CLOSE WINDOW

Gpb052.020
བོད་ཡིག

nA ga rA dza pu ri tan tra ti tsi tsit+ta ya/ bod skad du/ klu'i rgyal po mchod rten gyi rgyud thugs yang dag pa/ dpal phyag na rdo rje la phyag 'tshal lo// 'di skad bdag gis thos pa'i dus gcig na/bcom ldan 'das thugs rje che la thabs mkhas pa de 'dzam bu'i gling du sems can gyi don mdzad nas/ shar phyogs gangs kyi ri bo chen po la byin gyis brlabs pa'i gzhal yas khang/ rin po che sna bzhi las grub pa/me tog sna tshogs dang/ bdug spos sna tshogs dang/ rgyan sna tshogs kyis brgyan pa/ bkra shis pa'i bya sna tshogs kyis sgra sgrog pa'i gzhal yas khang de na/ sems can thams cad la tshad med pa khyab pa'i ting nge 'dzin la snyoms par zhugs te/de yang sems can thams cad kyi don la brtson pa'i phyir/ byang chub sems dpa' spyan rang gzigs dang/ byang chub sems dpa' 'jam dpal dang/ byang chub sems dpa' phyag na rdo rje la sogs pa mang po dang thabs gcig tu ting nge 'dzin la gnas so// de nas 'dzam bu gling gi sems can thams cad bde skyid phun sum tshogs pa dang yang ldan/ tshe dang dbang thang yang rgyas/bar du gcod pa'i 'byung po kun yang nye bar zhi/ sangs rgyas kyi bstan pa dar ba'i dus na/ lho phyogs kyi 'jig rten gyi khams na/ ri nag po dgu 'das pa na gangs kyi ri'o// de'i phyi rol na spos kyi dad ldan pa'i tshu rol na/chu zheng lnga bcu dngas pa'i mtsho chen po ma dros pa zhes bya ba/ klu thams cad kyi gnas chen po de na/ klu dang/ gnyan dang/ sa bdag la sogs pa kun gyi gzhal yas khang bsam gyis mi khyab pa yod do// de rnams kyi dbus na/ rin po che sna bzhi las grub pa'i gzhal yas khang rgya yongs su ma chad pa/ phyi nang med pa rin po che dngul gyi rtsigs pa bsam gyis mi khyab pa dang/ rin po che gser gyi brtsig pa bsam gyis mi khyab pa dang/rin po che zangs kyi brtsig pa bsam gyis mi khyab pa dang/ rin po che lcags kyi brtsig pa bsam gyis mi khyab pa dang/ dbus na gser gyi pad+ma 'dab ma brgyad pa 'od zer sna tshogs kyi 'phreng ba dang ldan pa/rdo rje'i ka gdung can/ chu srin nyi ma'i rgyan btang ba/ sbrul dang sbal pa mang po'i zar tshags/ rin po che'i gru chad bzhis brgyan pa/ rdo rje rin po che dang/ pad+ma rin po che dang/rin po che rin po che dang/ 'khor lo rin po che dang/ bzhi'i gdan la klu'i rgyal po gzhon nu gtum po zhe bya ba sprul pa stong dang ldan pa/ sku'i man ngag las 'bum dang ldan pa// srid pa gsum dbang du sdud par byed pa/srid pa gsum dbang du 'gyed par yang byed/ khams gsum gyi sems can rnams la mdangs dang ldan par byed/ mdangs 'phrog par yang byed/ lo tog dang/ sman dang/ nags tshal dang/ mgo lcogs rnams smin cing rgyas par yang byed/'bri zhing mi smin par yang byed/ skyes pa dang bud med rnams nad tsi tsi dz+wa la dang/ 'bras dang/ shu ba dang/ phol mig dang/ g.yam pa la sogs gtong bar yang byed/gso bar yang byed/ 'byung po dang/ srin po dang/ dur khrod kyi bdag po dang/ gnod sbyin ma rungs pa la sogs pa rnams 'joms shing rlag par yang byed/ mi rlag cing 'joms par yang mi byed/ klu nang la mthun zhing gtong grogs dang ldan par yang byed/ mi mthun zhing klu nang zas su za bar yang byed/ de lta bu'i klu mi srun pa de/ stobs dang ldan pa'i ri zhes bya ba/ spos kyi ngad du ldan par 'byung ba/ gzhal yas rin po che sna bzhi las grub pa/ yang rtse yod pa/ nyams dga' ba/ sa bsil ba/ yid du 'ong ba/ me tog sna tshogs pa dang yang ldan/ de na rdzu 'phrul ston cing bzhugs so// de nas 'dzam bu gling gi mi rnams kyis kyang/mtsho ma dros pa dang spos ngad ldan pa'i ri la rdzu 'phrul dang ldan pa'i klu gzhon nu gtum po zhes bya ba/ srid pa gsum dbang du sdud pa cig gis sems can thams cad mi bde bar byed do zhes bya ba yang grags so// de nas klu'i rgyal po gzhon nu tum po de/ stobs dang rdzu 'phrul yang rgyas par gyur nas/ sems can thams cad la mi bde ba rnam pa sna tshogs kyang 'byung// rims dang/ yams dang/ mdze nad dang/'bras kyi nad dang/ phol mig la sogs pa thams cad gtong bar byed/ me tog dang/ 'bras bu dang/ lo tog dang/ rtsa ba dang/ sman dang/ mgo lcogs la sogs pa smin par yang byed/ grong khyer chen po ser skya ru/ser bas sog ma yang med par byed/ grong khyer chen po ser skya ru skye ba sum brgyar sad kyis bcud thams cad med par yang byas/ rlung sna tshogs gtong bar yang byed/ 'byung po dang ma rungs pa rnams rlag par yang byed/klu nang zas su za bar yang byed/ skyes pa dang bud med kyi mdangs 'phrog par yang byed/ nad tsi tsi dz+wa las zin par yang byed/ sangs rgyas kyi bstan pa 'jig pa la thug/ 'dzam bu'i gling gi sems can rnams kyang bred cing 'dar/'jigs shing sdug bsngal dang ldan pa dang/ bcom ldan 'das dgongs pa mdzad pa'i spyan snga ru/ byang chub sems dpa' phyag na rdo rjes zhus pa/ bcom ldan 'das 'dzam bu'i gling du klu'i rgyal po gzhon nu gtum po zhes bya ba/rdzu 'phrul stong dang ldan pa/ sprul pa bye ba dang ldan pa zhig gis sems can rnams kyi srog dang dbugs 'phrog par yang byed/ sad dang/ ser ba dang/ mu ge la sogs pas 'dzam bu gling du bkrag med par gtong/ 'dzam bu'i gling gi sems can thams cad bred stor bar yang byed/ sangs rgyas kyi bstan pa 'jig par yang byed/ bcom ldan 'das kyis 'dul bar bgyi 'tshal na/ji ltar mkhyen pa dang/ thugs rjes gdul bar bgyi/ de skad ces gsol ba dang/ ting nge 'dzin las bzhengs nas bcom ldan 'das kyis bka' stsal pa/ kye ma phyag na rdo rje khyod 'jigs shing skrag par ma byed cig/sngon yang 'jig rten khams su ma rungs pa'i khro bo'am/ gdug pa thams cad kyis 'jig rten gyi khams 'jig pa la thug pa la/ thugs rje dang byin rlabs kyis thul ba yin gyis/'dir yang bran bzhin du thul te 'ong bas/ 'khor rnams kyang ting nge 'dzin gyi rtsal ma zhan cig ces gsungs nas/ klu'i rgyal po 'dul ba'i ting nge 'dzin la snyoms par zhugs so// de nas phyag na rdo rjes bcom ldan 'das la gsol pa/bcom ldan 'das srid pa gsum yang zhig la khad/ lo tog dang me tog thams cad bskams/ grong khyer chen po ser skyar skye ba lnga brgyar ser bas sog ma man chad med par byas pas thugs rje dang ting nge 'dzin gyis kho'i gnas su gshegs nas gdul 'tshal lo// zhes gsol pa dang/ bcom ldan 'das kyi bkas stsal pa/ dpal phyag na rdo rje legs so/ khyod 'khor rnams dang lhan cig tu sog ma med kyi khyim du 'deng ngo// ji ltar thul bar byin gyis brlabs zin gyis gsungs nas ting nge 'dzin las bzhengs so// de nas bcom ldan 'das klu'i rgyal po sog ma med kyi gnas su gnod sbyin gyi sde dpon chen po phyag na rdo rje la sogs pa 'khor dang thabs cig tu bzhugs so// de nas bcom ldan 'das de bzhin gshegs pa shAkya thub pa/ klu'i rgyal po sog ma med kyi khyim du gshegs nas/ bcom ldan 'das kyis glang po che'i lta stangs kyis sbrul nag po ri rab tsam cig tu sprul nas/mdzod spu'i bu ga nas 'od zer rnam pa lnga 'phros te sog ma med kyi gnas 'od zer gyis snang bar mdzad/ bcom ldan 'das kyis glang po che'i lta stangs kyis kyang bltas/klu'i rgyal po sog ma med kyis 'od zer gyis snang bar byas pa yang mthong/ bcom ldan 'das klu chen po'i gzugs su bzhugs pa yang mthong nas/ kye ma kye ma zhes skrag cing lus zhum ste/ba spu gyen du 'greng zhing lus 'dar nas bcom ldan 'das kyi gzi brjid ma bzod de/ khro gtum pas zil gyis non nas nga'i khyim du dgra gzhan 'ongs pa 'di su zhig yin/ klu chen po dang stobs 'gyed nus pa 'di su zhig yin/srog dang dbugs rngab cing bza' bar bya'o// srog 'phrog par bya'o// dbugs dbyung bar bya'o// nad tsi tsi dz+wa la gtang ba bya'o// ral gri dang gtun shing gi char dbab par bya'o// gnam lcags kyang dbab par bya'o// zhes zer zhing klu'i rgyal po sog ma med khros nas 'khrug par gyur/ khros pas gad mo'i sgra phyung/ smin ma dpral bar bsdus/ bzhin bsgyur/ lce dril/ skra 'greng/skrag par byed/ lag na mtshon thogs te sgra chen po ca co'i sgra phyung nas/ 'jigs pa chen po glog 'bar ba 'byin cing/ sprin nag po chen po las bcom ldan 'das kyi steng du gnam lcags dbab par 'dod pas/glog gi tshogs kyang brdeg par 'dod/ de nas bcom ldan 'das kyi byams pa dang thugs rje gzigs nas/ gsang ba'i bdag po lag na rdo rje/ klu'i rgyal po sog ma med sdigs shig ces bka' stsal to// de nas lag na rdo rje bcom ldan 'das kyi bka' nyan nas/ sog ma med kyi khyim dang nye bar rdo rje gsor zhing khro ba'i sngags 'di brjod cing song ngo// na mo rad na tra yA ya/ na maHtsaN+Da badzra pA Na ye/ma hA yak+Sha se nA ba ta ye/ oM tsaN+Da d+ha be ka pa re b+ha/ sa ra sa ra bi ri tu tu tu mu la sa ma ya bi ri/ hu ru hu ru hUM/ tiSh+Tha tiSh+Tha b+ho b+ho pan d+ha nA ga nan d+ha pra ha ra tu/ mahA krod+ha rA dza spu ta spu ta/ bai' re bai' re/ sa ra sa ra/ma man+ta tu ti/ hUM hUM phaT phaT swAhA/ de nas rig pa'i rgyal po gsang bsgrub kyi sngags 'di brjod ma thag tu/ klu'i khyim dang bcas te 'dzam bu'i gling thams cad me 'bar ba gcig tu gyur to// de nas klu'i rgyal po sogs ma med kyis gsang ba'i bdag po lag na rdo rje la 'di skad ces/kyai phyag na rdo rje dang nga ci'i phyir stobs 'gyed nus/ ngas dbugs rngub pa gcig gis bza' bar bya'o/ khyod kyi srog dang dbrog par bya'o zhes smras so// de nas gnod sbyin gyi sde dpon phyag na rdo rje khros 'khrugs zil gyis non nas lus rab tu 'dar zhing khros pa'i gad mo 'byin/ mche ba gtsigs/ mig bgrad de/ klu'i rgyal po'i bka' sdod cig/yang nga'i rtags gang yin pa ring por mi thogs par bstan par bya'o// nga'i stobs gang yin klu'i rgyal pos ltos shig/ rdo rje 'bar ba gsor zhing klu'i rgyal po sog ma med la brdeg par 'dod/ bdag gis klu'i stobs dang bcas pa/ bzhon pa dang bcas pa gzhom par bya'o// de nas bcom ldan 'das kyis 'di skad ces phyag na rdo rje ha cang yang khro ba'i dbang du ma 'gro bar phyag na rdo rje khyod kyis klu'i rgyal po skrag par byos la/klu'i rgyal po rnams la ma 'tshe zhig/ ces bka' stsal pa dang/ de nas gnod sbyin gyi bdag po lag na rdo rjes/ rdo rje 'bar ba cig ri khyim la bsnun no// de nas klu'i khyim dum bur bcom nas/rdo rje 'bar ba mig ces bya ba khros pa'i ming smras pa/ s+pho Ta ya hUM hUM phaT swAhA/ nA ga bi d+ha ra na ya hUM hUM phaT swAhA/ sarba sha truM pra ma na tha ya hUM phaT/ bi ri bi ri swAhA/ krod+ha na sha ya phaT/ bi da ra na ya phaT/ma ra ya phaT ku la ud sad ka na ya phaT/ sa smin ka ra na ya hUM hUM phaT phaT swAhA/ de nas gnod sbyin gyi sde dpon chen po lag na rdo rjes/ khro bo chen po'i dkyil 'khor klu thams cad 'chi bas 'jigs pa byed pa'i mchod pa'i sngags zab mo 'di brjod pa tsam gyis bshad ma thag tu ri dang/brag dang/ khyim dang tshal dang/ skyed mos tshal dang bcas pa 'di dag thams cad g.yos so// rab tu g.yos so// 'ur ro// rab tu 'ur ro// chem chem mo/ rab tu chem mo// 'gul to// rab tu 'gul to// de nas klu'i rgyal po sog ma med 'jigs skrag ste/ khro ba dang bral te/ snying stor lus 'dar nas/lus la rngul phyung nas/ snying nas ngo tsha ba dang bcas par gyur nas/ bcom ldan 'das kyi zhabs gnyis la spyi bos gtugs te/ 'di skad ces bcom ldan 'das la bzod par gsol/ gong du bdag gis gnod sems sngar byas pa brjed par 'tshal lo// bcom ldan 'das phyag na rdo rjes bshad pa/ khro bo chen po drag shul chen po'o// gtum po drag po 'jig par bgyid pa lags na/ bcom ldan 'das de las bdag skyabs su gsol// zhes zhus pa dang/ bcom ldan 'das kyis gsungs pa/ klu'i rgyal po khyod phyag na rdo rje la bzod par gsol cig/ klu'i bdag po khyod sdug bsngal mang po 'byung bar mi 'gyur ro// zhes bka' stsal to// de nas gnod sbyin gyi sde dpon lag na rdo rjes/ bcom ldan 'das la 'di skad ces/ bcom ldan 'das kyis spyan snga na mchis bzhin du/ de dag snying 'dul ba dka' zhing/ rdo rje mi bzad pa'i gnam lcags 'bebs/ri'i char 'bebs/ lo tog rnams 'joms/ sad dang/ sprin dang/ rlung 'byung ba'i sprin dang/ glog 'bar ba gtong bar bgyid na/ bcom ldan 'das ma 'ongs pa'i phyi ma'i tshe/phyi ma'i dus na/ sems can mi srun pa rnams kyi ched du me ma mur gyi char 'bebs par ci ste mi bgyid de me lce 'bar ba dang glog 'gyu ba dag gtong bar bgyid na/ ral gri dang/ gtun shing dang/ 'khor lo dang/mdung thung gi char 'bebs par bgyid/ bcom ldan 'das klu'i sgra dag gis kyang/ lo tog thams cad kyi bcud 'phrog par yang bgyid/ sems can thams cad kyi mdangs 'phrog par bgyid/ srog 'joms par yang bgyid do// bcom ldan 'das de lta bu la bdag nyid kyis ji ltar brjod pa tsam dang/ dran pa tsam gyis klu thams cad kyi lus zhig par 'gyur zhing/ klu thams cad kyi snying 'gas par 'gyur ba dang/lan bdun brjod pa tsam gyis klu thams cad dum bu lnga bcur chad pa dang/ klu'i rgyal po thams cad 'joms par 'gyur ba dang/ de bzhin du ma rungs pa thams cad dang/ phyir rgol ba thams cad dang/ dgra rnams rnam bar 'jig par 'gyur ba dang/ rul bar 'gyur ba dang/ phung bar 'gyur ba dang/ myag par 'gyur ba dang/ lus la me 'bar ba la sogs las/ de lta bu brjod pa yin/ de la bcom ldan 'das kyis ji ltar sems can bde ba thob pa dang bcas par 'gyur ba dang/klu thams cad 'dul bar bgyid pa 'di byin gyis brlabs zin gyis/ dkyil 'khor gyi rtog pa klag pas grub pa/ bsgrub par ma byas par rig pa brjod pa tsam gyis mod la las byed pa yin te/tshes grangs dang sbyar ba med/ skar ma dang sbyar ba med/ snyung ba dang sbyar ba med par las 'di la bsgrub pa yang mi dgos/ de la las byed par 'dod na/khro bo rgyal po rang brjod pa 'ba' zhig tu zad do// de nas khro bo chen po phyag na rdo rjes/ khro bo chen po rdo rje khu tshur gyi snying po mi zad pa'o/ khro bo dang klu thams cad kyi srog 'phrog pa/ drag po chen po dang ldan pa/klu thams cad kyi dam tshig smras pa/ oM s+phu ta s+phu ta/ mahA kro d+ha hUM/ sid+hi sid+hi s+pho Ta ya hUM phaT swAhA/ de nas phyag na rdo rjes khro bo chen po'i dam tshig chen po phyi bsgrub kyi yang snying las thams cad pa'i gzungs brjod ma thag tu klu chen po dang/brang gis 'gro ba'i klu dang/ nya'i klu dang/ grul bum gyi klu dang/ sa srin gyi klu dang/ 'byung po'i klu dang/ sbal pa'i klu dang/ lcong mo'i klu dang/ sbrul gyi klu dang/ klu rgyal rigs dang/bram ze'i rigs dang/ rje'u rigs dang/ dmangs rigs dang/ gdol pa can dang/ gnyan gyi klu dang/ klu'i rgyal po dga' bo dang/ klu'i rgyal po pad+ma dang/ klu'i rgyal po pad+ma chen po dang/ klu'i rgyal po nor rgyas dang/klu'i rgyal po gzi ldan dang/ klu'i rgyal po thod chung dang/ klu'i rgyal po dung skyong dang/ klu'i rgyal po ba su ta ka dang/ klu'i rgyal po se na dang/ klu'i rgyal po dag sha ka dang/ klu'i rgyal po sog ma med dang/sha za ba la sogs pa'i klu de dag thams cad kha bub tu 'gyel nas sdug bsngal chen po nyams su myong ngo// de nas phyogs bcu nas klu rnams nye bar rings par 'ongs nas/ klu'i rgyal po sogs ma med kyis sna drangs te/de bzhin gshegs pa'i zhabs gnyis la phyag 'tshal te/ 'di skad ces klu'i rgyal pos gsol pa/ phyag na rdo rjes sngags bshad pa ni mi bzad pa lags te/ 'byung po thams cad kyis bzod par dka' ba/'chi ba dbyug pa stobs po che lags so// zhes gsol to// yang sog ma med kyis/ bcom ldan 'das la gsol pa/ bcom ldan 'das la skyabs su gsol to// dam tshig la yang bdag gi bu dang bcas/gnyen dang gzhon pa dang bcas te gnas par bgyi'o// bdag bde ba la gnas par bgyid do// phyag na rdo rje stobs po che mgon lags te/ dpung dang bcas te bzhon pa dang bcas pa gsum la skyabs su gsol lo// gang dang gang du khro bo chen po'i snying po klog pa dang/ dran pa dang/ ming tsam 'dzin pa 'chi ba'i sgo nas kyang/ bdag gis stobs dang bcas/ gzhon pa dang bcas pas gnod pa bgyid mi nus so// yongs su skyab pa'i phyir kun tu dus dus su char dbab par bgyi/ bcud gtang bar bgyi'o// lo tog dang/ me tog dang/ 'bras bu smin cing rgyas par bgyi'o// thams cad du hUM zhes brjod pa tsam gyis las bgyi'o// dam tshig can gang na gnas par yang gnod sdig mi bgyid do zhes gsol pa dang/ de nas yang klu mang po gzhan rnams kyis/ bcom ldan 'das la yang gsol pa/ bcom ldan 'das kyis bdag cag la yang bskyabs su gsol/dam tshig la yang bdag cag klu rnams bu dang bcas/ chung ma dang bcas/ gnyen dang bcas te/ bdag cag bde ba la gnas bar bgyi'o// phyag na rdo rje stobs po che mgon lags te/bu dang bcas pa gsum la skyabs su mch-i'o// 'dir ri la gnas pa'i klu gzhan gzhon nu/ gzhon nu gtum po klu mang ba'i nang na dgra bgyid pa/ bdag cag klu gzhan srog 'joms par bgyid pa'i dgra de dag bsal du gsol/gang dang gang na khro ba'i snying po klu thams cad skrag bar byed pa 'di klog pa dang/ dran pa dang/ ming tsam yang 'dzin pa mchis pa'i sgo nas kyang bdag cag klu rnams stobs dang bcas pa/gzhon pa dang bcas pa gnas der gnod sdig mi bgyid pa lags kyang/ de thams cad dam tshig la gnas par bgyid do// yongs su bskyab pa'i phyir kun tu dus dus su char dbab par bgyi'o// bcud gtang bar bgyi'o// thams cad du hUM zhes brjod pas zhi bar bgyi'o// bdag gi dam tshig bskyang bar bgyi'o// dam tshig can gang na gnas par yang gnod sdig mi bgyid do zhes klu gzhan gyis gsol pa dang/de nas bcom ldan 'das kyis/ klu'i rgyal po sog ma med dang klu gzhan rnams la bka' stsal pa/ klu'i bdag po dang klu mang po rnams la dam tshig smas pa de legs so// de de bzhin du byos shig/phyi ma'i tshe phyi ma'i dus na bcol ba ni/ 'di lta ste/ 'dzam bu gling gi sems can thams cad skyab par gyis shig/ phyi ma'i tshe phyi ma'i dus na/ lo tog dang/ me tog dang/ 'bras bu dang/ lo ma dang/'dab ma dang/ rtsa ba dang/ mgo lcogs dang/ sman dang/ nags tshal thams cad yongs su skyang bar gyis shig/ klu'i rgyal po khyed la rjes su gdams pa ni 'di dag yin te/ 'dzam bu'i gling rin po che sna bdun gyi rang bzhin du byas pa yin gyi/gzhan ni ma yin no// zhes bka' stsal pas/ de nas klu'i rgyal po dga' bo la sogs pa klu de dag thams cad kyis// bcom ldan 'das kyi zhabs gnyis la btud de/ 'di skad ces gsol to// bcom ldan 'das ci ste dam tshig sngar gsol ba las/ gzhan du bgyid cing rjes su mi bsgrub na/ bcom ldan 'das bdag cag gis phyogs bcu'i de bzhin gshegs pa rnams bslus par gyur cig/lus rul cing dri nga bar gyur cig/ dum bu lnga bcur 'jig par gyur cig/ dam tshig nyams par gyur cig/ bdag cag yang dag par rdzogs pa'i sangs rgyas mi thob par gyur cig/ji ste bdag khro bo'i dam tshig las 'gal bar byed na/ ri la gnas pa'i klu gzhon nu gtum po ma gtogs par/ dgra thams cad 'joms pa'i klu gzhan mang po dang bdag mi mthun par gyur cig/ bcom ldan 'das ri la gnas pa'i klu gzhon nu gtum po la bdag cag gis sdom pa sbyin mi nus so// zhes klu gzhan gyis gsol to// bcom ldan 'das kyis klu'i rgyal po de dag la legs so legs so// de bzhin du byos shig bka' stsal to// bcom ldan 'das gzhan yang khro bo'i rgyal po 'di dang/ rig pa 'dzin pa ni sngon ston pa mngon sum du mthong ba bzhin du lta'o// phyag na rdo rje stobs po che dang mnyam pa dang 'dra ba ni/ bdag gis ma mthong ma 'tshal to// de bzhin gshegs pa'i gzungs brjod pa rnams la bdag gis rna ba'i bu gas mnyan par bya'o// hUM zhes bya ba'i sgra brjod pa tsam gyis kyang bran gyi dngos po mchi bar bgyi'o// mthong bas sbyin par bgyi'o// char dbab pa'am/ mi dbab pa'am/ char chungs na ji ltar bsgo ba bzhin du bsgrub par bgyi'o/ khro bo'am zhi ba de bzhin du bcom ldan 'das hUM zhes bya ba'i sgras 'tshal bar bgyi la/bcom ldan 'das de bzhin du lus bsgrub par bgyi la/ thams cad du klags pas 'grub pa'am/ bla na med pa 'grub par bgyi'o// dril bu'i sgra dang rdo rje gsor bar bgyi'o// rdo rje dang dril bu'i sgra brjod pa tsam gyis las thams cad bgyi'o// ci bsams pa'am ci bcol ba'i las bdag gis bsgrub par bgyi'o// de nas klu'i rgyal po sog ma med nyid kyis/ bcom ldan 'das dang/ phyag na rdo rje la gsol pa/bdag kyang gong du gsol pa las gzhan du mi bgyid do// bran dang/ khol po dang/ las mkhan bzhin du bgyis na/ ston pa bcom ldan 'das dang phyag na rdo rje gnyis kyis byin gyi brlabs kyis bdag mnar med pa'i dmyal bar gyur cig/'on pa dang long bar gyur cig/ mdze can dang shu ba can du gyur cig/ mig nas me 'bar bar gyur cig/ mgo a dza ga'i dog pa ltar 'gas par gyur cig/ lus rul zhing dri nga bar gyur cig/de ltar ngam mnos pa bzhin las thams cad 'grub par bgyi'o// dus dus su char pa'i rgyun dbab par bgyi'o// sad dang/ ser ba dang/ rlung 'byung ba thams cad med par bgyi'o// ji srid du las 'bum byed par 'gyur ro// hUM zhes brjod pa'am/ rdo rje gsor ba'am/ dril bu dkrol ba'i sgra brjod pa tsam la rna ba'i bu gas mnyan pa'i las bgyi'o// ston pa mngon par mthong ba dang 'dra bar rig pa 'dzin pa kun gyi las bgyi'o// 'phags pa rtog pa'i rgyal po mchod rten rgyud las/ sngon byung ba gleng gzhi'i le'u ste dang po'o//// de nas phyag na rdo rjes/ bcom ldan 'das la 'di skad ces gsol to// kye bcom ldan 'das klu'i rgyal po gzhon nu gtum po de/ thugs rje dang ting nge 'dzin gyis sngon byung ba de ltar btul na/ srid pa gsum gyi sems can thams cad la/ mthu stobs des don bya ba'i ched du/ nga rjes su bsgrub na ji ltar bsgrub// rjes su bsgrub mi 'tshal lam zhe na/ de nas bcom ldan 'das kyis 'di skad ces bka' stsal to// dpal phyag na rdo rje khyod nyon cig/mthu stobs dang ldan pa'i gzhon du gtum po de/ sems can gyi don du rjes su bsgrub par bya'o// phyag na rdo rjes gsol pa/ kye ma bcom ldan thugs rje can/ rjes bsgrub ji ltar sgrub ce na/ thabs cig mi 'tshal lam zhe na/zhes gsol pa dang/ bcom ldan 'das kyis bka' stsal pa/ phyag na rdo rje nyon cig/ klu'i rgyal po 'di byang chub mchog tu sems bskyed// dbang drug cu rtsa gnyis kyang rdzogs par yang bskur/ rig pa'i ye shes kyang skyes nas/ klu'i rgyal po yang yid shin du gdungs par gyur/ 'khor ba la skyo ba drag tu skyes nas/ bcom ldan 'das kyi zhabs la spyi bos phyag byas nas/ bcom ldan 'das bdag cag sngar yang las ngan pa'i dbang gis zhe sdang gi rigs klu ru skyes/da lta ma rig pa'i dbang gis srid pa gsum la gnod pa yang byas pas/ ma rig pa'i dbang gis bgyis pa lags kyang/ bdag mnar med pa'i dmyal bar mchi lags pas/bcom 'das dad pa skyes pa la brten nas// bcom ldan 'das kyis thugs rjes bzung la/ bdag bla na med pa'i sa la rdo rje 'chang chen po thob par 'tshal na/ bcom ldan 'das ji ltar thugs rje dang byin gyi rlabs kyis gzung bar bgyi'o// zhes gsol pa/ bcom ldan 'das kyis klu'i bdag po de la legs so legs so// de ltar yin gyis kyang/ khyod 'gyod sems drag tu skyes pa dang/ sems bskyed pa dang/ dbang bskur ba dang/ ye shes skyes pa dang/ khyod sdug bsngal bar mi 'gyur ro/ khyod kyang ngas bstan pa 'di la las 'bum gyis la/ rig pa 'dzin pa'i las kyis shig khyod phyi ma'i tshe phyi ma'i dus na rgyal ba byams pa'i bstan pa la/sa brgyad pa'i byang chub sems dpar skye bar bya'o zhes gsungs so// de nas klu'i rgyal po yang dga' bas rgyas par gyur nas/ las thams cad rjes su bsgrub par bgyi'o// de nas bcom ldan 'das kyis klu'i rgyal po las 'bum byed pa'i ting nge 'dzin la snyoms par zhugs so// de nas phyag na rdo rjes// bcom ldan 'das la gsol pa/ kye ma bcom ldan 'das dges pa chen po/snying rje'i ting nge 'dzin la bzhengs la rjes sgrub rim pa bshad du gsol/ las kyi gtso bo du tsam bdog/ las kyi bye brag ji ltar lags// bdag gis ma 'tshal bshad du gsol// de nas bcom ldan 'das dgyes pa chen pos/snying rje'i ting nge 'dzin las bzhengs nas/ dpal phyag na rdo rje legs so de legs so// rjes bsgrub las kyi rim pa bshad// las kyi gtso bo rnam lnga ste// las kyi bye brag bsam thag cad// de nas phyag na rdo rje yis// las chen lnga po ji ltar lags// bdag gis mi 'tshal bshad du gsol// bcom ldan 'das kyis bka' stsal pa// bsnyen pa bsgrub dang klu bsgrub dang// tha ma gnan pa gsod dang gsum// dbul ba yang phyir gter bsgrub bzhi// sems can phan gdags nad gso lnga// bde gshes 'dus pa'i las chen po// gnyan po dang po sgrub pa ji ltar lags// bdag gis mi 'tshal bshad du gsol// nyon cig dpal ldan phyag na rdo rje// gnyen po la yang rnam gnyis te// phyi sgrub dus su phyag na rdo rje ste// nang sgrub dus su bya khyung ga ru Da 'o// gsang sgrub dang po bshad par bya// dang po nyams dga' sa phyogs bya// rgyas pa'i gtor ma mnyam bzhag la// ba'i lnga mdzes maN+Dal bsham// spos dang tsan dan dri yis dgang/ khrus dang gtsang sbras lus rgyas bya// byed pa'i stan la gnas nas kyang/ shudz+nyA na yi sngags brjod pas// bdag dang dngos kun stong par bsam// de nas rang sems hUM du sgom// de nyid spro dang bsdu byas nas// de nyid yongs su gyur pa las// badzra zhes pa'i sgra brjod pas// bdag nyid rdo rje rtse dgur bsgom// de nyid spro dang bsdu byas nas// de nyid yongs su gyur ba las// badzra pA Ni'i sgra brjod pas// bdag nyid phyag na rdo rje sku// zhal gcig phyag gnyis spyan gsum pa// g.yas pa rdo rje rtse dgu 'phyar// g.yon pa dril bu dku ru brten// sku mdog mthing nag rab tu 'bar// dbu skra ser po gyen du 'bar// zhabs gnyis bgrad bas klu rnams gnon// lus la klu lnga'i rgyan gyis brgyan// mgo la rgyal rigs sbrul dkar khra// ske la bram ze sbrul ser khra// dpung la rje rigs sbrul dmar khra// rked pa la dmangs rigs sbrul sngo khra// rkang pa la gdol pa sbrul nag khrag/ mthong ba tsam gyis klu rnams skrag/de thugs a las zla dkyil de// dbus su yi ge hUM yang sgom// de zer las byung phyag na rdo rje'i sku// snga ma ji bzhin spyan drangs la// gnyis su med par bstim par bya// de nas gsang sgrub snying po bzlas// na mo rat+na tra ya yA/ na maHtsaN+Da badzra pA Na ye/ ma hA yak+Sha se nA pa ta ye/ oM tsaN+Da be ga ba re b+ha/ sa ra sa ra bi ri/ tu tu tu mu la sa ma ya bi ri/ hu ru hu ru hUM/ ti Sha ti Sha b+ho b+ho pan/ nA ga nan/ d+ha pra ma hA ra tu/mahA krod+ha rA dza spu ta spu ta/ bai re bai re/ sa ra sa ra man ta tu ti/ hUM hUM phaT phaT swAhA/ ting 'dzin ma nyams gsang sngags bzlas/ klu rgyal chen po bsgrub par bya'o// srid gsum 'byung po rdul du rlog/slar 'dus rang gi hUM la bstim// bdag nyid gzi mdangs bskyed par bya'o// 'bum mam bye bar brjod par bya// gsang sgrub bsgrubs rtags byung ba dang// phyi bsgrub nang bsgrub gsang sngags bzlas/klu rgyal chen po bsgrub par bya'o// de nas skabs su mchod pa dang// gtor ma dag gtang sngags rings kyis// de nas dkyil 'khor lus la bsdu// rtog pa'i rgyal po mchod rten gyi rgyud las// gsang bsgrub dang po bstan pa'i le'u ste gnyis pa'o//// de nas phyag na rdo rjes gsol pa// kye kye bcom ldan 'das/ gsang bsgrub dang po gsungs pa yis// klu rnams ma lus bran du 'gyur// zab mor sbyor ba bshad pa legs// gnyen po gnyis pa bshad du gsol// legs so dpal chen phyag rdo rje// gsang bsgrub gnyis po ngas bshad kyi// dang po bde ldan gnas mchog tu// dri dang me tog gis spras pa'i// gzhal yas khang mchog mdzes pa ru// bde bar stan la 'dug nas su// shU n+ya ta yi sngags brjod pas// bdag dang dngos kun stong par bsgom// de yi ngang las yi ge keng kar bsgom// de nas keng na ra ken zhes brjod pas// bdag nyid bya khyung ga ru Da// sku mdog gtso ma'i gser 'dra bsgom// g.yas g.yon gshog pas bar snang khebs// gnam lcags stong gi mchu sder can// me dpung 'bar ba'i 'phro 'du can// ba spu nyag ma re re la// bsam gyis mi khyab khro chung khro// mig gnyis nyi zla rab tu 'bar// klu rgyal stong gi gdan gyis mdzes// mthong ba tsam gyis klu rnams 'bros// klu 'dul ga ru Da'i skur bsgoms la// khyung dkar bstod bzlog ngan bsngags bzlas// oM rA dza ma hA ga ru Da hUM hUM/ oM badzra pA Ni ga ru Da hUM hUM dza dza ra tsa pri tshe hUM phaT/ nyi shu rtsa bdun gsang sngags mchog/ klu rnams mang po skrag par 'gyur// rgyun du bzlas na dngos grub thob// rtag tu gu gul dkar po lus la brten// gla rtsi chu yis lus po bkru// de nas bya khyung rgyal po bskul// dpag bsam shing las bzhengs pa'i bya khyung khyod// gser mig 'khyil pa'i 'od zer khyod// ye shes spyan la lcags kyi gshog pa can// rdo rje mchu sder thogs med lcags kyu can// ri rab rtse na gnas shing rgya mtshor mchu btsugs te// klu rgyal gdan du bting nas klu bran zas su za// de phyi klu rnams nga yi bka' la nyon// klu rnams nga yi bka' la ma nyan na// klu yi gnas ris stong zhing brlag ga re// de ltar klu rnams bka' las ma 'da' zhig/ nga yis bka' las 'das gyur na// nam mkha' lding gi rgyal pos zos par 'chi'o// de nas rbad pa'i sngags kyang bzlas// oM ra tsa mahA ga ru Da/ khyung rba hur hur b+h+yo// 'di ni gsang sngags bcu gsum pa'o// yi ge chad na nus pa med// drag na klu rnams skrag par byed// gar song song bzlas na sdig che bas// rmi lam log pa byung na bzlas// las mi btub na bzlas par bya'o// gtor ma dbul na zan gyi chang bu brgya rtsa dang/ sha chang nya rnams mang por dbul// de yi phyag rgya bca' ba ni// mthe bong gnyis bsnol mdzug mo gnyis cig bsnol// gung mo gnyis kyi rtse mo sprad de brkyang// srin lag gnyis ni thung bar nang du bkug/ mthe'u chung gnyis ni thad du so sor brkyang// gtor ma dbul ba dang/ rtag tu bsnyen pa dang/ dang po bar dang tha ma dag tu bsgrub/ bya khyung rgyal po phyag rgya 'di dag yin/ dzaHhUM baM ho/ ga ru Da pU tsa swAhA/ bA ling kha hi khA hi/ zhes gtor ma gtong ngo// ma grub spogs pa'i cho ga yis// glang bu dmar po zangs la legs byas te// de'i khong du dngul chu blugs te// gzugs rten gang na yod pa der// 'og tu sbas na dgos 'dod der kyang grub/khro ni yi ge cig pa yin// gnas lnga srung ba rtsa bzhi gnan// 'di yang bla ma'i zhal las shes// gsad dang bsrung ba'i man ngag yin// gsad par song na 'di lta ste// lto ru song na lbos drir 'chi// ra la song na dri ru 'chi// gtong la song na mdze ru 'ong// lag pa gnad na zha grum 'ong// gsang gnas dgag na skye rgyud 'chad/ min na ma dang sring mo 'chi// 'di yang khyad par las lnga yin// rmongs pa phal gyi spyod yul min// de nas bcom ldan 'das phyag na rdo rje yid dga' rab tu skyes nas/ legs so legs zhes gsol to// rtog pa'i rgyal po mchod rten gyi rgyud las/ zab mo khyung gi sgrub thabs kyi le'u ste gsum pa'o//// de nas phyag na rdo rjes gsol pa/ / kye kye bcom ldan thugs rje can// bsnyen po bsgrub pa rab rtsogs nas// klu rgyal chen po bsgrub pa'i phyir// phyi bsgrub rim pa bshad du gsol// de la yang ni rnam gnyis te// yang snying spu ta'i las bshad 'tshal// legs so dpal ldan phyag na rdo rje/ khyod la nga yis bshad par 'tshal/ khyod kyis rtse gcig yid kyis nyon// sems can rnams la phan gdags phyir// bye ba 'bum sde las 'di bshad// dang po bsnyen pa bsgrub pa bshad// dang po nyams dga'i sa phyogs su// dri dang me tog gis spras pa'i// gzhal yas khang mchog mdzes pa ru// bsnyen pa'i sgrub lugs gsum pa las// gang yang rung bar rnams bya'o// klu gtor rgyas ba legs bshams la// bdag gzhan gsal bar bskyed bya ste// dang po stong nyid ting 'dzin bsgom// de'i sngags ni/ oM shun+ya tA dz+nyA na badzra swA b+hA ba At+ma kou0f85haM/bdag dang dngos kun stong par bsam// de nas rang nyid hUM du bsgom// de nas spro dang bsdu byas te// 'od du gyur pa bsgom par bya'o// badzra zhes bya ba'i sgra brjod pas/ bdag nyid rdo rje rtse dgur bsgom// de'i spro bsdu byas 'od du zhu// badzra pA Ni zhes brjod pas// bud+d+ha mchod sems can gyi don byas/ bdag nyid sgrib pa byang/ bdag nyid phyag na rdo rje'i sku// zhal gcig phyag gnyis spyan gsum pa// g.yas pa rdo rje rtse dgu pa// g.yon pa dril bu dku la brten// sku mdog mthing nag rab tu 'bar// dbu skra ser po gyen du 'khyil// zhabs gnyis bgrad pas klu rnams gnon// lus la sku lnga'i rgyan gyis brgyan// mgo la rgyal rigs sbrul dkar khra// ske la bram ze rigs sbrul ser khra// dpung pa la rje rigs dmar khra// sked pa la dmangs rigs sbrul sngo khra// mgo bo khar bcug za ba'o// rkang pa la gdol can sbrul nag khra// mthong ba tsam gyis klu rnams skrag/ de thugs a las zla dkyil 'khor// de dbus yi ge hUM yang sgom// de zer las byung phyag na rdo rje'i sku// snga ma ji bzhin spyan drangs la// gnyis su med par bstim par bya// des ni bdag nyid bskyed par bya'o// mdun du pam las ban d+ha ni// btso ma gser 'dra'i rnam pa bskyed// de yi nang du yi ge phuH/ ser po gsal bar bsgom par bya// de spro bsdu bya 'od du zhu bas// nA ga zhes bya ba'i sgra brjod pas// gur kum mdog 'dra'i sbrul ser po// lus po gcig la mgo bo bdun pa// ban d+ha gang bar bzhugs par bsam// de nyid 'od du zhu ba las// mahA nA ga rA dza'i sgras// sngags kyi bdag po'i sku bskyed do// gzugs mdzes byis pa chung ngun gyi// cha byad gser gyi mdog tu gnas// sku tshad bcu drug sor dang ldan// ro stod mi la ro smad ni// gdug pa sbrul du 'khyil bar bskyed// sbrul mgo bdun gyi gdeng kas mdzes// zur phud lnga pa'i cod pan can// thal mo sbyar nas bka' sdod pa'o// de thugs ma las nyid dkyil 'khor// de dbus sa bon phuHser sgom// de 'og las byung sngags bdag sku// snga ma ji bzhin gzugs kyi sngos// ma dros mtsho nas spyan drangs la// snga ma'i gzugs la gnyis med bstim// de las ci zhig bya zer// mdun na bka' ni sdod pa la// bran dang khol po las mkhan dang// g.yog po'i tshul du gyis shig pa'am// bgegs la sogs pa tshar gcod pa// bka' bsgo'i rim pa sna tshogs bya// de nas klu yi snying po bzlas// oM phu ta phu ta mahA krod+ha hUM/ sid d+hi sid d+hi/s+pho Ta ya hUM phaT swAhA/ las dag grangs med las la 'jug na 'bum rgyun du bzlas na dngos grub thob// de ltar sbyor ba zab mo 'di// bcom ldan 'das kyi zhal nas gsungs pa/ rtog pa'i rgyal po mchod rten gyi rgyud las/bdag gzhan bskyed pa'i le'u ste bzhi pa'o//// de nas phyag na rdo rjes gsol// bsnyen pa bsgrub pa bshad pa legs// kye kye bcom ldan 'das bsnyen pa la yang du tsam bdog/bsnyen pa'i bsgrub lugs ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod ni rtse gcig yid kyis nyon// bsnyen pa la yang rnam gsum ste// phyi gnyis nang gsum gsang sngags kyis// gang ltar bzlas kyang klu rnams 'grub// bsnyen pa'i bsgrub lugs gnyis yin te// brten can bsgrub dang brten med do// brten can bsgrub la rnam gnyis te/khang bu'i tshul du bsgrub pa'o// rten med gtor ma la brten nas// mdun du ting 'dzin bdag gzhan bskyed// de la khang bu'i bsgrub pa ni// dben pa'i gnas sam khyim gyi nang/ khru gang tshad ldan khri rtsigs la// steng du pad+ma 'dab brgyad bya// de steng tshad ldan bdag gis ni// sku mchog mdzes pa brtsigs par bya'o// phyi rol g.yam khang gru bzhi rtsigs sbyin pa'i sa dang shog 'dag dang// gur kum chu dang sbrang rtsi dang// tshal dang ga pur tsan dan dang/ khyim gyi sa dang khyim gyi chu// gtsang po chen po'i chu dang ni// gangs dang gting rings khron pa'i chu// klu rgyal klu yi rgyu ru bshad// mdzes pa'i sku mchog bzhengs nas kyang// rin chen gser chus sku mchog bsgyur// shar lho mtshams su nya gdong bzhag/ lho nub mtshams su rtag gdong bzhag/ nub byang mtshams su mar ka ta// byang shar mtshams su se mdzes so// de rnams dkar ser dmar sngo mdog/dar dang za 'og gur kyang dbub// gser dngul zags lcags byu ru sogs// gtor ma rgyas dang spos sogs kyis/ khang bu'i nang yang dgang bar bya// bdag gzhan bskyed cing bsnyen pa drangs// skabs su gtor ma gtang zhing bskul tshig stod// spos dud gtang zhing sngags bdag kyang// nyin gsum mtshan gsum sbyor ba yis// bod cing las bcol dam bdar ro// de nas klu rgyal dngos su bsgrub// ci 'dod las kyang byed par 'gyur// bris sku'i tshul du bsgrub pa ni// gtsang ma'i ras la mchod rten ni/ khru gang mtho gang sor drug tshad// mdzes par bris la dbus su ni// sngags bdag rgyal po tshad ldan bri// bri ba'i gzugs la yang rnam gnyis te// sku tshad bcu drug sor dag la// ro stod mi la ro smad ni// gdug pa sbrul du 'khyil ba las// sbrul mgo bdun gyi gdeng kas mdzes// thal sbyar bka' ni nod par bri// yang na bcu dgu sor dag las// zhabs gnyis dngos su brkyang pa can// sbrul mgo bdun gyis rab mdzes pa'i// sbrul mgo sbrul gyi logs gnyis nas// gsum dang bzhi yis 'khril nas kyang// g.yas g.yon zhabs gnyis dag kyang ni// sbrul bdun dag gis chun por 'khril ba bri// thal mo sbyar nas mdzes bar bri// de yang brten bya'i rim pa'o// yang na mdzes pa'i ban d+ha'i nang// gur gum chu yis legs byugs nas// tsan dan chu yis legs par byug/ shog bu dag la klu rgyal gzugs bris la// maN+Dal khar bzhag bdag gzhan bskyed// de yang rten gyi rim pa'o/ khang bu'i bris sku gzugs rnams la// spyan dbye bsnyen pa'i rim rdzogs nas// mchod pa byas la bsnyen pa'o// rtog pa'i rgyal po mchod rten gyi rgyud las/ bsnyen pa'i grangs dang bsnyen pa'i bsgrub lugs bstan pa'i le'u ste lnga pa'o//// de nas phyag na rdo rjes/ bcom ldan 'das la gsol pa/ kye kye bcom ldan thugs rje can// phan gdags las kyi rim pa las// nad brtag rim pa gang yin pa// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyis rtse gcig yid kyis nyon// skad cig tsam gyi ting 'dzin gyis// bdag gzhan legs par bskyed byas nas// mdun du gtor ma legs bzhag la// ming dang rus pa legs dmigs la// phyi bsgrub snying po spu ta bzlas// de nas bdag la nyams myong ni// yang dag pa ru lus la 'byung// mgo nas zhugs nas na na ni// ma mo'i rigs rnams yin par shes// snying nas zhugs nas na ba dang// 'phyo zhing 'gro snying 'dod pa dang// mi dga' drag por na ba dang// rgyal pos rgyab brten byas par shes// rked pa na dang rtsa rnams 'khyug/ lus po lci dang rkang lag na// lus po sbrid dang smin ma zad// sha ro byung dang sha bkra byung// lus la sha 'phrig byung ba dang// sa bdag klu gnyan yin zhes bya// de ltar rang gi nyams ci byung dang// nad pa dag dang bstun bar bya// mthun par gyur na gso ru btub// mi mthun na gso mi btub par shes par bya// de 'dra'i sbyor ba zab mo ni// sangs rgyas la ni 'byung mi 'gyur// rtog pa'i rgyal po mchod rten gyi rgyud las/ nad pa gso ru btub mi btub bstan pa'i le'u ste drug pa'o//// de nas phyag na rdo rjes/ bcom ldan 'das la gsol pa// kye kye bcom ldan thugs rje can// nad pa skad ngan rim pa yi// gang gnod 'dre yis ngos gzung la// bdag gis mi 'tshal bshad du gsol// legs po dpal ldan phyag na rdo rje/ khyod la nga yis bshad par bya/ khyod kyis rtse gcig yid kyi nyon// dang po ya stags bsag byas te// shing skra btsan dug ske tshe dang// nyungs kar gu gul kla sran dang// tshil chen dag dang sbyar te btub// zhib tu btags te ri lu bya// sran ma chung shos tshad du'o// de la bsnyen pa 'bum tsho bskyal// de nas nad pa'i gan dag tu// bdag gzhan legs par bskyed byas la// bka' bsgo rim pa tshul bzhin bya// de nas thugs kha'i 'od zer las// sngags bdag bskul te bgegs bkug nas// nad pa'i snying kha'i dri la bstim// bgegs kyi dngos por gyur par bsam// de nas lag pa'i srin lag nas// dkar nag skud pa btags nas ni// sngags mkhan cig gis 'dzin du gzhug/ de nas slob dpon dag gis ni// gyo mag nang du me blugs phyi sgo tham khar khyer/rdo rje'i 'gros bya dril bu dkrol rdo rje gsor/ rdo rjai 'gros re re la ril bu re me'i nang du bsreg par bya/ bdun gyi grangs ni thim pa dang// nad pa'i gan du 'ongs nas ni// sna ru bdug cing gsang sngags bzlas// de yi ting 'dzin rim pa ni// rang nyid e las gru gsum ni// chos 'byung sbyor ka'i rnam par bsam// de nas mtshon cha'i char phab la// bgegs kyi dngos po myags par bsam// de ltar byas na nad pa ni// skad ngan 'don cing sma bar 'gyur// de su zhig yin zhes bri// phyi bsgrub snying po spu ta bzlas// mtha' rten mA ra ya yang gdags// de yi sbyor ba zab mo ni// bgegs la sogs pa dngos su 'ong// rtog pa'i rgyal po mchod rten gyi rgyud las/ nad pa skad ngan 'don pa'i le'u ste bdun pa'o//// de nas phyag na rdo rjes gsol pa// tsi tsi dz+wa la gso ba'i phyir// klu bsgrub dkyil 'khor bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig yid kyis nyon// dang po nyams dga'i sa phyogs su// bgegs la sogs pa bskrad byas nas// dkyil 'khor chen po bri bar bya/ khru phyed nas tsam khru do'i bar// maN+Dal khod snyoms dgod par bya// de ltar snyoms pa'i maN+Dal la// mkhas pas thig chen gdab par bya// gnam thig dag kyang gdab bar bya// de nas sa thig gdab bar bya// slob dpon khro bdag shar du bltas// slob ma mdzes ldan nub tu blta// bya rog bdag po thig skud gdab// de nas slob dpon lhor bltas nas// slob ma byang bltas thig cig gdab// de nas zur thig gnyis po gdab// thig skud dag ni btab ba'i tshe// gsang chen phyag na rdo rje'i snying po bzlas// dgra bgegs tshogs rnams byer bar bsam// thig chen brgyad las bcu drug gdab// de las sum cu so gnyis so// de la dbus su pho brang bya// de yi rgyab tu pad+ma'o// de yi rgyab sgo sbrul mgo bya// de nas tshon gyi rim pa gtang// dbus su nag po pad ser bya// gru chad ljang khung sgo rnams phyogs dang bstun// shar sgo dkar te lho ser nub dmar// byang sgo ljang ste sbrul mdzes mtshon pa bya// de ni tshon gyi rim pa'o// de nas gzugs brnyan dgod bya ste// dbus su phyag na rdo rje'i gzugs// pad+ma 'dab ma brgyad la klu chen brgyad// shar du sngags bdag rang dang dgu// gru chad brgyad la mdzo rtol brgyad// gnyan gyi rigs su shes par bya// lha rnams dag dang sgo bzhi la// rigs lnga'i klu tshogs dgod par bya// shar du rgyal rigs lhor bram ze// nub tu rje rigs dgod par bya// byang du dmangs rigs gdol can dgod// de dag la yang bdun bdun te// sbrul dkar sbal pa lcong mo dang// nya dang chu rta chu lug chu glang ngo// sbrul mgo phyin phyogs dag tu ni// sa bdag srin po dgod par bya// de ni gzugs brnyan rim pa'o// de nas rgyan rnams dgod par bya// rnal 'byor pa ni nub tu blta// shar lho mtshams su gtor ma gnyis// lho nub mtshams su bum pa bzhag/ nub byang mtshams su rma bya gzugs// byang shar mtshams su bdud rtsi bzhag/ byang du klu shing sgreng la bzhag/ lho ru nad pa'i 'dug sa bya// hom gyi cha rkyen hom dang sbag/sbyor tsa'i cha rkyen rang sar bzhag/ dar dang ras kyi yol ba dgram// spos dang tsan dan dri yis bdugs// ba dmar 'o ma rtag tu bzung// gtsang ma'i gos dang zas bza' 'o// 'dod chags tshogs dang bsnol kyang spong// bum pa'i chu yis rtag tu bkru// dgos pa'i ya stags 'tshog par bya// de ni rgyan gyi rim pa'o// de nas dkyil 'khor bskyed bya ste/ shu dz+nyA na yi sngags brjod pas// thams cad stong pa'i ngo bo bsam// de nas b+hUM la gzhal med khang// gru bzhi pa la sgo bzhi pa// 'dab brgyad pad+ma sbrul mgos brgyan// de yi dbus kyi lte ba la// yi ge mthing nag hUM yang bskyed// phyogs brgyad pad+ma dag la ni// phuHdgu rnal 'byor pas sgom bya// de bzhin gzugs brnyan thams cad la// yi ge phuHyi rnam pa bsam// de nas dbus kyi hUM las ni// spros bsdus 'od du zhu ba las// badzra zhes bya sgra brjod pas// rdo rje nag po rtse dgu bsgom// de nas spro dang bsdu byas nas// badzra pA Ni sgra brjod pas// phyag na rdo rjer gyur par bsgom// de thugs a las zla dkyil bsgom// de stengs sa bon hUM yang bsgom// de zer las byung phyag rdor dgug/de nas phuHkun zhu ba las// sbrul mgo bdun pa dgu bskyed do// sa bon gnyis las 'od 'phros pas// dbyings nas klu chen dgu yang dgug/ de bzhin phuHkun zhu ba las// gzugs brnyan gang yin ngo bo bsam// de nas klu tshogs mang po kun// las ni ci bya zer ba las// bka' bsgo rim pa sna tshogs bya// de nas phyag na rdo rje la// sngags rigs bklag cing rnam lnga dbul// de nas sngags bdag dbu gzung nas// sa bdag sa srin yan chad la// klu sman bdud rtsi'i mchod pa dbul// de la yang ni rnam bzhi ste// spyan drangs mchod pa dbul ba dang// sngags rings klag dang shan ting gdags// stong tsho re re gdags par bya// de nas spyan drang mchod pa dbul// slob dpon nad pa la sogs kun// bum pa'i chu yis legs par bkru// klu rnams kun la mchod pa dbul// hUM/ sngags kyi bdag po spyan 'dren na// dkar gsum dag gi bdud rtsi dbul// dkar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang// klu rnams mdangs dang ldan gyur cig/'dis 'og ma rnams 'dre'o// mngar gsum dag gi bdud rtsi 'bul// mngar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang// klu rnams mdangs dang ldan gyur cig/snying bu zho sha'i bdud rtsi 'bul// snying bu zho sha'i bdud rtsi yis// klu yi snying nad sos gyur cig/ klu yi snying nad sos nas kyang// klu rnams mdangs dang ldan gyur cig/ mkhal ma zho sha'i bdud rtsi 'bul// mkhal ma zho sha'i bdud rtsi yis// klu yi mkhal nad sos gyur cig/ klu yi mkhal nad sos nas kyang// klu rnams mdangs dang ldan gyur cig/ rgya mtsho sbu ba'i bdud rtsi 'bul// rgya mtsho sbu ba'i bdud rtsi yis// klu'i klad pa 'khrugs pa sos gyur cig/ klad pa 'khrugs pa sos nas kyang// klu rnams mdangs dang ldan gyur cig/ dbang po lag pa'i bdud rtsi 'bul// dbang po lag pa'i bdud rtsi yis// klu yi rkang lag na ba sos gyur cig/ rkang lag na ba sos nas kyang// klu rnams mdangs dang ldan gyur cig/ chu srin sder mo'i bdud rtsi 'bul// chu srin sder mo'i bdud rtsi yis// klu yi sder mo gog pa sos gyur cig/sder mo gog pa sos nas kyang// klu rnams mdangs dang ldan gyur cig/ 'gron bu dkar po'i bdud rtsi 'bul// 'gron bu dkar po'i bdud rtsi yis// klu yi swo nad sos gyur cig/ klu yi swo nad sos kyang// klu rnams mdangs dang ldan gyur cig/ til mar dag gi bdud rtsi 'bul// til mar dag gi bdud rtsi yis// rna ba'i dbang po nyams pa sos gyur cig/ rna ba'i dbang po nyams pa sos nas kyang// klu rnams mdangs dang ldan gyur cig/ dung gtsug g.yas su 'khyil ba'i bdud rtsi 'bul/ dung gtsug g.yas su 'khyil ba'i bdud rtsi yis// klu yi rus pa chag pa sos gyur cig/ klu yi rus pa chag pa sos nas kyang// klu rnams mdangs dang ldan gyur cig/ li khri dmar po'i bdud rtsi 'bul// li khri dmar po'i bdud rtsi yis// klu yi khra nad skam pa sos gyur cig/ khra nas skam pa sos nas kyang// klu rnams mdangs dang ldan gyur cig/ ras skud dmar po'i bdud rtsi 'bul// ras skud dmar po'i bdud rtsi yis// klu yi chu rgyun 'khums pa sos gyur cig/ chu rgyus 'khums pa sos nas kyang// klu rnams mdangs dang ldan gyur cig/dar tshon sna lnga'i bdud rtsi 'bul// dar tshon sna lnga'i bdud rtsi yis// klu yi pags pa ral ba sos gyur cig/ pags pa ral ba sos nas kyang// klu rnams mdangs dang ldan gyur cig/na ga ge sar bdud rtsi 'bul// na ga ge sar bdud rtsi yis// klu rnams mdangs dang ldan gyur cig/ byi lang ka'i snye ma'i bdud rtsi 'bul// byi lang ka'i snye ma'i bdud rtsi yis// klu rnams mdangs dang ldan gyur cig/dri lang ka'i snye ma'i bdud rtsi 'bul// dri lang ka'i snye ma'i bdud rtsi yis// klu rnams mdangs dang ldan gyur cig/ mon sran gre 'u'i bdud rtsi 'bul// mon sran gre'u'i bdud rtsi yis// klu rnams mdangs dang ldan gyur cig/khra sran bre bo'i bdud rtsi 'bul/ khra sran bre bo'i bdud rtsi yis// klu rnams mdangs dang ldan gyur cig/ gla gor zho sha'i bdud rtsi 'bul// gla gor zho sha'i bdud rtsi yis// klu rnams mdangs dang ldan gyur cig/lung ltang sho sha'i bdud rtsi 'bul// lung ltang sho sha'i bdud rtsi yis// klu rnams mdangs dang ldan gyur cig/ sho sha sum brgya drug cu'i bdud rtsi 'bul// sho sha sum brgya drug cu'i bdud rtsi yis// klu rnams mdangs dang ldan gyur cig/ nya phyis dkar po'i bdud rtsi 'bul// nya phyis dkar po'i bdud rtsi yis// klu rnams mdangs dang ldan gyur cig/ sha 'bras dkar po'i bdud rtsi 'bul// sha 'bras dkar po'i bdud rtsi yis// klu rnams mdangs dang ldan gyur cig/ gser gyi me tog bdud rtsi 'bul// gser gyi me tog bdud rtsi yis// klu rnams mdangs dang ldan gyur cig/ g.yu sgong 'bar ba'i bdud rtsi 'bul// g.yu sgong 'bar ba'i bdud rtsi yis// klu rnams mdangs dang ldan gyur cig/ 'bras bu gsum gyi bdud rtsi 'bul// 'bras bu gsum gyi bdud rtsi yis// klu rnams mdangs dang ldan gyur cig/rtsa ba lnga yi bdud rtsi 'bul// rtsa ba lnga yi bdud rtsi yis// klu rnams mdangs dang ldan gyur cig/ ga bur shes kyi bdud rtsi 'bul// ga bur shes gyi bdud rtsi yis// klu rnams mdangs dang ldan gyur cig/pu rtse shel gyi bdud rtsi 'bul// pu rtse shel gyi bdud rtsi yis// klu rnams mdangs dang ldan gyur cig/ tsan dan smug po'i bdud rtsi 'bul// tsan dan smug po'i bdud rtsi yis// klu rnams mdangs dang ldan gyur cig/'dam bu nag tshal bdud rtsi 'bul// 'dab bu nag tshal bdud rtsi yis// klu yi gnas khang nyams pa bskongs gyur cig/ klu yi gnas khang nyams pa bskongs nas kyang// klu rnams mdangs dang ldan gyur cig/ 'bru sna sna tshogs bdud rtsi 'bul// 'bru sna tshogs bdud rtsi yis// klu rnams mdangs dang ldan gyur cig/ rtsi sman sna tshogs bdud rtsi 'bul// rtsi sman sna tshogs bdud rtsi yis// klu rnams mdangs dang ldan gyur cig/ klu rnams mdangs dang ldan nas kyang// do nod mi 'di thong gyur cig/ do nod nad 'di thong gyur cig/ mi dang nad du khrol gyur cig/ de nas rnal 'byor sngags grub kyis// bsnyen sngags dag la shan+ting ni// blu blu brtags la stong tsho bzlas// de nas gdug rtsub byab par bya// nad kyi dngos po thon bya ste// rma bya thogs la 'di skad du// hUM/ sngags kyi bdag po tshur nyon cig/dang po bka' byung su yi bka'// dang po ston pa rnam gnyis bka'// da lta bka' byung su yi bka'// da ltar rigs 'dzin bdag gi bka'// rig pa 'dzin pa'i bka' la nyon// rig pa 'dzin pa'i bka' ma bcag/nga ni phyag na rdo rje yin// nga ni klu yi gnyen po yin// klu brgya zas su za ba yin// klu brgya gos su gyon pa yin// klu 'bum gdan du 'dings pa yin// klu sngas lus la brgyan pa yin// rgyu sbyor yon gyi bdag po la// lto 'phye rigs kyi gdug rtsub phyung// 'dis 'og ma 'dre/ grul bum klu'i gdug rtsub phyung// nya yi klu'i gdug rtsub phyung// sbal pa'i klu'i gdug rtsub phyung// gnyan gyi klu'-i gdug rtsub phyung// rgyal rigs klu'i gdug rtsub phyung// bram ze klu'i gdug rtsub phyung// rje rigs klu'i gdug rtsub phyung// dmangs rigs klu'i gdug rtsub phyung// gdol can klu'i gdug rtsub phyung// sa bdag sa srin gdug rtsub phyung// gdug rtsub thams cad phyir phyung zhig/ de yi ting 'dzin rim pa ni// nad kyi dngos po 'thon par bsam// de nas nad kyi dam bdar te// sngags kyi bdag po tshur nyon cig/ do nub mi 'di mi gtong zhing// do nub gdug rtsub mi 'don cing// rigs 'dzin bka' las 'da' byed na/ khyod kyi shi sa bstan pa ni// dam tshig sngags kyi byin brlabs dang/ khro bo yag sha me dbal gyis/ khyod kyi snying nas 'tshig 'gyur zhing// mdze nad sna tshogs khyod la 'ong// mig nad me 'bar khyod la 'od// 'on pa long ba khyod la 'ong// mdze can shu ba khyod la 'ong// bla med 'bras bu thob mi 'gyur// 'o na de la ma thug gis// do nod mi 'di thong dang// do nod nad 'di thon dang// 'dis 'og ma rnams 'dre/ khrag nad chu ser 'di las thon dang// klu nad mkhris pa 'di las thon dang// mi dang nad du khrol dang// mdze nad sna tshogs 'di las thon dang// bad kan nad rnams 'di las thon dang// mdze rigs dug thabs 'di las thon dang// sbrul gyi dkar po 'di las thon dang// sbal pa dkar po 'di las thon dang// lcang ke dkar po 'di las thon dang// nya mo dkar mo 'di las thon dang// chu rta dkar po 'di las thon dang// chu glang dkar po 'di las thon dang// chu lug dkar po 'di las thon dang// sbrul gyi ser khra 'di las thon dang// sbal pa ser po 'di las thon dang// lcong ke ser po 'di las thon dang// nya mo ser mo 'di las thon dang// chu rta ser po 'di las thon dang// chu lug ser po 'di las thon dang// chu glang ser po 'di las thon dang// sbrul gyi dmar khra 'di las thon dang// sbal pa dmar po 'di las thon dang// lcong ke dmar po 'di las thon dang// nya mo dmar mo 'di las thon dang// chu rta dmar mo 'di las thon dang// chu glang dmar po 'di las thon dang// chu lug dmar po 'di las thon dang// sbrul gyi sngo khra 'di las thon dang// sbal pa sngon po 'di las thon dang// lcong ke sngon po 'di las thon dang// nya mo sngon mo 'di las thon dang// chu rta sngon po 'di las thon dang// chu glang sngon po 'di las thon dang// chu lug sngon po 'di las thon dang// sbrul gyi nag khra 'di las thon dang// sbal pa nag khra 'di las thon dang// lcong ke nag khra 'di las thon dang// nya mo nag mo 'di las thon dang// chu rta nag po 'di las thon dang// chu glang nag po 'di las thon dang// chu lug nag po 'di las thon dang// nad rnams thams cad phyir phyung zhig/sngar byas nad rnams phyir phyung zhig/ da mi byed par dam chos shig/ sngags kyi bdag po khye chung gzhon nu// gzhon nu gtum po/ srid gsum dbang sdud/ gdug pa tshar gcod/ sbrul mgo bdun pa/ zur phud lnga pa/ mi dang nad du khrol dang/ gdug pa dug lnga bskyed pa ste/ dug lngas nad lnga rgyas par byed// nad lnga thams cad 'joms mdzad pa// sngags bdag khyod la phyag 'tshal lo// de nas nad rnams 'thon bar 'gyur// de ltar sngags bdag ji ltar bar// klu chen brgyad nas sa srin bar// kun la rim bzhin shes par bya// de nas sngags bdag cig phul// phyis ni dug kyang byab par bya// de la yang ni 'di skad do// hUM/ sngags kyi bdag po tshur nyon cig/ spu sdug de ni rma bya dang// sngags kyi de ni bdag po yis// dug rnams de ni phyir phyung zhig/ reg pa'i dug rnams phyir phyung zhig/ ltas pas dug rnams phyir phyung zhig/sbyor ba'i dug rnams phyir phyung zhig/ yid kyi dug rnams phyir phyung zhig kha rlangs dug rnams phyir phyung zhig/ klu chen brgyad kyi dug rnams phyir phyung zhig/ gnyan gyi dug rnams phyir phyung zhig/rgyal rigs dug rnams phyir phyung zhig/ bram ze'i dug rnams phyir phyung zhig/ rje rigs dug rnams phyir phyung zhig/ dmangs rigs dug rnams phyir phyung zhig/ gdol can dug rnams phyir phyung zhig/sa bdag sa srin dug rnams phyir phyung zhig/ sngar byas dug rnams phyir phyung zhig/ phyis byas dug rnams phyir phyung zhig/ da mi byed par dam chos shig/ sngags kyi bdag po khye chung gzhon nu// zur phud lnga pa/ sbrul mgo bdun pa/ gdug pa tshar gcad do// srid sum dbang sdud/ khyod kyis mi thul gang yang med/ khyod kyis mi phyin gang yang med// do nod nad 'di thon dang// mi dang nad 'di khrol dang// gdug pa dug lnga bskyed pa ste// dug lngas nad rnams rgyas par byed// nad rnams thams cad 'don mdzad pa// sngags bdag khyod la phyag 'tshal lo// dug rnams 'don pa'i rim pa'o/ khyad par dug sngags bdag la yin no// de yi ting 'dzin rim pa ni// rma bya dug rnams byabs pa'i tshe// bdag bzhin du nad byung bsam// des ni nad kyi dngos po sos// de ltar nyin mtshan thams cad du// rgyun mi chad par las rnams brtsam// de ltar las rnams brtsams na// ji lta bu yang 'tsho bar 'gyur// de ni klu sgrub rim pa rdzogs// de nas dkyil 'khor bsdu bar bya// rgyas pa'i gtor ma gnyis po gtang// ye shes sems dpa' gshegs su gsol// dam tshig sems dpa' phyir bzlog la// rim bzhin zhu ste 'jim par bsam// de nas thugs ka la yang spros pas// rlung gi dkyil 'khor cher bsams te// s+pha ra na phaT kyi sgra brjod pas// gang gnon sa ru gzugs brnyan ni// bskyal nas glud kyi dngos po bsam// sa tshon phyags te chu la 'bod// gzugs brnyan rnams kyang chu la 'bod// bum chu lhag mas nad pa ni// mgo lus med par bkru bar bya// de ltar sbyor ba zab mo 'di// bde bar gshegs pa'i las chen yin/ bcu gcig lon kyang 'tsho bar 'gyur// 'byung po gzhan la smos ci dgos// rtog pa'i rgyal po mchod rten gyi rgyud las/ klu bsgrub pa'i le'u ste brgyad pa'o//// de nas phyag na rdo rjes gsol pa// kye kye bcom ldan thugs rje can// las kyi sbyor ka bshad pa legs// klu yi thugs dam bskang ba yis// de yi rim pa ji ltar bgyi// bdag gis ma 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// klu yi thugs dam bskang bar 'dod na 'di ltar shes par bya ste// de la dang po bca' gzhi'i rim pa ni// sna tshogs 'bru las byas pa'i phye// rin chen tsan dan 'bru sna tshogs// phul lnga phul bzhi bre phyed phul do la// bang rim bzhi yi ri rab bya// phul lnga bshams la lha bshos bya// de ltar tshad ldan ri rab steng// pad+ma srab mo 'dab brgyad bzhag/ dbus su phyag na rdo rje'i gzugs// 'dab ma brgyad la klu chen brgyad dang sngags bdag dgu// sbyor ba mkhas pas dgod par bya// bang rim bzhi yi dang po la// mkhas bas gnyan gyi gzugs rnams dgod// de 'og bang rim gnyis pa la// rigs lnga'i klu tshogs dgod par bya// de 'og bang rim gsum pa la// sa bdag rigs tshogs dgod par bya// ri rab dag gi kha dog ni// shar dkar lho ser nub dmar byang ljang ngo// ri rab rtse mo ser por bya// shar du rgyal rigs/ lhor bram ze/ nub tu rje rigs/ byang du dmangs rigs gdol can dgod par bya// gnyan dang sa bdag gar mdzes dgod// de ni phyogs kyi rim pa'o// ri rab steng gi rtse mo la// smyag ma mgo rangs tshig dgu la// dar dang za 'og ras mas brgyan// shog shog dag la 'khor lo ni// rtsibs brgyad gur du dbub par bya// lte ba phyag na rdo rje rtsa ru gzugs// phyag na rdo rje rgyan du bya'o/ kha dog mthun pa'i nam mkha' lnga// ri rab phyogs bzhi dbus su dgod// shog bu dag la 'dab brgyad gur// ri rab phyogs bzhir gzugs par bya// nam mkha'i gru rnams thams cad du// bya spu sna tshogs rgyan du gtang// 'dab brgyad shog gu gur rnams la// klu yi gur du shes par bya// kun la dar zab ras mas gdags// dar tshon sna lnga'i gdugs kyis dgab// ri rab dag gi lhab shos dang// bang rim dang po bar dag tu// shag pa'i shing la nad pa'i gzugs// byas la shar dang nub tu gzugs// ming dang gzugs kyang bri bar bya// de nyid glud kyi dngos po bsam// ri bdun mtsho bdun gling bzhi mu khyud bcas// gling chen glud mchog ri rab steng// gtsang ma'i shing leb steng du bca'// klu gzugs rim pa mang po kun// bag zan dag la bya bar bshad// rgyas pa'i gtor ma bcu yang bzhag/ gtor ma rnams kyi kha dog ni// phyag na rdo rje sngags bdag klu chen rgyal rigs dkar// gnyan gyi gtor ma khra bor bya// bram ze ser po rje rigs dmar/ dmangs rigs gdol chen nag po sngo// sa bdag sa srin dang po mtshungs// slob dpon dag la gtsang gos dang// gtsang ma'i thod kyang bcing bar bya// yas gzhi khal gcig bre bzhi bzhag/yon bdag 'khor bcas khrus byas la// mdun du dad pa rab skyed la// de ni bcwa gzhi'i rim pa'o// de nas dang po stong nyid bsgom// de nas hUM las yi ge yaM// rlung gi dkyil 'khor bsgom par bya// de nas hUM las yi ge baM// chu yi dkyil 'khor bsgom par bya// de nas hUM las yi ge laM// gser gyi sa gzhi bsgom par bya// de nas hUM las yi ge su// ri yi rgyal po ri rab bsgom// de nas hUM las phyag na rdo rje skur// snga ma ji bzhin bskyed par bya// de nas thugs kha'i hUM las ni// yi ge duHser mang po spro// de nas mahA nA ga dang/ nA ga zhes bya ba'i sgra brjod pas// klu gzugs mang po sna tshogs kun// rang rang gzugs su gyur par bsgom// de nas phyag na rdo rje rang ni// klu rnams kun gyi ye shes kyi// sems dpa' spyan drangs bstim par bya// de nas klu rnams mang po kun// las ni ci bya zer ba las// glud kyi dngos po 'di bzhes bya// de nas bsnyen sngags grub tshad bzlas// de nas mdaus kyi mchod pa brtsam// de nas mtshams bcad pa dang// bshags pa dag kyang bya// mchod pa rim pa bzhin du dbul bar bya// de nas phyag na rdo rjes dbu gzung nas// sa bdag sa srin yan chod la// gnas nas spyan drangs gshegs su gsol// hUM/ 'og min lcang lo can gyi pho brang nas// bcom ldan phyag na rdo rje ni// sku mdog 'jigs pa mi bzad pa// dbu skra ser po gyen du 'bar// zhal bgrad mche gtsig 'jigs pa che// mthing nag 'bar ba'i sku mchog can// spyan gsum bzlog pas 'jigs pa che/ khro gnyer 'bar bas drag shul che// lus la klu lnga'i rgyan gyis brgyan// mgo la rgyal rigs sbrul dkar khra// skye la bram ze sbrul ser khra// dpung pa rje rigs sbrul dmar khra// rked pa dmangs rigs sbrul sngo khra// rkang pa gdol can sbrul nag khra// zhabs gnyis bgrad pas klu rnams gnon// 'khor du khro rgyal 'bum gyis bskor// phyag g.yas rdo rje rtse dgu 'phyar// phyag g.yon dril bu dku la brten// klu rgyal 'dul ba'i mthu bo che// 'dir spyon 'dir bzhugs 'phrin las mdzod// de nas sngags bdag spyan drangs te// hUM/ klu mtsho 'khy-il ba'i nang shed nas// sngo nag 'khyil ba'i nang shed na// gzhal yas rin chen sna bzhis byas// shar phyogs dngul dang lho phyogs gser// nub phyogs zangs te byang phyogs lcags// de lta bu yi nang shed na sngags kyi bdag po gshegs su gsol// sngon gyi bskal ba dang po la// bcom ldan shAkya thub pa dang// sdud pa po phyag na rdo rje'i spyan snga du// ji ltar khas blangs dam bcas pa// sngags kyi bdag por dbang yang bskur// 'gro drug 'dul bar dbang yang bskur// 'jig rten mthu chen dbang yang bskur// lnga brgya dus kyi tha ma la// rnal 'byor kun gyi srungs mar bsgom/ khol po bya bar dam tshig phog/ las mkhan bya bar dam tshig phog/ 'bangs kyi tshul du dam tshig phog/ 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas klu chen brgyad po spyan 'dren na// hUM/ 'dab brgyad gser gyi khri stengs na// sngags bdag sku las sprul pa'i klu chen brgyad// klu bdag chen po gzugs chen po/ khye chung 'bum gyi sprul pa 'gyed// dug lnga'i 'od zer sna tshogs kyis// nad rnams sna tshogs bzlog par 'gyed// 'di spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas gnyan spyan drang ste// hUM/ rgya mtsho yangs pa'i dkyil shed na// gdug pa'i gnyan chen mdzo rtol brgyad// sprul pa mdzo rtol sna tshogs 'gyed// g.yas kyi rwa la thog ser 'bebs// g.yon gyi rwa la glog dmar khyug/ rmig gzhi rnams la na bun 'thib/ kha rlangs khros pas sbrul du byung// 'jigs byed chen po gnyan chen gzugs// 'dir spyaun 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas rgyal rigs spyan drang ste// hUM/ shar du bltas pa'i chu mig nas// rgyal rigs klu tshogs gshegs su gsol// zhe sdang pho mo'i bu de ni// byol song ha la lto 'phye'i rigs// sbrul dkar sbal pa dkar po dang// nya dang lcong ge chu rta dang// chu glang chu lug dkar po'i gzugs// 'od zer 'phros pas yid kyi dug/ 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas bram ze spyan drang ste// hUM/ bram ze'i rigs mchog spyan drang na// lhor bltas mdzes pa'i chu mig nas// klu bdag chu la gnas pa'i bu// byol song gdug pa sbrul gyis rigs// sbrul ser sbal pa lcong mo dang// nya dang chu rta chu glang dang// chu lug ser po'i gzugs// lus la sbyor ba'i dug chen 'phro// nad rnams ma lus sel bar byed// bram ze chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas rje rigs spyan drang ste// hUM/ nub bltas sa gzhi rdo yang dmar// rje rigs 'chi bdag gnas yin te// chu la gnas pa'i klu chen po// lus la kha rlangs dug chen 'phro// nad rnams ma lus sel par byed// rje rigs chen po 'chi bdag ste// 'dir spyon 'dir bzhugs phrin las mdzod// de ring glud mchog rigs kyi mdos// glud mchog mdos kyi las mdzod cig/de nas dmangs rigs spyan drang ste// hUM/ dmangs rigs chen po 'chi bdag ste// byang bltas chu mig nag po nas// dmangs rigs chen po gshegs su gsol// sku ni sbrul sngon sbal pa sngon po dang// lcong mo nya dang rta dang glang lug sngon po// sku la reg ba'i dug chen 'phro// dmangs rigs chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/ de nas gdol can spyan drang ste// hUM/ gdol chen 'chi bdag gnas chen po// byang bltas chu mig nag po na// sku ni sbrul nag sbal pa nya dang lcong// rta dang glang dang lug dang ni// sku la ba so'i dug chen 'phro// gdol can chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/de nas sa bdag spyan drang ste// ri dang sgung tshigs shing gcig brag rtsa nas// sa bdag sa srin gshegs su gsol// gyong po khra'o 'dzin gyong po// sgur po zha'o rigs ngan po// sprul sku sna tshogs 'gyed mdzad pa// zha grum sna tshogs nad rnams gtong// sa bdag chen po 'chi bdag ste// 'dir spyon 'dir bzhugs 'phrin las mdzod// de ring glud mchog rigs kyi mdos// glud mchog mdos kyi las mdzod cig/de nas mchod pa dbul te// phyag na rdo rje dag la ni// sngags rings klag cing rnam lnga dbul// de nas sngags bdag dbu gzung nas// sa bdag sa srin yan chod la// bdud rtsi'i mchod pa 'bul// mdos chog bya/ hUM?/ sngags kyi bdag po spyan 'dren no// dkar gsum dag gi bdud rtsi 'bul// mngar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang// klu rnams mdangs dang ldan gyur cig/ mngar gsum dag gi bdud rtsi rnams// klu sgrub kyi le'u nas 'byung ba bzhin bya'o// de nas sngags rings klag cing bdud rtsi rnams dung phor du blug la/ sngags bdag la bdud rtsi chu bo'i rgyun bzhin du dbul/mdos bdag yin gyis mdos 'di bzhes// glud bdag yin gyis glud 'di long// yon bdag yin gyis yon 'di long// de ring glud chen mdos 'di bzhes// mi 'di de ring gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ gzha' tshon skud pa'i nam mkha' 'bul// rgyan gyi gter tu 'di bzhes shig/ mdzes pa'i pad+ma gur chen 'bul// gdugs kyi gter du 'di bzhes shig/ dar tshon sna lnga'i rgyan chen bgrems// rgyan gyi gter du 'di bzhes shig/ glud chen gzugs brnyan ming rus 'bul// 'bangs kyi gter du 'di bzhes shig/klu sman sna tshogs bdud rtsi 'bul// gsol zas gter du 'di bzhes shig/ de ring mi 'di khyod kyis thong// de ring glud 'di khyod kyis long// de ring mi bas glud che 'bul// glud bdag chen po glud bzhes shig/gdug rtsub dug rnams khyod kyis thon// grul bum gdug rtsub khyod kyis thon// sha za'i gdug rtsub khyod kyis thon// gdug rtsub dug rnams ma lus thon// klu bsgrub kyi le'u las shes par bya'o// mdos bdag chen po mdos long zhig/ sngags bdag rgyal po glud bzhes shig/ de ring glud 'di bzhes su gsol// yon bdag 'khor bcas glud du 'bul// de ring mdos 'di mi bzhes su// yon bdag 'khor bcas mdos su 'bul// gdug pa dug lnga skyed pa ste// dug lngas nad lnga rgyas par byed// nad rnams thams cad 'joms bdag pa// sngags bdag khyod la phyag 'tshal lo// yon bdag 'khor bcas kyis me tog gtor phyag bya/glud 'bul mdos bdag mdos bzhes bya'o// sngags bdag rag/ hUM/ klu chen brgyad po spyan 'dren na// mchod pa 'bul ba dang bdud rtsi 'bul ba klu sgrub las shes/ klu chen brgyad po tshur nyon cig/ mdos bdag chen po mdos bzhes cig/ klu chen brgyad po glud bzhes cig/ yon bdag gi ni yon 'di long// de ring glud chen mdos 'di bzhes// mi 'di de ring gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ gzha' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du 'di bzhes shig/dar tshon sna lnga'i rgyan chen bgrems// rgyan gyi gter tu 'di bzhes shig/ glud chen gzugs brnyan ming rus 'bul// 'bangs kyi gter du 'di bzhes shig/ klu sman sna tshogs bdud rtsi 'bul// gsol zas gter du di bzhes shig/ de ring mi 'di khyod kyis thong// de ring glud 'di khyod kyis long// de ring mi bas glud chen 'bul// glud bdag chen po glud bzhes shig/ gdug rtsub dug rnams khyed kyis thon// rgyal rigs gdug rtsub khyod kyis thon// des 'dre/ klu sgrub dang mthun/ mdos bdag chen po mdos bzhes shig/ klu chen brgyad po glud bzhes shig/ de ring glud 'di bzhes su gsol// yon bdag 'khor bcas glud 'bul lo// gdug pa dug lnga skyed pa ste// dug lngas nad lnga rgyas par byed// nad rnams thams cad 'joms mdzad ba// klu chen brgyad la phyag 'tshal lo// hUM/ gnyan gyi klu tshogs spyan 'dren na// mdos bdag yin gyis mdos 'di bzhes// glud bdag yin gyis glud 'di long// yon bdag yin gyis yon 'di bzhes// de ring glud 'di bzhes// de ring mi 'di gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ 'ja' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du bzhes su gsol// dar tshon sna lnga'i rgyan chen 'grems// rgyan gyi gter du 'di bzhes shig/ glud chen gzugs brnyan ming rus 'bul// 'bangs kyi gter du bzhes su gsol// klu sman sna tshogs mchod pa 'bul// gsol zas gter du 'di bzhes shig/ de ring mi 'di khyod kyis thong// de ring glud 'di khyod kyis long// de r-ing mi bas glud chen 'bul// glud bdag chen po glud bzhes shig/ gdug rtsub dug rnams khyod kyis thon// gong gi 'dre/ rgyal rigs nas sa bdag sa srin yan chod// mdos bdag chen po mdos bzhes shing// de ring glud 'di bzhes su gsol// yon bdag 'khor bcas glud du 'bul// gdug pas dug lnga skyed pa ste// dug lngas nad lnga rgyas par byed// nad lnga thams cad 'joms mdzad pa// gnyan chen brgyad la phyag 'tshal lo// hUM/ rigs lnga'i klu tshogs spyan 'dren// dkar gsum 'dre/mdos bdag yin gyis mdos 'di bzhes// glud bdag yin gyis glud 'di bzhes// yon bdag yin gyis yon 'di long// de ring glud chen mdos 'di bzhes// de ring mi 'di gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig/ gzha' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du 'di bzhes shig/dar tshon sna lnga'i rgyan chen 'grems// rgyan gyi gter du 'di bzhes shig/ glud chen gzugs brnyan ming rus 'bul// 'bangs kyi gter du bzhes su gsol// klu sman sna tshogs bdud rtsi 'bul// gsol zas gter du 'di bzhes shig/ de ring mi 'di khyod kyi thong// de ring glud 'di khyod kyi long// de ring mi bas glud chen 'bul// glud bdag chen po glud bzhes shig/ gdug rtsub dug rnams khyod kyi thon// dug rnams gong gis 'dre// mdos bdag chen po mdos bzhes shig/ de ring glung 'di bzhes su gsol// yon bdag 'khor bcas glud du bzhes// gdug pa dug lnga skyed pa ste// dug lngas nad lnga rgyas par byed// nad rnams thams cad 'don mdzad pa// rigs lnga'i sku la phyag 'tshal lo// hUM/ sa bdag sa srin spyan 'dren no// dkar gsum 'dre/ mdos bdag 'dre/ sa bdag rgyal po glud 'dre/ yon bdag yin gyis yon 'di long// de ring glud chen mdos 'dre/ mi 'di de ring gtang du gsol// rin chen sna bzhi'i gter 'bul gyis// gter gyi dbyig tu 'di bzhes shig gzha' tshon sna lnga'i nam mkha' 'bul// rgyan gyi gter du 'di bzhes shig/ mdzes pa'i pad+ma'i gur chen 'bul// gdugs kyi gter du 'di bzhes shig/ dar tshon sna lnga'i rgyan chen 'grems// rgyan gyi gter du/ glud chen gzugs brnyan ming rus 'bul// 'bangs kyi gter du bzhes su gsol// klu sman sna tshogs bdud rtsi 'bul// gsol zas gter du 'di bzhes shig/ de ring mi 'di khyod kyis thong// de ring glud 'di khyod kyi long// de r-ing mi bas glud chen 'bul// glud bdag chen po glud bzhes shig/ gdug rtsub dug rnams khyod kyis thon// dug 'dre/ mdos bdag chen po mdos bzhes shig/ sa bdag rgyal po glud bzhes shig/ de ring glud 'di bzhes su na// rgyal po chen po'i gzugs sgyur nas// 'dzam bu gling bzhi'i zas nor la// rgyal po chen po longs spyod mdzad// skye 'gro rtsis kyi byang bu 'grang// legs nyes sho la rgyan bkye nas// bka' las 'gal ba'i skyon can rnams// ltas ngan sna tshogs 'bebs par mdzad// sku ni dung mdog dkar po la// gser gyi gzha' ris 'od dang bcas// sku la gser gyi rgyan gyis brgyan// sku ni stong gsum khyab par sprul// sprul pa'i rgyal po 'dir gshegs la// mthun pa'i dam rdzas 'di 'bul gyis// smyug ma dkar po tshigs dgu dang// dar zab rgyan dang 'phangs med nor// ser dkar la sogs mthun pa'i rdzas// rgyu sbyor yon bdag don ched du// dga' mgu rangs pas khyod la 'bul// klu rgyal chen pos don mdzad nas// de ring bdag gis mchod 'bul gyis// yon bdag 'di la gnod ma byed// de ring rjes kyi las mdzod cig/chos skyong ka la tsakra ni// sku la ljang nag ber chen gsol// phyag na mnga' bzangs bya rgod bsnams// ral pa nag po mun rum 'bar// sma ra nag po ag tshoms me ltar 'bar// bgrang 'phreng nag po se ral ga/ bdud rta nag po chibs su chibs// srog bdud 'dzam gling mi la gcod// 'dir spyon 'dir bzhugs rdzas 'di long// mi snying rlon dang dar nag gur// mthun pa'i dam rdzas 'di bzhes la// mi dang dam rdzas brjes mdzod la// rnal 'a'abyor bdag gi bka' ma bcag/ klu rgyal chen po'i ngo ma bcag/ hUM/ bdud chen 'bum gyi gtso mdzad pa// 'jigs byed yam rje nag po ni// sku mdog dug sdong nag po 'dra// g.yas kyi phyag na bdud kyi khram shim thogs// g.yon pa'i phyag na rtsis kyi byang bu thogs// sprul pa khram thogs stong dang ldan// 'dir spyon 'dir bzhugs rdzas 'di long// bya snying la sogs dam rdzas 'di// mi dang dam rdzas brjes mdzod la// rnal 'byor bdag gi bka' ma bcag/ klu rgyal chen po'i ngo ma bcag/ bdud bran kun gyi ngor ma gtang// de ring rjes kyi las mdzod cig/hUM/ yam shud chen po 'chi bdag ste// btsan rigs kun gyi gtso mdzad pa// chibs su rta dmar chibs chibs nas// sku la za 'og ber chen gsol// klu 'dud sbrul gyi chun bos brgyan// ban d+ha dmar po gnam la 'phyar// sprul pa rol po skya bdun 'gyed// 'dir spyaun 'dir bzhugs rdzas 'di long// bshos bu mda' ni ltong dmar stsogs// mthun pa'i dam rdzas 'di bzhes la// mi dang dam rdzas brdzes mdzod la// rnal 'byor bdag gi bka' ma bcag/ klu rgyal chen po'i ngo ma bcag/ btsan phran kun gyi gtsor mdzad pa// 'jig byed yam shud dmar po ni// btsan phran kun gyi dor ma gtang// de ring rjes kyi las mdzod cig/ hUM/ dge bsnyen chen po tshur nyon cig/ dam pa chos kyi srungs ma mdzad// dam tshig nyams pa'i srog rtsa gcod// skyes pa dar ma'i dgra bla mdzad// klu yi sprul pa 'bum sde 'gyed// 'dir spyaun 'dir bzhugs rdzas 'di long// ra snying ra khrag ra gsob dang// ra tshil gsur chen gtang ba yis// dge bsnyen chen po mnyes gyur nas// mi dang dam rdzas brjes mdzod la// rnal 'byor bdag gi bka' ma bcag/klu rgyal chen po'i ngo ma bcag/ de ring rjes kyi las mdzod cig/ hUM/ pho rgyud gdon tshogs ma lus kun// the rang dgu stong 'gong po 'gyed// sa bdag klu gnyan ma mo'i tshogs// kun gyi dkrugs ma khyed kyis byas// rgyab rten kun gyi bka' mnyan nas// phung 'dri dkrugs ma lo la shom// mthun pa'i dam rdzas ra lug dang// glud dang yas sogs sna tshogs 'di// bde bar byas na khyed la bster// shes par gyis la yas 'di long// mi dang dam rdzas brjes 'di gyis// rnal 'byor nga yi bka' ma bcag/ klu rgyal chen po'i ngo ma bcag/ de nas bden bdar dpang btsugs la// dgongs mo ya stags gtang bar bya// des ni pho rgyud rjes sogs so// phyi bsgrub dag la brgyad dang bcu dgu'i drag sngags gdags// nyungs kar gtor zhing drag sngags dag gis brab// bgegs rnams tshar lang gcad par bya// gsang chen phyag rdor byin rlabs dang// klu rgyal chen po'i ngo chen gyis// tshangs chen rang yang sel 'gyur na// bgegs la sogs pa gzhan lta smos ci dgos// de nas klu rjes brtsam par bya// dang po dkyil 'khor gong ma ru// gsang chen phyag rdor sku bskyed cing// gsang bsgrub sngags kyang grub tshad bzlas// mchod pa rnam lnga rgyas par ni// sngags rings bklag cing dbul bar bya// skabs su klu rnams gnad la bor// de nas maN+Dal gnyis pa ru// bdag gzhan gsal bar bskyed byas la// bka' bsgo rim pa tshul bzhin bya// glud dang nad par rjes mdzod cig/ de nas phyi bsgrub spu ta ni// grub tshad bar du bzlas par bya// de nas rjes kyi mchod pa brtsam// hUM/ sngags kyi bdag po tshur nyon cig/ bcom ldan phyag rdor sku sprul pa// gzhon nu gtum po khro bo ste// klu rigs kun gyi gnyen po byed// rgya mtsho'i gting na bzhugs tsam na// klu rgyal chen po sog med lags// spos ngad ldan par bzhugs tsam na/ khye chung 'bum gyi gtso bo mnga' yang mdzad// 'dzam bu'i gling du mtsho tsam na// srid pa pho mo'i bsnyen po mdzad// de ring rjes 'di byed tsam na// lha 'dre yongs kyi skos mkhan mdzad// nan ltar skos kyis thebs tsam na// sku yi mkhyen bzhi'i man ngag 'bul// sku yi sprul pa stong gsum 'gyed// dug lnga spros pa nad rnams sel// sngags bdag chen po spyan 'dren na// dkar gsum dag gi bdud rtsi 'bul// dkar gsum dag gi bdud rtsi yis// zas kyi ro mchog ldan gyur cig/ zas kyi ro mchog ldan nas kyang// klu rnams mdangs dang ldan gyur cig/klu rnams mdangs dang ldan nas kyang// de ring rjes kyi las mdzod cig/ mngar gsum nas gzung bdud rtsi sna tshogs bar// klu bsgrub le'u byung ba bzhin du 'bul// de nas sngags rings bklag cing dung phor gyis// sngags bdag la ni dbul bar bya'o// spu ta nA ga rA dza a mr-i ta swAhA/ zhes bzlas so// klu'i 'dod pa'i yon tan thams cad 'byung bar bsam// hUM/ sngags kyi bdag po tshur nyon cig/'dud do yab cig klu la 'dud// mchod kyang yab cig klu rgyal mchod// rten kyang yab cig klu rgyal rten// 'bod kyang yab cig klu rgyal 'bod// yab cig klu la mi 'dud du// 'dzam gling mi yi grong khyer du// srin po pho mo'i gdon rnams dang// bgegs rigs stong phrag brgyad cu dang// lha srin la sogs sde brgyad dang// gnod sbyin la sogs ma lus kyis// rgyu sbyor yon bdag ma lus la// sems kyi sdug bsngal lus kyi na tsha gtong// de rnams 'dul phyir yab cig khyod la 'dud// yab cig khyod la mthu ma chung// rigs 'dzin bcol ba'i las ma bul// 'dir spyon 'dir bzhugs 'phrin las mdzod// rgyas pa'i gtor ma ba ling 'bul// sngags bdag sku tshe 'od dang ldan gyur cig/ lho dang byang dang shar nub dang// phyogs bzhi mtshams bzhi steng 'og bcu// rgya skyegs rams dang bu ram ka ra dang// zhu mkhan btsod dang sbrang rtsi shing thog dang// tshwa dang bal dang sha sna ma lus dang// shog bu sna tsha dar zab g.yu sgog tshogs// zas phud sna tshogs dang// sbrul dang sbal pa chu rta chu glang nya dang lcong ge'o// kun gyi sha dang pags pa dang// nya lcibs rtsal pa'i sgo nga dang// nad pa'i khrag dang nad pa'i skra// de rnams cha snyoms rin chen rdzas kyi skong bu nyi shu ru// tshad ma rdzas srang nyi shu blug pa'i rdzas// dag cing dad pas sngags bdag khyod la 'bul/khyod kyang bzhes la nor gyi dbyig mdzod cig/ dug rnams ma lus 'don pa rma bya'i mdong// rgyu sbyor yon bdag nad rnams 'don pa'i phyag char bzhes// nyungs dkar dug la sogs pa'i rdzas// drag po las kyi mthun rdzas 'di// dgra bgegs tshar gcod don du bzhes// bag zan dag la byas pa yi// nad pa'i gzugs brnyan 'di// rgyu sbyor yon bdag don du bzhes mdzod cig/ 'dab brgyad shog bu'i gur chen 'di// sku yi dril bu 'di bzhes shig/ dar zab la sogs ras mas brgyan// na bza'i gter du 'di bzhes shig/ gser dang dngul dang zangs dang lcags// byu ru mu tig man shel rnams// rin chen sna tshogs phur pa 'di// rin chen gter du bzhes su gsol// klu rnams dges mdzad chu lug dmar po ni// klu yi nor bu 'di bas che ba med// sngags bdag thugs dam 'di las bskongs pa med// rgyu sbyor rjes su 'di las che ba med// dar zab brgyan pa'i cha lugs 'di// de ring rjes kyi rdzas su 'bul// sngags kyi bdag po tshur nyon cig khyod kyis mi thon gang yang med/ khyod kyis ma phyin gang yang med// de ring mi 'di rjes mdzod cig/ de skad bya zhing chu lug dag kyang btab// nad pa'i dri gos sna gsum lug la g.yog/ skabs su nas gtor phyag kyang btsal// de nas sngags bsgrub bzlas pa bya zhing dam yang bdar// dam bdar klu bsgrub le'u nas lta// de ni sngags kyi rim pa'o// maN+Dal gsum pa'i rtsar phyin la// hUM/ klu chen brgyad po tshur nyon cig// sngags kyi bdag po'i sprul pa ste// 'chi bdag klu chen brgyad du byung// klu rigs kun gyi gtso bo mdzad// sprul pa klu bran 'bum sde 'gyed// klu chen brgyad po spyan 'dren na// dkar gsum dag gi bdud rtsi nas// klu sman tshogs kyi bdud rtsi'i bar// klu bsgrub le'u nas byung ba bzhin du dbul// kun la rim bzhin shes par bya// de nas sngags rings gong dang sbyar// hU/ klu chen brgyad po tshur nyon cig/ 'dud do yab cig klu la 'dud// dang po la sogs gong dang sbyar// de rnams 'dul phyir yab cig khyed la 'dud// yab cig khyed kyang mthu ma chung// rigs 'dzin bcol ba'i las ma bul// 'dir spyaun 'dir bzhugs 'phrin las mdzod// rgyas pa'i ba ling gtor ma 'bul// klu chen brgyad po 'od dang ldan gyur cig/ lho byang nas gzung nas de ring rjes kyi rdzas 'bul lo// zhes pa'i bar gyi gong dang mthun// de skad byas nas/ klu chen brgyad po tshur nyon cig/khyed kyis mi thon gang yang med/ khyed kyis mi phyin gang yang med/ khyed kyis mi rjes gang yang med// de ring mi dang glud du brjes// rjes grub pa'i las mdzod cig/ ces pa gong dang mthun// de ni klu chen rim pa'o// maN+Dal bzhi pa'i rtsa ra phyin la/ hUM/ gnyan chen sde brgyad tshur nyon cig/ 'chi bdag gnyan chen 'bum sde 'gyed// gnyan chen kun gyi gtso bo byed// rgya mtsho'i gting na bzhugs tsam na// klu rigs gnyan chen sde brgyad las// mdzo rtol 'bum gyi sprul pa 'gyed// 'dzam gling mi la gnod pa byed// gnyan chen sde brgyad spyan 'dren na// gzhan rnams klu chen brgyad dang mthun// de nas rgyal rigs rjes chen bya// dkyil 'khor lnga pa'i rtsar phyin pa// ting 'dzin sgom pa gong dang mthun// hUM/ rgyal rigs klu tshogs tshur nyon cig/ rgyal rigs chen po 'chi bdag sde// shar bltas chu mig dkar po nas// sbrul dang rtsang ba nya dang rta dang glang// chu lug dkar po la sogs 'byed// yid kyi dug chen 'phros pa yis// dgra bgegs ma lus mdze nad gtong// rgyal rigs klu tshogs spyan 'dren na// gzhan rnams klu chen ji lta bar// kun la rim bzhin shes par bya// de nas bram ze klu tshogs nas// gdol can chen po'i 'chi bdag bar// rgyal rigs 'chi bdag dang sbyar// rigs lnga rjes kyi rim pa rdzogs// de nas sa srin rjes chen bya// maN+Dal drug pa'i rtsar phyin la// ting 'dzin sgom pa gzhan dang mthun// hUM/ sa bdag sa srin klu tshogs tshur nyon cig/ sa bdag chen po 'chi bdag ste// ri dang rtsing bu sgog tshigs gram skams sa dang// brag dang shing gcig rtsa nas ni// sa bdag chen po'i gnas chen nas// gyong po rgur po theng po dang// zha bo 'dzin gying dmar po byed// sa bdag nad chen dug dag gis// dam nyams dgra bgegs nad kyis 'dzin// sa bdag klu tshogs spyan 'dren na// gzhan rnams klu chen ji bzhin mtshungs// des ni sa bdag rim pa rdzogs// de nas skabs su yon bdag gi na tsha thon las rjes kyis byas la/me tog gtor la khrus kyang bya'o// de nas 'di'i rjes kyang bya// hUM/ klu rigs ma lus tshur nyon cig/ nga ni phyag na rdo rje yin// gzi byin yag sha med dbal gyis// sprul pa cho 'phrul stong yang 'gyed// ma lus mtha' yas ma lus rdzas// ma lus non dang ma lus snan// ma lus glud dang ma lus rjes// dam tshig bde mtshig ma lus dang/ khyed kyang ma lus dbang gis 'khor// sngar byas da mi byed par gyis// mi dang glud dang rjes rdzas dang/ khyod kyis myur du rjes 'di gyis// gsang chen phyag na rdo rje dam ma 'dral// dam chos gnyan po lung ma bshig/ mthun pa'i dam rdzas ngo ma bzlogs// sngags bdag rgyal po ngo chen mdzod/khyod las ngo che gang yang med// rgyu sbyor yon bdag don gyi phyir// rjes 'di gnas su skyol bar mdzod// rgyal rigs nad rnams rjes gyur cig/ bram ze'i nad rnams rjes gyur cig/dmangs rigs nad rnams rjes gyur cig/ gdol can nad rnams rjes gyur cig/ gnyan gyi nad rnams rjes gyur cig/ sa bdag gnad rnams rjes gyur cig/ gdug rtsub thams cad rjes gyur cig/ mdze nad 'bras nad phol mig dang// shu ba g.yan pa'i nad rnams rjes gyur cig/ mi dang dam rdzas brjes mdzod cig/ hUM/ klu chen rgyal po tshur nyon cig/ gnyan chen sde brgyad tshur nyon cig/ rgyal rigs klu yang tshur nyon cig/de bzhin rigs bzhi'i klu yang tshur nyon cig/ sa bdag sa srin tshur nyon cig/ de ring rjes 'di mi mdzad cing// de ring mi 'di mi gtong zhing// mi dang nad du mi 'bral zhing// sngags ngor mi 'di mi gtong zhing// rigs 'dzin bka' las 'da' byed pa/ khyod kyi shi sa bstan pa ni// phyi ma'i lan chags rgyab nas 'ded// mi yi lan chags ngo la 'ded// mdze nad sna tshogs khyod la 'ong// 'on pa long ba khyod la long// sngags kyi cho 'phrul khyod la 'ong// dar cig bsdad pa'i thabs med par// klad nad drag bos thebs par 'gyur// 'o na de la ma thug gis// 'dir spyon mchod rdzas 'di bzhes la// rjes 'di gnas su skyol bar mdzod// rjes 'di gnas su skyol nas kyang// mi dang nad du 'phrel gyur cig/ mi dang glud du brjes mdzod cig/ de nas chu lug dgu po la// sna tshogs rgyan gyis brgyan nas kyang// rang rang rigs kyi gzugs brnyan g.yas su gdags// rjes kyi gzugs brnyan g.yon du gdags// rin chen phur pa rwa la gdags// skyong bu nyi shu khal du dgal// shog shog gur gyi steng du dbub// rigs dang bstun pa'i dar sna gdags// rgyas pa'i gur du dbul bar bya// de nas phyogs dang bstun la gtang// de lta bu yi cho ga ni// 'dzam bu'i gling nas rnyed pa dka'// sangs rgyas kun gyi dgongs pa yin// de nas sbyor dka' nub tu bca'// hoM shing shar du sbreng la gzhag/ sbyor ka'i cha rkyen rang sar gzhag/ hoM gyi cha rkyen hoM dang sbrag/ brgya rtsa brgyad kyi sbyor ba yis// bgegs rnams rdul du brlag par bya// tha ma mnan dang thal ba rlung la bskur// sngon bzhin sbyar la shes par bya'o// de nas klu rtan spo bar bya'o// de nas rta gnyan po bsdam// des ni rjes chen rim pa rdzogs// de ltar sbyor ba rdzogs byas nas// de lta bu yis tsi tsi dza la 'tsho bar 'gyur// sangs rgyas kun gyis de skad gsungs// rtog pa'i rgyal po mchod rten gyi rgyud las/ klu rjes gcad pa'i le'u ste bcu gcig pa'o//// de nas phyag na rdo rjes gsol pa// kye kye bcom ldan thugs rje can// klu rgyal dbang bskur rim pa yis// slob ma byin gyis ji ltar brlab// bdag gis mi 'tshal bshad du gsol// legs so dpal ldan phyag na rdo rje ni/ khyod kyang rtse cig yid kyi nyon/khyod la nga yis bshad bar bya// mdzes shing nyam dga'i sa phyogs su// dkyil 'khor gzhung nas byung bzhin bri// gzugs brnyan mi dgos sa bon dgod// dar dang ras kyi yol pa dgab// spos dang tsan dan dri yis dgang// gsang chen phyag rdor sny-ing po yis// sa sbyang bgegs bskrad la sogs bya// klu rgyal chen po'i sku bskyed la// lha la brten la sa slong bya// de nas maN+Dal legs byas la// ba li rnam lngas byugs nas kyang// tsan dan ga pur la sogs dri yi byug/ gur kum chus kyang legs byug la// bdag gzhan gsal bar bskyed nas kyang// gsang chen bsnyen pa 'bum tsho re// klu rgyal dag la bsnyen pa bskyal// rgyas pa'i gtor ma rgyun mi 'chad// des kyang dngos grub chen po thob// des ni bsnyen pa'i rim pa rdzogs// de nas lhag par gnas byas te// de la yang ni rnam gnyis te// bum pa'i lhag par gnas pa dang// slob ma lhag par gnas pa'o// de la dang por bshad par bya// dang po dkyil 'khor mdzes par bri// gzugs brnyan mi dgod sa bon dgod// gser ma dngul lam zangs sam lcags// yang na rin chen sa gzhi'o// rtsa ba nag sogs med pa yi// bum pa lnga yang dgod par bya// bum pa'i snying po gser dngul lam// sbrang dang 'o ma bu ram dang// 'bru sna tshogs par byas la bsgrub par bya'o/kha tshar ma nyams ras kyis dkri// shing lo shun pa'i kha brgyan bya// mi re'i gtor ma gnyis bshams la// mchod pa rnam pa lnga yang tshogs par bya// bdud rtsi bum pa sngon bzhin bya// ze zhal gnyis kyang bsham par bya// spos dang tsan dan dri sogs kyis// dkyil 'khor khang pa dag par bya// de ni brgyan gyi lor mo'o// de nas shUn+ya tA'i sngags brjod pas// bdag dang maN+Dal stong par sgom// de nas hUM las phyag rdor sku// snga ma ji bzhin bsgom par bya// de nas klu tshogs mang po kun// snga ma bzhin du bsgom par bya// bsnyen pa 'bum tsho bskyal bar bya// bum pa re'i nang du/ khri tsho re re bskyal bar bya// des ni bum pa lhag gnas rdzogs// de nas slob ma lhag gnas bya// slob ma'i gtso bo 'di skad do// ho/ bla ma rdo rje 'dzin pa khyod// bcom ldan phyag na rdo rje yin// gnyis med thugs rjes gzung slad du// bdag kyang rtag tu skyabs su gsol// dkyil 'khor dam par bdag gzhug phyir// lhag nas rim pa mdzad du gsol// de nas slob dpon gyis 'di skad du// bu tshur theg pa chen po yi/ khyod ni tshul chen snod yin te// dpal ldan phyag na rdo rje yis// dbang bskur dkyil 'khor bstan pa'i phyir// dbang bskur dkyil 'khor bstan par bya// lha gnas rim pa tshul bzhin bya// spu ta stong tsam bzlas par bya// de nas dkyil 'khor lho nub phyogs su// pad+ma 'dab brgyad bri bar bya// pad+ma'i dbus su sngags bdag dgod// phyag na rdo rje gzugs brnyan bzhag/ de nas phyag na rdo rje la// mchod pa rnam lnga dbul bar bya// sngags kyi bdag po de dang mtshungs// dang por slob ma lha la phyag gsum byed du gzhug/ thal mo sbyar nas mdun du gzhag/ de nas slob dpon 'di skad do// bu tshur nyon cig snod ldan khyod// dpal phyag na rdo rje'i grong khyer du// bu yang rab tu gnas bya zhing// rtag tu dam tshigs srung pa gsum// klu yi mchod pa byed nus sam// phyag rdor sku ru sprul pa byed nus sam// de ltar nus na bu khyod la// lhag gnas dngos grub nga yis sbyin// de nas slob mas gsol ba// ho bla ma rdo rje 'dzin pa yis// ji ltar lung bsgo rim pa ni// sangs rgyas kun gyis bsgo ba yis// rtag tu dam tshig bdag gi bskyang// ting nge 'dzin dang mchod pa dang// las kyi bzlas brjod bdag gis bgyi// bdag la dngos grub stsal du gsol// de nas slob dpon dag gis kyang// slob ma phyag gsum byed du gzhug/ de nas bla mas slob ma ni// dpal ldan phyag rdor sku ru bskyed// de nas mchod pa rnam lnga ni// sngags bdag phyag na rdo rje la// lad mo zlos shing slob mas dbul// hUM/ dpal ldan phyag na rdo rje dang// sngags kyi bdag po rnam gnyis la// dus tshod bzang po do nod kyang// rigs 'dzin dngos grub thob bya'i phyir// byin gyis brlab phyir rnam lnga yis// mchod pa dag kyang bdag gis dbul// thugs rjes dgongs nas bzhes su gsol// de nas sngags rings dag gis ni// me tog nas gzung gtor ma'i bar// rnam lnga re la tshigs bshad te// sngags rings tshar res dbul bar bya// badzra d+hU be/ badzra puSh+pe/ badzra A lo ke/ badzra gan d+he/ badzra mA le/ de nas rigs ngo brtag pa'i phyir// so shing dag kyang 'dor du gzhug/ bla mas 'di skad so shing sbyin// bu khyod grong khyor dam pa ru// bzhugs nas rigs kyang brtag ba'i phyir// sor brgyad tshad ldan gtsang ma'i shing// so shing bzung nas dbus su dor// slob mas gsol ba/ ho/ bla ma'i lung ni bsgo ba bzhin// so shing dag kyang bdag gis dor// ji ltar dpal ldan phyag rdor gyi// sku gsung thugs dang ye shes kyi// dngos grub rnam bzhi thugs kyis ni// dngos grub dam pa thob bya'i phyir// dbus mchog dga' ldan sar ltung shog/ so shing dor ba'o// de nas bsrung skud gdags par bya// bla mas gsungs pa/ bu khyod nyon cig skal ldan khyod// dngos grub bgegs kyis bar chod byed// bgegs rnams kun las bzlog pa'i phyir// dpal ldan phyag rdor snying po yis// brgya rtsa brgyad bsngags srad bu la// mdud pa nyi shu rtsa lnga bya// g.yon gyi dpung du gdags pa yis// bgegs rnams ma lus zhi gyur cig/ slob mas gsol pa/ ho/ ji ltar bla mas gsungs pa yi/ khro rgyal sngags bzlas srad bu yis// bdag gi lus rnams bsrungs gyur nas// stong phrag brgyad cu'i bgegs rnams kun// rdul phran bzhin du brlag nas kyang// dpal ldan phyag rdor skur gyur nas// sku yi dngos grub thob 'gyur shog/ bsrung skud btags te/ de nas ku sha dgram par yang bya'o// bla mas gsungs pa/ bu tshur nyon cig rigs mchog khyod// zab mo sngags dang sgom pa yang// dngos grub rtags ni 'byung mi 'byung// 'jug pa'i dus su rmi lam gyis// bzang ngan ltas rnams brtag pa'i phyir// ku sha gtsang ma'i rtswa mchog dang/ khyod kyi sngas su gding bar bya// slob mas gsol pa/ ho/ bla mas bstan pa'i rdzas/ nyal ba'i sngas su bdag 'dings gyis// phyag na rdo rje'i lus zhugs nas// klu rgyal dngos grub bdag bsgrub kyi// grub rtags ma lus dngos grub kyang// sngags bdag rgyal pos do nod ston// nyal nas nang par sngon de ni// rmi lam ci byung bzlas par bya// rmi lam yang ni rnam gnyis te// dngos su 'ong dang sprul pa 'gyed// dngos ni khye'u chung gzhon nu 'ong// yang na sbrul mgo bdun par 'ong// de rnams bdag la mgo ba dang// byung na rmi lam rab tu bzang// g.yag chen mang po 'ded pa 'ong// chu rta chu lug chu glang du// byung bzhin bdag gis byed na bzang// de ltar dngos su sprul pa'i rtags// 'ded dang lus la 'khril la sogs// byung na ngan pas bsnyen pa bzlas// de ni slob ma lha gnas rdzogs// de nas nang par dro la ni// dbang bskur rim pa rdzogs byas nas// dad ldan slob ma mdzes pa des// rim pa bzhin du khrus byas la// dar dmar dag gis mig bkab la// dkyil 'khor drung du phyag gsum bya// de nas thal mo legs sbyar la// tshig bshad 'di ni bzlas su gzhug/ ho/ bla ma rdo rje 'dzin pa yis// dus tshod bzang po da nang ni// bdag gis lus ngag dad dang ldan// dpal ldan phyag na rdo rje dang// sngags bdag la sogs klu rnams kyi// grong khyer dam par bdag gzhug gsol/ khyed ni sangs rgyas kun dang mnyam// dpa' bo chen po bdag gzhug gsol// mdzes pa'i 'gro mchog ma mthongs bas// da nang bdag kyang rab tu gzhug/ 'jig rten mgon po bdag gzhug gsol// de nas slob dpon gyis 'di skad ces brjod do// bu khyod legs so legs so// dpal ldan phyag na rdo rje dang// sngags bdag la sogs grong khyer 'dir/ khyod kyang nga yi rab tu gzhug/ khyod kyang dad pa rab tu skyed// mthun pa'i dam rdzas khyed kyis sbyin// dus mchog bzang po da nang nas// nam ji srid 'tsho yi bar du/ khyod kyang ci 'dod dngos grub 'ong// yid gnyis med par 'dir zhugs shig/ de nas khro bo'i chu la ni// gsang chen phyag rdor sngags bzlas la// slob ma'i lus bgegs rnams bskrad// de nas phyag gsum byed du gzhug/ de nas dang po lho phyogs su bkri// slob mas 'di skad brjod par bya// hUM/ dpal ldan phyag rdor grong khyer du// lho yi phyogs la rab brten nas// yon bdag dngos grub thob bya'i phyir// lus ngag yid gsum dang ba yis// bdag kyang phyag gsum rab tu 'tshal// de nas thal mo sbyar byas nas// oM na ma te hUM/ na ma me hUM/ na mo na ma swAhA/ de ltar sku gsung thugs kyis ni// phyag gsum dad pas byed du gzhug/ de nas shar phyogs su khrid la// ho/ dpal ldan phyag rdor grong khyer gyi// shar gyi phyogs ni nas rab brten nas// sku yi dngos grub thob bya'i phyir// lus ngag yid gsum dang ba'i phyir// bdag kyang phyag ni rab tu 'tshal// de nas thal mo de nyid snying khar sbyar la// oM na ma she hUM/ na ma me hUM/ na mo na mo na ma swAhA/ de ltar sku gsung thugs kyis ni// phyag gsum dang bas byed du gzhug/ de nas rab tu byang khrid la/ ho/ dpal ldan phyag rdor grong khyer gyi// byang gi phyogs la rab brten nas// 'phrin las dngos grub thob bya'i phyir// lus ngag yid gsum dngas pa yis// bdag kyang phyag ni rab tu 'tshal// de nas thal mo de nyid snying khar sbyar la// A+oM na ma she hUM/ na ma me hUM/ na mo na ma hUM swAhA/ de nas sku gsung thugs kyis ni// phyag gsum dang bas byed du gzhug/de nas nub tu rab khrid la// ho/ dpal ldan phyag rdor grong khyer gyi// nub kyi phyogs la rab brten nas// gsung gi dngos grub thob bya'i phyir// lus ngag yid gsum dang ba yis// bdag kyang phyag gsum rab tu 'tshal// de nas thal mo de nyid snying khar sbyar// oM na ma she hUM/ na ma me hUM/ na mo na ma hUM swAhA/ phyag bya'o// de nas me tog legs bskur te// lag tu thogs la 'di skad brjod// phyag rdor grong du bdag mchi'o// dpal ldan sku gsung thugs dang yon tan dngos grub ni// yang dag bdag gis thob bya'i phyir// dkyil 'khor dbus su bdag dor gyis// phyag rdor sku la phog par shog/ de skad rjod la dbus su ni// brtan la phab la rab tu bshad// sbu ta la pra ti dza ho// me tog dor ba'o// de nas slob mas 'di skad do// dus mchog bzang po da nang yang// bla ma rdo rje 'dzin pa yis// dkyil 'khor bzang po bstan du gsol// dpal ldan phyag rdor grong khyer mchog/ nad la sogs pa zhi byed pa'i// mdzes ldan grong khyer pad tshal du// bdag kyang rab tu lta bar 'tshal// mig kyang rab tu dbye ru gsol// de nas slob dpon gyis 'di skad rab tu brjod do// bu khyod skal ldan da nang yang// grong khyer chen po ngas bstan gyis/ khyod kyang dga' ba rab tu skyed// mun la mar me ji bzhin du// ma rig mun pa bsal nas kyang// ye shes mig gis 'jig rten kun// gsal zhing dngas pas khyod kyis ltos// sems can kun gyi don gyi phyir// mig mchog bzang po da nang dbye// mig dbye ba'o// me tog mgo la btags la// dpal ldan phyag rdor sku gsung thugs// yon tan mchog dang 'phrin las dang// sngags kyi bdag po dbang mchog rnams// rim pa bzhin du bskur bar bya// de nas dad ldan phyag byas nas// dkyil 'khor klu tshogs bstan par bya// yang ni phyag gsum byas nas kyang// thal mo sbyar te 'di skad do// ho/ ji ltar dkyil 'khor chen po yang// bla mas bdag kyang lta ba la// rab tu rgyas par bstan pa legs// bdag gis kyang ni mdzes par mthong// da ni bla mas dbang bskur yang// dpa' bo chen pos bskur du gsol// bdag kyang dga' ba rab tu bskyed// de nas skabs der dam tshig chu yang blud par bya'o// klu sman 'o ma bcas pa'i chu// g.yon du thogs la 'di skad do// 'di ni khyod kyi dmyal ba'i chu// dam tshig 'das na sreg par bye// dam tshig bsrungs na dngos grub thob// ye shes chu bo'i bdud rtsi 'di// nga yis khyod la blud pa yis/khyod kyang bsgo ba'i bka' rnams nyon// dam tshig srung ba'i las rnams kyis// oM sarba ta thA ga ta/ blud par bya bar the tsom med// de nas dbang bskur rim pa bya// phyag gsum byas nas thal sbyar bya// lho yi phyogs su khri btsigs la/khri yi steng du slob ma gzhag/ de la phyag rdor sngags bdag gi/ dbang rnams rim bzhin rdzogs par bskur// de nas bla mas dbus kyi ni// bum pa blang la mgor gzhag la// tshig bshad 'di yang brjod par bya// hUM/ dpal ldan phyag na rdo rje yi// sku yi dbang mchog thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang// 'phrin las dbang mchog rnam lnga las// sku yi dbang mchog bskur ba yis// sku yi dbang mchog thob gyur cig/ sku yi dbang mchog thob nas kyang// phyag na rdo rje'i skur gyur nas/ khyod kyi sku mchog thob pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang// phyag rdor sku ru byin gyis brlabs// oM spu ta spu ta mahA krod+ha hUM/ sid+hi sid+hi spo ta ya hUM phaT/ kA ya badzra swAhA/ dus mchog bzang po de ring nas// ji srid 'tsho yi bar du ni/ khyod kyang phyag rdor sku ru byas// klu tshogs mang pos tshugs mi 'gyur// de nas bum chu spyi bor blugs// des ni phyag rdor sku ru 'gyur// de nas shar gyi bum pa bteg la// snying kha dag tu rab bzhag nas// hUM/ dpal ldan phyag na rdo rje yi// thugs kyi dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang// 'phrin las dbang mchog rnam lnga las// thugs kyi dbang mchog bskur ba yis// thugs kyi dbang mchog thob gyur cig/ thugs kyi dbang mchog thob nas kyang// phyag rdor thugs dang ldan gyur cig/khyod kyi dbang mchog nos pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang// phyag rdor thugs su byin gyis brlab// oM spu ta spu ta mahA kro ta hUM/ sid+hi sid+hi spo ta ya hUM phaT/ tsit+ta badzra swAhA/ tsit+ta badzra swAhA// dus mchog bzang po nam langs nas// ji srid 'tsho yi bar du ni/ khyod kyang phyag rdor thugs su byas// klu tshogs mang pos tshugs mi 'gyur// de nas bum chu snying khar blug/ des ni phyag na rdo rje yi// thugs su gyur par the tshom med// de nas lho'i bum pa bteg la// lte ba'i dbus su rab gzhag la// hUM/ las kyi phyag na rdo rje yi// yon tan dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang// 'phrin las dbang mchog rnam lnga las// yon tan dbang mchog bskur ba yis// yon tan dbang mchog thob gyur cig/ yon tan dbang mchog thob nas kyang// phyag rdor yon tan ldan gyur cig/ khyod kyi yon tan brjod pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma la// phyag rdor yon tan byin brlabs bya// oM spu ta spu ta mahA kro d+ha hUM/ sid+hi sid+hi sbo ta ya hUM phaT// tsit+ta badzra swAhA/ dus mchog bzang po de ring nas// ji srid 'tsho yi bar du ni/ khyod kyang phyag rdor yon tan byas// klu tshogs mang pos tshugs mi 'gyur// de nas bum chu lte bar blugs// des ni phyag rdor yon tan grub// de nas nub kyi bum pa bteg la// ske'i mgrin par rab gzhag nas// hUM/ dpal ldan phyag na rdo rje yi// gsung gi dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang// 'phrin las dbang mchog rnam lnga las// gsung gi dbang mchog bskur ba yis// gsung gi dbang mchog thob gyur cig/ gsung gi dbang mchog thob nas kyang// phyag rdor gsung dang ldan nas kyang/khyod kyi nga rgyal brjod tsam gyis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang// phyag rdor gsung du byin gyis brlab// oM spu ta spu ta mahA krod+ha hUM/ sid+hi sid+hi sbo ta ya hUM phaT/ kA ya badzra swAhA/ dus mchog bzang po de ring nas// ji srid 'tsho yi bar du ni/ khyod kyang phyag rdor gsung du byas// klu tshogs mang pos tshugs mi 'gyur// de nas bum chu mgrin bar blugs// de nas byang gi bum pa bteg la// gsang ba'i gnas su rab gzhag la// hUM/ dpal ldan phyag na rdo rje yi// 'phrin las dngos grub thob bya'i phyir// skal ldan khyod la bskur bar bya// dpal ldan phyag na rdo rje yi// sku gsung thugs dang yon tan dang// 'phrin las dbang mchog rnam lnga las// 'phrin las dbang mchog bskur ba yis// 'phrin las dbang mchog thob gyur cig/'phrin las dbang mchog thob nas kyang/ khyod kyis 'phrin las brtsams pa yis// bgegs dang log 'dren thams cad kun// zug rngu tsam yang med gyur cig/ de skad byas la slob ma yang// phyag rdor 'phrin las byin gyis brlabs// oM spu ta spu ta mahA krod+ha hUM phaT/ sid+hi sid+hi spau ta ya hUM phaT/ karma ni swAhA/ dus mchog bzang po de ring nas// ji srid 'tsho yi bar du ni/ khyod kyang phyag rdor 'phrin las byas// klu tshogs mang pos tshugs mi 'gyur// de nas bum chu gsang bar blugs// de ni phyag rdor 'phrin las grub// de nas sngags bdag dbang yang bskur// sbrul mgo bdun pa'i gzugs brnyan ni// slob ma'i mdun du nges par gzhag/ tshig bshad 'di yang brjod par bya// bu tshur nyon cig dbang ldan khyod la// phyag rdor sku ru khyod byas te// klu rgyal chen po grub pa'i gzugs// bran dang khol po yang g.yog dang// 'bangs dang tshul du sngon du gtang/ khyod kyis rtag tu 'di sgrubs shig/ klu yi dam tshig khyod kyis srung// klu yi snying po khyod kyis zlos// ku yi gtor ma rgyas pa khyod kyis thong// rgyas pa'i klu sgrub byed pa'i tshe// 'dod chags bsnol dang brtsog kyang spong// dkar gsum zas dang dngar gsum zas// ba dmar 'o ma khyod kyis sten// dam tshig mchod pa gsang sngags zlos// gnyen po bsgrub pa yun ma thung// 'on tam 'bras bu grub nas kyang// ci 'dod dngos grub gter bar 'gyur// oM spu ta spu ta mahA krod+ha hUM/ sid+hi sid+hi spo ta ya hUM phaT swAhA/ brgya rtsa brgyad bzlos su gzhug/ de ni sngags bdag mdun du ni// bran gyi dngos po mchis par bsam// de nas gtor ma'i dbang bskur sbyin/ khro rgyal sngags bdag dges bya'i phyir// yo byad 'tshogs pa'i ba ling 'di// byin gyis brlabs nas khyod la gtad/ khyod kyis kyang ni rtag tu thong// de nas kyang dngos grub bar chod srung// de nas bdud rtsi'i dbang bskur te// klu rnams gsol mdzad bdud rtsi'i sman// ma lus 'tshogs pa'i bdud rtsi 'di/ khyod kyis 'dul ba'i dbang bskur gyis/khyod kyis kyang ni rtag tu 'bul// des kyang dngos grub chen por 'gyur// de nas sngags kyi dbang bskur te// gsang chen phyag rdor snying po yis// klu rnams ma lus zil gyis gnon// phyi bsgrub nang bsgrub gsang sngags kyis// mtha' yas 'bum phrag las rnams 'grub// bsgrubs na lha yang 'grub par nges// bskrad na lha yang skrod par nges// sbyor ba ci bsams 'grub par 'gyur// sngags rings gsang sgrub phyi dang nang// shog bu dag la bris la lag tu gtad/ khyed kyang rtag tu rgyun ma gcad// de nas gtor ma gnyis po gtang// sngags bdag phyag na rdo rje yi// 'bras chen la sogs rnams kyang gtang// bdud rtsi bum pa kun kyang dbul// de nas phyag gsum byed du gzhug/ tshig bshad 'di yang brjod du gzhug/ ho/ bla ma rdo rje 'dzin pa dang// dpal ldan phyag na rdo rje dang// sngags bdag la sogs klu tshogs kyis// spyan sngar ji ltar dam nos pa// de ltar bdag gis dbang yang thob// dus 'di nas gzung nas ji srid 'tsho'i bar// bdag kyang phyag na rdo rje las// sngags bdag la sogs bran du byas// de ltar brjod pa'i bla ma la// gser dang dngul dang byu ru dang// mu tig man shes a ka ru// zangs lcags 'khar ba'i rgyan can dang// gser g.yu bang mdzod 'bru sna dang// dar dang za 'og gnas dang khyim// yul zhing ba lang glang po che// rta mchog ba mo rta rgod dang// bu dang chung ma nor gyi dbyig/ bdag rang gis kyang sna drangs nas// yid 'thad gces pa'i nor rnams kyang// bla ma la ni dbul bar bya// nor dang dbul ba'o// de nas bum chu kun bsdoms la// slob ma rnams la khrus bya// ye shes sems dpa' gshegs su gsol// dam tshig sems dpa' phyir bzlog la// sa tshon phyags la chu la dbo// de ltar dbang mchog zab mo ni// sangs rgyas kun gyis kyang ni byin gyis brlabs pa'o// rtog pa'i rgyal po mchod rten gyis rgyud las/ dbang bskur ba'i le'u ste bcu gnyis pa'o//// de nas phyag na rdo rjes gsol pa/ kye kye bcom ldan thugs rje can// 'khor lo dgu pa'i dkyil 'khor gyi/ khog dbub rim pa ji ltar bgyi// bdag gis ma 'tshal bshad du gsol// legs so dpal ldan phyag na rdor/khyod la nga yis bstan par bya/ khyod kyang rtse gcig yid kyis nyon// bca' ba rdzas dang byug pa rgyan// gnyen po'i gshed dang bsgrub pa sngags// rgyan gdan gzugs dang rten bca'// ngan sngags byad btson du bzung// ma grub spogs pa'i cho ga yis// drag po'i 'khor lo bskor bar bya// bca' ba rdzas la rnam pa bcu ste// nyung kar gu gul dkar po dang// ske tshe mi sha ga pur dang// rma bya'i mdongs dang btsan dug ra// rgya tsha rang gi ga pur dgu// gla rtsi dang ni rdzas rnams kun// sha ba'i pags pa'i khug ma ru// blug la mchan khung g.yon du gdags// byug pa rgyan gyi 'khor lo ni// nang gi bum pa bcas te// zangs kyi 'gun de nang du ni// klu yod chu mig dgu yi chu// rgya mtsho chen po'i chu dang ni// gangs kyi 'khyag pa bzhu ba'i chu// chu bzhi gzhi blangs bum pa bca'// bum pa'i nang du a ru ra// skyu ru ra dang ba ru ra// sbrang dang bu ram ba mar 'o ma dang// phag pa khyi dkar 'o ma dang// lug smug 'o ma dang// rta dang khyi dkar dang// sngar med gzhon nu mdzes pa yi// 'o ma rnams kyang blug par bya// gla rtsi dag dang ga pur dang// klu sman sna tshogs 'bru sna tshogs// bum pa'i nang du blugs par bya// bum pa ras sngon dag gis gril// man 'dzi dag gi kha ru gzhag/ bsnyen sngags 'bum tsho bzlas par bya// de nas skabs su phyi khrus legs byas la// me long du bum pa'i chu sgo nga re// blug nas gu gul dkar po dang// 'dag pa byas la lus kyi gnad du bsku// bsku ba la yang rnam gnyis te// gnas lnga srung zhing rtsa bzhi gnan// de yang bla ma'i zhal la shes// gsang chen phyag rdor snying po bzlas// mthe bong tsam gyi sku yang bsgom// de ltar byug pa byas nas kyang// klu rigs kun gyis tshugs mi 'gyur// a+thi+-i/ gnyen po gshed kyi 'khor lo yang// rnam pa gnyis su shes par bya// phyi bsgrub dus su phyag rdor sku// nang bsgrub dus su byang khyung ka ru bzla// de gnyis grub na sngags bdag grub// bsgrub pa'i sngags ni phyi nang ngo// a+thi+-i/ rgyan dam pa gzugs kyi 'khor lo ni// ya la tho bya rma bya lnga// mgo ba'i phyogs bzhi dbus dang lnga// legs par nan tan gzugs par bya// de yang gnyen pa'i rjes su shes// a+thi+-i/ rten bca' ba yi 'khor lo ni// ris su bris dang lugs su blug/ 'bur du gtod dang rgyan chen btags// spyan dbye la sogs ji bzhin bya// de yang brten bcas de'i le'u las shes// a+thi+-i/ ngan sngags byad la gnyis te// bgegs la sngags rgod gdags pa dang// dgra la gdags pa gnyis yin te// bgegs kyi sngags la sngags chen po// brgya dang bcu dgu'i drag sngags kyis// klu rgyal chen po'i snying bskul nas// dam nyams 'byung po rdul du lhogs// dgra la gdags pa 'bum yod de// nang bsgrub nang nas shes par bya// a+thi+-i/ drag po'i 'khor lo bskor ba la// rnam pa gnyis su shes par bya// bskor ba'i tshul du bskor ba dang// dkrugs pa'i tshul du bskor ba dang// de yang dkrugs pa'i le'u las shes par bya'o// a+thi+-i/ de ltar phyi yi 'khor lo dgu// zab mo sbyor ba'i man ngag ste// kun gyis shes na ngo mtshar med// sangs rgyas kun gyi thugs byung ba'o// rtog pa'i rgyal po mchod rten gyi rgyud las/ 'khor lo dgu khog dbub pa'i le'u ste bcu gsum pa'o//// de nas phyag na rdo rjes gsol pa// kye kye bcom ldan thugs rje can// brgya dang bcu dgu'i drag sngags kyis// bsnyen pa'i sham bu byas nas kyang// ji ltar 'byung po tshar gcad pa// bdag gis ma 'tshal bshad du gsol// legs so dpal ldan phyag na rdo rje/ khyod la nga yi bshad par bya/ khyod kyang rtse gcig yid kyis nyon// bsnyen sngags sgrub pa'i rnal 'byor pas// shin tu che ba'i bgegs rnams la// drag po sngags kyi sbyor ba tsom// oM spu ta spu ta nA ga ra dza tshe tshe nA rA dza 'ur 'ur/ nA ga rA dza myags myags/nA ga rA dza hur hur/ nA ga ra dza nan/ phu yu/ tan tu pa/ nag po bam tsi tsi rgyas/ trag thur snying la gul gul/ myags myags/ rtsa bzhi bskum/ shan shan srog la shan/ tsha byung nag po sod/ mA ra ya rbud/thig sha pra be sha ya rbud/ tsi tsi tri pa li mi li ka/ 'dar 'dar hUM hUM phaT// ni sha mahA krod+ha hUM phaT/ ha zhen ha zhen/ nA ga zhen na ga zhen/ nA ga rA dza ku ma ra b+h+yo/ brgya dang bcu dgu'i las kyis ni// dgra bgegs thams cad thal bar gtong// stong tsho gcig tu bzlas gyur na// lha chen tshangs pa'ang 'chi 'gyur na// gnod byed bgegs la smos ci dgos// 'dzam bu'i gling nas rnyed par dka'// rtog pa'i rgyal po mchod rten gyis rgyud las/drag sngags drag pos bgegs tshar gcad pa'i le'u ste bcu bzhi pa'o//// de nas phyag na rdo rjes gsol pa/ kye kye bcom ldan thugs rje can// 'khor lo dkrugs pa'i rim pa yis// sngags bdag bran zhing ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// shog bu gro ga ras dag la// gur kum chu yis 'khor lo ni// rtsibs brgyad phyi rim mu khyud gsum// rim pa ji bzhin bskor bar bya// de yi phyi rim me ris bskor// 'khor lo'i lte bar sngags bdag gzugs// gur gum chu yis tshad ldan bri// 'khor lo'i rtsibs la spu ta'i sngags bri// sngags kyi god snyoms dgod par bya// phyi rol mu khyud dang po la// sngags rings dag gis bskor bar bya// de nas nang gi mu khyud la// gsang bsgrub bsngags kyis bskor bar bya// de yi nang gi mu khyud la/ khyi rgya dub pa'i sngags kyis bskor// de nas bdag gzhan bskyed par bya// sgo ba'i rim pa byas nas ni// zangs sam 'khar ba'i ga 'ur gzhug/ g.yam khang gru bzhi'i nang du gzhug/rtag tu spos dang tsan dan byug/ dam tshig mi yi sel mi gzhug/ rang nyid gsang bsgrub bsnyen rdzogs nas// drag po'i 'khor lo bskor bar bya// de nas mtshams gcad bsnyen pa dang// de nas las kyi 'khor lo dkrug/ dang po rig byed rgyal po gzhug/ de rting khro bo'i sa bon gnyis// de rting khro bo chen po gzhag/ de rting drag po'i gzir ba gzhag/ de rting drag pos sa bon gzhag/ de rting dngos grub snying po gzhag/de rting nA ga'i snying po gzhag/ de rting zhi ba'i sa bon gzhag/ phyi bskor sku yi drag sngags kyis// klu rnams ma lus bskrad par 'gyur// de nas nang gi rim pa la// dang po sa bon gnyis pa gzhag/de rting rig byed rgyal po gzhag/ de rting drag po gzir ba gzhag/ de rting chen po'i khro bo gzhag/ de rting dngos grub snying po gzhag/ de rting drag po'i sa bon gzhag/ de rting nA ga'i snying po gzhag/de rting zhi ba'i sa bon gzhag/ nang bskor gsung gi drag sngags kyis// klu rnams ma lus brgyal bar 'gyur// de nas thugs kyi rim pa la// dang por khro bo chen por bzhag/ de rting rig pa'i rgyal po gzhag/de rting sa bon gnyis pa gzhag/ de rting drag po'i gzir ba gzhag/ de rting dngos grub snying po gzhag/ de rting sa bon gcig pa gzhag/ de rting nA ga'i snying po gzhag/ de rting zhi ba'i sa bon gzhag/gsang bskor thugs kyi drag sngags kyis// klu rnams ma lus brlag par 'gyur// de ltar 'khor lo bskor byas nas// gsang sngags gnyis kyang brlag par 'gyur// ting 'dzin sngags sbyor rgyun mi gcad// bdag nyid lha mchog skur gsal bsgom// de ltar byas nas sngags bdag ni// bran gyi dngos por dngos su 'ong// klu gtor rgyas pa rtag tu gtang// zla ba gsum du bskor gyur na// dngos su skad ngan 'ong// rtags kyi mtshan ma mi stas kun// bla ma'i zhal nas shes par bya// rtog pa'i rgyal po mchod rten gyi rgyud las/ sngags bdag las ma btub na drag po'i 'khor lo bskor ba'i le'u ste bco lnga pa'o//// de nas phyag na rdo rjes gsol pa// kye kye bcom ldan thugs rje can// zhu 'dul rim pa ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/khyod kyang rtse gcig yid kyis nyon// dang por bdag gzhan legs bskyed la// thugs khar sngags kyi 'phreng ba bsam// de nas dam la btags pa'i tshe// drag po sngags kyi 'od zer gyis// nad pa'i rma tshogs bsregs nas kyang// nad kyi dngos po gang yin pa// bya sgro thab tu tshig ltar bsgom// de nas sngags de rang la 'dus// snga ma bas kyang gzi mdangs che// zho rkyal bzhin du bdag nyid bsam// de 'bra'i sbyor ba zab mo ni// sangs rgyas kyis kyang mi brnyes so// rtog pa'i rgyal po las/ zhu 'dul gyi le'u ste bcu drug pa'o//// de nas phyag na rdo rjes gsol pa// kye kye bcom ldan thugs rje can/ khrus kyi bum pa ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig yid kyis nyon// dang po dkyil 'khor rgyas pa'i rtsar// gser dngul zangs lcags bum pa ru// gtsang ma'i chu dang ba mar 'o ma ru// a ru ra dang skyu ru ra// bu ram sbrang dang ga pur mu tig shel// bum pa'i snying po 'tshogs par blug/ de nas bum pa bskyed bya ste// dang po stong nyid ting 'dzin sgom// de nas b+h+raM las ban d+ha ni// rin chen gzhal yas bsgom par bya// de nas dbus su hUM las phyag na rdo rje'i sku// snga ma ji bzhin bsgom par bya// ye shes sems dpa' bkug la bstim par bya// de nas nyungs kar dag la bzlas la bum par blug/ khro chung mtshon cha can du bsgom par bya// de nas nang par sngon de ru// nad pa khrus byas dbyung bar bya// sngags bzlas zhu 'dul der yang bsam// mtha' rten shan ting ku ru gdags// de na gnyid kyi spogs kyang thon// rtog pa'i rgyal po las/ bum pas khrus sbyor bas gnyis kyi spogs 'don pa'i le'u ste bcu bdun pa'o//// de nas phyag na rdo rjes gsol pa// kye kye bcom ldan thugs rje can// rmi lam rtags dang rmi lam spogs// bdag gis mi 'tshal bshad du gsol// legs so dpal ldan phyag na rdor/ khyod la nga yis bshad par bya/khyod kyang rtse gcig yid kyis nyon// sbrul dang sbal pa lcong mo chu lug chu rta chu glang mdzod dang rtol/ sdig pa rtsangs pa sre mo byi ba/ khyi dang phag pa nya khyi ba// sdom dang kha brgyad byi la dang// chu dang bud med ral pa can// sems can ma rung sna tshogs dang/ khye'u gzhon nu mang po dang// skyes pa gzhon nu mang po dang// g.yag chen 'bum sde 'gyed pa dang// 'ded dang nor rnams bka' ba dang// bdag gir byed dang shul du 'ong// shin tu bzang por rab tu bshad// de rnams lus la 'khris pa dang// ded dang rdeg dang za ba dang// bdag la gzugs mi sdug pa ston// rmi lam la sogs yin shin tu ngan// de rnams 'don pa'i rim pa ni// gang byung gzugs brnyan legs byas la// maN+Dal khar bzhag mchod pa legs par 'bul// dug sbrul dug rnams 'don zhing dngos la rma byas byab// des ni rmi lam spogs rnams thon// yang dag lus ni thal bar nyigs par bsgom// rtog pa'i rgyal po mchod rten gyi rgyud las/ rmi lam gyi spog 'don pa dang/ rmi lam gyi rtags bstan pa'i le'u ste bco brgyad pa'o//// de nas phyag na rdo rjes gsol pa// kye kye bcom ldan thugs rje can// klu rgyal las kyi sngags sbyor gyis// klu gnyan bgegs sogs ma lus pa// thun sngags bco brgyad ji ltar brab// bdag gis mi 'tshal bshad du gsol// legs so dpal ldan phyag na rdor/ khyod la nga yis bshad par bya/ khyod kyang rtse gcig yid kyis nyon// oM badzra nA ga rA dza nA ga pu me sa kra badzra yag sha krod+ha nA ga ma ra ya phaT/ oM badzra tig sna nA ga ra dza sa ma ya/khad kha phu mes kra mA ra ya phaT/ nA ga ra dza tsakra nA ga pu ma sa kra mA ra ya phaT/ nA ga rA dza gar na sa ta nA ga phu me sa kra ma ra ya phaT/ nA ga ra dza mud ka ra ya krod+ha ya nA ga pu me sa kra ma ra ya phaT/nA ga rA dza ga to rang nA ga pu me sa kra ma ra ya phaT/ nA ga rA dza thibs thibs/ mugs mugs nA ga pu me sa kra mA ra ya phaT/ nA ga rA dza ra ga nA ga pu me sa kra mA ra ya phaT/ nA ga rA dza ra ka sha nA ga pu me sa pra mA ra ya phaT/nA ga rA dza ma du dmig rag sha nA ga pu me sa kra mA ra ya phaT/ nA ga rA dze badzra ka ra ma badzra mad kar stong thog rag sha pa/ ta ling du me rag sha nA ga sha mA ra ya phaT/ a ga ni dz+wa raM krod+ha mA ra ya phaT/ag ne pra b+h+yo b+h+yo phaT/ ag ni dz+wa la mA ra ya Ta/ raM dz+wa la raM mA ra ya phaT/ nA ga rA dza nA ga zhung zhung/ rbad mA ra ya phaT/ nA ga rA dza kI la ya pu me sa kra mA ra ya phaT/ nA ga rA dza pa ltar chem pus me sa kra ma ra ya phaT/drag po las kyi thun sngags te/ bco brgyad las kyi gzer sngags te/ 'jig rten gsum na rnyed par dka'// sangs rgyas kun gyi thugs yang yin/ nA ga rA dza staM pa ya/ nA ga rA dza u ta ra tsa a/nA ga rA dza ma ra ya/ nA ga rA dza aM gu sha ya/ nA ga ra dza ba sha ho/ nA ga rA dza zhib shan ting ku ru ye swAhA/ nA ga rA dza kra se/ nA ga rA dza bi sha ba ya/ nA ga rA dza ta pa ta ye/ nA ga rA dza pra star/ nA ga rA dza sbar na phaT/nA ga rA dza hUM/ nA ga rA dza chem chem/ rtog pa'i rgyal po mchod rten gyi rgyud las/ drag po sngags dbye ba'i le'u ste bcu dgu pa'o//// de nas phyag na rdo rjes gsol pa/ kye kye bcom ldan thugs rje can/khyi brgya du ba la sogs kyis// klu rgyal chen po ji ltar bsgrub// bdag gi ming 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dang por bdag gzhan legs bskyed la// bka' bsgo rim pa byas nas ni/ khyi rgyab dub pa'i bsnyen pa drang// de bshad pa'i bsgrub pa rnams// sbu ti'i las bzhin 'dir kyang mthun/ khyad par las phrag bcu gcig bshad// de nas klu'i rgyal po khros pa dang/ dgra thams cad 'joms par byed pa/ ma rungs pa thams cad 'dul bar byed pa/ gtum po rnams srung bar byed pa'i cho ga brjod par bya'o// nyungs kar dang/ba'i lci ba dang/ gcin dang sbyar la/ klu'i rgyal po sbrul mgo bdun pa la li khris bskus te dkyil 'khor gru bzhir byas la/ rkang pa gnyis kyis steng du gnan te stong rtsa brgyad bzlas brjod byas te/ dbyar gyi tshe na sad dang rlung 'bab pa rnams la/spyi bor rdo rje bsnun la/ de'i tshe rlung dang/ sad dang/ mi bzad pa rnams 'bebs par mi byed cing/ ji tsam gzugs brnyan gyi bar du ser ba phyis kyang mi 'byung ngo// seng ldeng gi phur pa sor brgyad pa la/ brgya rtsa brgyad pa'i sngags bzlas te/ lus kyi dkyil du legs par btab na/ sad dang/ rlung dang/ sprin rnams kun bsdom par gdon mi za'o// dus dus su na gas char kyang 'bebs// gang du klu rgyal gzugs mthong dor// me tog lo ma 'bras bu der// kun yang gnod par mi byed do// rnam par 'jig par mi byed do// gzugs de gang yod mthong ba na// thams cad tshig ste 'bros par 'gyur// 'on te dgra rnams gzhom par 'dod na/ sa bon bdun pa pu dag bsres la/ lan tshwa nag po dang de la bsre/ de la gzugs brnyan byas te/ brgya rtsa brgyad du bzlas brjod byas la/tsi ti snying pa'i nang du gnan/ gang gi ming bcug na mkhon dang mi srun zhing/ dbang du gyur nas skyabs su 'gro bar 'gyur// bran du gyur nas bdag la 'go bar 'gyur// 'on te bskrad par 'dod na/hoM gi thal ba dag la ni// brgya rtsa brgyad du bzlas brjod bya// gtor na nges par bskrad do// 'on te de nyid gsad par 'dod na// seng ldeng gi phur bu sor brgyad pa'i tshad du byas la/ brgya rtsa brgyad pa'i sngags snying khar btab nas kyang/ri bo'i rtser bskyal na zhag gsum gyis 'chi/ phur bu de nyid lha khang dag tu btsugs na thams cad 'tshig par 'gyur bar gdon mi za/ bskrad dang grong khyer gzhom par 'dod na// lcags kyi phur bu sor brgyad tshad byas la// stong rtsa brgyad du bzlas byas la// grong khyer rA dza 'gu li sgor// btsugs ma thag tu grong khyer 'jig/ gnod pa gang yang smin par 'gyur// de nyid dur khrod du bcug nas ni// srin po yi dags gnod sbyin gyis/ khyim rnams thal ba rdul bzhin gtong// klu yod mtshor btsugs khyim rnams rdul du rlog/ 'di bzhin du yid kyis bsam pa'i las 'bum sde dag kyang byed par 'gyur ro/khyad par gyi las bcu gcig pa'o// gang gis shes na kun kyang 'grub// rtog pa'i rgyal po mchod rten gyi rgyud las/ khyi rgya dub pa kho'i khyad par gyi las bcu gcig pa bstan pa'i le'u ste nyi shu pa'o//// de nas phyag na rdo rjes gsol pa// kye kye bcom ldan thugs rje can// sbyin sreg la sogs rim pa yis// 'byung po gnod bgegs ji ltar 'dul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dben pa'i gnas su rab 'dug la// dkyil 'khor 'brub khung gru gsum rko/ gru gsum kha la kha khyer bya/kha khyer gru re gru gsum re// re re kha ru ling kha re// mgo phyir la bstan la gzhag/ kha khyer dag la rtsang gis bskor// brub khung nang du raM dang phu// sa dmar dag gis bri bar bya// gtor ma 'bras dang chan dang ni// bdud rtsi la sogs kun kyang ni// legs par mdun du gzhag par bya// nyungs kar la sogs ske tshe dug chu rnams// g.yas kyi phyogs su bzhag par bya// dug shing sna tshogs mdun du gzhag/rnal 'byor kha ni lho ru bstan// nad pa'i 'dug sa lho ru bya// srin lag dang ni ling ga'i ske/ tshon sna lnga dang 'brel bar bya// bdag nyid char pa chur bcug bgo/ sre mog dag gis byad lus bsku// skra bcing dbyar snam gos kyang brje// de ni sngon 'gro'i rim pa'o// de nas bdag nyid phyag rdor skur// snga ma bzhin du bsgom par bya// de nas gru gsum bskyed par bya ste// hUM/ skye med e yi rang bzhin nam mkha' 'dra// nam mkha' la rten 'byung ba'i tshogs// kun gyi gzhi ste gru gsum e yi gnas// skye med nam mkha'i rang bzhin 'gyur med kyang// gzugs brnyan 'brub khung bskyed par bya// yi ge phu yi rang bzhin spros par bya/e ag ne maN+Dal des 'brub khung ni gru gsum du// mthing nag gru gsum 'bar bar bsgom par bya/ de nas raM las me bskyed de// hUM/ me yi sa bon yi ge raM// raM las gdug pa'i me lce byung// gdug pa'i me lce 'od zer gyis/ khams gsum ma lus sreg par byed// sreg byed me lce 'bar ba che// 'brub khung e yi gzhal yas su// 'jig rten bsreg cing bzhugs su gsol// e raM/ des ni me chen rab 'bar ba'i// 'jig rten dkyil 'khor bskyed par bya// de nas phur las sngags bdag ni// hUM/ sngon gyi thugs dam rjes dran la// e me yi gdan stengs su// drag po'i phu dmar zhu ba las// sngags bdag me lha'i tshul ston la// sku mdog dmar po me yi gzugs// lus la me 'bar 'jig rten bsreg/ 'jig rten bsreg pa'i mthu bo che// me yi tshul du sku bzhengs 'tshal// hUM phu/ de ni sngags bdag sku yi mchog/dam tshig sems dpa' bskyed pa'o// de nas ye shes sems dpa' spyan drangs te// hUM/ sngags bdag me yi tshul bstan pa// bzhugs ni me ri'i rtse la bzhugs// gnas ni me dpung dkyil du bzhugs// sku ni dmar po 'jigs pa ste// lus la me 'bar lams se lams/ kha nas me 'bar stong gsum sreg/ mig nas me stag tho ro ro// lag na me thogs stong gsum sreg/ spyi bo'i gtsug nas me 'phros pas// steng gi lha yang sreg par byed// rkang pa'i zhabs nas me 'phros pas// 'og gi klu bdud ma lus sreg/ nyi ma lho nub mtshams shed na// gdug pa'i sprin dmar mtshams shed na// gdug pa'i me dpung 'bar ba la// 'khor du me dpung 'bum gyis bskor// sa dang gnam phyed kun tu sreg/ srid pa gsum yang sreg gyur na// 'jig rten dgra bgegs smos ci dgos// 'dir spyon 'dir bzhugs 'phrin las mdzod// sngags bdag me lha'i tshul ston pa// bzhugs ni me ri'i rtse la bzhugs// 'bar ba'i gdan la bzhugs su gsol// sa ma ya mchog stis+tha lhan// dgra bgegs rnams rdul du rlogs// hUM raM/ de nas gnyis med thim gyur nas// mchod rdzas yo byad kun kyang dbul// hUM/ sngags kyi bdag po tshur nyon cig/ do nod drag po'i sbyin sreg gis// bgegs rnams 'dir khug la// ling ga dag la thim par bya// hUM/ rnams ma lus sgrub pa'i phyir// mchod rdzas rnam pa 'di bzhes la// bdag gi 'phrin las myur du mdzod// de skad byas la gtor ma gsog/ sngags rings klag cing dbul bar bya'o// de nas ling kha gsum cig gtubs la// dum bu re re mer sreg cing sngags bzlas so// sngags bdag la zas su sbyin sreg za bar bsam mo// de bzhin kun la bya'o// de nas ye shes sems dpa' gshegs su gsol// dam tshig sems dpa' rang la bsdu// thal ba rlung la phyar la btang// rtog pa'i rgyal po mchod rten gyi rgyud las/ las kyi sbyin sreg bstan pa'i le'u ste nyer gcig pa'o//// de nas phyag na rdo rjes gsol pa// kye kye bcom ldan thugs rje can// tsakra las kyi sbyor ba yis// big nan swarba ji ltar 'dul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/khyod kyang rtse gcig yid kyis nyon// ras sam gro ga gshog bu la// rtsibs brgya tsakra legs bris la// dbus su bgegs kyi ming bris la// 'khor lo'i rtsibs la spu ta'i sngags// legs par khong snyoms bri bar bya// 'khor lo'i phyi rol sbrul gnyis kyis// mgo sprad gzhug ma bsnol mar bri// tsa kra'i rgyab tu sngags bdag gzugs// bris la gzhag par the tshom med// tsakra kha sbyar dag tu bya// de nas shog bu ras dag la// bgegs kyi gzugs brnyan legs bris la// snying khar ming la dpral bar rus// mtha' ma hUM gis bskor bar bya// 'dren pa'i snying po gsang bar bri// de ni tsakra'i bar du gzhug/ de nas tsakra maN+Dal khar// legs par gzhag ste sngags kyis brab// sham bu brgya dang bcu dgu gdags// zla ba gcig tu bskor gyur na// 'byung po kun kyang rdul du rlog/ de nyid bsad par 'dod na phur pa gdab// de nyid gnon na tsit+ta'i 'og/de nyid spro na ri tsir yur// de nyid 'chi na ga 'ur gzhug/ de nyid rings par 'dod na phur bzhi brgyang// de nyid sham bur dril te sbu ta'i rjes la tshar gcod pas/ sna gdags la dril sngags brab// de ltar sbyor ba zab mo yis// bgegs la sogs pa tshar gcad nas// phyis ni ming yang med par 'gyur// de yang dang po bdag gzhan bskyed// bka' bsgo gzugs la bstim par bya// de nas sngags kyi sbyor ba brtsam// mtha' ma las rnams gang byed kyang// tsakra kha sbyor bar dag nas// bgegs kyi gzugs ston bsad sogs bya// tsakra ga'u'i nang du gzhug/ klu sman bdud rtsi'i mchod pa 'bul// des ni ci 'dod las 'grub pa// sangs rgyas kun gyi thabs nas gsungs// rtog pa'i rgyal po mchod rten gyi rgyud las/ 'khor lo kha sbyor bgegs 'dul ba'i le'u ste nyer gnyis pa'o//// de nas phyag na rdo rje gsol pa// kye kye bcom ldan thugs rje can// sngags rings mchod pa'i las tshogs rnams// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/khyod kyang rtse gcig yid kyis nyon// spyir ni sngags rings las rnams ni// kun la khyab pas legs pa gong na med/ khyad par 'ga' tsam bshad par bya// de nas khro rgyal cho ga ni// ral gri mtshon cha dbyug pa'am// ka ra bI ra se'u lcug ma/ khro rgyal gsang sngags rigs po yis// brgya rtsa brgyad du bzlas byas na// gtsang ma'i gnas su legs bzhag la// gang tshe sad deng ser ba byung ba'i tshe// bskor ba byas nas gang du ser ba 'bab pa stsogs// sngon du 'bab pa ma lus kun// dpag tshad nang tshun chad mi 'byung na// nye bar smos kyang ci dgos la// yang na klu mi srun pa rnams// sad dang rlung dang nad gdug gtong ba rnams// klu rnams thams cad la thal chen nyungs kar chu dag la// nyi shu rtsa gcig bzlas brjod bya/ khyim gyi nang du gtor gyur na// mtshams med ma lus gcad 'gyur na// de na rig pa 'dzin pa yis// nyungs kar chu la bzlas byas nas/ khyim gyi steng du gtor gyur na// klu rnams thams cad grol bar 'gyur// kun kyang dbang du nges par 'gyur// hUM zhes brjod pa tsam gyis kyang// klu rnams klad nad drag pos 'debs// ri rtse ba'i lci bas maN+Dal bya// lan bdun bzlas brjod khyab gtor te// de dbus gzugs bzhag rlung gcad bya// seng ldeng phur pas grwa bzhir btab// ji srid ma phyung bar du klu rnams bcings par 'gyur// de ltar ma rungs pa thams cad gcad nas/ thams cad la yid la bsams pas kun sbyar ro// rtog pa'i rgyal po mchod rten gyi rgyud las/ mchod sngags kyi khyad par gyi las kyi le'u bstan ste nyer gsum pa'o//// de nas phyag na rdo rjes gsol pa/ kye kye bcom ldan thugs rje can// b+ha ri sha yi rim pa yis// 'dzam gling mi rnams ji ltar gsol// bdag gis ma 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// yul gyi chu mig nA ga'i sar// sbra dkar phub ste maN+Dal bya// tsan dan spos chus chag chag gdab// klu gtor rgyas pa legs bshams la// mtshan ldan thod pa dri chus byug/ gu gul chus kyang legs byugs la// nang du shog bu dag la sngags bdag gzugs// gur kum chu yis tshad ldan bri// de nas bdag gzhan bskyed bya ste// dang po bdag nyid phyag na rdo rje'i sku// gong ma bzhin du gsal bar bsgom// de nas sngags bdag ni// dam tshig sems dpa' phu las bskyed// ye shes sems dpa' de nyid dgug/bsgom pa tshar pa phob ces bya// de nas nyin gsum mtshan gsum du// thun du gcad la nyungs kar brab// nA ga rA dza chems chems zhes brjod// de ltar dang po mtshams gcad nas// gtor ma la bcom bskul nyin mtshan du// rgyun mi gcad par las rnams brtsams// de ltar zab mo'i las brtsam pas// zhag bdun dag na b+ha ri sha/ 'dzam gling khyab par 'bab par 'gyur// gal te des kyang ma phebs na// lcags kyi sgyed po kha dgu la/ kha sbub dag tu bzhag nas kyang// tsha ba'i dmyal ba'i me bsams te// du ba long par 'dug par bsam// gu gul nag po'i dud pa yis// 'og nas bdug par gdon mi za// nyungs kar ske tshe la sogs pa'i// thun rdzas kun gyis brab cing gzer// rdo rje rtse dgu dag la gsang chen rtse dgu bzlas/ khro rgyal sku bsgom klu rgyal mgo nas gnan// de nas rgyun mi 'chad par 'bab// gal te des kyang ma thebs na// de nyid rang gi sbal pa nya lcong gsum// yod na shin tu gces pas legs// med nA ga yod nges chu dang rko mo nas// de gsum dong rtsal zangs gzhong du// nya lcibs dag blug 'o ma chu// sbal pa'i rkang pa dag nas dkar nag skud pas gdags// seng ldeng phur pa la btags maN+Dal khar// btsugs la phur pa khro rgyal du bsgom par bya// bdag gzhan gsal bar legs bskyed la// 'od zer 'phros pas ste sngags bdag bskul bas// nA ga thams cad bkug nas dngos la bstim// de nas drag sngags btags te sngags bzlas nas// nyungs kar thun gyis dngos la brab// gu gul nag pos bdug par bya// nA ga rnams kyis char pa phob pa ma// nA ga ra dza phob bya'o// de ltar sbyor ba zab mo ni// ji ltar then kyang phebs par 'gyur// 'dzam gling phebs pa'i char phab nas// sems can kun gyi gsos su 'gyur// rgyal ba kun gyis nges par gsungs// rlung ni drangs nas nyin zhag ni// bdud du 'bab par gdon mi za// the tshom med pa las yin no// zab mo sngags 'di phebs par bya// oM spu ta spu ta mahA krod+ha hUM sid+hi sid+hi hUM phaT/b+ha ri sha ya pa ta ya pa ta ya swAhA/ dbang du sprin rnams bsdu ba'i sngags// rtog pa'i rgyal po mchod rten gyi rgyud las/ char dbab pa'i le'u ste nyer bzhi pa'o//// de nas phyag na rdo rjes gsol pa// kye kye bcom ldan thugs rje can// b+ha ri sha ya bzlog pa gang// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bstan par bya/ khyod kyang rtse gcig yid kyis nyon// dang po hoM gi thal ba la// nyungs kar ske tshe hom thal la// 'bum tsho bzlas la gnas su gtor// des ni thams cad 'chad par 'gyur// mtha' rten pa tu pa ta ye// gdags la drag tu bskrad par bya// rtog pa'i rgyal po mchod rten gyi rgyud las/ char pa gcad pa'i le'u ste nyer lnga pa'o//// de nas phyag na rdo rjes gsol pa// kye kye bcom ldan thugs rje can// zab mo sbyor ba'i tsha ba'i rims nad ji ltar gsol// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ba'i rnam lnga khyim gyi chu'i sa blangs la// nA ga yod nges chu sna dgu yis sbrus// sbrang dang 'o ma dag kyang rdzas su btang// de la 'dag pa legs byas gzugs kyang bya// sbrul mgo bdun pa tshad dang ldan pa bya// sbrul mgo bdun pa'i spyi bo ru// zla ba'i gzugs brnyan mtheb gang tsam// de dbus rin chen nas tsam bya// sbrul dang sbal pa nya dang lcong// lnga lnga gzugs brnyan bco lngas bskor// de kun mgo la gong bzhin sbyar// de nas bdag gzhan legs bskyed la// bsgo ba'i rim pa byas nas kyang// sngags kyi sbyor ba rab bskul nas// sngags kyi 'od zer rab 'phros pa'i// mu tig rnam pa'i 'od zer gyis// spyi bo'i zla ba'i 'od zer rin chen la 'phog pa tsam gyis// bsil ba'i chu bo'i rgyun gyis mgo lus bkru// dag par bdud rtsis khrus byas la// des ni nad pa'i lus zla ba'i 'od zer rgyas par 'gyur// bum pa'i chu la sngags bzlas gong gis sbyor ba bya// de ni bdud rtsir gyur nas khrus kyang bya// bco lnga'i 'khor gyi spyi bo nas// bdud rtsi'i chu bo gong bzhin 'bab// des kyang rims nad sel bar 'gyur// mtha' rten shan ting ku ru gdags// skabs su gtor ma dag kyang gtang// de ltar rgyun mi bcad pa'i las rnams brtsams na nges par 'tsho// yang na sbrul mgo bdun pa'i gzugs dag la// sbrul mgo re la phu re bsam// de nas sngags kyi 'od zer gyis// phu kun zhu ste bdud rtsi'i rgyun// char pa bzhin du 'bab par bsam// des kyang rims nad 'tsho bar 'gyur// de nas phyis ni kru mchod bya// gtsang ma'i chu la ni gzugs brnyan rnams kyang bskyal bar bya/ rtog pa'i rgyal po mchod rten gyi rgyud las/rims nad srung ba'i le'u ste nyer drug pa'o//// de nas phyag na rdo rjes gsol pa// kye kye bcom ldan thugs rje can// klu yi smin lam rim pa yis// klu rnams dgyes par mdzad pa'i rim pa bzhin// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de nas me tog lag tu thogs byas la// dge bsnyen dag ni klu rgyal de// klu 'brug ni 'bod gcig la// pho brang ni mtshan gsol ba/ ri rab ni gling bzhi dang/ rgya mtsho ni gling dgu dang/ mtsho mo ni dal chen dang/ ne'u gsing ni bzang mdzes dang/rin chen mtshal gyi thig phran dgye/ mu tig khu 'phang shar ra ra/ g.yu yin bun thul lu lu/ dga' bo dang ni nye dga' dang/ ma dros ni gzi ldan dang/ pad+ma ni chu lha dang/ 'jog po ni dung skyong dang/ snga bdag ni klu chen brgyad/gnyan chen ni sde brgyad dang/ rgyal rigs ni bram ze dang/ rje rigs ni dmangs rigs dang/ gdol chen ni sa bdag dang/ dge bsnyen klu gnyan sa bdag rnams/ mnga' bdag ni yongs kyi rje/pho brang ni longs kyis bskor/ chen po ni chen mo dang/ lcam dral ni gcen gcung dang// sprul pa ni klu chen brgyad/ yon bdag ni 'khor bcas kyis/ mchod pa ni dam pa rnams/ sman rnams ni 'di mchis te/na ga ni ge sar dang/ rgya mtsho ni lbu ba dang/ chu srin ni sder mo dang/ dbang po ni lag pa dang/ bal po ni se'u lcug ma dang/ kan ta ka ri dang/ ne lo ni ut+pa la/ 'dab bu'i rtsa ba dang/ ras skud ni dmar po dang/dar tshon ni sna lnga dang/ mtshal gyi ni lcog la dang/ li khri ni dmar po rung/ ga pur ni shel dag dang/ pu tshe ni shel dag dang/ dung gtsug ni 'khyil ba dang/ 'dam bu ni nags tshal dang/ dkar gsum ni mngar gsum dang/ zhal zas ni bda' dgur sbyar/ ting 'dzin dbang sgyur nas/ yid bzhin gyi mchod sbyin 'di/ klu la ni mchod par 'bul/ mchod pa ni 'di bzhes las/ yon bdag ni 'khor bcas kyi/nongs 'gal ni ci mchis pa/ mthol bshags ni bzod pa gsol/ rtog pa'i rgyal po mchod rten gyi rgyud las/ klu'i smon lam gyi le'u ste nyer bdun pa'o//// de nas phyag na rdo rjes gsol pa/kye kye bcom ldan thugs rje can// phyi bsgrub nang bsgrub las rnams dang// sngags bdag nas gzung sa srin bar// las la gzung pa'i bskul tshig rnams// bdag gis mi 'tshal bshad du gsol// legs so dpal ldan phyag na rdo rje/khyod la nga yis bshad par bya/ khyod kyang rtse gcig yid kyis nyon// de la dang por sngags bdag bskul ba ni// spos dud gtang zhing snying po drang// ba ling thogs la 'di skad bskul// hUM/ sngags kyi bdag po tshur nyon cig/ nga ni phyag na rdo rje yin// nga ni klu yi gnyen po yin// klu brgyad zas su za ba yin// klu brgyad gos su gon pa yin// klu 'bum stan du 'dings pa yin// klu lngas lus la brgyan pa yin// sngon gyi bskal pa dang po la// ri rab chen po'i byang phyogs na// gser gyi ri bdun rtsa shed na// rol mtsho chen po bdun gyi rtsa shed na// dgu 'das gang ri de nas ni// spos ngad ldan pa'i rtsa shed nas// gdug pa'i klu mtsho bgyi ba ste// ming ni ma dros mtsho zhes bya// mchu zheng lnga bcu yod pa'i mtsho// nA ga rigs mchog kun gyi gnas// de yi lhun po'i nang shed na// rin chen sna bzhi'i gzhal yas khang// shar phyogs rin chen dngul las byas// lho phyogs rin chen gser las byas// nub phyogs rin chen zangs las byas// byang phyogs rin chen lcags las byas// de yi lhun po'i gzhal yas khang// sbrul dang sbal ba'i za ra tshags// chu srin nya yi ka gdung dang// sbrul chen brgyad kyi rta babs can// sbrul chen brgyad kyi sgo rgyan can// dug gi 'od zer stong ste 'khrug/ de yi lhun po'i nang shed na// gser gyi pad+ma 'dab ma brgyad// de yi lhun po'i gdan steng na// rin chen sna bzhi'i khr-i stengs na// klu rgyal 'bum gyi gseb bshed na// de nas sngags kyi bdag po bzhugs// de na zur phud lnga pa bzhugs// de na sbrul mgo bdun pa bzhugs// de nas gzhon nu gtum po bzhugs// de nas klu rgyal chen po bzhugs// de na srid gsum dbang sdud bzhugs// de na sprul pa'i rgyal po bzhugs// de na nag po chen po bzhugs// de na dug gi rgyal po bzhugs// hUM/ sngags kyi bdag po tshur nyon cig/ sngon gyi bskal pa bar ma la// bcom ldan shAkya thub pa dang// sdud pa po phyag na rdo rje'i spyan lam du// bran po'i tshul du zhal gyis bzhes// las mkhan tshul du zhal gyis bzhes// bstan pa bsrung bar zhal gyis bzhes// dgra bgegs 'dul ba zhal gyis bzhes// nad rnams gso bar zhal gyis bzhes// sprul pa dgye bar zhal gyis bzhes// sngon gyi bskal pa tha ma la// rig pa 'dzin pa'i bka' la nyon// rig pa 'dzin pa'i bka' ma bcag/ sngags kyi bdag po'i bka' ltar song// sbrul mgo bdun pa gang ltar song/ khye chung gzhon nu gang ltar song// srid gsum dbang sdug gang ltar song// gdug pa tshar gcod gang ltar song// nag po chen po gang ltar song// zur phud lnga pa gang ltar song// hUM/ sngags kyi bdag po tshur nyon cig/ bzhengs shig bzhengs shig dbyings nas bzhengs// shel mtsho dngas pa'i dbyings nas bzhengs// sku ni klu rgyal chen po la// ro stod mi la ro smad sbrul// gdug pa'i sbrul mgo bdun gyis gdengs// zur phud lnga yi cod pan can// sku mdog btso ma'i gser mdog can// dug lnga'i 'od zer rnam par 'phro// sprul pa klu chen 'bum yang 'gyed// 'khor du klu rgyal 'bul gyis bskor// klu rgyal gtso bo tshur spyaun// bzhengs shig bzhengs shig dbyings nas bzhengs// spos ngad ldan pa'i dkyil 'khor nas/ khye'u chung gzhon du gshegs su gsol// sku ni khye'u chung gzhon nu la// 'khor du khye'u chung 'bum gyis bskor// sku la dar dkar ber chen gsol// dbu la dar gyi pan can// sprul pa khye'u chung 'bum sde 'gyed/ khye'u chung gtso bo da tshur spyon// bzhengs shig bzhengs shig dbyings nas bzhengs// bar snang sprul pa'i dkyi 'khor nas// sprul pa'i rgyal po gshegs su gsol// sku ni gdug pa sprul nag 'bum gyis brgyan// gdug pa sbrul gyi chu 'phyang can// dug lnga'i 'od zer rnam par 'phro// 'khor du sprul nag stong gis rnam par bskor// sprul pa sbrul nag stong sde 'gyed// sbrul nag gtso bo da tshur spyon// bzhengs shig bzhengs shig dbyings nas bzhengs// gru gsum 'bar ba'i dkyil 'khor nas/ khro rgyal chen po gshegs su gsol// 'khor ni khro rgyal 'bum gyis bskor// sprul pa khro rgyal 'bum sde 'gyed// klu bdud 'dul ba'i mthu bo che/ khro rgyal gtso bo da tshur spyon// do nod rigs 'dzin bdag 'bod na// las mkhan rgyal po da tshur spyon// grub pa'i rtags cig da tshur ston// bzlas pa'i tshad cig da tshur zung// sngags kyi bdag po da tshur nyon// rig 'dzin bka' las 'da' byed cing// 'bod pa'i tshe na snyan sra zhing// mngags pa'i tshe na bang bul zhing// rnal 'byor dgra bgegs mi 'dul zhing// grub pa'i rtags cig mi ston cing// bzlas pa'i tshad cig mi 'dzin na/ khyod kyi shi sa bstan pa ni// dam tshig sngags kyi byin brlabs dang/ khro bo yag sha me dbal gyis// mdze nad sna tshogs khyod la 'ong// mig nad me dbal khyod la 'ong// 'on pa long ba khyod la 'ong// mdze nad shu ba khyod la 'ong// bla med 'bras bu thob mi 'gyur// 'o na de la ma thug gis// rigs 'dzin nga yi bka' la nyon// rig pa 'dzin pa'i bka' ma bcag/ bos pa'i tshe na snyan ma sra// mngags pa'i tshe na bang ma bul/ khru gang tsam las gting ma zab// chag gang tsam las dbang ma mtho// 'bem gang tsam las rgyang ma ring// sprul pa stong sde 'dir khyed las// dgra bgegs ma lus da tshur thul// hUM/ sngags kyi bdag po tshur nyon cig/ sum cu rtsa gsum yangs stengs nas// yab cig klu rgyal spyan 'dren na// dam rdzas gnyan gyi gtor ma 'di bzhes la/ bcol pa'i las rnams grub par mdzod// hUM/ sngags kyi bdag po tshur nyon cig/ shel mtsho dngas pa'i dkyil 'khor nas// klu chen rgyal po gshegs su gsol// dam rdzas gnyan gyi gtor ma 'di bzhes la// bcol ba'i las 'di grub par mdzod// hUM/ spos ngad ldan pa'i dkyil 'khor nas/ khye'u chung gzhon nu spyan 'dren na// dam rdzas gnyan gyi gtor ma 'di long la// bcol ba'i las rnams grub par mdzod// hUM/ bar snang sprul pa'i dkyil 'khor nas// sprul pa'i rgyal po spyan 'dren na// dam rdzas gnyan gyi gtor ma 'di bzhes la// bcol ba'i las rnams grub par mdzod// hUM/ gru gsum 'bar ba'i dkyil 'khor nas/ khro rgyal chen po spyan 'dren na// dam rdzas gnyan gyi gtor ma 'di bzhes la// bcol ba'i las rnams grub par mdzod// spos dang ba ling bcas pa yis// nyin gsum mtshan gsum bskul byas nas// dngos su 'ong na las byed do// sngags bdag bod pa'i rim pa'o// de nas rigs lnga'i klu tshogs las la bskul ba/ hUM/ rigs lnga'i klu tshogs tshur nyon cig/ nga ni phyag na rdo rje yin// klu brgya zas su za ba yin// klu brgya gos su gon pa yin// klu 'bum gdan du 'dings pa yin// klu lnga lus la brgyan pa yin// de phyir klu rnams bka' la nyon// hUM/ rgyal rigs klu tshogs 'chi bdag gnas nas skyod// sdang ba'i dgra la gnas nas skyod// gnod pa'i bgegs la gnas nas skyod// shar bltas brag 'bab me tog skyes// sa gzhi rdo yang dkar po skyes// rgyal rigs chen po'i gnas yin te// 'khor dang chas te dgra la chos// rgyal rigs klu tshogs tshur nyon cig/ nga yis ma nyes kho yis nyes// bka' las 'gal ba kho yis byas/ khyod kyi thugs kyang khong gis 'gal// 'di la rtags phyung mtshan ma ston// gzhal yas khang nas skyod pa'i tshe// sku ni sbrul dkar sbal pa dkar// nya dang lcong skye dkar po ste// chu rta chu lug chu glang dkar// chu bdag chu la gnas pa'i bu// zhe sdang pho mo'i bu de ni// byol song pho mo'i lto 'phye rigs// 'dzam gling mi la rnam par 'tshe// byol song ha la mthu chen rigs// de yi gzugs brnyan chu glang dkar// chu glang dkar pos 'jigs pa ste// g.yas kyi rwa las thog ser 'bebs// g.yon gyi rwa la glog dmar 'khyug/ rmig bzhi rnams la na bun 'thul/ kha rlangs 'phros pas sbrul du 'khyug/ de 'dra'i byol song mthu bo che// nA ga yu dang chu ru dang// phu phu'i sgra yis bos nas kyang// bdag nyid phyag na rdo rje'i skur bsgoms pas// mig gnyis gser chu zhun ma 'dra// mig las byung ba'i sbrul gnyis kyis// sdang ba dgra yi ske la 'khril// chu glang dkar po'i steng du skyon// rlung tshub drag pos rgyab nas phul// drung na nyams thag 'dug pa la// byol song glang gi kha rlangs las// sbrul dang sbal pa mang po yis// dam nyams dgra bo'i lus de la// lhu tshigs yan lag ba spu la// bdud dang gdug pa gzhug par gyis// lus la 'khril dang za bar gyis// gzhan yang kha rlangs sna rlangs la// sbrul dang sbal pa mang po yis// klu nad mdze nad phol mig dang// 'bras dang shu ba g.yan pa thong// rgyal rigs 'chi bdag tshur nyon cig/ skra dang smin ma da tshur phyi// klad mdze klad la myur du thong// byad nad gdong la la mor thong// rkang mdze rkang la zhen du chug/ nad rnams lhang lhang 'khyug tu chug/snag mdze snag la zhen du chug/ tsha ba me 'bar mthong du chug/ rgyal rigs na seg 'brel du chug/ sbrul dang sbal pa za ru chug/ nya dang lcong mo 'khril du chug/ chu rta chu glang 'ded du chug/bdun brgyud rtsad nas chod la shog/ bcol lo gdams so rgyal rigs klu// bskal pa'i mthar yang ma gtang zhig/ de nas bram ze'i rigs rnams bskul te/ hUM/ bram ze 'chi bdag gnas nas skyod// sdang ba'i dgra la gnas nas skyod// gnod pa'i bgegs la gnas nas skyod// lhor ltas gting thung dri yang zhim// rtag tu skye 'bri med par 'bab// sa gzhi rdo yang ser por gnas// bram ze chen po'i gnas yin te// 'khor dang chas te dgra la chos// kwa ye bram ze'i klu tshogs tshur nyon cig/ nga yis ma nyes 'di yis nyes// bka' las 'das pa kho yis byas/ khyod kyi thugs kyang kho yis 'gal bar byas// 'di la rtags phyung mtshan ma ston// gzhal yas khang nas skyod pa'i tshe// sku ni sbrul ser sbal pa ser// nya dang lcong mo ser po ste// chu rta chu lug chu glang ser// chu bdag chu la gnas pa'i bu// zhe sdang pho mo'i bu de ni// byol song gdug pa lto 'phye'i rigs// 'dzam gling mi la rnam par 'tshe// byol song ha la mthu chen te// de yi gzugs brnyan chu glang ser// chu glang ser po 'jigs pa ste// g.yas pa'i rwa la thog ser 'bebs// g.yon pa'i rwa la glog dmar 'khyug/ rmig bzhi rnams la na bun 'thul/ kha rlangs khros pas sbrul du byung// 'di 'dra'i byol song mthu bo che// nA ga yu dang tshu ru dang// phu phu'i sgra yis bos nas kyang// bdag nyid phyag rdor skur bsgoms nas// mig gnyis gser chu zhun ma 'dra// mig las byung ba'i sbrul gnyis kyis// sdang ba'i dgra bo ske la 'khril// chu glang ser po'i thog du skyon// rlung tshub drag po'i rgyab nas 'bul// drung na nyam thag 'dug pa la// byol song glang gi kha rlangs las// sbrul dang sbal pa mang po'i kha rlangs kyis// dam nyams dgra bo'i lus de la// lhu tshigs yan lag ba spu la// bdud dang gdug pa zhugs par gyis// lus la 'khris dang za ba dang// gzhan yang kha rlangs sna rlangs las// klu dang mdze dang phol mig dang// 'bras dang shu ba phol mig dang// mdze nad g.yan pa drag po thong// bram ze 'chi bdag tshur nyon cig/dam tshig nyams pa'i dgra bo de// bdun brgyud tshun chad ma gtang zhig/ skra dang smin ma da tshur phyi// klad mdze klad nad myur du thong// byad nad gdong la la mor thong// rkang mdze rkang la zhen du chug/bram ze ne seg 'brel du chug/ nad rnams lhang lhang 'khyug tu chug/ tsha ba me dbal gtong du chug/ sbrul dang sbal pa za ru chug/ nya dang lcong mo 'khril du chug/ chu rta chu lug 'brel du chug/ bdun rgyud rtsad nas chod la shog/bcol lo gdams so bram ze'i klu// bskal pa'i mthar yang ma gtang zhig/ de nas rje rigs klu rnams bskul te/ hUM/ rje rigs klu tshogs gnas nas skyod// sdang ba'i dgra la gnas nas skyod// gnod pa'i bgegs la gnas nas skyod// nub bltas gting 'bab sgra yang chung// rgya mtsho chen por slongs par 'gro// sa gzhi rdo yang dmar bar gnas// rje rigs chen po'i gnas yin te// 'khor dang bcas te dgra la chos// kwa ye rje rigs klu tshogs tshur nyon cig/ nga yi ma nyes 'di yi nyes// bka' las 'das pa kho yis byas// 'di la rtags phyung mtshan ma ston// gzhal yas khang nas skyod pa'i tshe// sku ni sbrul dmar sbal pa dmar// nya dang lcong mo dmar po ste// chu rta chu lug chu glang dmar// klu bdag chu la gnas pa'i bu// zhe sdang pho mo'i bu de ni// byol song pho mo lto 'phye'i rigs// 'dzam gling mi la rnam par 'tshe// byol song ha la mthu chen ste// de yi gzugs brnyan chu glang dmar// chu glang dmar po 'jigs pa de// g.yas kyi rwa las thog ser 'bebs// g.yon gyi rwa la glog dmar 'khyug/rmig bzhi rnams la na bun 'thul/ kha rlangs 'phros pas sbrul du 'khyug/ de 'dra'i byol song mthu bo che// nA ga yu dang tshu ru na// phu phu'i sgra yis bos nas kyang// bdag nyid phyag rdor skur bsgoms pas// mig gnyis gser chu zhun ma 'dra// mig las byung ba'i sbrul gnyis kyis// sdang ba dgra yi ske la 'khril// chu glang dmar po'i steng du skyon// rlung tshub drag pos rgyab nas phul// drung na nyam thag 'dug pa la// byol song glang gi kha rlangs las// sbrul dang sbal pa mang po yis// dam nyams dgra bo'i lus de la// lhu tshigs yan lag ba spu la// bdud dang gdug pa zhugs par gyis// lus la 'khril dang za bar gyis// gzhan yang kha rlangs sna rlangs las// sbrul dang sbal pa mang po yis// klu nad mdze nad phol mig dang// 'bras dang shu ba g.yan pa thong// rje rigs 'chi bdag tshur nyon cig/ skra dang smin ma da tshur phyi// klad mdze klad la myur du thong// byad nad gdong la la mor thong// rkang mdze rkang la zhen du chug/ nad rnams lhang lhang zhen du chug/ rje rigs ne seg 'brel du chug/ snag mdze snag la zhen du chug/ tsha ba me dbal thong du chug/sbrul dang sbal pa za ru chug/ nya dang lcong mo 'khril du chug/ chu rta chu glang 'ded du chug/ bdun rgyud rtsad nas chod la shog/ bcol lo gdams so rje rigs klu// bskal pa'i mthar yang ma gtang zhig/de nas dmangs rigs gdol can bskul// hUM/ gong bzhin sbyar bar the tsom med// byang bltas gnag cing nyams mi dga'// rtag tu nyi ma 'char mi srid// rlung dang tshub ma rtag tu 'byung// sa gzhi rdo yang nag por gnas// dmangs rigs gdol tshogs gnas yin te// 'khor bcas gong bzhin sbyar bar bya// sku ni sbrul sogs gang dang sbyar// chu rta nag po gong dang mthun// chu glang nag po'i steng du skyon// gzhan yang gong dang sbyar bar bya// bcol lo smos so dmangs rigs gdol can klu// bskal pa'i mthar yang ma gtang zhig/ de nas gnyan gyi klu tshogs bskul// hUM/ gnyan gyi klu tshogs gnas nas bskul// sdang ba'i dgra la gnas nas skyod// gnod pa'i bgegs la gnas nas skyod// mi pho rgya mtsho gting rings ni// gnyan chen 'bar ba'i gnas yin te// 'khor dang bcas te dgra la chos// kwa ye gnyan gyi klu rnams tshur nyon cig/ nga yi ma nyes kho yi nyes// bka' las 'das pa kho yis byas/ khyed kyi thugs dang 'di yis 'gal// 'di la rtags phyung mtshan ma ston// gzhal yas khang nas bzhengs pa'i tshe// sku las mdzo tol 'bum sde 'gyed// klu bdag chu la gnas pa'i bu// zhe sdang pho mo'i bu de ni// byol song gdug pa lto 'phye'i rigs// 'dzam gling mi la rnam par 'tshe// byol song ha la mthu bo che// de yi gzugs brnyan mdzo rtol nag/ mdzo rtol nag po 'jigs pa ste// g.yas pa'i rwa las thog ser 'bebs// g.yon pa'i rwa las glog dmar 'khyug/ rmig bzhi rnams la na bun 'thibs/ kha rlangs 'phros pas sbrul du 'khyug/de 'dra'i byol song mthu bo che// nA ga yu dang tsu ru dang// phu phu'i sgra yis bos pa dang// bdag nyid phyag rdor gong dang mthun// gnyan chen mdzo rtol steng du skyon// rlung tshub gong dang mthun par sbyor// dam nyams dgra bo'i lus de la// lhu tshigs gong dang mthun par sbyar// gzhan yang kha rlangs sna rlangs las// sbrul dang sbal pa mang po la// klu nad mdze dang phol mig dang// 'bras dang g.yan pa shu ba thong// gnyan chen 'bum sde tshur nyon cig/ dam tshig nyams pa'i dgra bo 'di// bdun rgyud tshun chad ma gtang zhig/ skra dang smin ma da tshur phyi// klad mdze klad lam myur du thong// rkang mdze rkang la zhen du chug/nad rnams lhang lhang 'khyug tu chug/ snag mdze snag la zhen du chug/ bram ze ni seg 'brel du chug/ tsha ba me dbal gting du chug/ sbrul dang sbal pa za ru chug/ nya dang lcong mo 'khril du chug/ chu rta chu glang 'ded du chug/bcol lo gdams so gnyan gyi klu// bskal pa'i mthar yang ma gtang zhig/ de nas sa bdag sa srin bskul te/ hUM/ sa bdag 'chi bdag gnas nas skyod// sdang ba'i dgra la gnas nas skyod// gnod pa'i bgegs la gnas nas skyod// ri dang brag dang shing gcig dang// sgong tshigs sa skam rdo skam dang// sa bdag chen po'i gnas yin te// 'khor dang bcas te dgra la chos// sa bdag klu tshogs tshur nyon cig/nga yis ma nyes kho yis nyes// bka' dang 'gal ba kho yis byas/ khyod kyi thugs dang kho yis 'gal bar byas// 'di la rtags phyung mtshan ma ston// gzhal yas khang nas skyod pa'i tshe// sku ni sdom dang sdig pa dang// sbrul dang rta glang rmig pa dang// rtsangs pa khyi dang bya dang phag/ bud med sems can khra mo dang// sa bdag sa la gnas pa'i bu// zhe sdang pho mo'i bu de ni// byol song gdug pa lto 'phye'i rigs// 'dzam gling mi la rnam par 'tshe// byol song ha'i mthu chen te// de yi gzugs brnyan khyi phag khra/ khyi phag khra yi 'jigs pa ste/ kha rlangs 'phros pas sbrul du byung// de 'dra'i byol song mthu bo che// nA ga yu dang tsu ru dang// phu phu'i sgras ni bos nas kyang// bdag nyid phyag rdor sku ru bsgoms// mig gnyis gser chu zhun ma 'dra// mig las byung ba'i sbrul gnyis kyis// sdang ba'i dgra bo'i ske la 'khril/khyi phag khra bo'i thog tu skyon// rlung tshub drag pos rgyab nas phul// drung na nyam thag 'dug pa la// byol song khyi phag kha rlangs las// sdom sdig rtsangs pa mang po yis// dam nyams dgra bo'i lus de la// lha tshig yan lag ba spu la// bdud dang gdug pa zhugs par gyis// lus la 'khris dang za bar gyis/ khyi dang phag pa rtsangs pa rta bla bas// dgra dang gnod bgegs za bar byed// gzhan yang khyi phag kha rlangs kyis// klu nad mdze nad phol mig na ba gtong// 'bras dang shu ba mdze nad g.yan pa drag po gtong// sa bdag sa srin tshur nyon cig/ dam tshig nyams pa'i dgra bo de// bdun rgyud tshun chad ma gtang zhig/skra dang smin ma tshur phyi// klad mdze klad nad myur du thong// byad nad gdong la la mor thong// rkang mdze rkang la zhen du chug/ brang tshe na seg 'brel du chug/ tsha ba me dbal gtong du chug/ sdom dang sdig pas za ru chug/rmig pa rtsangs pa 'khril du chug/ khyi dang phag pa 'dod du chug/ bcol lo gdams so sa bdag klu// bskal pa'i mthar yang ma gtang zhig/ dam shes phag mes pa'i byol song khyod// ma mo dag dang bsdongs nas ni// rdzings nas nyams lci'i 'chi bar gyis// bdud dang bsdongs nas khrag tu skyug/ gshin rje dag dang bsdongs la// smyo 'bog lhog pas thebs par gyis// btsan dang sdongs la gri thibs sod// dmu bdud dag dang bsdongs gyur nas// lbos nas skrangs nas 'chi bar gyis// nA ga gcig pos zin gyur na// chu ser smug po 'byung ba gyis// sa bdag dag dang bsdongs nas ni// lus sbrid rkang lag skams par gyis// de ltar sbyor ba zab mo yis// klu dang gnyan dang sa bdag dang// byol song rigs kyis gnod par gyis// des kyang byol song dag gis mi gnod na// sngon gyi thugs dam nyams nas/byol song nyid kyi mgo 'gas so// rtog pa'i rgyal po mchod rten gyi rgyud las/ klu rnams la las bcol ba'i le'u ste nyer brgyad pa'o//// de nas phyag na rdo rjes/ bcom ldan 'das la gsol pa/kye kye bcom ldan thugs rje can// 'gal ba cham la dbab pa'i phyir// nang bsgrub las kyi sbyor ba yis// gtad pa'i las rnams ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// nang bsgrub la yang rnam gnyis te// bsnyen pa cig gis bsgrub pa dang// bye brag bsnyen pa bsgrub pa'o// de la dang por bsnyen pa ni// gnyis po dag gis bsgrub byas nas// nang bsgrub las kyi rim pa ni// las kyi bsgrub thabs 'bum sde bshad// dang po klu rgyal dngos bsgrubs nas// rigs bzhi klu dang gnyan dang ni// sa bdag sa srin rigs kyi// gtad pa las kyi sbyor ba btsam// de la dang po sngon 'gro'i sbyor ba ni// dang po ni klu rnams dbang du bsdu// shu le shu mu le/ sha sha shu shu mo ti ti ta phaT hUM/ zhag gsum bar du bzlas par bya// des ni klu gnyan sa bdag kun// dbang du 'dus par gdon mi za// de nas mna' yis bsgag par bya// tad ya tha/ oM ba ga tsi gi hUM hUM ya hUM hUM ya hU ya swAhA/ bzlas shing pha skal bu bsgo// rnam mtho dag kyang gcad par bya// de nas maN+Dal dag gi steng// klu gtor rgyas pa bshams la// zhag lnga zhag bdun bar dag tu/ khyung gi phyag rgya byas la ni// klu gnyan sa bdag kun gyi spyi'i snying po dang// nye ba'i snying po dag kyang drang bar bya// snying po dag la 'bum tsho bskyal// nye ba'i snying po dag la nyin stong mtshan stong ngo// gang byed thod par rdzas dang ling ga bsags byas la/ klu rnams gtad sngags bzlas par bya// de nas thod sbrul phyag rgya legs byas la// thun sngags brabs las dgra bo sbrul gyis bskor// nyungs kar nyungs nag dag la 'bum bzlas phyogs su gtor/ gu gul gyis bdug bsngags bzlas shing ling kha gdugs/de rnams sngags ni sngags kyi le'u nas shes/ de ni sngon du 'gro ba'i spyi'i cho ga'o// de nas gang yang rung ba'i las rnams brtsam/ rtog pa'i rgyal po mchod rten gyi rgyud las/ nang bsgrub sngon du 'gro ba'i le'u ste nyer dgu pa'o//// de nas rgyal rigs sbyor ka bshad// shar bltas pa'i khyim phyin la// rgyal rigs sa btsal gnas pa'i klu gar de// klu gar dag la dgra bo gtad 'dod na// rang gis gos dkar gon la spyi bo'i skra yang brdzes// gdong pa khrag dang sol bas ngos re byug/ gshed thod dbang bskur sngags kyang bzlas// de nas dgra bo'i pha mis thod pa ru// du yod ming rus gro ga dag la bri// nyungs kar til nag rjes kyi sa la bzlas// thod pa gnyis kyi mig ltas nas// tshon skud btags la lag pa g.yas pas gzung// gshed thod nang du gu gul dkar po dang// cong zhi dkar po de rnams sbyar byas la// gu gul nag po ske tshe btsan dug re lcag pa// dgra bo'i ming byang bcug la dgra bo'i srog snying bzlas// thod pa'i nang gi ming byang dag la brab// de nas klu yi drag sngags kyis kyang rdeg/gu gul nag pos brdegs par bya// de nas ma nyes dpang yang gzugs// gser skyems cha gcig gtang bar bya// klu gar khyod la 'di gtad do// chu mig klu yi mig yin pas// mig du chu mig dag nas ni// rkang 'dom gang bcal klu yi kha yin pas// de ru sa brkos pha mes thod pa gzhug/ de bas dma' ba'i khru de gzhal ba la// lag pa g.yas pa'i spar ba ste// de ru sa bskos gshed thod sba// g.yon ngos khru do bcal ba ni// lag pa g.yon pa'i spar ba ste// mtshan byang de ru sba bar shis// thod pa'i kha ni rgya skyegs dag gis gcad// tho rangs skya rengs shar ba'i dus su sbyar// de ltar gtad na lkugs pa'am// zha grum dag gis 'chi ste lo gnyis na'o// rtog pa'i rgyal po las/ rgyal rigs la dgra bo gtad pa'i le'u ste sum cu pa'o//// de nas bram ze'i las bshad de// ser po me la dbang ste de la gtad par bya// lhor bltas khyim du song la cha lugs ser po gon// gtor ma ser po rgyas pa sbyin bya ste// dbang po gdams la phyogs su phyag gsum btsal// ming rus khrag la bris byas la// skra dang rjes kyis bsres gzugs byas la// 'bogs drir shi ba'i thod pa ru// dug dang gu gul nag po dang/ khyi nag po yi snying btsal la// bram ze'i snying pos brab par bya// de nas nyi ma nyi ma rtsa gong du// gtad pa'i las rnams gong dang sbyar// lcebs drir snying gzir 'chi bar 'gyur// rtog pa'i rgyal po'i rgyud las/ bram ze la gtad pa'i le'u ste so gcig pa'o//// de nas rje rigs kyi las bshad de// klu khra chu la dbang ba ste// de la dgra bo gtad pa ni// nub tu bltas pa'i khyim song ste// phyag gsum btsal la las rnams bya// lug gi thod par 'bru sna sna tshogs blugs// sbrang rtsi gzeg phur chu gang la// dgra bo'i gzugs byas thod par gzhug/phag pha'i thod par dug dang ske tshe dang// mi khrag ming byang dor rtar bcug la thod par gzhug/ klu bskrad snying pos brdeg cing brab par bya// phyi ma gong bzhin sbyar bar bya// nyi ma shar ba'i dus na gtad// lo dus dag las 'khor mi srid// rtog pa'i rgyal po'i rgyud las/ rje rigs kyi las dgra bo gtad pa'i le'u ste so gnyis pa'o//// de nas dmangs rigs kyi las bshad de/ dmangs rigs nag po rlung la dbang ba ste// de la dgra bo gtad par bya// byang phyogs bltas pa'i khyim phyin nas// gter ma nag po bshams la sbyin// nas nag lcags phye til nag dang// bsregs pa de tsho gang yang sbyin// de nas mdze pho'i thod pa ru// dug chu ming byang legs brtsams la// lus la lce phog tshags byas la// skol te thod pa'i mig nas dkrug/ skol ba'i sngags kyang bzlas par bya// gu gul dag la drag sngags bzlas la brdeg/smin ma skra sogs phyi zhes brjod// gong nas 'byung bzhin chu mig tu// gzhug par bya bar the tshom med// nad du mdze ni gdon mi za// zla ba lnga las 'khor mi srid// rtog pa'i rgyal po'i rgyud las/klu dmangs rigs la dgra gtad pa'i le'u ste so gsum pa'o//// de nas klu sna tshogs kyi las bshad de/ khyim 'og gsum pa'i sum mdo ru// phyi nas 'bru sna tshogs dang// gu gul nag dang rin chen dang// ming rus sbrul gyi dum bu dang// bud med gri ru shi ba'i thod par bcug la// zhag nyi shu rtsa gcig tu bzlas la// dam bdar las bcol lo// stong rtsa brgyad du bzlas na nges par chud mi za// yang na gro ga shun lpags dang// na ga pus par khrag glang nag khrag/ ba ser lci ba bsres la ling ga bya// ming byang snying khar bcug la mdor sbas na// la thang phye dang sran tshe tsha phye rnams// bsres la chu mig nang du gtor mar bya// che ge 'di ni mi gtang 'tshal// zhag gsum dag na cho 'phrul sna tshogs 'byung// 'og rta 'chi la sbrul gyi kha dog ston// zla ba phye na nges par 'chi bar nges/ khrag tu skyug cing 'chi bar 'gyur// rtags rnams byung na thod pa dbyug/ klu bsgrub bya zhing klu gtor gtang// dbyar zla gsum la chu mig sngo dbye ba// rigs bzhi klu dang sna tshogs klu yi ni// las su rgyal ba kun gyis gsungs// rtog pa'i rgyal po mchod rten gyi rgyud las/klu sna tshogs la dgra bo gtad pa'i le'u ste so bzhi pa'o//// de nas sa bdag gis las bshad de/ sa bdag yod nges pha 'ong ngam// sgong tshigs gra ma dag la ni// sa bdag la gtad las bya'o// dgra bo yod tshad ming rus ni// gro ga dag la legs bris la// sa bdag khyod la gtad do bya// sa gru ru bcug la drag sngags dag kyang rdegs// nyungs kar dag la bzlas la brdeg/ yang na sbal pa'i gsob dang sdig pa'i gsob// de nyid lto sbyar tshon sna lngas bcings la// mna' thod dag tu bcug la sa bdag la gtad// tshig gis 'di skad brjod par bya// sa bdag rgyal po rgyal mo dang// blon po mthu chen dmag dpon dang// dkar po ser po nag po khra bo gshed po 'dzin skyong po/ sgur po khyed rnams mar ya 'di gtad kyis/ klu rdzings su chu gcig/ dmu chu dang gum por thong zhig/ bad kan dang/rlung nad dang/ mkhris nad 'dus pa'i nad kyis sod cig/ sa bdag yod nges sngos shing sgong tshigs pha bong sar sba'o// zla gsum nya la sbas gyur na/ lo dus dag la 'khor mi srid// rtog pa'i rgyal po'i rgyud las/ dgun zla gsum la ri bo'i lto sprul la dgra bo sa bdag la gtad pa'i le'u ste so lnga pa'o//// de nas gnyan gyi las bshad de// mtsho chen po'i sar phyin te// gnyan chen po zhes bos pa dang// dang po ma nyes dpang yang gzugs// gnyan dang pha skal bu skal mgo/ gnyan dang rnam tho legs par gcad// mon pa nag po'i thod pa ru// du yod dgra bo'i ming byang gzhug/ gro ga dag la ling ga bri// mang po bcug la dgra la gtad// lcags phye dug sna tshogs pa dang// 'bru sna tshogs dang gul gul dang// rgya mtsho lbu ba la sogs dang// gnyan gyi dam rdzas ma lus la// blugs la gnyan gyi drag sngags kyis// brab par bya ba the tshom med// ces ni drag sngags brgyab nas kyang// mon thod dag la 'di skad bri// gnyan po bar snang dag la bzhugs pa dag/ rgya mtsho spyan dbye 'dir spyaun la/ khyed la dgra bo 'di gtad kyis// dig tu chug cig/ lkugs su chug cig/ zhar du chug cig/ chu bur dang/ shu ba dang/ g.yan pa dang/ phol mig dang/ lkugs pa dang/ kha yon po dang/ lus po zha ba dang/ gzhogs skams par gyis shig/byas la thod pa thal 'jim gyis kha gcad la/ re bas gtum rgya gram gyi dkar nag skud pa dag gis bcing// gnyan rdo khra bo dag dang sbrags nas kyang// rgya mtsho dag tu bskyur bar bya// zla dus dag la gzas pa po// mi 'khor de sa shin tu zab// sangs rgyas kun gyi rnags pa yin// rtog pa'i rgyal po'i rgyud las/ dpyid zla gsum la rgya mtsho spyan dbye ba dgra bo gnyan la gtad pa'i le'u ste so drug pa'o//// de nas khyad par las chen bshad// 'jig rten gsum na rnyed par dka'// zhag brgyad du nyin par sngags bzlas shing/ chu mig tu ming byang bskyur bar bya/ de yi bya ba'i rim pa ni/ glang mtheb long tsam rgyus la// steng du de ltar brgyad kyis mdzes// de ltar bcu drug bar dag du// dang po gnyis dang gsum dang bzhi// lnga dang drug dang bdun dang brgyad// ming dang oM dang phu sbyor gsum// mkhas pas rim bzhin sbyar nas kyang// chu mig brgyad du nub mo skyur// chu mig kha ru sngags 'di brjod// des kyang tshur la ldog mi srid// dang po ma nyes dpang yang gzugs// de nas klu yi dmod pas mos// phyi'i mchod pa rgyas par dbul bar bya/'gro ba rigs drug sbyin gtor gtang// de nas byang shar klu btsan yam shud la// gser skyems dag kyang rgyun mi gcad// de nas klu yi dmod pa ni// kwa yi klu chen rnams nyon cig/ klu nag po rnams nyon cig/dgra bo 'di bka' las 'das pa yin pas 'di la rtags phyung zhig/ mtshan ma myur du ston cig/ smin ma dang skra phyi zhig/ klad mdze klad la thong zhig/ byad nad gdong la phur shig/rkang nad rkang la zhen cig/ nad ngan lhang lhang 'khyug tu chu gcig/ sna mdze sna la zhen cig/ bran tshe ne seg khrol cig/ tsha ba med dbal thong zhig/ sbrul dang sbal pa zhugs cig/ des ni nges par chud mi za yi// rtog pa'i rgyal po mchod rten gyi rgyud las/ klu chen po brgyad la dgra bo gtad pa'i le'u ste so bdun pa'o//// de nas zab mo'i las bshad de// shog shog dag la ra dkar gyi// 'o mas snying po legs bris la// gro srog dud pas bdug par bya/ kham pa'am la cha'i sbal par legs bcug la// re ba dag gis gtum par bya// de nas snying po bzlas bya ste// gnas pa brgyad kyi dbus su'o// ba glang phag pas byug la gnan// de nas gtad pa'i sngags kyang bzlas// 'dzam bu gling nas rnyed par dka'// snying kha'i dkyil du bcang bar bya// sangs rgyas kun gyi dam tshig go/ rtog pa'i rgyal po mchod rten gyi rgyud las/zab mo nA ga'i las bstan pa'i le'u ste so brgyad pa'o//// de nas gtad pa'i las bshad de// gro ga shog bu ras dag la// sbal pa nag po'i gzugs bris la// snying khar ming byang khog du gzhug/gnag pa gnyan la gtad pa'i sgo// lung bdun chu dang lung dgu'i chu// sman dang dmar ser bcud rnams kyis// gnag mchod srid la gser skyems gtang// byang shar yam shud dmar po la// gser skyems gtang la bar chad bsgo// rgyun du snying po 'di bzlas so// gu gul nag po'i dud pas bdug/ rigs drug gtor ma gtang nas ni// gong 'og sbal pas mnas bsgags la// gsang sngags 'di yang brjod par bya// de nas las bcol gsang sngags bzlas// de nas thod sbrul phyag rgya legs byas gsang sngags bzlas// thams cad bsdams par bsam par bya// rtog pa'i rgyal po mchod rten gyi rgyud las/ nA ga las chen gyi le'u ste so dgu pa'o//// de nas zab mo'i spyi don bshad// shog bu dag la sbal pa nag po bri// de yi nang du ming yig bri bar bya// bdag gis dgra bo 'di gtad zhes bya ba yang ni bsgo bar bya// klu rnams sman dang gtor mas mchod// srid pa'i lha 'dre byin la'ang gser skyems gtang// byang shar yam shud dag la gser skyems gtang// dgra bo'i tshe srog bar chad bya'o// de nas klu yi snying po 'di yang bzlas/khri'am 'bum dang bzlas par bya// sbal pa'i gzugs de chag gang 'og tu sba// nag po dag la gtad par bsgo// de nas klu rnams dam brtsal mna' bsgags// sngags 'di yang ni brjod par bya// de ltar byas nas kun kyang 'grub// rtog pa'i rgyal po las mchod rten gyi rgyud las/ zab mo'i spyi don gyis dgra bo cham la dbab pa'i le'u ste bzhi bcu pa'o//// de nas klu gnas bshad par bya// klu rnams la yang rnam bzhi ste// rgyal rigs rje rigs bram ze'i rigs// dmangs rigs nag po gdol pa'i rigs// de dag so so'i mtshan nyid ni// shar bltas drag 'bab me tog skyes// sa bzhi rdo yang dkar por gnas// rgyal rigs yin par shes par bya// lhor bltas gting thung dri yang zhim// rtag tu skye 'bri med par 'bab// bram ze yin par shes par bya// nub bltas gting 'bab sgra yang chung// rgya mtsho chen por slebs par 'bab// rje rigs yin par shes par bya// byang bltas nag cing nyams mi dga'// rtag tu nyi ma 'char mi srid// rlung dang tshub ma rtag tu 'byung// gdol pa'i rigs su shes par bya// de rnams spyi yi mtshan nyid do// rtog pa'i rgyal po las/ klu rnams rigs brtag pa'i le'u ste zhe gcig pa'o//// de nas klu dang gnyan dang sa bdag gis// ma grub spogs pa'i cho ga bshad// de la dang po rgyun tu drangs ba'i sngags// bdun 'bum dag tu bzlas par bya// de nas myos su gzhug pa'i sngags// stong tsho tsam du bzlas par bya// de nas gsad par bya ba'i sngags// brgya rtsa brgyad du bzlas par bya// chu mig mgo gsum 'khor skye ba'i// gra ma tsher ma'i shing dag dang// skyu ru ra yi me tog la// sbrul nag sbal nag sdig pa'i ro dang sdom nag po// dgra bo'i ming dang dbye ba ni// sngags kyi gzugs dang sbrags la bsregs// thal ba phyogs su gtor zhing phyag kyang 'tshal du gzhug/ dgra bo dag la smos ci dgos// yul khams tsam du mdze 'ong ngo// mi nad sna tshogs mi bde sna tshogs 'ong// gar dga' bya med thi snyam dag la bya// dgra la rtags byung thod pa dag kyang dbyung// gsum po dag la gtang rag gtang// klu sgrub klu mdos klu rjes dag kyang gtang// klu gros klu skongs klu klu phya'o blang// kla skongs thebs gsum dag kyang bya// dus gsum chod pa khyod la bya// sngags pa bdag la mna' ma za// gnod pa ma byed par dam bdar// rtags phyung mtshan ma ston// de ni gdon mi za bar 'grub// nges pa'i las 'di the tshom med// rtog pa'i rgyal po mchod rten gyi rgyud las/las kyi spogs pa'i cho ga bstan pa'i le'u ste zhe gnyis pa'o//// de nas las mchod de rnams kyi// gsang sngags gang yin ngo bo gang// dngos su ma mchod gnas bstan par bya'o// sangs rgyas kun gyi gsang ba yin// ngag tu brjod pa ma yin te// skye bo'i drung du brjod mi bya// oM pi tsi kri pi li li ga hUM hUM phaT/ oM pi tsi tri pa li li ga muM ma nya myos hUM hUM phaT/ oM pi tsi tri pa li li ka 'dar 'dar hUM hUM phaT/oM pad+ma ni dza/ dgra bo ni dza gal 'ge ri ni dza/ oM tsa ta tsa ta bi tsa ta bi tsa ta/ shan ta shan ta swAhA/ oM pad+ma ni hUM dza/ shang ka pa li ni dza/ oM dgra bo par la ni dza/ oM ga la ge'u phu ni dza/oM tsa ta tsa ta bi tsa ta bi tsa ta/ sha ta sha ta swAhA/ oM pad+ma ni dza dza// shang ka pa la ni dza/ oM dgra bo ni dza/ oM ga la ge'u bu ni dza/ dgra'o tsi tsi tsi rgyas/ trag tur snying la 'gul 'gul/ myags myags rtsa bzhi skum shan shan/tsha thur nag po sod swAhA/ ki nA ga dun/ nA ga dun nA ga sha la dun/ he ling he ling nA ga 'dus 'dus/ pad+ma hUM dza/ pad+ma ni dza hUM baM ho/ nA ga rA dza hUM dza/ oM nA ga rA dza hUM dza/ tsa ta tsa ta sha ta sha ta/bi sha ta bi sha ta/ nA ga tsa nan swAhA/ phu A+oM/ oM phe/ oM po/ A+oM pha/ A+oM swa/ oM ga/ oM ga/ oM k+Sha nA ga phra ban tsa tsa pu nye kha dan gangs smin bri smin ka na ga ya shu phri smi ka/ nA ga seng he pra nye ge/ nA gi'i tra ku rtsang nya ga su rnga nA ga khu la yas pa lci nA ga phyi la yu ti mug swAhA/oM ge re ge re ku ru ku ru khaM swAhA/ ta thi ga tri hri// da ya mA ra ya phaT/ tsa le tsa le mAr ya rbud/ ga rdza ga rdza mA ra ya rbud/ wa ne be ra sha mA ra ya rbud/sa ma ji srid tra mA ra ya rbud/ krod+ha ni krod+ha ni mA ra ya phaT/ oM bur gum ma ga mA ra ya rbud/ oM ni she ma ga krod+ha hUM hUM phaT/ oM badzra kro sang mA ra ya phaT/ e ha e ha a ha si ri si ru su ru su ru/ sred sred ri phaT/a pra te pra pra te e ta na/ e dad sad sad chom chom thul thul/ ha zhen ha zhen nA ga zhen/ log tri tra sod/ a shu te sod/ ne ka pra ti sod/ he he phaT/ he du sod/ sin ti sod/ sen men dun ting sod a tri nir tri a tri sod/kro sod du du sod ya ya tri sod// ba tri ta sod/ nang du ya sod/ nang du ye sod/ a lu ti te sod/ gu la nad to te sod/ nA ga shan tri du ba si bas/ nA ga rA dza nan/ nA ga tse ra nan/ nA ga mir rbud/shan ni ta tsubs/ mo na mor/ lig shaM pa/ nA ga du na dun dun/ gyen gyen na na sha du ya ma tsubs tsub du sha rbud/ oM pad+ma ni dza/ ga la 'ge'u ri ni dza/ bi si ni a ni si d+ha na a log nan/ de he a log gan de/ho a log te to sod/ nA gi'i so nag kha'i nA ga le a ge a ge/ nA ga rA dza/ tsi ti tsi ti/ du she du she/ du pa la du pa ya/ nA ga rA dza swAhA// nag po bi tsi tsi rgyas tsa dur snying la 'dul gur/ myags myags/ rtsa ba ni bskums/shan shan srog la shan/ tsha dur nag po sod swAhA/ nA ga du na nA ga du na nA ga sha dun dun/ he li he li na ga dus 'dus/ oM shan ta shan ta bi shan ta bi shan ta/ tsa ta tsa ta swAhA/ oM tsi ta tsa o bi tsa ta bi tsa ta/sha ta sha ta swAhA/ zab mo sngags kyi sbyor ba yis/ klu rnams kun gyi snying bskul nas/ srid gsum ma lus rdul du rlog/ sangs rgyas kun gyi thugs bshad pa'o// rtog pa'i rgyal po mchod rten gyi rgyud las/gsang sngags zab mo'i le'u ste zhe gsum pa'o//// de nas sngags kyi yon tan bshad// sngags kyi sbyor ba byed pa ni// rnal 'byor des ni don grub po// nag po chen pos don byed na// lha srin sde brgyad thams cad la// rang gi ma nyes dpang yang gzugs// rigs drug gtor ma rtag tu gtang// sngags kyi 'khor lo rtag tu bskor// bcom ldan 'das kyi spyod lam bya// don dang ldan pa'i rdzas kyang bsags// sngags kyi sbyor ba rgyun mi gcad// sngags kyi sbyor ba'i yon tan ni// nag po bam gyi sngags 'di yang// sa ya brjod na kun kyang 'chi// bye ba brjod na rdzogs par 'gyur/ khri phrag gis kyang gdon mi za// dam shes bag med ces bya ba yis// byol song khyad par can rnams kyang// ma mo dag dang bsdongs nas ni// rdzogs nas nyams lci 'chi bar 'gyur// bdud dang bsdongs nas khrag du skyug/btsan dang bsdongs na gri thabs 'chi// dmu bdud dag dang bsdongs gyur nas// lbos nas skrang zhing 'chi bar 'gyur// nA ga gcig pos zin gyur na// chu ser nag pos zin par 'gyur// sa bdag dag dang bsdongs gyur na// lus sbrid rkang lag dag kyang skam// gshin rje dag dang bsdongs gyur na// smyo 'bog lhog pas 'chi bar 'gyur// gdug pa gnas pa'i sa de na// de rnams gcig dang phrad par 'gyur// nag po bam gyi ngan sngags 'di// sangs rgyas kun gyis srungs mar bsdogs// 'dzam bu'i gling nas rnyed par dka' 'o// rtog pa'i rgyal po las/ drag po'i sngags kyi yon tan bstan pa'i le'u ste zhe bzhi pa'o//// de nas bye brag bsnyen pa yis// nang bsgrub gnyis pa bshad par bya// maN+Dal cha snyoms yid 'ong dang// 'khor lo rtsibs brgyad mu khyud ldan// gru chad sgo bzhi rigs dang bstun// de la yig 'bru dgod par bya'o// shar gyi rtsibs la yi ge na// lhor ra nub tu sa ste byang du ma// shar lhor ga ste lho nub tsa// nub byang ya ste byang shar dza// pho brang zlum po yi ge hUM/ dam tshig dkyil 'khor bris nas su// yi ge dgu pa 'di yis bod// hUM nA ga ra dza sa ma ya dz+wa/ zhag bdun bar du gong gi dam tshig srung// nya sha sgog btsong spang bar bya// shin tu bsnol la gzem par bya// de yi grub rtags 'byung ba ni// bas ldags shu ba thor pa 'byung// de nas gnan pa'i las bya ste// de nas rlung la gtor 'dod na// klu la yang ni rnam bzhi ste// rgyal rigs rje rigs bram ze gdol pa can// nag po dmangs rigs bzhir shes bya// ma ra ya'i ming rus gzhug par bya// rigs bzhi'i drag sngags brdeg par bya// thun du 'phen na mdze thod du// mdze dang dreg dang phol mig dang// shu ba can dang g.yan pa can// nad ngan sna tshogs khrag sbyar la// drag sngags bzlas la thun du 'phang// de nas gtad pa'i gnas 'dod na// chu mig phyogs bltas sa dag la// mdze nad sbrul gyi chan pa'o// chag tshad ma nor gtang bar bya// mdze rigs dug thabs thams cad dang// phol mig g.yan pas 'dzin par 'gyur// gang la bya ba'i grong yul du// thun 'phangs nad ngan sna tshogs su// gang la bya ba thogs med ces// mthu stobs pa dag rab tu bshad// mdze nad spu gri chen po'o// des ni gdon mi za bar nges// rtog pa'i rgyal po las/ mdze nad spu gri chen po bstan pa'i le'u ste zhe lnga pa'o//// de nas mdze thun rgyas par bshad pa// gang gnas sa yi bdag po la// sa gzhan sbyin dang legs bsres la// klu yi rgyal po'i gzugs bya ste// lus gcus mgo gcig sbrul mgo bdun// phyag g.yas rin chen 'bar ba'i bum pa thogs/ kha dog mthing kha lus kyis chu srin mnan// de nas gzugs de bskyed par bya'o// oM spu'i yi ge 'di ni 'di'i rgyu yin te// nA ga rA dza ba su gyi ni stam// zhes pas klu rgyal sku bskyed la// de nas ye shes sems dpa' dgug bya ste// nA ga rA dza ba su gi ni dza// zhes pa de ni legs bkug la// de nas gsal nas bsnyen pa brtsam// nA ga rA dza a ra da na/ nA gi phag hUM dza hUM dza/ oM che ge mo dza dz+wa/ ji ltar nus tshad bzlas par bya// de ltar bzlas nas gzugs ga 'ur gzhug/gzhan gyis mi mthong rang gi spyod yul nyid// rtags dang mtshan ma rang gi gzugs su 'byung// bzlas pa skyo na mchod pa dbul// u nA ga rA dza ba su ka na a rmi tha sarba sa ma ya/ nA ga rA dza gzugs la thim par bsam// der gtad pa'i las dag byed par 'dod na// bdag nyid bya khyung rgyal por gsal byas la// chu gtor mar dang ldan par sbyin byas la// seng ldeng phur bu bdag dang 'dra bar bsam// de nas gsang sngags nyid kyis byin gyis brlabs// gang gis de nyid dril zhing nA ga bsdigs// kwa la ru ba chag med bzla// brgya'am stong du bzlas pa byas nas ni// sngags bdag 'di yis gtad pa bya bar gsungs// oM nA ga rA dza/ dzaHhUM baM ho/ che ge mo a kar sha la a kar sha ya/ hUM tshin d+ha ya tshin d+ha ya/ len yang len ya/ nA ga tshi sa nA ga tshi sa/ nA ga sdoms nA ga sdoms/ de skad ces ni rab tu lan gnyis brjod// mi 'di bdun rgyud tshun chad rtsad gcod do// de skad ces ni gnad la bor// gdug pa klu yis dgra 'di ma gsad na// phyag na rdo rjes rang gi mgo 'gems so/ khong nas snying 'dzag par byed// 'di skad ces brjod gnad la bor// nA ga rA dza dud ling khr-i phrag brgyas ni// ku ku ru nA ga shu ba'i sre ya ka ku ru swAhA/ de nas gnan pa 'di gsungs so// mdze thod dmar po pha mes thod pa ru// ming dang rus bcug skud pa sngon dmar dkri// bud med zhabs mas gtums la khyim gyi dbus su gzhug/ khyim gyi phyogs kyang gong bzhin sbyar ro// rtog pa'i rgyal po las/ mdze thun rgyas par bstan pa'i le'u ste zhe drug pa'o//// de nas gtad pa'i las cig ni/ khang pa'i mi yis smin ma'am// yang na la cha'i sbal pa dag khog stong dang dag tu legs byas la// dam nyams dgra bo goms bdun sa// dal chad 'phyongs pa'i 'phongs sa dang// bong bu'i bdud rtsi shel dang ma tshal khrag/ legs par rung bar nan tan bya// ming dang bla dgas 'ba' yis mtshan// sbyor ba'i dus su mkhas pas spyad// shar lho nub byang phyogs dag gi/rigs bzhi khyim gyi bdag po la// sha khrag rus pa'i chu rgyus glud// gtor ma dkar nag phyogs dang sbyar// na ga spu 'dis byobs byas la// gang la mngag pa'i bdag po de// mchod cing mchod cing gtad khram bya// de nas rdzas kyi rim pa'o// nA ga rA dza/ oM yu/ oM pa/ oM phuM/ oM phi/ oM phe/ oM pho'u/ nA ga rA dz+wa ba ling pu tsa swAhA/ rgyal po brgyad mchod ba'o// nA ga yu yu nA ga rA dza ru dza ru tsa na ga bu/ nA ga le nA ga le swAhA/byol song ha lam mchod pa'o// na hu ya ba ling dung pa gar pa/ a thugs sod/ gar pa a la zung nA ga dkris dkris/ nA ga 'khyud 'khyud/ rol th-im thim rbad pa'o// nA ga sbyor ba'i rim pa ni// mdzo'am khyu ba nag po'am// dmar por gyur pa'i tso to'i nang// bsgrub bya gnas mthun sa dang ni// snang mdzad shel thug snang ba dang// 'dzag ma rus mi bla dgas gzhug/ bar du rgya tshil gu gul gnag/tshil chen dag ni de 'og tu// mtha' ru spra ba'i mes bsnun la/ kha la 'ba' li bcas pa'i// the ni ma chus tshugs mi bya// yod nges khyim gyi bdag po la/ khyim nang bcug la myur du 'bros// phyir yang lta bar yong mi bya// yang na rdzas kyi sbyor ba la// bsgrub pa po yi dri chen dang// rgya mtsho bskams pa'i sa gnyis dang// gnas mthun sa dang bcas pa la// zhe sdang sprul pa gnyis kyis ni// yan lag gnyis na 'dud par bya// tsa ru ra'i ra dom zhug/ byang shar kha bltas nag po la// sha khrag chu rgyus glud gtor sbyin// nA ga phu yis bos nas kyang// mchod cing mchod cing gtad khram bya// yang na rdzas kyi rim pa la// ras sam shing shun gro ga la// sme ba'i khrag gis bri bar bya// shi ba'i skra yis pir byas la// sgrub pa po yi gzugs byas la// sme ba'i kun gyis gdugs byas la// sngon dmar thag pas bcings byas la// ro nges gzung gi kha ru btsang// nA ga gdugs pa'i khyim du gtad// byol song ha la'i sbyor ba 'di// zab mo'i sbyor ba dam pa yin// rtog pa'i rgyal po las zab mo sbyor bas dgra bo gtad pa'i le'u ste zhe bdun pa'o//// de nas klu glang klen pa'i las cig bshad// gtad pa'i lugs cig 'di ltar ro/ khyung rgod sngags kyis bdag lus bsrung// thog mar bya khyung bsgoms byas la// de nas khyim bdag gang yin la// bum pa'i mgul bcings las 'di la// shar lho nub byang phyogs mtshams kyi/ khyim dang khyim sgo shes byas la// ba ling dam rdzas phyogs dang sbyar// shar du kha bltas khyim gyi bdag po la/ kha dog dkar po ma spyad sar ka lag shar// sha khrag rus pa chu rgyas glud sna gsal// ba mar dun ting 'bru sna tshogs blugs// bsgrub bya'i ming dang dri ma rus rnams gzhug/ rdo rje rgya gram kha gcad la cas bsnul// bzhi brgyad lnga pa'i yi ge nyi shu la// la dag grangs 'bum nyungs dkar dag la bzlas/ khyim bdag snying po ka lag sha ru'o// rtog pa'i rgyal po las/ bum pa mgul chings shar du bltas pa'i chu mig la gtad pa'i le'u ste zhe brgyad pa'o//// de nas mgul chings las cig bshad// lho ru bltas pa'i khyim gyi bdag po la// ba li lam gyi mdog bsgyur la/ kha dog sngon po ma spyad ka lag shar/ khrag dang chu rgyus rus pa'i glud rnams sbyin// bsgrub bya'i dri ma ming byang rus pa kun// nyungs kar sngags bzlas ka lag sha ru'o// rin chen 'bar bas kha bcad la chas bsnun// la dag grangs med nyungs kar dza pa te// rtog pa'i rgyal po mchod rten las/bum pa mgul chings lhor bltas pa chu mig tu gtad pa'i le'u ste zhe dgu pa'o//// de nas mgul chings las cig bshad// nub tu bltas pa'i rje rigs la// me tog dmar po mdog bsgyur 'ba' li sbyin/kha dog dmar po ma spyad ka lag shar// sha khrag chu rgyus sngon bzhin ming rus gzhug/ bzhi brgyad lnga po nyungs kar rgyal po// nyungs kar sngags la zhugs// pad+ma 'bar bas kha gcad la cas bsnun// nub tu kha bltas rje rigs dag la gtad// rtog pa'i rgyal po las/ bum pa mgul chings nub tu bltas pa'i chu mig la gtad pa'i le'u ste lnga bcu pa'o//// de nas mgul chings las cig bshad// byang bltas chu khyim gyi bdag po la// 'ba' li me tog nag po sbyin/ kha dog nag po ma spyad ka lag shar// rdzas kyi rnam pa gong bzhin blug par bya// mchod cing mchod cing gtad khram bya// shar lho nub byang phyogs kyi bdag po la// gcer bu spyi gtsug 'o dod lan gsum 'bod// nA ga rA dza a ra ta nan/ nA ga su ka nA ga phu/ hUM dza hUM dza/ de nas gnan pa'i las 'di bya// rang nyid bya khyung ting 'dzin ldan pa yis// sgo 'byed rang gi lag pa khyung sngags bzlas// sgo bcad rang gi rkang pa rdo rje rgya gram bsam// sngags 'di bzlas shing khyim sgo gcad par 'byung// oM A mu ka staM pa na lang nan/ mA ra na staM pa na nA ga lang nan/ de nas las rnams byas nas ni// 'gro tshe rgyab kyis mi phyogs par// rbad sngags bzlas te khrag rjes gcad// nA ga rA dza nan/ nA ga rA dza ku ma b+h+yo/ nA ga rA dza ku ma b+h+yo/ nA ga rA dza khyug khyug b+h+yo/ a+thi+-i/ gnan pa'i las de gong ma gsum la'ang sbyar// rtog pa'i rgyal po las/ bum pa'i mgul chings byang du bltas pa'i chu mig la gtad pa'i le'u ste nga gcig pa'o//// klu glang glen pa'i las cig bshad// thog mar bya khyung don shes bya// de nas glen pa'i las 'di sgrub// de nas phyogs kyi bdag po la// klu sman sna tshogs sbyin/ ras dang gro ga shog bu la/ a mu ka yi ming gzugs bri// de nas gdug pa sbrul gnyis kyis// dmigs pa'i gzugs kyis lag pa khar bcug bri// de nas skud pa sngon dmar bcings// ro nyes gzung zhing kha ru gtsang// ra tsa nag po ra khye zhugs// zangs phye rdo phye lcags phye dang// lan tshwa nag po nyungs gsum la// sngags kyi rgyal po nyi shu brab// nA ga gnan pa'i khyim sgo dbye// gdug pa glen pa'i lag tu gtad// yang na las 'di bya ba yang// a mu ka yi khang pa la// ma ma sa rag tar bcas pa dang/ rgya mtsho dbye ba'i sa gnyis dang// gnas mdun sa dang rdzas rnams la// a mu ka yi gzugs byas te// sdig pa nag po zas su sbyin// yang na lho phyogs lung mdo 'am// klu btsan chen po gnas pa'i sar// bdag po de gzugs spra tshil bya// de'i mgo ras ser la'o// bsgrub bya lus po spra tshil la'o// bdag po de dang bsgrub bya de// de btsam bsnun te sbyar bar bya// de nas sbyar ba'i dmod mo 'di// ras sam shog bu dag la bris// klu btsan che ge mo shag sor shag sam// de ltar bro ba'i nang du de// gong gi sbyor ba zab mo gzhug/ de yang tsa ra khang 'dir skyes bu dag gi nang// de nas bzlas pa rdzogs pa dang// drag po las kyi sbyor ba ni// zla ba nag po'i mar tshes sam/khyab 'jug rgyu ba'i dus nyid du// mthun pa'i dam rdzas sa ra sbyin// bos shing shos gtad khram bya// rtog pa'i rgyal po las// nA ga klu btsan dang sdig pa la gtad pa'i le'u ste nga gnyis pa'o//// 'gal ba cham la dbab pa'i phyir// brag srin byad le'u bshad par bya/ de nas brag srin rub pa yang// chag gang 'jig pa ka ka ru// sbyor ba mkhas pas lcags la bya// de nas bsgrub bya'i lus po yang// mdzub gang tshad tsam spra tshil dag gis bya bar shis// ta la'i byang bu sor tshad bzhi// brag la dbang ba'i bdag po'o// ming dang sngags dgu mkhas pas bri// phaT dang phyag 'tshal thog mar bya// ka shu ti shu rang pu pas na// bdug dang 'brel byas bdag po'i sngags// de nas ta la'i byang bu'i// dngos cig bsgrub bya'i ming dang brda// rtsa ba'i sngags 'di legs par bri// ba ra shu pa ku sha ya bruM// zhes pa'i sngags brgyad po bri bar gdon mi za// de nas sbyor ba mkhas pa yis// bsgrub bya'i rus pa gang yin de// ka ka ru'i rwa brag gzhug/ rwa dang rus pa'i bar du yang// gong gi sbyor ba byang bu ste// bsgrub bya'i ming sngags bdag po las// bdag po ming sngags bsgrub bya bstan// keng rus bsregs pa'i tsit+ta dang// bsnun te sbyor ba mkhas par sbyar// tsan ta ka la mar tshes la// bdud kyi srung bya byung ba'i tshe// gang gis sbyor ba bsgom du shes// sbyor ba de yang ka la te/ kha gcad mkhas pas rgya bsnan te// ra tsa nag po ra sgyed du/ kha gcad pra gi sha ka ru/ khru gang gting brus na phye nas// brag la gnas pa'i bdag po la// legs par mgu byas gtad khram bya// de ltar byas nas lha dang yang// lus dang yan lag skams par 'gyur// oM ka shal can gyi rlo tol gcas dga'/ ras dang gro ga dag la bsgrub bya bri/ 'chi rkyen dngos po gang mtshan mar bya/thang skam shing rdo yang na chu/ yang na mkhas pas nan tan bya ba yang// yod nges klu dbang gnas der sba ba dang// shin tu gnod de nges par myur ba'o// yang na mkhas pas nan tan bya ba yang// snying phags med pa mchu gsum thod pa la/ kha ma sbyin la gzugs byas bsreg bcug ste// 'bru dang sman yang blugs sbab ni/ khams pas gtums nas sa la bsgul bya te// bsres shing spyin sbyar chu nyid gting du sba// yang na nan tan gyis 'di ltar bsgrub par bya// nub mo so sor nyal ba'i rkang rjes gnyis// nub mo lta ba'i pags pas gril byas 'chi// yang na sngags pa mkhas pas bsgrub bya ba// bsgrub bya'i rkang rjes dri chen gzugs dril ba'i// gzugs brnyan legs byas ji ltar 'chi 'dod pas// rab tu mnam zhing me tog dag gi khrus// phyi mdog sngon por byung la spyi dang sbyar// de nas gsus pas 'drud pa'i pags pas gtum// de nyid glang ngar bcug cing shing ngam rtse// yang na yid ches klu dbang gnas sar gnan// yang na rab tu khros pa'i sngags pa yis// mdze gcad mgo gas gcad pa la// bdag dang sngags kyi mtha' mar bri// nyi rnams so tog phye sbyin dngos po la// ba tsha chu tshan dag gis de bkrus la/ kha skam la dmar ba'i bya lpags gtum la// glu bzang gzi brjid can gyi khyim du gzhag/ shin tu myur bar khros nas su// oM che ge mo dza dza sa ma ya dza nA ga hUM/ gzugs dang ling ga bca' ba'o// oM nA ga rA dza dzaHhUM baM ho/ che ge mo a kar sha ya a kar sha ya hUM/ gnan pa thams cad do// oM che ge mo lam nan/ ra na stam pa na ma ra nan/gnan pa nyid do// nA ga rA tsa nan/ nA ga kur ma ra b+h+yo/ phyis rbad pa'o// dug dang 'dra ba'i mtshon cha 'di// stan la bsam 'ga'i dgye ba yang// rang 'dod phra mor bsgrub 'dod sdig pa'i rgyu// chung la mi bya che la brnyas// yang sa gnod mdzes bya kha la bsnun// de yi tshad ni snyim pa gsum par bya// de yi nang du klu yi snying po dang// klu yi me tog nang du blugs pa dang/ khrag dang rus pa rang gi sha rgyus dang// sdug bsngal skyabs dang 'dam bu'i rtsa ba dang// klu nad gso zhing tshe tshad sring ba dang// 'ga' ru ra'i skyabs dang 'o ma'i mtsho// 'di dag mang du sbyar nas khyim nas ni// gong pa bcu gcig tshad du gzhag pa'am// bsgrub bya'i gzugs ni shing la bya ba dang// ming dang rus ni gang yin gsal byas nas/ khru gang 'og tu gnan cing steng du ste// rdo yis bar gcad ste nas 'thas bya ste// rtag tu gzhag na bdag dang mthun pa dang// 'gor yang mtha' ma phung bar 'gyur// klu nad mang dang glo bur nyid du gnod// yang na bram ze'i rigs can dkar po la// shar ltar gang du gtor ma gang phul te// dar dkar dag la gzugs bris shing sgrom gzhug/khyim nas 'og tu gom bdun 'og tu bzhag/ yang na lhor bltas khyim gyi sa ser la// bsgrub bya'i gzugs ni ser po drug byas te// sa sbyin gyis mtha' byas par du chu dub ser/khyim gyi g.yon phyogs khru gang nyid du'o// nub tu kha bltas gza' gang rung// zangs sam gzugs kyang man dri dmar po drol/ khrag med dmar byas me tog rje'u la phul// par bu dag byas nang du me lce bri/khyim gyi phugs su dam po gnan na gnod// byang du kha bltas khyim gyi bdag po la// gtor ma rnag byas dmangs la phul nas kyang// bsgrub bya'i gzugs ni lcags la legs byas te// chu shing ngam ni nag por gyur pa'i ra// de dang chas par gdong skyal bar ni// dbugs kyis bskad pa mdze chen bum pa'i klu/ khyim nas thur du rkang pa dgu yi tshad// rdo sgrom byas te dam du sba ba ni// sa chu sogs nang du mi 'gro bar// legs par byas nas gas shing lbos pa'am// yang zhing g.yo ba'i dug gis 'chi// mdor na rigs bzhi'i dug gis 'chi ba sogs// yang na 'di dag bya bar/ rtog pa'i rgyal po las/ brag srin byad kyis le'u bstan pa ste nga gsum pa'o//// de nas ru tra'i las bshad pa// brag la dbang ba'i bdag po la// mchod cing gtad khram bya ba yang// 'dag pa ru tra'i spra tshil bya// mdzub gang tshad la lbo ma rmig/ brag la gnas pa rlung za'i gzugs// ta la'i byang bu sor gsum la// brag bdag sngags bcug 'di lta ste// ga shu tri mu tri zhes pa dang// kang shang ka zhes lan gnyis bri// bdag po'i ming dang sngags bcu dag/ bsgrub bya khog tu legs bcug ste// de nas bsgrub bya'i ming sngags yang// sbyor ba mkhas pas brag bdag la// de nas bdag po bsgrub bya gnyis// sbyor ba mkhas pa rgyab sbyar te// ha ti phyir bkan so sor 'khyud// gro ga shog bu shing ras la// sbyor ba mkhas pas nan tan bri// de ba stad tra sha to su mu tu phaT/ dun ta ya dun ta ya dun ta a phaT/ sri taM so taM phaT/ tsakra tsa pa ru ta phaT/ tiSh+ta tiSh+ta phaT/ bra ka ra si ti phaT/ de te ha ti bsnol mar bcings// yang na rnam lnga'i sbrul gyis bcings// sbrul tshad 'dom gang mtho do shis// snel drir mu br-i thod par bcug/ de nas g.yag bal dog pas bcing// me thab nag po'i sa phu ru// sme khrag blug ste sbyor bas bcug/ dmar nag brag bdag yod pa'i sar// mthun rdzas sbyin zhing las bcol te// 'dom gang sa srubs sbyor ba bzhag/ gan de sna gsum me sbar la// sbyor ba shes pas khru khrag skam// rdo rje 'dzin pa yang skam par 'gyur// de 'dra'i sbyor ba zab mo ni// 'dzam bu'i gling nas rnyed par dka'// rtog pa'i rgyal po las/ klu ta'i sbyor ba dgra bo gsad pa'i le'u ste nga bzhi pa'o//// de nas klu brgyad la bshad de// klu brgyad rnams la phyag 'tshal te// dang po dkyil 'khor bri bar bya// de 'og sngags rnams bri bar bya// ban d+ha phyi nang tsan dan byugs// byug pa'i nang du chu gtor sman// klu yas sna tshogs blugs la gzhag/ gsang sngags khri bzlas chu mig gnyar// gtad khram bya ba the tshom med// bzlas la gtor ma byas pa la// dkar gsum la sogs klu sman sna tshogs blugs// zhag re phogs re chu mig rtsa ru bskyal// zhag bdud rdzogs nas las rnams 'grub par 'gyur/ de rnams kyi sngags ni/ oM phu a nan ha ra swAhA/ oM phub su ka ya swAhA/ oM gang ga to ka swAhA/ oM so kye yi swAhA/ oM phu pad+ma ya swAhA/oM mahA pad+ma ya swAhA/ oM phu sang ka pa la ya swAhA/ oM phu ku la ka ya swAhA/ klu chen brgyad kyi gsang sngags mchog/ bzlas pas stong gsum sems can bsreg/ tsi tsi dza la gdon mi za// rtog pa'i rgyal po las/klu chen brgyad kyi sbyor ba 'gal ba cham la dbab ba'i le'u ste nga lnga pa'o//// de nas 'gal ba cham la dbab pa'i phyir// klu rgyal las kyi gzer chen gshad// rdzas dang yo byad legs bsags la// dgra phyogs kha bltas nyungs kar dag gis brab/ oM nA ga shi ti star tsa bri/ sa myag pa sha ni/ bra zer du pra ni/ shar du pa ni/ su tra ni ra sha ni/ nA ga che ge mo sod swAhA/ zhes ni bdun 'bum nyi khri bzlas// de ltar sbyor ba zab mo 'di// sangs rgyas kyis kyang mi rnyed do// rtog pa'i rgyal po las/ klu rgyal las kyi gzer chen bstan pa'i le'u ste nga drug pa'o//// nA ga chen po'i las cig bshad// oM phu/ yi ge gnyis po 'di dag ni klu'i rgyu/oM nA ga rA dza ba su ki ni stoM/ klu rgyal sngon bzhin bskyed pa'o// oM nA ga ra dza ba su ka dza dza che ge ma ra ya hUM dza dza hUM phaT/ bsnyen pa ji ltar nus tshad do// gsad pa'i thabs ni 'di ltar shes par bya// shang phor bu srubs med mdzes pa la// byi dor byas te nang du klu dbang gzhug/ nas 'og tu spra tshil dag la yang// dmigs pa'i gzugs byas mdun du kha spub la// gdam khri byas te khyim gyi gnyar gzhag la// mtshams med legs par gnas pa ni// de nyid sbos shing gsang ste 'chi bar bshad// las chog zab mo rnyed par dka'// rtog pa'i rgyal po las/ thi brnyas las kyi sbyor ka'i le'u ste nga bdun pa'o//// de nas phyag na rdo rjes/ bcom ldan 'das la gsol pa/ nang bsgrub las kyi sbyor ba yis// 'gal ba ma lus cham la 'bebs// phyi bsgrub las kyi sbyor ba yis// 'gal ba ji ltar cham la dbab// bdag gis mi 'tshal bshad du gsol// bcom ldan 'das kyis bka' stsal pa// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de nas mdze thun las bshad de// rgya mtsho'i ngos sam ri bo'i rtse// shing chen po'am khar mdzes gnas// chu mig ne'u 'am yid 'ong sar// sngon du bsnyen pa bskyal nas kyang// maN+Dal gru bzhi legs byas la// de dbus gru gsum lhor bltas bru/ kha khyer dag la phur pa bcu yang dgod// de nas ya stags bsag bya ste// mdze thod rabs chad thod nang du// shog shog dag la rus sbal nag po'i gzugs// le'u dgu pa'i 'khor lo bris la gzhag/ chu srin gnyis kyi 'khor lo bskor// de yang kha sprad 'jug ma bsgril bar bya// le'u tshe dgu'i nang du phu yang bri// phu yi nang du brnag bya'i ming// phu yi mtha' ma pho mo'i sngags kyis bskor// de nas 'khor lo thod pa'i nang du gzhug/ thod pa'i kha la dar nag gis// gru gsum dag tu dgab par bya// de steng g.yam pa dag la ni// ri rab rdo rje rgya gram byas la dgab// de steng rdo rje dril bu gnyis kyang gzhag/ de nas bdag gzhan legs bskyed la// dgra bo dag ni dgug gzhug bya// de nas bzlas pa bya ba ste// mtha' rten che ge mo mA ra ya'o// skabs la bzlog thun rdzas dag gis brab// ske che rdo phye lcags phye zangs phye dang// nyungs kar gu gul nag po dug chu sogs// thun rdzas kyis brab par bya// de nas dgra bo lha dang dbral ba'i phyir// gu gul nag dang rta bla dang// bong bu spyang khyi'i lud ra dug dang// bud med zhags ma sregs srogs dud pas bdugs// de nas 'khor lo bskor bar bya// de nas las gzhug nan pas gcad// de la yang ni rnam gnyis te// gsher la gnan dang skam la'o// des ni ring po mi thog 'dzam gling mdze ru 'gyur// rtog pa'i rgyal po las/ mdze nad spu gri chan pa'i le'u ste nga brgyad pa'o//// de nas klu gnas lugs bshad de// nA ga mi yi gzugs su yod// de yi gnan pa'i sa bstan pa// rwa brag dag tu khru do'o// rwa la khru do mgo la sor ni nyi shu bzhi// byad la mtho do sor bzhi'o// snying nas lte ru mtho gang sor bzhi'o// phrag pa gnyis kyi bar du mtho do sor bzhi'o// gsang bdag nas lte bar mtho gang ngo// rkang pa dag la khru bzhi'o// rkang pa bgrad pa'i bar du rkang mdo gsum// de ltar tshad gzhal lus de la// gnan pa'i sa ni bcu gnyis te// rwa brag dag tu rtol bu ga pa'i thod pa'o// dpung pa gnyis kyang de dang mtshungs// mchan khung g.yas par dbyi thod do// mchan khung g.yon du rog po ra'i thod pa'o// brgyal nad dag gis thebs par 'gyur// snying khar sme ba mdze thod do// mdze can dag tu gdon mi za// lte bar mdzo thod dag tu gnan// mdze can nges par 'ong bar 'gyur// gsang bar dre'u'i thod par gnan// bu 'chi rabs kyang 'chad par 'gyur// bla brag g.yas su bud med nag mo'i thod par gnan// skye rgyud 'chad par gdon mi za// bla brag g.yon du de dang mtshungs// smyo zhing 'khyam par gdon mi za// rkang pa g.yas pa'i mthil la reg tsam du// bong bu ga pa'i thod par gnan// g.yon pa'i mthil la reg tsam du// rta nag thod pas gnan par bya// de ltar bcu gnyis gnas su gnan na gdon mi za// bla dang lag pa gnyis dang rked pa dang// rkang pa gnyis dang ske dang mgo bo byad// de kun mi gnan tshur la ldog srid pas// des na de rnams dag tu mi gnan no// mdze nad las kyi tshad mchog 'di// 'dzam bu gling nas rnyed pa dka'// rtog pa'i rgyal po las/ klu'i lus ngag gi le'u ste nga dgu pa'o//// de nas bzlog pa'i 'khor lo bshad// ban bon dag dang 'gras pa'am// lha dbang nyid dang 'gras na yang// drag por zor gyi las bya ste// zangs sam lcags sam 'khar gzhong du// bag phye dag la byas pa'i gtor ma ni// pad+ma 'dab bzhi'i gzugs byas dag/ gtor ma'i dkyil du dgra bshos zur gsum pa// du yod grangs dang bstun la gzhag/ dgra bshos re la ming byang re// 'di bzlog bya ba bris la gzhag/ de yi dbus su sngags bdag gi gzugs brnyan gcig kyang gzhag par bya// de na klu sman sna tshogs dang// bu ram la sogs mngar gsum dang// kun kyang blugs la gzhag par bya// de nas bzlas pa 'bum tsho bskyal// zla ba nya'am stong dag la// dgra phyogs dag tu 'phang bar bya// 'di zlog byas la zor du 'phangs// de ni lha dbang nyid kyang bzlog/ rtog pa'i rgyal po las/ klu rgyal bzlog pa'i 'khor lo bstan pa'i le'u ste drug cu pa'o//// de nas skam la gnas pa bshad// shog bu ras sam gro ga la// shing lo dag la 'khor lo ni// rtsibs brgyad tshad ldan bris nas kyang// dbus su du yod dgra'i ming bris// mtha' ma pho mo'i sngags kyis bris la gzhag/ ling kha'i snying khar gzhug par bya// de nas thod ngan nang du bcug/ tsit+ta'i snying po'am rgya gram du// gzhug par bya bar the tshom med// de ltar sbyor ba zab mo 'di// ji ltar dar yang rgud par 'gyur// rtog pa'i rgyal po las/ skam la gnan pa'i le'u ste re gcig pa'o//// de nas 'gal ba'i sems bshad bya// dgra bo'i bu srin mgo bo ru// rtsibs brgyad 'khor lo sngon bzhin bca'// bzlas pa 'bum tsho gcig byas la// dgra bo'i dur du bcug la gzhag/ 'jug tu mtha' rten stam pa la// de ltar sbyor ba zab mo 'di// 'jig rten gsum nas rnyed par dka' 'o// de nas dgra bo kha yang gtad// rtog pa'i rgyal po las/ nyams pa dur sel la gzhug pa'i le'u ste re gnyis pa'o//// de nas phur bu'i gnan las bshad// rus sbal le'u tshe dgu pa'i// 'khor lo legs byas bco brgyad phu'i mdzes/ phu nang du yod ming byang bri/ pho mo'i sngags kyis bskor bar bya// mdze thod kha sbyar nang du bzhug/ thod srubs la chas sbyar la phyi ru tshil chen byug/thod pa re bas gril la khyim du gtad// tshad bzhin gnan pa gong bzhin sbyar// zla ba gcig na nA gas 'dzin par nges// de ltar sbyor ba zab mo 'di// sangs rgyas kun gyis rnyed par dka'// rtog pa'i rgyal po las/ phur pas gshed la gnan pa'i le'u ste re gsum pa'o//// de nas ngag rengs bshad par bya// snying nas rgyas pa'i dgra bo la// pu rtse ske tshe lan tshwa gnag/ gu gul kun la dgra bo'i gzugs// lug la phyin phyogs bskyon la maN+Dal khar// sbrul dkar dag gis phrag gong bsnol la dkri// de nas bdag gzhan legs bskyed de// bka' bsgo sna tshogs byas nas kyang// dgug gzhug byas te gzugs la bstim// de nas bdag gi thugs kha nas// yi ge hUM gcig 'phros gyur nas// brnag bya'i lce 'og song bas rdo rje rgya gram bsam// sngags bdag thugs kha nas phu 'phros pas// rnag bya'i lce thog song bas ri rab bsam// de nyid rje che song bas lce yang na// de 'dra'i rang nyams nam byung na// gnan par bya bar the tshom med// ti rtse rnying pa'i 'og tu'o// de nas mtha' rten gdags pa ni// pho mo'i sngags kyi sham bu ngag stam ya btags nas bzlas na/brtags gdon mi za/ zla ba gsum du sbyor ba brtsams na lha chen dag kyang dig par 'gyur// rtog pa'i rgyal po las/ klu rgyal ngag rengs su gzhug pa'i le'u ste re bzhi pa'o//// de nas phyi bsgrub rim pa'o// grong khyer chen po dkrug par bya// dang po maN+Dal zlum por byas la// ske tshe nyungs kar til 'bras dang// lan tshwa nag po bag zan la// rnga mo mo'i gzugs la dgra bo du yod bskyon// phyin phyogs dag tu shes par bya// thugs las 'od spros maN+Dal rlung gis ni// dkyil 'khor bsam pa grwa bzhir ba dan bzhi// de nas sngags bzlas 'od zer 'phro 'du yis// ba dan dag la phog pas rlung gi dkyil 'khor bsam// thogs par rgyugs pa'i dngos por bsam// des ni grong khyer 'khrugs par 'gyur// de ltar sbyor ba zab mo yis// sangs rgyas nyid kyang 'khrugs 'gyur na// dam nyams dgra la smos dgos// rtog pa'i rgyal po las/ grong khyer dkrugs pa'i le'u ste re lnga pa'o//// de nas rims kyi sbyor ba bshad// dur khrod gyo mag dag la 'khor lo rtsibs brgyad bri// tsi tra ka dang dug dang a ka'i zho// ske tshe khrag gis brab par bya// seng ldeng me la bsro zhing khros pas gsang sngags bzlas// lnga brgya dag tu bzlas na mod la rims su 'gyur// rtog pa'i rgyal po las/ rims kyis gsad pa'i le'u ste re drug pa'o//// de nas smyo ba'i las bshad de/ khyi smyon thod par 'khor lo gong bzhin bri// mi thod cig gis kha gcad la// dur khrod du rtsa sngags bzlas na// gong gi ming bcug thams cad smyo bar 'gyur// 'khor lo snyoms byed khu bas bri// des ni 'dzam gling kun kyang smyo// rtog pa'i rgyal po las/ smyo ru gzhug pa'i le'u ste re bdun pa'o//// de nas dbang du bya ba bshad// rang byung me tog dag gis 'khor lo sngon bzhin bri// spra tshil dag gis byug par bya// rgyal skyegs khu bas kyang ni byug/ de nas rang nyid gar nyal 'og tu bcug la nyal// gang gis ming bris de ni dbang du 'gyur ba gdon mi za// de ltar sbyor ba zab mo 'dis// lha klu dag kyang nyams 'gyur na// nyams pa'i dgra la smos ci dgos// rtog pa'i rgyal po las/ dgra bo dbang du bya ba'i le'u ste re brgyad pa'o//// de nas bcing pa'i las bshad de/ kham phor me bsregs kha sbyar na// smyo byed khu bas 'khor lo bri// dur khrod sol ba btsag rnams kyis// bsres la bri bar yang dag bshad// mi ro bsregs pa'i sa dang thal bas gnan la gzhag/de yi ming dang spel nas brgya rtsa brgyad// bzlas na 'ching bar gdon mi za// de ltar sbyor ba zab mo ni// lha chen dag kyang 'ching 'gyur na// dam nyams dgra la smos ci dgos// rtog pa'i rgyal po las/ dgra bo 'ching ba'i le'u ste re dgu pa'o//// de rnams kun gyi gsang sngags kyis// gang yin ngo bo bshad par bya// bsnyen sngags bye skyol byas la// 'khor lo bskor sngags so// oM spu ta spu ta mahA krod+ha hUM/ sid+hi sid+hi/ spo ta ya hUM phaT/ de ni nA ga nA ga mo si de si di ma ya du se nA ga na mo b+h+yo to na tsa/ kyi na ma ra nA ga ma rA ya na/ che ge mo mA ra ya dza/ zab mo sngags kyi sbyor ba yis// srid pa gsum yang 'tshig 'gyur na// nyams pa'i dgra la smos ci dgos// rtog pa'i rgyal po las/ gsad pa bstan pa'i le'u ste bdun cu pa'o//// de nas phyag na rdo rjes gsol pa// kye kye bcom ldan thugs rje can// dbul ba spang phyir gter bsgrub pa// bdag gis mi 'tshal bshad du gsol// legs so dpal ldan phyag na rdo rje// gter dang longs spyod klu la yod// phyi bsgrub nang bsgrub gsang bsgrub kyis// klu rgyal gter gyi las bshad do// de la phyi bsgrub gter chen bshad// dben pa'i gnas sam khyim gyi nang/ khru do brkos pa'i nang du ni// g.yam khang gru bzhi bya bar bstan// de dbus sran chung sa sbyin dang// klu gnas chu yi 'jig par bya// sbrul mgo bdun pa tshad ldan bya/ kha dog gur gum chu yis bsgyur/ khang bu'i dbus su gzhug par bya// shar lho mtshams su nya dong gzhag/ lho nub mtshams su chu srin no// nub byang mtshams su seng gdong gzhag/ dkar dang sngo ser nag zhal bzhi pa'o// zangs kyi glang bu legs byas la// gser dngul zangs lcags phye ma dang// g.yu dang byu ru man shel sogs// phye mar brdungs blugs par bya// dar zab ras kyi snal ma bzhag/ de rnams khang bu'i dbus su gzhag/ nor gyi rta ru gzungs bar yin// sa sbyin dag la bzo ba yin// rin po che yi gzugs brnyan ni// sor gsum tshad ldan kha dog sngo/ khang bu'i dbus su bzhag par bya// de yang rten gyi gzhi ru gzung// de nas gtor ma rgyas pa bzhi// shar phyogs gtor ma rtag tu gtang// lho phyogs gtor ma thugs dam bskang// nub phyogs gtor ma rta ru gzung// byang phyogs gtor ma zor du 'phang// nub phyogs gtor ma 'bru sna dang// rin po che'i phye ma blugs// de yang nor dang dam rdzas yin// de nas bdag gzhan legs bskyed la// bka' bsgo rim pa rdzas spel bya'o// de nas sngags kyang rgyun du bzlas// oM spu ta spu ta/ mahA krod+ha hUM/ sid+hi sid+hi sbo ta ya hUM phaT/ nA ga ra dza rad na sid+hi/ 'ba' hUM ta/ pa ta ya pa ta ya swAhA/ stong tsho re zhing bdud rtsi dbul// sngon bzhin shes par bya// bzed zhal du blug chu la dbo'o/ khang bu'i kha ru bzed zhal gzhag khang bu'i nang du spos me yang// rgyun mi 'chad par gtang bar bya// skabs su khang bu sgo phye la// ma lus 'tshogs pa'i 'bru sna dang// rin chen nor gyi phye ma dang// klu sman kun kyang gtor bar bya// nang nub med par yi dam du// stong tsho bzlas la mchod pa dbul// rgyun mi 'chad par byas nas ni// dbul po yin yang gter ldan 'gyur/ khang bu gzugs brnyan ma lus kun// gzhan gyis mi mthong rang gi spyod yul nyid// rmi lam bzang po skabs su 'byung// nor bu g.yu dang byu ru dang// mu tig gser dngul mang po dang/khang bu gru bzhi thogs pa yis// mi mang byis chung mang byung na// rmi lam bzang ste rdzas chen 'bul// g.yag chen stong la sgro ba bkal ba dang// mi nor mang po bka' nas ni// bdag la ster dang bdag gis byed// rang gi khyim du 'ong rmi na// de yang bzang bas rdzas chen dbul// sa yi gting nas 'chad pa'am// dur ram mi nor yod zer ba'am// bdag gis klogs na bdag la ni// klogs cing zer ba'i sgra byung na// de yang bzang pas rdzas chen 'phel// de rnams ma byung bar du ni// bzlas dang mchod pa rgyun mi gcad// de ltar grub na tshe 'di la// klu rnams dges nas dngos grub ni// rjod kyis mi lang ba yang 'byung// de ltar sbyor pa zab mo 'di// rgyan mi chad par byas gyur na// nor dang bu tsha rgyas pa dang// tshe 'phel byis pa legs mo skye// rtog pa'i rgyal po las/ phyi bsgrub gter gyi las bstan pa'i le'u ste don gcig pa'o//// de nas nang bsgrub rten chen bshad// de yang rnam pa gnyis su ste// dang po 'di ltar shes par bya// maN+Dal gru bzhi'i steng du rtsig/ stegs bu nang du g.yam sgrom bya// sgrom gyi nang du zangs la ni// glang bu dmar po byas la gzhug/ de nas shog bu dag la ni// sbal pa nag po'i gzugs bris la// rgyab tu le tshe dgu pa'i 'khor lo bri// le'u tshe dgu la sngags tshan dgu/ sbyor ba mkhas pas bri bar bya// dang po la dbang du bsdu mna' bsgag gnyis/ gnyis pa dag la snying po bri// gsum pa dag la nye snying bri// bzhi pa dag la rgyal rigs sngags// lnga pa dag la bram ze'i rigs sngags bri// drug pa rje rigs bdun pa dmangs rigs sngags// brgyad pa gnyan te dgu pa sa bdag rigs// de ltar bris nas mtha' ma hUM gis bskor/ kha yi thad kar gter bsgrub las kyis bya// de nas gzugs de dril la glang bu'i khog par gzhug/de nas gser sogs rin chen phye ma blugs// de nas gzugs de sgrom du gzhug/ de nas gter rdzas rnams kyang gzhag/ gong gi phyi bsgrub dag dang mtshungs// de nas maN+Dal steng du bya khyung gzugs// nA ga gnas pa'i pa dang sbyin po yi sa bdag dang// legs par byas te gser chus byug/ de nas bdag nyid khyung gi skur bsgom ba ling btang// de nas glu gtor rgyas pa la/ khyung gi phyag rgya bca' zhing sngags dgu bzlas// sham bu nA ga rad na si d+hi/ 'bab hUM bya'o// de nas klu sman bdud rtsi 'ba' ling kun// gnyan pa'i khyim du bskal bar bya// de ltar mchad na rmi lam bzang po dag kyang 'byung// rmi lam gong dang sbyar bar bya'o// gter chen rnyed dang rdzas chen 'phel// klu rnams bran bzhin 'gyur par nges// gang la bya ba gdon mi za// rtog pa'i rgyal po las/ gter gyi bsgrub pa chen po'i le'u ste don gnyis pa'o//// de nas nang bsgrub gnyis pa yi// gter chen bsgrub pa bdag gis bshad// klu gnas dgu yi chu dang ni// nA ga khyim dgu'i sa bdag la// sbyin po'i sa dang dkar gsum bsre// klu sman kun kyang 'tshogs sar bre dgu bsre// sbrang rtsi dag gis sbrus nas ni// nA ga rA dza'i gzugs brnyan ni// lus bcus sbrul mgo bdun pa bya// sku mdog gnag cing ro smad sbrul du 'khyil// de 'dra'i gzugs de shing ngam zangs kyi sgrom du gzhug/ de nyid dben pa'i maN+Dal rtsar// gzhag la bskyed cing gter yang blang// gzhan gyis mi mthong rang gi spyod yul nyid// sku bskyed las sbyor sngags sbyor gong gi gnan pa'i dus dang sbyar// de nas bsnyen pa nyi shu yang drang// gter gyi sham bu gong dang mtshungs// ba ling bdud rtsi rim pa gnan pa'i dus bzhin dbul// nor gyi dam rdzas gter rnams phyi bsgrub ji bzhin sbyar// de nas bsnyen pa drang bas rtags ni sngon dang sbyar// rtog pa'i rgyal po las/ nang bsgrub gnyis pa gter gyis las bstan pa'i le'u ste don gsum pa'o//// de nas byi dor las bshad de// dang po nA ga gnas pa'i chu dang sa blangs la// spyin po'i sa dang bsres te gzugs brnyan bca'// de nas sbrul dang sbal pa nya dang lcong// chu rta chu lug chu glang rigs dang sbyar// brgya rtsa brgyad kyi gzugs brnyan ni// re re la yang sbyar bar bya// de nas sog ma med kyi gzugs// tshad ldan gcig kyang bya bar shis// pad+ma 'dab chen la sogs klu chen brgyad// ro smad sbrul la ro stod mi// thal mo sbyar nas bka' stod brgyad kyang bya// de rnams de bas bsnun te zangs kyi nang du blugs/ kha dog bsgyur te sa yi ni// gting du de rnams sba bar bya// de nas nang nub ma chad par// bdag nyid gnyen po gang rung bya zhing// klu rnams phu las bskyed bya zhing// sgo ba gter chen 'di bsgrub bya// bsnyen pa'i sham bur sngags bdag te// rgyun mi chad par bzlas par bya// klu rnams snying po'i sham bur gyi snying po btags// de nas ba ling bdud rtsi rnams// nA ga kun la sngags bdag 'bul// nA ga ra dza gter bsgrub bsgo// de nas rni kham ltas rnams de bzhin bsgo// nges par nor dang ldan par 'gyur// dbul po yin yang gter dang ldan pa'o// rtog pa'i rgyal po las/ mchod la spyi bsgrub gter gyi las bstan pa'i le'u ste don bzhi pa'o//// de nas phyag na rdo rjes gsol pa/ kye kye bcom ldan thugs rje can// 'gal ba cham la dbab pa'i phyir// klu rgyal las kyi sbyor ba yis// ser bas stong gsum ji ltar gdul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// sar ba la yang rnam gsum ste// phyi bsgrub sngags kyis dbab pa dang// nang bsgrub sngags kyis dbab pa dang// rigs drug sngags kyis dbab pa'o// de la phyi bsgrub rim pa ni// ba yi rnam lnga khyim gyi sa dang chu// yul gyi sa spyin dag dang bsre// sbrang gis sbrus te sngags bdag gzugs kyang bya// tshad ldan sbrul mgo bdun pa bya// de nas g.yam khang gru bzhi brtsigs// li khris bskus te khang du gzhag/de nas khang du gru bzhi ru// gtor ma rgyas pa bzhi yang gzhag/ dkar gsum mngar gsum klu sman sna tshogs dang// sngo sna 'bru sna tshogs pa gtor mar blugs// de nas bsnyen pa bye ba bskyal bar bya// de nas pra ltar brtags la 'bum tsho gcig bzlas// gtor ma gcig kyang rta ru bskyal byas la// sham bu dag la sngags gzugs bris nas// sbrul gseb sngags kyis dgang bya zhing// yul phyogs de yi ming dang ni// lha rten la sogs ming yang bri// de nas gzugs te gtor mar bcug nas kyang// yul phyogs 'di ru ser ba phob cig sogs// shog bu dag la legs bris gtor ma gzhug/ de nas rta de zhing gi sngo dkyil dag tu gzhug/de nas bzlas pa 'bum tsho gcig bskyal la gtor ma cig/ sngags bdag gzugs sogs snga ma bzhin du gsal nas kyang// yul phyogs de yi lha rten sa bdag gam// chu mig ne'u gsing gnyen por pho brang gdab// de nas 'bum tsho gcig bzlas sngags bdag gzugs/ khyer te dgra phyogs ri mthon po'am// byang du kha bltas chu mig gnyan por khyer nas kyang// gzugs de gan rkyal bsgyel nas kyang// yug sa mo'am rabs chad mo'am// yang na mdze mo'i zhabs ma yis// sngags gzugs brda zhing ser bar bya// de nas seng ldeng phur bu dril zhing gsang sngags bzlas// gtor ma gcig dang nyungs kar ske tshe 'o ma// nya dang sbal lcong sbrul gyi khrag/ nya lcibs dang bsres sngags bzlas la zor du 'phang// de nas drag po'i phur pas sngags bdag gzir// des ni nges par phebs nas kyang// sog ma yan chad med par byed// yang na klu bsgrub dkyil 'khor legs bcas la// bsnyen pa bskyal nas ya stags kun kyang dgra yul gnyan sar bskyal// de nas bdud rtsi'i mchod pa 'bul// gtor ma 'bul/ bsgo ba klu tshogs ser ba phob bya// de nas gzugs brnyan kun phying dkar steng gzhag la// seng ldeng phur bas tshogs cing ser sngags bzlas// ring po mi thogs dgra phyogs phung nas kyang// sog ma yan chod des kyang med par byed// de ltar byas pas ma phebs na// gong gi gtor ma gcig la 'bum tsho dag bzlas la// gra ma'i hoM shing khru gang la// gsang sngags mang bzlas dgra phyogs gnas sar khyer// gtor ma gtang la sngags bdag ser ba phob bya// de nas hom yang bsregs la nges par rlung la bskur// de nas rta gdon klu bsgrub bya mdos gtang// klu mchod rdzogs par byas la// sngags bdag gzugs kyang spos chus bkru// de ltar sbyor ba zab mo 'di// 'dzam bu gling nas rnyed par dka'// rtog pa'i rgyal po las/ drag po'i ser bas sog ma yan chad med par byed pa'i le'u ste don lnga pa'o//// de nas nang bsgrub ser ba bshad// de la rnam gnyis dang po bshad par bya// rigs bzhi'i klu'i sbrul chen bzhi byas la// rigs kyi khyim dang/ khyim bzhi rigs kyi chu bzhi dang// ba gzan sbrang rtsi 'o ma bsres pa la// rigs bzhi'i gzugs chen bzhi byas la// ba'i rnam lngas byug maN+Dal grum bzhi'i khar// zangs gzhong nang du rigs bzhi'i klu bcug la// 'khor lo rtsibs bzhi dag la dbus su yul mi'i ming bri// rtsibs bzhi dag la rigs bzhi stan sbrul bzhi bri// rtsibs kyi phyi rol mu khyud dag la ni// ba so'i sngags dang rigs bzhi so so'i sngags// sham bu nA ga tsa pra ta pa ta ya/ btags la bsgrub pa'i sham bu bri// de ni gtor ma rgyas pa'i khar gzhag go/de nas bzlas pa mang du bskyol ba dang// dgra'i yul gyi klu yod sa ru// 'khor lo de dang gtor ma gzhug par bya bar gdon mi za// de nas nang par gtor ma bag zan khyer// dgra bo yul gyi rtser phyin ser ba dbab// bdag nyid bya khyung skur bsgoms la// bya khyung phyag rgya bcas shing gzugs la sngags kyis brab// nA ga ser ba phob la sogs pa bya'o// des kyang nges par phebs par 'gyur// gal te ma phebs na chu mig/ gra ma'i hoM la rigs bzhi'i gzugs brnyan bsreg cing 'dug/ des ni 'dzam gling phung bar 'gyur// rtog pa'i rgyal po las/ rigs bzhi'i klu'i ser ba dbab pa'i le'u ste don drug pa'o//// srid gsum ma lus phung bar byed// ba su rigs drug ser ba 'bab// de la dang po bsnyen pa ni// maN+Dal lte bar phyag na rdo rje bskyed// pad+ma drug la ba su ta// rigs drug dag ni dgod par bya// grwa bzhir lha mo bzhi yang dgod// lcags ri kha T+wAM ka yis bskor// de la ba su rigs drug ni// shar du rgyal rigs dkar khra ste// lho ru rje rigs ser khra ste// nub tu dmangs rigs dmar khra ste// byang du gdol can sngo khra'o// gnyis ni rigs ma i zhes bya// nyi ma me shel zla ba chu shel gnyis// gru chad gru bzhi sdong mo bzhi ru bsam// de nas bsnyen pa drangs par bya// oM na ba ga ba ti rig khru mi ra ya hUM phaT/bdun 'bum dag tu drang bar bya// de nas shog bu dag la ni// 'khor lo pad+ma 'dab drug la// gong gi maN+Dal ji bzhin bri// dbus su pra ltar pa to ya// de yi phyi rol mu khyud la// gong gi bsnyen pa'i sngags kyis bskor// pad+ma drug pa'i rigs khrung me ri ya hUM/ yul che ge mor phob bya ba'i// sngags kyang yang dag bri bar bya// mchod rten nag po'i zur gsum dag tu gzhug/ gong gi bsnyen bsgrub 'di ni rta bsgrub bo// de nas rta yang gzhug par bya// gser skyems gtang la ma nyes dpang yang gzugs// gong gis sa tshon de rnams legs gsum la// gru gsum dag tu legs bskyor la// sa tshon de ru maN+Dal dkyil 'khor dag tu bskor// mchod rten spyi tshugs kha zhabs bzlog la gzhag/ zangs phye tsha phye rdeg cing brab// ba ga pa ti bzlas shing de ru blugs// rdo leb shing leb dag gis kha bcad dam pa bsdig/de nas rang rang nam 'bebs tshe// rdzas lhag cig dang lam po sna// zangs dung du blugs bus shing sngags bzlas na// nges par phebs nas yul 'khor shwa yis khyer// grub pa'i rtags su chu bo chen po'am// rlung tshub chen pos lug khyud 'ded pa'o// nam byung tshe na dbab par bya'o// dbab sngags la/ oM na mo b+ha ga ba ti/ ru ta ya ya sarba nA ga a ti pa ta ye pra ta r+thaM pra par sha ya/ sarba na gan ma he shas/ lo to kya/a ti pa ta ye/ ad ta pa ya swAhA/ nges par phebs par gdon mi za// rtog pa'i rgyal po las/ klu rigs drug ser ba dbab pa'i le'u ste don bdun pa'o//// de nas phyag na rdo rjes gsol pa// brgya dang bcu dgu'i grangs sngags 'di// bgegs la bgyid na ji ltar lags// dgra la bgyid na ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/khyod kyang rtse gcig yid kyis nyon// shog bu grog ras dag la// 'khor lo rtsibs bzhi mu khyud bcas// mu khyud gnyis kyis bskor bar bya// mu khyud phyi rol dag tu ni// sbrul nag gnyis kyis legs par bskor// ske 'khril mjug ma gnyis kyang 'khril// 'khor lo lte bar bgegs kyi ming byang bri// mu khyud gnyis pa la ni brgya dang bcu dgu pa'o// 'khor lo rtsibs la spu ta'i sngags// mtha' rten bzhi dang ldan par bri// shar du sngags bdag nub tu phyag na rdo rje'i sku// bdag gzhan bskyed cing bka' sgo bya// bgegs rnams bkug la ming rus dag la bstim// de yang maN+Dal khar gzhag la// nyungs kar la sogs brab cing sngags rnams bzlas// bsnyen sngags dag la brgya dang bcu dgu gdags// mtha' rten bzhi la gang 'dod sham bu gdags// ting 'dzin ldan pas rtag tu bzlas// de nas 'khor lo gnan par bya/khyim bya nag mo'i sgo nga ru// 'khor lo bcug la tsit+ta'i 'og/ gnan pas bgegs rnams nges par 'chi// lha chen dag kyang 'chi 'gyur na// 'byung po bgegs la smos ci dgos// rtog pa'i rgyal po las/ 'byung po thams cad rdul du rlog par byed pa'i le'u ste don brgyad pa'o//// de nas dgra bo brlag 'dod na// 'khor lo de dag nyid la ni// sbrul bzhi mu khyud bskor ba rigs bzhi'i klu// dbus kyi lte bar dgra bo'i ming byang bri// rtsibs bzhi dag la mtha' rten bzhi pa'o// mu khyud dag la brgya dang bcu dgu bri// ming sngags bris la bzlas par bya// de nas bdag gzhan bskyed cing dgu gzhug bya// de nas sbrul chen bzhis kyang kha rlangs brdeg par bya// de nas sngags kyang nus tshad bzlas// don gyi rnal 'byor spo bar bya// de nyid nges pa'i sngags yin pas// nyi shu rtsa gcig gis dgra rnams 'chi// nyungs kar ske tshe'i thun gyis brab// de nas mtha' ma gnan pa ni// gong gi rigs bzhi'i klu la gtad// gtad pa'i las ni nang bsgrub dag dang mtshungs// de ltar sbyor ba zab mo 'di// 'jig rten gsum na rnyed par dka'// rtog pa'i rgyal po las/ zab mo'i las kyis dgra gsad pa'i le'u ste don dgu pa'o//// de nas phyag na rdo rje gsol ba// kye kye bcom ldan dges chen po// nang bsgrub las kyi sbyor ba yis// gsad pa'i sbyor ba bshad pas legs// de rnams dug gis zin pa la// gso ba'i las ni ji ltar bgyi// dug gi ma ni ji ltar lags// phyi bsgrub klu sgrub ma lags par// nang bsgrub gso ba'i rim pa zhig/ bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// spyir na nang bsgrub rim pa yis// drag po'i gtad pa'i las rnams gces// gal te gso bar 'dod pa na// dang po maN+Dal gru bzhi bya// dbus kyi lte bar mu khyud dgod// pad+ma brgyad la rigs bzhi'i klu chen brgyad// gru chad brgyad la gnyan chen 'bar ba brgyad// lha rnams dag la rigs su phye byas pa'i// nya dang sbal pa lcong mo chu glang klu// sgo la sbrul mgo byas pa yi// nang gi bar khyams la// sa bdag sa srin tshogs rnams mkhas pas dgod// pad+ma rigs bzhi'i klu chen brgyad po ni// nor rgyas bu dang dung skyong gnyis ni// rgyal rigs yin te sa la dbang// ser po gnyis ni shar dang lho'i pad+ma la'o// dga' bo rigs ldan gnyis ni// bram ze rigs te chu la dbang// dkar po ro nye gnyis ni lho dang lho'i pad+ma la'o// pad+ma 'jog po gnyis ni// rje 'u'i rigs yin me la dbang// dmar po ro nye gnyis ni nub dang nub byang pad+ma la'o// kar ko ta dang stobs kyi rgyu ni// dmangs rigs yin te rlung la dbang// byang dang byang shar pad+ma la'o// de bzhin shar dang shar gyi sgo la gnas pa yang// rigs bzhi dag tu kun shes bya'o// gzugs brnyan kha dog rnams kyang de ltar bsgyur// gnyan dang sa bdag khra bo'o// rgyu ni bag zan yin te 'og tu phul do'o// de nas bdud rtsi'i bum pa dag kyang gzhag/ de ni bca' gzhi'i rim pa'o// de nas bdag nyid bya khyung du bsgoms// phu las nA ga rnams kyang bskyed// ye shes sems dpa' spyan drangs bstim par bya// klu rnams la yang bsgo ba ni// nga yi las 'di gyis shig bya// de nas mchod pa brtsam bya ste// bya khyung la ni chang gtor nya sha rnams// gsang bsgrub gnyis pa ji bzhin bya// rnam lnga dug dang gtor ma dang// bya khyung phyag rgya bcas la khyung la dbul// de nas klu'i gtor ma dbul bya ste// hUM/ klu chen brgyad po spyan 'dren na// nor rgyas klu chen spyan 'dren na// dung skyong klu chen spyan 'dren na// dga' bo klu chen spyan 'dren na// rigs ldan klu chen spyan 'dren na// pad+ma klu chen spyan 'dren na// 'jog po klu chen spyan 'dren na// 'khyeng po klu chen spyan 'dren na// dkar gsum dag gi bdud rtsi 'bul// mngar gsum dag gi bdud rtsi yis// zas kyi ro mchog ldan 'gyur cig/ zas kyi ro mchog ldan nas kyang// klu chen brgyad po mdangs dang ldan gyur cig/ klu sman rnam pa sna tshogs ni// gong gi klu bsgrub ji bzhin sbyar// gnyan gyi klu tshogs spyan 'dren na// rgyal rigs klu tshogs spyan 'dren na// bram ze'i klu tshogs spyan 'dren na// rje rigs klu tshogs spyan 'dren na// dmangs rigs klu tshogs spyan 'dren na// sa bdag sa srin spyan 'dren na// bya khyung phyag rgya bcas la shag te yis// bdud rtsi dag kyang klu la 'bul// de'i sngags ni/ yu nA ga rA dza b+ha hUM ta a mr-i ta b+ha hUM ta si ta swAhA/ des ni bdud rtsi'i char pa 'bab par bsam// de nas bzlas pa brtsam bya ste// klu chen brgyad dang phyogs bzhi'i klu// rigs bzhi yin te rang rang snying po bzlas// gnyan rnams gnyan gyi drag sngags bzlas// sa bdag sa srin nyid kyi drag sngags bzlas// de rnams bzlas pa'i sngags rnams ni// nang bsgrub sngags kyi le'u nas shes// sham bu nA ga shan ting ku ru gdags par bya// de nas gdug rtsub dug rnams ni// rigs bzhi khams bzhi rtsibs la gdan// de rnams dug gi ngos gzung la// rgyal rigs sa la dbang ste lci zhing 'thibs pa'i dug/ bram ze chu la dbang ste grang zhing bsil ba 'dar ba chu yi dug/ rje'u rigs me la dbang ste dro zhing tsha ba me yi dug/dmangs rigs rlung la dbang ste yang zhing g.yo ba rlung gi dug/ gnyan dang sa bdag kham bzhi'i khrog du'o// de rnams dug ni ngos zin na/ khams bzhi'i gshed brtsis dug kyang 'don// sa yi dug gis zin gyur na// rta'i rigs sngags bzlas mtha' ru rgyal rigs gzhug rje'i rigs 'chi bdag rgyal rigs dag la bskul/ rma bya thogs la 'di skad brjod// hUM/ rje rigs chen po tshur nyon cig/ nga ni bya khyung rgyal po ste// rgyu sbyor yon bdag rigs 'di la// sa yi dug gis zin nas 'dug/ sa yi gnyen po me yin te// me yi dug gis rgyal rigs bsregs// yid kyi dug rnams med par gyis// lci zhing 'thibs pa yid kyi dug/dro zhing tsha bas sa 'di bsregs// rje rigs chen po tshur nyon cig/ de ring mi 'di khyod kyis thong// de ring dug 'di khyod kyis thon// sbrul gyi dkar khra 'di las thon// sbal pa dkar po 'di las thon// nya mo dkar mo 'di las thon// chu rta dkar po 'di las thon// chu glang dkar po 'di las thon// chu lug dkar po 'di las thon// gnyan chen dkar khra 'di las thon// sa bdag dkar khra 'di las thon// spu sdug de ni rma bya dang// rje rigs chen po 'chi bdag gis// ser po'i dug rnams phyir phyung zhig/ rje rigs klu chen da tshur nyon// de ring mi 'di mi gtong zhing// de ring dug 'di mi 'don na/ khyod kyi shi sa bstan pa ni// bya khyung rgyal bo'i bka' bcag nas// lus kyang rul zhing me 'bar 'gyur// mgo bo 'gas shing snying yang 'byung// 'o na de la ma thug gis// las 'di de ring grub par gyis// chu yi dug gis zin pa la// dmangs rigs sngags mtha' ru bram ze gzhug/ dmangs rigs 'chi bdag bram ze dag la bskul// rma bya thogs la 'di skad bsal// hUM/ dmangs rigs chen po tshur nyon cig/ nga ni bya khyung rgyal po ste// rgyu sbyor yon bdag rigs 'di la// chu yi dug gis zin nas 'dug/ chu yi gnyan po rlung yin te// rlung gi dug gis chu 'di gtor// sbyor ba'i dug rnams med par gyis// grang zhing 'dar ba chu yi dug/yang zhing g.yo ba rlung gis gtor// dmangs rigs chen po tshur nyon cig/ de ring mi 'di khyod kyis thong// de ring dug 'di khyod kyis thon// sbrul gyi ser khra 'di las thon// sbal pa ser po 'di las thon dang// nya mo ser mo 'di las thon dang// lcong ke ser po 'di las thon dang// chu rta chu lug chu glang ser po 'di las thon dang// gnyan chen ser khra 'di las thon dang// sa bdag ser khra 'di las thon dang// spu sdug de ni rma bya dang/ dmangs rigs chen po 'chi bdag gis// ser po'i dug rnams phyir phyung zhig/ dmangs rigs klu rnams tshur nyon cig/ de ring mi 'di mi gtong zhing// de ring dug 'di mi 'don na/khyod kyi shi sa bstan pa ni// bya khyung rgyal po'i bka' bcag nas// lus kyang rul zhing me 'bar 'gyur// mgo yang 'gas shing snying yang 'gas// 'o na de la ma thug gis/ las 'di de ring grub par gyis// me yi dug gis zin pa la// bram ze 'chi bdag rje'u'i rigs dag bskul// rma bya thogs la 'di skad brjod// hUM/ bram ze chen po tshur nyon cig/ nga ni bya khyung rgyal po ste// rgyu sbyor yon bdag rigs 'di la// me yi dug gis zin pa la// me yi gnyen po chu yin te// chu yi dug gis rje rigs gsher/ kha rlangs dug rnams med par gyis// tsha zhing dro ba me yi dug/ grang zhing gsher bas 'di sod la// bram ze chen po tshur nyon cig/ de ring mi 'di khyod kyis thong// de ring dug 'di khyod kyis thon// sbrul gyi dmar po 'di las thon// sbal pa dmar po 'di las thon// nya mo dmar mo// lcong ge dmar po/ chu rta dmar po/chu glang dmar po/ chu lug dmar po/ gnyan chen dmar khra// sa bdag dmar khra 'di las thon dang// spu sdug de ni rma bya ba// bram ze chen po 'chi bdag gis// dmar po'i dug rnams phyir phyung zhig/bram ze'i klu chen tshur nyon cig/ de ring mi 'di ming gtong zhing// de ring dug 'di mi 'don na/ khyod kyi shi sa bstan pa ni// bya khyung rgyal po'i bka' bcag nas// lus kyang rul zhing me 'bar 'gyur// mgo yang 'gas shing snying yang 'gas// 'o na de la ma thug gis// las 'di de ring grub par gyis// rlung gi dug gis zin gyur na// rgyal rigs sngags bzlas mtha' ni dmangs rigs gzhug/ rgyal rigs 'chi bdag dmangs rigs dag la bskul// rma bya thogs la 'di skad brjod// hUM/ rgyal rigs chen po tshur nyon cig/ nga ni bya khyung rgyal po ste// rgyu sbyor yon bdag rigs 'di la// rlung gi dug gis zin nas 'dug/rlung gi gnyen po sa yin te// sa yi dug gis dmangs rigs rlag/ reg pa'i dug rnams med par gyis// lci zhing 'thib pa sa yi dug/ yang zhing g.yo ba 'di lcir chug/ rgyal rigs chen po tshur nyon cig/de ring mi 'd-i khyod kyis thong// de ring dug 'di khyod kyis thon// sbrul gyi nag khra 'di las thon// sbal pa nag khra/ lcong ge nya mo/ chu rta chu glang chu lug/ gnyan chen nag khra/ sa bdag nag khra 'di las thon// spu sdug de ni rma bya dang// rgyal rigs chen po 'chi bdag gis// nag po'i dug rnams phyir phyung zhig/ rgyal rigs klu rnams tshur nyon cig/ de ring mi 'di mi gtong zhing// de ring dug 'di mi 'dod na/khyod kyi shi sa bstan pa yin// bya khyung rgyal po'i bka' bcag nas// lus kyang rul zhing me 'bar 'gyur// mgo yang 'gas shing snying yang phyung// 'o na de la ma thug gis// las 'di de ring grub par gyis// de ltar byas na dug rnams kun// klu rigs nyid kyis 'don par 'gyur// gal te des kyang ma thon na/ khyung dkar stong bzlog ngan sngags kyis// klu rigs kun la brabs nas ni// kun kyang gong bzhin 'don par bya// rma byas dug rnams byabs pa'i tshe// nad kyi dngos po gdon par bsam// ba thag tshul du nad byung bsam// de ni nad rnams 'don par 'gyur// de nas skabs su mchod pa 'bul// de ltar sbyor ba zab mo yis// gdug pas zin pa kun 'tsho bar 'gyur/ ji lta bu yang 'tsho bar 'gyur// 'jig rten gsum na rnyed par dka'// de nas cho ga rdzogs pa dang// ye shes sems dpa' gshegs su gsol// dam tshig sems dpa' phyir bzlog la// 'jim pa'i dngos por gyur bar bsam// de nas gzugs brnyan chu la dbo// sa tshon phyags te chu la dbo// de nas phyogs bcur lha phyag 'tshal bar bya// des ni klu sgrub rim pa rdzogs// rtog pa'i rgyal po las/ nang bsgrub las kyi phan bya bstan pa'i le'u ste brgyad cu pa'o//// de nas phyag na rdo rjes gsol pa/ kye kye bcom ldan dges chen po// nang bsgrub las kyi rim pa yis// nges par 'gal ba ji ltar gdul// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ras sam gro ga shog bu la// nyams pa dgra yi gzugs bris la// gdug pa rnams kyis za ru gzhug/ lto ba sbrul chen gnyis kyis bskor// mgo bo sna bug gzhug/ mgo la rgyal rigs yin te ro nye dkar po'o// ske la bram ze rigs te ser po ro nye'o// lag gnyis dmangs rigs yin te sngon po ro nye gnyis// rked pa rje rigs yin te dmar po ro nye gnyis// rkang pa gdol ba'i rigs te nag po ro nye gnyis// lte ba gnyan te mdzo rtol gnyis// lte ba dag la rigs bzhi rta dang glang// lte ba dag la rigs bzhi'i sbal lcong nya// lte ba dag la sa bdag rigs te sdig pa gnyis dang sdom gnyis// lte ba'i dkyil 'khor gru gsum phyi rol zlum po chu// de'i phyi 'phyan dag tu gzugs brnyed kun gyis za ru gzhug/ rkang par chu bya gnyis kyang 'dud du gzhug/ phyi rol rgya mtsho'i tshul du bya'o// phyi rol zlum po chu la sngags kyis bskor// de yang bi si'i sngags dang sbrul gyis bskor ba bcing// nag po'i bam dang rbad sngags rnams// gcig tu dril te bzlas na ni// mtshan rtags byung nas na ga'i sa ru sba// de nas sngags bzlas phyogs su chu la gtor// grub pa'i dus na bcol bskul rgyun mi gcad// nyungs kar dag gis brab cing bzlas// des ni nyams pa gdon mi za// rtog pa'i rgyal po las// nang bsgrub las kyi rim pa'i 'gal ba cham la dbab pa bstan pa'i le'u ste gya gcig pa'o//// de nas phyag na rdo rjes gsol pa/ kye kye bcom ldan thugs rje can// phran tshegs las kyi sbyor ba// sems can don rnams ji ltar bgyi// bdag gis mi 'tshal bshad du gsol// legs so dpal ldan phyag na rdo rje/khyod la nga yis bshad par bya/ khyod kyang rtse gcig yid kyis nyon// de nas dang po bag zan la// sbrul mgo bdun pa legs byas la// mtshal gyi thig gis legs byugs la// zangs sam 'khar ba'i gzhong par gzhag/bdud rtsi'i bum pa dag kyang gzhag/ maN+Dal steg du gzugs brnyan gzhag/ de nas gtor ma rgyas par gzhag/ de nas rma bya dag kyang gzugs// de nas bdag gzhan legs bskyed la// bka' bsgo rim pa sna tshogs bya// de ring spogs thon bya'o// de nas mchod pa dbul bar bya'o// hUM/ sngags kyi bdag po spyan 'dren na// dkar gsum dag gi bdud rtsi 'bul// dkar gsum dag gis bdud rtsi yis// zas kyi ro mchog ldan gyur cig/ zas kyi ro mchog ldan nas kyang// klu rnams mdangs dang ldan gyur cig/ mngar gsum dag gi bdud rtsi nas// klu sman sna tshogs yan chad ni// klu bsgrub rim pa ji bzhin no// de nas shug de dag kyang ni// sngags rings klag cing bdud rtsi 'bul// u nA ga rA dza a mr-i ta swAhA/ zhes bya/ bdud rtsi sngags bdag la dbul bar the tshom med// de nas bsnyen sngags dag la ni// shan ting btags la stong tsho bzlas// de nas dug dang gdug rtsub ni// hUM/ sngags kyi bdag po tshur nyon cig/ nga ni phyag na rdo rje yin// klu brgyad zas su za ba yin// klu brgyad dgos su gon pa yin// klu 'bum stan du 'dings pa yin// klu lngas dbu la brgyan pa ni// sha za klu yi gdug rtsub phyung// nya yi klu yi gdug rtsub phyung// lto 'phye klu yi gdug rtsub phyung// rgyal rigs klu yi gdug rtsub phyung// bram ze klu yi gdug rtsub phyung// rje rigs klu yi gdug rtsub phyung// dmangs rigs klu yi gdug rtsub phyung// gdol can klu yi gdug rtsub phyung// gnyan gyi rigs kyi gdug rtsub phyung// sa bdag sa srin gdug rtsub phyung// gdug rtsub dug rnams phyir phyung zhig/ de nas dug bya ba ste/ hUM/ sngags kyi bdag po tshur nyon cig/ do nod nam gyi gung gsum la// spu sdug de ni rma bya dang// sngags kyi de ni bdag po yis// dug rnams phyir phyung zhig/ reg pa'i dug rnams phyir phyung zhig/ ltas pa'i kha rlangs/ sbyor ba'i yid kyis/ klu chen brgyad po dug rnams phyir phyung zhig/ gzhan 'dre/ rgyal rigs/ bram ze/ rje rigs/ dmangs rigs/ gdol pa can/ sa srin sa bdag/ nad rnams thams cad phyir phyung zhig/ hUM/ sngags kyi bdag po tshur nyon cig/ gdug rtsub bdug rnams mi 'dod cing// rigs 'dzin bka' las 'da' byed na// nad rnams ma lus mi 'don cing// de ring spogs 'di mi 'don na/ khyod kyi shi sa bstan pa ni// dam tshig sngags kyi byin rlabs dang/ khro bo yag sha'i me dbal gyis// mdze nad sna tshogs khyod la 'ong// 'on pa long pa khyod la 'ong// sha bkra'i nad rnams khyod la 'ong// 'o na de la ma thug gis// nad rnams thams cad khyod kyis thon// sbrul gyi dkar la sogs pa klu bsgrub bzhin bya/ khrag nad chu ser 'di las thon dang// rlung nad mkhris pa bad kan mdze nad 'di la sngags kyis gdab bo/ khye'u chung gzhon nu/ gzhon nu gtum po/ sbrul mgo bdun pa/ zur phud lnga pa/ srid gsum dbang sdud/gdug pas dug lnga skyed pa ste// dug lngas nad lnga rgyas par byed// nad rnams thams cad 'don mdzad pa// sngags bdag khyod la phyag 'tshal lo// de ltar rma byas byabs pa'i tshe// nad kyi dngos po thon par bsam// de ltar sbyor ba zab mo 'di// zhag bdun bar du ma bcad na// ji lta bu yang thon par 'gyur// de nas gzugs brnyan chu la dbo// gtor ma rgyas par gtang bar bya// 'jig rten gsum na rnyed par dka'// rtog pa'i rgyal po las/ sngags bdag las phran tshegs spogs 'don pa'i le'u ste gya gnyis pa'o//// de nas chang srung sbyor ba bshad// zan la sbrul mgo bdun pa legs byas la// gtsang ma'i snod du bcug ste zangs kyi 'gram du gzhag/ de nas bdag gzhan bskyed cing bka' sgo chang bsrung bya// de nas sngags bzlas mnan pa'i steng du gzhag/ de nas chang phud gtsang ma dag kyang gtsang sar bskyal// de ltar byas na chang yang srung bar 'gyur// de ltar sbyor ba zab mo 'di// sangs rgyas kun gyi thugs la gnas// rtog pa'i rgyal po las// chang srung ba'i le'u ste gya gsum pa'o//// de nas ral gri'i cho ga bshad// shing ngam lcags sam zangs dag la// ral gri 'bar ba 'dom gang tshad byas la/ kha dog sngon por bsgyur la// gsang ba sgrub sngags kyi brnyen pa bya// 'bum tsho gcig tu bzlas nas kyang// de nas las rnams ma lus brtsam// gsang chen sku ru bskyed nas kyang// gnyan gsar bcug nas klu rnams dum bur gtong/ yang na 'byung po gnod sar bcug na 'byung po rlag par 'gyur/ yang na ser ba babs sar stegs bu bcas la ral gri bsgreng nas sngags bzlas nas/ji ltar phab kyang bzlog par 'gyur/ rtog pa'i rgyal po las/ dgra'i cho ga'i le'u ste gya bzhi pa'o//// de nas dbang du bud med 'du 'dod na// me tog kan ta ka dang bud med kyis// rang gi ga pur 'doms kyi spu// de rnams zhib tu btags te lde gu phya// de la spu ta 'bum tsho bzlas shing gtor ma gtong// bsgo ba 'di khug cig bya// de nas mtha' rten che ge mo 'di khug cig bya// spyi bor lde gu phye ma gdab// de nas rang 'gugs phyag rgya legs byas la/ khyim du sngags kyang bzlas byas la// de nas mod la shul du khyi bzhin 'breng// de ltar sbyor ba zab mo 'di// sangs rgyas kyis kyang mi rnyed do// rtog pa'i rgyal po las/ bud med dbang du bsdud pa'i le'u ste gya lnga pa'o//// de nas phyag na rdo rjes gsol pa// kye kye bcom ldan thugs rje che// klu chen brgyad kyi sbyor ba yis// pa ri sha ya ji ltar 'bab// bdag gis mi 'tshal bshad du gsol// legs so dpal ldan rdo rje 'chang/ khyod la nga yis bshad par bya/ khyod kyang rtse gcig yid kyis nyon// de nas nA ga yod nges su// maN+Dal pad+ma 'dab brgyad bri// shar phyogs su ni mtha' yas so// lho phyogs su ni nor rgyas so// nub phyogs su ni 'jog po'o// byang phyogs su ni pad+ma'o// dbang ldan du ni pad chen no// me mtshams su ni dung skyong ngo// srin po'i mtshams ni stobs kyi rgyu// rlung mtshams su ni ma dros so// de rnams kyi kha dog ni// dkar dang sngo dang dmar dang ljang// ser dang dud ka ljang ser dang// rin chen 'bar ba'i gdeng kha mtho// thal mo mchog tu sbyar nas ni// phyag na rdo rje'i zhal du lta// 'jog po yis ni bka' sdod cing// bkrag dang bcas par blta bar bya// klu rnams kun gyi snying kha ru// hUM ni hUM bris bar bya/ de nas bris skul dmigs shar du kha bltas la/ gsang sgrub dang po sngags kyang bzlas par bya/ 'bum gyis mngon sum dag tu nges par 'gyur/ phyag na rdo rje'i bka' yis char 'bebs so// de nas klu rnams kyi snying po bzlas/ oM ang a nan ta a hUM naM hUM swAhA/ mtha' yas kyi'o// oM baM ba su ki ni hUM naM hUM swAhA/ nor rgyas so// oM taM ta kan shaM hUM naM hUM swAhA/ 'jog po'o// oM baM pad+ma hUM naM hUM swAhA/pad+ma'o// oM mahA pad+ma hUM naM hUM swAhA/ pad+ma chen po'o// oM saM saM ka pa la hUM naM hUM swAhA/ dung skyong gi'o// oM ka ra ka ta ka hUM naM hUM swAhA/ stobs kyi rgyu'o// oM a a na pa ta pa ta hUM naM hUM swAhA/ ma dros pa'o/ khro bo bsgoms pas khri phrag tu bzlas pas dbul lo// mi smra bar gyur cig shin tu mnyam par gzhag pas 'o ma dang 'bras zan bza' bar bya/ klu'i gtor ma dang ldan zhing 'o mas khrus byas 'o mas sbyin sreg dbul// 'o ma can gyi shing dag la// 'o ma can la skyes pa'i shing bu yis// mtho gang tshad ldan 'o ma rang dang lhan cig bsre// bum pa 'o mas bkang ste 'o ma dang bcas gtor mas phyogs bcur 'phang/ zhag gcig la thun bzhir bshad/de lta bu'i mchod pa dus bzhi stong phrag bzlas bya zhing/ zhag bdun dag gis char yang nges par 'bab/ 'jam bu gling nas rnyed par dka'/ rtog pa'i rgyal po mchod rten las/ klu chen brgyad kyis char dbab pa'i le'u ste gya drug pa'o//// de nas phyag na rdo rjes gsol pa// kye kye bcom ldan thugs rje can// nad rnams thams cad gso ba'i phyir// klu gnyan sa bdag ji ltar gnas// mi rnams la yang ji ltar gnod// bdag gis mi 'tshal bshad du gsol// legs so dpal ldan rdo rje 'chang/ khyod la nga yis bshad par bya/ khyod ni rtse gcig yid kyis nyon// dang po khyim gyi rting shed na// gzhal yas phyi nang tshul du gnas// dang po gser gyi gzhal yas khang// gru bzhi lam pa phyi nang kun tu gsal// de yi nang na rgyal rigs la sogs kyi// gtsug na rin chen bya ba'i// gtso bo dpung gzungs la sogs kyi// klu yi rgyal po 'khor bcas de na gnas// de na dngul las byas pa'i gzhal yas khang// gru bzhi lham pa phyi nang kun tu gsal// de yi nang na gnyan chen 'bum sde bzhugs// de las zangs las byas pa'i gzhal yas khang// gru bzhi lham pa phyi nang kun tu gsal// de yi nang na sa bdag sa srin 'khor bcas bzhugs// de nas lcags las byas pa'i gzhal yas khang// gru bzhi lham pa phyi nang kun tu gsal// de'i nang na 'jig rten the brang sogs pa 'byung// de ni gnas pa'i rim pa bstan// de nas gdon pa'i rim pa bshad// dang po las dang rkyen du phrad pa'i gang zag gis// mi gtsang thab gzhob la sogs pa// byas nas nA ga yod nges sar phyin nas bzhi yis mi the brang dag gis mthong/ the brang rigs tshogs 'jig rten khams nas 'grub// de yis mthong nas gnod pa zhad tsam byed// de yang mi dga' sems 'phyo 'gro snying 'dod// nyams chung 'thibs dang mo to ngan// yang yong nad dang btab bsnol 'ong// tshor na legs par bcos kas bzlog/ de nas sa srin dag nas bzlas gyur na// sa srin rigs kyis mi la gnod pa byed// de yang lus sprid sha 'phrig sha ro 'byung// byad dang lus sogs kun la sha bkra thor pa ldog 'gyur 'ong// mo ltas la sogs sa bdag gdon zer na// tshor na legs par chos kas bzlog/de nas sa bdag dag la bzlas gyur nas// byad la ldog 'gyur shin tu che// gsal por byung dang rma'o mang// sa bdag dag gis zin par nges// tshor na nges par bzlog par nges// de nas gnyan chen dag la bzlas nas ni// shin tu tshabs kyang che bar 'gyur// rkang lag zha grum dri ma ldog/ sha khrag lud nas mig kyang sle/ kha yang yo stam mchu sos zas mi thub// byad la chu bur byung na gnyan gyi zin par nges// shin tu tshor bas mi chog sgribs la bya// de la the brang yan chod kyis// dbus kyi gser gyi khang sgo nas// dang po gnyan gyi legs nyes gtam yang zlos// de nas rim gyis the brang tshogs kyis dang po'i lo rgyus zlos// de nas rigs ngo gang yin klu rgyal gtsug na rin chen des// gzugs de gdug pa 'phrul du bsgyur te 'jug tu 'gro// de yang 'jug sgo bzhi nas 'jug/ lag pa'i a so ling ka'i rtsa gnyis dang// nu ma gnyis kyi rtsa gnyis a so ling ka bzhi// rtsa bzhi dag nas sbrul gyis zhugs nas snying la 'gro// de yang rkang lag sor mo chad nas dri ma shin tu ldog/ bsam pa ngan te brda mi phrad// sna la chu bur byung nas gas shing rma ru 'gro// de 'dra'i nad ni rtags yin te// sangs rgyas kyis kyang mi bzlog go/ gong gi bzhi ni brda bzhi yin te// sngags kyi sbyor bas gso ru btub// de rnams gnas dang gnod pa legs shes na// de nas gso ba'i rim pa bshad// dang po the brang gnod pa'i tshe// bdag gzhan bsnyen pa legs bsgrub nas// rdzas chen cho ga lugs bzhin bsgrub btags na// the brang gnod pa sel nas bgegs kyis tshugs mi 'gyur// gsang bsgrub bsnyen pa phyi bsgrub gnyis ka rdzogs// klu mdos rgyas pa gtang zhing sngags bsgrub bya// des ni sa srin rigs gnon sel nas tshugs mi 'gyur// de nas sa bdag gnyan gnyis gnod pa'i tshe// gsang bsgrub phyi gnyis grub pa'i rnal 'byor pas// klu bsgrub rgyas pa bzhengs shing gdug rtsub bya// de ltar byas na ji ltar bu yang 'tsho bar nges// rtags chen lus la zhugs tsam na// dang po a so li ka'i sgo byung ste// a so ga'i sgo ru gu gul dkar po'i ldi gus thig le bya// de yi steng du hUM dang phu gnyis las// phyag rdor sngags bdag mthe bo'i tshad tsam bskyed// phyi rol dag tu sngags bdag gzugs bcug na// gzugs gnyis byas la gnas nas bton pa'i dug gnyis bstim// de ltar spyi gsang gnyis kyi sngags bzlas rma byas dug la byab cing gzugs la bstim// de bzhin gong gi a so li ga dag kyang de ltar phyag rdor sngags bdag sgom zhing sngags kyang bzlas// snying la ma byung bar du bzlog par 'gyur// snying la bslebs nas bzlog mi srid// de ltar sbyor ba zab mo 'di// 'jig rten gsum nas rnyed par dka'// rtog pa'i nad tsi tsi dz+wa la chen po gso ba'i thabs chen po brtags pa'i le'u ste gya bdun pa'o//// de nas phyag na rdo rjes gsol pa// kye kye bcom ldan thugs rje can// sngags dang gzugs brnyan bcas pa la// spyan dbye'i rim pa ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// dang po klu bsgrub dkyil 'khor bri// de nas gtor ma gnyis kyang bsham// chang gnod bcu yang gzhag par bya// me tog la sogs mchod pa lnga yang bsham// de nas stong pa nyid du bsgom par bya// de nas dkyil 'khor dbus su man 'ji'i khar// sngags bdag gzugs brnyan legs gzhag la// dang po bdag nyid hUM las phyag rdor sku// snga ma ji bzhin bsgom par bya// de nas gsang bsgrub snying po 'bum tsho bzlas// de nas phu las gzugs brnyan sngags bdag nyid du bskyed// de nas spu ta 'bum tsho 'ga' tsam bzlas// de nas phyag na rdo rje la// sngags rings bklag cing mchod pa rnam pa lnga yang 'bul// de nas sngags bdag la yang mchod pa rnam pa lnga dbul// hUM/ sngags kyi bdag po tshur nyon cig/ rgya mtsho yangs pa'i dkyil shed nas// klu rgyal chen po gshegs su gsol// sngon gyi tha tshigs bgos pa bzhin// klu chen rgyal po 'od 'bar ba// sku la man ngag 'bum sde mkhyen// cho 'phrul 'bum sde 'gyed mdzad pa// 'dir spyaun 'dir bzhugs spyan dbye mdzod// ris su bris dang 'bur du gtod// lugs su blugs pa'i rten chen 'dir// sngags kyi bdag po 'dir bzhugs la// gzugs 'di byin gyis brlab tu gsol// gnyis su med par thim nas kyang// rten chen 'di yi byin rlabs mdzod// byas te mchod pa rnam pa lnga yang sngags rings kyis dbul/de nas nyid re bzhin du gtor ma yang gtang zhing las kyang bcol bar bya/ bsnyen pa mang du bzlas shing bdud rtsi rnams kyang dbul/ sngags kyi bdag po spyan 'dren na// dkar gsum dag gi bdud rtsi 'bul// dkar gsum dag gi bdud rtsi yis// sngags bdag mdangs dang ldan gyur cig/ sngags bdag mdangs dang ldan nas kyang// de ring spyan dbye'i las mdzod cig/de skad bya zhing mchod pa dbul ba ni// klu sgrub nas 'byung ba bzhin dbul// de nas me tog 'phreng ba dag kyang gtor// zla ba phyed du bsgrubs gyur na// sngags bdag dngos su 'ongs nas gzugs la chags// de nas sngags bdag dben pa'i gnas su gzhag/ rtag tu gtor ma rgyun du gtang// gzhan gyis mi mthong rang gi spyod yul nyid// de ltar byas na sngags bdag las kyang ci yang 'grub// de ltar sbyor ba zab mo ni// 'jig rten gsum na rnyed par dka'// rtog pa'i rgyal po las/ sngags bdag spyan dbye ba'i le'u ste gya brgyad pa'o//// de nas phyag na rdo rjes gsol pa/ kye kye bcom ldan dges chen po// klu rgyal las kyi gzugs brnyan gyis// tsha ba'i nad rnams sel bar byed// bdag gis mi 'tshal bshad du gsol// legs so dpal ldan rdo rje 'char/ khyod la nga yis bshad par/ khyod kyang rtse gcig yid kyis nyon// de nas nad pa maN+Dal khar legs par bzhag la// de nas shUn+ya ta brjod pas// stong pa nyid du bsgom// de nas yaM las rlung gi maN+Dal// de steng raM las me'i dkyil 'khor// de steng baM las chu'i dkyil 'khor// de steng hUM las phyag rdor sku// nad pa nyid kyang bsam par bya'o// spyi bo pad+ma'i steng dag tu// zla ba'i dkyil 'khor che bsam ste// de steng thig le sngon po ni// 'phang lo tsam du legs bsam te// de la 'od zer 'phros pa yis// bdud rtsi 'o ma'i chu rgyun 'bab// de yang nyin dang mtshan du'o// lte ba'i dkyil 'khor dag tu ni// zla ba nyi ma'i dkyil 'khor bsam// thig le las kyang 'o ma'i rgyun// nyin mtshan med par bsam par bya// des ni lus kyang rgyas par 'gyur// de nas mgo bo'i tshangs pa ru// yi ge laM las dbang chen dkyil 'khor bsgom// de steng klu rgyal gzhon nu ni// gtum po dag kyang bsgom par bya// sbrul mgo bdun gyi gdengs kar mdzes// sbrul mgo'i bar du thig le brgyan// thig le las ni char pa'i rgyun// de 'dra'i bdud rtsi zab par 'bab// yi ge i ni bdud rtsi'i rgyun// mi gnyis su ni dgod par bya// kun tu zla ba dkar dang mtshungs// bdud rtsi'i rgyun ni 'bab par bsam// steng du sprin gyis g.yogs bya ba// 'brug dang glog gis brgyan pa ni// nam mkha'i khams kun khyab par bsam// sprin gseb thig le sngon po las// bdud rtsi'i chu rgyun rab babs pas// grong khyer mtha' ni zhi bar byed// bsgrub bya'i steng du 'dug bsams la// dug dang tsha ba'i rims la sogs// bsam pa tsam gyis sel bar byed// dkyil 'khor dbus su kha dog dbyibs// gang zhig rtag tu bsams byas na// de yi tshe yang zad 'gyur ba// tshe rings bar ni gyur pa nyid// log gcig bar du rab sbyar na// rgas pa med cing 'chi ba med// nad sogs kyis gdungs tshugs mi 'gyur// klu chen rnam pa brgyad rnams kyis// gal te zin pa'i dus che yang// bkod pas dug med pa ste// dug gis 'chi ba'ang slong bar byed// dus med 'chi ba las rgyal bar 'gyur// nad las rnam par grol bar 'gyur// bsgrub bya nad pa gang yin pa// ston ka'i dus kyi zla 'dra la// lag pa g.yon pa'i mthe bong la// zla gzugs yi ge baM 'phyang pa// bdud rtsi yang dag rtsir ba ni// rims kyis dus med 'chi ba 'joms// de ltar sbyor ba zab mo ni// rims dang dug gis zin pa la// 'jig rten gsum na rnyed par dka'// rtog pa'i rgyal po las/ dug dang rims gso zhing tshe bsrings pa zhes bya ba'i le'u ste gya dgu pa'o//// de nas phyag na rdo rjes gsol pa// kye kye bcom ldan thugs rje can// gsang bsgrub dang po'i sngags sbyor gyis// las phran tshegs kyi le'u bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// gsang bsgrub snying po 'bum tsho legs bzlas la// las rnams ma lus sbyor ba zab mo brtsam// seng ldeng phur pa sor brgyad la// lan stong yongs su bzlas bya ste/ khang stong dag tu legs btsugs la// rlung dang sad dang ser ba thams cad thub par 'gyur ro// lo tog me tog 'bras bu dang// 'dab ma ma rungs byed pa y-i// srog chags rnams med par gdon mi za// sha sbrang sbrang bu pi tsa ka dang// byi ba sbrang ma 'bu srin dang// tre taM pu ka dang/ tre la ta dang/ byi sha ka ti dang/ nya phyis dang/ nya dang/lo mi ka dang/ sbal pa dang/ ne'u le dang/ phag pa dang shin ti ka dang/ seng ge dang/ rkang gcig pa dang/ rus sbal dang/ grog mo dang/ sbrang rtsi'i sbrang ma dang/ thang ka'i sbrang ma dang/ bung ba dang/ nag po dang/ shang ka ni ka dang/ sa'i 'og nas byung ba dang/ ma lus shi ka dang/ bug pa dang/ byi ba dang/ mchu rings la sogs ba'i srog chags kyi rigs thams cad med par 'gyur ro// mi 'byung bar 'gyur ro// thams cad phung bar 'gyur ro// bya rog dang/ bye'u dang/ khug rta dang/ phu ron dang/ man du ri ka dang/ 'ug pa dang/ ka ma bya nag dang/ ne tso dang/ ri skegs la sogs bya thams cad med par 'gyur ro// rtog pa'i rgyal po las/ seng ldeng gi phur pas thams cad zhi bar byed pa'i le'u ste dgu bcu pa'o//// de nas gsang bsgrub kyi cho ga bshad pa tsam gyis/ klu rnams khro bo zhi bar byed pa 'di brjod do// lag na rdo rjes gzi brjid 'bar// snying po 'di brjod pa tsam gyis las grub ste// thog mar gnam du rab bltas te// nyungs kar chu bsres gnam tu rab gtor na// sad dang ser sprin thams cad thub// kun kyang bcing bar gdon mi za// klu rnams 'dar zhing 'khod par 'gyur// thal ba chu bsres dag la ni// nyi shu rtsa gcig bzlas byas te// sems can gang la dbang bskur na gang bskur ba de bsrung bar 'gyur/'brug rnams dbyar kha zer ba'i tshe// nyung kar dag la lan brgya rtsa brgyad yongs su bzlas na ni/ chu la yang lan bdun bzlas nas ni// gnam gyi sprin yang 'ching bar 'gyur// de nas sprin la bltas te// nyungs kar gtor na/ me tog 'bras bu thams cad bsdus nas steng du ltung/ sngags kyis brjod cing khros pas/ phaT ces bya ba la lan gsum gyis/ klu yi phrug gu rnams kyang ltung bar 'gyur/ klu rnams lus kyang zhig ste thal bar 'gyur/bal po se'u'i shing gi lcags ma la/ nyi shu rtsa gcig yongs su bzlas byas nas te/ 'khor lo'i tshul du lan gsum bskor byas te/ klu rnams kyis sad dang ser ba sprin dang rlung/sa la yang ni mi thabs so// mgo bo tshal ba bdun du 'gas// shin tu khros pas brgya rtsa brgyad bzlas na// klu rnams rigs dang dpon g.yog bcas te sa la lhung// klu yi khyim dang gzhal med khang pa dang// chu dang shing dang nags tshal bcas pa dag/ me lce 'bar ba gcig tu 'gyur bar nges// klu rgyal chen po gzi brjid che na yang// klu nad drag pos btab 'gyur te// gal te rigs 'dzin gyis nga yis ma skyabs na// klu rigs thams cad phung bar 'gyur// bu dang tsha bo 'khor dang gzhon par bcas// rnam par 'jig par 'gyur te mig med par 'gyur/ char med pa'i dus su nyungs kar la yongs su stong bzlas te/ khyim la gtor ma thag tu klu rnams 'dar zhing khyim dang mtsho rnams me lcer 'gyur 'dod bzhin du char pa rgyun yang 'bab/ gang tshe char pa 'bebs 'dod na// nyungs kar dag la brgya rtsa brgyad sngags bzlas la/mthon po song ste shar phyogs su kha bltas te/ chu snyim pa bdun la sngags lan bdun yongs su bzlas te/ shar phyogs dag tu gtor/ rgyal po kun kyang 'dus te char pa'i rgyun yang 'bebs/ skya rengs dang po shar ba'i dus tshod na// nyungs kar gu gul chur bses la lan gsum bzlas byas te/ phyogs mtshams gtor zhing steng 'og dag tu gtor// sad dang ser ba rlung dang sprin rnams la// 'brum bu gcig kyang gnyang sems med na// klu mi srun pa thams cad kun kyang bcings par 'gyur/ rtog pa'i rgyal po las/ gsang bsgrub las phran tshegs rgyas par bstan pa'i le'u ste go gcig pa'o//// de nas phyag na rdo rjes gsol pa/kye kye bcom ldan thugs rje can// klu rgyal chen po'i sgrub thabs kyis// mngag gzhug las rnams ji ltar bgyi// bdag gis mi 'tshal bshad du gsol// bcom ldan 'das kyis bka' stsal pa// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ser skya'i lci ba sa la ma lhung pa// de bar blangs te de nyid lnga dang bsres// sa ti'i tsa ka dang bag phyed dang/thams cad bsres la dgu bcu rtsa gnyis bzlas// de nas sngags bdag gzugs kyang gzhag par bya// sbrul mgo bdun gyi gdengs ka can// lus bcus skyil mo krung du bya// thal sbyar nas bka' nod pa'o// tsan dan dkar po dang ni gu gul chu yis bkru// gtsang ma'i steng du legs gzhag la// dar gyi cod pan gyis dbang bskur ro// me tog gi ni 'phreng ba gdags// dkyil 'khor gru bzhi byas te me tog sil ma gtor// bum chu gang ba bzhi yang maN+Dal gru bzhir gzhag/ mda' bzhi gtsugs te ba dan dkar po bzhi yang gzhag/ maN+Dal dbus su gtor ma gzhag par bya// zur bzhir seng ldeng phur pa bzhi yang gzugs// tshon sna lnga yi skud pas lan lnga bskor// kun la nyi shu rtsa gcig bzlas te las bya'o// bum pa'i mgul du dar gyis bcing bar bya'o// na da la dang sri sri phog/ rgya spos dang ni ku ru ra// sen mo na ga pus pa dang// yungs kar dang sha kar legs bsres la// brgya rtsa brgyad sngags bzlas bdug par bya// bdug byas 'di sbyar de nas rigs 'dzin gyis// shin tu khrus byas gos gtsang gon// de nas nA ga kha ni shar du bstan te gzhag/rigs 'dzin klu la ltas te dkyil mo krung du legs 'dug la// spu ta'i sngags kyis dgug par bya// gtor ma me tog bdug pas slar gtang ngo// de nas rigs 'dzin pa yis stong rtsa brgyad du bzlas par ste/nyungs kar re re la bzlas gzugs la bsnan par bya/ mar me kha bzhi dag kyang bud par bya// klu yi ming yang bri bar bya// stong rtsa brgyad du bzlas byas nas// klu rgyal chen po dag kyang dbang bskur 'gyur// thams cad ston par 'gyur ro// ci bsam pa thams cad 'grub par 'gyur ro// dbang rnams thams cad slogs par 'gyur ro// rang gi skye bo'i 'khor du bcas pa dang// bu dang ma 'khar tsha bo thams cad dbang du 'gyur ro// thams cad las kyang byed par 'gyur// rang gi khyim bzhin yongs su skyong bar 'gyur// gzugs de dben par gzhag la// me tog gdug pa sbyin// le lo med par gzhag cig mi mthong bar byed de// su la yang ni bstan par mi bya ste// rang gi spyod yul shin tu zab// gtsang ma'i gos kyis legs bkab la// gsang sngags bzlas shing ting 'dzin gsal bar bya// nam dgos yod pa de'i tshe// nyungs kar dag la lan brgya rtsa brgyad bzlas te bsnun// dgos pa thams cad byed par 'gyur// gar gtang der 'gro yang 'ong bar 'gyur// dgra bgegs kun gyi las 'gyed par 'gyur/rmi lam dag tu ci dgos thams cad ston cing las byed 'gyur/ gang tshe dus ma yin pa'i sprin dang rlung dang ser ba dang/ sad rnams 'byung ba'i tshe/ ske tshe 'bru dang nyungs kar dag bsres te/brgya rtsa brgyad du bzlas nas kyang/ khros pas klu yi gzugs la bsnun// skad cig de la rlung dang ser ba sad// sprin la sogs pa med par 'gyur// thams cad du yang bcing bar 'gyur// than pa byung ba'i tshe yang yi ge legs bris te// skud pa dmar pos dkris la mdud pa nyi shu rtsa gcig bor// klu'i yul du btags la spyi bor nyi shu rtsa gcig bzlas byas la/ skad cig de la char gyi rgyun 'bebs te// bsgrub pa po'i 'dod pa bzhin du char 'bebs so// rtog pa'i rgyal po las/ klu rgyal mngag gzhug bsgrub pa'i le'u ste go gnyis pa'o//// de nas phyag na rdo rjes gsol ba// kye kye bcom ldan thugs rje can// klu rgyal gzugs kyi bsgrub lugs kyis// las rnams ji ltar bsgrub par bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// nA ga chen po'i gzugs dag bya// spra tshil dag la klu gzugs ni// sor bzhi pa la sbrul mgo bdun mgo lnga// gser gyis g.yogs la steng gos dkar pos g.yogs// phyi bsgrub snying po spu ta yis// stong tsho gcig tu bzlas byas la// ma phud bum pa gsar par gzhug/ lus la gos kyis dkris te rgyas gdab bo// ba yi lci bas dkyil 'khor gru bzhi pa// legs par 'bras yos// nyungs kar dag gis gtor bar bya// bdug pas bdugs te sngags sbyor bya// bal po se'u'i lcug ma la// lan bdun bzlas te bum pa la// dal dus gzhug ste ser ba thams cad bum par 'ong// thams cad dbang du gyur te klu yi gzugs kyang spra tshil la// byas pa klu rnams thams cad ming bris la// gong gi ming bris rig pa 'di brjod la// klu de dbang du yang dag 'gyur// 'khor dang bcas pa'i bram ze yi// mdun du 'dug cing bram ze'i dgos pa thams cad byed// klu yi rgyal po'i cod pan ma yin par// yul yang yongs su mi skyong lo tog dang// me tog 'bras bu chud gson dang// klu de de yi khyim du song// shin tu khrus byas gos dag gtsang ma bgos bya la// nyi shu rtsa gcig bzlas byas na// klu de'i khyim nas bud med rgan mo dag byung zhing// rig pa 'dzin pa ci tshol zer nas lan mi gdab par rdo rje sa la brdab phaT ces brjod par bya'o// klu rgan mo de dus de shi'o shi'o zer zhing khyim du 'jug/ khyim na 'gyod pa smra ba mthong// des smras rig pa 'dzin pa mtsho yi khyim na 'dug/ de nas klu rnams skrag par 'gyur te/ khye'u'i gzugs su gyur nas rigs 'dzin mdun na 'dug/ kye rig pa 'dzin pa ci zhig 'tshol/ rig pa 'dzin pas sngar sngags rings brjod pas/ khros pas bal po se'u'i lcug ma sa la brdab pa dang// klu khye'u'i gzugs can de sa la 'gre ldog cing// kye rig pa 'dzin pa cig zhig tshol zhig ces smras so// rig pa 'dzin pa snying rje med par byed ste// bsgyel ba'i tshul bsgyel ba dang// 'di skad ces/ kye rig pa 'dzin pa bsgo ba thams cad byed do zhes smras so// de nas rig pa 'dzin pa des 'di skad brjod do// de bzhin gshegs pa'i dam tshig srungs shig/ dge ba bcu zung zhig/ gsum la skyabs su gtang ngo// de nas gsol pa/'dzin to rab tu 'dzin to// rig pa 'dzin pa zhes gsol to// 'di skad ces brjod do// de bzhin gshegs pa'i dam tshig gi rjes su slobs cig/ gdod phur bu dbyung ngo zhes bya'o// 'on tang klu de'i 'khor bcas te gzigs la thug go/dkon mchog gsum la skyabs su gsol pa 'di skad brjod do// dge ba bcu'i las kyi lam rjes la sbyin par bya'o// de nas phur bu byung la/ de nyid du kha zas sbyin par bya'o// de ltar byas na klu thams cad dang du 'gyur/ rtog pa'i rgyal po las/ klu rgyal gzugs kyi bsgrub pa'i le'u ste go gsum pa'o//// de nas phyag na rdo rjes gsol pa/ kye kye bcom ldan thugs rje can// bum pa chu yis sbyor ba yis// nad sogs ma lus zhi byed pa// sbyor ba ma lus bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// sa'am 'khar ba zangs gser dngul// chu sna dgu yi chu yang blugs// de nas maN+Dal gru bzhi'i steng// gtsang ma ras kyis bum pa gtum/ kha rgyan bum pa legs byas la// nang du phyag rdor sngags bdag kyang// snga ma ji bzhin bskyed par bya// de nas nyungs kar dag la ni// sngags bzlas bum pa'i nang du blugs// nyungs kar khro chung dag tu sgom// chu sngags chur byin gyis brlab// de nad pa'i srin lag bum pa dag la rtag tu sbrel// de nas bdag gzhan legs bskyed la// bka' bsgo'i rim pa sna tshogs bya// de nas nad pa dag la sngags chus gdab// byad dang lus po sngags chus gdab// lag pa'i kyor bas chu blangs nad pa'i sa ru gdab// de nas ting 'dzin rim pas ni// de yi zhu 'dul rim pa bzhin// des ni nad rnams ma lus sel// dug rnams kun kyang 'thon par 'gyur// de nas lus kun khrus kyang bya// des ni mdze dang shu ba dang// g.yan pa'i nad rnams zhi bar byed// rtog pa'i rgyal po las/ bum pa chu'i sbyor ba bstan pa'i le'u ste go bzhi pa'o//// de nas phyag na rdo rjes gsol pa/ kye kye bcom ldan thugs rje can// sngags bdag nas gzung sa srin bar/ klu gnyan dges par mdzad pa yi// klu bshags rim pa ji ltar lags// bdag gis mi 'tshar bshad du gsol// legs so dpal ldan phyag na rdo rje/khyod la nga yis bshad par bya/ khyod kyang rtse gcig yid kyis nyon// dang po phyag na rdo rje la// 'di ltar bshags par bya'o// hUM/ bdag cag ma tshor dbang gi na// thab gzhob mi gtsang 'khon la sogs// bgyis shing khyed kyi thugs dang ci 'gal ba// lha tshogs phyag na rdo rje'i sku la mthol lo bshags// hUM/ bdag cag ma tshor dbang gis na// thab gzhob mi gtsang 'khon la sogs// bgyis shing thugs dang ci 'gal ba// las mkhan chen po'i sku la mthol lo bshags// des brtson 'grus mchog/ thos bsam sgom la rab tu sbyangs// klu rgyal chen po bsgrub la brtson// sngags dang gzugs brnyan la mos shing// lha bsgom ting 'dzin rgyun mi gcod// gang byed las la brtson 'grus che// lus dang longs spyod chags med gtong// de ni skyes bu rin chen rigs// de la rgyud 'di nges par gtad// rigs gsum mgon po'i sprul pa yin// de yang 'dzam bu gling na dkon// 'dre/ sbrul mgo bdun pa'i sku la mthol lo bshags/ khye'u chung gzhon nu 'dre/ klu chen brgyad/ gnyan rnams/ rigs lnga'i klu/ sa bdag sa srin kun la rim pas shes par bya'o// rtog pa'i rgyal po las/ klu'i bshags pa'i le'u ste go lnga pa'o//// de nas phyag na rdo rjes gsol pa// kye kye bcom ldan thugs rje can// srid gsum sems can phan btags phyir// nang bsgrub sngags kyi sbyor ba yis// klu rgyal chen po'i snying snyal na// phan bya gnod bya'i las mchog rnams// rdzas dang sngags kyi sbyor ba yis// ya mtshan chen po'i las mchog rnams// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// de la phan par bya ba ni// sngags dang bsgrub pas klu rnams 'thems byas nas// sngags dang sman rnams kyis ni nad sogs khong nas 'don/ khu bar sa yan mchog shes pa// de la rnam pa gsum du shes bya ste// bdud rtsi'i khu ba phye rde ro he he// de yi rgyu yi mtshan nyid bstan pa ni// nag po ti tsas bsnun na pus zer na// btsos nas sa la btsugs nas skye na bdud rtsi yin// dkar po ser po brtag mi dgos te shin tu bzang// dngos grub mang na ra sa ya na thams cad yin// sman dang sngags 'di dag las nye ba med// ci'i phyir na zas dang klu bsgrub phyir nye// tshe dang stobs ni bde ba la sogs byed// ci phyir gso dang khong pa'i skran dang 'bras// mdze dang rma gnyis red par gyur pa dang// rnag khrag 'khyil dang gcin nad nyi shu srong// ma zhu ba dang nad kun sel te tshe ring stobs kyang che// der ma zad de bzhi brgya rtsa bzhi kun kyang sel// rnam shes sgo bsal ye shes thams cad sal l e mkhyen// mngon par shes pa lnga dang ldan te byin rlabs shin tu che// ye shes khong nas 'bar te phyi rol dag tu smin// sa la mi 'dug nam mkhar 'phur te lus kyi pag kyang brjes// de ni sman gyi yon tan no// de nas sman gyi sbyar thabs ni// shun lpags rtsa ba mtho do gsil te slar la spangs// dbus kyi rgyus pa kun mang dbyung bar bya// sings po brdubs la ras ni dag tu btsags// 'khar ba zangs kyi nang du gzhag/brngub pa'i rtsigs ma grib skams dag tu bya// phye mar btags te phur la gzhag/ chu ser po'i rtsi dang bsre// bdag nyid lus kyang khrus byas gos 'jam ste// dben pa'i gnas su 'dug ste sman gyi sbyor ba brtsams// de la dang po sman rnams sbyor btsam ni// chu dang khu ba 'o ma gsum// shin tu bsnyams te bdu ba mar gyi che chung tshad// des ni bzhi ka cig ste shin tu 'bar// de yang mar gyi ngo bor gyur nas sman snyigs gting du 'gro// du ba'i tshad kyis dpog par rgyal bas gsungs// de nas bu ram dag sbyar te zhag gsum dag na gtang/ de ni sman gyi sbyar thabs so// de ni gtang ba'i rim pa'o// spyir na bza' shing khu ba sbrang rnams gtang// ro he dag kyang bza' zhing kham phye dag kyang bza'// 'o ma zho yis bsngal zhing 'khyil ba'i kha len bya// de nas zla drug bsgrub byas na// nam mkhar 'phur zhing mngon shes drug dang ldan// gang bsgrub lha yang nye zhing gzhan gyi sems kyang shes// na ba med cing rtsa ba med// 'chi ba med cing rgas pa med// lus kyi pags pa dag kyang brjes nas shin tu bkrag/ gting nas 'jam ste bu chung bzhin// byung ba'i so la se'u yang skye bar 'gyur// klu rnams kyang bran dang pho nya byed// lha rnams kun kyang gzigs nas rtse 'jo mdzad// mi rnams kun gyis mthong nas dad pa skyed// de ni spyi'i grub pa'o// de nas bye brag nad pa'i gtang thabs ni// nang bsgrub sngags kyis nad pa'i sman la gdab// nang par lto stong dag la khyim du 'phel 'grib gtang// de nas nyi ma dros kyis dus tshod la// lus po mtha' dag bkrus te sman brtsigs dag gis bsku mnye bya// de nas bstan dang steng 'og gos ngan ma 'thul sha stan dag/ slad ma mal cha mang ste ser bu tshor mi srid// de nas tshad ldan 'dug ste phyed 'don pa'i sman// dkrugs te shin tu dkrug te khong du gtang// des ni bcung lon nyi ma'i phyogs de yi// ba spu dag nas chu ser nad rnams dngos su 'byung// de ltar nang gcig bzhin du sman rnams khyem bu re re bskyed// de ltar byas na nad rnams kun kyang thon// mdze dang tsha ro shu ba rkong po mtha' dag la// gtang bas 'tsho bar gdon mi za// de ltar sman rnams gtang ba'i tshe// rtags kyang yang dag 'byung bar 'gyur// dang po nyams dga'i rmi lam bzang po 'byung// de nas lus yang de nas 'khru// de nas ba spu dang skra yang 'byi// de nas rlog pa sras mo dag kyang 'jus// de nas gnyer ma med de gzhon nur 'gyur// de nas 'phags te mjug tu gnam la 'phur// bza' ba'i dam tshig bag chags pas sa dang gnam gyi dngos grub bdag la 'byung// bdud rtsi 'di ni sus zos pa// dngos grub tshe 'di dag la ster// rdo rje sems dpa'i tshe sgrub yin// dper na klu rnams sman gyis gso ba'i tshe// lus rgyal nad med longs spyod che// yid gzhin nor bu yod pa sman gyi mthu// de bzhin ra sa ya na zos pa yis// longs spyod yon tan gong 'dra'i mthu mang 'byung// shing rnams la yang chu gtang me tog 'bras bu skye// de bzhin ra sa ya na'i nus mthu yis// lus dang dbang po rnams kyang rgyas par 'gyur// me tog la gsil ba'i chus// bdud rtsi'i chu ste me tog rab cig mtshan mo kha yang 'bye// de bzhin ra sa ya na sbyar nas me tog rgyas// lo ni lnga brgya'i bar du rgas pa mi 'byung zhing// bcu drug lon pa'i gzhon nu 'dra// 'phags pa 'jam dpal tshe dang 'dra bar gsungs// ro he bza' zhing gam phye skam/ khu ba sbrang dang ba mar 'o// de rnams btung zhing bu ram bsten// shin tu grub nas tsam pa dag kyang spang// de ltar sbyor ba zab mo ni// 'jig rten gsum na rnyed par dka' ba// sangs rgyas kun gyi spyi thun yin// mdze nad dag ni shin tu bzlog/ rtog pa'i rgyal po las/ sman bcud len sbyar bar nad gos pa'i thabs kyi le'u ste go drug pa'o//// de nas ya mtshan las dag bshad// nA ga byi sram bya ba'i pags pa ru// nyams pa dgra'i ming byang dang// dri chen dag la gzugs bya dog pa lnga yis bcings// dam par bkyig rte dpyang la gtags shing nang bsgrub sngags kyis brab// des kyang gdon mi za bar sbos nas 'chi// rdzas la bya bas slud bu ru// gang la dmigs pa'i dri chen gzugs// spre'u'i rgyus pas kha bcings na// sbos nas 'chi bar gdon mi za// byi ba zeng nga'i slud bu ru// gang gis dmigs pa'i dri chen gzhug/ rtsangs pa'i 'og dang sdig pa'i rtser// bcug la nang bsgrub sngags bzlas na// zhag bdun dag gis rgyu ma 'gongs nas 'chi// ma yos slud bur dri chu blugs// stag sha bcug pas dbang po kun kyang 'chi// nang bsgrub sngags kyis brgya rtsa brgyad du bzlas// gdon mi za ba'i las yin no// rdza gsar nang du nyams pa'i dri chen gzhug/ sdig pa'i ro yis nges par steng nas dgab// gnyan sar bcug na zla dus su mdze 'ong// nang bsgrub sngags kyi 'dzud dkar rgya mtsho las// dur khrod sa la 'khor lo bri// g.yam pas kha gcad sa gnyan sar// dmigs pa sdig pa lto sbyar te// de nyid bar du ming byang bri// gze ma'i tsher mas kha ru gzhug/ nang bsgrub snying po brgya rtsa brgyad du bzlas// bdag gzhan bskyed cing klu rgyal las la gzud// dbugs mi bde bar 'chi bar nges// rgya rdza dkar po kha sbyar du// dam nyams dgra bo'i gcin rtug la sogs blug pa'i steng du sbal pa'i ro// sdom gyi ro dang sdig nag ro// sbrul gyi ro rnams legs gzhag la// gnyan sar sbas nas nang bsgrub bzlas// des kyang nges par mdze ru 'gyur// sre mo shi ba'i thod par dam nyams klad par ldan// de yi nang du kho yi rtug pa gcin// lus kyi dri ma legs blug la// gos kyi dum bus kha gcad// sbal pa gnyis kyis ros kha gcad la// gnyan sar bcug la nang bsgrub brgya rtsa brgyad bzlas// rings po mi thogs mdze ru 'gro bar nges// nub mo sla ba'i brun dang ba tsha dang// sla ngar rngos la thal bar bya// me mar gang byed sa la bskus nas ni// mar me gtang la blta bar bya// sus ltas pa de yong bar 'gyur// bud med gcin gtang sa blangs sla ngar blug/ chu yis 'dag pa byas te// mo mtshan gzugs byas gdug pa'i tsher mas btsugs// shin tu skrangs nas 'chi bar 'gyur// nang bsgrub sngags bzlas gong dang mthun// dam nyams dgra yi skra dang snabs la sogs// gnyan sa 'dag pa bsres nas ni// shin tu legs pa'i ling ga bca'// sdig pa'i tsher mas lus po bsngams// sa bdag yod nges gnas dag tu// nang bsgrub bzlas pa bya zhing legs gzhag la// zhag bdun dag tu mdze ru 'gyur// de ltar sbyor ba zab mo yis// sangs rgyas kyis kyang mi brnyes so// rtog pa'i rgyal po las/ mngan thams kyi le'u ste go bdun pa'o//// de nas phyag na rdo rjes gsol pa/ kye kye bcom ldan thugs rje can// gsang bsgrub nang bsgrub phyi bsgrub kyis// bsrung ba chen po ji ltar bgyi// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// shin tu dben pa'i sa dag tu// maN+Dal steng du ba ling gnyis// gzhag la gsang bsgrub bzlas pa bya// de nas phyi bsgrub nang bsgrub kyi// bsnyen pa dag kyang 'bum tsho bskyal// ras sam gro ga shog bu la// dang po 'khor lo rtsibs bzhi bri// de'i rgyab tu 'khor lo rtsibs brgyad bya/ de'i rgyab tu 'khor lo rtsibs bcu drug bya/ de'i rgyab tu 'khor lo rtsibs sum cu rtsa gnyis bya/ 'khor lo'i phyi rim me ris bskor// me ri'i phyi rim rdo rje ra ba'o// de la dang po spu ta rgyab tu bri// gnyis pa dag la nang bsgrub snying po bri// gsum pa dag la gsang bsgrub snying po bri// bzhi pa dag la sngags rings bri bar bya// dbus su bgegs kyi snying po bri bar bya// de ltar 'khor lo legs bris sngags kyi sham bu che ge bsrungs kyang bri// de nas thod pa ngan pa'i nang du 'khor lo legs bcug la/ kha nas thod pa gcig gis dgab par bya// de nas man 'dzi'i kha ru thod pa legs gzhag la// de nas bsgrub pa rnams kyang brtsam par bya// bdag gzhan bskyed rdzogs gzhan dang mthun// bka' bsgo rim pa bdag gis legs bsrungs bya// de nas dang po nang gi sngags gnyis 'bum tsho bskyal// de rting gnyis pa'i sngags gnyis stong tsho bskyal// de rting gsum pa'i sngags la'ang stong tsho bskyal// de rting bzhi pa'i sngags la brgya tshar bskyal// 'khor lo'i phyi rim dag tu sngags bdag gzugs kyang bri// de nas bgegs gnod pa'i them pa dag la ni// thod pa gnyis bal tshon sna lngas dkris te btags na// de ni bgegs dang 'byung po mi ma yin// gnod sbyin srin po sa bdag klu gnyan tshogs// kun kyang 'bros te rlag par 'gyur// klu'i gnas su gzhag na klu rnams rdul du rlog/ bgegs gnod dag gi ske ru 'khor lo dril te btags na nges par 'tsho bar 'gyur/ gal te ban de dmod mo byed na gnas kyi sgor btags na/des kyang bzlog ste shin tu tshugs mi 'gyur/ de bzhin bsam pa thams cad 'grub ste mchog tu byin yang che/ rtog pa'i rgyal po las/ bsrung ba chen pos bgegs bzlog pa'i le'u ste go brgyad pa'o//// de nas phyag na rdo rjes gsol pa// kye kye bcom ldan thugs rje can// drag po brtsegs pa'i 'khor lo yis// dgra bgegs ma lus ji ltar 'dul// bdag gi mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// ras sam shog bu gro ga la// dang po gru gsum bcu drug bri// de nas gru gsum brgyad pa bri// de nas gru gsum bzhi pa bri// de nas gru gsum gcig pa bri// de nas dang po dag la sngags dang sham bu brgya dang bcu dgu btags pa bri/ gnyis pa dag la gsang bsgrub sham bu brgya dang bcu dgu btags pa bri/gsum pa dag la nye snying sham bu brgya dang bcu dgu btags la bri// bzhi pa dag la spu ta'i sngags dang sham bu brgya dang bcu dgu btags la bri/ dbus su bgegs kyi ming byang bri// gru gsum mtha' la sbrul bzhi dag gis bskor// de nas gong bzhin bsgom byas la// maN+Dal steng du 'khor lo gzhag/ de nas bzlas pa dag kyang bya// dang po sngags rings dag la bcu tsho re// de nas gsang bsgrub dag la nyi shu re// de nas nye snying dag la bzhi bcu re// de ltar bzlas pa nyungs kar ming byang ling ga dag la brab// ting nge 'dzin gyis bgegs kyang sngags kyis 'od kyis khugs par bsam// de ltar sbyor ba zab mo 'di// zla ba phyed du ma gcad na// brgya byin lta bu'ang 'chi 'gyur na// dam nyams dgra bgegs smos ci dgos// 'jig rten sum na rnyed par dka'// rtog pa'i rgyal po mchod rten gyi rgyud las/drag po rtse mos bgegs 'dul ba'i le'u ste go dgu pa'o//// de nas phyag na rdo rjes gsol pa/ kye kye bcom ldan thugs rje can// las rnams thams cad rgyud rnams kyis// gdams pa'i rim pa ji ltar lags// bdag gis mi 'tshal bshad du gsol// legs so dpal ldan phyag na rdo rje/ khyod la nga yis bshad par bya/ khyod kyang rtse gcig yid kyis nyon// rgyud rgyal mchod rten las rgyud 'di// sems can kun gyi yid bzhin yin// zab mo sngags kyi sbyor ba yin// lha dbang rang ngam yang na ni// de dang mtshungs pa'i rigs 'dzin mchog/ bla ma la gus rin chen rigs// zhabs rdol med de gsang tshig thub// zab mo'i sbyor ba byed la brtson// dam tshig slob dpon grogs la srun// gang 'jug chos kyi dbang yang bskur// sgro skur med cing dad pa che// shes rab mig ldan de ltar ma gyur snod ngan la// nam yang sbyin par mi bya ste// mnar med dmyal bar ltung bar 'gyur// de bas rgyud 'di rab tu dgab// spyir na zab mo'i rgyud mchog 'di// las mang bsgrub don ma 'byung yang/ khyad par klu chen las rigs yin// phan 'dogs gnod rigs sbyor ba yis// nA ga'i las mchog 'di ru rdzogs// de nas phyag na rdo rje la sogs pa khro bo'i tshogs du ma dang/ sngags bdag la sogs te klu'i rigs du ma yang shin tu yid dga' ste gsol ba btab bo// kye kye bcom ldan thugs rje can// las mchog 'bum sde'i gdam ngag 'di// ye shes thugs las sems can don phyir spros// las dang rkyen du 'dzom nas sangs rgyas bka' mi slu// bdag cag 'khor dang bcas pa'i klu rnams kyang// de la 'go zhing gsang sngags nus ldan 'gyur// zhes gsungs nas 'khor rnams rab tu dga' ste/ yid mthun pa'i ting nge 'dzin la snyoms par zhugs so// rtog pa'i rgyal po mchod rten gyi rgyud las/ gdams pa'i le'u ste brgya tham pa'o//// rdzogs so// 'phag pa rtog pa'i rgyud le 'di/ 'gro la phan pa'i rin chen nor bu 'di// sems can don phyir sgra dang yi ge'i brda bsgyur bas// bdag kyang phyag na rdo rje'i sku thob shog/ rgya gar gyi mkhan po btsun mo can dang// bod kyi lo tsha ba bla ma leng ston gyis bsgyur cing zhus te gtan la phab pa'o// bka' gsang sbas pa'i rgyud mchog 'di// 'dzam gling mi la phan gdags phyir// bcom ldan shAkya thub pas gsungs// sdud pa phyag na rdo rjes sdud// tsha ba thang gi mchod rten mdzes par gzhag/ klu yis bstan pa 'dzin pa'i tshe// sangs rgyas bstan pa der yang tshugs// de nas rim gyi brgyud pa 'di// 'phags pa'i sku sprul paN ta btsun mo can// zab mo 'di la rmongs pa'i gdam pa'i rgyud mchog 'di// bod kyi bla ma leng ston lo tsha bas// rin chen chab gser gzhong pa bkang nas phul// thugs kyi sgo lcags bkrol nas pan ta chen pos gnang// de yang shangs kyi gtsang pa ras sgom gyis// leng ston zhabs drung 'khor nas rgyud mchog gtad// bod yul 'phel gyi dogs nas rgyud mchog gter du sbas// de nas shangs kyi jo sras dar grags la// bsgom mo sbas pa ston nas bstan// de nas jo sras dar grags kyis// dge bshes khyung po rdo gsher la gnang// de nas khyung po la 'khun ston dar snying la gnang/ de nas 'khun ston la// de nas mar ston la/ des mda' mi dar ma 'bar la gnang ba lags so// a+thi+-i/ rdzogs so//// sngon sangs rgyas kyi bstan pa la/mu stegs kyi dgra bo gsum byung ste/ dgra tha ma la phan pa'i thabs lnga brgya gros byed cing 'dug pas/ slob dpon gsang pa nA ga gtes/ tshangs pa klu gnyan gyi gnas su khams seng du byon pa la/ bse'i bka' ba dmar po'i rtsar dgong pa byed cing 'dug pa las/ ka ba'i nang nas lcags kyi sbal pa kha dgu mig dgu pa mgo dgu pa gcig byung nas/ rang sha rang za rang khrag rang 'thung zhing 'dug pa las/ mthing gi shog bu la gser gyi yi ge bris pa gcig/ rang la ni rang bzlog/ rang la ni rang shed cig 'dug pa la/ slob dpon gyis dbugs thums thums byed/ yi dam gyi lha la gtor ma zhag gsum gtang nas/sangs rgyas kyi bstan pa bsrun pa cig yin nam snyam nas gzigs pas/ lcags kyi sbal pa na re/ nga ni klu'i rgyal po sog ma med ces bya ba yin te/ sngon yang srog dang dbugs la dbang sgyur/da lta'ang srog dang dbug la dbang sgyur zer nas/ der slob dpon gyi/ klu'i rgyal po sog ma med de dam la btags nas/ sangs rgyas kyi bstan pa srungs shig par gdams so// klu'i rgyal pho sog ma med des/sangs rgyas kyi bstan pa bsrung bar dam bcas so//// dang po sngags bdag mdun gnas pa des/ sngags bdag nad pa la bstim la/ nad pa sngags bdag dngos su bsams la/ drag sngags gsang sngags gnan gyis brdegs te/oM hUM hUM mahA krod+ha/ spo ta ya hUM phaT/ kro ta ra tsa li rbud/ nA ga nA ga spu ta spu ta chom gel dum chug chum rbud/ mahA rag sha krod+ha big nan ya thum/ mA ra ya rbud chem glogs sarba swAhA/ lnga bcu rtsa gcig drag sngags mchog/dgra bgegs rnams ma lus rlag par byed// tsheg par lhag chad byung na nus pa nyams/ chad lhag nor dang gsum/ ma rig 'khrul dang bzhi/ klu rgyal sku bzod par gsol////

CLOSE WINDOW