CLOSE WINDOW

Gpb049.015
བོད་ཡིག

// rgya gar skad du/ kro d+ha rA dza shrI badzra pA ni tsan+Da ma hA ro Sha Na a b+hi Shi ny+tsa u pa de sha gu h+ya nA ma tan tra/ bod skad du/ khro bo'i rgyal po phyag na rdo rje gtum po 'jigs su rung ba'i dbang bskur ba man ngag gsang ba'i rgyud ces bya ba/bcom ldan 'das dpal rdo rje gtum po la phyag 'tshal lo// 'di skad bdag gi thos pa dus gcig na/ bcom ldan 'das gsang ba'i bdag po phyag na rdo rje la/de bzhin gshegs pa yang dag par rdzogs pa'i sangs rgyas gang+gA klung bye ba phrag 'bum gyi sangs rgyas rnams kyis dbang bskur te/ de bzhin gshegs pa shAkya thub pa dang/ rgyal ba rnam par snang mdzad dang/sangs rgyas mi bskyod pa rnams kyis dbang bskur bas/ khams gsum chos kyi rgyal por gyur nas/ 'og min gyi gnas lcang lo can gyi pho brang na/ 'khor sangs rgyas dang/ byang chub sems dpa' dang/bkra shis lha mo brgyad dang/ khro bo bdud rtsi 'khyil pa la sogs pa khro bo'i tshogs dang/ gnod sbyin chen po rgyal po rnam thos sras dang/ dzam b+ha la sogs pa rnams dang thabs cig tu bzhugs so// rdo rje gtum po dbang bskur ba man ngag gsang ba'i rgyud las/ gleng gzhi'i le'u ste dang po'o//// de nas bcom ldan 'das dpal rdo rje gtum pos dbang bzhi byin gyis rlob pa zhes bya ba'i ting nge 'dzin la snyom par zhugs so// de nas 'khor gyi nang nas khro bo bdud rtsi 'khyil pa stan las langs te 'di skad ces gsol to// bcom ldan rdo rje gtum po nyid// gzi byin 'bar ba'i rdo rje can// phyi rabs dam tshig can don du// nyid kyi bsgrub pa'i rim pa dang/ dbang bskur dam tshig rab gnas dang// la sogs rim pa bshad du gsol// zhes gsol ba dang// bcom ldan 'das rdo rje gtum po ting nge 'dzin las bzhengs te/bdud rtsi 'khyil pa la bka' stsal pa// bdud rtsi 'khyil pas don zhus pa/ nga yis bshad kyis legs par nyon// rdo rje gtum po bsgrub 'dod pas// shin tu rgyas pa lha mos bskor ba dang// de las bsdus pas gtum po bzhis bskor dang// bsdus pa rgyan gcig dpa' ba'i tshul// shin tu bsdus pa bzlas lung dang// rnam pa bzhi ru shes par bya// de la rgyas pa bsgrub pa ni// rnal 'byor dam tshig ldan pa yis// shin tu dben pa nyams dga'i gnas// yid dang 'thad pa bsgrub par bya// stegs bu mda' gang gru bzhi la// dri spos bdud rtsis chag chag gdab// thig gdab tshon gyis bri ba ni// pad+ma 'dab brgyad lte bar bcas// gru chad khyams dang sgo bzhi dang// rta babs mu khyud rgyan ldan bri// bsgrub rdzas mchod rdzas rim par dgram// phyi nang gsang ba'i mtshams gcad la// ting 'dzin rnam pa gsum nyid las// 'byung ba rim brtsegs steng nyid du// brum las gzhal yas gdan stengs su// bdag nyid gtum po yab yum bskyed// de nas pad+ma 'dab brgyad la// bkra shis lha mo sgo mar bcas// rim par bskyed la gsal gdab bya// rang bzhin spyan drangs brtan bzhugs dang// phyag 'tshal mchod dbul smon lam gdab// 'dzab bskul gsang sngags bzlas par bya// bstod dang tshogs dbul gsol ba gdab// thun mtshams spyod lam shes par bya// de ltar bsgrubs na bkra shis shing// dngos grub dam pa thob par 'gyur// zhes gsungs so// gtum po dbang bskur ba man ngag gsang ba'i rgyud las/ dkyil 'khor rgyas pa bsgrub pa'i le'u ste gnyis pa'o//// de nas rdo rje gtum po yis// gzhan yang rim par bka' stsal pa// de bas bsdus pa bsgrub 'dod na// snga ma lta bu'i gnas nyid du// maN+Dal stegs bu sngar ltar byug/dbus su zlum po mthing kha la// phyi rim 'khor lo rtsibs bzhi bri// gru chad khyams dang sgo bzhi dang// sgo 'khyud rta babs mu khyud bcas// rgyan dang bcas pa bri bar bya// dbus su sku gsung thugs rten dgod// mchod rdzas la sogs rim par dgram// phyi nang gsang mtshams mchod rdzas brlab// de bzhin nyid dang kun tu snang// rgyu yi ting 'dzin hUM nyid las// dbang chen rten dang bruM las ni// gzhal yas nyi zla pad+ma'i gdan// bdag nyid hUM bcas gtum por bskyed// g.yon du yum dang bcas pa yi// thugs ka nas ni gtum po bzhi// 'khor lo'i rtsibs la bskyed par bya// sgo bzhir dza hUM baM ho bzhi// sgo ma bzhi ni bskyed byas la// dbang bskur rgyas gdab bya ba dang// de la ye shes dkyil 'khor nyid// spyan drangs bstim dang phyag 'tshal la// sman raka gtor ma bstod pa dbul// smon lam gdab dang 'dzab bskul la// gsang sngags yi ge bcu pa bzlas// thun mtshams sbyor lam rim par sbyar// ldang bar 'dod na rgyun gtor gtang// de yis dngos grub thob par 'gyur// zhes gsungs so// rdo rje gtum po gsang ba man ngag gi rgyud las/dkyil 'khor de bas bsdus te bsgrub pa'i le'u ste gsum pa'o//// de nas gzhan yang bshad bya na// bsdus pa dpa' bo gcig bsgrub na// dben pa'i gnas su maN+Dal bya// bdud rtsi lnga yis chag chag gdab// rdo rje rgya gram dkyil 'khor bri// dbus su sku gsung thugs kyi rtan// dgod cing mchod dang gtor ma bsham// phyi nang gsang ba'i mtshams gcad nas// mchod rdzas byin gyis brlab par bya// de nas mdun gyi nam mkha' la// bla ma yi dam sangs rgyas dang// byang chub sems rnams spyan drangs la// rgyun chags yan lag bdun pa bya// de nas shu n+ya ta yi sgras// chos rnams thams cad stong par bsgom// de nas pad+ma nyi zla'i steng// sems nyid yi ge hUM las ni// 'phros 'dus rdo rje rtse lngar gyur// de las 'phros dang 'dus pa las// bdag nyid rdo rje gtum po ni// zhal gcig phyag gnyis zhabs gnyis bgrad// g.yas pa rdo rje rtse lnga bsnams// g.yon pa sdigs mdzub dag dang ldan// na bza' sngo nag sbrul brgyan can// stag gi pags pas sham thabs byas// me dpung nang na gnas par bsgom// thugs kha'i hUM la 'od 'phros pas// ye shes rdo rje gtum po ni// spyan drangs mchod dbul bdag la bstim// de nas rigs lnga spyan drangs la// mchod de dbang bskur dbang rtags su// mi bskyod pa yis mtshan par bsam// spyi bo mgrin pa snying kha ru// yig 'bru gsum gyis rgyas gdab bya// de nas thugs khar pad+ma dang// nyi zla'i steng du rdo rje dang// hUM la sngags kyis bskor bar bsam// de la dmigs la gsang ba yis// snying po yig 'bru bcu pa bzlas// thun mtshams bstod dang gtor ma gtang// spyod lam gtum po'i nga rgyal gyis// dge ba'i las la brtson par bya// de yis dngos grub mchog tu thob// ces gsungs so// gtum po'i man ngag gsang rgyud las// dpa' bo gcig pa bsgrub pa'i le'u ste bzhi pa'o//// de nas rdo rje gtum po yis// bdud rtsi 'khyil la yang gsungs pa// bzlas lung bsgrub par 'dod pa yis// dad ldan bla ma la gus la// 'di ltar bzlas lung shes par bya// bla ma spyi bor bsgom byas la// skyabs 'gro sems bskyed stong nyid las// bdag nyid skad cig gtum por bskyed// spyi bor bla ma 'am mi bskyod bsam// de la dmigs la bzlas pa bya// lus kyi na tsha la sogs la// ting 'dzin gtad la bsgom par bya// thun mtshams srog gi rlung gzung nas// tshe ring dngos grub thob par 'gyur// thun mtshams dge bsngo spyod lam bya// de yis sid+hi thams cad 'grub// lus ngag yid kyi sdug bsngal sel// de ltar bsgom la rgyas bsdus bzhir// gsang sngags 'di ltar bzlas par bya// oM tsan+Da ma hA ro Sha na hUM phaT// shin tu rgyas par bsgrub pa yi// thun mtshams yum dang 'khor bcas sngags// oM tsan+Da ma hA ro Sha na tsan+Da le de bi hUM hUM phaT/ ces pa thun mtshams bzlas pa dang// gtum po bzhi bskor thun mtshams su// oM tsan+Da ma hA ro Sha na sa pa ri wA ra hUM hUM phaT/ ces pa ni/ thun mtshams shes re tsam du bzlas// 'khor dang bcas pa'i don snying po ste// nyi shu rtsa gcig tsam du'o// bsdus dang bzlas lung snying po ni// gong gi ye ge bcu pa'o// 'phro ngan la sogs bsrung ba la// srungs shig srungs shig spel bar bya// lus kyi na tsha zhi 'dod na// bdag gi rlung mkhris bad kan rnams// zhi bar gyur cig spel bar bya// nad ni rnur lci gdon gnod la// bdag gi nad dang klu yi dug nad kun// zhi bar gyur cig spel la bzlas// tha mar swA hAs brgyan par bya// zhes gsungs so// rdo rje gtum po gsang rgyud man ngag las/bzlas lung man ngag dang bcas pa'i le'u ste lnga pa'o//// de nas bcom ldan gtum po yis// bdud rtsi 'khyil la bka' stsal pa// nyon cig khro bo bdud rtsi 'khyil// rdo rje gtum po'i dbang bskur ni// slob dpon rgyud dang bcud dang bcud ldan la// slob pa dam tshig ldan pa yis// dbang bskur zhu bar gsol ba gdab// de nas rdo rje bla ma yis// mtshams gcad mchod gtor bshams byas la// yi ge bcu pa 'bum phrag gcig bzlas te// rgyu skar dang ni tshes grangs dag/ bzang po dag la dbang bskur bya// slob ma khrus byas gdong g.yogs la// bgegs bskrad mdun du thal sbyar 'dug/ 'jug dang rjes gnang gsol gdab bya// gsang mtshan gdags pa la sogs bya// dkyil 'khor pad+ma 'dab brgyad dam// 'khor lo rtsibs bzhi bris byas la// dbus su rnam rgyal bum pa ru// rin chen la sogs rtsal nas kyang// bum pa bruM las gzhal yas su// baM las 'o ma'i rgya mtsho bskyed// dbus su paM las pad+ma dang// nyi zla'i gdan la hUM las ni// rdo rje gtum po bskyed byas la// mchod bstim rgyas gdab dbang bskur nas// bum pa'i lha la dmigs byas la// ye ge bcu pa brgya rtsa brgyad// bzlas la byin gyis brlab par bya// las kyi bum pa shar trang gzhag/ rdo rje chu ru bsams pas brlab// dbang rdzas rnams kyang rim par brlab// mchod pa dang ni gtor ma bsham// de nas mtshams gcad mchod pa brlab// ting 'dzin gsum las dbang chen dang// bruM las pad+ma'am 'khor lo yis// gzhal yas bsam las lha bskyed nas// spyan drangs mchod bzlas la sogs pas// ye shes lha rnams mnyes par bsnyen// de nas slob mas bla ma yis// rjes su 'breng la tshig brjod de// bu yis dbang bskur gsol ba gdab// de nas rdo rje slob dpon gyis// mdun du slob ma gnas pa de// shu n+ya ta yis stong par bsgom// de las sems nyid hUM du bsgom// de las rdo rje de las sku// spro bsdu byas la gtum por bskyed// bdag gi thugs kha'i hUM las ni// ye shes phyag rdor spyan drangs bstim// de la thugs kha'i lha mos mchod// de nas slob pa'i spyo bo ru// yi ge oM bsams 'phros pa yis// de bzhin gshegs pa'i sku mnyes nas// slar 'dus slob ma'i spyi bor thim// sangs rgyas kun gyi sku yi dbang// byin rlabs bsdus la bstim par bya// oM sarba ta thA ga ta kA ya badzra swa b+ha ba Ad ma kou0f85haM// a b+hi Shiny+tsa a// zhes brjod pas// sku yi dbang dang byin brlabs ni// thob par bsam la dbang rtags ni// spyi bor oM la sngags bskor bsam// ba spu'i bu ga'i khro bo dang// rdo rje go cha gtams pa las// ye shes me dpung 'bar ba bsam// de nas de yi mgrin par ni// ye ge aM bsams de 'phros pas// de bzhin gshegs pa'i gsung 'phros pas// de bzhin gshegs pa'i gsung mnyes nas// slar 'dus dbang dang byin bsdus te// slob ma'i mgrin par thim pa yis// sangs rgyas rnams kyi gsung gi dbang// byin bsdus de la thim par bsam// oM sarba ta thA ga ta bA ka badzra swa b+ha ba At+ma kou0f85 haM/ a b+hi Shiny+tsa a/ zhes brjod pas// dbang dang byin brlabs rtags nyid ni// ljags ni rdo rje rtse lnga pa// sngags kyi zar bus mtshon par bsam// de nas slob ma'i snying kha ru// yi ge hUM bsam de nyid las// 'od 'phros de bzhin gshegs pa yi// thugs kyi dbang dang byin brlab kun// bsdus nas thugs khar thim par bsam// oM sarba ta thA ga ta tsit+ta badzra swab+ha ba at+ma ko u0f85haM/ a b+hi Shany+tsa a/ zhes rjod pas/ dbang rtags snying nyid pad+mar gyur// de las rdo rje sbag byas te// mi shig pa yi gzhal yas su// nyi zla'i steng na ye shes sems// de yi thugs khar rdo rje yis// lte bar hUM las sngags bskor bsam// de nas bum pa'i dbang bskur pas// chos dbyings dag pa'i bum pa na// ye shes gsang bdag rdo rje bzhugs// spyi nas bstim zhing dbang bskur bas// lus la rdo rje bltam par shog/ oM tsan+Da mahA ro Sha na badzra ka sha a b+hi Shany+tsa a/ de nas dbu rgyan gyi dbang bskur ba// sku dang ye shes dbu rgyan 'di// sangs rgyas gtsug gi nor bu can// ye shes lnga ldan dbu rgyan 'dis// khyod la dbang mchog bskur bar bya// oM tsan+Da ma hA ro Sha na hUM oM swa aM haM/ badzra d+ha du ra du na/ pad+ma khad kha/ kA ya lbA ka tsit+ta gu na kar ma ab+hi Shany+tsa a/de nas cod pan gyi dbang bskur ba// bag chags nyes pa'i skyon bral zhing// 'khor ba'i nyes pas mi gos pa'i// ye shes 'bar ba'i cod pan 'dis// khyod la dbang mchog bskur bar bya'o// oM badzra pa Ta lam pa na a b+hi Shi ny+tsa a/ de nas me tog 'phreng ba'i dbang// 'di ni me tog 'phreng ba nyid// 'phags mchog 'gro don byed pa la// bsam pa yid bzhin 'grub pa dang// bar chad med par dbang bskur bya'o// oM badzra radan ma le a b+hi Shany+tsa a/ de nas rdo rje dril bu'i dbang// nyon mongs 'joms pa'i rdo rje dang// chos sgra sgrog pa'i dril bu 'di// di ring khyed la dbang bskur bas// thabs dang shes rab 'brel bar shog/badzra ga na d+ha a b+hi Shany+tsa a/ de nas mdzad spyod dbang bskur bas// bcom ldan rdo rje gtum po ni// dus gsum sangs rgyas dbang bskur ba'i// sku gsung thugs kyi 'phrin las kyis// mdzad spyod rol pa thams cad kyang// di ring khyod la dbang bskur bas// thams cad ma lus thob par shog/ oM tsaN+Da ma hA ro Sha na kA ya wA ka tsit+ta karma a b+hi Shany+tsa a/ de nas lcags kyi rdo rjes dbang bskur ba// bstan pa'i gtso bo shAka thub kyis// lcags kyi rdo rje rtse lnga pa// gtad pas gtum po bkra shis bzhi// lcags kyi rdo rje dbang thob shog/ badzra a b+hi Shiny+tsa a/ gser gyi rdo rje dbang bskur bas// sangs rgyas rnam par snang mdzad kyi// gzhan 'phrul dbang byed gnas nyid du// gser gyi rdo rje gsang bdag la// dbang bskur bzhin du bkra shis shog/ hUM badzra b+hi Shany+tsa a/ ye shes rdo rje rtse lnga yis dbang bskur ba// sangs rgyas mi bskyod la sogs kyis// ye shes rdo rje rtse lnga yis// gtum po nyid la dbang bskur bzhin// khyod la dbang bskur bkra shis shog/ badzra dz+nyAn a b+hi Shiny+tsa a/ de nas sbrul rgyan gyi dbang bskur ba// rgyal mchog dam pa gdags pa'i don// klu brgyad rigs bzhir 'dus pas na// sbrul rgyan 'di yis dbang bskur bas// klu gnyen 'dul ba'i dbang thob shog/ badzra na ga a b+hi Shiny+tsa a/ na bza' sngon pos dbang bskur bas// chos nyid mi 'gyur na bza' sngo// sku la gsol nas bde chen don// khyod la di ring dbang bskur bas// na bza' rgyan gyi dbang thob shog/ badzra rak+Sha a b+hi Shiny+tsa a/ stag gi sham thabs kyi dbang bskur ba// dpa' brtul stag gi sham thabs ni// gdul ka ma lus btul ba dang// 'phrin las bzhi yis 'gro don mdzad// de bzhin khyod kyis dbang thob shog/ bya g+h+ri tsa ra a b+hi Shany+tsa a/ ye shes me dpung gi dbang bskur ba// ye shes me dpung nyon mongs bag chags sreg/ sku la 'phros pas gdug pa thams cad 'jom// di ring khyod la ye shes me dpung dbang bskur bas// gdug pa nyon mongs bsreg cing dbang thob shog/badzra dz+wa la raM raM a b+hi Shiny+tsa a/ de nas grub na bkra shis lha mo'i dbang bskur ba bya// de ltar dbang gi bskur dus su// rdzas dang tshig brjod phyi yi dbang// de dus sngags brjod nang gi dbang// ting 'dzin gsal ba gsang ba'i dbang// phyag na rdo rje'i mdzad spyod rnams// rang gi sems su ngo sprad la// sems nyid gnyis med stong gsal du// thag chod ngo sprod rjes gnang sbyin// mthar thug pa yi dbang du gsungs// de nas slob mas bla ma la// yon dbul des na dbang mchog thob// bkra shis glu bro gtor ma gtang// dkyil 'khor bsdu zhing rgyun ting bsgom// sa tshon gtsang sar dor bar bya// bum chu lhag ma btung bar bya// zhes gsungs so// rdo rje gtum po dbang bskur ba man ngag gsang ba'i rgyud las// dbang bskur ba'i le'u ste drug pa'o//// de nas rdo rje gtum po yis// bdud rtsi 'khyil la bka' stsal pa// rten la rab gnas byed 'dod na// yid dang 'thad pa maN+Dal bya// sngon du bsnyen pa 'bum song nas// gnas der khri ni bshams par bya// rten rnams shar du zhal bstan la// bgegs bskrad khrus bya gu gul bdug/dang po sa gzhi gzung bar bya// gnyis pa sta gon bya ba yang// mchod gtor bshams la dkon mchog dang// gtum po nyid la dbul ba dang// chos skyong rnams la gtor ma dbul// rten rnams sku ni rnam snang bskyed// glegs bam yum mam rdo rje chos// thugs rten rdo rje sems dpar bskyed// dus gsum sangs rgyas thams cad dang// byang chub sems dpa'i tshogs rnams kun// rten la sngon gyi thugs dam bzhin// byon par mdzad du gsol brjod pas// rang rang gzugs su byon par bsam// de la mchod dbul gtor ma gtang// de la gshegs su gsol nas ni// de bzhin nub ni tha ma la// dngos gzhi sngar ltar bskyed byas la// spyan drangs mchod nas thim par bsam// oM ye d+hArmA he du pra b+ha bA he tun te ShAn+ta thA ga to h+ya ba dad te ShAny+tsa yo ni ro d+ha e baM pA dI ma hA shra ma na ye swA hA/ zhes pa bzlas la gtor bar bya// chos sku la ni chos sku yis// gzugs brnyan thim par rab gnas bya// bkra shis rdzas brgyad dbang yang bskur// de nas mchod pa rtsi grub bya// 'khor ba ma stongs bar du yang// bzhugs nas 'gro don mdzad par bsam// gtor ma cho gas gtang byas la// bkra shis glu bro sna tshogs bya// gong du gtum po'i bsnyen pa bya// rten 'brel snying po khri bzlas la// me tog las ni dmigs la'o// dkyil 'khor bsdu zhing dge bar bsngo// zhes gsungs so// rdo rje gtum po man ngag gsang ba'i rgyud las/ rab tu gnas pa'i le'u ste bdun pa'o//// de nas yang dag bshad bya ba// bdud rtsi 'khyil pa yang nyon cig/ dbang thob mdzes pa'i rnal 'byor pas// dam tshig dam la nan tan bsrung// rtsa ba sku gsung thugs dang ni// yan lag byang chub sems kyi ni// dam tshig bsrung na dbang de 'chags// byin brlabs dngos grub dpag med 'byung// tshe 'dir phun tshogs thob par 'gyur// phyi ma rdo rje'i gral du 'gro// rdo rje gtum po'i 'phrin las ni// zhi ba dang ni rgyas pa dang// dbang dang mngon spyod bsrung gso dang// tshe dang dngos grub bsgrub pa dang// char pa dbab dang ser ba bzlog/ thams cad rim par shes par bya// de yi gsang sngags 'di lta ste// oM tsaN+Da ma hA ro Sha Nashan+ting ku ru hUM phaT/ puSh+tiM ku ru/ pa shang ku ru/ mA ra ya ra k+Sha ku ru/ oM bruM badzra A yu:she hUM a/ ma ma puSh+tiM ku ru hUM swA hA/ ma hA sid+hi hUM/ oM nA ga ka la hUM/ nA ga le duM pa le le/ nA ga rA dza hUM/ oM g+hi li g+hi la 'bar sha 'bar sha pa ta ya pa ta ya hUM hUM hUM ho ho ho phaT phaT phaT swA hA/ser ba u na ma ni phaT swA hA/ gtum po dbang bskur ba man ngag gsang ba'i rgyud las/ las kha tshar gyi le'u ste brgyad pa'o//// de nas dpal rdo rje gtum po la// 'khor rnams dges nas bstod pa ni/ e ma ho rdo rje gtum po yis// gsang rgyas kun gyis dbang bskrur bas// sangs rgyas kun pas sngar sangs rgyas// khro rgyal de la phyag 'tshal bstod// ces pas bstod nas// mchod pas mnyes par byas par gyur to// gtum po gsang dbang bskur ba man ngag gi rgyud las/ khro bo rnams kyis bstod pa'i le'u ste dgu pa'o//// de nas khro bo bdud rtsi 'khyil pas/ bcom ldan 'das la 'di skad ces gsol to// bcom ldan 'das rdo rje gtum nyid/ bdag gis rgyud 'di ji ltar bstan cing gzung bar bgyi/ zhes gsol pas/ rdo rje gtum pos bka' stsal pa/ rgyud 'di rnal 'byor pa dam la gnas pa/blo sna nyung ba bstan pa nyams su len pa/ rin po che lta bu la bstan cing shing tu gces par gzung zhing bstan par bya'o// rgyud 'di khro rgyal gtum po chen po'i rgyud kyi rgyal po dbang bskur man ngag gi rgyud ces bya bar yang gzung par bya'o// zhes gsungs so// gtum po man ngag dbang bskur ba gsang ba'i rgyud las/ rgyud gzung zhing gtad pa'i le'u ste bcu pa'o//// khro bo'i rgyal po phyag na rdo rje gtum po 'jigs su rung ba'i dbang bskur man ngag gsang ba'i rgyud ces bya ba rdzogs so//// rgya gar gyi mkhan po ba su d+ha ra dang/ rdo rje yang dbang gter gyis 'ba' sa ye'i dgon par bsgyur nas gtan la phab pa'o/

CLOSE WINDOW