བོད་ཡིག |
483a4 AR+Ya sarba bud+d+ha bi Sha ya a ba tA ra dz+nyA na A lo ka a laM ka ra nA ma ma hA yA na sU tra/ bod skad du/ 'phags pa sangs rgyas thams
483a5 cad kyi yul la 'jug pa'i ye shes snang ba'i rgyan ces bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la
483a6 phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri'i rtse mo bzhi'i shing drung chos kyi dbyings
483a7 kyi snying po'i khang bzang na 'di lta ste/ nyan thos chen po brgyad dang / kun shes kauN+Di n+ya la sogs pa dge slong nyi khri lnga stong gi dge slong gi dge 'dun chen po
483b1 thams cad kyang dgra bcom pa zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam
483b2 par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid pa kun tu sbyor ba yongs su
483b3 zad pa| yang dag pa'i shes pas sems shin tu rnam par grol ba/ sems can thams cad kyi dbang dam pa'i pha rol tu son pa sha stag dang 'di lta ste/ byang chub
483b4 sems dpa' sems dpa' chen po 'jam dpal gzhon nur gyur pa dang / nor dpal dang / sangs rgyas dpal dang / sman gyi rgyal po dang / sman yang dag 'phags
483b5 la sogs pa 'jig rten gyi khams gzhan dang gzhan dag gi de bzhin gshegs pa bye ba khrag khrig brgya stong dag gis kun nas bkye ba'i byang chub sems dpa' bye
483b6 ba khrag khrig phrag bdun cu rtsa gnyis thams cad kyang phyir mi ldog pa'i chos kyi 'khor lo rab tu bskor ba/ thams cad kyang shin tu rgyas pa'i sde dkon mchog brtsegs
483b7 pa'i mdo yongs su zhu ba la mkhas pa/ thams cad kyang sa bcu pa chos kyi sprin thob pa/ thams cad kyang shes rab kyis ri rab ltar gyur pa/ thams cad kyang stong pa nyid
484a1 dang / mtshan ma med pa dang / smon pa med pa dang / skye ba med pa dang / 'byung ba med pa dang / dngos po med pa'i sems su bsgoms
484a2 pa'i sems dang ldan pa/ thams cad kyang chos zab mo'i snang ba chen po thob pa/ thams cad kyang de bzhin gshegs pa'i spyod lam dang ldan pa/ thams cad kyang
484a3 mngon par shes pa yongs su sbyangs pas nges par 'byung ba thams cad kyi ngo bo nyid kyi rang bzhin la gnas pa sha stag dang thabs cig tu bzhugs so/ /de'i tshe
484a4 na bcom ldan 'das 'di snyam du bdag gis byang chub sems dpa' sems dpa' chen po rnams kyi myur ba dang / stobs dang / shugs chen po yang dag par
484a5 bskyed par bya ba'i phyir chos kyi gtam brjod par bya zhing / 'jig rten gyi khams gang+gA'i klung gi bye ma snyed dag nas byang chub sems dpa' sems dpa' chen
484a6 po gzi brjid che ba gzi brjid che ba dag bsdu bar yang bya/ bdag gis chos bstan pa chen po'i chos kyi rnam grangs bshad pa'i ltas snang ba chen po'ang
484a7 bstan par bya/ bdag gis byang chub sems dpa' sems dpa' chen po rnams lhags nas bdag la chos bstan pa chen po yongs su zhu bar 'gyur bar yang
484b1 bya'o| |snyam du dgongs so/ /de nas bcom ldan 'das kyis de'i tshe phyogs bcu'i 'jig rten gyi khams stong gsum gyi stong chen po'i 'jig rten gyi khams grangs med
484b2 cing bsam gyi mi khyab pa dag gi rdul phra rab kyi rdul snyed dag 'od zer chen po'i sprin dag gis snang bar mdzad do/ /de'i tshe na phyogs bcu'i phyogs re re nas kyang
484b3 byang chub sems dpa' sems dpa' chen po sangs rgyas kyi zhing bye ba khrag khrig phrag 'bum brag brjod du med pa bcu'i rdul phra rab kyi rdul snyed dag lhags so/ /de dag
484b4 la byang chub sems dpa' re re'ang byang chub sems dpa'i rnam par 'phrul pa bsam gyis mi khyab pa dag gis 'ongs te lhags nas kyang bcom ldan 'das la tshul
484b5 dang mthun pa'i mchod pa bsam gyis mi khyab pa dag byas nas bcom ldan 'das kyi spyan sngar rang rang gi smon lam gyi stobs las byung ba'i pad+ma'i stan dag la
484b6 'khod de/ /bcom ldan 'das la mig mi 'dzum par lta zhing sdod par gyur to/ /de'i tshe na chos kyi dbyings kyi snying po'i khang bzang de'i dbus su seng+ge'i khri nor bu
484b7 rin po che chen po'i pad+ma'i snying po can rgyar dpag tshad bye ba phrag grangs med pa yod pa/ rim gyis mtho ba/ nor bu rin po che kun tu snang ba las grub ba/ nor bu
485a1 rin po che glog gi sgron ma'i kha khyer gyis yongs su bskor ba/ nor bu rin po che 'od bsam gyis mi khyab pa'i lan kan gyis
485a2 yongs su bskor ba/ nor bu rin po che dpe med pas yongs su bskor ba/ nor bu rin po che snang ba dpe las 'das pa'i phreng bas mdzes par byas pa/ nor bu
485a3 rin po che dbang gi rgyal po'i dra bas kun nas g.yogs pa/ nor bu rin po che rnam pa sna tshogs spras pa/ gdugs dang / rgyal mtshan dang / ba dan bsgred
485a4 pa dang ldan pa zhig byung bar gyur to/ /seng+ge'i khri nor bu rin po che chen po'i snying po can de'i khor khor yug nas 'od zer grangs med pa bye ba khrag khrig 'bum
485a5 phrag bcu byung ste/ 'od zer de dag gis phyogs bcu'i 'jig rten gyi khams gzhan dang gzhan dag snang ba chen pos khyab par gyur to/ /yang de'i tshe na phyogs bcu'i
485a6 phyogs re re nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin
485a7 dang / tshangs pa dang / 'jig rten skyong ba sangs rgyas kyi zhing bye ba khrag khrig 'bum phrag brjod du med pa bcu'i rdul phra rab kyi rdul snyed dag kyang lhags par
485b1 gyur te| de dag las kha cig ni/ rin po che'i khang pa brtsegs pa dag na 'khod la/ lha'i bu mo bye ba khrag khrig 'bum phrag grangs med cing bsam gyis mi
485b2 khyab ba glu dbyangs dang / rol mo'i sgra 'byin pa dag dang lhags so/ /kha cig ni/ me tog las byas pa dag dang / kha cig ni/ tsan+dan sprul gyi snying po dag
485b3 pas byas pa dag dang / kha cig ni/ mu tig las byas pa dag dang / kha cig ni/ rdo rje las byas pa dag dang / kha cig ni/ nor bu rin po che rdo rje ltar snang ba
485b4 las byas pa dag dang / kha cig ni/ dzam+bu'i chu bo'i gser las byas pa dag dang / kha cig ni/ nor bu rin po che 'od thams cad yang dag par 'dus pa las byas pa
485b5 dag dang / kha cig ni/ nor bu rin po che dbang gi rgyal po las byas pa dag dang / kha cig ni/ nor bu rin po che yid bzhin gyi nor bu las byas pa dag dang /
485b6 kha cig ni/ nor bu rin po che brgya byin thogs pa las byas pa dag dang / kha cig ni/ rgya mtsho'i rten rnam par dag pa'i rin po che'i bkod pa stong lta bu rin po che
485b7 chen po kun nas 'od zer snang ba las byas pa'i khang pa brtsegs pa dag la khod la/ lha'i bu mo bye ba khrag khrig 'bum phrag grangs med cing bsam gyis mi
486a1 khyab pa'i glu dbyangs dang rol mo'i sgra 'byin pa dag lhags so/ /lhags nas kyang bcom ldan 'das la bsam gyis mi khyab pa
486a2 dang / mtshungs pa med pa dang / gzhal du med pa dang / dpag tu med pa las kyang shin tu 'das pa'i mchod pa byas te/ bcom ldan 'das kyi spyan
486a3 sngar rang rang gi smon lam gyi stobs las byung ba'i stan dag la 'khod nas bcom ldan 'das la mig mi 'dzum pas lta zhing sdod par gyur to/ /de'i tshe na stong
486a4 gsum gyi stong chen po'i 'jig rten gyi khams 'di dzam+bu'i chu bo'i gser las grub par kun tu gnas par gyur cing / nor bu rin po che chen po sna tshogs kyi
486a5 shing ljon pa dag gis legs par brgyan pa dang / lha'i me tog gi shing ljon pa dag dang / gos kyi shing ljon pa dag dang / tsan+dan sprul gyi snying po'i
486a6 shing ljon pa dag dang / spos kyi shing ljon pa dag dang / a ga ru'i shing ljon pa dag gis kyang legs par brgyan cing / nor bu rin po che nyi ma dang /
486a7 zla ba dang / glog gi sgron ma'i dra bas kun nas khebs ba dang / gdugs dang / rgyal mtshan dang / ba dan bsgreng ba dang ldan la/ shing ljon pa thams
486b1 cad la'ang lha'i bu mo bye ba khrag khrig 'bum phrag grangs med pa mu tig gi do shal lus phyed la thogs pa dang / rin po che'i phreng ba thogs pa dag 'khod par gyur to//
486b2 de'i tshe na seng+ge'i khri nor bu rin po che chen po'i snying po can de las tshigs su bcad pa 'di dag byung ngo / /khyod kyi bsod nams stobs kyis bdag byung ste/ /mi dbang rgyal
486b3 po tshur gshegs bzhugs su gsol/ /rgyal ba rkang gnyis dam pa 'degs bgyi ste/ /de ring bdag gis brang pa 'di rdzogs 'gyur/ /bdag gi lus 'di rin
486b4 chen rgyus grub ste/ /'dren pa khyod phyir bdag gi dkyil na ni/ /rin chen pad+ma yid 'od gcig mchis te/ /skyob pa bdag gi brang pa de rdzogs mdzod/ /rin chen
486b5 pad+ma 'di la bzhugs nas ni/ /bdag dang 'jig rten 'di kun mdzes par mdzod/ /gang thos seng+ge'i khri 'di 'dra thob pa/ /chos de srog chags bye mang bstan du gsol/ /
486b6 khyod kyi sku las 'od zer stong byung ste/ /'jig rten khams mang rab tu snang byed pa/ /de ni bdag gis dga' mchog skyes pa'i mtshan/ /'dren pa bdag gi slad du
486b7 bzhugs su gsol/ /sngon yang bdag gis phyogs 'dir rang byung ba'i/ /thub pa bye ba phrag brgyad ba btegs gyur bas/ /myur du bzhugs te phan gdags mdzad du
487a1 gsol/ /bcom ldan deng 'dir phan gdags mdzad du gsol/ /de nas bcom ldan 'das gdan snga ma las bzhengs te/ seng+ge'i khri
487a2 nor bu rin po che chen po'i snying po can de la skyil mo krung bcas te bzhugs nas thams cad dang ldan pa'i byang chub sems dpa'i tshogs pa rnam par gzigs te/ byang chub sems dpa' sems dpa' chen po de dag la yang dag phul gyi chos bstan pa'i ltas mdzad do/
487a3 /de'i tshe na thams cad dang ldan pa'i byang chub sems dpa'i
487a4 tshogs rnams 'di snyam du sems te/ 'jam dpal gzhon nur gyur pa 'dis de bzhin gshegs pa dgra bcom pa yang dag par rdzogs pa'i sangs rgyas la
487a5 bdag cag gis thos nas yun ring du lon pa skye ba med pa dang / 'gag pa med pa'i chos kyi rnam grangs de yongs su zhus na ci ma rung snyam mo/ /de nas 'jam
487a6 dpal gzhon nur gyur pas bcom ldan 'das kyis ltas mdzad pa'ang rig /byang chub sems dpa' sems dpa' chen po de dag gi sems kyi yongs su rtog pa'ang
487a7 sems kyis shes nas stan las langs nas bla gos phrag pa gcig tu gzar nas pus mo g.yas pa'i lha nga pad+ma'i snying po la btsugs te bcom ldan 'das ga/ la ba de logs su thal mo sbyar ba btud nas bcom ldan 'das la 'di skad ces gsol to/
487b1 /bcom ldan 'das/ skye ba ma mchis pa dang / 'gag pa ma mchis
487b2 pa zhes bgyi na/ bcom ldan 'das/ skye ba ma mchis pa dang / 'gag pa ma mchis pa zhes bgyi ba de chos gang gi tshig bla dwags lags/ de'i tshe tshigs su bcad pa
487b3 'di dag gsol to/ /mi skye 'gag pa ma mchis pa/ /rnam 'dren khyod kyis bshad du gsol/ /de yi nges tshig mtshan nyid de/ /ci 'dra shes rab chen po pa/ /
487b4 mi skye 'gag pa ma mchis pa/ /de ni ji ltar brjod par bgyi/ /dpe rnams dang ni gtan tshigs kyis/ /thub chen bshad pa mdzad du gsol/ /byang chub sems
487b5 dpa' mang po 'di dag ni/ /'jig rten rnam par 'dren pa rnams kyis bkye lags te/ /ye shes 'tshal zhing khyod la phyag 'tshal mchis lags na/ /dam chos
487b6 rgya chen dam pa bshad pa mdzad du gsol/ /de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to//
487b7 'jam dpal/ legs so/ /legs so/ /'jam dpal/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi
488a1 rnams kyi skye bo phal po che'i don dang / phan pa dang / bde ba dang / byang chub sems dpa' sems dpa' chen po rnams kyis thob par bya ba'i
488a2 phyir zhugs te/ khyod de bzhin gshegs pa la don de lta bu yongs su zhu bar sems pa ni 'jam dpal yang khyod legs so/ /'jam dpal de bzhin gshegs pa don de
488a3 bstan pa na gnas de la khyod skrag pa dang / 'jigs pa dang / sdang bar mi bya zhing / 'jam dpal khyod kyis ye shes la bsten par yang bya'o/ /'jam dpal skye ba
488a4 med pa dang / 'gag pa med pa zhes bya ba 'di ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dwags yin te/ 'jam dpal
488a5 'di lta ste dper na/ sa gzhi chen po 'di bai DUR+ya rin po che'i rang bzhin du kun nas gnas par gyur cing / de'ang ji ltar bai DUR+ya chen po'i rang bzhin gyis gzhi chen po
488a6 de la sum cu rtsa gsum pa'i gnas dang / lha'i dbang po brgya byin pa dang / khang bsang rnam par rgyal ba byed kyi gzugs brnyan kun tu snang bar 'gyur ba de ltar kun nas
488a7 gnas par gyur la/ de na lha'i dbang po brgya byin lha'i 'dod pa'i yon tan lnga po dag gis rtse ba dang / dga' ba dang / dga' mgur spyod pa'ang kun tu
488b1 snang bar gyur cing / /de nas de'i tshe lha rnams kyis dzam+bu'i gling gi skyes pa dang / bud med dang / khye'u dang / bu mo thams cad la tshig 'di skad ces/ kye skyes pa dang bud med dag tshur
488b2 shog /lha'i dang po brgya byin 'di kha gang bzang rnam par rgyas byed kyi nang na/ lha'i 'dod pa'i yon tan lnga po dag gis brtse ba dang dga' ba dang dga' mgur spyod par byed pa ltos/ kye skyes
488b3 pa dang bud med kyi tshogs dag tshur shog /sbyin pa dag byin cig /bsod nams dag gyis shig /tshul khrims yang dag par blangs te 'dug cig dang / khang bzang rnam par rgyal
488b4 byed 'di lta bu dag gi nang na brtse bar 'gyur/ dga' bar 'gyur/ dga' mgur spyad par 'gyur zhing / brgya byin nyid thob par yang 'gyur la/ lha'i dbang po brgya byin lha'i longs spyod
488b5 dag gis 'byor cing ldan par gyur pa ci 'dra ba de 'dra ba'i 'byor pa dag dang ldan pa 'gyur ro/ /zhes yang dag par skul bar yang byed la/ 'jam dpal de nas skyes pa dang / bud med dang /
488b6 khye'u dang / bu mo de dag gis bai DUR+ya chen po'i rang bzhin gyis gzhi chen po de la sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin gyi
488b7 gzugs brnyan mthong nas thal mo sbyor zhing me tog dag kyang 'thor bar byed/ spos dag kyang 'thor bar byed la/ tshig 'di skad ces bdag cag kyang lha'i dbang po brgya byin ci 'dra ba de 'dra ba'i
489a1 lus thob par gyur cig /bdag cag kyang ji ltar lha'i dbang po brgya byin 'di khang bzang rnam par rgyal byed kyi ngan na lha'i 'dod
489a2 pa'i yon tan lnga po dag gis rtse ba dang / dga' ba dang / dga' mgur spyod par byed pa de ltar gyur cig /ces brjod par byed kyang sems can de dag gis
489a3 ni| 'di ltar bai DUR+ya chen po'i rang bzhin gyis gzhi chen po la sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin
489a4 snang ba 'di ni/ bai DUR+ya chen po'i rang bzhin yongs su dag pa'i phyir gzugs brnyan kun tu snang ba yin no/ /zhes de ltar yongs su mi shes te/ de dag brgya
489a5 byin nyid 'dod pas sbyin pa dag kyang sbyin/ bsod nams kyang byed/ tshul khrims yang dag bar blangs te gnas shing dge ba'i rtsa ba dag kyang sum cu rtsa gsum
489a6 pa'i gnas snang ba der skye bar bya ba'i phyir yongs su bsngo bar byed na/ 'jam dpal/ ji ltar bai DUR+ya chen po'i rang bzhin gyis gzhi chen po de la sum cu rtsa
489a7 gsum pa'i gnas kyang med/ khang bzang rnam par rgyal byed kyang med/ lha'i dbang po brgya byin yang med mod kyi/ 'on kyang bai DUR+ya chen po yongs su dag
489b1 pa'i phyir de la sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin gyi gzugs brnyan kun tu snang ste/ de dag kyang yod
489b2 pa ma yin zhing skye ba med pa dang / 'gag pa ma yin bzhin du bai DUR+ya chen po yongs su dag pa'i phyir gzugs brnyan kyang kun tu snang ba de bzhin pu 'jam dpal/
489b3 sems yongs su dag pa dang / sgom pa shin tu goms par byas pa'i sems can la de bzhin gshegs pa'i sku snang bar gyur/ 'jam dpal/ de bzhin gshegs
489b4 pa'i mthus sems can rnams kyis de bzhin gshegs pa'i sku mthong ba de'ang ma byung ba/ ma skyes pa/ ma 'gag pa/ dngos po ma yin/ dngos po med pa ma yin/
489b5 bltar snang ba ma yin/ bltar mi snang ba ma yin/ 'jig rten ma yin/ 'jig rten med pa ma yin/ sems pa yod pa ma yin/ sems pa med pa ma yin/ bsam
489b6 du yod pa ma yin/ bsam du med pa ma yin/ yod pa ma yin/ med pa ma yin mod kyi/ 'jam dpal/ 'on kyang sems can rnams ni/ de bzhin gshegs pa'i
489b7 gzugs brnyan la dmigs nas me tog kyang 'thor bar byed/ spos dang / na bza' dang / rin po che dag kyang dbul bar byed/ tshig 'di skad ces bdag cag kyang de
490a1 bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig /ces brjod par byed de/ sangs
490a2 rgyas kyi ye shes 'dod pa de dag bdag kyang sbyin pa dag kyang sbyin/ bsod nams dag kyang byed/ tshul khrims yang dag par blangs te gnas shing de dag kyang de
490a3 bzhin gshegs pa'i ye shes thob par bya ba'i phyir yongs su bsngo bar byed do/ /'jam dpal/ 'di lta ste/ dper na/ bai DUR+ya chen po'i rang bzhin gyis gzhi chen
490a4 po de la lha'i dbang po brgya byin gyi gzugs brnyan snang ba de g.yo bar mi byed/ sems par mi byed/ spro bar mi byed/ rtog par mi byed/ rnam par rtog par mi byed
490a5 cing / rtog pa med pa/ rnam par rtog pa med pa/ sems pa med pa/ yid la byed pa med pa/ zhi ba/ bsil bar gyur pa/ skye pa med pa/ 'gag pa med pa/ mthong ba
490a6 med pa| thos pa med pa/ bsnams pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa/ de
490a7 bzhin du 'jam dpal/ de bzhin gshegs pa dgra bcom pa yang dag par rdzogs pa'i sangs rgyas kyang g.yo bar mi byed/ sems par mi byed/ spro bar mi byed/
490b1 rtog par mi byed/ rnam par rtog par mi byed cing / rtog pa med pa/ rnam par rtog pa med pa/ sems pa med pa/ yid la byed pa med pa/ zhi ba/ bsil bar gyur pa/
490b2 skye ba med pa/ 'gag pa med pa/ mthong ba med pa/ thos pa med pa/ bsnams pa med pa/ myangs pa med pa/ reg pa med pa/ mtshan ma med pa/ rnam par rig pa med pa/
490b3 rnam par rig par bya ba ma yin pa ste/ 'jam dpal/ de bzhin gshegs pa ni/ skye ba med pa'i gnas yin mod kyi/ 'on kyang 'jig rten na gzugs brnyan bzhin du
490b4 snang zhing sems can rnams kyi mos pa ji lta ba bzhin du mthong ba'i bye brag gis tshe'i bye brag ston par yang byed la/ yongs su smin pa dang mos pa'i stobs bskyed pas byang chub
490b5 kyi snod du gyur pa'i sems can rnams la gzugs brnyan snang bar yang 'gyur te/ sems can rnams kyi bsam pa dang mos pa ji lta ba bzhin du thos par yang 'gyur/ bsam
490b6 pa ji lta ba bzhin du theg pa gsum du shes par yang 'gyur/ bsam pa ji lta ba bzhin du rnam par grol bar yang 'gyur ro/ /'jam dpal/ 'di lta ste/ dper na/ sum
490b7 cu rtsa gsum pa'i lha rnams kyi bsod nams kyi stobs kyis grub pa'i chos kyi rnga bo che chos kyi sgra zhes bya ba zhig khang bzang rnam par rgyal byed kyi steng gi bar snang la 'dug cing
491a1 lha'i bu thams cad kyi mig lam las yang dag par 'das te bltar mi snang zhing mi mthong mod kyi/ 'jam dpal/ 'on kyang chos kyi rnga bo che
491a2 de gang gi tshe sum cu rtsa gsum pa'i ris kyi lha rnams lha'i 'dod pa'i rtsed mo dang / dga' ba dang / longs spyod dag gis rtag par rgyun du shes cher bag med par gyur
491a3 cing / yang dang yang du lha'i 'dun sa chos bzang gi nang du zhugs te/ chos yang dag par bgro bar mi byed pa dang / 'jam dpal/ gang gi tshe lha'i dbang
491a4 po brgya byin yang lha'i 'dod pa'i rtsed mo dang / dga' ba dang / longs spyod dag gis rtag par rgyun du shas cher bag med par gyur cing / yang dang yang du lha'i
491a5 'dun sa chos bzang gi nang du zhugs te chos kyi khri stan la 'dug nas chos smra bar mi byed pa de'i tshe chos kyi rnga bo che bar snang la 'dug cing / mig gi lam las
491a6 yang dag par 'das te/ bltar mi snang zhing mi mthong ba de las chos kyi sgra 'di lta bu 'byung bar 'gyur te/ chos kyi sgra des sum cu rtsa gsum pa'i ris kyi lha thams cad
491a7 la 'di skad du/ grogs po dag /gzugs dang / sgra dang / dri dang / ro dang / reg bya dag ni/ mi rtag pa yin gyi/ bag med par ma spyod cig /gnas 'di
491b1 nas myur du shi 'phos par gyur ta re/ grogs po dag /'du byed thams cad ni/ sdug bsngal ba yin no/ /grogs po dag /'du byed thams cad ni/ stong pa yin no/ /
491b2 grogs po dag /'du byed thams cad ni/ bdag med pa yin no/ /grogs po dag/ 'di nas shi 'phos pa rnams ni/ yang 'dir skye bar 'gyur ba dka' ba yin gyi/ bag
491b3 med par ma byed par grogs po dag /chos yang dag par bgro bar gyis shig /chos kyi kun dga' la dga' bas dga' bar gyis shig /chos gces par bya ba dang / chos
491b4 la gzhol ba dang / chos rjes su dran pa yid la byed pa la gnas par gyis shig /lha'i 'dod pa'i rtsed mo dang / dga' ba dang / longs spyod 'di dag dang yang mi 'bral
491b5 bar gyis shig /ces sgras go bar byed do/ /'jam dpal/ de'i tshe na chos kyi rnga bo che de bltar mi snang ba/ gzugs med pa/ rtog pa med pa/ rnam par rtog pa med pa/ mig
491b6 gi lam las yang dag par 'das pa/ ma skyes pa/ ma 'gags pa/ tshig gi lam las yang dag par 'das pa/ sems dang / yid dang / rnam par shes pa dang bral ba
491b7 de lta bu de'i sgra des sum cu rtsa gsum pa'i ris kyi lha thams cad la yang dag par bskul bas de dag 'jigs pa dang / skrag pa dang / skyo ba dang / yid byung bar gyur nas
492a1 lha'i 'dun sa chos bzang gi nang du zhugs te chos kyi kun dga' la dga' bas dga' bar gnas shing / chos gces par bya ba
492a2 dang / chos la gzhol bar bya ba dang / chos rjes su dran pa yid la byed pa la gnas par yang byed de/ de dag de nas shi 'phos nas khyad par du 'gro bar yang
492a3 shes so| |de'i tshe na lha'i dbang po brgya byin yang lha'i 'dun sa chos bzang gi nang du zhugs te chos kyi khri stan la 'dug nas chos ston par byed do/ /'jam dpal/
492a4 gang gi tshe lha ma yin rnams lha rnams dang lhan cig g.yul sprod par byed cing / der yang gang gi tshe sum cu rtsa gsum pa'i lha rnams pham par gyur pa de'i tshe na chos
492a5 kyi rnga bo che de sgra 'di lta bu 'byin par byed de/ sgra des lha ma yin rnams 'jigs pa dang / skrag pa dang / skyo ba dang / yid byung bar gyur nas 'bros par byed do/ /
492a6 'jam dpal/ chos kyi rnga bo che de la ni/ sgrub par byed pa dang / lus gzugs cung zad kyang med de/ 'jam dpal/ chos kyi rnga bo che de ni/ bltar mi mthong ba/ mi
492a7 snang ba| yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis
492b1 su med pa ste/ mig gi lam las yang dag par 'das pa yin mod kyi/ 'jam dpal/ 'on kyang sum cu rtsa gsum gyi ris kyi lha'i bu sngon yongs su sbyangs pa byas pa
492b2 rnams la chos kyi rnga bo che de sgra de lta bu 'byin cing sum cu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye
492b3 bar zhi bar byed do/ /'jam dpal/ ji ltar chos kyi rnga bo che de bltar mi snang ba/ mi mthong ba/ yod pa ma yin pa/ ma byung ba/ bsam du med pa/ sems pa med
492b4 pa| mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/
492b5 'jam dpal/ 'on kyang sum cu rtsa gsum pa'i ris kyi lha'i bu sngon yongs su sbyangs pa byas pa rnams la chos kyi rnga bo che de sgra de lta bu 'byin cing sum cu rtsa gsum pa'i ris kyi
492b6 lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir sgra 'byin par byed cing lha'i bu bag med pa rnams la'ang
492b7 chos kyi sgras yang dag par skul bar byed la/ chos kyi sgra de'ang sum cu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs
493a1 pa thams cad nye bar zhi bar byed do/ /'jam dpal/ de bzhin gshegs pa dgra bcom pa yang dag par rdzogs pa'i sangs rgyas kyang
493a2 bltar mi snang ba/ mi mthong ba/ yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med
493a3 pa| dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal/ 'on kyang sems can rnams sngon gyi las
493a4 kyi rnam par smin pas bsam pa dang / mos pa ji lta ba bzhin du chos kyi sgra 'byung bar kun tu shes shing / chos kyi sgra de'ang sems can thams cad kyi gnod pa
493a5 dang / 'khrug pa dang / nye ba'i nyon mongs pa thams cad nye bar zhi bar bya ba'i phyir 'jug par 'gyur te/ chos kyi sgra skad kyis 'jig rten na de bzhin gshegs
493a6 pa'i gsung zhes bya ba'i grangs su 'gro'o/ /'jam dpal/ de bzhin gshegs pa ni/ yod pa ma yin mod kyi/ 'on kyang 'jig rten na chos kyi sgra skad kyis de
493a7 bzhin gshegs pa zhes bya bar gdags pa 'byung ste/ sems can rnams kho na'i sngon gyi dge ba'i rtsa ba'i las kyi rnam par smin pas sems can thams cad kyis
493b1 de bzhin gshegs pa las sgra 'byung bar kun tu shes so/ /sgra de'ang sems can thams cad kyi bde ba thams cad yang dag par bskyed par bya ba dang / bag med pa rnams
493b2 la yang dag par bskul bar bya ba'i phyir byung ste/ 'jam dpal/ sems can de dag gis sgra de thos nas 'di ni/ de bzhin gshegs pa'i sku yin no/ /snyam du de bzhin
493b3 gshegs pa la rtog par yang byed do/ /byang chub sems dpa' las dang po pa rnams dang / byis pa so so'i skye bo thams cad de bzhin gshegs pa la dmigs pa'i
493b4 dge ba'i rtsa ba yang dag par bskyed par bya ba'i phyir de bzhin gshegs pa'i gsung yang thos mod kyi/ 'jam dpal/ 'on kyang de bzhin gshegs pa dgra bcom
493b5 pa yang dag par rdzogs pa'i sangs rgyas ni/ skye ba med pa dang / 'gag pa med pa yin par rig par bya'o/ /'jam dpal/ 'di lta ste/ dper na/ sos ka'i dus
493b6 kyi mthar thug nas dbyar zla ra ba byung bar gyur phan sems can rnams kyi sngon gyi las kyi rnam par smin pas sa la gnas pa'i sa bon gyi tshogs dang / lo tog gi tshogs
493b7 dang / rtswa dang / shing gel pa dang / rtsi dang / nags tshal thams cad kun tu bskyed par bya ba'i phyir steng gi nam mkha' bar snang gi gnas la 'di 'dra ba'i rlung dag
494a1 ldang ste| des char ba sdud par byed cing bsdus nas kyang sa gzhi chen po la 'bab par byed do/ /des sa gzhi chen po thams cad
494a2 kun tu tshim par byed cing / de'i tshe na dzam+bu gling ba'i mi thams cad kyang rab tu dga' ba dang / yid bde ba skye bar byed de/ de la 'jig rten na sprin ces bya ba'i
494a3 ming du 'gyur ro/ /'jam dpal/ gang gi tshe steng gi bar snang las char ba'i tshogs chen po mi 'bab pa de'i tshe na dzam+bu gling pa'i mi thams cad 'di skad ces 'dir
494a4 sprin mi 'khor ro/ /zhes rjod par byed do/ /'jam dpal/ gang gi tshe steng gi bar snang las char ba'i tshogs chen po sa gzhi la 'bab pa de'i tshe na ni/ dzam+bu gling
494a5 pa'i mi thams cad 'di skad ces a la la sprin chen po ni/ char gyi rgyun 'bebs par byed cing / sa gzhi chen po'ang kun tu tshim par byed do/ /'jam dpal/
494a6 de na ni| sprin yang med la sprin du gdags pa'ang med de/ 'jam dpal/ sems can rnams kyi sngon gyi las kyi rnam par smin pas char pa'i tshogs chen po
494a7 rlung gis kun nas bskyod na ni/ steng gi bar snang las 'bab par yang 'gyur/ 'jam dpal/ char ba'i tshogs chen po de rlung gis kun nas dkrugs pa ni/ steng gi
494b1 bar snang de nyid du bag la zha bar yang 'gyur ro/ /'jam dpal/ de ltar sems can rnams kyi sngon gyi las kyi rnam par smin pas steng gi bar snang la char ba'i tshogs chen po
494b2 de kun nas 'dus pa dang / rlung kun tu 'khrug pa dag gi char ba'i rgyun kun tu 'dzin pa'am/ 'bebs par byed pa de la sprin ces 'dogs pa 'byung mod kyi/ 'jam
494b3 dpal| de la ni/ sprin yang med/ sprin du gdags pa'ang med de/ 'jam dpal/ sprin de ni/ ma skyes pa/ ma 'gags pa/ sems kyi yul du mi 'jug pa/
494b4 'ong ba dang 'gro ba dang bral ba yin no/ /'jam dpal/ de bzhin du byang chub sems dpa' sems dpa' chen po sngon dge ba'i rtsa ba'i tshogs bsags pa dag dang /
494b5 sems can nyan thos dang / rang sangs rgyas kyi shes pa 'dod pa gzhan dag dang / sems can dge ba'i rtsa ba bskyed pa/ mya ngan las 'das pa yang dag par bstan
494b6 pa'i rgyu can rnams la de bzhin gshegs pa dgra bcom pa yang dag par rdzogs pa'i sangs rgyas spobs pa thogs pa mi mnga' ba dang ldan pa 'jig rten du byung ngo / /
494b7 'jig rten du byung ngo zhes bya ba'i grangs su 'gro ste/ de gang ci gsung ba de dag thams cad kyang de bzhin pa/ ma nor ba de bzhin pa/ gzhan ma yin pa de bzhin pa
495a1 yin pas/ de la lha dang mi rnams kyi nang na de bzhin gshegs pa zhes bya ba'i mtshan du btags pa yin te/ 'jam dpal/ de
495a2 las lha dang mi rnams kyi nang du de bzhin gshegs pa zhes bya ba'i sgra 'byung bar yang 'gyur ro/ /'jam dpal/ de bzhin gshegs pa ni/ yod pa ma yin
495a3 pa ste| 'jam dpal/ de bzhin gshegs pa ni/ mtshan ma med pa/ mtshan ma dang bral ba/ yul na mi gnas pa/ phyogs na mi gnas pa/ ma byung ba/
495a4 ma skyes pa/ ma 'gags pa yin no/ /'jam dpal/ de bzhin gshegs pa'i spobs pa des lha dang bcas pa'i 'jig rten chos kyis yang dag par tshim
495a5 par mdzad cing / yang dag par 'dzin du btsud nas byang chub sems dpa' las dang po ba rnams dang / byis pa so so'i skye bo yongs su mya ngan las 'da' bas
495a6 'dul ba gzhan dag gi sngon gyi las kyi rnam par smin pas mi snang bar gyur pa na bdag 'di snyam du de bzhin gshegs pa yongs su mya ngan las 'das so/ /snyam
495a7 du'ang sems te/ 'jam dpal/ de bzhin gshegs pa ni/ skye ba'ang med/ 'gag pa'ang med do/ /'jam dpal/ de bzhin gshegs pa ni/ ma skyes pa/
495b1 ma 'gags pa ste/ 'jam dpal/ de bzhin gshegs pa ni/ gzod ma nas yongs su mya ngan las 'das pa yin no/ /'jam dpal/ de bzhin gshegs pa
495b2 dgra bcom pa yang dag par rdzogs pa'i sangs rgyas ni/ yod pa ma yin pa ste/ 'jam dpal/ ji ltar char ba dmigs pa las sprin ma byung ba/ ma skyes pa/ ma
495b3 'gags pa/ yod pa ma yin pa/ de la 'jig rten na sprin sprin ces bya bar 'dogs pa byung ba de bzhin du/ 'jam dpal/ chos ston par dmigs pa las de
495b4 bzhin gshegs pa ma byung ba/ ma skyes pa/ ma 'gags pa/ yod pa ma yin pa/ gzod ma nyid nas ma skyes pa de la 'jig rten na de bzhin gshegs pa
495b5 dgra bcom pa yang dag par rdzogs pa'i sangs rgyas zhes bya bar 'dogs pa 'byung ngo / /'jam dpal/ 'di lta ste/ dper na/ stong gsum 'bum phrag bcu la
495b6 dbang sgyur ba'i tshangs pa chen po zil gyis mi non cing zil gyis gnon par byed pa ni/ nyin gcig bzhin du rgyal chen bzhi'i lha'i ris kyi mthar thug pa'i bar gyi
495b7 lha'i ris thams cad la rnam par lta bar byed de/ 'jam dpal/ stong gsum 'bum phrag bcu la dbang sgyur ba'i tshangs pa chen po zil gyis mi non cing zil gyis
496a1 gnon par byed pa ste| lha'i ris thams cad la rnam par lta bar byed pa de'i tshe na lha'i ris thams cad kyi nang na lha'i bu thams cad rang
496a2 rang gi 'dod pa'i rtsed mo dang / dga' ba dang / longs spyod dag spangs te sil snyan dang / pheg rdob dang / glu dbyangs kyi sgra thams cad zhi bar byas nas 'dod
496a3 pa'i rtsed mo dang / dga' ba dang / longs spyod yid la byed pa btang ste gus pa dang bcas pas thal mo sbyar nas/ tshangs pa chen po de la mig mi 'dzum par lta
496a4 bar byed do/ /tshangs pa chen po de'ang gnas nas mi g.yo bar lha'i bu thams cad yud tsam zhig bdag bltar 'jug par byed de/ de'i tshe na lha'i bu de dag tshangs
496a5 pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir yongs su bsngo bar byed do/ /'jam dpal/ tshangs pa
496a6 chen po de'ang tshangs pa'i gzhal med khang de nas 'chi 'pho bar mi byed bzhin du/ sngon gyi smon lam gyi byin gyi rlabs dang / lha'i bu de dag gi sngon gyi dge ba'i rtsa ba
496a7 bsags pa'i mthus stong gsum 'bum phrag bcu la dbang sgyur ba'i tshangs pa chen po zil gyis mi non cing zil gyis gnon par byed pa gzhan zhig byin gyis rlob
496b1 par byed do/ /'jam dpal/ sprul ba'i tshangs pa chen po de'ang nyin gcig bzhin du rgyal chen bzhi'i ris kyi mthar thug pa'i bar gyi lha'i ris thams cad la rnam par lta
496b2 par byed de/ 'jam dpal/ de'i tshe na lha'i ris thams cad kyi nang na lha'i bu thams cad rang rang gi 'dod pa'i rtsed mo dang / dga' ba dang / longs spyod dag spangs te/
496b3 sil snyan dang / pheg rdob pa dang / glu dbyangs kyi sgra thams cad zhi bar byas nas 'dod pa'i rtsed mo dang / dga' ba dang / longs spyod yid la byed pa btang ste/ gus
496b4 pa dang bcas pas thal mo sbyar nas tshangs pa chen po de la mig mi 'dzum par lta bar byed do/ /sprul pa'i tshangs pa chen po de'ang gnas nas mi g.yo bar lha'i bu thams
496b5 cad yud tsam zhig bdag la bltar 'jug par yang byed de/ de'i tshe na lha'i bu de dag kyang tshangs pa'i 'jig rten du skye bar 'dod cing dge ba'i rtsa ba rnams kyang tshangs
496b6 pa'i 'jig rten du skye bar bya ba'i phyir yongs su bsngo bar yang byed do/ /'jam dpal/ de la ni/ tshangs pa yod pa ma yin te/ 'jam dpal/ tshangs pa de ni/ stong
496b7 pa| ya ma brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang / yid dang / rnam par shes
497a1 pa dang bral ba/ ma skyes pa/ ma 'gags pa yin mod kyi/ 'jam dpal/ 'on kyang tshangs pa chen po de nyid kyi sngon gyi dge ba'i rtsa ba
497a2 dang / smon lam gyi byin gyi rlabs dang / lha'i bu de dag gi sngon gyi dge ba'i rtsa ba bsags pa'i mthus lha'i ris thams cad la bltar snang bar yang 'gyur ro/ /'jam
497a3 dpal| 'on kyang lha'i bu de dag 'di snyam du tshangs pa chen po de ni/ sprul pa/ stong pa/ ya ma brla/ ma byung ba/ yi ge med pa/ sgra med pa/ yul med pa/ dngos
497a4 po med pa/ bsam du med pa/ mtshan ma med pa/ sems dang / yid dang / rnam par shes pa dang bral ba/ skye ba med pa/ 'gag pa med pa yin no/ /snyam du
497a5 mi sems so/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang stong pa/ ya ma brla/ ma byung ba/ yi
497a6 ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang / yid dang / rnam par shes pa dang bral ba/ ma skyes
497a7 pa| ma 'gags pa yin mod kyi/ 'jam dpal/ 'on kyang de bzhin gshegs pa dgra bcom pa yang dag par rdzogs pa'i sangs rgyas kyi sngon byang chub sems
497b1 dpa'i spyad pa spyod pa'i smon lam gyi byin gyi rlabs dang / byang chub sems dpa' las dang po ba rnams dang / nyan thos dang rang sangs rgyas kyi theg pa la yang dag par zhugs pa
497b2 rnams dang / byis pa so so'i skye bo thams cad kyi dge ba'i rtsa ba bsags pa'i mthus de bzhin gshegs pa gnas nas mi g.yo ba bzhin du mtshan brgya stong gis legs par
497b3 brgyan pa/ 'jig rten na gzugs brnyan bzhin du kun tu snang ngo / /'jam dpal/ byang chub sems dpa' las dang po ba rnams dang / nyan thos dang rang sangs rgyas kyi theg
497b4 pa pa thams cad dang / byis pa so so'i skye bo thams cad ni/ 'di snyam du de bzhin gshegs pa ni/ stong pa/ ya ma brla/ ma byung ba/ yi ge med pa/ sgra med pa/ yul med
497b5 pa| dngos po med pa/ bsam du med pa/ mtshan ma med pa/ sems dang / yid dang / rnam par shes pa dang bral ba/ ma skyes pa/ ma 'gags pa yin pa'i mi sems med
497b6 kyi| 'jam dpal/ 'on kyang de bzhin gshegs pa ni/ spyod lam thams cad du de bzhin gshegs pa'i sku mtshan brgya stong gis legs par brgyun pa las sems
497b7 can mos pa sna tshogs tha dad pa rnams la chos ston pa chen po 'byung bar yang byed do/ /chos bstan pa de'ang sems can thams cad kyi gnod pa dang / 'khrug pa dang / nye
498a1 ba'i nyon mongs pa thams cad nye bar zhi bar byed par 'gyur te/ de bzhin gshegs pa ni/ de la'ang thams cad du mnyam zhing btang
498a2 snyoms la rnam par mi rtog cing bye brag mi 'byed de/ 'jam dpal/ rnam grangs des kyang 'di ltar skye ba med pa dang / 'gag pa med pa zhes bya ba de ni/ de bzhin
498a3 gshegs pa'i tshig bla dwags yin par rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /de bzhin gshegs pa
498a4 rtag tu skye med chos/ /chos rnams kun kyang bde bar gshegs dang 'dra/ /byis pa'i blo can mtshan mar 'dzin pa rnams/ /'jig rten dag na med pa'i chos la spyod/ /
498a5 de bzhin gshegs pa zag med dge ba yi/ /chos kyi gzugs brnyan yin te 'di la ni/ /de bzhin nyid med de bzhin gshegs pa'ang med/ /'jig rten kun tu
498a6 gzugs brnyan kun tu snang / /'jam dpal/ 'di lta ste/ dper na/ nyi ma'i dkyil 'khor gyi 'od zer dag ni/ dzam+bu'i gling du dang po kho nar ri'i dbang po chen po rnams
498a7 snang bar byed do/ /de'i 'og tu ri'i khor yug dang / khor yug chen po rnams snang bar byed do/ /de'i 'og tu ri chen po gzhan dag kyang snang bar byed do/ /de'i 'og tu
498b1 ri nag po rnams snang bar byed do/ /de'i 'og tu sa phyogs mthon po mthon po dag snang bar byed do/ /de'i 'og tu dzam+bu'i gling 'di'i sa phyogs dma' ba dma' ba dag kyang snang
498b2 bar byed do/ /'jam dpal/ 'on kyang nyi ma'i 'od zer de dag ni/ rtog par mi byed/ rnam par rtog par mi byed/ sems par mi byed/ rnam par sems par mi byed de/
498b3 'jam dpal/ nyi ma'i 'od zer rnams ni/ sems dang / yid dang / rnam par shes pa dang bral ba/ ma skyes pa/ ma 'gags pa/ mtshan nyid med pa/ mtshan nyid dang
498b4 bral ba| yid la byed pa med pa/ yid la byed pa dang bral ba/ spros pa med pa/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na
498b5 gnas pa ma yin pa/ pha rol na gnas pa ma yin/ mtho ba ma yin/ dma' ba ma yin/ bcings pa ma yin/ shes pa dang ldan pa ma yin/ shes pa dang mi ldan pa ma yin/ nyon
498b6 mongs pa dang bcas pa ma yin/ nyon mongs pa med pa ma yin/ bden par smra ba ma yin/ brdzun du smra ba ma yin/ pha rol ma yin/ tshu rol ma yin/ 'gram na ma yin/
498b7 gshong na ma yin/ thang la ma yin/ chu bo na ma yin/ rtog ge'i spyod yul ma yin/ rtog ge ma yin pa'i spyod yul ma yin/ gzugs can ma yin/ gzugs med
499a1 pa ma yin mod kyi/ 'jam dpal/ 'on kyang sa gzhi mtho ba dang / dma' ba dang / bar ma'i bye brag gis snang ba chen po dang / chung du dang / bar ma'i
499a2 'od zer sna tshogs snang bar 'gyur ro/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rtog par mi byed/
499a3 rnam par rtog par mi byed/ sems par mi byed/ rnam par sems par mi byed de/ 'jam dpal/ de bzhin gshegs pa ni/ sems dang / yid dang / rnam par shes
499a4 pa dang bral ba/ ma skyes pa/ ma 'gags pa/ mtshan nyid med pa/ mtshan nyid dang bral ba/ yid la byed pa med pa/ yid la byed pa dang bral ba/ spros pa med pa/ spros pa dang
499a5 bral ba| yongs su gdung ba med pa/ yongs su gdung ba dang bral ba/ tshu rol na gnas pa ma yin/ pha rol na gnas pa ma yin/ mtho ba ma yin/ dma' ba ma yin/ bcings
499a6 pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden
499a7 par gsung ba ma yin/ brdzun par gsung ba ma yin/ tshu rol ma yin/ pha rol ma yin/ 'gram na ma yin/ gshong na ma yin/ thang la ma yin/ chu bo na ma yin/
499b1 thams cad mkhyen pa ma yin/ thams cad mi mkhyen pa ma yin/ rtog ge ma yin/ rtog ge med pa ma yin/ spyod pa ma yin/ spyod pa med pa ma yin/ kun tu 'byung ba ma yin/
499b2 kun tu mi 'byung ba ma yin/ dran pa dang ldan pa ma yin/ dran pa dang mi ldan pa ma yin/ sems pa ma yin/ sems pa med pa ma yin/ yid ma yin/ yid med pa ma yin/
499b3 sgra skad ma yin/ sgra skad med pa ma yin/ ming ma yin/ ming med pa ma yin/ gzugs ma yin/ gzugs med pa ma yin/ brjod pa ma yin/ brjod du med pa ma yin/
499b4 gdags pa ma yin/ gdags su med pa ma yin/ bltar snang ba ma yin/ bltar mi snang ba ma yin/ tshul ma yin/ tshul med pa ma yin/ lam ston pa ma yin/ lam
499b5 mi ston pa ma yin/ 'bras bu thob pa ma yin/ 'bras bu ma thob pa ma yin/ rtog pa ma yin/ rtog pa med pa ma yin/ rtog pa dang bral ba ma yin/ rtog pa dang ma bral ba ma yin
499b6 mod kyi/ 'jam dpal/ 'on kyang de bzhin gshegs pa nyi ma'i dkyil 'khor gyi ye shes kyi 'od zer dag ni/ khams gsum po de dag tu chos kyi dbyings mtha' dang dbus med pa
499b7 dag la thogs pa med pa'i 'od zer gyi snang ba dag gtong bar mdzad cing / ye shes kyi 'od zer btang ba dag gis kyang dang po kho nar byang chub sems dpa' lhag pa'i bsam
500a1 pa'i ri'i dbang po'i rgyal po chen po lta bu dang ldan pa rnams kyi lus la 'bab par 'gyur ro/ /de'i 'og tu rang sangs rgyas kyi theg pa la yang dag
500a2 bar zhugs pa rnams kyi lus la 'bab par 'gyur ro/ /de'i 'og tu nyan thos kyi theg pa la yang dag par zhugs pa rnams kyi lus la 'bab par 'gyur ro/ /de'i 'og tu
500a3 sems can lhag pa'i bsam pa dge ba dang / mos pa ji lta ba dang ldan pa rnams kyi lus la 'bab par 'gyur ro/ /de'i 'og tu de bzhin gshegs pa nyi ma'i dkyil
500a4 'khor gyi ye shes kyi 'od zer dag than sems can log pa nyid du nges pa'i sems kyi rgyud dang ldan pa rnams kyi lus la 'bab par 'gyur zhing / de dag la ma 'ongs
500a5 pa'i rgyu yang dag par skyed pas phan 'dogs pa dang / dge ba'i chos rnams kyis yang dag par 'phel bar yang byed do/ /'jam dpal/ de bzhin gshegs pa ni/ de
500a6 dag la 'ang thams cad du mnyam zhing btang snyoms la rnam par mi rtog cid bye brag mi 'byed de/ 'jam dpal/ de bzhin gshegs pa nyi ma'i dkyil 'khor gyi ye
500a7 shes kyi 'od zer ni/ 'di snyam du bdag gis sems can 'di la ni/ chos rgya chen po bstan par bya'o/ /'di la ni/ bstan par mi bya'o/ /snyam du'ang mi sems la/ 'di
500b1 snyam du sems can 'di ni/ rgya chen po la mos pa yin no/ /'di ni/ bar ma la mos pa yin no/ /'di ni/ nyan thos kyi theg pa la mos pa yin no/ /'di ni/ bsam
500b2 pa dge ba yin no/ /'di ni/ dman pa dang log pa la mos pa yin no/ /snyam du rnam par rtog par yang mi byed do/ /'jam dpal/ de bzhin gshegs pa ni/ 'di snyam
500b3 du| sems can 'di ni/ rgya chen po la mos pa yin gyi/ 'di la ni/ theg pa chen po bstan par bya'o/ /'di ni/ lhag pa'i bsam pa bar ma la mos pa yin gyi/ 'di
500b4 la ni| rang sangs rgyas kyi theg pa bstan par bya'o/ /'di ni/ nyan thos kyi theg pa la mos pa yin gyi/ 'di la ni/ nyan thos kyi theg pa bstan par bya'o/ /sems can
500b5 bsam pa dge ba rnams kyi bsam pa rtogs par byas nas bsam pa rnam par sbyang bar bya'o/ /sems can log pa nyid du mos pa'i bar dag ni/ lta ba drang po bya zhing /
500b6 ji ltar rjes su mthun pa'i chos bstan par bya'o/ /snyam du'ang mi sems te/ de bzhin gshegs pa nyi ma'i dkyil 'khor gyi ye shes kyi 'od zer snang ba ni/ de ltar
500b7 rnam par rtog par mi byed do/ de ci'i phyir zhe na/ de bzhin gshegs pa nyi ma'i dkyil 'khor gyi ye shes kyi 'od zer snang ba ni/ rtog pa dang / rnam par rtog pa dang /
501a1 yongs su rtog pa dang / spros pa thams cad yang dag par rgyun chad pa yin pa'i phyir ro/ /'jam dpal/ 'on kyang sems can rnams
501a2 kyi dge ba'i bsam pa'i rgyud sna tshogs dag la de bzhin gshegs pa nyi ma'i dkyil 'khor gyi ye shes kyi 'od zer gyi snang ba sna tshogs dag 'byung bar yang 'gyur
501a3 ro| |bam po gnyis pa/ 'jam dpal/ 'di lta ste/ dper na/ rgya mtsho chen po'i nang na nor bu chen po bsam pa thams cad yongs su
501a4 rdzogs par byed pa zhes bya ba zhig yod de/ de rgyal mtshan gyi rtse mo la btags na de las sems can gang gis bsam pa ci 'dra ba de lta bu'i sgra 'byung bar sems
501a5 can rnams kyis kun tu shes kyang nor bu rin po che chen po de ni/ rtog par mi byed/ rnam par rtog par mi byed/ sems par mi byed/ rnam par sems par mi byed
501a6 cing / sems pa med pa/ sems med pa/ sems dang / yid dang / rnam par shes pa dang bral ba yin no/ /'jam dpal/ de bzhin du de bzhin gshegs
501a7 pa dgra bcom pa yang dag par rdzogs pa'i sangs rgyas kyang rtog par mi byed/ rnam par rtog par mi byed/ sems par mi byed/ rnam par sems par mi byed cing /
501b1 sems pa med pa/ sems dang / yid dang / rnam par shes pa dang bral ba/ ma bzung ba/ yongs su gzung bar bya ba ma yin pa/ ma thob pa/ thob par bya ba ma
501b2 yin| so so'i bden pa gsal ba/ 'dod chags bsal ba/ zhe sdang bsal ba/ gti mug bsal ba/ bden pa ma yin/ rdzun pa ma yin/ rtag pa ma yin/
501b3 mi rtag pa ma yin/ 'od ma yin/ 'od med pa ma yin/ 'jig rten ma yin/ 'jig rten med pa ma yin/ rtog pa med pa/ dpyod pa med pa/ ma skyes pa/ ma
501b4 'gags pa/ bsam du med pa/ rab tu bsam du med pa/ rang bzhin med pa/ rang bzhin gyi gzhi med pa/ rang bzhin stong pa/ blang ba med pa/ dor ba med pa/ mngon
501b5 par zhen par bya ba med pa/ brjod du med pa/ brjod pa yang dag par rgyun chad pa/ kun tu dga' ba med pa/ kun tu dga' ba dang bral ba/ kun tu dga' bas nges par bcom
501b6 pa| grangs su bgrang ba ma yin pa dang / grangs su bgrang ba dang / 'gro ba med pa/ 'gro bar 'gro ba med pa/ 'gro ba thams cad yang dag par rgyun chad pa/ brjod pa
501b7 thams cad yang dag par rgyun chad pa/ bltar mi snang ba/ mi mthong ba/ gzung du med pa/ tha snyad med pa/ nam mkha' ma yin/ bla gab med pa ma yin/ gzung
502a1 bar mi bya ba ma yin/ bltar snang ba ma yin/ bstan par bya ba ma yin/ tshogs pa med pa ma yin/ brtags pa ma yin/ rnam par
502a2 brtags pa ma yin/ rnam par bsgrubs pa ma yin/ kun tu bstan pa ma yin/ kun nas nyon mongs pa can ma yin/ yongs su sbyang bar 'os pa ma yin/ ming
502a3 med pa| gzugs med pa/ mtshan ma med pa/ las med pa/ las kyi rnam par smin pa med pa/ 'das pa ma yin/ ma 'ongs pa ma yin/ da ltar byung ba ma
502a4 yin| ci'ang ma yin/ nyon mongs pa med pa/ yi ge med pa/ sgra skad thams cad las yang dag par 'das pa/ sgra med pa/ mtshan nyid med pa/ mtshan
502a5 nyid thams cad dang bral ba/ nang na mi dmigs /phyi rol na mi dmigs/ gnyi ga med par yang mi dmigs mod kyi/ 'jam dpal/ 'on kyang de bzhin gshegs
502a6 pa'i lhag pa'i bsam pa yongs su dag pa'i ye shes rin po che snying rje chen po'i rgyal mtshan gyi rtse mo la btags na/ de las sems can gang yin pa de'i bsam pa
502a7 dang mos pa ji lta ba de lta bu'i chos bstan pa 'byung bar sems can rnams kyis kun tu shes kyang de bzhin gshegs pa ni/ de dag la'ang thams cad du mnyam
502b1 zhing btang snyoms la rnam par mi rtog cing bye brag mi 'byed do/ /'jam dpal/ 'di lta ste/ dper na/ brag ca ni/ gzhan gyi rnam par rig pa las 'byung bar sems can
502b2 rnams kyis kun tu shes kyang de ni/ 'das pa ma yin/ ma 'ongs pa ma yin/ da ltar byung ba ma yin/ nang na ma yin/ phyi rol na ma yin/ gnyi ga med par yang mi dmigs
502b3 te| ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin/ shes rab med
502b4 pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol ba med pa ma yin/ kha na ma tho ba dang bcas pa ma yin/ kha na ma tho
502b5 ba med pa ma yin/ dran pa dang ldan pa ma yin/ dran pa dang mi ldan pa ma yin/ gnas pa dang ldan pa ma yin/ gnas pa dang mi ldan pa ma yin| 'dug pa ma yin/
502b6 mi 'dug pa ma yin/ sa'i khams ma yin/ chu'i khams ma yin/ me'i khams ma yin/ rlung gi khams ma yin/ 'dus byas ma yin/ 'dus ma byas ma yin/
502b7 spros pa yod pa ma yin/ spros pa med pa ma yin/ sgra ma yin/ sgra med pa ma yin/ bltar snang ba ma yin/ bltar mi snang ba ma yin/ yi ge med pa/ sgra med pa/ sgra
503a1 las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa/ mtshan nyid dang bral
503a2 ba| zhi ba ma yin/ ma zhi ba ma yin/ ring po ma yin/ thung ngu ma yin/ sems pa yod pa ma yin/ sems pa med pa ma yin/ snang ba ma yin/ mi snang ba ma
503a3 yin| bstan du yod pa ma yin/ bstan du med pa ma yin/ rang bzhin stong pa ma yin/ dran pa med pa/ yid la byed pa med pa/ rtog pa med pa/ dpyod pa
503a4 med pa| sems dang / yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing bye brag mi 'byed pa/ dus
503a5 gsum las yang dag par 'das pa yin mod kyi/ 'jam dpal/ 'on kyang sems can lhag pa'i bsam pa tha dad pa rnams kyi sgra skad dang / rnam par rig pa
503a6 sna tshogs dag las brag ca'i sgra skad sna tshogs dag 'byung bar 'gyur zhing / de dag ni/ byang chub sems dpa' rnams kyis de kho na bzhin du kun tu shes par
503a7 'gyur ro/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'das pa ma yin/ ma 'ongs pa ma yin/ da ltar
503b1 byung ba ma yin/ nang na ma yin/ phyi rol na ma yin zhing / gnyi ga med par yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes pa
503b2 dang ldan pa ma yin/ shes pa dang mi ldan pa ma yin/ shes rab ma yin/ shes rab med pa ma yin/ rig pa ma yin/ rig pa med pa ma yin/ rnam par grol ba ma yin/
503b3 rnam par grol ba med pa ma yin/ kha na ma tho ba dang bcas pa ma yin/ kha na ma tho ba med pa ma yin/ dran pa dang ldan pa ma yin/ dran pa dang mi ldan pa ma yin/ gnas dang ldan pa ma yin/ gnas
503b4 dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin/ chu'i khams ma yin/ me'i khams ma yin/ rlung gi khams ma yin/ 'dus
503b5 byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ sgra med pa ma yin/ bltar snang ba ma yin/ bltar mi snang ba ma
503b6 yin| yi ge med pa/ sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa/ mtshan nyid dang bral
503b7 ba| zhi ba ma yin/ ma zhi ba ma yin/ ring po ma yin/ thung ngu ma yin/ sems pa yod pa ma yin/ sems pa med pa ma yin/ snang ba ma yin/ mi snang ba ma yin /bstan
504a1 du yod pa ma yin/ bstan du med pa ma yin/ rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med
504a2 pa| sems dang / yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing bye brag mi 'byed la/ dus gsum las
504a3 yang dag par 'das pa yin mod kyi/ 'jam dpal/ 'on kyang sems can mos pa tha dad pa rnams kyi lhag pa'i bsam pa dang / rnam par rig pa sna tshogs dag las
504a4 de bzhin gshegs pa'i gsung 'byung bar kun tu shes par 'gyur ro/ /'jam dpal/ 'di lta ste/ dper na/ sa la brten cing sa la gnas nas rtswa dang / shing gel pa
504a5 dang / rtsi dang / nags tshal thams cad 'phel zhing rgyas pa dang / yangs par 'gyur yang 'jam dpal/ sa ni/ rtog par mi byed/ rnam par rtog par mi byed de/
504a6 thams cad du mnyam zhing rnam par mi rtog pa/ bye brag mi 'byed cing sems par mi byed de/ sems dang / yid dang / rnam par shes pa dang bral ba yin/ 'jam dpal/
504a7 de bzhin du de bzhin gshegs pa la brten cing de bzhin gshegs pa la gnas nas sems can nyan thos kyi theg pa'am/ rang sangs rgyas kyi theg pa'am/ theg pa
504b1 chen po pa thams cad kyi dge ba'i rtsa ba thams cad kyang 'phel zhing rgyas pa dang / yangs par 'gyur la/ de bzhin gshegs pa la brten cing de bzhin gshegs pa la gnas nas
504b2 spyod pa pa dang / kun tu rgyu dang / gcer bu pa la sogs pa mu stegs kyi gnas gzhan thams cad kyi dge ba'i rtsa ba thams cad dang / tha na log pa nyid du nges pa rnams kyi dge ba'i
504b3 rtsa ba gzhan gang dag yin pa de dag thams cad kyang 'phel zhing rgyas pa dang / yangs par 'gyur mod kyi/ 'jam dpal/ 'on kyang de bzhin gshegs pa ni/ rtog par mi
504b4 byed| rnam par rtog par mi byed de/ 'jam dpal/ de bzhin gshegs pa dgra bcom pa yang dag par rdzogs pa'i sangs rgyas ni/ rtog pa dang / rnam par rtog pa dang /
504b5 dmigs pa dang yid la byed pa thams cad rgyun chad pa/ sems dang yid dang rnam par shes pa dang bral ba/ rtog ge ma yin/ rtog ge'i spyod yul ma yin/ mi snang ba/
504b6 mi mthong ba/ bsam du med pa/ bsam par bya ba ma yin pa/ yid la byed pa med pa/ sems pa med pa/ sems dang / yid dang / rnam par shes pa dang bral ba/
504b7 thams cad du mnyam zhing btang snyoms la rnam par mi rtog cing bye brag mi 'byed do/ /'jam dpal/ 'di lta ste/ dper na/ nam mkha' ni/ thams cad du mnyam zhing
505a1 rnam par mi rtog la/ bye brag mi 'byed de/ ma skyes pa/ ma 'gags pa/ 'das pa ma yin/ ma 'ongs pa ma yin/ da ltar byung ba ma
505a2 yin| mtshan gzhi med pa/ spros pa med pa/ gzugs med pa/ bstan du med pa/ rnam par rig pa med pa/ reg pa med pa/ gnas med pa/ gzhal du med
505a3 pa| gzhal ba las yang dag par 'das pa/ dpe med pa/ dpe las yang dag par 'das pa/ mi gnas pa/ gzung ba med pa/ mig gi lam las yang dag
505a4 par 'das pa/ sems dang yid dang rnam par shes pa dang bral ba/ mtshan nyid med pa/ yi ge med pa/ sgra med pa/ yid la byed pa med pa/ blang ba med pa/ dor
505a5 pa med pa/ gdeg pa med pa/ gzhag pa med pa/ tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam
505a6 dpal| 'on kyang sems can rnams kyis dbyibs chung du dang / 'bring dang / chen po dag gis nam mkha' yang chung du dang / 'bring dang / chen por kun tu shes par
505a7 'gyur ro/ /'jam dpal/ de bzhin du de bzhin gshegs pa dgra bcom pa yang dag par rdzogs pa'i sangs rgyas kyang thams cad du mnyam zhing rnam par mi rtog la/ bye
505b1 brag mi 'byed de/ ma skyes pa/ ma 'gags pa/ 'das pa ma yin/ ma 'ongs pa ma yin/ da ltar byung ba ma yin/ mtshan gzhi med pa/ spros pa med pa/ gzugs med
505b2 pa| bstan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhal ba las yang dag par 'das pa/ dpe med pa/ dpe las
505b3 yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang yid dang rnam par shes pa dang bral ba/ mtshan
505b4 nyid med pa/ yi ge med pa/ sgra med pa/ yid la byed pa med pa/ blang ba med pa/ dor ba med pa/ gdeg pa med pa/ gzhag pa med pa/ tshig gi lam las yang dag par
505b5 'das pa/ thams cad kyi rjes su song zhing rjes su zhugs pa yin mod kyi/ 'jam dpal/ 'on kyang sems can dman pa dang / 'bring dang / mchog gang dag yin pa de dag
505b6 gis de bzhin gshegs pa yang dag pa dang / 'bring dang / mchog tu mthong ngo / /'jam dpal/ de bzhin gshegs pa ni/ 'di snyam du sems can 'di ni/ bsam
505b7 pa dang / mos pa dman pa yin gyi/ sems can 'di la ni/ gzugs kyi sku'i kha dog yongs su 'grub pa dman pa bstan par bya'o/ /sems can 'di ni/ bsam pa
506a1 dang / mos pa 'bring yin gyi/ sems can 'di la ni/ gzugs kyi sku'i kha dog yongs su 'grub pa 'bring bstan par bya'o/ /sems
506a2 can 'di ni/ bsam pa dang mos pa rgya che ba yin gyi/ sems can 'di la ni/ gzugs kyi sku'i kha dog yongs su 'grub pa rgya chen po bstan par bya'o/ /snyam du mi
506a3 sems so/ /'jam dpal/ chos ston pa'ang de bzhin du rtogs par bya ste/ 'jam dpal/ de bzhin gshegs pa ni/ 'di snyam du sems can 'di ni/ dman
506a4 pa la mos pa yin gyi/ sems can 'di la ni/ nyan thos kyi theg pa'i gtam dman pa brjod par bya'o/ /sems can 'di ni/ bar ma la mos pa yin gyi/ sems
506a5 can 'di la ni/ rang sangs rgyas kyi theg pa'i gtam bar ma brjod par bya'o/ /sems can 'di ni/ rgya chen po la mos pa yin gyi/ sems can 'di la ni/ theg pa chen
506a6 po'i gtam rgya chen po brjod par bya'o/ /snyam du mi sems so/ /'jam dpal/ de bzhin gshegs pa ni/ 'di snyam du sems can 'di ni/ sbyin pa la mos pa yin
506a7 gyi| sems can 'di la ni/ sbyin pa'i gtam brjod par bya'o/ /sems can 'di ni/ tshul khrims dang / bzod pa dang / brtson 'grus dang / bsam gtan la mos
506b1 pa yin gyi/ sems can 'di la ni/ bsam gtan gyi gtam brjod par bya'o/ /snyam du'ang mi sems so/ /'jam dpal/ de bzhin du de bzhin gshegs pa ni/ 'di
506b2 snyam du sems can 'di ni/ shes rab kyi pha rol tu phyin pa la mos pa yin gyi/ sems can 'di la ni/ shes rab kyi pha rol tu phyin pa'i gtam brjod par bya'o/ /snyam du'ang
506b3 mi sems te/ 'jam dpal/ de bzhin gshegs pa la ni/ rnam par rtog pa de lta bu dag med do/ /de ci'i phyir zhe na/ 'jam dpal/ de bzhin gshegs pa ni/ chos kyi
506b4 sku yin pa'i phyir te/ 'jam dpal/ de bzhin gshegs pa ni/ shin tu ma skyes pa dang / ma 'gags pa yin no/ /'jam dpal/ de bzhin gshegs pa'i rnam par
506b5 shes pa ni/ ming dang / gzugs dang / nges pa'i tshig gi rjes su 'brang zhing 'byung ba ma yin te/ 'jam dpal/ de bzhin gshegs pa ni/ rtog par mi byed/ rnam
506b6 par rtog par mi byed pa yin no/ /'jam dpal/ de bzhin gshegs pa ni/ skad cig pa yin te/ mi zad pa'i mtshan nyid dang / mi zad pa'i mtha' dang / yang dag
506b7 pa'i mthar nges pa yin no/ /'jam dpal/ de bzhin gshegs pa dgra bcom pa yang dag par rdzogs pa'i sangs rgyas ni/ chos thams cad kyi mnyam pa nyid kyi
507a1 mtha' dang / gnyis su med pa'i mtha' dang / shin tu 'byung ba med pa'i mtha' yin te/ thams cad du mnyam zhing rnam par mi rtog la bye
507a2 brag mi 'byed de/ dman pa ma yin/ bar ma ma yin/ mchog ma yin no/ /'jam dpal/ de bzhin du chos thams cad kyang mnyam zhing rnam par mi rtog la bye
507a3 brag mi 'byed de/ dman pa ma yin/ bar ma ma yin/ mchog ma yin no/ /de ci'i phyir zhe na/ 'jam dpal/ chos thams cad ni/ dmigs su med pa'i phyir te/
507a4 'jam dpal/ chos thams cad ni/ dmigs su med pa gang yin pa de ni/ mnyam pa nyid yin no/ /mnyam pa nyid gang yin pa de ni/ gnas pa nyid yin no/ /
507a5 gnas pa nyid gang yin pa de ni/ mi g.yo ba nyid yin no/ /mi g.yo ba nyid gang yin pa de ni/ mi rten pa nyid yin no/ /chos thams cad la/ mi rten pa'i sems kyi
507a6 gnas med do/ /sems mi gnas pa ni/ skye ba med par gyur te/ de ltar mthong ba'i sems dang / sems las byung ba rnams ni/ phyin ci ma log par 'jug par
507a7 'gyur ro/ /gang gis sems phyin ci ma log pa des ni/ ji lta ba bzhin thob par 'gyur ro/ /ji lta ba bzhin thob pa ni/ 'phro bar mi byed do/ /spros pa med pa la ni/ spyod pa'ang
507b1 med do| |gang gi tshe spyod par mi byed pa de'i tshe mi 'khor ro/ /gang gi tshe mi 'khor ba de'i tshe rnam par mi 'phro ste/ rnam par 'phro ba med pa ni/ chos nyid dang 'gal bar mi byed do/ /chos nyid dang mi 'gal ba ni/
507b2 thams cad dang rjes su mthun par 'gyur ro/ /thams cad dang rjes su mthun pa ni/ chos kyi rang bzhin las mi g.yo'o/ /chos kyi rang bzhin bas ni/ chos kyi rang bzhin thob par
507b3 'gyur ro/ /chos kyi rang bzhin thob pa ni/ cung zad kyang 'phro bar mi byed do/ /de ci'i phyir zhe na/ 'jam dpal/ rgyu dang rkyen gyis bskyed pa'i phyir te/ rgyu dang rkyen gyis bskyed
507b4 pa gang yin pa de ni/ shin tu ma skyes pa yin no/ /shin tu ma skyes pa gang yin pa des ni/ nges pa 'thob bo/ /nges pa thob pa gang yin pa de ni/ chos thams cad yid la
507b5 byed pa dang lhan cig mi gnas te/ gang gi tshe chos thams cad yid la byed pa dang lhan cig mi gnas pa de'i tshe gnas par bya ba med pa yin no/ /gang gi tshe gnas par bya ba
507b6 med pa de'i tshe mi 'byung mi 'jig go /gang gi tshe mi 'byung mi 'jig pa de'i tshe gnas shing chos thob par 'gyur ro/ /gang gi tshe gnas shing chos thob pa de'i tshe tshul bzhin gyi
507b7 chos la zhugs par 'gyur ro/ /tshul bzhin gyi chos la zhugs pa la ni/ gang sangs rgyas kyi chos ma yin pa'i chos de 'ga' yang med do/ /de ci'i phyir zhe na/ 'jam dpal/
508a1 stong pa nyid rjes su rtogs pa gang yin pa de ni/ byang chub bo/ /des de ltar stong ba nyid dang / mtshan ma med pa dang / smon pa med pa dang /
508a2 mngon par 'du bya ba med pa dang / gnas med pa dang / 'byung ba med pa dang / gzung ba med pa dang / gzhi med pa rjes su rtogs pa'i phyir byang chub ste/ byang chub ni/
508a3 tshul bzhin la sbyor ba'o/ /tshul bzhin du sbyor ba ni/ 'deg pa med pa dang / gzhag pa med pa dang / bya ba med pa dang / rnam par byang ba med pa la sbyor ba dang /
508a4 chags pa med pa dang / grol ba med pa la sbyor ba dang / gcig pa nyid ma yin pa dang / tha dad pa nyid ma yin pa la sbyor ba dang / 'ongs pa ma yin pa la sbyor ba
508a5 dang / tshul bzhin la sbyor ba yin no/ /tshul bzhin gang yin pa de la ni/ sbyor ba'ang med/ spangs pa'ang med/ 'bras bu mngon sum du bya ba'ang med do/ de ci'i phyir
508a6 zhe na| 'jam dpal/ sems ni/ rang bzhin gyis 'od gsal ba'i phyir te/ de ni/ glo bur gyi nye ba'i nyon mongs pa thams cad kyis nye bar nyon mongs par zad kyi/
508a7 rang bzhin gyis kun nas nyon mongs pa nyid ma yin no/ /rang bzhin gyis 'od gsal ba nyid gang yin pa de ni/ kun nas nyon mongs pa med pa nyid ma yin no/ /kun nas
508b1 nyon mongs pa med pa gang yin pa de la ni/ gnyen po gang gis nyon mongs pa spong bar 'gyur ba'i gnyen po med do/ /de ci'i phyir zhe na/ 'jam dpal/ de ni/ dag pa nyid yin pas
508b2 dag pa ni/ dag par mi 'gyur ba'i phyir te/ dag pa gang yin pa de ni/ skye ba med pa'o/ /skye ba med pa gang yin pa de ni/ ma smad pa'o/ /ma smad pa gang yin pa de ni/ 'dod pa
508b3 spangs pa'o/ /'dod pa spangs pa gang yin pa de la ni/ sred pa thams cad 'gag go /gang la sred pa thams cad 'gags pa de ni/ mi skye'o/ /mi skye ba gang yin pa de ni/
508b4 byang chub bo/ /byang chub gang yin pa de ni/ mnyam pa nyid do/ /mnyam pa nyid gang yin pa de ni/ de bzhin nyid do/ /de bzhin nyid la ni/ 'dus byas dang / 'dus ma byas
508b5 kyi chos thams cad gnas so/ /de bzhin nyid gang yin pa de la ni/ 'dus byas kyang med/ 'dus ma byas kyang med/ gnyis su gdags pa'ang med do/ /gang la 'dus
508b6 byas kyang med/ 'dus ma byas kyang med/ gnyis su gdags pa'ang med pa de ni/ de bzhin nyid do/ /de bzhin nyid gang yin pa de ni/ gzhan ma yin pa de bzhin nyid do/ /gzhan
508b7 ma yin pa de bzhin nyid gang yin pa de ni/ 'gyur ba med pa de bzhin nyid do/ /'gyur ba med pa de bzhin nyid gang yin pa de ni/ 'ong ba med pa de bzhin nyid do/ /'ong ba med pa
509a1 de bzhin nyid gang yin pa de ni/ 'gro ba med pa de bzhin nyid do/ /'gro ba med pa de bzhin nyid gang yin pa de ni/ ji lta ba bzhin de bzhin nyid do/ /ji lta ba de bzhin nyid gang
509a2 yin pa de ni/ nam yang de bzhin nyid ma yin pa ma yin no/ /nam yang de bzhin nyid ma yin pa ma yin pa gang yin pa de ni/ kun nas nyon mongs par mi 'gyur/ rnam par byang bar mi 'gyur ro/ /gang kun
509a3 nas nyon mongs par mi 'gyur/ rnam par byang bar mi 'gyur ba de ni/ skye bar mi 'gyur/ 'gag par mi 'gyur ro/ /gang skye bar mi 'gyur/ 'gag par mi 'gyur ba de ni/
509a4 mya ngan las 'das pa dang mnyam mo/ /gang mya ngan las 'das pa dang mnyam pa de ni/ 'khor bar mi 'gyur/ yongs su mya ngan las 'da' bar mi 'gyur ro/ /gang
509a5 'khor bar mi 'gyur yongs su mya ngan las 'da' bar mi 'gyur ba de ni/ 'das pa ma yin/ ma 'ongs pa ma yin/ da ltar byung ba ma yin no/ /gang 'das pa ma yin/
509a6 ma 'ongs pa ma yin/ da ltar byung ba ma yin pa de ni/ dman pa ma yin/ bar ma ma yin/ mchog ma yin no/ /gang dman pa ma yin/ bar ma ma yin/ mchog
509a7 ma yin pa de ni/ de bzhin nyid de/ de bzhin nyid ces bya ba de ni/ de kho na'i don gyi tshig bla dwags yin no/ /de kho na zhes bya ba ni/ de bzhin nyid kho na'o/ /de bzhin
509b1 nyid de kho na ni/ de bzhin nyid do/ /de bzhin nyid dang / bdag de ni/ gnyis su med de gnyis su byar med do/ /gnyis su byar med pa'i don gang yin pa de ni/ byang chub
509b2 ste| byang chub ni/ don rtogs pa'o/ /don ces bya ba ni/ chos bstan pa thams cad la rnam par thar pa'i sgo gsum du 'jug pa shes pa'o/ /shes pa zhes bya ba ni/ chos
509b3 thams cad la dus gsum mnyam pa nyid du 'jug pa'o/ /chos thams cad kyi dbyer med pa'i don de ni/ don ces bya ste/ don ni/ sgra med pa/ brjod du med pa/ tha snyad
509b4 med pa| tha snyad yang dag par chad pa yin no/ /shes pa zhes bya ba ni/ don rjes su rtogs pa'i shes pa dang / rnam par shes pa rjes su rtogs pa'i shes pa gang yin pa ste/
509b5 de ni| shes pa zhes bya'o/ /don ces bya ba ni/ de kho na'i don shes pa dang / rnam par shes pa rjes su rtogs pa'i shes pas nges par rtogs pa gang yin pa ste/ de nyid
509b6 chos nyid yin no/ /chos nyid gang yin pa de ni/ don yin no/ /don rjes su rtogs pa'i shes pa dang / rnam par shes pa rjes su rtogs pa'i shes pa dang / nges pa'i
509b7 don rjes su rtogs pa'i shes pas rjes su rtogs pa gang yin pa de ni/ chos nyid do/ /chos nyid gang yin pa de ni/ don yin no/ /don gang yin pa de ni/ chos nyid dang / chos
510a1 gnas pa nyid dang / chos nges pa nyid de/ de ni/ chos la 'jug par mi 'gyur ro/ /chos la ma zhugs pa gang yin pa dang / don dang tshig
510a2 'bru mnyam pa nyid gang yin pa de ni/ gnyis su med pa'i don gyis mnyam pa nyid yin te/ mnyam pa nyid gang yin pa de ni/ don yin no/ /don shes pa dang / rnam
510a3 par shes pa la mnyam pa nyid gang yin pa de ni/ gnyis su med pa'i sgor 'jug pas na/ shes pa yin no/ /nges pa'i don dang / drang ba'i don mnyam pa nyid kyis
510a4 don mnyam pa de ni/ stong pa nyid do/ /stong pa nyid du don mnyam pas gang zag mnyam pa nyid mnyam mo/ /gang zag mnyam pa nyid kyis chos mnyam pa nyid mnyam
510a5 mo| |chos mnyam pa nyid kyis rnam par grol ba mnyam pa nyid mnyam ste/ rnam par grol ba mnyam pa nyid rjes su rtogs pa ni/ byang chub bo/ /'jam dpal/ gzugs
510a6 la chags pas chags par gyur pa rnams kyi mig ni/ chags pa yin no/ /gzugs dang mig gi rang bzhin shes pa ni/ chags pa med pa yin no/ /lta ba la chags
510a7 par gyur pa rnams kyi rang gi lus ni/ chags pa yin no/ /lta bar gyur pa thams cad kyi rang gi lus kyi rang bzhin stong pa nyid du shes pa ni/ chags pa med pa yin
510b1 no| |tshul bzhin ma yin pa yid la byed pa la chags pas chags par gyur pa rnams kyi chos kyi snang ba ni/ chags pa yin no/ /tshul bzhin yid la byed pa'i chos la so
510b2 sor rtog cing ngo bo nyid kyis rang bzhin stong pa nyid du shes pa ni/ chags pa med pa yin no/ /the tshom gyi dri ma la chags pas chags par gyur pa rnams kyi thar pa ni/ chags
510b3 pa yin no/ /mos pa dang rnam par grol ba yang dag pa ji lta ba bzhin du shes pa ni/ chags pa med pa yin no/ /le lo'i dri ma la chags pas chags par gyur pa rnams
510b4 kyi rtogs par bya ba la brtson 'grus brtan pa nyid ni/ chags pa yin no/ /chos ji lta ba bzhin rtogs pa ni/ chags pa med pa yin no/ /sgrib pa la chags pas chags
510b5 par gyur pa rnams kyi byang chub kyi yan lag rnams ni/ chags pa yin no/ /sgrib pa med pa'i rnam par thar pa shes pa ni/ chags pa med pa yin no/ /rang bzhin gyis yongs su
510b6 dag pa'i chos thams cad ni/ rgyu dang rkyen tshogs pa las 'byung ste/ de la byang chub sems dpas kun nas nyon mongs pa'i rgyu dang / rnam par byang ba'i rgyu'ang yongs su shes
510b7 par bya zhing / kun nas nyon mongs pa'i rgyu rnam par dag pa dang / rnam par byang ba'i rgyu rnam par dag pas kyang gnas par mi bya'o/ /bdag kun nas slong ba dang / lta ba kun
511a1 nas slong ba ni/ kun nas nyon mongs pa'i rgyu yin no/ /chos bdag med pa la 'jug pa'i bzod pa ni/ rnam par byang ba'i rgyu yin no/ /ngar
511a2 'dzin pa dang / nga rgyal gyi lta ba ni/ kun nas nyon mongs pa'i rgyu yin no/ /nang nye bar zhi pa dang / phyi rol tu rgyu ba med pa ni/ rnam par byang ba'i rgyu yin no/ /'dod pa dang /
511a3 gnod sems dang / rnam par 'tshe ba dang / rtog pa dag ni/ kun nas nyon mongs pa'i rgyu yin no/ /mi sdug pa dang / byams pa dang / snying rje dang / dga' ba dang /
511a4 btang snyoms dang / brten pa'i chos la 'jug pa'i bzod pa ni/ rnam par byang ba'i rgyu yin no/ /phyin ci log bzhi ni/ kun nas nyon mongs pa'i rgyu yin no/ /yang
511a5 dag pa'i dran pa nye bar gzhag pa bzhi ni/ rnam par byang ba'i rgyu yin no/ /sgrib pa lnga ni/ kun nas nyon mongs pa'i rgyu yin no/ /dbang po lnga ni/ rnam par byang ba'i
511a6 rgyu yin no/ /skye mched drug ni/ kun nas nyon mongs pa'i rgyu yin no/ /rjes su dran pa drug ni/ rnam par byang ba'i rgyu yin no/ /dam pa ma yin pa'i chos bdun ni/ kun
511a7 nas nyon mongs pa'i rgyu yin no/ /byang chub kyi yan lag bdun ni/ rnam par byang ba'i rgyu yin no/ /log pa nyid brgyad ni/ kun nas nyon mongs pa'i rgyu yin no/ /yang dag
511b1 pa nyid brgyad ni/ rnam par byang ba'i rgyu yin no/ /kun nas mnar sems kyi dngos po dgu ni/ kun nas nyon mongs pa'i rgyu yin no/ /mthar gyis gnas pa'i snyoms par
511b2 'jug pa dgu ni/ rnam par byang ba'i rgyu yin no/ /mi dge ba bcu'i las kyi lam ni/ kun nas nyon mongs pa'i rgyu yin no/ /dge ba bcu'i las kyi lam ni/ rnam par byang ba'i
511b3 rgyu yin te/ mdor na mi dge ba yid la byed pa thams cad ni/ kun nas nyon mongs pa'i rgyu yin no/ /dge ba yid la byed pa thams cad ni/ rnam par byang ba'i rgyu yin no/ /de
511b4 la kun nas nyon mongs pa'i rgyu gang yin pa dang / rnam par byang ba'i rgyu gang yin pa'i chos de thams cad ni/ rang bzhin gyis stong pa dang / sems can med pa dang / srog
511b5 med pa dang / gang zag med pa dang / bdag po med pa dang / yongs su 'dzin pa med pa dang / byed pa med pa dang / sgyu ma lta bu dang / mtshan nyid med pa dang / nang
511b6 nye bar zhi ba yin no/ /nang nye bar zhi ba gang yin pa de ni/ rab tu zhi ba'o/ /rab tu zhi ba gang yin pa de ni/ rang bzhin no/ /rang bzhin gang yin pa de ni/ dmigs su
511b7 med pa'o/ /dmigs su med pa gang yin pa de ni/ gnas med pa'o/ /gnas med pa gang yin pa de ni/ de kho na'o/ /de kho na ni/ nam mkha' ste/ des chos thams cad
512a1 nam mkha' lta bur rab tu shes na/ kun nas nyon mongs pa dang rnam par byang bas spyod kyang nam mkha'i chos nyid dag mi spong ngo / /de ci'i
512a2 phyir zhe na/ 'jam dpal/ gang la skye ba'am/ 'gag par 'gyur ba'i chos de gang yang med pa'i phyir ro/ /'jam dpal gyis gsol pa/ bcom ldan 'das/ 'o
512a3 na| de bzhin gshegs pas byang chub ji ltar brnyes lags/ bcom ldan 'das kyi bka' stsal pa/ 'jam dpal/ de bzhin gshegs pas ni/ rtsa ba med pa
512a4 dang / gnas med par byang chub thob bo/ /'jam dpal gyis gsol pa/ bcom ldan 'das/ de la rtsa ba ni/ gang lags/ gnas ni/ gang lags/ bcom ldan
512a5 'das kyis bka' stsal pa/ 'jam dpal/ 'jig tshogs ni/ rtsa ba yin no/ /yang dag pa ma yin pa'i kun tu rtog pa ni/ gnas yin no/ /'jam dpal/ de la de
512a6 bzhin gshegs pas byang chub mnyam pa nyid kyis chos thams cad mnyam pa nyid du shes te/ 'jam dpal/ de'i phyir de bzhin gshegs pas rtsa ba med pa dang /
512a7 gnas med par byang chub mngon par rdzogs par sangs rgyas zhes bya'o/ /'jam dpal/ byang chub ni/ zhi ba dang / nye bar zhi ba yin te/ de la zhi ba ni/ gang / nye bar
512b1 zhi ba ni| gang zhe na/ nang ni/ zhi ba yin no/ /phyi rol ni/ nye bar zhi ba yin no/ /de ci'i phyir zhe na/ 'jam dpal/ mig ni/ bdag dang bdag gis stong ste/ de'i rang bzhin
512b2 de yin pa'i phyir de ni/ zhi ba zhes bya'o/ /des mig stong pa zhes bya bar yongs su shes nas gzugs rnams la mi rgyug ste/ de'i phyir nye bar zhi ba zhes bya'o/ /de bzhin du rna ba ni/
512b3 bdag dang bdag gis stong ste/ de'i rang bzhin de yin pa'i phyir de ni/ zhi ba zhes bya'o/ /des rna ba stong pa zhes bya bar yongs su shes nas sgra rnams la mi rgyug ste/ de'i phyir
512b4 nye bar zhi ba zhes bya'o/ /sna ni/ bdag dang bdag gis stong ste/ de'i rang bzhin de yin pa'i phyir de ni/ zhi ba zhes bya'o/ /des sna stong pa zhes bya bar yongs su shes nas
512b5 dri rnams la mi rgyug ste/ de'i phyir nye bar zhi ba zhes bya'o/ /lce ni/ bdag dang bdag gis stong ste/ de'i rang bzhin de yin pa'i phyir de ni/ zhi ba zhes bya'o/ /des lce stong pa
512b6 zhes bya bar yongs su shes nas ro rnams la mi rgyug ste/ de'i phyir nye bar zhi ba zhes bya'o/ /lus ni/ bdag dang bdag gis stong ste/ de'i rang bzhin de yin pa'i phyir de ni/
512b7 zhi ba zhes bya'o/ /des lus stong pa zhes bya bar yongs su shes nas reg bya rnams la mi rgyug ste/ de'i phyir nye bar zhi ba zhes bya'o/ /'jam dpal/ yid ni/ bdag dang
513a1 bdag gis stong ste/ de'i rang bzhin de yin pa'i phyir de ni/ zhi ba zhes bya'o/ /des yid stong pa zhes bya bar yongs su shes nas chos rnams la mi
513a2 rgyug ste| de'i phyir nye bar zhi ba zhes bya'o/ /'jam dpal/ byang chub ni/ sems kyi rang bzhin 'od gsal ba nyid kyis rang bzhin 'od gsal ba yin te/ ci'i phyir
513a3 'od gsal ba zhes bya zhe na/ rang bzhin gang yin pa de ni/ kun nas nyon mongs pa med pa/ nam mkha' dang mnyam pa/ nam mkha'i rang bzhin can/ nam mkha' yang
513a4 dag par 'du ba/ nam mkha' lta bu ste/ rang bzhin gyis shin tu 'od gsal ba yin pa'i phyir ro/ /'jam dpal/ byang chub ni/ blang ba med pa nyid dang / dor ba med
513a5 pa nyid yin te/ de la blang ba med pa nyid ni/ gang / dor ba med pa nyid ni/ gang zhe na/ blang ba med pa nyid ces bya ba ni/ chos thams cad gzung du med pa nyid yin no/ /
513a6 dor ba med pa nyid ces bya ba ni/ chos thams cad spang du med pa nyid yin no/ /'jam dpal/ de la de bzhin gshegs pa ni/ blang ba med pa nyid dang / dor ba med pa
513a7 nyid kyis chu bo las rgal bar gyur te/ ji ltar de bzhin nyid kyi tshu rol yang dag par rjes su mi mthong / pha rol yang dag par rjes su mi mthong ba de ltar chu bo las rgal
513b1 to| |de ltar de bzhin gshegs pas tshu rol dang pha rol dang bral ba'i chos thams cad mngon par rdzogs par byang chub ste/ de'i phyir de bzhin gshegs pa zhes bya'o/ /'jam
513b2 dpal| byang chub ni/ mtshan ma med pa nyid dang / dmigs pa med pa nyid yin te/ de la mtshan ma med pa nyid ni/ gang / dmigs pa med pa nyid ni/ gang zhe na/ 'jam
513b3 dpal| mig gi rnam par shes pa mi dmigs pa ni/ mtshan ma med pa nyid yin no/ /gzugs yang dag par rjes su mi mthong ba ni/ dmigs pa med pa nyid yin no/ /rna ba'i
513b4 rnam par shes pa mi dmigs pa ni/ mtshan ma med pa nyid yin no/ /sgra mnyan du med pa ni/ dmigs pa med pa nyid yin no/ /sna'i rnam par shes pa mi dmigs pa ni/
513b5 mtshan ma med pa nyid yin no/ /dri bsnam du med pa ni/ dmigs su med pa nyid yin no/ /lce'i rnam par shes pa mi dmigs pa ni/ mtshan ma med pa nyid yin no/ /ro myang du
513b6 med pa ni/ dmigs pa med pa nyid yin no/ /lus kyi rnam par shes pa mi dmigs pa ni/ mtshan ma med pa nyid yin no/ /reg bya reg par bya ba med pa ni/ dmigs pa
513b7 med pa nyid yin no/ /yid kyi rnam par shes pa mi dmigs pa ni/ mtshan ma med pa nyid yin no/ /chos rnams rnam par shes par byar med pa ni/ dmigs pa med pa
514a1 nyid yin no/ /'jam dpal/ de ni/ 'phags pa rnams kyi spyod yul yin te/ 'jam dpal/ gang khams gsum pa'i spyod yul ma
514a2 yin pa de ni/ 'phags pa rnams kyi spyod yul yin no/ /'jam dpal/ byang chub ni/ 'das pa ma yin/ ma 'ongs pa ma yin/ da ltar byung ba ma yin te/ dus gsum
514a3 mnyam pa 'khor gsum yongs su chad pa yin no/ /'jam dpal/ de la 'khor gsum yongs su chad pa gang zhe na/ 'das pa la sems mi 'jug pa dang / ma 'ongs pa
514a4 la rnam par shes pa mi rgyug pa dang / de ltar byung ba la yid la byed pa mi 'byung ba gang yin pa ste/ de ni/ sems dang / yid dang / rnam par shes pa la mi gnas
514a5 shing rtog par mi byed/ rnam par rtog par mi byed do/ /rtog par mi byed/ rnam par rtog par mi byed pa ni/ 'das pa yid la mi byed/ ma 'ongs pa la rlom sems su mi
514a6 byed| de ltar byung ba la 'phro bar mi byed do/ /'jam dpal/ byang chub ni/ lus med pa nyid dang / 'dus ma byas pa nyid yin te/ 'jam dpal/ de la lus med pa
514a7 nyid ni| mig gi rnam par shes pas rnam par shes par bya ba ma yin pa dang / rna ba dang / sna dang / lce dang / lus dang / yid kyi rnam par shes pas rnam par shes par bya ba ma
514b1 yin pa gang yin pa'o/ /'jam dpal/ sems dang / yid dang / rnam par shes pas rnam par shes par bya ba ma yin pa gang yin pa de nyid 'dus ma byas pa nyid
514b2 yin te| 'dus ma byas pa nyid ces bya ba ni/ gang la skye ba med pa dang / gnas pa med pa dang / 'jig pa med pa'o/ /de ni/ 'khor gsum yongs su dag pa 'dus
514b3 ma byas pa yin te/ 'dus ma byas pa ji lta ba kho na bzhin du 'dus byas kyang de lta bu kho na yin par rtogs par bya'o/ /de ci'i phyir zhe na/ 'jam dpal/ chos thams
514b4 cad kyi ngo bo nyid gang yin pa de ni/ ngo bo nyid med pa ste/ ngo bo nyid med pa gang yin pa de la ni/ gnyis su med pa'i phyir ro/ 'jam dpal/ byang chub de ni/ dbyer med
514b5 pa'i gzhi yin te/ de la dbyer med pa ni/ gang / gzhi ni/ gang zhe na/ ming med pa ni/ dbyer med pa'o/ /de bzhin nyid ni/ gzhi'o/ /gnas med pa ni/ dbyer
514b6 med pa'o/ /chos kyi dbyings ni/ gzhi'o/ /tha dad pa nyid med pa ni/ dbyer med pa'o/ /yang dag pa'i mtha' ni/ gzhi'o/ /dmigs pa med pa ni/ dbyer med pa'o/ /
514b7 g.yo ba med pa ni/ gzhi'o/ /stong pa nyid ni/ dbyer med pa'o/ /mtshan ma med pa ni/ gzhi'o/ /rnam par rtog pa med pa ni/ dbyer med pa'o/ /smon pa med pa ni/
515a1 gzhi'o| |sgrub pa med pa ni/ dbyer med pa'o/ /sems can med pa ni/ gzhi'o/ /sems can gyi ngo bo nyid med pa ni/ dbyer med pa'o/ /nam
515a2 mkha' ni/ gzhi'o/ /dmigs su med pa ni/ dbyer med pa'o/ /skye ba med pa ni/ gzhi'o/ /'gag pa med pa ni/ dbyer med pa'o/ /'dus ma byas ni/ gzhi'o/ /spyod
515a3 pa med pa ni/ dbyer med pa'o/ /byang chub ni/ gzhi'o/ /nye bar zhi ba ni/ dbyer med pa'o/ /mya ngan 'das pa ni/ gzhi'o/ /mngon par 'grub pa med pa ni/ dbyer
515a4 med pa'o/ /skye ba med pa ni/ gzhi'o/ /'jam dpal/ byang chub ni/ lus kyis mngon par rdzogs par byang chub par mi 'gyur te/ sems kyis kyang ma yin no/ /de
515a5 ci'i phyir zhe na/ 'jam dpal/ lus ni/ bem po/ g.yo ba med pa/ sems pa med pa ste/ rtswa dang / rtsig pa dang / shing dang / bong ba dang / gzugs brnyan
515a6 lta bu yin la/ sems kyang sgyu ma lta bu ste/ gsog dang / gsob dang / yang dag pa ma yin pa dang / 'dus ma byas pa yin pa'i phyir ro/ /'jam dpal/ gang
515a7 gis lus dang sems de ltar rtogs pa de ni/ byang chub ces bya ste/ 'jam dpal/ de'ang tha snyad la brten pa yin gyi/ don dam par ni/ ma yin no/ /de ci'i phyir
515b1 zhe na| 'jam dpal/ byang chub ni/ lus dang / sems dang / chos dang / chos ma yin pa dang / yang dag pa dang / yang dag pa ma yin pa dang / bden pa dang / rdzun
515b2 pas brjod par bya ba ma yin pa'i phyir ro/ /'jam dpal/ byang chub ni/ chos thams cad kyis brjod par bya ba ma yin pa ste/ de ci'i phyir zhe na/ 'jam dpal/ byang
515b3 chub la ni/ gang gis tshig dang / tha snyad 'jug par 'gyur ba'i gnas cung zad kyang med pa'i phyir ro/ /'jam dpal/ 'di lta ste/ dper na/ nam mkha' ni/ gnas
515b4 med pa| 'dus ma byas pa/ ma skyes pa/ ma 'gags pa/ brjod par bya ba ma yin pa'o/ /'jam dpal/ de bzhin du byang chub kyang gnas med pa/ 'dus ma byas pa/
515b5 ma skyes pa/ ma 'gags pa/ brjod par bya ba ma yin pa'o/ /'jam dpal/ 'di lta ste/ dper na/ yang dag par yongs su tshol ba na chos thams cad kyis brjod
515b6 par bya ba ma yin pa de bzhin du/ 'jam dpal/ yang dag par byang chub yongs su tshol ba na'ang chos thams cad kyis brjod par bya ba ma yin no/ /de ci'i phyir zhe na/
515b7 'jam dpal/ yang dag par ni tshig ni/ ma skyes pa dang / ma 'gags pa yin pas yod pa ma yin pa'i phyir ro/ /'jam dpal/ byang chub ni/ gzung ba med pa nyid
516a1 dang / gnas med pa nyid yin te/ 'jam dpal/ de la gzung ba med pa ni/ gang / gnas med pa ni/ gang zhe na/ 'jam dpal/
516a2 mig yongs su shes pa ni/ gzung ba med pa nyid yin no/ /gzugs dmigs su med pa ni/ gnas med pa nyid yin no/ /rna ba yongs su shes pa ni/ gzung ba med
516a3 pa nyid yin no/ /sgra dmigs su med pa ni/ gnas med pa nyid yin no/ /sna yongs su shes pa ni/ gzung ba med pa nyid yin no/ /dri dmigs su med pa ni/ gnas
516a4 med pa nyid yin no/ /lce yongs su shes pa ni/ gzung ba med pa nyid yin no/ /ro dmigs su med pa ni/ gnas med pa nyid yin no/ /lus yongs su shes pa ni/ gzung
516a5 ba med pa nyid yin no/ /reg bya dmigs su med pa ni/ gnas med pa nyid yin no/ /yid yongs su shes pa ni/ gzung ba med pa nyid yin no/ /chos dmigs su med
516a6 pa ni| gnas med pa nyid yin no/ /de bzhin gshegs pas ni/ de ltar gzung ba med pa nyid dang / gnas med pa nyid du byang chub mngon par rdzogs par sangs
516a7 rgyas te| mngon par rdzogs par sangs rgyas nas kyang mig gzung du med pa dang / gzugs dmigs su med pa'i phyir mig gi rnam par shes pa la mi gnas so/ /rna ba gzung
516b1 du med pa dang / sgra dmigs su med pa'i phyir rna ba'i rnam par shes pa la mi gnas so/ /sna gzung du med pa dang / dri dmigs su med pa'i phyir sna'i rnam par shes pa
516b2 la mi gnas so/ /lce gzung du med pa dang / ro dmigs su med pa'i phyir lce'i rnam par shes pa la mi gnas so/ /lus gzung du med pa dang / reg bya dmigs su med pa'i
516b3 phyir lus kyi rnam par shes pa la mi gnas so/ /yid gzung du med pa dang / chos dmigs su med pa'i phyir yid kyi rnam par shes pa la mi gnas te/ de'i phyir de bzhin
516b4 gshegs pa dgra bcom pa yang dag par rdzogs pa'i sangs rgyas ni/ rnam par shes pa la mi gnas pa dang ldan pa zhes bya ba'i grangs su 'gro'o/ /'jam dpal/ bzhi
516b5 po 'di dag ni/ sems can rnams kyi sems kyi gnas yin te/ bzhi gang zhe na/ 'di lta ste/ gzugs ni/ sems can rnams kyi sems kyi gnas yin no/ /'jam
516b6 dpal| de bzhin du tshor ba dang / 'du shes dang / 'du byed rnams ni/ sems can rnams kyi sems kyi gnas yin te/ 'jam dpal/ de bzhin gshegs pas
516b7 ni| sems can rnams kyi sems kyi gnas bzhi po de dag ma skyes pa dang / ma 'gags par shes so/ /'jam dpal/ byang chub ces bya ba de ni/ stong pa nyid kyi tshig
517a1 bla dwags yin te/ 'jam dpal/ stong pa nyid gang gis byang chub stong pa'i stong pa nyid des chos thams cad kyang stong ste/ 'jam dpal
517a2 de bzhin gshegs pas ni/ de dag ji ltar stong pa de lta bu kho nar mngon par rdzogs par sangs rgyas so/ /'jam dpal/ stong pa nyid kyis stong pa nyid mngon par rdzogs
517a3 par sangs rgyas pa'ang ma yin te/ 'jam dpal/ 'di lta ste/ stong pa nyid dam/ byang chub de ni/ shes pa'i tshul gcig pa yin no/ /'jam dpal/ gang la
517a4 stong pa nyid kyang med/ byang chub kyang med pa de la ni/ 'jam dpal/ gang gis stong pa nyid dang / byang chub sems gnyis su dbye ba'i gnyis ni/ cung zad kyang
517a5 med do| |de ci'i phyir zhe na/ 'jam dpal/ chos thams cad ni/ gnyis su med pa/ mtshan nyid med pa/ gnyis su dbyer med pa/ ming med pa/ mtshan
517a6 ma med pa/ sems dang yid dang rnam par shes pa dang bral ba/ ma skyes pa/ ma 'gags pa/ rgyu ba med pa/ spyod pa med pa/ kun 'byung ba med pa/ yi ge med
517a7 pa| sgra med pa yin pa'i phyir ro/ /bam bo gsum pa ste/ tha ma/ 'jam dpal/ stong pa nyid ces bya ba gang yin pa de ni/ mngon par
517b1 zhe na pa med pa dang / 'dzin pa med pa'i tshig bla dwags yin te/ 'jam dpal/ de la ni/ don dam par na gang stong pa zhes bya ba'i chos gang yang dmigs su med do/ /
517b2 'jam dpal/ 'di lta ste/ dper na/ nam mkha' nam mkha' zhes brjod kyang nam mkha' ni/ brjod par bya ba ma yin no/ /'jam dpal/ de bzhin du stong pa stong pa
517b3 zhes brjod kyang stong pa pa ni/ brjod par bya ba ma yin te/ chos thams cad kyis 'jug pa ni/ de lta bu yin no/ /'jam dpal/ chos thams cad ni/ ming med pa yin
517b4 na| de dag la ming gis brjod par byed de/ 'jam dpal/ ming ni/ yul na gnas pa ma yin/ phyogs na gnas pa ma yin no/ /'jam dpal/ ji ltar ming yul
517b5 na gnas pa ma yin/ phyogs na gnas pa ma yin pa de bzhin du gang gis chos gang brjod par byed pa'i chos de'ang yul na gnas pa ma yin/ phyogs na gnas pa ma
517b6 yin no| |'jam dpal/ de bzhin gshegs pas ni/ chos de dag thams cad de ltar gzod ma nas ma skyes pa/ ma 'gags pa/ mtshan nyid med pa/ sems dang
517b7 yid dang rnam par shes pa dang bral ba/ yi ge med pa/ sgra med par shes so/ /'jam dpal/ ji ltar shes pa de kho na bzhin du rnam par grol te/ bcings pa las
518a1 grol bar gyur pa ma yin no/ /'jam dpal/ byang chub ni/ nam mkha' dang mnyam pa ste/ nam mkha' ni/ mnyam pa ma yin/ mi mnyam
518a2 pa ma yin la byang chub kyang mnyam pa ma yin/ mi mnyam pa ma yin no/ /de ci'i phyir zhe na/ 'jam dpal/ chos gang la yang dag par yongs su 'grub pa med pa
518a3 de ni| mnyam pa dang / mi mnyam par brjod par bya ba ma yin pa'i phyir ro/ /'jam dpal/ de bzhin gshegs pas ni/ de ltar chos thams cad mnyam pa med pa
518a4 dang / mi mnyam pa med par mngon par rdzogs par sangs rgyas te/ ji ltar chos phra rab tsam yang mnyam par ma byas/ mi mnyam par ma byas pa de ltar mngon par rdzogs
518a5 par sangs rgyas shing / yang dag pa'i shes pas chos de dag ji lta bu kho nar shes so/ /'jam dpal/ yang dag pa'i shes pa'ang gang zhe na/ 'jam dpal/ chos
518a6 thams cad rtsa ba med pa dang / ma skyes pa dang / ma 'gags pa dang / ma byung ba las 'byung ba dang / byung nas kyang 'jig par 'gyur te/ 'jam dpal/ de dag kyang
518a7 bdag po med pa dang / yongs su 'dzin pa med par 'byung zhing bdag po med pa dang / yongs su 'dzin pa med par 'jig par shes pa'o/ /'jam dpal/ de ltar byung ba
518b1 dang / 'jig pa la brten nas chos rnams 'jug par 'gyur yang 'di la 'jug par 'gyur ba gang yang med de/ de ni/ lam gyi rgyun bcad pa'i phyir de bzhin gshegs pa
518b2 chos ston pa zhes bya'o/ /'jam dpal/ byang chub ces bya ba de ni/ ji lta ba bzhin gyi gnas yin te/ 'jam dpal/ de la ji lta ba bzhin gyi gnas gang zhe na/ 'jam
518b3 dpal| ji lta ba bzhin gyi gnas zhes bya ba ni/ byang chub ste/ byang chub ji lta ba de bzhin gzugs kyang de bzhin nyid las mi 'da'o/ /byang chub ji lta ba de bzhin du
518b4 tshor ba dang / 'du shes dang / 'du byed rnams dang / rnam par shes pa'ang de bzhin nyid las mi 'da'o/ /byang chub ji lta ba de bzhin du sa'i khams dang de bzhin nyid
518b5 las mi 'da'o/ /byang chub ji lta ba de bzhin du chu'i khams dang / me'i khams dang / rlung gi khams kyang de bzhin nyid las mi 'da'o/ /'jam dpal/ byang chub
518b6 ji lta ba de bzhin du mig gi khams dang / gzugs kyi khams dang / mig gi rnam par shes pa'i khams kyang de bzhin nyid las mi 'da'o/ /byang chub ji lta ba de bzhin
518b7 du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i
519a1 khams dang | ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par
519a2 shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin nyid las mi 'da'o/ /chos gdags pa nga
519a3 ni| 'di tsam du zad de/ 'di lta ste/ phung po dang / khams dang / skye mched du gdags pa'o/ /de bzhin gshegs pas ni/ de dag yang dag pa ji lta ba
519a4 bzhin du mngon par rdzogs par sangs rgyas shing phyin ci ma log par mngon par rdzogs par sangs rgyas so/ /de dag ni/ sngon ji lta ba bzhin du phyis kyang de bzhin
519a5 bar du'ang de bzhin te/ sngon gyi mthar ma skyes pa dang / phyi ma'i mthar mi 'pho ba dang / dbus su bden pa yin no/ /de ltar de dag ji lta ba bzhin gyi gnas
519a6 yin te| gcig ji lta ba bzhin du thams cad de bzhin la/ thams cad ji lta ba bzhin du gcig kyang de bzhin te/ 'jam dpal/ 'di la ni/ gcig pa nyid
519a7 dam| mang po nyid du dmigs su med do/ /'jam dpal/ byang chub ni/ rnam pa'i 'jug pas rnam pa med par zhugs pa yin te/ 'jam dpal/ de la rnam
519b1 pa ni| gang / rnam pa med pa ni/ gang zhe na/ 'jam dpal/ rnam pa zhes bya ba ni/ dge ba'i chos thams cad la rtsom pa'o/ /rnam pa med pa zhes bya ba ni/ chos thams
519b2 cad dmigs su med pa'o/ /rnam pa zhes bya ba ni/ sems mi gnas pa'i gnas skabs so/ /rnam pa med pa zhes bya ba ni/ rnam par thar pa'i sgo mtshan ma med pa'i ting
519b3 nge 'dzin to/ /rnam pa zhes bya ba ni/ chos thams cad la sems pa dang / 'jal ba dang / bgrang ba dang / so sor rtog pa'o/ /rnam pa med pa zhes bya ba ni/ gzhal
519b4 ba las yang dag par 'das pa ste/ gzhal ba las yang dag par 'das pa'ang gang zhe na/ gang la rnam par shes pa'i las med pa'o/ /rnam pa zhes bya ba ni/ 'dus
519b5 byas la so sor rtog pa'o/ /rnam pa med pa zhes bya ba ni/ 'dus ma byas la so sor rtog pa'o/ /'jam dpal/ byang chub ni/ zag pa med pa nyid dang / len pa med
519b6 pa nyid yin te/ 'jam dpal/ de la zag pa med pa nyid gang / len pa med pa nyid gang zhe na/ 'jam dpal/ zag pa med pa nyid ces bya ba ni/ zag pa bzhi dang
519b7 bral ba ste/ bzhi po de dag kyang gang zhe na/ 'di lta ste/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa bzhi po
520a1 de dang bral ba'o/ /len pa med pa nyid ces bya ba ni/ len pa bzhi dang bral ba ste/ bzhi po de dag kyang gang zhe na/ 'di lta ste/ 'dod
520a2 pa'i len pa dang / lta ba'i len pa dang / tshul khrims dang brtul zhugs mchog tu 'dzin pa'i len pa dang / bdag tu smra ba'i len pa ste/ len pa bzhi po de dag dang
520a3 bral ba'o/ /'jam dpal/ de la sems can ma rig pas ljongs par byas pa/ sred pas dkrugs par gyur pa dag ni/ phan tshun mngon par zhen par gyur nas len
520a4 par byed kyi/ de bzhin gshegs pas ni/ bdag tu smra ba'i len pa rtsa ba yin par yongs su shes nas bdag rnam par dag pas sems can thams cad rnam par dag
520a5 pa rjes su rtogs par gyur te/ bdag rnam par dag pa dang yin pa dang / sems can rnam par dag pa gang yin pa de ni/ gnyis su med de gnyis su dbyer med la/
520a6 gnyis su med pa'i don gang yin pa de ni/ skye ba med pa dang / 'gag pa med pa yin no/ /'jam dpal skye ba med pa dang / 'gag pa med pa la ni/ sems
520a7 dang / yid dang / rnam par shes pa 'jug par mi 'gyur te/ 'jam dpal/ gang la sems dang / yid dang / rnam par shes pa mi 'jug pa de la ni/ yongs su
520b1 rtogs pa gang gis tshul bzhin ma yin pa yid la byed par 'gyur ba'i yongs su rtog pa gang yang med do/ /tshul bzhin yid la byed pa la rab tu brtson pa de ni/ ma rig pa
520b2 kun nas slong ba mi byed do/ /ma rig pa kun nas ldang ba med pa gang yin pa de ni/ srid pa'i yan lag bcu gnyis po dag gi kun nas slong ba med pa yin no/ /srid pa'i yan
520b3 lag bcu gnyis po dag gi kun nas ldang ba med pa gang yin pa de ni/ skye ba med pa yin no/ /skye ba med pa gang yin pa de ni/ skyon med pa yin no/ /skyon med pa gang yin
520b4 pa de ni/ nges pa'i don yin no/ /nges pa'i don gang yin pa de ni/ don dam pa yin no/ /don dam pa gang yin pa de ni/ gang zag med pa'i don yin no/ /gang zag med pa'i
520b5 don gang yin pa de ni/ brjod du med pa'i don yin no/ /brjod du med pa'i don gang yin pa de ni/ rten cing 'brel par 'byung ba'i don yin no/ /rten cing 'brel bar 'byung
520b6 ba'i don gang yin pa de ni/ chos kyi don na yin no/ /chos kyi don gang yin pa de ni/ de bzhin gshegs pa'i don yin te/ de'i phyir gang gis rten cing 'brel par 'byung
520b7 ba mthong ba des chos mthong ngo / /gang gis chos mthong ba des de bzhin gshegs pa mthong ngo / /zhes gsungs te/ ji ltar yongs su tshol ba na ci'ang mi mthong ba de ltar
521a1 mthong ngo / /'jam dpal/ de la ci'ang zhes bya ba gang zhe na/ 'di lta ste/ sems cang dmigs pa ste/ des gang gi tshe sems dang dmigs
521a2 pa yang dag par rjes su ma mthong ba de'i tshe na yang dag par mthong ba yin pas/ de bzhin gshegs pas ni/ chos de dag de ltar mnyam pa nyid kyis mnyam par
521a3 mngon par rdzogs par sangs rgyas so/ /'jam dpal/ byang chub ni/ dag pa dang / dri ma med pa dag/ nyon mongs pa med pa yin te/ 'jam dpal/ de la dag
521a4 pa ni| gang / dri ma med pa ni/ gang / nyon mongs pa ni/ gang zhe na/ 'jam dpal/ ston pa nyid ni/ dag pa'o/ /mtshan ma med pa ni/ dri ma med pa'o/ /smon
521a5 pa med pa ni/ nyon mongs pa med pa'o/ /skye ba med pa'o/ /dag pa'o/ /mngon par 'du bya ba med pa ni/ dri ma med pa'o/ /'byung ba med pa ni/ nyon mongs pa med
521a6 pa'o| |rang bzhin no/ dag pa'o/ /yongs su dag pa ni/ dri ma med pa'o/ /'od gsal ba ni/ nyon mongs pa med pa'o/ /spros pa med pa ni/ dag pa'o/ /spros
521a7 pa dang bral ba ni/ dri ma med pa'o/ /spros pa nye bar zhi ba ni/ nyon mongs pa med pa'o/ /de bzhin nyid ni/ dag pa'o/ /chos kyi dbyings ni/ dri ma med pa'o/ /yang dag
521b1 pa'i mtha' ni/ nyon mongs pa med pa'o/ /nam mkha' ni/ dag pa'o/ /bar snang ni/ dri ma med pa'o/ /nam mkha' ni/ nyon mongs pa med pa'o/ /nang yongs su shes
521b2 pa ni| dag pa'o/ /phyi rol tu rgyu ba med pa ni/ dri ma med pa'o/ /phyi nang dmigs su med pa ni/ nyon mongs pa med pa'o/ /phung po yongs su shes pa ni/ dag pa'o/ /khams
521b3 rang bzhin med pa ni/ dri ma med pa'o/ /skye mchod rnams spong ba ni/ nyon mongs pa med pa'o/ /'das pa la zad par shes pa ni/ dag pa'o/ /ma 'ongs pa la mi skye bar
521b4 shes pa ni/ dri ma med pa'o/ /da ltar byung ba la chos gnas par shes pa ni/ nyon mongs pa med pa'o/ /'jam dpal/ de ltar dag pa dang / dri ma med pa dang / nyon mongs
521b5 pa med pa ni/ gnas gcig tu yang dag par 'du ste/ 'di lta ste/ zhi ba'i gnas su'o/ /zhi ba gang yin pa de ni/ rab tu zhi ba yin no/ /rab tu zhi ba gang yin pa de ni/ nye bar zhi ba yin no/ /
521b6 nye bar zhi ba gang yin pa de ni/ nye bar zhi bar gyur ba yin no/ /nye bar zhi bar gyur pa gang yin pa de ni/ thub pa zhes bya'o/ /'jam dpal/ de ltar na/ nam mkha'
521b7 ji lta bar byang chub kyang de bzhin no/ /byang chub ji lta bar chos rnams kyang de bzhin no/ chos rnams ji lta bar sems can rnams kyang de bzhin no/ /sems can rnams ji lta
522a1 bar zhing rnams kyang de bzhin no/ /zhing rnams ji lta bar mya ngan las 'das pa'ang de bzhin no/ /'jam dpal/ de'i phyir chos thams cad ni
522a2 mya ngan las 'das pa dang mnyam pa zhes bya ste/ mthar thug par gyur ba'i phyir gnyen po med pa yin la/ gnyen po med pa'i phyir gzod ma nas dag pa dang / gzod ma nas
522a3 dri ma med pa dang / gzod ma nas nyon mongs pa med pa yin no/ /'jam dpal /de la de bzhin gshegs pa chos thams cad mngon par rdzogs par sangs rgyas pa sems
522a4 can rnams kyi khams la gzigs pa ni/ sems can rnams la dag pa/ dri ma med pa/ nyon mongs pa med pas rnam pa rol pa zhes bya ba'i thugs rje chen po skye bar
522a5 'gyur ro/ /'jam dpal/ ji ltar na/ byang chub sems dpa' byang chub sems dpa'i spyad pa spyod pa yin zhe na/ 'jam dpal/ gang gi tshe byang chub sems dpa' zad pa'i phyir
522a6 rlom sems su mi byed cing mi zad pa'i phyir yang ma yin/ skye ba'i phyir yang ma yin/ mi skye ba'i phyir yang ma yin/ gtan zad pa zad par bya ba'i phyir yang ma yin/
522a7 gtan mi skye ba rnam par 'khrugs par yang mi byed pa de ltar spyod na/ 'jam dpal/ byang chub sems dpa' byang chub sems dpa'i spyad pa la spyod pa yin no/ /'jam
522b1 dpal| gzhan yang byang chub sems dpa' 'das pa'i sems la zad pa zhes bya bar mi spyod/ ma 'ongs pa'i sems la ma thob pa zhes bya bar mi spyod/ da ltar byung ba'i
522b2 sems la yod ces bya bar mi spyod cing 'das pa dang / ma 'ongs pa dang / da ltar byung ba'i sems la chags par mi 'gyur ba de ltar spyod na/ 'jam dpal/ byang chub
522b3 sems dpa' byang chub sems dpa'i spyod pa spyod pa yin no/ /'jam dpal/ gzhan yang byang chub sems dpa' sbyin pa dang / byang chub dang / sems can rnams
522b4 dang / de bzhin gshegs pa de la gnyis su med de gnyis su byar med pa de ltar spyod na/ byang chub sems dpa'i spyad pa spyod pa yin no/ /'jam dpal/ de bzhin
522b5 du byang chub sems dpa' tshul khrims dang / byang chub dang / sems can rnams dang / de bzhin gshegs pa de la gnyis su med de gnyis su byar med pa de ltar spyod
522b6 na| byang chub sems dpa'i spyad pa spyod pa yin no/ /'jam dpal/ de bzhin du byang chub sems dpa' bzod pa dang / byang chub dang / sems can rnams dang / de
522b7 bzhin gshegs pa dang / brtson 'grus dang / byang chub dang / sems can rnams dang / de bzhin gshegs pa dang / bsam gtan dang / byang chub dang /
523a1 sems can rnams dang / de bzhin gshegs pa dang / de bzhin du shes rab dang / byang chub dang / sems can rnams dang / de
523a2 bzhin gshegs pa de la gnyis su med de gnyis su dbyer med pa de ltar spyod na/ byang chub sems dpa'i spyod pa la spyod pa'i yin no/ /'jam dpal/ gal te byang
523a3 chub sems dpa' gzugs stong zhes bya bar mi spyod/ mi stong zhes bya bar mi spyod pa de ltar spyod na/ 'jam dpal/ byang chub sems dpa' byang chub sems dpa'i
523a4 spyad pa la spyod pa yin no/ /de ci'i phyir zhe na/ 'jam dpal/ gzugs ni/ gzugs kyi ngo bo nyid kyi stong pa'i phyir ro/ /'jam dpal/ de bzhin du gal te
523a5 byang chub sems dpa' tshor ba dang / 'du shes dang / 'du byed rnams dang / rnam par shes pa stong zhes bya bar mi spyod/ mi stong zhes bya bar mi spyod pa de ltar spyod
523a6 na| byang chub sems dpa' byang chub sems dpa'i spyod pa la spyod pa yin no/ /de ci'i phyir zhe na/ 'jam dpal/ sems dang / yid dang / rnam par shes pa
523a7 dmigs su med pa'i phyir gang yongs su shes pa'am/ sbang ba'am/ bsgom pa'am/ mngon sum du bya ba'i chos de dag gang yang yod pa ma yin pa'i phyir ro/ /'jam
523b1 dpal| zad pa zhes bya ba gang yin pa de ni/ gtan zad pa kho na yin no/ /gtan zad pa gang yin pa de ni/ zad par bya ba ma yin no/ /zad pa bya ba ma yin pa'i phyir mi zad
523b2 pa yin no/ /de ci'i phyir zhe na/ 'jam dpal/ de ni/ ji lta ba bzhin du zad pa yin la/ ji lta ba bzhin du zad pa gang yin pa de la ni/ zad pa cung zad kyang med la/ gang la
523b3 zad pa cung zad kyang med pa de ni/ 'dus ma byas pa ste/ 'dus ma byas pa gang yin pa de la ni/ skye ba'ang med/ 'gag pa'ang med pa'i phyir ro/ /de'i phyir de bzhin
523b4 gshegs pa rnams byung yang rung / ma byung yang rung chos nyid dang / chos gnas pa nyid dang / chos kyi dbyings 'di ni/ gnas pa kho na zhes bya ste/ ji ltar chos kyi
523b5 dbyings la gnas pa de bzhin du shes pa de'ang 'jug par mi byed/ ldog par mi byed do/ /ji ltar shes pa de 'jug par mi byed/ ldog par mi byed pa de lta bu'i chos kyi
523b6 tshul la 'jug pas zag pa skyed par mi byed/ 'gag par mi byed do/ /'jam dpal/ zag pa zad pa zhes bya ba de ni/ tha snyad dang / sgra dang / yi ge dang / brdar gdags
523b7 pa yin te/ 'di la ni/ skye ba'am/ 'gag par 'gyur ba'i chos gang yang med do/ /de nas 'jam dpal gzhon nur gyur ba stan las langs te bla gos phrag pa gcig
524a1 tu gzar nas pus mo g.yas pa'i lha ngas la btsugs te bcom ldan 'das ga la ba de logs su thal mo sbyar ba btud nas bcom
524a2 ldan 'das la tshigs su bcad pa 'di dag gis mngon par bstod do/ /kha dog rtags dang dbyibs mi mnga'/ /rtsa ba mi mnga' gnas mi mnga'/ /mi 'gag 'byung ba mi
524a3 mnga' ba/ /mi rten khyod la phyag 'tshal lo/ /mi gnas gnas pa mi mnga' ba/ /blang ba mi mnga' dor mi mnga'/ /skye mched drug las rnam grol ba/ /mi rten khyod la phyag
524a4 'tshal lo/ /chos rnams kun la mi gnas shing / /dngos dang dngos med rnam par spangs/ /'du byed mnyam pa nyid brnyes pa/ /mi rten khyod la phyag 'tshal lo/ /khams
524a5 gsum dag las rnam par grol/ /mkha' ltar mnyam nyid thugs su tshud/ /'dod pa rnams kyis mi gos pa/ /mi rten khyod la phyag 'tshal lo/ /gshegs dang bzhugs dang
524a6 gzims pa yi/ /spyod lam rnam pa thams cad du/ /rtag tu mnyam par bzhag mdzad pa/ /mi rten khyod la phyag 'tshal lo/ /mnyam par byon cing mnyam par gshegs/ /
524a7 mnyam pa nyid la gnas pa po/ /mnyam zhing 'khrugs par mi mdzad pa/ /mi rten khyod la phyag 'tshal lo/ /mnyam pa nyid la zhugs gyur cing / /chos rnams kun la
524b1 mnyam par bzhag /mtshan ma med la zhugs gyur pa/ /mi rten khyod la phyag 'tshal lo/ /mi gnas dmigs pa mi mnga' ba/ /shes rab bsags shing mnyam par bzhag /chos la
524b2 mnga' dbang brnyes gyur pa/ /mi rten khyod la phyag 'tshal lo/ /sems can kun gyi sgra skad dang / de bzhin gzugs dang spyod lam dag /skad cig gcig gis gzigs mdzad pa/ /
524b3 mi rten khyod la phyag 'tshal lo/ /ming dang gzugs las rnam par grol/ /rgyud dang phung po thams cad bcad/ /rnam pa med la 'jug mdzad pa/ /mi rten khyod la phyag 'tshal lo/ /
524b4 mtshan ma dag dang rnam bral zhing / /mtshan ma'i rnam pa rnam par spangs/ /mtshan ma med la 'jug mdzad pa/ /mi rten khyod la phyag 'tshal lo/ /yang dag rtog pas rnam ma brtags
524b5 thugs yid rab tu mi gnas shing / /yid mdzad mi mnga' mi dgongs pa/ /mi rten khyod la phyag 'tshal lo/ /nam mkha' 'dra bar gnas mi mnga'/ /thogs pa mi mnga' spros mi
524b6 mnga'| |nam mkha' mnyam pa'i thugs mnga' ba/ /mi rten khyod la phyag 'tshal lo/ /nam mkha' dbus mtha' ma mchis pa/ /sangs rgyas chos nyid de dang 'dra/ /dus
524b7 gsum yang dag 'dus gyur pa/ /mi rten khyod la phyag 'tshal lo/ /nam mkha'i mtshan nyid sangs rgyas te/ /nam mkha'ang mtshan nyid mchis ma lags/ /rgyu dang 'bras
525a1 bu rnam grol la/ /mi rten khyod la phyag 'tshal lo/ /ngar 'dzin mi mnga' sgra mi mnga'/ /gzung ba ma mchis chu zla 'dra/ /chos rnams kun la
525a2 mi gnas pa/ /mi rten khyod la phyag 'tshal lo/ /phung po rnams dang skye mched dang / khams rnams dag la mig nas pa/ /phyin ci log las rnam par grol/ /mi rten
525a3 khyod la phyag 'tshal lo/ /mtha' gnyis dag las rnam grol zhing / bdag tu lta ba yang dag bcas/ /chos dbyings mnyam pa nyid brnyes pa/ mi rten khyod la phyag 'tshal
525a4 lo| |gzugs kyi grangs las rnam grol zhing / /dam chos ma lags rnam par spangs/ /len dang gtong ba mi mnga' ba/ mi rten khyod la phyag 'tshal lo/ /bdud kyi ming
525a5 las rab 'das shing / /chos kun rtogs par thugs su chud/ /sgrib pa mi mnga' chos gyur pa/ /mi rten khyod la phyag 'tshal lo/ /don 'tshal rnams kyis mchis mi
525a6 brjod| |ma mchis zhes kyang brjod mi bgyi/ /len med tshig lam ma mchis pa/ /mi rten khyod la phyag 'tshal lo/ /gnyis kyi chos la mi rten par/ /theg pa'i rgyal mtshan
525a7 kun tu btsugs/ /gnyis dang gnyis med rnam grol ba/ /mi rten khyod la phyag 'tshal lo/ /khyod kyis yid kyi nyes pa dang / /lus kyi nad bzhi pham par mdzad/ /bsam yas dpe
525b1 dang rnam bral ba/ /mi rten khyod la phyag 'tshal lo/ /lhun gyis grub par 'jug mdzad cing / /nyes pa thams cad rnam par spangs/ /spyod pa mkhyen pas thog drangs pa/ /mi
525b2 rten khyod la phyag 'tshal lo/ /khyod dgongs zhi zhing zag mi mnga'/ /'byung min 'byung ba'i bdag can/ /gnas dang rtog pa mi mnga' ba/ /mi rten khyod la
525b3 phyag 'tshal lo/ /dmigs pa mi mnga' thugs kyis su/ /kun gyi sems ni rab tu mkhyen/ /bdag gzhan 'du shes mi mnga' ba/ /mi rten khyod la phyag 'tshal
525b4 lo| |dmigs dang dmigs pa rnams kyis ni/ /kun gyi sems ni rmongs par bgyid/ /sgrib pa med pa'i chos gyur pa/ /mi rten khyod la phyag 'tshal lo/ /dmigs
525b5 pa dag dang sems rnams ni/ /ngo bo nyid mchis ma lags/ /bsam yas mnyam pa nyid brnyes pa/ /mi rten khyod la phyag 'tshal lo/ /gnas pa mi
525b6 mnga' mkhyen pa yis/ /zhing rnams kun dang de bzhin du/ /sems can kun gyi spyod gzigs pa/ /mi rten khyod la phyag 'tshal lo/ /sangs rgyas rnams kyis
525b7 lan dga' yang / /sems dang chos kun gtan ma dmigs/ /chos rnams thams cad kun mkhyen pa/ /mi rten khyod la phyag 'tshal lo/ /chos kun sgyu ma lta bu
526a1 ste| |sgyu ma nyid kyang mchis ma lags/ /sgyu ma'i chos las rnam grol ba/ /mi rten khyod la phyag 'tshal lo/ /rdzogs sangs
526a2 'jig rten spyod mdzad kyang / /'jig rten chos la rten mi mdzad/ /'jig rten rnam rtog mi mnga' ba/ /mi rten khyod la phyag 'tshal lo/ /stong phyir stong la spyod
526a3 mdzad cing / /khyod nyid stong zhing spyod yul stong / /stong pa stong par ston mdzad pa/ /mi rten khyod la phyag 'tshal lo/ /sgyu ma lta bu'i ting 'dzin dang / /rdzu
526a4 'phrul chen pos rnam 'phrul zhing / /tha dad ma mchis snyoms zhugs pa/ /mi rten khyod la phyag 'tshal lo/ /du ma ma lags gcig ma lags/ /ring dang
526a5 nye la mi 'jug cing / /gdeg dang gzhag pa mi mnga' ba/ /mi rten khyod la phyag 'tshal lo/ /rdo rje lta bu'i ting 'dzin gyis/ /skad cig gcig la mngon sangs
526a6 rgyas| |dngos ma mchis par mnyam bzhag pa/ /mi rten khyod la phyag 'tshal lo/ /'dren pa dus rnams thams cad du/ /mi g.yo mya ngan 'das pa rtogs/ /
526a7 sna tshogs thabs dang ldan pa po/ /mi rten khyod la phyag 'tshal lo/ /sems can rnams kyi brgyud pa'i thabs/ /mkhyen pas mkhas par gyur pa lags/ /de phyir
526b1 mi g.yo mya ngan 'das/ /mi rten khyod la phyag 'tshal lo/ /mtshan ma mi mnga' lhun gyis grub/ /spros pa mi mnga' skyon mi mnga'/ /snang med bdag gi mi mnga' ba/ /
526b2 mi rten khyod la phyag 'tshal lo/ /rnam rtog mi mnga' skyon mi mnga'/ /bdag gis bdag nyid ji bzhin par/ /kun tu mkhyen pa thams cad mkhyen/ /mi rten
526b3 khyod la phyag 'tshal lo/ /stobs bcu chu bo rgal ba khyod la phyag 'tshal lo/ /'jigs bral 'jigs med stsol ba khyod la phyag 'tshal lo/ /ma 'dres chos
526b4 rnams nges par thugs su chud gyur pa/ /'gro ba kun gyi 'dren pa khyod la phyag 'tshal lo/ /kun sbyor 'ching ba bcad pa khyod la phyag 'tshal lo/ /pha rol
526b5 byon te thang la zhugs pa khyod la phyag 'tshal lo/ /skye bo ngal pa'i rnam 'dren khyod la phyag 'tshal lo/ /'khor bar gshegs shing mi gnas pa la phyag 'tshal
526b6 lo| |'gro ba thams cad dag na sems can rnams dang ni/ /thabs cig bzhugs kyang thugs yid rab dben pa/ /ji ltar pad+ma chab kyis gos par mi 'gyur
526b7 zhing / /sangs rgyas thub pa khyod kyis stong nyid shin tu bsten/ /mtshan ma thams cad rnams pa kun tu rnam par bshig /khyod la gang yang smon par mdzad pa
527a1 mchis ma lags/ /ston pa'i go 'phang bla med dben pa nyid lags te/ /dmigs pa med chu bo rgal ba khyod la phyag 'tshal
527a2 lo| |sangs rgyas mthu chen bsam gyis khyab ba ma lags te/ /mi gnas nam mkha' mnyam pa nyid la phyag 'tshal lo/ /yon tan kun gyi mchog mnga'
527a3 khyod la phyag 'tshal lo/ /dpal 'phags lhun po 'dra ba khyod la phyag 'tshal lo/ /de nas bcom ldan 'das kyis 'jam dpal gzhon nur gyur pa la
527a4 legs so/ /zhes bya ba byin te/ 'jam dpal/ legs so/ /legs so|/'jam dpal/ khyod kyis legs par smras so/ /'jam dpal/ de
527a5 de bzhin te/ 'jam dpal/ sangs rgyas rnams ni/ gzugs las blta bar mi bya ste/ chos las ma yin/ mtshan ma las ma yin/ chos kyi
527a6 dbyings las kyang ma yin no/ /sangs rgyas rnams ni/ nyag gcig bzhugs pa ma yin/ skye bo mang po'i nang na bzhugs pa ma yin no/ /sangs rgyas rnams
527a7 ni| sus kyang mthong ba ma yin/ thos pa ma yin/ mchod pa ma yin te/ mchod par byed pa'ang ma yin no/ /sangs rgyas rnams ni/ chos 'ga' yang
527b1 gcig pa nyid dam/ mang po nyid du mi mdzad pa yin no/ /sangs rgyas rnams kyi byang chub brnyes pa med do/ /sangs rgyas rnams ni/ chos gang gis kyang rab tu
527b2 'byed par mi byed do/ /sangs rgyas rnams kyis ni/ chos 'ga' yang ma gzigs/ ma gsan/ ma dgongs/ rnam par mi mkhyen/ kun tu mi mkhyen to/ /sangs
527b3 rgyas rnams kyis ni/ ma gsungs/ ma brjod do/ /sangs rgyas rnams kyis ni/ mi gsung / mi brjod do/ /sangs rgyas rnams ni/ gsung bar mi 'gyur/
527b4 brjod par mi 'gyur ro/ /sangs rgyas rnams ni/ mngon par rdzogs par 'tshang rgya bar mi mdzad do/ /sangs rgyas rnams kyis ni /chos gang yang mngon par rdzogs par
527b5 'tshang ma rgyas so/ /sangs rgyas rnams ni/ nyon mongs pa ma spangs so/ /sangs rgyas rnams kyis ni/ rnam par byang ba mngon sum du ma mdzad do/ /sangs rgyas
527b6 rnams kyis ni/ chos gang yang ma gzigs/ /ma gsan/ ma myangs/ ma ma nams/ ma reg /mi mkhyen to/ /de ci'i phyir zhe na/ 'jam dpal/
527b7 chos thams cad ni/ gzod ma nas yongs su dag pa yin pa'i phyir ro/ /'jam dpal/ byang chub sems dpa' chos kyi rnam grangs 'di la mos pa gang la la
528a1 zhig gis stong gsum gyi stong chen po'i 'jig rten gyi khams kyi rdul phra rab kyi rdul snyed kyi sems can rang rgyal ba nyid la bkod pa bas
528a2 ni| 'jam dpal/ byang chub sems dpa' gzhan gang zhig chos kyi rnam grangs 'di la mos par gyur na/ de ni/ de bas ches bsod nams mang du skyed par
528a3 gyur na| gang chos kyi rnam grangs 'di yi ger 'bri'am/ yi ger 'brir 'jug pa lta smos kyang ci dgos te/ de ni/ de bas ches bsod nams mang du bskyed
528a4 par 'gyur ro/ /'jam dpal/ yongs su brtag pa nye bar bzung na/ stong gsum gyi stong chen po'i 'jig rten gyi khams na sems can sgo nga las skyes pa
528a5 dang / mngal nas skyes pa dang / drod gsher las skyes pa dang / rdzus te skyes pa dang / gzugs can dang / gzugs med pa dang / 'du shes can dang /
528a6 'du shes med pa dang / rkang pa med pa dang / rkang gnyis pa dang / rkang bzhi pa dang / rkang mang gang ji snyed yod pa de dag thams cad snga phyi med par mi'i lus
528a7 thob par gyur la/ mi'i lus thob nas kyang byang chub tu sems bskyed par gyur la/ byang chub tu sems bskyed nas kyang byang chub sems dpa' re res kyang sangs
528b1 rgyas byang chub sems dpa' dang bcas/ nyan thos dang bcas pa sangs rgyas kyi zhing gang+gA'i bye ma ltar grangs med pa'i rdul phra rab kyi rdul snyed dag la bskal pa gang+gA'i
528b2 bye ma ltar grangs med pa snyed du na bza' dang / zhal zas dang / gzims cha dang / gdan dang / snyun gyi gsos sman dang / yo byang rnams kyis bsnyen bkur
528b3 byed cing / bde ba'i yo byad thams cad kyang nye bar sgrub par byed la/ de dag yongs su mya ngan las 'das pa'i mchod rten rin po che las byas pa'i 'phang du
528b4 dpag tshad brgya yod pa/ rin po che'i lan kan gyis yongs su bskor ba/ nor bu dang / mu tig dang / rin po che'i chun pos mdzes par byas pa/ gdugs dang /
528b5 rgyal mtshan dang / ba dan sgreng ba/ nor bu rin po che dbang gi rgyal po'i dra bas kun nas g.yogs pa sha stag kyang byed du bcug pa bas ni/ 'jam dpal/ byang
528b6 chub sems dpa' bsam pa phun sum tshogs pa gzhan gang zhig gis sangs rgyas thams cad kyi yul la 'jug pa ye shes snang ba'i rgyan zhes bya ba'i chos kyi
528b7 rnam grangs 'di thos nas mos par byed/ 'jug par byed/ yid ches par byed cing / yongs su rtogs par byas nas kyang tha na tshig bzhi pa'i tshigs su
529a1 bcad pa gcig tsam zhig lung 'bogs par byed na/ de ni/ de bas ches sangs rgyas kyi ye shes rjes su rtogs par 'gyur ba'i
529a2 bsod nams grangs med pa bskyed par 'gyur te/ bsod nams mngon par 'du byed pa de la byang chub sems dpa' de dag gi sbyin pa las byung ba'i bsod nams
529a3 mngon par 'du bya ba snga ma des ni/ brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang / grangs
529a4 dang / cha dang / bgrang ba dang / dpe dang / rgyur yang nye bar mi 'gro'o/ /'jam dpal/ byang chub sems dpa' khyim pa gang la la zhig gis sangs
529a5 rgyas dang byang chub sems dpa' dang bcas pa/ nyan thos kyi dge 'dun dang bcas pa gang+gA'i bye ma ltar grangs med pa snyed cig la bskal pa gang+gA'i bye ma ltar grangs
529a6 med pa snyed du na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byed pa bas ni/ byang chub
529a7 sems dpa' rab tu byung ba tshul khrims dang ldan pa/ bsam pa phun sum tshogs pa gzhan gang gis tha na dud 'gro'i skye gnas su skyes pa'i sems can la
529b1 sbyin pa khams gcig tsam zhig phyin par gyur na/ bsod nams mngon par 'du bya ba de la bsod nams mngon par 'du bya ba snga ma des brgya'i char yang nye bar mi
529b2 'gro'o| |stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi
529b3 'gro'o| |'jam dpal/ gal te byang chub sems dpa' rab tu byung ba tshul khrims dang ldan pa stong gsum gyi stong chen po'i rdul phra rab kyi rdul snyed dag las
529b4 byang chub sems dpa' re res kyang phyogs bcu'i sangs rgyas byang chub sems dpa' dang bcas/ nyan thos dang bcas pa gang+gA'i bye ma ltar grangs med pa snyed dag
529b5 la bskal pa gang+gA'i bye ma ltar grangs med pa snyed du na bza' dang / zhal zas dang / gzims cha dang / gdan dang / snyun gyi gsos sman dang / yo byad
529b6 rnams kyis bsnyen bkur byed par gyur na/ byang chub sems dpa' de dag gi sbyin pa las byung ba'i bsod nams mngon par 'du bya ba gang yin pa de la ni/ byang
529b7 chub sems dpa' khyim pa'am/ rab tu byung ba bsam pa dag pa/ tshul khrims dang ldan pa gzhan gang zhig gis chos kyi rnam grangs 'di thos nas mos par
530a1 par byed/ 'jug par byed/ yid ches par byed/ yi ger 'bri bar byed/ yi ger 'brir 'jug par byed na/ bsod nams
530a2 mngon par 'du bya ba de la byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi
530a3 'gro'o| |stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o//
530a4 'jam dpal/ gal te byang chub sems dpa' sems dpa' chen po zhig gis stong gsum gyi stong chen po'i 'jig rten gyi khams rin po che sna bdun gyis yongs
530a5 su bkang ste sangs rgyas rnams la dbul bar 'bul zhing / de ltar 'bul bas bskal pa stong gsum gyi stong chen po'i 'jig rten gyi khams kyi rdul phra rab kyi
530a6 rdul snyed du 'bul bar phul ba bas ni/ byang chub sems dpa' gzhan gang zhig gi chos kyi rnam grangs 'di las tha na tshig bzhi pa'i tshigs su bcad pa
530a7 gcig tsam zhig byang chub sems dpa' gzhan la bstan par gyur na/ bsod nams mngon par 'du ba de la bsod nams mngon par 'du bya ba snga ma des ni/
530b1 brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang
530b2 nye bar mi 'gro'o/ /'jam dpal/ bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du sbyin pa'i bsod nams mngon par 'du
530b3 bya ba lta zhog gi /'jam dpal/ gal te byang chub sems dpa' gang+gA'i bye ma ltar grangs med pa snyed cig byung bar gyur la/ de dag las byang chub sems dpa'
530b4 re res kyang sangs rgyas kyi zhing dzam+bu chu bo'i gser las byas pa/ shing ljon pa thams cad kyang lha'i gos rnams kyis yongs su dkris pa/ nor bu rin po che 'od thams
530b5 cad yang dag par 'dus pa'i dra bas kun nas g.yogs pa/ nor bu rin po che dbang gi rgyal po las byas pa'i khang pa brtsegs pa/ nor bu rin po che glog gi sgron ma'i
530b6 lan kan gyis yongs su bskor ba dag gis yongs su gang bar byas pa/ gdugs dang / rgyal mtshan dang / ba dan bsgreng ba/ gang+gA'i bye ma ltar grangs med pa ji snyed cig
530b7 sangs rgyas gang+gA'i bye ma ltar grangs med pa snyed dag la nyin gcig bzhin du dbul bar 'bul zhing / de ltar phul bas bskal pa gang+gA'i bye ma ltar grangs med pa
531a1 snyed du 'bul bar phul ba bas ni/ byang chub sems dpa' gzhan gang zhig gis chos kyi rnam grangs 'di la mos par byas nas chos kyi rnam
531a2 grangs 'di las tha na tshig bzhi pa'i tshigs su bcad pa gcig tsam zhig byang chub sems dpa' gzhan la bstan tam/ 'jug par byas na/ bsod nams mngon
531a3 par 'du bya ba de la byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o/ /stong
531a4 gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /'jam dpal/
531a5 'di lta ste/ dper na/ khams gsum du gtogs pa'i sems can thams cad sems can dmyal ba dang / dud 'gro dang / yi dwags dang / gshin rje'i
531a6 'jig rten du skyes par gyur la/ de nas byang chub sems dpa'i khyim pa zhig gis sems can de dag thams cad sems can dmyal ba dang / dud 'gro dang /
531a7 yi dwags dang / gshin rje'i 'jig rten nas bton te rang sangs rgyas nyid la bkod pa bas ni/ byang chub sems dpa' rab tu byung ba gzhan gang zhig gis tha
531b1 na dud 'gro'i skye gnas su skyes pa'i sems can la sbyin pa kham gcig tsam zhig byin par gyur na/ de ni/ de bas ches bsod nams mang ba dang / ches bsod nams
531b2 grangs med pa bskyed par 'gyur ro/ /'jam dpal/ gal te byang chub sems dpa' rab tu byung ba sangs rgyas kyi zhing bcu'i rdul phra rab kyi rdul snyed cig byung bar
531b3 gyur la| de dag las byang chub sems dpa' re res kyang phyogs bcu'i phyogs cha re rer sangs rgyas bcom ldan 'das sangs rgyas kyi zhing brjod du med pa bye ba khrag khrig
531b4 'bum phrag bcu'i rdul phra rab kyi rdul snyed dag mthong bar gyur cing / de bzhin gshegs pa byang chub sems dpa' dang bcas/ nyan thos dang bcas pa re re la'ang
531b5 bskal pa sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du na bza' dang / zhal zas dang / gzims cha dang / gdan
531b6 dang / snyun gyi gsos sman dang / yo byad rnams kyis kyang bsnyen bkur byed la/ de bzhin gshegs pa re re la'ang nyin gcig bzhin du 'jig rten gyi khams sangs
531b7 rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed dag nor bu rin po che dbang gi rgyal pos yongs su bkang ste dbul bar phul ba bas
532a1 na| byang chub sems dpa' chos kyi rnam grangs 'di la mos par gyur pa gzhan zhig gis tha na dud 'gro'i skye gnas su skyes pa'i
532a2 sems can la sbyin pa kham gcig tsam zhig byin par gyur na/ bsod nams mngon par 'du bya ba de la byang chub sems dpa' de dag gi sbyin pa las byung
532a3 ba'i bsod nams mngon par 'du bya ba snga ma des ni/ brgya'i char yang nye bar mi 'gro'o/ /stong gi cha dang / 'bum gyi cha dang / bye ba phrag 'bum gyi cha
532a4 dang / grangs dang / cha dang / bgrang ba dang / dpe dang / rgyur yang nye bar mi 'gro'o/ /de ci'i phyir zhe na/ 'jam dpal/ 'di lta ste/ chos kyi rnam
532a5 grangs 'di thos pa ni/ byang chub sems dpa' phyir mi ldog pa rnams kyi phyag rgya yin pa'i phyir ro/ /'jam dpal/ gal te byang chub sems dpa' la
532a6 la zhig gis phyogs bcu'i 'jig rten gyi khams kyi sems can thams cad dad pa'i rjes su 'brang ba nyid la bkod pa bas ni/ byang chub sems dpa'
532a7 gzhan gang zhig gis sems can gcig cig don gyi rjes su 'brang ba nyid la bkod par gyur na/ de ni/ de bas ches bsod nams grangs med pa bskyed par
532b1 'gyur ro/ /'jam dpal/ gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad don gyi rjes su 'brang
532b2 ba nyid la bkod pa bas ni/ byang chub sems dpa' gzhan gang zhig gis sems can gcig cig chos kyi rjes su 'brang ba nyid la bkod par gyur na/ de ni/ de
532b3 bas ches bsod nams grangs med pa bskyed par 'gyur ro/ /'jam dpal/ gal te byang chub sems dpa' la la zhig gis phyogs bcu'i 'jig rten gyi khams
532b4 kyi sems can thams cad chos kyi rjes su 'brang ba nyid la bkod pa bas ni/ byang chub sems dpa' gzhan gang zhig gis sems can gcig cig rgyun du zhugs
532b5 pa'i 'bras bu la bkod par gyur na/ de ni/ de bas ches bsod nams grangs med pa bskyed par 'gyur ro/ /'jam dpal/ gal te byang chub sems dpa' la
532b6 la zhig gis phyogs bcu'i 'jig rten gyi khams kyi sems can thams cad rgyun du zhugs pa'i 'bras bu la bkod pa bas ni/ byang chub sems dpa' gzhan gang
532b7 zhig gis sems can gcig cig lan gcig phyir 'ong ba'i 'bras bu la bkod par gyur pa de ni/ de bas ches bsod nams grangs med pa bskyed par 'gyur ro/ /
533a1 'jam dpal/ gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad lan
533a2 gcig phyir 'ong ba'i 'bras bu la bkod pa bas ni/ byang chub sems dpa' gzhan gang zhig gis sems can gcig cig phyir mi 'ong ba'i 'bras bu la bkod par
533a3 gyur na| de ni/ de bas ches bsod nams grangs med pa bskyed par 'gyur ro/ /'jam dpal/ gal te byang chub sems dpa' la la zhig gis phyogs
533a4 bcu'i 'jig rten gyi khams kyi sems can thams cad phyir mi 'ong ba'i 'bras bu la bkod pa bas ni/ byang chub sems dpa' gzhan gang zhig gis sems
533a5 can gcig cig dgra bcom pa nyid la bkod par gyur na/ de ni/ de bas ches bsod nams grangs med pa bskyed par 'gyur ro/ /'jam dpal/ gal te
533a6 byang chub sems dpa' la la zhig gis phyogs bcu'i 'jig rten gyi khams kyi sems can thams cad dgra bcom pa nyid la bkod pa bas ni/ byang chub sems
533a7 dpa' gzhan gang zhig gis sems can gcig cig rang sangs rgyas nyid la bkod par gyur na/ de ni/ de bas ches bsod nams grangs med pa bskyed par 'gyur
533b1 ro| |'jam dpal/ gal te byang chub sems dpa' gang la la zhig gis phyogs bcu'i 'jig rten gyi khams kyi sems can thams cad rang sangs rgyas nyid la bkod pa
533b2 bas ni| byang chub sems dpa' gzhan gang zhig gis sems can gcig cig byang chub kyi sems la bkod par gyur na/ de ni/ de bas ches bsod nams grangs
533b3 med pa bskyed par 'gyur ro/ /'jam dpal/ gal te byang chub sems dpa' la la zhig gis phyogs bcu'i 'jig rten gyi khams kyi sems can thams cad byang
533b4 chub kyi sems la bkod pa bas ni/ byang chub sems dpa' gzhan gang zhig gis sems can gcig cig phyir mi ldog pa nyid la bkod par gyur na/ de ni/ de
533b5 bas ches bsod nams grangs med pa bskyed par 'gyur ro/ /'jam dpal/ gal te byang chub sems dpa' la la zhig gis phyogs bcu'i 'jig rten gyi khams
533b6 kyi sems can thams cad phyir mi ldog pa nyid la bkod pa bas ni/ byang chub sems dpa' gzhan gang zhig gis chos kyi rnam grangs 'di la mos shing yi ger 'brir
533b7 bcug nas gzhan dag la rgya cher yang dag par ston pa dang / tha na sems can gcig cig chos kyi rnam grangs 'di la 'jug par byas na/ de ni/ de bas ches
534a1 bsod nams grangs med pa bskyed par 'gyur ro/ /de nas de'i tshe bcom ldan 'das kyis tshigs su bcad pa 'di dag bka' stsal
534a2 to| |byang chub sems dpa' gang zhig zad pa'i dus mtha'i tshe/ /sangs rgyas bye ba phrag bcu'i dam chos 'dzin pa bas/ /gang zhig mdo sde 'di ni nyan par byed gyur
534a3 na| |de ni de bas bsod nams chen po khyad par 'phags/ /gang zhig rdzu 'phrul stobs kyis phyogs bcur song nas ni/ /sangs rgyas bye ba phrag bcu dag la mchod
534a4 byed cing / /snying rje bskyed de bde ba kun la chags med par/ /skyes bu dam pa thams cad phyag 'tshal btsud pa bas/ /gang zhig bder gshegs bstan la sems
534a5 rab dad gyur cing / /rgyal ba'i chos rnams smon par byed pa'i mdo sde 'di/ /gzhan la yud tsam gcig cig ston par byed gyur na/ /de ni de bas bsod nams
534a6 'bras bu khyad par 'phags/ /bde gshegs bstan pa'i mdo sde sgron mar gyur pa 'di/ /gang gis lha dang mi la yang dag bstan/ /byas pa de ni shes rab rno zhing
534a7 mthu chen ldan gyur la/ /sangs rgyas rnams kyis yang myur du 'thob par 'gyur/ /gang gis bde gshegs sangs rgyas mi mchog de dag ni/ /phung po lhag ma med
534b1 par yongs su mya ngan las/ /'das par gyur ba dag gi de 'dra'i sgra thos nas/ /sems can gzhan la'ang yang dag sgrog par byed gyur cing / /mchod rten gnam 'phang mtho
534b2 ba srid rtse'i mthar thug pa/ /khyon dang ldan par gyur pa'ang srid rtse ji bzhin pa/ /rin chen mdzes pas spras shing gdugs dang ba dan dang / /de bzhin dril sgras mdzes par byed
534b3 du gcig gyur pas/ /'di na byang chub sems dpa' gang zhig 'di 'dra ba'i/ /mdo sde 'di thos lus la gnas par 'gyur ba'am/ /glegs bam bri ba byas te gzhag par
534b4 byed 'dod na/ /de ni de yi bsod nams 'bras bu khyad par 'phags/ /ser sna'i dri ma bsal bar gyur cing 'jigs med pa'i/ /byang chub sems dpa' gang zhig chos 'di
534b5 'dzin byed na/ /de yi bsod nams dpag tu yod par mi 'gyur te/ /ji ltar 'dod pa bzhin du byang chub thob par 'gyur/ /mdo 'di bde bar gshegs pa rnams kyis rab
534b6 bsngags shing / /byang chub sems dpa' mang pos yongs su bzung ba yin/ /de bzhin gshegs pa rnams kyi sku lus nam mkha' yi/ /khams dang 'dra ba thams cad 'dir ni
534b7 bstan pa yin/ /bcom ldan 'das kyis de skad ces bka' stsal nas byang chub sems dpa' sems dpa' chen po 'jam dpal gzhon nur gyur pa dang / byang chub sems
535a1 dpa' dang / nyan thos chen po grangs med pa bsam gyis mi khyab brjod du med pa dag dang / lha dang / mi dang / lha ma yin dang / nam
535a2 mkha' lding dang / dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ /'phags pa sangs rgyas thams cad kyi
535a3 yul la 'jug pa ye shes snang ba'i rgyan ces bya ba theg pa chen po'i mdo rdzogs so// //rgya gar gyi mkhan po su ren+d+ra bo d+hi dang / zhu chen gyi lo tsA
535a4 ba ban+d+he ye shes sde la sogs pas bsgyur cing zhus te gtan la phab pa/ zhus dag/ //
CLOSE WINDOW