43a2 rgya gar skad du/ yak+Sha a pa ra tsit+ta tsit+ta gi hu b+hu ti tan tra/ bod skad du/ gnod sbyin gzhan gyis mi thub pa srog rtsa mngon du phyung ba zhes bya ba'i rgyud/ bcom ldan 'das gsang ba'i bdag po
43a3 lag na rdo rje 'chang chen po la phyag 'tshal lo// 'di skad go zhing rtogs pa'i dus nyid na/ ri rgyal lhun po'i rtse lcang lo can gyi gnas mchog chen po na/ bcom ldan 'das phyag na rdo rje dregs pa 'dul byed rgyal po/
43a4 dus gsum sangs rgyas thams cad kyi thugs rin po che dpal be'u las byung ba'i khro mchog chen po// 'khor 'jig rten pa dang 'jig rten las 'das pa'i tshogs bsam gyis mi khyab cing/ brjod kyis mi lang ba
43a5 rnams dang thabs cig tu bzhugs so// de'i tshe de'i dus na bcom ldan 'das gsang ba'i bdag po rdo rje 'chang chen pos/ 'jig rten gyi ma rungs pa thams cad tshar gcad pa'i phyir/ drag po 'bar ba'i ting nge
43a6 'dzin la snyoms par zhugs te/rdo rje mkha' la gsor zhing// e raM raM yak+Sha sarba dz+wa la raM/ zhes gsungs pas/ bcom ldan 'das gsang ba'i bdag po rdo rje 'chang gi sku la bskal pa'i me 'bar te/ 'jig rten
43b1 gyi lha dang/klu dang/ gnod sbyin gyi tshogs thams cad tar tshan la rtswa sbur ma chags pa ltar sregs shing bcom mo// de nas bcom ldan 'das gsang ba'i bdag po rdo rje 'chang gis/ oM a mri ta bi sho ta haM/ zhes
43b2 gsungs pas// shangs kyi bu ga gnyis na mar bdud rtsi'i chu rgyun chen por 'tsho bar byed pa zhes bya ba byung ngo// de dag gis lus la phog pa tsam gyis sos par gyur te slar yang dran pa rnyed do// rnyed nas kyang
43b3 rings par langs te/bcom ldan 'das gsang ba'i bdag po'i zhabs la spyi bos gus pas phyag 'tshal te 'di skad ces gsol to// bcom ldan 'das gsang ba'i bdag po ci nongs lags// bdag cag rnams
43b4 la ni 'di lta bu shin tu sdug bsngal zhing nyam thag par mchis na/bde bar gshegs pa khyed la thugs rjes byang chub kyi sems mi mnga' lags sam/ kye ma kyi hud/ bdag cag rnams kyi lus ni tshig/ khrag ni
43b5 skams/sha dang chu rgyus la sogs pa rnams ni gzhob tu thal te/ lus sems 'bral zhing 'gum pa 'am// 'gum pa la thug pa tsam du duHkha bar gyur nas/ bcom ldan 'das thugs rje ye shes kyi spyan gyis
43b6 gzigs shing bskyabs su gsol// zhes shin tu nyam thag pa'i smre sngags mang po ston par gyur to// yang de'i tshe de'i dus na bcom ldan 'das gsang ba'i bdag po rdo rje 'chang gis/ de dag las dbugs dbyung
44a1 ba'i phyir 'di skad ces bka' stsal to// e ma ho/ nga ni gsang bdag rdo rje 'chang// log 'dren kun gyi gshed ma ste/ bdud dang 'byung po 'dul byed yin// ma 'jigs ma 'jigs gnod sbyin
44a2 rnams// bde gshegs bka' las 'da' ma byed// bde gshegs bka' las sus 'das pa// nga yi rdo rje chen po 'dis// mgo bo tshal pa brgyar bkas nas// lus sems gnyis kyang so sor 'brel// rdo rje
44a3 dmyal ba'i gnas su skyes// de bas gnod sbyin yak+Sha'i tshogs// nga yi bka' las 'da' ma byed// bsgrub pa po yi sngags 'jug gis// sems can dbul zhing phongs pa las// nor dang longs spyod dngos grub
44a4 byin// khams gsum 'khor ba'i 'gro don gyis// 'on kyang rgyal ba'i sras su skye// zhes bka' stsal to// gnod sbyin a pa ra tsit+ta srog rtsa mngon du phyung ba'i rgyud las/ a pa ra tsit+ta btul ba'i le'u ste dang
44a5 po'o//// de nas gnod sbyin gyi rgyal po a pa ra tsit+ta la sogs pa'i lha dang/ klu dang/ gnod sbyin gyi tshogs thams cad rab tu dga' nas/ bcom ldan 'das gsang ba'i bdag po la 'di skad ces gsol
44a6 to// e ma gsang bdag rdo rje 'chang// bdag cag gnod sbyin nor gyi lha// lha klu gnod sbyin 'khor dang bcas// dpa' bo khyod kyi 'bangs su mchi// bde gshegs bka' las yongs mi 'da'// dus 'di nyid
44b1 nas bzung nas su// byang chub mchog tu sems skyed la// ma 'ongs skye ba thams cad du// sems can rnams kyi don bgyi'o// sngags 'chang rnal 'byor bsgrub pa po// phyogs bcu'i 'jig rten gang gnas
44b2 kyang// bdag cag rtag tu spyo bos 'khur// slad chad khyed kyi bka' bzhin bgyid// mtha' yas khams gsum sems can gyi// bkres skom du:kha zhi bya'i phyir// rang srog rdo rje 'chang la 'bul// 'di la byin
44b3 gyis rlab tu gsol// oM hri dza a pa ra tsit+ta dza dza/ zhes rang rtags snying po mdongs gsol du phul nas/ byang chub mchog tu sems bskyed cing/ mtha' yas pa'i sems can gyi 'gro don byed par khas blangs te/
44b4 kye bcom ldan 'das gsang ba'i bdag po chen po/ phyi ma'i tshe phyi ma'i dus su rnal 'byor pa gang zhig gis bdag la yi dam du bgyis nas/ bsnyen cing bsgrub pa bgyid na de la ci 'dod pa'i dngos grub bzhin
44b5 no// de'i las kyi ging ka ra bya'o// gzhan yang de'i 'khor dang rigs rgyud la sogs pa thams cad 'phel zhing rgyas par bya'o// zhes bka' 'bangs su khas blangs shing dam bcas so// gnod sbyin a pa ra tsit+ta
44b6 srog rtsa mngon du phyung ba'i rgyud las// a pa ra tsit+ta byang chub mchog tu sems bskyed nas srog snying phul ba'i le'u ste gnyis pa'o//// de nas 'khor gyi nang nas lha'i dbang po brgya byin stan las langs te/ bcom
45a1 ldan 'das gsang ba'i bdag po rdo rje 'chang gi zhabs la spyi bos phyag 'tshal te 'di skad ces gsol to// bcom ldan 'das gsang ba'i bdag po chen po sems can la phan pa dang bde ba'i phyir/
45a2 gnod sbyin nor lha'i rgyal po a pa ra zhes bya ba/ yid bzhin nor bu rin po che ltar dgos 'dod thams cad skong bar byed pa de bsgrub pa'i thabs// bdag cag 'khor rnams la bka' stsal du gsol// zhes
45a3 zhus pa dang/bcom ldan 'das gsang ba'i bdag pos 'di skad ces bka' stsal to// dbang po brgya byin gus pas nyon// sems can rnams la phan bya'i phyir// khyod la nga yis bshad par bya// nor lha'i rgyal
45a4 po bsgrub 'dod pas// thog mar dben pa'i gnas btsal la// de nas byin brlab mtshams kyang gcad// 'khor lo rtsibs brgyad maN+Dal bri// dam rdzas mchod pa rdzogs par dgram// stong nyid snying rje'i ngang
45a5 las hUM// rin chen gzhal yas gru bzhi bsgom// cho ga gsum las lha rnams bskyed// dbus su gtso bo rdo rje 'chang// yab yum rol pa'i mkha' gsang las// byang chub sems kyi hUM yig las// phyogs bcur
45a6 'byung po 'dul byed bcu// sgo bzhir gsang ba'i lha bzhi bsgom// snyan gsan dbab dang spyan drangs dang// bzhugs gsol skyabs 'gro 'thor 'thung bya// phyag 'tshal mchod dang sdig pa bshags// yi rang
45b1 bskul zhing gsol ba gdab// skyabs gsol lus dbul dge rtsa bsngo// gnyis med bstim la sku gsung thugs// byin brlabs dbang bskur rdzogs par bya// yid bzhin nor bu'i 'phro 'du yi// gtso 'khor
45b2 'dus pa'i snying po bzlas// oM badzra tsaN+Da ma hA ro Sha Na hUM phaT/ zla phyed sum 'bum rdzogs par bskyal// thun mtshams dag la gtor ma dbul// bstod dang bcol bskul bshags pa bya// zhes bya/ gnod sbyin
45b3 a pa ra tsit+ta srog rtsa mngon du phyung ba'i rgyud las/ye shes lha yi bsnyen pa'i le'u ste gsum pa'o//// de nas de yi bsnyen por ni// gnod sbyin lag na rdo rje bsgom// zhal gcig phyag bzhi sku mdog
45b4 sngo// sdigs mdzub rdo rje g.yas dang g.yon// lcags kyu ne le 'og ma gnyis// stang thabs bum pa'i gter chen gnan// rin chen rgyan ldan hUM sgra sgrogs// yak+Sha chen po'i skur bsgoms la// spyan drangs bstim la
45b5 bzhugs par gsol// dkar gsum mngar gsum la sogs pa'i// dam rdzas mchod pa rgya chen 'bul// mdun du nor lha'i rgyal po bsgom// sdigs mdzub phyag rgyas zil gyis gnan// bzlas pa 'bum du
45b6 rdzogs par bya// oM sid+d+hi badzra hUM/ yi ge gsum po gsang chen po// mgo 'dren mtha' sdud gnyis te lnga// bzlas pas nor lha dbang du 'dus// ma lus don gyi 'bras rab ster// gang tshe cho ga bzhin bzlas na//
46a1 'dir ni dngos grub the tshom med// ces gnod sbyin a pa ra tsit+ta srog rtsa mngon du phyung ba'i rgyud las/ las sngags gnod sbyin gyi bsnyen pa'i le'u ste bzhi pa'o//// de nas dngos grub grub
46a2 bya'i phyir// rang yang nor lha'i skur sgom ste// mdun du nor lha spyan drangs la// grogs po'i tshul du 'dris par bya// phyi mchod dbul zhing bzlas pa bya// oM hrI ha/ 'di ni 'bru gsum gsang ba'i sngags// bzlas
46a3 na nor lha'i rgyal po de// lus dang grib ma'i tshul bzhin nam// me dang du ba ji lta bar// nyi zer dang ni rdul bzhin du// skad cig mi 'bral rgyun du 'grogs// de nas dngos grub ci 'dod ster// zhes gnod sbyin
46a4 a pa ra tsit+ta srog rtsa mngon du phyung ba'i rgyud las/dngos grub nor lha'i bsnyen pa'i le'u ste lnga pa'o//// de nas nor lha bsgrub par bya// rin po che la nor lha'i sku// gzugs mdzes shin tu legs par
46a5 bya// zhal gcig phyag gnyis 'dzum bag can// spyan ni 'bor la yan lag thung// shin tu brjid cing 'gying ba la// g.yas na lcags kyu 'bar ba dang// g.yon na ne le bum pa yi// kha nas rin chen skyug pa
46a6 bya// spyi gtsug nor bu rin chen dang// dbu rgyan ze sgrog snyan cha dang// yan lag lhu tshig thams cad la// rin chen rgyan cha du mas spras// ral pas sku stod khebs pa yi// nyi zla pad+ma'i gdan stengs su// bum pa
46b1 nor bus gang ba yi// steng du stang thabs bgrad par bya// nang du bla rdo srog snying dang// 'khor lo gnyis dang gzungs sngags la// mnga' gsol rab gnas byas la gzhug/ gzhan yang sman lnga snying po lnga// rin
46b2 chen lnga dang 'bru lnga dang// spos lnga dar sna rnam pa lnga// 'bru gsum rgun 'brum li kham bu// shing thog lnga dang nor sna lnga// dkar gsum mngar gsum la sogs pa// mchod rdzas lnga yang gzhug par bya// de nas
46b3 nor lha spyan drangs bstim// de la dbang bskur rab gnas bya// maN+Dal dbus su bzhugs nas kyang// mchod cing bsgrub pa brtsam par bya// zhes gnod sbyin a pa ra tsit+ta srog rtsa mngon du phyung ba'i rgyud las/
46b4 sku gzugs bca' ba'i le'u ste drug pa'o//// de nas srog gi tsakra ni// rtsibs drug mu khyud ldan par bri// rtsibs la hri drug lte bar oM// rtsibs mchan drug la srog sngags dang// rang gi ming rus spel
46b5 la bri// hri dza a pa ra tsit+ta dza tsit+ti tsit+ti bdag che ge mo la tsit+ta hUM/ de ni srog gi snying po'o// de nas dngos grub tsakra ni// lte ba mu khyud rtsibs bcur bcas// de nas mu khyud rim ltar bskor// lte bar hUM bris mu
46b6 khyud la// dngos grub blang ba'i rtsa sngags bri// rtsibs la rtsa sngags bri bar bya// phyi rol mu khyud nang ma la// mi sems bsgul ba'i sngags kyang bri// de mtha' mu khyud gnyis pa la// dngos grub gsol byang bar ma
47a1 bri// de mtha' mu khyud bzhi pa la// sid+hi gsol byang tha ma bri// dngos grub gang 'dod sngags rnams bri// sngags dang gsol byang yig mgo rnams// thad kar steng nas bskor zhing bri// 'di ni
47a2 dngos grub tsakra ste// 'dri shog rin chen gser gyis bri// ci 'dod 'di la 'byung bar 'gyur// gnod sbyin a pa ra tsit+ta srog rtsa mngon du phyung ba'i rgyud las/ 'khor lo bri ba'i le'u ste bdun pa'o//// de
47a3 nas rnal 'byor bsgrub pa pos// bla rdo pha wang cho long la// ri bong khrag dang mtshal bsres la// hri drug la sogs bri bar bya// dar dkar khud du dril bar bya// rtsibs drug srog gi tsakras gtum// de nyid srog
47a4 dar dmar pos dril// sid+hi tsakra'i nang du dril// le brgan dar ser dag gis dril// ri bong snying gi dkyil du gzhug/ rang nyid phyag rdor nga rgyal gyis// nor lha bsgug cing de la bstim// za 'og khud du dril
47a5 nas kyang// snying gi mgo mjug ma log par// sgrub dus sku gzugs nang du bzhug/ de nas dbang bskur rab gnas bya// grub nas rnal 'byor lus la bcang// zhes gnod sbyin a pa ra tsit+ta srog rtsa mngon du
47a6 phyung ba'i rgyud las/bla rdo bca' ba'i le'u ste brgyad pa'o//// de nas mtshams bcad bsgrub pa bya// rang nyid phyag rdor gsal byas la// lcags kyu'i phyag rgya aM ku shas/ 'di skad ma nor spyan drang
47b1 ngo// oM!gnod sbyin rgyal po a pa ra// gter chen gyi ni mnga' bdag po// nor dang longs spyod kun gyi bdag/ nor lha'i dbang phyug rin chen 'bebs// 'dir spyon mchod pa dam pa bzhes// mchod gtor
47b2 bzang po 'di 'bul gyis// bdag dang bsam pa mthun pa ru// khro la 'jigs tshul ma yin par// mdzes pa'i sku ru 'byon par zhu// oM hriM dza a pa ra tsit+ta aM ku sha// dza hUM baM ho sa ma ya dza/ hUM!nor lha'i rgyal po
47b3 a pa ra// gnod sbyin chen po dam tshig can// dad pa dang ni dam tshig gis// sems can don la thugs rjes dgongs// dkyil 'khor gnas 'dir bzhugs su gsol// dkyil 'khor gnas 'dir bzhugs
47b4 nas kyang// bdag dang mtha' yas sems can gyi// dbul 'phongs sdug bsngal zhi bar mdzod// sa ma ya s+t+waM/ sa ma ya tiSh+Tha lhan/ hUM!gter bdag chen po a pa ra// nor bdag chen po 'khor dang bcas// khyed
47b5 la mchod pa 'bul ba ni// mdzes pa'i me tog rin chen 'phreng// bdug spos dri zhim sil snyan dang// ye shes gsal byed mar me bshos// gter bdag lha tshogs bzhes su gsolam// oM hriM dza a pa ra tsit+ta a
47b6 ha ra pU tsa me g+ha sa mu dra s+pha ra Na sa ma ye hUM/d+hU pe/ puSh+pe/ A lo ke/ gan d+he/ ne wi d+ye/ shap+ta/ rtsa sngags mchod sprin kun la sbyar// de ni phyi yi mchod pa yin// oM hri dza a pa ra tsit+ta ar+g+haM pra ti ts+tsha ho/ sa ma la d+hU pa
48a1 praM ti dza ho/gan+haM ho/ a mr-i ta/ pU dza ho/ kha kha le le/ khA hi/ gu ru khA hi/ 'o ma'i argaM spos dkar dang/ bla sder tshogs dang bdud rtsi phud/ 'bras dang 'o thug la sogs pa// rtsa sngags so sor sbyar
48a2 te dbul// de ni rang gi pu tsa yin// hUM!gnod sbyin chen po a pa ra// mchod pa'i gtor ma bzang po dang// sder bzang dam pa 'di bzhes la// phyag rdor bka' las ma 'da' zhig/ gal te bka' las 'das g
48a3 yur na// dam tshig las 'gal bar 'gyur// dam las 'das na dmyal bar ltung// de nas gnod sbyin rgyal po khyod// rang dam rang gis ma 'da' bar// mchod sbyin gtor ma 'di bzhes la// nga yi bka' las
48a4 ma 'da' zhig/nga yi bka' las 'das gyur na// phyag na rdo rjes mgo bo khos// oM hriM dza a pa ra tsit+ta ba ling i daM gr-i h+na gr-i h+na kha kha khA hi khA hi/ lan gsum brjod la gtor ma btang// de ni gsang ba'i mchod
48a5 pa'o// zhes so// gnod sbyin a pa ra tsit+ta srog rtsa mngon du phyung ba'i rgyud las// spyan drang ba dang mchod pa dbul ba'i le'u ste dgu pa'o//// de nas rang nyid thugs kha yi// hUM las 'od zer phar 'phros
48a6 pas// 'phags pa mchod cing 'gro don byas// bgegs dang log 'dren tshar bcad na// mi sems bskul zhing bcud bsdus te// slar 'dus sid+hi thob par bsam// yi dam lha yi dgongs pa'o// de nas nor
48b1 lha'i bzlas pa bya// hUM las phar 'phros 'os zer gyis// nor lha mnyes pa'i mchod pa dbul// tshur bsdus dngos grub ster bar bsam// oM hriM dza a pa ra tsit+ta dza dza/ tshes gcig la gzugs nya la
48b2 gdon// skabs su sid+d+hi bzlas pa byas// nya yi nub mo mi sems bsgul// sid+d+hi sid+d+hi bdag la sid+d+ha hUM/ rad na puN+yai ma hA puN+yai sid+d+hi pha la hUM a/ d+ha naM d+he sid+d+hi sid+d+hi pha la dza hUM a/ nan kha te sid+d+hi sid+d+hi pha la dza hUM a/
48b3 da la saM bo sid+d+hi sid+d+hi pha la dza hUM A/ oM nu ta tri a pa ra tsit+ta rad na sarba ma ne shrI sarba tri saM b+ha te swA hA/ grub rtags thon nas rtag gtor dbul// dam tshig bsre zhing sid+d+hi blang// zhes gnod sbyin a pa ra tsit+ta srog
48b4 rtsa mngon du phyung ba'i rgyud las/sgrub pa'i le'u ste bcu pa'o//// de nas yang dag bshad bya ba// gtsug gi nor bu sgrub 'dod pas// gser ram dngul las byas pa yi// nor bu rin chen 'bar ba bya// nyi
48b5 zla pad+mas brgyan par bya// nang du bla rdo srog snying dang// tsakra'i rdzas la sogs pa yi// tshang bar bcug la rab gnas bya// tshes gcig nya yi bar du bsgrub// dkar gsum gtor ma 'bras chan dang// mngar
48b6 gsum mchod pa rnam lnga dbul// nyin mtshan sngags ni so sor dbye// nyin mo rtsa sngags dngos grub sbrel// mi snying las sngags mtshan mo bzlas// nang nub yi dam bzlas pa bskyal// nya yi nub mo bzhi ka
49a1 dril// grub pa'i rtags dang mkhas par sbyar// ces gnod sbyin a pa ra tsit+ta srog rtsa mngon du phyung ba'i rgyud las/ spyi gtsug nor bu rin po che bsgrub pa'i le'u ste bcu gcig
49a2 pa'o//// de nas gzhan yang bshad bya ba// phyag mtshan bsgrub par 'dod pa yis// lcags kyu khru gang tshad du bya// de la rtsa ba'i snying po bri// dar sna lnga yi phur lce gdags/ ne le glud pu'i nang du
49a3 ni// rin chen lnga dang shing thog lnga// sman lnga 'bru lnga snying po lnga// dar sna lnga dang spos sna lnga// nor sna lnga dang mchod rdzas lnga// bla rdo tsakra gzungs sngags dang// lcags kyu de yi skyed par gdags// rtsa sngags mi
49a4 sems bsgul ba dang// dngos grub gsol byang gdab par bya// dkyil 'khor bri zhing rgyan rnams dgod// bum pa chang dang bu ram dang// mar dang sbrang rtsi sbyar ba blug/ a ru ra yang gzhug par bya// dar gyi
49a5 mgul chings bcings la bzhag/steng du dngos grub dpal zan la// 'bras bu snye ma phyi dang bstan// lcags kyu sgo la brten te gzugs// pad+ma re la mar me re// 'dod yon steng du mchod pa bsham// lho ru phyi
49a6 mchod byang nang mchod// tshogs mchod bza' btung shar dang nub// lho nas byang du kha bltas la// rdo rje 'chang gi ting 'dzin gyis// gnod sbyin spyan drangs rten la bstim// rtsa sngags dngos grub nyin mo ste// mi
49b1 sems las sngags mtshan mo yin// nye la bzhi snying gcig tu dril// sgrubs na dngos grub the tshom med// ces gnod sbyin a pa ra tsit+ta srog tsa mngon du phyung ba'i rgyud las/ rin po che phyag mtshan gyi bsgrub pa'i
49b2 le'u ste bcu gnyis pa'o//// de nas bcom ldan gsang bdag gis// spogs pa'i cho ga rgyas bshad pa// las 'phro bsod nams ma bsags pas// gal te grub par ma gyur na// phyi nang gsang ba'i
49b3 bshags pa bya// rtsa sngags dam tshig sngags dang sbrel// des kyang grub par ma gyur na// dam tshig bsgrag cing bka' nan bya// nor lha'i shi sa ar la gtad// phyi nang gsang ba rnam pa gsum// mkhas pas so
49b4 sor shes par bya// ka shi ri ka 'am rgya shog la// nor lha'i sku gzugs legs par bri// srog gi snying po'i snying kha ru// ri bong khrag gis bri bar bya// rtsibs drug mu khyud ldan pa la// oM ni lte bar bri bar
49b5 bya// rtsibs la srog gi yig 'bru dgod// rtsibs mchan 'dod pa'i sngags kyis bskor// mu khyud rtsa ba'i srog sngags dang// dam tshig gzir sngags bri bar bya// 'byung po 'dul byed ting 'dzin gyis// rdo rje
49b6 lcags kyu'i phyag rgya bca'// de la shes pa dgug cing bstim// bla rdo srog gi 'khor lo gsum// dar dmar khung du dril byas la// ri bong tsit+ta'i srog pa rtsar// bcug la gzungs thag sngon po bcing// mal 'og
50a1 'bru khung nang du gzhug/lcags kyu'i phyag rgya bcas nas kyang// oM badzra ro Sha ma hA kro d+ha sid+hi A kar+Sha ya hUM dza/ bkug la srog rtsa'i gzugs la bstim// de nas rang srog gdan la gzir// gzir
50a2 sngags nyin mtshan phyad du bzlas// oM hriM dza a pa ra tsit+ta sa ma ya dza dza/ bu d+ha yak+Sha a pa ra tsit+ta srog la breng breng thul thul/ ya me kha phu phus d+ho swA hA/ rang nyid 'byung po 'dul byed kyi// sor mor khro bcur bskyed
50a3 byas la// srog rtsa dril cing gzir sngags bzlas// kha nas snying khrag phyung bar bsam// dam tshig gnad nas bskul cing gzir// slar yang ma la 'og dong du gzhug/ sngags dang phyag rgyas zhabs mgo
50a4 gzir// lag pa g.yon pa'i thal mo ni// gan rkyal mnyam par byas pa la// mthe bong sgreng zhing g.yas pa yi// chang par bcug la khu tshur bcang// de yi mthe bong sgreng ba ni// 'byung po gnad kyi phyag rgya ste// de
50a5 nas sngags 'di brjod par bya// oM dzA ya dza ya ma hA kro d+hi rA dza i d+ha bu d+ha sa na d+ha ra sa ya rak+Sha swA hA/ zhes pas gan rkyal zhugs mgo nas// de nas de la tsham rngam bya// khu tshur phan tshun bcings nas
50a6 kyang// mthe bong brkyang la sngags 'di brjod// oM nA sha ya sarba duSh+tan ha na da ha pa tsa b+ha smi ku ru hUM hUM phaT/ de nas phyag rgya bcings byas te// g.yon pa khu tshur sdigs mdzub brkyang// dpung pa g.yon pa'i rtsa
50b1 bar phyar// g.yas pa'i mtheb mos mtheb chung gnan// sen mo gnan la byin pa brkyang// dpung pa g.yas pa'i rtsar gzhag la// phyogs gcig bskor zhing sngags 'di bzlas// oM badzra kro d+ha tsaN+Da ban d+ha ban d+ha
50b2 sid+hi ba sha hUM phaT/rdo rje dbyug thos phyogs mtshams su// bltam nas thar pa'i dus med bsam// nub mo 'dod pa'i sngags 'di bzlas// oM hri dza a pa ra tsit+ta dza/ tsit+ti tsi ti bdag tsi ti hUM/ phyag rgya mi bshig gu
50b3 gul bsreg/'thems rtags byung na rtag gtor dbul// de la dngos grub blang bar bya// bsgrub pa thon nas 'khor lo de// bdag gi dpung pa g.yas la gdags// bla rdo pha wang long bu la// hri bris za 'og khug
50b4 mar gzhug/rnal 'byor dpung pa g.yon la gdags// ci bsam lhun gyi 'grub par 'gyur// ces gnod sbyin a pa ra tsit+ta srog rtsa mngon du phyung ba'i rgyud las/ spogs chog gzir ba'i le'u ste bcu gsum
50b5 po//// gzhan yang gzir thabs bshad par bya// mdun du 'brub khung gru gsum du// kha skyer gdug pa'i rtsang gi bskor// ras sam dar ram shing shun la// ri bong khrag gis nor lha bri// snying khar 'khor
50b6 lo rtsibs brgyad la// mu khyud gnyis dang ldan pa bri// pho brang rtsibs la yi ge hUM// pho brang mu khyud rtsibs mchan la// rtsa sngags dam tshig zhal mthong sngags// rim pa bzhin du mkhas pas bri// de mthar mu
51a1 khyud tha ma la// gnyen po'i sngags dang me ri bri// de nang 'brub khung nang du gzhug/ gzungs thag sngon pos yan lag bcing// nor lha phur bzhi mang byas la// nyin mtshan sngags ni bsnol mar
51a2 drangs// nyin mo ye shes lha yi sngags// bzlas pa yungs dkar dag la bstim// brgya 'am stong gi skabs su ni/ dgug gzhug bya zhing thun gyis brab// sngags bzlas mchil mas bsnol du gzhug/ thun mtshams
51a3 bzlas pa'i bar dag tu// rdo rje 'chang gi zhabs 'og gnan// nub mo rtsa sngags dam tshig dang// zhal ston gsang sngags sbrel la bzlas// oM hriM dza a pa ra tsit+ta rad na pa shaM sid+hi d+hu ta hUM hUM/ rtags dang sbyar
51a4 la rnal 'byor pas// rtag gtor byin la dam tshig bsgrag/ sid+hi blang zhing las la dgyes// zhes gnod sbyin a pa ra tsit+ta srog rtsa mngon du phyung ba'i rgyud las/ 'khor lo bskor cing gzir ba'i le'u ste bcu bzhi
51a5 pa'o//// gzhan yang gzir ba'i man ngag ni// mdun du chos 'byung nag po bri// nang du nor lha'i sku gzugs gzhag/ phur pa cig gcig dong nas bskor// nor lha bskyel ba'i gdan stengs su// rdo rje
51a6 'chang gi lugs sku gzhag/bskyed dang spyan drangs bstim pa dang// phyag dang mchod pa la sogs dgug/ dgug gzhug rten la bstim nas kyang// zhabs 'og gzir cing bzlas pa bya// oM badzra tsaN+Da ma hA ro Sha Na
51b1 hriM dza/a pa ra tsit+ta mA ra ya phaT/ oM badzra tsaN+Da pra ma ye a pa ra tsit+ta mA ra ya phaT/ mgo 'dren mtha' sdud kun la gdags// oM badzra tsaN+Da ba ye/ badzra tsaN+Da ag na ye/ badzra tsaN+Da yak+Sha ye/ badzra tsaN+Da nA ga ba ru na ye/
51b2 badzra tsaN+Da ba ya be ye/ badzra tsaN+Da rak+Sha sa ye/ badzra tsaN+Da bi ga na ye/ badzra tsaN+Da sa pa ri ye/ a pa ra tsit+ta mA ra ya phaT/ go rims bzhin du bzlas par bya/ rdo rje 'chang chen khro bo bcu// sku stod khro bo cha byad can// sku
51b3 smad zur gsum dbal dang bcas// rang sngags rdzogs nas lan gsum dril// gsal ba gsum dang rab ldan pas// rgya mtshams dag tu gdab par bya// bstod tshig mchod bstod rdzogs par dbul// de ltar
51b4 gzir bas rtags mthong tshe// rtag gtor byin la dngos grub blang// ci bsam lhun gyis grub par byed// gnod sbyin bran du 'khol bar 'gyur// ces gsungs so// gnod sbyin a pa ra tsit+ta srog rtsa mngon du
51b5 phyung ba'i rgyud las/sku gzugs la brten nas gzir ba'i le'u ste bco lnga pa'o//// de nas lha dbang brgya byin gyis// bcom ldan 'das gsang ba'i bdag po rdo rje 'chang la 'di skad ces gsol to// kye
51b6 bcom ldan 'das gsang ba'i bdag po chen po/gnod sbyin nor lha'i rgyal po 'di bsgrub pas grub pa'i rtags ji ltar 'byung/ mi 'grub pa'i rtags gang lags// bsgrub pa la bar chad 'ong na ji ltar
52a1 mchi// 'khu ldog byed cing mi 'chun pa'i rtags gang lags/ chun pa'i dus su rtags ji ltar 'byung/ bcom ldan 'das gsang ba'i bdag pos bka' stsal du gsol/ zhes zhus pas// 'di skad
52a2 ces bka' stsal to// sems can rnams la phan bya'i phyir// nga yis khyod la bshad par bya'o// gnod sbyin nor lha grub pa'i rtags// rab ni dngos su 'byung 'gyur te// sku mdog dkar po bzhad cing 'byung// tshe
52a3 yi dngos grub ster ba yin// ser po 'od zer 'phro byung na// mi bzad gter gyi sid+d+hi ster// dmar po lcags kyu thogs byung na// gzi brjid dbang gi dngos grub ster// nag po gri gug thogs byung na// drag po
52a4 mthu yi dngos grub ster// dkar po ne le thogs byung na// longs spyod nor gyi dngos grub ster// ser po rin chen thogs byung na// dam pa chos kyi sid+d+hi ster// dmar po ba dan thogs byung na// bsod nams
52a5 'khor gyi sid+d+hi ster// sngon po mche ba can byung na// 'tsho ba zas kyi sid+d+hi ster// nag po ral pa can byung na// bdud 'dul sngags kyi sid+d+hi ster// mi reng dkar po mig dgu 'byung// rnal 'byor ci bsam grub pa'i
52a6 rtags// byis pa khye'u'i gzugs byung na// nor dang longs spyod ster ba yin// khro bo mig 'bor can byung na// thams cad zil gnon gzi brjid 'byung// mi nag g.yag zhon byung ba na// drag po mthu yi dngos
52b1 grub 'byung// mgo brnyan 'phra men 'jigs byung na// bdud 'dul sngags kyi sid+d+hi thob// der yang mi zad cho 'phrul ni// sna tshogs du ma cir yang 'ong// rta yi tshogs dang zhib can dang// btsun chen ban de
52b2 nag po dang// 'od dang sgra dang spyugs pa dang// seng phyug dang ni rta sngon dang// zas dang nor ster bal sogs 'byung// sku gzugs gzhad cing smra ba dang// ga 'u'i rdzas rnams 'phel ba dang// shes pa 'tshig
52b3 cing khro snying 'dod// nor lha grub pa'i rtags su 'byung// zhes gnod sbyin a pa ra tsit+ta srog rtsa mngon du phyung ba'i rgyud las/ grub rtags bstan pa'i le'u ste bcu drug pa'o//// de nas 'dir ni bshad
52b4 par bya// gzhan yang ngan rtags bstan pa ni// sgren mo thur skya rgyug pa dang// rtsi thog zor gyis gcod pa dang// 'bru la ser ba 'beb pa dang// zas nor gzhan gyis phrogs pa dang// nyi zla gza' yis zin pa
52b5 dang// mun sros nub mor 'dug pa dang// nyi ma zla ba nub pa dang// yul khams chu yis khyer ba dang// dong dang khron pa 'bru ba dang// khang stong nyal zhing ngu ba dang// rgya mtshor gru las rgal ba dang// bshal
52b6 skyugs mgo lus 'khyud pa dang// 'di rnams ngan pa'i mtshan rtags yin// sngags dang phyag rgya rab tu bsgrims// yun du sring na gang yang 'grub// gzhan yang rtags dang mtshan ma ni// 'jigs shing shes pa lci
53a1 ba dang// 'thib cing gnyid la dga' ba dang// dpyal cing mchi ma 'byung ba dang// shes pa 'phyo la tshig pa za// bu dang bud med bu chung dang// lha khang 'bag dang seng ge dang// byi la spre'u gar pa
53a2 dang// khyi dang 'bu sgrang la sogs pa// bgegs dang log 'dren bar chad yin// 'tshams dang drag po'i las rnams bya// kha ba bu yug char pa dang// chu dang 'dam rdzab la sogs pa// mi gtsang nyams grib spyad
53a3 pa yin// bsang dang khrus kyi cho ga bya// zhes gsungs so// gnod sbyin a pa ra tsit+ta srog rtsa mngon du phyung ba'i rgyud las/ ngan rtags bar chad bstan pa'i le'u ste bcu bdun pa'o//// de nas 'khu zhing
53a4 bzlos pa'i rtags// don med shes pa 'phro ba dang// rang sems snang ba 'khrul gyur nas// ri rab steng du nyil ba dang// mig gnyis sa la lhung ba dang// snying khrag kha nas skyug pa mthong// g.yang la 'phyo ba
53a5 mthong ba dang// du zhing lceb la gzo ba dang// chos smra kha nas glu len dang// rmi lam du yang bud med kyis// bskor nas sha khrag za ba dang// dmag dang dgra yis ded pa dang// gos sngon lus la gyon pa
53a6 rmi// 'di ni ma 'chun ldog pa'i rtags// ye shes lha yi bsnyen pa sgrim// gzhan yang nor lha chun pa'i rtags// dmag dang zhib can rta pa'i tshogs// phyag 'tshal mchod pa bskor ba byed// mi dkar zas nor ster
53b1 ba dang// lha phrug byis pa la sogs pas// dngos grub ci 'dod zer ba dang// bka' stsal nyan zhes zer ba ni// nor lha 'chun pa'i rtags yin pas// rtag gtor byin la dngos grub blang// gnod sbyin a pa ra
53b2 tsit+ta srog rtsa mngon du phyung ba'i rgyud las/nor lha 'chun pa dang ma 'chun pa'i rtags kyi le'u ste bco brgyad pa'o//// de nas gzhan yang bshad par bya// nor lha'i dngos grub bsgrub pa'i tshe// rnal
53b3 'byor dbang phyug bsgrub pa pos// dang po yin min brtag pa'i phyir// khab kyi phyag rgya bcas la bzung// se mo de yi mu 'dra bstan// nor lha yin na gsang mtshan ston// bdud dang bar chad yin na
53b4 'bros// yang na rang nyid phyag rdor du// bsgom la snying po drag tu bzlas// sdang mig sdigs mdzub rdo rje gsor// bgegs dang log 'dren 'bros par 'gyur// gzhan yang nor lha'i rtags yin na// nyam dga'
53b5 shes pa gsal bar 'gyur// ma yin mi dga' shes pa 'tshub// yin na kha chu sha spugs mdog/ yang na snabs dang dri chu gtor// yang na me tog mchod yon gtor// des ni bsnol gyis chod par 'gyur// bran
53b6 bzhin rnal 'byor las byed 'gyur// gsol byang pad+ma'i phyag rgya bstan// rtag gtor phul la dngos grub blang// bka' bsgo dam bdar mna' bsgag cing// gang 'dod las bcol dngos grub blang// zhes
54a1 gnod sbyin a pa ra tsit+ta srog rtsa mngon du phyung ba'i rgyud las/man ngag mdor bsdus pa'i le'u ste bcu dgu pa'o//// de nas bcom ldan 'das gsang ba'i bdag po rdo rje 'chang chen
54a2 pos// gnod sbyin nor lha'i rgyal po la bstod pa tshigs su bcad pa 'di bka' stsal to// hUM!gling bzhi 'jig rten dkyil 'khor nas// ri rgyal lhun po'i pho brang nas// ri rab ri yi khong seng nas// rin chen lnga
54a3 yi gzhal yas nas// sgo bzhi pany+tsa li gar bcas// 'dab brgyad pad+ma'i lte ba ru// bde gshegs lag na rdo rje 'am// bka' bsrung gnod sbyin nor gyi lha// nor skyong rgyal po a pa ra// khyod ni bde
54a4 gshegs thugs kyi sras/sems can kun gyi don byed pas// bar snang nyi ma'i 'od zer 'dra// bsgrub la sid+d+hi ster mdzad pa// rnal 'byor dgos 'dod skong ba'i phyir// yid bzhin nor bu rin chen 'dra// khyod
54a5 la sten nas sems can rnams// bde 'dod thar pa bsgrub pa'i phyir// rin chen gser gyi sa gzhi 'dra// khyod ni thugs rjes dbul 'phongs kyi// bkres skom duHkha sel ba'i phyir// dpag bsam shing gi sdong po
54a6 'dra// khyod kyi mthu dang rdzu 'phrul gyis// nyon mongs nad 'joms bde la dgod// sman gyi rgyal po bdud rtsi 'dra// khyod kyi dngos grub 'od zer gyis// ma rig 'khor ba'i bdud 'joms pas// mtshon gyi rgyal
54b1 po gnam lcags 'dra// khyod kyi gzi brjid mthu stobs dang// grags pas lo ka khyab pa'i phyir// bde gshegs thub pa chen po 'dra// de phyir mtshan don ldan gyur pa'i// gnod sbyin rgyal po khyod la 'dud// nor
54b2 lha khyod la phyag 'tshal bstod// gter bdag khyod la gus pas 'dud// nor dang longs spyod dngos grub dang// mthu dang gzi brjid grags pa dang// bde skyid phun sum tshogs pa yi// dngos grub chen po
54b3 bdag la stsol// ces gnod spyin a pa ra tsit+ta srog rtsa mngon du phyung ba'i rgyud las/ bstod pa'i le'u ste nyi shu pa'o//// de nas gsang ba'i bdag po de nyid kyis/ lha'i dbang po brgya byin la 'di skad ces
54b4 bka' stsal to// e ma ho// rgyud chen rgyal po 'di lta bu// 'das pa'i sangs rgyas rnams kyis kyang// 'jig rten 'di ru sngar ma gsungs// ma 'ongs sangs rgyas rnams kyis kyang// phyin chad gsung bar yongs mi
54b5 'gyur// da lta'i sangs rgyas rnams kyis kyang// nga yis bshad pa ma gtogs par// gzhan gyis gsungs ba yod ma yin// bsam 'phel nor bu rin chen ltar// 'jig rten khams na shin tu dkon// 'di yi
54b6 yon tan bsam mi khyab// rgyud 'di phyogs bcu gar gnas par// nor lha'i tshogs kyang de na gnas// nor lha gang na gnas pa na// mi zad gter yang de na yod// rgyud 'di 'dzin nam 'chang ba na// klog dang
55a1 kha don byed pa dang// bsgrub cing mchod pa de// mi zad gter la longs spyod cing// dus gsum sangs rgyas byin gyis brlab// lha srin sde brgyad bsrung zhing skyob// nor lha'i tshogs kyis dngos
55a2 grub ster// thams cad mos shing gus par 'gyur// lha 'dre mi gsum dbang du 'du// 'dod yon lnga la longs spyod dang// ci bsam lhun gyis grub par 'gyur// lha ma yin gyi lo thog dang// rin chen gter
55a3 rnams bdag la ster// tha skar dri med lha mo yang// bdag la shin tu chags par 'gyur// bsgrub pa po ni gar gnas kyang// dgra yi gnod pa yongs mi 'gyur// khros pas thams cad 'chi bar 'gyur// 'di ni
55a4 bzlas pa tsam gyis kyang// gling bzhi 'jig rten mi sems 'gul// nor dang longs spyod char du 'bab// bza' btung bar snang sprin ltar 'du// sum cu rtsa gsum gnas su skye// lha yis rgyal pos dbang bskur
55a5 zhing// tshe yang bskal pa drug cu thub// yi dwags nas su yongs mi skyed// de phyir bsgrub la brtson par bya// zhes gsungs so// de skad ces bka' stsal pa dang/ 'jig rten gyi khams thams cad kyang rnam pa drug
55a6 tu g.yos par gyur/nam mkha' las rin po che'i char yang babs so// 'jig rten gyi khams na sems can dmus long ji snyed cig yod pa de dag thams cad kyang mig dang ldan par gyur to// 'on pa rnams kyang
55b1 sgra thos par gyur to// zha bo rnams kyang 'gro shes par gyur to// lkugs pa rnams kyang smra shes par gyur to// dbul zhing longs spyod chung ba rnams kyang 'byor pa dang ldan par gyur to// a pa ra tsit+ta srog rtsa mngon
55b2 du phyung ba'i rgyud las/rgyud kyi phan yon bstan pa'i le'u ste nyer gcig pa'o//// de nas bcom ldan 'das gsang ba'i bdag pos/ rgyud yongs su gtad pa 'di bka' stsal to// 'dus pa'i 'khor
55b3 rnams nga la nyon// nga yis bshad pa'i rgyud chen 'di// gnod sbyin dbang du bsdu ba'i thabs// srog rtse sngon du phyung zhes bya// nor dang longs spyod 'gugs pa'i mchog/ gzhan gyi snying 'dren zhes kyang bya// 'dod
55b4 pa yongs su grub pa'i thabs// mi sems bsgul ba'i rgyud ces bya// 'di 'dra'i rgyud rgyal khyad par can// lha mchog khyod la gtad kyis chongs// kun la spel zhing bstan gyur na// rang la dngos grub mi 'byung
55b5 ste// nor lhas tshe la bar chad byed// de phyir kun la mi bstan te// rang srog shin tu btsa' bar bya// zhes gsungs so// a pa ra tsit+ta srog rtsa mngon du phung ba'i rgyud las/ gtad pa'i le'u ste nyer gnyis
55b6 pa'o//// de nas 'khor thams cad rjes su yi rang nas/ bcom ldan 'das gsang ba'i bdag po la bstod pa/ bcom ldan dpa' bo rdo rje 'chang// rtog med spros bral chos sku las// longs spyod rdzogs
56a1 pa'i skur bstan nas// bdud 'dul don mdzad khyod la 'dud// sems can bde la dgod pa'i le'u ste nyer gsum pa'o//// a pa ra tsit+ta srog rtsa mngon du phyung ba'i rgyud rdzogs so//


CLOSE WINDOW