325b1 / shrI dur rtsir rag ta sti la tha tan tra// bod skad du// dpal e ka dza ti khrag gi rba klong gi rgyud ces bya ba// dpal rang byung gi rgyal mo la phyag 'tshal lo// a de la yab kyi dbyings yum gyi
325b2 mkha' thams cad 'byung ba'i gnas snying po byang chub kyi sems mo// sems kyi dkyil 'khor 'od gsal ba'i 'phrin las thams cad kyis bdag mor ston to// dza 'gug pa'i lcags kyu yis 'phrin las thams
325b3 cad thogs pa med na myur du 'grub par byed do// chos gnyis pa yang 'phrin las bdag mo'i snying po ste// snying po 'gugs byed thugs rje'i lcags kyu yin// ting 'dzin sems kyi dkyil 'khor 'od gsal ba
325b4 nyid// 'phrin las ma ka mi 'gegs yongs su rdzogs par byed pa'i bdag mo ltar yang snang la/ dpal chen po'i gzungs ma yang mdzad la// bdud dang gshin rje'i lcam mo yang mdzad do// don thams cad du ma
325b5 nges so// dpal e ka dza Ti'i khrag gi rba klong gi rgyud las// gleng gzhi'i le'u ste dang po'o//// de nas gong du thams cad byed pa yang gong du ma mo'i bsnyen pa rdzogs par byas la// las bsam gyis mi khyab
325b6 pa 'di lta ste// de la zhi ba'i gnas ni// bkra shis zhi ba'i gnas su sa'i// dkyil 'khor zla ba nya ba'i dbyibs dang// kha dog dkar la zlum por brtsig/ dbus su zlum po chag gang bru// byang chub sems kyis
326a1 chag chag gdab// kar ni ka yi khu bas ni// dkar la 'tsher ba'i trag gcig bri// dkar dmar sbyar ba'i khubs gtor zhing trag ces sems zhi ba'i dbang gis brjod pas bud med dkar mo
326a2 g.yu'i ral pas sa gzhi khyab pa shin tu 'dzum pa'i cha byad can gcig lang nas te mi 'dar zhing mi yengs par bya'o// de mngon du gyur pa dang spyi'i las 'byung ba'i zhi ba'i rdzas kyis sngags 'di rgyun du bzlas
326a3 so// trag rag sha kha mun tra// e ka dza Ti snying kha rag ma// sa ma ya dza// shan ting ku ru swA hA// mngon du gyur pa dang ji ltar bsams pa'i las rnams de bzhin du 'grub par 'gyur ro// dpal e ka dza Ti khrag
326a4 gi rba klong gi rgyud las// zhi ba'i le'u ste gnyis pa'o//// de nas yang 'di gsungs so// rgyas pa'i gnas ni ri bo 'am// rtsi shing nags tshal rgyas pa 'am// sems can thams cad gnas pa'i
326a5 sa// dbyibs ni gru bzhi lham pa'i gnas// sa yi dkyil 'khor gru bzhir brtsigs// kha khyer thod pa ser pos bskor// dbus su rin chen gser gyi trag gcig bri// trag rag sha mu tra// e ka dza Ti snying kha rag
326a6 ma sa ma ya dza// puSh+tiM ku ru swA hA// chang phud dang a mr-i ta sbyar la mchod cing// gong bzhin gsal bar gyur pa dang// thams cad du rgyas pa'i las bya'o// dpal e ka dza Ti khrag gi rba klong gi rgyud las// rgyas
326b1 pa'i le'u ste gsum pa'o//// de nas yang 'di gsungs so// dbang gi gnas ni brag dmar chol zangs su// dbang la maN+Dal zla gam brtsig/ dbus su zla gam chag gang thur du bru// shes rab rak+tas
326b2 chag chag gdab// zangs kyi khu ba 'am mi khrag gis// dmar la 'tsher ba'i trag gcig bri// mtha' ni thod pa dmar pos bskor// trag rag sha mu e ka dza ti// snying khar ma sa ma ya dza pa shaM ku ru hU~M// rak+ta dang
326b3 chang phud sbyar la dbul lo// de mngon du gyur pa dang// dbang gi las ji lta ba bzhin no// dpal e ka dza Ti khrag gi rba klong gi rgyud las// dbang gi le'u ste bzhi pa'o//// de nas yang 'di gsungs
326b4 so// drag po'i gnas ni dur khrod phung shul du// sa yi maN+Dal mthing nag gru gsum brtsig/ chag gang gru gsum thur du bru// dug dang ro bsregs pas trag gcig bri// gru gsum kha khyer thod pa nag pos
326b5 bskor// snying khrag chad phud a mr-i ta// gtor zhing drag po'i sngags bzlas la// sngon gyi thugs dam rjes su dran par bya// tag rag sha mu tra// e ka dza ti snying kha rags ma ya b+h+yo// mA ra ya rbad// de la mngon du
326b6 gyur pa dang// drag po'i las rnams da bzhin no// dpal e ka dza Ti khrag gi rba klong gi rgyud las// drag po'i le'u ste lnga pa'o// de nas yang 'di gsungs so// sri'u gso ba'i bya na// tshe bum gos la sngags 'di
327a1 bzlas// trag rag sha mu tra e ka dza Ti snying ga rag ma sa ma ya dza// na mo b+h+yo dza// hri da ya b+h+yo// tra ta ya tro ta ya// dzA la dzA la// ma kar dzA la// pra dzA la spu ta spu ta sarba ga ga na// ni pa pa ti// sa ra
327a2 ni sa ri// byis ra byis ra// sarba dush+tan byi to ni// sho ta ni hU~M phaT// ma'i nu ma dang// tshe bu ma dang// gos la ci mang du btab na de bzhin du sri'u sos par 'gyur ro// dbal e ka dza Ti khrag gi rba klong gi rgyud
327a3 las// sri'u gso ba'i le'u ste drug pa'o//// de nas yang 'di gsungs so// rmi lam ngan pa bzlog na// spen ma sor re ba brgya rtsa brgyad byas la// re re la brgya rtsa brgyad bsngags la gdab bo// trag rag
327a4 sha mu tra// e ka dza Ti snying kha rag ma sa ma ya dza/ a ti me ru me'i ste sta hA swA hA// bsgrub po bdag la sdang bar byed pa'i dgra dang// gnod par byed pa'i bgegs rnams ril ma bzhin du chus khyer cig/ spen ma
327a5 bzhin du chags cig/ bong ba bzhin du dgra bgegs zhig cig/ ces byas la ma mo'i bcol ba bya'o// zangs bu gcig tu blugs la zangs bu chus bkang ba la chen po la bskur na de bzhin du rmi lam ngan pa
327a6 bzlog par 'gyur ro// dpal e ka dza Ti khrag gi rba klong gi rgyud las// rmi lam ngan pa bzlog pa'i le'u ste bdun pa'o//// de nas yang 'di gsungs so// the'u rang brdung ba'i thabs la shog bu sor bzhi
327b1 pa gcig la// the'u rang gi gzugs dang snying po bris la rdog pa'i 'og tu bcug la// mig rnon gcig kyang drung du gzhag la// trag rag sha mu tra e ka dza Ta snying kha rag ma sa ma ya dza// tri ta mang mdzes ri li
327b2 lings// zhes ci mang du brjod la 'ongs pa dang// gzugs de sgong khog gi nang du bcug la kha bag zan gyis gcad de chu gling la bskyal lo// yang na lam po che'i bzhi mdor gnan no// 'gug 'dren bya'o// de
327b3 bzhin du byas nas the thub par 'gyur ro// e ka dza Ti khrag gi rba klong gi rgyud las// the'u rang brdung ba'i le'u ste brgyad pa'o//// de nas yang 'di gsungs so// byang dang// mi kha chom rkun dang// ngan
327b4 sngags bzlog par 'dod na// se gol brdab cing// trag rag sha mu tra// e ka dza Ti snying kha rag ma sa ma ya dza// oM sgrig sha khri tshin d+ha// kha sga kha sga// uM pa swA hA// sngags de la lan gsum cu rtsa bzhi bzlas
327b5 te// se gol gyis brdabs na rkun byad dang mi kha bzlog par 'gyur ro// khrag gi rba klong gi rgyud las// byad dang ngan sngags bzlog pa'i le'u ste dgu pa'o//// de nas yang 'di gsungs so// bud med bu ma smin pa
327b6 smin par bya ba'i thabs la// bud med skad khrag chad nas zla ba gcig lon pa dang// gos la 'di gdab bo// trag rag sha mu tra/ e ka dza ti snying kha rag ma sa ma ya dza// oM ma Ni d+ha ra ni// ma hi pra ti sa
328a1 re ye swA hA// srungs cig byas la sngags mdud byas la stong ngam// 'bum bzlas nas ma la gdags so// de nas bu btsas pa dang bu la gdags so// bu sos par 'gyur bar 'ongs nges so// khrag
328a2 gi rba klong gi rgyud las// bu tsha sos par bya ba'i le'u ste bcu pa'o//// de nas yang 'di gsungs so// bud med bu nad ma phyin dang nad langs pa sos par bya ba'i thabs la// mar la bsngags la nad pa'i khong du
328a3 blud do// trag rag sha mu tra// e ka dza Ti snying kha rag ma sa ma ya dza// nad dza mu da dza// oM badzra 'dre byil mar la byil swA hA// zhes ci mang du bzlas na thub par 'gyur ro/ khrag gi rba klong gi rgyud las// bu nad
328a4 sos par bya ba'i le'u ste bcu gcig pa'o//// de nas yang 'di gsungs so// rims nad dang 'brum pus mi tshugs par bya ba'i thabs la// trag rag sha mu tra e ka dza ti snying kha rag/ sa ma ya dza// zhi zhi ma ha ti
328a5 ka shaM pa ni na// thems phal can gru go se// he du ru// du na chings// su phang khri shang ca prad zhi// ces lci ba ser ka ma'i thal bal lag pa ma reg par gri rtses blangs shing sngags mang du bzlas la gdab
328a6 bo// khrag gi rba klong gi rgyud las// 'brul bu dang rims nad sos par byed pa'i le'u ste bcu gnyis pa'o// de nas yang 'di gsungs so// lhog pa 'dul bar bya ba'i thabs la// trag rag sha kha mun tra// e ka
328b1 dza ti/ snying kha rag ma sa ma ya dza// ma ti kri zhu/ mu la khu spyi le zhus/ sarba phus na ti ni ti cor cor rbu dang// bu ma co ka kha ga nan khe/ zhu chu zhu sta su sar ro la sar ro// nas phus ta swA hA// byi brun kha phyogs
328b2 bzhir bltas pa'i sa la zhag gsum gdab// des ma thub na lan dgur bzlas te gdab pa// mi phyugs gang yang rung 'debs kar mda' bya rgod ma// pags pu dkar po// nas dkar mo bre gang/ srid pa'i lha
328b3 srin mchod 'tshal lo// rlung dang// bya dang// khyi dang// bud med kyis thos su mi rung ngo// khrag gi rba klong gi rgyus las// lhog pa gso ba'i le'u ste bcu gsum pa'o//// de nas yang 'di gsungs so// ci
328b4 yang thub par bya ba'i las la// bdag nyid ma mo chen mo smug nag me dpung sku las 'bar ba las thugs kha nas hU~M smug nag 'bar ba gnyis phyung pa las// de lce stengs su hU~M gis drangs pa las hU~M nyid rdo rje
328b5 nas tsam la me 'bar ba'i 'od 'phro ba las bdag nyid mchu yang rdo rje rnon por bsgom// sngags btab pas gang la bya ba de rdul mes tshig pa bzhin pas ma mo// ltas ngan dang ngan sngags nad thams cad
328b6 'joms te// ci yang thub pas gang la yang gdab po// trag rag sha mu tra e ka dza Ti// snying kha rags ma ya dza// so ta ku ru nan// tig zhing ku ru nan// zhi zhi ku ru nan// ru ru ku nan// ces bzlas na ci
329a1 yang thub par 'gyur ro// khrag gi rba klong gi rgyud las// ci yang thub par bya ba'i le'u ste bcu bzhi pa'o//// de nas yang 'di gsungs so// lhag pa dang ser ba gcad pa'i las la// ya stags ni
329a2 skyer pa'i 'bras bu dang// ske tshu'i 'bras bu dang// nyungs nag gi 'bras bu dang// bya tshal gyi sgal pa dang// de kun bsres la me tag la thab tu kong nas glang ru gsum brdar la tshags byas la bsreg
329a3 go// 'phral thabs su yod na glang ru gsum bsregs la gong gi ya stags de kun dang sngags spel mar gdab po// bdag 'phags pa 'jam dpal gyi ting nge 'dzin la snyoms par zhugs la// gong nas sngags
329a4 'di ci mang bzlas so// mgul khug tu gsal te dus der yang rtags la brgya rtsa brgyad bzlas shing thab tu gtor ro// trag rag sha mu tra e ka dza Ti// snying kha rag ma sa ma ya dza// oM su pra ti badzra dun ti// mi li
329a5 mi li hU~M phaT// ces bzlas shing thab khung du gtor ro// gtsang rigs kyi mgon po dam tshig can rnams la gtor ma cha gcig gtang// sad ser dang kha char chod ces 'phrin las bcol lo// khrag gi rba klong gi
329a6 rgyud las// sad ser gcad pa'i le'u ste bco lnga pa'o//// de nas yang 'di gsungs so// mi rgod byad bcigs bya ba'i las la// ting nge 'dzin gyi lhas bsnyen rgyun du byas la// hri di mi ti sta rban d+ha// sa
329b1 ta sa ta sa ka ra// ma ba la tha// 'di'i nya drug la bar ma chad par bzlas// bdag nyid ting 'dzin chas su zhugs la bar ma chad par bzlas so// mi rgod ma byung gi bar du lag pa g.yas pa la nyi shu rtsa gcig
329b2 bzlas la gdab po// byung tsam na phyag rgya bcas te mthe bong sor mo gzhan gyis gnan nas// bdag gis ma gtang bar du 'gro mi shes so/ khrag gi rba klong gi rgyud las// mi rgod bcings pa'i le'u ste bcu drug
329b3 pa'o// de nas yang 'di gsungs so// tshe ring ba'i las ni// bya thabs bkra shis pa dang// mtshan dang ldan pa'i thod pa la tshe'i ga'u byas la// sman dang// spos dang// dri bzangs pos byugs la tshe 'bras spyi
329b4 dang mthun pa gsal// dgongs pa dang tshe'i lha mo bskul lo// trag rag sha kha mun tra e ka dza Ti'i snying kha rag ma sa ma ya dza// A yu dz+nyA na bruM A yu tshe a pa na bruM swA hA// khrag gi rba klong gi rgyud las// tshe dgug
329b5 pa'i le'u ste bcu bdun pa'o// de nas yang 'di gsungs so// bgegs bskrad pa'i las ni nyungs kar rgyal po la bsngags nas// gang gnod pa la btab na 'bros par 'gyur ro// trag rag sha kha mun tra// e ka
329b6 dza ti snying kha rag ma sa ma ya dza/ ra tsa bi ra tu a ba ya swA hA// khrag gi rba klong gi rgyud las// bgegs bskrad pa'i le'u ste bcwa brgyad pa'o//// de nas yang 'di gsungs so// me chu'i gnod pa bzlog na// seng
330a1 ldeng ngam mchog phur gang yang cig la sngags 'di rgyun du bzlas te// ting 'dzin rtse gcig dang mi 'bral bar bya'o// trag rag sha kha mu tra// e ka dza Ti snying kha rag ma sa ma ya dza// ag nem ra ya
330a2 rbad// ces btab na me chen po bzlog par 'gyur ro// me dgra zhi ba'i le'u ste bcu dgu pa'o// chu dgra la phur bu gong ma la// trag rag sha mu tra a ka dza Ti snying kha rag ma sa ma ya dza// pa ni ma ra ya rbad// ces
330a3 btab na chu chen po bzlog par 'gyur ro// chu dgra zhi ba'i le'u ste nyi shu pa'o// de nas yang 'di gsungs so// dgra bgegs 'grul thag gcad pa'i las bya na// mchog gam// seng ldeng ngam// drag po'i shing
330a4 cig la// phur ba sor brgyad la byas la byin gyis brlabs// gu gul gyis bdug/ trag rag sha kha mun tra e ka dza Ti snying kha rag ma sa ma ya dza// lha srin pri ma ra ya rbad// ces btab 'grul thad chad par 'gyur
330a5 ro// bgegs 'grul thag bcad pa'i le'u ste nyi shu rtsa gcig pa'o//// de nas yang 'di gsungs so// seng ldeng ngam mchog phur gcig la gu gul gyi bdugs byin gyis brlabs te// mi phung ba'i 'dren chen po la
330a6 btab na 'chad par 'gyur ro/ trag rag sha mu tra// e ka dza ti// snying kha rag ma sa ma ya dza// phur sri pri phri ma ra ya rbad// ces bzlas so// phung 'jug gcad pa'i le'u ste nyer gnyis pa'o// de nas yang 'di
330b1 gsungs so// dam sri btul na// gong gi phur bu brlabs pa des zhing ras la gzugs bris// de la shes pa bstim la// trag rag sha kha mu tra// e ka dza Ti snying kha rag ma dza// dam srin mA ra ya rbad// ces
330b2 btab na dam sri rlag par 'gyur ro// dam sri gdul ba'i le'u ste nyer gsum pa'o//// de nas yang 'di gsungs so// dgra la ngan sngags bya ba'i thabs la// stags dang rten ni zor bya ste mi khrag dang gser rgod
330b3 g.yu rgod gsum du bsres la// nyungs kar la bsngags cing dgongs pa sngags// btab pas// gyi sa tshas mgo gas snying tshig lus thams cad rlag par bsam// trag rag sha kha mu tra e ka dza ti snying kha ma sa ma
330b4 ya dza// sha ba ra sha ba ra li byi sti li byi sti// yer ba ga ma ra ya// bu bu bu de// rkyang rkyang// rgyang rgyang 'greng 'greng// sa la ha dam tsu li// byi ba kraM khraM// ku tshe me ha// sma le ha// ma ga le bru bru// ya ya ne ne
330b5 dza// dza te tsu ma pa pa baM// hi hi hi ma khu mang khu// myaM myi ma tra tha// lan stong bzlas na rab tu shis so// zor thun thabs su gsad pa'i le'u ste nyer bzhi pa'o//// de nas yang 'di gsungs so// dgra bo
330b6 shugs kyis gsad pa ni// dmar gtor bshams nas// ma mo dang sngags bsrungs la gtang ngo// phud dang rag tar bsres la/ rang dpal chen por bsgoms la btung// gtor ma yang sbrengs la// tish+ta kha raM
331a1 graM gro ku ru// zhes rjod do// de nas srog dbang la bor pa'i snying khrag thang la dbyung ba'i sngags la// so ti ru tsa shin ti ru// kha ram na tsakra tha// tsa ta shad shad// pra ha pri thad// rkang rjes dang dri
331a2 chen btab na shor mi srid do// khrag gi rba klong gi rgyud las// dpal e ka dza Tis shugs kyis sgrol ba'i le'u ste nyer lnga pa'o// de nas yang 'di gsungs so// 'phra men nye 'byed kyi las la// gser dmar ril
331a3 la sngags so// ma ma trag rag sha// ru trag mA ra ya phye// ma ma trag ru trag mA ra ya phye// ma ma trag ru trag ma ra ya phye// mA ra ya rbad// ces ra khyi'i khrag gis ming rus bris la gdab po// 'phra men nye 'byed kyi
331a4 le'u ste nyer drug pa'o//// de nas yang 'di gsungs so// rgyal khams tshan chen po 'am// yul gru chen po phung ba 'am// rdo rje'i theg pa chen po bstan pa 'jig pa la thug pa la lha mo la dpang btsugs la
331a5 bya'o// ming rus bri// mi khrag la gnod spyin gyi gzugs sor bzhi pa bris te// khyi la gtor ma dang sbyar te sbyin na 'chi'o// ming rus dang snying po ni// ming che ge mo zhig/ oM ha na ha na pi po ta ya phaT// da ra pi
331a6 po te ya phaT// brgyad brgya bzlas so// gzugs dang ming rus la nyungs kar brdeg go// drag po'i las kyis gsad pa'i le'u ste nyer bdun pa'o// de nas yang 'di gsungs so// rnam cig tu sha chen dang glang sha
331b1 gnyis gcig tu brdungs la// rjes dang bsres la gdon gyi ming rus gro ga 'am shing shun la btsag gis bris la gzugs kyi nang du gzhug/ du yod pa'i gzugs byas te sngags ma yengs par bzlas stong du
331b2 gdab po// gdon kun bdag gis dbang du 'dus par bsam la gzugs brnyan rdog pa'i zhabs su bcug la// oM ha na pi po ta ya nan// ces bzlas so// gdon gzer le'u ste nyer brgyad pa'o//// de
331b3 nas yang 'di gsung so// yang na gong gi gdon gzugs de la mchog phur sor brgyad pa dril zhing gdab bo// oM kA la ru pa che ge mo ma ra ya phaT// brgya rtsa brgyad du sngags dang ting nge 'dzin la ma yengs par
331b4 bzlas so// gzugs thod pa'i nang du gzhug go// lha 'dre mi srin po yod pa'i za 'am lam po rgya gram du gnan no// zla ba mar ngo dang gza' mig dmar la byas na thebs so// gnan pa'i le'u ste nyer dgu
331b5 pa'o//// de nas yang 'di gsungs so// hoM gyis gsad pa'i thun ni// gru gsum mthing nag gcig byas te// dbus su gdug pa can tsher ma la hoM// byas la// dgra'i ming rus kyang gdags// ting nge
331b6 'dzin ni skad cig mas hoM ma mor brlab// mngon du byung ba'i rtags byung nas las bya'o// sngags 'di la brtson par bya'o// ma rag mo snying rag ma b+h+yo// ma ma snying kha rag/ b+han d+ha raM raM b+h+yo b+h+yo// zhes bzlas pa
332a1 rdzogs nas// skyes pa dar ma'i snying dang// phag rog po'i snying dang// khyi nag po'i snying dang// mon pa nag po'i snying dang/ ra rog po'i snying dang// de rnams kyi snying khrag gis thugs dam
332a2 bskang// hom spar la snying dang ling ga mchod par dbul lo// thal pa rlung la phyar ro// ma mo bskul zhing chog bya'o// spyin sreg dang thun gyi le'u ste sum cu pa'o//// de nas yang 'di gsungs so// ro la spyod
332a3 pa'i brtul zhugs ni// mtshan dang ldan pa'i ro btsal te// mkha' 'gro ro tshal gyi cho ga bya// nam zla dus bzhi'i phyogs brtags// mda' rgyang ngam mig mthong tsam nas mtshams gcad// ma mo'i dmag
332a4 drang// dben thag tsam nas dges par gar bya// zhags gang tsam nas dbyug brda btang// 'dom gang tsam nas dges pa'i brkan brdab// ro'i kha nas byin gyis brlab pa'i dgongs pa bya// phyung la ro khyer
332a5 lugs kyi ro khyer// khog srungs ro shol gyi cho ga bya// de nas slar log ste gnas su ro la bro rdung// bam sgrub chen po'i gzhung bsnyen ma mo skongs bya// thog mar re lhar bsgrub// de nas dngos grub blang pa dang
332a6 rol pa bya'o// dpal e ka dza ti khrag gi rba klong gi rgyud las// bam chen bsgrub pa'i le'u ste so gcig pa'o//// de nas yang 'di gsungs so// mchog ldan pa gcig la ni dgongs pa bsam gyis mi khyab ste// ro
332b1 ltar bsgrub pas 'phrin las kyi sbyor ba bsam gyis mi khyab pa dang sbyar ba dang// ro dkyil 'khor du bsgrub pa'i lha bsam gyis mi khyab pa dang sbyar ba dang// ro yo byad du bsgrubs la rnal 'byor pa'i yo byad 'tsho
332b2 bar sbyar ba dang// ro dngos grub tu bsgrubs la rol pa longs spyod chen por rol pa dang// ro dam rdzas su bsgrubs la dgos pa spro ba dang// ro mchod rdzas su bsgrubs te pU tsar dbul ba dang// ro pra
332b3 bsgrubs te srid pa gsum gyi gtam smra ba dang// ro rin po cher bsgrubs te yun gyi dgos 'dod bya ba dang// de la sogs pa rol ba bsam gyis mi khyab pa dang sbyar ro// bam chen po'i yon tan gyi le'u ste so
332b4 gnyis pa'o//// de nas yang 'di gsungs so// snying dang 'dra ba'i bu la dbang mchog dam pa bskur pa dang// ro'i dgongs pa bsam gyis mi khyab pa yang// dgongs pa gang bsgrub kyi dbang bskur ba
332b5 dang// mchog chen po gcig la yang ma mo'i dkyil 'khor chen po bzhengs su gsol la// dkyil 'khor gyi dbus su ro bzhugs su gsol te// gzungs thag chen pos dran pa'i thad kar btags la// ro'i
332b6 'dug tshul brkyang bskum du bzhag/ dgongs pa brtul zhugs nyi shu ni// phung po bam ril phyi yi dbang// rab tu shes pas bskur bar bya// gzungs thag btags nas zhag dgur bsgrubs// mtshan rtags
333a1 rnams gtan la phebs pa dang// ro la bsgral ba'i las byas te// gces pa'i dam rdzas bcu gcig gis// dgos par bya ba'i nang gi dbang// ma mo e ka dza ti yang// rang gi snying po byang chub
333a2 sems su ngo shes pas thams cad la dbang byed pas man ngag gsang ba'i dbang bskur bar bya'o// dpal e ka dza Ti khrag gi rba klong gi rgyud las// dbang bskur ba'i le'u ste so gsum pa'o//// de nas
333a3 yang 'di gsungs so// dbang bskur te man ngag bshad par bya ba la// phyi nang gsang ba gsum ste// phyi'i e ka dza ti ni chos thams cad kyi bdag nyid dam rang bzhin ni rang gi snying po byang chub kyi sems nyid
333a4 yin pa la// sems ngo ma shes te bdag 'dzin gyi mthu rtas pas nyon mongs pa rnam rtog gi spyod byed du 'jug pa// gzung 'dzin gyi dra ba dang bcas pa 'di// nyid sbyo'i e ka dza ti zhes bya'o// nang gi e ka dza ti
333a5 ni// rang gi sems ngo ma shes te// rig pa nyid du thams cad du rtogs la// ye shes kyi snang ba mi 'dra ba phyogs gcig tsam ni ma mo e ka dza ti ji ltar snang ba yin no// gsang ba e ka dza ti ni rang gi sems
333a6 las g.yos pa med par shes rab kyis thag chod pa'o// sems ni sna tshogs gzugs can yin la bya ba yang so so'i byed pa yin no// de ltar rtogs shing go na dbang mchog chen po thob ces bya'o// dbang bskur
333b1 ba bstan pa'i le'u ste so bzhi pa'o//// de nas yang 'di gsungs so// shin tu myur ba'i las kyi ti ka ste// khyi nag po'i thod par shog bu la dgra'i mi rus bris la gsal// ba dmar mo'i 'o ma dang mtshe'i thal chu
333b2 blug/ le'u rgan la srog tig gi sngags bris la spyang ku'i thod par stsal// bya nag lug nag gi snying khrag la gtor ma bya// thod pa brdab cing sngags 'di bzlas so// rag mo rtse rtse snying kha la bam ya/ srog ma ri
333b3 rag mo rbad// ya thu ma baM ru/ ma ti rag mo sod// ma mo nag mo srogs la yam// khyi kha li nag mo sod ya// thum ya thum dza thum sod// rtags ni bud med nag mo'i rang gi mchan du 'ong// khyi mo nag mo mchan du
333b4 'ong// thod pa'i ming rus skad ngan 'don de ltar rtags byung ba dang dra ba nag por gtums la// pha mes dur sar gnan par bya// srog gi ti ka'i le'u ste so lnga pa'o//// de nas yang 'di gsungs
333b5 so// snying po drag po zhan bshad pa'i// pho dang mo dang ma ning dang// ring po dang ni thung dang/ drag po dang ni rab tu drag/ de yi rim pa bshad pa ni// ma ning pas ni pho yi drag/ mo bas pho yig rab tu drag/ ring
333b6 po pas kyang thung ngu drag/ gsad pa'i drag sngags du ma las// dmod pa'i drag sngags rab tu drag/ ring po thams cad dal ba las// bsnyen pa nye bsnyen dus su bshad// thung du thams cad drag pa las// sgrub
334a1 dang las la sbyor kar bshad// rab tu drag po dmod pa'i sngags// rbad dang sod kyis chod na zab// d+hi dang phaT kyis chod na zab// gdol pa'i sngags la gcer bur byung// ma ya dang ni dza yis
334a2 chod// thun dang rbad kyis gcod na zab// rag dang keM gis chod na zab// bam dang ril dang rda ra zab// de bzhin rab tu drag pa rnams// dmod pa'i sngags de rab tu rnag/ yi ge'i snad kyi le'u ste so drug
334a3 pa'o//// de nas yang 'di gsungs so// snying po'i them yig brtsi ba ni// ming gi yi ge ma them na// dmag dpon med pa'i dmag mi 'dra// grogs kyi yi ge ma them na// rtsa ba zhan pa'i dmag mi 'dra// rgyan
334a4 gyi yi ge ma them na// mtshon cha med pa'i dmag mi 'dra// de la ming gi yi ge ni// dang por gnas pa'i yi ge yin// drangs kyi yi ge zhes bya ba// 'phul zhing bod pa'i ye ge yin// rgyan gyi yi ge zhes bya ba// gzhi
334a5 las yan lag spros pa yin// de yi thim yig brtsis pa las// dmag dpon dmag gi mtshon char ldan// pha rol gzhan gyi g.yul ngo 'joms// zhes gsungs so// yi ge thems su brtsis pa'i le'u ste so bdun
334a6 pa'o//// de nas yang 'di gsungs so// 'phrin las bya ba'i rim pa ni// thog mar rdo las lcags su bzhu// lcags las go dang mtshon cha brdung// go mtshon zhun thor tho ltar// ma mo de nyid bsgrub par
334b1 bya// de la til mar ngar btags ltar// de nyid mngon du bsgrub par bya// dpa' po'i lag tu bskur ba ltar// bsnyen pa rdzogs pa'i rnal 'byor pas// dpa' bo'i g.yul ngo bzlog pa ltar// 'phrin las sbyor ba
334b2 so sor bya// de bzhin yid kyis bshad pa ni// ma mo rim gyis sgrub pa'i thabs// rim pa'i las rnams rdzogs pa dang// ma mo'i dngos grub thob par bshad// rim gyis bsgrub pa'i le'u ste so brgyad
334b3 pa'o//// de nas yang 'di gsungs so// mnyes par bskong bzlog bya ba ni// bsgrub dang dngos kyis bskang zhing bzlog/ bsgrub ni zhi rgyas gnyis kyis te// mdos la rnam pa gnyis su bshad// gso ba'i
334b4 mdos dang gsad pa'i mdos// gso ba'i mdos la rnam gnyis te// bskang ba'i mdos dang bzlog pa'i mdos// bzlog pa'i mdos la rnam pa gnyis// gzhan gyi rig sngags bzlog pa dang// bskang mdos gso
334b5 gsad gnyis pas 'jug/ gsad pa'i mdos ni gcig las med// de la mdos kyi rim pa ni// ri rab gling bzhir bcas pa la// snang srid gdugs kyis bskor ba ni// ma mo nyid kyi zhal phyung ste// le'u rgan
334b6 dar gyis bkab nas ni// sngags bsrungs nyid la dmigs btang nas// srid pa'i spyi mdos bya bar 'gro// ri rab gling bzhir bcas pa la// ma mo'i zhal phyug gdugs bkab nas// sha sna mang po bkod pa
335a1 ni// srid pa'i sha mdos bya bar 'gro// gong ma bzhin du bcas pa na// khrag skam mang po bkod pa ni// srid pa'i khrag mdos bya bar 'gro// gong ma bzhin du byas pa la// rus pa mang po bkod pa
335a2 ni// srid pa'i keng rus mdos su 'gro// gong ma bzhin du bcas pa la// snying sna mang po bkod pa ni// srid pa'i snying mdos bya bar 'gro// gong ma bzhin du byas pa la// skyes pa'i gzugs kyis bskor ba
335a3 ni// srid pa'i pho mdos bya bar 'gro// gong ma bzhin du byas pa la// bus pa'i tshigs kyis bskor ba ni// srid pa'i chung mdos bya bar 'gro// gong ma bzhin du bcas pa la// dgra bgegs gzugs kyis bskor
335a4 ba ni// srid pa'i dgra mdos bya bar 'gro// de bzhin shas cher gang bkod pa// rang shas che ba'i mdos su 'gro// gcig tu zhen cing chags pa med// gsang sngags nor bu rin chen ma// thams cad 'phrul zhing
335a5 'khor pa'i phyir// rang bzhin gcig tu ma nges te// gang ltar brtags pa de ltar snang// kha dog so so'i rim pa yang/ thams cad dkar por byas pa la// srid pa'i zhi mdos bya bar 'gro// thams cad ser por
335a6 bsgyur ba ni// srid pa'i rgyas mdos bya bar 'gro// thams cad dmar por bsgyur ba ni// srid pa'i dbang mdos bya bar 'gro// thams cad mthing kar gnas pa ni// srid pa'i drag mdos bya bar 'gro// sngags
335b1 dang dgongs pa'i rim pa ni// gdug rtsub thams cad zhi ba la// 'jam pa'i ngag gis mdos btang na// shan ting ku ru'i sngags bzlas te// gsol zas longs spyod thams cad kun// dkar gsum sgo nas
335b2 longs spyad na// thams cad zhi ba chen po'i mdos// tshe dang bsod nams longs spyod rgyas// rgyas pa'i ngag gis mdos btang bas/ pu Sh+tiM ku ra'i sngags bzlas pas/ rnal 'byor longs spyod thams cad kyang/
335b3 sbrang rtsi'i ro rnams longs spyad na// thams cad rgyas pa chen por 'gro// thams cad dbang du 'dus pa la// che ba'i ngag gis mdos gtang na// pa shaM ku ru'i sngags bzlas te// longs sbyod mngar gsum sgo
335b4 nas spyad// thams cad dbang phyug chen po'i mdos// thams cad ma lus bsgral ba la// drag po'i ngag gis mdos btang na// ma ra yi sgra brjod pas// longs sbyod chen po'i sha khrag spyad// kha dog mthing nag
335b5 dmar nag gyon// thams cad bsgral ba chen po'i mdos// bcas bzhi dang mthun pa la// dar mdung stong phrag brgyad cu la// bgegs rigs stong phrag brgyad cu yi// so so'i ming dang srog snying gi/ 'jug tu
335b6 g.yul bzlog bya ba bri// yi dwags phal cher g.yul bzlog mdos// sde brgyad so sor bris pa ni// lha srin sde brgyad g.yul bzlog mdos// mo rgyud so sor bris pa ni// srid pa'i ma mo'i g.yul bzlog
336a1 mdos// pho rgyud so sor bris pa ni// srid pa'i pho rgyud g.yul bzlog mdos// de dag so so'i dmag dpung yang// sngags bsrungs ma yi dmag dpung gis// so sor bzlog cig bsgyur dmigs
336a2 te// gsang sngags sgra yang dgong ma brjod// ces gsungs so// e ka dza ti khrag gi rgya mtsho'i za byed spyang rkyal nag mo'i rgyud las// srid pa'i mdos kyi le'u ste so dgu pa'o//// de nas yang 'di gsungs
336a3 so// 'khor lo rnam pa du ru bstan// 'khor lo'i yon tan gang zhig yin// 'khor lo rnam pa drug tu bstan// ma mo'i srog gi 'khor lo dang// bsgrub par bya ba'i 'khor lo dang// drag pos gsad pa'i tsa kra
336a4 dang// gnad la dbab pa'i 'khor lo dang// de bzhin dkrug pa'i 'khor lo dang// dgra bgegs gnan pa'i 'khor lo'o// srog gi 'khor lo bskor ba yis// lus dang grib ma bzhin du 'gyur// sgrub pa'i
336a5 'khor lo bskor ba yis// ma mo dam la gnas par 'gyur// gsad pa'i 'khor lo bskor ba yis// 'phrin las yongs su rdzogs par 'gyur// gnad la dbab pa'i 'khor lo yis// ma mo'i snying khrag khar
336a6 'dzag 'gyur// dkrug pa'i tsakra bskor ba yis// sdig pa gsum yang 'khrug par 'gyur// gnan pa'i 'khor lo bskor ba yis// 'gal ba a lags 'khor bar 'gyur// zhes gsungs so// 'khor lo grangs
336b1 dang yon tan bstan pa'i le'u ste bzhi bcu pa'o//// de nas yang 'di gsungs so// rgyu dang gnas dang thabs dang dus// rkyen dang las dang 'khor dang grogs// nges par bshad kyis yid la zung// ma mo'i
336b2 srog gi 'khor lo yi// rgyu ni snying po byang chub sems// gnas ni yum gyi b+ha ga'i klong// thabs ni rol pa bsam mi khyab// dus ni ma nges rgyun du 'khor// rkyen ni khams gsum sems can te// las ni gnyis su
336b3 med par byed// grogs ni shes rab ting nge 'dzin// de ni srog gi 'khor lo yin// bsgrubs dang gsad pa'i 'khor lo dang// gnad la dbab dang dkrug pa dang// dgra bgegs gnas pa'i 'khor lo'o// rgyu ni
336b4 dur khrod shing ras dang// gnas ni ga 'u gnas pa'i sa// thabs ni bye brag bsam mi khyab// tshul dang thabs ni shes par byos// e ka dza Ti khrag gi rba klong gi rgyud las// 'khor lo'i rgyu mtshan bstan pa'i le'u
336b5 ste zhe gcig pa'o//// de nas yang 'di gsungs so// 'khor lo bskor ba'i las dag kyang// rtsibs dang ldan pa'i ri'u mig la// ma mo nyid kyi zhal phyung ste// bod rbad gsad pa'i sngags bkod de// so
336b6 so'i 'khor lo bskor ba ni// ma mo'i zhal gyi 'khor lor bshad// rtsibs dang bcas pa'i ri'u mig la// srog snying 'khor lo bskor ba ni// ma mo srog gi 'khor lor bshad// rbad sngags 'khor lo bskor ba
337a1 ni// las la gtang pa'i 'khor lor bshad// gsang sngags 'khor lo bskor ba ni// ma mo gsad pa'i 'khor lor bshad// yi ge bcu bdun bskor ba yis// gnad la dbab pa'i 'khor lor
337a2 bshad// g.yas dang g.yon du bskor ba ni// srid pa pho mo'i 'khor lo ste// thabs dang shes rab 'khor lor bshad// thun sngags 'khor lo bskor ba ni/ 'khor lo thun dnga'abrol bar bshad// rigs kyi
337a3 bzlog nas bskor ba'i ni/ ma mo dkrug pa'i 'khor lor bshad// gnan sngags 'khor lo bskor ba ni/ 'khor lo gnan par bya bar bshad// ma mo drug cu rtsa brgyad kyi// srog gi 'khor lor bskor ba la// hoM
337a4 las bsreg pa'i las byas na// 'khor lo hoM nag 'brel bar bshad// gzhan yang gang dang gang rung ba// ma mo las kyi kha tshar ni// so so rang rang bskor ba ni// 'phrin las yongs rdzogs 'khor lo bshad// re
337a5 mig yi ge'u grangs dang sbyar// yi ge'i grangs kyang 'di ltar bya// ming gi yi ge rkyang pa rnams// mgo bo phyir bstan nang bstan gnyis// sgrub dang gsad pa'i sngags su bsgyur// 'khor lo'i re mig re de
337a6 gzhag/ ming yig sgrogs dang rgyan ldan pa// 'khor lo'i re mig re la gzhag/ sngags kyi rim pa ma 'khrugs par// mgo po phyir bstan nang bstan gnyis// sgrub dang gsad pa'i sngags su bsgyur// 'khor lo ma
337b1 mo'i gnas su bshad// 'khor lo ma mo'i khang par bshad// 'khor lo ma mo'i gur du bshad// 'khor lo khrag gi rgya mtshor bshad// tsakra dug gi rgya mtshor bshad// 'khor lo lcags kyi spyil por
337b2 bshad// 'khor lo gangs ri chen por bshad// srid pa'i khri mun chen por bshad// 'khor lo ma mo'i srog tu bshad// 'khor lo ma mo'i lte bar bshad// 'khor lo ma mo'i smon par bshad// 'khor lo gcod
337b3 pa'i mchog tu bshad// 'khor lo gdugs pa dpal du bshad// de ltar 'khor lo bskor ba yis// man ngag can gyi so sor dbye// rig pa can gyi skyes bu yis// re re la yang mang du spro// rgyas par bshad
337b4 kyang gcig tu 'dus// dpal e ka dza Ti khrag gi rba klong gi rgyud las/ 'khor lo gtan la phab pa'i le'u ste zhe gnyis pa'o//// man ngag 'di yi gtad las ni// ma yengs brtson pas gtad pas
337b5 'grub// drang srong g.yo sgyu chung na nye// dri med lha sems can la chags// me gtong chu srin sems kyis bya// man ngag gtad pa'i gnas// slob ma'i snod brtag pa'i le'u ste zhe gsum pa'o//// rgyud kyi
337b6 nang nas dam par gyur pa 'di// bal po'i ba su d+ha ra yis gdams// rum bu g+hu ya de ba tsan tra'i thugs dam lags// de la bsnubs ban sangs rgyas bdag gis rnyed// dpal e ka dza Ti khrag gi rba klong gi
rgyud ces bya ba rdzogs so/

CLOSE WINDOW