28b1 rgya skar skad du/ gu h+ya a pa ra tsit+ta rad na sid+hi nA ma tan tra/ bod skad du/ a pa ra tsit+ta'i gsang ba phyi ma'i rgyud rin po che dngos grub ces bya ba// bcom ldan 'das phyag na rdo rje la phyag 'tshal
28b2 lo// 'di skad bdag gis thos pa'i dus gcig na/ gsang ba'i bdag po phyag na rdo rje ri rab kyi rtse la 'dus pa'i 'khor dang thabs gcig tu bzhugs pa la/ gnod sbyin a pa ra tsit+ta zhes bya bas rig pa phul
28b3 nas dam la btags so// de nas bcom ldan 'das kyis/ 'khor rnams la bka' stsal pa/ kye ho 'dus pa'i 'khor rnams kun// gnod sbyin nor bdag a pa ra// 'di nyid sgrub na dngos grub thob// ces
28b4 bka' stsal pa dang// 'khor gyi nang nas nor bdag byang chub sems dpas gsol pa/ e ma ho bcom ldan rdo rje 'chang// a pa ra yi don rnams kyi// bsgrub par bya ba ji ltar lags// de skad gsol pa'i tshig
28b5 gsan nas// gsang ba'i bdag pos bka' stsal pa/ gnod sbyin chen po a pa ra// dngos grub bdag po bsgrub pa'i phyir// sngon du yid bzhin nor bu'i sngags// yi ge bcu pa'i bsnyen pa bya// de nas ra ba bzhi
28b6 yi dus// ma nor nges pa'i tshes gcig la// maN+Dal pa yi rnam lngas byugs// mchod pa lnga dang ba ling bsham// bdag nyid phyag na rdo rje ni// shin tu khros pa'i sku ru bskyed// mdun du hrI:ni dkar po
29a1 las// gnod sbyin skyed la spyan drangs bstim// mchod bstod byas la gsang sngags bzlas// nya yi bar du zla phyed bya// des ma grub na stong du bskyar// des kyang grub par ma gyur na// zla ba phyi ma'i
29a2 nya yi bar du bsgrub// des ni 'grub 'gyur the tshom med// skabs dang po'o//// sngags kyi rim pa 'di lta ste// oM hri dza la a pa ra tsit+ta dza dzA/ 'bod pa'i sngags so// oM hri dza a pa ra tsit+ta sa ma ya badzra dza dza/
29a3 zhes pa ni lan gnyis bskyar ba'i sngags so// oM hri dza a pa ra tsit+ta sa ma ya badzra dza dza dzA hri dzA/ zhes pa ni lan gsum bskyar ba'i sngags so// oM shrI naM hUM dza dza/ sring mo'i sngags so// oM hri dza a pa ra tsit+ta dza dzA sa
29a4 ma ya dza la ba la sid+d+hi sid+d+hi hUM dza dzA/zhes pa ni dngos grub blang ba'i sngags so// oM hri dza A pa ra tsit+ta dza dzA che ge mo'i tsit+ta hri dza dzA wa shaM ku ru sarba sid+d+haM pha la hUM hUM dza dzA/ gzhan gyi shes pa dbang du bya'i sngags
29a5 so// oM hri dza a pa ra tsit+ta dza dzA ba ling i daM gri h+na gri h+na khA hi khA hi/ zhes pa ni gtor ma'i sngags so// oM hri dza a pa ra tsit+ta dza dza sarba duSh+tan mA ra ya hriM dza dzA hUM phaT/ ces pa ni 'gran sems 'dul ba'i sngags
29a6 so// skabs gnyis pa'o//// de nas rim par bka' stsal pa// gnod sbyin chen po bsgrub pa'i phyir// ri rab lcog gi byang phyogs na// spyan drangs mchod la bstod pa bya// oM dad pa dang ni dam tshig
29b1 gis// tshur gshegs tshur gshegs a pa ra// phyag na rdo rje'i dam tshig bzhin// thugs dam bzhin du gshegs su gsol// oM AHhUM hri dza a pa ra tsit+ta sa ma dzA dza hUM baM ho/ oM/ gnod sbyin rgyal po a pa
29b2 ra// yak+Sha chen po nor gyi bdag/ yid bzhin nor ltar re ba skong// bdag gi bsam pa 'grub pa'i phyir// dges shing brtan par bzhugs su gsol// oM hri dza a pa ra tsit+ta sa ma ya tiSh+Tha tiSh+Tha hUM hUM lhan// oM/
29b3 gnod sbyin nyi ma'i spyan can ni// phyag na rdo rje'i bka' nyan pa// dam tshig can gyi grogs byed phyir// dad pas 'dud de phyag 'tshal lo// oM hri dza a pa ra tsit+ta na mo// ar+g+haM pra ti ts+tsha ho/ oM/ yon chab me tog mar
29b4 me s+phos// zhal zas dri mchog sgra snyan mchod pa dam pa 'di// gnod sbyin chen po a pa ra la 'bul bzhes nas bdag la dngos grub gsol// oM hri dza a pa ra tsit+ta badzra a d+ha ra puSh+pe/ A lo ke/ d+hu pe/ ne we d+h+ye/
29b5 gan+d+he/ shap+da/ pU tsa sa mu dra s+pha ra Na sa ma ye hUM/ de nas yang/ gnod sbyin gyi rgyal po a pa ra// sder bzang dam pa 'di nyid dang// mchod sbyin gtor ma 'di bzhes la// 'dod yon lnga la longs spyod dang// nor
29b6 gyi dngos grub bdag la stsol// oM hriM dza a pa ra tsit+ta ba liM ta khA hi/ de nas bstod pa dag kyang bya// de nas dngos grub blang ba ni// 'dod yon lnga la longs spyod dang// ci bsam lhun gyis grub pa yi// nor gyi
30a1 dngos grub bdag la stsol// dngos grub chen po bdag la stsol// nga yi bka' las ma 'da' zhig/ nga yi bka' las 'das gyur na// rdo rje dmyal bar ltung bar nges// oM hriM dza a pa ra tsit+ta dza dzA
30a2 sa ma ya sid+d+hi hUM/de ltar spyan drangs mchod bstod na// lus dang grib ma bzhin du 'byung// thams cad 'byung ba'i dngos grub thob// 'jig rten 'di la mnga' dbang sgyur// grub nas nya la gtor ma
30a3 btang// longs spyod 'dus nas sder bzang gtad// skabs gsum pa'o//// de nas gzhan yang bka' stsal pa// 'khor lo bsgrub par 'dod pas na// ras sam gro ga shog bu la// gur kum ri bong khrag
30a4 dang ni// ba bla sbyar la bri bar bya// dbus su chen po bdag la stsol// nga yi bka' las ma 'da' zhig/ oM hrIM dza a pa ra tsit+ta dza dza sid+d+ha sid+d+hi hUM/ de ltar spyan drangs mchod bstod na/ lus dang grib ma bzhin du
30a5 'gyur// thams cad 'byung ba'i dngos grub thob// 'jig rten 'di la mnga' dbang sgyur// grub nas nya la gtor ma btang// longs spyod 'dus nas sder bzang dbul// zhes gsungs so// gnod sbyin gyi gsang
30a6 rgyud phyi ma rin po che las/skabs gsum pa'o//// de nas gzhan yang bka' stsal pa// 'khor lo sgrub par 'dod pas na// ras sam gro ga shog bu la// gur kum dag ni gi wang gis// dbus su zlum
30b1 po hUM bris la// mdun du hri dang ldan pa'o// de yi mtha' mar sngags bkod la// phyi rim dngos grub 'dun pa'i sngags// bris la bum pa'i nang du rtsal// gces mdzod nang du gzhag par bya// de la dngos grub the
30b2 tshom med// ces gsungs so// gnod sbyin gyi rgyud phyi ma rin po che las// skabs bzhi pa'o//// de nas yang dag bka' stsal pa// gnod sbyin bsgrub pa'i dam tshig tu// bla ma dang ni yi dam lha// phyag
30b3 na rdo rje sgom pa dang// spyi bor bla ma bsam par bya// mngon du gnod sbyin bsam par bya// 'gro la snying rje bskyed par bya// thams cad drang bar sems bskyed bya// gnod sbyin bsgrub pas dngos grub thob// tshe
30b4 nyid ring bar 'dod pas ni// lha 'dre thams cad zil gnon du// a pa ra la dbang bskur bya// snying po bzlas la las gnyer gtad// dngos grub thob nas 'gro don byed// ces gsungs so// gnod sbyin
30b5 gsang rgyud phyi ma rin po che las/skabs lnga pa'o//// de nas yang dag bshad bya ba// rgyud 'di nyams su len pa ni// dad ldan dam tshig ldan pa yi// skyes bu shes rab snying rjer ldan// 'gro don nus pa'i don
30b6 du yang// zhes bka' stsal pa dang/ dzam b+ha la la sogs pa rnams yi rangs par gyur to// gnod sbyin a pa ra tsit+ta'i rgyud phyi ma rin po che las/ skabs drug pa rdzogs so//// rgyud 'di rgyal po in+d+ra bo
31a1 d+his rdo rje gdan gyi shar phyogs kyi logs nas rnyed/lo brgya phrag gcig nas pad+ma sam b+ha la gtad/ de nas lo brgya phrag gcig lhag nas ba su d+ha ras rdo rje yang dbang ster la gtad do// de nas
31a2 lo brgya phrag bdun du nye ba ni/mtha' 'khob tu skyes pa'i rnal 'byor ba cig gis rnyed nas/ dngos grub chen por 'gyur bar shes par bya'o// a+thi+-i/ rgya rgya rgya/ bdag 'dra sangs rgyas ye shes kyang// sngon nas
31a3 tshogs gnyis bsags pa yis// gnod sbyin 'di yi rgyud dang mjal// ba su d+ha ra pha yi drin// sbyin pa ma thongs dbul po yi// snod du rin chen 'byung mi srid// tshogs ma gsags pa'i gang zag la// rin chen
31a4 rgyud 'di phrad mi srid// bla ma'i zhabs la ma gus shing// dam tshig med na 'grub mi 'gyur// de phyir gter du sbas pa yin// las 'phro can dang phrad pa shog////
31a5
31a6 rgya gar skad du/


CLOSE WINDOW