བོད་ཡིག |
86a2 /stong phrag bcu gnyis pa'i rgyan stug po las/ ji snyed pa'i mdo rdzogs so// //rgya gar skad du/ Ar+ya mahA ka ru NA
86a3 puN+Da rI ka nA ma mahA yA na sU tra/ bod skad du/ 'phags pa snying rje chen po'i pad+ma dkar po zhes bya ba theg pa chen po'i mdo/ bam po dang po/ sangs rgyas dang byang chub sems
86a4 thams cad la phyag 'tshal lo/ /'di skad bdag gis thos pa dus gcig na/ bcom ldan 'das ku sha'i grong khyer na gyad rnams nye bar gnas pa shing sA la'i tshal
86a5 na bzhugs so/ /de nas bcom ldan 'das yongs su mya ngan las 'da' ba'i dus kyi tshe tshe dang ldan pa kun dga' bo la bka' stsal pa/ kun dga' bo/ /de bzhin gshegs
86a6 pa do nub kyi nam gyi thun tha ma la yongs su mya ngan las 'das nas/ khyod kyis shing sA la zung gi bar du de bzhin gshegs pa seng ge ltar glo g.yas pas mnal
86a7 ba'i gzims mal chos shig /kun dga' bo/ 'dus byas su brtags pa thams cad legs par bcom pa'i shin tu yongs su mya ngan las 'da' bas nga yongs
86b1 su mya ngan las 'da'o/ /kun dga' bo/ ngas sangs rgyas kyi bya ba ni byas/ ngas gnas med pa'i chos zhi ba/ rab tu zhi ba/ mchog gya nom pa zab pa/ mthong bar dka'
86b2 ba/ khong du chud par dka' ba/ rtag mi nus pa/ ma brtags pa/ rtog ge'i spyod yul ma yin pa/ mkhas pa dang mdzangs pas rig pa/ phul du phyin par 'phags pa'i
86b3 bdud rtsi ni bstan/ kun dga' bo/ ngas chos kyi 'khor lo bla na med pa dge sbyong ngam bram ze'am bdud dam lha'am tshangs pa'am/ gzhan gang gis kyang chos dang mthun
86b4 par 'jig rten du ma bskor ba lan gsum du bzlas te rnam pa bcu gnyis su bskor ba ni bskor/ ngas chos kyi rnga bo che ni brdungs/ ngas chos kyi dung chen po ni bus/ ngas
86b5 chos kyi rgyal mtshan chen po ni bsgrengs/ ngas chos kyi mar me chen po ni bus/ ngas mun pa chen po ni bsal/ ngas stong gsum ni snang bar byas/ ngas gru chen po ni
86b6 bcas/ ngas stegs chen po ni btsugs/ ngas zam pa chen po ni btags/ ngas pha rol tu 'dong ba mang po ni bton/ ngas thar pa'i lam ni yang dag par bstan/
86b7 ngas chos kyi char chen po ni phab/ ngas lha dang mi rnams ni tshim par byas/ ngas gdul ba rnams ni btul/ ngas phas kyi rgol ba thams cad ni skrag par byas/
87a1 ngas mu stegs kyi gnas thams cad ni tshar bcad/ ngas bdud kyi stobs ni bcom/ ngas bdud kyi gnas ni g.yo bar byas/ ngas seng ge'i
87a2 sgra ni bsgrags/ ngas sangs rgyas kyi bya ba ni byas/ ngas skyes bu dam pa'i las ni mthar phyung / ngas sngon gyi yi dam ni yongs su rdzogs par byas/ ngas chos kyi tshul ni byin
87a3 gyis brlabs/ ngas nyan thos chen po rnams las byed du ni btsud/ ma 'ongs pa'i sangs rgyas kyi tshul rgyun mi 'chad par bya ba'i phyir ngas byang chub sems dpa' sems
87a4 dpa' chen po rnams lung ni bstan zin te/ kun dga' bo/ mya ngan las 'da' ba ma gtogs par phyis bya ba nga la med do/ /de nas tshe dang ldan pa kun dga' bo bcom
87a5 ldan 'das kyi gsung rnam pa de lta bu de thos nas sdug bsngal zhing yid mi bde ste mi dga' zhing mya ngan chen po'i zug rngus zug par gyur nas rab tu ngus te mchi ma zag bzhin
87a6 du bcom ldan 'das la 'di skad ces gsol to/ /bcom ldan 'das/ rab tu myur bar mya ngan las 'da' zhing bde bar gshegs pa rab tu myur bar mya ngan las 'da' ste/
87a7 'jig rten gyi mig rab tu myur bar mi snang bar 'gyur/ rab tu myur bar 'jig rten mgon ma mchis pa dang skyabs ma mchis pa dang / yongs su 'dren pa ma mchis par
87b1 'gyur ro/ /de nas yang bcom ldan 'das kyi tshe dang ldan pa kun dga' bo la bka' stsal pa/ kun dga' bo/ chog gi/ mya ngan ma byed cig /smre sngags ma 'don cig /gang gnas pa
87b2 dang / byung ba dang / 'dus byas pa dang / bsags pa ni rab tu 'jig pa'i chos can yin pas mi 'jig par ga la 'gyur te de ni gnas med do/ /kun dga' bo/ ngas thog ma
87b3 nyid du khyed la dga' ba dang / sdug pa dang / yid du 'ong ba rnams dang tha dad du 'gyur zhing 'gyes par 'gyur/ bral bar 'gyur/ bye bar 'gyur ro zhes ma bstan tam/ kun
87b4 dga' bo khyod kyis nga la byams pa'i lus kyi las phan pa dang / bde ba dang / gnyis su med pa dang / tshad med pa dang / mi mthun pa med pas bsnyen bkur byas so/ /kun dga'
87b5 po| gang lha dang mi dang lha ma yin gyi 'khor du bcas pa dang / nyan thos dang rang sangs rgyas su bcas pa la bskal pa'am bskal pa las lhag par bsnyen bkur byas pa
87b6 pas gang de bzhin gshegs pa la yud tsam zhig bsnyen bkur byas pa de de bas 'bras bu shin tu che'i/ kun dga' bo khyod mya ngan ma byed cig /smre sngags ma 'don cig/
87b7 kun dga' bo khyod kyis de bzhin gshegs pa la bsnyen bkur byas pa ni don che ba dang / 'bras bu che ba dang / phan yon che ba dang / rgya che ba dang / bdud rtsi dang 'dra ba dang /
88a1 bdud rtsi la 'bab pa dang / bdud rtsi'i mthar 'gyur ba nas mya ngan las 'da' ba'i bar du 'gyur ro/ /de nas tshe dang ldan pa kun dga' bos mchi
88a2 ma phyis nas smre sngags 'don cing shing sA la zung gi bar du de bzhin gshegs pa seng ge ltar glo g.yas pas mnal ba'i gzims mal bcas so/ /de nas bcom ldan
88a3 'das shing sA la zung ga la ba der gshegs nas shing sA la zung gi bar du seng ge ltar glo g.yas pas mnal lo/ /gang gi tshe de bzhin gshegs pa shing sA la zung gi
88a4 bar du seng ge ltar glo g.yas pas mnal bar gyur pa de'i tshe/ stong gsum gyi stong chen po'i 'jig rten gyi khams na shing dang / rtswa dang / shing gel ba dang / sman dang /
88a5 nags tshal tha na sor bzhi tsam po yan chad ji snyed yod pa de dag thams cad gang du de bzhin gshegs pa mya ngan las 'da' ba de logs su gzhol 'dud/ rab tu 'dud
88a6 cing mngon par 'dud par gyur to/ /stong gsum gyi stong chen po'i 'jig rten gyi khams na klung ngam/ 'bab chu'am/ chu mig gam/ mtsho'am/ lteng ka'am/ khron
88a7 pa'am/ rdzing ngam/ pad+ma dkar po 'bab pa ji snyed yod pa de dag thams cad sangs rgyas kyi mthus byin gyis brlabs pas mi 'bab par gyur to/ /stong gsum gyi stong
88b1 chen po'i 'jig rten gyi khams na bya mang po dang / ri dwags mang po sna tshogs ji snyed yod pa de dag thams cad kyang sangs rgyas kyi mthus sgra mi 'byin par 'khod cing mi za mi rgyu
88b2 bar gyur to/ /stong gsum gyi stong chen po'i 'jig rten gyi khams na nyi ma dang zla ba'i 'od dam/ skar ma'i gzugs sam/ nor bu'am me'am srin bu me khyer gyi 'od ji snyed
88b3 yod pa de dag thams cad sangs rgyas kyi mthus mi mngon mi snang ste/ lham mer ma yin/ lhan mer ma yin/ lhang nger ma yin par gyur to/ /stong gsum gyi stong chen po'i 'jig
88b4 rten gyi khams na sems can dmyal ba chen po'i me ji snyed yod pa de dag thams cad kyang sangs rgyas kyi mthus zhi bar gyur/ mi 'bar bar gyur/ mi tsha bar gyur/ mi tshig par
88b5 gyur| yongs su mi gdung bar gyur to/ /stong gsum gyi stong chen po'i 'jig rten gyi khams na gang sems can dmyal ba chen po'i me de dag thams cad kyang nye bar zhi zhing
88b6 bsil bar gyur to/ /de nas sems can dmyal ba'i sems can de dag thams cad skad cig de dang yud tsam de'i tshe sangs rgyas kyi mthus bde ba thob par gyur to/ /dud
88b7 'gro'i skye gnas pa'i sems can thams cad kyang byams pa'i sems dang phan pa'i sems dang ldan par gyur te/ gcig la gcig gnod sems med/ rnam par 'tshe
89a1 ba med/ rnam par mtho 'tsham pa med cing gnod pa byed pa med par gyur to/ /gshin rje'i 'jig rten pa'i sems can thams cad kyang bkres
89a2 pa dang / skom pa med par gyur to/ /sems can thams cad kyang skad cig de dang yud tsam de'i tshe sangs rgyas kyi mthus bde ba dang / lus dang sems tshim pa dang / sdug
89a3 bsngal rgyun chad pa dang / bde ba dang yid bde ba mchog dang ldan par gyur to/ /de bzhin gshegs pa seng ge ltar glo g.yas pas mnal ma thag tu stong gsum gyi stong
89a4 chen po'i 'jig rten gyi khams na ri'i rgyal po ri rab dang / khor yug dang / khor yug chen po dang / btang zung dang / btang zung chen po dang / spos kyi ngad ldang dang /
89a5 gangs ri ji snyed yod pa dang / gzhan yang ri nag po rnams dang / thams cad dang ldan pa'i sa chen po dang / rgya mtsho chen po khor yug gi 'obs kyi mthas gtugs
89a6 pa rnam pa drug tu g.yos te/ 'gul/ rab tu 'gul/ 'khrugs/ rab tu 'khrugs/ ldeg/ rab tu ldeg par gyur to/ /thams cad dang ldan pa'i rlung gi dkyil 'khor yang de'i
89a7 tshe mi ldang bar gyur to/ de'i tshe skad cig de dang yud tsam de na sems can thams cad kyang las byed pa rnams btang bar gyur te gnyid med/ chod pa med/ sgrib
89b1 pa med/ tshom pa med cing mi 'dzer bar gyur te/ sgra chung / ca co chung zhing yid mi g.yeng bar gyur to/ /bcom ldan 'das seng ge ltar glo g.yas pas mnal ma thag tu stong
89b2 gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po
89b3 dang / brgya byin dang / tshangs pa dang / 'jig rten skyong ba ji snyed 'khod pa de dag thams cad kyis rang rang gi gnas rnams mog mog por gyur te 'od med gzi brjid med
89b4 par gyur par shes so/ /de bzhin gshegs pa seng ge ltar glo g.yas pas mnal ma thag tu stong gsum gyi stong chen po'i 'jig rten gyi khams 'di na lha dang / klu dang
89b5 gnod sbyin dang / dri za dang / lha ma yin dang / nam mkha' ldang dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba ji snyed 'khod pa
89b6 de dag thams cad rang rang gi stan dang skyed mos tshal dang gzhal med khang rnams la mi dga' bar gyur to/ /sangs rgyas kyi mthus de dag thams cad 'khor dang bcas
89b7 par skyo zhing yid byung bar gyur to/ /stong gsum gyi stong chen po'i 'jig rten gyi khams 'di na tshangs pa dang / tshangs pa chen po gang dag zil gyis gnon cing zil gyis
90a1 mi non pa brgya phrag bcu la dbang sgyur ba 'di snyam du sems shing bdag cag gis sems can 'di dag byas/ bdag cag gis sems
90a2 can 'di dag sprul/ bdag cag gis 'jig rten byas/ bdag cag gis 'jig rten sprul lo snyam du de ltar shes pa'i tshangs pa dang / tshangs pa chen po stong gsum gyi
90a3 stong chen po'i 'jig rten gyi khams na 'khod pa de dag kyang rang rang gi stan la mngon par mi dga' bar gyur to/ /rang rang gi gnas thams cad dang ldan pa'ang sangs
90a4 rgyas kyi mthus mog mog por gyur pa shes so/ /de bzhin du tshangs pa gzhan thams cad kyang sangs rgyas kyi mthus rang rang gi gnas rnams mog mog por gyur par
90a5 shes te/ rang rang gi gnas rnams la mi dga' bar gyur to/ /'jig rten skyong ba dang / dbang phyug chen po dang / gnas gtsang ma pa rnams kyang rang rang gi gnas rnams
90a6 la mi dga' bar gyur to/ /de nas stong gsum gyi stong chen po'i tshangs pa chen po de 'di snyam du gang gis bdag rang gi gnas la mi dga' bar gyur pa de su'i snga
90a7 ltas yin snyam du sems so/ /de nas stong gsum gyi stong chen po'i tshangs pa des stong gsum gyi stong chen po'i 'jig rten gyi khams thams cad dang ldan pa la bltas so//
90b1 des stong gsum gyi stong chen po'i 'jig rten gyi khams de la bltas nas 'di snyam du gang stong gsum gyi stong chen po'i 'jig rten gyi khams 'di'i byed pa po dbang phyug bdag
90b2 po dbang sgyur ba/ de bzhin gshegs pa dgra bcom pa yang dag par rdzogs pa'i sangs rgyas de do mod mya ngan las 'da' bar 'gyur te/ gang gis bdag rang gi stan la 'dug
90b3 par mi dga' ba dang / gang gis cho 'phrul bsam gyis mi khyab pa rmad du byung ba 'di lta bu dag snang bar gyur pa 'di ni de yongs su mya ngan las 'da' ba'i snga ltas yin/ 'di
90b4 ni de'i mthu yin no snyam du sems te/ de mi dga' zhing yid dung zhes byed de/ spu zing zhes byed par gyur nas tshangs pa'i 'khor mang pos yongs su bskor cing mdun du bdar
90b5 te myur ba myur bar rings par bcom ldan 'das ga la ba der song ngo / /de'i tshe stong gsum gyi stong chen po na tshangs pa lhag ma lus par gyur pa dang / ma 'dus pa dang /
90b6 tshangs pa de las gzhan pa ji snyed yod pa de dag 'phags pa'i chos la mngon par dul bar gyur/ 'phags pa'i chos la gnas par gyur to/ /de nas stong gsum gyi stong
90b7 chen po'i tshangs pa de bcom ldan 'das ga la ba der song ste/ bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol
91a1 to| |bcom ldan 'das/ ji ltar gnas par bgyi ba dang / ji ltar bsgrub par bgyi ba bdag la bka' stsal du gsol/ de skad ces gsol pa
91a2 dang / bcom ldan 'das kyis tshangs pa chen po la 'di skad ces bka' stsal to/ /tshangs pa khyod nga ni tshangs pa tshangs pa chen po zil gyis gnon cing zil gyis mi non
91a3 pa kun shes pa dang ldan pa brgya phrag bcu la dbang sgyur ba yin te/ bdag gis sems can rnams byas/ bdag gis sems can rnams sprul/ bdag gis 'jig rten
91a4 byas/ bdag gis 'jig rten sprul to zhes de snyam du sems shing de skad zer zhen/ bden nam/ gsol pa/ bcom ldan 'das/ mad do/ /bde bar gshegs pa/
91a5 mad do/ /bka' stsal pa/ tshangs pa khyod sus byas/ /sus sprul/ de nas tshangs pa chen po cang mi smra bar gyur to/ /tshangs pa chen po de cang mi smra bar gyur pa dang bcom
91a6 ldan 'das kyis 'di skad ces bka' stsal to/ /tshangs pa/ gang gi tshe bskal pas bsregs pa de'i tshe stong gsum gyi stong chen po'i 'jig rten gyi khams 'di
91a7 'bar rab tu 'bar/ kun tu 'bar/ kun tu rab tu mched cing 'bar te/ me lce gcig tu gyur par 'gyur ba'i dus de dang tshe de 'byung ba de tshangs pa khyod nyid kyis
91b1 byas sam/ khyod kyis sprul tam/ gsol pa/ bcom ldan 'das/ ma lags so/ /bka' stsal pa/ tshangs pa/ gang sa chen po 'di ni chu'i phung po la brten/ chu'ang rlung la brten/
91b2 rlung yang nam mkha' la brten te 'phang du dpag tshad drug khri brgyad stong yod cing mi 'jig pa de la ji snyam du sems/ 'di khyod kyis byas shing khyod kyis sprul tam/ gsol
91b3 pa| bcom ldan 'das/ ma lags so/ /bde bar gshegs pa/ ma lags so/ /bka' stsal pa/ tshangs pa/ gang nyi ma dang zla ba'i gzhal med khang na lha'i bu dag lam
91b4 me ma yin/ lhan ne ma yin zhing gzhal med khang rnams stong par 'khod pa'i dus de dang tshe de 'byung ba de la ji snyam du sems/ tshangs pa de dag khyod kyis byas shing
91b5 khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ gang sos ka dang / dbyar dang / ston
91b6 dang / dgun dang / dgun smad dang / dpyid kyi dus tshigs de dag la khyod ji snyam du sems/ de dag kyang tshangs pa khyod kyis byas shing khyod kyis sprul pa dang / khyod kyis
91b7 byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa gang chu'am/ me long gi dkyil 'khor ram/ 'bru mar dang /
92a1 mar gyi snod dam/ nor bu dang / shel rnams kyi nang ngam/ de las gzhan pa'i snod dag pa rnams la gzugs brnyan rnams pa sna tshogs snang ba
92a2 'di lta ste shing ljon pa dang / nags tshal dang / kun dga' ra ba dang / skyed mos tshal dang / gzhal med khang snang ba'am/ grong dang grong khyer dang / grong brdal snang
92a3 ba'am/ glang po che dang / rta dang / rnga mo dang / ba lang dang / bong bu dang / lug dang / ri dwags dang / bya rnams snang ba'am/ zla ba dang nyi ma dang skar ma'i tshogs rnams
92a4 snang ba'am/ nyan thos dang rang sangs rgyas dang byang chub sems dpa' dang de bzhin gshegs pa'i sku snang ba'am/ sa dang ri dang klung snang ba'am/ brgya byin dang
92a5 tshangs pa dang 'jig rten skyong ba dang / de las gzhan pa'i sems can mi dang mi ma yin pa snang ba de dag tshangs pa khyod kyis byas shing khyod kyis sprul pa dang / khyod
92a6 kyis byin gyis brlabs pa yin nam/ gsol ba/ bcom ldan 'das/ ma lags so/ /bka' stsal pa/ tshangs pa/ g.yang sa dang / ri dang / ri'i 'bab chu dang / rdzing
92a7 rnams na dung dang / rnga bo che dang / rdza rnga dang / glu gar dang / ri dwags dang / bya dang / mi dang / mi ma yin pa rnams kyi sgra'i brag ca dang / gang de dang mthun pa'i sgra brnyan
92b1 'byung ba de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal
92b2 pa/ tshangs pa/ gang sems can rnams kyi rmi lam na gzugs sna tshogs mthong ba dang / sgra sna tshogs thos pa dang / dri sna tshogs snom pa dang / ro sna tshogs myong ba dang / reg
92b3 bya sna tshogs reg pa dang / chos sna tshogs shes pa dang / dga' ba dang rtse ba sna tshogs myong ba dang / mchi ma byung ba dang / ngu ba dang / 'jigs pa dang / skrag pa dang / sdug
92b4 bsngal ba mthong ba'am/ myong ba'am shes pa de dag tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan
92b5 'das/ ma lags so/ /bka' stsal pa/ tshangs pa/ gang sems can rnams kyi 'jigs pa dang mi dga' ba dang / mya ngan dang smre sngags 'don pa dang / grang ba dang tsha ba
92b6 dang / bkres pa dang skom pa de dag tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma
92b7 lags so/ /bka' stsal pa/ tshangs pa/ gang rigs bzhi'i 'jig rten gyi mdzes pa'am mi sdug pa'am/ longs spyod che ba'am longs spyod chung ba'am/ dbul ba'am bsod
93a1 nams che ba'am/ tshul khrims bzang ba'am tshul khrims 'chal pa'am/ shes rab bzang ba'am shes rab 'chal ba de dag kyang tshangs pa khyod kyis
93a2 byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/ gang sems can rnams kyis
93a3 'jigs pa'am/ skrag pa'am/ gnod pa'am/ rnam par 'tshe ba'am/ rnam par mtho 'tshams pa 'di ste/ mtshon cha dang / me dang / chu dang / rlung dmar dang / dug dang /
93a4 gcan gzan khro bo dang / dgra dang / mi dang / mi ma yin pa'i 'jigs pa'am/ gzhan gnod pa byed pa'i 'jigs pa sna tshogs de dag kyang tshangs pa khyod kyis byas shing
93a5 khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/ sems can rnams kyi
93a6 nad rnam pa sna tshogs dang / rlung dang / mkhris pa dang / bad kan dang / 'dus pa dang / dus dang / khams mi mthun pa las gyur pa'am/ gzhan gyis gnod par byas
93a7 pa dang / sngon gyi las kyi sgrib pa las gyur pa 'di lta ste/ mig dang / rna ba dang / sna dang / lce dang / lus na ba dang / sems can rnams kyi yid la gdung ba'i sdug bsngal
93b1 sna tshogs de dag khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs
93b2 pa/ gang mu ge dang / chu dang / 'brog dang / sprul dang / chom rkun dang / dgon pa dang / mtshon cha dang / nad dang / bar gyi bskal pa de dag tshangs pa khyod kyis byas shing khyod
93b3 kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/ gang sems can rnams kyi 'bral
93b4 ba'i sdug bsngal rnam pa sna tshogs pha ma dang / spun dang / sring mo dang / grogs dang / nye du dang / snag gi gnyen mtshams dang / bu pho dang / chung ma dang / bu mo dag dang bral
93b5 ba'i sdug bsngal de dag khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol ba/ bcom ldan 'das/ ma lags so/ /bka' stsal
93b6 pa| gang sems can rnams kyi sdug bsngal sna tshogs yang ba'i las la sbyor ba/ skra dang / phabs dang / rgya skyegs dang / 'khor lo 'tshong ba'am/ rgya mtsho chen por 'gro
93b7 ba dang / 'brog dgon par 'jug pa'am/ phyogs sna tshogs su skyes 'degs pa'am/ zhing gi las rgya cher byed pa'am/ de las gzhan pa'i bya ba sna tshogs de dag
94a1 kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags
94a2 so| |bka' stsal pa/ tshangs pa/ gang sems can rnams kyi dge ba dang mi dge ba'i las rnam pa sna tshogs yang dag par len pa/ sems can dmyal ba dang / dud
94a3 'gro'i skye gnas dang / gshin rje'i 'jig rten dang / lha dang mi'i rgyu las byung ba rnams dang / gang sems can rnams kyi lus dang ngag dang yid kyis nyes par spyad
94a4 pa dang / legs par spyad pa rnams sam/ gang 'jig rten na mi dge ba bcu'i las kyi lam sems can rnams la mi phan pa dang / sdug bsngal ba dang / gnod pa
94a5 dang / ngan song ngan 'gro log par ltung bar 'gyur ba 'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra
94a6 ba dang / phra ma dang / ngag rtsub po dang / tshig kyal pa dang / brnab sems dang / gnod sems dang / log par lta ba de rnams kyang tshangs pa khyod kyis byas shing khyod
94a7 kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/ gang sems can rnams
94b1 kyi gnod byed kyi sdug bsngal 'di lta ste/ mgo bcad pa dang / lag pa dang / rkang pa dang / rna ba dang / sna bcad pa'am/ yan lag dang nying lag thams cad bcad pa'am/ /mer
94b2 bsregs pa dang / 'bru mar gyis gtor ba dang / srog dang dbral ba dang / ral gri dang / mdung thung dang / mtshon rtse gnyis pas gdab pa dang / bsad pa dang / bcing ba dang /
94b3 go ra ra gzhug pa dang / 'thab pa dang / rtsod pa dang / 'gyed pa de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/
94b4 gsol pa/ bcom ldan 'das/ ma lags so/ /bka' stsal pa/ tshangs pa gang sems can rnams 'dod pa'i rgyu dang 'dod pa'i gzhis ma la log par spyod pa dang / sring
94b5 mo la log par spyod pa dang / tshul khrims dang ldan pa la log par spyod pa dang / sdig pa'i las thams cad la lhag par spyod pa de dag kyang tshangs pa khyod kyis byas shing
94b6 khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/ gang sems can rnams
94b7 kyi gnod par byed pa sna tshogs byad dang / ro langs dang / rig sngags dang / sngags dang / sman dang / 'byung po dang / gnon 'bebs pa dang / gang de las gzhan pa dug
95a1 sbyor ba dang / gang sems can rnams la gnod par 'gyur ba dang / srog dang bral bar 'gyur ba dang / srog 'chad par 'gyur ba de dag kyang
95a2 tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ gang
95a3 rigs bzhi'i 'jig rten gyi khams thams cad du spang du mi rung ba'i 'jig rten gyi chos 'di lta ste/ skye ba dang / rga ba dang / na ba dang / 'chi ba dang / mya ngan dang /
95a4 smre sngags 'don pa dang / sdug bsngal ba dang / yid mi bde ba dang / 'khrug pa dang / mi rtag pa'i chos nyid dang / zad pa'i chos nyid dang / 'gyur ba'i chos nyid
95a5 dang / mdza' ba dang dga' ba thams cad dang tha dad du 'gyur ba dang / med par 'gyur ba dang / bral bar 'gyur ba dang / bye bar 'gyur ba de dag kyang tshangs pa khyod
95a6 kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/
95a7 gang sems can rnams kyi 'dod chags dang / zhe sdang dang / gti mug dang / sgrib pa dang / chod pa dang / bag la nyal dang / kun nas dkris pa dang / kun tu sbyor
95b1 pa rnams dang / de las gzhan pa nye ba'i nyon mongs pa rnam pa sna tshogs 'jug pa gang gis sems can rnams chags par 'gyur ba dang / sdang bar 'gyur ba dang / rmongs par
95b2 'gyur ba dang / las mngon par 'du bya ba rnam pa sna tshogs mngon par 'du byed pa de dag kyang tshangs pa khyod kyis byas shing khyod kyis sprul pa dang / khyod kyis byin gyis
95b3 brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs pa/ gang 'di sems can dmyal ba dang / dud 'gro'i skye gnas
95b4 dang / gshin rje'i 'jig rten ngan 'gro rnam pa gsum po gang na sems can rnams gnod byed rnam pa sna tshogs kyis sdug bsngal sna tshogs myong bar 'gyur ba de dag kyang
95b5 tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs
95b6 pa/ gang 'di 'byung po'i tshogs dang / sa bon gyi tshogs dang / rtswa dang / shing gel ba dang / sman dang / nags tshal chu na gnas pa dang / thang la gnas pa'am/ me tog
95b7 gi shing dang / 'bras bu'i shing dang / spos shing rnam pa sna tshogs sam/ mngar ba dang / kha ba dang / lan tshwa dang / skyur ba dang / tshwa ba dang / bska ba'i ro'i khyad par rnam pa
96a1 sna tshogs yid du 'ong ba dang yid du mi 'ong ba'i mngon par grub pa gang sems can rnams la phan pa dang gnod par 'gyur ba de la ji snyam du sems/ tshangs pa/
96a2 de dag khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das/ ma lags so/ /bka' stsal pa/ tshangs
96a3 pa| gang 'gro ba lnga po dag na yongs su 'khor ba skye ba dang / 'chi 'pho ba dang / 'thon pa dang / 'byung ba dang / 'jig pa 'di dag dang / /tshangs pa/ gang sems can ma rig
96a4 pa'i sgrib pa dang / /sred pa'i kun tu sbyor ba dang ldan pa kun tu rgyug cing 'khor ba de dag gi sngon gyi mtha' mi mngon pa dang / tshangs pa/ ma 'ongs pa'i 'khor ba'i lam rgyun
96a5 ma chad pa gang na lha dang bcas pa dang tshangs pa dang bcas pa'i 'jig rten 'di dang / dge sbyong dang bram ze dang bcas pa'i skye dgu thags 'khrugs pa lta bu/ dru gu 'dzings
96a6 pa lta bu 'ong ba dang / 'gro bar gyur pa 'jig rten 'di nas 'jig rten pha rol dang / 'jig rten pha rol nas 'jig rten 'dir kun tu rgyug cing 'khor ba/ 'khor ba las
96a7 'byung ba mi shes pa de dag la ji snyam du sems/ /tshangs pa/ de dag khyod kyis byas shing khyod kyis sprul pa dang / /khyod kyis byin gyis brlabs pa yin nam/ gsol pa/
96b1 bcom ldan 'das/ ma lags so/ /bde bar gshegs pa/ /ma lags so/ /bka' stsal pa/ 'o na tshangs pa khyod ci'i phyir 'di ltar ngas sems can 'di dag byas/ ngas sprul/
96b2 ngas byin gyis brlabs/ ngas 'jig rten byas/ /ngas sprul/ ngas byin gyis brlabs snyam du sems/ gsol pa/ bcom ldan 'das/ bdag ni ma 'tshal ba/ rtag tu lta bar
96b3 gyur pa ma spangs pas phyin ci log tu gyur pa lags te/ bcom ldan 'das/ bdag ni de bzhin gshegs pas gsungs pa'i chos 'dul ba la rtag tu ma thos pas sems can
96b4 rnams bdag gis bgyis/ bdag gis sprul/ 'jig rten bdag gis bgyis/ 'jig rten bdag gis sprul zhes bgyi ba sdig pa can gyi lta bar gyur pa 'di lta bur gyur
96b5 to| |bcom ldan 'das/ de bzhin gshegs pa la don 'di nyid bdag zhu'o/ /bcom ldan 'das/ 'jig rten 'di sus bgyis/ 'jig rten 'di sus sprul/ sems can
96b6 rnams sus bgyis/ /sus sprul/ bcom ldan 'das/ 'di su'i mthu lags/ sus byin gyi brlabs/ de skad ces gsol ba dang / bcom ldan 'das kyis/ tshangs pa de
96b7 la 'di skad ces bka' stsal to/ /tshangs pa/ 'jig rten ni las kyis byas/ las kyis sprul lo/ /sems can rnams ni las kyis byas/ las kyi rgyu las byung / las kyis rab
97a1 tu phye ba'o/ /de ci'i phyir zhe na/ tshangs pa ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis
97a2 ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen
97a3 gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba
97a4 dang / 'khrug pa rnams 'byung ste/ de ltar sdug bsngal gyi phung po chen po 'di 'ba' zhig 'byung bar 'gyur zhing / tshangs pa/ ma rig pa 'gags pas 'du byed 'gag
97a5 pa nas sdug bsngal gyi phung po chen po 'ba' zhig 'gag pa'i bar du 'gyur te/ tshangs pa/ las dang chos kyi kun tu sbyor ba rnams yod na sems can rnams 'byung bar snang
97a6 ba dang / las dang chos kyi kun tu sbyor ba dang bral bas 'byung ba med par snang ba ma gtogs par 'di la byed pa po'am/ byed du 'jug pa'am/ nye bar 'jog pa po gang
97a7 yang med do/ /tshangs pa/ de ltar 'jig rten 'di las zad pa dang / nyon mongs pa zad pa dang / sdug bsngal zad pa dang / sdug bsngal nye bar zhi bas zhi ba dang / nges
97b1 par byung ba dang / rnam par zhi ba dang / yongs su mya ngan las 'das pa zhes bya'o/ /tshangs pa/ de la las gang yin pa de zad pa dang / nyon mongs pa gang yin pa de dang bral ba dang /
97b2 sdug bsngal gang yin pa de rnam par zhi ba dang / nub pa ma gtogs par yongs su mya ngan las 'das pa zhes bya ba ci zhig yod de/ sangs rgyas rnams kyi mthu dang / sangs rgyas
97b3 rnams kyi byin gyi rlabs kyis chos nyid de lta bu dag 'byung ngo / /de ci'i phyir zhe na/ tshangs pa/ sangs rgyas bcom ldan 'das rnams 'byung ba med na chos de lta bu rab tu ston pa
97b4 mi 'byung gi/ tshangs pa/ gang gi tshe sangs rgyas bcom ldan 'das rnams 'jig rten du byung ba de'i tshe zhi bar bya ba'i phyir khong du chud par dka' ba/ zab pa zab par snang
97b5 ba| chos rnam pa de lta bu dag yang dag par ston par 'gyur te/ de thos pas sems can skye ba'i chos can rnams ni skye ba las yongs su grol bar 'gyur/ sems can
97b6 rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams ni 'khrug pa'i bar dag las yongs su grol
97b7 bar 'gyur ro/ /tshangs pa/ de lta bas na 'di lta ste/ 'du byed thams cad ni mig yor lta bu mi rtag pa g.yo ba mi brtan pa/ ther zug ma yin pa/ zad pa dang 'gyur ba'i
98a1 chos can no zhes tshangs pa sangs rgyas rnams kyis de bstan cing yang dag par bshad de rnam par phye zhing gsal bar mdzad de/ 'di ni sangs
98a2 rgyas rnams kyi byin gyi rlabs so/ /sangs rgyas bcom ldan 'das yongs su mya ngan las 'das pa rnams kyi dam pa'i chos nub pa na'ang 'di lta ste/ 'du byed thams cad
98a3 mig yor lta bu'o zhes bya ba de nyid byin gyis rlabs yin no/ /gal te de bzhin gshegs pa rnams kyis 'du byed thams cad mig yor lta bur ma gzigs su zin ma de
98a4 bzhin gshegs pa rnams skad cig thang cig yud tsam yang 'du byed thams cad rmi lam dang mig yor dang brag ca lta bur mi ston pa zhig na tshangs pa gang gi phyir de
98a5 bzhin gshegs pa rnams 'du byed thams cad rmi lam dang / mig yor dang / brag ca lta bu dang / mi rtag pa dang / g.yo ba dang / 'gyur ba'i chos can du mkhyen pa
98a6 de'i phyir/ de bzhin gshegs pa rnams 'du byed thams cad rmi lam dang / mig yor dang / brag ca lta bur ston no/ /de la mkhas pa de'i mtshan ma mthong ba dag
98a7 yod de| de'i mtshan ma mthong nas rgyu de dang rkyen de dang dmigs pa'i mtshan ma des 'du byed thams cad mi rtag par khong du chud cing g.yo ba dang 'gyur ba'i chos
98b1 can no zhes rnam par 'byed do/ /'du byed thams cad ni 'jig cing 'gyur ro/ /dus dang / tshigs dang / dus tshigs kyis kyang 'jig go/ skad cig dang / thang cig dang / phyed
98b2 tsam dang / yud tsam dang / zhag dang / nyi ma dang / zla ba dang / zla ba phyed dang / lo dang / lo brgya dang / bskal pa dang / bskal pa brgya dag kyang 'jig par 'gyur ro/ /me'i
98b3 phung po chen po'ang 'bar nas shi bar 'gyur ro/ /chu'i phung po chen po'ang bab nas mi 'bab bo/ /rlung gi phung po chen po'ang langs nas mi ldang ngo / /sa'i phung po chen po'ang
98b4 byung nas med par 'gyur ro/ /ri'i phung po chen po khor yug dang / khor yug chen po dang / lhun po dang / lhun po chen po dang / de las gzhan pa ri nag po dag kyang
98b5 byung nas ye med par 'gyur ro/ /nyi ma dang zla ba dang skar ma'i tshogs kyi 'khor dang bcas pa 'di dag kyang byung nas lham mer ma yin/ /lhan ner ma yin/ /lhang nger ma yin zhing
98b6 sar ltung ngo / /lha yul pa'i lha'i gzhal med khang bzang po dag kyang 'jig par 'gyur ro/ /grong dang / grong khyer dang / grong rdal 'di dag dang / shing ljon pa dang / nags tshal
98b7 dang / skyed mos tshal dang / kun dga' nyams dga' ba 'di dag kyang byung nas 'gag par 'gyur ro/ /lha dang mi 'di rnams kyang skye ba dang / rga ba dang / 'pho ba dang
99a1 'byung bar 'gyur ro/ /skyes bu mdzangs shing mkhas pa 'di dag kyang mtshan ma de mthong nas/ kye ma'o 'du byed 'di thams cad mi rtag pa'o/ /
99a2 'jig go/ 'du byed 'di thams cad med par 'gro'o/ /'gyur ro/ /'du byed 'di thams cad zad par 'gyur ro snyam nas skyo bar 'gyur ro/ /skyes bu mdzangs shing mkhas
99a3 pa 'di dag rgyu de dang rkyen des khyim nas khyim med par rab tu 'byung ngo / /de dag dad pas khyim nas khyim med par yang dag par rab tu byung nas kyang 'du byed thams
99a4 cad mig yor lta bu dang / rmi lam lta bu dang / brag ca lta bur rig ste/ mtshan ma de dang dmigs pa de dang rkyen des byang chub 'thob par 'gyur ro/ /chu'i nang du zla ba'i
99a5 dkyil 'khor dang / nyi ma'i dkyil 'khor snang ba dang / skar ma'i gzugs snang ba de dag mthong nas/ de bzhin gshegs pas gdams pa'am/ de las gzhan pa'i
99a6 dge ba'i bshes gnyen gyis gdams pa'am/ bdag gi blos brtags pas 'du byed thams cad rmi lam dang / mig yor dang / brag ca lta bur rtogs nas dad
99a7 pas khyim nas khyim med par rab tu byung ste/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu thob pa dang /
99b1 dgra bcom pa nyid mngon sum du byed pa dang / gang zag byang chub sems dpa'i theg pa pa bzod pa dang po thob pa dang / bzod pa gnyis pa dang / gsum pa thob pa dang / bla na
99b2 med pa yang dag par rdzogs pa'i byang chub 'thob par 'gyur ba'i skyes bu mkhas pa dag yod do/ /sangs rgyas bcom ldan 'das mya ngan las 'das pa rnams kyi chos
99b3 bstan pa 'di nyid 'jig rten du 'byung ste/ de thos pas sems can rnams nyan thos kyi theg pa dang / rang sangs rgyas kyi theg pa dang / theg pa chen po bla na med pa rnam pa
99b4 thams cad mchog dang ldan pa dang / theg pa gsum po dag gis nges par 'byung bar 'gyur ro/ /tshangs pa/ 'di ltar 'di'ang sangs rgyas rnams kyi sbyin gyi rlabs
99b5 su rig par bya ste/ tshangs pa/ gang gis skyes bu mkhas pa dag gis 'du byed 'di dag ni sdug bsngal pa/ g.yo ba/ mi brtan pa/ zad pa dang 'gyur ba'i chos can te/
99b6 rmi lam dang / mig yor ba dang / brag ca lta bu'o zhes bya ba'i mtshan ma de mthong nas mang dag par skyo bar 'gyur ba 'di ni sangs rgyas rnams kyi yul dang sangs rgyas kyi
99b7 byin gyi rlabs so/ /sngon spyad cing sngon gyi rgyu las byung ba'i sems can sngon yongs su smin par bya ba dag gis/ chos kyi sgra 'di lta bu 'di thos nas 'du byed 'di dag
100a1 thams cad ni mi rtag pa/ 'du byed rnams ni 'jig pa ste/ 'du byed thams cad ni rmi lam dang brag ca lta bu'o zhes de bzhin gshegs pa
100a2 la mos par 'gyur/ mngon par dad par 'gyur ro/ /sems can gang dag gis sangs rgyas bcom ldan 'das rnams kyi drung du tshangs par spyod pa spyad par gyur pa'am/
100a3 khyim par gyur pas bslab pa'i gzhi rnams yongs su bzung bar gyur pa de dag kyang rgyu de dang rkyen des 'di ltar 'du byed rnams mi rtag pa dang / 'du byed rnams sdug
100a4 bsngal pa dang / 'du byed rnams 'jig pa dang / 'du byed rnams rmi lam dang / mig yor dang brag ca lta bu'o zhes 'du byed rnams de lta bu'i tshul du rtogs par
100a5 'gyur te/ rgyu de dang rkyen des dad pas khyim nas khyim med par rab tu byung nas sangs rgyas bcom ldan 'das rnams 'jig rten du ma byung yang sangs rgyas kyi byin gyis
100a6 rlabs nyid dang / sangs rgyas la dge ba'i rtsa ba bskyed pa'i rkyen gyis byang chub 'thob par 'gyur ro/ /tshangs pa/ rnam grangs des kyang 'di ltar 'di ni sangs rgyas
100a7 kyi byin gyi rlabs dang / 'di ni sangs rgyas kyi yul yin par rig par bya'o/ /tshangs pa/ stong gsum gyi stong chen po'i 'jig rten gyi khams 'di'ang sangs rgyas kyi
100b1 sangs rgyas kyi zhing yin te/ tshangs pa/ 'di ni nga sngon byang chub sems dpa'i spyad pa spyod pa na bskal pa bye ba khrag khrig brgya stong grangs med par sangs rgyas bcom ldan 'das
100b2 tshad med grangs med pa rnams kyi drung du dge ba'i rtsa ba tshad med grangs med pa bskyed de/ tshul khrims dang / dka' thub dang / tshangs par spyod pa dang / de las gzhan pa'i
100b3 dka' ba spyad pa bye ba khrag khrig brgya stong dag gis ji ltar dge ba'i rtsa ba thams cad 'phel bar 'gyur ba dang / ji ltar yongs su dag par 'gyur ba dang / dus dang tshod dang
100b4 snod ji lta ba bzhin du 'dul ba nye bar bzung ste/ sangs rgyas kyi zhing yongs su bzung ngo / /yongs su sbyangs so/ /ngas sbyin pa dang / snyan par smra ba dang / don spyad pa dang / don
100b5 mthun pa bsdu ba'i dngos po bzhi po dag gis sems can rnams yang dag par bsdus te/ de dag nga'i smon lam nyid kyis sangs rgyas kyi zhing 'dir skyes nas ngas chos
100b6 bstan pa'ang shes so/ /nga'i chos bstan pas 'dul bar yang 'gyur te/ brgya byin rnams kyi ma yin/ tshangs pa rnams kyi ma yin/ 'jig rten skyong ba rnams kyi ma yin no/ /
100b7 tshangs pa/ rnam grangs 'dis kyang de 'di ltar sangs rgyas kyi zhing 'di sangs rgyas bcom ldan 'das rnams kyi yin gyi/ brgya byin rnams kyi ma yin/ tshangs pa rnams kyi ma
101a1 yin/ 'jig rten skyong ba rnams kyi ma yin/ gzhan mu stegs can dang / spyod pa can dang / kun tu rgyu rnams kyi ma yin par rig par bya'o/ /de
101a2 nas mi mjed kyi bdag po tshangs pa 'bum phrag bcu'i bdag po tshangs pa de dang / de las gzhan pa'i tshangs pa rnams skyo zhing yid byung bar gyur te/ tshig 'di skad
101a3 ces ji tsam du sangs rgyas bcom ldan 'das rnams chos rgya chen po dang ldan pa ngo mtshar to/ /ji tsam du sangs rgyas bcom ldan 'das rnams rmad du byung ba'i chos
101a4 dang ldan pa ngo mtshar to zhes smras so/ /de nas stong gsum gyi stong chen po'i tshangs pa de de bzhin gshegs pa dgra bcom pa yang dag par rdzogs pa'i sangs rgyas la
101a5 rmad du 'dzin par gyur te/ ji tsam du sangs rgyas bcom ldan 'das rnams kyi yul bsam gyis mi khyab cing mtha' yas pa ngo mtshar to snyam mo/ /de nas stong
101a6 gsum gyi stong chen po'i tshangs pa chen po de/ bcom ldan 'das kyi slob mar khas blangs nas bcom ldan 'das la skyabs su song ste/ bcom ldan 'das ni
101a7 bdag gi ston pa/ bde bar gshegs pa ni bdag gi ston pa lags na/ bcom ldan 'das/ ji ltar gnas par bgyi ba dang / ji ltar bsgrub par bgyi ba bdag
101b1 la bka' stsal du gsol zhes bcom ldan 'das la bka' lung yang nod par gyur to/ /de skad ces gsol pa dang / bcom ldan 'das kyis tshangs pa chen po la 'di skad ces bka'
101b2 stsal to/ /tshangs pa/ stong gsum gyi stong chen po'i 'jig rten gyi khams 'di ni nga'i sangs rgyas kyi zhing yin te/ tshangs pa/ stong gsum gyi stong chen po'i 'jig rten gyi khams
101b3 'di khyod la gtad kyi/ khyod ci nas kyang nga'i rjes su 'jug par gyis la dge ba'i lam 'di dang / dge ba'i tshul 'di dang / bla na med pa'i sangs rgyas kyi tshul dang / chos kyi tshul
101b4 dang / dge 'dun gyi tshul 'di rgyun mi 'chad par gyis shig/ nga ni 'di'i skyes bu tha ma'o/ /tshangs pa/ nga'i bu'i thu bo gzhon nu thugs las skyes pa/ zhal nas skyes pa/ chos
101b5 las byung ba/ chos kyis sprul pa/ byang chub sems dpa' sems dpa' chen po byams pa snying rje chen po dang ldan pa/ skye bo mang po'i don 'dod pa/ phan pa 'dod pa/
101b6 bde ba 'dod pa/ grub pa dang bde ba 'dod pa 'ong bar 'gyur te/ de'ang stong gsum gyi stong chen po'i 'jig rten gyi khams 'di ji ltar ngas gnas pa bzhin du chos kyis
101b7 gnas par 'gyur gyi/ ji ltar nga la rjes su mthun par byed pa de bzhin du de la rjes su mthun par gyis shig /ci nas kyang khyod kyis dge ba'i lam 'di dang / dge ba'i
102a1 tshul 'di dang / sangs rgyas kyi tshul dang / chos kyi tshul dang / dge 'dun gyi tshul 'di rgyun mi 'chad par gyis shig/ de ci'i phyir zhe na/ tshangs pa/
102a2 ji tsam du dge ba'i tshul 'di lta bu'i rgyun mi 'chad pa de tsam du sangs rgyas kyi tshul dang / chos kyi tshul dang / dge 'dun gyi tshul rgyun chad par mi 'gyur/ brgya byin dang /
102a3 tshangs pa dang / 'jig rten skyong dang / lha dang mi'i tshul dang / thar ba'i tshul nas mya ngan las 'da' ba'i tshul gyi bar du rgyun chad par mi 'gyur ro/ /tshangs pa/ de lta bas
102a4 na stong gsum gyi stong chen po'i 'jig rten gyi khams sangs rgyas kyi sangs rgyas kyi zhing 'di khyod la gtad do/ /tshangs pa/ khyod la bka' stsal pa ni 'di yin/ rjes su
102a5 bstan pa ni 'di yin gyi/ khyod kyis 'di bzhin du gyis shig/ nga ni 'di'i skyes bu tha ma'o/ /de'i tshe stong gsum gyi stong chen po'i 'jig rten gyi khams na tshangs pa
102a6 dang / tshangs pa chen po ji snyed 'khod pa de dag thams cad 'phags pa'i chos la mngon par dul bar gyur te/ tshangs pa chen po de gcig pu ni ma gtogs so/ /
102a7 tshangs pa chen po stong gi tshangs pa de'ang bcom ldan 'das kyis 'phags pa'i chos la rab tu btul zhing bzhag par gyur to/ /tshangs pa'i le'u ste dang po rdzogs
102b1 so|| ||bam po gnyis pa/ de'i tshe bdud kyi bu ded dpon zhes bya ba/ bcom ldan 'das la dad cing dang ba chen po thob par gyur pa des bcom ldan 'das yongs
102b2 su mya ngan las 'da' ba'i sgra thos nas sdug bsngal zhing yid mi bde ste mi dga' zhing sdug bsngal ba dang yid mi bde ba chen po dang ldan par gyur/ skyo zhing yid byung la spu
102b3 zing zhes byed par gyur nas myur ba myur bar rings pa'i tshul du bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs
102b4 gcig tu 'dug go/ phyogs gcig tu 'dug nas bdud kyi bu ded dpon gyis bcom ldan 'das la 'di skad ces gsol to/ /bcom ldan 'das/ bdag gsol pa 'tshal na
102b5 sman par bgyi ba'i slad du yongs su mya ngan las mi 'da' bar gsol/ bcom ldan 'das/ lha dang bcas pa'i 'jig rten la thugs brtse ba nye bar bzung ste/ skye bo mang
102b6 po la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi don dang / sman pa dang bde ba'i slad du bzhugs su gsol/ bcom
102b7 ldan 'das/ 'jig rten ha cang myur du long pa dang / mig ma mchis pa dang / ston pa ma mchis pa dang / 'dren pa ma mchis pa dang / dpung gnyen ma mchis pa dang / skyabs
103a1 ma mchis pa dang / rten ma mchis par mi 'gyur bar mdzad du gsol/ de skad ces gsol pa dang / bcom ldan 'das kyis bdud kyi bu ded
103a2 dpon la 'di skad ces bka' stsal to/ /ded dpon khyod kyi pha bdud sdig can gyis nga la bcom ldan 'das yongs su mya ngan las 'dar gsol/ bde bar gshegs pa
103a3 yongs su mya ngan las 'dar gsol/ bcom ldan 'das khyod deng yongs su mya ngan las 'da' ba'i dus la bab bo zhes gsol ba btab nas khyod kyi pha bdud sdig can la
103a4 ngas mya ngan las 'da'o zhes smras te/ ded dpon/ bdud sdig can la ngas yongs su mya ngan 'da' bar bya ba'i skabs phye'o/ /ded dpon/ sdig can de la ngas khas blangs
103a5 pa de bya ba'i dus la'ang bab bo/ /de skad ces bka' stsal pa dang / bdud kyi bu ded dpon gyis bcom ldan 'das la 'di skad ces gsol to/ /bcom ldan 'das/ bdud
103a6 sdig can de ni bdag gi pha ma lags kyi/ bcom ldan 'das/ de ni bdag gi dgra lags/ gshed po slar rgol pa lags shing / bcom ldan 'das/ bdag dang
103a7 mi mdza' ba lags te/ gnod par 'tshal pa/ mi sman par 'tshal ba lags so/ /bcom ldan 'das/ sdig can de ni bdag la grub pa dang bde ba ma lags par
103b1 'tshal ba lags so/ /bcom ldan 'das/ gang shes rab kyi sgron ma 'di lta bu dang / shes rab kyi snang ba chen po dang / ye shes snang ba'i sgron ma chen po 'di lta bu yongs su mya
103b2 ngan las 'da' bar 'tshal ba'i sdig can de ni/ sdig pa'i bsam pa can/ sdig pa'i sbyor pa can te/ lha dang mi dang lha ma yin du bcas pa'i 'jig rten sum 'byin pa'i dgra lags
103b3 so| |bcom ldan 'das/ lha dang bcas pa'i 'jig rten na sems can sdig pa chen po 'jig rten du byung ngo zhes gang yang dag par smra bas smra ba de ni/ bcom ldan 'das/
103b4 bdud lags so zhes yang dag par smra bas smra bar bgyi'o/ /bcom ldan 'das/ gang bdag la mi phan par zhugs pa dang / gzhan la mi phan par zhugs pa dang / skye bo
103b5 mang po la mi phan par zhugs pa zhes gang yang dag par smra bas smra ba de ni/ bcom ldan 'das/ bdud lags so zhes yang dag par smra bas smra bar bgyi'o/ /lha dang
103b6 bcas/ bdud dang bcas/ tshangs pa dang bcas pa'i 'jig rten dge sbyong dang bram zer bcas pa'i skye dgu la gnod pa dang / mi phan pa dang / sdug bsngal ba dang / grub
103b7 pa dang bde ba ma lags pa dang / log par ltung ba'i phyir zhugs pa zhes bgyi ba ni/ bcom ldan 'das/ bdud lags so zhes yang dag par smra bas smra bar bgyi'o/ /chos
104a1 dang ldan pa'i dam bcas pa dang / chos dang mi ldan pa'i dam bcas pa bcom ldan 'das las bdag gis mngon sum du thos shing mngon sum
104a2 du bzung ste/ bcom ldan 'das/ gang bdud sdig can gyis dam bcas pa de ni chos dang mi ldan pa'i dam bcas pa lags so/ /bcom ldan 'das khyod ni dam bcas
104a3 pa 'di la brten zhing snying por 'du shes pa lags na/ bcom ldan 'das/ skye bo mang po la sman pa dang / skye bo mang po la bde ba dang / 'jig rten la thugs brtse ba dang /
104a4 lha dang mi rnams la phan pa dang bde ba'i slad du bskal bar bzhugs su gsol/ bcom ldan 'das/ yun ring du bzhugs na de ni skye bo mang po la sman pa dang / skye bo
104a5 mang po la bde ba dang / lha dang mi rnams la bde bar 'gyur te/ de'i slad du bcom ldan 'das lha dang bcas pa'i 'jig rten la thugs brtse ba nye bar bzung ste myur du
104a6 yongs su mya ngan las mi 'dar gsol/ de skad ces gsol ba dang / bcom ldan 'das kyis bdud kyi bu ded dpon la 'di skad ces bka' stsal to/ /ded dpon/ legs
104a7 so| |legs so/ /ded dpon khyod skye bo mang po'i don 'dod pa dang / skye bo mang po la phan pa dang / bde ba dang grub pa dang bde bar 'dod pas de ltar bya'o/ /ded dpon/
104b1 gang dag rgyal po rgyal rigs spyi bo nas dbang bskur ba la bsnyen bkur byed cing phan pa dang bde bas khyab par byed pa dang / rgyal rigs spyi bo nas dbang bskur ba'i yul
104b2 'khor dang / grong rdal dang / ljongs rnams dang / gzhon nu rnams dang / blon po rnams la rtag tu rgyun mi 'chad par bsnyen bkur dang rim gro byed pa la zhugs par 'gyur
104b3 ba de dag ni ded dpon rgyal rigs spyi bo nas dbang bskur ba las nor mang po dang longs spyod chen po 'thob cing rgyal po rgyal rigs de lan du phan chen po 'dogs te/ bu dang chung mar bcas/
104b4 grogs po dang nye du dang snag gi gnyen mtshams su bcas pa la phan pas khyab par byed do/ /ded dpon/ de bzhin du gang khyod de bzhin gshegs
104b5 pa dgra bcom pa yang dag par rdzogs pa'i sangs rgyas chos kyi rgyal po bla na med pa la sems dang ba'i dge ba'i rtsa ba 'di lta bu 'di 'bul na/ ded dpon/ de bzhin gshegs
104b6 pa la sems dang bas bsnyen bkur dang rim gro bya ba'i phyir khyod la dbugs dbyung ba sbyin no/ /khyod la dge ba'i rtsa brgya chen po'i longs spyod chen po sbyin no/ /ded dpon
104b7 khyod de bzhin gshegs pa la sems dad pa'i dge ba'i rtsa ba bskyed na dbugs dbyung ngo / /ded dpon khyod dge ba'i rtsa ba 'di dang / dad pa dang / dang ba 'dis nga mya ngan
105a1 las 'das nas ma 'ongs pa'i dus na rang sangs rgyas snying rje can zhes bya bar 'gyur ba'i dus de lta bu dang / tshe de lta bu yod kyi/ shes par gyis
105a2 shig/ ded dpon/ nga 'das nas dam pa'i chos thams cad kyi thams cad du nub pa na bdud sdig can rab tu mgu bar 'gyur ba dang dga' ba dang rangs par 'gyur ba'i
105a3 dus de lta bu dang / tshe de lta bu yod par 'gyur ro/ /de shin tu dga' zhing mgu pa las bdud kyi gnas nas 'chi 'pho bar 'gyur ro/ /de bdud kyi gnas nas shi 'phos ma
105a4 thag tu mnar med pa'i sems can dmyal ba chen por lus 'thob par 'gyur te/ der yang de mnar med pa'i sdug bsngal rnam pa sna tshogs myong par 'gyur ro/ /
105a5 de ci'i phyir zhe na/ ded dpon 'di ltar de ni shes rab kyi sgron ma chen po shes rab kyi snang ba chen po 'di lta bu med par 'gyur pa la dga' ba'i phyir ro/ /ded dpon/
105a6 gang bdag gsod pa dang / bdag la gnod pa dang / bdag mi sgrub par zhugs pa zhes yang dag par smra bas smra ba de ni bdud yin no zhes yang dag par smra bas smra bar
105a7 bya'o/ /ded dpon/ de ci'i phyir zhe na/ 'di ltar nga yongs su mya ngan las 'das pa'i dam pa'i chos ji srid du gnas pa de srid du bdud sdig can bdud kyis gnas na
105b1 'dug go/ ded dpon/ nga'i dam pa'i chos nub ma thag tu de nas bdud sdig can rangs pa chen po skye bar 'gyur zhing / tshim pa chen po dang / dga' chen po dang / mchog tu dga'
105b2 ba chen po dang / mgu pa chen po dang / yid bde ba chen po skye bar 'gyur te/ de skad cig de nyid dang / thang cig de nyid dang / yud tsam de nyid la bdud kyi gnas nas shi 'phos
105b3 te| sems can dmyal ba chen po mtshams med par ltung bar 'gyur ro/ /ded dpon/ 'di lta ste/ dper na/ mi la la zhig shing sA la ljon pa me tog dang 'bras bu mang po dang
105b4 ldan pa chen po la 'dzegs nas/ des shing sA la ljon pa de las me tog dang 'bras bu yid du 'ong ba dag spyad de/ yal ga gang la gnas pa'i yal ga de nyid bcag na/ ded
105b5 dpon/ de ji snyam du sems/ mi de yal ga chag pa de la gnas su rung ngam/ gang yal ga gang la 'dzags te bde bar 'dug pa'i yal ga de nyid gcod pa'i mi de'ang
105b6 ci mkhas pa'i rang bzhin can yin nam/ gsol pa/ bcom ldan 'das/ ma lags so/ /bde bar gshegs pa/ ma lags so/ /bka' stsal pa/ ded dpon/
105b7 bdud sdig can gang de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' bar 'dod cing de bzhin gshegs pas
106a1 gsungs pa'i chos 'dul ba nub par dga' ba'ang de ltar snang bar ngas bsams so/ /de ci'i phyir zhe na/ 'di ltar nga'i dam pa'i chos ji srid du gnas pa
106a2 de srid du de bdud kyi gnas na 'dug go/ /nga'i chos nub par gyur na/ bdud sdig can de dga' ba bskyed de mgu rangs shing yid bde ba bskyed de/ /de de ma thag tu bdud kyi
106a3 gnas nas shi 'phos nas sems can dmyal ba chen po mnar med par rab tu ltung bar 'gyur te/ /ded dpon/ /'di lta ste/ /dper na/ mi de shing sA la ljon pa de la bdag
106a4 la gnod pa dang gzhan la gnod par byed pa ltar bdud sdig can yang de lta bu yin par mthong ngo / /ded dpon/ bdud sdig can ni bdag la gnod pa'i phyir zhugs
106a5 pa yin no/ /ded dpon/ bdud sdig can ni gzhan la gnod pa'i phyir zhugs pa ste/ ded dpon/ bdud sdig can de de'i tshe de'i dus na sems can dmyal ba chen po mnar
106a6 med par lhung nas/ /sdug bsngal gyi tshor ba mi bzad pa tsha ba srog 'phrog pa myong nas 'chi ste 'chi kar tshor ba myong nas nga rjes su dran par 'gyur te/ /bcom ldan 'das
106a7 de bzhin gshegs pa dgra bcom pa yang dag par rdzogs pa'i sangs rgyas bden pa gsung ba/ gzhan du mi gsung ba/ log par mi gsung ba des lus bsdams
106b1 pa legs/ /ngag bsdams pa legs/ yid bsdams pa legs te/ lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam
106b2 par smin pa ni sdug pa dang / 'dod pa dang / dga' ba dang / yid du 'ong ba mngon par 'grub bo/ /lus kyis nyes par spyad pa dang / ngag gis nyes par spyad pa dang / yid kyis
106b3 nyes par spyad pa'i rnam par smin pa ni mi sdug pa dang / mi 'dod pa dang / mi dga' ba dang / yid du mi 'ong ba mngon par 'grub bo zhes gsungs pa de legs par gsungs
106b4 pa'o/ /bdag ni sngon lus kyis nyes par spyad pa dang ldan par 'gyur/ /ngag gis nyes par spyad pa dang / yid kyis nyes par spyad pa dang ldan par gyur te/ bdag las de'i rnam
106b5 par smin pas da ltar sems can dmyal pa chen po 'dir skyes nas 'di lta bu'i sdug bsngal mi bzad pa drag pa/ tsha ba yid du mi 'ong ba/ 'chi ba'i mthar 'gyur ba srog
106b6 'phrog pa'i tshor ba myong bar gyur to snyam mo/ /de de'i tshe ngas legs par smras pa thos nas sems dang bar 'gyur te/ de sems dang bar gyur nas sems can dmyal ba chen
106b7 po nas shi 'phos te sum cu rtsa gsum gyi lha rnams dang skal pa mnyam par skye bar 'gyur ro/ /de ci'i phyir zhe na/ dad dpon/ de ni 'di lta bu yin te/ gang dgra de bzhin gshegs
107a1 pa la nyes pa'i bar du gcod pas kun tu spyod pa de dag ni de bzhin gshegs pa la nyes pa'i bar du gcod pas kun tu spyad pas lus zhig nas
107a2 sems can dmyal ba chen por skye bar 'gyur ro/ /ded dpon/ /gang dag de bzhin gshegs pa la byams pas kun tu spyod kyi/ nyes par ma yin pa de dag ni lus zhig
107a3 nas bde 'gro mtho ris kyi 'jig rten lha'i nang du skye bar 'gyur te/ de dag dge ba'i rtsa ba des sangs rgyas bcom ldan 'das rnams kyi chos nyams su blangs nas de nyid
107a4 du dge ba'i rtsa ba bskyed de/ rim gyis nye bar len pa med par yongs su mya ngan las 'da'o/ /de bas na ded dpon khyod kyis de bzhin gshegs pa dgra bcom pa yang
107a5 dag par rdzogs pa'i sangs rgyas la sems dad par byas pas/ ded dpon khyod dge ba'i rtsa ba de dang / rgyu de dang / rkyen des gang gi tshe byams pa 'jig rten du 'byung
107a6 ba de'i tshe ded dpon khyod de'i tshe de'i dus na de bzhin gshegs pa byams pa'i gsung rab de la rab tu 'byung ngo / /rab tu byung nas kyang sems can gnyid kyis
107a7 log pa dang / myos pa dang rab tu myos pa rnams la kye sems can khyed longs la sbyor bar gyis/ 'bad par gyis/ rtsol bar gyis shig /de bzhin gshegs pa
107b1 dgra bcom pa yang dag par rdzogs pa'i sangs rgyas 'jig rten du 'byung ba rnyed par dka' ste/ 'di lta ste/ dper na/ shing u dum wa ra'i me tog brgya la brgya lam na 'byung
107b2 bar 'gyur pa de bzhin du de gshegs pa rnams kyang brgya la brgya lam na 'jig rten du 'byung bar 'gyur ro/ /gnas med pa/ zhi bar 'gyur ba/ yongs su mya ngan las 'da'
107b3 bar 'gyur ba/ yang dag par rdzogs pa'i sangs rgyas kyis bstan pa'i chos ston pa'ang brgya la brgya lam na'o/ /mi'i lus 'thob cing 'phags pa'i gnas na tshul bzhin du
107b4 gnas pa'ang brgya la brgya lam na snang ngo / /mi khom pa brgyad spangs nas de lta bu'i dal ba phun sum tshogs pa rnyed pa'ang brgya la brgya lam na ste/ bag yod pas legs par
107b5 brtson par gyis shig/ phyis 'gyod par ma gyur cig ces skul bar 'gyur ro/ /ded dpon khyod de ltar de bzhin gshegs pa byams pa'i gsung rab dang / de bzhin gshegs
107b6 pa byams pa chos kyi rgyal po'i sangs rgyas kyi zhing du de'i gsung gi tshig rjes su 'dzin cing rjes su skyong bar 'gyur ro/ /byams pa'i sems khon med pa dang / 'gran zla med pa
107b7 dang / kha na ma tho ba med pa dang / phan pa dang bde bas khyab par byed par 'gyur ro/ /ded dpon khyod dge ba'i rtsa ba des bdud sdig can 'das pa'i 'og tu bdud kyi gnas na
108a1 dbang phyug chen po'i bdag po bdud byed par 'gyur ro/ /ded dpon/ sems can gang dag de bzhin gshegs pa la tha na sems bskyed pa gcig
108a2 tsam gyi dge ba'i rtsa ba bskyed par 'gyur ba de dag thams cad ni ded dpon dge ba'i rtsa ba des mi 'chi bar nye bar 'gro/ mi 'chi ba la gzhol/ mi 'chi ba'i mthar 'gyur
108a3 ro| |ded dpon khyod ni dge ba'i rtsa ba des lha dang mi'i phun sum tshogs ba rgya chen po myong nas bskal pa brgyad cu'i srid pa tha ma la lus tha ma 'thob pa na/ rang sangs
108a4 rgyas snying rje can zhes bya bar 'gyur ro/ /de ci'i phyir zhe na/ 'di ltar ded dpon khyod kyis nga yongs su mya ngan las 'das pa'i sgra thos nas nga la sems dang ba chen po bskyed de/
108a5 sems can rnams la'ang snying rje'i sems bskyed nas sems can thams cad la phan pa dang bde ba'i phyir/ nga la bcom ldan 'das yongs su mya ngan las mi 'da' bar
108a6 bzhugs su gsol zhes gsol ba 'debs pa dang / de bzhin gshegs pa byams pa'i bstan pa la'ang sems can de dag la snying rje bskyed nas gnyid kyis log pa
108a7 dang / myos pa dang / rab tu myos pa'i skye bo rnams la bsgo zhing bskul ma 'debs/ dge ba'i chos tshad med pa la'ang bskul par 'gyur te/ ded dpon khyod rang sangs
108b1 rgyas su 'gyur pa'i rgyu 'di yin/ rkyen 'di yin no/ /ded dpon/ dge ba'i rtsa ba'i longs spyod chen po 'di lta bu sbyin gyi/ ded dpon dga' zhing mgu ba dang / rangs shing yid dga'
108b2 bar gyis shig /ded dpon khyod de bzhin gshegs pa la gsol ba 'debs pa dang / de bzhin gshegs pa la sems dang ba'i phyir de bzhin gshegs bas chos kyi dga' ba
108b3 dang chos kyi longs spyod 'di byin pa yin no/ /de skad ces bka' stsal ba dang / bcom ldan 'das la bdud kyi bu ded dpon gyis 'di skad ces gsol to/ /bcom ldan 'das/
108b4 bdag gis de skad du gsol kyang de ste bzhugs su mi gnang na/ bcom ldan 'das/ bdag deng slan chad 'di yid ma 'cha' zhing smon lam 'debs te/ bcom ldan 'das/
108b5 yongs su mya ngan las 'das nas dam pa'i chos ji srid du gnas pa de srid du/ bcom ldan 'das/ bdag gzugs dang / sgra dang / dri dang / ro dang / reg pa rnams la snyen par
108b6 mi bgyid do/ /'dod pa'i yon tan lnga la'ang chags pa dang rtse ba dang yongs su spyod par mi bgyid do/ /gos gzhan yang mi 'tshal me tog dang / spos dang / phreng bar dang /
108b7 byug pa'ang mi snyen no/ /bcom ldan 'das kyi dam pa'i chos ji srid du nub par ma gyur gyi bar du de las gzhan pa'i lha'i longs spyod dang yongs su spyad pa dag kyang mi spyod
109a1 do| |de ci'i slad du zhe na/ bcom ldan 'das/ 'di ltar bdag sang nang bar 'di lta bu'i skyes bu rin po che dang 'bral bar 'gyur zhing lhan cig mi
109a2 gnas pa dang / dbye ba dang 'gyes pa dang shin tu mi snang bar 'gyur na/ bcom ldan 'das/ bdag dga' ba dang rtse bas ci zhig bgyi/ bde bas ci zhig bgyi/ yid bde bas
109a3 ci zhig bgyi/ shes rab kyi sgron ma chen po 'di lta bu dang / shes rab kyi mar me chen po 'di lta bu dang / ye shes kyi snang ba chen po yongs su mya ngan las 'das nas/
109a4 bcom ldan 'das/ bdag mgu ba'am/ yid bde ba'am/ dga' ba'am/ rangs pa'am/ rab tu dga' ba myong bar ga la 'gyur/ ye shes chen po'i nyi ma 'od zer
109a5 brgya stong du mas bskor ba ma rig pa'i mun pa sel ba 'di lta bu dang / 'od snang bar mdzad pa 'di lta bu nub par gyur na/ bcom ldan 'das/ bdag dga' ba'am bde
109a6 pa ga las mchi/ bdag sems can rin po che 'di lta bu dang bral na/ dga' ba dang rtse ba ga las mchi/ sems can snang ba/ sems can rtogs pa/ sems can ma smad
109a7 pa| sems can kha na ma tho ba med pa/ sems can ma rmongs pa/ sems can mchog /sems can bla na med pa/ sems can gong na med pa/ sems can mtshungs pa med pa/ sems
109b1 can mnyam pa med pa/ sems can mi mnyam pa dang mnyam pa/ sems can thams cad thar bar mdzad pa'i sems can/ sems can rab/ sems can mchod pa/ sems can
109b2 kha lo sgyur ba/ sems can 'dul ba/ sems can phan par dgyes pa/ yang dag par gsung ba/ dus su gsung ba/ tshigs su gsung ba/ phyin ci ma log par gsung pa/ ji skad
109b3 gsung ba de bzhin mdzad pa/ thugs rje chen po dang ldan pa/ byams pa chen po la gnas pa/ sems can thams cad la khong khro ba mi mnga' ba/ sems can thams cad la
109b4 sems mnyam pa rab tu ma spros pa/ nga rgyal mi mnga' ba/ len pa mi mnga' ba/ gzhi mi mnga' ba/ gnas mi mnga' ba/ mi skyo ba dri ma mi mnga' ba/ skyob ba 'dren pa rnam
109b5 par 'dren pa/ yongs su 'dren pa/ yongs su thar bar mdzad pa/ yongs su skyong ba/ dran par mdzad pa/ rtogs par mdzad pa/ skul ma 'debs pa/ mya ngan spang ba/ zug
109b6 rdu 'byin pa/ sman pa'i rgyal po sems kyi gso ba mdzad pa/ sman chen po sbyin pa/ shin tu sdug bsngal ba las yongs su thar bar mdzad pa/ ston pa po/ ded dpon khrid pa/
109b7 'bab stegs mdzad pa/ gdos pa 'dzin pa/ sgron ma 'dzin pa/ snang ba mdzad pa/ 'od mdzad pa/ gsal bar mdzad pa/ mig sbyin pa/ lam ston pa/ yul bde bar phyin
110a1 par mdzad pa/ dri ma dang tha ba dang mdud pa thams cad spangs pa/ sred pa mi mnga' ba/ bag la nyal mi mnga' ba/ mdud pa dang kun tu sbyor ba thams
110a2 cad rab tu bshig pa/ 'dod chags dang bral ba/ zhe sdang dang bral ba/ gti mug dang bral ba/ nyon mongs pa dang bral ba/ kun tu sbyor ba dang bral ba/ nga rgyal dang dregs
110a3 pa dang rtsod pa dang bral ba/ de lta bu'i skyes bu chen po/ skyes bu dam pa/ skyes bu mchog/ skyes bu dpa' bo/ skyes bu rtul phod pa/ skyes bu pad+ma/ skyes
110a4 bu pad+ma dkar po/ skyes bu glang po/ skyes bu seng ge/ skyes bu gtso bo/ skyes bu brtan pa/ skyes bu mchog/ skyes bu cang shes pa/ bla na med pa/ yid yongs su mi skyo ba/ bsam
110a5 gtan chen po la bsam gtan pa/ bsam gtan thams cad la bsam gtan pa/ bsam gtan dang snyoms par 'jug pa thams cad spyod yul ba/ shes rab chags
110a6 pa med pa/ shes rab sgrib pa med pa/ shes rab kyi spyod yul mnyam pa med pa/ rgyal mtshan bsnyal ba/ 'dam las rgal ba/ thang la gnas pa/ pha rol tu phyin
110a7 pa| mi 'jigs pa'i gnas su phyin pa/ sems can thams cad la mi 'jigs pa sbyin pa/ 'jig rten thams cad dbugs 'byin pa 'dir do mod kyi thun tha ma la
110b1 'bral zhing 'bye bar 'gyur te/ bdag gis bcom ldan 'das seng ge'i sgra sgrogs pa phyin chad mi mthong zhing de bzhin gshegs pa'i seng ge'i sgra thos par mi 'gyur na/ bcom
110b2 ldan 'das/ bdag dga' ba'am yid bde ba ga las mchi/ de bzhin gshegs pa yongs su mya ngan las 'das pa ni/ bcom ldan 'das/ 'di lta ste/ dper na/ rgyal po
110b3 rgyal rigs spyi bo nas dbang bskur ba 'chi ba'i dus bgyis pa na sems can byas pa gzo zhing byas pa rig pa/ byas pa rjes su skyong ba/ sdug bsngal gyis gdungs pa kha cig
110b4 mchis pa de dag de na dgung gcig gam/ gnyis sam/ gsum mam/ bzhi'am/ lnga'am/ drug gam/ bdun nam/ zla ba phyad dam/ zla ba gcig tu mya ngan bgyid de mchi
110b5 ma 'byung zhing gnas pa de bzhin du/ bdag kyang bcom ldan 'das yongs su mya ngan las 'das pa na dam pa'i chos 'di ji srid du gnas pa de srid du bdag gzugs dang /
110b6 sgra dang / dri dang / ro dang / reg bya mi snyan to/ /'dod pa'i yon tan lnga la'ang chags par mi bgyis/ mi rtse/ yongs su mi spyod do/ /gos gzhan yang mi 'tshal zhing me tog dang
110b7 phreng ba dang spos dang byug pa'ang mi snyen yongs su mi spyod do/ /bcom ldan 'das/ dam pa'i chos nub par ma gyur gyi bar du de las gzhan pa'i longs spyod rnams kyang mi
111a1 snyen to/ /ded dpon gyi le'u ste gnyis pa rdzogs so// //de nas lha'i dbang po brgya byin bcom ldan 'das ga la ba der song
111a2 ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas lha'i dbang po brgya byin gyis bcom
111a3 ldan 'das la 'di skad ces gsol to/ /bcom ldan 'das/ bdag gis ji ltar bsgrub par brgya ba bka' stsal du gsol/ /bcom ldan 'das/ /gang lha ma yin gyi
111a4 dbang po bzhi go cha bgos nas sum cu rtsa gsum gyi lha rnams la g.yul bshams te rgol ba'i dus de lta bu dang tshe de lta bu mchis so/ /gang gi tshe lha dang lha ma yin
111a5 g.yul shom zhing lha ma yin gyi dbang po bzhi tshogs par gyur pa de'i tshe 'phags pa maud+gal gyi bu'ang mchis te/ 'phags pa maud+gal gyi bu mchis nas lha ma yin
111a6 gyi dbang po de bzhi chos dang mthun pas tshar gcod do/ /de ltar bgyis pas lha dang lha ma yin rnams 'thab pa ma mchis/ 'gyed pa ma mchis/ /mtshang 'dru ba ma
111a7 mchis/ rtsod pa ma mchis shing bde bar 'gyur na/ bcom ldan 'das/ /maud+gal gyi bu'ang yongs su mya ngan las 'das/ bcom ldan 'das kyang da yongs su mya
111b1 ngan las 'da' bar 'gyur te/ de lta bas na bdag cag 'thab pa dang 'gyed pa chen por 'gyur na/ bcom ldan 'das/ lha dang lha ma yin dang / lha ma yin gyi dbang po bzhi
111b2 g.yul shom pa de'i tshe ji ltar bsgrub par bgyi ba bdag la bka' stsal du gsol/ de skad ces gsol pa dang / bcom ldan 'das kyis lha'i dbang po brgya byin la 'di skad
111b3 ces bka' stsal to/ /kau shi ka/ 'di lta ste/ tshul khrims rnam par dag pa'i phyir tshul khrims dang ldan pa tshangs par spyod pa'i sems la smon pa 'grub ste tshangs par mi
111b4 spyod pa'i ma yin no/ /'dod chags dang bral ba'i 'grub kyi 'dod chags dang ma bral ba'i ma yin no/ /zhe sdang dang bral ba'i 'grub kyi zhe sdang dang ma bral ba'i ma yin no/ /gti
111b5 mug dang bral ba'i 'grub kyi gti mug dang ma bral ba'i ma yin no/ /shes rab dang ldan pa'i grub kyi shes rab 'chal ba'i mi 'grub bo/ /kau shi ka/ ji srid du dam pa'i chos 'di
111b6 nub par ma gyur pa de srid du/ kau shi ka/ lha dang lha ma yin g.yul shom par 'gyur pa nga'i ming smos pa tsam gyis lha rnams rgyal par 'gyur zhing lha ma yin pham par
111b7 'gyur bar ngas deng nas byin gyis brlabs kyis/ kau shi ka/ mi dgar ma byed/ /mya ngan ma byed/ smre sngags ma 'don cig/ de nas lha ma yin gyi dbang po bzhi bcom ldan
112a1 'das kyis byin gyis brlabs pa'i sgra 'di lta bu thos nas skyo zhing mi dga' ste/ spu zing zhes byed par gyur nas bcom ldan 'das ga la ba der dong ste
112a2 lhags nas/ /bcom ldan 'das kyi zhabs la mgo pos phyag 'tshal te/ phyogs gcig tu 'khod do/ /phyogs gcig tu 'khod nas lha ma yin gyi dbang po rnams kyis
112a3 bcom ldan 'das la 'di skad ces gsol to/ /bcom ldan 'das/ /ci'i slad du 'di lta bur byin gyis rlob pa mdzad/ de skad ces gsol ba dang / bcom ldan 'das kyis
112a4 lha ma yin gyi dbang po bzhi po de dag la 'di skad ces bka' stsal to/ /lha ma yin gyi dbang po khyed cag mya ngan ma byed/ smre sngags ma 'don/ yongs su yi 'chad pa
112a5 ma skyed cig/ de ci'i phyir zhe na/ khyed rnams kyang lha rnams kyi dbang por 'gyur ba'i dus de lta bu dang / tshe de lta bu yod de/ sum cu rtsa gsum gyi ris kyi lha rnams pas
112a6 ches phyug pa dang / 'thab pa med pa dang / rtsod pa med pa dang / 'gyed pa med pa dang / 'gal ba med cing rgyal ba thob par 'gyur ro/ /de ci'i phyir zhe na/ khyed 'thab
112a7 pa med pa dang / 'tshang 'dru ba med pa dang / 'gyed pa med pa dang / rtsod pa med pa dang / 'gal ba med par lhur long la/ byams pa'i sems dang / phan pa'i sems
112b1 kyi dngos po phun sum tshogs par gnas par gyis shig/ grogs po dag/ srog ni rgyun mi ring / dbang phyug la dbang byed pa ni mi rtag go/ /grogs po dag/ phun sum tshogs pa thams
112b2 cad ni mthar 'jig go/ grogs po dag/ de bzhin gshegs pa'ang mi rtag pa nyid kyis mthar thug pa dang / yongs su zad pa dang / yongs su dengs par byed pa la ltos/ nga ni
112b3 sems can thams cad la khon med pa dang / 'thab pa med pa dang / rtsod pa med pa dang / 'gal ba med par byed pa la gnas pa dang / sems can thams cad 'dum zhing
112b4 mthun par byed pa la zhugs pa yin yang / de ltar na khyod dge ba'i rtsa ba chung du dang ldan pa phan tshun 'thab pa dang rtsod pa la mngon par dga' ba rnams la lta smos kyang ci
112b5 dgos/ grogs po dag/ gang gzhan la rnam par mtho 'tshams pa dang rnam par 'tshe ba la zhugs par gyur pa de ni yun ring du rnam par mtho 'tshams pa dang rnam par 'tshe ba
112b6 thob par 'gyur ro/ /grogs po dag/ srog gcod pa'i skyes bu gang zag ni tshe thung bar 'gyur ro/ /grogs po dag /'thab pa dang rtsod pa la dga' ba'i skyes bu gang zag
112b7 ni rtag tu skrag pas 'tsho bar 'gyur zhing / dbang che bar grags pa dang g.yog 'khor mang por mi 'gyur ro/ /grogs bo dag /dge ba dang sdig pa'i las rnams chud za ba
113a1 med do/ /de bas na/ grogs po dag /khyed phan tshun byams pa'i sems dang / byams pa'i lus kyi las dang / byams pa'i dag gi las dang / byams
113a2 pa'i yid kyi las kun tu spyod cig /'thab pa med pa dang / 'tshang 'dru ba med pa dang / rtsod pa med pa lhur long la gnas par gyis shig dang / de yun ring por don du
113a3 'gyur ba dang / phan pa dang / bde ba dang / 'gyod pa med par 'gyur ro/ /de skad ces bka' stsal ba dang / bcom ldan 'das la lha ma yin gyi dbang po de dag gis 'di skad
113a4 ces gsol to/ /bcom ldan 'das/ de de lta lags so/ /bde bar gshegs pa/ de de lta lags te/ bcom ldan 'das kyis ji skad du bka' stsal pa de bzhin du bgyi'o/ /
113a5 de bzhin du bsgrub par bgyi'o/ /de bzhin du gnas par bgyi'o/ /bcom ldan 'das/ bdag cag kyang deng slan chad g.yul shom pa mi bgyid do/ /phan tshul byams pas
113a6 kun tu spyad par bgyi'o/ /de nas lha'i dbang po brgya byin bcom ldan 'das yongs su mya ngan 'da' ba la mya ngan byed de/ gdong la mchi ma zag par du zhing sdug bsngal/
113a7 yid mi bde zhing mya ngan gyi zug rdu chen po dang ldan par gyur nas bcom ldan 'das la 'di skad ces gsol to/ /bcom ldan 'das/ bdag deng slan chad
113b1 bcom ldan 'das yongs su mya ngan las 'das pa'i dam pa'i chos ji srid du gnas pa de srid du gzugs la mi snyam pa nas/ reg bya la mi reg pa dang / slas kyi nang du mi 'jug pa dang
113b2 gos gzhan mi 'tshal bar bgyis te/ bcom ldan 'das/ 'di lta ste/ dper na/ sems can gang dag byas pa gzo zhing /byas pa rig pa/ byas pa rjes su skyong ba de dag rje bo gum
113b3 par gyur na/ de'i slad du sdug bsngal zhing mchi ma 'byung ba de bzhin du bdag kyang bcom ldan 'das yongs su mya ngan las 'das na bcom ldan 'das kyi dam pa'i chos ji srid
113b4 du gnas pa de srid du mchi ma dbyung bar bgyi/ 'dod pa'i yon tan lnga la mi snyen/ slas kyi nang du mi 'jug /de las gzhan pa'i gos 'chang bar mi bgyid do/ /bcom ldan
113b5 'das/ 'di ltar bdag 'jig rten thams cad las 'das pa'i ston pa 'di lta bu dang sang nang bar 'bral zhing mi mthong ba dang mi 'grogs par 'gyur pa lags pa lta/ lha'i
113b6 dbang po brgya byin gyis de skad gsol nas mchi ma zag pa bzhin du mgo smad de 'dug go/ brgya byin gyi le'u ste gsum pa rdzogs so// //de nas gnas brtan
113b7 sgra can zin 'di snyam du bcom ldan 'das yongs su mya ngan las 'da' ba la bdag mngon sum du lta bar mi spro'o/ /bcom ldan 'das/ yongs su mya ngan las 'da' ba
114a1 mngon sum du mthong na bdag rangs par ga la 'gyur te/ mgu bag la yod/ yid bde ba ga la yod/ dga' ba ga la yod/ yi rang pa ga la yod kyi
114a2 bdag nges par 'di nas 'jig rten gyi khams bcu 'das pa na/ 'jig rten gyi khams 'od zer can na/ bcom ldan 'das de bzhin gshegs pa dgra bcom pa yang dag
114a3 par rdzogs pa'i sangs rgyas bsnyen par dka' bzhes bya ba'i drung du 'gro'o snyam du sems so/ /de nas tshe dang ldan pa sgra can zin ku sha'i grong khyer gyad rnams nye bar gnas
114a4 pa shing sA la'i tshal nas mi snang bar gyur te/ byang shar gyi phyogs ga la ba dang / de bzhin gshegs pa bsnyen par dka' ba ga la ba der song nas phyin pa dang / de bzhin
114a5 gshegs pa dgra bcom pa yag dag par rdzogs pa'i sangs rgyas bsnyen par dka' ba'i zhabs la mgo bos phyag 'tshal nas phyogs gcig tu 'khod do/ /phyogs gcig
114a6 tu 'dug nas sdug bsngal zhing yid mi bde ba tshe dang ldan pa sgra gcan zin la de bzhin gshegs pa dgra bcom pa yang dag par rdzogs pa'i sangs rgyas bsnyen par dka'
114a7 bas 'di skad ces bka' stsal to/ /sgra gcan zin khyod mya ngan ma byed/ smre sngags ma 'don cig /de ci'i phyir zhe na/ sgra gcan zin/ sdug ba dang yid du 'ong ba thams cad
114b1 dang tha dad du 'gyur zhing 'gyes pa dang 'bye ba dang 'bral bar 'gyur ro/ /sgra gcan zin/ sangs rgyas bcom ldan 'das rnams sangs rgyas kyi mdzad pa mdzad nas yongs su mya ngan las 'da'
114b2 ba 'di ni chos nyid yin no/ /sgra gcan zin/ bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas gyad rnams nye bar gnas pa'i/ /
114b3 shing sA la'i tshal na shing sA la zung gi bar du seng ge ltar glo g.yas bas mnal te do med kyi thun tha ma la phung po'i lhag ma med pa'i mya ngan las 'das pa'i dbyings su mya ngan las
114b4 'da' bar 'gyur gyi/ sgra gcan zin khyod der song ste/ khyod nges par der 'dug dgos kyi/ sgra gcan zin khyod song zhig bcom ldan 'das/ yongs su mya ngan las 'das pa'i
114b5 'og tu 'gyod par gyur ta re/ de skad ces bka' stsal ba dang / de bzhin gshegs pa dgra bcom pa yang dag par rdzogs pa'i sangs rgyas bsnyen par dka' ba la tshe dang ldan
114b6 pa sgra bcan zin gyis 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas de do mod kyi thun tha ma la
114b7 yongs su mya ngan las 'da'o zhes bgyi ba'i sgra de'ang thos par mi bzod na/ bcom ldan 'das/ de yongs su mya ngan las 'da' ba mngon sum du mthong ba lta smos kyang ci
115a1 'tshal/ bcom ldan 'das de bas na bdag der mchi bar mi spro'o/ /de nas tshe dang ldan pa sgra gcan zin bcom ldan 'das de bzhin gshegs pa bsnyen
115a2 par dka' ba de'i bka' ma mnyan par sangs rgyas kyi zhing de nas mi snang bar gyur to/ /steng gi phyogs kyi 'jig rten gyi khams rim gyis bcu pa de na de bzhin gshegs pa dgra
115a3 bcom pa yang dag par rdzogs pa'i sangs rgyas ded dpon zhes bya ba bzhugs te 'tsho zhing gzhes so/ /de nas tshe dang ldan pa sgra gcan zin de bzhin gshegs pa ded dpon
115a4 ga la pa der song ste phyin pa dang de bzhin gshegs pa ded dpon gyi zhabs la phyag 'tshal nas gdong mchi ma can du dus te/ smre sngags 'don zhing phyogs gcig tu 'dug
115a5 go/ phyogs gcig tu 'dug pa dang / tshe dang ldan pa sgra gcan zin la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas
115a6 ded dpon gyis 'di skad ces bka' stsal to/ /sgra gcan zin/ thong / mi dgar ma byed/ mya ngan ma byed/ smre sngags ma 'don cig/ sgra gcan zin/ skye ba'i chos can mi skye
115a7 ba dang / rga ba'i chos can mi rga ba dang / na ba'i chos can mi na ba dang / 'chi pa'i chos can mi 'chi ba dang / zad pa'i chos can mi zad par 'gyur pa de lta bu ga la yod/ sgra
115b1 gcan zin/ de ltar bu'i gnas dkon no/ /sgra gcan zin/ sngon gyi sangs rgyas dang sangs rgyas kyi nyan thos thams cad kyang zhi zhing bral te yongs su mya ngan las 'das so/ /ma 'ongs pa'i
115b2 sangs rgyas bcom ldan 'das dang nyan thos dang rang sangs rgyas thams cad kyang yongs su mya ngan las 'da' bar 'gyur ro/ /gang dag da ltar bzhugs pa'i de bzhin gshegs pa
115b3 dang nyan thos dang rang sangs rgyas de dag thams cad kyang yongs su mya ngan las 'da'o/ /sgra gcan zin/ bskal pa'am bskal pa brgyar gnas pa'ang nges par yongs su mya ngan las
115b4 'da' dgos so/ /sgra gcan zin/ sangs rgyas bcom ldan 'das rnams la shin tu rnam par zhi pa ma gtogs par chos nyid gzhan med/ gnas med do/ /sgra gcan zin/
115b5 shin tu rnam par zhi ba zhes bya ba ni shin tu zhi ba/ shin tu bsil bar gyur pa/ shin tu mthar thug pa/ shin tu bde ba/ shin tu grub pa dang bde ba ste/ 'di lta ste/ gzhi
115b6 med pa mya ngan las 'das pa'i dbyings so/ /sgra gcan zin/ skye ba sdug bsngal/ rga pa sdug bsngal/ na ba sdug bsngal/ 'chi ba sdug bsngal/ yang dang yang mdza' ba dang
115b7 bral ba sdug bsngal/ mi mdza' ba dang / 'grogs pa sdug bsngal/ phung po'i khur thogs pa sdug bsngal lo/ /sgra gcan zin/ gang gdag yongs su mya ngan las 'das pa de dag
116a1 ni bde ba yin gyi/ sgra gcan zin khyod kyang yongs su mya ngan las 'da' bar gyis shig/ bcom ldan 'das/ de bzhin gshegs pa shAkya thub pa de'ang
116a2 yongs su mya ngan las 'da' bar 'gyur te/ gang na skye ba med/ /rga ba med/ na ba med/ 'chi ba med/ mdza' ba dang bral ba med/ mi mdza' ba dang phrad ba med/ sdug bsngal
116a3 ba dang yid mi bde ba med pa der khyod gnyis ka 'dod bar gyur gyi/ /sgra gcan zin/ /khyod mi dgar ma byed/ mya ngan ma byed/ smre sngags ma 'don cig /sgra gcan zin/
116a4 chos nyid rjes su dran par gyis shig/ yang dag pa ma yin pa phyin ci log tu 'dzin pa ma gtogs par 'di la skye ba gang yin/ /'di la rga ba gang yin/ /'di la 'chi
116a5 ba gang yin/ 'pho ba gang yin/ /'byung ba gang yin/ /sgra gcan zin/ byis pa so so'i skye bo thos pa dang mi ldan pa/ 'phags pa'i chos rnams ma mthong ba/ 'phags
116a6 pa'i chos rnams ma bslabs pa/ 'phags pa'i chos rnams la mi mkhas pa/ 'phags pa'i chos rnams la mi gnas pa/ 'phags pa'i chos rnams kyis ma dul
116a7 ba/ 'phags pa'i chos rnams ma shes pa'i phyir 'du shes phyin ci log dang / lta ba phyin ci log tu phyin ci log pas skye ba dang / rga ba dang / na ba dang / 'chi ba dang /
116b1 'pho ba dang / 'byung ba dang / kun tu rgyug pa dang / 'khor ba dang / rnam par brkam pa dang / rgud pa dang / mi dga' ba dang / mya ngan dang / smre sngags 'don pa dang / brang rdung bar
116b2 'gyur ro/ /sgra gcan zin/ 'phags pa'i chos 'dul ba 'di la ni 'du byed thams cad rnam par zhi bas phyis gong du bya ba ci'ang med do/ /sgra gcan zin/ /ston pa'i nyan thos
116b3 bcom ldan 'das kyi sras kyis gang bya ba de khyod kyis byas zin to/ /sgra gcan zin/ /ston pa bcom ldan 'das kyis kyang nyan thos rnams kyi bya ba gang yin pa de mdzad zin te/ da gong
116b4 du mdzad pa med kyi/ sgra gcan zin khyod da mya ngan ma byed/ mi dgar ma byed/ /smre sngags ma 'don par sgra gcan zin khyod bcom ldan 'das shAkya thub pa/ shAkya'i rgyal po chen
116b5 po de la tha mar blta ba dang phyag bya ba dang bsnyen bkur bya ba'i phyir song zhig /phyis 'gyod par gyur ta re/ sgra gcan zin/ de bzhin gshegs pa shAkya thub pa de de ltar gyad
116b6 rnams nye bar gnas pa shing sA la'i tshal na seng ge ltar glo g.yas pas mnal ba mdzad de khyod kyang gzigs par bzhed kyi/ sgra gcan zin khyod nges par de na 'dug dgos
116b7 so| |de skad ces bka' stsal ba dang / bcom ldan 'das de bzhin gshegs pa ded dpon la tshe dang ldan ba sgra gcan zin gyis 'di skad ces gsol to/ /gang bcom ldan
117a1 'das de bzhin gshegs pa dgra bcom pa yang dag par rdzogs pa'i sangs rgyas shA kya thub pa yongs su mya ngan las 'da'o zhes bgyi ba'i sgra de lta
117a2 bu'ang bdag thos par mi spro na/ bcom ldan 'das de yongs su mya ngan las 'da' ba mthong ba lta smos kyang ci 'tshal/ /bcom ldan 'das/ gang bcom ldan 'das shAkya
117a3 thub pa shAkya'i rgyal po de yongs su mya ngan las 'da'o zhes bgyi ba'i sgra de lta bu de thos pas bdag lus dub par gyur to/ bcom ldan 'das/ sems can rin po che 'jig
117a4 rten thams cad la phan par bzhed pa/ 'jig rten thams cad la phan pa dang thugs brtse ba/ 'jig rten thams cad kyi sgron ma/ 'jig rten thams cad dang mi mtshungs
117a5 pa| 'jig rten thams cad kyi 'od mdzad pa/ 'jig rten thams cad kyi mig/ shes rab kyi sgron ma chen pos snang bar mdzad pa/ de lta bu dang bdag sang nang bar 'bral
117a6 zhing 'bye ba dang mi 'grogs par gyur pa ji ltar bgyi/ de skad ces gsol ba dang / bcom ldan 'das de bzhin gshegs pa ded dpon gyis tshe dang ldan pa sgra gcan zin
117a7 la 'di skad ces bka' stsal to/ /sgra gcan zin/ thong / smre sngags ma 'don/ sgra gcan zin/ bcom ldan 'das des 'du byed thams cad mi rtag pa/ 'du byed thams
117b1 cad sdug bsngal ba/ chos thams cad bdag med pa/ mya ngan las 'das pa zhi ba'o zhes thog ma nyid du chos ma bstan tam/ /sgra gcan zin/ bcom ldan 'das des/ 'du byed thams
117b2 cad mi rtag ste/ skye zhing 'jig pa'i chos can yin/ skyes nas 'gag par 'gyur ba ste/ de dag rnam par zhi ba bde/ /zhes bya ba de skad kyang gsungs so/ /gsol pa/ /bcom
117b3 ldan 'das/ de lta lags so/ /bde bar gshegs pa/ de lta lags so/ /bcom ldan 'das kyis bka' stsal ba/ bcom ldan 'das des sdug pa dang yid du 'ong ba thams
117b4 cad dang tha dad du 'gyur zhing / 'gyes pa dang 'bral ba dang / 'byed par 'gyur ba dang / ji srid yun ring du gnas kyang nges par nyams par 'gyur ro zhes thog ma nyid
117b5 tu ma bstan tam/ gsol pa/ bcom ldan 'das/ de lta lags so/ de bar gshegs pa/ de lta lags so/ /bka' stsal ba/ sgra gcan zin/ /gang skyes shing byung ba/
117b6 'dus byas pa/ bsams pa/ kun tu rtog pa las byung ba/ rten cing 'brel par byung ba de dag 'jig par mi 'gyur ba de ga la yod de/ de'i gnas med do/ /de nas tshe dang
117b7 ldan pa sgra gcan zin de bzhin gshegs pa dgra bcom pa yang dag par rdzogs pa'i sangs rgyas yab shAkya thub pa de rjes su dran nas chos kyi shugs kyis mchi ma byung bar
118a1 gyur to/ /bdag sang nang bar bcom ldan 'das dge slong gi dge 'dun gyis mdun du bdar cing chos stong pa mi mthong ngo / ri'i rgyal po ri rab rgya
118a2 mtsho'i nang nas mngon par byung zhing lhag ger snang ba lta bu/ /zla ba nya ba skar mas yongs su bskor ba ltar mtshon brgyas brgyan pa/ nyi ma 'od stong dang ldan pa nam mkha' la
118a3 thal ler snang ba lta bu/ rgya mtsho ltar zab cing tshad med la rin po che du ma'i tshogs yod pa/ 'khor los bsgyur ba'i rgyal po ltar 'khor du mas yongs su bskor ba/ gangs
118a4 ri'i rgyal po ltar dbang po dang / stobs dang / byang chub kyi yan lag gi me tog kun tu rgyas pa/ ri khor yug chen po ltar phas kyi rgol ba thams cad kyis rab tu mi
118a5 g.yos pa/ pad+ma ltar mtsho'i nang na 'dug kyang 'jig rten gyi chos thams cad kyis ma gos pa/ tshangs pa'i 'khor gyi nang na tshangs pa lta bu/ brgya byin mig stong dang
118a6 ldan pa ltar seng ge'i gdan la bzhugs pa/ seng ge ltar 'jigs shing skrag pa med par seng ge'i sgra yang dag par sgrogs pa phyin chad bdag gis mi mthong ngo zhes
118a7 tshe dang ldan pa sgra gcan zin gyis de skad smras nas du zhing sems khang du chud de cang mi smra bar 'dug go/ /de nas de bzhin gshegs pa ded dpon gyis tshe dang ldan pa sgra gcan
118b1 zin la 'di skad ces bka' stsal to/ /sgra gcan zin khyod bcom ldan 'das de'i drung du song zhig/ /bcom ldan 'das de khyod gzigs par bzhed kyi/ sgra gcan zin khyod nga'i
118b2 ngag ma gcog par song zhig/ bcom ldan 'das de'i sku'o brgyal bar ma byed/ sgra gcan zin khyod nges par de na 'dug dgos so/ /de ci'i phyir zhe na/ sgra gcan zin/ sangs
118b3 rgyas bcom ldan 'das rnams chos nyid kyis de bzhin gshegs pa byams pas khyab par mdzad pa dang / gang dgongs par mdzad pa dang / gang zhig bzhed na de dag
118b4 nges par yongs su mya ngan las mi 'da' ste/ de'i tshe de dag nges par bzhugs par 'gyur ro/ /sgra gcan zin/ /de bzhin gshegs pa de khyod gzigs par bzhed kyi/ song
118b5 la khyod nges par de na gnas par gyis shig /de nas tshe dang ldan pa sgra gcan zin gyis bcom ldan 'das de bzhin gshegs pa ded dpon gyi zhabs la mgo bos
118b6 phrag btsal nas/ 'di lta ste/ dper na/ skyes bu stobs dang ldan pa'i lag pa bskum pa las brkyang ba'am/ brkyang ba las bskum pa de bzhin du tshe dang ldan pa sgra
118b7 gcan zin/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ded dpon gyi sangs rgyas kyi zhing nas mi snang bar gyur te/
119a1 ku sha'i grong khyer gyad rnams nye bar gnas pa'i shing sA la'i tshal shing sA la zung gi bar bcom ldan 'das gang na ba der song ste phyin pa dang / bcom
119a2 ldan 'das kyi zhabs la mgo bos phyag btsal nas lan gsum bskor ba byas te ngu zhing smre sngags 'don/ /mchi ma byung bzhin du thal mo sbyar te phyogs gcig tu 'dug
119a3 go/ de nas bcom ldan 'das kyis tshe dang ldan pa sgra gcan zin la 'di skad ces bka' stsal to/ sgra gcan zin/ tshur shog/ sgra gcan zin khyod mi dgar ma byed/ ma ngu / smre
119a4 sngags ma 'don/ yi ma 'chad cig /sgra gcan zin khyod kyis nga la pha'i bya ba byas/ ngas kyang bu khyod la bu'i bya ba byas so/ /sgra gcan zin/ /de ltar ngas pa'i bya ba byas/ khyod kyis
119a5 kyang bu'i bya ba byas te/ bdag cag gnyis kas kyang bya ba byas shing byed pa byas zin gyi/ sgra gcan zin khyod mya ngan ma byed/ smre sngags ma 'don/ yi ma 'chad cig /
119a6 sgra gcan zin/ bdag cag gnyis sems can thams cad 'jigs pa med par bya ba'i phyir zhugs pa dang kho na med pa dang / 'gran zla med pa dang / rnam par
119a7 mtho 'tshams pa med pa dang / rnam par 'tshe ba med par zhugs pa la ltos/ da'ang nga ni yongs su mya ngan las 'da' bar bya ba'i phyir gnas te phyin chad su'i phar
119b1 yang ma 'gyur ro/ /sgra gcan zin khyod kyang yongs su mya ngan las 'das na phyin chad su'i bur yang mi 'gyur ro/ /sgra gcan zin/ bdag cag gnyis sems can thams cad la rnam
119b2 par 'tshe ba med pa dang mi mthun pa med par gnas pa la ltos/ de nas tshe dang ldan pa sgra gcan zin gyis bcom ldan 'das la 'di skad ces gsol to/ /bcom ldan 'das/
119b3 yongs su mya ngan las mi 'dar gsol/ bde bar gshegs pa/ /yongs su mya ngan las mi 'dar gsol/ /bcom ldan 'das skye bo mang po la sman pa dang bde ba dang / 'jig rten
119b4 la thugs brtse ba dang / lha dang mi rnams kyi don dang / phan pa dang bde ba'i slad du bskal bar bzhugs su gso/ /de skad ces gsol ba dang / bcom ldan 'das kyis tshe dang
119b5 ldan pa sgra gcan zin la 'di skad ces bka' stsal to/ /sgra gcan zin/ chos gang dag dang ldan na 'jig rten na de bzhin gshegs pa dgra bcom pa yang dag par rdzogs pa'i
119b6 sangs rgyas kyi grangs su 'gro ba'i chos de dag sgra gcan zin zad pa'am rnyings pa'am/ skye ba'am/ 'gro ba'am/ 'ong ba'am/ 'byung ba'am/ 'gag pa'am/ srid pa'am/ 'jig
119b7 pa'am/ gnas pa'am/ 'dug pa'am/ nyal ba'am/ ldan pa'am/ mi ldan par mi 'gyur ro/ /de ci'i phyir zhe na/ sgra gcan zin/ /chos de ni gnas pa ste/ shin tu mi 'byung
120a1 ba/ shin tu mi skye ba/ shin tu mi 'gag pa/ shin tu stong pa/ shin tu skye ba med pa/ shin tu ngo bo nyid med pa/ nye bar zhi ba/ grangs med pa/ gzhi
120a2 med pa/ brjod du med pa/ ngag gi lam ma yin pa'o/ /sgra gcan zin 'di ni sangs rgyas bcom ldan 'das rnams kyi chos nyid de/ /'di ltar ste/ shin tu gnas pa nyid dang / nye
120a3 bar zhi ba nyid dang / shin tu dpen pa nyid dang / shin tu 'dod chags dang bral ba nyid dang / shin tu 'gags pa nyid dang / shin tu ma 'dres pa nyid dang / shin tu ma byas
120a4 pa nyid dang / shin tu mi zad pa nyid de/ sgra gcan zin/ ngas 'di la dgongs nas 'di skad du de bzhin gshegs pa rnams byung yang rung / de bzhin gshegs pa rnams
120a5 ma byung yang rung ste/ chos rnams kyi chos gnas pa nyid dang / chos nyid dang / chos nges pa nyid dang / chos 'dod chags dang bral ba nyid dang / chos kyi ngo bo nyid ni gnas
120a6 pa nyid do zhes bshad do/ /sgra gcan zin/ de bzhin gshegs pa ni tshul khrims kyi phung po bsnams te yongs su mya ngan las mi 'da'/ ting nge 'dzin gyi phung po ma yin/
120a7 shes rab kyi phung po ma yin/ rnam par grol ba'i phung po ma yin/ rnam par grol ba'i ye shes mthong ba'i phung po bsnams te yongs su mya ngan las mi 'da'i/ sgra gcan
120b1 zin khyod mi dgar ma byed cig /smre sngags ma 'don/ yi 'chad pa ma skyed cig /sgra gcan zin/ 'du byed thams cad ni mi rtag pa/ mi brtan pa/ gzugs 'phyin pa med pa/ ther
120b2 zug ma yin pa/ zad cing 'gyur ba'i chos can yin te/ sgra gcan zin/ de bas na 'du byed thams cad la yid byung bar bya ba'i rigs/ ma chags par bya ba'i rigs/ rnam
120b3 par grol bar bya ba'i rigs te/ sgra gcan zin/ /'di ni khyod la rjes su bstan pa'o/ /sgra gcan zin la bden pa mthong ba'i le'i 'di bcom ldan 'das kyis bka' stsal pa
120b4 kun tu shes nas dge slong gnas brtan drug cu tsam len pa med par zag pa rnams las sems rnam par grol lo/ /lha dang mi tshad med pa dag chos la chos kyi mig rdul
120b5 med cing dri ma dang bral ba rnam par dag go/ /byang chub sems dpa' drug khri brgyad stong gis ni mi skye ba'i chos la bzod pa thob ste/ thams cad kyang / kye ma'o sangs rgyas
120b6 kya ma'o sangs rgyas/ kye ma'o sangs rgyas kyi chos bsam gyis mi khyab bo zhes ched du brjod pa ched du brjod cing / de dag gis bcom ldan 'das la me tog ut+pal dang / pad+ma
120b7 dang / ku mu da dang / pad+ma dkar po rnams kyis gtor/ mngon par gtor nas tshig 'di skad ces bdag cag kyang ma 'ongs pa'i dus na ston pa 'di lta bu 'jig rten du
121a1 'byung bar gyur cig/ 'di ltar chos ston par gyur cig/ bla na med pa 'jig rten thams cad dang mi 'dra ba'i yongs su mya ngan las 'da' ba/ sangs
121a2 rgyas kyi yongs su mya ngan las 'da' ba chen po 'di lta bus yongs su mya ngan las 'da' bar gyur cig ces smras so/ /de skad ces smras nas byang chub sems dpa' de
121a3 dag cang mi smra bar gyur to/ /sgra gcan zin gyi le'u ste bzhi pa rdzogs so// //bam po gsum pa/ de'i tshe tshe dang ldan pa kun dga' bo bcom ldan 'das
121a4 kyi phang na gzims khri la bsnyes nas dus te mchi ma byung / smre sngags 'don cing 'dug go/ de nas tshe dang ldan pa kun dga' bo mchi ma zag par du zhing shing ljon
121a5 pa chen po bcad de bsgyel ba bzhin du sa la 'gyel te/ bcom ldan 'das/ yongs su mya ngan las 'da' ba ha cang myur ches so/ /bde bar gshegs pa/ yongs su
121a6 mya ngan las 'da' ba ha cang myur ches so/ /thugs rje can/ mi bzhugs par 'gyur ba ha cang myur ches so/ /sems can rin po che/ mi bzhugs par 'gyur ba ha cang
121a7 myur ches so/ /mar me chen po/ 'jig rten na mi snang bar 'gyur ba ha cang myur ches so/ /sgron ma chen po/ 'jig rten na mi snang bar 'gyur ba ha cang myur ches so/ /
121b1 'jig rten gyi mchog /'jig rten na 'gag par 'gyur ba ha cang myur ches so/ /sems can rin po che/ sems can pad+ma dkar po/ 'jig rten na mi snang bar 'gyur ba ha cang myur
121b2 ches so/ /sems can cang shes pa/ sems can dul ba/ sems can ma dul ba 'dul ba/ 'jig rten na med par 'gyur ba ha cang myur ches so/ /ded dpon ston pa po/ bde ba'i
121b3 lam ston pa/ 'jig rten na mi snang bar 'gyur ba ha cang myur ches so/ /mig chen po/ shes rab kyi snang ba ston pa/ 'jig rten na mi snang bar 'gyur ba ha cang myur ches so/ /sems
121b4 can rnams kyi pha ma/ 'jig rten na mi snang bar 'gyur ba ha cang myur ches so/ /'jig rten na long bar 'gyur ba ha cang myur ches so/ /bcom ldan 'das/ 'jig rten mgon
121b5 ma mchis pa dang / yongs su 'dren pa ma mchis par 'gyur ba ha cang myur ches so/ /sang nang par nas ming mtshan tsam zhig lus te sems can rin po che mi mthong bar 'gyur
121b6 ba lta/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo thong / mya ngan ma byed/ smre sngags ma 'don cig /kun dga' bo/ sdug
121b7 pa dang / yid du 'ong ba thams cad dang tha dad par 'gyur zhing 'gyur ba dang / 'bye bar 'gyur ba dang / 'bral bar 'gyur bar ngas thog ma nas ma bshad dam/ kun dga'
122a1 bo| gang skyes pa byung ba/ 'dus byas pa/ bsams pa/ rten cing 'brel par 'byung ba/ 'jig pa'i chos can de mi 'jig par ga la 'gyur te/ de ni gnas
122a2 med do/ /de lta bur gyur pa dag gnas shing mi snang bar mi 'gyur pa de'i gnas med do/ /kun dga' bo/ ji ltar ring du gnas kyang nges par yongs su mya ngan las 'da' ba'i
122a3 chos can du 'gyur ro/ /de bas na kun dga' bo khyod mya ngan ma byed/ smre sngags ma 'don cig /de nas tshe dang ldan pa kun dga' bo mig mi 'dzums par bcom ldan 'das
122a4 kyi zhal du bltas nas shing ljon pa bcad de bsgyel ba bzhin du yang sa la 'gyel to/ /bcom ldan 'das kyis tshe dang ldan pa kun dga' bo la lan gnyis su bka'
122a5 stsal pa/ kun dga' bo thong / mya ngan ma byed/ smre sngags ma 'don cig /kun dga' bo/ don 'di mya ngan byas pa dang / smre sngags 'don pas rnyed par sla ba ma yin no//
122a6 sdug pa dang / yid du 'ong ba thams cad dang tha dad du 'gyur zhing 'gyes par 'gyur bar ngas thog ma nas bshad do/ /'du byed rnams ji srid ring du gnas kyang nges par
122a7 rnam par 'gyur ba'i chos can yin no/ /kun dga' bo khyod kyis de bzhin gshegs pa la byams pa'i lus kyi las phan pa dang / bde ba dang / gnyis su med pa dang /
122b1 tshad med pa dang / khon med pa dang / 'gran zla med pa dang / byams pa'i ngag gi las dang / byams pa'i yid kyi las bde ba nas 'gran zla med pa'i bar gyis bsnyen bkur byas so/ /
122b2 de nas tshe dang ldan pa kun dga' bo sa las langs nas mchi ma phyis te/ bcom ldan 'das la 'di skad ces gsol to/ /bcom ldan 'das/ bdag sems can rin po che de
122b3 lta bu dang tha dad du 'gyur/ bdag thugs rje chen po 'jig rten thams cad las 'phags pa/ 'jig rten thams cad la phan par bzhed pa/ 'jig rten thams cad la thugs
122b4 brtse ba can/ 'jig rten thams cad la gces pa/ 'jig rten thams cad kyi ston pa/ 'jig rten thams cad kyi yongs su 'dren pa/ 'jig rten thams cad la phan pa dang
122b5 bde ba sbyin pa/ sems can chen po de lta bu dang sang nang par 'bral zhing tha dad du 'gyur na ci'i slad du bdag mya ngan mi bgyid/ smre sngags mi 'don/ de nas tshe dang ldan pa
122b6 kun dga' bo mchi ma mang du phyung nas mchi ma phyis te yang tshig 'di skad smras so/ /kye ma'o gang du mar me chen po/ sgron ma chen po/ snang ba chen po 'di lta bu 'jig rten na mi
122b7 snang bar 'gyur/ ye shes kyi nyi ma chen po 'od zer bye ba khrag khrig brgya stong du mas bskor ba/ kun tu 'od kun tu snang ba kun tu lam me ba/ kun tu 'od zer kun tu rtog kun tu
123a1 gzigs pa/ kun tu mkhyen pa kun tu shes rab kun tu dran pa kun tu spyod yul kun tu 'od kyi sems can shes rab kyi snang ba 'di lta bu 'jig rten du nub
123a2 bar 'gyur pa'i 'du byed rnams ni g.yon can no/ /brnyas thabs can no/ /kye ma'o 'jig rten na 'od byed pa mi snang bar 'gyur ba ha cang myur ches so/ /lha dang bcas pa'i
123a3 'jig rten gyi mgon po mi snang bar 'gyur ba ha cang myur ches so/ /kye ma'o bcom ldan 'das cho 'phrul dang bcas pa 'jig rten na mi snang bar 'gyur ba ha cang yang
123a4 myur ches na/ bcom ldan 'das/ ci'i slad du bdag mya ngan mi bgyid/ bcom ldan 'das/ ci'i slad du bdag smre sngags mi 'don/ bcom ldan 'das/ bdag
123a5 snying rnam pa brgyar ma gas pa ngo mtshar che'o/ /bcom ldan 'das kyi spyan sngar ma gum pa ngo mtshar che'o/ /bcom ldan 'das/ bdag de la 'di snyam du bcom ldan
123a6 'das kyi byin gyi rlabs kyis bdag ma gum mo snyam bgyid do/ /de ci'i slad du/ bcom ldan 'das las bdag gis gang chos kyi phung po brgyad khri bzhi stong mngon
123a7 du ma nos/ mngon du kun tu chud par bgyis/ mngon du kun bzung ba de dag da dung skye bo mang po la phan par ma gyur/ phyogs mang por rgyas par ma gyur pas/ bcom
123b1 ldan 'das/ bdag 'di snyam du bdag ma gum pa de ni bcom ldan 'das kyi mthu lags pa snyam bgyid de/ bcom ldan 'das/ bdag ci'i slad du mya ngan mi bgyid/ bcom
123b2 ldan 'das/ bdag ci'i slad du smre sngags mi 'don/ bcom ldan 'das/ bdag grong khyer ser skya'i gnas su bcom ldan 'das bltams pa'i sar mchis nas shAkya rnams
123b3 tshogs pa la shAkya thub pa shAkya'i rgyal po shin tu mi 'byung bar bzhugs so zhes bgyi'am ji skad bgyi/ rgyal po'i khab kyi grong khyer du mchis nas lus 'phags mo'i bu
123b4 rgyal po ma skyes dgra la yang dag par rdzogs pa'i sangs rgyas nyi ma chen po nub ste mtshams med pa'i las kyi zug rngu 'byin pa sman pa'i rgyal po chen po de gshegs lags
123b5 so zhes bgyi'am ji skad bgyi/ grong khyer chen po mnyan yod du mchis nas thugs rje chen po brnyes pa/ phan pa bzhed pa/ 'jig rten la thugs brtse ba can de mi snang bar
123b6 gyur to zhes bgyi'am ji skad bgyi/ mgon med zas sbyin la de bzhin gshegs pa rgyal byed kyi tshal mgon med zas sbyin gyi kun dga' ra bar ji ga bzhugs par 'gyur
123b7 ram zhes bgyi'am ji skad bgyi/ yangs pa'i grong khyer chen por mchis nas li tsa bi'i tshogs rnams kyi mdun du ded dpon phan par bzhed pa de nub par gyur to zhes bgyi'am
124a1 ji skad bgyi/ phyogs dang phyogs mtshams rnams nas rigs kyi bu dang rigs kyi bu mo gang dag zhu ba yongs su zhu ba'i slad du mchi ba de rnams la mkhyen
124a2 pa chen po dang ldan pa 'jig rten thams cad kyi khams mkhyen pa/ mkhas pa the tshom zhus pa thams cad sel bde nub par gyur to zhes bgyi'am ji skad bgyi/ phyogs dang
124a3 phyogs mtshams rnams nas dbyar gyi gnas su gnas gnas pa'i dge slong bcom ldan 'das la blta ba dang / phyag 'tshal ba dang / bsnyen bkur bgyi ba dang / zhu ba
124a4 dang brtag pa'i slad du mchi ba de rnams la chos dang ldan pa'i gtam gsung zhing mi'i chos bla ma rtogs pa bcom ldan 'das mi bzhugs na bdag gis mi mthong ngo / /
124a5 mi thos so/ /cho 'phrul dang bcas pa'i tshangs par spyod pa de lta bu 'jig rten na mi snang bar 'gyur na/ bcom ldan 'das/ bdag ci'i slad du mya ngan mi bgyid/ ci'i slad
124a6 du bdag smre sngags mi 'don/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo thong / /mya
124a7 ngan ma byed/ smre sngags ma 'don cig /kun dga' bo/ nga'i tshangs par spyod pa skye bo mang po la phan par gyur pa lha dang mi rnams la rgya che zhing yangs pa dang / lha dang
124b1 bcas pa'i 'jig rten gyis mnos pa yun ring du gnas par 'gyur ro/ /kun dga' bo/ nga yongs su mya ngan las 'das nas dge slong 'od srung dang kun dga' bo khyed gnyis lo bzhi
124b2 bcu lhag tsam du cho 'phrul dang bcas pa'i tshangs par spyod pa lha dang mis so sor mnos pa de spyod par 'gyur gyi/ kun dga' bo khyod mya ngan ma byed/ smre sngags ma 'don cig/
124b3 nga'i dam pa'i chos skye bo mang po la phan par gyur pa lha dang mi rnams la rgya che zhing yangs par gyur pa yun ring du gnas par 'gyur ro/ /kun dga' bo/ nga 'das nas dge slong
124b4 'od srung dang khyed gnyis bskal pa grangs med pa bye ba khrag khrig brgya stong du yang dag par bsgrubs pa'i bla na med pa yang dag par rdzogs pa'i byang chub 'di dang / nga'i dge
124b5 ba'i chos dkon mchog 'di rnam par 'phel zhing yongs su mi nyams par bya ba'i phyir zhugs par 'gyur ro/ /de ci'i phyir zhe na/ kun dga' bo/ dge slong 'ong srung ni 'dod pa
124b6 chung ba/ chog shes pa/ rab tu dben pa/ brtson 'grus brtsams pa/ dran pa nye bar bzhag pa/ spros pa med pa la dga' ba/ mnyam par bzhag pa/ shes rab rno ba'o/ /kun
124b7 dga' bo/ dge slong 'od srung ni skye bo mang po la yang dag par ston pa/ yang dag par 'dzin du 'jug pa/ yang dag par gzengs bstod pa/ yang dag par rab tu dga' bar byed pa/
125a1 tshangs pa mtshungs par spyod pa thams cad la chos 'chad pas ngal ba med pa'o/ /kun dga' bo/ dge slong 'od srung ni 'khor bzhi po dag gi pha ma lta
125a2 bu'o| |kun dga' bo/ dge slong 'od srung ni 'jig rten la yun ring du lta zhing snying brtse ba can no/ /kun dga' bo/ /dge slong 'od srung ni skye bo mang po la phan pa dang / skye bo mang
125a3 po la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir zhugs pa yin no/ /gsol pa/ bcom ldan 'das/ dge slong 'od
125a4 srung skye bo mang po ji snyed cig gi don la dga' ba dang / lha dang mi rnams la phan pa dang bde bar dga' ba la zhugs pa lags/ bka' stsal pa/ kun dga' bo/ /dge slong
125a5 'od srung gang gi tshe yongs su mya ngan las 'da' ba de'i tshe 'di ltar byin gyis rlob par 'gyur te/ bdag yongs su mya ngan las 'das nas de bzhin gshegs pa dgra
125a6 bcom pa yang dag par rdzogs pa'i sangs rgyas byams pa 'jig rten du ma byung gi bar du bdag gi lus gzhan du ma gyur cig /gos dang / spu dang / skra dang / pags pa
125a7 dang / mdog dang / dbang po rnams gzhan du ma gyur cig /bdag gi lus sam yan lag thams cad kyang gzhan du ma gyur cig /gang gi tshe de bzhin gshegs pa byams
125b1 pa 'jig rten du byung bar gyur pa de'i tshe de bzhin gshegs pa de 'dus pa dang po dang / de bzhin du 'dus pa gnyis pa dang / de bzhin du 'dus pa chen po gsum pa dang bcas pas
125b2 bdag gi lus ma zhig par gzigs par gyur cig /bdag gis chos bshad pa la nye bar brten pa dang / bdag gi byin gyi rlabs dang / bdag la dmigs pas srog chags
125b3 brgya phrag mang po dang / srog chags stong phrag mang po dang / srog chags bye ba khrag khrig brgya stong mang po rnams dul bar gyur cig /gang gi tshe de bzhin gshegs pa byams
125b4 pa dang / nyan thos 'dus pa gsum po dbang po ma yengs pa gos ji lta ba bzhin du bgos pa de rnams kyis bdag gi lus ma zhig par gzigs par gyur pa de'i tshe bdag gi
125b5 lus nam mkha' la mngon par 'phags nas lus kyi me'i khams kyis lus tshig par gyur cig /tshig pa de'i sol ba'ang mi snang bar gyur cig snyam mo/ /kun dga' bo/
125b6 gang de ltar byin gyis rlob par 'gyur ba'i dge slong 'od srung de sems can yongs su smin par bya ba'i phyir de ltar skye bo mang po la phan pa dang / de ltar skye bo mang po la bde
125b7 ba'i phyir zhugs pa yin no/ /kun dga' bo/ dge slong 'od srung yongs su mya ngan las 'das nas kyang brag gi ri bzhi lhan cig tu tshogs nas 'od srung gi lus bskor te gcig
126a1 tu 'byor bar gnas par 'gyur ro/ /kun dga' bo/ brag gi ri de bzhi'i nang na dge slong 'od srung gi lus gcig tu mkhregs shing ma zhig par
126a2 gnas par 'gyur ro/ /de bzhin gshegs pa byams pa ji srid du 'jig rten du ma byung ba de srid du dge slong 'od srung gi lus gos dang bcas par ma zhig par gnas par
126a3 'gyur ro/ /de ci'i phyir zhe na/ kun dga' bo/ /'di lta ste/ tshul khrims dag pa'i phyir tshul khrims dang ldan pa tshangs par spyod pa'i sems la smon pa 'grub ste/ tshangs
126a4 par mi spyod pa'i ma yin no/ /shes rab dang ldan pa'i 'grub kyi shes rab 'chal ba'i ma yin no/ /'dod chags dang bral ba'i 'grub kyi 'dod chags dang ma bral ba'i
126a5 ma yin no/ /kun dga' bo/ de bas na dge slong 'od srung sngon gyi byin gyi rlabs kyis yongs su mya ngan las 'das nas de bzhin gshegs pa byams pa 'jig rten du ma
126a6 byung gi bar du lus gzhan du mi 'gyur/ skra dang / spu dang / sha dang / khrag dang / pags pa dang / de las gzhan pa'i yan lag dang nyid lag rnams dang / dbang
126a7 po rnams dang / gos rnams gzhan du mi 'gyur zhing lus kyi dri nga ba med par 'gyur ro/ /kun dga' bo/ de nas de bzhin gshegs pa byams pa 'jig rten du byung nas
126b1 'dus pa dang po'i dge slong bye ba phrag dgu bcu rtsa drug dang thabs gcig tu 'od srung gi lus ga la 'dug ba der gshegs par 'gyur ro/ /kun dga' bo/ /de nas de bzhin gshegs
126b2 pa byams pas dge slong 'od srung gi lus dge slong bye ba phrag dgu bcu rtsa drug po de dag la bstan nas 'di skad kyang bka' stsal to/ /dge slong dag /'di ni bcom ldan 'das shAkya
126b3 thub pa'i nyan thos chen po dge slong 'od srung zhes bya ba yin te/ 'di ni sbyangs pa'i yon tan la gnas pa rnams dang / 'dod pa chung ba rnams dang / chog shes pa rnams dang /
126b4 rab tu dben pa rnams dang / brtson 'grus brtsams pa rnams dang / dran pa nye bar bzhag pa rnams dang / mnyam par bzhag pa rnams dang / shes rab dang ldan pa rnams
126b5 kyi mchog yin te/ spros pa med pa la mos shing spros pa med pa la dga' ba/ skye bo mang po la yang dag par ston pa/ yang dag par 'dzin du 'jug pa/ yang dag par
126b6 gzengs bstod pa/ yang dag par rab tu dga' bar byed pa/ tshangs pa mtshungs par spyod pa la chos 'chad pas ngal ba med pa'o/ /dge slong dag /dge slong 'od srung ni
126b7 'khor bzhi'i pha ma lta bur gyur pa'o/ /ring du rjes su lta ba/ shin tu rjes su lta ba/ skye bo mang po la rjes su lta ba'o/ /dge slong dag /dge slong 'od srung 'di skye bo mang po
127a1 la phan pa dang / skye bo mang po la bde ba dang / 'jig rten la snying brtse ba'i phyir zhugs pa dang / lha dang mi rnams kyi don dang / phan pa dang bde ba'i
127a2 phyir zhugs pa la ltos/ lan gnyis su'ang de bzhin gshegs pa byams pa nyan thos bye ba dgu bcu rtsa bzhi dang thabs gcig sa phyogs der gshegs par 'gyur ro/ /
127a3 kun dga' bo/ lan gsum du'ang de bzhin gshegs pa dgra bcom pa yang dag par rdzogs pa'i sangs rgyas byams pa nyan thos bye ba dgu bcu rtsa gnyis dang thabs gcig
127a4 tu dge slong 'od srung gi lus ga la 'dug pa'i sa phyogs der gshegs shing / kun dga' bo/ de bzhin gshegs pa byams pa de'ang dge slong bye ba dgu bcu rtsa gnyis
127a5 po rnams la dge slong 'od srung gi lus ston par 'gyur ro/ /dge slong dag /dge slong 'od srung zhes bya ba 'di ni bcom ldan 'das de bzhin gshegs pa shAkya thub
127a6 pa'i nyan thos chen po sbyangs pa'i yon tan 'dzin pa rnams kyi mchog /'dod pa chung ba dang / chog shes pa nas skye bo mang po dang lha dang mi rnams la phan pa dang bde
127a7 ba'i phyir zhugs pa'i bar la ltos/ kun dga' bo/ /de nas de bzhin gshegs pa dgra bcom pa yang dag par rdzogs pa'i sangs rgyas byams pas de'i tshe phyag
127b1 g.yas pa gser gyi kha dog can brkyang nas dge slong 'od srung chen po'i mgo la nyug par 'gyur ro/ /byugs nas kyang dge slong gi dge 'dun la gzigs par 'gyur ro/ /gzigs
127b2 nas 'di skad bka' stsal to/ /dge slong dag /dge slong 'od srung des bcom ldan 'das de bzhin gshegs pa shAkya thub pa yongs su mya ngan las 'das pa de'i dam pa'i
127b3 chos ji ltar yongs su bzung ba de lta bu da lta nga'i dge slong gi dge 'dun mang po 'di'i nang na nga yongs su mya ngan las 'das na gang dam pa'i chos 'chad pa'i dge slong
127b4 gcig kyang med do zhes bka' stsol bar 'gyur ro/ /kun dga' bo/ de nas dge slong 'od srung 'dus pa chen po gsum pa de nyid du sngon gyi byin gyi rlabs kyis steng gi nam
127b5 mkha'i bar snang la mngon par 'phags nas cho 'phrul rnam pa sna tshogs bstan te/ rang gi me'i khams kyis rang gi lus sreg par 'gyur te/ bsregs pa de'i sol ba'ang
127b6 mi snang / thal ba'ang mi snang bar 'gyur ro/ /kun dga' bo/ /de nas de bzhin gshegs pa byams pa de'i tshe dge slong 'od srung las brtsams nas ci nas kyang srog chags
127b7 brgya phrag mang po dang / srog chags stong phrag mang po dang / srog chags bye ba khrag khrig brgya stong mang po dang / lha dang mir bcas pa'i skye dgu dul bar 'gyur ba de lta
128a1 de ltar dge slong bye ba dgu bcu rtsa drug po de dag la chos ston par 'gyur ro/ /kun dga' bo/ dge slong 'od srung ji ltar skye bo mang po la phan pa'i
128a2 phyir zhugs pa la ltos/ /kun dga' bo khyod kyang skye bo mang po la phan pa dang bde ba'i phyir zhugs so/ /'jug par yang 'gyur ro/ /kun dga' bo/ /de ltar na dge slong
128a3 'od srung dang / khyod gnyis lo bzhi bcu lhag tsam du nga'i dam pa'i chos 'di 'dzin par 'gyur/ cho 'phrul dang bcas pa'i tshangs par spyod pa lha dang mi rnams la rgya che
128a4 zhing yangs par gyur pa spyod par 'gyur ro/ /'od srung gi le'u ste lnga pa rdzogs so// //de nas yang bcom ldan 'das kyis kun dga' bo la bka' stsal pa/
128a5 kun dga' bo khyod mya ngan ma byed cig ces bya ba nas/ rgyas par kun dga' bo khyod tshangs par spyod pa skye bo mang po la phan par gyur pa/ lha dang mi rnams la rgya che zhing
128a6 yangs pa dang / yang dag par mnos pa spyod par 'gyur ro zhes bya ba'i bar du'o/ /kun dga' bo/ /nga 'das shing nga yongs su mya ngan las 'das nas grong khyer bcom
128a7 brlag na ri spo dang ngos che ba zhes bya ba yod par 'gyur ro/ /de na dge 'dun gyi kun dga' ra ba 'dam bu can zhes bya ba zhig yod par 'gyur te/ de na yul slan pa zhes
128b1 ba'i dge slong rdzu 'phrul che ba/ mthu che ba/ gsal ba/ dul ba/ 'jigs pa med pa/ mang du thos pa/ mdo 'dzin pa/ 'dul ba 'dzin pa/ ma mo 'dzin pa/ yang dag par ston pa/
128b2 yang dag par 'dzin du 'jug pa/ yang dag par gzengs bstod pa/ yang dag par rab tu dga' bar byed pa/ tshangs pa mtshungs par spyod pa rnams la chos 'chad pas ngal ba
128b3 med pa zhig 'byung bar 'gyur te/ de'ang tshangs par spyod pa 'di cho 'phrul dang bcas pa dang / lha dang mi rnams la rgya che zhing yangs par byed par 'gyur gyi/ kun dga'
128b4 bo khyod mya ngan ma byed/ smre sngags ma 'don cig /kun dga' bo/ nga 'das nas ri spo dang ngos che ba de nyid na dge 'dun gyi kun dga' ra ba 'dam bu can zhes bya ba de nyid
128b5 na dge slong dga' ba can zhes bya ba rdzu 'phrul che ba/ mthu che ba nas tshangs pa mtshungs par spyod pa rnams la chos 'chad pas ngal ba med ces bya ba'i bar dang ldan pa
128b6 zhig 'byung bar 'gyur te/ de'ang nga'i bstan pa 'di yangs shing rgyas pa dang lha dang mis yang dag par mnos par byed par 'gyur gyi/ kun dga' bo khyod mya ngan ma byed
128b7 smre sngags ma 'don cig /kun dga' bo/ /nga 'das nas ri spo dang ngos che ba de nyid na ri u shi ra zhes bya ba yod par 'gyur ro/ /der dge slong bzhi khri bzhi stong 'dus par
129a1 'gyur te/ thams cad kyang rdzu 'phrul che ba/ mthu che ba/ dbang che bar grags pa/ gsal ba/ dul ba/ 'jigs pa med pa/ mang du thos pa/ mdo
129a2 'dzin pa/ 'dul ba 'dzin pa/ ma mo 'dzin pa/ skye bo mang po la yang dag par ston pa/ yang dag par 'dzin du 'jug pa/ yang dag par gzengs bstod pa/ yang dag par
129a3 rab tu dga' bar byed pa sha stag ste/ de dag kyang tshangs par spyod pa cho 'phrul dang bcas pa 'di rgyas par byed de/ lha dang mi rnams la rgya che zhing yang par byed par
129a4 'gyur ro/ /kun dga' bo/ nga'i tshangs par spyod pa rgyas par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga 'das
129a5 nas ri spo dang ngos che ba de nyid na dge slong nye sbas zhes bya ba 'byung bar 'gyur te/ rdzu 'phrul che ba/ mthu che ba nas de'ang tshangs par spyod pa cho 'phrul dang bcas
129a6 pa 'di yangs shing rgyas pa dang / lha dang mi rnams kyis yang dag par mnos par byed par 'gyur ba'i bar du'o/ /der yang nga'i dgra bcom pa mang po 'dus par
129a7 'gyur te/ dge slong gso sbyong gi las gcig pa/ nga rgyal med pa/ kun shes pa/ brda sprod pa/ brgyad khri brgyad stong 'byung bar 'gyur ro/ /de dag kyang nga'i tshangs
129b1 par spyod pa rdzu 'phrul dang bcas pa'i spyod par 'gyur te/ lha dang mi rnams la yangs shing rgya che bar byed par 'gyur gyi/ kun dga' bo khyod mya ngan ma byed/ smre sngags ma 'don
129b2 cig /kun dga' bo/ dge slong nye sbas nga'i tshangs par spyod pa'ang yangs shing rgya che bar spyod cing lha dang mi rnams la yang dag par ston par 'gyur ro/ /kun dga' bo/ nga 'das
129b3 nas grong khyer skya snar gyi bu zhes bya ba na dge 'dun gyi kun dga' ra ba lam zhes bya ba yod par 'gyur te/ der dge slong rta sbas zhes bya ba 'byung ste/ rig pa gsum dang ldan
129b4 pa| mngon par shes pa drug dang ldan pa/ rnam par thar pa brgyad la bsam gtan pa/ gnyis ka'i cha las rnam par grol ba/ rdzu 'phrul che ba/ mthu che ba nas de'ang
129b5 tshangs par spyod pa 'di yangs shing rgyas par byed par 'gyur zhes bya ba'i bar du rgya cher thams cad du sbyar ro/ /kun dga' bo khyod mya ngan ma byed/ smre sngags ma 'don
129b6 cig |kun dga' bo/ nga 'das nas de nyid du bya gag gi kun dga' ra bar dge slong bla ma zhes bya ba 'byung ste/ rdzu 'phrul che ba/ mthu che ba zhes bya ba nas/ de'ang
129b7 bstan pa 'di cho 'phrul dang bcas par byed cing lha dang mi rnams la so sor yangs shing rgyas par byed par 'gyur gyi/ kun dga' bo khyod mya ngan ma byed/ smre sngags
130a1 ma 'don cig /de ci'i phyir zhe na/ kun dga' bo/ nga'i tshangs par spyod pa rgyas pa dang / lha dang mi rnams la yangs shing rgya che bar 'gyur
130a2 ba'i phyir ro/ /kun dga' bo/ nga yongs su mya ngan las 'das pa'i 'og tu yul yan lag ces bya ba de na nyan thos rnams la lo lnga'i dus ston byed par 'gyur ro/ /der dgra
130a3 bcom pa khri sum stong 'dus par 'gyur te/ thams cad kyang rdzu 'phrul che ba/ mthu che ba dbang che bar grags pa nas rgya cher tshangs pa mtshungs par spyod pa rnams la chos
130a4 'chad pas ngal ba med pa sha stag gi bar du'o/ /de na dge 'dun gyi gnas brtan dad ldan drug pa zhes bya ba zhig yod par 'gyur te/ rdzu 'phrul che ba mthu che ba/ dbang
130a5 che bar grags pa nas rgya cher tshangs pa mtshungs par spyod pa rnams la chos 'chad pas ngal ba med pa'i bar du ste/ de'ang nga'i tshangs par spyod pa cho 'phrul dang bcas
130a6 pa lha dang mi rnams la rgyas par byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga 'das nas grong khyer gser gyi bre
130a7 zhes bya ba na bram ze'i rigs las rab tu byung bar dge slong mkhas pa zhes bya ba dang / yang dag par rgyal ba can zhes bya ba gnyis su 'byung ste/ rdzu 'phrul che ba mthu che
130b1 ba| dbang che bar grags pa nas de gnyis kyang tshangs par spyod pa cho 'phrul dang bcas pa 'di rgyas pa'i bar du byed par 'gyur gyi/ kun dga' bo khyod mya ngan ma byed/ smre sngags
130b2 ma 'don cig /kun dga' bo/ nga 'das nas grong khyer gnas bcas zhes bya ba na dge slong brtson 'grus che zhes bya ba 'byung ste/ rdzu 'phrul che ba mthu che ba de'ang tshangs par
130b3 spyod pa 'di lha dang mi rnams la cho 'phrul dang bcas par byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga 'das nas ma 'ongs
130b4 pa'i dus na dge slong nyi ma'i gung zhes bya ba 'byung ste/ kun dga' bo/ dge slong nyi ma'i gung de'ang nga'i chos 'dul ba 'di rgyas par byed cing lha dang mi rnams la cho 'phrul
130b5 dang bcas pa dang yangs shing rgya che bar byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga 'das nas byang phyogs kyi
130b6 rgyud na yul spos 'dzin zhes bya ba na dge slong 'od srung zhes bya ba 'byung ste/ rdzu 'phrul che ba mthu che ba/ dbang che bar grags pa/ gsal ba 'jigs pa med pa/ mang
130b7 du thos pa/ 'dul ba 'dzin pa/ mdo 'dzin pa/ ma mo 'dzin pa/ yang dag par ston pa/ yang dag par 'dzin du 'jug pa/ yang dag par gzengs bstod pa/ yang dag par
131a1 rab tu dga' bar byed pa nas de'ang nga'i bstan pa rgyas par byed pa'i bar du 'gyur gyi/ /kun dga' bo khyod mya ngan ma byed/ smre sngags ma 'don cig /
131a2 kun dga' bo/ /nga 'das nas byang phyogs kyi rgyud na grong khyer rdo 'jog ces bya ba phyogs dang phyogs mtshams su sgra grag pa yod par 'gyur te/ de na khyim bdag ral pa
131a3 can zhes bya ba phyug pa/ nor che ba/ longs spyod che ba/ bsod nams dang ldan pa/ shes rab dang ldan pa/ gzugs bzang ba/ mdzes pa/ blta na sdug
131a4 pa| kha dog bzang po rgyas pa mchog dang ldan pa/ dad pa can/ dang ba can zhig 'byung ste/ de nga'i lus dang nyan thos rnams la bsti stang du byed pa dang / bla mar
131a5 byed pa dang / rim gror byed pa dang / mchod pa dang brjed pa la spro bar 'gyur te/ rim gyis byang chub kyi tshogs yongs su rdzogs par bya ba nas ma 'ongs pa'i dus na
131a6 bskal ba stong rdzogs pa dang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa bzang byed ces bya ba la bkod
131a7 pa chen pos legs par brgyan pa'i 'jig rten gyi khams su kun tu snang ba zhes bya ba'i de bzhin gshegs par 'gyur ro/ /kun dga' bo/ /khyim bdag ral pa can
131b1 de'ang nga'i bstan pa 'di lha dang mi rnams la rgyas par byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ /nga 'das nas byang phyogs
131b2 kyi rgyud na rgyal po'i pho brang 'byor pa rgyas pa/ bde ba lo legs pa/ skye bo mang po dang mis gang ba rgyas ldan zhes bya ba yod par 'gyur te/ de na bram ze dang khyim bdag rnams
131b3 nga'i bstan pa 'di la dad cing sems dang bar 'gyur ro/ /kun dga' bo/ /de dag kyang nga mya ngan las 'das pa'i lus dang nyan thos rnams la bsti stang du bya ba dang / bla mar bya ba
131b4 dang / rim gror bya ba dang / mchod pa dang brjed pa dang / ri mor bya ba la spro bar 'gyur ro/ /der yang nga'i nyan thos rdzu 'phrul che ba mthu che ba/ dbang che bar grags pa brgya phrag mang po 'dus
131b5 par 'gyur te rgya cher sbyar ro/ /kun dga' bo/ de na 'khod pa'i khyim pa rnams kyang phal chen gsal ba/ dul ba/ 'jigs pa med pa/ mang du thos pa/ thos pa gsog
131b6 pa| mkhas pa shes rab che ba sha stag go /kun dga' bo/ rgyal po'i pho brang rgyas ldan de na khyim pa gang dag 'chi ba'i dus byed pa de dag 'chi ba'i dus byas ma thag tu
131b7 phal cher dga' ldan gyi lha'i ris su skye bar bar 'gyur ro/ /rab tu byung ba gang dag 'chi ba'i dus byed pa de dag ni phal cher log par ltung bar 'gyur ro/ /de ci'i phyir zhe na/
132a1 'di ltar de dag yo byad bsnyungs pa la mi gnas shing sdom pa la mi gnas pa'i phyir ro/ /kun dga' bo/ /rgyal po'i pho brang rgyas ldan na dam pa'i
132a2 chos gnas bzhin du bram ze dang khyim bdag gang dag 'di ltar bcom ldan 'das shAkya thub pa'i dam pa'i chos nub bo snyam du sems so/ /de ci'i phyir zhe na/ kun
132a3 dga' bo/ /'di ltar de'i tshe na dge slong phal cher lhod pa dang / yo byad mang ba dang / spong ba las nyams pa dang / ldog pa la thog mar 'gro ba dang / rab tu dben
132a4 ba la brtson pa bor ba dang / 'khor bzhi po dag dang 'dre ba dang / tshul nyams pa dang / tshul khrims 'chal par 'gyur te/ de dag bram ze dang khyim pa rnams dang
132a5 lhan cig tu tshul nyams shing tshigs las 'das pa dang / gcig la gcig mi gus par me tog dang / 'bras bu dang / bza' ba dang / bca' ba dag sbyin pa
132a6 dang | rab tu sbyin par byed pa la mngon par dga' zhing ma bsdams par 'gyur ro/ /de dag kyang bu dang chung ma spyod par byed de/ de dag gis de mthong zhing
132a7 thos nas bcom ldan 'das kyi dam pa'i chos nub par mi 'gyur grang snyam nas rab tu 'jigs pa dang / skrag pa dang / mi dga' bar 'gyur ro/ /de'i tshe'ang
132b1 rgyal po'i pho brang rgyas ldan de na dge bsnyen chos 'phel zhes bya ba rdzu 'phrul che ba mthu che ba/ dbang che bar grags pa/ gsal ba/ 'jigs pa med pa/ mang du thos pa/
132b2 thos pa/ nges par byed pa la mkhas pa zhig 'byung ste/ der bram ze dang khyim bdag de rnams dga' bar bya ba'i phyir rdzu 'phrul gyis nam mkha' la mngon par 'phags nas bram
132b3 ze dang khyim bdag rnams la yang dag par ston/ yang dag par 'dzin du 'jug /yang dag par gzengs bstod/ yang dag par rab tu dga' bar byed cing tshig 'di skad kyang smra
132b4 bar 'gyur te/ bram ze dang khyim bdag rnams ma 'jigs shig /dogs pa ma skyed cig /the tshom ma skyed cig /yid gnyis ma za zhig /bcom ldan 'das shAkya thub pa de'i dam pa'i chos
132b5 da dung gnas shing ma nub kyi/ khyed ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir sbyor ba gyis shig/
132b6 rtsol ba gyis shig /'bad pa gyis shig/ da dung 'phags pa'i chos thob par bya sla'o/ /de nas bram ze dang khyim bdag de rnams tshim zhing mgu ste yi rang zhing rab tu dga'
132b7 la dga' ba dang yid bde ba skyes nas sbyin ba dag sbyin/ bsod nams dag byed cing nga'i ring bsrel la rim gror bya ba nas brjed pa dang mngon par mchod par bya ba'i phyir
133a1 spro ba skye bar 'gyur zhing thos pa dang / tshul khrims dang / spong ba la'ang brtson par 'gyur ro/ /de ltar khyim bdag chos 'phel gyis bram ze dang khyim
133a2 bdag rnams dga' bar byas pas phal cher mtho ris dang thar par 'gro bar 'gyur ro/ /kun dga' bo/ /khyim bdag chos 'phel de'ang nga'i bstan pa 'di rgya cher rgyas par
133a3 byed par 'gyur ro/ /kun dga' bo/ de ltar nga 'das nas nga'i bstan pa 'di la sems dang zhing mngon par dga' ba/ sngon gyi rgyal ba la lhag par bya ba byas pa/ dge ba'i
133a4 rtsa ba bskyed pa/ lhag pa'i bsam pa phun sum tshogs pa/ sangs rgyas mang po la bsnyen bkur byas pa'i khyim bdag kyang mang du 'byung bar 'gyur ro/ /de dag kyang nga'i
133a5 lus dang nyan thos rnams la rim gror bya ba dang /bla mar bya ba dang / bsti stang du bya ba dang / mchod par bya ba dang / brjed par bya ba dang / mngon par mchod par bya
133a6 ba'i phyir spro bar 'gyur te/ kun dga' bo/ de dag kyang nga'i bstan pa 'di rgyas par byed cing lha dang mi rnams kyis mnos par byed par 'gyur ro/ /kun dga' bo/ nga
133a7 'das nas ma 'ongs pa'i dus na byang phyogs kyi rgyud du dge slong 'tsho byed ces bya ba sngon gyi rgyal ba la lhag par bya ba byas pa/ sangs rgyas brgya stong mang po la bsnyen bskur byas
133b1 pa| dge ba'i rtsa ba bskyed pa/ lhag pa'i bsam pa bskyed pa/ theg pa chen po la yang dag par zhugs pa/ skye bo mang po la phan pa dang bde ba'i phyir zhugs pa/ mang du thos pa/ byang
133b2 chub sems dpa'i sde snod 'dzin pa/ theg pa chen po'i bsngags pa brjod pa/ theg pa chen po yang dag par rab tu ston pa zhig 'byung bar 'gyur te/ de nga'i sku gdung gi mchod
133b3 rten zhig cing ral ba mthong nas gser gyis brgyan par byed cing gdugs dang / rgyal mtshan dang / ba dan dang / dar dang / dril bu g.yer kha'i dra ba g.yog pa dang / de bzhin
133b4 gshegs pa'i sku gzugs dang / mchod rten gyi khang pa dang / mchod rten rnams seng ge'i rgyal mtshan gyis brgyan te/ lha dang mi rnams dga' ba skye zhing de yongs su bskyang
133b5 pa dang / nga'i bstan pa yongs sung skyang ba dang / sems ma dad pa rnams dad par bya ba dang / dad pa rnams phyir zhing 'phel ba dang / skye bo mang po'i dge ba'i rtsa ba'i tshogs bsags pa'i
133b6 phyir lo lnga pa byed du 'jug par 'gyur ro/ /kun dga' bo/ de'i tshe na dge slong mi brtson pa/ lhod pa/ yo byad mang ba/ spong ba las nyams pa/ tshul nyams pa/ tshul khrims
133b7 'chal pa/ sdig pa'i chos kun tu spyod pa/ 'du 'dzi la dga' ba/ rab tu dben pa la mi lta ba/ brtson pa bor ba/ gnas gcig na 'khod pa/ yongs su 'dzin pa la
134a1 brtson pa/ khyim pa dang rab tu byung ba rnams dang 'dres pa/ dkon mchog gsum dang ma 'dres pa/ ma gus pa dge sbyong ltar bcos pa dag ni mang
134a2 du 'byung bar 'gyur ro/ /de na dge slong brtson 'grus brtsams pa/ rab tu dben pa/ dran pa nye bar gzhag pa/ mnyam par gzhag pa/ shes rab dang ldan pa/ sems
134a3 rtse gcig pa dge ba'i chos can/ 'dod pa chung ba/ chog shes pa/ bsod snyoms la rgyu ba/ 'phags pa'i rigs la gnas pa/ mang du thos pa/ thos pa bsags
134a4 pa dag ni nyung du 'byung bar 'gyur te/ de la dge slong 'tsho byed khong khro ba'i sems med pa dang / dbang po ma nyams pa dang / dad pa dang dang ba mchog dang ldan
134a5 pas gos ngur smrig bgos shing tshul khrims dang ldan pa'i 'du shes can thams cad la sbyin gnas su 'du shes bskyed nas sbyin pa sbyin/ dge ba'i rtsa bskyed par
134a6 byed de/ de byang chub sems dpa' byed pa'i dge ba'i rtsa ba rgya chen po rnam pa sna tshogs bsags nas 'chi ba'i dus byas dus byas ma thag tu nub phyogs su sangs rgyas kyi
134a7 zhing bye ba brgya stong 'das pa na de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can du skye bar 'gyur te/ 'jig rten gyi
134b1 khams yon tan thams cad kyis brgyan pa zhes bya bar de bzhin gshegs pa 'od dri ma med pa zhes bya bar 'gyur ro/ /kun dga' bo/ dge slong 'tsho byed de'ang nga'i bstan pa
134b2 'di yangs shing rgyas par byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga'i tshangs par spyod pa rgyas pa dang lha dang
134b3 mi rnams kyis mnos par 'gyur ro/ /kun dga' bo/ /nga 'das nas ma 'ongs pa'i dus na mtha' 'khob kyi yul nags kyi sa na rgyal po'i pho brang zhi ba zhes bya ba zhig
134b4 yod par 'gyur te/ de na rgyal po mes sbyin zhes bya ba dad pa dang ldan pa dang ba zhig 'byung ste/ de nga'i sku gdung dang nyan thos rnams la bsti stang du bya ba dang / bla mar
134b5 bya ba nas brjod par bya ba'i bar la spro bar 'gyur ro/ /kun dga' bo/ rgyal po mes sbyin de'ang rgyal po'i pho brang zhi ba der nga'i nyan thos rnams bsdus nas dang bar byed
134b6 par 'gyur ro/ /der dgra bcom pa sum stong lhag tsam 'dus par 'gyur te/ thams cad kyang rdzu 'phrul che ba mthu che ba/ dbang che bar grags pa nas tshangs pa
134b7 mtshungs par spyod pa rnams la chos 'chad pas ngal ba med pa sha stag go/ /kun dga' bo/ de dag kyang nga'i bstan pa rgyas par byed de/ lha dang mi rnams la yang
135a1 shing rgya che bar byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga 'das nas byang phyogs kyi
135a2 rgyud na grong khyer shing kun skye ba zhes bya ba zhig yod par 'gyur te/ der nga'i mche ba la me tog dang / phreng ba dang / spos dang / byung pa dang / sil snyan dang / gdugs
135a3 dang | rgyal mtshan dang / ba dan dang / rnam par rgyal ba'i ba dan la sogs pa dang / gos dang / dngul dang / gser dang / rin po che rnams kyis bsti stang byed/ bla
135a4 mar byed/ rim gror byed/ mchod par byed par 'gyur ro/ /kun dga' bo/ nga'i mchod rten yang gser gyis brgyan par 'gyur ro/ /kun dga' bo/ /sa phyogs der
135a5 rab tu byung ba'i skye bo mang po 'byung bar 'gyur ro/ /skye bo mang po tshul khrims dang ldan pa dang / dge ba'i chos dang ldan pa rnams dang / dge slong gi tshogs brgya
135a6 stong du ma 'byung bar 'gyur ro/ /kun dga' bo/ de na khyim pa tshul khrims dang ldan pa/ mang du thos pa/ mkhas pa yid gzhungs pa/ nga'i bstan pa 'di la dad pa
135a7 dang dang ba dag kyang mang du 'byung ste/ de dag nga'i sku gdung dang nyan thos rnams la bsti stang du bya ba dang / bla mar bya ba dang / rim gror bya ba dang / mchod par bya
135b1 ba dang / brjed par bya ba dang / mngon par mchod par bya ba'i phyir spro bar 'gyur ro/ /de dag nga'i dkon mchog gsum yongs su bzung ste/ dge ba'i rtsa ba des lha dang mi'i phun
135b2 sum tshogs pa myong nas kha cig ni bla na med pa yang dag par rdzogs pa'i byang chub mngon par rdzogs par 'tshang rgya/ kha cig ni rang sangs rgyas kyi theg pas yongs su mya
135b3 ngan las 'das/ /kha cig ni nyan thos kyi theg pas yongs su mya ngan las 'da' bar 'gyur te/ kun dga' bo/ de ltar na de dag gi bsti stang mthu che bar 'gyur ro/ /kun dga'
135b4 bo| de dag kyang nga'i bstan pa 'di rgya che zhing rgyas par byed par 'gyur ba dang / lha dang mi rnams la yang shing shin tu rgyas par 'gyur ba dang / bkrol zhing yang dag par
135b5 bstan par byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga'i tshangs par spyod pa rgyas pa dang lha dang mi rnams kyis
135b6 yang dag par mnos par 'gyur ro/ /kun dga' bo/ dzam+bu'i gling thams cad sku gdung gi mchod rten dang / de bzhin gshegs pa'i sku gzugs rnams kyis kyang kun
135b7 tu rgyas par 'gyur na/ kun dga' bo lha dang / klu dang / gnod sbyin dang /dri za dang / lha ma yin dang / nam mkha' lding gi gnas rnams na mi snang bar gyur ba rnams
136a1 kyis gang bar 'gyur ba lta smos kyang ci dgos kyi/ kun dga' bo khyod mya ngan ma byed/ smre sngags ma 'don cig /kun dga' bo/ de ltar na nga'i
136a2 chos 'dul ba rgyas par 'gyur zhing lha dang mi rnams la yangs shing rgya che bar 'gyur ro/ /dam pa'i chos 'dzin pa'i le'u ste drug pa rdzogs so// //yang
136a3 de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo/ /nga yongs su mya ngan las 'das nas rigs kyi bu'am rigs kyi bu mo
136a4 rab tu byung ba'am/ khyim na gnas pa gang dag kha cig tha na ring bsrel yungs 'bru tsam la bsti stang byed/ /bla mar byed/ rim gror byed/ mchod par byed na/
136a5 kun dga' bo/ dge ba'i rtsa ba de dag thams cad kyi 'bras bu yongs su mya ngan las 'das pa yin te/ tha ma yongs su mya ngan las 'da' bar nga smra'o/ /kun dga'
136a6 bo/ nga yongs su mya ngan las 'das nas rigs kyi bu'am rigs kyi bu mo gang dag kha cig tha na nga'i phyir byas pa'i mchod rten mthong nas sems dang pa bskyed na/
136a7 kun dga' bo/ 'di la sems dang ba'i dge ba'i rtsa ba de dag thams cad kyi 'bras bu'ang mya ngan las 'das pa yin te/ tha ma yongs su mya ngan las 'da' bar
136b1 'gyur bar nges par shes par gyis shig /kun dga' bo/ gang nga 'dug pa la mngon sum du bsti stang byed pa dang / bla mar byed pa nas mchod par byed pa'i bar lta zhog/
136b2 gang nga yongs su mya ngan las 'das nas ring bsrel yungs 'bru tsam la bsti stang byed pa lta'ang zhog /nga'i phyir mchod rten byas pa la gang bsti stang byed pa lta'ang zhog
136b3 ste| kun dga' bo/ gang dag kha cig sangs rgyas la dmigs nas tha na me tog gcig nam mkha' la 'thor na/ kun dga' bo/ dge ba'i rtsa ba de dag thams cad kyi
136b4 'bras bu mya ngan las 'das pa yin te/ tha ma mya ngan las 'da' bar nga smra'o/ /kun dga' bo/ sangs rgyas bcom ldan 'das rnams la mchod pa byas pa rdzu 'phrul
136b5 ji tsam du che ba la ltos/ gang na sangs rgyas la dmigs pa'i sems kyis me tog gcig nam mkha' la bor bas kyang mya ngan las 'das par phyin par byed na/
136b6 kun dga' bo/ gang dag de bzhin gshegs pa la mngon sum du bsti stang byed pa'am/ yongs su mya ngan las 'das nas sku gdung la sku gdung gi mchod pa byed
136b7 pa lta ci smos/ kun dga' bo/ de bzhin gshegs pa rnams kyi de bzhin gshegs pa'i yul bsam gyis mi khyab bo/ /kun dga' bo/ de bzhin gshegs pa
137a1 bsam gyis mi khyab pa la bsti stang byas na rnam par smin pa'ang bsam gyis mi khyab par shes par bya'o/ /kun dga' bo/ sangs rgyas la dmigs
137a2 pa'i sems kyis nam mkha' la me tog gcig bor ba'i rnam par smin pa gal te ngas sangs rgyas kyi ye shes kyis bstan na/ kun dga' bo khyod nyid kyang ngo mtshar dang
137a3 rmad du byung bar 'dzin pa dang / dga' ba dang / mgu ba dang / rab tu dga' bar gyur na ma 'ongs pa'i dus na nga'i bu gang dag rab tu dad pa/ rab tu gus pa/ rab tu
137a4 dang pa rnams dang / gang dag sangs rgyas kyi yon tan la rtog cing sangs rgyas kyi ye shes don du gnyer bar 'gyur ba de dag lta ci smos/ de skad ces bka' stsal
137a5 pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis sangs rgyas la dmigs nas nam mkha' la
137a6 me tog gcig bor ba'i rnam par smin pa bshad pa'i dus la bab ste/ bcom ldan 'das/ dus 'di lags so/ /bde bar gshegs pa/ skabs 'di lags
137a7 so| |gang bcom ldan 'das las thos nas dge slong rnams yang dag pa nyid du 'dzin par 'gyur ba de ni skye ba mang po la sman pa dang / skye bo mang po la bde
137b1 ba dang / 'jig rten la snying brtse ba dang / lha dang mi rnams la don dang phan pa dang bde bar 'gyur ro/ /da ltar dang ma 'ongs pa'i dus kyi sems can rnams de bzhin gshegs
137b2 pa las thos nas yang dang yang du dge ba'i rtsa ba bskyed par 'gyur/ sems dang bar 'gyur/ yid bde ba'ang thob par 'gyur te/ de bzhin gshegs pa dgra bcom pa
137b3 yang dag par rdzogs pa'i sangs rgyas shAkya thub pa/ shAkya'i rgyal po thugs rje chen po dang ldan pa/ 'jig rten thams cad la phan zhing thugs brtse ba can gyis bdag
137b4 cag dbugs phyung ngo zhes de dag rgya cher spro bar 'gyur te/ sangs rgyas yid la bgyid cing sangs rgyas la dmigs pa'i dran pa skyed par 'gyur ro/ /de skad ces gsol pa
137b5 dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ de'i phyir shin tu legs par nyon la yid la gzung zhig
137b6 dang bshad do/ /btsun pa/ de bzhin no zhes gsol nas/ tshe dang ldan pa kun dga' bo bcom ldan 'das kyi ltar nyan pa dang / bcom ldan 'das kyis de la 'di
137b7 skad ces bka' stsal to/ /kun dga' bo/ /gang dag kha cig sangs rgyas la dmigs nas tha na sangs rgyas la dmigs pa'i sems kyis me tog gcig nam mkha'
138a1 la 'dor na/ de'i rnam par smin pa gang yin pa de ni/ kun dga' bo/ gal te sems can 'ga' zhig bskal ba gcig tu 'khor ba 'di ji srid
138a2 par kun tu rgyug cing 'khor yang 'khor ba'i sngon gyi mtha' mi shes pa bzhin du bsod nams mngon par 'du bya ba'i dge ba'i rtsa ba mngon par 'dus byas pa de'i mtha'
138a3 de ni brgya byin nyid rnams kyis rnyed par sla ba ma yin no/ /de ci'i phyir zhe na/ kun dga' bo/ 'di ltar sangs rgyas la phul ba'i yon ni 'khor ba na spyod pa'i bde ba
138a4 thams cad kyis mthar gtugs par sla ba ma yin te/ gzhan du na dge ba'i rtsa ba de'i 'bras bu mya ngan las 'das pa nyid 'bras bu yin pas tha ma mya ngan las
138a5 'da' bar nga smra'o/ /kun dga' bo/ gang dag kha cig mngon du bsti stang byed pa lta'ang zhog /gang nga'i sku gdung dang ring bsrel yungs 'bru tsam la sku gdung
138a6 gi mchod pa byed pa lta'ang zhog /gang nga'i phyir mchod rten byas pa rnams la bsti stang byed pa lta'ang zhog /gang sangs rgyas la dmigs nas tha na me tog
138a7 gcig nam mkha' la 'dor ba lta'ang zhog ste/ kun dga' bo/ gal te sems can mya ngan las 'da' ba'i skal ba med pa zhig gis sangs rgyas la dmigs
138b1 nas| tha na me tog gcig nam mkha' la 'dor na'ang / kun dga' bo/ dge ba'i rtsa ba de'i 'bras bu de'ang mya ngan las 'das pa yin te/ mya ngan las 'das pas klas pa
138b2 dang | mya ngan las 'das pa'i mthas gtugs par nga smra'o/ /dge ba'i rtsa ba de dag gi mtha' ni mya ngan las 'das pa yin te/ mya ngan las 'das pa ni gtso bo yin/ mya
138b3 ngan las 'das pa ni khyad par can yin/ mya ngan las 'das pa ni mchog yin/ mya ngan las 'das pa ni gya nom pa yin no/ /sbyin pa de mthar phyin pa la phul ba ni mya
138b4 ngan las 'das pa rnam par dag par nga smra'o/ /kun dga' bo/ rgyu des de bzhin gshegs pa sbyin gnas rnams kyi mchog dang / sbyin gnas rnams kyi rgyal po yin no/ /
138b5 de ci'i phyir zhe na/ sbyin pa gang de bzhin gshegs pa la phul ba de'i 'bras bu mya ngan las 'das pa 'thob par 'gyur te/ de'i phyir de bzhin gshegs pa sbyin
138b6 gnas rnams kyi mchog ces bya'o/ /kun dga' bo/ lam de ni mthun pa'o/ /kun dga' bo/ 'di ltar rnam grangs 'dis na de bzhin gshegs pa ni nges par
138b7 len pa rnams kyi mchog yin par bstan to/ /de bzhin gshegs pa la yon phul ba thams cad kyi mtha' ni 'bras bu mya ngan las 'das pa yin te/ mya ngan las
139a1 'das pas klas pa dang / mya ngan las 'das pa'i mthas gtugs par 'gyur ro/ /kun dga' bo/ sbyin pa de lta bu'ang lta zhog /de ci'i phyir zhe na/
139a2 kun dga' bo/ gang sangs rgyas la dmigs nas tha na sems gcig bskyed de dang ba bskyed na/ kun dga' bo/ de thams cad kyi 'bras bu'ang mya ngan las 'das pa yin
139a3 te| tha ma mya ngan las 'da' bar nga smra'o/ /kun dga' bo/ mir 'gyur pa'i sbyin pa byas pa de lta bu'ang lta zhog la/ kun dga' bo/ gang tha na dud 'gro'i skye gnas su
139a4 song ba'i sems can rnams kyang sangs rgyas la dmigs pa'i dran pa rnyed pa de dag thams cad kyi 'bras bu'ang mya ngan las 'das pa yin te/ tha ma mya ngan las 'da'
139a5 bar nga smra'o/ /kun dga' bo/ 'di ltar dud 'gro'i skye gnas su song ba'i sems can rnams kyang tha ma mya ngan las 'da' ba'i bar du 'gyur te/ 'di ltar rdzu 'phrul
139a6 che bas sangs rgyas bcom ldan 'das rnams la yon phul ba ji tsam du rdzu 'phrul che ba dang / sangs rgyas rnams la sems dang ba ji tsam du rdzu 'phrul che ba la
139a7 ltos/ kun dga' bo khyod mya ngan ma byed/ smra sngags ma 'don zhig dang / kun dga' bo khyod kyi rdzu 'phrul che ba dang / 'bras bu che ba dang / phan yon che ba dang /
139b1 rab tu rgya che ba dang / 'od che ba dang / bdud rtsi lta bu dang / mi 'chi bas klas pa dang / mi 'chi ba'i mthas gtugs par 'gyur ro/ /kun dga' bo khyod kyis de bzhin gshegs
139b2 pa la byams pa'i lus kyi las dang / byams pa'i ngag gi las dang / byams pa'i yid kyi las phan pa dang / bde ba dang / gnyis su med pa dang / tshad med pa dang / kho na
139b3 med pa dang / gnod sems med pas bsnyen bkur byas te/ kun dga' bo/ gang stong gsum gyi stong chen po'i 'jig rten gyi khams thams cad rgyun du zhugs pas
139b4 yongs su gang bar gyur cing / lan gcig phyir 'ong ba dang / phyir mi 'ong ba dang / dgra bcom pa rnams kyis yongs su gang bar gyur pa 'di lta ste/ dper na/ bu ram
139b5 shing stug po'am/ 'bras zhing stug po'am/ 'dam bu mda' rgyu stug po'am/ 'od ma stug po'am/ 'dam bu stug po'am/ til zhing stug po'am/ rtswa ku sha stug
139b6 po lta bur gyur pa de dag thams cad la rigs kyi bu'am/ rigs kyi bu mo la la zhig bskal pa'am bskal pa las lhag par bsti stang byed/ bla mar byed/ rim gror
139b7 byed/ mchod par byed cing bde ba'i yo byad yid du 'ong ba thams cad dang / bde bar sbyar ba'i spyad pa thams cad kyis bsnyen bkur byed na/ kun dga' bo/ /de ji snyam
140a1 du sems/ rigs kyi bu'am rigs kyi bu mo de gzhi de las bsod nams mang du skyed dam/ gsol ba/ bcom ldan 'das/ mang lags so/ /bde bar
140a2 gshegs pa/ mang lags so/ /bka' stsal pa/ kun dga' bo/ bsod nams kyi phung po gang yin pa de ni gang de bzhin gshegs pa la tha na thal mo sbyar ba lan gcig byas te de
140a3 bzhin gshegs pa la phyag 'tshal lo zhes tshig lan gcig smras na/ kun dga' bo/ thal mo sbyar ba gcig gis bsti stang byas pa de la dge ba'i rtsa ba snga ma des
140a4 brgya'i char yang mi chog /stong gi cha dang / brgya stong gi cha dang / grangs dang / bgrang ba dang / char yang mi chog go/ kun dga' bo/ de ci'i phyir zhe na/ de ltar de
140a5 bzhin gshegs pa ni sbyin gnas rnams kyi bla na med pa ste/ de bzhin gshegs pa la yon phul ba de ltar rdzu 'phrul che'o/ /kun dga' bo/ /stong gsum gyi stong
140a6 chen po'i 'jig rten gyi khams dgra bcom pas yongs su gang ba la bsnyen bkur byed pa lta'ang zhog la/ kun dga' bo/ gal te stong gsum gyi stong chen po'i
140a7 'jig rten gyi khams 'di rang sangs rgyas kyis yongs su gang bar gyur pa 'di lta ste/ bu ram shing stug po'am/ 'dam bu stug po nas rtswa ku sha stug po'i bar
140b1 lta bur gyur pa de dag la 'ga' zhig ji srid 'tsho'i bar du bde ba'i yo byad thams cad dang / bde ba la reg par gnas par 'gyur ba thams cad kyis bsti stang byed/ bla mar byed/
140b2 ri mor byed/ mchod par byed cing rang sangs rgyas de dag yongs su ma ngan las 'das pa rnams kyi mchod rten rin po che sna bdun las byas te/ de dag la'ang ji srid 'tsho'i
140b3 bar du me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan thams cad kyis bsti stang
140b4 byed/ bla mar byed pa nas mchod par byed pa'i bar du byed na/ kun dga' bo/ de ji snyam du sems/ de gzhi de las bsod nams mang du skyed dam/ gsol pa/ bcom
140b5 ldan 'das/ mang lags so/ /bde bar gshegs pa/ mang lags so/ /bka' stsal pa/ kun dga' bo/ gang bsod nams kyi phung po 'di ni gang de bzhin gshegs pa la
140b6 tha na sems bskyed pa gcig gis sems rab tu dang bas rjes su dran pa dang / sangs rgyas kyi yon tan rnams la dad pa dang / rtog pa dang / mos pa dang / de bzhin
140b7 gshegs pa rnams kyi ye shes ni bsam gyis mi khyab bo zhes tshig tu smra ba ni/ kun dga' bo/ sems dang ba'i dge ba'i rtsa ba 'di la rang sangs rgyas la bskyed pa'i
141a1 bsod nams kyi phung po snga mas tha na cha nas rgyu'i bar du'ang nye bar mi 'gro'o/ /de ci'i phyir zhe na/ kun dga' bo/ /sangs rgyas bcom ldan 'das
141a2 rnams kyi byams pa dpag tu med/ snying rje chen po dpag tu med/ tshul khrims dpag tu med/ ting nge 'dzin dpag tu med/ shes rab dpag tu med/ rnam par grol ba
141a3 dpag tu med/ rnam par grol ba'i ye shes mthong ba dpag tu med/ yang dag par 'grub pa dpag tu med/ rtogs pa dpag tu med de/ kun dga' bo/ /sangs
141a4 rgyas bcom ldan 'das rnams kyi ye shes bsam gyis mi khyab/ sangs rgyas kyi yul bsam gyis mi khyab pa de la rnam par smin pa'ang bsam gyis mi khyab par shes
141a5 par byos la/ kun dga' bo khyod mya ngan ma byed/ smre sngags ma 'don cig /kun dga' bo khyod rdzu 'phrul chen po dang / rgya chen por 'gyur ro/ /de ci'i phyir zhe na/
141a6 kun dga' bo khyod kyis lo nyi shu lhag gi bar du de bzhin gshegs pa la byams pa'i lus kyi las dang / byams pa'i ngag gi las dang / byams pa'i yid kyi las
141a7 kyis bsnyen bkur byas shing chos kyi phung po brgyad khri bzhi stong bzung ste/ mang du thos pa rnams kyi mchog /sna tshogs smra ba rnams kyi mchog/ /gsal ba/ dul
141b1 ba/ 'jigs pa med pa/ mang du thos pa/ mdo 'dzin pa/ 'dul ba 'dzin pa/ ma mo 'dzin pa/ 'khor bzhi rnams la chos 'chad pas ngal ba med pa yin no/ /kun dga'
141b2 bo| nga 'das nas khyod dang gnas brtan 'od srung chen po gnyis ston pa'i mdzad pa byed par 'gyur gyi/ kun dga' bo khyod mya ngan ma byed/ smre sngags ma 'don cig /kun
141b3 dga' bo khyod rdzu 'phrul che bar 'gyur/ phan yon che ba dang gzi che ba dang / kun dga' bo khyod rgya che bar 'gyur ro/ /sku gdung med par mi 'gyur ba'i le'u ste bdun pa
141b4 rdzogs so// //bam po bzhi pa/ de nas yang bcom ldan 'das kyis kun dga' bo la bka' stsal pa/ kun dga' bo/ sems can gang dag kha cig
141b5 sangs rgyas bcom ldan 'das rnams kyi gsung thos sam/ mtshan gyi sgra thos na/ kun dga' bo/ de'ang de dag la yongs su mya ngan las 'das kyi bar du don med par mi
141b6 'gyur bar nga smra'o/ /kun dga' bo/ gang sangs rgyas rnams la phyag 'tshal lo zhes bya ba'i tshig de'i don kyang gang yin/ de skad ces bka' stsal pa dang / bcom ldan
141b7 'das la tshe dang ldan pa kun dga' bos 'di skad ces gsol to/ /bcom ldan 'das/ bcom ldan 'das ni chos thams cad kyi rtsa ba lags/ bcom ldan 'das ni 'dren
142a1 pa lags/ bcom ldan 'das ni ston pa lags na/ bcom ldan 'das dge slong rnams la don de legs par bshad du gsol/ bcom ldan 'das
142a2 las mngon sum du thos nas don de bzhin du 'dzin par 'gyur ro/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka'
142a3 stsal to/ /kun dga' bo/ de'i phyir shin tu legs par nyon la yid la gzung zhig dang ngas bshad do/ /bcom ldan 'das/ de bzhin no zhes gsol nas/ tshe dang ldan
142a4 pa kun dga' bo bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /kun dga' bo/ 'di la sangs rgyas la phyag
142a5 'tshal lo zhes bya ba tshig de'i don ni 'di yin te/ 'di lta ste/ sangs rgyas bcom ldan 'das rnams kyi mtshan gyi sgra don med par mi 'gyur ba yin no/ /kun dga'
142a6 bo| de ltar na sangs rgyas la phyag 'tshal lo zhes bya ba 'di ni don med par mi 'gyur bar bshad do/ /kun dga' bo/ de bas na don 'di rgya cher shes par bya ba dang /
142a7 yongs su rdzogs par bya ba dang / sangs rgyas bcom ldan 'das rnams kyi mtshan thos na dad pa'i rigs kyi bu dang rigs kyi bu mo dag bstan pa 'di la rgya cher sems
142b1 dang bar 'gyur bar bya ba'i phyir khyod la dpe bstan to/ /kun dga' bo/ sngon byung ba 'das pa'i dus na tshong pa'i tshogs mang po rgya mtsho chen por zhugs par gyur te/ de dag
142b2 rgya mtsho'i dbus su phyin pa dang gru bo che chu srin gyis zin par gyur to/ /kun dga' bo/ de nas tshong pa'i tshogs chen po 'jigs shing dngangs skrag ste spu zing zhes byed par
142b3 gyur cing 'chi ba'i 'jigs pas skrag ste/ mgon med/ skyabs med/ dpung gnyen med par gyur nas de dag so so na du zhing cho nge 'don smre sngags 'don te rnam par smre ba sna
142b4 tshogs kyis rnam par smre ste/ kye ma'o/ /dzam+bu gling de nyams re dga'/ /kye ma'o/ /'tsho ba'i 'jig rten de re bzang / kye ma'o/ /mir 'gyur ba 'di rnyed par re dka'/ kye
142b5 ma'o/ /pha ma dag dang 'bral par 'gyur ro/ /kye ma'o/ /bu dang chung ma dang / kye ma'o/ /mdza' bshes dang chung ma'i tshogs rnams phyin chad mi mthong ngo zhes du zhing smre
142b6 sngags 'don/ sdug bsngal dang yid mi bde ba myong ste/ 'tsho bar 'dod pas lha sna tshogs rnams la phyag 'tshal lo/ /kun dga' bo/ de nas tshong pa'i tshogs de na
142b7 ded dpon mkhas pa gsal ba yid gzhungs pa/ sangs rgyas dang / chos dang / dge 'dun la mngon par dad pa/ lhar gzhan mi 'dzin cing sangs rgyas bcom ldan
143a1 'das la dad pa zhig yod par gyur te/ des tshong pa de dag thams cad la 'di skad ces smras so/ /kye tshong pa dag /'jigs shing skrag pa chen po
143a2 'di las phyin cing thar bar 'dod dam/ ma thar na'ang bde 'gro mtho rigs su skye bar 'dod na tshur shog /thams cad tshogs shing mthun pas nga ji skad du smra ba de
143a3 bzhin du khyed kyang so sor smros shig dang / de dag gis smras pa/ ded dpon khyod smros shig /bdag cag kyang khyod smra ba bzhin du zlos so/ /kun dga' bo/ de nas
143a4 ded dpon de gos phrag pa gcig tu gzar nas pus mo g.yas pa'i lha nga gru bo che la btsugs te sangs rgyas la dmigs pa'i sems kyis sgra chen po phyung ste/ sangs
143a5 rgyas rnams la phyag 'tshal lo/ /mi 'jigs pa sbyin pa/ thugs rje chen po dang ldan pa/ sems can thams cad la thugs brtse ba can sangs rgyas rnams la phyag
143a6 'tshal lo zhes sangs rgyas la phyag 'tshal to/ /tshong pa'i tshogs de dag kyang de nyid du thal mo sbyar nas mgrin gcig tu tshig smras pa/ sangs rgyas rnams la
143a7 phyag 'tshal lo/ /sangs rgyas bcom ldan 'das thugs rje chen po dang ldan pa/ sems can thams cad la thugs brtse ba can la phyag 'tshal lo zhes byas so/ /
143b1 kun dga' bo/ de nas chu srin des sangs rgyas kyi sgra de thos so/ /des sangs rgyas la phyag 'tshal lo zhes bya ba de thos nas dga' ba chen po dang rnam par 'tshe ba med pa'i
143b2 sems thob par gyur te des kha slar btsums so/ /kun dga' bo/ /de nas ded dpon de gru de dang bcas par bde bar thar te/ gru bo che de dag bde zhing don grub nas slar
143b3 dzam+bu'i gling du 'khor to/ /chu srin de'ang sangs rgyas kyi sgra de thos pas bde ba myong zhing phyin chad srog chags gzhan mi za ste/ de ltogs nas de nyid du 'chi ba'i dus byas
143b4 so| |de 'chi ba'i dus byas ma thag tu dud 'gro'i skye gnas las 'phos nas mi dang skal pa mnyam par skyes par gyur to/ /de de bzhin gshegs pas gsungs pa'i chos
143b5 'dul ba la dad par gyur nas khyim nas khyim med par rab tu byung ngo / /rab tu byung nas kyang dge ba'i bshes gnyen la bsnyen cing bsten la bsnyen bkur byas pas dgra
143b6 bcom pa thob ste/ mngon par shes pa drug mngon sum du byas nas phung po'i lhag ma med pa'i mya ngan las 'das pa'i dbyings su mya ngan las 'das so/ /kun dga'
143b7 bo| chu srin dud 'gro'i skye gnas su gyur pa des sangs rgyas kyi sgra thos pa de mir 'gyur ba'i rgyur gyur pa dang / rab tu byung ba'i rgyur gyur pa dang / dgra bcom pa thong
144a1 pa'i rgyur gyur pa dang / yongs su mya ngan las 'das pa'i rgyur gyur pa la ltos/ kun dga' bo/ sangs rgyas bcom ldan 'das rnams kyi sgra thos
144a2 pa de ji tsam du rdzu 'phrul che ba dang / mtshan brjod pa ji tsam du rdzu 'phrul che ba dang / sems dang ba ji tsam du rdzu 'phrul che ba la ltos/ gang na mi dge bar gtogs pa
144a3 dud 'gro'i skye gnas su gyur pa'i chu srin gyis sangs rgyas kyi sgra thos pa de'ang don med par ma gyur na mir gyur pa lta ci smros/ /kun dga' bo khyod kyis rnam grangs
144a4 'dis kyang 'di ltar rig par bya ste/ 'di ltar sangs rgyas bcom ldan 'das rnams kyi sangs rgyas kyi sgra thos pa'ang don med par mi 'gyur na/ sangs rgyas la
144a5 bskyed pa'i dge ba'i rtsa ba de las gzhan lta ci smos/ /kun dga' bo/ nyi tshe ba byed pa ni tshe ba 'grub/ yongs su rdzogs pa byed pa ni yongs su rdzogs pa
144a6 'grub bo /ngas de skad smras pa de'ang ngas ci la brten te smras she na/ nyi tshe ba byed pa zhes bya ba ni gang dad pa las byung ba dge ba'i rtsa ba tshu rol pa'i dus can
144a7 nyan thos kyi sa bon skyed pa ste nyan thos su 'gyur ro/ /de dge ba'i rtsa ba des nyan thos kyis yongs su rdzogs par byed do/ /rang gi phyir byed pa ni rang gi dge ba'i rtsa
144b1 ba bskyed nas rang sangs rgyas kyis yongs su rdzogs par byed do/ kun dga' bo/ ngas 'di la brten nas 'di nyi tshe ba byed pa'o zhes smras so/ /kun dga' bo/ yongs su rdzogs pa
144b2 byed pa ni/ kun dga' bo/ gang thog ma dang tha ma med pa'i dus can dge ba'i rtsa ba sangs rgyas la bskyed pa/ sangs rgyas kyi sa bon bskyed pa ste/ de dus ring mo zhig 'das nas
144b3 brgya la brgya lam na rgyu de dang / rkyen de dang / dge ba'i rtsa ba des sangs rgyas bcom ldan 'das rnams mnyes par byed do/ /mnyes par byas nas kyang yongs su rdzogs par bya
144b4 ba'i phyir de la dge ba'i rtsa ba bskyed do/ /bskyed nas kyang byang chub kyi tshogs rnams mngon par 'dus byas nas yan lag rnams yongs su rdzogs pas de bzhin gshegs
144b5 pa dgra bcom pa yang dag par rdzogs pa'i sangs rgyas zhes 'jig rten na sgra rnam par grags pa'i sangs rgyas su 'gyur te/ kun dga' bo/ 'di ni yongs su rdzogs par
144b6 byed pa zhes bya'o/ /de ltar ngas gang smras pa de ni 'di la brten te smras so/ /kun dga' bo/ rnam grangs 'dis kyang khyod kyis 'di ltar gang nyi tshe ba byed pas ni nyi tshe ba/
144b7 yongs su rdzogs pa byed pas ni yongs su rdzogs pa 'grub par rigs par bya'o/ /kun dga' bo/ ngas spyod pa gzhan yang tha na rtsa ba bzhi pa tsam yang bshad do/ /de ltar
145a1 ngas gang smras pa de ngas ci la brten te smras she na/ kun dga' bo/ ngas sems can rid cing nyam chung ba rnams la brten nas bshad de/ kun dga'
145a2 bo| nga ni sems can chud zos pa rnams kyi skyabs so/ /nga ni rab tu chud zos pa rnams kyi mgon no/ /nga ni dpung gnyen no/ /nga ni brten med pa dang mgon med pa rnams kyi rten
145a3 dang mgon yin no/ /kun dga' bo/ nga ni sems can sgron ma med pa dang / long ba dang / mig med pa rnams kyi sgron ma dang / mig dang / snang ba dang / 'od byed pa'o/ /
145a4 kun dga' bo/ /phas kyi rgol ba thams cad ni skyabs med pa/ long ba/ mig med pa/ yongs su 'dren pa med pa'o/ /kun dga' bo/ nga ni lha dang bcas pa'i 'jig rten
145a5 gyi ston pa'o/ /'chos pa'o/ /sems can thams cad la snying brtse ba can no/ /de ci'i phyir zhe na/ kun dga' bo/ /phyi ma'i dus zad pa'i dus/ dam pa'i chos 'jig par
145a6 'gyur ba'i dus na gang dag nga'i bstan pa 'di la rab tu 'byung bar 'gyur ba dag rab tu byung nas bu'i lag nas bzung ste/ bu dang lhan cig tu chang skyogs gang gi
145a7 phyir chang pa'i khyim nas chang pa'i khyim du 'khyam pa/ nga'i dam pa'i chos 'di'i rjes su slob pa de dag thams cad kyang / kun dga' bo/ bskal pa bzang po 'di la yongs
145b1 su mya ngan las 'da' bar 'gyur ro/ /kun dga' bo/ ci'i phyir bskal pa 'di bskal pa bzang po zhes bya zhe na/ kun dga' bo/ stong gsum gyi stong chen po'i 'jig rten gyi khams
145b2 'di 'jig par gyur pa'i tshe sa chen po rgya mtsho gcig tu gyur pa na gnas gtsang ma'i ris kyi lha'i bu rnams lha'i mig gis chus 'jig pa thams cad la rnam par blta'o/ /de dag
145b3 gis bltas na dzam+bu'i gling du pad+ma chen po gser gyi kha dog lta bu/ gser gyi 'od byung ba/ 'dab ma stong yod pa/ bsung zhim pa/ yid du 'ong ba stong tham pa mthong ngo / /de dag
145b4 gis de mthong nas 'di snyam du sems te/ pad+ma 'di dag ji snyed byung ba de snyed kyi sangs rgyas bcom ldan 'das rnams bskal pa 'di la 'byung bar 'gyur ro snyam nas de dag
145b5 tshim zhing mgu la yi rang zhing rab tu dga' ste/ dga' ba dang yid bde ba skyes nas gang du sangs rgyas stong 'byung ba/ kye ma'o/ /bskal pa 'di bzang por 'gyur ro/ /kye ma'o/
145b6 bskal pa 'di rab tu bzang por 'gyur ro zhes ched du brjod pa ched du brjod de/ kun dga' bo/ de'i phyir bskal pa 'di bzang po zhes bya'o/ /kun dga' bo/ 'di ltar
145b7 bskal pa bzang po 'di la bskal pa bzang po zhes ming btags pa'i bskal pa bzang po'i rgyu 'di yin rkyen 'di yin no/ /kun dga' bo/ bskal pa bzang po 'di yang
146a1 'das nas sangs rgyas dgu brgya dgu bcu rtsa drug 'byung ste/ bskal pa 'di la 'khor ba 'jig tshun chad da lta'i nga dang bzhi'o/ /kun dga' bo/ /nga'i 'og
146a2 tu byams pa 'byung ste/ de bzhin gshegs pa mos pa zhes bya ba stong gi tha mar 'byung ngo / /kun dga' bo/ rnam grangs 'dis kyang khyod kyis 'di ltar rig par bya ste/ 'di
146a3 ltar bskal pa bzang po 'di la nga 'das nas sangs rgyas dgu brgya dgu bcu rtsa drug 'byung ba'i tshe/ kun dga' bo/ nga'i bstan pa 'di la gang dag dge sbyong gi rigs
146a4 can dge sbyong shin te ma/ dge sbyong du khas 'che ba/ dge sbyong ltar bcos pa/ ngur smrig gyon pa 'byung ba de dag thams cad kyang bskal pa bzang po 'di la gang byams
146a5 pa nas mos pa la thug gi bar du phyis 'byung ba'i sangs rgyas bcom ldan 'das de dag gi 'og tu mthar gyis mya ngan las 'da' bar 'gyur ro/ /de dag thams cad
146a6 phung po'i lhag ma med pa'i mya ngan las 'das pa'i dbyings su yongs su mya ngan las 'da' ste/ dge slong gcig kyang lhag ma ma lus par 'gyur ro/ /de ci'i phyir zhe
146a7 na/ kun dga' bo/ 'di ltar de bzhin gshegs pa chos kyi dbyings rtogs shing rjes su rtogs pa la 'di lta bu dag tha na sems dang ba gcig bskyed pa dang / dkar
146b1 po dang nag po'i chos rnams chud za bar mi 'gyur pa'i phyir ro/ /kun dga' bo/ gang dag kha cig sems dang bas sangs rgyas rnams la phyag 'tshal lo zhes bya ba'i tshig brjod na/ kun
146b2 dga' bo/ dge ba'i rtsa ba de'ang mya ngan las 'da' ba la gzhol bar nga smra ste/ mya ngan las 'da' ba'i mthar 'gyur ba dang / mya ngan las 'da' ba'i mur thug par 'gyur bar nga smra na/
146b3 gang de bzhin gshegs pa bzhugs pa la bsti stang byed pa dang / bla mar byed pa dang / rim gror byed pa dang / mchod par byed pa dang / yongs su mya ngan las 'das pa'i sku gdung
146b4 la sku gdung gi mchod pa byed pa lta ci smos/ kun dga' bo/ dge slong gi rigs ngur smrig bgos pa de dag ni tha na lan 'ga' zhig sangs rgyas rnams la phyag 'tshal lo zhes
146b5 nges par tshig tu brjod par yang 'gyur na sems dang ba bskyed par 'gyur ba dang / dge ba'i rtsa ba gzhan dag bskyed par 'gyur ba lta ci smos/ /kun dga' bo/ ngas 'di la
146b6 dgongs nas kyang ngas de skad bshad do/ /de nas bcom ldan 'das kyis tshig de dag tshigs su bcad de bka' stsal pa/ de ltar sangs rgyas bsam mi khyab/ /sangs rgyas chos kyang
146b7 bsam mi khyab/ /bsam mi khyab la dad byas na/ /de yi rnam smin bsam mi khyab/ /mthu chen ldan pa snang ba mdzad pa po/ /'das pa'i sangs rgyas rnams la mchod byas
147a1 nas/ /snying rjes 'jig rten kun tu mtshungs med cing / /grangs med byang chub 'di 'tshang rgya bya zhes/ /de tshe sbyin la mngon par brtson par gyur/ /dad
147a2 pa'i dbang po sgom dang brtson 'grus ldan/ /brtson 'grus stobs ldan mthun pa rab bskyed nas/ /sbyin pa byin nas skye dgu snying brtse byas/ /ji ltar pha dang ma dang sring mo
147a3 dang / /spun dang grogs la byams par 'gyur ba bzhin/ /mdza' dang mi mdza' dag la khong khro spangs/ /byang chub mtshungs med grangs med ngas thob bo/ /byang chub zhi ba
147a4 mya ngan med 'tshol phyir/ /bskal pa bye bar nga yis sbyin pa byin/ /phan par 'dod pas snying rje rab bskyed nas/ /mgo dang mig dang sha dang khrag rnams dang / /rgyal srid
147a5 stong phrag rnam pa mang po btang / /sdug pa'i bu dang chung ma bu mo dang / /de bzhin rta dang bzhon pa du ma dag/ byang chub 'di yi ched du ngas sngon btang / /bskal pa stong
147a6 dad bye ba mang por yang / /byang chub dam pa 'di ni 'dod pa'i phyir/ /kun tu rgyug pa'i tshe ni yang dang yang / /dad pa mang pos ngas ni sbyin pa byin/ /byang chub mchog
147a7 'di yongs su 'tshol ba'i tshe/ /tsha dang grang dang bkres dang skom pa yi/ /sdug bsngal mi zad mang po bzod byas nas/ /brtson 'grus brtsams te bdag ni 'chi dus
147b1 byas/ /byang chub zhi ba mya ngan med 'tsho'i tshe/ /'jig rten 'di dag kun la phan pa'i phyir/ /gang dag ngas spyad pa yi mtshan nyid rnams/ /lo brgya'am yang na bskal par brjod
147b2 par bya/ /nga ni 'khor tshe sangs rgyas brgya dag dang / /sangs rgyas stong dang bye mang mnyes par byas/ /sangs rgyas mthu chen de dag thams cad la/ /gser gyi me tog rnams kyis rtag
147b3 tu bkur/ /zas dang skom dang de bzhin gos rnams dang / /spos dang phreng ba dag dang byug pa dang / /ba dan rgyal mtshan gdugs rnams bye ba yis/ /sangs rgyas bye ba mang po ngas
147b4 mchod do/ /srog chags mang po srog chags bye ba mang / /pha mtha' med pa'i 'khor ba 'dir 'khor rnams/ /ngas ni rtag tu dbugs byung byas shing song / /sbyin pa rgya chen
147b5 bzang po dag kyang byin/ /tshul khrims bzod pa de bzhin brtson 'grus dang / /ting nge 'dzin dang shes rab de bzhin thabs/ /yang dag spong dang dran pa nyer gzhag dang / /de
147b6 bzhin rdzu 'phrul rkang bzhi rab tu bsgoms/ /byang chub dam pa 'di ni 'dod pa'i phyir/ /dbang po lnga dang stobs lnga legs par bsgoms/ /byang chub yan lag bdun dang
147b7 'phags pa'i lam/ /byang chub phyogs rnams thams cad ngas bsgoms so/ /gang byas na ni 'jig par mi 'gyur ba/ /'phags pa'i ye shes kyis ni dgongs par gyis/ /
148a1 rtag tu dang bas rab tu spyad byas na/ /skra rtse tsam dang 'bral bar mi 'gyur ro/ /phyag 'tshal ba'i le'u ste brgyad ba rdzogs so// //de
148a2 nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo/ sangs rgyas bcom ldan 'das rnams la dge ba'i sems gcig bskyed
148a3 pa'ang chud mi za na/ dge ba'i rtsa ba de las gzhan rnams lta ci smos/ kun dga' bo/ /de'i phyir don 'di rgya cher shes par bya ba'i phyir khyod la dpe bstan par bya ste/ 'di la
148a4 skyes bu mkhas pa kha cig ni 'di ltar de bzhin gshegs pa la dang ba'i sems gcig bskyed pa'ang chud mi za ba dpes shes par 'gyur ro/ /kun dga' bo/ 'di lta ste/
148a5 dper na/ mi la la zhig gis skra'i rtse mo brgyar gshags pas chu'i thigs pa gcig blangs te nga'i thad du 'ongs nas 'di skad ces/ kye go'u tam/ chu'i thigs pa 'di
148a6 khyod kyi lag tu gzhag gi/ bskal pa 'das na khyod kyis 'di mnyam zhing lhag chad med par slar bdag la byin cig/ chu'i thigs pa 'di khyod kyi rlung dang nyi mas ma
148a7 bskams par gyis shig/ ri dwags dang bya'i tshogs rnams la ma blud cig/ chu gzhan dang 'dres par yang ma bya zhig/ chu 'di khyod kyis snod du blugs te bcad
148b1 par bya ba'i sa la mi gzhag go zhes zer la/ de de bzhin gshegs pas blangs nas gang+gA'i klung chen por gnag na klong gis dkrugs par mi 'gyur ba'i sa phyogs der bzhag nas chu'i thigs
148b2 pa de gang+gA'i klung chen po'i nang na klong gis ma dkrugs shing / ri dwags dang bya'i tshogs kyis ma 'thungs par chu'i thigs pa de chu'i klung chen po dang lhan cig tu 'bab cing rim gyis rgya mtsho
148b3 chen por song la/ de nas chu'i thigs pa de rnam par 'thor/ rlung gi phung pos kyang bskal pa'i mtha'i bar du zad par ma gyur la yongs su brtag pa bzung ste/ mi de'ang bskal par gnas
148b4 shing yongs su brtag pa bzung ste/ nga'ang bskal par gnas la/ de ni mi de bskal pa 'das pa dang / slar nga'i gan du 'ongs nas 'di skad ces/ kye go'u tam/ chu'i thigs pa de
148b5 bdag la dgos pa zhig yod kyi/ chu'i thigs pa de slar byin cig ces zer na/ kun dga' bo/ bskal par lon yang chu'i thigs pa de rgya mtsho chen po'i phyogs 'di lta bu zhig
148b6 na yod do zhes de bzhin gshegs pas mkhyen pa'i ye shes de de bzhin gshegs pa la mnga'o/ /kun dga' bo/ de bzhin gshegs pa la ni ye shes gang dang ldan na de
148b7 bzhin gshegs pas rgya mtsho chen po nas chu'i thigs pa de skra'i rtse mo tshal pa brgyar gshegs pa de nyid kyis blangs nas chu gzhan dang ma 'dres/ rlan pa gzhan gyi rjes su
149a1 ma song / ma 'bags ma 'dres la mnyam zhing lhag chad med par slar mi de la sbyin pa'i ye shes mnga'o/ /kun dga' bo/ de bzhin gshegs pa'i ye
149a2 shes ni de ltar yongs su dag go/ de bzhin gshegs pa dgra bcom pa yang dag par rdzogs pa'i sangs rgyas ni de ltar rdzu 'phrul che zhing de ltar mthu che la de ltar dbang che
149a3 bar grags pa ste/ de ltar ye shes dpag tu med pa dang ldan zhing de ltar sgrib pa med pa'i ye shes gzigs pa dang ldan no/ /kun dga' bo/ gang dag la chu'i thigs pa de
149a4 ltar chung ngu bzhag kyang yun ring po ji srid du'ang chud za bar mi 'gyur ba de bzhin gshegs pa de lta bu dag ni dam pa dag go/ mchog dang go/ bzhag pa 'dzin pa
149a5 dag go/ /kun dga' bo/ don shes par bya ba'i phyir dpe 'di bstan pa 'di la don brjod par bya ba gang zhe na/ kun dga' bo/ skra'i rtse mo phra ba zhes bya ba de ni sems kyi
149a6 tshig bla dwags so/ /kun dga' bo/ /gang+gA'i klung chen po zhes bya ba de ni 'khor ba'i rgyun gyi tshig bla dwags so/ /kun dga' bo/ thigs pa gcig ces bya ba ni sems
149a7 gcig bskyed pa'i dge ba'i rtsa ba'i tshig bla dwags so/ /kun dga' bo/ /rgya mtsho chen po zhes bya ba de ni de bzhin gshegs pa dgra bcom pa yang dag par rdzogs
149b1 pa'i sangs rgyas kyi tshig bla dwags so/ /kun dga' bo/ mi zhes bya ba de ni bram ze dang khyim bdag dad pa rnams kyi tshig bla dwags so/ /bskal par gnas zhes bya ba de ni de bzhin
149b2 gshegs pa la dge ba'i rtsa ba bskyed pa chud mi za ba'i tshig bla dwags so/ /kun dga' bo/ ji ltar mi che ge mo zhig chu'i thigs pa gcig yun ring po ji srid du'ang chud mi za ba
149b3 ltar/ kun dga' bo/ de bzhin du de bzhin gshegs pa la sems gcig bskyed pa'ang chud mi za na dge ba'i rtsa ba de las gzhan pa shin tu khyad par can rnams lta ci
149b4 smos te/ kun dga' bo/ de dag thams cad kyi 'bras bu ni mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo/ /gzhan
149b5 yang de bzhin gshegs pa la sems can gang dag sems dang ba gcig bskyed nas de las gzhan pa'i nyes par byas pa'am/ nyes par spyad pa'am/ mi dge ba'i
149b6 sgrib par 'gyur ba'i sems bskyed pa/ sngon nyes par byas pa bdag gis bsags shing bdag gis byas pa gzhan gyis sems can dmyal ba'am/ dud 'gro'i
149b7 skye gnas sam/ gshin rje'i 'jig rten du song yang gang gi tshe sangs rgyas bcom ldan 'das thugs rje chen po dang ldan pa dag 'jig rten du byung ba na/ de dag gi
150a1 sangs rgyas kyi ye shes thogs pa med cing sgrib pa med pas sems can 'di dag sngon dge ba'i rtsa ba byas pa las nyes par spyad pa'i las 'ga'
150a2 zhig gis log par ltung bar gyur par mkhyen te/ sangs rgyas bcom ldan 'das rnams kyis de dag sngon byas pa'i dge ba'i rtsa ba dang ldan par mkhyen nas dge ba'i sems
150a3 de dang / dge ba'i rtsa ba'i byin gyi rlabs de dang / sngon gyi rgyu des log par ltung ba de las 'don no/ /bton nas mya ngan las zlo'o/ /zhi ba bde ba'i thang bsil ba 'jigs
150a4 pa med pa pha rol gyi 'gram du 'god do/ /bkod nas kyang sangs rgyas bcom ldan 'das de dag/ rigs kyi bu dag khyod sngon dge ba'i rtsa ba 'di lta bu zhig/ dus de lta
150a5 bu zhig tu/ tshe rabs de lta bu zhig gi tshe/ sangs rgyas bcom ldan 'das de dag la bskyed cing bzhag pa dran par gyis shig ces dran par mdzad cing bskul ba dang /
150a6 de dag gis sangs rgyas kyi mthus dran nas 'di skad ces/ bcom ldan 'das/ de ltar lags so/ /bde bar gshegs pa/ de lta lags so zhes zer ro/ /de dag
150a7 la sangs rgyas bcom ldan 'das de dag gis bka' stsal pa/ rigs kyi bu dag/ dge ba'i rtsa ba 'di dag ni sngon gyi sangs rgyas la bskyed pa de dag yin te/ ma zad
150b1 cing chud ma zos so/ /'di lta ste/ sdug bsngal thams cad zhi ba mya ngan las 'das pa 'di'ang de'i gzhis rnyed do/ /rigs kyi bu dag/ khyed pha mes kyi spyod yul dang / 'phags
150b2 pa'i spyod yul du phyin to/ /khyod ni yun ring por spyod yul ma yin pa la spyod spyod do/ /thog ma dang tha ma med pa'i 'khor bar 'khor bar gyur to/ /rigs kyi bu dag/ da lta bu
150b3 dag la dge ba'i rtsa ba bzhag pa ni bzhag pa chud mi za'o/ /kun dga' bo/ 'di lta ste/ dper na/ rgyal po'i bu'am tshong dpon gyi bu zhig nyes pa 'ga' zhig gis btson rar
150b4 bcug la de sngon gyi nyes pa glengs shing spyos nas de slar myur du phyung ba de bzhin du/ kun dga' bo/ gang dag sngon gyi sangs rgyas rnams la dge ba'i rtsa ba bskyed pa de dag nyes
150b5 par byas pa 'ga' ma/ de las gzhan pa'i nyes pas sems can dmyal ba'am/ dud 'gro'i skye gnas sam/ gshin rje'i 'jig rten du song yang / gang gi tshe sangs
150b6 rgyas bcom ldan 'das thugs rje chen po dang ldan pa dag 'jig rten du byung ba na sems can gang dag kha cig gis dge ba'i sems gcig bskyed par gyur pa de dag
150b7 dge ba'i rtsa ba de dang / sems de dang / dge ba'i rtsa ba'i byin gyi rlabs de dang / rgyu des sangs rgyas bcom ldan 'das de dag gis sems can de dag skyon gyi dge ba'i rtsa
151a1 ba dang ldan par mkhyen nas log par ltung ba de las bton te mya ngan las 'das pa'i thang bsil pa 'jigs pa med pa la 'god do/ /bkod nas
151a2 kyang / rigs kyi bu dag /khyed dge ba'i rtsa ba de lta bu de dran par gyis shig ces bskul ba dang / de dag gis gsol pa/ bcom ldan 'das/ de lta lags so/ /bde bar
151a3 gshegs pa/ de lta lags te sangs rgyas kyi mthu dang / sangs rgyas kyi byin gyi rlabs kyis dran lags so zhes zer ro/ /dge ba'i rtsa ba'i le'u ste dgu pa rdzogs so// //de nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo/ rnam grangs 'dis kyang khyod kyis 'di ltar rig par bya ste/ nga lta bu dag la
151a4 dge ba'i rtsa ba ji tsam du chung ba byas pa'ang chud mi za zhing sems gcig bskyed pa'i dge ba'i rtsa ba de dag thams cad kyi 'bras bu mya ngan las 'das pa yin te/ tha ma
151a5 mya ngan las 'da' bar nga smra'o/ /kun dga' bo/ de bas na don de nyid rgya cher rab tu brjod pa dang / ci nas kyang 'di la rigs kyi bu'am rigs kyi bu mo dad pa mkhas
151a6 pa kha cig rgya cher mngon par dad pa dang / kun tu rtog pa dang / nan tan skyed pa dang / mngon par dad nas rgya cher dga' ba dang / mchog tu dga' pa chen po bskyed
151b1 par 'gyur bar bya ba'i phyir khyod la dpe bstan no/ /kun dga' bo/ 'di lta ste/ dper na/ nya ba mchil pa thogs pas nya gshor ba'i phyir mchil pa gzan ma dang bcas pa mtsho chu
151b2 chen por bcug la der bcug pa de nyas ming par gyur na mchil pa mid pa'i nya de mtsho chu'i nang na 'phyo'ang skam la 'dug pa nyid du shes par bya'o/ /de ci'i phyir zhe na/ 'di ltar nya
151b3 de nya pas mchil pa'i srad bu sra bas zin pa'i phyir ro/ /ci ste nya de mchil pa dang bcas par chu'i nang du song par gyur la/ srad bu'ang mchil pa dang 'brel par gyur na chu'i nang
151b4 na 'dug pa'ang yin la/ skam la 'dug pa'ang yin te/ yu ba skam la 'dug cing legs par zin na nya ba de 'ongs nas srad bu des nya zin par shes te des srad bu des drangs
151b5 nas ji ltar 'dod par skam la phyung ste dga' mgur bya ba byed pa'i dus de yod do/ /kun dga' bo/ de bzhin du sems can gang dag sangs rgyas bcom ldan 'das la
151b6 sems dang bar byed/ dge ba'i rtsa bskyed par byed/ yon 'bul zhing tha na sems dang ba gcig tsam yang bskyed na/ nyes par byas pa'i las sgrib par 'gyur ba gzhan
151b7 gyis bsgribs pas sems can dmyal ba'am/ dud 'gro'i skye gnas sam/ gshin rje'i 'jig rten nam/ de las gzhan pa'i mi khom pa log par ltung bar song yang /
152a1 gang gi tshe sangs rgyas bcom ldan 'das 'jig rten du phyung ba na de dag sangs rgyas kyi ye shes kyi sems can 'di dag ni byang chub sems dpa'i theg pa
152a2 pa'o/ /sems can 'di dag ni rang sangs rgyas kyi theg pa pa'o/ /sems can 'di dag ni nyan thos kyi theg pa pa'o/ /sems can 'di dag ni dge ba'i rtsa ba byas pa'o/ /sems
152a3 can 'di dag ni dge ba'i rtsa ba chad pa'o/ /sems can 'di dag ni nyams pa'i cha dang mthun pa'o/ /sems can 'di dag ni khyad par du 'gyur pa'i cha dang mthun pa'o/ /
152a4 'di dag ni dge ba'i chos rtogs pas sa bon btab pa dag go/ 'di lta ste/ 'di ni sangs rgyas la yon 'bul ba tha na dad pa dang ldan pa'i sems gcig bskyed pa'i
152a5 dge ba'i chos rnam par dag pas sa bon btab pa'o zhes mkhyen to/ /yon gang gi rnam par smin pas gang dag gis sangs rgyas bcom ldan 'das rnams la dad
152a6 pa'i sems bskyed pa gcig tsam yang bskyed par 'gyur ba de dag sangs rgyas bcom ldan 'das rnams kyi sangs rgyas kyi ye shes kyis sems bskyed pa'i khyad par
152a7 de dag gis log par ltung pa de las 'don no/ /bton nas kyang mya ngan las 'das pa'i thang bde ba la 'god do/ /bkod nas kyang rigs kyi bu khyed dge ba'i rtsa ba
152b1 pa 'di dag de bzhin gshegs pa 'di zhes bya ba la bskyed pa dran par gyis shig ces skul to/ /gsol pa/ bcom ldan 'das/ de lta lags so/ /bde bar gshegs pa/ de
152b2 lta lags so/ /bka' stsal pa/ de bas na/ rigs kyi bu dag/ de bzhin gshegs pa la yon phul ba'i dge pa'i rtsa ba 'di dag ni 'bras bu chen po dang rnyed pa chen po dang ldan
152b3 pa dag ste/ rigs kyi bu dag/ nga lta bu dag la bzhag pa bsod nams kyi zhing chen po la btab pa de dag ni tha na yun ring po ji srid bskal ba bye ba khrag khrig brgya stong du'ang
152b4 chud za bar mi 'gyur ro/ /dge ba'i rtsa ba de dag thams cad kyi 'bras bu ni mya ngan las 'das pa yin te/ tha ma mya ngan las 'da' bar 'gyur ro/ /kun dga' bo/ don shes
152b5 par bya ba'i phyir ngas dpe 'di byas pa 'di la don du blta ba gang zhe na/ kun dga' bo/ nya zhes bya ba de ni so so'i skye bo'i tshig bla dwags so/ /kun dga' bo/ /mtsho chu zhes bya
152b6 ba de ni 'khor ba'i rgya mtsho'i tshig bla dwags so/ /kun dga' bo/ mchil pa zhes bya ba de ni de bzhin gshegs pa la dge ba'i rtsa ba bskyed pa'i tshig bla dwags so/ /kun dga'
152b7 bo| srad bu zhes bya ba de ni bsdu ba'i dngos po bzhi'i tshig bla dwags so/ /kun dga' bo/ nya ba zhes bya ba de ni de bzhin gshegs pa'i tshig bla dwags so/ /kun dga' bo/
153a1 nya gson po zhes bya ba de ni sems can rnams mya ngan las 'da' ba'i 'bras bu la 'god pa'i tshig bla dwags so/ /kun dga' bo/ rnam grangs 'dis
153a2 kyang khyod kyis 'di ltar rig par bya ste/ gang sangs rgyas la yon phul ni ji srid mya ngan las 'da' bar 'gyur ba ma gtogs par ji srid yun ring bar yang 'jig pa
153a3 med/ yongs su zad pa med/ mthar thug pa med do/ /kun dga' bo/ de'i phyir sangs rgyas la phul ba'i yon ji ltar mya ngan las 'da' bas klas shing mya ngan las
153a4 'das pa'i mthas gtugs par 'gyur ba'i dpe gzhan dag kyang khyod la bstan par bya'o/ /kun dga' bo/ sems can sred pa la spyod pa/ tshor ba la chags pa
153a5 myong ba 'dod pas 'khor ba la mngon par bstod pa/ 'khor ba la dga' ba/ 'khor ba 'dod pas sangs rgyas bcom ldan 'das la yon 'bul zhing mtho ris
153a6 'dod pa dang / mir 'gyur ba 'dod pa'i phyir dge ba'i rtsa ba yongs su bsngo ba dag kyang yod/ sangs rgyas bcom ldan 'das la yon phul nas dge ba'i rtsa ba 'dis
153a7 bdag cag nam yang yongs su mya ngan las 'da' bar ma gyur cig ces yongs su bsngo ba'i sems can dag kyang yod mod kyi/ kun dga' ba/ dag pa'i rtsa ba des
153b1 sems can de dag yongs su mya ngan las 'da' bar mi 'gyur ba'i gnas med skabs med do/ /de ci'i phyir zhe na/ kun dga' po/ 'di ltar sangs rgyas bcom ldan 'das
153b2 rnams ni bla na med pa'i bsod nams kyi zhing tha ba dang tsher ma med pa/ 'dod chags dang / zhe sdang gi dri ma med pa yongs su dag pa ste/ de la dge ba'i rtsa ba'i sa bon ji
153b3 tsam du chung ba dang / dge ba'i rtsa ba'i sa bon ji tsam du rgyas pa dang / ji tsam du phra ba'ang rung / ji tsam du byang chub kyi sa bon du 'gyur ba'am/ nyan thos kyi sa bon du
153b4 'gyur ba'am/ rangs sangs rgyas kyi sa bon du 'gyur ba'i dge ba'i rtsa ba de dag thams cad slu bar mi byed de/ yongs su ma btang na longs spyod 'phel ba phun sum tshogs
153b5 par 'gyur zhing sems dang bas mtho ris su 'gyur ba'i lam yongs su dag pa dang / mya ngan las 'da' ba'i mthar thug par 'gyur ro/ /kun dga' bo/ /'di lta ste/
153b6 dper na/ khyim bdag zhing pa'i zhing ngo med pa/ sdong dum dang tsher ma med pa/ gyo mo dang gseg ma med pa/ sa snag che ba zhig yod par gyur te/ legs par rmos
153b7 shing lag byad kyi sa phyin par byas la/ de'i sa bon yang sar pa grung po ches legs par byas pa/ rlung dang nyi mas ma snad pa/ ma chag ma grugs shing ma rul te
154a1 chung ma zos par gyur la/ sa pon de dag dus dang tshigs su zhing la btab ste dus dus su chus bcus/ dus su bskams/ thams cad las legs
154a2 par bsrungs nas/ kun dga' bo/ de nas khyim pa zhing pa de dus gzhan zhig na zhing gi drung du song ste zhing gi mur 'dug nas/ kye sa bon khyed sa bon du ma gyur cig/
154a3 kye sa bon khyed ma skye zhig /ma 'phel zhig/ nga la 'bras bu mi dgos/ rnyed pa mi dgos so zhes de skad zer na/ kun dga' bo/ de ji snyam du sems/ khyim bdag zhing
154a4 pa de'i tshig gis sa bon de dag sa bon ma yin par 'gyur ram/ gsol pa/ bcom ldan 'das/ ma lags so/ /bde bar gshegs pa/ ma lags so/ /bka' stsal
154a5 pa| 'bras bu de 'bras bu ma yin par 'gyur ram/ rnyed pa mngon par mi 'grub bam/ gsol pa/ bcom ldan 'das/ ma lags so/ /bde bar gshegs pa/ ma
154a6 lags so/ /bka' stsal pa/ kun dga' bo/ de bzhin du srid pa la bstod cing srid pa la dga' bas sangs rgyas la yon phul nas dge ba'i rtsa ba 'dis bdag cag
154a7 nam yang yongs su mya ngan las 'da' bar ma gyur cig ces de skad zer yang des yongs su mya ngan las 'da' bar mi 'gyur ba'i gnas med go skabs med kyi/ kun
154b1 dga' bo/ sangs rgyas la bskyed pa'i dge ba'i rtsa ba de dag mi 'dod kyang 'bras bu mya ngan las 'das pa yin te/ tham mya ngan las 'das pa re bar du 'gyur par nga smra'o/ /de ltar
154b2 ji tsam du sangs rgyas bcom ldan 'das la sems gcig bskyed pa'i dge ba'i rtsa ba bskyed pa de dag thams cad kyi 'bras bu'am mya ngan las 'das pa yin te/ tha ma mya ngan
154b3 las 'da' ba'i bar du 'gyur bar da smra'o/ /kun dga' bo/ ma 'ongs pa'i dus na rgyal po rku 'phrog byed pa dang kla klo dag 'byung bar 'gyur te/ kun dga' bo/ /der rgyal po rku
154b4 'phrog byed pa dang / kla klo gang dag gis de bzhin gshegs pa'i mchod rten dang / de bzhin gshegs pa'i sku gzugs mthong nas sems dang bar gyur pa de dag/ kun
154b5 dga' bo/ sangs rgyas kyi chos thams cad kyang mi shes shing sangs rgyas kyi yon tan thams cad kyang mi shes su zin kyang / kun dga' bo/ ngas byang chub sems dpa'i spyad
154b6 pa spyod pa'i tshe 'gro ba de dang de dag dang / skye ba de dang de dag tu bsdu ba'i dngos po bzhis bsdu pa byas so/ /bzhi gang zhe na/ sbyin pa dang / snyan par smra ba dang / don spyad la
154b7 dang / don mthun pa'o/ /kun dga' po/ de dag nga'i mchod rten mthong nas nges par sems dang bar 'gyur ro/ /kun dga' bo/ de dag gi ba'i rtsa ba'i 'bras bu de'ang
155a1 mya ngan las 'das pa yin te/ tha ma mya ngan las 'da' pa'i bar du 'gyur bar nga smra'o/ /gang mtha' 'khob kyi rgyal po rku gsod byed pa dang / kla klo de
155a2 dag gi rku lag dang / blon po dang / gzhon nu dang / rtsis mkhan dang / sna chen po la gtogs pa dang / 'khor dang / mdza' ba bshes dang / nye du dang / grogs dang / snag
155a3 gi gnyen mtshams su gyur pa gang yin pa de dag gis nga mya ngan las 'das pa'i mchod rten mthong nas tshogs chung dus sems dang bar gyur na/ kun dga' bo/
155a4 de dag thams cad kyang sangs rgyas kyi chos rnams sam/ sangs rgyas kyi yon tan rnams kyis dge ba'i rtsa ba bskyed par 'gyur te/ kun dga' bo/ de dag kyang ngas sngon
155a5 byang chub sems dpa'i spyad pa spyod pa na bsdu ba'i dngos po bzhis yang dag par bsdus so/ /kun dga' bo/ de dag gi dge ba'i rtsa ba de dag thams cad kyi 'bras
155a6 bu'ang mya ngan las 'das pa yin te/ tha ma mya ngan las 'da' bar nga smra'o/ /kun dga' bo/ ngas yun ring po nas skye dgu 'di dag bsdu ba'i dngos pa bzhis bsdus pa
155a7 dang / yun ring po nas sangs rgyas bcom ldan 'das rnams kyi bstan pa dang ldan par byas pa la ltos/ kun dga' bo/ de bzhin gshegs pa lam du zhugs te
155b1 bzhud pa na sa dma' ba ni mthon por 'gyur/ sa mthon po ni dma' bar 'gyur/ sa phyogs mi mnyam pa ni mnyam par 'gyur/ rab tu dma' ba ni rab tu mthon por 'gyur ba
155b2 dang / de bzhin gshegs pa bzhud pa'i 'og tu snga mkho bzhin du gnas par 'gyur pa dang / shing thams cad 'dud pa dang / shing gi lha thams cad phyag 'tshal pa dang / de
155b3 bzhin gshegs pa bzhud pa'i 'og tu slar snga mkho bzhin du gnas par 'gyur pa dang / ngam grog dang / g.yangs sa dang / shong khung dang / rtswa dang / sdong dum dang / tsher ma
155b4 dang / gyo mo dang / gseg ma dang / thibs po dang / g.yang sa mi bde ba de dag thams cad kyang 'dud pa dang / mnyam pa dang / gtsang ba dang / shin tu sbyangs pa dang / mi
155b5 gtsang pa med pa dang / me tog bsung zhim zhing yid du 'ong pa bkram par 'gyur ro/ /kun dga' bo/ de bzhin gshegs pas 'di ltar sngon dge ba rnams legs
155b6 par byas pa'i phyir lam du bzhud pa na gtsang mar bzhud do/ /kun dga' bo/ de bzhin gshegs pa lam du zhugs pa na sems can gang mi 'dud pa de lta bu de mod pa
155b7 ma yin pa dang / gang sems med pa'i dngos po ri dang / ngam grog dang / g.yang sa dang / shing dang / rtswa dang / shing gel pa dang / sman dang / nags tshal sa'i steng na
156a1 yod pa dag de bzhin gshegs pa la ma du bzhud pa ga la ba logs su mi 'dud pa de dag mong ba ma yin pa la ltos/ de ci'i phyir zhe na/ kun
156a2 dga' bo/ 'di ltar nga sngon byang chub sems dpa'i spyod pa spyod pa nyid na bla ma la btud/ rab tu btud/ phyag 'tshal cing gnas/ pha ma la rab tu gus par btud cing
156a3 gnas/ rgan pa dang bar ma dang gzhon pa dang / mdza' bshes dang nye du dang / snag gi gnyen mtshams dang / sangs rgyas dang byang chub sems dpa' dang / dge ba'i
156a4 bshes gnyen dang / nyan thos dang rang sangs rgyas dang / mngon par shes pa lnga dang ldan pa dang / de bzhin du de las gzhan pa dge sbyong dang / bram ze rnams la btud/
156a5 ngas sangs rgyas dang byang chub sems dpa' dang / dge ba'i bshes gnyen dang / nyan thos dang / rang sangs rgyas dang / phyi rol pa'i drang srong dang / dge sbyong dang /
156a6 bram ze dang / pha ma dang / mdza' bshes dang / nye du dang snag gi gnyen mtshams de dag thams cad dang / de las gzhan pa rgan pa dang / bar ma dang / gzhon
156a7 pa dang / grogs po rnams la yid rab tu dma' bar byas te lus kyis phyag byas shing dag gis de dag la bla mar bya ba'i sgo de nas mngon par btud do/ /kun
156b1 dga' bo/ nga'i las dge ba'i rnam par smin pa des de bzhin gshegs pa byang chub brnyes nas de bzhin gshegs pa lam du bzhud pa'i tshe dngos po gang sems yod pa'am sems
156b2 med pa'ang rung ma gus pa dang / mi 'dud pa dang / rab tu mi 'dud pa de dag mod pa ma yin no/ /kun dga' bo/ ngas bla ma lta bu dang / de bzhin gshegs pa dang / sems can
156b3 rnams la sbyin pa gtsang ba dang / bza' ba dang / yid du 'ong ba mang po rang gis lag dar nas sbyin pa byin te/ kun dga' bo/ las de'i rnam par smin pa des de bzhin
156b4 gshegs pa lam du bzhud pa na bzang zhing gtsang la shin tu sbyangs te/ shing dang / bong ba dang / 'dam rdzab rnams bsal bar gyur to/ /kun dga' bo/ nga bla na med pa
156b5 yang dag par rdzogs pa'i byang chub don du gnyer ba na sems can thams cad la phan pa dang / sems can thams cad la bde ba dang / 'jig rten la snying brtse ba dang / lha
156b6 dang mi rnams kyi don dang / phan pa dang bde ba'i phyir ngas rtag tu sangs rgyas dang byang chub sems dpa' dang / dge ba'i bshes gnyen dang / nyan thos dang / rang sangs rgyas
156b7 dang / phyi rol ba'i drang srong mang po rnams lam du zhugs pa na lam phyag dar byas so/ /gnas dang / 'chags dang / 'dug gnas rnams phyag dar byas so/ /ngas de
157a1 bzhin gshegs pa'i mchod rten dag byams pa'i sems dang / snyoms pa'i sems dang / mi mnyam pa med pa'i sems/ gya gyu med
157a2 ba'i sems dang / phan pa'i sems kyis phyag dar byas so/ /gtsang mar byas so/ /kun dga' bo/ dge ba'i rtsa ba des de bzhin gshegs pa sa phyogs
157a3 gang dang gang na bzhengs sam/ bzhugs sam/ 'chag gam/ mnal ba mdzad dam/ lam du zhugs kyang rung / tshegs chung dus sa phyogs de dag gtsang zhing dag la
157a4 mnyam ste lag mthil lta bur gyur to/ /kun dga' bo/ gang de bzhin gshegs pa'i sku'i 'phrin las kyi khyad par gang yin pa de dag gi mtha' ni rtogs par sla ba ma
157a5 yin no/ /kun dga' bo/ de bas na don de rgya cher yongs su rdzogs par bya ba dang / 'di la rigs kyi bu'am rigs kyi bu mo dad pa can kha cig ci nas kyang de bzhin gshegs
157a6 pa la dga' ba dang / sems dang ba dang gus pa dang / ri mor byed par chen po rgyas par bskyed pa'i phyir khyod la dpe bstan par bya'o/ /kun dga' bo/ /ri'i rgyal po ri
157a7 rab dpag tshad brgyad khri bzhi stong ni rgya mtsho chen po'i nang nas byung / dpag tshad brgyad khri bzhi stong ni chu'i nang du nub pa'i ri'i rgyal po chen po de sra ba rdo rje ltar
157b1 gyur du zin kyang / kun dga' bo/ de bzhin gshegs pa yongs su mya ngan las 'das pa'i dbu skra snad bar bya bar yang sla ba ma yin na/ gcig tsam bsgyur zhing 'gyur bar
157b2 dbyung ba lta ci smos te de ni gnas med do/ /kun dga' bo/ ri'i rgyal po ri rab lta zhog la/ kun dga' bo/ gang ri'i rgyal po khor yug dang / khor yug chen po 'phang du dpag
157b3 tshad drug khri brgyad stong yod pa ri'i rgyal po khor yug dang / khor yug chen po rdo rje lta bu gang yin pa de dag gis kyang / kun dga' bo/ de bzhin gshegs pa yongs su mya ngan las
157b4 'das pa'i dbu skra 'dud pa'am/ yongs su 'dud pa'am/ dbyung bar yang sla ba ma yin na med par bya ba lta ci smos te/ de ni gnas med do/ /de ci'i phyir zhe na/ kun dga' bo/ 'di
157b5 ltar nga sngon byang chub sems dpa'i spyad pa spyod pa na/ gang ngas sngon phye ba'i sems can gang yang rnyed par sla ba ma yin te/ kun dga' bo/ ngas ni sems can 'thabs shing bye ba
157b6 rnams 'dum zhing mthun pa la bkod nas brtan pa dang / mi phyed pa dang / gcig la gcig byams pa'i sems dang / phan pa'i sems dang ldan par byas so/ /kun dga' bo/
157b7 rnam grangs de dang / dge ba'i rtsa ba des de bzhin gshegs pa'i sku mi phyed pa dang / kun dga' bo/ de bzhin gshegs pa'i zhabs 'bring 'khor mi phyed par gyur to/ /kun
158a1 dga' bo/ de bzhin gshegs pa'i zhabs 'bring 'khor kyang gang zhe na/ kun dga' bo/ de bzhin gshegs pa'i zhabs 'bring 'khor ni chos yin te/
158a2 'di lta ste/ dran pa nye bar bzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag
158a3 bdun dang / 'phags pa'i lam yan lag brgyad pa ste/ kun dga' bo/ byang chub kyi phyogs kyi chos sum cu rtsa bdun po 'di dag ni de bzhin gshegs pa'i zhabs
158a4 'bring 'khor chen po yin no/ /gang de bzhin gshegs pas nyan thos gang dag de dag bkod pa de dag kyang lha dang bcas pa'i 'jig rten gyis dbye mi nus so/ /de ci'i
158a5 phyir zhe na/ kun dga' bo/ 'di ltar chos 'di lta bu 'di'i chos nyid 'di yin te/ gang lha dang bcas tshangs pa dang bcas pa'i 'jig rten dang / dge sbyong dang bram
158a6 zer bcas pa'i skye dgu 'khor dang bcas pa lha dang mi dang lha ma yin du bcas pa dang / ri rab dang / khor yug dang / khor yug chen po dang bcas pa'i sa chen po de
158a7 dag gis than de bzhin gshegs pa yongs su mya ngan las 'das pa'i dbu 'dud par yang sla ba ma yin na dbye ba lta ci smos te/ de ni gnas med do/ /de ci'i phyir zhe
158b1 na/ kun dga' bo/ 'di ltar de bzhin gshegs pa'i sku mi phyed pa dang / sku gdung rnams mi phyed pa yin pa'i phyir ro/ /kun dga' bo/ sems can rnams la snying brtse ba dang bstan pa
158b2 rgyas par bya ba'i phyir sngon gyi smon lam gyis de bzhin gshegs pas sku gdung rnams yungs 'bru tsam du byin gyis brlabs so/ /kun dga' bo/ de bzhin gshegs pa sngon byang
158b3 chub sems dpa'i spyad pa spyod pa na nga bla na med pa yang dag par rdzogs pa'i byang chub mngon par rdzogs par sangs rgyas nas yongs su mya ngan las 'das pa'i sku gdung rnams
158b4 rgyas par gyur cig ces nges par de ltar sems bskyed de/ kun dga' bo/ sangs rgyas bcom ldan 'das yongs su mya ngan las 'das pa'i sku gdung rnams rgyas par 'gyur ba
158b5 'di'ang sngon gyi smon lam gyi dbang gis gyur to/ /yongs su mya ngan las 'da' ba'i dus kyi tshe'ang gdul ba'i sems can de dag gis bcom ldan 'das mthong bar 'gyur
158b6 te/ de dag gi don dang sems can la snying brtse ba'i phyir sku gdung phye ba dang / sku gdung yungs 'bru tsam dag tu byin gyis brlabs so/ /kun dga' bo/ de bzhin gshegs
158b7 pa dgra bcom pa yang dag par rdzogs pa'i sangs rgyas yongs su mya ngan las 'da' ba'i dus kyi tshe/ 'jig rten la snying brtse ba'i phyir ji ltar sku gdung yungs 'bru tsam
159a1 dag tu byin gyis rlob pa de lta bu'i ting nge 'dzin la snyoms par 'jug go/ /kun dga' bo/ nga'i sku'i tshigs thams cad phye zhing sku gdung yungs 'bru
159a2 tsam dag tu byin gyis rlob pa na sdug bsngal du tshor ba 'byung mod kyi/ kun dga' bo/ 'on kyang sems can de dag rjes su bzung ba dang / snying brtse ba'i phyir de bzhin
159a3 gshegs pa sdug bsngal du tshor ba bzod par nus te/ yul gyi mi phyi ma rnams bde ba dang dge ba'i lam gyis rjes su gzung bar 'gyur ro/ /kun dga' bo/ gang ring
159a4 bsrel yungs 'bru tsam dag la me tog dang / bdug pa dang / phreng ba dang / byug pa dang / phye ma dang / na bza' dang / gdugs pa dang / rgyal mtshan dang / ba dan dang
159a5 gar dang sil snyan len pa dang / pheng rdob pa dang / bstod pa rnams kyis bsti stang byed/ bla mar byed/ rim gror byed/ mchod par byed/ brjed par byed/ gsol bar
159a6 byed na/ kun dga' bo/ dge ba'i rtsa ba de thams cad kyi 'bras bu mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga'
159a7 bo| nga yongs su mya ngan las 'das nas lo brgya lon pa na grong khyer skya snar gyi bu zhes bya bar rgyal po mya ngan med pa zhes bya ba mo'u r+ya'i rigs su skyes pa chos can
159b1 chos kyi rgyal po zhig 'byung bar 'gyur te/ de'ang nga'i bstan pa la dad par 'gyur ro/ /dad par gyur nas kyang nga'i sku gdung rgyas par byed do/ /de dus gcig tu nyin gcig la nga'i
159b2 sku gdung gi mchod rten brgyad khri bzhi stong byed par 'gyur gyi/ kun dga' bo khyod mya ngan ma byed/ smre sngags ma 'don cig /kun dga' bo/ nga'i sku gdung rgyas pa dang / lha dang
159b3 mi rnams la yangs shing rgya che bar 'gyur ro/ /kun dga' bo/ de bzhin gshegs pa dgra bcom pa yang dag par rdzogs pa'i sangs rgyas da ltar bzhugs pa la gang bsti
159b4 stang byed pa lta zhog/ yongs su mya ngan las 'das pa'i sku gdung la gang sku gdung gi mchod pa byed pa lta'ang zhog la/ kun dga' bo/ gang dang kha cig tha na rmi lam na de bzhin
159b5 gshegs pa'i mchod rten mthong nas sems dang bar byed na/ kun dga' bo/ dge ba'i rtsa ba de'i 'bras bu'ang mya ngan las 'das pha yin te/ mya ngan las 'das pas
159b6 klas shing mya ngan las 'das pa'i mthas gtugs par 'gyur bar nga smra'o/ /kun dga' bo/ ma 'ongs pa'i dus na sangs rgyas bcom ldan 'das gang dag 'byung ba de dag
159b7 las gang nga'i yon tan mi sgrogs pa'i de bzhin gshegs pa 'jig rten du 'byung ba de gang yang med do/ /'di lta ste/ dper na/ nga da ltar 'das pa'i sangs rgyas
160a1 bcom ldan 'das rnams kyi yon tan sgrogs pa de bzhin du ma byon pa'i sangs rgyas bcom ldan 'das de dag kyang nga'i yon tan yongs su sgrogs
160a2 par 'gyur ro/ /kun dga' bo/ gang la la nga'i chos bstan pa las brtsams te chos rnams la chos kyi mig rdul dang bral zhing dri ma med pa rnam par dag pa'i sems can
160a3 de dag thams cad ni/ kun dga' bo/ nga sngon byang chub sems dpar gyur pa na byang chub sems dpa'i spyad pa spyod pa'i tshe yongs su smin par byas pa dag go/ /kun
160a4 dga' bo/ dge 'dun la phul ba'i yon ni bar du yongs su zad pa dang mthar 'gyur ba yod/ yon gang dag phyogs bzhi'i dge 'dun la phul ba'i yon de dag kyang
160a5 bar du yongs su zad pa dang mthar 'gyur ba yod/ kun dga' bo/ yon gang dag rang sangs rgyas la phul ba'i yon de dag kyang bar du yongs su zad pa dang mthar
160a6 'gyur ba yod kyi/ kun dga' bo/ de bzhin gshegs pa la yon gang dag phul ba de dag ni bar du yongs su zad pa dang mthar 'gyur ba med do/ /kun dga'
160a7 bo| yon de dag thams cad kyi 'bras bu ni mya ngan las 'das pa yin te/ tha ma mya ngan las 'da' bar nga smra'o/ /kun dga' bo/ de bzhin gshegs pa bzhugs pa de
160b1 la mngon sum du bsti stang byed pa lta'ang zhog /yongs su mya ngan las 'das pa'i sku gdung la sku gdung gi mchod pa byed pa lta'ang zhog ste/ kun dga' bo/ sangs rgyas la dmigs
160b2 pa'i sems kyi me tog gcig nam mkha' la 'dor na de'i dge ba'i rtsa ba ni ngas de bzhin gshegs pa'i sangs rgyas kyi ye shes kyis kyang tshad gzung ba'am bstan par sla
160b3 ba ma yin no/ /kun dga' bo/ gal te des sangs rgyas la dmigs pa'i sems kyis nam mkha' la me tog gcig por ba'i dge ba'i rtsa ba byas pa de yongs su brtag pa bzung
160b4 ste| gal te 'khor ba na ji srid du sngon gyi mtha' mi mngon pa'i bskal pa de srid du kun tu rgyug cing 'khor yang de bzhin gshegs pa la me tog gcig phul ba de'i rnam
160b5 par smin pa ni tshangs pa nyid dam/ brgya byin nyid dam/ 'khor los bsgyur ba'i rgyal srid kyi mthar phyin par sla ba ma yin gyi/ kun dga' bo/ gzhan du na dge ba'i rtsa ba de'i
160b6 'bras bu ni mya ngan las 'das pa'i yin te/ mya ngan las 'da' ba la gzhol zhing tha ma mya ngan las 'da' bar nga smra'o/ /de ci'i phyir zhe na/ kun dga' bo/ sangs rgyas bcom
160b7 ldan 'das la me tog gcig phul ba'i rnam par smin pa gang mya ngan las 'da' ba'i mthar thug par 'gyur ba ma gtogs par mthang rtogs par sla ba ma yin te/ de ltar
161a1 rdzu 'phrul che/ de ltar phan yon che/ de ltar gzi brjid che/ de ltar rgya che'o/ /kun dga' bo/ gang de lta bu'i rnam par smin par 'gyur pa de bzhin gshegs
161a2 pa la yon phul ba de ltar dpag tu med do/ /de bzhin gshegs pa la tha na sems dang ba gcig bskyed pa'ang shin tu mthar thug pa dang / shin tu grub pa dang / bde ba
161a3 dang / shin tu mur thug pa dang / shin tu tshangs par spyod par nga smra'o/ /kun dga' bo/ de bas na rigs kyi bu'am rigs kyi bu mo 'khor los bsgyur ba'i rgyal srid 'dod
161a4 pas de ltar sangs rgyas bcom ldan 'das la bsti stang bya/ bla mar bya/ rim gror bya/ mchod par bya'o/ /rigs kyi bu'am/ rigs kyi bu mo brgya byin thob par 'dod pa
161a5 dang | tshangs pa dang / rgyal chen bzhi'i ris kyi lha rnams kyi bdag po byed par 'dod pa dang / sum cu rtsa gsum dang / 'thab bral dang / dga' ldan dang / 'phrul
161a6 dga' dang / gzhan 'phrul dbang byed kyi lha rnams dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen
161a7 po dang / mi'am mi ma yin pa'am/ 'jig rten thams cad kyi 'jig rten gyi bdag po thob par 'dod pas sangs rgyas bcom ldan 'das la bsti stang bya/ bla mar
161b1 bya/ rim gror bya/ mchod par bya'o/ /rigs kyi bu'am/ rigs kyi bu mo nyan thos kyi sa thob par 'dod pa'am/ rang sangs rgyas kyi sa thob par 'dod pa'am/ bla na med pa yang
161b2 dag par rdzogs pa'i byang chub thob par 'dod pas sangs rgyas bcom ldan 'das la bsti stang bya/ bla mar bya/ rim grog bya/ mchod par bya'o/ /kun dga' bo/ ngas bla na med
161b3 pa yang dag par rdzogs pa'i byang chub gnyer ba na/ sangs rgyas mang po/ sangs rgyas brgya phrag mang po/ sangs rgyas stong phrag mang po/ sangs rgyas bye ba khrag khrig brgya
161b4 stong mang po rnams la 'di lta ste/ na bza' dang / bshos dang / gzims cha dang / snyun gsos kyi sman dang / yo byad rnams dang / gdan dang / 'chag sa dang / gtsug
161b5 lag khang dang / me tog dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis bsti stang byas/
161b6 bla mar byas/ rim gror byas/ mchod par byas so/ /sangs rgyas bcom ldan 'das de dag yongs su mya ngan las 'das nas kyang mchod rten byas nas me tog dang /
161b7 bdug pa dang / spos dang / phreng ba dang / byug pa brgya stong dang / glu dang / gar dang / sil snyan dang / pheg rdob pa brgya stong rnams kyis bsti stang byas/ bla mar byas/ rim
162a1 gror byas te/ mchod cing brjed pa de dag thams cad kyang bla na med pa yang dag par rdzogs pa'i byang chub 'di nyid la brten nas sems can
162a2 thams cad la snying brtse ba dang / lha dang mi rnams kyi don dang / phan pa dang bde ba dang / ma brgal ba rnams bsgral ba dang / ma grol ba rnams dgrol ba dang / dbugs ma
162a3 phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las 'da' ba'i phyir byas so/ /kun dga' bo/ de bzhin gshegs
162a4 pa dgra bcom pa yang dag par rdzogs pa'i sangs rgyas mar me mdzad la ngas me tog ut+pa la lnga gtor te/ de nas ngas mi skye ba'i chos la bzod pa thob bo/ /kun
162a5 dga' bo/ ngas dge ba'i rtsa ba thob pa de las dge ba'i rnam par smin pa'i phyogs tsam zhig myong ngo / /gang de bzhin gshegs pa dgra bcom pa yang dag par
162a6 rdzogs pa'i sangs rgyas mar me mdzad la me tog ut+pal de lnga gtor ba'i dge ba'i rtsa ba'i rnam par smin pa de las phyogs tsam zhig nyan par 'dod dam/ gsol
162a7 ba| bcom ldan 'das/ 'tshal lo/ /bde bar gshegs pa/ 'tshal lo/ /bcom ldan 'das kyis gang mar me mdzad la dge ba'i rtsa ba bskrun ba'i phyogs
162b1 tsam zhig bshad cing bstan pa'i dus lags te/ bcom ldan 'das/ dus la bab bo/ /bde bar gshegs pa/ dus la bab bo/ /de nas bcom ldan 'das kyis de'i tshe phyag g.yas
162b2 pa gser gyi kha dog can brkyang ba dang / phyag gi mthe'u chung las lha'i me tog ut+pa la'i bsung byung bar gyur to/ /de nas stong gsum gyi stong chen po'i 'jig rten gyi khams
162b3 gang na zla ba dang nyi ma bye ba phrag brgya rgyu ba'i sangs rgyas kyi zhing de dag thams cad lha'i me tog ut+pa la'i bsung gis khyab par gyur to/ /de nas bcom ldan 'das kyis 'di
162b4 lta bu ngo mtshar rmad du byung ba'i chos lha dang mi dang lha ma yin du bcas pa'i 'jig rten la bstan cing / sbyin pa las byung ba'i bsod nams bya ba'i dngos po'i rnam par smin
162b5 pa phyogs tsam zhig bstan te/ sangs rgyas la dge ba'i rtsa ba bskyed pa chud mi za ba'ang bstan nas/ de'i tshe tshigs su bcad pa 'di dag gsungs so/ /de ltar sangs rgyas
162b6 bsam mi khyab/ /sangs rgyas chos kyang bsam mi khyab/ /bsam mi khyab la dad byas na/ /de yi rnam smin bsam mi khyab/ /'du shes yod dang med pa yi/ /sems can thams
162b7 cad ji snyed pa/ /bskal pa bye ba brgya mang du/ /kun gyis mchod pa byas pa dang / /rang sangs rgyas pa gang dag dang / /zag pa med pa'i dgra bcom pa/ /bskal pa bye ba bsam
163a1 yas par/ /de dag thams cad mchod pa bas/ /rdzogs pa'i sangs rgyas bzhugs pa'am/ /yongs su mya ngan 'das pa la/ /gang gis thal sbyar gcig
163a2 byas pa/ /bsod nams 'di ni khyad par 'phags/ /sangs rgyas tshul khrims ma zhig cing / /ting nge 'dzin la dbang du gyur/ /chos rnams kun la the tshom med/ /sangs rgyas
163a3 spyan gyis mkhyen pa yin/ /gang zhig bde gshegs de la yud tsam ma ma/ /nyin dang mtshan mo byams pa bsgom byed na/ /gang zhig bsod nams de dang mnyam 'gyur
163a4 pa| |khams gsum dag na de 'dra'i mchod pa med/ /bskal pa grangs med 'das pa'i 'dus dag na/ /lha bas lhag pa'i lhar 'gyur 'od mdzad pa/ /'jig rten slob dpon
163a5 gyur pa'i sangs rgyas la/ /las dge mi nyung ba dag ngas byas ba/ /bskal pa grangs med kun tu rgyug pa na/ /bsod nams de ni zad par ma gyur gyi/ /de nyid nga yi rgyur
163a6 ni gyur pa ste/ /de yis byang chub dam pa ngas thob bo/ /'jig rten kun la snying ni brtse ba'i phyir/ /sangs rgyas brgya dang sangs rgyas bye ba stong / /gang la tshe rabs snga
163a7 mar mchod byas pa/ /mi mchog de dag nga ni mkhyen gyur pas/ /sangs rgyas de dag smod par yong mi mdzad/ /'di ltar nga yis bzod pa ma thob pas/ /dge ba spyod
163b1 kyang ma 'ongs dus dag na/ /'di ltar 'gyur zhes lung bstan ma mdzad do/ /gang tshe mar me mdzad 'dren ngas mthong ba/ /de na nga yis ut+pa la lnga gtor cing / /rnam par 'dren la ral
163b2 pa bting ba dang / /mi skye'i bzod pa thob par gyur pa na/ /mar me mdzad pa bar snang gnas pa yis/ /bskal pa grangs med 'das na shAkya'i rje/ /shAka rigs rang byung rgyal bar
163b3 'gyur ro zhes/ /de nas 'dren pas nga ni lung bstan no/ /nga ni byang chub dam pa 'dod pa na/ /de nas dus ring kun tu rgyug pa'i tshe/ /ngas ni dge ba du ma byas pa dang / /sems can
163b4 don phyir sdug bsngal myong gyur pa/ /bsod nams de yi tshad ni cung zad kyang / /'jig rten rnam 'dren rnams kyis ma bstan to/ /skye dgu mgon med sdug bsngal gyur
163b5 mthong nas/ /sngan chad ngas ni byin pa gang yin pa/ /spyad pa spyod tshe bde gshegs 'od mdzad pa/ /sangs rgyas dpa' bo gang dag ngas mchod cing / /nga yi sngon mtha'i
163b6 spyod pa gzigs gyur pa/ /nyin dang mtshan du de dag mtshan brjod do/ /gnyis gsum lnga'am bcu'am nyi shu'am/ /sum cu'am de las btus nas mtshan brjod do//
163b7 'jig rten don phyir spyad pa spyod pa na/ /sangs rgyas gtso bo ngas sngon gang mchod pa/ /ji ltar nga yis sdug bsngal chen po mang / /du ma 'khor bar blangs nas ma btang
164a1 ltar/ /sangs rgyas gang dag dka' ba 'di 'dra spyad/ /de 'dra'i sangs rgyas gzhan ni byung ma gyur/ /legs par gsungs pa mang po 'tshol ba'i tshe//
164a2 mgo bo brgya dang mgo bo bye ba stong / /'khor ba'i tshe ni sngon chad ngas btang zhing / /yul 'khor rgyal srid spangs nas rab tu byung / /chos mchog 'di ni yongs su 'tshol
164a3 ba'i tshe/ /sbyin dang tshul khrims dang ni dul bas 'phags/ /brtson 'grus kyis ni byang chub dam pa rtogs/ /bskal pa dpag med nga ni de ltar gyur/ /sangs rgyas
164a4 mthu chen bsam gyis mi khyab pa/ /yon tan kun dang ldan zhing mngon par 'phags/ /chos mchog bsam gyis mi khyab legs par bshad/ /bsam gyis mi khyab
164a5 lam yang brjod pa mdzad/ /yon gyi bsod nams kyi le'u ste bcu pa rdzogs so// //bam po lnga pa/ /de nas yang bcom ldan 'das kyis tshe dang
164a6 ldan pa kun dga' bo la bka' stsal pa/ kun dga' bo/ /de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi tshu rol na de
164a7 bzhin gshegs pa pad+ma'i bla ma zhes bya ba ngas mnyes par byas te/ bla na med pa yang dag par rdzogs pa'i byang chub 'di nyid 'dod pa'i phyir/ bcom ldan 'das
164b1 de la ngas gser gyi me tog gtor to/ /de'i tshu rol na de bzhin gshegs pa thams cad zil gyis gnon pa zhes bya ba mnyes par byas te/ rnam pa thams cad mkhyen pa nyid
164b2 'dod pa'i phyir bcom ldan 'das de la'ang ngas dngul gyi me tog gtor to/ /de'i tshu rol na de bzhin gshegs pa shin tu 'thor bzhud ces bya ba mnyes par byas te/ grangs
164b3 med pa 'di nyid kyi don du bcom ldan 'das de la'ang ngas gser snyim pa gang gtor to/ /shin tu 'thor bzhud de'i tshu rol na de bzhin gshegs pa grags pa bla ma zhes bya ba
164b4 mnyes par byas te/ nges par rtogs pa'i ye shes 'di nyid kyi don du de bzhin gshegs pa de la ngas rin po che snyim pa gang gtor to/ /de bzhin gshegs pa grags pa bla
164b5 ma'i tshu rol na nga dang ming mthun pa de bzhin gshegs pa shAkya thub pa zhes bya ba byung ste/ 'phags pa'i lam 'di nyid kyi phyir de la'ang ngas me tog sil mas gtor to/
164b6 de bzhin gshegs par shAkya thub pa'i tshu rol na de bzhin gshegs pa skar rgyal zhes bya ba mnyes par byas te/ nges par rtogs pa'i ye shes 'di nyid kyi don du bcom
164b7 ldan 'das de la'ang ngas tsan+dan dmar po'i phye mas gtor to/ /de bzhin gshegs pa skar rgyal gyi tshu rol na de bzhin gshegs pa rgyas pa zhes bya ba mnyes par byas te/ bcom
165a1 ldan 'das de la'ang ngas mig mi 'dzum zhing sems mngon par dang bas nyin zhag bdun du tshigs su bcad pa gcig gis mngon par bstod do/ /de
165a2 bzhin gshegs pa rgyas pa'i tshu rol na de bzhin gshegs pa rnam par gzigs zhes bya ba mnyes par byas te/ bcom ldan 'das de la'ang ngas mon sran sde'u snyim
165a3 pa gang gtor to/ /rnam par gzigs kyi tshu rol na de bzhin gshegs pa gtsug tor can zhes bya ba mnyes par byas te/ bcom ldan 'das de la'ang ngas na bza' rin
165a4 po che gsol to/ /gtsug tor can gyi 'og tu de bzhin gshegs pa thams cad skyob ces bya ba mnyes par byas te/ bcom ldan 'das de la'ang ngas bshos bzang po
165a5 gsol to/ /kun dga' bo/ /bskal pa bzang po 'di la de bzhin gshegs pa 'khor ba 'jig byung ste/ ye shes rang byung 'di nyid kyi don du de'i zhabs 'bring na ngas
165a6 tshangs par spyod pa spyad do/ /'khor ba 'jig gi 'og tu de bzhin gshegs pa gser thub ces bya ba byung ste/ de'i zhabs 'bring na'ang ngas tshangs par spyod pa spyad
165a7 do| |gser thub kyi tshu rol na de bzhin gshegs pa 'od srung zhes bya ba byung ste/ 'od srung gi zhabs 'bring na'ang ngas tshangs par spyod pa spyad de/ thams cad la'ang
165b1 bla na med pa yang dag par rdzogs pa'i byang chub 'di nyid 'dod pa'i phyir byas so/ /de ltar nga brgal nas ma brgal ba rnams sgrol zhing grol nas ma grol ba rnams 'grol
165b2 ba nas/ yongs su mya ngan las 'das nas yongs su mya ngan las ma 'das pa rnams yongs su mya ngan las 'da' bar byed do/ /kun dga' bo/ 'di lta ste/ bla na med pa
165b3 yang dag par rdzogs pa'i byang chub 'di nyid 'dod pa'i phyir 'di ltar sangs rgyas bcom ldan 'das 'di dag dang / dpag tu med grangs med pa gzhan rnams la'ang
165b4 bsti stang byas/ bla mar byas/ rim gror byas/ mchod par byas te/ sangs rgyas mang po ji snyed la bsnyen bkur byas pa dang / de bzhin gshegs pa yon tan mang po
165b5 ji snyed dang ldan pa la ltos/ /kun dga' bo/ /rnam grangs 'dis kyang khyod kyis 'di ltar rig par bya ste/ de bzhin gshegs pa la dge ba'i rtsa ba gang ji tsam du chung ba
165b6 bskyed pa'ang de ltar rdzu 'phrul che ba dang / de ltar phan yon che ba dang / de ltar gzi che ba dang / de ltar rgya che bar 'gyur ro/ /kun dga' bo/ de bzhin gshegs pa
165b7 bsam gyis mi khyab pa rnams la ngas dge ba'i rtsa ba bskyed de/ de'i rnam par smin pa'ang bsam gyis mi khyab par shes par bya'o/ sa/kun dga' bo/ de ltar de bzhin
166a1 gshegs pa rnams la mnyam pa med pa dang / mi mthun pa med pa dang / mtha' yas pa'i yon phul bas rnam par smin pa'ang mtha' yas par
166a2 shes par bya'o/ /de nas bcom ldan 'das kyis de'i tshe tshigs su bcad pa 'di dag gsungs so/ /nga sngon byang chub spyad pa spyod pa na/ /mar me mdzad pa rkang gnyis
166a3 mchog mnyes byas/ /de la nga yis ut+pa la lnga gtor te/ /de nas 'dren pas nga la lung bstan to/ /de yi 'og tu rgyal ba pad+ma'i bla/ /byung ste de'ang nga yis mnyes par
166a4 byas/ /byang chub dam pa 'di ni 'dod pas na/ /gser gyi me tog rnams kyis rgyal de mchod/ /de yi 'og tu 'dren pa byung ba ni/ /thams cad zil gnon yon tan kun
166a5 dang ldan/ /shin tu 'thor bzhud grags pa'i bla ma dang / /shAkya khyu mchog skar rgyal de bzhin rgyas/ /sangs rgyas rnam gzigs gtsug tor thams cad skyob/ /'khor
166a6 ba 'jig dang 'dren pa gser thub dang / /byang chub dam pa yongs su 'tshol ba na/ /sangs rgyas 'od srung de bzhin ngas mchod do/ /byang chub mchog 'di yongs su
166a7 'tshol ba na/ /sems can don phyir snying rje bskyed nas su/ /spyod mchog spyad tshe gang dag ngas mchod pa/ /'das pa'i 'dren pa gzhan dang de dag go /sangs rgyas
166b1 bye ba phrag stong de dag mchod/ /tshogs rnams thams cad yongs su rdzogs byas nas/ /mya ngan med zhi byang chub ngas thob ste/ /dpung bcas bzhon par bcas pa'i bdud
166b2 btul nas/ /chos kyi 'khor lo nga yis rab tu bskor/ /srog chags phan phyir chos rnams rab tu bshad/ /lha dang klu dang mi dang mi'am ci/ /sangs rgyas byang chub mchog la
166b3 ngas bkod de/ /bde zhing zhi ba'i lam dag ngas bstan to/ /ma byon sangs rgyas de bzhin nyan thos gang / /sdug bsngal kun las gang zhig thar 'dod pa/ /mkhas pa de dag
166b4 nga yi yon tan slobs/ /dge ba'i rtsa ba bskyed pa'i le'u ste bcu gcig pa rdzogs so// //de nas yang bcom ldan 'das kyis tshe dang ldan pa kun dga' bo
166b5 la bka' stsal pa/ kun dga' bo/ nga byang chub thob pa'i yon tan gyi phan yon lta zhog la/ kun dga' bo/ nga byang chub sems dpa'i spyad pa spyod pa na gang yon tan gyi
166b6 chos rnams byung ba de dag kyang rang sangs rgyas rnams la'ang med na nyan thos rnams sam/ de las gzhan pa'i sems can rnams la lta ci smos/ /kun dga' bo/
166b7 nga byang chub sems dpa'i spyad pa spyod pa na ji tsam du dka' ba spyod pa de dag thams cad khyed kyi don du spyad do/ /ngas rgyal srid dang sdug pa dag kyang yongs su btang
167a1 zhing bu pho dang / bu mo dang / chung ma dang / slas dang / bdag gi srog dang / sha dang / khrag dang / rus pa dang / rkang dang / rna ba dang / sna dang / lag
167a2 pa dang / rkang pa dang / mgo dag kyang ngas yongs su btang ba dang / sdug bsngal mi bzad pa rtsub cing drag pa'i tshor ba rnam pa du ma myong ba de dag thams cad kyang khyed kyi
167a3 phyir ro/ /kun dga' bo/ nga bla na med pa yang dag par rdzogs pa'i byang chub don du gnyer ba na gang bya dka' ba dang / yongs su btang ba byas pa dang / sems can rnams
167a4 kyi don du ngas sdug bsngal gang dag myong ba de thams cad/ kun dga' bo/ gal te brjod na bden par yid ches par mi 'gyur na tshig tu smra ba lta ci smos/ kun dga'
167a5 bo| bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des sngon byang chub sems dpa'i spyad pa spyod pa na
167a6 khyed kyi don du sdug bsngal mi bzad pa rtsub cing drag pa'i tshor ba 'di lta bu dag myong ngo zhes de skad bshad na de bzhin gshegs pa des bdag cag gi phyir
167a7 rab tu dka' ba spyad do zhes gal te byis pa so so'i skye bo dag tshig bzhi pa gcig gi snying rje skyed na/ kun dga' bo/ sems bskyed pa de'i 'bras bu'ang mya ngan
167b1 las 'das pa yin te/ tha ma mya ngan las 'da' ba'i bar du 'gyur ba nga smra na/ kun dga' bo/ nga la dge ba'i rtsa ba bskyed pa lta ci smos/ kun dga' bo/ 'di lta skyes bu blun po
167b2 ma dad pa/ rgyud nyams pa/ mun mtha' yas pas khebs pa kha cig ni nga'i byang chub sems dpa'i spyod pa bshad na tshig bzhi pa gcig gi snying rje'am/ phan pa'i dngos po'am
167b3 sems dang ba'ang mi skyed do/ /gang dag bla na med pa'i mya ngan las 'da' ba sgrub pa'i phyir khyad par du 'phags par 'gyur ba dang / byang chub sems dpa'i spyad pa spyod pa na
167b4 snying rje chen po rnyed pas gang dag thob par gyur pa yon tan gyi chos de dag rang sangs rgyas rnams la'ang med na nyan thos rnams la lta ga la yod/ so so'i skye bo rnams la
167b5 lta ga la yod/ kun dga' bo/ nga byang chub sems dpa'i spyad pa spyod pa na snying rje chen po rnyed pas gang dag thob pa'i chos de dag/ kun dga' bo/ gal te rang sangs rgyas
167b6 rnams la yod par gyur na de dag thams cad kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba zhig na/ gang gi phyir chos
167b7 de dag byams pa chen po dang / snying rje chen pos zin pas de'i phyir rang sangs rgyas rnams la med do/ /de'i phyir de dag de bzhin gshegs pa dgra bcom pa yang dag par
168a1 rdzogs pa'i sangs rgyas stobs bcu dang ldan pa/ mi 'jigs pa bzhi thob pa/ byams pa chen po dang / snying rje chen po dang ldan par mi 'gyur ro/ /kun
168a2 dga' bo/ ngas mngon par dran pa sngon byang chub sems dpa'i spyad pa spyod pa na dge ba ci bya ba 'tshol zhing 'khor bas yid rtag tu skrag la/ sems can rnams la snying rje chen
168a3 pos yongs su bsgos pa'i yid du gyur pa na rmi lam 'di lta bu rmis pa dran te/ ri'i rgyal po ri rab kyi steng che zhing yangs pa zhig na bdag 'dug ste/ de na sems can gang
168a4 dag 'jig rten gyi bar na bkod pa/ sems can dmyal ba chen por skyes pa de dag sems can dmyal ba'i srung ma rnams kyis tshar chod cing lus 'bar ba dang / kun
168a5 tu 'bar ba dang / mer gyur pa dang / shin tu sdug bsngal mi bzad pa rtsub cing drag pa srog 'phrog pa'i tshor ba myong bar gyur nas nga ga la ba der lhags so/ /lhags
168a6 nas nga la thal mo sbyar te phyag 'tshal nas 'di skad ces grogs po khyed ni bde ba'i tshor ba myong / bdag cag ni sdug bsngal zhing sems can dmyal ba'i tshor ba mi
168a7 bzad pa'i nang na mchis te/ shin tu sdug bsngal mi bzad pa rtsub cing drag pa srog 'phrog pa'i tshor ba myong zhing / mgon ma mchis/ skyabs ma mchis/ dpung gnyen
168b1 ma mchis so/ /skyes bu dam pa khyod bzhed na ni bdag cag sdug bsngal 'di lta bu 'di las khyod kyis yongs su thar bar mdzad spyod do zhes zer ro/ /kun dga' bo/ nga rmi lam de nyid na du
168b2 zhing mig gnyis nas 'di lta ste/ dper na/ gang+gA'i klung chen po lta bu'i mchi ma byung ste/ ngas sems can dmyal ba'i sems can de dag la de lta bu'i snying rje chen po skyes nas sems
168b3 can dmyal ba'i sems can de dag la/ grogs po dag /de ltar ma 'jigs shig /ngas khyed sdug bsngal chen po 'di lta bu 'di las yongs su thar bar bya'o zhes dbugs phyung
168b4 ngo / /kun dga' bo/ ngas rmi lam nyid na sems can dmyal ba pa'i sems can de dag gcig tu gsog nas lag pa g.yas pas mgo la byugs so/ /kun dga' bo/ sems can
168b5 dmyal ba pa'i sems can de dag gi spyi bor lag pa g.yas pa bzhag ma thag pa dang / sems can khyed ngas thar bar bya'i/ ma 'jigs shig ces ngas de skad smras ma thag
168b6 tu sems can dmyal ba pa'i me de zhi bar gyur to/ /sems can dmyal ba pa'i sems can de dag kyang skad cig de nyid dang / yud tsam de nyid la bde ba'i tshor ba myong bar gyur
168b7 to| |kun dga' bo/ nga gnyid kyis log pa de nyid las sad ma thag tu mchi ma de gos las btsir nas bsags so/ /kun dga' bo/ nga byang chub sems dpa'i spyad pa
169a1 spyod pa na'ang snying rje chen po'i chos de lta bu dang ldan na/ da ltar bla na med pa yang dag par rdzogs pa'i byang chub mngon par rdzogs par sangs rgyas pa
169a2 na lta ci smos/ kun dga' bo/ rnam grangs 'dis khyod kyis 'di ltar rig par bya ste/ nga byang chub sems dpa'i spyad pa spyod pa na chos gang dag byung ba de dag rang sangs rgyas
169a3 rnams la'ang med na/ nyan thos rnams dang byis pa so so'i skye bo rnams la lta ga la yod/ kun dga' bo/ de bzhin gshegs pa sngon byang chub sems dpa'i spyad pa
169a4 spyod pa na sems can rnams la snying rje chen po ji tsam zhig dang ldan pa tshig tu brjod pas kyang mthar phyin par sla ba ma yin pa de lta bu'i sems can rnams la phan pa'i
169a5 dngos po'i sems dang ldan par gyur pa la ltos/ kun dga' bo/ sngon byung ba 'das pa'i dus na tshong pa mang po rin po che'i phyir rgya mtsho chen por zhugs pa dang / de dag
169a6 gi gru chen po nor gyis gang ba rgya mtsho chen po de nyid du zhig par gyur to/ /de nas tshong pa de dag gru zhig pas 'jigs/ skrag /mi dga' bar gyur nas srog gi phyir
169a7 kha cig ni spang leb la brten te rgal/ kha cig ni lag pas rkyal/ kha cig ni 'chi ba'i dus byas so/ /de'i tshe'ang tshong pa mang po de'i nang na gang ded dpon du gyur
169b1 pa de rgya mtsho chen po la rkyal pas rkyal lo/ /de'i tshe'ang tshong pa lnga zhig rgya mtsho chen pos khyer ba de dag ded dpon de la/ kye ded dpon mi 'jigs pa stsol cig ces 'bod do/ /
169b2 kun dga' bo/ de skad ces smras pa dang / ded dpon des tshong pa de dag la 'di skad ces smras so/ /kye skyes bu khyed ma 'jigs shig /ngas khyed rgya mtsho chen po 'di las bde bar
169b3 gdon no/ /kun dga' bo/ de'i tshe ded dpon de'i lus la mtshon rnon po zhig kyang 'chang ste/ de 'di snyam du rgya mtsho chen po 'di mi ro dang lhan cig mi gnas pas nges par
169b4 bdag gis bdag gi lus srog dang phral te tshong pa 'di dag rgya mtsho chen po 'di las gdon no snyam du bsams nas/ des tshong pa de dag bdag gi lus la shin tu legs
169b5 par kha cig ni rgyab tu zhon/ kha cig ni phrag pa la zhon/ kha cig ni brla la bcar te/ rtsol ba chen po bskyed nas lus dang sems la so sor brtag pa'i mthu bskyed de/ tshong
169b6 pa de dag la mi 'jigs pa byin nas snying rje chen pos yongs su bsgos pa'i sems kyis mtshon rnon pos bdag gi srog bcad pa dang / de myur ba nyid du 'chi ba'i dus byas
169b7 so| |de nas de ma thag tu ro de rgya mtsho chen po'i nang nas skam la byung ngo / /de nas tshong pa lnga po de dag bde zhing don grub nas rgya mtsho chen po las brgal te slar dzam+bu gling du
170a1 bde bar lhags par gyur to/ /kun dga' bo/ de'i tshe de'i dus na ded dpon de gzhan zhig yin pa snyam du khyod the tshom mam yid gnyis za na/ kun dga'
170a2 bo khyed kyis de ltar mi blta'o/ /de ci'i phyir zhe na/ kun dga' bo/ nga nyid de'i tshe de'i dus na ded dpon du gyur to/ /kun dga' bo/ dge slong lnga sde ni de'i tshe de'i dus na tshong pa lnga por
170a3 gyur te/ kun dga' bo/ de'i tshe'ang dge slong lnga po rgya mtsho chen po las bsgral to/ /da'ang ngas 'khor ba'i rgya mtsho chen po las bsgral te mya ngan las 'das pa 'jigs pa med
170a4 cing zhi ba la bkod do/ /kun dga' bo/ byang chub sems dpa' sems dpa' chen po rnams dka' ba ji snyed byed pa dang / yon tan tshad med pa ji snyed dang ldan pa la ltos/ kun
170a5 dga' bo/ rnam grangs 'dis kyang khyod kyis 'di ltar rig par bya ste/ byang chub sems dpa' rnams ci 'dra ba'i yon tan 'di lta bu dag rang sangs rgyas rnams la med do/ /kun
170a6 dga' bo/ gal te rang sangs rgyas rnams la nga'i chos rnams yod du zin na de dag kyang de bzhin gshegs pa dgra bcom pa yang dag par rdzogs pa'i sangs rgyas su 'gyur ba
170a7 zhig na gang gi phyir de dag la chos 'di dag med pa de'i phyir de dag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /kun dga' bo/ de ltar byang
170b1 chub sems dpa' sems dpa' chen po rnams ni dka' ba byed cing / snying rje che la sems can thams cad la snying brtse ba'o/ /de la mi blun po kha cig bla na med pa yang dag par rdzogs pa'i
170b2 byang chub dang / bla na med pa'i yongs su mya ngan las 'das pa'i sa bon mngon sum du bya ba'i phyir sems dang ba 'ga' yang nga la mi skyed do/ /kun dga' bo/ nyi tshe ba byed pa ni nyi che
170b3 bsgrub la/ yongs su rdzogs pa byed pa ni yongs su rdzogs pa sgrub po/ /kun dga' bo/ nga'i spyod pa gzhan dag kyang bstan te/ kun dga' bo/ tha na sems dang ba gcig bskyed pa'i
170b4 dge ba'i rtsa ba dang ldan pa bskyed pa'ang don med par mi 'gyur na gong ma dag lta ci smos/ kun dga' bo/ gang de bzhin gshegs pa la bzhag pa'i dge ba'i rtsa ba gang yin pa tha
170b5 na sangs rgyas la dmigs pa'i sems gcig bskyed na/ kun dga' bo/ de dag thams cad kyang bdud rtsi dang mtshungs shing tha ma bdud rtsir 'gyur par nga smra'o/ /kun dga'
170b6 bo| de bzhin gshegs pa ni rnam pa thams cad kyis rjes su dran par bya ste/ kun dga' bo/ dran pa las kyang de bzhin gshegs pa dran par bya'o/ /kun dga' bo/ dge ba'i
170b7 rtsa ba las kyang de bzhin gshegs pa dran par bya'o/ /kun dga' bo/ rigs las kyang de bzhin gshegs pa dran par bya'o/ /nga ni 'dra ba'i phyir nyi ma'i rigs te/ gang bu
171a1 ram shing pa'i rigs su skyes pa nor mang po phun sum tshogs pa'o/ /nyi ma'i rigs kyis mun pa mun nag dang bral ba snang ba byed pa 'od byed pa'o/ /kun
171a2 dga' bo/ nga ni shAkya yin te/ de ni rigs che ba'i tshig bla dwags so/ /kun dga' bo/ de bzhin gshegs pa ni rus dang / cho rigs dang / rigs dang / nor dang / gzugs
171a3 dang / yul dang / mtshan dang dpe byad bzang po dang / stobs dang / mi 'jigs pa dang / sangs rgyas kyi chos ma 'dres pas mngon par 'phags so/ /kun dga' bo/ /de bzhin
171a4 gshegs pa yon tan thams cad kyis mngon par 'phags shing rigs phun sum tshogs so/ /kun dga' bo/ /ro myong ba las kyang de bzhin gshegs pa rjes su dran par
171a5 bya'o/ /kun dga' bo/ /don yod pa dang / sngon gyi sbyor ba phun sum tshogs pa dang / smon lam phun sum tshogs pa dang / tshul khrims dang / ting nge 'dzin dang / shes rab dang /
171a6 rnam par grol ba dang rnam par grol ba'i ye shes mthong ba dang / byams pa dang / snying rje dang / dga' ba dang / btang snyoms dang / spyod lam dang / spyod pa dang / sgrub pa
171a7 las kyang de bzhin gshegs pa rjes su dran par bya na sangs rgyas kyi yon tan thams cad kyis lta ci smos/ kun dga' bo/ rnam pa gang dang gang dag gis de bzhin
171b1 gshegs pa rjes su dran par 'gyur ba'i rnam pa de dang de dag gis/ rdzu 'phrul che/ phan yon che/ gzi che/ rgya che/ /bdud rtsi dang mtshungs te/ bdud rtsi klas shing bdud rtsi'i mthas
171b2 gtugs par 'gyur ro/ /kun dga' bo/ nga sngon byang chub sems dpar gyur pa'i rgyud la yod pa'i sbyin pa'i pha rol tu phyin pa'i sa gang yin pa de'i yon tan rnams ngas sangs
171b3 rgyas kyi ye shes kyis kyang mtha' rtogs par mi nus na gang nga'i tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /
171b4 bsam gtan gyi pha rol tu phyin pa dang / shes rab kyi pha rol tu phyin par gyur pa lta ci smos/ byang chub sems dpa'i yon tan de las gzhan pa dag yod pa lta ci smos/ nga bla na
171b5 med pa yang dag par rdzogs pa'i byang chub tu lung ma bstan pa na/ byang chub sems dpa'i yon tan yod pa de dag gi mtha' yang ngas sangs rgyas kyi ye shes kyis rtogs par
171b6 sla ba ma yin na lung bstan pa lta ci smos/ sangs rgyas kyi yon tan thams cad lta ci smos te/ de dag gi mtha' bskal pa bye ba khrag khrig brgya stong du'ang rtogs par sla ba ma
171b7 yin no/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyi yon tan dpag tu med pa'i phyir ro/ /kun dga' bo/ ngas don gyi
172a1 dbang 'di mthong nas gang dag kha cig nga'i byang chub sems dpa'i spyod pa'i yon tan rnams rjes su dran zhing sems dang pa'ang skyed na/ kun dga'
172a2 bo| dge ba'i rtsa ba de dag thams cad kyi 'bras bu mya ngan las 'das pa yin te/ tha ma mya ngan las 'das par nga de skad smra'o/ /kun dga' bo/ de bas na mya ngan ma byed/ smre
172a3 sngags ma 'don zhig /kun dga' bo khyod lha dang bcas pa'i 'jig rten gyi don chen po ngas byas zin te/ phan chen po ni btags/ bla na med pa'i grub pa dang bde ba 'di
172a4 lta ste/ mya ngan las 'da' ba thob par bya ba'i lam ni bstan/ bsgrub pa ni bshad zin gyi/ nga khyed bag yod pa la brtson par gyis shig /de nas bcom ldan 'das kyis
172a5 thams cad dang ldan pa'i dge slong gi dge 'dun la bka' stsal pa/ dge slong dag /do mod kyi nam gyi gung thun la de bzhin gshegs pa yongs su mya ngan las 'da'i/
172a6 dge slong dag tshur shog /deng du ngas khyed mthong ba'i tha ma dang / rjes su bstan pa'i tha mar 'gyur/ deng du nga dang khyed mthong ba tha ma dang / phrad pa tha mar 'gyur te/ dge slong
172a7 khyod kyis phyis nga mi mthong /ngas kyang khyed mi mthong ngo / /de bas na/ dge slong dag /mya ngan ma byed/ smre sngags ma 'don zhing / dge slong dag /sdug pa dang yid du 'ong ba
172b1 thams cad dang tha dad du 'gyur zhing 'gyes te/ bye bar 'gyur/ 'bral bar 'gyur ro/ /dge slong dag /gang skyes pa/ byung ba/ brtags pa/ 'dus byas pa/ mngon par bsams pa/
172b2 rten cing 'brel par byung ba/ rab tu 'jig pa'i chos can 'di dag 'jig par mi 'gyur ba'i gnas ga la yod de/ de ni gnas med do/ /dge slong dag /ji ltar ring du gnas kyang
172b3 tshe phyi mar nges par 'gro dgos so/ /dge slong dag/ skyes pa ni mi 'chi ba med do/ /'du byed du gyur pa rnams la ni rtag pa'am/ brtan pa'am/ ther zug gam/ mi 'gyur ba'i
172b4 chos can ma yin no/ /dge slong dag /skyes pa dang 'chi ba ni sdug bsngal lo/ /dge slong dag /gang dag yongs su mya ngan las 'das pa de dag ni bde ba'o/ /ma thob pa thob
172b5 par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir brtson pa gyis shig /'bad pa gyis shig /brtsal ba gyis shig /
172b6 dge slong dag /sangs rgyas bcom ldan 'das kyi bla na med pa yang dag par rdzogs pa'i byang chub dang / gang de las gzhan pa'i dge ba'i byang chub kyi phyogs kyi chos rnams ni
172b7 bag yod pas thob kyi/ bag yod pa la brtson par gyis shig /dge slong dag /'di ni khyed la rjes su bstan pa'o/ /de'i tshe 'khor de na dge slong dang / dge slong ma dang / dge bsnyen
173a1 dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin
173a2 dang / tshangs pa dang / 'jig rten skyong ba ji snyed 'dus par gyur pa de dag thams cad kyis bcom ldan 'das la gdams pa dang rjes su bstan pa 'di lta bu 'di thos nas sdug bsngal
173a3 zhing yid mi bde ste/ sdug bsngal dang yid mi bde ba mchog dang ldan par gyur/ mya ngan gyi zug rngu chen pos zug par gyur nas ngu zhing mchi ma byung bar gyur te/ bcom ldan 'das/
173a4 yongs su mya ngan las 'da' ba ha cang myur ches so/ /bde bar gshegs pa/ yongs su mya ngan las 'da' ba ha cang myur ches so/ /'jig rten gyi mig mi snang bar 'gyur ba
173a5 ha cang myur ches so/ /'jig rten gyi mig med cing long bar 'gyur pa ha cang myur ches so/ /sems can rin po che 'di lta bu dang 'bral ba dang / 'bye pa dang / tha dad du 'gyur
173a6 ba ha cang myur ches so zhes cho nge chen po bton no/ /de nas tshe dang ldan pa kun dga' bo bcom ldan 'das la mig mi 'dzum par lta ste/ bltas shing brtags nas bcom
173a7 ldan 'das las tshig de skad thos pa dang ngu zhing smre sngags 'don te/ ji ltar langs pa nyid las shing bcad pa bsgyel ba bzhin du sa la 'gyel to/ /de nas bcom ldan
173b1 'das kyis tshe dang ldan pa kun dga' bo la bka' stsal pa/ kun dga' bo thong / mya ngan ma byed/ smre sngags ma 'don cig /kun dga' bo/ sdug ba dang yid du 'ong ba thams cad dang tha
173b2 dad du 'gyur zhing 'gyes te 'bye ba dang 'bral bar 'gyur ro/ /gang byung ba dang / 'dus byas pa/ /mngon bsams pa/ rten cing 'brel bar 'byung ba de dag mi 'jig pa
173b3 de ga la yod de/ /de ni gnas med do zhes ngas thog ma nas ma bstan tam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad
173b4 ces gsol to/ /gang sems can rin po che/ sems can kha lo sgyur ba/ sems can yongs su 'dren pa/ sems can thams cad la gces pa/ sems can thams cad rton
173b5 pa| ston pa de lta bu dang bdag 'gyes shing 'bye 'bral na/ bcom ldan 'das/ ci'i slad du mya ngan mi bgyid/ bde bar gshegs pa/ bdag ci'i slad du smre sngags mi
173b6 'don/ bcom ldan 'das/ 'di ltar 'jig rten gyi mgon po thugs rje chen po 'jig rten thams cad la phan zhing thugs brtse ba mig ring po che snang ba mdzad pa dang
173b7 bdag 'bral bar 'gyur na ci'i slad du bdag mya ngan mi bgyid/ smre sngags mi 'don/ bcom ldan 'das/ bdag gi snying tshal ba brgyar ma gas pa ngo mtshar to/ bcom
174a1 ldan 'das/ bdag mchis pa 'di nyid du 'gum pa'i dus ma bgyis pa ngo mtshar to/ /bcom ldan 'das/ gang bdag mchis pa 'di nyid du 'di lta ste/
174a2 dper na/ phub ma spar gang bzhin du rnam pa du mar ma zhigs pa ngo mtshar to/ /bcom ldan 'das/ bdag ni bcom ldan 'das kyi byin gyis rlabs kyis 'gum pa'i dus
174a3 ma bgyis so snyam gyi bgyid do/ /bcom ldan 'das/ 'di ltar sems can rin po che 'jig rten yongs su 'dren pa/ 'jig rten la phan zhing thugs brtse ba de lta bu sang slan
174a4 chad bzhugs pa mi mthong na ci'i slad du mya ngan mi bgyid/ /smre sngags mi 'don/ /de nas sangs rgyas bcom ldan 'das kyis tshe dang ldan pa kun dga' bo la 'di
174a5 skad ces bka' stsal to/ /kun dga' bo khyod la nga sdug gam/ gsol pa/ bcom ldan 'das bdag la sdug go/ bde bar gshegs pa bdag la sdug go /
174a6 bka' stsal pa/ kun dga' bo khyod la nga ji tsam du sdug/ gsol pa/ bcom ldan 'das/ ngag gi las kyis bstan par sla ba ma lags pa dang / bcom ldan
174a7 'das/ dpes bstan par yang sla pa ma lags pa de tsam du bcom ldan 'das bdag la sdug go/ bde bar gshegs pa bdag la sdug go/ bcom ldan 'das/
174b1 bdag gi lus dang srog bcom ldan 'das kyi don du yongs su btang yang bdag mi dga' bar mi 'gyur ba de lta bur bcom ldan 'das bdag la sdug go/ bde bar gshegs
174b2 pa bdag la sdug go /bcom ldan 'das bdag la de ltar sdug pa dang / bde bar gshegs pa bdag la de ltar sdug par bcom ldan 'das de bzhin gshegs pa nyid kyis
174b3 mkhyen no/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ gal te khyod la nga sdug na lag pa
174b4 g.yas pa nga la byin/ de nas tshe dang ldan pa kun dga' bos lag pa g.yas pa phul lo/ /de nas bcom ldan 'das kyis tshe dang ldan pa kun dga' bo'i lag pa nyid kyi phyag
174b5 g.yas pa gser gyi kha dog can rgya skyegs kyi khu ba rab tu bzang pos kha bsgyur ba lta bur 'jam zhing rab tu gzhon pas bzung nas tshe dang ldan pa kun dga' bo la 'di skad
174b6 ces bka' stsal to/ /kun dga' bo/ gal te khyod la nga sdug pa'i bya ba byos/ /de la nga la sdug par 'dzin pa'i bya ba gang zhe na/ kun dga' bo/ /bskal pa grangs med pa bye
174b7 bar bsgrubs pa'i bla na med pa yang dag par rdzogs pa'i byang chub dang / bla na med pa'i chos dkon mchog gi mdzod 'di khyod la bcol cing gtad kyi/ ci nas kyang nga dang mthun
175a1 par gyis shig /mthun par byas nas kyang yangs shing rgyas par gyis shig /rgyun ma chad par gyis shig /skyes bu tha ma par ma gyur cig /kun dga'
175a2 bo| de bzhin gshegs pas gsungs pa'i chos 'dul ba 'di rnam par 'phel ba dang / yongs su mi nyams pa dang / kun tu bsrung zhing sba ba dang / chud mi zos par bya ba'i phyir
175a3 khyod la dpe bstan par bya ste/ 'di la skyes bu mkhas pa kha cig dpes smras pa'i don shes par 'gyur ro/ /kun dga' bo/ 'di lta ste/ dper na/ tshong dpon nam khyim bdag
175a4 phyug po nor che ba/ longs spyod che ba/ bang mdzod mang ba/ bdag dbang ba mang ba/ rdzas dang yo byad mang ba/ rigs phun sum tshogs pa/ rus phun sum tshogs pa/ rigs
175a5 btsun pa'i rigs las bu gcig pa zhig skyes te/ de skyes ma thag tu dbang po rnams rgyas par bya ba'i phyir yi ge dang / grangs dang / rtsis dang / lag rtsis dang / de las
175a6 gzhan pa'i bzo dka' ba dang / sgyu rtsal dka' ba dag slob bo/ /de la bslabs nas tha mar tshong dpon na ma khyim bdag de 'di skad du bu khyod la ngas ji tsam du bya ba de dag
175a7 ngas byas zin/ yi ge dang / grangs dang / rtsis dang / lag rtsis dang / bzo dka' ba dang / sgyu rtsal dka' ba dag kyang lobs zin te/ 'di ni nga'i dus tha ma yin pas
175b1 bdag dbang ba thams cad ngas khyod la gtad kyi/ gnas gsum la slob cing tshong dpon gyi khyim 'di na gnas par byos shig /gsum gang zhe na/ 'dun pa dang / brtson 'grus dang /
175b2 bag yod pa'o zhes smras te/ de ltar tshong dpon nam khyim bdag des bu gcig pa de la shin tu legs par gtams nas 'chi ba'i dus byas la/ de'i bu gcig pa de bag med
175b3 par spyod pas longs spyod ma rnyed pa ni mi rnyed/ pha mes kyi longs spyod rnyed pa dag ni yongs su zad cing med par gyur na/ kun dga' bo/ de ji snyam du sems/ tshong dpon gyi bu'am/
175b4 khyim bdag gi bu des pha'i lung bzhin du byas pa yin nam/ gsol pa/ bcom ldan 'das/ ma lags so/ /bde bar gshegs pa/ ma lags so/ /bka' stsal pa/ kun
175b5 dga' bo/ pha des bu de la bu'i bya ba cung zad byas sam/ gsol pa/ bcom ldan 'das/ bgyis so/ /bde bar gshegs pa/ bgyis so/ /bka' stsal pa/ kun dga' bo/ de
175b6 bzhin du de bzhin gshegs pa'ang 'jig rten thams cad kyi yab ste/ khyed la bu gcig pa bzhin du dbugs 'byin to/ kun dga' bo/ /'di ni nga'i dus tha ma ste/ 'di ni
175b7 nga'i rjes su bstan pa tha ma yin gyi/ ci nas kyang bskal ba grangs med pa bye ba khrag khrig brgya stong du bsgrubs pa nga'i chos dkon mchog gi mdzod dang / chos dkon mchog gi
176a1 snod dang / chos kyi nor bla na med pa 'di gnas gsum gyis bzhag nas gnas par gyis shig/ gsum gang zhe na/ 'dun pa dang / brtson 'grus
176a2 dang / bag yod pa'o/ /khyed gnas 'di gsum gyis bskal pa grangs med pa bye ba khrag khrig brgya stong du bsgrubs pa bla na med pa'i chos dkon mchog gi mdzod 'di la
176a3 gnas na dge ba'i rtsa ba ma thob pa rnams thob par 'gyur ro/ /dge ba'i chos thob pa rnams yongs su mi nyams par 'gyur ro/ /gal te khyed bskal pa grangs med pa bye ba
176a4 khrag khrig brgya stong du bsgrubs pa bla na med pa yang dag par rdzogs pa'i byang chub 'di la gnas gsum gyis mi gnas na dge ba'i chos ma thob pa rnams khyed kyis thob
176a5 par mi 'gyur la dge ba'i chos thob pa rnams kyang yongs su nyams par 'gyur ro/ /de ci'i phyir zhe na/ kun dga' bo/ 'di ltar nga 'jig rten gyi yab/ 'jig rten gyi mgon
176a6 po/ don bzhed pa/ phan par bzhed pa/ bde bar bzhed pa/ grub pa dang bde ba bzhed pa/ phan pa bzhed pa/ thugs brtse ba can/ thugs rje dang ldan pas gang bya ba de ni
176a7 ngas byas zin gyi/ da khyod kyis byos shig/ kun dga' bo/ bskal pa grangs med pa bye ba khrag khrig brgya stong du bsgrubs pa bla na med pa yang dag par rdzogs pa'i
176b1 byang chub 'di ni gnas gsum gyis med par 'gyur ro/ /gsum gang zhe na/ ma dad pa dang / mi sgrub pa dang / mi ston pa'o/ /kun dga' bo/ de bas na dam pa'i chos
176b2 dkon mchog gi mdzod 'di bsrung ba'i phyir mngon par dad pa dang / bsgrub pa dang / bstan pa la 'dun pa dang / brtson 'grus dang / bag yod pa la brtson par gyis
176b3 shig /de ltar byas na chos kyi rje 'jig rten gyi yab nga'i bya ba khyed bu rnams kyis byas par 'gyur ro/ /kun dga' bo/ de bas na bla na med pa'i chos dkon mchog gi mdzod
176b4 'di rgya cher yongs su gtad pa'i phyir khyod la dpe bstan par bya ste/ 'di la skyes bu mkhas pa kha cig dpes smras pa'i don shes par 'gyur te/ bcom ldan 'das
176b5 shAkya thub pa de bzhin gshegs pa dgra bcom pa yang dag par rdzogs pa'i sangs rgyas kyis bdag cag gi don du yongs su mya ngan las 'da' ba'i tshe phyag g.yas
176b6 pas tshe dang ldan pa kun dga' bo'i lag pa nas bzung ste/ bskal pa grangs med pa bye ba khrag khrig brgya stong du bsgrubs pa bla na med pa yang dag par rdzogs pa'i
176b7 byang chub 'di yongs su gtad do snyam nas de dag rgya cher yongs su dga' ba dang mgu bar 'gyur ro/ /kun dga' bo/ 'di lta ste/ dper na/ ded dpon byes su song
177a1 bas gang bdag gi bya ba cung zad ci yod pa dang / 'dron pa thams cad kyi gang bya ba cung zad ci yod pa de dag byas zin par gyur na/ kun dga'
177a2 bo| de ji snyam du sems/ ded dpon de bdag gi khyim du 'ong ngam/ 'on te byes de nyid na 'dug gam/ gsol pa/ bcom ldan 'das/ slar khyim du mchi'i/ mi mchi
177a3 ba ma mchis so/ /kun dga' bo/ de bzhin du de bzhin gshegs pa 'jig rten gyi yab/ 'jig rten gyi mgon po/ 'jig rten gyi yongs su 'dren pa/ ded dpon
177a4 chen pos kyang bla na med pa yang dag par rdzogs pa'i byang chub mngon par rdzogs par sangs rgyas nas sangs rgyas kyi ye shes kyis gang bya ba de dag thams cad
177a5 byas zin te/ de la sangs rgyas kyi bya ba gang phyis bya dgos pa cung zad kyang med do/ /da lta sangs rgyas kyis gdul ba'i sems can gang ma dal ba'am ma zhi ba 'ga'
177a6 yang med do/ /kun dga' bo/ de bzhin gshegs pa dgra bcom pa yang dag par rdzogs pa'i sangs rgyas rnams ni gnas gsum yongs su ma rdzogs/ yongs
177a7 su ma brnyes par yongs su mya ngan las mi 'da'i/ gang gi tshe gnas de gsum mdzad cing yongs su rdzogs la yongs su brnyes par gyur pa de'i tshe na gdod de bzhin gshegs
177b1 pa yongs su mya ngan las 'da'o/ /gsum gang zhe na/ byang chub sems dpa' gang de bzhin gshegs pa'i bstan pa nub pa'i 'og tu bskal pa'am/ bskal pa brgya'am/ bskal
177b2 pa stong ngam/ bskal pa brgya stong ngam/ bskal pa bye ba khrag khrig brgya stong na yang dag par rdzogs pa'i byang chub mngon par rdzogs par 'tshang rgya bar phyir mi ldog pa'i chos
177b3 la gnas par ma gyur la/ gal te sangs rgyas bcom ldan 'das kyis byang chub sems dpa' phyir mi ldog pa nyid du dbang po yongs su ma smin pa gzigs nas/ de'i tshe gang
177b4 zag de yongs su smin par bya ba'i phyir byang chub sems dpa' phyir mi ldog pa'i chos nyid ma thob kyi bar du rdzu 'phrul gyi sku byin gyis rlob ste/ de'i tshe phyis bla na med pa yang dag
177b5 par rdzogs pa'i byang chub tu lung bstan nas gdod de bzhin gshegs pa rnams phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /
177b6 de bas na ngas da ni byang chub sems dpa' byams pa la sogs pa bye ba khrag khrig brgya stong mang po dag phyir mi ldog pa'i chos nyid la lung bstan cing bkod de/ nga'i bya ba 'di
177b7 dag sems can rnams la thugs brtse ba'i phyir byas zin no/ /kun dga' bo/ gzhan yang sangs rgyas kyis mngon du 'dul ba thams cad dul bar ma gyur gyi bar du de bzhin
178a1 gshegs pa yongs su mya ngan las mi 'da'o/ /gang gi tshe sangs rgyas bcom ldan 'das/ bskal pa stong phrag mang po zhig nas sangs rgyas bcom
178a2 ldan 'das gzhan rnams 'byung ba dang / 'jig rten gyi khams de'am/ gzhan dag tu 'gro ba lnga'i nang na gang yang rung ba'i 'gro bar skyes ba'i gang zag kyang sangs rgyas
178a3 kyis 'dul bar mkhyen la/ gang zag de lo gcig gam/ lo brgya'am/ lo stong ngam/ lo bye ba khrag khrig brgya stong ngam/ bskal pa las lhag pa na gang zag de ngas
178a4 'dul bar 'gyur gyi/ nyan thos kyis ma yin/ rang sangs rgyas kyis ma yin par mkhyen par 'gyur ba de'i tshe sangs rgyas kyi ye shes kyis mkhyen nas/ gang zag de
178a5 la thugs brtse ba'i phyir gang zag de yongs su smin par gyur gyi bar du rdzu 'phrul gyi sku byin gyis brlabs nas de'i 'og tu gdod 'dul te/ kun dga' bo/ 'di ni gang byas nas
178a6 phyis sangs rgyas bcom ldan 'das rnams yongs su mya ngan las 'da' bar 'gyur pa de bzhin gshegs pa rnams kyi mdzad pa gnyis pa'o/ /kun dga' bo/ gzhan
178a7 yang de bzhin gshegs pa'i mdo sde'am/ 'dul ba'am/ ma mo sangs rgyas kyi bstan pa'i gsung rab las dgos pa 'ga' zhig mngon sum du zhu ba'am bya ba
178b1 yod la/ de'ang nyan thos slob pa'am mi slob pa dag gis kyang shes pa'am/ yang dag par bsdu ba'am/ bstan par mi nus la/ gal te sangs rgyas rnams kyi dge slong
178b2 gi dge 'dun de las dge slong gcig tsam yang de bzhin gshegs pa la gnod par 'gyur du 'ong ngo zhes de bzhin gshegs pa la gus par zhu nus pa med par gyur pa
178b3 de na bcom ldan 'das yang dag par rdzogs pa'i sangs rgyas sangs rgyas kyi ye shes kyis dge slong sprul pa sprul par mdzad de/ sprul pa de de bzhin gshegs pa
178b4 la/ bcom ldan 'das/ bgyi ba 'di lta bu zhig 'di ltar byung na ji ltar bgyi zhes yongs su zhu'o/ /de bzhin gshegs pas sprul pa de la/ dge slong bya ba de 'di
178b5 ltar byos shig /'di byas nas 'di ltar byos shig ces de skad ces bka' stsal to/ /gang yongs su ma rdzogs par de bzhin gshegs pa yongs su mya ngan las
178b6 mi 'da' ba'i gnas gsum po de dag de bzhin gshegs pas nges par mdzad dgos pa de dag thams cad ngas byas shing yongs su rdzogs te/ 'di la ngas nyan
178b7 thos rnams la bslab pa'i 'dul ba dang so sor thar pa ni bcas/ ngas lam ni bstan/ de byed pa yang dag par sdug bsngal zad par 'gyur pa nges par 'byin
179a1 pa'i lam ni bsnyad zin te/ phyis bya dgos pa'i lhag ma ci'ang med do/ /kun dga' bo/ de ltar bas na khyed kyis ma bcas pa ni mi bca'/ bcas pa ni mi
179a2 gzhig ste/ kun dga' bo/ bslab pa ji ltar bcas pa bzhin du slobs shig/ kun dga' bo/ 'di ni khyed kyis bya ba yin gyi/ bag yod pa dang / bag yod pa la dga' bar gyis
179a3 shig /'di ni nga'i rjes su bstan pa yin gyi/ mya ngan ma byed/ smre sngags ma 'don cig/ kun dga' bo/ do mod kyi thun tha ma la nga yongs su mya ngan las 'da' ste/ kun dga'
179a4 bo| rang gi yul dang / rang gi spyod yul du 'gro'o/ /slar 'jig rten 'dir mi 'ong ngo / /'jig rten pha rol tu'ang mi 'gro'o/ /phyin chad khyed kyis nga mi mthong / ngas kyang khyed mi
179a5 mthong ngo / /kun dga' bo/ phung po'i lhag ma med par mya ngan las 'da' ba'i dbyings zhi ba/ bsil ba/ rdul med pa/ rdul dang bral ba/ sdug bsngal thams cad rnam
179a6 par zhib/ yid du 'ong ba'i mya ngan las 'das pa/ gang na skye ba'ang med/ rga ba'ang med/ 'chi ba'ang med/ mya ngan yang med/ smre sngags 'don pa'ang med/ sdug
179a7 bsngal dang yid mi bde ba dang 'khrug pa'ang med/ gnod pa'ang med/ mi mdza' ba dang phrad pa'ang med/ mdza' ba dang 'bral ba'ang med cing gang du sangs rgyas dang
179b1 sangs rgyas kyi nyan thos kyi tshogs gang+ga'i klung gi bye ma snyed bzhud zin pa dang / bzhud pa dang / bzhud par 'gyur ba de la nga dga'o/ /kun dga' bo/ sems can rnams phung po'i lhag ma med pa'i
179b2 mya ngan las 'das pa'i dbyings la mi dga' ba dang / de dag mya ngan las 'das pa thob pa'i sa bon du 'gyur ba thar pa'i rjes su mthun pa dang ldan pa'i sems bskyed pa gcig
179b3 kyang mi skyed pa la ltos/ kun dga' bo/ byis pa so so skye bo la stobs ga la yod/ kun dga' bo/ byis pa so so skye bo thams cad ni stobs med cing stobs chung ba ste/ kun dga'
179b4 bo/ byis pa so so skye bo 'di dag thams cad ni rtswa dang phub ma dang sog ma dang mtshungs par snang ngo / /kun dga' bo/ byis pa so so skye bo dag ni mya ngan las 'das pa'i sa bon
179b5 du 'gyur ba thar pa'i rjes su mthun pa dang ldan pa'i sems bskyed pa gcig kyang mi bskyed pa dag ste/ de dag la stobs ga la yod/ dbugs dbyung ba lta ga la yod/ kun dga'
179b6 bo/ byis pa so so skye bo rnams la tshul khrims kyi stobs med/ ting nge 'dzin gyi stobs med/ shes rab kyi stobs med do/ /kun dga' bo/ nga ni sangs rgyas kyi stobs dpag tu
179b7 med pa dang / grangs med pa dang / bsam gyis mi khyab pa dang / gzhal du med pa dang / tshad med pa dang ldan zhing tshul khrims dang / ting nge 'dzin dang / shes rab dang / rnam
180a1 par grol ba dang / rnam par grol ba'i ye shes mthong ba'i stobs rnams dang ldan la/ ngo tsha shes pa'i stobs dang / khrel yod pa'i stobs dang / yang
180a2 dag par 'grub pa'i stobs dang / ye shes kyi stobs dang / spong ba'i stobs dang / bsod nams kyi stobs dang / shes rab kyi stobs dang / dbang po'i stobs dang / byin
180a3 gyi rlabs kyi stobs dang / stobs bcu dang ldan pa ste/ kun dga' bo/ 'on kyang nga mya ngan las 'das pa'i dbyings de la dga'o/ /de la byis pa mun nag gi sgor gyur pa/ mi
180a4 shes pa'i chos dang ldan pa/ 'khor ba na rgyu ba/ bcing bas bcings pa la dga' ba de dag ni mya ngan las 'das pa'i sa bon du 'gyur ba rjes su mthun pa'i sems gcig
180a5 kyang mi skyed do/ /kun dga' bo/ phyi ma'i dus phyi ma'i tshe de bzhin gshegs pa yongs su mya ngan las 'das pa'i mdo sde 'di lta bu bstod cing bzhag ste bshad pa de dag
180a6 de bzhin gshegs pa 'das pa'i 'og tu de dag de bzhin gshegs pas gsungs pa'i mdo sde 'di lta bu nyan no/ /thos nas gal te phung po'i lhag ma med pa'i mya ngan
180a7 las 'das pa'i dbyings 'di ma thob kyang nga'i chos rin po che'i snod 'di la 'jug par 'gyur ba dag yod de/ kun dga' bo/ don 'di nyid rgya cher shes par bya ba'i phyir
180b1 khyod la dpe bstan par bya'o/ /kun dga' bo/ 'di lta ste/ dper na/ 'dron pa mang po dag 'brog dgon pa chen po las 'das te chom rkun gyi lam 'jigs pa dang bcas pa las 'das
180b2 nas| 'jigs pa med pa'i grong khyer du phyin pa de'i nang nas mi gcig cig 'dron pa mang po de dang bral zhing khyams par gyur la/ de 'dron pa mang po de'i rjes bzhin du 'gro zhing
180b3 'dron pa mang po lam gang nas dong ba'i rjes bzhin du sdug bsngal ba dang / nyon mongs pa dang / tshegs chen pos song nas 'dron pa mang po dang phrad par gyur pa de bzhin du/ kun
180b4 dga' bo/ gang de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas da ltar mdo sde 'di lta bu dag bshad pa de
180b5 la ma 'ongs pa'i dus na rigs kyi bu'am rigs kyi bu mo dag mdo sde 'di lta bu dag thos nas phung po'i lhag ma med pa'i mya ngan las 'das pa'i dbyings 'di sgras go bar 'gyur
180b6 ba dag yod pas ngas dam pa'i chos kyi grong khyer 'di bzhag go/ de dag lhags nas nga'i dam pa'i chos kyi grong khyer 'dir gnas par byed cing nga'i dam pa'i chos kyi mdzod 'di
180b7 srung bar byed/ yang dag par ston par yang byed do/ /kun dga' bo/ gang zag gcig gi phyir bla na med pa yang dag par rdzogs pa'i byang chub 'di gtad na'ang khyod kyis
181a1 legs par gzung dgos na sems can brgya stong dpag tu med pa rnams kyi phyir gtad pa lta ci smos/ kun dga' bo/ de bas na bskal pa grangs med pa
181a2 bye bar bsgrubs pa bla na med pa yang dag par rdzogs pa'i byang chub 'di dang / dam pa'i chos dkon mchog gi mdzod 'di khyod la gtad kyi/ ci nas kyang 'khor bzhi po dad pa
181a3 rnams la rjes su mthun par bya ba dang / 'jug pa dang / bshad pa dang / gdags pa dang / dgrol ba dang / rnam par dbye ba dang / gsal bar byos shig/ skyes bu tha ma
181a4 par ma gyur cig /kun dga' bo/ gang mdo sde 'di lta bu dag ma thos pas yongs su nyams par 'gyur ba'i sems can dag yod do/ /kun dga' bo/ de la skyes bu mkhas
181a5 pa kha cig dpes smras pa'i don shes par 'gyur te/ de'i phyir khyod la dpe bstan par bya'o/ /kun dga' bo/ 'di lta ste/ dper na/ tshong dpon nam khyim bdag phyug pa
181a6 nor che ba longs spyod che ba/ bdag dbang ba mang ba/ rdzas dang yo byad mang ba/ nor dang 'bru mang ba/ bdag dbang ba'i skye bo mang ba/ mdzod dang bang ba mang ba zhig yod
181a7 pa de'i bu gcig pa zhig byes su song bar gyur la/ tshong dpon nam khyim bdag de'ang na zhing mi bde la shin tu sdug bsngal bar gyur te de 'chi ba'i dus la bab pa'i
181b1 tshe| khyim bdag gzhan zhig la nor bu dang / mu tig dang / bai DUR+ya dang / dung dang / man shel dang / byu ru dang / gser dang / dngul mang po dang / rin po che mang po rnams bzhag ste/
181b2 ngas rin po che de dag bzhag nas tshong dpon nam khyim bdag de la 'di skad ces khyed shes par gyis shig/ kho bo'i bu gcig pa de ni byes su song / kho bo ni da lta na zhing mi bde ste/
181b3 ring po mi thogs par kho bo 'chi ba'i dus byed par 'gyur gyi/ rin po che dang bang mdzod mang po 'di dag bu gcig pa de'i phyir khyod kyi lag tu bzhag go/ nam bdag gi bu
181b4 gcig pa de byes de nas 'ongs te/ de bag yod la bag yod pa'i chos la gnas par gyur pa de na rin po che 'di rnams byin cig /byin nas kyang 'di skad du gzhon nu khyod kyi pha
181b5 'chi kar rin po che mang po 'di dag khyod kyi phyir nga la bzhag ste/ khyod kyi pha'i nor gyi tshogs 'di bdag gi longs spyod yin gyi/ khyer la bag yod par bsrungs te ci nas
181b6 kyang chud ma zos par gyis zhes bsgo zhig ces smras la/ de nas tshong dpon nam khyim bdag des tshong dpon gcig shos las rin po che'i mdzod mang po bzhag pa blangs
181b7 nas tshong dpon gyi bu byes nas 'ongs pa la rin po che'i mdzod bzhag pa de ma byin na/ kun dga' bo/ de ji snyam du sems/ de la sus nyes par 'gyur/ de skad ces bka'
182a1 stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das/ gang tshong dpon de'i rin po che mang po
182a2 bzhag pa blangs nas tshong dpon gyi bu de la ma stsal bas bzhag pa 'chang ba'i khyim bdag des nongs par 'gyur ro/ /bka' stsal pa/ kun dga' bo/ don de shes par bya ba'i
182a3 phyir ngas dpe bstan pa de la don du lta ba gang zhe na/ kun dga' bo/ khyim bdag ces bya ba de ni bzhin gshegs pa'i tshig bla dwags so/ /kun dga' bo/ 'chi ba'i dus kyi
182a4 tshe zhes bya ba'i de ni de bzhin gshegs pa'i yongs su mya ngan las 'das pa'i dbyings kyi tshig bla dwags so/ /kun dga' bo/ bu gcig pa zhes bya ba de ni ma 'ongs pa'i rigs
182a5 kyi bu'am rigs kyi bu mo dad pa dang ldan pa rnams kyi tshigs bla dwags so/ /kun dga' bo/ byes su song ba zhes bya ba de ni 'gro ba lnga'i 'khor bar skye ba'i tshig bla dwags so/ /
182a6 kun dga' bo/ rin po che'i mdzod chen po zhes bya ba de ni bskal pa grangs med pa bye bar bsgrubs pa chos dkon mchog 'di'i tshig bla dwags so/ /kun dga' bo/ bzhag
182a7 pa 'chang pa zhes bya ba de ni khyed lta bu dam pa'i chos kyi grong khyer 'di skyong ba nyan thos chen po dang / byang chub sems dpa' sems dpa' chen po rnams kyi tshig bla dwags
182b1 so| |kun dga' bo/ de ltar bskal pa grangs med pa bye bar bsgrubs pa'i chos dkon mchog gi mdzod chen po 'di ma 'ongs pa'i rigs kyi bu'am rigs kyi bu mo rnams kyi don du khyod
182b2 dang / 'od srung chen po dang / byang chub sems dpa' byams pa la sogs pa la gtad kyi/ ma 'ongs pa na nga'i bu dad pa dad ldan zhing mngon par dad pa rnams la ci nas kyang rjes su mthun pa
182b3 dang rjes su bstan pas dam pa'i chos dkon mchog gi mdzod 'di byin cig/ de ci'i phyir zhe na/ kun dga' bo/ nga sngon byang chub sems dpar gyur pa na yongs su smin par byas
182b4 pa'i sems can dag yod de/ de dag da lta nyes par byas shing nyes par spyad pas sems can dmyal ba'am/ dud 'gro'i skye gnas sam/ gshin rje'i 'jig rten du dong
182b5 ngo / /de dag de bzhin gshegs pa 'das pa'i 'og tu de nas shi 'phos nas mir skye bar 'gyur ro/ /de dag dbang po rgyas shing yongs su smin pa'i rgyus nga'i bstan pa 'di la
182b6 tshogs chung dus dad par 'gyur te/ de la kha cig ni khyim nas khyim med par rab tu 'byung bar 'gyur ro/ /kha cig ni khyim na gnas par 'gyur ro/ /de dag nga'i mdo sde 'di lta bu
182b7 thos nas khyad par du 'gro bar 'gyur te/ de dag nyan thos kyi theg pa'am/ rang sangs rgyas kyi theg pa'am/ theg pa chen pos yongs su mya ngan las 'da' bar 'gyur ro/ /
183a1 kun dga' bo/ bskal pa grangs med pa bye ba khrag khrig brgya stong du bsgrubs pa dam pa'i chos dkon mchog gi mdzod 'di 'di ltar rigs kyi bu rnams
183a2 kyis mnyan par bya ba'i phyir de dag gi don du khyod kyi lag tu gtad pas gtad do/ /de ci'i phyir zhe na/ kun dga' bo/ 'di ltar sems can de dag ni dge ba'i lam 'di lta
183a3 bu dag ma thos pa las yongs su nyams par 'gyur ro/ /kun dga' bo/ de bas na ci nas kyang de dag 'di lta bu thos pa las nyams par mi 'gyur bar bya ba'i phyir ma 'ongs pa
183a4 de dag khyod la gtad do/ /kun dga' bo/ 'di la skyes bu mkhas pa kha cig ni dpes smras pa'i don shes par 'gyur te/ de'i phyir don 'di rgya cher shes par bya ba'i phyir khyod
183a5 la dpe bstan par bya'o/ /kun dga' bo/ 'di lta ste/ dper na/ 'khor los bsgyur ba'i rgyal phos dkor ba dang mngan rnams la mdzod dang bang ba thams cad gtad de/
183a6 kye mi khyed dge sbyong dang / bram ze dang / bkren pa dang / 'dron pa dang / sdug phongs pa slong ba zas 'dod pa rnams la zas dang / skom 'dod pa rnams la skom dang /
183a7 bzhon pa dang / gos dang / me tog dang / spos dang / phreng ba dang / byug pa dang / mal cha dang / gnas dang / rgyab rten dang / 'tsho ba'i yo byad gang yang rung ba rnams
183b1 sbyin pa byin cig ces des de skad du bsgo zhing gtams pa las/ de la dkor ba dang mngan rnams la mdzod dang bang ba de phye'ang sbyin pa de sbyin par mi byed na/ kun dga' bo/
183b2 de ji snyam du sems/ /de la sus nyes par 'gyur/ gsol pa/ btsun pa bcom ldan 'das/ dkor ba dang mngan de dag gis nongs par 'gyur gyi/ 'khor los bsgyur ba'i rgyal
183b3 pos ni ma nongs so/ /bka' stsal pa/ kun dga' bo/ de bzhin du chos kyi rgyal po ngas chos kyi bang mdzod chen po 'di rab tu bsags nas bskal pa grangs med pa bye bar bsgrubs
183b4 pa'i chos dkon mchog gi mdzod 'di mngon par rdzogs par sangs rgyas nas yangs shing rgya che bar byas te/ lha dang mi rnams la rnam par phye zhing rab tu bstan no/ /gang ngas
183b5 bstan pa'i chos de khyod la'ang rnam par phye ste sbyin gyi/ byis pa so so'i skye bo dang / dge sbyong dang / bram ze dang / khyim bdag dad pa/ don 'dod pa/ chos 'dod pa rnams nyan
183b6 du chug cig/ kun dga' bo/ gal te nga'i chos dkon mchog gi mdzod 'di rnam par phye zhing yang dag par rab tu bstan te khyod kyi lag tu gtad pa de bram ze dang khyim bdag
183b7 dad pa rnams la ma bstan/ byis pa so so'i skye bo thos pa dang mi ldan pa don du gnyer cing 'dun pa dang dad pa dang ldan zhing dad pa rnams la mi ston na/ de lta na ni kun
184a1 dga' bo khyod kyis de bzhin gshegs pa la nyes pa byas par 'gyur ro/ /de ci'i phyir zhe na/ kun dga' bo/ nga ni rgyal po ste/ bla na med pa'i chos kyi rgyal po
184a2 chos kyi 'khor los bsgyur ba/ chos dkon mchog gi mdzod rgya chen po mang po dang ldan pa/ yon tan gyi bang mdzod mang po dang ldan pa/ byang chub kyi phyogs mang po'i bdag
184a3 po| byang chub kyi yan lag rin po che sna bdun dang ldan pa/ stobs bcu dang / mi 'jigs pa bzhi'i dbang thob pa/ chos thams cad la dbang sgyur ba'o/ /'di lta ste/ chos kyi
184a4 phung po brgyad khri bzhi stong gi chos kyi bang mdzod ji srid 'dzin gyi bar du bram ze dang khyim bdag dad pa rnams dang / byis pa so so'i skye bo dad pas don du gnyer ba dang /
184a5 'dun pa dang / chos 'dod pa dang / chos kyi snod du gyur pa rnams la ma rtog par byin cig /skyes bu tha ma par ma gyur cig /kun dga' bo/ khyod gal te bskal pa grangs
184a6 med pa bye bar bsgrubs pa bla na med pa yang dag par rdzogs pa'i byang chub 'di dang / bla na med pa'i chos dkon mchog gi mdzod 'di 'khor bzhi rnams la yang dag par rab
184a7 tu ston na/ de lta na ni kun dga' bo khyod de bzhin gshegs pa la nyes pa byed par mi 'gyur ro/ /ci ste yang dag par rab tu mi ston na nyes pa byed par 'gyur
184b1 ro| |kun dga' bo/ dge slong dgra bcom pa zag pa zad pa gang 'dus ma byas kyi chos rjes su thob nas gzhan la mi 'chad/ yang dag par rab tu mi ston pa des ston
184b2 pa la bsnyen bkur byas par mi 'gyur/ des nga'i dam pa'i chos yongs su bzung bar mi 'gyur ro/ /de ci'i phyir zhe na/ kun dga' bo/ 'di la skyes bu mkhas pa kha cig dpes
184b3 smras pa'i don shes par 'gyur bas khyod la dpe bstan par bya'o/ /kun dga' bo/ 'di lta ste/ dper na/ tshong dpon nam khyim bdag phyug po nor che ba/ longs spyod che ba/
184b4 bang mdzod mang ba/ nor dang / 'bru dang / rdzas dang / yo byad mang ba/ nor bu dang / mu tig dang / bai DUR+ya dang / dung dang / man shel dang / byu ru dang / dngul mang po yod
184b5 pa de la phyir rgol ba'am/ dgra bo 'ga' zhig bang mdzod der me gtong ba dang / gang de dang mi mdza' ba phyir rgol ba dgra bor gyur pa/ mi phan par 'dod pa/ /mi bde bar
184b6 'dod pa/ grub pa dang / bde ba mi 'dod pa gzhan de dag kyang bang mdzod tshig pa'i me de mthong nas me mi gsod cing g.yel bar gnas pa dang / gang de'i mdza' bo
184b7 phan par 'dod pa/ bde bar 'dod pa/ grub pa dang bde bar 'dod pa de dag gis kyang me'i phung po chen po des nor dang 'bru mang po de dag tshig pa mthong nas g.yel
185a1 bar gnas pa dang / tshong dpon nam/ khyim bdag de'i mdza' bshes dang / nye du dang / snag gi gnyen mtshams don 'dod pa grub pa dang / bde bar
185a2 'dod pa de dag me de mthong nas me de mi gsod de/ g.yel bar gnas na yang dag par zhugs pa yin nam/ gsol pa/ bcom ldan 'das/ ma lags so/ /bde bar
185a3 gshegs pa/ ma lags so/ /bka' stsal pa/ kun dga' bo/ gang dag tshong dpon nam/ khyim bdag gi don 'dod pa/ phan pa 'dod pa/ bde bar 'dod pa/ grub pa
185a4 dang bde ba 'dod pa de dag kyang bang mdzod tshig pa'i me de mthong la/ bang mdzod de dag gi me bsad pa la g.yel bar gnas na me'i phung po des rgya cher bang mdzod thams
185a5 cad tshig par 'gyur ram/ gsol pa/ bcom ldan 'das/ de lta lags so/ /bde bar gshegs pa/ de lta lags so/ bka' stsal pa/ kun dga' bo/ de bzhin du
185a6 ngas bskal pa grangs med pa bye bar dge ba'i rtsa bas bsgrubs pa'i chos dkon mchog gi bang mdzod bla na med pa 'di 'jig cing mi snang bar gyur pa na/ dge slong gang ma
185a7 dad pa/ tshul khrims 'chal pa/ sdig pa'i chos kun tu spyod pa/ 'phyar ba sngon du 'gro ba/ rab tu dben pa la brtson pa bor ba/ snyoms las can/ le lo can/ thos pa
185b1 nyung ba dag 'byung ste/ nyan pa la 'dun par yang mi 'gyur/ chos dkon mchog 'di yang dag par gzung ba'i phyir/ gzhan dag nyan du 'jug par lta ga la 'gyur
185b2 ba de lta bu dag 'byung ngo / /byis pa so so'i skye bo thos pa dang mi ldan pa rnams ni /chos dkon mchog gi bang mdzod 'di lta bu mes tshig pa mthong na me de
185b3 bsad pa la g.yel bar gnas na/ kun dga' bo/ de ji snyam du sems/ chos dkon mchog 'di lta bu las yongs su nyams par mi 'gyur ram/ dge slong gang dgra
185b4 bcom pa zag pa zad pa de dag kyang 'dus ma byas mngon sum du byas nas/ chos bshad pa dang / rab tu bstan pa ya la bar 'dor bar gnas pa dag 'byung ste/ de dag gis
185b5 kyang ston pa la bsnyen bkur byas par mi 'gyur la/ nga'i dam pa'i chos kyang yongs su gzung bar mi 'gyur te/ chos dkon mchog gi mdzod bla na med pa de ltar ma bshad pa dang /
185b6 klog tu ma bcug pas nub par 'gyur ro/ /gsol pa/ bcom ldan 'das/ /de lta lags so/ /bde bar gshegs pa/ de lta lags so/ /kun dga' bo/ /ci nas 'dir skyes bu
185b7 mkhas pa kha cig dpes smras pa'i don shes par 'gyur zhing / /don 'di rgya cher yongs su rdzogs par bya ba'i phyir khyod la dpe bstan par bya'o/ /kun dga' bo/ 'di lta ste/ /
186a1 dper na/ mi la la mtshan mo mun pa rab tu gnag pa na rtswa'i sgron ma thogs nas bdag gi khyim du song zhing / de na'ang skye bo phal po che mun gnag de las
186a2 thar par 'dod pa rnams tshogs par 'gyur la/ mi de rtswa'i sgron ma des mun pa mun gnag las thar nas/ bdag gi khyim du zhugs te/ sgron ma de bsad nas su la'ang mi ster
186a3 na| kun dga' bo/ de ji snyam du sems/ gang sgron ma yod bzhin du skye bo mang po mun nag de las thar bar 'dod pa dag 'khod pa gang la'ang rtswa'i sgron ma mi ster na/ kun
186a4 dga' bo/ skyes bu de de ltar byed na legs par bya ba byed pa yin nam/ gsol pa/ bcom ldan 'das/ ma lags so/ /bde bar gshegs pa/ ma lags so/ /bka' stsal
186a5 pa| kun dga' bo/ de bzhin du dge slong dgra bcom pa zag pa zad pa gang 'dus ma byas kyi chos mngon sum du byas nas bskal pa grangs med pa bye bar bsgrubs pa chos
186a6 dkon mchog gi mdzod 'di mi 'chad cing rab tu mi ston gzhan dag la rgyas par mi byed na/ kun dga' bo/ ngas ston pa la bsnyen bkur byas pa ma yin la/ nga'i dam
186a7 pa'i chos yongs su bzung ba ma yin no/ /kun dga' bo/ de bas na bskal pa grangs med pa bye bar bsgrubs pa chos dkon mchog gi mdzod 'di khyod la gtad kyi/ ci nas
186b1 kyang rgyun mi 'chad pa dang / dge ba'i lam 'di rgyun du 'byung bar gzhan dag la rgya cher rab tu ston cig /skyes bu tha ma par ma gyur cig/ //bam po drug pa ste tha ma/
186b2 kun dga' bo/ dge slong ngam/ dge slong ma'am/ dge bsnyen nam /dge bsnyen ma gang la la zhig chos 'di dag la bdag kyang sgrub la/ gzhan la'ang 'chad cing rab tu ston na/ kun
186b3 dga' bo/ de la ngas bskal pa grangs med pa bye bar bsgrubs pa'i chos dkon mchog gi mdzod 'di las cha shas sbyin zhing skal pa bzhag go/ kun dga' bo/ de bas na bskal
186b4 pa grangs med pa bye bar bsgrubs pa'i byang chub 'di gang ma 'ongs pa'i sems can de rnams kyi don du khyod la lan gnyis su'ang gtad gyi/ sems can de dag chos dkon
186b5 mchog gi mdzod de lta bu ma thos pas yongs su nyams par gyur ta re/ kun dga' bo/ chos dkon mchog gi mdzod 'di lta bu ma thos pa las sems can mang po dag yongs
186b6 su nyams par 'gyur ro/ /kun dga' bo/ ngas don 'di'i dbang la brten nas bskal pa grangs med pa bye bar bsgrubs pa'i sangs rgyas kyi byang chub 'di khyod la gtad kyi/
186b7 sems can de dag chos dkon mchog gi mdzod 'di lta bu las yongs su ma nyams par gyis shig /kun dga' bo/ 'di la skyes bu mkhas pa kha cig dpes smras pa'i
187a1 don shes par 'gyur te/ de'i phyir khyod la dpe bstan par bya'o/ /kun dga' bo/ 'di lta ste/ dper na/ rgyal po rgyal rigs spyi bo nas dbang bskur pa'i
187a2 bu gcig pa zhig yod pa byes su song ste/ de byes su song ba'i 'og tu rgyal po rgyal rigs de na bar gyur la de na bar gyur pa dang / rin po che'i mdzod mang po rin po che la mkhas pa
187a3 gtams pa 'char ba rnams kyi lag tu gtad de/ khyim bdag rnams/ nga'i bu byes su song ba nam de byes nas slar log par gyur la rgyal por yang bcug par gyur pa de
187a4 na khyed kyis rin po che'i mdzod mang po 'di khyod kyi pha 'chi ba'i dus byed pa na bzhag pa yin no zhes byos la/ rin po che'i mdzod mang po 'di de la byin cig ces de skad kyang
187a5 smras nas de ltar rgyal po des shin tu legs par gtams te 'chi ba'i dus byas la/ de 'chi ba'i dus byas pa'i 'og tu rgyal po'i bu de byes nas slar log ste rgyal por
187a6 yang gcug la gser gyis bsgyur ba dang / khyim bdag de dag la so sor bzhag pa rgyal po'i bu rgyal srid kyi dbang phyug thob pa rgyal srid la gnas pa de la rin po
187a7 che'i mdzod ma byin na/ kun dga' bo/ de ji snyam du sems/ gser gyis bsgyur ba'am/ khyim bdag de dag rgyal po de la nyes par byed pa yin nam/ gsol pa/
187b1 bcom ldan 'das/ de lta lags so/ /bde bar gshegs pa/ de lta lags so/ /bka' stsal pa/ kun dga' bo/ don shes par bya ba'i phyir ngas khyod la dpe bstan pa de la
187b2 don du lta ba gang zhe na/ kun dga' bo/ rgyal po rgyal rigs spyi bo nas dbang bskur ba zhes bya ba ni de bzhin gshegs pa dgra bcom pa yang dag par rdzogs pa'i sangs rgyas
187b3 chos kyi rgyal po'i chen po'i tshig bla dwags so/ /kun dga' bo/ bu gcig pa zhes bya ba ni ma 'ongs pa'i rigs kyi bu dang / rigs kyi bu mo dad pa rnams kyi tshig bla dwags so/ /
187b4 kun dga' bo/ byas su song zhes bya ba de ni 'gro ba lnga rnams kyi tshig bla dwags so/ /kun dga' bo/ nad pa zhes bya ba de ni de bzhin gshegs pa yongs su mya ngan las 'da' ba'i
187b5 tshig bla dwags so/ /kun dga' bo/ rin po che'i mdzod mang po zhes bya ba de ni byang chub kyi phyogs kyi chos sum cu rtsa bdun gyi chos rnams kyi tshig bla dwags so/ /kun dga'
187b6 bo| khyim bdag ces bya ba de ni dgra bcom pa rnams kyi tshig bla dwags so/ /kun dga' bo/ dper na/ rgyal po de 'chi ba'i dus byed pa na nor 'jog pa de bzhin du/ kun
187b7 dga' bo/ nga'i chos dkon mchog gi mdzod bskal pa grangs med pa bye bar bsgrubs pa ma 'ongs pa'i rigs kyi bu dang / rigs kyi bu mo de dag gi don du khyod la gtad do//
188a1 de ci'i phyir zhe na/ kun dga' bo/ sems can gang dag ngas yongs su smin par byas pa de dag mi dge ba'i las kyi lam 'ga' zhig gis sems can
188a2 dmyal ba dang / dud 'gro dang / gshin rje'i 'jig rten du skyes te/ de dag nga 'das pa'i 'og tu de nas shi 'phos nas mir 'gyur ba thob ste/ dbang po rnams rgyas pa'i rgyu dang
188a3 yongs su smin pa'i rgyus nga'i bstan pa 'di la dad par 'gyur ba dag yod de/ de la kha cig ni dad pas khyim nas khyim med par rab tu 'byung bar 'gyur ro/ /kha cig ni khyim
188a4 na gnas par 'gyur ro/ /de la kha cig ni rgyun du zhugs pa'i 'bras bu thob par 'gyur ro/ /kha cig ni lan gcig phyir 'ong ba'i 'bras bu dang / kha cig ni phyir mi 'ong ba'i
188a5 'bras bu dang / kha cig ni dgra bcom pa mngon sum du byed par 'gyur ro/ /kha cig ni slob pa'i sa nas 'chi ba'i dus byed par 'gyur ro/ /kha cig ni sangs rgyas kyi sar
188a6 lhag pa'i bsam pas sems bskyed par 'gyur ro/ /kha cig ni lha dang mir skye bar bya ba'i phyir dge ba'i rtsa ba bskyed par 'gyur te/ de ltar rnyed pa de dang de dag dang ldan
188a7 par 'gyur ro/ /kha cig ni sems dang ba gcig thob par 'gyur te/ 'jig rten gyi yab des bdag cag la legs par gtad do snyam nas de dag rgya cher rab tu dad par
188b1 'gyur zhing dang ba skyed par byed do/ /kun dga' bo/ 'di ltar de dag gis chos dkon mchog 'di mnyan par bya ba'i phyir ngas chos dkon mchog gi mdzod 'di khyod la gtad do/ /kun
188b2 dga' bo khyod kyis gal te nga'i chos dkon mchog gi mdzod 'di rigs kyi bu dang / rigs kyi bu mo dad pa de dag nyan du ma btsud na/ de lta na ni kun dga' bo khyod de bzhin gshegs
188b3 pa la nyes pa byed pa yin no/ /de ci'i phyir zhe na/ kun dga' bo/ 'di ltar rigs kyi bu dang rigs kyi bu mo de dag chos dkon mchog 'di lta bu thos nas kha cig gis ni khyad par
188b4 thob par 'gyur/ kha cig gis ni rab tu dga' zhing mgu bar 'gyur/ kha cig ni chos kyi shugs kyis mchi ma 'byung zhing spu zing zhes byed par 'gyur ro/ /kun dga' bo/ gang
188b5 dag chos kyi rnam grangs 'di lta bu thos nas nga'i yon tan rjes su dran zhing chos kyi shugs kyis mchi ma 'byung la spu zing zhes byed par 'gyur na/ kun dga' bo/ dge ba'i rtsa
188b6 ba de dag thams cad kyi 'bras bu ni mya ngan las 'das pa yin te/ tha ma mya ngan las 'da' bar nga smra'o/ /kun dga' bo/ dge slong gang dag chos kyi rnam grangs 'di lta bu
188b7 'dzin la rigs kyi bu dang rigs kyi bu mo dad pa chos 'dod pa rnams 'ongs shing lhags pa dag la chos mi 'chad cing rab tu mi ston na de dag de bzhin gshegs pa la nyes pa
189a1 byed pa yin no/ /kun dga' bo/ gang dag rigs kyi bu dang rigs kyi bu mo chos don du gnyer cing nyan par 'dod de/ nyan pa rnams chos nyan pa las nyams
189a2 par byed na/ de dag de ltar snod du gyur pa rnams la mi 'chad pas bdag gi rgyud la dge ba'i rtsa ba nyams pa dang / gzhan gyi rgyud la dge ba'i rtsa ba yongs su nyams par
189a3 byed pa la zhugs pa yin no/ /de ci'i phyir zhe na/ de dag ni gang la chos bshad par bya ba dang / gang la mi bshad pa mi shes so/ /kun dga' bo/ de bas na don de rgya cher
189a4 shes par bya ba'i phyir khyod la dpe bstan par bya'o/ /kun dga' bo/ 'di lta ste/ dper na /tshong pa byis pa'i rang bzhin can la la zhig rin po che mang po khyer te 'ong ba de
189a5 byes nas 'ongs te/ 'brog dgon pa chen po chom rkun yod pa der zong de dag bkram ste rkun po'i tshogs rnams bos nas/ kye mi dag /zong 'di dag ji tsam du bzang /
189a6 ji tsam du mdzes pa ltos te/ mi khyod nga'i zong 'di dag nyos shig ces zer la/ kun dga' bo/ 'brog dgon pa der chom rkun de dag gis tshong pa byis pa'i rang bzhin
189a7 can de dbyug pas snad par brdegs nas rin po che thams cad phrogs na/ kun dga' bo/ de ji snyam du sems/ 'brog dgon pa der zong bkram nas chom rkun 'bod
189b1 pa'i tshong pa de chos dang rjes su mthun pa yin nam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan
189b2 'das/ tshong pa de chom rkun mchis pa'i 'brog dgon par zong 'grems pa'ang chos dang mthun pa ma lags na zong rnams bkram nas chom rkun 'bod pa lta smos kyang ci 'tshal/
189b3 bcom ldan 'das/ 'di ltar bgyid na ni chos dang rjes su mthun pa lags te/ gal te tshong pa de zong de dag legs par sbas nas mda' gzhu thogs shing go cha bzang po
189b4 bgos te/ 'brog dgon pa de nas legs par 'byung na de chos dang rjes su mthun pa lags so/ /de skad ces gsol pa dang / bcom ldan 'das kyis tshe dang ldan pa kun
189b5 dga' bo la 'di skad ces bka' stsal to/ /kun dga' bo/ ci ste tshong pa byis pa'i rang bzhin can de nor gyi phung po mang po dang rin po che mang po khyer te byes nas lar log ste/
189b6 grong dang grong khyer dang / grong 'dab dang / yul 'khor dang / pho brang 'khor du 'ongs te/ zong de bkram la der zong bkram pa'i rin po che rin thang chen po de dag nyo ba'i skyes
189b7 bu mkhas pa shes rab dang ldan pa zong 'dod pa rnams lhags pa dang / de nas tshong pa de zong 'dod pa'i skyes bu lhags pa de dag la mda' gzhu thogs te 'thab mo rgol
190a1 na| kun dga' bo/ de ji snyam du sems/ skyes bu de de ltar byed na chos dang rjes su mthun pa yin nam/ gsol pa/ bcom ldan 'das/ ma lags
190a2 so| |bde bar gshegs pa/ ma lags so/ bcom ldan 'das/ tshong pa des 'di ltar bgyi zhing zong 'tshal ba'i skyes bu de dag la skyes bu khyed tshur shog /zong
190a3 gi bye brag bzang po mang po 'di dag la ji tsam du bzang ba dang / ji tsam du mdzes pa ltos la nyos shig dang / rin chung ngur sbyin no zhes de skad smra zhing / bcom ldan
190a4 'das/ tshong pa des de ltar bgyi ba'i rigs te/ de ltar bgyis na de chos dang rjes su mthun gyi/ tshong dus su zong bkram nas go bgos te mchis pa ni mi rigs so//
190a5 bka' stsal pa/ kun dga' bo/ de bzhin du 'di la dge slong kha cig chos dkon mchog gi mdzod mang po 'di lta ste/ mdo'i sde dang / dbyangs kyis bsnyad pa'i sde
190a6 dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i
190a7 sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la bab par bstan pa'i sde rnams kun chub par byas nas gang
190b1 na chos dkon mchog gi mdzod 'di'i snod du gyur cing len par byed pa gang dag gis thos nas khyad par thob par 'gyur zhing dga' ba dang / mchog tu dga' ba chen po rnyed par
190b2 'gyur ba dang / de'i dge ba'i rtsa bas mya ngan las 'da' bar 'gyur ba yod pa der de dag mi 'chad kyi/ de dag gang na chos dkon mchog 'di'i snod du ma gyur cing thos nas
190b3 dang bar mi 'gyur/ dad par mi 'gyur/ mos par mi 'gyur gyi/ spong bar 'gyur ba dang / de'i mi dge ba'i rtsa ba ngan song gsum du 'gyur ba yod pa der 'chad de/ kun dga'
190b4 bo| 'di lta ste/ dper na/ tshong pa byis pa'i rang bzhin can de gang du zong de dkram pa'i rigs pa der mi 'grems par gang du dgram par mi bya ba der 'grems te/ gang
190b5 dag la sbyin pa'i rigs pa de dag la ni mi ster/ gang dag la sbyin pa'i mi rigs pa de dag la ster ba de bzhin du/ kun dga' bo/ gang dag rigs kyi bu dang rigs kyi bu
190b6 mo mngon par dad pa/ chos dang ldan pa/ chos 'dod pa/ nyan 'dod pa/ sgrub 'dod pa/ snod du gyur pa lhags pa rnams la chos mi 'chad par de gang la bshad pa'i
190b7 mi rigs pa de dag la 'chad cing / gang la bshad pa'i rigs pa de dag la mi 'chad pa dag kyang ngas de lta bu yin par mthong ngo / /kun dga' bo/ de lta bas na
191a1 gang dag snod du gyur pa/ dad pa/ nyan 'dod pa/ mya ngan las 'da' ba don du gnyer ba de dag la chos bshad par bya'o/ /gang dag snod du ma gyur
191a2 pa| ma dad pa/ glags tshol ba/ tshul khrims 'chal ba/ sdig pa'i chos can/ 'phyas tshol ba'i bsam pa can/ chos spong ba/ dam pa'i chos dang 'gal bar gnas pa
191a3 gtam du byed kyi/ rjes su mthun pa'i chos mi 'chad pa de dag la mi bshad do zhes de ltar bslab par bya'o/ /de ci'i phyir zhe na/ mi blun po de dag gis thos nas rgya cher
191a4 ma rung bar gyur ta re zhes/ kun dga' bo khyod de ltar bslab par bya'o/ /kun dga' bo khyod skyo bar ma byed cig /kun dga' bo/ dge slong don du gnyer ba rnams la
191a5 chos gus par 'chad cing / de'ang gus par nyan na/ kun dga' bo/ de gnyis ka'ang bsod nams rgya cher bskyed cing / bsod nams tshad med/ grangs med par bskyed
191a6 do| |kun dga' bo/ de ji snyam du sems/ sa'i khams dang / sems can gyi khams gang mang / gsol pa/ bcom ldan 'das/ ji ltar bcom ldan 'das kyis bshad
191a7 pa'i don bdag gis 'tshal ba ltar na/ bcom ldan 'das/ sems can gyi khams ches mang ngo / /bcom ldan 'das kyis bka' stsal ba/ kun dga' bo khyod ji skad
191b1 smra ba de bzhin te/ kun dga' bo/ sems can gyi khams ches mang gi sa'i khams ni ma yin no/ /kun dga' bo/ sems can gyi khams ches mang gi/ chu'i khams ni ma yin no/ /
191b2 me'i khams ni ma yin no/ /kun dga' bo/ yongs su brtag pa bzung ste/ stong gsum gyi stong chen po'i 'jig rten gyi khams na sems can du mngon pas mngon pa kun tu snang
191b3 bar gyur pa'am/ kun tu snang bar ma gyur pa gang dag yod pa de dag thams cad skad cig gcig dang / thang cig gcig dang / yud tsam gcig la mi'i lus thob par gyur te/
191b4 de dag mi'i lus thob nas skad cig gcig dang / thang cig gcig dang / yud tsam gcig la rang byang chub thob par gyur pa dang / kun dga' bo/ /yongs su brtag pa bzung
191b5 ste| 'jig rten gyi khams mtha' yas dpag tu med pa dag na sa'i khams ji snyed yod pa sa'i phung po gang gi mtha' mi mngon pa'i sa'i phung po de la rdul phra rab kyi rdul
191b6 ji snyed yod pa'i sa'i rdul de thams cad snyed kyi mir gyur la/ kun dga' bo/ mir gyur pa de dag kyang skad cig thang cig yud tsam gcig la snga phyi med par rang byang chub
191b7 thob par gyur pa dang / kun dga' bo/ yongs su brtag pa bzung ste/ 'jig rten gyi khams mtha' yas dpag tu med pa na gang ri'i rgyal po ri rab rnams dang / ri'i rgyal
192a1 po khor yug dang / khor yug chen po rnams dang / gangs ri dang / spos kyi ngad ldang dang / de las gzhan pa ri nag po rnams dang / stong gsum gyi
192a2 stong chen po'i 'jig rten gyi khams na rtswa dang / shing dang / lo ma dang / shing ljon pa dang / nags dang / shing gel pa dang / sman dang nags tshal ji snyed yod pa de dag la
192a3 rdul phra rab kyi rdul ji snyed yod pa/ yod pa'i dngos po'am/ brtags par blta bar bya bar snang ba de dag thams cad kyang mir gyur la/ kun dga' bo/ mir gyur pa de
192a4 dag kyang skad cig dang thang cig dang yud tsam gcig la snga phyi med par rang byang chub thob par gyur te/ kun dga' bo/ rang sangs rgyas de dag kyang ji srid du 'khor ba'i
192a5 sngon gyi mtha' mi mngon pa de srid du yun ring du gnas par gyur pa de dag la sems can gyi khams der ma gtogs pa'i khyim bdag gcig cig byung ba de'ang ji
192a6 srid 'khor ba'i sngon gyi mtha' mi mngon pa de srid du gnas par gyur te/ de nas khyim bdag de tshe'i tshad de lta bus rang sangs rgyas rnams la na bza' dang / bshos
192a7 dang / gzims cha dang / na ba'i gsos sman dang / bde bar sbyar ba thams cad kyis bsti stang byed/ bla mar byed/ rim gror byed/ mchod par byed pa dang / yongs su
192b1 mya ngan las 'das pa rnams kyi mchod rten yang rin po che sna bdun las byas nas lha dang mi'i gdugs dang / rgyal mtshan dang / ba dan rnams dang / me tog dang / phreng ba dang /
192b2 spos dang / byug pa dang / phye ma dang / na bza' dang / glu gar dang / sil snyan rnams kyis lha dang mi rnams mchod pa byed/ bsti stang byed/ bla mar byed/ rim gror byed/ rjed
192b3 par byed/ gsol bar byed na/ kun dga' bo/ de ji snyam du sems/ gzhi de las khyim bdag de bsod nams mang du skyed dam/ de skad ces bka' stsal pa dang / bcom
192b4 ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis bshad pa'i don ji ltar bdag gis 'tshal ba ltar na cang shes gcig la
192b5 bsti stang bgyis pa'ang bsod nams mang du skyed de/ grangs ma mchis/ bsam gyis mi khyab/ mtshungs pa ma mchis na/ rang sangs rgyas kyi tshogs 'di lta bu 'di la
192b6 bsti stang bgyis pa lta smos kyang ci 'tshal/ de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la bsgo'o/ /
192b7 khyod kyis khong du chud par bya'o/ /rang sangs rgyas tshul khrims dang ldan/ ting nge 'dzin dang / shes rab dang / rnam par grol ba dang / rnam par grol ba'i ye shes mthong
193a1 ba'i phung po dang ldan pa de dag thams cad khyim bdag de'i sbyin pa sbyong bar byed pa bas/ kun dga' bo/ gang de bzhin gshegs pa dgra bcom pa yang
193a2 dag par rdzogs pa'i sangs rgyas gcig 'jig rten du byung ste/ byung nas kyang khyim bdag des phul ba'i na bza' dang / bshos dang / gzims cha dang / na ba'i gsos sman
193a3 dang / yo byad rnams yongs su spyad de/ yongs su spyad nas kyang khyim bdag des de bzhin gshegs pa dgra bcom pa yang dag par rdzogs pa'i sangs rgyas de mthong ba ma
193a4 gtogs par chos kyang mi 'chad kyang / kun dga' bo/ de bzhin gshegs pa de rang bzhin gyi spyod lam ston pa tsam gyis sbyin pa rab tu mang po de sbyong bar mdzad kyi/ ji ltar
193a5 de bzhin gshegs pa rang bzhin gyi spyod lam ston pa des sbyin pa spyod par mdzad pa de ltar rang sangs rgyas tshul khrims kyi phung po dang ldan/ ting nge 'dzin gyi phung po
193a6 dang | shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan pa thams cad kyis bskal ba bye ba khrag
193a7 khrig brgya stong du'ang sbyin pa sbyong bar mi byed do/ /de ci'i phyir zhe na/ kun dga' bo/ de bzhin gshegs pa'i spyod lam yang yon tan tshad med/ grangs med/
193b1 bsam gyis mi khyab pa gang gi mtha' rtogs par sla ba ma yin pa de snyed dang ldan na sangs rgyas kyi yon tan gzhan rnams lta ci smos/ kun dga' bo/ rang sangs rgyas rnams la
193b2 yon phul ba'ang yod/ yon de tshad med/ dpag tu med par 'gyur ba'ang yod/ kun dga' bo/ tshad med dpag tu med cing dpag yas pa'i khyad par yang yod/ tha bar
193b3 du bya ba'ang yod do/ /kun dga' bo/ yon de yod de/ de med pa ma yin no/ /kun dga' bo/ /nga lta bu la gnas/ nga lta bu la brten te yon phul na yon de'i dpe bya bar
193b4 yang sla ba ma yin no/ /de ci'i phyir zhe na/ kun dga' bo/ yon de tshad med/ grangs med/ bsam gyis mi khyab/ mtshungs pa med/ dpag tu med cing zad mi shes pa'i phyir
193b5 ro| |kun dga' bo/ 'di lta ste/ dper na/ mi 'ga' zhig khe'i phyir song la de nas khe rnyed de slar 'ongs pa de bzhin du/ kun dga' bo/ rang sangs rgyas la yon phul
193b6 ba'ang ngas de dang 'dra bar mthong ngo / /nga lta bu la gnas te nga lta bu la yon phul ba la brtsams nas/ kun dga' bo/ don de nyid rgya cher shes par bya ba'i phyir khyod
193b7 la dpe bstan par bya ste/ 'di ltar 'di la skyes bu mkhas pa kha cig dpes smras pa'i don shes par 'gyur ro/ /kun dga' bo/ 'di lta ste/ dper na/ mi la la zhig
194a1 ri mo 'dri ba las des ri mo de ma legs par bris la ma legs par bris nas cung zad cung zad tsam phyis kyang / kun dga' bo/ ri mo de la sdug pa yod
194a2 mod kyi/ de bas gzhan ches sdug pa dag yod do/ /kun dga' bo/ de bzhin du rang sangs rgyas thams cad pas nga lta bu dag la brtsams pa'i yon rgyas par 'gyur ro/ /de
194a3 ci'i phyir zhe na/ kun dga' bo/ ye shes gang gis rang sangs rgyas zhes bya ba'i grangs su 'gro ba'i rang sangs rgyas kyi ye shes ni 'di las byung ngo / /de bzhin gshegs
194a4 pa ni chos thams cad mkhyen pa la khyad par du mkhas pa'o/ /kun dga' bo/ de ji snyam du sems/ gang de bzhin gshegs pa la ji srid 'tsho ba'i bar du na bza' dang /
194a5 bshos dang / gzims cha dang / na ba'i gsos sman dang / yo byad thams cad kyis bsti stang byed/ bla mar byed/ rim gror byed/ mchod par byed na bsod nams mang du
194a6 skyed dam/ gsol pa/ bcom ldan 'das/ de de lta lags so/ /bde bar gshegs pa/ de de lta lags te/ gang de bzhin gshegs pa la ji srid 'tsho'i bar du bsti stang
194a7 bgyid pa de bsod nams mang du skyed do/ /bcom ldan 'das/ de bzhin gshegs pa la sems dang bas sems gcig bskyed pa'ang gzhi de las bsod nams mang
194b1 du skyed da/ dpag tu ma mchis/ bsam gyis mi khyab/ grangs ma mchis na/ gang de bzhin gshegs pa la ji srid 'tsho'i bar du bsti stang bgyid/ bla mar bgyid/ rim gror bgyid/ mchod par
194b2 bgyid pa lta smos kyang ci 'tshal/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ /gang de bzhin
194b3 gshegs pa gcig la ji srid 'tsho'i bar du bde ba'i yo byad thams cad kyis bsti stang byed pa lta zhog la/ gnyis sam/ gsum mam/ bzhi'am/ lnga'am/ bcu'am/ nyi shu
194b4 shu'am/ sum cu'am/ bzhi bcu'am/ lnga bcu'am/ brgya'am/ stong ngam/ bye ba'am/ byed ba brgya'am/ bye ba stong ngam/ bye ba brgya stong ngam/ bye ba khrag khrig brgya stong ngam/
194b5 kun dga' bo/ dzam bu'i gling de bzhin gshegs pa dgra bcom pa yang dag par rdzogs pa'i sangs rgyas rnams kyis yongs su gang bar gyur pa dang / gling bzhi po chen po'i
194b6 'jig rten gyi khams dang / stong gnyis pa'i 'jig rten gyi khams dang / stong gsum gyi stong chen po'i 'jig rten gyi khams gang na zla ba bye ba brgya rnams dang / nyi ma bye pa
194b7 brgya rnams dang / ri rab bye ba brgya rnams dang / ri khor yug bye ba brgya rnams dang / rgya mtsho chen po bye ba brgya rnams dang / dzam+bu'i gling bye ba brgya rnams dang / shar gyi lus 'phags
195a1 bye ba brgya rnams dang / byang gi sgra mi snyan bye ba brgya rnams dang / nub kyi ba glang spyod bye ba brgya rnams te/ gling brgyad khris bskor ba rnams dang / gling
195a2 bzhi pa chen po bye ba brgya rnams dang / rgyal chen bzhi pa bye ba brgya rnams dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan
195a3 'phrul dbang byed bye ba brgya rnams dang / tshangs ris bye ba brgya rnams nas 'og min bye ba brgya rnams kyi bar 'di ni stong gsum gyi stong chen po'i 'jig rten gyi khams
195a4 zhes bya ste/ de thams cad 'di lta ste/ dper na/ bu ram shing stug po'am/ 'bras kyi zhing stug po'am/ til gyi zhing stug po'am/ 'dam bu mda' rgyu stug po'am/
195a5 'od ma stug po'am/ 'dam bu stug po'am/ seng ldeng stug po'am/ rtswa ku sha stug po bzhin du de bzhin gshegs pa dgra bcom pa yang dag par rdzogs pa'i sangs
195a6 rgyas rnams kyis kun tu gang bar gyur la/ tha na yongs su brtag pa bzung ste sangs rgyas bcom ldan 'das de dag bskal ba gang+gA'i klung gi bye ma snyed du bzhugs par
195a7 gyur la/ der khyim bdag gcig cig byung ste/ khyim bdag de'ang de srid du gnas par gyur ba des sangs rgyas bcom ldan 'das de dag la ji srid 'tsho'i bar du na
195b1 bza' dang / bshos dang / gzims cha dang / na ba'i gsos sman dang / yo byad rnams kyis bsti stang byed/ bla mar byed/ rim gror byed/ mchod par byed pa dang / sangs
195b2 rgyas bcom ldan 'das yongs su mya ngan las 'das pa rnams kyi sku gdung la'ang sku gdung gi mchod pa rin po che sna bdun gyi mchod rten byas nas lha'i gdugs dang / rgyal mtshan dang /
195b3 ba dan la sogs pa dang / spos dang byug pa thams cad dang / me tog dang / phreng ba dang / ut+pal dang / pad+ma dang / ku mu da dang / pad+ma dkar po thams
195b4 cad dang / glu dbyangs thams cad dang / rol mo'i sgra thams cad dang / lha dang mi'i mchod pa bzang po me tog nas sil snyan dang pheg rdob pa'i bar thams cad kyis bsti
195b5 stang byed/ bla mar byed/ rim gror byed/ mchod par byed na/ kun dga' bo/ de ji snyam du sems/ gzhi de las khyim bdag de bsod nams mang du skyed dam/ gsol
195b6 pa| bcom ldan 'das/ de bzhin gshegs pa gcig la khyim bdag des bshos gsol na'ang bsod nams mang du skyed de/ dpag tu ma mchis grangs ma mchis na de
195b7 bzhin gshegs pa'i tshogs de snyed cig bskal ba de snyed du bzhugs pa la bsti stang bgyid/ bla mar bgyid/ rim gror bgyid/ mchod par bgyid pa dang / yongs su
196a1 mya ngan las 'das pa rnams kyi mchod rten la de lta bu'i bsti stang bgyid pa lta smos kyang ci 'tshal/ bcom ldan 'das/ de bzhin gshegs pa'i
196a2 tshogs de lta bu la de lta bu'i bsti stang bgyis pa khyim bdag de bzhi de las bsod nams 'di snyed cig bskyed do zhes bsod nams kyi phung po de dpe bstan du mi nus so/ /
196a3 de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la bsgo'o/ /kun dga' bo khyod
196a4 kyi khong du chud par bya'o/ /khyim bdag gang gis de bzhin gshegs pa de snyed cig bskal pa de snyed du bzhugs pa la bsti stang byas/ bla mar byas/ rim gror byas/
196a5 mchod par byas pa dang / yongs su mya ngan las 'das pa rnams kyi mchod rten la de lta bu'i bsti stang byas pa'i bsod nams bskyed pa bas/ kun dga' bo/ rigs kyi
196a6 bu'am/ rigs kyi bu mo dad pa rab tu mang ba/ lhag pa'i bsam pas zhugs pa/ sangs rgyas bcom ldan 'das kyi byang chub la mi rtog par mngon par dad cing yid
196a7 chos la/ mos pa gang gis chos thams cad mi rtag pa'am/ sdug bsngal ba'am/ stong pa'am/ bdag med pa'o zhes legs par gsungs pa'i chos la yang dag
196b1 par zhugs shing tshig tu smra na/ kun dga' bo/ 'di ni de bas bsod nams ches mang du bskyed do/ /kun dga' bo/ gang bla na med pa'i chos dkon mchog 'di lta bu bsti stang
196b2 du bya te gzhan la 'chad dam/ rab tu ston na bsod nams ji tsam du rgya cher skyed pa dang / ji tsam du tshad med pa dang / ji tsam du grangs med pa dang / ji tsam du bsam gyis
196b3 mi khyab pa dang / ji tsam du mtshungs pa med pa dang / ji tsam du dpag tu med pa'i bsod nams bskyed pa la ltos/ de ci'i phyir zhe na/ kun dga' bo/ /'di ltar de las gzhan
196b4 pa'i sbyin pa rnams ni zag pa dang bcas shing nyon mongs pa dang bcas pa ste/ 'khor bar rgyu ba yin la/ kun dga' bo/ bskal pa grangs med pa bye bar bsgrubs pa'i chos
196b5 dkon mchog gi mdzod zang zing med pa bla na med pa 'di ni 'khor ba'i rgyun gcod par 'gyur ba'i phyir ro/ /kun dga' bo/ chos dkon mchog bla na med pa 'di thos na
196b6 sems can skye ba'i chos can rnams skye ba las yongs su thar bar 'gyur/ sems can na ba'i chos can dang / 'chi ba'i chos can dang / mya ngan dang / smre sngags 'don pa
196b7 dang | sdug bsngal ba dang / yid mi bde ba dang / 'khrug pa'i chos can rnams 'khrug pa'i bar las yongs su thar bar 'gyur ro/ /kun dga' bo/ /don gyi gzhi 'di mthong
197a1 nas gang chos gus par 'chad pa dang / gang chos gus par nyan pa gnyis ni bsod nams mang du bskyed do zhes nga smra'o/ /de skad ces bka' stsal
197a2 nas| bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo/ lhag pa'i bsam pas zhugs shing yang dag par bsgrub par
197a3 'dod pas sangs rgyas bcom ldan 'das kyi bstan pa la mi rtog par mngon par dad cing mos nas chos legs par gsungs pa yin pa dang / dge 'dun legs par
197a4 zhugs pa yin pa dang / 'du byed thams cad mi rtag pa'am/ sdug bsngal ba'am/ zhi ba'am/ stong pa'am/ bdag med pa yin par yid par yid ches na/ kun dga' bo/ 'di
197a5 ni de bas ches bsod nams mang du bskyed de/ tshig tsam ma yin no/ /kun dga' bo/ gang la la zhig gis ru shing bzhin du byas/ yid la byas/ sems thams cad
197a6 kyis bsams nas rna blags te chos nyan pa dang / mnyan nas kyang tha nas se gol gtogs pa tsam yang mi rtag pa'am/ sdug bsngal ba'am/ stong pa'am/ bdag med
197a7 par yang dag pa ji lta ba bzhin du rab tu shes na/ kun dga' bo/ de 'jig rten gyi khams mtha' yas mu med pa dag nas sems can gyi khams yod pa'i sems can ji
197b1 snyed pa thams cad ni ches mang gi/ sa'i khams ma yin/ chu'i khams ma yin/ me'i khams ma yin/ rlung gi khams ma yin no zhes de skad bya ba de dag thams cad yongs su
197b2 brtag pa gzung ste/ skad cig dang / thang cig dang / yud tsam cig la snga phyi med par mir gyur la/ skad cig dang / thang cig dang / yud tsam cig la bla na med pa yang dag par
197b3 rdzogs pa'i byang chub mngon par rdzogs par sangs rgyas te/ khyim bdag gcig cig kyang byung la/ sangs rgyas bcom ldan 'das de dag ji tsam du 'khor ba'i sngon gyi mtha' mi
197b4 mngon pa de srid du yun ring du bzhugs te/ khyim bdag de'ang bskal pa de srid du gnas bar gyur la/ des sangs rgyas bcom ldan 'das de snyed la na bza' dang / bshos dang /
197b5 gzims cha dang / na ba'i gsos sman dang / yo byad dang / bde bar sbyar ba thams cad kyis bsti stang byed/ bla mar byed/ rim gror byed/ mchod par byed pa dang / yongs su mya
197b6 ngan las 'das pa rnams kyi mchod rten rin po che sna bdun las byas te/ lha'i gdugs dang / rgyal mtshan dang / ba dan rnams dang / me tog dang / phreng ba dang / spos dang /
197b7 byug pa thams cad dang / bdog pa thams cad kyis bsti stang byed/ bla mar byed/ rim gror byed/ mchod par byed na/ kun dga' bo/ de ji snyam du sems/ khyim bdag
198a1 de gzhi de las bsod nams mang du skyed dam/ gsol ba/ bcom ldan 'das/ khyim bdag des de bzhin gshegs pa gcig mnyes par bgyis/
198a2 bsti stang bgyis/ bla mar bgyis/ rim gror bgyis/ mchod par bgyis na'ang gzhi de las bsod nams mang du skyed de/ bsod nams tshad ma mchis/ grangs ma mchis/
198a3 bsam gyis mi khyab/ mtshungs pa ma mchis/ dpag tu ma mchis pa bskyed par 'gyur na/ de bzhin gshegs pa'i tshogs de lta bu la bskal pa de snyed du bsti stang
198a4 bgyis/ bla mar bgyis/ rim gror bgyis/ mchod par bgyis pa lta smos kyang ci 'tshal/ de skad ces gsol ba dang / bcom ldan 'das kyis tshe dang ldan pa kun dga'
198a5 la 'di skad ces bka' stsal to/ /kun dga' bo/ de de bzhin no/ /khyod ji skad zer ba bzhin te/ de bsod nams tshad med pa skyed do/ /kun dga' bo/ de bas na khyod la
198a6 bsgo'o/ /khyod kyis khong du chud par bya'o/ /gang khyim bdag des de bzhin gshegs pa de snyed cig la bde ba'i yo byad thams cad kyis bskal pa de snyed du bsti stang
198a7 byas/ bla mar byas/ rim gror byas bas bsod nams bskyed pa bas/ gang gis ru shing bzhin du byas/ yid la byas/ sems thams cad kyis bsams te rna blags/
198b1 sems rtse gcig tu byas nas chos nyan cing se gol gtogs pa tsam yang 'du byed thams cad mi rtag pa'am/ sdug bsngal ba'am/ zhi ba'am/ stong pa'am/ bdag med pa'o
198b2 zhes yid la byed na 'di de bas bsod nams ches mang du skyed de/ kun dga' bo/ gang chos gus par 'chad pa dang / gang chos gus par nyan pa ni bsod nams ches mang
198b3 du skyed do/ /kun dga' bo/ ngas 'di la dgongs nas 'di skad du/ rnam pa gnyis kyi don gyi phyir/ /sangs rgyas bshad pa mnyan par bya/ /zag pa rnams kyang zad par 'gyur//
198b4 byang chub nye bar gyur par 'dod/ gang zhig chos rnams 'chad pa dang / /drang srong rgyal mtshan gang 'dzin pa/ /gnyis ka bsod nams ldan par 'gyur/ /chos ni drang srong
198b5 rgyal mtshan yin/ /zhes bshad do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ gang chos gus par 'chad pa
198b6 dang / gang chos gus par nyan pa 'di gnyis ni bdud dang lhan cig tu g.yul 'dre ba'o/ /de ci'i phyir zhe na/ kun dga' bo/ 'di lta ste/ dge ba'i bshes gnyen nyid dang /
198b7 dge ba'i grogs su gyur pa nyid dang / dge ba'i bshes gnyen dang ldan pa 'di ni tshangs par spyod pa yongs su rdzogs bar byed pa'o/ /de ci'i phyir zhe na/ kun dga' bo/
199a1 dge ba'i bshes gnyen la brten nas sems can skye ba'i chos can rnams skye ba las yongs su thar bar 'gyur ba nas sems can 'khrug pa'i
199a2 chos can rnams 'khrug pa las yongs su thar bar 'gyur ro/ /kun dga' bo/ ngas nyan thos rnams la yang dag pa'i lta ba 'byung ba'i rgyu gnyis dang / rkyen gnyis ni/
199a3 'di lta ste/ gzhan gyi sgra dang / so so rang gi tshul bzhin yid la byed pa'o zhes gsungs pa'ang de yin te/ kun dga' bo/ de dag las gzhan gyi sgra ni sangs rgyas bcom
199a4 ldan 'das rnams las byung bar rig par bya'o/ /gang so so rang gi tshul bzhin yid la byed pa de'ang sangs rgyas bcom ldan 'das nyid las byung bar rig par bya'o/ /
199a5 de ci'i phyir zhe na/ kun dga' bo/ 'di ltar byis pa so so'i skye bo rnams la so so rang gi tshul bzhin yid la byed pa med pa'i phyir ro/ /de ci'i phyir zhe na/ sangs rgyas
199a6 rnams ma byung na byis pa so so'i skye bo rnams ci zhig yid la bya ba mi shes kyi/ chos 'di dag yid la bya'o zhes de bzhin gshegs pa nyid kyis bstan pa'i phyir ro/ /kun
199a7 dga' bo/ ngas don gyi gzhi 'di mthong nas so so rang gi tshul bzhin yid la byed pa de'ang sangs rgyas bcon ldan 'das rnams las byung bar rig par bya'o zhes de
199b1 skad bshad do/ /de nas bcom ldan 'das kyis de'i tshe tshigs su bcad pa 'di dag gsungs so/ /skyes bu dam pa rnams ni mthong na legs/ /the tshom rnams ni gcod cing sel
199b2 bar byed/ /byis pa rnams kyang rab tu mkhas par byed/ /de bas mkhas pa rnams ni mthong na legs/ /'phags pa rnams ni mthong na bde/ /dam pa rnams dang 'grogs pa'ang
199b3 bde/ byis pa rnams ni ma mthong na/ /dam pa rnams la rtag tu bde/ kun dga' bo/ 'di lta ste/ dge ba'i bshes gnyen dang / dge ba'i grogs su gyur pa dang / dge ba'i
199b4 bshes gnyen gya gyu med pa nyid ni tshangs par spyod pa 'di rdzogs par byed pa'o zhes bya ba'ang ngas 'di la dgongs te tshig de skad smras so/ /de ci'i phyir zhe na/ kun dga' bo
199b5 dge ba'i bshes gnyen la brten nas sems dge bar 'gyur ro/ /sems dge bas bsam pa dge bar 'gyur/ sbyor ba dge bar 'gyur/ dge ba'i chos la sems dang bar
199b6 'gyur/ dge ba'i chos la nye bar gnas par 'gyur/ sangs rgyas bcom ldan 'das rnams la shes nas dad bar 'gyur/ chos la shes nas dad par 'gyur/ dge 'dun la
199b7 shes nas dad par 'gyur/ 'phags pa dgyes pa'i tshul khrims rang dbang can mkhas pas bsngags pa/ mya ngan las 'da' bar 'gyur ba rnams thob par 'gyur ro/ /
200a1 kun dga' bo/ 'di lta ste/ dper na/ char rab tu bab na shang shong rnams yongs su gang bar byed do/ /shang shong rnams yongs su gang nas chu dran rnams
200a2 brug par byed do/ /chu bran rnams brug nas klung chen po rnams brug par byed do/ /klung chen po brug pa rnams kyis mtsho chen po rgya mtsho yongs su gang bar 'gyur ro/ /kun dga'
200a3 bo/ de bzhin du dge ba'i bshes gnyen dang / dge ba'i grogs su gyur ba dang / dge ba dang rab tu ldan pa dang / dge ba gtso bor gyur pa dang / dge ba'i sems nyid la
200a4 brten nas dge ba'i rtsa ba'i stobs bskyed pa thob pa rnams ni rjes su mthun pa'i chos kyi bar du bsgrubs pas rab tu mthar thug pa dang / rab tu dri ma med pa dang / rab
200a5 tu tshangs par spyod pa dang / rab tu mthar phyin par 'gyur ro/ /kun dga' bo/ phyi rol gyi dngos por gyur pa 'di dag kyang dus la bab na skye bar 'gyur ba dang / me tog
200a6 dang / yal ga dang / 'bras bu 'byin pa la ltos/ kun dga' bo/ 'di ltar phyi rol gyi dngos po 'di dag kyang slu bar mi byed na khyed kyi legs par spyad pa mi slu ba lta ci
200a7 smos te/ de ni gnas med do/ /kun dga' bo/ legs par spyad pa ni su la'ang mi slu'o/ /legs par spyad pa spyod cig /kun dga' bo/ nga'ang legs par spyad bas
200b1 ma bslus so/ /kun dga' bo/ nga sngon byang chub sems dpa'i spyad pa spyod pa na/ legs par spyad pa gang yin pa de dag spyod de/ legs par spyad pa des nga ma bslus sa/ kun
200b2 dga' bo/ de bzhin gshegs pa lam gang nas gshegs pa de na gangs mthon dman dang / ngam grog dang / g.yang sa dang / stor khung dang / shod khud dang / sdong
200b3 du ma dang / tsher ma stug po de dag thams cad 'dud cing med par 'gyur pa dang / sa dma' ba mthong por 'gyur ba dang / mthon po dma' bar 'gyur pa dang / shing rnams
200b4 rab tu 'dud pa dang / shing gi lha rnams phyag 'tshal ba dang / tshong dus dang / srang dag na skye bo gang dag 'khod pa de dag de bzhin gshegs pa bzhud pa'i rjes su 'brang
200b5 ste/ de bzhin gshegs pa 'das nas de dag slar rang gi gnas na 'khod pa la ltos/ kun dga' bo/ sngon sangs rgyas bcom ldan 'das rnams dang / rang sangs
200b6 rgyas rnams dang / dgra bcom pa rnams dang / byang chub sems dpa' rnams dang / dge ba'i bshes gnyen yid du 'ong ba rnams dang / dge sbyong dang / bram ze rgan pa
200b7 rnams la rtag tu gus pa dang / 'dud pa dang / phyag 'tshal ba'i legs par spyad ba'i rgyu mthun pa la ltos/ kun dga' bo/ phyi rol gyi dngos po sems med pa'ang de
201a1 bzhin gshegs pa la 'dud cing phyag 'tshal ba dang / mtho bar 'gyur ba dang / dngos po gang dag dma' bar 'os pa'am/ mtho bar 'os pa
201a2 de dag de bzhin gshegs pa mthong ma thag tu dma' ba dang mtho bar 'gyur ba legs par spyad pa'i khyad par la ltos/ 'di la mi blun po kha cig ni nga rgyal gyi zil
201a3 gyis non/ /nga rgyal gyis bslad/ nga rgyal gyis sems yongs su gdungs nas su la'ang mi 'dud do/ /kun dga' bo/ de bzhin gshegs pa'i phyag dra bar 'brel ba
201a4 dang / zhabs dra bar 'brel ba de dag thams cad kyang legs par spyad pa las gyur pa la ltos/ kun dga' bo/ gang ngas sngon sbyin pa dang / tshig snyan pa dang / don
201a5 spyad pa dang / don mthun pas sems can rnams bsdus pa sngon gyi legs par spyad pa de dag la ltos/ kun dga' bo/ nga sngon byang chub sems dpa'i spyad pa spyod pa na
201a6 'di ni nga'i ma yin/ 'di ni nga'i pha yin/ 'di ni phu nu bo/ 'di ni sring mo/ 'di ni nye du/ 'di ni mdza' bo/ 'di ni mi mdza' ba yin no snyam pa de lta bur ma gyur gyi/
201a7 kun dga' bo/ nga ni sems can thams cad la sems ro gcig pa dang / sems mnyam zhing sems mi mnyam pa med pa dang / bdag gi sems su gyur to/ /kun
201b1 dga' bo/ yun ring po 'di na gang ngas sbyin pa dang / tshig snyan pa dang / don spyad pa dang / don mthun pas ma bzung ba'i sems can de ni rnyed par sla ba ma yin na byis pa so so'i skye bo
201b2 rnams ni de ltar bzung bar mi shes so/ /ji ltar 'khor ba'i sngon gyi mtha' mi mngon pa bzhin du byis pa so so'i skye bo rnams kyis bde ba myong ste/ kun dga' bo/ byis pa so so'i
201b3 skye bo thams cad kyis rang gis bsod nams mngon par 'dus byas pas bde ba myong bar gyur pa de bas ni gang ngas sems can gcig la bde bar sbyar zhing bsgrubs pa 'di
201b4 ches mang ste/ ngas sems can rnams la bde bar sbyar ba bsgrubs pa tsam ni sems can de dag gis rang gis bsod nams mngon par 'dus byas pas bde ba ma myong ngo / /
201b5 kun dga' bo/ /'on kyang bde bar sbyor ba de dag thams cad ni mi rtag ba ste/ 'gyur ba'i chos can no/ /gang nga sngon byang chub sems dpa'i spyad pa spyod pa na byis pa so so'i skye
201b6 bo rnams la bde bar sbyor ba thams cad nye bar sbyar ba de dag thams cad ni lam 'di la dgod pa'i phyir yongs su smin par 'gyur ba sha stag go/ /de ltar bde ba gang gis
201b7 ngas khyed bde bar byas pa 'dus ma byas pa'i bde ba/ 'phags pa zag pa med pa'i bde ba/ de dag ni nam yang phyis yongs su mi 'gyur zhing chud za bar mi 'gyur ro/ /
202a1 kun dga' bo/ de bas na 'phags pa'i ye shes kyis bya ba byos shig /kun dga' bo/ ye shes kyi bya bas bya ba byos shig /ngas ni byas zin
202a2 to| |kun dga' bo/ spyod pa gzhan yang tha na sems dad pa gcig bskyed pa'i dge ba'i rtsa ba'i rnam par smin pa ngas bshad zin to/ /kun dga' bo/ sems can dge
202a3 ba'i rtsa ba byas pa/ dge ba'i rtsa ba bskyed pa/ mya ngan las 'das pa'i sa bon bskyed pa dag kyang yod do/ /kun dga' bo/ sems can gang dag gis de bzhin gshegs
202a4 pa yang dag par rjes su dran nas nga 'di lta bur zad cing yongs su nyams pa thos na dga' ba tsam mam dad pa tsam gyis mchi ma 'byung ba dag kyang yod do/ /kun dga'
202a5 bo| de bzhin gshegs pa rjes su dran nas shugs ring po 'byin pa'i sems can dag kyang yod/ spu zing zhes byed pa dag kyang yod de/ sems can de dag ni sems
202a6 can dmyal ba dang / dud 'gro'i skye gnas dang / gshin rje'i 'jig rten du mi 'gro zhing yang dag par rdzogs pa'i byang chub tu nges par gzhol ba dag go/ kun
202a7 dga' bo/ de bzhin du gang la la nga rjes su dran nas chos kyi shugs kyis mchi ma 'byung ba'am/ spu zing zhes byed pa'am/ shugs ring du 'byin par 'gyur ba'i sems
202b1 can de dag thams cad ni/ kun dga' bo/ dud 'gro'i skye gnas dang / gshin rje'i 'jig rten du mi 'gro'o/ /log par ltung ba thams cad du mi 'gro'o/ /kun dga' bo/ de bas
202b2 na bag yod pa la brtson par gyis shig /kun dga' bo/ sangs rgyas bcom ldan 'das rnams kyi byang chub ni bag yod pas thob cing de las gzhan pa'i dge ba byang chub kyi
202b3 phyogs kyi chos rnams kyang bag yod pas thob bo/ /kun dga' bo/ gang 'doms pa pos bya ba dang / gang don 'dod pa dang / phan pa dang bde ba 'dod pa dang / phan par dga'
202b4 ba dang /snying rje can dang / snying brtse ba can gyis snying brtse ba'i phyir bya ba de dag ngas byas kyi/ da ni khyed kyis ci nas kyang dge ba'i lam rgyun chad par mi 'gyur ba dang / dam
202b5 pa'i chos kyi tshul nub par mi 'gyur bar gyis shig /kun dga' bo/ ci nas kyang dam pa'i chos kyi tshul 'di yun ring du gnas par 'gyur ba dang /lha dang mi rnams la yangs
202b6 shing rgya cher 'gyur bar gyis shig /kun dga' bo/ chos dkon mchog gi mdzod 'di ci nas kyang rab tu mi 'jigs par bya ba'i phyir ngas khyod la gtad do/ /'di ni ngas
202b7 rjes su bstan pa'o/ /'di ni nga'i rjes su bstan pa'o/ /dam pa'i chos yongs su gtad pa zhes bya ba'i le'u ste bcu gnyis rdzogs so// //de nas bcom
203a1 ldan 'das la tshe dang ldan pa kun dga' bos 'di skad ces gsol to/ /bcom ldan 'das/ bdag gis ji ltar bsgrub par bgyi/ bcom ldan 'das/
203a2 bdag gis ji ltar bsgrubs na dam pa'i chos kyi tshul 'di yun ring du gnas pa dang / lha dang mi rnams la yangs shing rgya che bar 'gyur/ bcom ldan 'das/ chos kyi tshul
203a3 'di bdag gis ji ltar yang dag par bsdu bar bgyi/ ji ltar rab tu bstan par bgyi/ de skad ces gsol ba dang / bcom ldan 'das kyis tshe dang ldan pa kun dga' bo la
203a4 'di skad ces bka' stsal to/ /nga yongs su mya ngan las 'das pa'i 'og tu dge slong gnas brtan dag 'dus nas chos dang 'dul ba yang dag par sdud par byed de/
203a5 de la/ kun dga' bo/ gnas brtan 'od srung chen po la sogs pa dge slong gnas brtan dag khyod la 'di skad 'dri'o/ /kun dga' bo/ de bzhin gshegs pas bstan
203a6 pa chen po dag gang du gsungs/ gling gzhi chen po'i rnam grangs dag gang du/ mnyam par bzhag pa chen po gang du/ lnga pa dang gsum pa gang du/ lhas zhus pa dag
203a7 gang du/ brgya byin gyis zhus pa dag gang du/ lha yul nas babs pa gang du/ tshangs pa'i dri ba gang du gsungs zhes/ kun dga' bo/ dge slong de dag rnam grangs de dag
203b1 gis khyod la de skad 'dri bar 'gyur ro/ /kun dga' bo/ de bzhin gshegs pas mdo'i sde dag gang du gsungs/ dbyangs kyis bsnyad pa'i sde dang / lung bstan pa'i sde dang /
203b2 tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang / shin tu rgyas
203b3 pa'i sde dang / rmad du byung ba'i chos kyi sde dang /gtan la dbab par bstan pa'i sde dag gang du gsungs/ kun dga' bo/ de bzhin gshegs pas nyan thos kyi sde snod gang
203b4 du gsungs/ rang sangs rgyas kyi sde snod gang du gsungs/ theg pa chen po byang chub sems pa'i sde snod gang du gsungs zhes/ kun dga' bo/ de na dge slong de dag gis khyod
203b5 la de skad dris pa dang 'di skad lung ston cig /'di skad bdag gis thos pa dus gcig na/ bcom ldan 'das dang po mngon par rdzogs par sangs rgyas nas yul ma ga
203b6 d+ha na byang chub kyi snying po la bzhugs/ 'di skad bdag gis thos pa dus gcig na/ bcom ldan 'das ri ga yA la bzhugs/ 'di skad bdag gis thos pa dus gcig na/
203b7 bcom ldan 'das yul ma ga d+hA na ra rdzi'i shing n+ya gro d+ha'i drung na bzhugs/ 'di skad bdag gis thos pa dus gcig na/ bcom ldan 'das yul wA ra NA si na drang srong
204a1 lhung ba ri dwags kyi nags na bzhugs/ 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri dang
204a2 lus 'phags ri yangs pa'i steng na dbang po'i brag phug na bzhugs/ 'di skad bdag gis thos pa dus gcig na/ bcom ldan 'das rgyal po'i khab na 'od ma'i
204a3 tshal bya ka lan+ta ka gnas pa na bzhugs/ 'di skad bdag gis thos pa dus gcig na/ bcom ldan 'das drang srong gi ri'i ngos srin bu'i brag la bzhugs/ 'di skad
204a4 bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs/ 'di skad bdag
204a5 gis thos pa dus gcig na/ bcom ldan 'das yul yangs pa can na shing a mras skyong ma'i tshal dang / spre'u rdzing gi 'gram na khang pa brtsegs pa'i gnas na bzhugs/
204a6 de bzhin du yul tsam+pa na gargas brkos pa'i rdzing gi 'gram na bzhugs/ de bzhin du ga yA na ga yA mgo'i ri la bzhugs/ de bzhin du yul ko'u sham+bi na sgras mngon
204a7 gyi kun dga' ra ba na bzhugs/ yul gnas bcas na nag po'i kun dga' ra ba na bzhugs/ skya snar gyi bu na bu mang po pa'i mchod rten gyi drung na bzhugs/ yul
204b1 bcom brlag na bya gag gi kun dga' ra ba na bzhugs/ 'di skad bdag gis thos pa dus gcig na/ bcom ldan 'das ku sha'i grong khyer na gyad rnams nye bar gnas pa shing
204b2 sA la'i tshal na bzhugs zhes/ kun dga' bo/ rnam grangs de dag gis gang dang gang du de bzhin gshegs pas chos bshad pa dang / 'khor gang dang gang dang / dus
204b3 tshigs gang dang gang du dang / don gang la brten pa dang / gang zag gang las brtsams pa dang / ye shes gang dang gang bstan pa'i phyir rnam grangs gang dang gang gis gsungs pa
204b4 dang / don dang / tshig dang / yi ge gang dang gang dag gis rnam grangs gang dang gang gsungs pa de la khyod kyis gleng gzhi dang bcas pa dang / rgyu dang bcas pa dang / rkyen dang
204b5 bcas pa dang / don bzang po dang / tshig 'bru bzang por rgyas par ston cig /mdo sde'i mjug tu'ang bcom ldan 'das kyis de skad ces bka' stsal nas/ thams cad dang ldan
204b6 pa'i 'khor yi rangs te/ bcom ldan 'das kyis gsungs pa la mngon par bstod do zhes bris shig /kun dga' bo/ chos kyi tshul 'di de ltar yang dag par bsdu par
204b7 bya'o/ /de ltar rnam par dbye bar bya'o/ /de ltar rab tu bstan par bya'o/ /de bzhin gshegs pa dgra bcom pa yang dag par rdzogs pa'i sangs rgyas kyis/ 'di skad
205a1 bdag gis thos pa dus gcig tu/ bcom ldan 'das zhes bya ba'i tshig de skad ces gsungs ma thag tu de nas de'i tshe 'jigs shing spu zing zhes byed pa
205a2 dang bcas pa'i sa g.yos pa chen po 'jig rten du byung ste/ stong gsum gyi stong chen po'i 'jig rten gyi khams 'di'ang de'i tshe rnam pa drug tu g.yo/ rab tu g.yo/ kun tu rab
205a3 tu g.yo/ ldeg /rab tu ldeg /kun tu rab tu ldeg /'gul/ rab tu 'gul/ kun tu rab tu 'gul/ 'ur 'ur/ rab tu 'ur 'ur/ kun tu rab tu 'ur 'ur/ 'khrugs/ rab
205a4 tu 'khrugs/ kun tu rab tu 'khrugs/ chem chem/ rab tu chem chem/ kun tu rab tu chem chem/ shar phyogs dma' na nub phyogs mtho/ nub phyogs dma' na shar
205a5 phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ mtha' dma' na dbus mtho/ dbus dma' na mtha' mtho bar gyur to/ /
205a6 de'i tshe lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / brgya byin dang / tshangs pa dang /
205a7 'jig rten skyong ba rnams dang / mi dang / mi ma yin pa dpag tu med pa dag rab tu ngu ste mchi ma byung zhing tshig 'di skad du/ bcom ldan 'das yongs su mya ngan las
205b1 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /'jig rten gyi mig mi snang bar 'gyur ba ha cang myur ches so/ /
205b2 'jig rten gyi mig ma mchis shing long bar 'gyur ba ha cang myur ches so zhes zer ro/ /tshe dang ldan pa kun dga' bo'ang rab tu du zhing mchi ma byung nas/ bcom ldan
205b3 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /'jig rten gyi mig mi snang bar 'gyur
205b4 ba ha cang myur ches so/ /'jig rten gyi mig ma mchis shing long bar 'gyur ba ha cang myur ches so/ /'jig rten yongs su 'dren pa ma mchis par 'gyur ba ha cang myur ches so/ /
205b5 zhes zer ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo thong / mya ngan ma byed/ smre sngags ma 'don/ kun dga' bo/ gang
205b6 skyes shing byung ba/ byas pa/ 'dus byas pa/ bsags pa/ rten cing 'brel bar 'byung ba/ rab tu 'jig pa'i chos can de dag rab tu mi 'jig par ga la 'gyur te/ de ni
205b7 gnas med do/ /kun dga' bo khyod kyis nga la yun ring du byams pa'i lus kyi las dang / byams pa'i ngag gi lus dang / byams pa'i yid kyi las phan pa dang / bde ba
206a1 dang / gnyis su med pa dang / khon med pa dang / tshad med pa dang / gnod pa med pas bsnyen bkur byas so/ /kun dga' bo khyod mthu che ba dang /
206a2 gzi che ba dang / rgya che ba dang / bdud rtsi lta bu dang / bdud rtsis klas pa dang / bdud rtsis mthas gtugs par 'gyur ro/ /kun dga' bo/ de bas na tshangs pa mtshungs
206a3 par spyod pa rnams la byams pa'i lus dang ngag dang yid kyi las kyis gnas par bya'o zhes kun dga' bo khyod kyis de ltar bslab par bya'o/ /de las gzhan pa'i tshangs
206a4 par spyod pa rnams la'ang khyod kyis de ltar bsnyen bkur bya'o/ /de ci'i phyir zhe na/ kun dga' bo/ nga yongs su mya ngan las 'das nas phyi ma'i dus phyi ma'i tshe lnga brgya pa
206a5 tha ma la zad pa'i dus/ 'jig pa'i dus/ dge slong tshul khrims dang ldan pa yongs su zad cing yongs su nyams par 'gyur ba'i dus/ tshul khrims dang mi ldan
206a6 pa'i phyogs mngon par 'phel ba'i dus/ dam pa'i chos yongs su nyams par 'gyur ba'i dus/ chos ma yin pa'i phyogs shas che bar 'gyur ba'i dus/ dam
206a7 pa'i chos spong ba'i dus/ rgyal po 'khrug pa'i dus/ sems can rnam par 'jig pa'i dus/ chos dang 'bral ba'i dus/ dge slong dang 'bral ba'i dus/ 'khrug
206b1 pa'i dus de lta bur gyur pa de na/ kun dga' bo/ dge slong phal cher lus ma bsgoms pa dang / sems dang tshul khrims ma bsgoms pa dang / shes rab ma bsgoms par 'gyur
206b2 te/ de lus ma bsgoms pa nas shes rab ma bsgoms pa'i bar du gyur pas gnas drug la chags par 'gyur te/ drug gang zhe na/ 'di lta ste/ lhung bzed la chags pa dang /
206b3 chos gos la chags pa dang / bsod snyoms la chags pa dang / mal stan la chags pa dang / na ba'i gsos sman dang / yo byad la chags pa dang / snod bzang po la chags
206b4 par 'gyur ro/ /de dag lhung bzed kyi phyir 'thab mor gyur/ shags su gyur nas gcig la gcig kha'i mtshon mdung thung gis rtsod cing 'gyed par 'gyur/ gcig
206b5 la gcig mi snyan ba sgrogs par 'gyur/ gcig la gcig zhe sdang bar 'gyur ro/ /de bzhin du chos gos dang / bsod snyoms dang / na ba'i gsos sman dang / yo byad
206b6 kyi phyir gcig la gcig zhe sdang ba'i bar du 'gyur ro/ /gcig la gcig kun nas mnar sems dang ldan pa dang / tha ba'i sems dang ldan pa dang / ma dad pa'i sems
206b7 dang ldan pa dang / zhe 'gras pa dang / rnam par kun nas mnar sems dang / ma dad pa'i sems dang ldan par 'gyur ro/ /kun dga' bo/ de lta bas na snang ba'am/
207a1 dpen pa'am/ phra ba'am/ rags pa'am/ bsam pa'am/ sbyor ba na'ang rung / tshangs pa mtshungs par spyod pa rnams la byams pa'i lus kyi
207a2 las kyis gnas par bya'o/ /byams pa'i ngag gi las dang / byams pa'i yid kyi las kyis tshangs pa mtshungs par spyod pa rnams la gnas par bya'o zhes kun dga'
207a3 bo khyod kyis de ltar bslab par bya'o/ /de ci'i phyir zhe na/ kun dga' bo/ 'di ltar 'khrug pa chen po'i dus de lta bur gyur cing / tshe snyigs ma dang / lta ba snyigs ma
207a4 dang / nyon mongs pa snyigs ma dang / dus snyigs ma dang / sems can snyigs ma dang / zhing snyigs mar gyur pa de'i tshe khyim pa rnams kyang sdug bsngal bar gyur
207a5 te/ sdug bsngal du nye bar ltung / sdug bsngal gyis gtses/ mu ges gtses/ nad kyis gtses/ 'chi bas gtses/ chom rkun gyis gtses/ char mi 'bab pa dang /
207a6 ha cang char ches pas gtses/ dus dang bye bas gtses shing 'tshe ba rnam pa sna tshogs de dag dang gzhan dag gis kyang gtses par 'gyur te/ kun dga' bo/ bram
207a7 ze dang khyim bdag de dag de ltar sdug bsngal bar gyur cing sdug bsngal dang ldan pas dad par 'gyur ro/ /mngon par dad cing rnam par mi rtog pa med pas sangs
207b1 rgyas la shes nas dad/ chos dang dge 'dun la shes nas dad par 'gyur ro/ /de dag sangs rgyas la dmigs pa'i sems dang / chos la dmigs pa'i sems dang / dge 'dun
207b2 la dmigs pa'i sems kyis kha cig ni gang zag la dga' bas sbyin pa dag sbyin par 'gyur ro/ /bsod nams dag byed par 'gyur ro/ /gso sbyong 'dzin par 'gyur ro/ /
207b3 kha cig ni bslab pa'i gzhi rnams 'dzin par 'gyur/ lung nod par 'gyur/ kha ton byed par 'gyur/ chos kyang nyan par 'gyur ro/ /mnyan nas kyang sgrub par byed cing dga' ba dang dad
207b4 pa dang mchog tu dga' ba thob par 'gyur te/ de dge ba'i rtsa ba rnams kyang skyed par 'gyur ro/ /de dag dge ba'i rtsa ba dang ldan par gyur pas lus zhig nas bde 'gro mtho ris kyi
207b5 'jig rten du lha'i nang du skye bar 'gyur ro/ /kun dga' bo/ 'di ltar dad pas khyim nas khyim med par rab tu byung yang ngan song du 'gro bar 'gyur ba dang / khyim pa khyim na gnas
207b6 pa sdug bsngal bar gyur cing sdug bsngal gyis nyam thag pa rnams sems dad pa'i dge ba'i rtsa bas bde 'gror 'gro bar 'gyur pa dus de ji tsam du log par gyur pa la ltos/ kun dga' bo/
207b7 de bas na lus dang / ngag dang / yid sdom pas bsdam par bya zhing sems dad pa dang / dga' ba'i stobs su 'gyur ba dang / dad pa dang / dang ba dang / lhag
208a1 pa'i bsam pa phun sum tshogs pa dang / lus kyi las legs par brtags pa dang / ngag gi las legs par brtags pa dang / yid kyi las legs
208a2 par brtags par gyis shig/ de ci'i phyir zhe na/ kun dga' bo/ ran par mi smra ba'i gang zag gi nyes dmigs lnga ste/ lnga gang zhe na/ rdzun gyi tshig smra ba dang / ngag rtsub po
208a3 dang / phra ma'i tshig smra ba dang / tshig kyal pa dang / brnab sems can du 'gyur zhing lus zhig nas shi ba'i 'og tu ngan song ngan 'gro log par ltung ba sems can dmyal
208a4 bar skye bar 'gyur ba'o/ /kun dga' bo/ ran par smra ba'i gang zag gi phan yon lnga ste/ lnga gang zhe na/ rdzun gyi tshig mi smra ba dang / ngag rtsub po med pa dang / phra ma med
208a5 pa dang / tshig kyal ba med pa dang / brnab sems med par 'gyur zhing lus zhig nas bde 'gro mtho ris kyi 'jig rten du lha'i nang du skye bar 'gyur ba ste/ lnga po 'di
208a6 dag go/ kun dga' bo/ gang zag 'thab mo byed pa dang / mtshang 'dru ba dang / rtsod pa dang / shags 'gyed pa dang / tha ba'i sems dang / gnod sems can dang /
208a7 sems ma dad pa la nyes dmigs 'di lnga 'byung ngo / /lnga gang zhe na/ 'di la gang zag 'tham mo byed pa nas sems ma dad pa'i bar du rdzun gyi tshig smra ba dang / phra ma
208b1 byed pa dang / tshul khrims dang ldan pa rnams la dang ba'i sems mi skyed pa dang / nyin mtshan du sdug bsngal ba dang yid mi bde ba myong bar 'gyur zhing lus zhig nas kyang sems can
208b2 dmyal bar skye ba ste/ lnga po 'di dag go/ kun dga' bo/ gang zag byams pas gnas pa la phan yon bcu gcig yod de/ bcu gcig gang zhe na/ kun dga' bo/ 'di la gang
208b3 zag byams pas gnas pa ni bde bar gnyid log pa dang / bde bar sad pa dang / rmi lam ngan pa mi rmi ba dang / mi dang mi ma yin pa rnams dga' bar 'gyur ba dang / lha rnams
208b4 bsrung bar 'gyur ba dang / de la dug gis mi tshugs pa dang / de la mes mi tshugs pa dang / de la mtshon gyis mi tshugs pa dang / chus 'chi ba'i dus mi byed pa dang / gos dang /
208b5 zas dang / mal cha dang / na ba'i gsos sman dang / yo byad rnams rnyed pa dang / mi'i chos bla ma ma rtogs pas lus zhig nas tshangs pa'i 'jig rten du skye bar 'gyur ba ste/ kun
208b6 dga' bo/ byams pas gnas pa'i gang zag gi phan yon bcu gcig po 'di dag go/ kun dga' bo/ de bas na da lta dang / nga 'das pa'i 'og tu bdag gling du gyur pa dang /
208b7 bdag skyabs su gyur pa dang / chos gling du gyur pa dang / chos skyabs su gyur pa dang / gzhan gling ma yin pa dang / gzhan skyabs ma yin par gnas par gyis shig /kun
209a1 dga' bo/ ji ltar na dge slong bdag gling du gyur pa nas gzhan gling ma yin pa dang / gzhan skyabs ma yin pa'i bar du gnas she na/ kun dga'
209a2 bo| 'di la dge slong brtun pa shes bzhin can dran pa dang ldan pas 'jig rten gyi brnab sems dang yid mi bde ba rnam par bsal nas/ nang gi lus la lus kyi rjes
209a3 su lta zhing gnas so/ /brtun pa shes bzhin can dran pa dang ldan pas 'jig rten gyi brnab sems dang yid mi bde ba rnam par bsal nas/ nang gi tshor ba rnams dang /
209a4 sems dang / chos kyi rjes su lta zhing gnas so/ /kun dga' bo/ de ltar na dge slong bdag gling dang bdag skyabs yin par gnas kyi/ gzhan gling dang gzhan skyabs
209a5 ma yin par gnas pa'o/ /kun dga' bo/ de bas na ston pas nyan thos rnams la bya ba gang yin pa de ngas byas zin gyi da khyod kyis gyis shig /kun dga' bo/
209a6 dgon pa dang / shing drung dang / khang stong dang / bla gab med pa 'di dag tu bsam gtan gyis shig /kun dga' bo/ bag med par ma byed cig /phyis 'gyod par
209a7 gyur ta re/ 'di ni ngas rjes su bstan pa'o/ /de nas bcom ldan 'das kyis de'i tshe tshigs su bcad pa 'di dag gsungs so/ /kun shes zug rngu 'byin pa yi/ /lam
209b1 ni nga yis yang dag bstan/ /de bzhin gshegs rnams ston pa ste/ /de ni khyed kyis brtsam par bya/ /lta ba rnam dag 'gyur ba yi/ /lam gzhan med de mchog 'di yin/ /bsgrub
209b2 na bdud kyis bcings pa dag/ /bcad nas rab tu thar bar 'gyur/ /sangs rgyas kyis ni bshad pa bzhin/ /gang dag gis ni 'di rig pa/ /ston pa'i bstan pa byed pa dag/ sdug
209b3 bsngal tha mar 'byin par 'gyur/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / thams cad dang ldan
209b4 pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /snying
209b5 rje chen po'i chos kyi rnam grangs las bstan pa'i le'u ste/ bcu gsum pa rdzogs so// //snying rje chen po'i pad+ma dkar po zhes bya ba theg pa chen po'i mdo rdzogs
209b6 so|| ||rgya gar gyi mkhan po dzi na mi tra dang / shI len+d+ra bo d+hi dang / zhu chen gyi lo tsA ba ban+de ye shes sdes bsgyur cing zhus te gtan la phab pa//
CLOSE WINDOW