84b1 rgya gar skad du/ nA ga kA la mA ra nA ma/ bod skad du/ klu nag po bsad pa'i man ngag ces bya ba/ klu rigs kyi bdag po la phyag 'tshal lo// gtad khram kun gyi mthar thug klu'i dug mda' ro ma
84b2 khram 'debs zhes bya ba man ngag gi rtog pa'o// gtad pa'i cho ga gang dang gang la yang/ dang po klu la klu gtor gtang zhing zhi bas brid la bsten// thab gzhob khon dang mi gtsang pa la 'dzem// gnas ni byang
84b3 dang byang shar gnas mchog klu rnams de ru bya// klu yi dug can dag la gsang sngags mi gdab ste// ma nyes bgrang zhing mna' dang brtsigs la gzem// gnam khram nag po gshed kyi las kyi klu dang klu yi rigs
84b4 brtag bya// de ni dus tshod mtshon cha 'dra bar shes par bya// klu rje klu btsan bya khyung ga ru dang// rta mgrin rgyal po yid la gsal bar bya// sa yis bdag lto 'phye brtsib gces// bsgrub pa phyi nang gsang ba gang
84b5 byed kyang// gnyen po bsgrub dang klu bsgrub gtad dang gsum// gnyen po 'jam dpal bya khyung yin par bshad// sgrub pa nag po mgo dgu yin pa ste// bsad pa gang yin 'khor lo thun gyis bya// gtad pa nag
84b6 po mgo dgu nyid la gtad/khram ni gza' gshed nag pos khram la btab/ khram ni yam shud dmar po srog bdag nag po dang// 'gong po na gu btsan gyi shu bo dang// gdol pa nag po ma mo'i khram la
85a1 gdab// dregs pa drug ni gnad gcod pa yi khram// 'phrin las khram 'debs drug pos mi 'chor ba yi gnad// bse byang khram gyis bla srog gnas pa'i khram// 'di ni khram kha zhes su klu yis
85a2 bshad/khams lnga 'byung ba'i bsad khram mi rigs lnga// gang la yang ste gtad khram byed dus su// brgya brgya tsam mam stong gis 'grub par 'gyur// gang yin rtog par grags pa'i skabs 'di rnams/ kha skong ba
85a3 yi le'u 'di rnams gsang// 'phyo dang 'dra ste spu gri yin pas gces// rin chen ri rab lte ba klu bdag gnas// phyogs bzhi klu yi rgyal po rigs bzhi ste// re re la yang lnga lnga yin pas na// klu yi rigs dang dus
85a4 ni gces pa bshad// gang yin bsgrub pa'i dus tshe klu yi gzugs// bsgrub rdzas gang yin de la gur gyis dbub// tha ma sbrul brgyad dag gis 'khor bar bya// 'di dag byin 'bebs dgra bo 'gugs shing gnas
85a5 byed de// mi 'chor ba yi khram chan yin// sgrub dang gtad pa gang byed dus kyi tshe// srang dang srang sgo bya ra sa dang ni// lkugs sa dag tu rim bzhin 'chi bdag khrems pa gces// a ti ho ma go ru ka mtshangs pa klu
85a6 gnas gter/ro ma khram 'debs man ngag gi skabs te dang po'o//// gtad khram kun gyi ti ka nag po mgo dgu pa// bsgrub dang klu bsgrub gtad dang gsum// rtsa sngags bzlas shing khrag rjes gcad par
85b1 bya// gnas ni byang phyogs kha bltas pa'o// 'og phyogs brag phug byang ngam nub bltas pa'i// drung na shing gnas pa da nags tshal lo// der ni gnyen po bsgrub pa'i las bya ste// klu bsgrub dus nyid gnas der
85b2 rab tu shis// thog mar rnal 'byor dbang phyugs gdeng ldan pas// stong pa'i don nyid sngon du bya ba gces// snying rje nam mkha'i sa bon hUM// mthing nag ha la ha la'i 'od zer 'phro// de yi khyad par mngon par
85b3 shar ba ni// e yaM baM su laM raM bruM rnams so// de las gyur pa'i sbrul nag gzhal yas ni// sbrul nag 'khyil ba'i khang pa la// rigs bzhi klu yi gung phyam byas// sbrul dang sbal pa gcal du dgram// dmangs
85b4 rigs klu yis dral phyam byas// me ri smug nag 'bar ba la// gdol pa nag po gdan du bting// oM pha sha ga du bruM las grub// de nas klu dag bskyed pa 'di'o// oM nag po ti pa tsa ya nA ga rak+Sha phe phan nu pa
85b5 lag sha hUM/oM nag po ti pa tsa ya nA ga rag sha phe phan nu pa lag hUM/ oM nag po ti pa tsa ya nA ga rag rba du tsa b+h+yo/ ru hUM/ yab yum sras bcas bskyed pa'i sngags// klu'i lus su grub bo// de nas bsgrub pa'i snying
85b6 po 'di'o// oM nag po ti pa tsa ya nA ga rag sha ti ku la phe shan phos phos shig shigs chum chum hu ya hu ya/ klu nag po mgo dgu pa srog la mA ra ya dzaHdzaH de la grub pa'i rtags kyang 'byung// nag po gnas pa'i
86a1 sa phyogs nas/kham pa nag po'i sa blangs la// klu nag sbrul gyi gzugs byas la/ kha nas me 'bar mig nas dmar// der ni gnas kyi maN+Dal dbus// bse byang dmar nag de dag la// ming
86a2 byang bris la ru gzhug/bse byang g.yam pa'am dgra gzugs la// snying khar seng ldeng phur bu gdab// sogs pa'i sna phyogs gcig tu ni// sbrul nag kha ru gzhug par bya// de ni rdo phugs dag tu gzhug/ rab tu
86a3 dgra yi pha mas mgo/de 'og rje dpon rabs chad mgo/ yang na bu sring nal ma'i mgo/ tha mar rabs chad mon gyi mgo/ ling ga dang bcas bsad pa dang// thun gyi las kun rdogs par mnan// dur khrod ro yi
86a4 g.yam pa la// 'khor lo rtsibs brgyad bris la mnan// de nas chu mig dong byed na// rgyal rigs shar na rab tu gnas// mi yi mgo gshed klu yin pas// dong mig shar du bstan pa la// me tog ut+pal pad+ma
86a5 can// bdud rtsi chu dang spos drir ldan// de ni nang gi spra rtags yin// phyi rol sa dkar snum bag can// mi mgon rgyal po de na gnas// de la gtad khram bya ba min// lho na bram ze klu gnas te// chu mig gdong
86a6 bltas lho ru'o// chu mig ser la 'o ma kha// de ni nang gi pra brtags yin// phyi rim sa ser snum bag can// de na bram ze lkug pa gnas// nub phyogs rje'u rigs klu gnas te// chu mig kha ni nub nas
86b1 bltas// chu mdog kha ni dmar ser kha// de ni nang gi spra rtags yin// phyi rol sa ni snum bag can// de ni rje'u rigs lkug pa'i gnas// byang phyogs dmangs rigs gnas pa'i sa// chu mig kha ni byang du
86b2 bltas// chu mdog nag po dri mi zhim// rdo dreg nag la nya lcibs mang// phyi rol sa ni snum bag can// de na dmangs rigs nag po gnas// chu mig chu mthar ma shor ba// klu bdud lkug pa de na gnas// de la
86b3 gtad na las myur ro/kha dog sna tshogs gnas pa ni// chu mig kha ni gang bltas kyang// dong mig gsum du 'dug pa la// chu mda' gcig tu 'dus pa la// sna tshogs pa yi lkug pa gnas// sa phyogs 'ja' tshon
86b4 sna lngar gnas// chu gtsang rtsa chu'i ro mdog bro// chu mig lu ma 'khyil ba na// gos sngon pra mo'i rigs kyang gnas// brag na mdor dang ba tsha can// de na klu btsan sngo nag yod// chu mig dong gi khar song la// nA
86b5 ga 'du ba'i ya stags dang// sbrul dang sbal pa'i du ba gtang// klu nag po bsgrub pa dang chu mig dong dbye ba'i skabs te gnyis pa'o//// klu'i bdag po la 'phrin las bcol ba// hUM/ bdud kyi bdud cig
86b6 'chi bdag klu yi bdud// 'gro ba mi yi bdud du khyod las lhag pa med// sngags pa dag gis gdungs shing bos pa'i tshe// skad ni nges par 'brug tu sgrogs// bang ni nges par glog pas mgyogs// 'chi bdag
87a1 nag po mgo dgu pa// lus la sngo dmar 'od zer 'phro// spyan mig dmar po khrag tu 'khyil ba la// mdze dang shu ba'i 'od zer 'phro// zhal nas me yi 'khor lo 'khyil// sngon dmAr mdze dang shu'i
87a2 nad rlangs 'thon// che ge mo la mdze nad dang lhog pa thong// nag po ti pa tsa ya/ na ga dgra bo kro d+hi shwa rI a shan rbad/ pu shud rbad/ ku rag sha rbad/ ti pa tsa pa tsa kha yan hUM sha nan/ dgra bo mA ra ya dzaH khyod
87a3 kyi thugs kyi dkyil 'khor nas// sngon dmar nad kyi char pa 'bebs// klu bdud stong ni thugs kyi sprul par 'gyed// che ge mo la mdze dang lhog pa thong// nag po ti pa tsa ti tsu ta ra tsu ta ru/ na ga klu shag/ che ge
87a4 mo la mA ra ya/sa bdag stong ni sku yi g.yas nas rgyug/ klu bdud klu skams stong ni g.yon nas rgyug/ klu btsan klu srin stong ni sku yi pho nyar 'gyed// che ge mo la mdze dang lhog pa thong// nag po ti pa tsa ti tsi ra tsi
87a5 ra tsa ra pa ru shan/che ge mo mA ra ya yaM/ klu bdud nag po khyod kyi yum// klu mo nag mo spyan gcig ma// bud med lus la sbrul gyi mjug ma can// 'ja' tshon sna lnga'i 'od zer lus la 'phro// g.yas na nad kyi
87a6 rkyal ba thogs// g.yon na mtshon gyi gru gu 'thul// klu dang sa bdag sprul par 'gyed// che ge mo la mdze dang lhog pa thong// nag po ti pa tsa u phug sha rbad/ nag po sha ba ti de 'dra pa ti rbad/ bA ru na phe shan nA
87b1 ga phas ye/e kraM phe shan hUM nan/ phe laM shag shig nir yan dgra bo ma ra ya dzaH nyes par byed pa'i sdig can 'di// gtad do 'chi bdag nyid la gtad// nag po mgo dgu'i lag tu gtad// klu bdud nag po'i
87b2 lag tu gtad// klu bdud lag nas 'chor mi srid// klu mo nag mo'i lag tu gtad// nag mo spyan gcig lag tu gtad// ya mA ra dza'i zas su gtad// gshin rje nag po'i lag tu gtad// bskal pa brgya khri
87b3 bzlas pa na// gshin rje nag po chos 'chad kyis// bu smad 'khor dang zhing du bcas// gshin rje rgyal po'i lag tu gtad// dbang po sna lnga yon du phul// 'di nas bskal pa dus mtha' nas// byang chub sems
87b4 ni ma skyes phar// gtan du thar pa med par gyis// ces pas gtad pa'i las bya'o// bskul ba dang gtad pa'i skabs te gsum pa'o//// de nas thun zor 'phang/ gtad rjes bcad pa khrag yin no// rbad
87b5 pa'i sngags 'dis bya ba yin// nA ga rA dza ku ra b+h+yo// nA ga rA dza khyug khyug b+h+yo// gnyen po bya khyung nyid yin no/ khyab bdag thugs khar gsal bar bya// dung gi lus la g.yu yi gshog/ gser gyi mgo la lcags
87b6 kyi mchu// rdo rje las grub sdair mo can// snying gi dkyil du las bya zhing// bzlas brjod byas na gdon mi za// chang rjes brgya dang chang phud dang// sbal lcong nya sha ched du dgos// chu la gnas pa'i srog chags
88a1 rnams// ji snyed pa dag dgos par bshad// gtor ma sngags 'dis dbul ba yin// oM badzra bad ti ga ru Da nA ga sa ra ya ma sa na/ mahA rag ta/ tsit+ta ba su ta ma hA go ro tsa na/ nA ga mA ra ya/ pany+tsa
88a2 a mr-i ta/kha kha khA hi mahA ba ling ta/ pu tsa sa ma ya/ kha raM kha hi/ ha ha hi hi/ nA ga hUM hUM phaT swAhA/ gnyan po mchod pa'i skabs te bzhi pa'o//// snying po 'dis ni rang lus bsrung// oM pa khri swAhA/ oM badzra ba ti
88a3 ga ru Da be ge hUM hUM dzA dza/nA ga rA dza sri dzA/ hUM hUM phaT phaT/ a pa ra sa ra sa ra sha pa ra pa ra ya/ hri tra ya/ kro d+ha ya/ ban tra ya/ pra na tsa ra/ su mu ru nA ga tsa ra tsa ya swAhA/ tad+ya thA/ oM ba gi tsi ta shu li shu li/ sha sha
88a4 shu shu/ti ti bi bi ti/ nA ga hu yu/ hu ya hu ya/ hu ri ti swAhA/ tad+yathA/ oM tsad ta tsad ta/ tsi t-i tsi t-i/ shan ta shan ta/ sarba ra nA ga tsi ti swAhA/ rang lus bsrung ba skabs te lnga pa'o//// de ltar gnyen po las
88a5 byas nas// de nas klu bdag bsgrub pa yin// sbrul dang sbal pa'i du ba gtang// gdug pa'i yang snying ched du bsgrub// nag po grub pa'i rtags byung nas// gtad pa'i cho ga bshad pa ni// dang po brnag pa'i cho ga
88a6 yin// thod pa sha med dag par bkru// lag pa mi reg gos kyis gril// shin tu shis pa'i bya spu la// se byang zhes su bshad pa yin// bse byang dkar nag drung du bstan/ khrag gi cho ga 'di dag yin// smyug ma
88b1 klu yi dug yin pas// de yis nam du bya ba min// tsan dan dkar dmar smyug gus bri// sbyin gsum klu yi dug yin pas// des ni nam du'ang bya ba min// ra dkar ba dkar 'o mas bya// snag tsha klu yi dug yin
88b2 pas// mtshal chen cog las bri bar bya// ke le ke le che ge hUM hUM/ nA ga le nA ga le che ge hUM hUM/ tum pa le tum pa le hUM/ hUM ya hUM ya hUM ya/ pra tsa le pra tsa le hUM/ du ru du ru hUM hUM/ yaM me yaM me hUM/ pra be sha ya pra be sha
88b3 ya hUM/du ra li du ra li hUM/ pu ra pu ra hUM hUM/ na ma le na ma le pra tsa le hUM/ bse byang rgyu gsum rnam grang drug/ dkar dmar snon po re re ste// nag po zhes ni rab tu bshad// mon dang mdze po rab chad
88b4 gsum// yang na mgo can dag la rdzogs// bse bya hUM rnams a mu ga/ khram zhes bya ba de dag yin// bse byang med na shog shog ni// nag po klu yi dug yin pas// dar dkar gro ga ka ri ka/ de dag la ni bri
88b5 bar bya// bse byang khram kha bca' ba'i skabs te drug pa'o//// mi rigs lnga pa lnga gling bya// yang na khams lnga brtsis byas la// so sor bshad pa gtad pa yin// sa khams khrams la gdab pa ni// chu mig
88b6 byang du bltas pa yi// sngo nas 'dom do bzhi bcal te// bu ru nag por ming rus dag/ spyi gtsar gtam la sngags 'dis gtad// nri mA ra dgra snying dmar po la/ du ya ni du ya ni/ du baM ha ri hri du ya me/ rag ta
89a1 tshal pa du snying du ra du/ma ya ma rA dza/ nA ga le nA ga le/ dgra bo yi snying du ya ni// du baM/ ba du hUM phaT/ ces ni gdab cing mnan par bya// sa khams khram la gdab pa'i skabs te bdun
89a2 pa'o//// shing khams khram la gdab pa ni// byang du bltas pa'i chu mig nas// de nas 'dom gang gcal ba ru/ ba ru dmar po'i ling ga gzhug/ spyi gtsar bcug la sngags 'dis gtad// oM ya hUM ya/ na ga
89a3 le nA ga le/ra du baM sa ku ma la/ ga ha ya ni/ du kra baM du/ du pa ya ni/ ra du baM pa kra hA ya ni/ du ya du kra ya ni/ ru lu baM du/ du pa ya ni/ tshig tu 'di dag brjod par bya// na mo dkon mchog gsum la phyag
89a4 'tshal lo// klu 'jog po'i rigs rnams kyi dgra bo 'di'i snying nas drongs shig/ nA ga rA dza sa ma ya/ ni rag sha ni la gra ha ya du/ baM ni baM ba ni/ san tsa ya/ me nan/ baM du/ pra ya nan/ mA ra rag sha/ me san tsa
89a5 ya ni/a lo baM pa kra swAhA/ zhes brjod la gtad do// shing khams khram la dbab pa'i skabs te brgyad pa'o//// lcags khams gtad pa'i las bya na// chu mig byang bltas khar phyin te// 'dom bzhi phyir
89a6 'gyed sa ru gtad// hi mi le be be be du kra ya/ khra ra nA ga ya/ ha ra na ga ya gsan tsa ni/ rag ta baM pa/ ya tra ta ya ni/ mA ra ya/ du pa li paM ba ya/ du ling san tsa ya/ ni lu ya/ ya mA ra ya/ e ma ni ra du dza/ pha
89b1 mes mgo rabs yang na bstod// de la ngan sngags sbyor ba brdeg/ ni san tsa ya/ ma rag ta/ du ling snying ma ra ya/ du baM ba sha snying mA ra ya/ ku ma rag+ta me dzA dza/ lcags khams khram la gdab pa'i skabs te dgu
89b2 pa'o//// me khams gtad pa'i las bya na// chu mig kha ni lhor bltas pa'i// gon nas 'dom gsum gcal bar gtad// thod pa med na bse byang la// ming dang rus su bcas pa gtad// dkon mchog
89b3 gsum la phyag 'tshal nas// ngan sngags 'di dag brdeg par bya// mA ra ya ni du ya ni mA ra ya ni/ du ya ni mA ra ya du kra/ mA ra ya sa snying/ ma ma rag ta b+h+yo/ nA ga le nA ga le/ du ya du ya/ hu ya hu ya/ ti hu ya/
89b4 pha mes thod pa yang na khyi// de na ni ngan sngags brdeg par bya/ e e ri shi shi/ mang sa san tsa ya/ ni rag sha ta ya snying du ya kra ha ya ni/ du ya san tsa ya/ zhes pas brdeg par bya ba yin// me khams khram
89b5 la gdab pa'i skabs te bcu pa'o//// chu khams gtad pa'i las bya na// chu mig phyogs bcur bltas pa ru// gnya' nas 'dom gang gcal ba ru// dkon mchog gsum la phyag 'tshal la// ngan sngags 'di
89b6 dag brdeg par bya// nA ga le ru tra hUM ya ni/ ru tra hu ya du ra ya srog la/ phyin ci ma log srog gi lung// dam nyams snying phyung zhal du gsol// mA hA rag ta du ya ni/ ya du kra ha ya ni san sa ya du nan/ chu yi
90a1 khams kyis mgo bo skyon// bar du glang gi mgo bcug la// bdud kyi sngags kyi gdab bar bya// rag ta ni san tsa ya/ ma ma daM daM du/ li san dza/ chu khams khram la gdab pa'i skabs te bcu gcig
90a2 pa'o//// 'phrin las khams ni shing bu la/ khram dkar khram nag dang po ste/ khram dmar khram nag gnyis pa'o/ khram sngon khram nag gsum pa yin// mgo can nyid la rdzogs kyang rab// hUM badzra ni du du du ni du
90a3 ni du shi khraM khraM khraM shi/mA ra ya dung du/ rdo rje khram 'debs ma'o// ru ka ni du du du ne du ne khraM khraM shi mA ra ya dung du/ drang srong khram 'debs ma'o// hu ya ni du du du ne du ne khraM khraM shi mA ra ya dung du/ gshin rje'i khram
90a4 'debs ma'o// rag sha ni ya dung du du du ne du ne khraM khraM shi mA ra ya/ srin mo khraM 'debs ma'o// nA ga ni dung du du ne du ne khraM khraM shi mA ra ya dung du/ klu'i khram 'debs ma'o// ri'i ni dung du du ne du ne khraM khraM shi mA ra
90a5 ya dung du/ma mo khram 'debs ma'o// 'di dag ni khram shing re re la'o// 'phrin las kyi bdag mo drug gis khram la gdab pa'i skabs te bcu gnyis pa'o//// sa bdag lto 'phye nag po ste// nyi ma 'dun 'gro'i
90a6 rim pa bzhin// rgyab kyi g.yas su 'khor bar bshad// sa bdag lho 'phye skyes bu yi// lto bar gtad na thams cad 'grub// 'og ma dang po bskos pa na// pha dang bu dang chung ma 'chi// rgyab tu bskos na bdag
90b1 nyid 'chi// yul 'khor 'chor bar 'gyur ba ni// mjug mar bskod na nor rnams 'bri// skor ba byed pa g.yas su bskor/ khung pur rin chen rtsi sman blugs// de rjes gtad rdzas bcug la gtad// lto 'phye khram
90b2 gyi skabs te bcu gsum pa'o//// sa ma ya/ bsad khram nag po bdud kyi las// drag po'i stegs bu chen po las// gang yin gzugs ming bris bcug nas// gnas nas dgug cing bstim par bya// yang na d
90b3 am shing dmar nag la// srog bdag nag po bsgoms shing bsad// sgrol ging chen por rab bsgoms shing// drag po stobs kyis bsad pa 'di'o// tsaM tsaM khung khung/ dril dril/ ru lu dzA/ 'jug rtuM thum nag
90b4 pur+Na dzA/tsang tsang phyung phyung skya re dzA/ rag sha 'bru khri/ smra byed tsakra dzA/ kha thuM 'bru sna dzA/ kha rang lang sa dzA/ ma tang nag po dza/ kA la yak+Sha dzA/ drag bsngags brgyad pa bsad pa'i sngags// mA ra ya zhes grags pa'i
90b5 yin// ma lus sgrol la the tsom med// des ni myur du ma sod na// gdug pa'i rdzas rnams ma lus pa// yang snying nag pos bsad pa yin// spur a shag sha thun snying rjes gzung/ lcags sgrog nag po sod/ rnam
90b6 mthongs nag po rdib/me reng skya bos sod/ sprin lam dmar po phyi/ rag sha nag po dza/ yang nag po stibs/ sha 'drol dung ting dzA/ khyi 'drol pu tra b+h+yo/ zhes pas brdeg cing bsad pa yin// de nas ro yi thal
91a1 ba'am// drag po sha dang sa bsres te// zhe sdang drag po'i sbyor ba yis// mdun du khung ba er byas te// rgyal sol ka las gdab pa yin// dregs pa'i shing bu brtsigs pa la// dug gi shing gi me
91a2 spar te// de nas sngags pa sha sna gsum// gzugs dang bsdebs te ngan sngags brdeg/ des ni myur du bsod pa yin// bstab pa bya na 'di lta ste// gru gsum zhal du rab bsams la// me ri kha dog sna tshogs
91a3 'phro/de ni 'khor dang bdag nyid kyis// stob par byas te sngags 'di'o// badzra yag sha kha raM kha hi/ du ni du ti khA hi/ yag sha nag po khA hi/ sha 'drol ra hu la khA hi/ khyi 'drol ra hu la khA hi/ 'dzin po pu tra khA hi/
91a4 ldom po chang khyung khA hi/ rag sha rag sha khA hi/ ru tra ru tra khA hi/ go ro tsa nA khA hi/ sha rgyud snying rgyud kha hi/ dbang po rnam lnga khA hi/ des ni bstab pa rdzogs dang mnan// bdud kyi bsad khram nag po'i skabs te
91a5 bcu bzhi pa'o//// nag po klu la gtad khram bya// mA ra ya mdze can gyi las// gsang ba yang snying na gu yi// sngon du mtsho sman bsgrub pa bya// chu gtor mang po sngon du gtang// bca' gzhi rdzogs par gyur ba
91a6 dang// gsang sngags 'di dag bzlas par bya// oM nA ga shu dum pa la/ nA ga ra dza sa ma ya 'dus 'dus/ klu rnams kun gyi snying zags nas// sprin bzhin 'dus par gyur pa yin// bdun 'bum nyi khri'i
91b1 grangs thim nas// klu yi bdag po dngos por 'grub// sbrul dang sbal pa maN+Dal khar// yang na rmi ba'i ltas su'o// dung phor ra dkar 'o ma blugs// sman dang 'bras dang sbrang rtsi dag/ cog pa'i khu ba blugs nas
91b2 ni// bskul ba gdol pa nag po bskul// kye rgyal mtsho chen po'i gting rum na// rigs bzhi klu rnams bzhugs pa ni// gzhan la mi g.yo mi 'bod kyis// nag po gdol pa can gyi rigs// gzhugs ni chab
91b3 mig dong la bzhugs// chibs su rus sbal nag po chibs// chu srin mgo dgu'i khri stengs na// nag po 'dzin shes gtong mi shes// sbrul nag stong gi zhags pa 'phen// gtad pa'i dgra bo'i yan lag
91b4 chings// g.yo ba med pa'i nad rnams ni// tshor ba med pa'i snying la gtong// snying nad 'bar ba'i nad kyang gtong// slar 'tsho bya ba ming yang med// tsi dzi dza la'i mnga' bdag mdzad/ khyod kyi thugs dam dus la
91b5 bab// bcol ba'i las rnams grub par mdzod// e h+ya hi na ma sa ma ti nA ga ru pa dz+wa la dz+wa la swAhA/ spyan drangs par ni rig par bya/ oM a la la ho/ nA ga rA dza pu tsa ya pu tsa ya nA ga bus pa hriM hriM swAhA/ mchod pa
91b6 dbul ba'o// bsad pa rdzogs dang gtad pa ni// byang bltas chu mig rdo nag can// rta 'bag can der nyi ma med// der ni zla ba'i nyi ma la// gtad pa'i las dag bya ba yin// des kyang rtags mi phyin pa na// gra
92a1 ma skyer par 'om bu'i hom// 'o ma sbrang rtsi khrag dang lce pog bsreg/ klu gnas sa ru bya ba shis// nA ga rA dza sa ma ya/ snying khrag la thun mugs mugs dam dam dzA dzAH drags na rang la gnod par
92a2 bshad// chu mig khrag tu 'bab par 'gyur// gdol pa'i yang snying gtad khram gyi skabs te bco lnga pa'o//// bsad pa'i 'khor lo mthar thug pa// bdun pa gang yang grangs thim na// mnan pa'i las ni zhib
92a3 tu bya// dang por brtags te nub phyogs nas// drag po'i thod pa blangs nas su// drag sngags gdab ba'i ling ga gzhug/ tshon skud bra lag bcings nas su// rkang pa sbrul nag sgrog tu gzhug/ tha mar wa thod drag
92a4 sngags bri// rkang mthil g.yas g.yon sbal pa'i khar// srad bu nag pos bcing bar bya// rigs bzhi gnas su gtad par bya// rgyal po dag la gtad// de bzhin gzhan yang shes par bya// rus phran rnams ni
92a5 dmangs rigs la// chu mig kha dog phyogs kyis brtag/ 'phrin las rnam bzhis gzir bar bya// man ngag spyi'i bcings 'di dag go/ gnas dang dus so bskos pa gsum// rdzas dang 'phrin las gsang sngags
92a6 gsum// rgyud dang khungs su sbyar bar bya// don gyi man ngag 'di rnams so// klu gzugs rus sbal 'drab bri// phyi rol rim bzhi sngags kyis bskor// a nan tan phuH da ga sha ka pe/ mtha' yas 'jog po kar
92b1 ko ta// ba su gi dang stobs kyi rgyu// nor rgyas dung skyong ba ru ste// pho nag po nag po srog la ya/ tha tha bur bur/ dgra bo mthar brlag/ drung bur drung bur/ dgra bo gyen sha stam pa ya/ mtha' yas dgra bo rtsa ba
92b2 bdun rgyud la ya/klu yi dmod pa nag po yin/ gu ru pad+ma 'byung gnas kyis klu'i dmod pa bsdebs pa'i skabs te bcu drug pa'o//// dgra gzugs bri zhing bca' ba ni/ kha mig yon por dod par bya// lag
92b3 pa brang la zha bar bya// g.yas dang g.yon na sbrul gyis 'khyud// sbrul mgo spyi bor gzugs par bya// bu ram ka ra 'dam bu dang// mngar skyur ro rnams thams cad la// bad kar ra dkar 'o mas sbyar// dgra
92b4 bo'i ming rus gzugs la byug/klu dang dgra gzugs lto sbyar la// tshon skud sna lngas byang du gzhug/ gong ma'i sngags dang bcings pa'i sngags// mgo bor tsher mi 'phur pas gdab// phur pa ke re slar mi
92b5 'byung// rigs bzhi gnas pa'i sa ru ni/ khru gang brkos ba'i sa ru bya// klu gtor dri dang ldan pa bsngo// sngags dang bcol ba las bzhin bya// rgyun du phyogs der chu gtor btang// klu yi ming dang gzugs byas
92b6 la// dgra gzugs gong ma 'dra ba la// gong gi thabs dang las bzhin bya// mang pos byas na gdon mi za// hUM hUM ba ba ni ra dzA dzA yAM ya zhiM zhiM pra la sher sher thuM thuM sod sod/ ru lu sh+ta ga hUM phaT/ dgra bo la klu
93a1 nad thong/mdze thong/ yungs kar bsngags la gzugs la brdeg/ ka ma ka med brlag/ nag po ka med brlag/ rug pa ka med brlag/ gzir cing mnan par bya'o// dzaHhUM baM ho/ dgra bo 'di spra ta
93a2 ha chuM chuM/srog lus dbang po lnga chum chum/ klu rgyal gdug pa can gyis chum zhes bzlas te mnan nas// rdo rje rgya gram gyis gcad do// mnan pa'i skabs te bcu bdun pa'o//// de nas klu dgra la las byed
93a3 pa'i sngags 'di'o// gam 'dzin chen mos sta la long la sod cig/ lcags srin chen pos sta la long la sod cig/ gnugs srin chen pos sta la long la sod cig/ dgra bo 'di sta la long la sod cig/ ku ru sod
93a4 la la sod/yang ku sod/ pu ti sod/ chin ka ra sod/ kha T+wAM ga gur sha na ya phaT/ dgra bo'i srog lus rol bar mdzod// de nas klu la gtad do// zla ba nya gsum la chu gtor phyogs su gtang ngo// sra bru ba'i
93a5 sngags ni/oM mar mer thabs thibs gnam sa sdod phye/ zhes pas brkos la 'khor los mnan/ 'gong po sna med yan pa'i skabs te bco brgyad pa'o//// 'dzam gling klu rnams thams cad kun// dbang du
93a6 bsdu na gang gis bsdu// zil gyis mnan na gang gis mnan// las la na gzud na gang gis gzud// dbang du rta mgrin rgyal pos bsdus// zil gyis bya khyung ga rus mnan// las la klu mo nag mos
93b1 gzud// mnan pa dang gnas bsgag pa'i gsang sngags so// oM laM hUM laM staM pa rag+sha nan/ tad+yathA/ ha ti ka ti/ ku mu lu ku mu lu/ shwa shwa shu shu ti ti bi ri hu yu hu yu/ hu hu dzi ti ti dzA swAhA/ klu la gnas bsgag pa'i
93b2 skabs te bcu dgu pa'o//// brnag pa'i dgra la las bya na// sbrul gzugs 'jigs pa byas nas ni// dar dkar gro ga shing lpags la// nag po klu yi snying po dang// dgra bo'i ming rus spel te bri// pha
93b3 mes thod par sbrul gzugs dang// ling gar bcas pa der brub la// klu nag yod par grags par mnan// nA ga bre ni nA ga bre ni/ nA ga nan rA dza ha ha hUM phaT phaT/ gsang sngags de dag bzlas bya zhing// klu la
93b4 gtad pa'i las kyang bya// gal te dur du sbas ba na// rtsa ba dgu brgyud gcod par byed// nA ga la gtad pa'i skabs te nyi shu pa'o//// gnam khram nag po gshed chen 'dis// rigs lnga gtan la nges par
93b5 'bebs// lo dang zla ba zhag dang dus// phyogs dang brtags te 'byung ba bdun// nges par gtan la phebs na thebs// 'gor dang 'gyangs la ldog pas na// dus 'di mtshon cha rnon po 'dra// des na gnam
93b6 khram shes par bya// gnam khram gyi don gyi skabs te nyer gcig pa'o//// shar na rgyal po wa gdong can// de yi lo yang rgyal po ste// zla ba yang ni rgyal po yin// zhag kyang rgyal rigs yin pas na// dus tshod
94a1 rgyal rigs yin par bshad// phyogs ni shar phyogs rgyal po'i rigs// rtags kyang rgyal rigs kho na ste// 'byung ba sprin yang rgyal rigs so// rgyal po rgyal rigs rje'u rigs dang// bram ze
94a2 dmangs dang gdol pa ste// rgyal rigs nyi shu rtsa lnga yin// rgyal po wa gdong khram gyi skabs te nyer gnyis pa'o//// bram ze rgyal po bong gdong can// de yi lo yang bram ze ste// zla ba yang ni bram ze
94a3 yin// zhag kyang bram ze yin pas na// dus tshod bram ze yin par bshad// phyogs ni lho na bram ze gnas// rtags kyang bram ze kho na ste// 'byung ba sprin yang bram ze'o// bram ze rgyal po rje'u bram ze// dmangs
94a4 dang gdol ba de bzhin te// bram ze nyi shu rtsa lnga yin// bram ze bod gdong gi gnam khram gyi skabs te nyer gsum pa'o//// rje'u rigs rgyal po khyi gdong can// de yi lo yang rje'u rigs te// zla ba yang ni rje'u
94a5 rigs so// zhag kyang rje rigs yin pas na// dus tshod dag kyang rje'u rigs so// phyogs ni nub na rje'u rigs gnas// rtags kyang rje'u rigs kho na ste// 'byung ba sprin kyang rje'u rigs yin// rje'u rigs rgyal
94a6 po bram ze dang// dmangs dang gdol pa la sogs pa// rje'u rigs nyi nyu rtsa lnga yin// rgyal po khyi gdong gi khram gyi skabs te nyer bzhi pa'o//// dmangs rigs rgyal po bya rog gdong// de yi lo ni dmangs
94b1 rigs te// zla ba yang ni dmangs rigs so// zhag ni dmangs rigs yin pas na// dus tshod dag kyang dmangs rigs so// phyogs dang rtags ni dmangs kyi rigs// 'byung ba sprin yang dmangs rigs
94b2 yin// dmangs rigs rgyal po rje dang ni// bram ze gdol pa nyi shu lnga// dmangs rigs zhes su gsungs pa yin// bya rogs gdong gi khram bstan pa'i skabs te nyer lnga ba'o//// gdol pa 'dzin shes gtong
94b3 mi shes// de yi lo yang gdol pa ste// zla ba yang ni gdol pa yin// zhag kyang gdol pa yin pas na// dus tshod kyang ni gdol pa'o// phyogs dang 'byung ba rtags dang ni// gdol pa nyi shu rtsa lnga yin// nag po
94b4 gdol ba'i khram gyi skabs te nyer drug pa'o//// sprul pa rigs lnga'i klu bdag 'di// gshin rje ya ma rwa dza shar// lho na myos byed 'bar ba gnas// nub na ar+ya ma ru'o// byang na ral pa tshar dgu yin// byang
94b5 shar 'chi bdag nag po yin// klu yi rigs kyi bdag po ste// gshin rje zhes sam 'chi ba'i bdag/ gnam khram thams cad de yi phye// gshin rje'i skabs te nyer bdun pa'o//// de nas gsang ba'i ye shes
94b6 chen po shar ba ni// oM phe laM hUM/ sku'i 'bru bzhi pa'o// hUM khraM/ bri tsu/ thugs kyi 'bru bzhi ba'o// e baM khram tsu/ gsung gi 'bru bzhi pa'o// phaM khraM dz+wa ti/ yon tan gyi 'bru bzhi pa'o// bruM khraM kraM sruM/ 'phrin las kyi
95a1 'bru bzhi pa'o// phe laM tsu khraM/ brnag pa'i 'bru bzhi pa'o/ khroM ru kaM/ bya khyung gi 'bru bzhi pa'o/ khri pas khroM/ bya khyung gsum gi'o// ha pa khri khroM/ bya khyung thugs kyi'o// 'bru bzhi 'di dag ye shes lha
95a2 yi snying po yin// bris nas lus la btags na go char 'gyur// gser ram dngul lam rin chen baiDUr+Ya// sbrul shun la sogs de yi bra bar bshad// sa ma ya brnag pa na ra skan// brnag pa snying la dgongs pa
95a3 yi ge 'bru bzhi'i skabs te nyer brgyad pa'o//// gtad khram nag po gsang ba'i gzer// gti mug las gyur gdol pa gsum// gnyan ni nam mkha' dag la gnas// sa bdag ri dang sa gzhi la// klu ni chu la
95a4 gnas la yin// gnyan po chu dang shing la'ang gnas// chu mig lu mar 'dug pa las// gos sngon pra mo'i rigs dag gnas// chu mig chu ma shor ba la// gdug byed nag po lkug pa gnas// sa bdag nub
95a5 bltas chu mig na// nA ga nag po bram ze gnas// nub byang bltas pa'i chu mig na// btsan dang bram ze mo'i rigs gnas// byang shar bltas pa'i chu mig na// dmangs rigs nag po gnas pa yin// lho na klu ni
95a6 ser po gnas// sa gzhi nag po sbrul can na// nag po mgo dgu gnas pa yin// sa dmar snum bag can dag na// dmar po lkug pa zhes pa gnas// ser po snum bag can de na// bram ze lkug pa bya ba
95b1 gnas// brag sna 'dor dang ba tsha can// ro skams mtshe na klu btsan gnas// chu mig gdong ni mig yin no// 'dom do pa ni snying khar 'dod// gsum pa lte ba yin par bshad// dong nas 'dom gang kha yin
95b2 no// chu mig brtag pa'i skabs te nyer dgu pa'o//// sa phyogs dben pa gnod sbyin gnas// gza' sbyang chen po bsgrub par bya// 'bras chen rtsi sman 'o ma dang// til dang ra khrag rtsi tas mchod// srog gi
95b3 snying po 'di dag go/oM pa shi ma gi tu tu ma ti ki dza la te sa ma ya dzA dzA/ rtags rnams byung nas gsung pa tsam/ khyab 'jug chen po kun tu rgyug/ 'jigs byed chen po sprul pa ni// lus po gcig la mgo bo
95b4 dgu/mgo lus thams cad mig gis khengs// sku mdog brjid pa'i smug nag la// phyag g.yas chu srin zhags pa thogs// g.yon pa sbrul gyi zhags pa thogs// pha ni srin la ma ni klu// klu srin 'tshos ba'i rdzu
95b5 'phrul can// ming brgya po la mkhan stong po// dus tshod tshes grangs kun gyi bdag/ bar snang khams na gnas pa'i tshe// 'jig rten khams rnams 'khrug par byed// nyi ma zla ba zas su za// rgya mtsho'i gting na
95b6 gnas pa'i tshe// klu rgyal ma lus 'khrug cing bkrag/ thog dang ser ba skar mda' stong// 'jigs byed rog ti mi bsgrungs pa// dam rdzas gtor ma 'bul lags kyis// sdang ba'i bgegs dang dgra bo la// glo
96a1 bur nad dang ki kang phob// de skad bskul la bsad pa brtsam// oM kha sha ba ri thun ril/ oM kha bra du ni lkugs// sna la se lang kri ti rmugs rbad ya/ gza'i khram shod btang ba'i skabs te sum cu
96a2 pa'o//// de nas yam shud dmar po la// 'bru skyems bshos bus mchod// lug kyang brgyan du brtsal byas la// bshos bu ri rab 'dra bar brtag/ haM shaM tri dam btsal tri rag ma sa ma ya dza dza/ des ni srog
96a3 bdag myur du 'ong// kye 'jig rten 'das dang ma 'das mtshams shed nas// bdud dang gshin rje de na gnas// gzhal yas dmar po'i bse mkhar nas// mi red dmar po mdung tsam cig/ chibs su bya khyung
96a4 smug po chibs// phyag na rgyal mtshan ru mtshon 'phyar// sprul pa mi dmar rta dmar 'gyed// mngag gzhug 'gong po dpun dgu 'gyed// sgrol ging chen por dam bcas pa// 'bru'i gtor ma chang dang ni// dam
96a5 rdzas spyan gzigs sna tshogs 'bul// gsol lo yam shud dmar po mchod// tri kha thun b+h+yo/ tri kha thun b+h+yo/ mA ra ya thig thig b+h+yo/ zhes pas rbad pa'i las bya'o// srog bdag dmar bos bsad pa'i skabs te so
96a6 gcig pa'o//// gtad khram gsang ba'i las cig la// thod chen nang du ming rus gzhug/ thal 'dag dag gis kha gcad la// drag po'i sngags 'di gdab par bya// sha la rnga mo chum/ sha la rnga mo thun/ sha la
96b1 rnga mo nan/de yi dmod pa 'di yin no// sdig can khyod kyis ci ma byas// ri rab chen po'i 'og tu gzhug/ 'khor lo chen po'i rtsibs la bskyon// rgya mtsho chen po'i gting du bskyur// ces brjod la mnan pa
96b2 bya'o// klu'i dmod pa nag po skabs te so gnyis pa'o//// yang ni gtad khram las dag la// thod par ming rus bcug pa la/ khrag dang sol phyes sngags 'di gdab// s+t+waM na ga po sod/ mA ra ya trim sod mA ra
96b3 ya triM yaM sod// tsakra du rbad/ tsakra du tri rbad/ tsakra du tri sod/ sha la rngam mo chum/ sha la rnga mo nan/ glang dmar thod pa'am thod chen mnan/ klu mgo nag po'i skabs te so gsum pa'o//// oM ta ki tsa kyi shu mu
96b4 la/sha sha shu shu ti he ba re hu lu hu lu swAhA/ klu'i rgyal po bya khyung ga ru'i gsang sngags kyi skabs te so bzhi pa'o//// ro ma gtad kyi rgyud ces bya ba las kyi rim pa bstan pa/ dgos pa'i yi ge bstan pa rin po
96b5 che'i bsrungs ma/gsang ba'i don bstan pa klu'i rgyal po gsang ba'i lung/ rgya gar gyi mkhas pa ka ma la shrI la dang/ pad+ma 'byung gnas kyis tshangs pa klu khang du gtams pa rdzogs so//// le'u grangs sum cu
96b6 rtsa bzhi pa/mkhas pas brtags te sdeb par bya'o// 'di bas dkon pa'i yig sna med pa yin////


CLOSE WINDOW