CLOSE WINDOW

Gpb051.009
བོད་ཡིག

/ rgya gar skad du/ kri yi badzra tsag kra tan tra/ bod skad du// rdo rje gtsug lag 'khor lo'i rgyud/ dpa' kun tu bzang po la phyag 'tshal lo// de nas bcom ldan 'das gsang ba gsum gyi bdag po 'jigs pa'i rgyan sna tshogs dang ldan pa gsang ba'i b+ha ga las bzhengs te/drag po e'i gdan la bzhugs pa/ gsang ba'i rigs kyi 'khor rnams kyis bskor te bzhugs so// de'i nang nas gsang ba'i bdag po lag na rdo rje bzhengs te/ bcom ldan 'das la gsang ba'i mchod pas mchod de/ bcom ldan 'das la 'di skad ces gsol to// e ma bde gshegs bcom ldan 'das// gong du gsungs pa'i rgyud rgyal gyi// phyi ma'i rgyud drug rjes 'brangs nas// drag sngags rme bzlog ji ltar lags// rme bzlog gtsug lag ji ltar lags// las kyi 'khor lo rnam grangs du// bskor thabs rim pa ji ltar lags// gtad pa'i bye brag rnam pa du// ldog mtshams rim pa ji ltar lags// drag po sngags bdag ji ltar lags// dregs pa spyi dang sgo sgo yi// gnad ma'i rim pa ji ltar lags// gcig gsad pa dang sde gsad phyir// 'di la khyad par mi 'tshal lam// mA ra ya yi 'phreng ba las// bsnyen bsgrub rim pa mi 'tsham lam// spyir ni gsang sngags gsang ba gang// rgyud 'di lde mig rnam grangs du// rgyud 'di ji ltar gzung bar bgyi// bcom ldan 'das kyi da bshad 'tshal// de nas bcom ldan 'das dpal kun tu bzang po gdan las bzhengs nas/ sku gsung thugs kyi rdo rje las// dug lnga sel ba'i bdud rtsi mchog/ log pa'i rtog pa 'joms byed pa// ma 'ongs pa yi don du bshad// lus ngag yid gsum gus pas nyon// phyi ma'i rgyud drug rjes 'brangs nas// rme bzlog sum cu tham pa ni// man ngag dag gis ma grub dang// gang gis ma bzlog rkyen byung dang// cis kyang ma thub bgegs gnod dang// gsang sngags bzlas pa'i long med dang// blo bur dgra dang rtsod byed na// rgyud drug dag gi rjes 'brengs nas// rme bzlog rnam pa lnga ru gsungs// spyir na sum cu tham par bshad// man ngag dag gis ni grub na/ khro bo gting 'gyur gsang sngags bzlas// gang gis ma bzlog rkyen byung na// sgrol ba khro mo gsang sngags bzlas// cis kyang ma thub bgegs gnon na// phur pa'i drag sngags bzlas par bya// gsang sngags bzlas pa'i long med na// ro langs sngags ni bzlas par bya// blo bur dgra dang rtsod byed na// ti nan sa shis sgrol sngags bzlas// rdo rje gtsug lag gi 'khor lo'i rgyud phyi ma'i phyi ma las/ rme bzlog lnga'i le'u bstan pa ste dang po'o//// rme bzlog gtsug lag bstan pa ni// rme bzlog gtsug lag lnga po yang// rnam pa gsum du shes par bya// dus thug nang thug gzhag thug gsum// dus thug man ngag ma grub na// yon tan sngags la 'jug par bya// nang thug man ngag ma grub na// mig gi sngags la 'jug par bya// gzhan thug man ngag ma grub na// zla ba'i las la 'jug par bya// dus thug ma bzlog rkyen byung na/ khro mo thams cad las la 'jug/ nang thug ma bzlog rkyen byung na/ khro mo 'bring gi las la 'jug/gzhan thug ma bzlog rkyen byung na/ khro mo rab la 'jug par bya// bcings dang ma thub bgegs gnon na// dus thug phur sngags gsum pa bzlas// nang thug phur sngags gnyis pa bzlas// gzhan thug phur sngags gcig pa bzlas// gsang sngags bzlas pa'i long med na// dus thug ro langs mda' 'dra 'jug/ nang thug ro langs gzhu 'dra 'jug/ gzhan thub ro langs skyes 'dra 'jug/ blo bur dgra dang rtsod byed na// dus thug ti man me tog 'bras// nang thug ti man yan lag spre// gzhan thug ti man sdong po 'dra// sde tshan bdun bzhi skyabs dang sbyar// las kyi dbye ba grangs la bskyal// grangs 'khyal rang la ldog par 'gyur// rdo rje gtsug lag 'khor lo'i rgyud phyi ma'i phyi ma las/ rme bzlog rtsis bstan pa'i le'u ste gnyis pa'o//// las kyi 'khor lo bstan pa ni// phyi nang gsang ba gsum yin te// phye bas rnam pa dgu ru 'gyur// yan lag bzhir 'gyur de las brgyad// de las phye ba bzhi yin te// de las brgya rtsa gtsig tu 'gyur// de las 'bum phrag bsam mi khyab// rdo rje gtsug lag 'khor lo'i rgyud phyi ma'i phyi ma las/las kyi 'khor lo'i rnam grangs bstan pa'i le'u ste gsum pa'o//// las 'khor bskor ba bcu gcig yin// sngags dang sde dang rkyang pa dang// dge 'dun sder sde chen dang// rgyal po blon po bram ze dang// rje'u dang mu stegs dmangs phal pa'o// de la gnad kyi rim pa sbyar// 'phrin las rim pa de ltar sbyar// bgegs la sde dpon rim bzhin sbyar// rtsod pa gsum pos gsum du 'gyur// de la bzhi la 'bum la gtug/rdo rje gtsug lag gi rgyud phyi ma'i phyi ma las/ 'khor lo bskor thabs kyi rim pa'i le'u bstan pa ste bzhi pa'o//// gtad pa rim pa gsum yin te// phye bas rnam pa dgu ru 'gyur// brid dang bsku dang gzir thabs gsum// brid pa rnam pa gsum yin te// dgra bla grog dang las byed 'dra// rku ba rnam pa gsum yin// 'brub dang 'brel dang 'brel med gsum// gzir ba rnam pa gsum yin te// gsad dang gcun dang zil gnan gsum// sde dpon bco brgyad gang yang rung// kun la dgu dgu sbyar bar bya// gtad thabs rim pa bsdus pa yin// rdo rje gtsug lag gi rgyud phyi ma'i phyi ma las/gtad thabs kyi le'u ste lnga pa'o//// ldog pa'i rim pa mang na yang// rnam pa bzhi ru shes par bya// sngon du ldog dang thug phrad dang// rjes 'jug brtag pa bzhi ru bshad// sngon du ldog pa gsum yin te// lha gdon ma phyed drag sngags 'khrul// gsang rdzas nyams pa gsum yin no// thug phrad ldog pa gsum du 'gyur// nyams pa gsum du bshad pa yin// rjes 'jug ldog pa bzhi yin te// sngags dang rdzas dang gsang ste bzhi// brtag pa rnam pa bzhi yin te// shugs ldan rnam pa bzhi ru bshad// sngags dang rdzas dang ting 'dzin shugs// lha yi shugs gsang rnam pa bzhi// yang na dgu yis gsang bar gsungs// rdo rje gtsug lag 'khor lo'i rgyud phyi ma'i phyi ma las/ldog mtshams kyi rim pa'i le'u ste drug pa'o//// drag po sngags bdag bskang ba ni// dge bsnyen rnam pa gsum yin te// gnam dang sa dang bar dang gsum// gnam gyi bskang dus dus thug pa// bar gyi bskang dus nang thug pa// sa yi bskang dus gzhan thug pa// rig pa rtsal dang drag po sngags// ba mched rdzas dang zang zing rdzas// bsnyen pa'i gnas gsum dag la bsten// bskang ba'i gnas gsum dag la bskang// rdo rje gtsug lag gi rgyud phyi ma'i phyi ma las/ drag po sngags bdag bskang ba'i rim pa'i le'u ste bdun pa'o//// dregs pa spyi dang sgos sgos kyis// gnad dang gshed ma'i rim pa ni// 'jig rten de nyid shes gyur na// dregs pa rang gshed rang gis byed// yi ge bdun gyis gzir byas la// dregs pa'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// dregs pa spyi yi drag sngags so// srid pa dbang byed gshin rje yis// gshin rje'i de nyid shes gyur na// gshin rje rang gshed rang gis byed// yi ge bzhi yis gzir byas la// bshin rje'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// srid pa dbang byed ma mo yin// ma mo'i de don shes gyur na// ma mo rang gshed rang gis byed// yi ge drug gis gzir byas la// ma mo rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// bdud kyi de nyid shes gyur na// bdud kyi rang gshed rang gis byed// yi ge bzhi yis gzir byas la// bdud kyi rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// bdud mo de nyid shes gyur na// bdud mo rang gshed rang gis byed// yi ge bzhi yis gzir byas la// bdud mo rnam shes yig 'bru gcig/'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// lha yi de nyid shes gyur na// lha yi rang gshed rang gis byed// yi ge bzhi yis gzir byas la// lha yi rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// srin po'i de nyid shes gyur na// srin po rang gshed rang gis byed// yi ge bzhi yis gzir byas la// srin po'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// srin mo'i de nyid shes gyur na// srin mo rang gshed rang gis byed// yi ge bzhi yis gzir byas la// srin mo'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// sngags pa lta ba gol ba dag/ ru dra chen po'i gzugs bzung ste// ru tra'i de nyid shes gyur na// ru dra rang gshed rang gis byed// yi ge bzhi yis gzir byas la// ru dra'i rnam shes yig 'bru gcig/'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// gnod sbyin de nyid shes gyur na// gnod sbyin rang srog rang gis byed// yi ge bzhi yis gzer byas la// gnod sbyin rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// gnod sbyin de nyid shes gyur na// gnod sbyin rang gshed rang gis byed// yi ge bzhi yis gzir byas la// gnod sbyin rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// rgyal po'i de nyid shes gyur na// rgyal po rang gshed rang gis byed// yi ge bzhi yis gzir byas la// rgyal po'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// btsan gyi de nyid shes gyur na// btsan rnams rang gshed rang gis byed// yi ge bzhi yis gzer byas la// btsan gyi rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// dmu yi de nyid shes gyur na// dmu yi rang gshed rang gis byed// yi ge bzhi yis gzer byas la// dmu yi rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// the brang de nyid shes gyur na// the brang rang gshed rang gis byed// yi ge lnga yis gzer byas la// the brang rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// 'gong po'i de nyid shes gyur na// 'gong po rang gshed rang gis byed// yi ge lnga yis gzir byas la// 'gong po'i rnam shes yig 'bru gcig/'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// dam sri'i de nyid shes gyur na// dam sri'i rang gshed rang gis byed// yi ge bzhi yis gzir byas la// dam sri'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// klu yi de nyid shes gyur na// klu yi rang gshed rang gis byed// yi ge bzhi yis gzer byas la// gdug pa rnam gsum rna shes la// 'phrog byed yi ge 'bru gsum gyis// snying gi dkyil nas 'phrog cing 'dzin/ gcod byed mtshon cha 'bru bzhi yis// rang srog rang gis gcod par byed// rdo rje gtsug lag 'khor lo'i rgyud phyi ma'i phyi ma las/ dregs pa'i spyi dang sgos sgos gnad la dbab pa'i le'u ste brgyad pa'o//// gcig gsad sde gcad khyad par ni// man ngag ldan pa'i sngags pa la// sdig can gang zhig dgrar langs na// srung byed dregs pa gshed la dbab// dregs pa gzir ba'i sngags 'jug tu// gzas pa'i ming rus gzhug par bya// gzas pa'i rnam shes yig 'bru gcig/ 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang gi phyag cha rang la bskor// srung byed dregs pa gshed du dbab// rang srog rang gis gcod par byed// gcig gsad pa yi drag sngags yin// dregs pa gzir ba'i sngags mjug tu// dgra bo'i srog snying 'bru gnyis bzhag/dgra bo'i srog gi snying po las// 'phrog byed yi ge 'bru gsum gyis// snying gi dkyil nas 'phrog cing 'dzin// gcod byed mtshon cha 'bru bzhi yis// rang srog rang gis gcod par byed// sde gsad pa yi drag sngags yin// gdug pa'i drag sngags mi zad pa// ye nas rang gi rgyud la gnas// dgra byed rkyen gyi srog bskul ba// nyon mongs 'khrul pa'i srog rgyun gcod// 'di ni thabs kyi dam pa ste// gsod pa nyid na gsod pa med// rang bzhin med par de shes na// bsad pa nyid kyi byang chub thob// 'bras bu sku gsum dbyer me rtogs// rdo rje gtsug lag 'khor lo'i rgyud phyi ma'i phyi ma las/ gcig gsad pa dang sde bsad pa'i khyad par bstan pa'i le'u ste dgu pa'o//// mA ra ya 'phreng bsnyen pa ni// bsnyen pa rnam pa bzhi yin te// 'byung bzhi spyi dang bye brag tu// phye na rnam pa lnga ru 'gyur// mA ra 'phreng ba'i bsnyen par gsungs/khyad par bsnyen par bstan pa ni// spyi yi bsnyen bsgrub bstan pa ni// rigs kyi dbye ba bya ba ste// rigs gsum nas bzung brgya la gtug/ yang na gong gi rigs gcig go/bsnyen bsgrub dbye ba lnga ru 'gyur// gcig tu bsgrub dang gnyis su bsgrub// gsum dang bzhi dang bdun du 'gyur// de la gsang sngags rim pas sdeb// sde dpon bco brgyad gang yang rung// rnam pa gsum du shes bya ste// gcig tu bsgrub dang gnyis su bsgrub// gsum dang bzhi dang bdun du 'gyur// ming ni bse dung lcags dang gsum// de la gsang sngags rim pas sdeb// rim pas sdebs pa bzhi yin te// bkra mi shis pa shes bya dang// shes pa mi shes bya ba dang// rno ba rtul bar bya ba dang// rtul ba rno bar bya ba yin// bsnyen bsgrub lnga yi man ngag dang// de la lnga yi man ngag gces// de la bzhi po skabs dang sbyar// rdo rje gtsug lag gi 'khor lo'i rgyud phyi ma'i phyi ma las/ bsnyen bsgrub kyi rim pa'i le'u ste bcu pa'o//// spyi yi gsang sngags gsang ba ni// sku gsum sngags dang drag sngags gsum// swa gsum dregs pa gsum dang sbyar// de la gsum gsum dag tu 'gyur// chos sku sngags gsum longs sku gsum// sprul pa sku ste drag sngags gsum// swa gsum bse dung lcags dang gsum// sku gsung thugs nas brgya rtsa brgyad// spyir ni rgyud sde gang bsgrub dang// de ltar las rnams gsum la sbyar// rdo rje gtsug lag gi rgyud phyi ma'i phyi ma las/ spyi'i gsang sngags gsang ba'i le'u ste bcu gcig pa'o//// rgyud 'di'i lde mig rnam grangs ni// rnam pa dgu ru shes bya ste// dang po bar dang tha ma gsum// gab dang sbas dang gsang ba gsum// 'byed dang 'grol dang 'byin dang gsum// gsang ba'i bka' brgyud ji snyed kun// lde mig dgu yis gsal bar byed// rdo rje gtsug lag 'khor lo'i rgyud phyi ma'i phyi ma las/ lde mig gi grangs kyi le'u ste bcu gnyis pa'o//// gsang ba'i rgyud 'di gzung ba ni// chu srin gre bar rin chen chud ltar gzung// snod min rnams la bstan na ni// byang chub snying po sreg par byed// dpag bsam shing dang bum pa dang// nor bu ltar ni sngags la bzung// de ltar ni sngags la brjod/ de skad ces bka' stsal pas/ drag po chen po'i 'khor rnams yid dga' ste/ bcom ldan 'das kyis gsungs pa la mngon par bstod do// rdo rje gtsug lag gi 'khor lo'i rgyud phyi ma'i phyi ma las/ rgyud yongs su gtad gzung ba'i le'u ste bcu gsum pa'o//// rdo rje gtsug lag 'khor lo'i rgyud phyi ma'i phyi ma rdzogs so////

CLOSE WINDOW