CLOSE WINDOW

Gpb050.013
བོད་ཡིག

/ a pa ra tsit+ta gu h+ya tan+t+ra rad na/ bod skad du/ gnod sbyin gsang ba rin chen thugs kyi rgyud/ dpal rdo rje gtum po la phyag 'tshal lo// 'di skad bdag gis thos pa'i dus gcig na/ri rab ri'i byang phyogs na// rnam par rgyal ba'i khang bzang zhes bya ba/ phyi rin po che 'bar ba'i rtsig pa/ bar rdo rjes bskor ba'i gur/ nang 'ja' tshon zer du 'phro ba/ rta dang glang po ma he khri gdan la// nor bu rin po che'i zar skad dang// 'phyang ba dang/ lhing ba dang/ longs spyod gter dang 'bru yis bkang ba dang/ lha'i zhal zas 'chi med bdud rtsi'i rgyun babs pa/ lha mo dang gnod sbyin mang po glu gar dang rol mos 'phags pa/de'i dbus na pad+ma'i sdong pos rab tu brgyan pa'i gdan la/ bcom ldan 'das dpal phyag na rdo rje bzhugs te/ bzhin sdug smin ma rab rgyas shing// sngon nag chen po brkyang bskum tshul// dur khrod chas brgyad sku la brgyan// dbu la rigs lngas rnam par brgyan// de'i 'khor na gnod sbyin rnam thos sras zhes bya ba dang// gnod sbyin rgyal po a pa ra zhes bya ba/ mthu dang rdzu 'phrul rnam par 'gyed cing/mi zad gter la longs spyod pa lcam mo nag mo snang ba can zhes bya ba dang/ 'khor bye ba phrag brgya dang bcas te gnas so// de nas rgyal po rnam thos sras stan las langs te/ kye!nor gyi bdag po a pa ra// sems can kun la phan bya dang/ gnas dang dus dang dam rdzas dang// rtags dang dam tshig bskul ba dang// srog dang sid+d+hi blang ba dang/ gdugs pa ma lus bsgral ba kun// tshul bzhin ston pa'i spyan sngar phul// ces gsungs so// dbang gi rgyal po des gdug pa gdul ba'i nga ro 'phra bkod dad pa'i sgra sgrags pas/ 'khor de dag rab tu dngas par gyur to// de nas gnod sbyin a pa ras smras pa// bdag gis phul ba 'di rnams kun// sems can don du bzhes su gsol// ces 'khor bcas kun sgra gcig tu smras so// thugs rje 'byung ba'i rgyud las/ gleng gzhi'i le'u ste dang po'o//// de nas yang gnod sbyin gyi rgyal pos smras pa/ ri rab rtse dang nags tshal chab kyi gling// gnod sbyin mang po 'dus pa dang// shin tu spro ba'i gnas dag tu// rin chen sa la maN+Dal ni// zlum po e dang bcas pa bya// bdud rtsi lnga yis chag chag bya// dbus su thad kar sku bzhugs te// gtor ma rgyan ldan bzang po bya// 'bru dang me tog zas kun rtsal// bdag nyid gtum po'i nga rgyal gyis// mtshams gcad sdig sbyang bdun rnam dag bya// pha wang long bu dar dkar srog shing dril// ri bong snying du rtsal byas la// le brgan dar du gtum par bya// bla ma'i bzhugs mar rgyas btab la// bla rdo gru gsum gting du sba// gtum po'i bsnyen pa tshad du bskyal// de nas [(]radan[)] sid+d+hi bsgrub// tshes gcig la zhugs nya la gtong// ma grub lan gsum bskyar bar bya// des ni the tshom med pa yin// thugs rje 'byung ba'i rgyud las// gnas dang dam tshig bstan pa'i le'u ste gnyis pa'o//// de nas rin chen nor bdag des// sngags kyi rim pa 'di phul lo// e a pa ra tsit+ta hri dza/ srog rtsa breng breng/ thum thum dza dza/[ (]radan [)]pu N+ye sid+d+hi sid+d+hi hUM/d+ha na me de he/ na na kha te swA hA/ de la paM pa ti hUM dza/[ (]radan [)]puSh+ti ku ru swA hA/ ha na badzra hUM/ da ha na badzra hUM d-i pa ta badzra hUM/ badzra ro Sha hUM/ dri d+ha badzra hUM/ ha na da ha pa tsa/ kro d+ha badzra/ sarba duSh+ta na/ mA ra ya hUM phaT/ oM hriM badzra a pa ra tsit+ta dza dza/ srog rtsa breng breng thuM thuM dza dza/ oM sarba ba ling gr-i h+na gr-i h+na khA hi khA hi/ bun dza ho/ ma hA pu tsa du ru khA hi/ sarba pany+tsa sid+d+hi hUM/ zhes phul ba dang// bdag gi ming ni 'di lta ste// gnod sbyin yid 'phrog ces kyang bya// nyi ma stong gi gzi brjid can// 'byung po a par zhes kyang bya// chung ma ni gnod sbyin mo gang gang ga lha mo// 'khor ni bye ba phrag brgya zhes smra'o// sid+d+hi blang ba ni rab rig pa'i dbang thob// 'bring tshe bskal pa bdun thub/ tha ma ni nor zas la longs spyod cing lha 'dre mi gsum dbang du 'dus// bstan pa 'jig pa myur du sgrol// de skad gsung ma thag tu gnas longs spyod kyis gang bar gyur to// thugs rje 'byung ba'i rgyud las/ longs spyod sngags kyi le'u ste gsum pa'o//// de nas rtags dang dam tshig ni// 'od dang thug chom khang ba 'tshig/ byi la khyi'u'i gzugs che ba dang// mi reng dkar po sgyid lug pa// sgra mi snyan dang dri mi zhim pa dang// nyams ni 'dzigs zhum byed pa dang// gzugs la nyes med dngos su yong// 'byung ba'i tshe na dngos grub blang// dam tshig bstan pa bsrung bar bya// rang gi khu la tsan dan dkar po dang sbyar la/ gong nas rang gi pus mo g.yon pa'i 'og tu sbas la// kho byung ba dang mtheb srin gyis gtor/ bla rdo mchan khung du sbas la grib ma lus la 'khril ba ltar 'gyur ro// dam tshig tu gsang ba dang/ bla ma la gus par bya ba dang/ sgrub pa la brtson pa dang// sdom pa la gnas pa dang/ dge ba la brtson par bya'o// thugs rjes 'byung ba'i rgyud las// rtags dang dam tshig bstan pa'i le'u ste bzhi pa'o//// de nas gdug pa bsgral ba'i phyir// tshul bzhin bsgrubs kyang ma grub na// spogs te ar la gtad par bya// sa 'jim bag phye dug khrag bsre// tsha ba gsum gyis rab sbrus la// mdog ni kham pa ral pa can// snying khar srog dang ming bris la// thod pa'i nang du bcug la bzlos// gu gul nag po btsan dug dang// ri bong snying dang ro shing la// mes bsreg badzra pA Ni'i zhabs// srog dkrugs las sngags spel te bsreg/ bla rdo'i steng du me btang la// mi bzod rtags yang myur du 'byung// dgra bgegs ming dang bcas te sreg/ rdo rje mna' ba'i phyag rgya bstan// sid+d+hi gang 'dod blang bar bya// de nas yang 'dod pa ma lus bskang ba'i phyir// mdzes pa'i phyag rgya mo dag dgug par byed// gang dag de yi chu sa rjes sa 'am// lus kyi dri ma gar rnyed dang// nyungs kar nyungs nag sbyang ba der// mgo dang lus la gar thebs pa// gang 'dod sa des khugs par 'gyur// i byangs rang du daM daM sha daM ra ti// taM tsag du pa breng dbang po sdoms/ nig nan tag tra hUM hUM/sngags de khri rdzogs khugs par byad// de rting sgrol sngags 'di dag gdags// du ba sangs ti sa ma ya swA hA/ zhes gang dag 'grol bar 'gyur ro// yang cig rdzas kyis 'gugs pa ni// sdang lang tang pho dang/na chung gtsang ma'i mngal khrag dang/ sni shing gi me tog gsum sbyar te/ rang gi dpral bar thig le byas na/ gang mthong ba tsam gyis dbang du 'dus so// thugs rje 'byung ba'i rgyud las/ shis bstan pa dang na chung ma dgug pa'i le'u ste lnga pa'o//// de nas sid+d+hi yongs su bskul ba'i glu 'di gsungs so// hUM lcang lo can gyi gnas mchog nas// gsang bdag phyag na rdo rje dang// mdzes pa'i lha mo gang lha mo// gnod sbyin rgyal po a pa ra// bye ba brgya yi 'khor gyis bskor// rin chen gter gyi bdag po khyod// 'dod yon lnga la longs spyod cing// mthu dbang gzi brjid chen po dang// ci bsam lhun gyis grub pa yi// dngos grub chen po bdag la stsol// ces gsungs te/ 'bru dang zas skom la sogs dang// snying po lnga dang dri zhim sman// thod pa bkang la rol bar bya// thugs rje 'byung ba'i rgyud las/ sid+d+hi char dbab pa'i le'u ste drug pa'o//// de nas phan yon bshu bcangs pa'i tshig 'di gsungs so// kye!phyi ma'i skal ldan gang zag gis// rgyud 'di nyams su blang byed pas// rig pa'i rgyal po'i dbang bskur zhing// sum cu rtsa gsum gnas skyes la// lha dbang brgya byin dbang ster zhing// bskal pa bdun du tshe yang thub// longs spyod lnga ldan bsod nams skye// khros pa tsam gyis dgra rnams brlag/ lha 'dre mi gsum dbang du 'gyur// tha skar dri med lha mo 'gugs// kun gyis bdag mthong ngo mtshar shin tu che// tshe rabs thog mtha' ma lus dran// 'di la yon tan bsam mi khyab// thugs rje 'byung ba'i rgyud las/yon tan bka' rgyud bstan pa'i le'u ste bdun pa'o//// ho gsang ba'i bdag pos rgyal po rnam thos la// rgyal pos slob dpon ba dza ba ri la byin// des rgyal po in+d+ra bo d+hi la byin// des slob dpon pra ha ti la byin// des ba su d+ha ra la byin// des yang dbang gter la gtad pa'o// yid bzhin nor bu re 'dod skong ba'i rgyud// las dag rim par 'chang bas zhal gyi ngo mi tshugs// rin chen thugs kyi klong du bkod la gsong// gnod sbyin rgyal po a pa ras// badzra shrI bdag la gtad// rig pa'i dbang 'di thob par byos/ gsang ba'i man ngag yin no// sa mA ya so bag/ kha shi kha thaM////

CLOSE WINDOW