བོད་ཡིག |
209b7 //rgya gar skad du/ Ar+ya kA ru NA pu N+Da rI ka nA ma mahA yA na sU tra/ bod skad du/ 'phags pa snying rje pad+ma dkar po zhes bya ba theg pa chen po'i mdo/ bam po dang po/ sangs
210a1 rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya
210a2 rgod kyi phung po'i ri la/ dge slong drug khri nyis stong gi dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang dang ldan
210a3 par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po bya ba byas pa/ byed pa byas pa/ khur bor ba/ bdag gi
210a4 don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha
210a5 rol tu son pa sha stag dang thabs gcig tu bzhugs te/ gang zag gcig ma gtogs pa ni 'di lta ste/ tshe dang ldan pa kun dga' bo'o/ /byams pa la sogs pa gzungs
210a6 dang / bzod pa dang / ting nge 'dzin thob pa/ stong pa nyid la gnas pa/ phyir mi ldog pa'i byang chub sems dpa' sems dpa' chen po sa ya phrag brgyad dang yang thabs
210a7 gcig go/ mi mdzad kyi bdag po tshangs pa dang / tshangs ris kyi lha'i bu 'bum phrag mang po dang yang thabs gcig go/ /lha'i bu gzhan 'phrul dang / gzhan 'phrul gyi lha'i
210b1 bu sa ya phrag brgyad dang yang thabs gcig go/ /lha'i bu 'phrul dga' dang / 'phrul dga'i lha'i bu sa ya phrag bdun dang yang thabs gcig go/ /lha'i bu yongs
210b2 su dga' ldan dang / yongs su dga' ldan gyi lha'i bus ya phrag drug dang yang thabs gcig go/ lha'i bu rab 'thab bral dang / rab 'thab bral gyi lha'i bu sa ya phrag bdun dang / nyis 'bum dang yang thabs gcig
210b3 go| lha'i dbang po brgya byin dang / sum cu rtsa gsum pa'i lha'i bu sa ya phrag brgyad dang yang thabs gcig go/ /rgyal po chen po rnam thos kyi bu gnod sbyin 'bum gyis yongs su bskor ba
210b4 dang yang thabs gcig go/ mig mi bzang klu 'bum gyis yongs su bskor ba dang yang thabs gcig go/ 'phags skyes po grul bum 'bum gyis yongs su bskor ba dang yang thabs
210b5 gcig go /yul 'khor srung dri za 'bum gyis yongs su bskor ba dang yang thabs gcig go/ /klu'i rgyal po dga' bo dang / nye dga' bo klu'i rgyal po stong gis yongs su bskor ba dang / de dag la
210b6 sogs pa theg pa chen po la yang dag par zhugs pa/ pha rol tu phyin pa drug la spyod pa/ phyin ci log bzhi'i chos snang zhing gsal bar rtogs par khong du chud pa gang gis byang chub sems
210b7 dpa' sems dpa' chen po rnams ting nge 'dzin sna tshogs rab tu 'thob par 'gyur ba dang / gang gis nyan thos dang / rang sangs rgyas kyi sa las yang dag par 'da' bar 'gyur ba dang /
211a1 ting nge 'dzin gang gis bla na med pa yang dag par rdzogs pa'i byang chub tu nges par 'gyur ba'i 'phags pa'i bden pa bzhi yang dag par rab tu rtogs
211a2 par bya ba'i phyir chos ston pa sha stag gis yongs su bskor cing mdun gyis bltas te bzhugs so/ /de'i tshe na byang chub sems dpa' sems dpa' chen po byams pa dang / byang chub
211a3 sems dpa' mthong ba don yod dang / byang chub sems dpa' chu lha dang / byang chub sems dpa' seng+ga'i blo gros dang / byang chub sems dpa' rnam par snang byed blo gros dang / de dag
211a4 la sogs pa byang chub sems dpa' khri lhan cig tu stan las langs te/ bla gos phrag pa gcig tu gzar nas bus mo g.yas pa'i lha nga sa la btsugs te thal mo sbyar
211a5 ba btud nas shar lho'i phyogs logs su mngon par phyogs te/ rab tu dga' zhing rab tu dang ba'i yid kyis bltas nas tshig 'di skad du de bzhin gshegs pa dgra bcom pa yang dag
211a6 par rdzogs pa'i sangs rgyas pad+ma dam pa mngon par rdzogs par sangs rgyas nas ring po ma lon par cho 'phrul chen po dag bstan nas/ sems can rnams las srog chags bye ba
211a7 khrag khrig 'bum phrag du ma dag gi dge ba'i rtsa ba yongs su smin par mdzad cing / bla na med pa yang dag par rdzogs pa'i byang chub las phyir mi ldog pa la bkod pa ni/ ngo mtshar te/
211b1 phyag 'tshal lo/ /phyag 'tshal lo zhes kyang smras so/ /de nas byang chub sems dpa' rin po che rnam par snang byed stan las langs te bla gos phrag pa gcig tu gzar nas bus mo
211b2 g.yas pa'i lha nga sa la btsug te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das/ gang gi slad
211b3 du byang chub sems dpa' sems dpa' chen po byams pa dang / byang chub sems dpa' sems dpa' chen po mthong ba don yod dang / byang chub sems dpa' sems dpa' chen po chu lha dang /
211b4 byang chub sems dpa' sems dpa' chen po seng+ge'i blo gros dang / byang chub sems dpa' sems dpa' chen po rnam par snang byed blo gros dang / de dag la sogs pa byang chub sems
211b5 dpa' khris bcom ldan 'das kyis chos bstan pa bcad nas lhan cig tu stan las langs te bla gos phrag pa gcig tu gzar nas bus mo g.yas pa'i lha nga sa la btsugs
211b6 te thal mo sbyar ba btud nas shar lho'i phyogs logs su mngon par phyogs te/ rab tu dga' zhing rab tu dang ba'i yid kyis bltas nas tshig 'di skad du de bzhin gshegs pa
211b7 dgra bcom pa yang dag par rdzogs pa'i sangs rgyas pad+ma dam pa mngon par rdzogs par sangs rgyas nas ring po ma lon par cho 'phrul chen po dag bstan nas srog chags bye ba
212a1 khrag khrig 'bum phrag du ma dge ba'i rtsa ba dag la yongs su smin par mdzad pa ni ngo mtshar te phyag 'tshal lo/ /phyag 'tshal lo zhes mchi/ bcom ldan 'das/
212a2 de bzhin gshegs pa dgra bcom pa yang dag par rdzogs pa'i sangs rgyas pad+ma dam pa shul ni ji srid cig na bzhugs/ bla na med pa yang dag par rdzogs pa'i byang chub mngon par
212a3 rdzogs par sangs rgyas nas ni yun ji srid cig lags/ gang na de bzhin gshegs pa pad+ma dam pa zhes bgyi ba bzhugs pa'i 'jig rten gyi khams de'i ming ci zhes bgyi/ 'jig
212a4 rten gyi khams de'i bkod pa ni ji lta bu zhig gis brgyan pa lags/ ci'i slad du de bzhin gshegs pa dgra bcom pa yang dag par rdzogs pa'i sangs rgyas pad+ma dam pas cho 'phrul
212a5 chen po rnam pa de lta bu dag bstan pa mdzad/ rkyen gang gis na byang chub sems dpa' kha cig gis ni phyogs bcu'i 'jig rten gyi khams bgrang ba las yang dag par 'das pa
212a6 gzhan dag na bzhugs pa'i sangs rgyas bcom ldan 'das rnams mthong zhing / sangs rgyas bcom ldan 'das de dag gis cho 'phrul gang dag rnam par bstan pa de dag kyang mthong
212a7 la bdag cag gis mi mthong bar 'gyur lags/ de skad ces gsol pa dang / bcom ldan 'das kyis byang chub sems dpa' rin po che rnam par snang byed la 'di skad ces bka'
212b1 stsal to/ /rigs kyi bu/ legs so/ /legs so/ /rigs kyi bu khyod sems can bye ba khrag khrig 'bum phrag mang bo rnams kyi dge ba'i rtsa ba yongs su smin par bya ba'i don du de bzhin
212b2 gshegs pa pad+ma dam pas byang chub thob pa'i cho 'phrul rnam par bstan par bye ba dang / sangs rgyas kyi zhing gi yon tan bkod pa yongs su dri ba'i phyir de bzhin gshegs pa la don de lta bu
212b3 yongs su zhu bar sems dpa' ni khyod kyi spobs pa dge ba yin te/ khyod kyis yongs su zhus pa legs pa yin no/ /rigs kyi bu/ de'i phyir khyod legs par rab tu nyon la yid la gzung zhig dang
212b4 bshad par bya'o/ /byang chub sems dpa' rin po che rnam par snang byed kyis bcom ldan 'das de bzhin no zhes gsol te bcom ldan 'das kyi ltar nyan pa dang / bcom ldan 'das
212b5 kyis byang chub sems dpa' rin po che rnam par snang byed la 'di skad ces bka' stsal to/ /rigs kyi bu/ 'di nas shar lho'i phyogs logs su sangs rgyas kyi zhing bye ba khrag khrig
212b6 'bum phrag gang+gA'i klung gi bye ma snyed dag gi sangs rgyas kyi zhing rnams 'das pa na/ 'jig rten gyi khams pad+ma zhes bya ba yon tan sna tshogs kyis brgyan ba/ me tog sna tshogs bkram pa/
212b7 spos sna tshogs kyis khyab pa/ rin po che'i shing ljon pa dag gis brgyan pa/ rin po che'i pad+ma dag gis kun tu gang ba zhig yod de/ de na sa gzhi ni sngon po las grub cing / byang chub
213a1 sems dpa' dag gis kun tu gang la chos kyi sgras khyab pa yin no/ /bai DUr+ya las grub pa'i sa gzhi de'ang ka tsa lin+di ka ltar reg na bde zhing 'jam la/ rkang pa
213a2 bzhag na ni sor bzhi tsam nems zhes byed/ rkang pa bteg na ni sor bzhi tsam par ces byed cing / pad+ma sna tshogs dag gis kun tu gang ba yin no/ /de na rin po che sna bdun gyi shing ljon pa
213a3 'phang du dpag tshad bdun gyi srid tsam pa dag yod de/ shing ljon pa de dag la lha'i gos ngur smrig dag rab tu 'phyang zhing / lha'i sil snyan yid du 'ong ba'i sgra yang dag par 'byin pa
213a4 dag kyang yod do/ /shing ljon pa de dag la bya sna tshogs dbang po dang / stobs dang / byang chub kyi yan lag gi sgra yid du 'ong ba rab tu sgrogs pa dag kyang yod de/ shing ljon pa de
213a5 dag gi lo ma dag phan tshun phrad pa na lha'i las shin tu 'das pa'i sil snyan yan lag lnga dang ldan pa dag gi sgra'ang 'byung ngo / /shing ljon pa re re'i dri rgya chen po lha'i las 'das
213a6 pas kyang dpag tshad 'bum du khyab par byed cing shing ljon pa de dag la lha'i rgyan dag kyang mngon par rab tu 'phyang ngo / /shing ljon pa de dag gi bar dag na rin po che sna bdun
213a7 gyi khang pa brtsegs pa 'phang du ni dpag tshad lnga brgya/ rgyar ni dpag tshad brgya pa dag yod de/ khang pa brtsegs pa de dag kun la'ang phyogs bzhin rta babs dag yod do/ /rta
213b1 babs de dag gi nang rol/ khang pa brtsegs pa de dag gi phyi rol na rdzing bu srid du ni dpag tshad brgyad cu/ rgyur ni dpag tshad lnga bcu pa dag yod do/ /rdzing bu de dag gi phyogs bzhi khor khor
213b2 yug na rin po che sna bdun las byas pa'i them skas dag kyang yod do/ /rdzing bu de dag kyang khor yug tu me tog ut+pa la dang / pad+ma dag gis kun nas yog ste/ me tog re re la'ang rgyar ni
213b3 dpag tshad tsam yod do/ /me tog de dag gi ze ba dag las byang chub sems dpa' sems dpa' chen pa dag rab tu skyes te/ de dag kyang nam gyi gung thun dang po la pad+ma de dag gi ze ba
213b4 dag las skye zhing rnam par grol ba'i dga' ba dang / bde ba myong bzhin du skyil mo krung gis mtshan mo de 'da' bar byed de/ de na mtshan mo de'i nang par gyi dus kyi tshe phyogs bzhi nas dri
213b5 zhim zhing yid du 'ong la 'jam zhing reg na bde bar byed pa'i rlung dag rab tu ldang ste/ de dag gis me tog kha zums pa rnams mngon par 'byed par byed cing / byang chub sems dpa'
213b6 de dag kyang ting nge 'dzin de las langs te/ rnam par grol ba'i dga' ba dang bde ba spangs nas pad+ma'i ze ba dag las babs te/ khang pa brtsegs pa de dag tu zhugs nas rin po che sna bdun
213b7 gyi stan dag la skyil mo krung bcas te 'dug cing chos nyan par byed do/ /shing ljon pa de dag dang / khang pa brtsegs pa de dag gi phyogs bzhi khor khor yug dag na rin po che dzam+bu chu bo'i
214a1 gser gyi ri 'phang du ni dpag tshad nyi shu/ rgyar ni dpag tshad gsum pa dag yod de/ ri de dag gi bar bar dag na chu shel dang / me shel dang / an+da rnyil dang / nor bu
214a2 skar mdog 'bum phrag du ma dag snang ngo / /de na sangs rgyas pad+ma dam pa'i 'od kyis ri dang nor bu dag la phog pa na sangs rgyas kyi 'od de dang / nor bu'i 'od des 'jig rten gyi khams
214a3 pad+ma de rtag tu snang ba rgya chen pos khyab par byas te/ de na nyi ma dang zla ba dag gi 'od kyang mi mngon te/ gzhan du na gang gi tshe pad+ma rnams kha zums shing bya dag sgra chung bar gyur pa
214a4 de'i tshe mtshan mo zhes bya ba'i grangs su 'gyur la/ de las bzlog pa ni nyin par yin no/ /ri de dag gi steng na sngon po las byas pa'i khang pa brtsegs pa 'phang du ni dpag tshad
214a5 drug cu rgyar ni dpag tshad nyi shu pa dag yod de/ khang pa brtsegs pa de dag gi phyogs bzhi na rin po che sna bdun las byas pa'i rta babs dag kyang yod de/ khang pa brtsegs pa de
214a6 dag na rin po che sna bdun las byas pa'i khri dag yod de/ de la skye ba gcig gis thogs pa'i byang chub sems dpa' dag 'dug cing chos nyan par byed do/ /rigs kyi bu/ 'jig
214a7 rten gyi khams pad+ma de na byang chub kyi shing dbang po zhes bya ba 'phang du ni dpag tshad sum stong / rgyar ni dpag tshad lnga brgya/ yal ga dang / lo ma dang / 'dab ma dag ni dpag tshad stong du
214b1 legs par gnas pa yod do/ /byang chub kyi shing de'i drung na dngul las byas pa'i pad+ma sdong bu'i 'phang du ni dpag tshad lnga brgya yod la/ de'i 'dab ma ni gser las byas pa bye ba phrag 'bum
214b2 yod de/ 'phang du ni dpag tshad lnga yod do/ /ze ba thams cad na rin po che rdo'i snying po las byas pa'i ze 'bru dag yod do/ /ze ba rnams ni rin po che sna bdun las byas pa ste/ 'phang du ni dpag
214b3 tshad bcu/ rgyar ni dpag tshad bdun yod do/ /der de bzhin gshegs pa dgra bcom pa yang dag par rdzogs pa'i sangs rgyas pad+ma dam pa bla na med pa yang dag par rdzogs pa'i byang
214b4 chub mngon par rdzogs par sangs rgyas so/ /sangs rgyas kyi gdan pad+ma de'i kho ra khor yug na'ang pad+ma dag yod de/ de dag la byang chub sems dpa' dag 'khod par de bzhin gshegs
214b5 pa dgra bcom pa yang dag par rdzogs pa'i sangs rgyas pad+ma dam pa'i cho 'phrul dag mthong bar gyur to/ /de skad ces bka' stsal pa dang / bcom ldan 'das la byang chub sems dpa' rin
214b6 po che rnam par snang byed kyis 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas pad+ma dam pas cho 'phrul chen po
214b7 ji lta bu dag bstan pa mdzad pa lags/ de skad ces gsol pa dang / bcom ldan 'das kyis byang chub sems dpa' rin po che rnam par snang byed la 'di skad ces bka' stsal to/ /rigs
215a1 kyi bu/ de bzhin gshegs pa dgra bcom pa yang dag par rdzogs pa'i sangs rgyas pad+ma dam pa ni mdang gi nam gyi thun tha ma la bla na med pa yang dag par rdzogs
215a2 pa'i byang chub mngon par rdzogs par sangs rgyas nas/ da nang nang par gyi dus kyi tshe 'di lta bu'i rdzu 'phrul mngon par 'du bya ba mngon par mdzad de/ bdag nyid tshangs pa'i 'jig
215a3 rten gyi bar du mngon par sprul nas dbu'i gtsug tor nas 'od zer bye ba khrag khrig phrag 'bum rab tu bkye'o/ /'od zer de dag gis steng gi phyogs kyi 'jig rten gyi khams sangs
215a4 rgyas kyi zhing gi rdul phra rab kyi rdul snyed dag snang bas khyab par mdzad do/ /de'i tshe steng gi phyogs na byang chub sems dpa' gang dag gnas pa dag gis thur du bltas na de dag la ri
215a5 rab dang / khor yug dang / khor yug chen po dang / ri nag po rnams kyang snang bar ma gyur to/ /'jig rten gyi khams de dag na byang chub sems dpa' gang dag lung bstan pa dag dang
215a6 gang dag ting nge 'dzin thob pa dag dang / gang dag gzungs thob pa dag dang / gang dag bzod pa thob pa dag dang / gang dag sa las shin tu 'das pa dag dang / de na gang dag skye ba gcig
215a7 gis thogs pa'i byang chub sems dpa' sems dpa' chen po de dag kyang snang ba des khyab par gyur nas thal mo sbyar te/ de bzhin gshegs pa dgra bcom pa yang dag par rdzogs pa'i
215b1 sangs rgyas pad+ma dam pa de'i skyes bu chen po'i mtshan sum cu rtsa gnyis dang / dpe byad bzang po brgyad cus legs par brgyan pa'i sku'ang mthong / byang chub sems dpa' 'khor de dang / 'jig rten
215b2 gyi khams pad+ma'i sangs rgyas kyi zhing gi yon tan bkod pa'ang mthong ngo / /mthong nas kyang byang chub sems dpa' sems dpa' chen po de dag mchog tu dga' ba dang / bde ba skyes te/ 'jig rten gyi
215b3 khams sangs rgyas kyi zhing gi rdul phra rab kyi rdul snyed dag nas byang chub sems dpa' bgrang ba las yang dag par 'das pa dag rang rang gi sangs rgyas kyi zhing bor nas de bzhin gshegs
215b4 pa dgra bcom pa yang dag par rdzogs pa'i sangs rgyas pad+ma dam pa la mchod pa bya ba dang / phyag bya ba dang / bsnyen bkur bya ba'i phyir rdzu 'phrul gyi mthus 'jig rten gyi khams pad+mar lhags
215b5 so/ /rigs kyi bu/ de bzhin gshegs pa pad+ma dam pa des kyang bzhugs pa dang / bzhengs pa dang / 'chag bzhin du zhal gyi sgo nas ljags kyi dbang po phyung ste/ thams cad dang ldan pa'i gling
215b6 bzhi pa'i 'jig rten gyi khams de ljags kyi dbang pos yongs su khebs par mdzad do/ /de nas byang chub sems dpa' gang dag snyoms par zhugs pa de dag kyang ting nge 'dzin las langs nas
215b7 de bzhin gshegs pa pad+ma dam pa dang / thams cad dang ldan pa'i 'khor la mchod pa bya ba'i las la brtson par gyur to/ /rigs kyi bu/ de nas de bzhin gshegs pa pad+ma dam pas ljags kyi
216a1 dbang po'i rdzu 'phrul mngon par 'du mdzad pa'i phyir bsdus nas/ gzhan yang de bzhin gshegs pa pad+ma dam pas sku thams cad nas spu'i khung bu thams cad kyi
216a2 spu'i khung bu'i sgo re re nas kyang / 'od zer bye ba khrag khrig 'bum phrag drug cu drug cu byung zhing / phyogs bcu'i phyogs re rer yang 'jig rten gyi khams sangs rgyas kyi zhing gi rdul phra rab
216a3 kyi rdul snyed dag snang ba rgya chen pos khyab par mdzad nas/ 'jig rten gyi khams de dag na byang chub sems dpa' sems dpa' chen po gang dag lung bstan pa dag dang / byang chub sems
216a4 dpa' sems dpa' chen po gang dag ting nge 'dzin thob pa de dag kyang de bzhin gshegs pa dgra bcom pa yang dag par rdzogs pa'i sangs rgyas pad+ma dam pa la blta ba dang / phyag bya ba dang /
216a5 bsnyen bkur bya ba'i phyir rang rang gis sangs rgyas kyi zhing gi snang ba dang / rdzu 'phrul gyi stobs kyi 'jig rten gyi khams pad+mar lhags so/ /rigs kyi bu/ de nas de bzhin gshegs pa dgra
216a6 bcom pa yang dag par rdzogs pa'i sangs rgyas pad+ma dam pas rdzu 'phrul mngon par 'du mdzad pa de phyir bsdus nas/ skye bo mang po la phan pa dang / skye bo mang po la bde ba dang / 'jig
216a7 rten la thugs brtse ba dang / lha dang mi rnams la phan pa dang / bde ba dang / theg pa chen po yongs su rdzogs par bya ba'i phyir thams cad dang ldan pa'i byang chub byang chub sems dpa'i
216b1 'khor la phyir mi ldog pa'i 'khor lo zhes bya ba chos dang ldan pa'i chos kyi 'khor lo bskor to/ /theg pa chen po'i mdo snying rje pad+ma dkar po las/ chos kyi 'khor lo bskor ba zhes bya ba'i
216b2 le'u ste dang po'o// //de nas bcom ldan 'das la byang chub sems dpa' rin po che rnam par snang byed kyis 'di skad ces gsol to/ /btsun pa bcom ldan 'das/
216b3 'jig rten gyi khams pad+ma de na mtshan mo dang nyin mor ni ji ltar 'tshal/ de na sgra ni ji lta bu dag grags/ byang chub sems dpa' de dag bsam pa ni ji lta bu dang ldan/ gnas pa ni gang
216b4 gis gnas lags/ bcom ldan 'das kyis bka' stsal pa/ rigs kyi bu/ 'jig rten gyi khams pad+ma ni rtag tu sangs rgyas kyi 'od kyis snang bar gyur pa yin te/ de na gang gi tshe me tog
216b5 dag kha zums par gyur cing / bya rnams kyang sgra chung bar gyur pa dang / bcom ldan 'das dang / byang chub sems dpa' de dag kyang bsam gtan dag gis rol cing rnam par grol ba'i
216b6 dga' ba dang bde ba myong bar mdzad pa de'i tshe de na mtshan mo yin par shes so/ /gang gi tshe me tog de rlung gis kha bye bar gyur cing bya rnams kyang sgra yid du 'ong ba sgrogs par byed pa dang /
216b7 der me tog gi char dag kyang mngon par 'bab pa dang / phyogs bzhi nas dri mchog tu zhim zhing yid du 'ong la 'jam zhing / reg na bde bar 'gyur ba'i rlung dag ldang ba dang / bcom
217a1 ldan 'das kyang ting nge 'dzin las bzhengs la/ byang chub sems dpa' rnams kyang ting nge 'dzin las langs shing bcom ldan 'das pad+ma dam pa byang chub sems
217a2 dpa' sems dpa' chen po rnams la byang chub sems dpa'i sde snod kyi chos nyan thos dang / rang sangs rgyas kyi gtam las shin tu 'das pa dag ston par mdzad pa de'i tshe de na nyin mo
217a3 yin par shes so/ /rigs kyi bu/ de na byang chub sems dpa' sems dpa' chen po rnams sangs rgyas kyi sgra dang / chos kyi sgra dang / dge 'dun gyi sgra dang mi 'bral lo/ /mi 'jigs pa'i
217a4 sgra dang / mngon par 'du byed pa med pa'i sgra dang / skye ba med pa'i sgra dang / 'gag pa med pa'i sgra dang / zhi ba'i sgra dang / nye bar zhi ba'i sgra dang / rab tu zhi ba'i sgra dang / byams pa chen
217a5 po'i sgra dang / snying rje chen po'i sgra dang / mi skye ba'i chos kyi sgra dang / dbang bskur ba'i sa thob pa'i sgra dang / sangs rgyas dang byang chub sems dpa'i sgra dang mi 'bral te/ byang chub
217a6 sems dpa' de dag ni rtag tu sgra de lta bu dag nyan par byed do/ /rigs kyi bu/ gzhan yang 'jig rten gyi khams pad+mar byang chub sems dpa' sems dpa' chen po gang dag skyes
217a7 pa dang / skye bar 'gyur ba de dag thams cad ni skyes bu chen po'i mtshan sum cu rtsa gnyis dang ldan zhing / 'od dpag tshad brgya pa yod la/ byang chub kyi mthar thug gi bar du rnam
217b1 par mi ltung ba'i chos can yin no/ /byang chub sems dpa' de dag thams cad ni byams pa'i sems dang ldan pa dang / snum pa'i sems dang ldan pa dang / rnyog pa med pa'i sems dang
217b2 ldan pa dang / dul ba'i sems dang ldan pa dang / spro ring ba'i sems dang ldan pa dang / mnyam par bzhag pa'i sems dang ldan pa dang / rab tu dang ba'i sems dang ldan pa dang / khong
217b3 khro ba med pa'i sems dang ldan pa dang / dag pa'i sems dang ldan pa dang / dge ba'i sems dang ldan pa dang / chos la dga' ba'i sems dang ldan pa dang / sems can thams cad kyi
217b4 nyon mongs ba rab tu zhi bar byed pa'i sems dang ldan pa dang / sa dang mtshungs pa'i sems dang ldan pa dang / 'jig rten pa'i gtam la mngon par mi dga' ba'i sems dang ldan pa
217b5 dang / 'jig rten las 'das pa'i gtam la mngon par dga' ba'i sems dang ldan pa dang / dge ba'i chos thams cad yongs su 'tshol ba'i sems dang ldan pa dang phung po
217b6 med pa la rtag tu rab tu brtson pa'i sems dang ldan pa dang / na ba dang / rga ba dang / 'chi ba rab tu zhi bar byed pa'i sems dang ldan pa dang / nyon mongs pa thams cad sreg par
217b7 byed pa'i sems dang ldan pa dang / kun tu sbyor ba thams cad rab tu zhi bar byed pa'i sems dang ldan pa dang / chos thams cad la rlom sems med pa'i sems dang ldan pa dang / bsam
218a1 pa'i stobs can dang / sbyor ba'i stobs can dang / rkyen gyi stobs can dang / smon lam gyi stobs can dang / snying po med pa dang / ma 'dres shing gong du skyod par
218a2 byed pa'i stobs can dang / nges par rtogs pa'i stobs can dang / dge ba'i rtsa ba'i stobs can dang / ting nge 'dzin gyi stobs can dang / thos pa'i stobs can dang / gtong ba'i
218a3 stobs can dang / tshul khrims kyi stobs can dang / bzod pa'i stobs can dang / brtson 'grus kyi stobs can dang / bsam gtan gyi stobs can dang / shes rab kyi stobs
218a4 can dang / zhi gnas kyi stobs can dang / lhag mthong gi stobs can dang / mngon par shes pa'i stobs can dang / dran pa'i stobs can dang / byang chub kyi stobs can dang
218a5 snying stobs kyi stobs can dang / bdud thams cad rnam par 'joms pa'i stobs can dang / bdud kyi dpung thams cad rab tu 'dul bar byed pa'i stobs can dang /
218a6 phas kyi rgol ba thams cad chos dang mthun pas tshar gcod pa'i stobs can dang / nyon mongs pa thams cad rab tu 'dul bar byed pa'i stobs can sha stag ste/ 'jig
218a7 rten gyi khams pad+mar byang chub sems dpa' sems dpa' chen po gang dag skyes pa dang / skye bar 'gyur pa de dag ni sangs rgyas 'bum phrag mang po dag la lhag par
218b1 bya ba byas shing dge ba'i rtsa ba rnams bskyed bskyed pa yin no/ /sangs rgyas kyi zhing 'jig rten gyi khams pad+ma der/ byang chub sems dpa' gang dag skyes pa dang / skye bar 'gyur ba'i byang
218b2 chub sems dpa' de dag ni 'di lta ste/ dper na/ tshangs ris kyi lha rnams la kham gyis za ba'i zas med pa bzhin du bsam gtan gyi zas dang / chos kyi zas dang / dri za'i zas dang ldan pa ma
218b3 yin no/ /de na rnam pa thams cad du mi dge ba'i ming yang med do/ /de na rnam pa thams cad du bud med kyi ming yang med/ gdags pa'ang med do/ /de na rnam pa thams cad du sdug bsngal gyi
218b4 sgra'ang med pa rnam pa thams cad du dge ba dang mi dge ba'i sgra'ang med do/ /de bzhin du sbyar te nyon mongs pa'i sgra'ang med/ yongs su 'dzin pa'ang med do/ /de na mun pa'ang med/ dri
218b5 ma'ang med do/ /sems ngal ba'ang med do/ /lus ngal ba'ang med do/ /sems can dmyal ba dang / dud 'gro'i skye gnas dang / gshin rje'i 'jig rten gyi sgra'ang med do/ /ngan song du
218b6 gdags pa'ang med do/ /tsher ma dang / thibs po dang / rdo ba dang / gseg ma'ang med do/ /me'ang med/ nyi ma dang zla ba'ang med/ skar ma'i gzugs kyang med do/ /rgya mtsho chen
218b7 po'ang med/ ri rab kyang med/ khor yug gi ri'ang med/ 'jig rten gyi bar yang med/ ri nag po rnams kyang med do/ /rdo ba mi gtsang ba dag kyang med/ rdul gyi ri'ang med do/ /
219a1 sprin dang char pa'i sgra'ang med/ rlung mar gyi sgra'ang med do/ /rnam pa thams cad du ngan song gi sgra'ang med/ rnam pa thams cad du mi khom pa'i sgra'ang med do/ /
219a2 gzhan yang 'jig rten gyi khams pad+ma ni sangs rgyas kyi 'od dang / byang chub sems dpa'i 'od dang / bsod nams kyi 'od dang / rin po che'i 'od kyi snang ba rgya chen pos rtag tu
219a3 gsal bar gyur to/ /de na bya 'bras bu dang bcas pa zhes bya ba dag rang rang gi sgra 'jam zhing yid du 'ong ba dag gis dbang po dang / stobs dang / byang chub kyi yan lag dag/
219a4 rab tu sgrogs par byed do/ /de nas bcom ldan 'das la byang chub sems dpa' rin po che rnam par snang byed kyis 'di skad ces gsol to/ /bcom ldan 'das/ 'jig rten
219a5 gyi khams pad+ma de che khyad ni ji tsam zhig lags/ pad+ma dam pa bla na med pa yang dag par rdzogs pa'i byang chub mngon par rdzogs par sangs rgyas te/ gang nga mngon par rdzogs
219a6 par sangs rgyas nas ring po ma lags pa'i de bzhin gshegs pa pad+ma dam pa de'ang yun ji srid cig tu bzhugs te 'tsho zhing gzhes la chos ston par 'gyur/ yongs su mya ngan
219a7 las 'das nas ni dam pa'i chos yun ji srid cig tu gnas bar 'gyur/ 'jig rten gyi khams pad+ma'i sangs rgyas kyi zhing du byang chub sems dpa' gang dag skyes pa dang / skye
219b1 bar 'gyur ba de dag ni yun ji srid cig tu gnas par 'gyur/ ci byang chub sems dpa' de dag sangs rgyas la lta ba dang / chos nyan pa dang / dge 'dun la bsnyen bkur bgyid pa dang mi
219b2 'bral lags sam/ 'on te de lta ma lags/ 'jig rten gyi khams pad+ma de ni sngon ming ci zhes bgyi bar gyur/ der rgyal ba'i nyi ma nub nas yun ji srid cig lags nas/ de'i 'og tu de
219b3 bzhin gshegs pa pad+ma dam pa bla na med pa yang dag par rdzogs pa'i byang chub tu mngon par rdzogs par sangs rgyas/ ci'i rkyen gyis na phyogs bcu'i sangs rgyas kyi zhing gzhan dag na
219b4 sangs rgyas bcom ldan 'das gang dag cho 'phrul dag mdzad pa'i sangs rgyas kyi rnam par 'phrul pa dag dang / sangs rgyas kyi cho 'phrul dag kha cig gis ni mthong la/ kha cig gis ni mi
219b5 mthong bar gyur lags/ bcom ldan 'das kyis bka' stsal ba/ rigs kyi bu/ 'di lta ste/ dper na/ ri'i rgyal bo ri rab la 'phang du ni dpag tshad 'bum drug khri brgyad stong yod la/
219b6 rgyar ni dpag tshad brgyad khri bzhi stong yod pa skyes bu brtson 'grus dang ldan pa/ stobs dang ldan pa la la zhig 'ongs nas sting nge 'dzin gyi mthus ri'i rgyal po ri rab de yungs 'bru'i
219b7 tshad tsam du bkrum nas/ yungs 'bru tsam du gyur pa de dag ni bgrang ba las yang dag par 'das pas na/ yungs 'bru tsam po de dag ni thams cad mkhyen pa'i ye shes ma gtogs par
220a1 sus kyang bgrang bar mi nus te/ yungs 'bru tsam po de dag ji snyed par de na gling bzhi ba'i tshad kyang de snyed yod do/ /'di lta ste/ dper na/ 'jig rten gyi khams
220a2 bde ba can byang chub sems dpa' dag gis kun tu gang ba bzhin du sangs rgyas kyi zhing pad+ma'ang byang chub sems dpa' dag gis kun tu gang ba yin no/ /rigs kyi bu/ de bzhin
220a3 gshegs pa dgra bcom pa yang dag par rdzogs pa'i sangs rgyas pad+ma dam pa'i sku tshe'i tshad ni bar gyi bskal pa sum cur bzhugs te 'tsho zhing gzhes la chos kyang ston par 'gyur
220a4 ro| |rigs kyi bu/ de bzhin gshegs pa dgra bcom pa yang dag par rdzogs pa'i sangs rgyas pad+ma dam pa yongs su mya ngan las 'das nas kyang dam pa'i chos ni bar gyi bskal
220a5 pa bcur gnas par 'gyur ro/ /'jig rten gyi khams pad+mar byang chub sems dpa' sems dpa' chen po gang dag skyes pa dang / skye bar 'gyur ba de dag gi tshe'i tshad ni bar gyi
220a6 bskal pa bzhi bcur 'gyur ro/ /rigs kyi bu/ 'jig rten gyi khams pad+ma de sngon ni tsan+dan zhes bya bar gyur te/ de ltar gyi 'jig rten gyi khams pad+ma ltar yongs su dag par yang
220a7 ma gyur la/ de ltar sems can dag pa dag gis gang bar yang ma gyur to/ /rigs kyi bu/ 'jig rten gyi khams tsan+dan du ni de bzhin gshegs pa dgra bcom pa yang dag par
220b1 rdzogs pa'i sangs rgyas zla ba dam pa zhes bya ba rig pa dang zhabs su ldan pa zhes bya ba nas sangs rgyas bcom ldan 'das zhes bya ba'i bar dang ldan par gyur te/ des kyang bar gyi bskal ba
220b2 sum cur chos bstan par gyur to/ /yongs su mya ngan las 'das pa'i dus kyi tshe na byang chub sems dpa' kha cig ni smon lam gyi dbang gis sangs rgyas kyi zhing gzhan dag tu dong ngo / /
220b3 byang chub sems dpa' lhag ma gang dag de na 'khod pa de dag ni 'di snyam du sems par gyur te/ de bzhin gshegs pa dgra bcom pa yang dag par rdzogs pa'i sangs rgyas zla ba
220b4 dam pa ni do mdo nam gyi gung thun la yongs su mya ngan las 'da' bar 'gyur ro/ /bcom ldan 'das yongs su mya ngan las 'das nas kyang dam pa'i chos ni bar gyi bskal ba bcur
220b5 gnas par gyur na/ dam pa'i chos nub pa'i 'og tu su zhig bla na med pa yang dag par rdzogs pa'i byang chub mngon par rdzogs par 'tshang rgya bar 'gyur snyam du sems par gyur to/ /
220b6 yang de'i tshe na byang chub sems dpa' sems dpa' chen po nam mkha'i phyag rgya zhes bya ba de sngon gyi smon lam gyis de bzhin gshegs pa dgra bcom pa yang dag par rdzogs pa'i
220b7 sangs rgyas zla ba dam pa lung bstan par gyur te/ rigs kyi bu/ nga yongs su mya ngan las 'das nas dam pa'i chos ni bar gyi bskal pa bcur gnas par 'gyur te/ nam gyi gung thun la
221a1 nga'i dam pa'i chos nub par gyur nas de nyid kyi nub mo'i thun tha ma la khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te
221a2 de bzhin gshegs pa dgra bcom pa yang dag par rdzogs pa'i sangs rgyas pad+ma dam pa zhes bya ba rig pa dang zhabs su ldan pa zhes bya ba nas/ sangs rgyas bcom ldan 'das zhes bya ba'i bar
221a3 du 'gyur ro zhes lung bstan to/ /de'i tshe na byang chub sems dpa' sems dpa' chen po de dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
221a4 zla ba dam pa ga la ba der song ste/ de bzhin gshegs pa dgra bcom pa yang dag par rdzogs pa'i sangs rgyas zla ba dam pa'i drung du lhags pa dang / byang chub sems dpa' de dag thams
221a5 cad kyis ting nge 'dzin gyi stobs dang / byang chub sems dpa'i rnam par 'phrul pa rnam pa sna tshogs dag gis de bzhin gshegs pa zla ba dam pa la mchod de lan gsum bskor ba
221a6 byas nas/ bcom ldan 'das la 'di skad ces gsol to/ /btsun pa bcom ldan 'das/ bdag cag ni 'gog pa la mnyam par bzhag pa'i sems kyis bskal pa bar ma
221a7 bcu po de dag 'da' bar bgyi bar 'tshal lags so/ /rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas zla ba dam pas byang
221b1 chub sems dpa' sems dpa' chen po nam mkha'i phyag rgyal 'di skad ces bka' stsal to/ /rigs kyi bu/ de la thams cad mkhyen pa nyid kyi rnam pa'i gzungs kyi sgo la 'jug pa
221b2 'di ni 'das pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyis kyang rgyal tshab tu dbang bskur ba'i byang chub sems dpa' rnams la bshad pa
221b3 yin la/ sangs rgyas bcom ldan 'das gang dag da ltar phyogs bcu'i 'jig rten gyi khams dag na bzhugs te 'tsho zhing gzhes pa'i sangs rgyas bcom ldan 'das de dag kyang rgyal tshab tu
221b4 dbang bskur ba'i byang chub sems dpa' rnams la ston par mdzad cing / gang dag ma 'ongs pa'i dus na 'byung bar 'gyur ba'i sangs rgyas de dag kyang rgyal tshab tu dbang bskur ba'i byang chub
221b5 sems dpa' rnams la ston par 'gyur bas na khyod kyis kyang thams cad mkhyen pa nyid kyi rnam pa'i gzungs kyi sgo la 'jug pa 'di gzung zhig /ta d+ya thA/ dz+wa li dz+wa li ni/ ma hA dz+wa li ni/ huk+ke/
221b6 buk+ke/ sam ba de/ mahA sam ba de/ de ba na a Ti/ ba Ti/ Ta ke/ Tha ra Tha ka ke/ a mi ma ka si/ hi li tsi li ti li/ ru ru ke/ mahA ru ru ke/ dza ye/ du rdza ya/ dza ya ma ti/ shAn+te/ shAn+te ni ra g+ho Sha Ni/
221b7 a mU le/ a mU la pa ri tshan+ne/ mAr se n+ya/ bid tra sa ne/ muk+te/ muk+ta pa ri shud+d+he/ a b+hi tI/ b+ha ya mo tsa ne/ b+ha ra o ha ra Na/ dAn+ta/ bid+yA bid+yA/ bid+yA/ d+ha rut+ta me/ ni a gra haM ba ra bA dwi nAM/ d+harma
222a1 bA dI/ nA ma a nu gra ha na/ a rak+Sha d+harma bA dI nAM/ tsa tur+NAM/ smr-i t+yu u pa s+tha nA nAM/ a d+hi muk+ti pa da pra kA sha na pa da mi dan/ bud+d+ha kA/ sha ye/ a ma ma/ mi ma ma/ a bai bi/
222a2 aR+the/ aR+tha ni/ stI ra Ne/ lo ka a d+hi muk+te/ sun+d+ha re/ ba ri b+hA ba ne/ tsa tur+NAM/ Ar+ya baM sha nAM/ a d+hi muk+ti pa da pra kA sha na pa da/ b+hA Sha aR+the b+hA Sha Ne/ d+hA re d+ha ra ba ti/ guk+te/ shu b+he shu b+ha pra
222a3 b+he/ tata pA la/ a gra pha la/ a pha la ni Sh+pha la/ ni ha la/ sumuk+ta/ a muk+ta/ nirmuk+ta/ a ba b+h+ra mi ta/ bi muk+ta ba ti/ bi la pha la/ A yu d+d+ha/ a bi ti/ bi bi ti/ ra ti ku la/ tu la man/ a
222a4 hing sa ma i ti tA ba/ an+d+ha nan+d+ha da/ sa rba lo ka a na ka bi lig ka/ a b+hu sa re/ ha ta man+t+ri/ be sha a gra ma te/ a pha la/ ka pha la/ tra yA nAM/ A rak+Shi ta nAM/ a d+hi muk+ti pa da mi da na/ dza
222a5 da ta/ a ni ha ra bA tsa ta ba byo/ i dam pA lan/ ni yA ma pha lan/ sa mu dra na ya/ bi b+hU Sha pa sh+yo so man+ta/ a nu man+to/ a ku man+to/ ts+tshe da ba na/ man+t+ra sta/ da sha ba la/ bi gra ha ta/ i
222a6 su s+tha na/ su ni kha ma/ tik+Sh+Na ma ti/ A lo ka/ a ti kr-iSh+Na/ a ti mi ta/ pra t+yu da pan+na/ bud+d+ha pU rba gra ha re/ tsa tur+NA/ sam myag pra ha NA nAM/ a d+hi muk+ti pa di pra ka sha na pa da mi da na/
222a7 an+n+ya man+n+ye ma ne/ ma ma n+ye/ bI ri bi ti re sha me/ sha mi ti bi/ shAn+te/ muk+te/ ni ruk+ta me/ sa me/ sa ma sa me/ k+She ye/ ak+Sha ye/ a dzi ti shan te/ sha ni Sh+Te/ d+ha ra Ne/ A lo ka/
222b1 a ba b+hA se/ rat+na pra te/ rasmya ba te/ dz+nyA na ba te/ me ru paM ti/ k+Sha ya ni daR+sha ne/ lo ka pra dI pa ni daR+sha ne/ tsa tur+NAM pra ti saM bi dAn/ a d+hi muk+ti pra da pra kA sha na pa da mi dan/ tsak+Shu
222b2 A ba sa ni/ daR+She Ne/ dz+nyA na A lo ka nirdaR+Sha Ne/ pra b+hA sa ni/ sarba in+d+ri ya/ b+hU mi a ti kran+te/ sa pa sa ba/ bA mA na/ sa rba pra tha bA/ k+Sha yang ka re/ sho ka aR+tha bA tsa ne/ lo ka a
222b3 nu daR+Sha Na/ bi b+hU tsa tur+NAM/ rid+d+hi pA dA nAM/ a d+hi muk+ti pa da pra kA sha na da mi dan/ a tsi la bud+d+he/ d+ha b+ha pra tsa le/ sa twe gr-ih+na/ sid+d+hi ka ma pa ni ni/ sid+d+hi sma ti te/ pa ri ka se re/
222b4 sau ma/ tsaN+De/ dAn+te/ a tsa la/ a ma re/ bi tsi ba le/ ne ba re/ pra tsa tsa le/ pra sa re/ a na ya/ a bya se/ karka me/ pra b+ha bi ni/ o me ni dze se/ kra gra me/ na yu te/ in+d+ri u nAM/
222b5 pa la nAM/ a d+hi muk+ti pa da pra kA sha na pa da mi dan/ puSh+pe su puSh+pe/ dru ma pa re ha re/ a b+ha ya ru tsi re/ tsi ka rek+She/ ak+ShA ya ma stu na ni le/ ma ma le/ pany+tsa shi shi re/ lo ka s+ya bi dz+nyA ne/
222b6 na ya sa m-i gra hi te tsa yuk+te/ tshan+de na/ sap+ta nAM/ bo d+h+yAM ga nAM/ a d+hi muk+ti pa da pra kA sha na pa da mi dan/ tsa kra badzre/ mai tre sra ma ma te krAn+te/ kre te/ kA ru Ne/ ru dik+Sha yi/ pri ti rU pek+Sha saM
222b7 ban+ne/ a ra te/ ba ra te/ kha ge kha ge/ a mU le/ mU la sho d+ha ne/ tsa tur+NAM be sha ra d+ya nAM/ a d+hi muk+ti pa da pra kA sha na pa da mi dan/ bar te/ tsa kre/ tsakrA d+ha re/ par tsa kre/ pa re pu re/
223a1 hi le hi le/ d+ha re a rU pa ba te/ hu hu re/ ya thA dzi b+haM gan/ ni ma ba re/ ya tha ag+ne/ ya tha pa ra na tsi ri ti ri sha ya thA/ ba ya ri ri shi/ sat+ya ni r+ha ra/ dza ra ba bi
223a2 la| bIR+Ya ni r+ha ra/ tsu re mA rga ni ra hA ra sa mA d+hi ni r+hA ra/ pra dz+nyA nir+hA ra/ bi muk+ti ni r+hA ra/ bi muk+ti/ bi muk+ti/ dz+nyA na daR+sha na nir+hA ra/ nak+Sha tra nir+hA ra/ tsan+d+ra ni r+hA ra/ sUr+ya nir+hA ra/ pa dA sh+tsa
223a3 tu ruk+ta ta sta thA ga te na/ ang+b+hU ta/ ni rad+b+hU tAM/ saM bud+d+ha ma/ a bud+d+ha ma/ i ha bud+d+ha ma/ ta tra bud+d+ha ma/ ni haM ga ma bu re/ a pha la/ da pha la/ paN Da re/ paN Da re/ tadra lan/ ta lu/
223a4 maM ga la d+ha ri Ni/ pU Da Ni/ saM pra pU Da Ni/ ga ta ga ma ti na rU pa/ nA sha ni/ na sha ban+d+ha ni/ tsi da tsi ni tsid tsi ni/ sa yo d+ha/ hi di da ga ma/ pa re pa ra/ ha na ne/ b+ha ra ma b+ha re/ bin
223a5 de| bi re bi re/ ru Sha re/ sha ra ne/ d+ha ra Ne/ pra bar te/ bar+Na Da ye/ bi dun+du mA/ pa ra khu mA/ brah+ma tsa ri na/ in+d+ra ba ni/ d+hi d+hi rA ya ni/ ma he shwa ra ma la ni/ ma ma su ma/ a la
223a6 mi ni/ e ka ak+Sha ra ni/ pany+tsa ni tsa ra ste/ a b+hi tsaN+Da la pu re/ sarba su re/ a ba ra su ra/ pUr+N+Na ga ti tan/ paN+Di ta na/ a yi na kaN Da/ dzam b+ha me/ gan+d+ha re at+t+ra/ na ha ni ma ka
223a7 ra b+hi ro hi ni/ sid+d+ha man+t+re/ bi lo ka ma tre/ bud+d+ha a d+hiSh+Thi te/ d+hA ra Ni mu khe/ da shA nA mA la nAM a d+hi muk+ti pra kA sha na pa da mi dan/ bcom ldan 'das kyis thams cad mkhyen pa nyid
223b1 kyi rnam pa'i gzungs kyi sgo la 'jug pa 'di gsungs ma thag tu/ de nas de'i mod la stong gsum gyi stong chen po'i 'jig rten gyi khams 'di rnam pa drug tu g.yos te/ g.yos/ rab tu
223b2 g.yos/ kun tu rab tu g.yos so/ /'gul/ rab tu 'gul/ kun tu rab tu 'gul to/ /'khrugs/ rab tu 'khrugs/ kun tu rab tu 'khrugs so/ /chem chem/ rab tu chem chem/
223b3 kun tu rab tu chem chem mo/ /mtho ba dang / dma' ba dang / kun tu rab tu dma' bar yang gyur to/ /gang gi phyir phyogs bcu'i 'jig rten gyi khams gang+gA'i klung bgrang ba las
223b4 yang dag par 'das pa'i bye ma snyed dag snang ba rgya chen pos khyab par gyur pa de lta bu'i snang ba dag kyang byung bar gyur to/ /de'i tshe na ri rab dang / khor yug dang / khor yug chen
223b5 po dag kyang mig lam na mi snang ngo / /phyogs bcu'i 'jig rten gyi khams bgrang la las yang dag par 'das pa dag kyang lag mthil ltar mnyam par kun tu snang ngo / /byang chub
223b6 sems dpa' sems dpa' chen po gang dag phyogs bcu'i 'jig rten gyi khams bgrang ba las yang dag par 'das pa dag na gnas pa de dag dang / gang dag ting nge 'dzin
223b7 dang / gzungs dang bzod pa thob pa de dag kyang thams cad mkhyen pa nyid kyi rnam pa'i gzungs kyi sgo la 'jug pa 'di nyan pa'i phyir de bzhin gshegs pa'i mthus rang rang gi
224a1 sangs rgyas kyi zhing dag nas mi snang bar 'gyur te/ bya rgod kyi phung po'i ri dang / bcom ldan 'das ga la ba der dong ste lhags nas/ bcom ldan 'das kyi
224a2 zhabs la mgo bos phyag btsal te/ byang chub sems dpa'i rnam par 'phrul ba rnam pa tha dad pa sna tshogs pa dag gi bcom ldan 'das la mchod pa byas nas de nyid du
224a3 'khod do/ /lha dang / klu dang / gnod sbyin dang / lha ma yin dang / grul bum dang / sha za bgrang ba las yang dag par 'das pa dag kyang thams cad mkhyen pa nyid kyi rnam pa'i
224a4 gzungs kyi sgo la 'jug pa'i 'di mnyan pa'i phyir bya rgod kyi phung po'i ri ga la ba dang / bcom ldan 'das ga la ba der dong ste/ lhags nas/ bcom ldan 'das kyis zhabs la mgo
224a5 bos phyag btsal te phyogs gcig tu 'khod do/ byang chub sems dpa' sems dpa' chen po gang dag 'dir 'dus pa de dag thams cad kyis sangs rgyas kyi zhing pad+ma dang /
224a6 de bzhin gshegs pa dgra bcom pa yang dag par rdzogs pa'i sangs rgyas pad+ma dam pa byang chub sems pa'i tshogs kyi yongs su bskor ba'ang mthong bar gyur to//
224a7 bcom ldan 'das kyis thams cad mkhyen pa nyid kyi rnam pa'i gzungs kyi sgo la 'jug pa 'di gsungs ma thag tu byang chub sems dpa' sems dpa' chen po gang+gA'i
224b1 klung bdun cu rtsa gnyis kyi bye ma snyed kyis gzungs 'di thob bo/ /gzungs thob pa'i byang chub sems dpa' de dag gis phyogs bcu'i 'jig rten gyi khams bgrang ba las yang dag par
224b2 'das pa de na bzhugs pa'i sangs rgyas bcom ldan 'das rnams kyang mthong bar gyur to/ /sangs rgyas kyi zhing gi yon tan bkod pa thams cad kyang mthong bar gyur te/ de dag ngo mtshar du
224b3 'dzin par gyur nas ting nge 'dzin gyi stobs dang / byang chub sems dpa'i rnam par 'phrul bas sangs rgyas la mchod pa byas te de nyid du 'khod pa dang / bcom ldan 'das kyis de dag
224b4 la 'di skad ces bka' stsal to/ /rigs kyi bu dag /thams cad mkhyen pa nyid kyi rnam pa'i gzungs kyi sgo la 'jug pa 'di bsgom pa'i byang chub sems dpa' sems dpa' chen po ni
224b5 gzungs kyi sgo brgyad khri bzhi stong 'thob bo/ /gzungs kyi sgo bdun khri nyis stong yang 'thob bo/ /ting nge 'dzin gyi sgo drug khri'ang 'thob bo/ /gzungs kyi sgo 'di 'thob I byang chub sems
224b6 dpa' sems chen po ni byams pa chen po 'thob bo/ /snying rje chen po'ang thob ste/ byang chub sems dpa' sems dpa' chen po ni ting nge 'dzin 'di 'ba' zhig thob par bya
224b7 ba'i phyir byang chub kyi phyogs kyi chos sum cu rtsa bdun rtog par byed cing / thams cad mkhyen pa'i ye shes kyang 'thob ste/ 'di ni sangs rgyas kyi chos thams cad yongs su 'dzin pa yin
225a1 no| |sangs rgyas bcom ldan 'das rnams kyis kyang gzungs 'di'i ngo bo nyid thugs su chud nas sems can rnams la chos ston par mdzad cing shin tu myur bar yongs
225a2 su mya ngan las 'da' bar yang mi mdzad do/ /rigs kyi bu/ thams cad mkhyen pa nyid kyi rnam pa'i gzungs kyi sgo la 'jug pa 'di'i gzungs kyi mthus sa chen po 'di rab tu g.yos shing
225a3 snang ba byung bar gyur ba dang / snang ba des sangs rgyas kyi zhing mtha' yas mu med pa dag snang ba rgya chen pos khyab par gyur pa dang / snang ba des kyang byang chub sems dpa' mtha' yas
225a4 mu med pa de dag thams cad mkhyen pa nyid kyi rnam pa'i gzungs kyi sgo la 'jug pa 'di mnyan pa'i phyir sangs rgyas kyi zhing mtha' yas mu med pa dag nas kun nas 'dir lhags pa la
225a5 ltos// //bam po gnyis pa/ 'jig rten gyi khams mi mjed 'di na 'dod pa na spyod pa dang / gzugs na spyod pa'i lha dang / klu dang / gnod sbyin dang / lha ma yin dang / mi dang / mi ma yin pa mtha'
225a6 yas pa mu med pa gang dag thams cad mkhyen pa nyid kyi rnam pa'i gzungs kyi sgo la 'jug pa 'di nyan par byed pa de dag ni thams cad mkhyen pa nyid kyi rnam pa'i gzungs kyi sgo la
225a7 'jug pa 'di thos ma thag tu bla na med pa yang dag par rdzogs pa'i byang chub las phyir mi ldog go/ /yi ger 'dri bar byed na'ang sangs rgyas la lta ba dang / chos nyan pa dang / dge
225b1 'dun la bsnyen bkur byed pa dang / bla na med pa'i yongs su mya ngan las 'da' ba'i bar dang mi 'bral lo/ /thams cad mkhyen pa nyid kyi rnam pa'i gzungs kyi sgo la 'jug pa 'di kha ton tu byed
225b2 pa'i byang chub sems dpa' ni las dang po rnams ma lus par zad par byed cing tsho brjes nas kyang sa dang po gnon par byed do/ /byang chub sems dpa' sems dpa' chen po thams cad
225b3 mkhyen pa nyid kyi rnam pa'i gzungs kyi sgo la 'jug pa 'di sgom par byed na/ gal te byang chub sems dpa' de la mtshams med pa lnga'i las byas shing bsags pa zhig yod na'ang de'i
225b4 las de dag yongs su zad cing gang gi phyir tshe brjes na'ang sa dang po gnon par byed do/ /gang la mtshams med pa'i las rnams med pa de ni tshe 'di nyid la las gzhan thams cad ma
225b5 lus par zad cing tshe ba rjes nas kyang sa dang po gnon par byed do/ /gang sgom par mi byed/ /kha ton tu mi byed kyang nyan cing chos smra ba la dar gyis 'ching ba byed na de la 'jig rten gyi
225b6 khams gzhan dag na bzhugs pa'i sangs rgyas bcom ldan 'das gang+gA'i klung gi bye ma snyed dag bzhugs te 'tsho zhing gzhes rnams kyi kyang legs so zhes bya ba sbyin par 'gyur
225b7 zhing / sangs rgyas bcom ldan 'das de dag gis bla na med pa yang dag par rdzogs pa'i byang chub tu lung ston te/ byang chub sems dpa' de ni der yongs su btang bas ring por mig
226a1 thogs par rgyal tshab tu dbang bskur zhing / bla na med pa yang dag par rdzogs pa'i byang chub tu skye ba gcig gis thogs par 'gyur ro/ /de bzhin du gang la
226a2 la chos smra ba la spos kyis mchod pa byed na de'ang ring po mi thogs par bla na med pa yang dag par rdzogs pa'i byang chub kyi spos 'thob bo/ /chos smra ba la me tog gis mchod pa byed
226a3 na bla na med pa ye shes kyi me tog dag 'thob bo/ /chos smra ba la 'bras chan dang / bza' ba dang / btung ba dag byin na de bzhin gshegs pa'i zas bla na med pa 'thob par
226a4 'gyur ro/ /byang chub sems dpa' chos smra ba la gos kyis bkab na de bzhin gshegs pa'i sku mdog bla na med pa 'thob bo/ /gang zhig chos smra ba la rin po che dag gis 'gengs
226a5 par byed na de'ang ring po mi thogs par byang chub kyi phyogs sum cu rtsa bdun gyi chos rin po che rnams 'thob ste/ rigs kyi bu/ byang chub sems dpa' sems dpa' chen po rnams
226a6 kyi thams cad mkhyen pa nyid kyi rnam pa'i gzungs kyi sgo la 'jug pa de ni de ltar don che ba yin no/ /de ci'i phyir zhe na/ 'di ltar byang chub sems dpa'i sde snod thams cad der
226a7 bstan pas na thams cad mkhyen pa nyid kyi rnam pa'i gzungs kyi sgo la 'jug pa 'dis byang chub sems dpa' sems dpa' chen po thogs pa med pa'i spobs pa 'thob cing yid
226b1 du 'ong ba'i chos bzhi'ang 'thob par byed pa'i phyir ro/ /rigs kyi bu/ gang gi tshe de bzhin gshegs pa dgra bcom pa yang dag par rdzogs pa'i sangs rgyas zla ba dam pas byang chub sems
226b2 dpa' sems dpa' chen po nam mkha'i phyag rgya la thams cad mkhyen pa nyid kyi rnam pa'i gzungs kyi sgo la 'jug pa de dag gis gtams pa de nyid kyi tshe'ang de bzhin du sa g.yos par
226b3 gyur cing / 'jig rten du snang ba chen po'ang byung bar gyur te/ phyogs bcu'i sangs rgyas kyi zhing bgrang ba las yang dag par 'das pa dag kyang snang ba rgya chen pos khyab par gyur to/ /de
226b4 bzhin du sa phyogs mi mnyam pa dag kyang lag mthil ltar mnyam par snang ngo / /der byang chub sems dpa' sems dpa' chen po gang dag 'dus pa de dag gis kyang phyogs bcu'i
226b5 sangs rgyas kyi zhing bgrang ba las yang dag par 'das pa dag gi sangs rgyas bcom ldan 'das rnams mthong bar gyur to/ /de bzhin du phyogs bcu'i sangs rgyas kyi zhing bgrang ba las
226b6 yang dag par 'das pa dag nas byang chub sems dpa' bgrang ba las yang dag par 'das pa dag kyang de bzhin gshegs pa dgra bcom pa yang dag par rdzogs pa'i sangs rgyas zla
226b7 ba dam pa la phyag bya ba dang / bsnyen bkur bya ba dang / thams cad mkhyen pa nyid kyi rnam pa'i gzungs kyi sgo la 'jug pa 'di nyid kyang mnyan pa'i phyir 'jig rten gyi khams tsan+dan du
227a1 lhags so/ /rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas zla ba dam pas byang chub sems dpa' sems dpa' chen po
227a2 rnams la bka' stsal pa/ rigs kyi bu dag/ ngas mngon par shes te/ gang dag skye ba gcig gis thogs pa'i byang chub sems dpa' 'di dag ni 'gog pa la mnyam par bzhag pa'i
227a3 sems kyis bar gyi bskal pa bcu po 'di dag 'da' bar byed do/ /byang chub sems dpa' sems dpa' chen po lhag ma rnams kyis ni bar gyi bskal pa bcu po 'di dag la/ byang chub
227a4 sems dpa' sems dpa' chen po nam mkha'i phyag rgya 'di las thams cad mkhyen pa nyid kyi rnam pa'i gzungs kyi sgo la 'jug pa zhes bya ba byang chub sems dpa'i sde snod kyi chos 'di
227a5 nyid thos par gyur cing / bar gyi bskal pa bcu po 'di dag la chos rnams thos nas kyang phyogs bcu'i sangs rgyas kyi zhing bgrang ba las yang dag par 'das pa de dag na/ sangs rgyas bcom
227a6 ldan 'das bgrang ba las yang dag par 'das pa dag bzhugs te 'tsho zhing gzhes la/ de dag sems mngon par rab tu dang bar byas te sems rab tu dang pa'i rgyu des dge ba'i rtsa ba
227a7 bskyed par gyur nas/ byang chub sems dpa'i rnam par 'phrul pa rnam pa sna tshogs dag gis de bzhin gshegs pa dgra bcom pa yang dag par rdzogs pa'i sangs rgyas zla ba dam pa la
227b1 mchod pa byas nas/ bcom ldan 'das la 'di skad du/ btsun pa bcom ldan 'das/ bar gyi bskal pa bcu po 'di dag 'das nas byang chub sems dpa' sems dpa' chen po nam mkha'i phyag rgya 'di
227b2 chos dang ldan pa'i chos kyi 'khor lo bla na med pa bskor bar 'gyur lags sam zhes gsol pa dang / bka' stsal pa/ rigs kyi bu dag/ /de de bzhin no/ /de de bzhin te/ bar gyi bskal pa bcu po
227b3 'di dag 'das nas byang chub sems dpa' sems dpa' chen po nam mkha'i phyag rgya bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de gang gi
227b4 nub mo bla na med pa yang dag par rdzogs pa'i byang chub mngon par rdzogs par 'tshang rgya bar 'gyur pa de nyid kyi nub mo 'das nas chos dang ldan pa'i chos kyi 'khor lo bskor bar 'gyur zhing / der
227b5 byang chub sems dpa' rnams la bar gyi bskal pa bcur thams cad mkhyen pa nyid kyi rnam pa'i gzungs kyi sgo la 'jug pa 'di nyid ston par 'gyur ro/ /de na byang chub sems dpa' sems
227b6 dpa' chen po gang dag de la chos nyan par 'gyur ba de dag ni chos de thos pas dge ba'i rtsa ba dag bskyed nas/ gang gi tshe byang chub sems dpa' nam mkha'i phyag rgya bla na med pa yang dag
227b7 par rdzogs pa'i byang chub mngon par rdzogs par 'tshang rgya bar 'gyur zhing / des byang chub tu mngon par rdzogs par sangs rgyas nas chos dang ldan pa'i chos kyi 'khor lo/ rab mchog gi
228a1 'khor lo/ phyir mi ldog pa'i 'khor lo bskor te/ byang chub sems dpa' bye ba khrag khrig 'bum phrag mang po rnams phyir mi ldog pa la bkod cing / der bar
228a2 gyi bskal pa bcur thams cad mkhyen pa nyid kyi rnam pa'i gzungs kyi sgo la 'jug pa'i chos 'di ston pa na byang chub sems dpa' de dag de las nyan par 'gyur te/ de'i tshe de dag gis
228a3 chos thos nas skye ba gcig gis thogs par 'gyur ro/ /gang dag bskal par nyan par 'gyur ba'i byang chub sems dpa' de dag ni de'i tshe nas las yang dag par 'da' bar 'gyur
228a4 zhing / bla na med pa yang dag par rdzogs pa'i byang chub las phyir mi ldog par 'gyur te de nyid kyi tshe na gzungs 'di'ang mthar thug pa thob par 'gyur ro/ /de bzhin gshegs pa dgra
228a5 bcom pa yang dag par rdzogs pa'i sangs rgyas zla ba dam pas byang chub sems dpa' sems dpa' chen po rnams la de skad ces bka' stsal te/ sangs rgyas kyi yul gyi cho 'phrul
228a6 sna tshogs dag yang dag par bstan nas byang chub sems dpa' sems dpa' chen po nam mkha'i phyag rgya la ting nge 'dzin sred med kyi bu zhes bya ba bstan te/ lus rdo rje lta bur
228a7 byin gyis rlob par mdzad pa dang / ting nge 'dzin 'od bkod pa zhes bya ba nges par ston cing / der bar gyi bskal pa bcur byang chub sems dpa' rnams la thams cad mkhyen pa
228b1 nyid kyi rnam pa'i gzungs kyi sgo la 'jug pa'i chos bstan pa 'dis chos kyi 'khor lo bskor te/ sangs rgyas kyi zhing thams cad du sangs rgyas kyi sku mtshan dang dpe byad bzang pos brgyan pa dag
228b2 gsal zhing snang bar byed pa dang / ting nge 'dzin rdo rje'i dkyil 'khor zhes bya ba nges par ston cing / des byang chub kyi gdan la chos kyi 'khor lo shin tu bskor te byang chub sems dpa' rnams
228b3 la chos ston par byed pa dang / ting nge 'dzin 'khor lo'i phreng ba zhes bya ba nges par ston cing / de chos kyi 'khor lo bskor ba na srog chags bye ba khrag khrig 'bum phrag mang po rnams
228b4 kyang chos kyi 'khor lo bskor bar 'gyur ba'i phyir phyir mi ldog pa nyid la 'god par rig nas byang chub sems dpa' sems dpa' chen po nam mkha'i phyag rgya dang / byang chub sems
228b5 dpa'i dge 'dun dpag tu med pa dag gis bcom ldan 'das la mchod pa byas nas/ rang rang gi khang pa brtsegs pa dag tu zhugs te 'dug go/ de bzhin gshegs pa dgra
228b6 bcom pa yang dag par rdzogs pa'i sangs rgyas zla ba dam pa'ang de nyid kyi nub mo phung po'i lhag ma med pa'i mya ngan las 'das pa'i dbyings su yongs su mya ngan las 'das so/ /byang
228b7 chub sems dpa' de dag kyang de nyid kyi mtshan mo 'das nas/ bcom ldan 'das de'i sku gdung la mchod pa byas te/ rang rang gi khang pa brtsegs pa dag tu zhugs par gyur to/ /byang
229a1 chub sems dpa' gzhan dag ni rang rang gi sangs rgyas kyi zhing du dong ngo / /de na gang dag skye ba gcig gis thogs pa'i byang chub sems dpa' de dag ni 'gog
229a2 pa la snyoms par zhugs pa nyid kyis bar gyi bskal pa bcu po de dag 'da' bar byed do/ /byang chub sems dpa' sems dpa' chen po nam mkha'i phyag rgya ni byang chub sems dpa' sems
229a3 dpa' chen po rnams las brtsams te chos ston par byed cing / byang chub sems dpa' sems dpa' chen po de dag gis kyang bar gyi bskal pa bcur dge ba'i rtsa ba dag bskyed par
229a4 'gyur te/ mdang bla na med pa yang dag par rdzogs pa'i byang chub mngon par rdzogs par sangs rgyas nas/ des da nang chos kyi 'khor lo bskor te cho 'phrul chen po bstan nas/ srog
229a5 chags bye ba khrag khrig 'bum phrag du ma dag bla na med pa yang dag par rdzogs pa'i byang chub la rab tu bkod do/ /thams cad mkhyen pa nyid kyi rnam pa'i gzungs kyi sgo la 'jug pa 'di
229a6 bshad pa na byang chub sems dpa' khrag khrig sa ya phrag brgyad kyis mi skye ba'i chos la bzod pa thob par gyur to/ /srog chags dung phyur phrag dgu dang bye ba phrag gnyis ni bla na med
229a7 pa yang dag par rdzogs pa'i byang chub las phyir mi ldog pa la bkod do/ /byang chub sems dpa' khrag khrig phrag bdun cu rtsa gnyis kyis ni thams cad mkhyen pa nyid kyi rnam pa'i
229b1 gzungs kyi sgo la 'jug pa'i gzungs 'di thob bo/ /lha dang mi bgrang ba las yang dag par 'das pa rnams kyis de bla na med pa yang dag par rdzogs pa'i byang chub tu sems bskyed do/ /de nas
229b2 bcom ldan 'das la byang chub sems dpa' sems dpa' chen po rin po che rnam par snang byed kyis 'di skad ces gsol to/ /btsun pa bcom ldan 'das/ byang chub sems dpa' sems
229b3 dpa' chen po chos du dang ldan na gzungs 'di 'thob lags/ bcom ldan 'das kyis bka' stsal pa/ rigs kyi bu/ byang chub sems dpa' sems dpa' chen po chos bzhi dang ldan na
229b4 gzungs 'di 'thob ste/ bzhi gang zhe na/ 'di la byang chub sems dpa' sems dpa' chen po 'phags pa'i rigs bzhi la legs par gnas pa yin te/ bzhi gang zhe na/ 'di la byang
229b5 chub sems dpa' sems dpa' chen po gos ngan ngon tsam gyis dga' zhing chog shes la/ gos ngan ngon tsam gyis chog shes pa'i bsngags pa'ang brjod par byed cing / de gos kyi phyir tshul
229b6 dang mi mthun par mi byed la/ gos ma rnyed na'ang yongs su gdung ba med cing / gos rnyed na'ang chags pa med pa dang / zhen pa med pa dang / 'khren pa med pa dang / mdud pa por ba med pa dang /
229b7 brgyal ba med pa dang / lhag par chags pa med pa dang / lhag par chags par gyur pa med par yongs su spyod par byed cing / nyes dmigs su lta la nges par 'byung bar rab tu shes
230a1 shing yongs su spyod par byed pa ste/ de ni byang chub sems dpa' sems dpa' chen po 'phags pa'i rigs la legs par gnas pa dang po yin no/ /gos la ji
230a2 lta ba bzhin du bsod snyoms dang / mal cha dang / stan la'ang de bzhin no/ /gzhan yang byang chub sems dpa' sems dpa' chen po na ba'i gsos sman dang / yo byad ngan ngon ca
230a3 tsam gyis dga' zhing chog shes la/ na ba'i gsos sman dang / yo byad ngan ngon tsam gyis chog shes pa'i bsngags pa'ang rjod par byed cing de na ba'i gsos sman dang / yo byad
230a4 kyi phyir tshul dang mi mthun pa 'tshol bar mi byed la/ de na ba'i gsos sman dang / yo byad ma rnyed na'ang yongs su gdung ba med cing rnyed na'ang chags pa med pa dang / zhen pa med
230a5 pa dang / 'khren pa med pa dang / mdud pa bor ba med pa dang / brgyal ba med pa dang / lhag par chags pa med pa dang / lhag par chags par gyur pa med par yongs su spyod par
230a6 byed cing / nyes dmigs su lta ba la nges par 'byung ba rab tu shes shing yongs su spyod par byed pa ste/ 'phags pa'i rigs bzhi po de dag la legs par gnas shing /
230a7 chos bzhi po de dag dang ldan pa'i byang chub sems dpa' sems dpa' chen po ni gzungs 'di thob cing sgom par byed pa yin no/ /gzhan yang byang chub sems dpa' sems
230b1 dpa' chen po chos lnga dang ldan na thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di 'thob ste/ lnga gang zhe na/ 'di la byang chub sems dpa' sems dpa' chen po
230b2 dag kyang tshul khrims dang ldan par gnas pa dang / so so thar ba'i sdom pas bsdams pa dang / cho ga dang spyod yul phun sum tshogs pa dang / kha na ma tho ba phra rab tsam dag la'ang 'jigs par
230b3 lta ba dang / bslab pa'i gzhi rnams yang dag par blangs shing slob par byed la/ gzhan tshul khrims dang bral pa dag mthong na'ang tshul khrims phun sum tshogs pa yang dag par 'dzin du
230b4 'jug la 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos dang po de dag ldan pa dang / gzhan yang byang chub sems dpa' sems dpa'
230b5 chen pos sems can lta ba la zhen par gyur pa rnams log par lta ba las rnam par bslang zhing / yang dag pa'i lta ba yang dag par 'dzin du 'jug la 'dul zhing 'dzud la rab tu 'god par
230b6 byed pa ste/ byang chub sems dpa' sems dpa' chen po chos gnyis pa de dang ldan pa dang / gzhan yang byang chub sems dpa' sems dpa' chen pos sems can cho ga ma yin pa la
230b7 zhen par gyur pa rnams yang dag pa'i cho ga yang dag par 'dzin du 'jug la/ 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos gsum
231a1 pa de dang ldan pa dang / gzhan yang byang chub sems dpa' sems dpa' chen pos sems can bsam pa nyams par gyur pa rnams bsam pa phun sum tshogs pa
231a2 yang dag par 'dzin du 'jug la/ 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos bzhi po de dang ldan pa dang / gzhan yang byang
231a3 chub sems dpa' sems dpa' chen pos sems can nyan thos dang / rang sangs rgyas kyi theg pa la yang dag par zhugs pa rnams bla na med pa yang dag par rdzogs pa'i byang chub yang
231a4 dag par 'dzin du 'jug la 'dul zhing 'dzud la rab tu 'god par byed pa ste/ byang chub sems dpa' sems dpa' chen po chos lnga po de dag dang ldan pa ste/ chos lnga po de dag dang
231a5 ldan pa'i byang chub sems dpa' sems dpa' chen pos ni gzungs 'di 'thob bo/ /gzhan yang byang chub sems dpa' sems dpa' chen po chos drug dang ldan na gzungs 'di
231a6 'thob ste/ drug gang zhe na/ 'di la byang chub sems dpa' sems dpa' chen po bdag nyid kyang thos pa mang ba dang / thos pa 'dzin pa dang / thos pa bsags pa yin pas des chos
231a7 tshangs par spyod pa thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba gang
231b1 yin pa de mngon par brjod pas mngon par brjod cing / de de lta bu'i chos mang po dag thos nas bzung ste/ kha ton yongs su byang ba dang / yid kyis brtags pa dang / mthong bas shin tu rtogs
231b2 par byas shing / de de ltar mang du thos par gyur pa na thos pa nyung ba'i sems can gzhan dag mang du thos pa yang dag par 'dzin du 'jug la 'dul zhing 'dzud la rab tu 'god par byed pa ste/
231b3 chos dang po de dang ldan pa dang / gzhan yang byang chub sems dpa' phrag dog dang / ser sna med cing phrag dog dang / ser snas zil gyis non pa'i sems can gzhan dag kyang phrag dog med pa
231b4 dang / gtong ba phun sum tshogs pa yang dag par 'dzin du 'jug la rab tu 'god par byed pa'i bar du ste/ byang chub sems dpa' sems dpa' chen po chos gnyis pa de dang ldan pa dang /
231b5 gzhan yang byang chub sems dpa' sems dpa' chen po sems can rnams la 'tshe bar mi byed cing mi 'jigs pa rab tu sbyin par byed la/ gnod pa sna tshogs gnod par gyur pa'i sems
231b6 can rnams gnod pa dag las yongs su thar bar byed pa'i rang bzhin can yin pa dang / tshul 'chos pa med cing kha gsag med pa dang / sgyu med cing g.yo med pa dang / stong pa nyid kyis
231b7 lan mang du gnas par byed pa ste/ chos drug po de dag dang ldan pa'i byang chub sems dpa' sems dpa' chen po ni thams cad mkhyen pa nyid kyi rnam pa'i gzungs kyi sgo la 'jug pa'i
232a1 gzungs 'di 'thob bo/ /byang chub sems dpa' sems dpa' chen po chos de lta bu dag dang ldan pas lo bdun du 'gro lding ba'i gsang sngags gzhi 'di dag
232a2 thams cad la nyin gcig cing lan gsum gsum yan lag lngas mdo dang rgyas par phyag byas shing / lus su gtogs pa'i dran pa nye bar bzhag pa ste/ stong pa nyid la gnas
232a3 pas 'gro lding ba'i gsang sngags kyi gzhi 'di brjod par bgyi'o/ /langs nas kyang phyogs bcu kun nas bzhugs te 'tsho zhing gzhes pa'i sangs rgyas bcom ldan 'das rnams
232a4 dran par byed pa dang / rtag tu sangs rgyas rjes su dran pa bsgom pa'i byang chub sems dpa' sems dpa' chen po ni lo bdun 'das nas thams cad mkhyen pa nyid kyi rnam pa'i
232a5 gzungs kyi sgo la 'jug pa'i gzungs 'di 'thob bo/ /gzungs 'di 'thob pa'i byang chub sems dpa' sems dpa' chen po ni shes rab kyi mig gang gis phyogs bcu'i
232a6 sangs rgyas kyi zhing gang+gA'i klung gi bye ma snyed dag na sangs rgyas bcom ldan 'das gang dag bzhugs te 'tsho zhing gzhes la cho 'phrul chen po rnam par ston par mdzad pa thams
232a7 cad kyang mthong bar 'gyur ba de lta bu'i 'phags pa'i shes rab kyi mig kyang 'thob cing / sangs rgyas bcom ldan 'das de dag gi 'dzum pa rnam par bstan pa dag kyang mthong nas/
232b1 gzungs kyi sgo brgyad khri bzhi stong yang 'thob bo/ /ting nge 'dzin gyi sgo bdun khri nyis stong yang 'thob bo/ /chos kyi sgo drug khri'ang 'thob ste/ thams cad mkhyen pa nyid kyi rnam pa'i gzungs kyi sgo la
232b2 'jug pa'i gzungs 'di la gnas pa'i byang chub sems dpa' sems dpa' chen po ni byams pa chen po'ang 'thob bo/ /snying rje chen po'ang 'thob bo/ /byang chub sems dpa' gang gis
232b3 gzungs 'di 'thob par gyur pa des gal te mtshams med pa lnga'i las zhig spyad par gyur na'ang de'i tshe phyi ma la yongs su zad par gyur te/ tshe gsum gyis las de dag ma lus par zad
232b4 par 'gyur zhing sa bcu pa'ang gnon par byed do/ /byang chub sems dpa' des mtshams med pa'i las dag ma byas na'ang de'i las gzhan thams cad yongs su zad par 'gyur zhing / tshe
232b5 brjes nas kyang sa bcu pa gnon par byed de/ ring po mi thogs par byang chub kyi phyogs kyi chos sum cu rtsa bdun po 'di dag kyang 'thob la thams cad mkhyen pa nyid kyi ye shes kyang 'thob par
232b6 'gyur ro/ /rigs kyi bu/ de ltar na thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di ni byang chub sems dpa' sems dpa' chen po rnams kyi gces spras
232b7 byed pa yin te/ byang chub sems dpa' sems dpa' chen pos rtag tu rgyun mi 'chad par sangs rgyas bcom ldan 'das rnams kyi 'dzum pa rnam par bstan pa'i cho 'phrul mthong na/ gang gis 'jig
233a1 rten gyi khams gang+gA'i klung gi bye ma snyed dag tu sangs rgyas bcom ldan 'das gang+gA'i klung gi bye ma snyed dag la mchod pa byas la/ sangs rgyas bcom ldan 'das de dag gi
233a2 chos nyan cing / ting nge 'dzin dang / gzungs dang / bzod pa thob nas sangs rgyas kyi zhing 'di nyid du phyir 'ong bar 'gyur ba de lta bu'i rdzu 'phrul gyi yul dang yang ldan par 'gyur ro/ /rigs kyi
233a3 bu| byang chub sems dpa' sems dpa' chen po rnams kyi thams cad mkhyen pa nyid kyi rnam pa'i gzungs kyi sgo la 'jug pa 'di ni las yongs su zad par byed pa dang / dag pa mngon par
233a4 'phel bar byed pas na don che ba yin no/ /rigs kyi bu/ gang dag gis thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di dang / bcom ldan 'das de bzhin
233a5 gshegs pa zla ba dam pa de'i mtshan thos pa de dag ni las kyi sgrib pa thams cad yongs su zad par 'gyur zhing / bla na med pa yang dag par rdzogs pa'i byang chub tu'ang nges par 'gyur
233a6 ro| |de nas byang chub sems dpa' kha cig gis 'di skad ces gsol to/ /btsun pa bcom ldan 'das/ bdag cag gis ni 'das pa'i sangs rgyas bcom ldan 'das bzhugs te 'tsho
233a7 zhing gzhes pa gang+gA'i klung gi bye ma snyed dag las gzungs 'di thos shing thob lags so/ /kha cig gis ni 'di skad ces bdag cag gis ni gang+gA'i klung gnyis kyi bye ma snyed las so
233b1 zhes gsol to/ /kha cig gis ni gsum snyed las so zhes/ kha cig gis ni bzhi snyed las so zhes/ kha cig gis ni lnga snyed las so zhes/ kha cig gis ni drug snyed las so zhes/ kha cig gis ni
233b2 bdun snyed las so zhes/ kha cig gis ni brgyad snyed las so zhes gsol to/ /kha cig gis ni 'di skad du bdag cag gis ni 'das pa'i yang dag par rdzogs pa'i sangs rgyas bzhugs te 'tsho
233b3 zhing gzhes pa gang+gA'i klung dgu'i bye ma snyed dag las thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di thos shing rnam pa thams cad du thob lags so zhes
233b4 gsol to/ /byang chub sems dpa' sems dpa' chen po byams pas gsol pa/ bdag gis ni bskal pa gang+gA'i klung bcu'i bye ma snyed 'das pa na bskal pa chen po kun nas sgrol ba zhes bgyi ba
233b5 zhig byung ste/ de na sangs rgyas kyi zhing rgyan thams cad kyis brgyan pa zhes bgyi bar gyur pa der sangs rgyas sA la'i dbang po'i rgyal po zhes bgyi ba rig pa dang zhabs su ldan pa/ bde bar gshegs
233b6 pa| 'jig rten mkhyen pa/ skyes bu 'dul zhing kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das dge slong bye ba khrag khrig 'bum phrag mtha' yas pa'i dge
233b7 'dun gyis yongs su bskor cing / de bzhin du byang chub sems dpa' bgrang pa las yang dag par 'das pa zhig gis yongs su bskor ba bzhig byung bas thams cad mkhyen pa nyid kyi rnam pa'i
234a1 gzungs kyi sgo la 'jug pa'i gzungs 'di nyid bshad par gyur pa na/ de las gzungs 'di thos nas bdag gis bsgom pa yongs su rdzogs par bgyis shing
234a2 rtogs par bgyis lags so/ /de bzhin du bskal pa tshad ma mchis pa'i yang ches tshad ma mchis pa/ grangs ma mchis pa'i yang ches grangs ma mchis pa dag la 'das pa'i yang dag
234a3 par rdzogs pa'i sangs rgyas bzhugs te 'tsho zhing gzhes pa'i sangs rgyas bcom ldan 'das de dag la byang chub sems dpa'i rnam par 'phrul pa grangs ma mchis pa dag gis mchod
234a4 par bgyis nas/ sangs rgyas re re las kyang dge ba'i rtsa ba tshad ma mchis pa dang / grangs ma mchis pa dang / gzhal du ma mchis pa dang / dpag tu ma mchis pa dag bsrungs shing
234a5 bsod nams kyi phung po yongs su bzung ste/ dge ba'i rtsa ba des bdag sangs rgyas stong phrag mang po dag gis lung bstan kyang / bdag ni smon lam gyi khyad par gyis dus la lta zhing 'di ltar yun
234a6 ring por 'khor ba na 'khor bar gyur te/ de'i skad du bdag 'khor ba na 'khor zhing / sngar bla na med pa yang dag par rdzogs pa'i byang chub mngon par rdzogs par sangs ma rgyas lags te/
234a7 da ni bcom ldan 'das kyis bla na med pa yang dag par rdzogs pa'i byang chub kyi rgyal tshab tu dbang bskur nas/ bdag gi shes rab kyi mgo la rnam par grol ba'i cod pan bcings lags
234b1 so| |de nas bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa/ de de bzhin te/ khyod kyis ni de bzhin gshegs pa
234b2 dgra bcom pa yang dag par rdzogs pa'i sangs rgyas sA la'i dbang po'i rgyal po las thams cad mkhyen pa nyid kyi rnam pa'i gzungs kyi sgo la 'jug pa'i gzungs 'di thob par gyur to/ /
234b3 byams pa khyod ni re ba ji lta ba bzhin yongs su rdzogs pa yin pas/ byams pa khyod ni 'dod na bskal pa bcu'i bar gyis bla na med pa yang dag par rdzogs pa'i byang chub mngon par
234b4 rdzogs par 'tshang rgya bar 'gyur zhing / byams pa khyod kyis ni myur ba nyid du bla na med pa ye shes kyi phung po'i lhag ma med pa'i mya ngan 'das pa'i dbyings su 'jug par yang nus mod
234b5 kyi| byams pa khyod 'di srid du 'khor ba la mngon par dga' bar gyur pa de dag thams cad ni smon lam gyi dbang gis dus la lta ba yin no/ /byams pa/ de'i phyir khyod kyis da ltar nga
234b6 las rgyal tshab yongs su blangs pa yin te/ khyod kyis ni 'das pa'i de bzhin gshegs pa rnams las kyang rgyal tshab yongs su blangs so/ /de nas bcom ldan 'das kyis thams cad
234b7 dang ldan pa'i 'khor la gzigs te/ byang chub sems dpa'i 'khor dang / dge slong dang / dge slong ma dang / dge bsnyen dang / dge bsnyen ma'i 'khor dang / lha dang / klu dang / gnod sbyin
235a1 dang / srin po dang / dri za dang / mi dang / mi ma yin pa rnams la rnam par gzigs nas/ de'i tshe gsang sngags kyi gzhi 'di dag bka' stsal to/ /dAn+ta b+hA mi/ da
235a2 ma tha b+hA mi/ smr-i ti b+hU mi/ pradz+nyA b+hU mi/ bai sha rat+t+ya b+hU mi/ pra tis ma bid+b+hU mi/ a nu k+She pa b+hU mi/ sa ma tA pa rI k+She pa u be k+She b+hU mi/ dza te k+She ya b+hU mi/ ma muM dza/ min dza/ bin bu dza/ ma la na
235a3 mu dza/ bi sha kra/ da sha ba te/ be sha ta/ te ra Na/ bai sha lA kra/ sha mu sha ba ta/ bi ma ti/ yo pa ra hi ta/ ra ga ma ta/ ba shi sang kra ma/ a ti tso ra ba te/ me khe mu dra/ da ha
235a4 ra ba te/ pradz+nyA a ga tA bud+d+he/ da ha kra ma ti/ sa do Sha ban+d+ha/ ba la ya ti la ya/ a hu ka Ta/ a mun+d+ha man/ arta ba ti/ mu ru ba ti/ ti hI nad bi d+ha/ a gan+d+ha na/ pa ka na te/ sa ma
235a5 ke| bi sa b+ha Te/ i Te/ i Ta ba le/ a T+Ta/ ta t+t+ra/ ku ru Sha Na/ ba la Sha Na/ la ta tha/ ru tha/ sarba na ta/ sarba ta ba/ a ni rud+d+ha/ i da sha ri hi pha la/ ba hu pha la/ satwa pha
235a6 la| shi Sh+Ta pa te/ bcom ldan 'das kyis lha rnams la'ang rten cing 'brel par 'byung ba dang ldan pa'i mos pa'i tshig rnams bshad de/ de dag bshad pa na lha khrag khrig phrag
235a7 drug cus bden pa mthong bar gyur to/ /tad pha lan/ a gra pha lan/ la la hu/ a la hu/ a la hu/ ni lang ha re/ ba na ta khya/ i da na pha la na/ ni yA ma pha la na/ na mu da ya/
235b1 b+hi b+hA kha/ pradz+nyA tsakra su ni r-i pra ti tsakra/ mos pa'i tshig de dag gis lha dung phyur gyis bla na med pa yang dag par rdzogs pa'i byang chub tu sems bskyed nas de nyid du phyir mi
235b2 ldog par gyur to/ /pha sh+ye/ so ma to/ a nu ma to/ a ku ma ti/ tshe da ba ke/ man+t+ra s+tha/ da sha ba la/ bi pra ba s+tha/ i sha s+thi ta/ a ti ma ti/ tIk+Sh+Na ma ti/ A lo ke/ ste ri tuSh+Na/ mos
235b3 pa'i tshig de dag gis klu drug khri bzhi stong gis bla na med pa yang dag par rdzogs pa'i byang chub tu sems bskyed nas de nyid du phyir mi ldog par gyur to/ /a pra b+ha/ sa ma dan/ a
235b4 ha da d+yo/ b+ha ga bad d+yo/ kA ru N+ya ak+Sha/ sid+d+ha ma ti sa man tAk+Sho/ a la ba le/ si ta ka ro/ ma hA ba le/ o dze ha ro/ d+ha ra ne/ bing ge lak+Sha/ u dA k+Sha/ ku gak+ShaH bi ro d+ho/ bi rU pa
235b5 mu Sha/ ak+Shi hasta/ shag ti ba lan/ a su ro bi nAM/ a su ro bi nAM/ a su ro pra mar di te/ mos pa'i tshig de dag gis gnod sbyin dung phyur phrag gnyis dang bye ba phrag gnyis
235b6 kyis bla na med pa yang dag par rdzogs pa'i byang chub tu sems bskyed nas/ de nyid du phyir mi ldog par gyur to/ /a tsi pha li le/ ti ni da tshe/ san di da tshe/ ga ti ne na/ ka me
235b7 ma| na ma ste/ u bai ra be/ mu da me/ ma da me/ ma ti me/ sa ni he/ shU re/ d+hA ra nI ya/ san tra/ sa nA ga/ sa yak+Sha/ a su ra/ de ba/ nA gA/ ni rug ti pa ri
236a1 ba ra/ ni ru ga ti la b+hi/ smr-i ti/ pradz+nyA pa ri ba ra ma ti/ pra ti la b+hi/ ga ti d+h+r-i ti/ pa ri bA ra/ ga ti d+h+r-i ti/ pra ti la b+hi/ bUrba ke Shu/ tsi r-i ta ban+d+haH a b+hi s+thA ma ban+d+haH shU ra
236a2 ban+d+haH tsi ra bIr+ya ban+d+ha/ bi tA ba ti/ b+ha sa ge/ mArga mu mre/ dr-i sha ba ka ri Sha Ni/ k+Sha ma ra hu/ o ha ra No/ de ba rA dza tu/ su ra mu dra/ yak+Sha sa mu dra/ rak+Sha sa mu dra/ be di be di me tab be/
236a3 tad tab pe/ uSh+Na na me/ pra khad t+ye/ na na be/ d+hA ri NI ya/ A b+hi Sha/ di sha sho d+ha ni/ bAkya shud+d+he/ dzi hwa shud+d+he/ bA tsI ba ri karma/ pradz+nyA/ bud+d+hi/ smr-i ti/ ma ti/ ga ti/ d+h+r-i tri/ ga Na na/
236a4 pra tis ra Na bud+d+hi/ dza ya tsa kre/ shU n+ya ta tsa kre bya ya/ mos pa'i tshig de dag gis lha ma yin lnga khri drug stong gis/ bla na med pa yang dag par rdzogs pa'i byang chub tu sems bskyed nas/
236a5 phyir mi ldog pa la gnas par gyur to/ /de nas bcom ldan 'das kyis byang chub sems dpa' 'jigs med yang dag gzhol zhes bya ba la bka' stsal pa/ rigs kyi bu/ de
236a6 bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba ni rnyed par dka'o/ /tshul khrims dang / ting nge 'dzin dang / shes rab
236a7 dang / rnam par grol ba dang / rnam par grol ba'i ye shes mthong bas yongs su bsgos pa'i gsang sngags kyi gzhi 'di dag kyang rnyed par dka'o/ /rigs kyi bu/ de bzhin
236b1 gshegs pas sems can rnams la phan pa dang / byang chub sems dpa'i yon tan bsgrub pa'i phyir/ sngon byang chub sems dpa'i spyad pa spyod pa na/ sbyin pa dang / dul ba dang / yang dag
236b2 par sdom pa dang / bzod pa dang / brtson 'grus dang / ting nge 'dzin dang / shes rab kyis yongs su bzung ba'i sangs rgyas bye ba khrag khrig 'bum phrag mang po rnams la bsnyen
236b3 bkur byas te/ la la las ni sbyin pa byin/ la la las ni tshul khrims bsrungs/ la la las ni tshangs par spyod pa spyad/ la la las ni sgom pa bsten/ la la las ni brtson 'grus
236b4 brtsams/ la la las ni bzod pa bsgoms/ la la las ni ting nge 'dzin bsgrubs/ la la las ni shes rab bsten cing / dge ba'i las rnam pa tha dad pa sna tshogs dpag tu
236b5 med pa mang du byas pas/ de'i phyir ngas da ltar bla na med pa'i ye shes brnyes so/ /rigs kyi bu/ de bzhin gshegs pa la sngon byang chub sems dpa'i spyad pa spyod pa na/ bskal
236b6 ba bye ba khrag khrig 'bum phrag du mar rdzun dang / phra ma dang / ngag rtsub mo dang / tshig kyal ba spangs te/ ngag gis las dge ba rnam pa du ma bsten cing mang du byas pas/ de'i phyir
236b7 da ltar ljags shin tu ring ba brnyes te/ rigs kyi bu/ de bzhin gshegs pa dgra bcom pa yang dag par rdzogs pa'i sangs rgyas la ni gzhan du gsung ba ma mnga'o/ /de nas bcom
237a1 ldan 'das kyis 'khor der ji lta bu'i rdzu 'phrul 'du bya ba mngon par mdzad pas/ ting nge 'dzin bsod rnams thams cad la yang dag par gzhol ba zhes bya ba
237a2 la snyoms par zhugs nas/ zhal gyi sgo nas ljags kyi dbang po phyung ste/ rang gi zhal gyi dkyil 'khor rab tu yog par mdzad nas ljags kyi dbang po de las 'od zer bye ba phrag drug
237a3 cu rab tu phyung ste/ 'od zer de dag gis stong gsum gyi stong chen po'i 'jig rten gyi khams 'di snang ba chen pos khyab par gyur pa de lta bu'i rdzu 'phrul mngon par 'du bya ba mngon par
237a4 mdzad do/ /'od zer de dag gis sems can dmyal ba dang / dud 'gro'i skye gnas dang / gshin rje'i 'jig rten dang / lha dang mi rnams la khyab par gyur te/ 'od zer de dag gis sems
237a5 can dmyal ba'i sems can me rab tu 'bar bas lus sreg pa gang yin pa de dag rlung bsil ba dag langs nas de dag la rig pa dang / de dag yud tsam zhig bde ba'i tshor ba skyes
237a6 par gyur to/ /sems can dmyal ba'i sems can re re'i mdun na yang sangs rgyas kyi sprul pa skyes bu chen po'i mtshan sum cu rtsa gnyis kyi sa sku legs par brgyan cing / dpe byad
237a7 bzang po brgyad cus gzugs rnam par mdzes par gyur pa dag bzhugs te/ sems can dmyal ba ba'i sems can de dag gis de mthong nas bde ba dang ldan zhing sangs rgyas
237b1 mthong ba'i bde bas lus rab tu tshim ste/ sangs rgyas mthong nas 'di snyam du sems can 'di'i mthus bdag cag gis bde ba'i tshor ba thob po snyam du sems te/ de dag bcom ldan
237b2 'das la dga' zhing dad la gus pa skyes pa dang / bcom ldan 'das kyi de dag la bka' stsal pa/ kye sems can dag/ sangs rgyas la phyag 'tshal lo/ /chos la phyag 'tshal lo/ /
237b3 dge 'dun la phyag 'tshal lo zhes tshig de skad brjod cig dang / rtag tu de lta bu'i bde ba dang ldan par 'gyur ro/ /de nas sems can dmyal ba pa de dag gis thal mo sbyar nas sangs rgyas
237b4 la phyag 'tshal lo/ /chos la phyag 'tshal lo/ /dge 'dun la phyag 'tshal lo zhes tshig de skad brjod do/ /de nas sems can dmyal ba pa'i sems can de dag dge ba'i rtsa ba
237b5 de dang / sems dang ba des de nas shi 'phos nas/ kha cig ni lha rnams kyi nang du skyes so/ /kha cig ni mi rnams kyi nang du skyes so/ /gang dag grang ba'i sems can dmyal ba rnams su
237b6 skyes pa'i sems can de dag la ni rlung dron po dag langs nas snga ma bzhin du mi rnams kyi bar du skyes so/ /de bzhin du yi dwags bkres pa dang skom pas lus rab tu 'bar bar gyur pa de dag
237b7 kyang 'od zer de dag gis bkres pa dang skom pa'i me zhi bar byed cing bde ba'i tshor ba bskyed de/ yi dwags re re'i mdun na yang sangs rgyas kyi sprul pa'i gzugs skyes bu chen po'i mtshan
238a1 sum cu rtsa gnyis kyis sku legs par brgyan cing dpe byad bzang po brgyad cus rnam par mdzes pa dag bzhugs par gyur te/ yi dwags de dag gis de
238a2 mthong nas sangs rgyas mthong ba'i bde bas lus tshim par gyur nas 'di snyam du sems can 'di'i mthus bdag cag gis bde ba'i tshor ba thob po snyam du sems te/ de dag
238a3 bcom ldan 'das la dga' zhing dad la gus pa skyes pa dang / bcom ldan 'das kyis de dag la bka' stsal pa/ sems can dag /tshur shog /khyed cag sangs rgyas la phyag
238a4 'tshal lo/ /chos la phyag 'tshal lo/ /dge 'dun la phyag 'tshal lo zhes tshig de skad brjod cig dang / zhes bya ba nas/ dge ba'i rtsa ba des de nas shi 'phos nas kha cig ni lha
238a5 rnams kyi nang du skyes so/ /kha cig ni mi rnams kyi nang du skyes pa'i bar du gyur to/ /dud 'gro rnams la'ang de bzhin du bskul/ mi rnams la'ang de bzhin du bskul nas/ lha
238a6 dang mi bgrang ba las yang dag par 'das pa dag chos mnyan pa'i phyir bcom ldan 'das kyi drung du lhags nas bcom ldan 'das kyi zhabs la mgo bos phyag 'tshal te 'khod
238a7 do/ /de'i tshe na lha dang / mi'i tshogs bgrang ba las yang dag par 'das pa dag gis bla na med pa yang dag par rdzogs pa'i byang chub tu sems bskyed par gyur to/ /byang
238b1 chub sems dpa' bgrang ba las yang dag par 'das pa dag gis ni der ting nge 'dzin dang / bzod pa dang / gzungs thob par gyur to/ /theg pa chen po'i mdo snying rje pad+ma dkar
238b2 po las/ gzungs kyi sgo'i le'u ste gnyis pa'o// //de nas bcom ldan 'das kyis rang gi rdzu 'phrul mngon par mdzad pa slar bsdus pa dang / bcom ldan 'das la/
238b3 byang chub sems dpa' sems dpa' chen po blo gros zhi bas 'di skad ces gsol to/ /bcom ldan 'das/ rgyu gang dang rkyen gang gis sangs rgyas bcom ldan 'das gzhan dag gi
238b4 sangs rgyas kyi zhing ni yongs su dag cing rnyog pa ma mchis la/ snyigs ma lnga dang bral zhing sangs rgyas kyi zhing gi yon tan bkod pa sna tshogs dag mchis la/ de na byang chub sems
238b5 dpa' sems dpa' chen po thams cad kyang yon tan rnam pa sna tshogs yongs su rdzogs shing bde ba sna tshogs dang ldan la/ de na nyan thos dang / rang sangs rgyas rnams kyi ming yang ma
238b6 mchis na/ skye ba lta smos kyang ci 'tshal bar gyur lags/ bcom ldan 'das/ rgyu gang dang rkyen gang gis bcom ldan 'das ni sangs rgyas kyi zhing smad par 'khrugs shing / tshe'i
238b7 snyigs ma dang / dus kyi snyigs ma dang / sems can gyi snyigs ma dang / lta ba'i snyigs ma dang / nyon mongs pa'i snyigs ma byung bar gyur pa na bla na med pa yang dag par rdzogs
239a1 pa'i byang chub mngon par rdzogs par sangs rgyas nas 'khor bzhi po dag la theg pa gsum las brtsams te chos bstan par mdzad lags/ ci'i slad du bcom
239a2 ldan 'das kyis sangs rgyas kyi zhing snyigs ma lnga dang bral zhing yongs su dag pa yongs su ma bzung lags/ /bcom ldan 'das kyis bka' stsal pa/ rigs kyi bu/ byang chub sems dpa' rnams ni smon
239a3 lam gyi dbang gis sangs rgyas kyi zhing yongs su dag pa yongs su 'dzin par byed cing smon lam gyi dbang gis sangs rgyas kyi zhing yongs su ma dag pa'ang yongs su 'dzin par byed do/ /
239a4 rigs kyi bu/ byang chub sems dpa' sems dpa' chen po rnams ni snying rje chen po dang ldan pa'i phyir sangs rgyas kyi zhing yongs su ma dag pa'ang yongs su 'dzin par byed pa'o/ /
239a5 de ci'i phyir zhe na/ 'di ltar nga da ltar sangs rgyas kyi zhing smad pa 'di lta bur skyes pa'ang ngas de ltar smon lam btab pa'i phyir te/ de legs par rab tu nyon la yid la gzung zhig
239a6 dang / ngas khyod la bshad par bya'o/ /byang chub sems dpa' blo gros zhi bas/ bcom ldan 'das/ de bzhin no zhes gsol te/ bcom ldan 'das kyi ltar nyan pa dang / bcom
239a7 ldan 'das kyis de la 'di skad ces bka' stsal to/ /rigs kyi bu/ sngon byung ba bskal pa grangs med pa gang+gA'i klung gcig gi bye ma snyed 'das pa na sangs rgyas kyi zhing 'dir
239b1 bskal pa chen po 'dzin pa zhes bya ba zhig byung ste/ bskal ba chen po de la gling bzhi pa'i sangs rgyas kyi zhing 'dir gling bzhi 'khor los bsgyur ba'i rgyal po rtsibs kyi mu khyud ces bya ba
239b2 zhig byung ngo / /rtsibs kyi mu khyud de la mdun na 'don bram ze rgya mtsho'i rdul zhes bya ba zhig yod do/ /de'i bu skyes bu chen po'i mtshan sum cu rtsa gnyis dang ldan zhing dpe byad bzang po
239b3 brgyad cus lus rnam par mdzes la bsod nams brgya'i mtshan dang ldan zhing 'od 'dom gang ba yod la/ shing n+ya gro d+ha ltar chu zheng gab cing lta bas chog mi shes pa zhig btsas so/ /de
239b4 btsas ma thag tu lha 'bum gyis mchod pa byas nas/ rgya mtsho'i snying po zhes bya bar ming btags so/ /de dus gzhan zhig na nges par byung nas skra dang kha spu bregs te gos dur smrig
239b5 bgos nas/ bla na med pa yang dag par rdzogs pa'i byang chub tu mngon par rdzogs par sangs rgyas te/ de bzhin gshegs pa rin po che'i snying po zhes bya bar gyur nas/ bcom
239b6 ldan 'das des chos kyi 'khor lo bskor te srog chags bye ba khrag khrig 'bum phrag mang po dag mtho ris dang thar pa'i 'bras bu la rab tu bkod par gyur to/ /de dus gzhan zhig na
239b7 nyan thos bye ba khrag khrig 'bum phrag mang po dag gis yongs su bskor cing mdun du bdar nas grong dang / grong khyer dang / grong rdal dang / ljongs dang / yul 'khor dang / rgyal po'i
240a1 pho brang 'khor rnams su rgyu zhing gshegs te/ rim gyis gang na 'khor los bsgyur ba'i rgyal po de gnas pa'i grong khyer gzhan zhig tu gshegs so/ /de
240a2 na de bzhin gshegs pa dgra bcom pa yang dag par rdzogs pa'i sangs rgyas rin po che'i snying po grong khyer gyi phyi rol nas ha cang yang mi ring ba na dzam+bu'i tshal zhes bya ba'i skyed
240a3 mos tshal zhig yod pa na nyan thos bye ba khrag khrig 'bum phrag du ma dang thabs gcig tu bzhugs so/ /rgyal po rtsibs kyi mu khyud kyis de bzhin gshegs pa dgra bcom pa yang
240a4 dag par rdzogs pa'i sangs rgyas rin po che'i snying po bdag gi yul du gshegs nas/ dzam+bu'i tshal gyi skyed mos tshal na nyan thos bye ba khrag khrig 'bum phrag du ma dang thabs
240a5 gcig tu bzhugs so zhes thos nas 'di snyam du sems te/ bdag song la phyin nas kyang de bzhin gshegs pa de la bsti stang du bya/ bla mang bya/ ri mor bya/ mchod par bya gor
240a6 ma chag snyam mo/ /de nas rgyal po rtsibs kyi mu khyud rgyal po'i 'byor ba chen po dang / rgyal po'i mthu chen pos srog chags bye ba khrag khrig 'bum phrag du mas yongs su bskor
240a7 cing mdun du bdar te grong khyer nas byung zhing dzam+bu'i tshal gyi skyed mos tshal ga la ba der song nas/ bzhon pas bgrong pa'i sa ji srid pa de srid du bzhon pas song ste phyin pa dang /
240b1 rkang pas kun dga'i ra bar zhugs nas de bzhin gshegs pa rin po che'i snying po ga la ba der song ste phyin pa dang / de bzhin gshegs pa dgra bcom pa yang dag par rdzogs pa'i
240b2 sangs rgyas rin po che'i snying po'i zhabs la mgo bos phyag btsal te lan gsum du bskor ba byas nas phyogs gcig tu 'dug go /phyogs gcig tu 'dug nas kyang de bzhin gshegs
240b3 pa dgra bcom pa yang dag par rdzogs pa'i sangs rgyas rin po che'i snying pos rgyal po rtsibs kyi mu khyud la chos kyi gtam yang dag par bstan/ yang dag par 'dzin du bcug
240b4 yang dag par gzengs bstod/ yang dag par rab tu dga' bar mdzad do/ /rnam grangs du mar chos kyi gtam yang dag par bstan/ yang dag par 'dzin du bcug /yang dag par
240b5 gzengs bstod/ yang dag par rab tu dga' bar mdzad nas cang mi gsung bar gyur to// //bam po gsum pa/ de nas rgyal po rtsibs kyi mu khyud stan las langs
240b6 te bla gos phrag pa gcig tu gzar nas de bzhin gshegs pa rin po che'i snying po ga la bde logs su thal po sbyar ba btud de zhabs gnyis la gtugs nas/ de bzhin gshegs
240b7 pa dgra bcom pa yang dag par rdzogs pa'i sangs rgyas rin po che'i snying po la 'di skad ces gsol to/ /bcom ldan 'das/ bdag gis dgung zla gsum po 'di la bcom ldan
241a1 'das dge slong gi dge 'dun dang bcas pa la na bza' dang / bshos dang / gzims cha dang / gdan dang / snyun gyi gsos sman dang / yo byad rnams
241a2 kyis bsnyen bkur bgyi bar 'tshal na bcom ldan 'das dang / dge slong gi dge 'dun gyis gnang bar mdzad du gsol/ rigs kyi bu/ de bzhin gshegs pa rin po che'i snying
241a3 pos rgyal po rtsibs kyi mu khyud la cang mi gsung bas gnang bar mdzad do/ /de nas rgyal po rtsibs kyi mu khyud kyis de bzhin gshegs pa rin po che'i snying pos cang mi gsung bas
241a4 gnang bar rig nas/ bcom ldan 'das kyi zhabs la mgo bos phyag btsal te/ lan gsum bskor ba byas nas bcom ldan 'das kyi thad nas song ngo / /de nas rgyal po rtsibs kyi
241a5 mu khyud kyis khams kyi rgyal po rnams dang / blon po rnams dang / sna chen po la gtogs pa rnams dang / blon po phra mo rnams dang / grong mi rnams dang / ljongs kyi mi rnams dang /
241a6 zho shas 'tsho ba'i mi rnams bos te smras pa/ gtso bo dag /shes bar gyis shig /ngas de bzhin gshegs pa dgra bcom pa yang dag par rdzogs pa'i sangs rgyas rin po che'i
241a7 snying po dge slong gi dge 'dun dang bcas pa zla ba gsum po 'di la yo byad thams cad kyis des par spyan drangs te/ nga la nye bar spyad pa dang / yongs su spyad pa dang / bsnyen
241b1 bkur bya ba dang / dga' mgur spyad pa dang / btsun mo'i 'khor gang ci yod pa de dag thams cad kyang ngas bcom ldan 'das dang / dge slong gi dge 'dun la gus par byas te phul gyi/
241b2 khyed cag la gang zag gi nye bar spyad pa dang / yongs su spyad pa dang / bsnyen bkur bya ba dang / dga' mgur spyad pa dang / chung ma'i 'khor ji yod pa de dag thams cad kyang bcom
241b3 ldan 'das dang dge slong gi dge 'dun la gus par phul cig ces bsgo nas/ de dag gis kyang de bzhin du phul lo/ /khyim bdag rin po ches kyang skyed mos tshal bzang po thams
241b4 cad dzam+bu'i chu bo'i gser las byas shing skyed mos tshal de nyid du/ bcom ldan 'das kyi phyir rin po che sna bdun gyi khang ba brtsegs pa brtsigs te/ de'i phyogs bzhi khor khor
241b5 yug dag tu rin po che sna bdun gyi sgo dag kyang gtod do/ /skyed mos tshal thams cad kyang rin po che sna bdun gyi shing ljon pa dag gis brgyan to/ /shing ljon pa de dag kyang gos
241b6 sna tshogs dang / ras bcos bu sna tshogs dang / gdugs sna tshogs dang / mu tig gi lnga ldi sna tshogs dang / rgyan sna tshogs dang / rin po che'i rgyan sna tshogs dang / spos sna tshogs dag gis
241b7 legs par brgyan to/ /shing ljon pa de dag rin po che'i me tog dang / 'bras bu thams cad kyis kyang brgyan to/ /skyed mos tshal de dag thams cad nor bu rnam pa du ma dag gis kyang
242a1 brgyan nas me tog sna tshogs bkram zhing dar dang / ras bcos bu dang / be'u ras dang / bgo ba sna tshogs dag gi gdan dag kyang bshams so/ /'khor lo
242a2 rin po che de'ang khang pa brtsegs pa'i phyi rol gyi steng gi bar snang la mi'i tshad tsam du red de/ bcom ldan 'das kyi spyan sngar bab par 'bar zhing 'dug go/ /glang po rin po che thal
242a3 kar yan lag bdun legs par gnas pa'ang bcom ldan 'das kyi snam logs na/ bcom ldan 'das kyi steng du rin po che'i shing ljon pa 'dzin cing 'dug ste/ shing ljon pa de'ang
242a4 rin po che sna bdun dang / mu tig gi lda ldi sna tshogs dang / rgyan sna tshogs dang / me tog phreng sna tshogs dag gis brgyan cing / dar sna tshogs dang / ras bcos bu sna tshogs dag gis
242a5 legs par brgyan nas shing ljon pa de la rin po che sna bdun gyi gdugs dag kyang dpyangs par gyur to/ /rgyal po rtsibs kyi mu khyud kyi btsun mo dam pa gang yin pa de'ang bcom ldan
242a6 'das kyi spyan sngar 'dug nas/ bcom ldan 'das la tsan+dan sa mchog pa dang / tsan+dan sbrul gyi snying po'i phye ma dag 'thor bar byed do/ /rgyal po rtsibs kyi mu khyud kyi nor bu rin po
242a7 che 'od gsal bar gyur pa gang yin pa de'ang rang gis bcom ldan 'das kyi spyan sngar bzhag go /de nas nor bu rin po che de'i 'od kyis skyed mos tshal de dag thams cad rtag par
242b1 rgyun du snang ba rgya chen pos khyab par gyur to/ /sangs rgyas kyi 'od kyis kyang stong gsum gyi stong chen po'i 'jig rten gyi khams de thams cad rtag par rgyun du khyab par gyur to/ /nyan
242b2 thos re re la'ang tsan+dan sa mchog pa'i rkang rten dag bzhag go /nyan thos re re'i rgyab tu'ang glang po che'i gtso bo thal kar snga ma lta bu dag dang / ji ltar bcom ldan 'das la 'khor
242b3 lo rin po che mi'i tshad tsam pa bzhag pa de lta bu dag kyang bzhag go /nyan thos re re'i mdun du'ang bu mo rgyan thams cad kyis brgyan pa dag bkod nas tsan+dan sa mchog pa'i phye ma dag
242b4 kyang 'thor bar byed do/ /nyan thos re re'i mdun du nor bu baiDUR+ya dag kyang bzhag go /skyed mos tshal gyi nang gi kho ra khor yug dag tu rol mo'i sgra sna tshogs dag kyang bsgrags so/ /skyed
242b5 mos tshal gyi phyi rol gyi kho ra khor yug dag na blon po rin po che dpung gi tshogs yan lag bzhi dang bcas pa dag kyang gnas so/ /rigs kyi bu/ de nas rgyal po rtsibs kyi mu khyud de
242b6 bcom ldan 'das la blta ba dang / bcom ldan 'das la bsnyen bkur bya ba'i phyir nyin gcig bzhin du grong khyer nas byung ste/ de bzhon pas bgrod pa'i sa ji srid pa de srid du bzhon
242b7 pas song nas bzhon pa las babs te/ rkang pas skyed mos tshal du zhugs so/ /zhugs nas kyang de bzhin gshegs pa rin po che'i snying po ga la ba der song ste phyin pa dang / de bzhin
243a1 gshegs pa dgra bcom pa yang dag par rdzogs pa'i sangs rgyas rin po che'i snying po'i zhabs la mgo bos phyag btsal te/ lan gsum bskor ba byas
243a2 nas/ rang gis de bzhin gshegs pa rin po che'i snying po la phyag chab gsol te/ bdag nyid lag dar nas bza' ba dang / bca' ba dang / bldag pa dang / bsod pa mang po dag
243a3 legs par bstabs shing tshim par byas so/ /bdag nyid lag dar te legs par bstabs shing tshim par byas nas kyang bcom ldan 'das kyis phyag nas lhung bzed bzhag ste
243a4 phyag bcabs par rig nas/ bdag nyid kyis bsil yab blangs te bcom ldan 'das la g.yabs so/ /rgyal bu stong dang / khams kyi rgyal po stong gis kyang nyan thos re re la de
243a5 lta bu'i bsnyen bkur byas nas bsil yab blangs te nyan thos rnams la g.yabs so/ /zhal zas brim pa rdzogs te gdugs tshod rgyu ma thag tu srog chags bye ba khrag khrig
243a6 'bum phrag du ma dag kyang chos mnyan pa'i phyir kun dga' ra bar lhags so/ /lha bye ba khrag khrig 'bum phrag du ma dag gis kyang nam mkha'i dkyil nas me tog gi char dag
243a7 mngon par rab tu phab nas/ lha'i rol mo'i sgra dag kyang rab tu bsgrags so/ /lha'i gdugs dang / gos dang / rgyan dag kyang rab tu dpyangs so/ /gnod sbyin gos sngon po can sa
243b1 ya phrag bzhis kyang bcom ldan 'das dang / dge slong gi dge 'dun bsrung ba'i phyir tsan+dan gyi tshal nas tsan+dan sa mchog ba'i sdong po dag blangs nas thun du blags te mel tshe byed de/
243b2 rgyal po rtsibs kyi mu khyud nyid kyis kyang mtshan mo bcom ldan 'das dang / dge slong gi dge 'dun rnams kyi spyan sngar mar me kha bye ba khrag khrig 'bum phrag du ma dag bus so/ /rigs
243b3 kyi bu/ de nas rgyal po rtsibs kyi mu khyud bcom ldan 'das kyi spyan sngar 'dug nas mgo'i steng du'ang mar me'i kong bu gcig bzhag /phrag pa gnyis dang / lag pa gnyis dang / rkang
243b4 pa gnyis su'ang mar me'i kong bu re re bzhag ste/ bcom ldan 'das kyi spyan sngar mtshan yal nangs su mar me btang yang bcom ldan 'das kyi mthus lus la ngal ba med cing / 'di
243b5 lta ste/ dper na/ dge slong bsam gtan gsum pa la snyoms par zhugs pa de lta bur lus kyi bde ba tshor bar gyur te/ de ltar lus ngal ba med pa dang / sems ngal ba med par
243b6 zla ba gsum du bcom ldan 'das la bsnyen bkur byas so/ /de bzhin du rgyal bu stong dang / khams kyi rgyal po brgyad khri bzhi stong dang / gzhan yang srog chags bye ba khrag khrig phrag
243b7 'bum gyis kyang nyan thos re re la zla ba gsum du rgyal po'i yo byad dang de lta bu'i bsnyen bkur gyis bsnyen bkur byas so/ /ji ltar rgyal po rtsibs kyi mu khyud kyis de bzhin gshegs pa rin po che'i
244a1 snying po la bsnyen bkur byas ba de bzhin du btsun mo dam pa lha mo dpal gyis kyang zla gsum du spos dang / me tog dag gis bsnyen bkur byas so/ /de
244a2 bzhin du bu mo bye ba khrag khrig 'bum phrag mang po dag gis kyang nyan thos re re la zla ba gsum du me tog dang / bdug pa dang / spos dag gis bsnyen bkur byas so/ /rigs kyi
244a3 bu| de nas rgyal po rtsibs kyi mu khyud kyi zla ba gsum po 'das nas bcom ldan 'das la dzam+bu'i chu bo'i gser las byas pa'i rgyan brgyad khri bzhi stong phul lo/ /bcom ldan
244a4 'das la 'khor lo rin po che la sogs pa gser gyi 'khor lo rin po che brgyad khri bzhi stong yang phul lo/ /bcom ldan 'das la glang po rin po che la sogs pa glang po che thal
244a5 kar brgyad khri bzhi stong yang phul lo/ /bcom ldan 'das la rta rin po che la sogs pa rta brgyad khri bzhi stong yang phul lo/ /bcom ldan 'das la nor bu rin po che la
244a6 sogs pa nor bu me shel brgyad khri bzhi stong yang phul lo/ /bcom ldan 'das de la bsnyen bkur bya ba'i phyir khyim bdag rin po che la sogs pa rgyal bu brgyad khri bzhi stong
244a7 yang phul lo/ /bcom ldan 'das la bsnyen bkur bya ba'i phyir blon po rin po che la sogs pa khams kyi rgyal po brgyad khri bzhi stong yang phul lo/ /bcom ldan 'das dang / dge
244b1 slong gi dge 'dun gyi 'tsho ba'i phyir btsun me'i 'khor gyi grong khyer la sogs grong khyer brgyad khri bzhi stong yang phul lo/ /bcom ldan 'das la rin po che'i dpag bsam gyi shing
244b2 brgyad khri bzhi stong dang / rin po che'i me tog gi phung po brgyad khri bzhi stong dang / rin po che sna bdun gyi gdugs brgyad khri bzhi stong dang / rgyal po la 'os pa'i gos rgyan chen po brgyad khri
244b3 bzhi stong dang / rin po che'i phreng ba brgyad khri bzhi stong dang / rgyan dang / khre'u dang / mgo lta bu dang / mig lta bu dang / snyan cha gdub 'khor dang / gser gyi tsong tsong dang / mu
244b4 tig gi do shal dang / chags dang / gzims cha dang / zhabs rten dang / snod dang / rnga bo che dang / rol mo'i sgra dang / dung dang / dril bu dang / rgyal mtshan dang / ril ba b+h+ring+ga ra dang /
244b5 kun dga'i ra ba dang / mar me'i kong bu dag kyang phul lo/ /bcom ldan 'das la rin po che'i bya dang / rin po che'i ri dwags dang / bsil yab brgyad khri bzhi stong yang phul lo/ /de
244b6 bzhin gshegs pa dgra bcom pa yang dag par rdzogs pa'i sangs rgyas rin po che'i snying po la sman bcud kyi len brgyad khri bzhi stong yang phul nas 'di skad ces gsol to/ /bcom
244b7 ldan 'das/ bdag ni bgyi ba mang zhing bgyid ba mang ba lags na bcom ldan 'das kyis bdag la bzod pa mdzad cing / bdag cag gi skyed mos tshal du bzhugs pa dang / bcom
245a1 ldan 'das skyed mos tshal 'dir rtag tu dgyes par mdzad du gsol/ gcom ldan 'das la blta ba dang / phyag bgyi ba dang / bsnyen bkur bgyi ba'i slad
245a2 du bdag slad kyis kyang mchi'o/ /rgyal po rtsibs kyi mu khyud kyi bu stong po gang yin pa de dag gis kyang bcom ldan 'das kyi zhabs la gtugs nas so so nas bcom ldan 'das la
245a3 'di skad ces gsol to/ /bdag cag re res kyang bcom ldan 'das dge slong gi dge 'dun dang bcas pa la dgung zla gsum zhig yo byad thams cad kyi sa bsnyen bkur bgyi bar
245a4 'tshal na/ bcom ldan 'das kyi bdag cag la gnang bar mdzad du gsol/ bcom ldan 'das kyis cang mi gsung bas rgyal bu de dag la gnang bar mdzad do/ /de nas rgyal po rtsibs
245a5 kyi mu khyud kyis gnang bar rig nas/ bcom ldan 'das dang / dge slong gi dge 'dun gyi zhabs la mgo bos phyag btsal te/ lan gsum bskor ba byas nas bcom ldan 'das kyi
245a6 spyan snga nas phyir song ngo / /de nas rgyal bu de dag gi thu bo mig mi 'dzum zhes bya bas bcom ldan 'das dge slong gi dge 'dun dang bcas pa la zla ba gsum gyi bar du ji ltar rgyal bo
245a7 rtsibs kyi mu khyud kyis bsnyen bkur bya ba de lta bu'i bsnyen bkur bya bas bsnyen bkur byas so/ /rgyal po rtsibs kyi mu khyud kyang bcom ldan 'das dang / dge slong gi dge 'dun la lta
245b1 ba dang / chos mnyan pa'i phyir nyin mo skabs skabs su 'ong ngo / /rigs kyi bu de nas de bzhin gshegs pa rin po che'i snying po'i yab bram ze rgya mtsho'i rdul ces bya ba de'ang dzam+bu'i gling thams
245b2 cad nyul zhing skyes pa dang / bud med dang / khye'u dang / bu mo dag las zas slong bar byed de/ /de la zas de sbyin pa na ji srid du khye'u dang / bu mo de dag gsum la skyabs su 'gro ba la rab tu
245b3 'god cing / rab tu bkod nas kyang bla na med pa yang dag par rdzogs pa'i byang chub tu sems skyed par mi byed pa de srid du len par mi byed do/ /de ltar nyul ba na dzam+bu'i gling na bram ze rgya
245b4 mtsho'i rdul des gang zas kyis yongs su ma bzung ba dang / gang dkon mchog gsum la skyabs su 'gro ba la ma bkod pa dang / gang bla na med pa yang dag par rdzogs pa'i byang chub
245b5 tu sems ma bskyed pa dang / gang bla na med pa'i ye shes la rab tu ma bkod cing yang dag par 'dzin du ma bcug pa'i mir gyur pa 'ga' yang med de/ srog chags bye ba khrag khrig
245b6 'bum phrag mang po dag gsum la skyabs su 'gro ba'i gnas la bkod do/ /de bzhin du bla na med pa yang dag par rdzogs pa'i byang chub tu yang dag par 'dzin du bcug cing btsud
245b7 de rab tu bkod do/ /rgyal bu gzhon nu mig mi 'dzum gyis kyang bcom ldan 'das dge slong gi dge 'dun dang bcas pa zla ba gsum du spyan drangs shing / ji ltar rgyal bo rtsibs kyi
246a1 mu khyud kyis bsnyen bkur byas pa de lta bu'i bsnyen bkur kyis/ bsnyen bkur byas nas zla ba gsum 'das pa dang / des kyang bcom ldan 'das la 'khor lo
246a2 rin po che rtsibs thams cad gser las byas pa brgyad khri bzhi stong phul lo/ /glang po che dang / rta dang / nor bu dang / bud med dang / khyim bdag dang / blon po rin po che rnams ma
246a3 gtogs pa glang po che dang / rta brgyad khri bzhi stong dang / de bzhin du nor bu me shel dang / khye'u dang / bu mo dang / dpag bsam gyi shing dang / me tog gi phung po dang / gdugs
246a4 dang / gos dang / me tog phreng ba dang / rgyan dang / rin po che'i khri'u dang / mgo lta bu dang / mig lta bu dang / snyan cha gdub 'khor dang / gser gyi tsong tsong dang / mu
246a5 tig gi do shal dang / chags dang / gzims cha dang / gdan dang / zhabs rten dang / snod dang / rnga bo che dang / rol mo'i sgra dang / dung dang / rnga pa Ta ha dang / rgyal
246a6 mtshan dang / ril ba b+h+ring+ga ra dang / kun dga'i ra ba dang / mar me'i kong bu dang / rin po che'i bya sna tshogs dang / rin po che'i ri dwags sna tshogs dang / sman bcud
246a7 kyis len la sogs pa sna re re zhing yang brgyad khri bzhi stong bzhi stong yang phul lo/ /dge slong gi dge 'dun la'ang de snyed phul lo/ /de nas rgyal bu gzhon nu mig mi
246b1 'dzum gyis bcom ldan 'das dang / dge slong gi dge 'dun la bzod pa gsol te/ rgyal bu gzhon nu mig mi 'dzum kyis bcom ldan 'das dge slong gi dge 'dun dang bcas pa
246b2 la ji ltar rgyal po rtsibs kyi mu khyud kyis bsnyen bkur byas pa de lta bu'i bsnyen bkur gyis bsnyen bkur byas shing de las mi nyung ba'i yon yang phul lo/ /de bzhin du rgyal bu gzhon nu
246b3 dbang po'i tshogs kyis kyang bcom ldan 'das dang / dge slong gi dge 'dun la zla ba gsum gyi bar du 'byor pa yongs su btang zhing bsnyen bkur byas so/ /de bzhin du sbyar te rgyal
246b4 bu gzhon nu nyon mongs med dang / 'jigs med dang / nam mkha' dang / yang dag skyes dang / grub pa dang / 'gran med dang / mnyen des dang / grum por 'grang ba dang / 'dron
246b5 pa can dang / shed bu dang / sha bo che dang / 'dus pa can dang / rtsibs can dang / shes pa can dang / gdong can dang / nor mang dang / dgra dbang dang / mig can dang / glang
246b6 po 'thob dang / zla ba'i mu khyud dang / nyi ma'i mu khyud dang / dbang po'i mu khyud dang / rdo rje'i mu khyud dang / bzod pa'i mu khyud dang / gnas kyi mu khyud dang / shugs kyi mu khyud
246b7 dang | g.yul gyi mu khyud dang / sgra gcan dang / sgra gcan stobs med dang / sgra gcan dgra med dang / chun po sna tshogs dang / rgyal por gnas dang / 'dod chags mi
247a1 gnas dang / nor bdag dang / srung ba po dang / lus bzang dang / bsam pa dpog dang / sdom brtson 'khor dang / sprin chung dang / yar ma tha
247a2 dang / 'gro ba'i rgyal mtshan dang / nges mtsho dang / ya s+ya na dang / skar ma 'dud dang / chags med rnams kyis kyang de bzhin du byas te/ rgyal po rtsibs kyi mu khyud kyi bu stong
247a3 gi bar du re res kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dpag tu med pa dang bcas pa la
247a4 zla ba gsum gsum du na bza' dang / bshos dang / gzims cha dang / gdan dang / snyun gyi gsos sman yo byad kyi tshogs de lta bu dag gis bsnyen bkur bya bas bsnyen bkur
247a5 byas nas rgyal bu thu bos ji ltar byas pa de bzhin du re res kyang bcom ldan 'das dang / dge slong gi dge 'dun la gser gyi 'khor lo brgyad khri bzhi stong dang / sman bcud kyis
247a6 len brgyad khri bzhi stong gi bar du rgya cher phul lo/ /de lta bu'i sbyin pa chen po byas nas de dag kha cig ni brgya byin nyid du smon/ kha cig ni tshangs pa nyid du smon/ kha cig ni
247a7 'khor los bsgyur ba'i rgyal por/ kha cig ni longs spyod chen por/ kha cig ni nyan thos kyi theg par smon cing / lo nyis brgya lnga bcur bcom ldan 'das dang / dge slong
247b1 gi dge 'dun la bzod par gsol to/ /de'i tshe na mdun na 'don gyi gtso bo bram ze rgya mtsho'i rdul 'ongs nas 'di lta ste/ na bza' dang / bshos dang / gzims cha dang / gdan
247b2 dang | snyun gyi gsos sman dang / yo byad rnams dang / 'tshog chas thams cad kyis lo bdun du de bzhin gshegs pa dgra bcom pa yang dag par rdzogs pa'i sangs rgyas
247b3 rin po che'i snying po dge slong gi dge 'dun dang bcas pa spyan drangs pa dang / bcom ldan 'das cang mi gsung bas yab 'dun na 'don gyi gtso bo la gnang bar mdzad do/ /de nas
247b4 bram ze rgya mtsho'i rdul gyis de bzhin gshegs pa rin po che'i snying po dge slong gi dge 'dun dang bcas pa la/ ji ltar rgyal po rtsibs kyi mu khyud kyis bsnyen bkur byas pa de lta
247b5 bu'i yo byad phun sum tshogs pa thams cad kyis bsnyen bkur byas bas bsnyen bkur byas so/ /rigs kyi bu/ de nas dus gzhan zhig na bram ze rgya mtsho'i rdul gyi sems la 'di
247b6 lta bu'i yongs su rtog pa skyes te/ bdag gi srog chags bye ba khrag khrig 'bum phrag mang po de snyed bla na med pa yang dag par rdzogs pa'i byang chub yang dag par 'dzin du bcug
247b7 kyang bdag gis rgyal po rtsibs kyi mu khyud 'di lha'i rgyal srid dam/ mi'i rgyal srid 'dod dam/ nyan thos kyi theg pa'am/ rang sangs rgyas kyi theg pa 'dod dam/ bla na med pa yang
248a1 dag par rdzogs pa'i byang chub 'dod dam/ 'di ci 'dod pa'i smon lam mi shes na/ ji ste bdag bla na med pa yang dag par rdzogs pa'i byang chub
248a2 mngon par rdzogs par 'tshang rgya zhing skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug
248a3 pa dag las ma brgal ba'i sems can rnams sgrol bar byed pa dang / mthar ba rnams thar bar byed pa dang / yongs su mya ngan las ma 'das pa'i sems can rnams yongs su
248a4 mya ngan las 'da' bar byed par lta na rgyal po 'di lha'i dpal 'dod dam/ 'on te mi'i dpal lam/ 'on te nyan thos nyid dam/ 'on te rang sangs rgyas kyi sa'am/ 'on te bla na
248a5 med pa yang dag par rdzogs pa'i byang chub 'dod dam/ ci 'dod pa lha'am/ klu'am/ gnod sbyin nam/ sangs rgyas sam/ nyan thos sam/ bram ze 'ga' zhig gis bdag gi
248a6 rmi lam du sbron grang snyam mo/ /rigs kyi bu/ de nas mdun na 'don gyi gtso bo bram ze rgya mtsho'i rdul gyi rmi lam na snang ba gang gis phyogs bcu'i sangs rgyas kyi zhing gang+gA'i klung
248a7 gi bye ma snyed dag gis sangs rgyas bcom ldan 'das rnams mthong ba de lta bu'i snang ba mthong zhing / sangs rgyas bcom ldan 'das de dag gis bram ze de la pad+ma 'dab ma rnams ni
248b1 gser/ sdong bu rnams ni dngul/ snying po rnams ni baiDUR+ya/ ze pa rnams ni rdo'i sting po las byas pa dag bskur te/ pad+ma de dag thams cad la'ang nyi ma'i dkyil 'khor dag kun tu snang
248b2 zhing / nyi ma'i dkyil 'khor de dag gi steng na rin po che sna bdun gyi gdugs dag kun nas gnas pa dang / nyi ma'i dkyil 'khor re re las kyang 'od zer bye ba phrag drug cu drug cu byung
248b3 bar gyur nas 'od zer de dag thams cad bram ze de'i khar zhugs pa dang / bdag gis lus dpag tshad stong gi tshad tsam du gyur cing 'di lta ste/ dper na/ me long gi dkyil 'khor
248b4 yongs su dag pa bzhin du yongs su dag par mthong ba dang / lus kyi khong pa na'ang byang chub sems dpa' bye ba khrag khrig 'bum phrag drug cu pad+ma dag la skyil mo krung bcas te 'dug
248b5 cing bsam gtan bsgom pa dag kyang mthong ngo / /nyi ma'i dkyil 'khor gyi gzugs de dag kyang bdag gi mgo la phreng ba dngar bar mthong zhing gdugs rnams kyang steng gi nam mkha'
248b6 la tshangs pa'i 'jig rten gyi mthar thug pa'i bar du gnas pa mthong ngo / /kho ra khor yug na'ang pad+ma sna tshogs dag yod par mthong zhing pad+ma de dag las lha'i sil snyan mi'i las
248b7 shin tu 'das pa dag byung ste sgra'ang grag go /de nas rgyal po rtsibs kyi mu khyud lus khrag gis bskus shing phag gi gdong du gyur nas rgyug cing srog chags rnam pa mang po dag la
249a1 za ba dang / zos nas kyang e raN+Da'i shing drung na snyes shing 'dug pa dang / srog chags sna tshogs dag 'ongs te rgyal po de zos pa nas keng rus kyi bar
249a2 la thug par byas te bor ba dang / de bzhin du yang dang yang phyir skyes pas phag gi gdong du gyur cing lus khrag gis bskus te srog chags rnam pa mang po dag zos nas e
249a3 raN+Da 'i shing drung na 'dus pa dang / srog chags sna tshogs dag gis zos shing rkeng rus la thug par byas te bor ba dag mthong ngo / /gzhan yang rgyal bu dag kyang la la
249a4 ni phag gi gdong / la la ni glang po che'i gdong / la la ni ma he'i gdong / la la ni seng ge'i gdong / la la ni spyang ki'i gdong / la la ni wa'i gdong / la la ni khyi'i
249a5 gdong / la la ni spre'u'i gdong du gyur par mthong zhing lus dag la khrag gis gtor te srog chags rnam pa mang po dag zos nas e raN+Da'i shing drung na 'dug pa dang /
249a6 srog chags rnam pa mang po dag gis zos shing keng rus la thug par byas te bor ba mthong ngo / /yang lus de nyid la gnas shing srog chags dag la za bar yang mthong
249a7 ngo / /rgyal bu kha cig ni sna ma'i me tog gis brgyan cing ma he'i shing rta dag la zhon te lam gol bar zhugs nas g.yas phyogs su bltas shing dong bar mthong ngo / /brgya
249b1 byin dang / tshangs pa dang / 'jig rten skyong ba dag kyang 'ongs nas bram ze la smras pa/ kye bram ze khyod kyi kho ra khor yug na pad+ma yod pa gang yin pa de dag las khyod kyis dang
249b2 por pad+ma gcig ni rgyal po'i skal bar phul cig /de nas rgyal bu 'di dag la'ang pad+ma re re byin ci lhag ma rnams ni khams kyi gyal po rnams la byin cig /gzhan dag ni skye
249b3 po rnams la byin cig /de thos nas bram ze lha rnams kyis bsgo ba bzhin du bya'o zhes smras te/ de nas bram ze de pad+ma rnams 'god bzhin pa las sad pa dang / de mal nas
249b4 langs te rmi lam dran zhing 'dug pa na de 'di snyam du sems te/ 'khor los bsgyur ba'i rgyal po de dang / rgyal bu kha cig ni smon lam dman zhing 'khor ba'i bde ba la mngon
249b5 par dga' ba ste/ de dag ni dman pa la mos pa yin no/ /gang dag bdag gis rmi lam na sna ma'i me tog gis brgyan cing ma he'i shing rta dag la zhon te/ lam gol bar zhugs
249b6 nas g.yas phyogs su bltas shing dong bar mthong ba'i rgyal bu kha cig ni nyan thos kyi theg pa 'dod pa yin no/ /bdag gis snang ba chen po mthong zhing snang ba des phyogs bcu'i
249b7 sangs rgyas bcom ldan 'das rnams mthong ba gang yin pa de ni bdag gis dzam+bu'i gling thams cad na gnas pa'i srog chags bye ba khrag khrig 'bum phrag du ma dag bsod
250a1 nams bya ba'i dngos po gsum po dag yang dag par 'dzin du bcug cing btsud de rab tu bkod pa de'i mtshan ma yin te/ gang gi phyir bdag gi
250a2 dzam+bu'i gling myul cing sems can bgrang ba las yang dag par 'das pa dag bla na med pa yang dag par rdzogs pa'i byang chub tu yang dag par 'dzin du bcug nas btul
250a3 cing btsun de rab tu bkod pa gang yin pa dang / bdag gi de bzhin gshegs pa dgra bcom pa yang dag par rdzogs pa'i sangs rgyas dge slong gi dge 'dun dang bcas pa yo
250a4 byad thams cad kyis lo bdun du spyan drangs pa des na/ bdag gis snang ba chen po mthong zhing phyogs bcu'i sangs rgyas bcom ldan 'das rnams kyang mthong la/ phyogs bcu'i
250a5 sangs rgyas kyi zhing gzhan dag nas sangs rgyas bcom ldan 'das rnams kyis pad+ma dag bskur zhing / bdag gis bla na med pa yang dag par rdzogs pa'i byang chub tu
250a6 smon lam btab pa gang yin pa des sangs rgyas bcom ldan 'das de dag gis bdag la gdugs dag bskur ba yin na/ bdag gis pad+ma de dag la nyi ma'i gzugs
250a7 dag mthong ba gang yin pa dang / bdag gis 'od zer de dag rang gi khar zhugs par mthong ba gang yin pa dang / lus chen por rgyur par mthong ba gang yin pa dang / nyi
250b1 ma'i gzugs rnams phreng pa dang rab mthong ba gang yin pa dang / khong pa na byang chub sems dpa' bye ba khrag khrig 'bum phrag drug cu pad+ma dag la skyil mo krung bcas te 'dug cing
250b2 bsam gtan byed pa gang yin pa de lta bu'i rmi lam dag rmi ba dang / bdag gis brgya byin dang / tshangs pa dang / 'jig rten skyong ba dag mthong zhing pad+ma 'di dag bgos shig
250b3 ces bsgo ba gang yin pa dang / bdag gis pad+ma de dag bgos te byin pa gang yin pa'i rmi lam de dag bdag gis bcom ldan 'das la gsol zhing / rgyu gang dang rkyen gang gis
250b4 na bdag la de lta bu'i rmi lam dag rmis zhes bdag gis de bzhin gshegs pa la zhu'o snyam mo/ /de nas bram ze rgya mtsho'i rdul gyis de nyid kyi mtshan mo 'das pa dang zhal zas
250b5 sbyar nas/ nang par sngar bcom ldan 'das ga la ba der song ste phyin pa dang / bdag nyid kyis bcom ldan 'das dang / dge slong gi dge 'dun phyag chab gsol to/ /phyag chab
250b6 gsol nas kyang bdag nyid lag dar te bza' ba dang bca' ba mang po dag legs par bstabs shing tshim par byas so/ /legs par bstabs shing tshim par byas nas kyang dge slong
250b7 gi dge 'dun la'ang rnam grangs du mas legs par bstabs zhing tshim par byas so/ /rnam grangs du mas legs par bstabs shing tshim par byas/ bcom ldan 'das dang dge
251a1 slong gi dge bdun bshos gsol lags te/ lhung bzed bzhag cing phyag bcabs par rig nas/ stan shin tu dma' ba zhig blangs nas chos
251a2 mnyan pa'i phyir bcom ldan 'das kyis spyan sngar 'dug go/ /de nas rgyal po rtsibs kyi mu khyud kyang bu stong dang lhan cig tu srog chags stong phrag du mas yongs su bskor cing
251a3 mdun du bdar te/ de nyid du 'ongs nas de bzhon pas bgrod pa'i sa ji srid pa de srid du bzhon pas song ste/ bzhon pa las babs nas rkang pas kun dga'i ra bar zhugs
251a4 so| |zhugs nas kyang bcom ldan 'das ga la der song ste phyin pa dang / bcom ldan 'das dang / dge slong gi dge 'dun gyi zhabs la mgo bos phyag btsal te/ chos
251a5 mnyan pa'i phyir bcom ldan 'das kyi spyan sngar 'dug go /de nas bcom ldan 'das la bram ze rgya mtsho'i rdul gyis rmi lam ji rmis pa dag gsol pa dang / bcom ldan 'das
251a6 kyis bka' stsal pa/ bram ze gang khyod kyis snang ba chen po dang / snang ba des sangs rgyas kyi zhing gang+gA'i klung gi bye ma snyed dag gi sangs rgyas bcom ldan 'das rnams
251a7 mthong nas khyod la pad+ma dag bskur ba dang / pad+ma de dag la nyi ma'i gzugs 'od zer rab tu 'byung ba dag mthong ba dang / 'od zer de dag khyod kyi khar zhugs par mthong
251b1 ba ni bram ze gang khyod lo nyis brgya lnga bcur dzam+bu'i gling nyul bar byed pa ni khyod kyis myul ba des sems can bgrang ba las yang dag par 'das pa dag bsod nams bya ba'i dngos po
251b2 gsum po dag la btsud cing rab tu bkod pa dang / sems can bgrang ba las yang dag par 'das pa dag bla na med pa yang dag par rdzogs pa'i byang chub yang dag par 'dzin du
251b3 bcug ste brtul cing btsud de rab tu bkod pa dang / theg pa chen po 'di la brtsam pa byas pa de na gang dag gis khyod la pad+ma gang dag la nyi ma'i gzugs dag snang ba'i pad+ma 'dab
251b4 ma rnams ni gser/ sdong bu rnams ni dngul/ snying po rnams ni baiDUR+ya/ ze ba rnams ni rdo'i snying po las byas pa dag bskur ba'i sangs rgyas bcom ldan 'das phyogs bcu'i 'jig
251b5 rten gyi khams gang+gA'i klung gi bye ma snyed dag na bzhugs te 'tsho zhing gzhes la chos kyang ston pa de dag gis bram ze khyod bla na med pa yang dag par rdzogs pa'i byang chub tu lung
251b6 bstan par gyur te/ rmi lam de ni de'i snga ltas yin no/ /bram ze gang khyod kyi rmi lam na phyogs bcu'i 'jig rten gyi khams gang+gA'i klung gi bye ma snyed dag na sangs rgyas bcom ldan
251b7 'das gang dag bzhugs te 'tsho zhing gzhes la chos kyang ston pa'i sangs rgyas bcom ldan 'das de dag gis khyod la rin po che sna bdun gyi gdugs dag bskur zhing / gdugs
252a1 de dag kyang steng gi bar snang la tshangs pa'i 'jig rten gyi mthar thug pa'i bar du gnas pa dag mthong ba ni bram ze gang gi nub mo khyod bla na
252a2 med pa yang dag par rdzogs pa'i byang chub mngon par rdzogs par 'tshang rgya bar 'gyur ba de nyid kyi nub mo phyogs bcu'i 'jig rten gyi khams gang+gA'i klung gi bye ma snyed dag
252a3 tu khyod kyi grags pa dang / sgra dang / tshigs su bcad pa rgya chen po dag mngon par 'phags par 'gyur zhing / khyod kyi spyi gtsug kyang tshangs pa'i 'jig rten gyi mthar thug
252a4 pa'i bar du gyen du mngon par 'phags shing ba ltar mi nus par gyur te/ bram ze rmi lam de ni de'i snga ltas yin no/ /bram ze gang khyod kyis tshangs pa'i 'jig rten gyi bar
252a5 du thug pa'i lus chen po dang / nyi ma'i dkyil 'khor gyi phreng ba dag mgo la bcings par mthong ba gang yin pa de ni bram ze khyod kyis sems can bgrang ba las yang dag
252a6 par 'das pa dag bla na med pa yang dag par rdzogs pa'i byang chub yang dag par 'dzin du bcug pa gang yin pa de dag kyang khyod byang chub mngon par rdzogs par sangs rgyas
252a7 pa na/ phyogs bcu'i 'jig rten gyi khams sangs rgyas kyi zhing rdul phra rab kyi rdul snyed dag tu bla na med pa yang dag par rdzogs pa'i byang chub mngon par rdzogs par 'tshang
252b1 rgya bar 'gyur te/ khyod kyi byang chub yang dag par 'dzin du bcug pa gang yin pa de dag thams cad yang dang yang du khyod kyi bsngags pa brjod par gyur te/ de bzhin gshegs
252b2 pa dgra bcom pa yang dag par rdzogs pa'i sangs rgyas des bdag cag dang po bla na med pa yang dag par rdzogs pa'i byang chub yang dag par 'dzin du bcug pas na/ des de ltar
252b3 bdag cag bla na med pa yang dag par rdzogs pa'i byang chub mngon par rdzogs par sangs rgyas te/ de ni bdag cag gi dge ba'i bshes gnyen yin no zhes bsngags pa brjod
252b4 par 'gyur zhing sangs rgyas bcom ldan 'das de dag gis khyod la mchod pa bya ba'i phyir byang chub sems dpa' dag gtong bar 'gyur te/ de nas byang chub sems dpa'
252b5 sems dpa' chen po de dag gis byang chub sems dpa'i rnam par 'phrul pa sna tshogs dag gis khyod la mchod pa byas shing / der khyod las chos thos nas ting nge 'dzin dang /
252b6 gzungs dang / bzod pa rnam pa sna tshogs dag thob nas byang chub sems dpa' sems dpa' chen po de dag rang rang gi sangs rgyas kyi zhing dag tu dong ste/ khyod kyi bsngags
252b7 pa brjod par 'gyur zhing dbyangs rjes su sgrogs par 'gyur te/ bram ze khyod kyi rmi lam de ni de'i snga ltas yin no/ /bram ze gang khyod kyi rmi lam na byang chub sems dpa' bye ba
253a1 khrag khrig 'bum phrag drug cu khong par zhugs nas de dag pad+ma dag la skyil mo krung bcas te 'dug cing bsam gtan sgom pa dag mthong ba ni
253a2 bram ze khyod byang chub mngon par rdzogs par sangs rgyas pa na/ gang dag srog chags bye ba khrag khrig 'bum dag bla na med pa yang dag par rdzogs pa'i byang chub yang dag
253a3 par 'dzin du bcug par 'gyur zhing bla na med pa yang dag par rdzogs pa'i byang chub las phyir mi ldog pa dag la 'god par 'gyur ba de dag kyang bram ze khyod bla na med pa'i
253a4 yongs su mya ngan las 'da' bas yongs su mya ngan las 'das nas/ bskal pa sangs rgyas kyi zhing rdul bra rab kyi rdul snyed 'das pa'i 'og tu phyogs bcu'i sangs rgyas kyi
253a5 zhing gzhan dag tu chos kyi rgyal srid mdzad pa'i sangs rgyas bcom ldan 'das su 'gyur ba na/ 'di skad du bskal pa grangs med pa 'das pa na de bzhin gshegs pa dgra
253a6 bcom pa yang dag par rdzogs pa'i sangs rgyas mtshan 'di zhes bya ba zhig byung ste/ de bzhin gshegs pa dgra bcom pa yang dag par rdzogs pa'i sangs rgyas des bdag
253a7 cag bla na med pa yang dag par rdzogs pa'i byang chub yang dag par 'dzin du bcug ste brtul cing btsud de rab tu bkod nas phyir mi ldog pa la bkod pas na des da ltar bdag
253b1 cag bla na med pa yang dag par rdzogs pa'i byang chub mngon par rdzogs par sangs rgyas shing chos kyi rgyal srid kyang brnyes so zhes khyod kyi bsngags pa brjod par 'gyur te/ bram
253b2 ze khyod kyi rmi lam de ni de'i snga ltas yin no/ /bram ze gang khyod kyi rmi lam na phag gi gdong dang / khyi'i gdong gi bar du gyur cing lus khrag gis bskus te srog chags rnam pa du ma
253b3 dag zos nas e raN+Da'i shing ngan pa'i drung na 'dug pa dang / de'ang srog chags rnam pa du ma gzhan dag gis zos shing keng rus kyi bar byas te bor ba dang / yang lus phyir
253b4 skyes nas lus khrag gis bskus shing khyi'i gdong gi bar du gyur bas srog chags rnam pa mang po dag zos nas yang e raN+Da'i shing ngan pa'i drung na 'dug pa dang / srog chags rnam pa du ma dag
253b5 gis zos par mthong ba ni khyod kyis skyes bu blun pa bsod nams bya ba'i dngos po gsum po sbyin pa dang / dul ba dang / yang dag par sdom pa yang dag par 'dzin du bcug cing
253b6 rab tu bkod pa de dag lha rnams kyi nang du 'chi 'pho ba'i sdug bsngal 'dod pa dang / mi rnams kyi nang du rga ba dang / na ba dang / 'chi ba dang / mi sdug pa dang phrad pa dang / sdug
253b7 pa dang bral ba'i sdug bsngal dang / yi dwags rnams kyi nang du bkres pa dang / skom pa'i sdug bsngal dang / dud 'gro rnams kyi nang du gti mug gi mun pa dang / mgo gcod
254a1 pa la sogs pa'i sdug bsngal dang / sems can dmyal ba rnams kyi nang du gnod pa sna tshogs la sogs pa'i sdug bsngal 'dod par 'gyur
254a2 ba dang / bsod nams bya ba'i dngos po rnam pa gsum po dag la rab tu bkod pa rnams lha rnams kyi nang du lha'i rgyal srid 'dod la mi rnams kyi nang du ni gling gcig gi dbang
254a3 phyug 'dod de/ de dag der sems can thams cad la longs spyod par 'gyur zhing / de dag kyang sems can thams cad kyi kha zas dang / longs spyod du 'gyur bas de ltar skyes
254a4 bu blun po de dag yun ring por 'khor bar sdug bsngal nyams su myong bar 'gyur te/ bram ze khyod kyi rmi lam de ni de'i snga ltas yin no/ /bram ze gang khyod kyi rmi lam na mi kha
254a5 cig sna ma'i me tog gi phreng ba dag gis mgo brgyan cing / ma he'i shing rta dag la zhon te lam gol bar zhugs nas g.yas phyogs su lta zhing dong bar mthong ba de'ang bram ze
254a6 khyod kyi sa bsod nams bya ba'i dngos po gsum po dag la rab tu bkod pa'i rigs kyi bu dag cig bdag dul bar bya ba dang / bdag zhi bar bya ba 'ba' zhig gi phyir nyan
254a7 thos kyi theg pa la yang dag par zhugs par 'gyur te/ bram ze de ni nyan thos kyi theg pa pa'i gang zag de dag gi snga ltas yin no/ /rigs kyi bu/ de nas bram ze rgya mtsho'i
254b1 rdul gyis rgyal po rtsibs kyi mu khyud la 'di skad ces smras so/ /rgyal po chen po/ mir skye ba ni rnyed par dka'/ dal ba phun sum tshogs pa'ang rnyed par dka'/ de bzhin gshegs
254b2 pa dgra bcom pa yang dag par rdzogs pa'i sangs rgyas rnams 'jig rten du 'byung ba'ang u dum+ba ra'i me tog ltar rnyed par dka'/ dge ba'i chos la 'dun pa'ang rnyed par dka'/
254b3 yang dag pa'i smon lam yang rnyed par dka' lags so/ /rgyal po chen po/ lha'i rgyal srid ni sdug bsngal 'byung ba'i rgyu lags so/ /gling gcig gi mi rnams kyi rgyal srid kyang
254b4 sdug bsngal 'byung ba'i rgyu lags so/ /gling gnyis dang / gsum dang / gling bzhi pa'i rgyal srid kyang sdug bsngal 'byung ba'i rgyu lags te/ rgyal po chen po/ yun ring por
254b5 'khor ba'i sdug bsngal nyams su myong bar bgyid pa lags so/ /rgyal po chen po/ lha dang mi'i 'byor pa ni rlung gi shugs bzhin du g.yo zhing mi gnas lags so/ /byis pa
254b6 rnams ni chu zla lta bu'i 'dod pa'i yon tan lngas ngoms mi myong zhing yul rnams la myos nas lha dang mi'i dpal 'tshal bar bgyid de/ byis pa de dag ni yang dang yang du sems can
254b7 dmyal ba rnams su gnod pa'i sdug bsngal dang / dud 'gro rnams kyi nang du kun tu gti mug pa'i sdug bsngal dang / yi dwags rnams kyi nang du bkres pa dang skoms pa'i sdug
255a1 bsngal dang / mi rnams kyi nang du sdug pa dang bral ba'i sdug bsngal dang / lha rnams kyi nang du 'chi 'pho'i sdug bsngal dang / yang mngal du gnas
255a2 pa'i sdug bsngal dang / gcig gis gcig mgo gcod pa'i sdug bsngal dang / gcig la gcig 'tshal ba'i sdug bsngal nyams su myong bar 'gyur te/ byis pa rnams 'khyams
255a3 pa na de lta bu'i sdug bsngal dag nyams su myong bar 'gyur ro/ /de ci'i slad du zhe na/ dge ba'i bshes gnyen dang bral bas ma thob pa thob par bgyi ba dang / ma rtogs pa
255a4 rtogs par bgyi ba dang / mngon sum du ma bgyis pa mngon sum du bgyi ba'i slad du yang dag pa'i smon lam mi 'debs shing rtsol bar mi bgyid pa'i slad du ste/ de ltar
255a5 byis pa glen pa dag ni gang la sdug bsngal thams cad bas par 'gyur ba'i byang chub kyi sems kyis skyo bar bgyid cing gang la yang dang yang du sdug bsngal 'byung bar 'gyur
255a6 ba'i 'khor bas skyo bar mi bgyid cing yid 'byung bar mi bgyid do/ /rgyal po chen po/ de lta bas na 'khor ba ni sdug bsngal thams cad kyi snod du gyur pa lags par yongs
255a7 su brtag pa mdzod cig /rgyal po chen po/ 'di ltar khyod kyis ni bcom ldan 'das kyi bstan pa la lhag par mdzad pa mdzad de/ dge ba'i rtsa ba ni bskrun/ dkon mchog gsum
255b1 la dad pa ni brnyes/ longs spyod chen po'i phyir bcom ldan 'das la dbul ba ni phul/ mtho ris su skye ba thob par bgyi ba'i slad du tshul khrims ni bsrungs/ bcom ldan
255b2 'das la chos gsan pas khyod shes rab chen po brnyes par ni gyur/ mchod sbyin ni mdzad lags kyi/ rgyal po chen po khyod bla na med pa yang dag par rdzogs pa'i byang chub tu
255b3 thugs skyed cig /smras pa/ bram ze/ kho bo'i ni bla na med pa yang dag par rdzogs pa'i byang chub mi 'dod de/ bram ze/ kho bos ni 'khor ba mngon par 'dod pa'i don du sbyin
255b4 pa byin cing tshul khrims bsrungs la chos nyan to/ /bram ze/ bla na med pa yang dag par rdzogs pa'i byang chub ni thob par dka' ba yin pas/ bram ze/ mi dgos so/ /bram ze rgya
255b5 mtsho'i rdul gyis rgyal po la lan gnyis su smras pa/ rgyal po chen po/ byang chub kyi lam ni yang dag pa lags pas bsam pas smon lam btab par bgyi ba ste/ lam de ni sgrib ba ma
255b6 mchis pas rdzogs shing shin tu dang ba lags so/ /lam de ni lhag pa'i bsam pas rnam par dag cing drang po lags so/ /lam de ni nyon mongs pa bsal bas g.yo med cing
255b7 dag pa lags so/ /lam de ni sgrib pa ma mchis pas rgya che ba lags so/ /lam de ni bsam pa las byung bas yang dag par gzhol ba lags so/ /lam de ni sdig pa thams
256a1 cad mi bgyid pas 'jigs pa ma mchis pa lags so/ /lam de ni sbyin pa'i pha rol tu phyin pas yang dag par 'byor pa lags so/ /lam de ni tshul
256a2 khrims kyi pha rol tu phyin pas bsil ba lags so/ /lam de ni bzod pa'i pha rol tu phyin pas gzhi ma mchis pa lags so/ /lam de ni brtson 'grus kyi pha rol tu phyin pas byin
256a3 gyi rlabs kyi rten lags so/ /lam de ni bsam gtan gyi pha rol tu phyin pas rnyog pa ma mchis pa lags so/ /lam de ni shes rab kyi pha rol tu phyin pas shin tu rtogs pa lags
256a4 so| |lam de ni snying rje chen pos ngo bo nyid kyi shes pa rjes su rtogs pa lags so/ /lam de ni dga' ba chen pos mchog tu dga' ba thob pa lags so/ /lam de ni btang snyoms
256a5 chen pos snying po dang mthun pa lags so/ /lam de ni 'dod pa dang / gnod sems dang / rnam par 'tshe ba'i rnam par rtog pa dag ma mchis pas tsher ma dang bral ba lags
256a6 so| |lam de ni khong khro ba'i sems ma mchis pas bgrod bde ba lags so/ /lam de ni gzugs dang / sgra dang / dri dang / ro dang / reg bya rnam par rig pas g.yo dang bral ba
256a7 lags so/ /lam de ni khams dang skye mched shin tu mthong bas bdud dang phyir rgol ba nges par bcom pa lags so/ /lam de ni nyon mongs pa thams cad dang bral bas bdud dang
256b1 bra/ lags so/ /lam de ni nyan thos dang rang sangs rgyas kyi yid la bgyid pa dang bral pas sems rgya chen pos mchi ba lags so/ /lam de ni de bzhin gshegs pa thams cad kyis
256b2 byin gyis brlabs pas spro ba dang bcas pa lags so/ /lam de ni thams cad mkhyen pa nyid kyi rin po che dang mthun pas rin po che chen po nges par sgrub pa lags so/ /lam de ni
256b3 bcom ldan 'das kyi ye shes chags pa mi mnga' bas rtag tu bstan pa lags so/ /lam de ni dge ba'i bshes gnyen gyis rjes su zin pas dge ba'i rtsa ba ston cing rjes su spyad pa
256b4 lags so/ /lam de ni rjes su chags pa dang / khong khro ba spangs pas mtho dman dang bral ba lags so/ /lam de ni gnod sems dang / tha ba dang / khro ba ma mchis pas rdul nges
256b5 par bcom pa lags so/ /lam de ni mi dge ba thams cad dang bral bas bde 'gror mchi ba la sman pa lags so/ /rgyal po chen po/ byang chub kyi lam de ni mya ngan las 'das pa'i
256b6 mthar thug pas bde ba 'thob pa lags kyi/ rgyal po chen po/ byang chub tu thugs skyed cig /rgyal pos smras pa/ bram ze/ de bzhin gshegs pa 'di ni skye dgu lo brgyad khri pa
256b7 rnams kyi nang du 'jig rten du byung bas na de bzhin gshegs pas ngan song thams cad zhi bar mdzad pa la spyod de/ sems can gang dag gis dge ba'i rtsa ba bskyed pa'i sems can
257a1 de dag ni 'bras bu la gnas par gyur la las ni ting nge 'dzin dang / gzungs dang / bzod pa bsgrubs/ gang dag dge ba'i rtsa ba mchog tu gyur
257a2 pa'i byang chub sems dpa' de dag ni byang chub las phyir mi ldog par gyur/ dge ba'i rtsa ba bskyed pa kha cig gis ni lha dang mi'i dpal nyams su myong bar gyur te/ sems can
257a3 rnams rang rang gi dge ba dang / mi dge ba'i las rnams kyi 'phyan par gyur pas na/ 'di ltar sems can gcig tsam gyi sdug bsngal yang rab tu zhi bar ma mdzad na bcom ldan
257a4 'das kyis btul ba'i sems can gang zhig yin/ bcom ldan 'das kyi sku ni zhing du gyur pa 'ba' zhig tu zad kyi/ dge ba'i rtsa ba ma bskyed pa'i sems can rnams sdug bsngal
257a5 las thar bar ni mi mdzad do/ /kho bo ni byang chub tu sems bskyed cing byang chub sems dpa'i spyad pa'ang spyod la/ kho bo ye shes chen po bsags pa dang / chos kyi sgo chen po
257a6 bsam gyis mi khyab par 'jug pa des sems can rnams 'dul zhing sangs rgyas kyi mdzad pa'ang byed mod kyi sangs rgyas kyi zhing nyon mongs pa can 'di lta bur byang chub kyi phyir
257a7 sems yongs su bsngo ba 'ba' zhig ni mi byed do/ /gal te gang gi tshe kho bo bla na med pa yang dag par rdzogs pa'i byang chub la reg par 'gyur pa'i sangs rgyas kyi zhing der kho bos
257b1 sems can rnams kyi sdug bsngal thams cad rab tu zhi bar byed par 'gyur ba de lta bu'i sangs rgyas kyi zhing zhig 'thob par 'gyur ba lta na/ de'i tshe kho bo byang chub tu sems bskyed
257b2 cing kho bos byang chub sems dpa'i spyod pa'ang spyad par bya'o/ /rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying
257b3 pos 'di lta bu'i rdzu 'phrul mngon par 'du bya ba mngon par 'du mdzad de/ de'i tshe ting nge 'dzin me long bkod pa zhes bya ba la snyoms par zhugs so/ /de ltar bcom ldan
257b4 'das kyis ting nge 'dzin me long bkod pa la mnyam par bzhag pa dang / 'di lta bu'i snang ba byung bar gyur te/ snang ba des phyogs bcu'i phyogs re rer yang 'jig rten gyi khams 'di
257b5 sangs rgyas kyi zhing stong gi 'jig rten gyi rdul snyed dag gi yon tan bkod pa thams cad snang bar gyur te/ la la dag na sangs rgyas bcom ldan 'das yongs su mya ngan las
257b6 'das pa dang / la la dag na yongs su mya ngan las 'da' ba'i phyir yang dag par zhugs pa dang / gang dag na byang chub sems dpa' sems dpa' chen po byang chub kyi shing drung na
257b7 'dug nas bdud pham par byed pa rnams dang / gang dag na mngon par rdzogs par sangs rgyas nas ring po ma lon par chos kyi 'khor lo bskor ba rnams dang / gang dag na chos
258a1 kyi 'khor lo bskor nas ring po ma lon par chos ston pa rnams dang / sangs rgyas kyi zhing gang dag na sangs rgyas dang byang chub sems dpa' rnams
258a2 kyis khyab pa dang / gang dag na nyan thos dang rang sangs rgyas rnams 'byung ba med pa dang / gang dag na nyan thos dang rang sangs rgyas rnams 'byung ba dang / sangs rgyas kyi zhing
258a3 gang dag na sangs rgyas dang / byang chub sems dpa' dang / nyan thos dang / rang sangs rgyas rnams kyis stong pa dang / sangs rgyas kyi zhing kha cig snyigs ma lngas nyon mongs
258a4 pa can du gyur pa dang / kha cig snyigs ma lnga dang bral ba'i yongs su dag pa dang / kha cig na sems can mchog rnams dang / kha cig na dman pa rnams dang / kha cig na
258a5 tshe ring ba rnams dang / kha cig na tshe thung ba rnams dang / sangs rgyas kyi zhing kha cig mes 'jig pa rnams dang / kha cig chu dang / kha cig rlung gis 'jig pa rnams dang /
258a6 kha cig chags pa rnams dang / kha cig chags shing gnas pa de dag thams cad snang ba rgya chen pos khyab par kun tu snang ngo / /thams cad dang ldan pa'i 'khor des sangs
258a7 rgyas kyi zhing gi yon tan bkod pa de dag mthong nas bram ze rgya mtsho'i rdul gyis rgyal po la smras pa/ rgyal po chen po/ sangs rgyas kyi zhing gi yon tan bkod pa dag la
258b1 gzigs la/ rgyal po chen po/ bla na med pa yang dag par rdzogs pa'i byang chub tu thugs skyed cig /rgyal po chen po/ sangs rgyas kyi zhing ji lta bu bzhed par yang gzung bar
258b2 mdzod cig /de nas rgyal po rtsibs kyi mu khyud kyis bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan
258b3 'das/ las gang gis na byang chub sems dpa' sems dpa' chen po sangs rgyas kyi zhing yongs su dag pa yongs su 'dzin pa nas/ gang gis sems can bsam pa yongs su dag pa
258b4 dang / gang gis sems can rnams tshe ring por 'gyur ba'i bar du rgya cher gsol ba dang / bcom ldan 'das kyis bka' stsal pa/ rgyal po chen po/ byang chub sems dpa' sems dpa'
258b5 chen po ni smon lam gyi dbang gis sangs rgyas kyi zhing snyigs ma lnga dang bral zhing yongs su dag pa dang / smon lam gyi dbang gis yongs su dag pa'ang yongs su 'dzin to/ /rgyal pos
258b6 gsol pa/ btsun pa bcom ldan 'das/ bdag grong khyer du zhugs te/ rtse gcig tu mchis nas smon lam bsam par bgyi zhing bdag snyigs ma lnga dang bral ba'i sangs rgyas kyi
258b7 zhing ji lta bu la dga' ba der dge ba'i spyod pa 'di dag yongs su bsngo bar bgyi'o/ /bcom ldan 'das kyis bka' stsal pa/ rgyal po chen po/ de'i dus la bab par shes par gyis
259a1 shig /rigs kyi bu/ de nas rgyal po rtsibs kyi mu khyud kyis bcom ldan 'das dang dge slong gi dge 'dun gyi zhabs la mgo bos phyag btsal te/ lan
259a2 gsum bskor ba byas nas/ bcom ldan 'das kyi thad nas song ste/ grong khyer du zhugs nas rang gi khyim du nang du yang dag 'jog la rtse gcig tu 'dug nas sangs rgyas kyi
259a3 zhing yon tan bkod pa dag sems par byed do// //bam po bzhi pa/ de nas bram ze rgya mtsho'i rdul gyis rgyal bu thu bo mig mi 'dzum la smras pa/ mig mi 'dzum
259a4 khyod bla na med pa yang dag par rdzogs pa'i byang chub tu sems bskyed la/ khyod kyis bsod nams bya ba'i dngos po gsum po dag gi dge ba spyad cing bsod nams bsgrubs pa
259a5 gang yin pa de dag thams cad bla na med pa yang dag par rdzogs pa'i byang chub tu yongs su bsngos shig /des smras pa/ mkhan po/ bdag kyang rang gi khyim du mchis la
259a6 gcig pu dben par mchis nas sangs rgyas kyi zhing gi yon tan bkod pa dag bsam par bgyi ste/ gal te byang chub kyi slad du sems skye bar 'gyur ba lta na bcom ldan 'das
259a7 kyi drung du slar mchis nas byang chub tu sems yongs su bsngo bar bgyi'o/ /de nas rgyal bu des kyang bcom ldan 'das dang dge slong gi dge 'dun gyi zhabs la mgo bos phyag
259b1 btsal te/ lan gsum skor ba byas nas bcom ldan 'das kyi drung nas song ste/ rang gi gnas su song nas gcig tu dben par song ste 'jug nas sangs rgyas kyi zhing gi yon tan
259b2 bkod pa dag sems par byed do/ /rigs kyi bu/ de nas mdun na 'don gyi gtso bo bram ze rgya mtsho'i rdul gyis rgyal bu gnyis pa la bos te smras pa/ gzhon nu khyod byang chub tu sems
259b3 skyed cig ces bya ba nas snga ma bzhin du rgya cher sbyar te/ rgyal bu stong gi bar du thams cad byang chub yang dag par 'dzin du bcug go /khams kyi rgyal po brgyad khri bzhi stong dang / gzhan
259b4 yang sems can dung phyur phrag dgu dang / bye ba phrag gnyis kyang byang chub yang dag par 'dzin du bcug pa dang / de dag thams cad kyis kyang 'di skad ces smras so/ /bdag cag kyang
259b5 rang rang gi khyim du mchis la gcig pu dben par mchis nas sangs rgyas kyi zhing gi yon tan bkod pa dag bsam par bgyi'o/ /de skad ces smras nas thams cad rang rang gi khyim
259b6 dag tu dong ste/ gcig pu dben par 'dug nas lo bdun gyi bar du sangs rgyas kyi zhing gi yon tan bkod pa'i smon lam sems par byed do/ /rigs kyi bu/ de nas dus gzhan
259b7 zhig na bram ze rgya mtsho'i rdul gyi sems la 'di lta bu'i rnam par rtog pa skyes te/ bdag gis srog chags bye ba khrag khrig 'bum phrag mang po dag bla na med pa yang dag par rdzogs
260a1 pa'i byang chub yang dag par 'dzin du bcug cing / bdag gis sangs rgyas bcom ldan 'das dge slong gi dge 'dun dpag tu med pa dang bcas pa
260a2 'di yang lo bdun gyi bar du yo byad thams cad kyis spyan drangs pas/ gal ta bla na med pa yang dag par rdzogs pa'i byang chub tu bdag gis bsam pa yongs su rdzogs par
260a3 'gyur zhing / de bzhin du smon lam 'di'ang 'grub pa lta na de'i phyir bdag gis lha dang / lha ma yin dang / dri za dang / gnod sbyin dang / srin po dang / grul bum rnams mchod
260a4 sbyin chen po 'di la yang dag par gzud par bya'o snyam mo/ /rigs kyi bu/ de nas mdun na 'don gyi gtso bo bram ze rgya mtsho'i rdul rgyal po rnam thos kyi bu mthong bar 'dod pa dang /
260a5 de nas rgyal po chen po rnams thos kyi bu gnod sbyin 'bum phrag du mas yongs su bskor cing mdun du bdar nas/ bram ze rgya mtsho'i rdul ga la ba der song ste phyin pa dang / bram
260a6 ze rgya mtsho'i rdul gyi mdun du 'dug nas 'di skad ces smras so/ /bram ze/ khyod kho bo las ji zhig 'dod/ bram zes smras pa/ khyod su zhig yin/ rnam thos kyi bus
260a7 smras pa/ bram za chen po khyod kyis gnod sbyin gyi bdag po rnam thos kyi bu zhes bya ba zhig yod par thos pa de ni kho bo yin na/ bram ze/ bsgo ba ci yod/ ci zhig bgyi/ bram
260b1 zes smras pa/ rgyal po chen po khyod kyang mchod sbyin chen po 'di la spro ba skyed cing /des smras dang / bram ze khyod ji ltar 'dod pa de ltar bya'o/ /smras pa/ rgyal po chen po/ de'i phyir khyod
260b2 kyis kho bo'i tshig gis gnod sbyin rnams bla na med pa yang dag par rdzogs pa'i byang chub yang dag par 'dzin du bcug la/ 'di skad ces kyang bsgo shig /gal te gnod sbyin khyed
260b3 cag bla na med pa yang dag par rdzogs pa'i byang chub 'dod pa lta na/ khyed cag deng la rgya mtsho'i pha rol nas tsan+dan sa mchog pa dang / tsan+dan sprul gyi snying po dag lor zhig /kha
260b4 cig gis ni spos sna tshogs dang / kha cig gis ni me tog sna tshogs dag long zhig ces bsgo zhig dang / des kho bos nyin gcig bzhin du bcom ldan 'das la mchod pa bya'o/ /
260b5 rgyal po chen po/ rnam thos kyi bu/ bram ze/ de ltar bya'o zhes bram ze de'i ltar mnyan nas de nyid du mi snang bar gyur te/ rnga bo che brdung nas gnod sbyin dang / srin po dag bsdus
260b6 te 'di skad ces smras so/ /grogs po dag /shes par gyis shig /gang dzam+bu'i gling 'di na rgyal po rtsibs kyi mu khyud kyi mdun na 'don gyi gtso bo bram ze rgyal mtsho'i rdul ces bya ba
260b7 des de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dang bcas pa la lo bdun du yo byad thams cad kyis
261a1 bsnyen bkur byed kyi/ de'i phyir khyed cag gis de'i dge ba'i rtsa ba la rjes su yi rang bar bya zhing dge ba'i rtsa ba des khyed cag gis bla na med pa yang dag
261a2 par rdzogs pa'i byang chub tu sems skyed cig /de'i tshe na gnod sbyin dang / srin po bye ba khrag khrig 'bum phrag mang po dag gis thal mo sbyar te smras pa/ bram ze rgya mtsho'i rdul
261a3 gyis de bzhin gshegs pa dgra bcom pa yang dag par rdzogs pa'i sangs rgyas rin po che'i snying po dge slong gi dge 'dun dpag tu med pa dang bcas pa la lo bdun du yo byad
261a4 thams cad kyis bsnyen bkur byas pa'i bsod nams kyi rgyun dang / dge ba'i rgyun gang yin pa'i bsod nams kyi phung po de dag thams cad la bdag cag rjes su yi rang ngo / /
261a5 dge ba'i rtsa ba des bla na med pa yang dag par rdzogs pa'i byang chub mngon par mngon par rdzogs par 'tshang rgya bar bya'o/ /rgyal po chen po rnam thos kyi bus smras pa/ khyed cag nyon cig /
261a6 khyed cag las gang su dge ba'i rtsa ba 'dod pa dang / bsod nams 'dod pas lo bdun du gang gi phyir bram ze rgya mtsho'i rdul gyis bcom ldan 'das dang / dge slong gi dge 'dun gyi
261a7 zhal zas sbyor bar 'gyur ba'i tsan+dan sa mchog ba dang / tsan+dan sbrul gyi snying po dag rgya mtsho'i pha rol nas long zhig /de nas gnod sbyin dgu khri nyis stong gis tshig mthun par
261b1 smras pa/ grogs po dag /bdag cag gis lo bdun po 'di la gang gi phyir bram ze rgya mtsho'i rdul gyis bcom ldan 'das dang / dge slong gi dge 'dun gyi phyir zhal zas sbyor bar 'gyur
261b2 ba'i tsan+dan sa mchog pa dang / tsan+dan sbrul gyi snying po dag blang bar bya'o/ /gnod sbyin bzhi khri drug stong gis smras pa/ bdag cag gis ni spos blang bar bya'o/ /gnod sbyin lnga khri
261b3 nyis stong gis smras pa/ bdag cag gis ni me tog sna tshogs dag blang bar bya'o/ /gnod sbyin nyi khris smras pa/ bdag cag gis ni bcom ldan 'das dang / dge slong gi dge
261b4 'dun gyi phyir sman bcud kyis len sna tshogs dag gi mthu blangs la zhal zas dang / gtsang nan sbyor bar 'gyur ba gang yin pa der mthu gzhug par bya'o/ /gnod sbyin bdun khris
261b5 smras pa/ grogs po dag /bdag cag gis ni bcom ldan 'das dang / dge slong gi dge 'dun gyi zhal zas sbyar bar bya'o/ /rigs kyi bu/ de nas bram ze rgya mtsho'i rdul rgyal po
261b6 chen po 'phags skyes po mthong bar 'dod pa dang / de nas rgyal po chen po 'phags skyes po bram ze rgya mtsho'i rdul ga la ba der song ste phyin cing grul bum bye ba khrag khrig 'bum
261b7 phrag du ma dag gis bla na med pa yang dag par rdzogs pa'i byang chub tu sems bskyed pa'i bar dang / de bzhin du rgyal po chen po mig mi bzang dang / mul 'khor srung dang / klu
262a1 dang | dri za bye ba khrag khrig 'bum phrag du ma dag gis kyang bla na med pa yang dag par rdzogs pa'i byang chub tu sems bskyed pa'i bar du snga ma bzhin no/ /de
262a2 nas sangs rgyas kyi mthus gling bzhi pa gnyis pa'i 'jig rten skyong ba rnams kyang bram ze rgya mtsho'i rdul gyi gan du 'ongs pa dang / bram ze rgya mtsho'i rdul gyis de dag bla na med pa yang
262a3 dag par rdzogs pa'i byang chub tu yang dag par 'dzin du bcug nas de dag kyang dong ste/ rang rang gi 'khor bla na med pa yang dag par rdzogs pa'i byang chub yang dag par 'dzin
262a4 du bcug go /stong gsum gyi stong chen po'i sangs rgyas kyi zhing gi rnam thos kyi bu ther 'bum 'khor dang bcas pa'ang bla na med pa yang dag par rdzogs pa'i byang chub yang dag par 'dzin du
262a5 bcug go/ 'phags skyes bo ther 'bum dang / mig mi bzang ther 'bum dang / yul 'khor srung ther 'bum 'khor dang bcas pa dag kyang bla na med pa yang dag par rdzogs pa'i byang chub yang dag par
262a6 'dzin du bcug go/ /rigs kyi bu/ de nas bram ze mtsho'i rdul 'di snyam du sems te/ gal te bdag bla na med pa yang dag par rdzogs pa'i byang chub mngon par rdzogs par 'tshang rgya
262a7 bar 'gyur zhing bdag gi re ba'ang yang dag par 'grub par 'gyur la/ gal te bdag gi smon lam yang dag par 'grub par 'gyur ba lta na/ bdag 'dod pa na spyod
262b1 pa'i lha rnams la mchod sbyin chen po 'di'i bsod nams yang dag par bgo bsha' byed par gyur cig /bla na med pa yang dag par rdzogs pa'i byang chub yang dag par 'dzin du 'jug
262b2 par gyur cig /gal te bdag bsod nams des bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na/ deng lha'i dbang po brgya byin
262b3 bdag la lta ba'i phyir 'dir 'ong bar gyur cig /lha'i bu rab 'thab bral dang / lha'i bu yongs su dga' ldan dang / lha'i bu rab 'phrul dang / lha'i bu gzhan 'phrul dbang byed kyang bdag la
262b4 blta ba'i phyir 'dir 'ong bar gyur cig snyam mo/ /rigs kyi bu/ bram ze rgya mtsho'i rdul gyi sa de snyam du sems bskyed ma thag tu lha'i dbang po brgya byin bram ze de lta ba'i phyir 'ongs
262b5 so| |lha'i bu rab 'thab bral dang / lha'i bu yongs su dga' ldan dang / lha'i bu rab 'phrul dang / lha'i bu gzhan 'phrul dbang byed kyang bram ze de lta ba'i phyir 'ongs nas/ bram ze rgya
262b6 mtsho'i rdul gyis de dag la khyed cag su yin zhes dris pa dang / lha'i rgyal po lnga po dag gis rang rang gi ming rus bstan nas 'di skad ces smras so/ /kye bram ze/ kho bo cag la bsgo
262b7 ba ni ci zhig yod/ mchod sbyin chen po 'di la kho bo cag gis yo byad dag sbyar bar bya ba lta ci yod/ bram zes smras pa/ bcom ldan 'das dang / dge slong gi dge 'dun gyi phyir khyed
263a1 cag lha'i 'jig rten na thams cad las khyad par du 'phags pa'i rin po che'i khang pa brtsegs pa dag dang / rin po che'i shing ljon pa dag dang /
263a2 dpag bsam gyi shing ljon pa dag dang / spos kyi shing ljon pa dag dang / me tog gi shing ljon pa dag dang / 'bras bu'i shing ljon pa dag dang / lha'i na bza' dag dang / lha'i gdan
263a3 dag dang / lha'i gding ba dag dang / lha'i rin po che'i snod dag dang / lha'i rgyan dag dang / gdugs dang / rgyal mtshan dang / bdan dang / lhab lhub dag dang / lha'i rol
263a4 mo'i sgra gang dag yod pa de dag thams cad kyis dzam+bu'i tshal thams cad brgyan par gyis shig /lha'i rgyal po lnga po de dag gis grogs po de ltar bya'o zhes bram ze'i ltar
263a5 mnyan te/ bram ze'i drung nas phyir log nas lha'i 'jig rten du dong ste phyin pa dang / lha'i bu 'khri byed dang / lha'i bu 'khyil byed dang / lha'i bu snar ma skyes dang / lha'i bu sa rtsom dga' rnams
263a6 bos te 'di skad ces smras so/ /grogs po dag /khyed cag deng la dzam+bu'i gling du babs te/ bcom ldan 'das kyi phyir dzam+bu'i tshal gyi skyed mos tshal rgyan khyad par sna tshogs dag
263a7 dang / gdan dang / gding ba sna tshogs dag gis ji ltar lha'i 'jig rten 'di rgyan pa de lta bu dag gis brgyan par gyis shig /grogs po dag /rin po che'i khang pa brtsegs
263b1 pa 'di lta bu'ang brtsig tu chug cig /'di lta ste/ khang pa brtsegs pa rin po che'i pa gam can 'di ci 'dra ba de lta bu'i rin po che'i khang pa brtsegs pa brtsig tu chug cig /lha'i bu de
263b2 lngas lha'i rgyal po rnams kyi ltar mnyan nas dzam+bu'i gling du babs te/ bcom ldan 'das kyi phyir mtshan gcig gis dzam+bu'i tshal gyi skyed mos tshal thams cad rin po che'i shing ljon
263b3 pa dag dang / rgyal mtshan gyi bar dag gi rgyan de lta bu dag gis brgyan to/ /'di lta ste/ dper na/ lha'i dbang po brgya byin gyi khang pa brtsegs pa rin po che'i ba gam can ci 'dra ba
263b4 de lta bu'i khang pa brtsegs pa'ang brtsigs te/ dzam+bu'i tshal thams cad lha'i rgyan gyis rnam pa thams cad du yongs su mthar thug par brgyan nas lha'i rgyal po rnams kyi gan du song
263b5 ste smras pa/ grogs po dag /mkhyen par mdzod cig /ji ltar lha'i 'jig rten 'di legs par brgyan pa de bzhin du/ bcom ldan 'das kyi phyir dzam+bu tshal gyi skyed mos tshal
263b6 yang lha'i rgyan gyi khyad par rnams kyis rnam pa thams cad du yongs su mthar thug par brgyan cing 'di lta ste/ dper na/ lha'i dbang po brgya byin gyi khang pa brtsegs pa rin po che'i
263b7 ba gam can ci 'dra ba de lta bu'i rin po che thams cad kyi khang pa brtsegs pa'ang brtsigs lags te/ grogs po dag /lha'i 'jig rten dang / dzam+bu'i gling gi dzam+bu'i tshal gyi skyed
264a1 mos tshal ni khyad par cung zad kyang ma mchis so/ /de nas lha'i rgyal po lnga po brgya byin dang / rab 'thab bral dang / yongs su dga' ldan dang / rab
264a2 'phrul dang / gzhan 'phrul dbang byed de dag dzam+bu'i gling du babs nas bram ze rgya mtsho'i rdul gyi drung du song ste 'di skad ces smras so/ /bram ze/ bcom ldan 'das dang / dge
264a3 slong gi dge 'dun gyi phyir dzam+bu'i tshal ni brgyan zin na yang kho bo cag gis bya ba lta ci yod/ de skad ces smras pa dang / bram ze rgya mtsho'i rdul gyis lha'i bu lnga po dag la
264a4 'di skad ces smras so/ /lha'i rgyal po khyed lnga ni lha'i ris so so na rgyal srid byed pa yin pas des na khyed cag gi dbang du 'gyur gyi/ lha'i rgyal po dag /deng la rang rang
264a5 gi lha'i 'khor rnams bsdus te/ bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba'i phyir dzam+bu'i gling du shog la
264a6 bcom ldan 'das las chos kyang nyon cig /de nas lha'i rgyal po de lnga rang rang gi gnas kyi khyad par rnams su dong ste phyin pa dang / lha'i dbang po brgya byin gyis sum cu
264a7 rtsa gsum pa'i lha rnams bsdus te 'di skad ces smras so/ /grogs po dag /shes par gyis shig /dzam+bu'i gling na rgyal po rtsibs kyi mu khyud kyi mdun na 'don gyi gtso bo
264b1 bram ze rgya mtsho'i rdul ces bya ba des de bzhin gshegs pa rin po che'i snying po dge slong gi dge 'dun dpag tu med pa dang bcas pa la lo bdun yo byad thams cad kyis
264b2 spyan drangs shing ri mor byed de/ bram ze rgya mtsho'i rdul gyis yang dag par 'dzin du bcug pas kho bo cag gis kyang bcom ldan 'das dang / dge slong gi dge 'dun gyi phyir skyed
264b3 mos tshal thams cad brgyan zin gyi/ de'i phyir khyod kyis kyang dge ba'i rtsa ba de la rjes su yi rang bar gyis la bla na med pa yang dag par rdzogs pa'i byang chub tu sems skyed cig /
264b4 de'i tshe na sum cu rtsa gsum pa'i lha bye ba khrag khrig 'bum phrag mang po dag gis thal mo sbyar te tshig tu smras pa/ grogs po/ bdag cag gis bsod nams kyi phung po de la rjes su yi
264b5 rang bar bya zhing rjes su yi rang ba de las byung ba'i bsod nams gang yin pa de dag thams cad kyang bla na med pa yang dag par rdzogs pa'i byang chub tu yongs su bsngo bar bya'o/ /lha'i
264b6 bu rab 'thab bral gyis kyang 'thab bral gyi lha'i bu rnams bsdus te/ rgya cher snga ma bzhin du sbyar bar bya'o/ /lha'i bu yongs su dga' ldan dang / lha'i bu 'phrul dga' dang / lha'i
264b7 bu gzhan 'phrul dbang byed kyis kyang gzhan 'phrul dbang byed kyi bar gyi lha'i bu dag bsdus nas ltar bu bya ba khrag khrig 'bum phrag mang po dag gis thal mo sbyar te tshig tu smras pa/ grogs po dag/
265a1 bdag cag gis dge ba'i rtsa ba rnams kyi bsod nams gang yin pa de la rjes su yi rang bar bya zhing de dag thams cad bla na med pa yang
265a2 dag par rdzogs pa'i byang chub tu yongs su bsngo bar bya'i/ /grogs po dag /de'i phyir dzam+bu'i gling du 'bab cing bcom ldan 'das dang / dge slong gi dge 'dun la lta ba dang /
265a3 phyag bya ba dang / bsnyen bkur bya ba dang / chos mnyan pa'i phyir 'dong ngo / /lha'i rgyal po de lnga nub mo lha'i rgyal po re re zhing yang skyes pa dang / bud med dang / khye'u dang /
265a4 bu mo bye ba khrag khrig 'bum phrag mang po dag dang lhan cig tu dzam+bu'i gling du babs te/ bcom ldan 'das dang / dge slong gi dge 'dun gyi zhabs la mgo bos phyag btsal te/
265a5 bcom ldan 'das la chos nyan to/ /nam mkha'i dkyil na gnas pa'i lha rnams kyang bcom ldan 'das la lha'i me tog ut+pal dang / pad+ma dang / ku mu da dang / pad+ma dkar
265a6 po dang / snar ma dang / biR+sha ka dang / a ti muk+ta ka dang / tsam pa ka dang / man+da ra ba dang / man+da ra ba chen po'i me tog gi char dag 'bebs shing lha'i rol mo'i sgra dag kyang
265a7 rab tu sgrogs par byed do/ /rigs kyi bu/ gzhan yang bram ze rgya mtsho'i rdul gyi sems la sems kyi yongs su rtog pa 'di lta bu skyes te/ gal te bla na med pa yang dag
265b1 par rdzogs pa'i byang chub la bdag gi re ba yongs su rdzogs par 'gyur zhing smon lam 'di'ang 'grub pa lta na/ 'di ltar lha ma yin dag kyang byang chub yang dag par 'dzin
265b2 du 'jug par gyur cig snyam mo/ /rigs kyi bu/ des sems bskyed ma thag tu gnod sbyin gyi dbang po lnga bram ze de ga la ba der dong ste lhags pa nas/ bram ze'i tshig gis lha ma yin
265b3 skyes pa dang / bud med dang / khye'u dang / bu mo dang bcas pa bye ba khrag khrig 'bum phrag mang po dag gis bla na med pa yang dag par rdzogs pa'i byang chub tu sems bskyed
265b4 cing | bcom ldan 'das kyi drung du 'ongs nas chos nyan pa'i bar du snga ma bzhin du rgya cher sbyar ro/ /de bzhin du bram ze de bdud 'dod pa dang / de'i tshe na bdud gang po zhes bya ba
265b5 'ongs pa nas bdud kyi ris kyi lha'i bu skyes pa dang / bud med dang / khye'u dang / bu mo dang bcas pa bye ba khrag khrig 'bum phrag du ma dag gis bla na med pa yang dag par rdzogs
265b6 pa'i byang chub tu sems bskyed pa'i bar dang / chos mnyan pa'i phyir lhags pa'i bar du snga ma bzhin du sbyar ro/ /rigs kyi bu/ de nas yang bram ze rgya mtsho'i rdul tshangs pa
265b7 chen po gnas pa'i grong khyer zhes bya ba 'ong bar 'dod pa nas bram ze las mnyan cing tshangs pa'i 'jig rten du srog chags bye ba khrag khrig brgya stong mang po dag gis bla na med
266a1 pa yang dag par rdzogs pa'i byang chub tu sems bskyed nas bcom ldan 'das dang / dge slong gi dge 'dun la blta ba dang / phyag bya ba dang /
266a2 bsnyen bkur bya ba dang / bcom ldan 'das las chos mnyan pa'i phyir de nas babs pa'i bar du snga ma bzhin du sbyar ro/ /rigs kyi bu/ de nas yang bram ze rgya mtsho'i rdul
266a3 gling bzhi pa gnyis pa'i brgya byin mthong bar 'dod cing lha'i bu rab 'thab bral dang / yongs su dga' ldan dang / rab 'phrul dang / gzhan 'phrul dbang byed rnams dang
266a4 mthong bar 'dod pa dang / bcom ldan 'das kyi mthus lta'i rgyal po de lnga'ang bram ze'i drung du lhags nas bram ze des de dag yang dag par rjes su bstan pa dang / de dag
266a5 kyang rang rang gi lha'i gnas dag tu dong nas bram ze'i tshig gis rang rang gi 'khor rnams kyang yang dag par 'dzin du bcug go /de bzhin du sum cu rtsa gsum pa'i lha'i bu
266a6 skyes pa dang / bud med dang / khye'u dang / bu mo dang bcas pa bye ba khrag khrig 'bum phrag mang po dag gis kyang bla na med pa yang dag par rdzogs pa'i byang chub tu sems
266a7 bskyed nas de dag kyang brgya byin dang lhan cig tu bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba dang / bcom ldan 'das
266b1 las chos mnyan pa'i phyir gling bzhi pa 'dir lhags so/ /de bzhin du lha'i bu rab 'thab bral dang / yongs su dga' ldan dang / 'phrul dga' dang / gzhan 'phrul dbang byed
266b2 rnams kyis kyang gzhan 'phrul dbang byed kyi bar gyi lha'i bu rnams byang chub yang dag par 'dzin du bcug nas/ gzhan 'phrul dbang byed kyi bar gyi lha'i bu skyes pa dang / bud med dang /
266b3 khye'u dang / bu mo dang bcas pa bye ba khrag khrig 'bum phrag mang po dag gis kyang bla na med pa yang dag par rdzogs pa'i byang chub tu sems bskyed de/ bcom ldan 'das dang /
266b4 dge slong gi dge 'dun la blta ba dang / phyag bya ba dang / phrad par bya ba dang / bsnyen bkur bya ba dang / bcom ldan 'das las chos mnyan pa'i phyir gling bzhi pa 'dir lhags
266b5 so| /gling bzhi pa gnyis pa'i lha ma yin gyi dbang po dang / bdud dang / tshangs pa rnams kyang de bzhin no/ /de bzhin du gling bzhi pa gsum pa dang / bzhi pa dang / lnga pa'i
266b6 bar dag gi brgya byin dang / lha'i bu rab 'thab bral dang / yongs su dga' ldan dang / 'phrul dga' dang / gzhan 'phrul dbang byed dang / lha ma yin gyi dbang po dang / bdud
266b7 dang | tshangs pa rnams kyang bcom ldan 'das kyi mthus chos mnyan pa'i bar gyi phyir de dag 'khor dang bcas te gling bzhi pa 'dir lhags so/ /de bzhin du stong gsum gyi
267a1 stong chen po'i sangs rgyas kyi zhing gi bar dag nas kyang brgya byin ther 'bum dang / lha'i bu rab 'thab bral ther 'bum dang / yongs su dga' ldan ther
267a2 'bum dang / 'phrul dga' ther 'bum dang / gzhan 'phrul dbang byed ther 'bum dang / lha ma yin gyi dbang po ther 'bum dang / bdud ther 'bum dang / tshangs pa chen po ther
267a3 'bum dag kyang bcom ldan 'das kyi mthus tshangs pa chen po'i bar du re re zhing yang tshangs ris kyi lha bla na med pa yang dag par rdzogs pa'i byang chub tu sems bskyed pa bye
267a4 ba khrag khrig 'bum phrag du ma'i bar dag gis yongs su bskor cing mdun du bdar nas bcom ldan 'das dang / dge slong gi dge 'dun la blta ba dang / phrad par bya ba dang /
267a5 phyag bya ba dang / bsnyen bkur bya ba dang / bcom ldan 'das la chos mnyan pa'i phyir gling bzhi pa 'dir lhags so/ /de'i tshe na stong gsum gyi stong chen po'i 'jig rten gyi
267a6 khams 'di dag kyang khyab par ma gyur pa'i sa phyogs de ni cung zad kyang med do/ /rigs kyi bu/ de nas bram ze rgya mtsho'i rdul 'di snyam du sems te/ gal te bla na med pa
267a7 yang dag par rdzogs pa'i byang chub la bdag gir ba yongs su rdzogs par 'gyur zhing / ji ltar rnam thos kyi bu ther 'bum dang / tshangs pa chen po thar 'bum gyi bar 'di
267b1 dag bdag dang mthun par 'jug pa de bzhin du bcom ldan 'das kyang bdag dang mthun par mdzad pa lta na/ stong gsum gyi stong chen po'i 'jig rten gyi khams kyi bar gyi
267b2 mi dang / dud 'gro dang / gshin rje'i 'jig rten pa dang / sems can dmyal ba de dag thams cad kyi sdug bsngal gyi tshor ba rab tu zhi bar mdzad la bde ba'i tshor ba bskyed nas de
267b3 dag re re'i mdun na'ang sangs rgyas kyi sprul pa bzhugs shing des sems can de dag bla na med pa yang dag par rdzogs pa'i byang chub yang dag par 'dzin du bcug par 'gyur
267b4 ba de lta bu'i cho 'phrul chen po mdzad par gyur cig snyam mo/ /rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying
267b5 pos bram ze rgya mtsho'i rdul gyi sems kyi yongs su rtog pa thugs kyis mkhyen nas de'i tshe ting nge 'dzin rab tu gdung ba zhes bya ba la snyoms par zhugs so/ /'di ltar bcom
267b6 ldan 'das kyis ting nge 'dzin rab tu gdung ba la thugs mnyam par bzhag pas bcom ldan 'das kyi sku las spu'i khung bu re re nas kyang 'od zer bgrang ba las yang dag par
267b7 'das pa snyed dag byung ste/ 'od zer de dag gis stong gsum gyi stong chen po'i 'jig rten gyi khams de khyab par gyur to/ /de la 'od zer kha cig ni sems can dmyal bar dong
268a1 nas grang ba'i sems can dmyal bar skyes pa'i sems can rnams la rlung dron po dag langs so/ /gang dag tsha ba'i sems can dmyal bar
268a2 skyes pa'i sems can de dag la ni rlung bsil ba dag langs te/ des sems can dmyal ba'i sems can de dag gi bkres pa dang / skom pa dang / ngal ba'i sdug bsngal
268a3 thams cad rab tu zhi bar byas nas bde ba'i tshor ba bskyed do/ /sems can dmyal ba pa re re'i mdun na'ang sangs rgyas kyi sprul pa'i sku skyes bu chen po'i mtshan sum cu
268a4 rtsa gnyis kyis sku brgyan cing dpe byad bzang po brgyad cus gzugs legs par spras pa bzhugs so/ /de nas sems can dmyal ba pa bde ba dang ldan pa de dag 'di
268a5 snyam du sems te/ rkyen gang gis bdag cag gi sdug bsngal rab tu zhi zhing bde ba skyes par gyur snyam pa dang / de dag gis bcom ldan 'das kyi sku skyes bu chen po'i mtshan sum cu rtsa
268a6 gnyis kyis legs par brgyan cing dpe byad bzang po brgyad cus rnam par mdzes pa de mthong ngo / /de dag gis de mthong nas 'di skad du snying rje chen po dang ldan pa'i bdag
268a7 nyid chen po 'di'i mthus bdag cag 'di ltar bde bar gyur to zhes zer zhing / de dag dga' ba dang bde ba skyes nas rab tu dang ba'i yid kyis bcom ldan 'das la blta ba dang /
268b1 bcom ldan 'das kyis de dag la 'di skad ces/ sems can dag /khyed cag sangs rgyas la phyag 'tshal lo zhes legs par tshig tu brjod la bla na med pa yang dag par rdzogs
268b2 pa'i byang chub tu sems skyed cig dang / khyed cag phyis sdug bsngal gyi tshor ba myong bar mi 'gyur zhing rtag tu bde ba'i tshor ba 'di lta bu dag 'thob par 'gyur ro zhes bka' stsal pa dang / de dag
268b3 gis kyang 'di skad ces bdag cag sangs rgyas la phyag 'tshal zhing bla na med pa yang dag par rdzogs pa'i byang chub tu sems bskyed kyi/ dge ba'i rtsa ba des bdag cag gi las
268b4 kyi sgrib pa zad par gyur cig ces smras so/ /de nas kha cig shi 'phos nas kyang mi rnams dang skal pa mnyam par skyes so/ /sems can dmyal ba pa'i sems can gang dag mes
268b5 bsreg pa de dag la'ang 'od zer de dag gis rlung bsil bdag rab tu btang ste/ de dag gis de la reg pa dang bkres pa dang / skom pa rab tu zhi zhing sdug bsngal med par
268b6 gyur nas/ kha cig de nas shi 'phos nas mi rnams dang skal pa mnyam par skyes pa'i bar du gyur to/ /de bzhin du dud 'gro'i skye gnas rnams la'ang brjod par bya'o/ /de
268b7 bzhin du mi rnams kyi bar la'ang brjod par bya'o/ /'od de yang phyir log ste bcom ldan 'das la lan gsum bskor ba byas nas/ bcom ldan 'das kyi dbu'i gtsug tu
269a1 nub pa lha dang / gnod sbyin dang / srin po dang / klu dang / lha ma yin bgrang ba las yang dag par 'das pa dag gis mthong nas bla na med pa yang
269a2 dag par rdzogs pa'i byang chub las phyir mi ldog pa la gnas par gyur to/ /sems can bgrang ba las yang dag par 'das pa dag gis kyang ting nge 'dzin dang / bzod pa
269a3 dang / gzungs thob par gyur to/ /dzam+bu'i gling gi mi rnams kyis bcom ldan 'das dang / dge slong gi dge 'dun gyi ched kyi phyir lha rnams kyis rgyal po'i pho brang grong khyer
269a4 yid 'ong 'dzin gyi dzam+bu'i tshal gyi skyed mos tshal lha'i rgyan dang / lhab lhub dag gis brgyan to zhes thos nas bdag cag dong ste blta zhing der de bzhin gshegs pa rin
269a5 po che'i snying po dang / dge slong gi dge 'dun yang blta'o/ /der song nas bcom ldan 'das las chos kyang mnyan par bya'o zhes smras nas/ de'i tshe na mi rnams las
269a6 skyes pa dang / bud med dang / khye'u dang / bu mo bye ba khrag khrig 'bum phrag du ma dag bcom ldan 'das dang / dge slong gi dge 'dun la blta ba dang / phyag bya ba dang / phrad
269a7 par bya ba dang / bsnyen bkur bya ba dang / skyed mos tshal de'ang mthong bar 'dod pa'i phyir nyin gcig bzhin du grong khyer yid 'ong 'dzin du 'ong ngo / /skyed mos tshal de
269b1 la'ang rin po che sna bdun las byas pa'i sgo nyi khri yod de/ skyed mos tshal gyi sgo re re zhing rin po che'i khri'u lnga brgya lnga brgya pa shams nas de dag la bram ze'i khye'u lnga brgya lnga
269b2 brgya 'khod nas sems can gang dag 'ongs shing skyed mos tshal der 'jug pa de dag bram ze'i khye'u de dag gis sangs rgyas la skyabs su gtong / chos dang dge 'dun la skyabs
269b3 su gtong zhing bla na med pa yang dag par rdzogs pa'i byang chub yang dag par 'dzin du 'jug ste/ 'dzud cing sems kyang bskyed du 'jug go/ /gang dag nye ba na gnas pa rnams
269b4 dang / gang dag ring ba na gnas pa rnams kyang bcom ldan 'das la blta ba dang / phyag bya ba dang / dge slong gi dge 'dun yang blta ba'i phyir phyis skyed mos tshal der 'jug
269b5 go |de ltar mdun na 'don gyi gtso bo bram ze rgya mtsho'i rdul gyis lo bdun po de dag las lha bgrang ba las 'das pa dag bla na med pa yang dag par rdzogs pa'i byang chub
269b6 yang dag par 'dzin du bcug ste btul cing btsud de rab tu bkod do/ /klu dang / lha ma yin dang /gnod sbyin dang / srin po dang / grul bum dang / dri za dang / yi dwags dang /
269b7 sha za dang / sems can dmyal ba dang / dud 'gro'i skye gnas su skyes pa bgrang ba las 'das pa'i bar dag kyang bla na med pa yang dag par rdzogs pa'i byang chub yang dag par
270a1 'dzin du bcug ste btul cing btsud de rab tu bkod do/ /bram ze rgya mtsho'i rdul de lo bdun po de dag 'das nas kyang lha'i 'khor lo rin po che ma
270a2 gtogs par 'khor lo brgyad khri bzhi stong dang / glang po rin po che ma gtogs pa rin po che sna bdun gyi rgyan gyi brgyan pa'i glang po che brgyad khri bzhi stong dang / shing rta
270a3 brgyad khri bzhi stong gi bar dag kyang 'bul bar 'dod do/ /rgyal po rtsibs kyi mu khyud kyang lo bdun po de dag 'das 'das su 'dod chags la 'dun pa ma skyes so/ /zhe
270a4 sdang la 'dun pa med/ gti mug la 'dun pa med/ rgyal srid la 'dun pa med/ nor la 'dun pa med/ bu la 'dun pa med/ bu mo la 'dun pa med/ zas la 'dun pa
270a5 med| skom la 'dun pa med/ gos la 'dun pa med/ spos la 'dun pa med/ gzhon pa la 'dun pa med/ gnyid la 'dun pa med/ bdag tu 'dun pa med/ gzhan
270a6 du 'dun pa med par gyur to/ /lo bdun du glos phab ste nyal bar ma gyur kyang / de la mtshan mo'i 'du shes ma skyes/ nyin mo'i 'du shes ma skyes so/ /gzugs kyi 'du
270a7 shes ma yin/ sgra'i 'du shes ma yin/ dri'i 'du shes ma yin/ ro'i 'du shes ma yin/ reg bya'i 'du shes kyang ma skyes so/ /lo bdun du de dag gis lus la ngal ba ma
270b1 skyes te/ rtag par rgyun du phyogs bcu'i phyogs re rer yang 'jig rten gyi khams sangs rgyas kyi zhing stong gi rdul phra rab kyi rdul snyed dag gi sangs rgyas kyi zhing gi yon tan
270b2 bkod pa dag mthong yang de'i mig lam du ri rab snang bar ma gyur/ ri gzhan dag kyang ma yin/ khor yug kyang ma yin/ khor yug chen po dag kyang ma yin/ 'jig rten gyi bar
270b3 dag kyang ma yin/ nyi ma dang zla ba dag kyang ma yin te/ lha'i gzhal med khang dag kyang mig lam du snang bar ma gyur cing ji ltar sangs rgyas kyi zhing yongs su dag pa de dag
270b4 mthong ba de bzhin du sangs rgyas kyi zhing yongs su dag pa'i yon tan bkod pa dag la lta zhing smon lam sems par byed do/ /ji ltar rgyal po rtsibs kyi mu khyud de lta bu'i bde ba'i
270b5 yon tan gyi gnas pas lo bdun du gnas pa dang / de lta bu'i sangs rgyas kyi zhing gi yon tan bkod pa dag mthong zhing sangs rgyas kyi zhing yongs su dag pa'i yon tan bkod
270b6 pa'i smon lam sems shing 'dug pa de bzhin du rgyal bu thu bo mig mi 'dzum dang / mu khyud dang / dbang po'i tshogs dang / de bzhin du rgyal bu stong po de dag thams cad dang /
270b7 khams kyi rgyal po brgyad khri bzhi stong dang / gzhan yang srog chags dung phyur phrag dgu dang / bye ba phrag gnyis po thams cad kyang de ltar lo bdun du gcig pu dben bar
271a1 song ste nang du yang dag 'jog la zhugs nas/ phyogs bcu'i phyogs re rer yang 'jig rten gyi khams sangs rgyas kyi zhing stong gi rdul phra
271a2 rab kyi rdul snyed dag kyang mthong la/ lo bdun gyi bar du de dag 'dod chags la 'dun pa ma skyes shing / zhe sdang la 'dun pa med/ gti mug la 'dun pa med/ de dag la
271a3 ngal ba'i gnas skyes par ma gyur pa'i bar du ste/ rtag par rgyun du phyogs bcu'i phyogs re rer yang sangs rgyas kyi zhing gi yon tan bkod pa sangs rgyas kyi zhing stong gi rdul
271a4 phra rab snyed dag mthong yang de dag gi mig lam du ri rab kyang snang bar ma gyur/ ri gzhan dag kyang ma yin/ lha'i gzhal med khang gi bar dag kyang mig lam du snang bar ma
271a5 gyur te/ de dag gis ji ltar sangs rgyas kyi zhing gi yon tan bkod pa dag mthong ba de bzhin du sangs rgyas kyi zhing yongs su dag pa'i yon tan bkod pa'i smon lam sems
271a6 shing thams cad kyang yon tan gyi gnas pa de lta bus lo bdun du gnas te/ kha cig ni sangs rgyas kyi zhing yongs su dag pa'i yon tan bkod pa dag sems so/ /kha cig
271a7 ni sangs rgyas kyi zhing yongs su ma dag pa'i yon tan bkod pa dag sems so/ /de nas bram ze rgya mtsho'i rdul gyis lo bdun po de dag thal zhing rdzogs par rig nas rin po
271b1 che sna bdun 'bul bar 'dod pa'i phyir de bzhin gshegs pa dgra bcom pa yang dag par rdzogs pa'i sangs rgyas rin po che'i snying po ga la pa de logs su thal mo sbyar ba
271b2 btud nas bcom ldan 'das la 'di skad ces gsol to/ /btsun pa bcom ldan 'das/ bdag gis rgyal po rtsibs kyi mu khyud bla na med pa yang dag par rdzogs pa'i byang chub yang
271b3 dag par 'dzin du stsal nas/ de rang gi khyim du mchis te/ gcig pu dben par mchis nas nang du yang dag 'jog la gnas shing der mi su'ang mchir mi ster lags so/ /de
271b4 bzhin du bdag gis rgyal bu stong po de dag kyang bla na med pa yang dag par rdzogs pa'i byang chub yang dag par 'dzin du stsal cing gzengs bstod nas de bzhin du so so rang rang
271b5 gi khyim dag tu mchis te gcig pu nang du yang dag 'jog la gnas shing / der yang su'ang mchir mi ster lags so/ /de bzhin du khams kyi rgyal po brgyad khri bzhi stong
271b6 dang / de bzhin du gzhan yang srog chags dung phyur phrag dgu dang / bye ba phrag gnyis kyi bar dag kyang bla na med pa yang dag par rdzogs pa'i byang chub yang dag par 'dzin du
271b7 stsal cing btsud de rab tu bkod nas thams cad kyang rang rang gi khyim dag tu mchis te/ gcig pu dpen par mchis nas nang du yang dag 'jog la gnas shing der yang su'ang
272a1 mchir mi ster lags na/ bcom ldan 'das kyis ci nas kyang rgyal po rtsibs kyi mu khyud nang du yang dag 'jog de las langs te 'dir mchi
272a2 bar 'gyur ba dang / gang dag bdag gis byang chub yang dag par 'dzin du stsal ba de dag thams cad kyang 'dir mchi bar 'gyur zhing bla na med pa yang dag par rdzogs pa'i
272a3 byang chub las blos mi g.yo ba 'dzin par 'gyur ba dang / bcom ldan 'das las lung bstan pa 'thob par 'gyur ba dang / ming dang / rus dang / sangs rgyas kyi zhing yang
272a4 yongs su 'dzin par 'gyur ba de dag la dgongs su gsol/ rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas rin po
272a5 che'i snying po ting nge 'dzin blo gros sgrub pa zhes bya ba la snyoms par zhugs so/ /de ltar ting nge 'dzin la snyoms par zhugs pas zhal nas 'od zer sngon po dang /
272a6 ser pho dang / dmar po dang / dkar po dang / brtsod kha dang / shel dang / dngul gyi kha dog lta bu dag byung ngo / /de dag byung nas kyang nang du yang dag 'jog la gnas
272a7 pa de dag gi mdun du tshangs par sprul te 'dug nas 'di skad ces smras so/ /grogs po dang /longs shig /bral ze rgya mtsho'i rdul gyis lo bdun du mchod sbyin bya
272b1 ba ni zin te/ bcom ldan 'das kyang gzhan du rgyu zhing gshegs par 'gyur gyi/ grogs po dag /bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba'i
272b2 phyir dengs shig /de nas de dag thams cad la 'od zer de dag gis bskul ba dang / langs nas rgyal po rtsibs kyi mu khyud la skul bar byed do/ /de'ang de dag gis bskul ba dang / langs te chas so/ /rgyal
272b3 po de chas pa dang lha rnams kyis nam mkha'i dkyil nas rnga bo che dang / rdza rnga dang / rnga pa Ta ha la sogs pa rol mo'i sgra dag kyang rab tu bsgrags so/ /de nas rgyal po rtsibs kyi mu
272b4 khyud bcom ldan 'das la blta ba dang / bcom ldan 'das la bsnyen bkur bya ba'i bar gyi phyir shing rta la zhon nas bu stong po de dag dang / khams kyi rgyal po brgyad khri bzhi
272b5 stong dang / srog chags dung phyur phrag dgu dang / bye ba phrag gnyis po rnams kyis yongs su bskor cing mdun du bdar nas grong khyer nas byung ste bcom ldan 'das kyi drung du song ngo / /de
272b6 bzhon pas bgrod pa'i sa ji srid pa de srid du bzhon pas song nas bzhon pa las babs so/ /bzhen pa las babs nas rkang pas dza m+bu'i tshal du zhugs so/ /zhugs nas kyang
272b7 bcom ldan 'das ga la ba der song ste phyin pa dang / bcom ldan 'das dang dge slong gi dge 'dun gyi zhabs la mgo bos phyag btsal nas/ srog chags bye ba phrag du ma dag dang
273a1 bcas te phyogs gcig tu 'khod do/ /de nas bram ze rgya mtsho'i rdul gyis rgyal po rtsibs kyi mu khyud la 'di skad ces smras so/ /rgyal po chen po/ gang
273a2 khyod kyis bcom ldan 'das dang / dge slong gi dge 'dun dpag tu med pa dag la zla ba gsum du yo byad thams cad kyis bsnyen bkur byas shing / rin po che rnam pa sna
273a3 tshogs pa dag dang / grong khyer brgyad khri bzhi stong dag kyang phul ba de la rjes su yi rang bar gyis la/ rjes su yi rang ba dang ldan pa'i bsod nams kyi phung po de dang / yongs
273a4 su gtong ba dang ldan pa'i bsod nams kyi phung po gang yin pa de dag thams cad bla na med pa yang dag par rdzogs pa'i byang chub tu yongs su bsngos shig /de bzhin du rgyal bu
273a5 stong po de dag dang / de bzhin du khams kyi rgyal po brgyad khri bzhi stong dang / gzhan yang srog chags dung phyur phrag dgu dang / bye ba phrag gnyis po rnams kyang yang dag par
273a6 'dzin du bcug nas rjes su yi rang ba dang ldan pa'i bsod nams kyi phung po des de dag bla na med pa yang dag par rdzogs pa'i byang chub yang dag par 'dzin du bcug cing btsud
273a7 de rab tu bkod nas 'di skad ces kyang smras so/ /khyed kyis yon tan 'di la rjes su yi rang bar byas te phul la 'di skad ces kyang smros shig /sbyin pa 'dis bdag dbang
273b1 pa'i gnas min tshangs pa'i 'jig rten 'bras bu mi 'dod na/ /rlung gi shugs ltar mgyogs shing g.yo ba rgyal po'i srid kyi dpal lta smos ci dgos/ /bdag gi gus pa chen
273b2 po'i sbyin pa 'di yi 'bras bu gang yin de yis ni/ sems la dbang byed mtshungs med byang chub 'thob cing sems can rnams kyang sgrol gyur cig /snying rje pad+ma dkar po las
273b3 sbyin pa gtong pa'i le'u zhes bya ba ste gsum pa'o// //rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas rin po che'i
273b4 snying po 'di snyam du dgongs te/ bram ze rgya mtsho'i rdul 'dis srog chags bye ba phrag mang po bla na med pa yang dag par rdzogs pa'i byang chub yang dag par 'dzin du bcug cing
273b5 btsud de rab tu bkod nas phyir mi ldog pa'i sa la bkod pa de dag ngas lung bstan par bya zhing sangs rgyas kyi zhing de dag kyang bstan par bya'o snyam mo/ /de nas bcom ldan 'das
273b6 ting nge 'dzin byang chub kyi sems mi brjed pa zhes bya ba la snyoms par zhugs nas 'dzum pa mdzad do/ /'dzum pa mdzad pa des sangs rgyas kyi zhing mtha' yas mu med pa dag snang
273b7 ba rgya chen pos snang bar mdzad nas/ rgyal po rtsibs kyi mu khyud dang / gzhan yang srog chags bye ba phrag mang po dag la sangs rgyas kyi zhing gi yon tan bkod pa rnams kyang bstan
274a1 to| |de'i tshe na phyogs bcu'i sangs rgyas kyi zhing bgrang pa las yang dag par 'das pa dag gi byang chub sems dpa' sems dpa' chen po
274a2 rnams kyis snang ba de mthong nas sangs rgyas kyi mthus bcom ldan 'das dang / dge slong gi dge 'dun la blta ba dang / phyag bya ba dang / bsnyen bkur bya ba'i phyir 'jig
274a3 rten gyi khams 'dir lhags nas/ de dag gis kyang byang chub sems dpa'i rnam par 'phrul pa rnam pa sna tshogs dag gis bcom ldan 'das la mchod pa byas te/ bcom
274a4 ldan 'das kyi zhabs la mgo bos phyag 'tshal cing bsnyen bkur byas nas byang chub sems dpa'i smon lam lung bstan pa thos par 'dod pa'i phyir bcom ldan 'das kyi
274a5 spyan sngar 'khod do/ /rigs kyi bu/ de nas mdun na 'don gyi gtso bo bram ze rgya mtsho'i rdul gyis rgyal po rtsibs kyi mu khyud la 'di skad ces smras so/ /rgyal po chen po
274a6 khyod kyis je dang por sangs rgyas kyi zhing gi yon tan bkod pa gzung zhig /de nas rgyal po rtsibs kyi mu khyud kyis bcom ldan 'das ga la ba der logs su thal mo sbyar ba
274a7 btud nas bcom ldan 'das la 'di skad ces gsol to/ /bcom ldan 'das/ bdag ni byang chub don du gnyer ba lags te/ 'di ltar bdag gis bcom ldan 'das
274b1 dang / dge slong gi dge 'dun dpag tu ma mchis pa dag la dgung zla gsum du yo byad rnam pa sna tshogs dag gis bsnyen bkur bgyis nas dge ba'i rtsa ba de'ang bdag gis bla na
274b2 med pa yang dag par rdzogs pa'i byang chub tu yongs su bsngos shing / bcom ldan 'das/ bdag gis dgung lo bdun po 'di dag la'ang sangs rgyas kyi zhing gi yon tan bkod
274b3 pa dag bsams lags na/ bcom ldan 'das/ bdag sangs rgyas kyi zhing gang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur
274b4 ba der sems can dmyal ba dang / dud 'gro'i skye gnas dang / gshin rje'i 'jig rten dag 'byung bar ma gyur cig /sems can gang dag de nas 'chi 'pho bar 'gyur ba de
274b5 dag ngan 'gro rnams su skye bar ma gyur cig /de na sems can thams cad gser gyi mdog lta bur gyur cig/ de na lha dang mi thams cad kyang khyad par ma mchis par gyur
274b6 cig /de na sems can thams cad tshe rabs dran par gyur cig /sems can thams cad 'jig rten gyi khams gzhan dag na sangs rgyas bye ba khrag khrig 'bum dag bzhugs
274b7 te 'tsho zhing gzhes la chos kyang ston pa rnams mthong bar 'gyur ba de lta bu'i lha'i mig dang ldan par gyur cig /sems can thams cad sangs rgyas bye ba khrag khrig
275a1 phrag 'bum dag gi chos ston pa thos par 'gyur ba de lta bu'i lha'i rna ba dang ldan par gyur cig /sems can thams cad sangs rgyas kyi
275a2 zhing bye ba khrag khrig 'bum phrag mang po dag na gnas pa'i sems can de dag gi sems kyi spyod pa kun shes par 'gyur ba de lta bu'i pha rol gyi sems
275a3 shes pa la mkhas pa dang ldan par gyur cig /sems can thams cad sems bskyed pa gcig gis sangs rgyas kyi zhing bye ba khrag khrig 'bum dag tu mchi bar 'gyur
275a4 ba de lta bu'i rdzu 'phrul bya ba la mkhas pa dang ldan par gyur cig /de na sems can rnams yongs su 'dzin pa dang ldan pa ma mchis shing tha na rang gi lus la yid
275a5 kyi 'dzin pa'ang ma mchis par gyur cig /sems can thams cad bla na med pa yang dag par rdzogs pa'i byang chub las slar mi ldog par gyur cig /sems can thams
275a6 cad brdzus te skye bar gyur cig /de na bud med du gdags pa'ang ma mchis par gyur cig /de na sems can rnams smon lam gyi dbang ma gtogs par tshe'i tshad
275a7 kyi mtha' ma mchis par gyur cig /de na sems can rnams la mi dge ba'i ming yang 'byung bar ma gyur cig /sangs rgyas kyi zhing der dring ba 'byung bar ma gyur cig/
275b1 bcom ldan 'das/ sangs rgyas kyi zhing de lha'i las shin tu 'das pa'i spos kyis khyab par gyur cig /sems can thams cad skyes bu chen po'i mtshan sum cu rtsa gnyis kyis legs
275b2 par brgyan par gyur cig /sems can thams cad smon lam ma gtogs par skye ba gcig gis thogs par gyur cig /de na sangs rgyas kyi mthus sems can thams cad snga dro
275b3 gcig gis sangs rgyas bgrang ba las yang dag par 'das pa snyed dag la bsnyen bkur bgyid par 'gyur zhing / byang chub sems dpa'i rnam par 'phrul pa sna tshogs kyi bar
275b4 dag gis sangs rgyas rnams la mchod pa bgyid par 'tshal na'ang de dag la de bzhin du 'grub par 'gyur la de nyid kyi snga dros slar ldog par gyur cig /sems can thams cad
275b5 sangs rgyas kyi sde snod smra bar gyur cig/ //bam po lnga pa/ sems can thams cad sred med kyi bu'i stobs dang ldan par gyur cig /sems can gang gis kyang cher
275b6 ni lha'i mig gis kyang sangs rgyas kyi zhing gi yon tan gyi rgyan gyis bsngags pa'i mtha' tshad 'dzin pa'i rngo mi thog par gyur cig /de na sems can thams cad so so yang dag par
275b7 rig pa dang / spo bas pa grangs ma mchis pa dag thob par gyur cig /byang chub sems dpa' re re'i lus kyang dpag tshad stong gi tshad tsam du gyur cig /sangs rgyas kyi zhing de'i
276a1 'od gsal bar gyur cig /de'i khor yug na sangs rgyas kyi zhing gi yon tan bkod pa bgrang ba las 'das pa dag gda' bar gyur cig /sems can
276a2 gang dag der skye bar 'gyur ba rnams byang chub kyi mthar thug gi bar du tshangs par spyod par gyur cig /sems can thams cad byang chub kyi mthar thug gi bar du lha dang bcas
276a3 pa'i 'jig rten gyis phyag bgyi ba'i 'os su gyur cig /dbang po ma tshang bar ma gyur cig /der sems can rnams skyes ma thag tu lha'i las shin tu 'das pa 'phags
276a4 pa'i dga' ba dang / bde ba thob par gyur cig /de na sems can thams cad dge ba'i rtsa ba dang 'grogs par gyur cig /de na sems can thams cad gos ngur smrig sar ba gyon
276a5 par gyur cig /de na sems can rnams skyes ma thag tu shin tu rnam par 'byed pa dang ldan pa'i ting nge 'dzin thob par gyur cig /ting nge 'dzin de thob pas sangs rgyas kyi
276a6 zhing bgrang ba las 'das pa dag tu mchis nas sangs rgyas rnams la bsnyen bkur bgyid par 'gyur zhing byang chub kyi mthar thug gi bar du thams cad mthong bar gyur cig/ d
276a7 er byang chub sems dpa' gang dag skyes par gyur pa de dag gis sangs rgyas kyi zhing gi yon tan bkod pa'i rang bzhin ji lta bu dag 'tshal ba de lta bu'i sangs rgyas
276b1 kyi zhing gi yon tan bkod pa'i rang bzhin dag rin po che'i shing ljon pa de dag las mthong bar gyur cig /sems can rnams kyes ma thag tu ting nge 'dzin 'thob par 'gyur zhing
276b2 ting nge 'dzin de thob pas phyogs bcu'i sangs rgyas kyi zhing bgrang ba las 'das pa gzhan dag na sangs rgyas bcom ldan 'das dag bzhugs te/ 'tsho zhing gzhen la chos
276b3 kyang ston pa rnams rtag tu mthong bar gyur cig /sems can gang dag der skye bar 'gyur ba de dag thams cad gzhan 'phrul dbang byed kyi lha rnams kyi gos dang / gzhal
276b4 med khang dang / rgyan dang / sbud pa dang / kha dog dang / gzugs ci 'dra ba de lta bur gyur cig /sangs rgyas kyi zhing de na rdul dang / gor ma dang / ri nag po rnams ma mchis la/
276b5 khor yug kyang ma mchis/ khor yug chen po'ang ma mchis/ ri rab kyang ma mchis/ rgya mtsho chen po'ang ma mchis par gyur cig /de na sgrib pa dang / chod pa dang / nyon mongs
276b6 pa'i sgrib pa dag thams cad kyi thams cad du ma mchis pa dang / de na sems can dmyal ba dang / dud 'gro'i skye gnas dang / gshin rje'i 'jig rten gyi sgra dag kyang thams cad kyi
276b7 thams cad du ma mchis pa dang / mi khom pa'i sgra dang / sdug bsngal ba'i sgra dang / sdug bsngal yang ma lags/ bde ba'ang ma lags pa'i sgra dag kyang ma mchis par gyur cig/
277a1 bcom ldan 'das/ bdag ni de lta bu'i sangs rgyas kyi zhing don du gnyer ba lags te/ btsun pa bcom ldan 'das/ bdag ni ji srid du de lta bu'i
277a2 yon tan dag gis sangs rgyas kyi zhing yongs su dag par ma bgyis pa de srid byang chub sems dpar gyur cing dka' ba spyod par bgyid lags so/ /btsun pa bcom ldan
277a3 'das/ bdag gis skyes bu'i rtsal de lta bu bgyis nas/ de'i 'og tu bla na med pa yang dag par rdzogs pa'i byang chub mngon par rdzogs par 'tshang rgya ba ra bgyi ste/ bdag
277a4 gis byang chub kyi shing ni dpag tshad khri mchis par gyur la/ bdag der mchis nas sems bskyed pa'i skad cig gcig gis bla na med pa yang dag par rdzogs pa'i byang chub
277a5 mngon par rdzogs par 'tshang rgya bar gyur cig /bdag gis 'od ni tshad ma mchis shing sangs rgyas kyi zhing bye ba khrag khrig 'bum dag snang bar bgyid par gyur cig /bdag
277a6 gi tshe'i tshad ni dpag tu ma mchis te/ bskal ba bye ba khrag khrig 'bum phrag tshad ma mchis par gyur la thams cad mkhyen pa'i ye shes ma gtogs pa de sus kyang bgrang bar
277a7 rngo mi thogs par gyur cig /bdag gis byang chub sems dpa'i dge 'dun ni nyan thos dang rang sangs rgyas spangs shing dpag tu ma mchis la/ thams cad mkhyen pa'i ye
277b1 ma gtogs par de sus kyang bgrang bar rngo mi thog par gyur cig /bdag gis byang chub thob pa na sangs rgyas kyi zhing tshad ma mchis grangs ma mchis pa gzhan dag gis sangs rgyas
277b2 bcom ldan 'das rnams bdag gi bsngags pa gsung bar 'gyur ba dang / dbyangs rjes su sgrog par 'gyur ba dang / snyan pa brjod par gyur cig /bdag gis byang chub thob pa na sangs
277b3 rgyas kyi zhing tshad ma mchis grangs ma mchis pa gzhan dag mtshams ma mchis pa bgyid pa dang / dam pa'i chos spong ba rnams ma gtogs pa'i sems can gang dag gis
277b4 bdag gi ming thos par gyur pa de dag thams cad dge ba'i rtsa ba sangs rgas kyi zhing du yongs su bsngo ba bgyis nas bdag gis sangs rgyas kyi zhing du skyes bar gyur cig /bdag gis byang
277b5 chub thob pa na 'jig rten gyi khams bgrang ba las 'das pa gzhan dag gis byang chub sems dpa' dag bdag gi sangs rgyas kyi zhing du skye bar 'tshal zhing / byang chub tu sems
277b6 bskyed par 'gyur la dge ba'i rtsa ba'ang der yongs su bsngo ba gyur cig /de dag 'gum pa'i dus kyi tshe na'ang bdag byang chub sems dpa'i tshogs kyis yongs su bskor cing
277b7 mdun du mchis la de dag gis kyang bdag mthong nas bdag la dga' ba dang / dang ba skyes par 'gyur zhing de dag gi las sgrib pa rnams kyang ldog par gyur cig /'gum pa'i
278a1 dus bgyid nas kyang bdag gis sangs rgyas kyi zhing du skye bar 'gyur cing / der yang byang chub sems dpa' de dag sngon ma thos pa'i chos bstan pa dag
278a2 bdag las nyan 'tshab bar 'gyur ba dang / de dag ji lta bu 'tshal bar 'gyur ba de lta bu thos par gyur cig /bdag gis byang chub 'thob pa na sangs rgyas kyi zhing bgrang ba
278a3 las 'das pa snyed dag gis byang chub sems dpa' sems dpa' chen po gang dag gis bdag gi ming thos par gyur pa de dag bla na med pa yang dag par rdzogs pa'i byang chub
278a4 las phyir mi ldog cing bzod pa dang po dang / de bzhin du gnyis pa'ang thob par 'gyur zhing / ting nge 'dzin dang / gzungs ji lta bu 'tshal ba de lta bu'i ting nge 'dzin
278a5 dang / gzungs kyang thob par gyur cig /bdag yongs su mya ngan las 'das nas kyang bskal ba bgrang ba las 'das pa snyed dag na sangs rgyas kyi zhing bgrang ba las
278a6 'das pa snyed dag gi byang chub sems dpa' rnams kyis bdag gi ming thos nas shin tu dga' ba dang / rab tu dga' ba dang / mchog tu dga' ba thob par 'gyur ba dang /
278a7 ngo mtshar thob par gyur nas bdag nyid la phyag 'tshal zhing snyan pa dang grags pa brjod par gyur cig gang gi tshe bdag byang chub sems dpar gyur na'ang sangs rgyas
278b1 kyi mdzad pa dag mngon par bsgrubs nas 'og tu bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /mngon par rdzogs par sangs rgyas nas
278b2 kyang bdag la mchog tu dad pa thob pa'i byang chub sems dpa' rnams kyis bzod pa dang po dang / gnyis pa dang / gsum pa 'thob par 'gyur zhing / ting nge 'dzin dang / gzungs dang
278b3 bzod pa ji lta bu 'tshal ba de lta bu thob par gyur nas/ byang chub kyi mtha'i bar du rjes su mthong bar gyur cig /bdag byang chub thob pa na sangs rgyas kyi zhing bgrang ba las 'das
278b4 pa dag gi bud med gang dag gis bdag gi ming thos par gyur pa de dag shin tu dga' ba dang / mchog tu dga' ba dang / dang ba thob par 'gyur zhing bla na med pa yang dag
278b5 par rdzogs pa'i byang chub sems bskyed par gyur nas slan chad byang chub kyi mthar thug gi bar du bud med nyid mi 'thob par gyur cig /bdag yongs su mya ngan las 'das nas
278b6 kyang bskal ba bgrang ba las 'das pa snyed dag gi bud med bgrang ba las 'das pa snyed dag gis bdag gi ming thos par gyur pa de dag shin tu dga' ba dang / mchog tu dga' ba
278b7 dang / dang ba thob par 'gyur zhing bla na med pa yang dag par rdzogs pa'i byang chub tu sems bskyed par gyur nas bla na med pa byang chub kyi mthar thug gi bar du bud med nyid mi 'thob
279a1 par gyur cig /btsun pa bcom ldan 'das/ bdag ni de 'dra ba'i sangs rgyas kyi zhing dang / de 'dra ba'i sems can bsam pa yongs su dag pa dag
279a2 'tshal te/ btsun pa bcom ldan 'das/ bdag ni de lta bu'i sangs rgyas kyi zhing du bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ /
279a3 rigs kyi bu/ /de nas de bzhin gshegs pa dgra bcom pa yang dag par rdzogs pa'i sangs rgyas rin po che'i snying pos rgyal ba rtsibs kyi mu khyud la legs so zhes bya ba
279a4 byin te rgyal po chen po/ legs so/ /legs so/ /rgyal po chen khyod kyis sangs rgyas kyi zhing yongs su dag pa yongs su bzung ba ni khyod kyi smon lam zab bo/ /rgyal po
279a5 chen po/ ltos shig dang / nub phyogs logs su sangs rgyas kyi zhing bye ba phrag 'bum 'das pa na 'jig rten gyi khams dbang po ltar shin tu mdzes pa zhes bya ba zhig
279a6 yod de/ de na de bzhi gshegs pa dgra bcom pa yang dag par rdzogs pa'i sangs rgyas dbang po'i dbyangs kyi dbang phyug rgyal po zhes bya ba bzhugs te/ 'tsho zhing
279a7 gzhes la sems can yongs su dag pa rnams la chos kyang ston to/ /sangs rgyas kyi zhing de na nyan thos dang / rang sangs rgyas rnams 'byung ba gdags su'ang med cing
279b1 de na nyan thos dang rang sangs rgyas kyi gtam brjod pa'ang med do/ /de na theg pa chen po'i gtam 'ba' zhig brjod do/ /de na sems can rnams ni thams cad kyang brdzus te skyes
279b2 pa sha stag go/ /de na bud med kyi ming yang grag ste/ sangs rgyas zhing de na ji ltar rgyal po sangs rgyas kyi zhing gi yon tan bkod pa'i smon lam dpag tu med pa btab
279b3 cing 'dul ba'i sems can bsam pa dpag tu med pa dag yongs su bzung ba de lta bu'i yon tan thams cad yod do/ /rgyal po chen po/ /de bzhin gshegs pa dgra bcom pa yang
279b4 dag par rdzogs pa'i sangs rgyas dpang po'i dbyangs kyis dbang phyug rgyal po yongs su mya nga las 'das shing der dam pa'i chos nub nas bar gyi bskal ba drug cu 'das pa na 'jig
279b5 rten gyi khyams de ni lhun po'i 'od ces bya bar 'gyur ro/ /der yang de bzhin gshegs pa dgra bcom pa yang dag par rdzogs pa'i sangs rgyas blo gros bsam yas yon tan rgyal po
279b6 zhes bya ba 'byung bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas dbang po'i dbyangs kyi dbang phyug rgyal po'i 'jig rten khams dbang
279b7 po ltar shin tu mdzes pa'i sangs rgyas kyi zhing gi yon tan bkod pa ci 'dra bar de bzhin gshegs pa blo gros bsam yas yon tan rgyal po'i 'jig rten gyi khams lhun po'i
280a1 'od kyi yon tan bkod pa'ang de dang 'dra bar 'gyur ro/ /de bzhin gshegs pa blo gros bsam yas yon tan rgyal po de'i tshe tshad ni bar gyi
280a2 bskal pa drug cur 'gyur ro/ /gang gi tshe de bzhin gshegs pa blo gros bsam yas yon tan rgyal po yongs su mya ngan las 'das pa na/ de'i dam pa'i chos ni bar gyi
280a3 bskal pa bcu drug tu gnas par 'gyur te/ de'i dam pa'i chos nub nas bar gyi bskal pa stong 'das pa na 'jig rten gyi khams de ni rnam par dga' ba zhes bya bar
280a4 'gyur ro/ /der yang de bzhin gshegs pa dgra bcom pa yang dag par rdzogs pa'i sangs rgyas 'od zer zhes bya ba 'byung bar 'gyur te/ de'ang snga ma dang tshe'i tshad
280a5 mnyam pa dang / 'jig rten gyi khyams mtshungs par 'gyur bar sbyar ro/ /de bzhin du yongs su mya ngan las 'das nas dam pa'i chos nub pa na/ 'jig rten gyi
280a6 khams de ni rtsibs zhes bya bar 'gyur ro/ /de'ang de bzhin gshegs pa dgra bcom pa yang dag par rdzogs pa'i sangs rgyas rin chen dbang phyug dbyangs zhes bya ba
280a7 'byung bar 'gyur te/ sangs rgyas kyi zhing gi yon tan bkod pa ni mtshungs so/ /de'ang bar gyi bskal ba lngar bzhugs te 'tsho zhing gzhes la chos kyang ston par
280b1 'gyur ro/ /de yongs su mya ngan las 'das pa na de'i dam pa'i chos ni bar gyi bskal pa bdun du gnas par 'gyur ro/ /der dam pa'i chos nub pa na snga ma bzhin sbyar te/ sangs rgyas
280b2 kyi zhing der de bzhin gshegs pa tshad med pa dpag tu med pa dag byung zhing yongs su mya ngan las 'das par mthong yang 'jig rten gyi khams de ni 'jig pa'ang med/ 'chags pa'ang
280b3 med do/ /der ma 'ongs pa'i dus kyi bskal ba grangs med pa gang+gA'i klung gcig gi bye ma snyed ni 'das/ bskal pa grangs med pa gang+gA'i klung gi bye ma snyed gnyis la bab pa na 'jig
280b4 rten gyi khams de ni bde ba can zhes bya bar 'gyur te/ rgyal po chen po khyod der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de
280b5 bzhin gshegs pa dgra bcom pa yang dag par rdzogs pa'i sangs rgyas tshe dpag med ces bya bar 'gyur ro/ /rgyal po rtsibs kyi mu khyud kyi gsol ba/ btsun pa bcom ldan
280b6 'das| gang dag 'jig rten gyi khams der bdag pas ches sngar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i byang chub
280b7 sems dpa' sems dpa' chen po de dag gang nas mchis lags/ bcom ldan 'das kyis bka' stsal pa/ rgyal po chen po/ gang dag phyogs bcu'i 'jig rten gyi khams
281a1 tshad med/ grangs med/ gzhal du med/ dpag tu med pa de dang de dag nas/ nga la phyag bya ba dang / bsnyen bkur bya ba dang / chos mnyan pa'i phyir
281a2 dang por lhags nas gang dag nga'i mdun na 'khod pa'i byang chub sems dpa' sems dpa' chen po 'di dag yin te/ rigs kyi bu 'di dag ni 'das pa'i sangs rgyas rnams
281a3 kyis kyang bla na med pa yang dag par rdzogs pa'i byang chub tu lung bstan to/ 'di dag ni da ltar byung ba'i sangs rgyas bcom ldan 'das rnams kyis kyang bla na med pa yang dag par
281a4 rdzogs pa'i byang chub tu lung bstan te/ 'di dag ni sangs rgyas kyi zhing der dang po kho nar bla na med pa yang dag rdzogs pa'i byang chub mngon par rdzogs par 'tshang rgya bar
281a5 'gyur ro/ /rgyal po chen po/ byang chub sems dpa' 'di dag ni re res kyang sangs rgyas bye ba khrag khrig 'bum phrag du ma dag la lhag par bya ba byas shing dge ba'i rtsa ba
281a6 bskyed la shes rab bsgom pa yin te/ rgyal po chen po/ gang dag sangs rgyas kyi zhing der dang po kho nar sangs rgyas su 'gyur ba ni rigs kyi bu 'di dag yin no/ /rgyal
281a7 po rtsibs kyi mu khyud kyis gsol ba/ btsun pa bcom ldan 'das/ gang gis bdag 'khor dang bcas pa bla na med pa yang dag par rdzogs pa'i byang chub yang dag
281b1 par 'dzin du rtsal ba'i bram ze rgya mtsho'i rdul de dus ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur lags/ bcom
281b2 ldan 'das kyis bka' stsal pa/ rgyal po chen po/ bram ze rgya mtsho'i rdul 'di ni snying rje chen po dang ldan pa yin te/ 'dis ji ltar seng ge'i sgra sgrogs par 'gyur pa ni khyod kyis
281b3 kyang thos par 'gyur ro/ /rgyal pos gsol ba/ gal te bdag ci nas bcom ldan 'das kyis lung bstan pa dang / bdag gi smon lam de grub pa lta na/ de'i slad du gang gi
281b4 tshe bdag bcom ldan 'das kyi zhabs la yan lag lngas phyag bgyid pa de'i tshe 'jig rten gyi khams gang+gA'i klung gi bye ma snyed dag rab tu 'gul zhing rab tu g.yo bar gyur la
281b5 sangs rgyas kyi zhing de dag na sangs rgyas bcom ldan 'das gang dag bzhugs te/ 'tsho zhing gzhes pa de dag gis kyang bdag la lung ston par gyur cig /rigs kyi bu/ de nas
281b6 rgyal po rtsibs kyi mu khyud kyis de bzhin gshegs pa rin po che'i snying po'i zhabs la yan lag lngas gtugs so/ /gang gi tshe rgyal po'i mgo bo sa la reg pa de'i tshe/ sangs
281b7 rgyas gyi zhing gang+gA'i klung gi bye ma snyed dag kyang 'gul/ rab tu 'gul/ g.yos/ rab tu g.yos/ 'khrugs/ rab 'khrugs nas/ sangs rgyas gang+gA'i klung gi bye ma snyed dag
282a1 kyang lung ston par mdzad de/ bskal pa 'dzin pa zhes bya ba la sangs rgyas kyi zhing yang dag par sgrol ba zhes bya bar skye dgu'i tshe lo brgyad khri thub pa na de
282a2 bzhin gshegs pa dgra bcom pa yang dag par rdzogs pa'i sangs rgyas rin po che'i snying pos rgyal po rtsibs kyi mu khyud la khyod ma 'ongs pa'i dus na bskal pa grangs med pa
282a3 gang+gA'i klung gi bye ma snyed 'das nas bskal pa grangs med pa gnyis pa la bab pa na/ 'jig rten gyi khams bde ba can zhes bya ba dag pa dpag tu med par de bzhin gshegs
282a4 pa dgra bcom pa yang dag par rdzogs pa'i sangs rgyas tshe dpag med ces bya bar 'gyur te/ phyogs bcu kho ra khor yug tu 'jig rten gyi khams gang+gA'i klung gi bye ma snyed
282a5 dag kyang snang bar byed par 'gyur ro zhes lung bstan nas/ bcom ldan 'das kyis bka' stsal pa/ bya ba shes pa'i sems can mchog rab longs/ stobs bcu gang+gA
282a6 snyed kyis khyod lung bstan/ /ri dang bcas pa'i sa yang g.yos gyur te/ /mi mchog 'dul ba'i kha lo sgyur bar 'gyur/ /rigs kyi bu/ de nas rgyal po rtsibs kyi mu
282a7 khyud dga' zhing mgu la/ rab tu dga' ba dang / yid bde ba skyes nas phyir nur te chos mnyan pa'i phyir ha cang yang mi ring bar phyogs gcig tu 'dug go/ /rigs kyi bu/ de
282b1 nas bram ze rgya mtsho'i rdul gyis rgyal po rtsibs kyi mu khyud kyi bu thu bo mig mi 'dzum la bos pa dang / mig mi 'dzum gyis gsol pa yang snga ma bzhin du sbyar te/ bcom ldan
282b2 'das/ bdag gis ngan song rnams la bltas lags na/ sems can gang dag der skyes pa de dag ni sdug bsngal drag po rab tu mi bzad pa nyams su myong bar 'gyur lags so/ /bdag gis
282b3 mtho ris rnams su bltas lags na/ sems can gang dag der skyes pa de dag ni kun na nyon mongs par 'gyur ba'i sems kyis slar ngan song rnams su ltung lags so/ /bdag
282b4 gis sems can thams cad la'ang bltas lags na/ mi dge ba'i bshes gnyen dang 'dres par gnas shing chos kyi mu ge'i mun pa na dge ba'i rtsa ba yongs su bas bas lta
282b5 ba'i chu srin 'dzin khris zin cing shul ngan pa na gnas pa lags te/ bcom ldan 'das/ bdag gis sems can de dag la tshig gis rgya cher go bar bgyi zhing / dge ba'i
282b6 rtsa ba thams cad kyang bdag gis bla na med pa yang dag par rdzogs pa'i byang chub tu yongs su bsngo bar bgyi lags so/ /gang gi tshe bdag byang chub sems dpa'i spyad pa spyod
282b7 pa na sems can gang dag sdug bsngal gyis gnod par gyur pa rnams dang / 'jigs pas skrag pa rnams dang / chos kyi mu ge'i mun par zhugs pa rnams dang / zhum pa
283a1 rnams dang / zhan pa rnams dang / skyob pa ma mchis pa dang / skyabs ma mchis pa rnams dang / dpung gnyen ma mchis pa rnams kyis bdag rjes
283a2 su dran par 'gyur zhing ming nas kyang brjod par gyur cig /bdag gis kyang lha'i rna bas thos shing / lha'i mig gis mthong bar gyur cig /sems can de dag sdug bsngal
283a3 dag las yongs su thar par ma bgyis par bdag kyang bla na med pa yang dag par rdzogs pa'i byang chub mngon par rdzogs par 'tshang mi rgya bar gyur cig /btsun pa bcom
283a4 ldan 'das/ gang gi tshe bdag smon lam gyi khyad par gyis sems can gyi slad du yun ring por byang chub sems dpa'i spyad pa spyod par 'gyur ba de'i tshe bdag gi re ba yongs
283a5 su rdzogs par gyur cig /btsun pa bcom ldan 'das/ gang gi tshe rgyal po chen po rtsibs kyi mu khyud 'di bskal pa grangs ma mchis pa gang+gA'i klung gcig gi bye ma snyed
283a6 'das pa nas grangs ma mchis pa gnyis pa la bab pa na 'jig rten gyi khams bde ba can du bla na med pa yang dag par rdzogs pa'i byang chub mngon par rdzogs par
283a7 'tshang rgya bar 'gyur zhing de bzhin gshegs pa dgra bcom pa yang dag par rdzogs pa'i sangs rgyas tshe dpag med ces bgyi bar gyur nas/ sangs rgyas kyi zhing yongs su
283b1 dag pa na sems can yongs su dag pa rnams la sangs rgyas kyi mdzad pa mdzad par 'gyur te/ de bzhin gshegs pa tshe dpag med kyis bskal pa dpag tu ma mchis pa ji
283b2 srid cig tu sangs rgyas kyi mdzad pa mdzad cing sangs rgyas kyi mdzad pa yongs su mthar thug nas phung po'i lhag ma ma mchis pa'i mya ngan las 'das pa'i dbyings su 'jug par
283b3 'gyur zhing / der zhugs nas kyang dam pa'i chos ji srid du gnas par 'gyur ba'i yun de srid du/ bdag gis byang chub sems dpa'i spyad pa spyod par bgyi zhing bdag byang
283b4 chub sems dpar gyur nas sangs rgyas kyi mdzad pa'ang bgyi lags so/ /gang gi tshe yang dag par rdzogs pa'i sangs rgyas tshe dpag med kyi dam pa'i chos nam gyi srod la
283b5 nub par gyur pa de nyid kyi nam gyi tho rangs bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi na/ bcom ldan 'das kyis
283b6 bdag bla na med pa yang dag par rdzogs pa'i byang chub tu lung bstan du gsol/ de bzhin du bdag gis phyogs bcu'i 'jig rten gyi khams gang+gA'i klung gi bye ma snyed
283b7 dag na/ sangs rgyas bcom ldan 'das gang dag bzhugs te 'tsho zhing gzhes pa'i sangs rgyas bcom ldan 'das de dag la'ang bdag sangs rgyas bcom ldan 'das de
284a1 dag gis bla na med pa yang dag par rdzogs pa'i byang chub tu lung bstan du gsol zhes tshig gis gsol ba gdab par bgyi lags so/ /rigs
284a2 kyi bu| de bzhin gshegs pa rin po che'i snying pos rgyal bu mig mi 'dzum lung bstan nas 'di skad ces kyang bka' stsal to/ /rigs kyi bu/ gang gi phyir khyod kyis ngan song rnam
284a3 su'ang bltas/ mtho ris rnams su'ang bltas/ sems can thams cad kyi sdug bsngal yang bltas shing / sems can thams cad sdug bsngal las thar bar bya ba dang / nyon
284a4 mongs pa rab tu zhi bar bya ba'i phyir snying rje'i sems bskyed pas na/ rigs kyi bu/ de'i phyir khyod spyan ras gzigs dbang phyug ces bya'o/ /spyan ras gzigs dbang phyug khyod ni
284a5 sems can bye ba khrag khrig 'bum phrag mang po rnams sdug bsngal las thar bar byed par 'gyur te/ rigs kyi bu khyod ni byang chub sems dpar gyur pa na'ang sangs rgyas kyi
284a6 mdzad pa byed par 'gyur ro/ /rigs kyi bu khyod ni de bzhin gshegs pa 'od dpag med yongs su mya ngan las 'das nas bskal pa grangs med pa gang+gA'i klung gi bye ma snyed gnyis
284a7 pa lus pa na nam gang gi srod la dam pa'i chos nub par gyur pa de nyid kyi rnam gyi tho rangs byang chub kyi shing bkod pa du ma'i drung du rdo rje'i gdan la 'dug nas bla na med pa yang
284b1 dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas 'od zer kun nas
284b2 'phags pa dpal brtsegs rgyal po zhes bya bar 'gyur ro/ /khyod kyi tshe'i tshad ni bskal pa bye ba khrag khrig 'bum phrag dgu bcu rtsa drug tu 'gyur to/ /khyod yongs su mya ngan 'das
284b3 nas kyang dam pa'i chos ni bskal pa dung phyur phrag drug dang bye ba phrag gsum du gnas par 'gyur ro/ /spyan ras gzigs dbang phyug gis gsol pa/ bcom ldan 'das gal
284b4 te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la phyag 'tshal ba de'i tshe/ phyogs bcu'i 'jig rten gyi
284b5 khams gang+gA'i klung gi bye ma snyed dag na sangs rgyas bcom ldan 'das gang dag bzhugs te/ 'tsho zhing gzhes pa de dag gis bdag la lung ston par mdzad cing / phyogs
284b6 bcu'i 'jig rten gyi khams gang+gA'i klung gi bye ma snyed po thams cad kyi sa'ang g.yo bar gyur la/ ri thams cad kyi gor ma dang / shing ljon pa'i rtse mo dag las kyang yan lag lnga
284b7 dang ldan pa'i sil snyan gyi sgra'ang 'byung bar gyur cig /sems can thams cad kyis kyang 'dod chags dang bral ba'i sems par gyur cig /gang tshe byang chub sems dpa'
285a1 spyan ras gzigs kyi dbang phyug gis de bzhin gshegs pa rin po che'i snying po'i zhabs la yan lag lngas phyag byas pa de'i tshe snga ma bzhin du sbyar
285a2 te| sangs rgyas kyi zhing gang+gA'i klung gi bye ma snyed dag gi sa'ang rab tu g.yos/ sangs rgyas bcom ldan 'das de dag kyang lung ston par mdzad/ ri thams cad kyi rdo dang /shing
285a3 ljon pa'i rtse mo dag las kyang yan lag lnga dang ldan pa'i sil snyan gyi sgra byung bar gyur/ sems can thams cad kyang 'dod chags dang bral ba'i sems la gnas par gyur pa
285a4 dang | bcom ldan 'das kyis bka' stsal pa/ snying rje ldan pa bsod nams dag la yid dga' longs/ /phyogs bcu'i sku mchog mnga' ba rnams kyis lung bstan te/ zhing
285a5 dang | bcas pa'i sa yang rnam drug rab tu g.yos/ /rgyal ba gang zag gtso bo drang srong chen por 'gyur/ /de nas rgyal po'i mdun na 'don gyi gtso bo bram ze rgya mtsho'i rdul
285a6 gyis rgyal bu gnyis pa mu khyud ces bya ba la smras pa/ rigs kyi bu khyod kyis kyang de bzhin du yongs su gtong ba chen po 'di la rjes su yi rang bar gyis shig/ khyod kyis dge ba
285a7 nye bar bsgrubs pa gang yin pa de'ang sems can thams cad kyi phyir thams cad mkhyen pa nyid du yongs su bsngos la bla na med pa yang dag par rdzogs pa'i byang chub tu
285b1 sems skyed cig /de nas rgyal bu gzhon nu mu khyud bcom ldan 'das kyi spyan sngar 'dug nas 'di skad ces gsol to/ /bcom ldan 'das bdag gis bcom ldan 'das dge slong
285b2 gi dge 'dun dpag tu ma mchis pa dang bcas pa la yo byad thams cad kyis bsnyen bkur bgyis pa gang lags pa dang / rjes su yi rang ba las byung ba'i bsod nams kyi phung po
285b3 gang lags pa dang / lus dang ngag dang yid kyis legs par spyad pa'i bsod nams kyi phung po gang lags pa de dag thams cad bla na med pa yang dag par rdzogs pa'i byang
285b4 chub tu yongs su bsngo bar bgyi ste/ sangs rgyas kyi zhing nyon mongs pa can 'di 'ba' zhig tu bdag gis byang chub la reg par mi bgyi bar/ gzhon nu spyan ras gzigs kyi
285b5 dbang phyug 'jig rten gyi khams rin po che thams cad yang dag par bsags pa zhes bgyi ba der byang chub kyi shing rin po che du mas bkod pa'i drung du mchis nas/ bla na me dang
285b6 yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa 'od zer kun nas 'phags pa dpal brtsegs rgyal po zhes
285b7 bgyi bar 'gyur ba chos 'chad par bgyi ba'i slad du bdag gis de la gsol ba gdab par bgyi zhing / ji srid du de bzhin gshegs pa de chos ston par mdzad pa de srid
286a1 du bdag gis byang chub sems dpa'i spyod pa spyad par bgyi'o/ /de bzhin gshegs pa de 'das shing dam pa'i chos nub pa na de'i 'og tu bdag bla na
286a2 med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa 'od zer kun nas 'phags pa dpal brtsegs rgyal
286a3 po'i yon tan bkod pa thams cad ji lta bar bdag gi sangs rgyas kyi zhing gi yon tan bkod pa'ang de lta bur gyur cig /de bzhin du bdag kyang sangs rgyas kyi mdzad pa
286a4 bgyid pa 'gyur zhing de bzhin du yongs su mya ngan las 'das par bgyi'o/ /yongs su mya ngan las 'das nas kyang de bzhin du dam pa'i chos kyang yun ring du gnas par
286a5 gyur cig /bcom ldan 'das kyis bka' stsal pa/ rigs kyi bu khyod kyis ni gnas pa chen po don du gnyer te/ rigs kyi bu khyod kyis ji ltar rang gis yongs su bzung ba
286a6 de lta bu'i gnas 'thob par 'gyur ro/ /rigs kyi bu khyod kyis ni sangs rgyas kyi zhing der bla na med pa yang dag par rdzogs pa'i byang chub 'thob par 'gyur te/ de bzhin
286a7 gshegs pa rab tu brtan pa yon tan nor bu brtsegs pa'i rgyal po zhes bya bar 'gyur ro/ /rigs kyi bu khyod kyis de ltar gnas chen po yongs su bzung ba de'i phyir rigs
286b1 kyi bu khyod mthu chen thob ces bya bar gyur cig /des gsol ba/ bcom ldan 'das/ gal te bdag gi re ba 'di lta bu yongs su rdzogs par 'gyur pa lta na/ de'i slad du gang gi tshe
286b2 bdag bcom ldan 'das kyi zhabs la lus kyi yan lag lngas phyag 'tshal ba de'i tshe/ phyogs bcu'i sangs rgyas bcom ldan 'das gang+gA'i klung gi bye ma snyed dag gis bdag
286b3 la lung ston par mdzad cing / sna ma'i me tog gi char yang rab tu 'bab par gyur cig /rigs kyi bu/ gang gi tshe skyes bu dam pa mthu chen thob kyis/ de bzhin gshegs pa rin
286b4 po che'i snying po'i zhabs la yan lag lngas phyag byas pa de'i tshe/ phyogs bcu'i sangs rgyas bcom ldan 'das gang+gA'i klung gi bye ma snyed kyis lung bstan cing sa chen po'ang rnam pa drug
286b5 tu rab tu g.yos/ sna ma'i me tog gi char yang bab par gyur pa dang / bcom ldan 'das kyis bka' stsal pa/ bsod nams mthu shugs brtan par gyur pa longs/ phyogs
286b6 bcu'i 'jig rten mgon pos lung bstan te/ /sa chen g.yos shing sna ma'i char yang bab/ /khyod ni lha yi tshangs pa lta bur 'gyur/ /de nas bram ze rgya mtsho'i rdul gyis snga ma
286b7 bzhin du sbyar te/ rgyal bu gsum pa dbang po'i tshogs zhes bya ba la smras pa dang / thal mo sbyar nas de bzhin gshegs pa rin po che'i snying po la 'di skad ces gsol to/ /
287a1 bcom ldan 'das/ bdag gis bcom ldan 'das dge slong gis dge 'dun dang bcas pa la yo byad thams cad kyis bsnyen bkur bgyis pa gang
287a2 lags pa dang / bdag gi lus dang ngag dang yid kyis legs par spyad pa gang lags pa dang / rjes su yi rang ba 'di dang ldan pa'i bsod nams kyi phung po gang lags pa de
287a3 dag thams cad bla na med pa yang dag par rdzogs pa'i byang chub tu yongs su bsngo'o/ /sangs rgyas kyi zhing nyon mongs pa can du ni bla na med pa yang dag par rdzogs pa'i
287a4 byang chub mngon par rdzogs par 'tshang rgya bar mi bgyi zhing shin tu myur bar thob par yang mi bgyi lags so/ /ji srid du bdag bla na med pa yang dag par rdzogs pa'i byang
287a5 chub mngon par rdzogs par 'tshang mi rgya ba de srid du byang chub kyi spyad pa spyod cing / phyogs bcu'i 'jig rten gyi khams mtha' yas mu med pa gzhan dang gzhan dag gi sangs
287a6 rgyas bcom ldan 'das rnams mthong bar gyur cig /bdag byang chub sems dpa'i spyad pa spyod pa na gang dag bdag gis dang por byang chub yang dag par 'dzin du stsal pa
287a7 dang / bdag gis gang dag der dang por byang chub mchog tu sems bskyed de byang chub kyi sems la rab tu bkod pa dang / gang dag bdag gis pha rol tu phyin pa rnams
287b1 yang dag par 'dzin du stsal cing btsud de rab tu bkod pa'i sangs rgyas bcom ldan 'das gang dag bdag gis byang chub yang dag par 'dzin du stsal pa de dag sangs rgyas kyi
287b2 zhing gang+gA'i klung gi bye ma snyed kyi rdul phra rab kyi rdul snyed kyi zhing dag na chos ston par mdzad pa rnams kyang bdag gi lha'i mig gis mthong bar gyur cig /bdag byang chub sems dpa'i
287b3 spyad pa spyod pa na de ltar sangs rgyas kyi mdzad pa bgyid cing / ji srid du bdag gis sangs rgyas kyi zhing du sems can gang dag skye bar 'gyur ba de dag 'di lta ste/ dper bgyi na/ tshangs ris kyi lha
287b4 rnams lta bur 'gyur ba de srid du bdag gis sems can rnams kyi bsam pa yongs su sbyor bar bgyi zhing byang chub sems dpa'i spyod pa spyad par bgyi'o/ /ci nas kyang stong
287b5 gsum gyi stong chen po gang+gA'i klung gi bye ma snyed dag sangs rgyas kyi zhing gcig tu 'gyur ba de ltar sangs rgyas kyi zhing gi yon tan bkod pa yongs su sbyang bar bgyi ste/ sangs rgyas
287b6 kyi zhing de'i ra ba dag kyang srid pa'i rtse mo'i mthar thug cing rin po che du ma kun nas gnas pa dang / rin po che sna tshogs dag gis spras par gyur cig /sangs rgyas kyi zhing de'i sa gzhi
287b7 thams cad ni be DUR+ya 'ba' zhig las bgyis par gyur cing rdul dang / gor ma dang / gseg ma ma mchis shing sa gzhi rnyog pa dang 'dres pa ma mchis par gyur cig /de na bud
288a1 med ni ming du gdags pa'ang ma mchis par gyur cig /sems can thams cad ni brdzus te skye bar gyur cig /de na sems can rnams zas khams gyis bza'
288a2 'tshal ba ma mchis par gyur cig /de nas sems can thams cad dga' ba'i zas dang chos kyi zas dang ldan par gyur cig /sangs rgyas kyi zhing de ni nyan thos dang rang sangs
288a3 rgyas rnams ni gdags su'ang ma mchis par gyur cig /sangs rgyas kyi zhing de tha ba dang / dri ma dang / zhe sdang dang / 'chab pa dang bral zhing tshangs par spyod pa yongs su dag
288a4 pa la gnas pa'i byang chub sems dpa' 'ba' zhig gis yongs su gang bar gyur cig /de na byang chub sems dpa' thams cad kyang skra bregs shing chos gos ngur smig 'tshal
288a5 ba sha stag 'byung bar gyur cig /skyes ma thag tu 'od chen po dang ldan par gyur cig /de dag gi su ga par rin po che'i lhung bzhed ro bro ba sna tshogs kyis yongs su gtams pa
288a6 dag 'byung bar gyur cig /byung ma thag tu 'di snyam du gang bdag cag zas khams kyis za ba ni bdag cag gi cha ma yin gyi/ gang bdag cag 'jig rten gyi khams gzhan dag
288a7 tu dong la sangs rgyas bcom ldan 'das bzhugs te 'tsho zhing gzhes pa dag la zhal zas 'di 'bul bar bya'o/ /sangs rgyas kyi nyan thos rnams dang / skye bo sdug bsngal
288b1 pa rnams la'ang sbyin par bya'o/ /yi dwags kyi gnas rnams su song la bkres pa dang / skom pas lus rab tu 'bar ba'i sems can rnams la'ang zas 'di sbyin par bya'o snyam pa'i
288b2 dran pa thob par gyur cig /byang chub sems dpa' sems dpa' chen po de dag gis de ltar sems bskyed ma thag tu bsam gyis mi khyab pa'i spyod pa dang ldan pa'i ting nge 'dzin kyang
288b3 thob par gyur cig /ting nge 'dzin de thob nas phyogs bcu'i sangs rgyas kyi zhing dpag tu ma mchis/ grangs ma mchis pa gzhan dag tu thogs pa ma mchis par mchi bar 'gyur zhing /
288b4 sangs rgyas bcom ldan 'das bzhugs te 'tsho zhing gzhes pa dag dang / nyan thos dang / sems can gzhan dag la'ang zhal zas 'bul bar gyur cig /dga' bas phul nas
288b5 kyang chos bshad par bgyis nas de nyid kyi snga dros rang gi sangs rgyas kyi zhing du slar mchi bar gyur cig /gos rin po che dag la'ang de bzhin du sbyar te/ de nyid kyi snga dro'i bar gyis rang
288b6 gi sangs rgyas kyi zhing du slar mchis nas gcig la gcig gos dag bskon par yang gyur cig /sangs rgyas kyi zhing de na byang chub sems dpa' de dag la longs spyod dang / yongs
288b7 su spyod pa gang ji snyed mchis pa de dag thams cad kyang sangs rgyas bcom ldan 'das rnams dang / nyan thos rnams dang / sems can gzhan dag dang thun mong du bgyis nas slad kyis
289a1 bdag yongs su spyod par gyur cig /sangs rgyas kyi zhing de ma khom pa brgyad dang bral par gyur cig /de na sdug bsngal gyi sgra ma mchis par gyur cig/
289a2 bslab pa blang ba'i sgra ma mchis par gyur cig /ltung byed las bslang ba'i sgra ma mchis par gyur cig /sangs rgyas kyi zhing der rin po che 'bum phrag du ma dag bsags par
289a3 gyur cig /rin po che du mas spras shing nor bu ltar kun tu snang bar gyur cig /nor bu rin po che gang dag phyogs bcu rnams su sngon ma mthong ba dang / sngon ma thos pa'i nor
289a4 bu rin po che de dag spyod par gyur cig /nor bu rin po che dag gi ming brjod na lo bye bas kyang mi bas par gyur cig /byang chub sems dpa' gang dag sangs rgyas kyi zhing gser
289a5 las grub par mthong bar 'tshal na'ang de gser las grub par gnas par 'gyur ba dang / gang dngul las grub par 'tshal ba des dngul las grub par mthong yang de la
289a6 gser las grub pa'ang nyams par mi 'gyur ba dang / de bzhin du sbyar te/ gang shel las grub pa dang / bai DUR+ya las grub pa dang / rdo'i snying po las grub pa dang / mu tig
289a7 dmar po las grub pa dang / spug las grub par 'tshal na sangs rgyas kyi zhing de rin po che rnam pa de lta bu dag tu mthong bar gyur cig /byang chub sems dpa'i sangs rgyas kyi
289b1 zhing de a ga ru las grub pa dang / rgya spos las grub pa dang / ta ma la'i lo ma las grub dang tsan+dan sprul gyi snying po las grub pa dang / tsan+dan sa mchog pa las grub par
289b2 mthong bar 'tshal na'ang de la de bzhin du gyur cig /ji lta ji ltar ci 'dra bar mthong bar 'tshal ba de lta de ltar de dang 'dra bar mthong bar gyur cig /gcig gis gnyis pa'i
289b3 smon lam mthong bar mi 'gyur zhing / thams cad kyi smon lam yang yongs su rdzogs par gyur cig /sangs rgyas kyi zhing de na nyi ma dang zla bar mngon pa'ang ma mchis shing / der
289b4 byang chub sems dpa' 'od can dag skye bar gyur cig /gzhan yang 'od ji lta bu dag 'tshal ba de lta bu dag tha na sangs rgyas kyi zhing bye ba khrag khrig 'bum tshun chad du'ang
289b5 gtong bar gyur cig /sangs rgyas kyi zhing de na me tog kha bye ba ma gtogs par mtshan mo dang / nyin mo dag ming yang ma mchis par gyur cig /sangs rgyas kyi zhing de na byang chub
289b6 sems dpa' gang byang chub mngon par rdzogs par 'tshang rgya bar 'tshal ba de dga' ldan dag tu tshe bas par bgyis nas 'jig rten gyi khams gzhan dag tu byang chub mngon
289b7 par rdzogs par 'tshang rgya bar 'gyur ba ma gtogs par grang ba dang / tsha ba dang / nad dang / mi bde ba dang / rga ba dang / 'gum pa'ang ma mchis par gyur cig /sangs rgyas kyi
290a1 zhing de na 'gum pa ma mchis par 'gyur zhing steng gi bar snang la de bzhin gshegs pa ltar bla na med pa'i yongs su mya ngan las 'da' bas yongs su
290a2 mya ngan las 'da' bar gyur cig /byang chub sems dpa' rnams kyang longs spyod dang / yongs su spyod pa ji lta bu dag 'tshal ba de lta bu dag mngon par 'grub par gyur cig/
290a3 sangs rgyas kyi zhing kun tu nam mkha'i dkyil nas sil snyan bye ba khrag khrig 'bum phrag du ma dag sgra 'khrol bar gyur cig /sil snyan de dag las kyang pha rol tu phyin pa
290a4 rnams kyi sgra 'byung ba dang / sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i sde snod kyi chos kyi rnam grangs kyi sgra 'byung bar 'gyur ba dang /
290a5 byang chub sems dpa' rnams ji ltar mos pa de lta bu'i sgra thos par 'gyur ba ma gtogs par 'dod pa dang ldan pa'i sgra dag mi 'byung bar gyur cig /bcom ldan 'das
290a6 bdag byang chub sems dpa'i spyad pa spyod pa na bdag gis sangs rgyas bye ba khrag khrig 'bum phrag dpag tu ma mchis/ grangs ma mchis pa dag gi sangs rgyas kyi zhing gi
290a7 yon tan bkod pa ji snyed mthong bar dag las nyan thos dang / sangs rgyas kyi bkod pa rnams dang / sangs rgyas kyi zhing snyigs ma lnga dang ldan pa'i bkod pa rnams ma
290b1 gtogs par bkod pa de dag dang / rgyan de dag dang / rtags de dag dang / mtshan ma de dag dang / gnas de dag dang / ngo mtshar de dag dang / smon lam de dag thams cad bdag
290b2 gis sangs rgyas kyi zhing na mchis par gyur cig /sangs rgyas kyi zhing de na sems can dmyal ba dang / dud 'gro dang / yi dwags rnams ma mchis par gyur cig /ri rab dang /
290b3 khor yug dang / khor yug chen po rnams dang / gor ma dang / rdul gyi ri rnams kyang ma mchis par gyur cig /rgya mtsho chen po'ang ma mchis par gyur cig /sangs rgyas kyi zhing
290b4 de lha'i las shin tu 'das pa'i shing ljon pa sna tshogs dag dang / lha'i me tog man+dar ba dang / mnad ra ba chen po dag gis kun tu gang bar gyur pa ma gtogs par shing las
290b5 grub pa'i ljon pa gzhan dag ma mchis par gyur cig /de na dri nga ba ma mchis par gyur cig /sangs rgyas kyi zhing de spos rgya che zhing yangs pa sna tshogs dag gis khyab par gyur
290b6 cig /der byang chub sems dpa' skye ba gcig gis thogs pa sha stags 'byung bar gyur cig /de na sems can gcig kyang de nas shi 'phos nas dga' ldan ma gtogs par
290b7 gzhan du skye bar mi 'gyur zhing / de nas shi 'phos nas kyang bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /btsun pa bcom
291a1 ldan 'das/ bdag gis ji srid du skyes bu chen po'i rtsal rnam pa de lta bu dag mngon par ma bsgrubs pa de srid du byang chub sems dpa'i spyod pa
291a2 spyad par bgyi'o/ /sangs rgyas kyi zhing de ltar gzhag par bgyi ste/ sangs rgyas kyi zhing de de lta bu'i sems can bsam pa dag pa dag dang / byang chub sems dpa' skye ba
291a3 gcig gis thogs pa dang bcas pa dag gis kun tu bltams te gzhag par bgyi'o/ /der byang chub sems dpa' gang bdag gis dang por byang chub yang dag par 'dzin du ma
291a4 stsal pa dang / pha rol tu phyin pa rnams la ma btsud pa dag ma mchis par gyur cig /gang dag bdag gis dang por byang chub yang dag par 'dzin du stsal pa dang / pha rol tu
291a5 phyin pa rnams la btsud pa'i byang chub sems dpa' thams cad der skye bar gyur cig /sangs rgyas kyi zhing 'di'ang de nyid kyi khongs su gtogs par bgyi zhing 'di dag thams
291a6 cad kyi sdug bsngal yang rab tu zhi bar bgyi'o/ /btsun pa bcom ldan 'das/ bdag byang chub sems dpar gyur cing skyes bu'i rtsal de lta bu dag bsgrubs nas de'i 'og tu
291a7 sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bdag gi byang chub kyi shing ni rin po che sna bdun
291b1 rnam par bkra bar snang ba zhes bgyi bar 'gyur zhing / sboms su ni gling bzhi pa khri mchis par gur pa la/ khor khor yug gi khyon ni stong gsum pa bcu mchis par gyur cig /
291b2 byang chub kyi shing de'i dri dang / 'od kyis sangs rgyas kyi zhing mtha' dag khyab par gyur cig /de'i drung du rin po che sna tshogs kyis spras pa'i rdo rje'i gdan rab tu zhi ba bzod pa'i
291b3 ye shes shin tu 'byed pa'i dri ma yang dag par gzhol ba zhes bgyi ba gling bzhi pa lnga'i khyon tsam mchis la 'phang du ni dpag tshad brgyad stong bzhi brgya mchis par gyur cig/ byang chub kyi shing de'i drung du rdo rje'i gdan la bdag skyil mo krung bcas te mchis nas/
291b4 yud tsam de nyid la bla na med pa yang dag par rdzogs pa'i byang chub mngon par rdzogs par
291b5 'tshang rgya bar gyur cig /yongs su mya ngan las 'das pa'i dus kyi bar du skyil mo krung de mi 'jig mi 'grol bar 'gyur zhing / byang chub kyi shing de'i drung nas mi ldang bar gyur
291b6 cig /bdag byang chub kyi shing drung du gnas shing rdo rje'i gdan la mchis bzhin du sangs rgyas dang byang chub sems dpa' sprul pa dag sangs rgyas kyi zhing bgrang ba las 'das
291b7 pa gzhan dag tu 'gyed par gyur cig /sangs rgyas re res kyang snga dro gcig la sems can rnams la chos ston cing de nyid kyi snga dro la'ang sems can bgrang ba las 'das pa
292a1 snyed dag bla na med pa yang dag par rdzogs pa'i byang chub yang dag par 'dzin du stsol dang / rab tu 'god pa dang / phyir mi ldog pa la 'god par gyur
292a2 cig /de bzhin du byang chub sems dpa'i sprul pa dag kyang byang chub sems dpa'i bya ba bgyid par gyur cig /bdag gis byang chub thob pa na phyogs bcu'i 'jig rten gyi
292a3 khams bgrang ba las yang dag par 'das pa gzhan dag tu'ang bdag gi lus gda' bar gyur cig /sems can gang dag gi mig gi dbang pos bdag gi lus mtshan
292a4 gyis brgyan pa mthong bar gyur pa'i sems can de dag thams cad kyang bla na med pa yang dag par rdzogs pa'i byang chub tu nges par gyur cig /sems can de dag byang chub
292a5 cing yongs su mya ngan las 'das kyi bar du'ang sangs rgyas bcom ldan 'das rnams dang mi 'bral bar 'gyur zhing der dbang po rnams ma tshang bar ma gyur cig /de na byang chub
292a6 sems dpa' gang dag bdag la blta bar 'tshal ba de dag gang dang gang du mchi ba dang / slar ldog pa dang / 'chag pa dang / 'greng ba dang / mchis pa na byang chub sems
292a7 dpa' de dag thams cad kyis sangs rgyas yid la bgyid pa'i sems bskyed ma thag tu bdag byang chub kyi shing drung na mchis pa mthong bar gyur cig /mthong nas kyang gang
292b1 dag chos la the tshom du gyur pa des mthong ma thag tu de dang bral bar gyur nas/ the tshom las grol bar gyur cing chos kyi tshig ma bstan pa'i don kyang 'tshal bar gyur cig /bdag
292b2 gi tshe ni dpag tu ma mchis par gyur la/ thams cad mkhyen pa'i ye shes ma gtogs par gzhan sus kyang bgrang bar rngo mi thogs par gyur cig /de na byang chub sems dpa' dag
292b3 kyang dpag tu ma mchis par gyur cig /skad cig gang la bdag sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba
292b4 dang | yongs su mya ngan las 'da' ba chen po'i bar gyi skad cig de nyid la sangs rgyas kyi zhing der byang chub sems dpa' rnams kyang skra bregs shing chos gos ngur smrig 'tshal ba
292b5 sha stag 'byung bar gyur cig /sangs rgyas kyi zhing der sems can gcig kyang skra ring zhing gos dkar po 'tshal bar mi 'gyur la/ thams cad kyang dge sbyong gi kha dog tu 'gyur
292b6 zhing dge sbyong gi tshul du gnas par gyur cig /bcom ldan 'das kyis bka' stsal pa/ skyes bu dam pa/ legs so/ /legs so/ /khyod kyang mkhas shing gsal la
292b7 yid gzhungs pa yin te/ khyod kyis ni smon lam shin tu bzang por btab bo/ /rigs kyi bu khyod ni shin tu yon tan dang ldan zhing shin tu ye shes dang ldan pas ni gang gi phyir
293a1 sems can thams cad kyi don gyi phyir rab mchog gi blo gros bkra shis par byas zhing / sangs rgyas kyi zhing gi yon tan bkod pa rab mchog
293a2 yong su bzung bas de'i phyir rigs kyi bu khyod 'jam dpal zhes bya bar gyur cig /'jam dpal khyod ni ma 'ongs pa'i dus na bskal pa grangs med pa gang+gA'i klung gnyis
293a3 kyi bye ma snyed 'das nas grangs med pa gsum pa la bab pa na lho phyogs logs su 'jig rten gyi khams dag pa rdul bral yang dag bsags zhes bya ba zhig 'byung bar
293a4 'gyur te/ der 'jig rten gyi khams mi mjed kyang 'dus shing khongs su chud par 'gyur la/ sangs rgyas kyi zhing der de lta bu'i yon tan bkod pa 'byung bar 'gyur te/
293a5 'jam dpal khyod ni der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par
293a6 rdzogs pa'i sangs rgyas kun tu gzigs zhes bya bar 'gyur ro/ /khyod kyi byang chub sems dpa'i 'khor kyang de lta bur yongs su dag par 'gyur ro/ /khyod byang chub sems dpar
293a7 gyur pa na ji ltar smon lam btab pa ltar khyod kyi smon lam de dag thams cad kyang 'grub par 'gyur te/ de bas na khyod ni sangs rgyas bye ba phrag mang po las dge ba'i rtsa ba bskyed
293b1 par 'gyur ro/ /'jam dpal/ de'i phyir khyod ni sems can rnams kyi sman lta bur 'gyur zhing bsam pa yongs su sbyong bar byed par 'gyur la/ nyon mongs pa yongs su 'joms par
293b2 byed pa dang / dge ba'i phyogs rnam par 'phel bar byed par yang 'gyur ro/ /'jam dpal gyis gsol pa/ bcom ldan 'das/ gal te bdag gis ji ltar smon lam btab pa'i
293b3 bdag gi re ba 'di lta bu yongs su rdzogs par 'gyur ba lta na/ de bzhin du phyogs bcu'i 'jig rten gyi khams dpag tu ma mchis/ grangs ma mchis pa dag na sangs
293b4 rgyas bcom ldan 'das gang dag bzhugs te 'tsho zhing gzhes la sems can rnams la chos kyang ston pa rnams kyis bdag lung ston par mdzad cing / de bzhin du sangs rgyas kyi
293b5 zhing dpag tu ma mchis/ grangs ma mchis pa dag kyang rab tu g.yo bar gyur cig /sems can thams cad kyang 'di lta ste/ dper bgyi na/ byang chub sems dpa' bsam gtan
293b6 gnyis pa la rtse ba'i bkod pa la snyoms par zhugs pa de lta bu'i bde ba dang ldan par gyur cig /de bzhin du sangs rgyas kyi zhing dpag tu ma mchis grangs ma mchis pa dag nas
293b7 kyang lha'i me tog mnad ra bdag gi char yang rab tu 'bab par gyur cig /me tog mnad ra ba de dag las kyang 'di lta bu'i sgra 'byung bar gyur cig /'di lta ste/ sangs rgyas kyi sgra
294a1 dang / chos kyi sgra dang / dge 'dun gyi sgra dang / pha rol tu phyin pa rnams kyi sgra dang / stobs dang / mi 'jigs pa'i sgra dag 'byung bar gyur cig/
294a2 gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe de lta bu'i mtshan ma dag 'byung bar gyur cig /gang gi tshe 'jam dpal gzhon
294a3 nur gyur pas bcom ldan 'das kyi zhabs la mgo bos phyag byas pa de'i tshe skad cig de nyid la sangs rgyas kyi zhing dpag tu med grangs med pa dag kyang rab tu g.yos/ lha'i me tog mnad ra ba dag gi char yang rab tu bab/
294a4 sems can thams cad kyang ji ltar smon lam btab pa de lta bu'i bde ba dang ldan par gyur pa dang / byang chub sems
294a5 dpa' sems dpa' chen po gang dag sangs rgyas rnams la chos nyan pa de dag gis sangs rgyas bcom ldan 'das de dag la rgyu gang dag dang rkyen gang gis na 'di lta bu'i
294a6 mtshan ma dag byung bar gyur ces yongs su zhus nas/ sangs rgyas bcom ldan 'das de dag gis kyang 'jam dpal gzhon nur gyur pa bla na med pa yang dag par rdzogs
294a7 pa'i byang chub tu lung bstan pa dang / bcom ldan 'das kyis bka' stsal pa/ blo gros mchog rab yangs pa'i blo dang ldan pa longs/ /phyogs bcu'i 'jig rten mgon po
294b1 rnams kyis khyod lung bstan/ /sa g.yos sems can rnams kyang bde bas tshim par gyur/ /me tog char pa rab 'bab 'jig rten sangs rgyas 'gyur// //bam
294b2 po drug pa/ rigs kyi bu/ de nas bram ze rgya mtsho'i rdul gyis rgyal bu bzhi pa nyon mongs med ces bya ba la bos pa dang / ji ltar 'jam dpal gyis smon lam btab pa ltar snga
294b3 ma bzhin du sbyar ro/ /bcom ldan 'das kyis de la legs so zhes bya ba byin te/ rigs kyi bu/ legs so/ /legs so/ /rigs kyi bu khyod byang chub sems dpar gyur pa na
294b4 sems can dpag tu med grangs med pa dag gi nyon mongs pa'i ri 'joms par 'gyur zhing / sangs rgyas kyi mdzad pa'ang byed par 'gyur la/ de'i 'og tu ni bla na med pa
294b5 yang dag par rdzogs pa'i byang chub mngon par rdzogs par 'tshang rgya bar 'gyur bas/ rigs kyi bu/ de'i phyir khyod rdo rjes gcod pa'i shes rab snang ba'i dpal zhes bya bar
294b6 gyur cig /rdo rjes gcod pa shes rab snang ba'i dpal khyod ni ma 'ongs pa'i dus na bskal pa gang+gA'i klung gcig gi bye ma snyed 'das nas bskal pa grangs med pa gang+gA'i klung gi bye
294b7 ma snyed gnyis pa la bab pa na shar phyogs logs su 'jig rten gyi khams sangs rgyas kyi zhing gang+gA'i klung bcu'i bye ma snyed kyi rdul phra rab kyi rdul snyed 'das pa de na 'jig
295a1 rten gyi khams mig mi 'dzum zhes bya ba zhig yod de/ rigs kyi bu khyod der byang chub mngon par rdzogs par 'tshang rgya bar 'gyur te/ de bzhin
295a2 gshegs pa dgra bcom pa yang dag par rdzogs pa'i sangs rgyas kun tu bzang po zhes bya ba rig pa dang zhabs su ldan pa/ bde bar gshegs pa 'jig rten mkhyen pa/
295a3 skyes bu 'dul ba'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das su 'gyur ro/ /khyod kyi sangs rgyas kyi zhing yang smon lam ji ltar btab
295a4 pa de lta bu'i yon tan bkod pa du ma dang ldan par 'gyur ro/ /rigs kyi bu/ de bzhin gshegs pa rin po che'i snying pos/ byang chub sems dpa' rdo rjes gcod pa shes
295a5 rab snang ba'i dpal bla na med pa yang dag par rdzogs pa'i byang chub tu lung bstan ma thag tu nam mkha'i dkyil nas lha bye ba khrag khrig 'bum phrag du ma dag gis legs
295a6 so zhes bya ba byin nas tsan+dan sa mchog pa dang / tsan+dan sprul gyi snying po dang / a ga ru dang / rgya spos dang / ta ma la'i phye ma'i char yang rab tu phab bo/ /des gsol pa/
295a7 btsun pa bcom ldan 'das/ gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la yan lag lngas
295b1 phyag btsal ba de'i tshe 'jig rten gyi khams gang+gA'i klung gi bye ma snyed dag lha'i las shin tu 'das pa'i spos rgya chen pos khyab par gyur cig /'jig rten gyi khams der sems
295b2 can dmyal ba'am/ dud 'gro'i skye gnas pa'am gshin rje'i 'jig rten pa'am/ lha'am/ mi'am/ sems can gang dag skyes par gyur pa'i sems can de dag thams
295b3 cad kyi sa dri de tshor bar 'gyur zhing / ji srid du bdag gi mgo bo sa la reg pa de srid du de dag gi lus kyi nad dang / lus kyi sdug bsngal ba dang / sems kyi nad dang / sems
295b4 kyi sdug bsngal ba dag kyang myur du rab tu zhi bar gyur cig /rigs kyi bu/ de nas byang chub sems dpa' rdo rjes gcod pa shes rab snang ba'i dpal gyis de bzhin gshegs pa
295b5 rin po che'i snying po'i zhabs la yan lag lngas phyag byas pa dang / de nas de'i mod la 'jig rten gyi khams gang+gA'i klung gi bye ma snyed dag kyang lha'i las shin tu 'das pa'i spos
295b6 rgya chen pos khyab par gyur/ sems can thams cad kyi lus kyi nad dang / sems kyi nad dang / lus kyi sdug bsngal dang / sems kyi sdug bsngal ba'ang rab tu zhi zhing rgyun
295b7 chad par gyur pa dang / bcom ldan 'das kyis bka' stsal pa/ rdo rje 'joms par byed pa longs/ /zhing mang spos kyis khyab gyur te/ /sems can bde dang dga' byed
296a1 pa| |'jig rten mchog gi yab tu 'gyur/ /rigs kyi bu/ de nas bram ze rgya mtsho'i rdul gyis rgyal bu lnga pa 'jigs med ces bya ba la'ang snga
296a2 ma bzhin du sbyar te/ btsun pa bcom ldan 'das bdag ni sangs rgyas kyi zhing nyon mongs pa can 'di 'ba' zhig tu ma lags kyi/ gang na sems can dmyal ba ma mchis
296a3 pa dang / dud 'gro'i skye gnas ma mchis pa dang / gshin rje'i 'jig rten ma mchis par 'gyur ba dang / gang na sa gzhi baiDUR+ya sngon po las grub par 'gyur ba dang / rgya
296a4 cher ni 'jig rten gyi khams pad+ma'i sangs rgyas kyi zhing gi yon tan bkod pa ji lta bu de ltar brjod par bya ste/ der byang chub mngon par rdzogs par 'tshang rgya bar bgyi'o zhes
296a5 rgyal bu 'jigs med kyis de bzhin gshegs pa rin po che'i snying po'i spyan sngar pad+ma bzhag ste gsol pa/ btsun pa bcom ldan 'das/ gal te bdag gi re ba 'di lta
296a6 bu yongs su rdzogs par 'gyur ba lta na/ de'i slad du bcom ldan 'das kyi mthus bdag gis ting nge 'dzin bkod pa snang ba zhes bgyi ba thob par 'gyur zhing / des bdag
296a7 gis bcom ldan 'das kyi spyan snga nas phyogs bcu'i 'jig rten gyi khams gang+gA'i klung gi bye ma snyed dag tu'ang pad+ma shing rta'i phang lo tsam pa'i me tog gi char sangs
296b1 rgyas kyi zhing gi rdul phra rab kyi rdul snyed dag rab tu 'bebs par 'gyur la/ bdag gis kyang mthong bar 'gyur cig /tshig de brjod ma thag tu sangs rgyas kyi mthus ting nge 'dzin
296b2 snang ba bkod pa zhes bya ba thob par gyur nas/ phyogs bcu'i 'jig rten gyi khams gang+gA'i klung gi bye ma snyed dag tu pad+ma shing rta'i phang lo tsam pa'i me tog gi char sangs rgyas kyi
296b3 zhing gi rdul phra rab kyi rdul snyed dag kyang rab tu bab par gyur ro/ /rgyal bu gzhon nu 'jig med kyis de mthong nas shin tu dga' zhing yid bde ba skyes par gyur to/ /bcom
296b4 ldan 'das kyis bka' stsal pa/ rigs kyi bu khyod kyis ni shin tu smon lam bzang po btab ste/ sangs rgyas kyi zhing bzang po'ang yongs su blangs/ khyod kyis ting nge 'dzin kyang
296b5 shin tu myur bar thob/ bden pa'i tshig gis pad+ma'i char yang rab tu bab bo/ /des gsol pa/ gal te bdag bla na med pa yang dag par rdzogs pa'i byang chub tu re ba yongs
296b6 su rdzogs par 'gyur ba lta na/ de'i slad du pad+ma 'di dag nam mkha' la gnas par gyur la/ de ltar nam mkha' la gnas nas char bzhin du'ang bab par gyur cig /bcom ldan
296b7 'das kyis bka' stsal pa/ rigs kyi bu/ nam mkha' la pad+ma dag gis shin tu myur bar rgyas btab pas na de'i phyir rigs kyi bu khyod kyang nam mkha'i phyag rgya zhes bya bar gyur
297a1 cig /nam mkha'i phyag rgya khyod ni ma 'ongs pa'i dus na bskal pa grangs med pa gang+gA'i klung gcig gi bye ma snyed 'das nas grangs med pa gnyis
297a2 pa la bab pa na shar lho'i phyogs logs su sangs rgyas kyi zhing gang+gA'i klung bye ba phrag 'bum gyi bye ma snyed 'das pa na 'jig rten gyi khams pad+ma zhes bya ba zhig yod de/ khyod der byang chub mngon par rdzogs par 'tshang rgya bar 'gyur te/
297a3 de bzhin gshegs pa dgra bcom pa yang dag par rdzogs pa'i sangs rgyas pad+ma dam pa zhes bya ba rig
297a4 pa dang zhabs su ldan pa sangs rgyas bcom ldan 'das zhes bya ba'i bar du 'gyur ro/ /byang chub sems dpa' 'ba' zhig gi dge 'dun yang tshad med par 'gyur la/ khyod
297a5 kyi tshe'ang dpag tu med par 'gyur te/ ji ltar smon lam btab pa'i yon tan de dag thams cad dang ldan pa'ang thob par 'gyur ro/ /byang chub sems dpa' nam mkha'i
297a6 phyag rgyas de bzhin gshegs pa rin po che'i snying po'i zhabs la mgo bos gtugs pa dang / bcom ldan 'das kyis bka' stsal pa/ nyon mongs rnyog pa zhi bar byed
297a7 gyur cing / /zhing rdul snyed kyi yon tan 'chad gyur pa/ /sngon gyi rgyal bzhin byang chub 'thob 'gyur zhing / /'gro ba dag la phan pa byed par 'gyur/ /rigs kyi bu/
297b1 de nas bram ze rgya mtsho'i rdul gyis rgyal bu drug pa nam mkha' zhes bya ba la smras pa dang / sangs rgyas kyi zhing nyon mongs pa can 'di 'ba' zhig tu ma lags kyi zhes bya ba dang /
297b2 byang chub sems dpa' nam mkha'i phyag rgyas smon lam ji ltar btab pa bzhin no zhes bya ba'i bar du snga ma bzhin du sbyar ro/ /btsun pa bcom ldan 'das/ gal te bdag gi re ba
297b3 'di lta bu yongs su rdzogs par 'gyur ba lta na/ de'i slad du phyogs bcu'i 'jig rten gyi khams gang+gA'i klung gi bye ma snyed kyi nam mkha' thams cad las rin po che sna bdun
297b4 gyi gdugs gser gyi dra ba dag gis g.yogs pa/ rin po che sna bdun gyi dril bu dag gis brgyan pa dag byung bar 'gyur zhing / gdugs dang / dril bu dang / dra ba de dag las
297b5 kyang 'di lta bu'i sgra 'byung bar gyur cig /'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / pha rol tu phyin pa'i sgra dang / stobs kyi sgra dang / mngon
297b6 par shes pa'i sgra dang / mi 'jigs pa'i sgra dag 'byung zhing sems can de dag thams cad kyis kyang sgra de lta bu dag thos par gyur cig /de dag gis thos nas kyang bla na med
297b7 pa yang dag par rdzogs pa'i byang chub tu sems bskyed par gyur cig /sems can gang dag sngon 'dir sems bskyed par gyur pa de dag kyang bla na med pa yang dag par rdzogs
298a1 pa'i byang chub las phyir mi ldog par gyur cig /tshig de skad smras ma thag tu phyogs bcu'i 'jig rten gyi khams gang+gA'i klung gi bye ma snyed dag
298a2 gi nam mkha'i dkyil thams cad las de lta bu'i sgra dag byung ba'i bar du snga ma bzhin du sbyar ro/ /bcom ldan 'das kyi mthus bdag nyid kyis kyang mthong nas des yang 'di
298a3 skad ces gsol to/ /btsun pa bcom ldan 'das/ gal te bdag gis ji ltar smon lam btab pa bzhin du bdag gi re ba 'di lta bu yongs su rdzogs par 'gyur ba lta na
298a4 de'i slad du bdag gis bcom ldan 'das kyi spyan sngar ye shes rnam par snang byed ces bgyi ba'i ting nge 'dzin 'di thob par 'gyur zing des bdag gi dge ba'i chos rnams
298a5 grub par gyur cig /ting nge 'dzin thob nas kyang bcom ldan 'das kyis bdag lung ston par gyur cig /bcom ldan 'das kyi mthus ye shes rnam par snang byed ces
298a6 bya ba'i ting nge 'dzin thob pa dang / bcom ldan 'das kyis bka' stsal pa/ skyes bu dam pa/ legs so/ /legs so/ /khyod kyis ni smon lam rgya chen po btab ste/ khyod kyi
298a7 bsod nams kyi rgyu mthun pa des phyogs bcu'i 'jig rten gyi khams gang+gA'i klung gi bye ma snyed mang po dag tshad gcig tu gyur la yid du 'ong ba'i sgra 'bum phrag mang po
298b1 dag gis bskul pa'i sangs rgyas kyi zhing der rigs kyi bu khyod rnam par snang byed ces bya bar gyur cig /rnam par snang byed khyod ni ma 'ongs pa'i dus na bskal pa grangs med pa
298b2 gang+gA'i klung gi bye ma snyed nas grangs med pa gnyis pa la bab pa na shar phyogs logs su 'jig rten gyi khams gang+gA'i klung gi bye ma snyed 'das pa na 'jig rten gyi khams
298b3 nyi zla zhes bya ba zhig yod de/ der khyod mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas chos
298b4 la dbang sgyur dbang phyug rgyal po zhes bya ba rig pa dang zhabs su ldan pa sangs rgyas bcom ldan 'das zhes bya ba'i bar du 'gyur ro/ /byang chub sems dpa' rnam par
298b5 snang byed kyis bcom ldan 'das kyi zhabs la yan lag lngas phyag byas pa dang / de bzhin gshegs pa rin po che'i snying pos bka' stsal pa/ brtul zhugs bzang po
298b6 rab dga' sems dul longs/ /bla med sangs rgyas byang chub ma gtogs par/ /sems can dag la snying rje cher skyed la/ /sdug bsngal rgya mtsho'i mthar gnas sems
298b7 can sgrol/ /rigs kyi bu/ de nas bram ze rgya mtsho'i rdul gyis rgyal bu bdun pa yan lag skyes zhes bya ba la smras pa dang / snga ma bzhin du sbyar te/ bdag gi sangs rgyas kyi zhing
299a1 nyon mongs pa can 'di 'ba' zhig tu ma lags kyi/ gang na sems can dmyal ba ma mchis pa dang / dud 'gro'i skye gnas ma mchis pa dang /
299a2 gshin rje'i 'jig rten ma mchis pa dang / bud med ma mchis pa dang / sems can mngal na gnas pa dag ma mchis pa dang / ri rab ma mchis pa dang / khor yug ma
299a3 mchis pa dang / khor yug chen po dag ma mchis pa dang / brag dang ri dag ma mchis pa dang / mtho dman dang / gseg ma dang / gyo mo dang / tsher ma dang / tshang tshing dag ma mchis
299a4 pa dang / shing ljon pa dag ma mchis pa dang / rgya mtsho chen po dag ma mchis pa der byang chub mngon par rdzogs par 'tshang rgya bar gyur cig /de na nyi ma dang zla ba dag ma mchis
299a5 pa dang / skar ma'i gzugs rnams ma mchis pa dang / nyon mong dang mtshan mo ma mchis pa dang / mun pa thibs po ma mchis pa dang / de na sems can rnams la bshad pa dang /
299a6 gci ba dang / mchil ma dang / snabs dag ma mchis pa dang / lus kyi rdul dang / dri nga ba ma mchis pa dang / sems can rnams la lus ngal ba ma mchis pa dang /
299a7 sems ngal ba ma mchis par gyur cig /de na 'thul ba ma mchis par gyur cig /de na sa gzhi thams cad rin po che'i rdo'i snying po las grub par gyur cig /rin po che
299b1 'bum phrag du mas brgyan cing me tog mnad ra ba dang / mnad ra ba chen po dag bkram par gyur cig /sangs rgyas kyi zhing der rin po che'i shing ljon pa sna tshogs dag gis brgyan par gyur
299b2 cig /rin po che'i shing ljon pa de dag kyang rin po che sna tshogs kyi dra ba dag gis brgyan par gyur cig /rin po che sna tshogs kyi ras bcos bu dag dang / rin po che sna tshogs kyi gos
299b3 dag dang / rin po che sna tshogs kyi phreng ba dag dang / rin po che sna tshogs kyi lha ba lhub kyi rgyan gyis brgyan par gyur cig /rin po che'i shing ljon pa de dag la me tog gi phreng ba sna tshogs
299b4 dang / rol mo'i sgra sna tshogs dag dang / rin po che'i snod sna tshogs dag dang / rin po che'i me tog sna tshogs dag gis brgyan par gyur cig /de na gang gi tshe me tog dag kha
299b5 zums shing rol mo'i sgra dag mi grag pa ma gtogs par mtshan mo mi mngon par gyur cig /me tog kha zums pa de dag las byang chub sems dpa' dag skye bar gyur cig /
299b6 der byang chub sems dpa' snyoms par zhugs pa na ting nge 'dzin snang ba bkod pa zhes bgyi ba thob par gyur cig /ting nge 'dzin de thob pas phyogs bcu'i 'jig rten gyi khams
299b7 gzhan dag na bzhugs te 'tsho zhing gzhes pa'i sangs rgyas bcom ldan 'das sangs rgyas kyi zhing gi rdul phra rab kyi rdul snyed dag mthong bar gyur cig /skad cig de nyid la gang
300a1 gis phyogs bcu'i 'jig rten gyi khams gzhan dag gi sangs rgyas kyi zhing sangs rgyas kyi zhing gi rdul phra rab kyi rdul snyed dag na sangs rgyas bcom
300a2 ldan 'das dag chos 'chad pa thos par 'gyur ba de lta bu'i lha'i rna ba rnam par dag pa thob par gyur cig /sems can dag skyes ma thag tu thams cad kyis tshe rabs rjes
300a3 su dran par 'gyur zhing / de dag gis bskal pa sangs rgyas kyi zhing gi rdul phra rab kyi rdul snyed rjes su dran par gyur cig /sems can de dag skyes ma thag tu thams cad kyi
300a4 phyogs bcu kun tu sangs rgyas kyi zhing gi yon tan bkod pa/ sangs rgyas kyi zhing gi rdul phra rab kyi rdul snyed dag mthong bar 'gyur ba de lta bu'i lha'i mig thob par gyur cig /
300a5 sems can de dag skyes ma thag tu thams cad kyis skad cig gcig gis sangs rgyas kyi zhing gi rdul phra rab kyi rdul snyed dag gis sems can thams cad sems kyi spyod pa
300a6 'tshal bar 'gyur ba de lta bu'i pha rol gyi sems can shes pa la mkhas pa dang ldan par 'gyur zhing / sems can de dag thams cad byang chub kyi cing yongs su mya ngan las
300a7 'das kyi bar du ting nge 'dzin de chud mi za bar gyur cig /nang par sngar phyogs bzhi nas dri shin tu bda' zhing dga' bar bgyid la 'jam zhing reg na bde ba'i bser ma'i ngad
300b1 ldang bar 'gyur zhing me tog de dag kyang kha 'byed par gyur cig /byang chub sems dpa' de dag kyang ting nge 'dzin de dag las langs shing / me tog gi ze ba de dag las ldang
300b2 bar gyur cig /gang gis sems kyi skad cig gcig gis phyogs re rer yang 'jig rten gyi khams kyi sangs rgyas kyi zhing gi rdul phra rab kyi rdul snyed dag tu mchis shing sangs
300b3 rgyas bcom ldan 'das bzhugs te/ 'tsho zhing gzhes pa rnams la phyag bgyis shing snyen bkur bgyis nas slar ldog par 'gyur ba de lta bu'i rdzu 'phrul gyi yul yang
300b4 thob par gyur cig /de na me tog mnad ra ba dang / mnad ra ba chen po'i ze ba dag la skyil mo klung bcas te mchi bar 'gyur zing chos kyi bde ba yid la bgyid pas de bzhin gshegs
300b5 pa la lta bar gyur cig /gang dang gang du mchis sam ldog pa'i phyogs thams cad dus dag kyang mthong bar gyur cig/ de na byang chub sems dpa' sems dpa' chen po dag
300b6 chos rnams la nam nur dang / yid gnyis dang / the tshom ji lta bu dag skye bar 'gyur ba de dag thams cad bdag la bltas shing mthong ba tsam gyi bral bar gyur cig /byang
300b7 chub sems dpa' sems dpa' chen po de dag chos bstan pa ji lta bu dag 'tshal ba de lta bu'i chos bstan ba dag bdag la bltas pa tsam gyis 'tshal bar gyur cig /de
301a1 na sems can rnams bdag gi ba ma mchis shing / yongs su 'dzin pa ma mchis par 'gyur zhing / tha na rang gi lus dang srog la'ang don du gnyer
301a2 ba ma mchis par gyur cig /de na byang chub sems dpa' thams cad phyir mi ldog par sha stag tu gyur cig /de na mi dge ba'i ming yang ma mchis par gyur cig/ sangs
301a3 rgyas kyi zhing de na bslab pa len pa'i ming yang ma mchis la/ ltung byed las slong ba'i bar gyi bka' mchid kyang ma mchis par gyur cig/ sems can thams cad skyes
301a4 bu chen po'i mtshan sum cu rtsa gnyis dang ldan par gyur cig/ thams cad sred med kyi bu'i stobs dang ldan bar gyur cig/ de na byang chub cing yongs su mya ngan las 'das kyi bar
301a5 du sems can gcig kyang dbang po mtshang bar ma gyur cig/ de na sems can thams cad skra bregs shing gos ngur smig sar pa dag 'tshal bzhin du skye bar gyur cig /shin
301a6 tu rnam par 'byed pa'i ting nge 'dzin thob par 'gyur zhing byang chub kyi mtha'i bar du'ang chud mi za bar gyur cig/ de na sems can thams cad kyang dge ba'i rtsa ba dang 'grogs
301a7 par gyur cig/ sangs rgyas kyi zhing de na sems can thams cad la na ba dang rga ba'i sdug bsngal ma mchis par gyur cig/ sems can gang dag tshe yongs su bas par
301b1 gyur pa de dag thams cad kyang skyil mo krung gis yongs su mya ngan las 'da' bar 'gyur zhing rang gi lus las me'i khams byung ste/ des rang gi lus bsregs par gyur nas
301b2 phyogs bzhi nas bser ma dag langs shing de dag gis byang chub sems dpa'i sku gdung de dag sangs rgyas kyi zhing stong pa dag tu 'thor zhing / 'di lta ste/ dper bgyi na/
301b3 'khor los bsgyur ba'i rgyal po'i nor bu rin po che'i 'od gsal ba de lta bu'i nor bu rin po che dag kyang 'byung bar gyur cig/ de na sems can gang dag gis nor bu rin po che'i 'od de
301b4 dag mthong par gyur tam/ nor bu rin po che de dag mthong bar gyur tam/ de dag la reg par gyur ba'i sems can de dag thams cad kyang byang chub cing yongs su mya ngan las 'das
301b5 kyi bar du sems can dmyal ba dang / dud 'gro'i skye gnas dang / gshin rje'i 'jig rten gyi sdug bsngal mi myong bar gyur cig/ de dag de nas shi 'phos nas kyang gang na sangs
301b6 rgyas bcom 'das dge bzhugs te 'tsho zhing gzhes la sems can rnams la chos kyang ston pa der skye bar gyur cig/ sems can de dag der skyes nas kyang sangs rgyas
301b7 bcom ldan 'das de dag las chos thos par 'gyur zhing de dag byang chub tu sems bskyed par yang gyur cig /sems bskyed ma thag tu bla na med pa yang dag par rdzogs
302a1 pa'i byang chub las slar mi ldog par gyur cig/ bdag gi sangs rgyas kyi zhing du sems can 'ga' yang mnyam par ma bzhag pa dang /
302a2 sdug bsngal gyi tshor ba dang / gcig la gcig 'gums par 'gyur ba'i gnod sems kyi sems dang ma bral bar 'gum pa'i dus bgyid par ma gyur cig/ de slan
302a3 chad mi khom pa rnams su skye bar ma gyur cig/ sangs rgyas kyi zhing stong pa rnams su skye bar ma gyur cig/ byang chub kyi mtha'i bar du sangs rgyas mthong ba dang mi 'bral bar
302a4 gyur cig/ chos nyan pa dang / dge 'dun la bsnyen bkur bgyid ba dang mi 'bral bar gyur cig/ de na sems can thams cad tha ba dang / zhe sdang ba dang / 'chab pa dang /
302a5 phrag dog dang / ser sna dang bral bar gyur cig/ sangs rgyas kyi zhing de na nyan thos dang rang sangs rgyas rnam par spangs par gyur cig/ sangs rgyas kyi zhing de byang chub
302a6 sems dpa' sha stag gis gang bar gyur cig/ sems can gang dag der skye bar 'gyur ba dag 'jam pa'i sems dang / mnyen pa'i sems dang / kho na med pa'i
302a7 sems dang / gdug pa med pa'i sems dang / zhi ba'i sems dang / mnyam par bzhag pa'i sems dang ldan par gyur cig /bdag gi sangs rgyas kyi zhing de 'od gsal
302b1 bar gyur cig/ bdag gi sangs rgyas kyi zhing de yon tan chen po bkod pa dang ldan par gyur cig/ phyogs bcu'i sangs rgyas kyi zhing gi rdul phra rab kyi rdul snyed kyi 'jig rten
302b2 gyi khams dag nas kyang bda' zhing dris khyab par gyur cig/ de na sems can dag rtag tu bde ba dang ldan par gyur cig/ sangs rgyas kyi zhing de sdug bsngal gyi skra'ang mi
302b3 grag par gyur cig/ ji srid du bdag byang chub sems dpar gyur cing sangs rgyas kyi zhing gi yon tan bkod pa phun sum tshogs pa de lta bu dag gi sangs rgyas kyi zhing yongs
302b4 su dag pa 'jog par 'gyur ba de srid du bdag gis byang chub sems dpa'i spyod pa spyad par bgyi'o/ /bsam pa yongs su dag pa'i sems can de lta bu dag gis sangs rgyas kyi zhing
302b5 de khyab par bkod la/ de'i 'og tu bdag sangs rgyas kyi zhing der bla na med pa yang dag par rdzogs pa'i byang chub mngon par rdzogs par 'tshang rgya bar bgyi'o/ /bdag byang chub
302b6 thob pa na 'od dpag tu ma mchis par gyur cig/ phyogs bcu gzhan gyi sangs rgyas kyi zhing stong gi rdul phra rab kyi rdul snyed dag tu bdag gi lus mtshan gyis brgyan pa dga' bar
302b7 gyur cig /de na sems can gang gis bdag mthong bar gyur ba'i sems can de dag gi 'dod chags rab tu zhi bar gyur cig/ zhe sdang dang / gti mug dang / phrag dog dang / nga rgyal
303a1 dang / 'chab pa dang / nyon mongs pa dang / nye ba'i nyon mongs pa thams cad rab tu zhi bar gyur cig/ thams cad byang chub tu sems bskyed par gyur
303a2 cig /ting nge 'dzin dang / gzungs kyi sgo rnam pa ji lta bu dag 'tshal ba de lta bu dag kyang bdag mthong bas thob par gyur cig/ de nas sems can gang dag grang ba'i sems can
303a3 dmyal bar skyes par gyur ba de dag gis kyang bdag mthong bas bde ba'i tshor ba 'byung bar 'gyur zhing / 'di lta ste/ dper bgyi na/ dge slong bsam gtan gnyis pa la
303a4 snyoms par zhugs pa de lta bu'i bde ba'i tshor ba thob par gyur cig/ de dag gis bdag mthong nas lus dang sems kyi bde ba mchog dang ldan par gyur nas bla na med pa yang dag
303a5 par rdzogs pa'i byang chub tu sems bskyed par gyur cig/ de dag de nas shi 'phos nas kyang bdag gi sangs rgyas kyi zhing du skye bar 'gyur zhing / der bla na med pa yang dag
303a6 par rdzogs pa'i byang chub las slar mi ldog par gyur cig/ sems can gang dag yi dwags kyi gnas rnams su skyes par gyur pa dag gis kyang bdag mthong bar gyur
303a7 cing snga ma bzhin du sbyar te/ bla na med pa yang dag par rdzogs pa'i byang chub las slar mi ldog par gyur cig/ de bzhin du dud 'gro'i skye gnas su skyes pa rnams la'ang
303b1 brjod par bgyi'o/ /lha rnams la'ang de bzhin te/ bdag gi 'od kyang nyis 'gyur du snang bar gyur cig/ bdag gi tshe'ang dpag tu ma mchis par 'gyur la/ thams cad mkhyen
303b2 pa'i ye shes ma gtogs par sus kyang bgrang bar rngo mi thog par gyur cig/ bdag byang chub thob pa na phyogs bcu'i 'jig rten gyi khams tshad ma mchis/ gangs ma mchis pa
303b3 dpag tu ma mchis pa gzhan dag gi sangs rgyas bcom ldan 'das dag gis gang dag bsgrags par 'gyur ba bdag gi bsngags pa brjod par gyur cig /de na sems can gang
303b4 dag gi bdag gi bsngags pa thos par gyur pa de dag kyang bdag gi sangs rgyas kyi zhing der dge ba'i rtsa ba yongs su bsngo bar gyur cig/ de dag 'gum pa'i dus bgyis nas kyang
303b5 mtshams ma mchis pa bgyid pa rnams dang / dam pa'i chos spong ba rnams dang / 'phags pa la skur pa 'debs pa rnams ma gtogs pa dag bdag gi sangs rgyas kyi zhing du skye
303b6 bar gyur cig /bdag byang chub thob pa na gang dag 'jig rten gyi khams dpag tu ma mchis grangs ma mchis pa dag gi sems can rnams kyis bdag gi ming thos par 'gyur zhing
303b7 bdag gi sangs rgyas kyi zhing du skye ba 'tshal bar gyur cig/ de dag 'gum pa'i dus kyi tshe na'ang bdag tshogs du mas yongs su bskor cing rab rib ma mchis pa'i ting nge 'dzin la
304a1 snyoms par zhugs nas/ gang sems can de dag gi sdug bsngal thams cad rab tu zhi bar 'gyur ba de lta bu'i legs pa bshad pas sems can
304a2 de dag tshim par bgyid par gyur cig /dad pa de nyid kyis sems med pa zhes bgyi ba'i ting nge 'dzin thob par gyur cig /sems dga' ba'i chos kyis bzod pa'ang thob par
304a3 gyur cig /'gum pa'i dus bgyis nas kyang bdag gi sangs rgyas kyi zhing du skye bar gyur cig /sangs rgyas kyi zhing gzhan dag na sems can gang dag nor bdun dang bral
304a4 pa rnams dang / theg pa gsum don du mi gnyer ba rnams dang / lha dang mi'i phun sum tshogs pa dag don du mi gnyer ba rnams dang / dge ba yongs su btsal ba don du mi gnyer
304a5 pa rnams dang / bsod nams bgyi ba'i dngos po gsum po don du mi gnyer ba rnams dang / chos ma lags pa dang / 'dod chags la chags pa rnams dang / 'dod pa mi
304a6 bzad pas zil gyis non pa rnams dang / chos log pas sems dkris pa de dag 'gum pa'i dus kyi tshe na bdag tshogs du mas yongs su bskor te mdun du mchis nas
304a7 'od dang ting nge 'dzin gyis chos ston par gyur cig/ de dag la bdag gi sangs rgyas kyi zhing yang ston par gyur cig /byang chub yang dag par 'dzin du stsol bar yang gyur
304b1 cig /sems can de dag kyang bdag la mchog tu dga' zhing dang ba thob par gyur nas byang chub tu sems bskyed par gyur cig /de dag gi sdug bsngal gyi tshor ba thams cad rab tu zhing
304b2 bar gyur cig /de dag gis ting nge 'dzin nyi ma'i sgrol ma thob par gyur nas gti mug spangs par gyur cig /de dag 'gum pa'i dus bgyis nas kyang bdag gi sangs rgyas kyi zhing du skye
304b3 bar gyur cig/ bcom ldan 'das kyi bka' stsal ba/ skyes bu dam pa/ legs so/ /legs so/ /khyod kyis ni smon lam bzang po btab po/ /des gsol pa/ btsun pa bcom
304b4 ldan 'das/ gal te bdag smon lam de ltar bu yongs su rdzogs par 'gyur ba lta na de'i slad du sangs rgyas kyi zhing gi rdul phra rang kyi rdul snyed kyi phyogs bcu'i sangs rgyas kyi zhing
304b5 gzhan dag tu tsan+dan sbrul gyi snying po'i phye ma'i char rab tu 'bab par gyur cig /sems can gang dag gis dri de tshor bar gyur pa de dag thams cad kyang bla na med pa yang dag par
304b6 rdzogs pa'i byang chub tu sems bskyed par 'gyur cig /bdag gis kyang ting nge 'dzin gya nom snang zhes bgyi ba thob par gyur cig /de'ang bdag nyid kyis mthong bar gyur cig /
304b7 rigs kyi bu/ des ting nge 'dzin gya nom snang ba bskyed pa dang / sangs rgyas kyi zhing gi rdul phra rab kyi rdul snyed kyi phyogs bcu'i 'jig rten gyi khams gzhan dag tu tsan+dan sbrul
305a1 gyi snying po'i phye ma'i char bab pa de'ang bdag nyid kyis mthong la phyogs bcu'i phyogs re rer yang sems can bgrang ba las 'das pa gang dag
305a2 gi thal mo sbyar te byang chub tu sems bskyed pa dag kyang mthong ba dang / bcom ldan 'das kyi bka' stsal ba/ rigs kyi bu/ shin tu myur bar spos kyi char yab bab la
305a3 sems can bgrang ba las 'das pa dag kyang byang chub yang dag par 'dzin du bcug pas na/ rigs kyi bu/ de'i phyir khyod seng ge sbos zhes bya bar gyur cig /seng ge spos
305a4 khyod ni bskal ba grangs med pa gang+gA'i klung gcig gi bye ba nyed 'das nas grangs med pa gnyis pa la bab pa na shar phyogs logs su sangs rgyas kyi zhing nas snga rgyas
305a5 kyi zhing gang+gA'i klung bzhi bcu rtsa gnyis kyi bye ma snyed kyi rdul phra rab kyi rdul snyed 'das pa der 'jig rten gyi khams dri sngo snang ba rdul bral zhes bya ba zhig 'byung ste/ seng ge spos khyod ni der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/
305a6 de bzhin gshegs pa dgra bcom pa yang
305a7 dag par rdzogs pa'i sangs rgyas snang ba rdul bral spos mtho dbang phyug rgyal po zhes bya ba sangs rgyas bcom ldan 'das kyi bar du 'gyur ro/ /rigs kyi bu/ de nas
305b1 byang chub sems dpa' seng ge'i spos kyi de bzhin gshegs pa rin po che'i snying po'i zhabs la yan lag ldan phyag byas pa dang / de bzhin gshegs pa rin po che'i snying
305b2 bos de la bka' stsal pa/ lha mi lha min rnams kyis mchod par 'gyur ba longs/ /srid pa'i 'gro bar sems can sdug bsngal khyod kyi sgrol/ srid pa'i sdug bsngal
305b3 nyon mongs 'ching ba khyod kyis chod/ /mi yi rgyal ba 'phags pa'i gang zag nyid du 'gyur/ /rigs kyi bu/ de nas bram ze rgya mtsho'i rdul gyis rgyal bu brgyad pa gnod pa med
305b4 ces bya ba la snga ma bzhin du sbyar ro/ /btsun pa bcom ldan 'das/ bdag ni ji srid du sangs rgyas kyi zhing nyon mongs pa can khri sangs rgyas kyi zhing dri sdo snang ba rdul bral ci 'dra
305b5 par gyur pa de ltar yongs su dag par 'god par 'gyur zhing de de ltar dge ba'i rtsa ba bskyed pa dang / bsam pa yongs su dag pa dang / theg pa chen po la yang dag par zhugs
305b6 pa'i byang chub sems dpa' dag gis khyab par gnas par 'gyur pa srid du byang chub sems dpar gyur cing / sangs rgyas kyi zhing nyon mongs pa can du byang chub sems dpa'i
305b7 spyad pa spyod na slad kyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bgyi ste/ btsun pa bcom ldan 'das/ bdag gis ni ci
306a1 nas kyang byang chub sems dpa' gzhan dag mi spyod pa de lta bu'i byang chub sems dpa'i spyod pa spyad par bgyi'o/ /btsun pa bcom ldan
306a2 'das/ gang gi tshe bdag lo bdun po 'di la gcig pu dben par mchis nas sangs rgyas kyi yon tan dang / byang chub sems dpa'i yon tan yongs su dag pa dang /
306a3 sangs rgyas kyi zhing gi yon tan yongs su dag pa la sems shing mchis pa na/ bdag gis ting nge 'dzin snang ba bkod pa la sogs pa byang chub sems dpa'i ting nge
306a4 'dzin khri chig stong bskyed cing thob ste bsgoms pa gang lags pa de dag ni/ btsun pa bcom ldan 'das/ bdag byang chub sems dpar gyur pa'i byang chub sems
306a5 dpa'i spyod pa lags so/ /sangs rgyas bcom ldan 'das gang dag phyogs bcu'i 'jig rten gyi khams mtha' yas mu ma mchis pa dag na bzhugs te 'tsho zhing gzhes
306a6 la sems can rnams sman pa dang bde ba'i slad du chos ston pa de dag dang / gang dag dus gsum las yang dag par 'das pa'i sangs rgyas kyi zhing rgyal mtshan gyi rtse
306a7 mo'i dpung rgyan ces bgyi ba rgyal ba rnams kyis yongs su gtams pa de dag mthong zhing der 'jug par gyur cig /btsun pa bcom ldan 'das/ ting nge 'dzin des bdag
306b1 gis sangs rgyas bcom ldan 'das byang chub sems dpa' dang / nyan thos kyi tshogs kyis yongs su bskor ba rdul phra rab kyi rdul snyed dag mthong bar gyur cig /ting nge 'dzin
306b2 kyi mthus bdag gnas ma mchis par sangs rgyas kyi zhing rdul phra rab kyi rdul snyed kyi lus kyis re re la'ang phyag 'tshal bar gyur cig /re re la'ang bdag gi lus re res
306b3 rin po che dang / me tog sna tshogs bla na ma mchis pa dag/ spos dang / me tog phreng ba dang / phye ma dang / byug pa dang / rol mo'i sgra bla na ma mchis pa sna tshogs dang / bkod pa
306b4 bla na ma mchis pa thams cad kyis mchod par gyur cig /sangs rgyas kyi zhing gcig tu'ang bdag bskal ba rgya mtsho bye ba snyed du spyod par gyur cig /gang gi tshe bdag gis
306b5 lus thams cad rnam par 'jig pa'i ting nge 'dzin gyis skad cig gcig gis sangs rgyas kyi re re'i sangs rgyas kyi spyod yul sangs rgyas kyi zhing gi rdul phra rab kyi rdul snyed dag 'tshal
306b6 bar gyur cig /btsun pa bcom ldan 'das/ ting nge 'dzin yon tan 'byung gnas kyis de dag gis re re la'ang sangs rgyas kyi zhing gi rdul phra rab kyi rdul snyed kyi bstod pa bla na ma mchis pa
306b7 dag gis bstod par gyur cig /btsun pa bcom ldan 'das/ bdag gis mig mi 'dzum pa'i ting nge 'dzin gyis rdul gcig gi steng du sems kyi skad cig gi tshad kyis rgyal ba rnams
307a1 kyis gtams pa'i sangs rgyas kyi zhing thams cad mthong bar gyur cig /btsun pa bcom ldan 'das/ bdag gis nyon mongs pa ma mchis pa'i ting nge
307a2 'dzin gyis sems kyi skad cig gcig gis sangs rgyas kyi zhing thams cad dag na 'das pa dang / ma 'ongs pa dang / da ltar byung ba'i byang chub sems dpa' rnams dang /
307a3 sangs rgyas kyi zhing gi yon tan bkod pa dag mthong bar gyur cig /btsun pa bcom ldan 'das/ bdag dpa' bar 'gro ba'i ting nge 'dzin gyis sems can dmyal ba
307a4 rnams su zhugs te sems can dmyal ba pa'i lus su sprul nas sems can dmyal ba ba'i sems can rnams la chos ston par 'gyur zhing byang chub yang dag par 'dzin
307a5 du stsol bar gyur cig /de na sems can de dag kyang byang chub tu sems bskyed par gyur cig /de nas shi 'phos nas kyang mi rnams dang skal ba mnyam par skye bar 'gyur
307a6 zhing gang na sangs rgyas bcom ldan 'das dag bzhugs pa'i sangs rgyas bcom ldan 'das de dag las chos nyan par 'gyur ba dang / phyir mi ldog pa'i sa la gnas par gyur
307a7 cig /dud 'gro rnams la'ang de bzhin/ yi dwags rnams la'ang de bzhin/ gnod sbyin rnams la'ang de bzhin/ srin po rnams la'ang de bzhin/ lha ma yin rnams la'ang
307b1 de bzhin/ klu rnams la'ang de bzhin/ mi'am ci rnams la'ang de bzhin/ lto 'phye chen po rnams la'ang de bzhin/ sha za rnams la'ang de bzhin/ srul po rnams la'ang de bzhin
307b2 lus srul po rnams la'ang de bzhin/ mi gdol pa rnams la'ang de bzhin/ tshong pa rnams dang / smad 'tshong ma rnams la'ang de bzhin te/ bcom ldan 'das/ sems can
307b3 rigs ji lta bur skyes ba rnams dang / de dag gis lus ji lta bu thob pa dang / sems can las kyi rkyen ji lta bus bde ba'am/ sdug bsngal gyi tshor ba myong ba rnams dang / bzo'i
307b4 gnas ji lta bu dag dang / las kyi gnas ji lta bu dag la chags pa rnams la de lta bu'i lus su sprul nas/ bzo'i gnas dang / las kyi gnas de lta bu dag la brtson pa ston par
307b5 bgyid cing / de lta bu'i yi ge brjod pas sems can rnams kyi sems mgu bar bgyid cing chos kyang ston par gyur cig /bla na med pa yang dag par rdzogs pa'i byang chub yang
307b6 dag par 'dzin du 'jug cing btsud pa dang / rab tu 'god par yang gyur cig /bla na med pa yang dag par rdzogs pa'i byang chub las slar mi ldog pa la 'god par yang gyur cig/
307b7 btsun pa bcom ldan 'das/ bdag gis phyogs bcu'i sangs rgyas kyi zhing stong phrag bcu po thams cad dag na sems can thams cad kyi sems kyi rgyud la'ang ci nas kyang sngon
308a1 sems kyi rgyud la'ang ci nas kyang sngon gyi las dang / nyon mongs pa ma lus par 'gyur ba dang / sems can 'ga'i sems kyi rgyud kyi lam yang bdud
308a2 bzhis rtogs par mi 'gyur ba de ltar sems can thams cad kyi sems kyi rgyud yongs su sbyong bar 'gyur ba de srid du bdag gis byang chub kyi spyod pa spyad par bgyi'o/ /
308a3 de'i slad du bdag gis sangs rgyas kyi zhing khri'ang ji ltar de bzhin gshegs pa snang ba rdul bral spos mtho dbang phyug rgyal po skar ma'i sangs rgyas kyi zhing dri sngo snang ba
308a4 rdul bral gyi yon tan bkod pa ci 'dra ba de ltar yongs su dag par 'jog par gyur cig /de bzhin du bdag gis bdag gi sangs rgyas kyi zhing dang / bdag gi 'khor yang
308a5 ji ltar byang chub sems dpa' seng ge spos kyis smon lam btab pa bzhin du gyur cig /btsun pa bcom ldan 'das/ gal te bdag gi re ba 'di lta bu yongs su rdzogs par
308a6 'gyur ba lta na de'i slad du phyogs bcu'i sangs rgyas kyi zhing dag gi sems can rnams kyi sdug bsngal thams cad rab tu zhi bar gyur cig /thams cad kyang sems mnyen
308a7 par gyur cig /sems las su rung bar gyur cig /rang rang gi gling bzhi pa dag nas sangs rgyas bzhugs pa dag mthong bar gyur cig /sems can de dag la rin po che sna tshogs
308b1 dag dang / me tog dang / spos dang / byug pa dang / phye ma dang / gdugs dang / rgyal mtshan dang / ba dan dag bdog par gyur la/ des sems can de dag sangs rgyas de dag la'ang
308b2 mchod pa bgyid par 'gyur zhing / bla na med pa yang dag par rdzogs pa'i byang chub tu sems bskyed par gyur cig /bcom ldan 'das/ bdag gis kyang ting nge 'dzin snang ba bkod
308b3 pa'i mthus bdag nyid kyis mthong bar gyur cig /tshig de brjod ma thag tu ji ltar smon lam btab pa bzhin du bdag nyid kyis mthong bar gyur ba dang / bcom ldan 'das kyis bka'
308b4 stsal pa/ rigs kyi bu/ legs so/ /legs so/ /rigs kyi bu khyod ni rang gi sangs rgyas kyi zhing kho ra khor yug tu sangs rgyas kyi zhing yongs su dag pa khri 'jog par 'gyur ro//
308b5 sems can dpag tu med grangs med pa dag gi sems kyi rgyud yongs su dag par byed par yang 'gyur ro/ /de bzhin du sangs rgyas bcom ldan 'das dpag tu med grangs med pa dag
308b6 la mchod pa dpag tu med grangs med pa dag byed par yang spro bar yang 'gyur ro/ /rigs kyi bu/ de'i phyir khyod kun tu bzang po zhes bya bar gyur cig /kun tu bzang po khyod ni ma
308b7 'ongs pa'i dus na bskal pa grangs med pa gang+gA'i klung gcig gi bye ma snyed 'das nas/ bskal ba grangs med pa gnyis pa la bab pa na byang phyogs logs su sangs rgyas kyi zhing 'di nas
309a1 sangs rgyas kyi zhing gang+gA'i klung drug cu'i bye ma snyed 'das pa de na 'jig rten gyi khams ye shes kyi chu shin tu rnam par dag pa'i yon tan zhes
309a2 bya ba zhig 'byung ste/ kun tu bzang po khyod ni der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra
309a3 bcom pa yang dag par rdzogs pa'i sangs rgyas ye shes rdo rje rnam par bsgyings pa'i dbang phyug tog ces bya ba sangs rgyas bcom ldan 'das kyi bar du 'gyur ro/ /rigs kyi
309a4 kyi bu/ de nas byang chub sems dpa' sems dpa' chen po kun tu bzang pos de bzhin gshegs pa rin po che'i snying po'i zhabs la yan lag lngas mgo bos gtugs pa
309a5 dang | de bzhin gshegs pa rin po che'i snying pos bka' stsal pa/ brtul zhugs bzang po rab tu dga' ba sems dul longs/ /dam bcas brtan pa sems can rnams
309a6 kyi rgyud sbyongs la/ /khyod kyis sems can nyon mongs mi bzad klung las sgrol/ /khyod ni 'jig rten ye shes sgron mchog sangs rgyas 'gyur/ /rigs kyi bu/ yang de'i tshe na
309a7 srog chags le lo can khris tshig mthun par 'di skad ces gsol to/ /btsun pa bcom ldan 'das/ bsam pa shin tu rnam par dag pa'i byang chub sems dpa' sems
309b1 dpa' chen po kun tu bzang pos byang chub sems dpa'i spyad pa spyod pa cing yongs su dag par 'jog par 'gyur ba na bdag cag kyang sangs rgyas kyi zhing yongs su dag pa der de
309b2 bzhin gshegs pa dgra bcom pa yang dag par rdzogs pa'i sangs rgyas su 'gyur bar bgyi'o/ /de ltar bdag cag gis pha rol tu phyin pa drug yongs su rdzogs par bgyis
309b3 nas sangs rgyas kyi zhing der skye bar gyur cig /rigs kyi bu/ de bzhin gshegs pa rin po che'i snying pos srog chags khri po de dag la 'di skad ces lung bstan te/ gang gi tshe
309b4 byang chub sems dpa' kun tu bzang po bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba de'i tshe/ khyed cag 'jig rten gyi khams de'i
309b5 kho ra khor yug dag tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ stong stong zhing mtshan mthun pa'i de bzhin gshegs par
309b6 'gyur ro/ /'di lta ste/ stong ni de bzhin gshegs pa me lce thab khung dbang phyug dbyangs zhes bya bar 'gyur ro/ /gzhan yang stong ni de bzhin gshegs pa sdom pa'i dbang phyug
309b7 dbyangs zhes bya bar 'gyur ro/ /gzhan yang stong ni de bzhin gshegs pa shin tu dri med dbyangs kyi dbang phyug rgyal po zhes bya bar 'gyur ro/ /gzhan yang stong ni de bzhin
310a1 gshegs pa gya nom 'jigs med dbyangs kyi dbang phyug rgyal po zhes bya bar 'gyur ro/ /gzhan yang stong ni de bzhin gshegs pa dri med dbyangs
310a2 kyi gzi brjid dbang phyug rgyal po zhes bya bar 'gyur ro/ /lnga brgya'am mtshan mthun te/ 'di lta ste/ nyi ma'i dbyangs zhes bya bar 'gyur ro/ /de bzhin du nyis stong lnga brgya ni
310a3 'jigs bral grags pa'i rgyal po dang / 'od zer bral dang / 'od zer bral ba'i dbyangs dang / grags pa'i dbang phyug dbyangs dang / rnam grol chos grags dbyangs dang /
310a4 snying po grags pa'i rgyal po dang / rin chen rgyal mtshan dang / snang ba'i dbang phyug dang / thub chen ye shes 'bar ba'i dbang phyug dang / gnas kyi gos bsags rgyal
310a5 po dang / ye shes blo gros bsam yas snying po dang / ye shes lhun po'i rgyal mtshan dang / ye shes rgya mtsho'i rgyal po dang / brtson 'grus chen po'i dbyangs kyi dbang
310a6 phyug dang / lhun po'i dpal lta bu dang / ye shes rdul bral shugs dang / ci'i dbang phyug sa bon dang / ye shes shin tu dri med sgrogs pa'i dbang phyug dang / yon
310a7 tan rgya mtsho'i zil mnan rgyal po dang / ye shes 'byung ba stobs kyi rgyal po dang / byang chub rdul bral rgyal po dang / thub pa dpal brtsegs shugs kyi me tog dag/ ye
310b1 shes dpal brtsegs blo dang / rdo rje seng ge dang / tshul khrims 'od gsal dang / bzang mchog dang / 'od zer mtha' yas dang / seng ge dga' dang / ye shes mi zad brtsegs
310b2 dang / rin chen snang ba dang / ye shes dri med dang / ye shes rgyas pa dang / seng ge grags pa dang / mngon shes yon tan rgyal po dang / chos kyi sna ma'i me tog char 'bebs dang /
310b3 'od byed dang / lhun po mngon 'phags dang / chos yang dag 'phags rgyal po dri med dang / spos kyi dbang phyug dang / dri med spyan dang / rab tu che bsags dang / thogs med stobs spos
310b4 kyi rgyal po dang / rang gi ye shes bsod nams stobs dang / ye shes chos gos dang / dbang sgyur dang / chags med pham bzhed dang / ye shes yang dag 'byung dang / lhun po chen po
310b5 dang | stobs kyi snying po dang / yon tan 'byung gnas dang / 'khri shing me tog rgyal mtshan dang / yon tan 'od dang / gti mug rnam bral yon tan rgyal po dang / rdo rje mchog dang / chos
310b6 kyi tog dang / dbyangs kyi dbang po'i rgyal po dang / legs sbas dang / rdo rje rgyal mtshan dang / rin chen dbang phyug dang / mngon 'phags rgyal mtshan dang / ri bo lta bu dang / dga'
310b7 sprin dang / chos byed dang / sA la'i rgyal po dang / kun sbed dang / rgya mtsho'i rgyal po dang / ye shes yang dag bsags dang / ye shes 'od 'phro dang / me tog tshogs can dang / glang po
311a1 che'i dbang po'i dbang phyug dang / u dum+ba ra'i me tog dang / gser gyi rgyal mtshan dang / chos kyi rgyal mtshan dang / sgrogs pa'i rgyal po dang / tsan+dan dang / shin
311a2 tu brtan pa dang / mthus gnon dang / rgyal mtshan gyi rtse mo'i sgron ma dang / ye shes go rim dang / rgya mtsho'i rgyal mtshan dang / rnam rgyal chos grags dang / nga rgyal sgrogs
311a3 dang / yon tan 'od 'phro dang / ye shes 'od dang / ye shes sgron ma dang / bde ba'i rgyal po dang / ye shes dbyangs dang / rgyal mtshan bsdus pa dang / rdo rje'i sgron ma dang /
311a4 bkod pa'i rgyal po dang / rgyal ba'i grangs dang / rab tu brtan pa dang / blo gros zla ba'i rgyal po dang / rim gyis sgrogs pa'i rgyal po dang / sA la'i dbang po seng ge'i sgra dang / sred
311a5 med kyi bus rnam par rgyal ba'i snying po dang / yon tan rin chen yang dag bsags dang / skar ma'i snying po dang / skar ma rnam 'jig grags pa dang / bsod nams stobs sA
311a6 la'i rgyal po dang / yid du 'ong ba'i dbyangs dang / tshangs mchog dang / yul 'khor srung zhes bya bar 'gyur ro/ /gzhan yang stong ni spos kyi pad+ma rnam rgyal grags pa'i rgyal po
311a7 zhes bya ba dang / 'od zer gyi dkyil 'khor snang ba dang / snang ba'i rgyal po dang / spos kyi pad+ma dam pa'i shugs dang / yon tan rgya mtsho'i mtha' yas ye shes bla ma dang /
311b1 dzam+bu'i grib ma dang / yon tan ri bo'i rgyal mtshan dang / seng ge'i tog dang / klus sbangs me tog gzi brjid rgyal po dang / dri zhim sa bon bdag med dang / yon tan bdud rtsi gzi
311b2 brjid rgyal po zhes bya ba dag tu 'gyur ro/ /gzhan yang stong ni de bzhin gshegs pa dgra bcom pa yang dag par rdzogs pa'i sangs rgyas chos sbyin rgyal po klu dbang rnam grol sad
311b3 byed 'jig rten rgya mtsho'i mig gi ri bo zhes bya ba sha stag tu 'gyur te/ 'jig rten gyi khams gzhan dang / gzhan dag tu nyi ma gcig dang / dus gcig tu bla na med pa yang dag par rdzogs
311b4 pa'i byang chub mngon par rdzogs par 'tshang rgya bar 'gyur zhing / de dag gi tshe'i tshad ni bar gyi bskal ba bcur 'gyur ro/ /srog chags khri po de dag gis de bzhin gshegs pa
311b5 rin po che'i snying po'i zhabs la yan lag lngas mgos gtugs pa dang / de bzhin gshegs pa rin po che'i snying pos bka' stsal pa/ klu ltar brtan par sgrogs pa dag ni re zhig
311b6 longs/ /dge ba'i nor rnams dag ni yang dag gsog gyis la/ /pha rol phyin pa rnams la myur du brtson gyi dang / /lha mi 'jig rten rnams kyi 'dren pa dag tu 'gyur// //
311b7 bam po bdun pa/ rigs kyi bu/ de nas bram ze rgya mtsho'i rdul gyis rgyal bu dgu pa sdig med ces bya ba la smras pa/ snga ma bzhin du sbyar te/ des gsol ba/ btsun pa bcom ldan
312a1 'das/ ci nas kyang bdag byang chub sems dpa'i spyad pa spyod pa na/ phyogs bcu'i 'jig rten gyi khams gang+gA'i klung gi bye ma snyed dag na/ sangs
312a2 rgyas bcom ldan 'das gang+gA'i klung gi bye ma snyed dag bzhugs te 'tsho zhing gzhes pa rnams bdag gi dpang lags par 'gyur ba de ltar bdag gis byang chub sems
312a3 dpa'i spyad pa spyod par bgyi ste/ btsun pa bcom ldan 'das/ gang bdag gis khyod kyi spyan sngar byang chub tu sems bskyed pa nas bla na med pa yang dag par rdzogs pa'i byang
312a4 chub mngon par rdzogs par 'tshang rgya bar 'gyur ba de'i bar du bdag byang chub sems dpa'i spyad pa spyod pa na 'gyod pa'i sems skye bar ma gyur cig /byang chub kyi mthar thug
312a5 pa nye bar bzung ba'i bar du dam bcas pa brtan zhing ji skad smras pa de bzhin du bgyid par gyur cig /sems can gzhan gyi sems 'khrug par mi bgyid par gyur cig /bdag
312a6 nyan thos dang rang sangs rgyas kyi theg par sems mi bskyed par gyur cig /'dod pa'i 'dod chags kyi sems dang / sems las byung ba skye bar ma gyur cig /rmugs pa dang /
312a7 gnyid dang ldan par ma gyur cig /rgod pa dang ldan par ma gyur cig/ 'gyod pa dang ldan par ma gyur cig/ the tshom dang ldan par ma gyur cig /byang chub kyi mthar thug gi
312b1 bar du bdag byang chub sems dpa'i spyad pa spyad pa na/ srog gcod pa ma mchis pa dang / ma byin par len pa ma mchis pa dang / mi tshangs par spyod pa ma mchis pa dang /
312b2 brdzun du smra ba ma mchis pa dang / phra ma ma mchis pa dang / ngag rtsub po ma mchis pa dang / tshig kyal ba ma mchis pa dang / brnab sems ma mchis pa dang / gnod sems
312b3 ma mchis pa dang / log par lta ba ma mchis pa dang / the tshom dang ldan pa ma mchis pa dang / chos la mi gus pa'i sems ma mchis pa dang / slu ba'i sems ma mchis shing
312b4 chos de dag ma mchis par gyur cig /byang chub kyi mthar thug pa nye bar bzung ba'i bar du gom pa 'dor ba tsam la'ang rtag tu sangs rgyas rjes su dran pa'i sems dang sems
312b5 las byung ba dag 'jug par gyur cig /bdag byang chub kyi mthar thug gi bar du sangs rgyas mthong ba dang / chos nyan pa dang / dge 'dun la bsnyen bkur bgyid pa dang mi 'bral
312b6 bar gyur cig /tshe rabs thams cad du'ang rab tu 'byung ba thob par gyur cig /tshe rabs thams cad du phyag dar khrod par gyur cig/ chos gos gsum pa dang / shing drung pa dang /
312b7 tsog bu pa dang / dgon pa pa dang / bsod snyoms pa dang / 'dod pa chung ba dang / chog shes pa dang / chos ston pa dang / tshig btsun pa dang / spobs pa dpag tu ma mchis pa
313a1 phun sum tshogs par gyur cig/ /ltung ba'i rtsa ba 'byung bar ma gyur cig /brdzun du smra ba dang ldan pa'i tshig rnams kyis phas kyi rgol ba 'dul bar
313a2 ma gyur cig/ /bud med la stong pa nyid dang ldan pa'i chos ston par ma gyur cig /stong pa nyid yid la bgyid pas bud med la chos ston par bgyid par ma gyur cig/ lag pa sgyur
313a3 zhing chos ston par ma gyur cig /rtag tu bdag theg pa chen po la yang dag par zhugs pa'i byang chub sems dpa' rnams la ston pa'i 'du shes bskyed par gyur cig/
313a4 bdag chos smra ba gang la chos nyan pa na de la ston pa'i 'du shes kyis bsnyen bkur bgyid par gyur cig/ bdag chos smra ba de la de bzhin gshegs pa la ji lta ba de ltar rim gro
313a5 bgyid pa dang / bsnyen bkur bgyid pa dang / bla mar bgyid pa dang / ri mor bgyid pa dang / mchod par bgyid par gyur cig /chos smra ba la bdag gi sha dag gi bar
313a6 gyis kyang bsnyen bkur bgyid par gyur cig /bdag snod dang snod ma lags par mi rtog par sbyin pa sbyin par gyur cig /bdag chos kyi sbyin pa la ser sna'i sems dang
313a7 sems las byung ba dag skyed par ma gyur cig/ bdag byang chub don du gnyer ba'i sems can rnams la rang gi srog gi sbyin pas yongs su skyob par gyur cig/ bdag
313b1 nyid kyi brtson 'grus kyi stobs dang / smon lam gyis nye bar bsgrubs pa'i rdzas kyis sems can sdug bsngal bar gyur ba rnams sdug bsngal dag las yongs su thar par bgyid
313b2 par gyur cig /bdag rab tu byung ba'i rtags can nam/ khyim pa'i rtags can ltung ba byung ba'am/ ltung ba ma byung ba dag la skur bar bgyid par ma gyur cig /bdag rnyed pa dang /
313b3 bkur sti dang / tshigs su bcad pa dag la rtag tu med dang / dug dang / mtshon cha lta bur 'du shes skyed par gyur cig /btsun pa bcom ldan 'das/ gal te bdag gis ji ltar bcom
313b4 ldan 'das kyi spyan sngar smon lam btab pa'i smon lam 'di dag byang chub kyi mthar thug pa nye bar bzung ba'i bar du yang dag par 'grub par 'gyur ba lta na/ de'i slad du bdag
313b5 gi sug pa gnyis su lha'i 'khor lo rin po che'i rtsibs stong mchis pa/ lte ba dang bcas pa/ mu khyud dang bcas pa/ nyi ma'i kha dog ltar 'od gsal ba dag 'byung bar gyur cig
313b6 rgyal bu sdig med kyis tshig de smras ma thag tu lag pa gnyis su ji ltar 'dod pa de lta bu'i 'khor lo dag byung bar gyur ba dang / yang gsol ba/ btsun pa bcom ldan 'das/ gal te byang chub kyi
313b7 mthar thug gi bar du bdag gi re ba 'di lta bu yongs su rdzogs par 'gyur ba lta na/ de'i slad du 'khor lo 'di dag 'di ltar thams cad dang ldan pa'i sangs rgyas kyi zhing dag sgras
314a1 mngon par go bar bgyi ba dang / byang chub sems dpa' lung ston pa dran pa mi brjed pa'i ye shes mthong ba dang / stong pa nyid bsgom pa la spyod pa sangs
314a2 rgyas kyi yul gyi chos kyi rnam grangs 'di spyod du stsal ba'i slad du ji ltar klu'i rgyal po dga' bo dang / nye dga' bo gnyis mchis pa de lta bu'i sgra gsang mthon pos sangs rgyas kyi zhing
314a3 snyigs ma lnga dang ldan pa stong pa dag tu mchi bar gyur cig/ gang dag der skyes pa'i sems can de dag thams cad kyi rna ba'i dbang po dag tu'ang chos kyi rnam grangs 'di
314a4 grag par gyur cig /grags ma thag tu'ang sems can de dag gi 'dod chags rab tu zhi bar gyur cig/ zhe sdang dang / gti mug dang / nga rgyal dang / phrag dog dang / ser
314a5 sna rab tu zhi bar gyur cig/ thams cad kyang sangs rgyas rjes su dran pa yid la bgyid pas bla na med pa yang dag par rdzogs pa'i byang chub tu sems bskyed par gyur cig /
314a6 rigs kyi bu/ rgyal bu sdig med kyis 'khor lo rin po che de dag btang ba dang / de dag 'di ltar mgyogs par song ste/ 'di lta ste/ dper na/ sangs rgyas bcom ldan
314a7 'das mgyogs pas gshegs pa de bzhin du 'khor lo rin po che de dag kyang song ste/ phyogs bcu'i sangs rgyas kyi zhing snyigs ma lnga dang ldan pa dpag tu med grangs med
314b1 pa dag tu song nas/ sems can rnams byang chub sems dpa' lung ston pa dran pa mi brjed pa'i ye shes mthong ba stong pa nyid bsgom pa la spyod pa sangs rgyas kyi yul gyi chos kyi
314b2 rnam grangs 'di spyod du bcug go /sems can gang dag gi rna ba'i dbang por chos kyi rnam grangs 'di grag par gyur ba de dag thams cad kyi 'dod chags dang / ser sna'i bar gyi sems
314b3 dang sems las byung ba dag rab tu zhi bar gyur cing / thams cad kyis kyang sangs rgyas kyi ye shes kyi yul yid la byed pas bla na med pa yang dag par rdzogs pa'i byang chub tu
314b4 sems bskyed nas 'khor lo de dag kyang yud tsam gcig gis phyir log ste rgyal bu sdig med kyi mdun du 'dug go /rigs kyi bu/ de nas de bzhin gshegs pa rin po che'i snying
314b5 pos rgyal bu sdig med la legs so/ /zhes bya ba byin te/ rigs kyi bu/ legs so/ legs so/ khyod kyis ni smon lam shin tu bzang po btab ste/ lha'i 'khor lo rin po che 'di
314b6 dag kyang sangs rgyas kyi zhing snyigs ma lnga dang ldan pa stong pa dag tu btang bas srog chags bye ba khrag khrig 'bum phrag mang po dag rnyog pa med pa'i sems bkod cing / byang
314b7 chub yang dag par 'dzin du bcug pas na/ rigs kyi bu/ de'i phyir khyod mi 'khrugs pa zhes bya bar gyur cig/ mi 'khrugs pa khyod ni 'jig rten gyi yongs su 'dren par 'gyur gyi/
315a1 mi 'khrugs pa khyod kyis sangs rgyas kyi zhing gi yon tan bkod pa ji lta bu dag 'dod pa longs shig/ /mi 'khrugs pas gsol ba/ btsun pa bcom
315a2 ldan 'das/ bdag ni ji ltar sa gzhi thams cad gser las grub cing lag mthil ltar mnyam la/ lha'i nor bu rin po che rnam par bkram pa gseg ma dang gyo mo dag ma mchis/
315a3 gor ma'i ka ba dang / pha bong dang / ri dag ma mchis shing / ka tsa lin di ka ltar reg na bde zhing 'jam la/ rkang mthil bzhag na ni nems zhes bgyid/ rkang mthil bteg na ni
315a4 bar ces bgyid pa de lta bu'i sangs rgyas kyi zhing gi yon tan bkod pa dag 'tshal te/ de na sems can dmyal ba dang / dud 'gro'i skye gnas dang / gshin rje'i 'jig
315a5 rten dang / yi dwags kyi yul dag ma mchis par gyur cig/ /sangs rgyas kyi zhing de na dri nga ba dag ma mchis par gyur la/ sangs rgyas kyi zhing de lha'i las shin tu 'das
315a6 pa'i spos kyis khyab par gyur cig/ sangs rgyas kyi zhing de lha'i me tog mnad ra ba dang / mnad ra ba chen po dag gis kun tu gang bar gyur cig/ de na sems can rnams la rga
315a7 ba dang / na ba dang / 'gum pa ma mchis par gyur cig/ gcig gis gcig 'jigs pa ma mchis pa dang /gcig la gcig mtho 'tsham pa ma mchis pa dang / sems can
315b1 rnams la dus ma lags par 'gum pa ma mchis pa dang / 'gyod cing 'gum pa ma mchis pa dang / mnyam par ma bzhag par 'gum pa ma mchis par gyur cig/ de na sems
315b2 can rnams sangs rgyas rjes su dran pa yid la bgyid par gyur cig /ngan 'gro rnams su skye bar ma gyur cig /sangs rgyas kyi zhing snyigs ma lnga dang ldan pa stong pa rnams su skye
315b3 bar ma gyur cig /byang chub cing yongs su mya ngan las 'das kyi bar du sangs rgyas mthong ba dang mi 'bral bar gyur cig /chos nyan pa dang / dge 'dun la bsnyen bkur bgyid pa dang
315b4 mi 'bral bar gyur cig /de na sems can rnams 'dod chags chung ba dang / zhe sdang chung ba dang / gti mug chung bar gyur cig /de na thams cad kyang dge ba bcu'i las kyi lam
315b5 yang dag par blangs nas gnas par gyur cig /sangs rgyas kyi zhing de na sems can rnams bzo bgyid par ma gyur cig/ de na ngan song gi rgyu mtshan ma mchis par gyur cig /
315b6 de na sems can rnams la bdud kyis glags rnyed pa'i lam ma mchis par gyur cig /de na sems can rnams la mdog ngan pa ma mchis par gyur cig /de na sems can rnams
315b7 la 'di lta ste/ rje bo dang / bran gyi rim pa ma mchis par gyur cig /de na sems can rnams la bdag gi ba ma mchis shing yongs su 'dzin pa ma mchis par gyur cig /de na nyan
316a1 thos dang byang chub sems dpa' rnams la tha na g.yar lam na'ang khu ba 'byin pa ma mchis par gyur cig /de na sems can thams cad chos
316a2 'tshal ba dang / chos yongs su tshol ba lhur len par gyur cig /sangs rgyas kyi zhing de na sems can 'ga' yang log par lta bar mi 'gyur zhing gzhan mu stegs can yang ma mchis
316a3 par gyur cig /de na sems can rnams la lus ngal ba ma mchis shing sems ngal ba'ang ma mchis par gyur cig /de na sems can de dag thams cad mngon par shes pa
316a4 lnga dang ldan par gyur cig /de na sems can thams cad la bkres pa dang / skom pa dang / rnam par mtho 'tsham par ma mchis par gyur cig /ji ltar 'dod pa na spyod
316a5 pa'i lha rnams bzhin du kha zas ji lta bu dag 'tshal bar 'gyur ba de lta bu dag mdun du rin po che'i snod dag nas 'byung bar gyur cig /bshad pa dang / gci ba dang / mchil
316a6 ma dang / rnabs dang / mchi ma dang / lus kyi rdul dag ma mchis par gyur cig /de na grang ba ma mchis pa dang / tsha ba ma mchis par gyur cig /dri bda' ba dang / nyams dga'
316a7 bar gyur cig /de na reg na bde ba'i bser ma dag ldang bar 'gyur zhing / de dag lha dang mi rnams spos kyi bya ba bgyid par gyur cig /gang gi tshe 'tshal bar 'gyur ba dang / ji lta
316b1 bu 'tshal bar 'gyur ba dang / gang gi tshe gcig ni bser ma bsil ba 'tshal ba/ gcig shos ni dron po 'tshal ba dang / la la ut+pa la'i dri bda' ba'i bser ma 'tshal la/ la la ni
316b2 tsan+dan sprul gyi snying po'i dri bda' ba'i bser ma 'tshal ba dang / la la ni dus kyi rjes su 'brang ba'i tsan+dan gyi dri bda' ba dang / la la ni rgya spos kyi dri bda' ba dang / la la ni a ga ru'i dri
316b3 bda' ba'i bser ma 'tshal la/ la la ni thams cad kyi thams cad du bser ma ye mi 'tshal ba 'tshal bar 'gyur na'ang de dag gis ji ltar sems bskyed cing dmigs pa de bzhin
316b4 du 'grub par gyur cig /de bzhin du 'jig rten gyi khams de snyigs ma lnga dang bral bar gyur cig /de na sems can rnams la rin po che sna bdun las bgyis pa'i khang pa brtsegs pa
316b5 dag mchis par 'gyur la/ khang pa brtsegs pa de dag na gang du mi dag mchis par 'gyur bar rin po che sna bdun gyi 'khri shing bal gyi sngas 'jam po dag gis kun tu g.yogs
316b6 shing ka tsa li na di ka ltar reg na 'jam pa dag 'byung bar gyur cig /khang pa brtsegs pa de dag gi khor yug dag tu gang du mi de dag chab kyi bya ba bgyid par 'gyur bar yan lag
316b7 brgyad dang ldan pa'i chab kyis yongs su gtams pa'i rdzing dag 'byung bar gyur cig /sna ma'i me tog gi shing dang / shing ta la dang / shing ljon pa'i phreng ba dag gis brgyan
317a1 par gyur cig /shing ljon pa de dag kyang me tog sna tshogs dang / 'bras bu sna tshogs dang / dri sna tshogs dang / gos sna tshogs dang / gdugs
317a2 sna tshogs dang / mu tig gi rgyan phreng sna tshogs dang / rgyan sna tshogs dag gis brgyan par gyur cig /de na sems can rnams gos dang rgyan ji lta bu 'tshal ba dag dpag
317a3 bsam gyi shing de dag las blangs te gyon par gyur cig /de bzhin du me tog rnams dang / rgyan dag gi bar yang blangs te thogs par gyur cig /bdag gi byang chub kyi shing
317a4 ni rin po che sna bdun las grub par gyur la/ 'phang du ni dpag tshad stong mchis/ sdong po'i sboms su dpag tshad gcig mchis/ yal ga gyes pa'i khyon du'ang dpag
317a5 tshad stong mchis par gyur cig /byang chub kyi shing de bser mas bskyod pa las pha rol tu phyin pa dang / mngon par shes pa dang / dbang po dang / stobs dang / byang chub
317a6 kyi yan lag gi sgra lha'i las shin tu 'das pa 'jam zhing yid du 'ong ba dag 'byung bar gyur cig /sems can gang dag gis sgra de thos par gyur pa de dag kyang 'dod chags
317a7 dang bral ba'i sems kyi dran pa so sor thob par gyur cig /sangs rgyas kyi zhing de na bud med rnams ni 'di lta ste/ dper bgyi na/ dga' ldan gyi ris kyi lha'i bu mo ltar
317b1 yon tan thams cad dang ldan par gyur cig /de na bud med rnams la dri nga ba ma mchis shing / lce gnyis dang / phrag dog dang / ser snas dkris pa ma mchis par gyur cig/
317b2 de na mi rnams bud med dang lhan cig tu lus sbyong zhing 'khrig pa spyod pa ma mchis par gyur cig /de na skyes pa gang dag kun tu chags pa'i sems skyes par gyur na/ de mchis
317b3 te kun chags pa'i sems kyis yud tsam zhig bud med la bltas pas skyes pa'i 'dod chags rab tu zhi bar gyur nas shin tu yid byung ste/ slar log cing gtsang ma rdul
317b4 dang bral ba'i ting nge 'dzin thob par gyur cig /ting nge 'dzin des bdud kyi zhags pa dag las yongs su grol nas slan chad 'dod chags kyi sems mi skye bar gyur cig /de na
317b5 bud med gang lags pa de dag kun tu chags pas skyes pa la brtags pa tsam gyis sbrum par 'gyur zhing / brtags pa tsam gyis gnyis ka'i 'dod chags rab tu zhi bar
317b6 gyur cig /mngal na gnas pa'i khye'u'am/ bu mo gang lags pa de dag kyang 'di lta ste/ dper bgyi na/ sum cu rtsa gsum pa'i lha rnams dga' ba dang / rab tu dga' bar bgyid
317b7 pas lus dang sems kyi bde ba myong ba de lta bu'i lus dang sems kyi bde ba myong bar gyur cig /sangs rgyas kyi zhing de na mngal na gnas pa'i khye'u dang / bu mo dag gdugs
318a1 mtshan bdun du de lta bu'i bde ba nyams su myong bar gyur cig /bud med sbrum ma de dag kyang 'di lta ste/ dper bgyi na/ dge slong bsam
318a2 gtan gnyis pa la snyoms par zhugs pa de lta bu'i bde ba myong bar gyur cig /sems can de dag kyang mngal gyi dri ma dang / mi gtsang bas gos par mi 'gyur zhing /
318a3 dgung bdun pa la mchog tu dri bda' ba dang / bde ba'i yo byad dam pa dang ldan bzhin du btsa' bar gyur cig /bud med de'ang sdug bsngal nyams su myong bar mi
318a4 'gyur zhing gnyis ka rdzing bur zhugs te khrus bgyis nas/ bud med des gang gis 'dod chags dang bral ba gtsang ba'i ting nge 'dzin thob par 'gyur ba de lta bu'i dran pa
318a5 thob par gyur cig /ting nge 'dzin des 'dod chags kyi chos rnams las yongs su grol zhing rtag par rgyun du mnyam par bzhag par gyur cig /gang gis tshe rabs snga
318a6 ma dag la bskal pa bye ba phrag mang por bud med kyi lus nyams su myong bar 'gyur ba de lta bu'i las bgyis shing bsags pa gang lags pas kyang ting nge 'dzin de mngon
318a7 par bsgrub pas bud med kyi lus thams cad kyi thams cad yongs su bas par 'gyur zhing / yongs su mya ngan las 'das kyi bar du slan chad bud med kyi lus thob par ma gyur
318b1 cig |sems can gang dag gis gang gi slad du bskal pa bgrang ba las 'das pa dag tu mngal na gnas pa'i sdug bsngal nyams su myong bar 'gyur ba de lta bu'i las bgyis
318b2 shing bsags pa de dag gis bdag gis byang chub thob pa'i ming thos shing dad pa thob par gyur nas/ de dag de nas shi 'phos nas kyang bdag gi sangs rgyas kyi zhing du skye bar
318b3 'gyur zhing mngal na gnas par skye bar ma gyur cig /der sems can de dag gi las de thams cad kyi thams cad du yongs su bas par gyur cing / sems can de dag byang chub
318b4 kyi mthar thug gi bar du slan chad mngal na gnas par skye bar ma gyur cig /sems can gang dag gis dge ba'i rtsa ba bskyed pa de dag las yongs su bas nas mngal du
318b5 gnas par skye bar ma gyur cig /bdag gi sangs rgyas kyi zhing na bud med dam/ mngal na gnas par mngon pa'i sems can de dag kyang sangs rgyas kyi zhing der shin tu bde
318b6 ba dang ldan par gyur cig /sna ma'i me tog gi shing dang / shing ta la dag bser mas bskyod par gyur pa na mi rtag pa dang / sdug bsngal ba dang / stong pa dang / bdag med pa'i
318b7 sgra skad nyams dga' bar 'gyur ba de lta bu dag 'byung bar gyur cig /sgra des mi rnams kyi ting nge 'dzin sgron ma dang ldan pa zhes bgyi ba thob par gyur cig /ting nge 'dzin des
319a1 sems can de dag gis stong pa nyid snang ba'i chos zab mo dag rtogs par gyur cig /sangs rgyas kyi zhing de na 'dod pa dang ldan pa'i sgra ma
319a2 mchis par gyur cig/ btsun pa bcom ldan 'das/ bdag byang chub kyi shing drung du mchis nas yul tsam gcig gis bla na med pa yang dag par rdzogs pa'i byang chub
319a3 thob par gyur cig /bdag byang chub thob pa na sangs rgyas kyi zhing de na me tog kha zums pa ma gtogs par nyi ma dang zla ba dag gi 'od kyang mi mngon par gyur cig /lha'i
319a4 mig gang gis sangs rgyas kyi zhing dpag tu ma mchis grangs ma mchis pa dag na sangs rgyas bcom ldan 'das dag bzhugs te/ 'tsho zhing gzhes pa rnams mthong
319a5 bar 'gyur ba de lta bu'i 'od dag bdag gis gtong bar gyur cig /bdag byang chub thob pa na sgra gang gis stong gsum gyi stong chen po'i sangs rgyas kyi zhing kun tu gang bar 'gyur
319a6 ba de lta bu'i sgras chos ston par gyur cig /de na sems can gang dag mchis par gyur pa de dag thams cad kyis kyang sangs rgyas rjes su dran pa thob par gyur cig /de
319a7 dag gang dang gang du mchi ba dang / 'chab pa dang / mchis pa dang / ldog par 'gyur ba dang / de dag gis rtag par rgyun du bdag mthong bar gyur cig /de dag chos
319b1 rnams la ji ltar the tshom du gyur pa na/ de dag gis bdag la bltas pa tsam dang / bdag mthong ba tsam gyis de dag gi the tshom ma mchis par gyur cig /bdag byang chub thob pa na phyogs
319b2 bcu'i sangs rgyas kyi zhing dpag tu ma mchis grangs ma mchis pa dag na nyan thos kyi theg pa pa'am/ rang sangs rgyas kyi theg pa pa'am/ bla na med pa'i theg pa pa'i sems can gang
319b3 dag mchis pa de dag gis bdag gi ming dang / bsngags pa thos par gyur cig /de dag de nas shi 'phos nas kyang bdag gi sangs rgyas kyi zhing du skye bar gyur cig /de dag gis der
319b4 bdag las chos thos nas nyan thos kyi theg pa gang lags pa de dag ni rnam par thar pa brgyad kyis bsam gtan pa'i dgra bcom par gyur cig /de na gang dag theg pa chen po pa'i
319b5 byang chub sems dpa' gang lags pa de dag gis ni bdag las chos thos nas ting nge 'dzin dang / gzungs dang / bzod pa zab mo dag thob par gyur cig /de dag de nyid du bla na med pa
319b6 yang dag par rdzogs pa'i byang chub las slar mi ldog par yang gyur cig /bdag gi nyan thos kyi dge 'dun ni dpag tu ma mchis par gyur la/ de bzhin gshegs pa nyid ma
319b7 gtogs par sus kyang bgrang bar rngo mi thogs par gyur cig /bdag gis byang chub thob pa na gang dang gang du mchis shing sa phyogs gang dang gang du rkang mthil bzhag pa de dang der
320a1 pad+ma 'dab ma stong mchis la/ gser gyi mdog lta bur gda' ba dag 'byung bar gyur cig /pad+ma de dag kyang sangs rgyas kyi zhing stong pa gzhan dag tu
320a2 mchis nas bdag gi bsngags pa dang / sgra dang / dbyangs rjod par gyur cig /sems can de dag gis bdag ming dang / bsngags pa dang / snyan pa thos nas dga' zhing rab tu
320a3 dga' ba dang / mchog tu dga' ba skye bar gyur cig /de dag rab tu dang ba skyes nas/ bdag gi sangs rgyas kyi zhing du skye 'tshal bar gyur cig /dge ba'i rtsa ba de dag kyang der
320a4 yongs su bsngo bar gyur cig /de dag de nas shi 'phos nas kyang bdag gi sangs rgyas kyi zhing du skye bar gyur cig /bdag gi nyan thos kyi dge 'dun yang dge sbyong gi dri ma dang
320a5 bral ba dang / dge sbyong gi skyon dang / dge sbyong gi gya gyu dang bral ba dang / dge sbyong gi g.yo dang bral bar gyur cig / 'khor rnams kyang chos lhur len cing yo byad lhur len
320a6 pa ma lags pa dang / rnyed pa dang bkur sti lhur len pa ma lags pa dang / mi rtag pa dang / sdug bsngal ba dang / stong pa dang / bdag med pa la mngon par dga' bar gyur
320a7 cig /bdag gi 'khor rnams brtson 'grus brtsams shing chos la 'bab pa dang / dge 'dun la bab par gyur cig /de na byang chub sems dpa' gang dag phyir mi ldog par
320b1 gyur pa de dag kyang ma 'ongs pa la zhugs pa'i dran pa thob par gyur cig /de dag tshe 'phos nas kyang shes rab kyi pha rol tu phyin pa dang ldan pa'i gtam brjod par gyur cig /byang chub
320b2 kyi mtha'i bar du de dag gis chos de dag mi brjed par gyur cig /bdag byang chub thob nas kyang bskal pa chen po khri'i bar du gnas par gyur cig /yongs su mya ngan las 'das
320b3 nas kyang bdag gi dam pa'i chos bskal pa stong du gnas par gyur cig /bcom ldan 'das kyis bka' stsal pa/ skyes bu dam pa khyod kyis sangs rgyas kyi zhing yongs su dag pa yongs su blangs pa
320b4 ni legs so/ /legs so/ mi 'khrugs pa khyod ni ma 'ongs pa'i dus na bskal pa grangs med pa gang+gA'i klung gcig gi bye ma snyed 'das nas/ grangs med pa gnyis pa la bab pa na shar phyogs logs
320b5 su 'di nas sangs rgyas kyi zhing stong 'das pa na 'jig rten gyi khams mngon par dga' ba zhes bya ba ji ltar khyod kyi smon lam btab pa de lta bu'i yon tan bkod pa dang ldan pa
320b6 zhig yod de/ der khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / de bzhin gshegs pa'i mtshan yang mi 'khrugs
320b7 pa zhes bya ba nyid du 'gyur te/ sangs rgyas bcom ldan 'das kyi bar du 'gyur ro/ /mi 'khrugs pas gsol pa/ btsun pa bcom ldan 'das/ gal te bdag gi re ba 'di
321a1 lta bu yongs su rdzogs par 'gyur ba lta na/ de'i slad du 'jig rten gyi khams thams cad na gang dag sems can du bsdu bar bsdus pa'i sems
321a2 can phung po dang / khams dang / skye mched kyis yongs su zin pa de dag thams cad byams pa'i sems dang ldan par gyur cig /khon ma mchis pa'i sems dang / rnyog pa
321a3 ma mchis pa'i sems su gyur cig /de dag 'di lta bu'i lus kyi bde ba myong bar gyur cig /'di lta ste/ dper bgyi na/ sa bcu pa la gnas pa'i byang chub sems dpa'i ting
321a4 nge 'dzin pad+ma la snyoms par zhugs shing des bsam pa la spong ba rnam par dag par gyur pa de lta bur sems can rnams kyang lus dang sems kyi bde ba dang ldan par
321a5 gyur cig /gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe sa gzhi thams cad gser gyi kha dog lta bur gda' bar gyur cig /rigs
321a6 kyi bu/ des de bzhin gshegs pa rin po che'i snying po'i zhabs la yan lag lngas phyag byas pa de'i tshe de'i dus na sems can thams cad kyang ji ltar smon lam btab
321a7 pa de lta bu'i bde ba dang ldan par gyur pa de'i tshe sa gzhi thams cad kyang gser gyi kha dog lta bur snang bar gyur pa dang / de bzhin gshegs pa rin po che'i snying pos
321b1 bka' stsal pa/ blo gros rab mchog sems mi 'khrugs pa longs/ /lag pa'i mthil na 'khor lo mchog rab gnas/ mi rnams mang po snying rje'i sems la bkod/ /blo
321b2 gros dge khyod 'gro ba'i ston par 'gyur/ /rigs kyi bu/ de nas bram ze rgya mtsho'i rdul gyis rgyal bu bcu pa gangs kyi nor bu zhes bya ba la snga ma bzhin du sbyar ro/ /rgyal bu
321b3 gangs kyi nor bus kyang ji ltar mi 'khrugs pas smon lam btab pa de bzhin du smon lam btab bo/ /btsun pa bcom ldan 'das/ gal te bdag gi re ba 'di lta bu yongs su
321b4 rdzogs par 'gyur ba lta na de'i slad du sems can thams cad kyis sangs rgyas la dmigs pa'i yid la bgyid pa thob par gyur cig /thams cad kyi sug par yang tsan+dan
321b5 sprul gyi snying po'i dri 'byung bar gyur cig /de dag thams cad kyis dri de'ang sangs rgyas kyi sku dag la yongs su bsngo bar gyur cig /bcom ldan 'das kyis bka' stsal pa/ rigs
321b6 kyi bu khyod kyis smon lam rgya chen po btab pa ni legs so/ /legs so/ /gang khyod kyis sems can thams cad kyi lag tu tsan+dan sprul gyi snying po bzhag pa dang / bsam pa thag
321b7 pas sangs rgyas yid la byed pa bskyed pas na/ rigs kyi bu/ de'i phyir khyod spos kyi glang po che zhes bya bar gyur cig /spos kyi glang po che khyod ni bskal pa grangs med pa gang+gA'i
322a1 klung gcig gi bye ma snyed 'das nas bskal pa grangs med pa gang+gA'i klung gi bye ma snyed gnyis pa la bab pa na/ de bzhin gshegs pa dgra
322a2 bcom pa yang dag par rdzogs pa'i sangs rgyas mi 'khrugs pa yongs su mya ngan las 'das te/ dam pa'i chos nub nas zhag bdun lon pa dang / spos kyi glang po che
322a3 khyod 'jig rten gyi khams der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang
322a4 dag par rdzogs pa'i sangs rgyas gser gyi me tog ces bya ba sangs rgyas bcom ldan 'das kyi bar du 'gyur ro/ /spos kyi glang po ches yang gsol pa/ btsun pa bcom
322a5 ldan 'das/ gal te bdag gi re ba 'di lta bu yongs su rdzogs par 'gyur ba lta na de'i slad du gang gi tshe bdag bcom ldan 'das kyi zhabs la yan lag lngas phyag
322a6 'tshal ba de'i tshe kun dga'i ra ba de thams cad du me tog tsam pa ka'i char rab tu 'bab par gyur cig /rigs kyi bu/ gang gi tshe byang chub sems dpa' spos kyi glang
322a7 po ches/ de bzhin gshegs pa rin po che'i snying po'i zhabs la yan lag lngas phyag byas pa de'i tshe kun dga'i ra ba de thams cad me tog tsam pa ka'i char mngon par
322b1 rab tu bab pa dang / de bzhin gshegs pa rin po che'i snying pos bka' stsal pa/ shin tu dri zhim tshogs rab mchog sems longs/ /me tog tsam pa mchog gi char 'di babs/ /rab
322b2 tu gya nom dge ba'i lam ston la/ /'gro ba mang po 'jigs med sgor 'khod cig /rigs kyi bu/ de nas bram ze rgya mtsho'i rdul gyis rgyal bu bcu gcig pa seng ge zhes bya ba la snga ma bzhin
322b3 du sbyar ro/ /ji ltar spos kyi glang po ches smon lam btab pa bzhin de bzhin gshegs pa rin po che'i snying po la rin po che'i rgyal mtshan phul ba dang / de bzhin gshegs pa
322b4 rin po che'i snying pos bka' stsal pa/ skyes bu dam pa/ legs so/ /legs so/ /khyod rin po che'i thog ces bya bar gyur cig /rin po che'i tog khyod ni ma 'ongs pa'i dus na
322b5 bskal pa grangs med pa gang+gA'i klung gcig gi bye ma snyed 'das nas bskal pa grangs med pa gang+gA'i klung gi bye ma snyed gnyis pa la bab pa na 'jig rten gyi khams mngon par
322b6 dga' ba zhes bya ba der de bzhin gshegs pa gser gyi me tog yongs su mya ngan las 'das te/ de'i dam pa'i chos nub nas par gyi bskal pa gsum 'das pa na sangs rgyas kyi
322b7 zhing de rgyal ba'i zla ba zhes bya bar 'gyur ro/ /der khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa
323a1 glang po rnam par bsgrags pa'i dbang phyug dbyangs zhes bya ba sangs rgyas bcom ldan 'das kyi bar du 'gyur ro/ /khyod kyi sangs rgyas kyi zhing yang de bzhin
323a2 gshegs pa mi 'khrugs pa'i sangs rgyas kyi zhing gi yon tan bkod pa ci 'dra ba de lta bur 'gyur ro/ /rin po che'i tog gi sa gsol pa/ btsun pa bcom ldan 'das/ /
323a3 gal te bdag gi re ba 'di lta bu yongs su rdzogs par 'gyur ba lta na de'i slad du gang gi tshe bdag bcom ldan 'das kyi zhabs la phyag 'tshal ba de'i tshe/ ji ltar byang chub
323a4 sems dpa' gang dag byang chub chen po la yang dag par zhugs pa dag sems can thams cad kyi don du snying rje zhing yang dag par rdzogs pa'i byang chub la yang dag par
323a5 zhugs te/ slar mi ldog par 'gyur ba de lta'i dran pa sems can thams cad kyis thob par gyur cig /rigs kyi bu/ de bzhin du byang chub sems dpa' rin po che'i tog
323a6 gis de bzhin gshegs pa rin po che'i snying po'i zhabs la phyag byas pa dang / de bzhin du sems can thams cad kyis kyang 'di lta ste/ sems can thams cad snying rje'i
323a7 sems la bkod par gyur pa de lta bu'i dran pa thob par gyur to/ /rigs kyi bu/ de nas de bzhin gshegs pa rin po che'i snying pos byang chub sems dpa' rin po che'i
323b1 tog la bka' stsal pa/ blo gros legs pa gzugs mchog brtan pa longs/ /sems can phyir ni dam bcas rab brtan byas/ /skye bo mang po rdul bral sems la bzhag /mi mchog
323b2 sangs rgyas rab kyi mchog tu 'gyur/ /de ltar snga ma bzhin du sbyar te/ mnyen des la sogs pa rgyal bu lnga brgyas kyang ji ltar byang chub sems dpa' nam mkha'i phyag rgyas smon
323b3 lam btab cing sangs rgyas kyi zhing gi yon tan bkod pa dag yongs su blangs pa de ltar smon lam btab cing / de lta bu'i sangs rgyas kyi zhing gi yon tan bkod pa yongs su blangs
323b4 nas| thams cad kyang de bzhin gshegs pa rin po che'i snying pos dus gcig tu 'jig rten gyi khams gzhan dang gzhan dag tu bla na med pa yang dag par rdzogs pa'i byang
323b5 chub la reg par 'gyur ro zhes bla na med pa yang dag par rdzogs pa'i byang chub tu lung bstan to/ /gzhan yang rgyal bu bzhi brgyas kyang rdo rjes gcod pa shes rab snang ba'i
323b6 dpal gyis ji lta bu de lta bu'i sangs rgyas zhing gi yon tan bkod pa dag yongs su blangs nas/ de dag thams cad kyang de bzhin gshegs pa rin po che'i snying pos 'jig rten
323b7 gyi khams gzhan dang gzhan dag tu bla na med pa yang dag par rdzogs pa'i byang chub tu lung bstan to/ /gzhan yang rgyal bu dgu bcus kyang kun tu bzang pos ji lta ba de lta bu'i smon
324a1 lam btab cing de lta bu'i sangs rgyas kyi zhing yongs su blangs so/ /khams gyi rgyal po brgyad khri bzhi stong po thams cad kyis kyang so so nas smon
324a2 lam khyad par can dag btab cing / so so nas sangs rgyas kyi zhing gi yon tan bkod pa dag yongs su blangs nas thams cad kyang de bzhin gshegs pa rin po che'i snying
324a3 pos dus gcig tu 'jig rten gyi khams gzhan dang gzhan dag tu byang chub thob par 'gyur ro zhes bla na med pa yang dag par rdzogs pa'i byang chub tu lung bstan to/ /
324a4 de bzhin du srog chags dung phyur phrag dgu dang / bye ba phrag gnyis kyis kyang so so nas smon lam btab cing sangs rgyas kyi zhing gi yon tan bkod pa dag kyang yongs su
324a5 blangs nas/ thams cad kyang de bzhin gshegs pa rin po che'i snying pos de bzhin du khyed cag kyang dus gcig tu 'jig rten gyi khams gzhan dang gzhan dag tu bla na
324a6 med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bla na med pa yang dag par rdzogs pa'i byang chub tu lung bstan to/ /
324a7 rigs kyi bu/ de nas bram ze rgya mtsho'i rdul gyi bu de bzhin gshegs pa rin po che'i snying po'i gcen gcung po brgyad cu po de dag gi thu bo bram ze'i khye'u rgya mtsho'i dbang
324b1 phyug khyab bdag ces bya ba zhig yod de/ rigs kyi bu/ de nas bram ze rgya mtsho'i rdul gyis bram ze'i khye'u rgya mtsho'i dbang phyug khyab bdag la smras pa/ bram ze'i khye'u khyed kyis
324b2 kyang sangs rgyas kyi zhing gi yon tan bkod pa yongs su dag pa yongs su longs shig /bram ze'i khye'u rgya mtsho'i dbang phyug khyab bdag gis smras pa/ yab rje khyod kyis seng
324b3 ge'i sgra sgrogs shig /rgya mtsho'i rdul gyis smras pa/ bu rje khyod kyis smon lam thob cig dang / kho bos phyis smon lam gdab par bya'o/ /des smras pa/ yab gcig sangs rgyas kyi zhing
324b4 yongs su dag pa yongs su blang bar bgyi lags sam/ 'on te yongs su ma dag pa blang bar bgyi lags/ /mdun na 'don gyi gtso bos smras pa/ bram ze'i khye'u gang dag snying rje
324b5 chen po dang ldan pa'i byang chub sems dpa' de dag ni sangs rgyas kyi zhing nyon mongs pa can yongs su len par byed cing / sems can bsam pa nyon mongs pa can
324b6 lta ba log par gyur pa dag 'dul ba'ang yongs su len par byed pas khyod bdag rang gis shes par gyis shig /rigs kyi bu/ de nas bram ze'i khye'u rgya mtsho'i dbang
324b7 phyug khyab pa dag de bzhin gshegs pa rin po che'i snying po ga la ba der dong sta phyin pa dang / de bzhin gshegs pa rin po che'i snying po'i spyan snga na 'dug nas 'di skad
325a1 ces gsol to/ /btsun pa bcom ldan 'das/ bdag gi skye dgu lo brgyad khri thub pa na byang chub dam pa la reg par gyur pa de lta bur bla na med
325a2 pa yang dag par rdzogs pa'i byang chub btsal lags te/ bcom ldan 'das/ ji ltar da ltar gyi sems can rnams 'dod chags chung ba dang / zhe sdang chung ba dang /
325a3 gti mug chung ba dang / skyo ba'i bsam pa can dang / 'khor ba la 'jigs pa dang / skyon du lta ba de ltar gang du bdag mngon par rdzogs par 'tshang rgya bar 'gyur ba'i sangs rgyas
325a4 kyi zhing der sems can rnams kyang de lta bur gyur cig /de dag kyang bdag las rab tu 'byung bar 'gyur zhing / bdag kyang sems can rnams la theg pa gsum po dag
325a5 gis chos ston par gyur cig /btsun pa bcom ldan 'das/ gal te bdag gi re ba 'di lta bu yongs su rdzogs par 'gyur ba lta na/ de'i slad du bcom ldan 'das kyi bdag bla na
325a6 pa yang dag par rdzogs pa'i byang chub tu lung bstan du gsol/ de bzhin gshegs pa rin po che'i snying pos bka' stsal pa/ bram ze'i khye'u khyod ni ma 'ongs pa'i dus na
325a7 bskal pa grangs med pa gang+gA'i klung gcig gi bye ma snyed 'das nas/ bskal pa grangs med pa gang+gA'i klung gi bye ma snyed gnyis pa la ba pa na bskal pa ut+pa la yang dag
325b1 rtog ces bya ba la/ sangs rgyas kyi zhing 'di'i gling bzhi pa mchog ces bya bar 'gyur zhing skye dgu'i lo brgyad khri thub pa na byang chub mngon par thob par 'gyur te/ de bzhin
325b2 gshegs pa rin po che brtsegs pa zhes bya ba sangs rgyas bcom ldan 'das kyi bar du 'gyur ro/ /des gsol pa/ btsun pa bcom ldan 'das/ gal te bdag gi re ba 'di lta
325b3 bu yongs su rdzogs par 'gyur ba lta na de'i slad du kun dga'i ra ba 'di thams cad du mug ti dmar po'i char dag rab tu 'bab par gyur cig /shing ljon pa thams cad las
325b4 kyang yan lag lnga dang ldan pa'i sil snyan gyi sgra dag 'byung bar gyur cig /rigs kyi bu/ gang gi cho bram ze'i khye'u rgya mtsho'i dbang phyug khyab bdag gis de bzhin gshegs
325b5 pa rin po che'i snying po'i zhabs la yan lag lnga sa phyag byas pa de'i tshe kun dga'i ra ba de thams cad du mu tig dmar po'i char dag kyang rab tu bab/ shing ljon pa de thams
325b6 cad las kyang yan lag lnga dang ldan pa'i sil snyan gyi sgra dag byung ba dang / de bzhin gshegs pa rin po che'i snying pos bka' stsal pa/ mthu mchog mi zad shes rab mdzod longs shig/
325b7 sems can snying brtse phan 'dod byams pa'i sems/ /khyod kyi bsam pa dag pa rdzogs 'gyur te/ /'jig rten sems can don mdzad sangs rgyas 'gyur/ /bram ze'i bu gnyis pa
326a1 yang dag 'byung zhes bya ba des kyang rgya mtsho'i dbang phyug khyab bdag gis ji lta ba de bzhin du gsol ba dang / de bzhin gshegs pa rin po
326a2 che'i snying pos bka' stsal pa/ bram ze'i khye'u khyod kyang bskal pa ut+pa la yang dag rtog la sangs rgyas kyi zhing 'di gling bzhi ba'i 'jig rten gyi khams mchog ces bya bar
326a3 'gyur zhing skye dgu'i lo brgyad khrir 'phel ba na de bzhin gshegs pa rnam par snang mdzad me tog ces bya ba sangs rgyas bcom ldan 'das kyi bar du 'gyur ro/ /de bzhin
326a4 du sbyar te/ gsum pas kyang gsol ba dang / lo nyis stong pa na skar ma'i dri zhes bya ba sangs rgyas bcom ldan 'das kyi bar du 'gyur ro zhes lung bstan to/ /de bzhin du
326a5 sbyar te/ 'di ltar de bzhin gshegs pa sna ma'i me tog dang / ri bo'i rgyal po dang / spyan bsdams dang / tshangs mchog dang / dzam+bu'i grib ma dang / gang ba dang / bla ma dang /
326a6 rin chen ri bo dang / rgya mtsho'i snying po dang / sred med kyi bu dang / gtsug tor can dang / gser thub dang / thub dbang dang / kauN+Di n+ya dang / seng ge'i rtsal dang / ye
326a7 shes rgyal mtshan dang / sangs rgyas sgrogs dang / gzhan gyis mi thub dang / rgyas pa dang / rgyal ba dang / phan bzhad dang / shes rab snang ba dang / dbang chen dang / zhi ba dang /
326b1 shes rab 'byung gnas dang / dga' ba dang / n+ya gro d+ha rgyal po dang / gser spyan dang / phan bcas dang / gnyi dga' dang / rin chen gtsug tor can dang / spyan bzang dang / tshangs
326b2 pa dang / mdzes pa dang / tshangs pa khyu mchog dang / sgra rab dang / chos kyi zla ba dang / don mthong dang / snyan pa dang / dga' can dang / grags mchog dang / gzugs bzang dang
326b3 dri zhim dang / grims g.yar dang / rab mchog spyan dang / rab spong dang / don bcas brtul zhugs dang / thugs kyi re ba bzang dang / shes rab mchog dang / gser gyi rgyal mtshan
326b4 dang / spyan mdzes dang / dag pa'i lha dang / zas gtsang dang / legs mthong lha dang / 'phags skyes rgyal mtshan dang / mig mi bzang dang / tshangs dbyangs dang / dpal 'byung
326b5 dang / nga rgyal dpal dang / rdul bral dang / nor bu bzang dang / 'od zer can dang / shAkya thub pa dang / dbyangs kyi dbang phyug dang / bde 'byung ba dang / thu bo dang / yang dag 'byung
326b6 dang | me tog dang / yang dag me tog dang / mi 'khrugs pa dang / nyi ma'i snying po dang / dga' ba'i dbang phyug dang / klus byin dang / rdo rje'i 'od dang / grags pa'i rgyal po dang /
326b7 stag gi 'od zer dang / spyad bcas dang / ye shes 'byung dang / spos kyi dbang phyug dang / sA la'i dbang po dang / sred med kyi bu'i snying po dang / skar ma'i snying po zhes bya ba dag
327a1 tu 'gyur ro zhes lung bstan to/ /rigs kyi bu/ de nas mdun na 'don gyi bu thams cad kyi tha chung 'jigs pa'i gdung bral zhes bya ba gang yin pa
327a2 de'ang de bzhin gshegs pa rin po che'i snying po'i spyan sngar 'dug nas 'di skad ces gsol to/ /btsun pa bcom ldan 'das/ bram ze'i khye'u bdun cu rtsa dgu po 'di dag
327a3 thams cad bskal pa ut+pa la yang dag rtog gi'ang skye ba gnyis pa la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes
327a4 lung bstan pa lags pas na/ btsun pa bcom ldan 'das/ bdag gis kyang bla na med pa yang dag par rdzogs pa'i byang chub tu sems bskyed par bgyi ste/ bskal pa ut+pa
327a5 la yang dag rtog pas par 'gyur ba na thams cad kyi tha mar byang chub mchog la reg par gyur cig /sangs rgyas bdun cu rtsa dgu po de dag gi sku tshe'i tshad ji tsam pa bdag
327a6 byang chub thob pa gcig bu'i tshe'i tshad kyang de tsam du gyur cig /de dag gi 'dul ba ji snyed mchis par gyur pa dang / ji ltar de dag theg pa gsum po dag gis chos ston par
327a7 'gyur ba bdag gcig pu'i yang de snyed du gyur cig /ji ltar de dag gi nyan thos kyi dge 'dun ji snyed mchis par 'gyur ba bdag byang chub thob pa gcig pu'i nyan thos kyi
327b1 dge 'dun yang de snyed du gyur cig /sangs rgyas bdun cu rtsa dgu po de dag byung ba'i bskal ba ut+pa la yang dag rtog de la sems can gang dag gis mi'i lus thob par gyur ba'i
327b2 sems can de dag thams cad kyang bskal ba bas par 'gyur ba na bdag bla na med pa yang dag par rdzogs pa'i byang chub mngon par rdzogs par sangs rgyas nas theg pa gsum po
327b3 dag gi nges pa la dgod par bgyi'o/ /btsun pa bcom ldan 'das/ gal te bdag gi re ba 'di lta bu yongs su rdzogs par 'gyur ba lta na/ de'i slad du btsun pa bcom ldan 'das kyis
327b4 bdag bla na med pa yang dag par rdzogs pa'i byang chub tu lung bstan du gsol/ /rigs kyi bu/ de nas de bzhin gshegs pa rin po che'i snying pos 'jigs pa'i gdung bral
327b5 la legs so zhes bya ba byin te/ skyes bu dam pa khyod sems can bgrang ba las 'das pa dag la snying rje zhing phan par byed par zhugs pa ni legs so/ /legs so/ /bram ze'i
327b6 khye'u khyod ni ma 'ongs pa'i dus na bskal pa grangs med pa gang+gA'i klung gi bye ma snyed gcig 'das nas bskal pa grangs med pa gang+gA'i klung gi bye ma snyed gnyis pa la bab pa na bskal
327b7 pa ut+pa la yang dag rtog de zad kar thams cad kyi tha mar khyod bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs
328a1 pa rdul bral yang dag 'phags mngon 'phags zhes bya ba sangs rgyas bcom ldan 'das kyi bar du 'gyur ro/ /ji ltar sangs rgyas bdun rtsa dgu po
328a2 de dag gi tshe bskal ba phyed du 'gyur ba de bzhin du khyod gcig pu'i yang bskal pa phyed du 'gyur te/ ji ltar smon lam btab pa'i smon lam de dag thams cad kyi bar yang
328a3 dag par 'grub par 'gyur ro/ /des gsol pa/ btsun pa bcom ldan 'das/ gal te bdag gi re ba 'di lta bu yongs su rdzogs par 'gyur ba lta na/ de'i slad du gang gi tshe bdag
328a4 bcom ldan 'das kyi zhabs la yan lag lngas phyag 'tshal ba de'i tshe/ /sangs rgyas kyi zhing 'di thams cad du me tog sngon po'i char shin tu dri bda' ba dag 'bab par gyur
328a5 cig /sems can gang dag gis dri de tshor bar gyur pa de dag thams cad kyi khams rnams rab tu dang zhing mi mthun pa ma mchis par gyur cig /sems can thams cad kyi
328a6 nad rnams kyang rab tu zhi bar gyur cig /rigs kyi bu/ gang gi tshe bram ze'i khye'u 'jigs pa'i gdung bral gyis de bzhin gshegs pa rin po che'i snying po'i zhabs la
328a7 yan lag lngas phyag byas pa de'i tshe de'i dus na sangs rgyas kyi zhing de thams cad du me tog sngon po'i tshar dag kyang rab tu byung ba sems can thams cad kyis kyang dri de
328b1 tshor bar gyur nas de dag thams cad kyi khams rnams kyang snyoms shing mi mthun pa med par gnas par gyur/ de na sems can thams cad la nad med cing gnod pa med
328b2 par gyur pa dang / de bzhin gshegs pa rin po che'i snying pos bka' stsal pa/ snying rje brtul zhugs dul ba'i sems longs shig /'jig rten mgon po mang
328b3 po mchod 'gyur zhing / /nyon mongs g.yo mdud dam po gcod 'gyur te/ /dge ba dam pa shes rab mdzod du 'gyur// //bam po brgyad pa rigs
328b4 kyi bu bram ze de'i slob ma bye ba phrag gsum kun dga'i ra ba'i sgo na 'dug pa de dag gis kyang sems can 'ongs pa rnams gsum la skyabs su 'gro ba la bkod cing byang chub
328b5 yang dag par 'dzin du bcug go /rigs kyi bu/ de nas bram ze rgya mtsho'i rdul gyis slob ma de dag la smras pa/ kye bram ze'i khye'u dag /bla na med pa yang dag par rdzogs
328b6 pa'i byang chub tu sems bskyed la sangs rgyas kyi zhang gi yon tan bkod pa ji lta bu 'dod pa dag kyang longs shig /smon lam ji lta bu 'dod pa dag kyang bcom ldan 'das kyi
328b7 spyan sngar thob cig /de nas bram ze'i khye'u skar ma'i khyu mchog gis smras pa/ lam ji lta bu dang / tshogs ji lta bu dang / spyod pa ji lta bu dang / rjes su dran pa ji lta bus byang
329a1 chub 'thob par 'gyur lags/ mdun na 'don gyis smras pa/ bram ze'i khye'u byang chub kyi lam la zhugs pa'i byang chub sems dpas mi zad
329a2 pa'i mdzod bzhi po 'di dag yang dag par bsgrub par bya ste/ bzhi gang zhe na/ bsod nams kyi tshogs mi zad pa dang / ye shes kyi tshogs mi zad pa dang / shes rab kyi
329a3 tshogs mi zad pa dang / chos thams cad yang dag par sgrub pa'i tshogs mi zad pa ste/ rigs kyi bu/ lam de ni de lta bu yin no/ /bram ze'i khye'u de bzhin gshegs
329a4 pas kyang 'di skad du byang chub sems dpa' rnams ni tshogs rnam par dag pa sdud pa zhes bya ba tshogs nyams su len par byed pa/ chos kyi sgo sbyin pa'i tshogs yongs su gtod
329a5 bar byed de/ des ni 'dul ba'i sems can yongs su smin par byed par 'gyur ro/ /byang chub sems dpa' rnams kyi tshul khrims kyi tshogs ni smon lam yongs su rdzogs par
329a6 byed par 'gyur ro/ /byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs par byed par 'gyur ro/ /byang chub sems dpa'
329a7 rnams kyi brtson 'grus kyi tshogs ni dgos pa thams cad byed par 'gyur ro/ /byang chub sems dpa' rnams kyi bsam gtan gyi tshogs ni cang shes kyi sems su byed
329b1 bar 'gyur ro/ /byang chub sems dpa' rnams kyi shes rab kyi tshogs ni nyon mongs pa thams cad yongs su shes par byed par 'gyur ro/ /byang chub sems dpa' rnams
329b2 kyi thos pa'i tshogs ni rtogs pa thogs pa med par byed par 'gyur ro/ /byang chub sems dpa' rnams kyi bsod nams kyi tshogs ni sems can thams cad nye bar 'tsho bar
329b3 byed par 'gyur ro/ /byang chub sems dpa' rnams kyi ye shes kyi tshogs ni shes pa thogs pa med par bye dpar 'gyur ro/ /byang chub sems dpa' rnams kyi zhi gnas kyi tshogs ni
329b4 sems las su rung bar byed par 'gyur ro/ /byang chub sems dpa' rnams kyi lhag mthong gi tshogs ni the tshom dang bral bar byed par 'gyur ro/ /byang chub sems dpa'
329b5 rnams kyi byams pa'i tshogs ni zhe 'gras pa med pa'i sems su byed par 'gyur ro/ /byang chub sems dpa' rnams kyi snying rje'i tshogs ni 'dul ba la mi skyo bar byed par 'gyur
329b6 ro/ /byang chub sems dpa' rnams kyi dga' ba'i tshogs ni chos kyi kun dga' la dga' mos par byed par 'gyur ro/ /byang chub sems dpa' rnams kyi btang snyoms kyi tshogs
329b7 ni rjes su chags pa dang / khong khro ba spong bar byed par 'gyur ro/ /byang chub sems dpa'i rnams kyi chos nyan pa'i tshogs ni sgrib pa spong bar byed par 'gyur ro/ /byang chub
330a1 sems dpa' rnams kyi mngon par 'byung ba'i tshogs ni yongs su 'dzin pa thams cad spong bar byed par 'gyur ro/ /byang chub sems dpa' rnams kyi
330a2 dgon par gnas pa'i tshogs ni dge ba'i las byas pa chud mi za bar byed par 'gyur ro/ /byang chub sems dpa' rnams kyi dge ba spel ba sgom pa'i tshogs ni dge ba'i rtsa
330a3 ba thams cad byed par 'gyur ro/ /byang chub sems dpa' rnams kyi dran pa'i tshogs ni gzungs thob par byed par 'gyur ro/ /byang chub sems dpa' rnams kyi blo gros
330a4 kyi tshogs ni blo'i bye brag 'byed par 'gyur ro/ /byang chub sems dpa' rnams kyi mos pa'i tshogs ni don gyi rnam pa'i rjes su rtogs par byed par 'gyur ro/ /byang chub
330a5 sems dpa' rnams kyi dran pa nye bar bzhag ba'i tshogs ni lus dang / tshor ba dang / sems dang / chos la so sor rtog par byed par 'gyur ro/ /byang chub sems
330a6 dpa' rnams kyi yang dag pa'i spong ba'i tshogs ni dge ba'i chos thams cad bsgom pa yongs su rdzogs par byed pa 'gyur ro/ /byang chub sems dpa' rnams kyi rdzu 'phrul
330a7 gyi rkang pa'i tshogs ni lus dang / sems yang ba nyid du byed par 'gyur ro/ /byang chub sems dpa' rnams kyi dbang po'i tshogs ni sdom pa yongs su rdzogs par byed
330b1 par 'gyur ro/ /byang chub sems dpa' rnams kyi stobs kyi tshogs ni nyon mongs pa thams cad 'joms par byed par 'gyur ro/ /byang chub sems dpa' rnams kyi
330b2 byang chub kyi yan lag gi tshogs ni chos kyi ngo bo nyid khong du chud par byed par 'gyur ro/ /byang chub sems dpa' rnams kyi snying por byed pa drug gi tshogs ni 'dul ba'i
330b3 sems can rnams yongs su dag par byed par 'gyur ro/ /zhes gsungs te/ bram ze'i khye'u tshogs rnam par dag pa sdud pa zhes bya ba de ni tshogs nyams su lon par byed
330b4 pa'i chos kyi sgo yin no/ /des smras pa/ bcom ldan 'das kyis sbyin pa'i tshogs ni longs spyod chen po dang / g.yog 'khor mang por 'gyur bar gsungs la/ bcom ldan 'das
330b5 kyis tshul khrims ni mtho ris su skye bar 'gyur ba dang / thos pas ni shes rab chen por 'gyur ba dang / dad pa dang / 'tsho ba dang / sgom pa ni 'khor ba las rgal bar byed
330b6 na par bstan to/ /mdun na 'don gyis smras pa dang / bram ze'i khye'u gang dag 'khor ba la mngon par dga' ba rnams ni sbyin pa spyin par byed de/ /bram ze'i khye'u/ de'ang 'di skad
330b7 du rigs kyi bu'am/ rigs kyi bu mo gang dag byang chub kyi lam la zhugs pa de dag gis ni rul ba'i sems kyis sbyin pa sbyin par bya'o/ /zhi gnas kyi sems kyis tshul
331a1 khrims bsrung bar bya'o/ /rnyog pa med pa'i sems kyis thos pa yongs su btsal bar bya'o/ /snying rje chen po'i sems kyis bsgom pa bsgom
331a2 par bya'o/ /chos lhag ma rnams kyang shes rab dang / ye shes dang / thabs kyi tshogs yang dag par bsgrub pa'i phyir yongs su btsal bar bya'o zhes gsungs pa lta bu
331a3 ste| bram ze'i khye'u/ de ni byang chub kyi lam yin no/ /tshogs de lta bus byang chub thob par 'gyur te/ bram ze'i khye'u/ bsgom pa ni de lta bu yin/ dran pa ni de lta bu
331a4 yin| byang chub kyi lam gyi spyod pa ni de lta bu yin gyi/ bram ze'i khye'u/ byang chub tu 'dun pa skyed cig /bram ze'i khye'u/ byang chub kyi lam ni yang dag pa yin gyi/ bsam
331a5 pa thag pa nas smon lam thob cig dang yongs su rdzogs par 'gyur ro/ /bram ze'i khye'u/ bsam pa thag pas byang chub kyi lam ni dang ba yin no/ /bram ze'i khye'u/
331a6 g.yo med pas rnam par dag pa ste/ nyon mongs pa rab tu bsal bas byang chub kyi lam ni drang ba yin no/ /bram ze'i khye'u/ bla na med pa'i mya ngan las 'das pa'i mthar
331a7 thug pas byang chub kyi lam ni grub pa dang / bde ba yin gyi/ smon lam thob la sangs rgyas kyi zhing gi yon tan bkod pa yongs su dag pa'am/ yongs su ma dag pa ji
331b1 lta bu 'dod pa long zhig /rigs kyi bu/ de nas bram ze'i khye'u skar ma'i khyu mchog gis de bzhin gshegs pa rin po che'i snying po'i spyan sngar pus mo g.yas pa'i lha nga sa la
331b2 btsugs te 'dug nas 'di skad ces gsol to/ /btsun pa bcom ldan 'das/ bdag gis kyang bla na med pa yang dag par rdzogs pa'i byang chub tu sems bskyed par bgyi ste/
331b3 sems can 'dod chags chung ba rnams dang / zhe sdang chung ba rnams dang / gti mug chung ba rnams dang / sems 'khrul pa ma mchis zhing ma 'khrul ba rnams dang / 'khon
331b4 pa'i sems ma mchis pa rnams dang / phrag dog dang ser sna'i sems rnam par spangs pa rnams dang / log par lta ba'i sems yongs su spangs pa rnams dang / yang dag pa'i
331b5 lta ba'i sems la gnas pa rnams dang / dge bar sems pa rnams dang / dge ba yongs su tshol bar sems pa rnams dang / ngan song gsum gyi lam rnam par spong bar sems
331b6 pa rnams dang / mtho ris kyi lam gsum la brtson par sems pa rnams dang / bsod nams bya ba'i dngos po gsum po dag gis dge ba'i rtsa ba yang dag par sdud pa rnams
331b7 dang / theg pa gsum po dag la brtson par sems dpa' rnams kyi slad du bdag kyang sangs rgyas kyi zhing nyon mongs pa can 'dir bla na med pa yang dag rdzogs pa'i byang
332a1 chub mngon par rdzogs par 'tshang rgya bar gyur cig /btsun pa bcom ldan 'das/ gal te bdag gi re ba 'di lta bu yongs su rdzogs par
332a2 'gyur ba lta na de'i slad du bdag gi sug pa lag pa gnyis su glang po che'i gtso bo dag 'byung bar gyur cig /tshig de skad ces smras ma thag tu bcom ldan 'das kyi mthus de'i
332a3 lag pa gnyis su glang po che'i gtso bo thal kar yan lag bdun shin tu gnas pa dag byung bar gyur pa mthong nas/ des smras pa/ khyed cag cung zad tsam zhig thams cad
332a4 dang ldan pa'i sangs rgyas kyi zhing 'di'i steng gi nam mkha' la deng la/ yan lag brgyad dang ldan pa'i char shin tu dri zhim pa dag gis sangs rgyas kyi zhing 'di nas
332a5 sems can thams cad sad par gyis shig /de'i thigs pas sems can thams cad sad par gyis shig /de'i thigs pas sems can gang dag gi lus la phog gam/
332a6 gang dag gis dri tshor bar gyur pa de dag gi sgrib pa lnga spangs par gyur cig /'di lta ste/ 'dod pa la 'dun pa'i sgrib pa spangs par gyur cig /gnod sems dang / rmugs
332a7 pa dang / gnyid dang / rgod pa dang / 'gyod pa dang / the tshom gyi sgrib pa sbyangs par gyur cig /tshig de skad ces smras ma thag tu glang po che de dag steng gi bar snang la 'di ltar
332b1 mgyogs par dong ste/ 'di lta ste/ dper na/ skyes bu stobs dang ldan pas lag pa brkyad pa las bskum pa'am/ bskum pa las brkyang pa de bzhin du de ltar mgyogs par dong
332b2 nas| glang po che'i gtso bo de dag gis ji skad sngar smras pa'i bya ba dag byas nas phyir log ste de'i mdun du la bod do/ /rigs kyi bu/ de nas bram ze'i khye'u skar ma'i khyu mchog shin
332b3 tu yid dga' bar gyur pa dang / de la de bzhin gshegs pa rin po che'i snying pos bka' stsal pa/ rigs kyi bu khyod ni ma 'ongs pa'i dus na bskal pa grangs med pa gang+gA'i klung
332b4 gi bye ma snyed gnyis pa la bab na bskal pa sgra snang zhes bya ba la gling bzhi pa 'dir sangs rgyas kyi zhing sgra yang dag par bsags pa zhes bya ba zhig 'byung bar 'gyur ba de bzhin
332b5 gshegs pa rin po che chen po'i gdugs mngon par 'phags pa'i 'od zer zhes bya ba sangs rgyas bcom ldan 'das kyi bar du 'gyur ro/ /rigs kyi bu/ de nas byang chub sems
332b6 dpa' skar ma'i khyu mchog gis/ de bzhin gshegs pa rin po che'i snying po'i zhabs la yan lag lngas gtugs pa dang / de bzhin gshegs pa rin po che'i snying pos bka'
332b7 stsal pa/ rdul dang rnam bral sems can rnam dag longs/ /khyod kyi sems can bye mang lung bstan to/ /byang chub phyir ni rab dag lam sbyong zhing / rgyal mchog sems can rnams
333a1 kyi 'dren par 'gyur/ de bzhin du sbyar te/ bram ze'i khye'u stong dang / bram ze'i khye'u bye ba phrag gsum po gang dag gis sangs rgyas kyi zhing 'dir bla na
333a2 med pa yang dag par rdzogs pa'i byang chub tu smon lam btab pa de dag thams cad kyang de bzhin gshegs pa rin po che'i snying pos lung bstan te/ tha ma ni sangs rgyas
333a3 rnam par gzigs dang / gtsug tor can dang / thams cad skyob kyi bar dag tu 'gyur ro/ /bram ze'i khye'u lung bstan pa de dag thams cad las gang dag rig byed klog pa'i
333a4 bram ze stong zhig yod pa'i thu bo mang pos bla mar bkur ba khyab 'jug rlung zhes bya ba des gsol pa/ bdag ni sangs rgyas kyi zhing snyigs ma lnga dang ldan par bla na med pa
333a5 yang dag par rdzogs pa'i byang chub la reg par gyur cig /'dod chags bdo ba dang / zhe sdang bdo ba dang / gti mug bdo ba'i sems can rnams la chos ston par gyur cig /bram
333a6 ze'i khye'u skar ma skyong zhes bya ba des smras pa/ kye mkhan po khyab 'jug rlung 'dis don gyi dbang ji zhig mthong na sangs rgyas kyi zhing snyigs ma lnga dang ldan par smon lam
333a7 'debs par bgyid lags/ 'dun na 'don gyis smras pa/ snying rje chen po dang ldan pa'i byang chub sems dpa' gang yin pa de ni sangs rgyas kyi zhing snyigs ma lnga dang
333b1 ldan par byang chub thob par byed cing / sems can skyabs med pa rnams dang / dpung gnyen med pa rnams dang / nyon mongs pa ngag gis gtses pa rnams dang / lta bas nyon mongs
333b2 par gyur pa rnams kyi don byed cing skyabs dang dpung gnyen du 'gyur ba dang / sems can rnams skye ba'i rgya mtsho las sgrol bar byed pa dang / yang dag pa'i lta ba la rab tu 'god
333b3 par byed cing sems can rnams mya ngan las 'das pa'i bdud rtsi'i ros tshim par byed do zhes grag ste/ gang gi phyir sangs rgyas kyi zhing snyigs ma lnga dang ldan par smon
333b4 lam 'debs par byed pa de ni byang chub sems dpa'i snying rje chen po yin par snang ngo / /de bzhin gshegs pa rin po che'i snying pos bka' stsal pa/ khyab 'jug rlung khyod ni
333b5 ma 'ongs pa'i dus na bskal pa grangs med pa gang+gA'i klung gcig gi bye ma snyed 'das nas bskal pa grangs med pa gang+gA'i klung gi bye ma snyed gnyis pa la bab pa na shar phyogs
333b6 logs su sangs rgyas kyi zhing sangs rgyas kyi zhing gi rdul phra rab kyi rdul snyed 'das pa de na 'jig rten gyi khams ngur smrig gi rgyal mtshan zhes bya ba zhig yod de/ skyes bu dam
333b7 pa khyod der bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa ri dbang rgyal po zhes bya ba sangs rgyas bcom
334a1 ldan 'das kyi bar du 'gyur ro/ /khyab 'jug rlung gis gsol pa/ btsun pa bcom ldan 'das/ gal te bdag gi re ba 'di lta bu yongs su
334a2 rdzogs par 'gyur ba lta na/ de'i slad du gang gi tshe bdag bcom ldan 'das kyi zhabs la yan lag lngas phyag 'tshal ba de'i tshe/ bcom ldan 'das kyi zhabs bsod
334a3 nams brgya'i mtshan gyis brgyan pa gnyis bdag gi spyi bor 'jog par gyur cig /rigs kyi bu/ gang gi tshe bram ze'i khye'u khyab 'jug rlung gis bcom ldan 'das kyi zhabs
334a4 la mgo bos gtugs pa de'i tshe de bzhin gshegs pa rin po che'i snying pos byang chub sems dpa' khyab 'jug rlung gi spyi bor zhabs gnyis bzhag ste bka' stsal pa/ snying rje bsam pa shes rab rnon po longs/
334a5 /byang chub mchog phyir spyad pa spyod gyis la/ /brtan pa nyon mongs 'ching ba dam chod cig /khyod ni phan pas snying brtse sangs
334a6 rgyas 'gyur/ /rigs kyi bu/ de nas bram ze'i khye'u skar ma skyong gis bcom ldan 'das de bzhin gshegs pa rin po che'i snying po la pus mo g.yas pa'i lha nga sa la
334a7 btsugs te gsol pa/ btsun pa bcom ldan 'das/ bdag gis kyang bla na med pa yang dag par rdzogs pa'i byang chub tu sems bskyed par bgyi ste/ sangs rgyas kyi zhing
334b1 'dir sems can 'dod chags dang / zhe sdang dang / gti mug gi sems du mnyam pa rnams dang / dge ba dang mi dge ba'i bsam pa la mi gnas pa'i skye dgu tshe lo bzhi khri
334b2 thub pa na bla na med pa yang dag par rdzogs pa'i byang chub mngon par 'tshang rgya bar gyur cig /de bzhin gshegs pa rin po che'i snying pos bka' stsal pa/ bskal pa grangs med pa
334b3 gang+gA'i klung gcig gi bye ma snyed 'das nas bskal pa grangs med pa gnyis pa la bab pa na 'jig rten gyi khams 'di ni mi mjed ces bya bar 'gyur te/ ci'i phyir 'jig rten gyi
334b4 khams de ni mi mjed ces bya zhe na/ sems can de dag 'dod chags la mi mjed pa dang / de dag zhe sdang la mi mjed pa dang / gti mug la mi mjed pa dang / nyon mongs pa'i
334b5 'chid ba rnams la mi mjed pas de'i phyir 'jig rten gyi khams de ni mi mjed ces bya'o/ /'jig rten gyi khams mi mjed der bskal pa chen po bzang po zhes bya 'byung bar
334b6 'gyur te/ ci'i phyir bzang po zhes bya zhe na/ bskal pa chen po bzang po de la sems can 'dod chags dang / zhe sdang dang / gti mug spyod pa rnams kyi nang du rdzogs pa'i sangs
334b7 rgyas bcom ldan 'das thugs rje chen po dang ldan pa stong 'byung bar 'gyur ba'i phyir te/ skyes bu dam pa khyod kyang bskal pa chen po bzang po byung zhing / skye dgu'i tshe lo bzhi khri
335a1 thub pa na thams cad kyi dang por bla na med pa yang dag par rdzogs pa'i byang chub mngon par rdzogs par 'tshangs rgya bar 'gyur te/ de bzhin gshegs
335a2 pa 'khor ba 'jig ces bya ba sangs rgyas bcom ldan 'das kyi bar du 'gyur zhing / theg pa gsum po dag gi chos ston par 'gyur te/ 'khor ba'i chu bos bdas pa'i sems
335a3 can bgrang ba las 'das pa dag kyang sgrol bar 'gyur zhing mya ngan las 'das pa'i pha rol tu 'god par yang 'gyur ro/ /rigs kyi bu/ de nas byang chub sems dpa' skar ma
335a4 skyong gis de bzhin gshegs pa rin po che'i snying po'i zhabs la yan lag lngas mgo bos phyag byas nas langs te phyogs gcig tu 'dug go/ /rigs kyi bu/ de nas bram ze'u
335a5 khye'u gnyis pa tam bu ru zhes bya ba'ang de bzhin gshegs pa rin po che'i snying po'i spyan sngar 'dug ste gsol pa/ btsun pa bcom ldan 'das/ bdag kyang de bzhin
335a6 gshegs pa 'khor ba 'jig gi rjes su mtshams sbyor zhing / 'jig rten gyi skye dgu tshe lo sum khri thub pa na sangs rgyas su 'byung bar gyur cig /de bzhin gshegs
335a7 pa rin po che'i snying pos bka' stsal pa/ bram ze'i khye'u khyod ni bskal pa grangs med pa gang+gA'i klung gcig gi bye ma snyed 'das nas bskal pa grangs med pa gang+gA'i klung
335b1 bye ma snyed gnyis pa la bab pa na sangs rgyas kyi zhing mi mjed du bskal pa bzang po byung ba'i tes/ de bzhin gshegs pa 'khor ba 'jig gi rjes su mtshams sbyor zhing skye
335b2 dgu'i tshe lo sum khri thub pa na de bzhin gshegs pa dgra bcom pa yang dag par rdzogs pa'i sangs rgyas gser thub ces bya bar 'gyur te/ 'jig rten du sgra rnam par grags
335b3 par 'gyur ro/ /des bcom ldan 'das las lung bstan pa thos nas/ de bzhin gshegs pa rin po che'i snying po'i zhabs la mgo bos phyag 'tshal te bskor ba byas nas/ de
335b4 bzhin gshegs pa rin po che'i snying po'i spyan sngar 'dug ste/ me tog dag gis bcom ldan 'das kyi sku la 'thor zhing thal mo sbyar nas bcom ldan 'das la tshigs su bcad
335b5 pa dag gis mngon par bstod pa/ shin tu 'brel pa legs bsgrags rab snyan gsung ba po/ /ma 'khrul ma 'dres ma rnyogs dri ma mi mnga' ba/ /khyad 'phags shin tu sdom
335b6 brtson blo rab blo gros ldan/ /drang srong dam pa khyod mdzes thub gtso khyu mchog lags/ /yon tan brgyas gtams yon tan mang po stsol ba khyod/ /thub mchog bde ba mdzad
335b7 pa mi yi dam pas btud/ /srid pa gsum na khyod 'dra'i sems gzhan ma mchis/ /deng khyod sems can mang po byang chub lam lung bstan/ /rigs kyi bu/ de nas bram ze'i
336a1 khye'u kun gyis bsrungs zhes bya bas de bzhin gshegs pa rin po che'i snying po'i spyan sngar rin po che sna bdun gyi khri'u bzhag ste/ rin thang
336a2 'bum gyi bshams pas bshams nas khri'u de la gser gyi lhung bzed rin po che sna bdun gyis yongs su bkang ba dang / gser gyi ril ba b+h+ring ga ra dang / rin po che sna
336a3 bdun gyi mchod sdong dag bzhag ste/ sangs rgyas la sogs pa dge slong gi dge 'dun la phul nas des gsol pa/ btsun pa bcom ldan 'das/ bdag kyang ma 'ongs
336a4 pa'i dus na bskal pa grangs ma mchis pa gang+gA'i klung gcig gi bye ma snyed 'das nas bskal pa grangs ma mchis pa gang+gA'i klung gi bye ma snyed gnyis pa la bab pa na
336a5 bskal pa bzang po de la tshe 'grib pa dang / rtsod pa'i dus kyi mtshan ma byung ba dang / sems can 'dod chags dang / zhe sdang dang / gti mug bdo zhing / nga rgyal dang / phrag
336a6 dog dang / ser snas kun nas dkris pa rnams dang / sems can log par lta ba dang / mi dge ba'i bshes gnyen la rten pa dang / mi dge ba'i rtsa ba'i sems kun
336a7 nas langs pa dang / dge ba'i rtsa ba'i sems yongs su nyams pa dang / yang dag pa'i lta ba'i sems rnam par spangs pa dang / log pas 'tsho zhing mi dge ba'i sems
336b1 dang ldan pa rnams kyi nang du de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan par 'gyur zhing / de bzhin gshegs pa gser
336b2 thub yongs su mya ngan las 'das te/ dam pa'i chos nub nas 'jig rten long bar 'gyur zhing / 'dren pa ma mchis pa skye dgu'i tshe lo nyi khri thub pa na bdag bla na med pa yang dag
336b3 par rdzogs pa'i byang chub mngon par rdzogs par 'tshang rgya bar gyur cig /rigs kyi bu/ de nas de bzhin gshegs pa rin po che'i snying pos bram ze kun gyi bsrungs la bka' stsal
336b4 pa/ bram ze/ legs so/ /legs so/ /skyes bu dam pa khyod kyis rtsod pa'i dus kyi mtshan ma byung zhing skye dgu'i tshe lo nyi khri thub pa'i bar dang / 'jig rten long bar gyur cing
336b5 'dren pa med pa'i nang du smon lam btab pa ni rtogs pa che zhing ye shes dang ldan pa yin pas/ rigs kyi bu/ de'i phyir khyod mkhas mdzod snying rje rten ces bya bar gyur cig /
336b6 mkhas mdzod snying rje rten khyod ni ma 'ongs pa'i dus na bskal pa grangs med pa gang+gA'i klung gcig gi bye ma snyed 'das nas bskal pa grangs med pa gnyis pa la bab pa na 'jig rten
336b7 gyi khams mi mjed du bskal pa bzang po byung zhing skye dgu'i tshe lo nyi khri thub pa na de bzhin gshegs pa 'od srung zhes bya ba sangs rgyas bcom ldan 'das kyi bar du 'gyur ro/ /
337a1 rigs kyi bu/ de nas byang chub sems dpa' mkhas mdzod snying rje rten gyis de bzhin gshegs pa rin po che'i snying po'i zhabs la yan lag lngas
337a2 phyag byas te phyogs gcig tu 'dug nas/ de bzhin gshegs pa rin po che'i snying po la me tog dang / me tog phreng dang / spos dang / phye ma dag gis gtor nas tshigs su
337a3 bcad pa 'di dag gis mngon par bstod do/ /mi mchog phan pa mdzad pa dga' bar bgyid pa skyed pa po/ /zhal 'dzum rab tu dgyes pa shin tu snyan pa'i gsung mnga'
337a4 ba| |gnas mkhyen mkhas pa phan pa mdzad pa stobs bcu rab mchog ldan/ /ye shes bsam gtan rnam par mthar phyin bde gshegs khyod la bdud/ /spyod pa mang
337a5 po spyod pa zhal ni rnam rgyas pa/ /khyod kyis byang chub sems dpa' khrag khrig phrag mang po/ /gzhal yas byang chub slad du lung yang bstan pa mdzad/ /mi mchog bde
337a6 bar gshegs pa khyod la phyag 'tshal lo/ /rigs kyi bu/ de nas bram ze rgya mtsho'i rdul gyis bram ze'i khye'u bzhi pa bgrod bya'i bu dri ma med ces bya ba la yang dag par
337a7 bskul to/ /rigs kyi bu/ de nas bram ze'i khye'u bgrod bya'i bu dri ma med de bzhin gshegs pa rin po che'i snying po'i spyan sngar 'dug ste gsol pa/ btsun pa bcom ldan
337b1 'das/ bdag kyang de bzhin du bskal pa bzang po de la byang chub par 'tshal mod kyi/ rtsod pa'i dus de lta bu 'ba' zhig mi 'tshal te/ ji ltar de bzhin gshegs pa 'od srung
337b2 yongs su mya ngan las 'das nas skye dgu tshe lo khri thub pa nas sems can sbyin pa dang / dul ba dang / yang dag par sdom pa'i bsam pa bas pa rnams dang / nor bdun dang bral
337b3 pa rnams dang / mi dge ba'i bshes gnyen la ston par 'du shes par sems pa la zhugs pa rnams dang / bsod nams bya ba'i dngos po gsum po dag don du mi gnyer ba rnams
337b4 dang | legs par spyod pa gsum dang brel ba rnams dang / nyes par spyod pa gsum po dag la brtson pa rnams dang / nyon mongs pa'i mun pas sems rnam par dkrugs pa
337b5 rnams dang / theg pa gsum po dag don du mi gnyer ba de'i dus su ni sus kyang byang chub kyi spyad pa sgrub par rdo mi thog lags na/ skye dgu tshe lo stong thub pa na lta smos kyang ci 'tshal
337b6 te| sems can de dag kyang tshe lo brgya ba'i bar du 'gyur te/ de'i dus na ni sems can rnams la dge ba'i rtsa ba ming yang ma mchis na dge ba'i rtsa ba spyod pa rnams lta smos kyang ci
337b7 'tshal/ re zhig snyigs ma lnga dang ldan pa'i 'jig rten tshe 'bri zhing lo brgya par gyur nas/ mtshon gyi bskal pa bar ma nye bar gnas par gyur pa de'i dus na bdag lha rnams
338a1 kyi nang nas babs shing sems can rnams yongs su skyob par gyur cig /mi dge ba spangs nas dge ba la spyod par gyur cig /sems can
338a2 rnams dge ba bcu'i las kyi lam gyi bar dag la rab tu 'god par gyur cig /sems can rnams kyi nyon mongs pa dag kyang dge ba'i las kyi lam rnams kyis yongs su sbyong bar
338a3 gyur cig /theg pa gsum po dag la yang sbyor bar gyur cig /snyigs ma lnga dag yongs su spong bar gyur cig /skye dgu'i tshe lo brgyad khri thub pa na bdag bla na med pa yang dag
338a4 par rdzogs pa'i byang chub mngon par rdzogs par 'tshang rgya bar gyur cig /'dod chags dang / zhe sdang dang / gti mug dang / ma rig pa dang / phrag dog dang / ser sna chung
338a5 ba'i sems can rnams la chos ston cing theg pa gsum po dag la yang dag par sbyor bar gyur cig /btsun pa bcom ldan 'das/ gal te bdag gi re ba 'di lta bu yongs su
338a6 rdzogs par 'gyur ba lta na de'i slad du btsun pa bcom ldan 'das kyis bdag bla na med pa yang dag par rdzogs pa'i byang chub tu lung bstan du gsol/ /btsun pa bcom ldan
338a7 'das/ gang gi tshe bdag de ltar lung bstan pa thob nas theg pa gang gis myur du 'khor ba las 'grol bar 'gyur ba'i nyan thos kyi sa'ang don du mi gnyer la/ rang sangs
338b1 rgyas kyi sa'ang don mi gnyer lags so/ /de bzhin gshegs pa rin po che'i snying pos bka' stsal pa/ bram ze'i khye'u/ byang chub sems dpa' le lo can rnams kyi dngos po ni
338b2 bzhi po 'di dag yin te/ le lo'i dngos po de dag dang ldan pa'i byang chub sems dpa' kha cig ni yun ring por 'khor bar 'dod de/ lta ba'i g.yang sa dang / 'khor ba'i btson rar
338b3 sdug bsngal nyams su myong bar 'gyur zhing bla na med pa yang dag par rdzogs pa'i byang chub kyang myur du 'thob par mi 'gyur ro/ /bzhi gang zhe na/ 'di la byang chub sems dpa'
338b4 la la cho ga dman pa dang / grogs dman pa dang / yongs su gtong ba dman pa dang / smon lam dman pa yin te/ ji ltar na byang chub sems dpa' cho ga dman pa yin zhe na/
338b5 'di la lus dang / ngag dang / yid kyi spyod pa ma bsdams shing tshul khrims 'chal ba dang / nyan thos dang / rang sangs rgyas kyi theg pa pa'i sems can rnams dang lhan cig
338b6 'grogs zhing rgyu ba dang / thams cad yongs su mi gtong zhing kun la'ang yongs su mi gtong ba lha dang mi'i dpal dang bde ba 'dod pa'i phyir sbyin pa sbyin par byed pa dang /
338b7 lha/ pa'i bsam pas sangs rgyas kyi zhing gi yon tan bkod pa yongs su mi len cing 'dul ba la rtog pa'i smon lam yang yongs su mi len pa yin te/ chos bzhi po de dag dang
339a1 ldan pa'i byang chub sems dpa' le lo can ni yun ring por 'khor ba'i btson rar sdug bsngal nyams su myong bar 'gyur zhing bla na med pa yang
339a2 dag par rdzogs pa'i byang chub kyang myur du thob par mi 'gyur ro/ /byang chub sems dpa' chos bzhi dang ldan na myur du bla na med pa yang dag par rdzogs pa'i byang chub mngon
339a3 par rdzogs par 'tshang rgya bar 'gyur te/ bzhi gang zhe na/ lus dang ngag dang yid kyi spyod pa bsdams shing tshul khrims dang ldan pa dang / theg pa chen po la yang dag
339a4 par zhugs pa rnams dang lhan cig 'grogs shing rgyu ba dang / thams cad yongs su gtong zhing kun la'ang yongs su gtong la sems can rnams sdug bsngal las
339a5 yongs su thar bar bya ba'i phyir snying rje'i sems bskyed cing sbyin par byed pa dang / lhag pa'i bsam pas sangs rgyas kyi zhing gi yon tan bkod pa dang / 'dul ba la
339a6 rtog pa'i smon lam yongs su 'dzin par byed pa ste/ chos bzhi po de dag dang ldan pa'i byang chub sems dpa' ni myur du bla na med pa yang dag par rdzogs pa'i byang chub
339a7 mngon par rdzogs 'tshang rgya bar 'gyur ro/ /chos bzhi po 'di dag ni byang chub sems dpa' rnams kyi lam nye bar rton par byed pa yin te/ bzhi gang zhe na/ pha rol
339b1 tu phyin pa rnams la mngon par brtson pa dang / sems can rnams la bsdu ba'i dngos po gtong ba dang / tshangs pa'i gnas pa mngon par sgrub pa dang / mngon par shes pa rnams
339b2 kyis rnam par rtse ba yin no/ /byang chub sems dpa' chos bzhis ngoms mi myong bar gnas par bya ste/ bzhi gang zhe na/ sbyin pas ngoms mi myong ba dang / chos nyan pas
339b3 ngoms mi myong ba dang / bsgom pas ngoms mi myong ba dang / sems can rnams la bsdu ba'i dngos pos ngoms mi myong bar gnas par bya ba dag go/ byang chub sems dpas
339b4 mi zad pa'i gter bzhi po 'di dag yongs su rdzogs par bya ste/ bzhi gang zhe na/ byang chub sems dpas dad pa mi zad pa'i gter yongs su rdzogs par bya ba dang / chos
339b5 bstan pa dang / yongs su bsngo ba dang / sems can dbul po yongs su gzung ba mi zad pa'i gter yongs su rdzogs par bya ba dag go/ /bzhi po 'di dag ni bdag med pa'i
339b6 phyir byang chub sems dpa'i yongs su dag pa yin te/ bzhi gang zhe na/ sems can med pa'i phyir tshul khrims yongs su dag pa dang / srog med pa'i phyir ting nge 'dzin yongs
339b7 su dag pa dang / gang zag med pa'i phyir shes rab yongs su dag pa dang / rnam par grol ba'i ye shes mthong ba'i phyir rnam par grol ba yongs su dag pa ste/ byang chub sems
340a1 dpas chos bzhi po de dag yongs su rdzogs par bya'o/ /de dag gis byang chub sems dpa' rnams myur du bla na med pa yang dag par rdzogs pa'i byang
340a2 chub mngon par rdzogs par 'tshang rgya zhing nam mkha'i 'khor lo'ang skor bar byed/ mi rtag pa'i 'khor lo dang / mi mnyam pa'i 'khor lo dang / brjod du med pa'i 'khor lo
340a3 dang | nges par 'byin pa'i 'khor lo dang / nges par 'byed pa'i 'khor lo dang / bskor du med pa'i 'khor lo'ang skor bar byed do/ /bgrod bya'i bu dri ma med khyod ni ma 'ongs
340a4 pa'i dus na bskal pa grangs med pa gang+gA'i klung gcig gi bye ma snyed 'das te/ bskal pa bzang po la bab nas ring po ma lon zhing snyigs ma lnga rab tu zhi ba'i dus la bab
340a5 pa na skye dgu tshe lo brgyad khri thub pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa byams pa zhes
340a6 bya ba sangs rgyas bcom ldan 'das kyi bar du 'gyur ro/ /bram ze'i khye'u bgreng bya'i bu dri ma med kyis de bzhin gshegs pa rin po che'i snying po'i zhabs la yan lag lngas
340a7 phyag byas te phyogs gcig tu 'dug nas/ bcom ldan 'das la me tog dang / me tog phreng dang / phye ma dag gis mchod pa byed pa la brtson zhing tshigs su bcad pas mngon par
340b1 bstod pa/ mgon po khyod ni dpral ba'i dbyes che mdzod spu gangs mdog mdzes/ /khyod ni gser gyi ri bo brtsegs pa 'dra zhing yid du mchi/ /yon tan brgyas gtams pa dag dus
340b2 'di gsungs 'gro na'ang bdag 'tshang rgya/ /thub pa khyu mchog 'jig rten sgron khyod la ni su mi 'dud/ /bram ze mdun na 'don rgya mtsho'i rdul gyis/ bram ze'i khye'u rig byed klog
340b3 pa stong po thams cad byang chub yang dag par 'dzin du bcug nas/ ji ltar 'khor ba 'jig dang / gser thub dang / 'od srung dang / byams pa lung bstan pa de bzhin du/ bram ze'i
340b4 khye'u rig byed klog pa seng ge dang / mchog tu dga' ba dang / dgu brgya dgu bcu rtsa dgu'i bar du thams cad kyis kyang bskal pa bzang po 'di la bla na med pa yang dag par rdzogs pa'i
340b5 byang chub tu smon lam btab nas thams cad kyang de bzhin gshegs pa rin po che'i snying pos bskal pa bzang po 'di nyid la bla na med pa yang dag par rdzogs pa'i byang chub la
340b6 bkod do/ /de dag thams cad kyi nu bo tha chung gang yin pa de la'ang mdun na 'don gyis 'di skad du/ kye bram ze'i khye'u stobs chen shugs 'chang ring du brtag tu ci yod/ sems
340b7 can rnams la snying rje chen po skyed cig ces yang dag par bskul nas tshigs su bcad pa 'di dag gis kyang mngon par go bar byas so/ /sems can gang dag rga dang nad dang
341a1 'chi 'pho'i 'jigs pa sred pa'i klung du lhung ba dang / /phung po rnams la zhen pa'i mi dag srid pa'i btson ra rab tu 'jigs par chud pa rnams/ /phan
341a2 tshun gsod par byed pa'i nyon mongs dug 'thungs nas ni sdug bsngal rgya mtshor rab tu gnas/ /gti mug gis ni lam stor long ba bzhin du mi gtsang 'khrul 'khor dag na
341a3 'khyams par 'gyur/ /log par lta la gnas pas 'byung po thams cad srid pa gsum na sdug bsngal rnams kyis 'bar/ /srog chags thams cad 'gro ba lnga po dag na
341a4 ji ltar 'khor lo 'khor ba bzhin du 'khor/ /'gro ba lnga po dag na chos kyi mig nyams skyabs med sems can rnams ni dran gyis la/ /yang dag shes rab kyi ni ne ma nur yid
341a5 gnyis spongs la byang chub don du 'dun pa skyed/ /'gro ba rnams kyi sred pa'i mya ngan sol la sems can rnams kyi gnyen du gyur par gyis/ /'gro ba'i nyon mongs 'ching ba dgrol
341a6 bar bya phyir byang chub don du sems kyang gzhol gyis shig /gti mug bral ba chos mig rnam par nyams pa rnams la lam gyi dam pa sbyin par gyis/ /'khor ba'i srid pa'i
341a7 btson ra dag na 'bar ba rnams la chos kyi bcud kyis tshim gyis shig /phan par byed pa khyed ni myur du nye bar song la thub pa'i zhabs la gtugs pa gyis/ /re ba thams cad
341b1 grub smon bkra shis ldan pa rab brten 'dren pas sangs rgyas 'gyur bar byas/ /'jig rten dag na sems can rnams kyi dbugs 'byin gyis la srid pa'i mtsho las sems can
341b2 thon| |gya nom thar pa'i lam dang dbang po'i stobs dang byang chub yan lag sbyin byed 'gyur bar gyis/ /chos sprin chos kyi char pa rab tu phob ste sems can rnams kyi sdug bsngal
341b3 zhi bar gyis/ /rigs kyi bu/ de nas bram ze'i khye'u stobs chen shugs 'chang des kyang smras pa/ mkhan po/ bdag ni 'khor ba las mngon par dga' ba'i ngang la ma 'tshal
341b4 la| nyan thos dang / rang sangs rgyas kyi theg pa'ang mi 'tshal te/ bla na med pa'i theg pa 'tshal ba lags kyi/ kye mkhan po yud tsam zhig gzhes la bdag seng ge'i sgra sgrogs
341b5 pa la gson cig /rigs kyi bu/ de nas bram ze rgya mtsho'i rdul de nas phyir byung ste/ rang gi bsnyen bkur ba bram ze'i khye'u lnga po dag la bos te smras pa/ kye khye'u dag /bla na med
341b6 pa yang dag par rdzogs pa'i byang chub tu sems skyed cig /de dag gis kyang smras pa/ bdag cag la gang sangs rgyas la sogs pa dge slong gi dge 'dun la dbul bar
341b7 bgyi ba cung zad kyang ma mchis lags na dge ba'i rtsa ba ma bsrungs pa bdag cag gis ji ltar byang chub tu sems bskyed par bgyi/ rigs kyi bu/ de nas mdun na 'don gyi
342a1 gtso bo bram ze rgya mtsho'i rdul gyis bsnyen bkur ba dang po lo thang spyod ces bya ba de la ni rin po che sna bdun gyi kha dog gi rgyan dag byin/ /bsnyen
342a2 bkur ba gnyis pa thang la spyod ces bya ba de la rin po che sna bdun gyi rna cha byin/ /bsnyen bkur ba gsum pa chu la spyod ces bya ba de la ni rin po che sna bdun gyi khri byin/ /bsnyen
342a3 bkur ba bzhi pa shugs kyis spyod ces bya ba de la rin po che sna bdun gyi 'khar ba byin/ bsnyen bkur ba lnga pa snying po spyod ces bya ba de la ni gser gyi ri la ba b+h+ring ga ra
342a4 byin nas smras pa/ bram ze'i khye'u dag /khyod cag deng la dngos po 'di dag sangs rgyas la sogs pa dge slong gi dge 'dun la phul la bla na med pa yang dag par rdzogs
342a5 pa'i byang chub tu sems skyed cig /de nas bsnyen bkur ba lnga po de dag bcom ldan 'das kyi drung du dong ste de ltar bkur ba'i dngos po de dag sangs rgyas la sogs pa dge
342a6 slong gi dge 'dun la phul nas 'di skad ces gsol to/ /bcom ldan 'das khyod kyis bdag cag bskal pa bzang po de la bla na med pa yang dag par rdzogs pa'i byang chub
342a7 mngon par rdzogs par 'tshang rgya bar 'gyur bar bdag cag bla na med pa yang dag par rdzogs pa'i byang chub tu lung bstan du gsol/ rigs kyi bu/ snga ma bzhin du sbyar
342b1 te| de bzhin gshegs pa rin po che'i snying pos bram ze'i khye'u lo thang spyod ni bskal pa bzang po 'di la de bzhin gshegs pa brtan dbyangs zhes bya bar 'gyur ro zhes byang chub
342b2 tu lung bstan to/ /thang la spyod ni de'i 'og tu de bzhin gshegs pa bde dbang blo gros zhes bya bar 'gyur ro/ /chu la spyod ni de'i 'og tu de bzhin gshegs pa don bcas gsung zhes bya
342b3 bar 'gyur ro/ /shugs kyis spyod ni de'i 'og tu de bzhin gshegs pa dga' ba dang ba zhes bya bar 'gyur ro/ /bram ze'i khye'u snying po spyod ni de'i 'og tu de bzhin gshegs pa
342b4 seng ge'i bshes gnyen gtsug phud ces bya bar 'gyur ro zhes byang chub tu lung bstan to/ /bram ze'i khye'u lnga po de dag bskal ba bzang por lung bstan ma thag tu mdun na 'don
342b5 gyis yang bram ze'i khye'u stobs chen shugs 'chang la smras pa/ stobs chen shugs 'chang / sangs rgyas kyi zhing gi yon tan bkod pa dag long zhig /smon lam ji lta bu 'dod
342b6 pa'ang bcom ldan 'das kyi spyan sngar thob cig /sems can thams cad kyang chos kyi bcud kyis mgron du gnyer cig /brtson 'grus brtan pos rang gi byang chub kyi spyad pa'ang
342b7 spyod la/ yang dang yang du ring du ma rtog cig ces lag pa nas bzung ste bcom ldan 'das la phul lo/ /rigs kyi bu/ de nas bram ze'i khye'u stobs chen shugs 'chad de'ang
343a1 bcom ldan 'das kyi spyan sngar 'dug ste gsol ba/ bcom ldan 'das/ ma 'ongs pa'i dus na bskal pa bzang po de la thub pa nyi ma mang nyung ji snyed cig
343a2 'byung bar 'gyur lags/ de bzhin gshegs pa rin po che'i snying p+sa bka' stsal pa/ bram ze'i khye'u bskal pa bzang po de la ni thub pa nyi ma stong rtsa bzhi 'byung bar 'gyur ro/ /
343a3 bram ze'i khye'us gsol ba/ btsun pa bcom ldan 'das/ bskal pa chen po bzang po de la rgyal ba nyi ma gang dag yongs su mya ngan las 'das pa de dag gi tha mar bram ze'i khye'u
343a4 gces lag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing de bzhin gshegs pa seng ge'i bshes gnyen gtsug phud ces
343a5 bgyi bar 'gyur ba de srid du yun ring por bdag gis brtul zhugs dang / dka' thub dang / spyod pa dang / sbyin pa dang / dul ba dang / yang dag par sdom pa dang / thos pa dang /
343a6 brtson 'grus dang / bzod pa dang / des pa dang / bsod nams dang / shes rab kyi tshogs sna tshogs dag yang dag par bsdu zhing byang chub kyi spyod pa spyad par bgyi'o/ /bskal
343a7 ba bzang po pa de dag thams cad mngon par rdzogs par sangs rgyas nas ring po ma lon par dang por bsod snyoms kyang dbul bar bgyi'o/ /yongs su mya ngan las 'das pa rnams
343b1 kyi sku gdung dag pa'ang mchod par bgyi'o/ /de dag gis dam pa'i chos yongs su 'dzin par yang gyur cig /sems can tshul khrims dang bral ba rnams ni tshul khrims phun sum
343b2 tshogs pa yang dag par 'dzin du 'jug pa dang / 'dzud cing rab tu 'god par gyur cig /sems can lta ba dang bral zhing nyam nga ba thob par gyur pa rnams ni yang dag pa'i lta ba
343b3 yang dag par 'dzin du 'jug pa dang / 'dzud cing rab tu 'god par gyur cig /de bzhin du bsam ba dang bral ba rnams ni yang dag pa'i bsam pa la rab tu 'god par gyur cig /
343b4 de bzhin du cho ga dang bral ba rnams ni cho ga la rab tu 'god par gyur cig /sems can rnams kyi dge ba'i spyod pa rnam pa sna tshogs dag kyang des par ston par gyur cig /sangs
343b5 rgyas bcom ldan 'das de dag gi dam pa'i chos nub nas ring po ma lon par bdag gis 'jig rten du dam pa'i chos kyi tshul dang / dam pa'i chos yongs su bzung ba dang / dam pa'i
343b6 chos 'byung ba dang / dam pa'i chos kyi sgron ma 'bar bar bgyid par gyur cig /mtshon gyi bskal pa bar ma'i dus kyi tshe na sems can rnams srog gcod pa spong ba dang / yang dag
343b7 pa'i lta ba'i bar la rab tu 'god par gyur cig /sems can rnams mi dge ba bcu'i las kyi lam dang / lam ngan pa dag nas bton cing yang dag pa'i lam du 'god par gyur
344a1 cig /nyes par spyod pa'i mun pa 'jig par bgyid par gyur cig /legs par spyod pa'i snang bston par gyur cig /'jig rten na dus kyi snyigs ma
344a2 dang / tshe dang / lta ba dang / nyon mongs pa'i snyigs ma'i bar dag 'jig par bgyid par gyur cig /mu ge'i bskal ba bar ma'i dus kyi tshe na bdag sems can rnams sbyin pa'i
344a3 pha rol tu phyin pa la sbyor bar gyur cig /shes rab kyi pha rol tu phyin pa'i bar dag kyang yang dag par 'dzin du 'jug cig 'dzud par gyur cig /bdag dang sems can rnams pha
344a4 rol tu phyin pa drug po dag la sbyor bar bgyid pa na thams cad du mu ge'i mun pa dang / 'thab pa dang / rnyog pa dang / g.yul shom pa dang / khon dang / rtsod pa dang / 'gyed pa dag
344a5 rab tu zhi bar gyur cig /sems can rnams kyi sems kyi rgyud la nyon mongs pa'i me'i gdung ba dag zhi bar gyur cig /nad kyi bskal pa bar ma'i dus kyi tshe na bdag gis
344a6 sems can rnams snying por 'gyur ba dang / mthun pa'i chos drug yang dag par 'dzin du 'jug pa gyur cig /bsdu ba'i dngos po bzhi po dag la sbyor bar bgyid cing rab
344a7 tu 'god par gyur cig /sems can rnams kyi nad kyi mun pa rnam par 'jig par bgyid par gyur cig /sems can rnams kyi sems kyi rgyud la nyon mongs pa rab tu zhi bar
344b1 bgyid pa'i bar du gyur cig /bskal pa bzang po la sangs rgyas kyi zhing mi mjed du sems can rnams sdug bsngal dag las yongs su thar par bgyid par gyur cig /gang gi tshe
344b2 bskal pa bzang po la sangs rgyas bcom ldan 'das stong rtsa bzhi 'byung ba dag yongs su mya ngan las 'das par gyur nas dam pa'i chos kyi tshul thams cad kyi thams cad du nub par
344b3 gyur pa na de'i 'og tu gdod bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig /bskal pa bzang po'i sangs rgyas bcom ldan 'das stong
344b4 rtsa bzhi po dag gi sku tshe'i tshad ji tsam par bdag gis byang chub thob pa'i tshe'i tshad kyang de tsam du ring bar gyur cig /de dag gi nyan thos kyi dge 'dun ji snyed par bdag gcig
344b5 pu'i nyan thos kyi dge 'dun yang de snyed du gyur cig /bskal pa bzang po de la sangs rgyas stong rtsa bzhi po de dag gis sems can ji snyed btul bar gyur ba'i sems can
344b6 de snyed cig bdag gis kyang btul bar gyur cig /sems can gang dag sangs rgyas bcom ldan 'das de dag gi nyan thos kyi bslab pa la 'khrul par gyur pa dang / lta ba'i
344b7 g.yang sar lhung bar gyur pa dang / sangs rgyas bcom ldan 'das rnams la ma gus pa'i sems dang / rab tu sdang ba'i sems su gyur pa dang / chos dang dge 'dun la/
345a1 'khrul ba'i sems su gyur pa dang / 'dod chags kyi sems dag dang / 'phags pa la skur ba 'debs pa dang / mtshams med pa bgyid par gyur
345a2 pa dag kyang bdag gis byang chub thob nas 'khor ba'i 'dam nas 'byin cing mi 'jigs pa'i khyim mya ngan las 'das pa'i grong khyer du 'dzud par gyur cig /ji srid du bdag
345a3 yongs su mya ngan las 'das nas dam pa'i chos bas par ma gyur pa de srid du bskal pa chen po bzang po'ang bas par ma gyur cig /bdag gi dam pa'i chos bas par gyur pa
345a4 na bskal pa bzang po'ang bas par gyur cig /bdag skyes pa'i sku gdung gang lags pa de dag kyang de bzhin gshegs pa'i sku skyes bu chen po'i mtshan sum cu rtsa gnyis
345a5 kyis sku legs par brgyan cing mtshan re re'ang dpe byad bzang po brgyad cus legs par brgyan pa dpag tu ma mchis/ /grangs ma mchis pa dag tu gyur te gnas par gyur
345a6 cig /de bzhin gshegs pa'i sku de dag kyang phyogs bcu'i sangs rgyas kyi zhing stong pa dpag tu ma mchis/ grangs ma mchis pa gzhan dag tu bzhud nas/ sangs rgyas kyi
345a7 sku re res kyang sems can dpag tu ma mchis/ grangs ma mchis pa rnams theg pa gsum po dag yang dag par 'dzin du 'jug pa dang / 'dzud cing rab tu 'god par gyur cig /
345b1 sangs rgyas kyi zhing gang na bar gyi bskal pa zhig par ma gyur pa der de bzhin gshegs pa'i sku de dag bzhud nas ji ltar sngar brjod pa de ltar sems can rnams yongs su skyob
345b2 par 'gyur zhing slad kyis yid bzhin gyi nor bur gyur nas/ sangs rgyas kyi zhing gang dag na sems can rnams rin po che dang bral bar gyur ba'i sangs rgyas kyi zhing de dag tu mchis
345b3 shing rin po che'i char rab tu 'bebs pa dang / gter dag kyang rab tu ston par gyur cig /sangs rgyas kyi zhing gang dag na sems can rnams dge ba'i spyod pa dang bral zhing nad
345b4 kyis nyon mongs pa can du gyur pa'i sangs rgyas kyi zhing de dag tu'ang tsan+dan sa mchog pa dang / sbrul gyi snying po dang / dus kyi rjes su 'brang ba dag gi spos kyi char rab tu 'bebs
345b5 par gyur cig /spos kyi char de dag gis kyang sems can rnams kyi nyon mongs pa'i nad rnams dang / lta ba'i nad rnams dang / lus kyi nad rnams kyang rab tu zhi bar bgyid par gyur
345b6 cig /de nas sems can de dag kyang bsod nams bgyi ba'i dngos po dag la mngon par brtson par 'gyur zing mtho ris la gzhol bar yang gyur cig btsun pa bcom ldan 'das/
345b7 bdag byang chub kyi spyad pa spyod pa na de ltar sems can rnams yongs su skyob par gyur cig /bdag byang chub thob nas kyang de ltar sangs rgyas kyi mdzad pa bgyid par gyur cig /bdag
346a1 yongs su mya ngan las 'das nas kyang de ltar sangs rgyas kyi zhing mtha' yas mu ma mchis pa dag gi sems can rnams yongs su skyob par gyur cig / btsun pa bcom ldan 'das/
346a2 gal te bdag gi re ba 'di lta bu yongs su rdzogs par mi 'gyur zhing / sems can rnams kyi sman du'ang mi 'gyur ba lta na bdag gis phyogs bcu'i
346a3 'jig rten gyi khams mtha' yas mu ma mchis pa dag na/ sangs rgyas bcom ldan 'das gang dag bzhugs te 'tsho zhing gzhes la sems can rnams la chos kyang ston pa
346a4 de dag bslus par gyur cig /bcom ldan 'das kyis bdag bla na med pa yang dag par rdzogs pa'i byang chub tu lung ston par yang ma gyur cig /bcom ldan 'das/ srog chags
346a5 bye ba phrag mang po gang dag bla na med pa yang dag par rdzogs pa'i byang chub la yang dag par zhugs shing lung bstan pa'i sems can sangs rgyas bcom ldan 'das su gyur pa
346a6 de dag kyang bdag gis thugs byung bar bgyis par gyur cig /bdag byang chub kyi slad du yang dang yang du 'khor bar 'khor ban sangs rgyas kyi sgra dang / chos kyi sgra dang /
346a7 dge 'dun gyi sgra dang / dge ba'i sgra dang / dge ba'i chos bgyid pa'i sgra dag rna lam du grag par ma gyur cig /gal te bdag gi re ba 'di lta bur yongs su rdzogs par mi
346b1 'gyur zhing sems can rnams kyi sman du'ang mi 'gyur ba lta na bdag rtag tu mnar med par rtogs par gyur cig /rigs kyi bu/ de nas de bzhin gshegs pa rin po che'i
346b2 snying pos bram ze'i khye'u stobs chen shugs 'chang la legs so zhes bya ba byin te/ skyes bu dam pa/ legs so/ legs so/ /khyod ni sems can rnams kyi sman du 'gyur
346b3 zhing sdug bsngal dag las yongs su thar bar byed par yang 'gyur te/ skyes bu dam pa/ de'i phyir khyod sman gyi rgyal po skar ma dri ma med pa zhes bya bar gyur cig /sman gyi rgyal
346b4 po skar ma dri ma med pa khyod ni ma 'ongs pa'i dus na bskal pa grangs med pa gang+gA'i klung gcig gi bye ma snyed 'das nas bskal pa grangs med pa gang+gA'i klung gi bye ma snyed gnyis
346b5 pa la bab pa na bskal pa bzang po la sangs rgyas stong rtsa bzhi po dag mngon par rdzogs par sangs rgyas nas ring por ma lon par rang gi smon lam ji ltar btab pa'i bar dag
346b6 bzhin du bsod snyoms 'bul bar 'gyur zhing / de bzhin gshegs pa seng ge'i bshes gnyen gtsug phud bzang po yongs su mya ngan las 'das pa'i dam pa'i chos nub
346b7 pa na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa gsal mdzad ces bya ba sangs rgyas bcom ldan 'das
347a1 kyi bar du 'gyur ro/ /khyod kyi tshe'i tshad ni bskal pa phyed du 'gyur ro/ /bskal pa bzang po'i sangs rgyas stong rtsa bzhi po de dag gi nyan thos kyi dge
347a2 'dun ji snyed du 'gyur ba khyod gcig pu'i nyan thos kyi dge 'dun yang de snyed du 'gyur la/ sems can de snyed kyang 'dul bar 'gyur ro/ /yongs su mya ngan las 'das
347a3 nas kyang ji srid du bskal pa chen po bzang po'i bskal pa zad par ma gyur pa de srid du dam pa'i chos nub par mi 'gyur la/ de srid du sangs rgyas kyi sku dag kyang 'byung bar
347a4 'gyur zhing sangs rgyas kyi zhing gzhan dag tu spos kyi char pas sems can rnams kyi nyon mongs pa'i nad rnams dang / lta ba'i nad rnams dang / lus kyi nad rnams kyi bar
347a5 dag kyang rab tu zhi bar byed par 'gyur la/ sems can rnams kyang bsod nams bya ba'i dngos po gsum po dag la rab tu 'god cing mtho ris la gzhol bar byed par
347a6 yang 'gyur ro// //bam po dgu pa/ rigs kyi bu de nas byang chub sems dpa' sman gyi rgyal po skar ma dri ma med pas gsol pa/ btsun pa bcom ldan
347a7 'das/ gal te bdag gi re ba 'di lta bu yongs su rdzogs par 'gyur ba lta na de'i slad du bcom ldan 'das kyis bsod nams kyi mtshan gyis brgyan pa'i phyag gis bdag
347b1 gi spyi bo la byug par gsol/ rigs kyi bu/ de nas de bzhin gshegs pa rin po che'i snying pos byang chub sems dpa' sman gyi rgyal po skar ma dri ma med pa'i spyi bo
347b2 la bsod nams brgya'i mtshan gyi brgyan pa'i phyag gis yongs su byug pa mdzad nas de na bzhugs so/ /rigs kyi bu/ de nas byang chub sems dpa' sman gyi rgyal po skar
347b3 ma dri ma med pa sems dga' zhing mgu la yid rangs shing rab tu dga' bar gyur te/ de bzhin gshegs pa rin po che'i snying po'i zhabs la yan lag lngas mgo bos
347b4 phyag byas nas langs te phyogs gcig tu 'dug pa dang / bram ze rgya mtsho'i rdul gyis lha'i ka shi ka'i gos bskon te smras pa/ skyes bu dam pa/ legs so/ /legs so/ /khyod
347b5 kyis smon lam bzang po btab ste/ da phyin chad khyod kyis kho bo'i bsnyen bkur bya mi dgos kyi ji ltar bde ba nyid du spyod cig /rigs kyi bu/ de nas bram ze rgya mtsho'i rdul
347b6 'di snyam du sems te/ ji ltar thams cad dang ldan pa 'khor 'di na snang ba ltar bdag gis srog chags bye ba khrag khrig 'bum phrag mang po dag bla na med pa yang dag par
347b7 rdzogs pa'i byang chub yang dag par 'dzin du bcug go /sems can chen po 'di dag thams cad kyis ni smon lam rgya che ba dgu btab cing sangs rgyas kyi zhing rab tu dang ba
348a1 sha stag yongs su blangs te/ khyab 'jug rlung ma gtogs pa byang chub sems dpa' gzhan dag gis rtsod pa'i dus yongs su spangs pas bdag
348a2 gis ni rtsod pa'i dus la bab par gyur pa na/ sems can rnams chos kyi bcud kyis mgron du gnyer bar bya zhing brtson 'grus brtan por bya ste/ bdag gis ci nas kyang
348a3 byang chub sems dpa'i 'khor 'di dag thams cad ngo mtshar thob par 'gyur ba dang / thams cad dang ldan pa'i 'khor 'di dang / lha dang / dri za dang / mi dang / lha ma yin
348a4 dang bcas pa'i 'jig rten 'di yang bdag la thal mo sbyar te phyag 'tshal zhing mchod pa byed par 'gyur ba dang / sangs rgyas bcom ldan 'das 'di'ang bdag la legs so
348a5 zhes bya ba byin zhing lung ston par 'gyur ba dang / de bzhin du sangs rgyas bcom ldan 'das gang dag phyogs bcu na bzhugs te 'tsho zhing gzhes la sems can rnams
348a6 la chos kyang ston pa'i sangs rgyas bcom ldan 'das de dag kyang bdag gis seng ge'i sgra bsgrags pa la legs so zhes bya ba byin zhing bla na med pa yang dag par rdzogs
348a7 pa'i byang chub tu lung ston pa'ang mdzad la pho nya dag kyang gtong bar 'gyur ba dang / thams cad dang ldan pa'i 'khor 'dis kyang de thos shing pho nya de dag kyang mthong bar
348b1 'gyur ba dang / gang yang phyi ma'i dus na snying rje chen po dang ldan pa'i byang chub sems dpa' dag 'byung bar 'gyur ba de dag kyang de lta bu'i rtsod pa chen po'i dus kyi tshe sangs rgyas
348b2 kyi zhing nyon mongs pa can du smon lam gyis byang chub yongs su 'dzin par 'gyur zhing chos kyi mu ge'i dgon pa dang / nyon mongs pa dang / nad dag gi sa 'das par gyur pa'i
348b3 sems can rnams la yongs su skyob par 'gyur zhing sangs rgyas kyi mdzad pa'ang mdzad par 'gyur la sems can rnams la'ang chos ston par 'gyur ba dang / bdag yongs su mya ngan
348b4 las 'das nas kyang bskal pa bye ba khrag khrig 'bum phrag bsam gyis mi khyab pa dag 'das kyi bar du phyogs bcu'i sangs rgyas kyi zhing gzhal du ma mchis pa dang / dpag
348b5 tu ma mchis pa dag na sangs rgyas bcom ldan 'das dpag tu ma mchis pa dag bdag yongs su mya ngan las 'das pa'i bsngags pa brjod cing snyan pa dang dbyangs kyang
348b6 sgrog par 'gyur la/ byang chub sems dpa' rnams kyi mdun du bdag gi smon lam gyi tshul yang brjod par 'gyur ba dang / byang chub sems dpa' de dag gis kyang snying
348b7 rje chen pos yongs su bsgos shing byin gyis brlabs pa'i smon lam thos nas mchog tu ngo mtshar du 'dzin par 'gyur zhing / de dag kyang sems can rnams la snying rje chen po
349a1 skye bar 'gyur ba dang / de nas de dag kyang smon lam de lta bu dag nyid yongs su 'dzin par 'gyur zhing ji ltar de ltar bdag gis yongs su bzung ba de lta bu'i
349a2 sangs rgyas kyi zhing nyon mongs pa can dag tu de dag kyang byang chub mngon par rdzogs par 'tshang rgya bar 'gyur ba dang / chu bo bzhis bdas par gyur pa'i sems can rnams sgrol
349a3 bar 'gyur zhing theg pa gsum po dag gis 'dul bar 'gyur ba dang / mya ngan las 'das pa'i lam gyi bar dag la 'god par 'gyur ba de lta bu'i smon lam gyis seng ge'i sgra
349a4 bsgrag par bya'o snyam mo/ /rigs kyi bu/ mdun na 'don gyi gtso bo bram ze rgya mtsho'i rdul gyis snying rje chen pos yongs su bsgos pa'i smon lam de lta bu dag yang dag par
349a5 bskyed nas chos gos phrag pa gcig tu gzar te de bzhin gshegs pa rin po che'i snying po ga la ba der song ngo / /yang de'i tshe na lha bye ba khrag khrig 'bum phrag mang po dag
349a6 gis nam mkha'i dkyil nas lha'i sil snyan bye ba khrag khrig 'bum phrag mang po dag gsil dkrol zhing / me tog gi char rab tu phab nas tshig mthun par smras pa/ skyes
349a7 bu dam pa/ legs so/ /legs so/ /khyod bcom ldan 'das kyi drung du song la smon lam rab mchog dag shod la gzung zhig dang / khyod ni nyon mongs pas dkrugs pa'i
349b1 'jig rten du sems can rnams kyi sdug bsngal ye shes kyi chus rab tu zhi bar byed par 'gyur re/ /thams cad dang ldan pa'i 'khor de dag kyang thal mo sbyar te mngon du phyogs nas tshig
349b2 mthun par smras pa/ skyes bu dam pa/ legs so/ /legs so/ /mkhas pa rab mchog bdag cag la phan par mdzad pa blo mchog mnga' ba smon lam brtan por thob cig dang /
349b3 bdag cag kyang nyan par 'tshal lo/ /gang gi tshe mdun na 'don song ste/ bcom ldan 'das kyi spyan sngar 'dun na 'don gyis pus mo'i lha nga btsugs pa dang / de'i mod la sangs rgyas
349b4 kyi zhing yang dag rtog gi stong gsum gyi stong chen po'i 'jig rten gyi khams ji tsam pa de thams cad g.yos/ rab tu g.yos/ 'gul/ rab 'gul/ 'khrugs/ rab tu 'khrugs/ ldeg
349b5 rab tu ldeg go /sil snyan dag kyang ma dkrol bar sgra 'khrol lo/ /ri dwags dang / bya gag ji snyed pa de dag thams cad kyang 'jam zhing yid du 'ong ba'i sgra sgrogs so/ /shing ljon pa
349b6 dag las kyang me tog dag 'brul lo/ /stong gsum gyi stong chen po'i 'jig rten gyi khams 'di na sems can dmyal ba pa rnams dang / gshin rje'i 'jig rten pa rnams ma gtogs
349b7 par gang su dag sa la rten cing gnas pa'i 'byung po byang chub yang dag par 'dzin du bcug pa gang yin pa dang / byang chub yang dag par 'dzin du ma bcug pa gang yin pa de dag
350a1 thams cad kyang phan pa'i sems dang / dge ba'i sems dang / kho na med pa'i sems dang / rnyog pa med pa'i sems dang / byams pa'i sems dang / ngo
350a2 mtshar gyi sems dag tu gyur to/ /sems can gang dag nam mkha' la rgyu ba de dag kyang bram ze'i smon lam sgra 'jam zhing yid du 'ong ba mnyan pa'i phyir nam mkha' la 'khod
350a3 nas 'di ltar mchog tu dga' ba'i yid kyis me tog dang / me tog phreng dang / spos dang / rol mo'i sgra dang / rin po che'i gdugs dang / rgyal mtshan dang / ba dan dang / gos
350a4 dang | ras bcos bu dag gis mchod pa'i las la brtson par gyur to/ /de bzhin du 'og min gyi gnas man chad kyi lha gang ji snyed pa rnams kyang / bram ze'i smon lam mnyan
350a5 pa'i phyir dzam+bu'i gling du babs te/ nam mkha'i dkyil na 'khod cing / lha'i spos dang / ras bcos bu'i bar dag gis mchod pa'i las la brtson par gyur to/ /bram zes kyang
350a6 thal mo sbyar nas de bzhin gshegs pa rin po che'i snying po la tshigs su bcad pa 'di dag gis mngon par bstod do/ /bsam gtan dag gis rnam grol tshangs pa bzhin/ /gzugs
350a7 kyis 'od gsal brgya byin 'dra ba ste/ /rgyal po bzhin du nor 'bru rab gtong zhing / /rin chen mchog mnga' thub pa tshong dpon bzhin/ /zhi ba sgrogs mdzad ri la seng ge 'dra/ /
350b1 mi 'gul brtan pa lhun po 'dra ba ste/ rgya mtsho bzhin du 'khrug pa mi mnga' zhing / /yon tan skyon la sa bzhin mtshungs par spyod/ /dri ma thams cad ded pa chu bzhin te/ /thub pa me ltar
350b2 nyon mongs nags rnams bsreg/ rlung ltar gang la'ang chags pa mi mnga' zhing / /thub pa lha ltar yang dag nyid kyang ston/ /klu ltar thub pa chos kyi char 'babs shing / /char pa
350b3 bzhin du 'gro kun ngoms par mdzad/ /pha rol mu stegs 'joms pa seng ge 'dra/ /me tog bzhin du yon tan dri yang gtong / /tshangs pa bzhin du snyan pa'i tshig gsung zhing / /'gro
350b4 ba sdug bsngal grol mdzad sman pa bzhin/ /sems mnyam nye bar gnas pa ma bzhin te/ /'gro ba rtag tu rjes 'dzin mdza' bshes 'dra/ /nga rgyal dgra 'joms rdo rje brtan bzhin
350b5 te| |thub pa mtshon bzhin srid pa'i 'khri shing gcod/ /zam pa'i shing bzhin 'gro ba sgrol mdzad cing / /klu ltar thub pa mi shes rtswa rnams bsreg /thub pa zla ltar 'od bsil
350b6 gtong mdzad cing / /mi yi pad+ma kha 'byed nyi ma bzhin/ /'bras bu mchog bzhi sbyin mdzad ljon shing 'dra/ /thub pa bya bzhin drang srong tshogs kyis bskor/ /rgyal ba'i blo yangs rgya
350b7 mtsho 'dra ba ste/ /'gro ba dag la sems snyoms rtswa shing bzhin/ /rmi lam bzhin du chos rnams stong rtog cing / /'jig rten rjes su mthun 'jug chu dang 'dra/ /thub pa mtshan mchog
351a1 mnga' ba thugs rje can/ /khyod kyis sems can byang chub lung yang bstan/ /sems can mang po mtha' yas khyod kyis btul/ /byang chub mchog
351a2 rab tu ni bdag lung ston/ /drang srong chen po bden bzhed shes rab mchog /bdag ni 'gro ba'i nyon mongs 'thab rtsod che/ /sangs rgyas byang chub lung ston dgos ched
351a3 la| |sems can brgya dag zhi bde'i lam du 'khod/ /rigs kyi bu/ gang gi tshe mdun na 'don gyi gtso bo bram ze rgya mtsho'i rdul gyis de bzhin gshegs pa rin po che'i snying
351a4 po la tshigs su bcad pa de dag gis mngon par bstod de/ de na 'dug pa de'i mod la lha dang / dri za dang / mi dang / thams cad dang ldan pa'i 'khor des legs so zhes bya
351a5 ba byin no/ /mdun na 'don gyis gsol pa/ btsun pa bcom ldan 'das/ bdag gis srog chags bye ba phrag mang po dag bla na med pa yang dag par rdzogs pa'i byang chub
351a6 yang dag par 'dzin du stsal te/ de dag gis kyang rang rang gi sangs rgyas kyi zhing rgya che dgu dag yongs su bzung zhing 'dul ba'i sems can yang bsam pa yongs su dag
351a7 pa dang / dge ba'i rtsa ba bsrungs pa dang / gdul sla ba dag yongs su bzung lags so/ /gang dag skar ma skyong la sogs pa bram ze'i khye'u rig byed klog pa stong rtsa bzhi po
351b1 'di dag ni de bzhin gshegs pas bskal pa bzang por lung bstan te/ skyes bu dam pa de dag gis kyang 'dod chags dang / zhe sdang dang / nga rgyal spyod pa dag theg pa
351b2 gsum po dag gis 'dul bar bgyid lags mod kyi/ 'on kyang de dag gis nyon mongs pa'i sgrib pa shas che ba dang / rtsod pa'i dus kyi snyigs ma dag yongs su spangs pas/
351b3 btsun pa bcom ldan 'das/ de dag gis kyang mtshams ma mchis pa bgyid pa rnams dang / dam pa'i chos spong ba rnams dang / 'phags pa la skur pa 'debs pa rnams
351b4 dang | log par lta ba rnams dang / 'phags pa'i nor bdun dang bral ba rnams dang / phar mi 'dzin pa rnams dang / mar mi 'dzin pa rnams dang / dge sbyong du mi 'dzin pa
351b5 rnams dang / bram zer mi 'dzin pa rnams dang / bgyi ba ma lags pa bgyid pa rnams dang / bsod nams ma lags pa bgyid pa rnams dang / 'jig rten pha rol la 'jigs par
351b6 mi lta ba rnams dang / legs par spyod pa gsum bo dag don du mi gnyer ba rnams dang / de bzhin du lha dang / mi rnams kyi dpal dang / 'byor ba dag la brtson pa rnams nyes
351b7 par spyod pa gsum po dag la yang dag par zhugs pa rnams dang / dge ba bcu'i las kyi lam dang bral ba rnams dang / dge ba'i bshes gnyen thams cad kyis spangs pa
352a1 rnams dang / mkhas pa thams cad kyis bor ba rnams dang / srid pa'i btson rar chud pa rnams dang / rgyun phyogs su 'das pa rnams dang /
352a2 'gyur byed kyi chu klung du nub pa rnams dang / 'khor ba'i 'dam du bying ba rnams dang / gti mug gi mun pa dang ma bral ba rnams dang / mi dge ba'i bgyi ba thams cad ma
352a3 btang ba rnams dang / sangs rgyas kyi zhing stong pa thams cad du bor ba rnams dang / mi dge ba'i rtsa ba thams cad dang 'grogs par gyur pa rnams dang / lam ngan pas
352a4 bcom par gyur pa rnams dang / nyam nga ba chen po thob par gyur pa rnams spangs lags te/ de'i tshe na bskal pa bzang po la sangs rgyas kyi zhing mi mjed na mi'i tshe lo bcu thub
352a5 par 'gyur ba thams cad skyes bu dam pa mkhas pa 'di dag gis spangs shing bor bas de'i tshe srid pa'i dpa' klong dang / 'khor ba'i 'khrul 'khor na skyob pa ma mchis pa
352a6 dang | skyabs ma mchis pa dang / dpung gnyen ma mchis pa dang / sdug bsngal gyi snod du gyur pa'i sems can de dag spangs nas rang rang gi sangs rgyas kyi zhing bzang
352a7 dgu yongs su bzung zhing shin tu dul ba dang / bsam pa yongs su dag pa dang / dge ba'i rtsa ba bskrun pa dang / brtson 'grus brtsams pa dang / sangs rgyas mang po la
352b1 lhag par bgyi ba bgyis pa'i 'dul ba rnams yongs su bzung ba de lta bu ma lags sam/ de bzhin gshegs pa rin po che'i snying pos bka' stsal pa/ bram ze/ de bzhin
352b2 te| sems can bsam pa ji lta ba bzhin du smon lam 'debs par byed cing sangs rgyas kyi zhing gi yon tan bkod pa'ang yongs su bzung pa rnams ngas kyang de nyid du lung
352b3 bstan to/ /bram zes gsol pa/ btsun pa bcom ldan 'das/ bdag ni/ dper na/ shing kang ku sha'i 'dab ma bzhin du snying 'dar zhing bdag gi yid ni shin tu skyo la bdag
352b4 gi lus thams cad ni sha thang bar gyur cing mchis na/ btsun pa bcom ldan 'das/ gal te de'i tshe byang chub sems dpa' rnams kyis spangs shing rtsod pa chen po'i dus kyi
352b5 mun par 'phangs te thams cad kyis yongs su spangs pa'i sems can rnams bdag gi snying rje'i gnas su 'gyur ba lta na/ btsun pa bcom ldan 'das/ bdag kyang ma
352b6 'ongs pa'i dus bskal pa grangs ma mchis pa gang+gA'i klung gcig gi bye ma snyed 'das nas bskal pa grangs ma mchis pa gang+gA'i klung gi bye ma snyed gnyis pa la bab pa na
352b7 bskal pa bzang po de la skye dgu'i tshe lo stong thub pa na sdod cing bdag yun ring po de srid du byang chub kyi spyad pa spyod pa na 'khor bas yongs su mi skyo bar gyur cig /bdag
353a1 gis ting nge 'dzin gyi stobs kyis yun ring pos smin par bgyi 'tshal ba'i 'dul ba rnams yongs su 'dzin pa la spro bar bgyi zhing pha rol tu
353a2 phyin pa drug la spyod pa na 'dul ba rnams yongs su gzung bar bgyi ste/ bdag gis bcom ldan 'das las dngos po'i mtshan ma yongs su btang ba de ni sbyin pa'i pha rol tu
353a3 phyin pa lags so zhes thos pas bdag gis de lta bu'i sbyin pa'i pha rol tu phyin pa spyad par bgyi ste/ ji ltar tshe rabs gzhan dag na slong mo ba'i sems can dpag tu
353a4 ma mchis pa dag mchis par 'gyur na'ang de dag la yongs su gtong ba 'di lta bu dag yongs su gtong bar gyur cig /'di lta ste/ zas dang / skom dang / bza' ba
353a5 dang | bca' ba dang / btung ba dang / bldag pa dang / gos dang / mal cha dang / stan dang / gnas dang / me tog phreng dang / spos dang / byug ba dang / na ba'i gsos sman
353a6 gyi sbyin pa dang / gdugs dang / rgyal mtshan dang / ba dan dang / nor dang / 'bru dang / glang po che dang / rta dang / shing rta dang / gser dang / dngul dang / 'gron bu dang / nor
353a7 bu dang / mu tig dang / bai DUR+ya dang / man shel dang / byu ru dang / dngul chen dang / sa le sbram gyi sbyin pa thams cad yang dang yang du yongs su gtong ba na bdag kyang 'di
353b1 ltar mchog tu dga' zhing snying rje'i yid kyis 'bras bu mi 'tshal bar sems can rnams la stsal nas sems can yongs su smin par bgyi ba'i don dang / 'dul bas sems
353b2 can rnams la phan gdags pa'i slad du btang ba'i tshogs rnams yongs su gtong bar gyur cig /gal te yang btang bar dka' ba slong ba'i sems can dag mchis nas 'di
353b3 lta ste/ bran dang / bran mo dang / grong dang / grong khyer dang / rgyal srid dang / mchis brang dang / bu dang / bu mo dang / lag pa yongs su btang ba dang / rkang pa yongs su btang ba
353b4 dang | rna ba dang / sna dang / mig dang / lce dang / pags pa dang / khrag dang / rus pa dang / lus dang / srog dang / mgo yongs su btang ba de lta bu'i yongs su gtong ba dag
353b5 slong bar bgyid na'ang mchog tu dga' zhing snying rje'i yid kyis 'bras bu mi 'tshal bar 'dul ba rnams la phan gdags pa'i slad du sems can rnams la sbyin pa sbyin par gyur
353b6 cig /bdag gis 'di lta bu'i sbyin pa'i pha rol tu phyin pa la'ang spyad par bgyi ste/ gang sngon chad nam yang sems can gang gis kyang de lta bu'i yongs su gtong ba yongs
353b7 su btang bar ma gyur pa dang / slad chad kyang byang chub sems dpa' bla na med pa yang dag par rdzogs pa'i byang chub kyi slad du spyad pa spyod pa gang yang de lta bu'i yongs su
354a1 gtong ba yongs su gtong bar mi 'gyur ba de lta bu yongs su gtong ba dag yongs su gtong bar gyur cig /gang dag tshe rabs gzhan na bskal pa
354a2 bye ba khrag khrig 'bum phrag grangs ma mchis pa de dang de dag tu bla na med pa yang dag par rdzogs pa'i byang chub kyi slad du spyad pa spyod pa na'ang sbyin pa'i pha rol tu phyin pa la spyod
354a3 par gyur cig /bdag gis slad ma'i byang chub sems dpa' snying rje chen po dang ldan pa gang lags pa rnams kyang yongs su gtong ba'i tshul gyi yon tan la 'god par
354a4 gyur cig /nyon mongs pa'i g.yul rab tu zhi ba gang lags pa de ni/ tshul khrims kyi pha rol tu phyin pa lags te/ de ltar bdag bla na med pa yang dag par rdzogs pa'i byang
354a5 chub kyi slad du spyad pa spyod pa na rtag par tshul khrims dang brtul zhugs sna tshogs kyi dka' ba spyad pa spyod par gyur cig /ji ltar sngar smos pa bzhin du yul rnams la mi
354a6 bzod pa ma mchis pa dang / bdag la so sor rtog pa'i bar gang lags pa de ni bzod pa'i pha rol tu phyin pa lags te/ bdag de lta bu'i bzod pa sgom par gyur cig /ji ltar
354a7 sngar smos pa bzhin du 'dus byas thams cad dben pa nyid dang / 'dus ma byas thams cad zhi bar sgom pa la brtson zhing bla na med pa'i spyod pa las slar mi ldog pa gang
354b1 lags pa de ni brtson 'grus kyi pha rol tu phyin pa lags so/ 'du byed thams cad la phyin ci log spang ba'i slad du stong pa nyid la spyod pa gang lags pa de ni bsam gtan gyi pha rol
354b2 tu phyin pa lags so/ /rang bzhin gyis mi skye ba'i chos la bzod pa gang lags pa de ni shes rab kyi pha rol tu phyin pa lags te/ gang dag bskal pa bye ba khrag khrig dpag tu ma
354b3 mchis/ grangs ma mchis pa dag tu spro ba brtan po'i stobs kyi shugs kyis spyod pa la/ ji ltar sngan chad byang chub sems dpa' bla na med pa yang dag par rdzogs pa'i byang
354b4 chub kyi slad du spyad pa spyod pa lags kyang de ltar spro ba brtan po'i stobs kyi shugs kyis shes rab kyi pha rol phyin pa la ma spyad cing / slad kyis byang chub sems dpa' gang dag
354b5 bla na med pa yang dag par rdzogs pa'i byang chub kyi slad du spyad pa spyod par 'gyur ba dag kyang de ltar spro ba brtsan pa'i stobs kyi shugs kyis/ shes rab kyi pha rol tu phyin pa la
354b6 spyod par mi 'gyur ba de lta bu la bdag spyod par gyur cig /slad ma'i byang chub sems dpa' snying rje chen po dang ldan pa gang lags pa rnams kyang tshul gyi yon tan la 'god par
354b7 gyur cig /bdag gis sems dang po bskyed pas kyang slad ma'i byang chub sems dpa' rnams kyi snying rje chen po 'grub par gyur cig /bla na med pa yongs su mya ngan las 'das
355a1 pa'i bar du byang chub sems dpa' rnams ngo mtshar du 'dzin par bgyi ba'i slad du bdag sbyin pa la rlom sems ma mchis par spyod par gyur
355a2 cig| tshul khrims la gnas pa ma mchis pa dang / bzod pa la rlom sems ma mchis pa dang / brtson 'grus la blang ba ma mchis pa dang / bsam gtan rnams la gnas
355a3 pa ma mchis pa dang / shes rab la gnyis su ma mchis par spyod par gyur cig /sems can 'phags pa'i nor bdun dang bral ba rnams dang / sangs rgyas kyi zhing stong
355a4 pa thams cad bor ba rnams dang / dam pa'i chos spong ba rnams dang / 'phags pa la skur ba 'debs pa rnams dang / log par lta ba rnams dang / mi dge ba'i rtsa ba dang /
355a5 'grogs shing nyam nga ba thob pa rnams dang / lam ngan pas bcom par gyur ba'i sems can rnams kyi don du bdag 'bras bu mi 'tshal bar spro ba brtan po'i stobs kyi shugs
355a6 kyis pha rol tu phyin pa rnams la spyod par gyur cig /bdag gis sems can re re'i don du'ang sems kyi rgyud la dge ba'i rtsa ba'i sa bon bzhag pa'i slad du bskal ba chen po
355a7 bcur yang sems can dmyal ba mnar med pa'i sdug bsngal gyi tshor ba la spro bar gyur cig /de bzhin du dud 'gro rnams dang / yi dwags rnams dang / gnod sbyin dbul po
355b1 rnams dang / mi dbul po rnams kyi sdug bsngal gyi tshor ba la'ang spro bar gyur cig /ji ltar sems can gcig gi sems kyi rgyud la dge ba'i rtsa ba'i sa bon 'jog pa ltar sems can
355b2 thams cad la'ang de bzhin du gyur cig /chad pa stong pa lta bu dang / sems kyi rgyud tshig pa'i 'dul ba de lta bu dag yongs su 'dzin par gyur cig /bdag gis srid pa tha ma pa byang
355b3 chub mngon par rdzogs par 'tshang rgya bar bgyi ba'i slad du skye ba gcig gis thogs shing dga' ldan gyi gnas na dus la sdod cing mchis pa ma gtogs par bskal
355b4 pa'i mtha'i bar du'ang lha'i bde ba skye ba dag don du mi gnyer bar bdag gis yun ring po de srid du 'khor bar sangs rgyas bcom ldan 'das sangs rgyas kyi zhing gi rdul phra rab kyi rdul
355b5 snyed dag la bsnyen bkur bgyis nas bdag sangs rgyas re re la'ang sangs rgyas kyi zhing gi rdul phra rab kyi rdul snyed kyi mchod pa rnam pa sna tshogs dag bgyid par gyur cig /sangs rgyas
355b6 re re las kyang sangs rgyas kyi zhing gi rdul phra rab kyi rdul snyed kyi yon tan dag rtogs par gyur cig /sangs rgyas kyi zhing gi rdul phra rab kyi rdul snyed kyi sems can rnams kyang byang
355b7 chub yang dag par 'dzin du stsol bar gyur cig /de bzhin du bdag gis rang sangs rgyas kyi theg pa dang / de bzhin du nyan thos kyi theg pa pa'i sems can rnams kyang bsam pa
356a1 ji lta ba bzhin du yang dag par 'dzin du stsol bar gyur cig /'jig rten na sangs rgyas 'byung ba ma mchis na'ang bdag gi drang srong gi brtul
356a2 zhugs kyis sems can rnams dge ba bcu'i las kyi lam la sbyor bar gyur cig /ting nge 'dzin rnams dang / mngon par shes pa dag la'ang sbyor bar gyur cig /bdag gis
356a3 sems can lta ba la chags shing dbang phyug chen po la dad pa rnams dbang phyug chen po'i gzugs kyis dge ba rnams la sbyor bar gyur cig /bdag gis sems can sred
356a4 med kyi bu dang / zla ba dang / nyi ma dang / tshangs pa'i bar dag la dad pa rnams kyang tshangs pa'i gzugs kyis dge ba'i chos rnams la sbyor bar gyur cig /de bzhin du nam
356a5 mkha' lding rnams la'ang nam mkha' lding gi gzugs dang / brgya byin gyi bar la'ang brgya byin gyi gzugs kyi sa dge ba'i spyod pa dag la sbyor bar gyur cig /sems
356a6 can ltogs pa rnams la'ang rang gi sha dang / khrag gis tshim par bgyid par gyur cig /sems can sdug bsngal bar gyur pa rnams la'ang rang gi lus dang srog gis yongs
356a7 su skyob par gyur cig /btsun pa bcom ldan 'das/ bdag yun ring po de srid du sems kyi rgyud tshig cing dge ba'i rtsa ba yongs su nyams pa rnams kyi don du stobs po che'i
356b1 shugs kyis spyad pa spyod pa ni bdag gis yun ring po de srid du 'khor bar sems can rnams kyi slad du gtum pa dang / brlang ba dang / mi bzad pa sna tshogs kyi sdug bsngal dag nod
356b2 par gyur cig /bskal pa grangs ma mchis pa gang+gA'i klung gcig gi bye ma snyed kyi bar dag 'das nas lhag ma bskal pa grangs ma mchis pa gang+gA'i klung gi bye ma snyed gnyis
356b3 pa la bab ste/ bskal pa bzang po la thug pa na gang gi tshe bram ze'i khye'u skar ma skyong bla na med pa yang dag par rdzogs pa'i byang chub mngon par rdzogs par sangs rgyas nas de
356b4 bzhin gshegs pa 'khor ba 'jig ces bgyi bar 'gyur ba de'i tshe de'i dus na bdag gis 'phags pa'i shes rab kyi mig gis phyogs bcu'i 'jig rten gyi khams sangs
356b5 rgyas kyi zhing gi rdul phra rab kyi rdul snyed dag na/ sangs rgyas bcom ldan 'das dag chos dang ldan pa'i chos kyi 'khor lo bskor nas bzhugs te 'tsho zhing gzhes pa dag mthong
356b6 par gyur cig /bdag gis sems can sems kyi rgyud tshig pa rnams dang / mi dge ba'i rtsa ba dang 'grogs pa rnams dang / nor bdun dang bral ba rnams dang / sangs rgyas kyi
356b7 zhing stong par bor ba rnams dang / mtshams ma mchis pa bgyid pa rnams dang / dam pa'i chos spong ba rnams dang / lam ngan pa'i bar gyis bcom pa rnams dang / nyam nga ba
357a1 thob pa gang dag dang por bla na med pa yang dag par rdzogs byang chub yang dag par 'dzin du stsal cing btsud de rab tu bkod pa'i sems can de dag bdag
357a2 gis dang por sbyin pa'i pha rol tu phyin pa yang dag par 'dzin du stsol pa dang / shes rab kyi pha rol tu phyin pa'i bar dag kyang yang dag par 'dzin du stsol la 'dul zhing 'dzud
357a3 de rab tu 'god par gyur cig /bdag gis sems can de dag gi dge ba'i rtsa ba'i sa bon de'ang bla na med pa'i mya ngan las 'das pa la 'jog cing ngan song rnams las yongs su
357a4 thar bar bgyid par gyur cig /shes rab dang bsod nams kyi tshogs la sbyor bar yang gyur cig /sangs rgyas bcom ldan 'das dag bzhugs te 'tsho zhing gzhes pa'i sangs
357a5 rgyas kyi zhing de dag tu 'bul bar yang gyur cig /de'i tshe na bla na med pa yang dag par rdzogs pa'i byang chub tu lung bstan pa'ang thob par gyur cig /ting nge 'dzin dang / gzungs
357a6 dang / bzod pa dag kyang thob par gyur cig /sa non par yang gyur cig /bdag gis sems can de dag sangs rgyas kyi zhing gi yon tan bkod pa'i smon lam yang dag par
357a7 'dzin du stsol cing slob tu stsol par yang gyur cig /de dag kyang ji ltar 'tshal ba'i sangs rgyas kyi zhing gi yon tan bkod pa dag kyang 'dzin par gyur cig /gang gi tshe bskal
357b1 pa bzang po la bab ste/ rgyal ba nyi ma 'khor ba 'jig shar ba de'i tshe bdag gis phyogs bcu'i sangs rgyas kyi zhing rdul phra rab kyi rdul snyed dag na/ sangs rgyas bcom ldan 'das
357b2 gang dag bzhugs te 'tsho zhing gzhes la sems can rnams la chos kyang ston pa dag kyang mthong bar gyur cig /de'i tshe na bdag de bzhin gshegs pa dgra bcom
357b3 pa yang dag par rdzogs pa'i sangs rgyas 'khor ba 'jig mngon par rdzogs par sangs rgyas nas ring por ma lags pa'i drung du mchi bar gyur cig /mchis nas kyang mchod pa sna
357b4 tshogs bgyid par gyur cig /zhu ba yongs su zhu bar yang gyur cig /rab tu 'byung bar yang gyur cig /tshul khrims dang / thos pa dang / ting nge 'dzin dag la mngon par brtson par
357b5 yang gyur cig /chos kyi mchog ston par yang gyur cig /de'i tshe na sems can gang dag sems kyi rgyud tshig pa rnams dang / mi dge ba'i rtsa ba dang 'grogs par gyur pa rnams dang /
357b6 lta ba'i lam du zhugs pa rnams dang / mtshams ma mchis pa bgyid pa rnams dang / lam ngan pas bcom par gyur pa rnams dang / nyam nga ba chen po thob par gyur pa'i sems
357b7 can de dag la'ang chos ston par gyur cig /bdag 'dul ba de dag kyang rab tu 'dzin par gyur cig /rgyal ba'i nyi ma nub pa de'i tshe na bdag lhun gyis grub pas sangs rgyas kyi mdzad
358a1 bgyid par 'gyur zhing / skye dgu rnams tshe lo brgya bar gyur gyi bar du sems can rnams bsod nams bgyi ba'i dngos po gsum po dag la sbyor
358a2 bar gyur cig /dus de la bab pa na lha'i 'jig rten du mchis nas lha rnams la chos ston par 'gyur zhing 'dul ba rnams kyang rab tu 'dzin par gyur cig /sems can
358a3 rnams kyi tshe lo brgya nyi shu pa'i bar du gyur pa na bde ba dang / dbang phyug dang / rigs dang / gzugs kyi dregs pas myos shing ser sna can du gyur te/ snyigs ma lnga'i
358a4 mun par chud pa'i sems can 'dod chags bdo ba/ zhe sdang bdo ba/ gti mug bdo ba/ nga rgyal bdo ba/ sdig pa dang / phrag dog dang / ser sna bdo ba/ chos ma lags pa
358a5 la 'dod chags kyis chags pa/ chos ma lags pa'i longs spyod 'tshol ba/ log par lta ba/ phyin ci log tu mthong ba/ 'phags pa'i nor bdun dang bral ba/ pha ra mi
358a6 'dzin pa/ mar mi 'dzin pa/ dge sbyong du mi 'dzin pa/ bram zer mi 'dzin pa/ bgyi ba ma lags pa bgyid pa/ bsod nams ma lags pa bgyid pa/ 'jig rten pha rol la
358a7 'jigs par mi blta ba/ bsod nams bgyi ba'i dngos po gsum po dag la mi brtson pa/ theg pa gsum don du mi gnyer ba/ legs par spyod pa gsum la mi brtson
358b1 pa| nyes par spyod pa gsum la brtson pa/ dge ba bcu'i las kyi lam la mi brtson pa/ mi dge ba bcu'i las kyi lam la brtson pa/ phyin ci log bzhi nyams pa/ rgud pa bzhi la
358b2 gnas pa/ bdud bzhi'i dbang du mchis pa/ chu bo bzhis ded pa/ sgrib pa lnga'i dbang du mchis pa'i sems can dag 'byung bar 'gyur lags so/ /dbang po drug gi dregs
358b3 pas myos pa/ log pa brgyad la zhugs pa/ 'dod pa'i nyam nga ba thob pa/ bag la nyal kun nas slong ba/ lha dang mi'i dpal dang / 'byor pa don du mi gnyer ba phyin ci log gi
358b4 lta ba can/ lam ngan pas bcom pa/ mtshams ma mchis pa bgyid pa/ dam pa'i chos spong ba/ 'phags pa la skur ba 'debs pa/ dge ba'i rtsa ba thams cad las yongs su nyams
358b5 pa| khwa ltar mu cor smra ba/ byas pa mi bzo ba/ dran pa nyams pa/ dge ba la smod pa/ shes rab 'chal pa/ thos pa nyung ba/ tshul khrims 'chal pa/ tshul 'chos pa/ ser sna
358b6 can| phan tshun mi snyan pa brjod pa/ gcig la gcig mi gus pa/ le lo can dbang po ma tshang ba/ nyam chung ba/ gos ma mchis pa/ mi dge ba'i bshes gnyen gyis zin pa/
358b7 bsam spa dang dran pa'i snying po nyams pa/ nad sna tshogs kyis nyen pa/ nyon mongs par gyur pa/ mdog ngan pa mi sdug pa/ ngo tsha ma mchis pa/ khrel ma mchis pa/ gcig gis
359a1 gcig 'jigs pa/ gang dag snga dro gcig la lus dang ngag dang yid kyis nyes par spyod pa mang du spyod pa de dag la bstod cing ther
359a2 zug tu blta ba'i sems can dag kyang 'byung bar 'gyur lags so/ /phung po lnga la mngon par zhen pa'i sems dang / 'dod pa'i yon tan lnga la 'chums pa'i sems dang /
359a3 sdang ba'i sems dang / gnod sems kyi sems dang / khon du 'dzin pa'i sems dang / rnam par 'tshe ba'i sems dang / rnyog pa'i sems dang / rtsub pa'i sems
359a4 dang / 'khrugs pa'i sems dang / ma dul ba'i sems dang / gnod pa'i sems dang / rgod nga'i sems dang / chos ma lags pa la mngon par zhen pa'i sems dang / khyad par
359a5 la mi gnas pa'i sems dang / phan tshun nongs pa rtsom pa'i sems dang / 'jungs pa'i sems dang / gcig la gcig gsod pa'i sems dang / chos yongs su spangs pa'i
359a6 sems dang / mi brtson pa'i sems dang / chos rnams la nongs par brtson pa'i sems dang / mi dge ba skyed pa'i sems dang / mya ngan las 'das pa zhi ba mi 'tshol ba'i sems
359a7 dang | sbyin gnas ma lags pa'i sems dang / kun tu sbyor ba dang / 'ching ba thams cad yang dag par sgrub pa'i sems dang / nad dang / rga ba dang / 'chi ba la yid rton
359b1 pa'i sems dang / kun tu sbyor ba thams cad kyis gnas pa'i sems dang / sgrib pa thams cad yongs su 'dzin pa'i sems dang / chos kyi rgyal mtshan bsgyel bar bgyi ba'i
359b2 sems dang / lta ba'i rgyal mtshan bsgreng bar bgyi ba'i sems dang / phan tshun mi snyan pa rjod pa'i sems dang / gcig gis gcig bza' ba'i sems dang / phan tshun 'tshe ba la dbang
359b3 bgyid pa'i sems dang / zhe sdang yang dag par 'dzin pa'i sems dang / gcig la gcig kun nas mnar sems kyi sems dang / 'dod pa dag gis ngoms mi myong ba'i sems
359b4 dang | thams cad yongs su 'dzin cing 'jungs pa'i sems dang / byas pa mi bzo ba'i sems dang / gzhan gyi chung ma brnab pa'i sems dang / gnod sems kyis 'tshe ba'i
359b5 sems dang / smon lam ma mchis pa'i sems dang ldan pa'i sems can dag kyang de'i tshe na 'byung bar 'gyur lags so/ /der sgra 'di lta bu dag phan tshun thos par yang bgyid
359b6 de| sems can dmyal ba'i sgra dang / dud 'gro'i skye gnas pa'i sgra dang / gshin rje'i 'jig rten gyi sgra dang / nad kyi sgra dang / rga ba'i sgra dang / 'chi ba'i sgra dang / gsod pa'i
359b7 sgra dang / mi khom pa'i sgra dang / rtag tu sgra bgyid pa'i sgra dang / khung sgro dang / khong sgril dang / 'ching ba dang / btson ra'i sgra dang / chad pa'i sgra dang / gnod pa'i sgra dang / mi snyan pa
360a1 gshe ba dang / spyo ba'i sgra dang / khyim 'bugs pa'i sgra dang / tshogs 'byed pa'i sgra dang / chom rkun gyi sgra dang / pha rol gyi dmag tshogs kyi sgra dang / mu
360a2 ge'i sgra dang / 'dod pa la log par g.yem pa'i sgra dang / brdzun du smra ba'i sgra dang / ltas ngan gyi sgra dang / phra ma'i sgra dang / tshig rtsub po'i sgra dang / tshig kyal pa'i sgra dang /
360a3 phrag dog dang ser sna'i sgra dang / kun tu 'dzin pa dang yongs su 'dzin pa'i sgra dang / ngar 'dzin pa dang / bdag gir 'dzin pa'i sgra dang / sdug pa dang mi sdug pa'i sgra dang / 'dod
360a4 pa dang mi 'dod pa'i sgra dang / sdug pa dang bral ba'i sgra dang / nyo tshong gi sgra dang / gcig gis gcig 'khol zhing 'tsho ba'i sgra dang / mngal na gnas pa'i sgra dang / dri nga ba'i
360a5 sgra dang / grang ba'i sgra dang / tsha ba'i sgra dang / bkres pa dang skom pa'i sgra dang / ngal ba dang chad pa tshol ba'i sgra dang / zhing las kyi sgra dang / bzo'i las sna tshogs kyis yongs su
360a6 skyo ba'i sgra dang / nad sna tshogs kyis nyen pa'i sgra dag ste/ sems can de dag gcig la gcig sgra de lta bu dag thos par yang bgyid lags so/ /de'i tshe na 'jig rten gyi khams
360a7 mi mjed ni sems can dge ba'i rtsa ba yongs su nyams pa/ dge ba'i bshes gnyen yongs su nyams pa/ sdang ba'i sems dang ldan pa de lta bu dag gis kun tu gtam par
360b1 'gyur te/ sems can de dag ni thams cad mkhyen pa dag gis stong pa'i sangs rgyas kyi zhing rnams su bor bar 'gyur te/ ji ltar bza' ba dang / btung ba dang / dul ba dang / yang
360b2 dag par sdom pa dang / dge ba'i las kyi bya ba dang / 'phags pa'i lam yan lag brgyad pa dang bral zhing mi dge ba dang 'grogs la/ mun khrod nas mun khrod du mchi ba'i sems
360b3 can de dag ni de'i tshe na las kyi rkyen rab tu dam pos bskal pa bzang po la lo brgya nyi shu pa rnams su skye bar 'gyur lags so/ /sems can de dag gis las kyi rkyen gyis sangs
360b4 rgyas kyi zhing mi mjed kyang dge ba'i rtsa ba bskyed pa'i sems can thams cad kyis yongs su spangs shing dman par 'gyur te/ sa gzhi pa tshwa can du 'gyur/ sa gzhi gor ma dang /
360b5 gseg ma dang / rdul dang / ri rad rod can du 'gyur/ sha sbrang dang / sbrang bu mchu ring dang / sbrul dang / gcan zan khro bo dang / gdug pa dag gis kun tu gtam par 'gyur/
360b6 dus ma lags par rdul gyis 'khrigs pa'i bser ma ldang bar 'gyur/ dus ma lags par ro ma mchis pa dang / lan tshwa dang 'dres pa dang / mi bsil ba'i char pa 'bab par 'gyur
360b7 zhing | de ltar sa la lo thog dang / sman dang / rtswa dang / shing ljon pa dang / lo ma dang / me tog dang / 'bras bu dang / 'bru dang / nor rnams dang / sems can rnams kyi bza' ba dang /
361a1 btung ba dang / longs spyod dang / nye bar spyod pa rnams kyang ngan pa dang / rnyog pa can dang / rud rud po dang / rtsub pa dang / dug dang 'dres par
361a2 'gyur te/ sems can de dag gis 'tshal nas kyang slar zhing rgya cher rtsub pa dang / gdug pa dang / khro ba dang / gtum pa dang / brlang ba dang / 'jungs pa dang / gshe ba
361a3 dang | gcig la gcig mi gus pa dang / 'jigs pa'i sems kyis kun nas mnar sems kyi sems dang / gsod pa'i sems dang ldan par 'gyur zhing sha 'tshal ba dang /
361a4 khrag 'tshal ba dang / ri dwags kyi pags pa 'tshal ba dang / mtshon cha thogs pa dang / srog chags 'gums pa la brtson pa dang / byad gzugs dang / rigs dang /
361a5 rgyud dang / dbang phyug dang / bstan bcos dang / yi ge dang / rta rtsal dang / mda' gzhu dang / mtshon cha thogs pa dang / 'khor dang / ser sna dang / dregs ngas par
361a6 'gyur te/ 'jig rten gyi dka' thub dang / brtul zhugs ngan pa rnam pa sna tshogs la mngon par brtson par gyur pa de'i tshe na/ bdag 'dul ba'i sems can rnams
361a7 kyi dge ba'i rtsa ba yongs su smin par bgyi ba'i slad du/ dga' ldan gyi gnas nas babs te 'khor los bsgyur ba'i rigs rgyud khyad par du 'phags pa'i dbang phyug rgyal
361b1 po'i rigs su btsun mo dam pa'i khong du mngal na gnas pa nye bar 'dzin par gyur cig /de'i tshe bdag gis thams cad dang ldan pa'i sangs rgyas kyi zhing mi mjed snang ba rgya chen
361b2 pos khyab par bgyid par 'gyur zhing / steng du ni 'og min gyi gnas gyi bar gyi mthar thug pa'i bar dang / 'og tu ni gser gyi 'khor lo'i mthar thug pa'i bar dag kyang snang
361b3 ba rgya chen pos khyab par bgyid par gyur cig /de'i tshe na sangs rgyas kyi zhing mi mjed na sems can gang dag sems can dmyal ba rnams dang / dud 'gro'i skye gnas dang / /
361b4 gshin rje'i 'jig rten dang / lha dang mi rnams su skyes par gyur pa de dag thams cad kyis kyang snang ba de mthong zhing reg pa dang / kun tu 'tshal bar gyur cig /'khor ba la rtog
361b5 cing sdug bsngal gyis yid byung ba de dag kyang mya ngan las 'das par 'tshal zhing tha na nyon mongs pa zhi bar bgyi ba de'i sems skyed par yang gyur cig /dang por lam mchog gi sa
361b6 bon 'di'ang skyed par gyur cig /gang gi tshe bdag chos thams cad kyi tshul la mkhas pa'i ting nge 'dzin thams cad ston pa'i chos kyi sgo gcig gis bskal pa phyi ma'i mthar ston
361b7 cing sems mnyam par bzhag nas zla ba bcur ma'i mngal na gnas par gyur cig /bdag gis sangs rgyas nyid thob nas yongs su skyo ba'i sems can gang dag 'khor ba las
362a1 yongs su thar bar bgyid par 'gyur ba'i sems can de dag gis bdag zla ba bcur ma'i mngal na nor bu'i snying po yang dag par ston pa la sems
362a2 mnyam par bzhag nas skyil mo krung gis mchis pa mthong bar gyur cig /zla ba bcu po 'das nas bdag gis bsod nams thams cad yang dag par bsags pa'i ting nge
362a3 'dzin gyis thams cad dang ldan pa'i sangs rgyas kyi zhing mi mjed kyi sa rnam pa drug tu g.yo bar bgyid par 'gyur zhing / steng du ni 'og min gyi gnas kyi mthar thug pa'i bar
362a4 dang / 'og tu ni gser gyi 'khor lo'i mthar thug pa'i bar dag kyang rnam pa drug tu g.yo bar bgyid par gyur cig /de'i tshe na sangs rgyas kyi zhing mi mjed du sems can gang
362a5 dag sems can dmyal ba rnams dang mi rnams su skyes par gyur pa de dag kyang rab tu sad par bgyid par gyur cig// //bam po bcu pa/ bdag ma'i
362a6 mchan khung g.yas pa nas mngon par 'byung ba'i tshe'ang thams cad dang ldan pa'i sangs rgyas kyi zhing mi mjed snang ba rgya chen pos khyab par gyur cig /de'i tshe de'i dus na
362a7 sangs rgyas kyi zhing mi mdzad thams cad kyi sems can rnams la'ang yang dag par skul bar gyur cig /dge ba'i rtsa ba ma bskrun pa'i sems can rnams kyi rgyud la mya ngan
362b1 las 'das pa'i sa bon 'debs par gyur cig /mya ngan las 'das pa'i sa bon bskyed pa'i sems can rnams kyi rgyud la ting nge 'dzin gyi myu gu skyed par gyur cig /gang gi tshe bdag
362b2 gi rkang pa'i mthil gyis sa la reg par 'gyur ba de'i tshe na thams cad dang ldan pa'i sangs rgyas kyi zhing mi mjed kyi sa gzhi gser gyi 'khor lo'i mthar thug pa'i bar dag rnam pa
362b3 drug tu g.yos pa dang / rab tu 'gul ba dang / 'khrug par gyur cig /de'i tshe na bdag gis gang dag skye gnas bzhir gtogs shing 'gro ba lnga la brten pa'i sems can chu la brten
362b4 pa rnams dang / sa la brten pa rnams dang / nam mkha' la brten pa de dag thams cad rab tu sad par bgyid par gyur cig /sems can gang dag gi rgyud la ting nge 'dzin gyi myu gu
362b5 ma skyes pa rnams kyang skyed par gyur cig /ting nge 'dzin gyi myu gu brtan par gyur pa rnams ni theg pa gsum po dag gis phyir mi ldog pa la 'god par gyur cig /bdag btsas
362b6 ma thag tu de'i mod la sangs rgyas kyi zhing mi mjed de'i tshangs pa chen po rnams dang / bdud rnams dang / brgya byin rnams dang / zla ba rnams dang / nyi ma rnams dang / 'jig
362b7 rten skyong ba rnams dang / klu'i rgyal po chen po rnams dang / lha ma yin gyi dbang po rnams dang / brdzus te skyes pa rnams dang / gnod sbyin dang / srin po dang / klu dang / lha ma
363a1 yin rdzu 'phrul chen po thams cad kyang bdag la mchod pa bgyi ba'i slad du nye bar mchis par gyur cig /bdag btsas ma thag tu gom pa bdun 'dor
363a2 bar gyur cig /bdag gis bsod nams thams cad yang dag par bsags pa'i ting nge 'dzin gyis thams cad dang ldan pa'i 'khor gang lags pa de theg pa gsum po dag
363a3 gis rab tu dang ba thob par 'gyur ba de ltar chos ston par gyur cig /'khor de na nyan thos kyi theg pa pa'i sems can srid pa tha ma par gyur pa gang lags pa de dag bdag
363a4 gis 'dul bar gyur cig /de na gang dag rang sangs rgyas kyi theg pa par gyur pa'i sems can de dag gis rnam par snang byed me tog gi bzod pa thob par gyur cig /de
363a5 nas gang dag bla na med pa'i theg pa chen po par gyur ba'i sems can de dag thams cad kyis rdo rje'i ting nge 'dzin rgya mtsho 'khrugs kyi ting nge 'dzin thob par gyur cig /ting
363a6 nge 'dzin des sa gsum po dag las yang dag par 'das par gyur cig /gang gi tshe bdag khrus bgyid par 'tshal ba na/ de na klu'i rgyal po chen po khyad par du 'phags
363a7 pa gang dag mchis par gyur pa de dag bdag la khrus bgyid par gyur cig /sems can gang dag gis bdag 'khrur bar mthong bar gyur pa de dag thams cad kyis theg pa
363b1 gsum po dag gis ji skad smos pa'i yon tan de lta bu dag mngon par rtogs par gyur cig /sems can gang dag gis bdag shing rta la 'tshal ba mthong bar gyur pa dang / rgya
363b2 cher bgyid na sems can gang dag gis bdag gzhon nu rtse ba dag dang /bzo'i gnas dang / las kyi gnas dang / skad sna tshogs ston pa dag dang / bslab tu rung ba dang / bud
363b3 med rnams kyi gnas su 'dod pa'i yon tan lnga'i dga' ba dang / rtsed mos yid byung nas dgung phyed na mngon par byung ste/ rgyan lhab lhub spangs nas yang dang yang du gos dmar
363b4 po dang / chos gos ngur smig yongs su 'tshal ba dang / byang chub kyi shing drung du nye bar bgrod pa'i slad du mchi ba mthong bar gyur pa'i sems can de dag la'ang bdag gis
363b5 bsod nams thams cad yang dag bar bsags pa'i ting nge 'dzin gyis ci nas kyang theg pa gsum po dag gis sems can de dag 'dun pa drag cing brtson par gyur pa de ltar
363b6 chos ston par gyur cig /de na gang dag rang sangs rgyas kyi theg pa par gyur pa'i sems can de dag thams cad kyis rnam par snang byed me tog gi ting nge 'dzin thob par gyur cig /
363b7 gang dag gis theg pa chen po'i sa bon btab par gyur pa de dag thams cad kyis rdo rje'i ting nge 'dzin rgya mtsho 'khrugs kyi ting nge 'dzin thob par gyur cig /ting nge 'dzin des sa gsum
364a1 po dag las yang dag par 'das par gyur cig /bdag nyid kyis stan bting ba bsdus te/ byang chub kyi shing dung du rdo rje'i gdan bshams pa la skyil
364a2 mo krung bcas nas lus drang por bsrang ste/ mchis nas bdag dbugs 'byung ba dang / dbugs rdub pa nye bar zhi ba de lta bu'i mkha' khyab kyi bsam gtan sgom par gyur
364a3 cig /bdag gdugs la lan gcig bsam gtan las ldang bar gyur cig /langs nas kyang bras su til gyi 'bras bu phyed cig 'tshal bar gyur cig /phyed ni slong mo pa
364a4 la stsol bar gyur cig /gang dag sangs rgyas kyi zhing mi mjed du gtogs pa'i 'og min gyi gnas kyi mthar thug pa'i bar gyi lha ji snyed pa de dag thams cad kyang bdag
364a5 la mchod pa bgyi ba'i slad du nye bar mchi bar 'gyur zhing / de dag thams cad kyang bdag dka' ba spyod pa'i dbang du 'gyur ba de srid du yun ring por bdag de lta bu'i dka'
364a6 ba spyad pa spyod par gyur cig /btsun pa bcom ldan 'das/ de na gang dag gis nyan thos kyi theg pa par sa bon btab par gyur par de dag gi rgyud la nyon mongs pa rab tu zhi
364a7 bar bgyid par gyur cig /ji ltar sngar smos pa bzhin du rang sangs rgyas kyi theg pa pa gang lags pa dag kyang bdag gis 'dul ba'i srid pa tha mar gyur cig /de bzhin du
364b1 klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po dang / yi dwags dang / sha za dang / grul bum rnams dang / mngon par shes
364b2 pa lnga dang ldan pa'i drang srong rnams kyang bdag la mchod pa bgyi ba'i slad du mchi bar 'gyur zhing de dag thams cad bdag dka' ba spyod pa'i dbang du gyur cig /gang dag
364b3 nyan thos kyi theg pa pa dag gi bar du ji ltar sngar smos pa bzhin du gyur cig /gling bzhi pa de na gzhan mu stegs can brtul zhugs dang dka' thub ngan pa'i dka' ba spyad pa
364b4 spyod pa gang lags pa de dag la'ang mi ma lags pa dag gis khyed cag dka' ba byed pa ma yin te/ ji ltar phyogs 'di na byang chub sems dpa' srid pa tha ma pa dka' ba spyad
364b5 pa spyod pa dang / snying la yid la byed pa 'dogs shing lus kyi 'du byed shin tu sbyangs pa dang / dag gi 'du byed shin tu sbyangs pa dang / de'i dbugs dbyung ba dang / dbugs
364b6 rdub pa dag rab tu zhi pa dang / nyin gcig bzhin du lan re bsam gtan las langs nas/ zas su til gyi 'bras bu phyed za zhing de ltar bsam gtan sgom pa'i dka' ba spyad
364b7 pa de ni mthu che ba yin/ de ni 'bras bu che ba yin/ de ni rgya che ba yin te/ de ni ring por mi thogs par bla na med pa yang dag par rdzogs pa'i byang chub mngon par rdzogs par 'tshang
365a1 rgya bar 'gyur ro/ /gal te yid mi ches na deng la nyid kyis ltos shig ces bsgo bar gyur cig /de dag gis kyang dka' ba spyod pa de btang ste/ bdag dka' ba
365a2 spyod pa mthong nas gang dag gis sems kyi rgyud la nyan thos kyi theg pa pa'i sa bon gyi myu gu gnas par 'gyur ba'i bar du ji ltar sngar smos pa bzhin du gyur cig /mi'i rgyal po
365a3 rnams dang / bkrabs pa rnams dang / grong mi rnams dang / ljongs kyi mi rnams dang / khyim na gnas pa rnams dang / rab tu byung ba rnams dang / grong khyim dang bcas pa gang
365a4 lags pa de dag kyang bdag dka' ba spyod pa'i drung du mchi bar 'gyur zhing nyan thos kyi theg pa pa'i bar du ji ltar sngar smos pa bzhin du gyur cig /bud med gang bdag blta ba'i
365a5 slad du mchi bar 'gyur ba de'ang de'i bud med kyi lus kyi tha ma thob par 'gyur zhing / gang dag nyan thos kyi theg pa pa'i bar du ji ltar sngar smos pa bzhin du gyur cig /ri dwags
365a6 dang / bya gang dag gis bdag dka' ba spyod cing mchis pa mthong bar gyur pa de dag kyang de dag gi dud 'gro'i skye gnas kyi lus kyi tha ma thob par gyur cig /ri dwags dang / bya
365a7 gang dag nyan thos kyi theg par sa bon btab par gyur pa dag kyang bdag gis 'dul ba skye ba gcig gis thogs par 'gyur zhing / gang dag rang sangs rgyas kyis theg pa pa
365b1 dag gi bar du ji ltar sngar smos pa bzhin du gyur cig /tshul de bzhin du dud 'gro'i skye gnas phra mo dag la'ang brjod par bgyi'o/ /de bzhin du yi dwags rnams la'ang brjod par
365b2 bgyi'o/ /ji srid du sems can bye ba khrag khrig 'bum phrag mang po dag bdag dka' ba spyod pa'i dbang du 'gyur zhing ngo mtshar du 'dzin par 'gyur ba dpag tu ma mchis /grangs
365b3 ma mchis pa de dag gis sems kyi rgyud la thar pa'i sa bon bskyed par 'gyur pa'i yun ring po de srid du bdag skyil mo krung gcig gis de lta bu'i dka' ba spyad pa spyod par gyur
365b4 cig /ji ltar sngon chad sems can du bgrang ba gzhan mu stegs can dang / nyan thos kyi theg pa pa dang / rang sangs rgyas kyi theg pa pa dang / bla na med pa'i theg pa chen po pa sus kyang
365b5 sngon de lta bu'i dka' ba ma spyad la/ slan chad kyang sems can du bgrang ba dang / gzhan mu stegs can su'ang ji ltar bdag spyod par 'gyur pa de lta bu'i dka' ba spyad pa spyod par rngo mi
365b6 thogs pa de lta bu'i dka' ba spyod pa bdag spyod par gyur cig /bdag gis bla na med pa yang dag par rdzogs pa'i byang chub ma thob pa de'i tshe skyes bu'i rtsal bgyid cing bdud dpung
365b7 gi tshogs dang bcas pa pham par bgyid par gyur cig /las kyi 'bras bu'i lhag ma dang bcas pa la gnas pa'i nyon mongs pa'i bdud las rgyal zhing bla na med pa yang dag par
366a1 rdzogs pa'i byang chub mngon par rdzogs par 'tshang rgya bar gyur cig /ci nas kyang bdag sems can gcig gi sems kyi rgyud la dgra bcom pa nyid
366a2 'jog par 'gyur ba dang / de bzhin du gnyis pa dang / de bzhin du gsum pa dang / de bzhin du bzhi pa la'ang chos ston par 'gyur zhing / sems kyi rgyud la'ang dgra bcom pa nyid
366a3 'jog par gyur cig /sems can gcig gi don gyi slad du'ang bdag cho 'phrul 'bum phrag du ma ston par 'gyur zhing de'i sems kyi rgyud la yang dag pa'i lta ba 'jog par gyur
366a4 cig /chos kyi don dang / tshig 'bru stong phrag mang po dag kyang brjod par gyur cig /ji ltar rdo thogs pa'i 'bras bu la'ang 'jog par gyur cig /sems can rnams kyi sems kyi
366a5 rgyud kyi nyon mongs pa'i ri bo dag ye shes kyi rdo rjes 'joms par gyur cig /theg pa rnam gsum rnam par dgod pas chos ston par gyur cig /sems can gcig gi don du chos
366a6 stan cing mi 'jigs pa'i go 'phang la rab tu dgod pa'i slad du'ang bdag dpag tshad brgya phrag mang po dag tu sug pas mchi bar gyur cig /bdag gi bstan pa la rab tu
366a7 'byung ba dag dgag pa ma mchis par 'gyur zhing nyam chung ba dang / dran pa nyams pa dang / sems rnam par 'khrul pa dang / mu cor smra ba dang / spyi brtol can gyi sems dang /
366b1 shes rab 'chal pa'i sems dang / nyon mongs pa mang pos dkrugs pa'i sems dang ldan pa rnams dang / bud med kyang bdag gis bstan pa la rab tu 'byung ba phun sum tshogs
366b2 par gyur cig /bdag la 'khor bzhi po dge slong dang / dge slong ma dang / dge bsnyen dang / dge bsnyen ma dag mchis par gyur cig /skye bo mang po dag gis bdag gi bstan pa rgyas
366b3 par gyur cig /lha rnams kyis bden pa mthong ba dang / gnod sbyin rnams dang / klu rnams dang / lha ma yin rnams kyang 'phags pa'i gso sbyong yan lag brgyad dang ldan pa la
366b4 gnas pa dang / dud 'gro'i skye gnas su skyes pa'i bar dag kyang tshangs par spyod pa la gnas par gyur cig /btsun pa bcom ldan 'das/ bdag byang chub thob pa na sems can
366b5 gang dag rab tu sdang ba'i sems kyis bdag la mtshon cha'am/ zhugs sam/ mdung ngam/ lag cha rnam pa sna tshogs dag gis 'debs su mchi ba dang / tshig rtsub po dang / brlang
366b6 po dag gis gshe zhing spyo bar 'gyur ba dang / phyogs dang phyogs mtshams dag tu'ang mi snyan pa'i sgra sgrog par 'gyur ba dang / dug dang 'dres pa'i bza' ba dang / btung ba
366b7 dag stobs par 'gyur ba de lta bu'i las kyi 'bras bu yongs su ma bas pa la gnas nas bdag bla na med pa yang dag par rdzogs pa'i byang chub mngon par rdzogs par 'tshang rgya
367a1 bar gyur cig /bdag byang chub thob pa na sems can dag sngon gyi 'khon gyis 'gum pa'i yo byad kyi sbyor bas bdag la tshig rtsub po dang / mtshon
367a2 cha sna tshogs dang / dug dang 'dres pa'i btung ba dag stsol bar 'gyur zhing / khrag kyang 'byin par 'gyur ba'i sems can de dag la bdag gis tshul khrims dang / thos pa
367a3 dang / ting nge 'dzin dang / snying rje chen po bsgoms pa'i tshangs pa'i sgra dbyangs kyi rnga sgra bsgrags pas de dag gi sems rab tu dang bar 'gyur ba de ltar chos ston par 'gyur
367a4 zhing dge ba la sbyor bar yang gyur cig /de ltar sems can dag kyang las kyi sgrib pa 'chags par 'gyur zhing slan chad kyang sdom pa len par gyur cig /sems can de dag
367a5 gi mtho ris dang thar pa'i 'bras bu dang / 'dod chags dang bral ba dang / zag pa zad pa la sgrib pa'i chos su'ang ma gyur cig /der bdag gi las kyi 'bras bu'ang yongs
367a6 su bas pa dang / mthar thug pa dang / byang bar gyur cig/ btsun pa bcom ldan 'das/ bdag byang chub thob nas kyang gdugs gcig bzhin du bdag gi spu'i khung bu ji snyed
367a7 pa de snyed kyi sangs rgyas kyi sku skyes bu chen po'i mtshan sum cu rtsa gnyis dang / dpe byad bzang po brgyad cus legs par brgyan pa dag sprul zhing / sangs rgyas kyi sku de dag kyang bdag
367b1 gis sangs rgyas kyi zhing stong pa dag tu 'gyed par gyur cig /stong pa ma lags pa dag tu'ang 'gyed par gyur cig /sangs rgyas kyi zhing snyigs ma lnga dang ldan pa dag tu 'ang 'gyed
367b2 par gyur cig /sangs rgyas kyi sku gcig gis kyang gdugs gcig la'ang sangs rgyas kyi zhing de dag na sems can gang dag mtshams ma mchis pa bgyid pa rnams dang / dam
367b3 pa'i chos spong ba rnams dang / 'phags pa la skur pa 'debs pa rnams dang / mi dge ba dang 'grogs pa'i bar dag dang / de na sems can gang dag thon thos kyi theg pa la yang dag
367b4 par zhugs pa rnams dang / rang sangs rgyas kyi theg pa la yang dag par zhugs pa rnams dang / theg pa chen po la yang dag par zhugs pa dag bslab pa dag la 'dren mar bgyid
367b5 pa rnams dang / zhig ral du spyod pa rnams dang / ltung ba'i rtsa ba byung ba rnams dang / sems kyi rgyud tshig pa rnams dang / dge ba'i lam rab tu nyams pa rnams dang / 'khor ba'i
367b6 'brog dgon par zhugs pa rnams dang / lam ngan pas rnam par bcom zhing nyam nga ba chen po thob par gyur pa de lta bu'i sems can bye ba khrag khrig phrag 'bum dag la chos ston
367b7 par gyur cig /sems can gang dag dbang phyug chen po la dad pa'i sems can de dag la'ang dbang phyug chen po'i gzugs kyis chos ston par gyur cig /sangs rgyas kyi zhing mi mjed du de
368a1 bdag gi bsngags pa brjod par yang gyur cig /der sems can rnams smon lam 'debs pa la brtson par yang gyur cig /sems can de dag gis
368a2 bdag gis bsngags pa thos nas/ bdag gi sangs rgyas kyi zhing du skye bar 'tshal zhing smon lam yang 'debs par gyur cig /btsun pa bcom ldan 'das/ gal te bdag sems
368a3 can de dag 'gum pa'i dus kyi tshe mdun du ma mchis sam/ chos ma bstan tam/ sems rab tu dang bar ma bgyis na bdag bla na med pa yang dag par rdzogs pa'i byang chub
368a4 mngon par rdzogs par 'tshang rgya bar ma gyur cig /gal te sems can de dag gum nas ngan 'gro rnams su skye bar 'gyur ram/ bdag gi sangs rgyas kyi zhing du mi'i lus thob
368a5 par ma gyur na bdag gi chos thams cad nyams par gyur cig /bdag slar yang snang bar ma gyur cig /bdag gis sangs rgyas kyi mdzad pa mtha' dag sgrub par yang rdo mi thogs
368a6 par gyur cig /gal te sems can gang dag sred med kyi bu la dad pa rnams dang / sems can de dag gum nas ngan 'gror ltung ba'i bar du gyur na/ bdag gi sangs rgyas kyi
368a7 mdzad pa mtha' dag sgrub par rdo mi thogs par gyur cig /bdag byang chub thob nas kyang sangs rgyas kyi zhing thams cad dag na sems can mtshams ma mchis pa bgyid pa dang /
368b1 lam ngan pas bcom zhing nyam nga ba chen po thob par gyur pa'i sems can dag gum nas bdag gi sangs rgyas kyi zhing du skye bar 'gyur ba de dag gi mtshan ma ni 'di lags te/ sems
368b2 can de dag gi kha dog sa lta bur 'gyur ba dang / sha za'i gdong 'dra ba dang / bskyud ngas pa dang / dri mi bda' ba dang / tshul khrims 'chal pa dang / tshe thung ba dang / nad rnam pa sna
368b3 tshogs kyis nyen pa dang / sems can de dag gi yo byad rnams kyang yongs su nyams par 'gyur ba ste/ sems can de dag gi don du bdag de'i tshe na 'jig rten gyi khams mi mjed kyi
368b4 gling bzhi pa ji snyed mchis par gyur pa'i gling bzhi pa thams cad du yongs su dga' ldan gyi gnas nas 'bab cing ma'i mngal du skye ba ston par gyur cig /rgya cher bgyi na gzhon
368b5 nu rtse ba dang / bzo dang las kyi gnas dang / dka' ba spyod pa dang / bdud 'dul ba dang / byang chub mngon par rdzogs par 'tshang rgya ba dang / chos kyi 'khor lo bskor ba dang / gling
368b6 bzhi ba thams cad du sangs rgyas kyi mdzad pa mtha' dag nye bar ston par yang gyur cig /yongs su mya ngan las 'da' ba dang / sku gdung 'god pa'i bar dag nye bar ston par
368b7 yang gyur cig /bdag byang chub thob nas kyang tshig gcig brjod pas chos ston par 'gyur zhing nyan thos kyi theg pa pa'i sems can gang lags pa de dag gi sa ni nyan thos kyi theg
369a1 pa pa'i gtam gyi sde snod kyi chos bstan par 'tshal bar gyur cig /rang sangs rgyas kyis 'dul ba'i sems can gang lags pa de dag gis ni rang sangs rgyas
369a2 kyi theg pa pa'i gtam gyi chos bstan par 'tshal bar gyur cig /bla na med pa'i theg pa chen po'i sems can gang lags pa de dag gis ni theg pa chen po'i gtam gyi chos bstan par
369a3 'tshal bar gyur cig /tshogs dang bral ba'i sems can gang lags pa de dag ni sbyin pa'i gtam gyi chos bstan par 'tshal bar gyur cig /bsod nams dang bral zhing mtho ris kyi
369a4 bde ba 'tshal ba'i sems can gang lags pa de dag gis ni tshul khrims kyi gtam gyi chos bstan par 'tshal bar gyur cig /gcig la gcig 'jig pa dang / rnyog pa'i sems dang /
369a5 rab tu sdang ba'i sems dang ldan pa gang lags pa de dag gis ni byams pa brjod pa'i gtam gyi chos bstan par 'tshal bar gyur cig /srog gcod pa rnams kyis ni snying rje bstan par
369a6 'tshal bar gyur cig /phrag dog dang / ser snas zil gyis non pa rnams kyis ni dga' ba brjod pa'i gtam gyi chos bstan par 'tshal bar gyur cig /gzugs dang gzugs ma mchis
369a7 pa'i dregs pas myos pa'i sems dang ldan pa rnams kyis ni btang snyoms brjod pa'i gtam gyi chos bstan par 'tshal bar gyur cig /'dod pa la 'dod chags kyi dregs pas
369b1 myos pa'i sems dang ldan pa rnams kyis ni yang dag par ma lags pa brjod pas chos bstan par 'tshal bar gyur cig /theg pa chen po pa'i sems can rgod pas rnam par dkrugs
369b2 pa'i sems dang ldan pa gang lags pa de dag gis ni dbugs 'byung ba dang rdub pa dran pa brjod pas chos bstan par 'tshal bar gyur cig /shes rab 'chal pa rnams kyis ni rten
369b3 cing 'brel par 'byung ba brjod pas chos ston par 'tshal par gyur cig /thos pa nyung ba rnams kyis ni bskyud pa ma mchis shing thos pa 'dzin pa chud mi za ba brjod pas chos bstan par
369b4 'tshal bar gyur cig /lta ba ngan pa nyam nga bar gyur pa rnams kyis ni stong pa nyid brjod pas chos bstan par 'tshal bar gyur cig /rnam par rtog pa kun tu spyod pas nyams pa rnams
369b5 kyis ni mtshan ma ma mchis pa brjod pas chos bstan par 'tshal bar gyur cig /smon pa ma mchis pa'i yongs su dag pa nyams pa rnams kyis ni smon pa ma mchis pa brjod pas chos
369b6 bstan par 'tshal par gyur cig /bsam pa yongs su ma dag pa rnams kyis ni bsam pa yongs su dag pa brjod pas chos bsan par 'tshal par gyur cig /rnam par 'dres par
369b7 spyod pas nyams pa rnams kyis ni byang chub kyi sems mi brjod pa brjod pas chos bstan par 'tshal bar gyur cig/ zad pa'i sbyor ba drod nyams pa rnams kyi sa ni bcos ma ma
370a1 lags pa brjod pa'i chos bstan par 'tshal bar gyur cig /lhag pa'i bsam pa shin tu sbyangs pa nyams pa rnams kyis ni brten pa ma mchis pa brjod
370a2 pas chos bstan par 'tshal bar gyur cig /de bzhin du sbyar te/ nyon mongs pa can gyi sems dang ldan pa rnams kyis ni dge ba'i sems brjod pa dang / dge ba mi bskyud pa rnams
370a3 kyis ni rnam par snang byed brjod pa dang / bdud kyi las la brtson pa rnams kyis ni stong pa nyid brjod pa dang / don dam pa la yang dag par zhugs pa rnams kyis ni mngon par
370a4 'phags pa brjod pa dang / nyon mongs pa sna tshogs kyis sems nyams par gyur pa rnams kyis ni bral ba brjod pa dang / lam mi mnyam par yang dag par zhugs pa rnams
370a5 kyis ni rnam par ldog par brjod pa dang / theg pa chen po la ngo mtshar du rtogs pa'i sems dang ldan pa rnams kyis ni ldog pa brjod pa dang / 'khor bas skyo ba'i byang chub sems
370a6 dpa' rnams kyis ni dga' ba brjod pa dang / dge ba dang / sa dang / ye shes ma rtogs pa rnams kyis ni ma rmongs pa brjod pa dang / dge ba'i rtsa gzhan dang gzhan dag gis
370a7 chog par 'dzin pa rnams kyis ni thos pa brjod pa dang / gcig la gcig sems mi mnyam pa rnams kyis ni 'od zer thogs pa me dpa brjod pa dang / las dga' ba la yang dag
370b1 par zhugs pa rnams kyis ni bya ba la 'jug pa brjod pa dang / 'khor gyis 'jigs par gyur pa rnams kyis ni seng ge'i rtogs pa brjod pa dang / bdud bzhis zil gyis non pa'i sems
370b2 dang ldan pa rnams kyis ni dpa' ba brjod pa dang / sangs rgyas kyi zhing snang bar ma gyur pa'i sems can rnams kyis ni 'od bkod pa brjod pa dang / rjes su chags pa dang / khong khro ba
370b3 rnams kyis ni ri bo'i phung po brjod pa dang / sangs rgyas kyi chos snang bas zil gyis non pa rnams kyis ni rgyal mtshan gyi rtse mo'i dpung rgyan brjod pa dang / shes rab chen po dang bral
370b4 ba rnams kyis ni sgron ma dang ldan pa brjod pa dang / gti mug gi mun par mchis pa rnams kyis ni nyi ma'i sgron ma brjod pa dang / zad pa'i nges pa'i tshig la brtson pa rnams kyis
370b5 ni yon tan 'byung gnas brjod pa dang / bdag la dbu ba rdos pa lta bur 'tshal ba rnams kyis ni sred med kyi bu brjod pa dang / blo g.yo zhing 'gyur ba rnams kyis ni snying po dang ldan
370b6 pa brjod pa dang / spyi gtsug bltar gda' ba rnams kyis ni lhun po'i rgyal mtshan brjod pa dang / sngon gyi dam bcas pa bor ba rnams kyis ni snying po can brjod pa dang / mngon par
370b7 shes pa nyams pa rnams kyis ni rdo rje'i tshig brjod pa dang / byang chub kyi snying po mngon par 'tshal ba rnams kyis ni rdo rje'i snying po brjod pa dang / chos thams cad smon pa rnams kyis
371a1 ni rdo rje lta bu brjod pa dang / sems can gyi sems kyi spyod pa rab tu 'tshal ba rnams kyis ni spyod pa dang ldan pa brjod pa dang / dbang po mchog dang
371a2 mchog ma lags par 'tshal ba rnams kyis ni shes rab sgron ma brjod pa dang / phan tshun du tshig brjod pa ma 'tshal ba rnams kyis ni sgra la 'jug pa brjod pa dang / chos kyi
371a3 sku thob pa rnams kyis ni dam pa'i chos kyi tshogs bsgom pa brjod pa dang / de bzhin gshegs pa mthong ba dang bral ba rnams kyis ni mig mi 'dzum pa brjod pa dang / dmigs
371a4 pa thams cad kyis rnam par 'khrugs pa rnams kyis ni dgon pa brjod pa dang / chos kyi 'khor lo mngon par bskor bar 'tshal ba rnams kyis ni 'khor lo dri ma med pa
371a5 brjod pa dang / rgyu ma mchis pa'i rig pa la yang dag par zhugs pa rnams kyis ni rig pa la brten pa'i rjes su mthun pa brjod pa dang / sangs rgyas kyi zhing gcig pu ther
371a6 zug tu blta ba rnams kyi sa ni legs par bgyid pa rnam par 'byed pa brjod pa dang / mtshan dang dpe byad kyi sa bon bskrun pa rnams kyis ni rgyan dang ldan pa brjod pa dang /
371a7 tshig dang sgra rab tu 'byed par rngo mi thogs pa rnams kyis ni so sor bsgrub pa brjod pa dang / thams cad mkhyen pa'i ye shes mngon par 'tshal ba rnams kyis ni chos kyi dbyings
371b1 rnam par 'khrugs pa ma mchis pa brjod pa dang / da ltar byung ba'i chos rnams la yang dang yang du 'jug pa rnams kyis ni brtan pa brjod pa dang / chos kyi dbyings rab tu 'tshal
371b2 ba rnams kyi sa ni mngon par shes pa brjod pa dang / shes rab spangs pa rnams kyis ni nyams pa ma mchis pa brjod pa dang / lam rnam par 'khrugs pa rnams kyis ni 'gyur ba ma
371b3 mchis pa brjod pa dang / nam mkha' lta bu'i ye shes mngon par 'tshal ba rnams kyis ni ci'ang ma mchis pa brjod pa dang / pha rol tu phyin pa yongs su rdzogs pa rnams kyis ni yongs
371b4 su dag pa la rab tu 'god pa brjod pa dang / bsdu ba'i dngos po yongs su ma rdzogs pa rnams kyis ni shin tu yang dag par gzung ba brjod pa dang / tshangs pa'i gnas pa 'tshol ba
371b5 rnams kyis ni sbyor ba mnyam pa brjod pa dang / byang chub kyi phyogs rin po che yongs su ma rdzogs pa rnams kyis ni rnam par gnas pas nges par 'byung ba brjod pa dang / shes pa ma
371b6 bsgoms shing rab tu sdang ba'i sems dang ldan pa rnams kyis ni rgya mtsho'i phyag rgya brjod pa dang / mi skye ba'i chos kyi bzod pa la ngo mtshar du sems pa rnams kyis ni sems ma mchis pa
371b7 brjod pa dang / ji ltar thos pa'i chos rab tu nyams pa'i sems dang ldan pa rnams kyis ni bskyud pa ma mchis pa brjod pa dang / phan tshun legs par smras pa la mi dga' ba rnams kyis
372a1 ni rab rib ma mchis pa brjod pa dang / dkon mchog gsum la rab tu dang ba thob pa rnams kyis ni bsod nams che ba brjod pa dang / chos kyi sgo'i
372a2 char rab tu 'bab pas chog ma 'tshal ba rnams kyi sa ni chos kyi sprin brjod pa dang / dkon mchog gsum rgyun chad par lta ba rnams kyis ni rin chen bkod pa brjod pa dang /
372a3 shes pa nyams pa'i las la mngon par brtson pa rnams kyis ni dpe ma mchis pa brjod pa dang / kun tu sbyor ba dang 'ching ba can thams cad kyis ni nam mkha'i sgo brjod pa dang /
372a4 chos thams cad gzhan ma lags par sems pa rnams kyis ni ye shes kyi phyag rgya brjod pa dang / de bzhin gshegs pa'i yon tan yongs su ma rdzogs pa rnams kyis ni 'jig rten
372a5 gyi rig pa mngon sum du bgyi ba'i dngos po brjod pa dang / sngon gyi sangs rgyas la lhag par bgyi ba bgyis pa rnams kyis ni rnam par nges pa'i cho 'phrul brjod pa dang / phyi ma'i
372a6 mtha'i bskal par chos kyi sgo gcig ston pa rnams kyis ni chos thams cad kyi tshul brjod pa dang / mdo sde thams cad la rnam par nges pa rnams kyis ni chos kyi rang bzhin
372a7 mnyam pa nyid du rnam par nges par brjod pa dang / rnying par 'gyur ba dang / mthun pa'i chos drug yongs su spangs pa rnams kyis ni chos thams cad kyi tshul brjod pa dang / rnam
372b1 par thar pa'i sems kyi theg pa la mngon par brtson pa rnams kyis ni mngon par shes pas rnam par rtse ba brjod pa par rtog pa rnams kyis ni gzhan gyi dring mi 'jog pa brjod pa
372b2 par rtog pa rnams kyis ni gzhan gyi dring mi 'jog pa brjod pa dang / byang chub sems dpa'i spyod pa la mngon par mi brtson pa rnams kyis ni ye shes thob par brjod pa dang / nye du la
372b3 yang dag par ston pa rnams kyis ni thams cad kyi rjes su song ba brjod pa dang / byang chub sems dpa'i spyod pa lhag ma dang bcas pa rnams kyis ni dbang bskur ba brjod pa dang /
372b4 de bzhin gshegs pa'i stobs bcu yongs su ma rdzogs pa rnams kyis ni mi choms pa brjod pa dang / mi 'jigs pa bzhi ma thob pa rnams kyis ni mi zad pa brjod pa dang / sangs rgyas kyi
372b5 chos ma 'dres pa ma thob pa rnams kyis ni mi 'phrogs pa brjod pa dang / mnyan pa dang lta ba don ma mchis pa rnams kyis ni smon lam brjod pa dang / sangs rgyas kyi chos thams cad
372b6 mngon sum du rjes su rtogs par bgyi ba'i slad du rgyun 'khrugs pa rnams kyis ni rgya mtsho dri ma med pa brjod pa dang / thams cad mkhyen pa'i ye shes lhag ma dang bcas pa rnams
372b7 kyis ni sangs rgyas shin tu rnam par sangs rgyas pa brjod pa dang / de bzhin gshegs pa thams cad kyi dgongs pa ma thob pa rnams kyis ni mtha' ma mchis pa dang / thug pa ma
373a1 mchis pa brjod pas chos bstan par 'tshal bar gyur cig /byang chub sems dpa' gang dag g.yo ma mchis pa/ sgyu ma mchis pa/ drang ba drang ba'i
373a2 rang bzhin can te/ theg pa chen po la yang dag par zhugs pa dpag tu ma mchis/ grangs ma mchis pa de dag gi sems kyi rgyud la tshig gcig brjod pas kyang chos kyi sgo
373a3 brgyad khri bzhi stong dang / ting nge 'dzin gyi sgo brgyad khri bzhi stong dang / gzungs bdun khri lnga stong po'i yon tan de dag rab tu 'god par gyur cig /des byang chub sems dpa'
373a4 sems dpa' chen po rnams go cha chen po 'tshal bar gyur cig /smon lam gyi khyad par bsam gyis mi khyab pas mngon par 'phags par gyur cig /bsam gyis mi khyab
373a5 pa'i ye shes mthong ba dang / byang chub kyi yon tan dam pas brgyan par gyur cig /'di lta ste/ lus mtshan dang dpe byad rnams kyis brgyan par gyur cig /ngag legs par
373a6 smras pas sems can rnams kyi bsam pa ji lta ba bzhin du yang dag par mgu bar bgyid pas brgyan par gyur cig /ting nge 'dzin tshig ma mchis pa'i slad du thos pas
373a7 brgyan pa dang / gzungs bskyud pa ma mchis pa'i slad du dran pas brgyan pa dang / 'gro ba ngan pa khong du chud pa'i slad du yid kyis brgyan cing mya ngan las 'das pas brgyan pa dang /
373b1 dam pa bcas pa la brtan pa'i slad du bsam pas brgyan pa dang / dam bcas pa nyams su lon pa'i slad du sbyor bas brgyan pa dang / sa nas sar 'phar ba'i slad du lhag pa'i bsam
373b2 pas brgyan pa dang / dngos po thams cad yongs su gtong ba'i slad du sbyin pas brgyan pa dang / legs par thos pa khong du chud pa dri ma mchis pa'i slad du tshul khrims kyis
373b3 brgyan pa dang / sems can thams cad la zhe 'gras pa'i sems ma mchis pa'i slad du bzod pas brgyan pa dang / tshogs thams cad nye bar bsags pa'i slad du brtson 'grus
373b4 kyis brgyan pa dang / snyoms par 'jug pa thams cad dang / mngon par shes pas rnam par rtse ba'i slad du bsam gtan gyis brgyan pa dang / nyon mongs pa'i bag chags
373b5 yongs su 'tshal ba'i slad du shes rab kyis brgyan par gyur cig /sems can thams cad yang dag par skyob pa'i rjes su mchis pa'i slad du byams pas brgyan pa dang / sems
373b6 can thams cad yongs su mi gtong ba la gnas pa'i slad du snying rjes brgyan pa dang / chos thams cad la the tshom ma mchis par 'gyur ba'i slad du dga' bas brgyan pa dang /
373b7 mthon dman gnyis dang bral ba'i slad du btang snyoms kyis brgyan pa dang / mngon par shes pa thams cad kyis rnam par rtse ba'i slad du mngon par shes pas brgyan pa dang /
374a1 longs spyod mi bas pa'i rin po che'i lag pa thob pa'i slad du bsod nams kyis brgyan pa dang / sems can thams cad kyi sems kyi spyod pa mngon
374a2 par 'tshal ba'i slad du ye shes kyis brgyan pa dang / sems can thams cad kyis chos rtogs par bgyi ba la mkhas pa'i slad du blos brgyan pa dang / shes rab kyi mig gi
374a3 snang ba thob pa'i slad du snang bas brgyan par gyur cig /don dang / chos dang / nges pa'i tshig dang / spobs pa so so yang dag par rig pa thob pa'i slad du so so yang dag par
374a4 rig pas brgyan par gyur cig /bdud dang phas kyi rgol ba thams cad kyis zil gyis mi non pa'i slad du mi 'jigs pas brgyan pa dang / sangs rgyas rnams kyi yon tan
374a5 rjes su thob pa'i slad du yon tan gyis brgyan pa dang / rtag tu rgyun mi 'chad par thogs pa ma mchis pa'i spobs pas sems can rnams la chos ston pa'i slad du chos kyis
374a6 brgyan par gyur cig /sangs rgyas kyi chos thams cad snang bar gyur pa'i slad du snang bas brgyan pa dang / sangs rgyas kyi zhing thams cad snang bar gyur ba'i slad du 'od kyis
374a7 brgyan pa dang / khyad par lung ston pa'i slad du kun brjod pa'i cho 'phrul gyis brgyan pa dang / yang dag pa ji lta ba bzhin du rjes su ston pa stsol ba'i slad du rjes su ston
374b1 pa'i cho 'phrul gyis brgyan pa dang / rdzu 'phrul gyi rkang pa bzhi'i dam pa'i pha rol tu son pa'i slad du rdzu 'phrul gyi cho 'phrul gyis brgyan pa dang / de bzhin gshegs pa'i gsang
374b2 ba'i rjes su zhugs pa'i slad du de bzhin gshegs pa thams cad kyi byin gyi rlabs kyis brgyan pa dang / gzhan la rag ma las pa'i ye shes thob pa'i slad du chos kyi dbang phyug
374b3 gis brgyan pa dang / ji skad smras pa de bzhin du bgyid cing thams cad kyis mi choms pa'i slad du dge ba'i chos thams cad la nan tan snying por bgyid pas brgyan par gyur
374b4 cig |theg pa chen po la yang dag par zhugs pa'i sems can dpag tu ma mchis/ grangs ma mchis pa dag la'ang bdag gis tshig gcig brjod pas dge ba rnam par sbyong ba yang
374b5 dag par bsags pa chen pos yang dag par tshim par gyur cig /de na byang chub sems dpa' sems dpa' chen po de dag gis chos thams cad la gzhan gyi dring mi 'jog pa'i ye
374b6 shes thob par gyur cig /chos kyi snang ba chen po dang yang ldan par gyur cig /myur du bla na med par yang dag par rdzogs pa'i byang chub mngon par rdzogs par 'tshang rgya bar yang gyur cig
374b7 btsun pa bcom ldan 'das/ 'jig rten gyi khams gzhan dag na nyan thos kyi theg pa pa'am/ rang sangs rgyas kyi theg pa pa'am/ bla na med pa'i theg pa chen po pa'i sems can gang dag
375a1 mtshams ma mchis pa bgyid pa dang / ltung ba'i rtsa ba'i bar gyi nongs pa dang bcas pa dang / sems kyi rgyud tshig par gyur pa de dag kyang smon lam gyi dbang gis
375a2 bdag gi sangs rgyas kyi zhing du skye bar gyur cig /sems can mi dge ba'i rtsa ba dang 'grogs pa/ rtsub pa/ sdig pa 'tshal ba/ khra khro dang / dmu rgod kyi rgyud can/ blo ldog pa kun
375a3 'dzin pa'i rgyud can de dag la'ang bdag gi sems dang skad brgyad khri bzhi stong dag ston par gyur cig /sems can le lo can gyi bar dag la'ang bdag gis chos kyi phung po brgyad khri
375a4 bzhi stong dag rgya cher ston par gyur cig /de na sems can gang dag bla na med pa'i theg pa chen por gyur pa de dag la'ang bdag gis pha rol tu phyin pa drug gi chos rnams rgya cher
375a5 ston par 'gyur zhing / sbyin pa'i pha rol tu phyin pa rgya cher ston par 'gyur ba dang / shes rab kyi pha rol tu phyin pa'i bar du rgya cher ston par gyur cig /yang de na sems can gang
375a6 dag nyan thos kyi theg pa pa'am/ rang sangs rgyas kyi theg pa par gyur pa'am/ dge ba'i rtsa ba ma bskrun cing bstan bcos la mngon par dga' bar ma gyur pa de dag kyang bdag gis
375a7 gsum la skyabs su mchi ba la 'god par 'gyur zhing / slad kyis pha rol tu phyin pa drug po dag la'ang sbyor bar gyur cig/ rnam par 'tshe ba la dga' ba rnams ni srog gcod pa
375b1 spong ba la 'god par gyur cig /'dod pa mi bzad pas zil gyis non pa rnams ni ma byin par len pa spong ba la 'god par gyur cig /chos ma lags pa la 'dod pas chags pa rnams
375b2 ni 'dod pa la log par g.yem pa spong ba la 'god par gyur cig /phan tshun rdzun gyi tshig smra ba rnams ni brdzun du smra ba spong ba la 'god par gyur cig /myos par 'gyur ba la mngon par
375b3 dga' ba rnams ni chang dang bcos pa'i chang myos par 'gyur ba bag med pa spong ba la 'god par gyur cig /sems can gang dag nongs pa lnga po thams cad bgyid par 'gyur ba de dag
375b4 ni nongs pa lnga po spong zhing dge bsnyen gyi sdom pa la 'god pa gyur cig /sems can gang dag dge ba'i chos rnams la mngon par mi dga' ba de dag ni bdag gis nyin zhag gcig
375b5 tsam yang yan lag brgyad dang ldan pa'i tshul khrims la rab tu 'god par gyur cig /sems can gang dag dge ba'i rtsa ba chung ngu la mngon par dga' ba'i sems dang ldan pa de dag ni
375b6 bdag gis legs par gsungs pa'i chos 'dul ba la nye bar sbyar bar bgyi zhing / rab tu byung ba'i sdom pa bslab pa'i gzhi bcu'i tshangs par spyod pa la 'god par gyur cig /sems can
375b7 gang dag dge ba'i chos rnams yongs su 'tshol bar 'tshal ba de dag ni bdag gis dge ba'i chos rnams la nye bar bsgrubs nas tshangs par sbyor ba thams cad la rab tu 'god par
376a1 gyur cig /sems can mtshams ma mchis pa bgyid pa dang / kun nas 'dzin pa'i rgyud can gyi bar de lta bu dag gi don du bdag gis don dang / tshig dang /
376a2 yi ge rnam pa sna tshogs mang po dag gi cho 'phrul rnams kyis chos ston par gyur cig /phung po dang / khams dang / skye mched dag mi rtag pa dang / sdug bsngal ba dang / bdag ma
376a3 mchis pa dang / stong par ston par 'gyur zhing bde ba dang / dge ba dang / zhi ba dang / shis pa dang / 'jigs pa ma mchis pa'i grong khyer mya ngan las 'das pa la rab tu 'god
376a4 par gyur cig /de ltar bdag 'khor bzhi po dge slong dang / dge slong ma dang / dge bsnyen dang / dge bsnyen ma dag la chos ston par gyur cig /gang dag rtsod pa 'tshal bar 'gyur
376a5 ba de dag la bdag gis chos kyis brtsod pa'i bstan bcos rab tu ston par gyur cig /gang dag dge ba'i chos rnams la mngon par mi dga' ba de dag la bdag gis zhal
376a6 ta bgyid pa'i las ston par gyur cig /kha ton la mngon par dga' ba rnams la ni stong pa nyid kyi bsam gtan gyi cha gcig gis rnam par grol ba'i lam ston par gyur cig /
376a7 sems can re re'i don gyi slad du'ang bdag dpag tshad 'bum phrag mang po dag tu sug pas mchi bar 'gyur zhing / don dang / tshig dang / yi ge dang / thabs dang / cho 'phrul
376b1 rnam pa sna tshogs mang po dag gis skyo ba ma mchis shing spro bar bgyid par 'gyur ba dang / mya ngan las 'das pa'i bar la 'god par gyur cig /ting nge 'dzin gyi stobs kyis
376b2 bdag gi tshe'i 'du byed ji tsam pa'i lnga cha 'dor bar gyur cig /bdag yongs su mya ngan las 'da' ba'i dus kyi tshe na rang gi sku gdung bdag nyid kyis yungs 'bru'i tshad tsam du
376b3 gcog par 'gyur zhing / sems can rnams la snying rje'i slad du bdag ni slad kyis yongs su mya ngan las 'da' bar gyur cig /bdag yongs su mya ngan las 'das nas kyang lo stong
376b4 du dam pa'i chos gnas par gyur cig /yang lo lnga brgyar ni dam pa'i chos kyi gzugs brnyan gnas par gyur cig /sems can gang dag bdag yongs su mya ngan las 'das pa'i
376b5 sku gdung rnams las rin po che rnams dang / rol mo'i sgra dag gi bar gyis mchod pa bgyid par spro ba skye bar 'gyur ba dang / tha na sangs rgyas kyi mtshan gcig tsam dang / phyag
376b6 gcig tsam dang / bskor ba gcig tsam dang / thal mo sbyor ba gcig tsam dang / me tog gcig tsam gyi rgyus mchod pa bgyid par 'gyur ba de dag thams cad kyang bsam pa ji lta
376b7 ba bzhin du theg pa gsum po dag gis slar mi ldog par gyur cig /sems can gang dag bdag yongs su mya ngan las 'das pa'i bstan pa la tha na bslab pa'i gzhi gcig tsam
377a1 'dzin par 'gyur ram/ ji skad bstan pa bzhin du yang dag par blangs nas gnas sam/ tshig bzhi pa'i tshigs su bcad pa gcig tsam gyi bar dag
377a2 kun chub par bgyid dam/ klog gam/ gzhan dag la'ang ston par 'gyur ba dang / gang dag gis thos nas sems rab tu dang bar 'gyur zhing / tha na dam pa'i chos smra ba la
377a3 me tog gcig tsam dang / phyag gcig tsam gyis mchod pa bgyid par 'gyur ba de dag thams cad kyang bsam pa ji lta ba bzhin du theg pa gsum po dag gis slar mi ldog par
377a4 gyur cig /ji tsam na dam pa'i chos nub ste/ chos kyi sgron ma ni gum/ chos kyi rgyal mtshan ni 'gyel bar gyur pa na bdag skyes pa'i sku gdung de dag kyang gser gyi 'khor lo'i
377a5 mthar thug pa'i dogs la lhags par 'gyur zhing / gang gi tshe sangs rgyas kyi zhing mi mjed na rin po ches phongs par gyur pa de'i tshe na/ de dag nor bu bai DUR+ya tog gi blo gros
377a6 zhes bgyi bar gyur te zhugs ltar gda' zhing kun tu gnas par gyur cig /de'ang de nas mngon par 'phags te/ gong du 'og min gyi gnas kyi mthar thug pa'i bar du gnas
377a7 nas me tog sna tshogs kyi char rab tu 'bebs par 'gyur zhing / me tog mnad ra ba dang / mnad ra ba chen po dang / pa ri ya tra ka dang / many+dzu sha ka dang / many+dzu sha ka chen po dang / /
377b1 mdog mdzes dang / mdog mdzes chen po dang / ma na par+Na dang / zla ba dri med dang / 'dab brgya pa dang / 'dab stong pa dang / kun tu 'od dang / kun tu dri dang / shin tu mdzes pa dang / rtag
377b2 tu 'bras bu rgyas dang / snying dang mig mngon par dga' ba dang / skar 'od dang / skar mdog dang / kha dog mtha' yas dang / dri mtha' yas dang / me tog de lta bu dag gi me tog gi
377b3 char chen po mngon par rab tu 'bebs par gyur cig /me tog gi char de dag las kyang sgra sna tshogs dag 'byung bar 'gyur zhing / 'di lta ste/ sangs rgyas kyi sgra dang / chos kyi sgra dang /
377b4 dge 'dun gyi sgra dang / dge bsnyen gyi sdom pa'i sgra dang / 'phags pa'i gso sbyong gi yan lag brgyad dang ldan pa'i sgra dang / rab tu byung ba'i bslab pa'i gzhi bcu'i sdom pa sbyin
377b5 pa'i sgra dang / tshul khrims kyi sgra dang / tshangs par spyod pa mtha' dag yongs su rdzogs pa bsnyen par rdzogs pa'i sgra dang / zhal ta bgyid pa'i sgra dang / klog pa'i sgra dang / nang du yang
377b6 dag 'jog gi sgra dang / tshul bzhin yid la bgyid pa'i sgra dang / mi sdug pa'i sgra dang / dbugs rgyu ba dang / rdub pa'i sgra dang / 'du shes med 'du shes med min skye mched kyi sgra
377b7 dang | ci yang med pa'i skye mched kyi sgra dang / rnam shes mtha' yas skye mched kyi sgra dang / nam mkha' mtha' yas skye mched kyi sgra dang / zil gyis gnon pa'i skye mched kyi sgra dang / zad par
378a1 gyi skye mched kyi sgra dang / zhi gnas dang lhag mthong gi sgra dang / stong pa nyid dang mtshan ma ma mchis pa'i sgra dang / smon pa ma mchis pa'i sgra dang / rten
378a2 cing 'brel bar 'byung ba'i sgra dang / nyan thos kyi sde snod mtha' dag gi sgra 'byung ba dang / rang sangs rgyas kyi theg pa'i sde snod mtha' dag gi sgra 'byung ba dang / theg pa chen
378a3 po'i gtam pha rol tu phyin pa mtha' dag gi sgra dag me tog de dag las 'byung bar 'gyur zhing / gzugs na spyod pa'i lha thams cad kyis thos par gyur nas/ rang rang gis sngon
378a4 chad bgyis pa'i dge ba'i rtsa ba dag kyang rjes su dran par 'gyur zhing / sems can chen po dag dge ba'i chos thams cad la smon pa ma mchis par gyur nas/ de dag de nas babs
378a5 te 'jig rten gyi khams mi mjed kyi mi thams cad kyang dge ba bcu'i las kyi lam la sbyor zhing rab tu 'god par gyur cig /de bzhin du 'dod pa na spyod pa'i lha thams cad kyis kyang
378a6 thos par 'gyur zhing / de dag kyang sred pa'i kun tu byor ba dang / dga' ba dang / rtsed mo dang / yid bde ba la mngon par dga' ba'i sems dang sems las byung ba thams cad
378a7 rgyun chad par gyur cig /de dag thams cad kyis kyang rang rang gis sngon chad bgyis pa'i dge ba'i rtsa ba dag rjes su dran par 'gyur zhing / de dag lha'i 'jig rten nas babs nas
378b1 'jig rten gyi khams mi mjed kyi mi thams cad dge ba bcu'i las kyi lam yang dag par 'dzin du 'jug cing rab tu 'god par gyur cig /btsun pa bcom ldan 'das/ me tog de dag
378b2 kyang nam mkha' la rin po che sna tshogs dag tu 'gyur zhing / 'di lta ste/ dngul dang / 'gron bu dang / gser dang / nor bu dang / mu tig dang / bai DUR+ya dang / dung dang / man shel dang /
378b3 byu ru dang / dngul can dang / sa le sbram dang / rdo'i snying po dang / g.yas su 'khyil ba dang / de lta bu'i rin po che'i char dag sangs rgyas kyi zhing mi mjed thams cad du mngon par rab
378b4 tu 'bab par gyur cig /sangs rgyas kyi zhing mi mjed thams cad 'thab mo dang / 'thab pa dang / rtsod pa dang / 'gyed pa dang / mu ge dang / nad dang / pha rol gyi dmag tshogs dang / tshig
378b5 rtsub cing bslang ba dang / dug rnams thams cad kyi thams cad rab tu zhi bar gyur cig /sangs rgyas kyi zhing mi mjed thams cad du bde ba dang / nad ma mchis pa dang / 'thab
378b6 mo dang / 'thab pa dang / rtsod pa dang / 'ching ba dag ma mchis pa dang / lo legs pa dag kun tu gnas par gyur cig /sems can gang dag gis rin po che de dag mthong ba dang /
378b7 reg pa dang / longs spyod pa dang / yongs su spyod pa'i las bgyid par 'gyur ba de dag thams cad kyang theg pa gsum po dag gis slar mi ldog par gyur cig /sku gdung de dag kyang slar gser
379a1 gyi 'khor lo'i mthar thug pa'i bar du gnas par gyur cig/ //bam po bcu gcig pa/ btsun pa bcom ldan 'das/ de bzhin du mtshon gyi
379a2 bskal pa bar ma'i dus kyi tshe na'ang de dag nor bu rin po che an+da rnyil dag tu kun nas gnas par 'gyur zhing / de dag steng du 'og min gyi gnas kyi mthar thug pa'i bar du gnas nas/
379a3 'di lta ste/ me tog mnad ra ba dang / mnad ra ba chen po dang / pa ri ya tra ka dang / me tog 'od mtha' yas kyi bar gyi me tog sna tshogs kyi char dag mngon par rab tu 'bebs par gyur cig/
379a4 me tog gi char de dag las kyang ji ltar sngar smos pa bzhin du 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / sgra yid du 'ong ba rnam pa sna tshogs dag
379a5 'byung bar gyur cig /yang sku gdung de dag kyang slar 'og tu gser gyi 'khor lo'i mthar thug pa'i bar du kun tu gnas par gyur cig /de bzhin du gang gi tshe mu ge'i bskal pa bar
379a6 ma'i dus kyi tshe na'ang sku gdung de dag steng du 'og min gyi gnas kyi mthar thug pa'i bar du gyen du 'phags nas me tog gi char gyi bar du sngar smos pa bzhin du gyur cig /nad kyi bskal
379a7 pa bar ma'i bar du'ang ji ltar sngar smos pa bzhin du gyur cig /ji ltar bskal pa chen po bzang po la bdag yongs su mya ngan las 'das pa'i sku gdung rnams ston pa'i mdzad pa
379b1 bgyid par 'gyur zhing / 'dul ba bgrang ba las yang dag par 'das pa dag kyang theg pa gsum po dag gis slar mi ldog pa la 'god par gyur cig /de bzhin du bskal pa chen po sangs
379b2 rgyas kyi zhing lnga'i rdul phra rab kyi rdul snyed dag byung gi bar du'ang / bdag gi sku gdung rnams kyis 'dul ba'i sems can rnams theg pa gsum po dag gis slar mi ldog pa la 'god
379b3 par gyur cig /bdag byang chub sems dpar gyur cing bla na med pa yang dag par rdzogs pa'i byang chub kyi slad du spyad pa spyod pa na/ gang dag bdag gis dang por bla na med pa yang dag
379b4 par rdzogs pa'i byang chub yang dag par 'dzin du stsal cing rab tu bkod pa rnams dang / bdag gis pha rol tu phyin pa drug po dag yang dag par 'dzin du stsal cing btsud de rab tu
379b5 bkod pa de dag slad kyis gang gi tshe bskal pa grangs ma mchis pa gang+gA'i klung stong gi bye ma snyed 'das nas/ phyogs bcu'i 'jig rten gyi khams dpag tu ma mchis grangs ma mchis
379b6 pa gzhan dang gzhan dag tu sangs rgyas bcom ldan 'das sha stag tu gyur te 'byung bar gyur cig /bdag byang chub thob nas kyang bla na med pa yang dag par rdzogs pa'i byang chub yang
379b7 dag par 'dzin du stsal cing btsud de rab tu bkod pa'i sems can rnams dang / gang dag bdag yongs su mya ngan las 'das pa'i sku gdung gi rnam par 'phrul pas bla na med pa
380a1 yang dag par rdzogs pa'i byang chub tu sems bskyed par gyur pa'i byang chub sems dpa' de dag kyang slad kyis bskal pa grangs ma mchis pa gang+gA'i
380a2 klung stong gi bye ma snyed byung zhing 'das par gyur pa na/ phyogs bcu'i 'jig rten gyi khams dpag tu ma mchis/ grangs ma mchis pa dag tu bla na med pa yang dag par rdzogs pa'i
380a3 byang chub mngon par rdzogs par sangs rgyas nas 'di skad du gang yun ring po na bskal pa bzang po zhes bya ba zhig byung bar gyur te/ bskal pa bzang po de dag la bab pa na/ rgyal
380a4 ba nyi ma bzhi pa de bzhin gshegs pa mtshan 'di zhes bya ba zhig byung bar gyur pa des bdag cag dang po bla na med pa yang dag par rdzogs pa'i byang chub yang dag par 'dzin du
380a5 bcug cing btsud de rab tu bkod do/ /bdag cag ni sems kyi rgyud tshig pa/ mi dge ba dang 'grogs par gyur pa mtshams med pa byed pa/ log par lta ba'i bar du gyur pa yin
380a6 na des bdag cag pha rol tu phyin pa drug po dag yang dag par 'dzin du bcug cing btsud de rab tu bkod pas na de'i phyir bdag cag da ltar thams cad mkhyen par gyur cing / rnam pa
380a7 thams cad du chos dang ldan pa'i chos kyis 'khor lo bskor la/ 'gro ba'i 'khor lo zlog cing sems can bye ba khrag khrig 'bum phrag mang po dag mtho ris dang thar pa'i 'bras bu la
380b1 rab tu 'god par byed pa yin no zhes bdag gi bsngags pa brjod cing sgrogs la dbyangs kyang brjod par gyur cig /gang dag byang chub don du gnyer ba'i sems can rnams kyis kyang de
380b2 bzhin gshegs pa de dag las bdag gis bsngags pa dang / grags pa dang / snyan pa thos par gyur nas de bzhin gshegs pa de dag la 'di skad du bcom ldan 'das de bzhin
380b3 gshegs pa des don gyi dbang ci zhig gzigs na de ltar rtsod pa'i dus la bab cing snyigs ma lnga byung bar gyur pa na/ bla na med pa yang dag par rdzogs pa'i byang chub mngon par rdzogs par
380b4 sangs rgyas par gyur cig ces yongs su zhu bar gyur cig /de bzhin gshegs pa de dag gis kyang byang chub don du gnyer ba'i rigs kyi bu'am/ rigs kyi bu mo de dag la bdag gi snying rje
380b5 chen po dang ldan pa'i sems dang po bskyed pa dang / sangs rgyas kyi zhing gi yon tan bkod pa dang / sngon gyi smon lam gyi tshul 'di'ang ston par gyur cig /byang chub don du gnyer ba'i rigs
380b6 kyi bu'am/ rigs kyi bu mo de dag kyang ngo mtshar du 'dzin par 'gyur zhing / de dag kyang rgya chen po la mos par gyur cig /de dag kyang de bzhin du sems can rnams la snying rje chen
380b7 po bskyed par 'gyur zhing / de ltar rtsod pa'i dus su snyigs ma lnga dang / nyon mongs pa'i snyigs ma bdo ba'i sangs rgyas kyi zhing na mtshams ma mchis pa bgyid pa dang / mi dge
381a1 ba'i bar dag dang 'grogs pa'i 'dul ba rab tu 'dzin par gyur pa de lta bu'i smon lam yang 'debs par gyur cig /sangs rgyas bcom ldan 'das
381a2 de dag gis kyang byang chub don du gnyer ba'i rigs kyi bu'am/ rigs kyi bu mo de dag gis snyigs ma lnga dang / nyon mongs pa bdo ba'i rtsod pa'i dus su smon lam btab pa bzhin
381a3 byang chub don du gnyer ba'i rigs kyi bu'am/ rigs kyi bu mo snying rje chen po dang ldan pa de dag gi bsam pa ji lta ba bzhin du de lta bu'i lung bstan pas lung ston par gyur cig/
381a4 sangs rgyas bcom ldan 'das gzhan dag kyang sems can byang chub don du gnyer ba'i rigs kyi bu'am/ rigs kyi bu mo dag la 'di skad du yun ring po 'di srid cig na rgyal ba nyi
381a5 ma mtshan 'di zhes bya ba zhig byung bar gyur pa de yongs su mya ngan las 'das pa'i sku gdung rnams kyis de ltar sdug bsngal ba'i sems can rnams kyi don de lta bu'i cho 'phrul rnam pa sna
381a6 tshogs dag dang / rnam par 'phrul pa rnam pa sna tshogs dag mdzad de/ de'i sku gdung gi rnam par 'phrul pa dag gis nged cag dang po bla na med pa yang dag par rdzogs pa'i byang chub
381a7 tu bskul nas/ nged cag bla na med pa yang dag par rdzogs pa'i byang chub kyi phyir dge ba'i rtsa ba dang 'grogs pas dang po sems bskyed cing / pha rol tu phyin pa 'di dag la brtson par
381b1 byas so zhes bdag gi sku gdung gi rnam par 'gyur ba'i sngon gyi tshul dag rgya cher ji ltar sngar smos pa'i bar du rgya cher ston par gyur cig /de nas mdun na 'don gyi gtso bo bram ze rgya mtsho'i rdul
381b2 gyis de bzhin gshegs pa rin po che'i snying po'i spyan sngar lha dang /dri za dang / mi dang bcas pa'i skye dgu thams cad kyi don du snying rje chen po dang ldan pa'i smon lam chen po lnga brgya po
381b3 de dag btab nas des 'di skad ces gsol to/ /btsun pa bcom ldan 'das/ gal te de ltar bdag gis ma 'ongs pa'i dus na bskal pa bzang po la nyon mongs pa dang / 'thab mo dang /
381b4 snyigs ma bdo zhing rtsod pa'i dus la bab pa na 'jig rten ldongs shing 'dren pa ma mchis pa dang / yongs su 'dren pa ma mchis pa dang / lta ba'i sdug bsngal gyi mun par chud pa'i 'jig
381b5 rten na mtshams ma mchis pa bgyid pa rnams dang / sngar smos pa lta bu'i bar dag la bdag gi re ba 'di lta bu yongs su rdzogs par 'gyur zhing / gal te bdag gis ji ltar smon lam
381b6 btab pa de lta bu'i sangs rgyas kyi mdzad pa thams cad sgrub par rngo thogs pa lta na byang chub kyi slad du smon pa spang bar mi bgyi zhing / dge ba'i rtsa ba'ang zhing gzhan du yongs su bsngo bar mi
381b7 bgyi ste/ btsun pa bcom ldan 'das/ de ni bdag gi nges pa lags so/ /yang bdag ni dge ba'i rtsa ba des rang sangs rgyas kyi theg pa mi 'tshal/ nyan thos kyi theg pa'ang mi 'tshal/ lha
382a1 dang mi'i 'jig rten gyi rgyal srid kyang mi 'tshal/ lha dang mi'i 'jig rten gyi dbang phyug kyang mi 'tshal/ 'dod pa lnga'i yon tan gyi longs spyod kyang mi
382a2 'tshal/ lhar skye ba'ang mi 'tshal/ dri za dang / lha ma yin dang / gnod sbyin dang / srin po dang / klu dang / nam mkha' lding du skye ba'ang mi 'tshal la dge ba'i rtsa ba gzhan du yongs
382a3 su bsngo bar yang mi bgyid de/ gang yang bcom ldan 'das kyis 'di skad du sbyin pas ni longs spyod chen por 'gyur/ tshul khrims kyis ni mtho ris su skye/ thos pas ni shes rab chen por
382a4 'gyur/ bsgom pas ni 'bral bar 'gyur ro zhes kyang gsungs la/ yang bcom ldan 'das kyis 'di skad du sems can bsod nams dang ldan pa'i dge ba'i rtsa ba yongs su bsngos
382a5 pas ni re ba'i bsam pa 'grub par 'gyur ro zhes kyang gsungs na/ btsun pa bcom ldan 'das/ gang bdag gis kyang spyin pa las byung ba dang / tshul khrims las byung ba dang / thos
382a6 pa las byung ba dang / bsgom pa las byung ba'i bsod nams dag bsgrubs pas na/ gal te bdag gis smon lam ji ltar btab pa de ltar re ba yongs su rdzogs par 'gyur ba lta na/
382a7 de'i slad du bdag gis dge ba'i rtsa ba de dag thams cad sems can gang dag gis sems can dmyal ba mnar med par rab tu rtsub cing drag pa'i sdug bsngal nyams su myong ba'i
382b1 sems can dmyal ba pa'i sems can rnams kyi slad du bsngo bar bgyi'o/ /dge ba'i rtsa ba des de dag de nas ldang bar 'gyur zhing sangs rgyas kyi zhing 'dir mi 'thob par gyur cig/
382b2 de bzhin gshegs pas gsungs pa'i chos 'dul ba bsgrub par bgyid par 'gyur zhing mchog nyid kyis yongs su mya ngan las 'da' bar yang gyur cig /sems can de dag gi las kyi
382b3 'bras bu yongs su ma bas par gyur na'ang de'i slad du bdag gum nas sems can dmyal ba chen por skye bar 'gyur zhing /bdag gi lus kyang sangs rgyas kyi zhing gi rdul phra rab kyi rdul
382b4 snyed kyi ting nge 'dzin gyis kyang mi rtsol ba dag 'byung bar gyur cig /bdag gi lus re re'i tshad kyang ri'i rgyal po ri rab tsam du che ba dag 'byung bar gyur cig /bdag gi lus re res kyang ji
382b5 ltar da ltar gyi lus gcig bu 'dis bde ba dang / sdug bsngal gyi tshor ba dag yang dag par 'tshal ba de lta bu'i bde ba dang / sdug bsngal gyi tshor ba dag yang dag par 'tshal bar gyur
382b6 cig /bdag gi lus re res kyang sems can dmyal ba ba'i sdug bsngal drag pa rtsub pa mi bzad pa sangs rgyas kyi zhing gi rdul phra rab kyi rdul snyed dag myong bar gyur cig /da ltar phyogs
382b7 bcu'i 'jig rten gyi khams sangs rgyas kyi zhing rdul phra rab kyi rdul snyed dag na sems can gang dag mtshams ma mchis pa bgyid pa dang / mnar med pa'i bar dag la gzhol ba'i
383a1 las yang dag par gsog par 'gyur ba rnams dang / sems can gang dag bskal pa chen po sangs rgyas kyi zhing gi rdul phra rab kyi rdul snyed kyi bar
383a2 dag 'das nas sangs rgyas kyi zhing phyogs bcu'i sangs rgyas kyi zhing gi rdul phra rab kyi rdul snyed po gzhan dag tu mtshams ma mchis pa'i las kyis 'phen par 'gyur ba'am/ kun
383a3 nas slong bar 'gyur ba de dag thams cad kyi don du bdag las des sems can dmyal ba chen po mnar med par gnas pa nyams su myong bar 'gyur zhing bdag gi sems can
383a4 dag ni sems can dmyal ba rnams su skye bar ma gyur cig /sems can de dag thams cad kyis sangs rgyas bcom ldan 'das rnams mnyes par 'gyur ba dang / 'khor ba las brgal
383a5 bar 'gyur ba dang / mya ngan las 'das pa'i grong khyer du 'jug par 'gyur ba'i yun ring po de srid kyis bdag sems can dmyal ba las yongs su thar bar gyur cig /sangs rgyas kyi zhing
383a6 phyogs bcu'i sangs rgyas kyi zhing rdul phra rab kyi rdul snyed kyi bar gzhan dag na sems can rnams kyis de lta bu'i las kun nas bslang ba dang / 'phangs pa dang / myong bar 'gyur
383a7 bar nges pas sems can dmyal ba rab tu tsha bar skye bar 'gyur ba dang / de bzhin du tsha ba dang / ngu 'bod chen po dang / ngu 'bod dang / bsdus gzhom dang / thig nag dang / yang
383b1 sos kyi bar dag la'ang ji ltar sngar smos pa bzhin du brjod par bgyi'o/ /de bzhin du dud 'gro sna tshogs dag la'ang brjod par bgyi'o/ /de bzhin du gshin rje'i 'jig rten
383b2 la'ang brjod par bgyi'o/ /de bzhin du gnod sbyin dbul po la'ang brjod par bgyi'o/ /de bzhin du grul bum dang / sha za dang / lha ma yin dang / nam mkha' lding dag la'ang brjod
383b3 par bgyi'o/ /gang gi tshe phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed po gzhan dag tu sems can rnams sngon gyi las de lta bu dag gis 'phangs
383b4 par gyur pa dang / de bzhin du sbyar te/ gang dag mi rnams kyi nang du 'on pa dang / long pa dang / lce ma mchis pa dang / lag pa ma mchis pa dang / rkang pa ma mchis pa dang / dran pa rab tu
383b5 nyams pa'i sems dang ldan pa dag tu skye bar 'gyur ba dang / mi gtsang ba za ba rnams la'ang de bzhin du sbyar te/ ji ltar sngar smos pa bzhin du'ang bdag sems can dmyal ba mnar
383b6 med pa dag tu skye bar gyur cig /gal te bdag bla na med pa yang dag par rdzogs pa'i byang chub tu re ba de lta bu yongs su rdzogs par mi 'gyur ba lta na/ 'khor bar sems can rnams yun
383b7 ring po ji srid du khams dang / skye mched dang / phung po yongs su 'dzin par 'gyur ba'i yun ring po de srid du bdag ji ltar sngar smos pa bzhin du sems can dmyal ba dang / dud 'gro
384a1 dang | yi dwags dang / gnod sbyin dang / lha ma yin dang / srin po rnams su mi'i bar gyi sdug bsngal skye ba rnam pa sna tshogs de lta bu dag gis de ltar
384a2 sdug bsngal nyams su myong bar gyur cig /ji ste bdag gis sngar smos pa'i bar gyi bla na med pa yang dag par rdzogs pa'i byang chub tu re ba 'di dag yongs su rdzogs par 'gyur ba
384a3 lta na sangs rgyas bcom ldan 'das rnams bdag gi dpang du gyur cig /phyogs bcu'i 'jig rten gyi khams dpag tu ma mchis/ grangs ma mchis pa gzhan dag na sangs rgyas bcom ldan
384a4 'das dag bzhugs te/ 'tsho zhing gzhes la chos kyang ston pa'i sangs rgyas bcom ldan 'das de dag kyang bdag gis dpang du 'gyur zhing ye shes su 'gyur bar gyur cig /btsun pa
384a5 bcom ldan 'das/ bdag gis ji ltar dam bcas pa de lta bu'i sangs rgyas kyi mdzad pa dag sgrub par rngo thogs shing bdag bskal ba bzang po la skye dgu'i tshe lo brgya nyi shu thub pa na de
384a6 bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa nas/ sangs rgyas bcom ldan 'das kyi bar du 'gyur ba lta na bdag bla na med pa yang dag
384a7 par rdzogs pa'i byang chub tu lung bstan du gsol/ de nas de'i mod la de bzhin gshegs pa ma gtogs par thams cad dang ldan pa'i 'khor de dang / lha dang / mi dang / lha ma yin du
384b1 bcas pa'i 'jig rten sa dang nam mkha'i ngos la gnas pa de dag thams cad mchi ma rab tu 'dzag bzhin du yan lag lngas rkang pa la phyag byas te smras pa/ snying rje chen po dang ldan pa khyod
384b2 kyis dran pa zab mo thob pa dang / sems can zab mo rnams la snying rje chen po bskyed pa dang / smon lam chen po zab mo btab pa ni legs so/ /legs so/ /lhag pa'i bsam pa des sems
384b3 can thams cad la snying rje chen pos yang dag par bkab cing mtshams med pa byed pa dang / mi dge ba'i rtsa ba'i bar dang 'grogs pa'i 'dul ba rnams kyang phal cher yongs su bzung ba yin no/ /
384b4 ji ltar khyod kyis bla na med pa yang dag par rdzogs pa'i byang chub tu sems bskyed pa'i smon lam des na sems can rnams kyi sman dang / skyabs dang / dpung gnyen du gyur par shes so/ /
384b5 sems can rnams sdug bsngal las rab tu thar bar bya ba'i smon lam btab pa de bzhin du khyod kyi bsam pa yongs su rdzogs par gyur cig /bcom ldan 'das kyis bla na med pa yang dag
384b6 par rdzogs pa'i byang chub tu lung bstan par yang gyur cig /rgyal po bdud rtsi dag pa nyid kyang du zhing bram ze'i rkang pa la yan lag lngas phyag byas te smras pa/ e ma'i mchog tu zab pa po//
384b7 khyod ni bde la mi gnas te/ /khyod ni sems can snying rje ldan/ /khyod ni bdag gi mtshon ma yin/ /de bzhin du sbyar te spyan ras gzigs dbang phyug gis smras pa/ sems can chags pa
385a1 pa dag la khyod ma chags/ /dbang po rta thul rnams las dbang rta thul/ /dbang po 'di rnams la ni dbang mdzad de/ /gzungs dang ye shes kyi ni mdzod
385a2 du 'gyur/ /de bzhin du sbyar te mthu chen thob kyis smras pa/ sems can bye ba stong phrag mang po rnams/ /dge ba'i don du kun nas 'das pa dag /mchog tu dka' ba'i sdug
385a3 bsngal chen po yi/ /khyod ni snying rje la ni ngu bar byed/ /byang chub sems dpa' 'jam dpal gyis smras pa/ brtson 'grus ting 'dzin brtan pa dang / /mkhas pa dang ni shes rab
385a4 mchog /phreng ba dri dang byug pa yis/ /de phyir khyod la mchod par 'os/ /byang chub sems dpa' nam mkha'i phyag rgyas smras pa/ snying rje chen pos sems can la/ /de ltar khyod
385a5 kyis sbyin pa byin/ /khyod ni dus 'di zad nas kyang / /mgon po mtshan gyi mchog tu 'gyur/ /byang chub sems dpa' rdo rjes gcod pa shes rab snang ba'i dpal gyis 'di skad ces
385a6 smras so/ /ji ltar nam mkha' rgya che ba/ /de ltar khyod kyi snying rje'i gnas/ /khyod kyis sems can 'jigs med la/ /byang chub spyod pa dag kyang bstan/ /byang chub sems dpa'
385a7 rnam par snang byed shugs kyis smras pa/ de bzhin gshegs pa ma gtogs par/ /sems can la brtse gzhan med de/ /gang phyir shes rab mkhas pa'i mchog /khyod ni yon
385b1 tan kun dang ldan/ /spos kyi seng ges smras pa/ khyod ni ma 'ongs dus na ni/ /bzang la nyon mongs bdud kyi tshe/ /sems can sdug bsngal sgrol byed cing / /khyod kyi grags dang snyan pa
385b2 'thob/ /byang chub sems dpa' kun tu bzang pos smras pa/ skye ba'i dgon par brtson gyur cing / /log sgyus shin tu nyam nga ba/ /sha za ba dang khrag 'thung ba'i/ /sems rgyud tshig
385b3 rnams bzung bar gyur/ /mi 'khrugs pas smras pa/ ma rig sgo nga'i sbubs chud cing / /nyon mongs 'dam du byin gyur la/ /mtshams med pa dag byed pa po/ /sems rgyud tshig rnams
385b4 bzung bar gyur/ /spos kyi glang pos smras pa/ khyod kyis ma 'ongs 'jigs mthong ba/ /ji ltar me long dkyil 'khor bzhin/ /dam pa'i chos ni spong byed pa'i/ /sems rgyud tshig rnams
385b5 bzung bar gyur/ /rin po che tog gis smras pa/ ye shes tshul khrims ting 'dzin dang / /snying rje'i rgyan gyis brgyan pa po/ /'phags la skur ba 'debs byed pa/ /sems rgyud tshig rnams
385b6 bzung bar gyur/ /'jigs dang gdung bral gyis smras pa/ khyod kyis ngan song gsum lam du/ /sems can sdug bsngal rnams mthong ba/ /chang ba stong 'drar gnas gyur pa/ /sems
385b7 rgyud tshig rnams bzung ba gyur/ /lag na ut+pa las smras pa/ khyod kyi snying rje ye shes dang / /brtson 'grus kyis ni 'khor ba bcom/ skye dang 'chi bas gzir gyur pa/ /sems rgyud
386a1 tshig rnams bzung bar gyur/ /ye shes grags pas smras pa/ nad mang dag gis nyen pa dang / /nyon mongs rlung gis ded pa dag /ye shes chu yis zhi
386a2 byas te/ /bdud kyi sde rnams rab tu bcom/ /gzungs kyi phyag rgyas kyang smras pa/ ji ltar khyod ni nyi ma bzhin/ /nyon mongs dra ba rab bcom ste/ /nyon mongs zad cing rnam thar pa'i/ /
386a3 brtson 'grus brtan pa nged la med/ /ut+pa la zla bas kyang smras pa/ ji ltar yon tan snying rje'i gnas/ /brtson 'grus brtan pa yang dag mos/ /srid pa'i 'ching bas rab
386a4 bsdams pa/ /khams gsum po dag grol bar byed/ /dri med dbang pos smras pa/ byang chub sems dpa'i spyod yul gyi/ /snying rje chen po dag bstan pa/ snying rje'i rgyu las byung
386a5 ba po/ /khyod la bdag cag phyag 'tshal lo/ /stobs chen shugs 'chang gis kyang smras pa/ nyon mongs ldan pa'i rtsod dus tshe/ /byang chub gang dag khyod la rten/ /khyod kyis nyon
386a6 mongs brtsad nas bcad/ /smon lam brtan pa 'grub par 'gyur/ /skar ma skyong gis kyang smras pa/ ye shes mdzod dang mtshungs 'dra ba/ /dri med smon lam btab pa yis/ /byang
386a7 chub spyod phyir sems can gyi/ /sman dang rten du khyod 'gyur ro/ /byang chub sems dpa' sems dpa' chen po stobs yang dag par ston pa ngu zhing bram ze'i rkang pa la yan lag
386b1 lngas phyag byas te thal mo sbyar nas smras pa/ kye ma shes sgron sems can rnams/ /nyon mongs nad rnams rnam par bcom/ /khyod ni rab 'bar snying rje can/ /sems can sdug bsngal
386b2 grol bar mdzad/ /rigs kyi bu/ thams cad dang ldan pa'i 'khor de dang / lha dang / dri za dang / mi dang bcas pa dag gis kyang bram ze'i rkang pa la yan lag lngas phyag byas nas thal mo
386b3 sbyar te don dang / tshig sna tshogs dang ldan pa'i tshigs su bcad pa dag gis mngon par bstod nas 'khod do/ /rigs kyi bu/ gang gi tshe bram ze rgya mtsho'i rdul gyis de bzhin gshegs
386b4 pa rin po che'i snying po'i spyan sngar pus mo g.yas pa'i lha nga sa la btsugs pa dang / de nas de'i mod la sa cher g.yos par gyur cing phyogs bcu kun gyi sangs rgyas kyi zhing sangs rgyas
386b5 kyi zhing gi rdul phra rab kyi rdul snyed dag gi sa'ang g.yos/ rab tu g.yos/ kun tu rab tu g.yos/ /'khrugs/ rab tu 'khrugs/ /kun tu rab tu 'khrugs/ /ldeg/ rab tu ldeg /kun tu rab tu ldeg
386b6 cing / kun tu rab tu 'ur 'ur gyi bar du gyur nas yang phyogs bcu'i 'jig rten gyi khams sangs rgyas zhing gi rdul phra rab kyi rdul snyed kyi sangs rgyas kyi zhing yongs su dag pa dang /
386b7 yongs su ma dag pa gang dag na sangs rgyas bcom ldan 'das dag bzhugs te 'tsho zhing gzhes la sems can rnams la chos kyang ston pa dag tu'ang snang ba chen po byung bar gyur
387a1 cing me tog sna tshogs kyi char dag kyang rab tu bab par gyur te/ 'di lta ste/ me tog mnad ra ba dang / me tog mnad ra ba dang / mnad ra ba chen po dang / 'od mtha' yas kyi bar gyi
387a2 me tog gi char de lta bu dag kyang rab tu bab par gyur to/ /de nas byang chub sems dpa' sems dpa' chen po gang dag chos nyan pa'i phyir sangs rgyas bcom ldan 'das de
387a3 dag gi spyan snga na 'dug pa'i byang chub sems dpa' sems dpa' chen po de dag gis sa g.yos pa de mthong nas sangs rgyas bcom ldan 'das de dag la byang chub sems dpa'
387a4 de dag gis 'di skad ces/ bcom ldan 'das/ 'jig rten du sa cher g.yos shing / me tog gi char chen po'ang mngon par rab tu bab par gyur pa'i rgyu ni gang lags/
387a5 rkyen ni gang lags zhes yongs su zhus so/ /yang de'i tshe na shar phyogs logs su sangs rgyas kyi zhing 'di nas sangs rgyas kyi zhing gang+gA'i klung gcig gi bye ma snyed
387a6 'das pa na 'jig rten gyi khams rin po che bsags pa zhes bya ba zhig yod de/ /sangs rgyas kyi zhing rin po che bsags pa de na bcom ldan 'das de bzhin gshegs pa dgra
387a7 bcom pa yang dag par rdzogs pa'i sangs rgyas rin po chen zla ba zhes bya ba bzhugs te 'tsho zhing gzhes la 'di lta ste/ byang chub sems dpa' dpag tu med grangs med pa dag
387b1 gis yongs su bskor cing mdun gyis bltas te theg pa chen po'i gtam 'ba' zhig gis chos ston to/ /sangs rgyas kyi zhing de na byang chub sems dpa' sems dpa' chen po rin po
387b2 che'i tog dang / zla ba'i tog ces bya ba'i byang chub sems dpa' de gnyis kyis de bzhin gshegs pa rin chen zla ba ga la ba de logs su thal mo sbyar ba btud nas de bzhin gshegs pa
387b3 rin chen zla ba la 'di skad ces gsol to/ /btsun pa bcom ldan 'das/ 'jig rten du sa chen po g.yos shing me tog gi char chen po dag rab tu bab par gyur pa'i rgyu ni gang lags/ rkyen
387b4 ni gang lags/ de bzhin gshegs pa rin chen zla bas bka' stsal pa/ rigs kyi bu dag /nub phyogs logs su sangs rgyas kyi zhing 'di nas sangs rgyas kyi zhing gang+ga'i klung gcig gi bye ma snyed
387b5 'das pa de na 'jig rten gyi khams yang dag rtog ces bya ba zhig yod de/ sangs rgyas kyi zhing yang dag rtog de na de bzhin gshegs pa rin po che'i snying po zhes bya ba sangs rgyas bcom ldan
387b6 'das kyi bar zhig bzhugs te 'tsho zhing gzhes la byang chub sems dpa'i yul yang dag par ston pa'i smon lam bkod pa'i ting nge 'dzin gyi yul dang / gzungs kyi sgo bkod pa'i
387b7 chos kyi rnam grangs 'chad cing byang chub sems dpa' bye ba phrag mang po dag bla na med pa yang dag par rdzogs pa'i byang chub tu lung ston to/ /de na byang chub sems dpa' sems dpa'
388a1 chen po snying rje chen po dang ldan pa gcig cig yod pa des smon lam 'di lta bu btab cing snying rje chen po yongs su bsgoms pa'i tshig brjod de/ /byang chub sems dpa'
388a2 rnams bla na med pa yang dag par rdzogs pa'i byang chub tu lung ston ba bshad pa dang / srog chags bye ba phrag mang po dag gis byang chub tu smon lam btab cing sangs rgyas kyi zhing gi
388a3 yon tan bkod pa dag kyang yongs su bzung ba dang / 'dul ba'i sems can rnams kyang yongs su bzung ba'i bar gyi smon lam de lta bu dag kyang brjod pas na/ gang gis thams cad
388a4 dang ldan pa'i 'khor de zil gyis mnan cing rtsod pa'i dus kyi sangs rgyas kyi zhing nyon mongs pa can snyigs ma lnga dang ldan zhing nyon mongs pa'i sgrib pa can dang / mtshams med
388a5 pa byed cing mi dge ba'i rtsa ba'i bar dag dang 'grogs la/ sems kyi rgyud tshig pa'i 'dul ba thams cad yongs su bzung ba'i byang chub sems dpa' sems dpa' chen po de gcig
388a6 pu rnam pa thams cad du snying rje chen po dang ldan pa yin te/ thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten gyis kyang de
388a7 bzhin gshegs pa rin po che'i snying po de spangs nas snying rje chen po dang ldan pa'i phyi ma de la mchod pa bya ba'i phyir brtson zhing yan lag lngas phyag byas te thal mo sbyar zhing 'dug
388b1 nas de'i bsngags pa'ang rjod par byed do/ /sems can chen po de'ang bcom ldan 'das de bzhin gshegs pa rin po che'i snying po'i spyan sngar 'dug cing lung bstan pa nyan to/ /gang gi
388b2 tshe sems can chen po des bcom ldan 'das de'i spyan sngar pus mo g.yas pa'i lha nga sa la btsugs par gyur pa de'i tshe bcom ldan 'das des 'di lta ste/ phyogs bcu'i 'jig rten
388b3 gyi khams sangs rgyas kyi zhing gi rdul phra rab kyi rdul snyed dag g.yos shing me tog char dag kyang mngon par rab tu bab par gyur pa de lta bu'i 'dzum pa mdzad do/ /sangs rgyas kyi zhing
388b4 de dag thams cad kyi byang chub sems dpa' sems dpa' chen po de dag rab tu sad par bya ba dang / snying rje chen po dang ldan pa'i byang chub sems dpa'i smon lam gyi spyod pa nges pa
388b5 bstan par bya ba dang / byang chub sems dpa' sems dpa' chen po rnams sangs rgyas kyi zhing sangs rgyas kyi zhing gi rdul phra rab kyi rdul snyed dag gi phyogs nas bsdu
388b6 bar bya ba dang / byang chub sems dpa' sems dpa' chen po rnams la ting nge 'dzin gyi sgo bstan pa'i spyod pa 'jigs pa med pa'i chos kyi rnam grangs bshad par bya ba'i phyir de bzhin
388b7 gshegs pa des de lta bu'i cho 'phrul dag bstan to/ /rigs kyi bu/ de bzhin gshegs pa rin chen zla ba la byang chub sems dpa' de gnyis kyis yongs su zhus pa/ btsun pa
389a1 bcom ldan 'das/ gang gis snyigs ma lnga dang ldan pa'i 'jig rten du nyon mongs pa dang / 'khrugs bdo zhing rtsod pa'i dus la bab pa'i dus yongs
389a2 su bzung ste/ mtshams ma mchis pa bgyid dang / mi dge ba'i rtsa ba'i bar dang 'grogs par gyur cing / sems kyi rgyud tshig pa'i 'dul ba'i sems can rnams kyang yongs su
389a3 bzung bar gyur ba'i byang chub sems dpa' sems dpa' chen po snying rje chen po dang ldan pa des yun ring po ji srid cig nas byang chub tu sems bskyed cing / yun ring po ji srid
389a4 cig tu byang chub kyi spyad pa spyod pa lags/ de bzhin gshegs pa rin chen zla bas bka' stsal pa/ rigs kyi bu dag/ snying rje chen po dang ldan pa des ni da gdod bla na med pa
389a5 yang dag par rdzogs pa'i byang chub tu sems dang po bskyed do/ /rigs kyi bu dag/ khyed kyang de bzhin gshegs pa dgra bcom pa yang dag par rdzogs pa'i sangs rgyas rin po
389a6 che'i snying po de la blta ba dang / phyag bya ba dang / bsnyen bkur bya ba'i phyir sangs rgyas kyi zhing yang dag rtog der deng la ting nge 'dzin gyi sgo bstan pa'i spyod pa 'jigs pa
389a7 med pa'i chos kyi rnam grangs de'ang nyon cig /byang chub sems dpa' sems dpa' chen po snying rje chen po dang ldan pa de la nga'i tshig gis dris la 'di skad du de bzhin gshegs
389b1 pa rin chen zla ba skyes bu dam pa khyod la 'dri bar mdzad de/ /me tog zla ba mdog mdzes dri ma med pa 'di'ang bskur zhing legs so zhes bya ba byin te/ skyes bu dam pa khyod kyis de ltar
389b2 sems dang po bskyed pa nas snying rje chen po brjod pas phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed kyi sangs rgyas kyi zhing rnams su sgras gang bar gyur te/ des na khyod kyis thams cad du snying rje chen po dang ldan pa zhes bya ba'i ming rab tu thob pa yin no/
389b3 /skyes bu dam pa de'i phyir khyod ni byang chub sems dpa' sems dpa' chen po snying rje chen
389b4 po dang ldan pa'i phyi ma rnams la'ang snying rje chen po brjod pa'i smon lam gyis yang dang yang du byams pa'i rgyal mtshan legs par 'dzugs par 'gyur te/ skyes bu dam pa/ de'i phyir ma 'ongs pa'i
389b5 bskal pa grangs med pa sangs rgyas kyi zhing gi rdul phra rab kyi rdul snyed na phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu'ang / yang dang yang du khyod kyi
389b6 snyan pa dang grags pa'i sgras kun tu gang bar 'gyur ro/ /gang khyod kyis sems can bye ba khrag khrig 'bum phrag mang po grangs med pa dag bla na med pa yang dag par rdzogs pa'i byang chub
389b7 yang dag par 'dzin du bcug cing btsud de rab tu bkod nas/ bcom ldan 'das la phul ba rnams kyang bla na med pa yang dag par rdzogs pa'i byang chub las phyir mi ldog pa la
390a1 bkod par gyur te/ de la kha cig smon lam gyis sangs rgyas kyi zhing gi yon tan bkod pa dag yongs su 'dzin par 'gyur ba gang yin pa dag
390a2 ni phyis lung bstan pa thob par 'gyur ro/ /gang dag khyod kyis byang chub yang dag par 'dzin du bcug pa de dag thams cad kyang phyis bskal pa grangs med pa sangs
390a3 rgyas kyi zhing gi rdul phra rab kyi rdul snyed kyi bar dag gis phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed po gzhan dag tu sangs rgyas nyid
390a4 thob cing chos kyi 'khor lo bskor nas/ de dag khyod las brtsams nas bsngags pa brjod par 'gyur te/ rgyu gsum po des na skyes bu dam pa khyod legs so zhes kyang
390a5 smros shig /yang de'i tshe byang chub sems dpa' dung phyur phrag dgu dang / bye ba phrag gnyis kyis tshig mthun par gsol pa/ btsun pa bcom ldan 'das/ ba/dag cag
390a6 kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de la blta ba dang / phyag bya ba dang / bsnyen bkur bgyi ba dang /
390a7 de bzhin gshegs pas gang la yan lag gsum gyis legs so zhes bgyi ba spring zhing / me tog zla ba mdog mdzes dri ma med pa 'di bskur ba'i skyes bu dam pa
390b1 de'ang blta ba'i slad du sangs rgyas kyi zhing yang dag rtog der mchi lags so/ /rigs kyi bu/ de bzhin gshegs pa rin chen zla ba des bka' stsal pa/ rigs kyi bu dag /de'i dus
390b2 la dbab par shes na deng la/ der de bzhin gshegs pa rin po che'i snying po las ting nge 'dzin gyi sgo bstan pa'i spyod pa 'jigs pa med pa'i chos kyi rnam grangs de'ang nyon
390b3 cig /rigs kyi bu/ de nas rin po che'i tog dang / zla ba'i tog gnyis kyis de bzhin gshegs pa rin chen zla ba las me tog zla ba mdog mdzes dri ma med pa blangs te/ byang chub
390b4 sems dpa' dung phyur phrag dgu dang / bye ba phrag gnyis po dag dang lhan cig tu 'jig rten gyi khams rin chen bsags pa nas 'phags nas/ 'di lta ste/ dper na/ glog
390b5 bzhin du byang chub sems dpa'i 'khor de dang / sangs rgyas kyi zhing rin chen bsags pa de nas mi snang bar gyur te/ sangs rgyas kyi zhing yang dag rtog gi dzam+bu'i tshal gyi
390b6 skyed mos tshal 'dir lhags nas de bzhin gshegs pa rin po che'i snying po ga la ba der dong ste phyin pa dang / de bzhin gshegs pa rin po che'i snying po'i zhabs la mgo bos
390b7 phyag btsal te/ byang chub sems dpa'i rnam par 'phrul pa rnam pa sna tshogs dag gis mchod pa byas nas de bzhin gshegs pa rin po che'i snying po'i spyan snga na bram ze
391a1 la thams cad dang ldan pa'i byang chub sems dpa'i 'khor rnams kyis thal mo sbyar cing bsngags pa brjod pa mthong ba dang / byang chub sems
391a2 dpa' de gnyis 'di snyam du sems te de bzhin gshegs pa rin chen zla bas gang la me tog zla ba mdog mdzes dri ma med pa 'di dag bskur ba'i snying rje chen po dang
391a3 ldan pa de ni 'di yin pa lta snyam mo/ /de nas byang chub sems dpa' de gnyis bcom ldan 'das kyi drung du phyir phyogs te/ bram ze la me tog phul nas 'di skad ces
391a4 smras so/ /skyes bu dam pa/ de bzhin gshegs pa rin chen zla bas khyod la me tog zla ba mdog mdzes dri ma med pa 'di dag kyang bskur te/ skyes bu dam pa khyod la
391a5 legs so zhes bya ba'ang spring ngo zhes bya ba'i bar du ji ltar sngar smos pa bzhin no/ /de bzhin du sbyar te/ shar phyogs kyi sangs rgyas kyi zhing dpag tu med grangs med pa dag nas
391a6 byang chub sems dpa' sems dpa' chen po rnams me tog zla ba mdog mdzes dri ma med pa dag thogs te/ sangs rgyas kyi zhing yang dag rtog tu lhags pa dang / bram ze
391a7 la me tog bskur ba dang / yan lag gsum gyis legs so zhes bya ba spring ba'ang ji ltar sngar smos ba bzhin no/ /de bzhin du lho phyogs logs su sangs rgyas kyi zhing 'di nas
391b1 sangs rgyas kyi zhing bye ba khrag khrig 'bum phrag dgu bcu rtsa bdun 'das pa de na 'jig rten gyi khams pa gam gyis bsgyings pa zhes bya ba zhig yod de/ sangs rgyas kyi zhing ba gam
391b2 gyis bsgyings pa de na de bzhin gshegs pa dgra bcom pa yang dag par rdzogs pa'i sangs rgyas seng+ge ltar bsgyings pa'i dbang phyug rgyal po zhes bya ba bzhugs te 'tsho zhing gzhes
391b3 la byang chub sems dpa' sems dpa' chen po 'ba' zhig dag la theg pa chen po'i gtam 'ba' zhig gi chos ston to/ /'khor de na byang chub sems dpa' sems dpa' chen
391b4 po gnyis la gcig ni ye shes rdo rje'i tog ces bya/ cig shos ni seng+ge rdo rje'i tog ces bya ste/ byang chub sems dpa' sems dpa' chen po de gnyis kyis de bzhin gshegs pa
391b5 seng+ge ltar bsgyings pa'i dbang phyug rgyal po la yongs su zhus pa/ btsun pa bcom ldan 'das/ 'jig rten du sa cher g.yos shing me tog gi char chen po bab par gyur pa'i rgyu ni
391b6 gang lags/ rkyen ni gang lags zhes bya ba'i bar du ji ltar sngar smos pa bzhin no/ /de bzhin du sbyar te lho phyogs kyi sangs rgyas kyi zhing dpag tu med/ grangs med pa gzhan dang
391b7 gzhan dag nas byang chub sems dpa' sems dpa' chen po bye ba khrag khrig 'bum phrag dpag tu med grangs med pa dag sangs rgyas kyi zhing yang dag rtog tu lhags pa'i
392a1 bar du'ang ji ltar sngar smos pa bzhin no/ /yang de'i tshe na nub phyogs logs su sangs rgyas kyi zhing 'di nas sangs rgyas kyi zhing bye ba khrag khrig 'bum
392a2 phrag dgu bcu rtsa gcig 'das pa'i sangs rgyas kyi zhing de na/ sangs rgyas kyi zhing rgyal ba can zhes bya ba zhig yod de/ de na de bzhin gshegs pa dbang po thul pa yangs
392a3 pa'i spyan zhes bya ba bzhugs te 'tsho zhing gzhes la 'khor bzhi po dag la theg pa gsum gyis chos ston to/ /de na byang chub sems dpa' sems dpa' chen po rnam
392a4 par snang byed bzang po zhes bya ba dang / byang chub sems dpa' sems dpa' chen po gnyis pa seng+ge ltar bsgyings pa zhes bya ba zhig yod de/ skyes bu dam pa de gnyis
392a5 kyis de bzhin gshegs pa dbang po thul ba yangs pa'i spyan la sa cher g.yos shing me tog gi char chen po bab pa ci las gyur ces don de yongs su zhus pa'i bar du'ang ji ltar
392a6 sngar smos pa bzhin no/ /yang de'i tshe na byang phyogs logs su sangs rgyas kyi zhing 'di nas sangs rgyas kyi zhing bye ba khrag khrig 'bum phrag dgu bcu 'das pa de na 'jig
392a7 rten gyi khams ngur smrig ces bya ba zhig yod de/ de na de bzhin gshegs pa 'jig rten dbang phyug rgyal po zhes bya ba sangs rgyas bcom ldan 'das kyi bar zhig theg pa
392b1 chen po la yang dag par zhugs pa'i byang chub sems dpa' 'ba' zhig dag la theg pa chen po'i gtam 'ba' zhig gi chos ston to/ /de na byang chub sems dpa' sems dpa'
392b2 chen po gnyis la gcig ni mi g.yo brtan pa zhes bya/ cig shos ni shes rab 'dzin ces bya ste/ de gnyis kyis de bzhin gshegs pa 'jig rten dbang phyug rgyal po la/ btsun
392b3 pa bcom ldan 'das/ 'jig rten du sa cher g.yos shing me tog gi char chen po bab par gyur pa'i rgyu ni gang lags/ rkyen ni gang lags zhes yongs su zhus pa'i bar du'ang ji
392b4 ltar sngar smos pa bzhin no/ /yang de'i tshe na 'og gi phyogs logs su sangs rgyas kyi zhing 'di nas sangs rgyas kyi zhing khrag khrig phrag dgu bcu rtsa brgyad 'das pa de na 'jig rten
392b5 gyi khams gti mug mun bral zhes bya ba zhig yod de/ de na de bzhin gshegs pa kun nas ldang ba'i 'jigs pa dang bral ba'i dbyangs zhes bya ba bzhugs te 'tsho zhing gzhes
392b6 la 'khor bzhi po dag la theg pa gsum gyis chos ston to/ /sangs rgyas kyi zhing de na byang chub sems dpa' gnyis la gcig ni rnam par snang byed rdul bral zhes bya/ cig shos ni rnam
392b7 par snang byed nyi ma zhes bya ba'i bar du ji ltar sngar smos pa bzhin no/ /yang de'i tshe na steng gi phyogs logs su sangs rgyas kyi zhing de nas sangs rgyas kyi zhing nyis 'bum 'das
393a1 pa de na 'jig rten gyi khams me tog kun tu rgyas pa zhes bya ba zhig yod de/ sangs rgyas kyi zhing me tog kun tu rgyas pa de na de bzhin gshegs pa
393a2 rnam par snang mdzad me tog rab rgyas zhes bya ba sangs rgyas bcom ldan 'das kyi bar zhig bzhugs te 'tsho zhing gzhes la 'khor bzhi po dag la theg pa gsum gyi
393a3 chos ston to/ /sangs rgyas kyi zhing de na byang chub sems dpa' sems dpa' chen po gnyis shig 'khod pa la gcig ni rang gis rnam par 'byed pas yul yang dag
393a4 par 'khrugs pa zhes bya/ cig shos ni byang chub sems dpa' gzungs kyis yang dag par rab tu dga' ba rnam par 'khrugs pa zhes bya ba ste/ skyes bu dam pa de gnyis
393a5 kyis de bzhin gshegs pa rnam par snang mdzad me tog rab rgyas la/ btsun pa bcom ldan 'das/ 'jig rten du sa cher g.yos shing me tog gi char chen po bab par
393a6 gyur ba'i rgyu gang lags/ rkyen ni gang lags zhes zhus pa dang / de bzhin gshegs pa rnam par snang mdzad me tog rab rgyas kyis bka' stsal pa/ rigs kyi bu dag
393a7 'di nas 'og gi phyogs logs su sangs rgyas kyi zhing 'di nas sangs rgyas kyi zhing nyis 'bum 'das pa de na 'jig rten gyi khams yang dag rtog ces bya ba zhig yod
393b1 de| de na de bzhin gshegs pa rin po che'i snying po zhes bya ba sangs rgyas bcom ldan 'das kyi bar zhig bzhugs te 'tsho zhing gzhes la/ byang chub sems dpa'i yul dang zhing
393b2 yang dag par ston pa'i smon lam gyi yul bkod pa'i ting nge 'dzin gyi yul dang / gzungs kyi sgo bkod pa'i chos kyi rnam grangs 'chad cing byang chub sems dpa' bye ba phrag
393b3 mang po dag bla na med pa yang dag par rdzogs pa'i byang chub tu lung ston to/ /de na byang chub sams dpa' sems dpa' chen po snying rje chen po dang ldan pa gcig cig yod pa
393b4 des smon lam 'di lta bu btab cing snying rje chen po yongs su bsgoms pa'i tshig brjod de/ byang chub sems dpa' sems dpa' chen po rnams bla na med pa yang dag par
393b5 rdzogs pa'i byang chub tu lung bstan pa bshad pa dang / ci nas kyang byang chub sems dpa' bye ba phrag mang po dag gis sangs rgyas kyi zhing gi smon lam btab cing sangs rgyas
393b6 kyi zhing gi yon tan bkod pa dang / 'dul ba'i sems can rnams kyang yongs su bzung ba'i smon lam de lta bu dag kyang brjod pas na/ gang gis thams cad dang ldan pa'i
393b7 'khor de zil gyis mnan cing rtsod pa'i dus kyi sangs rgyas kyi zhing nyon mongs pa can snyigs ma lnga dang ldan zhing nyon mongs pa'i sgrib pa can dang / mtshams med pa byed
394a1 cing mi dge ba'i rtsa ba'i bar dang 'grogs la/ sems kyi rgyud tshig pa'i 'dul ba thams cad yongs su bzung ba'i byang chub sems dpa'
394a2 sems dpa' chen po de gcig bu rnam pa thams cad du snying rje chen po dang ldan pa yin te/ thams cad dang ldan pa'i 'khor de dang / lha dang / mi dang / lha ma yin
394a3 dang / dri zar bcas pa'i 'jig rten gyis kyang de bzhin gshegs pa rin po che'i snying po la mchod pa bya ba spangs nas snying rje chen po dang ldan pa phyi ma de la mchod pa
394a4 bya ba'i phyir brtson zhing yan lag lngas phyag byas te thal mo sbyar cing 'dug nas de'i bsngags pa'ang rjod par byed do/ /sems can chen po de'ang bcom ldan 'das
394a5 de bzhin gshegs pa rin po che'i snying po'i spyan snga na 'dug cing lung bstan pa nyan to/ /gang gi tshe sems can chen po des bcom ldan 'das de'i spyan sngar pus mo
394a6 g.yas pa'i lha nga sa la btsugs par gyur pa de'i tshe bcom ldan 'das des 'di lta ste/ phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed
394a7 dag gis chen po rnam pa drug tu g.yos/ rab tu g.yos/ kun tu rab tu g.yos shing / 'gul ba dang / me tog gi char dag kyang mngon par rab tu bab par gyur pa de lta
394b1 bu'i 'dzum pa mdzad do/ /sangs rgyas kyi zhing de dag thams cad kyi byang chub sems dpa' sems dpa' sems dpa' chen po de dag rab tu sad par bya ba dang / snying rje chen po dang ldan pa'i
394b2 byang chub sems dpa'i smon lam gyi spyod pa nges par bstan par bya ba dang / byang chub sems dpa' sems dpa' chen po rnams 'jig rten gyi khams sangs rgyas kyi zhing gi
394b3 rdul phra rab kyi rdul snyed dag gis phyogs nas bsdu bar bya ba dang / byang chub sems dpa' sems dpa' chen po rnams la ting nge 'dzin gyi sgo bstan pa'i spyod pa 'jigs
394b4 pa med pa'i chos kyi rnam grangs bshad par bya ba'i phyir de bzhin gshegs pa des de lta bu'i cho 'phrul bstan to// //bam po bcu gnyis pa/ rigs kyi bu/
394b5 de bzhin gshegs pa rnam par snang mdzad me tog rab rgyas de la byang chub sems dpa' sems dpa' chen po rang gis rnam par 'byed pas yul yang dag par 'khrugs pa
394b6 dang / gzungs kyis yang dag par rab tu dga' ba rnam par 'khrugs pa zhes bya ba'i rigs kyi bu de gnyis kyis yongs su zhus pa/ btsun pa bcom ldan 'das/ gang gis
394b7 snyigs ma lnga dang ldan pa'i 'jig rten du nyon mongs pa dang 'khrug pa bdo zhing rtsod pa'i dus la bab pa'i dus yongs su bzung zhing mtshams ma mchis pa bgyid pa dang / mi
395a1 dge ba'i rtsa ba'i bar dang 'grogs par gyur cing / sems kyi rgyud tshig pa'i 'dul ba'i sems can rnams kyang yongs su bzung bar gyur
395a2 pa'i byang chub sems dpa' sems dpa' chen po snying rje chen po dang ldan pa des yun ring po ji srid cig nas byang chub tu sems bskyed cing / yun ring po ji srid cig
395a3 tu byang chub kyi spyod pa spyad lags/ de bzhin gshegs pa rnam par snang mdzad me tog rab rgyas kyis bka' stsal pa/ rigs kyi bu dag /snying rje chen po dang ldan pa des ni
395a4 gdod bla na med pa yang dag par rdzogs pa'i byang chub tu sems bskyed do/ /rigs kyi bu dag /khyed kyang de bzhin gshegs pa dgra bcom pa yang dag par rdzogs pa'i
395a5 sangs rgyas rin po che'i snying po de la blta ba dang / phyag bya ba dang / bsnyen bkur bya ba dang / ting nge 'dzin gyi sgo bstan pa'i spyod pa 'jigs pa med pa'i chos kyi rnam
395a6 grangs de'ang mnyan pa'i phyir 'jig rten gyi khams yang dag rtog der deng la/ byang chub sems dpa' sems dpa' chen po snying rje chen po dang ldan pa de la nga'i tshig gis
395a7 dris la 'di skad du de bzhin gshegs pa rnam par snang mdzad me tog rab rgyas skyes bu dam pa khyod la dri bar mdzad de/ me tog zla ba ma dog mdzes dri ma med pa 'di dag
395b1 kyang bskur zhing legs so zhes bya ba'ang byin te/ skyes bu dam pa khyod kyis de ltar sems dang po bskyed pa nas snying rje chen po brjod pas phyogs bcu'i 'jig rten gyi khams
395b2 sangs rgyas kyi zhing gi rdul phra rab kyi rdul snyed dag tu sgras gang bar gyur cing / snying rje chen po'i sgra'ang rab tu thob pa yin no/ /skyes bu dam pa/ de'i phyir na khyod ni theg pa chen po
395b3 la yang dag par zhugs pa'i byang chub sems dpa' sems dpa' chen po snying rje chen po dang ldan pa'i phyi ma rnams la'ang snying rje chen po brjod pa'i smon lam gyis yang dang
395b4 yang du byams pa'i rgyal mtshan legs par 'dzugs par 'gyur te/ skyes bu dam pa/ de'i phyir ma 'ongs pa'i bskal ba grangs med pa sangs rgyas kyi zhing gi rdul phra rab kyi
395b5 rdul snyed na phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu yang dang yang du khyod kyi snyan pa dang / grags pa'i sgras kun tu gang bar
395b6 'gyur ro/ /skyes bu dam pa/ de'i phyir khyod kyis sems can bye ba khrag khrig 'bum phrag mang po grangs med pa dag /bla na med pa yang dag par rdzogs pa'i byang chub yang dag
395b7 par 'dzin du bcug cing btsud de rab tu bkod nas bcom ldan 'das la phul ba rnams kyang bla na med pa yang dag par rdzogs pa'i byang chub las phyir mi ldog pa la bkod
396a1 par gyur te/ de la kha cig gis bcom ldan 'das kyi thad nas smon lam gyis sangs rgyas kyi zhing gi yon tan bkod pa dag yongs su bzung
396a2 ba dag dang / 'dul ba'i sems can rnams kyang snying rje'i 'od zer dag gis kun tu bkab par gyur to/ /gang dag khyod kyis bla na med pa yang dag par rdzogs pa'i byang chub
396a3 yang dag par 'dzin du bcug nas lung bstan pa ma thob pa de dag kyang phyis lung bstan pa thob par 'gyur te/ de dag thams cad kyang phyis bskal pa grangs med pa
396a4 sangs rgyas kyi zhing gi rdul phra rab kyi rdul snyed kyi bar dag gis phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed po gzhan dag tu sangs
396a5 rgyas nyid thob cing chos dang ldan pa'i chos kyi 'khor lo bskor nas khyod nyid las brtsams shing bsngags pa brjod par 'gyur te/ rgyu gsum po des na/ skyes bu dam pa
396a6 khyod legs so/ /zhes kyang smros shig /yang de'i tshe na byang chub sems dpa' bye ba phrag mang po dag gis kyang 'di skad ces gsol to/ /btsun pa bcom ldan 'das/
396a7 bdag cag kyang de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de la blta ba dang / phyag bgyi ba dang / bsnyen bkur bgyi ba dang /
396b1 de bzhin gshegs pas gang la yan lag gsum gyis lags so zhes bgyi ba spring zhig /me tog zla ba mdog mdzes dri ma med pa 'di dag bskur ba'i skyes bu dam pa de'ang
396b2 blta ba'i slad du sangs rgyas kyi zhing yang dag rtog der mchi lags so/ /rigs kyi bu/ de bzhin gshegs pa rnam par snang mdzad me tog rab rgyas des bka' stsal pa/ rigs
396b3 kyi bu dag/ de'i dus la dbab par shes na khyed cag deng la der de bzhin gshegs pa rin po che'i snying po las ting nge 'dzin gyi sgo bstan pa'i spyod pa 'jigs pa med pa'i chos
396b4 kyi rnam grangs de'ang nyon cig /rigs kyi bu/ de nas byang chub sems dpa' rang gis rnam par 'byed pas yul yang dag par 'khrugs pa dang / gzungs kyis yang dag par
396b5 rab tu dga' ba rnam par 'khrugs pa zhes bya ba de gnyis kyis de bzhin gshegs pa rnam par snang mdzad me tog rab rgyas de las me tog zla ba mdog mdzes dri ma med pa
396b6 dag blangs nas byang chub sems dpa' bye ba phrag mang po dang lhan cig tu sangs rgyas kyi zhing gi me tog kun tu rgyas pa nas 'phags te skad cig gcig gis sangs rgyas
396b7 kyi zhing 'di'i dzam+bu'i tshal gyi skyed mos tshal du lhags te phyin pa dang / de bzhin gshegs pa rin po che'i snying po ga la ba der dong ngo / /yang de'i tshe na thams cad dang ldan pa'i
397a1 sangs rgyas kyi zhing yang dag rtog theg pa chen po pa'i byang chub sems dpa' rnams dang / rang sangs rgyas kyi theg pa pa dang / nyan thos kyi theg pa pa'i
397a2 rigs kyi bu dag dang / lha rnams dang / lto 'phye chen po'i bar dag gis 'di ltar yongs su gang bar gyur te/ 'di lta ste/ dper na/ bu ram shing gi tshal lam/ 'dam bu'i
397a3 tshal lam/ til gyi zhing ngam/ 'bras kyi zhing rgyas pas kun tu khyab par gyur pa de bzhin du/ de'i tshe na sangs rgyas kyi zhing yang dag rtog kyang theg pa chen po'i rigs kyi
397a4 bu rnams dang / lto 'phye chen po'i bar dag gis yongs su gang zhing khyab par gyur to/ /byang chub sems dpa' de dag gis kyang de bzhin gshegs pa rin po che'i snying po'i
397a5 zhabs la mgo bos phyag btsal te/ ting nge 'dzin gyi stobs dang / byang chub sems dpa'i rnam par 'phrul pa rnam pa sna tshogs dag gis mchod pa byas nas/ de bzhin
397a6 gshegs pa rin po che'i snying po'i spyan snga na bram ze la thams cad dang ldan pa'i 'khor rnams thal mo sbyar te bsngags pa brjod cing 'khod pa mthong ba dang / byang chub
397a7 sems dpa' de dag 'di snyam du sems te/ de bzhin gshegs pa rnam par snang mdzad me tog rab rgyas kyis gang la me tog zla ba mdog mdzes dri ma med pa 'di dag
397b1 bskur pa'i byang chub sems dpa' sems dpa' chen po snying rje chen po dang ldan pa de ni 'di yin pa lta snyam nas/ byang chub sems dpa' de dag bcom ldan 'das
397b2 kyi drung nas phyir phyogs te/ bram ze de la me tog zla ba mdog mdzes dri ma med pa de dag phul nas smras pa/ skyes bu dam pa/ de bzhin gshegs pa rnam par snang mdzad me tog
397b3 rab rgyas kyis khyod la me tog zla ba mdog mdzes dri ma med pa 'di bskur zhing / skyes bu dam pa khyod legs so zhes bya ba'ang byin te/ yan lag gsum gyis legs so zhes
397b4 bya ba brjod pa'i bar du'ang ji ltar sngar smos pa bzhin no/ /me tog gang yin pa de dag sangs rgyas kyi zhing stong pa dag tu char bzhin du rab tu 'bab pa sangs rgyas kyi zhing de dag
397b5 tu dge ba'i sgra rnam pa sna tshogs dag gis kyang kun gyis gang bar gyur te/ 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / snang ba'i sgra dang / pha
397b6 rol tu phyin pa'i sgra dang / stobs kyi sgra dang / mi 'jigs pa'i sgra dang / mngon par shes pa'i sgra dang / mngon par 'du bya ba med pa'i sgra dang / skye ba med pa'i sgra dang / 'gag
397b7 pa med pa'i sgra dang / zhi ba'i sgra dang / nye bar zhi ba'i sgra dang / rab tu zhi ba'i sgra dang / byams pa chen po'i sgra dang / snying rje chen po'i sgra dang / mi skye ba'i chos kyi sgra dang / dbang
398a1 bskur ba'i sa thob pa'i sgra dang / theg pa chen po'i gtam 'ba' zhig gi sgra ste/ me tog gi char chen po de dag gis dge ba'i sgra de lta bus
398a2 sangs rgyas kyi zhing de dag bkang ste gnas so/ /byang chub sems dpa' sems dpa' chen po rdzu 'phrul che ba/ mthu che ba/ chos zab mo la dbang thob pa/ gang dag
398a3 'dul ba'i sems can yongs su smin par bya ba'i phyir smon lam gyi dbang gis sangs rgyas kyi zhing stong pa de dag tu lhags pa de dag gis sgra de thos nas sangs
398a4 rgyas kyi mthu dang / smon lam gyi dbang dang / ting nge 'dzin gyi stobs kyi de dag de nas rdzu 'phrul gyis 'di ltar mgyogs par dong ste/ 'di lta ste/ dper na/ skyes
398a5 bu stobs dang ldan pa lag pa brkyang ba de bzhin du byang chub sems dpa' de dag kyang sangs rgyas kyi zhing stong pa de dag nas dong ste/ sangs rgyas kyi zhing yang dag
398a6 rtogs 'dir lhags nas/ byang chub sems dpa' de dag gis byang chub sems dpa' rnam par 'phrul pa rnam pa sna tshogs dag gis de bzhin gshegs pa
398a7 rin po che'i snying po la mchod pa byas shing thams cad dang ldan pa'i 'khor de la'ang mchod pa byas nas chos nyan pa'i phyir gnas ji lta bu thob par 'khod do/ /
398b1 rigs kyi bu/ mdun na 'don gyi gtso bo bram ze rgya mtsho'i rdul des kyang de bzhin gshegs pa rin po che'i snying po de la me tog zla ba mdog mdzes dri ma med pa de dag gis mchod
398b2 pa byas te gsol pa/ btsun pa bcom ldan 'das/ bdag bla na med pa yang dag par rdzogs pa'i byang chub tu lung bstan du gsol/ rigs kyi bu/ de nas de bzhin gshegs pa
398b3 rin po che'i snying po ting nge 'dzin glog gi sgron ma zhes bya ba la snyoms par zhugs te/ ting nge 'dzin des thams cad dang ldan pa'i sangs rgyas kyi zhing yang dag rtog rin po che
398b4 sna bdun gyi rang bzhin du gnas par gyur nas ri dang / shing ljon pa rnams dang / rtswa dang / shing dang / sa gzhi thams cad kyang rin po che sna bdun gyi rang bzhin du kun tu snang ngo //
398b5 sems can gang dag chos mnyan pa'i phyir de na 'khod pa de dag kyang dge ba'i phyogs ji lta bu yid la byed pa de lta bu'i lus su kha cig ni ser po/ kha cig ni dkar po/ kha cig
398b6 ni btsod kha/ kha cig ni dmar po/ kha cig ni nag po/ kha cig ni skya bor gnas te/ kha cig gi lus ni rlung lta bur kun tu snang / kha cig ni me lta bur/ kha cig ni nam mkha'
398b7 lta bur/ kha cig ni smig rgyu lta bur/ kha cig ni chu lta bur/ kha cig ni ri lta bur/ kha cig ni tshangs pa lta bur/ kha cig ni brgya byin lta bur/ kha cig ni me tog lta bur/ kha cig
399a1 ni nam mkha' lding lta bur/ kha cig ni seng+ge lta bur/ kha cig ni nyi ma lta bur/ kha cig ni zla ba lta bur/ kha cig ni skar ma lta bur/ kha cig ni bya rgod
399a2 lta bu dang / kha cig ni wa lta bu dag tu kun tu snang ste/ chos mnyan pa'i phyir de na 'khod pa'i sems can de dag dge ba'i phyogs ji lta bu yid la byed pa de lta bu'i lus su
399a3 kun tu snang ngo / /rigs kyi bu/ de na sems can gang dag gis rang rang gi lus ji lta bur mthong ba de lta bur sems can de dag gis de bzhin gshegs pa rin po che'i
399a4 snying po'i sku'ang mthong ngo / /rigs kyi bu/ mdun na 'don gyi gtso bo bram ze rgya mtsho'i rdul des kyang mdun na de bzhin gshegs pa rin po che'i snying po rin po che'i sna bdun
399a5 gyi pad+ma 'dab ma stong dang ldan pa'i ze ba la bzhugs bar mthong ngo / /rigs kyi bu/ de na sems can gang dag sa dang nam mkha' la 'dug pa dang / 'greng ba'i sems
399a6 can re res kyang de bzhin gshegs pa rin po che'i snying po'i sku'ang de ltar mthong ste/ bdag ni de bzhin gshegs pa rin po che'i snying po'i spyan snga na 'dug ste/ thugs
399a7 thams cad kyis dgongs shing bdag gcig bu las brtsams te chos ston to snyam mo/ /rigs kyi bu/ de bzhin gshegs pa dgra bcom pa yang dag par rdzogs
399b1 pa'i sangs rgyas rin po che'i snying pos bram ze rgya mtsho'i rdul de la legs so zhes bya ba byin te/ bram ze chen po snying rje chen po dang ldan pa khyod sems can bgrang ba las yang
399b2 dag par 'das pa rnams la phan pa byed pa dang / 'jig rten la snang ba byed par gyur pa ni snying rje dang ldan pa yin te/ legs so/ /legs so/ /bram ze/ 'di lta ste/ dper na/ me
399b3 tog gi shing phun sum tshogs pa zhig kha dog sna tshogs dang / dri sna tshogs dang / reg pa sna tshogs dang / 'dab ma sna tshogs dang / sdong bu sna tshogs dang / rtsa ba sna tshogs
399b4 dang / sman gyi yo byad kyi gnas sna tshogs yod do/ /de la me tog kha cig gi kha dog dang dris ni dpag tshad brgyar/ kha cig gis ni dpag tshad nyis brgyar/ kha cig gis ni
399b5 dpag tshad sum brgyar lhang nge lhan ner byed cing de bzhin du sbyar te/ de na me tog kha cig gi kha dog dang dris ni gling bzhi pa'i 'jig rten gyi khams thams cad du lhang nge lhan
399b6 ner byed la/ de na sems can gang dag mig med pa de dag gis me tog de'i dri bsnams na ni mig dag thob par 'gyur/ 'on pa rnams kyis ni rna ba dag thob par 'gyur
399b7 yan lag thams cad kyi bar dag nyams pa rnams kyis ni yan lag thams cad 'thob par 'gyur ba dang / de na sems can gang dag nad bzhi brgya rtsa bzhi po dag gis
400a1 gces par gyur pa de dag gis dri bsnams na ni nad thams cad las yongs su thar bar 'gyur ba dang / de na sems can gang dag myos pa
400a2 dang / brgyal ba dang / smyos pa dang / rengs pa dang / sems rmugs pa dang / sems rnam par g.yengs pa dang / dran pa rab tu nyams pa rnams kyis me tog de dag
400a3 gi dri bsnams na ni dran pa thams cad thob par 'gyur ba zhig yod la/ me tog gi shing de'i nang nas pad+ma dkar po mkhrang ba/ sra ba/ rdo rje las grub pa/ 'jam pa/
400a4 sdong bu ni bai DUR+ya/ 'dab ma ni gser/ ze'u 'bru ni rdo'i snying po/ ze ba mu tig dmar po/ 'phang du dpag tshad brgyad khri bzhin stong / rgyar ni dpag tshad 'bum
400a5 yod pa gcig cig skyes par gyur la/ pad+ma dkar po de'i kha dog dang dris phyogs bcu'i 'jig rten gyi khams sangs rgyas kyi zhing gi rdul phra rab kyi rdul snyed dag tu
400a6 khyab cing lhang nge lhan ner 'gyur la/ bram ze/ phyogs bcu'i 'jig rten gyi khams sangs rgyas kyi zhing gi rdul phra rab kyi
400a7 gang dag lus mi mthun pa dang / nad kyis nyen pa dang / yan lag mthun pa dang / nad kyis nyen pa dang / yan lag nyams pa dang / myos pa dang / brgyal ba dang / myos pa dang / gnyid log pa dang / dran pa
400b1 rab tu nyams pa dang / sems rnam par g.yengs pa'i sems can de dag gis pad+ma dkar po de'i 'od mthong zhing dri bsnams na nad thams cad rab tu zhi bar 'gyur
400b2 zhing dran pa'ang thob par 'gyur ba dang / sangs rgyas kyi zhing de dag na sems can gang dag shi nas yun ring po ma lon zhing lus ma zhig pa de dag gi ro la pad+ma
400b3 dkar po de'i 'od zer dag gis phog gam/ dris reg na ro de dag kyang srog gi dbang po 'thob par 'gyur zhing / yang phyis langs te mdza' bshes dang / snag gi
400b4 gnyen mtshams dag mthong nas de dag thams cad skyed mos tshal du zhugs te/ 'dod pa'i yon tan lnga po dag 'byor cing ldan par 'gyur la gnas par 'gyur ba
400b5 dang / gang dag yang de nas shi 'phos par 'gyur pa de dag kyang tshangs pa'i gnas dag par skye bar 'gyur la/ de dag der tshe dpag tu med par 'gyur zhing yun
400b6 ring por gnas par 'gyur ba dang / de nas shi 'phos nas kyang gzhan du skye bar mi 'gyur ba zhig yod na/ bram ze/ me tog gi shing de ji lta bar theg pa chen po'i
400b7 'dus pa 'di'ang de bzhin du blta bar bya'o/ /ji ltar nyi ma 'char ba nye bar gnas pa'i dus na me tog de dag kha bye zhing rab tu rgyas bar gyur nas lhang nge lhan ne/
401a1 shing kha cig gi 'phang du ni dpag tshad brgya/ kha cig gi 'phang du ni dpag tshad stong gi bar du gyur nas sems can mang po de dag gi nad sna tshogs rab
401a2 tu zhi bar byed pa de ltar ni 'jig rten du sangs rgyas nyi ma de bzhin gshegs pa skyes bu dam pa byung ba yin no/ /ji ltar nyi ma shar ba'i 'od zer dag gis me tog de dag kha
401a3 phye zhing lam me lhang nge lhan ner gyur nas/ nad sna tshogs kyis nyen pa'i sems can rnams kyi nad nye bar zhi bar 'gyur ba de ltar ni skyes bu dam pa nga 'jig rten du byung ste/
401a4 thugs rje'i 'od zer dag gis sems can rnams la khyab par mdzad cing kha phye nas yang dang yang du sems can rnams kyi bsod nams bya ba'i dngos po gsum po dag
401a5 la mngon par sbyor bar mdzad pa dang / khyod kyis kyang sems can tshad med grangs med pa dag bla na med pa yang dag par rdzogs pa'i byang chub yang dag par 'dzin du
401a6 bcug cing btsud de rab tu bkod nas nga la phul ba de dag thams cad kyis nga'i drung du sangs rgyas kyi zhing dag yongs su bzung ste/ kha cig gis ni sangs rgyas kyi
401a7 zhing yongs su dag pa dag yongs su bzung / kha cig gis ni yongs su ma dag pa dag yongs su bzung zhing / rang rang gi smon lam ji ltar btab pa de ltar ngas
401b1 kyang lung bstan pa yin no/ /skyes bu dam pa gang dag gis nga'i thad nas sangs rgyas kyi zhing yongs su dag pa dag yongs su bzung ba de dag gis ni 'dul ba'i sems
401b2 can bsam pa dag pa/ gdul sla ba/ dge ba'i rtsa ba bskyed pa dag yongs su bzung bas na de'i phyir de dag ni byang chub sems dpa' sems dpa' chen po zhes mi bya
401b3 ste| de dag ni skyes bu dam pa chen po'i bya ba byed pa ma yin no/ /de dag ni snying rje chen pos sems dang sems las byung ba dag la 'jug pa ma yin no/ /byang chub sems
401b4 dpa' de dag ni sems can thams cad la snying brtse ba'i phyir bla na med pa yang dag par rdzogs pa'i byang chub yongs su 'tshol ba ma yin te/ gang dag sangs rgyas kyi
401b5 zhing yongs su dag pa de dag yongs su 'dzin pa'i byang chub sems dpa' de dag gis ni snying brtse ba spangs pa yin no/ /gang dag nyan thos dang / rang sangs rgyas
401b6 kyi theg pa dag yongs su spangs pa'i sangs rgyas kyi zhing 'dod pa'i byang chub sems dpa' dag ni ye shes dang / bsam pa la mkhas par gyur pa ma yin no/ /gang dag
401b7 ji ltar bdag nyan thos dang / rang sangs rgyas spangs pa/ dge ba'i rtsa ba dang 'grogs par gyur pa/ bud med rnam par spangs pa/ sems can dmyal ba dang / dud 'gro'i
402a1 skye gnas dang / gshin rje'i 'jig rten rnam par spangs pa'i sangs rgyas kyi zhing du bla na med pa yang dag par rdzogs pa'i byang chub mngon
402a2 par rdzogs par 'tshang rgya bar gyur cig /theg pa chen po la yang dag par zhugs pa'i byang chub sems dpa' rnams la nyan thos dang rang sangs rgyas kyis yongs
402a3 su spangs pa theg pa chen po'i gtam 'ba' zhig gis chos ston par gyur cig /bdag gis byang chub thob nas kyang tshe ring por gyur te/ yun ring du gnas shing
402a4 bskal pa mang por bsam pa dag pa dang / gdul sla ba dang / dge ba'i rtsa ba dang 'grogs par gyur pa rnams la chos ston par gyur cig /ces smon lam
402a5 de lta bu 'debs pa'i byang chub sems dpa' de dag ni des na ye shes dang / bsam pa la mkhas par gyur pa'ang ma yin la/ byang chub sems dpa' sems
402a6 dpa' chen po zhes kyang mi bya'o/ /rigs kyi bu/ de nas de bzhin gshegs pa rin po che'i snying po des phyag brkyang ste/ sor mo lnga las 'od zer kha dog sna tshogs
402a7 kha dog du ma/ kha dog 'bum phrag du ma dang ldan pa dag rab tu bkye'o/ /'od zer de dag tshad med grangs med dpag tu med pa'i phyogs su dong ste/ sangs rgyas kyi
402b1 zhing rnams snang bar byas nas/ de nas 'jig rten gyi khams mthe bo can zhes bya ba yod de/ 'jig rten gyi khams mthe bo can de na mi rnams ni tshe lo bcu pa mdog ngan pa/
402b2 mi sdug pa/ mi dge ba'i rtsa ba dang ldan pa ste/ khrun ni mthe bo'i tshad tsam mo/ /de na de bzhin gshegs pa dgra bcom pa yang dag par rdzogs pa'i sangs rgyas skar ma la
402b3 dga' ba zhes bya ba bzhugs te/ de bzhin gshegs pa de'i sku'i khrun yang rtsod pa'i dus kyi tshad kyi mi rnams kyi khru gang dang / mthe bo can gyi mi rnams kyi khru gsum dang /
402b4 sor bdun gyi tshad tsam ste/ de bzhin gshegs pa de'ang bzhugs te 'tsho zhing gzhes la 'khor bzhi po rnams la theg pa gsum po dag gis chos ston to/ /rigs
402b5 kyi bu/ de nas thams cad dang ldan pa'i 'khor des sangs rgyas kyi zhing de dang / mi de dag dang / de bzhin gshegs pa de mthong nas de bzhin gshegs pa dgra bcom
402b6 pa yang dag par rdzogs pa'i sangs rgyas rin po che'i snying pos bka' stsal pa/ de bzhin gshegs pa skar ma la dga' ba des ni bskal pa dpag tu med grangs med pa
402b7 'das pa na de bzhin gshegs pa rin po che'i gdugs mngon par 'phags par snang ba'i spyan sngar dang po bla na med pa yang dag par rdzogs pa'i byang chub tu sems bskyed
403a1 de| srog chags bye ba khrag khrig phrag mang po dag bla na med pa yang dag par rdzogs pa'i byang chub yang dag par 'dzin du bcug cing btsud de
403a2 rab tu bkod do/ /sems can de dag gis kyang de bzhin gshegs pa rin po che'i gdugs mngon par 'phags par snang ba'i spyan sngar bsam pa ji lta ba bzhin du
403a3 smon lam btab ste/ kha cig gis ni sangs rgyas kyi zhing gi yon tan bkod pa yongs su dag pa dag yongs su bzung ngo / /kha cig gis ni yongs su ma dag pa snyigs
403a4 ma lnga dang ldan pa dag yongs su bzung ngo / /de na sems can chen po des nga'ang bla na med pa yang dag par rdzogs pa'i byang chub yang dag par 'dzin du bcug cing
403a5 bzhag ste rab tu gnas par byas nas/ der ngas de bzhin gshegs pa rin po che'i gdugs mngon par 'phags par snang ba'i spyan sngar snyigs ma lnga dang ldan pa'i
403a6 sangs rgyas kyi zhing gi yon tan bkod par bla na med pa yang dag par rdzogs pa'i byang chub mngon par rdzogs par 'tshang brgya bar smon lam btab bo/ /de bzhin gshegs
403a7 pa des kyang nga la legs so zhes bya ba byin nas/ nga bla na med pa yang dag par rdzogs pa'i byang chub tu lung bstan to/ /de na gang gis byang chub yang dag par 'dzin du bcug
403b1 pa'i dge ba'i bshes gnyen skyes bu dam pa des snyigs ma lnga shin tu bdo zhing nyon mongs pa dang rtsod pa'i dus la bab pa'i tshe shin tu nyon mongs pa'i sangs rgyas kyi zhing yongs
403b2 su bzung zhing 'dul ba'i sems can mtshams med pa byed pa dang / mi dge ba'i rtsa ba dang ldan pa dang / sems kyi rgyud tshig pa dang / 'khor ba'i 'brog dgon pa nyam nga
403b3 bar zhugs pa dag smon lam gyis yongs su bzung nas skyes bu dam pa de la phyogs bcu'i 'jig rten gyi khams dpag tu med grangs med pa gzhan dang gzhan dag na
403b4 bzhugs te/ 'tsho zhing gzhes pa'i sangs rgyas bcom ldan 'das rnams kyis kyang legs so zhes pho nyan btang ste/ snying rje chen po rnam par snang byed zhi ba zhes bya bar
403b5 ming btags so/ /nga'i dge ba'i bshes gnyen phan par mdzad pa'i byang chub sems dpa' sems dpa' chen po snying rje chen po rnam par snang byed zhi ba de da ltar 'jig
403b6 rten gyi khams mthe bo can du mthe bo'i tshad tsam gyi mi rnams kyi nang du mngon par rdzogs par sangs rgyas nas ring po ma lon te/ de bzhin gshegs pa khru gang tsam po des
403b7 mthe bo'i tshad tsam gyi mi de dag nyid kyi khru gsum gyi tshad tsam gyis skye dgu tshe lo bcu pa rnams la chos dang ldan pa'i chos kyi 'khor lo bskor te/ des dang po bla na med
404a1 pa yang dag par rdzogs pa'i byang chub yang dag par 'dzin du bcug cing btsud de rab tu bkod pa'i sangs rgyas bcom ldan 'das gang dag
404a2 phyogs bcu'i 'jig rten gyi khams tshad med grangs med pa dag na bzhugs te 'tsho zhing gzhes pa de dag gis kyang byang chub thob pa de la mchod pa bya ba'i phyir pho nya
404a3 dag btang ngo / /des dang po gang dag sbyin pa'i pha rol tu phyin pa nas/ shes rab kyi pha rol tu phyin pa'i bar dag yang dag par 'dzin du bcug cing bcud de rab tu bkod
404a4 pa'i sangs rgyas bcom ldan 'das sngon gyi byas pa gzo zhing rjes su dgongs pa de dag gis kyang de bzhin gshegs pa de la me tog dag bskur ro/ /bram ze/ sangs rgyas
404a5 bcom ldan 'das de dag ji ltar sangs rgyas kyi zhing rab tu dang ba dag na sems can tshe ring ba/ bsam pa yongs su dag pa/ bde bar gnas pa rnams la sangs
404a6 rgyas kyi mdzad pa mdzad pa rnams dang / de bzhin gshegs pa skar ma la dga' ba de de ltar sangs rgyas kyi zhing rab tu ngan pa snyigs ma lnga dang ldan pa de lta bur
404a7 sangs rgyas nyid thob nas sems can mtshams med pa byed pa dang / mi dge ba'i rtsa ba dang ldan par gyur pa'i bar dag la tshe thung ngus sangs rgyas kyi mdzad pa
404b1 mang po lhag par mdzad cing / nyan thos dang / rang sangs rgyas rnams kyang ma spangs par chos ston pa la ltos/ skyes bu dam pa khyod kyis kyang de ltar sangs rgyas kyi zhing
404b2 shin tu ngan cing snyigs ma lnga dang ldan par mtshams med pa byed pa dang / mi dge ba'i rtsa ba dang ldan pa'i bar gyi 'dul ba'i sems can rnams yongs su bzung zhing
404b3 smon lam khyad par can btab pas na/ byang chub sems dpa'i 'khor 'di dag thams cad zil gyis mnan to/ /byang chub sems dpa' gang dag gis sems can
404b4 dmyal ba dang / dud 'gro'i skye gnas yongs su spangs pa dang / nyan thos dang / rang sangs rgyas yongs su spangs pa'i sangs rgyas kyi zhing yongs su dag pa rnams
404b5 yongs su bzung zhing 'dul ba'i sems can bsam pa dag pa shin tu dul ba/ dge ba'i rtsa ba bskyed pa dag yongs su bzung ba'i sems can de dag ni me tog lta bu
404b6 zhes bya ste/ gang dag shin tu dul ba dge ba'i rtsa ba bskyed pa rnams kyi nang du sangs rgyas kyi mdzad pa byed par 'gyur ba de dag ni pad+ma dkar po lta bu'i byang chub sems
404b7 dpa' sems dpa' chen po dag ma yin no/ /bram ze/ byang chub sems dpa' rnams kyi le lo'i dngos po ni bzhi ste/ bzhi gang zhe na/ sangs rgyas kyi zhing yongs su dag
405a1 par smon pa dang / sems can bsam pa yongs su dag pa rnams la sangs rgyas kyi mdzad pa byed par smon pa dang / byang chub thob nas nyan
405a2 thos dang rang sangs rgyas kyi theg pa'i gtam mi ston par smon pa dang / byang chub thob nas tshe ring bar smon pa ste/ bzhi po de dag ni byang chub sems dpa' rnams
405a3 kyi le lo'i dngos po yin te/ des ni byang chub sems dpa' me tog lta bu rnams zhes bya'i/ pad+ma dkar po lta bu'ang ma yin la sems dpa' chen po zhes kyang
405a4 mi bya ste/ bram ze/ 'di lta ste/ dper na/ byang chub sems dpa'i 'khor 'di ma gtogs par khyab 'jug rlung gis/ gang gi phyir sangs rgyas kyi zhing yongs su
405a5 ma dag pa yongs su bzung zhing 'dul ba'i sems can nyon mongs pas dkrugs pa rnams dang / bskal pa bzang po'i rigs kyi bu kha cig kyang yongs su
405a6 bzung ba lta bu'o/ /byang chub sems dpa' rnams kyi brtson 'grus brtsams pa'i dngos po ni bzhi po 'di dag yin te/ bzhi gang zhe na/ sangs rgyas kyi zhing
405a7 yongs su ma dag par smon pa dang / sems can bsam pa yongs su ma dag pa rnams la sangs rgyas kyi mdzad pa byed par smon pa dang / byang chub thob nas
405b1 nyan thos dang rang sangs rgyas kyi theg pa'i gtam ston par smon pa dang / byang chub thob nas tshe ha cang yang mi ring / ha cang yang mi thung ba zhig bar mar sgrub par
405b2 smon pa ste/ bzhi po 'di dag ni byang chub sems dpa' sems dpa' chen po rnams kyis brtson 'grus brtsams pa'i dngos po yin te/ des na byang chub sems
405b3 dpa' sems dpa' chen po pad+ma dkar po lta bu rnams zhes bya'i/ me tog lta bu rnams zhes mi bya ste/ byang chub sems dpa' de dag ni sems dpa' chen po rnams zhes
405b4 kyang bya'o/ /bram ze/ 'di lta ste/ dper na/ khyod ni da ltar smon lam gyi dbang gis de bzhin gshegs pa'i spyan sngar byang chub sems dpa' dpag tu med grangs med
405b5 pa rnams kyi nang du dge ba lung bstan pa'i zhing du snying rje pad+ma dkar po lta bur skyes pa yin no/ /gang gi tshe khyod kyis snying rje chen po brjod pas mtshams med pa byed pa
405b6 dang / mi dge ba'i rtsa ba dang ldan par gyur pa'i bar gyi 'dul ba rnams yongs su bzung zhing snyigs ma lnga bdo ba'i sangs rgyas kyi zhing yongs su bzung ba'i tshe/ phyogs
405b7 bcu'i sangs rgyas bcom ldan 'das sangs rgyas kyi zhing gi rdul phra rab kyi rdul snyed dag gis kyang skyes bu dam pa khyod la legs so zhes bya ba byin te/ pho nya dag
406a1 kyang btang nas khyod kyi ming snying rje chen po dang ldan pa zhes bya bar btags so/ /'khor 'di dag thams cad kyang khyod la mchod pa'i
406a2 las bya ba'i phyir brtson par gyur to/ /snying rje chen po dang ldan pa khyod ni ma 'ongs pa'i dus na bskal pa grangs med pa gang+gA'i klung gi bye ma snyed cig 'das nas lhag
406a3 ma bskal pa grangs med pa gang+gA'i klung gi bye ma snyed gnyis pa la bab pa na bskal pa bzang po la 'jig rten gyi khams mi mjed der skye dgu'i tshe lo brgya nyi shu thub cing
406a4 rga ba dang / 'chi ba mang ba'i sangs rgyas kyi zhing na 'jig rten ldongs pa/ 'dren pa med pa/ mi dge ba'i rtsa ba dang ldan par gyur cing / sems can lam ngan
406a5 pas bcom pa/ nyam nga ba chen po thob pa/ mtshams med pa byed pa/ 'phags pa la skur pa 'debs pa/ dam pa'i chos spong ba/ ltung ba'i rtsa ba 'byung ba nas
406a6 ji skad sngar smos pa'i bar dag lta bus gang ba'i 'jig rten du de bzhin gshegs pa rig pa dang zhabs su ldan pa nas sangs rgyas bcom ldan 'das kyi bar du 'gyur
406a7 te| 'gro ba'i 'khor lo ni bzlog /chos kyi 'khor lo ni bskor/ dbang sgyur ba'i bdud dang / nyon mongs pa'i bdud ni bcil te/ phyogs bcu'i sangs rgyas kyi zhing
406b1 mtha' yas mu med pa dag tu sgras khyab par byas nas/ khyod kyi nyan thos 'dus pa chen po dag 'byung bar 'gyur ba 'di lta ste/ dge slong stong nyis brgya lnga bcu dang lhan
406b2 cig smon lam ji ltar btab pa de bzhin du/ lo bzhi bcu rtsa lngar rim gyis sangs rgyas kyi mdzad pa de lta bu mtha' dag yongs su rdzogs par byed par 'gyur ro/ /de'i tshe
406b3 ji ltar rgyal po chen po bdud rtsi dag pa 'di 'od dpag med ces bya bar 'gyur zhing bskal pa tshad med pa dag gis sangs rgyas kyi mdzad pa mtha' dag byed par
406b4 'gyur ba de bzhin du snying rje chen po dang ldan pa khyod kyang bskal pa chen po bzang po la 'jig rten gyi khams mi mjed der skye dgu tshe lo brgya nyi shu thub pa na de bzhin
406b5 gshegs pa shAkya thub pa zhes bya bar 'gyur te/ lo bzhi bcu rtsa lngas sangs rgyas kyi mdzad pa de lta bu mang po dag byed par 'gyur ro/ /skyes bu dam pa khyod bla na med
406b6 pa'i yongs su mya ngan las 'das nas kyang dam pa'i chos lo stong lhag par gnas par gyur to/ /skyes bu dam pa khyod kyi dam pa'i chos nub nas kyang lus las skyes
406b7 pa'i sku gdung rnams kyang rang gis smon lam ji ltar btab pa de ltar sangs rgyas kyi mjed pa mang po mtha' dag byed par 'gyur te/ sngar ji skad smos pa de bzhin du
407a1 yun ring por sems can rnams 'dul bar 'gyur ro/ /rigs kyi bu/ de'i tshe na gnas grong zhes bya ba na bram ze zhig yod pa des 'di
407a2 skad ces smras so/ /skyes bu dam pa khyod bskal pa grangs med pa de dang de dag tu byang chub kyi spyad pa spyod pa na/ bdag kyang rtag tu bsnyen bkur bar 'gyur zhing /
407a3 byams pa dang mthun pa'i yo byad sbyor ba dang / grogs byed par gyur nas khyod la bsnyen bkur byed par gyur cig /khyod srid pa tha mar gyur pa na bdag khyod kyi
407a4 phar gyur cig /skyes bu dam pa/ bdag khyod kyis byang chub thob par sbyin bdag gi mchog tu 'gyur zhing khyod kyis bdag bla na med pa yang dag par rdzogs pa'i
407a5 byang chub tu lung ston par gyur cig /gzhan yang de na rgya mtsho'i lha mo shin tu dul ba'i blo zhes bya ba des kyang smras pa/ bskal pa grangs med pa de dang de dag ces
407a6 bya ba nas khyod srid pa tha ma pa'i bar du gyur pa na bdag khyod skyed pa'i mar gyur cig /snying rje chen po dang ldan pa khyod kyis byang chub thob nas bdag bla na med pa yang
407a7 dag par rdzogs pa'i byang chub tu lung ston par gyur cig /rgyu skar gyi lha mo chu lha spyod ces bya ba des kyang smras pa/ de dang de dag ces bya ba nas khyod srid pa tha ma
407b1 pa'i bar du gyur pa na bdag khyod la bsnun pa'i ma ma byed pa'i mar gyur cig /khyod kyis byang chub thob nas bdag bla na med pa yang dag par rdzogs pa'i byang chub tu lung ston par
407b2 gyur cig /brgya byin mu khyud can zhes bya ba dang / gzhan yang brgya byin pha rol sems zhes bya ba de gnyis kyis kyang smras pa/ kye snying rje chen po dang ldan pa bdag cag kyang de
407b3 dag ces bya ba nas/ khyod kyis byang chub thob pa zhes bya ba'i bar du ste/ bdag cag shes rab dang ldan pa dang / rdzu 'phrul dang ldan pa'i nyan thos zung du gyur cig /gzhan
407b4 yang brgya byin spyad spyod lta mdzes tshogs zhes bya ba des 'di skad ces smras so/ /snying rje chen po dang ldan pa bdag kyang khyod de dang de dag ces bya ba nas srid pa tha ma'i bar
407b5 du gyur pa'i bur gyur cig /gzhan yang ri rtse'i lha mo des pa king+shu ka zhes bya ba des kyang smras pa/ snying rje chen po dang ldan pa bdag kyang tshe rabs de dang de dag tu khyod kyi
407b6 btsun mor gyur cig/ khyod kyis byang chub thob nas bdag kyang bla na med pa yang dag par rdzogs pa'i byang chub tu lung ston par gyur cig /lha ma yin gyi dbang po mdzes
407b7 spyod ces bya ba des kyang smras pa/ snying rje chen po dang ldan pa khyod bskal pa grangs med pa de dang de dag tu byang chub kyi spyad pa spyod pa na bdag kyang skyes bu dam pa khyod
408a1 la byams pa dang mthun pa'i yo byad kyis grogs byed pa'i bran nyid du gyur te/ khyod la bsnyen bkur byed par gyur cig /khyod srid pa tha ma
408a2 bar gyur pa la yang bdag bsnyen bkur byed par gyur cig /skyes bu dam pa khyod kyis byang chub thob nas kyang chos dang ldan pa'i chos kyi 'khor lo bskor ba'i phyir
408a3 gsol ba 'debs par gyur cig /khyod kyis chos bstan pa bdag gis dang por 'bras bu dang bcas par byed par gyur cig /chos kyi bcud kyang 'thung bar gyur cig /
408a4 'chi ba med pa'ang rtogs par gyur cig /nyon mongs pa thams cad spangs pa'i phyir dgra bcom pa nyid kyi bar yang thob par gyur cig /de bzhin du sbyar te/ de na lha dang / klu
408a5 dang / lha ma yin gang+gA'i klung gi bye ma snyed dag gis kyang snying rje chen po dang ldan pa de'i spyod pa'i rjes su 'jug pa'i phyir smon lam btab ste 'dul ba dag kyang nye bar
408a6 bkod do/ /de na 'tsho ba pa mi 'gyur 'jigs byed ces bya ba gcig cig 'dug pa des smras pa/ kye bram ze chen po/ bdag kyang khyod la yo byad mang po dag gis grogs
408a7 byed par gyur cig /bdag bskal pa dpag tu med pa dag tu khyod la 'bras bu dang bcas par spyod cing nye bar 'tsho ba'i nye dur gyur cig/ rtag tu dngos po bslang ba'i don
408b1 du khyod kyi drung du nye bar 'gro bar gyur cig /mal cha dang / stan dang / bgo ba dang / glang po che dang / rta dang / shing rta dang / grong dang / grong khyer dang / grong rdal dang / khyim dang /
408b2 bu dang / bu mo dang / sha dang / khrag dang / pags pa dang / rus pa dang / lag pa dang / rkang pa dang / lce dang / rna ba dang / sna dang / mig dang / mgo dag slong bar gyur cig /
408b3 bram ze chen po/ bdag de ltar khyod kyi sbyin pa'i pha rol tu phyin pa'i grogs su gyur cig /shes rab kyi pha rol tu phyin pa'i bar gyi grogs su'ang gyur cig /bram ze chen po/
408b4 bdag de ltar khyod byang chub kyi spyad pa spyod pa'i pha rol tu phyin pa drug gi grogs su gyur cig /nam khyod kyis byang chub thob pa na bdag kyang khyod kyi nyan thos kyi gnas
408b5 thob par gyur cig /chos kyi phung po brgyad khri 'dzin par gyur cig /rjes su chos ston par gyur cig /khyod kyis bdag bla na med pa yang dag par rdzogs pa'i byang chub tu
408b6 lung ston par gyur cig /rigs kyi bu/ bram ze snying rje chen po dang ldan pas de thos pa dang / de bzhin gshegs pa rin po che'i snying po'i zhabs la yan lag lngas
408b7 phyag byas nas 'tsho ba pa mi 'gyur 'jigs byed la bos te smras pa/ skyes bu dam pa khyod nga'i bla na med pa'i spyod pa'i grogs su 'gyur pa ni legs so/ /legs so/ /
409a1 khyod tshe rabs khrag khrig 'bum phrag tshad med grangs med pa'i bar du nga la dngos po slong ba'i phyir nam 'ongs pa de'i tshe ngas kyang sems rab tu
409a2 dang bas sbyin par bya ste/ khyod la'ang bsod nams ma yin pa'i cha dang mthun par ma gyur cig /rigs kyi bu/ byang chub sems dpa' sems dpa' chen po snying rje
409a3 chen po dang ldan pa des de bzhin gshegs pa rin po che'i snying po'i spyan sngar yang gsol pa/ btsun pa bcom ldan 'das/ bdag bskal pa bye ba khrag khrig 'bum
409a4 phrag dpag tu ma mchis grangs ma mchis pa de dang de dag tu bla na med pa yang dag par rdzogs pa'i byang chub kyi slad du spyad pa spyod pa'i tshe/ gal te bdag gi
409a5 mdun du slong mo pa gang dag mchis nas zas slong bar bgyid cing tshig 'jam po'am/ tshig rtsub po'am/ brnyas pa'i tshig gam/ tshig gsal bas slong
409a6 bar gyur na/ btsun pa bcom ldan 'das/ gal te bdag gis slong mo pa la sems kyi skad cig gcig tsam zhig khro ba bskyed par gyur tam/ ma dad pa'i sems
409a7 bskyed par gyur tam/ sbyin pa'i rnam par smin pa'i 'bras bu 'tshal bas sbyin pa rtsol par gyur na/ phyogs bcu'i 'jig rten gyi khams dpag tu ma mchis grangs
409b1 ma mchis pa gzhan dag na bzhugs te 'tsho zhing gzhes la chos kyang ston pa'i sangs rgyas bcom ldan 'das rnams bdag gis bslus par gyur cig /bdag kyang bla na med pa
409b2 yang dag par rdzogs pa'i byang chub mngon par rdzogs par 'tshang rgya bar ma gyur cig /btsun pa bcom ldan 'das/ gal te bdag gis slong mo pa la sems ma dad
409b3 pas sbyin pa stsol tam/ sbyin pa de'ang len pa po la ma dad pas byin par 'gyur zhing chud za bar 'gyur ram/ gal te tha na skra'i rtse mo'i cha shas kyi tshad tsam zhig dge
409b4 ba'i chos rnams la bar chad bgyid par gyur na bdag gis sangs rgyas bcom ldan 'das rnams bslus par gyur cig /gal te skra'i rtse mo'i cha shas kyi tshad tsam zhig
409b5 len pa po'i dge ba'i chos rnams la bar chad bgyid par gyur na bdag kyang mnar med par mchi bar gyur cig /zas la ji lta ba de bzhin du slong mo pa gang dag bdag
409b6 la gos dang / mgo'i bar dag slong bar 'gyur zhing tshig 'jam po'am/ tshig rtsub po'am/ brnyas tshig gam/ tshig gsal bas ma go'i bar dag slong bar bgyid na/
409b7 btsun pa bcom ldan 'das/ gal te bdag gis slong mo pa la sems kyi skad cig gcig tsam zhig khro ba'i sems bskyed par gyur tam/ ma dad pa'i sems
410a1 bskyed par gyur tam/ sbyin pa'i rnam par smin pa'i 'bras bu 'tshal bas mgo bo'i bar dag yongs su gtong bar gyur na/ bdag gis
410a2 sangs rgyas bcom ldan 'das rnams bslus par 'gyur ba nas/ bdag mnar med par mchi ba'i bar du gyur cig /sbyin pa la ji lta ba de bzhin du tshul khrims
410a3 nas shes rab kyi bar dag yongs su gtong ba la'ang brjod par bgyi'o/ /rigs kyi bu/ de nas de bzhin gshegs pa rin po che'i snying po des byang chub sems
410a4 dpa' sems dpa' chen po snying rje chen po dang ldan pa la legs so zhes bya ba byin te/ skyes bu dam pa khyod kyis snying rje chen po la gnas pa'i sems kyis
410a5 smon lam de lta bu btab pa ni/ skyes bu dam pa/ legs so/ /legs so/ /rigs kyi bu/ thams cad dang ldan pa'i 'khor de dang / lha dang / dri za dang / mi dang /
410a6 lha ma yin dang bcas pa'i 'jig rten gyis kyang thal mo sbyar te 'khor nas de la legs so zhes bya ba yin te/ skyes bu dam pa khyod kyis snying rje chen po la
410a7 gnas pa'i yid kyis smon lam de lta bu btab pa ni/ skyes bu dam pa/ legs so/ /legs so/ /khyod ni snying por 'gyur ba dang mthun pa'i chos drug gis
410b1 sems can rnams yang dag par tshim par byed par 'gyur ro/ /rigs kyi bu/ ji ltar sbyin pa len pa'i byang chub sems dpa' 'tsho ba pa mi 'gyur 'jigs byed des smon
410b2 lam btab pa de bzhin du/ srog chags brgyad khri bzhi stong gis kyang smon lam btab bo/ /rigs kyi bu/ byang chub sems dpa' sems dpa' chen po snying rje chen
410b3 po dang ldan pa des ji ltar 'tsho ba pa mi 'gyur 'jigs byed kyis smon lam btab pa de bzhin du/ srog chags brgyad khri bzhi stong gis kyang smon lam de lta bu dag btab
410b4 pa thos pa dang / de nas snying rje chen po dang ldan pa de mchog tu dga' ba dang / yid bde ba skyes nas thal mo sbyar te 'dug nas/ thams cad dang ldan pa'i 'khor la bltas
410b5 te mchog tu dga' ba'i yid kyis smras pa/ a la la bdag chos kyi mu ge dang / zad pa'i dus dang / nyon mongs pa chen pos dkrugs shing rtsod pa'i dus na snyigs ma
410b6 lnga dang ldan pa'i 'jig rten gyi mgon med pa'i ded dpon dang / snang ba byed pa dang / sgron ma byed pa dang / byis pa skyabs med pa dang / ldongs pa rnams kyi lam ston par
410b7 'gyur ba dang / 'di ltar bdag gis sems dang po bskyed pas tshe rabs gzhan dag tu gang dag bdag gi mgo len par 'gyur ba dang / mig dang / rna ba dang / sna
411a1 dang / lce dang / lag pa dang / rkang pa dang / pags pa dang / rus pa dang / khrag dang / kha zas kyi bar dag len par 'gyur zhing / bla na med
411a2 pa'i byang chub kyis spyod pa'i grogs byed pa de lta bu dag rnyed pa ni ngo mtshar to/ /rigs kyi bu/ gzhan yang byang chub sems dpa' sems dpa' chen po snying rje chen
411a3 po dang ldan pa des de bzhin gshegs pa rin po che'i snying po'i spyan sngar 'dug ste gsol pa/ btsun pa bcom ldan 'das/ tshe rabs gzhan gyi bskal pa bye ba khrag
411a4 khrig 'bum phrag dpag tu ma mchis grangs ma mchis pa de dang de dag nas byang chub kyi mthar thug pa'i bar du bdag gi drung du slong mo pa gang dag nye bar mchis par 'gyur zhing
411a5 yun ring po de srid kyi bar du zas sam/ skom dag blangs par gyur pa dang / bdag gis sug pa nas tha na skra'i rtse mo'i cha shas kyi tshad tsam gyi sbyin pa blangs par gyur pa'i sems
411a6 can de dag/ btsun pa bcom ldan 'das/ bdag mngon par rdzogs par sangs rgyas nas/ gal te 'khor ba las yongs su thar bar mi bgyid dam/ nyan thos kyi theg pa'am/
411a7 rang sangs rgyas kyi theg pa'am/ theg pa chen pos lung ston par mi bgyid na/ bdag gis gang dag da ltar phyogs bcu'i 'jig rten gyi khams na bzhugs te/ 'tsho zhing
411b1 bzhes la chos kyang ston pa'i sangs rgyas bcom ldan 'das de dag bslus par 'gyur ba nas/ bdag kyang bla na med pa yang dag par rdzogs pa'i byang chub mngon par rdzogs par
411b2 'tshang rgya bar mi 'gyur ba'i bar du gyur cig /rigs kyi bu/ gzhan yang de bzhin gshegs pa rin po che'i snying pos byang chub sems dpa' sems dpa' chen po snying rje chen
411b3 po dang ldan pa la legs so zhes bya ba byin te/ skyes bu dam pa khyod kyis ji ltar sngon de bzhin gshegs pa lhun po rtse 'dzin gyis de bzhin gshegs pa 'jig rten dbang
411b4 phyug 'od zer gyi spyan sngar dang po byang chub tu sems bskyed nas byang chub sems dpa'i spyod pa'i smon lam 'di lta bu btab ste/ skyes bu dam pa des smon lam ji ltar btab
411b5 pa de bzhin du bskal pa chen po gang+ga'i klung gi bye ma snyed las shin tu lhag pa de snyed du byang chub sems dpa'i spyod pa spyad nas/ 'di nas shar phyogs logs su sangs rgyas
411b6 kyi zhing bye ba phrag 'bum 'das pa na 'jig rten gyi khams 'od zer so sor rtog pa zhes bya bar skye dgu'i tshe lo brgya thub pa'i nang du bla na med pa yang dag par rdzogs pa'i byang
411b7 chub mngon par rdzogs par sangs rgyas te/ de bzhin gshegs pa dgra bcom pa yang dag par rdzogs pa'i sangs rgyas ye shes me tog rdul bral byang chub dbang phyug yang
412a1 dag mtho zhes bya ba sangs rgyas bcom ldan 'das kyi bar du gyur cing / lo bzhi bcu rtsa lngar sangs rgyas kyi mdzad pa mdzad nas phung po lha ma
412a2 med pa'i mya ngan 'das pa'i dbyings su zhugs so/ /snying rje chen po dang ldan pa/ de bzhin gshegs pa ye shes ye tog rtul phal byang chub dbang phyur yang dag mtho
412a3 yongs su mya ngan las 'das nas de'i dam pa'i chos kyi tshul ni lo stong du gnas par gyur to/ /dam pa'i chos nub nas dam pa'i chos kyi gzugs brnyan yang lo stong
412a4 du gnas par gyur to/ /snying rje chen po dang ldan pa/ de bzhin gshegs pa ye shes me tog rdul bral byang chub dbang phyug yang dag mtho yongs su mya ngan las
412a5 'das pa'i dam pa'i chos kyi tshul dang / dam pa'i chos kyi gzugs brnyan gnas pa na dge slong dang / dge slong ma gang dag tshul khrims 'chal ba/ sdig pa'i chos
412a6 dang ldan pa/ mi mthun par spyod pa/ mchod rten gyi nor 'phrog pa/ ngo tsha med pa rnams dang / chos kyi mchod pa gcod par byed pa/ ngo tsha med pa dang 'dres pa rnams
412a7 dang / phyogs bzhi'i dge 'dun dang / mngon du gyur pa'i dge 'dun rnams kyi gos dang / zas dang / mal cha dang / stan dang / nad kyi gsos sman dang / yo byad gcod
412b1 cing gang zag gir yongs su bzung ste/ bdag spyod par byed pa'am/ khyim pa la sbyin par byed pa thams cad kyang / snying rje chen po dang ldan pa/ de bzhin gshegs pa ye
412b2 shes me tog rdul bral byang chub dbang phyug yang dag mtho des theg pa gsum po dag gis rim gyis lung bstan to/ /snying rje chen po dang ldan pa/ gang su dag bcom
412b3 ldan 'das de'i bstan pa la ngur smrig dmar po bgos pa thams cad kyang theg pa gsum po dag gis phyir mi ldog par lung bstan to/ /dge slong ngam/ dge slong
412b4 ma'am/ dge bsnyen nam/ dge bsnyen ma gang su dag snga ma kho na bzhin du ltung pa'i rtsa ba byung bar gyur pa de dag kyang ston par 'du shes pa'i dge ba'i rtsa ba'i rnam
412b5 par smin pa yod pas de bzhin gshegs pa des theg pa gsum po dag gis phyir mi ldog par lung bstan pa de bzhin du skyes bu dam pa khyod kyis kyang byang chub kyi
412b6 spyod pa'i smon lam btab pa legs so/ /legs so/ /rigs kyi bu/ gzhan yang byang chub sems dpa' sems dpa' chen po snying rje chen po dang ldan pa des de bzhin
412b7 gshegs pa rin po che'i snying po'i spyan sngar gsol pa/ btsun pa bcom ldan 'das/ bdag gi smon lam ni 'di lta bu lags te/ ji srid du bdag bla na med pa yang dag
413a1 par rdzogs pa'i byang chub kyi spyad pa spyod pa nas/ byang chub kyi mthar thug pa'i spyad pa spyod pa'i bar du bdag gis sems can gang dag sbyin
413a2 pa'i pha rol tu phyin pa dang / shes rab kyi pha rol tu phyin pa'i bar la sbyor bar 'gyur ba dang / yang dag par 'dzin du stsol bar 'gyur ba dang / rab tu 'god par 'gyur
413a3 ba'am/ tha na dge ba'i rtsa ba skra'i rtse mo'i cha shas kyi tshad tsam la sbyor bar 'gyur ba'i sems can de dag las sems can 'ga' tsam zhig zhig bdag gis theg pa gsum
413a4 po dag gis phyir mi ldog pa'i sa la bkod par ma gyur na/ bdag gis phyogs bcu'i 'jig rten gyi khams dpag tu ma mchis grangs ma mchis pa dag na bzhugs
413a5 te| 'tsho zhing gzhes la chos kyang ston pa'i sangs rgyas bcom ldan 'das rnams bslus par gyur cig /bdag kyang bla na med pa yang dag par rdzogs pa'i byang
413a6 chub mngon par rdzogs par 'tshang rgya bar ma gyur cig /btsun pa bcom ldan 'das/ bdag gis bla na med pa'i ye shes thob nas kyang sems can gang dag bdag
413a7 gis bstan pa la chos gos ngur smrig bgos par gyur pa las ltung ba'i rtsa ba byung bar gyur pa'am/ nyon mongs pa can gyi lta ba la zhugs par gyur pa'am/ dkon
413b1 mchog gsum la 'khrul par gyur cing / nongs pa dang bcas par gyur pa'i dge slong dang / dge slong ma dang / dge bsnyen dang / dge bsnyen ma gang dag skad cig gcig tsam
413b2 bdag la ston pa'i 'du shes sam/ gus pa'i sems bskyed par gyur pa'i sems can de dag las/ btsun pa bcom ldan 'das/ gal te bdag gis tha na sems
413b3 can 'ga' tsam zhig spangs shing theg pa gsum po dag gis phyir mi ldog par lung bstan par ma gyur na bdag gis sangs rgyas bcom ldan 'das rnams bslus par
413b4 'gyur pa nas bdag bla na med pa yang dag par rdzogs pa'i byang chub mngon par rdzogs par 'tshang rgya bar mi 'gyur ba'i bar du gyur cig /brtsun pa bcom ldan 'das/ bdag
413b5 byang chub thob pa'i chos gos ngur smrig dmar po lha dang mi rnams kyis gus par bgyis pa dang / bla mar bgyis pa dag/ ri mor bgyis pa dang / mchod par bgyis par 'gyur
413b6 ba mthong ma thag tu ngur smrig mgul na thogs par 'gyur ba'i sems can rnams kyang theg pa gsum po dag gis phyir mi ldog par gyur cig /sems can gang dag bza'
413b7 ba dang / btung ba dang bral zhing bkres pa dang / skom pas gnod par gyur pa rnams dang / tha na gnod sbyin dbul po rnams dang / gshin rje'i 'jig rten pa'i sems
414a1 can gang dag tha na chos gos ngur smrig sor bzhi tsam 'tshal bar 'gyur ba de dag thams cad kyang bza' ba dang / btung ba phun sum tshogs
414a2 par 'gyur zhing bsam pa yongs su rdzogs par gyur cig /lha'am/ gnod sbyin nam/ srin po'am/ klu'am/ lha ma yin nam/ nam mkha' lding ngam/ mi'am
414a3 ci'am/ lto 'phye chen po'am/ grul bum mam/ sha za'am/ mi'am/ sems can gang dag phan tshun zhe 'gras shing 'khon gcugs mang por gyur pa rnams
414a4 dang / phan tshun 'gyed cing g.yul ngor zhugs te/ g.yul sprod par gyur pa rnams kyis kyang bdag gi chos gos ngur smrig rjes su dran par gyur na/ sems can
414a5 de dag snying rje'i sems dang / 'jam pa'i sems dang / khon med pa'i sems dang / las su rung ba'i sems su gyur cig /sems can gang dag g.yul ngo'am
414a6 'gyod pa'am/ 'thab pa'am/ rtsod pa'i nad du bsrung ba dang / mchod par bgyi ba dang / gus par bgyi ba'i slad du ngur smrig gi dum bu 'chang bar 'gyur ba'i sems
414a7 can de dag kyang rtag tu rgyal bar 'gyur ba dang / 'khrul pa ma mchis pa dang / rnam par 'tshe ba ma mchis par gyur cig /g.yul ngo dang / dgyes pa dang / 'thab mo
414b1 dang / rtsod pa de dag las kyang legs par yongs su thar bar gyur cig /btsun pa bcom ldan 'das/ gal te bdag gi chos gos ngur smrig dmar po 'phags pa'i yon
414b2 tan lnga po de dag dang ldan par ma gyur na/ bdag gis phyogs bcu'i sangs rgyas bcom ldan 'das rnams bslus par 'gyur ba nas/ bdag gis sangs rgyas kyi mdzad
414b3 pa mtha' dag yongs su rdzogs par bgyid par rdo mi thogs pa dang / bdag gis chos rnams bskyud par 'gyur ba dang / bdag gis gzhan mu stegs can rnams tshar gcod
414b4 par rdo mi thogs pa'i bar du gyur cig /btsun pa bcom ldan 'das/ gang dag bdag mngon par rdzogs par sangs rgyas nas yongs su mya ngan las 'das kyi bar du de bzhin
414b5 gshegs pa shAkya thub pa la phyag 'tshal lo zhes tshig tu brjod cing phyag 'tshal bar 'gyur ba de dag thams cad kyang las kyi sgrib pa bas par 'gyur zhing / mthar yang
414b6 sangs rgyas kyi zhing yongs su mya ngan las 'da' pa bla na med pas yongs su mya ngan las 'das par 'gyur lags so/ /rigs kyi bu/ de nas de bzhin gshegs pa rin po
414b7 che'i snying po des phyag g.yas pa brkyang ste/ phyag gi mthil gyis kyang chub sems dpa' snying rje chen po dang ldan pa'i mgo la byugs nas bka' stsal pa/ skyes bu dag pa
415a1 khyod kyi smon lam ni dge ba/ bzang ba/ rab tu gtan la bab pa yin te/ legs so/ /legs so/ /skyes bu dam pa khyed ni de bzhin du 'phags pa'i
415a2 yon tan lnga dang ldan ba'i ngur smig dmar pos sems can rnams nye bar 'tsho bar byed par 'gyur ro/ /kyi rigs kyi bu/ byang chub sems dpa' sems dpa' chen po snying rje
415a3 chen po dang ldan pa de de bzhin gshegs pas bsod nams kyi phyag sor ring pos yongs su bkab cing phyag g.yas pa 'jam zhing gzhon pa'i mthil gyis byugs pa dang / lung bstan cing legs so zhes bya ba byin pa nas mchog tu dga' zhing rab tu dad pa skyes nas tshe lo nyi shu lon pa lta bu'i tshad tsam du gzhon nur red do/
415a4 /rigs kyi bu/ gzhan
415a5 yang thams cad dang ldan pa'i 'khor de dang / lha dang / dri za dang / mi dang / lha ma yin du bcas pa rnams dang / snying rje chen po dang ldan pa la mchod pa'i las bya ba'i
415a6 phyir brtson par gyur cing / me tog dang rol mo'i sgra dag gis byang chub sems dpa' sems dpa' chen po snying rje chen po dang ldan pa la mchod pa byas te/ bsngags
415a7 pa dang / tshigs su bcad pa sna tshogs kyis bstod nas thal mo sbyar te 'khod do/ /theg pa chen po'i mdo snying rje pad+ma dkar po las/ lung bstan pa'i le'u zhes bya
415b1 ste bzhi pa'o// //bam po bcu gsum pa/ rigs kyi bu/ byang chub sems dpa' sems dpa' chen po snying rje chen po dang ldan pa des yang de bzhin gshegs
415b2 pa rin po che'i snying po'i zhabs la yan lag sngas phyag byas te/ de bzhin gshegs pa rin po che'i snying po'i spyan sngar 'dug nas de bzhin gshegs pa rin po che'i
415b3 snying po la gus pa dad bcas pas yongs su zhugs pa/ btsun pa com ldan 'das/ bcom ldan 'das kyis byang chub sems dpa' rnams kyi lam ting nge 'dzin gyi
415b4 sgo bstan pa dang / tshogs rnam par dag pa'i sgo'i chos kyi rnam grangs bstan lags na/ btsun pa bcom ldan 'das/ bcom ldan 'das kyis byang chub sems dpa'
415b5 rnams kyi lam ting nge 'dzin gyi sgo bstan pa dang / tshogs rnam par dag pa'i sgo'i chos kyi rnam grangs bstan pa/ btsun pa bcom ldan 'das/ ji tsam gyis na ting nge 'dzin
415b6 gyi sgo bstan pa dang / tshogs rnam par dag pa'i sgo'i chos kyi rnam grangs yongs su rdzogs par 'gyur lags /btsun pa bcom ldan 'das/ rigs kyi bu'am/ rigs kyi
415b7 bu mo tshogs ji lta bu dang ldan na bstan par gnas pa lags/ ting nge 'dzin gyi sgo bstan pa ji lta bus ni brgyan pa lags/ rigs kyi bu/ de nas de bzhin gshegs pa dgra
416a1 bcom pa yang dag par rdzogs pa'i sangs rgyas rin po che'i snying pos byang chub sems dpa' sems dpa' chen po snying rje chen po dang ldan pa de la 'di
416a2 skad ces bka' stsal to/ /snying rje chen po dang ldan pa khyod kyi zhu ba bzang po spobs pa dge ste/ snying rje chen po dang ldan pa khyod de ltar de bzhin gshegs pa la don de lta
416a3 bu yongs su zhu bar sems pa ni snying rje chen po dang ldan pa khyod sems can dpag tu med grangs med pa rnams la phan pa byed pa dang / gces spras byed pa rgya chen po skyes
416a4 pa yin te/ legs so/ /legs so/ /snying rje chen po dang ldan pa/ de'i phyir legs par rab tu nyon la yid la gzung zhig dang ngas khyod la bshad par bya'o/ /snying rje
416a5 chen po dang ldan pa/ byang chub sems dpa' sems dpa' chen po rnams kyi ting nge 'dzin dpa' par 'gro ba zhes bya ba yod do/ /byang chub sems dpa'i ting nge 'dzin
416a6 de la gnas pa ni ting nge 'dzin thams cad la rjes su zhugs pa yin no/ /rin chen phyag rgya zhes bya ba'i ting nge 'dzin yod de/ des ni ting nge 'dzin thams cad phyag
416a7 rgyas 'debs par byed do/ /seng ge rnam par rtse ba zhes bya ba'i ting nge 'dzin yod de/ de la gnas nas ting nge 'dzin thams cad kyis rnam par rtse bar byed do/ /zla ba
416b1 bzang po zhes bya ba'i ting nge 'dzin gyis ni ting nge 'dzin thams cad snang bar byed do/ /zla ba'i rgyal mtshan to gces bya ba'i ting nge 'dzin gyis ni ting nge 'dzin thams cad kyi rgyal
416b2 mtshan 'dzin par byed do/ /chos thams cad las mngon par 'phags pa'i ting nge 'dzin gyis ni ting nge 'dzin thams cad khong du chud par byed do/ /phyag rgya rnam par lta
416b3 pa'i ting nge 'dzin gyis ni ting nge 'dzin thams cad kyi spyi gtsug rnam par lta bar byed do/ /chos kyi dbyings su rnam par song ba'i ting nge 'dzin gyis ni byang chub sems
416b4 dpa' chos kyi dbyings thams cad rnam par nges par 'gro bar byed do/ /nges pa'i rgyal mtshan tog gi ting nge 'dzin gyis ni ting nge 'dzin thams cad kyis rgyal mtshan
416b5 'dzin par byed do/ /rdo rje'i ting nge 'dzin gyis ni ting nge 'dzin thams cad mi phyed par byed do/ /chos la 'jug pa'i phyag rgya'i ting nge 'dzin gyis ni chos thams cad la
416b6 phyag rgyas 'debs par byed do/ /ting nge 'dzin gyi rgyal po shin tu brtan pa'i ting nge 'dzin gyis ni ting nge 'dzin thams cad la rgyal po nyid du rab tu gnas par byed
416b7 do| |'od zer 'gyed pa'i ting nge 'dzin gyis ni ting nge 'dzin thams cad la 'od zer 'gyed par byed do/ /stobs kyi brtson 'grus kyi ting nge 'dzin gyis ni ting nge 'dzin
417a1 thams cad la stobs dang brtson 'grus su byed do/ /yang dag par 'phags pa'i ting nge 'dzin gyis ni ting nge 'dzin thams cad las gyen
417a2 du 'phags par byed do/ /nges pa'i tshig ston pa'i ting nge 'dzin gyis ni ting nge 'dzin thams cad kyi tshig la 'jug par byed do/ /tshig bla dwags la 'jug pa'i ting nge 'dzin
417a3 gyis ni ting nge 'dzin thams cad kyi ming gi rjes su 'jug par byed do/ /phyogs la rnam par lta ba'i ting nge 'dzin gyis ni ting nge 'dzin thams cad la rnam par lta bar
417a4 byed do/ /chos thams cad rab tu 'byed pa'i ting nge 'dzin gyis ni chos thams cad kyi rab tu dbye ba rjes su rtogs par byed do/ /phyag rgya yongs su 'dzin pa'i ting nge 'dzin
417a5 gyis ni ting nge 'dzin thams cad kyi phyag rgya 'dzin par byed do/ /chos thams cad la dben pa'i ting nge 'dzin gyis ni ting nge 'dzin thams cad las dben pa'i chos nyid la
417a6 rjes su 'jug par byed do/ /brjed pa med pa'i ting nge 'dzin gyis ni ting nge 'dzin thams cad mi brjod par byed do/ /chos thams cad las mi g.yo ba'i ting nge 'dzin
417a7 gyis ni ting nge 'dzin thams cad la mi g.yo ba nyid du gnas par byed do/ /chos thams cad yang dag par 'du ba rgya mtsho'i phyag rgya'i ting nge 'dzin gyis ni ting nge 'dzin
417b1 thams cad sdud cing yang dag par 'du bar byed do/ /chos thams cad la rlom sems med pa'i ting nge 'dzin gyis ni ting nge 'dzin thams can la 'byung ba dang / 'jug pa'i
417b2 rlom sems med par byed do/ /nam mkha' mkha' khyab par byed pa'i ting nge 'dzin gyis ni ting nge 'dzin thams cad la nam mkha' ltar kha' khyab par byed do/ /chos thams cad rgyun mi
417b3 gcod pa'i ting nge 'dzin gyis ni ting nge 'dzin thams cad rgyun mi 'chad par byed do/ /rdo rje'i dkyil 'khor gyi ting nge 'dzin gyis ni ting nge 'dzin thams cad kyi dkyil 'khor
417b4 'dzin par byed do/ /chos thams cad ro gcig pa'i ting nge 'dzin gyis ni ting nge 'dzin thams cad kyi bcud 'dzin par byed do/ /rin chen rgyal ba'i ting nge 'dzin gyis ni yo byad
417b5 kyi nyon mongs pa thams cad spong bar byed do/ /chos thams cad skye ba med pa'i ting nge 'dzin gyis ni chos thams cad skye ba med pa dang / 'gag pa med par ston par byed
417b6 do| |rnam par snang ba'i ting nge 'dzin gyis ni ting nge 'dzin thams cad lam me lhan ne lhang nger byed do/ /chos thams cad 'gag pa med pa'i ting nge 'dzin gyis ni ting nge
417b7 'dzin thams cad rnam par 'byed par byed do/ /tshol ba med pa'i ting nge 'dzin gyis ni ting nge 'dzin thams cad la ting nge 'dzin gyi chos rnams nam yang 'tshol bar mi byed
418a1 do| |gnas la brten pa med pa'i ting nge 'dzin gyis ni ting nge 'dzin thams cad la gnas pa'i chos nam yang dag par rjes su mi mthong
418a2 bar byed do/ /nam mkha' lta bu'i ting nge 'dzin gyis ni ting nge 'dzin thams cad nam mkha' ngo bo nyid lta bur snying po me dpa nyid du yang dag par rjes su mthong bar
418a3 byed do/ /sems med pa'i ting nge 'dzin gyis ni ting nge 'dzin thams cad la sems dang sems las byung ba'i chos rnams spong byed do/ /gzugs mu med pa'i
418a4 ting nge 'dzin gyis ni gzugs kun tu snang bar byed do/ /dri ma med pa'i sgron ma'i ting nge 'dzin gyis ni ting nge 'dzin thams cad la sgron bzhin du byed do/ /chos
418a5 thams cad mu med pa'i ting nge 'dzin gyis ni ting nge 'dzin thams cad la ye shes mu med par ston par byed do/ /glog lta bu'i ting nge 'dzin gyis ni ting nge 'dzin thams
418a6 cad la shes pa mu med pa ston par byed do/ /'od thams cad byed pa'i ting nge 'dzin gyis ni ting nge 'dzin thams cad 'od byed pa'i sgo nye bar ston par byed do/ /khams
418a7 kyi mtha'i ting nge 'dzin gyis ni ting nge 'dzin mtha' med pa thams cad rnam par shes par bya ba'i phyir nye bar ston par byed do/ /ting nge 'dzin dag pa dam pa'i ting
418b1 nge 'dzin gyis ni ting nge 'dzin gyi chos rnams las stong pa nyid rjes su thob par byed do/ /lhun po ltar bkra ba'i ting nge 'dzin gyis ni chos thams cad gsog nyid du kun tu ston
418b2 par byed do/ /'od dri ma med pa'i ting nge 'dzin gyis ni ting nge 'dzin thams cad kyi dri ma sel bar byed do/ /chos thams cad kyi brda'i ting nge 'dzin gyis ni ting nge 'dzin thams
418b3 cad ma 'dres pa nyid du yang dag par stan par byed do/ /dga' ba byed pa'i ting nge 'dzin gyis ni ting nge 'dzin thams cad la dga' ba rab tu thob par byed do/ /chos
418b4 thams cad kyi ngo bo nyid la rnam par rtse ba'i ting nge 'dzin gyis ni ting nge 'dzin thams cad la ngo bo nyid mi dmigs pa ston par byed do/ /glog 'gyu ba'i ting nge 'dzin gyis
418b5 ni ting nge 'dzin thams cad la mi zad pa nyid ston par byed do/ /chos thams cad la rnam par g.yeng ba med cing rdul dang bral ba'i ting nge 'dzin gyis ni ting nge 'dzin thams
418b6 cad kyi shes pa rdul dang bral ba nye bar ston par byed do/ /mi zad pa dang ldan pa'i ting nge 'dzin gyis ni ting nge 'dzin thams cad kyi zad pa med pa dang / zad pa med pa ma
418b7 yin pa yang dag par ston par byed do/ /chos thams cad bsam gyis mi khyab cing rnam par dag pa'i ting nge 'dzin gyis ni chos thams cad mig yor lta bur ston
419a1 par byed do/ /gzi brjid yod pa'i ting nge 'dzin gyis ni ting nge 'dzin thams cad la ye shes 'bar bar byed do/ /zad pa dang bral ba'i ting
419a2 nge 'dzin gyis ni ting nge 'dzin thams cad zad pa med pa dang / /nyams pa med par ston par byed do/ /mi g.yo ba'i ting nge 'dzin gyis ni chos thams cad la g.yo
419a3 bar mi byed/ 'gul bar mi byed/ 'phro bar mi byed do/ /rnam par 'phel ba'i ting nge 'dzin gyis ni ting nge 'dzin dang snyoms par 'jug pa thams cad la shes bya
419a4 rnam par 'phel bar yang dag par rjes su mthong bar byed do/ /nyi ma'i sgron ma'i ting nge 'dzin gyis ni ting nge 'dzin thams cad la 'od zer gyi sgo dag 'gyed par byed
419a5 do| |zla ba bri ma med pa'i ting nge 'dzin gyis ni ting nge 'dzin thams cad la snang bar byed do/ /snang ba dag pa'i ting nge 'dzin gyis ni ting nge 'dzin thams cad la so
419a6 so yang dag par rig pa bzhi rab tu thob par byed do/ /bya ba dang mi bya ba'i ting nge 'dzin gyis ni bya ba dang mi bya ba'i bya ba byed cing ye shes rtogs kyang yang dag par rjes su mthong
419a7 bar byed do/ /rdo rje lta bu'i ting nge 'dzin gyis ni chos thams cad nges par 'byed par byed cing gang la 'byed pa'ang yang dag par rjes su mi mthong bar byed do/ /sems
419b1 gnas pa'i ting nge 'dzin gyis ni sems g.yo bar mi byed/ 'gul bar mi byed/ snang bar mi byed cing gnod par 'gyur ba'ang med la/ de 'di snyam du 'di ni sems
419b2 yin no snyam du'ang mi sems par byed do/ /kun tu snang ba'i ting nge 'dzin gyis ni ting nge 'dzin thams cad la snang ba yang dag par rjes su mthong bar byed do/ /rab tu
419b3 gnas pa'i ting nge 'dzin gyis ni ting nge 'dzin thams cad la rab tu gnas pa nyid kyis rab tu gnas par byed do/ /rin chen brtsegs pa'i ting nge 'dzin gyis ni ting nge
419b4 'dzin thams cad la rin po che brtsegs pa lta bur kun tu snang bar byed do/ /chos dam pa'i phyag rgya'i ting nge 'dzin gyis ni ting nge 'dzin thams cad la phyag rgya 'debs
419b5 par byed cing chos thams cad mnyam pa nyid kyi phyir mnyam pa nyid ma gtogs pa'i chos 'ga' yang yang dag par rjes su mi mthong bar byed do/ /dga' ba spong ba'i
419b6 ting nge 'dzin gyis ni chos thams cad la dga' ba spong bar byed do/ /chos kyi sgron ma'i ting nge 'dzin gyis ni chos thams cad la yi ge mi mnyam pa'i rab tu 'thob
419b7 par byed do/ /yi ge dang bral ba'i ting nge 'dzin gyis ni chos thams cad la yi ge gcig kyang mi dmigs par byed do/ /dmigs pa gcod pa'i ting nge 'dzin gyis
420a1 ni chos thams cad la dmigs pa rnam par gcod par byed do/ /'gyur ba med pa'i ting nge 'dzin gyis ni chos thams cad la 'gyur ba mi
420a2 dmigs par byed do/ /rang bzhin rnam par dag pa'i ting nge 'dzin gyis ni chos thams cad la phan 'dogs pa mi dmigs par byed do/ /gnas med par rgyu
420a3 ba'i ting nge 'dzin gyis ni chos thams cad la gnas mi dmigs par byed do/ /rab rib dang bral ba'i ting nge 'dzin gyis ni ting nge 'dzin thams cad kyi spyod
420a4 pa yang dag par rjes su mi mthong zhing mun pa'i yul las yang dag par 'da' bar byed do/ /yon tan thams cad kyi tshogs su gyur pa'i ting nge 'dzin gyis
420a5 ni chos thams cad la bsags pa spong bar byed do/ /sems med par gnas pa'i ting nge 'dzin gyis ni chos thams cad la sems zhes bya ba mi dmigs
420a6 par byed do/ /byang chub kyi yan lag yod pa'i ting nge 'dzin gyis ni chos thams cad rtogs par byed do/ /dran pa rnam par 'phro ba'i ting nge 'dzin gyis ni chos
420a7 thams cad la spobs pa grangs med pa thob par byed do/ /de phyed pa'i shes pa rnam par dag pa'i ting nge 'dzin gyis ni chos thams cad la mi mnyam pa dang
420b1 mnyam pa'i nyid rab tu thob par byed do/ /ye shes tog gi ting nge 'dzin gyis ni khams gsum thams cad las yang dag par 'da' bar byed do/ /shes pa nye bar gcod
420b2 pa'i ting nge 'dzin gyis ni chos thams cad rnam par gcod pa yang dag par rjes su mthong bar byed do/ /ye shes rnam par 'phro ba'i ting nge 'dzin gyis ni chos thams
420b3 cad kyi rnam par 'phro ba nyid rjes su thob par byed do/ /gnas med pa'i ting nge 'dzin gyis ni chos thams cad gnas su gyur pa med pa nyid du yang dag par rjes su
420b4 mthong bar byed do/ /bkod pa gcig pa'i ting nge 'dzin gyis ni chos 'ga' yang gnyis su yang dag par rjes su mi mthong bar byed do/ /rnam par sgrub pa dang ldan
420b5 pa'i ting nge 'dzin gyis ni chos thams cad kyi rnam par bsgrub par yang dag par rjes su mthong bar byed do/ /srid pa'i gzhi thams cad rnam par sel ba thams cad
420b6 du gtogs pa'i ting nge 'dzin gyis ni chos thams cad la nges par 'byed pa'i ye shes 'jug cing gang la 'jug pa 'ga' yang mi rnyed par byed do/ /brda dang sgra la
420b7 'jug pa'i ting nge 'dzin gyis ni sgra dang brda thams cad kyi rjes su 'jug par byed do/ /sgra dbyangs kyi yi ge dang bral ba'i ting nge 'dzin gyis ni chos thams cad yi
421a1 ge dang bral bar yang dag par rjes su mthong bar byed do/ /ye shes kyi sgron ma dang ldan pa'i ting nge 'dzin gyis ni ting nge 'dzin thams cad la gzi brjid
421a2 kyis lam me lhan ne lhang nger byed do/ /ye shes mchog gi mtshan nyid rnam par bsgyings pa'i ting nge 'dzin gyis ni chos thams cad la yongs su dag pa'i mtshan nyid ston
421a3 par byed do/ /mngon par shes pa med pa'i mtshan nyid dang ldan pa'i ting nge 'dzin gyis ni chos thams cad la mngon par rig pa med par yang dag par rjes su mthong bar
421a4 byed do/ /rnam pa thams cad kyi mchog dang ldan pa'i ting nge 'dzin gyis ni chos dang ting nge 'dzin thams cad la rnam pa thams cad kyis mchog dang ldan par byed do/ /
421a5 sdug bsngal thams cad shin tu spong ba'i ting nge 'dzin gyis ni chos thams cad la gnas pa med pa yang dag par rjes su mthong bar byed do/ /byed rgyu mi zad pa'i ting nge
421a6 'dzin gyis ni chos thams cad la zad par yang dag par rjes su mi mthong bar byed do/ /gzungs kyi gzhi'i ting nge 'dzin gyis ni ting nge 'dzin thams cad dang / chos thams
421a7 cad 'dzin cing yang dag pa nyid dang / log pa nyid yang dag par rjes su mi mthong bar byed do/ /'gag pa dang 'gal ba rab tu zhi ba'i ting nge 'dzin gyis ni chos
421b1 thams cad dang mthun pa dang 'gal ba yang dag par rjes su mi mthong bar byed do/ /'od dri ma med pa'i ting nge 'dzin gyis ni ting nge 'dzin thams cad la 'dus byas kyi dri ma
421b2 dang bral ba yang dag par rjes su mi mthong bar byed do/ /snying po dang ldan pa'i ting nge 'dzin gyis ni chos thams cad la snying po med pa mi dmigs par byed do/ /zla ba nya ba
421b3 dri ma med pa'i ting nge 'dzin gyis ni ting nge 'dzin thams cad la yon tan yongs su rdzogs par byed do/ /bkod pa chen po'i ting nge 'dzin gyis ni ting nge 'dzin thams cad la
421b4 bkod pa chen po dang ldan par byed do/ /snang ba thams cad rab tu 'byed pa'i ting nge 'dzin gyis ni chos thams cad la ye shes kyis snang bar byed do/ /mnyam pa nyid
421b5 rnam par snang bar byed pa'i ting nge 'dzin gyis ni ting nge 'dzin thams cad la rtse gcig pa nyid rab tu thob par byed do/ /nyon mongs pa med ba dang / nyon mongs pa dang
421b6 bcas pa thams cad yang dag par 'du ba'i ting nge 'dzin gyis ni ting nge 'dzin thams cad la nyon mongs pa med par byed do/ /rlung gi gnas kyi ting nge 'dzin gyis ni
421b7 chos thams cad la gnas par mi byed do/ /de bzhin nyid la gnas shing sems med pa'i ting nge 'dzin gyis ni chos thams cad kyi de bzhin nyid las phyir mi ldog par
422a1 byed do/ /lus kyi skyon yang dag par sel ba'i ting nge 'dzin gyis ni chos thams cad la 'jig tshogs mi dmigs par byed do/ /ngag gi skyon
422a2 rnam par 'jig pas nam mkha' ltar gyur pa'i ting nge 'dzin gyis ni byang chub sems dpa' chos thams cad la ngag gi las mi dmigs par byed do/ /nam mkha'
422a3 ltar chags pa med la rnam par grol zhing gos pa med pa'i ting nge 'dzin la gnas pa'i byang chub sems dpa' ni chos thams cad la nam mkha' ltar chags pa
422a4 med pa nyid rjes su thob par 'gyur te/ de ni theg pa chen po la yang dag par zhugs pa'i byang chub sems dpa' sems dpa' chen po rnams kyi ting nge 'dzin gyi
422a5 sgo bstan pa yin no/ /de la byang chub sems dpa' sems dpa' chen po rnams kyi tshogs rnam par dag pa'i sgo sdud pa'i chos kyi rnam grangs gang zhe na/ byang chub
422a6 sems dpa' rnams kyi sbyin pa'i tshogs ni sems can thams cad yongs su smin par byed par 'gyur ro/ /byang chub sems dpa' rnams kyi tshul khrims kyi
422a7 tshogs ni smon lam yongs su rdzogs par byed par 'gyur ro/ /byang chub sems dpa' rnams kyi bzod pa'i tshogs ni mtshan dang dpe byad bzang po yongs su rdzogs
422b1 par byed par 'gyur ro/ /byang chub sems dpa' rnams kyi brtson 'grus kyi tshogs ni dgos pa thams cad yongs su rdzogs par byed par 'gyur ro/ /byang chub sems
422b2 dpa' rnams kyi bsam gtan gyi tshogs ni cang shes kyi sems su byed par 'gyur ro/ /byang chub sems dpa' rnams kyi shes rab kyi tshogs ni nyon mongs pa thams
422b3 cad yongs su shes par byed par 'gyur ro/ /byang chub sems dpa' rnams kyi thos pa'i tshogs ni spobs pa thogs pa med par byed par 'gyur ro/ /byang chub sems
422b4 dpa' rnams kyi bsod nams kyi tshogs ni sems can thams cad nye bar 'tsho bar byed par 'gyur ro/ /byang chub sems dpa' rnams kyi ye shes kyi tshogs ni shes pa thogs
422b5 ba med par byed par 'gyur ro/ /byang chub sems dpa' rnams kyi zhi gnas kyi tshogs ni sems las su rung bar byed par 'gyur ro/ /byang chub sems dpa' rnams kyi
422b6 lhag mthong gi tshogs ni the tshom dang bral bar byed par 'gyur ro/ /byang chub sems dpa' rnams kyi byams pa'i tshogs ni zhe 'gras pa'i sems med par byed par
422b7 'gyur ro/ /byang chub sems dpa' rnams kyi snying rje'i tshogs ni sems can yongs su smin par bya ba la skyo ba med par byed par 'gyur ro/ /byang chub sems dpa' rnams kyi
423a1 dga' ba'i tshogs ni chos kyi kun dga' la dga' zhing dga' bar byed bar 'gyur ro/ /byang chub sems dpa' rnams kyi btang snyoms kyi tshogs
423a2 ni rjes su chags pa dang / khrong khro ba spong bar byed par 'gyur ro/ /byang chub sems dpa' rnams kyi chos nyan pa'i tshogs ni sgrib pa spong bar byed par 'gyur ro/ /byang
423a3 chub sems dpa' rnams kyi mngon par 'byung ba'i tshogs ni yongs su 'dzin pa thams cad spong bar byed par 'gyur ro/ /byang chub sems dpa' rnams kyi dgon
423a4 par gnas pa'i tshogs ni dge ba'i rtsa ba'i las byas pa chud mi za bar byed par 'gyur ro/ /byang chub sems dpa' rnams kyi dran pa'i tshogs ni gzungs thob par
423a5 byed par 'gyur ro/ /byang chub sems dpa' rnams kyi blo gros kyi tshogs ni blo rab tu 'byed par byed par 'gyur ro/ /byang chub sems dpa' rnams kyi rtogs pa'i
423a6 tshogs ni don gyi rnam pa rjes su rtogs par byed par 'gyur ro/ /byang chub sems dpa' rnams kyi dran pa nye bar bzhag pa'i tshogs ni/ lus dang / tshor ba dang /
423a7 sems dang / chos rjes su rtogs par byed par 'gyur ro/ /byang chub sems dpa' rnams kyi yang dag par spong ba'i tshogs ni mi dge ba'i chos thams cad spong ba dang /
423b1 dag ba'i chos thams cad sgom par byed par 'gyur ro/ /byang chub sems dpa' rnams kyi rdzu 'phrul gyi rkang pa'i tshogs ni lus dang sems yang ba nyid du byed par 'gyur ro/ /
423b2 byang chub sems dpa' rnams kyi dbang po'i tshogs ni sems can thams cad kyi dbang po yongs su rdzogs par byed par 'gyur ro/ /byang chub sems dpa' rnams kyi
423b3 stobs kyi tshogs ni nyon mongs pa thams cad 'joms par byed par 'gyur ro/ /byang chub sems dpa' rnams kyi byang chub kyi yan lag gi tshogs ni chos kyi ngo bo nyid
423b4 rjes su rtogs par byed par 'gyur ro/ /byang chub sems dpa' rnams kyi lam gyi tshogs ni lam ngan pa thams cad las yang dag bar 'da' bar byed par 'gyur ro/ /
423b5 byang chub sems dpa' rnams kyi bden pa'i tshogs ni mi dge ba'i chos rnams spong zhing mtho ris su skye ba thob par byed par 'gyur ro/ /byang chub sems dpa' rnams
423b6 kyi so so yang dag par rig pa'i tshogs ni sems can thams cad kyi the tshom gcod par byed par 'gyur ro/ /byang chub sems dpa' rnams kyi ston pa'i tshogs ni
423b7 shes pa gzhan la rag ma las par byed par 'gyur ro/ /byang chub sems dpa' rnams kyi dge ba'i bshes gnyen gyi tshogs ni yon tan thams cad kyi sgo yin par
424a1 byed par 'gyur ro/ /byang chub sems dpa' rnams kyi bsam pa'i tshogs ni 'jig rten thams cad la mi slu bar byed par 'gyur ro/ /byang chub
424a2 sems dpa' rnams kyi sbyor ba'i tshogs ni tshogs thams cad mthar phyin par byed par 'gyur ro/ /byang chub sems dpa' rnams kyi lhag pa'i bsam pa'i tshogs
424a3 ni khyad par du 'gro bar byed par 'gyur ro/ /byang chub sems dpa' rnams kyi nang du yang dag 'jog pa'i tshogs ni ji ltar thos pa'i chos sgrub par byed par 'gyur ro//
424a4 byang chub sems dpa' rnams kyi bsdu ba'i dngos po'i tshogs ni sems can thams cad yongs su smin par byed par 'gyur ro/ /byang chub sems dpa' rnams
424a5 kyi dam pa'i chos yongs su 'dzin pa'i tshogs ni dkon mchog gsum gyi gdung rgyun mi 'chad par byed par 'gyur ro/ /byang chub sems dpa' rnams kyi yongs
424a6 su bsngo ba'i cho ga shes pa la mkhas pa'i tshogs ni sangs rgyas kyi zhing yongs su dag par byed par 'gyur ro/ /byang chub sems dpa' rnams kyi thabs la mkhas
424a7 pa'i tshogs ni thams cad mkhyen pa'i ye shes yongs su rdzogs par byed par 'gyur te/ rigs kyi bu/ de ni byang chub sems dpa' rnams kyi tshogs rnam par dag pa'i
424b1 sgo yang dag par sdud pa'i chos kyi rnam grangs yin no/ /rigs kyi bu/ gzhan yang dag de bzhin gshegs pa rin po che'i snying pos byang chub sems dpa'i 'khor chen po la rnam par
424b2 gzigs nas byang chub sems dpa' sems dpa' chen po snying rje chen po dang ldan pa la bos te bka' stsal pa/ snying rje chen po dang ldan pa/ de la byang chub sems dpa'
424b3 sems dpa' chen po mi 'jigs pa'i rgyan ji lta bus brgyan na bzod pa yongs su rdzogs par 'gyur zhe na/ don dam pa mthong ba'i byang chub sems dpa' sems dpa'
424b4 chen po'i 'bad pa don yod pa yongs su 'dzin pa'i sems dang / khams gsum pa thams cad dang / sems can thams cad la yongs su 'dzin pa med pa'i sems
424b5 gang yin pa de ni dge sbyong gi chos mi 'jigs pa chen po zhes bya ste/ snying rje chen po dang ldan pa gang gi sems chos thams cad la nam mkha' dang lag par mnyam
424b6 pa de ni byang chub sems dpa'i mi 'jigs pa'i rgyan yin no/ /ji ltar na bzod pa yongs su rdzogs par 'gyur zhe na/ 'di lta ste/ byams pa dang / bdag med pa dang /
424b7 snying rje dang / sems can med pa nyid dang / dga' ba dang / yid byung pa dang / btang snyoms dang / gang zag med pa nyid dang / sbyin pa dang / dul ba'i sems nyid dang /
425a1 tshul khrims dang / zhi ba'i sems nyid dang / bzod pa dang / bzod pa'i sems nyid dang / brtson 'grus dang / dben pa'i sems nyid dang /
425a2 bsam gtan dang / nges par sems dpa'i sems nyid dang / shes rab dang / rgya che ba'i sems nyid dang / dran pa nye bar bzhag pa dang / dran pa med pa dang / yid
425a3 la byed pa med pa'i sems dang / yang dag pa'i spong ba dang / skye ba med pa dang / 'gag pa med pa'i sems nyid dang / rdzu 'phrul gyi rkang pa dang / chos thams cad
425a4 'gro ba med pa'i sems nyid dang / dad pa dang / thogs pa med pa'i sems nyid dang / dran pa dang / rang byung gi sems nyid dang / ting nge 'dzin dang / snyoms
425a5 par 'jug par byed pa'i sems nyid dang / shes rab kyi dbang po dang / dbang po med pa'i sems nyid dang / stobs dang / mi rdzi ba'i sems nyid dang / byang chub
425a6 kyi yan lag dang / blo rab tu 'byed pa'i sems nyid dang / lam dang / sgom pa'i sems nyid dang / zhi gnas dang / nye bar zhi ba'i sems nyid dang / lhag mthong
425a7 dang / rmongs pa med pa'i sems nyid dang / 'phags pa'i bden pa bsgom pa dang / shin tu yongs su shes pa bsgom pa'i sems nyid dang / sangs rgyas yid la byed pa
425b1 dang / mun pa med pa'i sems nyid dang / chos yid la byed pa dang / chos kyi dbyings mnyam pa'i sems nyid dang / dge 'dun yid la byed pa dang / gnas pa med
425b2 pa'i sems nyid dang / sems can yongs su smin par bya ba dang / gdod ma nas rnam par dag pa'i sems nyid dang / dam pa'i chos yongs su 'dzin pa dang / chos
425b3 kyi dbyings dbyer med pa'i sems nyid dang / zhing yongs su dag par byed pa dang / nam mkha' dang mnyam pa'i sems nyid dang / mtshan yongs su rdzogs par byed pa
425b4 dang / mtshan ma med pa'i sems nyi dang / bzod pa thob pa dang / dmigs pa med pa'i sems nyid dang / phyir mi ldog pa'i sa dang / 'jug pa dang ldog pa'i sems
425b5 nyid dang / byang chub kyi snying po'i rgyan dang / khams gsum gyi snying po len pa'i sems nyid dang / sems can thams cad la bdud tshar bcad pa'i sems dang / sems
425b6 can thams cad la phan gdags pa'i sems nyid dang / byang chub dang / chos thams cad mnyam pa nyid du rtogs pa'i sems nyid dang / chos kyi 'khor lo bskor ba dang /
425b7 chos thams cad bskor ba med pa'i sems nyid dang / yongs su mya ngan las 'das pa chen po kun tu ston pa dang / 'khor ba'i rang bzhin gyi sems nyid kyi chos de la gang
426a1 rjes su rtogs par 'gyur ba'am/ rab tu rtogs par bya ba phra rab tsam yang mi dmigs shing / rnam par smin pa med pa'i chos la mos par
426a2 byed pa'o/ /chos kyi rnam grangs 'di bshad pa na gang dag phyogs bcu nas sngon gyi tshul gyi ting nge 'dzin gyi sgo bstan pa dang / tshogs rnam par dag pa'i sgo'i chos kyi
426a3 rnam grangs nyan pa'i phyir de bzhin gshegs pa shAkya thub pa'i spyan sngar bya rgod kyi phung po'i ri la lhags pa'i byang chub sems dpa' sa ya phrag drug dang bzhi 'bum
426a4 po de dag gis mi skye ba'i chos la bzod pa thob nas de bzhin gshegs pa shAkya thub pas bka' stsal pa/ rigs kyi bu/ de bzhin gshegs pa dgra bcom pa
426a5 yang dag par rdzogs pa'i sangs rgyas rin po che'i snying pos chos kyi rnam grangs 'di bshad pa na byang chub sems dpa' sems dpa' chen po gang+gA'i klung bzhi
426a6 bcu rtsa brgyad kyi bye ma snyed kyis mi skye ba'i chos la bzod pa thob par gyur to/ /byang chub sems dpa' sems dpa' chen po gling bzhi pa'i 'jig rten gyi khams
426a7 kyi rdul phra rab snyed kyis ni phyir mi ldog pa'i sa thob par gyur to/ /byang chub sems dpa' sems dpa' chen po gang+gA'i klung gi bye ma snyed kyis ni ting nge 'dzin gyi
426b1 sgo bstan pa dang / tshogs rnam par dag pa'i sgo'i chos kyi rnam grangs 'di mtha' dag yongs su rdzogs shing rnam par dag pa'i ye shes khong du chud par gyur to/ /rigs
426b2 kyi bu/ byang chub sems dpa' sems dpa' chen po snying rje chen po dang ldan pa de'ang mchog tu dga' ba dang rab tu dang ba des gzhon nu lo nyi shu lon pa lta bur red nas
426b3 de bzhin gshegs pa rin po che'i snying po'i zhabs 'bring du 'brang bar gyur to/ /rigs kyi bu/ rgyal po bdud rtsi dag pa de'ang bu stong dang / khams kyi rgyal po brgyad khri
426b4 dang / gzhan yang srog chags bye ba phrag dgu bcu rtsa gnyis dang lhan cig 'grogs te/ mngon par byung zhing rab tu byung nas tshul khrims dang / thos pa dang / ting nge 'dzin
426b5 dang / des pa dag gis mngon par brtson par byas par gyur to/ /rigs kyi bu/ byang chub sems dpa' sems dpa' chen po snying rje chen po dang ldan pa des kyang de
426b6 bzhin gshegs pa rin po che'i snying po'i thad nas mthar gyis nyan thos kyi theg pa'i gtam gyi chos kyi phung po brgyad khri bzhi stong bklags shing kun chub par byas
426b7 so/ /rang sangs rgyas kyi theg pa'i gtam gyi chos kyi phung po dgu khri lung mnos shing bklags te kun chub pa'i bar du byas so/ /de bzhin du bla na med pa'i theg pa chen
427a1 po'i gtam la'ang lus dran pa nye bar bzhag pa'i gtam 'bum lung mnos shing bklags te kun chub par byas so/ /tshor ba dran pa nye
427a2 bar bzhag pa'i gtam 'bum dang / sems dran pa nye bar bzhag pa'i gtam 'bum dang / chos dran pa nye bar bzhag pa'i gtam 'bum yang lung mnos te
427a3 bklags shing kun chub par byas so/ /khams kyi tshogs kyi gtam 'bum dang / skye mched kyi tshogs kyi gtam 'bum dang / 'dod chags kyi kun tu sbyor ba spong ba'i
427a4 tshogs kyi gtam 'bum dang / zhe sdang gi kun tu sbyor ba spong ba'i tshogs kyi gtam 'bum dang / gti mug gi kun tu sbyor ba spong ba'i rten cing 'brel bar 'byung ba'i
427a5 tshogs kyi gtam 'bum dang / ting nge 'dzin dang / rnam par thar pa'i tshogs kyi gtam 'bum dang / stobs dang / mi 'jigs pa dang / sangs rgyas kyi chos ma
427a6 'dres pa'i tshogs kyi gtam 'bum yang lung mnos shing bkrags te kun chub par byas so/ /de bzhin gshegs pa rin po che'i snying po'i thad nas chos kyi phung
427a7 po 'bum phrag bcu'i bar dag kyang bzung zhing bklags te kun chub par byas so/ /rigs kyi bu/ ji tsam gyi dus gzhan zhig na/ de bzhin gshegs pa dgra
427b1 bcom pa yang dag par rdzogs pa'i sangs rgyas rin po che'i snying po phung po'i lhag ma med pa'i mya ngan las 'das pa'i dbyings su yongs su mya ngan las 'das pa dang / byang chub sems dpa' snying rje chen po dang ldan pa des rol mo'i sgra dang /
427b2 me tog dang / phye ma dang / me tog phreng dang / spos dang / byug pa dang / gdugs dang / rgyal
427b3 mtshan dang / ba dan dang / rin po che rnam pa sna tshogs dpag tu med/ grangs med pa dag gis mchod pa byas shing spos chu sna tshogs kyi sa bkrus nas/ sku gdung
427b4 gzhag pa'i mchod rten rin po che sna bdun las byas pa 'phang du dpag tshad lnga brgya/ rgyar ni dpag tshad phyed yod pa'ang brtsigs/ de nas zhag bdun gyi bar du
427b5 rol mo'i sgra dang / me tog dang / me tog phreng dang / spos dang / byug pa dang / gdugs dang / rgyal mtshan dang / bdan dang / rin po che dpag tu med grangs
427b6 med pa dag gi mchod pa byas nas der yang sems can dpag tu med/ grangs med pa dag theg pa gsum yang dag par 'dzin du bcug cing btsud de rab tu bkod
427b7 do/ /de zhag bdun po de dag 'das nas srog chags brgyad khri bzhi stong dang lhan cig tu mngon par byung ste/ skra dang kha spu bregs nas gos ngur smrig dag bgos
428a1 te| yang dag par dad pas khyim nas khyim med par rab tu byung nas de bzhin gshegs pa rin po che'i snying po yongs su mya ngan las 'das
428a2 pa'i bstan pa 'bar bar byas te/ lo khri'i bar du dam pa'i chos 'dzin par gyur nas/ der yang sems can dpag tu med grangs med pa dag theg pa gsum po dag yang
428a3 dag par 'dzin du bcug cing btsud de rab tu bkod do/ /gsum la skyabs su 'gro ba la'ang rab tu bkod do/ /dge bsnyen gyi sdom pa dang / dge tshul gyi sdom pa dang / bsnyen
428a4 par rdzogs pa dge slong gi dngos po tshangs par spyod pa'i sdom pa la'ang btsud de rab tu bkod do/ /des yang srog chags bye ba khrag khrig 'bum phrag mang po dag mngon
428a5 par shes pa dang / rdzu 'phrul la mkhas pa la nges par sbyar cing nges pa dang / tshangs par spyod pa'i gnas la'ang nges par sbyar/ phung po rnams dgra lta bur gyur par
428a6 yongs su shes pa la'ang nges par sbyar/ skye mched rnams grong stong pa lta bur yongs su shes pa la'ang nges par sbyar/ chos thams cad rten cing 'brel bar 'byung ba'o
428a7 zhes 'dus byas shes pa mthong ba yongs su shes pa la'ang nges par sbyar/ chos thams cad mig yor lta bu dang / mig sgyu lta bu dang / chu zla lta bur yang bstan/
428b1 skye ba med pa dang / 'gag pa med pa dang / mtshams sbyor ba med pa'i 'gog pa dang / zhi ba dang / rab tu zhi ba dang / nye bar zhi ba dang / mchog dang / gya nom pa'i 'gog
428b2 ba mya ngan las 'das pa yongs su shes pa'ang bstan te/ 'phags pa'i lam yan lag brgyad pa la rab tu bkod nas 'chi ba'i dus byas par gyur to/ /sems can de
428b3 dag gis kyang byang chub sems dpa' sems dpa' chen po snying rje chen po dang ldan pa dge sbyong chen po de'i rus pa la snga ma bzhin du mchod pa byas te/ ji ltar 'khor los bsgyur
428b4 ba'i rgyal po'i rus pa dag la rus pa'i mchod pa byed pa de bzhin du/ de'i tshe na sems can de dag gis kyang snying rje chen po dang ldan pa'i dge sbyong chen po de'i rus pa dag
428b5 la mchod pa byas so/ /gang gi nyin mo snying rje chen po dang ldan pa'i dge sbyong chen po 'chi ba'i dus byas par gyur pa de'i nyin mo de bzhin gshegs pa rin po che'i snying po'i
428b6 dam pa'i chos kyang nub ste/ byang chub sems dpa' sems dpa' chen po de dag gis ni smon lam gyi dbang gis 'jig rten gyi khams gzhan dag tu skye ba yongs su
428b7 bzung ste/ kha cig ni smon lam gyi dbang gis dga' ldan gyi gnas su skyes so/ /kha cig ni mi rnams kyi nang du/ kha cig ni klu rnams kyi nang du/ kha cig ni lha ma yin
429a1 rnams kyi nang du/ kha cig ni smon lam gyi dbang gis dud 'gro'i skye gnas sna tshogs dag tu skyes so/ /rigs kyi bu/ snying rje chen po dang ldan pa'i
429a2 dge sbyong chen po 'chi ba'i dus byas nas kyang smon lam gyi dbang gis sangs rgyas kyi zhing 'di nas lho phyogs logs su sangs rgyas kyi zhing khri 'das pa de na 'jig rten
429a3 gyi khams yang dag 'dren ces bya ba yod de/ de na mi rnams ni tshe lo brgyad cu thub la/ mi dge ba'i rtsa ba dang ldan pa gtum pa/ lag pa khrag gis gos pa/ sdig pa la
429a4 zhen pa/ sems can thams cad la brtse ba med par zhugs pa/ mar mi 'dzin pa/ phar mi 'dzin pa/ 'jig rten pha rol la 'jigs par mi lta ba sha stag ste/ snying rje chen po dang
429a5 ldan pa'i dge sbyong chen po de smon lam gyi dbang gis sangs rgyas kyi zhing yang dag 'dren der gdol pa'i rigs su skyes par gyur te/ de'ang lus shin tu ring bar gyur cing
429a6 shin tu stobs dang ldan pa/ shin tu shugs dang ldan pa/ shin tu dran pa dang / ldan pa/ shin tu spobs pa dang ldan pa/ shin tu mgyogs pa dang ldan par gyur
429a7 nas/ des stobs kyi shugs brtan pas sems can dag bzung ste smras pa/ kye sems can dag /khyed cag gal te srog gcod pa spong ba dang / ma byin par len pa
429b1 spong ba dang / 'dod pas log par g.yem pa dang / log par lta ba'i bar dag spong bar byed na ngas khyed cag gi srog spyin par bya zhing / 'tsho ba'i yo byad dag kyang sbyin par
429b2 bya'o/ /kye| gal te mi spong na ngas srog dang phral te 'gro'o/ /de nas sems can de dag gis thal mo sbyar te smras pa/ mgon po khyod kyi tshig gis bdag cag da deng slan
429b3 chad nas ji srid 'tsho ba'i bar du srog gcod pa dang / ma byin par len pa nas log par lta ba'i bar dag spong bar bgyid do/ /gdol ba stobs can de song nas rgyal po
429b4 dang / rgyal pos bkrabs pa dag la bsgo ba/ /kho bo'i tsho ba'i yo byad du zas dang / skom dang / bza' ba dang / bca' ba dang / btung ba dang / gos dang / mal cha dang /
429b5 spos dang / 'gron bu dang / gser dang / nor bu dang / mu tig dang / bai DUr+ya dang / dung dang / man shel dang / byu ru dang / dngul dang / sa le spram dag dgos kyi/ 'tsho ba'i yo
429b6 byad mang po dag kho bo la phul cig /gdol ba stobs can des ji srid 'tsho ba'i bar du sems can rnams dge ba bcu'i las kyi lam la rab tu bkod pa dang / de nas
429b7 mi de dag kyang tshe lo lnga brgya thub par gyur to/ /de na rgyal po gang yin pa de 'chi ba'i dus byas par gyur pa dang / de nas rgyal po'i blon po de dag gis gdol ba stobs
430a1 can de rgyal po'i dbang bskur bas dbang bskur te rgyal por bcug nas rgyal po bsod nams stobs zhes bya bar gyur to/ /rigs kyi bu/ de
430a2 nas rgyal po bsod nams stobs kyis ring po ma lon par yul der rjes su bstan te/ brtson 'grus brtan zhing rtul bas yul gnyis par yang rjes su bstan nas
430a3 rgyal po bsod nams stobs ring po ma lon par dzam+bu'i gling thams cad du stobs kyi 'khor los bsgyur ba'i rgyal po'i bar du gyur to/ /gang gi tshe rgyal po bsod nams
430a4 stobs kyis dzam+bu'i gling thams cad kyi rgyal srid bzung nas/ de'i 'og tu sems can rnams srog gcod pa spong ba yang dag par 'dzin du bcug cing btsud de rab
430a5 tu bkod do/ /de bzhin du ma byin par len pa dang / log par lta ba'i bar dag spong ba yang dag par 'dzin du bcug cing btsud de yang dag pa'i lta ba'i bar dag
430a6 la rab tu bkod do/ /sems can rnams bsam pa ji lta ba bzhin du theg pa gsum po dag yang dag par 'dzin du bcug cing btsud de rab tu bkod do/ /de nas
430a7 rgyal po bsod nams stobs kyis dzam+bu'i gling gi sems can thams cad dge ba bcu'i las kyi lam dag la rab tu bkod cing theg pa gsum po dag la nges
430b1 par sbyar nas dzam+bu'i gling thams cad du sgra dbyangs rjes su bsgrags pa/ slong mo pa gang su dag zas 'dod pa dang / rin po che'i bar dag 'dod pa de dag thams cad tshur
430b2 shog cig dang / ngas thams cad la sbyin pa sbyin par bya'o zhes bsgrags so/ /de nas dus gzhan zhig gi tshe na dzam+bu'i gling gi sems can thams cad lhags nas rgyal
430b3 po bsod nams stobs la slong mo byed par gyur pa dang / rgyal po bsod nams stobs kyis kyang de dag las brtsams te sbyin pa rnam pa sna tshogs dag byin no/ /
430b4 de nas 'tsho ba pa rdul dbyangs zhes bya ba zhig rgyal po bsod nams stobs kyi drung du song ste smras pa/ rgyal po chen po/ gal te khyod bla na med pa yang dag par rdzogs
430b5 pa'i byang chub bzhed cing sbyin pa chen po rnam pa sna tshogs yongs su gtong ba dag yongs su gtong bar mdzad la/ rgyal po chen po/ gal te khyod kyis bdag gi bsam
430b6 pa yongs su rdzogs par mdzad par 'gyur na ni/ rgyal po chen po khyod rgyal ba 'jig rten gyi sgron mar 'gyur lags so/ /rgyal pos smras pa/ khyod ci zhig 'dod/ 'tsho ba pa
430b7 rdul dbyangs kyis smras pa/ rgyal po chen po/ bdag ni lha ma yin gyi g.yul chen por rab tu 'joms pa'i rig sngags 'chang nyid 'tshal na/ cho ga zhi ba mo bsgrub
431a1 pa'i slad du mi gson po'i pags pa'ang 'tshal/ mig kyang 'tshal te/ de'i slad du bdag khyod kyi spyan sngar mchis nas gsol ba bgyid
431a2 lags so/ /rigs kyi bu/ de nas rgyal po bsod nams stobs 'di snyam du sems te/ bdag gis stobs kyi 'khor los bsgyur ba nyid thob nas sems can
431a3 bgrang ba las 'das pa dag cig dge ba bcu'i las kyi lam la rab tu bkod cing / theg pa gsum po dag la'ang nges par sbyar te/ bdag gis sbyin pa'ang dpag
431a4 tu med pa zhig byin na/ de ni snying po med pa'i lus las snying po len par byed pa zhig ste/ bdag gi dge ba'i bshes gnyen yin no snyam nas rgyal pos smras pa/
431a5 ngas khyod la sha'i mig tha mal pa 'di sbyin par bya'i/ dga' bar gyis shig /des ni bdag gis bla na med pa'i chos kyi spyan thob par gyur cig /ngas khyod la
431a6 rab tu dang ba'i sems kyis rang gi pags pa 'di'ang sbyin par bya'i/ des ni bdag gis bla na med pa yang dag par rdzogs pa'i byang chub thob par gyur
431a7 cig /rigs kyi bu/ de nas rgyal po bsod nams stobs kyis lag pa g.yas pas rang gi mig gnyis phyung ste 'tsho ba pa la byin nas gdong khrag gis yog bzhin
431b1 du smras pa/ 'di na gang dag 'dir lhags pa dang / nam mkha' la rgyu ba dang / sa la gnas pa'i lha rnams dang / gnod sbyin mthu chen po rnams dang / mi'am ci gang yin pa
431b2 rnams dang / lha ma yin gang yin pa rnams dang / 'byung po gang yin pa rnams dang / mi gang yin pa rnams bdag la nyon cig /bdag gis sbyin pa byang chub tu bsngos
431b3 pa'i dge bas zhi ba'i go 'phang thob par gyur nas/ bdag gis sems can rnams 'khor ba'i rgya mtsho mi zad pa las sgrol zhing bla na med pa'i zhi ba mya ngan las 'das pa
431b4 la 'god par gyur cig /yang smras pa/ gal te bdag gis bla na med pa yang dag par rdzogs pa'i byang chub thob par 'gyur ba lta na/ ji srid du 'tsho ba pa 'di'i rig sngags
431b5 de grub par ma gyur pa de srid kyi bar du bdag gi srog gi dbang po 'gag par ma gyur cig /bdag gi dran pa'ang nyams par ma gyur cig /bdag 'gyod par yang ma gyur cig /
431b6 rigs kyi bu/ rgyal pos pags pa'ang khyer cig ces smras pa/ 'tsho ba pa rdul dbyangs des mtshon rnon po blangs te/ rgyal po gson po'i lus las pags pa bshus nas
431b7 pags pa khyer te rig sngags bsgrubs so/ /de ltar zhag bdun gyi bar du rgyal po bsod nams stobs kyi srog gi dbang po'ang ma 'gags/ dran pa'ang ma nyams/ sdug
432a1 bsngal gyi tshor ba de'ang mi myong la/ de la skad cig tsam yang 'gyod pa skyes par ma gyur to/ /rigs kyi bu/ 'di ji snyam du sems/ de'i tshe de'i
432a2 dus na snying rje chen po dang ldan pa zhes bya bar gyur pa de gzhan zhig yin pa snyam du 'dzin na gzhan du mi blta ste/ nga de'i tshe de'i dus na de bzhin gshegs pa rin po che'i
432a3 snying po'i yab snying rje chen po dang ldan pa zhes bya ba der gyur to/ /ngas bla na med pa yang dag par rdzogs pa'i byang chub tu sems bskyed par gyur pa'i dang po ni de yin no/ /
432a4 ngas dang po sems bskyed pas sems can bgrang ba las 'das pa dag bla na med pa yang dag par rdzogs pa'i byang chub yang dag par 'dzin du bcug ste/ nga'i dpa'
432a5 ba'i dngos po dang / dpa' bo'i bya ba dang po ni de yin no/ /nga smon lam gyi dbang gis de nas shi 'phos nas sangs rgyas kyi zhing yang dag 'dren du gdol pa'i rigs su
432a6 skyes pa de'i tshe na/ ngas gdol ba'i rigs su gnas nas sems can rnams dge ba la sbyar cing rang gi stobs dang rtul bas stobs kyi 'khor los bsgyur ba nyid thob
432a7 pa'i bar dang / dzam+bu'i gling thams cad du 'thab pa dang rtsod pa'i rnyog pa rnams rab tu zhi bar byas shing / tshe'ang bsrings te ngas dang po lus yongs su btang ba de ni nga'i
432b1 dpa' ba'i dngos po dang / dpa' bo'i bya ba gnyis pa yin no/ /gang gi tshe ngas rang gi mig dag yongs su btang zhing rang gi pags pa'ang yongs su btang ste/ de nas shi 'phos
432b2 na'ang smon lam gyi dbang gis sangs rgyas kyi zhing yang dag 'dren de nyid kyi gling gnyis par gdol pa'i rigs su skyes nas snga ma bzhin du sbyar te/ der yang ngas brtson
432b3 'grus brtan zhing rtul ba de lta bus sems can rnams dge ba'i las dag la nges par sbyar nas stobs kyi 'khor los bsgyur ba'i bar yang thob ste/ der yang 'thab pa dang /
432b4 rtsod pa'i rnyog pa dang / 'khon pa dang / 'gyod pa dag rab tu zhi bar byas te tshe'ang bsrings so/ /der yang rang gi lus las lce dang / rna ba dag yongs su btang ba na sangs
432b5 rgyas kyi zhing yang dag 'dren gyi stong chen po de kun gyi gling thams cad kyi bar du'ang skyes bu'i rtsal de lta bu dag byas so/ /smon lam dang brtson 'grus brtan zhing rtul pa
432b6 rjes su 'brel pa dang / smon lam gyi dbang gis snyigs ma lnga dang ldan pa'i sangs rgyas kyi zhing gang+gA'i klung gi bye ma snyed dag tu'ang sems can rnams dge ba'i rtsa ba de
432b7 dag la nges par sbyar cing theg pa gsum po dag yang dag par 'dzin du bcug ste/ 'thab pa dang rtsod pa'i rnyog pa dang / nyon mongs pa dang / 'khon pa dang / 'gyed pa
433a1 rnams rab tu zhi bar byas shing skyes bu chen po'i rtsal de lta bu dag byas so/ /rigs kyi bu/ sangs rgyas bcom ldan 'das gzhan dag gi
433a2 sangs rgyas kyi zhing yongs su dag pa ni 'di'i phyir te/ gang gi tshe sangs rgyas bcom ldan 'das de dag sngon bla na med pa yang dag par rdzogs pa'i byang chub kyi
433a3 spyad pa spyod pa na gzhan gyi ltung ba gleng bar mi byed cing gzhan la 'jigs pa ston par mi byed la/ sems can rnams nyan thos dang / rang sangs rgyas kyi theg pa
433a4 yang dag par 'dzin du ma bcug pas na/ de'i phyir sangs rgyas bcom ldan 'das dgongs pa yongs su rdzogs pa de dag gi sangs rgyas kyi zhing yongs su
433a5 dag par gyur te/ sangs rgyas kyi zhing de na ltung ba'i ming yang med la/ bslab pa gzung ba'ang med/ tshig rtsub po'ang mi grag /mi dge ba'i sgra'ang mi grag ste/
433a6 gzhan du na sangs rgyas kyi zhing de chos kyi sgra dang / yid du mi 'ong ba med pa'i sgras khyab pa yin no/ /de na sems can rnams kyang ji ltar 'dod pa bzhin du
433a7 byed pa yin te/ de na nyan thos dang rang sangs rgyas kyi theg pa'i ming du gdags pa tsam yang mi srid do/ /ngas ni gang gi tshe bskal pa chen po gang+gA'i klung gi bye ma
433b1 snyed du snyigs ma lnga dang ldan pa'i sangs rgyas kyi zhing stong pa gang+gA'i klung gi bye ma snyed dag tu tshig rtsub po dang 'jigs su rung bas sems can rnams srog gcod pa spong ba
433b2 yang dag par 'dzin du bcug cing btsud de rab tu bkod pa nas/ theg pa gsum po dag kyang yang dag par 'dzin du bcug cing btsud de rab tu bkod pa'i bar du byas
433b3 pas na/ de'i las kyi 'phros da ltar nga nyon mongs pa dang ldan zhing mi dge ba'i sgras kun tu khyab la/ mi dge ba'i rtsa ba dang ldan pa'i sems can rnams kyis yongs
433b4 su gang ba'i sangs rgyas kyi zhing 'di lta bu na theg pa gsum gyis chos ston te/ ngas ni sngon ji ltar smon lam btang ba de lta bu'i sangs rgyas kyi zhing yongs su bzung zhing /
433b5 ngas 'dul ba'i sems can ji lta bu dag yongs su bzung ba de lta bu kho na'i stobs dang / brtson 'grus dang / 'bad pas byang chub kyi spyod pa spyad de/ smon lam ji
433b6 lta bu btab cing / sa bon ci 'dra ba btab pa de 'dra ba'i sangs rgyas kyi zhing thob bo// //bam po bcu bzhi pa/ rigs kyi bu/ ji ltar ngas byang chub sems
433b7 dpa'i spyad pa spyod pa na sbyin pa yongs su gtong ba yongs su btang ba ltar/ sngon gyi byang chub sems dpa' gang gis kyang de lta bu'i sbyin pa yongs su gtong ba yongs
434a1 su ma btang la/ ji ltar ngas byang chub sems dpa'i spyad pa spyod pa na sbyin pa yongs su gtong ba yongs su btang ba ltar phyis 'byung
434a2 bar 'gyur ba'i byang chub sems dpa' gang yang byang chub sems dpa'i spyad pa spyod pa na de lta bu'i sbyin pa yongs su gtong ba yongs su gtong bar mi 'gyur ba'i
434a3 sbyin pa'i pha rol tu phyin pa mdor bsdus te khyod la bshad par bya'o/ /skyes bu dam pa brgyad ni ma gtogs te/ skyes bu dam pa sas byin zhes bya bar gyur pa ni
434a4 lho phyogs logs su 'jig rten gyi khams kun dbyangs zhes bya bar bla na med pa yang dag par rdzogs pa'i byang chub mngon par rdzogs par sangs rgyas te/ de bzhin
434a5 gshegs pa 'dres spong 'od zer zhes bya bar gyur nas skye dgu tshe lo brgya ba rnams la chos ston cing zhag bdun na yongs su mya ngan las 'da' bar 'gyur ro/ /de bzhin
434a6 du byang chub sems dpa' brtson 'grus yang dag skul zhes bya ba de ni shar phyogs logs su 'jig rten gyi khams mi pham can zhes bya bar bla na med pa yang dag
434a7 par rdzogs pa'i byang chub mngon par rdzogs par sangs rgyas te/ skye dgu'i tshe lo brgya pa rnams la bskal pa gang+gA'i gi bye ma snyed las lhag pa snyed du sangs
434b1 rgyas kyi mdzad pa mdzad nas de'i tshe de bzhin gshegs pa de bla na med pa'i yongs su mya ngan las 'da' bas yongs su mya ngan las 'das te/ da dung du'ang thugs rje chen po
434b2 dang ldan pa de'i sku gdung rnams snyigs ma lnga dang ldan pa'i sangs rgyas kyi zhing stong pa dag na sangs rgyas kyi mdzad pa mdzad do/ /de bzhin du byang chub sems dpa'
434b3 snying po me tog rgyas zhes bya ba ni brtson 'grus dang / yi dam brtan pa dang / yongs su gtong ba'i stobs kyi shugs kyis byang chub sems dpa'i spyad pa spyod de/ de
434b4 bskal pa chen po gang+gA'i klung bcu'i bye ma snyed 'das pa'i 'og tu 'di nas byang phyogs logs su snyigs ma lnga dang ldan pa'i sangs rgyas kyi zhing rgyur bcas yang dag
434b5 'dren ces bya ba zhig 'byung bar 'gyur ba der skyes bu dam pa de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin
434b6 gshegs pa dgra bcom pa yang dag par rdzogs pa'i sangs rgyas rgyur bcas nag po rnam par 'joms pa'i rgyal po zhes bya ba sangs rgyas bcom ldan 'das kyi
434b7 bar du 'gyur ro/ /byang chub sems dpa' shes rab 'od zer kun nas 'khrugs 'dzin ces bya ba'i skyes bu dam pa de ni bskal pa chen po gcig 'das nas nub phyogs
435a1 logs su snyigs ma lnga dang ldan pa'i 'jig rten gyi khams 'jigs ldan zhes bya ba zhig 'byung bar 'gyur ba der skye dgu'i tshe lo brgya
435a2 pa'i nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par
435a3 rdzogs pa'i sangs rgyas nyi ma'i snying po'i 'od zer dri ma med pa'i dbang po zhes bya ba sangs rgyas bcom ldan 'das kyi bar du 'gyur ro/ /legs dga' 'di'ang
435a4 bskal pa bgrang ba las yang dag par 'das pa snyed rdzogs pa'i 'og tu/ steng gi phyogs logs su bskal pa chen po rtsod rnyog mi bzad yang dag 'khrug ces
435a5 bya ba la snyigs ma lnga dang ldan pa'i 'jig rten gyi khams 'gyur byed kyi mi gtsang bsags zhes bya ba zhig 'byung bar 'gyur te/ legs dga' 'di sngon gyi
435a6 smon lam gyi dbang gis sangs rgyas kyi zhing 'gyur byed mi gtsang bsags zhes bya ba der skye dgu'i tshe lo lnga bcu pa rnams kyi nang du bla na med pa yang dag
435a7 par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa bsam yas rnam par snang mdzad ces bya ba sangs rgyas
435b1 bcom ldan 'das kyi bar du 'gyur zhing / de sngon gyi smon lam gyi dbang gis lo bcus sangs rgyas kyi mdzad pa mtha' dag mdzad nas yongs su mya ngan las 'da'
435b2 bar 'gyur te/ de nyid kyi nyin mo de bzhin gshegs pa de'i dam pa'i chos kyang nub par 'gyur zhing lo bcu'i bar du sangs rgyas kyi zhing de stongs par 'gyur ro/ /de'i
435b3 'og tu byang chub sems dpa' rab tu lag brkyang 'di sngon gyi smon lam gyi dbang gis sangs rgyas kyi zhing 'gyur byed mi gtsang bsags der skye dgu'i tshe lo sum
435b4 cu pa rnams kyi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang
435b5 dag par rdzogs pa'i sangs rgyas chos rnam par snang mdzad ces bya ba sangs rgyas bcom ldan 'das kyi bar du 'gyur zhing / de'ang sngon gyi smon lam gyi dbang
435b6 gis lo bcus sangs rgyas kyi mdzad pa mtha' dag mdzad nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar
435b7 'gyur te/ de'i dam pa'i chos ni lo bdun du gnas par 'gyur ro/ /de nas skyes bu dam pa de gnyis kyis sngar lung bstan pa thob cing bla na med pa yang dag par rdzogs
436a1 pa'i byang chub kyi ro myang ba thob nas bcom ldan 'das kyi zhabs la mgo bos phyag 'tshal te/ dga' ba dang / yid bde ba dang / mchog tu dga'
436a2 bas ta la bdun srid tsam du steng gi bar snang la mngon par 'phags shing thal mo sbyar te 'khod nas/ bcom ldan 'das la dbyangs gcig gis tshigs su bcad de
436a3 gsol pa/ sangs rgyas nyi ma bzhin du lhang de zhing / /'jig rten 'di na mngon 'phags lhun po 'dra/ /rnam 'dren rdul bral rnam dag spyan mnga' ba/ snang gyur ba de
436a4 gshegs khyod la phyag 'tshal lo/ /khyod ni byang chub dam pa 'tshol ba na/ /bskal pa mang por khyod kyis brtson 'grus bsgoms/ /khyod kyi sngon gyi rgyal mang gang
436a5 mchod pa/ /'das pa'i 'dren pa de yis lung ma bstan/ /'dod chags spangs pa yongs grol thugs mnga' ba/ khyod 'dir 'jig rten kun tu mdzad pa mdzad/ /lam
436a6 stor rnams la chos kyang ston mdzad cing / /sems can rnams kyang srid pa'i mtsho las bsgral/ /rang byung bstan la bdag cag rab byung zhing / /dbang po mnyam
436a7 gzhag rgyal bas bstan pa yi/ /so sor thar pa'i bslab pa de bslabs nas/ /bdag cag rtag tu khyod dang nyer gyur cig /srog la brten pa ma mchis chos 'tshal
436b1 zhing / /ston par 'du shes chos rnams mnyan bgyis nas/ /rgyal bas mngon par lung bstan don de yi/ /ro myang dbang bskur sa yang thob gyur cig /bcom ldan 'das
436b2 kyis bka' stsal pa/ rigs kyi bu/ skyes bu dam pa legs dga' dang / rab tu lag brkyang zhes bya ba de gnyis dang / sas byin dang / brtson 'grus yang dag skul dang /
436b3 snying po me tog rgyas dang / shes rab 'od zer kun 'khrugs 'dzin ces bya ba bzhi dang / skyes bu dam pa drug po de dag gis byang chub tu sems bskyed pa las ngas
436b4 dang po byang chub yang dag par 'dzin du bcug pa de dag nyon cig /rigs kyi bu/ sngon byung ba 'das pa'i dus nas bskal pa grangs med dpag tu med pa 'das par gyur
436b5 pa de'i tshe de'i dus na sangs rgyas kyi zhing 'di rdul med lhun po spos zhes bya bar gyur te/ rigs kyi bu/ de'i tshe bskal pa chen po byung ba na skye dgu'i tshe lo brgya thub cing de
436b6 bzhin gshegs pa spos kyi pad+ma'i bstan pa dam pa'i chos kyi gzugs brnyan du gyur pa de'i tshe de'i dus na nga dzam+bu'i gling las rnam par rgyal ba'i stobs kyi 'khor
436b7 los bsgyur ba nor ngan ces bya bar gyur cing bu'ang stong yod par gyur nas/ ngas de dag bla na med pa yang dag par rdzogs pa'i byang chub yang dag par 'dzin du bcug
437a1 go |de dag kyang dus gzhan zhig na mngon par byung ste/ de bzhin gshegs pa spos kyi pad+ma'i bstan pa la rab tu byung nas de dag gis de
437a2 bzhin gshegs pa stobs kyi pad+ma'i bstan pa rgya cher 'bar ba byas so/ /gang dag rab tu ma byung zhing byang chub tu sems bskyed par mi 'dod pa bu drug cig ma gtogs
437a3 te| ngas de dag la yang dang yang du bsgo ba/ khyed cag bsam pa ji lta bu zhig gis na khyed rab tu mi 'byung zhing byang chub tu sems bskyed par mi byed/ /de dag
437a4 gis smras pa/ bdag cag ni rab tu mi 'byung lags so/ /de ci'i slad du zhe na/ gang zag pa'i dus kyi mthar dam pa'i chos gzugs brnyan du gyur pa na rab
437a5 tu byung ba des ni tshul khrims kyi phung po mtha' dag kun tu 'dzin par yang rdo mi thogs la/ de nor bdun dang yang bral bar 'gyur zhing 'khor ba'i 'dam du bying nas/
437a6 des slar res 'ga' zhig lha dang mi'i dpal thob par bas kyi/ rtag tu ngan song gsum po dag tu yongs su 'khams par 'gyur zhing / sangs rgyas kyi bslab pa yang
437a7 dag par 'dzin par mi 'gyur te/ de'i slad du bdag cag rab tu mi 'byung legs so/ /ngas yang de dag la dris pa/ khyed cag ci'i phyir byang chub tu sems bskyed par
437b1 ma byed/ /de dag gis smras pa/ gal te bdag cag la dzam+bu'i gling thams cad stsal na/ de lta na bdag cag gis bla na med pa yang dag par rdzogs pa'i byang chub tu sems
437b2 bskyed par bgyi'o/ /rigs kyi bu/ ngas de thos nas mchog tu dga' ba'i yid kyis 'di snyam du bsams te/ ngas dzam+bu'i gling gi mi thams cad gsum la skyabs su 'gro ba
437b3 la rab tu bkod cing 'phags pa'i gso sbyong yan lag brgyad dang ldan pa la gnas pa yang yang dag par 'dzin du bcug ste/ theg pa gsum po dag kyang yang dag par
437b4 'dzin du bcug zin gyi/ gang bdag gis dzam+bu'i gling 'di cha drug tu bgos te bu drug po dag la byin la/ byin nas kyang bla na med pa yang dag par rdzogs pa'i byang chub
437b5 yang dag par 'dzin du gzhug cing bdag kyang mngon par byung ste/ rab tu byung bar bya gor ma chag snyam nas ngas de bzhin du dzam+bu'i gling thams cad cha drug tu bgos te/
437b6 bu drug po dag la byin nas bdag kyang mngon par byung ste/ rab tu byung ba dang / dzam+bu'i gling gi rgyal po de dag kyang phan tshun mi mthun zhing 'thab pa dang / mtshang 'dru ba
437b7 dang / 'gyed pa dang / nad dang / pha rol gyi 'khor gyis 'khrug pa dang / rtsod ba dag byung ngo / /de'i phyir dzam+bu'i gling thams cad du mu ge byung ste/ lo tog rnams kyang mi skye/
438a1 char pa'ang mi 'bab/ shing ljon pa dag las kyang lo ma dang / me tog dang / 'bras bu dag mi skye/ sman dang / rtswa dag kyang mi skye bas ri
438a2 dwags dang bya rnams kyang bkres pa dang / skom pas lus rab tu 'bar zhing nyam thag par gyur to/ /de'i tshe na nga 'di snyam du sems te/ ngas da ltar gyi lus 'di
438a3 yongs su btang ste/ rang gi sha dang khrag gis sems can rnams tshim par bya'o snyam nas/ de nas ngas gnas yongs su spangs te/ yul gyi dbus su song nas
438a4 ri chu skyong zhes bya ba la 'dzegs te smon lam btab pa/ 'di ltar rang gi lus srog gtong ba ni/ /snying rje'i phyir te mtho ris phyir ma yin/ /ri 'di'i 'phang tsam dag
438a5 tu gyur nas ni/ /lhar bcas 'jig rten don du 'gyur bar shog/ /'di ltar gzugs mdzes phun sum gtong ba ni/ bdud phyi ma yin brgya byin tshangs phyir min/ /
438a6 bdag gi sha khrag mang por gyur nas ni/ /lhar bcas 'jig rten don du byed gyur cig /gang dag ri dang brag la gnas pa yi/ /lha klu gnod sbyin lha min mi rnams
438a7 nyon/ /sems can phyir ni bdag gis brtse bskyed de/ rang gi sha khrag dag gis tshim par bya/ gang gi tshe ngas smon lam de lta bu btab pa na/ 'jig rten gsum
438b1 'khrugs shing sa'ang g.yos/ lhun po'ang 'gul/ lha'i tshogs rnams kyang du'o/ /de nas ngas rang gi lus ri chu skyong gi kha nas bor ba dang / smon lam gyi dbang gis nga'i lus ri'i
438b2 tshad tsam du gyur cing / mgo 'bum phrag du ma yod par gyur la/ khyon du ni dpag tshad brgya/ 'bang du'ang dpag tshad brgyar gyur nas/ mi dang / ri dwags dang / bya'i bar
438b3 dag gis kyang sha dang khrag bza' bar brtsams so/ /rigs kyi bu/ nga'i lus la sems can de dag gis zos pa na nyin gcig bzhin du phyir skye zhing khyon du'ang dpag
438b4 tshad 'bum/ 'phang du'ang dpag tshad 'bum yod par 'gyur la/ thams cad nas mi'i mgo bo skra dang / rna ba dang / mig dang bcas pa/ mchu dang so dang bcas pa/ lce
438b5 dang bcas pa'i kha 'bum phrag du ma dag byung bar gyur nas/ kha 'bum phrag du ma bo de dag nas mi'i skad kyis sgra sgrogs pa/ kye sems can dag /ci 'dod pa long
438b6 zhig /kye sha zo zhig /khrag 'thung zhig /mig dag khyer cig /rna ba dang / sna dang / skra dang / mchu dang / so dang / lce dag khyer cig /gang 'dod pa dang / gang gis 'dod
438b7 pa dang / ji snyed 'dod pas lus tshim par gyur cig /bsam pa yongs su rdzogs par gyur pa rnams ni nyan thos kyi theg pa pa'am/ rang sangs rgyas kyi theg pa'am
439a1 bla na med pa yang dag par rdzogs pa'i byang chub tu sems bskyed cig /khyed kyi longs spyod dang / yongs su spyod pa 'di ni zad par yang mi 'gyur
439a2 la/ khyed la dad pas byin par yang mi 'gyur gyi/ khyed cag myur ba nyid du srog zad par yang ma gyur ces sgra sgrogs par byed do/ /de na sems can mkhas pa gang yin
439a3 pa de dag las kha cig ni nyan thos kyi theg par sems skyed par byed/ kha cig ni rang sangs rgyas kyi theg par sems skyed par byed/ kha cig ni bla na med pa yang dag par
439a4 rdzogs pa'i byang chub tu sems skyed par byed do/ /kha cig ni lha dang mir skye bar sems skyed par byed cing / sha ni za/ khrag ni 'thung ngo / /kha cig gis ni mig dag khyer/
439a5 kha cig gis ni rna ba dag /kha cig gis ni sna dag /kha cig gis ni mchu dag /kha cig gis ni so dag blangs nas khyer te dong yang smon lam gyi dbang gis sha bri bar
439a6 yang ma gyur/ yongs su zad par yang ma gyur la/ yang dang yang phyir skyes par gyur to/ /lo khri'i bar du dzam+bu'i gling gi mi thams cad dang / gnod sbyin dang / ri dwags
439a7 dang / bya rnams kyang nga'i lus kyis tshom par byas te/ ngas lo khri bo de'i bar du gang+gA'i klung gi bye ma snyed kyi mig dag yongs su btang ngo / /ngas rgya mtsho bzhi'i chu
439b1 snyed kyi khrag dag yongs su btang ngo / /ngas ri rab stong snyed tsam gyi sha dag yongs su btang ngo / /ngas ri khor yug tsam gyi lce dag yongs su btang ngo / /ngas lhun po dang
439b2 gnya' shing 'dzin tsam gyi rna ba dag yongs su btang ngo / /ngas ri rab tsam gyi sna rgya chen po dag yongs su btang ngo / /ngas bya rgod kyi phung po'i ri 'di tsam gyi so dag yongs
439b3 su btang ngo / /ngas der sangs rgyas kyi zhing mi mjed mtha' dag gi sa gzhi tsam gyi rang gi pags pa'ang yongs su btang ngo / /rigs kyi bu/ de ltar lo khri'i bar du srog
439b4 gcig gis rang gi lus yongs su btang ba tshad med grangs med dpag tu med pa dag yongs su btang zhing / de ltar sems can tshad med grangs med dpag tu med pa dag
439b5 tshim par byas kyang nga'i sems skad cig gcig tsam yang 'gyod par ma gyur pa la ltos/ /der ngas smon lam 'di lta bu'ang btab ste/ gal te bdag bla na med pa yang
439b6 dag par rdzogs pa'i byang chub mngon par rdzogs par 'tshang rgya bar gyur ba lta na/ bdag gi bsam pa 'di'ang yongs su rdzogs par gyur cig /ji ltar bdag gis gling
439b7 gcig tu rang gi lus kyis sems can thams cad tshim par byas pa de bzhin du sangs rgyas kyi zhing rdul med lhun po spos 'di'i gling thams cad du'ang lo stong phrag
440a1 gang+gA'i klung gi bye ma snyed du de lta bu'i lus 'byung bar gyur cig /gling gcig tu lo khri'i bar du ji ltar ba de bzhin du gling thams cad du'ang rang gi sha dang /
440a2 khrag dang / pags pa dang / mig dang / rna ba dang / sna dang / mchu dang / lce dang / skra dag gis sems can thams cad tshim par byas shing theg pa gsum po dag
440a3 yang dag par 'dzin du bcug par gyur cig /mi rnams dang / gnod sbyin dang / srin po rnams dang / dud 'gro'i skye gnas thams cad dang / gang dag sha za zhing
440a4 khrag 'thung ba so so'i gnod sbyin rnams dang / tha na gshin rje'i 'jig rten gyi bar de dag kyang bdag gis tshim par byed par gyur cig /ji ltar bdag gis sangs rgyas
440a5 kyi zhing gcig tu rang gi lus kyis sems can thams cad tshim par byed par 'gyur ba de bzhin du/ phyogs bcu kun gyi sangs rgyas kyi zhing gang+gA'i klung gi bye ma snyed
440a6 dag tu'ang rang gi sha dang / khrag dang / pags pa dang / mig dang / lce'i bar dag dang / de lta bu'i lus kyis bskal pa chen po gang+gA'i klung gi bye ma snyed du sangs
440a7 rgyas kyi zhing de dang de dag tu de lta bu'i lus thob nas rang gi lus dang srog gis sems can rnams tshim par byed par gyur cig /gal te bdag sems can rnams
440b1 tshim par bya ba'i phyir rang gi lus de lta bu dag yongs su gtong bar mi byed dam/ ji ltar bdag re zhing sems pa'i smon lam de lta bu yongs su rdzogs par ma gyur na
440b2 bdag gis gang dag phyogs bcu'i sangs rgyas kyi zhing gzhan dang gzhan dag na chos kyi 'khor lo bskor nas bzhugs te 'tsho zhing gzhes la chos kyang ston pa'i sangs rgyas
440b3 bcom ldan 'das de dag bslus par gyur cig /bdag kyang bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /bdag 'khor
440b4 ba na 'khor ba'i tshe sangs rgyas kyi sgra thos par ma gyur cig /chos kyi sgra'ang mi thos/ /dge 'dun gyi sgra'ang mi thos/ pha rol tu phyin pa'i sgra'ang mi thos/ bdud kyi dpung
440b5 pham pa'i sgra'ang mi thos/ mi 'jigs pa'i sgra'ang mi thos pa nas/ 'khor ba na dge ba'i sgra'i bar yang thos par mi 'gyur zhing / rtag tu mnar med pa'i sems can
440b6 dmyal ba chen po na gnas par gyur cig ces smon lam de lta bu'ang btab bo/ /ji ltar sangs rgyas kyi zhing 'di'i gling thams cad kyi gling ra rer yang de lta bu'i lus dag
440b7 yongs su btang zhing / rang gi sha dang khrag gis sems can rnams tshim par byas pa de bzhin du phyogs bcu gzhan gyi sangs rgyas kyi zhing gang+gA'i klung gi bye ma snyed dag tu'ang
441a1 de lta bu'i lus dag yongs su btang ste/ rang gi sha dang khrag gis sems can rnams tshim par byas so/ /rigs kyi bu/ de'i tshe ngas rgyun mi chad par
441a2 mig dag yongs su btang ba gang yin pa de dag gi phung po'ang dzam+bu'i gling 'di nas sum cu rtsa gsum gyi lha'i mthar thug pa'i tshad tsam du gyur te/ de bzhin gshegs pa'i
441a3 lus yongs su gtong ba'i sbyin pa'i pha rol tu phyin pa la ltos/ rigs kyi bu/ de ni de bzhin gshegs pa'i lus yongs su gtong ba'i sbyin pa'i pha rol tu phyin pa mdor
441a4 bsdus pa yin no/ /rigs kyi bu/ gzhan yang de'i 'og tu bskal pa tshad med pa 'das pa na sangs rgyas kyi zhing 'di zla ba rnam par snang ba zhes bya bar gyur te/ de'ang snyigs ma lnga
441a5 dang ldan par gyur to/ /nga'ang dzam+bu'i gling der stobs kyi 'khor los bsgyur ba'i rgyal po sgron ma snang ba zhes bya bar gyur nas ngas ji skad sngar smos pa bzhin du dzam+bu'i
441a6 gling gi sems can thams cad dge ba dag la nges par sbyar to/ /phyis nga rang gis blta ba'i phyir skyed mos tshal gyi sar byung ba dang / de na ngas bcing ba dam pos
441a7 phying ka log tu bcings pa'i mi zhig mthong ngo / /mthong nas kyang ngas blon po rnams la mi 'dis ci zhig byas zhes dris pa dang / blon po rnams kyis nga la smras pa/
441b1 lha| mi 'di ni lha la nongs pa bgyis pa lags te/ dgung lo gcig la mi 'di'i 'bru dang / lo tog ci 'khrung ba de las drug cha gcig lha'i zhal sngar 'bul ba lags
441b2 na| ji ltar lha'i grong dang / grong khyer dang / ljongs kyi mi dang / ri brag dag na gnas pa'i 'bangs las kyi mthas 'tsho ba gzhan dag tu 'du ba'i sgo 'bul bar bgyid pa de
441b3 ltar mi 'di 'bul bar mi bgyid lags so/ /de dag la ngas 'di skad ces smras so/ /mi 'di thong la su la'ang mthus nor dang 'bru dag ma sdud cig /de dag gis smras
441b4 pa/ lha/ 'ga' yang sems shin tu dad pas 'bul bar mi bgyid do/ /gdugs gcig bzhin du lha'i zhal zas dang / skyems dang / longs spyod dang / yongs su spyad
441b5 pa gang lags pa dang / lha'i btsun mo'i 'khor dang / lha mo dang / lha'i sras rnams dang / sras mo rnams kyi longs spyod dang / yongs su spyad pa gang lags pa de
441b6 dag thams cad kyang gzhan dag las 'du ba lags na/ 'ga' yang sems rab tu dang bas 'bul bar mi bgyid lags so/ /de nas nga shin tu yid mi bde ste
441b7 bsams pa/ ngas dzam+bu'i gling thams cad kyi rgyal srid kyi dbang phyug 'di su la sbyin par bya snyam nas/ nga la bu lnga brgya yod par gyur pa de dag kyang byang chub
442a1 yang dag par 'dzin du bcug cing / dzam+bu'i gling 'di'ang cha lnga brgyar bgos te bu rnams la byin nas/ nga'ang dka' thub kyi nags tshal
442a2 du song ste/ drang srong gi rab tu 'byung bas tshangs par spyad pa spyod cing lho phyogs kyi rgya mtsho chen po dang ha cang yang mi ring ba'i nags khrod cig na nags kyi rtsa ba
442a3 dang 'bras bu za zhing / shing u dum+ba ra'i drung na bsam gtan sgom zhing 'dug 'dug nas mthar gyis mngon par shes pa lnga thob par gyur to/ /yang de'i tshe na dzam+bu'i
442a4 gling gi tshong pa lnga brgya zhig rgya mtsho chen por zhugs pa dang / de dag gis kyang de nas rin po che'i phung po mang du rnyed do/ /de na ded dpon zla ba zhes bya ba skyes bu skal pa
442a5 dang ldan zhing mdzangs pa zhig yod pa des kyang yid bzhin gyi nor bu rnyed nas/ de dag rin po che'i gling de nas nor bu rin po che'i phung po rgya chen po dang / yid bzhin gyi
442a6 nor bu de khyer te phyir 'phags pa dang / de nas rgya mtsho'ang 'khrugs/ klu rnams kyang khros/ gang dag de na gnas pa'i lha rnams kyang ngu'o/ /de na drang srong dbugs 'byin
442a7 ces bya ba byang chub sems dpa' zhig kyang sngon gyi smon lam gyis der skyes nas sems can chen po des 'dron pa de dag bde zhing bkra shis par rgya mtsho las bsgral
442b1 to| |srin po gdug pa phyir rgol zhing glags blta la/ skabs tshol ba zhig kyang 'dron pa de dag gi phyir bzhin rjes su 'brang bar gyur nas/ de nas zhag bdun gyi bar du rlung
442b2 dmar drag po dang / char pa chen po babs nas/ des tshong pa de dag lam rab tu stor te shin tu skrag nas sgra chen pos ngu zhing cho nges 'debs la smre sngags 'don cing lha
442b3 dang | gu lang dang / chu lha dang / lus ngan la gsol ba 'debs pa nas/ pha dang / ma dang / sdug pa'i bu rnams zhes bya ba'i bar du ngu 'bod par byed pa nga'i lha'i rna bas
442b4 thos nas/ nga lam ji srid pa der song ste/ tshong pa dag la ma 'jigs shig /ma 'jigs shig dang / ngas khyed cag la lam bstan par bya zhing / dzam+bu'i gling du bde zhing bkra
442b5 shis par phyin pa'i bar du bya'o zhes tshong pa rnams dbugs phyung nas/ de'i tshe ngas ras til mar gyis bskus te rang gi lag pa dkris nas me 'bar bar byas te bden pa'i
442b6 tshig brjod pa/ gal te bdag gis sems can rnams kyi don dang phan pa'i phyir lo nyi shu rtsa drug tu tshangs pa'i gnas pa bzhi po dag gis nags khrod du gnas te/ nags kyi
442b7 rtsa ba dang / 'bras bu za zhing / klu dang / gnod sbyin pa brgyad khri bzhi stong gis sems kyi rgyud yongs su smin par byas te/ bla na med pa yang dag par rdzogs pa'i byang chub
443a1 las phyir mi ldog pa la bkod pa lta na/ bden pa dang bden pa'i tshig de dang / dge ba'i rtsa ba yongs su smin pa des bdag gi lag pa 'bar bar
443a2 'gyur zhing tshong ba rnams kyis lam rnyed par gyur te/ dzam+bu'i gling du bde zhing bkra shis par phyin par gyur cig ces bden pa'i tshig brjod pa dang / nyin mtshan bdun
443a3 gyi bar du nga'i lag pa de 'bar bar gyur nas tshong pa de dag dzam+bu'i gling du bkod do/ /der ngas smon lam btab pa/ gal te gang gi tshe dzam+bu'i gling na rin po che med par
443a4 gyur pa de'i tshe na bdag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na bdag gi bsam pa 'di yang yongs su rdzogs
443a5 par gyur cig /bdag dzam+bu'i gling du ded dpon du gyur la lan bdun gyi bar du yid bzhin gyi nor bu blangs te/ sangs rgyas kyi zhing 'di'i gling thams cad kyi bar du rin po
443a6 che sna tshogs kyi char mngon par rab tu 'bebs par gyur cig /de bzhin du phyogs bcu'i sangs rgyas kyi zhing stong pa snyigs ma lnga dang ldan pa gang+gA'i klung gi bye ma
443a7 snyed dag tu'ang ji ltar sngar smos pa bzhin du rin po che sna tshogs kyi char dag mngon par rab tu 'bebs par gyur cig ces smon lam btab pa dang / de bzhin du nga'i
443b1 bsam pa yongs su rdzogs par gyur te/ bskal pa chen po gang+gA'i klung gi bye ma snyed 'das kyi bar du nga ded dpon du gyur nas/ sangs rgyas kyi zhing stong pa snyigs ma
443b2 lnga dang ldan pa'i gang+gA'i klung gi bye ma snyed dag tu rin po che'i char dag rab tu phab ste/ gling re rer yang lan bdun bdun du rin po che sna tshogs kyi char dag mngon par rab tu
443b3 phab bo/ /de ltar sems can dpag tu med pa grangs med pa dag rin po che dag gis bsam pa yongs su rdzogs par byas shing theg pa gsum po dag la'ang nges par sbyar
443b4 to| |rigs kyi bu/ de bzhin gshegs pa'i rin po che yongs su gtong ba'i dge ba'i rtsa ba rnam par smin pa'i mtshan nyid la ltos/ rigs kyi bu/ gzhan yang bskal
443b5 pa dpag tu med pa 'das pa'i 'og tu bskal pa mgu byed ces bya ba byung ba na sangs rgyas kyi zhing 'di rab rib can zhes bya bar gyur te/ snyigs ma lnga dang ldan zhing skye dgu tshe lo
443b6 lnga stong par gyur pa na nga smon lam gyi dbang gis dzam+bu'i gling 'dir rig byed 'don pa'i bram ze nyi khri spos zhes bya bar gyur te/ de'i tshe na sems can rnams phal cher rtag
443b7 par lta zhing 'khon pa dang / pha rol gnon pa dang bcas la/ 'thab pa la gnas pa dang bcas par gyur te/ ngas sems can de dag pha rol gnon pa'i stobs chen po'i
444a1 shugs kyis phung po dgra lta bur gyur pa'i rab tu sbyor bas chos bstan to/ /skye mched grong stong pa lta bur so sor brtags pa dang / rkyen gyis
444a2 rjes su 'brel pa skye ba dang 'jig pa dang bcas pa dang / dbugs phyi nang du rgyu ba rjes su dran pa'i yid la byed pa'ang bstan te/ de dag bla na med pa yang dag par
444a3 rdzogs pa'i byang chub tu sems bskyed pa'i dge ba'i rtsa ba yongs su bsngo ba la mngon par sbyar nas nga nyid kyang mngon par shes pa lnga dang ldan par gyur te/ de'i tshe
444a4 na sems can dpag tu med grangs med pa dag kyang nga yis gdams shing rjes su bstan pa la mngon par shes pa lnga dang ldan par gyur to/ /de bzhin du sems
444a5 can dpag tu med grangs med pa dag kyang 'thab mo dang / rtsod pa dang / khon du 'dzin pa dag spangs te/ nags khrod na gnas shing nags khrod na rtsa ba dang 'bras
444a6 bu za la bsam gtan sgom zhing tshangs pa'i gnas pa bzhi po dag gis nyin mtshan 'da' bar byed do/ /de nas gang gi tshe bskal pa de zad du nye ba na sbyin gnas
444a7 de dag gis dzam+bu'i gling mtha' dag khyab par gyur to/ /'thab mo dang / 'thab pa dang / g.yul dang / 'khon pa dang / 'gyed pa dang / rtsod pa de dag kyang rab tu zhi
444b1 bar gyur/ dus ma yin pa'i rlung dang / char pa dag kyang rab tu zhi/ sa la brten pa'i lo tog rnams kyang legs par smin cing dmangs dang ldan par gyur na dus kyi nyes
444b2 pas nad sna tshogs kyis nyen pa 'ba' zhig tu gyur nas de'i tshe nga 'di snyam du sems te/ 'di ltar bdag gis sems can rnams kyi nad zhi bar byed ma nus so snyam
444b3 nas/ de'i tshe ngas 'di snyam du bsams te/ gang dag bdag gis brgya byin dang / tshangs pa chen po dang / 'jig rten skyong dang / gzhan yang lha'i drang srong rnams dang /
444b4 klu'i drang srong rnams dang / brgya byin gyi drang srong rnams dang / mi'i drang srong rnams kyang bsags la/ sems can rnams kyi don gyi phyir sman sbyar pa'i bstan bcos
444b5 dag bstan par bya'o snyam nas de'i tshe nga rdzu 'phrul gyis song ste/ brgya byin dang / tshangs pa dang / 'jig rten skyong dang / lha'i drang srong rnams dang / klu'i drang srong
444b6 rnams dang / brgya byin gyi drang srong rnams dang / mi'i drang srong rnams la bsgo nas ri lan tshwa'i bdag po gcig pa zhes bya ba lan tshwa spyod pa'i rtse mor nges pa'i
444b7 gnas zhes bya ba der bsdus nas 'byung po yang dag par zlog pa so so 'brang zhing bsrung la/ rlung dang / mkhris pa dang / bad kan rab tu zhi bar byed pa'i bstan
445a1 bcos dag rab tu bstan to/ /de bzhin du sbyar te sems can dpag tu med grangs med pa dag gi nad rnams kyang rab tu zhi bar byas so/ /
445a2 der ngas ji ltar smon lam chen po btab pa bzhin du nyi ma gcig la'ang sems can dpag tu med grangs med pa rnams kyis shes rab snang bar byas shing theg pa gsum
445a3 po dag la nges par sbyar nas ngan song gi lam rnams ni bcad/ mtho ris kyi lam dag la ni rab tu bkod de/ nad sna tshogs rab tu zhi bar byas shing yongs su thar
445a4 bar byas pa dang / de bzhin du sems can dpag tu med pa dag la ye shes kyi snang ba byin te/ bde ba la bkod pa'i dge ba'i rtsa ba rnam par smin pa des na/ rigs kyi
445a5 bu| nga'i smon lam gyi re ba de yongs su rdzogs so/ /gang gi tshe ngas nyi ma gcig la sems can dpag tu med grangs med pa dag gi ngan song gi lam rnams bkag
445a6 cing / mtho ris kyi lam la rab tu bkod da/ ngas nad pa rnams kyi yo byad kyi don dang / sems can rnams kyi don gyi phyir lha'i drang srong rnams dang / gnod sbyin gyi
445a7 tshogs rnams lha'i 'jig rten lan tshwa spyod pa'i rtse mor bsdus nas sems can rnams kyi nad med pa la mkhas pa rab tu bshad do/ /de bzhin du sangs rgyas kyi zhing
445b1 rab rib can gyi gling thams cad du'ang skyes bu'i rtsal de lta bu dag byas te/ sems can rnams kyang mtho ris kyi lam la rab tu bkod do/ /lha dang / klu dang / gnod sbyin dang /
445b2 mi'i drang srong rnams kyang bsags te/ de dag gis kyang sems can rnams kyi don gyi phyir rig pa'i gnas sna tshogs dag rab tu bshad do/ /sangs rgyas kyi zhing rab rib
445b3 can 'dir ji lta ba de bzhin du phyogs bcu'i sangs rgyas kyi zhing snyigs ma lnga dang ldan pa'i gang+gA'i klung gi bye ma snyed dag tu'ang skyes bu'i rtsal de lta bu dag byas te/ sems
445b4 can rnams kyang theg pa gsum po dag la nges par sbyar cing mtho ris kyi lam la rab tu bkod de/ rig pa'i gnas sna tshogs dag rab tu bshad nas nad thams cad
445b5 las yongs su thar bar byas nas/ rigs kyi bu/ nga'i bla na med pa'i re ba 'di lta bu yongs su rdzogs so/ /yang sangs rgyas kyi zhing rab rib can gyi gling thams cad du ji
445b6 ltar sngar smon lam btab pa bzhin du bla na med pa'i ye shes kyis skyes bu'i rtsal de lta bu dag byas pa de bzhin du/ phyogs bcu'i sangs rgyas kyi zhing stong pa snyigs
445b7 ma lnga dang ldan pa gang+gA'i klung gi bye ma snyed dag gi sangs rgyas kyi zhing re re'i gling thams cad du'ang ngas ji ltar sngon smon lam btab pa bzhin du skyes bu'i rtsal de lta bu dag
446a1 kyang byas te/ rigs kyi bu/ de bzhin gshegs pa byang chub sems dpa'i spyad pa spyod pa'i shes rab kyi khyad par dang / de bzhin gshegs
446a2 pa'i legs par spyad pa gsum gyi dge ba'i rtsa ba'i sa bon de la ltos/ de bzhin du bskal pa grangs med pa las shin tu lhag pa snyed 'das pa na dus ngan
446a3 pa'i tshe bskal pa chen po legs bcas zhes bya ba byung ba na sangs rgyas kyi zhing 'di rnam rgyal sgra dbyangs zhes bya bar gyur te/ de'ang snyigs ma lnga dang ldan
446a4 par gyur nas shar phyogs logs su gling bzhi pa lnga bcu 'das pa na dzam+bu'i gling dga' ba zhes bya ba zhig byung bar gyur te/ der yang nga sems can rnams
446a5 yongs su smin par bya ba'i phyir skyes nas gling bzhi'i dbang phyug 'khor los bsgyur ba'i rgyal po nam mkha' zhes bya bar gyur to/ /der yang ngas sems can
446a6 rnams dge ba bcu'i las kyi lam yang dag par 'dzin du bcug cing btsud de rab tu bkod do/ /theg pa gsum po dag kyang yang dag par 'dzin du bcug cing
446a7 btsud de rab tu bkod do/ /thams cad sbyin zhing kun la sbyin par yang gyur to/ /de nga'i gan du slong mo pa dag 'ongs nas 'di lta ste/ dbyig dang / gser dang /
446b1 an+da rnyil dang / rin po che mthon ka chen po dang / skar mdog dang / chu 'dang gi bar gyi rin po che sna tshogs slong bar byed pa'i slong mo pa rnams kyis kyang rin po che mang
446b2 po de snyed thob par gyur to/ /de'i tshe na ngas blon po rnams la dris pa/ rin po che 'di dag ga las byung / de dag gis smras pa/ klu'i rgyal po rnams kyis gter dag
446b3 bstan te/ 'jig rten du gter dag byung bas rin po che rnams kyang byung bar gyur te/ lha'i zhal sngar slong mo pa ji tsam mchis pa de tsam nyi tshe las ma bstan lags so//
446b4 de'i tshe ngas smon lam btab pa/ gal te bdag snyigs ma lnga dang ldan zhing nyon mongs pa dang / 'thab pa dang / rtsod pa bdo bar gyur pa'i 'jig rten du skye dgu tshe lo brgya
446b5 pa rnams kyi nang du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lta na de'i phyir bdag gi re ba 'di'ang yongs su rdzogs
446b6 par gyur cig /bdag sangs rgyas kyi zhing 'dir gter ston par byed pa'i klu'i rgyal por 'gyur zhing / sangs rgyas kyi zhing rnam rgyal sgra dbyangs 'di'i gling thams cad kyi
446b7 gling re rer yang skye ba lan bdun bdun len par gyur la/ skye ba re rer zhing yang rin po che sna tshogs kyis yongs su gang ba'i gter bye ba khrag khrig phrag 'bum dag
447a1 ston cing gtong bar gyur cig /'di lta ste/ dbyig dang / gser dang / an+da rnyil dang / rin po che mthon ka chen po dang / skar mdog dang /
447a2 chu 'dang gi bar dag gi gter re re zhing yang rgyar dpag tshad stong yod la/ rin po che mang pos yongs su gang ba dag byung ste/ sems can rnams la ston
447a3 cing gtong bar gyur cig /ji ltar sangs rgyas kyi zhing 'dir dpa' bo'i mthu de lta bu dag byed par 'gyur pa de bzhin du phyogs bcu'i sangs rgyas kyi zhing snyigs ma lnga
447a4 dang ldan pa'i 'jig rten gyi khams gang+gA'i klung gi bye ma snyed dag gi sangs rgyas kyi zhing re re'i gling thams cad du'ang sngar ji skad smos pa'i bar dag lta bur
447a5 skye ba lan bdun bdun 'dzin par gyur cig ces smon lam btab bo/ /rigs kyi bu/ gang gi tshe ngas smon lam de lta bu btab pa de'i tshe nam mkha'i dkyil nas
447a6 lha bye ba khrag khrig phrag 'bum gyis bar snang las me tog gi char rab tu phab cing nga la legs so zhes bya ba byin te/ thams cad sbyin pa legs so/ /legs
447a7 so| |ji ltar khyod kyis smon lam btab pa de bzhin du khyod kyi re ba de'ang 'grub par 'gyur ro/ /lha rnams kyis nam mkha'i dkyil nas rgyal po nam mkha'i
447b1 ming thams cad sbyin pa zhes bya bar btags pa skye bo phal po che rnams kyis thos so/ /thos nas kyang de dag 'di snyam du sems te/ bdag cag gis 'di la gang
447b2 yongs su gtang bar dka' ba'i sbyin pa dag bslang bar bya ste/ gal te yongs su gtong bar byed na ni de'i tshe 'di'i ming thams cad sbyin pa zhes bya bar 'gyur ro/ /ji
447b3 ste yongs su gtong bar mi byed na ni 'di'i ming thams cad sbyin pa zhes bya bar yang mi 'gyur ro snyam nas/ de nas sems can de dag gis rgyal po nam mkha'
447b4 la slas rnams kyang bslangs/ btsun mo rnams dang / btsun mo dam pa dang / bu dang / bu mo dag kyang bslang bar brtsams pa dang / de'i tshe rgyal po nam mkha' sems
447b5 rab tu dang bas byin no/ /de dag yang 'di snyam du sems te/ btsun mo yongs su gtong ba gang yin pa de ni 'di la dka' ba ma yin gyi/ bdag cag gis rgyal po nam
447b6 mkha' la yan lag dang / nying lag gang yin pa dag bslang bar bya ste/ gal te ster na ni thams cad sbyin pa zhes bya bar 'gyur ro/ /ji ste mi ster na ni thams
447b7 cad sbyin pa zhes bya bar yang mi 'gyur ro snyam pa dang / de nas bram ze skar ma la dga' ba zhes bya ba de rgyal po nam mkha'i mdun du 'dug ste smras pa/ thams cad
448a1 sbyin pa/ rgyal srid bdag la stsol cig /rgyal po nam mkha' de thos pa dang yid mchog tu dga' ste/ bdag nyid kyis bram ze khrus byas
448a2 nas rgyal thabs kyi thod bcings te/ rgyal po'i dbang bskur bas dbang bskur nas/ rgyal srid la rab tu bzhag ste dzam+bu'i gling thams cad phul nas smon lam btab
448a3 pa| bdag gis dzam+bu'i gling thams cad yongs su btang bas bdag bla na med pa yang dag par rdzogs pa'i byang chub mngon par rdzogs par 'tshang rgya bar gyur cig / gal te bdag gi re ba de yongs su rdzogs par 'gyur ba lta na/
448a4 gang bdag gis da ltar dzam+bu'i gling thams cad kyi rgyal por bcug pa 'di dzam+bu'i gling thams cad
448a5 du tshig gis dbang sgyur zhing tshe ring ba dang / 'khor los bsgyur ba'i rgyal srid la yun ring du gnas par gyur cig /gang gi tshe bdag bla na med pa yang dag par rdzogs
448a6 pa'i byang chub mngon par rdzogs par 'tshang rgya ba de'i tshe rgyal tshab nyid du gyur nas/ bla na med pa yang dag par rdzogs pa'i byang chub tu lung ston par yang gyur cig
448a7 ces smon lam btab bo/ /bram ze 'dod pa zhes bya ba des kyang nga'i rkang pa gnyis bslangs pa dang / nga nyid kyis sems rab tu dang bas mtshon cha rnon po blangs
448b1 nas/ rang gi rkang pa gnyis bcad de byin nas bdag gis bla na med pa yang dag pa'i tshul khrims kyi rkang pa thob par gyur cig ces smon lam btab bo/ /de na bram ze
448b2 lta ba bsrung zhes bya ba des kyang nga'i mig gnyis bslangs pa dang / ngas mig gnyis phyung ste de la byin nas snga ma bzhin du sbyar te/ bla na med pa'i spyan lnga thob par
448b3 bya ba'i phyir smon lam btab bo/ /yang ring po ma lon par bram ze sgra bzang zhes bya ba des kyang nga'i rna ba gnyis bslangs pa dang / nga nyid kyis rang gi rna ba gnyis bcad
448b4 de| de la byin nas bla na med pa'i snyan thob par bya ba'i phyir smon lam btab bo/ /'tsho ba pa yang dag 'tsho zhes bya ba des kyang nga'i skyes bu'i dbang po pho mtshan bslangs
448b5 pa dang / nga nyid kyis bcad de/ byin nas 'doms kyi sba ba'i mtshan bla na med pa thob par bya ba'i phyir smon lam btab bo/ /gzhan dag gis kyang nga'i sha dang khrag dang
448b6 bslangs pa dang / nga nyid kyis byin nas gser gyi mdog lta bu'i mtshan thob par bya ba'i phyir smon lam btab bo/ /gzhan yang kun tu rgyu'o ma 'dzag ces bya ba des
448b7 nga'i lag pa gnyis bslangs pa dang / nga nyid kyis lag pa g.yas pas lag pa g.yon pa bcad nas g.yas pa'ang gcod du bcug ste byin nas dad pa'i phyag bla na
449a1 med pa thob par bya ba'i phyir smon lam btab bo/ /gang gi tshe ngas yan lag dang nying lag dag bcad pa de'i tshe lus khrag gis yog bzhin
449a2 du smon lam btab pa/ gal te yongs su gtong ba 'dis bla na med pa yang dag par rdzogs pa'i byang chub tu bdag gi re ba yongs su rdzogs par 'gyur ba lta na bdag gi
449a3 lus kyi len pa zhig kyang gdon mi za bar rnyed par gyur cig /de na sems can rnams dang / khams kyi rgyal po rnams dang / blon po de dag kyang snying rje med la/ 'phags
449a4 pa ma yin zhing / byas pa mi gzo bas smras pa/ 'di ni blo 'chal cing shes pa chung ste/ yan lag thams cad gtubs shing rgyal srid kyi dbang phyug thams cad nyams
449a5 pa yin pas na da sha sna gu 'di ci dgos zhes zer te/ de dag gis nga khyer nas grong khyer gyi phyi rol dur khrod kyi sar bor te dong ngo / /der sha sbrang dang / sbrang bu ma chu
449a6 ring dag lhags nas khrag 'jib par byed do/ /khyi dang / wa dang / bya rgod dag kyang lhags te sha 'thog par byed do/ /de nas ngas sems rab tu dang bas smon lam
449a7 btab pa/ gang gi tshe bdag gis rgyal srid kyi dbang phyug thams cad yongs su btang ba dang / lus dang yan lag dang nying lag thams cad yongs su btang ba na skad
449b1 cig gcig tsam yang bdag gis sems 'gyod par ma gyur cing khro ba ma skyes pa lta na/ de'i phyir bdag gi re ba 'di yongs su rdzogs par gyur cig /bdag gi lus 'di sha'i
449b2 rir kun tu gnas par gyur la sems can gang su dag sha za ba dang / khrag 'thung ba de dag bdag gi sha za bar gyur cig /khrag 'thung bar gyur cig /ji srid du sems can rnams
449b3 sha za bar 'gyur ba dang / khrag 'thung bar 'gyur ba de srid du bdag gi smon lam gyi dbang gis lus mthar gyis skye bar 'gyur zhing / lus kyi 'phang du ni dpag tshad 'bum
449b4 yod par gyur la/ khyon du ni dpag tshad lnga stong yod par gyur cig ces smon lam btab ste/ der ngas lo stong gi bar du rang gi sha dang khrag gis sems can rnams
449b5 tshim par byas so/ /der ngas lce ji snyed yongs su btang ste/ gcan gzan dang bya dag gis yongs su zos nas/ yang smon lam gyi dbang gis/ gzhan dang gzhan dag
449b6 phyir skyes par gyur pa gang yin pa de dag gi phung po'ang bya rgod kyi phung po'i ri 'di'i tshad tsam du gyur te/ ljags shin tu ring pa'i mtshan bla na med pa thob par bya ba'i phyir ngas
449b7 smon lam yang rtag tu btab bo/ /de nas nga shi 'phos nas smon lam gyi dbang gis dzam+bu'i gling shing pa ta skye bar klu rnams kyi nang du skyes te/ klu'i rgyal po gter ston ces bya
450a1 bar gyur to/ /gang gi nub mo klu rnams kyi nang du skyes pa de nyid kyi nub mo ngas der gter bye ba khrag khrig phag 'bum kun tu bstan nas nga nyid
450a2 kyis sgra bsgrags pa/ kye sems can dag /phyogs 'di ni 'di lta ste/ dbyig dang / gser dang / chu 'dang gi bar gyi rin po che sna tshogs kyis yongs su gang ba'i
450a3 gter dag yod kyi/ kye sems can dag /khyed kyis long zhig /blangs nas kyang dge ba bcu'i las kyi lam yang dag par gzung zhig /bla na med pa yang dag
450a4 par rdzogs pa'i byang chub tu yang sems skyed cig /nyan thos kyi theg pa'am/ rang sangs rgyas kyi theg pa'am/ sangs rgyas kyi theg par yang sems skyed cig /
450a5 de nga las rin po che ji tsam dgos pa dag long zhig ces kyang bsgo ste/ dzam+bu'i gling shing pa ta skye ba der sngon gyi smon lam gyi dbang gis klu'i skye ba lan bdun brjes
450a6 pa na/ lo bye ba khrag khrig 'bum phrag bdun cu rtsa bdun gyi bar du gter dpag tu med grangs med pa dag bstan cing rab tu byin no/ /de bzhin du der sems can
450a7 dpag tu med grangs med pa dag kyang theg pa gsum po dag la btsud cing dge ba bcu'i las kyi lam dag la rab tu bkod de/ rin po che rnam pa sna tshogs dag
450b1 gis tshim par byas nas/ bla na med pa'i mtshan sum cu rtsa gnyis thob par bya ba'i phyir smon lam yang btab bo/ /de bzhin du gling gnyis par yang klu'i skye ba lan bdun
450b2 brjes te skyes bu'i rtsal de lta bu dag byas so/ /de bzhin du gling gsum pa nas 'jig rten gyi khams rnam rgyal sgra dbyangs thams cad kyi gling kun gyi bar du'ang
450b3 skyes bu'i rtsal de lta bu dag byas so/ /de bzhin du phyogs bcu'i sangs rgyas kyi zhing stong pa snyigs ma lnga dang ldan pa gang+gA'i klung gi bye ma snyed dag gi gling re rer yang
450b4 sngar ji skad smos pa'i bar bzhin du ngas klu'i skye ba de lta bu lan bdun bdun blangs shing / lo bye ba khrag khrig 'bum phrag bdun cu rtsa bdun bdun du sems can
450b5 rnams la gter dpag tu med grangs med pa de lta bu dag bstan cing rab tu byin no/ /rigs kyi bu/ ji ltar de bzhin gshegs pa stobs dang brtson 'grus shin tu drag
450b6 pos mtshan sum cu rtsa gnyis yongs su tshol ba na byang chub kyi spyad pa spyod pa ltar/ sngar ji skad smos pa'i skyes bu dam pa brgyad po de dag ma gtogs par sngon byang
450b7 chub sems dpa' gang gis kyang stobs dang brtson 'grus shin tu drag po de lta bus byang chub kyi spyad pa ma spyad cing / da ltar yang su'ang mi spyod la/ phyis 'byung bar
451a1 'gyur ba'i byang chub sems dpa' 'ga' yang stobs dang brtson 'grus kyi shugs de lta bus bla na med pa yang dag par rdzogs pa'i byang chub
451a2 kyi spyad pa spyod par mi 'gyur bas de bzhin gshegs pa'i byang chub kyi spyod pa la ltos/ de'i tshe bskal pa grangs med pa 'das nas dus ngan pa'i tshe bskal pa chen
451a3 po ut+pa la zhes bya ba byung ba na sangs rgyas kyi zhing 'di byu ru 'byung ba zhes bya ba stong zhing snyigs ma lnga dang ldan par gyur pa'i tshe/ gling bzhi pa der nga brgya byin legs
451a4 par rnam par byed ces bya bar gyur nas ngas dzam+bu'i gling de na sems can rnams mi dge ba la dad cing spyod par mthong ngo / /mthong nas kyang ngas bdag nyid
451a5 gnod sbyin gyi gzugs shin tu 'jigs 'jigs lta zhig tu mngon par sprul te/ dzam+bu'i gling du babs nas mi rnams kyi mdun du 'dug go/ /de dag gis nga mthong
451a6 nas skrag ste nga la dris pa/ khyod la ci dgos/ bdag cag gis khyod la dbul bar bgyi'o/ /ngas smras pa/ kho bo la kha bas dag dgos so/ /de dag gis smras pa/ khyod
451a7 kyi kha zas ji lta bu lags/ ngas smras pa/ kho bo ni mi dag bsad cing za ste/ mi gang dag ji srid 'tsho'i bar du srog gcod pa spong bar byed pa dang / log par lta ba'i bar dag
451b1 spong bar byed pa de dag la ni nga mi za'o/ /gang dag bla na med pa yang dag par rdzogs pa'i byang chub tu sems bskyed par byed pa dang / rang sangs rgyas kyi theg pa dang / nyan thos
451b2 kyi theg par sems bskyed par byed pa de dag la'ang nga mi za'o zhes smras te/ de na nga sems can dag sprul zhing za ba de mthong ba na/ sems can de dag 'jigs pas ji
451b3 srid 'tsho ba'i bar du srog gcod pa spangs so/ /ma byin par len pa dang / log par lta ba'i bar dag kyang spangs so/ /kha cig ni bla na med pa yang dag par rdzogs pa'i
451b4 byang chub tu sems bskyed do/ /kha cig gis ni rang sangs rgyas kyi theg par/ kha cig gis ni nyan thos kyi theg par sems bskyed de/ gling bzhi pa'i sems can thams
451b5 cad dge ba bcu'i las kyi lam dang / theg pa gsum po dag la rab tu bkod nas der ngas smon lam btab pa/ gal te bla na med pa yang dag par rdzogs pa'i byang chub
451b6 tu bdag gi re ba yongs su rdzogs par 'gyur ba lta na/ de'i phyir bdag gis smon lam 'di'ang yongs su rdzogs par gyur cig /ji ltar bdag gis gling bzhi pa'i sems
451b7 can rnams dge ba'i lam rnams la nges par sbyar ba de bzhin du sangs rgyas kyi zhing 'di thams cad kyi gling bzhi pa kun gyi sems can thams cad kyis kyang de lta
452a1 bu'i 'jigs pas bdag mthong bar 'gyur ba dang / bdag gis kyang sems can de dag dge ba bcu'i las kyi lam la rab tu 'god
452a2 cing / theg pa gsum po dag la'ang nges par sbyor bar gyur cig/ de bzhin du phyogs bcu kun gyi sangs rgyas kyi zhing stong pa snyigs ma lnga dang ldan pa dag gi
452a3 sems can thams cad kyang dge ba bcu'i las kyi lam la rab tu 'god cing / theg pa gsum po dag la'ang nges par sbyor bar gyur cig ces smon lam
452a4 btab bo/ /rigs kyi bu/ nga'i re ba dang smon lam de bzhin du yongs su rdzogs te/ 'jig rten gyi khams byu ru 'byung ba thams cad kyi sems can rnams
452a5 gnod sbyin gyi gzugs kyis dge ba'i chos rnams la nges par btul to/ /de bzhin du phyogs bcu'i sangs rgyas kyi zhing stong pa snyigs ma lnga dang ldan pa gang+gA'i
452a6 klung gi bye ma snyed dag tu'ang ngas gnod sbyin gyi gzugs kyis mi rnams dge ba'i lam gyi spyod pa dag la rab tu bkod do/ /de ltar ngas sems can mang po dag bsdigs shing
452a7 dge ba'i spyod pa la rab tu bkod pa'i las kyi 'phro des na/ de bar nga byang chub mngon par rdzogs par 'tshang rgya bar 'dod nas byang chub kyi snying por byang chub kyi shing drung
452b1 du rdo rje'i gdan la 'dug pa na bdud sdig can dmag gi tshogs chen po dang bcas te/ nga byang chub las rnam par bzlog par bya ba'i phyir nye bar 'ongs pa yin no/ /rigs kyi
452b2 bu| ngas byang chub kyi spyad pa spyod pa na sbyin pa'i pha rol tu phyin pa thob pa mdor bsdus pa ni de yin te/ de'i tshe ngas bzod pa zab mo dang / gzungs zab mo dang / ting nge
452b3 'dzin zab mo dang / 'jig rten pa'i mngon par shes pa lnga'ang thob ste/ skyes bu'i rtsal chen po de lta bu dag byas so/ /de bzhin du sems can dpag tu med grangs med
452b4 pa dag kyang bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod do/ /de bzhin du sems can dpag tu med grangs med
452b5 pa dag rang sangs rgyas kyi theg pa'ang yang dag par 'dzin du bcug cing btsud de rab tu bkod do/ /de bzhin du sems can dpag tu med grangs med pa dag nyan thos kyi
452b6 theg pa'ang yang dag par 'dzin du bcug cing btsud de rab tu bkod do/ /ngas ji srid du byang chub kyi spyad pa spyod pa na sangs rgyas bcom ldan 'das sangs rgyas kyi zhing rdul
452b7 phra rab kyi rdul snyed dag la bsnyen bkur byas te/ ngas sangs rgyas re re'i drung nas rgya mtsho'i chu'i thigs pa snyed kyi yon tan dag yongs su bzung ba ma gtogs par ngas
453a1 rang sangs rgyas bgrang ba las yang dag par 'das pa dag la'ang mchod pa byas so/ /de bzhin gshegs pa'i nyan thos bgrang ba las yang
453a2 dag par 'das pa dag la'ang mchod pa byas so/ /de bzhin du pha dang / ma dang / mngon par shes pa lnga dang ldan pa'i drang srong rnams la'ang mchod pa byas so/ /ngas
453a3 sngon byang chub sems dpa'i spyad pa spyod pa na snying brtse bas rang gi sha dang khrag gis sems can rnams tshim bar byas te/ da ltar yang rang gi chos rnams kyis tshim
453a4 par byas pa yin no/ /theg pa chen po'i mdo snying rje pad+ma dkar po las/ sbyin pa'i le'u zhes bya ba ste lnga pa'o// //rigs kyi bu/ ji ltar ngas sangs
453a5 rgyas kyi spyan gyis phyogs bcu na sangs rgyas bcom ldan 'das sangs rgyas kyi zhing gi rdul phra rab kyi rdul snyed yongs su mya ngan las 'das pa dag gzigs pa de dag
453a6 kyang ngas dang po bla na med pa yang dag par rdzogs pa'i byang chub yang dag par 'dzin du bcug cing btsud de rab tu bkod do/ /de ltar ngas dang po sbyin pa'i pha rol tu
453a7 phyin pa'ang yang dag par 'dzin du bcug pa nas shes rab kyi pha rol tu phyin pa'i bar dag kyang yang dag par 'dzin du bcug cing btsud de rab tu bkod do/ /de bzhin
453b1 dud ltar shar phyogs logs na sangs rgyas bcom ldan 'das dpag tu med grangs med pa dag chos dang ldan pa'i chos kyi 'khor lo bskor nas bzhugs te 'tsho zhing
453b2 gzhes la chos kyang ston pa dag gzigs pa gang yin pa de dag kyang / ngas dang po bla na med pa yang dag par rdzogs pa'i byang chub yang dag par 'dzin du bcug cing btsud
453b3 de rab tu bkod do/ /pha rol tu phyin pa drug po dag gi bar la'ang de bzhin du brjod par bya'o/ /de bzhin du lho dang / nub dang / byang dang / 'og dang / steng gi phyogs rnams
453b4 su'ang brjod par bya'o/ /rigs kyi bu/ ngas sangs rgyas kyi zhing 'di nas shar phyogs logs su sangs rgyas kyi zhing sa ya phrag dgu dang chig 'bum 'das pa na 'jig rten
453b5 gyi khams me tog kun tu rgyas pa zhes bya ba na de bzhin gshegs pa dri med gzi brjid yon tan rgyal po zhes bya ba bzhugs te 'tsho zhing gzhes la chos kyang ston pa gzigs
453b6 te| bcom ldan 'das de'ang ngas dang po bla na med pa yang dag par rdzogs pa'i byang chub tu sems bskyed de/ yang dag par 'dzin du bcug cing bzhag ste rab tu gnas
453b7 par byas so/ /ngas dang po sbyin pa'i pha rol tu phyin pa dang / shes rab kyi pha rol tu phyin ba'i bar dag kyang yang dag par 'dzin du bcug cing bzhag ste rab tu gnas par
454a1 byas so/ /de bzhin du sbyar te shar phyogs logs na sangs rgyas kyi zhing mngon par dga' ba zhes bya ba na de bzhin gshegs pa mi 'khrugs pa
454a2 zhes bya ba dang / sangs rgyas kyi zhing dzam+bu'i chu klung zhes bya ba na/ de bzhin gshegs pa nyi ma'i snying po zhes bya ba dang / sangs rgyas kyi zhing dga' ba'i dbang phyug ces
454a3 bya ba na de bzhin gshegs pa dga' ba'i dbang phyug sgra dbyang 'od zer zhes bya ba dang / sangs rgyas kyi zhing nyi ma gnas pa zhes bya ba na de bzhin gshegs pa ye shes nyi
454a4 ma zhes bya ba dang / sangs rgyas kyi zhing rgyal ba'i gnas rab ces bya ba na de bzhin gshegs pa 'brug sgra bsgrags pa zhes bya ba dang / sangs rgyas kyi zhing yang dag 'tsho
454a5 zhes bya ba na de bzhin gshegs pa rdo rje grags pa zhes bya ba dang / sangs rgyas kyi zhing shin tu rdul med ces bya ba na de bzhin gshegs pa stag gi 'od zer ces bya ba
454a6 dang / sangs rgyas kyi zhing dga' med ces bya ba na de bzhin gshegs pa nyi gdugs snying po zhes bya ba dang / sangs rgyas kyi zhing 'khon sbyong 'od ces bya ba na de bzhin gshegs
454a7 pa grags pa'i dbang phyug rgyal po zhes bya ba dang / sangs rgyas kyi zhing lhun po 'od ces bya ba na de bzhin gshegs pa bsam yas rgyal po zhes bya ba dang / sangs rgyas
454b1 kyi zhing nam mkha' zhes bya ba na de bzhin gshegs pa snang dpal snying po zhes bya ba dang / sangs rgyas kyi zhing me tog 'od ces bya ba na de bzhin gshegs pa 'od gsal
454b2 tog ces bya ba dang / sangs rgyas kyi zhing bde mchog ces bya ba na de bzhin gshegs pa lhun dbyangs lhun po yang dag ston ces bya ba dang / sangs rgyas kyi zhing sa can zhes
454b3 bya ba na de bzhin gshegs pa ye shes gzugs zhes bya ba dang / sangs rgyas kyi zhing me tog sna tshogs zhes bya ba na de bzhin gshegs pa dri med spyan zhes bya ba
454b4 dang / rigs kyi bu/ de dag la sogs pa shar phyogs logs na sangs rgyas bcom ldan 'das dpag tu med grangs med pa dag bzhugs te 'tsho zhing gzhes la chos kyang
454b5 ston pa dag kyang ngas sangs rgyas kyi spyan gyis gzigs te/ de dag sngon byang chub tu sems ma bskyed pa las ngas dang po bla na med pa yang dag par rdzogs pa'i byang
454b6 chub yang dag par 'dzin du bcug go/ /sbyin pa'i pha rol tu phyin pa dang / shes rab kyi pha rol tu phyin pa'i bar dag kyang yang dag par 'dzin du bcug cing btsud de rab
454b7 tu bkod nas/ ngas dang po sangs rgyas bcom ldan 'das bzhugs te 'tsho zhing gzhes bdag gi thad du phul nas/ der de dag thams cad kyis dang po bla na med pa yang
455a1 dag par rdzogs pa'i byang chub tu lung bstan pa thob bo/ /de nas de'i tshe 'jig rten gyi khams me tog kun tu rgyas pa na de bzhin gshegs
455a2 pa dri med gzi brjid yon tan rgyal po bzhugs pa de'i gdan rab tu g.yos so/ /de byang chub sems dpa' gang dag 'khod pa de dag gis de bzhin gshegs pa
455a3 dri med gzi brjid yon tan rgyal po de'i gdan rab tu g.yos pa mthong ba dang / de bzhin gshegs pa de nyid la zhus pa/ bcom ldan 'das/ sngon ma mthong ba bcom
455a4 ldan 'das kyi gdan rab tu g.yos pa 'di'i rgyu ni gang lags/ rkyen ni gang lags/ de bzhin gshegs pa des de dag la bka' stsal pa/ rigs kyi bu dag /sangs
455a5 rgyas kyi zhing 'di nas nub phyogs kyi phyogs logs su sangs rgyas kyi zhing sa ya phrag dgu dang chig 'bum 'das pa na/ 'jig rten gyi khams mi mjed ces bya ba
455a6 zhig yod de/ de na de bzhin gshegs pa shAkya thub pa zhes bya ba bzhugs te 'tsho zhing gzhes pa de da ltar 'khor bzhi po rnams la sngon gyi tshul las brtsams te
455a7 chos ston to/ /de bzhin gshegs pa de bzhin gshegs pa de sngon byang chub sems dpa' gyur cing bla na med pa yang dag par rdzogs pa'i byang chub kyi spyad pa spyod pa na/ des nga dang po
455b1 bla na med pa yang dag par rdzogs pa'i byang chub yang dag par 'dzin du bcug ste/ gang gis nga dang po bla na med pa yang dag par rdzogs pa'i byang chub tu sems bskyed
455b2 pa'i de bzhin gshegs pa des nga dang po sbyin pa'i pha rol tu phyin pa dang / shes rab kyi pha rol tu phyin pa'i bar dag kyang yang dag par 'dzin du bcug cing bzhag ste
455b3 rab tu gnas par byas so/ /de bzhin gshegs pa de sngon byang chub sems dpar gyur cing byang chub sems dpa'i spyad pa na spyod pa na des nga dang po sangs rgyas bcom ldan
455b4 'das bzhugs te 'tsho zhing gzhes pa dag gi thad du phul nas/ der ngas dang po bla na med pa yang dag par rdzogs pa'i byang chub tu lung bstan pa thob ste/ nga'i dge ba'i
455b5 bshes gnyen de bzhin gshegs pa shAkya thub pa de 'jig rten gyi khams mi mjed na bzhugs te 'tsho zhing gzhes so/ /de 'khor bzhi po rnams la sngon gyi tshul de nyid
455b6 las brtsams te chos ston pas na/ de bzhin gshegs pa de'i byin gyi rlabs des nga'i stan rab tu g.yos so/ /rigs kyi bu dag /khyed cag las nga'i tshig gis de bzhin
455b7 gshegs pa shAkya thub pa la snyun mi mnga' ma/ thugs bde ba'am zhes yongs su dri ba'i phyir sangs rgyas kyi zhing mi mjed du 'gro bar spro ba su yod/ de nas de bzhin gshegs
456a1 pa dri med gzi brjid yon tan rgyal po la byang chub sems dpa' de dag gis gsol pa/ btsun pa bcom ldan 'das/ byang chub sems
456a2 dpa' rdzu 'phrul dang ldan zhing yon tan thams cad kyi pha rol tu son pa gang dag deng snga dro'i dus kyi tshe snang ba chen po mthong nas rnam par 'phrul pas sangs rgyas
456a3 kyi zhing gzhan dag nas sangs rgyas kyi zhing me tog kun tu rgyas pa 'dir lhags te/ des dogs 'di yang yud tsam zhig bskyod cing me tog gi char yang rab tu phab
456a4 pa de dag lags so/ /byang chub sems dpa' sems dpa' chen po de dag gis gsol pa/ btsun pa bcom ldan 'das/ bdag cag kyang de bzhin gshegs
456a5 pa dgra bcom pa yang dag par rdzogs pa'i sangs rgyas shAkya thub pa de la phyag bgyi ba dang / bsnyen bkur bgyi ba dang / thams cad mkhyen pa nyid kyi rnam pa
456a6 la 'jug pa'i gzungs kyi sgo'i chos kyi rnam grangs de'ang mnyan pa'i slang du sangs rgyas kyi zhing mi mjed der mchi'o zhes gsol nas/ byang chub sems dpa'
456a7 'bum phrag mang po de dag rang rang gi rdzu 'phrul gyi mthus sangs rgyas kyi zhing de nas 'phags pa dang / de dag gis gang logs su bgrod bar bya ba ma rtsol nas/
456b1 yang de dag gis gsol pa/ btsun pa bcom ldan 'das/ bdag cag gis de bzhin gshegs pa shAkya thub pa'i sangs rgyas kyi zhing 'jig rten gyi khams mi mjed gang pha rol
456b2 na mchis pa'i phyogs de'ang ma 'tshal lags so/ /de nas de bzhin gshegs pa dri med gzi brjid yon tan rgyal po des phyag brkyang ste/ sor mo lnga las 'od zer sna tshogs dag
456b3 rab tu bkye'o/ /de nas 'od zer de dag gis sangs rgyas kyi zhing sa ya phrag dgu dang chig 'bum dag snang bar byas te/ sangs rgyas kyi zhing mi mjed 'di'i bar du'ang snang bar
456b4 byas so/ /des byang chub sems dpa' de dag gis thams cad dang ldan pa'i sangs rgyas kyi zhing mi mjed 'di byang chub sems dpa' dag gis khyab cing nam mkha'i ngos
456b5 kyang lha dang / klu dang / gnod sbyin dang / lha ma yin dag gis khyab par mthong ngo / /mthong nas kyang de bzhin gshegs pa dri med gzi brjid yon tan rgyal po de la byang
456b6 chub sems dpa' de dag gis 'di skad ces gsol to/ /btsun pa bcom ldan 'das/ bdag cag gis thams cad dang ldan pa'i sangs rgyas kyi zhing mi mjed de byang chub
456b7 sems dpa' dag gis khyab ste de na gang du byang chub sems dpa' dag gis khyab par ma gyur pa'i go skabs ni tha na 'khar ba gzugs pa'i gtos tsam yang ma mchis
457a1 par mthong lags so// //bam po bco lnga pa ste tha ma/ de bzhin gshegs pa shAkya thub pa'ang bdag cag la gzigs shing chos
457a2 ston par mthong lags so/ /de bzhin gshegs pa dri med gzi brjid yon tan rgyal pos byang chub sems dpa' de dag la bka' stsal pa/ rigs kyi bu dag /de bzhin
457a3 gshegs pa shAkya thub pa ni kun tu gzigs pa yin te/ rigs kyi bu dag /'jig rten gyi khams mi mjed na sems can gang sa la gnas pa'am/ bar snang la
457a4 gnas pa de dag las sems can re re'ang 'di snyam du sems te/ de bzhin gshegs pa shAkya thub pa ni thugs thams cad kyis bdag la gzigs shing / bdag
457a5 gcig pu las brtsams te chos ston to snyam du sems so/ /rigs kyi bu dag /de bzhin gshegs pa shAkya thub pa ni kha dog dang dbyibs gcig gis kyang kha dog dang
457a6 dbyibs thams cad du chos ston par mdzad de/ rigs kyi bu dag /sangs rgyas kyi zhing de na sems can gang dag tshangs pa la dad pa de dag gis ni de bzhin gshegs
457a7 pa shAkya thub pa tshangs par yang dag par rjes su mthong zhing tshangs pa'i bdag po chen po'i sgra skad kyis chos thos so/ /gang dag bdud la dad pa rnams dang / gang
457b1 dag nyi ma la dad pa rnams dang / gang dag zla ba la dad pa rnams dang / gang dag rnam thos kyi bu la dad pa rnams dang / gang dag 'phags skyes po la dad pa rnams dang /
457b2 gang dag mig mi bzang la dad pa rnams dang / gang dag yul 'khor srung la dad pa rnams dang / gang dag dbang phyug chen po la dad pa'i bar gyi sems can de dag gis
457b3 ni de bzhin gshegs pa shAkya thub pa dbang phyug chen po'i bar gyi gzugs dang / kha dog dang / dbyibs su mthong zhing / dbang phyug chen po'i tshig dang sgra skad kyis chos
457b4 thos so/ /de na kha dog dang / dbyibs dang / dad pa dang / gzugs dang / sgra skad brgyad khri bzhi stong gi bar dang ldan pa'i sems can de dag gis kyang de bzhin
457b5 gshegs pa shAkya thub pa de bzhin du mthong zhing chos kyang thos so/ /de nas de bzhin gshegs pa dri med gzi brjid yon tan rgyal pos 'khor de'i byang chub sems
457b6 dpa' gsang ba bsgrags zhes bya ba dang / byang chub sems dpa' gcig shos snang ba'i 'od zer zhes bya ba dang / byang chub sems dpa' de dag la bka' stsal pa/
457b7 rigs kyi bu dag /khyed 'jig rten gyi khams mi mjed du deng la nga'i tshig gis de bzhin gshegs pa shAkya thub pa la snyun mi mnga'am/ thugs ba de'am/ bde bar
458a1 reg pa la gnas sam zhes snyun gsol cig /byang chub sems dpa' de dag gis gsol pa/ btsun pa bcom ldan 'das/ thams cad dang
458a2 ldan pa'i sangs rgyas kyi zhing mi mjed sa dang nam mkhar bcas pa thams cad byang chub sems dpa' dag gis khyab par yang dag par rjes su mthong ste/ de na sa dang
458a3 nam mkha' la sems can 'ga' tsam gyi go skabs kyang ma mchis na bdag cag gang du gnas par bgyi lags/ de bzhin gshegs pa dri med gzi brjid yon
458a4 tan rgyal po des bka' stsal pa/ rigs kyi bu dag/ sangs rgyas /de ci'i phyir zhe na/ de bzhin gshegs pa /de ci'i phyir zhe na/ de bzhin gshegs pa
458a5 shAkya thub pa de ni sangs rgyas kyi yon tan bsam gyis mi khyab pa dag gis go skabs yangs pa yin te/ sngon gyi smon lam gyis gsum la skyabs su 'gro ba
458a6 dang | theg pa gsum gyi chos bstan pa las brtsams te chos ston par mdzad pa dang / bslab pa gsum gyi sdom pa ston par mdzad pa dang / rnam par thar pa'i
458a7 sgo gsum po dag ston par mdzad pa dang / sems can rnams ngan song gsum po dag las 'dren par mdzad pa dang / zhi ba'i lam gsum po dag la rab tu 'god
458b1 par mdzad pa'i phyir de bzhin gshegs pa de'i thugs rje dang bstan pa la 'jug pa ni yangs pa yin no/ /rigs kyi bu dag /de bzhin gshegs pa shAkya thub pa de mngon
458b2 par rdzogs par sangs rgyas nas ring po ma lon pa'i dus shig na 'dul ba'i sems can la gzigs shing ri brag mi mnyam pa'i dbus na gnod sbyin dbang po mig
458b3 ces bya ba'i gnas shing sA la'i phug na rnam par grol ba'i dga' ba dang / bde ba nyams su myong zhing skyil mo krung gcig gis zhag bdun las 'da' bar mdzad cing
458b4 bzhugs pa na de bzhin gshegs pa'i skus sA la'i phug thams cad khyab par gyur te/ de na gang du de bzhin gshegs pa'i skus khyab par ma gyur pa'i go skabs ni tha na
458b5 sor bzhi tsam gyi gtos kyang med do/ /zhag bdun po de 'das pa dang / phyogs bcu nas byang chub sems dpa' sems dpa' chen po khrag khrig phrag bcu gnyis de
458b6 bzhin gshegs pa shAkya thub pa de la phyag bya ba dang / bsnyen bkur bya ba dang / chos mnyan pa'i phyir 'jig rten gyi khams mi mjed kyi ri gang yin pa de logs su
458b7 mngon du phyogs te 'khod pa dang / rigs kyi bu dag /de bzhin gshegs pa shAkya thub pa des 'khor der rdzu 'phrul mngon par 'du bya ba mngon par 'du mdzad pas
459a1 gang gi tshe byang chub sems dpa' bye ba khrag khrig phrag bcu gnyis po de dag gis sA la'i phug go skabs yangs par mthong zhing der zhugs
459a2 par gyur pa de ltar sA la'i phug de yangs pa dang / de ltar rgya che bar gyur to/ /der byang chub sems dpa' re res kyang de bzhin gshegs pa de la byang chub sems
459a3 dpa'i rnam par 'phrul pa sna tshogs dag gis mchod pa byas nas/ der byang chub sems dpa' re res kyang rin po che sna bdun gyi khri stan dag mngon par sprul
459a4 nas de la 'khod de chos nyan par byed do/ /rigs kyi bu dag /byang chub sems dpa' de dag gis kyang de bzhin gshegs pa shAkya thub pa las chos mnyan te/
459a5 de bzhin gshegs pa shAkya thub pa'i zhabs la lan gsum mgo bos phyag byas nas rang rang gi sangs rgyas kyi zhing dag tu dong ngo / /byang chub sems dpa' de
459a6 dag deng nas ring po ma lon par sA la'i phug de'ang sngon ji lta ba bzhin du gyur te/ de bzhin gshegs pa shAkya thub pa de ni de ltar go skabs yangs pa yin
459a7 no| /gling bzhi pa de na brgya byin kau shi ka zhes bya ba tshe yongs su zad de/ dud 'gro'i skye gnas su skye bas 'jigs zhing skrag nas de sum cu rtsa gsum pa'i lha'i bu
459b1 brgyad khri bzhi stong dang lhan cig 'grogs te sA la'i phug ga la ba dang / bcom ldan 'das ga la ba der dong ste phyin nas/ gnod sbyin dbang po mig gi gnas sA la'i phug
459b2 gi kho ra khor yug tu 'khod pa dang / bcom ldan 'das kyi mthus de 'di snyam du sems te/ gang bdag gis dri za'i bu gtsug phud lnga pa la gsol ba btab ste/ dri za'i bu
459b3 gtsug phud lnga pa des dbyangs snyan pas bcom ldan 'das la mngon sum du bstod na ni de'i tshe/ bcom ldan 'das bsam gtan dang / ting nge 'dzin dag las bzhengs par
459b4 'gyur ro snyam nas/ de nas brgya byin kau shi kas dri za'i bu gtsug phud lnga pa la gsol ba btab po/ /de nas bcom ldan 'das kyi mthus dri za'i bu gtsug phud lnga pas pi wang
459b5 blangs te/ glu dang rol mo'i sgra yid du 'ongs bas bcom ldan 'das la bstod pa lnga brgyas bsngags pa brjod do/ /rigs kyi bu/ gang gi tshe dri za'i bu gtsug phud lnga pas bcom ldan
459b6 'das la mngon par bstod pa brtsams pa dang / de nas bcom ldan 'das shAkya thub pa de dbyangs snyan rnam par snang byed tog ces bya ba'i ting nge 'dzin la snyoms par zhugs
459b7 so| |ting nge 'dzin des 'jig rten gyi khams mi mjed na gang dag rdzu 'phrul che ba'i gnod sbyin rnams dang / srin po rnams dang / lha ma yin rnams dang / nam mkha'
460a1 lding rnams dang / mi'am ci rnams dang / lto 'phye chen po rnams dang / dri za rnams dang / 'dod pa na spyod pa'i lha'i bu thams cad dang / gzugs
460a2 na spyod pa'i lha'i bu thams cad der 'dus par gyur nas/ gang dag dbyangs la dad pa de dag gis ni dbyangs thos nas rab tu dang bar gyur to/ /gang dag bsngags pa
460a3 dang snyan pa la dga' ba de dag gis ni bcom ldan 'das kyi bsngags pa thos nas bcom ldan 'das de la shin tu dga' ba dang / rab tu dang ba dang / bla mar bya ba dang
460a4 ri mor bya ba dang / gus pa skyes te rab tu dang bar gyur to/ /gang dag gling bu'i sgra la dga' ba de dag gis gling bu'i sgra thos nas rab tu dang bar gyur to/ /de nas bcom
460a5 ldan 'das shAkya thub pa ting nge 'dzin de las bzhengs te sA la'i phug gi sgor gzigs pa dang / brgya byin nye bar song ste/ bcom ldan 'das la zhus pa/ bcom
460a6 ldan 'das/ bdag gang du mchis par bgyi ba dang / de bzhin gshegs pa shAkya thub pa des bka' stsal pa/ gnod sbyin dag ji snyed lhags pa rnams 'khod cig /
460a7 de nas sA la'i phug der ji ltar gnod sbyin gang+gA'i klung bcu gnyis kyi bye ma snyed dag zhugs te 'khod pa de ltar sA la'i de phug rgya che ba 'gyur nas bcom ldan 'das
460b1 shAkya thub pa des 'khor de dag la 'di ltar chos bstan te/ ji ltar 'khor de na gang dag nyan thos kyi theg pa bdag 'khod pa de dag gis ni nyan thos kyi theg pa'i gtam thos shing
460b2 de dag las dung phyur phrag dgu dang / bye ba phrag dgus rgyun du zhugs pa'i 'bras bu thob bo/ /'khor de na bla na med pa yang dag par rdzogs pa'i byang chub kyi theg pa pa
460b3 gang yin pa de dag gis ni theg pa chen po'i gtam 'ba' bzhig thos so/ /de na dri za'i bu gtsug phud lnga pa la sogs pa khrag khrig phrag bco brgyad ni bla na med pa yang dag
460b4 par rdzogs pa'i byang chub las phyir mi ldog pa la gnas par gyur to/ /gang dag gis theg pa gsum po dag tu sems ma bskyed pa de dag las kha cig gis ni der bla
460b5 na med pa yang dag par rdzogs pa'i byang chub tu sems bskyed do/ /de dag las kha cig gis ni rang sangs rgyas kyi theg par sems bskyed do/ /kha cig gis ni nyan
460b6 thos kyi theg par sems bskyed do/ /der brgya byin kau shi ka de'ang 'jigs pa las yongs su grol zhing tshe lo stong du nur nas bla na med pa yang dag par rdzogs pa'i
460b7 byang chub las phyir mi ldog pa la gnas par gyur te/ rigs kyi bu dag /de bzhin gshegs pa shAkya thub pa de ni de lta de ltar go skabs yangs pa yin no/ /de bzhin
461a1 gshegs pa de'i dbyangs kyi dkyil 'khor yang 'di ltar rgya che ba yin te/ de bzhin gshegs pa de'i dbyangs kyi dkyil 'khor gyi mtha' ni sus
461a2 kyang tshad gzung ba'am bgrang bar mi nus so/ /de bzhin gshegs pa de'i sems can yongs su smin par mdzad pa'i thabs la mkhas pa'ang rgya che ba yin te/ de bzhin
461a3 gshegs pa de'i thabs la mkhas pa'i mtha' ni sus kyang tshad gzung bar mi nus so/ /rigs kyi bu dag /de bzhin gshegs pa de'i sku'ang rgya che ba yin te/ de'i spyi
461a4 gtsug blta ba'am sku'i mtha' ni sus kyang tshad gzung bar mi nus so/ /gal te de ltar sangs rgyas kyi zhing mi mjed de na sems can ji snyed 'dus par gyur pa 'di
461a5 dag thams cad de bzhin gshegs pa shAkya thub pa'i khong du zhugs par gyur cing de dag thams cad de na rgyu bar gyur tam/ sems can de dag de bzhin gshegs pa
461a6 da'i spu'i sgo gcig tu zhugs shing 'byung bar gyur kyang de dag gis cher na lha'i mig gis kyang de bzhin gshegs pa de'i spu'i sgo gcig gi mtha' yang bri ba'am gang
461a7 bar tshad gzung bar mi nus te/ de bzhin gshegs pa shAkya thub pa de'i sku ni de ltar rgya che ba yin no/ /rigs kyi bu dag /gzhan yang de bzhin gshegs pa shAkya thub
461b1 pa ni sangs rgyas kyi zhing rgya chen po dang ldan pa yin te/ phyogs bcu'i sangs rgyas kyi zhing gang+gA'i klung gi bye ma snyed po ji snyed pa dag 'di lta ste/ dper na/ da ltar nga'i sangs
461b2 rgyas kyi zhing mi mjed bzhin du sems can rnams kyis yongs su gang bar gyur pa'i sems can de dag thams cad sangs rgyas kyi zhing mi mjed du zhugs par gyur kyang
461b3 de dag thams cad de na rgyu bar 'gyur ro/ /de ci'i phyir zhe na/ de bzhin gshegs pa des sngon dang po bla na med pa yang dag par rdzogs pa'i byang chub tu sems
461b4 bskyed pa na smon lam de lta bu btab pa'i phyir ro/ /rigs kyi bu dag /'jig rten gyi khams gang+gA'i klung gcig gi bye ma snyed dag lta zhog gi /rigs kyi bu dag /gal te phyogs
461b5 bcu'i sangs rgyas kyi zhing gang+gA'i klung stong gi bye ma snyed po de ltar rgya che ba dag 'di lta ste/ dper na/ da ltar sangs rgyas kyi zhing mi mjed bzhin du sems can rnams kyi yongs
461b6 su gang bar gyur pa'i sems can de dag thams cad 'jig rten gyi khams mi mjed du zhugs par gyur kyang de dag thams cad de na rgyu bar 'gyur ro/ /rigs kyi bu dag /de
461b7 bzhin gshegs pa des sngon dang po sems bskyed pa na bla na med pa'i ye shes thob par bya ba'i phyir smon lam de lta bu btab pas na de bzhin gshegs pa shAkya thub pa de ni
462a1 sangs rgyas kyi zhing rgya chen po de lta bu dang ldan pa yin te/ de bzhin gshegs pa shAkya thub pa de ni ji skad smos pa'i chos bzhi po de dag gi de bzhin
462a2 gshegs pa gzhan dag las khyad par du 'phags pa yin no/ /rigs kyi bu dag /khyod kyis me tog zla ba mdog mdzes dri ma med pa 'di dag long la nub phyogs logs su
462a3 rang rang gis ji ltar mthong ba'i sangs rgyas kyi zhing mi mjed der dengs shig /nga'i tshig gis de bzhin gshegs pa shAkya thub pa de la snyun mi mnga'am thugs bde'am zhes
462a4 kyang snyun gsol cig /de nas de bzhin gshegs pa dri med gzi brjid yon tan rgyal po des me tog zla ba mdog mdzes dri ma med pa dag blangs te byang chub sems dpa'
462a5 gsang bsgrags dang / byang chub sems dpa' snang ba'i 'od zer la byin nas 'di skad ces bka' stsal to/ /rigs kyi bu dag /nga'i rdzu 'phrul gyi stobs bskyed pas khyed cag
462a6 'jig rten gyi khams mi mjed du dengs shig /de na srog chags nyi khris kyang gsol pa/ btsun pa bcom ldan 'das/ bdag cag kyang de bzhin gshegs pa'i mthus
462a7 de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed du mchi lags so/ /de bzhin
462b1 gshegs pa dri med gzi brjid yon tan rgyal pos bka' stsal pa/ rigs kyi bu dag /bsam pa ji lta ba bzhin du dengs shig /de nas de bzhin gshegs pa dri med gzi brjid
462b2 yon tan rgyal po de'i rdzu 'phrul gyi stobs kyis byang chub sems dpa' gsang bsgrags dang / snang ba'i 'od zer de gnyis byang chub sems dpa' nyi khri dang lhan cig
462b3 'grogs te 'jig rten gyi khams me tog kun tu rgyas pa nas 'phags pa dang / sems kyi skad cig gcig gis sangs rgyas kyi zhing mi mjed 'dir phyin te bya rgod kyi phung
462b4 po'i ri la so sor 'khod nas/ de dag gis bcom ldan 'das de bzhin gshegs pa shAkya thub pa ga la de logs su thal mo sbyar ba btud de gsol pa/ btsun pa bcom
462b5 ldan 'das/ 'di nas shar phyogs logs su sangs rgyas kyi zhing sa ya phrag dgu dang chig 'bum 'das pa de na 'jig rten gyi khams me tog kun tu rgyas pa zhes bgyi ba
462b6 mchis te/ de na de bzhin gshegs pa dri med gzi brjid yon tan rgyal po zhes bgyi ba bzhugs so/ /de bzhin gshegs pa de byang chub sems dpa'i 'khor gyi tshogs
462b7 la de bzhin gshegs pa'i yon tan gyi bsngags pa sgrogs shing 'di skad du sangs rgyas kyi zhing mi mjed na de bzhin gshegs pa shAkya thub pa zhes bya ba bzhugs te 'tsho
463a1 zhing gzhes so/ /de bzhin gshegs pa de sngon byang chub sems dpar gyur cing byang chub sems dpa'i spyad pa spyod pa na/ des nga thams
463a2 cad kyi dang por bla na med pa yang dag par rdzogs pa'i byang chub yang dag par 'dzin du bcug cing bzhag ste rab tu gnas par byas so/ /de'i tshig gis ngas bla na
463a3 med pa yang dag par rdzogs pa'i byang chub tu sems bskyed do/ /de bzhin gshegs pa des nga dang po sbyin pa'i pha rol tu phyin pa la bzhag pa nas/ de bzhin gshegs
463a4 pa shAkya thub pa de ni chos bzhi po de dag gis khyad par du 'phags pa yin no zhes ji skad sngar smos pa'i bar dag de skad du gsungs te/ 'di ltar de bzhin gshegs
463a5 pa des me tog zla ba mdog mdzes dri ma med pa 'di dag kyang bskur zhing bcom ldan 'das la snyun mi mnga'am/ thugs bde'am zhes kyang snyun gsol lags so/ /de
463a6 bzhin du sangs rgyas kyi zhing mngon par dga' ba na de bzhin gshegs pa mi 'khrugs pa'i gdan yang g.yos shing byang chub sems dpa' gang dag der 'dus par
463a7 gyur pa de dag gis de bzhin gshegs pa mi 'khrugs pa'i gdan g.yos par mthong ste/ yongs su zhus pa nas de bzhin du sbyar te/ ji skad sngar smos pa'i bar de
463b1 dag thams cad kyang brjod par bya'o/ /de'i tshe na shar phyogs logs nas de bzhin gshegs pa'i pho nya byang chub sems dpa' dpag tu med grangs med pa dag de bzhin
463b2 gshegs pa shAkya thub pa la yongs su zhu ba dang / mchod pa bya ba dang / phyag bya ba dang / bsnyen bkur bya ba dang / chos mnyan pa'i phyir me tog zla ba mdog mdzes dri ma med
463b3 pa dag thogs te sangs rgyas kyi zhing mi mjed 'dir lhags so/ /bcom ldan 'das kyis shar phyogs kyi sangs rgyas bcom ldan 'das rnams kyi mtshan dang / sangs rgyas
463b4 kyi zhing yongs su bsgrags pa dag mthar phyin ma thag tu'ang bcom ldan 'das kyis lho phyogs logs kyi yongs su bsgrags pa brtsams te/ rigs kyi bu/ ngas sangs rgyas
463b5 kyi zhing 'di nas lho phyogs logs su sangs rgyas kyi zhing gang+gA'i klung gcig gi bye ma snyed 'das pa de na 'jig rten gyi khams mya ngan thams cad dang bral ba zhes bya ba zhig yod pa
463b6 de na de bzhin gshegs pa mya ngan med pa'i dpal zhes bya ba da ltar bzhugs te 'tsho zhing gzhes la chos kyang ston pa gzigs te/ bcom ldan 'das de'ang sngon byang chub
463b7 sems dpa'i spyad pa spyod pa na ngas thams cad kyi dang por bla na med pa yang dag par rdzogs pa'i byang chub yang dag par 'dzin du bcug pa nas ji skad sngar smon pa'i bar
464a1 dag bzhin no/ /de bzhin du sangs rgyas kyi zhing dzam+bu'i 'od ces bya ba na de bzhin gshegs pa chos kyi dbang phyug rnam sgrogs zhes bya ba dang / sangs
464a2 rgyas kyi zhing lhun po rab gnas zhes bya ba na de bzhin gshegs pa 'gro ba'i dbang phyug sA la'i dbang po zhes bya ba dang / sangs rgyas kyi zhing yon tan dbang po'i ba gam zhes
464a3 bya ba na de bzhin gshegs pa seng+ge bsgyings pa'i rgyal po zhes bya ba dang / sangs rgyas kyi zhing nor bu gzhir bkod ces bya ba na de bzhin gshegs pa sred med kyi bus rnam par
464a4 rgyal ba'i snying po zhes bya ba dang / sangs rgyas kyi zhing 'od 'gyed yang dag bsags zhes bya ba na de bzhin gshegs pa yon tan bsgyings pa yang dag bsags zhes bya ba
464a5 dang / sangs rgyas kyi zhing lha'i zla ba zhes bya ba na de bzhin gshegs pa skar ma'i snying po zhes bya ba dang / sangs rgyas kyi zhing tsan+dan gyi rtsa ba zhes bya ba na de bzhin gshegs
464a6 pa rgyu skar chog grags pa zhes bya ba dang / sangs rgyas kyi zhing dri mchog ces bya ba na de bzhin gshegs pa bsod nams stobs sA la'i rgyal po zhes bya ba dang / sangs
464a7 rgyas kyi zhing shin tu rtog pa zhes bya ba na de bzhin gshegs pa yid du 'ong ba'i sgra dbyangs rnam par bsgrags pa zhes bya ba dang / sangs rgyas kyi zhing rtsod med ces bya
464b1 bya ba na de bzhin gshegs pa sA la'i thig pa'i rgyal po zhes bya ba dang / sangs rgyas kyi zhing zla bsgrags zhes bya ba na de bzhin gshegs pa gzi brjid dbang phyug 'od ces
464b2 bya ba dang / sangs rgyas kyi zhing mngon par sgrogs pa zhes bya ba na de bzhin gshegs pa sgra dbyangs yid du 'ong ba zhes bya ba dang / sangs rgyas kyi zhing rin chen khyu mchog
464b3 ces bya ba na de bzhin gshegs pa klu dbang rin chen ngos zhes bya ba dang / sangs rgyas kyi zhing rin chen ljon shing 'bras bu dpag med rin po che zhes bya ba na de bzhin gshegs
464b4 pa chos sprin sgra dbyangs dbang phyug zla ba zhes bya ba dang / de bzhin du lho phyogs logs kyi sangs rgyas bcom ldan 'das dpag tu med grangs med pa dag gi gdan dag
464b5 g.yos shing / sangs rgyas bcom ldan 'das de dag thams cad de bzhin gshegs pa shAkya thub pa'i bsngags pa dang / snyan pa dang / grags pa brjod par mdzad pa da
464b6 de'i tshe na lho phyogs logs na de bzhin gshegs pa'i pha nya byang chub sems dpa' dpag tu med grangs med pa'i dag kyang de bzhin gshegs pa shAkya thub pa la yongs su zhu
464b7 dang / chos mnyan pa'i bar gyi phyir me tog zla ba mdog mdzes dri ma med pa dag thogs te/ sangs rgyas kyi zhing mi mjed 'dir lhags pa'i bar du ji skad sngar smos pa bzhin
465a1 du sbyar ro/ /yang bcom ldan 'das kyis bka' stsal pa/ rigs kyi bu/ ngas sangs rgyas kyi zhing 'di nas nub phyogs logs su sangs rgyas kyi zhing
465a2 khrag khrig 'bum phrag dgu bcu rtsa bdun 'das pa de na sangs rgyas kyi zhing blo gros nye bar zhi ba zhes bya ba zhig yod pa de na de bzhin gshegs pa rin chen ri bo zhes bya ba
465a3 bzhugs te 'tsho zhing gzhes la chos kyang ston par gzigs te/ bcom ldan 'das/ de'ang nga sngon byang chub sems dpar gyur cing spyad pa spyod pa na ngas thams cad
465a4 kyi dang por bla na med pa yang dag par rdzogs pa'i byang chub yang dag par 'dzin du bcug pa nas ji skad sngar smos pa'i bar dag bzhin no/ /sangs rgyas kyi zhing rnams
465a5 kyang de bzhin du sbyar te/ de bzhin gshegs pa 'od zer mchog gi mdzod ces bya ba dang / de bzhin gshegs pa dbyangs mkhyen mdzod ces bya ba dang / pa bla grags pa
465a6 dang / kun tu snying po dang / tshangs pa'i me tog dang / sku mchog rnam par gnon dang / chos kyi shugs kyi sgron ma dang / lhun po phrag med pa sgra dbyangs rnam par
465a7 grags pa'i rgyal po dang / tshangs pa'i dbang po dbyangs dang / de bzhin du nub phyogs logs kyi sangs rgyas bcom ldan 'das dpag tu med grangs med pa gang dag gi
465b1 mtshan dag de bzhin gshegs pa shAkya thub pas yongs su bsgrags pa de dag gi gdan dag g.yos shing / de'i tshe na nub phyogs logs nas sangs rgyas kyi pho nya byang chub sems
465b2 dpa' dpag tu med grangs med pa dag chos mnyan pa'i bar gyi phyir me tog zla ba mdog mdzes dri ma med pa dag thogs te/ sangs rgyas kyi zhing mi mjed 'dir lhags shing
465b3 'khod pa'i bar du ji skad sngar smos pa bzhin du sbyar ro/ /de bzhin du byang phyogs dang / de bzhin du steng dang / de bzhin du 'og dang / de bzhin du shar lho dang / de bzhin du
465b4 lho nub dang / de bzhin du nub byang dang / de bzhin du byang shar gyi phyogs rnams su'ang snga ma bzhin du sbyar te brjod par bya'o/ /yang bcom ldan 'das shAkya thub pas bka'
465b5 stsal pa/ rigs kyi bu/ ngas sangs rgyas kyi zhing 'di nas byang shar gyi phyogs logs su sangs rgyas kyi zhing bye ba khrag khrig 'bum phrag dgu bcu rtsa brgyad 'das pa de na sangs
465b6 rgyas kyi zhing rnam par rgyal ba zhes bya ba zhig yod pa de na de bzhin gshegs pa gdung bral mngon par 'phags pa rnam thos kyi bu sA la'i rgyal po zhes bya ba bzhugs te/ de
465b7 bzhin gshegs pa de'ang nga sngon byang chub sems dpar gyur cing / byang chub sems dpa'i spyad pa spyod pa na ngas thams cad kyi dang por bla na med pa yang dag par rdzogs pa'i
466a1 byang chub dang / pha rol tu phyin pa drug gi bar dag yang dag par 'dzin du bcug pa nas/ thams cad kyi dang por sangs rgyas bcom ldan 'das
466a2 bzhugs te 'tsho zhing gzhes pa dag gi thad du phul nas der dang por bla na med pa yang dag par rdzogs pa'i byang chub tu lung bstan pa thob bo/ /gang gi tshe de'i mtshan yongs
466a3 su bsgrags pa de'i tshe gdan g.yos pa nas kha dog dang / dbyibs dang / dad pa dang / gzugs dang / sgra skad brgyad khri bzhi stong gi bar dang ldan pa'i sems can rnams kyis
466a4 kyang de bzhin gshegs pa shAkya thub pa de bzhin du mthong zhing chos kyang thos so zhes bya ba'i bar du ji skad sngar smos pa bzhin du sbyar ro/ /'khor de na byang chub sems dpa'
466a5 gnyis la gcig 'khrugs med rtse mo zhes bya ba dang / gcig shos ni sangs rgyas yang dag 'dod ces bya ba zhig yod de/ de bzhin gshegs pa gdung bral mngon par 'phags
466a6 pa rnam thos kyi bu snga la'i rgyal po des byang chub sems dpa' de gnyis bos te 'di skad ces bka' stsal to/ rigs kyi bu dang / khyed cag sangs rgyas kyi zhing mi mjed du
466a7 de nga la nga'i tshig gis de bzhin gshegs pa shAkya thub pa la snyun mi mnga'am/ thugs 'dod bde ba 'jog pa la gnas sam zhes snyun gsol cig /de gnyis kyis
466b1 gsol ba/ btsun pa bcom ldan 'das/ bdag cag gis thams cad dang ldan pa'i sangs rgyas kyi zhing mi mjed kyi sa dang nam mkha' thams cad yang dag par rjes su mthong
466b2 ste/ de na sa dang nam mkha' la sems can 'ga' tsam gyi go skabs kyang ma mchis na/ bdag cag gang du gnas par bgyi lags/ de bzhin gshegs pa des bka' stsal pa/ rigs
466b3 kyi bu dag /sangs rgyas kyi zhing mi mjed na go skabs med do zhes de skad ma zer cig /de ci'i phyir zhe na/ rigs kyi bu dag /de bzhin gshegs pa shAkya thub pa de ni sangs rgyas kyi yon
466b4 tan bsam gyis mi khyab pa dag gis go skabs yangs pa yin te/ sngon gyi smon lam gyis gsum la skyabs su 'gro ba dang / theg pa gsum gyi chos bstan pa las brtsams te chos
466b5 ston par mdzad pa dang / bslab pa gsum gyi sdom pa ston par mdzad pa dang / rnam par thar pa'i sgo gsum po dag ston par mdzad pa dang / sems can rnams ngan song
466b6 gsum po dag las 'dren par mdzad pa dang / zhi ba'i lam gsum po dag la rab tu 'god par mdzad pa'i phyir de bzhin gshegs pa de'i thugs rje dang bstan pa la 'jug pa
466b7 ni yangs pa yin no/ /rigs kyi bu dag /de bzhin gshegs pa shAkya thub pa de mngon par rdzogs par sangs rgyas nas ring po ma lon pa'i dus shig na/ 'dul ba'i sems
467a1 can la gzigs shing ri brag mi mnyam pa'i dbus na gnod sbyin dbang po'i mi gces bya ba'i gnas shing sA la'i phug na rnam par grol ba'i
467a2 dga' ba dang / bde ba nyams su myong zhing skyil mo krung gcig gi zhag bdun 'da' bar mdzad cing bzhugs pa na de bzhin gshegs pa'i skus sA la'i phug thams
467a3 cad khyab par gyur te/ de na gang du de bzhin gshegs pa'i skus khyab par ma gyur pa'i go skabs ni tha na sor bzhi tsam gyi gtos kyang med do/ /zhag bdun po de 'das
467a4 pa dang / phyogs bcu nas byang chub sems dpa' sems dpa' chen po khrag khrig phrag bcu gnyis de bzhin gshegs pa shAkya thub pa de la phyag bya ba dang / bsnyen bkur
467a5 bya ba dang / chos mnyan pa'i phyir 'jig rten gyi khams mi mjed kyi ri de gang yin pa de logs su mngon du phyogs te 'khod pa dang zhes bya ba nas de bzhin gshegs pa shAkya
467a6 thub pa de ni ji skad smros pa'i chos bzhi po de dag gis de bzhin gshegs pa gzhan dag las khyad par du 'phags pa yin no zhes bya ba'i bar du ji skad sngar smos pa
467a7 bzhin te/ rigs kyi bu dag /khyed kyis me tog zla ba mdog mdzes dri ma med pa 'di dag long la/ lho nub kyi phyogs logs su rang rang gis ji ltar mthong ba'i sangs
467b1 rgyas kyi zhing mi mjed der dengs shig /nga'i tshig gis de bzhin gshegs pa shAkya thub pa de la snyun mi mnga'am/ thugs bde'am zhes kyang snyun gsol cig /de nas de bzhin
467b2 gshegs pa gdung bral mngon par 'phags pa rnam thos kyi bu sA la'i rgyal po des me tog zla ba mdog mdzes dri ma med pa dag blangs te/ byang chub sems dpa' 'khrug
467b3 med rtse mo dang / byang chub sems dpa' sangs rgyas yang dag 'dod la byin nas 'di skad ces bka' stsal to/ /rigs kyi bu dag /nga'i rdzu 'phrul gyi stobs bskyed pas khyed
467b4 cag 'jig rten gyi khams mi mjed du dengs shig /de na srog chags nyi khris kyang gsol pa/ btsun pa bcom ldan 'das/ bdag cag kyang de bzhin gshegs pa'i mthus
467b5 de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du 'jig rten gyi khams mi mjed du mchis lags so/ /de bzhin
467b6 gshegs pa des bka' stsal pa/ rigs kyi bu dag /bsam pa ji lta ba bzhin du dengs shig /de nas de bzhin gshegs pa de'i mthus byang chub sems dpa' de gnyis
467b7 byang chub sems dpa' nyi khri dang lhan cig 'grogs te sangs rgyas kyi zhing rnam par rgyal ba de nas 'phags pa dang / sems kyi skad cig gcig gis sangs rgyas kyi
468a1 zhing mi mjed 'dir phyin te bya rgod phung po'i ri la so sor 'khod do/ /'khod nas kyang de dag gis bcom ldan 'das de bzhin gshegs pa
468a2 shAkya thub pa ga la ba de logs su thal mo sbyar ba btud de gsol pa/ btsun pa bcom ldan 'das/ 'di nas byang shar gyi phyogs logs su zhes bya ba nas de bzhin
468a3 gshegs pa des me tog zla ba mdog mdzes dri ma med pa 'di dag kyang bskur zhing / bcom ldan 'das la snyun mi mnga' 'am/ thugs bde'am zhes kyang snyun gsol
468a4 lags so zhes bya ba'i bar du ji skad sngar smos pa bzhin du sbyar ro/ /de bzhin du de bzhin gshegs pa bdud kyi gnas rnam par 'joms pa'i gdan yang g.yos
468a5 te/ byang chub sems dpa' gang dag der 'dus par gyur pa de dag gis de bzhin gshegs pa bdud kyi gnas rnam par 'joms pa'i gdan g.yos pa mthong ste/ de
468a6 bzhin gshegs pa de la yongs su zhus pa nas ji skad sngar smos pa'i bar dag bzhin no/ /de bzhin du de'i tshe na de bzhin gshegs pa sA la'i dbang po'i rgyal po
468a7 dang / rnam par gnon pa chen po'i 'od zer dang / pad+ma dam pa dang / tsan+dan dang / lhun po'i rgyal po dang / rgya mtsho dang / skar ma'i snying po dang / rnam par gnon pa'i ye
468b1 shes dang / byang shar gyi phyogs kyi de bzhin gshegs pa dpag tu med pa'i bar dag gis byang chub sems dpa' de dag kyang de bzhin gshegs pa shAkya thub pa la
468b2 yongs su zhu ba dang / mchod pa bya ba dang / phyag bya ba dang / bsnyen bkur bya ba dang / chos mnyan pa'i phyir me tog zla ba mdog mdzes dri ma med pa dag thogs te sangs rgyas kyi
468b3 zhing mi mjed 'dir lhag pa dang / de'i mod la de bzhin gshegs pa shAkya thub pa'i rdzu 'phrul gyi mthus sems can gang dag sangs rgyas kyi zhing mi mjed du 'dus pa de
468b4 dag thams cad kyi sems can re re'i lus kyang dpag tshad kyi tshad tsam du gyur nas sangs rgyas kyi zhing mi mdzed thams cad de lta bu'i sems can dag gis kyang khyab par gyur to/ /
468b5 sangs rgyas kyi zhing 'di'i sa dang nam mkha' thams cad sems can de dag gis khyab par gyur te/ gang du sems can dag gis khyab par ma gyur pa go skabs ni tha
468b6 na mig sman gyi thur ma gzugs pa'i gtos tsam yang med do/ /sems can de dag thams cad kyis kyang de bzhin gshegs pa shAkya thub pa mthong ba ma gtogs par nam
468b7 mkha' stong pa mthong du zad kyi gcig gis gcig ma mthong ngo / /de dag gi mig gi lam du ri rab dang / khor yug dang / khor yug chen po dang / ri rnams kyang snang bar ma
469a1 gyur to/ /'jig rten gyi bar dag kyang mi snang / lha'i gzhal med khang rnams kyang mi snang ste/ 'og tu gser gyi 'khor lo la thug pa'i bar dang /
469a2 de'i steng gi sa gzhi'ang mig lam du snang bar ma gyur to/ /de nas bcom ldan 'das ting nge 'dzin nam mkha' khyab chos sel shin tu sbyangs pa zhes bya ba la snyoms par zhugs pa
469a3 dang / des me tog zla ba mdog mdzes dri ma med pa de dag kyang bcom ldan 'das kyi spu'i sgo thams cad du zhugs te/ gang dag 'jig rten gyi khams mi mjed kyi khongs
469a4 su chud par gyur pa'i sems can de dag thams cad kyis kyang mthong ngo / /sems can de dag gi sems las byung ba dag kyang gzugs la kun tu lta ba'i yid la
469a5 byed pa dang bral zhing de dag bcom ldan 'das kyi spu'i sgo 'ba' zhig tu nges par rtogs te/ der yang 'di lta ste/ dper na/ 'jig rten gyi khyams bde ba can gyi skyed mos
469a6 tshal lta bur rin po che'i shing ljon pa sna tshogs dang / lo ma sna tshogs dang / me tog sna tshogs dang / 'bras bu sna tshogs kyis gang ba'i skyed mos tshal dag mthong ngo / /shing ljon
469a7 pa bcos bu sna tshogs dang / gos sna tshogs dang / gdugs dang / rgyal mtshan dang / ba dan dang / dpung rgyan dang / mu tig gi chun po sna tshogs kyis brgyan pa de
469b1 dag mthong ba dang / sems can de dag 'di snyam du sems te/ bdag cag skyed mos tshal de ltar 'dong ngo snyam nas/ gang dag 'jig rten gyi khams mi mjed kyi khongs su chud par
469b2 gyur pa'i sems can de dag thams cad las sems can dmyal ba pa rnams dang / gshin rje'i 'jig rten pa rnams dang / dud 'gro'i skye gnas pa rnams dang / gzugs
469b3 med pa na spyod pa rnams ma gtogs par sems can lhag ma thams cad de bzhin gshegs pa de'i spu'i sgo dag nas de bzhin gshegs pa'i sku'i nang du zhugs par gyur to//
469b4 de nas bcom ldan 'das kyis rdzu 'phrul de dag slar bsdus te bzhengs pa dang / de nas sems can de dag gcig gis gcig mthong nas smras pa/ de bzhin gshegs pa shAkya
469b5 thub pa ga la bzhugs/ byang chub sems dpa' byams pas smras pa/ kye sems can dag /bdag cag thams cad de bzhin gshegs pa'i sku'i khong par zhugs par
469b6 shes bzhin gyis soms shig /de nas sems can de dag gis de bzhin gshegs pa'i sku phyi nang bcas par mthong zhing ji ltar bdag cag de bzhin gshegs pa'i
469b7 sku'i khong par zhugs te 'dug par gyur pa rang rang gi mngon sum du gyur nas de dag 'di snyam du sems te/ bdag cag gang nas de bzhin gshegs pa'i sku'i khong par zhugs
470a1 shing sus 'dir bcug snyam mo/ /de nas byang chub sems dpa' byams pas thams cad dang ldan pa'i 'khor rnams la sgras mngon par go bar
470a2 byas te smras pa/ khyed cag nyon cig /'di ni de bzhin gshegs pa'i rdzu 'phrul dang / rnam par 'phrul ba'i cho 'phrul yin te/ gang gi phyir bdag cag la phan par
470a3 mdzad pa'i ston pas chos ston par mdzad kyi/ de'i phyir khyed cag sems can thams cad kyis soms shig /de nas thams cad dang ldan pa'i 'khor rnams kyis
470a4 thal mo sbyar ba btang ba dang / bcom ldan 'das kyis bde ba spyod pa'i chos thams cad bstan to/ /de la bde ba spyod pa'i chos thams cad gang zhe na/ 'di lta ste/ 'khor ba'i
470a5 'dam las bsgral ba dang / 'phags pa'i lam yan lag brgyad pa la gzud pa dang / thams cad mkhyen pa nyid la gzud pa dang / thams cad mkhyen pa nyid kyi rang
470a6 byung gi ye shes yongs su rdzogs par bya'o/ /de la bsam gtan la gzud pa'i sems bskyed pa yongs su bsngo ba rnam pa bcu ste/ 'di lta ste/ phan pa'i dngos
470a7 po yang dag par bskyed pa'i phyir sems can thams cad la snying rje chen po'i sems kyis gnas pa dang / sems can ma brgal ba brnams bsgral ba'i phyir gru chen
470b1 pa yang dag par bsgrub pa dang / yod pa ma yin pa'i phyin ci log las yongs su thar par bya ba'i phyir ma grol ba dgral ba'i go cha dang / chos la bdag med par so sor
470b2 brtag pa'i phyir seng+ge'i sgra chen pos mi sgra pa'i go cha dang / chos thams cad sgyu ma dang / rmi lam dang / mi g.yor lta bur rtogs pa'i phyir 'jig rten gyi khams thams
470b3 cad du 'gro ba'i go cha dang / tshul khrims kyi phung po yongs su dag pa la gnas pa'i phyir 'jig rten gyi khams thams cad snang bas brgyan par byed pa'i go cha dang / pha
470b4 rol tu phyin pa thams cad yongs su rdzogs pa'i phyir de bzhin gshegs pa'i stobs bcu yongs su sgrub pa'i go cha dang / ji skad smras pa de bzhin du byed pa'i phyir mi
470b5 'jigs pa bzhi thob pa'i go cha dang / byang chub sems dpa' rnams kyi ji ltar thos pa'i chos bsgrub pa'i phyir sangs rgyas kyi chos ma 'dres pa bco brgyad kyi bar dag ma
470b6 lus par thob pa'i go cha dang / spros pa med pa ste/ de dag ni bde ba spyod pa'i chos thams cad la gzud pa rnam pa bcu'o/ /mtshan nyid med pa'i sgo yongs su shes pa
470b7 rtogs pa'i spyod pa dang / chos thams cad bdag med par yid la byed pa dang / sems skyes ba med pa dang / 'gag pa med par rtogs pa gang yin pa ni phyir mi ldog pa'i sa
471a1 yin te/ de la ni 'jug pa dang / ldog pa chad cing rtag pa med pa dang / gdeg pa med pa dang / gzhag pa med pa yin no/ /chos kyi rnam grangs 'di
471a2 bshad pa na de bzhin gshegs pa'i sku'i khong par zhugs pa'i sems can gang+gA'i klung dud phyur phrag brgyad kyi bye ma snyed bla na med pa yang dag par rdzogs pa'i byang chub las
471a3 phyir mi ldog par gyur to/ /der byang chub sems dpa' sems dpa' chen po bgrang ba las yang dag par 'das pa snyed po de dag gis ni gzungs dang bzod pa rnam pa sna
471a4 tshogs thob par gyur nas/ thams cad de bzhin gshegs pa'i sku'i spu'i sgo dag nas phyir thon pa dang ngo mtshar du gyur nas/ bcom ldan 'das kyi zhabs la mgo bos
471a5 phyag 'tshal te/ de bzhin gshegs pa'i dbyangs kyi dkyil 'khor dang / sku'i tshad brtag pa'i phyir phyogs bcur rang rang gi sangs rgyas kyi zhing dag tu dong ngo / /de
471a6 na byang chub sems dpa' gang dag shar phyogs logs su dong ba dang / shar phyogs logs su sangs rgyas kyi zhing dpag tu med grangs med pa dag 'das kyang de bzhin
471a7 gshegs pa shAkya thub pa'i dbyangs kyi dkyil 'khor ni nyams pa med cing der yang tshig dang / don dang / yig 'bru rnam pa sna tshogs kyi sgra dag de bzhin du thos te/
471b1 ji ltar de bzhin gshegs pa shAkya thub pa'i spyan snga na 'dug pa'i chos thos pa de bzhin du de'i chos thos so/ /gzhan yang de na de bzhin gshegs pa shAkya thub pa'i sku'ang skye
471b2 ba'am bri bar mi mngon zhing de bzhin gshegs pa shAkya thub pa'i sku byang chub sems dpa' dang nyan thos dag gis khyab par snang ste/ de bzhin gshegs pa shAkya thub pa'i spu'i
471b3 sgo gcig na'ang byang chub sems dpa' dang / nyan thos dpag tu med grangs med pa dag 'jug cing 'byung bar snang ngo / /de bzhin du spu'i sgo gnyis pa nas spu'i sgo thams cad kyi
471b4 bar dag tu'ang 'jug cing 'byung bar snang ste/ phyogs bcu'i bar du'ang de bzhin du brjod par bya'o/ /thams cad dang ldan pa'i 'khor ji snyed bcom ldan 'das kyi sku'i khong par
471b5 zhugs par gyur pa de dag kyang bcom ldan 'das kyi sku'i spu'i sgo dag nas phyir 'thon nas bcom ldan 'das kyi zhabs la mgo bos phyag 'tshal de/ bcom ldan 'das la lan gsum
471b6 bskor ba byas nas bcom ldan 'das la don dang / tshig dang / yi ge dang / 'bru dang / sgra dang / brjod pa sna tshogs dag gis bstod cing bcom ldan 'das kyi spyan snga na
471b7 'khod do/ /de nas de'i mod la 'dod pa na spyod pa dang / gzugs na spyod pa'i lha'i bu rnams kyis spos dang / me tog phreng ba dang / byug pa sna tshogs kyi char dag rab tu phab ste/
472a1 lha'i sil snyan dag kyang rab tu gsil nas lha'i gdugs dang / rgyal mtshan dang / ba dan dang / na bza' dang / ras bcos bu dang / rgyan dag
472a2 gis bcom ldan 'das la mchod pa bya ba'i phyir brtson par gyur to/ /de na byang chub sems dpa' 'jigs med yang dag 'dren ces bya ba des bcom ldan 'das ga la ba de logs
472a3 su thal mo sbyar ba btud de bcom ldan 'das la 'di skad ces gsol to/ /btsun pa bcom ldan 'das/ lung bstan pa chen po'i mdo sde 'di'i ming ci lags/ bcom
472a4 ldan 'das kyis bka' stsal ba/ thams cad mkhyen pa nyid kyi rnam pa la 'jug pa'i gzungs kyi sgo zhes bya ba dang / sangs rgyas mang po pa zhes bya ba dang / mang po 'dus
472a5 pa zhes bya ba dang / byang chub sems dpa' lung bstan pa zhes bya ba dang / mi 'jigs pa'i lam du sgrol ba zhes bya ba dang / ting nge 'dzin gyi rtog pa la 'jug pa zhes bya
472a6 ba dang / sangs rgyas kyi zhing kun tu ston pa zhes bya ba dang / rgya mtsho lta bu zhes bya ba dang / bgrang ba las yang dag par 'das pa zhes bya ba dang / snying rje pad+ma dkar po zhes
472a7 kyang bya'o/ /yang gsol pa/ btsun pa bcom ldan 'das/ rigs kyi bu'am/ rigs kyi bu mo gang chos kyi rnam grangs 'di nyan pa dang / 'dzin pa dang / 'chang ba dang
472b1 klog pa dang / gzhan dag la'ang tha na tshigs su bcad pa gcig tsam yang rgya cher yang dag par ston par bgyid pa de bsod nams ji snyed cig bskyed par 'gyur lags/
472b2 bka' stsal pa/ ngas de'i bsod nams sngar yang smras te/ de yang mdor bsdus te brjod par bya'o/ /gang la la zhig chos kyi rnam grangs 'di nyan pa dang / 'dzin pa dang /
472b3 'chang ba dang / klog pa dang / gzhan dag la'ang tha na tshigs su bcad pa gcig tsam rgya cher yang dag par ston par byed pa dang / gang yang ma 'ongs pa'i dus lnga brgya
472b4 pa tha ma na tha na bris te 'chang bar byed na de bsod nams ches mang du bskyed par 'gyur gyi/ byang chub sems dpa' gang dag bskal pa chen po chen bcu'i bar du pha rol tu phyin
472b5 pa drug la spyod pa'i bsod nams kyi phung po ni de lta ma yin no/ /de ci'i phyir zhe na/ lha dang bcas pa dang / bdud dang bcas pa dang / tshangs pa dang bcas pa dang / dge
472b6 sbyong dang bram ze'i skye dgu dang bcas pa dang / gnod sbyin dang / klu dang / dri za dang / grul bum dang / yi dwags dang / sha za dang / mi'am ci dang / lha ma yin rnams dang
472b7 bcas pa'i 'jig rten gyi sdang ba'i sems rab tu dang bar bya ba dang / nad thams cad rab tu zhi bar bya ba dang / 'thab mo dang / 'thab pa dang / rtsod pa dang / 'gyed pa thams cad nye
473a1 bar zhi bar bya ba dang / dus ma yin pa'i rlung dang / dus ma yin pa'i char pa dang / 'chi ba dang / nad thams cad rab tu zhi bar bya ba dang / mu ge thams
473a2 cad rab tu zhi bar bya ba dang / bde bar bya ba dang / lo legs par bya ba dang / nad med pa tshogs par bya ba dang / skrag pa rnams 'jigs pa med pa cing bde bar bya ba dang /
473a3 nyon mongs pa nye bar zhi bar bya ba dang / dge ba'i rtsa ba rnam par 'phel bar bya ba dang / ngan song gsum gyi sdug bsngal las thar par bya ba dang / theg pa gsum po
473a4 dag gi lam yang dag par bstan par bya ba dang / ting nge 'dzin dang / gzungs dang / bzod pa thob par bya ba dang / sems can thams cad nye bar 'tsho bar bya ba dang / rdo rje'i
473a5 gdan la 'dug par bya ba dang / bdud bzhi gzhom par bya ba dang / byang chub kyi phyogs mngon par rdzogs par 'tshang rgya bar bya ba dang / chos kyi 'khor lo bskor bar bya ba
473a6 dang / 'phags pa'i nor bdun dang bral ba'i sems can rnams byang chub kyi phyogs dang ldan par bya ba dang / 'khor mang por bya ba dang / mi 'jigs pa'i grong khyer gyi
473a7 gnas su 'jug par bya ba'i phyir ngas chos kyi rnam grangs 'di bshad pa'i phyir ro/ /ngas chos kyi rnam grangs 'di su'i lag tu gtad pa dang / su zhig lnga brgya tha ma la nga'i
473b1 chos kyi rnam grangs 'di bsrung bar 'gyur zhing / chos ma yin pa lhur len pa'i sems can rnams dang / tshul khrims nyams pa'i dge slong rnams kyi rna lam du sgrogs par
473b2 'gyur/ chos ma yin pa la chags pas chags par gyur pa rnams dang / 'dod pa mi bzad pas zil gyis non pa rnams dang / chos log pas yongs su dkris pa rnams dang / sems
473b3 can yongs su ma smin pa rnams kun tu skyo ba med par 'gyur zhig gu snyam du dgongs pa dang / thams cad dang ldan pa'i 'khor des bcom ldan 'das kyi thugs kyi yongs su rtog
473b4 pa sems kyis shes nas 'khor de na gnod sbyin gyi drang srong bsod nams lhun po zhes bya ba zhig kyang 'dug go/ /de nas byang chub sems dpa' sems dpa' chen po byams
473b5 pas gnod sbyin gyi drang srong bsod nams lhun po de khrid nas bcom ldan 'das kyi thad du phul ba dang / bcom ldan 'das kyis bka' stsal ba/ drang srong chen po khyod kyis chos
473b6 kyi rnam grangs 'di gzung la/ lnga brgya pa tha ma la phyir mi ldog pa'i byang chub sems dpa' yul gzhan du song ba'i bar dag gi rna lam du sgrogs shig /de dag kyang phyir mi ldog pa'i
473b7 sems bskyed du chug cig /gsol ba/ btsun pa bcom ldan 'das/ de bzhin du bgyi ste/ btsun pa bcom ldan 'das/ bdag smon lam gyis bskal ba chen po brgyad cu rtsa
474a1 bzhi 'das pa nas gnod sbyin gyi drang srong gis bla na med pa yang dag par rdzogs pa'i byang chub kyi spyad pa spyod pa na/ bdag gis sems can bgrang
474a2 ba las yang dag par 'das pa dag tshangs pa'i gnas pa bzhi po dag la rab tu bkod cing phyir mi ldog pa'i sa la'ang rab tu bkod lags te/ bdag gis sems can
474a3 gang dag lnga brgya pa tha ma la chos kyi rnam grangs 'di 'dzin par bgyid pa dang / gang dag 'di las tshig bzhi pa'i tshigs su bcad pa tsam gyi bar dag 'dzin par bgyid pa de
474a4 dag kyang bdag nyid kyis yongs su smin par bgyi lags so/ /bcom ldan 'das kyis de skad ces bka' stsal nas/ thams cad dang ldan pa'i 'khor de dang / lha dang
474a5 mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa snying rje pad+ma dkar po
474a6 zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / su ren+d+ra bo d+hi dang / pradz+nyA barma dang / zhu chen gyi lo tsA ba ban+de
474a7 ye shes sde la sogs pas bsgyur cing zhus te gtan la phab pa// //
CLOSE WINDOW