71b4 /// rgya gar skad du// ma ma a shag la ta raH sha tsag gra d+ha na tshes ma ra ya tan tra nA ma// bod skad du// ma mo gnam lcags thog gi bu yug ma 'jig rten gnam lcags thog gi 'khor
71b5 lo bskor te// dgra bsad pa'i rgyud ces bya ba/ dpal 'jigs byed dbang phyug la phyag 'tshal lo// 'di skad bdag gis thos pa'i dus gcig na// gnam lcags thog gi gzhal yas khang rab tu skyi g.ya'
71b6 ba// ya nga ba 'jigs pa de na// yum chen mo 'jigs pa de ni// yum chen mo 'jig rten gsum gyi srid pa phung bar byed pa// srid pa gsum gyi bdag mo// 'dod pa khams kyi dbang mo che// steng gi gzhan
72a1 'phrul dbang byed nas// 'og gi rdo rje brtan pa'i bar du dbang mdzad pa'i gtum mo chen mo/ lha dbang po brgya byin gyi lcam mo chen mo de snang srid kyi lha ma srin sde brgyad dang thabs cig tu bzhugs
72a2 so// de'i tshe 'jig rten myos byed nag mos gsol pa// e ma yum chen mo lags// sangs rgyas kyi bstan pa bsrung ba'i phyir// gnam lcags thog gi 'phrin las bshad du gsol// gnam lcags thog gi bu yug
72a3 drag sngags gsang ba'i rgyud las// gling gzhi'i le'i ste dang po'o// de nas yum chen mo des bka' stsal pa// ma mo nag mos zhus pa legs// sangs rgyas bstan pa 'jig pa yi// dgra sdang gnam lcags thog
72a4 gis bsad// dam tshig can gyi slob ma yis// man ngag can gyi bla ma la// mnyes pa'i yon phul man ngag zhu// dbang rim gdams ngag thob byas nas// rdzas bsag gnas gnas btsal bsgrub bya// sngags pa
72a5 lus bsrung go cha gces// drag po las kyi bstan pa bsrung// rgyud las sngon 'gro dang thog bsgrub bstan pa bsrung ba'i le'u ste gnyis pa'o// de nas yang dag rgya cher bshad// shong snod chen po rkang gcig
72a6 rtsar// yang na brag phug dben gnas su// brag zhig 'grams ral sa blangs te// thog bdag chen mo'i dkyil 'khor bri// 'khor lo rtsibs brgyad lta ba la// mthing nag gru gsum me ri 'bar// dbus su
72b1 bsnol ma thur la brub// rbab phog grir bsad gnyen pa'i// thod pa dgra'i l-ing ga dbab// yang na bya rgod thod par bru ba// bya rgod snying dang rus pa dang// sha khrag khro chu shes rab mtshal// gser dang 'khar ba
72b2 zangs dang lcags// de rnams brubs nas le brgan dar// gru bzhir gtum la dkar khung brkod// thog bdag chen mo'i sku 'bag gzhug/ tshon sku sna lngas rgya gram bcing// rgyud las dam rdzas dang bca' bzhi
72b3 bstan pa'i le'u ste gsum pa'o//// de nas yul gyis bka' stsal pa// oM tri ling sad ne par phaT// tsan d+ha rag sha b+h+yo// rag sha dza la// rag ta la// mi ma dza ma// mi ma dza ma// tsa khrid tsa khrid// te sar te
72b4 sor// badzra tsa khri phob// bdag nyid yi dam lhar bsgoms nas// bsnyen sngags de bzlas rtags byung ngo// de yi ting 'dzin bstan pa ni// thod pa'i nang du dgra bkug la// gu gul nag pos bdug par bya// kho
72b5 ni sad myos par bsam// kho'i steng du thog bdag mo'i pho brang bcas pa'i kha// ma mo'i bzhugs nas dgra de yi// sha dang khrag la za 'thung byed par bsam// thun mtshams mchod cing bstod pa bya// me long nang
72b6 du bya rgod kyi// sha khrag blugs la mchod pa bya// ba ling ma sa pU tsa khA hi khA hi// de nas bstod cing mtshan ma brtag/ bud med bdag myos bdag phyag 'tshal lo// bya rgod dkar mos 'brub khung ling ga
73a1 'phen// lcags zhus gtong zhing mchon cha rdung// kha la shu ba thor pa 'ong// mchil snabs mi thub dri chu 'chor// 'brub khung nang du me chen 'char// rta rdzas thun la me stag 'phro// me 'od me yi tsha tsha
73a2 'tshub// dbab pa'i bsam gtan dgra yul du// bar snang mtshon cha'i 'khor lor drug/ me re'i 'khor los thams cad 'joms// thog bdag la sogs sde brgyad kyis// gnam lcags thog chen dgra la
73a3 'bebs// glog chen 'khyug cig 'brug chen grag/ de yi dus la las sbyor bya// rgyud las ting nge 'dzin dang rtags ngos gzung pa'i le'u ste bzhi pa'o//// sprin dang glog 'brug bsgrub pa ni// tad
73a4 ya thA// a ho 'dus a sa ma ha pya ha raM// sa ra ha// ha na khyi hU~M phaT// las sbyor bsad pa'i drag sngags ni// ma ma tug tug raM raM// ril ril// sha ra shel gra hU~M// drag tu phab ya// tsa ra shu tri phroM// rtsa ru mu sha khroM
73a5 shag shag rbad rbad 'ur choms rbad// nal nal// raM raM// shad shad// sha truM mA ra ya dza phaT b+h+yo b+h+yo// bdag dag g.yog 'khor bsrung ba'i sngags ni// oM suM b+ha ni hU~M// pa sha hU~M// gardza po ta yA// rag mo kha la
73a6 yal tsa ha mu sha phaT// shri pra ma yA ra kh+ha rak+Sha hU~M// rgyud las drag sngags kyi le'u ste lnga pa'o// drag po las kyi nyi ma bsdam// myos pa rta yi nyi ma la// bsnyen bsgrub dam rdzas gnas su srog/ he la glang gi nyi ma
73b1 la// bsgrub rogs btsal te thod pa ni// sha mdangs gnag la skra kham pa// gdong la sme ba dmar nag yod// glang gi skad du smra ba'i// lkugs pa lug gi nyi ma la// bsgrub rogs dam tshig gtsang ba
73b2 bod// 'gugs pyed byi ba'i nyi ma la// bsnyen pa'i drod tshad gzung bar bya/ dpa' brtul stag gi nyi ma la// bsnyen pa'i drod tshad gzung bar bya// drag po'i thod 'bar pa gdags// phung byed phag pa'i nyi ma
73b3 la// las la sbyor ba'i drag sngags sbrel// lto 'gros sbrul gyi nyi ma la// shel nag tsit+ta gser khyo dang// 'tshar khyo zangs lcags phye ma gdeb// bya rgod mi yi mdas gtur la// thod pa'i nang du gzhug par bya/
73b4 cog trong yos bu'i nyi ma la// sngags pa bdag gi mal 'og tu// hom khung brus la ling ga gnan// za byed khyi yi nyi ma la// mon thod nang du zor thun bsham// yungs kar dug khrag ling ga brab// gtor ma'i
73b5 snod kyang de la bya// bya rgod sha dang dri bo'i khrag/ byin gyis brlabs nas dbul bar bya// me long gas chag med pa'i nang// rin chen gser dag khro chu dang// bya rgod snying dang gangs chu dang// gsang nas sngon
73b6 mo 'brum bu bdun// blugs nas maN+Dal steng du gzhag/ ra khrag ra snying yungs kar la// drag sngags bzlas nas ling ga dang// me long nang du brab par bya// de yang mon thon nang nas song// rgyud las zor thun
74a1 dang nyi ma bsdams pa'i le'u ste drug pa'o// thog rta gzhug pa'i nyi ma ni// dpa' bo stag gi nyi ma la// gser rta bcug na ser thog 'bebs// yos bus mthun pa'i dam rdzas rtag bcug
74a2 na// kyin thang thog ser bu yug 'tshub// sgregs pa'i 'brug gi nyi ma la// g.yu rta bcug na g.yu thog 'bebs// sbrul la zangs// rta la dngul// lug la 'khar rta// spre'u la lcags// bya la khro chu// phag pa la
74a3 gangs chu'i thog/byi ba la rdo'i thog/ glang la gser dngul sbrag ma'o// ma ma rak+sha pra dam dza// zhes pas dgra'i mkhar khang la thog rta gzhug pa'i le'u ste bdun pa'o// de nas yang dag rgya cher bshad// me long
74a4 nag gi thun rdzas de// rdzas kyi zor ma de nag po rtsal// sngon dmar 'ur sdos sa la 'phang// dus gdab ngan sngags dril la bzlas// yugs sa mo yi rkang dmar dang// brtsos khrag gu gul rta bon po// mi zin
74a5 nag po spal pa li sha// sdom sdug sbur ba stab la ba// byang ba nag po'i sha rnams sbyar// drag sngags 'di 'bum gdab pa ni// klu'i sngo khar me la bsreg/ nA gA rA raM// ya ma tri la// lo ka pa thAr rA// kar ma ku
74a6 ru ho pa sha yA A// de ma thag tu phung shor 'gyed// rgyud las thog kha snying par byed pa dang// drag sngags ser ba dang thog thun sprugs te las la sbyar ba'i le'u ste brgyad pa'o// bdag nyid bsrung ba bshad par
74b1 bya// chos gos zhabs ma rgya tshil dang// bsregs pa'i thal pa byug par bya// spyi gtsug bcang pas srung bar byed// thog ris 'khor lo rtsibs lnga dang// de yi phyi bskor rtsibs drug la// gser dang dngul gyis
74b2 bris pa bcang// lus la khro chung go cha bgo/ rdo rje'i gur dkar khang nang du// lta ba rdo rje'i go cha mchog/ sum b+ha ni zhes pa btags la bzlas// 'jigs pa'i dog pa bya mi dgos// rgyud las bsrung pa'i le'u ste
74b3 dgu pa'o// de nas nag mo la sogs pa'i 'khor la// yum chen mos bka' stsal ba// nga yi drag sngags thog rgyud 'di// bstan pa bsrung ba ma gtogs pa// rnam smin rab tu che bas gsang// zhes gsungs
74b4 te// brgyud bstan pa'i le'u ste bcu pa'o// de nas nag mo la sogs pa ste lha ma srin sde brgyad yi rangs te mngon par bstod do// gnam lcags thog gi bu yug drag sngags gsang pa'i rgyud rdzogs so// I thi//
74b5
74b6 rgya gar skad du/


CLOSE WINDOW