CLOSE WINDOW

Gpb051.011
བོད་ཡིག

/// man ngag don bkrol gyi rgyud rdzogs so// thi rgyaH ni rgyaH su rgya//// rgya gar skad du/ kri yi badzra u kran bi pA paM ma ra tsakra a lo tan tra nA ma/bod skad du/ rdo rje gtsug lag drag po ngan sngags sdig pa phung byed 'khor lo gsal ba'i rgyud ces bya ba/ dpal kun tu bzang po la phyag 'tshal lo// de nas byang chub sems dpa' lag na rdo rjes// bcom ldan 'das dpal kun tu bzang po la gsang ba'i mchod pas mchod nas 'di skad gsol to// e ma bde gshegs bcom ldan 'das// gong du gsungs pa'i rgyud rnams kyis// sdig pa phung bar byed pa la// dal drag brid sdig ji ltar bya// rgyud 'di ji ltar gzung bar bya// zhes gsol ba dang/ bcom ldan 'das kyis bka' stsal pa// e ma rdo rje 'chang chen po// sdig pa phung bar byed pa la// dang por dal ba'i las bdun bshad// chos nyid don bsgom dal pa gcig/ zab mo'i don brjod dal ba gnyis// ci te sku bzhengs dal ba gsum// 'byung ba tshim byas dal ba bzhi// zab mo'i sngags bzlas dal ba lnga// sems can sbyin sreg dal ba drug/ sems can don bya dal ba bdun// gsum pa drag po'i las su bshad// mtshan bcas sku bsgom drag po gcig/ drag po'i mdo brjod drag po gnyis// ci te sku bzhengs drag po gsum// nang gi tshogs 'khor drag po bzhi// drag por sngags bzlas drag po lnga// gzhan gyi tshe srog drag po drug/ las kyi sbyor mtshams drag po bdun// gsum pa srid pa'i las bdun ni// dge sdig chos bshad bred pa gcig/ zab mo'i mdo brjod bred pa gnyis// ci ti sku bzhengs brid pa gsum// mthun pa'i rdzas mchod brid pa bzhi// gso ba'i sngags bzlas brid pa lnga// sman gyi nad gso brid pa drug/drug rnams bya ba brid pa bdun// bzhi pa sdig pa'i las bdun bshad/ khro bo sku 'phrog bsdig pa gcig/ drag po'i mdo brjid bsdig pa gnyis// drag po'i ci ti bsdig pa gsum// drag po'i gtor ma bsdig pa bzhi// sdebs bcas drag sngags bsdig pa lnga// drag po'i thun bca' bsdig pa drug/ drag po'i gnad bsreg bsdig pa bdun// dal cig drag cig bsdig dang brid// sbyor ba shes ni rags gsum 'byed// rab dang 'bring dang tha ma gsum// dal dang brid ni rab yin no// drag dang bsdig pa tha ma ste// bzhi pa las ni 'bring du brjod// rdo rje gtsug lag drag po ngan sngags sdig pa phung byed 'khor lo gsal ba'i rgyud las// dal drag brid kyi sdig pa phung par byed pa'i le'u ste dang po'o//// sdig pa phung bar byed pa la// dal dang 'brel ba'i las bdun bstan// drug gi rgyud drug 'brel pa ste// bzlas thabs drug dang ting 'dzin gsum// de la bsnyen pa'i las bya ba// dang por rgyud la bsnyen pa gsum// sngon du bya dang las su bya// las la sbyar ba rnam pa gsum// gnyis pa'i rgyud du bsnyen pa gsum// drag po'i man ngag zab mo gsum// gsum pa'i rgyud du bsnyen pa gsum// phyi dang nang dang gsang ba gsum// bzhi pa'i rgyud du bsnyen pa gsum// gzas pa po dang sgrol rdzogs gsum// lnga pa'i rgyud du bsnyen pa gsum// man ngag shug dang nor bu lug/ drug pa'i rgyud tu bsnyen pa gsum// grangs dang sbo dang bsgyur dang gsum// ma ra ya yi bsnyen pa gsum// brten dang brten med bsdus pa gsum// de yi rnam grangs 'grub par 'gyur// rdo rje gtsug lag drag po ngan sngags sdig pa phung byed 'khor lo gsal ba'i rgyud las/ 'brel ba'i las bdun bstan pa'i le'u ste gnyis pa'o//// sdig pa phung bar bya ba la// drag dang 'brel ba'i las bdun bstan// rgyud chen drug la bsgrub pa drug/ mA ra ya yi 'phreng ba bdun// rang rang 'khor la las gzud pa// bzhi bzhis las la bskul bar bya// mtshan thob gzud dang byed du gzhug/dbang du bsdu bar bshad pa yin// 'khor gyi sngags bzhi bshad pa la// rtsa ba bskyed dang bsnyen dang las// ma nor ba yi sngags bzhi yin// mtshan thob rang rang bsnyen pa'i sngags// gzud pa b+h+yo ru shes par bya// dbang du bsdu la hU~M gsum las// byed du gzhug pa brgya lnga bcu// de yis yongs su 'grub par 'gyur// rdo rje gtsug lag sdig pa phung byed gsal ba'i rgyud las/ drag po dang 'brel ba'i las bdun gyi le'u ste gsum pa'o//// sdig pa phung bar bya ba la// brid dang 'brel ba'i las bdun bstan// rgyud chen drug la las sbyar drug/ mA ra ya yi 'phreng ba bdun// dang po rnam shes bzhi bya ste// rnam shes re dang swA hA sbyar// de 'og lus kyi gdug pa bzhi// snyings ma'i sngags la shin+taM sbyar// ming dang sku ru swA hA sbyar// de nas bsrung dang dgug pa dang// zer ka bsgyur dang dmod zor bzlog/dug rnams zhi bar bya ba dang// zug pa dbyung dang zhen pa bzlog/ byad dgrol pa yi rim pa bya// des kyang nyan du ma 'dod na// bcing dang gzir dang gnan dang bzlog/ gzhig bya gzhom dang gdul ba dang// dal dang drag po bya ba ste// des kyang nyan du ma 'dod na// rang bzhin drag po btsan thabs dang// dug lnga la sogs gshed du dbab// phyi bsgrub sbyor ba brtsam pa yin// rdo rje gtsug lag drag po ngan sngags sdig pa phung byed 'khor lo gsal ba'i rgyud las/brid pa dang 'brel ba'i las bdun bstan pa'i le'u ste bzhi pa'o//// sdig pa phung bar byed pa la// bsdig dang 'brel ba'i las bdun bstan// rgyud chen drug dang las sbyar drug/ mA ra ya yaM 'phreng ba bdun// nang dang gsang ba gsang chen te// las rnams rdzogs pa'i sbyor ba bya// rtags ni rnam pa gnyis su 'gyur// rang gi yul la brtag pa dang// rang gi lus la brtag pa gnyis// dang po mA ra ya yi rtags// lus la g.yo thob brtag par 'byung// sha 'gul g.yo ste thob brtan 'byung// shes 'phrogs rtags su bdag snying 'phyo// rgyan phrog snying phyung la sogs 'byung// gzir ba lus la nyams chung 'gyur// ris dman ngu 'bod la sogs 'byung// gsad pa rang nyams shin tu khro// mkhar gshig shing gcod btsas rnga dang// sngon dang srog chags gsod pa 'byung// de nas phyag cha bskor sogs tshe// lus 'byung dang snying ru lag 'byung// shin tu khros pas ma yin te// sbyor ba'i shugs kyis skad cig khro// de nas chos nyid don la dmigs// rdo la gser 'gyur btang ba bzhin// thabs kyi sde dpon rnams 'dul la// thabs med rang dang 'khor du gsod// rdo rje gtsug lag drag po ngan sngags sdig pa phung byed 'khor lo gsal ba'i rgyud las/ bsdig pa dang 'brel ba'i las bdun bstan pa'i le'u ste lnga pa'o//// sdig pa phung byed 'khor lo 'di// shin tu gab sbas ma gsang na// sdig pas ma nyid gsod pa bzhin// spel pas rang nyid dmyal bar ltung// ma bsad dang 'dra ya kha sdig/'byung bas shin tu gab gsang thos// rdo rje gtsug lag drag po ngan sngags sdig pa phung byed 'khor lo gsal ba'i rgyud las/ sdig pa dang 'dra bas gzung ba'i le'u ste drug pa'o// rdzogs so//// man ngag gi rgyud ces bya ba/

CLOSE WINDOW