CLOSE WINDOW

Gpb049.020
བོད་ཡིག

badzra pA Ni tsaN+Da kro d+ha mu la ma hA tan+tA nA ma// bod skad du// phyag na rdo rje gtum po khros pa rtsa ba'i rgyud chen po zhes bya ba// bcom ldan 'das phyag na rdo rje la phyag 'tshal lo// 'di skad bdag gis thos pa'i dus gcig na/ bcom ldan 'das thams cad 'byung ba'i yum btsun mo'i yum btsun mo'i b+ha ga la bzhugs te/ de nas gnod sbyin bye ba phrag bcu dang/ stong gsum gyi stong chen po'i 'jig rten gyi khams na drag cing gtum po'i rigs ji snyed pa thams cad dang thabs gcig go/de'i tshe bcom ldan 'das drag po rnam par 'joms pa zhes bya ba'i ting nge 'dzin la snyoms par zhugs so//// yang de'i tshe bcom ldan 'das drag po chen po/ gtum po lus bskal pa'i me chen po ltar 'bar ba// srid pa gsum las rnam par rgyal ba// nyi ma stong gi gzi brjid dang ldan pa/ sangs rgyas stong rtsa brgyad la dbang sgyur zhing/de bzhin gshegs pa thams cad kyi ngo bor gnas pa/ thugs rje'i stobs gyis khros pas sems can skrag par byed cing sdug bsngal dang rnam par rtog pa thams cad 'joms par byed pa/lha rnams skrag cing gnod sbyin rnams 'dar cum cum khol du khol ba/ 'og klu gnyan sa bdag la khros pas de rnams snying 'gas shing 'jig rten gyi khams thams cad g.yo zhing kun tu 'khrug pa/ bar bdud dang lha ma srin la khros pas de kun kyang brgyal log log skad 'don zhing zhabs la phyag byed pa/ a la la zhes pa'i sgra sgrog pa/ 'jig rten gyi khams na ma rungs pa thams cad kyi mig 'drul zhing dbang du sdud pa/khro bo chen po'i cha byad du bzhugs so// de'i tshe sangs rgyas kyi mthus/ dpal dgon po nag po 'dod pa khams kyi dbang phyug ma hA ka la de/ rang gi stan las langs nas bskor ba lan gsum byas/phyi nang gsang gsum gyi mchod pas yang dag par mchod nas// de nas phyogs gcig tu 'khod nas/ des pus mo g.yas pa'i lha nga sa la btsugs nas/ bla gos phrag pa gcig tu gzar nas/thal mo sbyar nas 'di skad ces smras so// kye ma bcom ldan rdo rje 'chang// gtum po khros pa zhe sdang 'joms// stong nyid snying rje dbyer med can// rdo rje 'chang la phyag 'tshal stod// gang zhig rnal 'byor sgrub pa yis// sngags dang lha ni mchod pa'i tshogs// dbang dang dam tshig phan btags pa// tshar gcad pa ni ji ltar lags// bcom ldan khro bos bka' stsal pa// legs so dpal ldan mgon po khyod// legs par nyon la yid la zung// yi ge gnyis kyi sbyor byed pas// lnga ldan gdags par shes par gyis// rigs lnga gtum po ye shes can// lha yi 'khor lo bsgom par bya// phyi nang gsang ba mchod pa'i mchog/ smin byed bsrung dang phan pa'i sems// tshar bcad pa ni khyod kyis gyis// phyag na rdo rje gtum po khros pa rtsa ba'i rgyud chen po las/ gleng gzhi'i le'u ste dang po'o//// de nas ma hA ka la yis// bcom ldan 'das la 'di skad gsol// bcom ldan rdo rje khro bo yis// sngags kyi bye brag bshad du gsol// bcom ldan khro bos bka' stsal pa// a li ka la'i sbyor ba yis// sku gsum yon tan 'phrin las lnga// rab tu grags pas rnam par bshad// oM badzra tsaN+Da ma hA ro Sha Na hUM phaT/ oM ni lam ba ra d+ha ra badzra pA ni hUM phaT/ oM badzra pA ni hUM/ badzra ro Sha na ya hUM phaT/ oM badzra tsaN+Da sarba duSh+taM ta ka ha na da ha pa tsa hUM phaT/ oM badzra pA Ni sa maN+ta karma rag sha tsit+ta badzra nA ga sa ma ya ta hUM phaT/rigs lnga gtum po gsang sngags der// rim pa yis ni shes par gyis// de la gdags pa'i drag sngags ni// sbyor ba yang dag bshad par bya// oM ha a k+ShaM sod sngom na ri tha rbod/za pu raM rbad/ muM rig muM ma ra ya shig/ sog tshig na Na rbad/ lus rul la nA gA ma ra ya phaT/ raM raM dz+wa la dz+wa la shig shig ma ra ya/ rdul bung rbad sod/ oM badzra tsaN+Da sarba duSh+tan krig nan/ e hur thums dza mA ra ya rbad/ nA ga tsit+ta mA ra ya rbad/ yak+Sha tsit+ta mA ra ya rbad// ru kri tsit+ta mA ra ya rbad/ ra tsa tsit+ta ma ra ya rbad/ rag sha tsit+ta mA ra ya rbad/ tsa ra tsit+ta mA ra ya rbad/ haM shaM tsit+ta ma ra ya rbad/ badzra sa du tsit+ta mA ra ya rbad/mus mun tsit+ta mA ra ya rbad/ ma ma ri tsi tsit+ta mA ra ya rbad/ oM nyi ma sad la nan/ klad pa nan tsit+ta gu li nan/ ku la shig tsi tra mu tra bzlog byer// a mo ka shig a mo ka bzlog/a mo ka mgo la nan/ che ge mo tsit+ta mA ra ya hUM phaT/ gdug pa rnam gsum gsad bya ba/ thog mar shes dang gtso la sbyar// dregs pa bcu ni 'dul byed pa// gong ltar mthun dang par pa bzung// bsrung zhing zlog par byed pa ni// 'dres kyi tha mar shes par bya// gzhan yang sngags kyi sbyor ba ni// 'di ltar nga yis bstan par bya// oM na ma tsaN+Da badzra pA ni ye/ ma hA yak+Sha se na pa ta ya/ sarba sha truM/ oM ag+ne ye dz+wa la raM/shAn+ti ku ru ye swA hA/ puSh+tiM ku ru ye swA hA/ pa shang ku ru ye swA hA/ ma ra ku ru ye swA hA/ me lha'i cho ga rdzogs byas la// de yi gzhal yas drag po ru// bcom ldan cho ga legs pa yis// thun sngags drag las kun la sbyor// oM ag+ne ye su r+ya/ na ga phu me sa tra/ nA ga rak+Sha tshal raM/ mA ra ya phaT rbad/ oM nA ga sa kra phu me/ nA ga rag sha rak+ta/ mA ra ya phaT/ oM kI li kI la ya/ nAg sa kra/ phu me rak+Sha/ sarba big+nan baM hUM phaT/ oM bi sha ru ru// nA ga sa kri/ phu me rak+Sha/ tsa ra ma ra ya phaT rbad/ a mo ka ma ya phaT rbad raM raM/ gang gnod klu yi rigs lnga la// rab tu 'bar ba'i khro gtum gyis// khro bo lnga dang sngags 'di sbyar// gsad cing gtsar bcad pa ru 'o// oM nA ga rA dza b+han dur mA ra ya/ nA ga thuM ril ril/ nyogs nyogs rbad/ nA ga ma ra ya phaT/ oM nA ga na ya trig naN/ nA ga du duM ma ra ya dz+wa la rbad/ di ri di ri/ phung phung sod/ oM ru ti mA ra ya/thuM thuM shig shig/ rbad rbad/ oM ma ti ya nA ga/ mA ra ya thuM ril/ zhung zhung myog/ oM nA ga trig naN/ du du rbad/ pu ra sod/ ma ra ya phaT/ bcom ldan khro bo rigs lnga ste/ thugs las sprul pa'i mkha' lding gis// gdug pa'i tshogs rnams 'dul byed pa// de yi snying po 'di ltar ro// ha pa oM sa khri// rdo rje hUM gis sgra bsgrags pas// 'dul dka' ma lus 'dul byed cing// dregs pa rnam bcu brlag byas nas// sdug bsngal gsum ni zhi bar byed// phyag na rdo rje gtum po khros pa rtsa ba'i rgyud chen po las/ sngags kyi le'u ste gnyis pa'o//// de nas ma hA ka la yis// bcom ldan 'das la 'di skad gsol// bcom ldan rdo rje 'chang mdzad kyis// lha yi rnal 'byor bshad du gsol// bcom ldan 'das kyis bka' stsal ba// dang po byams pa bsgom par bya// gnyis pa snying rje rnam bsgom zhing// gsum pa dga' ba bsgom pa dang// kun gyi tha ma btang snyoms so// mi rtog ye shes rang rig hUM// bsnol ba sna tshogs rdo rje lte// rdo rje de nyid ra ba dang// gur dang sa gzhi rab tu 'bar// 'byung ba'i dkyil 'khor steng na gnas// bruM las gzhal yas drag po ru// chu skyes nyi zla phyogs kyi gdan// hUM oM traM hri haM/ 'bru lnga gsung gi sa bon las// rigs lnga rang gi phyag mtshan gyur// de gyur sku ru yongs su bskyed// dbus su ye shes gtum po ni// sku mdog mthing nag 'bar ba la// zhal gcig phyag gnyis spyan gsum khro// phyag g.yas rdo rje bsnun pa'i tshul// g.yon pa sdigs mdzub thugs khar bkan// zhabs gnyis brkyang bskum drag tu bgrad// dmar ser smin ma sma ra khro// kham nag gyen brdzes dbu yi skra// zla tshes mched dkar ljags glog 'khyug/ lto 'gros brgyan cing stag sham can// yum dang gnyis med thugs las 'khyud// sprul pas gdug pa'i tshogs rnams 'joms// bgegs chen bsnol ba'i gdan la bzhugs// drag po me dpung dbus na khro// bcom ldan thugs kyi sprul ba las// rigs bzhi gtum po rang gi ngo// shar du rdo rje gtum po ni// bdud las rgyal byed dri za'i gdan// zhal gcig phyag gnyis sku mdog dkar// spyan gsum mche gtsigs zhabs bgrad pa// skra ser ltos 'gro stag gis brgyan// g.yas pa rdo rje bsnun pa'i tshul// g.yon pa sdigs mdzub rab tu gdengs// me dpung 'bar ba'i rnam pa can// thugs las rdo rje khyung sprul lo// lho ru rin chen gtum po ni// gzi brjid 'bar ba gshin rje'i gdan// zhal gcig phyag gnyis sku mdog ser// spyan gsum zhabs bgrad mche ba can// skra brdzes ltos 'gro stag gis brgyan// g.yas pa rdo rje bsnun pa'i tshul// g.yon pa sdigs mdzub rab tu gdengs// me dpung 'bar ba'i rnam pa can// thugs las rin chen khyung sprul lo// nub tu pad+ma gtum po ni// rngam pa'i sgra sgrogs klu dbang gdan// zhal gcig phyag gnyis sku mdog dmar// spyan gsum mche gtsegs zhabs bgrad pa// skra brdzes ltos 'gro stag gis brgyan// g.yas pa rdo rje bsnun pa'i tshul// g.yon pa sdigs mdzub rab tu gdengs// me dpung 'bar ba'i rnam pa can// thugs las pad+ma'i khyung sprul lo// byang du las kyi gtum mo ni// bdud rtsi 'khyil ba gnod sbyin gdan// zhal gcig phyag gnyis sku mdog sngo// spyan gsum zhabs bgrad mche ba can// skra brdzes ltos 'gro stag gis brgyan// g.yas pa rdo rje bsnun pa'i tshul// g.yon pa sdigs mdzub rab tu gdengs// me ri 'bar ba'i rnam pa can// thugs las las kyi khyung sprul lo// de ltar dam tshig bskyed byas la// dza hUM baM ho phyag rgya bzhi// ye shes dkyil 'khor spyan drangs la// phyag 'tshal ba dang mchod cing bshags// rjes su yi rang bskul zhing gsol// dge ba cung zad ci bsags pa// byang chub thob phyir bdag gis bsngo// oM hUM traM hri haM gis ni// rigs lnga ru ni dbang bskur ro// oM dang aHdang hUM zhes pa ni// sku gsung thugs su byin gyis brlab// snying kar zla dkyil hUM yig ni// rdo rje ye shes tshon gang ba// zla ba hUM ste rdo rje hUM// sngags kyi 'khor lo rab tu 'phro// de ltar lha ni gsal ba las// sa bon rab tu 'bar ba yis// kha sbyar nyi zla'i 'phro 'du las// thabs dang shes rab sbyor ba yis// bde ba chen por gsol mdzad nas// thig le'i rang bzhin mi shigs kyis// bgegs ris stong phrag 'joms mdzad pa'o// phyag na rdo rje gtum po khros pa rtsa ba'i rgyud chen po las/ lha'i rnal 'byor gyi le'u ste gsum pa'o//// de nas ma hA kA la yis// bcom ldan 'das la 'di skad gsol// bcom ldan rdo rje gtum po yis// mchod pa'i bye brag bshad du gsol// bcom ldan khro bos bka' stsal pa// phyi nang gsang ba mchod pa'i rdzas// yi ge gsum gyis byin rlabs la// hUM dang aM yig sa bon gyis// rdo rje dril bu lag blangs la// stang stabs drag pos bgegs bskrad de// dang pa phyi yi mchod pa dbul// rtsa ba'i sngags la 'di rnams brtags// oM badzra puSh+pe pU dza A huM/ oM badzra d+hu pe pU dza A hUM/ oM badzra dI pa pU dza a hUM/ oM badzra gaN+d+re pU dza AHhUM/oM badzra ne wi te pU dza aHhUM/ oM badzra argaM ba tIts+tsha pU dza aHhUM/ oM badzra girti pU dza AHhUM swA hA/ na maHsarba ta thA te b+h+yo/ pi sho mu khe b+h+ya/ sarba tad khaM uta ga te s+pha ra Na hi maM ga ga na khaM swA hA/ rdo rje hUM gi sku chen gyis// gar gyi phyag rgya brgyan byas la/ ting 'dzin ldan pas dbul bar bya// de yi bsod nams dpag tu med// nang gi mchod pa 'di lta ste// yaM raM kaM dag sa bon las// rlung dang me dang thod pa'i sgyed// a las thod pa'i gzhal yas su// shu bi mu mA rA na go ku d+ha ha/ mi 'chi lnga dang rab gsal lnga// steng du sa bon dgod bya ba// oM traM aM khaM hUM// laM maM paM taM baM/ dpa' mo gsum gyi byin rlabs la// brjod pas dkar dmar dngul chu'i mdog/ ye shes bdud rtsir byin rlabs la// rdo rje khong seng ye shes ljags// hUM mdzad sngags 'dis gsol bar bsam// oM tsaN+Da badzra pA Na ye// ma hA ba ling i daM/ grih+na grih+na/ khA hi khA hi/ rak+ta pi pa ti// a mri ta pu dza/ g+ha na pu dza muny+tsa ho// sa ma ye swA hA/ lhag ma rnams ni bsngo bya ba// sngags 'di brjod pas thim par bsam// oM a ka ro mu khaM sarba d+harma naM ar+ya nut+pan na twat+ta/oM AHhUM/ de nas gsang ba'i mchod pa ni// shes rab yum gyi b+ha ga la// snyoms par zhugs pa'i bde ba yis// gtum khro 'bar ba'i brtul zhugs kyis// gdug pa'i tshogs rnams sgrol bar bya// sbyor zhing sgrol ba phyag rgya che// rab tu 'bar ba sreg byas la// ri rab gling bzhi'i 'og tu mnan// phyag na rdo rje gtum po khros pa rtsa ba'i rgyud chen po las/ mchod pa'i le'u ste bzhi pa'o//// de nas ma hA kA la yis// bcom ldan 'das la 'di skad gsol// ma smin smin par bya ba'i phyir// dbang bskur ba ni bshad du gsol// bcom ldan khro bos bka' stsal pa// dur khrod la sogs gnas chen du// gza' skar dus tshod bzang po la// sa brtags pa dang blang ba dang// me tog dor zhing lha yang brtag/ btso ma gser gyi mdog 'dra ba// rngan pa byin la brko bar bya// sa sbyang ba dang bsrung ba ste// sa yi cho ga rdzogs bya la// maN+Dal yid 'ong dri med khar// dri yi thig le me tog lnga// dam tshig 'khor lo bskyed byas pas// ye shes 'khor lo spyan drangs te// lha yi sta gon gnas pa dang// gser la sogs pa'i bum pa ni// lto ba che la mgrin pa ring// las kyi bum pa ma gtogs pa// yon tan ldan pas lha grangs bstan// sman lnga 'bru lnga snying po lnga// bdud rtsi lnga dang rin chen lnga// sha lnga 'o ma chu ni gsal// kha tshar ma nyams ras kyis bcings// 'bras bu can gyi rgyan ldan ni// dri bdug maN+Dal khar bzhag go/ mi dmigs bum pa bdud rtsi yis// rgya mtsho dbus su ri rab che// sprin sgra bsnol ba sna tshogs 'bar// lte ba bruM las gzhal yas drag/paM las chu skyes dam tshig bskyed// ye shes 'khor lo spyan drangs la// phyag rgya bzhi yis gnyis med bstim// sku gsungs thugs kyis byin gyis brlabs// spyan la sogs pa dbang bskur ro// mchod dang bstod pas bstod byas la// gzungs thag ldan pas bsnyen pa 'bum// de nas rdo rje slob ma la// skyabs 'gro sdig bshags byas nas su// byang chub mchog tu sems bskyed de// sdom pa gsum dang ldan par bya// slob ma'i gnas gsum dag tu ni// rdo rje khu tshur dri yi chus// thig le nyi zla pad stengs su// yi ge gsum gyi sbyor ba las// sku gsung thugs kyis byin gyis brlab// las kyi chus su gtor zhing bsrung// mchod pa lnga yis legs byas la// so shing bying la la nye brtag/ bsrung skud sngon pos dpung pa bcing// ku sha'i stan bting mtshan ma gdab// ltas ngan phur pa'i sbyin sreg bya// bsnyen pa'i dkyil 'khor mkha' la bteg/gzhon nus srad bu bkal ba la// kha dog dkar ba'i thig gdab ste// oM badzra tsakra hUM/ byed pa g.yon pas gdug byas te// chu shing g.yas pas tshon chen dgod// dpa' bo 'bru lngas byin gyis rlabs// dngas ma gtsug tor zlog pa ltar// kun rigs khro bo zhe sdang che// tshig 'byung rdo rje hUM zhes sgrogs// de lta'i blo ldan rnal 'byor gyis// sna tshogs rdo rje'i lte ba ru// 'khor lo rtsibs bzhi rgyas pa'i mdog/pho brang gru chad dbang gi tshul// mu khyud rdo rje thod par brgyan// phyi yi gru chad ljang bar bya// gru bzhi pa la sgo bzhi pa// kha dog phyogs kyi rigs dang mthun// rin chen pha gu 'dod yon rnams// dra ba dra phyed rta babs gces// dur khrod la sogs rgyan gyis sgeg/ rdo rje me ri bcas pa bri// de nas sngags 'dis stong par bsgom// oM shu n+ya ta dz+nyA na sarba d+hArma swa b+hA badzra Ad+ma kou0f85haM/ de lta bu yi dkyil 'khor khar// sprin sgra'i yi ge bsnol ma las// sna tshogs rdo rje'i lte ba ru// bruM las gzhal yas bskyed par bya// nang du chu skyes nyi zla'i gdan// dregs pa lnga yi gdan stengs su// oM hUM traM hri kham dag las// phyag mtshan gyur dang khro bo'i sku// de ltar dam tshig bskyed byas la// ye shes 'khor lo spyan drangs te// phyi nang gsang ba'i mchod byas la// phyag rgya bzhi yis gnyis med bstim// 'bru gsum sngags kyis byin gyis brlab// spyan la sogs pas dbang bskur ro// de nas slob mas khrus byas la// yol bas bar bcad gdong g.yogs bcing// oM badzra na ma mai hUM/ oM badzra na ma trai hUM/ oM badzra na mo na ma hUM/ de nas slob ma phyag byed du gzhug la// bde ba 'dod pa su zhig yin// bla mas de ni dri bar bya// skal ldan bde chen bdag cag la// slob ma'i lan du shes par gyis// de nas bla mas bde ba'i glu// dgyes pas blang bar bya ba ni// oM bud+d+ha d+ha ra pu dza me g+ha ud ga te/ s+phar Na hi maM ga ga na khaM hUM phaT/ de nas slob mas gsol ba gdab// de nas sngags 'dis dam chu blud// oM badzra ta ka hUM/ rdo rje thugs kar bzung byas la// dam tshig khro bo'i nga rgyal gyis// tshigs bcad sngags 'di brjod par bya// di ring phan chod khyod kyis ni// phyag na rdo rje nga yin pas// nga yi bka' nyan gsung bstod pa// khyod kyis byas na dngos grub 'byung// ma byas rdo rje dmyal bar ltung// oM badzra sa ma ya hUM/ de nas rdo rje spyi bor bzhag/ khyod kyi dkyil 'khor chen po 'dir// de nyid mi rnams mdun du ni// dus kun tu ni ma smra zhig/ ma smra dngos grub myur ba yin// smras na khro bos mgo 'gems so// oM badzra kro d+ha hUM phaT// sngags 'dis yol ba bsal bar bya// oM badzra pra ti dza ho// lan gsum brjod la mthong ngam dri// dbang thob phyi nas yon kyang dbul// sngags 'dis me tog dkyil 'khor dor// oM ta thu ga te pu dza hUM/ sngags 'di slob ma'i mgo la btags// oM rad na ma le a b+hi Shiny+tsa hUM/ bla ma rdo rje slaub dpon gyis/ lha yi 'khor lo bskur byas la// slob ma'i snying khar gzhug par bya// oM maN+Dal de ba tiSh+Tha ldan/ sngags 'dis gdong g.yogs dgrol bar bya// oM badzra ba she hUM/ de rnams las kyi bla mas bya// lha ngo bstan la dbang bskur ro// yab yum snyoms zhugs 'od zer las// bde gshegs 'od bskul bum par thim// cha 'dres 'od zhu bdud rtsi de// spyi bor chu yis dbang bskur ro// mi bskyod pa yi spro bsdu yis// tshigs bcad sngags 'dis sbyin par bya// sku gsung dam tshig las byung ba'i// ye shes bdud rtsi dri ma med// lha yi chu 'di dag pa yis// mi bskyod pa ru dbang bskur ro// oM badzra a dar shu dz+nyA na a b+hi Shiny+tsa maM/ rin chen 'byung gnas spro bsdu yis// tshigs bcad sngags 'dis cod pan spyin// sangs rgyas kun gyi rgyal srid do// o rgyan rin chen bla na med// o rgyan rin chen mchog 'gro ba// rdzogs sangs rgyas su dbang bskur ro// oM badzra sa man+ta dz+nyA na rat+na mu gu tra ya a b+hi Shiny+tsa maM// 'od dpag med kyi spro bsdu yis// tshigs bshad sngags 'di rdo rje sbyin// sangs rgyas kun gyi rdo rje'i dbang// mi phyed rdo rje gsal ba las// chos rnams kun gyi sgor gyur ba// rdo rje chos kyi dbang bskur ro// oM pradz+nyA a be sha ya dz+nyA na badzra a bi Shiny+tsa maM/ don rnams grub pa'i spro bsdu yis// tshigs bshad sngags 'dis dril bu sbyin// thabs dang shes rab ldan pa yin// 'gro don mnyam med byed pa dang// mchod pa'i las rnams rdzogs byed pa// dril bu las kyi dbang bskur ro// oM sti ta a nut+pa na dz+nyA na pa ne badzra a bi Shiny+tsa maM// rnam par snang mdzad spro bsdu yis// tshigs bcad sngags 'dis ming sbyin no// rdo rje ming du dbang bskur ro// byang chub snying po'i bar du ni// cis kyang mi chod mi shigs par// rdo rje'i ming du rab grags shig/ oM bi tri sho d+ha d+harma dz+nyA na nA ma a b+hi Shiny+tsa maM/ rdo rje brtul zhugs dbang bskur ro// 'phreng ba chen po ske la bskon// 'od zer 'phro 'du'i byin rlabs las// sngags 'di brjod la sbyin par bya'o// oM a A i I ar Ar u U al Al be she yen dre ba bi shud+hA ni swA hA// de nas lung bstan dbang bskur ni// rdo rje dril bu lag sbyin la// 'od zer 'phro 'du'i ting 'dzin bya// de nas tshigs bcad sngags 'di sbyin// oM haM k+Sha d+harma tsakra pra pa tu ka swA hA// bu khyod rdo rje slob dpon gyis// de bzhin gshegs pa'i 'khor lo bskor// rdo rje rin chen pad+ma las// 'gro ba drang phyir khyod kyis bskor// de nas gsang ba'i dbang bskur te// mtshan ldan rig ma'i b+ha ga la// dpa' bo seng ge bzhin du rol// tsaN+Da li ni rab gsal bas// e baM bde ba haM las 'dzag/ spro bsdu byang chub sems de sbyin// oM a mr-i ta gu na a bi Shiny+tsa maM/ mgrin par gsung la sbyin par bya// de nas a ho su khas btung// de nas shes rab ye shes dbang// mtshan ldan rig ma'i khrus byas la// slob ma dpa' bo'i tshul du rol// A li kA li sbyor ba yis// rkyang ma ro ma gnan ma bstan// sgyil dang zlog dang dgram zhing bstim// dga' bzhi bsdu ba nyams su myong// shes rab gsal ba'i ngang la gnas// oM pra dz+nyA nA a b+hi Shiny+tsa maM// bzhi ba chos nyid mngon rtogs dbang// lhan cig skyes pa bdud rtsi'i ro// mtshon du yod pa ma yin te// srid dang mya ngan 'das la sgrol// phyag na rdo rje gtum po khros pa rtsa ba'i rgyud chen po las/ dkyil 'khor dbang bskur ba'i le'u ste lnga pa'o//// de nas ma hA kA la yis// bcom ldan 'das la 'di skad gsol// bcom ldan rdo rje 'dzin pa yi// dam tshig bsrung ba bshad du gsol// bcom ldan khro bos bka' stsal pa// rdo rje 'dzin pa'i rnal 'byor gyis// bla ma la gus spyi bor bkur// bka' las mi 'da' som yid spang// stong nyid snying rje rab bsgom zhing// lha dang mi 'bral snying po rgyun// mched la gdung zhing dkon mchog mchod// gzhan la mi smad gdug pa bsgral// gsang ba mi bsgrag snod ldan drang// drod ma thob par las mi 'da'// gzhan la phyag kyang mi 'tshal bar// sems can don byed ma gtogs pa// gtum zhing khros par spyad par bya// 'jig rten lha srin mo mchod par// zas kyi rnal 'byor chen po bya// lam yang bzung bar mi bya zhing// dpa' bo seng ge bzhin du 'gro// gtam gyi lan yang mi sbyin par// mig kyang bgrad cing phyogs bcur dkrug/ gal te gzhan la tshig brjod na// drag cing rtsub par smra bar bya// gzhan gyi mtshan nyid mi rig par// dus tshod shes pa shin tu gces// de ldan dam tshig ldan pa la// mchog dang thun mong dngos grub 'byung// dam tshig nyams par gyur pas na// nad rnams sna tshogs 'byung 'gyur zhing// phyi ma rdo rje dmyal bar ltung// de phyir dam tshig rtag tu bsrung// phyag na rdo rje gtum po khros pa rtsa ba'i rgyud chen po las/ dam tshig gi le'u ste drug pa'o//// de nas ma hA kA la yis// bcom ldan 'das la 'di skad gsol// 'gro ba rnams la phan gdags phyir// bsrung ba'i 'khor lo bshad du gsol// bcom ldan khro bos bka' stsal pa// gza' skar dus tshes bzang po la// sngags pa blo dang ldan pa yis// gro ga shing dang dar dkar shing shun la// gur kum ram sam mthing shun gyis// 'khor lo rtsibs bzhi ser po la// lte ba gru chad dmar bar bya// mu khyud dbus ma sngon por bya// tha mar mu khyud nyi rim bya// dkar dang dmar bar kha dog bri// sna tshogs rdo rje lte bar bca'// 'khor lo'i lte bar hUM yig la// thugs kyi sngags kyis bskor bar bri// de mtha' mu khyud sngags 'dis bskor// oM ye d+harma he tu pra b+ha bA/ he dun+te Shan+ta thA ga to h+ya ba dat+te ShAny+tsa yo ni ro d+ha e paM pA dI ma hA shra ma Na ye swA hA/ 'khor lo rtsibs bzhi'i rtse mor hUM// sku gsum yon tan 'phrin las bzhi// de bzhin rim pa'i rtsibs la bri// bsrung dang bzlog pa'i las byed na// lnga ldan brtag pa so sor gces// g.yas dang g.yon du shes par gyi// rak+Sha rak+Sha/ ma ra ya rbad rbad/ zlog zlog/ yi ge 'bru bzhis bsrung byas te// gsum dang bzhi la gol du ming// gnyis ni gnyis su shes par b+h+yo// dgra la zlog tu shes par gyis// de yi phyir rim mu khyud la// bsrung zhing bzlog bye tha mar brtags// mu khyud tha ma 'dis su bskor// a A i I u U r-i r-I l-i l-I e ai o au aM a:/ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+Sha/ de la 'khor lo bri ba dang// dris bdug maN+Dal khar bzhag go/ dam tshig 'khor lo bskyed byas nas// ye shes 'khor lo spyan drangs la// mchod bstod gtor mas mnyes par bya// dam tshig 'khor lo de nyid la// phyag rgya bzhi yis gnyis med bstim// byin rlabs dbang bskur rab gnas bas// bsrung zhing bzlog pa mchog tu bshad// khrus byas sems bskyed byas la gdags// gzhan yang phan gdags rim pa ni// dug sgra'i mkhris pa ma rul ba// thabs sbyor gyis ni rten byas na// klu yi rgyal po 'jog po yis// gzung ba yang ni thongs par 'gyur// gser chu dngul chu mu zi yi// bcud len la sogs sbyor ba yis// don de bstan par mi 'gyur ro// 'bras bu gsum dang 'bri ga ra// sbrang rtsi mar dang ldan pa dang// sna tshogs pa yi sman rnams kyis// rtag tu goms par byas nas ni// gdon de zlog par 'gyur ba yin// bdud rtsi rdo chu dkar po dang// rtag tu zos na nges par grol// rang byung bdud rtsi chen po ni// bskor bzlog tu ni btul zos la// mchog dang thun mong dngos grub 'byung// bdud rtsi gzhan yang de bzhin no// dug sna dri chen rnyed tshad dang// tsan dan dmar dang mi yi zhun// byug pa byas na gdon las thar// gdung dang rma bya rang byung mchod// bcangs pa tsam gyis bsrung ba'i mchog/ rtsa bshal rtsub bshal rna bshal dang// rngam ru'i thabs sbyor dag dang ni// gtar dang me thur la sogs pa// rig pas bcad la kun nas dgrol// phyag na rdo rje gtum po khros pa rtsa ba'i rgyud chen po las/ phan gdags pa dang bsrung ba'i le'u ste bdun pa'o//// de nas ma hA kA la yis// bcom ldan 'das la 'di skad gsol// las mtha' rtsod pa'i dus de ru// tshar bcad pa ni bshad du gsol// bcom ldan khro bos bka' stsal pa// srog dang ser ba drag po'i gtad// tshar bcad pa ni khyod sogs kyi// nga yis bstan pa bsrung phyir gyis// dur khrod ras la 'khor lo bri// gri gug lta bu'i rtsibs bzhi pa// spu gri 'bar ba'i so can ni// mu khyud gnyis ldan dgra snying thub// rtsibs la sngags 'di bri bar bya// da ha da ha/ pa tsa pa tsa/ tshin+d+ha tshin+d+ha/ha na ha na/ dbus su mgon po'i snying po dgod// ka pa la yi kha bcad la// ling ga 'khor lo'i bar du gtum// ra las gri gug bskyed pa ni// rang nyid mgon por bsgom par bya// zhal gcig phyag gnyis khro gtum can// thod 'phreng gri gug thod pa bsnams// mthing nag me dpung 'bar bar bsgom// sngags 'di rgyun du grang bar bya// oM tsaN+Da ma hA kA la rak+Sha sa ma ya swa ti sa ma ya du dza/ sngags 'di sgrub na dngos grub nye// ting 'dzin gsum dang ma bral bar// rnal 'byor ba yis rtag tu bzlas// gdags pa'i las 'dis su gsad// a mu ka tsa ta rak+ta maM sa ti po ti/ khA hi khA hi/ a nu ka ra mA ra ya mA ra ya/ha na ha na/ pa tsa pa tsa/ tshin+d+ha tshin+d+ha/ rbad rbad/ zla ba gcig la thams cad rdzogs byed na// tshes nas nya bar bsnyen pa ste// dgu stong yan chad las la sbyar// stong la bsreg pa'i las bya'o// sku gsung thugs kyi rtags byung na// 'dod pa'i las rnams 'grub pa'o// bskul zhing gtor ma chen po sbyin// sbyor ba yis ni gsad bya ba// rtsa ba khu ba zho yang gnyis// dug sgra'i zas gnyis khal ma tsha// 'o ma dang sbyar rin chen sgrom// spa me'i bu ni kha sbyar der// dong srad nyos byed gsum ni tshad// sdig pa'i mig dang ro yi rtsi// me tog dkar dang rgyam tshwa dang// dri chu sbyor ba'i khrus kyis sel// phyag na rdo rje gtum po khros pa rtsa ba'i rgyud chen po las/mgon po gri khug gi le'u ste brgyad pa'o//// de nas ma hA kA la yis// bcom ldan 'das la 'di skad gsol// sangs rgyas bstan pa bsrung ba'i phyir// drag po'i chu 'khyags ji ltar dbab// bcom ldan khro bos bka' stsal pa// skyin thang me rlung 'khrug byed pa'i// klu yi phung ser nag po dbab// zangs sam dur khrod pu pe ru// dur khrod ras ni khru gang la// sum cu rtsa gnyis 'khor lo dang// thog ser dbab pa'i ngan sngags gnyis// spel te rim pa bzhin du bri// dkyil tu khyi nag thod pa la// thun chen til nag mi yi khrag/ re lcags sha chen ra yi dug/ spyang tsher dur khrod drag po'i sol// bdud rtsi lnga dang chang gi phud// btsan dug nya sbal sbrul sha gsal// thod pa yugs sa'i zhabs mas gtum// eg rtse ba nas sngags thun brdeg/ ma smin rgyud spangs dar bar bya// oM badzra kro d+ha ya phaT/ hu ya hu ya/ ru lu ru lu/ ban+d+ha ban+d+ha/ thuM ri li li/ sha ta ka pa la/ ma nu kra pa ri/ pra ti raM/ da ba ni/ bi dza hUM/ ta thA b+ha ba ni swA hA/ g+ha ta sha ni/ ra pha lam/ gu ni hri ta/ ka pa laM/ pa ta tha ra/ ra nu hri a/ laM ni nA ga naN/sha ka pa la/ ra pe na/ phaT ra do sta/ ga na laM/ nA ga ri naN/ a ba sha ya/ gnyid dang le lo rnam spangs te// zhe sdang chen pos drag tu bzlas// bya khyung phyag rgya rngam pa'i sgras// thog ser rkang pa shar gyis 'ong// de nas thod pa zhabs ma ru// 'khor lo legs par bris nas ni// gar 'bebs gnyan pa'i sa ru sba// thur bstan gzer te chu mig gzhug/ mdze po nal bu gris gsod dang// btsos kyi khrag ni shin tu gces// khrag sna dug sna rnyed tshad de// dgra yi gang khrus la sogs la// mdze po mon gyi thod par thab// rgya la dur khrod gdol pa'i me// drag tu thab bya cho ngas gdung// klu rnams gzir gyin sngags 'di bzlas// nA ga sarba sa ma ya skrugs krugs// nA ga rA dza shu tri phroM phroM/ nA ga rA dza shar sha lta phob phob/ rang nyid khro gtum nga rgyal gyis// klu yang skad ngan 'don par nges// dus khyad khyad par gsum la ni// khyab 'jug rgyu ba'i dus su bya// bsrung dang bsdu dang gseng ba ni// sham thabs rak+ta phud kyis bya// phyag na rdo rje gtum po khros pa rtsa ba'i rgyud chen po las/ klu'i phung ser nag po'i le'u ste dgu pa'o//// de nas ma hA kA la yis// bcom ldan 'das la 'di skad gsol// gdug pa tshar gcad drag po'i gtad// bcom ldan khro bos bshad du gsol// bcom ldan gtum pos bka' stsal pa// gro ga shing shun dag la ni// ling ga sor bzhi tshad byas la// snying khar 'khor lo rtsibs brgyad bri// dkyil du ming rus sngags 'di gdags// a mo ka tsit+ta mA ra ya rbad/ rtsibs la phu brgyad dgod par bya// mu khyud nang mar sgra gzhan bri// mjug ma kha bstan shin tu gces// tha mar gsad pa'i sngags yin no// dug dang mdze khrag sbyar ba bri// dri yis bdug la glang rur gsal// zer mo sha dang mdze po'i sha// gu gul mi mthun phyogs kyang blugs// la cas kha bcad re bas gtum// rig sngags khyung gi snying po 'di// 'bum tsho bskyal la klu bdud gtad// gdol ba'i chu mig gnyan sa ru// tsha thur drag po'i btsan thabs gsad// klu bdud gdol ba'i chu mig khar// ngo nas 'gro byed gsum du ni// khru gang ba yi dong brus la// klu gtor btang zhing bka' bsgo la// dong du rang zhugs sngags 'di bzlas// phu las klu brgyad bskyed la gtad// oM nA ga hi li nA ga 'dus 'dus sa ma ya dzA dzA/ gtum po khros pa'i nga rgyal gyis// klu rnams dbang du bsdus byas la// dza yi ting 'dzin drag po yis// dgra yi rnam shes bkug byas la// sngags 'di brjod pas sgrol bar bsam// oM na ga po baM/ tsa tsi rgya grag thur// snying la dgug/ nyags nyags rtsa bzhi skums// shan shan srog la shan// thur sod swA hA/ rigs byed can gyis de nyid bzlas// tsit+ta'i gong na a mo ka/gsad pa'i gdam ngag shes par gyis// de nas sa yis rdzas byas la// las mkhan rnams la las bcol lo// rgya gram ri rab gling bzhi gnan// rang nyid khro khyung nga rgyal gyis// sngags 'dis drag tu gzir la gnan// oM ta ki tsa ste/ bi dza te// hu ya hu ya/ hu lu hu lu/ sbu ru te spu ru te swA hA/ de nas gom pa bdun phyin la// mthu chen phyogs bcu gtor byas shing// mthe bong gnyis sbrel sor bzhin brkyang// nam mkha' lding gi ting 'dzin gyis// sngags bzhi dril la mtshams gcad do// de nas rdzas 'di lus la gdags// dug sna mu zi sgog skya dang// gla rtsi gu gul shu thag ste// stag gi sder dang phag gi mche// rma bya'i mdongs dang gzungs mo'i sgro// bdud rtsi lnga yis bya ba'o// rjes rnams rma bya'i sgro yis bsub// phur bus gdab cing tsha tsha bzhag/ phyir mig mi lta drag pos 'gro// ting 'dzin drag sngags rgyun du bya// glang thabs zha grum mdzes nad kyis// dgra bo myur du 'chi bar 'gyur// de ltar drag las gang byed kyang// klu yi thebs zlog 'di dang bstan// dgun zla 'bring po bdun dang nyer bdun thebs par bya// bcu drug nyi shu drug la bzlog/ dgun zla tha chungs phan gnod med// dpyid zla ra ba'i bco lnga zlog/ de ma yin pa las bya'o// dpyid zla 'bring po'i tshes brgyad dang// tshes gsum bzlog pas las mi bya// gzhan la las kyang rab tu bya// dpyid zla tha chungs nyi shu lnga// de la thebs pas gzhan du spang// dbyar zla ra ba'i brgyad la thebs// bco lnga de mthun nyer lnga bzlog/ dbyar 'bring nyi shu gnyis la thebs// brgyad la 'gyangs kyin nya la bzlog/ tha chungs nyi shu lnga la thebs// gzhan yang 'gyangs te bcu gcig bzlog/ ston zla ra ba'i tshes dgu thebs// bco lnga tshes gsum bzlog pa'o// ston zla 'bring pa'i tshes bcu thebs// gzhan la 'gyangs la bcu drug bzlog/ ston zla tha chungs bcu gcig thebs// nyi shu gcig kyang de ltar te// bcu dang dgu la bzlog pa'o// dgun zla ra ba brgyad la thebs// dgu la shin tu bzlog pa yin// dgun zla 'bring po bdun dang nyer bdun thebs// bcu drug nyi shu drug la bzlog/ dgun zla tha chungs phan gnod med// 'di ltar thebs zlog dang ldan na// sngags pa bkra shis phun sum tshogs// 'dod pa'i las rnams 'grub par 'gyur// ma ldan mi bde sna tshogs 'byung// tshe la bar du gcod byed do// de phyir shin tu gces pa yin// phyag na rdo rje gtum po khros pa rtsa ba'i rgyud chen po las/ gdug pa gtad kyi le'u ste bcu pa'o//// de nas ldan 'das bcom ldan 'das drag po rnam par 'joms pa'i ting nge 'dzin la snyoms par bzhugs pa bzhengs te/ bcom rdo rje khro bo la legs so zhes bya ba byin te/legs so legs so// rdo rje khro bo de de bzhin te/ ji ltar khyod kyis bstan pa de bzhin du/ gtum po khros pa rtsa ba'i rgyud chen po 'di/ dbang ma bskur ba la mi bstan zhing/ tshogs kyi 'khor lo brgya rtsa brgyad ma byas pa la mi bshad do// de dag byas shing sdom pa gsum dang ldan pa/ pha rol tu phyin pa drug la spyod pa la bshad do// rgyud 'di bcangs pa tsam gyis gdug pa thams cad tshar gcod par 'gyur ro// sangs rgyas gang+gA'i klung gi bye ma snyed kyi byin gyis brlabs kyis rdo rje khro bo las byung ba'i rgyud chen po 'di/ dpal mgon po nag po la gtad do// de skad ces bcom ldan 'das kyis bka' stsal nas/dpal mgon po la sogs te/ 'jig rten gyi khams na drag cing gtum po'i 'khor de dag thams cad yi rang rjes su yi rang ngo// bcom ldan 'das kyis gsungs pa la mngon par bstod do// phyag na rdo rje gtum po khros pa rtsa ba'i rgyud chen po las/rgyud yongs su gtad pa'i le'u ste bcu gcig pa'o//// phyag na rdo rje gtum po khros pa rtsa ba'i rgyud chen po/ bcom ldan 'das phyag na rdo rje'i zhal nas gsungs pa rdzogs so/

CLOSE WINDOW