314a1 gnad shin du che'o// gzus ston rin chen rgyal po'i mtshon cha'o//// rgya gar skad du/ ba la pa tra b+ha las dzi tan+t+ra nA ma/
314a2 bod skad du/ bzang mo stobs kyi srog gi rgyud ces bya ba/ dpal khrag 'thung la phyag 'tshal lo// 'di skad bdag gis thos pa'i dus gcig na/ bcom ldan 'das mngon rdzogs rgyal po mkha' 'gro ma thams cad
314a3 'du ba'i gnas dur khrod chen po na bzhugs te/mkha' 'gro ma'i tshogs bsam gyis mi khyab cing/ brjod kyis mi lang ba dang/ dpal khrag 'thung gi tshogs gdug pa can thams cad 'dul ba dang thabs cig tu
314a4 bzhugs so// gnas de dag thams cad la phyogs bcur 'od zer sna tshogs pa 'phros pa dang/ dur khrod kyi bya sna tshogs skad snyan pa 'byin cing dur khrod kyi rgyan thams cad kyang rang rang gi sgra snyan pa 'don pa
314a5 dang/snying brgya rtsa brgyad dang/ khrag brgya rtsa brgyad la sogs pa longs spyod pa'o// de'i dus nam mkha' la sgra chen po cig byung ste// 'jig rten gyi khams thams cad ni shin tu yang sdug bsngal lo// de'i nang
314a6 nas kyang khams gsum gyi sangs rgyas kyi bstan pa 'jig par 'gyur ro zhes sgra byung bas/dpal khrag 'thung khams gsum gyi sems can thams cad sdug bsngal spyod ces bya ba'i ting nge 'dzin la snyoms par
314b1 zhugs so// de dag la snyoms par bzhugs pas/ khams gsum gyi sems can thams cad pa la la la tra rtse bar gzigs nas/ ma mo chen mo pa la tra zhes bya ba/ sems can gyi dus na las ngan pa ma zad pa'i
314b2 dus na srog chags thams cad gsad pa'i las byas pas/rnam par smin pa'i 'bras bus sems can dmyal ba'i gnas su skyes so// de las thar nas gshin rje'i 'jig rten du skyes te/ sngon gyi las blangs nas
314b3 yang sems can gyi srog gcod pa cig tu gyur to/khams gsum gyi sems can thams cad gsod par gzigs nas// dpral ba'i dbus nas 'od zer sna bzhi phyung ste/ 'od zer de las mtshon cha'i char chen po
314b4 snying zan ma bzhi po de dag la phab nas/slar khros te 'jig rten gyi khams thams cad phung bar byas so// dpal khrag 'thung chen po'i thugs kha nas 'od zer sna bzhi bton pas/ shar phyogs kyi 'od zer las
314b5 srid pa'i rgyal po dkar mo dang/rkun ma 'gugs pa'i tshogs bsam gyis mi khyab cing brjod kyis mi lang ba dang/ dbu gsum zhabs bzhi phyag bcu gnyis dang ldan pa sha dag tu gyur to// lho phyogs kyi 'od zer
314b6 las sems can thams cad kyi tshe srog la mnga' mdzad ma/ral gcig ma zhes bya ba dpral ba'i dbyes na mig gzur gsum cig yod pa/ kha dog mthing smug ti 'dug pa/ de'i 'khor sngon mo dang/ 'gugs ma
315a1 dang/sdom ma la sogs pa bsam gyis mi khyab cing brjod kyis mi lang bar gyur to// nub phyogs kyi 'od zer las lha mo re ma ti ral pa gcig 'grengs kyis stong gsum khyab pa/ mig gcig gi
315a2 stong gsum gzigs pa/so gcig gis sems can thams cad kyi skye shi'i rtsa ba gcod pa/ gshog pa gcig gis stong gsum thams cad g.yeng bar mdzad pa/ rkang pa gcig gis khams gsum thams cad khyab
315a3 par 'gro ba/nu ma gcig gis sems can thams cad kyi sri'u gso ba/ 'khor dmar mo'i tshogs dang/ 'gugs ma'i tshogs dang/ sdom ma'i tshogs bsam gyis mi khyab cing brjod kyis mi lang ba byung bar gyur
315a4 to// byang phyogs kyi 'od zer las dbang po thams cad la dbang byed pa'i bdag mo// skad cig gcig gis kun tu rgyug pa/ mig la sogs pa kun thogs pa med par 'dug par byed pa/ de'i 'khor ser mo'i
315a5 tshogs dang/'gugs mo dang/ 'bebs ma'i tshogs bsam gyis mi khyab cing brjod kyis mi lang ba byung bar gyur to// de ltar byung bar dpal khrag 'thung 'khor de dag dang bcas te// phung byed ma de dag rnams
315a6 dad pa las/dkar mo'i tshogs de dag thams cad kyis/ phung byed ma de dag gi dbugs la dbang byas/ rkun ma de dag gis rla dbang du bsdus/ 'gugs mas dkrug nas/ dpal chen po'i zhabs 'og tu bskyur
315b1 ro// dpal khrag 'thung chen po me chen po phyogs bzhi nas spar te/ phyag drug gis mtshon chas gzir ba las thugs rje'i bdag mo thong/ bdag cag gzhan yang sngaun sems can gyi dus na dur khrod kyi baM snying
315b2 dang/bya'i snying dang/ khyi shel mig po'i snying dang/ lug kham brgya'i snying rnams zas su btsal bas srog la dga' bar gyur te/ de'i las kyi rnam par smin pas sems can dmyal ba'i du kha yang nyams su myong
315b3 ngo// de ltar yang gsod dam ci thong/ zhes brjod pas/ dpal khrag 'thung gis ha ha'i sgra drag po bsgrags pas de dag brgyal bar gyur to// brgyal ba sangs nas 'khor dag dpal khrag 'thung gi 'khor
315b4 'bangs bgyid/srog gi snying po yang 'bul bar 'tshal lo// srog gi snying po phul ba/ trag rag+sha pa tra ru lu ru lu snying kha rag ma b+h+yo/ trag rag+sha trag rag+sha e ka dza ti mi tra snying
315b5 kha rag ma b+h+yo/ru ru ro ru tsa pa la snying kha rag ma b+h+yo/ tad+yathA ru ru ro ru bi ti ta pa to rmi ba to si b+h+yo/ zhes rang gi 'khor thams cad dang dam tshig khas len par gyur to// dpal chen po bdag cag rnams kyis dpa' bo chen po'i 'khor thams cad
315b6 bsrung zhing bskyang bar bgyi'o// dam pa'i chos tshul bzhin du bsrung ba dang bskyang bar bgyi'o// bdag cag gi bzang ba'i skal ba gang gis bgyi/ bka' stsal du gsol/ zhes zhus pa la/ dpal khrag 'thung gi
316a1 gdan gyi 'og nas bton nas mna' bsgags pa/bdud rtsi rnam pa lnga la/ oM a mr-i ta tsit+ta tiSh+Tha/ zhes bdud rtsi blud de mna' bsgags so/ khyed rnams kyi bza' ba'i skal pa ni sangs rgyas kyi
316a2 bstan pa bshig par byed pa/dkon mchog gi dbu 'phangs smod par byed pa/ ngan pa'i ngang tshul can dben ris dang chos 'khor bshig cing skye bo yongs la 'tshe ba/ de dag gi snying zas skal byed cing bsngos
316a3 nas 'jig rten gyi khams bde ba la bkod do// bzang mo stobs kyi srog gi rgyud las/ gleng bzhi'i le'u ste dang po'o//// de nas bcom ldan 'das la 'di skad ces gsol to// sngon gyi las mi dge ba las
316a4 grub pa'i lo ka phung par byed pa'i ma mo 'di dag/dpal chen po'i dam la gnas par mdzad pa'o// 'di ma 'ongs pa'i rnal 'byor pa rnams kyi bstan pa bsrung ba'i slad du ji ltar bsgrub par bgyi/ 'di'i las
316a5 kyi rnam pa gang dang gang bsgrub pa bka' stsal du gsol pa dang/bcom ldan 'das kyis bka' stsal pa// nyon cig sprul pa'i mkha' 'gro ma// ma 'ongs pa'i don du sgrub pa'i rim pa dang/ las kyi rim pa 'di dri
316a6 ba legs so legs so/khyod kyis dris pa'i don de dag ngas legs par bya'o/ khams gsum du gnas pa 'di dag ni/ de bzhin gshegs pa thams cad kyi bsgral ba'i zhing yin te// rnam par rtog pa thams cad
316b1 gzhom pa'i phyir dang/pa la pa tra sgrub pa'i gnas btsal bar bya'o// gnas yid du 'ong ba ni dur khrod chen po'i dkyil 'khor ram/ gcan gzan mang po rtse ba'i gnas sam/ rgyun du sems can gsod pa'i
316b2 gnas de lta bur bsgrub par bya'o// der sa brtag pa dang/ gzung pa dang/ sa'i ro lnga dbyung pa dang/ der ma mo'i sbyin sreg bya ba dang/ sa'i cho ga gzhung bzhin byas te/ byin rlabs dang ldan par gyur pa des/
316b3 ma mo'i sngon du bsnyen pa gzung par bya'o// sngon du bsnyen pa bgrangs nas rtags dang mtshan ma ma byung pa des/ bsgrub pa'i dkyil 'khor la 'jug par bya'o/ bzang mo stobs kyi srog gi rgyud las/ gnas btsal
316b4 zhing sngon du bsnyen pa'i le'u ste gnyis pa'o//// de nas sgrub pa'i dkyil 'khor gru bzhi byas la/ der ba'i rnam lnga dang/ ra khrag dang/ khyi khrag dang/ phag khrag dang/ khrag sna tshogs kyi chag chag rnams gdab
316b5 par bya'o// de nas shin tu 'thas par gyur pa dang/ der khrag gi thig le lnga byas la/ rang rang gi srog snying po nas drangs te mchod pas mchod par bya'o// de nas gnam thig gdab par bya'o// thig dang mkha'
316b6 'gro ma gnyis su med par bstim la/rang bzhin gyi thig gdab par bya'o// de nas gzugs brnyan gyi thig gdab ste/ tshangs thig dang/ phyogs thig dang/ 'grus thig btab pas re'u cha bzhi ru 'gyur ro// de
317a1 la cha gsum du gcad de/dbus kyi cha la dpal chen po'i dkyil 'khor bya'o// gnyis pa la ni mkha' 'gro ma rnams kyi dkyil 'khor bya'o/ gsum pa la sgo dang brgyan bya'o// de bzhin du tshon bkye
317a2 bar bya'o// dkyil 'khor de'i dbus su gru gsum mthing nag go/ phyi rol 'khor lo rtsibs bzhi la e yis mtshan pa'o// sgo la dur khrod kyi rgyan gyis brgyan pa'o// de dag gi mtha' ma na yang dur khrod kyi bya skad
317a3 snyan pa sgrog pa bri bar bya'o// bzang mo stobs kyi rgyud las/ dkyil 'khor bca' ba'i le'u ste gsum pa'o//// de ltar dkyil 'khor bzhengs nas/ dkyil 'khor gyi yo byad srog par bya ste/ dpal chen po
317a4 yab yum la mchod pa bya ba'i phyir/sha khrag sna tshogs pa'i gtor ma dang/ srid pa'i rgyal mo la sogs pa mchod pa'i phyir/ sha sna brgya rtsa brgyad dang/ khrag sna brgya rtsa brgyad dang/ khyad par du yang snying chen po lnga
317a5 yis byas pa'i gtor ma bzhag par bya'o// thugs dam bskang ba'i rdzas su/ baM snying dang/ bya'i snying dang/ khyi shel mig gi snying dang/ lug kham rgya'i snying rnams ban+d+ha lcang lo can du dum bu bzhi pa'i nang du bdud
317a6 rtsi rnam pa lnga dang bsres la bzhag go/rten pa'i rten ni lug smug mos bya'o// bod pa'i rten ni ban+d+ha'i snying khrag ban+d+ha gang la bya'o// zhing chen gyi g.yang bzhi dang/ gzhan yang rkang gi gling bu dang/ sha chen gyi lang
317b1 ling dang/'bar 'bur ne se ga dang/ spyi blugs zhwa/ tshil chen gyi mar me kha bzhi dang/ las kyi phur bu bzhi dang/ thun gyi rdzas su yungs kar dang/ yungs nag dang/ skye tshe dang/ nas nag dang/ rdo nag dang/
317b2 mngal khrag dang/ gri khrag dang rims khrag dang/ rnel gri'i khrag dang/ yugs sa mo'i khrag dang/ ra khrag dang/ khyi khrag dang/ phag khrag dang/ spyang ki'i khrag dang/ gzhan yang gdug pa'i rdzas/ ra dug
317b3 dang/spyang dug dang/ btsan dug dang/ gu gul dang sbyar pa'i dug dang/ smyo byed kyi dug dang/ lo ma'i dug dang/ rtsa ba'i dug dang/ 'bras bu'i dug dang/ khrag rnams sbyar ba'i nang du ban+d+ha dum bu drug pa'i
317b4 nang gang thun gyi rdzas su bzhag par bya'o// dus dus su mkha' 'gro ma bod pa'i g.yab mo// skyes pa lo nyi shu man chad lon pa'i lag pa g.yas pa'i mthil du srog gi snying po bzhi bris la/ 'gugs pa'i rjes su
317b5 bzhag par bya'o// de ltar rdzas kyi sbyor ba tshogs pa dang/ ting nge 'dzin la 'jug par bya'o// bzang mo stobs kyi rgyud las/ dkyil 'khor gyi yo byad kyi le'u ste bzhi pa'o//// de dag gi ting nge 'dzin la
317b6 'jug pa ni/e yaM raM baM keM bruM/ de nas gzhal yas khang bsgom par bya'o// oM badzra shrI he ru ka mahA kro d+hi shwa ri/ zhes khrag 'thung de dag gi thugs kha nas/ trag rag+sha ma b+h+yo/ zhes pa dang/ e ka dza ti pa la mi sha b+h+yo/
318a1 zhes pa dang/ si trag rak+sha sha ma b+h+yo/ zhes pa dang/ trag rak+sha ma badzra kI li ma b+h+yo/ zhes bya ba ni srid pa rgyal mo la sogs pa'i ma mo bzhi po bskyed par bya'o// dza bzhis sbugs la dbang byed pa bzhi
318a2 bskyed par bya'o// hU~M bzhis rkan ma bzhi bskyed par bya'o// baM bzhis sgrol byed ma bzhi bskyed par bya'o// de rnams kyi thugs kha nas bton te/ de dag gi sngags ni 'di dag go/ trag rag+sha pa tra ru lu ru lu snying kha
318a3 rag ma b+h+yo/trag rak+sha trag rag+sha mu tra e ka dza ti snying khar rag ma b+h+yo ru ru ro ru tsa pa la snying khar mi sha a shug me b+h+yo/ tad+ya thA/ ru ru ro ru be ti saM ba to si b+h+yo/ zhes srog gi snying po'o// trag rag+sha snying kha rag ma b+h+yo
318a4 ni dza dgra bo mA ra ya phaT sa ma ya/trag rag+sha sa ma ya snying ling rbud sa ma ya/ trag rag+sha dgra bo mA ra ya snying ling rbud sa ma ya/ trag rag+sha dgra bo mA ra ya tsit+ta snying ling rbud sa ma ya/ zhes pas thugs dam bskul
318a5 bar bya'o/trag rag+sha snying kha rag snying khrag hur khu thun b+h+yo/ trag rag+sha snying khrag tshal pa thun b+h+yo/ trag rag+sha ma ma rag+sha thun b+h+yo/ trag rag+sha snying rtsa la rbad thun b+h+yo/ zhes thun dbab par bya'o// pa tra ru lu ru lu ma b+h+yo/
318a6 b+h+yo rag+sha ma b+h+yo/ ma ma rag+sha ma b+h+yo/ ma ma ro sha ma b+h+yo/ zhes phur bu la dgod par bya/ ma ma kI li kI la ya/ in dz+wa ma ma kI li kI la ya/ pra pa dz+wa raM raM che ge mo kI la ya/ ma ma kI li kI la ya ma ra ya yak+sha/ che ge mo
318b1 kI la ya pra mo dza/ma ma kI li kI la ya pra sha pra kri dzA/ che ge mo kI la ya/ zhes gdab par bya'o// pa tra sa ma ya longs longs/ zhes bzlas par bya'o// mA ra ya yag+sha/ zhes phur bu byin gyis brlab par bya'o// raM
318b2 raM/zhes ye shes kyi me bskyed par bya'o// pra shaM ha/ zhes dbang du bsdu bar bya'o// ma ma b+h+yo ru lu ru lu a ra li b+h+yo/ zhes bya ba ni bzhi snying gcig dril ba'i snying po 'dis las bcol bya'o// trag rag+sha sa ma ya snying
318b3 rtsa la thun b+h+yo/zhes bya ba ni bzhi snying gcig tu dril ba'i thun no// ma ma trag rag+sha baM ril byin nan tsa pa la a ra li ru la b+h+yo/ zhes bya ba ni bzhi snying gcig tu dril ba'i bod pa'o// ru ru kye baM ti rag+sha d+ha la b+h+yo/
318b4 zhes pa bzhi snying gcig tu dril ba'i rbad pa'o// rag mo kaM kha rag kha thun snying la rag thun snying la rag ma b+h+yo/ zhes pa ni bzhi snying gcig tu dril ba'i bsad pa'o// che ge mo mA ra ya staM pa ya nan kha hi kro d+ha kha hi/
318b5 zhes pa ni mnan cing btab pa'o// bzang mo stobs kyi srog gi rgyud ces bya ba las/ ting nge 'dzin dang sngags kyi le'u ste lnga pa'o//// de nas yang dbyings nas bskul bar bya'o// bzhengs shig bzhengs shig
318b6 dbyings nas bzhengs// ma mo chen mo yal dam can/ srid pa'i rgyal mo mthu mo che// srid pa gsum la dbang sgyur zhing/ sems can kun gyi snying 'byin ma// smug nag dbu gsum zhabs bzhi ma// phyag ni bcu
319a1 gnyis ma yi gzugs/khrag dang zhag gi thig les brgyan// 'gyur ba med pa rtags kyi dbu// srid gsum bya ra mdzad pa'i spyan/ khams gsum rngub par byed pa'i zhal// skye shi rtsad nas gcod
319a2 pa'i tshems// phyag ni rak+ta'i mtsho la rol// g.yas kyi phyag drug phur bu ni// gsang ba mchog gi phur bu 'dril// 'gro drug sems can sgrol bar mdzad// g.yon gyi phyag drug phur bu ni// seng ldeng gdug pa'i
319a3 phur bu 'dril// rgyud drug gnas rnams dag par byed// ces dbyings nas bskul lo// srid pa'i ma mo mthu mo che// mig gcig gdong ni khro gnyer can// sku ni nam mkha'i mtha' dang mnyam// sku ni mthing smug
319a4 chen mo la// dpral ba'i dbyes na mig gcig ma// dbu la de ni ral gcig ma// bzhugs ni sa dgu'i gting na bzhugs// chu mig kun gyi drod 'bebs ma// rlung nag 'tshub ma'i sna 'dren ma// zhing sa kun gyi
319a5 rkang yul ma// ched 'ga' rgya mtsho'i gting na bzhugs// chu rnams kun gyi mdog 'byin ma// thams cad ma lus sdud byed ma// ched 'ga' bar snang khams na bzhugs// 'bras bu rgyal po'i bcud nyams
319a6 ma// lo tog snar gyi bdag mo yin// de yi gsang ba'i mtshan gsol ba// e ka dza ti gsang ba'i yum// rnal 'byor yongs kyi bsrungs ma ste// bcol ba'i las rnams grub par mdzod// snang srid kun gyi dbang
319b1 mo che// dbu la ral pa gcig ma can// ral pa gcig 'grengs stong khams khyab// dpral ba'i dbyes na mig gcig ma// stong khams yongs la sa le gzigs/ kha yi dkyil na so gcig ma// skye 'gro rtsad nas
319b2 gcod pa'i tshems// rgyab kyi dkyil na gshog gcig ma/ khams gsum ma lus dbang du sdud// lus la de ni skad cig ma// stong khams ma lus khyab par 'gro// brang gi dkyil na nu gcig ma// sems can kun
319b3 gyi sri'u gso// chag gang tsam gyis gnam ma sleb/ khru gang tsam gyis sa ma sleb// bdud kyi yum la gshin rje'i lcam// snang srid kun gyi byo zlog mdzod// ma mo chen po mthu mo che// bcol ba'i phrin las grub par
319b4 mdzod// skad cig kun tu yud kyis rgyug/ mig med long ba cig gis ni// thams cad ma lus lung du chug/ rna med sgra mi thos pa yis// dgra bo'i rna ba 'on du chug/ sna med dri mi tshor gyis ni// dgra bo'i tshul pa
319b5 subs su chug/lce med myang mi shes pa yis// dgra bo'i lce ni skugs su chug/ snying med snying dgu ma yis ni// dgra bo'i tsit+ta rtsad nas chod// rkang med 'gro mi shes kyis ni/ dgra bo'i rkang pa 'khral du
319b6 chug/ba ru gser mgo cha yis ni// sdang ba'i dgra bo gzer du chug/ nag mo chen mo mgyogs byed ma// bcol ba'i 'phrin las grub par mdzod/ khyed kyi 'khor na gnas pa ni// bran dang yang bran yang g.yog
320a1 bcas// sems can kun gyi bla tshe sdud// las dang thun gyi bdag mo ste/ srog gcod las la shin tu brtson// 'chi bdag kun gyi bdag mo ste// bcol ba'i las rnams grub par mdzod// bzang mo
320a2 stobs kyi rgyud las/bskul ba'i le'u ste drug pa'o//// de nas bcom ldan 'das ma sprul ba'i lha mo des 'di skad ces gsol to// bcom ldan 'das cho ga 'di dag gi dbang bskur ba'i rim pa dang/ drag po
320a3 la ji ltar bgyi bka' stsal du gsol/ces pa dang/ bcom ldan 'das kyis bka' stsal pa/ 'di dag 'dri ba'i don bshad par bya'o// dbang gi dkyil 'khor ni// rtsa ba'i dkyil 'khor gyi nub phyogs su khru do
320a4 par bya ste/'dir bskur ba ni srid pa'i rgyal mo la sogs pas bum pa'i dbang bskur te/ khrag sna brgya rtsa brgyad dang/ zhun chen dang/ spyi blugs dang/ khrag sna tshogs kyi dbang bskur la// lo ka'i ma mo'i dngos
320a5 grub dang// lo ka las 'das pa'i dngos grub thams cad thob par dbang bskur ro// de'i sngags ni 'di yin no// oM shrI he ru ka a b+hi Shiny+tsa/ trag rag+sha a b+hi Shiny+tsa/ ma ma e ka dza ti a b+hi Shiny+tsa/ ma ma ru ru a b+hi
320a6 Shany+tsa/ma ma ba ti ba ti sid+d+hi a b+hi Shiny+tsa zhes dbang sbyin par bya'o// dbang de dag bskur ba'i dus su yang/ shun chen gyi g.yang gzhi la sogs pa dam rdzas thams cad kyis kyang dbang bskur te/ mkha' 'gro
320b1 ma thams cad kyi dbang shin tu thob bo// dbang de dag gi rdzas de dag thams cad kyang spyod pa'i rdzas thams cad dang ldan par bya'o// bzang mo stobs kyi rgyud las/ dbang bskur ba'i le'u ste bdun pa'o//[ u0f35]//
320b2 de nas bsgrub thun bca' bar bya'o// dkyil 'khor mda' gang gru gsum du brtseg par bya'o// de'i steng du gru gsum sor lnga dpangs su yod pa brtsig par bya'o// de'i nang du rdo sol dang dur khrod kyi sol bas
320b3 byug par bya'o/khrag sna tshogs kyis chag chag gdab par bya'o// de zur gsum gyi phyogs gsum du gru gsum gnyis brtseg tu bya'o// dpangs su chag gang yod pa gsum pa brtsegs par bya'o/ kha khyer thams cad
320b4 la thod 'phreng btang bar bya'o// de'i phyi rim la me ri btang ngo// gru gsum re re'i dbus su seng ldeng gi phur bu dang/ lcags kyi phur bu dang// mchog gi phur bu dang/ dug shing las byas pa'i phur bu dang bzhi/
320b5 de bzhi ma mo bzhir yang mnga' gsol lo// rang sngags bkod la gzugs par bya'o// de'i nub phyogs su ni thun gyi rdzas mngal mnga' khrag la sogs pa khrag sna dgu dgu/ ra dug la sogs pa dug sna dgu dang/
320b6 dum bu drug pa gang sbyar la bzhag go/ shar phyogs su mi'i snying dang/ seng ge'i snying dang/ stag gi snying dang/ dom gyi snying dang/ bya rgod gyi snying dang/ lnga la byas pa'i gtor ma dang/ dbyar gyi me tog sna tshogs
321a1 su sbyar ba'i gtor ma dang/dpyid nya rul pa dang/ khrag rul dang/ snying du sbyar ba'i gtor ma dang/ dus dang sbyar te mi yengs par sbyin par bya'o// de dag gi rgyu ba'i dus ni srod
321a2 dang/tho rangs dang/ gung dang thams cad khyab par rgyu'o// thugs dam bskang pa'i rdzas ni/ rten bca' ba'i rdzas dang bod pa'i rdzas dang g.yab pa'i rdzas dang ldan pas bsgrub par bya'o// yungs kar dang/ yungs nag dang/ skye
321a3 tshe dang/thun gyi rdzas su bya'o// dgra bo'i rjes sa dang/ mchil ma dang/ bshang gci dang/ yul phyogs kyi rtsa la gzugs byas pa yang bzhag par bya'o// de nas dpal he ru ka dbu dgu phyag bco brgyad pa'am/
321a4 zhal gsum phyag drug pa/ rdo rje dang/ kha T+wAM kha dang/ rnge chung dang/ dril bu dang/ ban d+ha dmar gyis bkang ba dang/ rgyu zhags de rnams g.yas g.yon mtshon pa dang/ g.yon yum gyis 'khyud pa gsal bar
321a5 bsgom la/de dag gsal ba'i shar du srid pa'i rgyal mo gsal bar bsgom/ lhor e ka dza ti bsgom/ nub tu re ma ti bsgom par bya'o// byang du nag mo mgyogs byed ma bsgom par bya'o// de dag gi 'khor na
321a6 dkar mo seng ge'i gdong can dang/dmar mo stag gi mgo can dang/ sngon mo chu srin gyi mgo can dang/ ser mo dur bya'i mgo can dang/ dbugs kyi bdag mo bzhi bsgom par bya'o// de dag gi sngags ni/ trag
321b1 rag+sha ma ma sha truM sa ma ya bruM A kar+Sha sha ya dza/de'i 'khor bya lcags kyi bya rgod dngul mgo ma dang/ dug gi bya rgod gser mgo ma dang/ dngul gyi bya rgod kha mchu ma dang/ 'dab chags gzong mchu ma dang/ bzhi po
321b2 'di dag bsgom par bya'o// de dag gi sngags ni 'di'o// trag rag+sha shu thun khrag phug rmugs thum ril A kar+Sha sha ya dza/ zhes bya'o// de'i bran 'gugs byed ma shel gyi mgo dgu ma dang/ zangs kyi mgo dgu ma
321b3 dang g.yu'i phra men dang/sgrol ba'i mgo dgu ma dang/ de rnams bsgom par bya'o/ de'i sngags ni/ trag rak+sha ma ma kyi ma ya ma ma sha truM kI la ya iny+tsa/ pra pa dza/ pra le dza/ trag rak+sha raM raM kI la ya smig rak+sha ke ru
321b4 rak+sha/pra sha ra ha kI la ya/ zhes bya'o// de ltar lha rnams gsal ba dang/ dang por srog gi snying por zhag dgur bgrang bar bya'o// de ltar grub pa'i rtags/ rlung dang/ ser ba dang/ bu yug byung ba dang/ thun gyi
321b5 ma mo gsum gyi srog gi snying por drang bar bya'o// dus dus ni las la bskul ba'i snying po drang par bya'o// e ka dza ti'i khrag thun ni snying la brdeg par bya'o// re ma ti'i dug thun ni 'doms nas mgrin pa man
321b6 chad la brdeg par bya'o// nag mo mgyogs byed ma'i phur thun ni/ mig la sogs pa'i dbang po lnga la brdeg par bya'o// yungs kar ni khrag la bstim par bya'o// yungs nag ni dug la bstim par bya'o// skye tshe ni
322a1 phur bu la bstim mo// rang rang gi thun rdzogs pa dang/ thun thams cad gcig tu bsres te/ bzhi snying gcig tu dril ba'i thun 'di gdab par bya'o// trag rak+sha snying kha rag paM ril thun b+h+yo/ zhes
322a2 btab pas khol bar 'gyur ro/khrol ba'i nang du ling ga bcug la phur thun gyis gdab par bya'o/ btab pa de dag spyang ki'i thod pa dang/ phag thod dam/ wa thod du mnan par bya'o/ bzang mo stobs kyi srog gi
322a3 rgyud las/thun gyi le'u ste brgyad pa'o//// de nas sprul ba'i lha mo des/ bcom ldan 'das la 'di skad ces gsol to/ bcom ldan 'das ma mo'i tshogs thams cad dbang du bsdu ba 'di bka' stsal du
322a4 gsol/zhes gsol pa dang/ bcom ldan 'das kyis bka' stsal pa/ ma mo'i tshogs thams cad dbang du bsdu ba ni/ lta bas dbang du bsdu ba dang/ spyod pas dbang du bsdu ba dang/ drag pos dbang du bsdu
322a5 ba'o// de la hU~M hU~M gi sgra bsgrags pas ma mo rnams 'dar yed yed skrag pa dang dngangs par 'gyur ro// hU~M zhes byas bas pad+ma rak+ta rngubs pas spyod pas dbang du bsdu ba'o// che ba'i nga rgyal bskyed pa ni/ hU~M/ nga ni
322a6 sangs rgyas kun gyi yab// nga ni sangs rgyas kun gyi bdag/ nga ni ma mo kun gyi rje/ khyed kyi snying khrag nga la yod// nga yi lus rnams grub par gyis/ skye 'gro kun gyi khrag 'thung yin/ khams gsum kun gyi
322b1 dbugs kyi bdag khams gsum kun gyi rus 'chod bdag/bran gyi tshul gyis las rnams gyis// zhes hU~M gis snying khrag thams cad 'jib ste/ myos shing bsdams par byas pas/ dpal khrag thung gi sku des
322b2 dges par gzi mdangs kyis ltas pas/ma mo'i tshogs de dag thams cad slar gso bar mdzad nas ni/ so so'i las la slar 'jug par mdzad do// bzang mo stobs kyi srog gi rgyud las/ dbang du bsdu ba'i
322b3 le'u ste dgu pa'o//// de nas bcom ldan 'das kyis ma mo rten thabs bzhi bka' stsal to// rnal 'byor pa sngags dang/ phyag rgya dang/ ting nge 'dzin dang ldan pa dang/ dam tshig dang ldan pa des// ye shes
322b4 las grub pa'i ma mo dang/thams cad kyis rten pa'i tshul bzhir 'du bar bya'o// ma sring gi tshul du brten pa dang/ byan mo'i tshul du bsten pa dang/ bran mo'i tshul du bsten pa dang/ mdza' mo'i tshul du bsten
322b5 pa'o// ma sring ltar bsten pa ni/ brtse gdung che zhing dam la gnas par 'gyur ro// mdza' mo ltar bsten pa ni/ khrel gzhung btsan zhing las myur bar 'gyur ro// byan mo ltar bsten pa ni khro gtum che zhing 'khu
322b6 ldog che/bran mo ltar bsten pa ni/ dam chung zhing gang bcol pa'i las byed par 'gyur ro// ting nge 'dzin stobs dang ldan pas ni bran mo ltar bsten par bya'o// ting nge 'dzin stobs chung zhing dam rdzas thogs
323a1 pa med pa spyod pas ni ma sring ltar bsten par bya'o// ting nge 'dzin stobs chung yang srog zin pa'i man ngag la mkhas pas ni mdza' mo ltar brten par bya'o// dpal khrag 'thung sku yang gsal la hU~M
323a2 gis pad+ma rak+ta sdud nus pas ni byan mo ltar brten par bya'o// de rnams kyi lta ba ni/ ma sring ltar bsten pa ni tho rangs yong ngo// bran mo ltar bsten pa ni nyi ma gung yan chad la 'ong ngo// byan mo ltar brten pa ni
323a3 nyi ma dgongs man chad du 'ong ngo// mdza' mo ltar bsten pa ni dgongs man chad mun pa la 'ong ngo// de dag gi dus su snying mi dga' zhing nag mo ral can du 'ong na/ sngar smos pa'i snying thams cad kyis bskang
323a4 gso bya'o// snying dga' zhing gzugs sdug gu ston pa dang/ snang srid kyi gtam sna tshogs brjod pa dang/ las kha'i len cing byung ba'i dus su/ lce la bdud rtsi bzhag cing mna' bsgags par bya'o// dam bsre ba
323a5 dang sa tshig dgos par bya'o// srod dang tho rangs kyi dus su zla gam dbus pa'i dus su ni/ byang sems phar mi btang zhing/ rak+ta gyen du rgyu ba'i glu slar blang bar bya'o// de dag dang ldan pas ni ma mo thams cad
323a6 bran bzhin du las la 'khol bar 'gyur ro// bzang mo stobs kyi srog gi rgyud las/ ma mo rten thabs kyi le'u ste bcu pa'o//// bcom ldan 'das la 'di skad ces gsol to// srid pa'i rgyal mo la sogs pa
323b1 de dag gi thun zor la sogs pa ji ltar lags bgyi ba bka' stsal du gsol/zhes gsol pa dang/ bcom ldan 'das kyis bka' stsal pa/ 'di skad 'dri ba bstan gyis nyon/ dur khrod chen po'i dkyil 'khor
323b2 ram/chu mig kha byang du ltas pa'am/ brag phug sgo shar du ltas par gnas bcas te de ru dkyil 'khor 'dom gang dpangs su khru gang yod pa brtsig/ de ba'i rnam lnga la sogs pa shin du 'thas par byas pa'i
323b3 steng du/gru gsum khru gang pa gsum brtseg par bya'o// de'i ngos gsum la rtse mo gtad pa'i gru gsum nyis brtsegs pa gsum byas la/ gru gsum de dag gi nang yang rdo sol dang/ rgyal sol laM/ hoM gyi thal ba
323b4 dang/dur khrod kyi thal bas byug par bya'o// de dag gi kha khyer la thod 'phreng btang zhing/ de'i phyi rol tu ni ri gtang/ dbus kyi gru gsum du ban d+ha dum bu bzhi pa'am gsum pa'i nang du bzhag par
323b5 bya'o// dbus su thun zor gyi thod pa'i nang du/ dgra bo'i yul phyogs kyi 'jag ma'am/ sa nag dang/ rkang rjes kyi sa dang/ 'chil ma dang/ ngar snabs dang bshang gci la sogs pa la gzugs sor bzhi pa byas
323b6 pa de'i snying khar ming rus gro ga 'am shing shun la dme khrag gis bris la glan par bya'o// de dag dbus kyi thod par bcug la/ aM raM paM suM keM de la snod kyi lo ka bskyed par bya'o// b+h+ruM bi shwa bi shud+d+he/ ban d+ha tsak+k+ra
324a1 las gzhal yas khang bskyed par bya'o// de'i 'khor lo'i lte ba la ru dra pho mo bsgyel bar bya'o// de'i steng du nyi ma dang/ zla ba dang/ pad+ma'i gdan gding bar bya'o// gdan de dag gi snying po ni
324a2 'di'o// ru dra ti ra baM/ sUr+Ya tsan+d+ra maN+DaMl/ hri pad+ma maN+Da la/ zhes gdan gding bar bya'o// in+d+ra ti ra baM/ zhes srid pa'i rgyal mo'i gdan gding bar bya'o// ya ma ti ra baM/ zhes e ka dza ti'i gdan gding bar
324a3 bya'o// ba ru na ti ra baM/ zhes re ma te'i gdan gding par bya'o// yak+Sha ti ra baM/ zhes nag mo mgyogs byed ma'i gdan gding par bya'o// dkar mo seng ge'i mgo can la sogs pa bran mo gnyis kyi gdan ni
324a4 zhing chung re re'i steng na nyi zla'i dkyil 'khor ro// dpal chen yab yum ni hU~M las bskyed par bya'o// dpal chen yab yum gyi thugs kha nas/ trag rak+sha ma ma b+h+yo/ zhes pa la sogs pa'i snying po rnams la srid pa'i
324a5 rgyal mo la sogs pa'i sku bskyed par bya'o// de ltar sku bskyed la/ sha sna brgya rtsa brgyad dang/ snying sna brgya rtsa brgyad dang/ yang na snying sna la sogs pa gtor ma'i nang du gzhug go/ ma ma sa ma ya dza/ zhes spyan
324a6 drangs par bya'o// dza hU~M baM ho/ dgug pa dang/ gzhug pa dang/ bcings pa dang/ dbab par bya'o// ma ma a ti bu ho/ zhes phyag btsal bar bya'o// ma ma tiSh+Tha badzraH zhes brtan par bya'o// sarba ta thA ga ta a ha ra
324b1 pra ti dza ye swA hA/zhes bya bas arga dbul bar bya'o// oM pa na peM pe nu su ra to ti pu pa ra mu/ sarba ta thA ga ta sid+d+hi/ 'ungs ma yo ta mu ga sarba ma hA su ka hU~M/ puSh+pe/ d+hu pe/ A lo ke/ gan+d+he/ ba lin+ta kha ti/ zhes pas
324b2 mchod par bya'o/ma hA rak+ta mu la rak+ta b+h+yo la rak+ta/ khA hi/ zhes khrag dbul bar bya'o/ badzra ta ki e ta ki ma ma ru lu ti ki ni ma ma sa ki ta ki ni ba lin+ta khA hi khA hi/ zhes gtor ma dbul bar bya'o// de nas 'dis
324b3 bstod par bya'o/hU~M/ bskal ba me ltar 'bar ba'i glong dkyil nas/ khrag 'thung chen po che mchog he ru ka/ dbu gsum phyag drug zhabs bzhir bgrad pas te// dur khrod rgyan gyis sku rnams legs par
324b4 brgyan// 'khor gyi ma mo thams cad dbang du sdud// nga rgyal dregs pa can rnams dbang du sdud// 'jig rten mthu chen thams cad zil gyis gnon// dpa' bo chen po 'jigs su rung la phyag 'tshal
324b5 bstod// chos kyi dbyings kyi rang bzhin las// dbyings kyi ma mo sku sprul pa// srid pa'i rgyal mo snying gi bdag/ srid gsum dbang mdzad khyod la phyag 'tshal bstod// 'khor gyi thun gyi bdag mo ste// e ka dza ti
324b6 khrag thun bdag/khrag nad sna tshogs gtong bar byed// thun gyi bdag mo khyod la phyag 'tshal bstod// srid pa gsum gyi phung byed ma// dpal ldan nag mo re ma te// sems can kun la dug nad 'bebs// thun
325a1 gyi bdag mo khyod la phyag 'tshal bstod// snang srid kun tu rgyug 'gro ma// dus rnams kun tu phur 'debs ma// thun gyi bdag mo chen mo ste// srid gsum sgrol la phyag 'tshal bstod// bran dang
325a2 yang bran yang g.yog bcas// tshe 'phrog ma dang brla rkun ma/ gzer 'bebs chen mo gdug pa mo// las mdzad tshogs la phyag 'tshal lo// ma mo chen mo rnal 'byor ma// thun zor drag po'i las mdzad
325a3 rnams// sgrub pa'i tshogs kyi dkyil 'khor las// las la grub la phyag 'tshal bstod// bzang mo stobs kyi srog gi rgyud las/ thun zor sgrub pa'i le'u ste bcu gcig pa'o//// de nas thun de dag phab ste zor
325a4 'phangs pa ni/lha'i nga rgyal dang ldan pas/ trag rak+sha zhes bya ba la sogs pa'i srog gi snying po rtags phyin phyin du drang ngo// de nas so so'i thun gdab par bya'o// thun btab nas phur pa gdab par bya'o// de nas
325a5 zor sngags 'di bzlas so// ma ma trag rak+sha pa la pa tra song song/ mA rak+Sha raM raM/ smig rak+Sha kaM kaM/ tshal la mA ra sha ro la khrag 'thun pra shi ha b+h+yo b+h+yo/ tshal pa thun b+h+yo/ tsit+ta la hur thum ma ma b+h+yo/ zhes bzlas par
325a6 bya'o// de nas yang thun ka gsum gyi thod par bsrel la/ dpal gyi 'gying glu dang/ ma mo'i 'cham glu dang/ bran mo'i zer glu dang/ blangs la zor 'dri 'phangs te bskul bar bya'o// bzhengs shig bzhengs shig
325b1 dbyings nas bzhengs/khrag mtsho 'khyil ba'i dbyings nas bzhengs// ma mo chen mo yal dam can// dbu gsum po la zhabs bzhi ma// zhes bya ba la sogs pas bskul bar bya'o// gzhan yang rang rang gi bskul tshig gis
325b2 bskul 'phangs par bya'o// thebs ma thebs thod pa la brtag par bya'o// zor de dag kyang 'phang ba'i dus su chas gos thams cad dang ldan par bya'o// bzang mo stobs kyi srog gi rgyud las/
325b3 zor 'phangs pa'i le'u ste bcu gnyis pa'o//// de nas bcom ldan 'das la 'di skad ces gsol to// pa la pa tri'i tshe sgrub pa bka' stsal du gsol/ bcom ldan 'das kyis bka' stsal pa/ nubu phyogs kyi
325b4 brag dmar po dang/sa dmar po dang/ chu mig dmar por tshe bsgrub pa'i gnas btsal la// der dkyil 'khor mda' gang ba cig brtsigs par bya'o// dkyil 'khor de'i steng du zla kham snga'i dkyil 'khor kha
325b5 dog lnga dang ldan par bya'o// de'i steng du zla kham lnga la ban d+ha zla kham lnga bzhag par bya'o// de'i steng du tshe'i rdzas/ mu zi dang/ ni shing pa dang/ gu gul gyi chu dang/ byi chu dang/ 'bras bu gsum cha sman blug la
325b6 bsgrub par bya'o// bdag nyid pad+ma khrag 'thung du bsgoms la/ de'i thugs kha nas srid pa'i rgyal mo la sogs pa'i ma mo bzhi po de dag thams cad tshe'i bum pa bsnams pa bzhi thod par bskyed par bya'o// de
326a1 rnams kyi thugs kha nas 'od zer gyi lcags kyu bzhi byung ste/phyogs thams cad nas tshe bkug ste dbus kyi ban d+ha ru bsdus pas/ tshe'i rang bzhin dkar la 'tsher ba/ snum la 'dril pa/ cis kyang
326a2 mi shigs pa'i ngo bor bsdus bar bya'o// de nas ma mo rnams kyi srog gi snying po khri bzlas par bya'o// oM badzra A yu She ma ma trag rak+sha/ ru lu ru lu pa tra e ka dza ti ru ro tsa pa la ba ti/ A yu She Ni bruM puN+ye puN+ye mahA pu
326a3 N+ye A yu dz+nyA na puN+ye hri bruM/zhes bton pas tshe sgrub pa'i thabs de dag la 'od dang/ sgra dang/ du ba la sogs pa'i sgra rtags 'byung bar 'gyur ro// de dag byung ba dang tshe'i dngos grub blang bar bya'o// tshe'i bdag mo
326a4 de rnams la snying sna tshogs dang/khrag sna tshogs kyi gtor ma sbyin par bya'o// bzang mo stobs kyi srog gi rgyud las/ tshe bsgrub pa'i le'u ste bcu gsum pa'o//// de nas 'di'i mdos chen po ji ltar bskang ba/
326a5 bcom ldan 'das kyis bka' stsal du gsol/ ces zhus pas/ bcom ldan 'das kyis bkal stsal pa/ 'di dag gi mdos ni/ 'bru sna bcu gsum gyi ngar phye bre gsum dang/ srid pa'i rgyal mo'i gzugs dang/
326a6 de bzhin du e ka dza ti'i gzugs dang/ re ma ta'i gzugs dang/ mgyogs byed ma'i gzugs byas las/ de re la yang mar me kha bzhi dang/ snying sna lnga la byas pa'i gtor ma dang/ bdud rtsi dang ma'i khrag dang
326b1 sbyar ba la sogs pa sogs la/bdag nyid che mchog gi skur gsal bar bsgoms la/ rtsa ba'i mchod pa gzhung bzhin bya ste/ mchod pa thams cad rdzogs pa dang/ srog gi snying po nas drang par bya'o// de nas
326b2 snying sna lnga la sogs pa'i bskang bar bya'o// mi'i snying khrag gi de bzhin bskang gso byas la/ mdos de btang bar bya'o/ btang ba'i dus su yang dang por dbang du bsdu bar bya'o// de nas snying por 'di gdon par
326b3 bya'o// trag rak+sha sa ma ya sha truM ma ma b+h+yo b+h+yo/ stong bzlas la 'phang par bya'o// 'dis mdos bsngo bar bya ste/ nam mkha' khams kyi dkyil 'khor nas// srid pa'i rgyal mo thugs rje'i bdag/ mdos dang glud kyi
326b4 bdag mo ste// mdos kyi bdag mo mdos bzhes shig/ hU~M/ e ka dza ti g.yu ral can// g.yu yi ral pas sa gzhi khengs// za 'og zhabs la g.yu ral can// mdos kyi bdag mo mdos bzhes shig/ snang
326b5 srid kun la nad 'bebs ma// dmar nag chen mo rims kyi bdag/ nad kyi rkyal pa phyag na bsnams// mdos kyi bdag mo mdos la spyon// sems can kun gyi srog gcod ma// skad cig yul gyi kun tu
326b6 rgyug/sems can kun gyi srog gi bdag/ mdos kyi bdag mo mdos bzhes shig/ bran dang yang bran yang g.yog bcas/ snang srid kun gyi nyul le ma// tshe lan phur 'debs bla rkun ma// mdos kyi bdag mo
327a1 mdos bzhes shig/glud kyi bdag mo glud bzhes la// bdag gi dam tshig skongs pa dang// mkha' 'gro dges phyir mdos bzhes shig/ ces mdos de rnal 'byor pa dam tshig nyams pas rbad
327a2 kyang/las byed du ma 'dod pa'i dus su mdos 'di btang bar bya'o// de ltar mdos 'di nam bsgrub pa po rnams kyis thun bca' ba'i sngon du yang btang bar bya'o// bzang mo stobs kyi srog gi rgyud
327a3 las// mdos bca' ba'i le'u ste bcu bzhi pa'o//// de nas bcom ldan 'das la 'di skad ces gsol to// bcom ldan 'das las gang gis kyang rtags mi phyin na// gang gis bgyi ba bka' stsal du gsol/
327a4 bcom ldan 'das kyis bka' stsal pa/ gang gis kyang rtags ma phyin na ma mo'i sbyin sreg 'di bya'o// dur khrod kyi gnas sam/ lam rgya gram du dkyil 'khor gru gsum sum rtseg tu byas la/ de'i nang du shing
327a5 gdug pa can sna lnga 'am sna bdun pa'i shing khru gang gzugs/de'i phyi rol tu sna dgu dang/ phur bu dang/ yungs kar nag dang/ skye tshe dang/ thun gyi rdzas thams cad rdzogs par bsogs par bya'o// zangs phye
327a6 dang/lcags phye dang/ khrag sbyar ba der bsogs par bya'o// dgra'i gzugs 'jag ma'am yul phyogs kyi sa la bya'o// lcags phye la sogs pa de dag lcags phye la sogs de dag nang du bzhag go/ ming byang ni
327b1 dug dang khrag gi nang du bzhag go/de nas lha sgom pa ni bdag nyid che mchog yab yum du gsal ba las// ma mo bzhi thugs ka nas bskyed par bya'o// dang po srid pa'i rgyal mo'i sngags zhag dgu ru 'don par
327b2 bya'o// rtags byung ba dang e ka dza ti la sogs pa'i srog gi snying po zhag gsum du 'don par bya'o// las la bskul ba dang phur bu gdab pa la sogs pa bya'o// de nas me lha'i dam tshig sems dpa' raM las
327b3 bskyed par bya'o// dbu gsum phyag drug zhabs bzhi bgrad pa ra skyes la chibs pa/ phyag na bgrang 'phreng dang thod pa khrag gi bskang ba bsnams pa/ de nas lha rnams gsal gtab la sbyin sreg gtang bar
327b4 bya'o// de dag gi bsnyen pa bgrang ba'i sngags 'di dag go/ trag rak+Sha pa tra ru lu ru lu snying kha rag ma b+h+yo raM/ che ge mo mA ra ya phaT/ ces khri 'am stong bzlas/ de nas me lha la sbyin sreg dbul ba'i sngags
327b5 'di'o// oM ag+ne hab b+h+ya/ che ge mo mA ra ya phaT/ ces dbul bar bya'o// ma ma trag rak+sha snying kha rag Ni dza che ge mo mA ra ya phaT/ ma ma trag rak+Sha snying kha rag ma b+h+yo/ zhes sbyin
327b6 sreg dbul bar bya'o// de ltar sbyin sreg phul nas/ dbyings nas bskul ba la sogs bya'o// me gnag cing mched par 'bar na/ thebs pa'i rtags yin pas ma mo gzir mnan bya'o// me dkar zhing gcig tu 'bar na ma thebs pa yin pas/
328a1 dug chu dang/ khrag dang/ zangs phye/ rdo phye la sogs pas gtor ro// dmod pa'i sngags 'di 'azlas par bya'o// trag rak+sha par pa de/ kaM ban d+ha/ pho Ta ru pa tshin+d+ha/ ru pa ha na su ru pa ta ha na/ pa tsa
328a2 pa tsa mA ra ya phaT/ces dmod mo bor bar bya'o// de nas sbyin sreg gi thal ba de dag zhing chen gyi g.yang gzhir phyag la/ dgra bo'i khang khyim la gtor bar bya'o// bzang mo stobs kyi srog gi rgyud las/ sbyin
328a3 sreg gi le'u ste bco lnga pa'o//// de nas yang bcom ldan 'das la 'di skad ces gsol to// bcom ldan 'das ma mo pa tra'i rnam par dag pa ji lta bu lags/ bka' stsal du gsol/ bcom ldan 'das kyis
328a4 bka' stsal pa/ma mo 'di dag ni de bzhin gshegs pa thams cad kyi rnam par mi rtog kho na las kyi ma mo sha za dang khrag 'thung 'dul ba'i phyir de ltar snang bar mdzad do// srid pa'i rgyal mo zhes bya ba ni/ chos
328a5 kyi dbyings rnam par dag pa la bya'o// e ka dza ti ma zhes bya ba ni// thams cad gcig tu 'gro ba'i don yin no// re ma ti zhes bya ba ni/ thams cad la khyab pa'i bdag nyid yin no// mgyogs byed ma zhes bya ba
328a6 ni/de bzhin gshegs pa thams cad kyi thugs ye shes yin no// ma mo de dag thams cad kyang ma byung ma skyes shing rang bzhin gyis rnam par dag par lta'o// bsgral ba'i rim pa 'di dag kyang/ rnam par mi rtog
328b1 pa kho na las bsgral bar lta'o// chos thams cad kyi de bzhin nyid du gsal ba ni ma mo zhes bya'o// de bas na snying rje chen po'i sgo nas bsgral ba'i las bya'o// bsgral ba rnam par dag pa'i rnam par mi rtag
328b2 pa'o// thun thams cad kyi ye shes kyi 'od zer gyis rnam par rtog pa bsreg pa'o/ khrag thun ni 'dod chags rnam par dag pas bskang bar bya'o// dug thun ni zhe sdang rnam par dag pa'o// phun thun ni gti mug
328b3 rnam par dag pa'o// srid pa'i rgyal mo rnam par dag pa ni dpal he ru ka'o// ral gcig ma rnam par dag pa ni pad+ma he ru ka'o// re ma ti rnam par dag pa ni rat+na he ru ka'o// mgyogs byed ma rnam par dag pa ni
328b4 bud+ha he ru ka'o// dkar mo seng ge'i gdong can la sogs pa bran mo bcu gnyis rnam par dag pa ni sems dpa' khro bo bcu'o// de nas srid pa'i rgyal mo la sogs pas skye ba med pa'i glu 'di blangs so// e ma
328b5 ho/chos rnams rang bzhin dbyer med kyang// 'khrul pa rnams la so sor snang// rnam par rtog pa'i rang bzhin dag// ma dang mor ni shes par gyis// chos rnams rang bzhin skye med las// rnam rtog mtshan ma
328b6 sna tshogs kyang// gzugs can ma mo rnams su snang// don du gnyis med bye brag med// e ma ho/ chos rnams ye nas dngos med par// dngos por lta ba srid pa men// rang bzhin rnam par dag pa'i phyir// sgyu
329a1 ma'i ting 'dzin las 'das pas// rnam par rtog pa thams cad sbyangs// rang bzhin 'od gsal gzugs su snang// sgyu ma'i ting 'dzin rab brten pas// thams cad sgrol ba'i shugs dang
329a2 ldan// skye med don du bsgral ba'o// e ma ho rnal 'byor ma rnams ni// dpal chen ye shes dbyings las bskyed// rtog pa'i dra ba thams cad 'joms// ma tshogs gnyis med dbyings su gcig/ dmyal sogs
329a3 sdug bsngal bcom pa'i phyir// ma mo glu bro de bzhin blang// zhi bde mya ngan 'das pa yi/ glu ni blang bar rab tu bshad// de ltar glu blangs nas/ chos thams cad kyi de bzhin nyid la dmigs par bya'o/ de nas
329a4 las mtha' gdul ba'i phyir// de bsgral ba'i phung po'i rjes shul dang/ spyang khyi'i thod pa'am/ wa thod dam/ mon thod du bcas/ dur khrod kyi dkyil du khyer la/ e gru gsum du rkos la de'i nang gzhug cing/ kha
329a5 rdo rje rgya gram gyis bcad/ma mo'i mda' phur sor bzhi pas steng nas kyang mnan/ de nas bdag nyid dpal he ru ka gsal ba las/ 'khor gyi ma mo'i tshogs thams cad gsal btab ste/ gser gyi ri rab chen
329a6 pos steng nas mnan// las ngan byed pa'i sems can khyod// rdo rje dmyal bar mnan par bya/ khrag mtsho mer pa'i nang du mnan// me ma mur gyi 'obs su mnan// tsha ba brgyad dang grang ba brgyad// glang mgo can
329b1 gyi lag tu gtad// chos kyi rgyal po la sogs pa// mthar byed rnams kyi zas su bsngo// yi dwags chen po'i klong du bskyur// bskad pa'i mtha' nas me yis bsregs// che mchog khrag thung zhabs kyis mnan// kro
329b2 d+hi shwa ri'i b+ha gar sba// srid pa'i rgyal mo'i lto ru bskyur// e ka dza ti'i zas su bsngo// ri ma te yi rngam zas bya// mgyogs byed ma yi lto ru bsnyod// dkar mo la sogs phung byed tshogs// sha rus khrag la rngam zhing
329b3 za// byang chub sems ni nam yang btang bar mi bya'o// sngon gyi las kyi gnas mnan cig gtad par mi bya ste// rang gi las yin drag tu rtogs// 'jigs pa'i nga ro cher sgrogs non// dus la bab pa'i sems
329b4 can khyod// las la bab ste nga yis bsgral// byams pa'i bstan pa ma byung bar// sdug dang bsngal te dmyal ba'i gnas// lci yang ngal te ri bo'i 'og/ rgya mtsho chen po'i gting du mnan// gtad do dregs pa can
329b5 la gtad// dbang phyug chen po'i lag tu gtad/ khyab 'jug chen po'i lag tu gtad// chu srin dmar gyi lag tu gtad// ces mnan par bya'o// de na mkha' 'gro ma'i tshogs thams cad kyis/ bcom ldan 'das
329b6 la bskor ba lan gsum byas nas/mngon par bstod de rjes su yi rang ngo// bzang mo stobs kyi srog gi rgyud ces bya ba las/ ma mo'i rnam par dag pa dang mnan pa'i le'u ste bcu drug pa'o rdzogs
330a1 so//// slob dpon zhi ba mo'i thugs kyi yang zhun gyi yang zhun/ slob dpon bi ma la'i thugs kyi brnag pa/ slob dpon nyang mchog rab kyi thugs bcud/ bi ma la gir ti'i man ngag/ bsgrang
kyi thugs kyi bsnag pa rgyud kyi man ngag/

CLOSE WINDOW