 'dren mya ngan 'das pa na/ /'di la ji
186a5 lta bur ni yid ches 'gyur/ /gnas 'di la ni the tshom 'tshal ba yis/ /byang chub sems dpa' ngan 'gror mchis sa re/ /bcom ldan ji ltar byang chub sems dpa'
186a6 rnams| |smin mdzad ji bzhin de ni lung bstan gsol/ /dam pa'i chos pad+ma dkar po las/ byang chub sems dpa' sa rum nas 'thon pa'i le'u zhes bya ste/ bcu bzhi
186a7 pa'o// //dam pa'i chos pad+ma dkar po/ bam po bcu pa/ de nas bcom ldan 'das kyis thams cad dang ldan pa'i byang chub sems dpa'i tshogs la bka'
186b1 stsal pa/ rigs kyi bu dag /de bzhin gshegs pa ngas yang dag pa'i tshig smras pa la dad cing yid ches par gyis shig/ lan gnyis lan gsum du'ang bcom ldan 'das kyis
186b2 byang chub sems dpa' de dag la bka' stsal pa/ rigs kyi bu dag /de bzhin gshegs pa ngas yang dag pa'i tshig smras pa la dad cing yid ches par gyis shig /de nas thams
186b3 cad dang ldan pa'i byang chub sems dpa'i tshogs kyis/ byang chub sems dpa' sems dpa' chen po byams pa mdun du bzhag nas thal mo sbyar te/ bcom ldan 'das la 'di skad
186b4 ces gsol to/ /bcom ldan 'das kyis don 'di bshad du gsol/ /bde bar gshegs pas bshad du gsol/ de bzhin gshegs pas bka' stsal pa la bdag cag yid
186b5 ches par bgyid do/ /lan gnyis su'ang thams cad dang ldan pa'i byang chub sems dpa'i tshogs kyis bcom ldan 'das la 'di skad ces gsol to/ /bcom ldan 'das kyis
186b6 don 'di bshad du gsol/ bde bar gshegs pas bshad du gsol/ de bzhin gshegs pas bka' stsal pa la bdag cag yid ches par bgyid do/ /lan gsum
186b7 du'ang thams cad dang ldan pa'i byang chub sems dpa'i tshogs kyis bcom ldan 'das la 'di skad ces gsol to/ /bcom ldan 'das kyis don 'di bshad du gsol/
187a1 bde bar gshegs pas bshad du gsol/ de bzhin gshegs pas bka' stsal pa la bdag cag yid ches par bgyid do/ /de nas bcom ldan
187a2 'das kyis byang chub sems dpa' de rnams kyis lan gsum gyi bar du gsol ba btab pa mkhyen nas/ byang chub sems dpa' de dag la bka' stsal pa/ rigs kyi bu dag
187a3 de'i phyir ting nge 'dzin gyi stobs bskyed pa 'di lta bu 'di nyon cig /rigs kyi bu dag /lha dang mi dang lha ma yin du bcas pa'i 'jig rten 'dis ni/ bcom ldan 'das shAkya
187a4 thub pa shAkya'i khyim nas mngon par byung ste/ grong khyer ga ya zhes bya bar byang chub kyi snying po mchog dam par gshegs nas da gdod bla na med pa yang dag par rdzogs pa'i byang
187a5 chub mngon par rdzogs par sangs rgyas so snyam du de ltar shes mod kyi/ rigs kyi bu dag /nga ni bskal pa bye ba khrag khrig brgya stong mang po nas/ bla na med pa yang dag par
187a6 rdzogs pa'i byang chub mngon par rdzogs par sangs rgyas so/ /rigs kyi bu dag /'di lta ste/ dper na/ mi la la zhig byung la des 'jig rten gyi khams grangs med pa
187a7 bye ba khrag khrig brgya stong phrag lnga bcu'i sa'i khams kyi rdul phra rab dag las rdul phra rab gcig khyer te/ shar phyogs su 'jig rten gyi khams grangs med pa bye ba khrag
187b1 khrig brgya stong phrag lnga bcu kho na 'das nas rdul phra rab kyi rdul de bzhag la/ mi des rnam grangs 'dis 'jig rten gyi khams de dag thams cad kyi sa'i khams rnams zad par byas
187b2 nas| sa'i khams kyi rdul phra rab kyi rdul de dag thams cad rnam grangs 'di dang bzhag pa'i tshul 'dis shar phyogs su bzhag na/ rigs kyi bu dag /'di ji snyam du sems/ 'jig
187b3 rten gyi khams de dag la la zhig gis bsam pa'am/ dpag pa'am/ bgrang ba'am/ brtag par nus sam/ de skad ces bka' stsal nas/ byang chub sems dpa' sems dpa'
187b4 chen po byams pa dang thams cad dang ldan pa'i byang chub sems dpa'i tshogs des/ bcom ldan 'das la 'di skad ces gsol to/ /bcom ldan 'das/ 'jig rten gyi khams
187b5 de dag ni grangs ma mchis pa/ bgrang du ma mchis pa/ sems kyis las yang dag par 'das pa ste/ bcom ldan 'das/ nyan thos dang rang sangs rgyas thams cad kyis kyang
187b6 'phags pa'i ye shes kyi bsam pa'am/ dpag pa'am/ bgrang ba'am/ brtag par mi nus so/ /bcom ldan 'das/ gnas 'di ni/ bdag cag phyir mi ldog pa'i sa la
187b7 gnas pa'i byang chub sems dpa' rnams kyi bsam pa'i spyod yul du'ang mi 'gyur te/ bcom ldan 'das/ 'jig rten gyi khams de dag de tsam du tshad ma mchis pa lags so/ /de skad
188a1 ces gsol pa dang / bcom ldan 'das kyis byang chub sems dpa' sems dpa' chen po de dag la 'di skad ces bka' stsal to/ /rigs kyi bu dag /
188a2 khyed mos par bya'o/ /khyed kyis khong du chud par bya'o/ /rigs kyi bu dag/ 'jig rten gyi khams ji snyed pa de dag las/ mi des gang dag tu rdul phra rab de dag bzhag pa dang / rigs
188a3 kyi bu dag /gang dag tu ma bzhag pa'i 'jig rten gyi khams bye ba khrag khrig brgya stong de dag thams cad na rdul phra rab kyi rdul yod pa dag ni/ rigs kyi bu dag/ nga bla na med pa
188a4 yang dag par rdzogs pa'i byang chub mngon par rdzogs par sangs rgyas pa'i bskal pa bye ba khrag khrig brgya stong phrag ji snyed pa de snyed du med do/ /rigs kyi bu dag /gang tshun chad ngas
188a5 'jig rten gyi khams mi mjed 'di dang / 'jig rten gyi khams gzhan bye ba khrag khrig brgya stong dag tu sems can rnams la chos bstan pa de'i bar du/ rigs kyi bu dag/ ngas
188a6 de bzhin gshegs pa mar me mdzad la sogs pa de bzhin gshegs pa dgra bcom pa yang dag par rdzogs pa'i sangs rgyas gang dag yongs su brjod pa'i de bzhin gshegs pa
188a7 dgra bcom pa yang dag par rdzogs pa'i sangs rgyas de dag yongs su mya ngan las 'da' bar bya ba'i phyir/ rigs kyi bu dag /ngas thabs mkhas pas chos bstan pa mngon par
188b1 bsgrub pa de dag sprul to/ /rigs kyi bu dag /yang de bzhin gshegs pa ni/ sems can 'ongs shing lhags pa rnams kyi dbang po dang brtson 'grus kyi rim pa la gzigs nas /
188b2 de dang de dag tu bdag gi ming brjod cing de dang de dag tu bdag nyid yongs su mya ngan las 'das par brjod de/ chos kyi rnam grangs rnam pa mang pos de lta de lta bur sems can rnams yongs
188b3 su tshim par mdzad do/ /rigs kyi bu dag /de la de bzhin gshegs pas mos pa tha dad pa'i sems can dge ba'i rtsa ba chung ba/ nye ba'i nyon mongs pa mang ba rnams la 'di skad du/ dge
188b4 slong dag /nga ni na gzhon te/ mngon par byung ba dang / dge slong dag /nga bla na med pa yang dag par rdzogs pa'i byang chub mngon par rdzogs par sangs rgyas nas ring po ma lon no zhes gsung
188b5 ngo| |rigs kyi bu dag /de ltar de bzhin gshegs pa mngon par rdzogs par sangs rgyas nas yun ring mod kyi/ nga mngon par rdzogs par sangs rgyas nas ring por ma lon no zhes gsungs
188b6 te| sems can rnams yongs su smin par bya ba dang gzud pa'i don ma gtogs par chos kyi rnam grangs 'di dag ma bshad do/ /rigs kyi bu dag /chos kyi rnam grangs de dag thams cad
188b7 kyang de bzhin gshegs pas sems can rnams gdul ba'i phyir gsungs so/ /rigs kyi bu dag /de bzhin gshegs pas sems can rnams gdul ba'i phyir tshig gang gsungs pa
189a1 bdag las smos kyang rung / gzhan las smos kyang rung / bdag la dmigs kyang rung / gzhan la dmigs kyang rung ste/ de bzhin gshegs pas
189a2 gang ci bshad pa'i chos kyi rnam grangs de dag thams cad ni bden pa de bzhin gshegs pas gsungs pa ste/ 'di la de bzhin gshegs pa la brdzun du smra ba med do/ de ci'i
189a3 phyir zhe na/ de bzhin gshegs pas khams gsum pa skye ba med pa dang / 'chi ba med pa dang / 'chi 'pho med pa dang / 'byung ba med pa dang / 'khor ba med pa dang / yongs
189a4 su mya ngan las 'da' ba med pa dang / byung ba ma yin pa dang / ma byung ba ma yin pa dang / yod pa ma yin pa dang / med pa ma yin pa dang / de bzhin du ma yin pa dang / gzhan du
189a5 ma yin pa dang / ma nor ba de bzhin nyid ma yin pa dang / ma nor ba de bzhin nyid ma yin pa'ang ma yin pa yang dag pa ji lta ba bzhin du gzigs shing / ji ltar byis pa so so'i
189a6 skye bos mthong ba de ltar de bzhin gshegs pas khams gsum pa gzigs pa ma yin pa'i phyir ro/ /de bzhin gshegs pa ni gnas 'di la mngon sum gyi chos dang ldan
189a7 te| bsnyel ba mi mnga' ba'i chos can no/ /de la de bzhin gshegs pas gang ci gsungs pa de dag thams cad bden te/ mi rdzun no/ /yang sems can spyod pa tha dad pa
189b1 dang | bsam pa tha dad pa dang / 'du shes dang rnam par rtog pa spyod pa rnams kyi dge ba'i rtsa ba bskyed pa'i phyir/ chos kyi rnam grangs rnam pa mang po dmigs pa rnam pa mang pos
189b2 bshad do/ /rigs kyi bu dag /de bzhin gshegs pas mdzad pa gang yin pa de ni de bzhin gshegs pa mdzad do/ /yun ring po de srid nas mngon par rdzogs par sangs rgyas te/
189b3 de bzhin gshegs pa'i tshe'i tshad ni dpag tu med do/ /de bzhin gshegs pa ni yongs su mya ngan las mi 'da' ste rtag tu bzhugs mod kyi/ 'dul ba'i dbang gis yongs su mya ngan
189b4 las 'das pa'ang ston to/ /rigs kyi bu dag/ ngas da dung yang sngon gyi byang chub sems dpa'i spyod pa yongs su rdzogs par byas pa'i tshe'i tshad du'ang ma phyin te/ rigs kyi bu dag/
189b5 ngas da dung yang bskal pa bye ba khrag khrig brgya stong de nyis gyur gyis nga'i tshe'i tshad tshang bar 'gyur ro/ /rigs kyi bu dag /ngas 'di ltar yongs su mya ngan las ni mi 'da' mod kyi
189b6 yongs su mya ngan las 'da' bar smras so/ /de ci'i phyir zhe na/ rigs kyi bu dag /ngas rnam grangs 'dis sems can rnams yongs su smin par bya ba'i phyir te/ nga yongs su mya ngan
189b7 las mi 'da' bar ha cang yang yun ring du 'dug cing rgyun du mthong na sems can dge ba'i rtsa ba ma byas pa/ bsod nams dang bral ba/ dbul por gyur pa/ 'dod pa la brkam
190a1 pa| ldongs pa/ lta ba mang po'i dra bas khebs pa rnams de bzhin gshegs pa bzhugs so snyam ste/ slebs par 'dzin pa'i 'du shes can du 'gyur
190a2 zhing rnyed dka' ba'i 'du shes mi skyed de/ de bzhin gshegs pa bdag cag dang nye'o zhes khams gsum nas 'byung ba'i phyir brtson 'grus mi rtsom zhing / de bzhin gshegs
190a3 pa dkon par 'du shes mi skyed par 'gyur ro snyam ste/ rigs kyi bu dag /de'i phyir de bzhin gshegs pa thabs mkhas pas/ dge slong dag /de bzhin gshegs pa dag
190a4 'byung ba ni shin tu rnyed par dka'o zhes tshig de skad gsung ngo / /de ci'i phyir zhe na/ 'di ltar sems can de dag gis bskal pa bye ba khrag khrig brgya stong mang pos/ de bzhin
190a5 gshegs pa mthong bar 'gyur yang srid/ mi 'gyur yang srid de/ rigs kyi bu dag /de'i phyir ngas de dag la dmigs pa byas te/ dge slong dag /de bzhin gshegs pa
190a6 rnams 'byung ba ni rnyed par dka'o zhes smras pa/ de dag gis de bzhin gshegs pa dag 'byung ba rab tu rnyed par dka' bar rig nas ngo mtshar du 'du shes bskyed par 'gyur
190a7 mya ngan gyi 'du shes bskyed par 'gyur ro/ /de bzhin gshegs pa mi mthong na'ang / de bzhin gshegs pa la lta bas skom par 'gyur ro/ /de dag gi de bzhin gshegs pa
190b1 la dmigs pa yid la byed pa'i dge ba'i rtsa ba de dag yun ring po'i don dang phan pa dang bde bar gyur pa'i don du rig nas/ de bzhin gshegs pa yongs su mya ngan las mi 'da'
190b2 mod kyi/ sems can rnams 'dul ba'i dbang gis yongs su mya ngan las 'da' bar gsungs so/ /rigs kyi bu dag/ gang 'di skad du gsungs pa de ni de bzhin gshegs pa'i
190b3 chos kyi rnam grangs te/ de la de bzhin gshegs pa brdzun du smra ba med do/ /rigs kyi bu dag /'di lta ste/ dper na/ skyes bu sman pa nad thams cad rab tu zhi bar bya ba la mkhas pa/
190b4 gsal ba yid gzhungs pa shin tu byang ba 'ga' zhig yod la/ skyes bu de la'ang bu mang po bcu'am/ nyi shu'am/ sum cu'am/ bzhi bcu'am/ lnga bcu'am/ brgya'am/ stong yod
190b5 par gyur la/ sman pa de logs shig tu song ste de'i bu de dag thams cad dbyig dug 'thungs sam/ mda' dug 'thungs nas/ de rnams dbyig dug dang / mda' dug de dag gis sdug
190b6 bsngal gyi tshor ba dag gis nyon mongs shing gdungs te sa la 'gre ldog la/ de nas de dag gi pha sman pa logs shig nas 'ongs nas/ bu de rnams dbyig dug gam/ mda' dug
190b7 de'i sdug bsngal gyis nyam thag ste/ kha cig ni 'du shes log par gyur/ kha cig ni 'du shes ma log ste/ de dag thams cad sdug bsngal de nyid kyis nyam thag la pha de mthong nas
191a1 mngon par dga' ste/ de la 'di skad ces yab bde zhing gnod pa mi mnga' ste/ legs par byon tam/ bdag cag gi lus 'jig par byed pa dbyig dug
191a2 gam| mda' dug 'di las yongs su dgrol bar gsol/ yab kyis bdag cag la srog stsal du gsol zhes smras pa dang / de nas sman pa des bu de dag sdug bsngal gyis nyam thag
191a3 ste| na bas nyon mongs shing gdung te sa la 'gre ldog pa mthong nas/ des sman chen po kha dog dang ldan pa/ dri dang ldan pa/ ro dang ldan pa bsdus nas rdo la btags te/ bu de dag
191a4 'thung du bcug nas 'di skad ces bu khyod rnams sman chen po kha dog dang ldan pa/ dri dang ldan pa/ ro dang ldan pa 'di 'thung zhig /rigs kyi bu dag /khyed sman bzang po 'di 'thungs
191a5 na| myur du dbyig dug gam/ mda' dug las thar te/ bde zhing nad med par 'gyur ro zhes smras na/ de nas sman pa de'i bu gang dag 'du shes ma log pa de dag ni sman de'i kha dog mthong
191a6 dri bsnams/ ro myangs nas myur du 'thungs pa dang / de dag nad thams cad las thams cad kyi thams cad du thar bar gyur to/ /de'i bu gang dag 'du shes log par gyur pa de dag gis
191a7 pha de la mngon par bstod de/ 'di skad du yab bde zhing gnod pa mi mnga' ste/ legs par byon tam/ bdag cag gsor gsol zhes tshig de skad smras te sman byin pa mi 'thung
191b1 ngo| |de ci'i phyir zhe na/ 'di ltar de dag 'du shes log par gyur pa des sman de'i kha dog kyang mi 'dod/ dri'ang mi 'dod/ ro'ang mi 'dod do/ /de nas skyes bu sman pa des 'di snyam du
191b2 bsams te/ bdag gi bu 'di dag dbyig dug gam/ mda' dug des 'du shes log par gyur pas sman 'di'ang 'thung du ma rung ste/ nga la ni mngon par bstod na/ bdag gis
191b3 bu 'di dag la thabs mkhas pas sman 'di blud do snyam mo/ /de nas sman pa de bu de dag la thabs mkhas pas sman blud par 'dod nas 'di skad ces/ rigs kyi bu dag/ nga ni rgas
191b4 'khogs gtugs te/ nga'i 'chi ba'i dus nye bar gnas kyi bu khyed rnams mya ngan ma byed cig /mi bde bar ma gyur cig /sman chen po byin pa 'di 'dod na sman 'di 'thung zhig ces
191b5 smras te/ bu de dag la thabs mkhas pas de skad bsgo nas/ yul gzhan du song ste phyin nas bdag shi'o zhes bu nad pa de dag thos par byas pa dang / de dag de'i tshe shin tu mya ngan du
191b6 gyur/ shin tu smre sngags 'don par gyur te/ bdag cag gi pha mgon po skyed pa/ rjes su snying brtse ba gcig pu de'ang shi bas/ de'i phyir da bdag cag mgon med par gyur to snyam mo/ /
191b7 de dag bdag nyid mgon med par mthong / bdag nyid skyabs med par mthong nas phyir zhing mya ngan byed pas gzir bar gyur te/ de dag phyir zhing mya ngan byed pas gzir ba des 'du shes
192a1 log pa 'du shes ma log par gyur te/ sman gang kha dog dang dri dang ror ldan pa de'ang kha dog dang dri dang ror ldan par shes nas de nas de'i tshe de 'thungs so/ /
192a2 de 'thungs nas nad de las thar bar gyur to/ /de nas sman pa des bu de dag nad sos par rig nas slar bdag nyid bstan na/ rigs kyi bu dag /'di ji snyam du sems/ sman
192a3 pa thabs mkhas pa byed pa de la la la dag de brdzun du smra'o zhes zer ram/ gsol pa/ bcom ldan 'das/ de ni ma lags so/ /bde bar gshegs pa/ de ni ma lags
192a4 so| |bka' stsal pa/ rigs kyi bu dag /de bzhin du nga'ang bskal pa bye ba khrag khrig brgya stong grangs med dpag tu med pa nas/ bla na med pa yang dag par rdzogs pa'i
192a5 byang chub 'di mngon par rdzogs par sangs rgyas mod kyi/ ngas skabs skabs su thabs mkhas pa 'di lta bu dag sems can rnams gdul ba'i phyir bstan te/ gnas der
192a6 nga la brdzun du smra bar 'gyur ba gang yang med do/ /de nas bcom ldan 'das don gyi rnam pa 'di nyid rgyas par ston cing / de'i tshe tshigs su bcad pa 'di dag bka' stsal
192a7 to| |bskal pa bye stong bsam gyis mi khyab pa/ /de yi tshad ni nam yang med pa nas/ /byang chub mchog rab 'di ni ngas thob ste/ /nga ni rtag tu chos kyang ra ba 'chad do/ /byang
192b1 chub sems dpa' mang 'di yang dag gzung / /sangs rgyas ye shes la ni de dag dgod/ /sems can bye ba khrag khrig mtha' yas pa/ /bskal pa bye ba mang por smin par
192b2 bya| |mya ngan 'das pa'i sa yang bstan bya ste/ /sems can rnam par gdul phyir thabs brjod do/ /de tshe nga ni mya ngan mi 'da' ste/ 'di nyid na ni chos rnams rab ston to/ /de
192b3 na nga bdag nyid kyang byin gyis brlab/ /nga yis sems can kun kyang byin gyis brlab/ /log pa'i blo ldan blun po'i mi rnams kyis/ /'di na nga 'dug pa yang mi mthong ngo / /nga lus
192b4 yongs su mya ngan 'das mthong nas/ /ring bsrel rnams la mchod pa rnam mang byed/ /nga ma mthong bas de dag sred pa skyed/ /de nas de dag sems kyang drang por 'gyur/ /nam zhig
192b5 de dag 'jam zhing mnyan drang ste/ /sems can lus kyang btang bar gyur pa na/ /de na nga yi nyan thos dge 'dun byas/ /bya rgod phung por nga nyid der bstan te/ /de la nga yis phyis ni 'di skad
192b6 smras| |'di nyid na ste mya ngan nga ma 'das/ /dge slong gang dag de ni nga thabs mkhas/ /yang yang nga 'byung 'tsho ba'i 'jig rten du/ /sems can gzhan gyi nga ni mdun du byas/ /de la byang
192b7 chub mchog 'di rab tu bshad/ /'jig mgon mya ngan ma 'das ma rtogs par/ /khyod kyis nga yi sgra yang mi thos so/ /sems can rnam par 'jig par ngas mthong yang / /ngas ni
193a1 bdag gi lus nyid ma bstan te/ /re zhig nga mthong bar ni 'dod byas la/ /skom par gyur nas dam pa'i chos bshad do/ /rtag tu nga yi byin rlabs
193a2 de 'dra ste/ /bskal pa bsam yas bye ba stong du ni/ /bya rgod phung po 'di las mi 'pho yang / /gud na bye ba snyed kyi mal cha yod/ /gang tshe 'jig rten khams 'di sems can
193a3 gyis| |bskal pas sreg par mthong zhing rtog pa na/ /de tshe nga yi sangs rgyas zhing 'di ni/ /lha dang mi yis yongs su gang bar 'gyur/ /de dag rtse zhing dga' ba sna tshogs ldan/ /
193a4 skyed mos khang bzang gzhal med bye ba yod/ /rin chen ri bo rnams dang de bzhin du/ /me tog 'bras ldan shing ljon rnams kyis brgyan/ /steng nas lha rnams rnga chen rab tu brdung / /
193a5 man+dA ra yi char yang shin tu 'bebs/ /mkhas pa gzhan gang byang chub 'dir zhugs dang / /nga dang nyan thos rnams la mngon par 'thor/ /nga yi zhing 'di de ltar rtag gnas kyang / /
193a6 gzhan dag 'di la bskal pas sreg par rtog/ mya ngan brgya yis gang zhig gtses pa dang / /'jig rten khams ni shin tu 'jig par mthong / /lo mang bye bar de bzhin
193a7 gshegs rnams dang / /chos dang nga yi dge 'dun tshogs rnam kyi/ /ming ni nam yang thos par mi 'gyur te/ sdig pa'i las kyi 'bras bu de 'dra'o/ /nam zhig sems
193b1 can 'jam zhing mnyen pa rnams/ /mi yi 'jig rten 'dir ni skyes gyur te/ /dge ba'i las kyis de ltar skyes ma thag /nga ni chos rnams rab tu 'chad par mthong / /de dag la ni nam
193b2 yang nga mi 'chad/ /bya ba 'di 'dra mtha' yas 'di dag ste/ /de yis yun ring nas ni nga mthong ngo / /de la rgyal pa shin tu rnyed dkar bshad/ /nga yi ye shes stobs ni 'di 'dra ste/ /
193b3 de ni shin tu 'od gsal mtha' yong med/ /nga yi tshe ring bskal pa mtha' yas te/ /de ni sngon gyi spyod pa spyad pas bsgrubs/ /mkhas rnams 'di la som nyi ma byed par/ /the tshom za
193b4 ba rnams ni ma lus spongs/ /ngas ni tshig de yang dag rab smras te/ /rdzun gyi tshig ni nga las gzhar mi 'byung / /dper na thabs bslabs pa yi sman pa des/ /'du shes log par
193b5 gyur pa'i bu rnams phyir/ /bdag nyid ma shi bzhin du shi zhes brjod/ /de rdzun mi smra snyam du mkhas pas rig /de bzhin nga yang rang 'byung 'jig rten pha/ /skye dgu kun gyi gso
193b6 byed mgon po ste/ /bus pa gti mug log par rnam rig nas/ /mya ngan ma 'das mya ngan 'da' bar bstan/ /ci phyir zhe na rtag par nga mthong na/ /mi shes ma rig pa rnams le lor 'gyur/ /
193b7 'dod pa la yang bag med yid rton te/ /bag med rgyu yis ngan 'gror rab tu ltung / /spyod dang spyod pa rig nas rtag par yang / /ci nas byang chub la ni dgod pa dang / /ci nas sangs rgyas
194a1 chos rnams thob bya'i phyir/ /sems can rnams la nga ni de bzhin smra/ /dam pa'i chos pad+ma dkar po las/ de bzhin gshegs pa'i sku tshe'i tshad kyi
194a2 le'u zhes bya ste bco lnga pa'o// //de bzhin gshegs pa'i sku tshe'i tshad bstan pa bshad pa na/ sems can grangs med dpag tu med pa rnams kyi don byas
194a3 par gyur to/ /de nas bcom ldan 'das kyis byang chub sems dpa' sems dpa' chen po byams pa la bka' stsal pa/ ma pham pa/ de bzhin gshegs pa'i tshe'i tshad bstan
194a4 pa'i chos kyi rnam grangs 'di bshad pa na/ byang chub sems dpa' bye ba khrag khrig brgya stong phrag gang+gA'i klung drug cu rtsa brgyad kyi bye ma snyed dag mi skye ba'i chos la bzod pa skyes so/ /
194a5 de stong du bsgres pa'i byang chub sems dpa' sems dpa' chen po dag gis gzungs thob par gyur to/ /byang chub sems dpa' sems dpa' chen po gzhan yang stong gi 'jig
194a6 rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ thogs pa med pa'i spobs pa thob par gyur to/ /byang chub sems dpa' sems dpa'
194a7 chen po gzhan yang 'jig rten gyi khams kyi rdul phra rab kyi rdul snyed dag gis bye ba brgya stong du yongs su bsgyur ba'i gzungs thob par gyur to/ /byang chub sems dpa'
194b1 sems dpa' chen po gzhan yang stong gi 'jig rten gyi khams kyi rdul phra rab kyi rdul snyed dag gis/ /chos kyi rnam grangs 'di thos nas phyir mi ldog pa'i 'khor lo bskor to/ /
194b2 byang chub sems dpa' sems dpa' chen po gzhan yang stong bar ma'i 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ /dri ma med par
194b3 snang ba zhes bya ba'i chos kyi 'khor lo bskor to/ /byang chub sems dpa' sems dpa' chen po gzhan yang stong chung ngu'i 'jig rten gyi khams kyi rdul phra rab kyi rdul snyed dag gis
194b4 chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba brgyad kyis thogs par gyur to/ /byang chub sems dpa' sems dpa' chen po gzhan
194b5 yang gling bzhi pa bzhi'i 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba
194b6 bzhis thogs par gyur to/ /byang chub sems dpa' sems dpa' chen po gzhan yang gling bzhi pa gsum gyi 'jig rten gyi khams kyi rdul phra rab kyi rdul snyed dag gis chos kyi
194b7 rnam grangs 'di thos nas/ /bla na med pa yang dag par rdzogs pa'i byang chub tu skye ba gsum gyis thogs par gyur to/ /byang chub sems dpa' sems dpa' chen po gzhan
195a1 yang gling bzhi pa gnyis kyi 'jig rten gyi khams kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag
195a2 par rdzogs pa'i byang chub tu skye ba gnyis kyis thogs par gyur to/ /byang chub sems dpa' sems dpa' chen po gzhan yang gling bzhi pa gcig gi 'jig rten gyi khams
195a3 kyi rdul phra rab kyi rdul snyed dag gis chos kyi rnam grangs 'di thos nas/ bla na med pa yang dag par rdzogs pa'i byang chub tu skye ba gcig gis thogs par gyur to/ /byang chub
195a4 sems dpa' sems dpa' chen po stong gsum gyi stong chen po'i 'jig rten gyi khams brgyad kyi rdul phra rab kyi rdul snyed dag gis chos kyi rnam grangs 'di thos nas/ bla na
195a5 med pa yang dag par rdzogs pa'i byang chub tu sems bskyed do/ /de nas bcom ldan 'das kyis byang chub sems dpa' sems dpa' chen po de dag la chos mngon par rtogs
195a6 pa'i gnas bstan ma thag tu/ de'i mod la steng gi nam mkha' bar snang las me tog man+dA ra dang / man+dA ra chen po'i me tog gi char chen po mngon par bab ste/ 'jig rten gyi
195a7 khams bye ba khrag khrig brgya stong de dag na/ sangs rgyas bye ba khrag khrig brgya stong rin po che'i shing ljon pa'i drung dag na seng ge'i khri la bzhugs pa de dag thams cad la
195b1 'thor mngon par rab tu 'thor ro/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / yongs su mya ngan las
195b2 'das pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang seng ge'i khri la bzhugs pa la'ang 'thor/ mngon par rab
195b3 tu 'thor ro/ /thams cad dang ldan pa'i byang chub sems dpa'i tshogs de dang / 'khor bzhi po de dag la'ang 'thor/ /mngon par rab tu 'thor ro/ /bar snang las lha'i tsan+dan dang /
195b4 a ga ru'i phye ma'ang rab tu bab bo/ /steng gi nam mkha'i bar snang las rnga dag kyang ma brdungs par yid du 'ong ba snyan cing 'jam pa'i sgra 'byin to/ /steng nas lha'i ras bcos bu zung
195b5 brgya stong dag kyang ltung ngo / /steng gi nam mkha'i bar snang las rgyan phred dang / se mo do dang / mu tig gi phreng ba dang / nor bu rin po che dang / nor bu rin po che chen po dag kyang phyogs
195b6 thams cad du kun nas rab tu 'phyang ngo / /rin thang med pa'i bdug pa'i pog phor rin po che las byas pa brgya stong dag kyang kun nas rang rgyu'o/ /de bzhin gshegs pa re re la'ang rin
195b7 po che'i gdugs gyi phreng ba tshangs pa'i 'jig rten la thug pa/ steng gi nam mkha' bar snang la byang chub sems dpa' sems dpa' chen po rnams 'dzin to/ /rnam grangs 'dis
196a1 sangs rgyas bye ba khrag khrig brgya stong dpag tu med pa de dag thams cad la'ang / byang chub sems dpa' sems dpa' chen po de dag rin po che'i gdugs
196a2 kyi phreng ba tshangs pa'i 'jig rten la thug pa steng gi nam mkha' bar snang la 'dzin to/ /so so nas tshigs su bcad pa mngon par bsgrub pa yang dag par sangs rgyas la bstod pa
196a3 dag gis kyang de bzhin gshegs pa de dag la mngon par bstod do/ /de nas byang chub sems dpa' sems dpa' chen po byams pas de'i tshe tshigs su bcad pa 'di dag
196a4 gsol to/ /bde bar gshegs pas ngo mtshar chos bsgrags pa/ /'dren pa rnams kyi mthu chen ci 'dra dang / /ji ltar sku tshe'i tshad kyang mtha' yas pa/ /bdag cag rnams kyis
196a5 'di sngon yong ma thos/ /bde bar gshegs pas mngon du rnam phye ba/ /'di 'dra'i chos de de ring thos pas na/ /srog chags bye ba stong rnams dga' bas khyab/ /'jig rten rnam
196a6 par 'dren gyi thugs sras ni/ /kha cig mi ldog byang chub mchog la 'khod/ /kha cig gzungs rnams kyi ni mchog la gnas/ /kha cig spobs pa thogs pa med la 'khod/ /kha
196a7 cig bye ba stong gi gzungs la gnas/ /de bzhin gzhan yang zhing rdul phra rab rnyed/ /de dag sangs rgyas ye shes mchog la gnas/ /de bzhin kha cig skye ba brgyad kyis na/ mtha'
196b1 yas gzigs pa rgyal ba rnams su 'gyur/ /rnam par 'dren pa'i chos 'di thos nas su/ /kha cig skye ba bzhi las rab tu 'das/ /gzhan dag kha cig gsum dang gnyis kyis na/ /don
196b2 dam gzigs pa byang chub thob par 'gyur/ /kha cig de na skye ba gcig gnas nas/ /srid pa gzhan la thams cad mkhyen du 'gyur/ /'dren pa'i sku tshe'i tshad 'di thos pas na/ /'bras
196b3 bu zag med de 'dra rab tu thob/ /sems can bye ba gang rnams chos thos nas/ /byang chub sems dpa' la ni sems bskyed pa/ /zhing brgyad dag gi phra rab rdul snyed de/ /bgrangs na
196b4 dpag mi lang ba de snyed do/ /sangs rgyas byang chub 'di ni rab bstan pas/ /mtha' yas pa gang la tshad kyang ma mchis pa/ /nam mkha'i khams ltar dpag tu ma mchis te/ /drang srong
196b5 chen pos de 'dra'i 'phrin las mdzad/ /man+dA ra ba'i char pa rab tu 'bab/ /lha yi bu dag bye stong mang po dang / /brgya byin tshangs pa gang+gA'i bye ma snyed/ /zhing stong bye ba dag nas de
196b6 dag lhags/ /tsan+dan dang ni spos mchog phye ma dang / /a ga ru yi phye mas 'thor bzhin du/ /nam mkha' la ni bya bzhin rab rgyu zhing / /rgyal ba'i dbang po la yang tshul bzhin 'thor//
196b7 steng gi nam mkha' las ni rnga rnams kyang / /ma brdungs par ni sgra snyan nyid las grag /lha ras bcos bu bye ba stong rnams kyang / /'dren pa rnams la bskor zhing 'thor bar bgyid/ /
197a1 bdug pa rin thang ma mchis ri ba yi/ /rin chen pog phor bye ba stong rnams kyang / /skyob pa 'jig rten bdag po mchod slad du/ /de na kun tu bdag
197a2 nyid rab tu rgyu/ /gdugs rnams bye ba khrag khrig mtha' yas pa/ /rin chen dag las bgyis pa mtho zhing che/ /phal chen tshangs pa'i 'jig rten par thug pa/ /byang chub sems
197a3 dpa' mkhas pa 'di dag 'dzin/ /rgyal ba'i ba dan blta sdug bcas pa yi/ /'dren pa rnams kyi rgyal mtshan rab tu btsugs/ /bde gshegs sras rnams rab tu sems dga'
197a4 bas| |tshigs su bcad pa stong gis mngon par bstod/ /de 'dra ngo mtshar khyad 'phags rmad byung ba/ /sna tshogs 'di dag 'dren pa de ring gda'/ /sku tshe'i tshad ni nges par
197a5 bstan mdzad pas/ /sems can 'di kun rab tu dga' ba thob/ /phyogs bcu dag na de ring don rgya che/ /'dren pa rnams kyi gsung yang mngon par 'phags/ /srog
197a6 chags bye ba stong rnams tshim par gyur/ /byang chub phyir ni dge ba rnams dang ldan/ /de nas bcom ldan 'das kyis byang chub sems dpa' sems dpa' chen po byams pa
197a7 la bka' stsal pa/ ma pham pa/ de bzhin gshegs pa'i tshe'i tshad bstan pa'i chos kyi rnam grangs 'di bshad pa na/ sems can gang dag gis sems bskyed pa gcig
197b1 tsam zhig mos pa bskyed dam/ mngon par dad na rigs kyi bu'am rigs kyi bu mo dag bsod nams ji tsam zhig skye bar 'gyur ba de legs par rab tu nyon la yid la gzung zhig dang
197b2 de dag bsod nams ji tsam bskyed par 'gyur ba de bshad do/ /ma pham pa/ 'di lta ste/ dper na/ rigs kyi bu'am rigs kyi bu mo la la bla na med pa yang dag par rdzogs pa'i
197b3 byang chub 'dod de/ bskal pa bye ba khrag khrig brgya stong phrag brgyad du pha rol tu phyin pa lnga po 'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod
197b4 pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa spyad de/ shes rab kyi pha rol tu phyin pa dang bral na/ ma pham pa/ rigs
197b5 kyi bu'am rigs kyi bu mo gang dag gis/ de bzhin gshegs pa'i tshe'i tshad bstan pa'i chos kyi rnam grangs 'di thos nas/ sems bskyed pa gcig tsam zhig mos pa bskyed dam/
197b6 mngon par dad na de'i bsod nams mngon par 'dus byas pa 'di la/ pha rol tu phyin pa lnga dang ldan pa bskal pa bye ba khrag khrig brgya stong phrag brgyad du yongs su rdzogs par bsod
197b7 nams mngon par byas pa dang / dge ba'i rtsa ba mngon par 'du byas pa snga ma des brgya'i char yang nye bar mi 'gro /stong gi cha dang brgya stong gi cha dang / bye ba'i cha dang / bye ba brgya'i cha dang /
198a1 bye ba stong gi cha dang / bye ba brgya stong gi cha dang / bye ba khrag khrig brgya stong gi char yang nye bar mi 'gro ste/ grangs su yang / char yang / bgrang bar yang /
198a2 dper yang / rgyur yang mi bzod do/ /ma pham pa/ de lta bu'i bsod nams mngon par 'du byed pa dang ldan pa'i rigs kyi bu'am rigs kyi bu mo de/ bla na med pa yang dag par
198a3 rdzogs pa'i byang chub las phyir ldog pa de ni gnas med do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs rgyas ye shes bla na med/ /ye
198a4 shes 'di ni 'tshol ba'i phyir/ /gang gis pha rol phyin pa lnga/ /yi dam bcas nas der zhugs te/ /bskal pa bye ba stong phrag kyang / /brgyad du tshang bar rab tu sbyor/ /phyi phyir
198a5 nyan thos rnams dang ni/ /sangs rgyas rnams la sbyin pa byin/ /byang chub sems dpa' bye ba dang / /rang sangs rgyas ni mang po la/ /bza' bca' zas dang skom rnams dang / /gos
198a6 dang mal chas mgu bar byed/ /gnas dang gtsug lag khang rnams kyang / /tsan+dan las ni 'dir byas dang / /kun dga' ra ba nyams dga' dang / /'chags mdzes par
198a7 byas pa rnams/ /sbyin pa sna tshogs rnam pa mang / /de lta bu yi sbyin 'dir byin/ /bskal pa bye ba phrag stong du/ /byin nas byang chub phyir yang bsngos/ /sangs rgyas ye shes ched
198b1 kyi phyir/ /rdzogs sangs rgyas kyis bsngags dag cing / /ma nyams yang dag bstod pa yi/ /tshul khrims phyir zhing srung bar byed/ /phyir zhing bzod pa sgom par byed/ /'dul ba'i
198b2 sa la rab tu gnas/ /brtan dang ldan zhing dran dang ldan/ /kha ngan mang po bzod par byed/ /dmigs pa can gyi sems can dag /nga rgyal dag la rab gnas pas/ /smad pa byas pa
198b3 de dag kyang / /sangs rgyas ye shes phyir bzod do/ /brtson 'grus la ni rtag tu 'bad/ /dran pa brtan zhing mngon par brtson/ /yid la gzhan du rtog pa med/ /bskal pa bye bar de
198b4 bzhin gyur/ /dgon pa'i gnas na rab tu 'dug /'chag sar mngon par song nas su/ /gnyid dang rmugs pa rab spangs te/ /bskal pa bye bar de dag spyod/ /bsam gtan
198b5 bsam gtan chen po pa/ /bsam gtan dga' zhing mnyam par gzhag /bskal pa bye ba stong phrag brgyad/ /de las mi nyung bsam gtan byed/ /dpa' bo de ni bsam gtan des/
198b6 thams cad mkhyen par bdag bsgyur zhes/ /byang chub dam pa don du gnyer/ /bsam gtan dag gi pha rol song / /bskal pa bye ba phrag stong du/ /bya ba 'di la rab gnas pa'i/ /de
198b7 dag bsod nams gang yin pa/ /gang sngar yongs su bsgrags pa bas/ /skyes pa rnams sam bud med dag /gang gis nga yi tshe thos nas/ /skad cig dad par byed pa yang / /bsod
199a1 nams de ni mtha' yas so/ /g.yo ba dang ni rlom sems dang / /the tshom dag kyang rnam spangs te/ /yud tsam shin tu mos pa yang / /de yi 'bras bu 'di
199a2 'dra'o/ /bskal pa bye bar spyod pa yi/ /byang chub sems dpa' gang yin pa/ /de tshe bsam gyis mi khyab pa/ /'di thos de dag mi spang ngo / /spyi bo yis kyang phyag 'tshal te/ /ma
199a3 'ongs pa yi dus na yang / /bdag cag 'di 'drar rab gyur cig /srog chags bye ba bsgral bar bgyi/ /ji ltar mgon po shAkya thub/ /thub chen shAkya seng ge yis/ /byang chub
199a4 snying por bzhugs nas su/ /seng ge'i sgra 'di bsgrags pa ltar/ /bdag kyang ma 'ongs dus kyi tshe/ /lus can kun gyis bkur sti zhing / /byang chub snying por 'dug nas ni/ /'di lta bu
199a5 yi chos bshad do/ /mi gang thos pa 'dzin gyur cing / /lhag pa'i bsam pa phun sum tshogs/ /ldem por dgongs te bshad ces pa/ /de dag rnams ni the tshom med/ /ma pham pa/ gzhan
199a6 yang de bzhin gshegs pa'i tshe'i tshad bstan pa'i chos kyi rnam grangs 'di thos nas 'bab pa dang / 'jug pa dang / khong du chud pa de ni de bas sangs rgyas kyi ye shes su 'gyur ba'i
199a7 bsod nams mngon par 'du byed pa ches dpag tu med pa skyed na/ gang chos kyi rnam grangs 'di lta bu 'di nyan tam/ sgrogs sam/ 'dzin tam/ yi ger 'dri'am/ yi ger 'drir
199b1 'jug gam/ glegs bam la me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / lha'i ba dan dang / 'bru mar
199b2 gyi mar me dang / mar gyi mar me dang / spos mar gyi mar me dag gis bsti stang byed dam/ /bsti stang byed du 'jug pa lta ci smos te/ sangs rgyas kyi ye shes su 'gyur ba'i bsod nams
199b3 mngon par 'du byed pa ches mang du skyed do/ /ma pham pa/ gang gi tshe rigs kyi bu'am rigs kyi bu mo de bzhin gshegs pa'i tshe'i tshad bstan pa'i chos kyi rnam grangs 'di thos
199b4 nas lhag pa'i bsam pas mos par byed pa de'i tshe/ de'i lhag pa'i bsam pa'i mtshan nyid ni 'di yin par rig par bya ste/ 'di lta ste/ nga bya rgod kyi phung po'i ril 'dug ste
199b5 byang chub sems dpa'i tshogs kyis yongs su bskor ba dang / byang chub sems dpa'i tshogs kyis mdun gyis bltas pa dang / nyan thos kyi dge 'dun gyi dbus na 'dug cing chos ston par mthong ba
199b6 dang | nga'i sangs rgyas kyi zhing 'jig rten gyi khams mi mjed 'di gzhi bai DUR+ya las grub cing mnyam par gnas la/ gser skud mig mang ris su bris shing rin po che'i shing ljon pa rnams
199b7 kyis rnam par bkra bar mthong ba dang / 'di na yongs su spyod pa'i khang pa brtsegs pa dag na byang chub sems dpa' dag gnas par mthong ba ste/ ma pham pa/ 'di lhag pa'i bsam
200a1 pas mos pa'i rigs kyi bu'am rigs kyi bu mo'i lhag pa'i bsam pa'i mtshan nyid du rig par bya'o/ /ma pham pa/ yang de bzhin gshegs pa yongs su mya ngan
200a2 las 'das nas/ gang dag chos kyi rnam grangs 'di thos na mi spong gi steng du rjes su yi rang ba de dag kyang / lhag pa'i bsam pas mos pa'i rigs kyi bur ngas bshad na/ gang
200a3 'dzin pa dang klog pa lta ci smos te/ de ni da bzhin gshegs pa phrag pa la thogs pa yin no/ /ma pham pa/ gang chos kyi rnam grangs 'di glegs bam du byas shing phrag pa la
200a4 thogs pa'i rigs kyi bu'am rigs kyi bu mo des nga'i mchod rten bya mi dgos/ gtsug lag khang bya mi dgos/ dge slong gi dge 'dun gyi na ba'i gsos sman dang yo byad dag
200a5 sbyin mi dgos so/ /de ci'i phyir zhe na/ ma pham pa/ rigs kyi bu'am rigs kyi bu mo des nga'i sku gdung la sku gdung gi mchod pa byas pa yin/ rin po che sna bdun gyi mchod
200a6 rten 'phang du ni tshangs pa'i 'jig rten la thug pa/ kho ra khor yug tu ni rim bzhin du gdugs yongs su bzung ba dang bcas pa/ lha'i ba dan dang bcas pa/ dril bu'i sgra
200a7 gsal bar 'byung ba dag byas pa yin no/ /sku gdung gi mchod rten de dag la lha dang mi'i me tog dang / spos dang / bdug pa dang / phreng ba dang / byug pa dang / phye ma
200b1 dang | gos dang / gdugs dang / rgyal mtshan dang / lha'i ba dan dang / rnam par rgyal ba'i ba dan rnam pa mang po dag gis bkur sti rnam pa mang po byas pa yin no/ /yid du 'ong ba snyan
200b2 cing gsal ba'i sgra dang / rnga bo che rnam pa mang po dag dang / rol mo'i sgra dang / pheg rdob pa dang / rnam pa tha dad pa'i glu dang / gar dang / bzhad gad dang / rol mo rnam pa mang po
200b3 tshad med pas bskal pa bye ba khrag khrig brgya stong dpag tu med pa mang por bkur stir byas par 'gyur ro/ /ma pham pa/ nga yongs su mya ngan las 'das nas chos kyi rnam grangs 'di bzung
200b4 ba dang / bklags pa dang / yi ger bris pa dang / rab tu ston pa des nga'i phyir tsan+dan dmar po'i gtsug lag khang rgya chen po yangs pa mthon po/ khang bzang sum cu rtsa gnyis yod pa
200b5 brgyad brtsegs/ dge slong stong gi gnas kun dga' ra ba dang me tog gis mdzes par byas pa/ 'chag sa'i nags tshal dang ldan pa/ mal stan dang bcas pa/ bza' ba dang /
200b6 bca' ba dang / zas dang / skom dang / na ba'i gsos sman gyis yongs su gang ba/ bde ba'i yo byad thams cad kyis rab tu brgyan pa dag byas par gyur to/ /de dag mang zhing
200b7 dpag tu med de/ brgya'am/ stong ngam/ stong phrag brgya'am/ bye ba'am/ bye ba brgya'am/ bye ba stong ngam/ bye ba brgya stong ngam/ bye ba khrag khrig brgya stong de dag nga'i mdun du
201a1 nyan thos kyi dge 'dun la phul te/ de dag kyang ngas yongs su spyad par rig par bya'o/ /ma pham pa/ de bzhin gshegs pa yongs su mya ngan las 'das
201a2 nas gang zhig chos kyi rnam grangs 'di 'dzin tam/ klog gam/ ston tam/ yi ger 'dri'am/ yi ger 'drir 'jug kyang rung ste/ rnam grangs 'dis des nga yongs su mya ngan las 'das
201a3 nas ring bsrel gyi mchod rten dag bya mi dgos so/ /dge 'dun la mchod pa bya mi dgos so zhes nga de skad 'chad na/ ma pham pa/ gang chos kyi rnam grangs 'di 'dzin cing / sbyin
201a4 pa sgrub pa'am/ tshul khrims sam/ bzod pa'am/ brtson 'grus sam/ bsam gtan nam/ shes rab sgrub pa lta ci smos te/ rigs kyi bu'am rigs kyi bu mo de bsod nams
201a5 mngon par 'du byed pa ches dpag tu med pa grangs med pa mtha' yas pa skyed pa lta ci smos/ ma pham pa/ 'di lta ste/ dper na/ nam mkha'i khams ni shar dang / lho dang /
201a6 nub dang / byang dang / steng dang / 'og gi phyogs dang / phyogs mtshams rnams su'ang mu med pa de bzhin du/ rigs kyi bu'am rigs kyi bu mo de bsod nams mngon par
201a7 'du byed pa/ sangs rgyas kyi ye shes su 'gyur pa grangs med dpag tu med pa bskyed do/ /gang chos kyi rnam grangs 'di 'dzin tam/ klog gam/ ston tam/ yi ger 'dri'am/ yi
201b1 ger 'drir 'jug na/ de ni de bzhin gshegs pa'i mchod rten la bsti stang bya ba'i phyir mngon par brtson pa yin no/ /de bzhin gshegs pa'i nyan thos rnams kyi bsngags pa smra ba'o//
201b2 byang chub sems dpa' sems dpa' chen po rnams kyi yon tan bye ba khrag khrig brgya stong yongs su brjod cing gzhan dag la yang dag par rab tu ston pa yin no/ /bzod pa bsgrubs
201b3 pa dang / tshul khrims dang ldan pa dang / dge ba'i chos can dang 'grogs na bde ba dang / bzod pa can dang / dul ba dang / phrag dog med pa dang / khro ba yid la byed pa dang bral
201b4 pa dang / gnod sems med pa yid la byed pa dang / dran pa dang ldan pa dang / mthu dang ldan pa yin/ brtson 'grus dang ldan pa yin te/ sangs rgyas kyi chos 'tshol ba la rtag tu
201b5 brtson pa yin/ bsam gtan pa yin/ nang du yang dag 'jog lhur len pa yin/ nang du yang dag 'jog mang du byed pa dang / 'dri ba rab tu dbye ba la mkhas pa yin/ 'dri ba bye ba
201b6 khrag khrig brgya stong gi lan ldon pa yin no/ /ma pham pa/ byang chub sems dpa' sems dpa' chen po gang la la zhig de bzhin gshegs pa yongs su mya ngan las 'das nas/
201b7 chos kyi rnam grangs 'di 'dzin pa'i yon tan dag ni gang dag ngas yongs su brjod pa 'di lta bu 'di dag yin no/ /ma pham pa/ rigs kyi bu'am rigs kyi bu mo de 'di ltar rig par bya
202a1 ste| rigs kyi bu'am rigs kyi bu mo de byang chub kyi snying por yang dag par zhugs te/ byang chub mngon par rdzogs par sangs rgyas par bya ba'i phyir/ byang
202a2 chub kyi shing drung du 'gro ba yin par rig par bya'o/ /ma pham pa/ rigs kyi bu'am rigs kyi bu mo de gang na 'greng ngam 'dug gam 'chag pa der/ ma pham pa/ de bzhin gshegs
202a3 pa'i phyir mchod rten brtsig go /lha dang bcas pa'i 'jig rten gyis kyang 'di de bzhin gshegs pa'i mchod rten yin no zhes de la brjod par bya'o/ /de nas bcom ldan 'das kyis
202a4 de'i tshe tshigs su bcad pa 'di dag bka' stsal to/ /mi mgon mya ngan 'das pa na/ mdo sde 'di ni gang 'dzin pa/ /bsod nams phung po mu med par/ /nga yis yang dang yang du
202a5 bsngags/ /des ni nga la mchod pa byas/ /ring bsrel gyi ni mchod rten yang / /rin chen byas pa sna tshogs pa/ /blta na sdug cing mdzes rnams byas/ /'phang du tshangs pa'i 'jig
202a6 rten mnyam/ /gdugs phreng rnams dang rab tu ldan/ /khor yug ldan dpal can te/ /rnam rgyal ba dan rnams dang ldan/ /dril bu gsal ba'i sgra 'byung ste/ /dar gyi lda ldis mdzes
202a7 par byas/ /de bzhin dril bu rlung bskyod pas/ /rgyal ba'i ring bsrel shin tu mdzes/ /spos dang me tog byug pa dang / /gos dang rol mo'i sgra rnams dang / /rnga rnams kyis kyang yang
202b1 dang yang / /de dag mchod pa rgya chen byas/ /rol mo sgra snyan cha byad rnams/ /ring bsrel de la brdungs shing bsil/ /spos dang 'bru mar mar me dang / /de dag lha ni kun nas
202b2 phul| |gang gis mdo sde 'di bzung zhing / /zad pa'i dus la ston pa yis/ /des ni mchod pa rnam mang po/ /de'ang mtha' yas de la byas/ /gtsug lag khang mang bye ba dag /
202b3 tsan+dan las ni byas pa yin/ /khang bzang sum cu rtsa gnyis te/ /de dag 'phang du brgyad brtseg go /mal cha dag gis nye bar brten/ /bza' bca' rnams kyang tshogs par ldan//
202b4 yol ba bzang po rab tu bshams/ /gnas rnams kyang ni rnam par stong / /me tog kun dgas mdzes byas pa'i/ /kun dga' dag dang 'chag sa byin/ /gzugs mang rnam pa sna
202b5 tshogs kyi/ /gding g.yog mang po de bzhin no/ /rnam 'dren mya ngan 'das pa na/ gang zhig mdo 'di 'dzin pa des/ /nga yi mdun du dge 'dun la/ /mchod pa mang po byas pa
202b6 yin| |mos pa snying por gang gyur te/ /gang zhig mdo 'di klog pa'am/ /yi ger 'dri bar byed pa de/ /de bas bsod nams mang du thob/ /mi 'ga' la las glegs bam la/ /shin tu
202b7 nges tshig 'dir bcug ste/ /spos dang phreng ba byug pa yis/ /glegs bam de la mchod pa byed/ /spos kyi 'bru mar bkang ba yi/ /mar me rtag tu su 'bul zhing / /sna ma ut+pal sil
203a1 ma dang / /tsam+pa kas kyang rab tu gtor/ /glegs bam dag la 'di 'dra ba'i/ /mchod pa byed pa'i mi de ni/ /bsod nams mang po rab 'phel
203a2 te| |de la tshad kyang yong med do/ /ji ltar nam mkha'i khams kyi tshad/ /phyogs bcu dag ni thams cad du/ /rtag tu rnyed par 'gyur ma yin/ /bsod nams phung po 'di
203a3 de 'dra/ /bzod cing dul te mnyam par bzhag /tshul khrims ldan zhing bsam gtan pa/ /yang dag nang 'jog spyod yul can/ /de 'dra ba lta smos ci dgos/ /khro ba med
203a4 cing phra ma med/ /mchod rten dag la gus par gnas/ /dge slong rnams la'ang rtag tu 'dud/ /nga rgyal med cing le lo med/ /shes rab ldan zhing bde bzhin brtan/ /dri
203a5 ba dris na mi khro ste/ /snying rje blo yis srog chags la/ /rjes su mthun par bar tu ston/ /gang zhig de 'drar gyur nas su/ /mdo 'di yang ni gang 'dzin pa/ /de yi bsod
203a6 nams phung po ni/ /tshad kyang rnyed par mi 'gyur ro/ /mdo 'di 'dzin par byed pa yi/ /de la su yi chos smra ba/ /gal te mi 'gas mthong na yang / /de la shin tu bkur sti bya/ /lha
203a7 yi me tog rnams kyis de la gtor/ /lha yi gos rnams kyis kyang mngon par dag pa/ /de yi rkang par mgo bos phyag 'tshal te/ /de la de bzhin gshegs par 'du shes bskyed//
203b1 de mthong nas ni de tshe 'di snyam du/ /de ni shing ljon drung du 'gror 'gyur te/ /lha dang bcas pa'i 'jig rten phan pa'i phyir/ /bla med byang chub zhing 'tshang rgya snyam bsam/ /mdo sde 'di
203b2 las tshigs bcad gcig brjod cing / /de 'dra'i mkhas de gang na 'chag pa'am/ /gang na 'greng ngam 'on te 'dug pa'am/ /dpa' bo gang du nyal bar byed pa'ang rung / /der
203b3 ni 'dren pa sangs rgyas bcom ldan gyi/ /ched du skyes bu dam pa'i mchod rten ni/ /blta na sdug pa sna tshogs byed du gzhug /de bzhin der ni mchod pa sna tshogs byas/ /gang na
203b4 sangs rgyas bu de 'dug pa yi/ /sa phyogs de ni nga yis yongs su spyad/ /ngas ni de nyid du yang 'chag pa byas/ /de nyid du yang nga ni 'dug par gyur/ /dam pa'i chos pad+ma dkar
203b5 po las/ bsod nams kyi rnam grangs kyi le'u zhes bya ste bcu drug pa'o// //de nas bcom ldan 'das la byang chub sems dpa' sems dpa' chen po byams
203b6 pas 'di skad ces gsol to/ /bcom ldan 'das/ rigs kyi bu'am rigs kyi bu mo gang gis chos kyi rnam grangs 'di bshad pa thos nas rjes su yi rang na/ bcom ldan 'das/
203b7 rigs kyi bu'am rigs kyi bu mo de bsod nams ji snyed cig bskyed par 'gyur/ de nas byang chub sems dpa' sems dpa' chen po byams pas de'i tshe tshigs su bcad pa 'di dag
204a1 gsol to/ /dpa' chen mya ngan 'das nas gang / /mdo 'di 'dra ba nyan pa dang / /thos nas rjes su yi rang ba/ /de yi dge ba ci tsam 'gyur/ /
204a2 de nas bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /ma pham pa/ de bzhin gshegs pa yongs su mya ngan las
204a3 'das nas/ rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam/ dge bsnyen ma'am/ skyes bu mkhas pa'am/ gzhon nu'am/
204a4 gzhon nu ma gang la la chos kyi rnam grangs 'di bshad pa nyan cing thos nas kyang rjes su yi rang la chos nyan pa de nas song ste/ gtsug lag khang na 'dug gam/ khyim na 'dug
204a5 gam| dgon pa na 'dug gam/ srang na 'dug gam/ grong na 'dug gam/ lto ngas na 'dug kyang rung ste/ rgyu de dag dang / byed rgyu de dag dang / chos de ji ltar thos pa dang / ji
204a6 ltar zin pa bzhin du ci nus kyis/ pha'am/ ma'am/ nye du'am/ yang dag par mgu bar 'gyur ba'am/ 'dris pa'am/ gzhan gang yang rung ste/ sems can pha rol la
204a7 bstan nas des de thos te/ rjes su yi rang la rjes su yi rang nas kyang gzhan la smras te/ des kyang de thos nas rjes su yi rang la des kyang gzhan la smras te/ des kyang de thos
204b1 nas rjes su yi rang la/ de ltar na rnam grangs 'dis gcig nas gcig tu brgyud de lnga bcu pa la thug na/ ma pham pa/ gcig nas gcig tu brgyud de thos pa/ rjes su yi rang
204b2 ba lnga bcu pa'i mir gyur pa gang yin pa/ ma pham pa/ rigs kyi bu'am rigs kyi bu mo de'i rjes su yi rang ba dang ldan pa'i bsod nams mngon par 'du byed pa de/ ngas bshad
204b3 kyi| legs par rab tu nyon la yid la gzung zhig dang ngas khyod la bshad do/ /ma pham pa/ 'di lta ste/ dper na/ 'jig rten gyi khams grangs med pa brgya stong phrag
204b4 bzhi na sems can 'khod cing yod pa 'gro ba drug tu skyes pa/ sgo nga las skyes pa'am/ mngal nas skyes pa'am/ drod gsher las skyes pa'am/ brdzus te skyes pa'am/
204b5 gzugs can nam/ gzugs med pa'am/ 'du shes can nam/ 'du shes med pa'am/ 'du shes med 'du shes med min nam/ rkang med dam/ rkang gnyis pa'am/ rkang
204b6 bzhi pa'am/ rkang ma ngas sam/ sems can ji tsam sems can gyi khams su bsdus shing / yang dag par 'du bar 'gyur ba rnams mi bsod nams 'dod pa/ phan par
204b7 'dod pa 'ga' zhig byung bas/ sems can gyi tshogs de la 'dod pa'i rtsed mo dang dga' ba'i longs spyod sdug pa mdzes pa gces pa yid du 'ong ba dag byin la/ 'dod pa'i rtsed mo
205a1 la dga' ba yongs su longs spyod par bya ba'i phyir sems can re re la'ang dzam+bu'i gling yongs su gang ba byin te/ 'gron bu dang / gser dang /
205a2 dngul dang / nor bu dang / mu tig dang / bai DUR+ya dang / dung dang / man shel dang / byu ru dang / rta'i shing rta dang / glang gi shing rta dang / glang po che'i shing rta dang / khang pa
205a3 brtsegs pa dang / khang pa'ang byin te/ ma pham pa/ rnam grangs 'dis sbyin pa'i bdag po sbyin bdag chen po'i mi des lo brgyad cu tshang bar sbyin pa byin la/ ma pham pa/ de
205a4 nas sbyin pa'i bdag po sbyin bdag chen po'i mi de 'di snyam du sems te/ sems can 'di dag thams cad kyang bdag gis brtsen du bcug /dga' bar byas/ bde bar
205a5 gsos na/ sems can 'di dag mgo skya zhing gnyer mas gang ste/ na tshod lo brgyad cu lon pas rgas te 'chi ba'i dus byed par yang nye bar gyur na/ bdag gis 'di
205a6 dag de bzhin gshegs pas gsungs pa'i chos 'dul ba la rab tu btsud de rjes su bstan to snyam nas/ ma pham pa/ de nas mi des sems can de dag thams cad
205a7 de bzhin gshegs pas gsungs pa'i chos 'dul ba la yang dag par btsud de/ yang dag par btsud nas 'dzin du bcug la/ sems can de dag gis kyang chos de
205b1 mnyan te thos nas skad cig thang cig yud tsam gcig la 'dus te thams cad rgyun du zhugs par gyur/ lan gcig phyir 'ong ba dang / phyir mi 'ong ba'i 'bras bu thob par gyur
205b2 pa nas/ zag pa zad pa bsam gtan pa bsam gtan chen po rnam par thar pa brgyad la bsam gtan pa'i dgra bcom pa'i bar du gyur na/ ma pham pa/ 'di ji snyam du sems/ sbyin
205b3 ba'i bdag po sbyin pa'i bdag po chen po'i mi de gzhi de las bsod nams mang po dpag tu med grangs med pa skyed dam/ de skad ces bka' stsal nas bcom ldan 'das la byang chub
205b4 sems dpa' sems dpa' chen po byams pas 'di skad ces gsol to/ /bcom ldan 'das/ de de lta lags so/ /bde bar gshegs pa/ de de lta lags te/ sbyin pa'i bdag po
205b5 sbyin pa'i bdag po chen po'i mi de sems can de snyed la bde ba'i yo byad thams cad stsal ba'i slad du rgyu des kyang bsod nams mang du skyed na/ bcom ldan 'das/ de'i 'og tu dgra bcom
205b6 pa nyid la rab tu bkod pa lta smos kyang ci 'tshal/ de skad ces gsol nas/ bcom ldan 'das kyis byang chub sems dpa' sems dpa' chen po ma pham pa la 'di skad ces bka'
205b7 stsal to/ /ma pham pa khyod mos par bya/ khong du chud par bya'o/ /sbyin pa'i bdag po sbyin bdag chen po'i mi gang gis/ 'jig rten gyi khams grangs med pa brgya stong phrag bzhi'i
206a1 sems can thams cad la bde ba'i yo byad thams cad kyis rim gro byas te/ dgra bcom pa nyid la rab tu rab tu bkod nas bsod nams bskyed la /gang yang
206a2 gcig nas gcig tu brgyud de thos pa lnga bcu par gyur pa'i mi des/ chos kyi rnam grangs 'di las tshigs su bcad pa gcig gam tshig gcig tsam thos te rjes su yi rang na/ gang
206a3 mi de'i rjes su yi rang ba dang ldan pa'i bsod nams bya ba'i dngos po ni/ sbyin ba'i bdag po sbyin bdag chen po'i mi de'i sbyin pa dang ldan pa dang / dgra bcom pa nyid la bkod pa
206a4 dang ldan pa'i bsod nams bya ba'i dngos po de bas gang mi gcig nas gcig tu brgyud pa'i lnga bcu pa'i mis chos kyi rnam grangs 'di las tshigs su bcad pa gcig gam tshig
206a5 gcig thos nas rjes su yi rang ba ni ches mang ste/ ma pham pa/ rjes su yi rang ba dang ldan pa'i bsod nams mngon par 'du byed pa dang / dge ba mngon par 'du byed pa 'di'i
206a6 mdun na/ snga ma'i sbyin pa dang ldan pa dang / dgra bcom pa nyid la bkod pa dang ldan pa'i bsod nams mngon par 'du byed pa des brgya'i char yang nye bar mi 'gro /stong
206a7 gi char yang brgya stong gi char yang bye ba'i char yang bye ba brgya'i char yang bye ba stong gi char yang bye ba brgya stong gi char yang bye ba khrag khrig brgya stong gi char yang nye bar mi 'gro ste/ bgrang bar yang char yang grangs su'ang dper yang rgyur yang mi bzod do/
206b1 /ma pham pa/ de ltar lnga bcu ba'i mi de tha na chos kyi rnam grangs 'di las tshigs su bcad pa gcig gam tshig gcig
206b2 la rjes su yi rang ba'ang / bsod nams 'di snyed skyed na/ ma pham pa/ gang gis nga'i mngon sum du chos kyi rnam grangs 'di mnyan te thos nas rjes su yi rang ba lta ci smos te/ ma pham
206b3 ba| de'i bsod nams mngon par 'du byed pa ni ches dpag tu med ches grangs med ces ngas bshad do/ /ma pham pa/ yang rigs kyi bu'am rigs kyi bu mo gang gis chos kyi rnam grangs
206b4 'di mnyan pa'i phyir/ bdag gi khyim nas byung ste gtsug lag khang du song la/ de phyin nas der 'greng ngam 'dug ste chos kyi rnam grangs 'di yud tsam mnyan na/ sems can de bsod
206b5 nams mngon par 'du bya ba de tsam byas shing bsags pas/ de tshe brjes nas lus phyi ma dang bdag gi ngo bo phyi ma thob pa la glang gi shing rta 'thob par 'gyur ro/ /rta'i shing rta dang /
206b6 glang po che'i shing rta dang / khyogs kyi bzhon pa dang / gru'i bzhon pa dang / khyu mchog gi bzhon pa dang / lha'i gzhal med khang thob par 'gyur ro/ /gal te yang mdo'i chos sgrog
206b7 pa der yud tsam zhig 'dug ste chos kyi rnam grangs 'di nyan tam/ pha rol 'dug cu bcug gam/ sems can gzhan la stan bgos na/ bsod nams mngon par 'du byed pa des/
207a1 brgya byin gyi stan dang / tshangs pa'i stan dang / 'khor lo sgyur ba'i seng ge'i khri thob par 'gyur ro/ /ma pham pa/ gal te rigs kyi bu'am rigs kyi
207a2 bu mo gang la las mi gzhan zhig la 'di skad du/ kye mi khyod tshur shog /dam pa'i chos pad+ma dkar po zhes bya ba'i chos kyi rnam grangs 'di nyon cig ces smras la/ mi de'ang spro
207a3 ba rnyed nas gal te yud tsam zhig mnyan na sems can de spro ba'i dge ba'i rtsa ba mngon par 'dus byas pa des/ gzungs thob pa'i byang chub sems dpa' sems dpa' chen po rnams
207a4 dang lhan cig 'grogs pa 'thob bo/ /blun por mi 'gyur ro/ /dbang po rno zhing shes rab dang ldan par 'gyur ro/ /tshe rabs brgya stong du'ang kha rul cing mnam par mi 'gyur/ de la
207a5 lce nad med par 'gyur/ kha nad med par 'gyur/ so sngon por mi 'gyur/ so mi mnyam pa med pa dang / so mi ser ba dang / so gyed 'dums med pa dang / so sngo ba med pa dang / so
207a6 byung ba med pa dang / so yo ba med par 'gyur ro/ /mchu 'phyang du mi 'gyur/ mchu nang du song ba ma yin pa dang / mchu log pa med pa dang / mchu sho rer ma gyur pa dang / mchu yo ba
207a7 med pa dang / mchu gnag pa med pa dang / mchu mi sdug pa med par 'gyur ro/ /sna leb leb por mi 'gyur/ sna yon por mi 'gyur ro/ /gdong ring por mi 'gyur/ gdong
207b1 yon por mi 'gyur/ gdong nag por mi 'gyur/ gdong blta na mi sdug par mi 'gyur ro/ /ma pham pa/ 'di ltar lce dang / so dang / mchu srab cing shin tu legs par 'gyur/ sna che ba
207b2 dang / bzhin gyi dbyibs legs pa dang / smin ma legs pa dang / dpral ba'i dbyes che bar 'gyur/ dpe byad rdzogs pa thob par 'gyur ro/ /de bzhin gshegs pas gdams
207b3 pa dang rjes su bstan pa'ang thob par 'gyur ro/ /sangs rgyas bcom ldan 'das rnams dang yang myur du phrad par 'gyur ro/ /ma pham pa ltos/ sems can gcig spro bar byas pas
207b4 kyang | bsod nams de tsam skyed na gang gis bsti stang du byas te mnyan tam/ bsti stang du byas te klog gam/ bsti stang du byas te ston tam/ bsti stang du byas te rab tu 'chad pa
207b5 lta ci smos/ de nas bcom ldan 'das kyis de'i tshe tshigs su bcad pa 'di dag bka' stsal to/ /gcig nas gcig tu brgyud pa lnga bcu pa/ /gang gis mdo 'di'i tshigs bcad
207b6 gcig mnyan te/ /thos nas sems dang rjes su yi rang ba'i/ /bsod nams ji snyed 'byung ba de nyon cig /gal te sbyin byed mi zhig byung gyur te/ /rtag tu sems can bye ba khrag
207b7 khrig la/ /gang sngar nga yis dpe byas de dag rnams/ /de kun lo yang brgyad cu tshim par byas/ /mgo la skra dkar gnyer ma kun byung ste/ /de dag rga la nyer gnas des mthong
208a1 nas| |kye ma sems can nyon mongs 'di dag kun/ /chos kyis 'di dag rab tu bstan par bya/ /de yis de rnams la ni phyi chos smras/ /mya ngan 'da'
208a2 pa'i sa yang rab tu bshad/ /srid pa thams cad dbu ba smig rgyu 'dra/ /srid pa kun la myur du yid byung byos/ /sbyin pa byed pa'i mi de'i gan nas su/ /sems can de dag kun gyis
208a3 chos thos nas/ /zag pa zad cing tha ma'i lus 'dzin par/ /dus gcig tu na dgra bcom thob gyur kyang / /gang zhig brgyud de tshigs bcad gcig thos shing / /rjes su yi rang
208a4 bsod nams ji snyed pa/ /de yi bsod nams de bas ches mang ste/ /bsod nams phung po snga mas char mi phod/ /gang gis brgyud de tshigs bcad gcig thos pa/ /de ltar
208a5 de yi bsod nams mang gyur te/ /de dag mtha' yas tshad kyang yong med na/ /mngon sum thos pa de ni smos ci dgos/ /gang der sems can gcig la'ang smras pa ni/ /bskal
208a6 pa bye ba khrag khrig du mar yang / /mdo 'di yang ni shin tu rnyed dka' yis /song ste chos nyon ces ni spro bar byas/ /sems can de dag de yis spro byas nas/ /mdo 'di yang ni yud
208a7 tsam nyan byed pa/ /de yi las kyi 'bras bu mnyan par gyis/ /nam yang de la kha yi nad med 'gyur/ /de yi lce yang na bar gzhar mi 'gyur/ /de yi so rnams 'byung bar mi 'gyur
208b1 ro/ /sngon po ser po mi mthun gzhar mi 'gyur/ /mchu mi sdug par yang ni yong mi 'gyur/ /de gdong yo'am skam zhing rid pa med/ /nam yang sna leb tu ni yong mi 'gyur/ /so dang mchu
208b2 dang bzhin gyi dkyil 'khor dang / /de yi sna dang dpral ba'i dbyibs kyang legs/ /mi rnams kyis ni blta na sdug par 'gyur/ /de yi kha ni rul par gzhar mi 'gyur/ /ut+pal bzhin
208b3 du rtag tu dri zhim pa/ /de yi kha nas dri yang 'byung bar 'gyur/ /dpa' bo khyim nas gtsug lag khang du song / /mdo sde nyan pa'i phyir ni der song ste/ /song nas der ni yud tsam des
208b4 chos mnyan/ /dad pa'i sems kyi 'bras bu mnyan par gyis/ /de yi lus ni shin tu dkar bar 'gyur/ /brtan pa de ni rta yi shing rtas 'gro/ /glang chen shing rta mthon por 'dug
208b5 nas su/ /rin po che yis brgyan pa zhon zhing chag /shin tu spud pa'i khyogs kyang des thob nas/ /de dag du ma mi yis bteg cing bkur/ /chos nyan phyir ni song ba gyur pa
208b6 de'i| |'bras bu dge ba 'di 'drar 'gyur ba yin/ /de ni 'khor gyi nang der 'dug nas su/ /dkar po'i las rnams byas pa de dag gis/ /tshangs pa'i stan dang rgyal po'i stan
208b7 rnams dang / /brgya byin stan rnams kyang ni des thob 'gyur/ /dam pa'i chos pad+ma dkar po las/ rjes su yi rang ba'i bsod nams bstan pa'i le'u zhes bya ste bcu bdun pa'o// //
209a1 dam pa'i chos pad+ma dkar po/ bam po bcu gcig pa/ de nas bcom ldan 'das kyis byang chub sems dpa' sems dpa' chen po rtag par rgyun du brtson
209a2 la bka' stsal pa/ rigs kyi bu gang la la chos kyi rnam grangs 'di 'dzin pa'am klog pa'am ston pa'am yi ger 'dri ba'ang rung ste/ rigs kyi bu de mig gi yon tan brgyad brgya
209a3 thob par 'gyur ro/ /rna ba'i yon tan stong nyis brgya thob par 'gyur ro/ /sna'i yon tan brgyad brgya thob par 'gyur ro/ /lce'i yon tan stong nyis brgya thob par 'gyur ro/ /lus
209a4 kyi yon tan brgyad brgya thob par 'gyur ro/ /yid kyi yon tan stong nyis brgya thob par 'gyur ro/ /de yon tan brgya phrag mang pos dbang po drug gi grong yongs su dag cing / shin
209a5 tu yongs su dag par 'gyur ro/ /de'i pha dang ma las byung ba'i sha'i mig tha mal ba de ltar yongs su dag pa'i mig gi dbang pos stong gsum gyi stong chen po'i 'jig rten gyi khams
209a6 kyi phyi nang dang / brag dang / nags stug por bcas pa dang / 'og tu mnar med pa'i sems can dmyal ba chen po la thug pa yan chad/ steng du srid pa'i rtse mor thug pa'i bar
209a7 du de dag thams cad mthong ngo / /sha'i mig tha mal bas sems can gang dag der skyes pa de dag thams cad kyang mthong ste/ de dag gi las kyi rnam par smin pa'ang shes
209b1 so| |de nas bcom ldan 'das kyis de'i tshe tshigs su bcad pa 'di dag bka' stsal to/ /'khor gyi dbus su mi 'jigs pa/ /gang zhig mdo sde 'di 'chad cing / /le lo med par
209b2 rab 'chad pa/ /de yi yon tan nga las nyan/ /yon tan dag ni brgyad brgya yi/ /de yi mig ni kun tu mdzes/ /des ni de mig dri ma med/ /rnyog pa med cing dag par 'gyur/ /pha dang
209b3 ma las byung ba yi/ /de yi sha yi mig des ni/ /'jig rten khams 'di thams cad kyang / /phyi nang bcas pa rab tu mthong / /lhun po'i ri rab thams cad dang / /kho ra yug kyang des
209b4 mthong ste/ /ri gzhan gang rnams grags pa dang / /rgya mtsho dag kyang mthong bar 'gyur/ /'og tu mnar med dmyal bar thug /steng du srid pa'i rtser gnas pa/ /brtan pa des ni
209b5 kun mthong ste/ /sha yi mig ni de 'dra'o/ /da dung de la lha yi mig /med pas shes pa ma yin no/ /de yi sha yi mig gi yul/ /de dag de ltar 'gyur ba yin/ /rtag par rgyun du
209b6 brtson/ /gzhan yang rigs kyi bu'am rigs kyi bu mo des chos kyi rnam grangs 'di yang dag par bstan cing gzhan dag la yang dag par bshad na/ rna ba'i yon tan stong nyis brgya po
209b7 de dag dang ldan te/ stong gsum gyi stong chen po'i 'jig rten gyi khams na mnar med pa'i sems can dmyal ba chen po la thug pa yan chad/ srid pa'i rtse mo la thug pa man chad na/
210a1 phyi nang gi sgra rnam pa mang po gang dag 'byung ba 'di lta ste/ glang po che'i sgra'am/ rta'i sgra'am/ rnga mo'i sgra'am/ ba glang gi sgra'am/ ra'i sgra'am/ shing
210a2 rta'i sgra'am/ du ba'i sgra'am/ mya ngan gyi sgra'am/ 'jigs pa'i sgra'am/ dung gi sgra'am/ dril bu'i sgra'am/ rnga'i sgra'am/ rtsed mo'i sgra'am/ glu'i sgra'am/ rol mo'i sgra'am/
210a3 skyes pa'i sgra'am/ bud med kyi sgra'am/ khye'u'i sgra'am/ bu mo'i sgra'am/ chos kyi sgra'am/ chos ma yin pa'i sgra'am/ bde ba'i sgra'am/ sdug bsngal ba'i sgra'am/ byis
210a4 pa'i sgra'am/ 'phags pa'i sgra'am/ yid du 'ong ba'i sgra'am/ yid du mi 'ong ba'i sgra'am/ lha'i sgra'am/ klu'i sgra'am/ gnod sbyin gyi sgra'am/ dri za'i sgra'am/ lha ma
210a5 yin gyi sgra'am/ nam mkha' lding gi sgra'am/ mi'am ci'i sgra'am/ lto 'phye chen po'i sgra'am/ mi'i sgra'am/ mi ma yin pa'i sgra'am/ me'i sgra'am/ chu'i sgra'am/ rlung gi
210a6 sgra'am/ grong gi sgra'am/ grong khyer gyi sgra'am/ dge slong gi sgra'am/ nyan thos kyi sgra'am/ rang sangs rgyas kyi sgra'am/ byang chub sems dpa'i sgra'am/ de bzhin gshegs
210a7 pa'i sgra'am/ stong gsum gyi stong chen po'i 'jig rten gyi khams kyi phyi nang na/ sgra ci byung ba ji snyed pa de dag thams cad rna ba'i dbang po thams nga yongs su dag pa des thos
210b1 te| re zhig lha'i rna ba ni mi sgrub mod kyi/ sems can de dang de dag gi skad du rab tu rtogs so/ /sems can de dang de dag gis skad la rnam par rtog go /rnam par 'byed do/ /rna ba'i
210b2 dbang po tha mal pa des sems can de dang de dag gis skad rnams thos kyang / de'i rna ba'i dbang po la sgra de dag thams cad kyis zil gyis mi non to/ /rtag par rgyun du brtson/ byang chub
210b3 sems dpa' sems dpa' chen po de rna ba'i dbang po 'di lta bu thob par 'gyur te/ re zhig lha'i rna ba ni mngon par mi sgrub bo/ /bcom ldan 'das kyis de skad ces bka' stsal te/ bde
210b4 bar gshegs pas de skad gsungs nas/ ston pas gzhan yang 'di skad ces bka' stsal to/ /de yi rna ba'i dbang po tha mal pa/ /rnyog pa med cing rnam par dag par 'gyur/ /'jig
210b5 rten khams 'di dag na ma lus par/ /rnam pa mang po'i sgra rnams des thos te/ /rnga bo che dang rdza rnga sgra snyan dang / /pi wang gling bu dang ni pa la ki /shing rta ba lang ra dang lug dag dang /
210b6 rta dang glang chen dag gi sgra yang thom/ /'jam zhing yid 'ong glu yi dbyangs kyang thos/ /brtan pa de ni de la chags pa med/ /gang dang gang na su dang su smra ba/ /bye ba snyed kyi mi yi sgra
210b7 rnams thos/ /lha yi sgra dang klu yi dbyangs rnams kyang / /snyan cing yid du 'ong ba rtag par thos/ /skyes pa bud med dag gi sgra rnams dang / /khye'u dang bu mo'i sgra yang de bzhin thos/ /
211a1 ri dang phug na gang gnas de dag dang / /khu byug rma bya ka la ping+ka dang / /bya rnams gang dag shang shang te'u rnams dang / /de dag rnams kyi sgra
211a2 snyan 'dir thos so/ /sems dmyal dag na sdug bsngal gang myong ba/ /shin tu mi bzad pa yi sgra rnams dang / /zas kyi sdug bsngal dag gis nyen pa yi/ /yi dwags rnams
211a3 kyi sgra phyung de bzhin thos/ /lha ma yin dang rgya mtsho'i nang gnas dang / /sgra 'byin pa dang de bzhin gzhan dag dang / /chos smra ba de 'di na 'dug bzhin du/ /sgra rnams thams
211a4 cad thos te chod pa med/ /dud 'gro'i skye gnas dag na phan tshun du/ /smra bar byed pa'i sgra rnams gang yin pa/ /rnam pa tha dad sgra rnams mang po dag /de ni 'di na 'dug bzhin de
211a5 dag thos/ /lha gang tshangs pa'i 'jig rten gnas pa dang / /gang dag 'og min dang ni 'od gsal lha/ /phan tshun du ni sgra skad gang 'byin pa/ /de dag ma lus thams cad
211a6 des thos so/ /bde bar gshegs kyi bstan la rab byung nas/ /dge slong gang dag kha ton byed pa dang / /'khor gyi nang na chos ston gang yin pa/ /de dag sgra yang rtag tu
211a7 de yis thos/ /'jig rten khams 'dir byang chub sems dpa' gang / /kha ton dag kyang byed cing phan tshun du/ /chos rnams yang dag rjod par gang byed pa/ de dag sgra
211b1 rnams rnam pa tha dad thos/ /byang chub sems dpa' mdo 'di gang 'dzin pas/ /sangs rgyas bcom ldan mi 'dul kha lo sgyur/ /'khor rnams la yang chos mchog gang gsung ba/ /
211b2 dus gcig tu ni de yang de yis thos/ /mnar med yan chad steng du srid pa'i rtse/ /stong gsum gyi ni zhing 'di thams cad na/ /nang logs dag dang phyi logs dag nas kyang / /sems
211b3 can gang gis sgra mang phyung ba dang / /sems can kun gyi sgra rnams thos gyur kyang / /'on kyang de yi rna ba 'gag pa med/ /dbang po gsal zhing gnas dang gnas kyang shes/ /rna ba'i
211b4 dbang po tha mal de tsam mo/ /re zhig lha yi la ni 'bad mi byed/ /tha mal rna ba de ni de ltar 'dug /'jigs med gang gis mdo 'di bzung ba ni/ /de yi yon tan dag ni de 'drar 'gyur/ /
211b5 rtag par rgyun du brtson gzhan yang byang chub sems dpa' sems dpa' chen po chos kyi rnam grangs 'di 'dzin tam/ rab tu ston tam/ kha ton byed dam/ yi ger 'dri ba de/ sna'i yon tan
211b6 brgyad brgya dang ldan zhing sna'i dbang po yongs su dag par 'gyur te/ de'i sna'i dbang po yongs su dag pa des stong gsum gyi stong chen po'i 'jig rten gyi khams kyi phyi nang gi dri rnam pa
211b7 mang po yod pa 'di lta ste/ rul ba'i dri'am/ yid du 'ong ba'i dri'am/ yid du mi 'ong ba'i dri'am/ me tog rnam pa tha dad pa'i dri 'di lta ste/ sna ma'i me tog dang / ma li ka dang / tsam+pa
212a1 ka dang / skya snar gyi dri rnams kyang tshor ro/ /chu las skyes pa'i me tog rnam pa mang po'i dri rnams kyang tshor te 'di lta ste/ ut+pa la dang / pad+ma dang / ku mu
212a2 ta dang / pad+ma dkar po rnams kyi dri dag kyang tshor ro/ /me tog dang 'bras bu'i shing rnam pa mang po'i me tog dang / 'bras bu'i dri rnams kyang tshor te/ 'di lta ste/ tsan+dan dang /
212a3 ta ma la'i 'dab ma dang / rgya spos dang / a ga ru'i dri zhim po rnams kyang tshor ro/ /spos rnam pa tha dad pa brgya stong gnas gcig na 'dug pa thams cad kyang
212a4 tshor ro/ /thams cad kyang shes so/ /sems can gyi dri rnam pa mang po'ang tshor te 'di lta ste/ glang po che dang / rta dang / ba lang dang / ra lug dang / phyugs kyi dri rnams
212a5 kyang tshor ro/ /dud 'gro'i skye gnas su song ba'i srog chags rnam pa mang po'i lus kyi dri rnams kyang tshor ro/ /skyes pa dang / bud med kyi lus kyi dri rnams kyang tshor ro/ /khye'u dang /
212a6 bu mo'i lus kyi dri rnams kyang tshor ro/ /rtswa dang / shing gel pa dang / sman dang / nags thag ring po na 'dug pa'i dri rnams kyang tshor ro/ /dri yang dag par tshor te dri yang dag
212a7 par shes mod kyi/ dri de dag gis mi 'phrogs/ de dag gis myos par mi 'gyur ro/ /de 'di na 'dug bzhin du lha dag gi dri rnams kyang tshor te 'di lta ste/ yongs 'dus brtol
212b1 gyi dri rnams kyang tshor ro/ /me tog man+da ra dang / man+da ra chen po dang / many+dzu Sha ka dang / many+dzu Sha ka chen po rnams kyi lha'i dri rnams kyang tshor ro/ /lha'i a ga ru'i phye ma dang / tsan+dan
212b2 gyi phye ma dag gi dri rnams kyang tshor ro/ /lha'i me tog rnam pa tha dad pa brgya stong gi dri dag kyang tshor ro/ /de dag gi mang rnams kyang shes so/ /lha'i bu'i lus kyi dri rnams kyang tshor te
212b3 'di lta ste/ lha'i dbang po brgya byin gyi lus kyi dri'ang tshor ro/ /rnam par rgyal pa'i khang bzang na rtse dga' zhing dga' mgur spyod pa'am/ chos bzang lha'i 'dun sa na sum cu rtsa
212b4 gsum pa'i lha rnams la chos ston pa'am/ rtse dga' ba'i phyir skyed mos tshal gyi sar byung bde'ang shes so/ /lha'i bu gzhan rnams kyi so so'i lus kyi dri rnams kyang tshor ro/ /lha'i
212b5 bu mo rnams dang lha'i chung ma rnams kyi lus kyi dri rnams kyang tshor ro/ /lha gzhon nu rnams kyi lus kyi dri rnams kyang tshor ro/ /lha gzhon nu ma rnams kyi lus kyi dri rnams kyang tshor te/ dri
212b6 de dag gis kyang mi 'phrogs shing myos par yang mi 'gyur ro/ /rnam grangs 'dis srid pa'i rtse mo'i bar du skyes pa'i sems can de dag gi lus kyi dri rnams kyang tshor ro/ /tshangs
212b7 ris kyi lha'i bu rnams dang / tshangs pa chen po rnams kyi lus kyi dri rnams kyang sor ro/ /rnam grangs 'dis lha'i ris thams cad kyi lus kyi dri rnams kyang tshor ro/ /nyan thos dang /
213a1 rang sangs rgyas dang / byang chub sems dpa' dang / de bzhin gshegs pa dag gi sku'i dri rnams kyang tshor ro/ /de bzhin gshegs pa dag
213a2 gi gdan gyi dri rnams kyang tshor ro/ /de bzhin gshegs pa dgra bcom pa yang dag par rdzogs pa'i sangs rgyas de dag gang na bzhugs pa de'ang rab tu shes so/ /de'i
213a3 sna'i dbang po de'ang dri rnam pa mang po de dang de dag gis mi 'phrogs te/ nyams pa'am gnod par 'gyur ba'ang med do/ /de 'dod na dri de dang de dag gzhan dag la'ang
213a4 ston te/ de dran pa nyams par 'gyur ba med do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de yi sna yi dbang po rnam dag
213a5 'gyur/ /gang rnams 'jig rten khams 'di thams cad na/ /dri zhim dri mi zhim pa ci yod pa/ /des ni rnam pa mang po'i dri yang tshor/ /sna ma'i me tog dri dang ma li
213a6 ka /tsan+dan ta ma la yi 'dab ma dang / /rgya spos dag dang a ga ru yi dri/ /me tog 'bras bu sna mang de dag dang / /skyes pa bud med ring na 'dug pa dang / /khye'u
213a7 rnams dang ni bu mo de dag dang / /sems can rnams kyi dri yang de bzhin shes/ /de yi gnas kyang des ni dri las shes/ /'khor los bsgyur rgyal rnams kyang de yis
213b1 shes| |stobs kyi 'khor los bsgyur dang rgyal phran dang / /de bzhin khye'u dang bu mo de dag dang / /chung ma'i 'khor kun dri las de yis shes/ /yongs su longs spyod rin chen
213b2 rnam mang dang / /sba ba gang dag sa la 'dug rnams dang / /bud med rin po cher gyur de dag kyang / /byang chub sems dpa' de yis dri las shes/ /de dag rnams kyi rgyan
213b3 rnams ci yod pa/ /lus la btags pa rnam pa sna tshogs gzugs/ /gos dang phreng ba byug pa spos rnams kyang / /dri las byang chub sems dpa' de yis shes/ /de bzhin 'greng dang
213b4 'dug dang nyal ba dang / /rtsed mo dga' ba mthu stobs thams cad kyang / /mdo sde dam pa 'di ni gang 'dzin pa/ /brtan pa de yi sna yi stobs kyis shes/ /spos mchog 'bru mar dri yang
213b5 de bzhin te/ /me tog 'bras bu rnam pa mang po'i dri/ /dri 'di ga ge mo na yong ces kyang / /'dug bzhin du ni cig car shes shing tshor/ /ri yi phrag ni rnam pa sna tshogs na/ /tsan+dan me
213b6 tog rgyas mang gang yod dang / /sems can gang dag de na gnas pa yang / /mkhas des de dag thams cad dri las shes/ /khor yug ngos la gang dag gnas pa dang / /rgya mtsho'i
213b7 dbus na gang dag 'khod pa dang / /sa yi dbus na sems can gang gnas pa/ /mkhas pa des ni thams cad dri las shes/ /lha dang lha ma yin yang de bzhin shes/ /des ni lha
214a1 min bu mo dag kyang shes/ /lha ma yin gyi rtsed mo dga' ba'ang shes/ /de yi sna yi dbang po'i mthu de 'dra/ /nags khrod dag na rkang bzhi gang yod
214a2 pa| |seng ge stag dang de bzhin glang chen mchog /de na ma he ba lang ba men rnams/ /de dag gnas pa de yi sna yis shes/ /bud med gang dag sbrum mar gyur pa dang / /khye'u
214a3 'am 'on te bu mo gang yin pa/ /rum na 'chang ba shin tu ngal ba'i lus/ /de la gang yod de yi dri las shes/ /sems can mngal du zhugs pa'ang des shes te/ /rnam par
214a4 'jig pa'i chos kyang de yis shes/ /bud med 'di ni sdug bsngal rnams dang bral/ /bsod nams ldan pa'i bu ni 'byung bar shes/ /skyes bu'i bsam pa mang por rab shes
214a5 te| |bsam pa'i dri yang de bzhin de yis tshor/ /'dod chags zhe sdang de bzhin 'chab pa dag /nye bar zhi ba'i sems kyi dri yang tshor/ /sa la gter rnams gang dag yod
214a6 gyur pa/ /nor rnams dang ni gser dngul 'gron bu yis/ /lcags kyi sgrom rnams de bzhin gang ba dag /dri las byang chub sems dpa' de yis shes/ /mu tig nor bu do
214a7 shal se mo do/ /rin thang med pa'i rin chen rnam mang po/ /rin thang med pa'i ming dang 'od dbyibs kyang / /de dag thams cad de yi dri las shes/ /de bzhin steng gi lha yi me
214b1 tog rnams/ /man+dA ra dang many+dzu Sha ka dang / /yongs 'du'i me tog gang dag yod gyur pa/ /dpa' bo 'di na 'dug bzhin de dag tshor/ /gang gi gzhal med khang rnams ci 'dra ba/ /
214b2 yangs dang 'bring dang de bzhin chung ngu dang / /de na rnam pa sna tshogs gzugs yod pa/ /'di na 'dug bzhin sna yi stobs kyis tshor/ /skyed mos tshal gyi sa yang de bzhin shes/ /
214b3 chos bzang dang ni rnam par rgyal ba yi/ /khang bzang mchog na lha gang 'khod pa dag /de na lha'i bu brtse na pa'ang rtag tu shes/ /gang zhig gang na las ni byed pa'ang / /'dug
214b4 dang nyal dang gang du 'gro ba yang / /'di na 'dug bzhin de dag dri yang tshor/ /lha yi bu rnams des ni dri las shes/ /me tog mang brgyan lha yi bu mo gang / /phreng ba thogs shing
214b5 lhab lhub rnams kyis brgyan/ /gang dang gang du brtsen zhing 'dong ba dag /byang chub sems dpa' de yis dri las shes/ /steng du srid pa'i rtse mo'i bar gyi lha/ /tshangs pa tshangs
214b6 chen gzhal med khang rgyu ba/ /bsam gtan gnas sam 'on te langs pa yang / /de dag der ni dri las rab tu shes/ /'od gsal gyi ni lha yi bu rnams kyang / /'chi 'phos skyes
214b7 pa gsar du 'ongs pa shes/ /byang chub sems dpa' mdo 'di 'dzin pa yi/ /sna yi dbang po 'di 'drar 'gyur ba yin/ /dge slong gang rnams bde gshegs bstan pa
215a1 la| |mngon par brtson pa 'chag cing 'dug pa dang / /lung nod kha ton mos pa'i dge slong rnams/ /thams cad byang chub sems dpa'
215a2 de yis shes/ /rgyal ba'i sras po nyan thos gang yod pa/ /la la rtag tu shing drung gnas pa dag /dge slong 'di zhes bya bar 'dir gnas shes/ /de dag thams cad
215a3 mkhas pa des shes so/ /byang chub sems dpa' dran ldan bsam gtan pa/ /rtag tu lung nod kha ton dga' gang dag /'khor gyi nang na chos kyang rab 'chad pa/ /
215a4 de dag dri las byang chub sems dpas shes/ /bde bar gshegs pa thub chen phyogs gang na/ /nyan thos dge 'dun mdun gyis bltas dus na/ /phan zhing thugs
215a5 brtse rab tu chos 'chad pa/ /'jig rten mgon po de yang dri las shes/ /sems can gang rnams chos 'di nyan pa dag /gang rnams thos nas dga' ba'i yid gyur
215a6 pa| |de na rgyal ba'i 'khor rnams thams cad kyang / /'di na 'dug bzhin byang chub sems dpas shes/ /de yi sna yi stobs ni de 'drar 'gyur/ /de la lha yi sna ni
215a7 da dung med/ /zag pa med par gyur pa lha yi sna/ /de yi sdun du 'gro par 'di 'gyur ro/ /rtag par rgyun du brtson/ gzhan yang rigs kyi bu'am rigs kyi bu mo de chos kyi rnam
215b1 grangs 'di 'dzin tam/ ston tam/ rab tu 'chad dam/ yi ger 'drir 'jug na/ lce'i yon tan stong nyis brgya po de dag dang ldan pa'i lce'i dbang po thob par 'gyur te/ de lce'i
215b2 dbang po de lta bus ro gang dag myangs pa dang / ro gang dag tshor ba dang / ro gang dag lce'i dbang po la reg pa de thams cad lha'i ro bro ba dam par 'gyur ro/ /ji ltar yid du mi 'ong
215b3 ba'i ro gang dag yang mi myong ba de lta bu myong bar 'gyur ro/ /yid du mi 'ong ba'i ro gang yin pa de dag kyang / de'i lce'i dbang po'i steng du reg na lha'i ro bro bar 'gyur ro/ /'khor
215b4 gyi nang du song nas chos gang bshad pa des/ sems can de dag dbang po tshim par 'gyur te/ mgu ba dang / yongs su mgu ba dang / mchog tu dga' ba skye'o/ /de'i sgra'ang
215b5 zab cing yid du 'ong la mnyen zhing snyan par 'gyur te/ snying la 'bab pa dang dga' bar 'gyur ba des sems can de dag dga' mgu yi rang ba'i sems su 'gyur ro/ /gang
215b6 dag la chos bshad pa de dag gis kyang de'i dbyangs 'jam zhing snyan pa yid du 'ong ba'i sgra thos nas/ lha rnams kyang blta ba dang / phyag bya ba dang / bsnyen bkur bya ba dang /
215b7 chos mnyan pa'i phyir de'i drung du 'gro bar sems so/ /lha'i bu dang lha'i bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du
216a1 'gro bar sems so/ /brgya byin dang / tshangs pa dang / tshangs ris kyi lha'i bu rnams kyang blta ba dang / phyag bya ba dang / bsnyen bkur bya ba dang / chos
216a2 mnyan pa'i phyir drung du 'gro bar sems so/ /klu dang / klu'i bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar
216a3 sems so/ /lha ma yin dang / lha ma yin gyi bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems so/ /
216a4 nam mkha' lding dang / nam mkha' lding gi bu mo rnams kyang blta ba dang / phyag bya ba dang / bsnyen bkur bya ba dang / chos mnyan pa'i phyir drung du 'gro bar sems so/ /mi'am
216a5 ci dang / mi'am ci'i bu mo dang / gnod sbyin dang / gnod sbyin gyi bu mo dang / sha za dang / sha za'i bu mo rnams kyang blta ba dang / phyag bya ba dang / bsnyen bkur bya dang /
216a6 chos mnyan par bya ba'i phyir drung du 'gro bar sems te/ de dag kyang de la bkur sti byed/ bsti stang du byed/ btsun par byed/ mchod pa dang / gsol bar byed/ dbul
216a7 bar byed do/ /dge slong dang / dge slong ma dang / dge bsnyen dang / dge bsnyen ma rnams kyang lta 'dod par 'gyur ro/ /rgyal po dang / rgyal bu dang / rgyal po'i blon
216b1 po rnams kyang lta 'dod par 'gyur ro/ /stobs kyi 'khor lo sgyur ba'i rgyal po dang / 'khor lo sgyur ba'i rgyal po rin po che sna bdun dang ldan pa bu dang bcas pa/ blon po dang bcas
216b2 pa| btsun mo'i 'khor bcas pa dang / g.yog 'khor dang bcas pa'ang bkur sti bya ba'i phyir lta 'dod par 'gyur ro/ /chos smra ba de de bzhin gshegs pas ji skad gsungs
216b3 pa bzhin yang dag pa ji lta ba bzhin du snyan pa'i chos 'chad do/ /bram ze dang / khyim bdag dang / yul gyi mi gzhan dag kyang rtag tu rgyun mi 'chad par tshe'i mtha' mar phyin
216b4 gyi bar du/ chos smra ba de'i phyi bzhin du 'brang bar 'gyur ro/ /de bzhin gshegs pa'i nyan thos rnams kyang de la lta 'dod par 'gyur ro/ /rang sangs rgyas rnams kyang de la lta
216b5 'dod par 'gyur ro/ /sangs rgyas bcom ldan 'das rnams kyang de la gzigs bzhed par 'gyur ro/ /rigs kyi bu'am rigs kyi bu mo de phyogs gang na 'dug pa de'i phyogs su
216b6 de bzhin gshegs pa gzigs te chos 'chad do/ /sangs rgyas kyi chos rnams kyi snod du 'gyur te/ de ltar de zab cing yid du 'ong ba'i chos rnams kyi sgra 'byin par 'gyur ro/ /
216b7 de nas bcom ldan 'das kyis de'i tshe tshigs su bcad pa 'di dag bka' stsal to/ /de yi lce yi dbang po mchog tu 'gyur/ /nam yang ngan pa'i ro ni yong mi myong / /reg ma thag tu
217a1 lha yi ro bror 'gyur/ /lha yi ro bro shin tu ldan pa yin/ /rna bar snyan cing yid du 'ong ba dang / /'jam zhing mnyen pa'i sgra skad rab tu smra/ /'khor gyi
217a2 dbus der dga' bar 'gyur ba yi/ /zab mo'i dbyangs ni rtag par rab tu smra/ /bye ba khrag khrig du ma'i dpe rnams kyis/ /des bshad pa la chos rnams gang nyan pa/ /de na de la
217a3 mchog tu dga' ba skyed/ /de la mchod pa dpag tu med pa byed/ /lha dang klu dang gnod sbyin lha min dang / /gsang ba bdag rtag tu de lta 'dod/ /chos 'di shin tu gus par nyan
217a4 pa de/ /yon tan 'di dag thams cad de yis 'gyur/ /'dod par gyur na 'jig rten khams 'di dag /dbyangs kyis thams cad du yang go bar byed/ /de yi dbyangs ni mnyen zhing
217a5 'jam pa ste/ /zab cing snyan la shin tu dga' bar 'gyur/ /rgyal po sa bdag 'khor lo sgyur ba rnams/ /mchod pa'i phyir ni de yi drung du 'dong / /bu dang chung mar bcas te
217a6 thal mo sbyar/ /rtag tu de la chos ni nyan par 'gyur/ /gnod sbyin rnams kyis rtag tu bkur sti byed/ /klu dang dri za dag gi tshogs rnams dang / /sha za pho dang sha za mo rnams
217a7 kyis| |bsti stang ri mo mchod pa rnams kyang byas/ /tshangs pa rnams la de ni dbang byed 'gyur/ /lha bu dbang phyug che dang dbang phyug dang / /brgya byin de bzhin lha yi bu gzhan
217b1 dang | |lha yi bu mo mang po drung du 'gro /sangs rgyas 'jig rten phan zhing thugs brtse gang / /nyan thos bcas pas de yi dbyangs thos nas/ /zhal ston pa dang bsrung ba
217b2 dag kyang mdzad/ /chos 'di 'chad pa la ni dgyes par 'gyur/ /rtag par rgyun du brtson/ gzhan yang byang chub sems dpa' sems dpa' chen po chos kyi rnam grangs 'di
217b3 'dzin tam/ klog gam/ rab tu 'chad dam/ ston tam/ yi ger bris na/ de'i lus kyi yon tan brgyad brgya thob par 'gyur ro/ /de'i lus yongs su dag ste pags pa'i
217b4 mdog bai DUR+ya ltar dag cing sems can rnams kyis mthong na dga' bar 'gyur ro/ /de'i lus yongs su dag pa de la stong gsum gyi stong chen po'i 'jig rten gyi khams
217b5 thams cad snang ste/ stong gsum gyi stong chen po'i 'jig rten gyi khams na sems can gang dag 'chi 'pho ba dang / skye ba dang / ngan pa dang / bzang po dang / mdog
217b6 bzang po dang / mdog ngan pa dang / bde 'gro dang / ngan 'gro dang / ri khor yug dang / khor yug chen po dang / lhun po dang / ri'i rgyal po ri rab la sems can gang
217b7 dag gnas pa rnams dang / 'og tu mnar med pa'i sems can dmyal ba la thug pa dang / steng du srid pa'i rtse mo'i bar du sems can gang dag gnas pa de dag thams
218a1 cad kyang bdag gi lus la snang bar 'gyur ro/ /stong gsum gyi stong chen po'i 'jig rten gyi khams 'di na nyan thos sam/ rang sangs rgyas sam/
218a2 byang chub sems dpa'am/ de bzhin gshegs pa gang la la dag bzhugs pa dang / de bzhin gshegs pa de dag chos gang ston pa dang / sems can gang dag de bzhin
218a3 gshegs pa de dag la bsnyen bkur byed pa dang / sems can de dag thams cad kyi lus so sor thob pa'ang bdag gi lus la snang bar 'gyur ro/ /de ci'i phyir zhe na/ 'di
218a4 ltar de'i lus yongs su dag pa'i phyir ro/ /de nas de'i tshe bcom ldan 'das kyis tshigs su bcad pa 'di dag bka' stsal to/ /gang zhig rgya che mdo 'di 'dzin byed pa/ /de yi
218a5 lus ni yongs su dag par 'gyur/ /rnam dag bai DUR+ya ltar grub pa ste/ /rtag tu sems can rnams kyis mthong na dga'/ /me long phyis par gzugs brnyan snang ba
218a6 bzhin| /lus la 'jig rten de dag de bzhin snang / /sems can gzhan min rang byung de yis mthong / /yongs su dag pa'i lus ni de 'dra'o/ /'jig rten khams
218a7 'di'i sems can ci yod pa/ /lha mi lha ma yin dang gsang ba pa/ /sems dmyal yi dwags dud 'gro'i skye gnas rnams/ /lus de la ni gzugs brnyan so sor snang / /srid
218b1 pa'i rtse bar gzhal med khang gi lha/ /brag rnams dang ni ri dang kho ra yug /gangs ri ri rab lhun po chen po rnams/ /de yi lus las rnam pa thams cad snang / /de yi lus
218b2 la nyan thos bcas pa yi/ /sangs rgyas rnams dang sangs rgyas sras gzhan yang / /byang chub sems dpa' gcig pu gang gnas dang / /tshogs la gang dag chos ston
218b3 rnams kyang snang / /de yi rnam dag lus ni de 'dra ste/ /'jig rten khams rnams thams cad de la snang / /de ni da dung lha yis ma thob ste/ /de yi rang bzhin lus ni de
218b4 'dra'o/ /rtag par rgyun du brtson/ gzhan yang byang chub sems dpa' sems dpa' chen po de bzhin gshegs pa yongs su mya ngan las 'das nas/ chos kyi rnam grangs
218b5 'di 'dzin tam/ ston tam/ rab tu 'chad dam/ yi ger 'dri'am/ klog na/ yid kyi las kyi yon tan stong nyis brgya po de dag dang ldan zhing yid kyi dbang po yongs su
218b6 dag par 'gyur ro/ /de yid kyi dbang po yongs su dag pa des/ tha na tshigs su bcad pa gcig thos pas kyang de'i don mang por shes so/ /des de dag khong du chung nas
218b7 de'i phyir zla ba gcig tu chos ston to/ /zla ba bzhi'am lor yang chos ston to/ /chos gang bshad pa de la de brjed ngas bar mi 'gyur ro/ /'jig rten pa'i 'jig rten gyi
219a1 tha snyad gang dag skad dam sngags ci yod pa de dag thams cad chos kyi tshul dang sbyor ro/ /stong gsum gyi stong chen po'i 'jig rten gyi khams
219a2 na| sems can 'gro ba drug tu skyes shing 'khor ba'i sems can gang ji snyed pa de dag thams cad kyi sems kyi spyod pa'i g.yo ba rnams kyang shes so/ /g.yos pa dang
219a3 bsam pa dang spros pa rnams kyang shes shing rab tu rtogs so/ /re zhig 'phags pa'i ye shes ma thob kyang de'i yid kyi dbang po 'di lta bur yongs su dag par 'gyur
219a4 ro| |chos kyi nges pa'i tshig gang dang gang rjes su bsams te/ gtam ston pa de dag thams cad kyang yang dag par ston to/ /de bzhin gshegs pas gsungs pa
219a5 thams cad ston to/ /sngon gyi rgyal bas mdo sde'i rnam grangs bstan pa thams cad 'chad do/ /de nas bcom ldan 'das kyis de'i tshe tshigs su bcad pa 'di dag bka'
219a6 stsal to/ /de yi yid kyi dbang po rnam dag 'gyur/ /gsal zhing 'od gsal rnyog pa med pa ste/ /ngan pa bzang po de bzhin bar ma dang / /des ni rnam pa mang po'i
219a7 chos rab shes/ /brtan pa des ni tshigs bcad gcig thos kyang / /de don rnam pa mang po de yis shes/ /zla ba bzhi'am de bzhin lo yi bar/ /rtag tu yang dag 'brel
219b1 ba rab tu smra/ /sems can gang rnams 'jig rten khams 'di yi/ /phyi rol dag dang nang na gang gnas pa/ /lha mi lha ma yin dang gsang ba pa/ /klu dang dud 'gro'i skye gnas gar
219b2 song dang / /'gro ba drug na gnas pa'i sems can rnams/ /de dag rnams kyis rnam par ci bsams pa/ /skad cig tu ni thams cad mkhas pas shes/ /mdo 'dzin pa yi phan yon
219b3 'di dag go /bsod nams brgya yi mtshan ldan sangs rgyas kyis/ /'jig rten kun la chos gang rab bshad pa/ /de yi rnam par dag pa'i sgra yang thos/ /de yis ci bstan pa
219b4 yang des bzung ste/ /chos kyi mchog kyang mang du rnam par sems/ /de ni rtag tu mang po ston par 'gyur/ /de ni rmongs par nam yang mi 'gyur te/ /mdo 'dzin pa yi phan yon
219b5 'di dag go /des ni mtshams dang tshigs kyang rab tu shes/ /chos rnams kun gyi mtshan nyid mi mthun dang / /don dang nges pa'i tshig kyang rab tu shes/ /ji ltar de dag
219b6 shes pa bzhin du 'chad/ /sngon gyi 'jig rten dag gi slob dpon gyis/ /yun ring 'dir ni mdo sde gang bshad pa/ /de yi chos rnams 'khor gyi dbus su yang / /'jigs pa
219b7 med par rtag tu de 'chad do/ /mdo 'di bzung ba dang ni bklags pa yis/ /de yi yid kyi dbang po de 'drar 'gyur/ /da dung ma chags ye shes ma thob ste/ /'di ni de yi sngon du 'gro
220a1 bar 'gyur/ /bde bar gshegs pa'i mdo 'di 'dzin pa yang / /slob dpon gyi ni sa la 'dug pa yin/ /sems can thams cad la yang chos
220a2 smra ste/ /nges tshig bye ba snyed la mkhas par 'gyur/ /dam pa'i chos pad+ma dkar po las/ skye mched drug rnam par dag pa'i phan yon gyi le'u zhes bya ste bco brgyad
220a3 pa'o// //de nas bcom ldan 'das kyis byang chub sems dpa' sems dpa' chen po mthu chen thob la bka' stsal pa/ mthu chen thob /rnam grangs
220a4 'dis kyang 'di ltar rig par bya ste/ gang dag kha cig chos kyi rnam grangs 'di lta bu 'di rjod pa dang / mdo sde 'di lta bu 'dzin pa'i dge slong dang / dge slong ma dang /
220a5 dge bsnyen dang / dge bsnyen ma la gshe zhing mi snyan par smra ba dang / tshogs pa mi dbyung ba'i tshig rtsub po zer ba de dag gi rnam par smin pa 'dod pa ma yin par 'gyur
220a6 te| de ni tshig gis brjod du'ang mi nus so/ /gang dag mdo sde 'di lta bu 'di 'dzin pa dang / klog pa dang / kun chub par byed pa dang / 'chad pa dang / gzhan dag
220a7 la'ang rgya cher yang dag par rab tu ston pa de dag gi rnam par smin pa ni 'dod par 'gyur te/ ji ltar ngas sngar brjod pa de lta bur mig dang / rna ba dang / sna dang / lce
220b1 dang | lus dang / yid yongs su dag pa thob par 'gyur ro/ /mthu chen thob/ sngon byung ba 'das pa'i dus na/ bskal pa grangs med pa'i yang ches grangs med pa yangs pa/ tshad
220b2 med pa/ bsam gyis mi khyab pa de dag gi'ang ches pha rol tu gyur ba de'i tshe de'i dus na tha dad du gnas pa'i bskal pa la/ 'jig rten gyi khams cher 'byung bar de bzhin
220b3 gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo
220b4 sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jigs bsgrags dbyangs kyi rgyal po zhes bya ba 'jig rten du byung ste/ mthu chen thob/
220b5 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po de 'jig rten gyi khams cher byung ba
220b6 de na lha dang mi dang lha ma yin du bcas pa'i 'jig rten gyi mdun na chos ston te/ 'di lta ste/ nyan thos rnams la ni skye ba dang / rga ba dang / na ba dang / 'chi ba dang /
220b7 mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa las shin tu 'da' ba'i phyir /mya ngan las 'das pa'i mthar thug
221a1 pa 'phags pa'i bden pa bzhi dang ldan pa rten cing 'brel par 'byung ba la 'jug pa'i chos ston to/ /byang chub sems dpa' sems dpa'
221a2 chen po rnams la ni bla na med pa yang dag par rdzogs pa'i byang chub la brtsams te/ pha rol tu phyin pa drug dang ldan pa de bzhin gshegs pa'i ye shes kyi mthar thug pa'i
221a3 chos ston to/ /mthu chen thob/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po de'i
221a4 tshe'i tshad ni/ bskal ba bye ba khrag khrig brgya phrag stong gang+gA'i klung bzhi'i bye ma snyed du gyur to/ /de yongs su mya ngan las 'das nas kyang / bskal pa bye ba khrag khrig brgya
221a5 stong phrag dzam+bu'i gling gi rdul phra rab snyed du dam pa'i chos gnas par gyur to/ /bskal pa bye ba khrag khrig brgya stong phrag gling bzhi'i rdul phra rab snyed du dam pa'i chos kyi gzugs
221a6 brnyan gnas par gyur to/ /mthu chen thob/ 'jig rten gyi khams cher 'byung ba de na/ bcom ldan 'das de bzhin gshegs pa dgra bcom pa yang dag par rdzogs pa'i
221a7 sangs rgyas 'jigs bsgrags dbyangs kyi rgyal po de yongs su mya ngan las 'das pa'i dam pa'i chos dang / dam pa'i chos kyi gzugs brnyan yang med par gyur nas/ de
221b1 bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po gzhan yang 'jig rten du byung ngo / /mthu chen thob/ de lta
221b2 bu gcig nas gcig tu cher 'byung ba'i 'jig rten gyi khams der/ de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs
221b3 kyi rgyal po bye ba khrag khrig brgya stong phrag nyi shu byung ngo / /mthu chen thob/ tha dad du gnas pa'i bskal pa la/ 'jig rten gyi khams cher 'byung ba der de bzhin gshegs pa
221b4 pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/
221b5 bla na med pa/ lha dang mi rnams kyi ston pa 'jigs bsgrags dbyangs kyi rgyal po/ de bzhin gshegs pa thams cad kyi thog mar gang byung ba'i bcom ldan 'das yongs su
221b6 mya ngan las 'das pa de'i dam pa'i chos nub par gyur te/ dam pa'i chos kyi gzugs brnyan yang nub par gyur ba'i tshe/ de'i bstan pa la nga rgyal can gyi dge slong gis shin
221b7 tu non par gyur te/ de nas byang chub sems dpa' sems dpa' chen po rtag tu brnyas pa zhes bya ba'i dge slong zhig byung ngo / /mthu chen thob/ ci'i phyir byang chub sems
222a1 dpa' sems dpa' chen po de rtag tu brnyas pa zhes bya zhe na/ mthu chen thob/ byang chub sems dpa' sems dpa' chen po des/ dge slong
222a2 ngam| dge slong ma'am/ dge bsnyen nam/ dge bsnyen ma su mthong yang rung ste/ de dag gi drung du song nas 'di skad du/ kho bo ni tshe dang ldan pa khyed la brnyas par mi
222a3 byed de/ khyed ni ma brnyes pa'o/ /de ci'i phyir zhe na/ khyed thams cad kyis byang chub sems dpa'i spyad pa spyod cig dang / khyed de bzhin gshegs pa dgra bcom pa yang
222a4 dag par rdzogs pa'i sangs rgyas su 'gyur ro zhes smra'o/ /mthu chen thob/ rnam grangs 'dis byang chub sems dpa' sems dpa' chen po dge slong du gyur pa de sems can
222a5 rgyang ring po na 'dug pa su mthong yang rung ste/ de'i drung du song zhing de skad du yang dag par sgrogs pa ma gtogs par lung yang mi nod/ kha ton yang mi byed de/ dge slong
222a6 ngam| dge slong ma'am/ dge bsnyen nam/ dge bsnyen ma de dang de dag gi drung du song nas/ 'di skad du kho bo ni tshe dang ldan pa khyed la brnyas par mi byed de/ khyed ni ma
222a7 brnyas pa'o/ /de ci'i phyir zhe na/ khyed thams cad kyis byang chub sems dpa'i spyad pa spyod cig dang / khyed de bzhin gshegs pa dgra bcom pa yang dag par rdzogs
222b1 pa'i sangs rgyas su 'gyur ro zhes smra'o/ /mthu chen thob/ byang chub sems dpa' sems dpa' chen po des de'i tshe dge slong ngam/ dge slong ma'am/ dge bsnyen nam/ dge bsnyen
222b2 ma'am/ su dang su la de skad bsgrags pa de dag thams cad las phal cher de la khro zhing gnod par sems la ma dad pa skyed de/ de la gshe zhing spyos te/ ci'i phyir dge slong 'di
222b3 ma dris par brnyas pa'i sems med do zhes bdag cag la ston te/ bdag nyid la brnyas par byed cing 'di ltar ma bsams/ mi 'dod par bla na med pa yang dag par rdzogs pa'i byang
222b4 chub tu bdag cag la lung ston ces smra'o/ /mthu chen thob/ byang chub sems dpa' sems dpa' chen po de de lta bur gshe zhing spyo bas lo mang po 'das te/ su la'ang mi khro
222b5 zhing gnod sems mi skyed do/ /de ltar de yang dag par sgrogs pa la bod pa dang / dbyug pa 'phen kyang / des de dag la thag ring po nas sgra chen po byas te/ kho bo khyed la brnyas par mi
222b6 byed do zhes yang dag par sgrog go /des nga rgyal can gyi dge slong dang / dge slong ma dang / dge bsnyen dang / dge bsnyen ma de dag la rtag tu rgyun mi 'chad par yang dag par bsgrags pas
222b7 de dag gis de la ming rtag tu brnyas pa zhes btags so/ /mthu chen thob/ byang chub sems dpa' sems dpa' chen po rtag tu brnyas pa de 'chi ba'i dus byed pa nye bar gnas te/
223a1 'chi ba'i dus kyi tshe dam pa'i chos pad+ma dkar po'i chos kyi rnam grangs 'di thos par gyur te/ bcom ldan 'das de bzhin gshegs pa dgra bcom pa yang
223a2 dag par rdzogs pa'i sangs rgyas 'jigs bsgrags dbyangs kyi rgyal po des chos kyi rnam grangs 'di tshigs su bcad pa dkrigs phrag bye ba khrag khrig brgya stong phrag nyi shu bshad
223a3 pa de'ang / byang chub sems dpa' sems dpa' chen po rtag tu brnyas pa de/ 'chi ba'i dus nye bar gnas pa'i tshe bar snang gi sgra las chos kyi rnam grangs 'di thos so/ /sus
223a4 kyang ma smras par des par snang las sgra thos te/ chos kyi rnam grangs 'di bzung nas mig rnam par dag pa dang / rna ba rnam par dag pa dang / sna rnam par dag pa dang / lce rnam par dag
223a5 pa dang / lus rnam par dag pa dang / yid rnam par dag pa de lta bu thob bo/ /rnam par dag pa de dag thob ma thag tu phyir yang lo bye ba khrag khrig brgya stong phrag nyi shur bdag gi srog
223a6 gi 'du byed byin gyis brlabs te/ chos kyi rnam grangs 'di yang dag par bsgrags so/ /dge slong ngam/ dge slong ma'am/ dge bsnyen nam/ dge bsnyen ma nga rgyal can gang dag la
223a7 sngon khyed la kho bos brnyas par mi byed do zhes bsgrags pa gang dag gis/ de'i ming rtag tu brnyas par btags par de dag gis/ de'i rdzu 'phrul gyi stobs kyi mthu dang / dam
223b1 bcas pa'i stobs kyi mthu dang / spobs pa'i stobs kyi mthu dang / shes rab kyi mthu rgya chen po mthong nas/ thams cad kyang chos mnyan pa'i phyir phyin 'khod par gyur to/ /des
223b2 gzhan yang srog chags bye ba khrag khrig brgya stong mang po de dag thams cad kyang bla na med pa yang dag par rdzogs pa'i byang chub tu yang dag par btsud do/ /mthu chen thob /byang chub
223b3 sems dpa' sems dpa' chen po de/ de nas shi 'phos nas de bzhin gshegs pa dgra bcom pa yang dag par rdzogs pa'i sangs rgyas zla ba'i dbyangs kyi rgyal po zhes bya bar
223b4 mtshan mthun pa bye ba brgya phrag nyi shu mnyes par byas te/ thams cad du'ang chos kyi rnam grangs 'di yang dag par rab tu bstan to/ /de sngon gyi dge ba'i rtsa ba des rim gyis de
223b5 bzhin gshegs pa dgra bcom pa yang dag par rdzogs pa'i sangs rgyas rnga sgra'i rgyal po zhes bya bar mtshan mthun pa bye ba brgya phrag nyi shu mthar gyis mnyes par byas nas/ de
223b6 thams cad du'ang dam pa'i chos pad+ma dkar po'i chos kyi rnam grangs 'di bzung ste/ 'khor bzhi la yang dag par rab tu bshad do/ /de sngon gyi dge ba'i rtsa ba des mthar gyis
223b7 de bzhin gshegs pa dgra bcom pa yang dag par rdzogs pa'i sangs rgyas sprin sgra rgyal po zhes bya bar mtshan mthun pa bye ba brgya phrag nyi shu mnyes par byas nas/ thams cad
224a1 du'ang dam pa'i chos pad+ma dkar po'i chos kyi rnam grangs 'di nyid bzung ste/ 'khor bzhi la yang dag par rab tu bshad do/ /thams cad na'ang
224a2 mig yongs su dag pa dang ldan par gyur to/ /rna ba yongs su dag pa dang / sna yongs su dag pa dang / lce yongs su dag pa dang / lus yongs su dag pa dang / yid yongs su dag
224a3 pa de lta bu dang ldan par gyur to/ /mthu chen thob/ byang chub sems dpa' sems dpa' chen po rtag tu brnyes pa des/ de bzhin gshegs pa bye ba khrag khrig brgya stong de snyed
224a4 la bsti stang byas/ bla mar byas/ ri mo dang / mchod pa dang / gsol ba dang / dbul ba byas te/ gzhan yang sangs rgyas bye ba khrag khrig brgya stong mang po la bsti stang du bya ba
224a5 dang | bla mar bya ba dang / ri mo dang / mchod pa dang / gsol pa byas nas/ de dag thams cad du'ang dam pa'i chos pad+ma dkar po'i chos kyi rnam grangs 'di bzung ste/ sngon
224a6 gyi dge ba'i rtsa ba de nyid yongs su smin pas bla na med pa yang dag par rdzogs pa'i byang chub tu mngon par rdzogs par sangs rgyas so/ /mthu chen thob/ de'i tshe de'i dus na bcom
224a7 ldan 'das de bzhin gshegs pa dgra bcom pa yang dag par rdzogs pa'i sangs rgyas 'jigs bsgrags dbyangs kyi rgyal po'i bstan pa la/ 'khor bzhi rnams kyis rtag tu
224b1 brnyas par grags shing / gang gis de bzhin gshegs pa dgra bcom pa yang dag par rdzogs pa'i sangs rgyas de snyed mnyes par byas pa/ byang chub sems dpa' sems dpa' chen po rtag
224b2 tu brnyas pa de/ gzhan zhig yin snyam du som nyi'am/ yid gnyis sam/ the tshom za bar gyur na/ mthu chen thob khyod kyis de ltar mi blta'o/ /de ci'i phyir zhe na/ nga nyid de'i tshe de'i
224b3 dus na byang chub sems dpa' sems dpa' chen po rtag tu brnyas pa zhes bya bar gyur to/ /mthu chen thob/ gal te ngas sngon chos kyi rnam grangs 'di ma blangs ma bzung bar gyur na /nga 'di
224b4 ltar myur du bla na med pa yang dag par rdzogs pa'i byang chub mngon par rdzogs par sangs rgyas par mi 'gyur te/ mthu chen thob/ de ltar ngas sngon gyi de bzhin gshegs pa dgra bcom pa
224b5 yang dag par rdzogs pa'i sangs rgyas rnams kyis gan nas chos kyi rnam grangs 'di bzung ste/ bklags pa dang bstan pas de'i phyir nga 'di ltar myur du bla na med pa yang dag par rdzogs
224b6 pa'i byang chub mngon par rdzogs par sangs rgyas so/ /mthu chen thob/ byang chub sems dpa' sems dpa' chen po rtag tu brnyas pa des dge slong dang / dge slong ma dang / dge
224b7 bsnyen dang / dge bsnyen ma brgya phrag mang po dag la/ bcom ldan 'das de'i bstan pa la chos kyi rnam grangs 'di yang dag par bsgrags shing /kho bo khyed la brnyas
225a1 par mi byed do/ /khyed cag thams cad kyang byang chub sems dpa'i spyad pa spyod cig dang / khyed de bzhin gshegs pa dgra bcom pa yang dag
225a2 par rdzogs pa'i sangs rgyas su 'gyur ro zhes byas pa dang / gang gis byang chub sems dpa' de la gnod sems bskyed par gyur pa de dag gis bskal pa bye ba
225a3 brgya phrag nyi shur nam yang de bzhin gshegs pa ma mthong / chos kyi sgra'ang ma thos/ dge 'dun gyi sgra'ang ma thos so/ /bskal pa stong phrag bcur mnar med pa'i
225a4 sems can dmyal ba chen por sdug bsngal mi bzad pa myong ngo / /de dag thams cad kyi las kyi sgrib pa de las yongs su thar nas/ byang chub sems dpa' sems
225a5 dpa' chen po de nyid kyis bla na med pa yang dag par rdzogs pa'i byang chub tu yongs su smin par byas so/ /mthu chen thob/ de'i tshe de'i dus na sems can du gyur pa/
225a6 byang chub sems dpa' sems dpa' chen po la bsting ba dang / 'phya ba byas pa de dag gang yin snyam du som nyi'am yid gnyis sam the tshom za bar gyur na/ mthu
225a7 chen thob/ 'khor 'di nyid kyi nang na bzang skyong la sogs pa byang chub sems dpa' lnga brgya dang / seng ge'i zla ba la sogs pa dge slong ma lnga brgya dang / bde gshegs
225b1 sems pa la sogs pa dge bsnyen ma lnga brgya ste/ thams cad kyang bla na med pa yang dag par rdzogs pa'i byang chub las phyir mi ldog par byas so/ /mthu chen thob/ chos kyi
225b2 rnam grangs 'di 'dzin pa dang / ston pa dang ldan pa'i bsod nams kyi phung po de ltar don che ste/ byang chub sems dpa' sems dpa' chen po rnams kyi bla na med pa yang dag par
225b3 rdzogs pa'i byang chub thob par byed par 'gyur ro/ /mthu chen thob/ de lta bas na de bzhin gshegs pa nga yongs su mya ngan las 'das nas/ byang chub sems dpa' sems
225b4 dpa' chen po rnams kyis chos kyi rnam grangs 'di rgyun mi 'chad par gzung bar bya'o/ /bstan par bya'o/ /bklag par bya'o/ /bshad par bya'o/ /de nas bcom ldan 'das
225b5 kyis de'i tshe tshigs su bcad pa 'di dag bka' stsal to/ /'das pa'i dus rnams rjes su dran pa ni/ /'jigs bsgrags dbyangs rgyal rgyal ba gang byung ba/ /lha mi gnod sbyin srin
225b6 po'i 'dren pa ste/ /mthu chen de la lha dang mi yis mchod/ /rgyal ba de ni mya ngan yongs 'das nas/ /dam chos 'khrugs par gyur pa tha ma la/ /de na byang chub sems dpa' dge
225b7 slong byung / /de yi ming ni rtag tu brnyas zhes bya/ /de na dge slong gzhan dang de bzhin du/ /dmigs par lta ba'i dge slong de gan song / /kho bos khyed la nam yang brnyas pa med/
226a1 khyed kyis byang chub mchog phyir spyad pa spyod/ /de bzhin rtag tu yang dag bsgrags pa na/ /gshe zhing brgyad pa de dag bzod par byed/ /'chi
226a2 ba'i dus byed nye bar gnas pa dang / /de yis mdo sde 'di ni thos gyur nas/ /de tshe mkhas pas 'chi ba'i dus ma byas/ /tshe yang shin tu ring por byin brlabs te/ /rnam
226a3 par 'dren pa de yi bstan pa la/ /de tshe mdo 'di yang ni rab tu bshad/ /dmigs can mang po de dag thams cad kyang / /de yis byang chub tu ni yongs smin byas/ /de nas
226a4 byang chub sems dpa' shi 'phos nas/ /sangs rgyas bye ba phrag stong mnyes byas te/ /mthar gyis bsod nams byas pa de dag gis/ /mdo 'di yang ni rtag par rab tu
226a5 bshad/ /rgyal ba'i sras des byang chub yang dag thob/ /shAkya thub pa nga nyid de yin no/ /de tshe gang dag dmigs can dge slong dang / /dge slong ma dang dge bsnyen gang rnams
226a6 dang | |de na dge bsnyen ma rnams gang byung ba/ /mkhas pas de tshe byang chub bsgrags gyur pa/ /de dag rnams kyi sangs rgyas bye mang mthong / /de dag lnga brgya mi nyung 'di
226a7 rnams dang / /de bzhin dge slong pha dang dge slong ma/ /nga yi mngon sum dge bsnyen 'di dag ste/ /thams cad nga yis chos mchog thos byas nas/ /ngas ni 'di dag thams
226b1 cad yongs smin byas/ /mya ngan nga 'das dpa' bo 'di kun ni/ /'di na mdo sde mchog 'di 'dzin par 'gyur/ /bskal pa mtha' yas bye ba mang por yang / /'di 'dra'i chos
226b2 ni nam yang mi thos te/ /sangs rgyas bye ba phrag brgya 'byung na yang / /de dag kyang ni mdo 'di mi 'chad do/ /de phyir rang byung nyid kyis brjod pa'i chos/ /'di lta bu yi
226b3 rnam pa thos nas su/ /yang dang yang ni rab tu 'di bzung la/ /mya ngan nga 'das mdo 'di rab shod cig /dam pa'i chos pad+ma dkar po las/ rtag tu brnyas pa'i le'u zhes bya ste
226b4 bcu dgu pa'o// //de nas byang chub sems dpa' bye ba khrag khrig brgya stong phrag stong gi 'jig rten gyi khams kyi rdul phra rab snyed gang dag sa rum nas 'thon pa de dag
226b5 thams cad kyis bcom ldan 'das kyi spyan sngar thal mo sbyar nas bcom ldan 'das la 'di skad ces gsol to/ /bcom ldan 'das/ de bzhin gshegs pa yongs su mya ngan
226b6 las 'das nas/ bdag cag gis sangs rgyas kyi zhing thams cad na/ bcom ldan 'das kyis sangs rgyas kyi zhing gang dag lags pa gang du bcom ldan 'das yongs su mya ngan
226b7 las 'da' bar 'gyur ba de dang der chos kyi rnam grangs 'di rab tu bshad par bgyi'o/ /bcom ldan 'das/ bdag cag ni chos kyi rnam grangs rgya chen po 'di lta bu bzung ba dang / bklag
227a1 pa dang / bstan pa dang / rab tu bshad pa dang / yi ger 'dri bar 'tshal ba lags so/ /de nas 'jam dpal la sogs pa byang chub sems dpa' bye
227a2 ba khrag khrig brgya stong mang po gang dag 'jig rten gyi khams mi mjed 'di na gnas pa dag dang / dge slong dang / dge slong ma dang / dge bsnyen dang / dge bsnyen ma dang / lha
227a3 dang | klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa rnams dang / byang chub sems dpa'
227a4 sems dpa' chen po gang+gA'i klung gi bye ma snyed kyis/ bcom ldan 'das la 'di skad ces gsol to/ /bcom ldan 'das/ de bzhin gshegs pa yongs su mya ngan las 'das
227a5 nas| bdag cag gis kyang chos kyi rnam grangs 'di yang dag par rab tu bshad par bgyi'o/ /bcom ldan 'das/ lus mi gda' bar bar snang la gnas te dbyangs kyis yang
227a6 dag par bsgrag par bgyi'o/ /dge ba'i rtsa ba ma bskrun pa'i sems can rnams dge ba'i rtsa ba bskrun par bgyi'o/ /de nas bcom ldan 'das kyis byang chub sems dpa'
227a7 sems dpa' chen po snga ma tshogs dang tshogs chen po dang / tshogs kyi slob dpon de dag gi gtso bo gcig po byang chub sems dpa' sems dpa' chen po spyod pa khyad par can
227b1 zhes bya ba/ tshogs dang tshogs chen po dang / tshogs kyi slob dpon la 'di skad ces bka' stsal to/ /spyod pa khyad par can/ legs so/ /legs so/ /khyod kyis de ltar gyis shig dang /
227b2 chos kyi rnam grangs 'di'i phyir khyed de bzhin gshegs pas yongs su smin par byas so/ /de nas bcom ldan 'das de bzhin gshegs pa shAkya thub pa dang / bcom ldan 'das
227b3 yongs su mya ngan las 'das pa de bzhin gshegs pa dgra bcom pa yang dag par rdzogs pa'i sangs rgyas rin chen mang de mchod rten gyi dbus na seng ge'i khri la bzhugs pa gnyis
227b4 ka 'dzum pa mdzad nas/ gnyis ka'i zhal gyi sgo nas ljags kyi dbang po phyung ste/ ljags kyi dbang po de nyid kyis tshangs pa'i 'jig rten gyi bar du phyin nas/ ljags kyi dbang
227b5 po de gnyis las 'od zer bye ba khrag khrig brgya stong mang po byung ngo / /'od zer de dag las 'od zer re re las kyang byang chub sems dpa' bye ba khrag khrig brgya stong mang po
227b6 lus kyi mdog gser gyi kha dog 'dra ba/ skyes bu chen po'i mtshan sum cu rtsa gnyis dang ldan pa/ pad+ma'i snying po'i seng ge'i khri la 'khod pa dag byung ngo / /byang chub
227b7 sems dpa' de dag kyang phyogs dang phyogs mtshams kyi 'jig rten gyi khams brgya stong dag tu dong ste/ phyogs dang phyogs mtshams de dag thams cad bar snang
228a1 la 'khod nas chos ston to/ /ji ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya
228a2 thub pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi ljags kyi dbang pos rdzu 'phrul gyi cho 'phrul
228a3 mdzad pa de bzhin du/ 'jig rten gyi khams bye ba khrag khrig brgya stong gzhan dag nas /de bzhin gshegs pa dgra bcom pa yang dag par rdzogs pa'i sangs
228a4 rgyas gang dag gshegs pa'i rin po che'i shing ljon pa'i drung dag na/ seng ge'i khri la so sor bzhugs pa de dag kyang ljags kyi dbang pos rdzu 'phrul gyi cho 'phrul mdzad
228a5 do| |de nas bcom ldan 'das shAkya thub pa dang / de bzhin gshegs pa rin chen mang dang / de bzhin gshegs pa dgra bcom pa yang dag par rdzogs pa'i sangs rgyas
228a6 de dag thams cad kyis lo 'bum tshang gi bar du rdzu 'phrul mngon par 'du byed pa mdzad do/ /de nas lo 'bum 'das nas de bzhin gshegs pa dgra bcom pa yang dag par
228a7 rdzogs pa'i sangs rgyas de dag gis ljags kyi dbang po de dag bsdus te/ dus gcig tu skad cig thang cig yud tsam gcig la thams cad kyi mgur gsal ba'i sgra chen po
228b1 phyung ste/ se gol gtogs pa'i sgra gcig mdzad do/ /mgur gsal ba'i sgra chen po de dang / se gol gtogs pa'i sgra chen po des/ phyogs bcu'i sangs rgyas kyi zhing
228b2 bye ba khrag khrig brgya stong ji snyed pa de dag thams cad g.yos par gyur te/ g.yos/ rab tu g.yos/ kun tu rab tu g.yos/ 'gul/ rab tu 'gul/ kun tu rab tu/
228b3 'gul| ldeg /rab tu ldeg /kun tu rab tu ldeg go /sangs rgyas kyi zhing de dag na lha dang / klu dang / gnod sbyin dang / dri za dang / lha ma yin dang / nam mkha' lding dang /
228b4 mi'am ci dang / lto 'phye chen po dang / mi dang mi ma yin pa sems can ji snyed 'khod pa de dag de na 'dug bzhin du sangs rgyas kyi mthus de dag thams cad kyis 'jig rten gyi khams
228b5 mi mjed 'di mthong ste/ de bzhin gshegs pa bye ba khrag khrig brgya stong rin po che'i shing ljon pa'i drung na seng ge'i khri so so la bzhugs pa de dag dang / bcom ldan 'das de bzhin gshegs
228b6 pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das yongs su mya ngan las 'das pa de bzhin gshegs pa dgra bcom pa yang dag par rdzogs
228b7 pa'i sangs rgyas rin chen mang rin po che'i mchod rten chen po de'i dbus na seng ge'i khri la bzhugs pa de/ bcom ldan 'das de bzhin gshegs pa shAkya thub
229a1 pa dang lhan cig tu bzhugs pa dang / 'khor bzhi po de dag kyang mthong ngo / /de mthong nas ngo mtshar du gyur/ rmad du gyur/ shin tu dga' ba thob
229a2 par gyur te bar snang las sgra 'di skad ces thos te/ kye grogs po dag /'jig rten gyi khams bye ba khrag khrig brgya stong dpag tu med grangs med pa dag 'das pa na 'jig
229a3 rten gyi khams mi mjed ces bya ba de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba de/ da ltar dam pa'i chos pad+ma
229a4 dkar po zhes bya ba'i chos kyi rnam grangs 'di shin tu rgyas pa chen po'i mdo sde/ byang chub sems dpa' rnams la gdams pa/ sangs rgyas thams cad kyis yongs su bzung
229a5 ba| byang chub sems dpa' sems dpa' chen po rnams la yang dag par rab tu 'chad kyi/ de la khyed kyang lhag pa'i bsam pas rjes su yi rang bar gyis shig /bcom
229a6 ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la phyag tshol cig /mchod pa gyis shig ces thos so/ /de nas
229a7 sems can de dag thams cad kyis bar snang las de lta bu'i sgra thos nas de na 'khod bzhin du/ bcom ldan 'das de bzhin gshegs pa shAkya thub pa la phyag 'tshal
229b1 lo zhes tshig de skad smras so/ /bcom ldan 'das de bzhin gshegs pa shAkya thub pa dang / dam pa'i chos pad+ma dkar po'i chos kyi rnam grangs 'di la mchod pa'i las kyi phyir thal mo
229b2 sbyar te/ me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / lha'i ba dan dang / rnam par rgyal ba'i ba
229b3 dan mang po 'jig rten gyi khams mi mjed 'di ga la ba de logs su 'thor ro/ /phyang phrul dang / bgo ba dang / se mo do dang / do shal dang / nor bu dang / rin po che rnam pa mang po'ang
229b4 gtor to/ /me tog dang / bdug pa dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / lha'i ba dan dang / rnam par rgyal
229b5 ba'i ba dan dang / se mo do dang / do shal dang / nor bu dang / rin po che gtor ba de dag thams cad la 'jig rten gyi khams mi mjed 'dir 'ongs te/ me tog dang / bdug pa dang / spos
229b6 dang | phreng ba dang / byug pa dang / phye ma dang / na bza' dang / gdugs dang / rgyal mtshan dang / lha'i ba dan dang / rnam par rgyal ba'i ba dan rnam pa mang po dang / se mo do dang / do shal dang /
229b7 nor bu dang / rin po che de dag gis thams cad dang ldan pa'i 'jig rten gyi khams mi mjed 'di khebs par gyur te/ 'jig rten gyi khams gzhan bye ba khrag khrig brgya stong de dag
230a1 dang lhan cig tu khebs par gyur nas gcig tu gyur te/ gang dag na de bzhin gshegs pa de dag bzhugs pa/ 'jig rten gyi khams bye ba khrag khrig
230a2 brgya stong de dag thams cad kyi steng gi nam mkha' bar snang la me tog gi bla bre chen pos kun tu khebs par gyur to/ /de nas bcom ldan 'das kyis spyod pa khyad par can la sogs
230a3 pa byang chub sems dpa' sems dpa' chen po rnams la bka' stsal pa/ rigs kyi bu dag /de bzhin gshegs pa dgra bcom pa yang dag par rdzogs pa'i sangs rgyas rnams
230a4 kyi mthu bsam gyis mi khyab pa ste/ rigs kyi bu dag /chos kyi rnam grangs 'di yongs su gtad pa'i phyir/ ngas bskal pa bye ba khrag khrig brgya stong mang por chos kyi sgo rnam pa
230a5 tha dad pa dag gis phan yon gyi rnam grangs mang po bshad mod kyi/ ngas chos kyi rnam grangs 'di'i yon tan bshad kyang yon tan gyi pha rol tu mi phyin to/ /rigs kyi bu dag /
230a6 mdor na sangs rgyas kyi chos thams cad dang / sangs rgyas kyi khyu mchog tu gyur pa thams cad dang / sangs rgyas kyi gsang chen thams ca dang / sangs rgyas kyi zab mo'i gnas
230a7 thams cad ngas chos kyi rnam grangs 'dir bshad do/ /rigs kyi bu dag /de lta bas na khyed kyis kyang de bzhin gshegs pa yongs su mya ngan las 'das nas/ chos kyi rnam grangs
230b1 'di la gus par gzung bar bya'o/ /bstan par bya'o/ /yi ger 'dri bar bya'o/ /bklag par bya'o/ /rab tu bshad par bya'o/ /bsgom par bya'o/ /mchod par bya'o/ /rigs kyi bu dag /sa
230b2 phyogs gang na chos kyi rnam grangs 'di klog gam/ ston tam/ rab tu 'chad dam/ yi ger 'dri'am/ sems sam/ 'don tam/ kha ton byed dam/ glegs bam du byas pa/ kun
230b3 dga' ra ba 'am/ gtsug lag khang ngam/ khyim mam/ gnas sam/ shing drung ngam/ khang pa'am/ gnas khang ngam/ phyug na 'dug kyang rung ste/ sa phyogs der de bzhin gshegs
230b4 pa'i phyir mchod rten bya'o/ /de ci'i phyir zhe na/ sa phyogs de de bzhin gshegs pa thams cad kyi byang chub kyi snying por rig par bya ba dang / sa phyogs der de bzhin gshegs pa
230b5 dgra bcom pa yang dag par rdzogs pa'i sangs rgyas thams cad bla na med pa yang dag par rdzogs pa'i byang chub mngon par rdzogs par sangs rgyas par rig par bya ba dang / sa
230b6 phyogs der de bzhin gshegs pa thams cad kyis chos kyi 'khor lo rab tu bskor ba dang / sa phyogs der de bzhin gshegs pa thams cad yongs su mya ngan las 'das par
230b7 rig par bya ba yin pa'i phyir ro/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mngon shes ye shes rab tu gnas rnams kyi/ /'jig
231a1 rten phan pa'i chos ni bsam mi khyab/ /lus can 'di kun mchog tu dga' ba'i phyir/ /mtha' yas spyan gyis rdzu 'phrul rab tu bstan/ /'od zer
231a2 stong rnams rab tu kun 'gyed cing / /ljags kyi dbang pos tshangs pa'i 'jig rten phyin/ /byang chub mchog la zhugs pa de dag phyir/ /ngo mtshar gyur pa'i rdzu 'phrul de dag
231a3 bstan/ /sangs rgyas rnams kyi mgur sel sgra mdzad cing / /se gol gcig gi sgra dag gang phyung ba/ /de dag phyogs bcu'i 'jig rten ji tsam pa/ /'jig rten khams de
231a4 thams cad go bar byas/ /ci nas de dag dga' nas phyi dus na/ /bde gshegs mya ngan 'das nas med 'dzin par/ /de dag dang ni cho 'phrul gzhan rnams dang / yon tan
231a5 rnams ni phan zhing thugs brtse bstan/ /'jig rten rnam 'dren mya ngan 'das pa na/ /mdo sde mchog 'di gang dag 'dzin pa yi/ /bde gshegs sras po rnams kyi bsngags
231a6 pa ni| |bskal pa bye ba stong phrag mang brjod kyang / /de dag gi ni yon tan mtha' yas te/ /ji ltar phyogs rnams su ni nam mkha' bzhin/ /gang dag rtag tu mdo sde 'di
231a7 'dzin pa/ /de dag yon tan bsam gyis mi khyab 'gyur/ /'jig rten 'dren pa mya ngan 'das 'di dang / /nga dang 'dren pa 'di dag thams cad mthong / /byang chub sems
231b1 dpa' mang po 'di kun dang / /'khor bzhi rnams dang de yis mthong ba yin/ /de yis deng 'dir nga ni mnyes par byas/ /rgyal ba'i dbang po mya ngan 'das 'di dang / /phyogs bcu
231b2 rnams na gang dag gzhan bzhugs pa/ /'dren pa de dag thams cad mnyes par byas/ /gang zhig mdo sde 'di ni 'dzin byed pa/ /'das dang da ltar ma byon sangs rgyas dang / /
231b3 phyogs bcu dag na gang dag bzhugs pa yang / /de kun mthong zhing shin tu mchod par 'gyur/ /mdo sde yang dag chos 'di gang 'dzin pas/ /byang chub snying po rnam par gang
231b4 dgongs pa/ /skyes mchog rnams kyi gsang chen shes par 'gyur/ /de ni de yang myur du rjes su sems/ /gang zhig mdo sde dam pa 'di 'dzin pa/ /'di yi spobs pa dag ni
231b5 mtha' yas 'gyur/ /ji ltar rlung ni gang du'ang thogs med bzhin/ /chos dang don dang nges pa'i tshig kyang shes/ /'dren pa rnams kyis dgongs te gang gsungs pa/ /mdo sde
231b6 rnams kyi mtshams sbyar rtag tu shes/ /rnam par 'dren pa mya ngan 'das pa yi/ /mdo sde rnams kyi yang dag don des shes/ /zla ba nyi ma 'dra bar de 'gyur te/ /de ni shin tu snang
231b7 zhing gsal byed 'gyur/ /de ni sa la rgyu zhing de dang der/ /byang chub sems dpa' mang po yang dag 'dzud/ /de bas byang chub sems dpa' mkhas gang dag /'di 'dra pa yi
232a1 phan yon 'di thos nas/ /mya ngan nga 'das mdo 'di gzung zhig dang / /de dag the tshom med par byang chub 'gyur/ /dam pa'i chos pad+ma dkar
232a2 po las/ de bzhin gshegs pa'i rdzu 'phrul mngon par 'du byed pa'i le'u zhes bya ste nyi shu pa'o// //dam pa'i chos pad+ma dkar po/ bam po bcu
232a3 gnyis pa/ de nas byang chub sems dpa' sems dpa' chen po sman gyi rgyal po stan las langs te/ bla gos phrag pa gcig tu gzar nas pus mo g.yas pa'i lha nga sa
232a4 la btsugs te/ bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das/ dam pa'i chos
232a5 pad+ma dkar po'i chos kyi rnam grangs 'di/ lus la thogs sam glegs bam du bgyis te 'dzin pa'i rigs kyi bu'am rigs kyi bu mo de bsod nams ji snyed cig skyed par
232a6 'gyur/ de skad ces gsol pa dang / bcom ldan 'das kyis byang chub sems dpa' sems dpa' chen po sman gyi rgyal po la 'di skad ces bka' stsal to/ /sman gyi
232a7 rgyal po/ rigs kyi bu'am rigs kyi bu mo gang la la de bzhin gshegs pa bye ba khrag khrig brgya stong phrag gang+gA'i klung brgyad cu'i bye ma snyed la bsti stang du byed/ btsun
232b1 par byed/ ri mor byed/ mchod pa byed na/ sman gyi rgyal po/ 'di ji snyam du sems/ rigs kyi bu'am rigs kyi bu mo de gzhi de las bsod nams mang du skyed dam/ gsol
232b2 pa| bcom ldan 'das/ mang lags so/ /bde bar gshegs pa/ mang lags so/ /bcom ldan 'das kyis bka' stsal pa/ sman gyi rgyal po khyod mos par bya'o/ /khong du
232b3 chud par bya'o/ /sman gyi rgyal po/ rigs kyi bu'am rigs kyi bu mo gang la la dam pa'i chos pad+ma dkar po'i chos kyi rnam grangs 'di las tha na tshig bzhi pa'i tshigs su bcad pa
232b4 gcig tsam yang 'dzin pa dang / klog pa dang / kun chub par byed pa dang / nan tan gyis sgrub na/ sman gyi rgyal po/ rigs kyi bu'am rigs kyi bu mo de gzhi de las de bas ches
232b5 bsod nams mang du skyed do/ /de nas bcom ldan 'das la byang chub sems dpa' sems dpa' chen po sman gyi rgyal pos 'di skad ces gsol to/ /bcom ldan 'das/ gang
232b6 dam pa'i chos kyi rnam grangs 'di lus la thogs sam glegs bam du bgyis te/ 'dzin pa'i rigs kyi bu'am rigs kyi bu mo de bdag gis bsrung ba dang bskyab pa dang sba ba'i slad
232b7 du gzungs sngags kyi tshig rnams stsal bar bgyi'o/ /tad+ya thA/ a n+ye/ ma ne ma ma ne/ tsit+te tsi ra te/ sha me sha me yi tA b+hi/ shAn+te/ muk+te/ muk+ta ta me sa me/ a bi sha
233a1 me sa ma sa me/ dza ye/ k+Sha ye ak+Sha ye/ ak+Shi No/ shAn+te/ sha mi te d+hA ra NI/ A lo ka b+hA se/ pra t+ya bek+Sha NI/ bi bi ru a b+h+yan+ta/ ra ni bi Sh+Te/ a b+h+yan+ta ra
233a2 ni biSh+Ti a t+yan+ta pa ri shud+d+hi/ ut+ku le/ mut+ku le/ a ra Te/ pa ra Te/ shru kA k+ShI a sa ma sa me/ bud+d+ha bi lo ki te/ d+harma pa rI k+Shi te/ sang+g+ha ni rgo Sha NI/ ni r+g+ho Sha NI/ b+ha yA b+ha ya/ sho d+ha nI
233a3 man+t+re man+t+ra/ k+Sha ya te ru ta kau sha la/ ak+Sha ye ak+ShA ba na tA yA pa lo/ /a man+ya na tA ya/ bcom ldan 'das/ gzungs sngags kyi tshig 'di dag ni/ sangs rgyas bcom ldan
233a4 'das gang+gA'i klung drug cu'i bye ma snyed kyis bshad pa ste/ gang gis mdo sde 'di lta bu 'dzin pa chos smra ba 'di lta bu de dag dang 'gal bar bgyis na sangs rgyas bcom
233a5 ldan 'das de dag thams cad la de 'khus pa lags so/ /de nas bcom ldan 'das kyis byang chub sems dpa' sems dpa' chen po sman gyi rgyal po la 'di skad ces
233a6 bka' stsal to/ /sman gyi rgyal po khyod kyis gzungs sngags kyi tshig rnams smras pas/ sems can mang po'i don byas shing sman gyi rgyal po sems can rnams la snying brtse
233a7 ba'i phyir bsrung ba dang / bskyab pa dang / sba ba byas pa legs so/ /legs so zhes bya ba byin no/ /de nas bcom ldan 'das la byang chub sems dpa' sems dpa' chen po rab
233b1 tu sbyin pas 'di skad ces gsol to/ /bcom ldan 'das/ bdag cag gis kyang / chos smra ba 'di lta bu dag gi ched du gzungs sngags kyi tshig rnams stsal bar bgyi ste/ des chos smra ba
233b2 'di lta bu de dag la glags lta ba gang gis kyang glags mi rnyed pa 'di lta ste/ gnod sbyin nam/ srin po'am/ srul po'am/ gshed byed dam/ grul bum mam/ yi dwags glags lta ba rnams
233b3 kyis glags mi rnyed do/ /de nas byang chub sems dpa' sems dpa' chen po rab tu sbyin pas de'i tshe gzungs sngags kyi tshig 'di dag smras so/ /tad+ya thA/ dz+wa le ma hA dz+wa le/ uk+ke/
233b4 muk+ke| a De a DA ba ti/ nr-i T+yo nr-i TA ba ti/ aT+Ti ni/ biT+Ti tsi T+Ti ni/ nr-i Ta Ti ni/ nr-iT+TA ba ti swAhA/ bcom ldan 'das/ gzungs sngags kyi tshig 'di dag ni de bzhin gshegs pa dgra
233b5 bcom pa yang dag par rdzogs pa'i sangs rgyas gang+gA'i klung gi bye ma snyed kyis gsungs shing rjes su yi rang ba ste/ gang gis chos smra ba 'di lta bu 'di dag dang 'gal bar bgyis na/
233b6 de de bzhin gshegs pa de dag thams cad la 'khus pa lags so/ /de nas bcom ldan 'das la rgyal po chen po rnam thos kyi bus 'di skad ces gsol to/ /bcom ldan 'das/
233b7 bdag gis kyang chos smra ba de dag la glo ba brtse bas sman pa dang / bde ba dang / bsrung ba dang / bskyab pa dang / spa ba'i slad du gzungs sngags kyi tshig rnams brjod par bgyi'o/ /
234a1 tad+ya thA/ aT+Ta/ naT+Te ta naT+Te/ a na te nA ti/ ku na Ti swAhA/ bcom ldan 'das/ gzungs sngags kyi tshig 'di dag gis chos smra ba de dag la dpag
234a2 tshad brgya tshun chad du bsrung bar bgyi'o/ /rigs kyi bu'am rigs kyi bu mo mdo sde 'di lta bu 'dzin cing / chos smra ba de dag la'ang bsrung ba bgyis par 'gyur/ bde legs
234a3 su bgyis par 'gyur ro/ /de nas rgyal po chen po 'phags skyes po dri za bye ba khrag khrig brgya stong gis yongs su bskor cing mdun du bdar nas/ 'khor der 'dus par gyur
234a4 te 'dug pa de stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar
234a5 pa btud de/ bcom ldan 'das la 'di skad ces gsol to/ /bcom ldan 'das/ bdag gis kyang mdo sde 'di lta bu 'dzin pa/ chos smra ba 'di lta bu de dag bsrung ba
234a6 dang | bskyab pa dang / sba ba'i slad du gzungs sngags kyi tshig rnams brjod par bgyi'o/ /tad+ya thA/ a ga No ga No/ gau ri gan+d+ha ri/ tsaN+Da li/ ma ting+ga/ puk+ka si/ ku
234a7 le| pru hi swAhA/ bcom ldan 'das/ gzungs sngags kyi tshig 'di dag ni sangs rgyas bye ba phrag bzhi bcu rtsa gnyis kyis gsungs te/ gang zhig chos smra ba
234b1 'di lta bu 'di dag dang 'gal bar bgyid na/ de dag thams cad la 'khus pa lags so/ /de nas srin mo 'phyang ma zhes bya ba dang / srin mo rnam par 'phyang ma zhes bya ba dang / srin
234b2 mo so brtsegs zhes bya ba dang / srin mo me tog so zhes bya ba dang / srin mo cod pan so zhes bya ba dang / srin mo sgra can zhes bya ba dang / srin mo me zhes bya ba dang / srin mo phreng ba
234b3 'chang zhes bya ba dang / srin mo mdung can zhes bya ba dang / srin mo sems can thams cad kyi mdangs 'phrog ces bya ba dang / 'phrog ma bu dang g.yog tu bcas pa dang / srin
234b4 mo de dag thams cad bcom ldan 'das ga la ba der dong ste phyin nas/ srin mo de dag thams cad kyis sgra skad gcig tu bcom ldan 'das la 'di skad ces gsol to/ /bcom
234b5 ldan 'das/ bdag cag gis kyang mdo sde 'di 'dzin pa chos smra ba 'di lta bu de dag bsrung ba dang / bskyab pa dang / spa ba bgyi'o/ /bde legs su 'gyur bar bgyi'o/ /ci nas
234b6 tshes smra ba de dag la glags lta ba dang / skabs 'tshol ba dag gis kyang glags mi rnyed par bgyi'o/ /de nas srin mo de dag thams cad kyis sgra skad gcig tu tshig mthun par
234b7 bcom ldan 'das la gzungs sngags kyi tshig 'di dag phul lo/ /tad+ya thA/ i ti me/ i ti me/ i ti me/ i ti me/ i ti me/ ni me/ ni me/ ni me/ ni me/ ni me/ ru he/ ru
235a1 he| ru he/ ru he/ ru he/ ha ste/ ha ste/ ha ste/ ha ste/ ha ste swAhA/ 'di spyi bor bzhag nas chos smra ba rnams la su'ang 'khu bar ma gyur cig /gnod
235a2 sbyin nam/ srin po'am/ yi dwags sam/ sha za'am/ srul po'am/ gshed byed dam/ ro langs sam/ rengs pa'am/ gnon po'am/ brjed byed kyi gzugs sam/ gnod
235a3 sbyin gyis byas pa'am/ mis byas pa'am/ mi ma yin pas byas pa'am/ rims nad nyin gcig pa'am/ nyin gnyis pa'am/ nyin gsum pa'am/ nyin bzhi pa'am/ rtag
235a4 pa'i rigs sam/ tha na rmi lam na'ang bud med kyi gzugs sam/ skyes pa'i gzugs sam/ khye'u'i gzugs sam/ bu mo'i gzugs kyis mtho 'tsham par 'gyur ba de ni gnas
235a5 ma mchis so/ /de nas srin mo de dag gis sgra skad gcig tu tshig mthun par bcom ldan 'das la tshigs su bcad pa 'di dag gsol to/ /gang gis gsang sngags 'di thos nas//
235a6 chos smra ba dang 'gal bgyid pa/ /de'i mgo tshal ba bdun du 'gas/ /ardza ka yi dog pa bzhin/ /gang zhig chos smra 'gal bgyid pa/ /ma bsad pa yi 'gro gang dang / /pha
235a7 bsad 'gro ba gang lags pa'i/ /'gro ba de ni der mchi'o/ /gang zhig chos smra 'gal bgyid pa/ /til 'tshir dag gi 'gro gang dang / /til rdung 'gro ba gang lags pa'i//
235b1 'gro ba der ni de mchi'o/ /gang zhig chos smra 'gal bgyid pa/ /srang la g.yo bgyid 'gro gang dang / /bre 'chos 'gro ba gang lags pa'i/ /'gro ba der ni de mchi'o/ /de skad ces gsol
235b2 nas| mdung can la sogs pa srin mo de dag gis bcom ldan 'das la 'di skad ces gsol to/ /bcom ldan 'das/ bdag cag gis kyang chos smra ba 'di lta bu de dag la bsrung
235b3 bar bgyi'o/ /bde legs su 'gyur ba dang / chad pa spang ba dang / dug gzhil bar bgyi'o/ /de skad ces gsol pa dang / bcom ldan 'das kyis srin mo de dag la 'di skad
235b4 ces bka' stsal to/ /kye srin mo dag /legs so/ /legs so/ /khyed kyis chos smra ba de dag la bsrung ba dang / bskyab pa dang / sba ba gyis shig /gang dag tha na chos kyi rnam grangs
235b5 'di'i ming tsam 'dzin pa de dag la'ang mdung can khyod 'khor dang bcas pas bsrung bar bya na/ gang dag chos kyi rnam grangs 'di mtha' dag chub par 'dzin pa dang / glegs bam
235b6 du byas te rim gro byed pa dang / me tog dang / bdug pa dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / lha'i bdan dang /
235b7 'bru mar gyi mar me'am/ mar gyi mar me'am/ spos mar gyi mar me'am/ tsam+pa ka'i mar gyi mar me'am/ bar sha ka'i mar gyi mar me'am/ ut+pa la'i mar gyi mar me'am/ sna
236a1 ma'i mar gyi mar me'am/ de lta bu'i mchod pa'i yo byad rnam pa mang po brgya stong gis rim gro byed pa lta ci smos te/ mdung can khyod g.yog dang
236a2 bcas pas bsrung bar bya'o/ /gzungs sngags kyi le'u 'di bshad pa na srog chags drug khri brgyad stong mi skye ba'i chos la bzod pa thob par gyur to/ /dam pa'i chos
236a3 pad+ma dkar po las/ gzungs sngags kyi le'u zhes bya ste nyi shu rtsa gcig pa'o// //de nas bcom ldan 'das la byang chub sems dpa' sems dpa' chen
236a4 po skar ma'i rgyal po me tog kun tu rgyas pa mngon par shes pas 'di skad ces gsol to/ /bcom ldan 'das/ ci'i slad du byang chub sems dpa' sems dpa' chen po
236a5 sman gyi rgyal po 'jig rten gyi khams mi mjed 'di na rgyu ba dang / bcom ldan 'das 'di dka' ba bgyid pa bye ba khrag khrig brgya stong mang po dag gda'/ bcom ldan
236a6 'das/ gang thos pas lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi ma
236a7 yin pa rnams dang / 'jig rten gyi khams gzhan nas lhags pa'i byang chub sems dpa' sems dpa' chen po rnams dang / nyan thos chen po 'di dag gis thos nas thams
236b1 cad dga' mgu rangs shing yid bde bar 'gyur ba/ byang chub sems dpa' sems dpa' chen po sman gyi rgyal po'i spyod pa gang ci lags pa'i phyogs tsam zhig /de bzhin
236b2 gshegs pa dgra bcom pa yang dag par rdzogs pa'i sangs rgyas kyis legs par bshad du gsol/ de nas bcom ldan 'das kyis byang chub sems dpa' sems dpa' chen
236b3 po skar ma'i rgyal po me tog kun tu rgyas pa mngon par shes pas gsol ba btab pa mkhyen nas/ de'i tshe byang chub sems dpa' sems dpa' chen po skar ma'i rgyal po me tog kun
236b4 tu rgyas pa mngon par shes pa la 'di skad ces bka' stsal to/ /rigs kyi bu/ sngon byung ba 'das pa'i dus na bskal pa gang+gA'i klung gi bye ma snyed du gyur pa de'i tshe de'i dus na/ de
236b5 bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha
236b6 lo sgyur ba/ bla na med pa/ lha dang mi rnams gyi ston pa sangs rgyas bcom ldan 'das nyi zla dri ma med pa'i 'od dpal zhes bya ba 'jig rten du byung ste/ skar ma'i rgyal po me tog
236b7 kun tu rgyas pa mngon par shes pa/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal de'i byang chub
237a1 sems dpa' bye ba brgyad cu'i 'dus pa chen po byung ngo / /gang+gA'i klung bdun cu rtsa gnyis kyi bye ma snyed kyi nyan thos 'dus pa byung ngo / /de'i bstan pa la
237a2 bud med med par gyur to/ /sems can dmyal ba dang / dud 'gro'i skye gnas dang / yi dwags dang / lha ma yin gyi ris med do/ /sangs rgyas kyi zhing yang lag mthil ltar
237a3 mnyam la nyams dga' bar gyur to/ /lha'i bai DUR+ya las grub pa'i sa phyogs rin po che dang tsan+dan gyi shing ljon pas brgyan cing / rin po che'i dra bas bres pa/ dar gyi lda ldi
237a4 mngon par rab tu dpyangs pa/ rin po che'i bog phor nas bdug bas bdugs pa/ rin po che'i shing ljon pa'i drung thams cad na/ rin po che'i mkha' rten mda' rgyang gang
237a5 gi tshad tsam byas pa yod pa/ rin po che'i mkha' rten thams cad kyi steng na lha'i bu bye ba brgya dag /bcom ldan 'das de bzhin gshegs pa dgra bcom pa yang dag par rdzogs
237a6 pa'i sangs rgyas nyi zla dri ma med pa'i 'od dpal la mchod pa bya ba'i phyir/ sil snyan byed cing pheg rdob pa dang / rol mo'i sgra 'byin cing 'khod do/ /bcom ldan 'das de'ang
237a7 byang chub sems dpa' sems dpa' chen po sems can thams cad kyis mthong na dga' ba las brtsams te dam pa'i chos pad+ma dkar po'i chos kyi rnam grangs 'di/ nyan
237b1 thos chen po de dag dang byang chub sems dpa' sems dpa' chen po de dag la rgyas par rab tu ston to/ /skar ma'i rgyal po me tog kun tu rgyas pa mngon par shes pa/ bcom ldan
237b2 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal de'i tshe'i tshad ni bskal pa bzhi khri nyis stong du gyur to/ /byang
237b3 chub sems dpa' sems dpa' chen po de dag dang nyan thos chen po de dag gi tshe'i tshad kyang de tsam du gyur to/ /byang chub sems dpa' sems dpa' chen po sems can thams
237b4 cad kyis mthong na dga' ba de'ang / bcom ldan 'das de'i gsung rab la dka' ba byed pa la brtson par gyur te/ de lo khri nyis stong du 'chag pa la zhugs shing brtson 'grus
237b5 chen po brtsams pas rnal 'byor la brtson par gyur to/ /de lo khri nyis stong 'das nas gzugs thams cad yang dag par ston pa zhes bya ba'i ting nge 'dzin thob ste/ ting nge
237b6 'dzin de thob ma thag tu byang chub sems dpa' sems dpa' chen po sems can thams cad kyis mthong na dga' ba de tshim zhing mgu ste yi rangs nas rab tu dga' zhing dga'
237b7 ba dang yid bde ba skyes nas/ de'i tshe 'di snyam du sems te/ dam pa'i chos pad+ma dkar po'i chos kyi rnam grangs 'di la brten nas gzungs thams cad yang dag par ston pa zhes
238a1 bya ba'i ting nge 'dzin bdag gis thob bo snyam mo/ /de'i tshe byang chub sems dpa' sems dpa' chen po sems can thams cad kyis mthong na
238a2 dga' ba de'ang 'di snyam du sems te/ 'di ltar bdag gis de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal dang /
238a3 dam pa'i chos pad+ma dkar po'i chos kyi rnam grangs 'di mchod par bya'o snyam nas/ de'i tshe de lta bu'i ting nge 'dzin la snyoms par zhugs te/ byang chub sems dpa' sems
238a4 dpa' chen po sems can thams cad kyis mthong na dga' ba ting nge 'dzin de la snyoms par zhugs ma thag tu/ de'i mod la steng gi bar snang las me tog man+dA ra dang man+dA
238a5 ra chen po'i lha'i me tog gi char chen po mngon par bab bo/ /dus kyi rjes su 'brang ba'i tsan+dan gyi sprin ces te/ tsan+dan sprul gyi snying po'i char chen po mngon par bab ste/ skar
238a6 ma'i rgyal po me tog kun tu rgyas pa mngon par shes pa de lta bu'i spos kyi rnam pa zho gnyis kyi rin du 'jig rten gyi khams mi mjed 'dis mi chog go /skar ma'i rgyal po me tog
238a7 kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba dran pa dang ldan zhing shes bzhin du ting nge
238b1 'dzin de las langs so/ /langs nas 'di snyam du sems te/ ji ltar lus yongs su btang ba ltar ni rdzu 'phrul gyi cho 'phrul dag gis/ bcom ldan 'das la mchod pa byas pa ma yin
238b2 no snyam mo/ /skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba de
238b3 de'i tshe/ a ga ru dang / du ru ka dang / pog gi khu ba za zhing tsam+pa ka'i mar yang 'thung ngo / /skar ma'i rgyal po me tog kun tu rgyas pa mngon par shes pa/ rnam grangs 'dis byang chub
238b4 sems dpa' sems dpa' chen po sems can thams cad kyis mthong na dga' ba rtag tu spos za zhing tsam+pa ka'i mar 'thung bas lo bcu gnyis 'das par gyur to/ /skar ma'i rgyal
238b5 po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba lo bcu gnyis po de 'das nas
238b6 rang gi lus lha'i ras kyis kun tu dkris nas 'bru mar gyis zhen par byas te bdag gi byin gyi rlabs byas so/ /bdag gis byin gyi rlabs byas nas/ de bzhin gshegs pa
238b7 dang / dam pa'i chos pad+ma dkar po'i chos kyi rnam grangs 'di mchod pa'i las kyi phyir bdag gi lus la me 'bar bar byas so/ /skar ma'i rgyal po me tog kun tu rgyas pa mngon
239a1 par shes pa/ de nas byang chub sems dpa' sems dpa' chen po sems can thams cad kyis mthong na dga' ba'i lus kyi mar me 'bar ba
239a2 de'i 'od kyis 'jig rten gyi khams gang+gA'i klung brgyad cu'i bye ma snyed khyab par gyur te/ 'jig rten gyi khams de dag gi sangs rgyas bcom ldan 'das gang+gA'i klung brgyad cu'i
239a3 bye ma snyed thams cad kyis legs so zhes bya ba byin te/ legs so/ /legs so/ /rigs kyi bu/ 'di ni byang chub sems dpa' sems dpa' chen po rnams kyi brtson 'grus
239a4 rtsom pa yang dag pa'o/ /'di ni de bzhin gshegs pa la mchod pa dang / chos la mchod pa yang dag pa ste/ me tog dang / bdug pa dang / spos dang / phreng ba dang / byug
239a5 pa dang / phye ma dang / na bza' dang / gdugs dang / rgyal mtshan dang / lha'i ba dan gyis mchod pa dang / zang zing gis mchod pa dang / tsan+dan sbrul gyi snying pos mchod pa ni
239a6 de lta ma yin no/ /rigs kyi bu/ sbyin pa 'di ni mchog ste/ rgyal srid yongs su gtong ba'i sbyin pa ni de lta ma yin no/ /bu dang chung ma phangs pa yongs su gtong ba'i sbyin
239a7 pa'ang de lta ma yin no/ /rigs kyi bu/ gang bdag gis lus gtong ba'i chos kyi mchod pa 'di ni mchod pa khyad par can no/ /dam pa'o/ /mchog go /phul lo/ /gya nom
239b1 pa'o/ /skar ma'i rgyal po me tog kun tu rgyas pa mngon par shes pa/ sangs rgyas bcom ldan 'das de dag gis tshig de skad ces gsungs nas de nas cang mi gsung bar gyur to/ /skar
239b2 ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po sems can thams cad kyis mthong na dga' ba'i lus la 'bar ba lo bcu gnyis
239b3 kyi bar du zhi bar ma song ngo / /de phyis lo bcu gnyis 'das nas zhi bar gyur te/ /skar ma'i rgyal po me tog kun tu rgyas par mngon par shes pa/ byang chub sems dpa' sems dpa' chen
239b4 po sems can thams cad kyis mthong na dga' ba des de bzhin gshegs pa la 'di lta bu'i mchod pa dang / chos kyi mchod pa byas te/ de nas shi 'phos nas bcom ldan 'das
239b5 de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyi gsung rab la rgyal po dri ma med pas byin pa'i khyim du skyes te skyil mo
239b6 krung bcas bzhin du pang par brdzus te byung bar gyur to/ /byang chub sems dpa' sems dpa' chen po sems can thams cad kyis mthong na dga' ba skyes ma thag tu/ de'i tshe
239b7 rang gi pha ma la tshigs su bcad de smras pa/ rgyal mchog 'di na bdag 'chag cing / /der gnas bdag gis ting 'dzin thob/ /bdag gis lus phangs yongs btang ste/ /brtson
240a1 'grus sra brtsams brtul zhugs che/ /skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen
240a2 po sems can thams cad kyis mthong na dga' bas tshigs su bcad pa de smras nas/ rang gi pha ma la 'di skad ces/ yab yum/ bcom ldan 'das gang la bdag gis
240a3 mchod nas/ sgra thams cad la mkhas pa'i gzungs thob cing / dam pa'i chos pad+ma dkar po'i chos kyi rnam grangs 'di'ang tshigs su bcad pa bye ba khrag khrig brgya stong
240a4 gtams pa dang / dkrigs pa dang / mi 'khrugs pa bye ba phrag brgyad cus/ bcom ldan 'das de las thos par gyur pa'i bcom ldan 'das de bzhin gshegs pa dgra
240a5 bcom pa yang dag par rdzogs pa'i sangs rgyas nyi zla dri ma med pa'i 'od dpal de da ltar yang bzhugs te 'tsho gzhes kyi/ yab yum/ bdag bcom ldan 'das de'i
240a6 drung du mchis na legs so/ /der mchis nas yang bcom ldan 'das de la mchod pa bgyi'o zhes smras so/ /skar ma'i rgyal po me tog kun tu rgyas pa mngon par shes pa/
240a7 de nas byang chub sems dpa' sems dpa' chen po sems can thams cad kyis mthong na dga' ba de'i tshe/ nam mkha' la shing ta la bdun tsam du mngon par 'phags
240b1 te/ rin po che sna bdun gyi khang ba brtsegs par skyil mo krung bcas nas bcom ldan 'das de'i drung du song ste phyin pa dang / bcom ldan 'das kyi zhabs la mgo bos phyag btsal
240b2 te/ bcom ldan 'das de la lan bdun bskor ba byas nas/ bcom ldan 'das ga la ba de logs su thal mo sbyar ba btud nas/ bcom ldan 'das la phyag btsal te tshigs su
240b3 bcad pa 'dis mngon par bstod do/ /dpa' bo mi dbang shin tu dri med zhal/ /phyogs bcu 'dir ni khyod kyis 'od zer mdzes/ /bde gshegs khyod la bdag gis mchod
240b4 mchog bgyis/ /mgon po lta ba'i slad du bdag 'dir mchis/ /skar ma'i rgyal po me tog kun tu rgyas pa mngon par shes pa/ de'i tshe byang chub sems dpa' sems dpa'
240b5 chen po sems can thams cad kyis mthong na dga' bas tshigs su bcad pa 'di smras nas/ de nas bcom ldan 'das de bzhin gshegs pa dgra bcom pa yang dag par rdzogs
240b6 pa'i sangs rgyas nyi zla dri ma med pa'i 'od dpal la 'di skad ces gsol to/ /bcom ldan 'das/ khyod da dung bzhugs sam/ skar ma'i rgyal po me tog kun tu rgyas pa mngon par
240b7 shes pa/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyis/ byang chub sems dpa' sems
241a1 dpa' chen po sems can thams cad kyis mthong na dga' ba la 'di skad ces bka' stsal to/ /rigs kyi bu/ nga yongs su mya ngan las 'da' ba'i
241a2 dus la bab ste/ rigs kyi bu/ nga tshe zad pa'i dus la bab kyi/ rigs kyi bu khyod song la/ nga'i khri shoms shig dang / nga yongs su mya ngan las 'da'o/ /skar ma'i rgyal po me tog
241a3 kun tu rgyas pa mngon par shes pa/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyis/
241a4 byang chub sems dpa' sems dpa' chen po sems can thams cad kyis mthong na dga' ba la 'di skad ces bka' stsal to/ /rigs kyi bu/ bstan pa 'di ngas khyod la yongs
241a5 su gtad do/ /byang chub sems dpa' sems dpa' chen po 'di dag dang / nyan thos chen po 'di dag dang / sangs rgyas kyi byang chub 'di dag dang / 'jig rten gyi khams
241a6 'di dag dang / rin po che'i mkha' rten 'di dag dang / rin po che'i shing ljon pa 'di dag dang / nga'i bsnyen bkur byed pa'i lha'i bu 'di rnams kyang yongs su gtad do/ /
241a7 rigs kyi bu/ nga yongs su mya ngan las 'das pa'i ring bsrel gang yin pa de dag kyang yongs su gtad do/ /rigs kyi bu/ nga'i ring bsrel la khyod kyis kyang mchod pa rgya cher
241b1 gyis shig /ring bsrel de dag kyang rgyas par gyis shig /mchod rten stong phrag mang po gyis shig /skar ma'i rgyal po me tog kun tu rgyas pa mngon par shes pa/ de nas bcom ldan
241b2 'das de bzhin gshegs pa dgra bcom pa yang dag par rdzogs pa'i sangs rgyas nyi zla dri ma med pa'i 'od dpal gyis/ byang chub sems dpa' sems dpa' chen po sems
241b3 can thams cad kyis mthong na dga' ba de la de ltar rjes su bstan nas de'i nub mo nam gyi cha smad la phung po lhag ma med pa'i mya ngan las 'das pa'i dbyings su yongs su mya ngan las
241b4 'das so/ /skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' bas/
241b5 bcom ldan 'das de bzhin gshegs pa nyi zla dri ma med pa'i 'od dpal de yongs su mya ngan las 'das par rig ste/ tsan+dan sbrul gyi snying po spungs nas de bzhin gshegs
241b6 pa'i sku bsregs te/ de bzhin gshegs pa'i sku tshig pa zhi bar rig nas ring bsrel bsdus te ngu zhing cho nges btab nas smre sngags 'don to/ /skar ma'i rgyal po me tog kun
241b7 tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba dus te cho nges btab nas smre sngags 'don te/
242a1 rin po che sna bdun gyi bum pa brgyad khri bzhi stong byed du bcug nas/ de dag gi nang du de bzhin gshegs pa'i ring bsrel bcug ste/ rin po che sna
242a2 bdun gyi mchod rten 'phang du tshangs pa'i 'jig rten la thug pa gdugs kyi phreng bas legs par brgyan pa/ dar dang dril bu legs par dbyangs pa brgyad khri bzhi stong byas
242a3 te| des mchod rten de dag byas nas 'di snyam du bsams te/ bdag gis bcom ldan 'das nyi zla dri ma med pa'i 'od dpal/ de bzhin gshegs pa'i sku gdung la mchod
242a4 pa ni byas na de bas kyang lhag pa ches khyad par du 'phags pa de bzhin gshegs pa'i ring bsrel la mchod pa bya'o snyam mo/ /skar ma'i rgyal po me tog kun tu rgyas pa
242a5 mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba des thams cad dang ldan pa'i byang chub sems
242a6 dpa'i tshogs de dang / nyan thos chen po de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye
242a7 chen po dang / mi dang mi ma yin pa'i tshogs de dag la smras pa/ rigs kyi bu dag /khyed thams cad kyis bcom ldan 'das de'i ring bsrel rnams la mchod pa bya bar
242b1 soms shig /skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong na dga' ba des/
242b2 de'i tshe de bzhin gshegs pa'i mchod rten brgyad khri bzhi stong gi mdun du/ rang gi lag pa bsod nams brgyas brgyan pa 'bar bar byas te/ 'bar bar byas bas lo bdun khri
242b3 nyis stong gi bar du de bzhin gshegs pa'i mchod rten de dag la mchod pa byas so/ /des mchod pa de byas pas 'khor de las nyan thos grangs med pa bye ba khrag khrig brgya stong
242b4 btul to/ /byang chub sems dpa' de dag thams cad kyis kyang gzugs thams cad yang dag par ston pa'i ting nge 'dzin thob par gyur to/ /skar ma'i rgyal po me tog kun tu rgyas
242b5 pa mngon par shes pa/ de nas thams cad dang ldan pa'i byang chub sems dpa'i tshogs de dang / nyan thos chen po de dag gis byang chub sems dpa' sems dpa' chen po sems can
242b6 thams cad kyis mthong na dga' ba de yan lag ma tshang bar mthong nas dus te cho nges btab nas smre sngags 'don cing gcig la gcig 'di skad smras te/ bdag cag gi slob dpon
242b7 rjes su ston pa byang chub sems dpa' sems dpa' chen po sems can thams cad kyis mthong na dga' ba 'di da ltar yan lag ma tshang zhing lag pa med par gyur to zhes zer ro/ /
243a1 skar ma'i rgyal po me tog kun tu rgyas pa mngon par shes pa/ de nas byang chub sems dpa' sems dpa' chen po sems can thams cad kyis mthong
243a2 na dga' ba des/ byang chub sems dpa' sems chen po de dag dang / nyan thos de dag dang / lha'i bu de dag la smras pa/ rigs kyi bu dag /kho bo'i yan lag nyams par
243a3 mthong bas ma ngu zhig /cho nges ma 'debs shig /smre sngags ma 'don cig /rigs kyi bu dag /phyogs bcu'i 'jig rten gyi khams mtha' yas mu med pa dag na/ sangs
243a4 rgyas bcom ldan 'das gang dag bzhugs shing 'tsho zhing gzhes pa'i sangs rgyas bcom ldan 'das de dag thams cad kho bos dpang du bzhag ste/ de dag gi spyan sngar bden
243a5 pa'i byin gyis brlabs so/ /bden pa dang bden pa'i tshig gang gis bdag gi lag pa de bzhin gshegs pa la mchod pa'i phyir yongs su btang bas/ bdag gi lus
243a6 gser gyi kha dog tu 'gyur ba'i bden pa dang bden pa'i tshig des/ bdag gi lag pa 'di sngon gyi bzhin du gyur cig /sa chen po 'di lan drug tu g.yos par gyur cig /bar
243a7 snang la gnas pa'i lha'i bu rnams kyis me tog gi char chen po phob cig ces byas so/ /skar ma'i rgyal po me tog kun tu rgyas pa mngon par shes pa/ de nas byang chub sems
243b1 dpa' sems dpa' chen po sems can thams cad kyis mthong na dga' ba des/ bden pa'i byin gyi rlabs de byas ma thag tu stong gsum gyi stong chen po'i 'jig rten gyi khams
243b2 'di rnam pa drug tu g.yos so/ /steng gi bar snang las kyang me tog gi char chen po mngon par bab bo/ /byang chub sems dpa' sems dpa' chen po sems can thams cad kyis
243b3 mthong na dga' ba de'i lag pa de'ang / 'di lta ste/ byang chub sems dpa' sems dpa' chen po de nyid kyi bsod nams kyi stobs bskyed pa dang / ye shes kyi stobs bskyed pa
243b4 des sngon gyi bzhin du gyur to/ /skar ma'i rgyal po me tog kun tu rgyas pa mngon par shes pa/ de'i tshe de'i dus na byang chub sems dpa' sems dpa' che po sems can thams
243b5 cad kyis mthong na dga' ba zhes bya bar gyur pa de gzhan zhig yin snyam du khyod som nyi 'am/ yid gnyis sam/ the tshom za bar gyur na skar ma'i rgyal po me tog kun tu rgyas pa
243b6 mngon par shes pa khyod kyis de ltar mi blta'o/ /de ci'i phyir zhe na/ skar ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po
243b7 sman gyi rgyal po 'di nyid de'i tshe de'i dus na byang chub sems dpa' sems dpa' chen po sems can thams cad kyis mthong na dga' ba zhes bya bar gyur to/ /skar ma'i rgyal
244a1 po me tog kun tu rgyas pa mngon par shes pa/ byang chub sems dpa' sems dpa' chen po sman gyi rgyal po bya dka' ba bye ba khrag khrig brgya stong de
244a2 snyed byed do/ /lus yongs su gtong ba'ang byed do/ /skar ma'i rgyal po me tog kun tu rgyas pa mngon par shes pa/ rigs kyi bu'am rigs kyi bu mo byang chub sems dpa' theg
244a3 pa la yang dag par zhugs pa/ bla na med pa yang dag par rdzogs pa'i byang chub 'di 'dod pas/ de bzhin gshegs pa'i mchod rten de dag la rkang pa'i mthe bo 'bar
244a4 bar bya'o/ /lag pa'i sor mo'am/ rkang pa'i sor mo gcig gam/ yan lag gcig gam/ lag pa 'bar bar bya'o/ /byang chub sems dpa'i theg pa la zhugs
244a5 pa'i rigs kyi bu'am rigs kyi bu mo de ni bsod nams mngon par 'du byed pa ches mang du skyed do/ /rgyal srid yongs su btang bas ni de lta ma yin no/ /chung ma dang / bu
244a6 pho dang / bu mo phangs pa yongs su btang bas ni de lta ma yin no/ /stong gsum gyi stong chen po'i 'jig rten gyi khams na nags tshal dang bcas pa/ rgya mtsho dang bcas pa/ ri
244a7 dang bcas pa/ 'bab chu'i dong dang / mtsho dang / mche'u dang / khron pa dang / khron pa dang / kun dga'i ra ba dang bcas pa yongs su btang bas ni de lta ma yin no/ /skar ma'i rgyal po
244b1 me tog kun tu rgyas pa mngon par shes pa/ rigs kyi bu'am rigs kyi bu mo byang chub sems dpa'i theg pa la yang dag par zhugs pa gang gis stong gsum gyi stong chen po'i 'jig
244b2 rten gyi khams 'di rin po che sna bdun gyis rab tu gang bar byas te/ sangs rgyas dang / byang chub sems dpa' dang / nyan thos dang / rang sangs rgyas thams cad la sbyin pa byin na/
244b3 skar ma'i rgyal po me tog kun tu rgyas pa mngon par shes pa/ rigs kyi bu'am/ rigs kyi bu mo de ni rigs kyi bu'am rigs kyi bu mo gang gis/ dam pa'i chos pad+ma dkar po'i chos
244b4 kyi rnam grangs 'di las/ tha na tshig bzhi pa'i tshigs su bcad pa gcig tsam 'dzin pa de bsod nams ji snyed cig skyed pa de snyed du mi skyed de/ de'i bsod nams mngon par
244b5 'du byed pa 'di ni de bas ches mang bar bshad kyi/ stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te/ sangs rgyas dang / byang
244b6 chub sems dpa' dang / nyan thos dang / rang sangs rgyas thams cad la sbyin pa byin pa ni de lta ma yin no/ /skar ma'i rgyal po me tog kun tu rgyas pa mngon par shes pa/ 'di lta
244b7 ste| dper na/ 'bab chu'i dong dang mtsho dang mtshe'u thams cad kyi nang na rgya mtsho ni mchog tu gyur pa yin no/ /skar ma'i rgyal po me tog kun tu rgyas pa mngon par shes pa/ de bzhin
245a1 du de bzhi gshegs pa thams cad kyis bshad pa'i mdo sde thams cad kyi nang na dam pa'i chos pad+ma dkar po'i chos kyi rnam grangs 'di mchog tu gyur
245a2 pa yin no/ /skar ma'i rgyal po me tog kun tu rgyas pa mngon par shes pa/ 'di lta ste/ dper na/ ri nag po dang khor yug dang khor yug chen po thams cad kyi nang na ri rab ni
245a3 ri'i rgyal po ste/ mchog tu gyur pa yin no/ /skar ma'i rgyal po me tog kun tu rgyas pa mngon par shes pa/ de bzhin du de bzhin gshegs pas gsungs pa'i mdo sde thams
245a4 cad kyi nang na/ dam pa'i chos pad+ma dkar po'i chos kyi rnam grangs 'di rgyal po ste/ mchog tu gyur pa yin no/ /skar ma'i rgyal po me tog kun tu rgyas pa mngon par shes pa/ 'di
245a5 lta ste| dper na/ skar ma thams cad kyi nang na zla ba ni 'od byed pa'i mchog tu gyur pa yin no/ /skar ma'i rgyal po me tog kun tu rgyas pa mngon par shes pa/ de bzhin du de
245a6 bzhin gshegs pas gsungs pa'i mdo sde thams cad kyi nang na/ dam pa'i chos pad+ma dkar po'i chos kyi rnam grangs 'di ni zla ba bye ba khrag khrig brgya stong bas lhag par 'od
245a7 byed pa'i mchog tu gyur pa yin no/ /skar ma'i rgyal po me tog kun tu rgyas pa mngon par shes pa/ 'di lta ste/ dper na/ nyi ma'i dkyil 'khor ni mun pa mu gnag thams cad
245b1 sel bar byed do/ /skar ma'i rgyal po me tog kun tu rgyas pa mngon par shes pa/ de bzhin du dam pa'i chos pad+ma dkar po'i chos kyi rnam grangs 'di'ang mi dge ba'i mun pa mun gnag
245b2 thams cad sel bar byed do/ /skar ma'i rgyal po me tog kun tu rgyas pa mngon par shes pa/ 'di lta ste/ dper na/ sum cu rtsa gsum pa'i lha rnams kyi nang na brgya byin ni lha rnams kyi
245b3 dbang po yin no/ /skar ma'i rgyal po me tog kun tu rgyas pa mngon par shes pa/ de bzhin du dam pa'i chos pad+ma dkar po'i chos kyi rnam grangs 'di'ang de bzhin gshegs pas gsungs
245b4 pa'i mdo sde thams cad kyi nang na dbang po yin no/ /skar ma'i rgyal po me tog kun tu rgyas pa mngon par shes pa/ 'di lta ste/ dper na/ mi mdzad kyi bdag po tshangs pa ni tshangs
245b5 ris kyi lha thams cad kyi rgyal po ste/ tshangs pa'i 'jig rten na pha'i bya ba byed do/ /skar ma'i rgyal po me tog kun tu rgyas pa mngon par shes pa/ de bzhin du dam pa'i chos pad+ma dkar
245b6 po'i chos kyi rnam grangs 'di'ang sems can slob pa dang / mi slob pa thams cad dang / nyan thos dang / byang chub sems dpa'i theg pa la yang dag par zhugs pa thams cad
245b7 la pha'i bya ba byed do/ /skar ma'i rgyal po me tog kun tu rgyas pa mngon par shes pa/ 'di lta ste/ dper na/ rgyun du zhugs pa dang / lan gcig phyir 'ong ba dang / phyir mi 'ong ba
246a1 dang | dgra bcom pa dang / rang sangs rgyas rnams ni byis pa so so'i skye bo thams cad las 'das pa'o/ /skar ma'i rgyal po me tog kun tu rgyas pa mngon
246a2 par shes pa/ de bzhin du dam pa'i chos pad+ma dkar po'i chos kyi rnam grangs 'di'ang de bzhin gshegs pas gsungs pa'i mdo sde thams cad las 'das shing mngon
246a3 par 'phags te mchog tu gyur par rig par bya'o/ /skar ma'i rgyal po me tog kun tu rgyas pa mngon par shes pa/ gang dag mdo sde'i rgyal po 'di 'dzin pa de dag kyang
246a4 sems can thams cad kyi gtso bor gyur par rig par bya'o/ /skar ma'i rgyal po me tog kun tu rgyas pa mngon par shes pa/ 'di lta ste/ dper na/ nyan thos dang rang
246a5 sangs rgyas thams cad kyi nang na byang chub sems dpa' ni mchog ces bya'o/ /skar ma'i rgyal po me tog kun tu rgyas pa mngon par shes pa/ de bzhin du dam pa'i chos
246a6 pad+ma dkar po'i chos kyi rnam grangs 'di'ang de bzhin gshegs pas gsungs pa'i mdo sde thams cad kyi nang na mchog ces bya'o/ /skar ma'i rgyal po me tog kun tu rgyas pa
246a7 mngon par shes pa/ 'di lta ste/ dper na/ nyan thos dang / rang sangs rgyas dang / byang chub sems dpa' thams cad kyi nang na de bzhin gshegs pa ni chos kyi rgyal por
246b1 thabs gsol pa yin no/ /skar ma'i rgyal po me tog kun tu rgyas pa mngon par shes pa/ de bzhin du dam pa'i chos pad+ma dkar po'i chos kyi rnam grangs 'di'ang byang chub sems
246b2 dpa'i theg pa la yang dag par zhugs pa rnams la de bzhin gshegs pa dang 'dra ba yin no/ /skar ma'i rgyal po me tog kun tu rgyas pa mngon par shes pa/ dam pa'i chos pad+ma dkar
246b3 po'i chos kyi rnam grangs 'di ni sems can thams cad 'jigs pa thams cad las skyob pa/ sdug bsngal thams cad las thar bar byed pa ste/ skom pa rnams la mtshe'u dang 'dra'o/ /grang bas
246b4 nyen pa rnams la me dang 'dra'o/ /gcer bu rnams la gos dang 'dra'o/ /tshong pa rnams la ded dpon dang 'dra'o/ /bu rnams la ma dang 'dra'o/ /pha rol tu 'gro ba rnams la gru
246b5 dang 'dra'o/ /nad pa rnams la sman pa dang 'dra'o/ /mun pa mun gnag gis bsgribs pa rnams la mar me dang 'dra'o/ /nor 'dod pa rnams la rin po che dang 'dra'o/ /khams kyi
246b6 rgyal po thams cad la 'khor lo sgyur ba dang 'dra'o/ /'bab chu rnams la rgya mtsho dang 'dra'o/ /mun pa mun gnag thams cad sel ba'i phyir sgron ma dang 'dra'o/ /skar ma'i rgyal
246b7 po me tog kun tu rgyas pa mngon par shes pa/ de bzhin du dam pa'i chos pad+ma dkar po'i chos kyi rnam grangs 'di'ang sdug bsngal thams cad las rab tu thar bar byed pa'o/ /nad
247a1 thams cad gcod pa'o/ /'khor ba'i bcing ba nyam nga ba thams cad las rab tu thar par byed pa'o/ /skar ma'i rgyal po me tog kun tu rgyas pa mngon par
247a2 shes pa/ gang gis dam pa'i chos pad+ma dkar po'i chos kyi rnam grangs 'di thos pa dang / gang yi ger 'dri ba dang / gang yi ger 'drir 'jug pa dang / skar ma'i rgyal po me
247a3 tog kun tu rgyas pa mngon par shes pa/ gang gis chos kyi rnam grangs 'di gzung ngam/ bstan tam/ thos sam/ yi ger bris sam/ yi ger 'drir 'jug gam/ glegs
247a4 bam du byas te bsti stang du byed pa dang / btsun par byed pa dang / bkur stir byed pa dang / mchod pa dang / me tog dang / bdug pa dang / spos dang / phreng ba dang / byug
247a5 pa dang / phye ma dang / gos dang / gdugs dang / rgyal mtshan dang / ba dan dang / rol mo'i sgra dang / na bza' dang / thal mo sbyar ba'i las dang / mar gyi mar me'am/
247a6 'bru mar gyi mar me'am/ spos mar gyi mar me'am/ tsam pa ka'i mar gyi mar me'am/ sna ma dang / skya nar dang / par sha ka dang / na ba ma li ka'i mar gyi mar me'am/
247a7 mchod pa rnam pa mang po dag gis bsti stang du byed/ btsun par byed/ rim gror byed/ mchod par byed pa'i bsod nams mngon par 'du byed pa ji snyed cig 'phel bar
247b1 'gyur ba'i bsod nams mngon par 'du byed pa de dag gi mtha' ni/ sangs rgyas kyi ye shes kyis kyang rtogs par mi nus so/ /skar ma'i rgyal po me tog kun tu rgyas pa mngon par
247b2 shes pa/ gang zhig sman gyi rgyal po'i sngon gyi sbyor ba'i le'u 'di 'dzin pa dang / ston pa dang / nyan pa'i rigs kyi bu'am rigs kyi bu mo byang chub sems dpa'i theg pa la yang dag
247b3 par zhugs pa de bsod nams mang du bskyed par 'gyur ro/ /gal te bud med gcig gis chos kyi rnam grangs 'di thos nas 'dzin na/ de nyid bud med kyi lus kyi tha mar 'gyur
247b4 ro/ /skar ma'i rgyal po me tog kun tu rgyas pa mngon par shes pa/ bud med gang la las sman gyi rgyal po'i sngon gyi sbyor ba'i le'u 'di lnga brgya pa tha ma la thos nas nan tan byed
247b5 pa de/ 'di nas shi 'phos nas 'jig rten gyi khams bde ba can du skye bar 'gyur te/ gang na bcom ldan 'das de bzhin gshegs pa dgra bcom pa yang dag par rdzogs pa'i
247b6 sangs rgyas tshe dpag med byang chub sems dpa'i tshogs kyis yongs su bskor cing bzhugs te 'tsho zhing gzhes pa der/ de pad+ma'i snying po'i seng ge'i khri la 'dug bzhin du skye
247b7 bar 'gyur ro/ /de 'dod chags kyis gzir bar mi 'gyur te/ zhe sdang gis ma yin/ gti mug gis ma yin/ nga rgyal gyis ma yin/ ser snas ma yin/ khro bas ma yin/ gnod
248a1 sems kyis ma yin te/ de skyes ma thag tu mngon par shes pa lnga thob par 'gyur ro/ /mi skye ba'i chos la bzod pa'ang thob par 'gyur ro/ /skar ma'i rgyal po
248a2 me tog kun tu rgyas pa mngon par shes pa/ byang chub sems dpa' sems dpa' chen po des mi skye ba'i chos la bzod pa thob nas/ de bzhin gshegs pa gang+gA'i klung bdun cu
248a3 rtsa gnyis kyi bye ma snyed mthong bar 'gyur ro/ /mig gi dbang po yongs su dag pa gang gis sangs rgyas bcom ldan 'das de dag mthong bar 'gyur ba de 'dra bar mig gi dbang po
248a4 yongs su dag par 'gyur ro/ /sangs rgyas bcom ldan 'das de dag gis kyang de la legs so zhes bya ba sbyin par 'gyur te/ gang khyod kyis dam pa'i chos pad+ma dkar po'i chos kyi
248a5 rnam grangs 'di thos nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i gsung rab la lung mnos pa dang / kha ton
248a6 byas pa dang / bsgoms pa dang / bsams pa dang / yid la byas pa dang / sems can gzhan dag la'ang rab tu bstan pa/ rigs kyi bu legs so/ /legs so/ /rigs kyi
248a7 bu khyod kyi bsod nams mngon par 'du byed pa 'di ni mes tshig pa'am chus khyer bar mi nus so/ /rigs kyi bu khyod kyi bsod nams mngon par 'du byed pa 'di ni sangs rgyas
248b1 brgya stong gis kyang bshad par mi nus so/ /rigs kyi bu khyod kyis bdud phyir rgol ba bcom mo/ /srid pa'i rgya mtsho las brgal to/ /dgra'i tsher ma dkrugs so/ /sangs rgyas brgya stong gis
248b2 byin gyis brlabs so/ /rigs kyi bu/ lha dang bcas pa'i 'jig rten na khyod 'dra ba med do/ /de bzhin gshegs pa gcig pu ma gtogs par gzhan nyan thos sam rang sangs rgyas
248b3 sam byang chub sems dpa' gang gis kyang / khyod la bsod nams kyis kyang rung / ye shes kyis kyang rung / shes rab kyis kyang rung / ting nge 'dzin gyis kyang rung ste/ zil gyis
248b4 gnon par mi nus so/ /skar ma'i rgyal po me tog kun tu rgyas pa mngon par shes pa/ byang chub sems dpa' sems dpa' chen po de ye shes kyi stobs bskyed pa 'di lta bu thob par
248b5 'gyur ro/ /skar ma'i rgyal po me tog kun tu rgyas pa mngon par shes pa/ gang la las sman gyi rgyal po'i sngon gyi sbyor ba'i le'u 'di bshad pa thos nas/ legs so/ /legs so zhes
248b6 bya ba byin pa de'i kha nas ut+pa la'i dri 'byung bar 'gyur/ /de'i lus las kyang tsan+dan gyi dri 'byung bar 'gyur ro/ /gang gis chos kyi rnam grangs 'di 'chad pa na legs so zhes bya ba
248b7 byin pa de'i chos can gyi yon tan gyi phan yon de dag ni/ ngas da ltar gang dag bshad pa de 'dra bar 'gyur ro/ /skar ma'i rgyal po me tog kun tu rgyas pa mngon par shes pa/ de lta bas
249a1 na byang chub sems dpa' sems dpa' chen po sems can thams cad kyis mthong na dga' ba'i sngon gyi sbyor ba'i le'u 'di ci nas/ phyi mi'i tshe phyi ma'i
249a2 dus lnga brgya pa tha ma la dzam+bu'i gling 'di na spyod cing nub par mi 'gyur ba dang / bdud sdig can gyis glags mi rnyed pa dang / bdud kyi ris kyi lha dang / klu dang / gnod sbyin
249a3 dang / dri za dang / grul bum rnams kyis glags mi rnyed par bya ba'i phyir ngas khyod la yongs su gtad do/ /skar ma'i rgyal po me tog kun tu rgyas pa mngon par shes pa/ de
249a4 lta bas na chos kyi rnam grangs 'di dzam+bu'i gling 'dir sems can nad pa nad kyis btab pa rnams la sman lta bur 'gyur bar byin gyis brlabs par byas te/ chos kyi rnam
249a5 grangs 'di thos nas lus la nad kyi mi zug go /rga bas ma yin/ dus ma yin par 'chi bas ma yin no/ /skar ma'i rgyal po me tog kun tu rgyas pa mngon par shes pa/
249a6 gal te byang chub sems dpa'i theg pa la yang dag par zhugs pa gang la las mdo sde 'di 'dzin pa'i dge slong de lta bu de mthong na/ de la tsan+dan gyi phye ma dang / ut+pa la sngon
249a7 pos mngon par gtor bar bya'o/ /mngon par gtor nas kyang 'di snyam du rigs kyi bu 'di ni byang chub kyi snying por 'gro bar 'gyur/ 'di ni rtswa len par 'gyur/ 'di ni
249b1 byang chub kyi snying por rtswa 'ding bar 'gyur/ 'di ni bdud kyi phyogs pham par byed par 'gyur/ 'di ni chos kyi dung 'bud par 'gyur/ 'di ni chos kyi rnga brdung bar 'gyur/ 'di ni 'khor ba'i rgya mtsho las brgal bar
249b2 'gyur ro snyam du sems bskyed par bya'o/ /skar ma'i rgyal po me tog kun tu rgyas pa mngon par shes pa/ rigs kyi bu'am rigs kyi bu mo byang chub sems dpa'i theg pa la yang dag par
249b3 zhugs pas/ mdo sde 'di lta bu 'dzin pa'i dge slong mthong nas de ltar sems bskyed par byas te/ de ltar na de'i yon tan dag ni de bzhin gshegs pas ci 'dra ba dag bshad pa
249b4 de 'dra ba dag tu 'gyur ro/ /sman gyi rgyal po'i sngon gyi sbyor ba'i le'u 'di bshad pa na/ byang chub sems dpa' brgyad khri bzhi stong gis sgra thams cad la mkhas pa dang ldan pa'i
249b5 gzungs thob par gyur to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang des kyang / skar ma'i rgyal po me tog
249b6 kun tu rgyas pa mngon par shes pa/ de ltar khyod kyis de bzhin gshegs pa la bsam gyis mi khyab pa'i yon tan gyi chos dris pa legs so/ /legs so zhes bya ba byin no/ /dam
249b7 pa'i chos pad+ma dkar po las/ sman gyi rgyal po'i sngon gyi sbyor ba'i le'u zhes bya ste nyi shu rtsa gnyis pa'o// //de nas bcom ldan 'das de bzhin gshegs pa dgra bcom
250a1 pa yang dag par rdzogs pa'i sangs rgyas shAkya thub pas de'i tshe/ skyes bu chen po'i mtshan smin mtshams kyi mdzod spu nas 'od phyung ste/ 'od des shar phyogs
250a2 su sangs rgyas kyi zhing bye ba khrag khrig brgya stong phrag gang+gA'i klung bco brgyad kyi bye ma snyed dag khyab par byas te/ sangs rgyas kyi zhing bye ba khrag khrig brgya stong phrag gang+gA'i klung bco
250a3 brgyad kyi bye ma snyed de dag 'das pa de na 'jig rten gyi khams rnam par snang ba'i 'od zer gyis brgyan pa zhes bya ba de na/ de bzhin gshegs pa dgra bcom pa yang dag par rdzogs
250a4 pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa zhes bya ba bzhugs te 'tsho zhing gzhes la/ byang chub sems dpa'i dge 'dun rgya chen po
250a5 tshad med pas yongs su bskor cing mdun gyis bltas nas chos ston to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
250a6 shAkya thub pa des mdzod spu nas 'od gang btang ba des/ de'i tshe 'jig rten gyi khams rnam par snang ba'i 'od zer gyis brgyan pa de snang ba chen pos khyab par gyur to/ /'jig
250a7 rten gyi khams rnam par snang ba'i 'od zer gyis brgyan pa de na/ byang chub sems dpa' sems dpa' chen po sang sang po'i dbyangs zhes bya ba dge ba'i rtsa ba bskyed pa/ sngon yang
250b1 de bzhin gshegs pa dgra bcom pa yang dag par rdzogs pa'i sangs rgyas mang po'i 'od zer de lta bu mthong zhing / byang chub sems dpa' sems dpa' chen po sang sang po'i dbyangs
250b2 kyis ting nge 'dzin mang po thob pa 'di lta ste/ rgyal mtshan gyi rtse mo'i dpung rgyan gyi ting nge 'dzin thob/ dam pa'i chos pad+ma dkar po'i ting nge 'dzin thob/ dri ma med pas byin pa'i ting nge 'dzin thob
250b3 skar ma'i rgyal po rnam par rol ba'i ting nge 'dzin thob/ rlung lta bu'i ting nge 'dzin thob/ ye shes kyi phyag rgya'i ting nge 'dzin thob/ zla ba sgron ma'i ting nge 'dzin thob/ sgra thams cad
250b4 la mkhas pa'i ting nge 'dzin thob/ bsod nams thams cad kun las bsdus pa'i ting nge 'dzin thob/ dad pa can gyi ting nge 'dzin thob/ rdzu 'phrul gyi rnam par rol pa'i ting
250b5 nge 'dzin thob/ ye shes ta la la'i ting nge 'dzin thob/ bkod pa'i rgyal po'i ting nge 'dzin thob/ dri ma med pa'i 'od kyi ting nge 'dzin thob/ dri ma med pa'i snying po'i ting nge 'dzin
250b6 thob/ zad par chub pa'i ting nge 'dzin thob/ nyi ma'i 'khor ba'i ting nge 'dzin thob/ de bzhin du sbyar te/ byang chub sems dpa' sems dpa' chen po sang sang po'i dbyangs kyis
250b7 ting nge 'dzin bye ba khrag khrig brgya stong phrag gang+gA'i klung gi bye ma snyed kyi bar du thob par 'dug ste/ byang chub sems dpa' sems dpa' chen po sang sang po'i dbyangs de'i lus
251a1 la 'od des phog par gyur to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma
251a2 dri ma med pa skar ma'i rgyal po me tog kun tu rgyas pa la/ byang chub sems dpa' sems dpa' chen po sang sang po'i dbyangs kyis 'di skad ces gsol to/ /bcom ldan 'das/
251a3 bdag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la blta ba dang / phyag bgyi ba dang / bsnyen bkur bgyi ba
251a4 dang | 'jam dpal gzhon nur gyur pa de'ang blta ba dang / byang chub sems dpa' sman gyi rgyal po de'ang blta ba dang / byang chub sems dpa' rab tu sbyin pa de'ang blta ba
251a5 dang | byang chub sems dpa' skar ma'i rgyal po me tog kun tu rgyas pa mngon par shes pa de'ang blta ba dang / byang chub sems dpa' spyod pa khyad par can de'ang blta ba
251a6 dang | byang chub sems dpa' bkod pa'i rgyal po de'ang blta ba dang / byang chub sems dpa' sman yang dag 'phags de'ang blta ba'i slad du/ 'jig rten gyi khams mi
251a7 mjed du mchi'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me
251b1 tog kun tu rgyas pas/ byang chub sems dpa' sems dpa' chen po sang sang po'i dbyangs la 'di skad ces bka' stsal to/ /rigs kyi bu khyod 'jig rten gyi khams mi mjed
251b2 der song ste phyin nas ngan pa'i 'du shes bskyed par mi bya'o/ /rigs kyi bu/ 'jig rten gyi khams mi mjed de ni mtho dman can dang / sa las grub pa dang / ri nag pos gang ba dang /
251b3 'jim ngan gyis yongs su gang ba'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'ang sku thung ngo / /byang chub sems
251b4 dpa' sems dpa' chen po de dag kyang lus thung ngo / /rigs kyi bu khyod kyi lus thob pa ni dpag tshad bzhi khri nyis stong ngo / /rigs kyi bu/ nga'i lus ni dpag tshad 'bum phrag drug cu
251b5 rtsa brgyad yod do/ /rigs kyi bu khyod ni mdzes pa blta na sdug pa/ gzugs bzang ba/ kha dog bzang po rgyas pa mchog dang ldan pa/ bsod nams brgya stong bas shin tu lhag
251b6 pa'i dpal dang ldan pa'o/ /rigs kyi bu/ de lta bas na 'jig rten gyi khams mi mjed du phyin nas/ de bzhin gshegs pa dang / byang chub sems dpa' rnams dang / sangs rgyas
251b7 kyi zhing de la ngan pa'i 'du shes ma skyed cig /de skad ces bka' stsal nas/ byang chub sems dpa' sems dpa' chen po sang sang po'i dbyangs kyis bcom ldan 'das de bzhin
252a1 gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa de la 'di skad ces gsol
252a2 to| |bcom ldan 'das/ bdag ni de bzhin gshegs pa'i byin gyi rlabs dang / de bzhin gshegs pa'i stobs bskyed pa dang / de bzhin gshegs pa'i rnam par rol pa dang /
252a3 de bzhin gshegs pa'i bkod pa dang / de bzhin gshegs pa'i mngon par 'phags pa'i ye shes kyis 'jig rten gyi khams mi mjed der mchi'o/ /de nas byang chub sems
252a4 dpa' sems dpa' chen po sang sang po'i dbyangs kyis de'i tshe sangs rgyas kyi zhing de nas ma g.yos shing / stan de las ma langs par 'di lta bu'i ting nge 'dzin la snyoms par
252a5 zhugs te/ byang chub sems dpa' sems dpa' chen po sang sang po'i dbyangs de ting nge 'dzin de la snyoms par zhugs ma thag tu/ de'i mod la 'jig rten gyi khams mi mjed
252a6 du bya rgod kyi phung po'i ri la de bzhin gshegs pa'i chos kyi gdan gyi drung du/ pad+ma chu ba ni gser/ 'dab ma ni dngul/ snying po ni pad+ma dang ne tso'am ci las grub pa bye ba khrag
252a7 khrig brgya stong phrag brgyad cu rtsa bzhi byung bar gyur to/ /de nas 'jam dpal gzhon nur gyur pas/ pad+ma bkod pa byung ba de mthong nas/ bcom ldan 'das de bzhin gshegs pa dgra bcom
252b1 pa yang dag par rdzogs pa'i sangs rgyas shAkya thub pa la 'di skad ces gsol to/ /bcom ldan 'das/ 'di ltar chu ba ni gser/ 'dab ma ni dngul/ snying po ni pad+ma dang / ne
252b2 tso'am ci las grub pa'i pad+ma bye ba khrag khrig brgya stong phrag brgyad cu rtsa bzhi gda' ba 'di su'i snga ltas lags/ de skad ces gsol pa dang / bcom ldan 'das kyis 'jam dpal
252b3 gzhon nur gyur pa la 'di skad ces bka' stsal to/ /'jam dpal/ 'di ni shar phyogs logs nas 'jig rten gyi khams rnam par snang ba'i 'od zer gyis brgyan pa nas/ bcom
252b4 ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa de'i sangs rgyas kyi zhing
252b5 nas| byang chub sems dpa' sems dpa' chen po sang sang po'i dbyangs byang chub sems dpa' bye ba khrag khrig brgya stong gis yongs su bskor cing mdun du bdar te/ nga la
252b6 blta ba dang / phyag bya ba dang / bsnyen bkur bya ba dang / dam pa'i chos pad+ma dkar po'i chos kyi rnam grangs 'di mnyan pa'i phyir/ 'jig rten gyi khams mi mjed 'dir 'ongs
252b7 ba de'i snga ltas so/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das/ rigs kyi bu des dge ba'i rtsa ba'i tshogs ci
253a1 bgyis na/ dge ba'i rtsa ba'i tshogs bsags pa des 'di lta bu'i khyad par 'di thob/ bcom ldan 'das/ byang chub sems dpa' de ting nge 'dzin
253a2 gang la spyod pa'i ting nge 'dzin de bcom ldan 'das bdag gis mnyan par bgyi'o/ /bcom ldan 'das/ bdag gis ting nge 'dzin de la spyad par bgyi'o/ /byang chub sems
253a3 dpa' sems dpa' chen po de ci 'dra ba dang / kha dog ci 'dra ba dang / gzugs ci 'dra ba dang / rtags ci 'dra ba dang / dbyibs ci 'dra ba dang / de'i spyod pa ci lags pa/
253a4 bdag gis byang chub sems dpa' sems dpa' chen po de blta bar bgyi'o/ /bcom ldan 'das/ brda ltas gang gis bskul ma thag tu/ byang chub sems dpa' sems
253a5 dpa' chen po de 'jig rten gyi khams mi mjed 'dir mchi bar 'gyur ba de lta bu'i brda ltas shig de bzhin gshegs pas legs par mdzad du gsol/ /de nas bcom
253a6 ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ de bzhin gshegs pa dgra bcom pa yang dag par rdzogs pa'i
253a7 sangs rgyas yongs su mya ngan las 'das pa rin chen mang la 'di skad ces gsungs so/ /ci nas brda ltas gang gis byang chub sems dpa' sems dpa' chen po sang sang
253b1 bo'i dbyangs 'jig rten gyi khams mi mjed 'dir mchi ba de lta bu'i brda ltas bcom ldan 'das kyis mdzod cig /de nas bcom ldan 'das de bzhin gshegs pa dgra bcom pa
253b2 yang dag par rdzogs pa'i sangs rgyas yongs su mya ngan las 'das pa rin chen mang gis de'i tshe byang chub sems dpa' sems dpa' chen po sang sang po'i dbyangs bskul ba'i
253b3 phyir/ 'jam dpal gzhon nur gyur pa 'di rigs kyi bu khyed kyi mthu mthong bar dga' bas rigs kyi bu khyod 'jig rten gyi khams mi mjed 'dir shog cig ces de lta bu'i
253b4 brda mdzad do/ /de nas byang chub sems dpa' sems dpa' chen po sang sang po'i dbyangs kyis bcom ldan 'das de bzhin gshegs pa dgra bcom pa yang dag par rdzogs
253b5 pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa de'i zhabs la mgo bos phyag btsal nas lan gsum bskor ba byas te/ byang chub sems
253b6 dpa' bye ba khrag khrig brgya stong phrag brgyad cu rtsa bzhi po de dag gis yongs su bskor cing mdun du bdar nas lhan cig tu 'jig rten gyi khams rnam par snang ba'i 'od zer gyis brgyan
253b7 pa de nas mi snang bar gyur nas/ 'jig rten gyi khams mi mjed 'dir 'ongs te/ zhing dag ni rab tu g.yo bar byed/ pad+ma'i char ni rab tu 'bebs/ sil snyan bye ba khrag khrig
254a1 brgya stong ni len cing / mig ni ut+pa la sngon po'i 'dab ma 'dra/ bzhin ni zla ba bye ba khrag khrig brgya stong bas lhag /lus kyi mdog ni gser gyi kha dog
254a2 'dra la/ lus bsod nams brgya stong gis ni brgyan/ dpal gyis ni rab tu 'bar/ gzi brjid kyis ni shin tu lhag gar gyur/ lus ni mtshan rnams kyis rnam par spras/
254a3 lus sred med kyi bu'i lus ltar ni mkhregs pa/ rin po che sna bdun gyi khang pa brtsegs par zhugs te/ nam mkha' la ta la bdun tsam nas byang chub sems dpa'i tshogs
254a4 kyis yongs su bskor cing mdun du bdar nas 'ongs te/ de 'jig rten gyi khams mi mjed 'di ga la ba dang / bya rgod phung po'i ri ga la ba der 'ongs te phyin nas/ khang pa
254a5 brtsegs pa de nas babs te/ brgya stong ri ba'i mu tig gi phreng ba thogs shing / bcom ldan 'das ga la ba der song nas phyin pa dang / bcom ldan 'das kyi zhabs la
254a6 mgo bos phyag btsal te/ lan bdun skor ba byas nas bcom ldan 'das la mchod pa bya ba'i phyir mu tig gi phreng ba phul lo/ /phul nas bcom ldan 'das la 'di skad
254a7 ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog
254b1 kun tu rgyas pa bcom ldan 'das la gnod pa nyung ngam/ nyam nga ba nyung ngam/ bskyod pa yang ngam/ stobs dang bde bar gnas sam zhes snyun gsol to/ /bcom ldan 'das de
254b2 'di skad ces kyang gsung ste/ bcom ldan 'das khyod bzod dam/ gzhes sam/ khams rnams mthun nam/ khyod kyi sems can rnams go sla 'am/ gdul sla'am/ gso
254b3 sla'am/ gtsang ma 'dod dam/ ha cang 'dod chags mi spyod dam/ ha cang zhe sdang mi spyod dam/ ha cang gti mug mi spyod dam/ bcom ldan 'das khyod kyi sems can dag shin
254b4 tu phrag dog can ma yin nam/ ser sna can ma yin nam/ mar mi 'dzin pa ma yin nam/ phar mi 'dzin pa ma yin nam/ dge slong du mi 'dzin pa ma yin nam/ bram zer mi
254b5 'dzin pa ma yin nam/ log par lta ba ma yin nam/ sems ma dul ba ma yin nam/ dbang po ma bsrungs pa ma yin nam/ bcom ldan 'das khyod kyis sems can de dag gis
254b6 bdud phyir rgol pa bcom mam/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang de/
254b7 rin po che sna bdun gyi mchod rten gyi nang na bzhugs pa chos gsan pa'i phyir 'jig rten gyi khams mi mjed du gshegs sam/ bcom ldan 'das de bzhin gshegs pa rin
255a1 chen mang la'ang bcom ldan 'das de 'dri ba/ bcom ldan 'das de bzhin gshegs pa rin chen mang de bzod dam/ gshegs sam/ bcom ldan
255a2 'das de bzhin gshegs pa rin chen mang ring du gzhes sam zhes gsung ngo / /bcom ldan 'das/ bdag gis kyang bcom ldan 'das de bzhin gshegs pa dgra bcom
255a3 pa yang dag par rdzogs pa'i sangs rgyas rin chen mang de'i ring bsrel gyi sku blta bar bgyi'o/ /bcom ldan 'das de bzhin gshegs pa dgra bcom pa yang dag par
255a4 rdzogs pa'i sangs rgyas rin chen mang de'i ring bsrel gyi sku/ de bzhin gshegs pas legs par bstan du gsol/ de nas bcom ldan 'das de bzhin gshegs pa
255a5 dgra bcom pa yang dag par rdzogs pa'i sangs rgyas shAkya thub pas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yongs
255a6 su mya ngan las 'das pa rin chen mang de la 'di skad ces gsungs so/ /bcom ldan 'das/ byang chub sems dpa' sems dpa' chen po sang sang po'i dbyangs 'di bcom
255a7 ldan 'das de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa rin chen mang mthong bar 'chal nas mchis so//
255b1 de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gis byang chub sems dpa' sems dpa' chen po sang sang po'i
255b2 dbyangs la 'di skad ces bka' stsal to/ /rigs kyi bu khyod nga dang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa
255b3 mthong bar 'dod pa dang / dam pa'i chos pad+ma dkar po'i chos kyi rnam grangs 'di mnyan pa dang / 'jam dpal gzhon nur gyur pa blta ba'i phyir 'ongs pa legs so/ /
255b4 legs so/ /de nas bcom ldan 'das la byang chub sems dpa' sems dpa' chen po pad+ma'i dpal gyis 'di skad ces gsol to/ /bcom ldan 'das/ byang chub
255b5 sems dpa' sems dpa' chen po sang sang po'i dbyangs kyis de bzhin gshegs pa gang gi drung du sngon dge ba'i rtsa ba ji lta bu zhig bskrun/ de nas bcom ldan 'das de
255b6 bzhin gshegs pa dgra bcom pa yang dag par rdzogs pa'i sangs rgyas shAkya thub pas byang chub sems dpa' sems dpa' chen po pad+ma'i dpal la 'di skad ces bka' stsal
255b7 to| |rigs kyi bu/ sngon byung ba 'das pa'i dus na bskal pa mthong na dga' ba la/ 'jig rten gyi khams gzugs thams cad shin tu ston par de bzhin gshegs pa dgra bcom
256a1 pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/
256a2 bla na med pa/ lha dang mi rnams kyi ston pa sangs rgyas bcom ldan 'das sprin dang rnga sgra rgyal po zhes bya ba 'di 'jig rten du byung ste/ rigs kyi bu/ bcom ldan 'das de bzhin
256a3 gshegs pa sprin dang rnga sgra rgyal po de la/ byang chub sems dpa' sems dpa' chen po sang sang po'i dbyangs kyis sil snyan brgya stong rab tu blangs te/ lo khri nyis stong du
256a4 mchod pa byas so/ /rin po che sna bdun gyi snod brgyad khri bzhi stong phul lo/ /rigs kyi bu/ de bzhin gshegs pa sprin dang rnga sgra rgyal po'i gsung rab de la byang chub sems
256a5 dpa' sems dpa' chen po sang sang po'i dbyangs kyis de lta bu'i dad pa thob bo/ /de'i tshe de'i dus na bcom ldan 'das de bzhin gshegs pa dgra bcom pa yang dag par
256a6 rdzogs pa'i sangs rgyas sprin dang rnga sgra rgyal po la mchod pa byas shing snod brgyad khri bzhi stong de dag phul ba de/ gzhan zhig yin snyam du khyod som nyi'am/ yid gnyis
256a7 sam/ the tshom za bar gyur na rigs kyi bu khyod kyis de ltar mi blta'o/ /de ci'i phyir zhe na/ rigs kyi bu/ gang gis bcom ldan 'das de bzhin gshegs pa dgra bcom pa
256b1 yang dag par rdzogs pa'i sangs rgyas sprin dang rnga sgra rgyal po de la mchod pa byas pa dang / snod de dag kyang phul ba de ni byang chub sems dpa' sems dpa' chen po sang sang po'i
256b2 dbyangs 'di nyid yin te/ rigs kyi bu/ byang chub sems dpa' sems dpa' chen po sang sang po'i dbyangs de ni/ sangs rgyas mang po la bsnyen bkur byas pa/ sangs rgyas brgya
256b3 stong mang po la dge ba'i rtsa ba bskyed pa/ yongs su sbyang ba byas pa ste/ byang chub sems dpa' sems dpa' chen po sang sang po'i dbyangs 'dis sngon yang sangs rgyas bcom ldan
256b4 'das gang+gA'i klung gi bye ma snyed mthong ngo / /pad+ma'i dpal khyod kyis byang chub sems dpa' sems dpa' chen po sang sang po'i dbyangs 'di mthong ngam/ pad+ma'i dpal
256b5 gyis gsol ba/ bcom ldan 'das/ mthong lags so/ /bde bar gshegs pa/ mthong lags so/ /bcom ldan 'das kyis bka' stsal pa/ pad+ma'i dpal/ byang chub
256b6 sems dpa' sems dpa' chen po sang sang po'i dbyangs 'di ni/ gzugs mang pos dam pa'i chos pad+ma dkar po'i chos kyi rnam grangs 'di ston te/ 'di lta ste/ la lar ni
256b7 tshangs pa'i gzugs kyis/ la lar ni brgya byin gyi gzugs kyis/ la lar ni dbang phyug gi gzugs kyis/ la lar ni dbang phyug chen po'i gzugs kyis/ la lar ni dmag
257a1 dpon gyi gzugs kyis/ la lar ni mchog gi gzugs kyis/ la lar ni 'khor los bsgyur ba'i gzugs kyis/ la lar ni khams kyi rgyal po'i
257a2 gzugs kyis/ la lar ni tshong dpon gyi gzugs kyis/ la lar ni khyim bdag gi gzugs kyis/ la lar ni grong mi'i gzugs kyis/ la lar ni bram ze'i gzugs
257a3 kyis dam pa'i chos pad+ma dkar po'i chos kyi rnam grangs 'di ston to/ /la lar ni dge slong gi gzugs kyis/ la lar ni dge slong ma'i gzugs kyis/ la lar ni dge bsnyen
257a4 gyi gzugs kyis/ la lar ni dge bsnyen ma'i gzugs kyis/ la lar ni tshong dpon gyi chung ma'i gzugs kyis/ la lar ni khyim bdag gi chung ma'i gzugs kyis/ la lar
257a5 ni grong ma'i chung ma'i gzugs kyis/ la lar ni khye'u'i gzugs kyis/ la lar ni bu mo'i gzugs kyis byang chub sems dpa' sems dpa' chen po sang sang po'i dbyangs
257a6 dam pa'i chos pad+ma dkar po'i chos kyi rnam grangs 'di sems can rnams la ston te/ rigs kyi bu/ gzugs 'di snyed cig kun tu ston pas/ byang chub sems dpa' sems dpa'
257a7 chen po'i sang sang po'i dbyangs dam pa'i chos pad+ma dkar po'i chos kyi rnam grangs 'di sems can rnams la ston to/ /kha cig la ni/ gnod sbyin gyi gzugs kyi bar gyi byang
257b1 chub sems dpa' sems dpa' chen po sang sang po'i dbyangs kyis dam pa'i chos pad+ma dkar po'i chos kyi rnam grangs 'di sems can rnams la ston to/ /kha cig la lha ma yin gyi gzugs
257b2 kyis| kha cig la nam mkha' lding gi gzugs kyis/ kha cig la mi'am ci'i gzugs kyis/ kha cig la lto 'phye chen po'i gzugs kyis byang chub sems dpa' sems dpa' chen
257b3 po sang sang po'i dbyangs dam pa'i chos pad+ma dkar po'i chos kyi rnam grangs 'di sems can rnams la ston to/ /sems can dmyal ba dang / dud 'gro'i skye gnas dang / gshin
257b4 rje'i 'jig rten dang / mi khom par skyes pa'i bar gyi sems can rnams la'ang byang chub sems dpa' sems dpa' chen po sang sang po'i dbyangs skyob par 'gyur ro/ /btsun mo'i
257b5 'khor gyi nang na 'dug pa'i bar gyi sems can rnams la'ang byang chub sems dpa' sems dpa' chen po sang sang po'i dbyangs bud med kyi gzugs su mngon par sprul te/ dam pa'i chos pad+ma dkar po'i chos kyi rnam grangs 'di 'jig rten gyi khams mi mjed 'dir sems can rnams la chos ston to/
257b6 /pad+ma'i dpal/ byang chub sems dpa' sems
257b7 dpa' chen po sang sang po'i dbyangs ni/ 'jig rten gyi khams mi mjed du skyes pa'i sems can rnams la skyob pa ste/ 'jig rten gyi khams mi mjed 'di na/ byang chub sems
258a1 dpa' sems dpa' chen po sang sang po'i dbyangs 'di de snyed kyi gzugs su sprul pas dam pa'i chos pad+ma dkar po'i chos kyi rnam grangs 'di sems can
258a2 rnams la ston te/ skyes bu dam pa 'di rdzu 'phrul yang nyams pa med/ shes rab kyang nyams pa med do/ /rigs kyi bu/ byang chub sems dpa' sems dpa' chen po sang
258a3 sang po'i dbyangs ni ye shes kyi snang ba 'di snyed kyis 'jig rten gyi khams mi mjed 'di na snang ngo / /'jig rten gyi khams gzhan gang+gA'i klung gi bye ma snyed dag na'ang / byang chub
258a4 sems dpas 'dul ba'i sems can rnams la 'di byang chub sems dpa'i gzugs kyis chos ston to/ /nyan thos kyis 'dul ba'i sems can rnams la nyan thos kyi gzugs
258a5 kyis chos ston to/ /rang sangs rgyas kyis 'dul ba'i sems can rnams la rang sangs rgyas kyi gzugs kyis chos ston to/ /de bzhin gshegs pa'i gzugs kyis 'dul
258a6 ba'i sems can rnams la de bzhin gshegs pa'i gzugs kyis chos ston to/ /de bzhin gshegs pa'i ring bsrel gyi bar gyis 'dul ba'i sems can rnams la de
258a7 bzhin gshegs pa'i ring bsrel ston to/ /yongs su mya ngan las 'da' ba'i bar gyis 'dul ba'i sems can rnams la bdag yongs su mya ngan las 'das par ston to//
258b1 pad+ma'i dpal/ de ltar byang chub sems dpa' sems dpa' chen po'i sang sang po'i dbyangs ni ye shes kyi stobs bskyed pa thob pa'o/ /de nas bcom ldan 'das la byang chub sems
258b2 dpa' sems dpa' chen po pad+ma'i dpal gyi 'di skad ces gsol to/ /bcom ldan 'das/ byang chub sems dpa' sems dpa' chen po sang sang po'i dbyangs dge ba'i rtsa ba
258b3 bskrun pa 'di/ bcom ldan 'das/ ting nge 'dzin gang la gnas te/ byang chub sems dpa' sems dpa' chen po sang sang po'i dbyangs kyis sems can 'di snyed btul ba'i ting
258b4 nge 'dzin de gang lags/ de skad ces gsol nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ byang chub
258b5 sems dpa' sems dpa' chen po pad+ma'i dpal la 'di skad ces bka' stsal to/ /rigs kyi bu/ ting nge 'dzin gang la gnas te byang chub sems dpa' sems dpa' chen po sang
258b6 sang po'i dbyangs kyis 'di ltar sems can dpag tu med pa'i don byas pa ni/ gzugs thams cad yang dag par ston pa zhes bya ba'i ting nge 'dzin 'di yin no/ /sang sang po'i
258b7 dbyangs kyi le'u 'di bshad pa na/ byang chub sems dpa' sems dpa' chen po sang sang po'i dbyangs dang lhan cig tu/ byang chub sems dpa' bye ba khrag khrig brgya stong phrag
259a1 brgyad cu rtsa bzhi gang dag 'jig rten gyi khams mi mjed 'dir lhags pa de dag thams cad kyis gzugs thams cad yang dag par ston pa'i ting
259a2 nge 'dzin thob par gyur to/ /'jig rten gyi khams mi mjed 'di na gnas pa'i byang chub sems dpa' sems dpa' chen po bgrang ba las 'das pa de dag gis kyang / gzugs
259a3 thams cad yang dag par ston pa'i ting nge 'dzin thob par gyur to/ /de nas byang chub sems dpa' sems dpa' chen po sang sang po'i dbyangs kyis/ bcom ldan 'das de
259a4 bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / bcom ldan 'das de bzhin gshegs pa dgra bcom pa yang dag par rdzogs
259a5 pa'i sangs rgyas rin chen mang gi ring bsrel gyi mchod rten la yangs shing rgya che ba'i mchod pa byas nas/ rin po che sna bdun gyi khang pa brtsegs par bzhugs te/ zhing rnams
259a6 ni rab tu g.yo bar byed/ pad+ma'i char ni rab tu 'bebs/ sil snyan bye ba khrag khrig brgya stong ni len cing / byang chub sems dpa' bye ba khrag khrig brgya stong phrag brgyad cu
259a7 rtsa bzhis yongs su bskor te mdun du bdar nas/ lhan cig tu slar rang rang gi sangs rgyas kyi zhing du song ste phyin nas/ bcom ldan 'das de bzhin gshegs pa dgra bcom
259b1 pa yang dag par rdzogs pa'i sangs rgyas pad+ma'i 'dab ma dri ma med pa skar ma'i rgyal po me tog kun tu rgyas pa la 'di skad ces gsol to/ /bcom ldan 'das/ 'jig rten gyi khams
259b2 mi mjed du bdag gis sems can gyi don byas so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen mang gi ring bsrel gyi
259b3 mchod rten yang mthong ngo / /phyag kyang bgyis so/ /bcom ldan 'das de bzhin gshegs pa shAkya thub pa'ang mthong ste phyag bgyis so/ /'jam dpal gzhon nur gyur pa de'ang
259b4 mthong ngo / /byang chub sems dpa' sems dpa' chen po sman gyi rgyal po brtson 'grus kyi stobs kyi shugs thob pa de dang / byang chub sems dpa' sems dpa' chen po rab tu sbyin
259b5 pa de'ang mthong ngo / /byang chub sems dpa' bye ba khrag khrig brgya stong phrag brgyad cu rtsa bzhi po de dag thams cad kyis kyang gzugs thams cad yang dag par ston pa'i ting nge
259b6 'dzin thob par gyur to/ /byang chub sems dpa' sems dpa' chen po sang sang po'i dbyangs 'gro ba dang 'ong ba'i le'u 'di bshad pa na/ byang chub sems dpa' bzhi khri nyis
259b7 stong gis mi skye ba'i chos la bzod pa thob par gyur to/ /byang chub sems dpa' sems dpa' chen po pad+ma'i dpal gyis kyang dam pa'i chos pad+ma dkar po'i ting nge 'dzin thob par
260a1 gyur to/ /dam pa'i chos pad+ma dkar po las/ sang sang po'i dbyangs kyi le'u zhes bya ste nyi shu rtsa gsum pa'o// //dam pa'i chos pad+ma dkar po/
260a2 bam po bcu gsum pa ste tha ma/ de nas byang chub sems dpa' sems dpa' chen po blo gros mi zad pa stan las langs te/ bla gos phrag pa gcig tu gzar nas pus mo g.yas
260a3 pa'i lha nga sa la btsugs te/ bcom ldan 'das ga la de logs su thal mo sbyar ba btud nas bcom ldan 'das la 'di skad ces gsol to/ bcom ldan 'das/ byang chub
260a4 sems dpa' sems dpa' chen po spyan ras gzigs kyi dbang phyug ci'i slad du spyan ras gzigs kyi dbang phyug ces bgyi/ de skad ces gsol pa dang / bcom ldan 'das
260a5 kyis byang chub sems dpa' sems dpa' chen po blo gros mi zad pa la 'di skad ces bka' stsal to/ /rigs kyi bu/ 'di la sems can bye ba khrag khrig brgya stong ji snyed
260a6 cig sdug bsngal gang dag myong bar gyur pa de dag gis/ gal te byang chub sems dpa' sems dpa' chen po spyan ras gzigs dbang phyug gi ming thos na/ de dag thams
260a7 cad sdug bsngal gyi phung po de las yongs su thar bar 'gyur ro/ /rigs kyi bu/ sems can gang dag byang chub sems dpa' sems dpa' chen po spyan ras gzigs dbang
260b1 phyug gi ming 'dzin pa de dag /gal te me'i phung po chen por lhung na'ang / de dag thams cad byang chub sems dpa' sems dpa' chen po spyan ras gzigs dbang phyug gi gzi
260b2 brjid kyis/ me'i phung po chen po rab tu 'bar ba las de thar bar 'gyur ro/ /rigs kyi bu/ gal te chu klung dag gis khyer la/ byang chub sems dpa' sems dpa' chen po spyan ras
260b3 gzigs kyi dbang phyug la bos na/ chu klung de dag thams cad kyis sems can de dag thams cad gting tshugs par byed do/ /rigs kyi bu/ gal te sems can bye ba khrag khrig
260b4 brgya stong rgya mtsho'i nang du grur zhugs te/ 'gron bu dang / gser dang / nor bu dang / mu tig dang / baiDUR+ya dang / dung dang / man shel dang / rdo'i snying po dang / byu ru dang /
260b5 spug dang / mu tig dmar po la sogs pa'i phyir dong ba de rnams/ rlung nag pos srin mo'i gling du 'phags par gyur la/ de na sems can gcig 'ga' zhig gis spyan ras
260b6 gzigs dbang phyug la bos na/ de dag thams cad srin mo'i gling de nas thar bar 'gyur ro/ /rigs kyi bu/ de'i phyir byang chub sems dpa' sems dpa' chen po spyan
260b7 ras gzigs kyi dbang phyug spyan ras gzigs dbang phyug ces btags so/ /rigs kyi bu/ gal te bsad par bkri ba las spyan ras gzigs dbang phyug la bos na/ gshed ma de dag
261a1 gi mtshon de dag dum bu dum bur chag cing grugs par 'gyur ro/ /rigs kyi bu/ gal te stong gsum gyi stong chen po'i 'jig rten gyi khams 'di gnod
261a2 sbyin dang srin pos gang bar gyur kyang / byang chub sems dpa' sems dpa' chen po spyan ras gzigs dbang phyug gi ming 'dzin pa la de dag thams cad kyi sdang ba'i sems
261a3 kyis lta'ang mi phod do/ /rigs kyi bu/ sems can la la lcags sgrog dang / shing sgrog tu bcug par gyur na nyes yod kyang rung / nyes med kyang rung na/ byang chub sems
261a4 dpa' sems dpa' chen po spyan ras gzigs dbang phyug gi ming nas phyung bas lcags sgrog dang shing sgrog tu bcug pa dag gi bu ga bye bar 'gyur ro/ /rigs kyi bu/ byang
261a5 chub sems dpa' sems dpa' chen po spyan ras gzigs dbang phyug gi mthu ni de 'dra'o/ /rigs kyi bu/ gal te stong gsum gyi stong chen po'i 'jig rten gyi khams 'di
261a6 g.yon can dang / chom rkun dang / dgra lag na mtshon thogs pas sa gang bar gyur te/ der ded dpon gcig gis mgron po mang po phal po che rin po ches phyug pa ded de dong ba
261a7 las| 'dong ba de dag gis g.yon can chom rkun dang dgra lag na mtshon thogs pa de dag mthong ste/ mthong nas kyang 'jigs pa'i bskrag ste bdag cag skyabs med par shes
261b1 pa las ded dpon des mgron po mang po la 'di skad ces ma 'jigs shig /rigs kyi bu dag /ma 'jigs shig /mi 'jigs pa sbyin pa byang chub sems dpa' sems dpa' chen po
261b2 spyan ras gzigs dbang phyug la sgra skad gcig tu bos shig dang / des khyod chom rkun gyis 'jigs pa dang / dgra'i 'jigs pa 'di las yongs su thar bar 'gyur ro zhes bsgo la/
261b3 de nas mgron po mang po thams cad kyis sgra skad gcig tu spyan ras gzigs dbang phyug la bos te/ 'jigs pa med pa'i sbyin pa byang chub sems dpa' sems dpa' chen po spyan
261b4 ras gzigs dbang phyug de la phyag 'tshal lo/ /phyag 'tshal lo zhes ming nas phyung ma thag tu/ mgron po phal po che de dag thams cad 'jigs pa thams cad las yongs su
261b5 thar bar 'gyur te/ rigs kyi bu/ byang chub sems dpa' sems dpa' chen po spyan ras gzigs dbang phyug gi mthu ni de 'dra'o/ /rigs kyi bu/ sems can gang dag
261b6 'dod chags spyod pa de dag gis/ byang chub sems dpa' sems dpa' chen po spyan ras gzigs kyi dbang phyug la phyag byas na 'dod chags dang bral bar 'gyur ro/ /
261b7 sems can gang dag zhe sdang spyod pa de dag gis byang chub sems dpa' sems dpa' chen po spyan ras gzigs dbang phyug la phyag byas na zhe sdang dang bral bar 'gyur ro/ /
262a1 sems can gang dag gti mug spyod pa de dag gis byang chub sems dpa' sems dpa' chen po spyan ras gzigs dbang phyug la phyag byas na
262a2 gti mug dang bral bar 'gyur ro/ /rigs kyi bu/ de ltar byang chub sems dpa' sems dpa' chen po spyan ras gzigs dbang phyug ni rdzu 'phrul che ba'o/ /rigs kyi bu/
262a3 bud med bu pho 'dod pa gang la la byang chub sems dpa' sems dpa' chen po spyan ras gzigs dbang phyug la phyag 'tshal na de las bu pho 'byung ste/ gzugs bzang
262a4 ba| mdzes pa/ blta na sdug pa/ khye'u'i mtshan dang ldan pa/ skye bo mang po'i yid du 'ong zhing sdug pa dge ba'i rtsa ba bskyed pa 'byung ngo / /gang bu mo 'dod pa de'ang bu
262a5 mo 'byung ste/ gzugs bzang ba/ mdzes pa/ blta na sdug pa/ bu mo'i mtshan dang ldan pa/ skye bo mang po'i yid du 'ong zhing sdug pa dge ba'i rtsa ba bskyed pa 'byung ngo / /
262a6 rigs kyi bu/ byang chub sems dpa' sems dpa' chen po spyan ras gzigs kyi dbang phyug gi mthu ni de 'dra'o/ /gang dag byang chub sems dpa' sems dpa' chen
262a7 po spyan ras gzigs kyi dbang phyug la phyag 'tshal ba de dag don yod pa'i 'bras bur 'gyur ro/ /rigs kyi bu/ gang zhig byang chub sems dpa' sems dpa' chen po
262b1 spyan ras gzigs kyi dbang phyug la phyag 'tshal zhing ming 'dzin la/ gang zhig sangs rgyas bcom ldan 'das gang+gA'i klung drug cu rtsa gnyis kyi bye ma snyed dag la phyag 'tshal zhing
262b2 ming 'dzin pa dang / yang gang zhig gis sangs rgyas bcom ldan 'das gang+gA'i klung drug cu rtsa gnyis kyi bye ma snyed bzhugs te/ 'tsho zhing gzhes pa de dag la na bza' dang / bsod
262b3 snyoms dang / gzims cha dang / snyun gyi gsos sman dang / yo byad kyis mchod pa byed na/ rigs kyi bu/ 'di ji snyam du sems/ rigs kyi bu'am rigs kyi bu mo de dag bsod
262b4 nams mngon par 'du byed pa de tsam zhig skyed/ de skad ces bka' stsal nas/ byang chub sems dpa' sems dpa' chen po blo gros mi zad pas/ bcom ldan 'das la 'di
262b5 skad ces gsol to/ /rigs kyi bu'am rigs kyi bu mo de dag gzhi de las bsod nams skyed pa ni/ bcom ldan 'das/ mang lags so/ /bde bar gshegs pa/ mang lags so/ /
262b6 bcom ldan 'das kyis bka' stsal pa/ rigs kyi bu/ gang gis sangs rgyas bcom ldan 'das de snyed la bskur sti byas pa'i bsod nams mngon par 'du byed pa dang / gang gis
262b7 tha na byang chub sems dpa' sems dpa' chen po spyan ras gzigs kyi dbang phyug la phyag lan gcig byas pa dang / ming 'dzin pa'i bsod nams mngon par 'du byed pa gnyis
263a1 ka mnyam ste/ lhag pa'ang med/ 'phags pa'ang med do/ /gang gis sangs rgyas bcom ldan 'das gang+gA'i klung drug cu rtsa gnyis kyi bye ma snyed la phyag
263a2 'tshal zhing ming 'dzin pa dang / gang byang chub sems dpa' sems dpa' chen po spyan ras gzigs kyi dbang phyug la phyag 'tshal zhing ming 'dzin pa'i bsod nams kyi phung
263a3 po de gnyis ka bskal pa bye ba khrag khrig brgya stong du'ang zad par bya ba sla ba ma yin no/ /rigs kyi bu/ byang chub sems dpa' sems dpa' chen po spyan ras gzigs
263a4 kyi dbang phyug gi ming 'dzin pa'i bsod nams de ltar dpag tu med do/ /de nas bcom ldan 'das la byang chub sems dpa' sems dpa' chen po blo gros mi zad pas
263a5 'di skad ces gsol to/ /bcom ldan 'das/ ji ltar byang chub sems dpa' sems dpa' chen po spyan ras gzigs kyi dbang phyug 'jig rten gyi khams mi mjed 'di na
263a6 rnam par rgyu/ ji ltar sems can rnams la chos ston/ byang chub sems dpa' sems dpa' chen po spyan ras gzigs kyi dbang phyug gi thabs mkhas pa'i yul ni
263a7 ci 'dra ba zhig lags/ de skad ces gsol pa dang / bcom ldan 'das kyis byang chub sems dpa' sems dpa' chen po blo gros mi zad pa la 'di skad ces bka' stsal
263b1 to| |rigs kyi bu/ gang dag na byang chub sems dpa' sems dpa' chen po spyan ras gzigs dbang phyug sangs rgyas kyi gzugs kyis sems can rnams la chos ston pa'i 'jig
263b2 rten gyi khams dag yod do/ /gang dag na byang chub sems dpa' sems dpa' chen po spyan ras gzigs kyi dbang phyug byang chub sems dpa' sems dpa' chen po'i gzugs
263b3 kyis chos ston pa'i 'jig rten gyi khams dag kyang yod do/ /sems can kha cig la ni byang chub sems dpa' sems dpa' chen po spyan ras gzigs kyi dbang phyug rang sangs
263b4 rgyas kyi gzugs kyis chos ston to/ /kha cig la nyan thos kyi gzugs kyis/ kha cig la tshangs pa'i gzugs kyis/ kha cig la brgya byin gyi gzugs kyis/ sems can
263b5 kha cig la ni byang chub sems dpa' chen po spyan ras gzigs kyi dbang phyur dri za'i gzugs kyis chos ston to/ /gnod sbyin gyis 'dul ba'i sems can rnams la ni gnod
263b6 sbyin gyi gzugs kyis chos ston to/ /dbang phyug gis 'dul ba'i sems can rnams la ni dbang phyug gi gzugs kyis chos ston to/ /dbang phyug chen pos 'dul ba'i sems
263b7 can rnams la ni dbang phyug chen po'i gzugs kyis chos ston to/ /'khor los sgyur ba'i rgyal pos 'dul ba'i sems can rnams ni 'khor los sgyur ba'i rgyal po'i gzugs
264a1 kyis chos ston to/ /sha zas 'dul ba'i sems can rnams la ni sha za'i gzugs kyis chos ston to/ /mchog gis 'dul ba'i sems can rnams la ni
264a2 mchog gi gzugs kyis chos ston to/ /dmag dpon gyis 'dul ba'i sems can rnams la ni dmag dpon gyi gzugs kyis chos ston to/ /bram zes 'dul ba'i sems can
264a3 rnams la ni bram ze'i gzugs kyis chos ston to/ /lag na rdo rjes 'dul ba'i sems can rnams la ni lag na rdo rje'i gzugs kyis chos ston to/ /rigs kyi bu/ de ltar byang
264a4 chub sems dpa' sems dpa' chen po spyan ras gzigs kyi dbang phyug yon tan bsam gyis mi khyab pa dang ldan no/ /rigs kyi bu/ de lta bas na byang chub sems dpa'
264a5 sems dpa' chen po spyan ras gzigs kyi dbang phyug la mchod cig /rigs kyi bu/ byang chub sems dpa' sems dpa' chen po spyan ras gzigs kyi dbang phyug 'di
264a6 'jigs pa'i sems can rnams la mi 'jigs pa sbyin pa ste/ de'i phyir 'jig rten gyi khams mi mjed 'di na mi 'jigs pa sbyin pa zhes kun gyis shes so/ /de nas
264a7 bcom ldan 'das la blo gros mi zad pas 'di skad ces gsol to/ /bcom ldan 'das/ bdag gis byang chub sems dpa' sems dpa' chen po spyan ras gzigs
264b1 kyi dbang phyug la chos kyi dgab pa stsal bar bgyi'o/ /bcom ldan 'das kyis bka' stsal pa/ rigs kyi bu/ de'i dus la bab par shes na byin cig /de nas byang chub sems dpa'
264b2 sems dpa' chen po blo gros mi zad pas bdag gi mgul nas brgya stong ri ba'i mu tig gi do shal bkrol nas/ byang chub sems dpa' sems dpa' chen po spyan ras gzigs
264b3 dbang phyug la chos kyi dgab par byin te/ skyes bu dam pa/ bdag las chos kyi dgab pa 'di long zhig /des ma blangs nas de nas byang chub sems dpa' sems dpa' chen po blo gros mi zad pas/
264b4 byang chub sems dpa' sems dpa' chen po spyan ras gzigs dbang phyug la 'di skad ces smras so/ /rigs kyi bu khyod kyis mu tig gi do shal 'di bdag la snying brtse ba'i phyir long zhig /de nas byang chub
264b5 sems dpa' sems dpa' chen po spyan ras gzigs dbang phyug gis/ byang chub sems dpa' sems dpa' chen po blo gros mi zad pa la snying brtse ba dang / 'khor bzhi po de dag dang / lha
264b6 dang | klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / mi dang mi yin pa la snying brtse ba'i phyir/ byang chub
264b7 sems dpa' sems dpa' chen po blo gros mi zad pa las mu tig gi do shal blangs so/ /blangs nas cha gnyis su bgos te bgos nas cha gcig ni bcom ldan 'das shAkya thub pa
265a1 la phul lo/ /cha gcig ni de bzhin gshegs pa dgra bcom pa yang dag par rdzogs pa'i sangs rgyas rin chen mang gi rin po che'i mchod rten la phul
265a2 lo| |rigs kyi bu/ byang chub sems dpa' sems dpa' chen po spyan ras gzigs dbang phyug 'jig rten gyi khams mi mjed 'di na de lta bu'i rnam par 'phrul pas rnam
265a3 par rgyu'o/ /de la de'i chos nyid ni 'di skad ces bya'o/ /rgyal mtshan khra bos blo gros mi zad la/ /de yi don gyi rgyu ni kun dris pa/ /rgyal po'i sras po 'di ltar ci yi phyir/ /
265a4 spyan ras gzigs kyi dbang po zhes 'di bgyi/ /de nas de yis phyogs rnams kun bltas te/ /smon lam rgya mtsho blo gros mi zad pas/ rgyal mtshan khra bo de la 'di skad
265a5 smras| |spyan ras gzigs kyi dbang po'i spyod pa nyon/ /bskal pa bsam yas bye ba du ma brgyar/ /sangs rgyas stong phrag bye ba mang po la/ /smon lam ji ltar rab tu rnam
265a6 par sbyangs/ /de dag kho bos rab tu bshad kyi nyon/ /mnyan par byed cing lta bar byed pa dang / /rim gyis de ltar rjes su dran pa yang / /srog chags rnams ni 'bras bu
265a7 yod par 'gyur/ /sdug bsngal dang ni mya ngan thams cad sol/ /gal te gsod pas me yi dong du yang / /gsad par bya ba'i phyir ni bor ba'i mis/ /spyan ras gzigs kyi
265b1 dbang po dran na ni/ /chus btab bzhin du me dag zhi bar 'gyur/ /rgya mtsho dang ni mya ngam rgal na yang / /klu dang 'byung po lha ma yin gnas su/ /spyan ras gzigs kyi dbang po
265b2 dran na ni/ /chu yi nang du nam yang mi nub bo/ /rab tu sdang ba'i yid kyis gsad pa'i phyir/ /ri rab lhun po'i rtse nas bor na yang / /spyan ras gzigs kyi dbang po dran na ni/ /nyi ma
265b3 lta bur nam mkhar gnas par 'gyur/ /gal te rdo rje yi ni ri dag kyang / /gsang ba'i phyir ni spyi bor 'ongs na yang / /spyan ras gzigs kyi dbang po dran na ni/ /ba spu'i khung tsam
265b4 gtses par mi nus so/ /gsad pa'i sems kyis lag na mtshon thogs te/ /dgra tshogs mang pos kun tu bskor na yang / /spyan ras gzigs kyi dbang po dran na ni/ /de ma thag tu
265b5 byams pa'i sems su 'gyur/ /gal te gsod pa nye bar 'ongs nas su/ /gshed ma mi yi dbang du gyur na yang / /spyan ras gzigs kyi dbang po dran na ni/ /de yi mtshon cha
265b6 dum bu dum bur 'gyur/ /de ste shing ngam lcags las byas pa yi/ /khong sgril dang ni gdos kyis bcings na yang / /spyan ras gzigs kyi dbang po dran na ni/ /bcings pa myur
265b7 du rnam par bcad par 'gyur/ /sngags dang stobs dang sman dang rig sngags dang / /ro langs pa dang 'byung po lus 'jigs pa/ /spyan ras gzigs kyi dbang po dran na ni/
266a1 gang nas rab tu btang ba de slar 'gro/ gnod sbyin lha min 'byung po klu 'bar ba/ /mdangs 'phrog pa yis yongs su bskor na yang / /spyan ras gzigs
266a2 kyi dbang po dran na ni/ /ba spu'i khung tsam gces par yong mi nus/ /mche ba sen rnon rab tu 'jigs pa yi/ /gcan gzan ma rungs pa yis bskor na yang / /spyan ras gzigs
266a3 kyi dbang po dran na ni/ /myur bar phyogs kun tu yang 'gro bar 'gyur/ /mig 'jigs me lce lta bur 'od 'phro ba/ /mig dug can gyis yongs su bskor na yang / /spyan ras gzigs
266a4 kyi dbang po dran na ni/ /shin tu myur bar gdug pa med par 'gyur/ /bzang po'i glog kyang 'byung zhing sdug pa yi/ /sprin las lce dang ser ba char 'bab pa/ /spyan ras gzigs kyi
266a5 dbang po dran na ni/ /de ma thag tu myur bar rab tu zhi/ /sdug bsngal mang po brgya yis gtses pa dang / /sdug bsngal mang pos gzir ba'i sems can mthong / /ye shes dge
266a6 ba'i stobs kyis spyan ras gzigs/ /de bas lhar bcas 'gro ba skyob pa'o/ /rdzu 'phrul stobs kyis pha rol song ba ste/ /thabs dang ye shes yangs pa bslabs pas na/ /
266a7 phyogs bcu'i 'gro ba mang po thams cad dang / /ma lus zhing kun tu yang rab tu snang / /srog chags rnams kyi ngan 'gro'i 'jigs pa dang / /mi khom pa dang sems can
266b1 dmyal ba dang / /byol song dang ni gshin rjes bskor ba yang / /skye rga na bas gzir ba mthar zhi byed/ /shin tu dge ba'i spyan de byams pa'i spyan/ /thabs dang shes rab khyad par
266b2 yod pa'i spyan/ /snying rje'i spyan dang byams pa'i spyan dang ldan/ /zhal bzang spyan bzang shin tu blta 'dod pa/ /dri ma med pa dri ma bral ba'i 'od/ /rab rib med pa ye shes nyi
266b3 ma'i 'od/ /sprin gyis chod par gyur pa med pa'i 'od/ /'jig rten dag na lhag ge lhang nger mdzes/ /snying rje las byung tshul khrims grags pa ste/ /dge ba'i yon tan byams yid sprin
266b4 chen po/ /srog chags rnams kyi nyon mongs me zhi byed/ /chos kyi char pa bdud rtsi rab tu 'bebs/ /'thab mo dang ni rtsod cing 'gyed pa yi/ /'jigs chen g.yul ngor skyes bu
266b5 song na yang / /spyan ras gzigs kyi dbang po dran na ni/ /de ma thag tu dgra rnams rab tu zhi/ /sprin gyi sgra dang rnga po che yi sgra/ /'brug gi sgra dang tshangs pa'i dbyangs snyan pa/ /dbyangs
266b6 kyi dkyil 'khor pha rol phyin pa ste/ /spyan ras gzigs kyi dbang po dran par bya/ /dag pa'i sems dpa' spyan ras gzigs dbang po/ /the tshom ma za dran byos dran par gyis/ /
266b7 'chi ba'i tshe dang nyon mongs gtses pa'i tshe/ /mgon dang skyabs dang dpung gnyen du yang 'gyur/ /yon tan thams cad kyi ni pha rol phyin/ /sems can kun la snying rje byams
267a1 pa'i spyan/ /yang dag yon tan yon tan rgya mtsho che/ /spyan ras gzigs kyi dbang por phyag byar 'os/ /'di ltar 'gro ba rnams la snying brtse ba/ /phyi
267a2 ma'i dus na sangs rgyas su yang 'gyur/ /'jigs dang mya ngan thams cad 'jig byed pa/ /spyan ras gzigs dbang de ni dran par bya/ /'jig rten dbang gi rgyal po gtso bo
267a3 ste/ /dge slong chos kyi 'byung gnas 'jig rten mchod/ /bskal pa brgya phrag mang po spyad nas su/ /rdul bral bla na med pa'i byang chub 'thob/ /'dren pa snang ba mtha' yas g.yas
267a4 g.yon nas/ /bsil yab thogs te de bzhin g.yob cing 'dug /sgyu ma lta bu'i ting nge 'dzin gyis kyang / /zhing rnams kun tu song nas rgyal ba mchod/ /nub kyi phyogs na
267a5 bde ba'i 'byung gnas te/ /rdul bral 'jig rten khams 'di bde ba can/ /de na sems can kha lo sgyur ba yi/ /'dren pa tshe mtha' yas pa'ang da ltar bzhugs/ /der ni
267a6 bud med rnams kyang mi 'byung ste/ rnam pa kun tu g.yem pa'i chos med do/ /rgyal ba'i sras po de dag brdzus te skye/ /dri ma med pa'i pad+ma'i snying por 'dug /'dren pa tshe
267a7 mtha' yas pa de nyid kyang / /pad+ma'i snying po dri med dga' ba la/ /seng ge'i khri la rab tu bzhugs pa yang / /sA la'i rgyal po lta bur rnam par mdzes/ /'jig rten 'dren
267b1 pa 'di yang de bzhin te/ /srid pa gsum na de 'dra yong med do/ /gang gis spyan ras gzigs dbang ming thos pa/ /de yi bsod nams dag ni zad mi 'gyur/ /de nas byang chub sems
267b2 dpa' sems dpa' chen po sa 'dzin stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su
267b3 thal mo sbyar ba btud nas bcom ldan 'das la 'di skad ces gsol to/ /bcom ldan 'das/ su dag byang chub sems dpa' sems dpa' chen po spyan ras gzigs dbang phyug
267b4 gi le'u byang chub sems dpa' sems dpa' chen po spyan ras gzigs dbang phyug gi rnam par 'phrul pa bstan pa kun nas sgo'i le'u/ /spyan ras gzigs dbang phyug gi
267b5 rnam par sprul pa'i cho 'phrul 'di thos pa'i sems can de dag ni dge ba'i rtsa ba ngan ngon dang ldan pa ma lags so/ /kun nas sgo'i le'u bstan pa 'di bcom ldan 'das kyis
267b6 bshad pa na/ 'khor de las srog chags brgyad khri bzhi stong gis mi mnyam pa dang mnyam pa/ bla na med pa yang dag par rdzogs pa'i byang chub tu sems bskyed par gyur to/ /
267b7 dam pa'i chos pad+ma dkar po las/ spyan ras gzigs dbang phyug gi rnam par 'phrul pa bstan pa kun nas sgo'i le'u zhes bya ste nyi shu rtsa bzhi pa'o// //de nas bcom
268a1 ldan 'das kyis thams cad dang ldan pa'i byang chub sems dpa'i tshogs la bka' stsal pa/ rigs kyi bu dag /sngon byung ba 'das pa'i dus na bskal
268a2 pa grangs med par gyur pa de'i tshe de'i dus na/ bskal pa mthong na dga' ba la 'jig rten gyi khams rnam par snang ba'i 'od zer gyis brgyan par de bzhin gshegs pa dgra
268a3 bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa
268a4 lha dang mi rnams kyi ston pa/ sangs rgyas bcom ldan 'das 'brug sgra dbyangs snyan skar ma'i rgyal po me tog kun tu rgyas pa zhes bya ba 'jig rten du byung ngo / /de bzhin gshegs
268a5 pa 'brug sgra dbyangs snyan skar ma'i rgyal po me tog kun tu rgyas pa de'i gsung rab la/ rgyal po dge ba bkod pa zhes bya ba byung ste/ rigs kyi bu dag /rgyal po dge ba bkod pa
268a6 de'i chung ma dri ma med pas byin pa zhes bya ba zhig yod do/ /rigs kyi bu dag /rgyal po dge ba bkod pa de la bu gnyis shig yod de/ gcig gi ming ni dri ma med pa'i snying po/
268a7 gcig gi ming ni dri ma med pa'i mig ste/ khye'u de gnyis rdzu 'phrul dang ldan/ shes rab dang ldan pa/ bsod nams dang ldan/ ye shes dang ldan te/ byang chub sems dpa'i
268b1 spyod pa la brtson par gyur to/ /'di lta ste/ sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin
268b2 pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs mkhas pa'i pha rol tu phyin pa dang / byams pa dang / snying rje dang / dga' ba dang /
268b3 btang snyoms dang / byang chub kyi phyogs kyi chos sum cu rtsa bdun po dag la brtson par gyur te/ thams cad kyi pha rol tu son par gyur to/ /dri ma med pa'i ting nge 'dzin gyi pha rol
268b4 tu song ngo / /rgyu skar dang skar ma dang nyi ma'i ting nge 'dzin gyi pha rol tu song ngo / /dri ma med pa'i 'od kyi ting nge 'dzin gyi pha rol tu song ngo / /dri ma med pa'i 'od gsal ba'i ting nge
268b5 'dzin gyi pha rol tu song ngo / /dpa' rgyan gyi ting nge 'dzin gyi pha rol tu song ngo / /gzi brjid chen po'i snying po'i ting nge 'dzin gyi pha rol tu song bar gyur to/ /bcom ldan 'das/ de'ang
268b6 de'i tshe de'i dus na sems can de dag la thugs brtse ba dang / rgyal po dge ba bkod pa de la thugs brtse ba'i phyir/ dam pa'i chos pad+ma dkar po'i chos kyi rnam grangs 'di ston
268b7 to/ /rigs kyi bu/ /de nas khye'u dri ma med pa'i snying po dang / khye'u dri ma med pa'i mig /bdag cag skyed pa'i ma ga la ba der song ste/ phyin nas sor mo bcu'i thal mo sbyar
269a1 te/ bdag cag skyed pa'i ma la 'di skad ces smras so/ /yum/ tshur spyon/ bcom ldan 'das de bzhin gshegs pa dgra bcom pa yang dag par rdzogs
269a2 pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de la blta ba dang phyag bgyi ba dang bsnyen bkur bgyi ba'i slad du/ bcom ldan 'das de bzhin
269a3 gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i drung du bzhud de/ ci'i slad du zhe na/
269a4 yum/ bcom ldan 'das/ de bzhin gshegs pa dgra bcom pa yang dag pa rdzogs pa'i sangs rgyas 'brug sgra dbyangs snyan skar ma'i rgyal po mi tog kun tu rgyas pa de/ lha dang bcas pa'i
269a5 'jig rten gyi mdun du dam pa'i chos pad+ma dkar po'i chos kyi rnam grangs rgyas par rab tu 'chad kyi/ de mnyan pa'i phyir bzhud do/ /rigs kyi bu dag la de skad ces smras
269a6 nas/ rgyal po'i chung ma dri ma med pas byin pas/ khye'u dri ma med pa'i snying po dang / dri ma med pa'i mig la 'di skad ces smras so/ /rigs kyi bu dag /khyed kyi pha rgyal
269a7 po dge ba bkod pa 'di bram ze la dad pas/ de bzhin gshegs pa de la blta ba'i phyir 'gror mi ster ro/ /rigs kyi bu dag /de nas khye'u dri ma med pa'i snying po dang
269b1 khye'u dri ma med pa'i mig gis sor mo'i bcu'i thal mo sbyar nas/ bdag cag skyed pa'i ma la 'di skad ces smras so/ /bdag cag log par lta ba'i khyim du skyes te/ bdag cag chos
269b2 kyi rgyal po'i bu ma lags pa ste/ rigs kyi bu dag /de nas rgyal po'i chung ma dri ma med pas byin pas/ /khye'u de dag la 'di skad ces smras so/ /rigs kyi bu dag /khyed kyis
269b3 bdag cag gi pha rgyal po dge ba bkod pa la snying brtse ba'i phyir/ cho 'phrul cung zad cig legs par ston cig dang khyed la dad par 'gyur yang srid kyi/ sems dad par gyur
269b4 na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i gan du
269b5 'dong du gnang ngo / /rigs kyi bu dag /de nas khye'u dri ma med pa'i snying po dang / khye'u dri ma med pa'i mig gis/ de'i tshe ta la bdun tsam du nam mkha' la 'phags nas/
269b6 pha rgyal po dge ba bkod pa de la snying brtse ba'i phyir/ sangs rgyas kyis gnang ba'i cho 'phrul zung du byed de/ de dag nam mkha' bar snang de la dong nas nyal bar byed do/ /
269b7 par snang de la 'chag go /bar snang de la rdul sprug go /bar snang de nyid la lus kyi smad nas chu'i rgyun gtong zhing / lus kyi stod nas me'i phung po rab tu 'bar bar byed
270a1 do/ /lus kyi stod nas chu'i rgyun gtong zhing / lus kyi smad nas me'i phung po rab tu 'bar bar byed do/ /de dag nam mkha' de nyid la chen por gyur
270a2 nas chung ngur gyur/ chung ngur gyur nas chen por gyur to/ /bar snang de nyid la mi snang bar gyur te sa las byung ngo / /sa las byung nas nam mkha' la 'phags so/ /rigs
270a3 kyi bu dag /khye'u de gnyis kyis rdzu 'phrul gyi cho 'phrul de snyed kyis rang gi pha rgyal po dge ba bkod pa btul lo/ /rigs kyi bu dag /de nas rgyal po dge ba bkod pas khye'u
270a4 de gnyis kyi rdzu 'phrul gyi cho 'phrul de dag mthong nas/ de'i tshe tshim zhing mgu la yi rangs te rab tu dga' zhing bde ba dang / yid bde ba skyes nas sor mo bcu'i thal mo sbyar
270a5 te/ khye'u de dag la 'di skad ces/ rigs kyi bu dag /khyod kyi ston pa su/ khyed su'i slob ma zhes smras so/ /rigs kyi bu dag /de nas khye'u de gnyis kyis rgyal po dge ba
270a6 bkod pa la 'di skad ces smras so/ /rgyal po chen po/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs
270a7 snyan skar ma'i rgyal po me tog kun tu rgyas pa de bzhugs te 'tsho zhing gzhes la rin po che'i shing byang chub kyi shing drung na chos kyi gdan la bzhugs te/ lha dang bcas/
270b1 bdud dang bcas/ tshangs pa dang bcas pa'i mdun na dam pa'i chos pad+ma dkar po'i chos kyi rnam grangs rgyas par rab tu 'chad pa'i bcom ldan 'das de ni bdag cag gi ston pa ste/
270b2 rgyal po chen po/ bdag cag ni de'i slob ma'o/ /rigs kyi bu dag /de nas rgyal po dge ba bkod pas khye'u de gnyis la 'di skad ces smras so/ /rigs kyi bu dag /khyed kyi ston pa
270b3 blta zhing bcom ldan 'das de'i drung du bdag kyang 'gro'o/ /rigs kyi bu dag /de nas khye'u de gnyis par snang de las babs nas/ bdag cag skyed pa'i ma ga la ba der song ste/
270b4 phyin nas sor mo bcu'i thal mo sbyar te/ bdag cag skyed pa'i ma la 'di skad ces smras so/ /yum/ bdag cag gi yab 'di bla na med pa yang dag par rdzogs pa'i byang chub tu
270b5 btul lags so/ /bdag cag gis yab kyi ston pa'i bgyi ba bgyis so/ /bdag cag bcom ldan 'das de las rab tu 'byung na/ yum/ da ni bdag cag gtang ba'i rigs
270b6 so/ /rigs kyi bu dag /de nas khye'u dri ma med pa'i snying po dang / khye'u dri ma med pa'i mig gis de'i tshe bdag cag skyed pa'i ma la tshigs su bcad pa 'di dag smras so/ /khyim med
270b7 rab tu 'byung bar ni/ /yum gyis bdag cag gnang bar mdzod/ /de bzhin gshegs pa rnyed par dga'/ /bdag cag rab tu 'byung bar bgyi/ /u dum+bA ra'i me tog bzhin/ /rgyal
271a1 ba shin tu rnyed par dka'/ /dal ba 'byor pa'ang rnyed dka' bas/ /rab tu 'byung gi gtang du gsol/ /rgyal po'i chung ma dri ma med pas byin pas smras
271a2 pa| de ring khyed gnyis gtang bar bya/ /byis pa dag go legs pa deng / /de bzhin gshegs pa rnyed dka' bas/ /bdag kyang rab tu byung bar bya/ /rigs kyi bu dag /khye'u
271a3 de dag gis tshigs su bcad pa 'di dag smras nas/ bdag gi pha dang ma la 'di skad ces smras so/ /yab yum/ legs so/ /tshur spyon/ khyed dang thams cad lhan cig
271a4 bzhud do/ /bcom ldan 'das de la blta ba dang / phyag bgyi ba dang / bsnyen bkur bgyi ba'i slad du/ bcom ldan 'das de bzhin gshegs pa dgra bcom pa yang dag par
271a5 rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i drung du bzhud do/ /de ci'i slad du zhe na/ yab yum/ sangs rgyas 'byung ba rnyed
271a6 par dka' ste/ u dum+bA ra'i me tog dang 'dra zhing gnya' shing gi bu gar rus sbal gyi mgrin pa chud pa dang 'dra ba'i slad du'o/ /yab yum/ sangs rgyas bcom ldan 'das dag
271a7 'byung ba rnyed par dka' ste/ de bas na/ yab yum/ bdag cag bsod nams mchog gis brtan pas gsung rab 'di lta bu la skyes te/ yab yum/ bdag cag btang na
271b1 legs te bdag cag mchi zhing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu
271b2 rgyas pa'i bstan pa la rab tu byung ngo / /de ci'i slad du zhe na/ yab yum/ de bzhin gshegs pa mthong ba rnyed par dka' ba dang / da ltar gyi dus na 'di 'dra ba'i chos kyi rgyal po rnyed par
271b3 dka' ba dang / 'di lta bu'i dal ba 'byor pa shin tu rnyed par dka' ba'i slad du'o/ /rigs kyi bu dag /de'i tshe na/ rgyal po dge ba bkod pa de'i btsun mo'i 'khor las slas brgyad khri
271b4 bzhi stong dam pa'i chos pad+ma dkar po'i chos kyi rnam grangs 'di'i snod du gyur to/ /khye'u dri ma med pa'i snying po dang / dri ma med pa'i mig gis chos kyi rnam grangs 'di la spyad de/ bskal
271b5 pa bye ba khrag khrig brgya stong du ngan song thams cad ji ltar bsal snyam nas/ sems can thams cad kyi ngan song thams cad sel ba'i ting nge 'dzin la spyad par gyur to/ /khye'u de dag
271b6 gi ma dri ma med pas byin pa rgyal po'i chung ma de'ang sangs rgyas thams cad kyis kun bstan pa/ sangs rgyas thams cad kyi chos gsang ba'i gnas shes so/ /rigs kyi bu dag/
271b7 de nas khye'u de gnyis kyis rgyal po dge ba bkod pa de bzhin gshegs pa'i bstan pa la btul te zhugs par byas nas yongs su smin par byas te/ gnyen 'dab dang / rgyal po'i
272a1 chung ma dri ma med pas phyin pa de dang / gnyen 'dab dang / rgyal po dge ba bkod pa'i khye'u de gnyis kyang / srog chags bzhi khri nyis stong dang btsun
272a2 mo'i 'khor dang bcas blon po dang bcas te/ thams cad 'grogs nas lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs
272a3 rgyas 'brug sgra dbyangs snyan skar ma'i rgyal po me tog kun tu rgyas pa ga la ba der dong ste/ lhags nas bcom ldan 'das de'i zhabs la mgo bos phyag btsal te/ bcom ldan
272a4 'das la lan bdun du bskor ba byas nas phyogs gcig tu 'khod do/ /rigs kyi bu dag /de nas bcom ldan 'das de bzhin gshegs pa dgra bcom pa yang dag par
272a5 rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa des/ rgyal po dge ba bkod pa 'khor dang bcas te lhags par mkhyen nas/ chos kyi
272a6 gtam gyis shin tu legs par yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad do/ /rigs
272a7 kyi bu dag /de nas bcom ldan 'das des rgyal po dge ba bkod pa la/ chos kyi gtam gyis shin tu legs par yang dag par bstan/ yang dag par 'dzin du bcug
272b1 yang dag par gzengs bstod/ yang dag par rab tu dga' bar mdzad pas/ de'i tshe tshim zhing mgu la yi rangs te rab tu dga' zhing dga' ba dang yid bde ba skyes nas/ nu bo cod
272b2 pan gyis bcings te/ rgyal por bcug nas bu dang / gnyen 'dab dang / 'khor dang bcas pa dang / rgyal po'i chung ma dri ma med pas byin pa de'ang / bud med kyi tshogs thams cad
272b3 dang | 'khor dang / khye'u de gnyis dang lhan cig tu srog chags brgyad khri bzhi stong dang lhan cig 'grogs te/ bcom ldan 'das de bzhin gshegs pa dgra bcom pa yang dag
272b4 par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de'i gsung rab la dad pas khyim nas khyim med par rab tu byung ste/ rab tu byung nas rgyal
272b5 po dge ba bkod pa 'khor dang bcas pas lo brgyad khri bzhi stong du dam pa'i chos pad+ma dkar po'i chos kyi rnam grangs 'di la bsam pa dang / bsgom pa dang / kun chub par bya ba
272b6 la brtson par 'gyur ro/ /rigs kyi bu dag /de nas rgyal po dge ba bkod pa lo brgyad khri bzhi stong 'das nas/ yon tan gyi rgyan thams cad bkod pa zhes bya ba'i ting nge 'dzin
272b7 thob ste/ ting nge 'dzin de thob ma thag tu de'i tshe nam mkha' la ta la bdun tsam du 'phags so/ /de nas/ rigs kyi bu dag /rgyal po dge ba bkod pa nam mkha'i dkyil du
273a1 'dug nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po
273a2 me tog kun tu rgyas pa la 'di skad ces gsol to/ /bcom ldan 'das/ bdag gi bu 'di gnyis ston pa lags te/ gang 'di dag gis rdzu 'phrul gyis lta bar gyur pa chen po
273a3 de las bzlog ste/ de bzhin gshegs pa'i bstan pa la rab tu bzhag go /yongs su smin par bgyis/ zhugs par bgyis so/ /de bzhin gshegs pa la nga lta ba dang /
273a4 phyag bgyi ba'i slad du'ang bskul lo/ /bcom ldan 'das/ khye'u 'di gnyis bdag gi dge ba'i bshes gnyen te/ sngon gyi dge ba'i rtsa ba dran par bgyi ba'i slad du/ bu'i
273a5 gzugs kyi bdag gi khyim du skyes so/ /de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug
273a6 sgra dbyangs snyan skar ma'i rgyal po me tog kun tu rgyas pas rgyal po dge ba bkod pa la 'di skad ces bka' stsal to/ /rgyal po chen po/ de de bzhin te/ ji skad smras pa bzhin no/ /
273a7 dge ba'i rtsa ba bskyed pa'i rigs kyi bu'am rigs kyi bu mo rnams ni srid pa'i 'gro ba dang 'chi 'pho'i gnas thams cad du skyes pa na'ang / gang dag ston pa'i byed pas nye
273b1 par gnas pa dang / gang dag bla na med pa yang dag par rdzogs pa'i byang chub tu lung ston pa dang / 'dzud pa dang / yongs su smin par byed pa'i dge ba'i bshes gnyen rnams
273b2 rnyed par sla bar 'gyur ro/ /rgyal po chen po/ 'di lta ste/ dge ba'i bshes gnyen gyis yongs su zin pa/ de bzhin gshegs pa ltar 'dzud pa gnas 'di ni rgya che ba'o/ /rgyal po chen
273b3 po| khye'u 'di gnyis mthong ngam/ gsol pa/ bcom ldan 'das/ mthong lags so/ /bde bar gshegs pa/ mthong lags so/ /bcom ldan 'das kyis bka' stsal pa/ rgyal
273b4 po chen po| khye'u 'di gnyis de bzhin gshegs pa dgra bcom pa yang dag par rdzogs pa'i sangs rgyas gang+gA'i klung drug cu rtsa lnga'i bye ma snyed la mchod pa byed do/ /sems can rnams
273b5 la snying brtse ba'i phyir log par lta ba'i sems can rnams yang dag par lta ba la brtson 'grus bskyed pa'i phyir dam pa'i chos pad+ma dkar po'i chos kyi rnam grangs 'di 'dzin par
273b6 'gyur ro/ /rigs kyi bu dag /de nas rgyal po dge ba bkod pa nam mkha'i dkyil 'khor de nas babs te/ sor mo bcu'i thal mo sbyar nas bcom ldan 'das de bzhin gshegs
273b7 pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa la 'di skad ces gsol to/ /bcom ldan 'das/ de bzhin
274a1 gshegs pa ji lta bu'i ye shes dang ldan pas/ bcom ldan 'das/ de bzhin gshegs pa dgra bcom pa yang dag par rdzogs pa'i sangs
274a2 rgyas gang gi slad du dbu'i gtsug tor rnam par mdzes/ spyan dri ma ma mchis pa lags/ smin mtshams kyi mdzod spu mdzes shing / zla ba dung ltar dkar la mdzes/ mnyam
274a3 zhing thags bzang ba'i tshems kyi phreng ba zhal gyi nang nas mdzes/ bcom ldan 'das kyi zhal gyi sgros me tog bim+ba ltar dmar ba dang / bde bar gshegs pa'i spyan mdzes
274a4 pa de bzhin gshegs pas legs par bshad du gsol/ rigs kyi bu dag /de nas rgyal po dge ba bkod pas yon tan de snyed kyis/ bcom ldan 'das de bzhin gshegs
274a5 pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun tu rgyas pa de la mngon par bstod nas/ yon tan bye ba khrag
274a6 khrig brgya stong gzhan dag gis kyang bcom ldan 'das de la bstod do/ /de'i tshe bcom ldan 'das de bzhin gshegs pa dgra bcom pa yang dag par rdzogs pa'i sangs
274a7 rgyas 'brug sgra dbyangs snyan skar ma'i rgyal po me tog kun tu rgyas pa la 'di skad ces gsol to/ /bcom ldan 'das/ ji tsam du de bzhin gshegs pa'i bstan pa 'di
274b1 don che zhing / yon tan bsam gyis mi khyab pa dang ldan pa'i chos 'dul ba gsungs te/ ji tsam du de bzhin gshegs pas bslab pa legs par bcas pa ni ngo mtshar to/ /bcom
274b2 ldan 'das/ deng slan chad bdag slar sams kyi dbang du mchi bar mi bgyi'o/ /slar log par lta ba'i dbang du mchi bar mi bgyi'o/ /slar khro ba'i dbang du mchi bar mi bgyi'o/ /
274b3 slar sdig pa'i sems bskyed pa'i dbang du mchi bar mi bgyi'o/ /bcom ldan 'das/ bdag mi dge ba'i chos 'di snyed dang ldan na/ bcom ldan 'das kyi drung du mchi bar ma
274b4 'tshal lo zhes smras te/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'brug sgra dbyangs snyan skar ma'i rgyal po me tog kun
274b5 tu rgyas pa'i zhabs la mgo bos phyag btsal nas bar snang la song ste 'chag go /de nas rgyal po dge ba bkod pa dang / rgyal po'i chung ma dri ma med pas byin pa des/ brgya stong ri
274b6 ba'i mu tig gi rgyan phreng bcom ldan 'das kyi steng gi bar snang la gtor la gtor to/ /mu tig gi rgyan phreng de gtor ma thag tu bcom ldan 'das kyi steng na/ mu tig gi rgyan phreng gi khang
274b7 pa brtsegs pa gru bzhi lham pa/ ka ba bzhi zug pa/ ngos mnyam pa shin tu rnam par phye ba blta na sdug pa gnas par gyur te/ khang pa brtsegs pa der ras bcos bu brgya stong
275a1 du ma bting ba'i khri byung ngo / /khri de dag la de bzhin gshegs pa'i sku skyil mo krung bcas te bzhugs par snang ngo / /de nas rgyal po dge ba bkod pa
275a2 'di snyam du sems te/ sangs rgyas kyi ye shes 'di ni mthu che zhing / de bzhin gshegs pa ni yon tan bsam gyis mi khyab pa dang ldan pas 'di ltar de bzhin gshegs pa'i
275a3 sku khang pa brtsegs pa'i dbus na mdzes shing blta na sdug pa/ kha dog bzang po rgyas pa mchog dang ldan par gda'o/ /de nas bcom ldan 'das de bzhin gshegs pa
275a4 'brug sgra dbyangs snyan skar ma'i rgyal po me tog kun tu rgyas pas 'khor bzhi po de dag la bka' stsal pa/ dge slong dag /rgyal po dge ba bkod pa nam mkha'i dkyil na
275a5 'dug cing seng ge'i sgra sgrogs pa mthong ngam/ gsol pa/ mthong lags so/ /bcom ldan 'das kyis bka' stsal pa/ dge slong dag /rgyal po dge ba bkod pas nga'i
275a6 bstan pa la dge slong gi tshul du byas nas/ bskal pa mngon 'phags rgyal po zhes bya ba la 'jig rten gyi khams yangs ldan du/ de bzhin gshegs pa dgra bcom pa
275a7 yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi
275b1 rnams kyi ston pa sangs rgyas bcom ldan 'das sA la'i dbang po'i rgyal po zhes bya bar 'jig rten du 'byung ste/ dge slong dag /de bzhin gshegs pa dgra bcom pa yang dag par
275b2 rdzogs pa'i sangs rgyas sA la'i dbang po'i rgyal po de'i byang chub sems dpa'i dge 'dun dpag tu med pa dang / nyan thos kyi dge 'dun dpag tu med par 'gyur ro/ /'jig rten
275b3 gyi khams yangs ldan yang / lag mthil ltar mnyam par 'gyur ro/ /de ltar de bzhin gshegs pa dgra bcom pa yang dag par rdzogs pa'i sangs rgyas de yon tan bsam gyis
275b4 mi khyab par 'gyur ro/ /rigs kyi bu dag /de'i tshe de'i dus na rgyal po dge ba bkod pa zhes bya bar gyur pa de/ gzhan zhig yin snyam du khyod som nyi'am/ yid gnyi sam/ the
275b5 tshom za bar gyur na/ rigs kyi bu dag /khyed kyis de ltar mi blta'o/ /de ci'i phyir zhe na/ byang chub sems dpa' sems dpa' chen po pad+ma'i dpal 'di nyid de'i tshe de'i dus na
275b6 rgyal po dge ba bkod pa zhes bya bar gyur to/ /rigs kyi bu dag /de'i tshe de'i dus na rgyal po'i chung ma dri ma med pas byin pa zhes bya bar gyur pa de gzhan zhig yin snyam du khyod som
275b7 nyi'am/ yid gnyis sam/ the tshom za bar gyur na/ rigs kyi bu dag /khyed kyis de ltar mi blta'o/ /de ci'i phyir zhe na/ byang chub sems dpa' sems dpa' chen po rnam par snang
276a1 ba'i 'od zer gyis brgyan pa'i rgyal mtshan zhes bya ba 'di nyid de'i tshe de'i dus na/ rgyal po'i chung ma dri ma med pas byin pa zhes bya bar gyur te/ rgyal po
276a2 dge ba bkod pa dang / sems can de dag la snying brtse ba'i phyir rgyal po dge ba bkod pa'i chung mar khas blangs par gyur to/ /rigs kyi bu dag /de'i tshe de'i dus na khye'u de gnyis
276a3 su gyur pa de/ gzhan dag zhig yin pa snyam du khyed som nyi'am/ yid gnyis sam/ the tshom za bar gyur na/ rigs kyi bu dang /khyed kyis de ltar mi blta'o/ /de ci'i phyir zhe
276a4 na| sman gyi rgyal po dang / sman yang dag 'phags 'di gnyis de'i tshe de'i dus na/ rgyal po dge ba bkod pa'i bur gyur to/ /rigs kyi bu dag /de ltar byang chub sems dpa'
276a5 sems dpa' chen po sman gyi rgyal po dang / sman yang dag 'phags gnyis yon tan bsam gyis mi khyab pa dang ldan te/ sangs rgyas bye ba khrag khrig brgya stong mang po la dge
276a6 ba'i rtsa ba bskyed pa'o/ /skyes bu dam pa 'di gnyis ka'ang bsam gyis mi khyab pa'i chos kyis yang dag par 'phags so/ /gang dag skyes bu dam pa 'di gnyis kyi ming
276a7 'dzin pa de dag thams cad kyis kyang lha dang bcas pa'i 'jig rten gyis phyag byas par 'gyur ro/ /sngon gyi sbyor ba'i le'u 'di bshad pa na/ srog chags brgyad khri bzhi
276b1 stong chos rnams la chos kyi mig rdul med cing dri ma dang bral ba rnam par dag go /dam pa'i chos pad+ma dkar po las/ rgyal po dge ba bkod pa'i sngon gyi sbyor ba'i le'u
276b2 zhes bya ste nyi shu rtsa lnga pa'o// //de nas byang chub sems dpa' sems dpa' chen po kun tu bzang po/ byang chub sems dpa' sems dpa' chen po bgrang ba las
276b3 'das pa dag gis yongs su bskor cing mdun du bdar/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen
276b4 po dang / mi dang mi ma yin pa dag gis kyang yongs su bskor cing mdun du bdar te/ lhan cig tu shar phyogs nas zhing dag ni rab tu g.yo bar byed/ pad+ma'i char ni rab tu 'bebs
276b5 sil snyan bye ba khrag khrig brgya stong ni rab tu len cing / byang chub sems dpa'i mthu chen po dang / byang chub sems dpa'i rnam par 'phrul pa chen po dang / byang chub sems
276b6 dpa'i rdzu 'phrul chen po dang / byang chub sems dpa'i che ba nyid dang / byang chub sems dpa'i gzi brjid chen po 'bar ba dang / byang chub sems dpa'i theg pa chen po dang
276b7 byang chub sems dpa'i rdzu 'phrul chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po
277a1 dang / mi dang mi ma yin pa'i rnam par 'phrul pa chen po dang / de ltar rdzu 'phrul gyi cho 'phrul bsam gyis mi khyab pa dag gis byang chub sems dpa'
277a2 sems dpa' chen po kun tu bzang po 'jig rten gyi khams mi mjed 'dir phyin nas/ de ri'i rgyal po bya rgod kyi phung po ga la ba dang / bcom ldan 'das ga la ba der song ste phyin
277a3 nas| bcom ldan 'das kyi zhabs la mgo bos phyag btsal te/ bcom ldan 'das la lan bdun skor ba byas nas bcom ldan 'das la 'di skad ces gsol to/ /
277a4 bcom ldan 'das/ bdag bcom ldan 'das de bzhin gshegs pa dkon mchog gzi brjid mngon 'phags rgyal po'i sangs rgyas kyi zhing nas 'dir mchis te/ bcom
277a5 ldan 'das/ 'jig rten gyi khams mi mjed 'di na dam pa'i chos pad+ma dkar po'i chos kyi rnam grangs 'di ston pa de mnyan pa'i slad du bcom ldan 'das de bzhin gshegs
277a6 pa shAkya thub pa'i drung du bdag mchis so/ /bcom ldan 'das/ byang chub sems dpa' brgya stong 'di snyed 'di dag kyang / dam pa'i chos pad+ma dkar po'i chos kyi rnam
277a7 grangs 'di mnyan pa'i slad du mchis so/ /de'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis dam pa'i chos
277b1 pad+ma dkar po'i chos kyi rnam grangs 'di byang chub sems dpa' sems dpa' chen po 'di rnams la rgya cher legs par bshad du gsol/ de skad ces gsol nas/ bcom ldan
277b2 'das kyis byang chub sems dpa' sems dpa' chen po kun tu bzang po la 'di skad ces bka' stsal to/ /rigs kyi bu/ byang chub sems dpa' sems dpa' chen po 'di dag
277b3 ni mgo smos pa tsam gyis khong du chud pa sha stag go /dam pa'i chos pad+ma dkar po'i chos kyi rnam grangs 'di ni 'di lta ste/ de bzhin nyid dang / yang dag pa'i mtha' dang / chos kyi
277b4 dbyings dang dbyer med pa'o/ /byang chub sems dpa' de dag gis gsol pa/ bcom ldan 'das/ de de lta lags so/ /bde bar gshegs pa/ de de lta lags so/ /de nas
277b5 'khor der dge slong dang / dge slong ma dang / dge bsnyen dang / dge bsnyen ma 'dus pa de dag dam pa'i chos pad+ma dkar po'i chos kyi rnam grangs 'di la rab tu dgod pa'i phyir/
277b6 yang bcom ldan 'das kyis byang chub sems dpa' sems dpa' chen po kun tu bzang po la 'di skad ces bka' stsal to/ /rigs kyi bu/ chos bzhi dang ldan pa'i bud med kyis
277b7 dam pa'i chos pad+ma dkar po'i chos kyi rnam grangs 'di lag tu thob par 'gyur ro/ /bzhi gang zhe na/ 'di lta ste/ sangs rgyas bcom ldan 'das rnams kyis byin gyis brlabs par
278a1 'gyur ba dang / dge ba'i rtsa ba bskyed par 'gyur ba dang / nges pa'i phung po la gnas par 'gyur ba dang / sems can thams cad yongs su bskyab
278a2 pa'i phyir bla na med pa yang dag par rdzogs pa'i byang chub tu sems bskyed par 'gyur pa ste/ rigs kyi bu/ chos bzhi po de dag dang ldan pa'i bud med kyis dam pa'i chos pad+ma
278a3 dkar po'i chos kyi rnam grangs 'di lag tu thob par 'gyur ro/ /de nas bcom ldan 'das la byang chub sems dpa' sems dpa' chen po kun tu bzang pos 'di skad ces
278a4 gsol to/ /bcom ldan 'das/ bdag gis slad ma'i tshe slad ma'i dus lnga brgya'i tha ma la/ mdo sde 'di lta bu 'dzin pa'i dge slong rnams la bsrung bar bgyi'o/ /bde
278a5 legs su 'gyur bar bgyi'o/ /chad pa spang bar bgyi'o/ /dug gzhil bar bgyi'o/ /ci nas chos smra ba de dag la glags lta ba dang / skabs 'tshol ba gang gis kyang
278a6 glags rnyed par mi 'gyur ba dang / bdud sdig can dang / bdud kyi bu rnams dang / bdud kyi ris kyi lha'i bu rnams dang / bdud kyi bu mo rnams dang / bdud kyi 'khor
278a7 glags lta ba dang / skabs 'tshol ba rnams kyis glags mi rnyed par 'gyur bas na/ bdud kyi kun nas ldang ba'i bar du 'byung bar mi 'gyur ba dang / lha'i bu dang / gnod
278b1 sbyin dang / yi dwags dang / srul po dang / gshed byed dang / ro langs dag chos smra ba de la glags lta ba dang skabs 'tshol ba na'ang skabs rnyed par mi 'gyur bar/ bcom ldan
278b2 'das| bdag gis chos smra ba de la rtag par rgyun du dus thams cad du bsrung bar bgyi'o/ /bskyab par bgyi'o/ /bcom ldan 'das/ gang gi tshe chos smra ba de chos kyi rnam grangs
278b3 'di la sems shing / rnal 'byor la brtson pa dang / 'chag pa la zhugs par gyur pa de'i tshe chos kyis rnam grangs 'di bsrung ba'i slad du bdag glang po che'i rgyal po thal kar mche
278b4 ba drug pa la 'tshal te/ byang chub sems dpa'i tshogs kyis yongs su bskor nas/ chos smra ba de'i 'chag pa'i gnas su chos smra ba de'i drung du mchi bar bgyi'o/ /gang gi tshe chos
278b5 smra ba de chos kyi rnam grangs 'di la sems shing rnal 'byor gyi rjes su zhugs pa des/ chos kyi rnam grangs 'di las tha na tshig dang yi ge gcig tsam yang lan 'ga' nor bar gyur pa
278b6 de'i tshe/ bdag glang po che'i rgyal po thal kar mche ba drug pa la 'tshal nas/ chos smra ba de la bdag gi ngo bstan te/ chos kyi rnam grangs 'di ma nyams par zlos su stsal to/ /chos
278b7 smra ba des bdag gi lus mthong zhing chos kyi rnam grangs 'di ma nyams par bdag la thos nas tshim zhing mgu la yi rangs te/ rab tu dga' zhing dga' ba dang yid bde ba skyes nas chos
279a1 kyi rnam grangs 'di la brtson 'grus rtsom mo/ /bdag mthong ma thag tu ting nge 'dzin thob par 'gyur ro/ /gzungs 'khyil ba zhes bgyi ba'i gzungs
279a2 thob par 'gyur ro/ /bye ba brgya stong du 'khyil ba zhes bgyi ba'i gzungs thob par 'gyur ro/ /sgra thams cad la mkhas pa zhes bgyi ba'i gzungs thob par 'gyur ro/ /bcom
279a3 ldan 'das/ slad ma'i tshe slad ma'i dus lnga brgya pa tha ma la/ dge slong ngam/ dge slong ma'am/ dge bsnyen nam/ dge bsnyen ma gang dag mdo sde 'di lta bu 'dzin pa dang / mdo
279a4 sde 'di lta bu yi ger 'dri ba dang / mdo sde 'di lta bu 'tshol ba dang / mdo sde 'di lta bu klog pa dang / gang dag slad ma'i tshe slad ma'i dus lnga brgya pa tha ma la chos kyi rnam grangs
279a5 'di'i ched du/ gdugs bdun gsum nyi shu rtsa gcig tu 'chag cing brtson par gyur na/ de dag la bdag gis sems can thams cad kyis mthong na dga' ba'i lus bstan
279a6 par bgyi'o/ /glang po che'i rgyal po thal kar mche ba drug pa la 'tshal te/ byang chub sems dpa'i tshogs kyis yongs su bskor nas/ gdugs nyi shu rtsa gcig pa la chos
279a7 smra ba de dag 'chag pa'i thad du mchi'o/ /mchis nas chos smra ba de dag la yang dag par bstan par bgyi'o/ /yang dag par 'dzin du stsal bar bgyi'o/ /yang dag par
279b1 gzengs bstod par bgyi'o/ /yang dag par rab tu dga' bar bgyi'o/ /de dag la gzungs kyang stsal bar bgyi'o/ /ci nas chos smra ba de dag la sus kyang mi tshugs par 'gyur ba
279b2 dang | de dag la mi'am mi ma lags pas glags mi rnyed par 'gyur ba dang / bud med kyis 'phrogs par mi 'gyur bar de dag la bsrung bar bgyi'o/ /bde legs su 'gyur bar
279b3 bgyi'o/ /chad pa spang bar bgyi'o/ /dug gzhil bar bgyi'o/ /bcom ldan 'das/ chos smra ba de dag la bdag gis gzungs sngags kyi tshigs 'di dag stsal bar bgyi'o/ /
279b4 bcom ldan 'das/ gzungs sngags kyi tshigs 'di dag gsan du gsol/ /tad+ya thA/ su daN+Da/ daN+Da pa ti daN+DA brta ni/ daN+Da ku sha le/ daN+DA su d+hA ri/ su d+hA ra ba ti bud+d+ha pa sha ne/ d+hA ra Ni
279b5 A brta ni/ A brta ni/ sang+g+ha pa rI k+Shi te/ sang+g+ha ni ra ga sa te/ d+harma pa rI k+Shi te/ sarba satwa ru ta/ kau sha l+ya/ kau sha l+ya nu ga te/ sid+ha bi krI Di te/ a nu brte/ brta ni/ brta li swA hA/ bcom
279b6 ldan 'das/ gzugs sngags kyi tshigs 'di dag byang chub sems dpa' gang gi rna ba'i dbang po la grangs pa de ni/ byang chub sems dpa' sems dpa' chen po kun tu bzang po'i
279b7 byin gyis brlabs su rig par bgyi'o/ /bcom ldan 'das/ dam pa'i chos pad+ma dkar po'i chos kyi rnam grangs 'di'ang dzam+bu'i gling 'di na spyod pa na/ byang chub sems dpa' gang
280a1 dag gi lag tu thob par gyur pa na/ bcom ldan 'das/ chos smra ba de dag gis byang chub sems dpa' kun tu bzang po'i mthu dang / byang chub sems dpa'
280a2 kun tu bzang po'i gzi brjid kyis dam pa'i chos kyi rnam grangs 'di bdag cag lag tu thob bo snyam du de ltar rig par bgyi'o/ /bcom ldan 'das/ gang dag mdo sde 'di yi ger
280a3 'dri ba dang 'dzin pa'i sems can de dag gis byang chub sems dpa' kun tu bzang po'i spyod pa thob par 'gyur ro/ /sems can de dag gis sangs rgyas mang po la dge ba'i
280a4 rtsa ba bskyed par 'gyur ro/ /bcom ldan 'das/ sems can de dag ni de bzhin gshegs pa'i phyag gis spyi bo la byugs par 'gyur ro/ /bcom ldan 'das/ de dag
280a5 gis bdag kyang dga' bar bgyis par 'gyur ro/ /gang dag mdo 'di yi ger 'drir stsol ba dang / gang dag 'di'i don khong du chud par bgyid pa dang / bcom ldan 'das/
280a6 mdo sde 'di yi ger bris pa de dag 'di nas shi 'phos nas sum cu rtsa gsum pa'i lha rnams dang skal pa mnyam par skye bar 'gyur te/ skyes ma thag tu de'i drung du lha'i bu mo
280a7 brgyad khri bzhi stong mchi bar 'gyur/ lha'i bu mo de dag rnga bo che tsam gyi cod pan can lha'i bu mo de dag gi nang na gnas par 'gyur ro/ /bcom ldan 'das/ chos kyi rnam grangs
280b1 'di yi ger bris pa'i bsod nams kyi phung po'ang 'di 'dra lags na/ gang dag lung nod pa dang / kha ton bgyid pa dang / sems pa dang / yid la bgyid pa lta smos kyang ci 'tshal/ bcom
280b2 ldan 'das/ de lta lags pas dam pa'i chos pad+ma dkar po'i chos kyi rnam grangs 'di sems kyis kun bsams te yi ger 'dri bar bgyi'o/ /gang mi g.yeng bar yid la bgyid pas
280b3 yi ger bris na/ de la sangs rgyas brgya stong phyag rkyong bar 'gyur ro/ /'chi ba'i tshe'ang sangs rgyas stong gi zhal mthong bar 'gyur ro/ /ngan 'gro log par ltung bar mchi bar mi 'gyur
280b4 ro| |'di nas shi 'phos nas kyang dga' ldan gyi lha rnams dang skal pa mnyam par skye bar 'gyur te/ gang na byang chub sems dpa' sems dpa' chen po byams pa mtshan
280b5 bzang po sum cu rtsa gnyis dang ldan pa de/ byang chub sems dpa'i tshogs kyis yongs su bskor cing / lha'i bu mo bye ba khrag khrig brgya stong gis mdun gyis bltas te chos 'chad par
280b6 der skye'o/ /de lta lags pas rigs kyi bu'am rigs kyi bu mo mkhas pas/ dam pa'i chos pad+ma dkar po'i chos kyi rnam grangs 'di gus par yi ger 'dri bar bgyi'o/ /gus par lung
280b7 nod par bgyi'o/ /gus par kha ton du bgyi'o/ /gus par yid la bgyi'o/ /bcom ldan 'das/ chos kyi rnam grangs 'di yi ger bris pa dang / lung mnos pa dang / kha ton
281a1 bgyis pa dang / bsgoms pa dang / yid la bgyis pa ni/ de ltar yon tan dpag tu ma mchis par 'gyur ro/ /bcom ldan 'das/ de lta lags
281a2 pas| rigs kyi bu'am rigs kyi bu mo mkhas pas dam pa'i chos pad+ma dkar po'i chos kyi rnam grangs 'di bzung par bgyis te/ de dag gi yon tan gyi phan yon 'di snyed du
281a3 'gyur ro/ /bcom ldan 'das/ de lta lags pas/ ci nas bdag gi byin gyi rlabs kyis chos kyi rnam grangs 'di dzam+bu'i gling 'di na spyod par 'gyur bar bdag gis chos kyi
281a4 rnam grangs 'di byin gyis brlab par bgyi'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas byang
281a5 chub sems dpa' sems dpa' chen po kun tu bzang po la kun tu bzang po khyod skye bo mang po la phan pa'i phyir zhugs pa dang / 'di ltar bsam gyis mi khyab pa'i chos dang
281a6 ldan zhing snying rje chen pos zin pa'i lhag pa'i bsam pa dang / bsam gyis mi khyab pas zin pa'i sems bskyed pas/ khyod kyis chos smra ba de dag la byin gyis rlob pa byed
281a7 pa legs so/ /legs so zhes bya ba byin no/ /rigs kyi bu/ gang la la dag byang chub sems dpa' sems dpa' chen po kun tu bzang po'i ming 'dzin pa de dag gis/ de bzhin
281b1 gshegs pa dgra bcom pa yang dag par rdzogs pa'i sangs rgyas shAkya thub pa mthong ba dang / dam pa'i chos pad+ma dkar po'i chos kyi rnam grangs 'di'ang bcom ldan 'das shAkya thub pa'i
281b2 gan nas thos pa dang / de dag gis de bzhin gshegs pa shAkya thub pa mchod pa dang / de bzhin gshegs pa shAkya thub pas chos bstan pa la legs so zhes bya ba byin pa dang /
281b3 chos kyi rnam grangs 'di la rjes su yi rang ba dang / de bzhin gshegs pa shAkya thub pas de dag gi spyi bor phyag bzhag pa dang / de dag gis bcom ldan 'das shAkya thub pa chos gos
281b4 kyis g.yogs par rig par bya'o/ /kun tu bzang po/ rigs kyi bu'am rigs kyi bu mo de dag de bzhin gshegs pa'i bstan pa 'dzin par rig par bya'o/ /de dag 'jig rten rgyang pan
281b5 pa la dga' bar mi 'gyur ro/ /de dag snyan dngags la zhugs pa'i sems can rnams la dga' bar mi 'gyur ro/ /de dag gar byed pa dang / rol mo byed pa dang / gyad dang / sha
281b6 'tshong ba dang / bshan pa dang / bya gag 'tshong ba dang / phag 'tshong ba dang / bud med dag gso ba'i sems can rnams la dga' bar mi 'gyur ro/ /mdo sde 'di lta bu thos pa dang /
281b7 yi ger bris pa dang / 'dzin pa dang / bklags pa de dag gzhan la sred par mi 'gyur ro/ /sems can de dag chos kyi ngo bo nyid dang ldan par 'gyur ro/ /de dag so so'i bdag nyid
282a1 tshul bzhin yid la byed par 'gyur ro/ /rang gi bsod nams kyi stobs bskyed par 'gyur ro/ /de dag sems can rnams kyis mthong na dga' bar
282a2 'gyur ro/ /dge slong gang dag mdo sde 'di lta bu 'dzin pa de dag 'dod chags kyis gzir bar mi 'gyur ro/ /zhe sdang med pa dang / gti mug med pa dang / ser sna med pa dang /
282a3 'chab pa med pa dang / nga rgyal med pa dang / che ba'i nga rgyal med pa dang log pa'i rgyal med par 'gyur ro/ /kun tu bzang po/ chos smra ba de dag bdag gi rnyed pas
282a4 chog shes par 'gyur ro/ /kun tu bzang po/ gang gis phyi ma'i dus phyi ma'i tshe lnga brgya pa tha ma la/ dam pa'i chos pad+ma dkar po'i chos kyi rnam grangs 'di 'dzin pa'i dge
282a5 slong mthong na/ 'di snyam du rigs kyi bu 'di ni byang chub kyi snying por 'gro bar 'gyur ro/ /rigs kyi bu 'di ni bdud kyi 'thab mo'i tshogs las rgyal par 'gyur ro/ /rigs
282a6 kyi bu 'di ni chos kyi 'khor lo bskor bar 'gyur ro/ /'di ni chos kyi rnga brdung bar 'gyur ro/ /'di ni chos kyi dung 'bud par 'gyur ro/ /'di ni chos kyi char rab tu 'bebs
282a7 par 'gyur ro/ /'di ni chos kyi seng ge'i khri la 'dug par 'gyur ro snyam du sems bskyed par bya'o/ /gang dag phyi ma'i dus phyi ma'i tshe lnga brgya pa tha ma la/ chos kyi rnam grangs
282b1 'di 'dzin pa'i dge slong de dag brkam par mi 'gyur ro/ /chos gos la chags pa dang / lhung bzed la chags par mi 'gyur ro/ /chos smra ba de dag drang por 'gyur ro/ /chos smra ba de dag
282b2 rnam par thar pa gsum thob par 'gyur ro/ /de dag gi tshe 'di la bzlog par 'gyur ro/ /gang dag mdo sde 'di lta bu 'dzin pa chos smra ba'i dge slong rnams smod par byed pa'i sems can de dag dmus long
282b3 du 'gyur ro/ /gang dag gis mdo sde 'di lta bu 'dzin pa'i dge slong rnams la mi snyan pa bsgrags na/ de dag tshe 'di nyid la lus la sha bkra 'byung bar 'gyur ro/ /gang dag mdo
282b4 sde 'di lta bu yi ger 'dri ba rnams la 'phya ba dang bsting ba de dag so chag par 'gyur ro/ /so thags ngan par 'gyur ro/ /mchu mi sdug par 'gyur ro/ /sna leb par 'gyur ro/ /lag
282b5 pa dang rkang pa log par 'gyur ro/ /mig log par 'gyur ro/ /lus dri mi zhim par 'gyur ro/ /lus la 'bras dang / 'brum bu phra mo dang / rkang shu dang / shu ba dang / g.yan pas
282b6 gang bar 'gyur ro/ /gang dag mdo sde 'di lta bu 'dzin pa dang / mdo sde 'di lta bu yi ger 'dri ba dang / mdo sde 'di lta bu klog pa dang / mdo sde 'di lta bu 'chad pa rnams la mi snyan
282b7 pa'i tshig bden pa'am/ mi bden pa bsgrags na sdig pa'i las shin tu lci bar rig par bya'o/ /kun tu bzang po/ de bas na chos kyi rnam grangs 'di 'dzin pa'i dge slong la rgyang ma
283a1 nas kyang ldang par bya'o/ /ji ltar de bzhin gshegs pa la gus par bya ba bzhin du mdo sde 'di lta bu 'dzin pa'i dge slong de dag la'ang gus par bya'o/ /
283a2 kun tu bzang po/ spro bar bya ba'i le'u 'di bshad pa na/ byang chub sems dpa' sems dpa' chen po gad+gA'i klung gi bye ma snyed kyis bye ba brgya stong du 'khyil ba zhes bya ba'i
283a3 gzungs thob par 'gyur ro/ /dam pa'i chos pad+ma dkar po las/ kun tu bzang pos spro bar bya ba'i le'u zhes bya ste nyi shu rtsa drug pa'o// //de nas bcom ldan
283a4 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa chos kyi gdan de las bzhengs te/ thams cad dang ldan pa'i byang chub sems
283a5 dpa' de dag bsdus nas rdzu 'phrul mngon par 'du mdzad pa yongs su grub pa'i phyag g.yas pas/ de dag gi lag pa g.yas pa nas bzung nas de'i tshe 'di skad ces bka'
283a6 stsal to/ /rigs kyi bu dag /ngas bskal pa grangs med pa bye ba khrag khrig brgya stong du yang dag par bsgrubs pa bla na med pa yang dag par rdzogs pa'i byang chub 'di khyed kyi
283a7 lag tu gtad do/ /yongs su gtad do/ /rjes su gtad do/ /bzhag go /gtams so/ /rigs kyi bu dag /khyed kyi ci nas kyang rgya cher rgyas par 'gyur ba de ltar gyis
283b1 shig /lan gnyis lan gsum du'ang bcom ldan 'das kyi phyag g.yas pas thams cad dang ldan pa'i byang chub sems dpa'i tshogs kyi lag pa g.yas pa nas bzung ste 'di skad
283b2 ces bka' stsal to/ /rigs kyi bu dag /ngas bskal pa grangs med pa bye ba khrag khrig brgya stong du yang dag par bsgrubs pa bla na med pa yang dag par rdzogs pa'i byang chub 'di
283b3 khyed kyi lag tu gtad do/ /yongs su gtad do/ /rjes su gtad do/ /bzhag go /gtams so/ /rigs kyi bu dag /khyed kyis blangs la bzung ngo / /bklag go /kun chub par bya'o/ /
283b4 bstan par bya'o/ /bshad par bya'o/ /sems can thams cad la bsgrag par bya'o/ /rigs kyi bu dag /nga la ser sna med do/ /'dzin pa'i sems med do/ /'jigs pa med par
283b5 sangs rgyas kyi ye shes sbyin pa'o/ /de bzhin gshegs pa'i ye shes dang rang byung gi ye shes sbyin pa'o/ /rigs kyi bu dag /nga ni sbyin pa'i bdag po chen po ste/ rigs kyi bu
283b6 dag /khyed kyang nga'i rjes su slobs shig /ser sna med par gyis la de bzhin gshegs pa'i ye shes mthong ba thabs mkhas pa chen po'i chos kyi rnam grangs 'di 'ongs shing
283b7 lhags pa'i rigs kyi bu dang rigs kyi bu mo dag la yang dag par sgrogs shig /rigs kyi bu'am rigs kyi bu mo gang dag dad pa dang / sems can gang dag ma dad pa de dag chos kyi
284a1 rnam grangs 'di la yang dag par gzud bar bya'o/ /rigs kyi bu dag /khyed kyis de ltar byas na de bzhin gshegs pa la lan lon par 'gyur ro/ /bcom
284a2 ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub bas de skad ces bka' stsal nas/ byang chub sems dpa' sems dpa' chen
284a3 po de dag dga' ba dang / mchog tu dga' bas khyab par byas par gyur nas/ rjes cher bskyed de/ bcom ldan 'das de bzhin gshegs pa dgra bcom pa yang dag par rdzogs
284a4 pa'i sangs rgyas shAkya thub pa ga la ba de logs su lus btud/ lus rab tu btud nas lus bcums te mgo smad nas thal mo sbyar te/ thams cad kyi sgra skad gcig tu
284a5 bcom ldan 'das de bzhin gshegs pa shAkya thub pa la 'di skad ces gsol to/ /bcom ldan 'das de bzhin gshegs pas ji skad bka' stsal pa de bzhin du 'tshal
284a6 lo| |de bzhin gshegs pa thams cad kyi bka' yongs su rdzogs par bgyi'o/ bcom ldan 'das/ thugs las chung ngur ci bder bzhugs su gsol/ lan gnyis
284a7 lan gsum du'ang thams cad dang ldan pa'i byang chub sems dpa'i tshogs des sgra skad gcig tu tshig 'di skad ces bcom ldan 'das la thugs las chung ngur ci bder
284b1 bzhugs su gsol/ bcom ldan 'das/ ji skad du de bzhin gshegs pas bka' stsal pa de bzhin du bgyi'o/ /de bzhin gshegs pa thams cad kyi bka' yongs su rdzogs par
284b2 bgyi'o zhes gsol to/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ 'jig rten gyi khams gzhan dag nas
284b3 byon pa'i de bzhin gshegs pa dgra bcom pa yang dag par rdzogs pa'i sangs rgyas de dag thams cad slar gshegs su gsol to/ /de bzhin gshegs pa dgra bcom pa yang dag
284b4 par rdzogs pa'i sangs rgyas de dag la ci bder gnas par mdzod cig ces de bzhin gshegs pa de dag la ci bder gnas par mdzod cig ces bya bar gsungs so/ /bcom ldan
284b5 'das de bzhin gshegs pa dgra bcom pa yang dag par rdzogs pa'i sangs rgyas rin chen mang de'i mchod rten yang gnas ji lta ba bzhin du bzhag go /de bzhin gshegs pa
284b6 dgra bcom pa yang dag par rdzogs pa'i sangs rgyas de la yang ci bder bzhugs shig ces gsungs so/ /bcom ldan 'das kyis de skad ces bka' stsal nas de bzhin gshegs pa
284b7 dgra bcom pa yang dag par rdzogs pa'i sangs rgyas grangs med dpag tu med pa 'jig rten gyi khams gzhan dag nas byon te/ rin po che'i shing ljon pa dag gi drung na seng ge'i
285a1 khri la bzhugs pa de dag dang / de bzhin gshegs pa dgra bcom pa yang dag par rdzogs pa'i sangs rgyas rin chen mang dang / thams cad dang ldan pa'i
285a2 byang chub sems dpa'i tshogs de dag dang / spyod pa khyad par can la sogs pa sa rum nas 'thon pa'i byang chub sems dpa' sems dpa' chen po grangs med dpag tu med pa de dag
285a3 dang | nyan thos chen po de dag dang / 'khor bzhi po de dag dang / lha dang mi dang lha ma yin dang dri zar bcas pa'i 'jig rten yi rangs te/ bcom ldan 'das kyis gsungs pa la
285a4 mngon par bstod do/ /'phags pa dam pa'i chos pad+ma dkar po las/ yongs su gtad pa'i le'u zhes bya ste nyi shu bdun pa'o// //gang na mdo sde 'di yod par/ /
285a5 me mar mur gyi dong 'bogs shing / /spu gri gtams las 'dzegs nas kyang / /rigs kyi bu dag 'gro bar bya/ /'phags pa dam pa'i chos pad+ma dkar po'i chos kyi rnam grangs
285a6 yongs su rgyas pa chen po'i mdo sde byang chub sems dpa' rnams la gdams pa/ sangs rgyas thams cad kyis yongs su bzung ba/ sangs rgyas thams cad kyi gsang tshe na//
285a7 sangs rgyas thams cad kyi sba ba/ sangs rgyas thams cad kyi rigs/ sangs rgyas thams cad kyi gsang ba'i gnas/ sangs rgyas thams cad kyi byang chub kyi snying po/ sangs
285b1 rgyas thams cad kyi chos kyi 'khor lo bskor ba/ sangs rgyas thams cad kyi sku gcig tu 'dus pa/ thabs mkhas pa chen po theg pa gcig tu bstan pa/ don dam pa bsgrub pa bstan
pa'i mdo rdzogs so/
CLOSE WINDOW