358a4 rdo rje yang dbang gter gyi thugs dam mo// gsang ba dam tshig ni 'dir ma gtogs/ ga ru Da tsa le'i rgyud pa yin no// rgya rgya rgya//// rgya gar skad du/ badzra pA Ni ga
358a5 ru Da srog tshig nan ma hA gu h+ya su ni tra nA ma tan tra/bod skad du/ gsang ba don 'dus phyag na rdo rje khyung dang bcas pa'i rgyud/ srog tshig gsang ba zhes bya ba/ rdo rje khros pa'i khyung la phyag 'tshal lo// 'di skad
358a6 bdag gis thos pa'i dus gcig na/lcang lo can gyi pho brang na gsang ba'i bdag po phyag na rdo rje la dus gsum gyi sangs rgyas thams cad 'dus nas mthu dang stobs su ldan par dbang bskur te/ de'i tshe de'i
358b1 dus na srid pa sa bla dang sa stengs kyi gdug pa thams cad btul nas bran por byas so// de nas bcom ldan 'das kyis srid pa sa 'og gi klu gnyan dang sa bdag 'dul ba'i ting nge 'dzin du zhugs te/ rgya mtsho
358b2 chen po rin po che'i gling gdug pa klu yi grong khyer du byon nas zhabs kyi pus mo man chad las ma nub pa'i sku nam mkha'i mtha' dang mnyam pa sprul nas/ye shes 'bar ba'i sku dang/ gsung dang/ thugs dang/
358b3 yon tan dang/ 'phrin las las khyung lnga sprul te/ klu gnyan dang sa bdag la sogs pa btul lo// de yang rgyal rigs dang/ rje rigs dang/ bram ze dang/ dmangs rigs dang/ gdol ba'i rigs
358b4 rnams thams cad btul ba las/de'i tshe gdug pa che zhing bden pa ma mthong ba'i klu dang/ gnyan dang sa bdag gdug pa can 'dul dka' zhing/ sdongs zla sgron cing dregs pa che ste/ de dag thams cad gdul
358b5 ba'i phyir rdo rje khros pa'i bya khyung du sprul nas btul te/oM tsaN+Da ma hA ro Sha Na badzra ga ru Da hUM phaT/ srog tshig nan rbad/ lus rdul nA ga mA ra ya phaT/ raM raM dz+wa la dz+wa la/ shi shi rdul phung rbad sod/ ces gsungs pas
358b6 klu dang/gnyan dang/ sa bdag la sogs pa'i gnas stong pa tsam du gyur to// srog tshig gsang ba don 'dus kyi rgyud las/ gdug pa'i sde bcom zhing bstan pa'i le'u ste dang po'o//// de nas bcom
359a1 ldan 'das rdo rje gtum pos dpal chen po'i stobs dang ldan pa'i ting nge 'dzin du zhugs pa las/khro bo bdud rtsi 'khyil pa rang gi stan las langs te gsol ba/ kye ma ho bcom ldan 'das gsang
359a2 ba'i bdag po/'dzam bu'i gling gi 'gro ba rkang gnyis pa rnams la klu dang/ gnyan dang/ sa bdag la sogs pas 'tshe ba de dag thugs rjes bskyab pa'i phyir/ nyid kyi thugs rje'i rol pa chen po'i 'phrin las
359a3 bshad du gsol// zhes gsol to// de nas dpal rdo rje gtum pos bka' stsal pa/ khro bo las kyi bdag nyid rdo rje 'dzin pa nyon cig/ nyid kyi zhus pa'i don de bdag gis bshad cing bstan par bya'o// de la
359a4 'dzam bu'i gling gi sems can rkang gnyis pa rnams la klu'i dug bsrung ba dang/klu'i dug dbyung ba gnyis su shes par bya'o// de la klu'i dug bsrung ba ni// oM tsaN+Da ma hA ro Sha Da badzra ga ru Da hUM phaT/ oM sid d+har+tha
359a5 ga ru Da bi shud d+he nA ga nan/kha thaM kha thaM/ nyi ma sa sla nan/ klad pa nan/ tsit+ta gu li nan/ ku nA zhi tsi tra mur bzlog byer/ nA ga shig/ nA ga nan/ nA ga mgo la nan/ nA ga rA dza byer byer phaT phaT/ ces bzlas
359a6 pas ni klu'i dug mthong ba dang/reg pa dang/ yid kyi dug dang/ bsam pa dang/ kha rlang la sogs pa'i dug sel lo// nya mkhris la sogs pa'i rdzas la khri phrag tu bzlas nas bsngags na klu'i dug gis mi
359b1 tshugs te/thams cad bsrung par byed do// gzhan yang rnal 'byor ba bstan pa bsrung ba dang/ dgra bo la gtad byed tsam na yang de kho na la nan tan du shes par bya ste/ klu dang/ gnyan dang/ sa bdag srung ba
359b2 ni 'di las lhag pa med par bshad do// zhes gsungs so// srog tshig gsang ba don 'dus las/ klu'i dug rigs bsrung ba'i le'u ste gnyis pa'o//// de nas gzhan yang bka' stsal ba// nyon
359b3 cig khro bo las kyi rigs// 'dzam bu'i gling gi 'gro ba la// klu dang gnyan dang sa bdag rnams// gdug cing gnod par gyur pa la// dang po klu yi dug rigs kyis// zin pa rnams la 'di ltar bya// dang po zin
359b4 sa brtag par bya// de nas dug nad dbyung ba'i phyir// bsam gtan rnam lnga'i 'khor lo bsgom// skyabs 'gro sems bskyed ldan par bya// dbang dang rjes gnang thob nas kyang// rdo rje gtum po bsgom par
359b5 bya// thugs khar sprul pa'i khyung nag bsgoms// gshog pa thams cad rdo rjes gtams// sder mos sa bdag klu gnyan 'dzin// ye shes spyan drangs mchod bstod bya// dbang dang byin brlabs rdzogs nas ni// tsa
359b6 ba'i snying po bzlas par bya// oM tsaN+Da ma hA ro kha Na badzra ga ru Da hUM phaT/ ces pa bzlas te bsnyen pa'o// dang po lha nyid bsgom byas na// rkun po phug tu zhugs pa 'dra// de nas bsam gtan 'khor lo
360a1 bsam// srog tshig dag gi gdon dang bral// lus sbyong ting nge 'dzin ces bya// zhes gsungs so// gsang ba don 'dus srog tshig las/ lus sbyong bsam gtan gyi le'u ste gsum
360a2 pa'o//// de nas bdud rtsi 'khyil pas gsol pa/ bcom ldan gsang bdag rdo rje 'dzin// gdug pa'i nad kyis zin pa la// gso ba'i thabs mchog khyad par can// rim par bdag la bshad du
360a3 gsol// zhes gsol pa dang/ bcom ldan 'das kyis man ngag tu bstan pa'i gsang sngags bka' stsal pa/ dang po rtsa sngags sbyin par bya// de nas gdon ni ma slongs na// snga mar gsung ba'i srog tshig
360a4 bzlas// de nas the tshom spang bya ste// de la 'bad de bzlas par bya// de nas phugs tshol 'di nyid de// nA ga ag+nai dz+wa la dz+wa la raM raM mA ra ya phaT/ des ni grol bar dka' bas na// te baM te baM kring krung kring krung
360a5 tog tog tshal pa tshal pa gnod byed mA ra ya rbad hUM phaT/de bzlas grol bar the tshom med// gal te chu ser che ba na// chu ser dbyung ba'i drag sngags la// gnod byed lus la ha sa ha sa te paM te paM kri krung kri
360a6 krung thog thog tshal pa tshal pa ha la ha la raM raM shag rbad/dug chung rbad/ nA ga tsa ma ri phyung/ sa kra pu me nan dug phyung rbad hUM hUM phaT phaT/ chu ser thams cad 'bri bar byed// dang po rtsa sngags ma 'gyur
360b1 ba'i// sham bur gdags shing bzlas par bya// des ni gdug pa'i nad las grol// the tshom med par ngas bshad do// zhes gsungs so// gsang ba don 'dus srog tshig las/ gdug pa'i nad dbyung ba'i le'u
360b2 ste bzhi pa'o//// de nas gzhan yang bka' stsal pa// gdug pa klu yis zin pa la// sdong sde bsam gyis mi khyab ste// khyad par pe te'u nag mo 'ong// de dag kun kyang las kyis nyul// de dag ting
360b3 'dzin gsar la bzlas// bzlas pa byed pa'i bar du yang// smra bcad 'bum 'gyur yon tan che// ting 'dzin gsal ba man ngag yin// bla ma dag dang yi dam lha// ma yengs mos pa rgyun byas na// myur du grol
360b4 bar the tshom med// som nyi can ni nad kyis 'dzin// de dag grol bar ngas ma bshad// de bas nan tan rtse gcig bya'o// zhes gsungs so// srog tshig gsang ba don 'dus las/ gdug pa'i nad la don gyi man
360b5 ngag bstan pa'i le'u ste lnga pa'o//// de nas yang khro bo bdud rtsi 'khyil bas gsol pa// kye ma'o dpa' bo bcom ldan 'das// gdug pa'i nad rnams gso ba la// log non rim pa ma gsungs
360b6 pa// thugs rje 'gro ba bskyab tu gsol// zhes gsol pa dang/ de nas gsang ba'i bdag pos bka' stsal pa// log non rim pa 'di lta ste// nad pa snying 'phyo glu len cing// bzlas pa shol bar gyur pa
361a1 na// pe te'u brdung zhing gzir bar bya// lce nyid gdon gyis bzung gyur na// lce yi rtsa bar 'dab brgyad la// oM la sngags kyis bskor bar bsam// lce nyid rdo rje rtse lnga yi// steng ma'i rwa gsum
361a2 sngags kyis spras// de la dmigs bzlas grol bar bshad// pho ba na zhing zas mi 'ju// de pho bar ting 'dzin bsam// des grol ba ru bshad pa yin// gal te yul lha gdon gyur na// lci 'thibs ting 'dzin mi
361a3 gsal te// bden pa bdar la gtor ma sbyin// rtag tu lha dang snying rje bsgom// zug gzer skyes na bzlas pa yang// khyed kyis phri la bzlas par bya// klu bdud dag la gtor ma gtang// de la drag po byar mi
361a4 rung// zhes gsungs so// rgyud gsang ba srog tshig don 'dus las/ log gnon rim pa'i le'u ste drug pa'o//// de nas gzhan yang bka' stsal pa// thig le nad pa'i zungs yin te// gal te 'chor
361a5 na 'di ltar bya// ku ku dkar po'i bal skud la// sngags kyis btab la rdo rje bcings// oM shu tra d+ha ra Ni pri d+hA ra te swA hA/ yang na tshon skud dag la sngags// de ni thub par 'gyur ba yin// yang na gu gul mu zi
361a6 dang/mi yi klad pa shu dag sbyar// de skud thub par 'gyur ba yin// rtse mor bya thal bsku bar bya// rtsa bar sre mog byugs pas thub// de ni yang dag mchog tu bshad// ces gsungs so// srog tshig man ngag
361b1 gsang ba don 'dus kyi rgyud las/thig le bsrung ba'i le'u ste bdun pa'o//// de nas yang bcom ldan 'das rdo rje gtum pos// khro bo bdud rtsi 'khyil pa la bka' stsal pa/ 'gro ba sems can rigs
361b2 mang yang/rkang gnyis 'gro ba mi rnams la// nad ni rlung dang mkhris pa dang// bad kan 'dus pa khrag chu ser// klu yi dug lnga'i rten tu gyur// nyon mongs dug lngas rkyen bslangs nas// nad dang mdze dang ha
361b3 lar gyur// de 'dul gnyen por rgyud 'di gsungs// 'gro ba mi la gdug pa'i nad// na ba za ba ber ba dang// 'khyug cing grang ba la sogs 'byung// de dag rgyud 'dis grol bar bshad// phyi rol mu stegs la
361b4 sogs pas// nad dang gdon dang ma grol bar// rdzas kyi byug pa dag dang ni// bshal dang chu ser 'dren byas kyang// slar la mi 'tsho dam du 'ching// de bas rgyud 'di nan tan du// 'gro ba rnams la brtse phyir
361b5 bstan// rnal 'byor nad pa gso ba la// rngan chad tshod yod byed gyur kyang// snying rjes kun nas bslang nas gso// byams dang snying rjes gsos gyur na// nad pa myur du thob par bshad// ha cang sngan pa 'them
361b6 byed cing// byams sems med na 'tsho thag ring// de bas snying rjes don bslang nas// gsos na thar pa byang chub thob// ces gsungs so// rgyud srog tshig gsang ba don 'dus las// rgyud 'di ma gtogs pas
362a1 nad pa mi grol zhing/rnal 'byor mdzad spyod sangs rgyas su bya ba'i le'u ste brgyad pa'o//// de nas bcom ldan 'das rdo rje gtum po la// khro rgyal bdud rtsi 'khyil pa la sogs pas ngo
362a2 mtshar dges pa'i tshig mang pos bstod nas/mchod pa sna tshogs phul bar gyur to// rgyud srog tshig gsang ba don 'dus las// 'khor rnams yid tshim nas dges pa'i le'u ste dgu pa'o//// de nas
362a3 bcom ldan 'das dpal phyag na rdo rjes/'khor rnams la bka' stsal pa/ 'dus pa'i 'khor rnams kyis/ rgyud 'di ma 'ongs pa'i dus su 'gro ba sems can mi rnams la phan gdags pa'i phyir// gzung zhing
362a4 bcang bar bya'o// zhes gsungs so// rgyud srog tshig gsang ba don 'dus las// rgyud yongs su bzung ba'i le'u ste bcu pa'o//// rgyud gsang ba don 'dus le'u bdun brgya pa las/ rin po che dum
362a5 bur phyung ba zhes bya ba'i rgyud rdzogs so//// bal po'i paN+Di ta ba su d+hA ra dang/ rdo rje yang dbang gter gyis bsgyur cing zhus te gtan la phab pa'o// rgyud 'di ma tshang ba kha skong ba zhes bya ba phyi ma'i yang phyi
362a6 ma zhes bya'o// rgya rgya rgya////


CLOSE WINDOW