CLOSE WINDOW

Gpb049.028
བོད་ཡིག

rgya gar skad du/ badzra ga ru Da rat+ta ni ra ma Na nA ma tan+t+ra/ bod skad du/ rdo rje khyung nag gi rgyud rin po che'i sprul pa zhes bya ba/ dpal phyag na rdo rje la phyag 'tshal lo// 'di skad bdag gis thos pa'i dus gcig na/dpal phyag na rdo rje rgya mtsho chen po'i grong khyer du byon nas/ kA bA tsi tan las lnga'i gnas nas khyung lnga ru sprul te klu rigs lnga btul lo// de nas dpal phyag na rdo rje sprul pa'i khyung du sbrul nas klu thams cad brlag par gyur to// gleng gzhi'i le'u ste dang po'o//// de nas rdo rje gtum po la// khro bo bdud rtsi 'khyil pas gsol ba/ kye gsang ba'i bdag po/ 'gro ba sems can mi rnams la// gdug pa klu yis 'tshe ba la// thugs rjes rab tu skyabs su gsol// ces gsol pas// dpal phyag na rdo rjes gdug pa 'dul ba'i ting nge 'dzin la snyoms par zhugs nas/ srog tshig gsang ba rin po che'i sngags bka' stsal pa/oM tsaN+Da ma hA ro Sha Na badzra ga ru hUM phaT/ sa kra pu me nA ga nan srog tshig nan/ rbad lus rdul mA ra ya phaT/ raM raM dz+wa la dz+wa shi shi rdul bun rbad sod/ ces bka' stsal pas/ gdug pa'i sa bdag klu gnyan thams cad rdul du brlag par gyur to// klu btul ba'i le'u ste gnyis pa'o//// de nas yang gsol pa// sa bdag klu gnyan gdug pa rnams// 'gro ba mi la gnod pa la// thugs rje chen pos bsrung du gsol// ces gsol pa dang/ gsang ba'i bdag pos bka' stsal pa/ klu sems can mi la gnod pa bsrung ba la/ rtag pa dang ni gso thabs so// rtag pa dang ni rgya mtsho chen po'i dzi sleb na// de ni rab tu spang bar bya// dug bzhi lus la khrims nas spangs// de rtag pa yi man ngag ni// gzhan dag thams cad gso bar bya// zhes gsungs so// zhus lan gyi le'u ste gsum pa'o//// yang gsol pa/ rgya mtsho rdzi rlob ji ltar lags// zhes gsol pas// rgya mtsho rdzi rlob na mig mdog 'gyur ba'o// de ma yin pa sos par 'gyur ro// mkhur tshos gnyis dang rkang mthil gnyis la zhugs na dka' ngo// de yang sha ro la gsum ste/ sha ro dang pags ro kyi ro gsum mo// sha ro la yang gnyis su shes par bya'o// zhes gsungs so// rtag pa'i le'u ste bzhi pa'o//// de nas yang gso ba la gnyis te/sngags kyis gso ba dang/ rdzas kyis gso ba'o// sngags ni snga ma'o// rdzas kyi gso ba ni/ bdug pa dang byug pas gso ba'o// bdug pa ni khyi lud dang/ shu dag dang/ mi shi'i skra dang// gla rtsi dang/ ra gzhob dang/ sbru ma dang/ rma bya'i mdongs dang/ btsan dug bsregs la nad pa la bdug go/ byug pa ni de tsho'i steng du/ tshil chen byugs nas sbyar na tshabs chung la sos par 'gyur ro// gso ba'i le'u ste lnga pa'o//// de nas log gnon bshad pa ni/ thig le 'tshor na khyi'i skud pa la sngags lan gsum bzlas la bcings/ u pa ra tsi kha thaM daM sri nan/ ces so// gnyan gnod dang/ pu me sha kraM du rim ya phaT/ces gdags so// sa bdag gnon na/ sa kra ma ra ya rbud nan rbad/ ces gdags so// rgyal rigs dang/ rje rigs dang/ dmangs rigs dang/ gdol pa'i klu gnod na/ nA ga ku la tsi ra rbad rbad/ ces gdags so/ dam sri gnod na// na ga mo trig nan dza dza rbad thum ra la rbad/ ces gdags so// rgyal po gnod na/ ra tsa traM ril shel thum rbad/ ces gdags so// log non gyi le'u ste drug pa'o//// de nas srod tshang pas nad pa tshabs chung na yang snying dbog/ tshabs che na srog tshig gdags so// dam tshig bla ma dang yi dam lha mi spong/ sngags kyi byin rlabs nyams pas sgog pa spang/ khyo kha yin na 'dod chags spangs/gzhan gyi kha zas la mnyam bya med do// zhes gsungs so// dam tshig gi le'u ste bdun pa'o//// de nas bcom ldan 'das dpal phyag na rdo rjes/ bdud rtsi 'khyil pa la bka' stsal pa/rgyud 'di ni 'gro ba mi la phan gdags pa'i phyir bsrung ba'i rgyal po zhes bya bar zung zhig/ ces gsungs so// rgyud yongs su bzung ba'i le'u ste brgyad pa'o//// khyung nag rin po che gsang ba'i rgyud rdzogs so//// rgya gar gyi mkhan po ba su d+ha ra dang/ rdo rje yang dbang gter gyis bsgyur nas gter du sbas pa'o// rgya rgya rgya////

CLOSE WINDOW