བོད་ཡིག |
1a1 @#/ /mdo cha pa bzhugs so//
1b1 @##/ /rgya gar skad du/ Ar+ya g+ha na byU ha nA ma mahA yA na sU tra/ bod skad du/ 'phags
1b2 pa rgyan stug po bkod pa zhes bya ba theg pa chen po'i mdo/ bam po dang po/ sangs rgyas dang
1b3 byang chub sems dpa' thams cad la phyag 'tshal lo/ /'di skad bdag gis thos pa dus
1b4 gcig na/ bcom ldan 'das chos thams cad la mnga' sgyur ba 'dod pa dang / gzugs
2a1 dang / gzugs med pa dang / 'du shes med pa'i sems can rnams las 'das te /
2a2 sangs rgyas kyi zhing stug po na stobs mnga' ba rnams dang /rdzu 'phrul gyi rkang pa rnams kyis rnam par
2a3 'phrul zhing rjes su spyod pa/ byang chub sems dpa' sems dpa' chen po rnal 'byor dam pa'i rnal 'byor
2a4 can 'di lta ste/ byang chub sems dpa' sems dpa' chen po mur 'dug byed pa thams cad kyi gzhung rnam par
2a5 'joms pa dang / byang chub sems dpa' sems dpa' chen po blo gros chen po dang / byang chub sems dpa'
2b1 sems dpa' chen po sangs rgyas kyi chos thams cad kyi rnam par dgod pa yang dag pa ji lta ba bzhin du ston pa dang / byang chub
2b2 sems dpa' sems dpa' chen po spyan ras gzigs kyi dbang po dang / byang chub sems dpa' sems dpa' chen po mthu chen
2b3 po brnyes pa dang / byang chub sems dpa' sems dpa' chen po rnam par 'phrul pa'i rgyal po dang / byang chub sems dpa'
2b4 sems dpa' chen po 'jam dpal gzhon nur gyur pa dang / byang chub sems dpa' sems dpa' chen po rdo rje'i snying
2b5 po dang / byang chub sems dpa' sems dpa' chen po rnam par grol ba'i zla ba dang / byang chub sems dpa' sems
2b6 dpa' chen po shugs 'dzin dang / de dag la sogs pa sangs rgyas kyi zhing bcu'i rdul shin tu phra ba bye ba snyed kyi byang chub
3a1 sems dpa' sems dpa' chen po khams gsum pa'i yul las yongs su 'das pa/ sems dang /
3a2 yid dang / rnam par shes pa dang / kun gzhi'i spyod yul las yongs su 'das pa/ ye shes dang yid kyi lus su gnas gyur
3a3 pa| sgyu ma lta bu dang / dpa' bar 'gro ba dang / chos kyi sprin gyi sa dang / ting nge 'dzin dang ldan pa/ sangs rgyas du ma'i phyag gi
3a4 dbang bskur bas dbang bskur ba/ khams gsum pa'i yul las shin tu 'das pa'i gzhal med khang gi pad+mo chen po la
3a5 'khod pa rnams dang thabs gcig tu bzhugs te/ de na mur 'dug dang / nyan thos dang / rang sangs rgyas thams cad kyi rgyu
3a6 ba med do/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mthong ba'i
3b1 chos la bde bar spyod pa bdag gi so so rang gi 'phags pa'i ye shes kyis mkhyen pa'i spyod yul btsun par dbyangs 'byin pa sna tshogs kyi gzugs du ma ston
3b2 ba'i ting nge 'dzin las bzhengs so/ /bzhengs nas kyang pho brang 'ja' dang glog gi 'od can rgyan dang / lta ba lhub du mas brgyan pa nas mngon par byung ste/ zla ba dri ma med
3b3 pa'i snying po zhes bya ba'i khang steng du gshegs so/ /gshegs nas kyang stug po'i ris kyi rgyan seng+ge'i gdan dam pa la byang chub sems dpa' dang thabs gcig tu
3b4 bzhugs so/ /bzhugs nas kyang bcom ldan 'das kyis phyogs bzhir gzigs te gtsug gi rin chen 'od kyi rgyan ces bya ba'i 'od zer gyi tshogs chen po'i 'od zer
3b5 stong phrag brgya'i 'khor can smin mtshams nas byung ste/ 'od zer gyi tshogs de byung bas sangs rgyas kyi zhing gi rgyan thams cad sangs rgyas kyi rgyan gcig dang 'dra bar
3b6 yongs su snang bar gyur to/ /mchog tu phra ba'i rdul gyi phra ba nyid du sangs rgyas kyi zhing thams cad kyi rang bzhin phra ba nyid kyang yongs su snang ngo / /sangs rgyas kyi zhing
3b7 stug po'ang sangs rgyas kyi zhing gzhan gyi rang bzhin rdul gyi phra ba nyid las 'das te gnas so/ /sangs rgyas kyi zhing stug po ni 'od dang / gza' dang / zla ba spangs pa ste/
4a1 'dus ma byas kyi rang bzhin nyid kyis shin tu phra ba'i rdul gyi phra ba nyid du mi snang gi /gzhan du mya ngan las 'das pa dang / nam mkha'
4a2 dang ma brtags par 'gog pa lta bur byang chub sems dpa' sems dpa' chen po de dag dang / sangs rgyas bcom ldan 'das rnams dang / sangs rgyas kyi
4a3 zhing gzhan dag na spyod pa byang chub sems dpa' sems dpa' chen po rnams kyis gzigs so/ /de nas bcom ldan 'das kyis sangs rgyas kyi zhing gi rgyan dang /
4a4 sangs rgyas dang byang chub sems dpa'i mthu phyung ba de dag gzigs nas/ sangs rgyas kyi spyan gyis phyogs bcur byang chub sems dpa'i 'khor dang bcas
4a5 pa la gzigs nas byang chub sems dpa' sangs rgyas kyi chos thams cad rnam par dgod pa yang dag pa ji lta ba bzhin du ston pa la bka' stsal pa/ rnam
4a6 par dgod pa yang dag pa ji lta ba bzhin du ston pa/ stug po'i rgyan zhes bya ba'i sangs rgyas kyi zhing 'di na 'dod pa dang / gzugs dang / gzugs med pa dang /
4a7 'du shes med pa'i sems can du gtogs pa'i gzugs sred pa dang / ma rig pa dang / ting nge 'dzin gyi 'bras bu ye shes kyi mes rnam par bsregs te gnas
4b1 gyur pa'i phyir ye shes kyi ting nge 'dzin dang / yid bzhin gyi lus stobs dang / mngon par shes pa dang / rdzu 'phrul gyi rkang pa dang / dbang gis brgyan pa/ gseb med
4b2 pa| ring du gnas pa/ zla ba dang / nyi ma dang / nor bu dang / glog dang / 'ja' dang / byu ru dang / ba bla dang / ldong ros dang / mtshal dang / mgo nag gi 'bru dang / king+shu
4b3 ka dang / in+d+ra go pa dang / gser dang / tsam+pa ka dang / pad+mo dang / dung dang / rma bya'i mgul dang / mdongs bu me long gi nang na 'dug pa'i gzugs brnyan lta bu thob
4b4 nas/ sa dang sar zag pa med pas sbyangs pa'i rgyu ting nge 'dzin la dbang sgyur ba'i phyir smon lam gyi mthar phyin pa bcu'i bsngo bas lus thob pa'i khyad par can dag
4b5 sangs rgyas kyi zhing stug por 'ong ngo / /de nas byang chub sems dpa' sems dpa' chen po sangs rgyas kyi chos thams cad rnam par dgod pa yang dag pa ji lta ba bzhin du
4b6 ston pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar
4b7 bas phyag btsal te/ bcom ldan 'das la 'di skad ces gsol to/ /bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas la
5a1 phyogs gcig cig bcom ldan 'das kyis bdag la zhu ba zhus pa lung bstan pa'i slad du skabs dbye bar gnang na bdag gis zhu'o/ /bcom
5a2 ldan 'das kyis bka' stsal pa/ rnam par dgod pa yang dag pa ji lta ba bzhin du ston pa khyod kyis de bzhin gshegs pa dgra bcom pa yang dag par rdzogs pa'i
5a3 sangs rgyas la dris shig dang / ngas ci dang ci 'dod pa de dang de'i dri ba dris pa lung bstan pas sems mgu bar bya'i/ khyod kyis ji ltar bzod pa de ltar smros shig /de
5a4 nas sangs rgyas kyi chos thams cad rnam par dgod pa ji lta ba bzhin du ston pa'i byang chub sems dpa' sems dpa' chen po/ bcom ldan 'das kyis skabs
5a5 phye ba dang / bcom ldan 'das la 'di skad ces gsol to/ /bcom ldan 'das/ sangs rgyas kyi zhing stug po 'ba' zhig 'dod pa dang / gzugs dang / gzugs
5a6 med pa dang / 'du shes med pa'i sems can las 'das te gnas sam/ sangs rgyas kyi zhing gzhan dag kyang de bzhin nam ci lags/ rigs kyi bu/ sangs rgyas kyi
5a7 zhing stug po 'ba' zhig 'dod pa dang / gzugs dang / gzugs med pa dang / 'du shes med pa'i sems can las 'das te gnas pa ma yin gyi/ sangs rgyas kyi zhing gzhan
5b1 dag kyang yod do/ /rigs kyi bu/ 'di nas pha rol la shin tu'ang pha rol sangs rgyas kyi zhing bye ba stong phrag brgya 'das pa'i steng gi phyogs cha na tshangs pa'i dbyangs de bzhin
5b2 gshegs pa dgra bcom pa yang dag par rdzogs pa'i sangs rgyas kyi zhing dang / de bzhin du sA la'i dbang po'i rgyal po de bzhin gshegs pa dang / skar ma'i rgyal po de
5b3 bzhin gshegs pa dgra bcom pa yang dag par rdzogs pa'i sangs rgyas kyi sangs rgyas kyi zhing dang / de bzhin du sangs rgyas bcom ldan 'das de bzhin gshegs pa
5b4 dgra bcom pa yang dag par rdzogs pa'i sangs rgyas rnams kyi pha rol shin tu'ang pha rol tu 'das pa na/ sangs rgyas kyi zhing bye ba stong phrag brgya mang po byang chub sems
5b5 dpa'i 'khor gyi tshogs kyis brgyan pa shin tu yangs shing che ba dag yod de/ sangs rgyas bcom ldan 'das de dag kyang 'khor gyi tshogs de dang de dag tu byang chub sems dpa'
5b6 sems dpa' chen po rnams la bdag gi so so rang gi 'phags pa'i ye shes kyis rtogs pa'i spyod yul gyi gtam dang / mthong ba'i chos la bde bar gnas pa'i chos tshig
5b7 dang rnam par rtog pa'i spyod yul dang / yi ge dang bral ba de bzhin nyid dang / yang dag pa'i mtha' dang / mya ngan las 'das pa thob par byed pa'i phyi ma'i mtha'i mur 'dug
6a1 par ston/ de ni rnam par bkod pa yang dag pa ji lta ba bzhin du ston te/ de ni gang rnam par dgod pa yang dag pa ji lta ba bzhin du ston pa khyod
6a2 kyis 'di'i pha rol na 'jig rten gzhan dang sangs rgyas dag yod dam zhes smras pa de'i lan du ngas 'di smras so/ /rnam par dgod pa yang dag pa ji lta ba bzhin du
6a3 ston pa khyod 'ba' zhig sangs rgyas kyi zhing gi rgyan dang / byang chub sems dpa' la ltad mo blta bar 'dod pa'i phyir de bzhin gshegs pa la dri bar sems par ma
6a4 zad kyi/ byang chub sems dpa' sems dpa' chen po shugs 'dzin 'di'ang sangs rgyas bcom ldan 'das rnams kyi sangs rgyas kyi zhing gi rgyan dang / sangs rgyas
6a5 kyi sgra'i dbyangs kyi dkyil 'khor dang / spyi gtsug tshad med pa la ltad mo blta bar 'dod pa'i phyir sangs rgyas kyi zhing bye ba stong phrag brgyar song nas sangs rgyas
6a6 kyi zhing chu bo gang+gA'i bye ma snyed du rdzu 'phrul gyi mchog gis gyen du song yang byang chub sems dpa' sems dpa' chen po shugs 'dzin 'dis de bzhin gshegs
6a7 pa gcig tsam gyi sangs rgyas kyi zhing gi rgyan tam/ sangs rgyas kyi gsung gi dbyangs kyi dkyil 'khor ram/ spyi gtsug tshad med pa'ang ma mthong ste/ des ma mthong
6b1 ba dang / ngo mtshar du gyur nas sangs rgyas kyi gsung gi dbyangs kyi dkyil 'khor dang / spyi gtsug ltar tshad med pa bsam gyis mi khyab pa yang dag par rjes su dran zhing mi
6b2 mjed kyi 'jig rten gyi khams 'di nyid du phyin nas mnyan du yod par sangs rgyas bcom ldan 'das kyi spyan sngar 'dug ste/ nyes pa la nyes par bshags nas sangs
6b3 rgyas rnams nam mkha' dang mnyam par shes te mngon par bstod nas/ bdag gi so so rang gi 'phags pa'i ye shes kyis rtogs pa'i spyod yul la mngon par
6b4 mos shing sangs rgyas kyi zhing stug po nyid du song ste gnas par gyur to/ /de nas byang chub sems dpa' sems dpa' chen po rdo rje'i snying po sa dang sa'i mtshan nyid
6b5 la mkhas pa phra ba dang / dmigs su phebs pa dang / rnam par gdon mi za ba'i gtam zlos pa stan las langs te bla gos phrag pa gcig tu gzar nas pus mo
6b6 g.yas pa'i lha nga sa la btsugs te/ bcom ldan 'das gang na ba der thal mo sbyar bas phyag btsal te/ bcom ldan 'das la 'di skad ces gsol to/ /bcom ldan
6b7 'das/ de bzhin gshegs pa dgra bcom pa yang dag par rdzogs pa'i sangs rgyas la phyogs gcig bcom ldan 'das kyis bdag la zhu ba zhus pa lung bstan
7a1 pa'i slad du skabs dbye bar gnang na bdag gis zhu'o/ /bcom ldan 'das kyis bka' stsal pa/ rdo rje'i snying po khyod kyis de bzhin gshegs
7a2 pa dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa de dang de'i dri ba dris pa lung bstan pas sems mgu bar
7a3 bya'i/ khyod kyis ji ltar bzod pa de ltar smros shig /de skad ces bka' stsal pa dang / byang chub sems dpa' sems dpa' chen po rdo rje'i snying po la bcom
7a4 ldan 'das kyis skabs phye nas/ bcom ldan 'das la 'di skad ces gsol to/ /bcom ldan 'das/ sangs rgyas sangs rgyas zhes bgyi ba dang / 'tshang rgya
7a5 bar bgyi ba zhes bya ba'i don ci lags/ bcom ldan 'das/ don dam pa 'phags pa'i yul chos nyid kyi sangs rgyas kyi rigs ston pa 'das pa dang / ma
7a6 'ongs pa dang / de ltar byung ba'i spyod pa'i sa la spyod pa dang / gzugs dang / mtshan nyid dang / yang dag par bsdu ba'i lta bar ltung ba rnams dang / mur
7a7 'dug gzhan gyi smra ba la mngon par chags pa'i blo'i spyod yul la spyod pa rnams dang / rdul dang / gces pa dang / dbang po dang / phyogs dang / dus dang /
7b1 nam mkha' dang / bdag dang / yid dang / dbang po dang / don nye bar 'du ba'i lta bar ltung ba rnams kyi blo rnam par bzlog pa'i slad du bshad du gsol/ bde bar
7b2 gshegs pa/ bstan du gsol/ ma rig pa dang / sred pa dang / las dang / mig dang / gzugs dang / snang ba dang / de la skye ba'i yid la byed pa dang / gsum
7b3 'du ba'i rnam par rtog pa'i shes pa can dang / rgyu dang / de ma thag pa dang / dbang dang / dmigs pa'i rkyen las byung ba'i rnam par shes pa la chags par spyod pa
7b4 dang / yod pa dang / med par smra ba'i rtog pa can dang / chos 'di pa'i phung po dang / gang zag stong pa nyid du lta bar lhung ba rnams kyi'ang blo rnam par bzlog pa'i slad
7b5 du| bcom ldan 'das/ bstan du gsol/ chos kyi dbang po thob par 'gyur gyi/ bde bar gshegs pa/ bstan du gsol/ /rnam shes lnga yi rgyu la sogs/ /mnga'
7b6 bdag dam pa ma gtogs par/ /sangs rgyas blo dang shes bya dang / /ji ltar gang gis 'tshang rgya zhing / /shes bya rnam pa lnga po rnams/ /thugs su chud pa sangs
7b7 rgyas te/ /chos rnams thams cad mkhyen pas na/ /mya ngan 'das dang mnyam gshegs pa/ /bcom ldan 'das kyis bka' stsal pa/ dge'o/ /rdo rje'i snying po/ sa bcu la
8a1 dbang ba/ rnam par rtog pa'i spyod yul las 'das pa/ mkhas pa chos nyid kyi sangs rgyas kyi rigs grags par byed pa dge'o/ /rnal 'byor dam pa la dbang
8a2 pa/ sangs rgyas dang 'tshang rgya bar yongs su dri ba 'di la ni khyod 'ba' zhig ltad mo byung ba ma yin gyi/ sgyu ma byed pa bzang po dang / rgyal ba'i bu gzhan dag kyang don 'di la ltad
8a3 mo byung zhing sangs rgyas kyi dngos po 'dri ste/ de bzhin gshegs pa zhes bya ba'i tshig gi don 'di ci zhig /ci gzugs de bzhin gshegs pa'am/ 'on te gzugs las gzhan
8a4 zhig de bzhin gshegs pa'am/ de bzhin du phung po dang / khams dang / skye mched kyi 'du byed las kyang ste/ nang dang phyi'i mnyam pa nyid kyang mi mthong zhing byas pa'i rgyu dang
8a5 'jig pa'i chos can gyi phyir phung po rnams la de bzhin gshegs pa med de/ rdul phra mo med pa thugs su chud pa'i phyir shes rab dang / ye shes dang / ting nge 'dzin gyi spyod
8a6 yul te/ mnyam par bzhag pa'i thugs kyi yang dag par rjes su ma gzigs shing / phung po rnams skyes pa'i phyir de bzhin gshegs pa'i chos kyi sku yin pas na rtag pa
8a7 nyid do snyam mo/ /kye rgyal ba'i bu/ chos kyi dbyings kyi shin tu phye ba la mkhas pa de dge'o/ /kye rgyal ba'i bu/ /de bas na dge bar shin tu nyon te yid la gyis shig dang ngas khyod
8b1 bshad do/ /bcom ldan 'das/ dge'o zhes nas byang chub sems dpa' sems dpa' chen po rdo rje'i snying po bcom ldan 'das las phyir nyan to/ /bcom ldan 'das kyis de
8b2 la bka' stsal pa/ rigs kyi bu/ rdo rje lta bu'i snying po ting nge 'dzin la dbang pa rdo rje'i snying po phung po rnams ni de bzhin gshegs pa ma yin/ phung po las gzhan na yang med
8b3 de| phung po la gnas pa'ang ma yin/ phung po'ang gnas ma yin/ skye ba dang 'jig pa'ang gnas ma yin/ shes par bya ba'ang ma yin/ shes pa'ang ma yin/ don kyang ma
8b4 yin| dbang po rnams kyang ma yin no/ /de ci'i phyir zhe na/ phung po dang / khams dang / skye mched dang / yul rnams ni ma no bsam med pa'i phyir te/ de bzhin gshegs pa
8b5 ni 'di rnams las nang dam phyir yang mi blta'o/ /gzugs ni spyod pa med cing sems med pa ste/ 'byung ba med pa'i chos can/ mthar 'jig pa/ rtswa dang shing dang por rdo
8b6 dang 'dra ba/ shin tu phra ba'i rdul gyi tshogs dbu ba dang 'dra ba'o/ /tshor ba ni gnyis tshogs pa las chu'i chu bur dang 'dra bar skye'o/ /'du shes ni bum pa dang / snam bu dang /
8b7 cod pan la sogs pa'i rgyu las byung ba ste/ de'ang gnyis las skyes pa'i smig rgyu dang 'dra ba ste/ dper na/ dpyid kyis mngon par gdungs pa'i sa la nyi ma'i 'od zer bab
9a1 pa gyen du langs pa rnams chu'i rlabs lta bur rlab cing ri dwags dang bya skom gyis nyen cing chu 'tshol ba rnams la chur rmongs par bya bas
9a2 rmongs par byed do/ /de bzhin du 'du shes kyang de'i bdag nyid ma yin pa/ de'i bdag nyid ma yin pa'i gzugs su 'jug pa/ yang dag pa ma yin par yongs su
9a3 brtags pa las skyes pa/ dpyod pa rnams kyis brjod pa las logs shig tu mi dmigs pa/ /bong bu'i rwa dang / mo gsham gyi bu brjod pa ltar ming tsam du zad
9a4 pa ste/ rmi lam gyi gzugs brjod pa ltar blta'o/ /dper na/ rmi lam na gzugs kyi 'du shes mthong ba sad pa'i tshe gzugs la sogs pa dang / bud med bzang
9a5 mo'ang dmigs su med do/ /de bzhin du mi shes pas log pa na bud med dang skyes pa la sogs pa mthong ba'ang mngon par sangs rgyas na mi dmigs so/ /'du byed rnams
9a6 ni chu shing gi snying po lta bu ste btsal na/ lus dang ngag dang yid las byung ba gzugs med pa rnams rnal 'byor can gyi dpyod pa pa rnams kyis mi rnyed do/ /rnam par
9a7 shes pa ni sgyu ma lta bu de'i bdag nyid med pa ste/ sgyu ma byed pa'am/ de'i slob mas nan tan du rtswa dang shing dang bong rdo tsam la brten te/ gzugs kyi yan lag du ma
9b1 las mngon par bsgrubs pa'i sgyu ma'i gzugs glang po dang / rta dang / shing rta dang / mi dang / rgyan ma brtags pa'i gzugs kyi phyogs gcig ngo mtshar du bstan pa lta bu dang /
9b2 gzhan yang mkhas pa rnams la ma yin gyi/ bus pa'i 'gro ba rnams la 'drid pa de bzhin du rnam par shes pa'ang rnam pa gzhan du 'dug la/ rnam pa gzhan du shin tu
9b3 brtags shing shin tu rtog ste/ de'ang bdag nyid kyis bdag la 'dzin pa gnyis su shes nas/ sgyu mas mngon par grub pa'i gzugs gcig po'i ngo mtshar dang 'dra bar phyir
9b4 ldog pa/ de bzhin gshegs pa ni rtag pa/ brtan pa/ ther zug /mi 'jig pa ste/ sangs rgyas rjes su dran pa bsgom pa'i rnal 'byor can rnams kyi yul yin te/ de bzhin
9b5 gshegs pa'i snying po zhes bsgrags pa mya ngan las 'das pa'i dbyings dang / nam mkha' lta bur mi 'jig pa ste/ mya ngan las 'das pa'i sgra chos kyi dbyings kyi tshig gis
9b6 'das pa dang / byung ba dang / 'byung ba'i sangs rgyas bcom ldan 'das rnams kyis bstan te/ 'di ltar de bzhin gshegs pa rnams byung yang rung / ma byung yang rung /
9b7 chos rnams kyi chos nyid chos kyi gnas nyid dang / chos kyi dbyings dang / chos skyon med pa gnyis pa 'di ni de bzhin gnas pa'o/ /rdo rje'i snying po/ skyon med pa zhes bya
10a1 ba ni yang 'byung ba'i nyes pa thams cad dang bral ba'o/ /rdo rje'i snying po/ /skyon med pa ni nyes pa thams cad dang bral bar ma zad kyi ting nge 'dzin
10a2 la'ang 'jug go/ /skyon med par 'da' ba ni byang chub sems dpas spang bar bya ste/ de ci'i phyir zhe na/ 'di ltar ting nge 'dzin gyi sgo de nyid du myos te/ sems can la
10a3 lta ba med par gyur cing yang dag pa'i mtha' mngon du byas nas lcags bsregs pa'i me dang 'dra bar mya ngan las 'da' bar gyur te/ de sems can gyi dgos pa
10a4 la brtson 'grus btang zhing snying rje chen po dang / pha rol tu phyin pa rnams dang bral bas sangs rgyas kyi gdung rnam par chad par byed cing nyan thos dang rang sangs rgyas
10a5 mur 'dug byed pa'i lam du 'gro ste/ ting nge 'dzin gyi 'dam du glang po che chen po 'dra bar rnam par thogs te/ rnam par shes pa'i yul rab tu zhum pas sangs
10a6 rgyas kyi chos kyi skye mched thams cad kyis kun nas mi gnas shing rdzogs par mi byed par 'gyur ba'i phyir mngon du mi bya zhing / ma reg pa dang / nye bar mi
10a7 bsgrub par gnas par bya'o/ /de ltar sangs rgyas kyi chos kyi sku'i rjes su zhugs ste sangs rgyas kyi che ba nyid shes pas chos kyi 'khor lo bskor ba'i sangs rgyas rnam
10b1 pa sna tshogs kyi tshul gyi yul la nye bar spyod pa/ sprul pa'i yul can/ de bzhin gshegs pa rnams kyis ting nge 'dzin las bslang ba'i sbyor ba/ sa brgyad pa las
10b2 'das pa/ chos kyi sprin gyi sa la shes par rab tu byas pa/ sangs rgyas kyi che ba nyid myong nas de bzhin gshegs pa bdag gi so so rang gis rig pa 'phags pa'i ye
10b3 shes kyis rtogs pa'i spyod yul gyi sar zhugs te thams cad du 'gro ba ma g.yos pa'i ting nge 'dzin spyod pa/ lhun gyis grub pa/ rtag pa/ ther zug pa/ brtan pa sangs rgyas
10b4 kyi zhing stug po na gnas par 'gyur te/ rdo rje'i dbang po sa la dbang ba rnams la 'phrul pa'i 'jug pa ston par 'gyur te/ gnas gyur pa/ yid bzhin gyi ye shes dang ting nge
10b5 'dzin can/ stobs dang / mngon par shes pa dang / rdzu 'phrul gyi rkang pa dang / dbang la spyod pa/ ngang pa'i rgyal po dang 'dra bar ma zhugs pa'i chu'i zla ba lta bur 'gro ste/ blta ba'i
10b6 don yod pa/ mi'i bdag po thams cad kyi tshogs kyi 'khor du sems can rnams kyi bsam pa ji lta bur 'dod pa'i gzugs dag gis sangs rgyas kyi zhing stug po bstan
10b7 pa'i phyir sems can gyi bsam pa bzhin du 'jug par 'gyur ro/ /'dod pa'i khams kyi dbang po thams cad dang / dbang sgyur ba'i byang chub sems dpa' sems dpa'
11a1 chen po nor bu rin po che'i snying po la sogs pa'i gnas dag tu bde ba rnams myong bar byas te/ sa'i rim pa rnams bstan nas zhing nas
11a2 zhing du phun sum bde ba rnams rab tu ston cing phyi ma'i mthar thug par bsku ba grub pa'i sngags 'chang ltar mi snang zhing / khang khyim gyi lha ltar de na gnas bzhin du
11a3 mi snang ba'i gzugs su khyim na 'dug pa ltar de dag sprul pa'i 'od zer dang / 'phrul bas sprul pa la spyod cing 'gro'o/ /song nas kyang de bzhin gshegs pa'i sprul
11a4 pa'i sku nub ste/ de bzhin gshegs pa'i sku la zhen nas gnas par 'gyur ro/ /de nas bcom ldan 'das kyis tshigs su bcad pa 'di dag gsungs so/ /dbang po
11a5 phung po sprul yin te/ /sred dang ma rig las kyang yin/ /bag chags kyis bcings mi bzad pa/ /yul dang dbang po'i rgyu las byung / /rnam dpyod tshogs ni 'dod
11a6 chags rnams/ /zhags pa sems bskyed de yin no/ /khro ba me lce mnyam pa ste/ /zhe sdang dug gi dngos po yin/ /thub spyod rnal 'byor bzang can gyis/ /'di dag
11a7 rtag tu rnam gzhigs te/ /phung po rnams ni dor ba'i phyir/ /rnal 'byor can gyis rnal 'byor spyod/ /gzugs ni 'byung ba'i tshogs yin te/ /phung po lhag ma gzugs
11b1 med pa/ /ji bzhin par snang ri mo dang / /grib la sdong dum la sogs med/ /mkha' la rlung gzugs mi snang dang / /bya yi rjes rnams ji bzhin ni/ /mkhas pas so so
11b2 rang rig pa/ /yang dag nyid dang yang dag mtha'/ /tshig gi spyod yul 'das pa ni/ /sangs rgyas dngos po mi snang ste/ /sangs rgyas sgras ni mya ngan 'das/ /mya ngan las 'das kyang
11b3 sangs rgyas te/ /rnam rtog rtog dang bral bas na/ /de ni bstan du mi nus pa'o/ /rgyu dang 'bras bu med pa ste/ /yod dang med kyis rnam par spangs/ /rngo ba phye mar btags pa
11b4 la| |gser ni yod par mi snang ste/ /sbyang ba'i las kyi khyad par gyis/ /gser ni snang bar 'gyur pa yin/ /gzugs rnams rdul du rnam gzhigs te/ /mkhas pas phung po
11b5 lhag ma dang / /khams dang skye mched tshogs rnams dang / /rnam par shes dang dbang po dag /gcig dang tha dad dngos po yang / /rdul phran rnam par rab sbyangs na/ /dngos
11b6 por sangs rgyas yod pa min/ /sangs rgyas med pa'ang ma yin te/ /rnal 'byor can rnams sangs rgyas mthong / /mtshan rab sum cu rtsa gnyis can/ /gang na sdug bsngal
11b7 de na bde/ /de nyid la ni snang ba yin/ /sangs rgyas med ces mi bya ste/ /sangs rgyas mnyam par bzhag pa yod/ /rgyu yi sangs rgyas dge ba can/ /rtsa ba mkhas pa nyid kyang
12a1 ste| |'jig rten kun gyi rgyal ba dang / /yang dag rdzogs pa'i sangs rgyas dang / /'di dag sangs rgyas lngar gsungs so/ /sprul pa'i rgyal ba lhag
12a2 ma rnams/ /de bzhin gshegs pa'i snying po yod/ /mtshan rab sum cu rtsa gnyis can/ /de bas sangs rgyas yod pa ste/ /rnal 'byor can gyi thub pas mthong / khams
12a3 rnams gsum po 'das pa dang / /rnam pa du mar sangs rgyas shing / /de bzhin gshegs kyi lha rdzas zhing / /rgyal sras bzang pos kun tu gang / /de na thub chen sangs
12a4 rgyas bzhugs/ /mtshan gyis kun nas yongs su rgyas/ /rnal 'byor rnal la mnyam par bzhag /chos dang bcas su rnam par mdzes/ /de bzhin phan tshun bsam gtan
12a5 mdzad/ /shes rab ma shes shes byed la/ /stug po de na rnam par spyod/ /stug po de yi sems can su/ /sangs rgyas gzugs can de dag kun/ /skad cig 'jig
12a6 par shin tu 'das/ /ting nge 'dzin la rtag tu mos/ /dga' ldan nas babs 'phrul ba gang / /rtog pa can rnams kun gyis mthong / /stug po nas gshegs glang po
12a7 ste/ /sangs rgyas gzugs ni stug na bzhugs/ /sna tshogs rnam mang gzugs tshul te/ /sems can bsam bzhin zhugs pa yis/ /de bzhin gshegs pa mnyam
12b1 bzhag pa/ /chu yi zla ba bzhin du snang / /sna tshogs gzugs kyi nor bu ni/ /tshon gyi 'byor las rnam par mdzes/ /de bzhin sangs rgyas stug zhing na/ /mnyam par bzhag
12b2 pas rnam par mdzes/ /thams cad chos la gzugs brnyan ltar/ /gcig dang tha dad spangs par te/ /dgos pa kun la 'jug pa ni/ /skyes bu dam pa thams cad
12b3 mkhyen/ /rdul las ma yin dus las min/ /dbang po las min gces las min/ /rkyen gyis ma yin 'jig rten dang / /sangs rgyas ldan par rnam mdzes pa/ /
12b4 rgyu yi tshul du sangs rgyas ni/ /'bras bu rnams la rnam par mdzes/ /'jig rten sku la 'khod bya ste/ /rgya mtsho ri dang shing dag dang / /de la 'gro ba sna tshogs
12b5 bcas/ /mnyam par bzhag pas shin tu dgyes/ /bye ba thams cad phyi nang du/ /gza' zla la sogs mdzes pa'i rnams/ /phyir yang phyag gi mthil bkod de/ /yungs
12b6 'brur 'gro ba kun 'dzud ba/ /sangs rgyas thub pa'i rnal 'byor mnga'/ /thub chen thub pa'i dam pa'o/ /'jig rten rnams la byed pa med/ /sangs rgyas 'phrul gyis sprul
12b7 pa ste/ /'byung ba gsum po 'di dag kun/ /sangs rgyas 'od kyis rnam par sprul/ /rab rib mi shes myos ldongs pa'i/ /rtog pa can rnams 'phyan pa yin/ /bdag dang
13a1 bdag med lta ba'i rnams/ /yod dang med pa'i smra bas bcom/ /'on tam thams cad 'jig pa dang / /cung zad 'jig pas smra ba rnams/ /
13a2 'di la med dam cung zad dam/ /bdag dang bdag med ga la yod/ /sangs rgyas sna tshogs 'byung kun na/ /rnal 'byor mkhan po rnam par mdzes/ /dri za'i grong
13a3 la bya ba rnams/ /ji ltar snang ba 'jig rten na/ /rmi lam rnam pa sna tshogs gzugs/ /ri dwags rnams la smig rgyu bzhin/ /de bzhin 'jig rten sna tshogs dag /
13a4 gdeg la sogs pa'i las rnams kyang / /rlung ldan gsog pa'i thag pa bzhin/ /sangs rgyas rnal 'byor mkhyen gyi mchog /mi la 'khrul 'khor bskor ba ste/ /
13a5 rgya mtsho'i skya ba 'dzin pa 'dra/ /stug po'i ris kyi ye shes kyi rgyan las byung ba zhes bya ba'i le'u ste dang po'o// //de nas 'jam dpal gzhon nur gyur
13a6 pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das shAkya thub pa de bzhin gshegs
13a7 pa dgra bcom pa yang dag par rdzogs pa'i sangs rgyas gang na ba de logs su thal mo sbyar te phyag btsal nas bcom ldan 'das la 'di skad ces gsol to/ /
13b1 bcom ldan 'das/ mtshams med pa lnga bgyis pa rnams dang / dam pa'i chos spong pa rnams dang / 'phags pa spong ba rnams dang / mnar med pa la gzhol pa rnams
13b2 dang / ma dang pha la snying ring ba rnams dang / tshangs pa 'gums pa rnams dang / ba lang dang / dgum pa 'gums pa'i sems can rnams ji ltar yongs su 'grol bar
13b3 'gyur/ bcom ldan 'das/ sems can de dag 'khor ba'i sdug bsngal las ji ltar yongs su 'grol bar 'gyur/ bcom ldan 'das kyis bka' stsal pa/ 'jam dpal/
13b4 sbyin pa gnyis byin pa'i sems can rnams 'khor ba'i sdug bsngal las yongs su 'grol bar 'gyur te/ de 'di ltar chos kyi sbyin pa dang / zang zing gi sbyin pa'o/ /chos kyi
13b5 sbyin pas ni skye ba dran par 'gyur ro/ /zang zing gi sbyin pas ni sems can thams cad la phan btags par 'gyur ro/ /zang zing gi sbyin pas ni bkres pa dang / skom pa'i
13b6 sdug bsngal yongs su sbyong ngo / /chos kyi sbyin pas ni sems can dmyal ba dang / byol song gi skye gnas dang / gshin rje'i 'jig rten gyi 'khor ba'i sdug bsngal las
13b7 yongs su 'grol to/ /'jam dpal/ sbyin pa gnyis po 'di byin na sbyin pa thams cad 'dus par 'gyur ro/ /'jam dpal/ gzhan yang sbyin pa lngas sbyin pa
14a1 dang nye ba'i sbyin pa thams cad 'dus par 'gyur te/ lnga gang zhe na/ 'di lta ste/ bzhon pa sbyin pa dang / gdugs sbyin pa dang / dar sbyin pa
14a2 dang / gos sbyin pa dang / chos gos dang / bsod snyoms dang / mal cha dang / stan dang / nad kyi rkyen sman dang / yo byad sbyin pa rnams kyis sdug bsngal thams cad
14a3 yongs su sbyangs par 'gyur ro/ /'jam dpal/ yang sems can la la mtshams med pa lnga dag gam/ dam pa'i chos spong ba dag gam/ 'phags pa spong ba dag
14a4 gam/ mnar med pa la gzhol ba dag gam/ bskal bar gnas pa dag gam/ sems can gang la la dkon mchog gsum la snying ring pa'am/ sangs rgyas dang
14a5 chos dang dge 'dun la gnod par byed pa'am/ tshogs kyi nor la 'phrog pa dag gam/ chung du na lug gsod pa dag kyang rung / phyag dar ba'ang rung / sme sha can yang
14a6 rung ste/ 'jam dpal/ /sus shin tu rgyas pa chen po rmad du byung ba'i chos stug po'i rgyan rin po che 'di thos pa dang / 'dri ba dang / 'drir 'jug pa dang / 'dzin pa
14a7 dang / klog pa dang / kun chub par byed pa dang / gzhan la'ang rgya cher yang dag par ston pa dang / chung du na yi ge gcig kyang rung ste brjod pa dang / su'ang chos de
14b1 smra ba la mchod cing rim gro byed pa dang / nang par langs nas ngo phrad par byed cing lta bar sngar smra ba sbyin par byed pa dang / lag pas reg par byed pa'i sems can de dag
14b2 thams cad/ 'jam dpal/ sems can dmyal ba dang / byol song gi skye gnas dang / gshin rje'i 'jig rten gyi sdug bsngal thams cad las yongs su 'grol bar
14b3 'gyur ro/ /'jam dpal/ sa'i phyogs gang na chos smra ba 'dug gam/ de'i dur ram/ /ro'am/ ro bam pa zhig yod la/ de'i ngo mthong na'ang mtshams med pa'i las lnga
14b4 rnams byang bar 'gyur ro/ /'jam dpal/ /rgya mtsho chen po'i nang na yi dwags lto dpag tshad brgya stong du mar skyes pa yod de/ yi dwags de bdag gi las kyi sdug
14b5 bsngal mi bzad pa'i tshor ba yod do/ /'jam dpal/ de bzhin du sems can su mdo sde chen po rin po che 'di spong ba de dag kyang sdug bsngal myong bar 'gyur
14b6 ro| |'jam dpal/ sus mdo sde rin po che 'di rim gror byas te/ me tog dang / bdug spos dang / mar me dang / spos dang / phreng ba dang / byug pa dang / phye ma dang /
14b7 chos gos dang / gdugs dang / rgyal mtshan dang / lha'i ba dan gyis mchod pa dang / chos smra ba de'ang mchod par bya ste/ ci ste chos smra ba de mtshams med pa lnga
15a1 byed na'ang 'on kyang de'i sems 'khrugs par mi bya'o/ /chung ngu na byol song gi skye gnas su gtogs pa'i ri dwags dang / bya gang la las chos
15a2 smra ba de shi ba'i ro bam pa dur khrod na 'dug pa'i sha zos kyang de dag thams cad phyir mi ldog par 'gyur te/ bla na med pa yang dag par rdzogs pa'i byang chub kyang
15a3 'thob par 'gyur ro/ /ri dwags dang bya gzhan po de dag thams cad sangs rgyas kyi zhing stug po 'di nyid du 'thob par 'gyur te/ de la nem nur dang / the tshom dang /
15a4 yid gnyis mi bya'o/ /sems can gang la la sngon dge ba'i rtsa ba bskyed pa/ sngon byang chub sems dpas yongs su bzung ba/ sngon gyi byang chub sems dpa'i sa
15a5 bon las yongs su ma nyams pa de dag thams cad phyi ma'i tshe phyi ma'i dus na mdo sde rin po che 'di thos par 'gyur ro/ /thos nas kyang mchod pa chen pos mchod
15a6 par 'gyur ro/ /mdo sde thams cad 'dus pa'i rgyan stug po rin po che las/ sbyin pa'i le'u ste gnyis pa'o// //mtha' yas yul can shin tu
15a7 phra| |bsam gtan mkhyen pa skyes bu'i mchog /dbang po 'das pa mngon sum pa/ /chags dang dbang po rnam par spangs/ /bsam gtan bsam pa bsam
15b1 gtan pa'i/ /de ni dgos pa'i tshul yin te/ /thub pa rnal 'byor mkhas pa'i rnams/ /kun gyi snying la gnas pa yin/ /yod dang med kyi phyogs dang bral/ /sangs rgyas
15b2 phyogs ni dri ma med/ /blo dang shes bya bral ba ste/ /tshang dang dbang po spangs pa yin/ /sems shes rnams kyi yul ma yin/ /de ni grol ba rnams kyi yul/ /mtshan rnams
15b3 kun kyang snang ba ste/ /de bzhin gshegs ni mtshan med pa'ang / /dregs can rnams kyi dregs med mdzad/ /mnyam par bzhag cing gos pa med/ /g.yo ba ma yin
15b4 g.yo med min/ /chags med lam la gnas pa ste/ /lha yul byung ba'i lha rnams dang / dri za lha min mi'am ci/ /thub pa rnams dang mur 'dug gis/ /bstod kyang
15b5 rtag tu yong mi g.yo/ /de la ngo mtshar sred pa med/ /'gro ba gang na'ang g.yo ba med/ /sngon nas dag pa'i rnal 'byor gyi/ /de ni pha rol yin pa'i phyir/ /sangs rgyas
15b6 'phrul pa'i spyod pa yis/ /bya ba tsam du lha rnams kyis/ /mthong yang de dang 'di na med/ /ji bzhin nyi zla de dang 'dra/ /rnal 'byor yul du gnas pa ni/ /dregs pa med
15b7 mdzad 'gro bas mthong / /rnam par tha dad mur 'dug rnams/ /gang la gang gis dbang gyur pa/ /de la de lta'i chos ston te/ /rnal 'byor bskyed pa'i 'od zer gyis/ /
16a1 rnal 'byor chos can rnam phye zhing / /rgyal po'i tshul dang gsum po dag /rgyal po'am rgyal po'i 'khor rnams dang / /rgyal po'i yul gyi bya
16a2 ba dang / /dka' thub tshul dang zhing rnams kyi/ /phun sum tshogs pa de las byung / /lha rdzas rnams dang nam mkha' dang / /rin chen 'byung khungs rnam dag pa/ /lha
16a3 yi lha yi mthu yis na/ /phyogs dang yul na 'bar ba yin/ /'byung ba gsum gyi thabs rnams gang / /rnam pa sna tshogs mkhas rnams kyis/ /gang rnams byed gzhug
16a4 bya ba dag /sangs rgyas lhun gyis grub 'bras bu/ /de ni mdo 'dzin 'gro ba yi/ /dgos dang dka' thub can rig dang / /gad mo rtse ba'i sbyor ba dang / /gar mkhan
16a5 rnams la rtag tu'o/ /dga' ldan gnas babs 'jig rten gyis/ /mthong ba bud med 'gro dang bcas/ /'phrog cing sbyin dang 'brel ba dang / /cod pan can dang
16a6 lag na gzhur/ /dam pa rnams kyis kun tu mthong / /stug po nas ni de ma bral/ /yul 'di thub pa de yis te/ /thams cad na yang shin tu snang / /rab rib can
16a7 gyi rab rib bzhin/ /ri dwags rnams kyi smig rgyu 'dra/ /'jig rten rnams kyis sgyu ma la/ /ji ltar gzhan du mthong ba dang / /rmi lam na yang gzhan du ba'i/ /rmi lam bzhin du
16b1 bus pas mthong / /khyad par rab tu mthong ba ni/ /rnal 'byor can rnams log long bzhin/ /lha yi lha yi yul yin te/ /de yi sras kyi dus kun tu/ /mi sbyin gu lang tshangs pa
16b2 dang / /sa nan ta dang sa nan 'da'/ /sa nan gzhon nu ser skya dang / /ne tsho la sogs rnams bsams kyang / /de yi yul la rnam par bslad/ /de dag rnal 'byor gyis mi
16b3 mthong / /thub pa gang dag 'byung ba dang / /byung dang da ltar gang 'khod pa/ /de dag yul na gang yang min/ /lta ba'i bag chags g.yogs pa'i phyir/ /sa dang sar ni rnam
16b4 spyod pa'i/ /rdo rje'i snying po de la bstan/ /lha yi lhas ni byas pa yi/ /stug po'i zhing na yod pa yis/ /'di dag rdo rje'i snying po de/ /mnyam par bzhag la shin tu bstan/ /
16b5 rnal 'byor can gyi rnal 'byor yul/ /ji ltar gang gis 'byor pa dag /dbyibs dang mdog dang khyad par dag /bzo bor gyur pas byas pa ni/ /gces dang rdul phran dag
16b6 gi ste/ /brtags pa'i dngos po yod pa min/ /skye ba dag ni chos tsam ste/ /ldog par 'gyur ba'ang chos tsam mo/ /kun tu phra ba'i bdag nyid kyi/ /yon tan dag tu dngos yod
16b7 brtags/ /mar me bzhin du gsal byed pa/ /rgyu rnams dgos pa grub pa dag /mtshan nyid snga nas mi rnyed de/ /'jig dang bral bas mi gnas pa'o/ /'das pa 'das pa'i dngos
17a1 por yang / /yod pa ma yin 'byung ba med/ /rkyen du bya rnams med par yang / /brtag pa'i dngos po gang yang med/ /rkyen rnams yin te 'dus pa la/ /
17a2 dngos po yod pa ma yin te/ /rkyen rnams gang gi rkyen du 'gyur/ /yod dang med pa'i dngos mi snang / /med pa'ang snang ba yod ma yin/ /phra ba'i bdag gis rnam par brtags/ /
17a3 phung po rdza ma ras la sogs/ /ri dwags skom gdungs smig rgyu bzhin/ /rmi lam dri za 'dra ba ste/ /gtsug lag nor ba dug dang bcas/ /rab tu smra ba sum brgya yis/ /'jug pa dag
17a4 dang phyir ldog dang / /mya ngan 'da' ba gang yang med/ /de nas sangs rgyas kyi chos thams cad rnam par bkod pa yang dag pa ji lta ba bzhin du ston pa sa'i dbang po/ /lag pa'i phreng
17a5 ba tshad med pa/ lus dpe med pa/ dpung rgyan dang / cod pan dang / gtsug gi nor bu dang / se mo dos shin tu chas pa stan las langs te/ bla gos phrag pa gcig tu gzar nas
17a6 pus mo g.yas pa'i lha nga sa la btsugs te/ theg pa gsum dang 'jig rten dang mi 'gal ba/ /lta ba'i chos la bdag gi so so rang rang gi 'phags pa'i ye shes kyis rig
17a7 pa'i spyod yul bde ba la gnas pa rdo rje snying po'i dbang po rnal 'byor chen po'i rnal 'byor can/ rnal 'byor gyi mkhan po sa dang sa'i mtshams thams cad mi 'gal bar
17b1 ston pa la 'di skad ces smras so/ /rdo rje'i dbang po khyod skye ba thams cad dang / rgyal po'i 'khor dag tu cod pan dag la chos ston pa yin te/ de'i phyir rgyal ba'i sras khyod la
17b2 gsol ba gdab kyi/ bdag gi so so rang gi 'phags pa'i ye shes kyis rig pa'i spyod yul la bde bar gnas pa'i phyir 'phags pa lta ba'i chos la bde bar gnas pa gzhan
17b3 gyi dring mi 'jog par spyod pa'i gnas ston cig /des bdag dang cod pan 'di dag gis bdag mngon sum du gyur pa'i spyod yul sangs rgyas kyi sa'i sgo'i bde ba nan tan gyis
17b4 rab tu thob ste/ yid bzhin gyi lus rnam pa bcu la dbang sgyur zhing stobs dang / mngon par shes pa dang / rdzu 'phrul gyi rkang pa dang / dbang gi gzhal med khang gi gnas gyur te/
17b5 yang dag pa'i mtha' la gnas spangs te/ sna tshogs kyi lus yid bzhin nor bu dang 'dra ba'i rang bzhin du gyur te/ rgyal po'i tshogs kyi 'khor thams cad dang stug por stug po na
17b6 spyod pa rnams la chos sna tshogs ston par 'gyur ro/ /rdo rje'i snying pos smras pa/ rgyal po smros shig /dge'o dge'o/ /cod pan can la khyad par du/ /chos la 'jug pa bdag med
17b7 pa| |stug po'i rgyan ni rab ston pa/ /sems kyi rang bzhin mtshan nyid dag /rnam rtog spyod yul yin shes na/ /rnam rtog don las phyir ldog pa/ /'gro ba rnam rtog mthong nas te/ /
18a1 'gro ba'i rang bzhin mthong nas kyang / /ting nge 'dzin la gnas par 'gyur/ /chos kyi ngo bo nyid bstan gyi/ /rgyal po nga la de nyon cig /dpyid kyi smig rgyu ji
18a2 bzhin pa/ /de yi rnam pa 'gro ba 'di/ /mtshan bzhi mtshan ma rgyu rnams las/ /rnam par rtog pa rnam mi rtog /blo dang rtogs byas bskyed pas te/ /rtogs bya de yi khyad
18a3 gyur pa/ /gnyen por gyur pa gcig med pa/ /nyi ma dang ni grib ltar gnas/ /sems med tsam po'ang yod pa min/ /tshad dang gzhal dang gnyis ka med/ /rnam par rtog
18a4 pa sems tsam ste/ /rnam par rtog pa rnam mi brtag /shes dang shes bya rnam rtog pa/ /sems tsam de ltar yin na ste/ /shes bya sems tsam yin pa ste/ /rtag tu
18a5 tsam la shes yod min/ /sems chos kyi ni ngo bo nyid/ /gang zag dag dang g.yo ba rnams/ /gang tshe sems la rnam brtags na/ /rtog dang brtags pas spangs pa yin//
18a6 brgyad po rnyed nas dag par 'gyur/ /dgu la bsam gtan spyod yul te/ /bcu la sangs rgyas sangs rgyas kyis/ /dbang bskur rgyal bar 'gyur ba yin/ /rgyal ba'i yul
18a7 la chos rnams kyang / /mi zad chos kyi skur 'gyur ro/ /nam mkha'i zad dang 'dra ba ste/ /sems dang rnam shes de bzhin te/ /mi 'jigs pa yang ma yin zhing / /rtag cing
18b1 zhi ba bde ba brtan/ /'dus ma byas pa'i ye shes ste/ stug po'i zhing na rnam par mdzes/ /rnam shes 'byung gsum 'das pa ste/ /sna tshogs gzugs kyi rin chen bzhin/ /de bzhin
18b2 sangs rgyas sa bsam med/ /stug bzhin rgyal ba'i gnas gyur pa/ /ji ltar gyo mo rnams kyi rgyu/ /rdza ma chag pas bstan pa bzhin/ /gyo mo rnams kyang rdul gyi ste/ /rdul yang mchog
18b3 phra'i de bzhin du/ /dngos po rnams kyi rkyen rnams la/ /rgyu rnams ji ltar snang ba bzhin/ /zag pa med pa'i chos rnams kyi/ /rgyu ni de bzhin zag bcas pa'o/ /ji ltar shing las me 'byung
18b4 ba| |phyis kyang gzhan du 'bar bar bya/ /de bzhin ye shes byung ba'i me/ /phyis kyang gzhan du 'bar bar bya/ /gnas kyi lus las 'phos gyur cing / /sems dang rtog pas rnam spangs
18b5 pa| |chags pa med pa'i ye shes ro/ /stug po'i dbus na rnam par mdzes/ /bskyed med rnam pa sna tshogs gzugs/ /sa la gnas pa ma yin pa/ /lta ba thams cad zad byed pa'i//
18b6 bdag med nyid la skyabs su song / /rgyud kyi rgyun rnams chad pa'i phyir/ /'jig pa med cing 'byung med pas/ /lta ba thams cad zag byed pa/ /bdag med nyid la skyabs su song / /
18b7 zhir gyur zhi ba zhir ma byas/ /zhi bas zhi ba bden nyid du/ /lta ba thams cad rnam dag phyir/ /bdag med nyid la skyabs su song / /sa rnams sna tshogs byas pa ni/ /bdag med pa
19a1 la bdag med pas/ /mi rtag tho bas bcom pa dang / rnam par ston pa'i mdas kyang ste/ /bsreg pa tshig pa'i me bzhin du/ /bdag nyid zhir 'gyur de nyid
19a2 du| |de bzhin lta bas rnam brtags te/ /bdag med bsam gtan rab gnas pa/ /lta ba'i chos la ba der gnas kyi/ /so so rang rig spyod yul la/ /thog ma med nas nyes dri
19a3 med/ /'phags pa rnams kyis la gnas/ /'phags gnas 'jig rten pas spangs te/ /'jig rten 'das pa'i 'phags la gnas/ /sems kyi sa las rab gyur te/ /stug
19a4 po'i dkyil na rnam par mdzes/ /mi bdag mi bdag dbang po rnams/ /thams cad kyis kyang yang smras pa/ /rdo rje'i snying po skyabs dang mgon/ /gang la skyabs su mchi bar
19a5 bgyi| |sangs rgyas yod min med pa min/ /phung po'i skye shing rnam bsregs te/ /dpung dang bcas pa'i bdud bcom nas/ /stug po sangs rgyas sa la gnas/ /shes bya dri med
19a6 zhi ba la/ /skyabs su song zhig grogs po dag /rtag dang chad las bral ba ste/ /blo dang rtogs bya'i gnas ma yin/ /stug po'i dkyil bzhugs rnal 'byor can/ /de yang grogs po
19a7 mgon skyabs so/ /rnal 'byor can rnams kun gyi zhing / /zhing mchog bzang ba stug pa'o/ /rnal 'byor ba ni mang pos gang / /stug po de la skyabs su song / /spros pa kun dang
19b1 bral ba ste/ /lta ba'i nyes pa rnam par spangs/ /ri mo'i thag thug lta bu dang / /rmi lam mo gsham bu 'byung dang / /rmi lam bud med bzang mo ltar/ /thub pa rnams kyis 'gro ba mthong / /
19b2 dri za'i grong khyer spyod pa bzhin/ /skra phung mgal ba bskor ba ltar/ /smig rgyu ri dwags sred mtshungs su/ /yod dang med pa rnam par spangs/ /sgyu ma'i lus gzugs sna tshogs dang //
19b3 'phrul pa'i sprul par de dag ni/ /'jig rten spyod tshe mthong ba ste/ /sa dang sa la thub pa rnams/ /bsdor med du ma'i gzugs gyur pa/ /sgyu ma'i shing gi 'bras bu ltar/ /sprin dang du ba
19b4 glog ltar yang / /thub pas rnal 'byor rnam par mthong / /rdzas la sogs pa'i bzo bzung ltar/ /'gro ba bdag gi rnam rtog byung / /yid dang yid kyi rnam shes dang / chos lda'i ngo bo nyid
19b5 rnams dang / 'jug pa'i rnam shes spyod pa ni/ /bdag med mi gnyis brgyan pa ste/ /bag chags thog ma med pa yi/ /sems kyi gnas ngan len byung yod/ /'od pa'i dba' rlabs
19b6 'dra bar ni/ /kun gzhi sa la gnas pa yin/ /rlung gis ji ltar 'od pa la/ /phan tshun dag tu bskyod byas na/ /dpa' rlabs rnams la 'jig pa med/ /'od pa'ang med par mi
19b7 'gyur te/ /snga med bag chags gnas can rnams/ /'jug pa'i yul la gzhol ba dag /sems brgyad rnams kyi 'jug pa ni/ /rnam par tha dad ma yin te/ /dus gcig tu
20a1 yang de dag 'byung / /bar bar du ni rim gyis so/ /thog ma med nas sems 'jug pa/ /skar ma gza' yi dkyil 'khor dang / lo ma me tog 'bras
20a2 bu dang / /ri dang sde dang tshal sogs la/ /rtag tu dus gcig 'jug pa ste/ /rim gyis kyang ni shes par byos/ /yang dag ma yin snga ma'i yul/ /mal la gnas bzhin
20a3 mthong ba yin/ /lus kyi 'jug pa rim gyis kyang / /srog la brten cing 'byung ba yin/ /rdzas dang grangs dang chos rnams la/ /tha dad rim gyis 'byung ba ste/ mur zhing
20a4 bca' dang bza' rnams la/ /tha dad rim gyis 'da' ba min/ /ro dang dri yi rnam pa la/ /rim gyis tha dad 'byung ba yin/ /rim gyis kha dog khyad par gyi/ /sna tshogs la yang
20a5 dus gcig tu/ /rgyal po sems ni bsam mi khyab/ /rtag tu rang bzhin 'od can no/ /de bzhin gshegs pa'i snying po ste/ /rdo ba rnams kyi gser bzhin gnas/ /yid ni
20a6 kun gyi gzhi las byung / /yid kyi rnam shes de bzhin te/ /rnam shes drug po rnam pa mang / /sa yi khyad par byed pa'o/ /bag chags sems dang lhan cig tu/ /sa bon kun
20a7 pa'i kun bzhi ni/ /kun nas nyon mongs rnam dag pa'i/ /rtag tu rang bzhin 'od can gyis/ /de ltar de bzhin gshegs kyi rigs/ /nges dang ma nges dge ba yin/ /rtag
20b1 tu gnas ltar 'byung ba ni/ /rgya mtsho'i rlabs dag ji bzhin du/ /tha ma 'bring dang rab rnams su/ /de bzhin kun gzhis khyab par byed/ /sa dang sa la rnam dag cing / /gzhan du gyur nas
20b2 rnam par mdzes/ /yang dag ji bzhin don ston la/ /rdo rje snying pos yang smras pa/ /mthong zhing thos te shes pas na/ /sa chen bdag po khyod nyid kyis/ /spobs pa can la
20b3 bstan par gyis/ /khyad par du 'o khyad par bdag /khams phran rnams kyi khams rnams dang / /sa la 'khor lo 'khor rnams dang / /kun gzhi rnam par dag gyur na/ sa yi
20b4 rgyal por 'gyur ba yin/ /dzam+bu'i gling la dbang ba yi/ /'khor lo 'khor bar yang 'gyur ro/ /dga' ldan la sogs gzhal med du/ /mtshe ma rab kyi dbang por 'gyur/ /dbang
20b5 po'i gnas su dbang por te/ /dbang sgyur gnas su de bzhin no/ /'dod pa'i khams kyi dbang po'i bdag /gzugs khams bdag po'ang de bzhin te/ /gzugs med 'du shes
20b6 med sems can/ /bsam gtan bde ba'i 'bras bur yang / /yang dag mngon bya ma chags pas/ /yang dag mtha' la ma reg par/ /'jigs med seng+ge'i sgra sgrog cing / /
20b7 dga' dang ye shes yang dag ldan/ /bsam gtan dbang gi bde bas ngoms/ /de ni stug por smon pa yin/ /khams gsum spyod pa'i nyes pa yis/ /chags med mnyam
21a1 par bzhag pa ste/ /mthar gyis stug por zhugs nas su/ /rnam par sangs rgyas sangs rgyas sar/ /chos kyi dbang por bdag gyur te/ /rten las
21a2 gzhan du gyur cing bde/ /rtag pa brtan pa zhi ba'i chos/ /stug po'i dkyil na sras dang bcas/ /chos kyi bdag po rnam par mdzes/ /'jigs pa med pa mi yi mchog/
21a3 mya ngan 'das pa 'jig pa min/ /mur 'dug rnams kyis jir brjod bzhin/ /mchog dang tha ma bar ma yi/ /rgyal po bcu po'i las rnams kyis/ /theg pa gsum du
21a4 gyur pa ste/ /stug po 'tshol ba'i khyad par yang / /rgyal po yang dag skye bar 'gyur/ /sa dang sa la gnas pas so/ /'jig na 'dus byas nyes par 'gyur/ /'chi ba rnams
21a5 la'ang de bzhin te/ /rgyal po 'jig pa mthar ma yin/ /de bzhin gshegs pa ye shes sku/ /sems can zad cing med 'gyur ba/ /de ste mya ngan 'das 'jig na/ /sngon gyi
21a6 mtha' yang 'jig pa dang / /sems can 'byung ba med par 'gyur/ /sems can khams rnams zad gyur na/ /rgyal ba'i shes bya dngos po med/ /mya ngan 'dar med
21a7 shes bya med/ /sangs rgyas sangs rgyas nyid kyang med/ /me mar bsregs pa'i dpe rnams dang / /sa bon tshig pa'i dpe dag gi/ /rtog can thar la mkhas pa rnams/ /
21b1 lus can rnams la thar pa ston/ /yod dang med pa'i rnam thar gyis/ /thar pa'i bde las de dag ring / /bsam gtan gnas pa thams cad de/ /lugs su 'jug dang
21b2 bzlog pa dang /gzugs med 'du shes med pa dang / /mngon shes dbang dang stobs rnams dang / /ma nyams nyams pa med pa dang / /chos kyi mtshan la mkhas pa
21b3 rnams/ /sa yi khams la mkhas pa dag /mi yi dbang po stug por 'gro/ /yod dang med pa 'jig pas ni/ /de dag 'khor las mi 'byung ste/ /phrad pa gsum po 'jig
21b4 med cing / /rgyu dang dmigs pa'i rkyen rnams dang / /de ma thag dang dbang yang ste/ /sa rnams bdag med phyi rol dag /mig dang gzugs dag rgyur byas te/ /phrad pas gang
21b5 rnams 'jug gyur pa/ /gzugs rnams mngon byed ye shes dang / /de dag thams cad zhig par 'gyur/ /phyi dang nang gi sa rnams ni/ /phan tshun stobs kyis byung ba ste/ /yod dang
21b6 med pa'i lta ba las/ /de ste grol nas 'jig na ni/ /sems dang dmigs las bral ba'i phyir/ /rnam par dmigs pas mi gnas te/ /mdun du rtog pa med gyur cing / /de yi rang bzhin
21b7 mi gnas la/ /gang tshe dmigs pa spang ba la/ /rnam par rtog pa mi gnas shing / /gang tshe gnyis las rnam grol te/ /rtog med rtog pa spangs pas na/ /de tshe sems ni mnyam par
22a1 bzhag /'gro ba rnam rtog med par mthong / /gzung dang 'dzin pa med pa ste/ /bsam gyis mi khyab shes la gnas/ /brten pa las ni gyur pa ste/ /ye
22a2 shes gnas ngan len spangs/ /yid bzhin rnam pa bcu po ni/ /sna tshogs gzugs kyis brgyan pa ste/ /sa gsum rgyal po rab byed cing / /rgyal po stug por rab tu 'gro/ /
22a3 gzugs dang sems dang sems las byung / /mi ldan pa dang 'dus ma byas/ /nang dang phyi yi sa rnams dang / /tha dad rnam par rab mthong zhing / /so so rang gi ye shes mkhas
22a4 lta ba'i chos la rnam par gnas/ /rgyal po stug por 'dong ba ni/ /ye shes mkhas pa rnal 'byor can/ /mtshan ma ming dang de bzhin nyid/ /rnam par rtog dang ye shes dang / /
22a5 yang dag mtha' yi gnas pa yis/ /so so rang rig spyod yul du/ /rgyal po dag dang rgyal po'i bu/ /rnal 'byor sems dpa'i rnal 'byor can/ /rgyal po stug por 'dong ba
22a6 na| |sangs rgyas bstod pa'i zhing du'o/ /phrad pa gsum dang rkyen spangs te/ /bdag gi phyogs las 'phags gyur na/ /phyogs las nyams pas 'jig pa ni/ /rtog pa
22a7 can dang mnyam par 'gro /ma grub pa dang yang dpe yi/ /rgyal po 'gal bar shin tu 'gyur/ /rnam par rtog dang nyes pa'i ma tshang / /de dag rnam pa sngar 'gyur ro/ /phrad pa
22b1 gsum po sun 'byin pa/ /chud zos bung ba ji bzhin du/ /de bzhin 'jig rten sun 'byin pa/ /yang dag ma yin rtog pa smra/ /de la nyes pa rnam lnga ste/ /rtog pa bslad pa'i
22b2 mig can la/ /'dra chos mi 'dra'i chos skyon can/ /nor dang bzlog pa med pa dang / /bdag gi phyogs las nyams pa'i blo/ /pha rol phyogs la brten pa dang / /lta ba de dag
22b3 'byung ba ni/ /thog ma'i mtha' ni 'jig byed pa'o/ /sems can rnams kyi sngon gyi mtha'/ /rgyal po yod pa ma yin te/ /kun tu rgyug cing 'khor ba dag /'byung ba dog par
22b4 rgyug pa'o/ /de dang de yi lam rgyud du /thugs rje dbang gis rgyal ba gshegs/ /sprul pa'i 'od zer lha rdzas kyis/ /zla ba lta bur rgyu zhing 'khor/ /snga ma'i las dang tshul
22b5 mthun par/ /pha skyabs chos rnams ston pa mdzad/ /rgyud dang rgyud du bying rnams la/ /chos kyang bstan par mi 'gyur te/ /de ste mya ngan 'da' 'jig rten na/ /rgyal bas yon
22b6 tan ci zhig brnyes/ /dbang sgyur gsum po rnams dang yang / /rnam par thar dang bden pa mthong / /rdzu 'phrul rkang pa bzhi po dang / /dran pa nyer gzhag stong pa nyid/ /tha dad
22b7 yang dag shes bzhi dang / /'dri la lung bstan pa rnams dang / /dmigs pa dang ni de ma thag /rgyu dang dbang yang de bzhin te/ /gzugs med pa dang spyod pa dang / /dbang
23a1 po stobs rnams bcas pa dang / /mngon par shes dang dad pa rnams dang / /rnam par shes dang de rgyu dang / /'dus byas ma byas chos rnams dang / /
23a2 byang chub yan lag gang zag dang / /rnam par thar dang skyes bu brgyad/ /sa rnams dag dang shes pa dang / /zil gyis gnon pa'i skye mched dang / /ye shes mngon du chud
23a3 pa bcu/ /sdug bsngal chos nyid shes pa dang / /sdug bsngal gyis su so sor rtog /sdug bsngal nyid kyi rjes su shes/ /'dus pa rnams kyi chos shes dang / /'dus
23a4 pa la ni kun rtog dang / /'dus la rjes su 'gro shes dang / /'gog pa dag la chos shes dang / /'gog pa dag la rtog pa dang / /'gog la rjes su 'gro shes dang / /
23a5 lam la chos kyi shes pa dang / /lam la so sor rtog pa dang / /lam la rjes su 'gro ba shes/ /shes pa rnams dang slob pa bcu/ /brgyad pa mang na lan bdun
23a6 dang / /rigs las rigs dang lan gcig 'ong / /bar chad gcig po gang zag dang / /bar mar mya ngan 'da' ba dang / /gzhan skyes mya ngan 'da' ba dang / /mngon
23a7 par 'du byed ma byas dang / /steng ma'i rgyud kyang de bzhin te/ /rgyal po de dag thams cad kyang / /ye shes spyod yul yin par gsungs/ /rnal 'byor can yul
23b1 sna tshogs te/ /tha ma mchog dang bar ma'o/ /byang chub sems dpa' khyad par du/ /mchog dang bcas par de la sgom/ /rang sangs rgyas ni dbu mar te/ /nyan thos pa ni tha ma'o//
23b2 bcu gcig pa dang bcu gnyis pa/ /lnga gsum bco lnga dag tu yang / /sems kyi tshogs kyi 'gog pa ni/ /rnal 'byor can rnams shin tu byed/ /gang 'das de ni 'gags pa
23b3 yin/ /sems ni rang bzhin 'od snang can/ /zag pa gang yin pa de sems min/ /sems dang lhan cig gnas pa'ang med/ /ma 'ongs pa ni ma phyin te/ /de ltar byung ba gnas
23b4 pa med/ /sems ni rkyen dang mi ldan par/ /'di dang gzhan du'ang skye ba med/ /bsam gtan bzhi na sems med de/ /'byung ba'i rgyu la gnod pa med/ /'byung ba'i rgyu ni rnam
23b5 shes te/ /yid dang rnam shes lnga pa'o/ /rang gi rnam rtog mi shes pas/ /dpa' rlabs bzhin du 'byung ba yin/ /brtag dang rtog las rnam grol ba/ /thub pa kun gyi kun gzhi
23b6 'o| |yod dang med las lha rdzas su/ /gzhan 'gyur 'jig pa ma yin zhing / /stug po dang ni stug dkyil du/ /zla ba lta bur rab tu mdzes/ /de ni mi 'jig bde bar gnas/ /
23b7 stug po'i dkyil na sras dang bcas/ /tha dad ma yin mtshan nyid mkhyen/ /ye shes ro gcig nyid du gyur/ /bsam yas rnal 'byor yul can te/ /rgyal po zla ba lta bur spyod/ /rgyal
24a1 po phun sum tshogs pa 'di/ /rnal 'byor khyer ba thub rnams kyi/ /rtag par rgyal po de yi phyir/ /khyod kyi yid kyang rnal 'byor shog /'dod
24a2 gnas rnam pa drug po dang / /tshangs pa dag gi bcu gnyis dang / /gzugs med shes med sems can du/ /rgyal po khyod ni dbang por gyis/ /stug por 'dod pa'ang
24a3 'thob par te/ /bzang po'i stug por smon pa'i phyir/ /rgyal po ye shes bcu po rnams/ /bsgoms na stug por 'gro bar 'gyur/ /chos dang rjes su 'gro shes dang / /
24a4 pha rol sems dang kun rdzob dang / /sdug bsngal 'dus pa'i shes pa dang / /'gog dang lam las skyes pa dang / /byang ba'i shes dang mi skye dang / /khong bzo bsgom
24a5 pa de bzhin te/ /sha kun ta la'i rgyal rigs dang / /ig shwa khu dang so ma'i rigs/ /yang dag don ston rgyal po'i mchog /khyod kyi rigs ni khyad par 'phags//
24a6 de yi rigs su khyod skyes shing / /zhum pa med par stug por song / /lta ba'i chos la gnas pa yi/ /rnal 'byor can gnas dri med du/ /sbud pa bzhin du dbugs rgyu
24a7 zhing / /'gro rgyu lug dang 'dra ba ste/ /rnga phrug bzhin du lus phyed kyis/ /'gro zhing 'ong ba byed pa ni/ /thams cad lus la yid yin te/ /sgyu ma'i ri dwags bzhin
24b1 du gnas/ /sgyu ma'i shing ltar shin tu snang / /chu bo'i nang gi me bzhin du/ /smin ma mig dang yan lag rnams/ /sgyur pas rgyal po bzhin du rtse/ /sems dang sems las byung
24b2 dang yid/ /yid kyi rnam par shes pa dag/ /chos rnams 'di dag dngos po med/ /sprin gyi tshul du 'byung ba ste/ /kun gzhi thams cad sa bon 'di/ /bag chags rnams kyis
24b3 yongs su dkris/ /sna tshogs gzugs kyi nor bu dang / /'ja' dang glog rnam ji bzhin du/ /lus can rnams kyi lus kyi yul/ /de lta'i gzugs su snang ba yin/ /lu ma'i
24b4 pad+mo lta bur dag /dri med ngang pa'i rgyal po bzhin/ /gsal ba gdon mi za ba'i rigs/ /sangs rgyas sprul pa bzhin du gnas/ /mtshan ma'i mthu las ming 'byung ste/ /mtshan
24b5 ma rkyen las byung ba yin/ /mtshan ma ming dang 'brel ba yin/ /rkyen rnams kyis kyang rnam par brtags/ /mtshan ma'i tshul dang dbyibs dag las/ /rnam par rtog pa
24b6 shin tu 'byung / /rnam par rtog pa bskyed pa yis/ /rgyu la rnam pa gnyis su gsungs/ /phyi rol mtshan ma sems rnams dang / /bag chags yid kyang de bzhin te/ /sems
24b7 dang lhan cig ldan pa ni/ /khong pa la ni gnas pa yin/ /yid dang dbang por ldan pa ni/ /rnam shes lnga mi rgyu yin te/ /rtag tu yang dag ye shes kyis/ /'jig rten rgyu la
25a1 rnam par lta/ /de ltar byed dang bya ba med/ /de bzhin nyid 'di rnam gzhan min/ /thams cad chos kyi de bzhin nyid/ /phan tshun stobs kyis 'byung
25a2 ba ste/ /rnal 'byor can rnams de ltar lta/ /de bzhin nyid du gsal bar mthong / /rang bzhin yongs su grub pa ni/ /chos rnams chos nyid de yin te/ /brtags pa'i
25a3 dngos po rang bzhin du/ /chos rnams thams cad ma skyes pa/ /stong pa ngo bo nyid med de/ /yod dang med pa'i phyogs spangs pa/ /sgyu ma rmi lam rnams dang 'dra/ /dri
25a4 za'i grong khyer lta bu ste/ /skra tshogs rnams dang smig rgyu bzhin/ /du ba sprin stug lta bu ni/ /mtshan ma tshul dang dbyibs rnams kyis/ /ji ltar ming du 'jug pa yi/ /tshig
25a5 dang yi ge mang po dang / /ming rnams mang po la yang ste/ /kun tu brtags pa'i rang bzhin yin/ /gzhan gyi dbang ni de las gzhan/ /yid don dbang po 'dus pa las/ /sa
25a6 bon kun can bag chags dang / /tha dad ma yin sems dang bcas/ /rnam par shes pa kun tu 'byung / /gzhan gyi dbang gi rang bzhin yang / /phan tshun stobs kyi
25a7 rgyu las so/ /so so rang rig shin tu phra/ /mthong ba'i chos la gnas pa ste/ /rang bzhin yongs su rdzogs pa 'di/ /'phags pa rnams kyi spyod yul lo/ /'phags pa'i
25b1 rang bzhin thugs chud pas/ /sangs rgyas rnams dang sangs rgyas sras/ /rang bzhin yongs su rdzogs pa ni/ /yang dag mtha' ru gzigs pas na/ /skye ba zad ces rnam par
25b2 gsung / /tshangs pa'i lam yang non ces so/ /byas kyis bzod yang bya ba med/ /phyin chad 'byung ba med do zhes/ /sdug bsngal kun las rnam par grol/ /g.yo ba thams
25b3 cad shin tu byung / /bag chags ma lus bsregs pas na/ /rnam par rtog pa mi 'byung zhing / /bdag med shin tu mthong ba ni/ /chos dang gang zag bsgrags pa ste/ /sa bon
25b4 rnams dang bral bas na/ /sems kyi tshogs rnams mi 'jug go/ /thog ma med pa'i dus bsags pa'i/ /yid kyi gnas ngan len rtog pa'i/ /spros pa thams cad mngon
25b5 bsal bas/ /mya ngan 'das pa lcags bsregs bzhin/ /ji ltar rab tu bsregs pa'i lcags/ /bsil bar gyur kyang 'jig pa med/ /de bzhin grol ba thams cad kyang //
25b6 me zad bzhin du bsil ba yin/ /zag pa med pa'i chos dbyings su/ /zhugs pa stug po'i dkyil 'khor na/ /rgyal ba rnams dang rgyal sras bcas/ /ting nge 'dzin gyi zas
25b7 gnas pa/ mnyam par bzhag la mnyam bzhag cing / /mthong ba'i chos la bde bar gnas/ /rgyal po rnal 'byor can gyi yul/ /rnal 'byor 'di yin brtsam par gyis//
26a1 de ste rgyal sras dge ba'i gnas/ /stug por 'gro bar 'dod na ste/ sangs rgyas thams cad bzhugs pa'i gnas/ /zhing gi mchog ni stug
26a2 po'o| /de phyir rgyal po dge bar rtsoms/ /rgyal po rnams la'ang dge bar bgyis/ /ming ni mtshan ma'i mthu las byung / /mtshan ma rkyen las byung ba ste/ /mtshan
26a3 ma las kyang rnam rtog 'byung / /grub pa rnams ni ma gtogs par/ /rdza la sogs pa dbang po'i yul/ /phung po yon tan ldan pa'i rnams/ /rnam par rtog pa'i mtshan
26a4 ma 'di/ /skye ba la ni rgyu yin no/ /khyad par byed pa rnam rtog ste/ /gnas kyang rnam par shes par byed/ /'gro dang mi 'gro 'gro ba yi/ /gti mug rnams kyang shin tu skye/ /ring
26a5 po thung du kha dog dang / /rtsub pa dag dang 'jam pa'i rnams/ /sgra dang dri la sogs pa'i yul/ /mngar dang kha dang tsha ba dang / /yid kyi rnam par shes pa'i yul/ /ji snyed
26a6 dge dang mi dge dang / /'dus byas chos dang 'dus ma byas/ /mya ngan 'da' ba ye shes yul/ /skad cig skad cig rab tu 'byung / /byung zhing phyir yang ldog pa ste/ /de ni
26a7 mgyogs par shin tu 'gro /rnam par shes pa rgyu las byung / /yid dang kun gzhi rab 'brel bas/ /khab long lta bur shin tu 'khor/ /kha gnyis sprul ni ji bzhin
26b1 pa| |yid kyi spyod pa de bzhin te/ /kun gzhi rnam shes yog par byed/ /gcig tu 'on kyang rab tu 'byung / /yid kyi rnam par shes dang bcas/ /rgyu yi dgos pa byas nas
26b2 ldog/ /bdag tu dgos pa'ang shin tu byed/ /bdag gir bya ba'ang 'phel bar byed/ /lus la drod kyang skyes pa ste/ /sna tshogs rnam par rab tu spyod/ /zas dang skom dang longs
26b3 spyod dang / gos dang spos sogs rnam spyod dang / /mchong ba dag dang rgyug par yang / /mi yi lus ni 'dzin pa yin/ /gar dang gad mo rtsed mo dang / /yid kyang rtag tu byed
26b4 pa ste| /skra tshogs mgal pa bskor ba dang / /dri za'i grong khyer rmi lam dang / /smig rgyu la'ang de bzhin du/ /rnam par rtog pa kun tu 'jug /pra bab kun tu 'khor ba'i sems/ /
26b5 bdag sems khong du mi chud pas/ /lus dang snod kyi rnam par yang / /phyang mo nyug ltar gnas pa'o/ /nyam chung snying po med pa ste/ /rnam par rtog pa rgyu med pa/ /bdag gis brtags
26b6 pa'i don la spyod/ /mthong nas gnas pa gzugs brnyan bzhin/ /rgyal po rnam shes sa bon ni/ /lta ba'i yul du g.yo ba ste/ /bus pa'i tshogs rnams myos par byed/ /'phags
26b7 pa ma yin sa yi bdag /rgyal po rnam shes gsum po yi/ /'jug pa rab tu bstan pa ste/ /'di rnams dang bral gab pa yi/ /rang bzhin yang dag nyid yin no/ /bye ba phrag zhing ji
27a1 snyed rnams/ /shugs 'dzin gyi ni mthong ba dang / /'phags pa mod+gal bu yis kyang / /lus dang lus che mdzes pa rnams/ /de dag las ni 'di
27a2 dag 'phags/ /stug po'i zhing na sa yi bdag /thams cad zhing na ci mdzes pa/ /de dag dpe'am char mi rung / /bde ba yod dang mngon dga' dang / /'og gi zhing rnams
27a3 bye ba dag /de dang de na gang bzhugs pa'i/ /sangs rgyas de dag stug la bstod/ /stug ces bya yod sngon mtha' med/ /rang byung 'phrul pa de yin te/ /zag pa med pa'i sangs
27a4 rgyas so/ /'byung ba gsum las 'das te gnas/ /de ni bde ba nyer len med/ /khyod dang nga yir spyod dang bral/ /ther zug mchog tu rtag pa ste/ /brtan pa stug por
27a5 'dus ma byas/ /yang dag sangs rgyas byang chub tu/ /'tshang rgya 'og min gnas mchog tu/ /sangs rgyas ma gyur 'dod khams su/ /sangs rgyas mdzad pa mi mdzad
27a6 de| |de dag stug po'i zhing gshegs nas/ /sangs rgyas sprul pa bye ba yis/ /rtag tu rnal 'byor mnyam par bzhag /sprul pa dag dang thabs gcig rol/ /thams cad
27a7 zhing du zla ba ltar/ /gang la gang gis dbang 'gyur pa/ /de la de ltar 'byung ba ste/ /'phrul pa'i sprul pa dag gis kyang / /sa bcu pa yi mdo mchog dang / sdong pos
27b1 brgyan dang dru ma yi/ /gang yang rnam par sprul pa'i mdo/ /dpal gyi phreng ba la bshad dang / /rnam par snang ba'i mdo sde dang / sgyu ma dpal las 'gro ba sogs/ /mdo sde
27b2 rnam pa sna tshogs dag /stug po'i rgyan nas rnam par 'byung / /stug po'i rgyan gyi mdo sde 'di/ /mdo sde kun las 'phags pa yin/ /rgyal po 'di la rim grong yang / /
27b3 rgyal po rnams dang bcas pas gyis/ /gzugs med 'dod dang gzugs rnams dang / /'du shes med pa de bzhin te/ /gnas las 'das te sangs rgyas dpang / /
27b4 bzhugs so stug po'i dkyil 'khor na/ /pad+mo 'dra ba'i gzhal med khang / /gzugs mang rnam pa sna tshogs na/ /lha rdzas smad kyi ye shes te/ /de bzhin gshegs
27b5 pa'i rnam dag gis/ /rnam grol rnal 'byor can rnams dang / /de na bcom ldan thabs gcig bzhugs/ /stug po'i dkyil bzhugs bsam gtan zhugs/ /sangs
27b6 rgyas sa mchog rnam bzhi la/ /de na bzhugs shing gzugs 'dzin pa/ /rnal 'byor mkhas pa nyid tshul gyis/ /de yi mtha' ma mi gzigs pas/ /gzugs rnams
27b7 dang ni yul rnams kyi/ /thub pa rnal 'byor mkhas pa'i rnams/ /gzugs kyi rnam pa sna tshogs kyang / /stug po'i dkyil na rnam bzhugs shing / /thams cad rnal 'byor
28a1 can gyis bstan/ /ba bla gser dang zla 'od tsam+pa ka /rma bya'i mgrin pa pad+mo 'dra/ /de yi sa la bzhugs pa'i lha/ /lha yi gzugs ni rnam par
28a2 mdzes pa ste/ /de gzugs lha rgyal go pa ka dag glog dang 'ol ma byu ru'i 'od bzhin du/ /la las bal chung sku dang na bza' lo ma rtswa la sogs pa'i mal bzhugs
28a3 par| |mthong ngo nyi ma stong ltar shin tu rnam par 'bar ba'i sku gzugs mnga' ba la/ /thub can la las rnal 'byor dbang la stug dbus chu skyes re rer bzhugs
28a4 par mthong / /thub pa'i thor tshugs tshogs ni lag gis 'gro ba yi mgo bo klad pa bzhin du ste/ /la lar gzugs ni rdo rje an+da rnyil gyis spras pa'i cod pan brgyan
28a5 par ro/ /la las la lar thub pa de la 'khor lo ri mo nya dung bcas par mthong / /la las ji ltar nam mkha'i rgyu pa'i lam la 'ja' zug bzhin du thub pa mthong / /
28a6 lha rdzas phyag sor can gyi sna tshogs yul can ri rab phyag tu rab gzhog cing / /khams gsum chu srin gnas dang chu gnas de bzhin ba lang mig par shong
28a7 bar mdzad/ /sbyin pa'i shugs kyis mi yi bdag po'i gtsug gi cod pan rnams kyis rab mchod cing / /la la dag na rgyal dang rgyal po'i 'khor na dgos pa rnams
28b1 na mkhas gyur cing / /chad pas gcod par snang ngo stug po'i dbus na gzhan du rnam par snang ba ni/ /thub pa rnal 'byor mkhas pa'i ye shes rnal 'byor shin tu byed pa rnams
28b2 la ste/ /rang gi yul rnams sngon gyi rgyal bas gsungs pa de dag rnal 'byor gyis ston cing / /la las gnas dang lta ba yid dang blo rnams shin tu gzhan du gyur pa dang / /
28b3 dbang dang ye shes rnam pa sna tshogs ting nge 'dzin dang yid bzhin sku mnga' bar/ /la las yul la chags med spyod yul rig pa'i blo yi bya ba gcod par te/ /'di dang gzhan
28b4 med sreg med gyur pas tshig bya med phyir mya ngan 'das par ro/ /snum dang 'od 'phro med pas ji ltar 'jig rten 'di na me bzhin shin tu mya ngan 'das/ /la las pha rol phyin
28b5 pa'i mchod sbyin mchod bcug mchod sbyin byed pa dag tu ste/ /sbyin dang mchod dang thub pa dag kyang rnam pa tshul bzhin mdzad pa shin tu mthong / /bde ba yod ces bya ba'i
28b6 zhing mchog de na skyes bu yod pa de dag ni/ /mngal nas skyes pa ma yin bde bar 'bar ba'i 'od kyi dkyil 'khor can dag ste/ /lha rdzas gser ltar 'bar ba zla ba lta bu'i
28b7 lus 'chad rnal 'byor can gyi bdag /lha rdzas 'od bzang de dang gang yang mi na brnal 'byor can gyi dbang po'i yul/ /de dag brgya char mi phod rnal 'byor can gyi dbang pho
29a1 dag gi de bde la/ /gzhan du bdag cag nyid kyis bshams pa'i longs spyod pa yi zhing gi mi de dag /mtha' yas 'od kyi bde ba can na rgyal ba'i
29a2 sras rnams lha rdzas 'od 'khor can/ /rnal 'byor yang dag nyid mos thub dbang khyu mchog bsam gtan bdud rtsi myong byed dang / /rnam pa tha dad sna tshogs rin po
29a3 che dag yal ga dpyangs pa'i gnas tshal zhing / /lha rdzas gser phye'i khams las bsags pa'i zhing gi mchog de shin tu rnam par mdzes/ /gser dang rin chen
29a4 sna tshogs me tog pad+mo de ni mchog tu rab tu brgyan/ /'di ni sangs rgyas zhing gi gter yin dpe med de kun mi yang pad+mo skyes/ /thub pa de la dad cing bsam gtan
29a5 mkhas la sangs rgyas la ni rab tu smos/ /bdag gi ston pa la ni bdag bstan yid can pad+mo dag las skye ba ste/ /sangs rgyas zhing gi mchog na gnas pa'i mi
29a6 ni bzang po'i mtshan gyis kun nas brgyan/ /dpe byad bzang po bcas pas rmad du 'bar ba'i lus can dpal gyi be'u dang bcas/ /yod dang med pa'i rnam rtog rtog
29a7 pa med pas dri med rdzub pa dag go/ /de ltar na 'di dag rnam par bstan nas rdo rje khyu mchog mthe bo tsam du gyur/ /sro ma rdul phran shin tu phra ba'i skra yi brgyad cha'i
29b1 gzugs su'ang de bzhin gyur/ /la lar ba de gshegs rang rgyal nyan thos gzugs dang de bzhin sna tshogs gzhan dag kyang / /gang dang gang la sems kyi spyod pa ji
29b2 bzhin de 'dra'i gzugs kyi khyad par dag /rnal 'byor mkhas pa rdo rje zhes byas tshad med gzugs kyi yul dag rnam par spangs/ /de skad bshad nas yang smras pa/
29b3 sna tshogs gzugs cha rgyal ba'i sras/ /sa rnams de bzhin dbang rnams dang / /ma nyams mngon par shes pa dang / /sgyu ma lta bu'i ting nge 'dzin dang / de ltar yid bzhin
29b4 lus kyang ste/ /gzungs dang rdzu 'phrul rkang pa dang / /rnam thar tha dad yang dag rig /stobs dang 'jigs pa med pa dang / /phung po khams rnams zag med pa/ /'di dag
29b5 gzhan du gyur nas 'thob/ /rtag pa'i sangs rgyas sa yang ngo / /chos rnams lnga yi rang bzhin dang / /rnam par shes pa brgyad rnams dang / /bdag med gnyis po rab rtogs
29b6 nas| |gzhan du 'gyur ba 'byung bar 'gyur/ /yid bzhin lus ni bcu po dag /sgyu ma dpa' bar 'gro bas bskor/ /mi zad smon lam bcu po dang / /lam gyi rnams kyis
29b7 shin tu sprul/ /rmi lam me long gzugs brnyan nam/ /chu yi zla ba bzhin du mthong / /rnal 'byor lam la thub pa'i rnams/ /sangs rgyas la zhugs pa dang / /rgyal ba
30a1 pad+mo'i gdan bzhugs pa/ /rgyal ba'i sras kyis mdun du byas/ /yod dang med pa phyogs bral pa/ /rdul phran rnam par 'jig rnams kyis/ /
30a2 dri za grub pa'i rgyal po dang / /lha yi gnas na 'khod pa'i tshogs/ /ri rabs la 'dong rgyu zhing / /nam mkha'i dkyil nas 'dod spyod kyang / /ji ltar snang bar ma gyur ba/ /de
30a3 bzhin rgyal sras bcas pa'i rnams/ /rnal 'byor med pas mi mthong ngo / /rnam pa sna tshogs gzugs dang ldan/ /sa dang zhing rnams bye ba na/ /rgyal ba mchod la mngon
30a4 par mos/ /smon dbang la gnas pa'i rnams/ /pad+mo'i khang par rab tu skye/ /dbang dang bsam gtan sems pa dag /zhing dang zhing du mya ngan 'da'/ /ting nge
30a5 'dzin las skyes pa ston/ /lhun gyis grub par thams cad du/ /chur byung zla ba 'dra bar te/ /nyi ma lta bur khyad med pa/ /snang ba sems can spyod yul du/ /yang dag mtha'
30a6 la mi reg par/ /ting nge 'dzin la rab tu ldog /gru la gnas pa'i bud pa dag /gangs chen mtsho la 'gro ba bzhin/ /gang du gru 'gro der rgyug ste/ /dpag tshed shin tu mang bar
30a7 yang / /thugs rjes nyon mongs dma' pa'i lus/ /sdug bsngal can gzigs de bzhin du/ /de dag 'byung bar rab tu ston/ /phyir ldog bdag med pa yang ste/ /'jig pa dag
30b1 kyang rnam mkhyen nas/ /zad pa'i dus su mi gnas pa/ /gzung dang 'dzin gyis 'phangs pa'i rnams/ /gzung dang 'dzin la spyod pa'i rnams/ /gzung dang 'dzin gyis bskyed pas
30b2 na| |mtshan ma'i gzhi med mtshan nyid med/ /'khor ba'i rgyun gyis khyer ba'i rnams/ /yang dang yang zhing skye ba yin/ /bcags med mtsho yi gter gyur la/ /gcig la
30b3 gcig 'ju'i spre'u ltar yang / /byed pa gru la gnas kyis mthong / /'ju ba'i gnas dang rten med par/ /de bzhin rgyal ba rgyal sras rnams/ /sred pas rnam par dkrugs pa
30b4 yi| |rnam rtog sdug bsngal gnas pa'i rnams/ /sa yi gnas nas nyon mongs phyir/ /rab tu 'byung dang phyir ldog dang / /sbyin dang mchod pa dag kyang 'byung / /'di 'dra rnal
30b5 'byor can gyis chos/ /rnam pa sna tshogs bsgom par gyis// //'phags pa rgyan stug po/ /bam po gnyis pa/ kun tu bzang po mi yi bdag /gzi brjid chen
30b6 po sna tshogs gzugs/ /byang chub sems dpa' sems dpa' ches/ /rdo rje'i snying po la smras pa/ /mthun pa dag la dbang byed dang / /lha gnas 'khod pa gzhan dag dang / /
30b7 rin chen khang pa sna tshogs dang /gang yang stug po'i dkyil 'khor pa'i/ /rgyal sras rnal 'byor ldan pa dag /gang gis stug ces bya thos te/ /thos nas nan tan byed pa'i rnams
31a1 gzhan du 'gyur la gzhol ba dag /gzhan du 'gyur ba'i tshul thos shing / /ting 'dzin de yi tshul song ba/ /stug par ring bor mi thogs 'gro/ /
31a2 sangs rgyas yang dag 'gro la mos/ /'gro ba 'dzin dang shugs 'dzin dang / /'jam dpal rnam par 'phrul ba dang / /mthu chen 'phags pa 'jig rten dbang / /zla ba la sogs
31a3 gzugs dbang rgyal/ /blo gros shin tu zhe ba dang / /lte ba rdo rje rnal 'byor rig /dru ma nam mkha'i bdag po dang / /phyag na rdo rje blo chen dang / /rnal 'byor can dang rgyal sras
31a4 rnams/ /gang yang bye ba'i zhing dag nas/ /chos mnyan phyir ni 'ongs pa'i rnams/ /stug po'i rgyal la gzhol ba dag /rgyal ba ma 'ongs mthong nas kyang / /khong nas
31a5 snying rje snying brtse ste/ /rnal 'byor ldan can dbang po'i gtso/ /sna tshogs gzugs la rab tu smras/ /rnal 'byor can gyi gtso la dris/ /'jigs med rdo rje snying po la/ /rin
31a6 chen khang pa sna tshogs dang / /dbang sgyur khang pa bzang por yang / /ji ltar gang gis sna tshogs byas/ /sna tshogs gzugs can khyod kyis smros/ /dngos po kun gyi sna
31a7 tshogs nyid/ /'gro ba dag gi yang rab 'byung / /rdza la sogs pa'i dngos po dag /ji ltar chu 'jim thal sbyar las/ /las su bya ba thams cad bskyed/ /'gro ba 'di
31b1 dag de bzhin byas/ /rnga dang pi wang sgra la sogs/ /las su bskyed las dbyangs 'byin te/ /de bzhin 'jig rten 'di yang ci/ /bskyod pa'i las las kun 'byung ngam/ /rang bzhin
31b2 gsum po ji bzhin du/ /dngos po gcig la kun tu gnas/ /sa rnams 'di ltar thams cad du/ /dngos dang dngos la rab tu gnas/ /de bzhin 'di dag kun kyang ci/ /dngos po
31b3 gcig la rab gnas sam/ /gang phyir 'di ltar rgyan dag snang / /khams gsum g.yo dang mi g.yor bcas/ /dga' ldan mtshe ma rab rnams dang / /dbang sgyur rnams kyis
31b4 byas sam ci/ /mi 'am ci dang dru ma dang / /gya nom snang bas byas sam ci/ /'og min thor tshugs can gyis sam/ /'on tam gzugs med rnams kyis byas/ /lha rnams bdag
31b5 po thams cad kyis/ /gcig tu 'dus te 'di byas sam/ /'phrul ba'i sprul pa dag gis sam/ /rgyal ba khyu mchog gis mdzad dam/ /'on tam rgyal ba rgyal sras rnams//
31b6 zhing gzhan rnam par bzhugs pas sam/ /rnal 'byor la mkhas rnal 'byor can/ /sangs rgyas zhing du zhugs rnams kyis/ /sa rnams thams cad byas sam ci/ /
31b7 gang la nor pa rab tu gnas/ /gang 'di nor pa snang ba dag /smig rgyu rnams la chu bzhin te/ /rdza ma'i phyogs la yon tan bzhin/ /'gro ba gang gi phyogs la gnas/ /yon
32a1 tan mi 'bral yon tan can/ /yon tan med dang yon tan gnas/ /ma yin phan tshun 'brel bas na/ /yon tan tshogs su rnam par gnas//
32a2 nor pa sna tshogs de bzhin du/ /ga la'ang de bzhin gnas yin nam/ /'gro ba rnam pa sna tshogs rnams/ /sa rnams la ni gang snang ba/ /'on tam tshangs pas phyung
32a3 ba'am/ /'gro ba mthu bo che yis sam/ /khyu mchog gis sam spun zas sam/ /ser skya yis sam rang gis sam/ /gces pa'i rkyen gyis byas sam pa/ /rang bzhin
32a4 gyis sam dbang pos sam/ /dus dang phyogs kyis bskyed pa'am/ /'on tam ma rig sred pas sam/ /lha yi drang srong the tshom za/ /lha yi tshogs kyang de bzhin
32a5 te| |grub dang dri za'i rgyal po rnams/ /sa la gnas pa'i rnal 'byor can/ /'on tam 'di dag mig 'phrul lam/ /'gro ba dri za 'dra zhig gam/ /rmi lam yin nam
32a6 smig rgyu'am/ /sngon med rnam par rtog yin nam/ /gzung dang 'dzin pa'i dngos por yang / /kha gnyis sprul bzhin gnas pa'am/ /'on tam rang bzhin 'di med
32a7 dam/ /'khrul 'khor ro langs bzhin gnas sam/ /mgal pa bskor ba 'dra ba'am/ /'on tam skra'i tshogs lta bu'am/ /byed dang las kyis ma byas shing / /dbang po
32b1 ku be ras ma byas/ /mchod sbyin sbyin sreg mchod 'bras sam/ /smrang gi gzhung gi lam gyis sam/ /rgyu rnams shin tu phal che bas/ /nan tan rtag pa ma yin te/ /'gro ba
32b2 'dzin pa med pa'ang min/ /rgyu rnams kyi yang rgyu dag ste/ /'gro ba ngo bo nyid kyis grub/ /las kyi bag chags rnams las byung / /rnam shes brgyad po'i skyes bu ni/ /kun gzhi
32b3 zhes kyang bya ba ste/ /des ni sna tshogs 'di dag kun/ /rdza ma'i 'khrul 'khor bzhin du bskor/ /til bkrum til mar ji bzhin du/ /lan tshwa'i tsha bro ji lta bar/ /gzugs la
32b4 mi rtag nyid ji bzhin/ /skyes bu 'di yang de bzhin gnas/ /ji ltar bsung la sogs las dri/ /yon tan rnams la yon tan mtshan/ /nyi zla gnyis kyi 'od zer bzhin/ /de
32b5 ltar skyes bu gnas pa yin/ /dgos dang byed pa med pa ste/ /yod dang med kyi phyogs kyis spangs/ /gcig dang tha dad med pa ste/ /mur 'dug phyogs kyis rnam par
32b6 spangs/ /rjes su 'gro ba'i shes pa med/ /nam yang rnam par mi brtag ste/ /grol ba'i so so rang rig pa/ /sangs rgyas sar skyes thub can gyi/ /gzung dang 'dzin pa med pa
32b7 ste/ /snga med sems dang sems byung gis/ /rnam shes brgyad dang bral ba ste/ /nam yang rnam par mi brtag pa'o/ /de la gnas pa chu rlabs bzhin/ /phan tshun mtshan
33a1 nyid tha mi dad/ /'byung zhing phyir yang ldog pa ste/ /de yi ldan pa rig pa min/ /ji ltar thub pa'i rnal 'byor dang / /rdzu 'phrul can gyi rdzu 'phrul
33a2 bzhin| |mnyam par bzhag pas rab tu mthong / /rnal 'byor 'gro ba gzhan gyis min/ /de bzhin 'jug pa'i rnam shes rnams/ /de dag kun gzhi lhan cig gnas/ /
33a3 rnal 'byor can gyis rtag tu mthong / /sangs rgyas sangs rgyas sras de bzhin/ /des ni 'di dag thams cad kyang / /ji ltar nor bu phug pa rnams/ /skud la brgyus dang
33a4 'khor lo bzhin/ /las kyi rlung gis skor byed pa/ /ji ltar rdza mkhan 'khor lo dang / /lag dang thal sbyor bskor ba yis/ /kun tu bskor cing snod byed pa/ /yon tan sna
33a5 tshogs rnam par ldan/ /de bzhin rnam shes brgyad kyi mi/ /khams kyi gzugs brnyan lhan cig tu/ /sa ni rnam par byed pa ste/ /phyi nang rgyu ba'i 'gro ba rnams/ /gang la
33a6 'jig rten 'di dag kun/ /nam mkha' skar tshogs ji bzhin du/ /gnas shing rnam pa sna tshogs gnas/ /rlung gi rta yis shin tu bskor/ /ji ltar mkha' la bya rnams
33a7 kyi| |rjes ni snang ba ma yin te/ /bar snang yod pa ma yin na'ang / /bya rnams rgyu ba'i byed pa med/ /de bzhin rnam par shes pa'i mi/ /bdag yod ma yin gzhan med min//
33b1 rnam dag par snang 'dra ba dang / /dpa' rlabs bzhin du rab tu 'byung / /bag chags rnam pa'i nyes pa yis/ /mi chags pad+mo'i zla ba bzhin/ /pad+mo la ni chu med min/ /chu la
33b2 zla gzugs med pa yang / /chu song zla ba yod pa ste/ /pad+mo'i 'dab la de bzhin chu/ /mig la bud med gzhon nu dag /mig gis mthong ba jir mi 'gyur/ /de bzhin kun
33b3 gzhi rnam par shes/ /las rnams cig car byed pa ste/ /'gro ba dag gi lus la ni/ /khyab gnas sa bon kun can no/ /stug po'i sprin dang 'dra bar yang / /sa rnams yog
33b4 par shin tu gnas/ /tshe dang rnam shes kun nas yog /drod kyang de bzhin stobs chen gyis/ /sna tshogs gzugs kyi lus can gyi/ /rnam pa sna tshogs gzugs kyang
33b5 ston/ /rdza mkhan ji ltar sa snod la/ /spyod pa ji bzhin de lta'o/ /ba lang sogs pa'i rwa mthong zhing / /bong bu rwa ni med pa ste/ /ma mthong bar ni med pa med/ /ba lang
33b6 rwa yi med pa yang / /phyin ci log tu dmigs pas med/ /phyin ci log tu mnar sems la/ /shin tu phra ba'i rdul gshig na/ /yod pa de dag med par 'gro/ /med pa
33b7 yod pa'i rgyu las te/ /med pa yod ces rtog pa ni/ /yod pa med las bltos pa ste/ /phan tshun ltos pa'i rgyu las so/ /blo dang rtogs bya med pa ste/ /khong du chud pa skye
34a1 med/ /mgal ba'i 'khor lo 'khor lo min/ /ji ltar skra tshogs mthong ba bzhin/ /dri za'i grong khyer sgyu ma dag /ci zhig mthong nas 'byung ba
34a2 bzhin/ /blo yi 'byung ba rgyu med par/ /yod pa ma yin rnam rtog pa/ /rtog bya rnam par rtog pas bskyed/ /lus can rnams kyi yid skyes te/ /ming dang 'du shes
34a3 'brel ba dang / /rang bzhin gnyis kyi bag chags kyi/ /mi yi sems ni rab tu 'byung / /grub pa'i don ni mi skye'o/ /thog ma med pa'i dus na bsags/ /gnas ngan
34a4 len gyi yul las byung / /rab tu spros pas bsgos yid las/ /sems kyi tshogs ni 'byung bar 'gyur/ /gzung dang 'dzin pa'i dngos por yang / /kun tu skye ba mi yi
34a5 sems/ /rdza la sogs pa'i gzugs kyi dbyibs/ /snang ba gzhan yod ma yin te/ /'di dag thams cad blo tsam pas/ /rtogs bya'i dngos po yod pa min/ /blo dang rtogs
34a6 bya'i dngos por ni/ /bdag nyid rab tu 'jug pa ste/ /byis pa rnams kyis mi rigs pa/ /bag chags rnams kyis sems myos rnams/ /rnam pa brgyad dang rnam
34a7 bdun dang / /dus gcig tu yang 'byung bar 'gyur/ /sngon med bag chags ldan pas na/ /kun gzhi sa bon thams cad can/ /rgya mtsho'i dba' rlabs ji bzhin du/ /
34b1 rlung gi rkyen gyis bskyod pa ltar/ /gar byed cing ni rab tu 'byung / /rnam par rgyun kyang mi 'chad do/ /blo yi 'od pa de bzhin rtag /yul dang reg pas bskul ba'i phyir/ /sna tshogs
34b2 bdag rtog rnam shes kyis/ /bdag la bdag gir 'dzin par byed/ /ji ltar sa la rnam rtog med/ /'gyur med rnam pa sna tshogs gzugs/ /dgos pa'i rnam par gyur pa
34b3 ni| |de 'dra kun gzhi rnam shes la'o/ /ji ltar mi zhig lag pa yis/ /rang gi lus la mnyed pa dang / /phyogs kyi glang po bdag lus la/ /bdag gis sna yis chu 'thor
34b4 dang | |ji ltar shed can la la dag /bdag gi lus la sos 'debs pa/ /de bzhin blo ni brtags don la/ /don gnyis tshul du 'jug pa'o/ /blo yi yul du bya ba 'di/ /khams
34b5 gsum rnam par khyab par gnas/ /phyi dang nang gi bya bar yang / /rnal 'byor mkhas pas mthong ba yin/ /sangs rgyas rnams kyis 'di kun gzigs/ /sa la ji
34b6 snyed snang ba dag /rnam pa sna tshogs dbyibs kyi gzugs/ /sa la rnam pa sna tshogs so/ /chos 'di yang dag bshad pa dang / /rdo rje snying po 'jigs med pa/ /mi smra'i
34b7 dngos la dag rgyur te/ /bsam gyis mi khyab chos dbyings kyi/ /lha yi bsam gtan mi g.yo ba/ /sangs rgyas spyod yul zhugs pa dang / /stug po nas ni 'ongs pa'i
35a1 gzugs/ /mthong nas rnal 'byor lam gnas pa/ /thub pa de yi lha rdzas lus/ /rnal 'byor btang ste yang gnas so/ /'dod dang gzug
35a2 dang gzugs med dang / /'du shes med pa'i gnas rnams kyi/ /mun pa'i tshogs nas phyir byung ste/ /stug po de nas 'dir 'ongs so/ /sangs rgyas rnams kyi bzhugs
35a3 pa'i gnas/ /sangs rgyas zhing ni mchog rab nas/ /gzugs kyi rnam pa du ma yi/ /sangs rgyas sku yang rnam byung nas/ /mi yi khams na rnam par 'phrul/ /su blo ci
35a4 'dod phan par ro/ /stug po yi ni ming phyung nas/ /rgyal ba'i sras po thams cad kyang / /phan tshun gcig la gcig bltas te/ /gcig la gcig ni rab smras pa/ /
35a5 stug po dri med bsod nams te/ /sdig pa thams cad 'jig par byed/ /rnal 'byor can gyi gnas kyi mchog /sangs rgyas zhing gi dam pa phul/ /yu bus de yi sgra
35a6 thos te/ /thos nas bdag cag dga' ba'i yid/ /stug po rnal 'byor can gnas kyi/ /brtan lam bdag cag thob par bya/ 'og min tshangs pa thor tshugs can/ /
35a7 gtsang ma'i gnas kyis rnam spangs pa/ /zhing gi ngo mtshar ltad mo dang / /sangs rgyas rgyal ba'i sras kyi yab/ /tshangs pas de tshe gsol nas su/ /gtsang ma'i
35b1 gnas kyi 'jigs med rnams/ /de dag thams cad sems pa ni/ /tshangs pa stug por 'gro mi 'gro/ /tshangs pa rnal 'byor chen po can/ /mun pas de dag bslad par
35b2 gyur| |thub pa mi shes thub rig gi/ ji ltar gnas ni thob par 'gyur/ /tshangs pa de na kun tu sems/ /blo yis tshangs par rig pa'i mchog /'dod dang gzugs kyi
35b3 bdag po dag /rgyu ba de na med pa ste/ /nam mkha' khang pa gnas rnams dang / 'du shes med pa de bzhin te/ /mur 'dug gzhan la grags pa yi/ /rnal 'byor can
35b4 rnams der mi 'gro/ /bdag gis bya ba byas sam ci/ /bsams te 'dir yang 'ongs par gyur/ /bdag 'gro'ang brtan zhing rtag pa yi/ /ther zug 'dus ma byas stug
35b5 tu| |gal te yang na thub pa de/ /rnal 'byor mnga' ba lha'i yang lha'i/ /mthu yis rnal 'byor mkhyen rnams kyi/ /pho brang stug po der 'gro'am/ /thub pa de la phyag
35b6 'tshal lo/ /de skad smras nas thor tshugs can/ /mthong ba shin tu 'bar ba yi/ /sangs rgyas lam na bzhugs pa rnams/ /gsungs shig gsungs shig thub pa'i
35b7 rnams/ /khyed la rtsi 'tshal ci gyis shig /sangs rgyas dbang po bka' stsal gsol/ /stug po ji ltar 'thob par 'gyur/ /gzugs yul 'di las phyir log gcig
36a1 der 'gro med pa gzugs can rnams/ /stug po de ni thub chen yul/ /bla na med pa'i sangs rgyas zhing / /'du shes med pas mi 'thob
36a2 ste| |de bzhin 'dod pa'i khams dbang gi /mur 'dug gzhan na grags pas kyang / /rnal 'byor rig lam stug mi 'thob/ /tshangs pa nyid kyis de gsung thos/ /
36a3 mchod sbyin gsol ba'i zhal na ste/ /de ni de nas phyir log ste/ /tshangs pa'i gnas su yang song ngo / /de yi phyir na der 'gro ba/ /tshangs pa yis kyang mi thob pas/ /
36a4 gzugs med 'dod dang gzugs can rnams/ /der 'gro yod pa yod ma yin/ /ci phyir dad pa 'di 'dra rnyed/ /stug po'i dkyil 'khor mthong ba yang / /rnal 'byor can
36a5 gyi gnas kyi mchog /de phyir ngo mtshar thob par gyur/ /sgyu ma'i ting nge 'dzin gyi yul/ /rnal 'byor can gnas stug po de/ /'di ni gcig nas gcig tu thos/ /de nas
36a6 byung bas rnam par bsnyad/ /sna tshogs tshig 'di thos pa ni/ /thub can rdo rje snying po yi/ /rgyal sras khyod kyis smra bar gyis/ /rgyal ba'i sras rnams nyan par 'dod/ /
36a7 dbang sgyur rgyal po de bzhin gyis/ /gzi brjid chen po ma thogs shig /mtshe ma rab dang dga' ldan dang / /gtsang gnas 'jigs pa med pa'i rnams/ /thub pa'i
36b1 bka' ni ma lus par/ /smra bar su zhig nus pa yod/ /gzhan du khyod dang sangs rgyas rnams/ /thub chen thub pa bsnams pa dag /sangs rgyas yul ni bsam mi khyab/ /
36b2 mchog gi gtso bos sangs rgyas kyi/ /rnal 'byor rnal 'byor med pa la/ /su yis ji ltar bstan par nus/ /mtshe ma rab dang shugs 'dzin dang / /dbang sgyur rgyal
36b3 ba'i sras po dag /gcig pa'i dbyangs su yang smras te/ /gsungs shig gsungs shig rgyal ba'i sras/ /rnam par 'phrul dang 'jam dpal dang / /byams pa mi'am
36b4 ci yi bdag /rnal 'byor can gzhan gang de ni/ /de dag smra ba smros shig sgrogs/ /nam mkha' las kyang sgra byung ste/ /lha dang sngags 'chang rnams kyis kyang / /de nas
36b5 shin tu rnga brdungs pa/ /gsungs shig gsungs shig rgyal ba'i sras/ /de dag de skad smra ba na/ /thor tshugs can gyi tshangs pa 'ongs/ /sa 'khod kun las smras pa ni/ /
36b6 stan gyi mchog la 'dug nas de/ /ngo mtshar lha rdzas 'di ci zhig /thub pa rnams kyi tshogs 'khor na/ /rnal 'byor dbang po thams cad dang / /slob ma mkhas pa
36b7 de dag kyang / /khyu mchog thub la 'dri bar 'dod/ /rgyal sras rdo rje dbang po la/ /skabs 'di ji zhig su zhig la/ /rgyal ba'i sras kyis gsungs pa yin/ /ku ru'i bu
37a1 dang di li pa/ /'khor lo 'khor ba man mtha' ste/ /yang na yo ba na shwa la/ /lha rdzas mi yi gtam brjod dam/ /gnyi bu ig shwa ku la'am/ /
37a2 de bzhin gzhu stong bdog pa la'am/ /'on tam gnas srung po la'am/ /'khor lo 'khor ba gzhan dag la'am/ /'dod dang gzugs dang gzugs med la'am/ /
37a3 'du shes med gnas gnas pa la'am/ /nam mkha' mtha' yas rnam shes sam/ /'on te cung zad med pa dag /thub chen rang sangs rgyas dag la'am/ /nyan thos
37a4 rgyal ba'i sras la 'am/ /sangs rgyas sa la zhugs pa yi/ /rgyal dbang rnams la gtam 'di 'am/ /'di ci lha min lha rdzas sam/ /'on te skar ma'i de bzhin nam/ /
37a5 ji ltar gyur ba khyod kyis gsungs/ /bdag cag slob ma phyogs su nyan/ /bla ma'i tshig ni thos nas kyang / /rgyal ba'i sras po thams cad dag /phan tshun shin tu dpyod
37a6 par byed/ /de yi ting 'dzin 'gro song rnams/ /rgyal ba'i sras rnams tshig thos pa/ /thor tshugs can las mngon du ste/ /slob ma bcas par nyan 'dod pa/ /gtsang
37a7 gnas bdag po nyid kyang yin/ /thar zla blo gros mi zad dang / /nam mkha'i dbang po 'gro ba 'dzin/ /mthu chen spyan ras gzigs dbang dang / /rnal 'byor shes pa
37b1 gzungs kyi dbang / /lha yi cod pan rnal 'byor dbang / /gtsug na rin chen blo gros shing / /lag na rdo rje zhi ba'i blo/ /lag na rin chen blo chen dang / /'di dag rgyal sras gzhan dag
37b2 kyang / /bye ba'i zhing rnams kun nas 'ongs/ /rdo rje'i snying po blo can la/ /de dag kun gyis rnam bltas nas/ /pad+mo'i stan la 'khod pa'i rnams/ /rgyal ba'i sras la gsol ba
37b3 'debs/ /blo chen rab tu bshad par gyis/ /rgyal ba'i sras rnams nyan par 'dod/ /'das pa dag dang ma 'ongs tshul/ /da ltar byung ba'i gang tshig kyang / /rgyu dang dpe yis rab
37b4 gsal bar/ /khyod kyi zhal nas byung ba rnams/ /gdon mi za ba'i tshig 'di yang / /khyod kyis rgyal ba de zhal nas/ /thams cad ma lus thos pa ste/ /skyon med de bzhin gshegs
37b5 pa'i mkhyen/ /ting 'dzin dbang sgyur rgyal po yis/ /thams cad blo gros rnam bltas nas/ /rdo rje snying po 'jigs med kyis/ /rnal 'byor can la tshig smras pa/ /rgyal ba'i
37b6 gsung rab ma lus par/ /smra bar sus kyang nus pa med/ /de yi byin rlabs ma gtogs par/ /sangs rgyas rnams dang rgyal sras kyi/ /sangs rgyas kun la phyag 'tshal
37b7 te| |sangs rgyas byin gyis brlabs pa dag /nor bu rin chen sna tshogs khang / /dbang sgyur gnas bzang 'khod rnams la'ang / /ye shes dad pas smra bar bya/ /sangs
38a1 rgyas rigs byed tshul yin te/ /nga las 'di dag thams cad nyon/ /de bzhin gshegs kyi ye shes dge /rgyal po rnams la gtam 'di
38a2 min/ /mi bdag mchog rnams 'das pa yang / /'di ni sangs rgyas rigs kyi gtam/ /stug dkyil phun sum tshogs rnams kyi/ /rnal 'byor can gyi rnal 'byor
38a3 yul/ /sangs rgyas kun gyi phun sum tshogs/ /de bzhin gshegs kyi ye shes phra/ /rtog med rtog pa spangs pa ste/ /so so rang rig mkhas pa'i yul/ /brjod pa
38a4 dang ni rnam par bral/ /de ni smra bar dad pa med/ /bdag gis de yi mthu thos pa/ /lha rdzas kyi ni ye shes dang / /ting nge 'dzin gyi me tog gis/ /rdzogs pa'i sangs
38a5 rgyas gsungs pa ni/ /stug po'i dkyil du mnyam bzhag pas/ /thams cad phyogs las rnam grol zhing / /yod dang med pa'i phyogs spangs pa/ /yod dang med pa'i
38a6 phyogs dang bral/ /dbu ma'i lam ni dge ba ste/ gzhan du 'gyur ba'i lha rdzas tshul/ /sangs rgyas sa la 'jug par byed/ /dbu ma'i lam po de nyid kyang / /mtha' bzhi
38a7 rnam par spangs pa ste/ /rnam par rtog med dmigs med pa/ /stug na gnas pas shin tu mthong / /thub chen de nyid la ma shes pa/ /bdag med ye shes mkhas rnams
38b1 kyis/ /bla ma'i tshig 'di thob pa dang / /rnal 'byor can rnams thams cad kyang / /rkang pa gnyis la mnyam btud nas/ /rdo rje zhes la smras pa ni/ /rnal 'byor can rnams nyan
38b2 par brtson/ /skom pa rnams ni chu 'tshol bzhin/ /khyod kyi zhal nas btung 'dod pa/ /tshig gi sprang rtsi bung ba bzhin/ /rnal 'byor dbang po yang dag gsungs/ /rgyal ba'i
38b3 sras rnams shin tu nyan/ /rnal 'byor can rnams rnal 'byor blo/ /ye shes dbang po 'phrul chen rnams/ /zhing gi bdag po rgyal chen rnams/ /rnal 'byor lam la rtog
38b4 byed pa/ /bde gshegs bka' ni nyan par ro/ /khyod kyi zhal nas rnam byung ba/ /rnam pa sna tshogs dka' ba'i sgra/ /khong du chud byed mtshan bzang dang / /tshangs pa'i yang dag
38b5 gshegs pa dang / /dbang po'i don grags khyad par du'o/ /sna tshogs thub pa de yi gsung / /sgra yi don la mkhas pa yi/ /de phyir bdag ni smras ma mos/ /brtag bya rtog
38b6 pa rnam par spangs/ /par snang ri mo ji bzhin dang / /grib ma stong la sogs pas spangs/ /de ste snang na rmad du rung / /de bzhin gshegs pa thub pa'i bka'/ /mkha' la
38b7 bya rjes ji bzhin du/ /blta bar shin tu dkon pa bzhin/ /de bzhin gshegs pa thub pa'i bka'/ /de ni bstan par mi nus so/ /sa rnams gsum du mkhas pa yis/ /dpe
39a1 yis kun tu rab bstan gyis/ /dpe dang bral ba'i de bzhin nyid/ /thub pa'i zhal nas rnam par byung / /de yi tshig la dpe med de/ /rmi lam lta bur
39a2 bdag la snang / /rab rib mgal pa bskor ba dang / /skra yi tshogs dang ji bzhin 'dra/ /ji ltar sgyu ma'i grong khyer dang / /rlung ni shin tu blta dka' dang / /sgyu ma smig rgyu
39a3 'dra ba ste/ /rnam rtog gnyis po rab tu spangs/ /'on tam rnal 'byor sna tshogs pa/ /thub pa'i gsung ni de bzhin te/ /bdag gis rnal 'byor can dbus su/ /bshad par
39a4 de phyir dad pa med/ /'di dag thams cad mkhas pa ste/ /de bzhin nyid blo shes pa'i rnams/ /sangs rgyas spyod yul bsam yas pa/ /de phyir smra bar dad pa med/ /
39a5 'on kyang brjod do thub pa'i rnal 'byor gyis/ /de ring bdag las nyon cig rgyal sras rnams/ /sna tshogs tshig gi don ldan thub pa'i bka'/ /dpe med sems dang
39a6 yid las rnam par 'das/ /ji ltar bung bas me tog ro 'thungs shing / /lhag ma gzhan dag 'thung bar byed pa bzhin/ /snying khu thub pa'i mchog rnams kyis 'thungs
39a7 te| |de yi 'thungs lhag bdag gis de ring bshad/ /de ni yid dang tshig gis kyang / /bstan par nus pa ma yin la/ /lha yi lha yi yul yin te/ /mkhas rnams dge ba
39b1 'phel bar byed/ /mi yi gzugs su byas nas su/ /sangs rgyas zhes ni mtshan ldan pa/ /cod pan can dang gzhan la snang / /gzhan med khang gnas gzhan la yang /
39b2 'od kyi dkyil 'khor 'khor lo dang / /mtshan bzang rnam pa sna tshogs su/ /sa la sna tshogs snang ba ni/ /mur 'dug 'dus pa'i dregs pa sel/ /dus rnams bzhi po
39b3 thams cad du/ /sangs rgyas rnams kyi dus dus la/ /stug na bzhugs pas dus sprul te/ /rnam par phye ba rab tu mdzad/ /bzang dus de bzhin gsum pa dang / /gnyis
39b4 kyi pha rol dus ngan dang / /de dag tu yang ci dgos pa/ /sa la lus can rnams kyis te/ /ldan pa de dag thams cad mdzad/ /stug po'i dkyil na bzhugs shing ste/ /
39b5 stug po de ni dri med gnas/ /sbyor chen rnams kyi bde ba'i gzhi/ /ngan dang gnyis kyi pha rol mtshams/ /thub pa gzugs ni rnam bzung nas/ /dri med stug na rnal
39b6 'byor ldan/ /zla ba bzhin du 'gro la snang / /sna tshogs 'gro ba gang shes kyis/ /sna tshogs gzugs su mdzes pa ni/ /gang la gang snang gang gis kyang / /ji ltar gang la
39b7 de ba de ba/ /de dag de la thams cad du/ /de phyir cha yis mig la gnas/ /shes can yul can thub pa ni/ /rnal 'byor mkhyen pa shes pas snang / /dbang po che gzugs
40a1 gzhan dag dang / /'jug 'dod kyi dang de bzhin gzhan/ /ser skya yi yang gzugs su ste/ /thub pa la lar mkha' bzhugs pa/ /shes byed shes
40a2 la yang dag snang / /sa nad sa nan da na la/ /sa nad gzhon nu me dag dang / /sgra gcan mi ci tum bu ru/ /ig shwa ku dang / zla ba'i rigs/ /thams cad sa yi rgyal po la/ /
40a3 thams cad sa yang mchod pa ste/ /sku ni su su ci 'dod bzhin/ la lar mur 'dug spyod sprul te/ /ston pa 'gro ba rnams kyis mthong / /tshul gyi gtsug lag ston par
40a4 yang / /ci bzhin rigs par rab ston cing / /rdo rje dngul dang gser dag dang / /zangs dang lcags kyi 'byung khungs dang / /ro nye zha nye mu tig dang / /pad+ma rA dang an+da rnyil/ /
40a5 bai DUr+ya dang shel dag dang / /a sma garba mu sa ra/ /tshul dang rtag pa thams cad ldan/ /mkhan po bla ma kun 'gro dang / /gang gis lus can su su cir/ /sa la bde ba
40a6 skye ba bzhin/ /de la de bde thams cad du/ /thub pa'i rnal 'byor rab las byung / lha yi bu mos mi spyod do/ /de bzhin dri za'i bud med kyis/ /'dod khams dbang po'i
40a7 bud med dang / /de bzhin klu yi bud med kyis/ /mi ci lha min bu mo dang / /gnod sbyin bu mos de bzhin no/ /de ni 'dod pa'i yul las rgyal/ /gzugs can rnams
40b1 kyi yul de bzhin/ /nam mkha' rnam shes mtha' yas dang / /cung zad med pa'ang de bzhin te/ /'du shes yod mi na ma yin gyi/ /gnas na rnam par rmongs pa med/ /kun tu la
40b2 sogs 'di dag lam/ /rnal 'byor can gyi 'ching ba'i dngos/ /ma zhi mi dge gzhan dag kyang / /srog chags rnams kyi sa yod pa/ /lus can rnams kyi lus kyi yul/ /stug
40b3 kyi zhing rab ste/ /stug po de ni yun du rtag /mnga' rnams bcu po de dag dang / /stobs dang mngon mkhyen ting nge 'dzin/ /yid kyi rgyu las byung ba'i skus/ /sangs rgyas de na rnam
40b4 par mdzes/ /sa rnams bcu po kun bsgoms te/ /rnam thar bden pa stong pa nyid/ /mtshan med smon pa med pa dang / /pha rol phyin drug de bzhin te/ /bsgom dang sbyin dang
40b5 tshul khrims dang / /shes rab rnams kyis de sku 'thob/ /yan lag gzugs kun me tog gi /'dus ma byas pa sangs rgyas sku'o/ /rtog med rtog dang bral ba ste/ /bdag
40b6 med yid dang dbang po rnams/ /shes rab dbang po'i sgor ldan zhing / /mtshan gyis kun nas shin tu bsags/ /sbyin dang tshul khrims la sogs kyi/ /dkar po'i las rnams
41a1 byas pas na/ /sangs rgyas sku yi gnas kyi mchog /stug po'i ris su 'thob par 'gyur/ /de bzhin gshegs pa'i lha rdzas gnas/ /nyi zla rnam
41a2 par spangs pa ste/ /rgyu skar skar phran snang ba dang / /zla ba dus dang ltad mo med/ /rnal 'byor can gyi 'od 'char dang / /sangs rgyas rnams kyi 'od kyis kyang / /kun nas
41a3 bzang po'i stug po de/ /nyi ma bzhin du kun nas snang / /dus kyi 'bri ba de na med/ /nad rnams gang yang yod pa min/ /'chi rga med pa'i gnas yin te/ /stug po de ni
41a4 zhing gi mchog /thams cad gzugs ldan zhi ba'i gnas/ /dri med mthong ba'i chos can gyi/ /sangs rgyas zhing stug bsod nams te/ /lha rnams kun gyis smon par bya/ /
41a5 rnal 'byor can rnams khyad par du/ /sa dang sa la gnas pa dag /sems tsam rang bzhin dngos po rnams/ /gang phyir rab tu bstan pas na/ /yid dang sems dang
41a6 kun gzhi'i tshul/ /rang bzhin gsum po de bzhin te/ /chos la bdag med rang bzhin can/ /gnas ni gzhan du 'gyur pa ste/ /lus ni shin tu gnas gyur pas/ /
41a7 thub pa rnams ni der 'dong ste/ /rnal 'byor can gyi gnas kyi mchog /stug po zhing rab dam par ro/ /stug por 'jug pa zhes bya ba ste le'u gsum pa'o// //
41b1 lus ni rdzas dgu'i rang bzhin can/ /'dus byas rdul phran tshogs yin te/ /yon tan tshogs kyis rnam sna tshogs/ /'byung dang 'byung gnas tshogs yin te/ /khu chu khrag
41b2 las kun 'byung ba/ /sngon med rnam par 'phel pa ste/ /stong gzugs 'og tu 'gro ba yin/ /sdug bsngal 'khrul 'khor thog ma med/ /las kyi rnam pa brgyas kyang g.yog /
41b3 dug gi shing gis sa bzhin du/ /dpa' dang rdul gyis de bzhin du/ /mun pas kyang ni gsos pa ste/ /lam rgyud dog par shin tu 'phyan/ /dus kyis bskul cing rab tu skye/ /
41b4 yon tan las kyis 'da' ba ni/ /phyugs dang mi yi mngal skyes pas/ /klu dang yi dwags sha za dang / /'bar ba lha yi nang du yang / /skye 'am lha min 'jig rten nam/ /sngags
41b5 'chang rigs su de bzhin te/ /'on tam rnal 'byor can dbus su/ /bsam gtan zhig cing mngon skye ba/ /'khor lo 'khor rigs dam par yang / /bar bar du ni skye bar
41b6 'gyur/ /skyes nas rig pa 'dzin pa ni/ /gang tshe dbang po 'phel ba na/ /su yi gang gi gang tshe las/ /lhan cig skyes pa rab byung zhing / /lhan cig skyes pa'i las tshul
41b7 gyis/ /lam dang lam du rab tu 'jug /brtag med rtog dang bral ba yi/ /gang tshe chos ni mngon rtogs na/ /thar pa rnams kyi thar gsum ste/ /yi ge yi ge med byas
42a1 pa'o/ /'byung ba thams cad rgyu yi tshogs/ /de ni 'od snang mchog yin te/ /yang dag bla nas blar sbyangs pa/ /stug po'i dkyil na rnam
42a2 par gnas/ /bye ba'i zhing dang mnyam lus kyis/ /sprul pas khyab par byas shing gnas/ /de ste de shes yod na ni/ /dog pa'i lam nas 'grol bar 'gyur/ /de lta'i
42a3 skyes bu skyes pa ni/ /khyad par shes zhes rnam par brjod/ /lha yi lha yis yang dag gsungs/ /rgyal ba'i sras kyis mdun byas shing / /mngal gyi skye ba 'byung ba
42a4 ni| |byas pa yin no mi rnams kyi/ /ma rig sred dang las skyes min/ /nyon mongs las las shin tu byung / /mtshan ma med pa mngon gyur cing / /mtshan ma med las
42a5 rab 'das te/ /yi ge med pa de byung nas/ /spros pa thams cad rab bral zhing / /stug po'i dkyil du rab tu 'gro/ /dmigs las sems zhig 'gyur ba ni/ /rnal 'byor
42a6 can gyi sgra rmongs pas/ /rtsed mo la sogs lha rdzas dang / /mtho ris bud med bsten rmongs kyis/ /gang tshe thub chen ma 'dug pa/ /de tshe sems ni 'byung ba ste/ /lam
42a7 las skyod ces bya ba yi/ /ting 'dzin 'dod pa'i khams skyes pa/ /gzugs dang gzugs med 'gro ba na/ /ting nge 'dzin ni rab tu skye/ /sems can 'du shes med song
42b1 na| |ting nge 'dzin las bral bar 'gyur/ /nam mkha' rnam shes mtha' yas kyi/ /ting nge 'dzin la dbang med 'gyur/ /rgyas la gang tshe thub dbang gyur/ /gnyis dang
42b2 bral bas byang ba yi/ /sems ni mngon par mi 'byung ngo / /de bden de ni rnal 'byor te/ /bsam gtan pa yi bsam gtan yin/ /bsam gtan rtag tu bsam gtan bya/ /
42b3 de ste stug dkyil 'dod na'o/ /mngal gyi skye ba 'byung ba zhes bya ba ste le'u bzhi pa'o// //rnam brgyad rnam pa dgu yi sems/ /ma rig 'jig rten rgyu yin
42b4 te| |'di ni sems dang sems 'byung mthu/ /gang gnas rnam pa sna tshogs pa'o/ /de yi mthus kyang 'jug pa ni/ /rnam shes rnams dang dbang po rnams/ /ma rig la sogs
42b5 rnam pa 'di/ /rtsa ba'i sems ni brtan gnas pa/ /yan lag bcu gnyis thams cad dang / /'byung ba rnams dang 'byung gnas dang / /yul dang dbang po 'jig rten
42b6 dang / /skad cig 'jig pa'i rgyu yin no/ /thub pa lha yi lhas gsungs pa/ /rgyu dang 'bras bu spangs pa ste/ /tshangs pa'i 'jig rten mthar thug gi/ 'gro ba dbang por
42b7 bcas pa 'di/ /'jig rten btsal bas ma bskyed de/ /bdag nyid rdza ma bzhin 'jig pa/ /nang dang phyi dag rtag par te/ /'gro ba gnas dang g.yo ba dag /lha yi lha yi yul
43a1 yin te/ /sa la sus kyang mi mthong ba/ /mur 'dug grags pa gzhan dag ste/ /thub grags mtshan ma can gyis so/ /phan tshun bcings pas bcings
43a2 pa ni/ /sred pa sna tshogs rnam pas te/ /rnam shes myur du 'gro bas na/ /sems kyi rnam par mi rtogs so/ /lo stong mtha' ru thug pa yi/ /mchod sbyin rnams kyis tshangs
43a3 pa'i thabs/ /thob nas slar du ldog pa ni/ /sa ma ya ru rigs sems pa/ /'dod sbyor bkag srog 'bras bu dang / /gang yang zla ba'i 'bras bu dang / /mer gzhug
43a4 pa yi 'bras bu dang / /gang gzhan mchod sbyin 'bras bu dang / /phyugs bcing ba yi 'bras bu yang / /tshangs pa'i 'jig rten nas ldog go/ /chos gsum can gyi 'gro ba
43a5 dag /ci nyes mi rig thor tshugs can/ /yon tan gsum gyi 'bru 'brel ba/ /chu skyes bzhin du snying po med/ /'di yis thar pa mi rnyed pa/ /stug po de bzhin gshegs
43a6 pa'i gnas/ /de ni rnal 'byor gyis 'thob ste/ /stug po rnal 'byor rig pa'i gnas/ /de bas tshul gcig tshangs pa'i bdag /rnal 'byor can rnams 'jug brtson
43a7 par/ /'di la bdag gnyen gang dag kyang / /skye zhing 'chi ba yong med de/ /mi chod gzhig tu med pa ni/ /lus can kun gyi rnam par shes/ /bag chags kyis ni mi gos
43b1 pa| |sngon med dus nas byung bas so/ /yid kyi gnas ngan len bsags pa'i/ /spros pas kyang ngo cir mi 'jug /ji ltar lha rdzas chu skyes dang / /nam mkha' la yang phyag dar
43b2 dang / /sprin gyi dri mas nyi zla la/ /de bzhin mi gos rnal 'byor can/ /ma bshol rab tu brtson par gyis/ /thams cad sangs rgyas byin gyis brlabs/ /rnal 'byor bde gshegs
43b3 lha yi rdzas/ /rnal 'byor can gyi tshul bskyed pa/ /tshul khrims can gyi tshul 'thungs te/ /ye shes can gyis shes 'thungs shing / /mchog gi ye shes 'thungs nas kyang / /'khor
43b4 ba las ni 'da' bar gyis/ /'di la khams rnams gang yang med/ /phung po lnga dang rnam shes kyang / /ming dang gzugs dag rgyur byas shing / /lus can rnams kyi yid kyang
43b5 skye| |ji ltar me ni shing dbang gis/ /'bar te 'bar bar rtog pa med/ /de bzhin phung po shing rta stong / /ci phyir rnal 'byor 'jug mi bya/ /ri dwags sred dang dri za yi/ /gnas
43b6 dang skra tshogs snang ba ru/ /ri dwags bus pa la sogs mthong / /yang dag ma yin ltas bslad pas/ /de bzhin yul las byung ba'i sems/ /khab long lta bur 'khor ba ste/ /
43b7 gang yang 'di la dngos med pa/ /'byung ba rnams dang 'byung ba yo/ /g.yo ba dro ba bsher sra bar/ /bus pa rnams ni rtag tu rtog /'byung ba sems kyi tshogs las na/ /
44a1 ci phyir rnal 'byor 'jug mi bya/ /ji tsam ma zhig lus yod dang / /ji tsam du ni blo 'byung ba/ /de bar rnal 'byor ye shes la/ /ma bshol bsam
44a2 gtan rab tu gyis/ /thams cad sgyu ma rmi lam ltar/ /'byung ba gsum kun rab tu ltos/ /smig rgyu chu zla lta bu ni/ /ci phyir rnal 'byor 'jug mi bya/ /ji bzhin dri za'i
44a3 grong khyer na/ /'gro ba'i spyod pa rnam par snang / /de bzhin lus la phung po'i spyod/ /ci phyir rnal 'byor 'jug mi bya/ /rmi lam dag na 'gro ba'i tshogs/ /ji ltar rmi lam
44a4 rmi bas mthong / /de bzhin phung po'i gnas yin na/ /ci phyir rnal 'byor 'jug mi bya/ /sa 'di sa la sogs pa'i tshogs/ /'dus pa rdul gyi phung po yin/ /'di sems
44a5 sems byung tshogs yin par/ /rgyal ba'i sras rnams kun ltos shig /'byung ba chen po bzhi po rnams/ /phan tshun kun nas 'dus pa ste/ /gdeg pa la sogs
44a6 ldan pa yin/ /ci phyir rnal 'byor 'jug mi bya/ /'di ni rlung dang mkhris pas myos/ /ro bslas lta bur gnas pa ste/ /byed pa gang yang yod pa min/ /ci phyir rnal 'byor
44a7 'jug mi bya/ /dbu ba'i gong bu lta bu kun/ /'gro ba gnas shing g.yo ba'i rnams/ /smig rgyu 'dra ba'i 'du shes su/ /rdza la sogs pa shin tu rtogs/ /tshor ba chu bur lta bu
44b1 ste| /bde dang mi bder rtog pa yin/ /chu shing 'dra ba'i 'du byed rnams/ /zhig pa grugs pa snying po med/ /rnam par shes par sgyu ma 'dra/ /de yi dngos la gnas pa med/ /rtswa
44b2 shing gnas pa ji bzhin te/ /ci phyir rnal 'byor 'jug mi bya/ /'di ni rmi lam rnam myos 'di/ /'di ni sgyu ma bus pa 'drid/ /'di dag thams cad smig rgyu ste/ /de bzhin dri za'i
44b3 grong khyer ro/ /gang rgyan 'di dag snang ba yi/ /khams gsum 'gro dang mi 'gro ba/ /de kun blo yis rtogs bya ba/ /'jigs med rgyal ba'i sras rnams kyis/ /nyes pa'i rkyen
44b4 ni rtswa dang bcas/ /ye shes me yis rab bsregs na/ /lha rdzas bde ba yod par 'gro/ /rnal 'byor can gnas stug por yang / /'jigs med 'di ni mtshan ma med/ /mtshan
44b5 ma bcings pa'i ngo bo can/ /mtshan ma med pa rtag tu bde/ /mtshan ma sems kyi spyod yul lo/ /sems kyi spyod yul bden pa min/ /bden pa blo gros spyod yul te/ /
44b6 sems ni shes rab spyod yul te/ /mtshan mar gnas pa med pa'o/ /kye ma mtshan ma 'di kun yin/ /gnas gsum tshangs par bsgrags pa ste/ /mtshan ma ming dang yul
44b7 rnams dang / /sgra la sogs pa kun brjod pa'o/ /dbang po kun gyi yul rnams ni/ /lus can rnams kyi 'ching ba'i rgyu/ /'ching bar bya dang 'ching dang rgyu/ /gang 'grol gang
45a1 gis 'grol ba dang / /thar dang thar ba'i bde ba dang / mthong pa'i chos la gnas pa dang / /bdag med pa ru shes nyid kyang / /'dod chags bcom
45a2 par gyur pa na'o/ /de nas mi bdag rin chen gtsug /blo chen byang chub sems dpa' yis/ /rnal 'byor can kun dbang la smras/ /rdo rje'i snying po 'jigs med la/ /
45a3 bya ba'i zhing rnams thams cad la/ /rgyal sras khyod ni brtson pa ste/ /rgyal ba rnams la khyod tshad de/ /rnal 'byor can la nye bar gnas/ /rnal 'byor the tshom bcad pa
45a4 ste| |dpe rnams grub par bya ba'i phyir/ /brtag bya yan lag thams cad dag /lus can rnams kyi lus skyes pa/ /tshul ni sgra yis brjod par mdzod/ /tshig tu brjod
45a5 par cir mi bgyi/ /gnad dang zung gis rnam par mdzod/ /mi zin pa yi rgyu rnams dang / /bgab zungs nor gyis gzhom par gyis/ /phung po'i rgyu rnams bsal bar
45a6 mdzod/ /yang dag 'gyur ba med pa dang / /dge ba yis kyang mkhas pas so/ /ring po mi thogs thar pa 'thob/ /phung po'i rgyu rnams bsregs nas su/ /chos min
45a7 chos kyi tshe 'byung ste/ /'di dang gzhan du'ang 'thob par 'gyur/ /shes pas sdug bsngal rnams las 'grol/ /sred pa yis ni rtag tu bcings/ /mi shes las dang
45b1 sred pa yis/ /lus can rgya cher shin tu byas/ /gzugs dang snang ba yid byed dang / /rnam shes yul la mngon gyur pas/ /myur phyir khong du mi chud pa/ /spyod yul
45b2 du ni sems rgyu ba'o/ /yid sngon 'gro ba chos rnams te/ /lus can kun gyi de bzhin no/ /yid 'gro yid ni gces pa dag/ yid du 'ong bas cir mi bshad/ /gang dang gang
45b3 gi rdzas kyis su/ /mi rnams stug por 'grub pa yi/ /des ni de yi dngos 'gyur pa/ /sna tshogs gzugs kyi nor bu bzhin/ /ji ltar nor bu sna tshogs gzugs/ /tshon
45b4 dang 'byor na rnam par mdzes/ /rnal 'byor can dbus khyod de bzhin/ /de bzhin gshegs gzugs sna tshogs kyis/ /dbang sgyur po brang dge ba na/ /thams cad dag na
45b5 snang ba ni/ /rgyal ba'i sras kyi mdun du byas/ /mya ngan 'da' dang mya ngan 'das/ /stug po mthar mchog ye shes te/ /chos kyi dbyings dang rdzu 'phrul yang / /stug po rnal
45b6 'byor can gyi gnas/ /de ni mtshon gyis mi chod de/ /de ni mes kyang mi tshig pa/ /mi chod pa dang mi phyed pa/ /de ni yul gnas rtag pa'o/ /de ni chus kyang mi gsher
45b7 te/ /rlung gis kyang ni mi skam mo/ /de ni rdza ltar 'jig pa dang / /nan tan byas shes byung ba min/ /rtag pa brtan pa mi 'jig pa/ /skye can kun gyi rnam par shes/ /rgyu
46a1 yis sun dbyung ma yin pa/ /'dra dang mi 'dra rnams kyi ste/ /dam bcas yan lag rnams kyi yang / /mtha' ma thug pa med par 'gyur/ /dam
46a2 bcas pa yi dam bca' dang / /rgyu yi khyad par rgyu dag ste/ /de bas de la rgal du med/ /rtog pa can gyi spyod yul min/ /rnam par shes pa gzhan gyur na/ /de ni stug po
46a3 sems spangs pa'o/ /rtog can rnams kyi yul ma yin/ /de bzhin gshegs pa'i pho brang stug /ma skyes sngon dang tha ma med/ /lhun gyis grub pa'i stobs las
46a4 byung / /rgyu med pa dang las skyes min/ /dbang po chen pos byas pa'ang min/ /gzugs med gzugs dang 'dod pa las/ /yang dag 'das te gnas pa yin/ /
46a5 'dod pa'i khams las 'das nas su/ /gzugs dang gzugs med 'du shes med/ /mun pa'i rgyu las rab 'das nas/ /stug po'i zhing ni rnam par mdzes/ /
46a6 phyogs 'di mkha' las grub pa ste/ /rgyu can rnams kyi spyod yul min/ /yod dang med pa'i phyogs dang bral/ /gcig dang gzhan pa spangs pa'o/ /gces pa dang
46a7 ni rang bzhin min/ /'dod rgyal dang yang dbang po min/ /khyu mchog gi yang phyogs ma yin/ /de bzhin rig can gsum gyi yang / /rdul gyi rkyen las byung ma yin/ /
46b1 sgra rnams kyis kyang brjod du med/ /ngo bo nyid kyis bskyed pa min/ /'dod rgyal gyis kyang mi rnyed do/ /ma rig las dang sred pas min/ /mi shes las kyang smos pa min/ /
46b2 khur med khur gyi yul yin te/ /'di ni sangs rgyas rnams kyi yul/ /lha rdzas de bzhin gshegs kyis mkhyen/ /sa bcu dag tu rnam par sbyangs/ /rnal 'byor can
46b3 gyi sna tshogs yul/ /don gyi dam pa ston pa'o/ /las ci las min gang zhes te/ /byis pa rnams ni myos par gyur/ /las dang las min bshad pa ni/ /rnal 'byor can
46b4 rnams bder gyur pa/ /sna tshogs snang ba rang sems te/ /lus can rnams kyi bdag nyid gnyis/ /phyi dang nang dang thams cad du/ /gzung dang 'dzin pa lta bur gnas/
46b5 sems kyis sems ni mthong yin yang / /khong du mi chud bus pa rnams/ /kha gnyis sems de lus can gyi/ /yin kyang shes par ma gyur pa/ /bdag gi byed pa'ang
46b6 de bzhin byed/ /yul lta bur yang rab tu snang / /rdza ma la sogs gzugs su gnas/ /rdza la sogs pa'ang yod pa min/ /'di yi don la thub pa dag /rnal 'byor
46b7 nyam chung rnam par myos/ /rnal 'byor de yang mi rtogs pa/ /bdag gi rnam rtog lam gnas pas/ /sems 'di gnyis ka'i bdag nyid de/ /me long zla ba bzhin
47a1 du gnas/ /ji ltar rab rib rab rib can/ /skra tshogs ltos shig ltos shig kye/ /phan tshun dag tu ston mod kyi/ /bdag nyes dbang po
47a2 zhan byung gi /'di na gang yang skra tshogs med/ /rgyan dang nor bu dag kyang ngo / /yod dang med pa'i dngos po ltar/ /dbang po'i nyes pas mthong ba yin/ /de bzhin
47a3 rtog can dbang gis 'di/ /bdag gi blo ni ji ltar gnas/ /tshangs la sogs pa'i gnas thub par/ /rtog pa med pas rab tu 'dzin/ /gang 'di mang po snang ba
47a4 dag /sna tshogs tshangs la sogs pa'i mtshan/ /sna tshogs thams cad bdag gi sems/ /rdza la sogs pa'i yon tan mtshan/ /nang du gyur pa'i gzugs
47a5 rnams dang / /mtho ris gnas pa'i gnas rnams dang / /gang 'di phyi nang bya ba rnams/ /thams cad sems las byung ba'o/ /rgyan stug rnal 'byor gang yin
47a6 pa/ /de ni gud na yod pa min/ /rnal 'byor can gyi bsod nams kyis/ /zhugs pa 'di la bslab par gyis/ /dbang sgyur lha rdzas gnas dag dang / /yang na
47a7 gzugs can rnams gnas dang / /'du shes med pa'i gnas su'am/ /'og ma yin pa'i gnas su yang / /cung zad med dang rnam shes dang / /'du shes yod pa ma yin dang //
47b1 sna tshogs kyi ni gnas dag tu/ /'dod chags kyi ni phyogs bshig na/ /khyod ni myur du der gnas pa/ /stug po rnal 'byor can gnas su/ /rgyal ba'i sras kyis mdun byas te/ /
47b2 stug po der ni 'gro bar gyis/ /rnal 'byor de la spyad par gyis/ /bdag gi gnyen gyis ci zhig bya/ /bdag gi gnyen ni rtag tu 'ching / /'khor ba'i lam rgyud rgyu yang yin/ /dbang
47b3 po rnams ni g.yo ba ste/ /bud med rnams la'ang blo 'khrul pas/ /khu chu khrag mnam mi zhim pa'i/ /'ji bar srin bu skyes gyur pa/ /dgu 'am bcu zhig pa dang yang / /khu chu smin
47b4 nas mngon bar skye/ /dbang po rnams kyis kun yog pa/ /srin bu g.yo ba ji bzhin te/ /rim pa de yi tshul gyis na/ /ji srid sems can gnas par du'o/ /lus can rnams kyi
47b5 skye la ltos/ /tshe tsher de dag byung ba ste/ /pha dang ma ni stong dag dang / /bu dang chung ma brgya dag kyang / /thams cad gnas su rnyed pa ni/ /lus can skye la gnas pa'o/ /rmi lam dag na bu
47b6 med pa'i/ /mo gsham bu 'byung ji bzhin du/ /bu rnyed pa yi dga' ba dang / /rmi lam rmi tshe de nyid ldan/ /de ni shir gyur de nas de/ /rmi lam shes nas sad pa dang / /rmi lam gyi ni bu shi
47b7 med/ /gang yang skye ba yod pa min/ /chu bo rab tshal bu dang ni/ /grong khyer dag dang ri rnams dang / /grong dang tshong 'dus phyugs lhas dang / /dka' thub tshal bu'i gnas rnams dang / /
48a1 'gro ba dag gis rgyas pa'i yul/ /zhing dang ba lang lug gis gang / /'jig rten gyi ni longs spyod kyang / /de dang 'di dang gzhan du'ang snang / /ji ltar
48a2 'jig rten 'dir rgyug pa/ /rmi lam rgyug pa de bzhin te/ /gdeg dang bskum la sogs pa yang / /de dang 'dir yang snang ba yin/ /mkhas pas rmi lam gang mthong ba/ /
48a3 skye ba med cing 'chi med par/ /slar sad nas su sems pa ni/ /bu mo mkhas pa dag yin no/ /ji ltar ri dang de'u rnams kyi/ /grib ma kun tu snang ba bzhin/ /de ltar 'jig
48a4 rten rmi lam yang / /mkhas pa rnams ni de bzhin bsam/ /ji ltar skyes bu nyal ba zhig /bud med lhan cig rtse dga' rmi/ /sna tshogs yid du 'ong ba dang / /lha rab btsun
48a5 mo mnyam pa dang / /gzhan yang sna tshogs dngos pos te/ /sad nas rnam par sems pa ni/ /ci zhig bden nam rmi lam yin/ /rmi lam bud med lhan cig tu/ /rtses nas
48a6 phyir ni bdag sad de/ /'di rdzun bus pa slu ba yin/ /de bzhin bdag gi gnyen pa kun/ /rgyal srid stobs kyang de bzhin no/ /dmag pa gyos po bu dag dang / /ma dang phu nu
48a7 pho dag kyang / /rmi lam lta bur rig bya ste/ /rnal 'byor sbyar bar jir mi bya/ /dka' thub tshal dang zhing rnams dang / /ri dang ri yi sman gshong dang / /'o ma 'byung dang ma la
48b1 ya| |lhun po byin dang dbang chen dang / /gdangs kyi ri dang kai la sa/ /char 'bab la yang gang gnas dang / /dzam+bu 'bras bu'i khu ba dang / /gang dag bdud rtsi za ba dang / /phan du
48b2 kam pam par ya tra/ /ko bi dar na gang 'khod dang / /ri rab nang na gang gnas dang / /dpag bsam shing la gnas pa dang / /rang rgyal rgyal ba'i sras rnams dang / /nyan thos
48b3 rdzu 'phrul chen po dang / /thams cad kyi ni rnal 'byor 'di/ /gang 'byung 'byung ba rnams kyi ste/ /pad+mo'i gnas su brtan bcas te/ /skyil mo krung du mnyam gzhag cing / /rtag tu rnal
48b4 'byor sbyar bar gyis/ /'dod dang bde las rnam par dpen/ /dbang po dbang po'i don gyi rnams/ /thams cad las kyang phyir bzlog cing / /lcags kyus glang po ji bzhin du/ /
48b5 sems ni mnyam par bzhag par gyis/ /'jig rten 'jig rten 'das bsam gtan/ /gang yang de bzhin gshegs pa'i dge /'dod dang dga' ba dben la sogs/ /yang
48b6 na thams cad bsgrags pa dang / /khyad par du yang gzugs med dang / /'du shes med pa'i bsam gtan rnams/ /nam mkha' rnam shes mtha' yas dang / /'du shes yod
48b7 min med min rnams/ /nyi ma dang ni zla ba'i dbyibs/ /pad+mo dang ni 'od 'dra zhing / /nam mkha' ri mo me 'dra bar/ /rnal 'byor zhugs pas rab tu mthong / /'di dag thams
49a1 cad spangs nas su/ /snang ba med par rab tu gnas/ /gang tshe mtshan med rnal 'byor can/ /rnam par mi rtog chags med na/ /sangs rgyas bye ba
49a2 rnams kyang mthong / /zhing dang zhing na mnyam gzhag pa/ /de dag phyag gis dbang bskur bar/ /de yi spyi bor dbang bskur te/ /sangs rgyas sa la zhugs pa dang / /sna tshogs
49a3 gzugs ni rab tu 'byung / /sna tshogs tshul gyi dngos thob nas/ /kun mkhyen thams cad rig par 'gyur/ /stobs dang mngon shes dbang yang 'thob/ /gzungs dang thams
49a4 cad ting nge 'dzin/ /thams cad kyi ni 'byung gnas 'gyur/ /thub pa rnal 'byor skyed pa'i yang / /gzugs ni rdul du rnam gzhigs shing / /mchog rdul yan chad nyin
49a5 dben phyir/ /yod las med par 'gyur ba ste/ /bong bu'i ba lang rwa mthong bzhin/ /cha shas med phyir cha shas can/ /phung po las ni phung can med/ /de bas las kyi
49a6 'bras gyur pa/ /'di ni sgyu ma'i bus byas bzhin/ /'di na las med 'bras bu med/ /las kyi sgrub pa'ang yod pa min/ /'jig rten byed pas ma byas te/ /byed
49a7 pa byed pa ma yin no/ /byed la byed pa yod na ni/ /'di rnams thug pa med par 'gyur/ /thug med byas pa'i nyes pa yis/ /thub pa dri ma can du gyur/ /de ste lam rgyud
49b1 sna tshogs rnams/ /chu dang nam mkha' sa gnas pa'i/ /lus can lus la kun gnas te/ /skye ba bzang po gnas su ste/ /ris su 'gro ba yod pas na/ /ji ltar 'dod par lus
49b2 can 'gro /dbang po so so bya ba yang / /ji ltar 'dod par yul 'dzin te/ /'di ni rnam rtog rnam 'gyur ba/ /zho mar ji ltar 'o ma las/ /de bzhin skye dang gnas dang 'jig
49b3 las kyis byas par 'gyur sems na/ /rmi lam dri za sgyu ma sprin/ /brag ca dang ni glog 'dra ba/ /smig rgyu ri dwags sred pa ltar/ /dngos po rnams bsgoms rnal 'byor can/ /thog
49b4 ma med nas bsags pa yi/ /mi yi rnam spros bag chags kyis/ /sna tshogs gnas ngan len pa dang / /sna tshogs rtog pas las su brtags/ /dbang po sgyu ma lta bu yin/ /
49b5 yul rnams rmi lam 'dra ba ste/ /byed dang las dang bya ba yang / /rnal 'byor sgrub pas mi brtag go /rtog pa nyams pa'i rtog pa can/ /rnam myos shes pa nyam chung bas/ /
49b6 byed par rab tu rtog pa ni/ /bya bas 'gro bar byas par te/ /'jig rten gces pas byas ma yin/ /rdul gyi rkyen las byung ba'ang min/ /rgyu med pas kyang byas ma yin/ /
49b7 ngo bo nyid kyis byung ba'ang min/ /rdo rje lcags dang khab long dang / /rin chen phreng ba rgyan rnams kyis/ /ji lta bu yi las shig byas/ /nor bu gser du ming btags
50a1 pas/ /bya dang ri dwags khra bo dang / /tsher ma rnams kyi rno dngos dang / /'gro ba sna tshogs ngo mtshar ba/ /rnam rtog las las ma skyes so/ /las ci gang
50a2 las ma yin zhes/ /rtog can bden la myos pa ni/ /bden pa'i dngos por mi shes pa/ /'di ni rnam rtog las min du/ /'o ma'i nang na yod pa'i dus/ /rjes su mi bde
50a3 rnam par 'gyur/ /rnam par rtog pa'ang thams cad du/ /de bzhin dngos po rnams la 'jug /dngos po skye ba ma yin te/ /dngos po rnam par 'jig pa'ang med/ /rnam
50a4 rtog sna tshogs de dag ni/ /rtog pa can gyis mi rig go/ /'gro ba'i ris kyi dngos po dag /rnal 'byor spyod pas rnam par gzhig /sbyar zhing rnal 'byor de la zhugs/ /las
50a5 dang las min ma sems par/ /ris su 'gro ba'i dngos po yis/ /zla ba nyi ma rnam mdzes pa/ /rlung gis shin tu bskyod nas kyang / /mkha' la brten pa med par 'gro/ /shin
50a6 tu phra zhing shes dka'i las/ /stug por gnas par rab tu mthong / /las de ci zhig yod par 'gyur/ /zhugs brtson rnal 'byor can dag la/ /ji ltar me ni shing gi
50a7 ri| |thar par byed pa skad cig tu/ /rnal 'byor can gyi thams cad las/ /ye shes mes tshig skad cig tu/ /las dang bag chags lhan cig tu/ /mang po'i dus nas
50b1 bsags pa dag /rnal 'byor ye shes bag chags kyis/ /thams cad zhig byed skad cig tu/ /ji ltar sgron mas mun pa'i tshogs/ /skad cig tu ni bsal byed pa/ /ye shes sgron
50b2 mas thub pa de/ /mi shes rnam par sel bar bya/ /rgyan stug po theg pa chen po'i mdo las/ bdag gi las kyi bya ba spyad pa zhes bya ba ste le'u lnga pa'o// //'phags
50b3 pa rgyan stug po/ bam po gsum pa/ 'jim pa rtsa mig thag pa las/ /ji ltar gnas pa'i khyim gyi rnams/ /phan tshun kun nas 'dus 'byor cing / /sa yi dbus na snang ba
50b4 ni| |re re la yang khyim med de/ /rdzas dang dngos la rnam brtags na/ /rdzas kyi rnam pa 'dus pa la/ /khyim zhes gdags shing brjod pa ste/ /sor mo phan tshun kun 'dus na/ /ji
50b5 ltar lag pa'i phu dung du/ /lag pa gnyis ni bsdus las 'gyur/ /tha dad pa las mi 'byung ngo / /g.yul dang shing rta bsnyems bral khang / /grong khyer nags tshal de bzhin te/ /ri
50b6 dang sbrin dang dpa' rlabs kyang / /brag ca glog dang 'dra ba'o/ /smig rgyu chu zla sgyu 'dra ba/ /snam bu rdza sogs grags pa ste/ /mkhas la dngos po thams cad kyang / /rmi lam 'dra
50b7 bar kun tu snang / /de bzhin lus khyim sna tshogs pa/ /bus pa'i lam rgyud dog pa na/ /khams kyis ri bzhin gyur pa ste/ /khyim ltar rtag tu mi brtan la/ /'byung ba med cing
51a1 'jig pa med/ /bdag las ma yin gzhan las min/ /rtag dang chad las rnam par grol/ /gzung dang 'dzin pa yongs su spangs/ /ji ltar dri za'i grong
51a2 khyer ni/ /mdog tu zad kyang grong ltar snang / /de bzhin rang rtog rnam brtags pa'i/ /dngos po rnams kyang rab tu 'byung / /chos rnams smig rgyu lta bu ste/ /yod med rnam bral dge ba
51a3 yin/ /rmi lam sprin ltar snang ba ste/ /rtsig ngos ri mo'i phug lta bu'o/ /zha bo long ba 'dra ba ni/ /dngos kun gcig gis gcig rgyu ba/ /rang bzhin rtogs par mi rung ste/ /rnal 'byor can
51a4 gyis yang dag mthong / /rdul phran rnam par gzhigs pa dang / /rdul gyi dngos po mi gnas te/ /rang bzhin kun gyi mchog yin pas/ /rdul phran mchog ces de phyir brjod/ /de phyir
51a5 blo ni phyir ldog ste/ /sgra la sogs pa'i yon tan spangs/ /rnal 'byor mkhas pa'i rnal 'byor can/ /de tshe ngal bso'i yid du 'gyur/ /ngal bso'i yid ldan rnal 'byor can/ /bcings
51a6 pa kun las grol bas na/ /'di dang pha bir mi skye ste/ /bsam gtan tshul la mos pa rnams/ /sna tshogs rin chen snying po yi/ /gnas na dbang can de dag rtse/ /yon tan dbang byung
51a7 nyes pa med/ /rig 'dzin bud med mang po dang / /thub pa rnams kyis rab mchod cing / /rmi lam bzhin du gnas pa yin/ /'di na gnas kyang tshangs pa dang / /thub dang thub pa'i bu rnams
51b1 dang | |rig 'dzin tshogs kyis de bzhin te/ spyi gtsug blta bar mi nus so/ /'di yi thub pa'i rnal 'byor yul/ /de bas bsam gtan brtson par gyis/ /'di ni kun gyi yul ma yin/ /de phyir
51b2 grogs po bstan par gyis/ /brtan pa sa rnams sna tshogs dang / /'od can rnams kyi gnas su yang / /'dod chags phyogs dang bcas pa dang / /gti mug zhe sdang de bzhin du/ /bcom
51b3 ste stug po rab yangs pa/ /yid bzhin zhi ba'i gnas su 'gro/ /de ni 'chi bdag yul ma yin/ /rnam shes spyod yul de bzhin min/ /mtshan ma med pa'i gnas yin te/ /rtog pas de
51b4 bsgrub ma yin no/ /'di ni lha rdzas gnas yin te/ /thub pa rnal 'byor ldan pa yi/ /de bas zhing mchog de 'dod na/ /thub pas bsam gtan de la gyis/ /'dod chags zhe sdang rnam bcom
51b5 ste| |nga med nga yi 'gro med du/ /'dod chags zhe sdang mi bsam par/ /bsam gtan mchog la bsgom par gyis/ /phan tshun yul la 'dzin pa'i phyir/ /gnyis kyi blo ni rab tu 'byung / /yod
51b6 med rtog pas de bzhin du/ /rnam shes rnams la kun gzhi'o/ /bud med ro smad shas rgyas shing / /skra bzang mig kyang mdzes pa dang / /sna legs dpral ba'i dbyibs sdug la/ /smin
51b7 ma stug cing blta mdzes pa/ /ji ltar la la der chags pa'i/ /yid kyis rnam par myos pa'i sems/ /lta zhing rnam par rtog pa'i tshe/ /mkhas min de la shin tu myos/ /'gro 'dug
52a1 'greng yang de bzhin te/ /snom za gnyid kyis log na'ang / /'dod can gzhan du mi sems te/ /'dod pa can mo yid la byed/ /de bzhin khyod blo rnyog pa can//
52a2 rnam pa kun tu yid la gnas/ /rdzab yul rnyog dang ldan pa yi/ /bcings pa'i dbang du ma 'gro zhig /ji ltar la la rtog pa can/ /blo yi spyod yul rnam 'khrul pa/ /ma he dag dang
52a3 bal glang dang / /glang po dag dang bse rnams dang / /rang ga kr-isna sa ra dang / /sha ra b+ha dang su ra dang / /gnyan dang g.yag kyang de bzhin te/ /mgo dkar rna dang khyu mchog gi/ /ru chen
52a4 rnam par mthong ba dang / /'di bden gzhan du mi 'gyur zhes/ /seng stag bong bu sogs pa yi/ /rwa rnams la ni med ces te/ /yod dang med pa'i lta ba yang / /mi mkhas rnams
52a5 la rab tu 'byung / /de ltar gzhan gyi rwa mthong zhing / /bong bu'i med ces rnam rtog 'byung / /ci ste gzhan gyi ma mthong na/ /bong rwa med snyam de mi 'byung / /log par dmigs pa'i rgyu yi
52a6 phyir/ /'di na med ces rtog pa 'byung / /de la dmigs pa med pas kyang / /gdon mi za bar med la brten/ /rnyog can nga rgyal rtog yul la/ /blo gros spyod yul ma rton cig /ba lang
52a7 ba men ma he rnams/ /rtog pas brtags pa ji bzhin te/ /de ltar khyod kyis sems spyod dang / /phung po skye mched spyod yul dag/ /mngon sum tshad ma dag gis sam/ /shes rab kyis
52b1 kyang rnam par ltos/ /rnam grol mtho ris 'gro ba'am/ /ji ltar 'dod pa bzhin du'ang 'gyur/ /tshangs pa'i gnas su tshangs par ram/ /mtshe ma rab dang gnas dben dang / /rin chen
52b2 sna tshogs gnas su yang / /dbang sgyur rnam par mdzes par 'gyur/ /'od chung rgyas pa dag tu'am/ /'dod khams bdag po dbang can nam/ /nyi zla bdag bdag gnas su'am/ /
52b3 gzhan yang 'od 'bar gzer yang rung / /sum cu rtsa gsum rgyal chen dang / /'phrul la dga' ba'i gnas su yang / /tshangs gnas bcu dang ldan pa yi/ /rnal 'byor can ni rnam par
52b4 mdzes/ /gya nom snang dang shin tu mthong / /'dod med mi dros de bzhin te/ /'og min gnas kyi lha rdzas na/ /'og min shin tu rnam par mdzes/ /cung zad med mkha' rnam shes dang //
52b5 'du shes yod med ma yin dang / /de bzhin 'phrul gyi bde can dang / /zhing bzang gzhan du de bzhin te/ /mkha' la 'gro dang spobs pa bzhin/ /'khor lo 'khor ba'i rigs su gnas/ /
52b6 grol ba rnams kyi grol yul la/ /su gnas de dag rnal 'byor can/ /'dod chags stobs las sngon rgyal ba/ /de dag bzang po'i sa la gnas/ /'di lta'i rnal 'byor ldan pas
52b7 na| |rnal 'byor la ni thub par rtse/ /rdza ma 'jig pa'i gyo mo yi/ /ji ltar rgyur yang 'gyur ba dang / /skad cig 'jig la skad cig ste/ /mi rtag nyid kyang rtag pa yi/ /sa bon ji bzhin myu gu
53a1 la| |rgyu rnams de dag 'dra ba yin/ /myu gu gzhan min sa bon las/ /sa bon nyid kyang myu gu min/ /sa snar rnams las rdza snar 'byung / /tshos
53a2 dam dmar rur mngon par 'byung / /gnag dang snar dang 'dres pa dang / /gro bo dmar po dag kyang ste/ /'dam bu las ni sgog par 'gyur/ /rwa las lan tshar de bzhin te/ /mi
53a3 gtsang sbrang bu dag las kyang / /srin bur 'gyur gzhan mi 'dra mang / /rgyu dang 'dra ba'i 'bras bu ni/ /sa rnams gang na'ang yod pa min/ /gyur pa'i rgyu las 'bras bu 'byung / /rdul
53a4 phran gang dag rgyur 'gyur ni/ /dngos po 'jig pa med par te/ /rnam par rtog la mi rtog cing / /rgyu yi bdag dang nang gi bdag/ bdag gi mchog kyang med pa ste/ /bdag dang
53a5 dbang po yid dang don/ /'dus pa'i rgyu ni ma yin te/ /phrad las 'byung dang rnam shes dang / /rkyen rnams yod pa ma yin no/ /shes can shes pas yul rnams la/ /mkhas pa'i
53a6 stobs dang ldan pas ni/ /sde dpung stobs dang bzhon bcas pa'i/ /nyon mongs bdud rnams gdul bar bya/ /sred pa 'jig rten dma' bar byed/ /sbrang rtsis bad kan mang
53a7 po bzhin/ /sred pa bcom zhing thub pa'i rnams/ /rnam pa mang las rnam par grol/ /sred pas rnam par dkrugs pa na/ /'khor las rnam par mi 'grol te/ /sred dang rnam bral
53b1 'thar par 'gyur/ /de bas rnal 'byor sbyar bar gyis/ /yun ring yod pa'i bag chags ni/ /sprul gdug khros pa ji bzhin yang / /'di dang pha bir 'drid pa ni/ /'khor ba'i lam rgyud dog pa
53b2 par ro/ /'phags pa rgyan stug po las/ /rnal 'byor rnam par phye ba'i sbyor ba zhes bya ba'i le'u ste drug pa'o// //sangs rgyas rnal 'byor rnam phye dang / /bdag ldan de yi
53b3 byin gyis brlabs/ /rgyal ba dag dang rgyal ba'i sras/ /bye ba'i zhing na bzhugs pa dang / /khams gsum gnas pa thams cad dang / /sa gnas rnal 'byor ldan pa dang / /bde yod zhing dang
53b4 stug po ste/ /rnal 'byor can gyi zhing mchog dang / /sangs rgyas pad+mo'i dbus bzhugs pa/ /rdul phran bzhin bzhugs bdag gis mthong / /rnal 'byor de las bdag langs nas/ /sa
53b5 la rgyal ba de dag ni/ /stug po'i zhing na bdag bzhugs shing / /rgyal sras thabs gcig bzhugs pa dag /me tog a ta si 'dra ba'i/ /mkha' la zla 'dra bzhin bzhugs mthong / /
53b6 mthe bo'i tshogs dang rab 'dra ba/ /sa rnams dge la rab sbyor ba'i/ /rnam grol snying po bdag gis mthong / /'di na bu khyod su zhig ces/ /snying po de ltar sems gyur te/ /thub pa'i
53b7 'di ni gcig cig snyam/ /de tshe sku ru zhugs par gyur/ /'gro ba rnams kyang skur zhugs nas/ /thub pa pad+mo'i snying po yis/ /sangs rgyas rnams kyi longs spyod dang / /khams gsum kun
54a1 na gnas par yang / /gang tshe mthong ba de dus na/ /kye ma mtshar ces bsam pa dang / /de tshe thub pa lha yi lhas/ /rnal 'byor yul ni rab bsdus te/ /thub pas
54a2 sngon bzhin bzhag par gyur/ /kye ma bsam yas lha rdzas 'di/ /rnal 'byor can gyi sna tshogs gzugs/ /sangs rgyas lha yi yul yin te/ /bsam gyis mi khyab bdag gis mthong //
54a3 chos kyi sprin gyi ting 'dzin dang / /dga' dang mi g.yo de bzhin te/ /ring song mngon du gyur pa dang / /'od byed pa yi ma lus par/ /sgyu ma dpa' bar 'gro la sogs/ /gzi brjid can
54a4 yang ma lus par/ /gzugs rnams kyi yang yul yin te/ /'og min thabs las byung ba'o/ /de ni yid bzhin 'gyur sku yin/ /dbang gi yon tan brgyad po rnams/ /phra tshogs che
54a5 ba'i yon tan dang / /'thob dang 'dod 'byor bsgrags pa dang / /bdag po dbang dang ldan pa dang / /ji ltar 'dod par rung ba'i rnams/ /thob nas stug po'i dbus yul na/ /rnam
54a6 par gnas shing rab tu rtse/ /sprul pa'i lha rdzas stug po nas/ /phyin pa dge ba de dag kyang / /lhun gyis grub pa sangs rgyas kyi/ /'phrul pa rnams ni rab tu 'gyed/ /rgyal ba
54a7 rnams dang rgyal sras su/ /thabs gcig bzhugs par kun na snang / /de ltar sa 'di sna tshogs pa/ ngang gi gzugs ldan rnams kyang 'dres/ /cha las phyir ldog de yi tshe/ /bya
54b1 ba byas pas stug po'i gzhi/ /shes pas bcad cing mkhas pa'i rnams/ /thub pa dag gis stug po mthong / /gzhal med pad+mo 'dra ba na/ /me ltar rab tu 'bar ba yin/ /thub pa rnal
54b2 'byor bde mos pa/ /rnal 'byor can dang lhan cig gnas/ /dpal be'u mtshan dang thams cad ldan/ /phra ba'i lus can rang gi 'od/ /de dag dbus su thub pa'i dbang / /khyod ni gnas
54b3 par rab tu 'gyur/ /ltos shig lha yi cod pan dang / /dru ma 'am ci yi bdag /gzhal med dbye ba mang po yis/ /zla ba bzhin du rab tu 'bar/ /thub pa rnams dang rgyal ba'i sras/ /
54b4 dga' ldan la sogs lha yi mchog /a ta si yi me tog 'dra/ /shes rab bzang zhing mtshan mang ba/ /phreng ba cod pan thogs pa'i rnams/ /gzhal med mang pos gnas pa ste/ /lus
54b5 ni rab tu 'bar ba dang / /kun mkhyen thams cad mngon gyur pa/ /thogs pa med pa'i spobs pa dang / /kun tu bzang po stobs chen te/ /zla ba 'dra ba'i gzhal med kyis/ /stug po'i gangs
54b6 chen mtsho la gnas/ /rnam pa du mar thams cad nas/ /thub pa rnams kyis bstod pa ste/ /chags med tshangs pa'i khyu mchog dang / /grub dang dri za tshogs rnams dang / /mkhas dang nges
54b7 par ldan pa yi/ /skyes bu'i tshogs kyi bdag po dang / /rgyal ba'i sras kyis mdun du byas/ /rnal 'byor spyod pas khyad par du/ /gzims pa lta bur mthong ba ni/ /de dag le lo bral bas
55a1 te| |gnyid dang snyoms sogs bsrabs pa yis/ /sangs rgyas lha yi rjes su 'brang / /mur 'dug kun gyis mthong gyur cing / /de bzhin lha dang tshangs
55a2 la sogs/ /'dzam gling pa dang 'og min dang / /'phrul gyis sprul pas thub mthong ba/ /'gro bas sna tshogs kun gzugs su/ /sa la kun nas bzhugs par te/ /cho 'phrul
55a3 rnam pa mang po yis/ /mgon po shin tu rnam par mdzes/ /la la nyal zhing rab tu 'bar/ /de bzhin gzhan dag phan tshun 'chag /la la g.yen spyo brel zhing sgom/ /de
55a4 bzhin gzhan yang mya ngan 'da'/ /la la mngal du 'jug pa dang / /skye dang 'byung dang dka' spyod dang / /byang chub rnam par 'tshang rgya zhing / /chos kyi 'khor lo bskor
55a5 bar ro/ /sangs rgyas nyid dang sangs rgyas yul/ /sangs rgyas ye shes bla na med/ /rgyal ba'i sras po 'jigs med pa/ /de dag kun gyis 'thob 'gyur te/ /thub pa
55a6 shAkya'i seng ge yis/ /ji ltar brnyes bzhin grogs po rnams/ /rgyal sras 'jigs pa med pa yis/ /'di dag kun la yid ches kyis/ /yid ches gyur na sangs
55a7 rgyas sam/ /thar par 'gyur pa the tshom med/ /'khor lo 'khor ba'i rgyal por 'gyur/ /spobs can khams kyi bdag po dang / /tshangs la sogs pa'i gnas su yang //
55b1 gnas 'gyur 'khor gyi bdag por 'gyur/ /dri med zhing gi pad+mo la/ /thub pa'i dbus su skye bar 'gyur/ /pad+mo'i dbus su skye ba yang / /brtson 'grus ldan pa'i sras kyis 'thob/ /
55b2 brtson pas bdud las rgyal bar 'gyur/ /bag chags 'dod pa'i rgyu las kyang / /'dod bdag bdag po pham byas shing / /theg pa gcig la rab tu 'jug /brtson 'grus ldan zhing zhi med
55b3 pa'i/ /rigs kyang thub pa rab tu ston/ /sras po yangs pa'i rigs gyur cing / /zhing dang zhing du bdag por 'gyur/ /sangs rgyas nyid du smon sems na/ /sangs rgyas rigs ni rnam par
55b4 dag /rnam dag rigs can sras de ni/ /sangs rgyas rnams kyis lung bstan te/ /myur du sangs rgyas ci 'dra ba/ /de bzhin thub pa 'tshang rgya'o/ /rnam sangs rgyas nas nyer 'tsho
55b5 ba| |tshangs la sogs dang rnal 'byor can/ /sa ltar rtag pa'i dus su yang / /lus can rnams la nye bar gnas/ /thams cad sman gyi rnal 'byor can/ /ji ltar grong dang grong
55b6 gnas pa/ /nad rnams rab tu sel ba ltar/ /rab tu mkhas pa de byed pa/ /rnam rtog med pa'i yid kyis te/ /bcad kyang g.yo zhing 'gul ba med/ /'di ni rnam par rig pa tsam//
55b7 yid ni nang dang phyi yang spyod/ /bdag dang bdag gi med pa ste/ /nor ba mthong zhing mi g.yo'o/ /yid kyi rnam shes yul can gyi/ /kun gzhi kun nas gnas pa ste/ /bcad dang
56a1 gcod par byed pa dang / /de nyid gcad bya gcod pa'ang yin/ /lus can kun gyi kun gzhi ni/ /las kyi bag chags rnams kyis yog /khar ba nor bu nyi ma
56a2 dag /ldan las me 'byung ji bzhin te/ /gtsub ma gtsub stan 'dus las min/ /mis kyang byas pa ma yin no/ /de bzhin sems yid rnam shes dang / /dbang po don dang
56a3 yid dang las/ /sems rnams rab tu skyer gyur pa/ /rgya mtsho'i dba' rlabs ji bzhin no/ /smig rgyu nam mkha' sgyu ma dang / /rmi lam ma yin nor pa'ang min/ /sbal pa rus
56a4 sbal spu dag dang / /ri bong rwa dang mnyam pa'ang min/ /me ni shing las skye bar 'gyur/ /glog ni de bzhin sprin las so/ /me la skyed pa su yang med/ /rdza sogs rdza mkhan lta
56a5 bu'o/ /ji ltar rtswa dang shing dag la/ /brten cing lhan cig sgyu 'byung ba/ /de bzhin mos la sogs pa kun/ /sems dang sems byung lhan cig gnas/ /sems kyi yul
56a6 ni bsam du med/ /stug na gnas pas legs par mthong / /lha rdzas sngon med lhan cig skyes/ /mya ngan 'das dang nam mkha' bzhin/ /so sor ma brtags 'gog pa ltar/ /
56a7 dus gsum rnam par spangs pa ste/ /'od can rtag tu dag pa ni/ /lus can kun gyi kun gzhi'o/ /dang po tshes pa'i zla mdog ltar/ /bye ba'i zhing du snang ba ste/ /ri rab gnas shing
56b1 'khor ba yang / /dngos po 'jig pa ma yin no/ /de bzhin yid sems rnam par shes/ /sems can khams na 'khor mod kyi/ /de la 'phel zhing 'bri med de/ /rtag tu rang bzhin
56b2 'od snang ba'o/ /ji ltar zla ba skye 'bri bar/ /mi shes 'gro ba rnam rtog pa/ /skye 'bri zla la yod pa min/ /gling dang gling du'ang rab tu snang / /de bzhin kun gzhi rnam shes la/ /byis pa
56b3 mi shes 'gro rnams kyang / /rtag tu skye brir rnam rtog ste/ /de ni zag med sangs rgyas so/ /kun gzhi 'di la ji ltar yang / /'byung bas tha dad mi 'gyur te/ /'jug pa'i rnam shes song
56b4 gnas pa/ /bag chags kyis ni zla ba bzhin/ /chu klung dbus kyi shing lta bur/ /chu bo'i klung dang 'grogs mod kyi/ /tha dad mtshan du'ang rab tu grub/ /rgya mtsho chen por de bzhin 'gro/
56b5 de ltar kun gzhi rnam shes kyang / /rtag tu bag chags ldan 'gyur ba/ /rnam par shes pa bdun po dang / /'grogs kyang 'dre ba med pa ste/ /kun nas nyon mongs rnam byang dang / /
56b6 rnam par dag pa'i rgyu yang de/ /chos mthong 'phags pa rnams kyi yang / /de ni rnal 'byor mnyam gzhag pa/ /byol song mi dang lhar skyes dang / /sha za lto 'phye yi dwags dang / /lha
56b7 min dri za 'bar ba yi/ /lam rgyud kun kyang de yi dbang / /sangs rgyas kun gyi zhing mdzes la'ang / /de nyid rgyur ni gyur pa ste/ /de rtogs nas ni sangs rgyas dang / /rigs dang theg pa
57a1 gzhan min 'gyur/ /thams cad lus la rtag tu gnas/ /spyod 'os yod la rnam par 'dug /dpal dang ldan la khyad par du/ /thams cad kun kyang rab tu gnas/ /
57a2 rab dang 'bring dang tha ma la'ang / /'gro ba dog pa thams cad na/ /de ni kun tu gnas pa ste/ /lus can rnams kyi lus la rten/ /'bras bu'i bdag dang rgyu yi bdag /nang gi bdag kyang
57a3 de nyid la/ /byis pa rnams kyis khor zug brtag /de yi dbyings la thog ma med/ /gnas ngan len dang las kyis bskyed/ /bag chags thog ma med pas bsags/ /'tsho zhing
57a4 gso bar byed pa ni/ /rnam par shes pa bdun po ste/ /yid ni rtag tu rlung dang mnyam/ /g.yo zhing myur bar rab tu 'jug /lus can rnams kyi lus gnas shing / /khams kyi
57a5 gong la gnas pa'o/ /las kyi rlung gis bskyod pa ni/ /dbang po rnams la khyab par gnas/ /rnam shes bdun dang lhan cig tu/ /dba' rlabs bzhin du rgyu ba ste/ /rdul phran dus dang
57a6 gtso bo dang / /de bzhin skyes bu dbang bcas su/ /kun gzhi gcig pu dge ba de/ /rtog pa can gyis ther zug brtag /rtag tu sna tshogs rnam pa'i gzugs/ /g.yo zhing myur
57a7 'byung byed pa ste/ /kun gzhi sa rnams thams cad du/ /phyi nang bcas par gnas pa yin/ /de ni sa yi rgyu yin par/ /rgyu can rnams kyis brtag pa ste/ /de yi 'gro ba shin tu
57b1 phra| |rtog pa can rnams myos par byed/ /bdag don dbang po yid mos pa'i/ /yang dag ma mthong myos par 'gyur/ /sngon gyi las kyis bskyod pa yi/ /rnam par shes pa sred pa'i
57b2 rgyu| |sna tshogs gzugs can 'gro ba dang / /mi rnams kyi yang rgyu yin no/ /'jigs med rgyal ba'i sras rnams la/ /rdo rje'i snying pos yang smras pa/ /kun gzhi ngang lugs dge ba
57b3 ni| |rgyal sras rnams kyis mthong thos te/ /kun gzhi'i mchog tu dge ba ni/ /thams cad lus la zhen pa ste/ /sum cu rtsa gnyis mtshan ldan zhing / /rnam pa sna tshogs gzugs
57b4 mnga' ba'i/ /rgyal ba 'khor lo 'khor bar yang / /sa rnams la lar 'gro bas mthong / /ji ltar zla ba skar tshogs dang / /lhan cig mkha' la gnas pa ltar/ /rnam shes rnams
57b5 dang kun gzhi yang / /de bzhin lhan cig lus la gnas/ /ji ltar dbang gis sgyur ba'i lha/ /lha yi bu mos bdun bdar cing / /rin chen dbus na rnam mdzes pa/ /de bzhin kun
57b6 gzhi sa rnams la/ /ji ltar chu dbang chu yi lha/ /chu klung rgya mtsho mching rnams la/ /ji bzhin skye ldan sa yang ste/ /de bzhin sems ni rnam par mdzes/ /ji ltar gzhal med gnas
57b7 pa'i nyi/ /ri rab logs na rnam par mdzes/ /lha rnams kyis ni phyag kyang bya/ /de bzhin kun gzhi sangs rgyas sar/ /sa bcu dag la lhan cig tu/ /spyad pa spyod pa rgyal ba'i
58a1 sras/ /theg pa chen pos phyung ba ste/ /lus la gnas pa rnam par mdzes/ /brjod pa'i zhal gyis rtag par yang / /rgyal ba rnams ni kun nas bstod/ /
58a2 nyan thos rnams dang rang rgyal dang / /rgyal ba'i sras rnams khyad par du/ /sa dang sa la rnam dag pa/ /rgyal ba'i sras zhes mngon bsgrags dang / /rgyal ba dag dang rgyal ba'i sras//
58a3 de dag kun gzhi 'di la brjod/ /lung ston lung bstan 'gyur ba yi/ /rgyal sras rgyal ba de bzhin te/ /kun gzhi dri med bsod nams kyis/ /de bzhin gshegs par 'gyur
58a4 ba yin/ /'di lta bu yi kun gzhi'i yul/ /stug na gnas pa'i rnal 'byor can/ /thub brtson rnal 'byor spyod pa yis/ /rab tu mthong zhing rnal 'byor gyis/ /sangs rgyas dag
58a5 dang rang sangs rgyas/ /nyan thos rnams dang mur 'dug gzhan/ /de nyid rtogs nas mthong ba ni/ /rnal 'byor 'jigs med rnal 'byor ro/ /rnam par shes pa'i spyod yul
58a6 gang / /'di ltar snang ba ci yang rung / /rnam par shes par gyur pa ste/ /rdza la sogs pa sa ma yin/ /'di ltar nor pa gang snang ba/ /sna tshogs rdza grags ci yang rung / /de ni kun
58a7 gzhi gyur pa ste/ /snang ba nor ba'i mtshan nyid do/ /kun gzhi chu klung de bzhin du/ /sna tshogs snang mngon 'gro bas mthong / /bag chags rnams kyis bsgos pa'i sems/ /
58b1 gzung dang 'dzin pa rab tu 'khor/ /dngos po sgyu 'dra ma yin te/ /skra yi tshogs dang smig rgyu min/ /skyes dang ma skyes ma yin te/ /stong dang mi stong rnam par spangs/ /dngos su
58b2 gcig med mi 'gyur te/ /ring dang thung la sogs pa bzhin/ /sgyu ma'i rang bzhin skyes pa ni/ /gang na ci yang yod pa min/ /de ni rig sngags sgyu ma ste/ /skyes bu rnams la rab tu
58b3 snang / /smig rgyu skra la sogs pa'i tshogs/ /gnyis las nye bar mngon pa ste/ /gcig med par ni gnyis po yang / /ma byung 'byung bar mi 'gyur te/ /sgyu la sogs pa rnam brtags
58b4 pa| |'di ni rnam shes gyur pa'o/ /sgyu med sgyu zhes bya ba yi/ /dngos po gang dang gang yang med/ /ci yang rung ste/ gang yod pa/ /sgyu mas byas pa'ang yod pa yin/ /myos par byed par
58b5 'jig rten na/ /sems la dbang med rnams la yod/ /sgyu ma dag gam gyo mo dag /sna tshogs sgyu mas ma byas te/ /g.yo ba gang dag ci yang rung / /de ni snang min sus mi mthong //
58b6 'di la rnam rtog g.yo ba ni/ /khab len dag la lcags bzhin te/ /sems can med la mi rtog pa'i/ /shel sgong nor bu ji bzhin no/ /kun gzhi kun nas sna tshogs pa/ /byed pa
58b7 bzhin du snang ba ste/ /skye zhing 'chi bar 'gyur mod kyi/ /'khor ba po ni gang yang med/ /rmi lam 'dra bar skye shi dag/ /rab tu mthong na rnam par 'grol/ /thub pa gang tshe gyur pa
59a1 na| |grol ba zhes ni brjod pa ste/ /rigs dang gzhung gis brtan pa ni/ /sangs rgyas khyu mchog de yin no/ /thams cad chos la me long bzhin/ /
59a2 srang yin de bzhin tshad ma ste/ /dngos po kun la sgron ma bzhin/ /khab blang ba yi rdo ltar gnas/ /rnal 'byor lam gyi mtshan nyid de/ /'jig pa rnams kyang rnam par
59a3 bzlog /bsam gtan pa yi bsam gtan mchog /rnam par byang ba'i rgyu yin no/ /kun nas nyon mongs zad par byed/ /lam yang rnam par sbyong ba'o/ /dam pa'i
59a4 don gyi spyod yul te/ /'gyur ba rab tu ston pa'o/ /'phags pa rgyan stug po las le'u bdun pa'o// //de nas byang chub sems dpa' sems dpa' chen
59a5 po rdo rje'i snying pos phyogs bcur bltas te/ gtsug gi rin po che'i 'od zer gyis 'jig rten gyi khams thams cad dang / dbang byed kyi gnas dang / nor bu rin po che'i
59a6 snying po'i pho brang na gnas pa'i rgyal ba'i sras rnams la'ang snang bar byas te/ byang chub sems dpa' sems dpa' chen po yang dag pa ji lta ba bzhin du 'god
59a7 pa ston pa la smras pa/ yang dag pa ji lta ba bzhin du 'god pa ston pa/ kha ba yod pa'i ngos la ri dwags thams cad gsod pa zhes bya ba'i ri dwags kyi rigs shig
59b1 yod de/ /de ni gcom sgyu brgya stong gis ri dwags mang po nye bar brid cing thabs la bab pa'i ri dwags rnams bsad cing za'o/ /ri dwags drus ma phru gu dang bcas pa mthong
59b2 na'ang phru gu'i skad du 'bod do/ /ri dwags rwa can mthong na'ang rwa de dang 'dra bar bsgyur te gan du 'gro'o/ /de nas de dag de la bag rton pa dang / des de dag bag rton par rig
59b3 nas bsad cing bsad cing za'o/ /rwa mthong na'ang rwa'i gzugs su bstan te/ de dag bag phab nas ji ltar 'dod par bsad cing bsad cing za ste/ ji ltar ri dwags zhe
59b4 gtum pa'i ngang tshul can de rnam pa sna tshogs kyis ri dwags gsod pa de bzhin du kun gzhi rnam par shes pa'ang phas kyi rgol ba mur 'dug bdag tu smra ba la mngon par
59b5 zhen pa/ bdag gi chos nyid kyi rnam par gnas pa/ 'dzin pa de dang de dag gis bcings pa de dang de dag la de lta de lta bu'i rang bzhin gyi bdag nyid kyis bdag tu smra
59b6 ba yongs su rtog cing rdul phra mo yan chad du rab tu shes par byed pa de dag la de'i bdag tu 'dzin pa nyid du gnas pa ni gzhan du rnam par shes pa tsam du mi gnas pa'i
59b7 bar du ste/ bdag yongs su rtags par byed pa rnams kyis ni yid dang dbang po dang don du ldan pa las shes pa skye ba mthong gi/ bdag dang / yid dang / dbang po dang /
60a1 don 'dus pa'i rgyu las ni ma yin no/ /dper na/ me tog dang gos su phrad na bsung gi khyad par du 'gyur gyi/ ma phrad par ni bsung dmigs par mi 'gyur ro/ /
60a2 de bzhin du sems dang / sems las byung ba dang / yid dang rnam par shes pa rnams ma gtogs par don de ma yin par gyur pa snod dang ba dar lta bu'am/ me mar dang rdza lta bu'am/
60a3 smig lo dang i shi ka lta bu gzhan ni gang yang med de/ rgyu dang rkyen las sems dang sems las byung ba'i tshogs rab tu 'byung zhing bdag med la phra ba dang / bskyed du mi rung ba dang /
60a4 cha med pa dang / dag cing thog ma nas 'od snang ba dang / yul rnam par rig pa'i rnal 'byor can rnams kyi 'phags pa so so rang gis rig pa'i spyod yul ma gtogs par rtogs
60a5 par byed pa rnams kyis mi dmigs so/ /'di nyid ni ri dwags kyi gcan gzan zhe gtum po lta bur 'jig rten rnams la yod pa dang / med pa dang / gcig pa dang / mang po dang
60a6 thams cad dang / thams cad ma yin pa'i lta ba skyed par byed pa ste/ lus can rnam par rig pa tsam du khong du ma chud pa'i rnams bdag dang bdag gir smra ba la mngon par
60a7 zhen par yang ltung bar byed do/ /mi shes pa'i phyir chos khong du chud par 'dod pa'i blos 'khor ba'i rgyud kyi 'khor lo la zhon zhing 'di dang pha bi nas rab tu rgyug ste/ dge ba'i
60b1 bshes gnyen sangs rgyas dang byang chub sems dpa' dang bral ba/ rang gi phyogs las ring ba bas kyang ches ring bar nyams pa'i blo can/ 'phags pa'i lam gyi yan lag brgyad thob
60b2 par mi nus pa/ theg pa gsum las 'ga' tsam la'ang mi 'jug pa'i rnam pa 'dzin pa las rnam par phyir ldog pa ma skyes kyi bar du 'phags pa'i bden pa mi mthong bas/ stug po'i
60b3 dkyil 'khor gyi skal ba can rnams kyang stug po'am stug po'i sgra'ang mi thos so/ /yang dag pa ji lta ba bzhin du 'god pa ston pa/ /'di ni rnal 'byor can rnams kyi lta ba yongs
60b4 su sbyang ba ste/ 'di la khyod dang byang chub sems dpa' gzhan gyis kyang brtson par gyis shig /sangs rgyas kyi zhing stug por 'jug pa'i gtam gyi tshul yang rnal 'byor can rnams
60b5 la ston cig /rang gi rnam par rig pa'i yul zhes bya ba ste le'u brgyad pa'o// //khab long rdo la ji ltar lcags/ /yongs kyis kun tu rab 'khor ba/ /de bzhin phung po'i
60b6 shing rta ste/ /stong zhing bag chags byung ba 'khor/ /rtswa dang 'jim pa shing smig dang / /theg pa rnams su 'dus tshogs las/ /khyim du ji ltar snang gyur pa/ /de bzhin phung po'i gzugs
60b7 'di'o/ /lcags dang khab long ro langs la/ /sems can nye bar dmigs med kyang / /thams cad sems can lta bur g.yo/ /de bzhin phung po bdag med pa'o/ /rgyal sras phyag na
61a1 rin chen gyis/ /gzugs mang rgyal mchog la smras pa/ /mnyam gzhag rdo rje'i snying po la/ /rgyal po khyod kyis dri bar byas/ /rgyal sras 'jigs med
61a2 mkhas pa'i rnams/ /kun gyis thos par 'gyur ba ni/ /brtag bral brtag par mi nus pa/ /brjod pas rnam par spangs pa ste/ /ming dang ming can rnam bral ba/ /'on kyang 'du ba de
61a3 bzhin te/ /sna tshogs gyur pa'i sa 'di yi/ /rang bzhin ci dang cir gnas pa/ /de nas gzugs mang rgyal po yis/ /rdo rje snying po 'jigs med la/ /rjes su 'brel pa'i skabs dris pa/ /
61a4 dngos po don gzhan brtag pa ste/ /rdo rje'i dbang po'i dngos po gang / /la la rab tu brtag bya ba/ /ming dang 'du shes sogs pa'i yul/ /yod dam rdo rje snying pos smros/ /ming rnams sus byas
61a5 ji lta bu/ /ming ni ci la rab tu gnas/ /mi mgon tshig ni thos pa dang / /rdo rje'i snying pos de la smras/ /'di dag thams cad ming tsam ste/ /'du shes tsam la rab tu gnas/ /brjod las tha
61a6 dad gyur pa yi/ /brjod par bya ba yod pa min/ /phung po bzhi po ming yin te/ /gzugs kyang tsam zhes rnam par brtag/ /tsam la ming du btags pa ni/ /skyes bu 'di zhes bya ba ste/ /tsam
61a7 la mtshan ma zhes bya bar/ /rgyal ba rgyal sras dag gis gsungs/ /mtshan ma med par ming du mi/ /de dag rnam par rtog mi nus/ /da bas mtshan ma rten byas shing / /ming du kun
61b1 nas brtag pa yin/ /ji ltar lding dang lnga byid dang / /bar pa de yang yod pa min/ /mtshan ma med par ci yang rung / /byis pas de la rnam mi brtag /de bzhin sa 'di thams cad kyang //
61b2 mtshan ma med par yod pa min/ /ci yang mtshan mar mi rtog pa/ /mtshan ma yod na rnam par brtag /rdza dang snam bu shing rta dag /gzugs yod pa la rnam par brjod/ /'jig
61b3 rten 'di ni 'di tsam ste/ /gzugs tsam rnam pa gzhan mi 'gyur/ /tsam la ming du btags pa ste/ /'di la yang dag ming yod min/ /ming med rnam par bral bar yang / /sa
61b4 rnams thub pas mthong ba na/ /rnam par rtog pa rab tu 'jug /rnam rtog med pa mi skye'o/ /tshor skye med pa gzhan gyur pa/ /mi zad de la skye bar 'gyur/ /rgyu med phyir na ming med
61b5 de| |'du shes tsam la rnam par rtog /de bas rgyal pos rtag par yang / /'du shes ma yin 'du shes sgoms/ /'di dag thams cad 'di tsam ste/ /thams cad las ni gzhan
61b6 med do/ /tsam ni gzugs su shes par bya/ /de bzhin lus dang gzugs dang dbyibs/ /cha lugs ring dang sku yangs te/ /mtshan ma dang ni rnam grangs gcig /'du shes
61b7 ming dang rnam rtog dang / /brjod dang khyad par lhan cig ste/ /tsam dang mtshan ma 'du shes su/ /spyod par rab tu gdags pa ste/ /tsam la gnas de ming rnams kyang / /kun
62a1 rdzob don du rnam par brtags/ /brjod pa med par dngos po ni/ /ma byung 'byung bar mi 'gyur te/ /rnam shes rnams kyi 'byung ba yang / /rtogs
62a2 bya med par yod pa min/ /rtogs bya ming dang tsam po ni/ /sa rnams thams cad de nyid de/ /dngos po gang la gang ming gis/ /brtag par bya ba de bzhin med/ /'di ni chos
62a3 rnams chos nyid de/ /brtags na gnas pa med pa'o/ /'di dag thams cad ming tsam ste/ /'du shes can gyi dngos po med/ /de med pas na ming med de/ /ming med pas
62a4 na rnam mi brtag /rnam par mi rtog zhing 'gyur ba/ /bsreg pa tshig pa'i me bzhin te/ /khur tsas ji ltar khur bkur ba/ /de dang tha dad mtshan can te/ /de bzhin tsam ni
62a5 ming gi khur/ /de dang tha dad mtshan nyid khyer/ /sems la tsam zhes rnam par brtags/ /ming gis tsam du sems tsam gyis/ /'di ni skyes bu sdong po zhes/ /ci yang rung
62a6 ste ming tsam brtag /'byung ba rnams dang 'dus pa dang / /tsam yang gzugs la rnam par brtag /tsam po med par 'byung ba yi/ /tsam zhes bya ba mi dmigs te/ /bum
62a7 pa'i ngos la yon tan ltar/ /tsam la ming ni rnam par gnas/ /bum pa bum pa'i dngos po yis/ /rnam par dben zhing ming dang bral/ /bum pa bum pa'i dngos por ram//
62b1 ming yang ming du gnas pa med/ /rnal 'byor can gyis gang gi tshe/ /ming tsam g.yo ba med pa dang / /rnam rtog gnyis dang 'brel ba yi/ /ming tsam yod med mthong ba na/ /ji ltar
62b2 me ldan lcags rnams dang / /spra tshil dag kyang rgya skyegs kyang / /chu dang mnyam par khu bar 'gyur/ /'on kyang chu yi yon tan med/ /de bzhin kun gzhi rnam shes pa/ /
62b3 rnam shes bdun dang lhan cig tu/ /rtag tu lus su 'jug par byed/ /rnam par shes pas yun du spangs/ /khab long rdo las rten byas shing / /lcags ni sems can bzhin
62b4 'khor yang / /de dag gnyis ka byed pa med/ /sems can gson po bzhin du g.yo/ /sems ni bdun zhes bgrang ba yin/ /kun gzhi brgyad po de bzhin no/ /bag chags
62b5 srad bus brgyus pas na/ /sems can bzhin g.yo sems can med/ /lus ni kun tu rgyas par 'dug /'gro ba dog par 'khor ba ste/ /gcig las gcig gis mi shes
62b6 pa| |byed med lcags dang khab long bzhin/ /mgo bo du ma lce mang po/ /kha mang lag pa du ma dang / /lus kyang du mar rab bsgyur cing / /de bzhin gshegs la mchod byed pa//
62b7 shin tu mang ba'i zhing gi rnams/ /tshad med stong du 'gro byas shing / /de dang der yang mgon po'i rnams/ /de dag kun la rtag mchod byed/ /ri rab ri dang mnyam pa yi/ /me tog
63a1 na bza' char mang po/ /sna tshogs rnam pa tha dad pas/ /de dag mchod pa rab tu byed/ /phreng ba phreng byed cod pan dang / /rin chen brgyan pa sna tshogs
63a2 kyis/ /thams cad mkhyen dang rgyal sras la/ /rtag par mchod pa rab tu byed/ /sprin lta bu yi gzhal med khang / /sna tshogs mang po'i gzugs 'gyur pa/ /mtha' ma nam
63a3 mkha'i mu dang mnyam/ /gzhan yang rdul phran rdul snyed kyi/ /sprul mang lha yi bu mo yis/ /rol mo sil snyan rab bsgrags te/ /gzhal med dag la mngon gnas nas/ /de
63a4 bzhin gshegs la mchod par byed/ /stobs dang mngon shes dbang thob cing / /dog pa'i sa nas ma nyams pa/ /chos kyi sprin las 'thon gyur nas/ /sangs rgyas sa
63a5 la zhugs pa'i rnams/ /sgyu ma dpa' bar 'gro la sogs/ /ting nge 'dzin la mnyam bzhag ste/ /gzungs la mkhas par gyur pa'i rnams/ /de bzhin gshegs la
63a6 mchod pa byed/ /sangs rgyas yang dag brjod mos rnams/ /mtha' yas zhing du 'gro byas shing / /yang dag yon tan ldan pa dag /sangs rgyas yon tan rab tu brjod/ /dpung
63a7 dang bcas pa'i bdud bcom ste/ /rgyal ba dag dang thabs gcig tu/ /rgyal sras so so rang rig pa'i/ /rtogs par bya ba'i ting 'dzin sgom/ /gnas gzhan gyur pa'i yon
63b1 tan can/ /chos la bdag med ston pa'i rnams/ /spros pa thams cad rgyun bcad cing / /dam pa'i don la rnam sgom pa/ /chos lnga rnams kyi rang bzhin dang / /rnam shes brgyad
63b2 la'ang de bzhin te/ /mkhas pa byas par rtag gyur cing / /mnyam par bzhag rnams mchod par byed/ /shin tu phra ba'i rdul 'dra dang / /de bzhin chen po'i lus kyis kyang / /sna
63b3 tshogs pa yi gzugs gyur nas/ /de bzhin gshegs la mchod pa byed/ /sa rnams kun ko bdag lus dang / /yungs kar 'brur yang rab 'dzud byed/ /rgya mtsho ba lang rjes su
63b4 byed/ /ba lang rjes kyang gangs chen mtshor/ /spu gcig rtse mor brtan g.yo ba'i/ /'gro ba rab tu 'dzud byed kyang / /gnod par byed pa ma yin te/ /'gro ba dag na rnam par spyod/ /
63b5 longs spyod can gyi skyid longs yul/ /nyi zla sa dang mnyam pa ste/ /'tshig med sa dang 'dra bar yang / /rnam pa kun gyis phan 'dogs shing / /me dang rlung dag 'dra ba ste/ /rtag
63b6 tu chu dang sman 'dra ba/ /rin chen khams kyi 'byung khungs ltar/ /sems can kun kyang nye bar 'tsho/ /skyes pa med cing 'gags pa med/ /ma chad rtag pa'ang med pa ste/ /tha dad
63b7 don min don gcig min/ /'gro med 'ong ba med pa'i rnams/ /rnam par brtags pa'i ming dag dang / /kun tu brtags pa'i rang bzhin gyis/ /sems can rnams kyi don byed pa/ /
64a1 ming dang ming med rnam spangs dag /sgyu ma lta bu rmi lam 'dra/ /dri za'i grong khyer dpe bzhin te/ /smig rgyu chu yi zla ba 'dra/ /rang bzhin kun tu brtags pa dag/
64a2 glog dang sprin dang du ba dang / /mgal pa'i 'khor lo smig rgyu 'dra/ /'di tshul brtags pa'i chos rnams ni/ /rang bzhin kun tu brtags pa ste/ /gang dang gang gi ming rnams kyis
64a3 chos rnams gang dang gang brjod pa/ /de ni de na yod pa min/ /kun tu brtags pa'i rang bzhin no/ /'di dag thams cad ming tsam ste/ /'gro ba 'di ni ming tsam mo/ /brjod pa
64a4 dang ni tha dad pa/ /brjod par bya ba gang yang med/ /'di ni sa yi rang bzhin te/ /kun tu brtags pa rab tu bstan/ /mig dang gzugs las brten byas shing / /gsum las
64a5 yid de 'byung ba yin/ /rnga sgra me ni 'du 'phrod las/ /myu gu sa bon sa las rim/ /khang pa la sogs sna tshogs dang / /snam bu rdza la sogs pa dang / /lus can rnams dang chos
64a6 rnams kyi/ /'di ni rang bzhin gzhan dbang ngo / /don rnams dor ba med pa dang / /gang yang zag pa med pa'i chos/ /so so rang rig rgyud rnams dang / /chos la bdag med
64a7 nyid dang ni/ /thams cad chos kyi grub pa ste/ /rang bzhin du ni de brtags so/ /rang bzhin gyis ni chos kyi rnams/ /tha dad mtshan du bsgrags pa ste/ /chos rnams thams
64b1 cad 'dres par ni/ /rang bzhin med na rab tu 'gyur/ /gcig min rdzas rnams 'dus pa las/ /sgyu ma'i mkhan pos gcig min gzugs/ /rtogs par sla ba ma yin pa'i/ /sgyu
64b2 ma'i ri dwags byas pa bzhin/ /de ltar dngos po thams cad kyang / /rnam par rtog pas rnam par brtags/ /rtogs par mi rung mi gcig gzugs/ /kun tu brtags pa'i rang bzhin
64b3 no| |sna tshogs nor bu 'dra ba yi/ /ri dwags rdzas kyi rgyu tshogs nas/ /sgyu ma'i mkhan pos rnam byas dang / /sems can kun gyi gzugs bzhin te/ /de ltar dngos po 'di dag
64b4 kun/ /rnam par rtog pas rnam par brtags/ /rang bzhin rtogs par dka' ba ste/ /kun tu brtags pa'i rang bzhin no/ /ji ltar nor bu sna sogs gzugs/ /tshon dang phrad na
64b5 rnam par mdzes/ /de bzhin sa rnams kun ko ste/ /rtog pas rnam par brtags byas na/ /yon tan dngos su mi gnas te/ /sgyu ma rmi lam sprin dang 'dra/ /smig rgyu chu zla lta bu ste//
64b6 kun tu brtags pa'i rang bzhin no/ /ji ltar dri za'i khang pa dag /khang pa ma yin khang par snang / /rgyu med par yang mi snang ste/ /de bzhin sa rnams sna tshogs nyid/ /nyi zla gzhal
64b7 yas khang rnams dang / /tha mal ri dang rin chen ri/ /du ba sprin gyi gnod pas ni/ /nam yang nyes par mi 'gyur te/ /bdag dang gzhan dang gnyis ka las/ /rtog pas rnam
65a1 par brtags byas na/ /dngos nyid mi 'grub dngos rnams kyi/ /rang bzhin kun tu brtag pa'o/ /rgyu las dngos po mi 'byung ste/ /rgyu med las
65a2 kyang ma yin no/ /rang bzhin zhes bya rnam rtog ste/ /dngos dang dngos med rnam par brtags/ /mtshan ma la ni ming rten te/ /gnyis la rnam par rtog pa gnas/ /yang dag
65a3 shes dang de bzhin nyid/ /rnam par rtog pa zlog pa'o/ /sems ni mtshan ma 'dra ba ste/ /mtshan ma yid la gnas pa yin/ /yid la sems rnams lnga po ni/ /dpa' rlabs
65a4 bzhin du rab tu 'byung / /sems ni bag chags rgyu ba ste/ /bag chags rnams la thog ma med/ /thog ma med pa'i blo yi yul/ /yul ni sems kyi nor ba'o/ /sems ni yul
65a5 dang 'dra ba ste/ /sa rnams yul zhes bya ba yin/ /thams cad sa bon kun gzhi la/ /rnam par shes pa kun kyang gnas/ /rnam shes bdun po kun gzhi las/ /rab tu 'byung ngo
65a6 phan tshun dang / /sems kyi rnams dang kun gzhi la/ /rtag med chad pa'ang med pa ste/ /sa rnams thams cad kun gzhi yin/ /bar snang rnam par gnas pa ste/ /gsum
65a7 po 'dus pa'i rkyen byung ba/ /bdag dang dbang po dag las byung / /lus can rnams kyi rnam shes ni/ /yul rnams rnyed nas 'byung ba ste/ /'di ni rtog pa can gyi tshul/ /rgyu
65b1 dang las kyi rgyus byung ba/ /dbang po sa rnams thams cad dang / /tshangs la sogs pa phyi rol dang / /de dag lha min las kyang min/ /rdul phran gyis kyang sa ma byas/ /sa rnams lta bur kun gzhi
65b2 nyid/ /lta ba'i yul du g.yo ba yin/ /rkyen rnams kun gzhis ma byas te/ /rkyen gyis kun gzhi byas pa min/ /'di dag la ni gsum 'dus med/ /rnam shes 'on kyang 'khor ba ste/ /shel
65b3 'dra zla ba bzhin du yang / /rnam shes rnams dang lhan cig rgyu/ /bag chags byung ba'i rnam shes dang / /kun gzhi rtag tu 'grogs pa ni/ /zla ba spyad kis zin pa bzhin/ /rnam shes
65b4 rnams dang lhan cig rgyu/ /bag chags de las langs pa yis/ /rgyas par byed do yang dag yang / /rgyas pa gzhan yang rgyas byed de/ /de la'ang gzhan gyis yang dang yang / /de ltar
65b5 rab tu 'jug pa'i sems/ /mthong nas sems de rnam par ldog/ /mi brtan yul la kun nas 'brel/ /khab long rdo la lcags bzhin te/ /kun gyi gzhi la sems yod pa/ /zag bcas
65b6 zag pa med pa dag /bag chags dag gis bsgos pa'i rnams/ /'jug dang phyir ldog byed pa yin/ /ji ltar bsreg las me bus shing / /gzhan du me yang rab tu bud/ /de dang gzhan du de
65b7 bzhin bud/ /de dag nas kyang spo bzhin dang / /de ltar kun gzhi rnam shes dang / /gzhan yang de las byung ba rnams/ /chos la rab tu rgyu ba ni/ /gtogs dang zag pa med pa dag /mthong ba'i
66a1 chos la gnas pa yi/ /yul dang yul can de yin te/ /'phags pa mthong ba'i chos can gyi/ /ting nge 'dzin kyang 'di dag yin/ /'phags pa de dag de ldan
66a2 zhing / /sgom dang mthong ba ldan pas na/ /chos kun de bzhin nyid shes pa/ /zhing nas zhing du rab tu 'dong / /ji ltar shin tu bzang ba'i gser/ /gser gyi dbyings na mi snang ste/ /brtsal
66a3 bas shin tu zhib btags nas/ /yongs su sbyangs na snang bar 'gyur/ /de bzhin kun gzhi rnam shes pa/ /rnam par shes pa bdun dang bcas/ /ting nge 'dzin gyis yongs
66a4 sbyangs pa'i/ /rnal 'byor can gyis rtag tu mthong / /ji ltar ma bsrubs zho la yang / /de na mar yod mi snang ste/ /bsrub pa'i tshul gyis mthong bas na/ /mkhas pa rnams
66a5 kyis de phyir bsrub/ /de bzhin kun gzhi rnam par shes/ /rnam shes bdun dang ldan pa yang / /rnam par bsrubs shing stug spyod pa'i/ /thub pa rnams kyis mthong ba yin
66a6 ma rig pa ni sdug ces bya/ /dkyil 'khor ye shes rnam grangs te/ /dkyil 'khor 'di la bslabs pa yi/ /rnal 'byor can rnams stug por 'dong / /gzugs med gzugs
66a7 yod nam mkha' dang / /rnam shes 'du shes ma yod dag /rnal 'byor can gyis yul bsgoms sam/ /de dag stug po'i zhing du 'dong / /nyi ma zla ba'i 'od bzhin du/ /'jigs pa
66b1 med pa'i rgyal ba'i sras/ /rnal 'byor can gyi thub ston cing / /rnal 'byor spyod pa'i lam gnas pa/ /sangs rgyas kun gyi dbang bskur bas/ /de ni dbang bskur stug por song / /
66b2 sangs rgyas rnal 'byor rjes su mthong / /gzhan du gyur nas stug por song / /stug na gnas shing sprul pa dang / /sprul pa'i sprul pa de dag gis/ /gang na gang chos su 'dod pa/ /de ni
66b3 mkha' la 'dug cing ston/ /sngon med dus kyi gnas ngan len/ /bag chags rgyu yis bsags pa yi/ /kun gzhi rnam rtog byas pa yis/ /bcings pa kun tu rab tu 'byung / /
66b4 ji ltar rgya mtsho'i dba' rlabs rnams/ /rlung gis rab tu bskyod pa dag/ rgyun mi 'chad par rab tu 'byung / /rnam shes de bzhin kun gzhi la/ /rnam shes de ni nges byas pa'i/ /bag
66b5 chags rnams kyis rgyas par 'gyur/ /'byung zhing la la phyir ldog ste/ /chad med rtag pa med pa'o/ /rang sems khong du ma chud pas/ /yul la gzhol ba'i rnam shes rnams//
66b6 rab tu zhugs kyang phyir ldog pa/ /'gro ba rang sems mthong ba'i tshe/ /de bzhin gzhan du gyur pa'i sems/ /me dang bsreg pa ji bzhin te/ /kun gzhi yul ltar snang ba yang /
66b7 gzhan du gyur nas zag pa med/ /zag med 'gros su song ba dang / /'phags pa'i rigs su skye bar 'gyur/ /kun gzhi yul ltar snang ba ni/ /sa rnams khyab par
67a1 byas shing gnas/ /yid ni bdag la bdag ces te/ /ngar sems rab tu 'jug pa yin/ /rnam shes kha dog khyad par dang / /kun tu gcod pa
67a2 rab tu byed/ /sems ni las rnams gsog pa ste/ /yid ni khong du chud par byed/ /rnam par shes pas rnam par rig /lnga pos snang ba mthong bar 'gyur/ /rab rib ldan
67a3 pa myos pa yis/ /ji ltar skra tshogs mthong ba bzhin/ /gzugs la sogs pa gzugs med de/ /sems ni gzugs ltar gnas pa yin/ /nyi ma zla ba'i nor bu dag /yongs
67a4 su dag pa'i mtshan nyid can/ /nyi zla'i zer gyis phog pa dang / /de dag rang gi yon tan 'byin/ /de bzhin kun gzhi rnam shes pa/ /de bzhin gshegs pa'i dge snying po/ /
67a5 zag med legs dang ldan gyur te/ /gzhan du 'gyur na rab tu 'byin/ /'di ltar snang ba gang yang rung / /mtshan ma gzugs su snang ba'i rnams/ /bag chags yog pa'i
67a6 kun gzhi ste/ /sa rnams kun na gzugs ltar gnas/ /ji ltar 'o mar gyur pa dang / /yon tan zho dang dar bar snang / /de bzhin kun gzhi rnam shes kyang / /rnam par gyur nas
67a7 gzugs ltar gnas/ /ji ltar rab rib ldan pas skra/ /mig gi nyes pas rnam mthong ba/ /de bzhin bag chags nyes ldan pa'i/ /kun gzhi lus can rnams kyi ste/ /rtag tu mig
67b1 gi nang song ba'i/ /gzugs kyis snang bar rab tu 'jug /'di dag snang ba ci yang rung / /smig rgyu chu yi dpe bzhin te/ /gzugs ni yod dang med kyis spangs/ /kun gzhi rjes su mthong ba'o/ /
67b2 mig dang gzugs las rten byas shing / /de ni sgyu ma bzhin du 'byung / /rtag tu mig gi nang song ba/ /smig rgyu bzhin du rab tu g.yo/ /gzugs kyi yon tan ldan pa'i gzugs/ /kun gzhi
67b3 gzugs ltar gnas pa ste/ /byis pa ji ltar brtags pa bzhin/ /gzugs ni gud na yod pa min/ /byed med sems pa'ang med pa ste/ /dbu ba'i phung po bzhin du gnas/ /gnyid log ra
67b4 ro dregs pa dang / /'gro 'dug rnam par rgyug pa yi/ /bya ba gcig car byed pa ni/ /lus can rnams kyi kun gzhi'o/ /ji ltar gdung bas bas ras las/ /gyen du ldang ba'i smig rgyu rnams/ /dbyid
67b5 ka'i chu ltar rab tu g.yo/ /ri dwags rnams la slu bar byed/ /de bzhin kun gzhi rnam shes kyang / /gzugs min lta ba'i spyod yul du/ /gzugs snang ji ltar rtog can gyis/ /brtags bzhin
67b6 gzugs 'dra ma yin no/ /ji ltar khab long mthong ba dang / /lcags ni myur bar kun tu 'khor/ /'on kyang de la sems pa med/ /sems ldan bzhin du'ang rab tu snang / /de bzhin kun gzhi rnam
67b7 shes kyang / /sems med sems can ji bzhin du/ /'gro dang 'ong bar g.yo ba ste/ /sa rnams 'bri bar rab tu byed/ /ji ltar rgya mtsho'i dza ru ni/ /srog med par yang g.yo 'gul te/ /de bzhin
68a1 kun gzhi rnam shes pa/ /lus la gnas shing g.yo bar gyur/ /glang po glang po'i gzugs brnyan dang / /ji ltar 'thab cing choms nas min/ /de bzhin kun
68a2 gzhi rnam shes pa/ /'jug pa choms nas mi rgyu'o/ /ji ltar pad+ma'o dri med pa/ /'dam gyi nang nas byung ba ni/ /mi dang lha dang btsun la 'os/ /lha yul gnas pa kun kyang 'dod/ /de
68a3 bzhin kun gzhi rnam par shes/ /bag chags 'dam nas byung ba ni/ /rnam dag gzhan du gnas gyur pa/ /bdag nyid che rnams 'dod pa yin/ /ji ltar rin chen rnam par dag /ri brag
68a4 mi yis bcags brdungs kyang / /rgyal po'i cod pan du'ang 'os/ /cod pan la yang gdags pa yin/ /de bzhin kun gzhi rnam par shes/ /bag chags rnams kyis bcags
68a5 brdungs pa/ /rnam dag sangs rgyas rigs yin te/ /sangs rgyas nyid du de gzung ngo / /ji ltar chu gting rdo ba dag /nya lcibs dag gis yongs dkris pa/ /de bzhin kun gzhi
68a6 rnam shes kyang / /bag chags dri ma can du byas/ /gzung dang 'dzin pa'i gzugs su yang / /dngos po gnyis kyis rab tu 'jug /ji ltar kha gnyis yod pa'i sbrul/ /
68a7 gang du 'dod pa der 'gro ste/ /de bzhin kun gzhi rnam par shes/ /rim dang cig car rgyu ba yin/ /rtag tu sna tshogs gzugs lta bu/ /de la rtog pas rnam par brtag/
68b1 rtog can rnam par myos 'gyur ba/ /bdag dang bdag gir rnam rtog cing / /yod dang med kyi rgyu sdod pa'i/ /sa rnams la yang rnam rtog ste/ /'gyur ba'i yongs su gyur pa dang / /kun
68b2 gzhi zab pa nyid dag kyang / /blo chung rnams kyis mi rigs pas/ /sgyu ma'i ri dwags bzhin du 'khor/ /rang bzhin gcig min shes par dka'/ /lus can kun la 'dra ba ste/ /de bzhin kun
68b3 gzhi rnam shes kyang / /rtag tu sgyu ma'i ri dwags 'dra/ /sems can gcig min shes par dka'/ /yod dang med par rnam par brtag /rdul dang gtso po skyes bu dang / /mi gsal tshangs
68b4 pa'ang de yin te/ /rtog pas 'khrul pa'i rtog can rnams/ /kun gzhin la ni rtag tu rtog /sa rnams lta bur gnas pa la/ /sna tshogs sar yang de bzhin rtog /sa la gang gis rtogs
68b5 gyur pa'i/ /yid ni kun nas rtog ces bya/ /ji ltar ri mo mtho dman dang / /rnam pa sna tshogs sprin gyi gzugs/ /'ja' dang ri dwags sred byed dang / /sprin sgra 'brug kyang ji bzhin
68b6 te/ /rab rib can gyi phreng ba dang / /bzang mo'i gdong yang de bzhin du/ /rmi lam dag na rnam sna tshogs/ /dri za'i khang ba gnas rten dang / /ro langs chu yi shing rnams dang / /brag ca sprin
68b7 dang du ba dang / /me long mig la gzugs brnyan dang / /chu la chu yi zla ba dang / /rnam rtog 'di dang mang por yang / 'gro ba rnams ni kun gzhi rtog/ gang tshe kun gzhi 'di 'dra bar/ /rnam pa sna
69a1 tshogs kun mthong ste/ /'gro ba rang sems mthong ba dang / /de'i tshe sems ni phyir ldog go/ /chos rnams thams cad kun gyi gzhi/ /bag chags
69a2 snyoms la sogs pa dang / /rtog pas rnyog pa can du byas/ /gzhan du gyur nas zag pa med/ /zag med rang lugs rab thob nas/ /de dag rtag cing brtan par 'gyur/ /
69a3 nam mkha' mya ngan 'das dang mnyam/ /'gog dang 'dra ba de bzhin te/ /mnyam gzhag sems dang ldan pa la/ /mi zag chos rnams skye bar 'gyur/ /rdzu 'phrul bsam
69a4 gtan rnam thar dang / /ting nge 'dzin dang stobs rnams dang / /thabs dang stobs dang mngon shes dag/ 'bri med mi zad de bzhin te/ /nam mkha' zad kyi mthar snyegs
69a5 shing / /dbyings blo rnam shes rtag pa dang / /mthar phyin bcu yi gnas ldan zhing / /yid bzhin shin tu brtan pa'i lus/ /rnal 'byor mkhas pa'i rnal 'byor can/ /
69a6 gzhan du gyur nas rab tu 'thob/ /'jig pa mya ngan 'da' ma yin/ /sems can yod min skye ba med/ /'bri med gang ba med par yang / /rgyal ba rnams kyis 'go
69a7 bar bshad/ /zhing gzhan rnams dang zhing 'di yi/ /chos nyid gcig tu zad pa ste/ /skyes par gyur tam ma skyes kyang / /chos rnams chos nyid de bzhin gnas/ /rnal
69b1 'byor ldan pa grol ba la/ /rtag med chad pa med pa ste/ /sems can khams rnams zhig gyur na/ /thams cad mkhyen pa mi snang ngo / /ma byon pa yi rgyal ba dang / /'das dang da ltar
69b2 byung ba dag /mnyam pa ma yin mthun pa min/ /shes bya zad nas de dag 'byung / /bdud rnams tshar bcad log pa ste/ /brjod dang bcas dang brjod med kyang / /de ste sems can
69b3 'jig na ni/ /sdug bsngal sbubs las mi 'grol lo/ /lcags kyi gar bu bsregs pa las/ /me las byung ste bsil gyur cing / /lcags ni rtag par 'dug pa bzhin/ /de ltar
69b4 rnal 'byor can dag 'khod/ /phung po'i khyim dang nges byung ba'i/ /bag chags rnams kyang 'gag pa dang / /thub pa rnal 'byor brtson pa'i rnams/ /de dag rtag cing grol ba
69b5 yin/ /rnam shes rnams ni dba' rlabs bzhin/ /kun gzhi mtsho las 'byung ba ste/ /chos lnga'i rang bzhin rnam shes kyis/ /rab tu bskyod cing shin tu rgyu/ /gnas ngan len
69b6 gyi spros pa yis/ /bcom pa gnas med don gyi gzugs/ /lta ba'i yul du rnam par g.yo/ /de ltar shes nas phyir log ste/ /gzhan gyur mi bzad rtag pa'i rnams/ /mgon
69b7 po dag ni stug por 'dod/ /stug na gnas pa zla ba bzhin/ /rtag tu gzugs brnyan rnam par mdzes/ /phung po stug pa kun gzhi ste/ /yid ni de la nye phan no/ /rnam par shes
70a1 pa rtogs par byed/ /gzugs dang las la sogs pa'i rgyu/ /rnam shes lnga yi tshogs rnams ni/ /dbang por bcas shing yul gzhol bas/ /sna
70a2 tshogs yid la 'dzin par byed/ /kun gzhi yul can ma yin no/ /tshe ni kun gzhi rnam shes te/ /yid ni drod du rab tu gnas/ /yid kyi rnam shes de na ste/ /lhag ma dbang
70a3 po lngar yang gnas/ /sems dang yid dang rnam par shes/ /phung po'i dpus na rnam par gnas/ /bag chags las dang 'brel pa'i rnams/ /sngon chad byas pa rnams
70a4 kyis 'byung / /'dod chags sred las byung ba yi/ /las kyis bya ba byed pa ste/ /sngon chad de dag las byas pas/ /rgyun du las rnams 'byung ba yin/ /lus las lus
70a5 ni gzhan la 'gro/ /'pho ba srin bu pad pa bzhin/ /sems dang sems byung bcas pa'i rnams/ /rgyun chags par ni shin tu 'dong / /yang zhing phung po'i tshogs rnams
70a6 dang / /rnam shes srid pa dog par yang / /tshogs shing rab tu 'byung ba ni/ /las rnams shin tu 'byung ba'i phyir/ /tshe dang drod dang rnam shes 'dis/ /gang tshe lus
70a7 ni bor gyur pa/ /de tshe lus ni dor ba ste/ /shing bzhin tshor ba med pa'o/ /sems ni kun gzhi rnam par shes/ /ngar sems bdag nyid yid yin no/ /gang zhig yul
70b1 la 'dzin byed pa/ /de ni rnam par shes zhes bya/ /sems ni las rnams gsog pa ste/ /yid ni khong du chud par byed/ /rnam par shes pas rnam par rig/ /lnga pos snang ba rtogs
70b2 par byed// //'phags pa rgyan stug po/ /bam po bzhi pa ste tha ma/ lus ni sems kyis bzung ba yin/ /yid ni lam rgyud 'dod pa ste/ /rnam par shes pas
70b3 rnam par rig/ snang ba gcod pa lnga pa'o/ /rgyu la dmigs shing rnam shes rnams/ /skye ste gzhan ni de rjes 'brang / /yid la dmigs shing gzhan dag kyang / /mthar
70b4 chags su ni rab tu 'byung / /yid rnyed nas kyang gzhan dag ni/ /dbang gi yon tan rnams kyis byas/ /dbang ni lnga dang lhan cig tu/ /rnam par shes pa rab tu byed/ /'du byed
70b5 rgyu dang lhan cig tu/ /ro langs 'gro dang 'dra ba ste/ /smig rgyu dag gis gzugs dang mnyam/ /log pa ma yin bden pa yin/ /'di ni bdag med stong pa ste/ /srid pas
70b6 kun tu 'dra ba yin/ /'byung rnams lhan cig 'byung ba dag/ thams cad dus yid lha cig ste/ /sems byung yid ces bya dang / /khan cig rnam par shes pa 'byung //
70b7 rnam shes lnga po de dang / /yid kyi rnam shes ldan pa ni/ /gnas ngan len dang sred bsgos pa/ /rgyun mi 'chad par rab tu 'byung / /lus can kun gyi kun gzhi yang //
71a1 sems dang sems byung ldan pa 'byung / /kun gzhi rnyed nas de dag rgyu/ /rgyu nas rgyas par byed pa ste/ /sems rnams lam rgyud thams cad du/ /rtag par
71a2 gcig las gcig rgyas 'gyur/ /sa 'di rnam pa sna tshogs pa/ /rnam par shes pa rnams las 'byung / /kun gzhi sna tshogs gzugs can ni/ /rnam shes rnams kyi gnas
71a3 yin no/ /phan tshun rgyu yi stobs ldan pa/ /rnam shes 'khor lo 'khor ba ste/ /kun gzhi mtsho la dba' rlabs bzhin/ /sa bon dag dang myu gu'i rgyud/ /chu bo'i
71a4 rgyun kyang mtshams med cing / /rgyun mi 'chad par 'byung mod kyi/ /tha dad bye brag dag kyang snang / /de bzhin rnam shes spyod pa ste/ /mtshams med pa yi rgyun du yang / /
71a5 rgyun mi 'chad par rab tu 'byung / /gsum dang ldan zhing gsum las yang / /sems dang yid dang rnam shes rnams/ /bag chags bde bas bskyed pa dang / /rang sems
71a6 rnam par 'khrul pa yis/ /dba' rlabs bzhin du rtag tu 'byung / /chos rnams kun gyi 'byung ba dag /phyi dang nang yang rnam bsgoms te/ /thub pa'i gnas kyang rnam
71a7 bsgoms nas/ /mnyam par bzhag par stug por 'gro/ rdo rje'i snying po khyod dang yang / /rgyal sras 'jigs med gzhan dag kyang / /stug por 'jug pa byed pa'i chos//
71b1 thams cad chos kyang rab ston pa/ /rgyal ba rnams dang rgyal sras rnams/ /thabs gcig rab tu rnam dgongs te/ /chos kyi mtshan nyid dpe med pa/ /rmad du byung ba 'di bstan
71b2 to| |rdo rje snying po 'jigs med pa/ /rin chen sna tshogs zla snying gi/ /seng ge'i khri la rab 'dug ste/ /shes rab chen pos rnam bsgoms kyi/ /rgyal ba'i sras kyis mdun bdar
71b3 ba| |stug po'i rgyan la rnam par bsgoms/ /rnam par bsgoms nas rtag par 'di/ /rnal 'byor can gyi rnal 'byor ston/ /zla dbang rgyal ba des bstan la/ /bag med par
71b4 ni ma byed cig /zla ba'i dpal gyi bcom ldan 'das/ /sprul par bye ba mang sprul cing / /'dod pa'i khams kyi bsnyengs bral dang / /gzugs can rnams kyi gnas su yang / /
71b5 rgyal sras rnams kyis kun nas bskor/ /lha rnams kyis kyang mdun bdar cing / /tshul gyis dam pa ston pa ni/ /'jigs med stug po'i rgyan yin no/ /rnal 'byor can gyis spyod
71b6 pa'i mchog/ tshul bzang rnal 'byor spyod pa ste/ /so so rang rig shes pa yi/ /ting nge 'dzin dang bde ba'i rnams/ /yang dag mtha' la mi rig par/ /rjes su myong bar byas
71b7 nas kyang / /rnal 'byor bde las mngon langs shing / /gcig la gcig ni phan tshun lta/ /rnal 'byor spyod pa'i tshul dge 'di/ /gang gis shin tu mthong bar gyur/ /rnam
72a1 pa sna tshogs 'os pa yi/ /stan gyi mchog la 'khod pa'i rnams/ /kun kyang ngo mtshar rab tu rnyed/ /bsam byed bsam gtan bsam pa dang / /bsam
72a2 gtan rnams kyi dgos pa dag /rgyal sras 'jigs pa med pa'i rnams/ /kun kyang sems shing rab tu gnas/ /stug po'i rgyan dang rgyal po la/ /lta ba mnyam par bzhag
72a3 pa'i rnams/ /mgo la cod pan thogs pa dag/ mtshan rab sum cu rtsa gnyis kyi/ /yan lag bris pa de dag kun/ /bye ba'i zhing nas 'ongs pa ste/ /g.yo ba rnams dang shin
72a4 tu bral/ /thams cad gos bzang cha lugs mdzes/ /rnal 'byor spyod pa stobs chen te/ /lta'o rdo rje snying po la/ /rnam par rtog dang rnam dpyod la/ /chos la mos pa yang
72a5 dag tu/ /mthong ste de nas de kun dang / /phyogs rnams bzhi por blta byas te/ /'dzum pa sngon du rab btang nas/ /'jam zhing snyan pa'i dbyangs su smras/ /rgyal sras
72a6 mnyam par bzhag pa'i rnams/ /rnal 'byor can gyi rnal 'byor yul/ /gang la rtog can myos 'gyur ba/ /de dag bdag las mnyan par gyis/ /gang bsam gang gis
72a7 ji lta bur/ /bsam gtan bsam byed dgos pa dag/ 'dod dang sdig pa rnams kyis dben/ /rnam par rtog bcas rnam dpyod bcas/ /dga' bde dben las skyes
72b1 par yang / /bsam gtan dang po skye ba yin/ /de lta bu yi rim tshul du/ /bzhi dang brgyad dang de bzhin bcu/ /mur 'dug bdag tu smra ba dang / /bsam gtan can rnams bsam
72b2 gtan byed/ /nyan thos theg pa can rnams dang / /rang rgyal theg ldan de bzhin te/ /kun kyang rtag tu bsam gtan byed/ /chos rnams dang ni sa dag gi/ /rang gi mtshan nyid
72b3 rtogs pa dang / /phung po skye mched tshogs kyi rnams/ /'di dag thams cad bdag med de/ /byed pa med cing g.yo ba med/ /gsum po 'dus las rab tu byung / /'khrul 'khor ro
72b4 langs 'dra ba ste/ /byed pa rnams kyis rnam par spangs/ /thub pa phyi rol bsam gtan byed/ /stong par lta ba'i lta ba can/ /chos kyi mtshan la mos pa rnams/ /chud gson
72b5 mtshan nyid ma yin no/ /phung po bdag med mkhas pa'i rnams/ /bsam gtan 'di 'drar bsam gtan byed/ /de bzhin gshegs kyi bsam gtan dag/ lha rdzas
72b6 bsod nams lta sbyong ba/ /rnal 'byor can dang rgyal ba'i sras/ /mnyam gzhag rtag par bsam gtan byed/ /'di dag thams cad sems tsam ste/ /mtshan can mtshan
72b7 nyid yod pa min/ /phung po rnams med khams yod min/ /thams cad chos la mtshan nyid med/ /rdul phran rnam par gzhigs pa dang / /de dag de ltar mi gnas so/ /
73a1 rtog pa bskyed pas brtags pa ni/ /dngos po sa dang chu la sogs/ /dngos po'i rang bzhin mi shes pa/ /mtshan nyid du yang rnam par rtog /kha dog
73a2 sdug dang mi sdug dang / /kha dog snang bzhin de bzhin te/ /'ja' dang in+d+ra go ba ltar/ /kha dog sna mang sprin lta bu'i/ /sangs rgyas sku dang 'dra ba yis/ /thams cad 'gro ba
73a3 kun bkang ste/ /rgyas pa'i skye mched ces bya bas/ /'byung ba rnams kyang rnam gzhigs te/ /rnal 'byor shes pa gzugs can gyis/ /lus la rtag tu gzugs kyang
73a4 mthong / /gang la dmigs te mnyam gzhag pa/ /de la dmigs shing rnam par ldang / /gang dang gang la rnam rtog pa/ /de dang de ni dmigs pa yin/ /rnal 'byor can
73a5 med rnal 'byor med/ /de ltar rnam par rtog pa ni/ /rnal 'byor can gyi rnal 'byor nyid/ /kun gzhis rnams thams cad dang / /thub pa'i rnal 'byor bde la gnas/ /
73a6 chos dang chos kyi mtshan nyid kyang / /rtag tu rab tu rtogs byas shing / /mnyam par bzhag pa'i khyad par dag/ mnyam gzhag ldan pa rab tu ston/ /chos kyi rang
73a7 bzhin rnam phye bas/ /rnal 'byor can gyi blo 'khrug pa/ /blo gros zhan pas rab tu skye/ /chos dang bdag la 'dzin par 'gyur/ /yid ches lung dang mi ldan par/ /chos
73b1 rnams ston par byed pa ni/ /mtshan nyid rnam par rtog pa yis/ /bdag kyang chud zos gzhan chud gson/ /mtshan nyid can med mtshan nyid med/ /'dres pa'i phyir na rnam par
73b2 snang / /mngar ba'i rnams ni mkhris pa sel/ /bad kan tsha skyur lan tshwa ste/ /ma zhu tsha ba'i rnam pa dang / /lan tshwa la sogs rnam pas sel/ /mkhris pa bad kan 'khrugs pa
73b3 las/ /rims rnams skye bar 'gyur ba dang / /lus can rnams kyi lus yul du/ /'dus pa rlung las byung ba dang / /rims dag rnam par gzhig pa'i phyir/ /thub pas bsdu
73b4 ba byas pa ni/ /kha ra la sogs yan lag drug/ sha dang skol ma khu ba dag/ tha dad mtshan gyis 'jig 'gyur ba/ /lus can rnams kyi rims kun to/ /rnam shes rnams
73b5 ni kun gzhi la/ /phan tshun tha dad mi gnas te/ /gal te chos kyi rang bzhin nam/ /mtshan nyid gcig ni yod gyur na/ /de tshe chos dang mtshan nyid la/ /mtshan nyid
73b6 mi 'dra med par 'gyur/ /rdzas rnams bsdus pas sel mi nus/ /mi yang sos par mi 'gyur ro/ /sos dang rnam par bsal ba 'di/ /mkhas pa rnams kyis mthong ba
73b7 ste/ /gzhan du kun gzhi rnam shes pa/ /rnam pa mang por gnas pa ste/ /sgyu ma'i ri dwags bzhin 'khor ba/ /rnal 'byor brtson pas brtags pa yin/ /mtshan
74a1 med mtshan can med pa ste/ /phung po rnams las phung po can/ /gzhan med yan lag nyid lag las/ /yan lag can med yan lag la/ /
74a2 'jig rten rgyu yis ma byas te/ /'bras bu rnams la rgyu yang med/ /'jig rten rdul phran bsags pa min/ /phyogs dang gnas su mi 'gro'o/ /de dag sor gnyis sor
74a3 gsum du/ /ci yang rtsom par mi byed de/ /dngos po yod pa phrad pa'i phyir/ /rdul phran thams cad 'du bar 'dod/ /de tshe yon tan khyad yod pa/ /yon tan rnams kyis yon
74a4 tan du/ /'jig rten ma byas rang bzhin gyis/ /'jig rten rkyen las ma byung ste/ /'dod rgyal dngos kyis de bzhin min/ /chos gsum pas kyang ma byas te/ /bag chags
74a5 rnams kyis dkrugs pa'i sems/ /rnam par rtog pa mang po'i gnas/ /snying gi phyogs na gnas pa yi/ /lus can kun gyi kun gzhi dang / /sems dang yid
74a6 dang rnam shes rnams/ /'gro ba dag gis sna tshogs brtags/ /'gro ba ma lus rab mnan te/ /sgyu ma'i ri dwags bzhin du gnas/ /sems tsam du ni 'jug pa las/ /
74a7 gzhan du yongs su gnas 'pho ste/ /sa la stong zhes brjod par bya/ /sems ni dngos po'i tshul du gnas/ /rdza la sogs pa'i yul med de/ /sems 'di rdza ma lta bu'o/ /
74b1 sa la gzugs rnams yod pa dang / /lha yul gnas pa'i khyim rnams dang / /rnam pa sna tshogs gang snang ba/ /de dag kun gzhi snang ba yin/ /kun gzhi kun tu lag pa ste/ kun
74b2 tu kha mig mgo bo yang / /cig car ba dang rim gyis kyang / /sa rnams yog par rab tu gnas/ /bus pa rnam par myos byed de/ /gang gi snying la gang gnas pa/ /de ni de la gnyis
74b3 tshul du/ /lus kun bkang ste rab tu gnas/ /stong min dngos po gang yang med/ /tho bas ji ltar rdza bzhin du/ /dngos po gang la gzhom bya ba'i/ /dngos po dngos su yod pa min/ /
74b4 de ste stong pa'i dngos yod na/ /'jig med ma yin gzhig par 'gyur/ /gzhig bya gzhig par byed pa gang / /de ni rnam par rtog pas brtags/ /ri rab ri bo tsam 'gyur
74b5 ba'i/ /bdag tu lta ba mi gnod kyi/ /stong nyid lta ba gnod pa ni/ /nga rgyal mi bden brtags pa'o/ /rnal 'byor spyod pas stong pa nyid/ /gnas ma yin par sbyar
74b6 mi bya/ /gnas min gal te sbyar gyur na/ /bdud rtsi dug tu 'gyur ba yin/ /lta ba ji snyed gang yang rung / /lus can rnams la yod pa yi/ /lta ba rnam par spang ba'i phyir/ /
74b7 stong pa nyid kyi tshul bstan to/ /stong pa nyid kyi lta bros kyang / /la la'i lta ba ma zhig na/ /gsor mi rung ba'i lta can te/ /sman pas gtang ba'i nad pa bzhin/ /ji ltar bsreg
75a1 pa tshig pa'i me/ /bsreg pa med pas mi gnas so/ /de bzhin bsreg bya lta tshig na/ /stong nyid me yang 'gag par 'gyur/ /lta bas 'gog pa'i
75a2 dus su yang / /ye shes yang dag me 'byung ste/ /nyon mongs thams cad sreg par byed/ /nyon mongs pa sregs nas rnam par mdzes/ /thub pa rnal 'byor ldan pa'i rnams//
75a3 ye shes 'di ldan thub spyod dag /de bzhin gshegs pa'i gnas kyi mchog /stug po der ni rab tu 'dong / /ri bong rwa yis ri bo rnams/ /mngon par gzhig bya ma
75a4 mthong ste/ /'di la mo gsham bu yis kyang / /srog chags gang yang bsad pa med/ /ri bong rwa yi gzhu yis kyang / /su yang 'thab mo mi byed de/ /mo gsham bu la su
75a5 yang rung / /khyim gyi las su mi sko'o/ /stong pa nyid dang mi rtag nyid/ /rtag tu dngos dang gcig gyur te/ /yod dang med pa'i rang bzhin yang / /de bzhin gcig pa nyid du gyur/ /
75a6 mngal na gnas dus tshun chad kyang / /gzugs rnams gzhig par brtson pa ste/ /gang na'ang de med gzugs yod min/ /gzugs med par yang de med de/ /khyad
75a7 par med par 'byung ba ni/ /ma bsgribs zla dang 'od zer bzhin/ /de bzhin dngos rnams stong nyid dang / /lhan cig gcig tu 'byung ba ste/ /phan tshun rnam pa tha dad du/ /
75b1 de dag dgos pa mi sgrub bo/ /rgyu dang rkyen rnams tshegs pa las/ /rnal 'byor can gyi las sgrub bo/ /lus 'di bdag yod ma yin te/ /ro langs 'khrul 'khor rab tu 'dra/ /sred
75b2 ba'i srad bus bcings byas shing / /yul gyi rnams kyis drang ba yin/ /lha rdzas stong pa nyid bshad pa/ /lta ba thams cad sbyong ba ste/ /mtha' rgal stong pa nyid lta ba/ /rgyal ba rnams
75b3 kyis lta med bshad/ /stong nyid lta ba sbyong ba ni/ /yod dang med pa gzhig pa'i phyir/ /blo ldan mnyam par bzhag pa yi/ /rnal 'byor can gyis rtag tu bsgom/ /rtswa dang shing dang
75b4 gyo mo dag /sgyu ma'i mkhan pos rgyur byas te/ /sngags kyis ci dang cir 'dod par/ /gzugs kyi dngos su rab tu byed/ /gzugs dang snang ba yid byed dang / /sred dang mig rnams
75b5 rgyur byas shing / /mig gi rnam shes sgyu ma bzhin/ /smig rgyu bzhin du de g.yo'o/ /gang gi yul du'ang pa med/ /yul gzhan dag tu'ang 'gro ba min/ /'di lta'i rnam shes
75b6 'byung ba la/ /yod dang med par brtag mi bya/ /skra yi tshogs dang bong bu'i rwa/ /mo gsham bu dang smig rgyu dang / /dri za'i grong khyer rmi lam dag /ming du grag gi yod pa min/ /stag
75b7 dang gzig dang dom dag dang / /rnga rta bong bu khyi rnams dang / /g.yi dang gsal dang rus sbal la/ /rwa ni yod pa ma yin na/ /thub pa rtsod par brtson pa yis/ /de dag ci phyir mi
76a1 brtag cing / /bong bu'i rwa la brtag par bya/ /ci go de dag bsgrub nus sam/ /shes rab can gyis sar bstan pa/ /de dag nyi tshe brtag par bya/ /rtog
76a2 pa can rnams 'khor ba ni/ /blun po long ba 'on pa 'dra/ /sgrol ba'i ye shes de la med/ /so so rang rig yul yang med/ /gzhan gyis byas pa'i tshul dag la/ /rnam par rtog
76a3 pas ci zhig nus/ /stug por gnas par rnam par rtogs/ /de la brtags shing dge ba 'thob/ /rnal 'byor mnyam gzhag rnal 'byor can/ /de na gnas pa bzhin du snang / /
76a4 lha yul gnas pa'i bsnyems bral dang / /zla ba gza' la sogs pa yang / /rlung gis rab tu bskyod pa'i rnams/ /ri rab rten cing rgyu ba yin/ /de bzhin rnam par shes pa
76a5 bdun/ /bag chags rnams dang ldan pa yi/ /kun gzhi kun gyi sa bon can/ /de la brtag cing rab tu rgyu/ /ji ltar sa las kun brten cing / /sa skye kun kyang 'byung ba bzhin//
76a6 sems can kun gyi gnas yin te/ /'byung khungs kun gyi khyad par du/ /de bzhin kun gzhi rnam shes kyang / /rnam shes rnams kyi gnas yin te/ /sems dang sems
76a7 las byung bar ldan/ /dba' rlabs bzhin du rab tu 'byung / /ji ltar rma bya'i 'dab sgro rnams/ /'od dang kha dog rnam mang ste/ /gtsug phud can rnams 'dab sgro yis/ /
76b1 rma bya mo dang longs rtse ba/ /de bzhin kun gzhi rnam shes kyang / /sa bon mang can mtsho ltar gnas/ /thams cad chos kyi gzhi yin te/ rnal 'byor can gyis rtag tu mthong / /ji ltar
76b2 rgya mtsho chu bo yis/ /nyin gcig bzhin du gang bya yang / /chu bo rnams ni rgyun mi 'chad/ /rgya mtsho rtog par yod mi byed/ /de bzhin kun gzhi rnam shes kyang / /zab cing mtsho ltar
76b3 gnas pa ste/ /rnam shes rnams kyis nyin gcig bzhin/ /bag chags chu bos rab tu dgang / /ji ltar rin chen ldan pa'i sa/ /sna tshogs kun tu phan 'dogs te/ /sems
76b4 can rnams kyang nye bar 'tsho/ /yon tan dngos su ston pa yin/ /de bzhin kun gzhi rnam shes kyang / /rnam rtog rnams dang lhan cig 'byung / /de ni 'khor ba 'phel byed de/ /
76b5 gyur na de bzhin gshegs pa yin/ /de bzhin gshegs pa stobs bcu can/ /spyod pa legs spyad gtsang ba ste/ /sa bcu pa las mngon byung ste/ bde bar gshegs pa'i
76b6 sar zhugs nas/ /yang dag mtha' la rab gnas pa/ /sna tshogs sems can rnam sprul par/ /'jigs pa med par 'byung ba ni/ /rnam par rtog med sa bzhin no/ /
76b7 sos ka me tog mang po'i gzugs/ /mi dang bya yi yid du 'ong / /de bzhin sna tshogs len pa'i sems/ /thub shes yid 'ong myos par byed/ /ji ltar don mkhas rgyal
77a1 ba'i sras/ /'byung las byung ba ma yin pa/ /med pa'i blo can de bzhin te/ /log par smra la brtson pa dag /chos dang mi mthun phra ma can/ /lce gnyis
77a2 log par lta ba dag /rnam pa gzhan du gnas pa'i dngos/ /rnam pa gzhan du ston par byed/ /ji ltar sgyu ma'i skyes bu zhig/ /'bras bu sna tshogs ston byed pa/ /'bras bu me
77a3 tog de na med/ /sngags dang khong bzos zo mdog bde/ /'jig rten rnam pa gzhan gnas pa/ /rnam pa gzhan du ston par byed/ /rgyal ba rnams dang rgyal ba'i sras/ /kun
77a4 kyang thabs kyi dmigs la mkhas/ /bstan pa gzhan la ji snyed du/ /bstan pa byas pa de dag kun/ /bde gshegs rnal 'byor mkhas pa yis/ /bstan pa stug po'i
77a5 rgyan la bstan/ /khams rnams drug dang bco brgyad bstan/ /skye mched bcu dang gnyis kyi mi/ /yid kyi srad bus btags pa dag/ /sems can kun tu rab tu 'khor/ /
77a6 rnam par shes pa brgyad kyi tshogs/ /khams dang skye mched phung po ste/ /yid kyi srad bus bcing byas shing / /lus dang lus la rab tu rgyu/ /'di ni 'gro ba'i skyes bu ste/ /
77a7 'gro ba rnams kyi don du bstan/ /lus can kun gyi skyes bu ni/ /'gro yang byung ba ma yin te/ /khams rnams drug po skyes bu yin/ /skye mched bcu gnyis de bzhin te/ /bco
77b1 brgyad rnams la yid rgyu ba/ /dbang sgyur zhes ni bya ba ste/ /dbang sgyur pho brang sna tshogs pa/ /nor bu rin chen grong rdal dang / /dga' ldan la sogs bsnyems bral dang / /mtshe ma'i gnas
77b2 su'ang de bzhin bshad/ /rdo rje snying po dbang can la/ /rgyal sras 'jigs pa med pa'i rnams/ /dge'o dge zhes dga' 'bod cing / /thams cad mgo bos phyag 'tshal lo/ /thub ldan rnal
77b3 'byor spyod pa dang / /rgyal ba dag dang rgyal ba'i sras/ /zhing dang zhing na bzhugs pa dang / /lha yul gnas pa'i rgyal sras dang / /rnal 'byor bdag po rnal 'byor can/ /ye shes dbang po
77b4 'phrul chen dang / /dbang sgyur lha mo'i tshogs rnams kyang / /thal mo sbyar te gnas par gyur/ /phan tshun gcig la gcig lta zhing / /rgyal ba'i sras la smra ba ni/ /'gro ba'i lha rdzas
77b5 skyes bu yang / /mur 'dug bdag smra spangs pa ste/ /thub can kun gyi skyes bu ni/ /thub pa'i khyu mchog khyod kyis bstan/ /'das dang da ltar byung ba yis/ /sngon byas ma byas thos pa
77b6 ni| |sngon gyi rgyal ba'i sras rnams kyis/ /khams drug skyes bu dge ba'o/ /ji ltar mkha' la bya rjes rnams/ /rnam par bzhag pa de bzhin du/ /sems tshogs ldan pa'i khams
77b7 kyi rnams/ /gtan tshigs bcas pa rab tu bstan/ /ji ltar shing las me dag gi /me lce gnam du gnas par 'gyur/ /bsregs pa gzhan ni ma rnyed cing / /rlung gis babs
78a1 na gtan mi 'bar/ /bya rjes rnam par bzhag pa ni/ /mkha' la gnas pa mi snang ste/ /'khor ba'i 'khor lor 'khor ba yi/ /'gro ba'i skyes bu snang ba yin/ /
78a2 bya rnams rkang pas mi 'dod ste/ /de dag sgro yi shugs kyis 'dod/ /bya yi rjes dang 'dra ba ni/ /skyes bu'i sgo nas rab tu bstan/ /las kyi skyes bu bstan pa ni/ /'khor rnams rtag
78a3 tu 'khor ba ste/ /bde dang sdug bsngal myong byed pa/ /byas pa'i las ni chud mi za/ /ji ltar zhing pa rnams kyi las/ /'bras bu med par mi 'gyur te/ /don dang ldan pa de dag
78a4 ni| |gzhan yang 'ong zhes rmo ba med/ /lha rdzas 'gro ba'i skyes bu ni/ /rnal 'byor can la rnal 'byor ston/ /lus can lus kyi nang nas zhing / /de ni dge ba'i las byed do/ /
78a5 'di dang phyi ma'i bde ba dang / /lha yul gnas pa'i gnas mthong zhing / /'khor los sangs rgyas rgyur 'gyur ba'i/ /bsod nams rnams ni rtag tu byed/ /thar dang pha rol phyin
78a6 rnams dang / /sangs rgyas bsam gtan spyod yul kun/ /'gro ba'i skyes bu med na ni/ /kun kyang 'bras bu med par 'gyur/ /lha yi bde ba thams cad dang / /dbang sgyur
78a7 rnams kyi 'bras bu dang / /de bzhin nyid mthong thub pa yi/ /rnal 'byor rnams kyang med par 'gyur/ /las dang las kyi 'bras bu mthong / /las rnams don med ma yin
78b1 te| |'o dod 'bod la sogs pa dang / /mnar med mtha' dang lha rnams kyi/ /lam gyi rgyud kyang yod pa yin/ /'gro ba'i skyes bu de yod na/ /sred pa'i 'khor lo 'khor bar 'gyur/ /
78b2 'khor dang bral na thar pa ste/ /blo zhan rnams kyis mi shes so/ /'jug pa'i skyes bu med na ni/ /mo gsham bu yang 'gro bar 'gyur/ /bong bu'i rwa yang rno 'gyur te/ /bye ma las kyang ti la
78b3 mar 'byung / /phyi dang nang gis rnams ni/ /phan tshun stobs kyis byung ba ste/ /gang dang gang du 'gro ba dag /de dang de dag 'grogs pa yin/ /lha dang lha yi bu mo'i tshogs/ /dbang sgyur
78b4 rgyal ba'i sras rnams dang / /dri za grub pa'i rgyal po dang / /sngags 'chad chung ma'i tshogs rnams kyang / /thub la mchod par 'os pa yi/ /rdo rje snying po sras bcas la/ /mchod
78b5 de gsol ba 'debs par byed/ /thams cad dge'o dge zhes smra/ /nyams pa med pa'i chos kyi tshul/ /rgyu dang dpe yis brgyan pa ni/ /gzhan gyis rgol ba 'joms pa ste/ /dpa'
78b6 po chen po khyod kyis bstan/ /bgab zungs ltag chod tshar gcod pa/ /bdag gi phyogs kyi yon tan ston/ /shes rab can gyis bstan du gsol/ /'gro ba 'di dag nyan par
78b7 'gyur/ /ji snyed rgyal ba'i sras rnams dang / /lha yi rgyal po kun kyang nyon/ /shin tu dka' ba'i bsam yas rgyu/ /brtags 'das rtog dang bral ba yi/ /rgyu dang dpe yi me tog
79a1 ste| |rnal 'byor rnams kyi thub dge ba/ /stag po'i rgyan ni bshad par bya/ /de ni thub la rnal 'byor ston/ /stug po'i rgyan de sna tshogs te/ /stug na
79a2 spyod pa'i thub pa yi/ /sangs rgyas rnams kyi gnas kyi mchog/ thub pa kun gyi dam pa'o/ /sa steng thub pa'i dru ma la/ /rdo rje snying pos yang smras pa/ /rtag par dru mar khyod kyis kyang //
79a3 chos kyi dngos nyid shes par gyis/ /dngos po rnams kyi rang bzhin ni/ /dngos su stong dam rtag pa zhes/ /'di 'dra'i lta dang ldan pa yi/ /thub pa rnal 'byor mi 'khrul lo/ /chos pa
79a4 gcig bu rtogs pa yis/ /chos par mngon du shes pa ste/ /dngos po kun gyi rang bzhin yang / /dngos po gcig gis shes par 'gyur/ /ji ltar ji bzhin bsrubs pa'i zho/ /sor
79a5 mo'i rtse mos mngon shes pa/ /de bzhin dngos po thams cad kyi/ /rang bzhin dngos pos shes par 'gyur/ /dngos po ji med stong pa nyid/ /dngos po dngos por yod pa'ang med//
79a6 'di dag kun gzhi rnam pa ste/ /stong nyid kun gzhi rnam pa'o/ /rgyal sras dru ma 'jigs med pas/ /rdo rje'i snying po de la smras/ /lus can rnams kyi khams kyi mi/ /ji lta bu
79a7 na sems tsam 'gyur/ /'byung ba chen po rgyur byas shing / /'byung las 'byung ba'i ji lta bu/ /g.yo gsher tsha dang sra ba yi/ /khams rnams ji ltar 'byung bar 'gyur/ /
79b1 rgyal sras rdo rje snying po yis/ /dru ma'i bdag po'i tshig thos nas/ /mi 'am ci bdag khyod dge ste/ /khyod ni dge'o yang dge'o/ /rnal 'byor can gyi snying po'i mchog /yid 'ong byed pa
79b2 gang dris pa/ /sems kyi skye bu'i lus can/ /khams rnams skye 'gyur ji lta zhes/ /de phyir dbang sgyur rgyal sras la/ /de ni dge ba bshad par bya/ /de bas mi 'am ci yi bdag /pi
79b3 wang slob dpon bdag las nyon/ /ji ltar mi 'am ci yi bdag /khyod dang mi ci mang bcas pa/ /snyems bral mang po sna tshogs kyis/ /nam mkha' las ni rab 'dong zhing / /rgyal ba
79b4 nyan thos tshogs 'khor du/ /pi wang sgra dbyangs snyan blangs pas/ /thub pa dru ma ltos shig ces/ /phan tshun gcig la gcig kyang gsung / /snyems bral mang po sna tshogs na//
79b5 mi 'am ci dang 'grogs rtse zhing / /pi wang bai DUR+yas spra pa/ /len cing mkha' la 'gro ba'i ste/ /pi wang yid 'ong shin tu snyan/ /dbyangs kyis yongs su sbyang ba de/ /mi'ang ci yi
79b6 bdag po yis/ /rab tu blangs par byas pa'i tshe/ /nyan thos rnams kyang gar byed de/ /nyan thos de dag gyur ba de/ /rgyal sras rnams kyi mthong ba dang / /'od srung rnal 'byor bzang
79b7 can dang / /lha yi cod pan la smras pa/ /rnam rtog med pa'i sgra dbyangs kyi/ /pi wang sgra ni bsgrags pa yis/ /'dod chags bral ci phyir gar/ /'od srung khyod kyis ded la ston/ /
80a1 rgyal sras stobs chen dmu rlung bzhin/ /ri dwags rnams dang 'dra ba ni/ /nyan thos g.yo ba'i blo can rnams/ /bag chags 'dam gyi dri ma can/ /nyon
80a2 mongs rnam rtog byung bas mnar/ /yang dag sangs rgyas sku rnyed nas/ /bdag chags dri ma yongs bsal te/ /bdag med gnyis kyis yongs dag cing / /shes bya sgrib pa'i dri
80a3 med na/ /sems kyi khams las gzhan gyur pa/ /de bzhin gshegs par rab tu 'gyur/ /khyod ni dbang chen phra yul ldan/ /shes rgya che zhing gtsug lag mkhas/ /dbang
80a4 po 'jig rten phyol ba yi/ /gtsug lag mtshan la khyod gnas te/ /mi'am ci yi gtsug lag kyang / /de bzhin gshegs pa'i rnal 'byor dge/ sa yi mtshan nyid mkhas
80a5 bya la/ /bslab ste/ zla ba bzhin gnas pa/ /mi 'am ci yi dbang po khyod/ /sa dang zhing rnams bye bar mdzes/ /khyod ni de ltar rnam mdzes zhing / /thub can dbang sgyur tshogs
80a6 dbus su/ /khams kyi sems las skyes pa'i mi/ /kho bo la ni sras kyis dris/ /mnyam sems mnyam par bzhag pa yis/ /thams cad lhan cig mnyan par gyis/ /
80a7 khams rnams gang du ci tshul gang / /sems su grags pa'i skyes bu la/ /rgyu rnams gang gis 'byung ba yi/ /de tshul bdag gis bstan par bya/ /chu ni rlan rnams skyed
80b1 par byed/ /drod ni me'o sra ba sa/ /gdeg la sogs pa'i bya ba rnams/ /rlung gi khams kyis kun nas rtsom/ /gzugs la sogs pa'i sa mtshams ni/ /nam mkha' kun nas rtsom
80b2 par byed/ /rnam shes sna tshogs yul can ni/ /bag chags rnams kyis rab tu bskyed/ /srid kyi mtshams dang mig dag gis/ /skye ba'i sgo rnams byed pa ni/ /gzugs la sogs
80b3 pa'i tshogs kun te/ /rgyal po mtshan ni rnam pa mang / /nor bu rin chen sna tshogs gnas/ /dbang sgyur pho brang bzang po na/ /rnal 'byor ldan chen shugs 'dzin pa/ /rgyal sras
80b4 rnams kyis mdun bdar cing / /so so'i stan las kun langs te/ /yang dang yang zhing phyag 'tshal nas/ /rim gror rdo rje'i snying po la/ /mchod pa'i dam pas mchod pa byed/ /rin
80b5 chen dra bas steng bkab cing / /yang dang yang du gsol ba byed/ /dge'o dge'o yang dge ste/ /dge ba ldan pa rab gnas zhing / /chos kyi sprin gyi tshul rnyed nas/ /sangs rgyas
80b6 sa la rab bzhugs te/ /dbang sgyur rgyal ba'i sras rnams la/ /sangs rgyas yul rnams rab tu bstan/ /rgyal po lha mo bcas pa yis/ /de nas yang du mchod byas te/ rnal
80b7 'byor che can dge'o dge/ /rdo rje'i snying po 'jigs med pa/ /lha rdzas de bzhin gshegs pa yi/ /chos de bdag la bstan pas na/ /nor bu rin chen sna tshogs nas/ /
81a1 bkra shis gtsang bar rab tu byas/ /thub ldan 'phags pa spyan ras gzigs/ /blo gros chen po byams pa dang / /blo gros mi zad mthu chen dang / /
81a2 'jam dpal rnam par 'phrul ba dang / /lha yi cod pan rnal 'byor bdag/ shugs 'dzin dru ma blo gros dang / /gzugs kyi dbang po'i rgyal po dang / /rin chen gtsug phud
81a3 'phrul chen dang / /yang dag ji bzhin mthong ba dang / /mtshe ma'i rab dang 'gro 'dzin dang / /rnal 'byor slob dpon rnal 'byor che/ /rnal 'byor can la sems ston pa/ /thub
81a4 pa thams cad don grub pa/ /thub sras 'jigs pa med pa'i rnams/ /'di dag gzhan yang mang po ste/ /rgyal ba'i sras po 'phrul chen rnams/ /so so'i stan las kun langs
81a5 nas/ /de dag gcig la gcig bltas te/ /rdo rje'i snying po de la smras/ /chos kyi tshul ni bstan par gyis/ /khyod ni rgyal dbang byin gyis brlabs/ /rgyal sras rnams
81a6 kyis rab tu mchod/ /sa yi mtshan la mkhas pa yang / /khyod la thams cad shin tu gnas/ /khyod la gsol ba 'debs pa ni/ /rgyal sras stobs chen thams cad dang / /rnal
81a7 'byor can dang rnal 'byor bdag/ /sngags 'chang bud med thams cad do/ /rgyal ba rnams dang rgyal sras dang / /'jig rten rnams kyi ngo mtshar gzhi/ /mdo sde kun gyis
81b1 dri med cing / /bstan dang bklag pa rnams spangs pa/ /stug po'i rgyan 'di bstan pa'i phyir/ /rnal 'byor bdag khyod spobs par gyis/ /sprul pas bshad pa spangs pa ste/ /de bzhin gtam
81b2 dang sprul pas kyang / /zag pa med pa'i chos kyi dbyings/ /so so rang rig spyod pa'i yul/ /lha rdzas mthong ba'i chos la bde/ /'phags pa rnams la de ston cig/ phung po lhag ma ma lus
81b3 par/ /gtugs pa'i chos kyi dbyings ston cig/ ting nge 'dzin dang gzungs kyi rnams/ /rnam par thar dang dbang rnams dang / /yid bzhin rnam pa bcu po yi/ /lus kyi tshogs kyang
81b4 bstan par gyis/ /sangs rgyas rnams kyi bsam yas dang / /mgon po rnams kyi zhing gi rgyan/ /rgyal ba rnams dang rgyal sras kyi/ /rdul phran bzhin gyi sku phra dang / /skra rtse brgya char phra ba
81b5 dag /rgyal sras khyod kyis bshad par gyis/ /bstan dang bklag dang rnam bral zhing / /brjod pas rnam par spangs pa yi/ /stug po zhing gi dam pa der/ /ci nas thub pa 'dong ba'i
81b6 phyir/ /rnal 'byor mkhas pas seng ge ltar/ /thub pas de dag kun bltas te/ 'gro ba'i tshogs rnams thams cad la/ /brtags par mi nus brtag bral ba'i/ /chos tshul
81b7 rab tu bstan par bya/ /blo yi mthu yang kun brtags na/ /rnal 'byor can dag chos kyi tshul/ /sngon gyi gzhung lugs nyan nus pas/ /tshangs pa'i sgra dang dbyangs su ste/ /ka la ping+ka'i
82a1 sgra skad du/ /rgya chen lce yis rab snyan par/ /rdo rje'i snying pos shin tu bshad/ /seng ge ro stod lus 'chang ba/ /mtshan rab sum chu rtsa gnyis dang / /
82a2 dpe byad bzang pos brgyan pa'i lus/ /rdo rje'i snying p+sa shin tu bstan/ /ki ma ka'i sgra la mkhas pas na/ /sgra yi mtshan nyid grags pa yis/ /mdor na de yi nyis gyur tu/ /
82a3 rgyal sras de ni shin tu ston/ /sang sang dag pa dbyangs la sogs/ /mthong zhing ring pa'i sgra skad dang / /gan da ra dang ran ldan par/ /rgyal ba'i sras pos rab tu bstan/ /
82a4 r-i Sha b+ha dang d+he ba ta/ /ShaD+dza ke shi lnga po yi/ /sgra skad mtshan nyid ldan pa yin/ /dbyangs kyis thub pa rnam par gsungs/ /ring dang dal ba med pa'i tshig /zab cing snyan
82a5 pa'i sgra dbyangs te/ /mtshan nyid mkhas dang dri za la/ /de bzhin sim par byed pa yi/ /tshig gi yon tan ldan pa'i tshig/ rdo rje snying pos brjod pa ni/ /lhun gyis
82a6 grub par byas pa ste/ /sprul pa'i bzhin du 'byung ba yin/ /thub sras rdo rje'i snying po ni/ /ci yang brjod par mi byed par/ /thams cad yan lag mtshan gyi sgra/ /
82a7 yan lag rnams la mngon par 'gyur/ /smin ma dpral ba spyi bo dang / /phrag pa sna rtse phyin pa las/ /chos kyi tshul rnams rab ste na cing / /dge ba'i sgra rnams byung par
82b1 gyur/ /rdo rje snying po thub pa yi/ /smon lam legs las 'byung ba ste/ /bre mo'i ngang ba'i rgyal po bzhin/ /rgyal ba'i sras rnams kun nas 'dus/ /dbang sgyur pho brang bzang po na/ /
82b2 thams cad gzugs kyi rin chen bzhin/ /dpa' chen rdo rje'i snying po de/ /rnam par mdzes la kun lta'o/ /skar ma'i dbang po skar ma de/ /gza' yi dbus na mdzes pa
82b3 bzhin/ /rdo rje'i snying po rnal 'byor can/ /dam pa'i stan la rnam par mdzes/ /ji ltar skar ma'i dbang po dang / /zla ba'i 'od du bye brag med/ /de bzhin rdo rje'i snying po dang / /
82b4 rgyal ba rnams su khyad par med/ /yang dag ji bzhin don mthong ba'i/ /rgyal ba'i sras po stobs po che/ /rnal 'byor can dang thub pa'i mchog /rnal 'byor spyod pa'i lam
82b5 gnas pa/ /stan las legs par ldang byas shing / /rgyal sras rnams la mngon bltas nas/ /tshig dge rnam par smras pa ni/ /kye ma theg chen theg pa ni/ /sangs rgyas spyod
82b6 yul bsam mi khyab/ /de la gnas shing rgyal sras dang / /rgyal ba bsam gyis mi khyab ston/ /bye ba'i zhing bzhugs rgyal ba dang / /rgyal sras de dag thams cad kyang / /
82b7 dri med bsam gyis mi khyab chos/ /dgongs pas phyag bya 'os pa yin/ /theg pa chen po'i tshul dge ni/ /mchog tu phra zhing dkon pa ste/ /gzhan du gyur pa'i tshul gyi
83a1 mchog /rtog pa can gyi yul ma yin/ /rnam par shes pa brgyad kyi yul/ /rang bzhin rnams la khyad par byed/ /bdag med nyid ni lnga po yi/ /
83a2 de bzhin khyad par byed pas na/ /bag chags spros pas 'phangs pa de/ /yun ring gnas ngan len pa dang / /sems dang sems las byung ldan zhing / /rnam shes rnams
83a3 las rab tu byung / /lha rdzas tshul 'di mthong ba dang / /gser bzhin rnam par byang bar 'gyur/ /rnam dag rigs la gnas pa dag/ /sangs rgyas rigs su de dag
83a4 'gyur/ /de bzhin gshegs pa'i lha rdzas rigs/ /mur 'dug nyan thos rnams spangs pa/ /thob nas sangs rgyas zhing gi mchog/ stug por de bzhin 'dong bar
83a5 'gyur/ /ting 'dzin 'di yi yul ni gang / /ting 'dzin 'di yi ming yang ci/ /rdo rje'i snying pos gang thob phyir/ /tshul dge 'di ni ston par 'gyur/ /rdo rje'i snying po'i
83a6 rkang gnyis la/ /thub pa rnams kyis phyag byas nas/ /rdo rje'i snying po 'jigs med kyi/ /rdo rje'i blo la bshad par mdzod/ /ting 'dzin yul ni gang zhig yin/ /ting 'dzin 'di yi ming
83a7 yang ci/ /gang la gnas shing tshul 'di yang / /rgyal sras khyod ni bshad pa mdzad/ /rgyal ba'i sras rnams nyan par 'dod/ /dbang sgyur bdag kyang de bzhin no/ /rdo rje'i snying
83b1 po 'jigs med kyis/ /'khor du 'dus pa thams cad dang / /tshul 'di bsam gyis mi khyab dang / /rgyal ba'i sras kyi mthu stobs dang / /blo la 'dzin pa'i mthu kun dang / /nus sam mi
83b2 nus zhes bltas nas/ /blo 'dzin mthu ldan mthong ba dang / /rgyal sras thams cad mthu ldan gyis/ /thams cad ma 'gyur mnyan par byos/ /gzhan du gyur pa'i tshul dge ba/ /
83b3 dbang sgyur lha yul gnas pa dang / /thub pa rnams la bshad par bya/ /theg pa chen po 'od can gyi/ /ting 'dzin yul ni 'di yin te/ /de la gnas shing rgyal sras rnams/ /
83b4 tshul dge rab tu ston par byed/ /byed ba'i zhing rnams rab tu mthong / /de dag mgon po de bzhin no/ /rdul gyi mtha' mar thug pa rnams/ /de dag rang gi zhal ston to/ /
83b5 dge'o dge zhes rab tu gsung / /'di la rnal 'byor bzang ldan lam/ /lam 'dis nged rnams thams cad kyang / /ting nge 'dzin la dbang sgyur ba/ /thob nas sangs rgyas
83b6 dri med gyur/ /gang yang sangs rgyas ting 'dzin skyes/ /theg pa chen po snang ba yi/ /ting nge 'dzin gyi phra sems pa/ /de la gnas shing rgyal sras dang / /rgyal ba bsam
83b7 yas spyod yul can/ /sprul pa bye ba mang po yis/ /so so rang rig spyod yul gyis/ /ting 'dzin sangs rgyas mthong ba ni/ /shin tu phra ba'i rdul snyed do/ /so so rang gis
84a1 rig tshul ni/ /gang la sangs rgyas gnas pa yin/ /chos 'di mtshan ma med pa ste/ /sgra dang gzugs kyis rnam par spangs/ /ming ni mtshan mas
84a2 bskyed pa yin/ /mtshan ma rkyen las byung ba ste/ /rnam par rtog pa gnyis las skyes/ /chos rnams kyi ni de bzhin nyid/ /de ni yang dag sus mthong ba/ /de yi ye shes yang
84a3 dag mtshon/ /rang bzhin brtags pa ming yin te/ /mtshan ma gzhan gyi dbang las byung / /ming dang mtshan ma med pa na/ /rang bzhin don gyi dam pa ni/ /thams
84a4 cad lus la kun nas gnas/ /kun gzhi de phyir 'byung ba ste/ bag chags rnams kyi ri khrod gnas/ /yid kyi gnas ngan len gyis g.yogs/ /yid kyi rnam shes
84a5 spyod pa yis/ /yid ni phyin phyogs rgyas par byas/ /rnam shes lnga po yul can dag/ 'byung zhing phyir yang ldog pa yin/ /rnam shes lnga yi yul rnams ni/ /sems
84a6 can bzhin gnas lus can la/ /kun gzhir grags pa'i chu klung las/ /dpa' rlabs bzhin du rab tu 'gyur/ /rnam shes kun gzhi mtshor gnas pa/ /bag chags
84a7 rnams kyis brnyogs pa'i rnams/ /yul gyi rlung gis bskyod pa dag /rnam par rgyun chad med par rgyu/ /chos la bdag med mkhas pa yi/ /sangs rgyas rnams dang sangs
84b1 rgyas sras/ /bde bar gshegs pa'i gnas 'thob ste/ /mngon sangs rgyas shing chos ston to/ /phung po gang zag bdag med par/ /rab tu rnam phye mthong gyur cing / /chos kyi dngos yod
84b2 ma bshig par/ /nyan thos de dag mngon rtogs 'gyur/ /bdag med gnyis la mkhas pa nyid/ /rgyal ba'i sras rnams sgom par byed/ /rnam par bsgoms shing spong pa ni/ /tshul
84b3 bzhin bzhin du yang dag mtha'/ /yang dag mtha' yi bde myong zhing / /snying rje med pa'i sras rnams ni/ /sems can dgongs pa'i rgyun bcad pas/ /de dag sangs rgyas mi
84b4 'thob bo/ /bsam yas kye ma ye shes 'di/ /sems can rnams kyi bde ba skyed/ /mkhyen cing rgyal ba rgyal sras rnams/ /blo chung rnams la tshul ston to/ /ji ltar 'dam las 'byung
84b5 ba yi| |dge ba'i mtshan ldan pad+mo dag /thub pa rnams dang lha dag gi/ nye ba'i longs spyod rgyu yin no/ /de bzhin 'khor ba'i 'dam mtsho las/ /rgyal ba'i sras rnams 'byung
84b6 ba ni| |sangs rgyas dri med rab rnyed cing / /lha la yid du 'ong ba yin/ /byang chub sems dpa' mi rnams dang / /lha yi khrod du khyad par du/ /rgyal po'i khyu mchog 'gyur ba ste/ /
84b7 'khor lo can du khyad par du'o/ /lha yul gnas pa'i bdag po dang / /dri za rnams kyi de bzhin te/ theg chen yon tan ldan pa yi/ /lus can rnams kyis rtag tu 'thob/ /de
85a1 phyir rgyal ba'i sras rnams kyis/ /theg pa che la brtson par gyis/ /mthar gyis bde gshegs gnas rab dang / /rgyal po dag tu'ang 'gyur bar
85a2 'ong / /kun nas nyon mongs chos rnams dang / /rnam par byang ba'i yod pa kun/ /rtag tu lus can thams cad kyi/ /sa la kun gzhi 'byung ba yin/ /spyi dang rgyu rnams lhan
85a3 cig gam/ /'on tam spyi dang dbang pos kyang / /gtso bo rkyen dang rgyu rnams kyis/ /'jig rten rab tu bsgrub pa byas/ /khyad par can gyi rgyu brjod pa/ /ci nas 'byung bar
85a4 'gyur ba ste/ /rgyu med rang yang med par 'gyur/ /bya med byed pa'ang med par 'gyur/ /rnam par byang dang tha mi dad/ /kun gzhi tha dad 'gyur ba min/ /de ste rnam
85a5 byang tha dad na/ /kun gzhi rtag pa ma yin 'gyur/ /sngon med 'jig med rtag pa ste/ /mtha' gzhi rnam par spangs pa yin/ /de bzhin gshegs pa'i snying po
85a6 dag /sprul pa ye shes sgrar yang grag /phan tshun snying po tha mi dad/ /de ni sor gdub bzhin du gnas/ /sa rnams sna tshogs kun gzhi ste/ /bde gshegs snying po
85a7 dge ba'ang de/ /snying po de la kun gzhi sgras/ /de bzhin gshegs pa ston pa mdzad/ /snying po kun gzhir bsgrags par yang / /blo zhan rnams kyis mi shes so/ /
85b1 gser mgar mkhas pas rnam dag gi /gser las sor gdub byas pa ni/ /sor mo rnams la rnam par mdzes/ /phan tshun tha dad mtshan yin te/ /sor gdub ces kyang brjod
85b2 mod kyi /las kyi mkhan pos yongs bsgyur pas/ /gser ni gzugs bzhin rab tu gnas/ /chos mthong rnal 'byor ldan pa yi/ /sems dang rnam par shes pa'i yul/ /bdun
85b3 pa'i sa ni rnyed pa dang / /'byung ba las kyang rnam par ldog/ /'phags pa mthong ba'i chos ldan gyi/ /so so rang gis mthong ba dang / spyi dang bdag gi legs 'phags pa/ /thams
85b4 cad brjod par mi nus so/ /ji snyed yul yod ci yang rung / /sems dang rnam shes spyod yul du/ /sna tshogs snang ba de dag kyang / /rnam shes yin te yul med do/ /sems ni
85b5 rnam pa gnyis dngos su/ /gzung dang 'dzin par snang ba ste/ /rdza phru snam bu sogs pa yi/ /yul ni gang yang yod pa min/ /ji ltar ri rab rten byas shing / /nyi zla gza' yi tshogs
85b6 kyi rnams/ /bral ba med par rtag tu 'khor/ /de bzhin rnam shes kun gzhi la/ /rnam dag 'phags pa'i spyod yul ni/ /rtag par gser bzhin rab tu 'bar/ /kun gzhi snying
85b7 por bsgrags pa ni/ /rtog pa'i sems kyi yul ma yin/ /rang bzhin rnam par brtags pa dag /rtog par nus pa ma yin dang / /yongs su grub pa'i rang bzhin yang / /
86a1 rnal 'byor thub can rtag tu mthong / /yid kyi rnam shes yul can ni/ /bus pa rnams la 'ching ba'i dngos/ /smig rgyu skra tshogs byung ba ste/ /'phags
pa rnams kyis dri med gzigs/
CLOSE WINDOW