CLOSE WINDOW

Gpb048.023
བོད་ཡིག

rgya gar skad du// mi ti ka ma e pan tsa rad na// he du ra tri tan na ma// bod skad du// ma mo srid pa'i nam mkha' rin po che sngo dmar lnga'i tshon// mkha' 'gro bkrag gsal 'bar ma'i rgyud ces bya ba// bcom ldan 'das dpal che mchog he ru ka la phyag 'tshal lo// 'di skad bdag gis thos pa'i dus gcig na// yum srid pa'i rgyal mo 'byung ba lnga'i rgyal mo// skye 'gro yongs kyi bdag mo// 'gro drug gi skye gnas// dug lnga yongs kyi bdag mo// kun gyi yum/ mchog khro mo rnam zhal ma// ri rab gling bzhi gzhal yas dam pa na// skye 'gro yongs kyi bdag mo de na bzhugs// ye shes las dang rang bzhin dam tshig can// cha 'dzin sprul pa'i 'dod khams ma mo rnams// nyon mongs log 'khrul can rnams gdul pa'i phyir// sngon dmar sna tshogs tshon gyi dkyil 'khor bzhengs// phyi nang mkha' 'gro ma lus mnyes pa'i phyir// bla gab gung gyi nam mkha' dang// phyogs mtshams gur gyi nam mkha' dang/ sa bzhi gdan gyi nam mkha' dang// rigs bzhi phyogs kyi nam mkha' dang// mtshams kyi blon mo'i nam mkha' dang/ mkha' drug rgyal mo'i nam mkha' dang// che mchog gtso bo'i nam mkha' dang// bde mchog gtso mo'i nam mkha' dang// bar gyi ma gsum nam mkha' dang// srid pa'i sman mo'i nam mkha' dang/ las kyi ma mo'i nam mkha' rnams// dus 'dir bdag la bstan du gsol// de skad gsungs pas thugs chud nas// nyin cig g.yu drung yang dag pa// nam mkha' la yang rnam pa gsum// kha dog zhal gyi nam mkha' dang// dkyil 'khor lha yi nam mkha' dang// 'di dag rigs dang mthun pa dang// ye shes lnga dang 'brel pa ste/ 'byung ba'i 'od dang 'brel pa dang// phung po lnga dang 'brel ba dang// dngas ma lnga dang 'brel pa dang// lus ngag yid dang 'brel ba dang// phung po khams dang 'brel pa dang// skye mched bcu gnyis 'brel pa rnams// nye ba'i 'khor la ngas bstan gyis// legs par nyon la yid la zung// de nas 'khor la bka' stsal pa// kha dog rgyan gyi nam mkha' dang// dkar la dag pa'i ye shes te// skyon gyis ma gos ye shes gsal// ma rig mun pa sangs par byed// shin tu dkar ba dung gi mdog/ kang kang ra'i 'od du 'tsher// ri rab shar gyi rgyan du byas// thams cad zhi bar 'gyur phyir ro// sngo la gsal ba yon tan de// dgos 'dod skong ba'i ye shes gsal// yid bzhin dbang po gang 'thad ston// shin tu sngo ba baiDUr+ya// ri rab lho yi rgyan du byas// dmar la chags pa'i rang bzhin te// pad+ma rA ga'i mdog tu gsal// smra bar byed pa gsung gi sgo// shin tu dmar ba gis mdzes// thugs rje chags pa'i rgyan dang ldan// ri rab nub kyi rgyan du byas/ ser la gsal ba las rab ste// btso ma gsar gyi mdog tu gsal/ lhun gyis grub pa 'phrin las te/ in tra nI la ljang khu 'tsher// ma byung snying po chos kyi dbyings// ri rab byang gi rgyan du byas// kha dog zhal gyi nam mkha'i nang// sna tshogs rin chen 'khor du gsal// mthing nag 'bab zhig nag por gsal// 'phrin las bzhi la dbang sgyur zhing// khro mo mthing nag drag po ste// khams gsum bcud bsdus nam mkha'i gzugs// rgyal mo'i zhal du shes par bya// dkyil 'khor gzhal yas ngas bshad kyis// nyon cig g.yung drung yang dag pa// phyogs mtshams brgyad kyi skor bu la// mthing nag gru gsum dkyil du brel// zla gam dmar po'i mu khyud bcas// phyi rol 'khor lo rtsibs brgyad la// gdan gyi sa bon bcu gnyis ldan// de yi phyi rim rtsibs brgyad la// sgo ma bzhi dang dmag dpon bzhi// de yi phyi rim mu khyud la// dbang po nyi shu rtsa brgyad gnas// de lta bu ni gnas khang ngo// mkha' 'gro bkrag gsal 'bar ma'i rgyud las// gleng gzhi'i le'u ste dang po'o//// de nas yang gsang ba'i bdag pos zhus pa// bla gab gur gyi nam mkha' gang// phyogs mtshams 'byung ba'i nam mkha' gang// sa gzhi gdan gyi nam mkha' gang// che mchog sku yi nam mkha' gang// dus 'dir bdag la bshad du gsol// gnod 'dul lha yis yang gsol pa// nyon cig g.yung drung yang dag pa// gdan gyi nam mkha' ngas bshad kyis// legs par nyon la yid la zung// phyogs mtshams brgyad kyi skor bu la// nag po'i pho brang dmar pos brgyan// sngon po 'od dang bcas pa bri// dmar po ser pos brgyan pa ni// mtha' ma nag pos bskor pa'o// rtsibs brgyad pa ru bri bar bya// mu khyud lcags ri zlum por bri// lus ngagag yid gsum ldan pa'i phyir// dkar dang dmar dang sngo bar bri// de ni gdan du shes par bya// gsang ba'i bdag po yang zhus pa// rigs bzhi rgyal mo'i nam mkha' ni// dus 'dir bdag la bshad du gsol// gsang ba'i bdag pos yang gsungs pa// rigs bzhi rgyal mo'i nam mkha' ni// legs par bshad kyis yid la zung// dkar sngo dmar ser gnag dang ldan// rnam snang gsal gyi nam mkha' 'o// sngo dang dmar dang ser dang dkar// dus kyi mtha' ma nag pos bskor// gnyen gsal ma yi nam mkha' 'o// ri rab bang rim nub la dgod// ser dang dkar dang sngo dang dmar// kun gyi mtha' ma nag pos bskor// bkrag gsal 'bar gyi nam mkha' 'o// ri rab byang gi cog la dgod// bde thod gtso mo'i nam mkha' ni// ser dang dkar dang sngo dang dmar// gnag dang ser po'i 'od dang ldan// bde 'gro ma yi nam mkha' 'o// nub byang cog la dgod pa'o// dkar dang sngo dang dmar ser// nag po dkar po'i 'od dang ldan// thod 'phreng ma yi nam mkha' 'o// shar lho'i cog la dgod par bya'o// dmar dang sngo dang ser dang gnag/ dkar po sngon po'i 'od dang ldan// bkrag gi rgyal mo'i nam mkha' 'o// lho nub cog la dgod par bya// kha le gtso mo'i nam mkha' ni// sngo dang dkar dang dmar dang ser// nag pos mtha' ma bran nas su// de yi phyi ni sngon pos bran// byang nub cog la dgod par bya'o// che mchog gtso bo'i nam mkha' gang// dus 'dir bdag la bshad du gsol// de skad gsol pa bka' snang ba// rdo rje ris su bskor nas ni// gnag dang dkar dang sngon po dang// dmar ser nag po'i 'od dang bcas// sku stod rigs lnga'i sangs rgyas gtso// sku smad 'byung ba'i rgyal mo lnga// rked pa khro mo rnam zhal ma// mkha' bzhi bde klong steng du dgod// 'di dag nam mkha'i bri thabs te// 'khrul pa med par yang dag ldan// de dag rin chen bang ba ris// de dag srid pa'i rgya mdud ris// mkha' dang klong gi chos nyid can// bcA brgyad steng 'og khams su snang// che mchog gtso bo'i dkyil 'khor ro// mkha' 'gro ma bkrag gsal 'bar ma'i rgyud las// gzhal yas khang dkyil 'khor gyi le'u ste gnyis pa'o//// de nas gsang pa'i bdag pos yang gsol pa// rigs bzhi phyogs kyi nam mkha' gang// mtshams kyi blon mo'i nam mkha' gang// nye bar bdag la bshad du gsol// gnod 'dul lha yis bka' stsal ba// rigs bzhi nyon cig g.yung drung yang dag pa// phyogs mtshams nam mkha' ngas bshad kyis// legs par nyon cing yid la zung// dkar mo zang yag bris pa ni// rdo rje rigs kyi nam mkha' ste// lus ngag yid gsum sum brtsegs gsum// khams gsum brtsegs mar byung ba'o// ri rab shar gyi bang rim la'o// rim pa bzhin du dgod par bya'o// sngon mo zang mar bris pa ni// rin chen rigs kyi blon mo ste// lho phyogs bang rim sum brtsegs la// rim pa bzhin du dgod par bya// dmar mo zang mar bris pa gsum// pad+ma rigs kyi blon mo ste// nub phyogs bang rim sum brtsegs la// rim pa bzhin du dgod par bya// ser po zang mar bris pa gsum// las kyi rigs kyi blon mo ste// byang phyogs bang rim sum brtsegs la// rim pa bzhin du dgod par bya// nag po zang mar bris pa gsum// de bzhin rigs kyi nam mkha' ste// dbus kyi ri rab cog la dgod// re'u zang mar bris pa ni// dbugs kyi rgyal mo'i nam mkha' ste// shar lho'i cog la dgod par bya// dre'u zang mar bris pa ni// srid pa'i rgyal mo'i nam mkha' ste// lho nub cog la dgod par bya// khre'u zang mar bris pa ni// bkrag gi rgyal mo'i nam mkha' ste// nub byang bang rim sum brtsegs la// rim pa bzhin du dgod par bya// mkha' 'gro ma bkrag gsal 'bar ma'i rgyud las// phyogs mtshams blon mo'i le'u ste gsum pa'o//// de nas yang gsang ba'i bdag pos zhus pa// mtshams kyi bran mo'i nam mkha' gang// dus 'dir bdag la bshad du gsol// nyon cig g.yung drung yang dag pa// mtshams kyi bran mo'i nam mkha' ni// dkar mo'i pho brang sngon pos bya// shar lho mtshams kyi nam mkha' ste// shar lho'i me ri dmar por dgod// na bza' gos dang rgyan du byas// sngon po'i pho brang nag pos brgyan// lho nub mtshams kyi nam mkha' ni// lho nub bang rim dang po la'o// na bza' gos dang rgyan du byas// mkha' 'gro ma bkrag gsal 'bar ma'i rgyud las// mtshams kyi bran mo'i le'u ste bzhi pa'o//// de nas gsang ba'i bdag pos yang zhus pa// bcu bzhi rje mo'i nam mkha' gang// nges par bdag la bshad du gsol// de skad gsungs pa gsan nas kyang// gnod 'dul lha yis bka' stsal pa// nyon cig g.yung drung yang dag pa// bcu bzhi rje mo ngas bshad kyis// legs par nyon la yid la zung// dkar po'i pho brang nag pos brgyan// ser po dkar po sngon pos brgyan// nyi ma khros pa'i zhal yin te// ri rab shar gyi cog la dgod// sngon po'i pho brang nag pos brgyan// dmar dang ser dang dkar pos bskor// pad+ma khros pa'i zhal yin te// ri rab lho yi cig la dgod// dmar po'i pho brang nag pos bskor// bdud rtsi khros pa'i zhal yin te// ri rab nub kyi cog la dgod// ser po'i pho brang nag pos brgyan// dkar dang sngo dang dmar pos bskor// thar pa'i lam ston nam mkha' ste// ri rab byang gi cog la dgod// dkar po'i pho brang sngon pos brgyan// nag po dmar po ser pos bskor// rgyan gyi rgyal mo'i nam mkha'i ste// ri rab bang rim dang po'i shar la'o// sngon po'i pho brang dmar pos brgyan// nag po ser po dkar pos bskor// dbyings phyug ma yi nam mkha' ste// bang rim dang po'i lho nub la'o// dmar po'i pho brang ser pos brgyan// gnag dang dkar dag sngon pos bskor// bdag nyid ma yin nam mkha' ste// bang rim dang po'i nub la'o// ser po'i pho brang dkar pos brgyan// nag po sngon po dmar pos brgyan// gcig pu ma yi nam mkha' ste// bang rim dang po'i byang la'o// dkar po'i pho brang sngon pos brgyan// dkar mo mig gcig ma'i nam mkha' ste/ bang rim dang po'i shar phyogs la'o// dmar po'i pho brang sngon po'i brgyan// ser dngaganag dang dkar pos bskor// nag mo ral gcig nam mkha' ste// bang rim dang po'i lho phyogs la'o// dmar po'i pho brang ser pos brgyan// dkar po nag po sngon pos bskor// dbang sgyur ma yi nam mkha' ste// bang rim dang po'i nub la'o// ser po dkar po sngon po dang// nag po dmar pos bskor ba ni// ser mo las mkhan nam mkha' ste// bang rim dang po'i byang la'o// rje mo rnams kyang zhal du dgod// mkha' 'gro ma bkrag gsal 'bar ma'i rgyud las// rje mo bcu bzhi'i nam mkha'i le'u ste lnga pa'o// de nas gsang ba'i bdag pos 'di skad gsungs so// bar gyi ma gsum nam mkha' gag// legs par bdag la bshad du gsol// de skad gsol ba'i tshig gsan nas// g.yung drung lha yis bka' stsal pa// nyon cig g.yung drung yang dag pa// legs par nyon la yid la zung// dkar mo brgyan gyi nam mkha' ni// dkar po'i pho brang ser pos byas// dkar mo mdangs dang ldan pa la// ser po go cog yang bas bskor// shar lho mtshams su yang dag ldan// dmar po mdangs ldan sngon pos brgyan// dmar po 'od dang bcas pa ni// smug tig rgyal mo'i nam mkha' ste// lho nub mtshams su yang dag ldan// nag mo bzur bzhi bris pa ni// re ma ti yi nam mkha' sta// byang shar mtshams su yang dag ldan// bar gyi nam mkha' zhes pa yol// srog dbugs nam mkha' zhes pa bdag mo chen mo gsum// rnal 'byor kun gyi snying nye ma// dam tshig nyams pa sgrol mdzad ma// nyes legs kun gyi ltang 'dzin mo// mkha' 'gro ma bkrag gsal 'bar ma'i rgyud las/ bar gyi ma gsum gyi le'u ste drug pa'o//// de nas gsang pa'i bdag pos gsol pa// srid pa'i sman mo'i nam mkha' gang// nges par bdag la bstan du gsol// de skad gsungs pa'i don gsan nas// gnod 'dul lha yis bka' stsal pa// nyon cig g.yung drung yang dag pa// legs par bshad kyis yid la zung// dkar dang gnag dang sngo dang dmar// ser po nag pos bskor ba ni// chags byed ma yi nam mkha' ste// bang rim tha ma'i shar phyogs la'o// nag po dkar po sngon pos brgyan// dmar ser nag pos bskor ba ni// cha snyoms ma yi nam mkha' ste// shar gyi phyogs su yang dag dgod// dkar dang sngo dang dmar dang ser// nag po dkar po mdangs mnga' ba/ yon tan drug dang ldan pa ni// e ka dza ti'i nam mkha'i ste// shar lho mtshams su yang dag ldan// nag mo'i nam mkha' rnam pa bdun// srin po bdun gyi nam mkha' ste// byang shar mtshams nas lho phyogs su// bang rim bzhin du 'khor bar dgod// nag mo dung mig nam mkha' ste// ha ting dkar mo'i nam mkha' ste// nag mo g.yu mig nam mkha' ni// dun ting nag mo'i nam mkha' yin// nag mo zangs mig nam mkha' ni// grub ting ser mo'i nam mkha' yin// bang rim bar ma'i mtshams la'o// dmar po g.yu mig nam mkha' ni// pad+ma 'phreng gi nam mkha' 'o// nub byang bang rim tha ma la'o// dkar mo gser mig nam mkha' ni// gling bzhi spyi'agro'i nam mkha' ste// bang rim tha ma'i byang shar la'o// sngon mo zangs mig nam mkha' ni// mdog bzang sngon mo'i nam mkha' yin// bang rim tha ma'i lho nub la'o// ma mo dmag dpon rgyal mo bzhi// nag po mdangs mar byas pa ni// dung g.yu mtsho dang gser dang lnga// dmag dpon rgyal mo'i nam mkha' ste// phyogs bzhi'i stod la yang dag ldan// nag mo mtha' bsgyur rnam pa bzhi// dkar mtha' mdzes pa lha yi sring// sngo mtha' mdzes pa gshin rje'i sring// dmar mtha' mdzes pa gshin rje'i sring// ser mtha' mdzes pa gnod spyin sring// yang na za ba rnam pa bzhi// phyogs bzhi la ni dgod par bya'o// srid pa'i smin mo'i nam mkha' 'o// mkha' 'gro ma bkrag gsal 'bar mi rgyud las// srid pa'i smon mo'i nam mkha'i le'u ste bdun pa'o//// de nas yang gsang pa'i bdag bos gsol pa// srid pa'i sman mo'i gnas lugs gang// legs par bdag la bshad du gsol// de skad gsol ba'i don go nas// dpal chen 'khor tshogs bka' stsal pa// legs par nyon la yid la zung// srid pa'i sman mo'i nam mkha' ni// dkar mo la sogs rnam pa bdun// zhi ba las kyi gtso mo ste// dkar mo drug dang zangs mig gcig/ de ltar bdun ni shar du dgod// sngon po la sogs rnam bdun bya// rgyas pa las kyi gtso mo ste// sngon mo bdun dang zangs mig gcig/ de ltar bdun ni lho ru'o// dmar mo la sogs rnam pa bdun// dbang gi las kyi ma mo ste// dmar mo drug dang dung mig gcig/ de ltar bdun ni nub tu'o// ser po la sogs rnam pa bdun// drag po las kyi ma mo ste// ser mo drug dang g.yu mig gcig/ de ltar bdun ni byang du dgod// mkha' 'gro ma bkrag gsal 'bar ma'i rgyud las// dbang phyug nyi shu rtsa brgyad kyi nam mkha'i le'u ste brgyad pa'o// de nas yang gsang ba'i bdag pos gsol ba// 'brog sman dang yul sa dang// klu dang srin mo la sogs pa// phugs bdag 'brog mo la sogs pa dang// las la grub pa'i ma mo rnams// sku mdog lta bu'i nam mkha' bya'o// dkor sbyin mo dang phugs bdag mo// khra mo zhun ma re 'bri rnams// rigs mthun nam mkha' don dang sbyar// de yi don rnams bshad du gsol// de skad gsol pa'i don go nas// gnod 'dul lha yis bka' stsal pa// nyin cig g.yung drung yang dag pa// de don phye la ngas bshad kyis// legs par nyon la yid la zung// sku mdog rigs dang bstun la bya// dkor bdag mo ni nag mor bya// khra mo yud kyis mdzes par bri// phug bdag mo ni sngo la gnag/ 'bri ba g.yu mig lta bur mdzes// nag khra ma dang sngo khra ma// dkar khra ma dang ser khra ma// dmar khra la sogs nag mo rnams// klu grub bzhi dang las grub bzhi// de rnams kun la 'jug par gsungs// dgos pa ltar ni don dang sbyar// re'u zangs mig byang 'brog la// 'bri'u g.yu mig lho 'brog la// re 'bri zangs ma phugs bdag la// ra bal rtsid pa byang 'brog la// khre'u zungs mig klu srin la// sngon mo zhun la phugs bdag la// dkar mo zhun ma skor spyin la// dkar mo g.yu mig klu bdud la// 'jig rten ma mo 'o nam mkha' rnams// de ltar 'khrul pa med par bya// mkha' 'gro ma bkrag gsal 'bar ma'i rgyu las// 'jig rten las kyi ma mo'i le'u ste dgu pa'o// de nas gsang ba'i bdag pos don zhus pa// ye shes lnga dang 'brel pa ji ltar lags// phung po lnga dang ji ltar 'brel// dngas ma lnga dang ji ltar 'brel// lus ngag yid dang ji ltar 'brel// skye mched yul dang ji ltar 'brel// nges par bdag la bshad du gsol// gnod 'dul lha yis yang gsol pa// gsang pa'i bdag pos nga la nyon// 'brel pa rnam bdun ngas bshad kyis// g.yo 'gul med pa'i dad pas nyon// dkar ma dag la gsal ba de// me long lta bu'i ye shes so// sngon por gsal ba sna tshogs te// mnyam pa nyid kyi ye shes so/ dmar po gdang la gsher ba de// so sor rtog pa'i ye shes so// ser po 'tsher la gsal ba de// bya ba grub pa'i ye shes so// mthing kha kun la khyab pa ste// brtags na dngos po rang bzhin stong// stong pa nyid kyi ye shes so// ye shes dus na bdag nyid gcig/ de phyir bdag nyid gcig par 'brel// 'byung ba 'od dang 'brel pa ni// sra la mkhregs pa gsal ba'i mdog/ dar dkar lta bur shes bar bya// sngo la 'phyur ba me yi 'od// du ba ltar ni ses par bya// gsher la rlan pa chu yi 'od// khrag gi dwangs ma'i ngo bo las// yang cig g.yo ba rlung gi 'od// btso ma gser gyi 'od du gsal// mthing la gnag pa nam mkha'i 'od// kun la khyab par shes par bya// de ltar 'byung ba'i 'brel pa'o// phung po lnga dang 'brel ba ni// nga yi rang bzhin gcig tu 'dril// de phyir gzugs kyi phung por gcig/ rlung gi rang bzhin g.yo bar byed// der phyir 'du byed phung por gcig/ nam mkha'i rang bzhin rnam pa stong la gsal// de phyir rnam shes phung por 'brel// gnas skabs 'dra ba'i 'brel pa'o// dngas ma lnga dang 'brel pa ni// sa yi rang bzhin dkar la gdangs// de phyir dkar po'i mdog tu bstan// me yi dwangs ma sngo la 'phyur// de phyir sngon mo'i mdog tu bstan// chu yi dwangs ma gsher la brlan// thugs rje chags pa dmar por bstan// rlung gi dwangs ma g.yo bar byed// de phyir drang la ser ba'i 'od// nam mkha'i dwangs ma mthig la gnag/ de phyir sna tshogs pa yi mdog/ las dang thugs rje 'brel pa yin// lus ngag yid dang 'brel ba ni// gzugs su 'byung ba sku yi tshul// sgra ru byung ba gsung gi tshul// rtog med dran pa thugs kyi tshul// de phyir sku gsung thugs dang 'brel/ de phyir lus ngag yid dang 'brel// skye mched yul dang 'brel ba ni// rten 'brel bcu gnyis tshul dag tu/ ri rab gling bzhi 'khor ba'o// yul dang gzugs su sna tshogs snang// snang la bzhi la g.yos pa med// de phyir snang stong gnyis su med// byang chub sems kyi dwangs ma la// mthar thug 'brel pa yod ces gsung// mkha' 'gro ma bkrag gsal 'bar ma'i rgyud las// 'brel ba bdun gyi le'u ste bcu pa'o//// de nas gsang pa'i bdag po yi// kri ta don du bya ba'i phyir// de yi yon tan ji ltar lags// de yi skyon brjod ji ltar lags// srid pa rgya yis ji ltar gdab// zhen log dgra la ji ltar dbyung// rkyen bzlog zug pa ji ltar dbyung// sarba ru pa ji ltar bskang// legs par bdag la bshad du gsol// de skad gsol ba gsan nas kyang// gnod 'dul rdo rje sems dpa' la// sogs pa'i 'khor la bka' stsal pa// legs so mkha' 'gro dad can nyon// de yi yon tan bstan pa ni// ye shes lnga dang ldan pa'i phyir// tshon sna lnga yang bri bar bya// 'byung ba lnga dang ldan pa'i phyir// kha dog lnga yang bsgyur bar bya// dwangs ma lnga dang ldan pa'i phyir// dar tshon lnga yang gdags par bya// gsal ba'i ye shes mtshon pa'i phyir// me long re yang gdag par bya// phung po lnga dang ldan pa'i phyir// phyogs bzhi dbus dang lnga la dgod// lus ngag yid gsum 'brel ba'i phyir// bang rim gsum la dgod par bya// phung po khams dang 'brel pa'i phyir// bya sgro sna tshogs gdags par bya// thugs rje yongs la phan pa'i phyir// 'phan rings re yang gdags par bya// 'gro ba yongs la phan pa'i phyir// gdugs pu re yang gdags par bya// yid bzhin nor bus mdzes pa'i phyir// 'phang lo bzhi yang gdags par bya// 'dzam bu gling bzhir gnas pa'i phyir// stong lo ris su rnam par dgod// phyi nang med par gsal pa'i phyir// mig mangs ris su bris pa yin// yid bzhin nor ltar dbyung ba'i phyir// bang ba ris su bris pa yin// mkha' dgu klong dgu ldan pa'i phyir// rgya mdud ris su bris pa yin// sna tshogs 'byung bzhi 'od 'phros pas// mi lus gru bzhir yod pa yin// ri rab gru bzhir yod pa'i phyir// nam mkha' gru bzhir yod pa yin// phyi nang rim par yod pa'i phyir// tshon sna rim par bskor ba yin/ steng dang 'og dang yod pa'i phyir// gdan dang gur du phub pa yin// khams gsum brtsegs mar yod pa'i phyir// gzhal yas brtsegs mar 'byung ba yin// 'byung ba rim brtsegs yod pa'i phyir// bang rim brtsegs mar 'byung ba yin// lus ngag yid gsum ldan pa'i phyir// bang rim gsum du byung ba yin// 'phrin las bzhi dang ldan pa'i phyir// 'dzam bu gling bzhir bkod pa yin// lo skor bcu gnyis yod pa'i phyir// phyogs mtshams brgyad dang steng 'og gnyis// phyi dang nang du bstan pa yin// rnam shes tshogs brgyad yod pa'i phyir// gling dang phran du bkod pa yin// zla ba bcu gnyis yod pa'i phyir// gcan gzan bcu gnyis ras ma gdags// zhag nam sum brgya drug cu ste// srog chags sum brgya drug cu'i glud// nam zla dus bzhir yod pa'i phyir// bzang ras rnam bzhir gdags pa'o// rkyen dang blo bur 'byung pa'i phyir// drang dan tsam du bstan pa yin// de ltar yon tan bsam mi khyab// mkha' 'gro ma bkrag gsal 'bar ma'i rgyud las// yon tan bstan pa'i le'u ste bcu gcig pa'o//// de yi skyon rnams bka' stsal pa// tshon zhes bya ba mtshon pa ste// tshon sna'i dri ma bsam mi khyab// spyir ni tshon sna rnam pa lnga// kha dog mi gsal dbang po 'gag/ ma tshang pas ni nad du 'gyur// byer zugs ma snyoms mtha' 'khob yul du skye// yon por gyur na bsod nams 'grib// nor pa gyur na nyams pa yin// tshad dang mi ldan don la nyams// rgyal mo rnams ni do tshad do// zhal gyi dngos grub thob pa'o// gdan gur gnyis ni khru tshad do// dkyil 'khor lha yi dngos grub thob// che mchog yab yum mtho gang tshad// thabs dang shes rab dngos grub thob// blon mo rnams ni chag gang tshad// blon mo yol gyi tshad du bya// phyi nang gsang ba'i dngos grub thob// sman mo rnams ni sor bzhi la// na bza' gos dang rgyan du 'bul// dbang mo rnams ni 'theb tshad do// 'phrin las bzhi yi tshad du 'bul// rgyal mo rkang pa'i rtse khru tshad// blon mo rkang pa'i chag khru tshad// dbang mo rkang pa'i mtho gang tshad// ri rab nam mkha'i brtsegs ma la// che chung sku yi tshad dang mnyam// de dang mi mnyam longs spyod 'grib// nad dang sdug bsngal sna tshogs 'byung// rkyen dang blo bur ye 'brog 'byung// de la sogs pa brjod mi lang// mkha' 'gro ma bkrag gsal 'bar ma'i rgyud las// skyon bstan pa'i le'u ste bcu gnyis pa'o//// de nas yang srid pa rgyas 'debs bka' stsal pa// dkyil 'khor 'dra ba cha lnga la// gtso mo kha dog rigs kyis bsgyur// dkyil 'khor lha yi gnas su dgod// zhag gsum bar du bsnyen pa bya// bskul kyang so so'i rigs su bskul// sngags kyang so so'i rigs su bzlas// skong kyang de dang 'dra bar gdab// bsgrub pa tha ma bskang par bya// dkyil 'khor lha yi nam mkha' rnams// ri rab gling la dgod par bya// spyan drangs bskul re btang nas kyang// ri rab de la gzugs par bya// tha ma ri rab cha lngar bgo/ gcig ni chu bo'i gzhung la bskyon// gcig ni dur khrod gling du bskyal// gcig ni ri rab rtse la bskyal// gcig ni lam chen rgya gram srang// gcig ni chu mig 'chad pa la// gang rung de la bskyal bar bya// de ltarabyas la dngos grub blang// mkha' 'gro ma bkrag gsal 'bar ma'i rgyud las// srid pa'i rgyas 'debs kyi le'u ste bcu gsum pa'o// de nas yang rkyen bzlog dbyung ba ni// rigs kyi nad ngos bzung nas kyang// rigs dang mthun pa'i skos btab la// gang gnod de la bskang bzlog bya// khyad par brgya bcu rtsa brgyad mdos// gtso mo gang gnod de yis bya// mkha' 'gro ma bkrag gsal 'bar ma'i rgyud las// rkyen bzlog mdos kyi le'u ste bcu bzhi pa'o//// de nas zhen bzlog dgra mdos bka' stsal pa// nam mkha' re la ngar glud re// kha dog ri rab lta bur shes// ri rab gling la bkod byas la// bsnyen pa'i ring thung lcogs tshad bya// khram shing rgyang bu bskur bar bya// bskul re btang la thun re brdeg/ chu bo chen po'i gzhung la bskyal// sha khrag sna tshogs 'byor tshad dang// thun dgu smod dgu zor dang bcas// gang dmigs de la 'phang bar bya// mkha' 'gro ma bkrag gsal 'bar ma'i rgyud las// zhen bzlog dgra mdos kyi le'u ste bcA lnga pa'o// de nas sarba ru pas bskag pa ni// ru dpon bzhi dang ded dpon bzhi// rgyal mtshan bzhi dang ba dan bzhi// dar chen bzhi dang yas thags bzhi// phyag brnyan bzhi dang pho nya bzhi// las byed bzhi dang yang g.yog re// de ltar byas la slob dpon gsum// tshe dang dpag dang sngags mkhan gsum// rim pa bzhin du 'phrin las bya// gos gsum lus la gon nas kyang// rang gi 'dug sngags ting nge 'dzin gyis// snang srid ma mo bskang bar bya// 'phrin las rnam bzhi'i skos kyang gdab// rgyal mo bzhi ni rigs nas gdab// blon mo bzhi ni rigs nas gdab// phyag brnyan rnams ni dkyus la gdab// pho nya rnams ni rim gyis gdab// ru dpon bzhi ni bsnar la gdab// ded dpon bzhi ni gsum du gdab// dmag dpon bzhi yi thang la gdab// rgyal mo bzhi ni zhal du gdab// blon mo bzhi ni gsang bar shes// sman mo rnams ni rgyan du shes// bran mo rnams ni glud du shes// rgyal mo rnams ni pU tse dbul// blon mo rnams ni yon du 'bul/ sman mo rnams la glud du dbul// bran dang yang bran ngar gyi glud// snang srin ma mo bskang bar bya// zhag gsum bar du bsnyen pa bya// tshad dang ldan pa'i nad med kyis// dar dkar thogs la glud du 'bul// de tshe rnal 'byor dbang gi tshogs// de ltar ri rab sum brtsegs la// nam mkha' sna tshogs tshangs par gzugs// mkha' 'gro ma bkrag gsal 'bar ma'i rgyud las// sarba ru pa bya thabs kyi le'u ste bcu drug pa'o// de nas rdo rje sems dpa' yis// gnod 'dul lha la bka' stsal pa// ma mthong smos pa bstan phyir mtshon// kha dog lha yi ye shes te// 'gro ba 'gro ba'i don du yang dag gsungs// 'di la smos cing 'tshe ba la// dus 'dir nad dang kha yogs 'byung// phyi ma rdo rje dmyal bar ltung// 'di la dam par lta ba rnams// bdag gzhan don gyi 'gro ba 'dren// tshogs gnyis rdzogs pa'i skyes bu des// dad ldan 'khor la legs par gdams// bka' yi gsang rgyud dam pa 'di// bdag gzhan don du sbyad par bya// mkha' 'gro ma bkrag gsal 'bar ma'i rgyud las/ rgyud gtad pa'i le'u ste bcu bdun pa'o//// de nas gsang ba'i bdag po yis// che mchog gtso la yang zhus pa// de yi bskang bzlog ji ltar lags// de yi srog chags ji ltar lags// de yi yon tan ji ltar lags// de yi dgos ched ji ltar lags// de la 'dod yon ji ltar bskang// yang dag rdzogs kyis bka' stsal pa// de yi bskang bzlog ngas bstan gyis// legs par nyon la yid la zung// de yi bskang bzlog rnam par drug/ ri rab gling dang srog chags dang// nam mkha' rgyan dang 'dod yon dang// yon tan bsod nams rnam pa drug/ 'di dag bskang bzlog rtsa bar gsung// yang dag rdzogs pas bka' stsal ba// btsal dang bskang dang bsngo ba rnams// yang dag nyid du ngas bstan nyon// dang po glud btsal gang nas btsal// dang po glud byung gang nas byung// glud kyi pha ni gnam yang yin// glud kyi ma ni sa yang yin// de gnyis 'tshos dang gnam gyi sras// 'byung pa drod dang rlan du byung// de la dwangs snyigs gnyis su byung// de la dngos po'i bcud du 'dril// 'bru sna nyi shu rtsa gcig ni// sran ma dang ni nas sran dang// sran chung dang ni til dkar dang// til nag dag ni yungs kar dang// gro dang yungs nag bra po dang// so ba dkar mo bzhin pa zangs dang// rgya 'bras khre dang ju rtse dang// sob ti dang ni zar ma dang// 'bras dkar dang ni rgya 'phra dang// nas dang spya 'da' ram bu rnams// de ltar nyi shu rtsa gcig las// mu ge'i nad las thar pa'i phyir// 'bru sna longs spyod ldan byas la// ltogs pa'i sdug bsngal bral bar 'gyur// gser dang dngul dang zangs dang lcags// rin chen man shel la sogs lnga// 'phongs pa'i sdug bsngal bral bya'i phyir// rin chen rnam lnga brdar pa'i phye// mi zad gter dang ldan gyur cig/ tsan dan spos dang a ka ru// bog dang gla rtsi rnam pa lnga// sna tshogs dri dang ldan pa'i phyir// yid 'ongs bsam pa 'grub gyur cig/ byin brlabs ting 'dzin byas pa dang// gzhon nu bu mos sgrus byas pas// phyi nag gsang ba gsum gyi don// khams gsum dag tu bsgos nas ni// sum cha gcig la ri rab gzugs// rigs dang mthun pa'i kha dog byug/ shar ni dkar la lho ni sngo// nub ni dmar la byang ni ljang// dbus ni cir yang 'gyur pa la// bang rim gsum par yang dag ldan// shar ni dkar la dung gi mdog/ kang ka ri ni dkar po ste/ skyon gyis ma gos rang bzhin dag/ de yang mi 'di'i glad du 'bul// 'di yang rdza yi khabs su dro// b+ho ni sngon po'i mdog dang ldan// bai DU r+ya yi 'od du gsal// yon tan 'byung ba dgos 'dod 'grub// 'di yang mi yi glud du 'bul// 'di yang rdza yi khabs su dro// nub ni dmar po'i mdog tu bstan// rAg dmar po'i 'jig rten te// thugs rjes chags pas pad+ma'i mdog/ 'di yang mi yi glud du 'bul// 'di yang rdza yi khabs su dro// byang ni ljang khu in+t+ra te// pad+ma ra ga brtsegs pa'i mdog/ 'phrin las sna tshogs lhun gyis grub// 'di yang mi yi glud du 'bul// 'di yang rdza yi khabs su dro/ dbus ni sna tshogs ci yang gsal kun khyab nam mkha'i 'od du 'tsher// 'gyur ba med pa chaus kyi dbyings/ 'di yang mi yi glud du 'bul// 'di yang rdza yi zhabs su dro// bang rim gsum ni sku gsung thugs// lus ngag yid gsum glud du 'bul// 'di yang mi yi glud du 'bul// 'di yang rdza yi khabs su dro// gser gyi ri bdun rol mtsho bdun// yon tan ri dang rgya mtshor chags// 'di yang mi yi glud du 'bul// 'di yang rdza yi khabs su dro// de nas 'dzam bu gling bzhir chags// 'phrin las bzhi yi tshul du rgyan// sangs rgyas 'phrin las rdzogs phyir don// 'di yang mi yi glud du 'bul// 'di yang rdza yi khabs su dro// mtha' ma lcags ri nag pos bskor// 'da' ba med pa'i phyag rgya ldan// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// gcan gzan rgyal po seng ge drug/ brjid pa'i cha lugs khyi pho'i tshugs// dung gi mche ba thabs se thab// bse yi sna cha rgyangs se rgyang// gdug pa'i gra bzang lam se lam// ri rab shar gyi cog la dgod// rnam snang gsal gyi rdzas yin te// rus nad thams cad sel bar byed// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// cang shes rgyal po dung gi gzugs// lcags kyi rmig bzhi khrabs se khrabs// zangs kyi sna cha rgyangs se rgyang// mthig gi rnga ma na ra ra// gser gyi sga gtad wangs se wang kha dog tshon gyis so sor bsgyur// skyes pa drug kyang bskyon byas te// stag ral gzig shugs bse yi phu ba// ces pa'i chas rkyen rgyan dang ldan// 'od gsal 'bar gyi rdzas yin te// tsha ba'i nad rnams sel bar byed// ri rab lho yi cog la dgod// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// glang chen 'khyil pa dag gi gzugs// gser gyi lus po tal la la// zangs kyi sna cha rgyangs se rgyang// dung gi mche ba thabs sel thab// bse yi rmig brgyad khrabs se khrab// mthing gi rnga ma na ra ra// gser gyi dril bu khral la la/ 'dod khams gtso mo drug kyang bskyon// dar dkar la 'u sku la gsol// dngul gyi bal thag lag na thog/ mnyes gsal 'bar gyi rdzas yin te// khrag nad thams cad sel bar byed// ri rab nub kyi logs la dgod// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// sems can rgyal po shang shang drug/ mi dang bya yi cha 'dzin pa// thogs med rlung gi shugs dang ldan// rkang lag mi la gshog pa bya// ri rab byang gi cog la dgod// rlung gi nad rnams sel bar byed// yang gsal g.yos kyi rdzas yin te// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// 'dab chags rgyal po bya khyung gzugs// gshog pa spu gri lta bu la// g.yu ru gnam du zangs se zang// gshog ru nam mkha'i khams su g.yob// mchu yis dug gsum rtsad nas gcod// sder mos dus gsum grug ltar 'thul// bkrag gsal 'bar ma'i rdzas yin te// ri rab bum pa'i dbu la'o// 'di yang mi yi glud du 'dul// 'di yang rdzas kyi khabs su bzang// de nas ngar phye cha gcig la// glang chen khyu ba bcu bzhi la// sna bug la ni snal 'ju gsal// sna thag de ni dar gyis brgyan// snga ru gser la phyi ru g.yu// gong thag gong smed dngul las bgyis// ye shes rje mo bcu bzhi'i rdzas// ri rab bang rim par pa la// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// stobs bzang stag gzig bcu bzhi la// dung gi mche ba thams se tham// mu tig stag gzig wal la la// ye shes mkha' 'gro bcu bzhi'i rdzas// ri rab bang rim par ma la'o// 'di yang mi yi glud du 'bul// 'di yas rdzas kyi khabs su dro// de nas ngar phye cha gcig la// rma bya mdongs ldan bcu bzhi dang// 'ja' tshon gshog pa lhabs se lhab// g.yu yi sder mo shad de shad// ye shes rje mo bcu bzhi'i rdzas// ri rab bang rim bar pa la'o// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// khyi dkar gzugs ni bcu bzhi la// gser gyi yang mig skye ru btags// dar gyi ltong thag na ra ra// ri rab bang rim par pa la'o// ye shes mkha' 'gro bcu bzhi'i rdzas// sna tshogs 'dus pa'i nad la phan// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// mtho sre sa bdag rgyal po man chad nas// dma' ste nor bu chu chun yan chad du// sna tshogs sems can gzugs su byas// snang srid sman mo'i rdzas su 'bul// ri rab bang rim tha mar ldan// 'di yang mi yi glud du 'bul// 'di yang rdza yi khams su dro// dgra bcom gzugs dang rang rgyal gzugs// lha dang lha min thang bzangs ris// tshangs pa brgya byin 'khor dang bcas// yi dags dud 'gro byol song dang// rigs drug 'gro ba thams cad kyi// gzugs su sna tshogs ma lus pa// gshin rje me khyer 'khor dang bcas// byol song gcig la gcig za ba// mun nag thibs pa'i nang na bzhugs// rang rang gzugs kyang mi mthong ste// phyogs dang rigs med sa ru 'gro// khyu dang sde med phrad phrad za bar byed// byol song glang chen 'khor dang bcas// srid pa'i sman mo'i rdzas su 'bul// tsha dmyal brgyad dang grang dmyal brgyad// nyi tshe ba dang nyi 'khor ba// dmyal khams chen po bcA+o brgyad de// dmyal pa'i 'a wa glang mgo can// srid pa'i sman mo'i rdzas su 'bul// 'di yang mi yi glud du 'bul// 'di yang rdza yi khabs su dro// de nas ngar phye cha gcig la// ngur pa ngang pa skad snyan di ri ri// gyu sram mang po ku ru ru// spal lcong mang po rtse re re// ba 'bri mang po rtsi ri ri// grog sbur srog chags shag ma shig/ ri rab bang rim tha ma la'o// srid pa'i sman mo'i rdzas su 'bul// 'di yang mi yi glud du 'bul// 'di yang rdzas kyi khabs su dro// de nas ngar phye cha gcig la// shar phyogs sha dang rus pa'i glud// dri za'i rgyal po yul 'khor srung// mi dang phyugs zan yan chad kyang// zla gam gling dang bcas te 'bul// lho phyogs ma dang drod kyi glud// gshin rje 'phags skyes 'khor dang bcas// mi dang phyugs zan yan chad kyang// sog ka gling dang bcas te 'bul// nub phyogs khrag dang chu yi glud// klu dang spyan mi bzang po 'khor dang bcas// mi dang phyugs zan yan chad kyang// zlum po dmar po'i gling dang bcas te 'bul// byang phyogs rlung dang dbugs kyi glud// gnod spyin rnam thos 'khor dang bcas// mi dang phyugs zan yan chad kyang// ser po gru bzhi gling dang bcas te 'bul// zla ba de ni bcu gnyis ni// gling phran de ni brgyad dang ni// nag po rigs dang bcas pa 'bul// srid pa'i sman mo rdzas su 'bul// 'di yang mi yi glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las// gling bzhi srog chags kyi le'u ste bcA brgyad pa'o//// gnod 'dul lha yis yang gsol pa// nam mkha'i tshaun gnas bka' stsal pa// sngon dmar sna tshogs nam mkha' ni// kye dang po tshon byung gang nas byung// dang po chen tshon btsal gang nas btsal// gnod 'dul rdo rje sems dpa' yis// phyogs bzhi dbus dang lnga ru byon// kha dog lnga las dpe blangs te// 'byung ba lnga yi bcud du byas// rdzu 'phrul tshon sna rnam pa lnga// ye shes 'od kyi ri mor bris// 'byung ba bcud kyi dang mar bzhag/ phung po lnga yi glud du 'bul// tshon bal dkar po kun gzhi sems kyi glud// glud kyi bal tshon dkar po 'bul// byung kyang 'byung ba lnga la byung// gzugs kyi phung po'i glud du 'bul// bal tshon sngon po tshe dang drod kyi glud// glud kyi bal tshon sngon po 'bul// 'bul kyang 'byung ba sems la 'bul// tshor ba'i phung po'i glud du 'bul// bal tshon dmar po sha dang khrag gi glud// 'bul kyang 'byung ba chu la 'bul// 'du shes phung po'i glud du 'bul// bal tshon ser po 'khor ba dbugs kyi glud// glud kyi bal tshon ser po 'bul// 'du byed phung po'i glud du 'bul// bal tshon nag po bkrag dang mdangs kyi glud// glud kyi bal tshon nag po 'bul// 'bul kyang 'byung ba sa la 'bul// rnam shes phung po'i glud du 'bul// 'ja' tshon ris su bris pa 'di// dngas ma lnga yi glud du 'bul// rim pa lnga ru bris pa 'di// ye shes lnga yi glud du 'bul// pa tra ris su bris pa 'di// thams cad rgyas pas las bzhi rdzogs// mig mang ris su bris pa 'di// phyi nang med par gsal ba yin// rin chen brtsigs par bris pa 'di// dgos 'dod thams cad skongs pa yin// rgya mdud ris su brtsams pa 'di// mkha' dgu klong dgu bstan pa yin// 'khor lo ris su bris pa 'di// gti mug thams cad gcod pa yin// steng dang 'og tu brtsigs pa 'di// khams gsum brtsegs mar bstan pa yin// bla gab gur gyi nam mkha' ni// 'gro drug gdugs kyi dro ba yin// phyogs bzhi dbus dang lngar bstan pa// thugs rje kun la khyab pa yin// mu khyud gcig tu 'dug pa ni// mkha' klong gcig tu shes pa yin// yon tan ris su bris pa ni// dus bzhi snyoms shing thugs rjes 'dren pa yin// zla gam gur gyi thugs dam skong// sa gzhi gdan gyi nam mkha' 'dis// 'dab ma brgyad du bris pa ni// chos nyid rang rgyud yon tan dang// ye shes chen po rnam pa brgyan// bzh-i pa brgyad du yang dag ldan// yon tan gsum gyi sdug bsngal zhing// chos nyid gsum ni rnam rtog ste// ye shes rang rgyud 'khor 'das gnyis// de ltar rtag tu yod pa la// rnam shes brgyad ldan rigs su bris// thams cad 'byung ba'i bzhi dag dang// rtsibs bzhi steng du bcu bzhi bsgyel// sa bzhi gdan gyi thugs dam bskongs// phyogs bzhi 'byung ba'i nam mkha' ni// ru mtshams bzhi ru phye nas kyang// rtog med mkha' la rnam par bzhag/ dbyings phyug rgyal mo'i b+ha ga'i bdag/ don dam dbyings las ma skyed kyang// dbyings dang ye shes mtha' las 'das// mtha' gnyis grol phyir glud du 'bul// che mchog sku yi nam mkha' 'dis// sku stod sangs rgyas lnga ru grub// sku smad rgyal mo lnga ru grub// rked pa khro mo rnam zhal ma// gsang ba'i ye shes ga 'ur 'khyil// thabs dang shes rab sbyor ba'i zhal// skye shi rtsad nas gcod pa'i tshems// rnam par thar pa ldan pa'i dbu// rtags kyi 'ja' tshon nam mkha' 'di// skong ni nam mkha'i thugs dam bskong/ grub ni thugs kyi rigs 'dzin grub// brjod med chos kyi dbyings su bskang// ri rab srid pa'i bum rtse nas// dkyil 'khor lta bu'i nam mkha' 'dis// grub pa ma mo'i thugs dam bskang// kha dog rgyan gyi nam mkha' 'dis// rigs bzhi rgyal mo'i thugs dam bskang// mthing nag rtags kyi nam mkha' 'dis// bkrag gsal 'bar ma'i thugs dam bskang// nam mkha' dung mig spras pa la// kha dog lnga yi rgyan gyis brgyan// rnam snang gsal gyi thugs dam bskang// nam mkha' g.yu mig spras pa la// kha dog lnga yi rgyan gyis brgyan// 'od gsal 'bar gyi thugs dam bskang// nam mkha' gser mig sbras pa la// kha dog lnga yi rgyan gyis brgyan// yang gsal g.yos kyi thugs dam bskang// ri rab gling bzhi'i shar phyogs na// dkar mo zang yag gsum brtsegs kyis// pad+ma rigs kyi rgyal mo blon mo gsum gyi thugs dam bskang// ri rab gling bzhi'i byang phyogs na/ ser mo zang yag gsum brtsegs kyis// las kyi rigs kyi rgyal mo blon mo gsum gyi thugs dam bskang// ri rab bum pa'i nang mtshams nas// gser mig rnam lnga'i mdangs dang ldan// ser mo 'od dang bcas pa yis// srid pa bde 'gro ma'i thugs dam bskang// dung mig nam mkha'i mdangs dang ldan// dkar po 'od dang bcas pa yis// nyi ma thod 'phreng thugs dam bskang// kha dog lnga yi pho brang la// nag po mdangs ldan mdzes pa'i rgyan// de ltar bzhi ni phyogs bzhi la// khros pa'i rgyal mo bzhi yi thugs dam bskang// gung tshig nag po'i rgyan dang ldan// sbas pa ma bzhi'i thugs dam bskang// kha dog bzhi yi pho brang la// tha stag nag po'i rgyan dang lnga// dgyes sde bzhi yi thugs dam bskang// nag po zang ma rnam pa gsum// dpal ldan mo yi thugs dam bskang// nag po zang ma rnam pa bdun// za byed srin mo bdun gyi thugs dam bskang// tshon sna tshang ba'i nam mkha' 'dis// grub 'degs rgyal mo'i thugs dam bskang// dkar la mdzes pa'i rgyan dang ldan// chags byed ma yi thugs dam bskang// sngo la kha dog rgyan dang ldan// chag snyoms ma yi thugs dam bskang// dkar dmar tshon sna lnga dang ldan// mdzes pa'i rim pa yang dag ldan// dza ti ma yi thugs dam bskang// nag po mdzes pa so sor bris// 'dod khams gsum gyi thugs dam bskang// spyan dgur mdzes pa rnam pa lngas// dmag gi rgyal mo'i thugs dam bskang// sring mo bzhi yi thugs dam bskang// mdangs dmar byas pa rnam pa bzhis// bdud mo bzhi yi thugs dam bskang// dkar sngo ldan pa rnam pa bzhis// ser nag mdzes pa rnam pa bzhis// sman mo bzhi yi thugs dam bskang// re mi zangs mig g.yu mig dang// phugs bdag skor spyin 'brog mo dang// byang 'brog sa srin thams cad bskang// khre dang ra bal rtsid pa dang// thogs ma rigs kyi thugs dam bskang// zang zing nam mkha' sna tshogs brgyan// snang srid ma mo'i thugs dam bskang// mkha' 'gro ma bkrag gsal 'bar ma'i rgyud las// sngon dmar tshon bskos kyi le'u ste bcu dgu pa'o//// gnod 'dul lha yis bka' stsal pa// da ci nam mkha' tshon gyis bskang// da ni kha dog rgyan gyis bskang// 'gro drug yongs la khyab pa'i phyir// thugs rje bla gab gur gyis bskang// 'di yang mi yi glud du 'bul// 'di yang rdzas kyi khabs su dro// thugs rje yongs la phan pa yis// 'phan rings bzhi yi rgyan gyis bskang// 'di yang mi yi glud du 'bul// 'di yang rdzas kyi khabs su dro// ye shes lnga dang ldan pa yis// dam tshon rgyal mtshan lnga yis bskang// 'di yang mi yi glud du 'bul// 'di yang rdzas kyi khabs dro// gsal ba ye shes mtshon pa'i phyir// me long bzhi yi rgyan gyis bskang// 'di yang mi yi glud du 'bul// 'di yang rdzas kyi khabs su dro// gling khams phyogs bzhir bskyang ba'i phyir// yol chen bzhi yi rgyan gyis bskang// 'di yang mi yi glud du 'bul// 'di yang rdzas kyi khabs su dro// rgyal mo ru dpon dbye pa'i phyir// ru dpon bzhi yi rgyan gyis brgyan// blon mo'i phyogs nas gda' pa'i phyir// ded dpon bzhi yi rgyan gyis bskang// srid gsum phur pas gdab pa'i phyir// phur nag bzhi yi rgyan gyis bskang// gdug pa rtsad nas bcad pa'i phyir// ral gri bzhi yi rgyan gyis bskang// mtha' bzhi nan nas gnan pa'i phyir// mda' chen bzhi yi rgyan gyis bskang// ru bzhi phur pas gdab pa'i phyir// sna tshogs dar gyi rgyan gyis bskang// bya brda bzhi yi rgyan gyis bskang// gnam mtha' phur pas gdab pa'i phyir// lcags phur nag po bzhi yi rgyan gyis bskong// 'byung ba'i dngas snyigs dbye ba'i phyir// sna tshogs dar gyi rgyan gyis bskang// 'di yang mi yi glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las// kha dog rgyan gyis bskang ba'i le'u ste nyi shu pa'o// gnod 'dul lha yis bka' stsal pa// da ci kha dog rgyan gyis bskang// da ni 'dod yon zas kyis bskang// sha sna brgya dang snying sna stong// zhal zas spyan gzigs sna tshogs dang// dung dang gzi mchog dar zab dang// 'tsho byed rtsi sman sna tshogs dang// gos dang bzang ras lhab lhub dang// spu sdug gcan gzan ras ma dang// me tog mdzes pa sna tshogs dang// 'di dag 'dod yon longs spyod de// 'di yang mi yi glud du bzang// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las// 'dod yon longs spyod kyi le'u ste nyer gcig pa'o//// gnod 'dul rdo rje sems dpa' yis// da ci 'dod yon zas kyis bskang// da ni 'dab chags sgro yis skong// de ltar nam mkha' sna tshogs dang// dung bya dkar mo'i sgro yi gdags par mi bya ru// mkha' 'gro rnam par dag pa lags// bya rgod sgro yis mi gdags su// cir yang gsal ba'i dpe ru btags// rma bya sgro yis mo gdags su// bya rgod spungs pa'i gnas dang ldan// bya khyung sgro yis mi gdags su// nam 'phangs gcod pa'i dpe ru btags// khu byug sgro yis mi gdags su// ma mo sgra skad snyan pa lags// gyi brda sgro yis mi gdags su// dgra bgegs snying nas 'dren pa'i rtags// skyung ka'i sgro yis mi gdags su// bdud mo thams cad dgos pa lags// chu bya'i sgro yi mi gdags su// sa bdag glu srid dges pa lags// zer mo'i sgro yis mi gdags su// 'phan bzang sgro dang ldan pa lags// sbab kyi sgro yis mi gdags su// nag mo khrag mo glud du 'bul// skya ka'i sgro yis mi gdags su// snang srid sman mo dges pa lags// pu shu sgro yis mi gdags su// byang 'grog thams cad dges pa lags// pa ti sgro yis mi gdags su// phung bdag thams cad dges pa lags// 'ug pa'i sgro yis mi gdags su// dur khrod ma mo dges pa lags// de la sogs te 'dabs chags gnas// sna tshogs sgro yis mi gdags su// las kyi ma mo dges pa lags// 'di yang mi yi glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las// 'dab chags sgro yis bskang ba'i le'u ste nyer gnyis pa'o//// gnod 'dul lha yis bka' bstsal pa// yon tan bsod nams ldan pa ni// de yi pha phyogs thams cad la// khros pa tsam gyis 'jigs par 'gyur// bsdigs pa tsam gyis skrag par 'gyur// b+h+yo zhes rngam pa'i sgra bsgrags pas// thams cad ma lus rdul du rlogs// phaT ces drag pos tshar gcad pas// bskal pa gsum du 'phang par byed// 'di la mos shing brtse ba rnams// che ba lnga dang ldan par 'gyur// mthu dang stobs dang gzugs byad dang// bsod nams longs spyod che bar 'gyur// 'di la mos shing brtse ba rnams// bka' nyan mang pos skul bar byed// lha srin gnyis kyang bu bzhin du// ci bsam 'grub la 'khor 'dab 'phel// thun mongs longs spyod bsam mi khyab// khyad par chos kyi longs spyod thob// gdugs dang rgyal mtshan la sogs dang// mang pos bkur ba'i 'os su 'gyur// dung dang cha lang pi wang dang// sgra yi rol mo 'khor dang bcas// rgyal po ltar ni grags par 'gyur// yid kyi spyod yul gang 'thad pa// bsam pa ltar ni 'phel bar 'gyur// yon tan bsod nams brjod mi lang// mkha' 'gro ma bkrag gsal 'bar ma'i rgyud las// yon tan bsod nams kyi le'u ste nyer gsum pa'o//// gsang ba'i bdag pos yang zhus pa// bsngo ba bya ba ji ltar lags// gnod 'dul lha yis bka' stsal pa// bsngo par bya ba 'di lta ste// spyi dang khyad par gnyis su gsungs// legs par bsngo yi yid la zung// snod kyi 'jig rten gtor gzhong du// bcud kyi 'gro drug gtor mar byas// longs spyod lnga yi rgyan du byas// dam rdzas lga yi bcud du byas// rin chen lnga yi snod du byas// 'dod yon lnga yi bcud du byas// bsngo ba med pa'i bsngo ba ste// dbyings dang ye shes gnyis su bsngo// 'dza' gad dpa' po bdud rtsi mchog/ bsngo ba brgya la lo ma stong// ra sa ya na'i bcud dang ldan// gzhon nu sgeg mo mnyen lcug ldan// gsang pa'i yum mchog mA ma ki/ 'du 'bral med pas mA ma ki/ shes rab gsal ba'i mA ma ki/ dang po tshim pas mA ma ki/ bde ba rgyas pas mA ma ki/ bdud rtsi tshim pas mA ma ki/ dngos grub thob pas mA ma ki/ dngos grub byung bas a mr-i ta// tshogs gnyis rdzogs pas a mr-i ta// kun 'byung yon tan a mr-i ta// 'khor ba zad byed a mr-i ta// nyes pa'i skyon sel a mr-i ta// nyams chag skyon sel bdud rtsi'i bcud// bsngo ba med pa'i bsngo ba ni// bla med byang chub chen por bsngo// bde ba ye shes chen por bsngo// mU la rak+ta rtsa ba'i khrag/ chu dang ma 'dres dngas ma'i khrag/ mahA rak+ta chen po'i khrag/ pad+ma rak+ta spyor ba'i khrag/ dur khrod 'bar ma bam gyis khrag/ dngos grub yon tan tsit+ta'i khrag/ nyes pa'i skyon sel nad kyi khrag/ tshams rngam drag po gri yi khrag/ rnam rtog sgribs sil mdze yi khrag/ rang byung thugs rje shangs kyi khrag/ nyam nga reg pa lcags kyi khrag/ sna tshogs rtog med tshogs pa'i khrag/ rang 'dod bskongs pa don gyi khrag/ bsngo ba med pa'i bsngo ba 'di// b+ha ga skye med klong du bsngo// mkha' 'gro ma bkrag gsal 'bar ma'i rgyud las// spyi dang khyad par gyi bsngo ba'i le'u ste nyer bzhi pa'o// mngon rdzogs yab kyis bka' stsal pa// gnod 'dul rdo rje sems dpa' yis// sarba rdo rje dngos grub kyi// bsam pa'i rgyud la gang gnas pa// rang rang 'dod pa tshim par bsngo// de ltar ri rab gling bzhi la// ri rab gser gyi ri bdun 'khor lo las// de yang bang rim tshad dang ldan// bsod nams phye tshad phyed dang do// gnya' shing 'dzin dang gshol mda' 'dzin// seng ldeng 'dzin dang rnga yab 'dzin// bdud rtsi 'dzin dang mu khyud 'dzin// de dag gser las byas pa bdun// pho brang brtsegs pa'i tshul du bsngo/ rol pa'i mtsho bdun 'khor lo las// bdud rtsi mtsho dang 'o ma'i mtsho// chang gi mtsho dang mar khu'i mtsho/ khrag gi mtsho dang chu yi mtsho// dug gi mtsho dang rnam pa bdun// mtsho rnams bdun rtsir gyur pa'o// dkyil 'khor me long tshul du bsngo// lcags ri nag po mtho ba ste// dpag tshad ri rab phyed dang mnyam// gnya' shing 'dzin gyis gnam du sleg/ ri ri nag po'i rtse mo la// sol ba'i bu yug nag po 'thul// gti mug sprin ni mun ltar gtibs// lcags dang gnam lcags thog chen 'bebs// phrag dog gsal pa'i bu yug 'tshubs// kyin 'dang khro chu'i char pa 'bebs// nga rgyal me chen glog ltar 'gyu// byol song gti mug gnas su gsal/ byol song stobs chen rnams kyis kyang// 'dod chags blan pa'i sems bskyed de// gcig gis gcig kyang za bar byed// 'khu skad 'don cing kun tu rgyug/ khyu dang sde tshan ngo mi shes// khyo dang bu med 'dzin pa med// stobs chung dbang med stobs kyang 'phrog/ zhe sdang keng rus ri ru brtsigs// nga rgyal me dpung lus la 'bar// gzung 'dzin lus la thog mtha' med// phrag dog ser sna'i mdud pas bcings// gti mug rmongs pa'i mun pas gtibs// byol song gnas na ya re cha// gang zhig g.yo sgyu chags pa rnams// gnas ngan de ru skye bar byed// gzhan yang 'jig rten 'di ru grags pa yang// gnam la 'phur dgu sa la 'dzul dgu dang// khyad par so so'i rjes su bsngo// sa la skyes dgu chu la 'phyo dgu rnams// mi dang rdzas dang nor du gyur pa rnams// dka' ba mi la btsal te 'bul// rang rang so so'i gnas su bsngo// rus pa'i glud 'di brag la bsngo// khrag gi glud 'di chu la bsngo// drod kyi glud 'di me la bsngo// dbugs kyi glud 'di rlung la bsngo// sems kyi glud 'di mkha' la bsngo// skye mched bcu gnyis glud bsngo na// zla ba bcu gnyis de la bsngo// khams chen bcA brgyad glud bsngo na// rten 'brel bcu gnyis de la bsngo// rigs drug sems can de la bsngo// sna tshogs longs spyod glud bsngo na// 'jig rten 'byung ba lnga la bsngo// mkha' 'gro ma bkrag gsal 'bar ma'i rgyud las// srid pa'i glud bsngo ba'i le'u ste nyer lnga pa'o//// mngon rdzogs yab kyis bka' stsal pa// de la mi nyan zug pa la// shin tu gsang ba bag yod bsngo// mi lus rus cig de la bsngo// nas zla lus tshad de la bsngo// lus la srog chags shag bzung la// yon bdag sha ni de la bsngo// yon bdag sha ni 'dil yod// yon bdag skyin du 'di bsngo yis// glud 'di gsang ba sha khrag glud// mi 'di 'jig rten rtog pa'i mi// rus ni yid rtog rgyun chags rus// lo ni na zla lus tshad lo// brje ni bskyin pa 'di dang brje// bsngo ni yon bdag glud du bsngo// 'bul ni che mchog yab la 'bul// skongs ni mkha' 'gro'i thugs dam bskang// mkha' 'gro ma bkrag gsal 'bar ma'i rgyud las// skyin pa glud bsngo ba'i le'u ste nyer drug pa'o//// yang dag rdzogs pas bka' stsal pa// yan lag 'dogs 'brel glud 'bul na// bshags snyug tshigs gsum srog gi glud// dar sna bya phod sbrin dang khu rlangs glud// dar dang za 'og lhab lhub rgyan gyi glud// spos dang bla ba yid dang thugs kyi glud// mtshal dang tsan dan dbang po sku yi glud// rnga sgra dbyangs snyan sgra rnams gsung gi glud// skyon yon re dogs rnam rtog gzung 'dzin te// yid ches mthun pa rtogs med ye sangs rgyas// thugs la go bas bsod nams dpag tu med/ 'di yang yon bdag glud du 'bul// 'di yang rdzas kyi khabs su dro// mkha' 'gro ma bkrag gsal 'bar ma'i rgyud las/ yan lag 'dogs 'brel gyi le'u ste nyer bdun pa'o// gnod 'dul lha yis yang zhus pa// snang srid ma mo kun gyi bdag/ dur khrod bdag mo re ma ti// dbugs dang rgyu la zhen chags nas// de la zhu ba ji ltar bgyi// gnod 'dul lha yis bka' stsal pa// mtshang la brgal te bkos kyang gdab// ming nas bos te glud kyang bsngo// ma gcig byang shar re ma ti// dbu skra ral pa gcig tu 'khyil pa yang// khyi yo mya ngan byed pa ma yin nam// phyin phyogs dre'u pho la zhon pa yang// khyo yis bsad kyis dogs pa ma yin nam// sku la rma bya'i thul pa gsol ba ni// mdza' bos byi thul bskon pa ma yin nam// zangs ma'i lcags sgrog 'bar ba zhabs la gsol ba yang// srin pos lcags su bcug pa ma yin nam// rgyab tu bdud kyi khram pam bsnams pa yang// pha yi lag cha brkus pa ma yin nam// mdun na shod rde dkar nag bsnams pa ni// bdud dang cho long rtse ba ma yin nam// snyan cha g.yas na seng ge 'phyo pa yang// rgyal po'i bka' rtags btab pa ma yin nam// g.yon pa sbrul gyi gdeng kha 'phyo ba yang// snyan khung klu yis gdams pa ma yin nam// sdig pa'i ral gri dmar po phyag na bsnams pa yang// srin po'i lag cha brkus pa ma yin nam// zhing lpags g.yang gzhi sku la gsol ba yang// dur khrod gcer bus 'khyags nas gon pa ma yin nam// mi yi rgyal mtshan phyag na bsnams pa yang// rang gi bu sha zos pa ma yin nam// sku la re lde ser pos rnam phyed dkris pa yang// srin po'i nal phrul skyes pa ma yin nam// mi sha mi mgo khrag la rol pa yang// ma yi dmod pa zug pa ma yin nam// sku mdog mthing nag 'ba' zhig 'dug pa yang// lha yi kha dog 'gyur ba ma yin nam/ nad kyi rkyal pa snga shar bkal pa yang// ma la khros nas khams gsum la// mi nad gtong pa ma yin nam// tshon gyi gru gi phyi shar btags pa yang// bdud kyi byang thag phyogs pa ma yin nam// mi ro'i dur khrod rgyan du byas pa yang// srin po'i chun ma byas pa ma yin nam// glang chen ko rlon g.yang gzhi gsol ba yang// srin po'i glang sna g.yang lugs brkus pa ma yin nam// dre'u sna'i thur mda' rgyu mas byas pa yang// dur khrod gnas nas bros pa ma yin nam// dbu skra lan bu gcig tu blangs pa yang// skye ba lnga brgyar mya ngan byed pa ma yin nam// dpral pa'i dbyings nas mig gsum 'char ba yang// gshin rjes ldang mig byin pa ma yin nam// kha rlangs nad kyi sha 'gal 'begs pa yang// srin pos rdzu 'phrul byin pa ma yin nam// lte ba'i dkyil nas nyi ma 'char ba yang// lha yi ra rtags las pa ma yin nam// de tsam mtshang la mo brgal du// sha khrag dbugs la dad re che// srog gcod gshed mar bskos re mkhas// de phyir khyod la mtshang nas rgol// mtshang nas rgol gyis ngo tsha skyed// gnad la babs kyis dam tshig srungs// che mchog nga yi bka' nyon la// sha gnyan khrag gnyan ro mchog che// yid kyi dbang po rtog pa'i rgyu// bsgral tshul bstan na 'dod pa tshim// bsad dang ma bsad med pas na// bsad tshul bstan na dngos po tshim// rang la gnad kyi sdug bsngal nyon// mkha' 'gro ma bkrag gsal 'bar ma'i rgyud las// ngo tsha ba mtshang cig gi le'u ste nyer brgyad pa'o//// yang dag rdzogs kyi bka' stsal pa// zhus nas lan nyon yid la zung// rgyal mo chos kyi dbyings na bzhugs// blon mo b+ha ga'i klong na bzhugs// thabs dang shes rab ldan pas skong// rje mo 'og min gnas na bzhugs// phyi nang med par thugs dam skong// sman mo ri rab rtse la bzhugs// skye ba med par thugs dam skong// g.yo 'gul med par thugs dam skong// bran mo rgya mtsho'i gting na bzhugs// 'du 'bral med par thugs dam skong// sman mos 'dzam bu khyad par bzhugs// nur ngas med pas thugs dam skong// srin mo dur khrod klong na bzhugs// 'dod pa tshim par thugs dam skong// sems can sgrol byed srog gcod dang// rnal 'byor rdo rje ming po la// sku la sdo zhing dam la gnod// dus gsum dkon mchog bka' 'khor na// dbu 'phangs smod cing 'tshe ba la// rgyu sbyor yon bdag 'khor bcas kyi// gang gnod de la byil kha bsgyur// srog sgrol byed pa de la b+h+yo/ ma mo'i zas de de la sbos// ma mo'i mdun stang chod// ma mo'i pho brang de la chos// mkha' 'gro ma bkrag gsal 'bar ma'i rgyud las// mkha' 'gro zhus lan gyi le'u ste nyer dgu pa'o//// mkha' 'gro ma bkrag gsal 'bar ma'i rgyud rdzogs so//// rgya gar skad du/

CLOSE WINDOW