31b1 yak+Sha a pa ra gu t+ya na ra ti tan tra/ bod skad du/ gnod sbyin pa ra tsit+ta gsang ba phyi ma'i rgyud ces bya ba// dpal phyag na rdo rje la phyag 'tshal lo// de nas yang gsang ba'i bdag po
31b2 yis// 'khor rnams kun la bka' stsal pa// nyon cig byang chub sems dpa'i tshogs// thams cad 'dun byed a pa ra// rtogs shing 'grub par 'dod na phyag rdor bsgom// de la phyi bsgrub nang bsgrub gsang
31b3 bsgrub gsum// yang gsang bsgrub dang rnam pa bzhi// phyi ltar mu khyud zlum pos bskor// mdun du hri dang ldan par bya// de yi mtha' mar sngags dgod la// phyi rol mi sems 'du ba'i sngags// bkod la bum
31b4 pa'i nang du gzhug/rnal 'byor lus la gdags pa'am// gces pa'i mdzod du gzhug par bya// de la dngos grub the tshom med// ces gsungs so// skabs bzhi pa'o//// de nas yang bka' stsal
31b5 pa// gnod sbyin bsgrub pa'i dam tshig tu// bla ma dang ni yi dam la// phyag na rdo rje bsgom par bya// spyo bor rab tu bsam par bya// mdun du gnod sbyin bsam par bya// 'gro la snying rje bskyed par bya// thams
31b6 cad dran par sems bskyed la// gnod sbyin bsgrubs pas dngos grub thob// tshe nyid ring bar 'dod pas na// lha 'dre thams cad zil gnon du// a pa ra la dbang skur bya// snying po bzlas la las gnyer
32a1 gtod// ces gsungs so// skabs lnga pa'o//// de nas yang dag bshad bya ba// rgyud 'di nyams su len pa ni/ dad dang dam tshig shes rab ldan// snying rje che dang shes rab dang// 'gro don nus pa'i
32a2 don du gsang la bzung// zhes rdo rje 'chang gis bka' stsal pa dang// nor bdag byang chub sems dpa' yi rang bar gyur to// rgyud phyi ma rin po che las/ skabs drug pa rdzogs so//// gu ru
32a3 pad+ma 'byung gnas nas brgyud pa'o// o rgyan pad+ma 'byung gnas ngas// tshangs pa klu gnon gtsug lag tu// gnod sbyin lag na rdo rje sgrubs// 'dod pa grub nas gter du sbas// lan cig 'di lta bu cig dang
32a4 gter srung sprod// kha zhen grangs nyung byang sems che// dad pa dam la gnas pa'i mi// yid ches drag la brtson pa'i mi// mig thag ring la g.yo sgyu chung// ci byed chos dang bstun pa'i mi// drang zhing mnyen la ring
32a5 la gtum// zol med bka' drang rig pa can// snod med pa la sdom pa'i mi// skal ba ldan pa spel bar rigs// spel dang mi spel na 'tshams shes// sems can kun la zhi ba'i mdangs// ci byung bla ma'i phyogs
32a6 su gtong// de lta bu dang phrad par shog/ phrad nas spel na rang gi dngos grub yal// 'dzam gling nor gyis bkang kyang zhabs tog chung// khe grags can la byin na rang gi srog la rgol// zol zog can la byin na
32b1 gnod sbyin chad pa 'ong// de bas ma spel rigs kyi bu// rang la ci zi 'di la zi// 'di bsgrub pa yi man ngag yin// khung mar chug la skye ru chongs// a+thi+-i/ sa ma ya/ u pa de sha rgya rgya rgya////


CLOSE WINDOW