CLOSE WINDOW

Gpb050.045
བོད་ཡིག

rgya gar skad du/ mu phya ma trag tsakra tan+t+ra/ bod skad du/ ye nyid phyi mo mthar thug gi rgyud/ gsang sngags mthar thug 'khor lo ste// gtan la dbab pa'i don bshad na// gnas pa rtsa/ g.yo ba rlung/ bkod pa yi ge/ rtsa ba byang chub sems/ gnyug ma ni mi 'gyur ba'i g.yung drung/ mi shig pa'i rdo rje/ mi nub pa'i rgyal mtshan/ thams cad 'byung ba'i yul de'o// dbyibs dang kha dog 'di ltar snang// byang sems gnyug ma'i 'od zer dang/'gyur med rtag chen g.yung drung las// 'phrin las rnam bzhi rdzogs 'char bas/ zhi ba'i sku grub dkar la zlum// rgyas pa'i sku grub gru bzhi ser// dbang gi sku grub zla kham dmar// mngon spyod sku grub rnam shes brgyad/ 'khor lo brgyad kyi gzhal yas dang/ sna tshogs sprul pa'i tshogs brgyad nas// 'gro ba'i don du yang dag 'phros// 'phrin las skur grub gru gsum gnag/ rnam shes brgyad kyi yul brgyad do// ye phyi 'khor lo zhes pa ni// 'gyur ba med pas ye nyid la// thams cad 'byung bas phyi ma'o// 'khor ba'i gdar bcad sems la ltos// man ngag gtan phebs 'khor lo'o// ye phyi thugs kyi 'khor lo las// dam chos gsang sngags rtsa srog tu// yig smad drug cu rtsa gnyis gnas// yi ge phyi yi mtshan nyid ni// thugs rje 'od 'phros 'di ltar snang// tha ma bzhi bcu rtsa gnyis ni// rin chen nor bu brgyud pa 'dra// yan lag bcu drug mtshan nyid ni// gu gu thugs rje lcags kyu 'dra// zhabs skyed sgom chen skyil krung 'dra// 'greng bu rtsal chen dbyug tho 'dra// na ro thang dkar lding ba 'dra// ya ta gyad pa'i skras btsugs 'dra// phra gnyis skar chen shar ba 'dra// gcod bzhi sbrul nag 'khyud pa 'dra// a ni yab yum gnyis med don sdud pa'o// gsang don nges pa'i a lnga ni// 'gyur med g.yung drung chos sku la// skye ba'i cho 'phrul rtags bstan pa'o// a ti rtse mo byung rgyal de// ma bcos gnyug ma'i don bstan phyir// a gcig dbyings shad lta bu 'dra// byang sems thig le gnyug ma'i ngang// 'gyur med g.yung drung shar na gnas// yab yum thabs dang shes rab las// dbyings dang ye shes don bstan phyir// i gcig brtsos pa'i ra dang 'dra// byang sems thig le gnyug ma yi// 'gyur med g.yung drung lho na gnas// snang srind gtan la dbab pa dang// sems can thugs rjes bzung ba'i phyir// a gcig ba dan phyar ba 'dra// byang sems thig le gnyug ma yi// 'gyur med g.yung drung nub na gnas// gzugs phung lha ru bsgrub pa dang// nga bdag mi gzung mnyam bzhag phyir// a gcig seng ge kha dbyal 'dra// byang sems thig le gnyug ma yi// 'gyur med g.yung drung byang na gnas// zhi bas mi 'dul dus byung na// drag po'i 'phrin las mthar dbyung phyir// a gcig lha tshangs mig dang 'dra// byang sems thig le gnyug ma yi// 'gyur med g.yung drung dbus na gnas// thams cad ji ltar gnas shes na// a lnga byang sems gnyug ma yi// rtag chen g.yung drung sku la gnas// ka lnga rnam shes shar gling gi/ zla kham kang ka ri la gnas// ta lnga rnam shes lho gling gi/ sogs ka baiDUr+Ya la gnas// pa lnga rnam shes nub gling gi/ zum por ga ra dmar la gnas// rtsa lnga rnam shes byang gling gi/ gru bzhi in+t+ra ljang la gnas// tsa lnga rnam shes shar lho'i gling// rdo rje rgya gram gser la gnas// Ta lnga rnam shes lho nub gling// rin chen rgya gram smug la gnas// zha lnga rnam shes byang chub gling// pad+ma rgya gram dkar la gnas// ra lnga rnam shes byang shar gling// 'khor lo rgya gram lcags la gnas// yang dag nges pa'i don du na// gsang ba'i yi ge a lnga ni// sems nyid yi ge gsang gter gyi// 'gyur med g.yung drung sku la gnas// ka smad bzhi bcu tham pa ni// rnam shes tshogs brgyad gzhal yas khang// gser gyi 'khor lo rtsibs brgyad dkyil// sna tshogs sprul pa'i mkha' na gnas// rnam shes brgyad kyi yul brgyad na// yan lag yi ge bcu drug gnas// de yi 'phrin las mthar phyin yi ge'o// rgyu rkyen don sbyor mthar sdud pa'i// yan lag yi ge bcu drug pa'o// rims sam ji ltar gnas she na// shar nas rim med 'khor bar gnas// ye nyid phyi mo'i 'khor lo yi// 'od zer 'phro 'du de ltar gnas// de don gtan la dbab pa'i phyir// bla ma brgyud pa'i man ngag dang// rtog pa rnam bzhi gtan la dbab// bla ma brgyud pa'i man ngag ni// gsang sde bco brgyad 'phyong la thug/ rtog pa rnam bzhi zhes pa ni// rang bzhin rnam par rtog pa dang// zhar las byung ba'i rtog pa dang// ched du byas pa'i rtog pa dang// nga bdag 'dzin pa'i rtog pa'o// rnam rtog bzhi yi spyad brtags la// ka la sogs te bzhi bcu gnyis// gnas brgyad dag nas drang bar bya// snying kha mgrin pa rkan dang lce// so dang mchu sna spyi bo gtsug/ zhi rgyas dbang dang mngon spyod 'phrin las lnga// sgra yi byed brag shes bar bya'o// mthar thug sgra yi bye brag ni// shes pa rnam bzhis gtan la dbab// ma rig 'khrul pas shes pa dang// rtog spyod laM gyis shes pa dang// rigs ldan mkhas pa'i shes pa dang// ma bcos gnyug ma'i shes pa'o// shes pa rnam bzhi mdud bkrol la// de ba bsad kyi sgra bcu yi// 'gyur med g.yung drung thig le dang// gsang ba thugs kyi gnas bcu nas// yig smad drug bcu rtsa gnyis grangs// sgra bcu'i don du gang zhe na// a mu ta dang g+ha ling ta/ dza du ta dang d+ha ri ta/ ka ta ti dang b+hi ru ta/ dza 'u ta dang 'u rgaM ta/ sha li ta dang 'du 'phro ta'o/a lnga byang sems gnyug ma'o// 'gyur med g.yung drung thig le nas// a mu ta yi sgra grangs la// gsang don mthar thug thams cad spro// ka lnga shar gyi 'khor lo dang// kang kha zla kham mkhar nang nas// g+ha li ta yi sgra grangs la// snying srog rtsa nas thams cad spro// ca lnga lho shar 'khor lo dang// gser gyi rdo rje'i mkhar nang nas// dza du ta yi sgra grangs la// mgrin pa'i gsang nas thams cad spro// ta lnga lho yi 'khor lo dang// baiDUr sogs kha'i mkhar nang nas// da ri ta yi sgra grangs la// rkan gyi bar nas thams cad spro// Ta lnga lho nub 'khor lo dang// rin chen smug po'i mkhar nang nas// da ra ta yi sgra grangs la// lce yi dkyil nas thams cad spro// pa lnga nub kyi 'khor lo dang// ra ka zlum po'i mkhar nang nas// bi du ta yi sgra grangs la// mchu yi rtse nas thams cad spro// rtsa lnga byang gi 'khor lo dang// in+t+ra gru bzhi'i mkhar nang nas// dza bu ta yi sgra grangs la// so yi gseb nas thams cad spro// zha lnga byang chub 'khor lo dang/ pad+ma dkar po'i mkhar nang nas// 'u rgaM ta yi sgra grags la// sna yi sbubs nas thams cad spro// ra lnga byang shar 'khor lo dang// lcags ka 'khor lo mkhar nang nas// sha li ta yi sgra grangs la// spyi bo'i gtsug nas thams cad spro// gu gu la sogs yan lag rnams// 'du 'phro ta yi sgra grangs la// rnam shes brgyad kyi yul brgyad na// rim min 'khor bar gnas pa ni// skabs sbyar dgos 'brel don dam du// man ngag can gyis gtan la dbab// yang na man ngag mchog la thug/ gsang ba mthar thug man ngag tu// gsang sngags sgra la mang na yang// sgra yi rtsa ba bzhir 'dus te// gyen mthur du rgyug pa'i sgra dang/ rmel bzhi ru 'gro ba'i sgra dang/ 'bros 'ded kyi sgra dang/ rang thad du gnas pa'i sgra'o// gyen thur du rgyug pa'i sgra la lnga/ gyen du rgyug pa'i sgra gsum/ thur du rgyug pa'i sgra gnyis so// gyen du rgyug pa'i sgra gsum ni// lcags kyu rgod lding dbyug tho'o// thur du rgyug pa'i sgra gnyis ni// skyil krung gyang skras btsug pa'o// rmel bzhir 'gro ba'i sgra bdun la// rga sgra lag sgra bla k+sha sgyu ma di'o// 'bros 'ded kyi sgra la bcu bzhi ste/ 'bros pa'i sgra la dgu/ 'ded pa'i sgra la lnga'o// 'bros pa'i sgra dgu ni/ kag/ kang/ kad/ kan/ kab/ kaM/ kar/ kal/ kas/ 'ded pa'i sgra lnga ni/ gda'/ dka'/ bka'/ mkha'/ 'ga'/ rang thad du gnas pa'i sgra ni/ yan lag kyis kyang ma 'brel ba'o// gdab sar shar gnad sa/don dam dgos 'brel sgra rnams ni// rang bzhin 'od zer shugs kyis 'byung ngo// gsang ba mthar thug man ngag tu// gsang sngags sgra yi gnas brgyad nas// sde brgyad rang skad sgra yi grangs pa la// lha yi rang skad sgra yis grangs pa dang// klu yi rang skad sgra yis grangs pa dang// gshin rje'i rang skad sgra yis grangs pa dang// bdud kyi rang skad sgra yis grangs pa dang// srin po'i rang skad sgra yis grangs pa dang// lha mo'i rang skad sgra yis grangs pa dang// gnod sbyin rang skad sgra yis grangs pa dang// mu stegs rang skad dgra yis grangs pa dang brgyad do// de la gsang sngags sgra yis gsang don du// sgra de dag la bzhi bzhir grangs// rang skad re la sgra bzhi yis bod pa'o// sad kar tsa las grangs pa ni// lha yi rgyal po bod pa'i sgra'o// de ba ge tra yas grangs pa// lha bdud dregs chen bod pa'i sgra'o// sod de ngar ma yas grangs pa// lha bran pho mo bod pa'i sgra'o/ kha la ma 'dus yas grangs pa// yul lha yul sman bod pa'i sgra// nA ga rA dza yas grangs pa// klu yi rgyal po bod pa'i sgra'o// nA ga de ba yas grangs pa// klu yi sgra rnams bod pa'i sgra'o// nA ga ma ge yas grangs pa// klu bdud pho mo bod pa'i sgra'o// nA ga ya ma yas grangs pa// hal ti mgo dgu bod pa'i sgra'o// ya ma ra dza yas grangs pa// gshin rje yab yum bod pa'i sgra'o// ya ma tri yas drangs pa ni// gshin rje gsang byed bod pa'i sgra'o// ya ma ge rag yas grangs pa ni// gshin rje pho bdud mo bdud bod pa'i sgra'o// ya ma tri ta yas grangs ba ni// gshin rje phung byed bod pa'i sgra'o// ge ya nag shi yas grangs pa// nag mo bkrag med bod pa'i sgra'o// ge srib ni su pa yas grangs pa ni// gsang ba mi rku bod pa'i sgra'o// ge tib tar sha yas grangs pa// shan pa phung byed bod pa'i sgra'o// ge ba phu ga ti yas grangs pa dang// lkug pa 'dzu mul bod pa'i sgra'o// dkrugs shig pus tar yas grangs pa// 'da' ka 'gri ba bod pa'i sgra'o// trag sha traM ta yas grangs la// lang ka mgrin bcu bod pa'i sgra'o// rag sha bu yis yas grangs pa// chag gar lag rings bod pa'i sgra'o/ khrag sha du ma ta yas drangs pa// srin po khrag mig bod pa'i sgra'o// ma ma ru lus yas grangs pa// dbyings kyi lha mo bod pa'i sgra'o// me mo ro ru yas grangs pa// mkha' yi lha mo bod pa'i sgra'o// rag mo yag mo yas grangs pa// mi zad lha mo bod pa'i sgra'o// ru lu yag sha yas grangs pa// las kyi ma mo bod pa'i sgra'o// hri tsa ag shu las grangs pa// gnod sbyin rgyal mo bod pa'i sgra'o// traM laM saM thun yas grangs pa// gnod sbyin rgyal po bod pa'i sgra'o// tri tsar haM shaM yas grangs pa// gnod sbyin shan pa bod pa'i sgra'o// tri ga ra rag yas grangs pa// gnod sbyin ser 'bebs bod pa'i sgra'o// i tra ra gra yas grangs pa// dbang phyug chen po bod sgra'o// 'ga' yi 'dzu'u yas grangs pa// u ma de ba bod pa'i sgra'o// 'di stang ta gi yas grangs pa// mu stegs nag po bod pa'i sgra'o// 'bri tha rngam 'dar yas grangs pa// mu stegs phung byed bod pa'i sgra'o// gsang sngags mthar thug man ngag tu// bod sgra sum cu rtsa gnyis kyis// chos skyong srung ma dam can rnams// gtan la phab nas las la 'bod// bka' la btags nas las la 'gyed// 'khor bsrung rkyen zlog rigs brgyud 'phel// ci 'dod re ba yid bzhin skong// 'dod pa phun sum dngos grub ster// rnal 'byor sku bstan 'khor tshogs spel// dgra rnams rtsa rgyud drung nas 'byin// bgegs rnams thal ba brdul du rlog/ thog ser nad kyi skyin thang 'bebs// ltas ngan cho 'phrul sna tshogs gtong// smyo 'bog jag chings rings par byed// tsi tsi dz+wa la'i dug mda' 'phen// kun gzhi byang chub thugs kyi dkyil// ye nyid phyi mo'i 'khor lo las// don ldan dgos 'brel mthar thug tu// gsang sngags rtsa ba'i sgra brgyad shar// sgra brgyad don gyi snying po las// phyi nang gsang ba'i mthar thug byung// gdam ngag nges tshigs gang dang gang zhe na// sum cu rtsa gnyis ma nor bar// pad+ma 'byung gnas sprul sku yis// thugs kyi man ngag klong brtol nas// so sor phye nas gtan la phab pa'o// mdo rtsa dril bas lnga ru 'dus// gtan tshigs gang dang gang zhe na// 'byung ba lnga dang yul lnga dang// phung po lnga dang yab lnga dang// yi ge lnga dang dbang po lnga// lha lnga sku la ye shes lnga// thig le lnga dang 'khor lo dang// ting 'dzin nyams lnga mthar thug pa'i// lnga mtshan bcu gnyis gsang ba'i don// de dag sems nyid 'phro 'du'o// rad na tsakra rgya snol sgras// zhi khro yab yum gtan la dbab// ma rag sti sta tsakra'i sgras// ma phur yab yum gtan la dbab// ya ma a tring tsakra'i sgras// gshin rje yab yum gtan la dbab// tri du ma du tsakra'i sgras// gnod sbyin ming sring gtan la dbab// nA ga ya kri tsa kra'i sgras// klu bdud pho mo gtan la dbab// 'khor lo lnga yi sgra dang nges tshig gi/ mthar thug mdo rtsa bsad don du// gsang sngags zhi khro rab 'byams la// rgyas pa 'dus pa mdo dang mthar thug bzhi// phyi slob nang slob sems nyid don bsdus la// de gsang ba rin po che'i 'khor lo'o// badzra ti ba ta tsakra'i sgras// ya man ta ka phur pa'i lha// gsang ba'i 'khrul 'khor gtan la 'bebs// de lus gnas rtsa rlung 'khor lo// ma ti ru rag tsakra'i sgras// lha mo yag sha dam can ma'i// gsang ba 'khrul 'khor gtan la 'bebs// de btags pa shes rab yig 'bru'i 'khor lo'o// zla mig yon tan tsakra'i sgras// ya man gshin rje gshed po yis// gsang ba'i 'khrul 'khor gtan la 'bebs// de nyid ma bzhi pa'i 'khor lo'o// sa 'du a kri tsakra'i sgras// gling chen gsang ba sdog med kyi// gsang ba srog gi 'khor lo dang// mtshon cha'i 'khor lo gtan la 'bebs// nA ga mun ting tsakra'i sgras// hal ti za byed mgo dgu yis// drag po'i las rnams mthar dbyung phyir// las bzhi'i 'khor lo gtan la 'bebs// las bzhi 'khor lo zhes pa ni// sdig pa las kyi 'khor lo dang// rlung nag las kyi 'khor lo dang// mdze nad las kyi 'khor lo dang// sa bdag srog gi 'khor lo dang bzhi'o// phyi ltar nang ltar 'dir ma gsungs// 'dir ni gsang ba ltar dang mthar thug gtan la phab pa'o// mthar thug mdo rtsa dril ba yis// yan lag yang snying bzhi las med// yang snying bzhi po gang zhe na// bde gshegs sku las khro bo'i skur byung ba// 'phags pa 'jam dpal ya man ta ka yi// rin po che thugs kyi 'khor lo ni// 'gyur dang mi 'gyur blang bzhag gis// sgra yis gtan la 'bebs pa'o// dbyings kyi yum las khro mo'i skur phyung ba// ma cig lha mo yak+sha daM can ma'i// rngaM brjid gnag pa'i 'khor lo ni/ khyu 'khor lcags kyi 'phro 'du yis// sgra yis gtan la 'bebs pa'o// chos skyong srung ma mthu chen bzhis// gcig tu dril nas mthar thug pa'i// 'khrul 'khor rgyal mtshan snying gi me long ni// 'byung ba rim brtsegs tan tra'i sgra yis gtan la 'bebs// kun gyi gzhi gyur 'byung gnas yul// thams cad rtsa srog bskyed pa'i gzhi// dbyibs dang kha dog gzugs su 'dod// ji ltar sna tshogs gang yang yin// ye phyi gnyug ma'i 'khor lo'i// kun gzhi byang sems thugs dkyil gyi// ye nyid phyi mo'i 'khor lo las// man ngag thams cad phros na yang// mdo rtsi sgra don brgyad kyi 'chad// sgra brgyad gang dang gang zhe na// lha yi sgra yis 'chad pa dang// gling bzhi sgra yis 'chad pa dang// 'khor lo sgra yis 'chad pa dang// gnas brgyad sgra yis 'chad pa dang// yi ge rang 'dren sgra yis 'chad pa dang// rin chen sna tshogs sgra yis 'chad pa dang// 'gyur med thig le'i sgra yis 'chad// de bsad kyis sgra bcus 'chad pa dang// de ltar mdo rtsa sgra brgyad do// mdo rtsa sgra brgyad gang zhe na// zhi khro yab yum 'khor bcas pa'i// zhi rgyas dbang dang mngon spyod dang// lha sgom man ngag mthar thug la// rgyud 'brel lha yi sgra yis 'chad// ma phur yab yum 'khor bcas pa'i// bsad gso dbab bcad jag chings kyi// mdo rtsa yang snying mthar thug rnams// gling bzhi spyi skad sgra yis grangs// gshin rje yab yum 'khor bcas pa'i// bsad gso dbab bcad jag chings kyi// mdo rtsa yang snying mthar thug rnams// 'khor lo rang 'byung sgra yis 'chad// gnod sbyin ming sring 'khor bcas pa'i// bsad gso dbab bcad jag chings kyi// mdo rtsa yang snying mthar thug rnams// gnas brgyad dang len sgra yis 'chad// rigs gsum mgon po'i dpa' bo grub pa yis// man ngag mdo rtsa mthar thug rnams// yi ge rang 'dren sgra yis 'chad// dpe dri ma sad yab yum 'khor bcas pa'i// man ngag mdo rtsa mthar thug nas// rin chen sna tshogs sgra yis 'chad// bdud rtsi sman dang tshe bsgrub pa'i// man ngag mdo rtsa mthar thug rnams// 'gyur med thig le sgra yis 'chad// lha klu mu stegs ngan sngags kyi// mdo rtsa yang snying mthar thug rnams// sde brgyad rang skad lhug pa dang// de ba sad kyi sgra bcus 'chad// rngam pa gza' chen drags sngags rnams// rang rang skad dang gsang sgras 'chad// gsang sngags mdo rtsa mthar thug btsan thabs rnams// nges pa'i bshad lung bzhi la 'dus// ri rab rtse sprod du bshad pa dang// gling bzhi zur sprod du bshad pa dang// chu bo 'od sprod du bshad pa dang// rgya mtsho gling sprod du bshad pa dang// 'di bzhi man ngag yang snying ngo// sngags kyi mdo gcod chen po bzhi zhes kyang bya'o// mun pa sel ba'i sgron ma bzhi zhes kyang bya'o// de bzhin lta ba'i me long bzhi zhes kyang bya'o// ngan sngags gcod pa'i spu gri bzhi zhes kyang bya'o// da ni gsang ba mthar thug gi yang snying rnams 'chad de// dang la phur pa'i yang snying kI la ya 'bru dgu dang// ma mo'i yang snying ru lu 'bru dgu la// gling bzhi skad sgra yis 'chad la// gling brgyad dbus kyi gling dkyil nas// gru gsum cho 'phrul a blangs la// yan lag yi ge rgod lding rgyan// shar phyogs gling gi byang dkyil nas// lha srog yi ke nga blangs la// nub phyogs gling gi byang gling nas// lha srog yi ge ma blangs la// steng nas gsang ba'i thig le mdzes// byang nub gling gi lho gling nas// lha srog yi ge 'a blangs la// gru gsum cho 'phrul a las 'brel// gsang ba 'dus pa'i snying po de// bkra shis dbang ldan phyir na gling du bzhag/ nub phyogs gling gi lho gling nas// lha srog yi ge ba blangs la// byang phyogs gling gi gling dkyil nas// lha srog yi ge dza dang ldan// byang shar gling gi gling dkyil nas// lha srog yi ge ra yis sbrel// de 'og drag po phra yis bcad// shar phyogs gling gi gling dkyil nas// lha srog yi ge ka blangs la// yan lag yi ge lcags kyus brgyan// byang shar gling gi shar gling nas// lha srog yi ge la glangs la// yan lag yi ge lcags kyus brgyan// de 'og drag po phra yig bcad// shar phyogs gling gi gling dkyil nas// lha srog yi ge ka blangs la// yan lag yi ge lcags kyus brgyan// byang shar gling gi shar gling nas// lha srog yi ge la blangs la// byang nub gling gi byang dkyil nas// lha srog yi ge ya blangs la// rang rang phra yis bcad la bzhag/ gling brgyad dbus kyi byang gling nas// lha srog yi ge ha blangs la// byang nub gling gi lho gling nas// lha srog yi ge 'a yis 'brel// yan lag yi ge skyil krung brgyan// steng nas gsang ba'i thig les mdzes// lho phyogs gling gi byang gling nas// lha srog yi ge da blangs la// yan lag yi ge skyil krung brgyan// lho phyogs gling gi byang gling nas// lha srog yi ge na dang ldan// byang phyogs gling gi lho gling nas// lha srog yi ge dza blangs la// gsang srog drang phyir dun 'dzar bzhag go/ ki la la'i yang snying 'bru dgu gtan la dbab pa'o// da ni lha mo'i yang snying ru lu 'bru dgu pa gtan la dbab pa ni// gsang ba 'dus pa'i snying po'o// byin rlabs phun sum tshogs phyir spyi gtsug 'khyil// nub gling lho nas ma blangs la// mi 'gyur yum gyi snying po gzhag/ byang shar gling dkyil ra blangs la// yan lag yi ge gnyis pas brgyan// byang shar gling gi shar nas la blangs la// yan lag yi ge gnyis pas brgyan// de nyid lan gnyis grang bar bya'o// dbus kyi byang nas ha blangs la// byang nub gling gi lho gling nas 'a yis 'brel// yan lag yi ge gnyis pas brgyan// shar gling byang nas blangs la// nub gling byang nas nga blangs la// nub gling byang nas ma yis 'brel// 'gyur med g.yung drung thig les mdzes// nub gling byang nas ba blangs la// dbus kyi byang nas ha yis 'brel// yan lag yi ge ka bzhis brgyan// lho gling lho nas da blangs la// yan lag yi ge gnyis pas 'brel// lho gling byang nas na dang ldan// byang gling lho nas dza blangs la// dam can bod phyir dun dzar bzhag go/ ma cig lha mo'i yang snying 'bru dgu pa// gling dgu rang skad sgra yis gtan la dbab pa'o// da 'jam dpal ya man ta ka yi// mdo rtsa mthar thug lha yi 'dzab// sngags 'bru sum bcu rtsa gnyis pa// 'khor lo rang byung sgra yis 'chad pa la// ye nyid phyi mo'i 'khor lo yis// byang nub 'khor lo thung 'dren dang// nub phyogs 'khor lo'i thung 'dren dang// byang nub 'khor lo'i thung 'dren la// rin chen phra bcad drag tu bzhag/ byang shar 'khor lo'i thung 'dren dang// nub phyogs 'khor lo'i thung 'dren dang// byang nub 'khor lo'i thung 'dren la// rin chen phra bcad drag tu bzhag/ de 'og dbus phyogs 'khor lo'i rang 'dren bzhag/shar phyogs 'khor lo'i rang 'dren la// byang shar 'khor lo'i rang 'dren 'brel// de la thang dkar lding bas brgyan// byang shar 'khor lo'i dal 'dren la// byang shar 'khor lo'i rang 'dren 'brel// de la thugs rje lcags kyus brgyan// nub phyogs 'khor lo'i 'byung 'dren dang// lho phyogs 'khor lo'i thung 'dren ldan// byang nub 'khor lo'i dal 'dren dang// byang phyogs 'khor lo'i dal 'dren ldan// de la skyil mo krung gis brgyan// nub byang 'khor lo'i rang 'dren dang// byang phyogs 'khor lo'i dal 'dren la// rin chen phra yis bcad la bzhag/ lho phyogs 'khor lo'i dal 'dren la// de la rtsa chen dbyug thos brgyan// byang shar 'khor lo'i rang 'dren la// de la thang dkar lding bas brgyan// byang nub 'khor lo'i thung 'dren la// nub phyogs 'khor lo'i thung 'dren mdzes// de nyid lan gnyis drang par bya'o// lho phyogs 'khor lo'i drag 'dren la// de la skyil mo krung gis brgyan// nub phyogs 'khor lo'i thung 'dren mdzes// de nyid lan gnyis drang bar bya'o// byang nub 'khor lo'i thung 'dren dang// nub phyogs 'khor lo'i thung 'dren dang// nub byang 'khor lo'i thung 'dren la// rin chen phra yis bcad la bzhag/ byang nub 'khor lo'i dal 'dren la// de la thugs rje lcags kyus brgyan// byang phyogs 'khor lo'i rang 'dren la// de la thugs rje lcags kyus brgyan// lho nub 'khor lo'i rang 'dren dang// byang shar 'khor lo'i drag 'dren la// rin chen phra yis bcad la bzhag/ nub phyogs 'khor lo'i dal 'dren la// byang shar 'khor lo'i dal 'dren 'brel// de la rtsal chen dbyug thos brgyan// byang shar 'khor lo'i thung 'dren ldan// byang shar 'khor lo'i dal 'dren dang// shar phyogs 'khor lo'i ring 'dren ldan// byang shar 'khor lo'i rang 'dren la// de la skyil mo krung gis brgyan// lho nub 'khor lo'i rang 'dren la// de la thugs rje lcags kyus brgyan// lho phyogs 'khor lo'i drag 'dren la// de la skyil mo krung gis brgyan// lho phyogs 'khor lo'i thung 'dren ldan// nub phyogs 'khor lo'i dal 'dren la// thams cad mthar dbyung dngos grub thob bya'i phyir// gyad skas rgod ling gnyis kyis brgyan no// de ltar lha 'dzab sum cu rtsa gnyis pa// mi 'gyur gtan la phab pa'o// 'dis gang la yang the tshom med na yang// dgra bo bsad dang smyo dang jag chings dang// rengs dang mig gis mi mthong bar bya ba dang// thog ser dbab dang bsrung ba dang// dgra bgegs gdul zhing gzer ba dang// 'khor rnams bsrung zhing rkyen rnams bzlog par bsngags so// bcom ldan 'das 'jam dpal dpa' bo grub pa yi// mdo rtsa man ngag mthar thug pa'i// gnag pa thugs kyi yang snying// 'khor lo'i ring 'dren sgra yis 'chad pa la// rigs lnga'i sangs rgyas dbu la rdzogs// 'khor lo dbus kyi thung 'dren la// dbyug thos brgyan la zungs shig bzhag/lho nub 'khor lo'i rang 'dren la// de la lcags kyus rgyan pa dang// byang shar 'khor lo'i dal 'dren la// de nyid lan gnyis drangs la bzhag/ nub phyogs 'khor lo'i dal 'dren la// lho phyogs 'khor lo'i thung 'dren ldan// lho nub 'khor lo'i rang 'dren bzhag/ de nyid lan gnyis drangs la bzhag/ lho yi 'khor lo'i rang 'dren dang// byang shar 'khor lo'i rang 'dren dang// byang nub 'khor lo'i thung 'dren la// rin chen phra bcad drag tu bzhag/ de nyid lan gnyis drangs la bzhag/ lho yi 'khor lo thung 'dren la// de la lcags kyus bzhag la bzhag/ byang shar 'khor lo'i drangs 'dren la// de la skyil mo krung gis brgyan// lho yi 'khor lo'i thung 'dren ldan// lho nub 'khor lo'i rang 'dren gzhag/ de nyid lan gnyis grangs la gzhag/ de 'og 'khor lo'i thung 'dren bzhag/byang shar 'khor lo'i thung 'dren la// nub kyi 'khor lo'i dal 'dren 'brel// 'khor lo'i dbus kyi rang 'dren la// de la lcags kyus brgyan pa dang// byang shar 'khor lo'i rang 'dren ldan// lho yi 'khor lo'i thung 'dren dang// lho nub 'khor lo'i thung 'dren ldan// nub kyi 'khor lo'i thung 'dren dang// lho yi 'khor lo'i thung 'dren la// de la lcags kyus brgyan la bzhag/ dbus kyi thung 'dren 'khor lo la// byang nub 'khor lo'i dal 'dren 'brel// de la skyil mo krung gis brgyan// de la gsang ba'i thig les mdzes// de dag lan gnyis grangs la bzhag/ nub phyogs 'khor lo'i drag 'dren dang// lho nub 'khor lo'i rang 'dren ldan// de nyid lan gnyis grangs la bzhag/ byang shar 'khor lo'i thung 'dren la// byang gi 'khor lo'i thung 'dren 'brel// dbus kyi 'khor lo'i thung 'dren bzhag go/ de ltar gnag pa thugs kyi yang snying// sngags 'bru sum cu rtsa bzhi pas// las thabs sum cu rtsa bzhi thar 'don na// mi 'gyur don dang ldan par gtan la phab pa'o// de nyid phyi mo'i 'khor lo'i rgyud rdzogs so////

CLOSE WINDOW