བོད་ཡིག |
307a4 / //'phags pa lang+kar gshegs pa rin po che'i mdo las/ sangs rgyas thams cad kyi gsung
307a5 gi snying po zhes bya ba'i le'u/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom
307a6 ldan 'das lho phyogs rgya mtsho'i 'gram lang+ka'i ri'i rtse mo rin po che'i me tog sna tshogs kyis bkod pa na/ dge slong gi dge 'dun chen po dang / byang chub sems dpa' sems
307a7 dpa' chen po'i tshogs sangs rgyas kyi zhing sna tshogs tha dad pa nas 'dus pa dag dang thabs gcig tu bzhugs te/ byang chub sems dpa' sems dpa' chen po de dag thams
307b1 cad kyang tshad med pa'i ting nge 'dzin dang / dbang po dang / stobs dang / mngon par shes pas rnam par rtsen pa sha stag la/ byang chub sems dpa' sems dpa' chen po blo gros chen po ni
307b2 gtso bor gyur te/ sangs rgyas thams cad kyi phyag gis spyi bo nas dbang bskur bas dbang bskur ba/ rang gi sems snang ba'i spyod yul gyi don la rab tu mkhas pa/ sems can sna tshogs
307b3 kyis sems dang / gzugs sna tshogs dang / 'dul ba'i sgo tshad med pa rnams ji lta ba bzhin du kun tu ston pa/ chos lnga dang / rang bzhin dang / rnam par shes pa dang / bdag
307b4 med pa gnyis rtogs par khong du chud pa'o/ /de nas byang chub sems dpa' blo gros chen po/ byang chub sems dpa' blo gros dang / sangs rgyas kyi zhing thams cad du rgyu ba dag
307b5 dang lhan cig tu sangs rgyas kyi mthus stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ thal mo sbyar te phyag btsal nas
307b6 bcom ldan 'das la tshigs su bcad pa 'di dag gis mngon par bstod do/ /'jig rten skye 'jig yongs bral te/ /nam mkha'i me tog rab tu 'dra/ /ye shes yod med mi
307b7 dmigs kyang / /thugs rje chen po rab tu skye/ /chos rnams thams cad sgyu ma bzhin/ /sems dang rnam shes yongs su spangs/ /ye shes yod med mi dmigs kyang / /thugs
308a1 rje chen po rab tu skye/ /rtag dang chad pa yongs spangs pa/ /'jig rten khor yug rmi lam 'dra/ /ye shes yod med mi dmigs kyang / /thugs rje chen po
308a2 rab tu skye/ /gang zag chos la bdag med dang / /nyon mongs shes bya rab mkhyen cing / /rtag tu dag cing mtshan med kyang / /thugs rje chen po rab tu skye/ /kun las mya ngan
308a3 mi 'da' ste/ /mya ngan 'das sangs rgyas mi dmigs/ /sangs rgyas mya ngan 'da' mi dmigs/ /blo dang rig par bgyi dang bral/ /yod pa dang ni med pa'i phyogs/ /gnyis po de
308a4 dag shin tu spangs/ /thub pa zhi ba'i rnal 'byor pa/ /skye ba dag ni rab spangs pas/ /de ni len mi mnga' zhes bgyi/ /'di dang gzhan du rnam par dag /de nas byang chub
308a5 sems dpa' blo gros chen pos bcom ldan 'das la tshigs su bcad pa de dag gis mngon par bstod nas rang gi rigs dang ming brjod de gsol pa/ bdag ming blo gros
308a6 chen po ste/ /theg chen khong du chud par rtogs/ /deng 'dir brgya rtsa brgyad kyi don/ /bla ma'i mchog la zhu bar bgyi/ /'jig rten mkhyen pa'i skyes mchog gis/ /tshigs
308a7 bcad de ni gsan pa dang / /'khor rnams la ni rnam gzigs nas/ /rgyal sras rnams la bka' stsal pa/ /khyod la sogs pa rgyal sras rnams/ /ci dang ci 'dod dris
308b1 shig dang / /so so rang gi spyod yul ni/ /ngas ni khyad la bshad par bya/ /de nas byang chub sems dpa' sems dpa' chen po blo gros chen po bcom ldan 'das kyi zhabs la spyi bos gtugs te
308b2 phyag byas nas thal mo sbyar te tshigs su bcad pas zhu ba zhus pa/ /ji ltar dran pa rnam dag 'gyur/ /ji ltar dran pa 'phel bar 'gyur/ /lta rmongs nor ba ji lta bu/ /nor pa ji ltar
308b3 'phel bar 'gyur/ /zhing du sprul rnams ci slad du/ /mtshan nyid dang ni mu stegs kyang / /mtshan med rim pa ji lta bu/ /ci slad mtshan ma med pas bgyi/ /ci slad rgyal ba'i sras
308b4 zhes bgyi/ /rnam grol gang du mchi bar 'gyur/ /gang la 'ching zhing gang dag dgrol/ /bsam gtan spyod yul ji lta ba/ /ci slad theg pa gsum po mchis/ /bdag la bstan
308b5 cing bshad du gsol/ /rkyen rnams gang las skye ba lags/ /byed dang byas pa ji lta bu/ /gnyis ka tha dad ci slad bshad/ /ji lta bur na 'phel ba lags/ /gzugs med snyoms
308b6 par 'jug pa dang / /'gog pa'i snyoms 'jug ji lta bu/ /'du shes 'gog pa ji lta bu/ /ting nge 'dzin las ji ltar sad/ /ci yi slad du byas pa 'byung / /'gro ba dang ni lus 'dzin
308b7 ci| |ji ltar rnam rtog snang bar 'gyur/ /sa rnams ji ltar skye bar 'gyur/ /srid gsum 'jig pa de su zhig /gnas ni gang lags lus ni ci/ /skye gnas gang du bgrod par
309a1 'gyur/ /rgyal ba'i sras su ji ltar 'gyur/ /mngon par shes dang dbang rnams dang / /ting 'dzin rnams ni ji ltar 'thob/ /ting 'dzin sems
309a2 ni ji lta bu/ /rgyal bas bdag la bshad du gsol/ /ci slad kun gzhi zhes bgyi lags/ /yid dang rnam shes ji lta bu/ /skye dang 'jig pa ji lta bu/ /ji ltar mthong nas slar
309a3 yang ldog /ji lta bur na rigs su 'gyur/ /rigs ma mchis dang sems tsam dang / /sgro 'dogs mtshan nyid ji lta bu/ /bdag med don du ji ltar 'gyur/ /sems can ma
309a4 mchis ji lta bu/ /kun rdzob bshad pa ji lta bu/ /ji ltar rtag dang chad pa yi/ /lta ba rab tu 'byung mi 'gyur/ /ji ltar sangs rgyas mu stegs dag /mtshan nyid rnams kyis 'gal
309a5 mi 'gyur/ /ji ltar ma 'ongs dus dag na/ /sde ba tha dad 'byung bar 'gyur/ /ji ltar stong nyid rgyu ci yis/ /ji ltar skad cig 'jig par 'gyur/ /mngal gyi snying por ji
309a6 ltar skye/ /ji ltar 'jig rten gyis mi g.yos/ /ji ltar sgyu ma rmi lam 'dra/ /de bzhin dri za'i grong khyer dang / /'jig rten smig rgyu lta bu dang / /chu zla dang ni 'od dag dang / /
309a7 byang chub yan lag ci slad gsungs/ /de bzhin byang chub phyogs rnams kyang / /yul rnams ci slad 'khrug par 'gyur/ /ci slad srid par lta bar bgyid/ /ji ltar skye 'gag
309b1 ma mchis shing / /'jig rten nam mkha' me tog 'dra/ /'jig rten ji ltar thugs su chud/ /ci slad yi ge bral bar gsung / /rnam rtog spangs pa de su lags/ /ji ltar nam
309b2 mkha' 'dra ba lags/ /de kho na la du zhig mchis/ /pha rol phyin sems rnam pa du/ /rgyu gang gis ni sa rnams sgrol/ /len ma mchis par su zhig mchi/ /bdag med rnam
309b3 gnyis gang zhig lags/ /shes bya ji ltar rnam par 'dag /ye shes dag ni rnam pa du/ /tshul khrims sems can nyid ni du/ /nor bu mu tshig la sogs pa'i/ /rigs
309b4 rnams su yis rab tu bskyed/ /sems can rnam pa sna tshogs dang / /brjod pa dag ni su yis bskyed/ /rigs pa'i gnas dang bzo yi rnams/ /su yis ji ltar rab tu
309b5 bstan/ /tshigs su bcad pa rnam pa du/ /tshig bcad ring thung ji lta bu/ /rigs pa rnam pa du zhig mchis/ /ci yi slad du smra zhes bgyi/ /skom dang zas rnams ji ltar
309b6 'byung / /ji ltar sred pa'i 'dod pa 'byung / /ci slad rgyal po zhes bgyi lags/ /'khor los bsgyur dang rgyal phran ci/ /yul ni ji ltar bsrung bar bgyi/ /lha yi ris la rnam
309b7 pa du| |ci yi slad du sa zhes bgyi/ /gza' skar nyi zla ji lta bu/ /thar pa dang ni rnal 'byor pa/ /de dag rnam pa du zhig mchis/ /slob ma rnam pa du zhig mchis/ /slob dpon
310a1 du yang ji ltar 'gyur/ /sangs rgyas rnam pa du zhig lags/ /skyes pa'i rabs la rnam pa du/ /bdud dang slob pa'i bye brag rnams/ /de dag la ni
310a2 rnam pa du/ /rang bzhin dang ni sems rnams kyang / /de dag la ni du zhig mchis/ /btags pa tsam yang ji lta bu/ /rgyal bas bdag la bshad du gsol/ /nam mkha' sprin
310a3 rlung ji lta bu/ /dran dang yid gzhungs gsal ba ci/ /nags tshal shing ni ji lta bu/ /'khri shing dag ni ci las gyur/ /glang po rta dang ri dwags rnams/ /ji ltar gzung du
310a4 rung bar 'gyur/ /ngan pa'i rnams ji lta bu/ /rgyu gang gis ni ngan par 'gyur/ /tshig drug gis ni ji ltar bsdus/ /'dod chen par yang ji ltar 'gyur/ /skyes pa bdu
310a5 med ma ning rnams/ /de dag thams cad ci slad 'byung / /rnal 'byor las ni ji ltar ldog /rnal 'byor ji ltar skye bar 'gyur/ /rnal 'byor pas ni chos gang gis/ /ci 'dra'i
310a6 gang zag rnam par 'jog /sems can 'gro bar skye ba rnams/ mtshan nyid mtshan ma'i rnam pa ci/ /phyug por gyur pa ji lta bu/ /rgyu gang gis ni phyug por 'gyur/ /shAkya'i rigs
310a7 ni ji lta bu/ /ci yi rgyu yis shAkya byung / /bu ram shing pa ji ltar byung / /bla med gtso bos bshad du gsol/ /yun ring dka' thub drang srong gang / /des ni ji ltar rjes su ston//
310b1 de bzhin gshegs pa zhing rnams su/ /mtshan dang de bzhin gzugs sna tshogs/ /rgyal ba'i sras kyis bskor ba yang / /ci yi slad du kun na gda'/ /ci slad sha rnams
310b2 gsol mi mdzad/ /ci slad sha ni rab tu bkag /sha za'i rigs su skyes pa rnams/ /rgyu gang gis ni sha 'tshal lags/ /nyi zla'i dbyibs shing ji lta bu/ /ri rab pad+ma 'dra ba dang //
310b3 seng ge mtshan mchog zhing dag dang / /'jig rten gzur gnas spyi'u tshugs dang / /dbang po'i dra ba 'dra ba dang / /kha cig rin chen kun gyi zhing / /dgu po rgyud mang rnga 'dra
310b4 dang | |me tog sna tshogs dbyibs 'dra dang / /kha cig nyi zla'i 'od dang bral/ /'dri la sogs pa tshad ma mchis/ /sbrul pa'i sangs rgyas ji lta bu/ /rnam smin las byung sangs
310b5 rgyas dang / /de bzhin nyid kyi sangs rgyas ci/ /ye shes sangs rgyas ji lta bu/ /ci slad 'dod pa'i khams rnams su/ /mngon par rdzogs par 'tshang mi rgya/ /ci yi slad du 'og min
310b6 pa| |chags bral khrod du byang chub brnyes/ /bde gshegs mya ngan 'das nas ni/ /yang dag bstan pa su zhig 'dzin/ /lha yi ston pa ji srid bzhugs/ /yang dag chos ni ji srid
310b7 gnas/ /grub mtha' dang ni lta pa yang / /de dag la ni rnam pa du/ /'dul ba dang ni dge slong ris/ /ci slad rgyu dang rkyen ni gang / /rgyal ba'i sras ni de dag dang / /rang rgyal
311a1 dang ni nyan thos dag/ /rgyu gang gis na 'gyur brgyar 'gyur/ /rgyu gang gis ni snang med brgya/ /'jig rten mngon shes ji lta bu/ /'jig rten
311a2 'das kyi'ang ji lta bu/ /sems ni sa rnams bdun por yang / /ji ltar ci slad bdag la gsungs/ /dge 'dun la ni rnam pa du/ /ji ltar dge 'dun dben du 'gyur/ /sems
311a3 can gso ba'i bstan bcos rnams/ /de dag rgyu rkyen gang gis lags/ /ci slad thub pa chen po yis/ /'od srung 'khor ba 'jig dang ni/ /gser thub kyang ni nga yin zhes/ /de skad
311a4 du ni bka' yang stsal/ /ci slad rtag dang chad pa dang / /de bzhin bdag dang bdag med gsungs/ /ci slad du ni thams cad du/ /yang dag don ni gsung mi mdzad/ /sems
311a5 can dag gi slad du yang / /sems tsam du ni dbye ba mdzad/ /ci slad skyes bu na chung tshal/ /a ru ra dang skyu ru ra/ /ke la sa dang khor yug ri/ /rdo rje la sogs ri bo rnams/ /
311a6 rin chen sna tshogs rab brgyan cing / /drang srong dri zas kun gang ba/ /ji ltar ci slad bdag la gsungs/ /bla med 'jig rten mkhyen pa yis/ /theg chen sgrol ba'i sgo rnams dang //
311a7 sangs rgyas kun gyi snying po mchog /de yi tshigs bcad gsan pa dang / /legs so dris pa rab tu legs/ /blo gros chen po legs par nyon/ /ngas ni der 'dir rim
311b1 bzhin du/ /khyod kyis gang dris bshad par bya/ /skye dang skye ba med pa dang / /mya ngan 'das stong skad cig ma/ /rang bzhin med la 'jug par 'gyur/ /sangs rgyas pha rol phyin rnams
311b2 dang | |rgyal sras dang ni nyan thos dang / /rang rgyal mu stegs can rnams dang / /gzugs med pa yi spyod rnams dang / /de bzhin dngos po sna tshogs rnams/ /ri rab mtsho bran ri
311b3 rnams dang / /gling dang zhing dang sa rnams dang / /gza' skar nyi ma zla ba dang / /mu stegs lha dang lha ma yin/ /rnam thar dbang dang mngon shes dang / /stobs dang bsam gtan
311b4 ting nge 'dzin/ /'gog dang rdzu 'phrul rkang pa dang / /byang chub yan lag lam gyi phyogs/ /bsam gtan rnams dang tshad med dang / /phung po lus rnams 'gro 'ong dang / /snyoms
311b5 par 'jug dang 'gog pa dang / /ting 'dzin ldang sems bshad pa dang / /sems dang yid dang rnam shes dang / /bdag med pa dang chos lnga dang / /rang bzhin rtog dang brtag pa
311b6 dang | |snang dang lta ba gnyis po dang / /theg pa dang ni rigs rnams dang / /gser dngul nor bu la sogs dang / /'dod chen pa dang 'byung chen dang / /dkrugs ma dag dang sangs
311b7 rgyas gcig /shes dang shes bya 'jug thob dang / /sems can srid dang mi srid dang / /glang po rta dang ri dwags rnams/ /ci yi phyir na gzung du rung / /dpe dang rgyu dang grub
312a1 mtha' dang / /byed pa dang ni byas pa rnams/ /nags tshal nang la mngon shes dang / /sems can de ni snang ba med/ /sa rnams rim gyis 'pho ba med//
312a2 'gyur ba brgya po snang med brgya/ /gso ba'i bstan bcos bzo rnams dang / /sgyu rtsal dang ni rig pa'i gnas/ /ri bo ri rab sa dag dang / /rgya mtsho nyi ma zla ba'i tshad/ /sems
312a3 can rab 'bring tha ma yi/ /lus la rdul ni du zhig yod/ /zhing dang zhing la rdul du zhig /gzhu dang gzhu la ji snyed yod/ /khru dang gom pa rgyang grags dang / /dpag tshad phyed
312a4 dang dpag tshad la/ /ri bong nyi zer sa ma dang / /lug gi dang ni nas kyang du/ /bre gang la ni nas 'bru du/ /bre phyed la yang nas 'bru du/ /bre bo gang dang bcu dag la/ /grangs 'bum
312a5 dang ni bye ba dang / /de bzhin du ni shu rdog la/ /de dag grangs ni du zhig yod/ /rdul phran dag ni du zhig yod/ /rdul phran dag ni du zhig la/ /yungs kar 'bru ni gcig tu 'gyur/ /yungs kar 'bru
312a6 ni du zhig gis/ /'ol ma se ni gcig tu 'gyur/ /'ol ma se ni du zhig la/ /ma sha 'bru ni gcig tu 'gyur/ /ma sha du la nam ni gcig /nam du la ni srang du 'gyur/ /spang
312a7 gcig la yang zho du yod/ /rtsis kyi rtsis mgo 'di lta bur/ /ri rab srang ni du yod ces/ /'di la sogs pa'i dri ba'i rigs/ /ci yi phyir na dngos gzhan 'dri/ /nyan thos
312b1 thos dang ni rang rgyal dang / /sangs rgyas rnams dang rgyal sras kyi/ /sku la rdul phran du yod ces/ /de skad ci'i phyir 'dri mi byed/ /me lce la ni rdul phran du/ /rlung la yang ni rdul phran du//
312b2 dbang po gcig cing rdul phran du/ /smin ma spu yi bu ga du/ /nor srung dbang phyug rgyal po dang / /'khor los bsgyur ba'i rgyal po yang / /rgyal srid dag ni ji ltar bsrung / /de dag
312b3 ji ltar thar bar 'gyur/ /tshigs bcad rkyang pa ji ltar smra/ /khyod kyis ji ltar zhus pa bzhin/ /sems can 'khrig pa sna tshogs dang / /zas skom rnam pa mang po dang / /ji ltar
312b4 skyes bu na chung tshal/ /rdo rje lta bur sra ba'i ri/ /ji ltar sgyu ma rmi lam 'dra/ /ri dwags skom gyis gdungs pa ltar/ /ji ltar ri bo drang srong lta/ /dri zas rab tu brgyan pa dang //
312b5 grol ba gang du 'gro bar 'gyur/ /bcings pa su zhig gang gis 'grol/ /bsam gtan pa yi yul ni gang / /sprul pa dang ni mu stegs kyang / /ci phyir med pa'i rgyu las byed/ /
312b6 ci'i phyir yod pa'i rgyu las byed/ /yod med rgyu las byed pa dang / /de bzhin yod med min pa'i rgyu/ /snang ba las ni ji ltar ldog /rtog ge ji ltar yongs su 'dag /rtog ge ji
312b7 ltar 'jug par 'gyur/ /byed pa ci yis 'jug par 'gyur/ /ji ltar 'du shes gcad par bya/ /ji ltar ting nge 'dzin las ldang / /srid gsum bcom pa de su zhig /gnas
313a1 gang de yi lus kyang ci/ /ci phyir sems can med bzhin du/ /bdag yod par ni rjod par byed/ /kun rdzob bstan pa ji lta bu/ /rgya cher rab tu dbyer
313a2 gsol zhes/ /mtshan nyid 'dri ba ci yi phyir/ /bdag med 'dri ba ji lta bu/ /ji ltar mngal gyi snying por skye/ /lus ni tha dad sna tshogs dang / /rtag chad lta ba ji lta bu/ /
313a3 ji ltar sems ni mnyam par 'jog /brjod dang de bzhin ye shes dang / /tshul khrims rigs dang rgyal ba'i sras/ /rigs pa dang ni smra ba'ang ci/ /slob dpon slob ma
313a4 ji lta bu/ /sems can rnam pa sna tshogs dang / /'di la sogs pa ji lta bu/ /zas dang skom ni ji lta bu/ /yid gzhungs bdud dang btags pa tsam/ /shing dang 'khri
313a5 shing ci phyir zhes/ /rgyal ba'i sras kyis dri ba'i rigs/ /zhing rnams sna tshogs ci yi phyir/ /drang srong yun ring dka' thub dang / /rigs zhes bya ba ji lta bu/ /bla ma gang
313a6 las bslab pa blang / /ci yi phyir na mi dag ngan/ /ci yi phyir na rnal 'byor pa/ /'dod pa'i khams su 'tshang mi rgya/ /'og min du ni grub pa'i mtha'/ /ci phyir mngon shes
313a7 'jig rten pa/ /ci phyir dge slong zhes ni brjod/ /sprul pa'i sangs rgyas ji lta bu/ /rnam smin sangs rgyas ji lta bu/ /de bzhin nyid kyi sangs rgyas gang / /mnyam nyid ye
313b1 shes sangs rgyas dang / /dge 'dun rnams kyang ji lta bu/ /rgyal sras de bzhin dri ba'i rigs/ /dgu bo rgyud mang me tog rnga/ /zhing dang snang ba spangs pa dang / /sems tsam sa
313b2 ni bdun po dag /dris pa rnams ni yang dag nyid/ /'di dang gzhan yang rab mang ba'i/ /dri ba dag ni rgyal sras dris/ /re re mtshan nyid rab ldan zhing / /lta ba'i nyes pa rnam
313b3 spangs pa/ /grub mtha'i brjod dang bral ba ste/ /ngas ni da 'dir bstan par bya/ /go rims rnam par bzhag pa'i tshig /rgyal ba'i sras kyis legs par nyon/ /tshig brgya rtsa
313b4 brgyad 'di dag ni/ /sangs rgyas rnams kyis gsungs bzhin bshad/ /de nas byang chub sems dpa' sems dpa' chen po blo gros chen pos bcom ldan 'das la 'di skad
313b5 ces gsol to/ /bcom ldan 'das tshig brgya rtsa brgyad po dag gang lags/ bcom ldan 'das kyis bka' stsal pa/ skye ba'i tshig dang / mi skye ba'i tshig dang / rtag pa'i tshig
313b6 dang | mi rtag pa'i tshig dang / mtshan nyid kyi tshig dang / mtshan nyid med pa'i tshig dang / gnas pa gzhan du 'gyur ba'i tshig dang / gnas pa gzhan du 'gyur ba ma yin pa'i
313b7 tshig dang / skad cig pa'i tshig dang / skad cig ma yin pa'i tshig dang / rang bzhin gyi tshig dang / rang bzhin dang bral ba'i tshig dang / stong pa nyid kyi tshig dang / stong pa nyid
314a1 ma yin pa'i tshig dang / chad pa'i tshig dang / chad pa ma yin pa'i tshig dang / sems kyi tshig dang / sems ma yin pa'i tshig dang / mtha'i tshig
314a2 dang | mtha' ma yin pa'i tshig dang / dbu ma'i tshig dang / dbu ma ma yin pa'i tshig dang / ther zug gi tshig dang / ther zug ma yin pa'i tshig dang / rkyen gyi tshig dang / rkyen
314a3 ma yin pa'i tshig dang / rgyu'i tshig dang / rgyu ma yin pa'i tshig dang / nyon mongs pa'i tshig dang / nyon mongs pa ma yin pa'i tshig dang / sred pa'i tshig dang / sred pa ma yin
314a4 pa'i tshig dang / thabs kyi tshig dang / thabs ma yin pa'i tshig dang / mkhas pa'i tshig dang / mkhas pa ma yin pa'i tshig dang / dag pa'i tshig dang / dag pa ma yin pa'i
314a5 tshig dang / rigs pa'i tshig dang / rigs pa ma yin pa'i tshig dang / dpe'i tshig dang / dpe ma yin pa'i tshig dang / slob ma'i tshig dang / slob ma ma yin pa'i tshig dang / bla
314a6 ma'i tshig dang / bla ma ma yin pa'i tshig dang / rigs kyi tshig dang / rigs ma yin pa'i tshig dang / theg pa gsum gyi tshig dang / theg pa gsum ma yin pa'i tshig dang /
314a7 srid pa'i tshig dang / srid pa ma yin pa'i tshig dang / smon pa'i tshig dang / smon pa ma yin pa'i tshig dang / 'khor lo gsum gyi tshig dang / 'khor lo gsum ma yin
314b1 pa'i tshig dang / mtshan ma'i tshig dang / mtshan ma ma yin pa'i tshig dang / yod pa'i phyogs kyi tshig dang / /yod pa'i phyogs ma yin pa'i tshig dang / gnyis ka'i tshig dang / gnyis
314b2 ka ma yin pa'i tshig dang / so so rang gi 'phags pa'i ye shes la dmigs pa mthong ba'i chos la bde bar gnas pa'i tshig dang / mthong ba'i chos la bde bar gnas pa ma
314b3 yin pa'i tshig dang / zhing gi tshig dang / zhing ma yin pa'i tshig dang / rdul gyi tshig dang / rdul ma yin pa'i tshig dang / chu'i tshig dang / chu ma yin pa'i tshig dang / gzhu'i tshig dang /
314b4 gzhu ma yin pa'i tshig dang / yang dag pa'i tshig dang / yang dag pa ma yin pa'i tshig dang / grangs kyi tshig dang / grangs ma yin pa'i tshig dang / rtsis kyi tshig dang / rtsis ma yin
314b5 pa'i tshig dang / mngon par gsal ba'i tshig dang / mngon par gsal ba ma yin pa'i tshig dang / nam mkha'i tshig dang / nam mkha' ma yin pa'i tshig dang / sprin gyi tshig
314b6 dang | sprin ma yin pa'i tshig dang / bzo dang sgyu rtsal dang rig pa'i gnas kyi tshig dang / bzo dang sgyu rtsal dang rig pa'i gnas ma yin pa'i tshig dang / rlung gi tshig dang / rlung ma
314b7 yin pa'i tshig dang / sa'i tshig dang / sa ma yin pa'i tshig dang / sems kyi tshig dang / sems ma yin pa'i tshig dang / gdags pa'i tshig dang / gdags pa ma yin pa'i tshig dang /
315a1 rang bzhin gyi tshig dang / rang bzhin ma yin pa'i tshig dang / phung po'i tshig dang / phung po ma yin pa'i tshig dang / sems can gyi tshig dang /
315a2 sems can ma yin pa'i tshig dang / blo'i tshig dang / blo ma yin pa'i tshig dang / mya ngan las 'das pa'i tshig dang / mya ngan las 'das pa ma yin pa'i tshig dang / shes
315a3 bya'i tshig dang / shes bya ma yin pa'i tshig dang / mu stegs can gyi tshig dang / mu stegs can ma yin pa'i tshig dang / khrag khrug gi tshig dang / khrag khrug ma yin pa'i tshig
315a4 dang | sgyu ma'i tshig dang / sgyu ma ma yin pa'i tshig dang / rmi lam gyi tshig dang / rmi lam ma yin pa'i tshig dang / smig rgyu'i tshig dang / smig rgyu ma yin pa'i tshig dang / gzugs
315a5 brnyan gyi tshig dang / gzugs brnyan ma yin pa'i tshig dang / 'khor lo'i tshig dang / 'khor lo ma yin pa'i tshig dang / dri za'i tshig dang / dri za ma yin pa'i tshig dang / lha'i
315a6 tshig dang / lha ma yin pa'i tshig dang / zas skom gyi tshig dang / zas skom ma yin pa'i tshig dang / 'khrig pa'i tshig dang / 'khrig pa ma yin pa'i tshig dang / lta ba'i tshig
315a7 dang | lta ba ma yin pa'i tshig dang / pha rol tu phyin pa'i tshig dang / pha rol tu phyin pa ma yin pa'i tshig dang / tshul khrims kyi tshig dang / tshul khrims ma yin pa'i tshig
315b1 dang | nyi zla skar ma'i tshig dang / nyi zla skar ma ma yin pa'i tshig dang / bden pa'i tshig dang / bden pa ma yin pa'i tshig dang / 'bras bu'i tshig dang / 'bras bu ma yin pa'i
315b2 tshig dang / 'gog pa las ldang ba'i tshig dang / 'gog pa las ldang ba ma yin pa'i tshig dang / gso ba'i tshig dang / gso ba ma yin pa'i tshig dang / mtshan nyid kyi tshig dang /
315b3 mtshan nyid ma yin pa'i tshig dang / yan lag gi tshig dang / yan lag ma yin pa'i tshig dang / rig pa'i gnas la mkhas pa'i tshig dang / rig pa'i gnas la mkhas pa ma
315b4 yin pa'i tshig dang / bsam gtan gyi tshig dang / bsam gtan ma yin pa'i tshig dang / nor ba'i tshig dang / nor ba ma yin pa'i tshig dang / snang ba'i tshig dang / snang ba ma
315b5 yin pa'i tshig dang / bsrung ba'i tshig dang / bsrung ba ma yin pa'i tshig dang / rus kyi tshig dang / rus ma yin pa'i tshig dang / drang srong gi tshig dang / drang srong ma yin pa'i
315b6 tshig dang / rgyal po'i tshig dang / rgyal po ma yin pa'i tshig dang / yongs su gzung ba'i tshig dang / yongs su gzung ba ma yin pa'i tshig dang / rin po che'i tshig dang / rin po
315b7 che ma yin pa'i tshig dang / lung bstan pa'i tshig dang / lung bstan pa ma yin pa'i tshig dang / 'dod chen pa'i tshig dang / 'dod chen pa ma yin pa'i tshig dang / pho mo dang ma
316a1 ning gi tshig dang / pho mo dang ma ning ma yin pa'i tshig dang / bro ba'i tshig dang / bro ba ma yin pa'i tshig dang / dngos po'i tshig dang / dngos po
316a2 ma yin pa'i tshig dang / lus kyi tshig dang / lus ma yin pa'i tshig dang / rtog ge'i tshig dang / rtog ge ma yin pa'i tshig dang / g.yo ba'i tshig dang / g.yo ba ma yin
316a3 pa'i tshig dang / dbang po'i tshig dang / dbang po ma yin pa'i tshig dang / 'dus byas kyi tshig dang / 'dus byas ma yin pa'i tshig dang / 'dus ma byas kyi tshig dang / 'dus
316a4 ma byas ma yin pa'i tshig dang / rgyu dang 'bras bu'i tshig dang / rgyu dang 'bras bu ma yin pa'i tshig dang / 'og min gyi tshig dang / 'og min ma yin pa'i tshig dang / dus tshigs kyi
316a5 tshig dang / dus tshigs ma yin pa'i tshig dang / shing dang shing gel pa dang 'khri shing gi tshig dang / shing dang shing gel pa dang 'khri shing ma yin pa'i tshig dang / sna tshogs
316a6 kyi tshig dang / sna tshogs ma yin pa'i tshig dang / bstan pas gzung ba'i tshig dang / bstan pas gzung ba ma yin pa'i tshig dang / 'dul ba'i tshig dang / 'dul ba ma
316a7 yin pa'i tshig dang / dge slong gi tshig dang / dge slong ma yin pa'i tshig dang / gnas kyi tshig dang / gnas ma yin pa'i tshig dang / yi ge'i tshig dang / yi ge ma yin
316b1 pa'i tshig ste/ blo gros chen po tshig brgya rtsa brgyad po 'di dag ni sngon gyi sangs rgyas rnams kyis brjod pa yin te/ khyod dang byang chub sems dpa' sems dpa' chen po
316b2 rnams kyis bslab par bya'o/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das/ rnam par
316b3 shes pa rnams kyi skye ba dang / gnas pa dang / 'gag pa rnam pa du mchis/ bcom ldan 'das kyis bka' stsal pa/ blo gros chen po/ rnam par shes pa rnams kyi skye ba dang / gnas
316b4 pa dang | 'gag pa la rnam pa gnyis gnyis yod de/ rtog ge pa rnams kyis shes par bya ba ma yin no/ /rnam par shes pa rnams kyi skye ba'ang rnam pa gnyis te/ 'di lta ste/
316b5 rgyun skye ba dang / mtshan nyid skye ba'o/ /gnas pa'ang rnam pa gnyis te/ 'di lta ste/ rgyun gnas pa dang / mtshan nyid gnas pa'o/ /'gag pa'ang rnam pa gnyis te/ 'di
316b6 lta ste/ rgyun 'gag pa dang / mtshan nyid 'gag pa'o/ /de la rnam par shes pa rnams kyi mtshan nyid ni rnam pa gsum ste/ 'di lta ste/ 'jug pa'i mtshan nyid dang / las
316b7 kyi mtshan nyid dang / yang dag pa'i mtshan nyid do/ /blo gros chen po/ mdor bsdu na ni rnam par shes pa gsum yod do/ /rgyas par bshad na ni mtshan nyid rnam pa brgyad yod
317a1 de| rnam pa gsum po dag gang zhe na/ 'di lta ste/ yang dag pa'i rnam par shes pa dang / snang ba'i rnam par shes pa dang / dngos po so sor
317a2 rnam par rtog pa'i rnam par shes pa'o/ /blo gros chen po/ dper na/ me long rab tu gsal bas gzugs brnyan rnams 'dzin par byed pa de bzhin du snang ba'i rnam par
317a3 shes pa snang ba'ang de bzhin no/ /blo gros chen po/ snang ba'i rnam par shes pa dang / dngos po so sor rnam par rtog pa'i rnam par shes pa de gnyis ni 'jig pa dang /
317a4 mi 'jig pa'i mtshan nyid de/ gcig gi rgyu gcig go /blo gros chen po/ bsam gyis mi khyab pa'i bag chags yongs su bsgos pa dang / bsam gyis mi khyab pa'i yongs
317a5 su 'gyur ba ni snang ba'i rnam par shes pa'i rgyu'o/ /blo gros chen po/ yul sna tshogs len pa dang / thog ma med pa'i dus kyi rnam par rtog pas yongs su bsgos pa
317a6 ni dngos po so sor rnam par rtog pa'i rnam par shes pa'i rgyu'o/ /blo gros chen po/ yang dag pa'i rnam par shes pa de la sgrib par byed pa yang dag pa ma yin pa sna
317a7 tshogs dang / spros pa rnams 'gags pas dbang po'i rnam par shes pa thams cad 'gag par 'gyur te/ blo gros chen po/ 'di ni mtshan nyid 'gag pa zhes
317b1 bya'o| |blo gros chen po/ de la rgyun 'gag pa ni mtshams sbyor ba'i rgyu 'gag pa na rgyun 'gag par 'gyur te/ gang las 'byung ba 'gags pa dang / gang la dmigs par bya ba
317b2 'gags na des rgyun 'gag par 'gyur ro/ /blo gros chen po/ de ci'i phyir zhe na/ de'i gnas yin pa'i phyir ro/ /de la gnas zhes bya ba ni thog ma med pa'i dus kyi rnam par
317b3 rtogs pas yongs su bsgos pa'o/ /dmigs pa zhes bya ba ni 'di lta ste/ rang gi sems snang ba la rnam par shes pa'i yul du rnam par rtog pa'o/ /blo gros chen po/ dper
317b4 na| 'jim pa'i gong bu dang / rdul phra rab ni tha dad pa'ang ma yin/ tha mi dad pa'ang ma yin no/ /gser dang rgyan yang de bzhin te/ blo gros chen po/ gal te 'jim pa'i gong bu
317b5 dang | rdul phra rab gnyis tha dad pa zhig yin na ni de dag las brtsams pa ma yin par 'gyur na/ de ni yang dag par de dag las brtsams pas na de'i phyir tha dad pa ma yin no/ /
317b6 ci ste tha mi dad na ni 'jim pa'i gong bu dang / rdul phra rab bye brag med par 'gyur ro/ /de bzhin du/ blo gros chen po/ 'jug pa'i rnam par shes pa rnams kun gzhi rnam par
317b7 shes pa yang dag pa'i mtshan nyid dang / gal te tha dad pa zhig yin na kun gzhi rnam par shes pa rgyu ma yin par 'gyur ro/ /de ste tha dad pa ma yin na ni 'jug pa'i rnam par
318a1 shes pa 'gags na/ kun gzhi rnam par shes pa'ang 'gag par 'gyur ba zhig na/ 'di ltar rang gi yang dag pa'i mtshan nyid ni nges par
318a2 'gag par mi 'gyur te/ de'i phyir/ blo gros chen po/ rnam par shes pa rnams kyi rang gi yang dag pa'i mtshan nyid 'gag pa ma yin gyi/ las kyi mtshan nyid 'gag
318a3 go /gal te rang gi yang dag pa'i mtshan nyid kyang 'gag pa yin na ni/ kun gzhi rnam par shes pa'ang 'gag par 'gyur te/ blo gros chen po/ kun gzhi rnam par
318a4 shes pa 'gag par 'gyur ba yin na ni/ mu stegs can chad par smra ba dang tha mi dad par 'gyur ro/ /blo gros chen po/ mu stegs can de dag ni 'di skad du smra ste/ 'di
318a5 lta ste/ 'di ltar yul rnams la 'dzin pa 'gag par gyur na/ rnam par shes pa'i rgyun 'gag par 'gyur ro zhes zer te/ gal te rnam par shes pa'i rgyun 'gag
318a6 pa yin na ni/ thog ma med pa'i dus kyi rgyun kyang chad par 'gyur ba'i rigs so/ /blo gros chen po/ mu stegs can rnams rgyun skye ba'i rgyu ni mig gi rnam par shes pa
318a7 gzugs dang / snang ba 'dus pa las skye ba ma yin gyi/ gud na tha dad pa'i rgyu yod do zhes smra'o/ /blo gros chen po/ rgyu de ni gtso bo dang / mchog dang / skyes bu dang / dbang
318b1 phyug dang / dus dang / rdul phra mo rnams so/ /gzhan yang / blo gros chen po/ rang bzhin rnam pa bdun yod do/ 'di lta ste/ 'du ba dngos po'i rang bzhin dang / mtshan nyid kyi rang
318b2 bzhin dang / 'byung ba chen po'i dngos po'i rang bzhin dang / rgyu'i rang bzhin dang / rkyen gyi rang bzhin dang / mngon par grub pa'i rang bzhin no/ /gzhan yang / blo gros chen po/
318b3 don dam pa rnam pa bdun yod de/ 'di lta ste/ sems kyi spyod yul dang / shes rab kyi spyod yul dang / ye shes kyi spyod yul dang / lta ba'i spyod yul dang / lta ba gnyis las
318b4 'das pa'i spyod yul dang / sras kyi sa las 'das pa'i spyod yul dang / de bzhin gshegs pa nyid byon pa'i spyod yul te/ blo gros chen po/ 'di dag 'das pa dang / ma
318b5 'ongs pa dang / da ltar gyi de bzhin gshegs pa dgra bcom pa yang dag par rdzogs pa'i sangs rgyas kyi dngos po'i rang bzhin don dam pa'i snying po'o/ /dngos po'i rang bzhin
318b6 don dam pa'i snying po de dang ldan pas de bzhin gshegs pa rnams 'jig rten pa dang / 'jig rten las 'das pa dang / 'jig rten las 'das pa mchog gi chos 'phags
318b7 pa'i shes rab kyi spyan yongs su rdzogs nas rang dang spyi'i mtshan nyid rnam par dgod pa la 'jug cing ji lta ba bzhin du rnam par dgod pas mu stegs can gyi smra ba dang / lta
319a1 ba ngan pa dang thun mong du mi 'gyur ba yin no/ /blo gros chen po/ ji ltar na mu stegs can gyi smra ba dang / lta ba ngan pa dang thun mong ma yin zhe na/
319a2 'di lta ste/ rang gi yul la rnam par rtog pa'i lta bar khong du ma chud pa dang / rang gi rnam par shes pa'i sems snang ba tsam du ma rtogs pas/ blo gros chen po/ byis
319a3 pa so so'i skye bo rnams dngos po dang / dngos po med pa'i rang bzhin don dam pa la lta ba gnyis su smra bar gyur to/ /gzhan yang / blo gros chen po/ rnam par rtog pa
319a4 srid pa gsum gyi sdug bsngal 'gag pa/ mi shes pa dang / sred pa dang / las dang / rkyen rnam par log pa/ rang gi sems snang ba sgyu ma'i yul dang / rjes su lta ba
319a5 rnams bshad par bya'o/ /blo gros chen po/ dge sbyong ngam bram ze la la ni sa bon med pa'am/ sa bon yod pa'i rgyu las 'bras bu snang ba dang / dngos po'i dus dang /
319a6 gnas pa dang / rkyen rnams las phung po dang / khams dang / skye mched rnams skye ba dang / gnas pa'am/ yang na skyes nas kyang 'jig par 'gyur par 'dod de/ blo gros
319a7 chen po/ de dag ni rgyun nam/ bya ba'am/ skye ba'am/ srid pa'am/ mya ngan las 'das pa'am/ lam mam/ las sam/ 'bras bu'am/ bden pa rnam par 'jig
319b1 pa'am/ chad par smra bar 'gyur ro/ /de ci'i phyir zhe na/ gang 'di mngon sum du mi dmigs shing thog ma mi mthong ste/ de'i cha ma yin pa'i phyir ro/ /blo gros chen po/
319b2 dper na/ rdza ma chag nas gyo mor gyur pa ni rdza ma'i bya ba mi byed do/ /sa bon tshig pa'ang myu gu'i bya ba mi byed de/ de bzhin du/ blo gros chen po/ phung po dang / khams dang / skye
319b3 mched kyi dngos po dag 'gags pa dang / 'gag pa dang / 'gag par 'gyur ba ni rang gi sems kyi rnam par rtog pas mthong ste/ rgyu med pa'i phyir de dag ni rim gyis
319b4 skye ba med do/ /blo gros chen po/ gal te sa bon med pa'am/ sa bon yod pa las rnam par shes pa rnams rkyen gsum dang phrad pa las skye ba zhig yin na ni rus sbal la spu
319b5 skye ba dang / bye ma las kyang 'bru mar 'byung bar 'gyur ba'i rigs te/ 'o na ni khyod kyi dam bcas pa las nyams shing nges pa'i don dang yang 'gal bar 'gyur ro/ /sa bon
319b6 yod pa dang / sa bon med par bshad pa la nyes pa de lta bu yod pas bya ba dang las byas pa rnams don med par 'gyur ro/ /blo gros chen po/ mu stegs can de dag rkyen
319b7 gsum phrad pa las skye zhes bya ba yang / bya ba dang thabs ni rgyu dang 'bras bu'i rang gi mtshan nyid du yod la/ 'das pa dang / ma 'ongs pa dang / da ltar byung ba ni sa bon
320a1 yod pa dang / sa bon med pa'i mtshan nyid do zhes zer te/ de ni sngon gcig nas gcig tu rigs pa'i dngos po brgyud de 'ongs pa rtog ge pa'i
320a2 rjes su 'jug cing rang gi lta ba'i nyes pa'i bag chags kyis bsgos pas de skad du ston te/ blo gros chen po/ de ltar byis pa so so'i skye bo rnams lta ba ngan pas zin pa
320a3 log pa'i gya gyus rab tu rmongs pa dang myos pa'i mi shes pa rnams rdzun du 'di ni thams cad mkhyen pas bstan to zhes zer ro/ /blo gros chen po/ gal te yang dge sbyong
320a4 ngam| bram ze gang la la chos thams cad rang bzhin dang bral ba sprin dang / mgal me'i 'khor lo dang / dri za'i grong khyer dang mtshungs pa dang / ma skyes pa sgyu ma dang / smig
320a5 rgyu dang / chu'i zla ba dang / rmi lam lta bu dang / nang dang phyi rol tu sems snang ba rnam par rtog pa dang / thog ma med pa'i dus kyi rnam par spros pa rang gi sems kyi rnam par
320a6 rtog pa las log shig na med pa dang / rgyu dang rkyen 'gags shing zad par gyur na/ rnam par rtog pa dang bral bar mthong ba dang / brjod pa dang / brjod par bya ba dang /
320a7 brtag pa dang / brtag par bya ba dang / longs spyod dang / lus su kun gzhi rnam par shes pa rnam par bzhag pa dang / rnam par shes pa'i yul gzung ba dang / 'dzin pa
320b1 dang | mi mthun pa dang / snang ba med pa'i spyod yul skye ba dang / gnas pa dang / 'jig pa spangs pa dang / rang gi sems las byung ba tsam du rjes su 'jug cing rnam par
320b2 'byed na/ blo gros chen po/ byang chub sems dpa' de dag ni ring por mi thogs par 'khor ba dang mya ngan las 'das pa mnyam pa nyid dang / snying rje chen po dang / thabs la
320b3 mkhas pa dang / rtsol ba med pa'i sbyor ba 'thob par 'gyur ro/ /blo gros chen po/ sems can gyi khams de dag thams cad sgyu ma dang mtshungs pa dang / rgyu dang rkyen la mi brtson
320b4 pa dang / phyi nang gi yul las rnam par dben pa dang / sems las phyi rol tu mi mthong bas rim gyis mtshan ma med pa'i gnas su 'jug pa dang / rim gyis sa nas sar ting nge 'dzin
320b5 gyi spyod yul la 'jug pa dang / khams gsum sgyu ma lta bur shin tu mos shing so sor rab tu rtog pas sgyu ma lta bu'i ting nge 'dzin rab tu 'thob par 'gyur ro/ /rang gi sems
320b6 snang ba las 'das shing snang ba med pa la 'jug pas shes rab kyi pha rol tu phyin pa la gnas pa rjes su thob par byed pa dang / de dag gi sbyor ba skyed pa rab tu spangs pas rdo
320b7 rje lta bu'i ting nge 'dzin thob nas de bzhin gshegs pa'i sa la 'jug par 'gyur ro/ /de bzhin nyid kyi rjes su 'jug pa'i sprul pa mngon par shes pa dang / dbang dang / snying
321a1 rje dang / thabs kyis rab tu brgyan pa/ sangs rgyas kyi zhing thams cad du cig car 'jug pa/ mu stegs can gyi gnas su nye bar 'gro ba/
321a2 sems dang yid dang / rnam par shes pa dang bral bas byang chub sems dpa' de gnas gyur pa'i rim gyis de bzhin gshegs pa'i sku 'thob par 'gyur ro/ /blo
321a3 gros chen po/ de bas na de bzhin gshegs pa'i rjes su 'jug pa'i sku'ang 'thob par 'dod pa rnams kyis phung po dang / khams dang / skye mched dang / sems dang / rgyu dang /
321a4 rkyen dang / bya ba dang / sbyor ba dang / skye ba dang / gnas pa dang / 'jig pa dang / rnam par rtog pa'i spros pa rnams yongs su spang par bya'o/ /sems tsam gyi drang por
321a5 rtsol bas thog ma med pa'i dus kyi spros pa'i nyes pa la so sor rtog cing / rnam par rtog pa'i bag chags kyi rgyu dang / srid pa gsum po dag snang ba med pa dang / sangs
321a6 rgyas kyi sa skye ba med par mjal bas rang gis rig pa 'phags pa'i bgrod par phyin pa dang / rang gi sems la dbang sgyur zhing rtsol ba med pa'i spyod pa rtogs par
321a7 khong du chud pa/ gzugs sna tshogs kyi rjes su 'jug pa'i nor bu dang mtshungs pa dang / sems can gyi sems shin tu phra ba'i rjes su 'jug cing sprul pa'i lus kyis
321b1 sems kyi mos pa ji lta ba bzhin du yongs su dgrol bar byed pas sa rnams rim gyis mtshams sbyor ba rnam par gzhag par 'gyur ro/ /de lta bas na/ blo gros chen po/ rang gi
321b2 grub pa'i mtha' la mkhas pa rab tu bsgrub par bya'o/ /de nas byang chub sems dpa' blo gros chen pos yang bcom ldan 'das la 'di skad ces gsol to/ /bcom ldan
321b3 'das/ sems dang / yid dang / rnam par shes pa dang / chos lnga dang / rang bzhin gyi mtshan nyid bshad du gsol/ 'di ni sangs rgyas dang byang chub sems dpa' thams
321b4 cad kyis bgrod par bgyi ba/ rang gi sems kyis mthong ba la sogs pas dmigs par bgyi ba'i spyod yul dang 'phrod pa ma lags pa/ brjod pa'am/ rigs pa dang / de kho na
321b5 nyid kyi mtshan nyid thams cad rab tu ston pa/ sangs rgyas thams cad kyi gsung gi snying po'o/ /bcom ldan 'das/ lang+ka'i grong rdal dang / ma la ya'i ri dang / rgya mtsho la gnas
321b6 pa'i byang chub sems dpa' sems dpa' chen po rnams kyi slad du de bzhin gshegs pa rnams kyis rab tu bsngags pa/ rgya mtsho'i dba' rlabs lta bu'i kun gzhi rnam par
321b7 shes pa'i spyod yul dang / chos kyi sku bshad du gsol/ de nas bcom ldan 'das kyis byang chub sems dpa' blo gros chen po la 'di skad ces bka' stsal to/ /blo gros chen
322a1 po| rkyen rnam pa bzhi'i phyir mig gi rnam par shes pa 'jug ste/ bzhi gang zhe na/ 'di lta ste/ rang gi sems snang ba 'dzin par khong du ma chud
322a2 pa dang / thog ma med pa'i dus nas spros pa'i gnas ngan len gyi gzugs kyi bag chags la mngon par zhen pa dang / rnam par shes pa'i rang bzhin gyi ngo bo nyid dang / gzugs
322a3 rnam pa sna tshogs kyis mtshan nyid mthong bar 'dun pa'o/ /blo gros chen po/ 'di ni rgyu rkyen bzhi po chu klung gi gnas dang / kun gzhi rnam par shes pa las 'jug pa'i rnam
322a4 par shes pa'i rlabs 'byung ba zhes bya'o/ /blo gros chen po/ mig gi rnam par shes pa ji lta ba bzhin du dbang po thams cad kyi rdul phra rab dang / spu'i khung bu lhan cig
322a5 skye ba dang / rim gyis yul gyi rjes su skye ba'ang de bzhin te/ ji ltar me long rab tu gsal ba'i nang du gzugs brnyan snang ba bzhin no/ /blo gros chen po/ dper na/
322a6 rlung rab tu drag pos rgya mtsho chen po'i chu rab tu skyod par byed pa de bzhin du/ phyi rol gyi yul gyi rlung gis kyang sems kyi rgya mtsho bsgul bas rnam par shes pa'i rlabs
322a7 rnams rgyun mi 'chad de/ rgyu dang bya ba'i mtshan nyid tha dad pa dang / tha dad ma yin pa gcig tu 'dres pa/ las dang skye ba'i mtshan nyid la shin tu mngon par zhen pa dang /
322b1 gzugs la sogs pa'i rang gi ngo bo nyid mi rtogs pas de'i phyir rnam par shes pa'i tshogs lnga 'jug go /blo gros chen po/ rnam par shes pa'i tshogs lnga po de dag dang
322b2 lhan cig pa'i rgyu la bye brag gis rnam pa'i mtshan nyid khong du chud par byed pas yid kyi rnam par shes pa'i rgyu ni de'i lus kyi rjes su 'jug pa yin par rig par bya'o/ /de dag
322b3 'di snyam du bdag cag ni phan tshun gcig gi rgyu gcig byed do snyam du mi sems te/ 'on kyang rang gi sems snang ba la rnam par rtog pas mngon par zhen pa 'jug cing de dag so
322b4 so nas 'jig pa'i mtshan nyid dang lhan cig tu 'jug go /yul gyi rnam pa'i bye brag 'byed pa ni 'di lta ste/ /de dag 'jug pa'o/ /blo gros chen po/ ji ltar rnal 'byor ba dag
322b5 bsam gtan dang ting nge 'dzin la mnyam par bzhag pa bag chags shin tu phra rab 'jug pa rnams mi shes pa de dag 'di snyam du/ bdag cag rnam par shes pa bkag
322b6 nas snyoms par zhugs so snyam du sems kyang yang dag par rnam par shes pa bkag nas snyoms par zhugs pa ma yin te/ 'di ltar bag chags kyi sa bon shin tu phra ba
322b7 ma 'gags pa'i phyir ma 'gags pa'o/ /yul la 'jug cing 'dzin pa dang mi ldan pa'i phyir ni 'gag pa'o/ /blo gros chen po/ de ltar shin tu phra ba'i kun gzhi rnam par shes
323a1 pa de mthar thug par rtogs pa ni de bzhin gshegs pa dang / sa la rab tu gnas pa'i byang chub sems dpa' rnams ma gtogs par gzhan
323a2 nyan thos dang / rang sangs rgyas dang / mu stegs can gyi rnal 'byor pa rnams kyis thob pa'i ting nge 'dzin dang / shes rab kyi stobs kyis kyang rtogs par mi nus so/ /gzhan
323a3 dun sa'i mtshan nyid dang / shes rab dang / ye shes dang / thabs la mkhas pa rnam par 'byed pa dag tshig gi don rab tu dbye ba la rnam par gdon mi za ba rgyal ba mtha'
323a4 yas pa rnams las dge ba'i rtsa ba yongs su bsags pa dang / rang gi sems snang ba la rnam par rtog pa'i spros pa dang bral ba ri dang nags tshal stug po dang / shing
323a5 khrod na gnas shing rnal 'byor tha ma dang / 'bring dang / rab tu bsgoms pa rnams kyis rang gi sems kyi rnam par rtog pa'i rgyud mthong ba dang / zhing tshad med pa'i
323a6 sangs rgyas rnams kyis dbang bskur ba dang / dbang dang / stobs dang / mngon par shes pa dang / ting nge 'dzin dang / dge ba'i bshes gnyen sangs rgyas kyi sras kyi
323a7 'khor rnams kyang 'thob par 'gyur te/ des sems dang / yid dang / rnam par shes pa dang / rang gi sems snang ba'i rang bzhin gyi spyod yul spros pa'i mtshan nyid
323b1 rig cing 'khor ba srid pa'i rgya mtsho dang / las dang / sred pa dang / mi shes pa la sogs pa'i rgyu las rgyal bar nus so/ /de lta bas na/ blo gros chen po/ rnal 'byor pa rnams kyis
323b2 dge ba'i bshes gnyen rgyal ba rnams la bsten par bya'o/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag gsungs so/ /dper na rgya
323b3 mtsho'i dba' rlabs rnams/ /de dag rlung drag dbang gis byung / /rlabs chen rgya mtsho rab bskyod pas/ /rgyun ni rnam par chad pa med/ kun gzhi rgya mtsho rtag gnas pa/ /yul gyi rlung gis
323b4 rab bskyod nas/ /sna tshogs rnam shes dba' rlabs rnams/ /gar cing rab tu 'jug par 'gyur/ /sngon po dmar po sna tshogs gzugs/ /dung dang 'o ma kha ra dang / /bska ba me tog
323b5 'bras bu dang / /nyi zla dang ni 'od zer dang / /gcig pa ma yin tha dad min/ /rgya mtsho rlabs rnams rab tu bskyed/ /de bzhin rnam shes bdun po yang / /sems dang lhan cig rab tu
323b6 skye| |ji ltar rgya mtsho yongs gyur nas/ /dba' rlabs sna tshogs 'jug pa ltar/ /rnam shes bdun po de bzhin te/ /sems dang lhan cig rab tu skye/ /kun gzhi rnam shes gnas
323b7 las ni/ /rnam shes sna tshogs rab 'jug ste/ /'di ltar yid dang rnam shes des/ /mtshan nyid don la rab tu sems/ /mi 'jigs mtshan nyid brgyad yod de/ /mtshan ma
324a1 med pa'ang mtshan ma med/ /rgya mtsho dang ni dba' rlabs rnams/ /ji ltar bye brag med pa bzhin/ /rnam shes sems dang de bzhin du/ /tha
324a2 dad pa yang mi dmigs so/ /sems ni las gsog byed ces bya/ /yid kyi rgya cher gsog pa ste/ /rnam shes dag ni rnam par rigs/ /snang ba'i yul ltos sngar
324a3 bshad do/ /de nas byang chub sems dpa' blo gros chen pos tshigs su bcad pas zhu ba zhus pa/ sngon po dmar po'i gzugs rnams ni/ /sems can rnam shes skyed
324a4 par bgyid/ /rlabs dang mtshungs pa'i sna tshogs chos/ /ci slad bdag la bshad du gsol/ /de nas bcom ldan 'das kyis tshigs su bcad de bka' stsal pa/
324a5 sngon po dmar po sna tshogs gzugs/ /dba' rlabs dag ni yod ma yin/ /las gsog sems su bshad pa yang / /skye bo rtogs par bya phyir ro/ /las de yang ni
324a6 yod ma yin/ /rang gi sems ni gzung dang bral/ /gzung ba med pas 'dzin pa'ang med/ /dba' rlabs de dang rab tu mtshungs/ /longs spyod lus dag rnam gzhag pa/ /
324a7 sems can snang ba'i rnam shes yin/ /de las las rnams snang bar byed/ /dper na rgya mtsho'i rlabs dang mtshungs/ /de nas byang chub sems dpa' blo gros chen pos
324b1 yang tshigs su bcad de gsol pa/ rgya mtsho'i dba' rlabs dngos po ni/ /gar bgyid g.yo bas rig 'gyur la/ /kun gzhi las kyang de ltar na/ /ci yi slad du blos mi rig/
324b2 de nas bcom ldan 'das kyis tshigs su bcad de bka' stsal pa/ byis pa blo dang mi ldan pas/ /kun gzhi rgya mtsho 'dra ba dang / /las kyi mtshan nyid rlabs lta bu'i/ /dpe la
324b3 brten nas rtogs par 'gyur/ /de nas byang chub sems dpa' blo gros chen pos yang tshigs su bcad de gsol pa/ skye bo bzang ngan par ma la/ /gdugs ni mnyam
324b4 par shar ba bzhin/ /bde gshegs 'jig rten snang mdzad pa'ang / /byis pa rnams la yang dag chos/ /rab tu rnam 'byed gsung rigs na/ /ci slad yang dag gsung
324b5 mi mdzad/ /de nas bcom ldan 'das kyis tshigs su bcad de bka' stsal pa/ ci ste yang dag bshad du ni/ /de yi sems la yang dag med/ /ji ltar rgya mtsho'i dba'
324b6 rlabs dang / /me long gzugs brnyan rmi lam dag /de dag thams cad cig car snang / /sems kyi spyod yul de bzhin no/ /yul rnams dang ni mi ldan phyir/ /rim gyis
324b7 las dag 'jug cing skye/ /rnam par shes pas rnam par rig /yid ni de bzhin sems par byed/ /lnga po dag ni snang bar 'gyur/ /de la go rims nges pa med/ /ji
325a1 ltar ri mo'i mkhan po dang / /ri mo mkhan gyi slob ma dag /ri mo'i don du tshon 'gyed ltar/ /nga yi bshad pa'ang de bzhin no/ /tshon la ri mo
325a2 yod ma yin/ /smyig gu dang ni gzhi la med/ /sems can dga' ba bskyed pa'i phyir/ /tshon gyis ri mo mngon par bsgrubs/ /bshad pa dag ni gzhan phyir spyod/ /yang dag
325a3 nyid ni yi ge spangs/ /rnam 'byed las ni dang po ba/ /rnal 'byor pa la yang dag bstan/ /so so rang rig yang dag ni/ /rtog dang rtag par rab tu spangs/ /rgyal ba'i
325a4 sras la 'di bstan gyi/ /byis pa la ni gzhan rab 'byed/ /ji ltar sgyu ma sna tshogs dag /snang yang yang dag ma yin te/ /de bzhin bshad pa sna tshogs kyang / /bya ba'i rjes
325a5 su gzhag pa yin/ /bshad pa mthun par ma gyur pa/ /de la bshad pa ma yin 'gyur/ /ji ltar nad pa so so la/ /sman mkhas dpyad rnams bstan pa ltar/ /de bzhin gshegs
325a6 pas sems can la/ /mos pa ji bzhin rab tu ston/ /brtse bas rab tu gsungs pa yi/ /so so rang gi spyod yul ni/ /rtog ge pa yi yul ma yin/ /nyan thos rnams kyang skal
325a7 yod min/ /gzhan yang / blo gros chen po/ byang chub sems dpa' sems dpa' chen po gang gis rang gi sems snang ba'i gzung ba dang / 'dzin pa rnam par rtog pa'i spyod
325b1 yul yongs su shes par 'dod pas 'du ba dang / 'du 'dzi dang / gnyid yongs su spang bar bya'o/ /srod dang / thor ngas dang / nam gyi gung thun la bdag nyid rtag tu dran pa dang
325b2 ldan zhing mi nyal bar sbyor ba la rab tu brtson par bya'o/ /lta ba ngan pa rnams kyi bstan bcos dang / gtam dang / nyan thos dang / rang sangs rgyas kyi theg pa'i mtshan ma yongs
325b3 su spang bar bya'o/ /rang gi sems snang ba'i rnam par rtog pa'i mtshan nyid khong du chud par rtogs par bya'o/ /gzhan yang / blo gros chen po/ byang chub sems dpa' sems
325b4 dpa' chen pos ye shes dang / shes rab kyi mtshan nyid dgod pa la gnas nas/ gong du 'phags pa'i ye shes kyi mtshan nyid gsum la rab tu brtson pas bsgrub par bya'o/ /
325b5 gong du brtson zhing bsgrub par bya ba'i ye shes kyi mtshan nyid gsum po de'ang gang zhe na/ 'di lta ste/ snang ba med pa'i mtshan nyid dang / sangs rgyas thams cad kyi rang gi smon
325b6 lam gyi gnas kyi mtshan nyid dang / 'phags pa so so rang gis rig pa'i ye shes mthar thug pa'i mtshan nyid de/ rnal 'byor pas de dag khong du chud pas bong du theng po lta
325b7 bu'i sems dang / shes rab dang / ye shes kyi mtshan nyid spangs te/ rgyal ba'i sras kyi sa brgyad pa thob nas/ de'i gong du mtshan nyid gsum la rab tu brtson par byed do//
326a1 de la/ blo gros chen po/ snang ba med pa'i mtshan nyid ni 'di lta ste/ nyan thos dang / rang sangs rgyas dang / mu stegs can gyi mtshan nyid de
326a2 dag yongs su 'dris pa las skye'o/ /blo gros chen po/ rang gi smon lam gyi gnas kyi mtshan nyid ni 'di lta ste/ sngon gyi sangs rgyas rnams kyi rang gi smon lam gyi gnas
326a3 la mngon par brtson pa las 'byung ngo / /blo gros chen po/ 'phags pa so so rang gis rig pa'i ye shes mthar thug pa'i mtshan nyid ni chos thams cad kyi mtshan nyid
326a4 la mngon par zhen pa med pa dang / sgyu ma lta bu'i ting nge 'dzin gyi lus rab tu thob pas/ sangs rgyas rnams kyi sa'i gnas la brtson zhing 'jug pa'i spyod pa las
326a5 skye ste/ blo gros chen po/ 'di ni 'phags pa'i ye shes kyi mtshan nyid gsum zhes bya'o/ /gal te 'phags pa'i ye shes kyis mtshan nyid 'di gsum dang ldan na
326a6 rang gis rig pa 'phags pa'i ye shes mthar thug pa'i spyod yul khong du chud par 'gyur ro/ /de lta bas na/ blo gros chen po/ 'phags pa'i ye shes kyi mtshan
326a7 nyid gsum po dag la rab tu brtson par bya'o// //'phags pa lang+kar gshegs pa rin po che'i mdo las/ bam po gnyis pa/ de nas byang chub sems
326b1 dpa' sems dpa' chen po blo gros chen pos byang chub sems dpa'i 'khor de dag gi sems kyi bsam pa rab tu shes pas 'phags pa'i ye shes kyi dngos po dang / rang
326b2 bzhin rab tu 'byed pa zhes bya ba'i chos kyi rnam grangs 'di sangs rgyas thams cad kyi byin gyi rlabs kyi mthus bcom ldan 'das la zhus pa/ bcom ldan 'das/ 'phags
326b3 pa'i ye shes kyi dngos po dang / rang bzhin rab tu 'byed pa zhes bya ba'i chos kyi rnam grangs bdag la bshad du gsol/ tshig brgya rtsa brgyad shin tu rnam par 'byed pa'i
326b4 gnas gang 'di la brten nas de bzhin gshegs pa dgra bcom pa yang dag par rdzogs pa'i sangs rgyas rnams kyis rab tu phye ste/ bstan pas byang chub sems
326b5 dpa' sems dpa' chen po rnams rang dang spyi'i mtshan nyid du gtogs pa'i rnam par rtog pa'i rang bzhin la rab tu 'jug ste/ rab tu phye ba'i tshul gyis rnam par rtog
326b6 pa'i rang bzhin ston pa'i phyir so sor rab tu rtog pa la mkhas shing gang zag dang chos la bdag med par rtogs pa dang / rnam par rtog pa rab tu sel zhing sa rnams la shin tu
326b7 gsal ba dang / nyan thos dang / rang sangs rgyas dang / mu stegs can thams cad kyi bsam gtan dang / ting nge 'dzin gyi bde ba las shin tu 'da' ba dang / de bzhin gshegs
327a1 pa'i bsam gyis mi khyab pa'i spyod yul la so sor rab tu rtog pa dang / gdon mi za ba'i chos lnga dang / rang bzhin yongs su spong bar 'gyur ba
327a2 dang | de bzhin gshegs pa rnams kyi chos kyi sku'i ye shes kyi bdag nyid rab tu brgyan pa dang / sgyu ma'i spyod yul bskyed nas sangs rgyas kyi zhing thams cad dang / dga'
327a3 ldan gyi pho brang dang / 'og min gyi bar du 'jug pa dang / de bzhin gshegs pa'i chos kyi sku rtag tu gnas pa'ang 'thob par 'gyur lags so/ /bcom ldan 'das
327a4 kyis bka' stsal pa/ blo gros chen po/ 'di la mu stegs can kha cig med par rnam par rtog pa la mngon par zhen pa dag rnam par rtog pa'i blo rgyu zad pas ri
327a5 bod la rwa med do snyam du rnam par rtog ste/ ji ltar ri bong la rwa med pa de bzhin du/ chos thams cad kyang de bzhin no zhes zer ro/ /blo gros chen po/ gzhan yang
327a6 mu stegs can kha cig 'byung ba dang / yon tan dang / rdul dang / rdzas dang / dbyibs dang / gnas brtags pa'i chos so so tha dad par mthong nas ri bong la rwa med
327a7 par mngon par zhen cing kun tu rtog pas ba lang gi rwa ni yod do zhes rnam par rtog go /blo gros chen po/ de dag lta ba gnyis su lhung zhing sems tsam du ma shes
327b1 pas| rang gi sems kyi spyod yul dang rnam par rtog pa 'phel ba nas lus dang longs spyod rnam par bzhag pa'i rnam par rtog pa snang ngo / /blo gros chen po/ chos thams
327b2 cad kyi dngos po'ang de bzhin te/ yod pa dang / med pa dang bral ba yin pas rnam par brtag par mi bya'o/ /blo gros chen po/ gal te'ang yod pa dang med pa dang bral bas ri
327b3 bong gi rwa ltar med do snyam du rtog na log par rtog pa zhes bya ste/ de dag phan tshun du ltos pa'i rgyu'i phyir ri bong gi rwa med do snyam du brtag par mi bya'o/ /rdul phra rab kyi
327b4 bar du brtags na'ang dngos po mi dmigs pas/ blo gros chen po/ 'phags pa'i spyod yul dang bral ba ba lang gi rwa yod par brtags par mi bya'o/ /de nas byang chub sems
327b5 dpa' sems dpa' chen po blo gros chen pos/ bcom ldan 'das la 'di skad ces gsol to/ /bcom ldan 'das/ gang rnam par mi rtog pa thob pa des/ mi skye ba'i
327b6 mtshan nyid mthong nas/ rjes su dpag pas shin tu bsams nas/ rnam par rtog pa mi skye ba so sor rab tu rtog pa la ma mchis pa zhes bgyi ba lags sam/ bcom
327b7 ldan 'das kyis bka' stsal pa/ blo gros chen po/ rnam par rtog pa mi skye bar so sor rab tu rtog pa la med pa zhes bya ba ni ma yin no/ /de ci'i phyir zhe na/ rnam par rtog
328a1 pa ni rgyu des skye ba'i phyir de la brten nas rnam par rtog pa skye'o/ /'di ltar rwa la brten nas rnam par rtog pa skye bas de'i phyir brten pa'i
328a2 rgyu zhes bya ba'i phyir dang / tha dad pa dang / tha dad pa ma yin pa rnam par spangs pa'i phyir rnam par rtog pa mi skye bar so sor rab tu rtog pa la rwa med ces bya ba ni ma
328a3 yin no/ /blo gros chen po/ gal te rnam par rtog pa dang tha dad na ni rwa'i rgyu las byung ba ma yin par 'gyur ro/ /ci ste tha dad pa yin na ni de'i rgyu las byung ba'i phyir
328a4 rdul phra rab kyi bar du brtags na mi dmigs te/ rwa dang tha dad pa ma yin pa'i phyir de'ang dngos por ma yin no/ /de gnyis ka'ang dngos po med na chos gang gis
328a5 ci'i phyir med ces brjod/ blo gros chen po/ gal te med pa'i phyir ri bong gi rwa med na yod pa la ltos pa'i phyir ri bong rwa med ces brtag par mi bya'o/ /blo gros chen po/
328a6 yang dag pa'i rgyu ma yin pa'i phyir yod pa dang / med par smra ba gnyis ka 'grub par mi 'gyur ro/ /blo gros chen po/ gzhan yang mu stegs kyi lta ba can gzugs
328a7 kyi dngos po dang / dbyibs dang / gnas su brtags pa'i chos la mngon par zhen pa nam mkha'i cha ris legs par khong du ma chud pa rnams 'di skad du/ nam
328b1 mkha' ni gzugs dang bral ba'o zhes cha ris su lta ba'i rnam par rtog pa skyed par byed de/ blo gros chen po/ nam mkha' ni gzugs yin te/ gzugs kyi 'byung ba'i
328b2 rjes su zhugs pa'o/ /blo gros chen po/ gzugs ni nam mkha'i 'dzin pa dang / 'dzin par bya ba'i gnas kyis rnam par bzhag pa'i dngos por gzugs dang / nam
328b3 mkha'i dngos po rab tu 'byed par shes par bya'o/ /blo gros chen po/ 'byung ba chen po rnams skye ba na rang gi mtshan nyid so so tha dad de/ nam mkha' la'ang mi gnas
328b4 so| |de dag la'ang nam mkha' med pa'ang ma yin no/ /de bzhin du/ blo gros chen po/ ba lang gi rwa yod pa la ltos pa'i phyir ri bong gi rwa med pa yin te/ blo gros chen
328b5 po| ba lang gi rwa'ang rdul phra mor rnam par phye ste/ rdul phra mo'ang rab tu bshig na skad cig tsam du'ang mi gnas na de ci las ltos te med ces brjod/ gal te gzhan
328b6 las ltos pa'i rdzas shig go zhe na/ de'ang de lta bu'i chos can no/ /de nas bcom ldan 'das kyis byang chub sems dpa' sems dpa' chen po blo gros chen po la 'di
328b7 skad ces bka' stsal to/ /blo gros chen po/ ri bong gi rwa dang / ba lang gi rwa dang / nam mkha' dang / dbyibs dang / gzugs tha dad par lta ba'i rnam par rtog pa yongs su
329a1 spangs nas/ khyod la sogs pa byang chub sems dpa' sems dpa' chen po rnams kyi rang gi sems snang ba'i rnam par rtog pa yid la sems
329a2 shing sangs rgyas kyi zhing thams cad du 'jug pa dang / rgyal ba'i sras rnams la rang gi sems snang ba la rab tu rtog pa'i sbyor ba bstan par bya'o/ /de nas bcom ldan 'das
329a3 kyis don de nyid yang bstan pa'i phyir tshigs su bcad pa 'di dag gsungs so/ /gzugs sogs sems ni med pa dang / /gzugs sogs sems ni rab 'phel dang / /
329a4 lus dang longs spyod rnam gzhag pa/ /kun gzhi sems can snang yin te/ /sems dang yid dang rnam par shes/ /rang bzhin dang ni chos lnga dang / /bdag med yongs su
329a5 dag gnyis ni/ /rnam par 'dren pas rab tu gsungs/ /ring thung yod med la sogs pa/ /phan tshun ltos nas rab tu skye/ /med pa'i phyir ni yod pa grub/ /yod pa'i phyir
329a6 ni med pa grub/ /dngos po rdul du rnam phye ste/ /gzugs kyi rnam rtog mi bskyed do/ /sems tsam rnam par bzhag pa'i gnas/ /lta ba ngan pas mos mi 'gyur/ /'jig
329a7 rten mgon pos gsungs pa yi/ /rang gi spyod yul gang yin pa/ /rtog pa can gyi yul ma yin/ /de bzhin nyan thos kyi yang min/ /de nas byang chub sems dpa' blo
329b1 gros chen pos rang gi sems snang ba'i rgyud rnam par dag par bya ba'i phyir bcom ldan 'das la 'di skad ces gsol to/ /bcom ldan 'das/ rang gi sems snang ba'i rgyud
329b2 ji ltar rnam par dag par bgyi/ cig car ram/ 'on te rim gyis lags/ bcom ldan 'das kyis bka' stsal pa/ blo gros chen po/ rim gyis rnam par 'dag gi cig
329b3 car ni ma yin te/ dper na/ shing a mra'i 'bras bu ni rim gyis smin par 'gyur gyi/ cig car ma yin no/ /de bzhin du de bzhin gshegs pas sems can rnams kyi
329b4 rang gi sems snang ba'i rgyud yongs su sbyong ba'ang rim gyis rnam par 'dag gi cig car ma yin no/ /dper na/ rdza mkhan snod rnams byed pa ni rim gyis byed de/ cig
329b5 car ma yin no/ /de bzhin du de bzhin gshegs pa sems can rnams kyis rang gi sems snang ba'i rgyud yongs su spyod pa'ang rim gyis rnam par 'dag gi/ cig car ma
329b6 yin no/ /dper na/ sa chen po las rdzas rnams rim gyis skye'i/ cig car skye ba ma yin no/ /de bzhin du de bzhin gshegs pas sems can rnams kyi rang gi sems snang
329b7 ba'i rgyud yongs su sbyong ba'ang rim gyis rnam par 'dag gi/ cig car ma yin no/ /dper na/ mi la la rol mo dang / yi ge dang / ri mo dang / bzo sna tshogs slob pa rim gyis
330a1 mngon par 'grub par 'gyur gyi/ cig car ma yin no/ /de bzhin du de bzhin gshegs pas sems can rnams kyi rang gi sems snang ba'i
330a2 rgyud yongs su sbyong ba'ang rim gyis rnam par 'dag gi/ cig car ma yin no/ /dper na/ me long rab tu phyis pa ni mtshan ma med par gzugs brnyan thams cad cig
330a3 car snang bar byed do/ /de bzhin gshegs pas sems can thams cad kyi rang gi sems snang ba'i rgyud yongs su snang ba'ang de bzhin te/ mtshan ma med cing snang ba med
330a4 pa rnam par dag pa'i spyod yul cig car ston to/ /dper na/ nyi ma dang / zla ba'i dkyil 'khor ni 'od zer gyis gzugs su snang ba thams cad cig car mngon par byed do//
330a5 de bzhin gshegs pa'ang rang gi sems snang ba dang / gnas ngan len gyi bag chags dang bral ba'i sems can rnams la de bzhin du bsam gyis mi khyab pa'i ye shes
330a6 rgyal ba rnams kyi spyod yul cig car ston to/ /dper na/ kun gzhi rnam par shes pa ni rang gi sems snang ba'i lus dang / gnas dang / longs spyod par bzhag pa'i
330a7 lus cig car rnam par rig cing shes so/ /rten gyi sangs rgyas de dag kyang de bzhin te/ cig car sems can yongs su smin par mdzad cing gnas par bya ba'i spyod
330b1 yul la rnal 'byor pa de dag 'og min du gnas par mdzad de/ /dper na/ chos nyid kyi sangs rgyas kyi rten gyi sangs rgyas ston cing 'od zer gyis rnam par mdzes so/ /rang
330b2 gis rig pa 'phags pa'i tshul yang de bzhin te/ des chos kyi mtshan nyid la dngos po yod pa dang / dngos po med pa'i lta ba ngan pa'i rnam par rtog pa rab tu sel bas rnam par
330b3 mdzes so/ /gzhan yang / blo gros chen po/ chos nyid la brten pa'i sangs rgyas ni/ chos thams cad rang dang spyi'i mtshan nyid du gtogs shing rang gi sems snang ba'i bag
330b4 chags kyi rgyu dang 'brel ba kun tu brtags pa'i rang bzhin la mngon par zhen pa'i rgyu las byung bar ston to/ /yang dag pa ma yin pa sgyu ma sna tshogs la sna tshogs su mngon
330b5 par zhen pa dag mi dmigs so/ /gzhan yang / blo gros chen po/ gzhan gyi dbang gi rang bzhin la mngon par zhen pa las kun tu brtags pa'i rang bzhin gyi mtshan nyid
330b6 skye'o/ /blo gros chen po/ dper na/ sgyu ma mkhan gyis rtswa dang shing dang gyo mo la brten te/ sgyu ma sna tshogs kyis sems can rnams kyi dbyibs dang / gzugs tha dad pa byas
330b7 pa la rnam par rtog pa sna tshogs skyed par byed de/ /rnam par rtog pa de dag ni yang dag pa ma yin no/ /de bzhin du/ blo gros chen po/ gzhan gyi dbang gi rang bzhin la brten
331a1 nas kun tu brtags pa'i rang bzhin 'byung ngo / /rnam par rtog pa'i sems sna tshogs dang / rnam pa mang po'i mtshan nyid dang / dngos por rnam par
331a2 rtog pas mngon par zhen pa'i bag chags la yongs su rtogs pas/ blo gros chen po/ 'di ni kun tu brtags pa'i rang bzhin rnam par rtog pa las skyes pa zhes bya ste/ blo
331a3 gros chen po/ 'di ni rten gyi sangs rgyas kyis bshad pa'o/ /blo gros chen po/ chos nyid kyi sangs rgyas ni sems kyi rang bzhin gyi mtshan nyid dang bral ba rang gis rig
331a4 pa 'phags pas dmigs par bya ba'i spyod yul rnam par gzhag go /blo gros chen po/ sprul pas sprul pa'i sangs rgyas ni sbyin pa dang / tshul khrims dang / bzod pa dang /
331a5 brtson 'grus dang / bsam gtan dang / sems dang / ye shes dang / shes rab dang / phung po dang / khams dang / skye mched dang bral ba dang / rnam par thar pa dang /
331a6 rnam par shes pa'i mtshan nyid dang / rnam par 'byed cing so sor rab tu rtog pa rnam par bzhag pa dang / mu stegs can gyi lta ba dang / gzugs med pa'i lta ba las
331a7 shin tu 'das pa'i mtshan nyid ston to/ /blo gros chen po/ gzhan yang chos nyid kyi sangs rgyas ni dmigs pa med cing dmigs pa dang bral ba/ bya ba dang / dbang po dang /
331b1 tshad ma'i mtshan nyid thams cad las rnam par ldog pa/ byis pa so so'i skye bo dang / nyan thos dang / rang sangs rgyas dang / mu stegs can dag gis mtshan nyid la mngon par
331b2 zhen pa dang / mngon par chags pa rnams kyi spyod yul ma yin pa/ 'phags pa rang gis rig pa'i spyod yul gyi mtshan nyid kyis rnam par bzhag pa ston to/ /de lta bas na/ blo gros
331b3 chen po/ 'phags pa so so rang gis rig pa'i khyad par gyi mtshan nyid rab tu brtson par bya zhing rang gi sems snang ba'i lta ba yongs su spang bar bya'o/ /gzhan yang / blo
331b4 gros chen po/ nyan thos kyi theg pa'i tshul rab tu dbye ba'i mtshan nyid ni rnam pa gnyis te/ 'di lta ste/ 'phags pa so so rang gis rig pa'i khyad par gyi mtshan nyid thob pa'i
331b5 dang | dngos por rtog pa'i rang bzhin la mngon par zhen pa'i mtshan nyid do/ /de la 'phags pa'i so sor rang gis rig pa'i khyad par gyi mtshan nyid thob pa'i nyan thos gang
331b6 zhe na/ 'di lta ste/ mi rtag pa dang / sdug bsngal ba dang / stong pa dang / bdag med pa'i lus kyi yang dag pa'i bden pa dang / 'dong pa spangs shing rab tu dben pa dang /
331b7 phung po dang / khams dang / skye mched rnams gtan du zhi ba dang / rang dang spyi'i mtshan nyid la 'jug cing phyi rol gyis mi 'jigs pa'i mtshan nyid dang / yang dag pa
332a1 ji lta ba bzhin du yongs su shes nas/ sems rab tu zhi ba 'thob bo/ /sems rab tu zhi bar gyur nas bsam gtan dang / rnam par
332a2 thar pa dang / ting nge 'dzin dang / lam dang / 'bras bu dang / snyoms par 'jug pa dang / rnam par grol ba dang / bag chags dang / bsam gyis mi khyab pa'i rnam
332a3 par 'gyur ba'i shi 'pho dang ma bral ba/ 'phags pa so so rang gis rig pa'i bde ba la gnas pa thob pa'i nyan thos de ni 'phags pa so so rang gis rig pa'i khyad par
332a4 gyi mtshan nyid thob pa'i nyan thos zhes bya'o/ /blo gros chen po/ 'phags pa so so rang gis rig pa'i khyad par gyi bde ba la gnas pa thob pa'i byang chub sems dpa'
332a5 sems dpa' chen po rnams ni 'gog pa'i sgo'i bde ba dang / ma nyam par bzhag pa'i bde ba la gnas par mi byed de/ sems can la snying brtse bar blta ba dang /
332a6 sngon gyi smon lam gyis mngon du mi byed do/ /blo gros chen po/ 'di ni nyan thos kyi 'phags pa so so rang gis rig pa'i khyad par gyi mtshan nyid kyi bde ba thob pa zhes
332a7 bya ste/ byang chub sems dpa' sems dpa' chen pos/ de dag gis thob pa'i 'phags pa so so rang gis rig pa'i khyad par gyi mtshan nyid kyi bde ba la bslab par
332b1 mi bya'o/ /blo gros chen po/ dngos por rnam par rtog pa'i rang bzhin la mngon par zhen pa'i mtshan nyid kyi nyan thos gang zhe na/ 'di lta ste/ 'byung ba chen po dang / sngon po
332b2 dang | ser po dang / dmar po dang / dkar po dang / sra ba dang / gsher ba dang / dro ba dang / g.yo ba rnams byed pa med par skye ba dang / rang dang spyi'i mtshan nyid kyi sngon
332b3 gyi rgyal ba rnams kyis legs par gsungs pa mthong nas de dag la rang bzhin gyi rnam par rtog pa 'byung ste/ byang chub sems dpa' sems dpa' chen pos de dag khong
332b4 du chud par byas nas yongs su spang bar bya'o/ /chos la bdag med pa'i mtshan nyid kyi rjes su zhugs pas gang zag la bdag med pa'i mtshan nyid du lta ba bzlog nas sa
332b5 rnams rim gyis mtshams sbyor ba rnam par bzhag pa la gnas/ blo gros chen po/ 'di ni nyan thos rnams kyi dngos por rnam par rtog pa'i rang bzhin la mngon par zhen pa'i
332b6 mtshan nyid ces bya'o/ /de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das kyis rtag
332b7 pa dang bsam gyis mi khyab pa/ so so rang gis rig pa 'phags pa'i spyod yul dang / don dam pa'i spyod yul bka' stsal pa de/ bcom ldan 'das/ mu stegs can gyis
333a1 smra ba'i rtag pa dang / bsam gyis mi khyab pa'i rgyu dang rkyen zhig ma lags sam/ bcom ldan 'das kyis bka' stsal pa/ /blo gros chen po/
333a2 mu stegs can rnams kyi rgyu dang rkyen gyis rtag pa dang / bsam gyis mi khyab pa 'thob par mi 'gyur ro/ /de ci'i phyir zhe na/ mu stegs can rnams kyis rtag pa dang /
333a3 bsam gyis mi khyab pa ni rgyu'i rang gi mtshan nyid las grub pa ma yin te/ gal te rtag pa dang / bsam gyis mi khyab pa'i rgyu rang gi mtshan nyid las grub pa ma yin na/
333a4 rgyu gang gis rtag pa dang / bsam gyis mi khyab pa mngon par byed/ gzhan yang / blo gros chen po/ ci ste rtag pa dang / bsam gyis mi khyab pa rgyu'i rang gi mtshan nyid las
333a5 grub pa zhig yin na ni des rtag pa nyid du 'gyur ba zhig na/ 'di ltar byed pa'i rgyu'i mtshan nyid kyi phyir rtag pa dang / bsam gyis mi khyab par mi 'grub po/ /blo gros
333a6 chen po/ nga'i don dam pa rtag pa dang / bsam gyis mi khyab pa ni don dam pa'i rgyu'i mtshan nyid las grub pa yin te/ dngos po dang dngos po med pa dang bral ba rang gis
333a7 rig pa'i mtshan nyid thob pa'i phyir mtshan nyid dang ldan pa'o/ /don dam pa'i ye shes kyi rgyur gyur pa'i phyir rgyu dang ldan pa'o/ /dngos po dang dngos po med pa dang
333b1 bral ba'i phyir/ dper na/ ma byas pa nam mkha' dang / mya ngan las 'das pa dang / 'gog pa dang 'dra ba'i phyir rtag pa ste/ de'i phyir/ blo gros chen po/ 'di ni mu stegs
333b2 can gyi rtag pa dang / bsam gyis mi khyab par smra ba dang / mtshungs pa ma yin no/ /blo gros chen po/ rtag pa dang / bsam gyis mi khyab pa 'di ni de bzhin gshegs pa rnams
333b3 kyi so so rang gis rig pa 'phags pa'i ye shes kyis thugs su chud par bya'o/ /de bas na rtag pa dang / bsam gyis mi khyab pa so so rang gis rig pa 'phags pa'i ye
333b4 shes khong du chud par bya ba la rab tu brtson par bya'o/ /gzhan yang / blo gros chen po/ mu stegs can gyi rtag pa dang / bsam gyis mi khyab pa ni mi rtag pa nyid de/ tha dad
333b5 ba'i mtshan nyid kyi rgyu'i phyir dang / bdag gis byas pa'i rgyu'i mtshan nyid kyi stobs kyi phyir rtag pa ma yin no/ /gzhan yang / blo gros chen po/ mu stegs can rnams kyi
333b6 rtag pa dang / bsam gyis mi khyab pa ni byas pa'i dngos po dngos po med pas mi rtag pa nyid du mthong nas rtag pa yin no snyam du rtog go /blo gros chen po/ da'ang de bzhin du
333b7 rgyu dang rkyen gyis byas pa'i dngos po dngos po med pas mi rtag pa nyid du mthong nas so so rang gis rig pa'i 'phags pa'i ye shes kyis de la rtag pa'i rgyu med par ston to/ /
334a1 blo gros chen po/ gal te'ang mu stegs can rnams kyi rgyu'i mtshan nyid du grub pa zhig yin na ni/ rtag pa dang / bsam gyis mi khyab pa'i
334a2 rgyu'i rang gi mtshan nyid kyi dngos po dngos po med pas ri bong gi rwa dang mtshungs shing rtag pa dang / bsam gyis mi khyab pa de ni tshig gi rnam par rtog pa tsam du 'gyur te/
334a3 mu stegs can rnams la nyes pa de lta bu dag yod do/ /de ci'i phyir zhe na/ 'di lta ste/ tshig rnam par rtog pa'ang ri bong gi rwa dang 'dra bas rang gi rgyu'i mtshan nyid kyi dngos
334a4 po yod pa ma yin no/ /blo gros chen po/ nga'i rtag pa dang / bsam gyis mi khyab pa'i rgyu ni so so rang gis rig pa 'phags pa'i ye shes khong du chud pa'i mtshan nyid kyi
334a5 phyir byas pa'i dngos po dang / dngos po med pa rnam par spangs pas rtag pa yin gyi/ phyi rol gyi dngos po rnams dngos po med cing mi rtag par gyur nas rjes su dpag
334a6 pas rtog pa nyid du brtags pa ni ma yin no/ /blo gros chen po/ gal te yang phyi rol gyi dngos po rnams dngos po med cing mi rtag pa las rjes su dpag pas rtag pa dang bsam gyis
334a7 mi khyab pa nyid du rtag par byed na/ bsam gyis mi khyab pa'i rang gi rgyu'i mtshan nyid mi shes so/ /blo gros chen po/ de dag ni so so rang gis rig pa 'phags pa'i ye
334b1 shes khong du chud pa'i spyod yul las shin tu thag ring por gyur pa ste/ de dag la bshad par mi bya'o/ /gzhan yang / blo gros chen po/ 'khor ba'i rnam par rtog pa'i sdug
334b2 bsngal gyi 'jigs pas mya ngan las 'das pa yongs su 'tshol te/ 'khor ba dang mya ngan las 'das pa'i khyad par mi shes pas dngos po thams cad las rnam par rtog
334b3 pa dngos po med pa dang / ma 'ongs pa'i dbang po rnams kyi yul chad pa la mya ngan las 'das par 'du shes te/ so so rang gis rig pa 'phags pa'i ye shes kun gzhi
334b4 gyur pa sngon du btang ba ma yin no/ /de'i phyir blun po de dag theg pa gsum du smra ba yin te/ sems tsam du snang ba rnams snang ba med par ni mi smra'o/ /de lta bas na/ blo gros
334b5 chen po/ de dag ni 'das pa dang / ma 'ongs pa dang / da ltar byung ba'i de bzhin gshegs pa rnams kyis gsungs pa'i rang gi sems snang ba'i spyod yul mngon par mi shes
334b6 shing / sems nyid phyi rol gyi spyod yul du snang ba la mngon par zhen pas 'khor ba'i 'khor lo rtag tu 'khor ro/ /gzhan yang / blo gros chen po/ chos thams cad mi skye
334b7 bar ni 'das pa dang / ma 'ongs pa dang / da ltar byung ba'i de bzhin gshegs pa rnams kyis bshad do/ /de ci'i phyir zhe na/ 'di lta ste/ rang gi sems snang ba'i dngos
335a1 po rnams dngos po med pa dang / yod pa dang / yod pa ma yin pa'i skye ba dang bral ba'i phyir/ blo gros chen po/ chos thams cad ma skyes pa
335a2 yin te/ chos thams cad ni ri bong dang / rta la sogs pa'i rwa dang mtshungs pa'o/ /byis pa so so'i skye bo rnams yang dag pa ma yin pa'i yongs su rtog pa'i rang bzhin
335a3 la rnam par brtags pa'i phyir/ blo gros chen po/ chos thams cad ma skyes pa yin te/ so so rang gis rig pa 'phags pa'i ye shes kyi spyod yul la ni dngos po
335a4 thams cad kyi rang bzhin gyi mtshan nyid mi skye bas/ de ni byis pa so so'i skye bo rnam par rtog pa gnyis kyi spyod yul gyi rang bzhin lus dang longs spyod rnam par bzhag
335a5 pa'i rang bzhin gyi tshul gyis mtshan nyid ma yin no/ /blo gros chen po/ kun gzhi rnam par shes pa gzung ba dang / 'dzin pa'i mtshan nyid du 'jug pa la byis pa so
335a6 so'i skye bo skye ba dang / gnas pa dang / 'jig pa'i lta ba gnyis su lhung ba'i bsam pa can rnams dngos po thams cad skye ba ni yod pa dang / med pa las skye bar rnam
335a7 par rtog gi /'phags pa rnams ni ma yin te/ blo gros chen po/ 'di la rab tu brtson par bya'o/ /gzhan yang / blo gros chen po/ mngon par rtogs par 'gyur ba'i
335b1 rigs ni lnga yod de/ lnga gang zhe na/ 'di lta ste/ nyan thos kyi theg pa mngon par rtogs par 'gyur ba'i rigs dang / rang sangs rgyas kyi theg pa mngon par rtogs par 'gyur
335b2 ba'i rigs dang / de bzhin gshegs pa'i theg pa mngon par rtogs par 'gyur ba'i rigs dang / gang du'ang ma nges pa'i rigs dang / rigs so so tha dad pa'o/ /de la
335b3 nyan thos kyi theg pa mngon par rtogs par 'gyur ba'i rigs ji ltar khong du chud par bya zhe na/ gang gis phung po dang / khams dang / skye mched kyi rang dang spyi'i mtshan
335b4 nyid dang / yongs su spang ba dang / shes par 'gyur ba bstan pa thos pa na/ lus kyi spu ldang zhing rab tu dga' ba dang / yongs su 'dris par bya ba'i mtshan nyid kyi
335b5 shes pa la mos shing / rten cing 'brel par 'byung ba khong du chud par bya ba'i mtshan nyid la yongs su 'dris par mi byed pa 'di ni/ nyan thos kyi theg pa mngon par rtogs
335b6 par 'gyur ba'i rigs so/ /nyan thos kyi mngon par rtogs pas sa brgyad pa mthong bar 'gyur te/ kun nas ldang ba'i nyon mongs pa rab tu spangs shing / bag chags kyi
335b7 nyon mongs pa rab tu spangs pa/ bsam gyis mi khyab pa'i rnam par 'gyur ba'i shi 'pho las ma 'das shing / dngos po'i 'chi 'pho las shin tu 'das pas/ bdag
336a1 gi skye ba ni zad do/ /tshangs par spyod pa la gnas so/ /yang srid pa phyi ma mi len to/ /zhes yang dag par seng ge'i sgra sgrogs te/ yang dag par ji lta
336a2 ba bzhin du rab tu shes shing / gang zag la bdag med par sgom pa dang / mya ngan las 'das pa thob pa'i bar gyi blor 'gyur ro/ /blo gros chen po/ so so tha dad pa'i mngon
336a3 par rtogs pa ni 'di lta ste/ bdag dang / gang zag dang / sems can dang / 'tsho ba dang / srog dang / gso ba dang / skyes bu zhes sems can de dag de lta bu'i blos mya
336a4 ngan las 'das pa 'tshol lo/ /gzhan yang mu stegs can tha dad pa kha cig ni dngos po thams cad byed pa po la rag las par mthong nas 'di skad du 'di ni mya ngan las
336a5 'das pa'o zhes de lta bu'i blor 'gyur te/ chos bdag med par mthong ba'i skal ba med pas de dag la thar ba med do/ /blo gros chen po/ nyan thos kyi theg pa mngon par
336a6 rtogs par 'gyur ba dang / mu stegs kyi rigs de dag ni nges par 'byung ba ma yin pa la nges par 'byung ba'i blo can dag yin te/ lta ba ngan pa de dag rnam par bzlog pa'i
336a7 phyir rab tu brtson par bya'o/ /blo gros chen po/ de la rang sangs rgyas kyi theg pa mngon par rtogs par 'gyur ba'i rigs ni gang gis rkyen tha dad pa'i mngon par rtogs pa
336b1 thos na/ lus kyi spu ldang zhing mchi ma 'byung ba dang / 'du 'dzi'i rkyen la mngon par zhen pa med pa dang / rang gi lus sna tshogs dang / 'du ba dang 'bral ba'i rdzu 'phrul sna tshogs
336b2 kyis sna tshogs sprul cing ston pa rab tu bshad pa thos pa na/ de'i rjes su sems 'jug par 'gyur ba yin te/ de rang sangs rgyas kyi theg pa mngon par rtogs par 'gyur
336b3 ba'i rigs can du shes par gyur nas/ rang sangs rgyas kyi theg pa dang rjes su mthun pa'i gtam brjod par bya'o/ /blo gros chen po/ 'di ni rang sangs rgyas kyi theg pa mngon
336b4 par rtogs par 'gyur ba'i rigs can gyi mtshan nyid do/ /blo gros chen po/ de la de bzhin gshegs pa'i theg pa mngon par rtogs par 'gyur ba'i rigs de ni rnam pa
336b5 bzhi yod de/ 'di lta ste/ rang bzhin gyi chos mngon par rtogs par 'gyur ba'i rigs dang / rang bzhin med pa'i chos mngon par rtogs par 'gyur ba'i rigs dang / so so rang gis
336b6 rig pa 'phags pa'i ye shes mngon par rtogs par 'gyur ba'i rigs dang / sangs rgyas kyi zhing phyi rol khyad par can mngon par rtogs par 'gyur ba'i rigs so/ /blo
336b7 gros chen po/ nam dngos po 'di bzhi las gang yang rung ba zhig bstan pa dang / rang gi sems snang ba'i lus dang / longs spyod rnam par bzhag pa dang / bsam gyis
337a1 mi khyab pa'i yul bshad pa thob pa na/ mi skrag mi 'jigs pa de ni de bzhin gshegs pa'i theg pa mngon par rtogs par 'gyur ba'i
337a2 rigs can du shes par bya ste/ 'di ni de bzhin gshegs pa'i theg pa mngon par rtogs par 'gyur ba'i rigs can gyi mtshan nyid do/ /blo gros chen po/ ma
337a3 nges pa'i rigs can ni 'di lta ste/ gsum po de dag las gang bshad pa na/ gang bshad pa de la 'jug cing de'i rjes su sgrub pa'o/ /blo gros chen po/ 'di dag ni dang
337a4 po sa yongs su sbyang ba yin te/ 'di lta ste/ rigs rnam par dgod pa'o/ /snang ba med pa'i sa 'jug pa'i phyir/ rnam par dgod pa byas so/ /so so rang gis rig pa
337a5 la gnas pa de dag kun gzhi la rang gi nyon mongs pa'i bag chags yongs su dag nas/ chos bdag med par mthong zhing / ting nge 'dzin gyi bde ba la gnas pa thob
337a6 pa'i nyan thos rnams kyang / de bzhin gshegs pa'i sku mchog tu gyur pa nyid thob par 'gyur ro/ /de nas bcom ldan 'das kyis don de nyid yang bstan pa'i phyir/
337a7 tshigs su bcad pa 'di dag gsungs so/ /rgyun du zhugs pa'i 'bras bu dang / /lan gcig phyir 'ong phyir mi 'ong / /de bzhin du ni dgra bcom pa/ /de dag sems
337b1 ni bslad pa'o/ /theg pa gsum dang theg pa gcig /theg pa ma yin ngas bshad de/ /byis pa blo gzhan rnams dang ni/ /'phags pa rab dben mos la bshad/ /don dam
337b2 chos kyi sgo mo ni/ /bstan pa gnyis po rnam spangs shing / /snang ba med la rab gnas nas/ /theg pa gsum du ji ltar dgod/ /bsam gtan rnams dang tshad med dang / /
337b3 gzugs med pa yi ting 'dzin dang / tshor dang 'du shes rab dben pas/ /sems tsam yang ni yod ma yin/ /blo gros chen po/ 'dod chen pa 'di dag ni 'dod chen pa ma yin
337b4 te| 'jig rten na su zhig thar pa la 'jug par 'gyur/ blo gros chen po/ 'dod chen pa ni rnam pa gnyis yod de/ dge ba'i rtsa ba thams cad spangs pa dang / thog ma med
337b5 pa'i dus kyi sems can gyi phyir smon lam btab pa'o/ /de la dge ba'i rtsa ba thams cad spangs pa gang zhe na/ 'di lta ste/ byang chub sems dpa'i sde snod la skur pa 'debs
337b6 shing tshig ngan pa 'di skad du/ 'di ni mdo sde dang / gdul ba dang / thar pa dang mthun par smra ba ma yin no zhes zer ba ste/ dge ba'i rtsa ba thams cad spangs pa'i phyir mya ngan
337b7 las mi 'da'o/ /gnyis pa ni/ byang chub sems dpa' rnams sngon gyi rang gi smon lam dang / thabs sngon du btang ba'i phyir yongs su mya ngan las mi 'da' ba'ang ma yin te/
338a1 sems can thams cad mya ngan las 'da' bar byed do/ /blo gros chen po/ de'i mya ngan las 'da' ba 'di ni mya ngan las mi 'da' ba'i chos
338a2 can gyi mtshan nyid de/ 'di'ang 'dod chen pa rnams kyi tshul rab tu thob par 'gyur ro/ /blo gros chen pos bcom ldan 'das la gsol pa/ bcom ldan 'das/ 'di la
338a3 gtan du mya ngan las mi 'da' ba'ang gang lags/ bcom ldan 'das kyis bka' stsal pa/ blo gros chen po/ de la byang chub sems dpa' 'dod chen pa ni/ chos thams
338a4 cad gzod ma nas mya ngan las 'das par shes nas gtan du mya ngan las mi 'da' ste/ dge ba'i rtsa ba thams cad spangs pa'i 'dod chen pa ni ma yin no/ /blo gros chen
338a5 po| dge ba'i rtsa ba thams cad spangs pa'i 'dod chen pa'ang de bzhin gshegs pa'i byin gyi rlabs kyis brgya la gal te na dge ba'i rtsa ba skye bar 'gyur ro/ /de ci'i
338a6 phyir zhe na/ 'di ltar de bzhin gshegs pa rnams ni sems can thams cad yongs su mi gtong ba'i phyir ro/ /de ltar de'i phyir byang chub sems dpa'i 'dod chen pa
338a7 rnams yongs su mya ngan las mi 'da'o/ /gzhan yang / blo gros chen po/ byang chub sems dpa' sems dpa' chen pos rang bzhin gyi mtshan nyid gsum la mkhas
338b1 par bya'o/ /rang bzhin gsum po de dag gang zhe na/ 'di lta ste/ kun brtags pa'i rang bzhin dang / gzhan gyi dbang gi rang bzhin dang / yongs su grub pa'i rang bzhin
338b2 no| |blo gros chen po/ de la kun brtags pa'i rang bzhin ni mtshan ma las 'byung ngo / /blo gros chen pos bcom ldan 'das la gsol pa/ bcom ldan 'das/ ji ltar kun
338b3 brtags pa'i rang bzhin mtshan ma las 'byung ba lags/ bcom ldan 'das kyis bka' stsal pa/ blo gros chen po/ gzhan gyi dbang gi rang bzhin gyi dngos po'i mtshan
338b4 nyid ni 'du byed kyi dngos po'i mtshan ma'i mtshan nyid lta bur snang ste/ mngon par zhen pa'i kun brtags pa'i rang bzhin ni rnam pa gnyis yod par de bzhin gshegs
338b5 pa dgra bcom pa yang dag par rdzogs pa'i sangs rgyas rnams kyis rnam par 'jog ste/ 'di lta ste/ ming gi mtshan ma la mngon par zhen pa'i mtshan nyid dang / dngos po'i
338b6 mtshan ma la mngon par zhen pa'i mtshan nyid do/ /de la ming gi mtshan ma la mngon par zhen pa'i mtshan nyid ni 'di lta ste/ nang dang phyi'i chos la mngon par zhen pa'o//
338b7 dngos po'i mtshan ma la mngon par zhen pa'i mtshan nyid ni 'di lta ste/ nang dang phyi rol gyi chos de dag nyid kyi rang dang spyi'i mtshan nyid la mngon par zhen pa'o/ /blo gros chen
339a1 po| 'di ni kun brtags pa'i rang bzhin rnam pa gnyis kyi mtshan yid ces bya'o/ /gang la gnas shing gang la dmigs pa las 'byung ba de
339a2 ni gzhan gyi dbang zhes bya'o/ /de la yongs su grub pa'i rang bzhin ji lta bu zhe na/ 'di lta ste/ ming dang rgyu mtshan gyi dngos po'i mtshan nyid kyi rnam par rtog pa dang
339a3 bral ba/ 'phags pa'i ye shes kyis thob par bya ba/ so sor rang gis rig pa 'phags pa'i ye shes kyi bgrod par bya ba'i spyod yul te/ 'di ni yongs su grub pa'i rang
339a4 bzhin de bzhin gshegs pa rnams kyi snying po'i thugs zhes bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs
339a5 pa| ming dang rgyu mtshan kun rtog pa/ /rang bzhin gnyis kyis mtshan nyid de/ /yang dag shes dang de bzhin nyid/ /yongs su grub pa'i mtshan nyid do/ /blo gros chen
339a6 po| 'di ni chos lnga dang / rang bzhin gyi mtshan nyid rab tu rnam par 'byed pa zhes bya ba'i chos kyi rnam grangs so so rang gis rig pa 'phags pa'i ye shes kyis
339a7 bgrod par bya ba'i spyod yul yin te/ de la khyod dang / byang chub sems dpa' sems dpa' chen po rnams kyis bslab par bya'o/ /gzhan yang / blo gros chen po/
339b1 byang chub sems dpa' sems dpa' chen pos bdag med pa gnyis kyi mtshan nyid rab tu dbye ba la mkhas par bya'o/ /de la bdag med pa gnyis kyi mtshan nyid gang zhe na
339b2 'di lta ste/ gang zag la bdag med pa dang / chos la bdag med pa'o/ /gang zag la bdag med pa gang zhe na/ 'di lta ste/ bdag dang bdag gi dang bral ba/ phung po dang /
339b3 khams dang / skye mched 'dus pa mi shes pa dang / las dang sred pa las skyes pa/ ming dang gzugs la sogs par 'dzin pa la mngon par zhen pa las rnam par shes pa
339b4 skye ba/ 'di ltar dbang po thams cad dang / rang gi sems snang ba'i snod dang / lus dang / gzhi ni rang gi rnam par rtog pas brtags pas rab tu phye ba/ 'bab chu dang / sa bon
339b5 dang | mar me dang / rlung dang / sprin dang mtshungs par skad cig ma gcig nas gcig tu 'jig par 'gyur pa/ spre'u ltar rab tu g.yo ba/ sbrang ma ltar mi gtsang ba'i gnas
339b6 la rab tu mos pa/ rab tu 'bar ba'i me ltar chog mi shes pa/ thog ma med pa'i dus nas spros pa'i gnas ngan len gyi bag chags rgyur gyur ba/ zo chun gyi 'khor lo ltar
339b7 'khor par 'gro ba'i srid pa'i 'khor lor gyur pa/ lus rnam pa sna tshogs kyi gzugs 'chang ba/ sgyu ma dang / rig sngags dang / 'khrul 'khor lta bur 'jug cing 'byung
340a1 ste| gang mtshan nyid 'di la mkhas pa'i shes pa de ni gang zag la bdag med par shes pa zhes bya'o/ /de la chos la bdag med par shes
340a2 pa gang zhe na/ 'di lta ste/ phung po dang / khams dang / skye mched rnams kyi kun brtags pa'i mtshan nyid kyis rang bzhin tshogs pa ste/ ji ltar phung po dang / khams
340a3 dang | skye mched rnams bdag dang / bdag gi dang bral zhing / phung po dang / khams dang / skye mched 'dus pa/ rgyu dang / las dang / srid pa'i srad bus sprel ba/ phan
340a4 tshun kun tu gyur pa las skye zhing g.yo ba med pa/ de bzhin du chos rnams kyang de bzhin te/ rang dang spyi'i mtshan nyid dang bral ba/ yang dag pa ma yin pa/ kun tu rtog
340a5 pa'i mtshan nyid de/ kun tu rtog pa'i stobs kyang byis pa rnams kyis skyed par byed kyi/ 'phags pa rnams kyis ni ma yin te/ sems dang / yid dang / yid kyi rnam
340a6 par shes pa dang / chos lnga dang / rang bzhin dang bral ba'i phyir ro/ /blo gros chen po/ byang chub sems dpa' sems dpa' chen pos chos thams cad bdag med par
340a7 rab tu dbye ba la mkhas par bya'o/ /blo gros chen po/ chos bdag med pa la mkhas pa'i byang chub sems dpa' sems dpa' chen po ni ring po mi thogs par byang chub
340b1 sems dpa'i sa dang po 'thob ste/ snang ba med par sgom pa'i sa'i mtshan nyid rab tu dbye ba khong du chud pas rab tu dga' zhing / rim gyis gong nas gong du khyad par du gyur
340b2 pas sa dgu'i mtshan nyid kyi rig pa las 'das te/ chos kyi sprin rab tu 'thob bo/ /der rin po che chen po'i pad+ma'i rgyal po dang / rin po che chen po'i gzhal med khang rin po che
340b3 tshad med pas rab tu brgyan pas rnam par bkod pa/ sgyu ma'i rang bzhin gyi spyod yul yongs su bsgoms pa las byung ba de la 'jug ste/ 'khor rgyal ba'i sras skal ba
340b4 mthun pa rnams kyis yongs su bskor cing / sangs rgyas kyi zhing thams cad nas byon pa'i sangs rgyas kyi phyag gis spyi bo nas dbang bskur bas 'khor los bsgyur ba'i rgyal po'i
340b5 bu bzhin du mngon par dbang bskur ro/ /sangs rgyas kyi sras kyi sa la 'das nas 'phags pa so so rang gis rig pa'i chos kyi tshul khong du chud pa'i phyir/ de bzhin
340b6 gshegs pa'i mnga' brnyes pa'i chos kyi sku 'thob par 'gyur te/ chos bdag med par mthong ba'i phyir ro/ /'di ni chos bdag med pa'i mtshan nyid ces bya ste/ de la khyod
340b7 dang byang chub sems dpa' rnams kyis bslab par bya'o/ /de nas byang chub sems dpa' sems dpa' chen po blo gros chen pos yang bcom ldan 'das la 'di skad ces
341a1 gsol to/ /bcom ldan 'das/ sgro 'dogs pa dang / skur pa 'debs pa'i mtshan nyid bshad du gsol/ bdag dang / byang chub sems
341a2 dpa' sems dpa' chen po rnams sgro 'dogs pa dang / skur ba 'debs pa'i mtha' gnyis kyi lta ba ngan pa yongs su spangs nas/ myur du bla na med pa yang dag par rdzogs
341a3 pa'i byang chub mngon par 'tshang rgya zhing / mngon par rdzogs par sangs rgyas nas kyang rtag par sgro 'dogs pa dang / chad par skur pa 'debs pa'i lta ba rnam par spangs nas
341a4 yang dag pa'i chos kyi skur pa 'debs par mi 'gyur ro/ /de nas bcom ldan 'das kyis byang chub sems dpa' blo gros chen pos gsol pa btab pa thugs su chud nas
341a5 tshigs su bcad pa 'di dag gsungs so/ /sgro 'dogs pa dang skur ba dang / /yod min de ni sems tsam mo/ /lus dang longs spyod rnam gzhag dang / /sems kyang rab tu
341a6 mi shes pa'i/ /byis pa blo dang mi ldan pa/ /sgro 'dogs skur pa 'debs par byed/ /de nas bcom ldan 'das kyis tshigs su bcad pa de nyid kyi don bstan pa'i phyir 'di
341a7 skad ces bka' stsal to/ /blo gros chen po/ yod pa ma yin pa la sgro 'dogs pa ni rnam pa bzhi yod de/ rnam pa bzhi gang zhe na/ 'di lta ste/ yod pa ma yin pa mtshan
341b1 nyid du sgro 'dogs pa dang / yod pa ma yin pa mthong bar sgro 'dogs pa dang / yod pa ma yin pa rgyur sgro 'dogs pa dang / yod pa ma yin pa dngos por sgro 'dogs pa ste
341b2 'di ni sgro 'dogs pa rnam pa bzhi zhes bya'o/ /skur pa 'debs pa 'di lta ste/ sgro 'dogs pa de dag nyid mi dmigs par rab tu 'byed pa'i cha ma yin pas skur pa 'debs
341b3 pa skyed par byed pa ste/ 'di ni sgro 'dogs pa dang / skur ba'i mtshan nyid do/ /gzhan yang / blo gros chen po/ yod pa ma yin pa la mtshan nyid du sgro 'dogs pa'i mtshan
341b4 nyid gang zhe na/ 'di lta ste/ phung po dang / khams dang / skye mched rnams kyi rang dang spyi'i mtshan nyid yod pa ma yin pa la mngon par zhen pa skyed cing / 'di ni de bzhin
341b5 du yin gyi gzhan du ma yin no zhes zer ba ste/ 'di ni yod pa ma yin pa la mtshan nyid du sgro 'dogs pa'i mtshan nyid do/ /yod pa ma yin pa la mtshan nyid du sgro 'dogs
341b6 pa'i rnam par rtog pa 'di ni thog ma med pa'i dus kyi spros pa'i gnas ngan len gyi bag chags sna tshogs la mngon par zhen pa las 'byung ngo / /blo gros chen po/ yod pa ma
341b7 yin pa mthong bar sgro 'dogs pa'i mtshan nyid ni/ gang phung po dang / khams dang / skye mched de dag nyid la bdag dang / gang zag dang / sems can dang / srog dang /
342a1 gso ba dang / skyes bur lta zhing sgro 'dogs pa yin te/ 'di ni yod pa ma yin pa mthong bar sgro 'dogs pa'i mtshan nyid ces bya'o/ /blo gros
342a2 chen po/ yod pa ma yin pa rgyur sgro 'dogs pa'i mtshan nyid ni 'di lta ste/ rnam par shes pa dang po rgyu med pa las skye la/ phyis yang dag pa ma yin pa sgyu ma lta bu sngon
342a3 ma byung zhing med pa las mig dang / gzugs dang / snang ba dang / khams dang / dran pa sngon du 'jug pa las 'byung zhing byung nas kyang 'jig par 'gyur ro zhes
342a4 zer ba ste/ 'di ni yod pa ma yin pa rgyur sgro 'dogs pa'i mtshan nyid do/ /blo gros chen po/ yod pa ma yin pa dngos por sgro 'dogs pa'i mtshan nyid ni 'di lta
342a5 ste| nam mkha' dang / 'gog pa dang / mya ngan las 'das pa byas pa ma yin pa'i dngos por mngon par zhen cing sgro 'dogs pa'o/ /'di dag ni dngos po dang dngos
342a6 po ma yin pa dang bral ba chos thams cad ni ri bong dang / rta la sogs pa'i rwa dang / skra shad 'dzings pa lta bur snang ba/ yod pa dang med pa dang bral ba la byis pa'i
342a7 rnam par rtog pas rang gi sems snang ba tsam du ma rtogs pa'i blo can rnams sgro 'dogs shing skur pa 'debs par byed kyi/ 'phags pa rnams kyis ni ma yin te/
342b1 'di ni yod pa ma yin pa dngos por sgro 'dogs pa'i mtshan nyid do/ /de bas na sgro 'dogs pa dang / skur ba'i lta ba ngan pa yongs su spang ba la rab tu brtson par bya'o/ /
342b2 gzhan yang / blo gros chen po/ byang chub sems dpa' sems dpa' chen po rnams kyis sems dang / yid dang / yid kyi rnam par shes pa dang / chos lnga dang / rang bzhin dang bdag
342b3 med pa gnyis kyi mtshan nyid kyi tshul la mkhas shing rtogs par khong du chud pas sems can la phan par ba ba'i phyir gzugs sna tshogs ston pa ni ji ltar kun brtags pa'i
342b4 rang bzhin gnas gzhan gyi dbang la brten pa bzhin te/ dper na/ gzugs sna tshogs pa'i yid bzhin gyi nor bu rin po che ltar sangs rgyas kyi zhing du kun tu de bzhin
342b5 gshegs pa'i 'khor 'dus pa thams cad 'gro zhing de dag thams cad du'ang chos ston pa dag nyan par byed de/ 'di lta ste/ chos thams cad sgyu ma dang / rmi lam
342b6 dang | 'od dang / gzugs brnyan dang / chu'i zla ba lta bu dang / chos thams cad skye ba dang / 'gag pa dang / rtag pa dang / chad pa dang bral ba dang / nyan thos dang / rang sangs
342b7 rgyas kyi theg pa dang bral ba'i chos so/ /ting nge 'dzin brgya stong rab tu 'thob nas ting nge 'dzin bye ba khrag khrig brgya stong gi bar dag kyang rab tu 'thob ste/ ting nge 'dzin
343a1 thob nas kyang sangs rgyas kyi zhing thams cad du 'gro zhing sangs rgyas rnams la mchod pa byed do/ /lha'i gnas thams cad du skye zhing dkon
343a2 mchog gsum gyi bsngags pa brjod pa dang / sangs rgyas kyi sku rab tu ston cing nyan thos dang / byang chub sems dpa'i tshogs kyis yongs su bskor ba dang / rang
343a3 gi sems rab tu snang ba tsam gyis sems can yongs su zlo zhing rnam par grol bar byed la/ phyi rol gyi dngos po dngos po med par rnam par phye ste bstan nas yod pa
343a4 dang med pa'i lta ba yongs su spong bar byed do/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /'jig rten dag
343a5 ni sems tsam du/ /rgyal ba'i sras kyis rab brtags na/ /rnam pa sna tshogs gzugs sprin la/ /mngon par 'du byed pa dang bral/ /stobs dang mngon par shes dang
343a6 dbang / /de dag thams cad 'grub par 'gyur/ /de nas byang chub sems dpa' sems dpa' chen po blo gros chen pos yang bcom ldan 'das la gsol ba btab pa/ bcom
343a7 ldan 'das/ bdag la sogs pa'i slad du chos thams cad kyi stong pa nyid dang / skye ba ma mchis pa dang / gnyis su ma mchis pa dang / rang bzhin dang bral ba'i
343b1 mtshan nyid bshad du gsol/ des bdag dang byang chub sems dpa' gzhan rnams kyang stong ba nyid dang / skye ba ma mchis pa dang / gnyis su ma mchis pa dang / rang
343b2 bzhin dang bral ba'i mtshan nyid rtogs par khong du chud cing / mchis pa dang ma mchis pa'i rnam par rtog pa yongs su spangs nas myur du bla na med pa yang dag par rdzogs
343b3 pa'i byang chub mngon par rdzogs par 'tshang rgya bar 'gyur ro/ /de nas bcom ldan 'das kyis byang chub sems dpa' sems dpa' chen po blo gros chen po la 'di skad
343b4 ces bka' stsal to/ /blo gros chen po/ de'i phyir shin tu legs par nyon la yid la zungs shig dang / khyod la rgya cher rab tu dbye zhing bshad par bya'o/ /blo gros chen
343b5 pos bcom ldan 'das la gsol pa/ legs so/ /bcom ldan 'das/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ /blo
343b6 gros chen po/ stong pa nyid stong pa nyid ces bya ba 'di ni kun brtags pa'i rang bzhin gyi gnas te/ blo gros chen po/ kun brtags pa'i rang bzhin la mngon par zhen pa
343b7 rnams la stong pa nyid dang / skye ba med pa dang / gnyis su med pa dang / rang bzhin dang bral ba'i mtshan nyid bshad do/ /blo gros chen po/ de la mdor bshad na stong pa nyid
344a1 ni rnam par bdun te/ 'di lta ste/ mtshan nyid stong pa nyid dang / dngos po'i rang bzhin stong pa nyid dang / 'du byed stong pa nyid dang / 'du byed
344a2 med pa stong ba nyid dang / chos thams cad brjod pa dang bral ba'i stong ba nyid dang / don dam pa 'phags pa'i ye shes chen po stong nyid dang / gcig gis gcig stong
344a3 pa'i stong pa nyid do/ /de la mtshan nyid stong pa nyid gang zhe na/ 'di ltar dngos po thams cad rang dang spyi'i mtshan nyid kyis stong pa ste/ phan tshun 'dus pa las so sor
344a4 rab tu rtog pa'i phyir dngos po med par rab tu dbye bas rang dang spyi'i mtshan nyid mi skye ba dang / bdag dang gzhan dang gnyis ka'i dngos po med pa'i phyir mtshan nyid mi
344a5 gnas te/ de'i phyir dngos po thams cad mtshan nyid stong pa zhes bshad de/ 'di ni mtshan nyid stong pa nyid ces bya'o/ /dngos po'i rang bzhin stong pa nyid gang zhe na
344a6 'di lta ste/ bdag nyid kyis dngos po'i rang bzhin mi skye bas chos thams cad kyi dngos po'i rang bzhin stong pa nyid ces bya ste/ de'i phyir dngos po'i rang bzhin stong pa
344a7 nyid ces bshad do/ /'du byed stong pa nyid gang zhe na/ 'di lta ste/ phung po rnams bdag dang bdag gi dang bral zhing rgyu dang / 'grub par byed pa dang / bya ba dang / las
344b1 dang | sbyor ba las skye ba ste/ 'di ni 'du byed stong pa nyid ces bya'o/ /blo gros chen po/ 'di ltar 'du byed stong pa nyid des na phan tshun gyi rkyen gyis 'byung gi rang bzhin gyi
344b2 dngos po med pas 'du byed med pa stong pa nyid ces bya'o/ /chos thams cad brjod pa dang bral ba'i stong ba nyid gang zhe na/ 'di lta ste/ kun brtags pa'i rang bzhin brjod
344b3 du med pa'i phyir chos thams cad brjod pa dang bral ba ste/ 'di ni chos thams cad brjod pa dang bral ba'i stong pa nyid ces bya'o/ /tshes thams cad kyi don dam pa 'phags
344b4 pa'i ye shes chen po stong pa nyid gang zhe na/ 'di lta ste/ so so rang gis rig pa 'phags pa'i ye shes thob pa ni lta ba dang nyes pa thams cad kyi bag chags kyis stong ste/
344b5 'di ni chos thams cad kyi don dam pa 'phags pa'i ye shes chen po stong pa nyid ces bya'o/ /gcig gis gcig stong pa nyid gang zhe na/ 'di lta ste/ gang la gang med pas
344b6 stong pa ni gcig gis gcig stong pa nyid ces bya'o/ /blo gros chen po/ dper na/ mr-i ga la'i ma'i khang pa na glang po che dang / rta dang / ba lang dang / lug la sogs pa med
344b7 kyang dge slong gi dge 'dun med pa ni ma yin no/ /de ni de dag gis stong ngo zhes bya ba'ang khang pa khang pa'i dngos pos stong pa ma yin/ dge slong dge slong gi dngos pos stong
345a1 pa ma yin la/ gnas gzhan na glang po che dang rta la sogs pa med pa'ang ma yin no/ /de ni chos thams cad kyi rang gi mtshan nyid de/
345a2 gang la gang med pa de ni gcig gis gcig stong pa nyid ces bya'o/ /'di ni stong pa nyid rnam pa bdun te/ gcig gis gcig stong pa nyid 'di ni stong pa nyid kyi nang na
345a3 dman pa yin te/ khyod kyis yongs su spang bar bya'o/ /blo gros chen po/ rang yang mi skye la mi skye ba'ang ma yin te/ ting nge 'dzin la gnas pa ma gtogs pa ni skye ba
345a4 ba med pa zhes bya'o/ /rang bzhin dang bral ba zhes bya ba'ang skye ba med pa de nyid rang bzhin dang bral ba zhes bya'o/ /skad cig ma'i rgyud kyi rgyun med pa dang / tha dad pa'i
345a5 dngos por snang bar dngos po thams cad rang bzhin dang bral ba ste/ de'i phyir dngos po thams cad rang bzhin dang bral ba zhes bya'o/ /gnyis su med pa gang zhe na/
345a6 'di lta ste/ chos thams cad ni grib ma dang / tsha ba dang / ring po dang / thung du dang / nag po dang / dkar po lta bu dag ste/ blo gros chen po/ chos thams cad ni gnyis
345a7 su med pas mya ngan las 'das pa las gzhan ma yin la/ 'khor ba las kyang mya ngan las 'das pa gzhan ma yin na tha dad pa'i mtshan nyid kyi rgyus dngos po yod
345b1 pa'i phyir gnyis su med pa zhes bya ste/ mya ngan las 'das pa dang / 'khor ba ji lta bar chos thams cad kyang de bzhin no/ /de bas na stong pa nyid dang / skye ba med pa dang /
345b2 gnyis su med pa dang / rang bzhin dang bral ba'i mtshan nyid la rab tu brtson par bya'o/ /de nas bcom ldan 'das kyis don de nyid yang bstan pa'i phyir tshigs su bcad pa
345b3 'di dag gsungs so/ /ngas ni rtag tu stong nyid chos/ /rtag chad yongs spangs 'khor ba ni/ /sgyu ma rmi lam 'drar bshad kyang / /las ni 'jig par mi 'gyur ro/ /nam
345b4 mkha' mya ngan 'das pa dang / /'gog pa gnyis kyang de bzhin te/ /byis pa dag gis rnam par brtags/ /'phags pa rnams ni yod med spangs/ /de nas bcom ldan
345b5 'das kyis byang chub sems dpa' sems dpa' chen po blo gros chen po la bka' stsal pa/ blo gros chen po/ stong pa nyid dang / skye ba med pa dang / gnyis su med pa dang /
345b6 rang bzhin dang bral ba'i mtshan nyid ni sangs rgyas rnams kyi mdo sde thams cad kyi nang du 'jug ste/ mdo sde gang du'ang don 'di dag ston to/ mdo sde rnams ni sems
345b7 can gyi bsam pa bzhin du rnam par phye ste/ don rab tu bstan pa'i phyir de kho na nyid ni brjod pa la yod pa ma yin no/ /dper na/ ri dwags skom pa'i rnam par rtog pas
346a1 smig rgyu ri dwags slu bar byed pa de'i mtshan nyid la chu'i dngos por mngon par zhen par byed kyang de la chu med do/ /de bzhin du mdo sde thams cad
346a2 las chos rnams bstan pa'ang byis pa so so'i skye bo rnams mgu ba rab tu bskyed par bya ba yin pa'i phyir de kho na dang / 'phags pa'i ye shes ni gtam la yod pa ma yin
346a3 no| |de bas na don gyi rjes su 'brang bar bya'i/ brjod pa la mngon par chags par mi bya'o// //'phags pa lang+kar gshes pa rin po che'i mdo/ bam po
346a4 gsum pa/ de nas byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das kyis gsungs
346a5 pa'i mdo sde las de bzhin gshegs pa'i snying po ni rang bzhin gyis rnam par dag pa/ mtshan sum cu rtsa gnyis kyi rjes su 'jug pa/ sems can thams cad kyi lus la
346a6 mchis par brjod de/ dper na/ rin po che rin thang chen po gos dri ma can gyis yongs su dkris pa ltar de bzhin gshegs pa'i snying po rtag cing rnam par 'gyur ba
346a7 med pa'ang de bzhin du phung po dang / khams dang / skye mched rnams kyi gos dri ma can gyis yongs su dkris shing / 'dod chags dang / zhe sdang dang / gti mug dang /
346b1 yang dag pa ma yin pa yongs su rtog pa'i rdul gyis gos par sangs rgyas thams cad kyis rab tu gsungs zhes ci'i slad du bcom ldan 'das kyis mu stegs can gyi bdag
346b2 tu smra ba dang mtshungs par de bzhin gshegs pa'i snying po mchis par bka' stsal/ bcom ldan 'das/ mu stegs can rnams kyang rtag ba dang / byed pa mchis par
346b3 smra zhing yon tan dang bral ba dang / kun tu khyab pa dang / mi 'jigs pa'o zhes/ bcom ldan 'das/ de dag bdag tu smra bar bgyid do/ /bcom ldan 'das kyis bka'
346b4 stsal pa/ blo gros chen po/ ngas bshad pa'i de bzhin gshegs pa'i snying po ni mu stegs can dag smra ba'i bdag dang mtshungs pa ma yin te/ blo gros chen po/ ched 'ga'
346b5 ni stong pa nyid dang / mtshan ma med pa dang / smon pa med pa dang / de bzhin nyid dang / yang dag pa'i mtha' dang / chos nyid dang / chos kyi sku dang / mya ngan las 'das pa
346b6 dang | rang bzhin dang bral ba dang / skye ba med pa dang / 'gag pa med pa dang / gzod ma nas rab tu dben zhing zhi ba dang / rang bzhin gyis mya ngan las 'das pa zhes bya ba
346b7 la sogs pa'i tshig gis de bzhin gshegs pa'i snying po ston par byed de/ de bzhin gshegs pa dgra bcom pa yang dag par rdzogs pa'i sangs rgyas rnams ni byis
347a1 pa gang dag bdag med pa'i tshig gis 'jigs par 'gyur ba yongs su spong ba'i phyir rnam par rtog pa dang bral ba snang ba med pa'i
347a2 spyod yul de bzhin gshegs pa'i snying po'i sgo rab tu bstan to/ /blo gros chen po/ ma 'ongs pa dang / da ltar byung ba'i byang chub sems dpa' sems dpa' chen
347a3 po rnams kyis bdag tu lta ba la mngon par zhen par mi bya'o/ /dper na/ rdza mkhan ni 'jim pa'i lung po zhig las mi'i bzo dang / chu dang / thal zhar dang / 'khor
347a4 lo dang / srad bu'i sbyor ba rnams kyis snod rnam pa sna tshogs byed do/ /de bzhin gshegs pa rnams kyang de bzhin du chos bdag med pa/ rnam par rtog pa'i mtshan nyid
347a5 thams cad dang bral ba/ shes rab dang / thabs la mkhas pa rnam pa sna tshogs kyis de bzhin gshegs pa'i snying po bstan pa'am/ yang na bdag med par ston pas
347a6 rgyu dang rkyen de'i phyir de bzhin gshegs pa'i snying po bstan pas ni mu stegs can gyi bdag tu smra ba dang mi 'dra ste/ 'di ni de bzhin gshegs pa'i snying po bstan pa
347a7 zhes bya'o/ /bdag tu smra ba la mngon par zhen pa'i mu stegs can rnams drang ba'i phyir de bzhin gshegs pa'i snying po bstan pas/ yang dag pa ma yin pa'i bdag
347b1 tu lta ba'i rnam par rtog pa dang bral ba/ rnam par thar pa'i sgo gsum gyi spyod yul la 'jug pa'i bsam pa dang ldan zhing / myur du bla na med pa yang dag par rdzogs pa'i byang chub
347b2 thob par bya ba de'i phyir de bzhin gshegs pa dgra bcom pa yang dag par rdzogs pa'i sangs rgyas rnams de bzhin gshegs pa'i snying po de skad du ston par mdzad de/ de lta ma
347b3 yin na ni mu stegs can dag dang mtshungs par 'gyur ro/ /de lta bas na/ blo gros chen po/ mu stegs can gyi bdag tu smra ba yongs su spang ba'i phyir de bzhin gshegs pa'i snying
347b4 po bdag med pa la gnas par bya'o/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di gsungs so/ /gang zag rgyun dang phung po dang / /
347b5 rkyen rnams dang ni rdul dag dang / /gtso bo dbang phyug byed pa dag /sems tsam la ni rnam par brtags/ /de nas byang chub sems dpa' sems dpa' chen po blo gros chen
347b6 pos ma 'ongs pa'i skye bo'i tshogs la rnam par bltas nas/ yang bcom ldan 'das la 'di skad ces gsol to/ /bcom ldan 'das/ ji ltar byang chub sems dpa' sems dpa'
347b7 chen po rnams kyi rnal 'byor gyi thabs chen po mngon par rtogs pa bdag la bshad du gsol/ /bcom ldan 'das kyis bka' stsal pa/ blo gros chen po/ byang chub sems
348a1 dpa' sems dpa' chen po chos bzhi dang ldan na rnal 'byor gyi thabs chen po 'thob par 'gyur ro/ /bzhi gang zhe na/ 'di lta ste/ rang gi sems
348a2 snang ba'i rnam par 'byed pa la mkhas pa dang / phyi rol gyi dngos po dngos po med par rab tu rtog pa dang / skye ba dang / gnas pa dang / 'jig pa'i lta ba rnam par spong ba dang / so
348a3 so rang gis rig pa 'phags pa'i ye shes kyi bde ba gya nom pa thob ste/ 'di ni byang chub sems dpa' sems dpa' chen po chos bzhi dang ldan na/ rnal 'byor gyi thabs
348a4 chen po thob pa zhes bya'o/ /de la ji ltar na byang chub sems dpa' sems dpa' chen po rang gi snang ba rnam par 'byed pa la mkhas pa yin zhe na/ 'di lta ste/ des 'di ltar
348a5 khams gsum pa 'di ni sems tsam gyi cha ste/ bdag dang bdag gi dang bral ba/ g.yo ba med pa/ 'gro ba dang 'ong ba dang bral ba/ thog ma med pa'i dus kyi spros pa'i bag chags kyis
348a6 yongs su bsgos pa/ khams gsum gyi gzugs rnam ba sna tshogs la nye bar spyod pas rab tu bcings pa/ lus dang longs spyod rnam par bzhag pa'i rnam par rtog pa'i rjes
348a7 su 'jug par snang ngo zhes rab tu rtog ste/ 'di ni byang chub sems dpa' sems dpa' chen po rang gi sems snang ba rnam par 'byed pa la mkhas pa zhes bya'o/ /ji
348b1 ltar na byang chub sems dpa' sems dpa' chen po phyi rol gyi dngos po dngos po med par rab tu rtog pa la mkhas pa yin zhe na/ 'di lta ste/ dngos po thams cad ni smig
348b2 rgyu dang / rmi lam la sogs pa lta bu ste/ thog ma med pa'i dus kyi spros pa'i gnas ngan len rnam par rtog pa'i bag chags kyi rgyu las byung ba'o zhes dngos po thams cad kyi
348b3 rang bzhin la rab tu rtog pa ste/ byang chub sems dpa' sems dpa' chen po rnams de ltar phyi rol gyi dngos po la dngos po med par rab tu rtog pa ni byang chub sems dpa'
348b4 sems dpa' chen po phyi rol gyi dngos po dngos po med par rab tu rtog pa la mkhas pa zhes bya'o/ /ji ltar na byang chub sems dpa' sems dpa' chen po skye ba dang / gnas
348b5 pa dang / 'jig pa'i lta ba rnam par spong ba la mkhas pa yin zhe na/ 'di lta ste/ dngos po thams cad ni sgyu ma dang / rmi lam la sogs pa dang mtshungs pas bdag dang
348b6 gzhan dang gnyis ka las dngos po rnams mi skye ste/ rang gi sems snang ba tsam gyi rjes su 'jug pa'i phyir phyi rol gyi dngos po dngos po med par mthong ba dang / rnam par shes
348b7 pa rnams 'jug pa med pa dang / rkyen rnams spungs pa med par mthong ba dang / rnam par rtog pa'i rkyen las khams gsum byung bar mthong bas phyi nang gi chos thams cad
349a1 mi dmigs pa dang / rang bzhin dang bral bar mthong bas skye bar lta ba rnam par log pa dang / sgyu ma la sogs pa'i chos kyi rang bzhin khong
349a2 du chud pas mi skye ba'i chos la bzod pa rab tu thob nas/ skye ba dang / gnas pa dang / 'jig pa'i lta ba yongs su spong ba ste/ 'di ni byang chub sems dpa' sems
349a3 dpa' chen po skye ba dang / gnas pa dang / 'jig pa'i lta ba rnam par spong ba la mkhas pa zhes bya'o/ /ji ltar na byang chub sems dpa' sems dpa' chen po so so
349a4 rang gis rig pa 'phags pa'i ye shes kyi bde ba gya nom pa thob pa yin zhe na/ 'di lta ste/ mi skye ba'i chos la bzod pa rab tu thob nas byang chub sems dpa' sa
349a5 brgyad pa la gnas te/ sems dang / yid dang / yid kyi rnam par shes pa dang bral ba dang / chos lnga dang / rang bzhin dang / bdag med pa gnyis kyi mtshan nyid yid
349a6 las byung ba'i lus kyang rab tu thob pa'o/ /bcom ldan 'das/ ci'i slad du yid las byung ba'i lus zhes bgyi/ bcom ldan 'das kyis bka' stsal pa/ blo gros chen
349a7 po| yid las byung ba'i lus zhes bya ba ni yid ltar mgyogs shing thogs pa med pa'i phyir yid kyi lus zhes bya ste/ dper na/ yid ni ri dang / rtsig pa la sogs pa la
349b1 thogs pa med par phyogs tha dad pa dpag chad brgya stong du ma de dag tu sngon mthong ba rjes su dran pa'i rgyus mi brjed pa'i rang gi sems kyi rgyun ma chad pa'i lus thogs pa
349b2 med pas 'jug go /blo gros chen po/ de bzhin du yid las byung ba'i lus kyang dus gcig tu lhan cig pa thob pa ste/ byang chub sems dpa' sems dpa' chen po'i yid
349b3 las byung ba'i lus ni sgyu ma lta bu'i ting nge 'dzin gyi stobs dang / dbang dang mngon par shes pa dang / mtshan bzang pos brgyan pa/ 'phags pa'i rigs kyi lus dus cig
349b4 tu lhan cig skyes pa/ yid bzhin du 'jug cing thogs pa med pa/ sngon gyi smon lam gyi yul rjes su dran pas sems can yongs su smin par byed pa'i phyir so so rang gis rig
349b5 pa 'phags pa'i ye shes kyi bde ba gya nom pa 'thob ste/ de ltar na byang chub sems dpa' sems dpa' chen po mi skye ba'i chos la bzod pa rab tu thob nas byang chub sems dpa'i
349b6 sa brgyad pa la gnas te/ sems dang / yid dang / yid kyi rnam par shes pa dang bral ba dang / chos lnga dang / rang bzhin dang / bdag med pa gnyis kyi mtshan nyid kyi lus
349b7 dang / yid las byung ba'i lus dang / so so rang gis rig pa 'phags pa'i ye shes kyi bde ba gya nom pa thob pa yin no/ /'di ni byang chub sems dpa' sems dpa' chen
350a1 po'i chos bzhi dang ldan pa'i rnal 'byor gyi thabs chen po yin te/ de khyod kyis bslab par bya'o/ /de nas byang chub sems dpa' sems
350a2 dpa' chen po blo gros chen pos yang bcom ldan 'das la 'di skad ces gsol to/ /bcom ldan 'das/ chos rnams kyi rgyu dang rkyen gyi mtshan nyid bshad du gsol/
350a3 'di ltar rgyu dang rkyen gyi mtshan nyid rtogs pas bdag dang / byang chub sems dpa' rnams dngos po thams cad la mchis pa dang ma mchis par lta ba'i rnam par rtog
350a4 pa dang bral zhing rim dang cig car skye bar rnam par rtog pa'i lta ba ma mchis par 'gyur ro/ /bcom ldan 'das kyis bka' stsal pa/ blo gros chen po/ chos thams
350a5 cad kyi rkyen gyi mtshan nyid ni rnam pa gnyis te/ 'di lta ste/ phyi'i dang / nang gi'o/ /de la phyi rol gyi rkyen ni 'di lta ste/ 'jim pa'i gong bu dang / thar zhar dang / 'khor lo
350a6 dang | srad bu dang / chu dang / mi'i bzo dang / sbyor ba'i rkyen rnams las rdza ma 'byung ba'o/ /ji ltar 'jim pa'i gong bu las rdza ma 'byung ba de bzhin du/ skud pa las
350a7 snam bu dang / rtswa las stan dang / sa bon las myu gu dang / zho las mar 'byung ba la sogs pa sbyor ba'i rkyen las skye ba rnams kyang de bzhin te/ 'di ni phyi rol gyi
350b1 rkyen snga phyi 'gyur zhing skye ba zhes bya'o/ /de la nang gi rkyen gang zhe na/ 'di lta ste/ ma rig pa dang / sred pa dang / las la sogs pa'i chos ni rkyen ces bya ba'i ming thob pas 'di
350b2 dag las skyes pa'i phung po dang / khams dang / skye mched ces bya ba'i chos de dag kyang rten cing 'brel bar 'byung ba zhes bya ba'i ming 'thob bo/ /de dag ni khyad par med pa
350b3 las byis pa rnams kyis brtags pa ste/ 'di ni nang gi rkyen gyi chos zhes bya'o/ /blo gros chen po/ de la rgyu ni rnam pa drug ste/ 'di lta ste/ 'byung bar 'gyur ba'i rgyu dang / 'phrel
350b4 ba'i rgyu dang / mtshan nyid kyi rgyu dang / byed pa'i rgyu dang / snang bar byed pa'i rgyu dang / ltos pa'i rgyu'o/ /de la 'byung bar 'gyur ba'i rgyu ni phyi nang gi chos rnams skyed par rgyu'i bya
350b5 ba byed pa'o/ /'brel pa'i rgyu ni phyi nang gi chos phung po dang / sa bon la sogs pa skyed par dmigs pa'i bya ba byed pa'o/ /mtshan nyid kyi rgyu ni de ma thag pa'i mtshan nyid byed
350b6 pas rgyun mi 'chad par skyed pa'o/ /byed pa'i rgyu ni dbang gi bya ba byed pa ste/ 'khor los bsgyur ba'i rgyal po bzhin no/ /snang bar byed pa'i rgyu ni rnam par rtog pa'i dngos po
350b7 skyes pas mtshan nyid snang ba'i bya ba byed pa ste/ mar mes gzugs la sogs pa snang bar byed pa bzhin no/ /ltos pa'i rgyu ni 'gags pa'i dus na bya ba'i rgyun chad de rnam
351a1 par mi rtog pa'i dngos bor skye ba'o/ /blo gros chen po/ 'di dag ni byis pa so so'i skye bo rnams kyi rang gi rnam par rtog pa'i mtshan nyid pas
351a2 rim gyis kyang mi skye la cig car yang mi skye'o/ /de ci'i phyir zhe na/ gal te cig car skye na ni byed pa dang / bya ba bye brag med pas rgyu'i mtshan nyid du mi 'gyur ba'i phyir ro//
351a3 ci ste rim gyis skye na ni bdag gi mtshan nyid ma thob pa'i phyir rim gyi skye bas mi skye ste/ ji ltar bu ma skyes par pha zhes bya ba'i ming med pa bzhin no/ /blo gros chen po/
351a4 rim gyis skye bas 'bral ba'i sbyor ba'ang mi rung ste/ de ni rnam par rtog pa'o/ /rgyu dang / dmigs pa dang / mtshungs pa de ma thag pa dang / bdag po'i rkyen la sogs
351a5 pas bskyed par bya ba skyed pa'i phyir/ blo gros chen po/ rim gyis skye bas mi skye ste/ kun brtags pa'i rang bzhin la mngon par zhen pa'i mtshan nyid kyi phyir ro/ /rim
351a6 gyis sa ma cig car mi skye ste/ rang gi sems snang ba'i lus dang longs spyod yin ba'i phyir ro/ /rang dang spyi'i mtshan nyid dang / phyi rol gyi dngos po dngos po med pas/ blo
351a7 gros chen po/ rim gyis sa ma cig car mi skye ste/ gzhan du rang gi sems snang ba la rnam par rtog pa tsam du khong du ma chud pa'i phyir mtshan ma skye'o/ /de lta bas na rgyu
351b1 dang | rkyen dang / bya ba'i dngos po dang / sbyor ba'i mtshan nyid rim gyis dang / cig car gyi lta ba yongs su spang bar bya'o/ /de nas bcom ldan 'das kyis don de nyid yang bstan
351b2 pa'i phyir/ tshigs su bcad pa 'di dag gsungs so/ /chos rnams thams cad mi skye ste/ /rgyu rkyen 'gag pa'ang yod ma yin/ /skye dang 'gag pa de dag la/ /rgyu dang rkyen du
351b3 rtog pa skyed/ /'gags pa las ni yang skye dang / /'bral pa'i rgyu rkyen bkag min te/ /byis pa shin tu rmongs pa yis/ /rkyen du rtog pa rab spang phyir/ /yod dang med pa rten
351b4 'brel chos/ /de dag skye ba yod ma yin/ /bag chags rmongs pas rab tu 'jug /de las srid gsum snang ba yin/ /yang dag rkyen las skye ba med/ /'gag pa'ang yod
351b5 par mi 'gyur te/ /'dus byas thams cad rab brtags na/ /nam mkha'i me tog ji bzhin no/ /gzung ba dang ni 'dzin pa yi/ /nor par mthong ba rab tu spongs/ /skyes dang
351b6 skye ba ma yin te/ /rgyu rkyen dag kyang yod ma yin/ /thams cad snang ba med pas na/ /de dag kun ni brjod pa yin/ /de nas byang chub sems dpa' sems dpa' chen pos
351b7 blo gros chen pos yang bcom ldan 'das la 'di skad ces gsol to/ /bcom ldan 'das/ tshig gi rnam par rtog pa'i mtshan nyid kyi snying po zhes bgyi ba'i chos kyi
352a1 rnam grangs bshad du gsol/ bcom ldan 'das/ bdag dang / byang chub sems dpa' sems dpa' chen po gzhan rnams tshig rnam par rtog
352a2 pa'i mtshan gyi snying po zhes bgyi ba'i chos kyi rnam grangs shin tu rtogs pa des/ brjod pa dang / brjod pa rnam pa gnyis kyi don rtogs par khong du chud de/ myur du bla na
352a3 med pa yang dag par rdzogs pa'i byang chub mngon par rdzogs par sangs rgyas nas/ brjod pa rnam pa gnyis kyi tshul gyis sems can thams cad yongs su dag par
352a4 bgyid par 'gyur ro/ /bcom ldan 'das kyis bka' stsal pa/ blo gros chen po/ de'i phyir shin tu legs par nyon la yid la zungs shig dang ngas khyod la bshad
352a5 par bya'o/ /blo gros chen pos bcom ldan 'das la gsol pa/ legs so/ /bcom ldan 'das zhes bka' mnyan pa dang / bcom ldan 'das kyis 'di skad ces
352a6 bka' stsal to/ /blo gros chen po/ tshig gi rnam par rtog pa'i mtshan nyid ni rnam pa bzhi yod de/ 'di lta ste/ mtshan nyid kyi tshig dang / rmi lam gyi tshig dang / gnas
352a7 ngan len gyi rnam par rtog pa la mngon par zhen pa'i tshig dang / thog ma med pa'i dus kyi rnam par rtog pa'i tshig go /de la mtshan nyid kyi tshig ni rang gi rnam par
352b1 rtog pa'i gzugs kyi mtshan nyid la mngon par zhen pa las 'byung ngo / /rmi lam gyi tshig ni sngon myong ba'i yul rjes su dran pa dang / sad nas yul dngos po med pa las
352b2 'byung ngo / /gnas ngan len gyi rnam par rtog pa las mngon par zhen pa'i tshig ni sngon dgras byas pa'i las rjes su dran pa las 'byung ngo / /thog ma med pa'i dus kyi
352b3 rnam par rtog pa'i tshig ni thog ma med pa'i dus kyi rnam par spros pa la mngon par zhen pa'i gnas ngan len gyi rang gi sa bon gyi bag chag las 'byung ste/ 'di ni tshig
352b4 gi rnam par rtog pa'i mtshan nyid rnam pa bzhi zhes bya'o/ /de nas yang byang chub sems dpa' sems dpa' chen po blo gros chen pos don de nyid kyi phyir bcom ldan
352b5 'das la gsol ba btab pa/ /bcom ldan 'das/ da dung yang rnam par rtog pa mngon pa'i spyod yul bshad du gsol/ bcom ldan 'das/ gang nas ci slad/
352b6 ji ltar rgyu gang gis sems can rnams kyi rnam par rtog pa'i tshig 'byung ba lags/ bcom ldan 'das kyis bka' stsal pa/ blo gros chen po mgo dang / brang dang /
352b7 mgul pa dang / sna dang / mchu dang / lce dang / rkan dang / so rnams 'dus pa las sgra skad 'byung ngo / /blo gros chen pos bcom ldan 'das la gsol pa/ bcom ldan
353a1 'das/ tshig dang / rnam par rtog pa tha dad pa'am/ 'on te gcig pa zhig lags/ bcom ldan 'das kyis bka' stsal pa/ blo gros chen
353a2 po| tshig dang / rnam par rtog pa ni tha dad pa'ang ma yin/ tha mi dad pa'ang ma yin no/ /de ci'i phyir zhe na/ 'di lta ste/ de'i rgyu las byung ba'i mtshan nyid kyi phyir ro/ /blo
353a3 gros chen po/ gal te tshig dang / rnam par rtog pa tha dad pa zhig yin na ni rnam par rtog pa rgyu yin par mi 'gyur ro/ /ci ste tha mi dad pa zhig yin na ni tshig gi don
353a4 gsal bar byed par yang mi 'gyur ba zhig na/ gsal bar yang byed de/ de bas na tha dad pa'ang ma yin/ tha mi dad pa'ang ma yin no/ /blo gros chen pos yang bcom
353a5 ldan 'das la gsol pa/ bcom ldan 'das/ tshig nyid don dam pa lags sam/ 'on te tshig gis brjod par bgyi ba de don dam pa lags/ bcom ldan 'das
353a6 kyis bka' stsal pa/ blo gros chen po/ tshig kyang don dam pa ma yin la/ tshig gis gang brjod par bya ba de'ang don dam pa ma yin no/ /de ci'i phyir zhe na/ 'di ltar
353a7 don dam pa ni 'phags pa'i bden pa yin te/ tshig gis don dam pa la 'jug kyang tshig 'di nyid ni don dam pa ma yin no/ /don dam pa ni 'phags pa so so
353b1 rang gis rig pa'i ye shes kyis rtogs par bya ba yin gyi/ tshig gi rnam par rtog pa'i blo'i spyod yul ni ma yin pas/ de'i phyir tshig gi rnam par rtog pas don dam pa
353b2 gsal bar mi byed do/ /de la tshig ni skye ba dang 'jig pa dag gis rab tu g.yo ba/ phan tshun gyi rgyu dang rkyen las byung ba'o/ /gal te phan tshun gyi rgyu dang rkyen las byung
353b3 ba yin na/ des ni don dam pa gsal bar mi byed do/ /blo gros chen po/ bdag dang / gzhan dang / gnyis ka'i dngos po med pa'i phyir tshig gi mtshan nyid kyis don dam
353b4 pa gsal bar mi byed do/ /gzhan yang / blo gros chen po/ rang gi sems snang ba tsam gyi rjes su 'jug pa'i phyir mtshan ma rnam pa sna tshogs dang / phyi rol gyi dngos po
353b5 dngos po med pas tshig gi rnam par rtog pas ni/ don dam pa gsal bar mi byed do/ /de lta bas na/ blo gros chen po/ tshig gi rnam par rtog pa rnams kyi mtshan nyid yongs su
353b6 spang bar bya'o/ /de nas bcom ldan 'das kyis don de nyid yang bstan pa'i phyir/ tshigs su bcad pa 'di dag gsungs so/ /dngos po kun gyi rang bzhin med/ /tshig kyang yod
353b7 pa ma yin te/ /zab mo stong nyid stong pa'i don/ /byis pa rnams kyis rtogs mi nus/ /dngos po thams cad rang bzhin dang / /tshig gi chos ni mig yor 'dra/ /rang rig ye
354a1 shes yang dag mtha'/ /bu rnams la ni ngas bshad do/ /de nas byang chub sems dpa' sems dpa' chen po blo gros chen pos yang bcom
354a2 ldan 'das la 'di skad ces gsol to/ /bcom ldan 'das/ mchis pa dang / ma mchis pa dang / gcig pa dang / tha dad pa dang / gnyis ka dang / gnyis ka ma lags pa
354a3 dang / mchis pa'ang ma lags/ ma mchis pa'ang ma lags pa dang / rtag pa dang / mi rtag pa spangs pa/ mu stegs can thams cad kyis grod par bgyi ba ma lags
354a4 pa| so so rang gis rig pa 'phags pa'i ye shes kyis bgrod par bgyi ba/ kun brtags pa'i rang dang spyi'i mtshan nyid dang bral ba/ don dam pa de kho na'i don la 'jug
354a5 pa| sa rnams kyi mtshams sbyor zhing / rim gyis gong nas gong du khyad par can du 'gyur ba rnam par dag pa'i mtshan nyid dang / de bzhin gshegs pa'i sa la rjes
354a6 su 'jug pa'i mtshan nyid la rtsol ba ma mchis par sngon gyi smon lam gyis gzugs sna tshogs kyi yid bzhin gyi nor bu ltar spyod yul mtha' yas pa'i mtshan nyid kyi
354a7 rnam pa/ rang gi sems snang ba'i tshul bye brag gi mtshan nyid kyi chos thams cad dang / ci nas kyang bdag dang / byang chub sems dpa' sems dpa' chen po gzhan
354b1 rnams 'di lta bu la sogs pa kun brtags pa'i rang bzhin dang / rang dang spyi'i mtshan nyid kyi lta ba rnams spangs te/ myur du bla na med pa yang dag par rdzogs pa'i byang chub mngon
354b2 par rdzogs par sangs rgyas nas/ sems can thams cad kyi bde ba phun sum tshogs pa yongs su rdzogs par bgyi ba bshad du gsol/ bcom ldan 'das kyis bka' stsal pa/
354b3 blo gros chen po/ legs so/ /legs so/ /khyod nga la don 'di 'dri ba ni skye bo mang po la bde ba dang / skye bo mang po la phan pa dang / lha dang mi'i 'jig rten thams cad la snying
354b4 brtse ba'i phyir zhugs pa ste/ blo gros chen po/ de'i phyir shin tu legs par nyon la yid la zungs shig dang / ngas khyod la rab tu dbye zhing bshad par bya'o/ /blo gros chen
354b5 pos bcom ldan 'das la/ bcom ldan 'das/ legs so zhes gsol nas bka' mnyan pa dang / bcom ldan 'das kyis 'di skad ces bka' stsal to/ /blo gros chen po/
354b6 byis pa so so'i skye bo rang gi sems snang ba tsam du khod du ma chud pa dang / nang dang phyi rol gyi dngos por 'dzin pas/ gcig pa dang / tha dad pa dang / gnyis ka dang / gnyis ka ma
354b7 yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag pa'i rang bzhin gyi bag chags kyis rgyu la brten nas mngon
355a1 par zhen pas rnam par rtog go /dper na/ ri dwags skom pas rab tu gdungs pa rnams dpyid kyi smig rgyu la chu nyid du rnam par rtog pa'i
355a2 nor pas rab tu rgyug ste/ chu ma yin par yongs su mi shes so/ /de bzhin du byis pa so so'i skye bo thog ma med pa'i dus kyis spros pa'i rnam par rtog pas yongs su
355a3 bsgos pa'i dug gsum gyi mes sems rab tu gdungs pa/ gzugs kyi yul la shin tu mos pa/ skye ba dang / gnas pa dang / 'jig par lta ba/ phyi nang gi dngos por yongs
355a4 su 'dzin pa dag kyang / gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin
355a5 pa dang / rtag pa dang / mi rtag pa nyid du 'du shes shing / rnam par rtog pa'i lta ba 'dzin par rab tu ltung bar 'gyur ro/ /dper na/ dri za'i grong khyer la byis pa so
355a6 so'i skye bo blo dang mi ldan pa rnams grong khyer gyi 'du shes 'byung ste/ thog ma med pa'i dus nas bag chags la mngon bar zhen pa'i 'du shes kyis snang yang / de ni grong
355a7 khyer yang ma yin/ grong khyer ma yin pa'ang ma yin no/ /de bzhin du mu stegs can thog ma med pa'i dus nas spros pa'i bag chags la mngon par zhen pa rnams gcig pa dang / tha
355b1 dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag pa'i lta ba la gnas
355b2 pas rang gi sems snang ba tsam du mi chud do/ /dper na/ mi la la zhig rmi lam na skyes pa dang / bud med dang / glang po che dang / rta dang / shin rtag dang / rkang thang dang / grong
355b3 dang | grong khyer dang / skyed mos tshal dang / nags tshal dang / ri dang / 'bab chu dang / rdzing rnam pa sna tshogs kyis mdzes par byas par bdag nyid zhugs pa snyam pa
355b4 las sad nas de nyid rjes su dran na/ blo gros chen po/ ji snyam du sems/ skyes bu des sngar rmis pa rnams rjes su dran par byed cing / yongs su gtong bar mi byed na/ ci
355b5 mkhas pa'i rang bzhin can yin nam/ blo gros chen pos bcom ldan 'das la gsol pa/ bcom ldan 'das/ ma lags so/ /bcom ldan 'das kyis blo gros chen
355b6 po la bka' stsal pa/ de bzhin du byis pa so so'i skye bo lta ba ngan pas rab tu zin pa/ mu stegs kyi blo can dag rang gi sems snang ba'i dngos po rmi lam lta bur ma shes
355b7 pas| gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag
356a1 pa dang / mi rtag par lta ba la rab tu brten to/ /dper na/ ri mo bris pa la mtho dman med kyang / byis pa de dag mtho dman du rnam par
356a2 rtog go |de bzhin du ma 'ongs pa'i dus na mu stegs can gyi lta ba ngan pa'i bag chags shin tu rgyas pas/ de dag gcig pa dang / tha dad pa dang / gnyis ka dang /
356a3 gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag par lta ba la brten nas bdag dang
356a4 gzhan yang brlag par byed la/ yod pa dang / med pa spangs pa/ skye ba med par smra ba gzhan dag la'ang med pa zhes zer ba dag 'byung ste/ 'di dag ni rgyu dang 'bras
356a5 bur lta ba la skur pa 'debs shing / dge ba'i rtsa ba 'don par byed la/ rnam par dag pa'i rgyu 'jig par byed pa yin pas/ mchog 'tshol ba rnams kyis ring du
356a6 spang bar bya'o/ /de skad du smra ba de dag ni/ bdag dang gzhan dang / gnyis ka'i lta bar lhung ba/ yod pa dang / med par rnam par brtags nas/ sgro 'dogs pa
356a7 dang / skur pa'i lta ba ngan par lhung ba yin pas/ sems can dmyal bar lhung bar 'gyur ro/ /dper na/ mig la rab rib yod pa de dag gis skra shad 'dzings pa
356b1 mthong nas/ skye bo mang po'i tshogs rnams la 'di skad du/ kye grogs po dag /'di ltos shig ces zer yang / skra shad 'dzings pa de ni mthar dngos po yod pa'ang
356b2 ma yin| dngos po med pa'ang ma yin te/ mthong ba dang / mi mthong ba'i phyir ro/ /de bzhin du mu stegs can lta ba ngan pa'i bsam pa can dag kyang / gcig pa dang /
356b3 tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag pa'i lta
356b4 ba la rab tu brten cing / dam pa'i chos la skur pa 'debs pas/ bdag kyang lhung bar byed la gzhan dag kyang lhung bar byed do/ /dper na/ mgal me'i 'khor lo ni/ 'khor
356b5 lo ma yin yang / byis pa rnams kyis 'khor lo nyid du yongs su rtog ste/ mkhas pa rnams ni ma yin no/ /de bzhin du mu stegs can lta ba ngan pa'i bas ma ba can dag
356b6 kyang gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa
356b7 dang / mi rtag par yongs su rtog pa la brten nas/ dngos po thams cad skyed do/ /dper na/ chu bur nor bu 'dra ba la byis pa blo dang mi ldan pa rnams kyis nor bu nyid du 'du
357a1 shes shing / mngon par zhen nas rab tu rgyug cing len kyang / chu bur de dag ni nor bu'ang ma yin/ nor bu ma yin pa'ang ma yin te/
357a2 len pa dang / mi len pa'i phyir ro/ /de bzhin du mu stegs can lta ba ngan pa'i rnam par rtog pa'i bag chags kyis yongs su bsgos pa rnams kyang / yod pa ma yin pa la skye
357a3 ba yod par smra ba dang / rkyen gyis yod pa'ang 'jig par smra bar 'gyur ro/ /gzhan yang / blo gros chen po/ tshad ma rnam pa gsum pa dang / smra ba'i yan lag lnga yod do//
357a4 de dag so sor rnam par bzhag par byas nas/ 'phags pa'i ye shes so so rang gis rig par bya ba/ rang bzhin gnyis kyis dngos po dang bral ba rtogs par 'gyur
357a5 zhes dngos po yod pa nyid du rnam par rtog cing mngon par zhen par byed do/ blo gros chen po/ sems dang / yid dang / yid kyi rnam par shes pa dang / lus dang /sems
357a6 gnas shin tu gyur pa/ rang gi sems snang ba'i gzung ba dang / 'dzin pa'i rnam par rtog pa rab tu spangs pa/ de bzhin gshegs pa'i sa/ so so rang gis rig pa
357a7 'phags pa'i ye shes thob pa'i rnal 'byor pas de la dngos po dang / dngos po med pa'i 'du shes su mi bya'o/ /gal te yang rnal 'byor pas de lta bu'i spyod yul
357b1 rnams la dngos po dang dngos po med pa 'dzin pa'i mtshan ma skyed par byed na/ de ni gso bar 'dzin pa dang / bdag tu 'dzin pa dang / gang zag tu 'dzin par 'gyur ro/ /blo
357b2 gros chen po/ gang 'di ltar dngos po de dag gi rang bzhin dang / rang dang spyi'i mtshan nyid bstan pa de dag thams cad ni sprul pa'i sangs rgyas kyis bstan pa yin gyi/ chos
357b3 nyid kyi sangs rgyas kyis bstan pa ni ma yin no/ /gzhan yang bstan pa rnams ni byis pa so so'i skye bo lta ba'i bsam pa can gyi dbang gis byung ba yin gyi/ logs shig rnam
357b4 par 'jog pa'i tshul rang bzhin gyi chos/ 'phags pa'i ye shes so so rang gis rig pa'i ting nge 'dzin gyi bde ba la gnas pa thos pa rab tu dbye zhing ston par mi byed do/ /dper
357b5 na/ chu'i nang du shing gi grib ma snang yang de ni grib ma yang ma yin/ grib ma ma yin pa'ang ma yin/ shing gi dbyibs kyang ma yin/ shing gi dbyibs ma yin pa'ang ma yin no/ /de
357b6 bzhin du ma stegs can gyi lta ba'i bag chags kyis yongs su bsgos pa'i rnam par rtog pa la mngon par zhen pa rnams kyang gcig pa dang / tha dad pa dang / gnyis ka dang /
357b7 gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag par 'du shes pa la brten pas rang gi sems
358a1 snang ba tsam du khong du mi chud do/ /dper na/ me long rab tu phyis pa'i nang du rkyen ji lta ba bzhin du rnam par rtog pa med par gzugs brnyan thams
358a2 cad snang ste/ de dag ni gzugs kyang ma yin/ gzugs ma yin pa'ang ma yin yang gzugs dang gzugs ma yin par mthong bar rnam par rtog pa'i byis pa rnams gzugs
358a3 kyi 'du shes su byed do/ /de bzhin du mu stegs can lta ba ngan pa pa rang gi sems snang ba'i gzugs la rnam par rtog pas mngon par zhen pa rnams kyang gcig pa dang /
358a4 tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin/ rtag pa dang / mi rtag par lta ba la
358a5 rab tu brten to/ /dper na/ rlung dang 'bab chu phrad pa las sgra 'byung yang de ni dngos po'ang ma yin/ dngos po ma yin pa'ang ma yin no/ /de bzhin du mu stegs can gyi lta
358a6 ba ngan pa'i rtog ge pa rnams kyang / gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med
358a7 pa'ang ma yin pa dang / rtag pa dang / mi rtag par lta ba la rab tu brten to/ /dper na/ rtswa dang / shing med pa'i sa phyogs chen por nyi ma shin tu tsha ba'i 'od kyis smig
358b1 rgyu'i dpa' rlabs rab tu g.yo 'ang de ni dngos po'ang ma yin/ dngos po med pa'ang ma yin te/ chags pa dang / chags pa med pa'i phyir ro/ /de bzhin du byis pa so so'i skye bo
358b2 thog ma med pa'i dus kyis rnam par spros pa'i bag chags kyis bsgos pa/ rnam par rtog pas skye ba dang / gnas pa dang / 'jig pa la mngon par zhen pa rnams kyang
358b3 gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag pa la rab
358b4 tu brten pas so so rang gis rig par bya ba'i dngos po'i sgo la dmigs pa'ang smig rgyu'i dpa' rlabs de dag ji lta ba bzhin no/ /dper na/ la la zhig gis sngags dang /
358b5 'khrul 'khor gyis sems can du bgrang ba ma yin pa ston pa 'dre dang sbyor bar ldan na g.yo ba'i las byed de/ byis pa rnams kyis rnam par rtog pas 'gro ba dang / 'ong
358b6 ba nyid du mngon par zhen to/ /de bzhin du mu stegs byed lta ba ngan pa'i bsam pa can dag kyang gcig pa dang / tha dad pa dang / gnyis ka dang / gnyis ka ma yin pa dang / yod
358b7 pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag pa'i lta ba la brten cing spros pa la mngon par zhen pas yang dag pa ma
359a1 yin par sgro 'dogs so/ /blo gros chen po/ de bas na so so rang gi rig pa 'phags pa'i ye shes kyi dngos po 'dod pa dag gis skye ba dang / gnas pa
359a2 dang / 'jig pa dang / gcig pa dang / tha dad pa dang / gnyis ka dang / gnyis ka ma yin pa dang / yod pa dang / med pa dang / yod pa'ang ma yin/ med pa'ang ma yin pa dang /
359a3 rtag pa dang / mi rtag pa la sogs pa'i lta ba ngan pa'i rnam par rtog pa rnams yongs su spang bar bya'o/ /de nas bcom ldan 'das kyis don de nyid yang bstan pa'i phyir
359a4 tshigs su bcad pa 'di dag gsungs so/ /sgyu ma rmi lam chu grib shing / /skra shad 'dzings dang smig rgyu ltar/ /srid gsum dag ni rab rtog na/ /mthar ni rnam par grol bar
359a5 'gyur| |ri dwags skom pa'i 'du shes kyi/ /g.yo bas sems ni bslus pas na/ /smig rgyu la ni chur rtog kyang / /chu yi dngos po yang dag med/ /de bzhin rnam shes sa bon
359a6 pa| |g.yo zhing gyur pas yul du snang / /byis pa rnam rtog gang skyes pa/ /rab rib can gyi rab rib bzhin/ /thog ma med pa'i 'khor ba la/ /dngos por 'dzin cing mngon
359a7 zhen pa| |mi mthun khye'us khye'u dbyung bzhin/ /'dod pa'i 'dzin pa rab tu spongs/ /sgyu ma ro langs 'khrul 'khor dang / /sprin dang rmi lam glog lta bur/ /rab tu rtog na
359b1 rnam grol zhing / /rgyun gsum dag ni gtan du spong / /'di la byed pa gang yang med/ /smig rgyun ma mkha' ji bzhin te/ /de ltar chos rnams rab shes na/ /shes par bya ba
359b2 ci yang med/ /bstan pa dag ni ming tsam ste/ /de la mtshan nyid yod ma yin/ /gang la rnam rtog skyed pa yi/ /phung po'i 'du byed skra shad 'dra/ /ri mo skra shad 'dzings pa dang /
359b3 sgyu ma rmi lam dri za'i grong / /mag la me'i 'khor lo smig rgyu dag /med kyang sems can rnams la snang / /rtag dang mi rtag gcig tha dad/ /gnyis ka gnyis min de bzhin te/
359b4 thog ma med kyi nyes 'brel bas/ /byis pa mos pas rab tu rtog /me long chu dang mig rnams dang / /yid bzhin nor bu rin po che/ /de na gzugs brnyan snang mod kyi/ /de ni
359b5 yang dag yod pa min/ /dngos por snang ba thams cad ni/ /ri mo dang ni smig rgyu bzhin/ /rnam pa sna tshogs gzugs snang yang / /rmi lam 'dra ste yod ma yin/ /gzhan yang
359b6 blo gros chen po/ de bzhin gshegs pa rnams kyi bstan pa'i chos ni mu bzhi dang bral ba yin te/ 'di lta ste/ gcig dang / tha dad pa dang / gnyis ka dang / gnyis ka ma yin
359b7 pa dang / yod pa dang / med pa dang / yod pa'ang ma yin/ med pa'ang ma yin pa dang / rtag pa dang / mi rtag pa spangs pa/ yod pa dang med pa'i sgro 'dogs pa dang / skur
360a1 pa las rnam par grol ba'o/ /de bzhin gshegs pa'i chos bstan pa ni yang dag pa'i bden pa dang / rten cing 'brel par 'byung ba dang / lam
360a2 dang / 'gog pa dang / rnam par thar pa rab tu 'byed cing sdud par byed pas de dag sngon du btang ba yin gyi/ ngo bo nyid dang / dbang phyug dang / rgyu med pa dang / rdul phra
360a3 mo dang / dus dang / rang bzhin dang 'brel bar chos ston pa ni ma yin no| /gzhan yang / blo gros chen po/ nyon mongs pa dang / shes bya'i sgrib pa rnam par dag par
360a4 bya ba'i phyir ded dpon ltar tshig brgya rtsa brgyad dang / snang ba med pa dang / theg pa dang / sa rnams shin tu rnam par 'byed pa'i mtshan nyid la mthar gyis rab tu
360a5 'jug go /gzhan yang / blo gros chen po/ bsam gtan rnam pa bzhi yod de/ rnam pa bzhi gang zhe na/ 'di lta ste/ byis pa nye bar spyod pa'i bsam gtan dang /
360a6 don rab tu 'byed pa'i bsam gtan dang / de bzhin nyid dmigs pa'i bsam gtan dang / de bzhin gshegs pa'i bsam gtan no/ /de la byis pa nye bar spyod
360a7 pa'i bsam gtan gang zhe na/ 'di lta ste/ nyan thos dang / rang sangs rgyas dang / mu stegs can gyi rnal 'byor pa rnams gang zag la bdag med pa dang / dngos po'i rang
360b1 dang spyi'i mtshan nyid keng rus dang / mi rtag pa dang / sdug bsngal ba dang / mi sdug pa'i mtshan nyid la mngon par zhen pa sngon du btang ste/ 'di ni mtshan nyid 'di lta bu yin te/
360b2 gzhan du ma yin no zhes brtags nas snga ma las gong nas gong du khyad par can du 'gyur te/ 'du shes mi 'gog pa gang yin pa de ni byis pa nye bar spyod pa'i bsam gtan zhes
360b3 bya'o| |don rab tu 'byed pa'i bsam gtan gang zhe na/ 'di lta ste/ gang zag la bdag med pa dang / rang dang spyi'i mtshan nyid dang / mu stegs can gyi bdag dang / gzhan dang /
360b4 gnyis ka dngos po med par gyur pa la chos bdag med par brtags nas/ sa de dag gi mtshan nyid kyi don gong nas gong du khyad par can du 'gyur ba ni don rab tu 'byed
360b5 pa'i bsam gtan zhes bya'o/ /de bzhin nyid la dmigs pa'i bsam gtan gang zhe na/ 'di lta ste/ rnam par rtog pas bdag med pa gnyis su rnam par rtog pa yang dag pa ji
360b6 lta ba bzhin gyi gnas la rnam par rtog pa mi skyed pa ni de bzhin nyid la dmigs pa'i bsam gtan zhes bya'o/ /de bzhin gshegs pa'i bsam gtan gang zhe na/ 'di lta ste/ de bzhin
360b7 gshegs pa'i sa'i rnam pa la 'jug pa so so rang gis rig pa 'phags pa'i ye shes kyi mtshan nyid gsum gyi bde ba la gnas nas/ sems can gyi don bsam gyis mi khyab
361a1 pa'i bya ba byed pa ni de bzhin gshegs pa'i bsam gtan zhes bya'o/ /de nas bcom ldan 'das kyis don de nyid yang bstan pa'i phyir tshig su bcad pa 'di
361a2 dag gsungs so/ /byis pa nye spyod bsam gtan dang / /don gyi mtshan nyid 'byed bsam gtan/ /de bzhin nyid dmigs bsam gtan dang / /de bzhin gshegs pa'i dag bsam
361a3 gtan| |rnal 'byor can gyis brtson byas na/ /nyi ma zla ba'i dbyibs 'dra dang / /pad+ma dang ni g.yangs dang / /nam mkha' dang ni me zad ltar/ /rnal 'byor pas ni gang rtog pa//
361a4 mtshan ma sna tshogs de dag ni/ /mu stegs lam 'byed bsam gtan te/ /nyan thos dang ni rang rgyal gyi/ /spyod yul du yang ltung bar byed/ /'di dag thams cad rab spangs na/ /de
361a5 ni snang ba med pa yin/ /zhing rnams kun gyi sangs rgyas kyi/ /bsam gyis mi khyab phyag gis ni/ /de yi mgo la nyug mdzad de/ /de bzhin nyid kyi rjes zhugs brtags/ /de nas
361a6 byang chub sems dpa' sems dpa' chen po blo gros chen pos yang bcom ldan 'das la 'di skad ces gsol to/ /bcom ldan 'das/ mya ngan las 'das pa zhes bgyi ba
361a7 chos ji lta bu zhig la mya ngan las 'das pa zhes bgyi lags/ bcom ldan 'das kyis bka' stsal pa/ blo gros chen po/ rang bzhin thams cad kyi bag chags kyi kun gzhi
361b1 dang / yid dang / yid kyi rnam par shes pa dang / lta ba'i bag chags rab tu gyur ba ni mya ngan las 'das pa zhes bya ste/ sangs rgyas rnams dang / nga'i mya ngan las 'das pa
361b2 rang bzhin stong pa nyid kyi dngos po'i spyod yul lo/ /gzhan yang / blo gros chen po/ mya ngan las 'das pa ni 'phags pa so so rang gis rig pa'i ye shes kyi sbyod yul te/ rtag
361b3 pa dang / chad par rnam par rtog pa dang / dngos po dang / dngos po med par rnam par spangs pa'o/ /ji ltar rtag pa ma yin zhe na/ 'di lta ste/ rang dang spyi'i mtshan nyid du rnam par
361b4 rtog pa spangs pa'i phyir rtag pa ma yin no/ /ji ltar chad pa ma yin zhe na/ 'di lta ste/ 'das pa dang / ma 'ongs pa dang / da ltar byung ba'i 'phags pa thams cad kyis so so rang
361b5 gis rig pa thob pa'i phyir chad pa ma yin no/ /blo gros chen po/ mya ngan las 'das pa ni mi 'jig mi 'chi ste/ gal te mya ngan las 'das pa 'chi ba zhig yin na ni yang skye ba'i
361b6 rgyun len par 'gyur ro/ /ci ste 'jig pa zhig yin na ni 'dus byas kyi mtshan nyid du ltung bar 'gyur te/ de'i phyir mya ngan las 'das pa ni 'jig pa dang / 'chi ba dang bral
361b7 bas na rnal 'byor pa rnams skabs su 'gro ba yin no/ /gzhan yang / blo gros chen po/ mya ngan las 'das pa ni spangs pa ma yin pa dang / thob pa ma yin pa dang / chad
362a1 ba ma yin pa dang / rtag pa ma yin pa dang / don gcig pa ma yin pa dang / don sna tshogs ma yin pa ni mya ngan las 'das pa zhes bya'o/ /gzhan
362a2 yang / blo gros chen po/ nyan thos dang / rang sangs rgyas kyi mya ngan las 'das pa ni rang dang spyi'i mtshan nyid khong du chud pa dang / yul gyi 'du 'dzi med pa dang / phyin ci
362a3 log par mthong bas rnam par rtog pa mi skye ba ste/ de dag gis de la mya ngan las 'das pa'i blor 'gyur ro/ /gzhan yang / blo gros chen po/ rang bzhin gyi mtshan nyid
362a4 ni rnam pa gnyis te/ gnyis gang zhe na/ 'di lta ste/ brjod pa'i rang bzhin gyi mtshan nyid la mngon par zhen pa dang / dngos po'i rang bzhin gyi mtshan nyid la mngon par
362a5 zhen pa'o/ /de la brjod pa'i rang bzhin gyi mtshan nyid la mngon par zhen pa ni thog ma med pa'i dus kyi tshig tu spros pa'i bag chags la mngon par zhen pa las byung ngo / /
362a6 dngos po'i rang bzhin gyi mtshan nyid la mngon par zhen pa ni rang gi sems snang ba tsam du khong du ma chud pa las 'byung ngo / /gzhan yang / blo gros chen po/ de bzhin
362a7 gshegs pa rnams ni byin gyi rlabs rnam pa gnyis rnam par bzhag pas byang chub sems dpa' sems dpa' chen po rnams sangs rgyas rnams kyi zhabs la mgo bos
362b1 gtug cing dri ba yongs su 'dri'o/ /byin gyi rlabs rnam pa gnyis rnam par bzhag pa gang zhe na/ 'di lta ste/ ting nge 'dzin la snyoms par 'jug pa dang / sku dang / zhal dang /
362b2 gsung thams cad rab tu ston pa'i byin gyi rlabs dang / phyag gis dbang bskur ba'i byin gyi rlabs so/ /de la/ blo gros chen po/ byang chub sems dpa' sems dpa' chen po rnams
362b3 ni byang chub sems dpa'i sa dang po la sangs rgyas kyi byin gyi rlabs la rab tu gnas te/ 'di ltar byang chub sems dpa' theg pa chen po rab tu snang ba zhes bya ba'i ting nge 'dzin
362b4 la snyoms par 'jug cing / ting nge 'dzin de la snyoms par zhugs ma thag tu phyogs bcu'i 'jig rten na bzhugs pa'i sangs rgyas rnams kyi byin gyi rlabs kyi mthus kun tu
362b5 sku dang / zhal dang / gsung thams cad rab tu ston te/ byang chub sems dpa' sems dpa' chen po rdo rje'i snying po dang / yon tan de lta bu'i mtshan nyid dang ldan pa'i byang
362b6 chub sems dpa' sems dpa' chen po gzhan dag la ji lta ba bzhin no/ /blo gros chen po/ 'di ni byang chub sems dpa'i sa dang po la byang chub sems dpa' sems dpa'
362b7 chen po dag ting nge 'dzin la snyoms par 'jug par byin gyis brlab pa rab tu thob pa zhes bya ste/ bskal pa brgya stong du dge ba'i rtsa ba bsags pa las mngon par grub pa'o/
363a1 rim gyis sa rnams kyi gnyen po dang / mi mthun pa'i phyogs kyi mtshan nyid rtogs par khong du chud pas sa chos kyi sprin la 'jug ste/ pad+ma chen
363a2 po'i gzhal med khang khyad par can na gnas shing pad+ma chen po rin po che'i seng ge'i stan la 'dug nas/ skal pa mnyam pa'i byang chub sems dpa' chen po'i
363a3 'khor gyis yongs su bskor ba la rin po che sna tshogs kyi phreng bas lus rab tu brgyan pas gser btso ma dang / me tog tsam pa ka dang / nyi ma dang / zla ba'i 'od zer ji lta ba
363a4 bzhin no/ /phyogs bcu nas gshegs pa'i rgyal ba rnams pad+ma chen po'i gzhal med khang na stan la 'dug pa de la spyi bo nas dbang bskur bar mdzad de/ ji ltar
363a5 dbang phyug dang / 'khor los bsgyur ba'i rgyal po dang / lha'i dbang po'i bu bzhin du spyi bor dbang bskur ba mdzad pas 'di ni byang chub sems dpa' rnams kyi phyag gis
363a6 dbang bskur ba'i byin gyi rlabs zhes bya'o/ /blo gros chen po/ 'di ni byang chub sems dpa' sems dpa' chen po rnams kyi byin gyi rlabs rnam pa gnyis zhes bya ste/ byang
363a7 chub sems dpa' sems dpa' chen po gal te byin gyi rlabs rnam pa gnyis la gnas na sangs rgyas thams cad mthong bar nus kyi/ de lta ma yin na ni mthong bar mi
363b1 nus so/ /gzhan yang / blo gros chen po/ byang chub sems dpa' sems dpa' chen po rnams ji tsam du ting nge 'dzin dang / rdzu 'phrul dang / chos ston pa'i spyod pa rab tu dbye ba la
363b2 sogs pa de dag thams cad ni de bzhin gshegs pa'i byin gyi rlabs rnam pa gnyis la gnas pas so/ /blo gros chen po/ byang chub sems dpa' sems dpa' chen po rnams gal te
363b3 sangs rgyas kyi byin gyi rlabs dang yongs su bral bas kyang spobs pas chos ston par nus na ni byis pa so so'i skye bo thams cad kyis kyang chos ston nus par 'gyur ro/ /de ci'i phyir zhe
363b4 na| 'di ltar byin gyis brlabs la mi gnas pa'i phyir ro/ /blo gros chen po/ ri dang / rdo dang / shing ljon pa dang / shing dang / rol mo'i cha byad rnam pa sna tshogs dang / grong khyer
363b5 dang | grong rdal dang / khang pa dang / gzhal med khang dag kyang de bzhin gshegs pa grong khyer du byon pa'i byin gyi rlabs kyis de dag thams cad las rol mo'i sgra rang byung na sems yod pa
363b6 dag lta ci smos/ 'on pa dang / long ba dang / lkugs pa dag kyang sdug bsngal rnam pa sna tshogs las rnam par 'grol te/ de bzhin gshegs pa ni 'di lta bu la sogs pa'i byin
363b7 gyi rlabs tshad med pas sems can rnams la phan 'dogs so/ /byang chub sems dpa' blo gros chen pos yang bcom ldan 'das la gsol pa/ bcom ldan 'das/ ci'i rgyu dang rkyen
364a1 gyis de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po ting nge 'dzin
364a2 la snyoms par 'jug pa'i dus dang / khyad par gyi dbang bskur ba'i dus la gnas pa dag la byin gyis rlob pa mdzad/ bcom ldan 'das kyis bka' stsal pa/ blo gros chen
364a3 po| bdud kyi las dang nyon mongs pa spang pa'i phyir dang / nyan thos kyi sa dang bsam gtan du mi ltung zhing de bzhin gshegs pa so so rang gis rig pa'i sa thob par bya ba'i phyir
364a4 dang | thob par bya ba'i chos rnam par 'phel zhing khyad par can du bya ba'i phyir te/ des na de bzhin gshegs pa dgra bcom pa yang dag par rdzogs pa'i sangs rgyas rnams
364a5 byin gyi rlabs rnam par bzhag pas byang chub sems dpa' sems dpa' chen po rnams la byin gyis rlob par mdzad do/ /gal te byin gyi rlabs kyis byin gyis ma brlabs
364a6 na mu stegs can gyi lta ba ngan pa'i rnam par rtog pa dang / nyan thos dang / bdud kyi bsam par ltung zhing bla na med pa yang dag par rdzogs pa'i byang chub mngon par rdzogs par
364a7 'tshang mi rgya ste/ de ltar de'i phyir de bzhin gshegs pa rnams byin gyis rlabs kyis byang chub sems dpa' sems dpa' chen po rnams rjes su bzung ba yin no/ /de nas
364b1 bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /byin rlabs ldan pa mi yi gtso/ /smon lam chen po rnam dag pa/ /ting nge 'dzin
364b2 dang dbang bskur dag/ dang por dang ni sa bcur 'byung // //'phags pa lang+kar gshegs pa rin po che'i mdo las/ bam po bzhi pa/ de nas yang bcom ldan
364b3 'das la byang chub sems dpa' sems dpa' chen po blo gros chen pos 'di skad ces gsol to/ /bcom ldan 'das kyis rten cing 'brel par 'byung ba bka' stsal pas/ rgyu
364b4 dang rkyen rnam par brjod pa nyid mdzad kyi/ rang gi tshul gyi gtam ni ma gsungs so/ /bcom ldan 'das/ mu stegs can rnams kyang rten cing 'brel par 'byung ba bshad de/ 'di
364b5 lta ste/ gtso bo dang / dbang phyug dang / dus dang / rdul phra mo las dngos po rnams skye bar brjod do/ /bcom ldan 'das kyis rgyu dang rkyen las dngos po rnams skye bar gsungs shing
364b6 brjod pa la'ang bar du chod pa dang bcas pa'i grub pa'i mtha' dang / bar du chod pa ma mchis pa'i grub pa'i mtha' mchis so/ /bcom ldan 'das/ mu stegs can dag kyang mchis
364b7 pa dang ma mchis pa las skye bar brjod/ bcom ldan 'das kyis kyang ma mchis pa las 'byung la byung nas kyang 'jig par gsungs te/ ji ltar bcom ldan 'das kyis ma rig pa'i
365a1 rkyen gyis 'du byed nas rga shi'i bar du gsungs pa 'di'ang bcom ldan 'das kyis rgyu ma mchis par smra ba rnam par brjod pa gsungs kyi/ rgyur
365a2 smra ba gsungs pa ma lags so/ /bcom ldan 'das kyis 'di yod pas 'di byung ngo zhes rnam par bzhag pa gsum pa 'di ni rim gyis 'byung bar gzhag pa ma lags par
365a3 mu stegs can gyis rnam par brjod pa nyid bzung gi /de bzhin gshegs pa'i ni de de lta ma lags so/ /de ci'i slad du zhe na/ bcom ldan 'das/ mu stegs can rnams kyis
365a4 ni rten cing 'brel par 'byung pa ma lags pa'i rgyus 'bras bu mngon par bsgrub bo/ /bcom ldan 'das kyis ni rgyu'ang dngos po la ltos/ dngos po'ang rgyu la ltos pas rgyu dang
365a5 rkyen yang 'chol par 'gyur zhing de bzhin du phan tshun du thug pa ma mchis par yang 'gyur ro/ /bcom ldan 'das kyis bka' stsal pa/ blo gros chen po/ nga ni rgyu med
365a6 par smra ba dang / rgyu dang rkyen tshol par smra ba ma yin te/ 'di yod pas 'di 'byung ngo / /zhes brjod pa ni gzung ba dang 'dzin pa ngo bo nyid med pa dang / rang gi sems snang
365a7 pa tsam du khong du chud pa'i phyir ro/ /blo gros chen po/ gang gzung ba dang 'dzin pa la mngon par zhen pa dang / phyi rol gyi yul gyi dngos po dngos po med pa dang / rang gi
365b1 sems snang ba tsam khong du ma chud pa de dag la ni 'di lta bu'i nyes par 'gyur gyi/ nga'i rten cing 'brel ba'i 'byung ba la ni ma yin no/ /blo gros chen pos yang gsol pa/ bcom
365b2 ldan 'das/ brjod pa dngos po ma mchis pa lags na dngos po thams cad kyang mchis pa ma lags sam/ bcom ldan 'das/ dngos po dag ma mchis su lags na ni
365b3 brjod pa'ang 'byung bar mi 'gyur na/ bcom ldan 'das/ de'i slad du brjod pa dngos po mchis pas dngos po thams cad kyang mchis so/ /bcom ldan 'das kyis bka' stsal
365b4 pa| blo gros chen po/ dngos po med pa dag kyang brjod pa yod de/ 'di lta ste/ ri bong gi rwa dang / rus sbal gyi spu la sogs pa 'jig rten na brjod par snang mod kyi/ blo gros
365b5 chen po| de dag ni dngos po'ang ma yin/ dngos po med pa ma yin te/ brjod pa tsam du zad do/ /ji ltar khyod kyis smras pa ltar brjod pa rang bzhin yod pas dngos po thams
365b6 cad kyang yod na ni de lta na khyod kyi smra ba de ni nyams par 'gyur ro/ /blo gros chen po/ brjod pa ni sangs rgyas rnams kyi zhing thams cad na yod pa ma yin te/ /brjod pa ni byas
365b7 pa'o| |blo gros chen po/ sangs rgyas kyi zhing la la na mig mi 'dzum pas/ la la na mtshan ma bstan pas/ la la na smin ma bskyod pas/ la la na mig rig rig byas pas/ la la
366a1 na dgod pas/ la la na glal bas/ la la na se gol gyi sgras/ la la na zhing dran pas/ la la na bskyod pas chos ston te/ blo gros chen po/ dper
366a2 na| 'jig rten gyi khams mig mi 'dzum pa dang / spos brtsegs dang / de bzhin gshegs pa kun tu bzang po'i zhing khams na spyan mi 'dzum par gzigs pa tsam gyis
366a3 byang chub sems dpa' dag mi skye ba'i chos la bzod pa dang / khyad par gyi ting 'dzin gzhan dag kyang rab tu 'thob par mdzad do/ /blo gros chen po/ de'i phyir brjod
366a4 pa yod pas dngos po thams cad yod pa ni ma yin no/ /blo gros chen po/ de ni 'jig rten 'di na'ang snang ste/ srin bu dang / sbrang ma la sogs pa'i sems can dag kyang
366a5 brjod pa med par rang gi bya ba byed do/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /nam mkha' ri bong rwa
366a6 dag dang / /mo gsham gyi ni bu dag kyang / /med kyang tshig tu brjod pa ltar/ /dngos la rtog pa'ang de bzhin no/ /rgyu rkyen 'dus pa'i chos dag la/ /skye bar byis pa rnam
366a7 rtog ste| |tshul 'di rab tu mi shes pas/ /srid gsum gnas na rab tu 'khyam/ /de nas yang byang chub sems dpa' sems dpa' chen po blo gros chen pos bcom
366b1 ldan 'das la 'di skad cis gsol to/ /bcom ldan 'das kyis gang la rtag pa'i sgrar gsungs/ bcom ldan 'das kyis bka' stsal pa/ blo gros chen po/ nor pa'i phyir
366b2 te| nor pa 'di ni 'phags pa rnams la'ang snang mod kyi/ phyin ci log tu ni ma yin no/ /blo gros chen po/ 'di ltar 'jig rten na mi mkhas pa dag gis smig sgyu dang / mgal
366b3 me'i 'khor lo dang / skra shad 'dzings pa dang / dri za'i grong khyer dang / sgyu ma dang / rmi lam dang / gzugs brnyan dag la phyin ci log tu 'dzin gyi/ mkhas pa rnams kyis
366b4 ni ma yin te/ mi snang ba'ang ma yin no/ /blo gros chen po/ nor pa de dag ni rnam pa du mar snang yang nor pas mi rtag par byed pa ma yin no/ /de ci'i phyir zhe na/ 'di lta ste/
366b5 dngos po dang dngos po med pa rnam par spangs pa'i phyir ro/ /blo gros chen po/ ji ltar na nor pa dngos po dang dngos po med pa rnam par spangs she na/ 'di lta ste/ byis pa thams
366b6 cad kyi spyod yul sna tshogs pa'i phyir ro/ /ji ltar gang+gA'i klung de yi dwags rnams kyis mthong ba dang mi mthong ba'i phyir nor pa ni dngos po yod pa ma yin no/ /gzhan dag la
366b7 snang bas na de'i phyir dngos po med pa'ang ma yin te/ de ltar na nor pa ni 'phags pa rnams phyin ci log dang phyin ci log ma yin pa rnam par spangs pas de'i phyir nor pa ni rtag pa ste/ 'di lta
367a1 ste| mtshan ma'i mtshan nyid mi 'jig pa'i phyir ro/ /blo gros chen po/ nor pa ni mtshan ma sna tshogs ma yin te/ rnam par rtog pa'i mtshan
367a2 ma 'jigs pas de'i phyir nor pa ni rtag pa'o/ /blo gros chen po/ ji ltar na nor pa de kho na yin zhe na/ gal te yang rgyu dang rkyen gyi nor pa 'di la 'phags pa rnams phyin ci log gi
367a3 blo dang / phyin ci log ma yin pa'i blo'ang mi skye na'o/ /blo gros chen po/ 'phags pa rnams ma gtogs par nor pa 'di la cung zad tsam du 'du shes yod pa ni 'phags
367a4 pa'i ye shes kyi dngos po'i mtshan nyid ma yin no/ /blo gros chen po/ cung zad tsam zhes bya ba de ni byis pa rnams kyi rnam par brtags pas brjod pa yin te/ 'phags
367a5 pas brjod pa ni ma yin no/ /nor pa de'ang phyin ci log dang phyin ci log ma yin par rnam par brtags pas rigs rnam pa gnyis skyed de/ 'di lta ste/ 'phags pa'i rigs
367a6 dang / byis pa so so'i skye bo'i rigs so/ /'phags pa'i rigs kyang rnam pa gsum du dbye bas 'di lta ste/ nyan thos kyi theg pa dang / rang sangs rgyas kyi theg pa dang / sangs
367a7 rgyas kyi theg pa'o/ /ji ltar na byis pa so so'i skye bo rnams rnam par brtags pas nyan thos kyi theg pa'i rigs skyed ce na/ 'di lta ste/ rang dang spyi'i mtshan nyid la mngon
367b1 par zhe na pas nyan thos kyi rigs su 'gyur te/ de ltar na rnam par dag pas nyan thos kyi theg pa'i rigs skyed par byed pa yin no/ /blo gros chen po/ nor pa de nyid rnam par brtags
367b2 pas rang sangs rgyas kyi theg pa'i rigs skyed par byed de/ 'di lta ste/ nor pa de nyid kyi rang dang spyi'i mtshan nyid du sgom pa na mngon par zhen pa med pas rang sangs rgyas kyi theg pa'i
367b3 rigs skyed par byed pa yin no/ /ji ltar na mkhas pa rnams kyis nor pa de nyid la rnam par brtags pas sangs rgyas kyi theg pa'i rigs skyed par byed pa yin zhe na/ 'di lta ste/
367b4 rang gi sems snang ba tsam du khong du chud pas phyi rol gyi dngos po dang / dngos po med par rnam par mi rtog na sangs rgyas kyi theg pa'i rigs skyed par byed pa yin te/ 'di ni nor
367b5 pa de nyid las sangs rgyas kyi theg pa'i rigs skyed par byed pa zhes bya'o/ /gzhan yang dngos po sna tshogs kyi rang bzhin du nor pa la byis pa rnams kyis rnam par brtags
367b6 pas na byis pa so so'i skye bo'i rigs skyed par byed de/ de ni dngos po'ang ma yin/ dngos po med pa'ang ma yin pa ni rigs kyi don ces bya'o/ /blo gros chen po/ nor pa de nyid
367b7 la rnam par mi rtog pas 'phags pa rnams sems dang / yid dang / yid kyi rnam par shes pa las 'das pa'i phyir bag chags kyi rang bzhin gyi chos la gzhan du gyur pa'i
368a1 dngos po ni de bzhin nyid ces bya ste/ de'i phyir de bzhin nyid ni sems las grol ba'o zhes tshig 'di ngas smras te/ mtshan ma rnam par spangs
368a2 pa bstan pa'i phyir mtshan ma thams cad dang bral ba'o zhes smras pa yin no/ /blo gros chen pos bcom ldan 'das la gsol pa/ bcom ldan 'das/ nor pa mchis
368a3 pa'am| ma mchis pa zhig lags/ bcom ldan 'das kyis bka' stsal pa/ blo gros chen po/ ji ltar sgyu ma bzhin du mngon par zhen pa'i mtshan nyid med de/ gal
368a4 te nor pa la mngon par zhen pa'i mtshan nyid yod na ni mngon par zhen pa'i dngos po zlog par mi 'gyur la/ rten cing 'brel bar 'byung ba 'di yang mu stegs can gyi rgyu
368a5 las skye ba bzhin du 'gyur ro/ /blo gros chen pos bcom ldan 'das la gsol ba/ bcom ldan 'das/ gal te nor pa de sgyu ma dang mtshungs pa zhig lags na ni de
368a6 ltar na nyon mongs pa gzhan gyi rgyu bgyid par 'gyur ro/ /bcom ldan 'das kyis bka' stsal pa/ blo gros chen po/ sgyu ma ni nor pa'i rgyu ma yin te/ gnas ngan len
368a7 gyi nyes pa mi skyed pa'i phyir ro/ /blo gros chen po/ sgyu ma ni gnas ngan len gyi nyes pa mi skyed de/ rnam par rtog pa med pa'i phyir ro/ /blo gros chen po/ sgyu ma ni gzhan
368b1 gyi rig sngags kyi mthu las 'byung gi /rang gi rnam par rtog pa'i gnas ngan len gyi bag chags las skyes pa ma yin pas de'i phyir nyes pa skyed pa byed pa ma yin no/ /blo gros
368b2 chen po| byis pa so so'i skye bo rnams kyi nor pa'i sems kyi mngon par zhen pa yin gyi 'phags pa rnams ni ma yin no/ /de nas bcom ldan 'das kyis don de nyid yang bstan
368b3 pa'i phyir tshigs su bcad pa 'di gsungs so/ /'phags pas nor pa mi mthong ste/ /dbus na'ang yang dag yod ma yin/ /gal te dbus de yang dag na/ nor pa'ang yang dag
368b4 nyid du 'gyur/ /nor pa thams cad spangs nas kyang / /gal te mtshan ma yang skyed na/ /de nyid kyang ni nor pa ste/ /rab rib yongs su ma dag bzhin/ /gzhan yang / blo gros
368b5 chen po| sgyu ma ma yin pa chos dang mtshungs pa yod pa ma yin pas chos thams cad sgyu ma lta bur mthong ngo / /bcom ldan 'das la blo gros chen pos gsol pa/ bcom
368b6 ldan 'das ni sgyu ma sna tshogs kyi mtshan nyid la mngon par zhen pas chos thams cad sgyu ma lta bu lags sam/ 'on te tha dad pa'i mtshan nyid la mngon par zhen pas lags
368b7 gal te sgyu ma rnam pa sna tshogs kyi mtshan nyid la mngon par zhen pas dngos po thams cad sgyu ma lta bu lags na ni/ bcom ldan 'das/ dngos po rnams sgyu ma lta bu lags par
369a1 'gyur ro/ /de ci'i slad du zhe na/ 'di ltar gzugs sna tshogs kyi mtshan nyid ni rgyu ma mchis pa ma lags la/ bcom ldan 'das/ rgyu gang yang
369a2 gzugs sna tshogs kyi mtshan nyid sgyu ma lta bur snang bar bgyid pa ma mchis so/ /bcom ldan 'das/ de'i slad du sgyu ma sna tshogs kyi mtshan nyid la mngon par zhen pa dang
369a3 chos mthun pa ma mchis pas dngos po rnams sgyu ma lta bu ma lags so/ /bcom ldan 'das kyis bka' stsal pa/ blo gros chen po/ sgyu ma sna tshogs kyi mtshan nyid la
369a4 mngon par zhen pa dang chos mthun pas chos thams cad sgyu ma lta bu ma yin mod kyi/ 'on kyang / blo gros chen po/ chos thams cad ni yang dag pa ma yin te/ myur du 'jug
369a5 pa glog dang 'dra bas na sgyu ma lta bu zhes bya'o/ /blo gros chen po/ dper na/ glog 'gyur ba skad cig tu 'byung la/ byung nas 'jig pa ni byis ba so so'i skye bo rnams la mi
369a6 snang ste/ de bzhin du chos thams cad kyang rang gi rnam par rtog pa'i rang dang spyi'i mtshan nyid la dngos po med par rab tu rnam par 'byed pa med pa dang / gzugs kyi
369a7 mtshan nyid la mngon par ma chags pa med pa las snang ngo / /de nas bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /sgyu
369b1 mar med min chos mthun pas/ /dngos po rnams ni sgyu mar brjod/ /yang dag ma yin glog 'dra bas/ /de phyir sgyu ma lta bur bshad/ /blo gros chen pos yang bcom ldan
369b2 'das la gsol ba/ 'di ltar bcom ldan 'das kyis dngos po thams cad ni ma skyes pa dang / sgyu ma lta bu zhes gsungs pas/ bcom ldan 'das kyis de skad du bka' stsal
369b3 pa'i tshig snga ma dang / slad ma 'gal ba nongs par mi 'gyur ram ci na dngos po rnams skye ba ma mchis pa dang / sgyu ma lta bu zhes gsungs/ bcom ldan 'das kyis bka' stsal pa/
369b4 blo gros chen po/ ngas dngos po rnams skye ba med pa dang / sgyu ma lta bur brjod kyang tshig snga phyi 'gal ba'i nyes par mi 'gyur ro/ /de ci'i phyir zhe na/ 'di lta ste/ skye ba rnams skye
369b5 ba med pa dang / rang gi sems snang ba tsam du rtogs pa dang / phyi rol gyi dngos po dang dngos po med pa yod pa dang med pa las mi skye bar mthong bas na/ blo gros chen po/ nga'i tshig
369b6 snga phyi 'gal ba'i nyes par mi 'gyur te/ 'on kyang mu stegs can gyi rgyu las skye ba gzhig pa'i phyir ngas dngos po thams cad ma skyes pa zhes bshad do/ /blo gros chen po/ mu stegs
369b7 can glen pa'i tshogs mang po rnams ni dngos po rnams yod pa dang / med pa las skye bar 'dod de/ rang gi rnam par rtog pa sna tshogs la mngon par zhen pa'i rkyen gyis ni ma
370a1 yin no/ /blo gros chen po/ nga ni yod na'ang ma yin/ med na'ang mi skye ste/ de'i phyir nga ni skye ba med pa'i tshig nyid du brjod de/ blo gros chen po/
370a2 dngos por bstan pa ni 'khor bar yongs su 'dzin pa'i phyir dang / med do zhes chad par lta ba rnam par bzlog pa'i phyir dang / nga'i slob ma rnams las sna tshogs kyis
370a3 skye ba'i gnas yongs su 'dzin par bstan pa'i phyir dngos po'i sgras 'khor ba yongs su 'dzin par byed do zhes bshad do/ /blo gros chen po/ sgyu ma lta bu'i rang bzhin
370a4 dang mtshan nyid bstan pa ni dngos po'i rang bzhin dang mtshan nyid yongs su spang ba'i phyir te/ byis pa so so'i skye bo lta ba ngan pa'i mtshan nyid du lhung ba'i bsam pa can
370a5 rang gi sems snang ba tsam du ma gtogs pas/ rgyu dang rkyen dang byed pa'i rang gi mtshan nyid du mngon par zhen pa rnams rnam par bzhag pa'i phyir chos thams cad sgyu ma dang
370a6 rmi lam gyi rang bzhin dang mtshan nyid du bstan to/ /ci nas kyang byis pa so so'i skye bo lta ba ngan pa'i bsam pa can/ bdag dang gzhan dang / chos thams cad la mngon
370a7 par zhen pa/ yang dag pa ji lta ba bzhin gyi gnas su mthong ba dag log par smra bar mi bya ba'i phyir te/ blo gros chen po/ chos thams cad kyi yang dag par gnas pa
370b1 ji lta ba bzhin du mthong ba ni 'di lta ste/ rang gi sems snang ba tsam las 'das pa'o/ /de nas bcom ldan 'das kyis don de nyid bstan pa'i phyir tshigs su bcad pa 'di
370b2 gsungs so/ /skye med byed pa dngos ma yin/ /dngos pos 'khor ba kun sdud de/ /sgyu ma la sogs 'dra mthong na/ /mtshan nyid la ni rnam mi rtog /gzhan yang / blo gros chen po/
370b3 ming dang / tshig dang / yi ge'i tshogs kyi mtshan nyid du rab tu bshad par bya ste/ ming dang / tshig dang / yi ge'i tshogs rab tu rtogs pa'i byang chub sems dpa' sems dpa'
370b4 chen po gang gis don dang / tshig dang / yi ge'i tshogs kyi rjes su zhugs pa ni myur du bla na med pa yang dag par rdzogs pa'i byang chub mngon par 'tshang rgya ste/ mngon par rdzogs
370b5 par sangs rgyas nas sems can thams cad kyang de bzhin du khong du chud par byed do/ /blo gros chen po/ de la ming gi tshogs zhes bya ba ni 'di lta ste/ dngos po gang la brten nas
370b6 ming du gdags pa ni ming gi tshogs zhes bya'o/ /blo gros chen po/ tshigs gi tshogs ni 'di lta ste/ tshig gang don gyi tshogs dang ldan pa dang / rang gi ngo bo nyid gdon mi za ba dang /
370b7 mthar thug pa de ni tshig gi tshogs zhes bya'o/ /blo gros chen po/ yi ge'i tshogs ni 'di lta ste/ gang gis ming dang tshig gsal bar byed pa de ni yi ge'i tshogs zhes bya'o/ /yang
371a1 yi ge'i tshogs ni 'di lta ste/ ring po dang / thung du dang / mthob dang / dma' ba'o/ /yang tshig gi tshigs ni 'gro ba'i rjes lta bu ste/ 'di ltar
371a2 glang po che dang / rta dang / mi dang / ri dwags la sogs pa la gang sa la 'gro ba'i rjes rnams ni tshig gi tshogs zhes bya ba'i ming 'thob bo/ /blo gros chen po/ ming dang gyi ge
371a3 ni 'di lta ste/ ming gis phung po gzugs med pa bzhi brjod pa'i phyir ro/ /rang gi mtshan nyid snang bar byed pas ni yi ge ste/ de ni ming dang / yi ge'i tshogs zhes bya'o/ /'di
371a4 ni ming dang / tshigs dang / yi ge'i tshogs rnam brjod pa'i mtshan nyid de/ de la khyod kyis nan tan du bslab par bya'o/ /de nas bcom ldan 'das kyis de na de nyid yang bstan
371a5 pa'i phyir tshigs su bcad pa 'di gsungs so/ /ming dang tshig gi tshogs rnams dang / /yi ge'i tshogs la bye brag tu/ /mi shes byis pa chags pa ni/ /ji ltar glang chen rdzab
371a6 bying bzhin/ /gzhan yang / blo gros chen po/ ma 'ongs pa'i dus na mkhas pa dag gis gcig pa dang / tha dad pa dang / gnyis ka dang / gnyis ka ma yin par lta ba'i mtshan
371a7 nyid las rnam par grol ba/ ngas rtogs pa'i don rnams mi mkhas pa de dag la dris pas na/ de dag 'di skad du 'di ni tshul bzhin 'dra'i ba ma yin no zhes zer zhing 'di lta ste/
371b1 gzugs la sogs pa dang / mi rtag pa gcig ga ma tha dad ces bya ba dang / de bzhin du mya ngan las 'das pa las 'du byed dang / mtshan nyid las mtshan nyid kyi gzhi dang / yon tan
371b2 las yon tan can dang / 'byung ba las 'byung ba las gyur pa dang / mthong ba las mthong bar bya ba dang / rdul las rdul phra mo dang / sgrub pa las rnal 'byor pa dang / de bzhin
371b3 du gcig la gcig phan tshun dpag pa'i mtshan nyid kyi tshul gyis de dag la sogs pa dris pa rnams bcom ldan 'das kyis lung bstan to/ /zhes zer ro/ /de la bzhag
371b4 pa'i lung bstan pa ni skyes bu gti mug can de dag gis shes par 'gyur ba ma yin te/ 'di ltar nyan pa'i blo dang mi ldan pa'i phyir/ de bzhin gshegs pa dgra bcom pa
371b5 yang dag par rdzogs pa'i sangs rgyas rnams de dag skrag pa'i gnas spang pa'i phyir lung mi bstan pa rnams lung mi ston to/ /gzhan yang mus stegs can gyi lta bar smra ba
371b6 gzhig pa'i phyir ma bshad do/ /blo gros chen po/ mu stegs can ni 'di skad du smra ste/ 'di ltar srog de nyid ni lus yin no zhes bya ba la sogs pa lung du mi ston pa smra ba/ blo
371b7 gros chen po/ mu stegs can rgyu la rnam par rmongs pa rnams ni lung mi ston pa smra'o/ /nga'i gsung rab la ni ma yin no/ /blo gros chen po/ nga'i gsung rab ni gzung ba dang /
372a1 'dzin pa rnam par spangs shing rnam par rtog pa mi skye'o/ /ji ltar de dag bzlog ce na/ blo gros chen po/ gang gzung ba dang / 'dzin pa la
372a2 mngon par zhen cing rang gi sems snang ba tsam du mi shes pa de dag la ni rnam par bzlog pa yod do/ /blo gros chen po/ de bzhin gshegs pa dgra bcom pa yang dag
372a3 par rdzogs pa'i sangs rgyas rnams ni lung bstan pa rnam pa bzhis sems can rnams la chos ston to/ /blo gros chen po/ gzhag pa'i lung bstan pa de ni ngas skabs skabs
372a4 su dbang po yongs su ma smin pa rnams la bshad pa yin gyi/ dbang po yongs su smin pa la ni ma yin no/ /gzhan yang / blo gros chen po/ chos thams cad ni bya ba'i rgyu
372a5 rkyen dang bral ba'i phyir mi skye la/ byed pa med pa'i phyir yang chos thams cad mi skye'o/ /blo gros chen po/ ji lta na dngos po thams cad ngo bo nyid med pa yin zhe na/ 'di ltar
372a6 rang gi blos rnam par dpyad pa'i tshe rang dang spyi'i mtshan nyid kyi dngos po mi dmigs pas na/ de'i phyir chos thams cad mi skye bar bshad do/ /blo gros chen po/ ji ltar na
372a7 chos thams cad 'ong ba dang / 'gro ba med pa yin zhe na/ 'di ltar rang dang spyi'i mtshan nyid blang bar 'dod na'ang 'ong ba'i gnas med la/ dor bar 'dod na'ang 'gro
372b1 ba'i gnas med pas de'i phyir chos thams cad 'ong ba dang / 'gro ba dang bral ba yin no/ /blo gros chen po/ ci'i phyir chos thams cad mi 'gag pa yin zhe na/ 'di ltar
372b2 dngos po'i rang bzhin gyi mtshan nyid med pa'i phyir dang / chos thams cad dmigs su med pa'i phyir/ chos thams cad mi 'gag pa yin no/ /blo gros chen po/ ji ltar
372b3 na chos thams cad mi rtag pa yin zhe na/ 'di lta ste/ mtshan nyid skye ba mi rtag pa yod pas/ de'i phyir chos thams cad mi rtag pa zhes bshad do/ /blo gros chen po/ ji ltar
372b4 chos thams cad rtag pa yin zhe na/ 'di lta ste/ mtshan nyid skye ba mi skye ba'i dngos po mi rtag pas rtag ste/ de'i phyir chos thams cad rtag pa zhes bshad do/ /de nas bcom
372b5 ldan 'das kyis don de nyid yang bstan pa'i phyir tshigs su bcad pa 'di dag gsungs so/ /lung bstan pa ni rnam bzhi ste/ /mgo gcig dang ni dri ba dang / /rnam par dbye dang
372b6 gzhag pa rnams/ /mu stegs smra ba bzlog pa'o/ /yod dang med las skye bar ni/ grangs can dang ni khyad par shes/ /lung du mi ston thams cad kyang / /de dag nyid kyis
372b7 rab tu bstan/ /blo yis rnam par gzhigs na yang / /rang bzhin dag ni mi dmigs te/ /brjod pa dag dang bral ba'i phyir/ /rang bzhin bral ba rab tu bstan/ /de nas
373a1 yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das rgyun du
373a2 zhugs pa rnams kyi rgyun du zhugs pa'i 'go ba rab tu dbye ba'i tshul gyi mtshan nyid bshad du gsol/ byang chub sems dpa' sems dpa' chen po gang gis rgyun du zhugs
373a3 pa rnams kyi 'gro ba rab tu dbye ba'i tshul gyi mtshan nyid la mkhas na/ lan gcig phyir 'ong ba dang / phyir mi 'ong ba dang / dgra bcom par 'gyur ba'i thabs kyi mtshan
373a4 nyid rnam par dbye ba rig nas sems can rnams la de lta de lta bur chos bstan pa dang / 'di lta ste/ ci nas bdag ma mchis pa gnyis kyi mtshan nyid dang / sgrib pa
373a5 gnyis yongs su sbyangs te/ sa rnams kyi sa'i mtshan nyid las 'da' ba rtogs par 'khong chud de/ de bzhin gshegs pa'i bsam gyis mi khyab pa mthar thug pa'i spyod
373a6 yul rab tu rnyed nas/ ji ltar gzugs sna tshogs kyi nor bu dang 'dra bar sems can thams cad la shin tu phan 'dogs shing / chos thams cad kyi spyod yul dang /
373a7 bsam pa 'tshal ba'i lus dang / longs spyod kyis thams cad nye bar 'tsho bar 'gyur ro/ /bcom ldan 'das kyis bka' stsal pa/ blo gros chen po/ legs par nyon la yid
373b1 la gzung zhig dang ngas khyod la bshad do/ /bcom ldan 'das la blo gros chen pos gsol pa/ legs so/ /bcom ldan 'das/ de bzhin du 'tshal lo zhes bka' mnyan
373b2 pa dang / bcom ldan 'das kyis 'di skad ces bka' stsal to/ /blo gros chen po/ rgyun du zhugs pa dag gis rgyun du zhugs pa'i 'bras bu rab tu dbye ba ni rnam pa gsum
373b3 yod de/ gsum gang zhe na/ 'di lta ste/ tha ma dang / bar ma dang / mchog go /de la tha ma ni de ltar thogs na tshe'i srid pa bdun no/ /bar ma ni srid pa gsum dang lngas
373b4 yongs su mya ngan las 'da' bar 'gyur ba'o/ /mchog ni tshe de nyid la yongs su mya ngan las 'da' bar 'gyur ba'o/ /gsum po de dag la kun tu sbyor ba gsum yod de/
373b5 chung du dang / 'bring dang / chen po dag yin no/ /de la kun tu sbyor ba gsum gang zhe na/ 'di lta ste/ 'jig tshogs la lta ba dang / the tshom dang / tshul khrims dang / brtul
373b6 zhugs mchog tu 'dzin pa ste/ kun tu sbyor ba de gsum gyi bye brag gis gong nas gong du khyad par can du gyur nas dgra bcom pa'i 'bras bu 'thob par 'gyur ro/ /blo
373b7 gros chen po/ 'jig tshogs la lta ba'ang rnam pa gnyis yod de/ 'di lta ste/ lhan cig skyes pa dang / kun tu brtags pa ltar gzhan gyi dbang la kun brtags
374a1 pa'i rang bzhin gyi rnam par rtog pa bzhin no/ /dper na/ gzhan gyi dbang gi rang bzhin la brten nas kun tu brtags pa'i rang bzhin
374a2 la mngon par zhen pa sna tshogs 'byung ste/ de yod pa'ang ma yin/ med pa'ang ma yin/ de gnyis ka'ang ma yin te/ yang dag pa ma yin pa kun brtags pa'i
374a3 mtshan nyid kyi phyir te/ byis pa so so'i skye bo rnams kyis rnam par rtog pas/ sna tshogs kyi rang bzhin gyi mtshan nyid la mngon par zhen pa ni/ dper na/ smig rgyu
374a4 la ri dwags skom pa rnams kyi chu'i 'du shes 'byung ba lta bu ste/ de ni rgyun du zhugs pa'i kun tu brtags pa'i 'jig tshogs la lta ba'o/ /de'ang gang zag la bdag
374a5 med pas dngos po med par gzung ba'i phyir yun ring po nas mi shes pa dang / mngon par shes pa rnams spong bar 'gyur ro/ /blo gros chen po/ lhan cig skyes pa
374a6 ni rgyun du zhugs pas bdag dang / gzhan gyi lus mnyam pa nyid du mthong ba dang / phung po bzhi la gzugs kyi mtshan nyid med pa'i phyir dang / gzugs skye ba 'byung
374a7 ba dang / 'byung ba las gyur pa'i phyir dang / phan tshun rgyu ba'i mtshan nyid kyi phyir dang / 'byung ba dang / gzugs rnams bsags pa ma yin pa'i phyir dang / rgyun du zhugs
374b1 pas yod pa dang med pa'i phyogs brtags na mi snang bas 'jig tshogs la lta ba spangs par 'gyur ro/ /de ltar 'jig tshogs la lta ba spangs pas 'dod chags mi 'byung
374b2 ste| 'di ni 'jig tshogs la lta ba'i mtshan nyid do/ /blo gros chen po/ the tshom gyi mtshan nyid ni 'di lta ste/ chos thob pa legs par mthong ba'i mtshan nyid kyi phyir dang /
374b3 snga ma'i 'jig tshogs la lta ba rnam pa gnyis kyi rnam par rtog pa spangs pa'i phyir chos rnams la the tshom mi skye bas gzhan la ston pa'am/ dag pa'am/ ma dag pa'i lta
374b4 bskyed par mi byed de/ 'di ni rgyun du zhugs pa'i the tshom spangs pa'i mtshan nyid do/ /blo gros chen po/ ci'i phyir rgyun du zhugs pa'i tshul khrims mi snyems she na/ 'di
374b5 lta ste/ skye ba'i gnas kyi sdug bsngal gyi mtshan nyid rab tu mthong bas na de'i phyir mi snyems so/ /blo gros chen po/ snyems pa ni 'di lta ste/ byis pa so so'i skye bo dag mi 'gyur
374b6 bar dka' thub len cing sbyor ba dag gis longs spyod dang / bde ba 'dod pa'i phyir skye ba gnyer bar byed do/ /de de ltar mi snyems pa'ang gzhan du na 'di ltar yongs su bsngo bar byed de/
374b7 so so rang gis rig pa'i khyad par rnam par rtog pa dang bral ba zag pa med pa'i chos kyi mtshan nyid la rab tu sbyor ba'i phyir tshul khrims kyi yan lag yang dag par len cing srung ba
375a1 byed de/ 'di ni rgyun du zhugs pa'i tshul khrims dang / brtul zhugs spangs pa'i mtshan nyid yin no/ /rgyun du zhugs pas kun tu sbyor pa
375a2 gsum spangs pa la ni 'dod chags dang / gti mug mi 'byung ste/ gal te rgyun du zhugs pa 'di snyam du kun tu sbyor ba 'di rnams ni bdag la mngon par ma grub bo snyam du
375a3 sems pa ni nyes pa rnam gnyis yod par 'gyur te/ 'jig tshogs la lta bar song ba dang / kun tu sbyor ba rnams ma spangs pa'o/ /blo gros chen pos bcom ldan 'das la
375a4 gsol pa/ bcom ldan 'das kyis ni 'dod chags kyi rnam pa mang du gsungs na/ des 'dod chags gang zhig spangs pa lags/ bcom ldan 'das kyis bka' stsal pa/ blo
375a5 gros chen po/ bud med la sred cing 'dod pa dang / mngon par chags shing zhen pa'i thabs rnam pa sna tshogs las byung ba/ lus dang ngag gi las kha na mtho ba dang bcas pa
375a6 des da ltar gyi bde ba la sred cing ma 'ongs pa na sdug bsngal skye bar 'gyur ba de dag de la mi 'byung ngo / /de ci'i phyir zhe na/ ting nge 'dzin gyi bde ba la gnas pa thob pas
375a7 de'i phyir de spangs pa yin te/ mya ngan las 'das pa rtogs par bya ba'i 'dod chags spangs pa ni ma yin no/ /blo gros chen po/ lan gcig phyir 'ong ba'i mtshan nyid gang
375b1 zhe na/ 'di lta ste/ gzugs kyi mtshan nyid cig snang zhing rnam par rtog pa skye ba'i mtshan nyid du mthong ba'i mtshan nyid mi skye ba dang / bsam gtan gyi mtshan nyid rab tu mthong
375b2 ba'i phyir 'jig rten 'dir 'ongs nas cig car sdug bsngal mthar byas te mya ngan las 'das pa 'thob par byed pas de'i phyir lan gcig phyir 'ong ba zhes bya'o/ /blo gros chen
375b3 po| ji ltar na phyir mi 'ong ba yin zhe na/ 'di lta ste/ 'das pa dang / ma 'ongs pa dang / da ltar byung ba'i gzugs kyi mtshan nyid kyi dngos po rnams dngos po med pa dang /
375b4 lta ba'i nyes pa skyes pa'i nyon mongs pa'i rnam par rtog pa mi skye ba'i phyir dang / kun tu sbyor ba spangs pa'i phyir phyir mi 'ong ba zhes bya'o/ /blo gros chen po/ dgra bcom pa ni
375b5 'di lta ste/ bsam gtan dang / ting nge 'dzin dang / rnam par thar pa dang / stobs dang / rig pa dang / nyon mongs pa dang / sdug bsngal rnam par rtog pa'i dngos po med
375b6 pas de'i phyir dgra bcom pa zhes bya'o/ /blo gros chen pos bcom ldan 'das la gsol pa/ bcom ldan 'das kyis dgra bcom pa rnam pa gsum du bka' stsal na/ 'dir
375b7 dgra bcom pa gang dag la bgyi bar bka' stsal/ ci bcom ldan 'das/ zhi ba phyogs gcig pa theg pa gcig gis lam rab tu thob pa'am/ 'on te byang chub sems dpa'
376a1 sems dpa' chen po thabs kyis de ltar ston pa'i dgra bcom pa'am/ de ste sangs rgyas kyi 'phrul pas sprul pa zhig lags/ bcom ldan
376a2 'das kyis bka' stsal pa/ blo gros chen po/ zhi ba phyogs gcig pa theg pa gcig gi lam du thob pa'i nyan thos yin gyi/ gzhan dag ni ma yin no/ /gzhan ni
376a3 byang chub sems dpa'i spyad pa spyod pa dang / sangs rgyas kyi 'phrul pas sprul pa rnams te/ thabs la mkhas pa dang / sngon gyi smon lam gyi dbang gis 'khor gyi
376a4 dkyil 'khor du skye ba ston te/ sangs rgyas 'khor gyi dkyil 'khor mdzes par bya ba'i phyir ro/ /blo gros chen po/ rnam par rtog pa 'jug pa'i gnas su rnam pa sna tshogs
376a5 kyi chos bstan pa ni 'di lta ste/ 'bras bu 'thob par bya ba dang / bsam gtan 'thob par bya ba'o/ /de la bsam gtan ni bsam gtan la zhugs pa na/ rab tu dben
376a6 pa'i phyir dang / rang gi sems snang bar ston pas 'bras bu 'thob pa'i mtshan nyid ni 'bras bu thob pa zhes bya'o/ /gzhan yang / blo gros chen po/ bsam gtan dang /
376a7 tshad med pa dang / gzugs med pa'i khams las shin tu 'da' bar 'dod na/ rang gi sems snang ba'i mtshan nyid las ldog par bya'o/ /blo gros chen po/ 'du
376b1 shes dang tshor ba 'gog pa'i snyoms par 'jug pa ni rang gi sems snang ba las 'das zhes byar mi rung ste/ de ci'i phyir zhe na/ sems snang ba yod pa'i phyir ro/ /de nas
376b2 bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /bsam gtan rnams dang tshad med bzhi/ /gzugs med pa yi ting
376b3 'dzin dang / /tshor ba 'du shes 'gog pa rnams/ /sems tsam la ni de yod min/ /rgyun du zhugs pa'i 'bras bu dang / /lan gcig phyir 'ong phyir mi 'ong / /dgra bcom pa yi
376b4 'bras bu rnams/ /de dag thams cad sems 'khrul ba/ /bsam gtan dang ni bsam gtan rkyen/ /spong shes bden pa yang dag mthong / /de dag rtog pa tsam
376b5 yin par/ /gang gis rtogs pa de 'grol lo/ /gzhan yang / blo gros chen po/ blo rnam pa gnyis yod de/ 'di lta ste/ rab tu rnam par 'byed pa'i blo dang / rnam
376b6 par rtog pa'i mtshan nyid 'dzin pa la mngon par zhen pas rnam par bzhag pa'i blo'o/ /de la/ blo gros chen po/ rab tu rnam par 'byed pa'i blo ni 'di lta ste/ blo
376b7 gang gis dngos po'i rang bzhin gyi mtshan nyid rab tu gzhigs na mtha' bzhi dang bral bas mi dmigs pa 'di ni rab tu rnam par 'byed pa'i blo zhes bya'o/ /de
377a1 la| blo gros chen po/ mtha' bzhi ni 'di lta ste/ gcig pa dang / tha dad pa dang / gnyis ka dang / gnyis ka ma yin pa dang / yod pa
377a2 dang | med pa dang / yod pa'ang ma yin/ med pa'ang ma yin pa dang / rtag pa dang / mi rtag pa ni mtha' bzhi zhes bshad de/ blo gros chen po/ mtha' bzhi po de
377a3 dag dang bral ba ni chos thams cad ces bya'o/ /blo gros chen po/ mtha' bzhi po 'dis chos thams cad yongs su brtags pa la rab tu bslab par bya'o/ /de
377a4 la| blo gros chen po/ rnam par rtog pa'i mtshan nyid 'dzin pa la mngon par zhen pas rnam par bzhag pa'i blo gang zhe na/ 'di lta ste/ rnam par rtog pa'i mtshan
377a5 nyid 'dzin pa la mngon par zhen pa gang gis sra ba dang / gsher ba dang / tsha ba dang / g.yo ba yang dag pa ma yin pa rnam par rtog pa'i mtshan nyid 'byung ba
377a6 chen po rnams su dam 'cha' ba dang / rgyu mtshan dang / dpe la mngon par zhen pas yang dag pa ma yin pa rnam par bzhag pas rnam par bzhag pa ste/ de ni
377a7 rnam par rtog pa'i mtshan nyid 'dzin pa la mngon par zhen pas rnam par bzhag pa'i blo zhes bya ste/ de ni blo rnam pa gnyis kyi mtshan nyid do/ /byang chub sems
377b1 dpa' sems dpa' chen po gang blo 'di gnyis kyi mtshan nyid dang ldan na gang zag dang chos bdag med pa'i mtshan nyid rtogs par khong du chud cing snang ba med pa'i blo la
377b2 mkhas pa dang / spyod pa'i sa la so sor rab tu rtog pas sa dang po rab tu 'thob ste/ ting nge 'dzin brgya la snyoms par 'jug /bye brag med pa'i ting nge 'dzin kyang rab tu
377b3 'thob/ sangs rgyas dang / byang chub sems dpa' brgya'ang mthong / bskal pa brgyar sngon gyi mtha' dang / phyi ma'i mtha'i dngos po la 'jug /'od kyis zhing brgya'ang snang
377b4 bar byed do/ /gong nas gong du sa'i mtshan nyid shes te/ smon lam chen po khyad par can gyis rnam par 'phrul pa la dbang zhing chos kyi sprin gyi dbang bskur bas dbang bskur te/ de bzhin
377b5 gshegs pa'i so so rang gis thugs su chud pa'i sa thob nas mthar thug pa'i gnas bcu dang rab tu ldan pa'i chos su 'gyur te/ sems can yongs su smin par bya ba'i phyir
377b6 sprul pa'i 'od zer sna tshogs kyis rnam par mdzes shing so so rang gis rig pa'i bde bas mnyam par bzhag pa'ang thob bo/ /gzhan yang / blo gros chen po/ byang chub sems
377b7 dpa' sems dpa' chen pos 'byung ba chen po dang / 'byung ba las gyur pa la mkhas par bya'o/ /ji ltar na byang chub sems dpa' 'byung ba chen po dang / 'byung ba
378a1 las gyur pa la mkhas pa yin zhe na/ blo gros chen po/ de la byang chub sems dpa' sems dpa' chen po 'di ltar yang dag par rab tu
378a2 rtog ste/ de don dam pa'i bden par ni 'byung ba chen po dag skye ba med do/ /'byung ba chen po dag la skye ba med par de ltar rab tu rtog par byed de/ de ltar rab tu brtags nas ming dang rgyu
378a3 mtshan rnams ni rnam par rtog pa tsam dang / rang gi sems snang ba tsam dang / phyi rol gyi dngos po rnams dngos po med par rtogs pa ni rang gi sems snang ba rnam par rtog pa tsam zhes
378a4 bya'o| |'di lta ste/ khams gsum pa'i 'byung ba dang / 'byung ba las gyur pa de dag la rab tu brtags na/ ngo bo nyid kyis mtha' bzhi dang bral bas tshul rnam par dag pa
378a5 bdag dang bdag gi bral ba/ yang dag pa'i mtshan nyid rang gi mtshan nyid kyi dbyibs su gnas pa/ ma skyes pa'i mtshan nyid du 'grub par mthong ngo / /blo gros
378a6 chen po/ ji ltar na 'byung ba chen po bzhi po de dag gis rgyur byas pa'i gzugs rnams skyed ce na/ 'di lta ste/ gsher bar rnam par rtog pa'i 'byung ba chen pos ni phyi
378a7 nang gi chu'i khams skyed do/ bya ba nus pa'i rnam par rtog pa'i 'byung ba chen pos ni phyi nang gi me'i khams skyed do/ /g.yo bar rnam par rtog pa'i 'byung ba chen pos ni
378b1 phyi nang gi rlung gi khams skyed do/ /gzugs gcad du rung bar rnam par rtog pa'i 'byung ba chen pos ni phyi nang gi sa'i khams skyed do| /gzugs dang nam mkha' gnyis ka'ang
378b2 log pa'i bden pa la mngon par zhen pas phung po lnga 'dus pa dang / 'byung ba chen po dang / 'byung ba las gyur pa skye'o/ /blo gros chen po/ rnam par shes pa ni gnas rnam pa
378b3 sna tshogs dang / yul la mngon par chags pa'i rgyus 'gro ba gzhan du mtshams sbyor bar 'gyur ro/ /blo gros chen po/ sa la sogs pa chen po bzhi dang / 'byung ba las
378b4 gyur pa rnams la ni 'byung ba chen po bzhi'i rten yod kyi/ 'byung ba chen po bzhi po dag gi rkyen ni ma yin no/ de ci'i phyir zhe na/ 'di lta ste/ dngos po dang / dbyibs
378b5 dang | mtshan nyid dang / gnas dang / bya ba dang / sbyor ba rnams dngos po med pas 'byung ba chen po rnams mi skye'o/ /blo gros chen po/ dngos po dang / dbyibs dang /
378b6 mtshan nyid dang / gnas dang / bya ba dang / sbyor ba rnams 'dus pa las skye bas/ dbyibs med pa ma yin no/ /de lta bas na/ blo gros chen po/ 'byung ba chen po dang /
378b7 'byung ba las gyur pa'i mtshan nyid ni mu stegs can rnams kyis rnam par brtags pa yin gyi/ ngas ni ma yin no/ /gzhan yang / blo gros chen po/ phung po rnams kyi rang
379a1 gi ngo bo'i mtshan nyid rab tu bstan par bya'o/ /phung po rnams kyi rang gi ngo bo'i mtshan nyid ji lta bu zhe na/ 'di lta ste/ phung po lnga rnams so//
379a2 phung po lnga gang zhe na/ 'di lta ste/ gzugs dang / tshor ba dang / 'du shes dang / 'du byed dang / rnam par shes pa rnams so/ /de la phung po bzhi rnams ni gzugs med
379a3 de| tshor ba dang / 'du shes dang / 'du byed dang / rnam par shes pa rnams so/ /blo gros chen po/ gzugs ni 'byung ba chen po bzhi dang / 'byung ba las gyur pa
379a4 phan tshun du mi mthun pa'i mtshan nyid do/ /blo gros chen po/ gzugs med pa la bzhir bgrang du med de/ nam mkha' bzhin no/ /dper na/ nam mkha' ni grangs kyi
379a5 mtshan nyid las 'das te/ bgrang ba dang bral mod kyi/ rnam par rtog pas nam mkha' zhes brjod do/ /blo gros chen po/ de bzhin du phung po rnams kyang grangs kyi
379a6 mtshan nyid las 'das te/ bgrang ba dang bral bas dngos po dang / dngos po med pa rnam par spangs pa/ mtha' bzhi dang bral ba'o/ /grangs dang / bgrang ba'i mtshan
379a7 nyid ni byis pas rab tu brjod pa yin gyi/ 'phags pa rnams kyis ni ma yin no/ /blo gros chen pos/ 'phags pa rnams kyis ni sgyu ma lta bur gzugs rnam pa sna
379b1 tshogs gcig pa dang / tha dad pa rnam par spangs par nye bar 'dogs so/ /yang rmi lam dang / gzugs brnyan gyi skyes bu ltar gcig pa dang / tha dad pa rnam par spangs
379b2 pa'i phyir ro/ /blo gros chen po/ 'phags pa'i ye shes kyi tshul ni phung po dang 'dra bar rtog pas snang ngo / /de ni phung po rnams kyi rang bzhin gyi mtshan nyid de/ khyod kyis
379b3 bzlog par bya'o/ /rnam par bzlog nas rab tu dben pa'i chos bstan pas sangs rgyas kyi zhing thams cad du mu stegs can gyi lta ba rnams bzlog par bya'o/ /blo gros chen
379b4 po| rab tu dben pa'i chos bstan pa'i tshe chos bdag med pa mthong ba rnam par dag par 'gyur/ mi g.yo ba'i sa la'ang rab tu 'jug par 'gyur ro/ /de mi g.yo ba'i sar
379b5 rab tu zhugs nas/ ting nge 'dzin tshad med pa la dbang byed par 'gyur ro/ /yid kyi lus thob pas sgyu ma lta bu'i ting nge 'dzin rab tu 'thob bo/ /stobs dang / mngon
379b6 par shes pa dang / dbang rnams rtogs par khong du chud pas sems can thams cad sdud cing phan 'dogs par 'gyur ro/ /dper na/ sa chen po ni sems can rnams
379b7 'degs shing phan 'dogs par byed pa de bzhin du byang chub sems dpa' sems dpa' chen po'ang sems can thams cad la phan 'dogs pa yin no/ gzhan yang / blo
380a1 gros chen po/ mu stegs can rnams la mya ngan las 'das pa rnam pa bzhi yod de/ bzhi gang zhe na/ 'di lta ste/ dngos po'i rang bzhin
380a2 dngos po med pa'i mya ngan las 'das pa dang / mtshan nyid sna tshogs kyi dngos po dngos po med pa'i mya ngan las 'das pa dang / rang gi mtshan nyid kyi rang bzhin
380a3 dngos po med par rtogs pa'i mya ngan las 'das pa dang / phung po rnams kyi rang dang spyi'i mtshan nyid kyi rgyud kyi rgyun chad pa'i mya ngan las 'das pa'o/ /de dag ni
380a4 mu stegs can rnams kyi mya ngan las 'das pa yin te/ nga'i gsung rab la ma yin no/ /blo gros chen po/ nga'i gsung rab la ni rnam par rtog pa dang bcas pa'i rnam
380a5 par shes pa bzlog pa ni mya ngan las 'das pa zhes bya'o/ /blo gros chen pos gsol pa/ bcom ldan 'das kyis rnam par shes pa brgyad du rnam par ma bzhag
380a6 pa lags sam/ bcom ldan 'das kyis bka' stsal pa/ rnam par bzhag go /blo gros chen pos gsol pa/ bcom ldan 'das/ gal te rnam par bzhag na ji ltar
380a7 yid kyi rnam par shes pa log pas gsal/ rnam par shes pa bdun rnams ni ma lags/ bcom ldan 'das kyis blo gros chen po la bka' stsal pa/ de dag gi rgyu
380b1 dang | de dag gis dmigs pa rkyen yin pa'i phyir rnam par shes pa bdun rnams 'byung bar mi 'gyur ro/ /de la yid kyi rnam par shes pa ni yul rnams bye brag 'byed
380b2 cing mngon par zhen pas bag chags rnams bskyed nas kun gzhi rnam par shes pa rgyas par byed de/ yid dang lhan cig tu bdag dang bdag gis 'dzin pa la mngon par
380b3 zhen cing / ngar sems pa'i rkyen gyis skye bas lus kyi mtshan nyid rnam par mi 'jig go /kun gzhi rnam par shes pa'i rgyur gyur cing de la dmigs pa rang gi sems snang
380b4 ba'i yul la mngon par zhen pas sems 'dus pa gcig gi rgyur gcig 'byung ste/ dper na/ rgya mtsho'i rlabs lta bur rang gi snang ba'i spyod yul gyi rlung gis bskyod pas
380b5 'jug cing log pa'ang de bzhin te/ de lta bas na yid kyi rnam par shes pa bzlog pas rnam par shes pa bdun rnams kyang ldog par 'gyur ro/ /de nas bcom ldan
380b6 'das kyis don de nyid yang bstan pa'i phyir tshigs su bcad pa 'di dag gsungs so/ /bya ba dang ni mtshan nyid dang / /dngos por mya ngan dang mi 'da'/ /rnam rtog ces bya
380b7 rnam shes te/ /bzlog pas mya ngan nga 'das so/ /de rgyu de la dmigs pa ste/ /yid kyis 'gro sogs lus mngon 'grub/ /rgyu 'byin de ni sems yin te/ /rnam shes
381a1 gnas ni rab tu byed/ /ji ltar chu chen zad nas ni/ /rlabs rnams rgyun du mi 'byung ltar/ /de bzhin yid ni 'gag pa na/ /rnam shes sna
381a2 tshogs skye mi 'gyur/ /gzhan yang / blo gros chen po/ kun brtags pa'i rang bzhin rab tu dbye ba dang / rtogs pa'i tshul gyi mtshan nyid bshad par bya ste/ kun
381a3 brtags pa'i rang bzhin rab tu dbye ba dang / rtogs pa'i tshul gyi mtshan nyid la mkhas pa gang gis khyod dang byang chub sems dpa' sems dpa' chen po gzhan
381a4 rnams kun tu rtog pa spangs shing 'phags pa so so rang gis rig pa la gnas pa dang / mu stegs can gyi tshul rtogs pa dang / shin tu mthong ba'i blos gzung ba
381a5 dang | 'dzin pa'i rnam par rtog pa spangs nas gzhan gyi dbang gi mtshan nyid sna tshogs la kun brtags pa'i rang bzhin gyi 'du byed du rtog par mi 'gyur ro/ /
381a6 de la| blo gros chen po/ kun brtags pa'i rang bzhin rab tu dbye ba'i tshul gyi mtshan nyid gang zhe na/ 'di lta ste/ brjod pa'i rnam par rtog pa dang / smra bar bya
381a7 ba'i rnam par rtog pa dang / mtshan nyid kyi rnam par rtog pa dang / nor gyi rnam par rtog pa dang / rang bzhin gyi rnam par rtog pa dang / rgyu'i rnam par rtog pa dang /
381b1 lta ba'i rnam par rtog pa dang / rigs pa'i rnam par rtog pa dang / skye bar rnam par rtog pa dang / mi skye bar rnam par rtog pa dang / 'brel par rnam par rtog pa
381b2 dang | bcings pa dang ma bcings par rnam par rtog pa yin te/ 'di ni kun brtags pa'i rang bzhin rab tu dbye ba'i tshul gyi mtshan nyid do/ /de la/ blo gros chen po/
381b3 brjod pa'i rnam par rtog pa gang zhe na/ 'di lta ste/ dbyangs dang / glu snyan pa sna tshogs la mngon par zhen pa yin te/ 'di ni brjod pa'i rnam par rtog pa zhes bya'o/ /blo
381b4 gros chen po/ smra bar bya ba'i rnam par rtog pa gang zhe na/ 'di lta ste/ gang ci'ang rung ba smra bar bya ba'i dngos po'i rang bzhin 'phags pa'i ye shes kyis shes par
381b5 bya ba de la gnas nas brjod pa'i rnam pa 'byung ba de ni smra bar bya ba'i rnam par rtog pa zhes bya'o/ /blo gros chen po/ mtshan nyid kyi rnam par rtog pa gang zhe na/
381b6 'di lta ste/ smra bar bya ba'i dngos po de dag nyid smig rgyu lta bu la mtshan nyid sna tshogs su mngon par zhen pas mngon par zhen te/ 'di lta ste/ sra ba dang / gsher ba dang /
381b7 tsha ba dang / g.yo ba'i mtshan nyid du dngos po thams cad la rnam par rtog pa de ni mtshan nyid kyi rnam par rtog pa zhes bya'o/ /blo gros chen po/ /nor gyi rnam par rtog
382a1 ba gang zhe na/ gser dang / dngul dang / nor rin po che rnam pa sna tshogs la mngon par chags pa de ni nor gyi rnam par rtog pa zhes bya'o/ /
382a2 blo gros chen po/ rang bzhin gyi rnam par rtog pa gang zhe na/ 'di lta ste/ dngos po'i ngo bo nyid du 'dzin cing 'di ni 'di bzhin gyi/ gzhan du ma yin no zhes log par lta
382a3 ba'i rnam par rtog pa dang tha mi dad pa de ni rang bzhin gyi rnam par rtog pa zhes bya'o/ /blo gros chen po/ rgyu'i rnam par rtog pa gang zhe na/ 'di lta ste/ rgyu dang rkyen gang
382a4 gis yod pa dang / med pa'i rnam par rtog pa'i rgyu'i mtshan nyid skyed pa de ni rgyu'i rnam par rtog pa zhes bya'o/ /blo gros chen po/ lta ba'i rnam par rtog pa gang zhe na/
382a5 'di lta ste/ yod pa dang / med pa dang / gcig pa dang / tha dad pa dang / gnyis ka dang / gnyis ka ma yin par log par lta ba'i mu stegs can gyi rnam par rtog pa la
382a6 mngon par zhen pa'i rnam par rtog pa de ni lta ba'i rnam par rtog pa zhes bya'o/ /blo gros chen po/ rigs pa'i rnam par rtog pa gang zhe na/ 'di lta ste/ bdag dang bdag
382a7 gi mtshan nyid rigs pas brtsad de smra ba ni rigs pa'i rnam par rtog pa zhes bya'o/ /blo gros chen po/ skye bar rnam par rtog pa gang zhe na/ 'di lta ste/ rkyen rnams
382b1 kyis yod pa dang / med pa'i dngos po skye bar mngon par zhen pa de ni skye bar rnam par rtog pa zhes bya'o/ /blo gros chen po/ mi skye bar rnam par rtog pa gang zhe na/ 'di lta
382b2 ste| dngos po thams cad ni snga nas skye ba med de/ sa bon med pa la rgyu dang rkyen gyis rgyu med pa'i lus bskyed pa'o zhes 'dzin pa de ni mi skye bar rnam par rtog pa zhes bya'o/ /blo
382b3 gros chen po/ 'brel pa'i rnam par rtog pa gang zhe na/ 'di lta ste/ gser dang / skud pa ji lta ba bzhin du de dang lhan cig pa'i mtshan nyid du 'brel pa de ni 'brel pa'i
382b4 rnam par rtog pa zhes bya'o/ /blo gros chen po/ bcings pa dang / ma bcings pa'i rnam par rtog pa gang zhe na/ 'di lta ste/ 'ching ba'i rgyu dang / bcing bar bya ba la mngon
382b5 par zhen pa ste/ ji ltar skyes bu thams cad dang ldan pas lag pa la mdud pa 'dor ba dang 'grol ba lta bu ni bcings pa dang / ma bcings pa'i rnam par rtog pa zhes bya'o/ /
382b6 blo gros chen po/ kun brtags pa'i rang bzhin rab tu dbye ba'i tshul gyi mtshan nyid de la byis pa so so'i skye bo thams cad yod pa dang med par mngon par zhen to/ /blo gros chen
382b7 po| gzhan gyi dbang la mngon par zhen pas mngon par zhen par gyur pa dag yongs su brtags pa'i rang bzhin sna tshogs la mngon par zhen pas sgyu ma bzhin du
383a1 lus sna tshogs ston pa la byis pa rnams kyis rnam par rtog pas sgyu ma las gzhan du rnam pa sna tshogs su mthong ste/ blo gros chen po/ sgyu ma
383a2 dang sna tshogs ni tha dad pa'ang ma yin/ tha mi dad pa'ang ma yin no/ /gal te tha dad na ni sgyu ma ni sna tshogs kyi rgyu ma yin par 'gyur ro/ /ci ste tha mi dad na ni sgyu ma dang
383a3 sna tshogs bye brag med par 'gyur te/ de'i bye brag mthong bas na de'i phyir gcig pa'ang ma yin/ tha dad pa'ang ma yin no/ /de lta bas na blo gros chen po khyod dang /
383a4 byang chub sems dpa' sems dpa' chen po gzhan dag gis sgyu ma lta bu'i gzhan gyi dbang dang / kun brtags pa'i rang bzhin la tha dad pa dang / tha dad pa ma yin pa
383a5 dang | yod pa dang med par mngon par zhen par mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /
383a6 sems ni yul gyis kun tu bcings/ /rtog pa rig las ye shes 'jug /snang ba med dang khyad par las/ /shes rab mnyam par rab tu bskyed/ /brtags pa'i
383a7 rang bzhin gyis yod de/ /gzhan dbang la ni de med do/ /kun brtags dag ni nor pas bsdus/ /gzhan dbang de ni kun brtags min/ /yan lag tha dad 'byung ba
383b1 yang | sgyu ma ji bzhin mi 'grub ste/ /de yi mtshan ma sna tshogs yod/ /kun brtags de ni 'grub mi 'gyur/ /de yi mtshan ma gnas ngan len/ /sems kyi 'ching
383b2 las skyes pa ste/ /rnam rtog shes pa med pa rnams/ /gzhan gyi dbang las rnam par rtog /brtags pa'i dngos po 'di dag ni/ /de nyid gzhan gyi dbang yin te/
383b3 brtags pa dag ni sna tshogs yod/ /gzhan gyi dbang la rtog par byed/ /kun rdzob dang ni don dam ste/ /gsum pa rgyu las skye ba med/ /brtags pa dag ni kun
383b4 rdzob bshad/ /de 'chad 'phags pa'i spyod yul lo/ /rnal 'byor can gyi dngos po ltar/ /gcig la sna tshogs ston byed kyang / /de la sna tshogs yod ma yin/ /kun
383b5 brtags mtshan nyid de bzhin no/ /ji ltar rab rib can dag gi /rnam rtog sna tshogs gzugs su snang / /rab rib gzugs dang gzugs min med/ /gzhan dbang
383b6 ma rtogs de bzhin no/ /ji ltar gser ni rab sbyangs pa/ /dri ma dag ni spangs gyur dang / /nam mkha' dag ni sprin med ltar/ /kun brtags pa yang de bzhin no/ /
383b7 kun brtags pa yi dngos po dang / /de bzhin gzhan dbang yod min la/ /sgro 'dogs skur pa 'debs byed de/ /rnam brtags dbang gis 'jig pa yin/ /gal
384a1 te brtags pa dngos med la/ /gzhan gyi dbang ni yid gyur na/ /dngos med dngos po yod pas na/ /dngos po yod dngos po med las 'byung //
384a2 kun brtags pa la brten pa'i rgyus/ /gzhan dbang de ni nye bar dmigs/ /rgyu mtshan ming dang 'brel pa las/ /kun brtags rnams ni skye bar 'gyur/ /shin tu
384a3 ma grub rtogs pa'i tshe/ /kun brtags las ni 'da' bar 'gyur/ /de nas yongs su dag rig pa/ /de ni don dam zhes bya'o/ /kun brtags rnam pa bcu gnyis te/ /
384a4 gzhan gyi dbang ni rnam pa drug /so so rang rig ye shes kyis/ /shes bya de la bye brag med/ /chos lnga yang dag nyid yin te/ /rang bzhin la ni rnam gsum yod/ /
384a5 rnal 'byor can gyis de bsgoms na/ /de bzhin nyid las mi 'da'o/ /mtshan ma dag dang gzhan gyi dbang / /ming des kun tu brtags pa skyed/ /kun brtags
384a6 mtshan ma de dag ni/ /gzhan dbang de las byung ba'o/ /blo yis so sor rab brtags na/ /gzhan dbang med cing brtags pa'ang med/ /yongs grub la ni
384a7 dngos med na/ /blo yis ci zhig rnam par brtags/ /kun brtags rang bzhin de dag la/ /rang bzhin gnyis ni rnam par bzhag /brtags pa dag ni sna
384b1 tshogs snang / /rnam dag 'phags pa'i spyod yul lo/ /kun brtags ri mo'i rnam pa bzhin/ /gzhan gyi dbang las brtags pa ste/ /rnam pa gzhan du brtags
384b2 na ni/ /mu stegs smra la gnas par 'gyur/ /rtogs pas brtags zhes brjod pa ste/ /'dus las skye bar mthong ba'i rgyus/ /rnam rtog gnyis las grol ba ni/ /de
384b3 nyid yongs su grub pa yin/ /de nas byang chub sems dpa' sems dpa' chen po blo gros chen pos yang bcom ldan 'das la 'di skad ces gsol to/ /bcom ldan
384b4 'das/ 'phags pa so so rang gis rig pa'i ye shes dang / theg pa gcig gi mtshan nyid bshad du gsol/ 'phags pa so so rang gis rig pa'i ye shes kyi
384b5 mtshan nyid dang / theg pa gcig rtogs pa'i mtshan nyid des bdag dang byang chub sems dpa' sems dpa' chen po gzhan rnams 'phags pa so so rang gis
384b6 rig pa'i ye shes kyi mtshan nyid dang / theg pa gcig la mkhas shing gzhan gyi dring la mi 'jog par sangs rgyas kyi chos thams cad rtogs par 'gyur ro/ /
384b7 bcom ldan 'das kyis bka' stsal pa/ blo gros chen po/ de'i phyir shin tu legs par nyon la yid la zungs shig dang / ngas khyod la bshad do/ /blo gros
385a1 chen pos bcom ldan 'das la gsol pa/ de bzhin 'tshal lo zhes bka' mnyan pa dang / bcom ldan 'das kyis 'di
385a2 skad ces bka' stsal to/ /blo gros chen po/ /de la 'phags pa snga ma rnams kyis khong du chud nas gcig nas gcig tu brgyud de/ kun brtags pa
385a3 dngos po med par bstan pa la brten nas/ byang chub sems dpa' sems dpa' chen po gang gis gcig pu dben par song nas/ rang gis blos rnam
385a4 par dpyod pa/ gzhan gyi dring la mi 'jog cing lta ba dang / rnam par rtog pa spangs te/ gong nas gong du khyad par can du gyur nas/ de bzhin gshegs
385a5 pa'i sa la rab tu 'jug pa ni so so rang gis rig pa 'phags pa'i ye shes kyi mtshan nyid ces bya'o/ /de la/ blo gros chen po/ theg pa gcig gi mtshan
385a6 nyid gang zhe na/ 'di lta ste/ theg pa gcig gi lam rig pa ni ngas theg pa gcig ces bshad do/ /theg pa gcig gi lam khong du chud pa gang zhe na/ 'di
385a7 lta ste/ gzung ba dang / 'dzin pa'i rnam par rtog pa yang dag pa ji lta ba bzhin gyi gnas la rnam par rtog pa mi skye ba ni theg pa gcig khong du chud pa
385b1 zhes bya'o/ /blo gros chen po/ theg pa gcig khong du chud pa 'di ni de bzhin gshegs pa ma gtogs par gzhan mu stegs can dang / nyan thos dang / rang sangs
385b2 rgyas dang / tshangs pa la sogs pas thob pa ma yin no/ /de'i phyir theg pa gcig ces bya'o/ /bcom ldan 'das la blo gros chen pos gsol pa/ bcom
385b3 ldan 'das kyis ci'i slad du theg pa gsum du bka' stsal la/ theg pa gcig tu ma gsungs/ bcom ldan 'das kyis bka' stsal pa blo gros chen po/
385b4 bdag nyid yongs su mya ngan las mi 'da' ba'i chos can yin pa'i phyir nyan thos dang / rang sangs rgyas thams cad la theg pa gcig tu ma bshad de/ 'di ltar
385b5 nyan thos dang / rang sangs rgyas thams cad ni de bzhin gshegs pa'i 'dul ba dang / rab tu dpen pa'i sbyor bas rnam par grol ba 'thob kyi/ bdag nyid kyi
385b6 mthus ni ma yin pa'i phyir theg pa gcig tu ma bshad do/ /gzhan yang / blo gros chen po/ nyon mongs pa'i sgrib pa dang / las kyi bag chags ma spangs
385b7 pa'i phyir nyan thos dang / rang sangs rgyas thams cad la theg pa gcig tu ma bshad do/ /chos bdag med par ma rtogs shing dngos po dang bcas pa'i 'chi
386a1 'pho ma spangs pa'i phyir theg pa gsum du bstan te/ blo gros chen po/ de dag nam nyes pa'i bag chags thams cad spangs shing chos
386a2 bdag med par rtogs pa de na de dag nyon mongs pa'i nyes pa thams cad skyed pa'i bag chags spangs te/ ting nge 'dzin gyi bde ba la ro myong ba'i dngos po med par
386a3 gyur nas zag pa med pa'i dbyings las sad de/ sad nas kyang 'jig rten las 'das par zhugs te/ gong nas gong du zag pa med pa'i dbyings su tshogs rnams
386a4 yongs su bskangs nas/ de bzhin gshegs pa'i chos kyi sku bsam gyis mi khyab la dbang byed pa rab tu 'thob bar 'gyur ro/ /de nas bcom ldan 'das kyis
386a5 don de nyid yang bstan pa'i phyir tshigs su bcad pa 'di dag gsungs so/ /lha rnams dang ni tshan pa'i theg /nyan thos rang rgyal theg pa dang / /de bzhin gshegs
386a6 pa rnams kyi theg /nga yis theg pa de dag ni/ /ji srid sems rnams 'jug pa'i bar/ /de dag mthar phyin min par bshad/ /gal te sems de zad gyur na/ /
386a7 theg pa med cing gdeg pa med/ /theg pa rnam par bzhag med pas/ /theg pa gcig tu ngas bstan to/ /sems can rnams ni drang ba'i phyir/ /theg pa tha dad
386b1 ngas bshad de/ /rnam par grol ba rnam gsum yod/ /chos la bdag med de nyid dang / /nyon mongs shes rab la sogs pas/ /rnam par grol na stong par 'gyur/ /rgya
386b2 mtsho la ni shing 'phyo ba/ /rtag tu rlabs kyis g.yeng ba ltar/ /nyan thos rmongs pa'ang de bzhin te/ /mtshan nyid rlung gis rnam par g.yengs/ /kun nas ldang las de log
386b3 kyang | |nyon mongs bag chags gzhan gyis rmongs/ /ting nge 'dzin gyi bde bas myos/ /zag pa med pa'i dbyings la gnas/ /mthar phyin tshul ni de la med/ /phyir yang
386b4 de las mi ldog ste/ /ting 'dzin rnams kyi lus thob nas/ /bskal pa'i bar du de mi sad/ /chang gis myos pa'i skyes bu dag /myos byed zad nas sangs 'gyur ltar//
386b5 de dag chos rtogs de bzhin te/ /bla med sangs rgyas sku 'thob 'gyur// //'phags pa lang+kar gshegs pa rin po che'i mdo las/ bam po lnga pa/
386b6 de nas yang bcom ldan 'das kyis byang chub sems dpa' sems dpa' chen po blo gros chen po la 'di skad ces bka' stsal to/ /blo gros chen po/ yid las byung
386b7 ba'i lus rab tu dbye ba rtogs pa'i mtshan nyid bstan gyi/ de shin tu legs par nyon la yid la zungs shig dang / ngas khyod la bshad do/ /blo gros chen pos bcom
387a1 ldan 'das la gsol pa/ legs so/ /bcom ldan 'das/ de bzhin du 'tshal lo zhes bka' mnyan pa dang / de la bcom ldan 'das
387a2 kyis 'di skad ces bka' stsal to/ /blo gros chen po/ yid las byung ba'i lus ni rnam pa gsum ste/ gsum gang zhe na/ 'di lta ste/ ting nge 'dzin gyi bde ba la
387a3 snyoms par zhugs pa'i yid las byung ba'i lus dang / chos kyi ngo bo nyid rtog pa'i yid las byung ba'i lus dang / ris su lhan cig skyes pa mngon par 'du bya ba med
387a4 pas yid las byung ba'i lus te/ rnal 'byor pa rnams kyis sa dang po nas gong nas gong du sa'i mtshan nyid yongs su shes pas lus rnam pa gsum po 'thob par
387a5 'gyur ro/ /de la/ blo gros chen po/ ting nge 'dzin gyi bde ba la snyoms par zhugs pa'i yid las byung ba'i lus gang zhe na/ 'di lta ste/ sa gsum pa dang /
387a6 bzhi pa dang / lnga pa la ting nge 'dzin gyi bde ba la snyoms par zhugs pa'i phyir rang gi sems rnam pa mang po dpen par spyod pas sems kyi rgya mtsho la gnas te/ rnam
387a7 par shes pa'i rlabs kyis mtshan nyid mi 'byung bas rang gi sems snang ba'i yul dngos po yod pa dang / dngos po med pa yongs su shes pa ni ting nge 'dzin gyi
387b1 bde ba la snyoms par zhugs pa'i yid las byung ba'i lus zhes bya'o/ /blo gros chen po/ chos kyi ngo bo nyid rtogs pa'i yid las byung ba'i lus gang zhe na/ 'di lta
387b2 ste| sa brgyad pa la sgyu ma lta bu la sogs pa'i chos la snang ba med par rnam par khong du chud pas lus dang sems gnas shin tu gyur te/ sgyu ma lta bu'i ting nge 'dzin rab
387b3 tu 'thob pa dang / gzhan yang ting nge 'dzin gyi sgo dang / mtshan ma dang / stobs dang / dbang dang / mngon par shes pa dpag tu med pa 'thob ste/ me tog ltar
387b4 rgyas shing yid bzhin du mgyogs pa dang / sgyu ma dang / rmi lam dang / chu zla dang / gzugs brnyan lta bu 'byung ba las gyur pa ma yin yang 'byung ba las gyur pa
387b5 dang 'dra ba/ gzugs rnam pa sna tshogs thams cad kyis yan lag phun sum tshogs par brgyan pa/ sangs rgyas kyi zhing thams cad du 'khor gyi dkyil 'khor gyi rjes
387b6 su 'jug pa/ chos kyi ngo bo nyid rtogs par khong du chud pa'i phyir de ni chos kyi ngo bo nyid rtogs pa las byung ba'i lus zhes bya'o/ /blo gros chen po/ de la ris su lhan
387b7 cig skyes pa mngon par 'du bya ba med pa'i yid las byung ba'i lus gang zhe na/ 'di lta ste/ sangs rgyas kyi chos thams cad rtogs shing rang gis thob pa'i bde ba'i
388a1 mtshan nyid la dmigs pa de ni ris su lhan cig skyes pa mngon par 'du bya ba med pa'i yid las byung ba'i lus zhes bya ste/ blo
388a2 gros chen po/ lus gsum po de dag gis mtshan nyid rab tu dbye ba rtogs pa 'di la rab tu brtson par bya'o/ /de nas bcom ldan 'das kyis don de nyid yang
388a3 dag par bstan pa'i phyir tshigs su bcad pa 'di dag gsungs so/ /nga yis theg pa theg chen min/ /bshad pa med cing yi ge med/ /bden pa ma yin rnam grol
388a4 min| |spyod yul med pa'ang ma yin te/ 'on kyang theg chen theg pa ni/ /ting nge 'dzin la dbang byed cing / /yid las byung lus sna tshogs la/ /dbang gi
388a5 me tog dag gis brgyan/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das kyis ji skad
388a6 du rigs kyi bu'am/ rigs kyi bu mo gang la la zhig gis mtshams med pa lnga'i las spyod kyang mnar med pa'i dmyal bar lhung bar mi 'gyur ba'i phyir dang /
388a7 spro ba rab tu bskyed pa'i phyir byin gyi rlabs kyis sprul pa dag mngon par rtogs par rab tu ston to/ /mtshams med pa'i dngos po byas pa rnams mngon par rtog
388b1 pa mi 'thob par gcig tu nges pa'ang med de/ rang gi sems snang ba tsam du khong du chud pa dang / lus dang longs spyod du rnam par rtog ba dang / bdag dang bdag gir
388b2 'dzin pa dang bral ba dang / gal te brgya lam na dge ba'i bshes gnyen dang phrad nas 'gro ba gzhan du mtshams sbyor ba'i rnam par rtog pa las grol bar 'gyur ba ni
388b3 ma gtogs so/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /'dod pa'i srid pa ma zhes bya/ /ma rig pa
388b4 ni pha yin no/ /yul rig rnam shes sangs rgyas te/ bag la nyal ni dgra bcom pa/ /phung po 'dus pa dge 'dun yin/ /mtshams med rim gyis bcad pas na/ /de
388b5 ni mtshams med lnga yin te/ /mnar med dmyal bar ltung mi 'gyur/ /de nas byang chub sems dpa' blo gros chen pos bcom ldan 'das la 'di skad ces gsol
388b6 to| |bcom ldan 'das/ sangs rgyas rnams kyi sangs rgyas pa nyid bdag la bka' stsal du gsol/ bcom ldan 'das/ ji ltar na sangs rgyas rnams
388b7 kyi sangs rgyas pa nyid lags/ bcom ldan 'das kyis bka' stsal pa/ blo gros chen po/ gang zag dang chos la bdag med par rtogs pa dang / sgrib
389a1 pa gnyis yongs su shes shing khong du chud pa dang / shi 'pho rnam pa gnyis dang bral ba dang / nyon mongs pa rnam pa gnyi ga spangs pa
389a2 de ni sangs rgyas rnams kyi sangs rgyas pa nyid ces bya'o/ /blo gros chen po/ nyan thos dang / rang sangs rgyas rnams kyi chos de dag nyid khong du chud na de'ang sangs
389a3 rgyas pa nyid ces bya ste/ des na de'i phyir ngas theg pa gcig tu bshad do/ /de nas bcom ldan 'das kyis don de nyid yang bstan pa'i phyir tshigs su bcad
389a4 pa 'di gsungs so/ /bdag med rnam gnyis mkhas pa dang | /sgrib gnyis nyon mongs rab spangs dang / /shi 'pho gnyis dang gtan bral ba/ /de
389a5 ni sangs rgyas nyid ces bya/ /de nas yang byang chub sems dpa' blo gros chen pos bcom ldan 'das la 'di skad ces gsol to/ /ci'i slad du bcom ldan
389a6 'das kyis 'khor gyi nang du 'di skad ces nga ni gang 'das pa'i sangs rgyas thams cad nyid do/ /skyes pa'i rabs sna tshogs su'ang nga nyid de'i tshe 'khor
389a7 los bsgyur ba'i rgyal po'i spyi bo skyes dang / glang po che so drug pa dang / ne tso dang / dbang po dang / drang srong mig bzang la sogs pa'o zhes skyes pa'i
389b1 rabs brgya stong gsungs/ bcom ldan 'das kyis bka' stsal pa/ blo gros chen po/ mtshungs pa rnam pa bzhi'i phyir de bzhin gshegs pa dgra bcom pa yang
389b2 dag par rdzogs pa'i sangs rgyas rnams 'khor gyi nang du 'di skad ces nga nyid de'i tshe de'i dus na sangs rgyas 'khor ba 'jig dang / gser thub dang / 'od srung
389b3 du gyur to zhes gsung ngo / /mtshungs pa rnam pa bzhi gang zhe na/ 'di lta ste/ yi ge mtshungs pa dang / gsung mtshungs pa dang / chos mtshungs pa dang / sku
389b4 mtshungs pa ni mtshungs pa rnams pa bzhi zhes bya ste/ 'di ltar mtshungs pa rnam pa 'di bzhi'i phyir de bzhin gshegs pa dgra bcom pa yang dag par rdzogs pa'i sangs
389b5 rgyas de skad du gsung ste/ de la yi ge mtshungs pa gang zhe na/ yi ge gang gis nga'i ming sangs rgyas zhes brjod pa'i yi ge des sangs rgyas thams cad kyang brjod
389b6 pas| yi ge de dag gi rang bzhin bye brag med pas na de ni yi ge mtshungs pa zhes bya'o/ /de la gsung mtshungs pa gang zhe na/ 'di lta ste/ nga'i gsung rnam pa
389b7 drug cu rtsa bzhi tshangs pa'i sgra skad kyi dbyangs kyi mtshan nyid du 'byung ngo / /de bzhin gshegs pa dgra bcom yang dag par rdzogs pa'i sangs rgyas de dag gi
390a1 gsung yang de bzhin du rnam pa drug cu rtsa bzhi tshangs pa'i sgra skad kyi dbyangs kyi mtshan nyid du 'byung ste/ ka la ping+ka dang / tshangs
390a2 pa'i sgra skad kyi dbyangs kyi rang bzhin du bye brag med cing lhag chad med de/ de la sku mtshungs pa gang zhe na/ 'di lta ste/ nga dang sangs rgyas thams cad ni chos
390a3 kyi sku dang / gzugs dang / mtshan dang / dpe byad bzang po'i skur mtshungs shing bye brag med de/ 'gro ba'i bye brag sems can de dang de dag gdul ba'i phyir gzugs
390a4 tha dad pa sna tshogs ston pa ni ma gtogs te/ de ni sku mtshungs pa zhes bya'o/ /de la chos mtshungs pa gang zhe na/ 'di lta ste/ nga dang sangs rgyas de dag byang chub kyi
390a5 phyogs kyi chos sum cu rtsa bdun thugs su chud de/ sangs rgyas kyi chos rnams dang / sgrib pa med pa'i ye shes mdor bsdus te bstan pa de ni mtshungs pa rnam
390a6 pa bzhi zhes bya ste/ de lta bas na de bzhin gshegs pa dgra bcom pa yang dag par rdzogs pa'i sangs rgyas rnams 'khor gyi nang du de skad ces gsung ngo / /de nas
390a7 bcom ldan 'das kyis don de nyid yang bstan pa'i phyir tshigs su bcad pa 'di gsungs so/ /'od srung dang ni 'khor ba 'jig /gser thub kyang ni nga yin zhes/ /
390b1 mtshungs pa bzhi ni mnyam gyur pas/ /rgyal ba'i sras la ngas bshad do/ /blo gros chen pos yang bcom ldan 'das la gsol pa/ ji skad du bcom ldan 'das kyis nga ni
390b2 gang gi nub mo mngon par rdzogs par sangs rgyas pa nas gang gi nub mo yongs su mya ngan las 'da' bar 'gyur ba de'i bar du yi ge gcig kyang ma bshad/ mi 'chad/
390b3 'chad par mi 'gyur te/ bshad pa med pa ni sangs rgyas kyis bshad pa'o zhes gsungs na/ bcom ldan 'das/ de bzhin gshegs pa dgra bcom pa yang
390b4 dag par rdzogs pa'i sangs rgyas rnams ci'i rgyus bshad pa med pa ni sangs rgyas kyi bshad pa'o zhes gsungs/ bcom ldan 'das kyis bka' stsal ba/ blo gros
390b5 chen po/ ngas chos rnam pa gnyis la dgongs nas de skad ces smras so/ /chos gnyis gang zhe na/ 'di lta ste/ rang gis mngon par rtogs pa'i chos dang / ngo bo nyid kyis
390b6 gnas pa'i chos te/ 'di ni chos gnyis zhes bya'o/ /chos gnyis po de las dgongs nas de'i phyir ngas de skad ces bshad do/ /de la rang gis mngon par rtogs pa'i
390b7 chos gang zhe na/ de bzhin gshegs pa de dag gi gang thugs su chud pa de bzhin du ngas kyang rang gis mngon par rtogs pa'i chos mthar phyin pa'i spyod yul tshig
391a1 gi rnam par rtog pa dang bral ba/ yi ge'i tshul rnam pa gnyis las rnam par grol ba/ lhag chad med par thugs su chud pa'o/ /de la
391a2 ngo bo nyid kyis gnas pa'i chos gang zhe na/ 'di lta ste/ sngon gyi 'phags pa'i lam rnying pa gser dang / dngul la sogs pa'i ngo bo nyid bzhin du chos kyi dbyings
391a3 rtag par gnas pa'ang de bzhin gshegs pa rnams 'jig rten du byung yang rung / 'jig rten du ma byung yang rung ste/ chos kyi dbyings rtag par gnas pa ni ji ltar
391a4 grong khyer de dag tu 'gro ba'i lam bzhin du 'dug pa'o/ /blo gros chen po/ dper na/ skyes bu la la zhig 'brog dgon pa na 'khyam pa las grong khyer rnying par
391a5 'gro ba'i lam mnyam zhing ma grol ba zhig mthong nas/ grong khyer der zhugs te yid bzhin gyi bde ba rjes su myong na/ blo gros chen po/ de ji snyam du sems/ lam
391a6 de dang / grong khyer na yod pa'i bde ba sna tshogs de dag des byas pa yin nam/ gsol pa/ de ma lags so/ /bcom ldan 'das kyis bka' stsal pa/ blo gros
391a7 chen po/ nga dang 'das pa'i de bzhin gshegs pa dag gis thugs su chud pa'i chos kyi dbyings mi 'gyur bar gnas pa'ang de bzhin te/ des na de'i phyir ngas
391b1 'di skad du gang gi nub mo ngas mngon par rdzogs par sangs rgyas pa nas gang gi nub mo yongs su mya ngan las 'da' bar 'gyur ba de'i bar du yi ge gcig kyang ma bshad/ mi
391b2 'chad/ 'chad par mi 'gyur ro zhes smras so/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /gang gi nub
391b3 mo mngon sangs rgyas/ /gang gi nub mo mya ngan 'das/ /de dag gnyis kyi bar du yang / /nga yis cung zad bshad pa med/ /rang gis mngon rtogs chos gnas pas/ /de phyir
391b4 ngas ni 'di skad bshad/ /nga dang sangs rgyas de dag la/ /bye brag gyur pa ci yang med/ /de nas yang byang chub sems dpa' blo gros chen pos bcom ldan 'das la gsol
391b5 pa btab pa/ bcom ldan 'das/ chos thams cad kyi mchis pa dang / ma mchis pa'i mtshan nyid bshad du gsol/ de na bdag dang byang chub sems dpa' sems
391b6 dpa' chen po gzhan rnams mchis pa dang mchis pa spangs nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /
391b7 bcom ldan 'das kyis bka' stsal pa/ blo gros chen po/ de'i phyir shin tu legs par nyon la yid la gzung zhig dang ngas khyod la bshad do/ /blo gros chen pos
392a1 bcom ldan 'das la legs so zhes gsol nas bka' mnyan pa dang / bcom ldan 'das kyis bka' stsal pa/ blo gros chen po/ 'jig rten 'di
392a2 dag ni gnyis la gnas so/ /'di lta ste/ yod pa la gnas pa dang / dngos po rnams dngos po med pa la mos pa'i lta bar ltung ba ste/ 'byung ba ma yin pa la 'byung bar
392a3 'du shes pa'o/ /de la blo gros chen po/ ji ltar na 'jig rten pa dag yod pa la gnas pa yin zhe na/ 'di lta ste/ 'jig rten ni rgyu dang rkyen rnams yod na skye'i med pa las
392a4 ma yin pas/ yod pa las skye ste/ med pa las skye ba ni ma yin no zhes/ blo gros chen po/ des de skad du smra na/ 'jig rten rgyu med par smra ba yin no/ /blo gros chen po/
392a5 ji ltar na 'jig rten med pa las gnas pa yin zhe na/ 'di lta ste/ 'dod chags dang / zhe sdang dang / gti mug gi dngos por khas blang ba byas la/ de'i 'og tu 'dod chags
392a6 dang / zhe sdang dang / gti mug gi dngos po med par rnam par rtog cing mngon par zhen pa'o/ /blo gros chen po/ dngos po yod par khas mi len pa ni dngos po'i mtshan nyid
392a7 rab tu dben pa'i phyir 'di ltar de bzhin gshegs pa dang / nyan thos dang / rang sangs rgyas rnams 'dod chags dang / zhe sdang dang / gti mug gi dngos po la yod ces
392b1 bya ba dang / med ces bya bar khas len par mi byed do/ /blo gros chen po/ de la ji ltar na rnam par 'jig par byed pa yin/ blo gros chen pos bcom ldan 'das la gsol pa/
392b2 bcom ldan 'das/ gang des 'dod chags dang / zhe sdang dang / gti mug gi dngos po khas blangs la slad kyis ni khas mi len pa dag lags so/ /bcom ldan 'das kyis
392b3 bka' stsal pa/ blo gros chen po/ legs so/ /legs so/ /gang khyod kyis de ltar go ba ni legs so/ /blo gros chen po/ de ni 'dod chags dang / zhe sdang dang / gti mug gi
392b4 dngos po dngos po med pa 'ba' zhig rnam par 'jig par byed pa ma yin gyi/ nyan thos dang / rang sangs rgyas rnams kyang rnam par 'jig pa yin no/ /de ci'i phyir zhe na/
392b5 'di lta ste/ nang dang phyi rol mi dmigs pa'i phyir dang nyon mongs pa rnams tha dad pa dang / tha dad pa ma yin pa'i phyir ro/ /blo gros chen po/ 'dod chags dang / zhe sdang dang /
392b6 gti mug rnams ni nang dang phyi rol na'ang mi dmigs te/ 'dod chags dang / zhe sdang dang / gti mug gi dngos po lus med pa'i phyir dang / khas len pa med pa'i phyir ro/ /
392b7 sangs rgyas dang / nyan thos dang / rang sangs rgyas rnams ni rnam par 'jig par byed pa ma yin te/ sangs rgyas dang / nyan thos dang / rang sangs rgyas de dag ni rang bzhin
393a1 gyis rnam par grol ba'i phyir dang / 'ching ba dang bcing ba'i rgyu dngos po med pa'i phyir ro/ /blo gros chen po/ bcing bar bya ba yod na bcing ba'ang
393a2 yod de/ bcing ba'i rgyu yin pa'i phyir ro/ /blo gros chen po/ de skad du rnam par 'jig par byed pa smra ba 'di'ang med pa'i mtshan nyid ces bya'o/ /blo gros chen po/ ngas de
393a3 la dgongs nas gang zag tu lta ba ri rab tsam yod pa ni bla'i/ mngon pa'i nga rgyal can gyi stong pa nyid du lta ba ni ma yin no zhes bshad de/ blo gros chen po/ med pa'i mngon
393a4 pa'i nga rgyal can ni rnam par 'jig par byed pa yin no/ /rang dang spyi'i mtshan nyid du ltung ba'i bsam pa can dag rang gi sems snang ba tsam du mi shes pas phyi rol gyi dngos
393a5 po rnams mi rtag cing skad cig ma gcig nas gcig tu rnam par 'jig par mthong nas/ phung po dang / khams dang / skye mched rnams ni rgyun mi 'chad cing rnam par
393a6 'gyur ba dang / yi ge'i mtshan nyid dang bral bar rnam par rtog na'ang rnam par 'jig par byed pa yin no/ /de nas bcom ldan 'das kyis don de nyid yang bstan pa'i
393a7 phyir tshigs su bcad pa 'di dag gsungs so/ /yod dang med pa mtha' gnyis te/ /ci tsam sems kyi spyod yul rnams/ /spyod yul de dag rab spangs na/ /sems
393b1 mnyam rab dben zhi bar 'gyur/ /yul gyi dngos la 'dzin med pas/ /'gog pa med pa ma yin te/ /yod pa'i dngos rnams de bzhin nyid/ /'phags pa'i spyod yul ji
393b2 bzhin no/ /rgyu med pa las skye 'gyur zhing / /byung nas de ni 'gag par 'gyur/ /rgyu rkyen yod dang med ces pa/ /nga yi bstan la de mi gnas/ /mu stegs can dang sangs rgyas dang / /
393b3 nga dang gzhan gyis byas min te/ /rgyu rkyen 'dus las 'byung yin na/ /ji lta bur na med par 'gyur/ /rgyu rkyen yod pa sus bsags na/ /med pa zhes ni rjod par byed/ /log lta
393b4 smra ba chos skye ba/ /rnam par rtog pas yod med brtags/ /gang gis cung zad skye med dang / /'gag pa med par rab shes pa/ /'jig rten dben par mthong bas na/ /yod med
393b5 gnyis las rnam par 'grol/ /de nas yang byang chub sems dpa' sems dpa' chen po blo gros chen pos bcom ldan 'das la 'di skad ces gsol to/ /bcom ldan 'das/
393b6 bdag dang byang chub sems dpa' gzhan rnams la grub pa'i mtha'i tshul gyi mtshan nyid bshad du gsol/ grub pa'i mtha'i tshul gyi mtshan nyid rab tu dbye ba la mkhas par
393b7 gyur na bdag dang byang chub sems dpa' rnams de'i mtshan nyid rtogs par 'gyur te/ de'i mtshan nyid rtogs nas kyang myur du bla na med pa yang dag par rdzogs pa'i byang chub
394a1 mngon par rdzogs par 'tshang rgya zhing rtog pa'i mtshan nyid dang / bdud dang mu stegs can gyi rjes su 'brang bar mi 'gyur ro/ /bcom ldan 'das
394a2 kyis bka' stsal pa/ blo gros chen po/ de'i phyir shin tu legs par nyon la yid la gzung zhig dang / ngas khyod la bshad do/ /blo gros chen pos bcom ldan 'das la de
394a3 bzhin 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po/ nyan thos dang / rang sangs rgyas dang / byang chub sems dpa' thams
394a4 cad kyi grub pa'i mtha'i tshul gyi mtshan nyid ni rnam pa gnyis te/ 'di lta ste/ grub pa'i mtha'i tshul dang / bshad pa'i tshul lo/ /de la/ blo gros chen po/ grub pa'i mtha'i tshul
394a5 ni 'di lta ste/ so so rang gis rig pa'i bye brag gi mtshan nyid thob pa la dmigs pa/ tshig dang yi ge'i rnam par rtog pa dang bral ba/ zag pa med pa'i dbyings su 'jug
394a6 pa| rang gis rtogs pa'i sa'i rang gi mtshan nyid yang dag pa ma yin pa/ rtog pa can gyi 'du shes thams cad spangs pa/ mu stegs can dang / bdud thams cad btul
394a7 nas so so rang gis rig pa'i tshul la dmigs pa'i 'od kyis rnam par mdzes pa de ni/ grub pa'i mtha'i tshul gyi mtshan nyid ces bya'o/ /de la bshad pa'i tshul gyi mtshan nyid
394b1 gang zhe na/ 'di lta ste/ gsung rab yan lag rnam pa dgu sna tshogs su bshad pa yin te/ tha dad pa dang / tha dad pa ma yin pa dang / yod pa dang / med pa la sogs pa'i mtshan
394b2 nyid spangs pa thabs mkhas pas sems can gyi mos pa ji lta ba bzhin du chos bstan nas rnam par grol ba 'thob par byed pa de ni bshad pa'i tshul gyi mtshan nyid ces
394b3 bya'o/ /blo gros chen po/ de lta bas na khyod dang byang chub sems dpa' gzhan dag gis de la brtson par bya'o/ /de nas bcom ldan 'das kyis don de nyid yang bstan pa'i phyir tshigs
394b4 su bcad pa 'di dag gsungs so/ /grub pa'i mtha' dang bshad tshul ni/ /so so rang rig bstan pa ste/ /gang gis mthong zhing rab 'byed na/ /de dag rtog pa'i dbang mi 'gro /ji
394b5 ltar byis pa rtog pa bzhin/ /yang dag dngos po yod min na/ /ci phyir rtog pa can rnams kyis/ /dngos po med la thar par 'dod/ /'dus byas so sor rtog pa'i tshe/ /skye 'jig
394b6 la sogs 'brel mthong ba/ /lta ba gnyis po rgyas par byed/ /phyin log shes pa med pa yin/ /gcig pa de ni yang dag bden/ /nyes med de ni mya ngan 'das/ /'jig rten rnam
394b7 rtog rab brtags na/ /sgyu ma rmi lam chu shing bzhin/ /'dod sdang gti mug yod kyang ni/ /yang dag gang zag yod pa min/ /sred pa las ni phung po 'byung / /srid pa sgyu ma rmi
395a1 lam 'dra/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das/ yang dag pa
395a2 ma lags pa yongs su rtog pa'i mtshan nyid bdag la bshad du gsol/ yang dag pa ma lags pa'i yongs su rtog pa rnams ji ltar 'byung bar 'gyur/ ji lta bu la yang
395a3 dag pa ma lags pa'i yongs su rtog pa zhes bgyi/ chos gang zhig la yang dag pa ma lags pa yongs su rtog lags/ bcom ldan 'das kyis bka' stsal pa/ blo
395a4 gros chen po/ legs so/ /legs so/ /de bzhin gshegs pa la de lta bu'i don 'dri bar sems pa ni skye bo mang po la phan pa dang / skye bo mang po la bde ba dang / 'jig
395a5 rten la snying brtse ba dang / lha dang / mi phal po che'i don dang / phan pa dang bde ba'i phyir zhugs pa yin te/ de'i phyir shin tu legs par nyon la yid la gzung zhig dang / ngas
395a6 khyod la bshad do/ /blo gros chen pos bcom ldan 'das la gsol pa/ legs so/ /legs so/ /bcom ldan 'das/ de bzhin du 'tshal lo zhes bka' mnyan pa dang / bcom
395a7 ldan 'das kyis bka' stsal pa/ blo gros chen po/ don rnam pa tha dad pa sna tshogs dang / yang dag pa ma yin pa'i rnam par rtog pa sna tshogs las mngon par zhen pa'i rnam
395b1 par rtog pa 'byung ste/ blo gros chen po/ gzung ba dang / 'dzin pa la mngon par zhen pa dang / rang gi sems snang ba tsam du ma rtogs pa dang / yod pa dang med pa'i lta bar ltung
395b2 ba| mu stegs can gyi lta ba shin tu rgyas par byed pa dang / rnam par rtog pa'i bag chags kyis phyi rol gyi don sna tshogs la mngon par zhen pa dang / sems dang sems las
395b3 byung ba'i rnam par rtog pa ni bdag dang bdag gir mngon par zhen pa las 'byung ngo / /blo gros chen pos bcom ldan 'das la gsol pa/ bcom ldan 'das/ gal te don
395b4 rnam pa tha dad pa sna tshogs dang / yang dag pa ma lags pa'i rnam par rtog pa sna tshogs las mngon par zhen pa'i rnam par rtog pa 'byung ste/ gzung ba dang / 'dzin pa la
395b5 mngon par zhen pa dang / rang gi sems snang ba tsam du rtogs pa dang / mchis pa dang ma mchis pa'i lta bar lhung ba/ mu stegs can gyi lta ba rgyas par bgyid pa dang / rnam par
395b6 rtog pa'i bag chags kyis phyi rol gyi don sna tshogs la mngon par zhen pa dang / sems dang sems las byung ba'i rnam par rtog pa dag /bdag dang bdag gir mngon par zhen
395b7 pa las 'byung ba zhig lags na/ bcom ldan 'das/ de lta na ni phyi rol gyi don sna tshogs kyi mtshan nyid dang / mchis pa dang ma mchis par lhung ba'i mtshan nyid dngos po
396a1 dang / dngos po ma mchis pa dang bral ba dang / lta ba dang bral ba'i mtshan nyid las ji ltar bzlog pa de bzhin du/ bcom ldan 'das/ don
396a2 dam pa'i gnas su'ang tshad ma dang / dbang po dang / yan lag dang / dpe dang / rgyu'i mtshan nyid las kyang bzlog par 'gyur ro/ /bcom ldan 'das/ ci'i slad du
396a3 gcig la ni yang dag pa ma lags pa'i don sna tshogs kyi dngos por mngon par zhen pa'i rnam par rtog pa 'byung la/ don dam pa'i mtshan nyid la ni mngon par
396a4 zhen pa'i rnam par rtog pa mi 'byung / ci bcom ldan 'das/ mi mtshungs pa rgyur gsung bar mi 'gyur ram zhe na/ gcig las ni 'byung / gcig las ni mi 'byung zhes
396a5 bka' stsal/ bcom ldan 'das kyis bka' stsal pa/ blo gros chen po/ rnam par rtog pa ni gcig las 'byung ba'am/ gcig las mi 'byung ba ma yin te/ de ci'i phyir zhe
396a6 na| 'di lta ste/ yod pa dang med pa'i rnam par rtog pa mi 'byung ba'i phyir dang / phyi rol na snang ba'i dngos po dngos po med pa'i phyir dang / rang gi sems snang ba tsam du rtogs
396a7 pa'i phyir rnam par rtog pa mi skye'o/ /blo gros chen po/ ngas ni gzhan byis pa so so'i skye bo rang gi sems sna tshogs kyi rnam par rtog pa'i mtshan nyid kyi phyir las kyi dngos
396b1 po mngon du gyur pas rnam par rtog pa sna tshogs kyi dngos po'i mtshan nyid la mngon par zhen pa 'byung bar bshad de/ ji ltar na byis pa so so'i skye bo 'di dag bdag dang bdag gir
396b2 mngon par zhen par lta ba rnam par spangs te/ byed pa dang / bya ba'i rgyu rkyen dang / 'bras bu las bzlog cing rnam par rtog pa/ rang gi sems snang ba tsam du rtogs pas
396b3 lus dang sems shin tu gyur te/ sa thams cad la mthar phyin par mkhas shing de bzhin gshegs pa dag gi so so rang gis rig pa'i spyod yul la 'jug pa dang / chos
396b4 lnga dang / rang bzhin dang / dngos por lta ba'i rnam par rtog pa las ldog pa 'thob par 'gyur snyam nas/ rgyu de dang rkyen de'i phyir ngas rnam par rtog pa rnams ni yang dag pa ma
396b5 yin pa'i don sna tshogs la mngon par zhen pa las 'byung ngo zhes bshad pa yin te/ yang dag pa'i don ji lta ba bzhin du yongs su shes pas na rnam par grol ba 'thob
396b6 ste| rnam par rtog pa sna tshogs 'byung bar mi 'gyur ro/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /rgyu rnams
396b7 dang ni rkyen rnams kyis/ /gang rnams 'jig rten 'byung zhes pa/ /rnam rtog mtha' bzhir zhen pa ste/ /de dag nga yi tshul mi shes/ /'jig rten yod las mi skye ste/ /de
397a1 bzhin med las skye ba'ang min/ /yod med las kyang mi skye zhing / /yod min med min las min na/ /rgyu dag dang ni rkyen rnams su/ /byis pa rnams
397a2 ni ci phyir rtog /yod pa ma yin med pa'ang min/ /de bzhin yod med gnyis ka min/ /de ltar 'jig rten rab mthong na/ /sems gyur bdag med pa yang 'thob/ /dngos
397a3 po thams cad mi skye ste/ /rkyen rnams las ni byung ba'i phyir/ /thams cad rkyen gyis byas pa yin/ /byas pa rnams ni bdag yod min/ /dngos pos dngos po mi skyed
397a4 de| |dngos po gnyis yod skyon phyir dang / /dngos po gnyis med skyon gyi phyir/ /dngos po rnams ni gnyis su med/ /'dus byas chos rnams rab brtags te/ /dmigs
397a5 byed dmigs bya yongs spangs na/ /de ni sems med sems tsam ste/ /sems tsam du yang ngas bshad do/ /tsam ni ngo bo nyid kyi gnas/ /rkyen dngos gnyis ka spangs pa
397a6 ste| |dngos po mthar thug dag gi mchog /sems tsam zhes ni ngas bshad do/ /kun rdzob bdag ces nyer brtag pa/ /de ni rdzas su yod ma yin/ /phung po phung po zhes btags
397a7 pa| |dngos med pa yang de bzhin no/ /mnyam pa nyid ni rnam bzhi ste/ /mtshan nyid dang rgyu dngos las byung / /gsum pa bdag med mnyam pa ste/ /bzhi pa rnal 'byor rnal
397b1 'byor pa/ /rnam rtog bag chags g.yos pas na/ /sems ni rnam pa sna tshogs skyes/ /yul rnams phyi rol snang bar gyur/ /de ni 'jig rten sems tsam mo/ /phyi rol snang
397b2 ba yod min te/ /sems ni sna tshogs rnams su snang / /lus dang longs spyod rnams gzhag pa/ /sems tsam du ni ngas bshad do/ /lta ba thams cad yongs spangs shing //
397b3 rtog dang brtag bya bral ba ste/ /dmigs med skye ba med pa ni/ /sems tsam du yang ngas bshad do/ /dngos med dngos med ma yin pa/ /dngos dang dngos med spangs pas na/ /
397b4 sems de rnam par grol zhes pa/ /sems tsam du yang ngas bshad do/ /de bzhin nyid dang yang dag mtha'/ /mya ngan 'das dang chos kyi dbyings/ /sna tshogs yid kyi lus
397b5 rnams ni/ /sems tsam du yang ngas bshad do/ /de nas byang chub sems dpa' blo gros chen pos bcom ldan 'das la 'di skad ces gsol to/ /'di ltar bcom ldan
397b6 'das kyis byang chub sems dpa' sems dpa' chen po rnams ngag dang don la mkhas par bya'o zhes gsungs na/ ji ltar na byang chub sems dpa' ngag dang don la
397b7 mkhas pa lags/ de la ngag ni ji lta bu/ don ni ji lta bu lags/ bcom ldan 'das kyis bka' stsal pa/ blo gros chen po/ de'i phyir shin tu legs par nyon la yid la
398a1 gzung zhig dang ngas khyod la bshad do/ /blo gros chen pos bcom ldan 'das la gsol pa/ legs so/ /bcom ldan 'das/ de bzhin du 'tshal
398a2 lo zhes bka' mnyan pa dang / bcom ldan 'das kyis bka' stsal pa/ de la/ blo gros chen po/ ngag gang zhe na/ 'di lta ste/ tshig dang yi ge'i rnam par rtog pa phrad pa yin
398a3 te| mgrin pa dang / mid pa dang / mchu dang / lce dang / so dang / rkan dang / 'gram pa la brten nas ngag tu brjod pa'i rnam par rtog pa'i bag chags kyi rgyu de las byung ba
398a4 de ni ngag ces bya'o/ /blo gros chen po/ don gang zhe na/ 'di lta ste/ rnam par rtog pa'i mtshan nyid thams cad dang / brjod pa'i mtshan nyid yongs su spangs pa de ni don ces
398a5 bya'o/ /blo gros chen po/ byang chub sems dpa' sems dpa' chen pos don 'di lta bu'i phyir gcig pu dben par song nas thos pa dang / bsams pa dang / bsgoms
398a6 pa'i shes rab kyis rang gis rig pa la dmigs shing mya ngan las 'da' ba'i grong khyer du 'gro ba/ bag chags kyi lus rab tu gyur nas so so rang gis rig pa'i spyod
398a7 yul sa dang sa'i gnas gzhan gyi bye brag gi don gyi mtshan nyid la rab tu spyod pa de ni byang chub sems dpa' sems dpa' chen po rnams kyi don la mkhas pa yin no//
398b1 gzhan yang / blo gros chen po/ ngag gi don la mkhas pa'i byang chub sems dpa' sems dpa' chen po ni ngag dang don tha dad pa'ang ma yin/ tha mi dad par yang ma yin par
398b2 so sor rab tu rtog ste/ don dang ngag la so sor rtog pa'ang de bzhin no/ /gal te ngag dang don tha dad na ni don gsal bar byed pa'i rgyu dag ma yin par 'gyur pa zhig na/ ngag
398b3 gi don gyi rjes su 'jug ste/ ji ltar mar mes gzugs la sogs pa gsel bar byed pa bzhin no/ /gzhan yang / blo gros chen po/ ma skyes pa dang / ma 'gags pa dang /
398b4 rang bzhin gyis yongs su mya ngan las 'das pa dang / theg pa gsum dang / theg pa gcig dang / sems dang rang bzhin la sogs pa la sgra ji bzhin du mngon par zhen pa
398b5 la brten nas mngon par zhen pa ni sgro 'dogs pa dang / skur pa'i mthar lhung ba yin no/ /lta ba rnam pa gzhan du gnas la rnam par bzhag pa gzhan du rnam par rtog
398b6 pa ni sgyu ma lta bu'i rnam par rtog pa sna tshogs su snang ste/ ji ltar sgyu ma sna tshogs su snang ba de bzhin du byis pa so so'i skye bo rnams rnam pa gzhan du so sor rnam par
398b7 rtog gi /'phags pa rnams ni ma yin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sgra bzhin rnam
399a1 rtog de dag gis/ /chos rnams gang dag rnam gzhag pa/ /de ltar de dag sgro btags pas/ /shi 'phos dmyal ba'i gnas su lhung / /phung
399a2 po rnams la bdag med de/ /phung po nyid kyang bdag ma yin/ /de dag btags pa bzhin du med/ /med pa nyid kyang ma yin no/ /dngos po thams cad yod gyur la/ /ji
399a3 ltar byis pas brtags pa ltar/ /de ste mthong bzhin de yod na/ /thams cad bden pa mthong bar 'gyur/ /chos rnams dngos po med na ni/ /rnam dag ma dag yod
399a4 ma yin/ /ji ltar mthong ba bzhin min te/ /de dag med pa'ang ma yin no/ /gzhan yang / blo gros chen po/ ye shes dang rnam par shes pa'i mtshan nyid bshad par bya ste/
399a5 gal te ye shes dang rnam par shes pa'i mtshan nyid rab tu dbye ba la mkhas par gyur na/ khyod dang byang chub sems dpa' rnams ye shes dang / rnam par shes pa'i
399a6 mtshan nyid rtogs par khong du chud cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de la/ blo gros chen po/
399a7 ye shes de ni rnam pa gsum yod de/ 'di lta ste/ 'jig rten pa dang / 'jig rten las 'das pa dang / 'jig rten las 'das pa'i mchog go /de la 'jig rten pa'i
399b1 ye shes gang zhe na/ 'di lta ste/ mu stegs can dang / byis pa so so'i skye bo rnams yod pa dang / med pa la mngon par zhen pa'o/ /'jig rten las 'das pa'i ye shes
399b2 gang zhe na/ 'di lta ste/ nyan thos dang / rang sangs rgyas thams cad rang dang spyi'i mtshan nyid du lhung ba'i bsam pa la mngon par zhen pa'o/ /'jig rten las 'das
399b3 pa mchog gi ye shes gang zhe na/ 'di lta ste/ sangs rgyas dang byang chub sems dpa' rnams kyi snang ba med pa'i chos la rab tu rnam par 'byed pa dang / skye ba med pa dang /
399b4 'gag pa med par mthong ba dang / yod pa dang / med pa'i phyogs dang bral ba/ de bzhin gshegs pa'i sa/ gang zag dang / chos bdag tu med pa so so rang gis rig pa
399b5 las byung ba'o/ /gzhan yang ye shes ni rnam pa gsum yod de/ 'di lta ste/ skye ba dang 'jig pa rtogs pa'i ye shes dang / rang dang spyi'i mtshan nyid rtogs pa'i ye shes dang / skye ba
399b6 med pa dang 'gag pa med pa rtogs pa'i ye shes so/ /blo gros chen po/ de la skye zhing 'jig pa ni rnam par shes pa'o/ /mi skye mi 'jig pa ni ye shes so/ /mtshan ma dang mtshan ma
399b7 med par lhung ba dang / yod pa dang med par lhung ba dang / mtshan nyid sna tshogs kyi rgyu las skyes pa ni rnam par shes pa'o/ /yod pa dang med pa'i mtshan nyid las shin tu
400a1 'das pa ni ye shes so/ /gzhan yang skye ba dang ldan pa'i mtshan nyid ni rnam par shes pa'o/ /skye ba med pa dang ldan pa'i mtshan nyid ni ye
400a2 shes so/ /gzhan yang thogs pa med pa'i mtshan nyid ni ye shes so/ /yul sna tshogs la thogs pa dang bcas pa'i mtshan nyid ni rnam par shes pa'o/ /gzhan yang dngos
400a3 po gsum 'dus pa las skye ba'i thabs kyi mtshan nyid ni rnam par shes pa'o/ /dngos po dang thabs med pa'i rang bzhin gyi mtshan nyid ni ye shes so/ /gzhan yang thob pa'i
400a4 mtshan nyid ni rnam par shes pa'o/ /thob pa med pa'i mtshan nyid ni ye shes te/ rang nyid 'phags pa'i so so rang gis rig pa'i ye shes kyi spyod yul rtogs pas na mi 'jug
400a5 mi 'byung ba'i phyir chu'i zla ba bzhin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /las rnams gsog pa
400a6 rnams shes te/ /mi gsog de ni ye shes so/ /chos rnams so sor rab brtags te/ /snang ba med par rtogs pa dang / /dbang dang stobs kyang thob gyur na/ /de ni shes rab
400a7 ces bya'o/ /yul dang 'brel pa sems yin te/ /rnam rtog rig pa ye shes yin/ /snang ba med dang khyad par las/ /shes rab dag ni skye bar 'gyur/ /sems dang yid dang
400b1 rnam shes dang / rtogs pa'i 'du shes spangs pa dang / /rnam rtog med pa'i chos thob pa/ /rgyal sras yin te nyan thos min/ /rang zhi khyad par bzod pa dang / /de bzhin gshegs
400b2 pa rnam dag gi /ye shes las ni don dge skye/ /kun tu spyod pa rnam par spangs/ /nga yi ye shes rnam gsum ste/ /'phags pas yang dag rab tu phye/ /mtshan nyid de la rtog
400b3 pa ni/ /dngos po rnams dang 'brel ba'o/ /theg pa gnyis ni ldan pa min/ /ye shes snang ba rnam par spangs/ /dngos po yod par zhen pa ni/ /nyan thos rnams las byung
400b4 ba yin/ /sems tsam las ni 'das pa na/ /bde gshegs ye shes dri ma med/ /gzhan yang / blo gros chen po/ mu stegs can rnams la rnam par 'gyur bar smra ba rnam
400b5 pa dgu yod pas mu stegs can rnams kyi 'gyur bar lta ba skye'o/ /'di lta ste/ dbyibs 'gyur ba dang / mtshan nyid 'gyur ba dang / rgyu 'gyur ba dang / rigs 'gyur ba dang / lta
400b6 ba 'gyur ba dang / ngo bo nyid 'gyur ba dang / rkyen snang bar byed pa 'gyur ba dang / bya ba snang bar byed pa 'gyur ba dang / dngos po 'gyur ba'o/ /blo gros chen po/ 'di ni rnam par
400b7 'gyur ba'i lta ba rnam pa dgu zhes bya ste/ de'i rgyus mu stegs can thams cad yod pa dang med pa las skye ba'i rnam par 'gyur ba smra bar 'gyur ba yin no/ /de la dbyibs 'gyur
401a1 ba gang zhe na/ 'di ltar dbyibs gzhan du 'gyur bar mthong ba ste/ dper na/ gser las snod dang / rgyan sna tshogs su byas pas dbyibs sna
401a2 tshogs su gyur par snang yang gser gyi ngo bo nyid la 'gyur ba med pa de bzhin du dngos po thams cad 'gyur ba'ang de bzhin na zhes rtog pa'o/ /mu stegs can kha cig ni
401a3 'di ltar rtog ste/ dngos po 'gyur gyi rnam par rtog pa de dag ni de bzhin du'ang ma yin/ gzhan du'ang ma yin par rnam par rtog pa'i phyir de ltar dngos po thams cad
401a4 'gyur ba dang / 'o ma dang / zho dang / chang dang / 'bras bu smin pa lta bur shes par bya ste/ mu stegs can dag gis rnam par 'gyur bar brtags pa'i rnam par 'gyur
401a5 ba de dag med pas na yod pa'am med pa ni rang gi sems snang ba tsam du zad de/ phyi rol gyi dngos po ni dngos po med pa'o/ /blo gros chen po/ de bzhin du byis pa so
401a6 so'i skye bo rnams rang gi rnam par rtog pa la goms pas na/ blo gros chen po/ chos gang yang skye ba'am/ 'jig pa med de/ ji ltar sgyu ma dang / rmi lam gyi gzugs
401a7 skye bar mthong ba bzhin no/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /dbyibs gnas dus ni 'gyur
401b1 ba las/ /'byung ba chen po'i dbang po dang / /srid pa bar ma rim skye bar/ /rtog pa yin te mkhas pa min/ /rgyal bas rten cing 'brel 'byung la/ /de dag ltar ni rtog ma yin/ /
401b2 'on kyang 'jig rten rten 'brel ni/ /dri za'i grong khyer ji bzhin no/ /byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das
401b3 chos thams cad kyi mtshams sbyor ba'i don dang / rnam par grol ba'i don bshad du gsol/ gal te mtshams sbyor ba dang / mtshams sbyor ba ma lags pa'i mtshan nyid
401b4 rab tu 'byed pa la mkhas par gyur na/ bdag dang byang chub sems dpa' rnams mtshams sbyor ba thams cad kyi thabs la mkhas pas sgra ji bzhin gyi don la mngon
401b5 par zhen pa'i mtshams sbyor bar mi ltung ba dang / chos thams cad kyi mtshams sbyor ba dang / mtshams sbyor ba ma lags pa'i mtshan nyid la mkhas pas tshig dang yi ge
401b6 la rnam par rtog pa'i blo yongs su spangs te/ sangs rgyas kyi zhing thams cad bgrod cing 'khor gyi dkyil 'khor dpag tu ma mchis par mchi ba dang / stobs dang / dbang
401b7 ba dang / mngon par shes pa dang / gzungs kyi phyag rgya dang / sprul pa sna tshogs dang / 'od zer gyis kun tu gsal bar bgyid cing rig pa'i blos mthar thug pa'i
402a1 gnas bcu la rab tu 'jug pa dang / sbyor ba mngon par 'du bgyid pa ma mchis pas nyi ma dang / zla ba dang / nor bu dang / 'byung ba
402a2 chen po bzhi dang mtshungs pa dang / sa thams cad la rang gi sems rnam par rtog pa'i mtshan nyid du lta ba spangs shing chos thams cad sgyu ma dang / rmi lam la
402a3 sogs pa lta bur mthong bas sangs rgyas kyi sa dang sku la 'jug pa dang / sems can gyi khams thams cad la ci rigs par chos ston pas drangs te/ chos
402a4 thams cad sgyu ma dang / rmi lam la sogs pa lta bur khong du chud par bgyi ba dang / mchis pa dang ma mchis pa'i phyogs dang / skye ba dang 'jig pa'i rnam par
402a5 rtog pa spong bar brjod pa dang / tha dad pa'i don la rab tu 'god pas lus khyad par can du'ang 'gyur ro/ /bcom ldan 'das kyis bka' stsal pa/ blo gros
402a6 chen po/ legs so/ /legs so/ /de'i phyir shin tu legs par nyon la yid la zungs shig dang / ngas khyod la bshad do/ /blo gros chen pos bcom ldan 'das
402a7 la gsol pa/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po/ chos thams cad la sgra ji bzhin du mngon
402b1 mngon par zhan pa'i mtshams sbyor ba ni tshad med de/ 'di lta ste/ mtshan nyid la mngon bar zhen pa'i mtshams sbyor ba dang / rkyen la mngon bar zhen pa'i mtshams sbyor ba
402b2 dang / dngos po dang dngos po med pa la mngon par zhen pa'i mtshams sbyor ba dang / skye ba dang mi skye bar rnam par rtog pa la mngon par zhen pa'i mtshams sbyor ba
402b3 dang / 'gog pa ma yin par rnam par rtog pa mngon par zhen pa'i mtshams sbyor ba dang / theg pa dang theg pa ma yin par rnam par rtog pa mngon par zhen pa'i
402b4 mtshams sbyor ba dang / 'dus byas dang 'dus ma byas su rnam par rtog pa mngon par zhen pa'i mtshams sbyor ba dang / sa dang sa'i rang gi mtshan nyid la rnam par
402b5 rtog pa mngon par zhen pa'i mtshams sbyor ba dang / rang gi rnam par rtog pa la bar chad med pa yod par rnam par rtog pa mngon par zhen pa'i mtshams sbyor ba dang /
402b6 yod pa dang med pa'i phyogs mu stegs can gyi gnas la rnam par rtog pa mngon par zhen pa'i mtshams sbyor ba dang / theg pa gsum dang / theg pa gcig la bar chad
402b7 med pa yod par rnam par rtog pa mngon par zhen pa'i mtshams sbyor ba'o/ /blo gros chen po/ de dag dang gzhan rnams kyang byis pa so so'i skye bo rnams kyis rang gi
403a1 rnam par rtog pas mtshams sbyor ba yin te/ de ltar mtshams sbyor ba'i phyir byis pa so so'i skye bo rnams rnam par rtog par byed pas
403a2 ji ltar dar gyi srin bu skon par byed pa bzhin du rnam par rtog pa'i dar skud kyis bdag dang gzhan la yongs su dkri zhing yod pa dang med par mtshams sbyor
403a3 ba'i mtshan nyid la mngon par zhen to/ /blo gros chen po/ 'di la mtshams sbyor ba dang / mtshams mi sbyor ba'i mtshan nyid gang yang med de/ chos thams cad
403a4 rab tu dben par mthong bas rnam par rtog pa mi 'byung ba'i phyir byang chub sems dpa' sems dpa' chen po rnams chos thams cad rab tu dben par mthong ngo //
403a5 gzhan yang / blo gros chen po/ phyi rol gyi dngos po rnams dngos po med pa dang / rang gi sems snang ba'i mtshan nyid du khong du chud cing snang ba med pa dang / rang
403a6 gi sems snang ba tsam du so sor rtog pa'i rjes su 'brang ba dang / yod pa dang med pa'i dngos po thams cad kyi mtshan ma med pa dang / rnam par rtog pa'i mtshams
403a7 sbyor ba rab tu dben par mthong ba'i phyir chos thams cad la mtshams sbyor ba'ang med/ mtshams sbyor ba ma yin pa'i mtshan nyid kyang med do/ /blo gros chen po/
403b1 'di la gang yang 'ching ba'am grol ba med de/ gzhan du na yang dag pa ma yin par lhung ba'i blo can dag gis bcings pa dang grol ba yod par shes so/ /de ci'i phyir
403b2 zhe na/ 'di lta ste/ chos thams cad la yod pa dang / med pa dang / sems can mi dmigs pa'i phyir ro/ /gzhan yang / blo gros chen po/ byis pa so so'i skye bo rnams kyi
403b3 mtshams sbyor ba ni rnam pa gsum yod de/ 'di lta ste/ 'dod chags dang / zhe sdang dang / gti mug yin te/ ma 'ongs pa la sred pa'ang srid pa la dga' ba'i 'dod
403b4 chags dang ldan pa des mtshams sbyor ba'i phyir/ srid pa'i 'gro ba rnams su mtshams sbyor bar 'gyur ro/ /de'i mtshams sbyor ba ni 'gro ba lnga po rnams su mtshams
403b5 sbyor ba yin te/ blo gros chen po/ mtshams sbyor ba bcad pa la ni mtshams sbyor ba dang / mtshams sbyor ba ma yin pa'i mtshan nyid gang yang med do/ /gzhan yang
403b6 blo gros chen po/ gsum 'dus pa'i rkyen dang / bya ba'i sbyor ba la mngon par zhen pa rnam par shes pa rnams kyi mtshams sbyor ba bar chad med par 'byung ngo / /sbyor ba
403b7 la mngon par zhen pas srid pa'i mtshams sbyor bar 'gyur te/ gsum 'dus pa'i rkyen gyis rnam par shes pa spangs shing rnam par thar pa gsum mthong na/ mtshams
404a1 sbyor ba thams cad mi 'byung ngo / /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /yang dag
404a2 ma yin rnam rtog ni/ /mtshams sbyor mtshan nyid ces bya ste/ /de dag yang dag yongs shes na/ /mtshams sbyor dra ba chod par 'gyur/ /dngos po rnams ni ma shes pas/ /sgra
404a3 yi rjes su 'dzin par byed/ /ji ltar dar gyi srin bu bzhin/ /mtshams sbyor dra bas rang la 'ching / /byis pa rnam rtog rab bcings pas/ /mtshams sbyor so sor rtog mi
404a4 byed// //'phags pa lang+kar gshegs pa rin po che'i mdo las/ bam po drug pa/ yang blo gros chen pos bcom ldan 'das la gsol pa/ bcom ldan
404a5 'das kyis ji skad du rnam par rtog pa gang dang gang gis dngos po gang dang gang brtags pa de dang de dag ni kun brtags pa nyid de/ de dag la rang bzhin med pas kun brtags
404a6 pa'i rang bzhin kho na'o zhes gang gsungs pa/ bcom ldan 'das/ gal te kun brtags pa'i rang bzhin tsam kho na ste/ dngos po'i rang bzhin gyi mtshan nyid la ltos pa zhig
404a7 ma lags na/ bcom ldan 'das/ kun nas nyon mongs pa dang / nam bar byang ba dngos po ma mchis par bka' stsal pa'i skyon du mi 'gyur ba lags sa ma/ chos thams
404b1 cad ni kun brtags pa'i rang bzhin nyid de dngos po ma mchis pa'i slad du'o/ /bcom ldan 'das kyis bka' stsal pa/ blo gros chen po/ de de bzhin te/ khyod kyis ji skad smras
404b2 pa bzhin no/ /blo gros chen po/ ji ltar byis pa so so'i skye bo rnams kyis dngos po'i rang bzhin du rnam par brtags pa ltar yang dag pa nyid ni de lta ma yin pas kun brtags
404b3 pa'i rang bzhin de ni dngos po'i rang bzhin gyi mtshan nyid du yod pa ma yin te/ 'on kyang / blo gros chen po/ 'phags pa rnams kyi ye shes kyis dngos po yod pa'i rang bzhin ji lta
404b4 ba bzhin du 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis dngos po'i rang bzhin de bzhin du rtogs so/ /blo gros chen pos
404b5 gsol pa/ bcom ldan 'das/ gal te 'phags pa rnams kyi 'phags pa'i ye shes dang / 'phags pa'i mthong ba dang / 'phags pa'i shes rab kyi mig gis lags
404b6 kyi/ lha'i mig dang / sha'i mig gi dngos po'i rang bzhin de bzhin du rtogs par mi 'gyur te/ byis pa so so'i skye bo dag gis ji ltar brtags pa de ltar ma lags na/
404b7 bcom ldan 'das/ ji ltar gyis pa so so'i skye bo rnams kyi rnam par rtog pa ldog par 'gyur te/ 'phags pa'i ngo bo nyid kyi dngos po khong du ma chud pa'i slad du'o/ /bcom
405a1 ldan 'das/ de dag ni phyin ci log kyang ma lags/ phyin ci ma log pa'ang ma lags so/ /de ci'i slad du zhe na/ 'di lta ste/ 'phags pa'i
405a2 dngos po'i ngo bo'i rang bzhin khong du ma chud pa dang / mchis pa dang / ma mchis pa dang bral ba'i mtshan nyid ma mthong ba'i slad du'o/ /bcom ldan 'das/ 'phags pa rnams ni
405a3 'di lta bu'i mthong bas de lta bu'i dngos po ltar rnam par brtags pa bzhin du mthong bar mi 'gyur te/ rang gi mtshan nyid kyi yul la spyod yul du mi bgyid pa'i slad du'o/ /
405a4 bcom ldan 'das/ de dag la'ang dngos po'i rang bzhin gyi mtshan nyid rnams kun brtags pa'i rang bzhin nyid bzhin du snang ste/ rgyu ma bstan pas rgyu ma mchis pa'i slad du
405a5 'di lta ste/ dngos po'i mtshan nyid kyi lta bar lhung bas spyod yul tha dad par 'gyur te/ de dag ji lta ba bzhin du ma lags pas 'di ltar thug pa ma mchis pa'i nongs par 'gyur te/
405a6 bcom ldan 'das/ dngos po'i rang bzhin gyi mtshan nyid khong du ma chud pa'i slad du'o/ /bcom ldan 'das/ rnam par rtog pa'i rang bzhin gyi rgyus dngos po'i rang bzhin gyi
405a7 mtshan nyid ma lags na/ ji ltar kun tu rtog pa de dag kun tu rtog par mi 'gyur zhing / yang dag pa ji lta ba bzhin du kun brtags lags par khong du chud par 'gyur/ bcom
405b1 ldan 'das/ so sor rnam par rtog pa'i mtshan nyid kyang gzhan/ rang bzhin gyi mtshan nyid kyang gzhan te/ bcom ldan 'das/ rgyu mi mtshungs na rnam par rtog pa dang / rang bzhin gyi
405b2 mtshan nyid la de dag ci'i slad du so sor rnam par rtog par mi bgyid/ gzhan yang ci'i slad du byis pa so so'i skye bo rnams ni yang dag pa ji lta ba bzhin su mi rig ste/ 'on kyang
405b3 sems can rnams kyi rnam par rtog pa yongs su spang pa'i phyir kun brtags pa'i mtshan nyid bzhin no zhes bstan kyang yang dag pa yod pa ma yin no zhes gsungs/ bcom ldan
405b4 'das| ci'i slad du sems can rnams kyis mchis pa dang ma mchis pa dang mchis pa'i lta ba'i dngos po'i rang bzhin dang / 'phags pa'i ye shes kyi spyod yul la mngon par zhen pa dang /
405b5 mchis pa'i lta bar lhung ba la mngon par zhen pa bzlog nas stong pa'i chos ni dngos po med ngo zhes gsungs shing 'phags pa'i rang bzhin gyi dngos po bka' stsal/ bcom ldan
405b6 'das kyis bka' stsal pa/ blo gros chen po/ nga ni stong pa'i chos dngos po med par bshad pa'ang ma yin/ yod pa'i lta bar lhung bas 'phags pa'i ye shes kyi rang bzhin gyi
405b7 dngos po bstan pa'ang ma yin te/ 'on kyang sems can rnams kyi sgrag pa'i gnas yongs su spang ba'i phyir sems can gang dag thog ma med pa'i dus nas dngos po'i rang
406a1 bzhin gyi mtshan nyid la mngon par zhen pa/ 'phags pa'i ye shes kyi dngos po'i rang bzhin la mtshan nyid du lta zhing mngon par zhen pa dag la stong pa
406a2 nyid kyi chos bshad do/ /blo gros chen po/ ngas dngos po'i rang bzhin bstan pa ni med mod kyi/ blo gros chen po/ 'on kyang nga ni rang nyid kyis yang dag pa ji lta ba bzhin du khong du
406a3 chud pa/ stong pa nyid kyi chos la rab tu gnas shing nor pa'i mtshan nyid du lta ba yongs su spangs pas rang gi sems snang ba dang / dngos po dang / dngos po med par lta ba dang
406a4 bral ba rnam par thar pa gsum gyis yang dag pa ji lta ba bzhin du khong du chud pa'i phyag rgyas shin tu btab cing dngos po'i rang bzhin rnams la so so rang gis rig pa'i blos so
406a5 sor rab tu rtog cing gnas pas yod pa dang / med pa'i dngos por lta ba'i mtshan nyid yongs su spangs pa yin no/ /gzhan yang / blo gros chen po/ byang chub sems dpa'
406a6 sems dpa' chen pos chos thams cad ma skyes pa'o zhes dam bca' bar mi bya'o/ /de ci'i phyir zhe na/ 'di lta ste/ dam bca' ba'i dngos po thams cad dngos po med pa'i
406a7 phyir dang / de'i rgyu las skye ba'i mtshan nyid kyi phyir chos thams cad ma skyes pa'o zhes dam bcas te smras na/ dam bcas pa de nyams par 'gyur ro/ /gang dam bcas pa des
406b1 chos thams cad ma skyes pa'o zhes dam bcas pa de nyams par 'gyur ba ni 'di ltar dam bca' ba'ang ltos pa yod pa las skyes pa'i phyir ro/ /yang ma skyes pa zhes dam bca'
406b2 pa de ni chos thams cad kyi nang du gtogs pa'i phyir ro/ /ma nyams pa'i mtshan nyid ni mi skye ba'i phyir chos thams cad ma skyes pa zhes dam bcas na smra ba de nyams par
406b3 'gyur ro/ /blo gros chen po/ yod pa dang med pa ma skyes par dam bcas pa'i dam bcas pa de ni dngos po thams cad kyi nang du gtogs pa yod pa dang med pa'i mtshan nyid
406b4 mi dmigs so/ /blo gros chen po/ gal te dam bcas pa ma skyes pa des dngos po thams cad ma skyes pa'o zhes dam bca' bar byed na/ de lta na'ang dam bcas pa las nyams
406b5 par 'gyur te/ 'di ltar yod pa dang med pa'i dngos po'i mtshan nyid ni mi skye ba'i phyir dam bca' bar mi bya'o/ /yan lag lnga dang ldan pa'i smra ba ni nyes pa mang po'i phyir
406b6 dang / phan tshun rgyu tha dad pa'i mtshan nyid kyi phyir dang / byas pa'i phyir yan lag rnams dam bca' bar mi bya'o/ /'di lta ste/ chos thams cad ma skyes pa dang / de bzhin du
406b7 chos thams cad stong pa dang / rang bzhin med pa'o zhes dam bca' bar mi bya mod kyi/ blo gros chen po/ 'on kyang byang chub sems dpa' sems dpa' chen pos chos thams
407a1 cad sgyu ma dang / rmi lam lta bu bstan par bya ste/ snang ba dang / mi snang ba'i mtshan nyid kyi phyir lta ba dang / blo slu bar byed pa'i phyir chos thams
407a2 cad sgyu ma dang / rmi lam lta bu'i ngo bo nyid du bstan par bya'o/ /gzhan du na byis pa so so'i skye bo rnams skrag pa'i gnas spangs bar bya ba'i phyir dang / blo gros chen po/ byis pa
407a3 so so'i skye bo rnams yod pa dang / med pa'i lta bar lhung ba de dag skrag par mi 'gyur zhing theg pa chen po las ring du mi 'gyur bar bya ba'i phyir ro/ /de nas bcom ldan 'das
407a4 kyis don de nyid yang bstan pa'i phyir tshigs su bcad pa 'di dag gsungs so/ /rang bzhin med pas brjod du med/ /dngos po med cing mtshams sbyor med/ /'di dag
407a5 ro bzhin gyis pa yi/ /log pa'i blo yis rnam par brtags/ /chos rnams thams cad ma skyes pa/ /de ni mu stegs gzhung ma yin/ /mthar ni skye ba gang yang med/ /dngos
407a6 po rkyen gyis bsgrubs pa'o/ /chos rnams thams cad ma skyes pas/ /blo ldan mtshan mar 'dzin mi byed/ /dam bcas rgyu las skyes pa'i phyir/ /mkhas pa dag gis
407a7 yongs su spong / /ji ltar rab rib mig can gyis/ /skra shad mtshan nyid log par mthong / /de bzhin dngos por mngon zhen pa'ang / /byis pas log par rnam par brtags//
407b1 ji tsam srid gsum nyer 'dogs pa/ /dngos po'i rang bzhin yod ma yin/ /dngos po'i rang bzhin nyer btags pas/ /rtog pa can rnams rtog par byed/ /mtshan dngos
407b2 chog ni rnam bzhag pas/ /yid 'khrug rab tu g.yos par 'gyur/ /rgyal sras rnam rtog de dag las/ /shin tu 'das shing yongs su spangs/ /chu ma yin la chur 'dzin
407b3 pa| |de ni skom gyi sred las skyes/ /byis pa de bzhin nor bar 'gyur/ /'phags pas mthong ba de lta min/ /'phags pa'i mthong ba yongs dag ste/ /rnam thar ting nge 'dzin
407b4 las skyes/ /skye dang 'jig pa rab spangs te/ /snang ba med la rab tu spyod/ /snang ba med la rnal 'byor pas/ /dngos dang dngos med pa yang med/ /dngos dang dngos med
407b5 mnyam pa na/ /de la 'phags pa'i 'bras bu skye/ /ji ltar dngos po dngos med dang / /mnyam pa nyid du ji ltar 'gyur/ /sems kyis de ni ma shes pas/ /phyi dang nang ni rab
407b6 tu g.yos/ /nam zhig de ni 'jig byed na/ /sems kyis mnyam pa nyid kyang mthong / /de nas blo gros chen pos bcom ldan 'das la 'di skad ces gsol to/ /bcom
407b7 ldan 'das/ bcom ldan 'das kyis ji skad du nam dmigs par bya ba'i dngos po shes pas mi dmigs pa de na btags pa tsam du rnam par bzhag pa yin te/ rnam
408a1 par bzhag pa'i gzung ba med pas 'dzin pa'ang med pa yin no/ /'dzin pa med pa'i phyir shes pa'ang mi 'jug ste/ btags pa'i ming tsam
408a2 mo zhes gsungs na/ bcom ldan 'das/ ci dngos po rnams kyi rang dang spyi'i mtshan nyid tha dad pa dang tha dad pa ma lags par khong du ma chud pa'i slad du shes pas mi dmigs
408a3 lags sam/ 'on te rang dang spyi'i mtshan nyid sna tshogs kyis dngos po'i ngo bo nyid zil du glag pa'i slad du shes pas mi dmigs lags sam/ de ste ri brag dang / rtsig pa dang /
408a4 sa dang / chu dang / me dang / rlung gis bar du chod pa'i slad du shes pas mi dmigs lags sam/ ha cang thag ring ba dang / nye ba nyid du shes pas mi dmigs lags sam/
408a5 'on te rgan po dang / byis pa dang / long ba rnams dbang po dang mi ldan pa'i slad du shes pas mi dmigs lags/ bcom ldan 'das/ gal te rang dang spyi'i mtshan nyid tha dad
408a6 pa dang / tha dad pa ma lags pa khong du chud pa'i slad du shes pas mi dmigs pa zhig lags na ni de shes pas zhes mi brjod kyi/ mi shes pa zhes bgyi ste/ don mchis kyang
408a7 mi dmigs pa'i slad du'o/ /de ste rang dang spyi'i mtshan nyid sna tshogs kyis dngos po'i ngo bo nyid zil du rlag pa'i slad du shes pas mi dmigs pa zhig lags na ni de'ang mi shes pa
408b1 ste/ shes pa ma lags so/ /bcom ldan 'das/ shes bya mchis pa'i slad du shes pa 'byung gi /dngos po ma mchis pa las ni ma lags te/ shes bya dang ldan pa'i slad du shes pa
408b2 zhes bgyi'o/ /de ste ri brag dang / rtsig pa dang / sa dang / chu dang / me dang / rlung gis chod pa rnams dang / rgyang ring po dang / nye ba dang / rgan po dang / byis pa dang / long par gyur pas
408b3 dbang po rnams ma tshang bar gyur pa'i slad du shes pas mi dmigs pa lags na ni/ de'ang shes pa zhes mi bgyi bas mi shes pa lags te/ dngos po mchis kyang mi dmigs
408b4 pa'i slad du'o/ /bcom ldan 'das kyis bka' stsal pa/ blo gros chen po/ de ni de ltar mi shes pa ma yin te/ shes pa yin pas mi shes pa ma yin no/ /ngas de la ldem por dgongs
408b5 te/ nam dmigs pa'i dngos po shes pas mi dmigs pa de na btags pa tsam du rnam par bzhag pa yin no zhes ma bshad de/ rang gi sems snang ba tsam du khong du ma chud pas
408b6 yod pa dang med pa las phyi rol gyi dngos po dang dngos po med pa srid par shes pas dngos po mi dmigs pa'i phyir shes pa shes bya la mi 'jug go /rnam par thar pa gsum gyi
408b7 rjes su shes pa'ang mi dmigs te/ rtog pa can thog ma med pa'i dus nas dngos po dang dngos po med par spros pa'i bag chags kyis bsgos pa'i blo can rnams kyis de ltar
409a1 shes pa ma yin no/ /shes pa des de dag ma shes pa'i phyir phyi rol gyi dngos po rnams kyi mtshan nyid kyi rang bzhin la dngos po med do zhes rnam par
409a2 rtog pa mi spong gi /rang gi sems snang ba tsam rnam par 'jog pas bdag dang bdag gi mtshan nyid du 'dzin pa la mngon par zhen te/ rang gi sems snang ba tsam du ma chud
409a3 pas shes pa dang shes bya la so sor rnam par rtog ste/ rnam par rtog pa'i phyir phyi rol gyi dngos po dngos po med par so sor rnam par brtags kyang mi dmigs pas chad
409a4 par lta bar rab tu rten to/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /dmigs bya dag ni yod bzhin du/ /
409a5 shes pa so sor mi rtog pa/ /de ni shes min mi shes par/ /rtog ge pa yis bshad pa yin/ /tha dad min pa'i mtshan nyid dang / /chod pa dang ni nye ring dag/ ci ste shes pas
409a6 mi rtog na/ /de ni log pa'i shes pa yin/ /rgan po byis pa ldongs gyur dag /shes bya yang dag yod bzhin du/ /shes pa rnams ni mi skye ba/ /de yang log pa'i shes la
409a7 yin/ /gzhan yang / blo gros chen po/ byis pa so so'i skye bo rnams thog ma med pa'i dus kyi yang dag pa ma yin pa'i gnas ngan len gyi log pa'i rnam par rtog pas
409b1 yongs su bsgyur zhing / yongs su bsgyur ba'i tshe rang gi grub pa'i mtha'i tshul dang / bshad pa'i tshul la mi mkhas pas rang gi sems snang ba la phyi rol gyi dngos po'i mtshan nyid
409b2 du mngon par zhen pa'i phyir thabs kyis brjod pa la mngon par zhen cing / rang gi grub pa'i mtha'i mtha' bzhi rnam par dag pa'i tshul gyi mtshan nyid rnam par 'byed pa la
409b3 mi mkhas so/ /blo gros chen pos bcom ldan 'das la gsol ba/ ji ltar bcom ldan 'das kyis bka' stsal pa bzhin no/ /bcom ldan 'das/ ci nas kyang bdag dang byang
409b4 chub sems dpa' sems dpa' chen po gzhan rnams tshul rnam pa gnyis la mkhas pas ma 'ongs pa'i dus na so so'i skye bo dang / nyan thos dang / rang sangs rgyas kyi theg
409b5 pa rnams kyis glags rnyed par mi 'gyur ba'i bshad pa'i tshul dang / grub pa'i tshul bdag la bshad du gsol/ /bcom ldan 'das kyis bka' stsal pa/ blo gros chen
409b6 po/ legs so/ /legs so/ /de'i phyir legs par nyon la yid la gzung zhig dang ngas khyod la bshad do/ /blo gros chen pos bcom ldan 'das la gsol ba/ de bzhin
409b7 du 'tshal lo zhes bka' mnyan pa dang / bcom ldan 'das kyis blo gros chen po la 'di skad ces bka' stsal to/ /dus gsum gyi de bzhin gshegs pa rnams kyi chos
410a1 kyi tshul rnam la gnyis yod de/ 'di lta ste/ bstan pa'i tshul dang / rang gi grub pa'i mtha'i tshul lo/ /de la bstan pa'i tshul ni 'di lta ste/
410a2 sems can rnams kyi sems kyi mos pa ji lta ba bzhin du tshogs sna tshogs kyi mdo sde bshad pa ste/ de ni bstan pa'i tshul zhes bya'o/ /de la rang gi grub pa'i mtha'i tshul
410a3 ni 'di lta ste/ rnal 'byor pa rnams rang gi sems snang ba'i rnam par rtog pa sna tshogs yongs su spangs nas/ 'di lta ste/ gcig pa dang / tha dad pa dang / gnyis ka
410a4 dang / gnyis ka ma yin pa'i phyogs su ma lhung ba/ sems dang / yid dang / yid kyi rnam par shes pa thams cad las shin tu 'das pa/ so so rang gis rig pa 'phags
410a5 pa'i spyod yul/ rgyu dang / rigs pa dang / lta ba'i mtshan nyid dang bral ba/ mu stegs can dang / nyan thos dang / rang sangs rgyas kyi theg pa mtha' gnyis su lhung ba
410a6 thams cad kyis mi shes pa de ni ngas rang gi grub pa'i mtha'i tshul gyi chos so zhes bshad do/ /blo gros chen po/ de ni rang gi grub pa'i mtha'i tshul dang / bstan pa'i
410a7 tshul gyi mtshan nyid ces bya ste/ de la khyod dang byang chub sems dpa' sems dpa' chen po gzhan dag gis bsgrub cing bslab par bya'o/ /de nas bcom ldan 'das kyis
410b1 don de nyid yang bstan pa'i phyir tshigs su bcad pa 'di gsungs so/ /nga yi tshul ni rnam gnyis te/ /grub pa'i mtha' dang bstan pa'o/ /byis pa rnams la brjod pa bshad/ /rnal
410b2 'byor pa la grub mtha'o/ /de nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das/ ji ltar bcom ldan
410b3 'das kyis dus gcig gi tshe 'di skad du 'jig rten rgyang pan pa'i smra ba dang / spobs pa can sna tshogs la bslab cing bsnyen par mi bya'o/ /de la slob cing bsnyen nas zang zing
410b4 sdud de/ chos sdud pa ma yin no/ /zhes gsungs na/ bcom ldan 'das ci'i slad du de skad ces bka' stsal/ bcom ldan 'das kyis bka' stsal pa/ blo gros chen po/
410b5 'jig rten rgyang pan pa rnams ni sna tshogs pa'i tshig gi tshogs dang / rgyu dang rkyen dang / dpe rnams sdud cing 'god pa dag gis byis pa so so'i skye bo rnams slu zhing
410b6 rnam par rmongs par byed pas yang dag pa de kho na'i rang gi tshul la 'jug par mi byed la chos thams cad khong du mi chud de/ phyin ci log tu rnam par rtog pas mtha'
410b7 gnyis su lhung ba dang / byis pa dag shin tu rmongs par byed cing bdag nyid kyis yang rnam par 'jig pas 'gro ba rnams su mtshams sbyor gyi/ rnam par grol ni
411a1 mi 'thob ste/ rang gi sems snang ba cam du khong du ma chud cing phyi rol gyi dngos po'i rang bzhin ma spangs pa dang / rnam par rtog pa la mngon
411a2 par zhen pas so/ /de lta bas na 'jig rten rgyang ban pa spobs pa sna tshogs can ni skye ba dang / rga ba dang / na ba dang / 'chi ba dang / mya ngan dang / smre sngags 'don
411a3 pa dang / sdug bsngal ba dang / 'khrug pa las yongs su mi 'grol te/ yongs su slu zhing shin tu rmongs par byed pa yin no/ /blo gros chen po/ brgya byin lha'i dbang
411a4 po bstan bcos mang po la mkhas pas bdag nyid kyis sgra'i bstan bcos byas pa las 'jig rten rgyang pan pa de'i slob ma klu'i gzugs dang cha byad 'dzin pa zhig
411a5 brgya byin lha'i dbang po'i gnas su song nas/ 'di skad du dam bcas so/ /bdag khyod dang chos smra bar bya ste/ gal te khyod kyis bdag ma thub par gyur na ni khyod kyi
411a6 rtsibs stong dang ldan pa'i 'khor lo gzhig par bya'o/ /bdag pham par gyur na ni mgo re re nas bcad de pham pa'i nyes pa khas blang ngo zhes dam bcas nas chos smras
411a7 pa las brgya byin lha'i dbang po pham par byas te/ 'khor lo rtsibs stong dang ldan pa bshig nas slar mi'i 'jig rten 'dir 'ongs so/ /de ltar/ blo gros chen po/ 'jig
411b1 rten rgyang pan pa rgyu dang dpe sna tshogs bkod pas 'di ltar tha na byol song du gyur pas kyang tshig gi tshogs rnam pa sna tshogs kyis lha dang lha ma yin rnams shin tu rmongs par
411b2 byed cing / skye ba dang / 'jig pa'i lta ba la rab tu 'god par byed na/ mi rnams lta smos kyang ci dgos/ de lta bas na/ blo gros chen po/ 'jig rten rgyang pan pa rnams yongs
411b3 su spang bar bya ste/ sdug bsngal skye ba'i rgyu 'thob par byed pas bslab cing bsnyen par mi bya'o/ /blo gros chen po/ 'jig rten rgyang pan pa rnams ni lus dang blos yul
411b4 dmigs pa tsam du ston to/ /blo gros chen po/ 'jig rten rgyang pan pa de dag stong phrag brgya yod de/ phyi ma'i dus lnga brgya tha ma la bstan pa bsdus pa rnams 'jig par
411b5 byed cing rtog ge ngan pa'i rgyu dang / lta ba rnams rgyas par 'gyur ba na slob ma ngan pa rnams yongs su 'dzin par byed do/ /'di ltar/ blo gros chen po/ 'jig rten rgyang pan
411b6 pa bsdus pa 'jig par byed pa rnams ni tshig gi tshogs dang / rgyu dang / dpe sna tshogs bkod pas mu stegs kyi dngos po brjod cing rang gi rkyen la mngon par zhen pas rab
411b7 gi tshul yod pa ma yin no/ /blo gros chen po/ mu stegs can de dag la rang gi tshul gyi bstan bcos med pas gzhan dag la 'jig rten rgyang pan pa rnams dngos po'i
412a1 sgo brgya stong du ma tshad med pa rnams rgya cher ston par byed de/ rang gi tshul yod pa ma yin pa dang / blun zhing gti mug pa 'jig rten rgyang pan
412a2 pa yin par rang gis mi shes so/ /de la blo gros chen pos bcom ldan 'das la 'di skad ces gsol to/ /bcom ldan 'das /gal te mu stegs can 'jig rten rgyang
412a3 pan pa rnams tshig gi tshogs dang / rgyu dang / dpe sna tshogs su 'brel bas rang gi tshul ma mchis te/ rang gi dngos po la mngon par zhen pa lags na ni/ bcom ldan
412a4 'das kyang 'jig rten rgyang pan pa nyid ston te/ 'di ltar phyogs tha dad pa sna tshogs nas 'dus pa'i 'khor lha dang / mi dang / lha ma yin rnams la tshig gi tshogs rnam pa
412a5 sna tshogs tshad ma mchis pa rnams kyis rgya cher gsung bas/ de'ang rang gi tshul ma mchis pa ma lags sam/ mu stegs can gyi shes pa dang / tha snyad brjod pa'i
412a6 grangs su mchi ba ma lags sam/ bcom ldan 'das kyis bka' stsal pa/ blo gros chen po/ nga ni 'jig rten rgyang pa na mi 'chad de/ 'ong ba dang 'gro ba med pas 'ong ba
412a7 med pa dang / 'gro ba med pa 'ba' zhig tu ston te/ blo gros chen po/ 'ong ba zhes bya ba ni 'gro ba rnams 'dus pa las skye ba'o/ /'gro ba zhes bya ba ni rnam par 'jig pa ste/ 'gro
412b1 ba med pa dang / 'ong ba med pa ni mi skye mi 'jig pa yin no/ /blo gros chen po/ ngas bshad pa'i chos rnams ni 'jig rten rgyang pan bar lhung ba dang / rnam par rtog pa'i grangs su
412b2 gtogs pa ma yin te/ de ci'i phyir zhe na/ 'di lta ste/ phyi rol gyi dngos po dang / dngos po med pa la mngon par ma zhen cing rang gi sems snang ba tsam la gnas pas mtha'
412b3 gnyis kyi rnam par rtog pas mi g.yos la mtshan ma'i spyod yul dngos po med pa dang / rang gi sems snang ba tsam du khong du chud pas rang gi sems snang ba'i rnam par rtog pa
412b4 mi skye ste/ rnam par rtog pa mi skye ba ni stong pa dang / mtshan ma med pa dang / mngon par 'du bya ba med pa'i rnam par thar pa gsum la zhugs pas rnam par grol ba zhes bya'o/ /
412b5 blo gros chen po/ ngas mngon par dran pa dus gcig gi tshes phyogs shig na 'dug pa na bram ze'i 'jig rten rgyang pan pa zhig nga ga la ba der 'ongs nas rab tu dben pa ma 'di
412b6 bar nga la 'di skad ces zer ro/ /kye gau ta ma/ thams cad byas pa yin nam/ ngas de'i tshe 'di skad du/ kye bram ze thams cad byas pa zhes zer ba 'di ni 'jig rten rgyang pan
412b7 pa dang po'o/ /des yang dris pa/ thams cad ma byas pa yin nam/ ngas yang 'di skad du thams cad byas pa ma yin pa 'di ni 'jig rten rgyang pan pa gnyis pa yin no zhes
413a1 smras so/ /des yang dris pa/ thams cad rtag pa'am/ thams cad mi rtag pa'am/ thams cad skye ba'am/ thams cad mi skye ba'am/ ngas
413a2 de'i tshe 'di skad du de dag ni 'jig rten rgyang pan pa drug pa'o zhes smras so/ /blo gros chen po/ des yang 'di skad du thams cad gcig pa'am/ thams cad tha dad pa'am/
413a3 thams cad gnyis ka'am/ thams cad gnyis ka ma yin pa'am/ thams cad rgyu sna tshogs las skye ba snang bar gyur pa'am zhes dris pa dang / ngas de'i tshe 'di skad du de
413a4 dag ni 'jig rten rgyang pan pa bcu gcig pa'o zhes smras so/ /blo gros chen po/ des yang 'di skad du/ kye thams cad lung du ma bstan pa zhig yin nam/ thams cad lung du
413a5 bstan pa zhig yin nam/ bdag yod pa zhig gam/ bdag med pa zhig gam/ 'jig rten 'di med pa zhig gam/ 'jig rten pha rol yod pa zhig gam/ 'jig rten pha
413a6 rol med pa zhig gam/ rnam par grol ba yod pa zhig gam/ rnam par grol ba med pa zhig gam/ thams cad skad cig pa'am/ thams cad skad cig pa ma yin pa'am/
413a7 nam mkha'am/ so sor brtags pa ma yin pa'i 'gog pa'am/ mya ngan las 'das pa'am/ kye gau ta ma/ byas pa'am/ ma byas pa'am/ bar ma de'i srid pa yod pa zhig
413b1 gam| bar ma do'i srid pa med pa zhig gam dris pa dang / blo gros chen po/ ngas de'i tshe 'di skad ces/ kye bram ze/ de skad du smra ba de dag thams cad ni 'jig rten rgyang pan pa yin
413b2 pas ngas bstan pa ma yin gyi/ khyod kyi 'jig rten rgyang pan pa yin no zhes smras so/ /bram ze/ nga ni thog ma med pa'i dus nas yang dag pa ma yin pa rnam par rtog pa'i bag
413b3 chags sna tshogs kyi gnas ngan len rnams srid pa gsum gyi rgyu yin pa dang / rang gi sems snang ba tsam du khong du ma chud pas rnam par rtog pa byung nas phyi rol gyi dngos
413b4 po la dmigs par byed pa 'ba' zhig ston gyi/ ji ltar mu stegs can dag bdag dang / dbang po rnams dang / don gsum 'dus pa las shes pa skye ba lta bur nga ni de lta bu
413b5 ma yin no/ /bram ze/ nga ni rgyur smra ba'ang ma yin/ rgyu med par smra ba'ang ma yin gyi/ rnam par rtog pa gzung ba dang / 'dzin pa'i dngos po tsam la rten cing 'brel bar 'byung
413b6 ba zhes nye bar 'dogs te/ khyod dang gang dag bdag tu 'dzin par lhung ba'i rgyun chad dag gis shes par bya ba ma yin no/ /blo gros chen po/ mya ngan las 'das pa dang / nam
413b7 mkha' dang / 'gog pa dag rnam pa gsum du yod pa ma yin gyi/ grangs tsam du gsum yod par zad do/ /gzhan yang / blo gros chen po/ de'i tshe bram ze 'jig rten rgyang pan
414a1 pa nga la 'di skad ces zer ro/ /kye mi shes pa dang / sred pa dang / las kyi rgyu'i phyir srid pa gsum yod par gyur pa'am/ 'on kyang rgyu med pa
414a2 las yin/ ngas de'i tshe 'di skad ces 'di gnyis ka'ang 'jig rten rgyang pan pa'o zhes smras so/ /des yang 'di skad du/ kye dngos po thams cad rang dang spyi'i mtshan nyid
414a3 du gtogs pa zhig yin nam zhes dris pa dang / nga yang 'di skad du 'di'ang 'jig rten rgyang pan pa nyid yin te/ bram ze/ ji tsam du yid rnam par g.yos pa dang / phyi rol
414a4 gyi don la mngon par zhen cing rnam par rtog pa de dag thams cad kyang 'jig rten rgyang pan pa'o zhes smras so/ /gzhan yang / blo gros chen po/ de'i tshe bram ze 'jig rten rgyang pan
414a5 pas nga la yang dris pa/ kye 'jig rten rgyang pan pa ma yin pa 'ga' lta yod dam/ bdag ni mu stegs can thams cad kyi gtso bo yin te/ tshig gi tshogs dang / rgyu dang / dpe
414a6 sna tshogs kyi bkod pa dag ston pa'o/ /ngas yang 'di skad du/ kye bram ze/ yod de/ khyod la yod pa ni ma yin no/ /grub pa'i mtha' med pa'ang ma yin/ ston pa'ang ma yin/
414a7 sna tshogs kyi tshig gi tshogs mi ston pa'ang ma yin/ rgyu dang dpe mi 'god pa'ang ma yin no zhes smras so/ /bram zhes smras pa/ 'jig rten rgyang pan ma yin pa dang / grub
414b1 pa'i mtha' med pa'ang ma yin pa dang / mi ston pa'ang ma yin pa de lta bu yin/ ngas de'i tshe 'di skad du/ bram ze/ 'jig rten rgyang pan ma yin pa yod de/ mu stegs can
414b2 khyed rnams kyis shes par mi nus te/ 'di ltar pha rol gyi dngos po la yang dag pa ma yin pa rnam par rtog pa'i spros pas mngon par zhen pa'i phyir ro/ /'di lta ste/
414b3 rnam par rtog pa mi skye zhing yod pa dang med pa rang gi sems snang ba tsam du khong du chud par rnam par rtog pa mi skye ba dang / phyi rol gyi yul la 'dzin pa med cing rnam
414b4 par rtog pa rab tu zhi ba de ni 'jig rten rgyang pa nam yin pa zhes bya ste/ 'di ni nga'i chos yin pas khyod la yod pa ma yin no/ /kye bram ze/ mdor bsdus te bstan na rnam
414b5 par shes pa de 'ong ba dang / 'gro ba dang / shi 'pho ba dang / skye ba dang / bde ba dang / sdug bsngal ba dang / bya ba dang / lta ba dang / reg pa dang / mtshan nyid sna tshogs la
414b6 mngon par zhen pa dang / 'dus te mtshams sbyor ba dang / sred pa dang / rgyu la mngon par zhen pa ste/ kye bram ze/ 'di lta bu la sogs pa de dag thams cad ni khyod la sogs
414b7 pa'i 'jig rten rgyang pan yin te/ nga la yod pa ni ma yin no/ /blo gros chen po/ bram ze 'jig rten rgyang pan pas dris pa la ngas de skad du lan btab pa dang / de cang mi
415a1 smra bar gyur te/ lan med pas slar song ngo / /de rang gi tshul gyi gnas la sems shing 'di skad du dge sbyong shAkya'i bu ni tshul las shin tu 'das pas
415a2 na skye ba med pa dang / mtshan ma med pa dang / rgyu med pa dang / rang gi rnam par rtog pa snang ba'i mtshan nyid khong du chud pas rnam par rtog pa mi skye bar smra'o snyam mo/ /blo gros
415a3 chen po/ 'di ni khyod kyis sngar nga la ci'i slad du 'jig rten rgyang pan pa spobs pa sna tshogs can la slob cing bsten la zang zing sdud de/ chos sdud pa ma yin no zhes bka'
415a4 stsal ces dris pa'i 'o/ /blo gros chen pos bcom ldan 'das la gsol pa/ bcom ldan 'das/ zang zing sdud pa dang / chos zhes bgyi ba'i tshig gi don ji lta bu lags/ bcom
415a5 ldan 'das kyis bka' stsal pa/ blo gros chen po khyod kyi ma 'ongs pa'i sems can rnams kyi phyir tshig gi don 'di lta bu sems shing 'dri ba legs so/ /legs so/ /de'i phyir
415a6 shin tu legs par nyon la yid la gzung zhig dang ngas khyod la bshad do/ /blo gros chen pos bcom ldan 'das la gsol pa/ de bzhin du 'tshal lo zhes bka' mnyan
415a7 pa dang / bcom ldan 'das kyis bka' stsal pa/ blo gros chen po/ 'di lta ste/ zang zing zhes bya ba ni len pa dang / gtong ba dang / reg pa dang / myang ba dang / phyi rol gyi
415b1 yul la mngon par zhen pa dang / mtha' gnyis kyi lta bar ltung ba dang / yang sdug bsngal gyi phung po bskyed pa dang / skye ba dang / rga ba dang / na ba dang / 'chi ba dang / mya ngan
415b2 dang / smre sngags 'don pa dang / 'khrug pa rnams te/ de lta bu'i sgyu ma rnams ni sred pa las byung bas/ de'i phyir 'jig rten rgyang pan slob cing sten pa rnams dang / 'jig
415b3 rten rgyang pan pa rnams ni nga dang sangs rgyas gzhan dag gis kyang zang zing zhes brjod de/ 'di ni zang zing sdud cing chos sdud pa ma yin pa zhes bya'o/ /blo gros chen po/
415b4 chos sdud pa gang zhe na/ 'di lta ste/ rang gi sems snang ba tsam du legs par rtogs shing khong du chud pa dang / gang zag dang chos bdag med pa'i mtshan nyid thob pas
415b5 rnam par rtog pa mi skye ba dang / sa rnams la gong nas gong du shin tu mkhas pas sems dang / yid dang / yid kyi rnam par shes pa ldog pa dang / sangs rgyas thams
415b6 cad kyi ye shes dang / dbang bskur ba phun sum tshogs pa dang / mthar thug pa med pa'i gnas bcu yongs su gzung ba dang / chos thams cad la rtsol ba med par dbang byed pa
415b7 ni chos zhes bya ste/ de ni 'di lta ste/ lta ba thams cad dang / spros pa thams cad dang / rnam par rtog pa thams cad dang / dngos po thams cad dang / mtha' gnyis thams
416a1 cad du mi ltung ngo / /blo gros chen po/ mu stegs can byis pa rnams ni phal cher rtag pa dang / chad pa'i mtha' gnyis su ltung gi mkhas pa rnams
416a2 ni ma yin no/ /de la rgyu med par smra ba yongs su bzung bas ni rtag par lta ba 'byung ngo / /phyi rol gyi rgyu 'jig cing rgyu dang rkyen dngos po med par mthong ba las ni chad par
416a3 lta ba 'byung ste/ blo gros chen po/ de ni skye ba dang / gnas pa dang / 'jig pa mi mthong ba'i phyir chos zhes bya'o/ /blo gros chen po/ de ni zang zing dang chos zhes bya ste/
416a4 de la khyod dang byang chub sems dpa' sems dpa' chen po gzhan dag gis bslab par bya'o/ /de nas bcom ldan 'das kyis don de nyid yang bstan pa'i phyir tshigs
416a5 su bcad pa 'di dag gsungs so/ /'jig rten rgyang pan thams cad ni/ /mu stegs can gyis bshad de rdzun/ /rnam rtog byed dang bya bar mthong / /de la rang gi grub
416a6 mtha' med/ /nga yi grub mtha' 'di 'ba' zhig /byed dang bya ba yongs su spangs/ /'jig rten rgyang pan rnam bral ba/ /slob ma rnams la rab tu bshad/ /sems tsam
416a7 de ni mi dmigs pas/ /sems gnyis so sor rtog mi byed/ /gzung dang 'dzin pa dngos med de/ /rtag chad gnyis ka yongs su spangs/ /ji srid sems ni 'jug pa'i
416b1 bar/ /de srid 'jig rten rgyang pan yin/ /rnam par rtog pa mi 'jug na/ /des ni rang gi sems mthong ngo / /'ong tshe dngos po skye zhes bya/ /'gro tshe dngos po yong mi snang /
416b2 'gro 'ong legs par gsal rtogs na/ /rnam par rtog pa yang mi skye/ /rtag pa dang ni mi rtag pa/ /byas pa dang ni ma byas pa/ /'jig rten 'di dang 'jig rten gzhan//
416b3 thams cad 'jig rten rgyang pan tshul/ /de nas yang blo gros chen pos bcom ldan 'das la 'di skad ces gsol to/ /bcom ldan 'das/ mya ngan las 'das pa zhes
416b4 bgyi ba/ chos ji lta bu zhig la mya ngan las 'das pa zhes bgyi na/ mu stegs can rnams so so nas rnam par rtog pa skyed par bgyid/ bcom ldan 'das kyis bka'
416b5 stsal pa/ blo gros chen po/ de'i phyir shin tu legs par nyon la yid la gzung zhig dang / ngas khyod la ji ltar mu stegs can rnams mya ngan las 'das par rnam
416b6 par rtog pa dang / de dag gi rnam par rtog pa mya ngan las 'das pa'i rjes su mthun par 'gyur ba ma yin pa bshad par bya'o/ /blo gros chen pos bcom ldan 'das la
416b7 gsol pa/ de bzhin du 'tshal lo zhes bka' mnyan pa dang / bcom ldan 'das kyis 'di skad ces bka' stsal to/ /blo gros chen po/ mu stegs can kha cig ni
417a1 phung po dang / khams dang / skye mched rnams 'gags pa dang / yul 'dod chags dang bral ba dang / chos rnams mi rtag par mthong ba
417a2 dang / sems dang sems las byung ba'i chos kyi phyogs mi skye ba dang / 'das pa dang / ma 'ongs pa dang / de ltar gyi yul mi dran pa dang / nye bar len pa phung po zad
417a3 pa mar me bzhin 'gags pa dang / sa bon ltar zhig pas rnam par rtog pa mi skye'o zhes de dag gis 'di dag la mya ngan las 'das par 'du shes te/ blo gros chen po/
417a4 'jig par lta ba la mya ngan las 'das pa zhes bya ba ni ma yin no/ /kha cig ni phyogs nas phyogs su song na thar pa zhes brjod do/ /kha cig ni yul gyi rtog pa 'gags
417a5 te| ji ltar rlung zhi ba bzhin du gyur na thar pa zhes brjod do/ /kha cig ni blo dang rig par bya ba mthong ba rnam par zhig pa la thar pa zhes brjod do/ /kha cig ni rtag pa
417a6 dang / mi rtag par mthong ba la thar pa'o zhes 'du shes so/ /kha cig ni mtshan mar 'du shes pa mang po ni sdug bsngal bskyed pa'i rgyu 'thob par 'gyur ro snyam du
417a7 bsams nas/ rang gi sems snang ba tsam la mi mkhas pas mtshan ma rnams kyis 'jigs shing skrag ste/ mtshan ma med par mthong ba la rab tu mos shing
417b1 'dod nas mya ngan las 'das par 'du shes so/ /kha cig ni nang dang phyi'i chos thams cad kyi rang dang spyi'i mtshan nyid khong du chud pa dang / 'das pa dang / ma 'ongs
417b2 pa dang / da ltar byung ba ni dngos por yod de/ mi 'jigs pa'o zhes mya ngan las 'das par shes so/ /kha cig ni bdag dang gang zag dang / sems can dang /
417b3 srog dang / chos thams cad mi 'jig pa la mya ngan las 'das par 'du shes so/ /mu stegs can kha cig ni log pa'i mes shes rab bsreg pa dang / rang bzhin dang
417b4 skyes bu mthong zhing / de gnyis kyi yod pa las skyes bus 'byin pa rnams ni rang bzhin zhes bya ste/ ji ltar dang po'i mun pa bzhin du yon tan rnam par 'gyur ba dang /
417b5 yon tan gyi byed pa po la mya ngan las 'das par 'du shes so/ /kha cig ni bsod nams dang / bsod nams ma yin pa zad pas/ kha cig ni nyon mongs pa zad
417b6 cing shes pas/ kha cig ni 'khor ba rnams dbang phyug gis yang dag par byas par mthong ba la mya ngan las 'das par 'du shes so/ /kha cig 'khor ba rnams
417b7 ni gcig gis gcig bskyed pas rgyu gzhan ci'ang med de/ 'di ltar rgyu la mngon par zhen cing de gti mug pas khong du mi chud de/ khong du ma chud pa'i phyir mya
418a1 ngan las 'das pa'o zhes 'du shes so/ /mu stegs can kha cig ni yang dag pa'i bden pa'i lam thob pa la mya ngan las 'das par 'du
418a2 shes so/ /kha cig ni yon tan can dang / yon tan gyis bskyed pa la tshogs pa dang / gcig pa dang / tha dad pa dang / gnyis ka dang / gnyis ka ma yin par mthong ba
418a3 ba la mya ngan las 'das par 'du shes so/ /kha cig ni rang bzhin las byung bas rma bya'i rnam par bkra ba dang / rin po che sna tshogs kyi 'byung gnas dang / tsher ma
418a4 rno ba la sogs pa lta bur dngos po rnams kyi rang bzhin mthong nas mya ngan las 'das par 'du shes so/ /blo gros chen po/ kha cig ni srid pa nyi shu rtsa lnga de kho na
418a5 nyid yin par khong du chud pas/ kha cig ni rgyal po'i yul skyong ba dang / yon tan drug gi bstan pa 'dzin pas mya ngan las 'das par 'du shes so/ /kha cig ni
418a6 byed pa po dus yin par mthong nas/ 'jig rten 'byung ba ni dus la rag las so zhes de ltar khong du chud pa las mya ngan las 'das par 'du shes so/ /kha cig ni
418a7 dngos pos so/ /kha cig ni dngos po med pas so/ /kha cig ni dngos po dang dngos po med pa yongs su shes pas so/ /kha cig ni dngos po'i rtog pa dang / mya ngan
418b1 las 'das pa bye brag yod par mthong bas mya ngan las 'das par 'du shes te/ de ltar de lta bu'i rnam par rtog pa sna tshogs mu stegs can dag gis bstan pa yod kyang rigs
418b2 pa dang mi ldan pas mkhas pa rnams kyis spangs pa yin no/ /blo gros chen po/ de dag thams cad mtha' gnyis su lhung ba'i bsam pas mya ngan las 'das par 'du
418b3 shes te/ de lta bu la sogs pa'i rnam par rtog pas mu stegs can dag mya ngan las 'das par yongs su rtogs kyang / 'di la gang yang skye ba 'am/ 'gag pa med do//
418b4 blo gros chen po/ mu stegs can so so'i mya ngan las 'das pa de dag ni de dag rang gi bstan bcos dang shes pas so sor brtags pas na rnam par bzhag pa ci'ang med
418b5 de| ji ltar de dag gi rnam par rtog pa'i sems dang / yid bzhin du 'ong ba dang / 'gro ba dang / rab tu g.yo bas thams cad gang yang mya ngan las 'das pa thong ba med
418b6 do| |blo gros chen po/ ngas ji skad du bstan pa'i mya ngan las 'das pa ni 'di lta ste/ rang gi sems snang ba tsam du mkhas shing khong du chud pa dang / phyi rol gyi dngos po'i
418b7 mngon par chags shing mtha' bzhi yongs su spangs pa dang / yang dag pa ji ltar gnas pa bzhin du mthong bas rang gi sems snang bar rnam par rtog pa'i mtha' gnyis
419a1 su ma lhung ba dang / gzung ba dang / 'dzin pa mi dmigs pas tshad ma thams cad kyis grub par mi mthong ba dang / de kho na nyid la rmongs
419a2 pa yin pas yongs su bsdu bar mi bya'o zhes de yongs su spangs nas/ bdag gi 'phags pa'i so so rang gis rig pa'i chos thob pa dang / bdag med pa rnam gnyis rtogs
419a3 pa dang / nyon mongs pa gnyis yongs su spangs pa dang / sgrib pa gnyis rnam par dag pa dang / 'chi 'pho gnyis gtan nas spangs pa dang / sa rnams gong nas gong du
419a4 sbyangs pas de bzhin gshegs pa'i sa la 'jug cing gzugs brnyan dang / sgyu ma la sogs pa'i ting nge 'dzin zab mo thob pa dang / sems dang / yid dang / yid kyi
419a5 rnam par shes pa yongs su spangs pa ni mya ngan las 'das pa zhes bstan to/ /blo gros chen po/ de la khyod dang byang chub sems dpa' sems dpa' chen po gzhan
419a6 dag gis bslab par bya zhing / mu stegs can thams cad kyi mya ngan las 'das par lta ba rnams myur du yongs su spang bar bya'o/ /de nas bcom ldan 'das kyis
419a7 don de nyid yang bstan pa'i phyir tshigs su bcad pa 'di dag gsungs so/ /mu stegs mya ngan 'das lta zhing / /so sor rnam rtog gang byung ba/ /de dag sems kyi
419b1 rtog las skyes/ /thar pa'i thabs ni yod ma yin/ /'ching dang bcing bya la rmongs pa/ /thabs mkhas yongs su spangs pas na/ /mu stegs thar pa 'du shes pa/ /thar pa
419b2 nam yang skye mi 'gyur/ /shes pa mang pos tha dad 'jug /mu stegs can gyis mthong ba'i tshul/ /de dag thar pa yod ma yin/ /blun zhing gti mug rnam rtog phyir/ /mu stegs
419b3 blun pos thams cad kun/ /rnam rtog byed dang bya bar mthong / /yod med phyogs su smra ba rnams/ /de dag la ni thar pa med/ /byis pa rnam par rtog la mos/ /yang dag
419b4 blo gros thos mi 'gyur/ /smra ba sdug bsngal gsum gyi gnas/ /yang dag sdug bsngal 'jig pa'i rgyu/ /ji ltar me long gzugs brnyan dag /snang ba yod pa ma yin ltar/ /
419b5 rnam rtog sems kyi me long la/ /byis pa dag gis gnyis mod mthong / /sems dang dmigs pa ma shes pa/ /rnam par rtog pa gnyis skye ste/ /sems dang yul ni
419b6 yongs shes na/ /rnam par rtog pa skye mi 'gyur/ /sems ni sna tshogs 'gyur ba ste/ /mtshan nyid mtshan gzhi yongs spangs pas/ /bya ba snang yang snang ba med/ /ji ltar
419b7 byis pas rnam brtags bzhin/ /srid gsum rnam par rtog tsam pas/ /phyi rol gyi ni don med de/ /rnam par rtog pa sna tshogs snang / /byis pa dag gis mi rtogs so/ /
420a1 mdo dang mdo las rnam rtog bshad/ /nam yang ming las 'da' mi 'gyur/ /brjod pa dag ni ma gtogs par/ /brjod par bya ba ci yang
420a2 med// //'phags pa lang+kar gshegs pa rin po che'i mdo las/ bam po bdun pa/ de nas byang chub sems dpa' blo gros chen pos bcom ldan
420a3 'das la 'di skad ces gsol to/ /bcom ldan 'das/ yang dag par rdzogs pa'i sangs rgyas pa nyid bshad du gsol/ de nas bdag dang byang chub sems dpa'
420a4 sems dpa' chen po gzhan rnams de bzhin gshegs pa'i rang bzhin la mkhas shing / bdag dang gzhan rnams khong du chud par bgyid par 'gyur ro/ /bcom
420a5 ldan 'das kyis bka' stsal pa/ blo gros chen po khyod ji ltar 'dod pa bzhin du dris shig dang / ngas ji ltar khyod kyis dris pa de bzhin du bshad par bya'o/ /blo gros
420a6 chen pos bcom ldan 'das la gsol ba/ bcom ldan 'das/ de bzhin gshegs pa dgra bcom pa yang dag par rdzogs pa'i sangs rgyas bgyis pa'am/ ma
420a7 bgyis pa'am/ dngos po'am/ rgyu'am/ mtshan nyid dam/ mtshan nyid kyi gzhi'am/ brjod pa'am/ brjod par bgyi ba'am/ blo'am/ rig par bgyi ba'am/ de lta
420b1 bu la sogs pa'i tshig rnams dang tha dad pa'am/ tha dad pa ma lags pa zhes bgyi/ bcom ldan 'das kyis bka' stsal pa/ blo gros chen po/ de bzhin gshegs pa dgra
420b2 bcom pa yang dag par rdzogs pa'i sangs rgyas ni de lta bu la sogs pa'i tshig gi dngos po'ang ma yin/ rgyu'ang ma yin te/ de ci'i phyir zhe na/ gnyis ka'ang nyes par
420b3 'gyur ba'i phyir ro/ /blo gros chen po/ gal te de bzhin gshegs pa dngos po yin min byas pa'am/ mi rtag par 'gyur te/ mi rtag pa'i phyir dngos po thams cad
420b4 kyang de bzhin gshegs par 'gyur bas na/ de ni nga dang de bzhin gshegs pa thams cad kyang mi bzhed do/ /ci ste byas pa ma yin na ni dmigs su med pa'i phyir sbyor ba
420b5 rnams don med par 'gyur te/ ri bong gi rwa dang / mo gsham gyi bu ltar yod pa ma yin pa'i phyir ro/ /blo gros chen po/ gang dngos po'ang med/ rgyu'ang med pa ni yod pa'ang
420b6 ma yin/ med pa'ang ma yin/ gang yod pa'ang ma yin/ med pa'ang ma yin pa de ni mtha' bzhi las 'das pa'o/ /mtha' bzhi gang yin pa de ni 'jig rten gyi brjod
420b7 pa'o/ /gang mtha' bzhi las 'das ba de ni mtha' bzhir ma lhung ba'o/ /ma lhung ba'i phyir mkhas pa rnams kyis len par byed de/ de bzhin gshegs pa thams cad kyis
421a1 tshig gi don kyang de bzhin du rig par bya'o/ /blo gros chen po/ blo dang ldan pa rnams kyis ji ltar ngas chos thams cad bdag med pa'o
421a2 zhes bshad pa de'i don kyang khong du chud par bya'o/ /bdag med pa'i dngos po ni bdag med pa nyid de chos thams cad ni rang gi dngos por yod kyi gzhan gyi dngos
421a3 por ni med do/ /ji ltar pa lang dang rta bzhin te/ blo gros chen po/ dper na/ ba lang dang rta'i dngos po ma yin pa la ba lang dang rta'i dngos po de yang dag par yod
421a4 pa'ang ma yin/ med pa'ang ma yin/ yang de rang gi mtshan nyid med pa ni ma yin no/ /de bzhin du/ blo gros chen po/ chos thams cad rang gi mtshan nyid med pa'ang
421a5 ma yin te/ rang gi mtshan nyid yod kyang byis pa so so'i skye bo rnams kyis bdag med pa khong du chud par nus pa ma yin te/ 'di ltar rnam par rtog pa'i phyir ro/ /
421a6 de bzhin du chos thams cad stong pa dang / skye ba med pa dang / rang bzhin med pa'ang de bzhin du rig par bya'o/ /de bzhin du de bzhin gshegs pa ni phung po rnams
421a7 dang tha dad pa'ang ma yin/ gcig pa'ang ma yin te/ gal te phung po rnams dang tha dad pa ma yin na ni mi rtag pa yin par 'gyur ro/ /ci ste tha dad na ni sbyor ba rnams
421b1 don med par 'gyur ro/ /gal te gnyis su gyur na ni tha dad par 'gyur te/ ji ltar ba lang gi rwa bzhin du 'dra ba'i phyir tha dad pa'ang ma yin la/ ring thung bye brag yod pa'i phyir
421b2 tha dad pa'ang ma yin te/ chos thams cad kyang de bzhin no/ /blo gros chen po/ ji ltar ba lang gi rwa g.yas pa ni rwa g.yon pa las tha dad la/ rwa g.yon pa ni rwa g.yas pa las
421b3 tha dad pas/ de'i phyir rwa gnyis ni gdon mi za bar tha dad pa yin par rig par bya ste/ de bzhin du ring po dang / thung du dang / gzugs sna tshogs rnams kyang phan tshun tha dad do/ /
421b4 blo gros chen po/ de bzhin gshegs pa'ang phung po dang / khams dang / skye mched rnams dang tha dad pa'ang ma yin/ tha mi dad pa'ang ma yin no/ /de bzhin du de bzhin gshegs
421b5 pa'ang thar pa dang tha dad pa'ang ma yin/ tha mi dad pa'ang ma yin pas/ 'di ltar de bzhin gshegs pa ni thar pa'i ming gis bstan to/ /gal te de bzhin gshegs pa dang
421b6 thar pa tha dad na ni gzugs kyi mtshan nyid las mngon par 'grub par 'gyur te/ gzugs kyi mtshan nyid las mngon par 'grub pa'i phyir mi rtag par 'gyur ro/ /ci ste tha
421b7 mi dad na ni rnal 'byor pa rnams kyis thob pa'i mtshan nyid bye brag med par 'gyur te/ rnal 'byor pa rnams kyis bye brag kyang mthong bas na de'i phyir tha dad pa'ang ma yin/ tha
422a1 mi dad pa'ang ma yin no/ /de bzhin du shes pa dang / shes bya'ang tha dad pa'ang ma yin/ tha mi dad pa'ang ma yin no/ /blo gros chen po/ shes
422a2 pa dang / shes bya tha dad pa'ang ma yin/ tha mi dad pa'ang ma yin pa ni rtag pa'ang ma yin/ mi rtag pa'ang ma yin/ byed pa'ang ma yin/ byas pa'ang ma yin/ 'dus
422a3 byas kyang ma yin/ 'dus ma byas kyang ma yin/ blo'ang ma yin/ rig par bya ba'ang ma yin/ mtshan nyid kyang ma yin/ mtshan nyid kyi gzhi'ang ma yin/ phung po rnams
422a4 kyang ma yin/ phung po rnams tha dad pa'ang ma yin/ bshad pa'ang ma yin/ bshad par bya ba'ang ma yin/ gcig pa'ang ma yin/ tha dad pa'ang ma yin/ gnyis
422a5 ka'ang ma yin /gnyis ka ma yin pa'ang ma yin pa'i phyir tshad ma thams cad dang bral ba'o/ /gang tshad ma thams cad dang bral ba de ni tshig med pa'o/ /gang
422a6 tshig med pa de ni skyes ba'o/ /gang ma skyes pa de ni ma 'gags pa'o/ /gang ma 'gags pa de ni rab tu zhi ba'o/ /gang rab tu zhi ba de ni rang bzhin gyis mya ngan
422a7 las 'das pa'o/ /gang rang bzhin gyis mya ngan las 'das pa de ni dngos po dang rgyu med pa'o/ /gang dngos po dang rgyu med pa de ni dmigs pa med pa'o/ /gang dmigs
422b1 pa med pa de ni spros pa thams cad las 'das pa'o/ /gang spros pa thams cad las 'das pa de ni de bzhin gshegs pa'o/ /de bzhin gshegs pa gang yin pa de ni
422b2 yang dag par rdzogs pa'i sangs rgyas nyid do/ /blo gros chen po/ de ni yang dag par rdzogs pa'i sangs rgyas pa nyid ces bya ste/ blo gros chen po/ yang dag par rdzogs
422b3 pa'i sangs rgyas pa ni dbang po dang / tshad ma thams cad dang bral ba'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di
422b4 dag gsungs so/ /dbang po tshad ma rab bral zhing / /dngos po med cing rgyu yang med/ /blo dang rig bya yongs spangs shing / /mtshan nyid mtshan nyid gzhi yang spangs//
422b5 phung po rkyen sogs sangs rgyas pa/ /gcig dang tha dad mthong mi nus/ /gal te mthong ba yod min na/ /ci yi phyir na rnam par rtog /byas pa ma yin ma byas min/ /
422b6 dngos po ma yin rgyu yang min/ /phung min phung la gnas pa min/ /gzhan yang 'dres pa yod ma yin/ /ji ltar de yis brtags pa ltar/ /dngos po rnams ni yod
422b7 ma yin/ /med pa'ang ma yin shes par bya/ /de ni chos kyi chos nyid do/ /yod par gyur phyir med pa yod/ /med par gyur gyir yod pa yod/ /med par yang ni 'dzin
423a1 mi bya/ /yod par yang ni mi brtag go /bdag dang bdag med slad pas na/ /sgra tsam la ni 'jug pa dag /mtha' gnyis su ni bying ba ste/
423a2 bdag dang 'jig rten rlag par byed/ /nyes pa kun las rnam grol zhing / /nga yi tshul ni rab rtog na/ /de ni yang dag rtog pa ste/ /'dren pa che la de mi smod/ /de nas byang
423a3 chub sems dpa' blo gros chen pos bcom ldan 'das la yang 'di skad ces gsol to/ /bcom ldan 'das/ ji ltar bcom ldan 'das kyis mdo sde gsungs pa las
423a4 skye ba ma mchis pa dang / 'gag pa ma mchis pa zhes smos pa'ang mdzad la/ gzhan yang bcom ldan 'das kyis skye ba ma mchis pa dang / 'gag pa ma mchis pa de ni
423a5 de bzhin gshegs pa'i tshigs bla dwags so zhes kyang gsungs na/ ci bcom ldan 'das kyis dngos po ma mchis pa'i slad du skye pa ma mchis pa dang / 'gag pa ma mchis
423a6 pa zhes gsungs sam/ 'on te de bzhin gshegs pa'i rnam grangs gzhan zhig lags/ bcom ldan 'das kyis bka' stsal pa/ blo gros chen po/ ngas chos thams cad
423a7 mi skye ba dang / mi 'gag pa zhes bshad kyang yod pa dang med pa'i phyogs ni mi snang ngo / /blo gros chen pos bcom ldan 'das la gsol pa/ bcom ldan 'das/ gal
423b1 te chos thams cad ma skyes pa zhig lags na ni chos zhes smos pa'ang dmigs par mi 'gyur te/ chos thams cad ma skyes pa'i slad du'o/ /ci ste ming la chos mchis
423b2 pa zhig lags na ni bcom ldan 'das kyis bshad du gsol/ bcom ldan 'das kyis bka' stsal pa/ blo gros chen po/ legs so/ /legs so/ /shin tu legs
423b3 par nyon la yid la gzung zhig dang / ngas khyod la rab tu dbye zhing bshad par bya'o/ /blo gros chen pos bcom ldan 'das la gsol pa/ de bzhin du 'tshal lo zhes
423b4 bka' mnyan pa dang / bcom ldan 'das kyis 'di skad ces bka' stsal to/ /blo gros chen po/ nga ni de bzhin gshegs pa dngos po med par bshad pa'ang ma yin/
423b5 skye ba med pa dang / 'gag pa med pas chos thams cad smos pa'ang ma yin/ rkyen la ltos pa'ang ma yin pa'i phyir skye ba med pa dang / 'gag pa med kyang don med
423b6 ba'ang ma yin no/ /blo gros chen po/ ngas yid las byung ba'i chos kyi sku'i de bzhin gshegs pa'i ming gi tshig bla dwags su ma skyes ba zhes bshad pa de ni mu stegs
423b7 can dang / nyan thos dang / rang sangs rgyas dang / sa bdun la rab tu gnas pa'i byang chub sems dpa' rnams kyi spyod yul ma yin pas/ blo gros chen po/ ma skyes
424a1 pa de ni de bzhin gshegs pa'i rnam grangs kyi tshig yin no/ /blo gros chen po/ dper na/ dbang po dang / brgya byin dang / grong khyer 'jig
424a2 dang / de la sogs pa dngos po re re la'ang ming gi rnam grangs mang po yod de/ ming mang ba'i phyir dngos po mang po yod pa'ang ma yin la/ rang bzhin med pa'ang ma
424a3 yin no/ /de bzhin du/ blo gros chen po/ nga'ang mi mjed kyi 'jig rten gyi khams 'di na ming grangs med pa brgya stong phrag gsum yod par byis pa rnams kyi rna
424a4 lam du grags te/ so so nas nga'i ming brjod kyang de dag gis nga'i de bzhin gshegs pa'i ming gi rnam grangs mi shes so/ /blo gros chen po/ sems can kha cig ni
424a5 nga la de bzhin gshegs pa yin par shes so/ /kha cig ni thams cad mkhyen par shes pa'ang yod do/ /sangs rgyas su shes pa'ang yod do/ /'jig rten skyob
424a6 par shes pa'ang yod do/ /bdag nyid rig par shes pa'ang yod do/ /'dren par shes pa'ang yod do/ /rnam par 'dren par shes pa'ang yod do/ /yongs su 'dren
424a7 par shes pa'ang yod do/ /drang srong du shes pa'ang yod do/ /tshangs par shes pa'ang yod do/ /khyab 'jug tu shes pa'ang yod do/ /dbang phyug tu shes pa'ang yod
424b1 do| |gtso bor shes pa'ang yod do/ /ser skya yin par shes pa'ang yod do/ /yang dag pa'i mtha' yin par shes pa'ang yod do/ /zla bar shes pa'ang yod do/ /nyi mar shes
424b2 pa'ang yod do/ /bdag por shes pa'ang yod do/ /skye ba med par shes pa'ang yod do/ /'gag pa med par shes pa'ang yod do/ /stong pa nyid du shes pa'ang yod do/ /de
424b3 bzhin nyid du shes pa'ang yod do/ /bden pa nyid du shes pa'ang yod do/ /de kho na nyid du shes pa'ang yod do/ /chos kyi ngo bo nyid du shes pa'ang yod do/ /mya ngan las 'das
424b4 par shes pa'ang yod do/ /rtag par shes pa'ang yod do/ /mnyam pa nyid du shes pa'ang yod do/ /gnyis su med par shes pa'ang yod do/ /mtshan ma med par shes
424b5 pa'ang yod do/ /rnam par thar par shes pa'ang yod do/ /lam yin par shes pa'ang yod do/ /yid la byung bar rab tu shes pa'ang yod do/ /blo gros chen po/ de la
424b6 sogs pa ming grangs med pa brgya stong phrag gsum lhag chad med par 'jig rten gyi khams 'di dang / gzhan kun gyi sang la chu'i zla ba bzhin du 'byung ba'ang med/
424b7 'jug pa'ang med par rab tu shes so/ /byis pa so so'i skye bo dag gis ni rab tu mi shes te/ mtha' gnyis su lhung ba'i phyir ro/ /'on kyang nga la bkur sti byed/
425a1 mchod par byed de/ tshig gi don gyi tshul la mi mkhas pas ming rnam par 'byed mi nus shing rang gi tshul mi shes pas/ brjod pa'i
425a2 tshig sna tshogs la mngon par zhen nas skye ba med pa dang / 'gag pa med pa la dngos po med par 'du shes so/ /de bzhin gshegs pa'i ming gi rnam grangs
425a3 tha dad pa dbang po dang / brgya byin dang / grong khyer 'jig pa lta bu ma shes shing / rang gi tshul mthar thug pa la rmongs pas/ chos thams cad la sgra ji bzhin
425a4 du mngon par zhen to/ /blo gros chen po/ skyes bu blun po de dag 'di skad du don ni ji bzhin pa nyid de/ sgra las don gzhan ma yin no/ /de ci'i phyir zhe na/ 'di lta ste/
425a5 don ma lus pa med pa'i phyir sgra las gzhan ci'ang med do/ /sgra 'ba' zhig go zhes zer ro/ /blo gros chen po/ log pas bsregs pa'i blo can de dag sgra'i rang bzhin
425a6 yongs su mi shes pas sgra la skye ba dang / 'gag pa yod cing don la skye ba dang / 'gag pa med par mi rig go /blo gros chen po/ sgra thams cad ni yi ger lhung ba'o/ /
425a7 don ni ma lhung ba ste/ dngos po dang dngos po med pa spangs pa'i phyir dang / skye ba len pa med cing lus med pa'i phyir ro/ /blo gros chen po/ de bzhin gshegs pa ni yi
425b1 ger lhung ba'i chos mi ston te/ yi ge rnams kyi yod pa dang / med pa mi dmigs pa'i phyir gzhan du na yi ger ma lhung bas chos ston to/ /blo gros chen po/ gal te kha cig
425b2 'di skad du de bzhin gshegs pa ni yi ger lhung ba'i chos mi ston to zhes zer ba ni brdzun du smra ba ste/ chos nyid ni yi ge dang bral ba'i phyir ro/ /de lta bas na/ blo gros
425b3 chen po/ nga la sogs pa sangs rgyas dang / byang chub sems dpa' rnams ni yi ge gcig kyang ma bshad/ 'chad par mi 'gyur ro/ /de ci'i phyir zhe na/ chos rnams yi
425b4 ge dang bral ba'i phyir ro/ /don dang mi ldan par 'chad pa'ang ma yin te/ brjod pa ni sems can gyi rnam par rtog pa yin pa'i phyir ro/ /blo gros chen po/ gal te chos
425b5 thams cad ma bshad na ni bstan pa'i chos rnams 'jig par 'gyur ro/ /bstan pa'i chos zhig na ni sangs rgyas dang / byang chub sems dpa' dang / rang sangs rgyas
425b6 dang / nyan thos rnams kyang med par 'gyur ro/ /de dag med na ni gang zhig su la ci zhig bshad de/ de lta bas na/ blo gros chen po/ byang chub sems dpa' sems
425b7 dpa' chen pos bshad pa brjod pa'i sgra la mngon par chags par mi bya zhing / bsam pa ji lta ba bzhin du mdo sde'i chos rnams rgya cher bshad par bya'o/ /'di ltar
426a1 sems can rnams kyi re ba dang / nyon mongs pa ni gcig pa ma yin pa'i phyir/ nga dang sangs rgyas gzhan rnams kyis mos pa tha dad pa sna
426a2 tshogs kyi sems can rnams sems dang / yid dang / yid kyi rnam par shes pa bzlog pa'i phyir chos bstan par bya ba yin gyi/ so so rang gis rig pa 'phags
426a3 pa'i ye shes kyi gnas thob pa la ni ma yin no/ /blo gros chen po/ chos thams cad snang ba med pa/ rang gi sems snang ba tsam du khong du chud pa/ rnam par rtog
426a4 pa gnyis spangs pa'i byang chub sems dpa' sems dpa' chen po rnams kyis don la rton par bya'i yi ge la rton par mi bya'o/ /blo gros chen po/ gal te rigs
426a5 kyi bu'am/ rigs kyi bu mo gang la la yi ge la rton pa de dag ni bdag kyang don dam pa las nyams par byed la/ gzhan yang rtogs par byed mi nus te/ lta ba ngan
426a6 pa'i rgyud du lhung bar 'khor rnams la sgrogs par byed de/ chos thams cad dang / sa thams cad dang / mtshan ma thams cad la mi mkhas pas tshig gi rnam grangs
426a7 rtogs pas khong du mi chud do/ /gal te chos thams cad dang / sa thams cad dang / mtshan ma thams cad la mkhas pa dang / tshig gi rnam grangs rtogs par khong du chud
426b1 cing dngos po'i don dang ldan par gyur na/ de yang dag pa mtshan ma med pa'i bde bas bdag nyid tshim par byed cing sems can rnams kyang theg pa chen po mnyam pa nyid
426b2 la 'god par byed do/ /blo gros chen po/ theg pa chen po yongs su bzung na/ sangs rgyas dang / byang chub sems dpa' dang / rang sangs rgyas dang / nyan thos rnams yongs
426b3 su gzung bar 'gyur ro/ /sangs rgyas dang / byang chub sems dpa' dang / rang sangs rgyas dang / nyan thos rnams yongs su bzung bas ni sems can thams cad yongs
426b4 su gzung bar 'gyur ro/ /sems can thams cad yongs su bzung bas ni dam pa'i chos yongs su gzung bar 'gyur ro/ /dam pa'i chos yongs su bzung bas ni sangs
426b5 rgyas kyi dung rgyun mi gcod pa yin no/ /sangs rgyas kyi gdung rgyun mi gcod pa ni gnas khyad par can du 'jug pa'i shes pa 'thob par 'gyur ro/ /gnas khyad par
426b6 can du 'jug pa'i shes pa thob pa'i byang chub sems dpa' sems dpa' chen po rnams ni rtag par brdzus te skye zhing theg pa chen po rab tu 'jog pas dbang bcu'i stobs
426b7 kyis gzugs sna tshogs yongs su ston par 'gyur te/ sems can gyi cha byad dang / mos pa dang / nyon mongs pa'i mtshan nyid rnams rtogs par khong du chud pas yang
427a1 dag pa ji lta ba bzhin du chos ston to/ /de la yang dag pa ji lta ba bzhin du ston pa zhes bya ba ni de kho na nyid pas gzhan ma yin pa ste/
427a2 'ong ba dang / 'gro ba med pa'i mtshan nyid dang / spros pa thams cad nye bar zhi ba ni de kho na nyid ces bya'o/ /blo gros chen po/ rigs kyi bu'am/ rigs kyi bu mo
427a3 rnams kyis sgra ji bzhin du gzung zhing mngon par zhen par mi bya ste/ de kho na nyid ni ming dang / yi ge dang bral ba'i phyir ro/ /blo gros chen po/ ji ltar blun po kha
427a4 cig la sor mo'i rtse mos dngos po bstan na blun po de sor mo'i rtse mo la lta bas yang dag pa'i don mi 'thob bo/ /de bzhin du byis pa so so'i skye bo rnams
427a5 kyang sgra ji bzhin gyi sor mo'i rtse mo 'dzin cing mngon par zhen te/ 'chi ba la thug gi bar du yongs su mi gtong bas sgra ji bzhin gyi sor mo'i rtse mo spangs pa don dam pa'i
427a6 de kho na nyid 'thob par mi nus so/ /blo gros chen po/ dper na/ byis pa chung du rnams ni zas g.yos su byas pa rnams bza' ba'i rigs kyi/ g.yos su ma byas pa rnams ni
427a7 bza' ba'i mi rigs pa las/ gal te g.yos su ma byas pa zos na smad nad slong bar 'gyur te/ kha zas rim gyis g.yos su bya ba mi shes pa'i phyir ro/ /blo gros chen po/
427b1 de bzhin du skye ba med pa dang / 'gag pa med pa'ang thabs kyis mngon par ma bsgrubs na mdzes par mi 'gyur ro/ /de lta bas na/ blo gros chen po/ thabs kyis mngon par
427b2 bsgrub pa la brtson par bya zhing sor mo'i rtse mo la lta ba ltar sgra'i rjes su 'brang bar mi bya'o/ /de'i phyir/ blo gros chen po/ de kho na'i don la thabs kyis mngon par brtson
427b3 par bya'o/ /de la de kho na'i don ni rab tu dpen pa ste/ mya ngan las 'das pa'i rgyu'i/ /sgra ni rnam par rtog pa dang rjes su mthun pa'o/ /rnam par rtog pa ni 'khor ba sdud
427b4 pa'o/ /blo gros chen po/ de la de kho na nyid kyi don ni mang du thos pa las thob par 'gyur ro/ /blo gros chen po/ mang du thos pa ni 'di lta ste/ don la mkhas pa yin gyi sgra la
427b5 mkhas pa ni ma yin no/ /don la mkhas pa ni mu stegs can gyi smra ba thams cad kyi rjes su mi 'brang bas bdag nyid kyang rjes su 'brang bar mi byed la gzhan dag kyang
427b6 rjes su 'brang bar byed du mi 'jug ste/ 'di ni yon tan chen po mang du thos pa dang ldan pa zhes bya'o/ /de bas na don 'dod pa rnams kyis mang du thos pa la bsten par
427b7 bya ste/ 'di lta ste/ don la mkhas pa'o/ /'di las bzlog pa sgra la mngon par zhen pa de dag ni yongs su spang bar bya'o/ /de nas yang byang chub sems dpa' blo
428a1 gros chen po sangs rgyas kyi byin gyi rlabs kyis bcom ldan 'das la 'di skad ces gsol to/ /bcom ldan 'das kyis skye ba ma mchis pa
428a2 dang / 'gag pa ma mchis pa zhes rab tu phye ba de ni ngo mtshar du gyur pa ci'ang ma mchis so/ /de ci'i slad du zhe na/ mu stegs can rnams kyis rgyu'ang ma skyes ma 'gags
428a3 pa'o/ /bcom ldan 'das kyis kyang nam mkha' dang / so sor brtags pa ma 'gags pa'i 'gog pa dang / mya ngan las 'das pa'i dbyings ni ma skyes ba dang / ma
428a4 'gags pa'o zhes gsungs/ bcom ldan 'das/ mu stegs can rnams kyang rgyu las 'jig rten rnams skye'o zhes mchi la/ bcom ldan 'das kyis kyang ma rig pa
428a5 dang / sred pa dang / las dang / rnam par rtog pa rnams kyis rkyen byas nas 'jig rten rnams skye bar bka' stsal te/ rgyu de dang rkyen 'di ming la bye brag mchis par
428a6 bas so/ /phyi rol gyi dngos po'i rgyu dang rkyen rnams kyang de bzhin te/ de lta bas na bcom ldan 'das kyis yang mu stegs can gyi smra ba'ang bye brag ma mchis par
428a7 'gyur ro/ /mu stegs can yang 'di skad du rdul phra mo dang / gtso bo dang / dbang phyug dang / skye dgu'i bdag po la sogs pa rdzas dgu dang bcas pa ma skyes ma 'gags
428b1 pa'o zhes mchi la/ bcom ldan 'das kyis kyang dngos po thams cad ma skyes pa dang / ma 'gags pas yod pa dang / med pa mi dmigs so zhes bka' stsal/ mu stegs can
428b2 rnams kyang 'byung ba chen po bzhi mi 'jig pas rang gi mtshan nyid mi skye mi 'gag go /'byung ba chen po bzhi po rnams ni rtag par 'byung ba chen po nyid de/ 'gro ba kun la
428b3 khyab par 'jug kyang rang bzhin mi 'dor ro zhes mchis pas na/ bcom ldan 'das kyis bka' stsal pa'ang de bzhin te/ de'i slad du bdag 'di skad du ngo mtshar che ba ma
428b4 lags so zhes mchi'o/ /bcom ldan 'das/ ngo mtshar che zhing mu stegs can rnams las khyad par du gyur ba'i bye brag bshad du gsol/ ci ste bye brag ma mchis na
428b5 ni mu stegs can rnams kyang sangs rgyas lags par 'gyur te/ 'di ltar skye ba ma mchis pa dang / 'gag pa ma mchis pa'i slad du'o/ /bcom ldan 'das kyis ni
428b6 'jig rten kyi khams gcig tu sangs rgyas mang po 'byung ba ni gnas med do zhes kyang gsungs la/ 'di ltar ji skad bka' stsal ba dang sbyar na ni 'jig rten gyi khams
428b7 gcig tu sangs rgyas mang po 'byug bar 'gyur te/ bye brag ma mchis pa'i slad du'o/ /bcom ldan 'das kyis blo gros chen po la bka' stsal pa/ ngas bshad pa'i skye
429a1 ba med pa dang / 'gag pa med pa ni mu stegs can rnams kyi skye ba med pa dang / 'gag pa med pa dang mtshungs pa ma yin te/ de ci'i phyir
429a2 zhe na/ mu stegs can de dag ni dngos po'i rang bzhin yod pas ma skyes pa dang / mi 'gyur ba'i mtshan nyid mi 'thob kyi nga ni de ltar yod pa dang / med pa'i phyogs su
429a3 lhung ba ma yin no/ /blo gros chen po/ nga ni yod pa dang med pa'i phyogs dang bral ba/ skye ba dang 'jig pa dang bral ba/ dngos po'ang ma yin/ dngos po med pa'ang ma
429a4 yin te/ sgyu ma dang / rmi lam gyi gzugs sna tshogs lta bur snang ba'i phyir dngos po med pa'ang ma yin no/ /ji ltar na dngos po med pa yin zhe na/ 'di lta ste/ gzugs
429a5 kyi rang bzhin gyi mtshan nyid med cing gzung ba rnams snang ba dang mi snang ba'i phyir dang / 'dzin pas yongs su ma bzung ba'i phyir des na dngos po thams cad ni
429a6 dngos po'ang ma yin/ dngos po med pa'ang ma yin no/ /'di ltar rang gi sems snang ba tsam du khong du chud pas rnam par rtog pa mi skye zhing shin tu bde bas 'jig
429a7 rten gyi bya ba rnams rab tu zhi ba yin na/ byis pa so so'i skye bo mi mkhas pa rnams bya ba yod par rnam par rtog gi 'phags pa rnams ni ma yin no/ /yang dag pa
429b1 ma yin pa'i rnam par rtog pa ni dri za'i grong khyer dang / sgyu ma dang / sprul pa'i skyes bu lta bu'o/ /blo gros chen po/ dper na/ dri za'i grong khyer gyi nang du sgyu ma dang / sprul
429b2 pa'i skyes bu'i 'dren pa mang po sna tshogs 'byung zhing 'jug pa la/ byis pa mi mkhas pa'i rnam par rtog pas bden par 'di dag 'byung ngo / /'jug go zhes smra'ang
429b3 yang dag par 'byung zhes bya ba'am/ 'jug pa zhes bya ba med de/ de ni rnam par rtog pa tsam du zad pa'i phyir ro/ /de bzhin du/ blo gros chen po/ byis pa so so'i skye bo
429b4 mi mkhas pa rnams skye ba med pa dang / 'gag pa med pa'i nor pa skyed par byed de/ de dag la ni 'dus byas sam/ 'dus ma byas gang yang med do/ /sgyu ma'i skyes
429b5 bu ltar skye'ang yang dag par de la skye ba'am 'gag pa ci'ang med de/ dngos po dang dngos po med pa gang yang yod pa ma yin pa'i phyir ro/ /chos thams cad kyang de bzhin
429b6 te| skye ba dang 'gag pa spangs pa yin na/ byis pa so so'i skye bo mi mkhas pa rnams ni yang dag pa ma yin par lhung bas skye ba dang 'gag pa'i rnam par rtog pa
429b7 'byung gi 'phags pa rnams ni ma yin no/ /de la yang dag pa ma yin pa zhes bya ba ni dngos po'i rang bzhin brtags pa de bzhin du'ang ma yin/ gzhan du'ang ma yin
430a1 no| |gal te gzhan du brtags na ni dngos po thams cad kyi rang bzhin la mngon par zhen pa nyid du 'byung bas rab tu dben pa mi mthong ngo //
430a2 rab tu dben pa mi mthong na rnam par rtog pa dang bral bar mi 'gyur ro/ /de'i phyir/ blo gros chen po/ mtshan ma med pas ni mchog mthong gi /mtshan mas ni ma
430a3 yin te/ mtshan mar mthong ba ni skye ba len pa'i rgyu yin pa'i phyir mchog ma yin no/ /blo gros chen po/ mtshan ma med pa ni rnam par rtog pa mi skye ste/ mi 'byung
430a4 mi 'gag pas ngas mya ngan las 'das pa zhes bshad de/ blo gros chen po/ de la mya ngan las 'das pa ni yang dag pa'i don ji lta ba bzhin du mthong bas sngar
430a5 rnam par rtog pa'i sems dang sems las byung ba'i chos rnams spangs pa/ de bzhin gshegs pa'i so so rang gis rig pa 'phags pa'i ye shes thob pa de ni
430a6 ngas mya ngan las 'das pa yin no zhes bstan to/ /de nas bcom ldan 'das kyi sa don de nyid yang bstan pa'i phyir tshigs su bcad pa 'di dag gsungs so/ /skye
430a7 bar smra ba de bzlog phyir/ /mi skye don ni rnam par bzhag /nga yis de ltar bshad pa'i chos/ /byis pa rnams kyis rig mi nus/ /chos rnams thams cad mi skye
430b1 bas/ dngos po med cing skye ba med/ /rmi lam sgyu ma dri za'i grong / /dngos po yod kyang rgyu ni med/ /ma skyes rang bzhin med pa dang / /ci phyir stong pa'ang bshad par bya/ /'dus
430b2 pa dag ni yongs spangs shing / /blo gros rig na dngos mi snang / /de phyir stong nyid ma skyes pa/ /rang bzhin med par ngas bshad do/ /'di ltar re re 'dus pas na/ /dngos
430b3 po snang yang yod ma yin/ /rnam par gzhigs na 'dus pa med/ /mu stegs lta ba ltar yang min/ /rmi lam sgyu ma skra shad dang / /smig rgyu dri za'i grong khyer ltar/ /'jig
430b4 rten dngos po sna tshogs kun/ /rgyu med mtshan nyid rab tu snang / /rgyu yod smra ba gdul ba'i phyir/ /ma skyes don ni rab tu bsgrags/ /skye med rab tu bsgrags pas
430b5 na| |chos kyi tshul ni rgyun mi 'chad/ /rgyu med rab tu smra ba ni/ /'jigs pa'i mu stegs can rnams te/ /ji ltar ci yi phyir na ni/ /de yang ci phyir skye bar 'gyur/ /gang
430b6 dag tu ni 'dus gyur na/ /rgyu med par ni smra bar byed/ /'dus byas chos rnams rab btags na/ /rgyu med rgyu yod ma yin te/ /skye dang 'jig par smra ba yi/ /lta ba dag ni
430b7 de nas ldog /de nas byang chub sems dpa' blo gros chen pos tshigs su bcad de zhu ba zhus pa/ ci yi slad du skye ma mchis/ /'on te dngos po ma mchis sam/ /de ste rkyen
431a1 la btags pa'am/ /chos mchis mi skye zhes bgyi'am/ /ming ni don ma mchis mi rigs/ /rnam par dbye zhing bshad du gsol/ /de nas bcom
431a2 ldan 'das kyis tshigs su bcad de bka' stsal pa/ dngos med mi skye ma yin te/ /rkyen la btags pa'ang ma yin no/ /dngos po yod pas ming yod min/ /ming la don
431a3 med pa yang min/ /mu stegs can ni thams cad dang / /nyan thos dang ni rang rgyal dang / /sa bdun spyod yul ma yin pa/ /de ni mi skye mtshan nyid do/ /rgyu dang rkyen rnams yongs
431a4 spangs shing / /bya ba thams cad yongs bral te/ /shin tu phra ba'i sems can gnas/ /mtshan nyid mtshan gzhi nyid spangs nas/ /de lus rab tu gyur pa ni/ /skye ba med
431a5 par ngas bshad do/ /phyi rol dngos po dngos med min/ /sems can yongs su gzung ba med/ /lta ba thams cad rab spangs pa/ /skye ba med par ngas bshad do/ /'di ltar
431a6 rang bzhin med pa dang / /stong pa la sogs dbye bar bya/ /stong phyir stong zhes bshad pa min/ /skye ba med phyir stong zhes bshad/ /rgyu rkyen grangs ni 'dus pa las/ /skye dang
431a7 'jig pa yod par gyur/ /rgyu rkyen grangs las logs shig na/ /skye ba dang ni 'jig pa med/ /rgyu rkyen grangs las logs shig na/ /dngos po tha dad yod ma yin/ /
431b1 gcig dang tha dad ces bya ba/ /mu stegs rnam par rtog pa yin/ /yod med dngos po mi skye ste/ /yod pa ma yin med pa'ang min/ /grangs 'gyur ba ni ma gtogs par/ /gang
431b2 yang dmigs par mi 'gyur ro/ /kun rdzob tsam du grangs yod pas/ /phan tshun du ni 'brel par byed/ /rgyu rkyen 'brel las logs shig na/ /skye ba'i don ni mi rigs so//
431b3 skye ba med pas dngos mi 'gyur/ /mu stegs can gyi skyon rnams spangs/ /rkyen gyi 'brel pa tsam bshad de/ /byis pa rnams kyis mi rig go /rkyen gyi 'brel las logs
431b4 shig na/ /dngos po skye ba yod ces pa/ /de ni rgyu med smra ba ste/ /'brel pa'i don ni 'jig par byed/ /mar me'i gzugs rnams snang byed ltar/ /'brel pa snang ba'ang de
431b5 bzhin na/ /de ni 'brel las logs shig na/ /dngos po rnams ni yod pa'i rigs/ /dngos po med pa skye med pas/ /nam mkha'i rang bzhin lta bu'o/ /'brel pa dag las
431b6 log gyur na/ /blo yis rtog par bya ba med/ /gzhan yang skye ba med yod de/ /'phags pas thob pa'i chos nyid do/ /gang de'i skye ba mi 'byung ba/ /de ni mi skye bzod pa yin/ /nam
431b7 zhig 'jig rten 'di dag kun/ /'brel pa tsam du rab rtog na/ /thams cad 'brel pa yongs spangs nas/ /de nas ting 'dzin 'thob par 'gyur/ /mi shes sred pa las la sogs
432a1 de ni nang gi 'brel pa yin/ /mi shes 'jim gong 'khor lo dang / /sa bon la sogs phyi rol yin/ /gal te dngos po gzhan yod de/ /rgyu dang
432a2 rkyen las skye zhe na/ /de ni 'brel pa'i don min pas/ /de yang 'grub par mi 'gyur ro/ /gal te skye ba rang bzhin med/ /de ni su yi 'brel par 'gyur/ /phan tshun
432a3 du ni bskyed pa'i phyir/ /rgyu rkyen don du shes par bya/ /sra gsher drod dang g.yo ba'i chos/ /byis pas rnam par brtags pa ste/ /grangs las ma gtogs chos gzhan
432a4 med/ /de'i phyir dngos po med par bshad/ /sman pas nad rnams gso ba dag /bstan bcos tha dad med kyang ni/ /nad ni tha dad bye brag gis/ /gnyen po sna tshogs
432a5 bshad pa ltar/ /nga yang sems can de dag gi /nyon mongs nad rnams gzhig pa'i phyir/ /dbang po dag ni rab shes nas/ /de la sgrol ba'i sgo bshad do/ /nyon mongs
432a6 dbang po tha dad pas/ /chos ni sna tshogs yod ma yin/ /theg gcig 'ba' zhig chos ston pa/ /de ni theg pa chen po yin/ /de nas byang chub sems dpa' blo gros
432a7 chen pos bcom ldan 'das la 'di skad ces gsol to/ /bcom ldan 'das/ mu stegs can thams cad kyang mi rtag pa nyid do zhes rnam par rtog par bgyid/
432b1 bcom ldan 'das kyis kyang / 'du byed thams cad mi rtag pas/ /skye zhing 'jig pa'i chos can no/ /zhes bka' stsal na/ 'di'i don ji lta bu log pa'am/ yang dag
432b2 pa zhig lags/ /mi rtag pa nyid la ni rnam pa du mchis/ bcom ldan 'das kyis bka' stsal pa/ blo gros chen po/ mu stegs can rnams la ni mi rtag pa rnam pa bdun
432b3 yod kyi/ nga'i bstan pa la ni ma yin no/ /rnam pa bdun gang zhe na/ de dag kha cig 'di skad du mngon par 'dus byas nas/ yongs su spangs pa ni mi rtag pa nyid do zhes
432b4 zer ro/ /kha cig ni dbyibs rnam par 'jig pa ni mi rtag pa nyid do zhes zer ro/ /kha cig ni gzugs nyid mi rtag pa nyid do zhes zer ro/ /kha cig ni gzugs rnam par 'gyur
432b5 ba'i gnas skabs ni mi rtag pa nyid ces bya ste/ bar chad med par rang gi ngang gis 'brel zhing 'jig pas/ ji ltar 'o ma las zhor 'gyur ba la sogs pa'i bye brag tha
432b6 dad pa mthong bar mi nus pa de bzhin du dngos po thams cad la'ang rnam par 'jig pa'i mi rtag pa nyid du 'jug go zhes zer ro/ /kha cig ni dngos po mi rtag pa nyid do
432b7 zhes zer ro/ /kha cig ni dngos po'i dngos po med pa mi rtag pa nyid do zhes zer ro/ /kha cig ni chos thams cad mi skye bas mi rtag pa nyid de/ chos thams cad kyi nang du
433a1 'jug pa'o zhes zer ro/ /de la/ blo gros chen po/ dngos po med pa mi rtag pa nyid ces bya ba ni 'di lta ste/ 'byung ba chen po bzhi dang / 'byung ba
433a2 las gyur pa'i rang gi mtshan nyid 'jig cing 'byung ba chen po bzhi'i rang bzhin ni mi dmigs pa dang mi skye ba'o/ /de la mi skye ba'i mi rtag pa zhes bya ba de ni rtag pa dang /
433a3 mi rtag pa yin pas chos thams cad yod pa dang med pa mi skye ba dang / rdul phra mo'i bar du rab tu bshig ste/ mi mthong ba 'di ni mi skye ba'i don yin gyi/ skye ba ni ma
433a4 yin pas 'di ni mi skye ba'i mi rtag pa nyid kyi mtshan nyid yin te/ 'di khong du ma chud pa ni mu stegs can rnams kyi skye ba mi rtag pa'i don du lhung bar 'gyur ro/ /blo gros
433a5 chen po/ dngos po mi rtag pa ni rang gis blos rnam par brtags pa ste/ rtag pa dang / mi rtag pa'i dngos po ni ma yin no/ /de ci'i phyir zhe na/ 'di lta ste/ mi rtag pa ni
433a6 rang gi ngo bo nyid kyis mi 'jig go /blo gros chen po/ 'di ni dngos po thams cad kyi dngos po med pa'i phyir mi rtag pa'i bya ba'o/ /mi rtag pa ma gtogs par gzhan gang
433a7 yang chos thams cad kyi dngos po dngos po med par byed pa mi dmigs te/ ji ltar dbyug pa dang / gyo mo dang / rdo bas dngos po dag bcom par byed pa bzhin no/ /mngon
433b1 sum du so sos tha mi dad par mthong bas mi rtag pa nyid dngos po'i bya ba yin gyi/ byed pa dang bya ba bye brag yod pa ni ma yin te/ 'di ni mi rtag pa nyid do/ /'di ni bya ba'o
433b2 zhes bya ba'i bye brag med pa'i phyir ro/ /byed pa dang bya ba tha mi dad na ni dngos po thams cad rtag cing rgyu'i ngo bo nyid med par 'gyur ro/ /blo gros chen po/ dngos po thams
433b3 cad kyi ngo bo nyid med pa ni rgyu yod de/ byis pa so so'i skye bo rnams kyis shes par bya ba ma yin no/ /sgyu ma yin na mi 'dra ba'i dngos po skyed par 'gyur ro/ /ci ste skyed na ni
433b4 dngos po thams cad mi rtag par yang 'gyur zhing / dngos po mi 'dra ba'ang yin pas byed pa dang bya ba'ang bye brag med par yang 'gyur la/ thams cad kyis bye brag yod
433b5 par yang mthong bar 'gyur ro/ /gal te ngo bo nyid mi rtag pa nyid yin na ni bya ba'i rgyu'i ngo bo nyid kyi mtshan nyid du lhung bar gyur na ni dngos po thams cad yongs su rdzogs
433b6 par mi 'gyur ro/ /dngos po thams cad byed pa'i rgyu'i mtshan nyid du lhung na ni mi rtag pa bdag nyid mi rtag par 'gyur ro/ /mi rtag pa nyid mi rtag pa'i phyir dngos po thams
433b7 cad mi rtag par mi 'gyur te/ rtag pa nyid du 'gyur ro/ /gal te mi rtag pa dngos po thams cad kyi nang du song ba yin na ni dus gsum du lhung bar 'gyur te/ gang 'das pa'i
434a1 gzugs de ni zhig pa dang ldan pa'o/ /gang ma 'ongs pa ni ma skyes pa ste/ gzugs ma skyes pa'i phyir ro/ /da ltar gyi gzugs ni 'jig
434a2 pa'i mtshan nyid dang ldan pa'o/ /de la gzugs ni 'byung ba chen po rnams bsags pa'i bye brag go /'byung ba chen po dag dang / 'byung ba las gyur pa'i gzugs rnams
434a3 kyi rang bzhin ni mi 'jig ste/ tha dad pa dang / tha dad pa ma yin pa spangs pa'i phyir ro zhes mu stegs can thams cad 'byung ba chen po rnams mi 'jig par rtog go /blo gros
434a4 chen po/ srid pa gsum po thams cad 'byung ba dang 'byung ba las gyur pa'i gzugs gnas pa rnams ni skye ba dang 'jig pa yod par shes na/ 'byung ba chen po
434a5 dang 'byung ba las gyur pa'i gzugs las logs shig na/ mu stegs can rnams kyis gang la bsams nas mi rtag pa zhes rtog ste/ 'byung ba chen po bzhi mi skye ba
434a6 dang / rang bzhin gyi mtshan nyid mi 'jig pa'i phyir ro/ /de la dang po rtsom pa yongs su spangs pa'i mi rtag pa nyid ces bya ba ni 'byung ba chen po bzhi'ang ma yin pa
434a7 dang / gzhan yang tha dad pa'i 'byung ba chen po bzhi dang / so so tha dad pa'i mtshan nyid dang / rang gi mtshan nyid kyi phyir ro/ /bye brag mi dmigs pa dang / de'i bye brag
434b1 med pa dang / de la sogs pas yang mi rtsom pa dang / sbyor ba rnam pa gnyis pa mi rtsom pa ni mi rtag pa nyid shes par bya'o/ /de la dbyibs rnam par 'jig pa'i mi rtag pa zhes
434b2 bya ba ni 'di lta ste/ 'byung ba chen po bzhi dang / rgyur byas pa'i gzugs rnams kyi mi 'jig pa ni mthar phyin pa'i bar du mi 'jig go zhes zer la/ blo gros chen po/
434b3 mthar phyin pa ni rdul phra mo'i bar du rab tu phye ste/ 'jig pa las so sor brtags na 'byung ba chen po bzhi dang / rgyur byas pa'i gzugs rnams tha dad par mthong
434b4 ba'i dbyibs dang ring thung mi dmigs te/ 'byung ba chen po bzhi ni ma yin pas 'byung ba chen po bzhi mi 'jig gi /dbyibs rnam par 'jig pa lta bas grangs
434b5 can gyi smra bar ltung ba yin no/ /de la gzugs nyid mi rtag pa nyid ces bya ba ni 'di lta ste/ gzugs nyid mi rtag pa nyid yin pas dbyibs de dag mi rtag pa nyid de/
434b6 'byung ba chen po rnams ni ma yin no/ /gal te 'byung ba bzhi po rnams mi rtag pa nyid yin na ni 'jig rten gyi grangs su brjod pa ma yin no/ /'jig rten gyi brjod
434b7 pa'i dngos po med na ni 'jig rten rgyang pan pa'i lta bar ltung bar 'gyur te/ dngos po thams cad brjod pa'i tshig tsam du mthong zhing rang gi mtshan nyid skye bar mi
435a1 mthong ba'i phyir ro/ /de la rnam par 'gyur ba'i mi rtag pa zhes bya ba ni 'di ltar gzugs dngos po gzhan du 'gyur bar snang ba ste/ 'byung
435a2 ba chen po rnams ni ma yin no/ /ji ltar gser las rgyan du byas pa rnams 'gyur bar snang yang gser gyi rang bzhin 'jig pa ma yin gyi/ rgyan gyi dbyibs la
435a3 'jig pa yod pa de bzhin du dngos po gzhan rnam par 'gyur ba la sogs pa'ang de bzhin no zhes de la sogs pa'i rnam pas mu stegs can rnams mi rtag pa'i
435a4 lta bar rnam par rtog go /'di ltar mes 'byung ba chen po rnams bsregs pa'i tshe rang gi mtshan nyid la ni mi sreg go /ci ste so so nas rang gi mtshan nyid gcig
435a5 gis gcig 'jig par byed na ni 'byung ba dag rgyur byas pa'i gzugs rnams 'chad par 'gyur ba'i rigs so/ /blo gros chen po/ nga'i chos ni byung ba nyid na rtag
435a6 pa'ang ma yin/ mi rtag pa'ang ma yin no/ /de ci'i phyir zhe na/ 'di lta ste/ phyi rol gyi dngos po ma nges pa'i phyir srid pa gsum sems tsam du bstan gyi/ mtshan
435a7 nyid sna tshogs dang / skye ba dang / 'jig pa yod par ni ma bstan to/ /'byung ba chen po 'dus pa'i bye brag dang / 'byung ba dang 'byung ba las gyur pa'i phyir rnam
435b1 pa gnyis kyi dngos po gzung ba dang 'dzin par rnam par rtog par 'gyur ba dang / rnam par rtog pa gnyis yongs su shes pa dang / phyi rol gyi dngos po dang dngos po med par lta ba
435b2 gnyis dang bral ba dang / rang gi sems snang ba tsam du khong du chud cing rnam par rtog pa'i bsams pa'i mngon par 'du byed pa las skye'i/ mngon par 'dus ma byas pa ni ma
435b3 yin no zhes sems dngos po dang dngos po med pa'i rnam par rtog pa dang bral bas na 'jig rten pa dang / 'jig rten las 'das pa dang / 'jig rten las 'das pa mchog gi
435b4 chos thams cad ni rtag pa'ang ma yin/ mi rtag pa nyid kyang ma yin no/ /rang gi sems snang ba tsam du khong du ma chud pas mtha' gnyis kyi lta ba ngan pa'i rgyun du lhung bar 'gyur
435b5 te| mu stegs can thams cad kyis rang gi rnam par rtog pa khong du mi chud do/ /so so'i skye bo de dag la gzhi ci'ang med pas 'di ltar 'jig rten pa dang /'jig rten las 'das
435b6 pa dang / 'jig rten las 'das pa mchog gi chos tshig gi rnam par rtog pa las skye bar byis pa so so'i skye bo rnams kyis khong du chud pa ma yin no/ /de nas bcom ldan
435b7 'das kyis don de nyid yang bstan pa'i phyir tshigs su bcad pa 'di dag gsungs so/ /dang po brtsams nas rab spangs shing / /dbyibs dang rnam pa gzhan 'gyur dang / /
436a1 dngos po gzugs ni mi rtag pa/ /mu stegs blun pos rtog par byed/ /dngos po rnams la 'jig pa med/ /'byung ba 'byung ba'i rang bzhin gnas/ /
436a2 mu stegs mi rtag 'du shes pa/ /lta ba sna tshogs bying bar 'gyur/ /mu stegs can ni de dag la/ /skye dang 'jig pa gang yang med/ /'byung ba 'byung ba'i rang bzhin rtag/
436a3 ji skad mi rtag nyid du rtog /thams cad sems tsam snang ba ste/ /rnam pa gnyis su sems kyang 'jug /gzung ba dang ni 'dzin pa'o/ /bdag dang bdag gi yod ma yin/ /
436a4 tshangs pa sdong po rtsa ba yin/ /yal ga lo ma kun tu khyab/ /'di skad du ni ngas bshad de/ /de dag gi ni sems tsam yin/ /de nas yang byang chub sems dpa' blo gros
436a5 chen pos bcom ldan 'das la 'di skad ces gsol to/ /bcom ldan 'das/ byang chub sems dpa' dang / nyan thos dang / rang sangs rgyas thams cad kyis 'gog pa'i
436a6 snyoms par 'jug pa'i go rims kyi mtshams sbyor ba'i mtshan nyid bshad du gsol/ gal te 'gog pa'i snyoms par 'jug pa'i go rims kyi mtshams sbyor ba'i
436a7 mtshan nyid la mkhas par gyur na/ bdag dang byang chub sems dpa' gzhan rnams kyang 'gog pa'i snyoms par 'jug pa'i bde ba'i sgo spong bar mi 'gyur zhing /
436b1 nyan thos dang / rang sangs rgyas dang / mu stegs can gyi rmongs par ltung bar mi 'gyur lags so/ /bcom ldan 'das kyis bka' stsal pa/ blo gros chen po/ shin tu legs
436b2 bar nyon la yid la zung shig dang / ngas khyod la bshad par bya'o/ /blo gros chen pos bcom ldan 'das la/ bcom ldan 'das/ bshad du gsol zhes gsol pa
436b3 dang / bcom ldan 'das kyis bka' stsal pa/ blo gros chen po/ sa drug pa'i byang chub sems dpa' sems dpa' chen po dang / nyan thos dang / rang sangs rgyas rnams
436b4 kyis snyoms par 'jug pas skyed par byed la/ sa bdun pa'i byang chub sems dpa' sems dpa' chen po rnams ni sems kyi skad cig re re la snyoms par 'jug ste/
436b5 dngos po thams cad kyis rang bzhin gyi mtshan nyid yongs su spangs pas snyoms par 'jug gi /nyan thos dang / rang sangs rgyas rnams ni ma yin te/ nyan thos dang /
436b6 rang sangs rgyas rnams ni mngon par 'du byed pa'i blo can gzung ba dang / 'dzin pa'i mtshan nyid du lhung bas 'gog pa'i snyoms par 'jug go /de bas na sa bdun pa
436b7 ni yid la byed pas snyoms par 'jug pa ma yin te/ chos thams cad bye brag med pa'i mtshan nyid thob pas rim gyis mtshan nyid kyi dngos po sna tshogs thob pa ni ma
437a1 yin no/ /dge ba dang mi dge ba'i chos thams cad kyi rang gi mtshan nyid khong du chud de/ snyoms par 'jug pas de'i phyir sa bdun pa la
437a2 dge ba'i sems kyis snyoms par 'jug pa med do/ /blo gros chen po/ sa brgyad pa'i byang chub sems dpa' dang / nyan thos dang / rang sangs rgyas rnams kyi
437a3 sems dang / yid dang / yid kyi rnam par shes pa'i rnam par rtog pa dang / 'du shes ldog par 'gyur ro/ /sa dang po nas sa bdun pa'i bar gyi byang chub sems
437a4 dpa' de dag khams gsum pa 'di ni sems dang / yid dang / yid kyi rnam par shes pa tsam mo zhes so sor rab tu rtog ste/ bdag dang bdag gi dang bral ba/ rang gi
437a5 rnam par rtog pa'i spyod pa can/ phyi rol gyi dngos po sna tshogs kyi mtshan nyid du lhung ba/ byis pa so so'i skye bo rnams kyi rang gi mtshan nyid gzung ba dang / 'dzin pa'i
437a6 dngos po rnam pa gnyis su gyur pas mi shes pa'i rjes su song ba/ thog ma med pa'i dus nas rnam par spros pa'i gnas ngan len gyi bag chags kyis yongs su bsgos
437a7 pa rnams khong du mi chud do/ /blo gros chen po/ sa brgyad pa'i byang chub sems dpa' sems dpa' chen po dang / nyan thos dang / rang sangs rgyas rnams kyis mya
437b1 ngan las 'das pa mtshungs kyang byang chub sems dpa' ni ting nge 'dzin blos yongs su bzung bas/ de'i phyir ting nge 'dzin gyi sgo'i bde bas yongs su mya ngan las mi
437b2 'da'o/ /gal te yongs su ma bzung du zin na ni de bzhin gshegs pa'i sa yongs su rdzogs par mi 'gyur zhing sems can gyi bya ba thams cad yongs su spong bar
437b3 'gyur la/ de bzhin gshegs pa'i rigs kyi gdung yang chad par 'gyur bas na/ sangs rgyas bcom ldan 'das rnams de bzhin gshegs pa'i bsam gyis mi
437b4 khyab pa'i yon tan dpag tu med pa ston to/ /nyan thos dang / rang sangs rgyas rnams ting nge 'dzin gyi sgo'i bde bas phrogs par gyur pa'i phyir mya ngan las 'das par
437b5 'du shes so/ /blo gros chen po/ ngas sa bdun pa'i sems dang / yid dang / yid kyi rnam par shes pa'i mtshan nyid la mkhas shing goms par bya ba dang / bdag dang
437b6 bdag gir 'dzin pa dang / gang zag dang / chos bdag med pa bsdu ba dang / skye ba dang / 'jig pa dang / rang dang spyi'i mtshan nyid la mkhas shing goms par bya ba
437b7 dang / so so yang dag par rig pa bzhi rnam par gdon mi za ba'i stobs la mkhas pa dang / ting nge 'dzin gyi sgo dang / sa'i go rims kyi mtshams sbyar ba dang / byang
438a1 chub kyi phyogs kyi chos rnam par dbye bar bya'o/ /byang chub sems dpa' sems dpa' chen po rnams rang dang spyi'i mtshan nyid mi shes shing
438a2 sa bdun la mi mkhas pa dang / mu stegs can gyi log pa'i lam du lhung bar mi bya ba'i phyir sa'i go rims kyis rnam par bzhag pa yin te/ blo gros chen po/ 'di la
438a3 yang dag par gang yang skye ba'am/ 'jig pa zhes bya ba med do/ /gzhan du na 'di lta ste/ sa'i go rims kyi mtshams sbyar ba dang / khams gsum sna tshogs kyi spyod
438a4 pa 'di ni sems snang ba tsam ste/ byis pa so so'i skye bo rnams kyis khong du mi chud do/ /byis pa so so'i skye bo rnams kyis khong du mi chud pas 'di lta ste/ nga dang sangs
438a5 rgyas de dag gis sa'i go rims kyi mtshams sbyar ba dang / khams gsum gyi spyod pa sna tshogs bstan to/ /gzhan yang / blo gros chen po/ nyan thos dang / rang
438a6 sangs rgyas rnams ni byang chub sems dpa'i sa brgyad la 'gog pa'i snyoms par 'jug pa'i bde ba'i myos pas myos te/ rang gi sems snang ba tsam la mi
438a7 mkhas pas rang dang spyi'i mtshan nyid du lhung ba/ bag chags kyis bsgribs pa/ gang zag dang chos bdag med par lhung ba chos su 'dzin par lta ba/ rnam par rtog
438b1 pas mya ngan las 'das par rab tu shes par gyur te/ rab tu dben pa la mos pa'i blo ni ma yin no/ /blo gros chen po/ byang chub sems dpa' ni sgo'i bde ba mthong yang sngon
438b2 gyi smon lam dang / snying brtse ba dang / snying rje chen po dang ldan zhing mthar thug pa'i gnas bcu rnam par dbye ba shes pas rnam par rtog pas mya ngan las 'das par 'du
438b3 shes par mi 'gyur te/ de ltar mya ngan las 'das pa'i rnam par rtog pa mi skye ba'i phyir/ gzung ba dang / 'dzin pa'i rnam par rtog pa yongs su spong zhing chos thams cad
438b4 rang gi sems snang ba tsam du khong du chud pas rnam par rtog pa mi skye ste/ sems dang / yid dang / yid kyi rnam par shes pa dang / phyi rol gyi dngos po'i rang gi ngo bo'i mtshan
438b5 nyid la mngon par zhen pa'i rnam par rtog par yang mi ltung la/ sangs rgyas kyi chos kyi rgyu mi skyed pa'ang ma yin te/ ye shes kyi rjes su skye bas de bzhin gshegs pa'i
438b6 rang gis rig pa'i sa 'thob par 'gyur te/ ji ltar skyes bu'i rmi lam na chu bo rgal bar rtsom pa pha rol tu ma phyin par sad la/ sad nas 'di snyam du ci 'di yang dag
438b7 pa'am/ 'on te yang dag pa ma yin pa zhes rtog par byed pa de ni yang dag pa'ang ma yin/ log pa'ang ma yin gyi/ gzhan du na thog ma med pa'i mthong ba dang / thos pa
439a1 dang / bye brag phyed pa dang / rnam par rig pa rgyu'i 'du shes sna tshogs kyi bag chags dang / dbyibs dang / gnas sna tshogs dang / yod
439a2 pa dang / med pa'i mtshan nyid du lhung ba dang / sems dang / yid dang / yid kyi rnam par shes pa'i rmi lam las snang ngo / /blo gros chen po/ de bzhin du byang chub
439a3 sems dpa' sems dpa' chen po rnams kyang byang chub sems dpa'i sa brgyad pa la rnam par rtog pa'i mtshan nyid skye bar mthong ba dang / sa dang po nas brtsal
439a4 bas sa bdun du 'pho ba dang / chos thams cad sgyu ma la sogs pa dang mtshungs par mthong ba'i sbyor bas gzung ba dang / 'dzin pa'i sems rnam par rtog pa'i spyod
439a5 pa las 'das te/ sangs rgyas kyi chos kyi sbyor ba byas nas da dung ma thob pa ni thob par byed do/ /blo gros chen po/ 'di ni byang chub sems dpa' rnams kyi mya ngan
439a6 las 'das pa'i sbyor ba rnam par mi 'jig pa yin te/ sems dang / yid dang / yid kyi rnam par shes pa yongs su spangs nas mi skye ba'i chos la bzod pa 'thob
439a7 par 'gyur ba'o/ /blo gros chen po/ don dam pa la ni go rims dang mtshams sbyar ba med de/ snang ba med pa rnam par rtog pa las dben pa'i chos bstan pa'o/ /de
439b1 nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sems tsam dang ni snang med dang / /gnas 'di dang ni sangs
439b2 rgyas sa/ /'das dang ma 'ongs da ltar gyi/ /dus gsum sangs rgyas rnams kyis bshad/ /sems tsam sa ni bdun pa yin/ /snang ba med ni sa brgyad pa/ /sa gnyis
439b3 dag ni gnas zhes bya/ /sangs rgyas sa ni mchog yin no/ /rang rig ye shes rnam par dag /de ni nga yi sa yin no/ /dbang phyug dang ni mchog gi gnas/ /rnam par
439b4 brtag cing rab bkod pa/ /gsal byed 'bar ba'i me lta bur/ /'od zer kun tu khyab par snang / /'od zer 'bar bas mig mi nyams/ /srid gsum kun tu 'dul bar
439b5 byed/ /sprul pas srid gsum gnas par ston/ /kha cig snga nas sprul pa ste/ /der ni theg pa rnams ston pa/ /thams cad de bzhin gshegs kyi sa/ /sa bcu de ni dang po
439b6 yin/ /dang po pa ni brgyad pa yin/ /dgu pa yang ni bdun pa ste/ /bdun pa de yang brgyad pa yin/ /gnyis pa de ni gsum pa yin/ /bzhi pa yang ni lnga pa yin/ /gsum
439b7 pa yang ni drug yin te/ /snang ba med la rim ci yod// //'phags pa lang+kar gshegs pa rin po che'i mdo las/ bam po brgyad pa ste tha ma/ de nas
440a1 byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das/ de bzhin gshegs pa dgra bcom pa
440a2 yang dag par rdzogs pa'i sangs rgyas ni rtag pa zhig gam/ 'on te mi rtag pa zhig lags/ bcom ldan 'das kyis bka' stsal pa/ blo gros chen po/ de bzhin gshegs
440a3 pa dgra bcom pa yang dag par rdzogs pa'i sangs rgyas ni rtag pa'ang ma yin/ mi rtag pa'ang ma yin te/ 'di ltar gnyis ka'ang nyes pa yod pa'i phyir ro/ /gal te rtag
440a4 par gyur na ni byed pa'i bdag po yod pa'i nyes par 'gyur ro/ /mu stegs can dag rtag pa ni byed pa pos byas pa ma yin pa'o zhes zer te/ de bas na de bzhin gshegs
440a5 pa ni rtag kyang rtag pa ma yin te/ byas pa ma yin pa rtag pa'i nyes par 'gyur ba'i phyir ro/ /ci ste de bzhin gshegs pa mi rtag pa yin na ni byas pa yod pa'i mi rtag pa'i
440a6 nyes par 'gyur te/ phung po'i mtshan nyid dang / mtshan nyid gyi gzhi'i dngos po med pas phung po zhig pa ltar chad par 'gyur ba'i rigs na/ de bzhin gshegs pa ni chad par
440a7 mi 'gyur ro/ /blo gros chen po/ byas pa thams cad mi rtag na ni bum pa dang snam bu la sogs pa bzhin du thams cad kyang mi rtag pa'i nyes par 'gyur bas/ thams cad
440b1 mkhyen pa'i tshogs dang / sbyor ba rnams don med par 'gyur te/ 'di ltar byas pa'i phyir ro/ /byas pa thams cad kyang de bzhin gshegs pa yin par 'gyur te/ bye brag gi
440b2 rgyu'i dngos po med pa'i phyir ro/ /de lta bas na de bzhin gshegs pa ni rtag pa'ang ma yin/ mi rtag pa'ang ma yin no/ /gzhan yang / blo gros chen po/ de bzhin gshegs pa ni nam
440b3 mkha' ltar rtag pa ma yin te/ /nam mkha' ltar rtag pa yin na ni so so rang gis rig pa 'phags pa'i ye shes kyi tshogs rnams don med pa'i nyes par 'gyur ro/ /blo gros chen
440b4 po| dper na/ nam mkha' ni rtag pa'ang ma yin/ mi rtag pa'ang ma yin zhing / rtag pa dang / mi rtag pa dang / gcig pa dang / tha dad pa dang / gnyis ka dang / gnyis ka ma yin
440b5 pa dang / rtag pa dang / mi rtag pa'i nyes pa spangs pa'i phyir brjod par bya ba ma yin no/ /de'i phyir de bzhin gshegs pa ni rtag pa ma yin no/ /gzhan yang blo gros chen po/ gal te
440b6 de bzhin gshegs pa skye ba med pa'i rtag pa yin na ni ri bong dang rta la sogs pa'i rwa dang mtshungs shing skye ba med pa'i rtag par 'gyur ba'i phyir/ bsgrubs pa rnams don med
440b7 par 'gyur te/ skye ba med pa'i rtag pa'i nyes par 'gyur bas na/ de bzhin gshegs pa ni rtag pa ma yin no/ /gzhan yang / blo gros chen po/ dngos po gzhan gyis de bzhin
441a1 gshegs pa rtag pa yin par shes par 'gyur ba'ang yod do/ /de ci'i phyir zhe na/ 'di lta ste/ bar chad med pas mngon par rtogs pa'i ye shes
441a2 rtag pa'i phyir de bzhin gshegs pa rtag pa'o/ /blo gros chen po/ de bzhin gshegs pa 'jig rten du byung yang rung / 'jig rten du ma byung yang rung / chos nyid ni nges par
441a3 gnas pa nyid de/ nyan thos dang / rang sangs rgyas dang / de bzhin gshegs pa rnams kyi bar chad med pa'i gnas pa ni nam mkha' la mi gnas te/ byis pa so so'i skye bo
441a4 rnams kyis khong du chud par bya ba'ang ma yin no/ /blo gros chen po/ de bzhin gshegs pa rnams kyi thugs su chud pa'i ye shes ni shes rab kyis yongs su bsgos pa yin
441a5 gyi| blo gros chen po/ de bzhin gshegs pa ni sems dang / yid dang / yid kyi rnam par shes pa dang / phung po dang / khams dang / skye mched de dag gis yongs su bsgos
441a6 pa ma yin no/ /blo gros chen po/ srid pa gsum po thams cad ni yang dag pa ma yin pa rnam par rtog pa las byung ba yin gyi/ de bzhin gshegs pa rnams ni yang dag pa
441a7 ma yin pa rnam par rtog pa las byung ba ma yin no/ /blo gros chen po/ chos gnyis yod par gyur pa'i phyir rtag pa dang mi rtag pa yod par 'gyur gyi/ gnyis su med pa la ni ma
441b1 yin no/ /gnyis su med pa ni rab tu dben pa'o/ /chos thams cad ni gnyis su med pa dang / ma skyes pa'i mtshan nyid yin pa'i phyir/ de bas na de bzhin gshegs pa dgra
441b2 bcom pa yang dag par rdzogs pa'i sangs rgyas rnams ni rtag pa'ang ma yin/ mi rtag pa'ang ma yin no/ /blo gros chen po/ ji tsam du tshig gi rnam par rtog pa 'jug pa de tsam
441b3 du rtag pa dang mi rtag pa'i nyes par 'gyur gyi/ rnam par rtog pa'i blo zad par 'gyur na ni byis pa so so'i skye bo rnams kyis rtag pa dang mi rtag par lta ba rab tu ma zhi ba yongs
441b4 su spong bar 'gyur bas blo dang ldan pa rnams kyis rtag pa dang mi rtag pa dang / rtag pa dang / mi rtag pa'ang ma yin pa'i yongs su bsgos pa rnams shin tu spang bar bya'o/ /
441b5 de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /tshogs rnams don med gyur na ni/ /rtag dang mi rtag nyes pa skye/ /rnam
441b6 par rtog pa'i blo med na/ /rtag dang mi rtag rab tu spong / /dam ni rab tu 'cha' ba las/ /gud na 'dres pa'i don yod gyur/ /rang sems tsam du mnyam rtog na/ /tshig gi brjod pa dmigs
441b7 su med/ /de nas byang chub sems dpa' blo gros chen pos yang bcom ldan 'das la gsol pa/ bcom ldan 'das kyis yang bdag la phung po dang / khams dang / skye
442a1 mched rnams kyi skye ba dang 'jig pa bshad du gsol/ de dag la ni bdag ma mchis na su zhig skye zhing su zhig ldog par 'gyur te/ byis pa so so'i skye
442a2 bo rnams ni skye ba dang 'jig pa la gnas pas sdug bsngal zad par 'gyur ba khong du mi chud cing mya ngan las 'das pa rab tu mi rtog lags so/ /bcom ldan 'das kyis
442a3 bka' stsal pa/ legs so/ /de'i phyir legs par nyon cig dang khyod la bshad par bya'o/ /blo gros chen pos bcom ldan 'das la gsol pa/ de bzhin du 'tshal
442a4 lo zhes bka' mnyan pa dang / bcom ldan 'das kyis blo gros chen po la 'di skad ces bka' stsal to/ /de bzhin gshegs pa'i snying po dge ba dang / mi dge ba'i rgyur
442a5 gyur pa ni 'gro ba'i skye ba thams cad du khyab par byed pas gar mkhan bzhin du 'gro ba rnams rnam par 'gyur ba ston par byed pa/ bdag dang bdag gi spangs pa de khong
442a6 du ma chud pa'i phyir gsum 'dus pa'i rkyen gyi sbyor ba las skye ba dang / mu stegs can rnams kyis khong du ma chud pas byed pa por mngon par zhen to/ /thog ma med
442a7 pa'i dus nas rnam par spros pa'i gnas ngan len gyi bag chags kyis yongs su bsgos pa ni kun gzhi rnam par shes pa zhes bya ste/ ma rig pa gnas pa'i sa rnam par
442b1 shes pa bdun dang lhan cig bskyed pa/ rgya mtsho'i rlabs bzhin du lus rtag tu skyed cing rgyun mi 'chad pa/ rtag pa dang mi rtag pa'i nyes pa dang bral ba/ bdag tu smra ba yongs su
442b2 spangs pa/ rang bzhin gyis dri ma med pa/ mthar yongs su dag pa'o/ /de ma yin pa'i rnam par shes pa rnams skye ba dang / 'jig pa yod pa ste/ yid dang yid kyi rnam
442b3 par shes pa la sogs pa skad cig bdun dang bcas pa yang dag pa ma yin pa yongs su rtog pa'i rgyus yul rnams kyi dbyibs dang gnas sna tshogs len pa/ ming dang rgyu
442b4 mtshan la mngon par zhen pa/ rang gi sems snang ba'i gzugs kyi mtshan nyid khong du ma chud pa/ sdug bsngal dang bde ba ma rtogs pas rnam par grol ba'i gnas su phyin par
442b5 mi 'gyur ba ming dang rgyu mtshan gyi kun nas dkris pa'i 'dod chags skye la 'dod chags skyes nas rgyu dang dmigs par byed de/ tshor ba'i dbang po de dag 'gag gas na rim gyis
442b6 mi skye'o zhes gzhan du rang gi sems kyi rnam par rtog pas sdug bsngal dang / bde ba ma shes pas tshor ba dang / 'du shes 'gog pa'i snyoms par 'jug pa la snyoms par
442b7 zhugs nas bsam gtan bzhi pa thob pa/ yang dag pa'i bden pa dang / rnam par grol ba la mkhas pa'i rnal 'byor pa rnams rnam par grol ba'i 'du shes su byed de/ rab
443a1 tu ma spangs shing yongs su ma gyur pa ni de bzhin gshegs pa'i snying po kun gzhi rnam par shes pa zhes bya'o/ /rnam par shes pa bdun ni
443a2 'khor bar 'jug cing 'gag pa med de/ de ci'i phyir zhe na/ de'i rgyu dang dmigs pa las rnam par shes pa rnams rab tu skye ba'i phyir ro/ /nyan thos dang / rang sangs
443a3 rgyas kyi rnal 'byor pa rnams kyi spyod yul ma yin pa/ bdag med pa ma rtogs pas rang dang spyi'i mtshan nyid kyis bsdus pa'i phung po dang / khams dang / skye mched
443a4 rnams skyed pa/ de bzhin gshegs pa'i snying po mthong bar gyur pa na/ chos lnga dang / rang bzhin dang / gang zag dang / chos bdag med pa rnams ldog par gyur
443a5 te| sa'i rim pa'i mtshams sbyor ba khyad par du gyur pas gzhan mu stegs can gyi lta ba rnams kyis bskyod par mi nus pa ni byang chub sems dpa'i sa mi g.yo
443a6 ba la rab tu gnas pa zhes bya'o/ /ting nge 'dzin gyi bde ba'i sgo'i lam bcu rab tu 'thob par 'gyur te/ ting nge 'dzin blos yongs su bzung bas sangs rgyas kyi chos
443a7 bsam gyis mi khyab pa la so sor rab tu rtog pa dang / rang gi smon lam gyis ting nge 'dzin gyi sgo'i bde ba mi len cing yang dag pa'i mtha' la mi gnas par 'phags
443b1 pa'i so so rang gis rig par 'gro ba dang / nyan thos dang / rang sangs rgyas dang / mu stegs can thams cad dang thun mong ma yin pa'i rnal 'byor gyi lam 'phags pa'i
443b2 rigs kyi lam bcu dang / sku dang / ye shes dang / yid las skyes pa dang / ting nge 'dzin mngon par 'du byed pa med pa rab tu 'thob par 'gyur ro/ /de lta bas na/ blo gros
443b3 chen po/ byang chub sems dpa' sems dpa' chen po khyad par 'dod pa rnams kyis de bzhin gshegs pa'i snying po kun gzhi rnam par shes pa zhes bya ba yongs su
443b4 sbyang ba bya'o/ /blo gros chen po/ gal te kun gzhi rnam par shes pa med pa la de bzhin gshegs pa'i snying po zhes bya ba ni skye ba dang / 'jig pa'ang med par 'gyur te/ blo
443b5 gros chen po/ 'on kyang byis pa dang 'phags pa rnams la skye ba dang 'jig pa yod pas rnal 'byor pa rnams 'phags pa'i so so rang gis rig pa la 'jug cing mthong
443b6 ba'i chos la bde bar gnas pa'i sbyor ba mi gtong ngo / /blo gros chen po/ de bzhin gshegs pa'i snying po kun gzhi rnam par shes pa 'di ni rang bzhin gyis yongs su
443b7 dag pa yin mod kyi/ nyan thos dang / rang sangs rgyas rtog pa'i lta ba can thams cad glo bur gyi nyon mongs pas bsgribs pa'i phyir yongs su ma dag pa mthong gi /de bzhin
444a1 gshegs pa rnams ni ma yin no/ /blo gros chen po/ de bzhin gshegs pa ni mngon sum gyi spyod yul can yin pas/ dper na/ lag mthil gyi skyu ru ra'i
444a2 'bras bu bzhin du gzigs so/ /blo gros chen po/ ngas don 'di rdzu 'phrul gyi mthu'i rnam par bzhag pas btsun mo phreng ldan ma dang / gzhan yang shes rab rno zhing yongs
444a3 su rdzogs pa'i byang chub sems dpa' rnams kyi ched du de bzhin gshegs pa'i snying po kun gzhi rnam par shes pa zhes bya ba rnam par shes pa bdun dang lhan cig skye bar
444a4 bstan cing bshad de/ nyan thos rnams gang zag la bdag med par mthong ba la mngon par zhen pa'i phyir btsun mo phreng ldan ma sangs rgyas kyi byin gyi rlabs kyi mthus de bzhin
444a5 gshegs pa'i spyod yul bshad de/ nyan thos dang / rang sangs rgyas dang / mu stegs can rnams kyi spyod yul ni ma yin no/ /blo gros chen po/ de bzhin gshegs pa'i
444a6 snying po kun gzhi rnam par shes pa ni de bzhin gshegs pa nyag gcig dang / gzhan yang shes rab rno zhing don la rton pa'i byang chub sems dpa' shes rab can rnams kyi
444a7 spyod yul yin te/ de lta bas na blo gros chen po khyod dang / byang chub sems dpa' sems dpa' chen po gzhan dag gis de bzhin gshegs pa'i snying po kun gzhi rnam
444b1 par shes pa 'di la rab tu brtson zhing bslab par bya ste/ thos pa dang / shes pa tsam gyis chog pa'i 'du shes su mi bya'o/ /de nas bcom ldan 'das kyis don de nyid yang
444b2 bstan pa'i phyir tshigs su bcad pa 'di dag gsungs so/ /zab mo de bzhin gshegs pa yi/ /snying po rnam shes bdun dag dang / lhan cig 'dzin gnyis rab tu 'jug /mkhas
444b3 pa dag ni yongs su spong / /me long gzugs bzhin sems snang ste/ /thog ma med nas bag chags bsgos/ /yang dag ji bzhin rab rtogs na/ /dngos po rnams ni dngos po
444b4 med/ /ji ltar byis pa sor mo'i rtser/ /'dzin cing zla ba mi lta ba/ /de bzhin yi ger zhen pa rnams/ /nga yi yang dag mthong mi 'gyur/ /sems ni gar mkhan bzhin du gnas/ /
444b5 yid ni ram bu theg pa 'dra/ /rnam shes lnga ni grogs lta bu/ /rnam rtog gar rnams rab tu lta/ /de nas byang chub sems dpa' blo gros chen pos bcom ldan 'das la 'di
444b6 skad ces gsol to/ /bcom ldan 'das kyis chos lnga dang / rang bzhin dang / rnam par shes pa dang / bdag ma mchis pa gnyis yongs su rtogs par 'gyur ba rnam
444b7 par dbye ba'i mtshan nyid bshad du gsol/ des bdag dang byang chub sems dpa' gzhan rnams kyang sa thams cad kyi go rims kyi mtshams sbyor zhing chos 'di dag
445a1 rnam par dbye ba dang / sangs rgyas kyi chos thams cad kyi rjes su 'jug par 'gyur te/ sangs rgyas kyi chos thams cad kyi rjes su zhugs pa
445a2 ni de bzhin gshegs pa'i rang gis rig pa'i sa'i bar du 'jug par 'gyur ro/ /bcom ldan 'das kyis bka' stsal pa/ blo gros chen po/ legs par nyon la yid la
445a3 zungs shig blo gros chen pos bcom ldan 'das la gsol pa/ de bzhin du 'tshal lo zhes bka' mnyan pa dang / bcom ldan 'das kyis bka' stsal pa/ blo gros
445a4 chen po/ chos lnga dang / rang bzhin dang / rnam par shes pa dang / bdag med pa gnyis rnam par dbye ba dang / rab tu 'jug pa'i mtshan nyid ni 'di lta ste/ ming dang /
445a5 rgyu mtshan dang / rnam par rtog pa dang / yang dag pa'i ye shes dang / de bzhin nyid de/ rnal 'byor pa rnams kyis bsgoms na/ de bzhin gshegs pa'i rang gis rig pa
445a6 'phags pa'i tshul la rab tu 'jug cing rtag pa dang / chad pa dang / yod pa dang / med pa la sogs pa'i lta ba spangs nas mthong ba'i chos la bde ba'i snyoms par 'jug pa
445a7 la gnas pa mngon sum du 'gyur ro/ /blo gros chen po/ chos lnga dang / rang bzhin dang / rnam par shes pa dang / bdag med pa gnyis dang / rang gi sems snang ba dang / phyi
445b1 rol gyi dngos po de dag khong du ma chud pa'i phyir so so'i skye bo rnam par rtog par byed kyi/ 'phags pa rnams ni ma yin no/ /blo gros chen pos bcom ldan 'das la gsol
445b2 pa/ bcom ldan 'das/ ji ltar na byis pa so so'i skye bo rnams rnam par rtog pa skye la 'phags pa rnams kyis ma lags/ bcom ldan 'das kyis bka' stsal pa/ blo gros
445b3 chen po/ byis pa so so'i skye bo rnams kun rdzob kyi brda'i ming dang rgyu mtshan la mngon par zhen pas sems kyi rjes su 'brang ngo / /rjes su 'brangs nas mtshan ma'i kha dog
445b4 sna tshogs 'dod pas bdag dang bdag gir lta bar lhung ba'i bsam pa can rnams gzugs bzang po la mngon par zhen par byed de/ mngon par zhen nas mi shes pas
445b5 bsgribs pa'i phyir mngon par chags pa skyed do/ /mngon par chags par gyur nas ni 'dod chags dang / zhe sdang dang / gti mug las byung ba'i las bsags so/ /mngon
445b6 par bsags nas ni rnam par rtog pas rang la 'ching bar byed de/ ji ltar dar gyi srin bu skon pa byed pa bzhin du 'khor ba'i rgya mtshor 'gro ba rnams kyi skon par lhung ba ni zo
445b7 chun gyi 'khrul 'khor bzhin te/ 'di ltar gti mug pa'i phyir sgyu ma dang / smig rgyu dang / chu'i zla ba dang mtshungs par rang bzhin gyis bdag dang bdag gi dang bral bar ma
446a1 shes nas yang dag pa ma yin pa'i rnam par rtog pa thams cad skyed par byed do/ /mtshan nyid dang / mtshan nyid kyi gzhi dang / skye ba dang /
446a2 'jig pa dang bral ba rang gi sems kyi rnam par rtog pa las skyes pa/ dbang phyug dang / dus dang / rdul phra mo dang / gtso bo las byung ba ma yin par ma shes nas
446a3 byis pa so so'i skye bo rnams ming dang / rgyu mtshan gyi rjes su 'brang ngo / /de la/ blo gros chen po rgyu mtshan/ de'ang mig gi rnam par shes pas snang bar bya ba ni gzugs zhes
446a4 bya'o/ /de bzhin du rna ba dang / sna dang / lce dang / lus dang / yid kyi rnam par shes pas snang bar bya ba ni sgra dang / dri dang / ro dang / reg bya dang / chos zhes bya ste/ 'di
446a5 ni rgyu mtshan zhes bya'o/ /blo gros chen po/ rnam par rtog pa de ni gang gis ming mang por btags nas mtshan ma rnams gsal bar byed pa ste/ 'di ni de bzhin gyi gzhan
446a6 du ma yin no zhes glang po che dang / rta dang / shing rta dang / rkang thang dang / skyes pa dang / bud med la sogs pa'i ming gang yin pa de ni rnam par rtog pa zhes bya'o/ /blo gros
446a7 chen po/ yang dag pa'i ye shes gang gis ming dang / rgyu mtshan de dag mi dmigs shing phan tshun 'gro ba'i mgron po dang mtshungs te/ rnam par shes pa rnams mi skye
446b1 bas rtag pa med pa/ chad pa med pas mu stegs can dang / nyan thos dang / rang sangs rgyas thams cad kyi sar mi ltung ba'o/ /gzhan yang / blo gros chen po/ byang chub
446b2 sems dpa' sems dpa' chen po rnams ni yang dag pa'i ye shes des ming dang / rgyu mtshan rnam par 'jog par yang mi byed la/ ming dang rgyu mtshan rnam par mi
446b3 gzhog pa'ang ma yin pas lta ba gnyis su sgro 'dogs pa dang / skur pa 'debs pa yongs su spong bar byed do/ ming dang rgyu mtshan mi skye ba ni de bzhin nyid ces bya'o/ /
446b4 blo gros chen po/ byang chub sems dpa' sems dpa' chen po de bzhin nyid la gnas pa ni snang ba med pa'i spyod yul thob pa'i phyir byang chub sems dpa'i sa rab tu
446b5 dga' ba 'thob ste/ byang chub sems dpa'i sa rab tu dga' ba thob nas mu stegs can dang / ngan song gi 'gro ba thams cad las shin tu 'das shing 'jig rten las
446b6 'das pa'i tshul la yang dag par gnas pa/ chos kyi mtshan nyid la 'dris pa/ sgyu ma lta bu la sogs pa'i chos thams cad rnam par 'byed pa rang gis rig pa'i chos kyi tshul gyi
446b7 mtshan nyid rtog ge pa'i lta ba ya mtshan gyi mtshan nyid dang bral bas rim gyis chos kyi sprin gyi bar du 'thob par 'gyur te/ bar de'ang ting nge 'dzin dang / stobs dang / dbang dang /
447a1 mngon par shes pa rgyas shing de bzhin gshegs pa'i sa'i bar du 'thob par 'gyur ro/ /de thob nas chu'i zla ba bzhin du sprul pa rnam pa sna tshogs
447a2 kun tu ston cing sems can yongs su smin par byed pa ni mthar thug pa'i gnas bcu yongs su rdzogs nas mos pa sna tshogs pa'i sems can rnams la rab tu 'byed
447a3 cing chos ston kyang chos kyi sku ni yid kyi mngon par 'du byed pa dang bral ba'o/ /'di ni byang chub sems dpa' rnams de bzhin nyid la zhugs nas thob pa zhes bya'o/ /de
447a4 nas byang chub sems dpa' blo gros chen pos bcom ldan 'das la 'di skad ces gsol to/ /bcom ldan 'das/ ci rang bzhin gsum po rnams chos lnga'i nang du
447a5 'dus pa zhig lags sam/ 'on te so so nas rang gi mtshan nyid du grub pa zhig lags/ bcom ldan 'das kyis bka' stsal pa/ blo gros chen po/ rang bzhin gsum
447a6 dang / rnam par shes pa brgyad dang / bdag med pa gnyis kyang chos lnga'i nang du 'dus so/ /blo gros chen po/ ming dang rgyu mtshan de dag ni kun tu brtags pa'i rang bzhin
447a7 yin no/ /blo gros chen po/ rnam par rtog pa de la brten nas sems dang sems las byung ba'i chos ming dang lhan cig skye ste/ ji ltar nyi ma dang 'od zer lhan cig 'byung ba
447b1 bzhin du sna tshogs kyi mtshan nyid so sor rnam par rtog cing / 'dzin par byed pa de ni gzhan gyi dbang gi rang bzhin zhes bya'o/ /blo gros chen po/ yang dag pa'i ye shes dang / de
447b2 bzhin nyid ni mi 'jig pa'i phyir yongs su grub pa'i ngo bo nyid ces bya'o/ /gzhan yang / blo gros chen po/ rang gi sems snang ba'i rnam par rtog pa la rnam pa brgyad du dbye
447b3 ste| 'di lta ste/ kun gzhi rnam par shes pa dang / yid dang / yid kyi rnam par shes pa dang / rnam par shes pa'i tshogs lnga'o/ /de la rgyu mtshan ni yang dag pa ma yin pa'i
447b4 mtshan nyid la kun tu brtags pa'i phyir bdag dang bdag gir 'dzin pa gnyis 'gags na bdag med pa gnyis skye'o/ /de lta bas na/ blo gros chen po/ chos lnga po 'di'i
447b5 nang du nyan thos dang / rang sangs rgyas dang / byang chub sems dpa' dang / de bzhin gshegs pa rnams kyi so so rang gis rig pa 'phags pa'i ye shes dang / sa rnams
447b6 kyi mtshams sbyar ba dang / go rims dang / sangs rgyas kyi chos thams cad kyang 'dus so/ /gzhan yang / blo gros chen po/ chos lnga ni rgyu mtshan dang / ming dang / rnam par
447b7 rtog pa dang / de bzhin nyid dang / yang dag pa'i ye shes so/ /blo gros chen po/ de la rgyu mtshan ni gnas pa dang / dbyibs kyi mtshan nyid dang / gzugs la sogs pa'i
448a1 mtshan nyid du snang ba ni rgyu mtshan zhes bya'o/ /gang rgyu mtshan de nyid la bum pa zhes bya ba la sogs pa'i ming yod pas 'di ni de bzhin gyi gzhan du
448a2 ma yin no zhes bya ba de ni ming zhes bya ba ste/ ming mang po btags nas rgyu mtshan rnams gsal bar byed pa'o/ /bum pa la sogs pa'i sems dang sems las byung ba'i
448a3 chos de ni rnam par rtog pa zhes bya'o/ /ming de dang rgyu mtshan de dag mthar dmigs su med pa dang / thog ma dang / tha mar rig par bya ba med pa dang / chos rnams
448a4 la phan tshun med pa dang / yang dag pa ma yin pa'i rnam par rtog pa dang bral ba ni de bzhin nyid ces bya'o/ /de kho na nyid yang dag par nges pa mthar thug par yang rang
448a5 bzhin dmigs su med pa de ni de bzhin nyid kyi mtshan nyid du nga dang de bzhin gshegs pa rnams kyang rjes su zhugs shing sems can thams cad la yang dag pa ji lta ba
448a6 bzhin du bshad do/ /btags so/ /gsal bar byas so/ /gang de'i rjes su zhugs nas yang dag par rtogs shing chad pa dang rtag pa med pa/ rnam par rtog pa mi 'byung ba
448a7 so so rang gis rig pa 'phags pa'i ye shes kyi tshul dang rjes su mthun pa/ mu stegs can dang / nyan thos dang / rang sangs rgyas thams cad kyis mi dmigs pa'i
448b1 mtshan nyid de ni yang dag pa'i ye shes zhes bya'o/ /blo gros chen po/ de dag ni chos lnga zhes bya ste/ rang bzhin rnam pa gsum dang / rnam par shes pa brgyad dang / bdag med pa
448b2 gnyis dang / sangs rgyas kyi chos thams cad kyang der 'dus te/ de lta bas na/ blo gros chen po/ de la bdag nyid kyis nan tan du bslab par bya zhing gzhan la'ang bslab par
448b3 bya ste/ gzhan gyi rjes su 'brang bar mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /chos lnga dang ni rang bzhin
448b4 gsum/ /rnam shes brgyad po nyid dag dang / /bdag med don ni rnam gnyis por/ /theg chen thams cad bsdus pa yin/ /ming dang rgyu mtshan rnam par rtog /rang bzhin
448b5 gnyis kyi mtshan nyid de/ /yang dag ye shes de bzhin nyid/ /yongs su grub pa'i mtshan nyid do/ /de nas byang chub sems dpa' blo gros chen pos yang bcom ldan 'das la
448b6 'di skad ces gsol to/ /ji ltar bcom ldan 'das kyis gsungs pa ltar na 'das pa'i sangs rgyas rnams ni gang+gA'i klung gi bye ma snyed de/ ma 'ongs pa dang / da ltar gyi'ang de bzhin
448b7 no zhes bka' stsal na/ bcom ldan 'das/ 'di la sgra ji bzhin du don gzung bar bgyi'am/ 'on te don gzhan zhig mchis lags/ bcom ldan 'das/ thugs brtse bar dgongs
449a1 te bshad du gsol/ bcom ldan 'das kyis bka' stsal pa/ blo gros chen po/ sgra ji bzhin du don gzung bar mi bya ste/ dus gsum gyi de
449a2 bzhin gshegs pa rnams ni yang dag par gang+gA'i klung gi bye ma snyed du ma yin no/ /de ci'i phyir zhe na/ 'jig rten pa'i bsam pa las 'das pas dpe rnams kyis
449a3 dper bya ba ma yin no/ /'di ltar byis pa so so'i skye bo rtag pa la mngon par zhen pa dang / mu stegs can gyi rnam par btags pa'i lta ba ngan pa 'phel nas 'khor ba la
449a4 thug pa med par 'gyur ba dag 'khor bar 'gro ba'i 'khor lo la yongs su skyo bar bya ba dang / brtson 'grus khyad par can rtsom du gzhug pa'i phyir de dag la 'di skad
449a5 du de bzhin gshegs pa rnams ni mthong bar sla bas u dum+bA ra'i me tog lta bu ma yin no zhes bstan te mthong bar dka' zhes rtsom pa gtong bar 'gyur ba'i phyir
449a6 ro| |res 'ga' ni 'dul ba'i skye bo rnams la gzigs nas 'di skad du de bzhin gshegs pa rnams ni shin tu mthong bar dka' bas u dum+bA ra'i me tog bzhin
449a7 no zhes bshad de/ u dum+bA ra'i me tog ni sus kyang ma mthong / mi mthong / mthong bar mi 'gyur na/ de bzhin gshegs pa ni 'jig rten thams cad kyis mthong ste/
449b1 rang gi tshul rnam par gzhag pa'i phyir 'di skad du de bzhin gshegs pa rnams 'byung ba u dum+bA ra'i me tog bzhin no/ /zhes bshad pa ni ma yin no/ /blo gros chen po/ rang
449b2 gi tshul rnam par gzhag pa ni 'jig rten pa'i bsam pa las 'das pas byis pa so so'i skye bo de dag yid ches par mi 'gyur te/ so so rang gis rig pa'i 'phags
449b3 pa'i ye shes kyi spyod yul la ni dper bya ba med do/ /de kho na nyid kyi de bzhin gshegs pa ni sems dang / yid dang / yid kyi rnam par shes pa las 'das pas mthong
449b4 bar bya ba'i mtshan ma rnams kyis dpe byar mi rung ngo / /blo gros chen po/ 'on kyang ngas de bzhin gshegs pa rnams gang+gA'i klung gi bye ma dang mnyam mo zhes dpes bstan pa
449b5 la nyes pa med de/ blo gros chen po/ dper na/ gang+gA'i gi bye ma ni nya dang / rus sbal dang / shi shu mA ra dang / seng+ge dang / glang po che dang / rta dang / mi dang / ri dwags rnams
449b6 gyis gtses shing dkrugs kyang bye ma de 'di snyam du 'di dag gis bdag la gtses so zhes rnam par rtog par mi byed de/ rang bzhin gyis yongs su dag cing dri ma rnams
449b7 kyis gos ba med pa'i phyir ro/ /de bzhin du de bzhin gshegs pa dgra bcom pa yang dag par rdzogs pa'i sangs rgyas kyi so so rang gis rig pa 'phags pa'i ye shes kyi
450a1 gang+gA'i klung chen po la yod pa'i stobs dang / mngon par shes pa dang / dbang po la sogs pa'i bye ma rnams la'ang mu stegs can thams
450a2 cad dang / mi rnams dang / ri dwags la sogs pa thams cad kyis gtses shing dkrugs kyang de bzhin gshegs pa la dgongs pa mi mnga' bas rnam par rtog pa mi
450a3 skye ste/ de bzhin gshegs pa rab tu dben zhing dgongs pa'i 'du shes med pa dang / de bzhin gshegs pa'i sngon gyi smon lam gyi dbang gis ting nge 'dzin gyi bde ba
450a4 la sems can rnams dgod pa'i phyir rnam par gtses so snyam du mi dgongs pas gang+gA'i klung gi bye ma dang mtshungs shing bye brag med do/ /gzhan yang 'dod chags dang /
450a5 khong khro ba dang / gti mug yongs su spangs pa'i phyir ro/ /dper na/ gang+gA'i klung gi bye ma rnams ni sa'i mtshan nyid kyi rang bzhin yin pas bskal pas tshig pa nas thams
450a6 cad bsregs kyang sa'i 'byung ba chen po ni rang bzhin mi 'dor te/ 'di ltar me'i khams dang lhan cig skye ba'i phyir ro/ /gzhan du na byis pa so so'i skye bo rnams
450a7 tshig par rtog mod kyi sa de ni mi tshig ste/ 'di ltar me'i khams kyi rgyu'i phyir ro/ /de bzhin du/ blo gros chen po/ de bzhin gshegs pa'i chos kyi sku'ang gang+gA'i klung
450b1 gi bye ma ltar mi 'jig go blo gros chen po/ dper na/ gang+gA'i klung gi bye ma rnams la ni tshad med do/ /de bzhin gshegs pa rnams kyi 'od zer rnams kyang de bzhin du tshad
450b2 med de/ sems can yongs su smin par bya ba'i phyir sangs rgyas thams cad kyis 'khor gyi dkyil 'khor thams cad kun tu snang bar byed do/ /blo gros chen po/ dper
450b3 na| gang+gA'i klung gi bye ma rnams la ni bye ma tha dad pa gzhan btsal na nam yang mi rnyed do/ /de bzhin du/ blo gros chen po/ de bzhin gshegs pa dgra bcom pa yang dag
450b4 par rdzogs pa'i sangs rgyas la'ang 'khor ba'ang med/ skye ba dang 'gag pa med de/ srid pa'i rgyu dang rkyen chad pa'i phyir ro/ /blo gros chen po/ dper na/ gang+gA'i klung gi
450b5 bye ma rnams ni 'phel ba dang / 'grib pa shes par mi nus so/ /de bzhin du/ blo gros chen po/ de bzhin gshegs pa'i ye shes kyang sems can yongs su smin par bya ba mi 'phel mi
450b6 'grib ste/ lus kyi chos can ma yin pa'i phyir ro/ /lus kyi chos can la ni 'jig pa yod kyi/ de bzhin gshegs pa'i chos kyi sku ni lus kyi chos can ma yin no/ /dper na/
450b7 gang+gA'i klung gi bye ma rab tu btsir kyang mar mi dmigs so/ /de bzhin du sems can gyi rab tu gnod pa'i sdug bsngal thams cad kyis de bzhin gshegs pa la gnod
451a1 pa byas kyang / ji srid du sems can rnams yongs su mya ngan las ma 'das kyi bar du chos kyi dbyings mi 'dor te/ rang gi ting nge 'dzin
451a2 dang / smon lam gyi bde ba dang / thugs rje chen po'i phyir ro/ blo gros chen po/ dper na/ gang+gA'i klung gi bye ma rnams ni chu'i rgyun gyi rjes su 'bab ste/ chu med par ni ma yin
451a3 no| |de bzhin du/ blo gros chen po/ de bzhin gshegs pa rnams kyis bstan pa'i chos thams cad kyang mya ngan las 'das pa'i rgyun gyi rjes su 'bab pas de'i phyir 'di
451a4 skad du gang+gA'i klung gi bye ma dang mnyam pa zhes bshad do/ /de bzhin gshegs pa ni 'gro ba rnams kyi rjes su mi 'jug ste/ rjes su 'bab cing 'gro ba ni 'jig pa'i don
451a5 yin pa'i phyir ro/ /blo gros chen po/ 'khor ba'i thog ma'i mtha' shes par mi nus pa'i phyir/ shes pa med na ji ltar 'gro ba zhes bshad/ blo gros chen po/ 'gro ba
451a6 zhes bya ba ni chad pa'i don yin na byis pa so so'i skye bo rnams kyis mi shes so/ /blo gros chen pos bcom ldan 'das la gsol pa/ bcom ldan 'das/ gal te sems
451a7 can rnams 'khor ba'i thog ma'i mtha' 'tshal ba ma mchis na ji ltar rnam par thar pa khong du chud par 'gyur/ bcom ldan 'das kyis bka' stsal pa/ blo gros chen po/
451b1 thog ma med pa'i dus kyi rnam par spros pa'i gnas ngan len rnam par rtog pa'i bag chags kyi rgyu 'gag cing rang gi sems snang ba tsam du mthong ba'i tshe shes so/ /phyi rol
451b2 gyi don dang / rnam par rtog pa'i lus gnas gyur pa la thar pa zhes bya'i/ 'jig pa ni ma yin no/ /de bas na mtha' med pa zhes bya ba ni ci'ang med pa ma yin te/ de dag
451b3 rnam par rtog pa'i phyir mtha' med pa zhes bya ba la sogs pa'i ming gi rnam grangs byas pa yin no/ /phyi dang nang gnyis ka rab tu brtags na rnam par rtog pa las logs
451b4 shig na gzhan tha dad pa'i sems can gang yang med pas shes pa dang / shes bya dang / chos thams cad ni rab tu dben pa yin te/ rang gi sems snang ba'i rnam par
451b5 rtog pa yongs su ma shes pa'i phyir rnam par rtog pa skye'i/ gal te yongs su shes par gyur na ni ldog par 'gyur ro/ /de nas bcom ldan 'das kyis don de nyid yang
451b6 bstan pa'i phyir tshigs su bcad pa 'di dag gsungs so/ /'dren pa rnams ni rab brtags na/ /gang+gA'i klung gi bye ma bzhin/ /'jig pa med cing 'gro ba med/ /mthar
451b7 thug min pa'ang ma yin te/ /de ni mnyam pa nyid dag gis/ /de bzhin gshegs rnams brtags pa yin/ /gang+gA'i bye ma la sogs ltar/ /nyes pa thams cad rab
452a1 spangs te/ /rgyun phyogs 'jug cing rang bzhin rtags/ /de ni sangs rgyas sangs rgyas nyid/ /de nas byang chub sems dpa' blo gros chen
452a2 pos yang bcom ldan 'das la 'di skad ces gsol to/ /bcom ldan 'das/ chos thams cad skad cig mar 'jig pa'i mtshan nyid bshad du gsol/ /bcom
452a3 ldan 'das/ ji ltar na chos thams cad skad cig ma lags/ bcom ldan 'das kyis bka' stsal pa/ blo gros chen po/ de'i phyir legs par nyon la yid la gzung
452a4 zhig dang / khyod la bshad par bya'o/ /blo gros chen pos bcom ldan 'das la gsol pa/ bcom ldan 'das/ de bzhin du 'tshal zhes bka' mnyan pa dang / bcom ldan
452a5 'das kyis bka' stsal pa/ blo gros chen po/ de la chos thams cad ces bya ba ni 'di lta ste/ dge ba dang / mi dge ba dang / lung du bstan pa dang / lung du ma bstan pa
452a6 dang / 'dus byas dang / 'dus ma byas pa dang / 'jig rten pa dang / 'jig rten las 'das pa dang / kha na ma tho ba dang bcas pa dang / kha na ma tho ba med pa dang / zag
452a7 pa dang bcas pa dang / zag pa med pa dang / zin pa dang / ma zin pa rnams yin te/ blo gros chen po/ mdor na sems dang / yid dang / yid kyi rnam par shes pa dang /
452b1 bag chags rnams ni nye bar len pa'i phung po lnga'i rgyu dang / sems dang / yid dang / yid kyi rnam par shes pa'i bag chags rgyas par byed pa yin te/ byis pa so so'i skye bo
452b2 rnams kyis dge ba dang / mi dge bar yongs su brtags so/ /blo gros chen po/ ting nge 'dzin gyi bde ba dang / snyoms par 'jug pas mthong ba'i chos la bde bar gnas
452b3 pa ni 'phags pa rnams kyi dge ba zag pa med pa zhes bya'o/ /blo gros chen po/ de la dge ba dang mi dge ba zhes bya ba ni 'di lta ste/ rnam par shes pa brgyad rnams so/ /brgyad
452b4 gang zhe na/ 'di lta ste/ de bzhin gshegs pa'i snying po kun gzhi rnam par shes pa zhes bsgrags pa dang / sems dang / yid dang / yid kyi rnam par shes pa dang /
452b5 rnam par shes pa lnga'i tshogs rnams te/ mu stegs can gyis brjod par bya ba ma yin no/ /blo gros chen po/ rnam par shes pa'i tshogs lnga ni sems dang / yid dang /
452b6 yid kyi rnam par shes pa dang lhan cig pa/ dge ba dang / mi dge ba'i mtshan nyid phan tshun du rnam par 'gyur zhing 'jig pa/ rgyud kyi rgyun gyis 'jug pas rnam par mi
452b7 'jig pa/ lus byung nas skye zhing 'jig par yang 'gyur ba'o/ /rang gi sems snang ba tsam du ma rtogs pa'i phyir 'gags ma thag tu rnam par shes pa gzhan 'byung ste/
453a1 dbyings kyi bye brag 'dzin pa'i yid kyi rnam par shes pa rnam par shes pa'i tshogs lnga dang ldan par 'byung zhing skad cig gi dus su'ang mi
453a2 gnas pa de ni skad cig ma zhes bya'o/ /blo gros chen po/ de la skad cig ma zhes bya ba ni kun gzhi rnam par shes pa zhes bsgrags pa de bzhin gshegs pa'i snying po
453a3 yid dang lhan cig skyes pa'i rnam par shes pa'i bag chags kyis skad cig pa yin gyi/ zag pa med pa'i bag chags kyis skad cig pa ni ma yin no/ /byis pa so so'i
453a4 skye bo rnams kyis rtogs par mi 'gyur te/ 'di ltar skad cig mar smra ba la mngon par zhen pa'i phyir chos thams cad skad cig pa dang / skad cig pa ma yin pa 'di mi
453a5 rtogs so/ /de chad par lta ba'i phyir 'dus ma byas pa'i chos rnams kyang 'jig par byed do/ /blo gros chen po/ rnam par shes pa bdun po rnams ni 'khor bar 'jug
453a6 pa ma yin te/ sdug bsngal dang bde ba'ang mi myong la/ mya ngan las 'da' ba'i rgyu'ang ma yin no/ /blo gros chen po/ de bzhin gshegs pa'i snying po ni sdug bsngal
453a7 dang bde ba'ang myong ste/ rgyu dang lhan cig tu 'jug cing ldog go /gnas pa'i sa gzhi dang / ma rig pa'i gnas kyis rab tu myos pas byis pa so so'i skye bo dag skad cig
453b1 mar lta ba mi rtogs shing / rnam par rtog pas sems yongs su bsgos par gyur to/ /gzhan yang / blo gros chen po/ dper na/ gser dang / rdo rje dang / de bzhin
453b2 gshegs pa'i ring bsrel dang / khyad par thob pa'i ngo bo nyid ni nam yang 'jig par mi 'gyur te/ blo gros chen po/ gal te mngon par rtogs pa thob pa skad cig pa
453b3 yin na ni 'phags pa rnams 'phags pa ma yin par 'gyur ba zhig na/ 'phags pa rnams ni 'phags pa ma yin par mi 'gyur ro/ /dper na/ gser dang /
453b4 rdo rje ni bskal pa srid du mi 'dri na ci'i phyir byis pa so so'i skye bo nga'i ldem por dgongs te bshad pa la mi mkhas pa dag gis phyi nang gi chos thams cad la skad
453b5 cig pa'i don du rtog /byang chub sems dpa' blo gros chen pos yang bcom ldan 'das la gsol pa/ bcom ldan 'das kyis ji skad du pha rol tu phyin pa drug
453b6 yongs su rdzogs par spyad na bla na med pa yang dag par rdzogs pa'i byang chub mngon par 'tshang rgya bar 'gyur ro zhes bka' stsal na/ drug po gang lags/ bcom
453b7 ldan 'das kyis bka' stsal pa/ blo gros chen po/ pha rol tu phyin pa'i bye brag ni rnam pa gsum yod de/ 'di lta ste/ 'jig rten pa dang / 'jig rten las
454a1 'das pa dang / 'jig rten las 'das pa'i mchog go /blo gros chen po/ de la 'jig rten pa'i pha rol tu phyin pa ni bdag dang
454a2 bdag gir 'dzin pa la mngon par zhen cing mtha' gnyis su 'dzin pa/ skye ba'i gnas sna tshogs blang ba dang / gzugs dang / sgra dang / dri dang / ro dang /
454a3 reg bya la rab tu mos pa'i phyir sbyin pa'i pha rol tu phyin pa yongs su rdzogs par byed do/ /tshul khrims dang / bzod pa dang / brtson 'grus dang / bsam gtan
454a4 dang / shes rab kyang de bzhin te byis pa so so'i skye bo'i mngon par shes pa yongs su 'grub pa dang / tshangs pa'i 'jig rten du skye bar 'gyur ro/ /blo gros chen po/
454a5 'jig rten las 'das pa'i pha rol tu phyin pa ni nyan thos dang / rang sangs rgyas rnams mya ngan las 'das pa'i 'dzin par lhung ba'i phyir pha rol tu phyin pa drug
454a6 spyod cing rang gi mya ngan las 'das pa'i bde ba la mos pa'o/ /'jig rten las 'das pa'i mchog pha rol tu phyin pa ni rang gi sems snang ba rnams rtog pa tsam
454a7 du rtogs pa dang / rang gi sems gnyis su 'dzin pa'i phyir rnam par rtog pa mi skye ba dang / 'gro ba rnams len pa dang / skal ba mtshungs pa ma yin pa dang / rang
454b1 gi sems dang / gzugs kyi mtshan nyid la mngon par ma chags pas sems can thams cad la phan pa dang / bde ba'i phyir sbyin pa'i pha rol tu phyin pa skyed par
454b2 byed do/ /sbyor ba mchog bskyed nas dmigs pa de nyid la rnam par rtog pa mi 'jug pa ni tshul khrims te/ de ni tshul khrims kyi pha rol tu phyin pa'o/ /de nyid rnam
454b3 par rtog pa mi skye bar bzod cing gzung ba dang / 'dzin pa yongs su shes pa de ni bzod pa'i pha rol tu phyin pa'o/ /gang gis nam gyi cha stod dang / cha smad la sbyor ba la
454b4 brtson par byed cing rnal 'byor dang mthun par rnam par rtog pa mi 'jug pa de ni brtson 'grus kyi pha rol tu phyin pa'o/ /rnam par rtog pa rab tu ldog cing nyan thos kyi mya ngan
454b5 las 'das pa'i 'dzin par mi ltung ba de ni bsam gtan gyi pha rol tu phyin pa'o/ /de la rang gi sems kyi rnam par rtog pa dngos po med par shes rab kyis so sor brtags
454b6 nas mtha' gnyis su ltung ba dang / sngon gyi lus gnas rab tu gyur pas rnam par mi 'jig pa dang / so so rang gis rig pa 'phags pa'i tshul thob pa de ni shes rab kyi
454b7 pha rol tu phyin pa'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /stong pa mi rtag skad cig mar/ /byis
455a1 pa rnams ni rnam par rtog /'bab chu mar me sa bon ltar/ /skad cig pa yi don du rtog /skad cig nyon mongs 'khrug pa zhi/ /rab tu dben pa byed
455a2 pa spangs/ /chos rnams skye ba med pa ni/ /skad cig don du ngas bshad de/ /dngos po skyes nas 'jig par ni/ /byis pa rnams la mi 'chad do/ /bar chad med par
455a3 rgyun chags dngos/ /rnam par rtog pas yongs su bsgos/ /ma rig pa ni rgyu byed de/ /sems ni de las rab tu 'byung / /ji srid gzugs dag ma skyes pa/ /de yi bar
455a4 du phyogs ci yod/ /zhig par gyur ma thag tu ni/ /sems gzhan de yi rjes su skye/ /gzugs ni dus su mi gnas na/ /ci la dmigs te 'byung bar 'gyur/ /de dag
455a5 las ni rab 'byung phyir/ /yang dag ma yin rgyu las skyes/ /ji ltar grub pa med pa des/ /skad cig 'jig par rab tu shes/ /rnal 'byor can gyi snyoms 'jug dang //
455a6 rdo rje sangs rgyas ring bsrel dang / /'od gsal gnas kyi gzhal med khang / /'jig rten mi 'jig dngos po'o/ /yang dag chos thob gnas pa dang / /de bzhin gshegs
455a7 mkhyen phun sum tshogs/ /dge slong mnyam pa nyid thob rnams/ /skad cig ma ni ji ltar mthong / /dri za sgyu ma la sogs pa'i/ /gzugs rnams skad cig yod ma
455b1 yin/ /yang dag ma yin gzugs sogs la/ /yang dag nyid du lta bar byed/ /de nas byang chub sems dpa' blo gros chen pos yang bcom ldan 'das la 'di skad ces
455b2 gsol to/ /bcom ldan 'das kyis ji skad du dgra bcom pa rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro
455b3 zhes lung bstan pas byang chub sems dpa' rnams dang mtshungs shing bye brag ma mchis par 'gyur ro/ /gal te sems can rnams mya ngan las 'da' ba'i chos can
455b4 lags na su zhig mngon par rdzogs par byang chub par 'gyur/ gzhan yang ji srid du de bzhin gshegs pa gang gi nub mo bla na med pa yang dag par rdzogs pa'i byang
455b5 chub mngon par rdzogs par sangs rgyas pa nas gang gi nub mo yongs su mya ngan las 'das pa de'i bar du yi ge gcig kyang ma gsungs/ lan btab pa'ang med ces
455b6 bka' stsal/ gzhan yang de bzhin gshegs pa rnams ni rtag tu mnyam par bzhag pa'i phyir rtog pa'ang med/ dpyod pa'ang med do/ /sprul pa'i de bzhin gshegs
455b7 pas sangs rgyas kyi mdzad pa dag sprul to/ /gzhan yang ci'i slad du rnam par shes pa rnams ni skad cig ma gcig nas gcig tu rnam par 'jig pa'i mtshan nyid do
456a1 zhes gsungs/ gzhan yang lag na rdo rje mthu bo che ni rtag tu 'brang zhing srung bar byed do/ /thog ma'i mthar mi 'dogs so zhes gsungs/ gzhan
456a2 yang bdud dang / bdud kyi las dang / kha na ma tho ba rnams kyi rnam par smin pa dang / bram ze'i bu mo tsan tsa dang / mdzes ma kun tu rgyu dang / lhung bzed stong par slar
456a3 gshegs pa la sogs pa las kyi sgrib pa dag gda' na/ ci'i slad du bcom ldan 'das kyis rnam pa thams cad mkhyen pa'i ye shes brnyes kyang nongs pa rnams ma
456a4 bral/ bcom ldan 'das kyis bka' stsal pa/ blo gros chen po/ de'i phyir legs par nyon la yid la gzung zhig dang ngas khyod la bshad do/ /blo gros chen pos
456a5 bcom ldan 'das la gsol pa/ bcom ldan 'das/ de bzhin 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po/ lhag
456a6 ma med pa'i mya ngan las 'das par bya ba'i phyir bshad de/ byang chub sems dpa'i spyad pa spyod pa rnams rab tu spro bar bya ba'i phyir dang / 'jig rten 'di dang gzhan
456a7 dag na byang chub sems dpa'i spyad pa spyod pa gang dag nyan thos kyi theg pas yongs su mya ngan las 'da' bar mos pa de dag nyan thos kyi theg pa las bzlog nas theg
456b1 pa chen po la rab tu brtson par bya ba'i phyir sprul pa'i sangs rgyas kyis nyan thos rnams la lung bstan pa yin gyi/ chos nyid kyi sangs rgyas kyis ni ma yin no/ /blo gros chen po/
456b2 rgyu des na nyan thos rnams byang chub sems dpa' dag dang tha mi dad par lung bstan to/ /blo gros chen po/ de la tha mi dad pa zhes bya ba ni nyan thos dang / rang sangs rgyas dang / sangs
456b3 rgyas bcom ldan 'das rnams nyon mongs pa'i sgrib pa spangs pa dang / rnam par grol ba ro gcig pa'i phyir yin gyi/ ye shes kyi sgrib pa spangs pa ni ma yin no/ /blo gros chen
456b4 po| ye shes kyi sgrib pa ni chos bdag med par mthong ba'i khyad par gyis rnam par dag par 'gyur la/ nyon mongs pa'i sgrib pa ni sngar gang zag la bdag med par mthong ba la
456b5 goms pas spong bar 'gyur ro/ /de la rnam par shes pa bdun 'gags pa dang / chos kyi sgrib pa las rnam par grol ba dang / kun gzhi rnam par shes pa'i bag chags
456b6 'gags pas ni mthar thug pa'i rnam par dag par 'gyur ro/ /sngon gyi chos gnas pa nyid la dgongs pa'i phyir snga ma dang phyi ma dngos po med do/ /mthar thug pa'i smon lam
456b7 gyi phyir de bzhin gshegs pa rtog pa'ang med/ dpyod pa'ang med par chos 'chad de/ yang dag pa'i ye shes kyis sprul pa'i phyir dang / dran pa nyams pa med pa'i phyir rtog
457a1 pa'ang med/ dpyod pa'ang med do/ /gnas pa'i sa gzhi dang / ma rig pa'i gnas kyi sa'i bag chags spangs pa'i phyir nyon mongs pa
457a2 gnyis spangs pa dang / 'chi 'pho gnyis dang bral ba dang / gang zag dang chos bdag med par khong du chud pa dang / sgrib pa gnyis spangs pa'o/ /blo gros chen po/ yid
457a3 dang / yid kyi rnam par shes pa dang / mig gi rnam par shes pa la sogs pa bdun po rnams ni skad cig ma/ bag chags kyi rgyu dge ba zag pa med pa'i phyogs dang bral ba/
457a4 yang 'khor bar mi 'gyur ba dang bral ba yin no/ /blo gros chen po/ de bzhin gshegs pa'i snying po ni 'khor zhing mya ngan las 'das pa dang / bde ba dang / sdug bsngal
457a5 ba'i rgyu yin te/ stong pa nyid kyis g.yeng ba'i blo can dang / byis pa so so'i skye bo dag gis khong du mi chud do/ /blo gros chen po/ lag na rdo rje mthu bo che rjes su 'brang zhing
457a6 srung bar byed pa ni sprul pa'i sangs rgyas yin gyi/ yang dag pa'i de bzhin gshegs pa ni ma yin no/ /blo gros chen po/ yang dag pa'i de bzhin gshegs pa ni dbang
457a7 po dang / tshad ma thams dang bral bas byis pa so so'i skye bo dang / nyan thos dang / rang sangs rgyas dang / mu stegs can thams cad kyi dbang po dang / tshad ma rnams las
457b1 rnam par log pa yin te/ mthong ba'i chos la bde bar gnas pa bar chad med pa'i chos shes pa'i bzod pa thob pa'i phyir lag na rdo rjes bsrung bar bya ba ma yin no/ /sprul pa'i
457b2 sangs rgyas thams cad ni las las skyes pa ma yin no/ /'phrul bas sprul pa'i sangs rgyas ni sangs rgyas kyang ma yin/ /sangs rgyas las gzhan pa'ang ma yin te/ dper na/
457b3 rdza mkhan gyi 'khor lo la sogs pa'i rgyu lta bur sems can gyi bya ba byed cing mtshan rnams dang ldan pas chos ston kyang rang gi tshul gyi gnas so so rang gis rig pa'i spyod
457b4 yul bshad pa ni ma yin no/ /gzhan yang / blo gros chen po/ byis pa so so'i skye bo rnams rnam par shes pa'i tshogs bdun 'gags pa'i phyir ni chad par lta ba bskyed do//
457b5 kun gzhi rnam par shes pa ma rtogs pa'i phyir ni rtag par lta ba bskyed do/ /bdag nyid rnam par rtog pa'i phyir ni thog ma'i mtha' mi shes so/ /rang gi rnam par rtog pa'i blo
457b6 'gags pa'i phyir ni rnam par grol bar 'gyur ro/ /gnas pa'i sa gzhi dang ma rig pa gnas kyi sa'i bag chags spangs pa'i phyir nyes pa thams cad spangs pa yin no//
457b7 de nas bcom ldan 'das kyis don de nyid yang dag par bstan pa'i phyir tshigs su bcad pa 'di dag gsungs so/ /theg pa gsum ni theg ma yin/ /de bzhin gshegs
458a1 pa zad mi 'gyur/ /thams cad sangs rgyas lung bstan cing / /nyes pa rnams dang bral bar bshad/ /mngon rtogs ye shes thob bya dang / /lhag med
458a2 mya ngan 'da' ba dang / /zhum pa rnams kyang spro bya'i phyir/ /de phyir dgongs te bshad pa yin/ /sangs rgyas bskyed pa'i ye shes dag /de nyid rnam 'byed lam du bshad/ /
458a3 theg pa rnams ni theg ma yin/ /de ni mya ngan 'da' ba min/ /'dod gzugs srid dang lta ba rnams/ /gnas bzhi'i sar ni bshad pa yin/ /yid kyi rnam par shes las
458a4 'byung / /rnam shes khyim du yid ni gnas/ /yid dang mig sogs rnam par shes/ /'gag pa la ni mi rtag bshad/ /yang na mya ngan 'das par lta/ /rtag par gnas
458a5 pa nyid du 'dod/ /de nas byang chub sems dpa' blo gros chen pos tshigs su bcad pas zhu ba zhus pa/ byang chub sems dpa' la sogs pa/ /bla med byang chub 'tshol
458a6 bdag /sha dang chang dang sgog btsong rnams/ /'tshal zhing btung bar bgyi mi bgyi/ /bla na ma mchis gtso mchog gis/ /thugs rjes bdag la bshad du gsol/ /byis
458a7 pa de la brkam par bgyid/ /dri nga grags pa ma mchis 'gyur/ /sha ni gcan gzan rnams kyi zas/ /ji ltar de ni 'tshal bar rung / /'tshal nas nongs dmigs ci mchis
458b1 dang / /ma 'tshal yon tan gang lags pa/ /'tshal dang ma 'tshal dge sdig rnams/ /thugs rjes bdag la bshad du gsol/ /byang chub sems dpa' blo gros chen pos tshigs
458b2 su bcad pa rnams kyis zhu ba zhus nas/ yang bcom ldan 'das la 'di skad ces gsol to/ /bcom ldan 'das kyis bdag la sogs pa'i slad du sha 'tshal ba dang mi 'tshal
458b3 ba'i nongs pa dang yon tan rnams bshad du gsol/ bdag dang byang chub sems dpa' gzhan rnams kyis da ltar dang ma 'ongs pa na sha'i zas la chags shing re ba'i sems
458b4 can sna tshogs la rnam par phye ste chos bshad pas sems can de dag byams pa'i sems kyis phan tshun gcig la gcig lta ba dang / byams pa'i sems thob nas kyang
458b5 so so'i sa la gnas shing rnam par dag pa gsal bar rtog ste myur du mthar thug pa'i bla na med pa yang dag par rdzogs pa'i byang chub mngon par 'tshang rgya ba dang / nyan thos
458b6 dang / rang sangs rgyas dag rang gi sa la bsti zhing / bstis nas kyang bla na med pa'i byang chub 'thob par 'gyur ro/ /chos ngan pa log par smra ba'i mu stegs can gang dag log
458b7 par lta ba dang / rtag pa dang chad pa la mngon par zhen pa rnams kyis kyang sha 'tshal ba bkag ste sha 'tshal du mi gnang ba lags na/ de bzhin gshegs pa 'jig rten gyi mgon
459a1 po yang dag pa'i chos yongs su grub pas sha mi gsol ba lta ci smos/ bcom ldan 'das kyis bka' stsal pa/ blo gros chen po/ legs so/ /
459a2 legs so/ /de'i phyir shin tu legs par nyon la yid la gzung zhig dang ngas khyod la bshad do/ /blo gros chen pos bcom ldan 'das la gsol pa/ de bzhin du
459a3 'tshal lo zhes bka' mnyan pa dang / bcom ldan 'das kyis bka' stsal pa/ blo gros chen po/ rgyu dang rkyen tshad med pa'i phyir sha rnams bza' bar mi bya ste/ 'on kyang
459a4 'dir khyod la mdo tsam zhig bshad par bya'o/ /'di lta ste/ srog chags rnams ni yun ring po nas phan tshun gyi rgyu rkyen gyis rtag par gnyen du gyur te/ 'di ltar
459a5 gnyen du gyur pa'i 'du shes kyi phyir sha rnams bza' bar mi bya'o/ /bong bu dang / dre'u dang / rnga mo dang / wa dang / khyi dang / glang dang / rta dang / mi dang / gcan gzan gyi
459a6 sha la sogs pa ni bshan pa dag 'dres par 'tshong bar byed pas de'i phyir sha bza' bar mi bya'o/ /sha ni khu chu dang khrag las byung ba'i phyir sha bza' bar mi bya'o/ /sems
459a7 can gyis de'i dri tshor na'ang thams cad 'jigs shing skrag par 'gyur te/ bshan pa dang / gdol pa la sogs pa bzhin du khyi rnams kyis mthong na'ang de la dngangs
459b1 shing 'jigs pas khyis zugs pa'i phyir sha bza' bar mi bya'o/ /gzhan yang rnal 'byor pa rnams kyi byams pa'i sems skye bar mi byed pa'i phyir sha bza' bar mi rigs so//
459b2 'phags pa ma yin pa'i skye bo dag brkam zhing dri mi zhim par 'gyur la snyan pa'i grags pa med pa'i phyir sha bza' bar mi bya'o/ /rig sngags rnams sgrub pa 'grub par
459b3 mi 'gyur ba'i phyir sha bza' bar mi bya'o/ /'di ltar srog gcod pa ni gzugs mthong ma thag tu mngon par chags pa'i sems skyed par byed pa'i phyir sha bza' bar mi bya'o/ /
459b4 gang sha bza' ba de dag la ni lha rnams kyis spong bar byed pa'i phyir sha bza' bar mi bya'o/ /kha'i dri mi zhim par 'gyur ba'i phyir yang sha bza' bar mi bya'o/ /rmi lam ngan pa
459b5 mang ba'i phyir sha bza' bar mi bya'o/ /dgon pa'i gnas nags tshal dag na gnas pa'i tshe stag dang spyang ki la sogs pas dri tshor bar 'gyur ba'i phyir sha bza' bar mi bya'o//
459b6 zas kyi tshod mi zin par byed pa'i phyir sha bza' bar mi bya'o/ /rnal 'byor pa rnams yongs su skyo ba'i sems skye bar mi 'gyur ba'i phyir sha bza' bar mi bya'o/ /ngas rtag tu
459b7 ji tsam du bza' ba dang btung ba rnams la bu'i sha'i 'du shes dang / sman gyi 'du shes bya'o zhes bshad pa'i phyir sha bza' bar mi bya ste/ ngas sha bza' par gnang ngo zhes zer
460a1 na de ni gnas med do/ /gzhan yang / blo gros chen po/ sngon 'das pa'i dus na rgyal po seng+ge 'bangs bzang zhes bya ba zhig byung ste/ sha sna tshogs
460a2 la bza' zhing mi sha'ang zos par gyur pas blon po dang / gnyen dang / gnyen 'dab kyi skye bo'i tshogs rnams log nas sngon gyi dbang thang rnams kyang bcad pas nyon
460a3 mongs par gyur to/ /de lta bas na sha bza' ba la nyes dmigs 'di lta bu yod pa'i phyir sha bza' bar mi bya'o/ /gzhan yang / blo gros chen po/ de la srog gcod pa dag
460a4 ni khe 'dod pa'i phyir srog bcad nas 'tshong bar byed do/ /gang blun po sha bza' ba de dag ni rin gyis sha rnams nyo bar byed do/ /srog gcod par byed pa de dag khe 'dod pa'i
460a5 phyir lcags kyu dang rgya rnams kyis srog chags nam mkha' la rgyu ba dang / chu la gnas pa dang / sa la 'gro ba dag rnam pa du mas gsod cing khe 'tshol bar byed do//
460a6 blo gros chen po/ byed du ma bcug pa dang / ma btsal ba dang / 'du shes med pa zhes bya ba'i sha gang yang med pas de'i phyir sha bza' bar mi bya'o/ /blo gros chen po/
460a7 ngas sngar sha rnam pa lnga dang bcu bkag la/ mdo sde 'dir ni rnam pa thams cad dang dus thams cad du thabs kyis gnang ba thams cad kyang bkag go /blo gros chen
460b1 po| de bzhin gshegs pa dgra bcom pa yang dag par rdzogs pa'i sangs rgyas la ni bza' bar bya ba'ang med na nya'i sha bza' ba lta ci smos te/ gzhan yang byed du mi
460b2 'jug go /thugs rje chen po sngon du 'gro ba'i phyir sems can thams cad bu gcig pa dang 'dra bar gzigs te/ de'i phyir bu'i sha bza' bar mi gnang ba yin no/ /de nas
460b3 bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /sngon chad gnyen bshes byas phyir dang / /ngan pa mi gtsang 'dres pa dang /
460b4 khu chu khrag las byung ba dang / /dri tshor thams cad 'jigs skrag pas/ /sha rnams dang ni btsong dag dang / /ke'u dang byis ku la sogs dang / /bag med sna tshogs 'gyur ba'i
460b5 chang / /rnal 'byor pas ni rtag tu spang / /'bru mar dag kyang spang bya ste/ /bu ga phug pa'i khri yang spang / /srog chags dag ni phra mo rnams/ /de na rab tu 'jigs phyir ro/ /
460b6 zas las bag med skye bar 'gyur/ /bag med pa las rtog pa skye/ /rtog pa las ni 'dod chags skye/ /de yi phyir na bza' mi bya/ /zas kyi dbang gis 'dod chags
460b7 skye| |'dod chags kyis ni sems rmongs byed/ /rmongs pas srid pa'i 'dod pa skyed/ /'khor ba las ni grol mi 'gyur/ /khe yi phyir ni sems can gsod/ /sha yi phyir
461a1 ni nor sbyin byed/ /gnyis ka sdig pa'i las can pas/ /shi nas 'o 'dod 'bod par ltung / /bcol tshol 'du shes de med na/ /rnam gsum
461a2 dag pa'i sha yang med/ /rgyu med las ni yod min pas/ /de yi phyir na bza' mi bya/ /rnal 'byor pa ni de dag gis/ /des na thams cad spang byar bya/ /phyogs
461a3 bcu sangs rgyas bcom ldan 'das/ /thams cad rab tu smod par 'gyur/ /gcig la gcig ni za bar byed/ /shi nas gcan gzan rigs su ltung / /dri mi zhim pa
461a4 smad pa dang / /glen pa dag tu skye bar 'gyur/ /phal cher gdol ba'i rigs su skye/ /rngon pa sme sha can rigs dang / /yang na 'phra men rigs su skye/ /sha bza'i rigs su
461a5 skye bar 'gyur/ /srin po byi la la sogs pa'i/ /mngal kun tu ni skye bar 'gyur/ /glang po 'chid dang sprin chen dang / /sor mo'i phreng ba'i mdo dag dang / /lang+kar gshegs
461a6 pa'i mdo 'di las/ /ngas ni sha rnams rab tu bkag /sangs rgyas byang chub sems dpa' dang / /nyan thos rnams kyis smad pa dang / /ngo mi tsha bar za ba ni/ /rtag tu glen
461a7 par skye bar 'gyur/ /sngar yang mthong thos dogs pa yi/ /sha rnams thams cad spang bar bshad/ /rtog ge rnams kyis ma rtogs pas/ /de phyir sha zan gnas su skyes/ /
461b1 ji ltar 'dod chags nyes pa yis/ /'phags pa'i rnam grol sgrib 'gyur zhing / /sha chang sgog btsong la sogs pa'ang / /'phags pa'i lam gyi bar chad byed/ /ma
461b2 'ongs dus kyi skye bo dag /sha bza' gti mug smra ba rnams/ /sha ni sdig med rung bas na/ /sangs rgyas nged la gnang zhes zer/ /zas la sman sten 'du shes dang //
461b3 de bzhin bu sha lta bur yang / /chos shes skyo ba bskyed nas ni/ /rnal 'byor can gyis bsod snyoms spyad/ /snying rje sems la gang gnas pa/ /yongs su skyo bar nga yis
461b4 bshad/ /stag dang sbyang gi gcan gzan rnams/ /rtag tu lhan cig 'grogs shing gnas/ /gal te sha rnams bza' byed na/ /sems can dag ni skrag 'gyur bas//
461b5 de phyir rnal 'byor ba dag gis/ /snying rje'i sems kyis sha mi bza'/ /sha bza' snying rje shes rab med/ /rnam par grol la rgyab kyis phyogs/ /'phags pa'i rgyal
461b6 mtshan dag dang 'gal/ /de yi phyir na bzar mi rigs/ /bram ze'i rigs su skye bar 'gyur/ /gzhan yang rnal 'byor ba yi gnas/ /shes rab phyug po'i khyim
461b7 du skye/ /'di ni sha spangs dbang gis so/ /'phags pa lang kar gshegs pa rin po che'i mdo las/ sangs rgyas thams cad kyi gsung gi snying po'i le'u zhes
462a1 bya ba rdzogs so// //dpal lha btsan po'i bka' lung gis rgya'i slob dpon wen hwi yis mdzad pa'i 'grel pa dang sbyar
nas/
CLOSE WINDOW