CLOSE WINDOW

Gpb053.003
བོད་ཡིག

sa ma ya/ sa ta ma ta tha ta/ rgya rgya rgya//// dkon mchog gsum la phyag 'tshal lo// de nas bcom ldan 'das klu'i rgyal po sog ma med kyi gnas na/gnod sbyin gyi sde dpon chen po lag na rdo rje gos sngon po can dang/ 'khor mang po dang thabs gcig tu bzhugs so// de nas bcom ldan 'das de bzhin gshegs pa shAkya thub pa klu'i rgyal po sog ma med kyi khang pa'i nang du gshegs nas mdzod pu'i bu ga nas 'od zer sna tshogs bkye ste/sog ma med kyi gnas 'od zer gyis sngon por mdzad cing/ bcom ldan 'das glang po che'i lta stangs kyis gzigs pa dang/klu yi rgyal po sog ma med kyis 'od zer gyi snang bar byas ba'ang mthong/ bcom ldan 'das klu chen po'i gzugs su bzhugs pa'ang mthong nas/ kye ma kye ma zhes skrag cing lus zhum ste/ ba spu gyen du bsgreng zhing lus 'dar nas/bcom ldan 'das kyi gzi byin ma bzod de/ khro gtum pas zil gyis non nas/ nga yi khyim du dgra gzhan 'ong pa 'di dag su zhig yin/ klu chen po dang stobs 'gyed bar nus pa 'di su zhig yin zhes byas nas/de nas klu'i rgyal po sog ma med khros nas 'khrugs par 'gyur/ khros pa'i gad mo'i sgra'ang phyung/ smin ma dpral bar bsdus/ bzhin 'gyur/ lce 'dril/ skra bgreng/ skrag par byed/lag na mtshon thogs te/ sgra chen po ca co'i sgra phyung nas 'jigs pa chen po glog 'bar ba 'byin zhing/ sprin nag chen po las bcom ldan 'das kyi thog tu gnam lcag dbab par 'dod do// glog gi tshogs kyang brdeg par 'dod do// de nas bcom ldan 'das kyis byams pa dang thugs rjes gzigs nas/ gsang ba'i bdag po lag na rdo rje la/ klu'i rgyal po sog ma med sdigs shig/ ces bka' bstsal to// de nas lag na rdo rjes bcom ldan 'das kyi bka' mnyan nas/ sogs ma med kyi khyim dang nye bar rdo rje gsor cing/ khro bo'i rgyal po 'di brjod cing gsungs so// na mo rat+na na tra ya yA/ na ma tsaN+Da badzra pA na ye/ma hA yak+Sha sen pa ta ye/ oM tsaN+Da be ga ba re b+ha sa ra sa ra b+hi re/ hu tu tu mu la/ sa ma yA bi re/ hu ru hu ru hUM/ tiSh+ta tiSh+ta/ b+hau ban nA' ga nad pra ha ra tu/ ma hA krA+o d+ha rA dzA/ spu ta spu ta/ bai re bai re/ sa ra sa ra/ sa man ta ru ti/ hUM phaT hUM phaT phaT swAhA/ rig pa'i rgyal po 'di brjod ma thag tu/ de nas khyim dang bcas te me lce 'bar ba gcig tu gyur to// de nas klu'i rgyal po sog ma med kyis gsang ba'i bdag po lag na rdo rje la 'di skad ces/kye phyag na rdo rje khyod nga dang stobs 'gyed bar ci yi phyir dbugs dang rngubs gcig gis bza' bar bya'o// khyod kyi srog 'phrog bar bya'o// zhes smras so// de nas gnod sbyin gyi ded dpon phyag na rdo rje khros 'khrugs nas zil gyis mnan nas/lus rab tu 'bar zhing khro bo'i gad mo 'byin/ mche ba gtsigs/ mig bgrad de klu yi rgyal po bka' stod cig/ ring po mi thogs par bstan par bya'o// stobs gang yin pa'i klu'i rgyal pos ltos cig/ rdo rje rab tu 'bar ba gsor zhing klu'i rgyal po de la rdeg par 'dod la/ bdag gi klu stobs dang bcas pa/ gzhon pa dang bcas par gzhom par bya'o// zhes smras pa dang/ bcom ldan 'das kyis 'di skad ces/ phyag na rdo rje khro bo'i dbang du ma 'gro bar/ phyag na rdo rje khyod kyis skrag par byas la klu'i rgyal po rnams la ma 'tshe zhig ces bka' stsal ba dang/de nas gnod sbyin gyi ded dpon chen po lag na rdo rjes/ rdo rje 'bar ba de gcig ri khyim la bsnun no// klu'i khyim de dag dum bur dum bur bcom nas/ rdo rje 'bar ba'i mi gces bya ba khro bo chen po'i sngags smras pas/oM pra dz+wa la sbo ta ya/ kyi rgya du b+ha ba nan/ hUM hUM hUM phaT phaT phaT swAhA/ de nas klu'i rgyal po de dang/ klu'i bu mo rnams shin tu 'khrugs cing gcer bur phyung/ 'phreng gtor nas 'bros par 'dod/ de nas klu'i rgyal po khros pa dang/ dgra thams cad 'joms par byed pa/ ma rungs pa'i klu rnams 'dul bar byed pa/ gtum po rnams phung bar byed pa'i cho ga brjod par bya'o// nyungs dkar dang/ ba'i lci ba dang/ram sa dang/ ba'i gcin dang sbyar la klu'i gzugs mgo bdun pa byas la/ li khris bskus te/ dkyil 'khor gru bzhir byas nas/ rkang pa gnyis kyis mnan te/ stong rtsa brgyad bzlas brjod byas la/dbyar gyi tshe na/ sad dang/ rlung dang/ ser ba 'babs pa rnams la ni spyi bor rdo rje bsnun na/ de'i tshe rlung dang/ ser ba dang/ sad mi bzad pa rnams dam tshig nyid kyis klu rnams 'bebs par mi byed cing/ji tsam du gzugs brnyan yod kyi bar du phyis kyang ser ba mi 'byung ngo// seng ldeng gyi phur pa sor brgyad kyi tshad la lan brgya rtsa brgyad bzlas brjod byas te/ lus dkyil du btab na/ sad dang/ rlung dang/ ser sprin thams cad bsdams par 'gyur ro// dus dus su klu rnams char pa'i rgyun 'bebs par byed do// gang tu klu yis lus kyi gzugs brnyan mthong ba der me tog dang/ lo ma dang/ 'bras bu la su'ang gnod par mi byed do// rnam par 'jig par mi byed do// gzugs brnyan de khyim na yod par mthong na'ang/ thams cad tshig ste 'phros bar 'gyur ro// 'on te dgra thams cad gzham par bya bar 'dod na sa bon bdun pa dang pu rtser bsres la/ske tshe'i sa bon dang bsres nas lan tshwa nag po dang bsres pa dang/ de yi ming gi gzugs brnyan byas te/ lan brgyad rtsa brgyad bzlas brjod byas nas ti tsa snying ba'i nang du gzhug go/gang gi ming bcug na de'i khon dang/ mi bsrun pa dang/ khro ba dang/ 'khrug pa de dag thams cad zhi bar 'gyur ro// dbang du gyur nas skyabs su 'ong bar 'gyur ro// bran bzhin du gyur te 'dug go/'on te bskrad par 'dod na/ hom gyi thal bas gtor na zhag bdun gyis bskrad par 'gyur ro// 'on te gsad par 'dod na/ seng ldeng gi phur bu sor brgyad kyi tshad byas pa la sngags brgya rtsa brgyad bzlas brjod byas pas// snying khar gtsugs te/ ri'i rtse mor gzhag na/ kong gi ming yin pa de ni zhag gsum gyis 'chi bar 'gyur ro// lha khang du btsugs na thams cad 'tshig par 'gyur ro// 'on te bskrad bar 'dod pa dang/grong gzhom par 'dod pa des/ lcags kyi phur bu tshad sor gnyis pa byas la/ rdo rje 'bar ba'i mig khros pa'i sngags kyis lan stong rtsa brgyad bzlas brjod byas te/ grong gi sgo'am/ rA dza gu li sgo'am/lha khang gi sgor btsugs na/ grong ngam grong khyer de dag tu btsugs ma thag tu dum bu lnga bcur 'bris shing rgyan der 'gyur ro// 'dis gnod pa 'byung ba thams cad la byas na smin par 'gyur ro// dur khrod du btsugs na/ gnod sbyin dang/ srin po dang/ 'byung po dang/ yi dwags dang/ gnod sbyin gyi khyim thams cad phye mar 'gyur zhing rnam par 'jig go/ klu yod pa'i mtshor btsugs na/ klu'i khyim thams cad phye mar rlog go/gzhan yang yid la ji ltar byas pa bzhin du las 'bum byed par 'gyur ro// de nas gnod sbyin gyi sde dpon chen po lag na rdo rjes/ klu'i rgyal po sog ma med la 'di skad ces/klu'i rgyal po khyed gar 'bros zhes smras pa dang/ de nas sog ma med khros par gyur te/ rdo rje cher dbab par 'dod de/ de nas gnod sbyin gyi sde dpon chen po lag na rdo rje yang khro bo'i rgyal po zhes bya ba'i snying po'i dkyil 'khor klu thams cad 'joms par byed pa bshad par 'dod nas/ma rungs pa thams cad sel bar byed/ dgra thams cad 'joms par byed pa/ rlung dang/ ser ba dang/ sprin nag po thams cad sel bar byed pa smras pa/na mo rat+na tra ya ya/ nam tsaN+Da badzra pa Na ye/ mahA yak+Sha se na pa ta ye/ tad+ya thA/ oM pra ku pa ta/ be ga d+ha ra/ sa ra sa ra/ mahA be ga he sa ra bi sa ra sa rA b+hi ra ka ra ka ra/ pra dza li te ma hA me ka/ man ta li/ pra ma hA pra tsan d+ha/ be ga d+ha ra/ ben na gen tra/ hUM hUM dun dun/ spu ta spu ta/ nA ga sha ri ran/ ha na ha na nA ga nan/ pra ha ra/ sarba shad krun ba ma na yA/ nA sha yA/ bi tra bi ba ya/ tra sa yA/ nA ga nan/ b+hA ba nan/ kaM pa ya/ hUM hUM phaT/ phu yu tan tu nA ga nA ga na ni/ hUM hUM phaT/ phu yu tan tu/ sarba sha truM/ hri da ya ni/ hUM hUM phaT/ be ge be ge/ be ga ba hi ni/ po ta ya hUM hUM phaT swAhA/ nA ga bi da ra na ya hUM hUM phaT phaT swAhA/so bshad dru pra ma tha na ya hUM phaT swAhA/ bi r-i bi r-i swAhA/ krod+ha nA sha ya phaT/ krod+ha b+hid+ha ha na ya phaT/ ro sha na ya phaT/ b+hid+ha ra na ya phaT/ ma ra na ya phaT/ ku la ud sa dan ka ra ya phaT/sarba du Shan+Ta nan phaT/ ba smi ka ra na ya hUM hUM phaT phaT/ gnod sbyin gyi ded dpon chen po lag na rdo rjes/ khro bo chen po'i dkyil 'khor klu rnams 'chi bas 'jigs par byed pa 'di dag thams cad kyi srog gzhom pa'i phyir bshad ma thag tu ri dang/brag dang/ tshal dang/ khyim dang/ skyed mos tshal dang bcas pa 'di dag rnam pa drug tu g.yos so// klu rnams kyang 'dar non te bsreg go/ de nas klu'i rgyal po sog ma med 'jigs skrag ste/khro ba dang bral nas/ snying stor lus 'dar nas/ lus la rngul byung nas/ snying nas ngo tsha ba dang bcas par gyur nas/ bcom ldan 'das kyi zhabs gnyis la spyi bos gtugs/ 'di skad ces bcom ldan 'das la bzod par gsol/bzod par gsol/ bdag gi srog mi gzhom du gsol/ gang dub dag gis gnod sems bgyid par ma 'tshal lo// bcom ldan 'das phyag na rdo rjes bshad pa ni/ khro bo chen po'i drag shul chen po'i gtum po drag po 'jigs par bgyid pa la gsan/ bcom ldan 'das de las bdag bskyab par gsol/ zhes gsol ba dang/ bcom ldan 'das kyi klu'i bdag po lag na rdo rje la bzod par gsol cig/klu'i rgyal po khyed sdug bsngal mang po 'byung bar mi 'gyur ro// zhes bka' stsal to// de nas gnod sbyin gyi sde dpon chen po lag na rdo rjes/ bcom ldan 'das la 'di skad ces/bcom ldan 'das kyi spyan sngar de na mchis sbyin du/ de bdag gi snying 'dul bar dka' zhing/ rdo rje mi bzad pa'i gnam lcags 'bebs/ ri'i char 'bebs/ lo tog rnams 'joms/ sad dang/ sprin dang/ rlung 'byung ba'i sprin dang/ glog 'bar ba gtong bar bgyid na/ bcom ldan 'das ma 'ongs pa phyi ma'i tshe/ sems can mi srun pa rnams kyi ched du me ma mur gyi char 'bebs par cis te mi bgyid/ de me 'bar ba dang/glog 'gyur ba gtong bar bgyid na/ ral gri dang/ gtun shing dang/ 'khor lo dang/ mda' mdung gi 'bebs par bgyid la/ bcom ldan 'das klu'i sgras kyang lo tog thams cad kyi bcud 'phrog par bgyid/sems can rnams kyi mdangs 'phrog par bgyid do// bcom ldan 'das de lta bu la bdag gis ji ltar dran pa tsam dang brjod pa thag tsam gyis klu rnams ky-i lus zhig par 'gyur zhing/ klu thams cad kyi snying 'gas par 'gyur ba dang/ lan bdun dran pa tsam gyis/ klu thams cad dum bu lnga bcur chad pa dang/ dum bu dum bur 'chad pa dang/ nga rgyal thams cad 'joms bar 'gyur pa dang/ de bzhin du ma rungs ba thams cad dang/phyir rgol pa thams cad dang/ dgra rnams rnam par 'jig par 'gyur ba dang/ rul bar 'gyur ba dang/ phung bar 'gyur ba dang/ myos par 'gyur ba'i las de lta bu brjod pa dang/de la bcom ldan 'das kyis ji ltar sems can bde ba thob par 'gyur ba de ltar de la byin gyis brlab tu gsol/ de nas gnod sbyin gyi ded dpon chen po lag na rdo rje la 'di skad ces bka' stsal to// phyag na rdo rje sog ma med dang/ klu thams cad kyi snying 'joms pa dang bcas par 'gyur ba dang/ klu thams cad 'dul bar byed pa 'di byin gyis brlabs zin gyis// dkyil 'khor gyi rtog pa klag pas grub pa'am/byas pas rig sngags brjod pa tsam gyis mod la las byed par 'gyur te/ tshes grangs dang sbyar ba med do// skar ma dang sbyar ba med do// snyung ba byas pa med par bshad do// las 'di la'ang bsgrub mi dgos so// de las byed pa na gtor ma'ang mi dgos kyi/ las byed pa na khro bo'i rgyal po brjod pa 'ba' zhig tu zad de/ legs par khrus byas gos gtsang mgon te/ las thams cad bya'o// de nas khro bo'i rgyal po'i cho ga ni/ral gri'am/ mtshon cha'am/ dbyug pa'am/ rdo rje'am/ ka ra bI ra'am/ se'u lcugs gam/ de bzhin du khro bo chen po'i sngags brgya rtsa brgyad bzlas brjod bya ste/ nas gtsang mar gzhag la/gang gi rlung dang ser ba sbrin las 'bab bar 'dod pa de'i tshe bskor ba byas nas/ gang du ser ba dbab pa'i phyogs de nyid du/ ser ba ltung bar mi 'gyur ro// dpag tshad kyi nang tshun chad du yid la byas na/yang gzhan du 'phro bar gyur na/ nye bar lta smos kyang ci dgos/ yang na sran chung gi sog ma zhib tu btags te/ tshags kyi nang du btsags te/ li khri dang bsres nas sbrang rtsi dang sbrus te/ klu mgo sbrul gyi gdeng kas bskor bas lus klu mgo bdun bzheng sor bcu drug pa/klu'i gzugs so sor bcu gnyis pa khang bu dang bcas par byas la/ khang bu'i dbus su bzhugs par bya'o/ khang bu ni gru bzhir byas te/grwa gcig tu klu'i rta gdong gzhag/ gnyis pa seng ge'i gdong gzhag/ gsum par ma ra ka'i gdong gzhag/ bzhi par nya'i gdong gzhag go/ dbus kyi klu'i rgyal po ni gser gyis gzhag go/ de nas sngags lan brgya rtsa brgyad bzlas brjod byas te/ji ltar 'dod pa'am/ ci sems pa bsam zhing/ me tog dang d+hu ba dang/ gtor ma bsam zhing dbul bar bya'o// nyungs kar la lan bdun bzlas brjod byas te/ klu'i steng du gtor ma thag tu/klu thams cad kyi 'dod dgu'i gtor ma chen po 'byung bar 'gyur te/ klu de dag kyang dga' ba rgyas par 'gyur ro// klu de dag thams cad char mi 'bab pa'i tshe/ 'dzam bu'i gling kun tu khyab par zhag bdun du 'bebs so// mchog tu dga' bas lo tog dang/ me tog dang/ 'bras bu dang/ lo ma dang/ nags tshal dang/ mgo lcogs dang/ sman rnams 'khrungs par byed/ snyed par byed do// ro zhim po dang/'jam po dang/ mdangs dang ldan par byed de/ de dag ni char mi 'bab pa'i tshe yin no// yang na klu rnams mi srun bsad dang/ ser ba dang/ rlung dang/ glog 'gyu ba gtong ba yod na/ rig pa 'dzin pa de thal ba dang/nyungs kar dang/ chu la lan nyi shu rtsa gcig bzlas brjod byas na/ khyim gyi nang kun tu mtshams gcad par bya'o// thal ba la lan bdun bzlas brjod byas te/ yid la bsam zhing spyi bor gtor ro// ji tsam 'dod par 'tshams gcad par bya'o// phyogs bzhir mtshams gcad par bya'o// 'og dang steng du yang gtor na yang mtshams chen po yang bcad pa yin/ de gnam lcags dang/ rdo'i char pa dang/glog 'gyu ba dang/ gtong bar 'dod na/ de dag kyang thigs cig gtong bar spro ba med cing/ phyis kyang sgra 'byin par nus so// de nas rig pa 'dzin pa nyungs kar ram chu la bzlas brjod byas te/ phyogs bcur gtor la khyim gyi steng du gtor bar byas na/ klu thams cad kyang bkrol bar 'gyur zhing kun kyang dbang du 'gyur/ bka' nyan cing 'dug par 'gyur ro// rig pa 'dzin pa khros pas hUM zhes brjod pa tsam gyis klu thams cad klad nad drag pos thebs shing/me 'bar ba lus kyi steng du 'bar bar 'gyur ro// gang gi thog dbab par 'dod na/ de'i tshe khyim dang bcas par rdo'i char chen po dbab par 'gyur ro/khang pa'i steng ngam ril ba'i lci bas maN+Dal gru bzhi pa byas la/ lan bdun bzlas brjod byas pa'i nyungs kar gyis khyab par gtor te/ de'i dbus su khyim gzhag la/ rlung 'chad pa byas nas/seng ldeng gyi phur bu la lan brgya rtsa brgyad bzlas la gru bzhir btsugs na/ phur bu ji srid ma phyung bar du rlung thams cad 'ching bar 'gyur ro// de ltar klu mi srun pa rnams chad gcad la/ mchog tu drag po'i khro bo'i rgyal po stobs po che ni/yid la ji ltar bya ba bzhin du las thams cad la sbyar ba bya'o// de nas khro bo chen po rdo rje khu tshur gyi snying po mi bzad pa/ drag po chen po dang ldan pa/ klu rnams kyis dam tshig smras pa/oM spu ta spu ta mahA krod+ha/ hUM sid+h-i sid+h-i sbo d+ha ya hUM phaT swAhA/ de nas phyag na rdo rjes khro bo chen po'i dam tshig chen po'i gzungs bshad ma dag tu/ klu'i rgyal po dang/ klu chen po dang brang gis 'gro ba'i klu dang/nya'i klu dang/ grul bum gyi klu dang/ sa srin gyi klu dang/ rlung 'byung ba'i klu dang/ sbal pa'i klu dang/ sha za la sogs pa'i klu de dag thams cad dang/ bram ze dang/ rgyal rigs dang/ rje'u rigs dang/ dmangs rigs dang/ gdol pa dang/ klu de dag thams cad khas bub tu bsgyel nas sdug bsngal chen po nyams su myong ngo// de nas phyogs bcu nas klu rnams rings par nye bar 'ongs nas/ de bzhin gshegs pa'i zhabs gnyis la phyag byas te/'di skad ces/ bcom ldan 'das phyag na rdo rjes sngags bshad pa ni mi bzad pa lags te/ 'byung po rnams kyi bzod par dka' ba/ 'chi ba'i dpag pa stobs chen po lags so zhes gsol to// sog ma med kyis 'di skad ces/ bcom ldan 'das la skyabs su gsol/ dam tshig la'ang klu rnams bu dang bcas/ gnyen dang bcas te gnas par bgyi'o// bdag cag bden pa la gnas par bgyi'o// phyag na rdo rje stobs po che mgon lags so// dpung dang bcas bzhon pa dang bcas te/ gsum la skyabs su mchi bar bgyi/ 'dir ma rtogs pa'i ri la gnas pa'i klu khye'u gtum po klu mang po rnams bstan pa'i nang nas dgra bgyid pa/bdag gis srog 'joms par bgyid pa de dgra bo de dag bsal du gsol/ bdag gi khyim la bskyab tu gsol/ gang dang gang na khro bo chen po'i snying po klu'i dkyil 'khor bzlog pa dang/dran pa dang/ ming tsam yang 'dzin pa mchis pa'i sgo nas kyang/ bdag cag klu rnams kyi stobs dang bcas bzhon pa dang bcas par gnas der gnod pa mi bgyid do// don la sems dpa' bzhin du bgyid lags kyis kyang/de dag thams cad dam tshig la gnas par bgyi'o// yongs su bskyab pa'i phyir kun tu dus dbab par bgyi'o// bcud gtang bar bgyi'o// thams cad du hUM zhes brjod pas zhi bar bya'o// bdag gis dam tshig bskyang bar bgyi'o// dam tshig can gang na gnas par yang sdig pa mi bgyi'o zhes gsol pa dang/ de nas bcom ldan 'das klu'i rgyal po sog ma med klu'i bdag po la 'di skad ces/klu'i bdag po dam tshig smras pa de bzhin du dam tshig srungs shig/ phyi ma'i tshe phyi ma'i dus na bcol ba 'di dag yin te/ 'dzam bu gling gi sems can thams cad bskyab par gyis shig/lo tog thams cad dang/ me tog thams cad dang/ 'bras bu dang/ lo ma dang/ 'dab ma dang/ sa dang/ mgo lcogs dang/ sman dang/ nags tshal thams cad yongs su bskyang bar gyis shig/ bsrung bar gyis shig/klu dag ngas rjes su gdams pa yin te/ 'dzam bu'i gling rin po che sna bdun gyi rang bzhin du bya ba yin gyi/ gzhan du ni ma byed cig/ ces bka' stsal pa dang/ de nas klu'i rgyal po sog ma med dang/klu'i rgyal po de dag thams cad kyis/ bcom ldan 'das kyi zhabs gnyis la gtugs te/ 'di skad ces gsol to// bcom ldan 'das ji ste tshig lngar gsol pa las gzhan du bgyid cing mi 'grub na/ bcom ldan 'das bdag cag phyogs bcu'i de bzhin gshegs pa thams cad la bslus bar gyur cig/ lus rul cing dring bar gyur cig/ dum bu lnga bcur zhig par gyur cig/ dam tshig nyams par gyur bas/ bdag bla na med pa yang dag par rdzogs pa'i byang chub tu mngon par rdzogs par sangs rgyas mi thob par gyur cig/ ji ste bdag cag khro bo'i rgyal po dam tshig las 'gal bar bgyid na/ ri la gnas pa'i klu gzhon nu gtum po ma gtogs par dgra thams cad 'joms par byed/klu mang po dang bdag mi mthun par gyur cig/ bcom ldan 'das ri la gnas pa'i gzhon nu gtum po la bdag gis sdom pa sbyin mi nus so zhes gsol to// bcom ldan 'das kyis klu yi bdag po chen po la legs so legs so// de bzhin du byos cig ces bka' stsal to// bcom ldan 'das gzhan yang khro bo'i rgyal po rtog pa 'di dang/ rig pa 'dzin pa ni ston pa mngon par mthong ba bzhin du blta'o// phyag na rdo rje stobs po che dang mnyam pa dang 'dra ba bdag gis ma mthong ma 'tshal to// de bzhin gshegs pa'i gzungs brjod pa rnams la bdag gi rna ba'i bu gas mnyan par bya'o// hUM zhes bya ba'i sgra brjod kyang/ bcom ldan 'das dang/ rig pa 'dzin pa la de ci bgyi zhes bya ba'i byed pa por 'gyur ba bgyi'o// bsgo ba bzhin du rjes su bsgrub par bgyi'o// bran gyi dngos por mchis par bgyi'o// mthong ba sbyin par bgyi'o// char dbab pa'am/ mi dbab pa'am/ char chung na ji ltar bsgo ba bzhin du bsgrub par bgyi'o/ khro bo'am/ zhi ba de'i tshe/bcom ldan 'das hUM zhes bgyi ba'i sgras 'tshal bar bgyis la/ bcom ldan 'das de bzhin du las bsgrub par bgyi'o// thams cad du las bsgrub par bgyi'o// thams cad du bklags pas 'grub pa/ bla na med pa'i dril bu'i sgra dang/rdo rje gsor bar bgyi'o// shin tu char ches na nyungs kar dang hom gyi thal ba la lan brgya rtsa brgyad du bzlas brjod byas te/ gnam du gtor na char gyi rgyun 'chad par 'gyur ro// ji ste myur du ma chad na klu thams cad 'on pa dang mdze can du 'gyur ro// thams cad du thogs pa med par las byed pa'i mchog tu 'grub pa dang/ khro bo'i rgyal po phyag na rdo rje dang/ de bzhin gshegs pas klu sog ma med kyis dam tshig byin gyis brlabs pa/rtog pa'i rgyal po zhes bya ba yin no// klu dang sa bdag thams cad kyi gnyen po rdzogs so//// rgya gar skad du/

CLOSE WINDOW