CLOSE WINDOW

Gpb046.005x
བོད་ཡིག

thugs gsang ba/ rdo rje gsang ba gter zhes bya ba'i rgyud gsang ba chen po'i mdo rdzogs so//// rgya gar skad du/ badzra kI la ya ag ne badzra dzi ha ma la ma hA tan tra nA ma/bod skad du/ rdo rje phur pa me lce 'phreng ba'i rgyud chen po zhes bya ba/ bcom ldan 'das dpal khrag 'thung 'jigs byed kyi rgyal po badzra kI la ya nyid la phyag 'tshal lo// 'di skad bshad pa'i dus na// bcom ldan 'das de bzhin gshegs pa thams cad kyi bdag nyid/ gsang ba gsum la mnga' brnyes pa'i bdag po thams cad kyi 'byung ba'i gnas yid bzhin nor bu rin po che/ spros pa thams cad gcod pa'i bdag nyid rnam par thar pa'i dbu gsum dang ldan pa/phyogs bcu dus gsum gyi de bzhin gshegs pa thams cad kyi dbang bskur ba'i bdag nyid/ mtshan dang dpe byad la mnga' brnyes pa thabs dang shes rab 'du 'bral med pa'i ngang la mnyam par bzhugs pa'i bdag nyid// 'phrin las thams cad yongs su rdzogs pa'i rgyal po// nyon mongs pa thams cad yongs su 'joms par mdzad pa bsam gyis mi khyab pa'i sku gsung thugs yon tan 'phrin las mnga' brnyes pa'i bcom ldan 'das/rol pa'i mdzad spyod bsam gyis mi khyab pa dang ldan pa'i sku mdog dang/ phyag mtshan dang/ bzhugs tshul la sogs pa'i bdag nyid de/mtha' dang dbus med pa'i 'og min gyi gnas gnyis su med pa'i gsang ba'i yum gyi btsun mo'i b+ha ga la/ pho brang lhun gyis grub pa'i longs spyod kyis brgyan pa/ mthing nag drag po'i gnas rgyu rin po che 'bar ba sna tshogs dang/drag po 'joms pa'i rgyan du ma dang ldan pa/ yon tan dpag cing gzhal ba las 'das pa/ thog ma dang tha ma med par rang byung ba rnal 'byor gyi dbang phyug chen po nam mkha'i mtha' dang mnyam pa'i 'khor rnams dang// gzhan yang rigs lnga'i sangs rgyas btsun mo dam pa dang lhan cig pa rnams dang/ byang chub sems dpa' sems dpa' chen po sa'i snying po dang/ sgeg mo la sogs pa thabs dang shes rab kyi 'khor bsam gyis mi khyab pa rnams dang/gzhan yang khro bo'i rgyal po rab tu mi zad pa'i tshogs nam mkha' mthas klas pa dang/ rol pa'i btsun mo gtum bag can rnams dang/ gdug pa'i 'khor sprul pa'i 'phra men ma brjod du med pa'i yang brjod du med pa rnams dang/gzhan yang ye shes dang las las grub pa'i tshogs rnams dang/ nang dang phyi'i rnal 'byor ma rnams dang/ khya par 'khor gyi 'khor bse'i bu mo bzhi dang/sho na ma bzhi dang/ bdag nyid ma bzhi dang/ 'jig rten gyi dregs pa'i tshogs rnams dang/ gzhan yang dregs pa'i tshogs kyi ma dang/ bu mo dang/ sring mo la sogs pa bsam gyis mi khyab pa dang thabs gcig tu bzhugs so/'khor de rnams kyi nang nas sras mchog karma kI la ya/ bcom ldan 'das kyi spyan snga na rab tu mdzes pa'i tshul bzung nas bka' nod cing spobs pa can du bzhugs so/de nas bcom ldan 'das gsang pa mchog gi bdag po des/ stong gsum gyi stong chen po'i 'jig rten gyi khams thams cad snang ba chen po'i 'o dkyil khyab par byas nas/ dregs pa'i tshogs zil gyis gnon pa'i ting nge 'dzin la snyoms par zhugs te/mnyam pa'i ngang la rnal nas bzhugs so// de nas 'khor 'dus pa'i nang nas karma kI la ya bzhengs nas// ston pa'i zhal du seng ge'i lta stangs kyis bltas te mnyam pa nyid kyi ngang la glu 'dis bskul lo// kye kye dpa' bo thugs rje can// khams gsum thams cad sgrol ba'i dag/ stobs chen 'bar bas yongs la skyob// gnyis med 'du 'bral med pa'i bdag/chos dbyings gnas la mngon par mkhyen// tshad med 'gro ba'i don rnams mdzod// ces bskul bas/ stong pa nyid kyi ngang las khrag 'thung gi rgyal po badzra kI la ya 'jigs byed kyi rgyan chas thams cad dang ldan par bzhengs te/bcom ldan 'das kyi sku las kyang/ 'jigs byed chen po'i 'khor dbu stong mnga' ba// phyag stong mnga' ba/ spyan stong mnga' ba/ 'jigs pa'i rgyan dang lag cha bsnams pa bsam gyis mi khyab pa thon pas/'jig rten drug gi phyogs bcu thams cad bred cing brgyal nas/ phyogs bcu thams cad g.yos/ rab tu g.yos/ kun tu rab tu g.yos so// 'khrugs/ kun tu rab tu 'khrugs so// tshig rab tu tshig/kun tu rab tu tshig go/ 'thor/ rab tu 'thor/ kun tu rab tu 'thor ro// 'ur/ rab tu 'ur ro// chem/ rab tu chem/ kun tu rab tu chem mo// dbus mtho na ni mtha' dma' bar gyur to// shar mtho na ni nub dma' bar gyur to// nub mthon ni shar dma' bar gyur to// lho mthon ni byang dma' bar gyur to// byang mthon ni lho dma' bar gyur to// de'i tshe gdug pa can gyi tshogs thams cad rang rang gi lag cha shor te brgyal nas phyogs phyogs su sa la 'khod par gyur to// de nas bcom ldan 'das sgrol ba las kyi ting nge 'dzin la snyoms par zhugs nas/ oM badzra kI li kA la ya sarba big+ha na na baM hUM mA ra ya phaT/ ces brjod pas dregs pa'i tshogs thams cad bsgral te/ sgrib pa gnyis sbyangs te phyir mi ldog pa'i sa la bkod do// de ltar de dag gi yon tan 'jig rten du grags so// rdo rje me lce 'phreng ba'i rgyud chen po las/gleng gzhi'i le'u ste dang po'o//// de nas karma he ru kas/ bcom ldan 'das gsang ba mchog gi bdag po la 'di skad ces gsol to// e ma'o bde chen khrag 'thung gtso// dkyil 'khor rnams kyi ngo bo nyid// don dam kun rdzob byang chub sems// bdag cag rnams la bshad du gsol// zhes gsol ba btab pas/ khrag 'thung gi rgyal po badzra kI la yas ye shes med pa ma yin pa'i dbyings nas thabs dang shes rab yongs su rdzogs pa'i tshul du bzhengs te/rdo rje yid kun tu bzang po la 'di skad ces gsungs so// phyi nang snod bcud ma lus dang// phung po khams dang skye mched dang// 'khor dang mya ngan 'das pa kun// rang bzhin ngo bo nyid kyis stong// gzung 'dzin rtog pa dang bral ba'i// ma bcos de bzhin nyid kho na// de ltar rig pa'i skyes bu ni// byang chub mchog tu sems bskyed pa'o// gzhan yang byang sems rim pa ni// ye shes gcig la sa ma g.yos kyang// 'dul thabs bye brag tha dad de// rtog 'dul gnyen por ye shes bstan// skye bo med pa'i chos nyid las// ma 'gags rig pa'i ye shes shar// skye 'gag nyid na brjod dang bral// me long ye shes gsal pa'o// bsam dang bral ba'i chos nyid ni// tshig dang yi ge sgra las 'das// rang gi ngo bo ma skyes bral// stong nyid ye shes zhes brjod do// gnyis su med pa'i byang chub sems// ma bcos ye nas mkha' 'dra pa// btsal med thabs dang shes rab dang// mnyam pa nyid las gzhan med do// brjod med ngang las thams cad 'byung// rtog med ye shes so sor gsal// rang bzhin ma 'dres cir yang snang// so sor rtog pa'i ye shes yin// rgyu 'bras 'gro 'ong miganas shing// thams cad ma btsal lhun gyis grub// gnyis med ngo bo nyid las gnas// bya ba grub par sems bskyed do// byang chub sems zhes bya ba ni// don dam kun rdzob dbyer med la// gcig gi ngang las gnyis med kyang// blo chung mun par 'thibs pa la// kun rdzob byang chub sems med na// don dam rtogs par ga la nus// stong nyid ngang las ma g.yos kyang// snying rje chu zla'i tshul shes pas// skye med mchon pa'i yi ge a// rgyu mchog yi ge 'bras bu hUM// de nyid 'bras bu kun ldan pas// rgyu yi ting 'dzin rim pa las// e yaM ra geM raM/ snod kyi 'jig rten chags tshul du// 'byung ba lnga yi gzhal yas khang// nyon mongs lam lnga dag byas nas// yum lnga'i mkha' klong rnam dag par// rtogs ldan bu ye shes rab kyis// zhes brjod pas/ 'byung ba yum gyi gzhal yas su chos thams cad sangs rgyas par gyur to// de nas yang bcom ldan 'das dgos pa chen pos dkyil 'khor 'byung ba zhes bya ba'i ting nge 'dzin la snyoms par zhugs nas/'di skad ces brjod do// bruM/ zhes phyung nas ched du brjod do// e ma sangs rgyas kun gyi gnas// zab mo chos kyi 'byung gnas nyid// gnyis med gsang ba gsum las byung// don nyid dmigs par ga la rung// mtshon byed gsang ba mchog gi gnas// 'khor lo rtsibs brgyad mu khyud bcas// gru bzhi sgo khyud bzhi dang ldan// 'bar ba'i bar khyams gnyis kyis mdzes// 'khor lo'i rgyan dang rdo rje'i rgyan// nyi zla gsal ba'i dkyil 'khor ldan// ka ba gdung dang rta babs dang// 'khor lo ta ra na yis brgyan// gzhan yang rin chen pha gu dang// dra ba dra phyed la sogs ldan// 'dod pa'i yon tan lnga yis 'khrigs// rin chen rgyan dang rom mo'i sgra// bla re rgyal mtshan 'phan gdugs mdzes// 'od 'phro 'bar bas kun tu 'khrigs// phyi dang nang med kun tu nang// bde gshegs rgyab ba sras bcas gnas// gzhan yang yon tan brjod las 'das// dmigs par snang yang dmigs su med// ces gsungs so// de nas bcom ldan 'das gsang ba mchog gi bdag po des// thabs dang shes rab gnyis su med pa'i ngang las// tiSh+Tha badzra a/ zhes brjod pas// dkyil 'khor chen po'i dbus su bzhugs par gyur to// de nas yang gnyis su med pa'i bdag nyid chen pos// thams cad lhun gyis grub pa'i tshul rdo rje zhes bya ba'i ting nge 'dzin la snyoms par zhugs nas/nyid kyi sku dang/ gsung dang/ thugs rdo rje las gsang ba'i snying po 'di byung ngo// hUM hUM hUM hUM hUM/ hUM hUM hUM hUM'u hUMM/ T+raM T+raM T+raM T+raM T+ra?M/ T+raM T+raM T+raM T+raM T+ra?M/ ha ha ha ha ha/ he he he he he/dzA hUM baM ho/ b+h+yo b+h+yo b+h+yo b+h+yo/ k+Sha k+Sha k+Sha k+Sha/ mA mA mA mA/ zhes brjod pas/ snod bcud thams cad khrag 'thung dkyil 'khor 'ba' zhig tu snang bar gyur pa ni/ 'di lta ste/ hUM bzhi las ni gsal ba'i sku// log lta 'joms pa'i rang bzhin nam// rang dbang med par tshe 'brel sku// gang ltar bskyod med rgyan gyi sku// dri med gsung ni rnam par dag/ stobs las yongs su grub pa'i sku/ bdud rtsi'i chu rgyun yang dag 'khyil// khams gsum las las yongs su rgyal/ stobs las yongs su grub par mdzad// hUM las yang dag sku bskyed rgyal// stong pa'i sgra 'byin chos kyi dbyings// rig pa'i sder mo yang dag 'dzin// chos kyi dbyings sdud dur khrod sku// thams cad 'joms mdzad gtun khung ma// mtshan ma 'joms phyir gtum mo ste// don rab bskul ba bsnyems ma'o// gsal la g.yo ba rlung 'byin ma// gsod la dga' ba'i sku gcig ma// rab tu gnas nas skul byed ma// yang dag dbyings su snyems bcas pa'o// de la sogs te sprul pa'i tshogs// gdug pa'i 'dul ba 'khor rnams ni// za byed lus can gtsang sme med// mi 'gyur sdang mig zhe la gnon// 'gro don nus la bab nas 'jug/ khrag dang sha rus za byed pa'o// thabs mkhas rtsal gyis thams cad 'dul// za byed rtsal gyis gsod pa dang// 'jigs pa'i stobs kyis thams cad gnon// las su gsod cing dbyings su rmi// 'jigs byed gzugs te ral gsigs rngam// rngam pa'i stobs kyis za byed pa'o// rnam rtog mi mnga' rang dbang med// za byed lus can khra yi mgo/chos dbyings gnas las mtshan mo ldang// yang dag dbyings bzhugs gzhan mi mthong// gdug pa 'dul phyir gsal bkram// gsod pa'i las la thabs mkhas myur// 'gro don thabs mkhas sgyu dang ldan// yang dang thabs kyis mnan nas 'dren// gdug pa 'dul la thabs mnga' mkhyen// gzhan pa'i gdong 'phreng mchog mnga' ba// de la sogs pa'i ma tshogs dang// gdug pa'i 'dul pa'i sprul sku'i tshogs// phyogs bcu ma lus gang bar snang// zhes brjod pas/ kun rdzogs lha'i dkyil 'khor la 'khor rnams shin tu ngo mtshar bar gyur te// kun kyang sgyu ma'i don la yid ches par gyur pa las/ bcom ldan 'das gsang ba mchog gi bdag pos/don phyin ci ma log pa'i ngang las rnam par dag pa'i sgra 'di skad ces phyung ngo// chod rnams sems kyi 'khrul pa ste// sems las ma gtogs chos rnams med// 'khrul pa bzlog phyir chos bstan pa// de yi sgyu 'phrul 'khrul la snang// 'khrul dang 'khrul snang chos rnams kun// rang gi sems yin sems nyid snang// sems kyi rang bzhin dngos ma grub// snga phyi bsres na rang bzhin med// gdod nas ma skyes rnam par dag/ yi ge sgra dang tha snyad bral// stong nyid stong pa'i yul las 'das// de phyir sems nyid rtsa ba ste// rtsa ba de nyid de ltar snang// sems nyid stong pa'i dbyings nyid las// gnas dang ston 'khor ga la yod// ting 'dzin yi ge phyag mtshan dang// rdzogs dang bzhugs thabs la sogs dang// thabs dang rim pa bgrang du med// stong nyid snying rje'i sems bskyed med// gzugs bsnyan med ting 'dzin med// bsam dang sngags dang phyag rgya med// thugs rje 'dul ba'i zhing rnams dang// ma rungs ba dag gdul du med// de bzhin drag po'i dkyil 'khor dang// bya med sdom pa kun las 'das// blo chung drang med tha snyad yin// 'khrul pa bzlog phyir rgyal bas kyang// kun rdzob tsam du bstan par zad// de bas gang zag dam pa rnams// de la 'jug par ga la rung// sems las 'das pa'i chos nyid de// tshig dang yi ge tha snyad bral// dpe dang tshad ma la sogs pas// rtogs par nus pa ga la yin// zhes brjod pas/ 'dul ba'i 'khor rnams gnyis su med pa'i don la sems rnal du phebs te cang mi smra bar gyur ro// rdo rje me lce 'phreng ba'i rgyud chen po las/ byang chub kyi sems bstan pa'i le'u ste gnyis pa'o//// de nas yang karma he ru kas/ bcom ldan 'das gsang ba mchog gi bdag po la mchod pa'i rgyas pa de kho na nyid kyis mchod nas 'di skad ces gsol to// kye kye dpa' bo thugs rje can// las dang dngos grub thams cad ni// slob dpon byed dang rjes 'brel bas// de yi mtshan nyid ji ltar lags// zhes gsol pas// bcom ldan 'das gsang ba mchog gi bdag pos bka' stsal pa/ bdag gzhan rim pa thams cad dang// las kun yongs su rdzogs pa dang// sngon du bla ma brtags pha gces// de yi rim pa 'di lta ste// phyi dang nang dang gsang ba yi// rim pa ji ltar shes bya dgos// nyon mongs lnga yi na gso zhing// ye shes lnga ni rtogs bya na// dam pa'i mtshan nyid rnam pa lnga// blo yangs rgyud la goms pa dang// ting 'dzin las su rung ba dang// sems kyi rnam rtog choms pa dang// phyi nang sde snod thams cad la// som nyi med cing the tshom med// sran thob mi ldog dad pa che// gsang ba sbas pa'i thabs mchog rnams// snod ngan rnams la mi spel dang/ gsang ba'i dbang mchog thob pa ni// rdo rje 'dzin pa'i bla mar gsungs// yan lag rnams ni ma nyams shing// mdog dang gzugs dang stobs dang ldan// 'khor lo sagayur ba'i mtshan dang ldan// lus la dri zhim ngad ldan pa// sangs rgyas 'khor lo can gyi yin// shes pa che zhing yon tan ldan// bzo dang rig pa'i gnas la mkhas// yon tan sgro yangs spyod lam dag/rdo rje spun la gdung ba ni// rin chen 'dzin gyi bla mar gsungs// rtag tu zlos la brtson pa dang// ngag 'jam mgrin pa bde ba dang// glu dbyangs mkhas shing bden par smra// chos 'chad pa la rtag tu dga'// tshig 'bru gsal zhing kha dog dmar// pad+ma can gyi bla mar gsungs// bya ba'i las la ma rmongs shing// las thams cad la dbang yang thob// brtson 'grus ldan zhing dbang po gsal// las kyi lhag chad skong ba ni// sna tshogs las kyi bla ma yin// yon tan thams cad ldan pa dang// chos rnams kun la ma rmongs pa// dkyil 'khor spyi yi bla ma yin// skyon dgu rnams par spangs pa yin// yon tan dgu dang ldan pa ni// bsgrub pa nang gi bla mar gsungs// de dag so so'i mtshan nyid ni// mnyam nyid ngang la gnas bcas na// don du mi 'gyur gang yang med// thams cad ngo bo sems nyid pas// 'di la blang dang dor ba med// phyi nang snod bcud sems nyid pas// ji ltar gnas pa de ltar bde// ma nor don la gnas pas ni// rig pa'i brtul zhugs spyad par bya'o// gzhan gyi zhan pa dgag pa la// smyon pa lta bu'i spyod pa bya// mi gtsang rtog pa gzhom pa'i phyir// khyi dang phag pa'i spyod pa bya// rgyud ldan snod dang ldan pa la// ma nor chos nyid spyod pa bya// gzhan yang thabs chen bsam yas pas// ji ltar 'tsham pa'i spyod pa bya// phung po khams dang skye mched dang// yul dang dbang po rnam par shes// thams cad rgyal ba'i dkyil 'khor che// phyi nang gnyis ka rnam par dag/ byed spyod thams cad tshogs gnyis rdzogs// nus dang phan pa'i dbang theb cing// bsgrub pa'i las dbang ma lus dang// gang gi dgongs pa yongs rdzogs shig/ zab mo'i dbang rnams thob pa yis// las su bya ba chud mi za// 'phrin las rtsal gyi bye brag kyang// bsgrub pa so so'i las rim dang// bdag gzha phan gnod bye brag gis// las rnams gang dang gang 'os byas/ blo yi rim pas rnam phye nas// rim gyis 'jug dang gcig car 'jug/ bdag gzhan las rnams gang la yang// gnyis med rtogs pa rab tu gces// mnyan bsam bsgomo pa'i shes rab kyis// snod ngan rnams kyi skyon bsam nas// shes dang brtan dang goms par bya// ting 'dzin brtan pa'i blo can gyis// blang dor med pas don bsgrubs na// phyi nang dngos grub thams cad kyang// gang la dmigs pa 'grub ces bshad// gzhi rten med par gyur pas na// kun gyi blar ni dam tshig bsrungs// thog ma nas mthar 'dis 'byin pas// lhag pa'i dam tshig gtsor blang gces// gzhan yang don dang mi ldan pa'i// gang zag kun gyis bya ba min// thos pa chung dang man ngag med// 'dzin rtog che dang blo sdar bas// las 'di brtsams kyang mi 'grub ste// rtog pa'i nad kyis rang la 'ju// dam tshig nyams dang bka' chal dang// bsdigs pa tsam dang bcangs pa yis// 'grub par re las mi 'grub ste// rang gi 'bras bu rlag par byed// chos nyid blo la ma zhugs shing// lta ba chung bas 'khu 'khrig zos// bka' rtags phyag rgya ma byin shing// dbang bskur gnang ba ma thob pas// las 'di brtsams kyang mi 'grub ste// che dang srog gi bar chad 'ong// nyams dang sdig la mi 'dzem dang// snying rje lam dang bral ba yis// brtsams kyang 'bras bu thob mi 'gyur// de phyir mkhas nyams ldan pa yis// nang gi las rnams brtsam par bya// 'jigs byed gsang ba'i slob dpon ni// gsang ba'i chos la goms pa dang// sbas pa'i brda dang thabs la mkhas// phyi nang rlung khar gser ltar lci// brtson 'grus che zhing shes rab myur// gtsang btsog chung zhing las la mkhas// dbang rnams rdzogs shing thos pa che// de las bzlog pa'i skyon spongs la// gsang ba dam pa'i bla mar gsungs// bla ma lung ldan des kyang ni// slob bu'i mtshan nyid brtag pa gces// dad pas mi ldog dam tshig gnas// rkyen thub yid ni sbyangs pa dang// man ngag lung bstan bla ma 'khur// rdo rje 'dzin pas bsgrub pa'i 'khor// bla ma spun la rim gro che// lus mdzes mtshan dang dpe byad ldan// yan lag thams cad shin tu mkhas// 'khor lo can gyi 'khor yin no// nor bu rin chen dag la dga'// bla ma la yang 'bul byed cing// spyod lam shin tu mdzes pa ni// rin chen 'dzin pa'i 'khor yin no// rdzun dang phra ma kun spangs shing// glu dbyangs dag la dga' ba dang// ngag sbyangs tshig rtsub spangs pa ni// pad+ma 'dzin pa'i 'khor yin no// dpa' rtsal che la mkhas shing gsal// las la brtson zhing chos la mkhas// bla ma'i dgongs pa skyong byed pa// sna tshogs las kyi 'khor yin no// yon tan thams cad ldan pa'am// kun gyis khur zhing spyod lam mdzes// spyi yi dkyil 'khor dag la shis// rkyen thub mi ldog dam la gnas// snod ldan ngang tshul ring ba dang// des shing 'jam la snyan par smra// 'phral mdzangs 'grogs kyang skyo dub med// spyod pa zab mos mi skrag cing// rigs btsun rgyud bzang bsgrub pa'i g.yogs// mi phyed bdun dang ldan pa ni// bsgrub pa nang gi g.yog yin no// slob ma dpa' brtul gtsang sbra can// sbyor sgrol las la thogs pa med// ngang tshul bzang la don gzhung spyod// rnam rtog chung zhing shes rab che// rgyud la blo zhen bsgrub la brtson// gsang ba drag po'i 'khor yin no// de dang mi ldan gang zag ni// dad pa chung dang theg pa dman/ slob dpon med dang dpe rten dang// khu 'khrig tshe dang tshor rkyen dang// skyo rkyen spun rkyen gsum lus kyis// las rnams brtsams kyang mi 'grub ste// nyen dang ya ka dag dang bcas// kun gyis skur ba'i gnas su 'gyur// zhes sogs so// rdo rje me lce 'phreng ba'i rgyud chen po las/phyi nang gsang ba'i bla ma dang slob ma'i mtshan nyid bstan pa'i le'u ste gsum pa'o//// de nas karma he ru kas/ bcom ldan 'das gsang ba mchog gi bdag po khrag 'thung badzra kI la ya la 'di skad ces gsol to// gang zag dang po'i lam pa yis// 'di yi sa mtshams nyes dmigs dang// dam tshig ji ltar bsrung bar bgyi// bde bar gshegs pas bshad du gsol// zhes gsol ba btab pas/ bcom ldan das gsang ba mchog gi bdag pos/ rdo rje yid kun tu bzang po la 'di skad ces bka' stsal to// gzhung 'di bsgrub pa'i rnal 'byor pas// dam tshig med na mi 'grub pas// de bas dam tshig shin tu gces// 'di ni rnam dag legs pa'i lam// byang chub mchog tu 'gro ba'i gnas// bde mchog mi zad rin chen gter// dam tshig 'di ni mchog tu gsungs// yon tan mchog gi 'dod pa ni// snang srid ma lus thams cad kun// mnyam pa'i zhing du sbyor bas na// chags pa med pa'i tshul du spyod// gser las byas pa'i rdzas bzhin du// bya ba byed kyang g.yos pa med// 'di la rtag tu su gnas pa// rnal 'byor dka' thub chen po gnas// 'di med dal ba don med pas// bsgrubs kyang 'bras bu med par 'gyur// slob dpon rim pa gsum nyid la// pha ma mig gi 'bras bu ltar// rab tu gces shing blta bar bya// yon tan rin chen ter chen po// thams cad ma lus ston pa ste// nyon mongs ma lus rtsad gcod cing// bla med 'bras bu thob byed pas// rdo rje slob dpon rtag tu bkur// dgos pa'i yo byad 'byor tshogs dbul// de yis dgos pa ci dang ci// bla ma dam pa de la dbul// glang po rta dang ma he dang// dgos pa'i chung ma bu smad rnams// rin chen rgyan gyis brgyan byas la// gces pa'i nor rnams de la dbul// rab tu mig bzhin blta bar bya// de yis bsgo ba bran bzhin nyan// mal gos chags sogs 'gom mi bya// grib ma 'gom par mi bya zhing// ngan pa'i spyod dang ngan smra dang// ngan pa'i sems ni nam yang spangs// bla ma'i 'khor dang chags 'brel yang// rab tu mig bzhin blta bar bya// rdo rje spun la gdung ba bskyed// gcig la gcig ni mig bzhin blta// de la nyes pa mi brjod cing// kha na ma mtho thams cad bsrungs// dgos pa'i nor yang ci dgar spyad// mdo don dgongs pa gcig tu bsgrub// srog la bab kyang chang len la// rdo rje sku yi dam tshig yin// ji ltar bla mas gtad pa yi// sku mchog gsal bar bsgoms pa dang// lha yi de nyid mtshon byed pa// phyag rgya chen po mtshon byed pa// phyag rgya chen po rtag tu bca'// sngags ni rtag tu bzlas pa'am// nyin yang lan gsum mtshan yang gsum// mkhas blangs dam du bcas te gdon// rdo rje gsung gi dam tshig yin// spyi gsang dmigs bcas rnam gnyis dang// bar gsang dkyil 'khor rnam pa bzhi// gsang 'os rdzas kyi bye brag rnams// gsang gnyer zab mo'i sbyor sgrol lags// rdo rje lci yi tshul yod kyang// theg pa dman dang ma 'dres dang// tho co rang shes ra chod dang// skye bo phal la smra mi bya// bsgrub pa gsang ba'i thabs mchog dang// yid ches rtags dang dngos grub dang// de yis rdzas dang lag cha dang// med du mi rung rdzas rnams ni// rab tu gsang zhing sba bar bya// rdo rje thugs kyi dam tshig yin// rtsa ba'i dam tshig gsum po ni// nyams 'gyur nyes pa brjod mi lang// de bas nan tan mchog tu bya// khams gsum 'khor ba can dag bsgral bar bya// gzhan gyis mi rtog rdzun du smra bar bya// dkon mchog mchod phyir ma byin blang bar byang// rtog med gzhan gyi bu mo spyad par bya// 'byung po zhe gcad rngam pa'i brlar tshig smra// 'di rnams khrag 'thung rgyal po'i mdzad spyod de// spyad par bya ba'i dam tshig lnga rnams bsrung// 'dod chags zhe sdang gti mug nga rgyal dang// phra gdog bde gshegs sku ste spang mi bya// khrag 'thung lnga dang ye shes lnga yin pas// mi spang dam tshig 'di dag mchog tu bsrungs// dkar brtsi dmar rtsi dri chen sha chen dang// dri chu mchod pa'i rdzas te dang du blang// dag pa'i rang bzhin bdud rtsi lnga yi dngos// zas mchog bza' zhing mchod pa dbul ba dang// nad lnga bsal dang bcud lnga btung ba dang// thun mong dgos pa bsgrub phyir dang du blang// phung po 'byung ba rnam shes dbang po dang// phyogs dang kha dog yan lag nyon mongs sogs// rigs lnga ye shes lnga ru shes par bya// phyi nang snang srid snod bcud 'khor ba'i chos// rigs lnga ye shes lnga yi rang bzhin las// rigs kyi khyad par ye shes lnga nyid du// rgyas btab sangs rgyas zhing du shes par bya// 'bras bu yang dag nges gdon mi za'o// gal te nyams par gyur na ni// de las bskang bar bya ba'i thabs// rtsa ba'i dam tshig gsum nyams na// rang gi dam pa spyan drangs la// phyi nang gsang ba'i dbang nos te// 'byor pa ci yod de la dbul// tshogs kyi 'khor lo chen po bskor// ci 'byor mchod pa phul byas nas// de yis skongs par 'gyur zhes bshad// yan lag nyams na tshogs mchod bya// nyams pa dag dang 'grogs mi bya// nyin mtshan nub rer dam bcas la// rang gi spyi bor zla stengs su// 'khor lo'i lha tshogs gsal bltas la// phyi nang gsang gsum mchod pa dbul// gtso bor thugs ka'i sa bon las// phyi nang lha mo gsal 'thon te// bdud rtsi dag pa'i chu rgyun gyis// bdag gi spyi gtsug dag nas bskur// lus ngag yid gsum dag byas te// gzung 'dzin rnam rtog bsregs bsam nas// 'di ni bskang ba'i dam pa yin// gzhan yang bsrung ba'i ba'i rim pa ni// rdo rje dpon bka' nyan zhing// man ngag ston par khur byed dang// mched dang lcam dral spun ltar brtse// bstan pa'i don bzhi gzhung klog na// 'di yang bsrung ba'i rim pa yin// bsgral ba'i zhing bcur gyur pa la// dpyang thag chad pas sgrol bas na// 'di yang bsrung ba'i rim pa yin// nyin mtshan dus med sngags ting 'dzin// phyag rgya mi spong bsrung ba yin// gsang thub man ngag 'tsho mkhas dang// yun du bstan dang nges che ba// bsrung rim mchog tu gyur pa yin// shes rab rnam gsum dngos su 'dzin// 'du 'dzi mi 'phrogs bsgrub la brtson// gab ba'i gsang ba gting 'byin cing// sbas pa'i gsang ba gzhung thub na// 'di yang bsrung pa'i rim pa yin// slob dpon mnyes pa'i yon phul nas// dbang rnams rim par nod byed pa// 'di yang bsrung ba'i rim pa yin// mchod pa rgyun mi 'chad par dbul// las kyi phyag rgya gzhung srong na// 'di kung bsrung pa'i rim pa yin// spyir na dam tshig bsam yas kyang// bsnyen pa'i dam tshig rtogs pa gces// bsrung ba'i dam tshig bsrung bar bya// lhag pa'i dam tshig gnas byas nas// thun mong khyad par mchog rnams 'grub// de phyir so mtshams mkhas bzhin bsrung// so so'i theg pa bsam yas pa// so sor nyams pa med pa bde// 'jig rten pa la chad mdo btsan// dge ba spyod la mi dge spang// 'dul ba 'dzin pa bsrungs na bde// byang chub sa la gnas pa rnams// nyams pa med pa'i las kyang bya// gtsang sbra yod la gtsang sbra bya// gsang sngags spyod la nyid kyis 'grub// spyir na theg pa'i gzhung bsrungs na// 'og ma'i 'dul sdom dam tshig gsum// bsrungs ba med par thub pas na// dge slong byang chub sems dpa' dang// rnal 'byor rnal 'byor chen po yin// 'di dag nyams pa'i skyon rnams ni// 'dir yang nyes pa sna bcu yong// chos la byin brlabs mi 'byung zhing// ci bsam las la 'bras bu med// ya kha ma nyes kha yogs 'byung// kun gyis skur ba'i gnas su 'gyur// mdze dang nad ngan sna tshogs 'ong// phyis kyang nag rag dmyal bar skye// de la sdug bsngal bzod glags med// de nas bskal par thar mi srid// steng nas thob thogs pas brdung// logs nas sta re thogs pas gcod// zhabs nas mtshon dang ral gris 'thub// dam can tshogs kyis snying khrag len// mgo brnyan tshogs kyi sha rus 'brel// khro bo pha bcu ma bcu yang// dam tshig nyams pa'i bdud du 'bab// rdo rje gzhon nu gshed du 'bab// 'chi 'pho dmyal ba'i gnas su 'tshed// de bas nan tan bskyed ces gsungs// gzhan yang sems can don bya ba// 'di yang bsrung ba'i rim pa yin// ma nor gzhan la phan gdags phyir// rim pa bcu gsum bsrung bar bya// mi dbang sha phye skams pa dang// spang rgyan 'ug pa'i sha khrag dang// 'bras bu gsum dang ba li ka/ lce pog dang ni du ra ka/ rgya spos a ka ru dag dang// tsan dan dkar dmar pad+ma dang// lug mig grib mar skams pa dang// gling bzhi pa yi ban+d+ha ru// blugs te bzlas pa khri phrag gnyis// grangs tshad phye mar btags nas ni// bdud rtsi lnga dang rab sprus la// lag te gru gsum ste bzhag na// bde gshegs ting 'dzin 'od kyis bstim// sngo gcig ma yi zhun du gtum// bden pa bdar te mgul du gdags// mkha' 'gro ma dang gdug pa'i tshogs// rab tu khros kyang mi tshugs na// gdon rnams glags lta smos ci dgos// sman gyi bsrung ba dang po'o// 'bar ba'i 'khor lo rtsibs bcu ni// dur khrod dag gi ras la bri// 'dre 'bros thang chu tshil chen blug/ sngags kyi 'phreng bas dbang bskur la// khri phrag bdun du gsang sngags bzlas// steng 'og phyogs mtshams thams cad du// thal ba'i thig le chen po bya// dbus su 'khor lo rab bzhag la// ting 'dzin 'od dang bcas pas blta// rab tu gtsigs shing zhal gdangs pas// thal mo lan gsum brdab byas te// khro bo bcu yi stang stabs kyis// phyogs mchams thams cad bskor bar bya// 'dis ni lha srin sde brgyad kyang// brgyal bar 'gyur te mi tshugs na// bgegs la sogs pa smos ci dgos// 'khor los bsrung ba gnyis pa'o// gzhan yang 'khor los bsrung ba ni// gdug pa'i 'khor lo rtsibs brgyad pa// dur khrod ras sam shing shun la// ldong ros dug dang gu gul bse// dur khrod smyug gus 'khor lo bri// drag po sngags kyi yi ge rnams// mtha' ma swAhA btags te bri// 'khor lo dbus su rab zhag la// lha rnams bskyed la ye shes lha// dgug dang gzhug dang bstim pa bya// mchod pa phul te khros pas brtags// rnal 'byor lag tu rab blangs la// a la la yi sgra yang brjod// lcags kyus 'khor lo bskor byas la// rdo rje gsang ba'i bka' 'di la// su yang 'da' bar ma byed cig/gal te bka' las 'das gyur na// gdon bgegs gnas pa smos ci dgos// de brjod lag g.yon dpung rtsa gdags// cho ga legs pas go gon la// 'byung po'i gdon dang mkha' 'gro'i tshogs// 'tshe ba rnams kyis mi tshugs so// 'khor los bsrung pa gsum pa'o// tshil chen me mar dud pa la// pad+ma'i ban+d+has steng nas dgab// bdud rtsi dang sbyar khu ba la// dud 'gro rkang gi smyu gu yis// gsang sngags yi ge 'phreng ba ni// gro ga shing shun dag la bri// so ma btang ba'i bum par gzhag/ 'bru rnams re la brgya rtsa brgyad// sngags kyi bzlas pa rab tu 'bad// bstod dang 'phrin las bcol ba dang// brdeg brdung dur khrod ras la dril// khros pa'i sems bcas mgul du gdags// gdug pa cis kyang tshugs mi 'gyur// sngags mchog bsrung ba bzhi pa'o// dur khrod ras sam shin shun la// gu gul tshil chen bsres la byug/dug dang gdug ba'i sol ba yis// 'khor lo bcu 'am brgyad dam gsum// gnyis la sogs pa bri bar bya// sngags kyi yi ge gsal bltas la// sngags kyis sems dpa' 'khor bcas bskyed// ye shes 'khor lo dgug gzhug dang// mchod dang bstod pa rdzogs par bya// phyogs dang mtshams rnams 'khor los gtams// bdag nyid snying por gnas bcas la// bar du gcod ba gang gis kyang// de la tshugs par mi 'gyur ro// 'khor los bsrung ba lnga pa'o// dur khrod ras la sor bzhi pa'i// dum bu gnyis ni rab blangs la// yab yum byang chub sems kyis byug/ dug dang tsha ba'i rdzas rnams la// tsa ra bam gyi snying khrag sbyar// bya rog sgro rtsa'i smyu gu yis// gcig la nyi ma'i dkyil 'khor bri// gcig la zla ba'i dkyil 'khor la// dbus su gsang sngags snying po bri// 'od 'phros thabs dang shes rab kyis// lha gnyis gsal bar rab bltas la// chos kyi dbyings sgrub gsang sngags khri// bzlas pa kha sprod rdo rje'i rgya// btab la ri lu byas nas ni// gsang ba rgya yis lus la byug/ gang gi snying khar de byug la// rdo rje gsum gyi gnas bsrung bya// rdo rje 'dzin pas mi tshugs na// gdon la sogs pa smos ci dgos// gsang bas bsrung ba drug pa'o// dur khrod ras la 'khor lo bri// bdug pa'i sman gyis de la bsku// de steng dang po'i sman rnams gzhag/ ri lu bya zhing sngags bzlas la// bdud rtsi lnga pa sngags shing gsing// sngags bzlas lus la byug par bya// bdud rtsi lnga la dus bzhi ru// sngags bzlas lus la byug par bya// de la dbang dang ting 'dzin bskur// gang gi mgul du ri lu gdags// cis kyang de la tshugs mi 'gyur// ri lus bsrung ba bdun pa'o// 'khor lo gnyis pa la gnas te// rab tu 'bar bas bskor bar bya// rang gi 'khor lo rtsibs brgyad la// nang gi 'khor lo bskor bar bya// khro bo rnam pa gnyis snang ba// ga 'u'i dbus na gnas pa yi// de la bsrung zhing rgyas kyang gdab// sngags pa rnams kyis tshugs mi 'gyur// bdag nyid bsrung ba brgyad pa'o// nyes med ras bal gtsang ma la// sum bsgril lan gnyis byas nas ni// mdud pa gsum mam bcur byas la// gzhal yas khang bsam khro bo ri'i// sngags dang ldan pas bzhugs par bsam// dgug gzhug bstim dang mchod byas nas// su yi skye ru btags pa yis// gdon la sogs pas mi tshugs so// mdud pas bsrung ba dgu pa'o// dur khrod ras sam shing shun la// gu gul tshil chen dag gis byug/ khro bo gang yin rtsa sngags dang// las sngags sbrel bzlas pa bya// brgya ra brgyad du bzlas byas te// dril te mgul lam dpung par gdags// bar chod cis kyang mi tshugs so// khro bo so so'i gsang sngags kyis/ sems can gang yang rung ba la// bsrung ba'i rim pa bcu pa'o// dur khrod dag gis ras ma la// bsrug ba bdun pa'i ri lus byug/ 'khor lo rnam pa bzhi bris la// de la yi ge'i 'phreng ba dgod// gsal ba'i lha yang bsam par bya// phyir bltas pa dang nang bltas pa'i// de yis rang bzhin bsrung bar bsam// bdag gam gzhan la khro sems bskyed// gnas bzhi ru ni 'khor lo gdags// de las 'od 'phros lus bsrungs na// sngags pa nang gis tshugs mi 'gyur// phyir bzlog bsrung ba bcu gcig pa// lag g.yas nyi ma'i dkyil 'khor la// bcom ldan sngags kyi rgyal po bskyed// lag g.yon zla ba'i dkyil 'khor la// 'khor lo rgyas 'debs bskyed par bya// rjes su chags pa tshul bzhin bskul// dbus su nyungs kar rgyal po gzhag/ sbyor ba'i byang chub sems de la// 'phros pas chung la 'dod pa'i sku// 'bum mam bye ba bsam yas par// khros pa'i rgyal po 'bar bar brtag/ de la gsang sngags mang bzlas te// gang gi skye'am lus la gdags// de la cis kyang tshugs mi 'gyur// nyungs kar bsrung ba bcu gnyis pa'o// gdug pa drag pos bsrung ba ni// ban d+ha gling drug nang du ni// gu gul dkar nag gnyis bsres la// khyi dang spyang khu'i dri chen dang// me reg rkang gcig thang chu dang// bya dmar khrag dang skye tshe dang// skyi 'brum btags te ban+d+har blug/ bdud rtsi lnga yi khu bas bran// gsang sngags 'bum tu bton nas ni// nya nas gnam stong bar du bsgrub// nyi phyed dgongs kyi dus su ni// gsang sngags drag por bzlas bya zhing// dug shing gdug pa'i me btang la// tshil chen zhun mar dag dang sbyar// mchog gi rkang gis dkrug bya zhing// legs par 'dres dang phog la dkrug/ de nas drangs dang rkang gis blangs/gsang sngags bzlas shing ri lu bya// las kyi gsang sngags 'bum du bzlas// de yi ri lu bdug pa dang// mgul du btags na cis kyang ni// tshug par 'gyur ba ga la srid// bsrung ba'i rim pa bcu gsum pa'o// zhes brjod pas/ phyi nang gsang ba'i dam tshig dbye ba med pa'i ngang la lhun gyis gnas par gyur to// rdo rje me lce 'phreng ba'i rgyud chen po las/ byi nang gsang ba'i dam tshig nges par bstan pa'i le'u ste bzhi pa'o//// de nas yang karma kI la yas/ bcom ldan 'das dpal khrag 'thung rgyal po badzra kI la ya la 'di skad ces gsol to// kye ma'o bcom ldan thugs rje can// dpa' bo las rnams yongs rdzogs bdag/rjes su 'jug pa'i gang zag la// gnas la sogs pa mi 'tshal lam// de yi las rim ji ltar pas// spang blang rim pa bshad du gsol// zhes gsol ba btab pas// bcom ldan gsang ba mchog gi bdag pos bka' stsal pa/las kyi sems dpa' yang nyon cig/ rnal 'byor las kyi dang po las// gnas kyi dam pa brtag pa gcig/ de yis spang blang rim pa dang// las kyirim pa ngas bstan gyis// rtogs shing khong du chud bar gyis// gnas ni nyams dga' bkra shis dang// byin brlabs gzhung dang ldan pa'o// de dag so so'i rim pa ni// zur brgyad la sogs rtse mangs dang// chu bo bzhin du ma bo zhing// mnyam zhing 'o ga'i chu ltar dang// 'dug na nyams dga' blta na mdzes// nyi ma bzhin du gnas pa gces// zhabs kyis bcag pa'i gnas dag ni// bkra shis yon tan phun sum tshogs// yang na sngar gyi nus pa can// rtags dag phyin pa mchog tu legs// phyi nang gsang ba'i gzhung ldan pa// ri bo ri bran 'dus pa'i spyi// gangs ri brag dkar 'dab chen ni// seng chen 'phra ba'i gnas yin te// zhi ba bsgrub pa'i las la shis// phug chen dgon pa chen po'am// brag chen rdo rje gtams pa 'dra// gcan chen 'khra ba'i gnas shes bya// mngon par spyod pa bsgrub pa'i gnas// dur khrod ngam grog gnas rnams dang// sum mdo grog gleng bzhugs pa'i gnas// dur can 'khra ba'i gnas shes bya// dbang du bsdu ba bsgrub pa'i gnas// nags tshal mang pos gtibs pa dang// shin tu btsan dang 'jigs pa'i ngos// stag gzig 'khra ba'i gnas zhes bya// 'dod pa'i bsgrub pa'i gnas su shis// mtsho gling chu mdo rgya mtsho'i 'jings// chu yi gling ngam rgya mtsho'i gnas// chu gcan 'khra ba'i gnas zhes bya// las rnams kun la de shis so// tshe dbang chen po bsgrub pa'i gnas// 'khor lo gnas la pad+ma sa// lhun sdug ri bo nags tshal ldan// rgyu 'dud skyabs drung yol ba bzhi// gnam dang sa dang bar snang brtag/de bzhin mtshams kyang brtag bya zhing// rab tu mnyam zhing snum bag can// chu bo dngos kyi phyogs nas 'bab// me tog la sogs dbang grub rgyu// 'di steng spang bar bya ba'i gnas// dred mo ral pa g.yengs 'dra dang// bud med bdun chas zhugs 'dra dag// sprang po 'khar ba thogs 'dra dang// shig gog chu yis bshal 'dra dang// gcan gzan sder mos brad pa dang// ma mo rngam pa'i spar rjes sam// srin pos drud pa'i mdung rjes dang// khros pa'i gnod sbyin spar rjes sam// lung gsum mdo dang shing gicag drung// phyi nang gnyis kyi rim par brtag/ gzhan yang spang bar bya ba'i gnas// dma' dang po ba'i mtshan nyid dang// 'gab 'chad dmu shur dod pa dang// tsha sgo can dang lha 'dra'i sa// mi 'dod gnas de sbyang po bya/ blang bar bya ba'iganas dag ni// rdo rje brag chen gtams pa'o// ri bo 'dus pa'i rtse rnams sam// mdangs bzang gangs ri brag chen ni// rdo rje rigs kyi bsgrub pa'i gnas// phug dang dgon pa'i ri rnams dang// nags tshal ra bas 'thibs pa'am// mdangs dkar shar du gzhol ba ni// de bzhin rigs kyi bsgrub ba'i gnas// rin chen kha dog rnam lnga'am// rin chen zur brgyad dbyibs 'dra dang// 'bras bu sna tshogs yod pa ni// rin chen rigs kyi bsgrub ba'i gnas// tsan dan nags dang me tog tshal// klu shing nyams dga' yid 'ong ba// me tog rnams kyis shin tu mdzes// pad+mo rigs kyi bsgrub pa'i gnas// dur khrod ngam grog bshung ba'i gnas// sum mdo grog gle rtsub pa'i dri// shin tu mi sdug tsha sgo can// las kyi rigs kyi bsgrub pa'i gnas// gzhan yang blang bar bya ba'i gnas// me tog mang po'i gling yod dang// rin chen spungs pa 'dra ba dang// skyed mos tshal dang dpag bsam shing// ngang pa bung pa sgra sgrogs pa// skad snyan bya ni sna tshogs sgrogs// snying po mchog gi 'bru rnams 'khrung// man mas 'khor lo pad+ma 'dra// lung pa'i dbyibs legs kha shar bltas// lung pa ran cing mdzes pa ni// bkra shis dran gyi gnas yin no// gzhan yang blang bar bya ba'i gnas// gnam ni gri 'drar 'dug pa dag// sa yi dbyibs kyang kha 'dra la// logs gsal tsher ma can gyi shing// brag chu 'thab bar du bsgrub// gzhan yang blang bar bya ba'i gnas// nags ni tsher ma gdug pa yod// stag gzig don dred sbrul dag rgyu// mda' yis phug gam gris gshags 'dra// srin po drag po 'joms pa'i dbyibs// sa brkos me dpung 'bar ba 'dra// dug shing gdug pa sna tshogs skye// brag ni srin po'i mche ba 'dra// grog po ngams nag gting yang zab// stag seng 'thab pa'i kha 'dra dang// chu srin kha ni gdangs pa 'dra// lung pa lcags ri mes tshig 'dra// rtsi shing mi reng 'gros pa 'dra// brag ni srin mo dus pa 'dra// logs ni bsad pa'i khrag rjes 'dra// sngon chad phung pa'i bcas gzhi dang// gri chags mde snying mda' dud ma yo// sa ni mes tshig gdug pa'i chu// me dpung gru gsum ma rungs pa// ba tsha chu grang dmyal ba'i chu// gnod sbyin mang po 'du ba'i sa// srin po khros pa'i kha gdangs 'dra// dred mo ral pa gseb nang du// drag po'i las su bya ba yin// mi shis kun tu spang ba'i gnas// rgyal po gdug pa'i 'chag sa dang// zhang blon gdug pa'i rgyun srang dang// gdug pa klu yi rgyun srang dang// za ba'i kha dang gdung ba'i rwa// skyon can rgyu ba'i lam srang dang// sa bdag sa srin gnas pa dang// nyan 'brel ba yi gnas rnams dang// sbrul gdug phang du 'ongs ltar spang// gzhan yang blang bar bya ba'i gnas// ri ni gtso bo yab kyi tshul// g.yon na yum bskyed khro mo'i tshul// 'khor ni khro bo bcu yi tshul// g.yas na khyi sbyang rgyug pa 'dra// g.yon na bud med bdun zhugs 'dra// mdun na bse mo bka' nod tshul// shin tu drag cing rtsub pa'i ri// khros pa'i tshogs rnams sprin phung bzhin// de ni drag po 'joms pa'i gnas// gzhan yang blang bar bya ba'i gnas// klu dang mchod rten gtsug lag khang// sa bdag lha 'dre ma mo'i gnas// la btsas mkhar dpa'i them 'og brgyad// gdug can bsgral ba'i gnas yin no// gzhan yang blang bar bya ba ni// sngags pa rdo rje smyos pa'i gnas// rab tu khros pa'i zur gsum dang// lha yi pho brang rmang nyid do// gzhan yang blang bar bya ba'i gnas// dkyil 'khor grwa dang lha rten 'og/ rgyal po'i pho brang yul lha'i rtsa// nyal sa'i 'og tu dur khrod shing// chu mig mgo zlum dur gyi dkyil// mkhar gyi rmang dang yul gyi rten// nang gi dkyil dang phyug lhas dang// gang dang mi mdza'i sa phyogs su// las rnams bya ba'i gnas yin zhes// dpa' bo rdo rje 'dzin gyis bshad// gzhan yang gsang ba'i gnas dang ni// mtshan nyid nges par bshad bya ba// chen po lngas bsdus thams cad kun// ye nas yul du gnas mod kyang// de ma rtogs pa'i gang zag rnams// mtshan ma'i las la gtsor 'dzin pa// bsgrub pa gnas yum so sor dbye// smin ma'i dkyus ring la gsor phra// tshigs zlum la ske skabs phye// 'phra bshad ut+pal ngad ldan zhing// so dkar skra 'jam mthon mthing 'khyil// mig ni zar ma'i me tog 'dra// skra mtshamasa'akhyug pa'i dog kyang gsal// sna bzang skye ring sems ma 'dra// lus drang nu ma'i dkyil na mtho// khong dal 'gro na 'jam pa dang// skad ni ngang pa'i rgyal po 'dra// cir yang mdzes pa'i stabs dang ldan// sbas pa'i brda dang thabs la mkhas// phyi nang rlung khar gser bas lci// bsdig cing kun gyis drod mi lon// don la gzhol zhing rtog pa med// zla gsang dkar dmar rlung khar lci// spyi yi rigs dang mtshan du bshad// zla ba'i mdangs ldan dkar la gsal// gtsug phud g.yas 'khyil skad kyang che// bong chung lus mdzes tshig tu mnyan// dung ltar bzhin lus g.yas su 'khyil// dung can ma zhes bya bar grags// rdo rje rigs kyi bsgrub pa'i yum// 'phra zhing bshad la bzang ring ba// bcu gnyis nyi shu bco lnga'i bar// mi la rak+ta zags pa la// rdo rje mtshon gyis ma phog pa// sangs rgyas rin chen spyan gyi yum// skra ni mthon mthing lcang lor bshad// srid du ring zhing 'phra la ldem// lcug phran mang po'i 'dab rgyas pa// sangs rgyas pad+ma can gyi yum// 'dod pa che la brtul zhugs che// shes pa gsal zhing byad bzhin yangs// bu mo mig yangs phyal bam// sangs rgyas sna tshogs rdo rje'i yum// ser mo gru bzhi skra yang kham// smin tshogs che la mig kyang 'bur// 'gram brla ring la skra mtshams dma'// sha 'khol che zhing sna ba ring// ban glang can zhes bya ba yin// sangs rgyas 'khor lo can gyi yum// gzhan yang 'phrin las so so yi// rigs kyi dbye ba yang gsungs pa// bzhin mdog gru gsum kha dog nag/ skra rtsub gel la khro gnyer mang// ri mo can zhes bya bar bshad// rgyas pa bsgrub pa'i yum yin no// bzhin dbyibs sogs ka mdog kyang dmar/ mig rings so thogs rab tu dam// so la shel chags lkos ko 'phra// lus la zhim pa'i dri 'byung la// pad+ma can zhes bya ba ste// zhi ba bsgrub pa'i las la shis// skye brgyud med cing bkra mi shis// gcig pur 'dug pa gdong gcig ma// dbang du bsdu ba'i yum yin no// yan lag thams cad mes tshig bzhin// gtan du 'phel ba'i rgyud med ma// me reg ma yi rigs yin te// drag po'i las rnams bsgrub pa'i yum// de la sogs pa rigs kyi yum// bsam mi khyab par ston pas gsungs// yum gyi mtshan nyid gcig la'ang// thams cad bsgrub tu rung bas na// nges pa med par yang dag bshad// da lta'i spang blang rim shes nas// rgyal po blon po bral ze'am// khyim bdag dang ni dmangs ris sam// mngon dang mi mngon bdag po la// thugs thu bar chod ma yin par// rtsod pa nye bar zhi ba'i phyir// ser sna spangs ba'i sems kyis ni// sa rin bcal te sa bslang ba'o// de'ang rim pa 'di shes bya// 'bras chan gtor ma la sogs dang// dri zhim mchod pa'i tshogs rnams dang// rin chen sna tshogs phyer btags te// byin gyis brlab cing gtor ma sbyin// gzhan yang rdzas kyi rnam pa'am// zas dang gos dang rgyan dag dang// ga la dad cing mos pa rnams/byin la bden pa legs par bsgo// 'di ni sa gzhi bslang ba'o// bdag nyid sbyor ba'i ting 'dzin gyis// thabs dang shes rab rtabs bzung nas// rtse gsum 'gros kyis kun tu bskor// khros pa hUM gi nga rgyal bya// gdug cing sdang sems ldan pa rnams// rdo rje gzhon nu'i bka' 'byung gis// 'di ru ma gnas gzhan du dengs// gal te mi 'gro 'dug gyur na// rdo rje ye shes mtshon chen gyis// mgo lus tshal ba brgyar 'gas so// oM suM b+ha ni suM b+hani hUM// grih+na gr-ih+na hUM/ grih+nA pa ya grih+nA ba ya hUM/ A na ya ho b+ha ga bAn bid+ya rA dza ya hUM phaT/ lan gsum bskor te lan gsum bsgrags// de rjes brtag par bya ba ni// dang la lto 'phye'i mtshan nyid brtag/ de bzhin phyog dang sa dgra dang// steng 'og la sogs thams cad brtag/ mtshan mas mtshan ma gzhom pa'i phyir// ro lnga'i mtshan ma brtag par bya// khru gang zabs su brko byas te// de nang bdud rtsi chu yis dgang// bdag nyidaskyogs gang khyer nas ni// gom bdun bor te sngags 'di brjod// oM badzra kI li kI la ya sid+ha sid+ha hUM/ slar log bskor phyogs brtag par bya// 'di ni sa bzhi brtag pa'o// de nas sa gzhi dbang du bya ba'i phyir// seng ldeng phur pa sor brgyad la// mi g.yo mgon du mnga' gsol te// 'og gi phyogs su gdab par bya// oM badzra krod+ha Ar+ya a tsa la b+han+d+ha b+han+d+ha hUM phaT/sa nyid dbang du bya ba'o// gnas de bsod nams gter ldan phyir// rin chen lnga dang sman lnga dang// 'bru lnga spos lnga snying po lnga// ga 'u'i nang du blugs nas ni// sa gzhi gter dang ldan par bya// gal te mtshan nyid mi ldan na// las bzhi'i mchod pa rab tu brtsam// rim pa rim pa'i sbyor ba yis// 'od zhu rnam rtog bsregs na 'grub// de ltar min na 'di shes bya// rgyal ba'i sbyor ba'i ting 'dzin gyis// thabs dang shes rab gnas gnyis la// nyi zla'i dkyil 'khor ram yam bcas// bsregs gtor sbyang ba rim pa bzhin// 'di ni phyi yi sbyang ba'o// gzhan yang maN+Dal legs byas te// me tog gcal bkram dri yis byug/bskyed nas rdzogs pa'i mthar thug bar// lugs bzhin 'dzab la thug par bya// 'od zhu rnam rtog bsregs na 'grub// 'di ni nang gi sbyang ba'o// thabs dang shes rab rnams bskyed pas// byang chub sems kyi 'phro 'du yis// sbyang ba'i rim pa snga ma bzhin// 'di ni gsang ba'i sbyang ba'o// 'di ni sa gzhi sbyang ba'o// lha mo sbran pa'i cho ga ni// sa gzhi lam las gser mdog can// rin chen rgyan dang bum pas mtshan// sangs rgyas spyan gyi rang bzhin te// lcags kyus grub pa'i gnas nas dgug/ skyob pa sangs rgyas bcom ldan gyis// dpung bzhi bdud kyi sde btul ltar// sa dang pha rol phyin pa la// lha mo khyod ni dpang mdzod cig/ 'di na sbran pa'i cho ga'o// rnal 'byor blo mchog mi ldan na// gnas dang cho ga la sogs pa// ldan yang 'grub par ma gsung ste// blo dang ldan pa'i mi rnams kyis// gnas dang rdzas dang yo byad dang// cho ga la sogs ma ldan kyang// 'grub 'gyur 'di la the tshom me/ da/ 'on kyang gnas dang cho ga dang// yo byad ldan na myur 'grub bcas// sngon gyi rgyal ba rnams kyis gsungs// zhes gsungs so// rdo rje me lce 'phreng ba'i rgyud chen po las/ gnas kyi rim pa yongs su bstan pa'i le'u ste lnga pa'o//// de nas yang karma kI la yas/ khrag 'thung gi rgyal po badzra kI la ya la 'di skad ces gsol to// kye ma khrag 'thung gsang ba'i bdag/ sku gsung thug kyi bdag nyid gtso// yon tan 'phrin las lhun gyis grub// ma lus kun gyi 'byung gnas gtso// gnas la sogs pa gsungs lags na// re zhig las kyi dang po bas// dkyil 'khor nyams su ji ltar len// ces gsol pa dang/ bcom ldan 'das khrag 'thung gi rgyal po badzra kI la yas 'di skad ces gsungs so// nyon cig karma he ru ka/ rjes su 'dzin pa'i rnal 'byor pas// rang bzhin ting 'dzin gzugs bsnyan dag/ rnam pa gsum du shes par bya// mi shes rmongs pa'i 'gro ba la// mtshon pas gsal ba'i don ston phyir// tha ma'i mtshan nyid 'dir gsungs te// brtan cing mdzes pa'i khang bu la// 'jam por zhal zhal byas pa ni// kha dog lnga yi gzugs bris la// de yang dngos grub rten du bshad// ras sam gro ga 'am shing shun nam// ta la'i lo ma'am dur khrod ras// phyag rgya'i gzugs su bris na yang// mtshan ma 'byung ba'i rten du bshad// rdo dag shel rdo la sogs dang// dung ngam ba so'i rgyu la ni// phyag rgya'i gzugs su 'bur btod la// de yang dngos grub rten du bshad// gser dngul zangs lcags la sogs la// mkhan gyis legs par blug byas te// yan lag ma nyams gzugs byas la// de yang mtshan ma'i rten du bshad// blag sha byang chub shing la sogs// rgyu shing mnyes la gzugs byas na// de yang dngos grub 'byung ba'i rten// spyi shing mnyen pa'i rgyu rnams la// phyag rgya'i gzugs su legs byas na// de yang dngos grub 'byung ba'i rten// sa stegs dbyibs legs mdzes pa la// rdul tshon 'dus byas rnams kyis kyang// bsnyen pa'i dkyil 'khor byas na yang// de yang dngos grub 'byung ba'i rten// re zhig las kyi dang po bas/ sa stegs dkyil 'khor bya ba shis// tshad ni blo yi rim pa yis// ji ltar dmigs pa bzhin du'am// yang na rgyang grags dpag tshad do// khru tshad nyi shu rtsa lnga'am// bcu gnyis pa'am brgyad du bya// yang na khru bzhi khru do'am// mtho gang sor bzhi la sogs tshad// nges pa med par rgyal bas gsungs// re zhig las kyi dang po ba// dkyil 'khor 'doms gang gru bzhi la// dpangs su khru gang tshad du bya// sa zhag spos chen rnam lnga yis// khu ba bsres nas kun tu ni// ba ko tsam du skyang nul bya// bdud rtsi lnga yi khu ba dang// pad+ma rak+tas byug byas te// rdo rje tshig tu 'di skad brjod// za gam dmar po dbang gi gzhal yas su// chags pa'i rang bzhin rak+ta'i chus byugs pas// 'khor ba dbang sdud khrag gi 'go ma yeng// mi gnas dur khrod bdag po'i bzhugs gnas ni// shes rab yum kyi mkha' la chu bo'i rgyun ltar 'bebs// mahA rak+ta sa ma ya hUM/ lha rnams sbyor ba'i byang chub sems// snod bcud dbang du yang dag gyur// rdo rje thig gi rgyud dag kyang// rgyus chen ras ni sgril ma'am// pad+ma'i rtsa las kha dog bsgyur// gcig kyang ye shes lnga rang bzhin// byin brlabs cho ga rdzogs pa dang// gzugs brnyan legs par tshad bcas la// las gnyis yongs su rdzogs par bya/ dgongs pa dag pas shar bltas la/ bdag nyid las ky-i lhar bskyed de// gsal ldan ma'am byin brlobs la// rjes su chags pa tshul bzhin bskul// mkha' gsang byin brlabs sbyor ba'i brdas// dza dza zhes brjod srad bu gtang// byang sems mkha' la 'bebs pa de// steng phyogs logs su gdab par bya// rang bzhin ye shes rgya yongs ma chad pa'i// ting 'dzin dkyil 'khor ngo la snang 'byung phyir// nam mkha'i khams kyang gru gsum e yi gnas// bar snang khams kyang gru gsum e yi gnas// badzra dz+nyAn maN+Dal sta shikra ma hUM/mtshan ma can gyi rnal 'byor ngo gang la// brten nas mtshan bsgoms brgyud pas rtogs bya'i phyir// 'og gi phyogs kyang gru gsum e yi gnas// e maN+Dal sta shikra ma hUM/ brjod de tshangs pa'i thig bzhi gdab// tshangs pa'i thig gi ngos gnyis su// bya rog rjes btsal thig btab pas// dkyil 'khor cha bzhi dag tu 'gyur// dbus dang mtha' gnyis mnyam por dbye// rgyas 'bring gang rung tshad du bya// phyogs ma 'khrul bar pra yang brtag/ bstim dang mchod dang gshegs su gsol// gser 'bras sa las byas pa yi// kha dog lnga dang yang dag ldan// gcig kyang ye shes lnga rang bzhin// hUM sogs yig 'bru gcig kyang lnga// bde gshegs lnga yi byin brlabs las// byang chub sems kyi 'phro 'du ni// dkar dang dmar dang ser dang ljang// nag po las kyi rgyu ru bstan// dbus nas dgyes shing mtha' ru gdon// hUM/ 'di ni chos dbyings dag pa ste// de byung rigs lnga'i ngo bor snang// sems can ma lus bsgral ba'i phyir// tshon gyi las 'di bdag gis brtsam// oM badzra kI li kI la ya sarba sha truM hUM phaT/ rang bzhin dkyil 'khor ci 'dra ba// ting 'dzin dkyil 'khor bsgom par bya// ting 'dzin dkyil 'khor ci 'dra bar// gzugs brnyan dkyil 'khor bri bar// yan lag brgyan rdzogs sku yi rten// yig 'bru bkod ba gsung nyid yin// phyag mtshan thugs kyi dkyil 'khoranyid// rgyal ba rnams kyi yang dag bshad/ lte ba rtsibs dang ldan pa la// 'khor lo rtsibs brgyad mu khyud bcas// gru chad bzhi dang bar khyams// sgo dang mu khyud ldan pa rnams// rdo rje 'phreng ba'i rim pa gnyis// ka ba phyag rgya'i gdung bzhir sbyar// gzugs la sogs pa'i mchod pa lnga// bar snang khams su 'khrig par bya// rin chen pha gu'i kha brgyan can// dra ba dra ba phyed pa dang// sna 'phyong las byung zer tshags// chu 'phyang shar bu bya khyung dag/ rim bzhin kha dog mdzes par bya// ta la'i skye shing tsong tsong dril// gser gyi dril bu g.yer kha 'bar// bum pa brgyad dam bcu drug bzhag/gzhan yang rgyan gyi khyad par dag// rol mo yid 'ong ci 'byor dang// mchod pa'i yo byad thams cad dang// gtor ma la sogs mdzes par bya// dbus su dregs pa'i gdan la ni// khro bdag yab yum mtshan ma dgod// shar phyogs 'khor lo dri za'i steng// rnam par rgyal ba'i mtshan ma dgod// lho phyogs 'khor lo gshin rje'i steng// gshed po yab yum mtshan ma dgod// nub phyogs 'khor lo'i chu bdag la// rta mgrin yab yum mtshan ma dgod// byang phyogs 'khor lo'i gnod sbyin steng// bdud rtsi 'khyil ba'i mtshan ma dgod// shar lho'i rtsibs steng me lha'i steng// dbyug sngon yab yum mtshan ma dgod// lho nub rtsibs steng bden bral la// mi g.yo mgon po'i mtshan ma dgod// byang nub rlung lha'i rtsibs stengs su// gzhan gyis mi thun mtshan ma dgod// byang shar 'khor lo'i rtsibs stengs su// dbang bsnol pa'i gdan stengs su// khams gsum rnam rgyal mtshan ma dgod// mdun du tshangs pa'i gdan la ni// hUM kar mtshan ma dgod// rgyab tu sa bdag gdan la ni// stobs chen mtshan ma dgod par bya// shar sgor du shud mgo can la// lho ni skye ka'i mgo can no// nub sgor drin byin mgo+aiM can la// byang sgor khra yi mgo can god// lhag par gzugs brnyan dkyil 'khor ni// sku yi dkyil 'khor dag la'o// gsung gi ban+d+ha dag la bri// 'khor ni yan lag ne sug la'o// thugs kyi rang rtags phur bu la// bris la dar gyi cod pan gdags// thod pa dum bu gcig pa la// yum chen rgyas 'debs pho brang bsham// rab bskyed spyan drangs mchod byas la// byin rlobs dkyil 'khor rim par dgod// 'di de phyir yi dkyil 'khor yin// bsgrub pa nang gi dkyil 'khor ni// gnas kyi dam pa de rnyed nas// thug thub rang dgar ma yin phyir// bslang ba'i yul du gyur pa yi// snang ba'i dngos po yod pa la// ji ltar 'os pas mnyes byas la// de nas ngag 'jam bden pas dgrol// bdag gi dbang du gyur par bya// mi snang lha 'dre chags pa la// ga la 'os pa'i rngan pa sbyin// sa bdag lha klu 'khor bcas la// mthun pa'i gtor ma 'di 'bul gyis// tshe rabs brgyud pa'i zhe sdang bcas// dus 'dir mthu rtsal dbyung du gsol// bdag gi las 'di ma grub par// khyed la gnas 'di g.yar lags kyis// zhi rgyas dbang dang mngon spyod kyi// las rnams khyed kyis mngon par bsgrub// ma grub par du gzhan du zur// de skad brjod la gtor ma gtang// gzu dang dpang du gyur pa ni// gong du ji ltar bshad pa bzhin// brtag pa la sogs 'dir mi sbyar// dkyil 'khor 'dom gang gru bzhi la// sbyor ba'i byin gyis chag chag gdab// ro ras sam ni rgyus chen la// srad bu legs par tshad ldan bya// ring thung dkyil 'khor nyis 'gyur la// sbom phra sgo yi nyi shu cha// shin tu gsherabyas thig rnams gdab// tshangs thig gong bzhin btab pa las// phyed kyi cha las pho brang ni// rgya mdud tshul du gdab par bya// nyi shu rtsa gcig ri mo la// ka ba brgyad dang gdung bcu gnyis// 'phrin las rnam bzhi pho brang ldan// sa tshon byin rlobs tshul bzhin bri// bar khyams sgo dang bcas pa rnams// gong ma bzhin te khyad par du// stag dang she kan chu srin dang// zhing gi rgyal mtshan rnams kyang dgod// thod pa dum bu dgu nang du// til chen me mar kha dgu gtang// rdo rje sha chen thang mar brdal// keng rus tshogs ni ri ltar spungs// gsur chen dud pa rgyun mi bcad// zhing gi bla re sprin ltar gtibs// zhing phran mang po'i 'phan phran 'phyang// dbang po tshangs pa'i ban+d+has brgyan// gzhan yang rgyan gyi rim pa rnams// ji ltar bshad pa bzhin du'o// gru chad rnam pa bzhi rnams la// ban+d+ha mtshan dang bdud rtsis bkang// mchod pa'i phyir na bzhi rnams dgod// zur gsum gdug pa'i cha lugs kyis// gru gsum me 'od 'bar 'dra ba'i// dbus su dregs pa'i gdan dag la// bcom ldan sngags kyi bdag po dgod// shar lho tshangs pa'i steng du ni// hUM ka ra yi mtshan ma dgod// byang shar tshangs pa'i bu pho'i steng// phag gi mgo can dgod par bya// shar phyogs brgya byin steng du ni// rnam par rgyal ba'i mtshan ma dgod// g.yas su brgya byin bu pho'i steng// stag gi mgo can dgod par bya// shar lho me lha'i steng du ni// dbyug pa sngon po'i mtshan ma dgod// g.yas su me lha'i bu pho'i steng// g.yag gi mgo can dgod par bya// lho phyogs gshin rje'i gdan la ni// gshin rje gshed po'i mtshan ma dgod// g.yas su gshin rje'i bu pho'i steng// sha pa'i mgo can dgod par bya// lho nub srin po'i steng du ni// mi g.yo mgon po'i mtshan ma dgod// g.yas su srin po'i bu pho'i steng// gzig gi mgo can dgod par bya// nub tu klu yi gdan stengs su// rta mgrin mtshan ma dgod par bya// g.yas su rlang lha'i yi bu pho'i steng// byi la'i mgo can dgod par bya// nub byang rlung lha'i steng du ni// gzhan gyis mi thub mtshan ma dgod// g.yas su klu yi bu pho'i steng// spyang khu'i mgo can dgod par bya// byang phyogs gnod sbyin gdan stengs su// bdud rtsi 'khyil ba'i mtshan ma dgod// g.yas su gnod sbyin bu pho'i steng// seng ge'i mgo can dgod par bya// byang shar dbang ldan gdan stengs su// khams gsum rnam rgyal mtshan ma dgod// g.yas su dbang ldan bu pho'i steng// dom gyi mgo can dgod par bya// byang nub sa bdag gdan stengs su// stobs chen mtshan ma dgod par bya// g.yas su sa bdag bu pho'i steng// dred kyi mgo can dgod par bya// sgo ba la sogs gong ma bzhin// khro bo'i phur pa mang po kun// grwa yi phyogs su spungs te gzhag/ rdzas dang la chas bskor te bzhag/nang gi dkyil 'khor dam pa'o// gsang ba'i dkyil 'khor dam pa gnyis// gsang ba phyi nang gsang ba nas// gsang ba phy-i yi dkyil 'khor ni// las rnams gong du bstan pa las// ye nas dag pa'i gzhal yas khang// chos dbyings 'byung ba e yi dbyibs// gdug pa'i gzhigs phyir 'brub khung ste// gsod phyir rtse mo lho ru bstan// gdug phyir dug gi chag chag gdab// sku gsung thugs ldan bar rim gsum// ngar ldan dur khrod sol bas byug/ 'gugs shing 'dren phyir hUM phaT dgod// 'phra men bskul phyir rtsang thod dang// gzhug phyir thod pa lcags kyu bri// tha dad las rnams bya ba'i phyir// logs la hUM gsum gzhag pa yin// de la g.yo ba'i sems 'byung phyir// zur la phaT gsum gzhag pa yin// dri ma drug dang rdzas rnams la// ting 'dzin ye shes gsal ba'i phyir// shin tu gsal zhing dod par bya// ki ra maM sa dug gis byug/ bsgral ba'i zhing bcu zhe gcod cing// yang nas yang du smin par bya// mgo bo lho nub mtshams su bstan// rkang pa byang shar mtshams su ste// gan kyal dag tu gzhag par bya// nang du gzhal yas drag po la// lha tshogs bcu gcig khros pas brtag/ rgod cing byin brlabs snga ma bzhin// kha khyer dang po dag la ni// nyi shu rtsa gcig sras kyi tshogs// shin tu drag po'i cha lugs la// zhabs kyang drag po'i tshul du bzhugs// de yi phyi rim pho nya'i tshogs// rtsang thod dag las bskyed par bya// de yi phyi rim kha khyer la// lcags phye dang ni zangs phye dang// rdo phye dug dang khrag snang dang// thun rdzas rim pas mtha' bskor la// gsad pa'i las mkhan rdzas su gzhag gzhan yang gnan dang bsregs pa dang// 'phang pa'u+i rdzas rnams ci 'byor bsham// gsad pa las kyi dkyil 'khor yin// gsang ba'i nang du gsungs pa ni// rnam pa gnyis su shes par bya// chags la mos pa'i don ched du// phyi yi rigs dang so so'i rigs// pad+ma can dang dung can ma// ljon pa ma dang lcug phram// ban glang can dang ri mo can// gdong cig reg ma la sogs pa// rigs lnga phyi yi dbang can nas// las bzhi so so dbyibs kyis brtag/ mchog dang rab dang 'bring dang mtha'// pad+ma'i ring thung yod pas so// ri lu dang 'og tha ltag ste// sran tsam gnyis kyang glang po'i klung// yang dang yang du rom mo bya// lce yis rol mo bya ba yin// gnad dgu ru ni sen mo gdags// ma mchu so yis brud par bya// de nas gnyis med sbyor ba bya// sra dang drod dang gsher dang bskyod// byang chub sems ni spyan drangs nas// dga' dang mchog dga' rang bzhin dga'// bral ba'i dga' ba'i rang bzhin can// snyoms 'jug pho brang der zhugs nas// spyan drang rlung gi lcags kyu ste// gzung ba rlung nyid bsam pa'o// brjod pa rus sbal lta bu ste// sems bzung thabs mkhas lcags kyu'o// de ltar byang sems rab babs nas// rang bzhin lhan cig skyes pa 'byung// grol ba lam pa'i don ched du// rten med nang gi dkyil 'khor ni// rang lus gzhal yas 'di ltar brtag/ rkang pa rlung gi dkyil 'khor la// lte ba mtha' zad me dkyil 'khor ro// ro stod sa yi dkyil 'khor ro// mgo bo rib rang bzhin te// nam mkha' kun gyi go 'byed pa'i// de las rang byung gzhal yas ni// snying khar chos kyi pho brang ni// kha dog mthing kha yi ge dgu/ phyogs bzhir yab yum yi ge brgyad// dran rtogs bskyed pa'i yi ge gcig/ brgyad ni 'khor lo'i 'dab ma la'o// gcig ni 'khor lo'i dbus na'o// smra byed sgo dgu zhes bya'o// mgrin pa longs spyod pho brang ni// 'dab ma bcu drug sgo bzhi ldan// 'byung ba'i yi ge bzhi yis spras// dbus su yi ge oM yin te// sku yi dngos po yi ge lnga// chags 'byed rtags 'dzin mdud pa gsum// ri rab 'bras bu bde chen gnas// 'dab ma sum cu rtsa gnyis te// A li gnyis kyis yongs su spras// 'bras bu byang sems yi ge haM// mi shigs pa yi snying po ste// rtag par gzhom med kha dog bltas// mtshan ma med pa'i sku zhes bya// 'byung 'jug byed pa'i sgo drug can// sa bon kha ba lta bur gnas// sprul pa'i pho brang drug cu bzhi// kun 'byung sgo ni drug gis brgyan// ston pa de dbus oM gyi gzugs// thams cad 'byung ba'i oM zhes bya// de yi mtshan nyid brjod bya ba// kha dog dkar po ye shes bzhi// dbus kyi ri bor 'dzin pa ste// lte ba'i mtha' la gnas zhes bya// rdo rje gsang 'jug pho brang ni// mtshon byed 'od gsal bde chen 'byung// rin po che yis brgyan pa ste// mtshon byed sgo ni gcig pa'o// rdo rje snyoms 'jug pho brang ni// rin po che yi khang pa la// 'byung ba lnga yi rgyan dang ldan// drug cu rtsa bzhi dbus na bzhugs// brjod med brjod bral de bzhin don// ma bcos lhun gyis grub par gnas// gzhal yas bye brag de ltar gnas// gsang ba'i gzhal yas dam pa la// kun gyi mtshan nyid rdzogs zhes bya// de la brtag cing 'phror mi gzhug/ de yang 'di ltar brtag bya ba// chos dbus ye shes sems dpa' ste// de dbus ting 'dzin sems dpa'o// ting 'dzin hUM gi rang bzhin las// 'od zer phyogs bcur 'phros gyur pas// phyi nang gzhal yas gsal byas te// srid pa gsum yang gsal byas byas// dus gsum sangs rgyas byang chub sems// mi 'gyur ba yi 'od ces bya// phyogs bcu'i rgyal ba'i sems bsdus nas// slar yang rim gyis hUM la thim// hUM yang rim gyis thig le'i nang// yongs su dag pa'i don ces bya// nges par snying po'i 'bru bkod de// tsa na ka yi 'bru tsam la// bde bar gshegs pa'i sku yang bskyed// shin tu dod cung gsal bltas la// dbugs dbyung 'grogs nas g.yas nas spro// mtho gang mtho de ji srid bar// byang chub sems ni der bzung bya// gal te nang du 'jug na yang// dbugs dang 'grogs nas g.yon nas 'jug/ thig le sku la thim par brtag/yung dang skad cing thun la sogs// ji ltar gnas pa'i bar du brtag/ de ltar rim pa yang nas yang// sems de nges par zin pa dang// mthar ni dmigs par mi 'gyur te// gang la dmigs pa'i sems med do// gsang ba'i rim pa yang gsungs pa// gsang ba'i pho brang dbus su ni// byang chub sems chu rab phabs nas// rdo rje chog rnam gsum gyis// bde bar gshegs pa'i sku rnams bskyed// skad cig ma la yongs rdzogs bya// de las shin tu phra ba ste// pad+ma'i sna rtse la rdzogs bya// de las sems bsdu bstan par gzung// de la sems de bstan pa yang// dus gcig tu'am re re spro// rim pas rim par gsal bar spro// 'phros pas de la sems gzung gzhag/ gal te de la mi gnas na// slar la nang du rim zhugs brtag/ de la nan tan bskyed byas la// sems bsdus nang nas gnas par bya// de la sems gnas bstan pa dang// 'jig rten gsum du spros 'gyur yang// de las gzhan du mi g.yo ba'o// de las rang bzhin med brtags te// gang la'ang dmigs par med par 'gyur// de las rim pa yang gsungs pa// rlung gis rab bskyod me spar te// yi ge yongs su zhu ba'i 'od// g.yas byung chos sku yongs bzhu nas// de 'od rtsa g.yas longs spyod la// bskor ba gsum byas yi ge bzhu// bde chen gnas su haM spros te// phyir 'thon phyogs bcur 'phros pa las// phyogs bcu'i rgyal ba'i byang chub sems// thams cad bsdus te steng sgor thim// a ba d+hu ti'i gnas nas byung// sam po ka ru sems gzung bya// lus sems ye shes mi rtog skye// ston bas de lung bsgom zhes bya// de nas 'jug pa'i lam zhugs te// sprul pa'i gnas su bka' lung nos// yang dag par ni de sems gzhag/ gnyis med don gyi lung thob 'gyur// de ru ma gnas dbus nas gshegs// chos sku'i gnas su yang dag gnas// lus rnams yang dang skye bar 'gyur// skyes nas bskal ba'i bar du gnas// chos kyi dbyings su mi gnas na// ni rim ka'i gnas su drang// de ru sems ni gzhag par bya// de ltar yang nas yang du bya// rnam rtog med pa'i ye shes skye// 'byung bas sreg cing 'jug pas gso// gnas su byang chub sems 'od las// rnal 'byor mig gi 'od zer gyis// g.yo med mi 'gyur 'od la blta// sangs rgyas ye shes nam mkha' 'byung// 'di yang nang gi thig le yin// don du gang la mos pa ni// rab tu 'bad de yid gzhungs na// ye shes skye bo nges par med// ji ltar brtags pa de snang bas// sangs rgyas ye shes mchog gyur zhes// dus gsum rgyal ba rnams kyis bshad// ces gsungs so// rdo rje me lce 'phreng ba'i rgyud chen po las/ phyi nang gsang ba'i dkyil 'khor yongs su bstan pa'i le'u ste drug pa'o//// de nas yang karma kI la yas// khrag 'thung gi rgyal po la 'di skad ces gsol to// gang zag dang po sa pa yis// 'di ni sgom zhing bsgrub pa dang// ting 'dzin dkyil 'khor mi 'tshal lam// thabs dang bcas pa'i rim pa yis// bsgom zhing bsgrub pa ji ltar lags// zhes gsol pa dang// bcom ldan 'das khrag 'thung gi rgyal po badzra kI la yas// rdo rje yid kun tu bzang po la bka' stsal pa// nyon cig karma he ru ka/ rjes su bsgrub pa'i rnal 'byor bas// ting 'dzin dkyil 'khor bsgom pa yang// rim pa gsum du shos par bya// dang po phyi yi rnal 'byor ni// bskyed pa'i rim pas legs 'jug bya// phun sum tshogs pa'i slob dpon gyis// byams dang snying rje sngon bstang nas// tshangs pa'i gnas bzhi bsgom par bya// bsod nams ye shes tshogs rdzogs pa'i// las rnams kun la 'jug pa dang// bar chod bgegs rnams bsal ba'i phyir// phyi nang gsang ba'i mtshams su bcad// bdag nyid snod du gyur nas ni// dam sri mnan pa'i las bya zhing// don yod grub pa'i pho brang gdab// rnam bzhi las kyi bro brdung ngo// dur khrod bdag po ma tram ni// brjid pa'i stobs kyi mnan bar bya// khog pa gzhal yas khang du bskyed// dur khrod chen po'i gnas chen yin// phur ba dar gyi cod pan can// khro bo bcu ru byin rlobs la// phyogs mtshams steng 'og bgegs 'dul lo// ma nor ma bcos dbyings nyid las// btsal ba med pa'i rig pa yin// stong pa chen po'i ting 'dzin du// ji bzhin pa yi ngang la gzhag/oM ma hA shun+ya ta dz+nya na badzra swa b+hA wa At+ma kou0f85haM/ snying rje nam mkha'i ngo bo las// blang dang dor ma ye mi byed// mtshams 'byor chen po'i ting 'dzin gyis// kun kyang chu zla'i tshul du b sgom// 'bras bu mtshon chen 'bar ba ni// rgyu mchog 'bras bu yi ge hUM// gnyis med mtshon pa'i lam bzang po// zung du 'jug pa'i rang bzhin yin// chos kun rtsa ba sems nyid pas// phyi nang dngos po ma lus kun// raM gyis bsregs la yaM gyis gtor/ khaM las chu byung dag par bsam// hUM gis 'od zer rab 'bar bas// so so'i sku ru gsal bltas te// de la 'od zer 'phros pa yis// las gnyis byas nas slar 'dus pas// rdo rje'i ra ba dra ba dang// khang par yongs su bsam par bya// de ni thun mong mtshams zhes bya// khyad par bka' yi 'khor lo ni// bdag gis de la bka' stsal nas// bgegs kyi tshogs la yongs btab pas// dge sdig las kyi shan phye nas// dbang bskur las kyi gnyer gtad do// hUM nyid shes rab ar bsal bas// nam mkha'i dkyil nas thigs pa shar// e las mthing kha nam mkha'i dbus// yaM las rlung gi dkyil 'khor che// ra las rak+ta'i rgya mtshor gyur// su las mchog phran sa gzhir chags// de steng kam las ri rab steng/ ram las ye shes me byung ste/ las gnyis yongs su rdzogs su rdzogs byas nas// 'bras bu'i mamatshan nyid der shes bya// de steng rten gyi dkyil 'khor ni// b+h+ruM las grub pa'i gzhal yas khang// mtha' dang dbus med mkha' dang mnyam// phyogs bcur rgya yongs ma chad pa'i// phyi dang nang med kun tu nang// 'khor lo rtsibs brgyad rab tu 'bar// mdzes pa'i gru chad bzhi dang ldan// 'bar ba'i bar khyams gnyis kyis mdzes// tshad med bzhi yi sgo ldan zhing// thod pa 'bar ba'i rtsig pa la// zhing chen ka ba mchog gi gdung// mchog phran dral phyam nyi zla'i mig/ rak+ta 'bar ba'i zham chu 'bab// zhing gi bla re zhing chung 'phan// rgyal mtshan tsit+ta'i tog dang ni// gdug pa'i sgo dang sgo rgyan bcas// zhing gi lhu tshigs mang po dang// dur khrod rgyan gyis mdzes par brgyan// mthing nag po yi 'od dang bcas// phyi rim rin chen 'bar ba la// kha dog lnga dang yang dag ldan// de la sogs pa'i rgyan rnams ni// gzhan las grags pa bzhin du'o// de dbus nyi zla'i pad+ma'i steng// dreg pa'o gdan dang zhing rnams bsam// 'di ni rten gyi dkyil 'khor ro// rgyu yi ting nge 'dzin rim pa yis/ chos kyi dbyings las rang sgras bskul// cho ga gsum gyi sbyor ba las// rab tu srol gi gor shar bas// rdo rje gzhon nu'i dag pa'i dbyings/ dbu gsum phyag drug zhabs bzhir bgrad// g.yas dkar g.yon dmar dbus mthing zhal// dang po rtse dgu me dpung bsnams// bar pa rtse lnga kha T+wAM ga/ tham ri rab phur bu 'dril// zhing gi g.yang gzhis ya ba bskor// glang chen ko rlon stag gi sham// mdo bzhi sbrul gyi chun po la// thod pa tshar gsum 'phreng bas brgyan// thal chen zhag dang rak+ta dang// srog rtsa an tsa na yis brgyan// dbu skra khan nag ral pa can// dur khrod smug nag me ri 'khyil// zhabs bzhi brkyang bskum tshul gyis bzhugs// sdang mig bgrad pa zhe la gnon// mche ba rab tu rngam pa gtsigs// ag tshom 'bar zhing 'jigs gzugs ldan// rab tu srog gi go shar nas// gnyis med sku dang gsung thugs ldan// cha lugs gtso dang mthun pa'am// yang na zhal gcig phyag gnyis pa// g.yas g.yon dril bu ban+d+har ldan// snying gi go ru bsgom bya ba// byang chub sems kyi ngang nyid de// rang las byung ba'i ye shes mchog/ rgyal kun ba gyis mi brnyes te// de nyid tshul ni rnam pa gnyis// rang gis bskor ni gnas pa dang/ nyon mongs don du yig 'brur gnas// dang po'i tshul ni 'di lta ste// skyon gyi dri mas ma gos pa'i// dkar po'am rang gi mdog tu bstan// rgyu dang 'bras bur yang dag ldan// cha lugs de bzhin phyag de bzhin// g.yas g.yon dang po rang rtags rnams 'dzin// ba zhengs dang bzhugs dang stang stabs tshul// nges pa med par dag bshad// phung po rdo rje gtam byas nas// thabs dang shes rab gnyis med ltar// rnam par shes pa rdo rje bsgom// yang na yi ge oM du bsgom// gang zag rnams kyi phung po yang// dper na ras spyil nyi zer bzhin// kun tu rtsa yis gang mod kyang// rtsa yi ngo bo gsum ma ma lnga// 'od kyi rnam pa dngas snyigs gnyis// yi ge 'bru ru gnas pa ste// dag pas nyon mongs sprin rnams 'joms// khams gsum nyon mongs 'joms pa'i mchog/de las 'od kyis rab bskul bas// phyogs bcu'i rgyal ba spyan drangs nas// phyi nang gsang ba'i mchod pa dang// bstod dang thugs dam rjes bskul ba// rdo rje gzhon nu'i rigs 'dzin rnams// srid pa rdo rje bsgrubs mdzod cig/ srid pa rdo rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi zad pa// sku yi dbyig tu bdag bskyed cig/thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin brlabs 'dir stsol cig/ dbang bskur byin brlabs nus mthur bcas// lus dang shes pa rgyas pa yis// 'bras bu mngon par shar ba dang// mkha' gsang byin brlob sbyor ba'i brda// thabs dang shes rab bsnol mar bskul// cho ga thabs kyi yan lag bzhis// gang la 'tsham pa'i thabs su sbyar// yang na cho ga gsum gyis te// thams cad g.yas g.yon dang po ni// rdo rje ban+d+har yang dag ldan// thams cad sgrol ba'i mtha' brnyes pas// tha ma ri rab phur bu 'dril// rnam rgyal rdo rje 'khor lo bsnams// dbyug sngon rin chen me dpal bsnams// gshed po thod dbyug dgra sta'o// rdo rje zhags pa mi g.yo mgon// rta mgrin ral gri sbrul zhags te// ban+d+ha rnga yab gzhan mi thub// rin chen dbyug to bdud rtsi 'khyil// 'khor lo mda' gzhu khams gsum rgyal// hUM chen rgyal po mda' gzhu la// stobs chen zhags pa tho ba'o// rdo rje srin mo chen mo rnams// 'jigs byed chen po ji lta bar// g.yon na rang rtags dril bu 'dzin// shes rab lha mos lus brgyan pa'o// 'khor lo gdan la rim bzhin du// phyogs bcu phra mo 'khor bcas dgod// mdun dang rgyab kyi phyogs dang dag tu// steng 'og khro bo 'khor bcas dgod// thugs na 'bar ba'i srog kyang bzhugs// dbu la rdzogs pa'i sangs rgyas bsrung// kun kyang rigs dang ye shes dbye// 'phra men rnams kyi mdog dang rgya// rnam bzhi las kyi rim pa yis// cir yang 'gyur zhing sna tshogs thogs// yang na nyid kyi rtags 'dzin pas// nges pa med par yang dag bshad// snying po yi ge hUM bcas pa'o// shar sgo pu shud mgo can la// lhor ni skye ka'i mgo tsan dgod// nub tu srin bya'i mgo can la// byang sgor khra yi mgo can rnams// zhing chen gdan nam dmigs pa'i rten// lcags kyu zhags pa lcags sgrog dang// dril bu la sogs rim par ldan// pho nya dpung tshogs nyi shu ni// gcig la'ang gsum gsum drug cur ldan// yang na sum brgya drug cur sogs// bsam mi khyab par ston pas gsungs// rang rang rtags dag byin brlabs pa// thams cad gong dang mthun par gsungs// sku gsung thugs kyi gnas gsum nas// yi ge gsum gyi 'phro 'du yis// bdag dang 'khor ni thams cad la// srog dang dbang dang ye shes rnams// lus ngag yid la bskur bar bya// yang na rdo rje gsum gyi lhas// byin gyis brlab par yang dag bshad// dang po ston pa chos kyi sku// khro tshogs longs spyod rdzogs pa'i sku// de las byung ba sprul pa'i sku// de bzhin gcig la kun tshang bas// nges pa med par yang dang bshad// rang bzhin dkyil 'khor bsgrub pa ni// srid pa'i phur bu bsgrub pa dang// dbang dang dngos grub blang ba'i phyir// lcags kyus bde gshegs gnas nas dgug/ ye shes khro bo gshegs su gsol// drag po'i 'phrin las rdzogs pa'i phyir// dkyil 'khor dang bcas// rten dang bcas pa spyan drangs la// khro bo chen po gshegs nas kyang// gzugs dang gnyis su med par bstim// rtags dang mtshan ma bstan pa dang// kI la ya yi dngos grub stsol// gdan dang phyag dang bstim la sogs// phyi nang gsang ba'i mchod pas mchod// bstod dang 'phrin las drag pos bsku// bzlas dang dngos grub nod pa dang// bskrad dang bsdu dang bsrung ba dang// rigs mi nub dang spyod lam rnams las// la 'bras bu ci yod bshad// 'di ni phyi yi rim pa yin// nang gi rim pa yang gsungs ba// nyi shu rtsa gcig e yi dkyil// mthing nag 'bar ba'i gzhal yas las// drag po sgrol ba'i nus par ldan// gzhal yas me 'od 'bar bar bsgom// log par lta ba bsgral ba dang// ngan sems 'chang ba mnan slad du// 'jigs byed drag po'i dkyil 'khor la// mthing nag 'bar ba'i khro bo rnams// zhal gcig phyag kyang gnyis pa la// phyag na dbang dra ga phur bu dril// yang na gdug pa'i mtshon cha bsnams// kun kyang mthun par shes par bya// gsod pa las mkhan bskyed pa ni// tshad med snying rje bskyed pa dang// byang chub sems la dga' ba ni// sngon du 'gro ba'i mchog yin te// bsgrub pa pos ni nan tan bya// khrag 'thung thugs la gnas pa ni// ye shes rtse mo mchog yin te// hUM gsum las ni 'das pa'i phyir// rtse mo med pa'i las su bstan// 'di ni gzungs dang byin rlabs dang// bzlas brjod dang ni 'phrin las dang// dus dang gnas dang bdag nyid dang// phun sum tshogs pa bdun po yis// drag po'i las kyang grub par byed// re zhig rim pa 'di bsgom bya// bcu gcig nyi shu rtsa gcig gam// bzhi bcu gnyis sam brgya rtsa brgyad// bdun nam lnga'am bzhi'am gcig/ gnas skabs rang gi rim pas bskyed// rdzas kyi phur pa gzhal yas khang// rtse mo chos 'byung rang bzhin te// rgya mdud gnam sa gnyis bar du// lcum zhogs rin chen zur brgyad de// nang du rin chen gzhal yas khang// rgyan la sogs pa gzhung bzhin bsam// nang du zhing dang nyi zla'i steng// khrag 'thung lha tshogs bsam par bya// de yang bdag nyid thugs kha'i hUM// 'od 'phros khrag 'thung spyan drangs te// gzhal yas khang du bzhugs par bsam// phyi nang gsang ba'i mchod phul nas// rten dang bcas par 'od du zhu// bdag gi zhal thim lte dbus sbyang// yum gyi mkha' la spros pa dang// sras kyi sku ru yongs rdzogs bsam// yang na cho ga gsum las ni// zhal gsum phyag bzhi drag po'i tshul// sku stod yan chad chas rnams ni// rdo rje go cha na bzar gsol// sbrul dang thod rlon 'phreng bas brgyan// thams cad mthun te gtso bo bzhin// lte ba man chad chas rnams ni// ut+pal sngon po'i mdog kyang 'dra// ye shes phur pa dbu gsum po// btab na lha yang rlag par byed// g.yas kyi dang po sta gri la// 'og ma ri rab gnon tshul 'dzin// g.yon pa kha T+wAM dril bu 'dzin// 'og ma phur pa 'debs pa'i tshul// rtag pa chen por bzhugs par bsgom// byin brlabs dbang bskur gzi bskyed la// gdan la zhugs su gsol ba gdab// spyi bo zla stengs oM dkar po// mgrin par 'dab brgyad dmar po hri// thugs khar nyi stengs phaT mthing nag/ sku gsung thugs kyi rdo rje bsam// yang na spro bsdus byin brlab bsdu// sku gsung thugs su byin brlab pa'o// sku gsung thugs kyi rdo rje ni// thugs khar yi ge 'bru gsum bsam// lte bar zur brgyad steng du sa// steng 'og nyi steng ha bsgoms te// 'phros 'dus ye shes lngar ldan bsam// 'bru lngas gnas lngar byin brlab pa'o// logs gsum hUM la zur gsum phaT// sku gsung thugs kyi rang bzhin dang// de yi 'phrin las rnam gsum gyis// drag po sgrol ba'i nus ldan par// ye shes rtse gcig byin brlab pa'o// sgrol ba las kyi skabs su ni// byi na gyis brlab pa yang gsungs pa// sku gsung thugs kyi khro bo ni// re re la'ang gsum gsum dgu/'phros pas lan gnyis rdzogs byas nas// phyogs bcu'i bde gshegs thams cad la// drag po'i byin brlabs mdzad par bskul// phyogs bcu'i bde gshegs thams cad kyi// dkyil 'khor lha tshogs byin brlab bskul// rang rang rtags 'dzin khro bo rnams// phur pa'i sku la rab zhugs pas// rten dang rten can tshul du snang// srid gsum sgrol ba'i nus par ldan// rigs kyi khro bos byin brlabs pa'o// gzhan yang byin gyis brlob pa ni// g.yas g.yon nyi zla'i dkyil 'khor la// dbus su kun bzang yab yum bskyed/ cho ga gsum gyi sbyor ba yis// rigs lnga yab yum rdzogs par blta// de'ang rim pa 'di lta ste// gung mo rnam par snang mdzad la// mthe bong mi bskyod pa yi sku// mdzub mo rin chen 'byung ldan te// srin lag don yod grub pa'o// mthe'u chung snang ba mtha' yas so// yum yang rim pa ji lta bar// thabs dang shes rab gnyis med bsgom// dam tshig blang dang snyoms par 'jug/ bskyod dang byang sems 'od 'phros pas// las gnyis yongs su rdzogs byas nas// phyogs bcu'i sangs rgyas thams cad la// shin tu drag po'i 'phrin las bskul// sbyor ba'i byin brlabs 'od du zhu// thugs khar thim nas sku yi dbyig/ rdo rje'i lam zhugs yum gyi mkha'// tsa na ka yi 'bru tsam du// sras kyi sku la rab bzhugs pas// phyogs bcu'i bde gshegs thams cad kyi// ngo bo nyid du gyur pas brtag/ gsang ba'i dbang dang byin brlab nos// rigs lnga nyid du 'od zhu bstim// lag gi rtsol bas byin brlabs pa'o// thabs dang shes rab gnyis bar du// ga'u'i dbus su nyungs kar bzhag/ thabs dang shes rab dag gi mthus// khro chung 'jigs pa'i gzugs can ni// shin tu dod la bsam mi khyab// bsnun pas gzugs dang gnyis su med// shin tu rno zhing dbal dang ldan/ 'od zer 'bar bar gyur pas brtag/ thabs mchog nyi ma'i dbus su ni// ho las me dpung 'bar bar gyur// 'dre 'bros thang chu de las bsregs// bdug pas mnyes pa'i mchod pa dbul// ho las byung ba'i dur khrod me// smug nag dkyil na bzhugs par brtag/ ra yi khrag dang gsur chen dang// pad+ma rak+ta nim pa'i lo// sdong po rkang gcig khrag gis byug/ shin tu chags shing zhen par bsam// hUM bzhi gsal 'phro hUM bzhi'i tshogs las bskyed// sku gcig dang las dkyil 'khor thams cad rdzogs// dbu la rgya mdud rang bzhin thabs yin te// dbus su rgya mdud bstan pas shes rab po// thabs dang shes rab gnyis las yongs rdzogs pa// lo brgyad rang bzhin khro bo chen po brgyad// zur brgyad 'byung ba'i rang bzhin khro mo brgyad// zur steng chu srin kha na sgo mo'i tshogs// thugs mchog mnyam pa'i dbyings nas sprul pa 'gyed// rtse mo zur gsum rang bzhin sku gsung thugs// steng 'og gnyis su gnas pa yab yum gnyis// rgya mdud 'og mar steng 'og khro rgyal gnyis/ yab yum sprul par bcas pa'i rang bzhin no// khong stong byang chub sems kyi rang bzhin las// khro rgyal 'dus pa'i sras mchog kI la ya// ma g.yos rnam dag chos dbyings kyi nas bzhengs// sku gsung thugs ldan drag po mi bzad pa// gdug can log par lta ba'i sems can rnams// thugs rjes khyad par dbyings su sgrol zhing sdud// zhi bas 'dul ba'i skal dang mi ldan yang// drag pos bsgral ba'i 'phrin las khyed kyis mdzod// de skad brjod la thugs dam bskul// phyi nang gsang ba'i mchod pa dang// 'phrin las dus kyi rim pas bya/ nang gi gsang ba zhes bya'o// gsang ba'i rim pa 'di lta ste// gnyis med gsang ba chen po'i don// kun gyis rtogs par ga la nus// rtag dang chad pa'i rang bzhin gyis// des kyang gsang don rtogs pa min// bde chen stong pa'i rang bzhin gyis// des kyang gsang don rtogs pa min// ye shes sku yi rim pa yis// des kyang gsang ba'i don mi rtogs// byang chub sems ni bde chen pos// des kyang rtogs par ga la nus// rtag chad mtha' ni nges spang zhing// rang bzhin steng pa'i rang bzhin can// dbu ma'i don chen zab mo yis// der kyang rtogs par ga la nus// gsang ba dam pa las byung ba// sangs rgyas sku ni rab rgyas mdzad// snang ba ma yin mi snang min// ye shes sku ni rab gsal ba// khyad par mi gnyis thams cad de// dag cing dang ba'i rang bzhin can// gsal ba'i don nyid de dran bya// phyi nang chos rnams thams cad kun// sgyu ma'i rang bzhin nyid yin te// de la yang dang yang// 'dris na// de yis thams cad mkhyen par 'gyur// gdod nas sgyu ma'i rang bzhin pas// rang bzhin gyis ni de lta'o// dam pa rnams kyis dpes mtshon byas// thams cad gsangab las byung ba// rim gyis de nyid la thim pas// sgyu ma'i lus can nyid du 'gyur// sgyu ma smig rgyu me long gzugs// chu zla rmi lam chu bur dang// dbang po gzhu yi rang bzhin dang// brag cha sgra brnyan nyer gnas pa// sgyu ma'i dpe ni brgyad rnams ni// don ni gsum du shes par bya// rgyal ba'i dkyil 'khor rab 'byams yang// sgyu ma'i rang bzhin nyid du bya// spyod lam dag ni thams cad du// sgyu ma'i tshul can de dang de// thams cad rjes su bya ba yin// thog ma med pa'i dus shes nas// shes rab gsum la rab sbyangs kyang// gsang ba'i don rnams shes pa min// yang dag gsang ba'i don gsang ba// mkhas pas kyang ni mi shes te// rna brgyud gdams pa'i lung med par// mngon sum bya bar mi nus so// don nyid gsang ba las byung ba'i// 'gro ba drug gi sems can gyis// rang dgar rnyed par mi 'gyur te// bskal ba grangs med du sbyangs pa'i// las 'phro dang ldan bla ma'i drin// 'bad pa'i dbang gis rnyed par ga la nus// 'di la dka' thub dka' spyad min// 'di la khrus dang gtsang sbra med// 'di la brtul zhugs spyod pa med// sgyu ma'i tshul can ting 'dzin gyis// sangs rgyas nyid du de gnas 'gyur// thams cad sgyu ma'i rang bzhin yin// rtog ge ba rnams smod byed kyang// yang dag de yis shes pa min// rang bzhin gsang ba'i don nyid de// rang lus nyid la gnas pa ste// rtog pa dang bcas mi mthong ngo// shes dang phung byed rnam par ldan// yid lus dbang po'i gzhu dang 'dra// brgyad kyi dpe la rmongs pa yis// gsang ba'i don nyid mi mthong ngo// gsang ba'i don nyid mi mthong ngo// gsang ba'i dam pa mchog gi lam// 'bras bu sangs rgyas skur gsal ba// sems can khams rnams de 'drar brtag/ brtan g.yo'i rang bzhin thams cad kyang// sngags kyi bdag nyid de las men// gsang ba las rnyed rang bzhin te// 'gro ba'i gnas med de bzhin nyid// chos spyod bcu yis las mi byed// las byed sgyu ma'i rang bzhin no// dang po'i las can de dang de// sgyu ma'i rang bzhin ma dmigs na// gsang ba'i don bral 'bras bu med// sa yi rim pa de dang de// rab tu gnas pa'i skabs su yang// sgyu ma'i lus can spyod med na// byas la gsang ba'i 'bras bu med// gsang ba'i rim pa yang gsungs ba// dang por sngags kyi rgyu nyid ni// gsal la dri ma dag pa yi// mkha' dbyings gnyis med sprol bral ldan// mchog gi snying po de brnyes nas// thog ma dang ldan me yi mthus// rab tu bskul bar de shes la// 'phar ba nya dang chu yi tshul// de nyid mthus ni dbu ma gsal// de las rlung gi lcags kyu yis// thabs dang shes rab spyan drangs la// nyin thabs gnyis la rab gnas bya// bde ba chen po'i 'khor lo'i gnas// gsal ba'i dbyings dang ldan par gnas// de dkyil lte ba'i bu ga ru// a dang ma las gyur pa yi// de dkyil gsang ba'i yi ge k+Sha// yid dang gnyis su med pa ste// thabs dang shes rab rang bzhin yin// chos kyi snying por bsam bya ba// thabs dang shes rab yi ge ni// nyi zla'i dbus su bsam par bya// de bde brten 'gyur gsal ba ni// dkyil 'khor chen po rdzogs zhes bya// bde ba rgyas 'debs d+hu pe ste// mdzes pa me tog ma ru grags// 'od dang ldan dus mar me la// bde dang ldan pa'i dri chab mo// me tog dor ba dri yis dngos// de yi tshim ldan ro zhes brjod// byug pa chos nyid bde bas reg/yongs su rgyas byed sgra tshogs yin// gzhan pas mi 'gyur sa le ste// rgyun mi 'chad bar 'phreng par 'dod// thams cad rol pa'i pi wang ste// cir yang snang ba gar ma'o// rnam rtog mi mnga' bdud rtsi ste// dmigs par mi gnas gtor mar bshad// dug gsum mi gnas rak+ta ste// snying po nyid de byang chub sems// mi 'bral dus na lcags kyu ma// gnyis su mi gnas zhags par brjod// de lung ldan par lcags sgrog ste// bstan pa nyid na dril bu yin// 'di ltar gsal bar rang byung nas// bde ba rgyas par 'gyur ba yin// byang chub sems kyi dkyil 'khor mthus// yang dag gsal bar byung ba yin// de ltar gsal bar su bsgom pa// dag pa'i zhing la gnas pa ste// 'di yang ting 'dzin rim pa yin// gsang ba'i rim pa yang gsungs pa// mgo bo dpal gyi ri bo nyid// dpag bsam shing bu yal ga'i tshul// sgo brgyad pa thag khug par ltar// ye shes thams cad skyes par byed// sa bon kha ba lta bur gnas// skye gnas snying mgrin lte bar yang// rtsa yi dang ma dar dkar tshul// lus kyi dkyil 'khor nyams dga' bar// gnyis med ye shes btsal bar bya// lus las ye shes chen po gnas// rtog pa thams cad spong bar bya// rang la gnas shing rang gi bskyed// de bas lus kyis mtshon par byed// gnyis med skye ba'i rgyu dang rkyen// rnam pa gnyis su shes bya ste// re zhig rgyu la rnam pa gnyis// 'od gsal kun rdzogs byang chub sems// de bzhin rkyen kyang rnam pa gnyis// gzhung dang mthun pa'i gzungs ma dang// rdo rje pad+mar byin brlabs ldan// rgyu rkyen rnam pa gnyis shes nas// hUM las byang chub sems 'phros te// phyogs bcu rgyal ba'i thugs kar bzhugs// ye shes bdud rtsis blang nas kyang// 'bar 'dzin dang po'i sgor zhugs te// dkyil 'khor rim gyis bgrod nas kyang// bdag nyid yi dam lhar bskyed bsgom// yum yang 'khor lo rgyas 'debs nyid// gnyis med gsal ba'i thugs ka nas// dal nas dal ba'i 'du byed las// lte ba'i dkyil du gshegs pa'i tshe// 'dod chags ras la mar khu'i tshul// ba ka ra ta ki tsa ri la// rdo rje sems dpa'i pho brang ni// rjes 'jug snyoms par 'jug pa gnyis// tha ma brlong ba'i bdag nyid de// dal nas brtag cing ma skyes bsam// ngal bsod dal pa'i rim pa las// kun rdzob nor bu kun da'i tshul// rim gyis 'dres pa'i bde ba las// snyoms par zhugs pa'i pho brang rnams// gang tshe rdo rje rtse gnas pa// de tshe pad+ma'i sna yi rtse// bzhag pas zhig cing bde bar gnas// mi dmigs pa yi bde ba 'thob// thig le rim gyis 'dres pa las// bshang sgor k+Sha yis sgo bkag ste// rtsa gsum 'dom pa'i dkyil nyid du// gang tshe kun rdzob don dam gnyis// gzugs dang gzugs kyi tshul gyi gnas// gang tshe la bas bde rnyed pa// de tshe byang sems kun d+ha'i tshul// 'gro 'jug gnas la bzhon pa ste// rdo rje bzlas par brjod pa nyid// 'byung ba rig po'i tshul las grub// 'jug pa de yi phyed kyi tshad// gnyis kyis gnas pa rnyed pa nyid// gang tshe bzhon pa'i bdag nyid ltar// de tshe kun d+ha'ang de ltar gnas// g.yas kyi rtsa las 'byung ba nyid// g.yon gyi rtsa la 'jug pa nyid// dbu la gnas pa grub pa nyid// rta dang bzhon pa tha mi dad// snyoms 'jug pho brang gnas pa'i tshe// brjod pa rus sbal lta bu ste// bcu yi tshul las mgo lus khyab// gtso bo'i dbang du smos pa dang// 'khor ba mya ngan 'das pa dang// ye shes bskyed pa gsum nyid ni// rgyu dang rkyen dang 'bras bu'i tshul// kun 'dus pa las dmigs med thob// de tshe thog ma tha ma med// dngos dang dngos po'i spyod yul min// de la dal pa'i bde 'thob pa// de nas dngos med med 'gyur te// zhi ba gcig pu mngon phyogs nas// skad cig dag las bde thob pa// de nas skad cig gnyis par brlob// de nas gsum par brlab pa ste// thang cig chu tshod thun gcig thob// de nas zhag dang zla bas thob// rtsal dang brtson 'grus ldan pa yis// lhag ma nyid las sangs rgyas thob// lus ma spang bar sangs rgyas nyid// de las cung zad nyams chung bas// bar ma srid pa dag la thob// la las skye ba gcig la thob// la las gnyis dang bcu tshun chad// las 'phro blangs pa nyid kyis 'grub// ces gsungs so// rdo rje me lce 'phreng ba'i rgyud chen po las/ ting nge 'dzin gyi dkyil 'khor rim par phye ba'i le'u ste bdun pa'o//// de nas yang karma kI la yas// khrag 'thung gi rgyal po badzra kI la ya la 'di skad ces gsungs to// kye kye dpa' bo thugs rje can// las rnams yongs su rdzogs pa'i bdag/ khams gsum dri ma sel mdzad pa// stong pa'i stobs kyis thams cad 'dul// ting 'dzin bsgom pa'i gang zag la// rdzas la sogs pa mi 'atsal lam// 'di la nan tan ji ltar bgyi// zhes gsol pa las/ bcom ldan 'das gsang ba mchog gi bdag po chen pos/ rdo rje yid kun bzang po la 'di skad ces gsungs so// dang po las can rnal 'byor pas// ting 'dzin rim par bsgom pa la// rdzas dang yo byad la rten nas// rtogs par bya phyir ngas bshad kyis// las kyi sems dpa' de yang nyon// gang zag blo yi rim pa yos// rdzas dang dkyil 'khor ting 'dzin la// rang bzhin ting 'dzin gzugs brnyan gyis// nges pa med par yang dag bshad// re zhig rim pa 'dir shes bya// rang bzhin ting 'dzin byang chub sems// mtshan ma'i rdzas dang bzhir gsungs so// de la rang bzhin phur pa ni// btsal du med pa'i chos nyid la// bsgom du med pa'i 'bras bu shar// thams cad rang byung bkag pa med// rgyu dang rkyen la mi ltos shing// spros maid rang byung lhun gyis grub// phur pa zhes ni de la bya// yul du snang ba thams cad ni// dbyings nyid nam mkha' lta bu'i ngang// sems su snang ba thams cad ni// ma bcos rigs pa de nyid yin// thams cad dbyer med mnyam pa nyid// de yi ngang du thams cad 'dus// phur pa zhes ni de la bya// rgyu rkyen gnyis las mya ngan 'das// gdod nas ma bcos ye nas grub// dus gsum dbyer med gcig par lta// srid pa gsum ni rang gi rkyen// khams gsum spros med dbyings su gcig/ thams cad ye nas dbyer med pas// rang byung skye med dbyings su gcig/ phur pa zhes ni de la bya// de la chos nyid phur pa ni// chos can gang la mi gnas shing// ma bcos ngang du thams cad 'dus// phur pa zhes ni de la bya// de las sems nyid phur pa ni// skye mchod khams la mi gnas shing// rang byung ngang du thams cad 'dus// phur pa zhes ni de la bya// de la nam mkha'i phur pa ni// khadog dbyibs la mi gnas shing// khyab brdal ngang du thams cad 'dus// phur pa zhes ni de la bya// phur pa byang chub sems kyi rtags// byang chub sems kyi phur pa yis// srid gsum 'gro ba'i bdar sha bcad// ma btab bzhin du lhun gyis rdzogs// mnyam pa'i rgyal pos rig pas btab// phur pa chos kyi dbyings kyi rtags// gzhan du gdab pa'i gnas med do// rang rig byang chub sems la gdab// phur pa 'dzin chags mya ngan 'das// gzung 'dzin rnam rtog nyid la gdab// phur pa dngos po kun dang bral// dngos med sems kyi phur pa yis// dngos po phyin ci log la gdab// phur pa bskye ba med pa'i don// skye med sems kyi phur pa yis// sems la btab pas rig pa shar// dbyings las btab pas lhun gyis grub// gnyis su med par brdal pa'i ngang// khyab brdal chen po'i phur pa yis// snang srid kun la khyab par gdab/ phur pa chos kyi dbyings zhes bya// pa ni bla ma chen por bstan// phur ni chos kyi dbyings zhes bya// pa ni rig pa'i ye shes so// phur ni skye ba med pa'i dbyings// pa ni 'gag pa med pa'i don// gnyis su med par phur pa'i ngang// phur ni thabs kyi rgyal po yin// pa ni shes rab yum gyi don// gnyis su med pas phur pas bya// de la ting 'dzin phur po ni// snang srid drug cu rtsa gcig bsgom// ye shes chos nyid yon tan bsdu// sku gsung thugs ni rang bzhin 'dus// yab yum gnyis ni rang bzhin gnas// yum yang hUM 'dus ting 'dzin hUM// sems dpa' rtse dbus hUM drangs la// ye shes sna bkag srog rtse brgyad// rang snying rtsa dgu'i nang brgyud de// shangs kyi rlung brom rtse la bton// sor bzhi phar 'phros slar 'dus te// 'dus pas nyi zla'i dbus zhu dgod// a yi tshul du gnas par bya// hUM ldan oM gyis tshur 'dus pa// srid gum 'gro ba'i rang snang zhing// phyi nang snod bcud de nyid de// sems dang yid dang rnam shes nyid// de nyid las ni 'khrul las brtags// rnam rtog bag chags spangs pa'i phyir// bdag dang phur pa'i gzhal yas khang// byang chub sems ni gsum du bshad// dang po bdag gi byang chub sems// snying kha'i pad+mas a bsam te// phar 'phros thams cad 'od du 'gyur// a ni mar me'i rtse ltar 'bar// gzung bzla ba'i 'od ltar te// 'dzin pa'i rtse rnams shin tu dmigs// yang yang de la yid kyis bsgom// 'phro bar gyur na spros te bsgom// bying bar gyur na bzlas pa bya// gzung 'dzin 'gags par shes pa gso// nyi ma'i 'od zer tshul lta bu'o// 'di ni phur pa'i byang chub sems// de nas sems kyi rnam pa ni// a yi tshul gyi rtse lta bus// 'dzin pa 'gags pas shes pa gsal// a yi rang bzhin 'gags 'gyur te// a tshul mi dmigs nam mkha' bzhin// dngas shing gsal la rnyog pa med// gzugs 'dzin shes kyis 'gags gyur na// gzhal yas byang chub sems zhes bya// gzhal yas phur pa bdag gi ni// byang chub sems ni rlung bcas pa'i// gnyid log sad pa ji bzhin du// ye shes rang bzhin skur grub pa'i// longs spyod rdzogs skur gyur ces bya// ye shes rlung ste rlung 'od zer// snang ba 'od kyi dkyil 'khor de// gzhal yas byang chub sems zhes bya// 'od dang thig le yig 'bru dang// longs spyod dang ni sprul sku dang// cir snang ci srid thams cad kun// nyon mongs 'joms phyir phur pa yin// de phyir ting 'dzin phur pa la// bsam gyis mi kyab mtha' yas mchog/ thams cad brjod par ga la nus// rten gyi dkyil 'khor gcig la yang// dkyil 'khor thams cad rdzogs pa dang// sku gsung lhun gyis grub par bstan// de yang ji lta bu'i zhe na// stong nyid sku mchog legs pa'i don/ sangs rgyas kun gyi lus kyi dngos// de phyir sangs rgyas kun gyi yab// chos kyi sku nyid phur pa yin// ye shes rnam pa mtshan ma'i gzugs// rigs lnga khrag 'thung la sogs pa'i// mtshan dag dpe byad yongs rdzogs pa// longs spyod rdzogs sku phur pa yin// rgyu drug lam na gnas pa yi// nyon mongs sems kyi rnam pa dang// ngan song thams cad rnam sbyang phyir// sku gsung thugs kyi rgyud bzung nas// 'gro ba'i don la de bzhin gshegs// de phyir sangs rgyas sku yi sras// sprul pa'i sku yang phur pa yin// gzhan yang bskyed dang rdzogs pa dang// rdzogs pa'i rdzogs pa la sogs pa// thams cad ting 'dzin phur par gsungs// byang chub sems kyi rim pa ni// bsgom pa'i thabs las shes pa las// mtshan ma'i rdzas las byas pa min// gnas skabs dag tu gdams pa blang// gsang ba mchog gi thabs dam pas// gnyis med yum gyi mkha' la gdab// gzugs 'dzin rnam rtog bcom nas ni// gnyis med ye shes don mtshon pas// phur pa zhes ni de la bya// gzhan yang gang zag lam pa yis// mtshan pa'i thabs la brten dgos pas// rnam bzhi las kyi phur pa yis// gser dngul zangs lcags la sogs pa// spyi las grags pa bzhin du bshad// khyad par bye brag 'di gsungs pa// tsan dan dkar po'i shing du ni// mchog tu zhi ba'i las la shis// dgon pa'i gnas nas skyes pa'i shing// dkar la 'jam pas gang dang gang// 'di yang zhi ba'i las la shis// gzhan yang byang chub shin bu'am// 'o ma can gyi shig dag gam// mngar dang bcas pa'i shing mchog rnams// 'di yang zhi ba'i las la shis// dkar bas byang chub sems zhes bya// 'jam pas gnod pa'i sems mi 'byung// dgon pa'i gnas nas skyes pa yin// gnod pa thams cad zhi bar byed// byang chub sems kyis ngag rtsub zhi// tsan dan dkar pos nad rnams zhi// 'o ma dang bcas dkar po yis// thams cad thams cad zhi bar bstan// gzhan yang rgyas pa'i phur pa ni// rgyal po'i gnas nas skyes pa'i shing// ser po'i rigs rnams gang yang rung// 'di ni rgyas pa'i las la shis// thams cad thams cad rgyas par 'gyur// skyer pa'i kha dog ser po'i shing// tshe dang longs spyod rgyas par byed// bse shing phur pas rigs rgyas byed// gser shing byang chub sems rgyas byed// gzhan yang ser po mtha' dag ni// tshe dang longs spyod rgyas par byed// dbang gi phur pa'i rgyu bstan pa// chos mkhan gdug pa'i gnas nas skyes// kha dog mi ldan gang yang rung// thams cad dbang gi phur ba'i rgyu// 'dis ni thams cad dbang du sdud// tsan dan dmar mo'i phur pa yis// bu mo dbang du bya ba 'grub// mdzo mos blon po dbang du sdud// song shing dmangs rigs dbang du sdud// zangs la sogs pa'i phur pa yis// rgyal po dbang du 'gyur ba yin// kha dog dmar po mtha' dag gis// gdon rnams thams cad dbang du 'gyur// bsad pa drag po'i phur pa ni// dug shing gdug pa can la bya// las la phan 'dogs yod pas na// de yis ngar skyed mchog tu bsngags// gdug pa sbrul gyi gnas skyes pa// shing mchog tsher ma mi ldan yang// khyad par drag po'i yon tan 'byung// seng ldeng smug nag gdug pa'i shing// dbang drag gnyis la mchog tu bsngags// stag gzig dom gyi gnas dag nas// gang dang skyes pa'i tsher ma can// gsad pa'i las la lhag par myur// khyad par gsad pa'i rim pa ni// drag cing gtum pa thig gi lcags// zhe sdang 'joms pa'i phur par shis// 'jig cing dral ba sa yi lcags// phrag don 'joms pa'i phur par shis// sra la ngar ldan khro chu ste// nga rgyal 'joms pa'i phur pa shis// mi rta bas pa'i nus pa can// gti mug 'joms pa'i phur par shis// thams cad sdud byed phal pa'i lcags// 'dod chags 'joms pa'i phur par shis// lnga char gcig tu sdom pa ni// drag po'i phur pa'i rgyu ru shis// gzhan yang khyad par phur pa ni// yan lag 'phel ba'i rgyun bcas phyir// sher shing phur pa'i rgyu ru shes// gdug can nus par ldan pa'i phyir// slos pa'i ru leb rwa las bya// zhe sdang nus par ldan pa'i phyir// sngags pa nag po'i mchog phur grags// skye ba'i rgyun rnams bcad pa'i phyir// dre tol nag po'i rkang las bya// rang bzhin nus par ldan pa yi// gdug pa'i tsher ma can la bya// sngon can phu zhing bkra mi shis// khro dgu shi ba'i 'phang la bya// spyi yi rgyu rnams gang yang rung// steng du sor gcig rgya mdud bya// gzhal yas nam mkha'i rang bzhin gyis// 'og min mtshon par byed pa'o// sked par sor gcig rgya mdud bya// skyed cig gnas pa'i rang bzhin pas// thabs dang shes rab mtshon pa'i brda// rab tu rin chen zur brgyad de// rin chen las grub rtsig pa yis// gzhal yas khang ni mtshon pa'o// rtse mo 'phrin las so so'i rim// dbyibs dang kha dog so sor bya// dbang drag 'dren pa'i gzugs can ni// rtse mo chu srin kha nas dbyung// chos dbyings rgyu las byung bas na// rtsa ba'i phyogs su rgya mdud bya// las rnams gang yin 'grub pa'i phyir// rtse mo'i 'phrin las rim du bya// thams cad tshad dang ldan pa ru// shin tu dod cing legs par bya// phyi yi rtags dang nang gi rtags// gsang ba'i rtags dang bcas par bstan// thams cad gzhung las byung ba bzhin// rdzas rnams 'tshogs nas 'grub ces bya// leg par bsag na chud mi za// legs shing dod na dang ba skye// ngan pas rtogs pa bcas gyur na// bya ba'i las ni 'grub mi 'gyur// brnyed btsan byas na byin rlobs med// rgyur ma gsungs na bka' dang 'gal// thams cad thams cad gzhung bzhin bya// re zhig 'di la gnas pa ni// mtshan ma can las gsungs pa ste// ma nor byang chub sems rtogs na// mtshan mar bcas pa las mi dgos// ting 'dzin ma nor drod ldan zhading// byin brlab dbang bskur ma nor la// dam tshig ma nyams gzhung thub na// rgyu ni gang dngagang yin yang// bde gshegs sa bon bskyed pa 'dra// nges par gnyis med don rtogs cing// mnyam pa'i ngang nyid rtogs gsal na// mtshan ma'i rten kyang rnam rtog yin// de bas 'di kun mtshon pa tsam// yang dag don chen rtogs pa gces// mtshan ma 'joms la zhi ba bzang// log rtog 'joms la 'khro 'dul 'joms// nyon mongs lnga 'dul ye shes bzang// yon tan rgyas pa'i ting 'dzin deng// de bas blo ldan dam pa yis// kun kyang mtshan nyid rtogs pa gces// thams cad nan tan kho nar bya// gzhan yang rdzas kyi rim pa ni// 'tsho ba zas dang rkyen bzlog sman// bar chad dgra bzlog yo byad ni// go mdung mda' gzhu la sogs pa// bar cad bzlog ba'i rkyen du bsham// bsgrub pa'i bye brag mchod pa'i rdzas// dbang dang dkyil 'khor tshe bsgrub dang// spre'u gsod dang gdon bsgral dang// bsgrad dang mnan dang bsreg pa dang// dbab dang 'phags dang gtum la sogs// yo byad brjod kyis mi langs bas// rang rang skabs lam shes par bya// zhes gsungs so// rdo rje me lce 'phreng ba'i rgyud chen po las/ yo byad phun sum tshogs pa'i le'u ste brgyad pa'o//// de nas yang karma he ru kas// bcom ldan 'das khrag 'thung gi rgyal po badzra kI la ya la 'di skad ces gsol to// kye ma gsang ba'i dkyil 'khor bdag// ma bcos 'dod nas lhun gyis grub// sems can don mdzad brgyad pa'i gtso// dpa' bo las rnams gsungs lags na// rnal 'byor dang po'i sa bon yis// dmigs par bya ba'i dngos po la// nyams su blangs nas 'grub pa la// 'di la dus tshod mi 'tshal lam// de yi rim pa ji ltar lags// zhes gsol ba dang// bcom ldan 'das badzra kI la yas/ rdo rje yid kun tu bzang po la 'di skad ces bka' stsal to// bsnyen dang bsgrub dang zor thun bcas// de yi dus tshod ngas bstan gyi// karma he ru nyid kyis nyon// phyi nang gsang ba'i rim pa yi// dus kyi rim pa bsam mi khyab// lo dang zla ba gza' skar tshes// ga la bzang ba'i dus der 'jug/ yang na rab bzhi dag la// zhi ba rgyas pa bsgrub pa'i dus// 'bring po bzhi'am tshes grangs bzang// slob ma dbang rnams bskur ba'i dus// tha chung bzhi 'am mar dol// drag po'i las rnams bya ba'i dus// gzhan yang bsgrub pa'i rim pa ni// dbyar zla gsum la zhi ba ste// ston zla gsum la rgyas pa 'grub// dgun zla gsum ni dbang yin te// dpyid zla gsum la drag po 'grub// 'di ni phyi ma'i rim pa yin// grangs dang mtshan ma rtags gsum pa'o// las su gang rung 'grub pa'i dus// gzhan yang bsgrub pa'i dus tshod ni// phag sbrul ston spyid ra ba la// rta dang byi ba 'bring po ste// glang lug gnyis ni tha chung la'o// stag sprel dbyar dgun ra ba la// bya yos gnyis ni 'bring po la'o// khyi phag thang chu dag la 'grub// de ni le gshed zla ba'i rgyags// khyad par nyi ma'i gshed gnyis ni// dbyar ldung 'jug dang dgun ldung 'jug/ 'di ni khyad par gsad pa yi// rab bzhi la bcu bzhi shis// 'bring po bzhi la bco lnga ste// tha chung bzhi la bcu drug go/ gzhan yang brdeg pa'i dus tshod ni// dpyid zla gsum la brdeg pa ni// nyi shu gnyis dang bcu drug dang// bcu bzhi rnams la brdeg pa yin// shar dang shar lho la sogs blta// dbyar zla gsum la brdeg pa'i dus// brgyad dang bco lnga dus drug tu// nub byang byang shar la sogs par// kha bltas brdeg par bya ba yin// ston zla gsum la brdeg pa ni// nyi shu bco brgyad nya gsum la// byang shar byang dang nub dag tu// kha bltas brdeg par bya ba yin// dgun zla gsum la brdeg pa'i dus// bcu gsum bcu dang thams cad la// byang dang lho dang rang thad bltas// brdeg pa bya bar las la sbyar// de'ang nyi shu bdun nas mar// srog bsdud chen po'i las byed pas// nyi shu dgu 'am gnam stong la// brdeg pa'i dus la bab ba yin// gzhan yang srog bsdud bshad bya ba// lha srin 'khor dang bcas pa ni// gshin rje 'khor dang bcas pa dang// gnod sbyin 'khor dang bcas pa dang// lha chen brgyad po 'khor bcas dang// sgyu skar nyi shu rtsa brgyad dang// 'jig rten ma mo 'khor bcas dang// phung byed gdug pa thams cad dang// klu chen brgyad po thams cad dang// gza' chen brgyad po 'khor bcas dang// ma bdud mi rkun 'khor bcas dang// brtan ma bcu gnyis 'khor bcas dang// bdud mo nag mo mi bzad rnams// de rnams srog bdud yin pas na// dus der brdeg dang bsad dang mnan// las la phan 'dogs yod par bshad// dus min nor na ldog pa'i dus// dpyid zla gsum la bzlog pa'i dus// bcu bdun bcu dgu pa dang ni// nyer gcig nyi shu brgyad pa dag// gan ma stong dag la btab gyur na// sa bdag chen po rab brgyus pas// rnal 'byor dam pa nyid brlag 'gyur// dbyar zla gsum la ldog pa'i dus// bcu gcig drug dang nyi shu lnga// brdeg par mi bya bdag nyid brlag/ston zla gsum la ldog pa'i dus// nyi shu lnga dang gsum dang gnyis// ting ting ma rtse 'khor bcas nyul// dus der mi gdab ldog pa'i dus// dgun zla gsum la ldog pa'i dus// nyi shu bdun dang nyi shu dang// bco brgyad dag la ldog pa'i dus// drag po chen po gdong drug rgyu// 'di dus drag po'i las byas na// rnal 'byor tshe thung ya khas 'phogs// 'khor yang phung la yo byad 'bri// phyugs dang nor stong dbul por 'gyur// smyo 'bog 'on dig lkugs pa dang// zha grub dbang po ma tshang dang// nad dang lhog 'bras sna tshogs 'ong// lhung nad 'thibs dang gtum pa yi// rgyu gzer mdze nad 'byung 'gyur bas// rnal 'byor dam pas rab brtags la// thams cad nan tan kho nar bya// tshes grangs zla bar bstun pa ni// bsad pa'i las la shis pa ste// dpyid zla ra ba'i tshes bdun la// 'bring po bcu bdun dag la ste// tha chung nyi shu bdun la shis// dbyar zla ra ba'i brgyad la shis// 'bring po bco brgyad dag la shis// tha chung nyi shu brgyad la shis// ston zlar ba'i tshes dgu la// 'bring po bcu dgu dag la shis// tha chung nyi shu dgu la shis// dgun zla ra ba tshes bcu la// 'bring po nyi shu dag la shis// tha chung la ni gnam stong ngo// rnal 'byor dam pas rab brtags la// bzabs la las 'di bya ba yin// gzhan yang gza' yi dus tshod ni// mig dmar phur bu gza' lag gsum// dar ba'i dus su dus la bab// gza' skar gnyis kyi mthun sbyor ni// rim pa cung zad yang smos pa// nyi ma sogs pa chu smad 'khrod// mig dmar khrum dang nam grum 'phrod// gza' lhag mon gre smin drug 'phrod// phur pa nam so rgyal la 'jebs// pa wa sangs ni mon gru dang// bre la 'phrod de gong ma bzhin// spen pa la ni sa ga ste// 'di rnams gza' ste phyi yi dus// phan par bya ba'i las la shis// mi mthun bdud kyi nyi ma shis// mi mthun bdud kyi nyi ma ni// nyi ma lha mtshams bra nye gsum// zla ba rgyal dang chu smad gsum// mig dmar gre dang sgrog 'phrad bdud// gza' lhag tha skar nyid la 'jig/ phur pa mgo ru phrad na 'jig/ pa wa sangs ni nam gru dang// skag dang phrad na 'jig par 'gyur// spen pa nye bzhi skag la 'jig/ 'di ni nang gi rim pa ste// khyad par bsad pa'i las la shis// gzhan yang mi 'phrod rim pa ni// nyi ma khru?ms smad mi 'phrod do// zla bas gar mi 'phrod do// mig dmar lag tu mi 'phrod do// gza' lhag snron du mi 'phrod do// phur pa mon gre mi 'phrod do// pa wa sangs dang chu smad du// mi 'phrod de ltar bdun rnams ni// phan bya'i las la mi bsngags so// gzhan yang 'jig par bstan pa ni// nyi ma dang ni sa ga 'jig/ zla ba dang ni snar mar 'jig/mig dmar mon gre phrad na 'jig/ gza' lag mon grur 'jig par bshad/ phur pa la yang snar mar 'jig/ pa wa sangs las mon grus 'jig/ spen pa la ni bzhis me bzhis 'jig/mi 'phrod pa dang 'jig pa dang// bdud kyi nyi ma gsang bar shis// gzhan yang skar ma gsum 'char te// rab bzhi ni mchu la gcod// 'bring po bzhi ni bre la gcod// tha chung bzhi ni sbol gcod// zla gcig zhag ni sum cu la// tshes bzhi brgyad dang bcu gcig dang// bco lnga bco brgyad nyi shu gnyis/ nyi shu lnga dang nyi shu dgu/ tshes grangs dus tshod brgyad po la// 'jug dag 'byung ba shes pa gces// lo chen dag dang brtsi ba ni// sa yi khams ni dpyid zla gsum// shing ni dbyar zla me ni ston// dgun ni lcags khams bsad pa'i dus// gzhan yang blo tshe 'khyams pa'i dus// sha ba'i bla ni srod la rgyu// lug dang gnyen ni gung la ste// phag ni tho rang nyi tshe bya// nyin gung rta dang nyi shu nub// g.yag dang glang ni srod la rgyu// de dus bsad pa'i las la shis// bsgrub pa dang ni zla ba dang// dus tshod dag gis gsod par byed// skag ni gshed po glang lug gnyis// lo dgra bya dang sprel yin te// zla ba dbyar dgun tha chung gnyis// dus tshod nam phyed yol// gsod par 'gyur te snga ma bzhin// khyi 'brug bya yi gshed pos te// phag dang byi ba'i lo dgra nyid// zla gshed ston gyi tha chung ste// dus ni srod dang tho rangs so// gung la khyi 'brug shing khams pa// lo dgra stag dang yos bu nyid// zla gshed ston dpyid ra ba ste// dus ni phyed dang phyed dus so// 'u la glag lug sa khams pa// lo dgra rta sbrul rnam pa gnyis// zla ba dbyar dgun ra ba gnyis// dus tshod mtshan mo rangs pa ste// mi mthun rdzas kyis 'joms gyur na// sngags kyi sbyor ba smos ci dgos// nyi ma dros pa myos pa'i dus// nyin gung btsan la nam gung bdud// nyi ma nub ka srin po'i dus// 'di yang thun dang gdab pa'i dus// gzhan yang dus kyi rim pa ni// dang por ting 'dzin tshul gnas bya// bar du bde gshegs ku bskyed bstim// tha ma sras bskyed bzlas pa bya// bla yi shing bcad bla rdo bcag/ bla mtsho bskams dang me bsad dang// mkhar gyi sgo bcag nyi zla nub// srog chags bsad nas ko ba nyid// 'di byung bsgrub pa'i las la 'jug/ bya nag tshogs rnams mthong ba dang// gong dang mtshon cha bsham pa dang// dmag 'dren chu nag brug pa dang// rngon dang ri dgas shor ba dang// gnas su ltas na bya rnams 'khor// srog chags de dang 'tsheg pa nang// ltas na dag gi sgra grags na// sgrub pa chen po'i las dag brtsam// gzhan yang rtags kyi rim pa ni// rab kyis mngon du khugs par 'gyur// 'bring gis ling ga 'gul bar 'gyur// tha mas nyams sam rtags 'ong ste// 'bar dang 'phrog dang 'tshogs pa dang// 'od dang nyams pa rmi lam dang// 'od dang du ba la sogs pa// rim pa dus tshod bzung zhing sbyar// gzhan yang khyad par dag gis ltas// zhib can dag dang mon pa dang// dge bshes dag tu 'ong ba dang// sha ba gla ba la sogs dang// btsan po ba glang sbrul rnams dang// spre'u bya rgod 'brug thog glog/ mi rang khyi khrid 'od 'ong zhing// khra sbyang dag gis srog chags 'ded// 'di de dus la bab pa yin// bud med gcer bur byung ba dang// g.yag dang spyang khu dngos su 'ongs// mi rings mtshon cha khur dang nyo// zor la rlang dang sgra rnams 'byung// 'di de las kyi sbyor ka bya// gzhan yang tshub ma bu yug dang// kha char bud med cho ngas 'debs// skyes pa mang po na ba dang// byis pa gcer bus 'debs pa dang// nam mkha' sngon por mthong ba dang// glog dang 'od la mdog med dang// rang gi mdog nyams skad mdangs 'chag/ 'di byung dam tshig gso ba'i dus// rgya mtsho dag la gru brgal dang// rdzing mnan me tog shing rtsi lnga// khrag dang sgyu ma'i longs spyod dang// gdab chad dang grog po byung// nyi ma thang la lhung ba dang// nam mkha' ral dang rgya mtsho lud// snang srid mun nag me chen 'bar// 'di dus las kyi mtha' la gzud// gzhan yang las kyi rim pa yi// bsam mi khyab pas ston par gsungs/ sngags dang ting 'dzin deng ldang zhing// rtogs dang man ngang ldan gyur na// rnal 'byor dus la nges pa med// ces gsungs so// rdo rje me lce 'phreng ba'i rgyud chen po las// bsnyen bsgrub la sogs ba'i dus rim par phye ba'i le'u ste dgu pa'o//// de nas yang kar ma he ru kas/ bcom ldan 'das khrag 'thung chen po la 'di skad ces gsol to// kye ma bcom ldan rnam par dag/ don dam ngo bo ma bcos sku// e ma bcom ldan sngags kyi bdag/ gsang chen gsang ba'i bdag nyid can// 'di bsgrub pa yi gang zag la// bskyed dang spyan drang byin brlabs dang// bsgrub dang bsad dang thun dang zor// bsreg dang btab dang mnan dang bsrung// zhi rgyas la sogs 'phrin las la// gsang ba'i drag sngags mi 'tshal lam// bod rbad bsad pa la sogs pa// sngags rnams ji ltar shes par bgyi// zhes gsol pa dang/ khrag 'thung badzra kI la yas/ rdo rje yid kun tu bzang po la 'di skad cesabaka' stsal to// gang zag dang po sa pa yis// yang dag don rtogs 'dod pa dang// las kyi bya ba rdzogs bya'i phyir// phyi nang bsnyen bsgrub rim pa dang// zab mo'i sngags rnams ngas bstan gyis// nyon cig karma he ru ka/ dag po'i yi ge thams cad ni// ming med brjod pa rnams dang bral// tshig dang sgra yi spyod yul men// dmigs med gdod nas dag pa ste// sems can las dang smon lam dang// thugs rje'i byin brlabs stobs dag gis// de yi dbang gis 'di gsal 'byung// a A/ i I/ u U/ r-i r-I/ l-i l-I/ e ai/ o au/ aM aH ka kha ga g+ha nga/ tsa tsha dza dz+ha nya/ ta tha da d+ha na/ Ta Tha Da D+ha Na/ pa pha ba b+ha ma/ ya ral wa/ sha Sha sa hak+Sha/ de ni thog ma'i yi ge ste// sngags rnams 'byung ba'i sa bon yin// nga dang bdag tu gdags pa'i dbang// 'khor ba'i gzugs su btags pa las// de lus yi ge a la rten// a las yi ge sde dang bcas/thabs dang shes rab yi ge byung// de la yi ge'i tshogs zhes bya// yi ge'i tshogs la sde tshan dgu/ sgra yi yi ges yongs la brgyan// de ni ming gi tshogs zhes bya// A li la sogs sde tshan gyis// kA li sogs pa'i sde la brgyan// de ni tshig gi tshogags zhes bya// de la sngags kyi tshogs rnams 'byung// oM badzra kI li kI la sarba big+han baM hUM phaT/ tip+ta tsa tsakra ha na ha na hUM phaT/ oM badzra kro d+ha hUM ka ra hUM/ oM badzra krod+ha ma ha ba la hUM/oM badzra krod+ha ni la daN+Da hUM/ oM badzra krod+ha ya man+ta ka hUM/ oM badzra krod+ha Ar+ya a tsa la hU phaT/ oM badzra krod+ha ha ya gr-i hUM phaT/ oM badzra krod+ha a pa ra dzi ta hUM/ oM badzra krod+ha a mr-i ta kuN+Da li hUM/ oM badzra krod+ha trai lo kya bi dza ya hUM/oM badzra krod+ha ma hA ba la hUM/ oM badzra kro d+hi la k+Shi ya bya hUM/ oM badzra kro d+hi lA se ki hU~M/ oM badzra kro d+hi ta tri bya ta hUM// oM badzra kro d+hi ta na pa ti hUM// oM badzra kro d+hi mu ha la hUM/ oM badzra kro d+hi dza ya ti hUM/ oM badzra kro d+hi k+Sha ya bya ti hU/oM badzra krod+hi ta ba ya be hUM/ oMbadzra d+hi stir ma ni hUM/ oM badzra kro d+hi tsun d+he mu ne hUM/ oM badzra kI li kI la ya hUM phaT/ hUM hUM hUM/ aM aM aM/ oM oM oM/ oM e h+ya hi b+ha ga ban/ ma hA ka ru ni ka tri sha ho/sa ma ya ho/ sa ma ya stoM/ dza hUM baM ho/ tad+ya thA rak+Sha ru ru ro ru tsa pa la a shug me hUM/ tad+ya thA rak+Sha ru ru ro ru a ga shug me hUM/ tad+ya thA rak+Sha ru ru ro ru ba to sihUM/ tad+ya thA rak+Sha ru ru ro ru ba sto sta hUM/ dza ya du hUM/ man+ti hUM/ sha ri hUM/ ni la pu ti hUM/ su tri ba ra hUM/ yo gi sho ri hU~M/ bar tsi ta hUM/ ya ma tsit+ta hUM/ oM laM hUM laM staM ba nan/ mo hag ya/ b+ha ga ban shri kri bi kri/ badzra hUM ka ra hUM hUM hUM phaT phaT phaT/ badzra kI la kI la ya/ dza hUM baM ho/ sarba big+nan/ badzra kI li kI la ya hUM phaT/ badzra hUM kA ra hUM phaT/ badzra hUM ka ra hUM phaT/ badzra hUM kA ra hUM a/ hUM pa ra byi Ta tan hUM phaT/ tshin+d+ha tshin+d+ha hUM phaT/ b+hin+d+ha b+hin+d+ha hUM phaT/ gr-i Na gr-i Na hUM phaT/ ha na ha na hUM phaT/b+han+d+ha b+han+d+ha hUM phaT/ ta tha ya ta tha ya hUM phaT/ ha sa ya ha ta na hU~M/ shri krin a na ya hUM phaT// dz+wa la pa ya dz+wa la pa ya hUM phaT/ a be sha ya a be sha ya hUM phaT/ b+hin+d+ha ya b+hin+d+ha ya hUM phaT/ ha na ha na badzra/ da ha da ha badzra/pa tsa pa tsa/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka ta ka te ya/ dza ye bi dza ye/ a dzi Ti te a pa dzi ti ya/ ma ra s+ya na pra mar ta na ya hUM/ hUM hUM ma ma ba shiM ku ru/ma taM nya ka ra/ i na Na di ti/ ma ma karma shri traM ka re ya/ sarba a na ya hUM phaT/ tad+ya thA ya tang tha ya hUM phaT/ oM badzra yak+sha krod+ha kha hi kha hi ha ha hUM hUM phaT phaT/ oM oM badzra kI li kI la ya kha thaM kha thaM kha thaM hUM hUM hUM phaT phaT phaT/raM dz+wa la sa ran hUM phaT/ oM badzra su me truM hUM swa ma staM/ oM badzra kI li kI la ya hUM phaT/ ri shu ni ta ki tsa ti bi tsa ti hu ya hu ya hUM phaT/ sarba ta thA ga ta badzra ku lan bi sho ta ya b+hi ra hUM phaT/ oM badzra sa to rwa dza hUM/oM ts+tshin+d+ha ts+tshin+d+ha hUM/ oM phaT mi ri kun+d+ha li/ thams thums rbad/ khrag ti sma ra ya phaT/ rdul phran nyur thums rbad/ khyi khrid ra khrid rol khrag 'thung kang kang/ keng keng kang kang ya/ tang par la to sha la kyi spyang hi ti phaT/shag shag rgyob rgyob ya ya/ oM tri ni bag mar thun/ pa la hri yak+Sha ni gar lan par man/ phra ma ri hi li dza dza/ haM ma hA ka li haM phaT dza/ spar sha tri tri hUM yak+Sha ya phaT/ oM hi li rak+sha tri sha ku ru hUM/ tri sha ku ru hUM/ ba ri sad nya/ tristaM sha ba ri hUM/ karti pa ra ya traM/ ya ma hri d+hidun hUM ka ra la bi sha hUM/ badzra sa d+hu hUM/ oM tri tri pu ka hi/ badzra sa tir ya ma ra du na tha/ oM tha pa ri rba na hUM/ i paM b+h+yo/ te paM b+h+yo/ e paMb+h+yo/ he pa b+h+yo/ sin tsa na ra ra b+h+yo/ ma karma sha ri b+h+yo/ nr-i T+r-i N+r-i T+r-i baM shan ku ru ti pa sha hUM/ hri phi kam/ kha tr-i/ shaMtr-i/ khaM hra thang/ thi badzra badzra pu hUM/ ha ha ha ha/ kraM laM traM/ d+h+ri d+h+ri d+h+ri d+h+ri d+h+ri d+h+ri d+h+ri/ d+h+ri d+h+ri d+h+ri d+h+ri d+h+ri d+h+ri d+h+ri/ d+h+ri d+h+ri d+h+ri d+h+ri d+h+ri d+h+ri d+h+ri/b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ oM badzra sa ma yo gi ni pra ti dza hUM hUM/ oM ro ru pa ti sta sa ma ya hUM b+h+yo hUM/ e a ra li ki la baM ho/ kha kha dur ti ma tung nga/ ru lu ru lu hUM hUM b+h+yo b+h+yo/ku ma da r-i/ shu la ri/ tsa mun d+hi da ri/ kang rka da ri/ kha raM yo gi ni khA hi sa ma ya a mr-i tA argaM pra tri dza khA hi/ oM badzra kI li kI la ya badzra karma gro d+ha hUM hUM phaT phaT swAhA/ oM badzra kI li kI la ya che ge mo la ba shaM ku ru swAhA/puSh+tiM ku ru/ shan+ti ng+ku ru/ sum+b+ha ni ku ru mi swA hA// gardza gardza hUM phaT/ ha na ha na hUM phaT// da ha da ha hUM phaT/ pa tsa pa tsa hUM phaT/ b+han+d+ha b+han+d+ha hUM phaT/ hUM lu hUM lu hUM phaT/ tiSh+ta tiSh+ta hUM phaT/ tshin+d+ha tshi n+d+ha hUM phaT/b+hin+d+ha b+hin+d+haphaT/ phoT phoTahUM phaT/ gzhan yang bsgrub pa so so yi// sngags kyi rim pa brjod mi lang// gnas skabs dang dag las shes par bya'o// de 'dra'i gdams pa yod pa'i mis// gdug pa'i sngags ni rab tu 'jug/ces gsungs so// rdo rje me lce 'phreng ba'i rgyud chen po las/ snying po sngags kyi le'u ste bcu pa'o//// de nas yang badzra kI la yas/ bcom ldan 'das gsang ba mchog gi bdag po la 'di skad ces gsol to// 'di bsgrub pa yi gang zag la// rang rang rtags kyi phyag rgya yis// las rnams yongs su rdzogs pa dang// de yi yon tan ji ltar lags// 'di skad gsol ba gsan nas kyang// khrag 'thung chen pos bka' stsal pa// rnal 'byor las la bsgrub la// phyag rgya sbyor ba shin tu gces// ngas bshad gus pas yid kyis nyon// gzugs brnyan las kyi dkyil 'khor du// bsnyen pa yongs su rdzogs pa dang// ting 'dzin brtan pa'i blo can gyis// khros pa'i sems su rab gnas te// g.yas pa rdo rje rtse lnga 'phyar// g.yon pa rdo rje phur pa 'debs pa'i tshul// zhabs gnyis bgrad de gsang sngags bzlas// khrag 'thung rgyal po'i phyag rgya yis// sngags dang phyag rgya 'di yis ni// dus gsum sangs rgyas la sogs kun// brgyal bar 'dod na brgyad bar byed// 'chi bar 'dod na 'chi bar byed// khams gsum pa rnams smos ci dgos// yum gyi mtshan ma de bzung nas// g.yas nas dril bu bsnams te 'khyud// g.yon na dung khrag stobs pa'i tshul// sngags dang phyag rgya 'di yis ni// sangs rgyas mnyes nas dbang du sdud// khams gsum pa rnams smos ci dgos// rkang gnyis mthil sprad thur du btsug/ g.yas pa sta re sdebs pa'i tshul// g.yon pa phur pa 'debs pa'i tshul// bcu thabs zur gyis mnan cing blta// 'di ni sras mchog chen po'i rgya// sngags dang phyag rgya 'di yis ni// rdo rje 'dzin pa'ang 'ching 'gyur na// khams gsum skye bo smos ci dgos// lag gnyis thal sbyar gyen du bsgreng// rkang pa mthil sbyar thur du btsugs// 'gying zhing rol pas gar byed pa// hUM kar yi phyag rgya yin// sngags dang phyag rgya 'di yis ni// dus gsum sangs rgyas 'gugs 'gyur na// rgyal po'am bu mo la sogs kun// khri'am brgya rtsa brgyad bzlas na// 'gugs par 'gyur te tha tshom med// g.yon pa khro mdzub snying khar sbyar// g.yas pa lcags kyu ltar byas nas// spyan bzlog g.yas brkyang g.yon bskum la// rnam par rgyal ba'i phyag rgya yin// sngags dang phyag rgya 'di btab na// rlung chen chu chen 'brug la sogs// gang yang bzlog par gdon mi za// g.yon pa khro mdzub snying khar bsgreng// g.yas pa be chon brdeg pa'i tshul// g.yon brkyang tshul gyis gnas pa ni// dbyug pa sngon po'i phyag rgya yin// sngags dang phyag rgya 'di yis ni// rdo rje'i brag kyang 'joms par nus// bsad pa'i las la lhag par 'jebs// lag gnyis khu tshur bcangs pa las// gung mo gnyis ni rtse mo sprad// rdo rje rtse gcig tshul du byas// mdzub mo rgyab kyi phyogs su dkri// mthe bong gzhibs te mdun du gzhag/ kha yi tshul du byas pa dang// gshin rje zhabs gnyis langs nas bkug/gshin rje gshed po'i phyag rgya yin// sngags dang phyag rgya 'di yis ni// dgug par rang dbang med par 'ong// gsod pa'i las la lhag par 'jebs// dbye dang 'thab la the tshom med// bskrad pas 'jig rten gzhan du 'gro/ lag pa gnyis kyi mthe bong gis// srin lag mthe chung sen mo bsnan// gung mo mdzub mo gzhibs te brkyang// ral gri shugs nas 'byin pa'i tshul// g.yas pa brkyang pa g.yon pa bskum// mi g.yo mgon po'i phyag rgya yin// sngags dang phyag rgya 'di yis ni// lha klu gnod sbyin ma mo rnams// gang bsgom las rnams bran bzhin byed// log 'dren tshogs rnams skrod 'dod na// srin lag rtse la ri lu dag/ bstan pa tsam gyis 'phros par 'gyur// lag gnyis rdo rje khu tshur bcings// mthe'u chung lu gu rgyud du sprel// mdzub mo gzhibs te bsgreng ba la// lan gsum g.yas nas mgo la bskor// dpral ba'i steng du gzhag par bya// g.yas pa'i rkang pa sgyid khung bskum// g.yon pa rkang mthil btsug pa ni// rdo rje rta yi phyag rgya yin// sngags dang phyag rgya 'di yis ni// dug gis zin pa 'joms par byed// ser ba la sogs bzlog pa dang// 'jigs pa kun las thar par byed// lag gnyis khu tshur bcangs pa las// rgyab sprad mthe'u chung lu gu rgyud// mdzub mo rtse sprad zhags pa'i tshul// rkang pa g.yas pa'i sor mo gzugs// g.yon pa drang por byas pa ni// gzhan gyis mi thub phyag rgya yin// sngags dang phyag rgya 'di yis ni// bde gshegs sras dang bcas pa rnams// las la bskul zhing gdan la 'bebs// gdon rnams thams cad gzir bar byed// ma rungs pa rnams gnon par nus// lag pa gnyis kyi the bong gis// mthe chung gnyis kyi sen mo mnan// lhag ma gsum ni sgreng nas ni// so sor dpung mgor bsgreng ba ni// rka pa drang por mgo gang bar// pus mo bag tsam bskum pa na// bdud rtsi 'khyil ba'i phyag rgya yin// sngags dang phyag rgya 'di yis ni// sangs rgyas byang chub sems dpa' rnams// sems can don dngas las bskul// gdug tshogs bskyed dang bgegs chen 'byer// lag gnyis khu tshur bcangs pa las// mdzub gnyis bsgreng ste mkhrig ma bsnol// rkang pa g.yas g.yon bgrad byas pa// khams gsum rnam rgyal phyag rgya yin// sngags dang phyag rgya 'di yis ni// dus gsum sangs rgyas gdan las 'gre/ gdug pa log pa smos ci dgos// g.yon pa khu tshur snying khar gzhag/ g.yas pa sta gri phyar nas brdeg/g.yas brkyang g.yon pa cung zad bskum// stobs po che yi phyag rgya yin// sngags dang phyag rgya 'di yis ni// than pa byung na char 'bebs shing// char ches na yang gcod par byed// rgyal ba'i las la yud kyis chog/las rnams skad cig gcig gis 'grub// khro mo'i mtshan ma bzung nas ni// g.yas 'khyud g.yon du gtso la stob// khro mo rnams kyi phyag rgya yin// sngags dang phyag rgya bcings byas la// las rnams thams cad thogs med 'gyur// gzhan yang las rnams so so yi// phyag rgya'i rim pa bshad bya ba// lag gnyis khu tshur bcings nas ni// rgyab spras mthe chung gnyis la 'khyud// mdzub gnyis rgyab sprad bsgreng byas la// lag pa lcags kyu ltar byas la// 'gugs shing 'dren pa'i phyag rgya yin// lag pa gnyis ni thal mo sbyar// gung mo rtse sprad mthe chung brkyang// mdzub srin gnyis ni rgyab tu bsnol// mthe bong gzhibs la drag tu dril// 'di ni phur ba pa dril ba'i rgya// mtheb mdzub bar du phur pa bzung// gyen du gsor la las bskul// 'di ni phur pa gsor ba'i rgya// sor mo rnams ni sbrel la bsdam// tshigs ni zur tsam nang du dgug/ mthe bong gnyis kyang gzhibs byas la// mdun rgyab byas pa'i phyag rgya yin// sor mornams ni rgyab tu bsnol// kun kyang brkyang ste kha spub la// gzugs la dbab pa'i phyag rgya yin// g.yon pa mdzub bsgreng khu tshur bcangs// sku ru bzhag la rkang pas bgra da/ lag g.yas pa zhags pa 'phen// g.yon pa phur pa 'debs pa la// g.yas kyi rdo rje tho bas ba sdigs// 'di ni phur pa gdab pa'i rgya// lag g.yon khu tshur bcangs pa las// mdzub mos lcags kyu snying kar bzung/ g.yas pa'-i ral gris dum bur gtub// gzugs phung bshig pa'-i phyag rgya yis// sor mo rnams ni bsnol te bsdam// gung mo bzhi ba la phur pa bzung// tshe lung chen po'i phyag rgya yin// g.yon pa khu tshur bcangs pa la// g.yas pa de bzhin steng du bzhag/ spyi yi steng du bzhag pa ni// stan du bsrung ba'i phyag rgya yin// rkang pa g.yon pas snying khar mnan// g.yas pa bgrad pa'i sdang mig lta// lag gnyis mche ba'i tshul du bya// kI la ya yi sngags rjes la// mA ra ya dang bra be sha// phaT ces khong dral bcud ston pa// bcings pa'i lcags sgrog dgrol ba'i rgya// gong ma'i phyag rgya de nyid la// gyen du gsor ba'i tshul byed pa// 'di ni zhal du btab rgyal ba'i// lag g.yon ban+d+ha thogs pa'i tshul// g.yas kyi mtheb mdzub gnyis po yis// bsdus kyin ri lur 'bul byed pa// 'di ni sbyin sreg las kyi rgya/ lag gnyis snyim pa 'dzed pa las/ bcus nas 'thor ba'i tshul byed pa/ 'di ni zor du 'phang ba'i rgya/ g.yas g.yon thal mo sbyar ba las// mthe bong gnyis ni gyen du bsgreng/ mthe'u chung thur du brkyang byas te// gung mo thad kar srin lag dag/ rdo rje'i rgya gram tshul du byas// 'di ni mnan pa las kyi rgya// lag pa g.yon pa brkyang pa la// g.yas pa steng du pad+ma'i tshul// 'di ni gtor ma bsngo ba'i rgya// de las sogs pa'i las rnams dang// ma mo las mkhan la sogs pa// bsam gyis mi khyab phyag rgya rnams// gzhan las grags pa bzhin du byas// zhes gsungs so// rdo rje me lce 'phreng ba'i rgyud chen po las/ phyag rgya rnam par spros pa'i le'u ste bcu gcig pa'o//// de nas yang karma he ru kas// bcom ldan 'das gsang ba mchog gi bdag po la 'di skad ces gsol to// kye ma dpa' bo mthu brnyes pa'i// mkha' 'dra sngags kyi ngo bo nyid// las kun yongs su rdzogs pa'i bdag/ 'di ni nyams su len pa'i mis// bsgrub pa'i rim pa ji ltar bgyi// de ni rnam grangs du zhig mchis// kI la ya yis bshad du gsol// ces gsol pas/ bcom ldan 'das gsang ba mchog gi bdag pos thams cad rdzogs longs spyod pa'i bdag nyid de// ut+pal cir yang 'gyur ba'i ljags brkyang ste// the tshom yongs su bcom pa'i rgyal po la 'di skad ces bka' stsal to// rjes su 'jug pa'i gang zag dang// bsnyen pa las su rung ba'i mis// bsgrub pa'i thabs rnams rtogs pa gces// bsgrub pa sbyi dang bye brag gnyis// gang yin ngo yis zin par byas// rtsa ba bsgrub dang yan lag bsgrub// khyad par nyid lag la sogs rnams// bye brag yongs su shes par bya// dang po phyi nang gsang ba gsum// de yang rim pa 'di shes bya// bsgrub pa'i yan lag sum cu drug/ nges don thabs kyis 'khrul pa drang// lha dbral gnas nas dgug pa dang/ dbab cing byad dang smyo ru gzhug/nges par bsgral dang zhal du btab// drag po'i 'phrin las nub bdun btud// re re la'ang sngags dang mchod// pho nya rdzas dang ting nge 'dzin// dmod mo gzhag pa drug tu 'gyur// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// khyed kyi dam tshig dus la bab// sho na mu ka'i dus la bab// bdag nyid chen po'i dus la bab// sa bdag chen mo'i dus la bab// mthu rtsal dbyung ba'i dus la bab// dngos grub bar chad byed pa'i bgegs// gdug cing sdang sems ldan pa rnams// rtogs shing grogs dang bral bar gyis// phob cig rnam par gzir bar gyis// zung zhig chings shig rnam par sdom// rings par khug la smrar chu gcig/ lus ngag rdul du bshig nas kyang// sdug bsngal nyams su myong bar mdzod// nga yi dbang du gyur nas ni// bsgo ba'i bka' rnams nyan par gyis// de dag rim pa ji lta bar// smyol thang phrom 'da' du ra// dbab pa yungs kar 'dre gsod yin// byad du gzhug pa tshon sna lnga// dbral brgya tshil gu gul shis// brdung ba phur pa tho ba ste// stob pa ho ma gzar yis bya// de dag ting 'dzin smod mo yang// skabs kyi rim pa shes par gyis// 'di ni zhi dang rgyas pa dang// dbang dang mngon spyod la sogs pa// las thams cad la shes pa ste// dam pa'i ngang dang ldan pa yis// skabs kyi rim pa 'dir shes bya// gzhan yang rim pa'i 'khor lo ni// thabs kyi rim pa bzhi ru gsungs// dang la 'khor lo phyi ma ni// bzhi bcu rtsa brgyad 'khor lo la// yi ge gnyis dang ldan par bya// de 'og dgug pa'i 'khor lo ni// nyi shu rak+ta ni ma pa'o// 'khor lo sngags kyi rgyu ru gsungs// yi ge bcu gcig rnam par ldan// 'od zer spros pas de bkug bstim// de ni dgug pa'i 'khor lo'o// bkug nas bsad pa'i rim pa ni// rtsibs brgyad pa yi 'khor lo la// ske tshe thar ni bong nga gnag/ spyang tsher ldong ros re lcag pa// spyang dug kyi lce me reg khrag/ de ni gnyis ka rgyu ru gsungs// yi ge bcu bdun g.yon nas bskor// rnam snang thugs gnyis yang gsum brkyang// lhag ma zung du gnas pa'o// de las 'od 'phros dmigs pa bsgral// gnyis sdom drag po'i 'khor lo ni// bsad pa'i 'khor lo rtsibs mchan la// hUM phaT mi ldan brgyad du gsungs// de rgyu gong ma dag dang 'thun// gzhan yang ma thub spogs pa'i thabs// 'khor lo'i rim pa yang gsungs pa// dgug pa'i 'khor lo gdab brgyad la// yi ge nang du mgo bstan te// rgyu yang de bzhin gong ma ste// ma grub spogs pa'i 'khor lo yin// dang po bsnyen bsgrub las rung nas// drag po'i las la sbyor 'dod pas/ dur khrod dag gam shing drug dang// klu yi gnas sam 'byung po'i srang// mar gyi brgyad nas gnam stong du// dang po sgo bzhi bden pa bdar// de nas las mkhan gtor ma gtang// bsgo ba'i las gnyer gtad pa dang// bdag nyid lus kyang gcer bur bya/skra yang spyi bor bcing bya ste// lus la thal ba chen po byug/ rang gi gdong yang rgya sol dang// rang byung me tog dag gis mdzes// kha yang lho phyogs dag tu blta// gnyis sdom 'khor lo bri bar bya// de dus lha yi nga rgyal dang// gsang ba'i snying por ldan par bya// bris nas yi ge dgug bstim dang// mchod pa dbul ba rdzogs par bya// bstod dang 'phrin las drag por ro// grub pa'i nyi ma tha ma la// bcu gnyis rdzas dang gzugs byas te// bsgral ba'i zhing btsu zhe gcad cing// dgug cing btab ba drag po bya// drag po'i lto bar de bcug la// 'jigs byed 'bar ba'i zhal du brdzang// gdon mi za ba'i las la 'jug/grub pa'i rtags dag byung ba dang// gsal ba gsum gyi las la 'jug/ de yi rim pa de shes bya// yan lag so sor bsgrub 'dod na// rim pa'i 'di ltar shes par bya// phun sum tshogs pa'i slob dpon gyis// gzhung las 'byung ba'i gnas dag tu// dgos pa'i yo byad rab bsogs la// rang rang las la 'jug pa ni// rnam par rgyal ba'i dkyil 'khor ni// mthing nag gru gsum rgyan dang chas// 'khor lo'i rgyan dang nyi zla'i gdan// drag po'i gdan rnams ji lta bar// bskyed nas rdzogs pa'i mthar thug bya// byin gyis brlob cing dbang yang bskur// ji ltar gsal ba'i rim shes nas// khri phrag gsum mam ci rigs par// rtags gsum drod tshad thob pa'i mis// las gnyis brtsams pa'i dus la bab// rtsibs brgyad 'bar ba'i lte ba la// rlung gi snying po de nyid bskyed// ye shes dgug bstim mchod pa dbul// ba ya be yi snying po bzlas// so ma btab pa'i ga'u ru// sngon dmar zhags pas rgya gram bcings// steng du nyi zla'i dkyil 'khor bcas// de steng hUM las rdo rjer gyur// de dbus me dpung 'bar ba'i dbus// mgon po phyag na rdo rje nyid// gsal bas rlung lha rab gzir bas// rlung gi sbyor ba rgyun chad 'gyur// drag po'i rgyun las bya ba'i shing// skur bskyed byin brlabs dbang bskur nas// bzlas pa nyi khri bdun 'bum lam// bye ba sa yar bskyal nas ni// 'od zer 'phro 'du sbyor ba yi// rtags dang mtshan ma byung ba dang// sobargyad brjen pa'i ling ga bya// g.yas pa'i zhabs kyis mnan byas la// phur pa'i sbyor ba byas pa yis// lha la sogs pa smos ci dgos// chu la btab na gyen la bzlog/ shwa la btab na 'gyur bar nges// rlung la btab nas rgyun chad 'gyur// gshin rje gshed po'i dkyil 'khor ni// mthing nag 'bar ba'i dkyil 'khor ro// zur la be chon dag gis mtshan// dmigs par bya ba'i gzugs dag ni// g.yo ba dag la gzugs byas la// gdug pa'i rdzas kyis de la byug/ mtshan chen dag gis rab spras la// gzugs ni sor bzhi'i tshad du bya// ma rungs rdzas kyis de la byug/ dmigs pa'i gnas su gan rkyal gzhag/ de yi snying khar bdag po'i sku// cho ga gsum gyi sbyor bas bskyed// byin gyis brlab cing dbang bskur la// ye shes dkyil 'khor dgug gzhug dang// mchod dang bstod pa la sogs bya// bzlas pa'i sbyor ba rab 'bad de// skabs su thun gyi sbyor ba bya// de ltar las su rung ba dang// bsad pa'i sbyor ba rdzogs par bya// thang cig yud la de brlag 'gyur// gal te dbye bar 'dod pa na// dur khrod dag gi ras ma la// gong gi rdzas kyis 'thab par bya// tshil chen dag gi dud pas ni// pad+ma ban+d+ha'i snod du bsag/gu gul chu dang rab sbyar ram// pad+ma'i rak+ta dag dang sdar// rnga mo bong bu dag gis gzugs// dur khrod rkang gi smyug gis bris// shin tu 'thab cing mi mdza' gzugs// byas la gsang sngags 'bum du bzlas// rtsig pa'i rmang ngam them pa'i 'og/ sbas te gsang sngags brgyar bzlas na// gang 'dod las ni gdon mi za// gal te gnad nas bskrad 'dod na// sa la ma lhung shing lo la// gab pa'i 'khor lo rdzogs par bri// rlung gi steng du rnga mo gzhag/ dmigs pa'i dngos po de bskyon la// bzlas thim gong gi sar sbas na// gang 'dod gnas de nges par 'pho// gal te dgug pa'i las byed na// las la sbyor ba snga ma bzhin// byas te rlung gi lcags kyus dgug/ thang cig yud la the tshom med// rta mgrin rgyal po'i dkyil 'khor ni// gru gsum dmar nag dkyil 'khor du// zla gam gsum gyis mtha' bskor te// ri rab bum pa gsum bkod la// phyi rim pad+mas mdzes par bya// dbus su chu bdag bsam par bya// steng du sngags kyi bdag po bskyed// cho ga yongs su rdzogs pa dang// mdun du las kyi sems dpa' bskyed// bzlas pa khri phrag bdun du bya// de nas las la sbyor 'dod na// mi rtag pa las gzugs byas te// me reg khrag gis sbyangs pa'i gzugs// sor brgyad tshad la 'dod par bya// ltos 'gro dag gi khar bcug la// yongs su smin pa'i las dag bya// de nas las rnams rdzogs pa dang// sangs rgyas nyid kyang gdan la 'dre// dug gi sbyor ba bzlog pa na// rin chen rgyu las byung ba yi// bum pa bdud rtsis dgang byas la// nang du gdan dang yig 'bru bsam// gzhung dang bkol ba'i ting 'dzin bya// 'dab brgyad steng du dmigs la gzhag/ dang por pho brang so sor gtug/ 'od zhu tshangs pa'i bu ga nas// bdud rtsi chu yis rab bkrus nas// bsdus shing bsreg ste mi gnas par// yang nas yang du smon par bya// tha ma de 'og dag nas 'thon// shin tu dag cing dri bral bar// bsams te las rnams de la bya// gdon mi za bar bzlog par 'gyur// gal te ser ba bzlog pa na// gdong la thal ba'i mtshan ma gdab// g.yo ba'i tsas dang rab bsregs la// spyan bzlog gsang sngags drag par bzlas// sdigs mdzub bcas la rdzas kyis brab// de yis 'grub par the tshom med// gal te bsrung bar 'dod pa'i mis// pad+ma'i snod du bdud rtsi blugs// sman lnga dang dang rab sbyar bas// bskyed nas rdzogs pa'o mthar thug bya// bzlas pa 'bum phrag brgyad du bya// sman rnams gang gi spyi gtsug tu// btags nas 'jigs pa brgyad las thar// bdud rtsi 'khyil pa'i dkyil 'khor ni// gru gsum ljang nag 'bar ba la// tha ma gdug pa'i mtshon chas bskor// de nas rlung gi dkyil 'khor steng// nyi zla dag gi gdan stengs su// cho ga gsum gyi sbyor ba yis// yongs su rdzogs par lhar bkod de// dgug gzhig mchod dang bstod pa dang// gsang bdag gi phur pa la// rdzas kyi sku ru rab ltas te// byin gyis brlab pa rdzogs pa dang// bzlas pa khri phrag bcu ru bya// dmigs par bya ba'i ling kha ni// yab yum byang chub sems dag gis// stag gi pags pa dag la bri// gnas kyang gong ma nyid bzhin te// las rnams gong bzhin rdzogs byas nas// brlag par de la the tshom med// gal te gnas nas bskyal 'dod na// dur khrod zhing gi ras ma la// gsang ba'i 'khor lo rdzogs par bya// sha ba dag gi rgyab tu bskyod// bskrad pa dag gi gsang sngags ni// khri phrag lnga'am bcu bzlas te// rlung gi dkyil 'khor bskyod pa yis// kun gyis las rnams yongs byas na// gshin rje'i gnas su bskyal la btang// dur khrod dag gi dbus su gnas// gnas las 'pho bar the tshom med// gal te gdon dag ma rungs pa// bskrad dang bsrung bar 'dod pa'i mis// 'dre 'bros thang chu sbyar ba la// gsang ba'i man tra yongs rdzogs bya// khro ba'i sems su rab gnas te// dur khrod me la bsregs pa yi// dud pas gdon dang 'byung po// mu stegs lha dang ma rungs pa// gdug pa brgyal bar the tshom med// 'di dgug pa yi mchog yin no// dbyug pa sngon po'i dkyil 'khor ni// gru gsum mthing nag 'bar ba la// thod pa gsum dang dbyug pas brgyan// dbus su dur khrod dag gi tshogs// steng du sngags kyi bdag po bskyed// zhal bgrad mche ba gtsigs pa dang// rkang brdabs ljags 'dril spyug pa len// hUM gi sgra chen 'jigs par sgrogs// de yi mdun du bsam bya ba// gang du dmigs pa'i dngos po de// ra sog dag la gzugs byas la// yongs su smin par byas nas ni// gan rkyal dag tu bzhag pa ni/ lcags thag dag gis skye nas gdags// rkang pa brgyad pa'i sbyor ba yis// gang yin gnas nas dgug par bya// las kyi rim pa yongs rdzogs na// 'grub 'gyur 'di la the tshom med// mi g.yo mgon po'i dkyil 'khor ni// gru gsum smug nag 'bar ba la// rtse mo me dpung 'bar bar bya// logs la pad+ma 'dab mas brgyan// dbus su me yi gdan dag la// nyi zla'i steng du sa bon las// sngags kyi bdag po rdzogs par bskyed// mi thung byis pa'i gzugs 'dra la// shin tu 'jigs pa rngam gzugs can// bskyed nas rdzogs pa'i mthar thug bya// mdun du las kyi sems dpar bskyed// bzlas pa khri phrag drug tu bya// mtshan ma mthong nas las la sbyar// re ba dag la gzugs brnyan bya// ming dang rus ni gnas su gzhug/ yongs su smin pa'i las byas te// las kyi 'khor lo rdzogs par bya// zla ba gza' yis zin dus su// mtshon gyis bsad pa'i sha khrag dang// 'dre 'bros thang chu rab bsres la// dur khrod ras ma dag tu gtum// gsang sngags khri phrag gsum bzlas na// thams cad bred cing brgyal bar 'gyur// gzhan gyis mi thub dkyil 'khor ni// rdo rje rgya gram lte ba la// ser nag rgya gram lte ba la// dbus su sngags kyi bdag po bskyed// dur khrod rkang ngam mtshan ldan la// phur pa sor brgyad tshad du bya// rgyus chen dag gis ra rab sbrel// gnas su gsal ba'i yi ge dgod// nyi khri bdun 'bum bzlas pa bya// mtshan bdun bzlas nas las la sbyar// dur khord g.yas pa sdong po la// gzugs dang ming rus bcas par bya// lcags thag btags te rab gtod la// gong bzhin yongs su smin par bya// dkyil 'khor rnams gsum 'khor dang bcas// shin tu drag par sngags pa yis// rang dbang med par 'gugs par byed// de nas de bzhin rdzogs par bya// gal te gnod dang ma rungs pa// yongs su gnod pa'i las byed pa// gong ma nyid kyi nang logs su/me reg thang chus gzugs bris te// gong ma'i sbyor ba'i rdzogs byas nas// rgya gram lam du de mnan na// thams cad kun las rgyal bar 'gyur// 'di ni las kyi mchog ces bya// khams gsum rnam rgyal dkyil 'khor ni// gru gsum rab tu mi bzad pa// sor bzhin zabs su brko byas te// rab tu 'bar ba'i me ris bskor// nang du sngags kyi bdag po bskyed// yongs su rdzogs par gyur pa dang// mtshan dang ldan pa'i mchog phur la// bzlas pa khri phrag bdun du bya// de nas mtshan ma mthong ba dang// bcu gnyis rdzas la ling ga bya// ming rus gang yin gnas su bzhag/ yongs su smin par gyur pa dang// shin tu tshad dang ldan pa la// brdab dang gtub dang rdungs dang stab// kun la yongs su rdzogs par bya// 'di ni las rnams 'grub pa yin// hUM chen ka ra'i dkyil 'khor ni// zla kham dmar po'i dkyil 'khor du// cho ga gsum gyi sbyor ba yis// sngags kyi bdag po bskyed par bya// sku gsung thugs kyi rdo rje las// bzlas pa'i yi ge brjod par gsal// bum pa dmar po'i mdon can la// a shog nad 'am 'bras bu can// kha rgyan dmar po'i gzungs thag gdags// thams cad bcud dang ldan pa la// bzlas pa 'bum dang nyi khri bya// mtshan ma bzang po mthong ba dang// drag po'i las sbyar bar bya// lus la tsan dan dmar po byug/srod dang tho rangs bzlas par byas// nyungs kar rdzas kyis rab sbyangs la// las rnams yongs su rdzogs par bya// gsad nas dgug dang dbang du sdud// thams cad thams cad 'grub par 'gyur// stobs po che yi dkyil 'khor ni// rdo rje rgya gram lte ba la// gru gsum me 'od 'bar ba bri// phyi rim pad+ma 'dab brgyad dang// rdo rje ra ba'i bar du bri// nang du sngags kyi bdag po nyid// cho ga gsum gyi sbyor ba yis// bskyed nas rdzogs pa'i mthar thug bya// mdun du las kyi sems dpa' ni// seng ldeng phur pa dag las bskyed// sngo dmar dag gis sbrel te bzlas/ gsang sngags khri phrag bdun du'o// skabs su bsdigs shing thun yang brdeg/ mtshan ma mthong nas las la sbyar// spra tshil dag la gzugs byas la// ming rus dur khrod mtshal gyis bri// rang gi gnas su de bcug la// dus bzhir dgug cing bstim byas la// mtshan ma bzang po byung ba dang// las kyi 'khor lo rdzogs par bya// de yis 'grub par the tshom med// bsad pa'i rim pa yang gsungs pa// gang zhig gdug pa ma rungs pa// sangs rgyas bstan la gnod pa la// bsgrub pa'i las kyis mi 'dul na// 'brub khung las kyi dkyil 'khor du// dam can gnad la bor byas te// rtsa ba rab log thun gyis bsad// dkyil 'khor gru gsum sum brtsegs la// phying nang rgyal la dag gis byug/ nang du lha phur bskyed byas te// kha khyer las la sras mchog dgod// phyi rim bar dag 'og ma la// thun gyi rdzas dang bshos bu dgod// dbus su ling ga gzhag par bya// mchod dang las kyi gzhung nyid la// lugs su 'dzab la thug pa dang// sngags drug go rim tshul bzhin drangs// rtags dang mtshan ma zin pa dang// dam can sngags gsum sbrel bzlas// gal te las la ma chud na// mgo gnon bcun sngags btags la bzlas// rtags dang mtshan ma byung ba dang// drag po'i las la sbyar bar bya'o// sngags stod stong stong bzlas nas kyang// sngags smad brgya brgya bzlas par bya// de nas zor sngags lnga brgya bzlas// brgya stong lnga brgya rdzogs pa dang// nyi shu rtsa gcig thun rnams blug/ drag po'i 'phrin las nub bdun btud// gdab cing gtubs te zhal du bstab// tha ma mnan sregs 'phang dang gsum// las kyi 'khor lo rdzogs par bya// shin tu gsang ba'i las rnams ni// las kyi sbyor ba lto 'brel te// sngan ma'i sbyor ba ji lta bar// dkyil 'khor phyi rim gru bzhi la// srog chags gzugs dang rdzas rnams ni// kun gzhi nyi shu rtsa gcig ste// bskang ba lug gi gzugs dag kyang// de bzhin mchod par bya ba'i rdzas// bshos bu nyi shu rtsa gcig la// mda' bkra nyi shu rtsa gcig gzugs// gzhan yang bse phor nang du dmar du// mtheb kyu nyi shu rtsa gcig la// rak+ta'i thig le re re bya// rnyan dang gla ba sprel dang khwa// gzhan yang srog chags thams cad kyi// snying dang sha dang khrag rnams bsog/ kha khyer phur pa rtsa gcig la// re re'i snying po khrag gis bri// stobs ldan hri yis zil mnan la// bsgrub pa phyi nang gsang ba gsum// gang yin las la 'jug par bya// lo gcig zla ba bcu gnyis kyi// tha chung bzhi yi mar ngo la// las kyi bya ba rdzogs par bya// khyad par dpyid zla tha chung ngam// yang na rang re'i zla ba la// 'jug dang bsad pa'i las rnams bya// las ngan dmigs pa'i dngos po de// tshe rabs snga ma'i las 'phro 'am// 'jig rten 'di ni lha gnyan 'go/ dge tshogs phra mo'i nus mthu yis// yong zhing mtha' la ma chud na// bsgrub pa gsang ba'i las 'di ni// shin tu spags la bya bar gsungs// nyin mo pho rnams gtem bya zhing// mtshan mo'i cha la mo rnams gtem// rtags dang mtshan ma brtags byas la// zor kyang de bzhin mnan te bsad// gdab pa la sogs las kyi mtha'// kun kyang snga ma'i sbyor ba bzhin// 'di ni shin tu gsang ba'i las// nyi shu rtsa gcig grangs nges pa'am// rang rang mthun pa'i gzugs su bya// dbang po brgya byin shi bar gsungs// gsang ba'i rim pa yang gsungs pa// thems las bzlog pa'i dkyil 'khor ni// mthing nag gru gsum 'bar ba la// las dang bya ba mtshan nyid dang// kha dog rdzas dang rgyan la sogs// yongs su bya ba rdzogs byas te// bcu gnyis rdzas la gzugs byas na// lan gnyis byas te snga ma bzhin// rdzas dang lha dang sngags dag dang// gsang ba la sogs rim pa bzhin// las kyi 'khor lo lto bzlog la// las byed bcud la bor ba yin// de yi rim pa'ang 'di lta ste// rdzas kyang sgyu nas bzlog pa dang// dgod pa'i rim pa'ang de bzhin no// gzhan yang lha yi rim pa'ang// lho 'khor bzlog dang gi rim bzlog/ bzhugs thabs bzlog dang phyag mtshan bzlog/ gsang ba thams dang shes rab bzlog/kun kyang drag po'i cha lugs la// shin tu khros shing 'bar bar brtag/ yi ge bco lnga'i bdag nyid ni// snga ma bzhin du sor bzhag la// de nas las kyi rim pa gnyis// ye shes grangs kyis yar mar bzlog/lnga ma'i las kyis rdzogs byas nas// tha ma'i las la go rim bzlog/ gtum pa man chad gzhung dang bsnyag/ 'di ni spyi dang bye brag dang// khyad par bye brag sbags pa yi// bsgrub pa'i yan lag bzhi ru gsungs// shin tu gsang ba'i sbyor ba 'di// snod ngan rnams la bstan gyur na// mnar med dmyal ba'i gnas su 'tshod// de bas shin tu nan tan bya// gsang ba'i gsang bar bstan pa ni// yang dang dag don la sbyor 'dod pas// dang po rin chen 'od de las// gcig pa drangs nas gsang ba'i 'od// de 'od 'bar bas rab drangs nas// gnyis pa'i dbang las yang dag gsal// stong pa ma yin 'di dag sbyang// 'khor lo ye shes bla na med// gsal ba 'di nyid rab gang mthong// 'di ni gsal ba dang po'o// dang po'i rim pa gcig dang gnyis// yang dag gnyis las rdo rje bsgom// rdo rje dbus su sku gsung thugs// de dbus sangs rgyas 'byung ba'i gzhi// sa bon las ni yongs su rdzogs// bsod nams 'bras bu 'grub par brtag/ de dkyil sgo nga las skyes par// bsgrub dang bsgrub pa chen po'i dbang// yongs rdzogs bltas la ting 'dzin bya// de nas rin chen 'od de las// yang dang yang du byung gyur pas// rin chen 'bar bas yongs gang bas// rtog can rnam bsregs bde ba che// mnyam nyi ye shes sa nas 'phags// 'di ni bstan pa gnyis pa'o// de nas gsang las pad rdzogs pas// de las 'od 'phros 'jig rten gang// ji ltar brtags pa'i der snang bas// gang du yang ni g.yo ba med// so sor rtogs pas bstan rgyu med// 'di ni gzung bya gsum pa'o// de las 'od 'phros yang dag bskyed// brtan 'gyur gsal ba'i rang bzhin can// bde chen 'od las thams cad bskyed// nyi ma gnas su brtan par gsal// thams cad dkyil 'khor lhan ne'o// bzung ba brtan pa'i bzhi pa'o// de bzhin 'od las rdo rje rdzogs// de de las gnyis thams cad gsal// yongs gsal brtan pa'i rang bzhin can// lus gnyis yongs su gsal gang ba'o// de 'phros las byas sangs rgyas dngos// thams cad de las byung bzhin 'phro// zhi rgyas dbang drag stobs bzhi pa'o// de yi dbang gis gsal ba las// rang mthong zhi ba'i las kyis min// dges pa dbang la grangs pa min// tshe dang dbang dang rgyas pa min// log lta sgrol ba'i drag po min// 'di de sangs rgyas thams cad kyis// rab tu bsngags pa'i zhi rgyas bzhi// 'di ltar 'phrin las rnam bzhi ni// rnal 'byor pa yis nyams su blang// thams cad de las 'byung ba min// mi gnas pas na zhi ba'i mchog/ ye shes phun sum tshogs pas brgyan// rang rig mchog thob gsang ba'i dbang// mi gnas mya ngan 'das drag po// rig pa mchog gi sa bon gyis// thams cad rdzogs pa de la bya// gcig rdzogs gsal ba'i me long ltar// snang ba thams cad gsal med pa// mgon po chen pos mnyam nyid gsal// thams cad so sor mnyam nyid rtogs// thabs chad gnyis dang 'di zhes pa// brtag cing gsal bar grub rgyu med// de de gsal las rang bzhin shar// thar med 'khor ba'i 'obs nas gnas// gal te 'khor ba las brgal yang// mya ngan 'das pa'i 'khor bar gnas// 'di med lam la bgrod mi srid// dka' ba med pa'i lam mchog bgrod// thabs kyi nang na dam pa yis// 'di ni sangs rgyas thabs dam pa// 'di 'grub 'khor bar yongs mi ltung// 'di la 'bad de nyams su blang// 'di ni yang dag phur pa ste// 'das dang da ltar ma 'ongs dang// 'dod dang gzugs dang gzugs med dang// phung po khams dang skye mchod dang// 'di ltar grags shing snang ba rnams// thams cad dbyings su 'dus pa'i phyir// de phyin phur pa chos kyi dbyings// phyi nang kun gyi chos rnams kun// ngo bo nyid kyis mya ngan 'das// de phyir chos nyid 'od gsal ni// dus gsum rtag tu 'dus ma byas// rang bzhin chos nyid phur pa yin// de bsgrub pa yis thabs dag tu// bskyed dang rdzogs pa'i rim pa dang// don dam kun rdzob la sogs pa// mchod dang bzlas dang bstod pa dang// dam tshig dbang dang 'phrin pas dang// sbyin sreg dkyil 'khor la sogs las// rang bzhin phur pa bsgrub pa yi// thabs su rgyal bas gsungs par zad// tshig tu brjod bral sku mi mnga'// sgra las 'das pa'i chos nyid yin// zhes gsungs so// rdo rje me lce 'phreng ba'i rgyud chen po las/ bsgrub pa rim par phye ba'i le'u ste bcu gnyis pa'o//// de nas yang karma kI la yas/ bcom ldan 'das gsang ba mchog gi bdag po la 'di skad ces gsol to// kye ma sngags kyi bdag nyid che// kye ma 'gro ba'i sdug bsngal sel// kye ma yon tan mchog 'gyur bdag/kye ma gdul dka' 'dul mdzad pa// 'di ni don rnams lhur len pa'i// gang zag dang po'i sa pa la// rgyun gyi ting 'dzin ma mchis sam// 'di yi bye brag ji ltar lags// zhes gsol ba dang// bcom ldan 'das gsang ba mchog gi bdag po des/ las yongs su rdzogs pa zhes bya ba'i ting nge 'dzin la snyoms par zhugs nas/ 'di skad ces bka' stsal to// 'di bsgrub pa yi gang zag gis// las kyi bya ba lhur len na// rgyun gyi ting 'dzin rim pa rnams// yang dag nyid du ngas bstan gyis// nyon cig karma he ru ka/ dang po tshangs pa'i gnas bzhi bsgom// ting 'dzin rnam gsum rim pa las// rten gyi dkyil 'khor yongs rdzogs pa'i// nam mkha'i dbyings kyi dbus gnas pa// nyi ma'i dkyil 'khor bsgom par bya// de dbus bdag po'i sku bsams te// las rnams thams cad brtsam par bya// khro bo'i dkyil 'khor ma lus kun// rnam bzhi'i tshul du sku bskyed de// de yang ji lta bu zhe na// khro chen hUM ka ra ni// dbu gsum phyag drug zhabs bzhir bgrad// g.yas dkar g.yon dmar dbus sngo'i mdog/dang po rdo rje dril bu dang// tha ma phur bu 'dzin pa ni// kun kyang mthun par shes par bya// g.yas g.yon gnyis kyi bar pa ni// dkyil 'khor gnyis su brtan pa'o// rnam rgyal sngo ser dkar ba'i mdog/dang po rdo rje dril bu dang// tha ma phur pa 'dzin pa ni// kun kyang mthun par shes par bya// g.yas g.yon gnyis kyi bar pa ni// dkyil 'khor gnyis su bstan pa'o// dbyug sngon sngon dmar ljang ba'i zhal// gshin rje ljang nag sngo ba'i zhal// mi g.yo ljang sngon smug pa'i zhal// rta mgrin dkar sngo dmar ba'i zhal// dpal chen dmar ser dkar ba'i zhal// bdud rtsi dkar smug pa'i zhal// khams gsum dkar sngo ljang ser zhal// stobs chen g.yas dmar du du dka'i zhal// dbu dang phyag zhabs kun kyang 'dra// sprul pa lcam dral g.yas g.yon bzhin// phyag mtshan bar ma de bzhin te// 'di ni rgyun gyi ting nge 'dzin// zhes gsungs so// de nas yang mchod pa rgyun gyi ting nge 'dzin 'di skad ces bka' stsal to// phyi nag gsang ba mchod pa'i tshogs// tshul bzhin bshams te byin gyis brlab// de bzhin gshegs pa'i dkyil 'khor rnams// phyag rgya bzhi yis spyan drangs byon/ bstim nas gnyis su med pa la// bdag nyid gtso bo'i thugs ka la nas// 'do kyi tshul du rab 'thon te// rnam par smin pa'i cha gzung nas// lha mo'i tshogs dang mgrin sdebs te// las dang mthun pa'i tshul rtags la// mchod pa'i bye brag dbul ba yin// d+hu pe dkar mo spos me thogs// nam mkha'i snying po nyid la dbul// gnyis med dri yis tshim nas ni// sems can don rnams yongs rdzogs bsam// puSh+pe ser mo me tog thogs// rnam par snang mdzad nyid la dbul// a lo dmar mo mar me bsnams// sa yi snying po'i gnas su dbul// gan+d+he ljang khu dri chab bsnams// mi bskyod pa yi gnas su dbul// la se dkar mo me long bsnams// sa yi snying po mnyes bar byed// rin chen dpal 'phreng mdzes pa yis// rnam par snang mdzad gdugs su gyur// girti sgra dbyangs ldan pa yis// phyag na rdo rje mchod par mnyes// nirti gar gyi bye brag rnams// byams pa me tri mchod pas mnyes// ro yi lha mo zhal zas bsnams// spyan ras gzigs la mchod byas pas// longs spyod bde dang mnyes 'gyur nas// tshogs gnyis yongs su rdzogs par bsam// re re'ang bye ba rdul snyed du// bsamasate mchod pa phul pa yis// rten dang rten can gnyis ka thim// dag pa'i zhing du 'gro ba'i rgyus// rgyu dang 'bras bur gnyis ldan pas// yang dag nyid de gdon mi za// 'di ni phyi yi rim par gsungs// nang gi mchod pa dam pa ni// nga bdag bral ba'i ban+d+ha ru// bdud rtsi lnga yi bcud gtam ste// yaM las rlung gi dkyil 'khor te// raM las me 'od 'bar ba las// a las 'chi med ban+d+ha bsam// gzhal yas 'khor lo rtsibs bzhi pa'i// steng nas gdan lnga gnas pa las// dam rdzas lnga dang sha lnga las// rgyal ba'i gdan lnga sems can lnga// de steng chog gsum las ni// gtso bo yab yum rab bskyed la// bar snang zla ba'i dkyil 'khor te// rdo rje las ni hUM gis mtshan// de las bskul ba'i 'od zer gyis// ye shes dkyil 'khor dgug gzhug bstim// mchod dang bstod pa la sogs dang// ting nge 'dzin nam dngos grub bya// mkha' gsang byin brlab sbyor ba'i brdas// bskul nas sbyor ba'i byin brlabs kun// yum gyi gnas nas phyogs bcur 'phros// don gnyis byas nas rgyal ba'i bcud// bsdus te sku lnga nyid la bstim// 'do zhu byang chub sems su gyur// rlung gis me sbar rim par bzhu// thabs dang shes rab cha las grub// bdud rtsi byang chub sems kyi dngos// yig 'bru gsum gyis kha bcad la// rgyal ba spyan drangs mchod pa dang// mkha' 'gro las mkhan rnams la sbyin// 'di de nang gi mchod pa yin// drag po'i mchod pa rnam pa gnyis// gzhung la grags ba bzhin du'o// gsang ba dam pa'i mchon pa ni// yab yum yongs su rdzogs pa las// gong gi rjes su shes pa ste// spyan ras gzigs dbang mchod pa'am// lus dang shes pa rgyas par bsam// de ni dngos grub myur ba yin// de nas bdag nyid gsum gyis sbyang// yi ge gzugs su gyur pa las// bdag po'i gnas su thim par brtag/ces gsungs so// de nas yang bzlas brjod rgyun gyi ting nge 'dzin 'di gsungs so// bdag po'i bdun du sras kyi tshogs// yongs su gsal bar ltas pa las// rnam gsum rten gyi dkyil 'khor la// yi ge 'phreng ba rnam pa gsum// kha dog las kyi skabs kyis shes// sku gsung thugs kyi sbyor ba gsum// gang yin las la rab tu 'bad// spro dang bsdu ba'i rim pa yis// lcags kyi tsha tsha brdabs pa ltar// shin tu phra ba'i bzlas pa bya// bsdus nas don gyi gnas su bstim// shin tu yi ge'i 'phreng ba bstim// de nas rten dang bdag po bstim// shin tu mi dmigs dbyings su bsgom// ngag nas gong ma'i rim pa gsos// dang po'i sa la snyegs pa dang// rim pa ji bzhin yang dang yang// tha mar 'od gsal bde ba che// 'di ni bstan pa dang po ste// dub par gyur na bzlas pa bya// bzlas pa nang gi rim pa ni// me ltar 'bar ba'i bzlas pa ste// gtso bo dbang du byas pa dang// 'khor gyi dbang du byas pa'o// dang po'i rim pa gang zhe na// bskyed nas rdzogs pa'i mthar thug la// shin tu 'phros pa ji bzhin pas// gnas nas ni gtso bo'i sku// khro mo rim pa grangs med 'phros// lcags kyu thogs pa'i gzugs can des// rang grub a la brten pa'i hUM// de ni rgyu dang rkyen yang des// des bsags dngas snyigs rnam pa gnyis// mtshan ma gnyis kyi gnas nas drang// gtibs te shin tu mtshan ldan pa// gtso bo'i dbang du byas pa'o// gnyis pa'i rim pa yang gsungs pa// bdag nyid gnas nas de nyid spro// so so'i cha 'dzin de phog pas// phyag mtshan sna tshogs dag gi las// srin bu me khyer ji lta bar// blo yis brtags te gnyis med 'gyur// shin tu rdzogs par gyur pa dang// gsal ba gsum la sogs pa yis// las rnams yongs su rdzogs par bya// gsang ba'i rim pa bstan pa ni// bdag dang ting 'dzin dkyil 'khor ni// tshogs dang bzlas pa'i bar du ste// mtshan dang dpe byad rnam par gsal// de las yun rings gnas pa gces// rdo rje bdag po'i thugs kha ru// sems dpa' gsum brtsegs gsal byas la// brtan par 'phro 'du'i rim par bya// gnas gsum dag nas 'bru gsum ni// ye nas rang grub tshul du gnas// khams gsum sems can thams cad kun// sku gsung thugs gnas sa bon nyid// 'khor ba ye nas sku gsung thugs// 'byung ba nyid las 'phro bas te// gzhi mo nyid hUM las 'phro nyid// bzhi mo nyid kyi snying khar gnas// g.yas nas 'byung ba sor bzhi bzlas// de nas sna rtser gsal ba ste// de la rgyun du bzlas pa bya// de nas 'jug pa g.yon pa nas// sor bzhi ba slobs nas gzhi por thim// gnas pa nyid la gsal bar blta// yang na bzhi po las 'phros te// rim pa sngar bzhin sna rtser gnas// phar 'phros khro bo'i dkyil 'khor gsal// sgo nas byung ste gsum yang gsal// slar yang zhi zhing 'khyil ba ni// rta rnga'i nyag tsam bzlas pa bya// 'jug pa'i tshul gnas bdag nyid bsdud// de nas ye shes sems dpa' bsdu// ting 'dzin bsdus nas bzhi por gnas// rigs lnga ye shes lnga nyid ni// rlung nyid yin te thig le'i tshul// zhabs kyu thim nas na ro'ang thim// thig le'i tsa na'i 'bru tsam las// gnyis med byang chub sems su 'gyur// yun rings de las bzlas pa ni// rdo rje bzlas pa zhes su gsungs// rdo rje gnyis med ye shes te// bzlas pa 'byung dang 'jug pa nyid// de gnyis las ni bde rnyed pa// des na rdo rje bzlas pa bya'o// yang na rdo rje bzlas pa ni// rdo rje 'od gsal chos kyi dbyings// yang nas yang du de slob pa// de ni bzlas pa'i mchog yin te// gnyis med ye shes ngo bo nyid// rdo rje bzlas pa zhes bya'o// 'di ni bzlas brjod ting 'dzin no// zhes gsungs so// de nas bsgrub pa'i rgyun gyis ting nge 'dzin 'di gsungs so// bsnyen pa rdzogs nas las byas te// 'brub khung las kyi dkyil 'khor la// dril te bsgrub pa'i sdegs su bshad// dus bzhi'i cho ga gzhung bsrang la// tshogs dang mchod pa la sogs kyis// mchod dang pho nya la sogs kyi// phyag rgya bzhi dang ldan par bya// bzlas pa rab tu 'bad byas ste// smad tshong ma yi ldum ra nas// nyungs kar rgyal po hor bskyed la// kha sbyar dbus su dril nas su// stong stong tshang nas brdeg par bya// sgrol ba'i rdzas mchod dam pa ste// rten 'brel nus ba'i rdzas mchog gis// btab na shin tu mchog tu 'gyur// dang po shin tu 'phros pa las// 'gug pa'i yi ge gdags par bya// de nas gzugs la dbab pa'i phyir// snying khar nyi ma'i dkyil 'khor la// yi ge dza ni gzhag par bya// 'od zer lcags kyus drangs nas ni// gzugs sam ri mo thim par bya// phyag rgya bzhi pa'i rang bzhin gyis// dgug cing bsdam dang mgu bar bya// de ltar gzugs la phob pa dang// tshon sna lnga yi skud pa'am// skud pa nag pos bcings nas kyang// dgug cing bstim pa rnams byas te// sngags dang phyag rgya ting 'dzin cing// yan lag 'khum mi nus par bsam// de ltar smin par gyur pa dang// gzir cing dbang du bsdu ba'i phyir// dmigs par bya ba'i yul rnams la// dkar nag gnyis kyis mtshams su yang// byang chub sems kyi rtse gtad de// phur pa'i ri rab phyag rgya yis// shin tu 'khub mi nus par bya// 'go ba'i lha dag dbral ba'i phyir// me tog sngon po la sogs pa'i// dug gi gtor ma za ru gzhug/ 'brel ba'i rdzas mchog dam pa rnams// rten 'brel nus par ldan pa yis// thams cad byer cing 'bros par 'gyur// gal te dam pa'i sgor zhugs nas// sngags dang phyag rgya'i nus pa yis// bcing ba'i lcags sgrog yod na yang// bdag nyid man ngag gdeng ldan pas// mche ba'i phyag rgyas snying dral te// sngags kyi bdag po spyan drangs la// ye shes gsal bstim mchod pa dbul// bstod pa byas te 'phrin las bskul// bka' bsgo bdag la bzhugs par brtag/de nas sdig pa 'thol ba'i las// thang phro ma dang ni da ru ra// myos pa'i chu yis tshim par bya// gu gul tshil chen la sogs pas// gdug pas sdigs pa mthol ba dang// myos shing smra ba'i nus ldan bsam// shin tu smin par gyur pa dang// 'bros kyi sa mthar mnan gzir bya// mthu dang rdzu 'phrul 'phrog pa dang// yan lag 'khum mi nus par bya// zhes gsungs so// de nas yang dag gdab pa rgyun gyi ting nge 'dzin 'di gsungs so// las rnams gang dang gang gis yang// bsgrub pa yongs su rdzogs pa na// gdab pa'i sngags kyi 'phreng ba yang// bsnyen dag bsgrub pa las rung nas// rtags dang drod tshad zin pa'i mis// gdug pa'i sngags chen bzlas byas la// gnas su rtsa dang sbrags te gdab// gser skyems btang zhing bden bas bsgo// rak+ta phyar zhing dam can bod// dgug cing smin par bya ba gces// gsal ba rnam gsum byas nas ni// gso ba rnam pa gsum yang bya/ bdag nyid gso dang phur pa gso// gzas pa po dang de bzhin gso// de yang rnam pa gnyis yin te// gtso bo'i phur pa btab pa dang// 'khor gyi phur pa gdab pa'o// dang po gtso bo'i bdag nyid la// nus pa thob cing dbang nos nas// byin brlabs dag dang ldan par bya// nyid kyi cha las byung ba yis// sras kyi phur pa ra blangs la// bstod dang byin gyis brlab pa dang// 'phrin las drag tu bskul byas te// byang chub mchog tu sems bskyed cing// dus gsum rgyal ba'i gdung 'tshob la// rigs 'dzin bdag cag rnams la ni// gdug cing gnod pa'i dgra dang bgegs// bdud dang bar du gcod pa rnams// khro bo chen po'o byin brlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// nyi shu rtsa gcig kI la ya// rab tu gsor zhing bzlas nas kyang// kI la ya dang che ge mo// dkar nag mtshams dang hUM phaT mtha'// bco brgyad bzlas te dril byas nas// srog gi go ru shar ba dang// snying gi go ru kI la ya// rtsa ba'i sngags dang las kyi sngags// sgrog pa'i sngags gsum bzlas pa yis// lhan gyi btab pas kun gzhi yi// byang chub sems las a ru gyur// a ni sems kyi rang bzhin te// 'di ni til gyi 'bras bur gnas// de ni kun gzhi'i bdag nyid yin// 'od de khrag gi sbas pa yin// gtum pas nyon mongs can gyis yid// phur pas khrag gi sbal pa bsregs// 'od de phur pa'i dbal la 'dus// yi ge a yi rang bzhin gyur// dngas ma'i lus dang dngas ma'i sems// bsad cing gnas pa ma yin te// a ni phur pa'i dbal la 'dus// zil pa'i tshul du gnas pa las// ri rab steng nas hUM ka ras// dam tshig tshul gyis bdag la bstim// lus dang shes pa rgyas par 'gyur// de ni tshe lung nges pa'o// de nas rten kyang blar phul nas// de nyid de la thim par brtags// byang chub sems kyi phur pa des// log pa'i shes pa rten sbyangs nas// yi ge a ru gsal spro thim// de nyid byang chub sems kyi khrus// de yang go rim bzlog pa yis// gnyis ka yongs su rdzogs par shar// de nas gnyis par gyur pa yi// 'khor gyi rim pas gdab pa ni// dang por rim pa ji lta bar// thams cad kun la de bzhin no// bran dang pho nya dka' nyan tshogs// khyed kyi dam tshig dus la bab// sngon chad ji bzhin dam bcas pa'i// mngon spyod 'phrin las myur du mdzod// rang rang sngags dang phur pa yis// gnas su rtsa ba dang sbrags gdab// rnam par shes pa'i tshogs brgyad la// phyogs mtshams khro mo rnams kyis gdab// dge sdig bag chags sa bon las// steng 'og khro bo'i phur pas gdab// gnas dang rtsa yi rten la yang// khra thabs rnams kyi phur pas gdab// de yang rim pa ji lta bar// mig dang rna ba sna dang lce// lus ni chags byed lte ba ste// g.yas na yid kyi rnam shes rgyu/ g.yon na nyon mongs can gyi yid// dbus na kun gzhi'i rnam shes te// gsum ni snying kha dag na gnas// gdul bya gnyen po'i tshul du ni// rnam par rgyal dang dbyug sngon can// gshin rje gshed dang mi g.yo mgon// bdud rtsi 'khyil dang 'dod pa'i rgyal// rta mgrin khams gsum rnam rgyal dang// hUM ka ra dang stobs po che// phra thabs rnams kyide bzhin gnas// gzhan yang gdab pa'i rim pa ni// byung tshor rgyu ba'i gnas rnams su// 'phrin las rnam bzhi'i phur pa gdab// yan lag lnga ni gyur pa'am// nyon mongs skye ba'i gnas rnams su// sras mchog lnga yi phur pa gdab// rtsa ba'i sngags dang las kyi sngags// mgo gnon gnad dang ming du bcas// kun kyang lnga lnga shes par bya// de nas yang gtub pa rgyun gyi ting nge 'dzin 'di gsungs so// gsang ba'i dbyibs kyi dbus dag tu// khro bo'i dkyil 'khor bsgoms nas kyang// gzugs brnyan dag ni byas pa la// bkug nas de yi gzugs nyid la// rdo rje phur pa bshad pas// de yi tshogs brgyad dag par spyad// btab pa'i rdzas mtshog lhag ma la// mtshon cha chen sngon po 'bar ba yi// ral gri la sogs mtshon cha lngas// gzugs brnyan phye mar gtub pa'am// yang na dum bu gsum dag tu// rno ba'i mtshon gyis gtub par bya// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// g.yon gyis mnan la g.yas kyis gtub// khro bo stobs kyi rgyal po yis// khrom mtshon char du phab nas kyang// lus la phog nas zhig par bsam// don gyi gzung 'dzin rgyal mo bra// ma rig mun pa bral byas te// rigs nges sras su gyur par bya// zhes gsungs so// de nas yang brab pa rgyun gyi ting nge 'dzin 'di gsungs so// gang zhig gdug pa ma rungs pa// sangs rgyas bstan pa 'tshe byed cing// lu gu rgyud la 'gal byed cing// las gnyis yongs su rdzogs pa yis// nan thur las rnams yang gsungs pa// phra thabs rnams dang sras mchog rnams// dam can ma mo'i tshogs rnams kyis// steng nas mtshon cha'i char du babs// nad ngan gdug pa'i tshogs rnams kyis// kha rlangs bu yug tshub mar 'khyil// gdug cing sdang sems byed pa rnams// lha'am 'on te bdud kyang rung// nga la bar chad byed pa rnams// mthu dang rdzu 'phrul med par byos// thun rdzas rnams dang mtshon cha yis// char tu bab ste zhig par bsam// las kyi sngags la steng 'og nyid// sgrog pa'i sngags su ldan par byed// 'di ni brab pa'i las su 'gyur// zhes gsungs so// de nas yang brdung ba rgyun gyi ting nge 'dzin 'di gsungs so// khro bo rnams kyi dkyil 'khor du// zhe sdang chen po'i dkyil 'khor ni// phur pa'i khro bo rdzogs byas la// rdo rje tho bas bsgom byas shing// g.yon pas rke nas bzung bya zhing// g.yas pa rdo rje tho bas brdeg/ yum gyi mkha' yi gting dag tu// dngos po gyur pa'i gnas chen la// rdul phran bzhin du brdungs byas na// sha khrag khams gsum gang bar dmigs// rdo rje tshig tu bskul ba ni// rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsregs nas// lus ngag rdul phran bzhin du lhog/khro mo 'bar ma'i gtun khung du// rdo rje tho bas brdung byas nas lha yang rung ste bsgral bar bya// tad tha a tad tha ya kha thaM hUM phaT// gsang ba'i mkha' dang 'jigs byed zhal// mthing nag 'bar ba'i gnas gsum du// rim pa bzhin du thabs rnams dang// cho ga'i yan lag shes par bya// zhes gsungs so// denas yang bstab pa rgyun gyi ting nge 'dzin 'di gsungs so// gsang ba'o dkyil 'khor chen po ru// bcom ldan sngags kyi bdag po rnams// shin tu gsal zhing zhal gdangs par// ril bu bsdus nas dbyings su mchod// nam mkha'i khro mo kha gdangs su// thugs rjes 'gro kun yid la bstab// ngas bstab khyed kyis yud la rol// rol pas dges pa'i rkan sgra sgrogs// rol pa'i lcags kyu 'bar ba yis// gnyis med zhal du ra bsdus la// ye shes khong gi me chen gyis// rab tu zo la myur du bsregs// las la 'bras bu yod ces bya// ji ltar sngon gyi de bzhin du// smon pa'i byang chub lam du zhugs// mtshan ma'i bag chags der sbyangs so// dbyings la sro zhing a la bstim// zhes gsungs so// de nas shes pa gnas kyi phyi mo dang sprad pa spar ba rgyun gyi ting nge 'dzin 'di gsungs so// zhing du sbyangs pa'i sems can de// gsang ba'i lam nas mthon pa'am// sngon gyi tshul du phyir bton nas// bag chags rnams kyag byang byas nas// rnam shes gser zhun lta bu de// zla ba'i dkyil 'khor steng bzhag nas// rlung gi dkyil 'khor dag gis bskyod// hUM hUM zhes rab tu bsdus pas// mi dmigs dbyings su phaT kyis 'phangs// rigs nges rgyal ba'i sras su bkod// mi ltung sems can don gyi phyir// gtsug tu rnam par rgyal ba bsgom// mi 'khor sems can don gyi phyir// ngan song sgo gsum shin tu bcad// rnam shes chos kyi skur gnas bsam// de nas cho ga'i sbyor ba yis// gzugs sku gnyis su rdzogs bya ba// dbang bskur nus dang ldan par bya// 'gro ba'i don la bskul ba ni// hUM/ rgyal ba'i sras po gnyis med gtso// bde chen byang chub sems la byung// 'jig rten khams mang ji snyed na// nyon mongs lngas gzir sems can gyi// don rnams ma lus khyed kyis gyis// de skad brjod la phyir bton te// zhing khams rnams su las la btang// bdag la sgrig pa mi gos shing// gcig nyid tshe yi dngos grub thob// de phyir thabs kyi khyad par mchog/ ces gsungs so// rdo rje me lce 'phreng ba'i rgyud chen po las/ rgyud kyi ting nge 'dzin rim par phye ba'i le'u ste bcu gsum pa'o//// de nas yang karma he ru kas/ bcom ldan 'das gsang ba mchog gi bdag po la 'di skad ces gsol to// kye ma sangs rgyas kun gyi yab chen po// thabs chen ma 'gas kun gyi gtso// las rnams rdzogs par gsungs lags na// rnal 'byor las mthar 'byin pa la// ma mo'i dkyil 'khor mi 'tshal lam// 'di yi rim pa gang ltar lags// de skad ces ni gsol ba dang// bcom ldan sngags kyi bdag po yis// 'gro mgon las kyi sems dpa' la// 'di skad ces ni bka' stsal to// nyams pa'i mtshan nyid bdun rnams dang// ngan song gsum dang bcu po'am// yang na rim pa 'di lta bar// zhe sdang me ltar 'bar te gcig/ phrag dog rlung ltar 'tshub ste gnyis// 'dod chags shing ltar spungs te gsum// gti mug ri ltar spungs te bzhi// nga rgyal bse ltar khengs te lnga// ser sna rtsi ltar 'byar te drug/gtum khro khro chu 'dra ste bdun// gsod gcod srin po 'dra ste brgyad// 'phrog rlom rkun po 'dra ste dgu/ chos log khang dpon byed dang bcu// 'di lta bu yi gang zag la// zhi bas smras kyang mi 'dul bas// ma mo'i dkyil 'khor lhag par gces// yang dag nyid du ngas bstan gyis// las kyi sems dpa' yid kyis nyon// bdag nyid chen mo'i dkyil 'khor ni// brag dmar chol bzang 'dra ba dang// khang ral dben sar song nas ni// las kyi bya ba rdzogs par bya// khra thabs rnams kyang de bzhin gnas// gzhan yang gdab pa'i rim pa ni// byung tshor rgyu ba'i gnas rnams su// 'phrin las rnam bzhi'i phur pa gdab// yan lag lnga ni gyur pa'am// nyon mongs skye ba'i gnas rnams su// sras mchog lnga yi phur pa gdab// rtsa ba'i sngags dang las kyi sngags// gom gnon gnad dang ming du bcas// kun kyang lnga lngar shes par bya// dkyil 'khor 'dom gang gru bzhi la// yongs su rdzogs pa'i las byas te// dbus su mthing nag gru gsum la// mtha' ma ro yi phung po dgod// sha khrag sna tshogs gtor ma la// ma tshangs shan phye btab byas la// tsit+ta 'ug pa'i sha tshil dang// seng ge stag dang bya rgod dang// skyung ka'i sha dang tshil bur bcag/ g.yo ba rdzas kyis rab spras te// de yi dus drug mchod pa'am// dus ni bzhi'am gnyis su mchod// 'phrin las yongs su rdzogs bya'i phyir// dang po tshangs pa'i gnas bzhi dang// sa dgu non pa'i ting 'dzin bya// khrag 'thung yab yum gsal ba dang// shar du dpal ldan re ma ti// bong bu dag gi steng du bskyed// zhal gcig phyag kyang bzhi pa ste// g.yas gnyis ral gri lcags kyu la// g.yon pa thod pa tri shul la/ ro nye mdzes pa'i rgyan chas can// sku mdog mthing nag 'bar ba la// ral pa ser nag gyen du brdzes// sku stod zhing chen g.yang gzhi la// sku smad re lde'i rgyan chas can// g.yas kyi snyan cha seng ge byas// g.yon pa sbrul gyi gdeng kha can// khrag zhag thig les lus brgyan cing// mche ba btsigs shing 'jigs gzugs can// phyin phyogs zhon nas nang du blta// rgyan rnams spyi dang mthun par bsakayed// gzhan ma rnams kyang de 'drar brtags// re ma dze ni lho ru ste// re ma dzu ni nub tu'o// re ma ti ni byang du'o// rta skya lcags kyi phag pa dang// rdzu 'phrul rnga mo'i steng du bskyed// dmar nag dkar mo dmar ser dang// rim pa bzhin du shes par bya// kun kyang zhal gcig phyag gnyis te// g.yas pa zla ba'i ru mtshon la// g.yon pa tri shul rtse gsum mo// de bzhin rdo rje lcags kyu dang// mdung dang zhags pa bsnams pa ste// rgyan dang cha lugs gong bzhin bskyed// sgo bzhi dag tu bsgom pa ni// shar du rus sbal nag po'i steng// dkar mo nyi zla'i spyan gcig ma// dbu la rus sbal go cog can// g.yas pa lcags kyu g.yon tsit+ta// lho sgor sbrul nag mgo gsum ste// sngon mo g.yu yi ral pa can// rus sbal go cog dag dang ldan// g.yas zhags g.yon pa zangs kyi sgra// nub sgor phag mo sum grus te// dmar mo khyung gshog g.yag rgod mgo/ g.yas pa bse yi tho ba ste// g.yon pa me sgron bsnams pa'o// byang sgor lcags kyi spyang mo'i steng// ljang nag spyang mgo dril bus brgyan// lag gnyis dril bus dges mdzad ma'o// hUM e k+Sha k+Sha k+Sha k+Sha/ yaM b+h+yo b+h+yo b+h+yo b+h+yo// oM shrI badzra ku ma ra yag sha hUM a/ badzra krod+hi e ka tsa badzra hUM/tad+ya thA ru ru ro ru tsa pa la hUM/ tad+ya thA ru ru ro ru a shug me hUM/ tad+ya thA ru ru ro ru ba ti sta hUM/ tad+ya thA ru ru ro ru ba to si hUM/ de rnams sku gsung thugs bltas la// dam tshig tshul bzhin bsgrag par bya// ma ma sam ya rag bag sha hUM/ rang bzhin grub pa'i dkyil 'khor rnams// so so'i gnas nas spyan drangs te// gnyis su med par gyur par bya// bstim dang bzhugs su gsol ba dang// phyag 'tshal ba dang gsol ba gdab// de la dmar gyi ar+g+ha dang// me tog nag po'i mchod pas mchod// bdud rtsi mchod cing dngos grub blang// ma ma trig nan re ti tsa ba la trag rag sha kha mun tra ba dun dun dza hri/ gtso bo'i snying khar hUM phaT dgod// ma mo'i snying kha rang snying po// sras la gsod pa'i snying po dgod// rtags dang mtshan ma zin pa dang// seng ldeng phur pa lnga bshams la// lha mo bzhi dang gtso bo'i sku// lte ba man chad gdug pa'i lus// sngo bsangs 'jigs pa'i rgyan gyis brgyan// ming gi yi ge dang po yis// yul dang yul can de bskyed la// dgug bstim byas la nyes pa bsgo// mchod la gnas sam gshed du bsgo// rang dbang med par bkug pa de// lha mo nyid kyi phyag tu gtad// ma ma trag sha kha mun tra/ snying kha rag rag rag mo dun dun b+h+yo b+h+yo dza dza/ ru lu ru lu b+h+yo/ ru ru re be hUM ti stab/ d+hi rag mo snying kha rag mo hUM b+h+yo b+h+yo dza dza/'phrin las rnams kyang bcom bya zhing// rbad pa yang dang yang du bya// rag mo thums lis snying rtsa 'dus// srog phrig phrig/ sham sham khyer b+h+yo/ snying khrag rtsa srog breng breng rbad/ oM dza la hUM phaT/ ma trog tug tug khra long snying rbud/ma hA srog thun/ snying la ma b+h+yo/ ma ra ya phaT/ kha thun ni dza dza/ stongs byed lha dang phral nas ni// mtshan ma byung nas phur pas gdab// dug dang me tog rnams dang ni// khrag dug rnams kyi thun yang brdeg/mthing nag dar gyi g.yab mo bya// oM badzra kI li kI li ya/ ta d+ya thA ru ru ro ru tsa pa la thums rbad ma ma pa shi ku ru ma thaM nya ka ra in n+d+ha tim ma karma shri kram ka re ya che ge mo'i snying khrag spyos shig/kha rag bod+hi tsit+ta la mA ra ya hUM phaT// sngags bzlas nag mo 'bum sde'i 'khor yongs su bskor nas chings 'debs// rgod dang za zhing rol pa dang// rngam pa'i sgra 'byin spyug glu len// mtshon cha sna tshogs 'debs shing rol// de byas skad cig de nyid la// nad dang rims dang dug dang mtshon// myur du 'bab cing de gsod 'gyur// gtub dang brdung dang bstab pa bya// mthar gyi las rnams gang yin kyang// gcig gam yang na rdzogs par bya// gtubs pa'i phyi ma khrag ra sbyar// khrag thun snying rtsa ma lus rnams// sdong po skad cig gtun nang du// g.yo ba'i rdzas kyis rab spras la// nan thur las la shin tu 'bab// ma ma rang gi snying khrag gis thums rbad/ thang mu le thang mu le tsit+ta rbad/ tsa thang tsa thang rbad rbad/ muM sni muM sni tsit+ta naN/ rag mo ni rag mo ni kha lo tsit+ta rbad rbad/ dug sni dug sni kha lo tsit+ta rbad rbad/ kyi kha lo kyi kha lo tsit+ta rbad rbad/tsa ti tsa ti tsa ti rbad/ nir ti nir ti mugs mugs/ thums thums subs sti sti tsit+ta rbad rbad/ kha 'dar yed yed/ thums thums rbad rbad/ se kha lo mu kha lo phaT rbad/ 'bum mam bdun 'bum bzlas nas ni// thun lam bsal la 'phang ba dang// bsreg dang mnan dang sna glan dang// las gzhug yongs su rdzogs par bcad// ces gsungs so// sho na mu ka'i dkyil 'khor ni// dur khrod dben pa'i sa phyogs sam// 'phar spyang sha la stod 'dra'i ri// de ru las rnams rdzogs par bya// dkyil 'khor gru bzhi legs byas la// phyi rol pad+ma 'dab brgyad bri// bsgrub pa'i yo byad thams cad dang// stag dang spyang khu 'phar ba dang// seng ge dom la sogs pa dang// gcan gzan sna tshogs snying dang sha// tsan dan dmar po'i bdud rtsi dang// sha sna tshogs pa'i gtor ma bshams// ban+d+har sbyar te mchod par bstab// dang po tshangs pa'i gnas bzhi nas// las su rung ba'i rim pa rnams// gong ma dag las shes par bya// mA mA mA mA/ dza ya du hUM/ man ti hUM/ sha ri hUM/ ni la pus ti hUM/ thabs dang shes rab mthu las ni// shar du 'jigs byed dkar mo la// lho ru 'gugs byed sor mo'o// nub tu rgyug byed dmar mo ste// byang du za byed ljang khu'o// seng ge stag dang wa spyang mgo/ lcags kyu la sogs 'dzin rgyug/g.yon na phur pa 'dril bar byed// kun kyang 'jigs pa'i rgyan chos can// shin tu rngam zhing rgyug pa'i brtags// byang shar la sogs mtshams rnams su// spyang ki dang ni khyi la sogs// bzhi bzhis yan lag zhing za bar brtags// dza hUM baM ho rnam bzhi las// sgo bzhir ral can bzhi rnams ni// spyi las grags pa bzhin du'o// de ltar gsal bar gyur pa las// lcags kyu la sogs sbyor ba yis// dgug gzhug thim dang gnyis med bya// bstim zhing gnyis med rab bzhugs la// phyag dang gdan la sogs pas mchod// spyang khu'u sha la gzhi blangs la// sha sna tshogs pa'i gtor ma dang// sna tshogs khrag la gzhi blangs la// khrag sna tshogs pa'i rak+ta sbyar// mdun du gnas par de brtags la// me tog dmar po la sogs pa'i// dmar ba'i rdzags rnams kun gyis mchod// de nas 'phrin las bskul ba ni// sho na mu ka'i dus la bab// pad+ma'i rigs las sprul pa'i lha// mthu rtsal byung ba'i dus la bab// zangs kyi wa mo chen mo ni// spu ni lcags kyu bsregs pa 'dra// mig ni nyi ma'i 'od bas 'tsher// mche ba rdo rje gtams pa 'dra// sder mo lcags kyu zhun ma 'dra// rnga ma dril zhags sdog pa 'dra// skad ni 'brug pas nges par che// bang ni glog bas nges par mgyogs// de lta bu yi wa mo la// zangs kyi mi mo chen mo zhon// dbu brgya mo la spyan stong ma// g.yas na lcags kyu la sogs thogs// g.yon gyi phyag na phur pa 'dril// pad+ma'i rigs kyi sprul pa ste// lcags kyi spyang brgyad sprul par 'gyed// dpal gyi khyi brgyad las la gtong// lcags kyus zung la phur pas thob// sngon chad khas blangs ji bzhin du// dam tshig gnyan las mi 'da' bar// mthun pa'i gtor ma 'di long la// sprul pas 'khor ba'i gnas bsgral phyir// nga yis khyed la rab bskul bas// srog snying dam las ma 'da' bar// drag po'i las rnams grub par mdzod// oM dza ya du man ti sha ri ni la pu ti dzA dzA dzA dzA thums thums rbad khrag ti sma ra phaT rbad/ gtso bo la sogs rim gsum ni// yig 'bru dgod pa snga ma bzhin// bzlas pa'i rim pa bya ba yin// de ltar byas pas mtshan ma 'byung// de nas las la sbyar ba na// bcu gnyis rdzas las gzugs byas te// me tog dmar po yang dag ldan// dkyil 'khor rim pa ji lta bar// ming rus bris la gzugs brnyan la// pho dang mo yi gshag phye la// rang rang gnas su chud par bya// dgug dang bstim dang bral ba dang// 'thun rdzas byin la bsgo bya zhing// gnas bzhin bskyal lam gshed du bsgo// de nas zangs kyi phur pa'am// dmar las byas pa'i rim pa las// rang rang rigs kyi sku ltar te// snying po dgod cing bzlas byas la// sprog pa'i sngags dang ldan byas las// mtshan ma byung nas gnas ltar gdab// oM badzra kI li kI la ya dza ya du rag tsit+ta smer thums ma thA ma thA badzra che ge mo'i dbang po rnams thal bar lhog shog/ man ti dza mA ra ya hUM phaT/ rtsa ba bzhi dang sham bu bzhi// rim pa bzhin du sbyar byas pas// brdab dang gtub dang brdeg dang 'phang/ las kyi shab bu shes par bya// thun gyi skabs su nyin mtshan gnyis// ya dang b+h+yo yis gsal bar trang// mthar gyis las rnams kun kyang drang// 'di bzhin rim pa gsal bltas te// las kyi rim pa rdzogs byas na// sangs rgyas nyid dkyang gdan las 'gro/ log par lta ba'i sems can rnams// thang cig yud kyis brlag par byed// ces gsungs so// sa bdag chen mo'i dkyil 'khor ni// shin tu drag pa'i gnas dag gam// sa phug khang stong la sogs su// las kyi bya ba rdzogs byas te// rtags dang drod tshad zin pa'i mis// dang po dkyil 'khor mngon bzhengs la// pad+ma 'dab ma bzhi dang ldan// dbus su 'jigs byed drag por bya// 'dab ma re la gru gsum re// yang na zla gam dag tu bya// 'o ma sbrang rtsi mar khu dang// mngal khrag rag ta la sogs bsog/ wa dang spyang khu'i snying khrag dang// sha la sogs pa thams cad kun// mchod dang rten pa'i rdzas su dgod// dur khrod dmar mo'i thod pa dang// mchod pa'i yo byad rab bsags la// bskyed nas rdzogs pa'i mthar thug bya// gnyis med sbyor ba'i byin brlabs las// ku tsu ku tsu rnam bzhi las// rang rang gdan la gsal bar 'thon// 'phro 'du 'od du zhu ba las// su tri pa ra la sogs bzhis// so so'i sku ru gsal 'thon te// shar du pad+ma 'dab ma la// ya byin zhal gcig phyag gnyis pa// sngon mo lcags kyu phur pa bsnams// de bzhin 'dab ma gsum po la// lho ru bse byin dmar po la// zhags pa dang ni phur bu ldan// nub tu phag byin ljang mo la// lcags sgrog dang ni phur par ldan// byang du de bzhin ser mo la// dril bu phur par ldan par bskyed// kun kyang sbrul gyi ral pa can// bse khrab sku la gsol bar brtag/ shin tu 'jigs shing zhal gdangs la// ljags 'dril tshems kyang 'dar bar brtag/ de ltar bskyed nas spyan drangs dang// bzhugs su gsol dang phyag btsal dang// dam bca' mchod pa dbul ba dang// 'phrin las bcol ba rnam pa bdun// las kyi rim pa yongs shes nas// bzlas pa'i thabs gsum gsal bar bya// oM su tri pa ra ya/ bar tsit+ta ya// yo gi shwa ra ya/ya ma tsit+ta ya/ mtha' yi sngags dang sbyar ba yi// rtags dang mtshan ma 'byung bar nges// de nas bsad pa'i las rnams brtsam// brda mi phrad pa'i thod pa ru// ling kha mtshan dang ldan par bya// rten skyob skye dang dbral bar bya// las rnams thams cad 'dra bar bshad// kun man d+ha ri dzA dzA/ shu la d+ha ri dzA dzA/ tsa mun d+ha ri dzA dzA/ kang kad+ha ri dzA dzA/ gnas skabs de dang de ru bzlas// khyi khrid ra khrid ro la khrag/ 'thung kAng kAng keng keng ka ya/snying za ba'i tsit+ta ma la ro la khrag 'thung kAng kAng keng kang keng ka ya hang par la ho/ sha kying spyang ti hi hUM phaT/ ro la khrag 'thung kAng kAng keng keng kAng ka ya/ tsi pi ri tsakra pA a sa ma ya tshal pA a nri tri mA ra ya aM gu sha dza dza dza dza/nA ga mA ra ya tshal pa tshal pa a nri tri mA ra ya aM gu sha dzA dzA dzA dzA/ shu shur ga tshal pa a nri tri mA ra ya aMku sha dzA dzA dzA dzA/ a be sha tshal pa anri tri mA ya ra aM gu sha dzA dzA dzA dzA/che ge mo mA ra ya rma rma ra rma rbad rbad/ oM tshin+d+ha tshin+d+ha/ ha na ha na/ da ha daha/ da ha da ha/ tib ta tsakra/ badzra sa twa sa ma ya dza dza hUM hUM/ che ge mo la a be sha ya a be sha ya oM oM/ dgra ni mA ra ya/ yA mA snying yA snying yA mA khrag tshal pa baM ril shag pa dam pa dum bu mar ya hUM phaT// oM badzra mud ka ra mu ti gran/ ka pI ra tsa ya hUM phaT rbad// oM pra be sha ya rbad phaT/ a be sha ya a a hUM phaT// hUM phaT mo ri kun d+ha li baM thums rbad/khrag ti smar phaT rbad/ oM stan stan rbad rbad/ rban rbud rban rbud/ tsit+ta snying shos pa ya/ phri li li li phri li li li/ shag shag/ rgyob rgyob/ ya ya badzra ma hA yag sha dun ya/ mA ra ya tod pa mA ra ya thun ya/ta kri ni la tod pa mA ra ya thun ya/ k+Shu la ri mA ra ya thun ya/ rtsi'u ri mA ra ya thun ya/ a phra tri tri mA ra ya thun ya/ nA ga mA ra ya k+Shu la ri mA ra thun ya// che ge mo'i snying la tod pa/ rnam shes mA ra ya tod pa/gzugs phung mA ra tod pa/ 'khor bcas mA ra tod pa/ rag rag sha mA ya tod pa/ de ltar bzlas pa'i sngags rnams kun// rim pas ma nor shes bya ste// thod pa gnyis la las rim gyis// sgo dang phugs kyi gnad du bya// gong 'og man ngag rab sdebs te// las kyi sku mdog gnas skabs sbyar// dkyil 'khor gnyis dang gsum du'am// bsgrub pa'i rim pas phye ba yin// gcig tu dril dang rkyang pa dang// btus pa'i rim pa rnam gsum las// gang yin ngo yis zin par bya// gdab dang gtub pa la sogs pa'i// las rnams kun kyang de'adrar brtag/ tha ma'o las la 'jug pa na// thun gyi rim pa yang gsungs la// oM badzra kI li kI la ya/ ro la khrag 'thung cin+d+ha ma tang par la sho shal kyi spyang ka tang ka te ya/ dza ye bi dza ya/ a tsit+ti a pa ra tsi ta ya/ ma ra sa sra ma rta na ya/ che ge mo'i yan lag don snying mA ra ya hUM phaT/khrag dang nyungs kar tsha dang ni// rdo nag la sogs thun rdzas rnams// spyi dang bye brag shes par bya// mthar gyis las rnams rdzogs par bya// zhes gsungs so// me lce 'phreng ba'i rgyud chen po las/ khyad par gyi las yongs su rdzogs pa'i dkyil 'khor bsta pa'i le'u ste bcu bzhi pa'o//// de nas yang karma kI la yas/ bcom ldan 'das mnga' bdag yongs su rdzogs pa'i rgyal po la 'di skad ces gsol to// gang zag dang po'i sa ba yis// las kyi bya ba rdzogs byed na// sbyin sreg rim pa mi 'tshal lam// grangs kyi rim pa du zhig mchis// 'di skad ces ni gsol pa dang// gsang mchog bdag pos bka' stsal pa// 'di ni rjes su bsgrub pa yi// snod dang ldan pa'i gang zag la// 'phrin las yongs su rdzogs pa yi// sbyin sreg rim pa ngas bstan gyis// las kyi sems dpa' de yang nyon// las kyi sngon du 'gro ba dang// 'phrin las yongs su rdzogs pa dang// las rnams mtha' ru 'don pa'i phyir// de phyir las 'di mchog tu bsngags// de yi rim pa rnam gnyis te// spyi dang bye brag dag tu dbye// de'ang rnam pa gnyis yin te// rtsa ba dang ni yan lag go/ dang po spyi yi rim pa bzhi// zhi dang rgyas dang dbang gi las// mngon spyod drag po'i rim pa'o// rang rang mtshan nyid 'dir gsungs pa// zhi bar gyur pa'i thab khung ni// zlum po gru gang tshad du bya// khyed ni thur du bru ba yin// kha khyer la ni sor bzhi tshad// dang po rdo rje ra ba ste// phyi rim dag la 'khor lo'o// rdo rje rin chen pad+ma dang// ral gri la sogs rim pa bzhin// rim pa rim par dbus su dgod// dkar dang ser dang dmar dang nag/ kha dog rim bzhin shes par bya// yab shing ron pa'am 'dab ma can// rtse mo las byung chag gang ba// chu ru mdzub gang yod pa la// tsan dang 'o ma sbrang rtsi dang// dri zhim chu gtsang zhi la'o// bud shing dkar po dri zhim pa// ji ltar 'tsham pa'i rim pa'o// snga drol sogs dus bzhi ru// phyogs bzhi dag tu kha bltas la// mchod pa'i rdzas rnams thams cad g.yon// de bzhin bsreg rdzas g.yas su shis// zhi ba dmar la rgyas bzho// dbang la ut+pal las drang shing// drag po tsher ma can gyi shing// re re sna grangs dbul bar bya// spos kyi rnam pa mang po dang// tsan dan dmar po'i 'o mar bcas// sbrang rtsi mngar dang ldan pa'am// dngul phye 'bras chan dkar po rnams// zhi bar gyur pa'i gtor ma ste// las kyi dus su sbyar bar bya// de bzhin gtor ma mang po rnams// las mkhan phyogs skyong la yang sbyin// rdo rje slob dpon bdag nyid kyis// snga ma'i las rnams yongs rdzogs nas// bgegs bskrad bsang zhing 'od zer spro// dngul la sogs pa'i snod nang du// dgon pa'i gnas nas me blangs la// bsang shing yaM dang dz+wa la raM// brjod de bud shing dag la'o// ku shas stan byad lhor bstan na// rim pa gnyis las bsgyur bar bya// drag po las ni phyir bstan no// dgang blugs gnyis dang ldan byas la// paM las sna tshogs 'dab brgyad dbus// rnam par rgyal ba'am gtso bo'i sku// cho ga gsum las lhar bskyed de// mchod bstod 'od du zhu ba las// yi ge gnyis las gu d+he dang// lcags kyur gyur te 'od du thim// yab yum gnyis su yongs gyur nas// zhal gsum phyag drug ldir ba'i gzugs// dang po gnyis ni rigs ma 'khyud// bar ma gu d+he ze'u 'bru la// tha ma mchod sbyin bgrang 'phreng 'dzin// ral pa'i thor tshugs dag dang ldan// yum yang zhal gcig phyag gnyis pa// dril bu lcags kyu bsnams nas 'khyud// sku mdog las dang sbyar bya zhing// thugs khar hUM dang dza bsams la// bskrad cing bsang dang mchod bstod bya// de nas ye shes sems dpa' dgug/ las bzhi yongs su rdzogs par bya// rang gi sngags la mtha' btags la// lnga gnyis gsum dang gcig po yis// phyi nang gsang ba'i rdzas rnams dbul// nyi shu rtsa gcig brgya dang stong// rab 'bring tha ma'i rim pa yis// ye shes dkyil 'khor mu yis gshegs// thim nas bstod dang gshegs su gsol// de nas rtsa ba'i rim pa nyid// las gnyis byas te gzhung la 'jug/rdo rje cho ga gsum gyis bskyed// spyan drangs mchod dang bstod pa rnams// las gnyis gong bzhin rdzogs byas nas// ye shes dkyil 'khor mu yis gshegs// 'khor gyi lha tshogs mchod pa'am// 'khor gsum yongs su dag par bya// mtha' yi las la 'bad bya zhing// las la 'bras bu yod ces bya// kun kyang de bzhin shes par gyis// zhes bya ba 'di ni zhi ba'i las yongs su rdzogs pa'o// de nas yang rgyas pa'i las yongs su sdus pa 'di gsungs so// rgyas par gyur pa'i thab khung ni// gru gsum pa la gru bzhin bya// dbus su khru do sor bzhi 'gyed// kha khyer sor bzhi mnyam por bya'o// phyi rol sor bzhi bor ba la// 'khor lo dag gi 'phreng ba bya// dang po rdo rjer bas bskor// yaM shing srid du khru gang la// sdom ni gong dang mthun pa la// dbus kyi cha las byung ba'i shing// zho mar ldong ros la sogs spangs// rgyas par gyur pa'i las la shis// bud shing ser po las byas pa'i// ji ltar 'tsham pa'i tshad du bya// kha ba'i ro ldan ser po'i rdzas// gser phye 'bru rnams ser po la// gtor ma byas te rgyas par dbul// 'bras chen ser po rab bsgyur la// las mkhan byin la 'phrin las bcaul// las rnams gong bzhin rdzogs byas la// gshin rje gshed du rab bsgoms te// rgyas pa'i lha tshogs spyan drangs la// dang ba'i sems kyis mchod sbyin bya// zhes bya ba 'di ni rgyas pa'i las bsdus pa'o// de nas yang dbang gi las bsdu ba 'di gsungs so// dbang du bya ba'i thab khung ni// rgya la sor ni bcu bzhi ste// kha khyer de yi phyed kyi tshad// zla gam dbyibs la sor bcu brko// kha khyer dag la lcags kyu btang// de yi phyi ma zhags pa'o// yam shing sor lnga 'dab mar bcas// sboms su chags gang yod pa la// bdud rtsi dag la sbangs te dbul// bud shing kha dog dmar po las// ji ltar 'tshams pa'i thabs su byas// skyur zhing mngar ba'i rdzas rnams dang// zangs phye 'bru rnams dmar po la// gtor ma byas te dbang la dbul// rdo rje lta ni rnam bsgoms te// dbang gi lha tshogs spyan drangs la// mchod de dbang du gyur bar bya// zhes bya ba 'di ni dbang gi las bsdus pa'o// de nas yang drag po'i las yongs su bsdu ba 'di gsungs so// khros par gyur pa'i dkyil 'khor ni// mthing nag gru gsum 'bar ba la// ngos rere sor ni nyi shu bya// kha khyer sor gsum phyir bkyed la// zheng dang dpangs ni mnyam por byed// de yi phyir rim so gsum dang// thod pa rdo rje rtse gsum dang// mda' gzhu mdung rtse gsum pa spel// de yi phyi rim rtsang gis bskor// lcags thag dag gis rab bskor la// ral gri'am rgya gram mtshan ma dgod// yam shing sor bzhi gong gi phyed// rtse mo las byung gdug pa'i shing// dur khrod sol ba ming rus dang// lan tshwa dang ni tsha ba'i zas// thabs chen rnam par spangs byas la// mngon spyod las la dbul bar bya// bud shing tshe ma can gyi shing// nag po'am gdug pa'i shing la bya// nag po tsha zhing rtsub pa la// lcags phye 'bru nag sha khrag las// sbyar ba'o gtor ma drag shul spyad// dug rdzas la sogs g.yas su dgod// g.yon du me tog nag po gzhag/zhe sdang las kyis 'chel ba rnams// bsad pa'i las ni rdzogs byas nas// bdag nyid bdud rtsi 'khyil par bsgom// drag po gyur pa'i lha rnams la// zhe sdang chen po'i sbyin sreg gis// thams cad mi dmigs gyur par brtag/ces bya ba 'di ni drag po'i las bsdud pa'o// de nas yang lhun gyis grub pa'i las yongs su rdzogs pa 'di gsungs so// 'jig rten khams ni rab 'byams na// dregs par byed pa'i sems can rnams// sna tshogs las kyis zhi bar bya// bkra shis zhi ba'i gnas dag tu// bkra shis mtshan ldan yum mchog bzung// dkar la zlum pa'i dkyil 'khor la// rdo rje 'od zer 'phro bas brgyan// dngul lam dkar po'i shing rnams la// phur pa zlum po drug btab ste// zhi ba'i lha tshogs spyan drangs la// snying rje byams pa'i mchod sbyin bya// baM gyi tshogs kyi dkyil 'khor du// gti mug las kyis 'chel ba rnams// zhi bar gyur pa'i dbyings su rol// 'jig rten khams ni rab 'byams na// 'phongs par gyur pa'i 'gro gang la// sna tshogs las kyi sems par bya// tsan dan nags tshal la sogs par// rgyas par gyur pa'i yum bzung ste// ser po gru bzhi dkyil 'khor la// dri chen chu skyen dag gis brgyan// gser ram ser po'i shing rnams la// phur pa zur bzhi bzhi btab ste// rgyas pa'i lha tshogs spyan yang drang// dang pa'i sems kyis mchod sbyin bya// ma yi tshogs kyi dkyil 'khor du// nga rgyal las kyis 'chel ba rnams// rgyas par gyur pa'i dbyings su rol// 'jig rten khams ni rab 'byams na// chags par gyur pa'i sems can rnams// dbang du bya ba sbyang bar gsungs// zla mtshan can nam chu gling du// dbang du bya ba'i gzungs ma btsal// zla gam dmar po'i dkyil 'khor la// 'od zer 'phro ba'i rgyan gyis brgyan// zangs sam dmar po'i shing rnams la// phur pa zla gam lnga byas te// dmar smug 'phro ba'i lha tshogs rnams// rdo rje spyugs pas spyan drangs te// dga' chags yid kyis mchod sbyin bya// ya yi tshogs kyi dkyil 'khor du// 'dod chags las kyis 'chel ba rnams// dbang du bsdus pas dbyings su rol// 'jig rten khams ni rab 'byams na// shin tu gdug pa'i sems can la// drag shul spyod pas sbyar byas te// rkang gcig can nam dur khrod du// rigs ngan sme sha can la sogs// me reg ma yi gzugs ma gzung// nag po gru gsum dkyil 'khor la// rtsang thod mang pos kha la brgyan// lcags sam nag po'i shing rnams la// rtse mo zur gsum gsum btab ste// mthing nag 'khrugs pa'i lha tshogs rnams// dregs pa 'dul phyir spyan drangs te// btang snyoms khros pa'i sbyin sreg bya// e yi tshogs kyi dkyil 'khor du// zhe sdang las kyis 'chel ba rnams// brlag par gyur pas dbyings su rol// zhes gsungs so// de nas yang rtsa ba las kyis bsregs pa 'di gsungs so// rnam bzhi las rnams yongs rdzogs nas// las kyi tha ma cha gcig tsam// rdzogs par bya phyir yang gsungs pa// gsod pa drag po'i dkyil 'khor du// gdug pa can gyi shing bu la// tshil chen dag dang ldan byas nas// lus nag khros pa'i lhor bltas te// skra yang spyi bor bcings byas te// lus la mtshan ma rnam gsum gdab// nga ro drag tu bton nas ni// bka' dang bden pas legs bsgom la// me yis las gzhung bsnyag pa'am// yang na bsdus te rtsa ba'i lha// spar dang bskyed pa byas nas ni// ye shes dgug ste de la bstim// las kyi mtha' 'am rdzogs pa ru// gdab dang gtub pa'i las byas la// brdung dang stabs te dbyings la rol// sngags kyi mtha' dang bcas pa yis// mngon par dbang po bltar yi pas// ril bu bsdus te zhal du dbul// rang byung 'bar ba'i me chen gyis// bzhu nas bdud rtsir gyur pa yis// 'khor lo'i lha la mchod pa 'bul// rgyal ba thams cad mnyes mchod 'bul// tshogs chen gnyis kyang rdzogs par rol// de nas 'khor gyi las mkhan la// gong ma bzhin du mchod par 'bul// gshegs nas bsdu dang dbyings su rol// las kyi mtha' dang ldan par bya// zhes gsungs so// de nas yang yan lag gi 'khor du bsregasapa phyi gsungs te// rnam par rgyal ba'i dkyil 'khor du// dug shingad gdug pa'i shing bu la// de la me 'khor sbar bsregs pa ni// zhi lpags dag gi gdan la 'jug/ khros pa'i sems dang bcas pa yis// gong ma nyid la gzugs bris la// las rnams rdzogs nas mer bsregs na// sangs rgyas nyid kyang gdan la 'gre/gshin rje gshed po'i dkyil 'khor du// zhe sdang gting nas rab bskyed la// gzugs brnyan gong dang mthun par bya// khrag dug bsres la mtshan ma bri// drag po'i las rnams byas na ni// gdug pa'i shing la me spar la// rab tu phung pa'i gnas su bsregs// skad cig nyid la brlags par 'gyur// rta mgrin rgyal po'i dkyil 'khor du// mthing nag gru gsum nag po bya// khros pas shin tu nan tan bskyed// khros pas lhor bstan skra yang brdzes// lus nag thal ba'i mtshan mas byug/ nyi shu rtsa gcig lha tshogs rnams// rim pa gnyis su gsal byas te// so so'i grangs dang mthun pa yis// dus tshod ma nor shes byas te// bsregs na tshangs pa'i tshe yang 'chi// bdud rtsa 'khyil pa'i dkyil 'khor du// dur khrod ras dang mi khrag dang// gu gul la sogs rdzas rnams la// ming rus bcas par gzugs byas la// las rnams yongs su rdzogs nas ni// gtum po'i me la bsregs pa na// lha yang brlag par the tshom med// dbyug pa sngon po'i dkyil 'khor ni// mthing nag rab tu 'bar ba la// rang byung me reg thang chus byug/ gdug pa ga'u kha sbyor du// shing shun gzugs byas der bcug la// bzlas pa'i grangs rnams tshang gyur na// las rdzogs las chen rgya gram du// bse yi me la gtums bsregs na// skad cig yud la the tshom med// mi g.yo mgon po'i dkyil 'khor ni// gling bzhi dkyil 'khor 'bar ba la// dmigs pa'i rdzas dang mi rtag// rtag nag bdud rtsis rab sprus la// shin tu dod la rdzogs par bya// sa bdag med pa'i sa phyogs su// 'o ma can gyi shing bu la// bsregs na 'grub par the tshom med// dpal ldan rgyal ba'i dkyil 'khor du/ rta nag khrag dang dug tu sbyar// shing shun gzugs bri dud pas bdug/ sngo dmar byad du bcug nas ni// dum bu gsum tu rab gtubs te// shin tu dri nga'i me spar te// gcig ni khrag 'thung 'khor bcas la// gcig ni 'phra men rnams la dbul// gcig ni dam can rnams la dbul// 'dis ni gdug pa'i sems can rnams// skad cig yud kyis brlag par 'gyur// khams gsum rnam rgyal dkyil 'khor du// gsod pa'i dbyibs la rgya sol byug/ dri ma drug la gzugs byas te// dur khrod ras la ming rus bri// gang yin rang gi gnas su sba// me reg gtun du gzugs bzhag ste// mtshan ma mthong nas las rnams bya// snyigs mar bcas pa'i sbyin sreg gis// sangs rgyas nyid kyang gdan las 'gre/hUM chen 'bar ba'i dkyil 'khor du// dug gi chu yis chag chag gdab// dur khrod me reg ras ma la// gzugs byas las rnams rdzogs par bya// las su rung ba'i rtags mthong nas// dur khrod gnas su der song nas// dug shing dag la me spar te// bsregs na skad cig gcig la 'grub// stobs po che yi dkyil 'khor du// gong gi rdzas la gzugs byas te// dug dang sme khrag rnams kyis byug/ thun mtshams bzhir ni sngags bzlas te// las kyi skabs la bab pa dang// dur khrod shing bu'i me bus te// gong gi rdzas la bsgres te bsregs khams// gsum gnas pa'i skye bo'i tshogs// thang cig yud la 'chi bar 'gyur// 'di rnams rang res las kyis sam// 'di sdom rtsa ba bsgyur bar bya// zhes gsungs so// de nas yang rang rang gi khyad par gyis bsregs pa 'di gsungs so// bdag nyid chen po'i dkyil 'khor du// mthing nag rab tu 'bar ba la// me reg dag la ldan par bya// bdud rtsi lnga yis 'thas par bya// dur khrod gdan la 'dug nas ni// dri chen dag gis lus la byug/ gdong la thig le rnam gsum gdab// bzlas pa bya zhing thun rnams brdeg/ mtshan ma dum bur gtubs nas ni// mi shis shing la me spar te// bum bu re dang klad pa dang// tsit+ta mi dbang sha phye dang// grir bas da sha khrag byang chub sems// mchod pa gsum dang sbyar te bsregs// 'di byas las la thogs pa med// dbang po brgya byin shi bar bstan// sho na mu kha'i dkyil 'khor du// dmigs par bya ba'i dngos po ste// spra tshil dag la gzugs byas la// mtshan ma ming du bcas bar bya// bsgrub pa rdzogs nas las 'di brtsam// dug shing gdug pa'i me bus te// gong ma dag dang bsre ba'i rdzas// tsa ra rta dang byi ba dang// chu bya'i snying dang gtor mar sbyar// grangs 'bum bsregs na lha yang 'chi// sa bdag chen mo'i dkyil 'khor du// dur khrod dag gi ras ma la// dmigs pa'i gzugs bya gong ma bzhin// bzlas brjod yongs su rdzogs pa dang// gdug pa'i shing ngam seng ldeng la// dug dang mtshal gyis byug byas te// nam gyi gung ngam nyin gung la// rang rang grangs dang mthun par bsreg/ 'di yis bsam pa myur 'grub cing// gdug can brlag par the tshom med// bsgrub pa gang dang gang la yang// mthar gyis las la nan tan bskyed// gcig gam yang na gsum rdzogs bya// thun mong spyi dang khyad par ro// phyi nang gsang ba'i rim pa yis// las kun yongs su rdzogs pa yin// 'di ni thabs kyi rgyal po ste// kun gyis shes par ga la rung// bla ma gnyes na bdud rtsi long// de yis las mthar phyin par 'gyur// zhes gsungs so// rdo rje me lce 'phreng ba'i rgyud chen po las/ phyi nang gsang ba'i sbyin sreg bstan pa'i le'u ste bco lnga pa'o//// de nas yang karma kI la yas/ bcom ldan 'das gsang ba mchog gi bdag po la 'di skad ces gsol to// e ma rmad byung 'dren pa'i sku// yon tan rgya mtsho mnga' ba'i lha// don che dam pa'i 'byung gnas gtso// thams cad mchog gi bdag nyid pas// las rnams yon tan mthar phyung na// snod dang mi ldan bsgral ba la// zor dang thun rnams mi 'tshal lam// 'di yi rim pa ji ltar lags// zhes gsol pa dang// bcom ldan 'das gsang ba mchog gi bdag pos bka' stsal pa/ 'di bsgrub pa yi gang zag la// so so'i dkyil 'khor mthar phyin nas// zor thub las la sbyar ba gces// de yi rim pa 'di lta ste// dang po dkyil 'khor mngon bzhengs te// bsnyen bsgrub las su rung dus su// gal te mtha' la ma chud na// rtags dang rmi lam dag bstun te// bsrung ba'i lha ni bcu gnyis so// dpral bar bya ba rab tu gces// de ni 'di ltar yul lha dang// pho lha dgra lha mu stegs dang// srog lha ma lha gang dag dang// ma mo sman mo yi dags dang// btsan dang the rang dag gis 'tsho// bsrung byed lha ni bcu gnyis la// dbral bar bya ba'i dus su ni// so so'i mtshan nyid shes pa gces// gang yin gnas nas spyan drangs la// rang rang mthun pa'i rdzas byin te// so so'i gnas su bskrad la gtad// de yang bden pas bsgo la bya// yang na de nyid nyid ni dbab// gal te de ltar ma yin na// nyams sam rmi lam brtags bstun la// rgyal blon lta bur de mthong na// yul lha dag gis 'tsho ba ste// rten skyob gnyis la bkug pa las// cha gnyis gsal byas gu gul bsregs// yang ni me reg shun pa bsreg/ 'chi'am yang na 'bros par 'gyur// yul gyi skyes pa gzhon nu'am// ral gri lta bur de mthong na// pho lhas nges par bsrung ba yin// gong bzhin byas las nges par 'gyur// skra yi la ba can mthong na// mu stegs dag gis srun pa yin// rgya tshil gu gul chil chen bsregs// de yis nges par 'bral bar 'gyur// gos dkar gon nas cang mi smra// srog lha 'tsho bar nges par bya// gang du smos pa'i rdzas rnams dang// rta yi dmigs pa bsregs pas 'brel// bu med rang gi ma sru'am// sha ba yu mo dag mthong na// mo lha dag gis bsrung ba ste// rwa yi rwa gzhob dri ma dang// ra spu la sogs bsregs pas 'brel// mo gzugs lta bu khro ba na// ban bon dag gi srungs ma ste// lha nyid bdud du dbab par bya// skyes pa mo dang 'grogs mthong na// ma mo'i ging gis 'tsho ba na// sha sa'i las la brtson par 'grub// grogs mo 'dza' mo dag mthong na// sman mos 'tsho bas snying khrag rdub// phyin chad de yis skyob mi nus// blon po shed sman dag mthong na// btsan dang the brang dag gis 'tsho// so so'i mthun pa'i rdzas rnams ni// bag zan la byas kha dog bsgyur// byin la tshil chen dud pas gtang// gu gul bdug pas 'bros par 'gyur// gzhan yang shes par bya ba ni// glang chen drug dang sprul pa drug/ 'di dag srun pa'i rten yin pas// 'di lta bu la spyad par bya// de yi mtshan nyid 'di lta ste// rta dang sha ba lug dang glang// khyi dang phag ni glang chen drug/ deyi sprul pa snang ba ni// stag dang de las 'dra ba'i lus// rnyan dang dgo ba lta bur snang// de bzhin gtsod dang rnga chen dang// mdzo dang bung bu dag dang ni// spyang khu gcan gzan khyi la sogs// de 'dra'i ltas rnams byung ba dang// de yi dbang song de dang dbral// gnyan po stag dang bya rgod dang// gdug pa'i tshogs dang dam can rnams// rab tu 'bas pas de dang bral// 'di ni bsgrub pa'i las rnams kun// thams cad la yang shes par bya// gzhan yang zor thun rim pa ni// skabs kyis ming gi phye ba ste// thun mong spyi yi rim pa'o// de yang rtsa ba yan lag tu// phye bas phyi nang gsum du bsgyur// dang por spyi yi rim pa ni// gsang ba'i 'khor lo rnam bzhi la// rten nas las rnams mthar phyung ste// nyi shu rtsa gcig dkyil 'khor du// sngar grub dag gi smyug ma la// khra dang 'ug pa srin bya dang// bya rog dag gis sgron pa'i mda'// gdug pa'i mde'u sor gsum gzhug/ dug dang ma rungs pa yis byug/ rnam rgyal la sogs khro bo bzhi// zhing gis sgron pa'i mda' gnyis las// hUM ka ra dang stobs chen bskyed// bsnyen bsgrub la sogs dang po nas// drag po sngags rnams nyungs kar dang// thun rdzas gzhan la bzlas shing blugs// bsgrub pa rdzogs nas zor du 'phangs// bya ba'i las rnams sngon du bya// 'di ni mda' zor chen pos bya// gzhan yang thun zor rim pa ni// gtso bo'i gnas su 'khor bkod dang// 'khor rnams rdzogs nas bdag por bzhugs// de nas rtsa ba'i yan lag yin// rang rang las kyi dkyil 'khor du// rang rang rigs kyi mda' rnams la// byugs pa byas la dbang yang bskur// dang po tha mar nyungs kar dang// thun rdzas dag la rang rang gi/sngags mang bzlas la mda' la bstim// du sa bzhir rab tu 'bad byas te// las rnams rdzogs nas dur khrod du// song la ma mo mkha' 'gro bod// lha klu kun la bden pa bdar// gser skyems gtor te lam 'phrang bsal// drag po las rnams da byed kyis// lha srin sde brgyad la sogs rnams// mda' yi lam du khyed ma 'dug/ de skad byas la zor du 'phang// dmigs pa snying la 'phog par bsam// 'di ni sngags kyi mda' zor te// yan lag kun la 'jug pa yin// bsnyen bsgrub 'phrin las gsang ba'i rim// tha ma'i rim pa rdzogs pa la// 'di yi las rim rnam pa bzhi// phye bas gnyis su 'gyur ba yin// gsher thun dang ni skam thun no// dang po la yang gnyis yin te// khrag dang dug gi gtor ma'o// de'ang rnam gnyis dug gtor dang// thun dang bcas ba'i gtor ma'o// gnyis pa la yang gnyis yin te// phur pa dang ni thun rdzas so// dang po'i rang bzhin 'dir gsungs pa// bsad pa e yi dkyil 'khor du// me reg thang chus gzhi blangs la// khrag dang snying sna thams cad bsogs// bdag nyid dkyil 'khor gsal bltas la// ma mo mkha' 'gro rnams kyis bsog/ gang la bab pa'i dus de ru// gdug pa'i 'khar ba lag thogs la// 'jigs pa'i mdung mda' phyar bar bsam// sdong po shing shun dag gis g.yab// rbad pa'i snying po mtha' can sngags// grangs med bzlas la khrag thun blugs// dur khrod gnas sam mchod pa'i mkhar// song la lha srin sde brgyad bod// bden pas bsgo la gser skyems sbyin// gsur chen btang la dam can bod// bsad pa'i sngags ni ci nus bzlas// ma nyes ma g.yo gzu dang dpang// dkon mchog gzu dang dpang gyis shig/ lha srin sde brgya gzu dang pa gyis// rnal 'byor ngas ni ma nyes so// dkon mchog dbu 'phangs 'di yis sma da// sangs rgyas bstan pa 'di yis bshig/ las rnams log par 'di yis spyad// las ngan byur zad las log la// khrag thun dbab pa'i dus la bab// nad dang dal cig 'di la phog/ khrag skyug snying rtsa bcad pa dang// dam nyams bdun brgyud bcas pa'i phyir// mkha' 'gro ma mo dam la 'du// lha srin sde brgyad dam la 'du// srid pa'i ma mo dam la 'du// gzhan yang bskul ba ci nus bya/ thun lam gsal te zor du 'phang// dkar nag mtshams su brgyab pa dang// thun nyid nad ngan sna tshogs 'gyur// gangs ri chad pa lta bur 'gyel// dam can mgo brnyan tshogs rnams kyis// 'phar spyang sha la btod pa bzhin// rdul cha tsam yang med par bsam// 'di ni khrag thun zhes bya'o// dug gi thun ni 'di lta ste// ji ltar bsgrub ba'i dus dag tu// dug gi rdzas rnams ma lus kun// sdong po me reg gtun nang du// me reg thang chus phud byas la// 'jig rten dregs pa'i dus rnams kun// ma lus bkug la de la bstim// dam can ma lus las la bskul// mthong ba tsam gyis thams cad kun// ha la ha la chen po brtags// tsha ba'i rdzas rnams thams cad kyis// lus kyi khog pa rgyas par bya// lus kyi tsha ba rgyas par byed// gzhan yang thod par bsogs pa'i rdzas// bong nga spyang tsher re lcag pa// spyang dug thar nu skye tshe dang// chu srin snying dang glang chen snying// thang khrom chu dang rab sbyar la// byin brlab 'od 'phros 'jig rten gang// gdug pa'i tshogs rnams bkug bstim pas// ha la ha la dug tu brtag/mthong ba tsam gyis khrag tu skyug/ khams gsum thams cad 'tshig par byed// gzhan yang khol lam du ba 'byung// 'on te khol lam rlangs pa 'byung// thun mtshams dus bzhir 'bad pa dang// brgyad dang bcu bzhi nyi shu'i bar// 'di yis lha yang brlag par 'gyur// khams gsum pa rnams smon ci dgos// 'di ni dug gi thun zhes bya// thun gyi gtor mas bsad pa na// 'brub khung las kyi dkyil 'khor du// las kyi 'khor lo thams cad kun// gong du ji ltar bshad pa las// mkhas pa nyi shu rtsa gcig sgom// btags te gong 'og rab sbyar la// bsngags te ci nus bzlas pa yis// dpa' bos ma tshogs las la bskul// mchod bskul thun la rab 'bad pas// dngos su khrid nas thun nang du// spyi tshugs dag tu bskyur ba yis// mkha' 'gros sha rus phral nas su// lus kyang dum bur bcad gtubs shing// rdul cha tsam yang med par bsam// 'di bzhin byas na lha nyid kyang// dum bu dum bur 'chad pa dang// sangs rgyas nyid kyang 'chi 'gyur na// nyams pas gyur pa smos ci dgos// mthar gyi las ni snga ma bzhin// 'di ni gtor ma'i las zhes bya// phur pa'i thun rnams bshad pa ni// lugs su drangs nas bzlog pa'o// dang por thun gyi phur pa la// re re dag nas gsal btab ste// kI li nyi shu rtsa gcig bzlas// lha tshogs drag po'i dkyil 'khor du// gsal bar bltas te byin gyis brlab// las sngags nyi shu rtsa gcig pa// nges par ngo yis zin pa'i mis// gong 'og gnyis kyi mtha' rtogs pas// dgra 'dzab drag po'i gsang sngags yin// re re dag nas grangs nges bzlas// bco brgyad dkar nag mtshams su dril// de nas rang rang sngags kyis so/ zhag grangs dus dang mtshan ma yi// rtags rnams byung nas gdab par bya// steng nas mtshon cha'i char du phab// lus kyang dum dum bu ru// rang rang sngags kyis nges btab pas// 'chi 'am yang na skam par 'gyur// gal te mtha' lam ma chud na// ma grub spogs pa'i 'khor lo bzhin// sngags dang las rnams thams cad dang// go rim ting 'dzin bzlog pa yis// mon gyi zangs sam skad cig gtun// nyungs kar nyungs nag lcags phye dang// rdo dang zangs phye tshe la sogs// thun rdzas rnams kyis rab bskang la// rang gi ngo gdong khrag gis byug/ skra yang spyi bor bcing byas la// mche ba gtsigs te gsang sngags bzlas// ma ni drag tu chum// ma ni drag tu chum/ ma sha srog b+h+yo/thabs ni rtsa srog/ ni tsa srog/ he he haM/ ma ma khrag tu/ ni shu ya/ ru phi ni khrag 'thung/ shi shu mA ra ya b+h+yo/ ma drag mo ru khrag nyon/ shag shag pra ma shud do shag/ de bzlas lha dang dbral bar nges// 'di ni gzhan pa'i skabs su yang// khyad par dag gi las yin no// 'di dus gong ma'i rjes la ni// bsgral ba'i 'dzab la rab bzhugs shing// rbad ces mtha' la btags te brdeg/ gzugs brnyan phye ma gyur par bsam// sngags kyi mtha' la de bzhin te// 'phongs pa'i dus su b+h+yo zhes gdags// 'di ni thun chen zab mo yis// yan lag thun gyi rim pa ni// bdag nyid chen po'i dkyil 'khor du// las kyi rim pa tshang ba dang// mon gyi zangs ma rkang gcig gtun// khrag dug rnams ni rab tu bsog/ mi skra'i gzungs thag btags nas ni// gsang sngags nyi khri bdun 'bum bzlas// khrag gi bud med bsam yas pa// lag na gdug pa'i mtshon cha thogs// dmigs pa'i dngos po de bkug ste// thun gyi nang du spyi tshugs bskyur// nad kyis 'tshubs te brgyal ba dang// sha khrag gtod cing za bar brtag/ khol dang rlangs pa me stag 'phro// rtags byung nas ni 'phang bar bya// khrag thun gong ma dang sbrel la// grong la gtor na mi phyugs la// nad ngan sna tshogs 'byung bar 'gyur// dur la gtor na nang 'khrug 'ong// thang cig yud kyis brlag par byed// 'dis ni mi 'grub gang yang med// 'di yang khrag gi thun zhes bya'o// sa bdag chen po'i dkyil 'khor du// nyungs kar byin gyis brlabs byas la// sdong po skad cig gtun du blugs// bdud rtsi lnga yis rab tu bran// khrag sna sbyar ba'i chus kyang byug/ de la bzlas pa bya ba'i sngags// kI la ya yis sna grangs pa'i// ro la khrag 'thung hUM phaT mtha'// lnga bcu rtsa bdun tshang bar bzlas// 'dzab grangs tshang ngam rtags byung nas// so so'i gsod pa'i las sngags kyis// bzlas pa byas te de rgyab na// klu la brgyab na mdze nad 'ong// dur la brgyab khrag tu skyug/ 'khor lo brgyab na grong brdal 'jig/mi phyugs la sogs thams cad kun// rab tu brgyal te 'chi bar 'gyur// gang la dmigs pa de brlag byed// 'di ni nyungs kar thun zhes bya'o// sho na mu ka'i dkyil 'khor du// 'tshe rdo nag po'i la sogs pa// gdug pa'i gsang sngags 'di bzlas bya// rtsa sngags dza nas rbad kyis mthar// 'di sha b+h+yoru lu ru lu b+h+yo/ de btags bzlas pa khri 'bum du// gal te mtshan rtags byung ba dang// rdo rje g.yab mos thams cad g.yab// 'jigs pa'i nga ro chen po 'byung// so so'i las la rbad par bya// grong ngam grong khyer chen po'am// yul phyogs dur dang lha rten dang// brgyab na brlag par the tshom med// 'di ni kun la 'jug pas na// spyi yi thun bsgrub ces kyang bya// rdo rje me lce 'phreng ba'i rgyud chen po las/ thun zor las kyi rim par phye ba'i le'u ste bcu drug pa'o//// de nas yang karma he ru kas/ bcom ldan 'das gsang ba mchog gi bdag po la 'di skad ces gsol to// e ma ho yon tan mchog gi sku// 'dren pa'i bden pa mchog gis gnas// dri med nam mkha' lta bu'i sku// gsang chen nor bu 'bar ba'i mdzod// rnal 'byor las mthar phyin pa la// sngags kyi don rnams ma shes par// yon tan nus pa mi 'char bar// 'di yi sngags rnams ji ltar btu// sngags kyi sde tshan ji ltar dbye// sngags kyi bdag po ji ltar gzung// gsang mchog rgyal pos bshad du gsol// 'phrin las khyad par so so'i sngags// ma 'dres gsal bar bshad du gsol// zhes gsol pas/ bcom ldan 'das mnga' dbang yongs su rdzogs pa'i rgyal pos/ 'phrin las thams cad kyi bdag nyid lhun gyis grub pa'i bdag nyid des/las mthar 'byin pa'i bdag nyid po la bka' stsal pa/ dang po sngags kyi don rnams ni// ming med brjod pa rnams dang bral// tshig dang sgra yi spyo yul min// spyod yul yongs su dag pa'o// sems can las dang smon lam dang// thugs rje chen po 'brel bas na// sngags rnams yongs su rdzogs par byung// de yang thabs dang shes rab las// sde tshan gnyis kyi yi ge rnams// bde bar gshegs pa'i gnas rnams ni// yi ge sprul pa'i gzugs su 'thon// mtha' dag ma lus yi ge/ sgra yi mig gis thams cad bsdus// yon tan nam mkha'i mtha' ltar gnas// mnyam rdzogs chen por lhun bsgoms nas// sku gsung lhun gyis rdzogs par snang// de la sogs te yon tan rnams// thams cad thams cad 'grub pas na// rgyal ba nyid kyis brjod las 'das// re zhig las dang yon tan dang// mig dang sde tshan mdor bsdus na// dbyangs yig dang po dbur gzhag la// dbyangs yig gnyis pas 'og nas spras// dbyangs yig dgu pa steng du dgod// stong ba rnams kyis 'og nas spras// rnam snang mdzad kyi yi ge ste// thams cad brgyad pa rnam par spras// rnam snang mdzad kyi yi ge ste// thams cad kun gyi mgo la sbyin// de rje lnga pa'i gsum pa gzhan// de 'og gnyis pa'i gsum pa la// drug pa'i gnyis pa de la sbyin// de 'og dang po'i dang po la// shes rab gnyis pas steng nas brgyan// de 'og drug pa'i gsum pa la// shes rab gnyis pas steng nas dgod// de 'og dang po'i dang po la// shes rab gnyis pas steng nas brgyan// de 'og drug pa'i gsum pa la// drug pa'i dang po rtsa ru bzhin// bdun pa yi ni gsum pa la// drug pa'i bzhi pa de la sbyin// drug pa yi ni gnyis pa la// lnga pa'i gsum pa de la sbyin// de 'og lnga pa'i gsum pa la// shes rab gnyis pas steng nas brgyan// dang po'i gsum pa de la sbyin// gsum bzhi'i tha ma gnyis bsdus te// lnga pa yi ni gsum pa la// brgyad pa'i dang po steng nas brgyan// de 'og mthar gnas tha ltag la// shes rab gsum pas 'og nas brgyan// stong pa'i brgyan pas steng nas mdzes// de nyid bzhin du yang bsdus te// de 'og lnga pa'i gnyis pa la// bzhi pa'i dang po de la sbyin// bsad pa'i dus du gdags pa yin// gsum pa yi ni dang po la// shes rab gnyis pas steng nas brgyan// lnga pa'i gsum pa de la sbyin// de 'og bzhi pa'i dang po gzhag/gnyis pa yi ni dang po la// dang po'i gsum pa de la sbyin// dang po yi ni dang po la// drug pa'i gnyis pa de la sbyin// ha na gnyis dang hUM phaT mtha'// sngags ming yum gyi rtsa ba'i sngags// dang por rnam par snang mdzad de// de 'og mi shigs snying po can// de 'og dang po'i gnyis pa la// drug pa'i gnyis pos 'og nas brgyan// de steng shes rab bdun pas brgyan// de 'og bzhi pa'i dang po ste// rang gi ming dang sa bon bcas// hUM chen bskyed pa'i sngags yin te// gong du ji ltar bsgrubs pa la// de 'og lnga pa'i bzhi pa gzhag/ de steng shes rab gnyis pas brgyan// de 'og gnyis pa'i bzhi pa gzhag/ de 'og drug pa'i dang po ste// mtha' ma hUM dang ldan pa ni// rnam par rgyal ba bskyed pa'i sngags// gong ma ji ltar bsgrub pa la// bzhi pa'i tha ma gnyis pas brgyan// de 'og drug pa'i gsum pa bzhag/ de 'og bzhi ba'i bzhi pa la// bzhi pa'i lnga pa de la sbyin// de 'og gsum pa'i bzhi pa bzhag/ mtha' ma hUM ldan pa ni// dbyug sngon bskyed pa rkyen gyi sngags// gong du ji ltar bsgrubs pa la// drug pa'i dang po rtsa ru gzhag/ de 'og lnga pa'i tha ma la// bzhi pa'i tha ma de la sbyin// de 'og gsum pa'i dang po ste// tha ma hUM dang ldan pa ni// gshin rje gshed po bskyed pa'i sngags// gong ma ji ltar bsgrub pa la// shes rab dang po gzhag par bya// de 'og drug pa'i gnyis pa la// dang po'i gsum pa 'og nas brgyan// shes rab dang po yang gcig sbyin// de 'og gnyis pa'i gnyis pa gzhag/ de 'og drug pa'i gsum pa gzhag/ tha ma hUM dang ldan pa ni// mi g.yo mgon po bskyed pa'i sngags// gong ma ji ltar bsgrub pa la// mthar gnas tha ltag gzhag par bya// de 'og drug pa'i dang po gzhag/ de 'og dang po'i gsum pa la// drug pa'i gnyis pa 'og nas spras// shes rab gnyis pas steng nas brgyan// de 'og lnga pa'i gsum pa gzhag/ tha ma hUM dang ldan pa ni// rta mgrin rgyal po bskyed pa'i sngags// gong ma ji ltar bsgrubs pa la// shes rab dang po gzhag par bya// de 'og lnga pa'i dang po gzhag/ de 'og drug pa'i gnyis pa'o// de 'og gnyis pa'-i dang po la// shes rab gnyis pas steng nas brgyan// de 'og gsum pa'i dang po ste// mtha' ma hUM dang ldan pa ni// gzhan gyis mi thub bskyed pa'i sngags// gong ma ji ltar bsgrub pa la// shes rab dang po snga ma bzhin// de 'og lnga pa'i lnga pa la// drug pa'i gnyis pas 'og nas spras// de steng shes rab gnyis pas brgyan// de 'og bzhi pa'i dang po gzhag/de 'og dang po'i dang po la// shes rab gsum pas 'og nas spras// de la bzhi pa'i tha ma sbyin// de 'og bzhi pa'i dang po gzhag/ de 'og drug pa'i gsum pa la// shes rab gnyis pas steng nas brgyan// mtha' ma hUM dang bcas pa ni// bdud rtsi 'khyil ba bskyedapa 'i sngags// gzhan yang gong bzhin bsgrub pa'i 'og/ gsum pa'i dang po gzhag par bya// drug pa'i gnyis pa 'og nas spras// shes rab drug pas steng nams brgyan// de 'og drug pa'i gsum pa la// shes rab bdun pas steng nas dgod/ de la dang po'i gsum pa sbyin// de 'og dang po'i dang po dang// drug pa'i dang po 'og nas spras// de 'og lnga pa'i gsum pa la// steng du shes rab gnyis pas brgyan// de 'og gnyis pa'i dang po gzhag/ de 'og drug pa'i dang po'i dang po ste// mtha' ma hUM dang ldan pa ni// khams gsum rnam rgyal bskyed pa'i sngags// gong bzhin ji ltar bsgrub pa'i 'og/ lnga pa'i lnga pa gzhag par bya// de 'og mthar gnas tha ltag gzhag/ de 'og lnga pa'i dang po ste// de 'og drug pa'i gsum pa'o// hUM zhes mtha' ru brjod pa ni// stobs chen bskyed pa rkyen gyi sngags// gong ma ji ltar bsgrub pa'i mtha'// stong pa nyid las yang dag brgyan// thams cad mthun par shes par bya// de 'og dang po'i dang po la// bdun pa'i dang po de la sbyin// drug pa'i dang po rtsa ru gzhag/ de 'og bzhi pa'i dang po la// shes rab gnyis pas steng nas brgyan// mtha' ma hUM dang ldan pa ni// sgra 'byin ma yi bskyed pa'i sngags// gong mas ji ltar bsgrub pa'i mthar// drug pa'i gsum pa gzhag par bya// de 'og bdun pa'i tha ma la// shes rab drug pas steng nas brgyan// de 'og dang po'i dang po la// stong pa'i gnyis pas steng nas brgyan// mtha' ma hUM dang ldan pa ni// rnam snyems ma yi bskyed pa'i sngags// gsum pa yi ni dang po la// drug pa'i gnyis pas 'og nas spras// de 'og bzhi pa'i dang po la// stong pa'i gnyis pa steng du bkod// de 'og lnga pa'i gsum pa bzhag/de 'og drug pa'i dang po'o// mtha' yi sngags dang ldan pa ni// rdo rje sder mo bskyed pa'i sngags// gong ma ji ltar bsgrub pa'i mthar// bdun pa yin ma pa gzhag/ bzhi pa'i dang po de la sbyin// de rjes bzhi pa'i lnga pa gzhag/de 'og lnga pa'i dang po gzhag/ de rjes bzhi pa'i dang po la// shes rab gnyis pa de la sbyin// mtha' ma'i hUM dang ldan pa ni// dur khrodam yi bskyed pa'i sngags// de nas lnga pa'i lnga pa la// stong pa'i gsum pas 'og nas spras// de 'og mthar gnas mtha' ltag gzhag/ de rjes drug pa'u+i gsum pa gzhag/ hUM gi mtha' dang ldan pa ni// gtun khung ma yi bskyed pa'i sngags// gong du ji ltar bshad pa'i mthar// gnyis pa'i gsum po gzhag par bya// de rjes drug pa'i dang po ste// de 'og bzhin pa'i dang po bzhag/ stong pa'i gnyis pas steng nas brgyan// mtha' mar hUM dang ldan pa ni// rdo rje gtum mo bskyed pa'i sngags// gong ma ji ltar bsgrub pa'i mthar// bdun pa'i dang po zhag par bya// de 'og drug pa'i dang po gzhag/ de 'og lnga pa'i dang po la// drug pa'i dang pos 'og nas spras// de rjes bzhi pa'i dang po la// stong pa'i gnyis pas steng nas brgyan// hUM zhes mtha' ru brjod pa ni// mda' snyems ma yi brjod pa'i sngags// gong gi ji ltar bsgrub pa'i mthar// lnga pa'i gsum pa gzhag par bya// de 'og drug pa'i dang po yin// de rjes lnga pa'i gsum pa la// stong ba'i drug pas steng nas brgyan// hUM gi mtha' dang ldan pa ni// rlung 'byin ma yi bskyed pa'i sngags// dang po ji ltar bsgrubs pa'i mthar// bdun pa'i gsum pa gzhag par bya// gsum pa'i dang po de la sbyin// stong pa'i gnyis pas de la mdzes// de 'og drug pa'i gnyis pa gzhag/ de 'og lnga pa'i lnga pa gzhag/ gsum pa yi ni lnga pa na// stong pa'i gnyis pa de la mdzes// mtha' ma hUM dang ldan pa ni/ gsod chen ma yi bskyed bsngags yin// gong ma ji ltar bsgrubs pa'i mthar// gnyis pa'i dang po gzhag par bya// stong pa gnyis pas steng nas brgyan// de la bzhi pa'i lnga pa sbyin// de 'og bzhi pa'i gsum pa gzhag/ de rjes lnga pa'i lnga pa la// stong pa'i gsum pas 'og nas spras// de 'og bzhi pa'i lnga pa la// shes rab drug pas steng nas brgyan// mtha' ma hUM zhes brjod pa ni// bskyod chen ma yi bskyed pa'i sngags// rnam par snang mdzad hUM phaT mtha'// yang snying yi ge 'bru dgu po// ma nor rtsa ba'i snying po dang// sras mchog bskyed pa'i sngags yin no// sku gsung thugs kyi yi ge gsum// re re la yang gsum gsum dgus// dam tshig dkyil 'khor byin dbab sngags// thog mar rnam par snang mdzad sngags// bzhag la dbyangs yig dang po sbyin// drug pas steng nas yongs su brgyan// mthar gnas mtha' ltag lan gnyis sbyin// 'og ma shes rab gnyis pas brgyan// de 'og lnga pa'i gsum pa la// de 'og dang po'i gsum pa gzhag/ lnga pa yi ni bzhi pa la// gsum pa'i lnga pa de la sbyin// de 'og lnga pa'i lnga pa gzhag/ de 'og mtha' gnas tha ltag gzhag/ dang po'i dang po yang dag ldan// drug pa yi ni gnyis pa la// shes rab kyi ni gsum pa sbyin// gsum pa yi ni lnga pa lnga// dbyangs kyi gnyis pa de la sbyin// de 'og dang po'i dang po gzhag/ gsum pa yi ni dang po la// drug pa'i gnyis pa yang dag ldan// shes rab gnyis pas steng nas brgyan// de 'og bdun pa'i dang po gzhag/ mthar gnas kyi ni tha ltag la// dbyangs yig bdun pas 'og mas brgyan// sa ma ya yi dam tshig bskul// ho zhes dges par gyur pa dang// gong ma ji ltar bsgrubs pa la// staM zhes dus la bab par bskul// dza hUM baM ho rnam bzhi yis// bskyed dang dbyer med bstim byas pa// ye shes dkyil 'khor dgug gzhug sngags// dang po bzhi pa'i dang po la// bzhi pa'i gsum pa de la sbyin// de 'og drug pa'i dang po gzhag/ de 'og bzhi pa'i gnyis pa gzhag/de 'og drug pa'i gnyis pa'o// de 'og dang po'i gsum pa la// bdun pa'i dang po rtsa ru gzhag/ ru ru gnyis dang ro ru gnyis// de'og gnyis pa'i dang po gzhag/ de 'og lnga pa'i dang po gzhag/de 'og drug pa'i gsum pa gzhag/ de 'og stong pa'i dang po gzhag/ bdun pa yi ni dang po la// stong pa'i gsum pas 'og gnas spras// de la dang po'i gsum pa sbyin// me dang hUM du bcas par bya// re ma ti yi bskyed pa'i sngags// gong ma ji ltar sgrubs pa dang// tsa pa la zhes bor ba ni// re ma ti yi bskyed pa'i sngags// tad+ya thA nas ru yi bar// gong du ji ltar sgrubs pa las// de 'og lnga pa'i gsum pa gzhag/de 'og gsum pa'i dang po la// stong pa'i bdun pas steng nas brgyan// bdun pa'i yi ni tha ma la// sto pa'i gnyis pa steng nas brgyan// mtha' ma hUM dang ldanapa ni// re ma dza yi bskyed pa'i sngags// gong ma ji ltar sgrubs pa la// si yi gral du rta bzhag la// re ma dzu yi bskyed pa'i sngags// dang po gnyis pa'i gnyis pa gzhag/ de rjes drug pa'i dang po'o// de 'og bzhi pa'i gsum pa la// stong pa'i gsum pas 'og nas spras// mtha' ma hUM dang ldan pa ni// dung gi spyang mo bskyed pa'i sngags// lnga pa yi ni lnga pa la// gsum pa'i lnga pa de la sbyin// bzhi pa yi ni dang po la// stong pa yi ni gnyis pas mdzad// hUM gi mtha' dang ldan pa min// lcags kyi khyi mo bskyed pa'i sngags/ dang po bdun pa'i dang po la// drug pa'i bzhi pas mgo nas spras// de 'og drug pa'i gnyis pa la// shes rab gnyis pas steng nas spras// mtha' ma hUM dang ldan pa ni// zangs kyi wa mo bskyed pa'i sngags// dang po bzhi pa'i lnga pa gzhag/ stong ba'i gnyis pas steng nas brgyan// de 'og drug pas gsum pa gzhag/ de'og lnga pa'i dadang po sbyin// stong pa'i gsum pas 'og nas spras// de 'og bzhi pa'i dang po la// shes rab gnyis pas steng nas brgyan// hUM zhes mtha' mar gzhag pa ni// zangs kyi 'phar ba bskyed ba'i sngags// bdun pa yi ni tha ma la// dbyangs kyi gsum pas 'og nas mdzes// de 'og dang po'i dang po la// drug pa'i gnyis pas de la sbyin// shes rab gnyis pas steng nas brgyan// de 'og lnga pa'i dang po gzhag/ de 'og drug pa'i gnyis pha gzhag/mthar ni hUM zhes brjod pa ni// ya byin ma yi bskyed pa'i sngags// lnga pa yi ni dang po dang// drug pa'i gnyis pa gong dang 'dra// de 'og gnyis pa'i dang po la// shes rab gnyis pas de bzhin brgyan// bzhi pa'i dang po rtsa ru gzhag/ mtha' ma hUM dang ldan pa ni// de byin ma yi bskyed pa'i sngags// drug pa yi ni dang po la// shes rab bdun pas steng nas brgyan// 'og dang po'i gsum pa la// dbyangs kyi gnyis pas de bzhin brgyan// bdun pa yi ni dang po la// drug pa'i tha ma de la sbyin// drug pa yi ni gnyis pa la// shes rab gnyis pas steng nas brgyan// de 'og dang po'i gsum pa la// dbyangs yig gnyis pas de bzhin brgyan// bdun pa yi ni dang po la// drug pa'i tha ma de la sbyin// drug pa yi ni gnyis pa la// shes rab gnyis pas steng nas brgyan// mtha' yi hUM dang ldan pa ni// bse byin ma yi bskyed pa'i sngags// drug pa yi ni dang po la// de 'og lnga pa'i tha ma gzhag/ de 'og gnyis pa'i dang po la// dbyangs kyi gnyis pas steng nas brgyan// de 'og gsum pa'i dang po gzhag/ hUM gi mtha' dang ldan pa ni// phag byin ma yi bskyed pa'i sngags// dang por rnam par snang mdzad gzhag/ de 'og drug pa'i gsum pa la// stong pa'i brgyad pas steng nas brgyan// de 'og hUM dang gong ma gzhag/ de rjes bdun pa'i tha ma la// bzhi pa'i dang po de la sbyin// stong pa'i brgyad pas steng nas brgya// de 'og lnga pa'i gsum pa gzhag/ bzhi pa'i lnga pa lan gnyis sbyin// de 'og lnga pa'i lnga pa la// stong pa'i bdun pas steng nas brgyan// de 'og mthar gnas tha ltag gzhag/de rjes dang po'i bzhi pa gzhag/ de 'og drug pa'i dang po gzhag/ de 'og dang po'i gsum pa'o// de rjes lnga pa'i bzhi pa la// bzhi pa'i lnga pa de la sbyin// de 'og bdun pa'i dang po la// drug pa'i gnyis pas 'og nas spras// de steng stong pa'i gnyis pas brgyan// de 'og dang po'i dang po la// de la drug pa'i gnyis pa dang// shes rab gnyis pa'i snga ma bzhin// de 'og lnga pa'i bzhi pa la// stong pa'i gnyis pas steng nas brgyan// gong ma bzhin du zung du bsdeb// de 'og mi shigs snying po can// hUM gi sngags dang ldan pa la// dang po'i dang po drug pa'i gnyis// hUM gsum phaT gsum ldan par bya// 'di ni zil gyis gnon pa'i sngags// dang po mi shigs snying po la// kI la ya yi yi ge lnga// dza hUM baM ho bzhi dang bcas// 'di ni dgug pa'i snying po'i// thams cad pa yi yi ge la// lnga pa'i bzhi pa rtsa ru gzhag/stong pa'i gnyis pa steng nas brgyan// de la dang po'i gsum pa sbyin// gsum bzhi gnyis kyi lnga pa bsdeb// yang snying 'bru dgu dag dang bcas// de 'og mi shigs snying po can// hUM ka ra dang hUM phaT a// tshe lung khrus lung chen po yin// dang po hUM gi yi ge la// lnga pa'i dang po rtsa ru bzhag/ de 'og drug pa'i gnyis par gzhag/ de 'og lnga pa'i dang po la// drug pa yi ni dang po sbyin// dbyangs kyi gnyis pas steng nas brgyan// bzhi pa'i dang po de la sbyin// gsum pa yi ni dang po la// gsum pa'i lnga pa de la sbyin// hUM phaT mtha' dang ldan pa ni// gtso bo'i las sngags yin par shes// de nas gnyis pa'i dang po la// stong pa'i gnyis pas steng nas brgyan// de la bzhi pa'i lnga pa sbyin// de rjes bzhi pa'i bzhi pa gzhag/ gong ma ji ltar bsgrub pa la// hUM phaT mtha' ru gzhag pa ni// bdud rtsi 'khyil ba'i las sngags yin// de nas lnga pa'i bzhi pa la// stong pa'i gnyis pas 'og nas spras// gsum pa'i lnga pa de la sbyin// de 'og gsum pa'i bzhi pa gzhag/ gong ma ji ltar bsgrubs pa'i mthar// hUM phaT gnyis dang bcas pa na// khams gsum rnam rgyal las kyi sngags// de rjes dang po bzhi pa la// drug pa'i gnyis pas 'og nas spras// de rjes stong pa'i gnyis pas brgyan// de 'og bzhi pa'i lnga pa gzhag/ gong bzhin sgrubs la hUM phaT bcas// rta mgrin rgyal po'i las sngags yin// he na drag por lan gnyis brjod// hUM phaT mtha' dang bcas pa ni// rnam par rgyal ba'i las sngags yin// lnga pa yi ni bzhi pa la// bzhi pa'i lnga pa de la sbyin// de 'og bzhi pa'i bzhi pa gzhag/ gong bzhin bsgrubs la hUM phaT can// mi g.yo mgon po'i las kyi sngags// bzhi pa'i dang po dbur gzhag pa// gsum pa'i gnyis pas de la sbyin// de 'og gsum pa'i gnyis par gzhag/de 'og drug pa'i dang po gzhag/ gong ma bzhin du bsgrubs pa la// hUM phaT mtha' dang bcas pa ni// 'di ni rdzu 'phrul dbrog pa dang// gtun du brdungs pa'i snying po yin// de 'og mthar gnas tha ltag gzhag/de 'og bdun pa'i tha ma sbyin// de 'og drug pa'i dang po la// de 'og drug pa'i gnyis pa'o// de 'og mthar gnas tha ltag gzhag/ gsum pa'i dang po tha ma sbyin// hUM dang phaT ces brjod pa ni// rten dang dbral ba'i snying po yin// de 'og bdun pa'i dang po la// drug pa'i gnyis pas 'og nas spras// de steng stong pa'i gnyis pas brgyan// de 'og dang po'i dang po la// drug gnyis 'og spras stong nyid de// drug pa'i lnga pa de la sbyin// de 'og stong pa'i dang po gzhag/ de 'og gsum pa'i lnga pa bzhag/ de 'og drug pa'i dang po la// hUM phaT mtha' dang bcas pa ni// 'di ni yan lag bcings ba'i sngags// gnyis pa yi ni gsum pa la// drug pa'i bzhi pa de la sbyin// de 'og drug pa'i gsum pa gzhag/ de 'og lnga pa'i dang po gzhag/ drug pa'i dang po rtsa ru gzhag/ lan gnyis bsgrubs te hUM phaT mtha'// smra bar byed pa'i snying po yin// stong pa yi ni dang po gzhag/ de 'og lnga pa'i gsum pa la// dbyangs yig drug pas steng nas brgyan// de 'og bdun pa'i dang po gzhag/ de 'og drug pa'i dang po gzhag/gong bzhin bsgrubs la hUM pha[ ]Ta sbyin// 'di ni gzugs la btu ba'i sngags// de 'og lnga pa'i bzhi pa la// stong pa'i gnyis pas steng nas brgyan// de 'og bzhi pa'i bzhi pa gzhag/ drug pa'i dang po snga ma sbyin// lan gnyis hUM phaT dang bcas pa// 'di ni zhal du bstab pa'i sngags// dang po mthar gnas tha ltag gzhag/ de 'og gsum pa'i lnga pa gzhag/ lan gnyis bsgrubs te mi shigs mtha'// gzhan gyis mi thub las kyi sngags// gsum pa'i bzhi pa mtha' gnas dgod// lan gnyis bsgrubs te mi shigs mtha'// dbyug pa sngon po las kyi sngags// lnga dang gnyis pa'i dang po bsdeb/ lan gnyis bsgrubs te mi shigs mtha'// gshin rje gshed po'i las kyi sngags// gzhan yang 'khor gyi las sngags rnams// rim pa ji bzhin yang bsdus pa// dang po yi ni gsum pa la// drug pa'i gnyis pa de la sbyin// de 'og gnyis pa'i bzhi pa gzhag/ lan gnyis bsgrubs te hUM phaT mtha'// phag dang rmig bu las kyi sngags// mthar gnas tha ltag gsum pa'i mtha'// lan gnyis hUM phaT dang bcas pa// stag dang bya rgod las kyi sngags// gsum pa'i bzhi pa mthar gnas stag/ lan gnyis brjod de hUM phaT mtha'// g.yag dang bya rog las kyi sngags// lnga dang gnyis pa'i dang po gnyis// lan gnyis hUM phaT dang bcas pa// sha ba 'ug pa'i las kyi sngags// lnga pa yi ni bzhi pa la// gsum pa'i lnga pa de la sbyin// de 'og gsum pa'i bzhi pa gzhag/ hUM phaT gzigs dang khwa yi sngags// mthar gnas drug pa'i tha ltag la// dbyangs kyi gsum pas 'og nas mdzes// lan gnyis hUM dang phaT ces pa// byi la pu shud las kyi sngags// gsum pa yi ni dang po la// shes rab gnyis pa dag gis brgyan// bdun pa yi ni gsum pa la// gsum pa'i dang pos 'og nas mdzes// lan gnyis bsgrub ste hUM phaT can// spyang khu khra yi las kyi sngags// gnyis pa yi ni dang po la// shes rab kyi ni gnyis pas brgyan// gsum pa'i lnga pa de la sbyin// de 'og gsum pa'i bzhi pa gzhag/lan gnyis bsgrub ste hUM phaT mtha'// seng ge pha wang las kyi sngags// lnga pa yi ni gsum pa la// dbyangs kyi gnyis pas steng nas mdzes// gsum pa'i lnga pa de la sbyin// de 'og gsum pa'i bzhi pa gzhag/lan gnyis hUM phaT dang bcas pa// ngom dang sre mo las kyi sngags// bdun pa yi ni tha ma la// lnga pa'i dang po de la sbyin// shes rab bdun pas steng nas brgyan// de 'og gnyis pa'i bzhi pa gzhag/lan gnyis bsgrubs te hUM phaT bcas// dred dang byi ba'i las kyi sngags// gzhan yang las sngags btu ba ni// dang po'i lnga pa lnga pa gzhag/ de 'og gsum pa'i gnyis pa gzhag/ lan gnyis brjod de mi shig mtha'// de 'og gnyis pa'i gsum pa la// drug pa'i bzhi pa de la sbyin// de 'og drug pa'i gsum pa gzhag/ lan gnyis mi shigs snga ma bzhin// su ru gnyis dang mu ru gnyis// snga bzhin badzra dang bcas pa// sho na ma yi thun sngags yin// de nas dang po'i dang po gzhag/ de 'og gsum pa'i dang po la// dang po'i lnga pa de la bstim// de 'og dang po'i dang po gzhag/ de 'og gsum pa'i dang po la// stong pa'i drug pas de la brgyan/drug pa'i dang po gral la bsdu// de 'og gnyis pa'i gsum pa bzhag/ de 'og drug pa'i dang po la// steng pa'i drug pa de la sbyin// de 'og lnga pa'i bzhi pa la// steng pa'i gnyis pas steng nas brgyan// de 'og gnyis pa'i gsum pa bzhag/ drug pa'i dang po sngar bzhin brgyan// yang cig drug pa'i dang po gzhag/ de 'og steng pa'i dang po la// gnyis pa'i dang po gnyi// lnga pa'i lnga pa drug pa'i gnyis// bdun pa'i gsum pa lnga pa'i lnga// rkyang par gral la bsdu bar bya// de 'og lnga pa'i dang po la// drug pa'i gnyis pa de la sbyin// lnga pa yi ni lnga pa la// drug pa'i gnyis pa de la sbyin/ drug pa'i gnyis pa de nyid la// gsum pa'i dang pos 'og nas brgyan// de 'og gsum pa'i lnga pa gzhag/ drug pa'i dang po hUM phaT bcas// lha mo bzhi yi thun sngags yin// stod kyi thun sngags gnyis pa la// stong stong grangs ni tshang ba dang// sman gyi thun 'di brgya brgya gdags// dang po hUM gis sna grangs la// lnga pa'i lnga pa lan gnyis gzhag/ de 'og lnga pa'i dang po gzhag/ de 'og bdun pa'i dang po la// stong pa'i gnyis pas steng nas brgyan// dang po yi ni dang po la// stong ba'i gsum pas de bzhin brgyan// drug pa yi ni gnyis pa la// stong pa'i gsum pas de bzhin brgyan// de 'og lnga pa'i lnga pa gzhag/ gsum pa yi ni dang po la// lnga pa'i lnga pa de la sbyin// de 'og gsum pa'i lnga pa gzhag/ de 'og dang po'i dang po gzhag/ stong pa'i dang po gnyis pas brgyan// gsum bzhi gnyis kyi tha ma bsdeb// de 'og bzhi pa'i bzhi pa gzhag/gsum pa'i dang po gnyis pas brgyan// lnga pa'i lnga pas lan gnyis gzhag/ de 'og dang po'i dang po la// drug pa'i gnyis pa lnga la sbyin// lnga pa'i lnga pa yang cig gzhag/ bdun pa yi ni dang po la// drug pa'i gnyis pas 'og nas brgyan// de steng stong pa'i gnyis pa gzhag/ de 'og dang po'i dang po la// drug pa'i gnyis pas 'og nas mdzes// dang po'i lnga pa de la sbyin// de 'og dang po'i dang po gzhag/ de 'og drug pa'i gnyis pa la// stong pa'i drug pas de la mdzes// de 'og drug pa'i dang po gzhag/ 'di ni gzugs phung gshig pa dang// bdag nyid ma yi thun sngags yin// stod smad sngags gnyis go bzlog ste// b+h+yo yis spras pa zor sngags yin// nyi shu rtsa gcig b+h+yo rnams ni// btu mi dgos te de nyid do// bdun pa yi ni tha ma la// drug pa'i bzhi pa de la sbyin// de 'og drug ba'i gnyis pa la// lnga pa'i gsum pa de la sbyin// de 'og stong pa'i dang po gzhag/ de 'og gsum pa'i lnga pa sbyin// drug pa'i dang po mthar gzhag pa// hUM phaT mtha' ru gzhag pa ni// hUM chen rgyal po'i las sngags yin// bsdus pa'i sngags su btus pa bzhin// mang nyung med par 'dir sbran/ brgyan/ steng pa'i dang po lnga par bcas/ de 'og drug pa'i gnyis pa gzhag/ gnyis pa'i dang po gnyis pas brgyan// bzhi pa'i dang po drug pas brgyan// stobs po che yi las sngags yin// mthu dang rdzu 'phrul sbrag pa yi// gsang sngags dam pa de nyid do// dang po rnam par snang mdzad bzhag/ de 'og mi shigs snying po can// de 'og drug pa'i dang po la// dang po'i gsum pa de la sbyin// de 'og bdun pa'i dang po gzhag/ de 'og dang po'i dang po la// drug pa'i gnyis pa de la sbyin// dbyangs kyi bdun pas steng nas mdzes// de 'og bzhi pa'i dang po gzhag/ kha hi gnyis dang ha ha gnyis// hU~M gnyis phaT gnyis dang bcas pa// snying khrag zhal du rdub pa'i sngags// kI la ya yi sngags kyi mthar// kha thams cad dang hUM gsum dang// mtha' ru phaT gsum brjod pa ni// nyi shu rtsa gcig lha tshogs kyi// zhal du brdung ba'i sngags yin no// dang po drug pa'i gnyis pa la// stong pa'i brgyad pas steng nas brgyan// dz+wa dz+wa dz+wa la lan gnyis brjod// spar na dang phaT kyis spras// hUM gis bzhi mo'i gnas su bsdu// me spar ba yi gsang sngags yin// dang po rnam par snang mdzad la// de 'og mi shigs snying po can// de rjes bdun pa'i tha ma la// stong pa'i gsum pas 'og nas spras// de 'og lnga pa'i lnga pa la// stong pa'i drug pas steng nas brgyan// de rjes bzhi pa'i dang po la// drug pa'i gnyis pa stong pa'i gsum// stong pa'i brgyad pas steng du brgyan// hUM dang sa ma ya staM zhes// brjod nas mnan pa'i sngags yin no// yang snying yi ge 'bru dgu'i 'og/drug pa yi ni gnyis pa gzhag/ stong pa'i gnyis pas steng nas brgyan// de 'og bdun pa'i dang po la// stong pa'i gsum pas 'og nas brgyan// gsum pa yi ni lnga pa la// steng nas stong pa'i gnyis pas brgyan// de 'og gsum pa'i dang po gzhag/ de 'og dang po'i dang po la// steng nas stong pa'i gnyis pas brgyan// de 'og gnyis pa'i dang po gzhag/ gsum pa'i dang po stong gnyis brgyan// lnga pa'i gsum pa'ang gong mas brgyan// gnyis dang gsum pa'i dang pos gzhag/ hUM ya lan gsum hUM phaT mtha'// rdzas la bzlas te bsnyen pa'i sngags// de bzhin gshegs pa'i yi ge la// mi shigs snyig po'i mtha' gzhag ste// de 'og dang po'i dang po gzhag/ stong pa'i gsum pa de la sbyin// de 'o drug pa'i gsum pa la// gsum pa'i lnga pa de la sbyin// lnga pa yi ni gsum pa la// drug pa'i dang pos 'og nas mdzes// steng du dbyangs kyi gnyis pa sbyin// de 'og bdun pa'i dang po la// shes rab bdun pas steng nas brgyan// gsum pa'i dang po'i rtsa ru ni// drug pa'i dang po de bzhin gzhag/ byi ra hUM phaT ces brjod pas// bskrad pa'i gsang sngags zhes brjod do// dang por rnam par snang mdzad la/ mi shigs snying po dag dang bcas// swa ta rA dza hUM zhes pa// sras kyi sku rnams byin brlab pa'o// de 'og rnam par snang mdzad gzhag/tsin+d+ha gnyis dang hUM zhes pa// thugs kyi gsang sngags zhes bya'o// dang po gong dang mthun pa la// hri dang phur bu phaT ces pa// gsung gi gsang sngags dam pa'o// dang po rnam par snang mdzad gzhag/de 'og drug pa'i gnyis pa la// stong pa'i bdun pas steng nas brgyan// de 'og drug pa'i gnyis pa la// stong pa'i gsum pas 'og nas brgyan// de 'og lnga pa'i dang po gzhag/ de 'og bzhi pa'i bzhi pa la// stong pa'i gnyis pas steng nas brgyan// de 'og bdun pa'i tha ma la// bzhi pa'i dang po de la sbyin// de rjes bdun pa'i tha ma gzhag/ shes rab gnyis pas steng du bkod// gtor ma sbyin pa'i gsang sngags yin// kI la ya yis sna drangs pa'i// bsgrub bya ming dang 'phrin las bzhi// so sor rang rang sngags su sbyar// sbyin sreg dus su sbyar ba ste// btu mi dgos te de nyid do// gzhan yang 'jig rten las kyi sngags// gsang ba'i gnas su btub las// 'di dus sbyor bar mi bya'o// gang dag ngo yi gzung ba ni// rim pa mdor bsdus bstan par bya// rgya mtsho bzhi yi thun sngags mthar// oM nas dza dza zhes pa'i bar// yi ge nyi shu rtsa drug ni// spyir bsdus srog gi snying po yin// hUM dang dza yi yi ge brgyad// ri che mgong yag drag sngags yin// sprar sha hUM gi yig 'bru lnga// ral pa spyi bcings bsad pa'i sngags// yag sha phaT kyi yig 'bru bzhi// shor ba gzhon nu las kyi sngags// oM dang k+Sha yi yig 'bru lnga// nag po rgod mi shes kyi yin// tri dang hUM gi yi ge lnga// iN+Da sems dpa' dag gi sngags// kar dang traM dang gi yi ge drug/rgyal po byang chub las sngags yin// pa dang dza yi yi ge bdun// dkar po spyan gcig dag tu bshad// traM dang hUM gi yig 'bru brgyad// rma chen po ma ra'i bsad pa'i sngags// yang dag don gyi yig 'bru lnga// 'di ni yaM shud dmar po'i sngags// hUM gnyis bar gyi yi ge drug/ takrid nag po'i srog sngags yin// badzra tha yi thog mtha' can// snying po hUM nyid ma rtogs pa// dge bsnyen mched gsum srog sngags yin// nyi shu rtsa gcig tshang bar gnas// oM dang hUM gi yi ge bdun// thang la ya bzhur srog gi sngags// pang bzhi sa bon bcu gnyis po// bse yi skyes bu gdug pa can// kun gyi dmag dpon bzhi zhes grags// sin+d+ha b+h+yo yi yi ge bdun// zung du rkang phran srog sngags yin// maM dang hUM gi yi ge bdun// dmu btsan lo sbyor gsad pa'i sngags// blon po khu le lag dgu yin// gzhan yang rkyang pa'i yi ge ni// bsgrub pa'i dus su sbyar bar bya// rang rang ngo yis gzung bya ba// ri che mgong yag hri yin te// ral pa spyi bcings pi ru bshad// shor ba gzhon nu kaM yin te// nag po rgod mi shes ni kha// in tra sems pa tri yin te// gnas kyi kar ma sham zhes bshad// nyi pang seng ni tri yin te// rma chen pom ra kham du 'dod// yum shud dmar po hri yin te// thang la ya bzhur thang zhes bshad// ta krid nag po tir gsungs te// badzra pu hUM zhes pa gsum// dgra bla mched gsum rtse ba'i sngags// ha bzhi dmag dpon bzhi yi sngags// kraM zhes btsan gyi dbang po che// zur du rkang phran dag gi sngags// lam ni dmu yi dbang po che// dmu btsan legs sbyor dag tu bshad// ti ni spyi rje lag mangs te// blon po chen po'i srog sngags yin// hri yig nyi shu rtsa gcig po// mgo mnon gnyen po'i sngags yin te// btu mo dgos te de nyid yi na// b+h+yo yi yi ge nyi shu gcig/ zur thun gnyis kyi sham bu ste// dam can gsang sngags kun la gdags// rang rkyang lhu gsum sbag ma gsum// mthar srad dag gi las yin no// tha ma me rlung ri la gtad// rgyal pas spas pa' gsang chen don// thabs la mkhas pas gsungs pa yin// 'di don nges par 'chang ba'i mi// gang 'dod bsam pa 'grub pa dang// bya ba'i las la thogs pa med// thams cad 'grub par 'gyur zhes gsungs// rdo rje me lce 'phreng ba'i rgyud las/ sngags kyi don yongs su btu ba'i le'u ste bcu bdun pa'o//// de nas yang las rnams yongs su rdzogs pa'i bdag nyid karma kI la yas/ bcom ldan 'das gsang ba mchog gi bdag po la 'di skad ces gsol to// kye ma sangs rgyas 'gro pa'i mgon// byams pa chen pos mtha' yas sgrol// kun nas yongs su chub pa'i bdag/ 'gro ba kun gyi gnyen gcig po// las rnams yongs su rdzogs pa'i bdag 'di don nyams su len pa'i mis// bsod nams rgyu la 'bad pa yi// bdag gzhan las kun 'grub pa yi// chos sku'i phyag rgya ji ltar lags// zhes gsol pas/ bcom ldan 'das gsang ba mchog gi bdag po khrag 'thung snying pos bka' stsal ba/ rgyu 'bras las kun yongs rdzogs pa'o// bdag gzhan don dang tshe 'das dang// na ba la sogs sdig sbyang dang// rkyen bzlog gang 'dod sgrub pa dang// 'phrin las zhi rgyas la sogs kyi// las kyi rim pa mdor bsdus na// thabs la mkhas pas ma zin na// lam gyi dge spyad stegs bcas kyang// mtho ris lha dang mi ru skye// skye shi med pa'i sa mi thob// thabs mkhas snying rjes zin pa ni// mtshams med sems can thams cad kun// byang chub sems kyi bsad byas nas// bsod nams dpag tu med pa thob// thabs dang shes rab ldan pa la// nyon mongs thams cad byang chub rgyu// don dam cir yang ma grub// sgyu ma'i sprul pa bsam mi khyab// thugs rje thabs kyis zin gyur na// nyon mongs lam yang rnam par grol// de dang ma ldan gang zag gis// dge sbyangs bsod nams don med 'gyur// rgyu yi mtshan nyid dag pa ni// phyi rol chen po lnga rnams ni// sems nyid gzung 'dzin gnyis snang ba'i// gzung ba'i yul nyid 'byung ba che// rgyu nyid rang gi sems yin pas// 'byung ba lnga yi rgyu las dag/ 'bras bu'i rigs lngar ye gnas pas// bya byed las sngags gyin nar bde// de bas sems can phyin ci log/ chos rnams dag par ma shes pas// lugs su blugs sam 'bur du brko// ri mo 'dri bar byed pa'i tshe// las bzhi rang gi gnas btsal la// las rnams yongs su rdzogs par bya// rab 'bring tha ma'i blo can gyis// rgyu ni gang dang gang la yang// 'bras bu thob par nges pa med// thabs kyi blo yi rim pa yis// gcig gam lnga 'am drug tu 'dod// gang gi las la 'jug byed kyang// dang po ting 'dzin rnam gsum nas// yongs su rdzogs pa'i bar du bsgom// mchod bstod bzlas pa rdzogs byas nas// tha ma las la sbyar bar bya// gal te bsod nams ldan pa yi// hUM gi sngags rings blangs nas kyang// ha ha'i gad mos mkha' 'gro bskul// rang gi ting 'dzin gsal bltas la// tshogs chen 'khor lo chen po bskul// mkha' 'gro rnams la gtor ma sbyin// de'ang 'grub par ma gyur na// phyogs skyongs lan chags bral bar bya// rgyu ni gang dang gang 'dod pa// oM AHhUM gsum gyi 'phro 'du yis// sku gsung thugs kyi bcud bsdus nas// yi ge gsum la gnas pa dang// oM d+harma d+hA tu oM AHhUM// de brjod yi ge 'od du zhu// rgyu nyid stong pa chen por bsam// thabs dang shes rab rang bzhin du// rten dang rten can gnyis ka yang// rdo rje pad+mar bsam byas la// gnyis kyi cha las byung ba'i rtags// gal te zhi ba'i las byed na// oM la bskyed de yig 'bru yang// khong du gzhug pa'i las bya'o// 'od zer dkar po'i 'phro 'du yis// gang 'dod las de grub par bsam// khyad par gdon dang sdig pa dang// nad la sogs pa zhi bya ste// dang po bsreg cing gsum pa dkru// gnyis pa yang nas yang du sbyang// gal te rgyas par 'dod na yang// thams cad thams cad ser po bya// rigs gang rten dang rten can dgug/ der ni bstim zhing bzlas pa bya// 'od de sems can lus la bstim// snying gi ga'ur 'khyil bar brtag/ 'jig rten nor dang zas kyi bcad// bsdus nas dmigs pa'i yul la bstim// rigs dang tshe dang nor rgyas 'gyur// 'od zer kha dog la sogs pa// kun kyang dmar por bsgyur byas la// rtse mo lcags kyu ltar gnas pas// gnod byed gdon dang 'byung po'am dgra// sku gdung 'od zer dbang du bsdu// myos shis dbang du gyur par bsam// rgyal po'i bu la sogs pa yang// gzhug cing bskul bas dbang du 'gyur// kun kyang nag po'i sbyor ba yis// 'od zer lcags kyu ltar 'phros pas// dmigs bya'i dkar nag mtshamams nas drangs// lan mang bsdu zhing rten la bstim// sku'am gdung rten nag po'i 'og/ bskal pa'i mthar yang mi thar bsam// bskor ba phyin ci log tu bya// las rnams 'grub par the tshom med// rigs bzhi snying po phyag rgya dang// bcas te mang du gzhug par bya// bdag nyid lha'am kha dog bsgyur// las gzhi sngags kyis mar la spro// lag gnyis rgyab sprad lu gu rgyud// mtheb gnyis lag mthil snying sbyar nas// sku yi gnas su rab gtugs pas// rnam snang dkar po'i ting 'dzin bya// de nyid du ni gsal bar bya// oM baM ro tsa na oM// lag gnyis so sor khur tshur bcangs// mtheb srin rab tu bsnol nas ni// mdzub gnyis tshogs bcag mgrin pa'i gnas su gzhag/ rtag par 'od dpag med pa'i sku ru gyur// sku mdog dmar po skyabs sbyin phyag/ de nyid du ni gsal bar 'gyur// oM a mr-i ta b+ha ba a/ lag gnyis thal sbyar gung gnyis bsgreng// mdzub mo'i mthe'u chung tshigs dang gzhag/ snying khar gtugs pa bskyod sku// mthing kha ting 'dzin phyag dang ldan// de nyid du ni gsal bar 'gyur// oM badzra sa twa hUM/ lag gnyis sor mo dam bsnol nas// gung gnyis bsgreng ste tshigs bcag la// lte ba'i dbus su de gtugs pas// rin chen chen po mchog sbyin phyag/ de nyid du ni gsal bar 'gyur// swa rat+na saM ba b+ha traM/ lag gnyis gan rkyal ral gri shugs/ g.yon pa ral gri shubs su gzhug/ ltag pa'i gnas su de gtugs pas// don yod ljang khus gnon phyag/ de nyid du ni gsal bar 'gyur// ha A mo g+ha sid+d+hi a/ gal te rang gi lhag pa'i lha// mos pas dngos grub nye 'dod na// de nyid du ni nye gnas te// rang nyidaphyag rgya chen po bcas// bcug ste de nyid bzlas btab pas// bskul dang don rnams khyab par byas// 'od 'dus thog ma'i gzugs la gzud// sku gdung bde gshegs thams cad kyi// pho brang gzhal med khang zhes bya// 'od kyi byin brlabs 'phro 'du yis// rang gi gzugs su spyan drangs la// mdun gnas mchod dang bstod pa yis// sring dang spun dgongs byin gyis brlabs// bgegs nad zhi bar 'dod pa la// bdud rtsi bum pas bya ba yin// rgyal po'am bu mo dbang du byas// a shad bum pas bya ba yin/ tshe dang rigs brgyud rgyas par la// bdud rtsi'i rigs dbang de rgyas 'gro// rus pa dag la byed dus su// chos dbyings ngang las byung ba yis// gsang sngags zab mo 'di yis ni// chos rnams dag pa'i ngo bor bsam// dbab dang bskrad dang bral byas nas// oM d+harma b+hA du swa b+hA ba At+ma kou0f85haM/ rang gi lhar bskyed bzlas pa bya// cha med sangs rgyas kun la zhu// dgug gzhug brtan dang mchod bstod bya// ro la bsnyen pa byed pa na// dri yi chu yis dag par bya// dpa' po'i yi ge las rnams bya// bdud rtsi lnga yis 'thas par byug/ gnas su tri yi thig le bya// dbab dang bskrad dang dral byas nas// raM yaM khaM gyis rnam smin bsregs// sdig med gtsang zhing dang ba'i lus// so so'i sa bon dag las ni// gang yin lha ru nges bsams la// mig la rnam rgyal yab yum dgod// rna ba dbyug sngon yab yum ste// snal gshin rje gshed po dgod// lce la mi g.yo mgon po ste// mgrin par rta mgrin mtshan ma dgod// dpung par gzhan gyis mi thub pa// lte bar bdud rtsi 'khyil ba'o// gsang bar khams gsum rnal rgyal la// rkang mthil stobs chen yab yum dgod// tshangs pa'i gnas su hUM ka ra// lag g.yas pu shud mgo can te// lag g.yon skye ka'i mgo can no// rkang g.yas srin bya'i mgo can te// g.yon pa khra yi mgo can no// lus la dkyil 'khor gsal ltas la// de las 'od 'phros sdig sbyong bsam// gnyis pas 'od dang ldan pa ste// gsum pas ye shes 'phel ba'o// de lta'i gzugs sku'i dam pa la// dgug dang gzhug bstim mchod bstod la// bdag dang gnyis su med bsam bya// de la bzlas ba byas pa yis// khams gsum sa la nges par 'da'// shes pa bkug dang rab bstim la// ro dang rus pa gnyis ka la'o// ro la dngos su dbang bskur te// nus pa ting nge 'dzin gyis bya// de la mchod dang tshogs rnams kun// rgyas par bya phyir bzlas par ba'o// bsnyen pa las su rung ba ni// lha klu med pa'i sa phyogs su// lto 'phye la sogs brtag byas te// dkyil 'khor khru tshad bcu drug gam// ci rigs par ni brtag par bya// thig ni bcu drug cha ru gdab// dbus kyi lte ba zlum por bskor// phyag rgya 'bur dang ldan par bya// de yi phyi rim 'khor lo la// sku gsung thugs kyi mtshan ma dgod// mtshams su me tog dag dang ldan// de yi phyi rims snam bu lags// 'jig rten gco mchog rnams kyang bskor// sgo dang rgo brgyan ldan par bya// sum thog mchod rten lta bu'i dbyibs// shing la bdud rtsi lngas byugs la// gzhal yas khang du bskyed nas ni// lan cig dgug dang bstim par bya// ngan song sgo rnams shin tu gcad// dkyil du phung po ltar gzhag la// ye shes rang byung me spar te// dam tshig me lha rab bskyed la// ye shes bstim la thugs khar khaM// de la mchod bstod 'phrin las bcol// de la ro nyid lhar bskyed la// zhi khro gnyis pa de bzhin te// mkhas pas brtags shing shes par gyis// rus pa bsdus te dar gyis btsag/ de nas slob dpon dam pa des// khrus byas lus la dri yis byug/rgyan rdzogs gdan la legs 'dug ste// dang po'i ting 'dzin rnam gsum nas// bzlas pa rdzogs kyi bar du'o// de nas ji ltar 'os pa'i tshogs// las kyi chu yis dag par bya// rten nyid gzhal yas khang du bsam// rten can rnam dag chos kyi dbyings// thabs dang shes rab snga ma bzhin// nyon mongs kun gyi rgyun gcod pa'o// snying po phyag rgya bris bcug ste// de nyid snying po bzlas btab pos// 'od zer dkar po'i 'phro 'du yis// las dang sgrib pa rnams sbyangs te// sku gsum sa la gzhag par bya// dang po gang yin skur bskyed la// phyag rgya bzhi yis rgyas btab cing// mchod bstod 'od du zhu ba las// chos sku'i gzugs su gyur par brtags// de nas khrus chab gsol ba dang// mchod pa rnams kyang dbul bar bya// phyi nang gsang ba rdzogs par bya// oM kA ya ni sarba ta thA ga ta pu tsa ye swAhA/mchod pa yongs su dag par bsam// chos nyid rten cing 'brel 'byung bas// rgyu 'bras chos rnams rdzogs par brlab// 'di yis gnyis med byang chub sems// yang dag nyid du rtogs par 'gyur// skye med chos kyi dbyings nyid ni// 'di yis rtogs de gzhan gyis min// sa dang khyadapar lam la yang// 'di yis bgrod de gzhan gyis min// gal te rkyen las gyur pa'am// gzhan gyi byad stems bzlog pa ni// bdag nyid drag po'i sbyor ba yis// khros pa'i sems su rab gnas la// lus la mtshan mo'i thig le gdab// skra yang spyi bor bcings nas ni// mchod pa dag kyang bsham byas la// bdag nyid stobs chen skur bsgoms te// dam rdzas zhig gi ras ma la// dmigs pa'i gzugs dang ming rus bri// kho yi brten pa'i lha dang sngags// thams cad bris nas der bcug de// stobs chen 'og tu mnan par bya// yi ge sum cu so dgu yis// sngags kyi yongs su spel byas la// bzlog par byed pa'i snying po 'di// rtag tu bzlas la gdab par bya// oM na mo b+ha ga pA te shwa/ shan ti gi du tad ya badzra d+ha na do ye/ ma ka ni ko na/tsa la tsa la/ ma la ma la/ ti li ti li swAhA/ 'di yis thams cad bzlog pa dang// bcings par 'gyur te the tshom med// gal te de ltar ma yin na yang// nyungs kar dag la sngags te 'phang// 'di ni las kyi mchog ces bya// kun kyang nag po'i sbyor bas bya'o// don la khyad par ngo mtshar chos// 'khor ba dag mdzad nyon mongs 'joms// ye shes sku brnyes yang dag nyid// 'di don logs rtogs de las byung// dus gsum bde gshegs rnams kyis bsngags// de bas 'di donartogs pa gces// zhes gsungs so// rdo rje me lce 'phreng ba'i rgyud chen po las// sku gsung yongs su bzhag pa'i le'u ste bco brgyad pa'o//// de nas yang karma he ru kas/ bcom ldan 'das don thams cad lhun gyis grub pa'i bdag nyid chen po la 'di skad ces gsol to// 'gro ba las kyis 'chal ba dang// phyin ci log tu gol ba la// drag po'i las rnams gsungs lags na// bdag gi don rnams mthar bton nas// pha rol bde la dgod pa la// phan pa'i las rnams ma mchis sam// kI la ya yis bshad du gsol// ces gsol pas/bcom ldan 'das badzra kI la yas bka' stsal pa/ nyon cig karma he ru ka/ 'gro ba las kyis gzir ba yis// 'khor ba'i rgya mtshor tshud pa las// sna tshogs las rnams bsam mi khyab// thams cad brjod par ga la nus// re zhig phan par bya ba'i las// mdo tsam bsdus te ngas bshad kyis// las kyi sems dpa' khyod nyon la// 'gro ba'i don du bshad par gyis// sems can tsha bas gdungs ba la// char gyi rgyun rnams rab phab la// gang zag bde la 'god 'dod na// stobs po che yi dkyil 'khor du// nyi zla pad+ma'i gdan bshams te// thabs dang shes rab mthu dag las// slos 'gro chun po'i gang na bsgoms te// de stengs bdag po'i sku bskyed la// spro zhing bsdus pas 'od du zhu// de la thugs mtshan phyag rgyar gyur// de las yi ge'i gzugs su gyur// spros bsdus 'od du zhu ba las// oM badzra krod+ha mahA ba la hUM/ zhes brjod dbu gsum phyag drug pa// g.yas dkar g.yon dmar dbus dud ka/ dang po rdo rje ban+d+ha la// bar po tho ba lcags kyu'o// tha ma 'dul pa'i phyag lcag bsnams// thugs ka'i hUM las bskyed chen ma// sgra'am grib ma'i tshul du bsam// yan lag yongs su rdzogs pa dang// 'od kyi rgyal ba spyan drangs la// bdag gi thad du bzhugs bsams te// bskor ba lan gsum byas nas ni// phyi nang gsang ba'i mchod pas mchod// gsol ba gdab cing dbang rnams nod// bdag po grub pa'i gnas su gshegs// mkha' gsang byin rlabs sbyor ba las// 'khor gyi dkyil 'khor yongs rdzogs bskyed// kun kyang zhal gcig phyag gnyis la// ka ra bi re'i phur bu'o// ltos 'gro spungs pa'i gdan la bzhugs// rang rang sa bon dag gis mtshan// sgo ma rnams kyang de bzhin gsal// rdo rje rigs pa'i sa bon las// ye shes sems dpa' dgug gzhug dang// rtag par bzhugs gsol mchod par bya// de nas bzlas pa bya ba'i thabs// ting 'dzin hUM las 'od 'phros te// 'og gi klu rnams bkug nas ni// bdag gi de nyid der son bya// oM s+pho ta s+pho ta ya nA ga ha la phaT nan/nA ga dun dun hri da ya phaT// de ltar sngags 'di khri phrag cig/ 'di nyid drag par rab bzlas bas// klu rnams rab tu skrag 'gyur te// char gyi rgyun rnams phebs par bskul// dngos dang nyams dang rmi lam du// nyam thag 'o dod 'bod pa dang// sbal lcong skam la 'thon pa dang// las la sbyar ba'i dus la bab// chu mig gnyan po'i khar song la// klu rnams sman dang gso ba'i rdzas// mchod tu gyur pa'i gtor ma bsham// bkra shis 'o ma sbred zhing blugs// klu chen brgyad la sogs pa yi// ba su rigs drug 'dir 'dus shig/ stob pa nga yi bka' bsgo yis// sems can tsha bas gdungs pa la// char gyi rgyun rnams drag tu phob// gal te char pa mi 'bebs na// ka ra bi ri'i rgya lcag gis// gzugs phung thal ba bzhin du ni// brlag par 'gyur bas gdon mi za// gtor ma byin la gnad la bor// nA ga tsit+ta sa ma ya s+t+waM/ sngags des gnad la bor ba yis// so so'i gnas nas rab skyod de// ji ltar bgyi zhes zer bar rtag/ char ba'i rgyun rnams nges par 'bebs// gal te char pa mi ster na// gsang ba'i rdzas chen dam pa la// rang byung me tog ser bus byug/ dri ldan gser g.yi khu ba yis// 'khor lo rtsibs dang ldan par bri// phoT phoT kyis thog mtha' can// yi ge brgyad po bri bar bya// bdag nyid zhal gcig phyag gnyis la// mi shigs kar bi ri'i lcag/ gdug sngags bzlas shing klu la brab// 'og gi 'khor lo'i yi bskul// 'og gi 'khor lo'i 'dab brgyad dbus// nag dbu gsum sbrul mgo drug/phyag na ut+pal pad+ma bsnams// shin tu bred par gnas bsam te// 'khor lo pad+ma'i rtsibs dang la// nan gyis mgo byas phaT kyis 'jug/ de ltar yi ge bcu drug dang// rang snying sa bon de rnams kyis// 'do kyis klu rnams bsreg par bsams// dang po dgug dang par ba bstim// tha ma gzir te lcag gis brab// de ltar byas na las byed na// shin tu skrag cing sngags 'gyur te// rgya mtsho rlabs nas char gyi rgyun// shin tu drag par 'bab par byed// de yis 'ong bar gdon mi za// gtor ma gtang zhing 'khor lo bkru// mthun pa'i 'o ma gnyis kyis gso// gnad 'grams nyams dang sdangs pa rnams// de yi gdam pa legs par bya// gal te lhag par gyur pa na// 'khor lo steng ma'i gdam ngag la// 'og ma'i sngags rnams phyir bskyal la// de ltar byas na 'chad par nges// dkyil 'khor gsal bltas bsrung bar bya// mchod dang gtang rag la sogs bya// las rnams kun gyi mchog ces bya'o// gal te srung bar byed 'dod na// rta mgrin rgyal lam gang 'dod pa'i// dkyil 'khor gcig gis bsrung ba'am// yang na spyi yi dkyil 'khor du// khro bo bcu yi phur pa la// nyungs kar dang ni thal chen dang// skye 'bram dang ni lan tshwa dang// dud pa bse stag dmar khra dang// thal chen rak+ta mtha' dag dang// klu sman dang ni mkhril ba rnams// yi ge bcu drug sngags bzlas te// gong ma'i rdzas dang sbrel du gzhug/ yi ge bcu bdun gsang sngags la// nyis 'bum sum 'bum la sogs sam// bye ba sa yar rab bzlas la// nus pa thob bam rtags zin bya// rang rang sngags kyang khri tsho re// bzlas pa byas la thos dang sbrags// dgos pa'i dus tshod nam byung bar// gdong la thal ba'i mtshan ma gdab// rdzas dgu phye ma rab blangs la// tshul gyis spyan bzlog la// drag po'i nga ros gsang sngags bzlos// g.yon pa sdigs mdzub phur par bcas// g.yas pa gsang sngags rdzas rnams brdegs// gang 'dod gnas su bskyal bar nges// bdud rtsi 'khyil ba'i dkyil 'khor raM// sras mchog chen po'i dkyil 'khor du// bsnyen pa bye bas yar bskyal// bsgrub pa las dkyil 'khor du// na le sham ni dkar po'i shing// ma shad ta yi 'dab ma'i bar// legs par bcug la nub bdun bzlas// bskal ba'i bar du 'gro bar 'gyur// spang rtsi zho dang dag pa'i rdzas// mar dang nyungs kar la sogs pa'i// brgya'am stong du bzlas bsregs pas// dus ni gsum du zhag bdun bya// dbang du mi 'du gang yang med// 'di ni dbang du bsdu ba'o// pa la sha yi shing bu la// a ma la yi me spar te// ma ra dang sprang rtsi 'o ma la// bdun stong bar du bsregs byas na// bskrad pa pha rol sde ma kun// zhi bar 'gyur te gdon mo za// bil ba dag gi yab shing la// lan stong bzlas bsregs skrod par byed// bil pa'i shing la me bus te// bya rog 'ug pa'i sgro gtubs la// nyungs kar la ni bsnyugs nas ni// brgya stong bar du bzlas bsregs na// khams gsum mthong bar gdon mi za// kha tshar ma nyams gtsang ma la// bzo po smyang ba byas pa yis// ma 'dres legs par bris pa ni// gtso bo rdo rje gzhon nu nyid// gser gyi mdog can phyag brkyang ba// g.yon du sdud pa rdo rje chos// dbu smad dkar la 'tsher ba bri// de 'og rig pa 'dzin la nyid// gser gyi pog por bzung nas ni// de la mchod pa byed pa bri// de nas bdag nyid lus po ni// ba yi chu'am 'o ma dang// nas kyi phya mas lus dril la// gtsang ma'i gos dang ldan par bya// rgyal ba'i sku la mchod pa dang// rtag tu phyag na rdo rje la// mos pa sems kyis gtor ma dbul// sku gzugs mchod rten spyan lnga ru// bzlas na dngos grub mchog chen ster// zhi rgyas dbang dang bskrad pa dang// dgug dang rnams 'byed 'phrog pa dang// bskang dang dus blang rab tu thar// brtsod dang 'khrug pa rnams bcom pa// pha rol sde rnams bshig pa dang// nam mkha' dag la 'gro ba dang// spu gri ral gri 'khor lo dang// rdo rje gsal shing phur pa rnams// bsam pa gcig gis 'grub par nges// bsad pa'i phur pa nges pa la// brgya stong bzlas te sgor btab na// gdug pa'i tshogs rnams gang yang rung// 'phral du 'bros par gdon mi za// ske tshe gro ga lan tshwa gsum// bsngags te sa la sbas nas kyang// bskrad pa la ni re dogs med// lag pa la ni brgya stong du// bzlas te sa la brdabs pa ni// gter gyi bdag po 'bros par 'gyur// yo byad sngon por bsgyur nas ni// mngar gsum yon du phul nas kyang// lag mthil sa la brdabs nas ni// bsreg cing zhag gsum bar du yang// brgya stong bar du bzlas bsregs na// gter khug pa la gdon mi za// ring por snying po bzlas byas te// sku gdung mchod rten la sogs pa// mchod pa dbul zhing zas gtsang bza'// brgya stong bzlas na mkha' la 'gro// gzhan gyi dbang du mi 'gyur zhing// kun gyi bla na spyod pa dang// mchod sbyin rnams dang lhan cig 'gyur// rdo rje chos la mchod nas ni// g.yas phyogs a shad 'dab ma la// 'og tu bzhi la steng du gsum// de ltar zhag gsum zin pa dang// 'byung po kun la gtor ma sbyin// bsgrub po'i mtshan ma gsum gyi bar// de yi bar du snying po bzlas// bgrod par dka' yang myur du phyin// gal te rgyal sa 'dzin 'dod dam// nad dag myur du bcad 'dod na// yum chen rgyas 'debs sku gzugs bri// ra 'am phag pa'i khrag dag la// gtor ma rgya chen byin nas ni// bzlas pa brgya stong rab bzlas la// bdag nyid bar du smyung bar gnas// pa la sha yi me bus te// ba yi sha la sbyin sreg ni// nyi shu rtsa lngar bzlas bsregs nas// nub gsum gyis ni nad rnams chad// de la sogs te bsam yas mchog/ ji ltar 'dod pa bzhin du 'grub// gal te srid can 'dul 'dod na// nyi shu rtsa gcig dkyil 'khor du// bsnyen pa bye bas yar bskyal// de nas las kyi gzhung la 'jug/ de yi gsang sngags 'di yin te// oM sarba dza tri hUM dza/ na tri sum tri sum hUM dza/ shan tri ni hUM dza/ ka tri ni hUM dza/ ngan tri ni hUM dza/ guM guM guM dz+dza dz+dza dz+dza/ yi ge dgu yi mgo drangs la// phyi 'am yang na phye la bzlas// dus drug dag tu rab 'bad la// zhugs pa'i kha pra thabs pa dang// rang rang gang yin gnas su mnan// las kyi rgyal po mchog rdzogs nas// ma to la yi shing bu la// bdun stong bar du rab bsregs na// gdug byed phye ma brlag par 'gyur// gang zhig mo sham rigs spel ba'i// de yi cho ga bsgrub 'dod na// 'khor lo rtsibs brgyad dkyil 'khor du// sngon du 'gro ba'i las dag bya// bum pa dmar po'i mdog 'dra la// mtshan dang ldan zhing rma med par// spos chu dag gis khrus byas te// rin chen lnga dang sman lnga dang// 'bru lnga spos lnga snying po lnga// kar bu ram sbrang rtsi dang// dza ti pa la la sogs rnams// bdud rtsi bcud ldan bum par blug/ phyi nang gsang ba'i mtshams gsum bcad// dmar po'i shing la byas pa yi// phur pa dar gyi cod paN can// bco lnga dkyil 'khor rim par dgod// gzhan yang go rims ji ltar bar// las rnams yongs su rdzogs pa dang// spyi yi bsnyen pa ci nus bskyal// grangs dang mtshan ma rtags mthong nas// bum pa'i nang du yi ge ma// 'phro 'dus 'od du zhu ba las// maM mo ha ra ti dza zhes pas// mA ma ki ni mdog dkar mo// zhi ba'i mdog la 'do 'phro 'bar// g.yas na rin chen za ma tog/ g.yon na rin chen snye ma bsnams// rgyan chas kun dang ldan pa la// dbang bskur byin brlabs tshul bzhin bya// dgug gzhug bstim la mchod byas te// dmigs pa'i yul yang de 'drar bskyed// cis kyang mi tshugs bsrung ba dang// dbang bskur bsre ba la sogs bya// pa la sha yi shing bu la// 'bras bu ldan pas kha brgyan cing// le brgan dar ram ma nyams ras// mgul chings dag dang ldan pa la// kha dog lnga yi srad bu gdags// na mo rat+na? tra ya yA/ shAkya par ya/ ta thA ga ta ya/na mo ma shAkya ta ya/ k+shu k+shu yu su le/ tsa tur tra tsa ror sa ha/ nga tse nga tse gyang tse he ru he hu/ tad+ya thA a nu n+ya b+hu mi g+ha ba k+Sha bi dze/ gu lo tsa la me/ pa taM k+Sha lo me/ pa ta k+Sha lo me/ kri ya k+Sha na/ ba ku mun te dza ra bar me/tsha ta bar me tsha ta pa/ pa pa te/ pa shu la ge a ba/ b+ha su ne ha sa ka ba k+Sha/ la ma thu tsa k+sha/ gaM b+hir ba su me a/ ma no ya sa ro/ pa la sha tro ye swAhA/ 'di yi rim pa rnams phye la// grangs 'bum bzlas te cho ga bzhin// zhag bdun khrus bya smyung bar gnas// gu gul bdug cing bskrad par bya// thun gsum sbyor bas de blud la// tshogs dang sbyin sreg bya// ci 'dod bsam pa 'grub pa 'gyur// zhes gsungs so// rdo rje me lce 'phreng ba'i rgyud chen po las// rin po che gter gyi le'u ste bcu dgu pa'o/// de nas yang karma he ru kas/ bcom ldan 'das gsang ba mchog gi bdag po la 'di skad ces gsol to// kye ma bcom ldan 'dren pa'i sku// skye ma bcom ldan gsang ba'i bdag/ kye ma thams cad mkhyen pa'i sku// kye ma smra ba'i seng ge mchog/ lam 'dir zhugs pa'i gang zag la// rten dang rten can la sogs rnams// mtshon bya mtshon par byed pa'i thabs// rnam par dag po'i mtshan nyid ci// zhes gsol bas/ bcom ldan 'das gsang ba mchog gi bdag po chen po bka' stsal pa/ kye ma las kyi sems dpa' mchog/ yang dag don rtogs thabs chen po// bskyed pa'i rim pa legs 'dod cing// rdzogs pa'i rim pa gnas 'dod pas// 'di ni mtshan nyid rtogs pa gces// rten gyi dkyil 'khor bshad bya ba// dbyibs kyi sgo nas don mtshon pa'i// de yi rim pa 'dir bshad pa// gcig dang du mar bral ba'i phy-ir// dkyil 'khor spros med zlum po'i tshul// rang byung 'gag pa med pa'i rtags// dbus kyi cha ni gru gsum mo// dregs tshogs dbang du sdud pa'i rtags// zla kham gsum gyis mtha' ru mdzes// chos rnams kun la dbang sgyur phyir// 'khor lo rtsibs dang ldan pa'o// chos kyi 'khor lo yongs kyi bskor// mu khyud zum po dag gis mdzes// phyogs bzhir ye shes bzhi 'phro'i tshul// gru chad bzhi dang ldan pa'o// gzhal yas gru bzhir gyur pa ni// ye shes yongs su rgyas pa'i rtags// theg po'i 'bras bu rim 'jug phyir// de phyir ye shes sgo bzhir shar// rta babs yang dag spong ba bzhi// ka ba 'phags lam yan lag brgyad// rnam gsum thod pa'i rtsig pa ni// sku gsum lhun gyis grub pa'i rtags// tshangs pa'i gdung brgyad bsnol ba ni// ye shes don rnams lhun grub rtags// dra ba dra ba phyed pa ni// nyon mongs che chung rnam dag rtags// rin chen pha gus brgyan pa ni// tshul khrims rnam par dag pa'i rtags// 'od pa'i lha mos brgyan pa ni// spyod yul yongs su dag pa'i rtags// sgo bzhir rgyal mtshan bzhi rnams ni// rnam rtog bdud las rgyal ba'i rtags// zur bzhir rgyal mtshan bzhi rnams ni// phyi yi bdud las rgyal ba'i rtags// zhing gi bla res bres pa ni// thabs dang shes rab dag pa'i rtags// zhing gi rgyal mtshan brgyan pa ni// bsod nams yongs su dag pa'i rtags// rin chen sna lnga'i rtsig pa ni// dug lnga ye shes lngar snang rtags// thod pa'i rgyan la sogs pa ni// thams cad dbyings su dag pa'i rtags// sbrul gyi rgyan la sogs pa ni// bdag dang bdag gir 'dzin dag pa'o// rak+ta'i zham chu 'bab pa ni// thugs rje dbyings su 'char ba'i rtags// rdo rje gur dang rin chen 'bab// chos kyi 'khor los mi mthun pa// 'dul ba'i rtags su snang ba'i rtags// gdugs dang 'phan gyis brgyan pa ni// chos rnams chos nyid don rtogs rtags// ri dgas e nes brgyan pa ni// sprul pas 'gro don mdzad pa'i rtags// chos kyi 'khor lo bskor ba ni// sa bcu'i sems dpa' chen po la// 'khor lo rgyan du bskor ba'i rtags// 'obs lnga dag gis bskor ba ni// dug lnga chos nyid longs spyod rtags// 'di ni phyi yi gzhal yas yin// nang dang gsang ba'i gzhal yas las// tha ma'i rim pa 'di lta ste// ye nas rang byung gzhal yas khang// rgyan dang dpag bsam shing bu dang// bla bre la sogs rang bzhin 'grub// sangs rgyas gzhal yas dam pa ste// thams cad rgyan rnams kun gyis brgyan// sangs rgyas rol mo du mas 'khrigs// mdzes pa'i pad+ma rang byung gdan// de ni gsang ba'i gzhal yas yin// rten can dag gi mtshan nyid kyang// mi mthun tshul las rnam pa gsum// bcom ldan rdo rje gzhon nu ni// ma rig rnam par dag pa'o// khro chen rnam par rgyal ba ni// 'du byed rnam par dag pa'o// khro chen dbyug pa sngon po ni// rnam par shes pa rnam dag pa'o// khro chen gshin rje gshed po ni// ming dang gzugs nyid rnam dag pa'o// khro chen ma g.yo mgon po ni// skye mched drug gi rnam dag pa'o// khro bo chen po rta mgrin ni// reg pa rnam par dag pa'o// khro bo gzhan gyis mi thub pa// tshor ba rnam par dag pa'o// khro bo bdud rtsi 'khyil pa ni// sred pa rnam par dag pa'o// khro bo khams gsum rnam rgyal ni// len pa rnam par dag pa'o// khro bo chen po stobs po che// srid pa rnam par dag pa'o// khro bo chen po hU~M ka ra// skye ba rnam par dag pa'o// sras mchog badzra kI la ya// rga shi rnam par dag pa'o// gzung ba'i yul du gyur pa rnams// yul rnams rnam par dag pa'o// gzung cha dang ni 'dzin cha gnyis// sprul pa'i mgo brnyan rnam dag pa'o// 'di ni blo bur drang ba'i phyir// bsdus pa'i tshul nas bzhag pa yin// bar ma'i rim pa 'dir gsungs pa// bcom ldan rdo rje gzhon nu ni// rnam shes tshogs brgyad rnam dag pa'o/// khro bo chen po hUM kar// 'dod chags rnam par dag pa'o// khro chen rnam par rgyal ba ni// ngag 'khyal rnam par dag pa'o// khro chen dbyug pa sngon po ni// brdzun smra rnam par dag pa'o// khro chen gshin rje gshed po ni// srog gcod rnam par dag pa'o// khro chen mi g.yo mgon po ni// log lta rnam par dag pa'o// khro bo chen po rta mgrin ni// phra ma rnam par dag pa'o// khro chen 'dod pa'i rgyal po ni// ma byin len pa rnam dag pa'o// khro chen bdud rtsi 'khyil pa ni// ngag rtsub rnam par dag pa'o// khro bo khams gsum rnam rgyal ni// gnod sems rnam par dag pa'o// khro bo chen po stobs po che// brnab sems rnam par dag pa'o// de rnams kun gyi mtshan nyid dang// dmigs pa'i yul du bcas pa kun// yul rnams rnam par dag pa'i// 'phra men phag gi mgo can ni// gnyid nyid rnam par dag pa'o// 'phra men rmigs bu'i mgo can ni// gnyid yul rnam par da ga pa'o// 'phra men stag gi mgo can ni// sems dngos rnam par dag pa'o// 'phra men bya rgod can ni// sems yul rnam par dag pa'o// 'phra men g.yag gi mgo can ni// 'dun pa rnam par dag pa'o// 'phra men bya rog mgon can ni// 'dun yul rnam par dag pa'o// 'phra men sha ba'i mgo can ni// yid la byed pa rnam par dag pa'o// 'phra men 'ug pa'i mgo can ni// yid yul rnam par dag pa'o// 'phra men gzig gi mgo can ni// ting 'dzin rnam par dag pa'o// 'phra men khra yi mgo can ni// ting 'dzin rnam par dag pa'o// 'phra men byi la'i mgo can ni// dad pa rnam par dag pa'o// 'phra men pu shud mgo can ni// dud yul rnam par dag pa'o// 'phra men spyang mo'i mgo can ni// mos pa rnam par dag pa'o// 'phra men khra yi mgo can ni// mos yul rnam par dag pa'o// 'phra men seng ge'i mgo can ni// dran pa rnam par dag pa'o// 'phra men pha wang mgo can ni// dran yul rnam par dag pa'o// 'phra men dom gyi mgo can ni// rig pa rnam par dag pa'o// 'phra men sre mo'i mgo can ni// rig yul rnam par dag pa'o// 'phra men dred kyi mgo can ni// byed pa rnam par dag pa'o// 'phra men byi ba'i mgo can ni// byed yul rnam par dag pa'o// sgom bzhi ru byung ba ni// tshad med bzhi rnams dag pa'o// dbang po bar ma'i rim pa yis// 'bring gis 'bring la bstan pa yin// 'bring gis rab la bstan pa ni// rang gi rtog tshogs lhar gnas pas// gzhan nas dkyil 'khor bskyed du med// kun gyi rang bzhin bdag nyid pas// thabs dang shes rab tshul du snang// dper na nam mkha' dngas pa la// nyi zla gza' skar 'char ba ltar// byang chub sems kyi khyad par las// thams cad nyid kyi rgyan du snang// de yang rim pa'i 'di lta bar// gzugs kyi phung po hUM kar// rnam shes rnam par rgyal ba ste// tshor ba gshin rje gshed po'o// 'du shes la ni rta mchog dpal// 'du byed bdud rtsi 'khyil ba'o// mig gi rnam shes dbyug sngon can// rna ba mi g.yo mgon po ste// sna ni gzhan gyis mi thub bo// lce la khams gsum rnam rgyal te// gsang ba'i rnam shes stobs po che// nam mkha' dag pa sgra 'byin ma// sa ni rdo rje snyems ma la// chu ni dur khrod bdag mos bshad// rlung ni rdo rje rlung 'byin ma'o// gzugs ni rdo rje sder mo la// sgra ni rdo rje gtu na khung ma// dri ni rdo rje mda' snyems ma// ro ni rdo rje gsod ma'o// reg ni bskyod ma yin par 'dod// gti mug phag gi mgo can la// zhe sdang stag gi mgo ru gzung// nga rgyal sha ba'i mgo can te// 'dod chags la ni byi la'o// phrag dog seng ge'i mgo ru gsungs// g.yag ni mig gi dbang po ste// gzig ni rna ba'i dbang po'o// sna yi dbang po spyang khu la// dom ni lce yi dbang po ste// gsang ba'i dbang po dred du bshad// gnyid med rmigs bu'i mgo can la// yid ni bya rgod mgo can no// 'ug pa nyon mongs can gyi yid// ser sna pu shud yin par bshad// spra ma dag ni pha wang la// 'das pa bya rog mgo ru bstan// da ltar 'dzin pa khwa ta yin// ma 'ongs pa ni khra yi mgo/ 'byung bar ma nges sre mo la// kun tu rgyu ni mtshungs par ldan// byi ba dag ni yin par 'dod// rtag par lta ba lcags kyu ma// chad par lta ba zhags pa ma// bdag tu lta ba lcags sgrog ma// mtshan ma lta bu dril bu zhes// rim pa 'di bzhin rnam par dag/ las su rung ba'i mtshan nyid ni// ji bzhin pa yi don la sbyar// gnyis su med pa'i don rtogs na// lha dang dkyil 'khor la sogs kun// blo chung drangs pa'i thabs su zad// lha yi grangs dang sku mdog dang// gnas dang gdan dang phyag mtshan dang// sku bskyed spyan drangs la sogs pa// byis pa drangs pa'i thabs su bstan// yang dag thar pa'i lamachen la// mang du smras pa ci zhig bya// ma bcos ngang la bder gnas pa// thams cad lhun gyis rdzogs zhes bya// 'di ni phyi yi rim par gsungs// nang ni 'khor lo dag las shes// gsang ba'i rim pa 'dir gsungs pa// gsang ba'i dkyil 'khor dam pa der// phra la dod par brtag par bya// de la sems gtad ma yengs par// yang nas yang du gnas pa gces// de brtan 'gyur bas spros par bya// gcig gam yang na thams cad spro// 'jig rten thams cad gang gyur nas// bsdu dang spro ba yang dang yang// brtan nas gzhan du mi g.yo'i tshe// phra mo'i sems kyis gzung ba dang// mthar ni dmigs pa med par 'gyur// 'di 'dra'i bde ba nyams su blangs// bde bar gshegs pa'i mdzad spyod de// rnal 'byor dam pa kun gyi grogs// zhes gsungs so// rdo rje me lce 'phreng ba'i rgyu chen po las/ snod bcud rnam par dag pa'i le'u ste nyi shu pa'o//// de nas yang badzra kI la yas/ bcom ldan 'das khrag 'thung gi rgyal po la 'di skad ces gsol to// kye kye bcom ldan thabs kyi gtso// sangs rgyas kun gyi yab chen po// gnyis med gsang ba'i mdzod dam pa// yang gsang dam pa'i dzod chen po// tshe yi cho ga dam pa yis// 'di dang phyi ma'i don grub cing// bdag gzhan gnyis ka'i las rdzogs pa// kI la ya yis bshad du gsol// zhes brjod pas/ bcom ldan 'das gsang ba'i bdag po badzra kI la yas bka' stsal pa/ las kyi sems dpa' khyod nyon cig/thun mong las dang khyad par gyi// las gnyis yongs su rdzogs 'dod na// 'di don nges par ngas bshad kyis// phun sum tshogs pa'i slob dpon gyis// byams dang snying rje sngon btang nas// sngon du 'gro ba'i las dag bya// kun kyang spyi yi rim pa bzhin// yongs su brtags te ngos zin bya// phyi nang gsang ba'i rim pa yis// 'di yi rim pa'ang snga ma bzhin// las rnams rdzogs pa'i gnas dag tu// dkyil 'khor 'dom gang gru bzhi la// chag chag byi dor skyang nul dang// srad bus gdab cing sa tshon brlab// b+ha ga e yi dbyibs can la// zla gam bzhi dang 'khor lo brgyad// gru bzhi sgo khyud ldan par bya// rin chen lnga las byas pa yi// bum pa tshad dang ldan pa la// rgyan dang rin chen 'phreng ba gdags// rin chen lnga dang sman lnga dang// 'bru lnga spos lnga snying po lnga// mngar gsum nyungs kar 'bru mchog skyems// rin chen bum pa yongs bskang nas// zla gam dmar pos kha bcad la// dkyil 'khor dbus su dgod par bya// pad+ma kI la ya aM/ badzra kI la ya hUM/ rat+na kI la ya traM/ bud+d+ha kI la oM/ karma kI la ya a/dgug gzhug bstim dang brtan par bya// phur pa lha dang mnyam pa la// brdeg bdug byas la cod pan gdags// bskyed dang spyan drangs la sogs la// gong ma bzhin du go rims bskyod// dkyil 'khor spyi yi yo byad rnams// thams cad nan tan kho nar bya// tshe bsnyen dang ni nye bsnyen dang// bsgrub dang bsgrub pa chen po yis// las rnams yongs su rdzogs par bya// dang por de bzhin nyid kyi dbyings// kun tu snang dang rgyu bsgom ste// a yi byin brlabs chen po las// rten gyi dkyil 'khor rim bzhin bsgom// b+h+ruM bi sha bi shud+d+he/ badzra dz+nyA na tsakra maN+Da la/ rang bzhin ting 'dzin gzugs brnyan dag/mtshan nyid la sogs ji lta bar// de ltar de'ang shes par bya/ a dang rdo rje rgya gram las// phra mo'i sbyor ba'i 'phro 'du yis// bdag nyid tshe dpag med pa'i sku// zhal gcig phyag bzhi 'dzum pa'i zhal// gangs ri lta bur dkar ba las// g.yas kyi dang po rgya gram bsnams// 'og ma ne'u le'i rkyal ba bsnams// g.yon gyi gong ma dril bu la// 'og ma bdud rtsi'i bum pa bsnams// rin chen sna tshogs rgyan 'phreng can// yum dang gnyis su med par bsam// cho ga bzhi yi sbyor ba las// lha rnams yongs su rdzogs par bskyed// dza yis phyir bton 'phro 'du yis// gtso bo bdag po nyid la thim// kun kyang sku mdog dkar po la// rgyan la sogs pa snga ma bzhin// sku gsung thugs kyi byin brlabs las// ye shes lnga yi dbang bskur ro// mchod pa'i las rnams rdzogs par ni// yang dag nyid du shes par bya// yi ge bzlas pa'i 'phro 'du ni// rnam gsum tshul gyis ma 'khrul bar// [}]gas 'das cho ga bar mi bca// shin tu 'dres gsal brtag par bya// AM AM AM AM AM/ hUM hUM hUM hUM hUM/ oM oM oM oM oM/ traM traM traM traM traM/ a a a a a/hU~M badzra A yu She hUM a nri b+h+ruM dza hUM baM hoH/ rim pa ji bzhin bzlas pa yis// phyogs bcu'i 'jig rten gang gyur te// bdud dang srin po la sogs pa'i gdug can btul zhing tshar bcad nas// N+r-i tshe rab tu dgug par bya// gzhan yang 'byung ba'i rtsi bcud dam// phyogs bcu'i rgyal ba byang sems rnams// bsdus te rang gi gnas su bstim// yid bzhin mchog gam rin chen mchog/ bum pa'i mchog ni bzang po yis// tshe gzhan gnas ni de yin te// mngon sum smin par gyur pa dang// kun kyang 'od zhu byang chub sems// yi ge 'bru gsum lta bur snang// oM AHhUM/ yang na yi ge 'bru lnga ni// spyi bor oM la lce stengs a// snying khar hUM dang dpral bar traM// rkang mthil dag tu a bstim mo// rim gyi yang na cig car du// blo yi rim pa gar bde bar// bstim zhing bsrung dang sba bar bya'o// dngos kyi rkang dkar gzhal yas khang// rten dang rten can rdzogs par gsal// gnas dang gnas su ji lta bar// grub na de nyid de la bstim// de dang de yi rim pa de'i// de las de nyid de gzhan no// de yi rim pa de bzhin no// bgegs kyi nr-i rnams mi ster na// kun kyang khro bo'i cha lugs la// kun kyang sku mchog dmar po la// gshol dang gtun shing la sogs bsnams// zhal nas sgra skad drag po dang// sprul pas 'jig rten khams bkang ste// steng 'og bar snang la sogs kyi// gdug pa btul zhing tshar bcad nas// bsgral nas de nyid la bstim// las su rung ba'i rtags byung nas// rang dbang med par de dbang 'gyur// dngos grub thob par the tshom med// 'od lus thog ma'i gzugs la gzud// des kyang smin par ma gyur na// oM badzra tsaN+Da li ha dz+dza hUM/ tshe dpag med pa'i thugs ka nas// tsaN+Da li ni sku mdog dkar// phyag na rin chen bum pa bsnams// me dpung dag gi nang na bzhugs// zhal gcig phyag kyang bzhi pa la// g.yas pa rdo rje rin po che// g.yon pa rin chen za ma tog/ dbu skra'i gseb nas rin po che// gang ba'i sprul pa grangs med 'phro// 'jig rten drug gi phyogs bcu nas// log par lta ba'i sems can rnams// rdul phran bzhin du brlag byas te// bzlas par bya ba'i snyig po 'di'o// oM badzra tsaN+Da li ha dza dza hU~MM/ oM N+r-i b+h+ruM dza dza hUM a/ bar du cis kyang mchod par// 'phro 'du las su rung bar bya// kun kyang 'od zhu de nyid thim// de nyid 'od zhu der gyur nas// de'ang de bzhin de kho na// 'dis ni ma ning mo sham dang// rgas pa rnams kyang rgyud 'phel na// dbang po tshang pa lta ci smos// rigs brgyud 'phel zhing tshe dbang dang// bsod nams yongs su 'phel bar 'gyur// de ltar ma yin thams cad kyang// lha tshogs drag po'i dkyil 'khor du/ kun kyang 'jigs byed 'bar bar lta// de nyid las kyang sprul pa spro// phyag rgya mtshon chen sna tshogs kyis// phyogs bcu'i 'jig rten bdud bcom nas// rta mchog dpal gyi mtshan ma yis// gang yin gnas nas de dgug bstim// rdo rje 'khor lo la sogs pa'i// mtshon cha thogs pa sna tshogs kyi// dbang phyug mthu chen la sogs dang// tshe rings lha yang bsgral byas nas// 'gro lnga'i tshe rnams dbang du bsdus// gshol dang gtun shing la sogs pa// rko zhing rlogs pa'i mtshon cha yis// 'og gi 'jig rten khams dkrugs te// gshin rje klu dang gdug pa rnams// btul zh-ing bsgral nas slar bsdus te// de nyid de la thim par bya// lcags kyu 'khor lo la sogs pa'i// gdug pa'i mtshon thogs bsam mi khyab// bar snang dag tu 'phros pa las// btsan dang bdud dang the brang dang// sde brgyad la sogs 'byung po kun// skad cig gcig la mi gnas bsgral// slar bsdus de nyid de la bstim// skabs su 'phrin las drag po yis// dmigs pa'i las la rbad pa ni// khro bo macu dang khro mo bcu// sprul pa'i mgo brnyan la sogs pa// re re'ang bsam gyis mi khyab pas// bskrad dang bsdu ba'i las dag bya// khyad par las la mngag pa ni// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// tshe yi srungs ma dbyings nas bzhengs// dkar mo g.yung drung dbyings nas bzhengs// tshe bdag rgyal po dbyings nas bzhengs// tshe dang ye shes 'gugs pa'i las mdzod cig/ dbang dang dngos grub 'gugs pa'i las mdzod cig/g.yas kyi phyag na rdo rje gsor bas ni// log par lta ba ma lus gnas nas spor// g.yon gyi phyag na lcags kyu bsnams pa yis// gshin rje la sogs phyag nas tshe g.yang 'gugs// g.yas kyi tha ma rin chen rkyal bu yis// 'gro ba 'phongs pa rnams la gter chen 'byin// g.yon gyi tha ma rin chen za ma tog/ 'gro ba bsod nams zad pa'i dpal mgon mdzad// 'jig rten gsum gyi bkrag dang gzi 'phrog ma// rnal 'byor dam pa rnams la dngos grub stsol// shar phyogs 'khor lo'i rtsibs stengs na// la se dkar mo shel bum bsnams// bdud rtsi lnga yi bcud bstam zhing// tshe srog nyams pa gso mdzad ma// da lta gnas 'dir tshe stsol cig/ lho yi phyogs nas tshe 'gugs ma// mA le sngon mo g.yu 'phreng can// phyag na rin chen bum pa bsnams// bdud rtsi lnga yi bcud bsnam zhing// tshe srog nyams pa gso mdzad ma// da lta gnas 'dir tshe stsol cig/ nub kyi phyogs nas tshe 'gugs ma// gi rti dmar mo glu dbyangs ma// phyag na byi ru'i bum pa bsnams// bdud rtsi lnga yi bcud bltam zhing// tshe srog nyams pa gso bar mdzad// da lta gnas 'dir tshe stsol cig/ byang gi phyogs nas tshe 'gugs ma ni rti ljang khu gar bsgyur ma// phyag na mthing shun bum pa bsnams// bdud rtsi lnga yi bcud bltam zhing// tshe srog nyams pa gso bar mdzad// da lta gnas 'dir tshe stsol cig/ 'di na rab tu mngag par bya// thams cad 'dzin zhing len par byed// sprul pa 'khor dang bcas pa yang// thams cad bdag po'i gnas su thim// bdag po rim gyis 'brel ba las// de nyid der thim der lta'o// rdo rje go cha'i phyag rgya yis// rgya gram ga'u kha sbyar dbus// de nyid de yis kha bcad de// snying po bcud dang bcas par bya// oM badzra ka ba tsa rak+Sha hUM/oM badzra a be sha tiSh+Tha badzra/ oM sarba ta thA ga ta hri da ya/ a ti tiSh+Tha badzra swAhA/ gang zhig don bya'i gnas de nyid// lha yi sku ru gsal gyur nas// go cha'i sbyor bas 'od du zhu// 'bru lnga'i yi ge 'bru gsum mam// 'bru gcig mi dmigs dbyings su thim// stong pa nyid du gyur pa ni// stong pa'i go cha bla na med// mtshan ma'i yul rnams kun bcom nas// mi dmigs dbyings su tshe sbas pas// bgegs dang log 'dren cis mi tshugs// yon tan chen po tshe yi lung// dbyings su yang ni sba bar bya'o// yang na gsang ba'i rim pa yis// mtshan ldan mi mo gzhon pa la// phyag rgya'i tshogs su gsal bskyed de// ting nge 'dzin gyi sbyor ba yis// gong ma de dang tshul 'drar bya// snod dang ldan pa'i bu rnams la// dngos grub dam pa sbyin par bya// 'di ni khyad par mchog ces bya// gong ma nyid las lhar bskyed de// bde gshegs rigs lngas dbang bskur bas// dbu rgyan lus dang shes pa rgyas// sdud dang bsrung dang brkyang pa dang// thams cad yongs su rdzogs par lta// zhes gsungs so// rdo rje me lce 'phreng ba'i rgyud chen po las/ tshe yi snying po mchog sbyin pa'i le'u ste nyi shu gcig pa'o//// de nas karma he ru kas/ bcom ldan 'das gsang ba mchog gi bdag po la 'di skad ces gsol to// kye ma bcom ldan bde ba che// kye ma thams cad mkhyen pa'i gtso// kye ma thabs mkhas thugs rje'i bdag/ kye ma bde gshegs rdzogs sangs rgyas// gang zag las can dang po pas// bskyed dang rdzogs pa'i rim pa yis// yang dag sa la bgrod pa yi// lam gyi rim pa ji ltar lags// de yi 'bras bu ji ltar thob// lta ba spyod pa ji ltar lags// zhes gsol pas/ bcom ldan 'das badzra kI la yas bka' stsal pa/ las kyi sems dpa' khyod nyon cig/ bskyed dang rim pa la sogs kyis// lam la bgrod pa'i tshul nyid ni// yang dag pa yi rim pa ru// mdo tsam bshad kyis nges par nyon// dang por ting 'dzin rnam gsum ni// rgyu yi tshul du 'gyur ba ste// rang bzhin gnas pa'i chos nyid de// nga yi ma bcos ka nas dag/ sus kyang ma byas su byed med// ngo bo nyid kyis stong pa yi// gzung 'dzin bral ba'i chos nyid do// rnal 'byor pa ni sa pa yi// chos nyid ma bcos don de la// thob par bya ba kho na yin// phyi nang gnyis ka rnam par dag/ stong pas blo yis nges bcad de// brtags kyang mngon du ma gyur pas// spyi yi rnam pa tsam las bsgom// sems can kun gyi chos nyid la// ye nas gnas pa'i chos nyid ni// chos kyi 'khor lo'i lte ba la// a yi tshul du ye gnas pas// gdod ma nyid nas rang grub d+te// de phyir gnyis med ye shes 'od// sgyu ma lta bu'i ting 'dzin ni// yang dag zug tu bral ba yi// sa bon lta bur thugs la gnas// ldang zhing g.yo ba'i tshul gyis ni// yul la skyes pa'i tshul lta bur// sku gzugs lta bur snang don mdzad// 'bras bu nyid du grub pa'o// de la sems sbyang rim pa yis// de nyid de la bstan cing bsgom// gal te de la ma gnas na// rags pa'i dngos po rnams gzhigs te// thams cad sems nyid yi ge hUM// chu zla'am sgyu ma smig rgyu bzhin// 'bras bu g.yo bar byed pa'o// gzhan la gnas pa'i tshul nyid ni// a yi dkyil na hUM gnas te// gcig dag du mar bral ba'i bdag/ dran rtogs thams cad 'byung ba'i rkyen// rang grub dag tu gnas pa'o// rgyu yi ting 'dzin rim pa ni// 'bras bu'i ting 'dzin zhes bya ste// sems can las dang smon lam stobs// sku gnyis rnam 'phrul sems can don// grub nas 'bras bu mngon du gyur pa'o// gang gi nyams su blangs pa ni// rgyu dang rkyen la ltos tshul du// bstan nas yi ge'i gzugs su gyur// bsam par bya ba'i 'bras bu ste// rags pa'i rnam pa yongs su 'jig/ gzhan gyi rgyud la gnas pa ni// yi ge'i rang bzhin de bskyed nas// thabs dang shes rab tshul lta bu// A li kA li lta bur snang// de yis gcig gis gcig bskyed de// phung po khams dang skye mched dang// zhes brjod thams cad 'byung bar byed/ de nas thams cad smin pa'i 'bras// sa bon lta bur ye nas gnas// tha dad ma yin de kho na'o// yul la gnas pa'i ye shes dang// rjes su 'brang ba'i yi shes dang// gzugs brnyan ltar snang ye shes gsum// sa bcu'i rim par non pas na// dang po gsum ni gzhan gyi don// bar ma gsum ni bdag gi don// tha ma bsgrubs pas chud mi gson// smin par byed pa'i sa bon no// de 'og rten gyi dkyil 'khor ni// yi ge lnga yi rang bzhin las// 'byung ba lnga las grub pa yis// ye shes lnga yi don mtshan nas// rang bzhin lhun grub gzhal yas khang// de steng rnam par bsam pa ni// bshad pa bzhin du shes par bya// de yi stobs kyi khams gsum gyi// sa gzhi yongs su non pa'o// de dbus bdag po'i sku bskyed de// rags par snang ba 'joms pa'i tshul// nyon mongs dregs pa bsnol ba'i steng// thabs dang shes rab ma chags gdan// de steng hUM gi 'phro 'du las// don gnyis yongs su rdzogs pa dang// 'od zhu mtshan ma'i rnam rtog nus// lnga pa'i sa las 'das pa'o// de las ye shes lnga yi gzugs// rgyu dang 'bras bu yongs rdzogs pa'i// thugs kyi cho ga'i 'phro 'du yis// don gnyis yongs su grub pa dang// 'od zhu de nyid mi dmigs pas// drug pa'i sa las 'das pa'o// de las phra mo'i tshul du gyur// tsha tsha lta bu'i 'phro 'du las// bde bar gshegs pas byin gyis brlabs// gong ma lta bu gyur pa'i stobs// bdun pa'i sa las 'das pa'o// de las gsang ba'i sngags brjod pas// de nyid sgra yi tshul du gyur// 'bras bu yongs su rdzogs pa'i sku// rgyan dang cha lugs rnams dang ldan// gdos pa can gyi chos ma yin// gzha' tshon lta bu'i skur gyur te// de la shin tu brtan pa dang// 'bras bu sa brgyan non pa'o// kun bzang zung 'jug rang bzhin las// thabs dang shes rab yang dag ldan// lus dang grib ma'i tshul lta bur// gnyis su med par rgyan rnams rdzogs// 'bras bu khams gsum sa dgu non// rjes su 'brang ba'i ye shes dang// gzugs brnyan ltar snang ye shes dang// rgyu la zhugs pa'i ye shes dang// 'bras bu mthar phyin ye shes dang// me tog ltar snang ye shes dang// bzhi po ma rtogs go rim bzhin// lam re dag la skye ba yin// del yongs su dris pa dang// 'khor gyi rim pa ji ltar bar// rim pa'i rim par bsgom par bya// de'ang grangs dang rim pa rnams// gzhom bya'i yul dang 'joms bya'i lam// mthar phyin 'bras bu'i tshul gnas bshad// kun kyang bcu ru gyur pa ste// khro bo bcu dang khro mo bcu// gsod byed bcu dang 'dzin byed bcu// phyogs skyong bcu dang mi dge bcu// rten 'brel bcu dang bsgral ba'i zhing// bcu bcu dag tu kun 'gyur ro// tshangs pa brgya byin me lha dang// gshin rje srin po chu bdag dang// rlung lha gnod sbyin dbang ldan dang// sa bdag la sogs phyogs skyong bcu// sngon 'byung tshul nas smrasapa yin// 'dod log ma byin len pa dang// log lta srog gcod rgyun du smra// kun nas nyon mongs ngag 'khyal dang// tshig rtsub gnod sems brnag sems rnams// skye ba 'du byed rnam par shes// ming dang gzugs dang skye mched drug/ reg pa tshor bsred pa dang// len srid pa dag dang bcu// dang po tha ma gtso gzung gnyis// gsang ba'i tshul nas gzhag la yin// nyams pa'i mtshan nyid rnam pa bdun// ngan song gsum dang bcu po rnams// bdag gzhan gnyis ka'i las yin pas// phyi yi tshul nas smras pa yin// 'di ni go rim ji lta bar// grangs dang bcas pa'i dgos byed do// khro bo'i ming dag mgo brnyan dbu// don mtshon rtags su bstan pa yin// bgrod par bya ba'i rim pa yang// thun mong tshul nas 'di ltar gsungs// bsgom par bya ba'i thabs rnams kyang// rim pa gsum du bkod pa bzhin// gang la bab pa'i rinam pas 'jug/ de yi bgrod par bya ba'i lam// mthar phyin bcu gsum dag dang// bco lnga dag tu smra ba'ang yod// re zhig 'khor gyi dbang tsam du// bcu bcu dag tu yang dag bshad// sa bcu thob pa'i snga ltas bcu// ngag gi sgrib pa'i bye brag bcu// gang la brten nas sems skye ba'i// rim pa bcu ru 'dir bshad do// thog mar 'jig rten 'das pa'i sems// sngon ma mthong ba de mthong 'gyur// don chen gsam pa phun sum tshogs// rab tu dga' bas mi nges pa'o// ltung ba phra mo'i sgrib pa dang// tshul khrims nyams pa la sogs pa'i// dri ma rnam par dag 'gyur bas// gnyis pa'i sa las dri ma med// tshad med ting 'dzin 'od snang ba// bskyod par mi nus gang gis kyang// zil gyis mi non thos pa 'dzin// gzungs la gnas phyir 'od byed pa'o// shes rab me yis nyon mongs sreg byang chub phyogs chos la sogs pa// bsgoms pas me yi 'od lta bur// che ru 'phro bas 'od 'phro bshad// de bsgom thabs dang mchog ye shes// dbang bsgyur bsgoms dang mthong spang ba'i// nyon mongs thul bar dka' ba rnams// yongs su thul phyir sbyang dka' ba'o// 'du byed chos rnams thams cad las// bar chad med par mngon gyur te// mtshan ma med pa yid la byed// thams cad mngon du byed pa'o// zag med chos la bar chad med// mtshan med la gnas rnam grol ba'o// ting 'dzin rgyun bsgoms rnam par dag/ de phyir ring du song ba'o// mtshan med yid la byed pa'o// bsgom pa dag la dbang thob ste// nyon mongs rnams kyis nam du yang// g.yo bar mi nus mi g.yo ba'o// thams cad chos la dbang sgyur zhing// kha na ma tho mi mnga' ba'i// blo gros shin tu yangs pa thob// thogs med legs pa'i blo gros so// chos sku nam mkha' lta bu las// ye shes sprin gyis khyab par 'gebs// yon tan char gyi slan gdungs spangs// de phyir chos kyi sprin zhes bshad// gang gis de dag thob pa'i ltas// mtshan ma'i rnam pa 'dir gsungs pa// stong gsum 'jig rten thams cad kun// gter gyis yongs su gang ba mthong// 'jig rten khams rnams thams cad kun// lag mthil lta bur gyur pa la// rin chen bye ba khra ga khrig dag/ brgya stong du mas brgyan pa mthong// bdag nyid dpa' zhing gzugs byad ldan// go cha dang ldan mtshon thogs nas// phas kyi rgol ba bzlog par mthong// gzhan yang phyogs bzhi dag nas ni// rlung gis sa phyogs thams cad du// me tog sna tshogs 'thor bar mthong// gzhan yang phyogs bzhi dag nas ni// bud med rgyan gyis brgyan pa yis// tsam pa ka yi me tog thogs// mgo la yongs su dogs pa mthong// thems skas bzhi dang ldan pa'i rdzas// rnyog med gser gyi bye ma brdal// yan lag brgyad ldan chu yis gang// me tog sna tshogs brgyan pa la// bdag nyid yongs su rtse ba mthong// bdag gi g.yas g.yon thams cad na// sems can dmyal ba'i g.yang sa las// yang dag sa la bdag nyid ni// ma smas slar la log pa mthong// bdag gi phrag gong g.yas g.yon na// gcan gzan rgyal po seng ge gnyis// gcan gzan phra mo thams cad kun// yongs su skrag par byed pa mthong// de nas yongs su chub pa'i ltas// 'khor lo sgyur ba'i rgyal po la// skye bo'i tshogs kyis yongs bskor te// gdugs dkar rin chen spras pa mthong// tha mar bde gshegs sku mthong ste// gser gyi mdog can 'od 'doms gang// tshangs pa bye ba khrag khrig dang// brgya stong du mas yongs bskor te// mdun gyis bltas nas chos ston mthong// gang gis mthong du mi ster ba'i// sgrib pa spyi dang khyad par gnyis// spyi yi mtshan nyid 'dir gsungs pa// kun tu rmongs dang le lo dang// sems can don brtson sgrib pa dang// nyon mongs sgrib dang sems rnams sbyong// thabs mkhas bdag gi sgrib pa dang// bden pa gnyis la dmigs pa dang// mtshan ma 'gog par mi dmigs dang// mtshan ma med par mi dmigs pa'i// sgrib pa bcu ru gsungs pa las// drug ni mngon shes dag la sgrib// bzhi ni rnam par sbyangs pa yis// de bzhin gshegs pa'i sa la 'jug/de ni dag pa gsum dang ldan// nyon mongs sdug bsngal mtshan ma yi// rnam par dag pa gsum yin no// khyad par sgrib pa'i sgrib pa ni// chos dang gang zag rnams gnyis la// mtshan ma can du smongs pa dang// 'khor ba ngan song nyon rmongs pas// 'jigs pa'i rmongs pa dang po la'o// ltung ba phra mo'i 'khrul ba la// rmongs dngalas spyod sna tshogs pas// mngon por bskyed rmongs gnyis pa la'o// gang 'dod thob par 'dod rmongs dang// gzugs mchog dam pa thob pa la// rmongs pas gsum pa dag la sgrib// 'khor bar skyo ba'i rmongs pa dang// mya ngan 'das la gzhol ba yi// rmongs pas lnga pa dag la sgrib// 'du byed dag gi rgya la ni// mngon du gyur pa'i rmongs pa dang// mtshan ma sbom po mngon du gyur// rmongs pas drug pa dag la sgrib// mtshan mo phra mo thams cad la// mngon du gyur pa'i rmongs pa dang// mtshan med yid la byed pa yi// rmongs pas bdun pa dag la sgrib// mtshan med ched du byed pa dang// mtshan mar 'dzin dbang thob pa yi// rmongs pas brgyad pa dag la sgrib// chos rnams ston pa tshad med dang// tshig dang yi ge tshad med pa// spobs pa dag la dbang thob pa'i// rmongs pas dgu pa dag la sgrib// mngon par shes pa chen po la// dbang sgyur ma thob rmongs pa dang// don dang las rnams gsang ba yi// phra mo rmongs pas bcu pa dag la sgrib// spyod yul phra ba thams cad la// shes bya'i sgrib pa rmongs pa dang// nyon mongs shin tu phra ba yi// gnas ngan len la smongs pa yi// 'di ni sangs rgyas sa la sgrib// gzhan yang sa la bgrod dus su// lam pa'i byang chub sems dpa' rnams// gang la brten nas sems skyed pa'i// de yi rim pa 'dir gsungs so// gang gis dang po'i rim pa ni// rin chen yang dag 'phags pa yi// ting nge 'dzin gyi gzungs de skye// gnyis pa gnas pa med pa yi// ting nge 'dzin la brten nas so// gsum pa rab tu mi g.yo ba'i// ting nge 'dzin la brten nas skye// bzhi pa'i phyir mi ldog pa yi// ting nge 'dzin la brten nas skye// lnga pa rin chen me tog gi/ ting nge 'dzin la brten nas skye// drug pa nyi ma'i gzi brjid kyis// yongs su bzung nas sems skye'o// bdun pa don rnams grub pa yi// ting nge 'dzin la brten nas so// brgyad pa da ltar sangs rgyas rnams// mngon sum bzhugs pa'i sangs rgyas la// brten nas yongs su sems skye'o// dgu pa ye shes sgron ma yi// ting 'dzin la brten sems skye'o// bcu pa dpa' bar 'gro ba yi// ting 'dzin la brten sems skye'o// sangs rgyas sa la bgrod pa'i dus// rdo rje lta bu'i ting 'dzin dang// chags pa med ba'i ting 'dzin dang// rdzu 'phrul chen po'i ting 'dzin dang// lhun gyis grub pa'i rig 'dzin la// brten nas yongs su sems skye'o// 'di ni thun mong lam dag dang// mthun pa'i tshul nas smras pa yin// grub par bya ba'i 'bras bu yang// gnas skabs dag dang mthar thug pa'i// 'bras bu bye brag bsam mi khyab// thams cad brjod par ga la nus// re zhig yon tan khyad par tsam// bsdus te rnam bzhitshul du bshad// de yang gong ma ji ltar bar// bcu bcu dag tu kun 'gyur te// dbang dang pha rol phyin pa dang// stobs dang ye shes mtshan nyid do// dbang ni 'di ltar skye ba dang// yo byad ye shes tshe la dbang// mos pa sems dang chos dang ni// las dang rdzu 'phrul smon lam dag/gang yin de yi mtshan nyid do// gzhan yang pha rol phyin pa ni// sbyin pa tshul khrims bzod pa dang// de bzhin brtson 'grus bsam gtan dang// shes rab thabs dang stobs dang ni// smon lam dang ni ye shes dag/bcu 'am yon tan gsum gyi bdag/ bye brag yongs su shes par bya// de bzhin stobs kyi ram pa yis// gnas dang gnas med mkhyen pa dang// dbang po mchog dang mchon min mkhyen// khams gsum sna tshogs mkhyen stobs dang// mos la sna tshogs mkhyen stobs dang// bsam gtan ting 'dzin rnam thar dang// snyoms par 'jug dang kun nyon mongs// rnam par byang ba mkhyen stobs dang// las kyi rnam smin mkhyen stobs dang// thams cad mkhyen pa las kyi stobs// de bzhin sngon gyi gnas rnams kyang// rjes su dran pa mkhyen stobs dang// 'chi 'pho skye ba mkhyen pa'i stobs// zag pa zad pa mkhyen pa yi// stobs dang bcu ru yang dag bshad// gang dag shes pa'i ye shes ni// chos rnams yongs su shes pa dang// rjes su rtogs par shes pa dang// pha rol dag gi sems shes dang// sdug bsngal shes dang kun 'byung nas// de bzhin 'geg pa shes pa dang// lam gyi rnam par shes pa dang// nyon mongs zad par shes pa dang// mi skye ba dag shes pa yi// rnam pa bcu ru yang dag bshad// de'ang nges dang ma nges pa'i// mtshan nyid yongs su zin par bya// re re dag gam mthar thug pa'i// khyad par de dang de la sbyin// de yis de nyid mtshon par bya// yang dag brjod par ga la rung// khyad par sa yi rim pa ni// rdzogs pa'i rim pa mang na rtogs na// 'gro nyal 'dug sdod ci byed kyang// gzhan la sems rnams mi 'phro bar// 'bras bu sa ni dang po non// mthong ba'i lam ni mngon gyur pa// de las yongs su rtas gyur na// rtag chad gnyis kyi gos pa med// 'bras bu sa ni gnyis pa ste// dri ma med pa'i ye shes so// de la yongs su brtan pa dang// chos nyid don las gzhan ma yin// khams gsum sems can gdung bas zin// yongs su rtogs pa'i ye shes te// 'bras bus gsum bgrod pa'o// de la yongs su 'dris pa dang// shin tu gsal ba'i sems de la// gzhan du mi 'gyur kho nar gnas// 'dzin pa med pa'i ye shes te// 'bras bu sa bzhi bgrod pa'o// de la brtan par gyur pa dang// yul la smig rgyu lta bu mthong// gang la'ang shes pa mi 'jug cing// tha dad med pa'i ye shes te// 'bras bus lnga bgrod pa'o// de la rgyas par gyur pa dang// nang gi shes pa shin tu gsal// phyi yi yul la du bar mthong// shes rab mngon gyur ye shes te// 'bras bu sa drug bgrod pa'o// de las yongs su 'phel ba can// shes pa yongs su gsal la dag/'bras bu yang gnas rgyu med pa'o// phyi yul srin bu me khyer mthong// tha dad med pa'i ye shes te// 'bras bu sa bdun bgrod pa mthong// de las brtan par gyur pa dang// 'di las lhag pa'i ye shes med// 'di las bgrod gnas ga la yod// de ni shes pa de ltar gsal// phyi yul mar me lta bur mthong// mi skye chos la bzod pa yi// ye shes zhes ni de la bya// 'bras bu sangs rgyas bgrod pa'o// de las yongs su rgyas pa dang// chos nyid ma bcos nyid la gnas// 'khyags ltogs sdug bsngal mi bzad pa// thams cad nyes pas gos mi 'gyur// phyi yi yul gyi rnam pa la// sprin med nam mkha' lta bu ste// dri med rnam dag ye shes yin// 'bras bu sa dgu bgrod pa yi// brgyad pa dang ni dgu pa la// zhi ba phyogs gcig ltung ba srid// byang chub sems kyi bar chad rkyen// de dus 'bad pas drag tu brtson// de las shin tu brten pa dang// mi ldog shes pa yong mi skye// phyi rol nor bu kun d+ha 'dra// yongs su stong pa'i ye shes te// 'bras bus bcu bgrod pa'o// sa bcu gnas pa'i dus nyid du// phyogs bcu'i sangs rgyas thams cad kyis// byang chub sems kyis dbang bskur te// dbang nges shes bya'i sgrib pa bcom// 'bras bu mthar phyin dbang zhes bya// de nyid du ni bcu gcig 'dod// mdung dang ral gri gdug pa'i mtshon// sbrang bu pu kha tre la dang// khyi dang dur bya kang ka yis// zos sam gtses kyang tshor mi 'gyur// rnga dang rnga bo che dag dang// rdza rnga 'brug sgra chen po dang// dung dang cha lang la sogs pa'i// sgra rnams yongs su grag 'gyur yang// de yis ting 'dzin 'phrogs pa men// 'di ltar snang ba'i dngos po la// skad cig gcig la mngon sangs rgyas// rnam par snang mdzad sa la gnas// phyi nang thams cad chos nyid las// de las sems can dgos 'dod 'byung// rin chen 'byung ldan sa la gnas// de la brjod pa rnams dang bral// gang gis dpag par mi nus pa// snang ba mtha' yas sa la gnas// chos nyid brjod med don rnams grub// thams cad de yi rgyan du che// don yod grub pa'i sa la gnas// gnyis med pa brjod bral la gnas shing/ de las cis kyang mi bskyod pas// rdo rje 'dzin pa'i sa la gnas// sa las 'das pa'i ngang nyid la// brjod med brjod bral ngo bo nyid// gang la 'di zhes bya ba ni// yod par ma yin de nyid do// rdo rje sems dpa'i ngo bo nyid// yongs su rtse mor chibs pa dang// yongs su smin pa'i bdag nyid can// chos dbyings ye nas rnam par dag/ ma bcos ngo bo nyid kyi sku// brjod pa'i tha snyad rnams dang bral// lhun grub ngo bor gnas zhes bya'o// bsgom pa'i lam las yongs gsal bas// bar chad med pa'i lam la gnas// 'bras bu mthar phyin lam gsal bas// ma bcos sa rnams nges par thob// de dus spyod pa'i rim pa ni// ting nge 'dzin la mi gnas dus// tshogs kyi lam gyi skabs su ni// bzhi gsum bcu gnyis dran par bya// sbyor ba'i lam la gnas dus su// dbang po lnga dang stobs lnga dang// ma brjod yid la dran par bya// mthong ba'i lam la gnas pa dang// sgom pa'i lam la gnas bar du// chos ni bco lnga dran par bya// sbyin pa la sogs pha rol phyin// bcu las yongs su 'bad par bya// sbyor ba'i lam la gnas dus su// ting nge 'dzin ni rgyun du bya// mthong ba'i lam la man chad kyis// brgyan la sogs pa dngos su bya// de la spyod pa gnyis yod de// sbas pa dang ni bsnyon thabs so// sbas pa'i spyod pa rab 'bad na// kha na mtho spongs par 'gyur// bsnyon pa'i spyod pa rab 'bad na// ting 'dzin rtsal dang ldan par 'gyur// spyod pa 'di la rab gnas na// mkha' 'gro ma yis bde ba ster// yongs su dngas pa'i sems dang ldan// de tshe tshe 'phos 'chi gyur na// rang gi sems ni 'di ltar brtag/ gdod nas ma skyes skye ba med// byang chub sems kyi yi ge a// 'od zer lnga dang ldan par 'gyur// snyigs ma lnga ru lus brtags te// dngas ma chen por rab brtag gsal// ye shes rta la zhon gnas par// rab tu brtag cing gsal bar bya// de la srid pa bar ma dor// stobs kyi rta zhon de la gnas// de tshe ting 'dzin lhag par gsal// ye shes stabs su gyur nas ni// skye ba med la gnas pa ste// phung po lhag med mngon sangs rgyas// 'on te skye ba blangs pa ni// snga ma'i las 'phro rjes dran nas// gang la sbyangs pa der gsal bar// bar chad med pa'i lam zhes bya// de lus la brten rab 'bad na// skye ba gcig la mngon sangs rgyas// phung po lhag ma med ces bya// gal te las kyi dbang btsan na// skye ba gnyis thogs phan chad ni// phung po lhag ma can zhes bya// 'di ltar lam gyi rim pa rnams// rab tu 'bad de nyams su blang// gal te 'di lam 'bad na// bsags la 'bras bu med ces bya// zhes gsungs so// rdo rje me lce 'phreng ba'i rgyud chen po las/ rnal 'byor pa'i lam yongs su bgrod pa'i le'u ste nyi shu rtsa gnyis pa'o//// de nas rdo rje yid kun tu bzang pos/bcom ldan 'das gsang ba mchog gi bdag po la 'di skad ces gsol to// kye ma gsang ba'i mdzod chen po// kye ma bcom ldan sngags kyi bdag/ kye ma 'dren pa mchog gi gnas// kye ma thams cad mkhyen pa'i gtso// bskyed rdzogs rim pa ma lus dang// lam gyi rim pa rdzogs gsungs na// yang rab blo dang ldan pa la// khyad par lam gyi rim pa yis// 'gro 'ong med pa'i lam chen po// mthar phyin rim pa ji ltar lags// 'di skad gsol ba gsan nas kyang// khrag 'thung rgyal pos bka' stsal pa// las kyi sems dpa' khyod nyon cig/ 'gro ba tha dad bsam yas pa'i// bye brag mi mthun bsam mi khyab// de yang blo yi rim pas snang// theg pa'i sgo yang de 'drar shes// kun kyang der gcig de yin pas// re zhig rim pa 'dir shes bya// yi ge gnyis kyis mtshon pa'i don// kun kyang rang bzhin dbyer med la// mthong tshul theg pa rim dgu byung// dam pa'i lam du kun 'dra yang// lta spyod ting 'dzin khyad par gyis// skas kyi gdang bu lta bur snang// dngos po phra rags nub 'dod pas// rdul la dngos por gzung 'dzin cing// skad cig don dam 'dzin sgo nas// bden pa bcu drug rnam par grags// bskal ba gsum du sbyong zhing bgrod// la la yul la 'dzin mi par// ma rig rten 'brel bcu gnyis tshul// shes pa nyid la blang dor cing// nam mkha' dag las cha shas kyis// 'bras bu tha dad grub 'dod pa'o// gzhan dag theg pa chen po yang// dngos kun sgyu mar snang ba ste// mi bden tshul nas 'di spong zhing// gzhan ma'i dngos po stong pa len// chu gzhag zla ba len pa 'dra// chen por khas 'ches phyi rol ba// gtsang ma'i spyod pa dang len zhing// gza' dang rgyu skar bzang sgo nas// dngos grub gzhan nas thob byed pa// mnyam pa chen po'i don dang 'gal// theg pa che bar khas 'che ba// gong ma ltar zhing gong ma bsrung// 'brel med sgo nas grub par 'dod// mnyam pa nyid du khas len yang// dam rdzas la sogs spong len cing// bdag dang mnyam lta gzhan la re// mi tshe gsum gyis grub 'dod pa// re ba 'jog pa'i mnyam lta 'khrul// khyad par bla na med pa yang// gsum du rnam par bshad mod kyi// gang zag blo yi rim pa la// bskyed dang rdzogs pa'i rim pa dang// rim dang cig char dag tu bstan// mthar thug rang 'byung ye shes su// kun kyang khas len sems nyid la// cho 'phrul rtsal dang rang snang zhes// mthong ba'i tshul nas khyab par rtsam// 'di nyid khyad par 'dod pa'ang// thun mong sa dang lam lnga dang// bgrod tshul gzhan dang sgo bstun tsam// 'di la de lta'i rim pa med// sa bcu skad cig ma rdzogs// bden pa gnyis kyi snyad mi gdags// don dam lhag par bshad pa'ang med// brdzun zhes snyigs ma dor du med// gnyis med ngang la mnyam gnas pas// lhag par bya ba gang la'ang med// spyod yul byas la snyad mi gdags// phur pa kun khyab nam mkha' 'dra// khyab bdal rang bzhin phur pa la// 'khor ba mya ngan 'das pa dang// phyi nang snod bcud ma lus dang// cir snang cir srid thams cad kun// phyogs su grub pa gang yang med// de nyid mthar yang ma lhung bas// kun gyi ngo bor bdag nyid gnas// phur pa khyab gsal nyi zla 'dra// ye shes ma bsgribs thams cad mkhyen// sna stong kun tu tang bsnang bas// phyogs ris med par thams cad mkhyen// rgya mtsho dngas pa'i gza' skar bzhin// 'dzin med shes pa rang gsal bas// thams cad mkhyen pa'i spyan gyis mchog/ phur pa dngos po kun dang bral// dngos po kun bral phur pa yis// phyogs dang snang ba'i tha dad med// mthas dbus med par ye nas rnal// rtog pa med pas thams cad mkhyen// de nyid dus gsum kun tu brdal// tha snyad tsam las dngos kun bral// phur pa rang bzhin byang chub sems// rig pa ye shes phur pa yin// spyod yul kun la 'das pas na// yid bzhin nor bu rin chen ltar// thams cad bsam snang kun gyi dngos// thams cad 'byung zhing zad 'phel med// rgyu rkyen gnyis la rag ma las// de rtogs byed pa las kyi mchog/ gnyis su snang ba byis pa'i blo// dag dang ma dag gzung bas 'khrul// dam pa chen don mi shes pas// sna tshogs 'dzin pa mdud pa'i tshig/yang dag don la reg mi 'gyur// rang bzhin phur pa'i don nyid de// phyi nang med par rang gsal ba// rang rig rang gsal ye shes can// rang byung ye shes 'ba' zhig las// 'di las gzhan pa'i shes pa med// 'di shes kun gyi bdag nyid shes// yang rab blo yi spyod yul te// skal med rnams la rang bzhin gsang// rigs dang ldan pa'i skyes bu la// 'khor ba'i gnas nyid byang chub lam// ma rig pa nyid ye shes gsal// thams cad lhun grub ngo bo nyid// rtog snang 'khrul pa'i chos rnams kun// ye nas ma bcos de bzhin nyid// blang dang dor ba'i las mi byed// bzang dang ngan par mi 'dzin pas// re dang dogs pa cung zad med// phyogs su 'dzin pa'i tha snyad bral// nga zhes bstan pas nga ma grub// nga la phyogs ris sa mtshams med// gnyis bral gnyis kyi bdag nyid can// 'di la dgag dang bsgrub pa med// chos dang gang zag sogs 'dod pa// brtson pa byis pa'i tshig tu zad// gang zhig bde dang ldan gyur na// spros pa tshig gi rjes mi 'brel// gang la'ang shes dang rloms sems med// rang bzhin snyems dang khyad mi 'dor// gang la ma chags gtong phod che// gzhan la mos dang nyams mi len// lhag par gang la'ang mi lta zhing// bya ba'i las la nyam mi nga// lam dang sa dang gol sa med// thams cad mkhyen pa'i bdag nyid can// mngon du gyur pas gzugs dang ldan// de nyid gdeng ldan don po mchog/ bcos bslad med pas phur pa'i don// lhun gyis grub pas ngang du bzlums// khams gsum kun gyi bla ma yin// bdag nyid chen po'i phur pa la// 'khor ba mya ngan 'das pa med// mthong ba med pas mthong ba'i mchog/ phur pa yod med tshig las 'das// phur pa smra bsam yul las 'das// phur pa brjod pa'i lam las 'das// rang bzhin nyid kyi phur pa las// mtshon pa'i sgo nas nyid du gcig/ shes rab spyan zhes brjod pa yang// shes bya bsam gyis mi khyab kyang// khyab par mchog tu brjod pa'i tshig/ kun kyang bdag nyid yin pas na// du ma gzhan yang mi 'dor ba// btang snyoms tsam du gzhag pa'ang med// bdag ces mtshon pa tsam du zad// 'khor ba mya ngan 'das pa'ang// spyi dang rang gi mtshan nyid kun// kun kyang byang chub sems nyid pas// phur pa'i ngo bo nyid du gnas// cir yang mi dmigasacir mi gnas// smra bsam 'das dang ma 'das dang// phyogs ris sa mtshams 'di la med// ris su bcas nas nges 'jog pa// rtsod pa shes rab 'chal par zad// bcos med ye nas phur pa la// ji ltar snang ba rang rig nyid// cha shas phyogs su lhung ba med// dper na yid bzhin nor bu ltar// kun gyi snang gzhir de nyid 'char// blang dor mtha' la zhen pa med// chos kun ngo bor ye nas gnas// tha dad spros kyang gcig las med// de nyid ngo bo gcig mtha' yas// mtha' rnams kun kyang rang rig pas// bral dang ma bral rtsod dang bral// kun kyang phur pa'i rang bzhin la// 'khor ba med cing myang 'das med// mtha' yod med dang bral ba'ang med// med pa de nyid snying po'i don// nam mkhar shar ba'i nyi ma ltar// dngos po med la gsal bar 'byung// rgyu 'bras dngos po 'di la med// yid bzhin nor ltar 'dod pa skong// de phyir lhun grub ces su brjod// log par rtog pa'i chos rnams dang// smad pa'i chos rnams thams cad kun// phur pa'i ngo bo ye gnas pas// bdag phyir bdag la gos pa med// gsal dang ma gsal kun kyang bdag/ ming tsam brjod pa'i tha snyad bral// dus bzhi mnyam pa chen po la// tha snyad brjod cig 'dod pa rnams// de nyid rtogs pa'i nad chen yin// rang rig mngon sum dag pa'i yul// thams cad mkhyen par brjid pa'ang// nam mkha' dag la 'ja' tshon bzhin// phyogs su gzigs shing mkhyen pa med// phur pa mnyam pa'i rgyal po la// blo chung gang zag kha cig gis// 'khor snang spong len ma lus pas// snang ba ye nas med ces zer// de bsam bzhin spyod 'khrul ba'ang med// phyogs bral nyid la bzhi zhes smra// med pa'i chos la sems can spyod// 'khrul bar snang ba blo chung tsam// ye nas mi ldan mtha' bral zhes// de yis de nyid mthong ba min// gal te de ltar bden gyur na// rgyu med 'bras bu 'byung 'gyur bas// de ltar de'ang rig ma yin// rang bzhin phung po'i don nyid de// phur pa bla ma chen po'i don// ngo bo ma bcos don dam nyid// bcos bslad med pa'i chos nyid la// ngo bos ma nges phyogs ris bral// de nyid phyogs rnams kun gyi bdag/cir snang cir yang ma yin pas// dpag bsam shing ltar 'byung mod kyi// phyogs su lhung ba 'di la med// nges par dngos po yod med ces// zhe la 'dzin med btang snyoms bral// sus kyang ma byas bcos bslad med// mdor na ji ltar brtags bsam bzhin// ji ltar ltas dgu der snang bas// ngo bo med las cir yang med// 'byung ba nyid nas rang bzhin las// gzhan du 'byung ba ci yang med// nam mkha'i sprin dang rgya mtsho'i rlabs// nyid las gzhan du 'das pa med// de ltar dngos kun sems nyid kyang// rang rig rang nyid ngo ma shes// ma sbas ma mthong ma rigs pas// ming la dngos dang mtshan mar zhe na// phyogs ris med la phyogs ris gzung// kun tu rtag pas 'khor bar zad// phur pa rgyud kyi rgyal po yin// gzung 'dzin phyogs las zhen pa med// kun kyang mnyam pa nyid yin pas// mi mnyam gsal las mnyam pa'i chos// gang yang dang du blang du med// 'jig rten chos brgyad mnyam nyid pas// kun kyang bdag nyid chen por mnyam// de bas kun bdag nam mkha' bzhin// dngos por 'khor dang 'das pa kun// mi brjod zhing na 'dzin dang bral// khyad par lam gyi rim pa yis// gzhom bya 'joms par gang 'dod pa// de nyid rtogs pa'i nad chen yin// gzhom bya ma rig sems nyid pas// de nyid ye shes chen por shar// gang gis gang du ci zhig gzhom// brjod du med pa'i chos nyid la// grangs su brjod med nor pa'i lam// chos nyid nam mkha' lta bu la// gang gi gnyen pos gang gis bya// mnyam pa nyid kyi snying po ru// kun kyang gcig phyir gzhom du med// chos kun ngo bo bdag gnas pas// thob par bya ba ci'ang med// de bas kun bdag snying po'i mchog/ 'khor 'das kun gyi bdag nyid pas// de bas 'di nyid don po mchog/ kun kyang thun mong ma yin pas// phur pa nyid kyis mtshon du med// de nyid gang ltar bsam snang bas// med pa de nyid kun tu snang// snang nyid dngos por ma grub pas// ma mthong med de thams cad gsal// rang bzhin thams cad mkhyen pa las// gzhan pa'i chos med der thug med// bzang ngan snang grags thams cad kyang// de bzhin nyid las mi gzhan pas// mtshon byed ma yin gcig kyang med// mtshon pas thog tu phebs pa'ang med// mtha' med mtha' dang bral ba'ang med// ci yang yin no gang yang rung// thams cad nyid las mi gzhan pas// mtha' dang dbus med brdal ba'ang med// lta med lta ba'i mchog tu gsungs// ting 'dzin ro la la chags gnas pa// dngos 'dzin rnams la snang bar zad// nges par de bzhin nyid 'dod pa// de ni nges par zhen pa'i blo// phyogs rigs med pa'i ting 'dzin ral la chags gnas pa// dngos 'dzin rnams la snang bar zad// nges par de bzhin nyid 'dod pa// de ni nges par zhen pa'i blo// phyogs rigs med pa'i ting 'dzin la// rnam rtog spros pa'ang de bzhin no// chu zla lta bur su 'dod pa// de nyid dngos por snang 'dod pa'o// nam mkhas nam mkha' ma bsgribs par// chu zlas chu zla ga la mthong// dang po yul du med byed pas// phyi nang kun kyang rang rig nyid// sems nyid phur pa'i rang bzhin las// gzhan du tshor na 'khrul pa'i lam// sems kyang 'di 'drar ma grub na// de nyid dmigs par sus shes byed// rnam par rtog pa'i snyigs ma yis// chos nyid nyi zla ga la mthong// bying rgod g.yeng ba'i skyon chen rnams// rang rig nyid las mi gzhan pas// phyi nang de nyid ye shes bskul ba'i mchog/ gnyen po sten pa'i lam mi byed// gzhom par bya ba'ang de nyid pas// gang gi gnyen por gang gis bya// rtsom med rtsol bral bdud rtsi'i mchog/ don mthun pa yi spyod pa yang// sta na skye shi med pa dang// ga na 'ching grol med pa dang// bdud rtsi blang dor med la sogs// bya spyod kun kyang rang byung ye shes pas// skye bo mu stegs nyan thos dang// rang rgyal mdo sde'i spyod pa dang// phyi nang snod bcud spyod pa rnams// kun kyang nyid du lhun rdzogs pas// bya byed med par rang shar phyir// rgyun dang dam pa'i spyod pa med// mthun 'jug thabs kyi spyod pa med// ji ltar 'tsham pa'i thabs su rten// thabs kyi spyod pa bsam yas pa// rnam rtog mi mnga' 'gog pa med// lhag pa'i bsam pa rtogs pa'i rgyu// rtog 'dzin med pa spyod pas mchog/ bya byed med par grol bar grol// rmad byung thabs kyi spyod pa las// nyon mongs las kyis gos pa med// spyod pa ma bkag ci bder spyod// 'dam dang pad+ma'i rang bzhin las// gos pa rdul tsam yod ma yin// chos nyid chags pa med rtogs na// gang yang chags pas gos pa med// mnyam pa'i ngang nyid rtogs gsal na// rgyu 'chang spyod pas ci zhig bya// rang bzhin tinga'adzin gzugs brnyan dang// byang chub sems dang tshogs la sogs// kun kyang rnam par rtog pa'i gzhi// rnam rtog med de 'ching ba'i rgyu// rang byung rig pa'i gzhal yas khang// stong gsum rgyal ba'i pho brang nyid// phyi dang nang med kun tu nang// nam mkha' lta bur khyab brdal bas// rang la rdzogs pas bskyed du med// dmigs par bya ba'i yul ma grub// rgyal ba'i dkyil 'khor ma lus kun// sems kyi dkyil 'khor bdag nyid che// ji ltar mos pa'i rnam par snang// rtsol ba'i dkyil 'khor 'ching ba'i rgyu// bkod pa med par mtha' dbus khyab// bris pa med par kha dog gsal// rtsol med dkyil 'khor lhun grub la// byis pa'i spyod pas ci zhig bya// phyi dang nang dang gsangab yi// zab mo'i dbang rnams rtogs pa yi// rang dbang thabs kyi rgyal po'i mchog/ gzhan nas thos par bya ba med// rang bzhin ma bcos rnal mal// ye shes snang ba'i phyag rgya mchog/ rgyal ba kun gyi dngos gzhi nyid// phyag rgya chen po'i dbang chen yin// sna tshogs snang ba sku yi dbang// ji snyed sgra rnams gsung gi dbang// rtogs pa'i ye shes thugs kyi dbang// rig pa rang snang rgyan du shar// kun la dbang sgyur bdag nyid che// btsal ba med par rang la gnas// gzhan gyi dbang mchog thob mi dgos// byed spyod thams cad tshogs gnyis rdzogs// thams cad rang byung rtsal gyi rdzogs// bskur bas thob 'dod rtogs pa'i dbang// thams cad dbang nyid chen po la// dbang gi rgyal por bdag nyid rdzogs// thob byar med bzhin mngon sum 'thob// spyi blugs tshangs pa'i dbang zhes bya// rgyal ba chen po kun gyi dbang// bdag nyid chen po kun rtogs na// dbang mchog thob par byed rgyu med// spyi dang khyad par ltag pa yis// bsrung bya mdud pa'i tshig tu zad// g.yang sa zhes bya ga la yod// gang zhig g.yang sa tshol 'dod pa// de nyid gzung 'dzin mdud pa mod// spyi dang khyad par lhag pa yis// bsrung bya mdud pa'i tshig tu zad// g.yang sa zhes bya ga la yod// gang zhig g.yang sa tshol 'dod pa// de nyid gzung 'dzin mdud pa mod// bsrung ba'i spong ba'i rtogs pa can// ma mthong rmongs pa bkri phyir te// don du gang zhig/ye bsrungs chen po'i dam tshig la// mi bya ba dang gang yang med// 'di la blang dang dor bya med// 'di la skyon dang yon tan med// 'di la lhung gnas ga la yod// bya dang ma bya mya ngan 'das// btsal dang ma btsal tha snyad med// bsrung med mdud pa'i rtog pa can// bsrung mtshams 'dor ganga'adi la med// gang zhig 'dor ba'ang su byed pa// de ni rigs chas dmyal ba'i gnas// rnam bzhi'i 'phrin las 'dul sbyong gis// gang zhig las rnams grub 'dod pa// long pa smig rgyu snyeg pa bzhin// thar pa'i dus med 'khor ba'i rgyu// gnyis su med pa'i ngang nyid la// bya ba med la las rnams zin// bya byed rtsol ba 'ching ba'i rgyu// las rnams thams cad ci spyad kyang// mnyam pa'i ngang la bya byed med// 'byung ba lnga yi las rnams kyang// kun tu bzang po'i 'phrin las te// bya ba med las las rnams zin// 'gro ba lnga yi don chen mdzad// 'jig chags stongs gnas bskal ba yang// 'phrin las rnam bzhi'i ngo bor gnas// bya byed 'phrin las gzung 'dzin nad// rtog pa'i nad kyis gzung 'dzin 'chi// kun kyang rang 'byung ye shes las// smra bsam rtogs pa'i yul las 'das// skye 'gro phyi nang ma lus kun// sku yi 'phrin las dam pa'o// mya ngan 'das dang 'khor ba'i sgra// ji skad brjod kyang gsung mchog ste// brjod du med pa'i go brda mdzal// gsung gi 'phrin las dam pa'o// dran rtog ye shes rang gsal bsam// kun kyang rang byung ye shes nyid// thugs kyi 'phrin las dam pa'o// las bzhi ma spangs bya ba med// byed pa ma btsal bya btsal med// rtsol ba med pa'i las bzhi la// rtsol ba mdud pa dam po nyid// gang gis bde bar gshegs pa yi// dngos grub rnam gsum bsgrub pa la// bsgrub ces bya ba don du gnyer// de nyid gzung 'dzin rtogs pa'i nad// 'di la gsong thob rtsol ba med// bsgrub bya med pas sgrub byed med// de nyid bsgrub pa'i mchog tu gsungs// thor bya rang la gnas med pas// thun mong mchog dang khyad par zhes// su 'dod rtog pa'i mdun pa can// ma bsgrubs lhun gyis rdzogs pas na// bdag nyid chen po'i bsnyen pa yin// gzhan la re ba rtsol ba med// ye nas gnas pa nye bsnyen yin// 'bras bu gzhan nas mi 'byung bas// rag ma las pa bsgrub pa'i dngos// btsal ba med par lhun gyis rdzogs// gar yang ma bgrod rang nyid sa// ye thob zin pas sgrub chen po// bya ba btsal med par lhun gyis grub// bzhir 'dod bsgrub pa'i mdud pa'i tshig/gang gis de nyid mthar phyin pa'i// 'bras bu rnam pa gnyis 'dod pa// smig rgyu chu ru 'du shes bzhin// gzhan yang 'byung 'dod rtogs pa'i nad// rang nyid sangs rgyas yin zhes byas// sangs rgyas gzhan nas thob byar med// stobs dang dbang dang ye shes dang// pha rol phyin bcu la sogs pa// gnas skabs 'bras bu rdzun gyi tshig/ yid bzhin nor bu rin chen ltar// yon tan kun gyi brjod chen la// rlom sems byis pa'i 'bras mos sa// ma bgros nyid nor 'dod na// rtser chibs kun gyi rdzogs zhes bya// sku gsung thugs dang yon tan las// nyi shu rtsa lnga'i bye brag rnams// 'gro ba lnga'i ngos la snang gyur kyang// yul dang bral ba'i snang ba la// 'khor lo rgyal po ltar 'dod 'khrul// mthar phyin ye shes gnyis 'dod pa// rtsod pa'i byis pa tshig tu zad// rnam pa kun ldan stong chen la// 'khor dang 'das pa ga la yod// bcos med ldan med 'das pa'ang med// med pa ma yin snying po'i don// dpag bsam shing dang rin chen ltar// mi snang kun gyi re ba skong// des na theg mchog kun gyi gtso// lung mchog kun gyi bla ma yin// man ngag kun g.yi nges don yin// dam pa rnams dang mdzod chen yin// las rnams kun gyi mthar thug yin// zhes gsungs so// rdo rje me lce 'phreng ba'i rgyud chen po las/ lta ba rgya mtsho gtan la phab nas byang chub sems nges pa'i le'u ste nyi shu rtsa gsum pa'o//// de nas yang karma he ru kas/ bcom ldan 'das gsang ba mchog gi bdag po la 'di skad ces gsol to// e ma sangs rgyas 'dir sangs rgyas// thabs mkhas thugs rje mnga' ba'i lha// 'dren pa mchog gis lam ston pa// rin chen gter mdzod 'khyil ba'i bdag/ 'di yi lam ma bgrod pa dang// thogs med las rnams rtsom pa la// dbang bskur snang ba mi 'tshal lam// de yi rim 'bras ji ltar lags// zhes gsol ba dang/ bcom ldan 'das badzra kI la yas/ sdus pa po rdo rje chos la bka' stsal pa/ las kyi sems dpa' khyod nyon cig/gang zag dang po'i sa pa yis// slob dpon mnyes par ma byas shing// dbang rnams rim par ma thob par// las rnams rtsom dang lam bgrod pa// dmu long bya byed bsgrub pa bzhin// ngal ba 'bras bu med pa yin// bi ma par yi me tog ltar// smin kyang 'bras bu 'byung mi 'gyur// de bas rim pa ji ltar bar// legs par bshad kyis da yang nyon// 'di bskur ba yi snod dag kyang// mu stegs glen pa dgra shed dang// nyan thos ma ning rgad po dang// rang gi bu dang byis pa dang// dad pa med pa'i rgyal po dang// rigs ngan snod min ma rabs la// dbang ni bskur bar ma gsungs so// gzhan yang dam tshig mi gnas shing// slob dpon 'dzin pa'i sems med la// sngags kyi nyes dmigs mi shes par// log par spyod pa'i gang zag la// dbang ni bskur bar ma gsungs so// gang la dbang gi snod rab yod// thos pa che zhing dang rab ldan// 'dod chags chung zhing shes rab ldan// thams cad yon tan gsang thub dang// gtong phod phrag dog chung ba'o// zhes bya ba ni dbang bskur ba'i snod kyi rim pa'o// de nas dbang chags pa'i rgyu yon dbul ba 'di gsungs so// snod dang ldan pa'i rigs kyi bus// rang sems shin tu dul byas nas// rang lus srog dang nor gyi dbyig/ ma dang bu mo sring mo dang// chung ma rab tu brgyan pa dang// rta dang glang po yul gyi mkhar// bya rig zo skyogs gzi dag mchong// gser dngul bzhon pa la sogs dang// stag gzig dar zab dbyi spyang dang// pany+tsa li ga gos kyi mchog/ slob dpon mnyes par bya phyir dbul// zhes bya ba 'di ni dbang 'chags pa'i rgyu yon dbul ba'i rim pa'o// de nas yang dbang bskur ba'i dgos pa 'di gsungs so// gang gis gnas pa ma thob par// las rnams rtsom par mi nus bzhin// dbang bskur snang ba ma thob par// yon tan rnam gnyis mi ldan pas// khyad par don chen zab mo dang// dam tshig can dang bsgom zhing bsgrub// dkyil 'khor slob dpon byed 'dod dang// g.yog dang 'phrin las bya ba dang// bsod nams thob par 'dod pa dang// bar chad rnams kyis mi tshugs shing// las brtsams 'bras bu thogs pa med// de bas dbang thob 'jug pa gces// zhes bya ba 'di ni thob pa'i dgos pa'o// de nas slob ma sta gon la gnas pa'i rim pa 'di gsungs so// dkyil 'khor chen po'i sngon rol du// dgos pa'i yo byad rab bsags te// bu khyod gsang ba'i mchod pa 'di// khyon ni gsang ba'i snod yin te// gsang sngags zab mo'i mchod pa 'di// khyod la yang dag bshad par bya// dus gsum sangs rgyas thams cad kyi// 'gro la phan phyir mchod pa'i tshul// bu yis blo gros 'di gyis shig/ces brjod khrus byas skyabs su gsol// byang chub mchog tu sems bskyed do// zhes bya ba snod du rung ba'i rim pa'o// de nas bsrung ba'i rim pa 'di gsungs so// bdag nyid yongs su rdzogs pa yis// slob bu'i gnas gsum rdo rjes gtub// nges pa'i snying po 'bru bkod la// sku gsung thugs kyi lha rnams bsam// zhes bya ba 'di bsrung ba'i thabs so// de nas yang bsrung skud gdags pa 'di gsungs so// skud pa sngon dmar rnam pa lnga// sum bsgril lan gnyis byas nas su// mdud pa lnga byas yi ge lnga// 'phros 'dus 'od du zhu ba las// pho dang mo yi rim pa yi// dpung pa g.yas dang g.yon du bcing// zhes bya ba 'di ni bsrung skud gdags pa'o// de nas so shing sbyin pa 'di gsungs so// kha dog dri dang ro ldan pa'i// tsan dan la sogs shing bul// ma gas ma grum 'bus ma zos// sor brgyad tshad la me tog gdags// lho phyogs 'dab brgyad bris pa'i steng// slob bu dag la so shing sbyin// shar du kha ltas dri ma bsal// phyi nang dkyil 'khor drag tu dor// steng 'og phyogs dang mtshams rnams su// dngos grub rab 'bring gang thob ltas// zhes bya ba 'di ni so shing gi rim pa'o// de nas ku sha sbyin pa 'di gsungs so// dur khrod rtswa ni sngon po la// oM AHhUM gis byin gyis brlabs// ya ti hUM swAhA zhes/ byin la stan sngas mtshams su gzhug/ rmi lam thun gsum dag tu brtag/ gal te ngan par gyur pa na// drag po'i sbyin sreg bya bar gsungs// zhes bya ba'i 'di ni ku sha sbyin pa'i cho ga'o/ de nas yang bdud rtsi 'khyil ba'i cho ga 'di gsungs so// bum pa kha dog ljang khu la// bdud rtsi la sogs bcud kyis bltam// logs la rdo rje rgya gram ldan// kha brgyan mgul chings gzugs thag dang// snying po la sogs yang dag ldan// pad+ma brgyad kyi lte ba la// mchod pa'i tshogs dang ldan par bya// big+ha nan ta kr-ita hUM zhes pas// rang sngags khri 'bum bzlas pa bya// 'od zhu rnam rtog bsregasan 'grub// ces gsungs so// de nas yang bum pa'i rab tu gnas pa 'di gsungs so// rin chen rgyu las byas pa yin// bum pa lha yi grangs bzhin bgo/ yang na rigs kyi bum pa dgu/ tshad dang ldan zhing legs par bya// kha dog ldan pa'i ras kyis dkri// snying po mchog dang ldan par bya// lha yi bzhugs gnas so so ru// gdan bsham me tog sil ma bkram// de ru bum pa yongs bkod la// bdud rtsi 'khyil ba'i las bya ste// bum pa rang bzhin med pa las// yi ge khaM gyi 'phro 'du yis// gzhal yas rang bzhin yongs su gsal// nyi zla pad+ma'i gdan stengs su// rang rang snying po gang yin gyis// bskyed dang spyan drangs mchod pa dbul// bstod dang bzlas pa'i 'phro 'du yis// 'od zhu byang chub sems su bsam// kun kyang de 'drar rab tu brtag/ ces bya ba 'di ni bum pa sta gon gnas pa'i rim pa'o// de nas yang dkyil 'khor gyi sta gon la gnas pa 'di gsungs so// hUM/ bskal ba me ltar 'bar ba yi// 'od zer 'du 'phro'i klong dkyil nas// khro bo khro mo rnams bzhugs pa// ma lus bdag la dgongs su gsol// slob ma la ni phan pa dang// khyed rnams la yang mchod bya'i phyir// rdo rje can dag bdag gis ni// nang par dkyil 'khor bri bar bya// rjes su brtse bas 'dir bzhugs nas// byin gyis brlab pa mdzad du gsol// de nas bla ma lung ldan des// nang par dkyil 'khor bri bar brtsam// shin tu rgyas par gyur pa dang// bskyed nas spyan drang mthar thug bya// rang rang bum pa'ang gtso bum gyis// dbang bskur dbu brgyan dang ldan par// cod pan thur ma snyan bzhar dang// smad tsher chan pa tshems shing dang// dung gi so mangs la sogs dbul// gdan dbul ras dang na bza' dang// chu gtsang mchod pa la sogs dbul// zhes bya ba ni dkyil 'khor gyi rab tu gnas pa'i rim pa'o// de nas gsang ba'i dkyil 'khor du 'jug pa'i cho ga bshad par bya// rdo rje rgyal po bdag nyid kyis// shar sgor gnas te lha rnams bsam// oM/ ye shes rgyal po'i sku gsung thugs/ yon tan 'phrin las rmad po che// de nyid du ni mnyam sbyor bas// phyag rgya chen por bdag sbyor cig/ oM badzra sa ma ya stoM/ oM badzra sa ma ya hUM/ oM badzra sa ma ya ho/ rdo rje ye shes thabs byed pa'i// pho brang snying po'i dkyil 'khor 'dir// bdag gis slob ma gzhug par bgyi// bzod pa mdzad de dgongs su gsol// zhes bya ba 'di ni bdag 'jug pa'i cho ga'o// de nas yang slob ma 'jug pa'i cho ga 'di gsungs so// rigs kyi bu mchog khyod nyon cig/deng khyed bde gshegs 'khor bcas kyi// nang du khyod ni zhugs pa yin// slob dpon lung ldan nga yis ni// bcom ldan rdo rje gzhon nu yi// ye shes khyed la bskyed par bya// rnal 'byor bu mchog khyod kyis ni// bcom ldan rdo rje gzhon nu yi// dngos grub dam pa thob 'gyur te// dngos grub gzhan lta smos cig dgos// zhes bya ba 'di ni brod pa bskyed pa'i cho ga'o// de nas yang 'dod pa'i dri ba 'di gsungs so// bu khyod 'dir shog ci la dga'// khyod ni dad pa ci la dad// khyod ni mos pa ci la mos// 'dod pa gang yin khyod kyis smros// de skad ces ni brjod pa dang// bdag ni gsang ba'i dkyil 'khor la// rab tu lta bar 'tshal lags so// gzhan yang dngos grub chen po dang// bskal ba bzang la bdag dga' 'o// zhes bya ba 'di 'dod ba dri ba'i rim pa'o// de nas bka' bsgo 'di skad ces gsungs so// sangs rgyas kun gyi gsang ba 'di// dam nyams ma 'dres med pa la// nam yang smra bar ma byed cig/ theg mchog ston pa'i sgrol ma la// nam du'ang brnyas dang smad pa min// gal te brnyan pa byas pa na// rdo rje dmyal ba chen por ltung// yid dam rgyal ba chen po yi// sku gsung thugs la rtag gnas shing// ma lus sems can don gyis shig/ zhes bya ba 'di ni bka' bsgo pa'i rim pa'o// de nas yang dam tshig dbog pa 'di gsungs so// tsan dan dkar dmar bdud rtsi la// rdo rje 'chang gi rab gnas bya// 'di ni khyed kyi dmyal ba'i chu// dam tshig 'das na sreg par byed// rdo rje khro bo chen por 'gyur// bdud rtsi chu 'di btung bar gyis// oM sarba pany+tsa a mr-i ta/ ha na ha na ta ka na hUM phaT/ de lta bas na bu khyod kyis// dam tshig 'di dag srung bar gyis// 'di bzhin byas na dngos grub pas// rdo rje bdud rtsi chu 'thung zhig/ oM badzra u ka tha hUM tha/zhes bya ba 'di ni dam tshig dbog pa'i cho ga'o// de nas rtsa ba'i phyag rgyar gzhug pa'i cho ga 'di gsungs so// me tog la sogs rin chen 'phreng// sngon tshe gong nas bsnyen pa'i lha// thugs rjes gzung bar dgos nas kyang// gang yin de la 'bab gyur cig/ gang la phog pa'i lha de nyid// rang gi snying gi 'od zer gyis// lha mo lcags kyu'i sbyor ba yis// bskyed dang spyan drangs bzhugs bstim bya// sngon gyi rgyal ba bde gshegs kyis// ma rig ling thog bsal ba ltar// bdag nyid rdo rje gzhon nu yis// khyod kyi mi shes dri ma bsal// badzra pra be sha phaT/ de nas rdo rje mig gi dbang// de nyid de las drangs te byin// zhes bya ba 'di ni rtsa ba'i phyag rgyar zhugs pa'i cho ga'o// de nas rig pa gtad pa'i cho ga 'di gsungs so// 'di de sangs rgyas thams cad kyi// rdo rje sems dpa'i phyag rgya bsnams// rtag par khyod kyis kyang bzung ste// phyag na rdo rje'i brtul zhugs brtan// oM sarba ta thA ga ta sid+d+hi badzra sa ma ya tiSh+Tha dz+nyA na stoM/ 'di de sangs rgyas thams cad kyis// shes rab dbyangs chen go bar brjod// rgyal ba byang chub mchog bzhed pa// khyod kyis kyang ni rtag par zung// srid par rang bzhin gyis dag phyir// srid pa'i rang bzhin rgyu 'bras phyir// rang bzhin dag pa'i sems can gyis// srid pa'i dag pa rang bzhin bya'o// oM sarba ta ta thA ga ta sid+d+hi da ra ya mi badzra swa ta hi hi hi hi hUM/zhes rdo rje dang dril bu sbyin no// 'di ni rig pa gtad pa'i go cha'o// de nas lung bstan pa 'di gsungs so// oM/ de ring ngas khyod lung bstan bya// rdo rje sems dpa' de bzhin gshegs// srid pa'i shin tu grub phyir na// srid pa ngan 'gro rnams la ston// kye ma rdo rje che ge zhes// sa bla sa 'og sa stengs dang// thams cad kun tu rab grags so// zhes bya ba 'di ni lung bstan pa'i cho ga'o// de nas dbugs dbyung bar bya ste// gsang ba mchog gi dkyil 'khor du// zhugs de dam tshig mthong ba dang// sdig pa kun nas rab grol bar// de ring khyod la rab tu gnas// bde chen theg pa 'di la ni// phyir zhing 'chi ba yod med de// srid pa ring du spangs pa'i phyir// sdug bsngal srid par mi ltung ngo// de bas rigs kyi bu mchog khyod// dkyil 'khor bzang po 'di la ltos// shes rab rnam gsum rab tu bskyed// khyon ni thugs kyi rigs su skye// bde bar gshegs pas byin gyis brlabs// 'gro ba rigs drug thams cad la// bu bzhin snying rje kun la bskyed// gsang ba'i chos la dad par gyis// zhes bya ba 'di ni dbugs dbyung ba'i rim pa'o// de nas dbang dam pa nod pa'i phyir gsol ba gdab pa 'di gsungs so// slob dpon dam pa dgongs su gsol// rdo rje gzhon nu'i dbang bskur rnams// sems can kun la phan gdags phyir// phyir mi ldog pa'i dbang stsol cig/ gzhan yang phyi nang gsang ba yi// zab mo'i dbang rnams rim bzhin gsol// zhes bya ba 'di ni gsol ba gdab pa'i rim pa'o// de nas ye shes lha'i dbang bskur ba 'di gsungs so// dkyil 'khor gtso bo bum pa// hUM dang badzra sbyor ba las// stangs dpyal rdo rje sems dpas brgyan// dgug gzhug bstod dang mchod byas la// 'od zhu byang chub sems su 'gyur// che ba'i yon tan kun rdzogs shing// byang chub sems chus rab bkang ba'i// rnam par dag pa'i bum pa 'dis// bu khyod la ni dbang bskur ro// oM badzra kI li kI la ya phaT pa shaM ku ru swAhA/a b+hi Shiny+tsa hUM dza/ de ltar rang ra'i rim pa yis// gtso nas 'khor gyi rim par sbyar// zhes bya ba 'di ni ye shes lha'i dbang bskur ba'i rim pa'o// de nas phyi dbang skur pa'i rim pa 'di gsungs so// mi 'gyur chos nyid phyag rgya las// ma btsal lhun rdzogs gsal ba'i rgyu// khro rgyal yab yum rol ba la// byang chub sems kyi 'phro 'du las// 'dod pa'i spyi bor rgya mtsho bskyil// spros shing bsdus la dkyil 'khor bsgyur// 'dod pa'i rna bar gzhal yas khang// rat+na kI la dngos su 'o// khro bo yab yum 'khor gyis bskor// traM/ rat+na kI'i tshogs mchog las// rat+na shri 'khor bcas spro// bsdus pas don gyi gnas su thim// traM/ gsang ba mchog chen mya ngan 'das// de la sogs te gsang ba kun// don du btags shing mnyan pa las// yongs la 'chal bar bsgrags pa min// 'dod pa'i snying khar de bzhin du// badzra kI li'i ngo bo nyid// 'bar ba hUM gi tshogs mchog las// khrag 'thung dkyil 'khor gsal spro thim// hUM/ rgyal ba'i gdung 'tshob sras chen po// sku gsung thugs kyi phur pa zung// 'jigs byed khro rgyal mnyes mchod la// gnyis med khro rgyal kun dang sbyor// 'dod pa'i lag la de bzhin te// karma kI la'i ngo bo nyid// ha yi 'bar ba tshogs mchog las// karma'i dkyil 'khor gsal spro thim// ha/ khyod ni karma kI la ya// lhun gyis grub pa'i dkyil 'khor gyis// gang gis 'dul ba'i 'phrin las la// rnam bzhi'i 'phrin las kun byos shig/ 'dod pa'i lce la de bzhin te// pad+ma khrag 'thung kI la ya// 'bar ba hri yi tshogs mchog las// hri yi dkyil 'khor gsal 'phro thim// hri/ bya ba brgya bcu'i sgra dbyangs kyis// gang 'dod skyes bu tshim par gyis// shes rab don gyi dmigs dang sbyar// yongs la bsgrags par bya ba men// 'dod pa'o yon tan lnga rnams la// 'jigs byed gzhal yas de bzhin te// rigs kyi khro bo de bzhin nyid// dpa' bo 'dru lnga'i 'phro 'du las// khrag 'thung lnga dang khro 'phreng bsgom// hUM/ phyogs bcu'i 'jig rten dus kun tu// sku gsung thugs kyi phur pa zung// phur pa'i dkyil 'khor bdag nyid che// dkyil 'khor kun gyi byed pa por// thams cad kun la dbang rnams sbyin// zhes bya ba 'di ni las so so'i dbang ngo// de nas yang de dag gi grogs phan pa'i dbang bskur ba'i phyir 'di skad ces gsungs so// de bzhin gshegs kun khrus gsol pa// ji ltar bltams pa tsam gyis ni// lha rnams kyis ni khrus gsol ltar// lha yi chu ni dag pa yis// dbang mchog dam pa bskur bar bya'o// oM nam sarba ta thA ga ta ab+hi Shiny+tsa sa ma ya hUM/ sangs rgyas kun gyi rin chen rtse// dpag tu med pa'i 'od dang ldan// rdo rje 'khor lo rin chen dang// pad+ma rgya gram khang bu lngas// ze srog khang bus dbang bskur ro// badzra bud+d+ha rat+na pad+ma khaD+ga ma ku ma traM traM/ cod pan 'di ni mdzes pa ste// ye shes lnga ldan cod pan des// rtag chad gnyis las grol 'gyur zhing// 'khor ba'i nyes pas mi gos la// myangan 'das pa'i dbang thob shog/ oM sarba ta thA ga ta badzra laM ba a b+hi Shiny+tsa hUM/ e ma sangs rgyas thams cad kyi// yi ge gsung gi phyag rgya'i tshogs// gsung gi de nyid bsdus pa'i don// snying po lnga yi dbang bskur ro// oM AH hUM sarba a b+hi Shiny+tsa hUM a/ de bzhin gshegs pa thugs kyi thugs// rdo rje 'khor lo rin chen dang// pad+ma ral gri mtshon cha lnga// phyag cha lnga yis dbang bskur ro// oM badzra tsakra raT+na pad+ma khaD+ga mu traM hUM/ e ma bde gshegs kun gyi sku// mtshan dang dpe byad dpag tu med// mi 'gyur mi shigs rigs kyi gtso// de bas rigs lngas dbang bskur ro// badzra sa twa hUM/ bai ro tsa na oM/ rat+na saMb+ha ba traM/ pad+ma a mi de ba hri/ karma A mo ka sid+d+hi a/ gzungs dang ting 'dzin me tog rin chen 'phreng// sangs rgyas kun gyis bsngags pa ste// sku yi rgyan du 'gyur ba'i phyir// de bas 'phreng bas dbang bskur ro// badzra rat+na mA le puSh+pe hUM/ gdugs mdzes gser gyi yub can// skyabs chen byams pa chen po ste// nyon mongs gdung ba sel pa'i rtags// de bas gdugs kyis dbang bskur ro// badzra sUr+ya rat+na a b+hi Shiny+tsa ho/ stong pa'i go cha bla na med// mtshan ma'i yul rnams kun bcom nas// byin ci log gi bgegs chen bsrungs// de bas go chas dbang bskur ro// oM badzra kA bA tsi yak+Sha hUM/bza' dang bca' dang btung ba'i tshogs// kha mngar skyur brlegs bro ba ste// 'dza gad dza ti zla phrom zla rgyas zla tshes dang// tshe 'dzin mchog dang maM sa kun tu rgyu// tshim byed mangs mdzes zhal zas sna tshogs kyis// nyin mtshan rtag tu bde legs skyong bar shog/ oM sarba ta thA ga ta ma hA pu tsa ya hUM/ zhes bya ba ni phan pa'i dbang ngo// de nas yang bdag po'i dbang bskur bar bya ste// 'bras bu bzhi bcu rtsa gnyis po// 'bras bu'i rgyu la ming btags pas// rang rang rtsa ba'i sngags kyi mthar// pa shang ku ru swAhA/ a b+hi nyiny+tsa tu maM zhes// kun la'ang gdags te rim pas bstim// zhes bya ba 'di ni 'bras bu sprul pa'i dbang ngo// de nas yang rang rtags phyag rgya'i dbang bskur 'di gsungs so// gzugs brnyan gsal ba'i dkyil 'khor du// phyag mtshan 'bar ba'i tshogs rnams la// bskyed dang spyan drangs gsal bltas la// rang rig mtshan nyid brjod de bskur// hUM/ dbus kyi khrag 'thung chen po ni// dbu gsum phyag drug zhabs bzhir bgrad// g.yas dkar g.yon dmar dbus mthing zhal// rdo rje rtse dgu rtse lnga dang// me dpung kha twAM phur pa 'dril// sku stod glang chen ko rlon la// sku smad stag gi sham bus btags// zhing gi go zu ya bas bskor// sprul chen rigs bzhis sku la brgyan// thod pa 'bar ba'i se ral kha// thugs khar 'bar ba'i srog kyang gzhug/ dbu la rdzogs pa'i sangs rgyas srung// 'khor lo rgyas 'debs skul 'khril// bskal ba'i ri ra'i klong na bzhugs// thugs kyi sprul pa phyogs bcur 'gyed// yab yum rdzogs pa'i dbang mchog bu la sbyin// dregs chen 'khor du bsdus pa'i dbang chen dang// yi dam lha tshogs bsgom pa'i dbang thob shog/ badzra kI la kI la ya a b+hi Shiny+tsa tu maM/ khro bo chen po hUM chen kA ra ni// 'dod chags rnam par dag pa ste// de rje sgra 'byin sku la 'khril// dbu gsum phyag drug gshog pa can/ sprul pa phag dang smrig pur bcas// yab yum sprul rab bcas pa'i dbang sbyin// ya bdud tshangs pa 'dul ba'i dbang thob shog/hU~M ka ra a b+hiny+tsa a// khro chen rnam par rgyal ba ni// ma byin len pa dag pa ste// rdo rje rnam snyems sku la 'khril// dbu gsum phyag drug shog pa can// sprul pa rtag dpyad bya rgod bcas// 'khor bcas 'di yis dbang gcig bu la sbyin// brgya byin dri za 'dul ba'i dbang thob shog bi dza ya a b+hi Shiny+tsa a// khro chen dbyug pa sngon po ni// log lha rnam par dag pa ste// rdo rje sder ma sku la 'khril// dbu gsum phyag drug gshog pa can// sprul pa g.yag dang bya rog can// 'khor bcas 'd-i+i yi dbang cig pu la sbyin// drang srong me lha 'dul ba'i dbang thob shog/ ni pa daSh+ta a bi Shiny+tsa a// khro chen gshin rje gshed po ni// srog gcod rnam par dag pa ste// yum chen dur khrod sku la 'khril// dbu gsum phyag drug gshog pa can// sprul pa sha ba 'ug par bcas// 'khor bcas 'di yi dbang cig bu la sbyin// gshin rje 'dul ba'i dbang mchog thob par shog/ ya man+ta ka a b+hi Shiny+tsa a/ khro bo chen po mi g.yo mgon// brdzun smra rnam par dag pa ste// yum chen rtun khung sku la 'khril// dbu gsum phyag drug gshog pa can// sprul pa gzig dang kha tar bcas// 'khor bcas 'di yi dbang cig bu la sbyin// bden bral srin po 'dul ba'i dbang thob shog/ Ar+ya a tsa la a b+hi Shiny+tsa a/ khro bo chen po rta mchog dpal// phra ma rnam par dag pa ste// rdo rje gtum mo sku la 'khril// dbu gsum phyag drug gshog pa can// sprul pa byi la pu shud bcas// yab yum sprul par bcas pa'i dbang cig bu la byin// chu bdag klu rnams 'dul ba'i dbang thob shog/ha ya gri ba a b+hi Shiny+tsa a/ khro rgyal gzhan gyis mi thub pa// nga 'khyal rnam par dag pa ste// yum chen mda' snyems sku la 'khril/ dbu gsum phyag drug gshog pa can// sprul pa khra dang spyang khur bcas// 'khor bcas 'di yi dbang cig bu la sbyin// rlung lha 'dul ba'i dbang mchog thob par shog/ a pa ra dzi ta a b+hi Shiny+tsa a/ khro chen bdud rtsi 'khyil pa ni// tshig rtsub rnam par dag pa ste// yum chen rlung 'byin sku la 'khril// dbu gsum phrag rgya drug gshog pa can// sprul pa seng ge pha wang bcas// 'khor bcas 'di yi dbang cig bu la sbyin// gnod sbyin 'dul ba'i dbang mchog thob par shog/a mr-i ta kuN+Da li a b+hi Shiny+tsa a/ khro chen khams gsum rnam rgyal ni// gnod sems rnam par dag pa ste// yum chen gsod ma sku la 'khril// dbu gsum phyag drug gshog pa can// sprul pa dom dang sre mong bcas// 'khor bcas 'di yi dbang cig bu la sbyin// dbang ldan 'dul mchog thob par shog/ tre lo kya bi dza ya a b+hi Shiny+tsa a/ khro bo chen po stobs po che// brnab sems rnam par dag pa ste// yum chen bskyod ma sku la 'khril// dbu gsum phyag drug gshog pa can// sprul pa dom dang byi bar bcas// 'khor bcas 'di yi dbang cig bu la sbyin// bdag 'dul ba'i dbang mchog thob par shog/ mahA ba la a b+hi Shiny+tsa a/lho sgor skye ka'i mgo can ni// chad lta gnas su dag pa ste// 'dren byed sor mo zhags pa bsnams// snying rje chen po'i dbang thob shog/ oM badzra bar be she a b+hi Shiny+tsa a/ nub sgor srin bya'i mgo can ni// bdag tu 'dzin pa dag pa ste// sdom byed dmar nag lcags sgrog bsnams// dga' ba chen po'i dbang thob shog/ oM badzra a mr-i ta a b+hi Shiny+tsa a/ byang sgor khra yi mgo can ni// mtshan mar lta ba dag pa ste// rlag byed ljang nag dril bu bsnams// btang snyoms chen po'i dbang thob shog/ oM badzra mar na a b+hi nyiny+tsa hUM a/ zhes bya ba ni rang rtags phyag rgya'i dbang ngo// de nas yang de dag gi rgyan chas kyi dbang bskur ba 'di gsungs so// srid pa gsum la dbang sgyur zhing// byang chub sems ni mngon du bstan// khams gsum ye shes bskyed pa'i phyir// sku la rigs lngas dbang bskur ro// oM AHhUM swAhA a b+hi Shiny+tsa a/ e ma nga ni rang byung ste// dpal chen rdo rje gzhu nu'i sku// 'khor ba yongs su sbyang ba'i phyir// ye shes sems dpas dbang bskur ro// dz+nyAn sa twa kI la a b+hi Shiny+tsa a/ ye shes drug gi rang bzhin te// pha rol phyin pa drug gi rtags// rdo rje la sogs phyag 'tshal gyis// rgyud drug gnas nas sgrol bar shog/ badzra badzra a ni tri shu li/ kI la ya a b+hi Shany+tsi a/ skam po chos sku ra ri longs spyod rdzogs// rlon pa sprul pa'i sku yin te// dus gsum sangs rgyas bzhugs pa kun// sku gsum ngo bor dbang bskur ro// mahA kA pa la a b+hi Shiny+tsa hUM/ sbrul rigs bzhi yi tshul khrims 'dis// mnyen la 'khril pas sku yi brgyan// zhe sdang chen po'i rang bzhin pas// 'phrin las rnam bzhis gdug pa zhi bar shog/ ma hA gan a b+hi Shiny+tsa hUM/ glang chen ko rlon stobs chen brjid las ldan// tshul khrims g.yang gzhi thabs la mkhas pa dang// stag lpags sham thabs dpa' bar ldan pa yi// na bza' rgyan gyi dbang mchog thob par shog/ ba bid kun d+ha li bya gari tsa nA ma/ d+harma ka ko ta a b+hi Shiny+tsa a/ khams gsum zil gyis gnon pa'i rdo rje gshog pa 'di// srid gsum 'debs byed rlung gi rang bzhin te// g.yas pa thabs la shes rab g.yon pa yin// rdo rje gshog pa'i dbang mchog thob par shog/ badzra bar be a b+hi Shiny+tsa a/ khams nag ral pas stong nyid don rtogs te// mthing nag ral pa'i chun 'phyang gi/ 'khor ba rtag chad gnyis kyi mtha' gsal te// ma g.yos dbu ma chen po'i don rtogs shog/ ma hA krod+ha ha la a b+hi Sh-iny+tsa a/ 'bar ba thugs kyi rang bzhin dang// 'phro ba khyab pa'i thugs rje dang// 'du ba dbyings kyi rang bzhin te// glong ba zad pa'i 'phrin las kyis// 'khyil ba gnyis su med pa'i don// rdo rje me yi dbang mchog thob par shog/ badzra lag ne dz+wa a a b+hi Shiny+tsa a/zhag gi zo ris don dam bcud kyis brgyan// rak+ta'i thig le thugs rje chags pa'i rtags// thal chen thig le mtshan ma spros dang bral// mtshan ma gsum gyi don dam mtshon par shog/ ma hA snig ta/ma hA rak+ta/ ma hA keng ni ri ti a b+hi Shiny+tsa a// ye shes gcig las ma g.yos kyang// gdul thabs tha dad bstan pa'i phyir// rtags kyi khro chung mtshon gang gis// bka' nan chen po'i 'gro don byed par shog/badzra karma ka ba tsi ya a b+hi Shiny+tsa a/ zhes bya ba ni na bza' rgyan gyis dbang bskur ba'i rim pa'o// de nas bsgrub pa'i rdzas kyi dbang bskur ba'i rim pa 'di gsungs so// bdag dang lag pa'i mchog rnams la// rab tu gsor te dril byas la// byin gyis brlab pas dbang bskur bas// gnyis med chen por dbang thob shog/ oM badzra ka la a b+hi Shiny+tsa a/ nyungs kar rgyal po'i rdzas mchog 'dis// bde gshegs sras kyi mchog rnams kyis// thugs dam chen por bskul nas kyang// 'gro ba'i don rnams byed par shog badzra yak+Sha kro d+ha a b+hi Shiny+tsa a// gu gul sbyar ma'i rdzas mchog 'dis// badzra kI la ya yi gzi mdangs rab bskyed nas// mtshan dang dpe byad ldan 'gyur zhing// 'gro ba'i don rnams byed par shog/ du ma pe ta li a b+hi Shiny+tsa a/ rak+ta'i rgyal po chags pa'i bdag nyid 'dis// 'gro ba'i don la thugs dam rab bskul zhing// phyogs bcu'i 'jig rten rab 'byams nas// thugs rje chags pas 'gro don byed par shog/ mahA rak+ta a b+hi nyiny+tsa a/ thugs rje chen po'i cod pan 'dis// thabs dang shes rab rtags yin te// gzung 'dzin mtha' gnyis rnam par spangs// dbyings dang ye shes mtshon par shog/ ma hA laM pa ab+hi Shiny+tsa a/ phyi nang gsang ba'i mchod rdzas 'dis// dus gsum sangs rgyas mchod cing mnyes// 'gro ba'i don la thugs dam bskul// mchod sbyin stobs kyi dbang mchog thob par shog/ ma hA phu tsa a b+hi Shiny+tsa a/ bsgrub pa'i ye shes mtshon gangapo// gsang ba'i sngags kyis rab bskyed la// dus gsum rgyun du bzlas dgos pas// 'dzab bsnyen 'di yis dbang bskur ro// badzra mA le a b+hi Shiny+tsa a/ zhes bya ba ni bsgrub rdzas kyi dbang bskur ba'o// de yang drag po sgrol pa'i dbang 'di gsungs so// dbyings dang ye shes don dam pho nya dang// thabs dang shes rab rtags kyi pho nya dang// 'khor ba'i gnas nas dgra bgegs dgug pa'i phyir// mngag pa pho nya'i phur pa khyod kyis zung// bi sha badzra krod+ha dz+wa la a b+hi Shiny+tsa a/ phyag rgya bzhir ldan phur pa 'di byin pas// dgug dang bcig dang dbang du bsdus pa'i phyir// bar chad dgra bgegs rten la 'bebs par shog/ dza hUM baM hoH a b+hi Shiny+tsa a/ rdo rje gdab phur 'di byin pas// ye shes phur pa dbyings la 'debs pa'i rtags// mtshan ma'i phur pas shes rab ling ga la// thabs mchog mtshan ma'i phur pas 'debs par shog/ tip+ta tsakra ma ra ya a b+hi Shiny+tsa a/ mtshon cha lnga ldan phur pa 'di byin pas// 'joms byed rdo rje gcod pa'i 'khor lo dang// gtub pa'i ral gri gdung ba'i dbyug tho dang// gnan pa'i rgya gram la sogs lnga rnams kyis// ma rig 'khor ba'i rgya mo 'dral bar shog/ dzu ra tra khad kha mud kar badzra karma a b+hi Shiny+tsa a/rin chen rgyas pa'i phur pa 'di byin pas// dmigs pa'i mthu dang rtsal chen gnod la sogs// gnas su bskrad cing rdzu 'phrul phrogs nas ni// rang nyid tshe dang dbang rgyas byed par shog/A yudz+nyA na puSh+tiM ku ru a b+hi Shiny+tsa a/ khro mo 'bar ba'i gtun khung du// rdo rje khro bo'i tho tshogs kyis// 'khor ba'i bag chags sbyangs pa'i phyir// mtshan ma rdul du rlog par shog/ tad+ya thA kha thaM hUM phaT a b+hi Shiny+tsa a/drag po'i mtsho gtor 'di byin pas// dam can rnams ni thugs bskul zhing// gdug cing sdang sems ldan pa rnams// lus ngag rdul du rlog bar shog/ pU tsa mA ra ya a b+hi Shiny+tsa a/ dbang mchog dug gi gtor ma 'di byin pas// gnod sbyin ma lus myos shing tshub pa dang// bag chags sbyang zhing sdig pa 'thol 'gyur nas// myos 'tshub chol dang smyo ru 'dzud par shog/ ha la ha la mA ra ya a b+hi nyiny+tsa a/ rdo rje srin po'i zhal gdangs par// sha khrag rus pa'i mchod pa yis// dug gsum sku gsung thugs dang ldan par shog/ b+hin+d+ha ya badzra yak+Sha kro ta a b+hi Shiny+tsa/ glong yang 'khyil ba'i hom khung du// 'bar 'phros 'du gleng me sbar te// yab ma me yi sbyor ba yis// lha rnams ma lus mnyes byed shog/ ag ne de ba shri pu tsa a b+hi Shiny+tsa a/ zil gnod ri rab phur pa 'di byin pas// las ngan skal med byur ngan dus zad rnams// byang chub sems ni nam yangam skyes par// gnon byed stobs kyis dbang mchog thob par shog/ oM badzra staM pa nan a b+hi Shiny+tsa hUM a/ zhes bya ba ni drag po sgrol ba'i dbang bskur ba'i rim pa'o// de nas gsang ba'i dbang bskur ba'i rim pa 'di gsungs so// phyi nang gsang ba'i rim pa yis// gsum gsum dgu ru gsung pa yang// mi 'dra'i phyir na gcig tu med// de bas 'di la'ang de 'drar brtag/ byang chub rdo rje sangs rgyas ltar// ji ltar rgyal bas mchod pa bzhin// bdag kyang de 'drar bsgrub pa'i phyir// byang chub chen po bdag la gsol// slob mas shes rab bla ma la// phul la yang ni gsol ba gdab// sangs rgyas kun gyi byang chub sems// don chen zab mos nyon mongs 'joms// thabs mchog gsang ba'i khyad par can// de ring bdag la dbab bar zhu// de rjes bla ma lung ldan des// bdag gi snying kha'i hUM las ni// 'od 'phros lcags kyus bde gshegs bkug/ thabs dang shes rab byin brlabs nas// chags pa rdo rje'i nga rgyal bya// bskyed pas bde gshegs 'od du zhu// rdo rje b+ha ga'i nang na ni// rin po che yi gnas yod de// gnas pas pha zad nur ba dag/ rgyu ba'i dbugs bkag sems gzung nas// bu 'dir shog cig rigs kyi bu// nam mkha' dbyings kyi dbus gnas su// rdo rje rgyal po rab drangs te// dbu yi nam mkha'i dkyil du ni// mtheb srin gnyis kyis lam bkag la// yongs spyod nang du bzhugs su gsol// e ma nga ni rang byung ba'i// dpal chen rdo rje gzhon nu'i sku// 'khor ba dbyings nas bsgral ba'i phyir// byang chub sems kyis dbang bskur ro// byang chub sems kyi bdud rtsi 'dis// sems kyi sdug bsngal rnams 'joms te// gsang ba'i gnas nas dam par bcas// de ring khyod la dbab par bya// de ring sangs rgyas kun dang mnyam// bdag gi bsod nams skal ba che// yon tan kun gyis bdag la brgyan// bde bar gshegs pa'i bdag nyid do// e ma re ba de lan gsum brjod// sbrang rtsi lhag lus yan chad gzhig/de rjes lung bstan thob par bya// zhes pa 'di ni gsang ba'i dbang bskur ba'i rim pa'o// de nas yang shes rab ye shes kyi dbang bskur 'di gsungs so// dus gsum bde gshegs thams cad kyi// ngo bo nyid la phyag 'tshal bstod// khams gsum bdag po phyag 'tshal bstod// 'dren pa'i gtso la phyag 'tshal bstod// dngos grub zhing la phyag 'tshal bstod// mchog gi dbang phyug khyod kyis kyang// shes rab dang ni ye shes kyi// dbang bskur dam pa bdag la stsol// zab mo'i dbang chen bdag la stsol// de nas rigs kyi bu mo ni// gzhung las byung ba'i mtshan dang ldan// bcu gnyis bcu drug bco brgyad dam// med na nyi shu lon pa'ang rung// de las 'das na dngos grub med// dar la sogs pa'i rgyan gyis brgyan// spos mchog dri dang ldan byas nas// dad pas bla ma la yang dbul// mgon po chen po 'di mtshar to// gsang ba'i bdag po 'di mtshar to// 'di ni yon tan rnams kyis brgyan// dngos grub mchog tu 'di 'gyur ro// de nas bla ma lung ldan des// bskyed nas rdzogs pa'i mthar thug bya// pad+ma sbur ba'i sbyor ba yang// gong du ji ltar smos pa bzhin// 'di ni khyod kyi gzungs ma'i mchog/ sangs rgyas rnams kyis brten par gsungs// 'khor lo'i rim pa rab sbyar bas// 'gro ba gsum po dag pa 'di// sangs rgyas nyid la thabs gzhan med// de bas 'di yi sbyor bral bar// khyod kyis nam yang ma gtang zhig/ 'di de sangs rgyas thams cad kyis// rig pa'i brtul zhugs bla na med// rmongs pa gang zhig 'di spongs na// de la dngos grub mchog nyid med// de brjod bsnol la de ji bzhin// shes rab dam pa'i dbang zhes bya'o// zhes bya ba 'di ni shes rab kyi dbang ngo// de nas yang ye shes kyi dbang 'di gsungs so// gur kum chu sogs dri zhim dang// me tog 'phreng ba la sogs ldan// gos med langs te pad phye la// gsal byas mthong nas 'di skad brjod// dri chen dri chu za nus sam// khrag dang khu ba de bzhin sha// bud med dad pas rten nus sam// pad+ma b+ha gar 'o byed pa// chu bde bar ni bu khyod smros// kye ma lha mo cis mi nus/ khrag dang khu ba sogs za zhing// rtag tu bud med brten par bgyi// b+ha ga'o byed mi rtog go/de nas dga' mgu dang ldan pas// pad+ma sbur ba'i cho ga bya// mdoms slod chu skyes phye nas ni// e ma bdag gi pad+ma yis// thams cad bde dang yang dag ldan// gang zhig cho gas rten byed na// de yi bdun du bdag 'dug go/rdzogs pa'i sangs rgyas bsnyen bkur sogs// 'di ltar pad+ma'i bya ba bgyid// rang nyid rgyal po bde chen po// 'di nyid la ni rtag tu bzhugs// b+hany+tsa mok+Sha hA/ bde chen 'khor lo'i dbus na ni// ston pa'i yi ge hoM gyi gzugs// ye shes me yis rab 'phros pas// dkar la rtsa dmar lta bur 'dzag/ 'khor lo bzhi la rim bzhin babs// rdo rje rtsa dmar dga' ba skyes// dkyil du sbyin pa mchog dga' yin// rtsa gsum 'dom pa'i dbus su ni// lhan cig skyes pa'i dga' ba 'byung// gang der skyes pa'i ye shes ni// gzugs dang kha dog mtshan nyid bral// 'dod chags ma yin chags bral yin// dbu mar dmigs su med pa ste// sangs rgyas ye shes nam mkha' la// ye shes bde bar gnas mi gtang// thun mtshams gcig gam nyin gcig la// zla phyed zla ba bskal pa stong// gnas der ye shes nam mkha' gzung// de yang rgyu yi ye shes yin// gal te bsdams pas ma thebs na// pad+ma'i gnas su ltung pa'i tshe// bral ba'i dga' ba zhes bya ste// nor bu chu skyes las bton nas// rdo rje gzhon nu'i rang bzhin don// dkyil spyan ras gzigs kyi blang// phu ba shes rab ces su bshad// bde ba ye shes ngo bo nyid// rin chen rtse mo chos 'byung du// 'dug pa chos kyi sku zhes bya// cung zhig byung nas bltar mngon pas// longs spyod rdzogs pa'i sku zhes bya// de las g.yo ba'i sems byung tshe// phyir spros sprul pa'i sku zhes bya// dra bas mtshon pa'i tshul can no// zhes bya ba 'di ni shes rab dang ye shes kyi dbang ngo// de nas yang 'bras bu mthar phyin pa'i dbang 'di gsungs so// snga ma'i sbyor ba la brten nas// zin pa shes rab ces su bshad// song ba ye shes rjes su dran// tshur 'ong ba ni lnga pa'o// sems ma bskyed par bde ba che// sems ni don las gzhan du yang// 'gyur ba ma yin don nyid do// phyi yi rtags su bstan pa ni// yul gyi dngos po thams cad la// sgyu ma lta bu'i sems 'byung zhing// yul gyi rnam par mi 'dzin na// rtags ni mngon shes lnga yang 'char// de med bar du rab tu 'bad// blo yi rim pas gnyis su 'char// de la goms par gyur pa dang// dngos po gnyis kyis bsdus pa'i chos// thams cad rang rig byang chub sems// phyi nang gnyis la rnam par dag/ byed spyod thams cad tshogs gnyis rdzogs/ ci yang med las cir yang snang// mtshan nyid brtag cing bstan du med// ngo bo nyid kyi rnam par dag/ rang byung ye shes chen po pas// 'bras bu mthar phyin dbang zhes bya'o// de dag spyi yi mtshan nyid ni// gnas lnga thabs lnga 'bras bu lnga// lam lnga sa lnga ngo bo lnga// rigs 'dzin lnga la sogs pa rnams// go rims gdams ngag shes par bya// zhes gsungs so// rdo rje me lce 'phreng ba'i rgyud chen po las/ dbang sbyin pa'i le'u ste nyi shu rtsa bzhi pa'o//// de nas karma he ru kas/ bcom ldan 'das mnga' dbang yongs su rdzogs pa'i rgyal po la 'di skad ces gsol to// bsam mi khyab pa'i las rnams la// thugs rje thabs kyi khyad par gyis// 'gro ba'i bsam pa ji lta bar// mthun 'jug thabs su snang bar mdzod// ces gsol ba btabs pas/bcom ldan 'das thugs rje thabs kyi gtso bo badzra kI la yas thugs kyi yon tan 'phrin las kyi rdzu 'phrul bsam gyis mi khyab bar bstan nas/ karma kI la ya la bka' stsal pa/ lnga brgya tha ma'i gang zag la// mos pa'i yul dang bsam pa'i cha// tha dad mi mthun bye brag gis// thams cad brjod par ga la nus// re zhig rim pa mdor bsdu na// phan par bya ba'i thabs rnams ni// gtso ru bshad kyi yang dag nyon// sgrub pa spyi yi slob dpon gyis// bdag dbang bar chad med pa'am// nags tshal mang po gtibs pa ru// las kyi bya ba sngon btang bas// dkyil 'khor 'dom gang tshad du bya// srad bus gdab cing tshon phyes dgyes// 'phrin las rnam bzhi'i rim pa yis// rdzas dang dkyil 'khor tha snyad tsam// e wang ma ya zhes su bshad// phur pa'i dbyibs dang thab khung dang// dbus kyi pho brang yum gyi mkha'// yi ge'i dbyibs kyis mtshon par bya'o// rin chen zur brgyad dkyil 'khor du// seng ldeng phus pa sor brgyad tshad// bco lnga'am nyi shu rtsa gcig la// bin gyis brlab cing dgod bya ste// bsnyen pa lnga 'bum drug 'bum mam// bdun 'bum las su rung byas nas// sngags 'di nyi shu rtsa brgyad bzlas// oM su ru su ru u tsu sa ma kro d+ha hUM phaT/ gang gis klu yi gnas su gdab// klu rnams thams cad bcings par 'gyur// gal te byung nas de las thar// dkyil 'khor pho brang zlum po la// klu gang yin pa'i gzugs byas la// gan rkyal dag tu shar phyogs bstan// hUM gnyis ming dang swAhA'i mthar// g.yo ba'i rdzas la gur kum gyis// legs bris snying khar glan pa'am// gzugs med mig gi steng du gdab// bdag nyid shar du kha bltas la// zhi ba'i phur pa dag la ni// byin gyis brlab cing lha rnams dgod// rgya mdud dag gi ngos dag la// shar du khams gsum rnam rgyal dgod// shar lho 'dod pa'i rgyal po la// lhor ni gshin rje gshed po dgod// lho nub mtshams su mi g.yo mgon// nub tu rta mgrin rgyal po bsam// nub byang mtshams su bdud rtsi 'khyil// byang nyid du ni stobs po che// byang shar don yod zhags pa dgod// gzhan yang byin gyis brlabs pa ni// sngon 'gro'i sbyor ba ji ltar bar// thams cad thams cad bya bar bshad// de nas 'das pa'i cho ga ni// ha las rdo rje rgya gram dbus// a las zla ba'i dkyil 'khor te// kha dog dkar po dza bsams te// lcags klu la sogs phyag rgya bzhis// yang nas yang du smin par bya// oM dza hUM baM ho/che ge mo zhig pra be sha ya hUM hUM/ oM badzra karma krod+ha hUM phaT/ oM badzra sa twa sa ma ya stoM hU~M phaT/ ci nus nyi shu rtsa gcig dang// lan bdun dag ste go rim bzhin// zhi bar bsam zhing gtor ma sbyin// de nas rgyas par 'dod pa na// dkyil 'khor gru bzhi ser po bya// klu yi gzugs kyang dmar ser la// mgo bo byang gi phyogs su bstan// bdag kyang dmar ser byang du lta// yi ge push+tiM dang bcas pa// gang yin gnas su legs bkod la// thams cad gong gi tshul 'drar brtag/ dbang du bsdu bar 'dod pa na// dkyil 'khor zla khaM dmar po la// gang 'dod gzugs kyang dmar skya bri// tsan dan dmar po'i khu ba yi// g.yo ba'i rdzas la ming bris glan// mgo bo nub phyogs dag tu bstan// bdag nyid nub phyogs kha bltas la// snying khar ma las nyi ma'i steng// dza las lcags kyu la sogs pas// gang 'dod dbang du gyur pa bya// 'khor lo phyag rgya bcas nas kyang// sngags 'di nyi shu rtsa gcig tu// shin tu drag par rab tu bzlas// oM badzra krod+ha ma hA ba la ha na ha na/ da ha da ha/ pa tsa pa tsa/ b+han+d+ha b+han+d+ha/ tshin+d+ha tshin+d+ha/ rba na rba na/ bi dan sa ma ya/dza ti lam po d+ha ra/ oM badzra krod+ha ya hUM hUM phaT/ de bzlas gang 'dod bran bzhin du// bsams te gtor ma dmar po sbyin// gal te gtan 'pho'i las byed na// gru gsum rtse mo lhor bstan la// dkyil 'khor gru gsum sum brtsegs tshul// bcu gnyis sang ni zhing thal dang// lan tshwa skye tshe zhing chen khrag/ tshub ma'i lo ma shun pa dang// khre dang grog mkhar sa dag dang// bong bu'i bdud rtsi bsres la sbru// yang na til las gzhi blangs la// gzugs dang kha dog smug por bya// mgo bo lho yi phyogs su bstan// bdag kyang de bzhin kha bltas la// g.yo ba'i rdzas la ming rus bri// lcags kyi phur pa rnam lnga la// sras mchog lnga ru rab bskyed la// gong gi gsang sngags khri bzlas te// las su rung nas gnas lngar gdab// mche ba'i phyag rgya bcas nas ni// oM badzra yak+Sha krod+ha kha kha kha/ khA hi khA hi khA hi/ ha ha ha hUM hUM hUM/ phaT phaT phaT/ de bzlas phung po zhal du rdub// gtor ma nag po byas te gtang// las 'di rtsom pa'i rim pa yang// mar gyi bcu bdun nas bzung nas// mar ngo'i cha la las rnams ni// nyi ma'i gung ngam nam gung nas// brtsams te bdun gsum bar du bsgrub// tha ma gtan 'pho gnas su bskyal// de nas phur pa bkru ba dang// gtang rag gtang zhing gtor ma dgye// grub pa'i tshad dang ldan mi ldan// las su rung ba'i phur pa de/ khang pa'i steng du btab gyur na// char dang sprin dang rlung mi ldang// de yi rim pa'ang 'di lta ste// dbang gi dkyil 'khor zla gam la// tsan dan dmar po'am btsag gis byug/seng ldeng phur pa sor brgyad la// brgya rtsa brgyad du sngags bzlas la// snying khar btab na 'grub par nges// rlung mnag bcad par 'dod na yang// 'jim pa dag la rlung lha'i gzugs// dud kha sha ba zhon pa la// g.yas na rlung yab thogs pa ni// byas na nub phyogs kha bltas te// g.yo ba'i rdzas la tsan dan gyis// hUM rba na yaM rba na hU~M/ de bris snying khar gzhug par bya// bdag nyid rta mgrin rgyal po ru// bsams te kha yang nub phyogs blta// snying khar ma las nyi dkyil 'khor// dza las 'od 'phros rlung lha bzung// dgug bcings bsdams te dbang du byed// sprin rnams yongs su bsdus nas ni// phur pa'i 'og tu thim par brtags// stobs po che yi phyag rgya yis// gnad la bor zhing dam tshig bsgrags// ma chad bar du sngags 'di bzlas// oM nA ga yaM ba hUM hri/ de bzlas las su rung ba dang// mtha' yi las rnams gong bzhin sbyar// gzhan gyi zhing la btab gyur na// sman dang 'bru rnams mi skye ste// bdag gi zhing la bsdu 'dod na// bdag gi gnas su ser po yi// dkyil 'khor khru gang gru bzhi pa// phur bu zur ni drug pa la// gsang sngags nyi shu brgyad du bzlas// nyi ma'i steng du dza bsam ste// lcags kyus 'bras bu rnams bkug nas// bdag gi gnas su thim par bya// pha rol gnas su dkyil 'khor ni// zla gam byas te phur pas gdab// nyi ma'i steng du phaT bsam la// spro bsdus gzi byin 'bar bsams te// gtor ma dmar po gtang bar bya// rgyas pa'i gtor ma'ang de bzhin sbyin// ldum ra'am ni nags tshal du// btab na me tog 'bras mi skye// khyim sgor btab na stongs par 'gyur// ri la btab na ri nyil lo// chu la btab na slar la zlog/ 'bab chu khron pa rdzing bu dang// wa chu dang ni chu mig tu// btab na skams shing stong par 'gyur// grong khyer dag gi sgor btab na// grong khyer 'jig ci dmag tshogs 'joms// rgyal po'i sgo ru btab pa na// dmag dpung 'jig cing rgyal srid 'phrog/ dur khrod dag tu btab pa na// gang la btab pa nad kyis 'dzin// phyung na de dag kun las thar// stobs chen las rnams shis pa'i mis// tsan dan dag gi phur bu ni// sor ni bcu gnyis tshad du bya// oM badzra aM gu sha dza/ bco brgyad dag tu bzlas bya ste// lha khang dag tu btab gyur na// brgya byin la sogs lha rnams kyis// dbang sbyin bsrung dang sba ba dang// rtag tu nan tan chen por byed// tsher ma can gyi shing bu la// phur pa sor drug tshad du bya// oM badzra rba na rba na hUM phaT/brgya rtsa brgyad du bzlas btab na// gdon dang bgegs dang dgra rnams dang// gnod pa thams cad gnon par 'gyur// dgra yis sems kyang g.yeng ba dang// gnod pa'i sems can 'bros par 'gyur// gtor ma'i las ni shin tu 'bad// sman shing phur pa sor bzhi la// oM ta tas na Na khro ta hUM phaT/ lnga brgya dag tu bzlas btab na// bang ba dag gam dkor mdzod dang// 'bru yi gnas rnam gar btab kyang// 'bru dang bza' btung zad mi shes// zhing la btab na mang du 'phel// ldum ra dag tu btab gyur na// sman dang 'bras bu me tog rnams// nam du'ang zad pa med par 'gyur// sgo'am grong khyer dag gi sgo// gtsug lag khang ngam rgyal po'i sgor// btab na byad stems byad 'dre'am// 'jigs pa brgyad las thar par 'gyur// rtsod dang g.yul shags 'gyed pa dang// de rnams rab tu zhi bar 'gyur// dpung gi tshogs rnams ngag mi non// rta nag ra lug ba la sogs// phyugs rar btab na 'phel bar 'gyur// lam gyi bzhi mdor btab pa na// mi rgod la sogs bcings par 'gyur// thang shing phur pa sor drug la// su tir dzi na dza tu ra hUM phaT/ sum cu rtsa gnyis bzlas btab na// gang btab gnas nas 'pho bar 'gyur// rgya shug phur pa so bdun la// ts+tshin+d+ha ts+tshin+d+ha hUM phaT/ nyi shu rtsa bdun sngags bzlas la// dpung gi nang du btab pa na// thams cad gnyid kyis non par 'gyur// phyung na de bzhin thar bar 'gyur// stag ka'i phur pa sor drug la// utsu sa ma krod+ha hUM phaT/ lan stong bzlas te btab gyur na// grong khyer mdun nam khang pa'i sgor// gnas po'i gnas sam lam chen nam// gtsug lag khang gi sgor btab na// bud med dang ni grogs rgod dang// bu mo dge slong bram ze'am// rgyal po blon po 'bangs la sogs// thams cad bdag gi dbang du 'gyur// lcags kyi phur sor bcu gnyis la// sarba duSh+tan hUM phaT ces// brgya rtsa brgyad du bzlas byas la// ri dang nags tshal stug po'am// sman ljongs gnas su de btab na// gter rnams thams cad khugs par 'gyur// gnod sbyin dag gis bcad pa yi// sgo nams kyang ni 'byed par nus// bdag gis khyim bzhi 'jug cing gnas// nyi ma bdun nam gsum gyi bar// las rnams shin tu btud la bya// zangs las byas pa'i phur pa ni// sor ni nyi shu rtsa gcig bya// na ma sa ma da be re be re hUM phaT/ lan stong bar du bzlas brjod byas// tshon sna lnga yi skud pas dkri// bgegs rnams gnas pa'i sar btab na// bi na ya ga la sogs rnams// thams cad bcings shing non par 'gyur// bdag la sdang bar sems pa rnams// bskal ba'i bar du bcings par 'gyur// lcags sna lnga yi phur pa ni// sor ni brgyad pa'i tshad du bya// mA ra ya mA ra ya hUM phaT/ brgya bcu'i bar du gsang sngags bzlas// du ru ka dang til mar gyis// bskus te byang phyogs gnas su gdab// rgyal po ngal bsos dbang du 'gyur// bka' bzhin byed cing bsgo ba nyan// ngal bsos pa yi gnas drung ngam// rtag tu yid la dran pa bya// nor dang rdzas rnams 'phel ba dang// mthu stobs skye zhing dgra las rgyal// thams cad thams cad byed par 'gyur// brgya rtsa brgyad du bzlas btab na// thams cad 'joms par the tshom med// bum pa spos chus bkang ba la// brgya rtsa brgyad du sngags bzlas te// bkrus na de las sos par 'gyur// rtag tu phyi bzhin 'brang bar nges// yid la bsam pa thams cad byed par 'gyur// mi rus dag gi phur pa ni// sor ni lnga yi tshad du bya// oM na ma sa man ta bi shud d+he i bi shun+d+ha ya/bid+ha bid+ha ra hUM phaT/ lnga brgya dag tu sngags bzlas la// 'o ma can gyi shing dag la// btab na bgegs rnams bcings par 'gyur// bya ba'i las rnams chud mi mdza'// ba glang mche ba'i phur pa ni// sor ni bcu gnyis tshad du bya// d+ha hi ma ma ni hUM phaT/ lan stong dag tu sngags bzlas te// gu gul bdugs la khrag gis gtor// dur khrod gnas su de btab na// gnod sbyin dang ni 'bar ma dang// 'byung po yi dwags sha za dang// brjed byed la sogs gdon gyi tshogs// ji srid 'tsho yi bar du 'ching// mi 'jigs dgongs pa thams cad skong// gdon mi za bar bgegs mi byed// dngos grub thams cad 'grub par 'gyur// oM shri badzra ku ma ra rak+Sha hUM/ oM badzra krid+hi e ga tsa badzra hUM/ oM badzra kI li kI la ya hUM dza/ oM badzra kI li kI la ya tib ta tsakra hUM/ shrI ki la ye ta hUM phaT/ ma ku kI la ye hUM phaT/ka tang ki la ye ta hUM phaT/ pa ta kI la ye ta hUM phaT/ da ha da ha/ ha na ha na/ pa tsa pa tsa/ hu lu hu lu/ tshin d+ha tshinad+ha pa smi ku ru hUM phaT/ oM badzra karma krod+ha hUM hUM phaT phaT swAhA/ oM badzra sa twa sa ma ya hUM/ oM badzra krod+ha ha na ha na/ da ha da ha/ pa tsa pa tsa/ b+han+d+ha b+han+d+ha/ tshin d+ha tshin d+ha/ rba na rba na/ hUM hUM phaT/ oM badzra krod+ha ma hA ba la// ha na ha na/ da ha da ha/ pa tsa pa tsa/ bi dan sa ya ya/ dza ti la laM b+ho d+ha ra/ u tsu sa ma krod+ha hUM phaT/ na mo b+ha ga ba te shwa shan ti gi tu ta da ya badzra dan do ye/me ka ni ko na/ tsa la tsa la/ ma la ma la/ ti li ti li swAhA/ gtso bo yab yum bskyed pa dang// sras mchog bskyed dang gdon pa dang// bsad pa khro bo spyi yi sngags// gdab pa las kyi gsang sngags dang// dam tshig gnad la bor pa'i sngags// las sngags spyi yi drag sngags dang// bzlog pa'i gsang sngags la sogs pa// go rims tshul bzhin shes par bya// zhes gsungs so// rdo rje me lce 'phreng ba'i rgyud chen po las/ stobs po che las thams cad pa'i le'u ste nyi shu rtsa lnga pa'o//// de nas karma he ru kas// bcom ldan gsang ba mchog gi bdag po chen po la 'di skad ces gsol to// kye ma mnga' dbang rdzogs pa'i sku// las rnams yongs su rdzogs pa'i bdag/ gdug pa 'dul pa'i thabs rnams kun// yongs su rdzogs par gsungs lags na// mthar gyi las gzhug bcad pa la// mnan cing gtad pa mi 'tshal lam// de yi rim pa ji lta bar// mngon rdzogs rgyal pos bshad du gsol// zhes gsol pa dang/ bcom ldan 'das khrag 'thung gi rgyal po badzra kI la yas 'di skad ces gsungs so// las kyi sems dpa' da nyon cig/ rnal 'byor las mthar 'byin pa la// mthar gyi las rnams gces pa'i phyir// 'di med 'bras bu yug pa rkyang// la las 'bras bu med pa yin// 'di yang phyi nang gsang ba yi// las kyi rim pa rnam pa gsum// de'ang dang po'i rim pa ni// klu dang mchod rten gtsug lag khang// sa bdag lha 'dre ma mo'i gnas// la btsas mkhar dpe'i them 'og brgyad// mnan cing gtad pa'i sa yin no// dang po spyi yi rim pa ni// btab nas bstabs sam me phul bar// thal ba mtshon cha'i rtse mos bsdus// sdong po me reg shing shun gtum// ra khyi khrag gis sbrus pa'i gzugs/ kha dog re re'i las bzhin bya// dpral bar ming la snying khar rus// rigs ngan dag gis khrag gis bri// dgug dang dbral dang gdug pa dang// dbab cig byad du gzhug pa dang// me reg shing shun rgyas btab ste// bsnyen pa zhag grangs du 'grub pa'i// zhabs la gang dmigs pa ru bkye// dmigs pa 'dod pas tshim byas te// g.yon du don po thogs nas ni// g.yas par rak+ta gtor mas g.yab// ma mo rnams ni las la rbad// dang po klu la gtad pa ni// dmigs pa'i thal ba bsdus pa de// bong bu 'i bdud rtsis gzugs byas la// dur khrod sol bas nag por byug/ g.yo ba'i rdzas la ming rus bri// 'dod pa'i gnas du de bcug la// rdzas gsum dag gis byug bdug bya// rigs ngan bcud kyis mnyes byas la// me reg shun bas rgya yis gdab// gang na nA ga yod pa'i sar// song ste ba su'i rigs bos la// chu mig 'di la gnas pa'am// sa phyogs 'di na gnas pa yi// ba si rigs drug thams cad la// rnal 'byor sngags 'chang bdag gis ni// gtor ma byin pas tshim gyis la// sangs rgyas bstan pa 'dis bshig pas// dam nyams log pa'i dgra bo 'di// khyed la gtad do sho ra re// bskal ba'i mthar yang ma gtang zhig/ de skad brjod la chu mig gi/ yar la gom gsum gdung ba'i rwa// mar la gom gsum za yi kha// gang yin gnas su rkos la gzhug/ yang na chu mig lu ma dang// rgya mtsho la sogs ngam gnag la// byang du kha bltas nag po'i rigs// gdug pa'i rkang lag bzhi rnams la// sbal pa'i rkang lag bzhi yang gtad// ba dmar 'o ma klu sman bcas// mthun pa'i kha zas sna tshogs sbyin// yang na klu srin gnas pa'i sa// chu mig skye ba'i brag gi mdo// dmar ram yag na ser skya la// lho ru kha bltas gang yang rung// mu su ra yi thod pa ru// ming rus gzugs kyis de bkang la// bdag po tshim par byas nas ni// 'dod pa'i bka' rnams bsgo la gtad// yang na lto 'gro'i tshang nyid du// dbyar zla gsum mam ston gsum la// g.yo ba'i dza la gzugs brnyan bri// rang byang me tog dag gis byug/ rigs ngan kha bas ming rus bris// sha 'thangs par ram nyon shul du// bsgos la las bcol gong ma bzhin// 'di ni klu la gtad pa yin// mchod rten dag la gtad mnan na// rab gnas byas pa'i gzugs brnyan rtsar// khru gang zabs su brko byas la// g.yo ba'i rdzas la cig shos gzugs// dkar la shin tu dod par bya// 'gugs 'dren byas la shes pa bstim// steng du bde gshegs spyan drangs la// mchod dang bstod pas mnyes byas te// rgyal ba sras bcas ma lus la// sdig can log lta 'di gtad kyis// 'di la thugs rjes ma gzigs shig/log pa'i lam bcad bde ba'i gnas// med par bsgral na bar chad nyung// bdud rnams btul nas bstan pa gnyan// nyams pa bsgral na bka' gzhung btsan// bskal pa'i mthar yang ma gtang zhig/de byas rmang mgo legs par sba// mchod rten dag la gtad pa'o// gtsug lag khang la gtad pa ni/ rdza so ma gtang nang du'am// khang rul stag skya'i thod pa ru// bkra mi shis pa'i shun pa la// mtshan ma ming du bcas par bya// ser po'i mdog la shin tu dod// gong ma'i rdzas su de bcug la// phyi nang gnyis kyi srungs ma la// gnyis kyis mchod pa bka' rnams bsgo// gtso bo'i 'og gam mgon pa'i zhabs// gang yin gnas su de bkug la// gnyis la las gnyer legs par gtad// gtsug lag khang la gtad pa'o// sa bdag dag la gtad pa ni// rus sbal dag gi rgyab 'dra la// de la gnas par bya ba min// shin tu nag po'i rigs mi bsgrubs// bkol du mi btub bka' mi nyan// 'di ni las la shis pa ni// thal ba spungs pa'i mdog 'dra'am// ri bo dur ba'i mdog 'dra la// rigs ngan sman ra'i thod pa ru// de nyid chu bas gzugs brnyan bri// nye ba'i rigs bris dmar ser gyur// thod pa'i nang bcug gsang sngags bzlas// dkar gtor 'o ma rin chen bcas// 'bras chan klu sman sna tshogs la// sa bdag 'khor bcas spyan drangs te// sa phyogs 'di dag la gnas pa// nye 'khor 'di na gnas pa yi// sa bdag 'khor bcas dgongs su gsol// ston pa'i bka' dang dam la ni/ khyed rnams 'khor bcas ma 'da' bar// las ngan nyams pa bsgral ba'i phyir// sa bdag ma lus spyan 'dren na// 'khor dang bcas te gshegs su gsol// gdug pa'i sems dang bcas te gshegs// rin chen 'dod pa'i nor dang zas// gus pa'i sems kyis khyed la bsngo// sna tshogs mchod pa 'di bzhes la// dam las nyams pa'i dgra bo 'di// khyed la gtad kyis sho ra re// bdun brgyud tshun chad ma gtang zhig/ dam las 'das pa'i sdig can 'di// bskal par bgrangs kyang ma gtang zhig/ de skad brjod la las gzhung bsnyag/ sa bdag dag la gtad pa'o// lha 'dre bdud dang the brang dang// sde brgyad spyi dang gnod sbyin dang// gshin rje dang ni lha rten la'o// dang po bdud la gtad pa ni// 'on dig lkugs po'i thod pa ru// g.yo ba'i rdzas la ming du bri/ kha dog nag por byas nas ni// lung gsum mdo'am shwa bud snar// snam phying gtsang ma'i gdan stengs su// 'bru sna tshang ba'i gtor ma dang// bshos bu bcu gsum yang dag ldan// bdud phor grags pa spyan drangs te// gzugs dang bshos bu ngar zan bcas// 'bru sna tshangs pa'i bcud kyis mchod// 'jig rten grags pa'i bdud po rnams// ston pa'i spyan sngar khas blangs bzhin// dam nyams dgra bo 'di gtad kyis// ji ltar tha tshigs nos pa bzhin// sngon gyi dam tshig bdag bskul gyis// mchod dang gser skyems 'di bzhes la// dam nyams dgra bo sdig can 'di// bskal pa'i mthar yang ma btang zhig/ de skad brjod la gser skyems btang// las kyi 'khor lo rdzogs par bya// bdud la gtad pa'i rim pa'o// the brang dag la gtad pa ni// shing bu rkang gcig drug dag tu// dmigs par bya ba'i don po de/ khra dang spyang khu'i khrag gis ni// glang ma'i byang bu dag la bri// drag por gyur pa'i rdzas su gtum/ khar nag dag gis de dkris la// bshos bu chang bshos dang/ gser skyems byin la las gnyer gtad// bka' yi the brang 'byung po'i tshogs// nga yis gtad pa'i sdig can 'di// bskal pa'i mthar yang ma btang zhig/gal te bka' bzhin ma byas na/ khyod nyid sdug bsngal bcas te 'chi// zhe sdang rdo rje mgo yang 'gems// de bas dam las ma 'da' bar// mthun pa'i gser skyems 'di 'thungs la// 'di yi bdun rgyud rtsad nas chod// de skad brjod la las gnyer gtad// the brang la gtad pa'i rim pa'o// sde brgyad spyi la gtad pa ni// rtsa med thod pa ma bral bar// g.yo ba'i rdzas la ming rus bri// rang byung bug par de brdzangs la// thun gyi las rnams rdzogs pa dang/ kha bcad la bya'i rgya yang gdab// lam chen rgya gram der song la// shin tu khros pa'i cha lugs kyis// gsur chen dud pa btang nas ni// lha srin sde brgyad de bos la// gser skyems btang la 'phrin las bcol// 'jig rten dregs pa 'khor bcas la// bdag gi 'phrin las bcol ba ni// las ngan sdig can 'di gtad kyis// lha srin sde brgyad 'khor bcas kyis// bdun rgyud yan chad ma btang zhig/ nga yis gtad pa sho ra re// de skad brjod la las gnyer gtad// sde brgyad spyi la gtad pa'o// gnod sbyin dag la gtad pa ni// ri yi dbyibs kyi khyad par las// stobs chen lag na rdo rje dang// 'khor gyi gnod sbyin dregs pa can// thams cad tshang bar gnas pa yin// de bas dbyibs kyi khyad par ni// sprang po 'khar ba thogs 'dra'am// dur khrod gzan la 'jol ba'am// khyi spyang zan la rgyu 'dra'am// stag dang seng ge 'thab pa'am// sbrul gdug thur la rgyug pa'am// phag pa chu 'thung 'dra ba'i ri// dred mo ral pa g.yeng 'dra dang// nal ma bu ro sbed 'dra'i ri// brgyad ni gnod sbyin sde brgyad kyis// khyad par gnas pa'i sa yin no// dang po la ni dred phag gis// ming byang bris la rgyal po yi// tsit+tar bcug la snying khar mnan// gnyis pa la ni rta nag khrag/ rab chad nag po'i thod pa ru// ming rus bcug la sna ru mnan// gsum pa spyang mo'i thod pa ru// ming byang bris la kha ru mnan// bzhi pa ra yi thod pa ru// ra yi khrag gis ming rus 'bri// brag dang ra mi bar du mnan// lnga pa stag mo'i thod pa ru// dur dur khrod shing gi ras ma la// gu gul rme khrag bsres la bri// de yi kha ru brdza la bzhag/ drug pa rnel gri'i thod pa ru// ming dang mtshan ma bcas la gzhug/ri rab sna ru mnan la gzhug/ bdun pa brgyud kyi thod pa ru// rme khrag ming rus bris la gzhug/ brgyad pa phag gi thod pa ru// g.yo ba rdzas la ming rus bri// nye bzhi 'brel pa tshun chad gtad// de rnams gang dang gang rung ba// gzugs dang ming rus smug por bya// gang du bya ba'i sa phyogs su// 'o dod lan gsum 'di skad bod// ri brgyud 'di la mnga' mdzad pa'i// gnod sbyin ma rungs 'khor dang bcas// ston pa chen pos bka' bsgo tshe// ji ltar khas blangs mnas bor bzhin// sngon gyi thugs dam bdag bskul gyis// mthun pa'i gser skyems 'di bzhes la// dam nyams dgra bo 'di gtad kyis// skal pa bgrangs kyang ma gtang zhig/ de skad brjod la las gnyer gtad// gnod sbyin dag la gtad pa'o// gshin rje dag la gtad pa ni// me reg dag gi shing shun la// las kyi 'khor lo chen po ni// srid pa gsum po ltor gnas bri// 'khor lo rtsibs dang rtsibs mchan la// da dur yi khu ba dang// sdong po me reg thang chu yis// 'dod pa'i gzugs dang ri mo bri// de la bzlas pa mang du bya// de nas 'khor lo dril la bzhag/sna tshogs 'bras bu'i phye ma la/ khru gang gshin rje'i gzugs su bri// bskyed dang spyan drangs mchod pa dbul// 'khor lo dril pa lag tu gtad// cig ni snying khar brus la brdzangs// dmigs pa'i dur dbus sa brkos la/ kha de ra yi mi la bsro// don po'i steng du bzhugs par bsam// bskal pa'i mthar yang 'chor mi srid// gshin rje dag la gtad pa'o// lha rten dag la gtad pa ni// spre'u dag gi thod pa ni// nim pa'i khu bas rab byugs te// mtshan ma dag la gzugs byas la// g.yo ba'i rdzas la ming rus bri// thod pa'i nang du rab blugs la// gang dag rten pa'i rdzas byin te// 'jig rten dregs pa'i lha 'dre khyod// sngon tshe ston pa'i bka' bsgo'i tshe// ji ltar zhal gyis bzhes pa bzhin// da ltar dam nyams log lta 'dis// sangs rgyas bstan pa 'dis bshig pas// las la bskul gyis 'phrin las mdzod// gtad pa'i nyams pa sho ra re// de skad brjod la rmang du sba// lha rten dag la gtad pa'o// ma mo dag la gtad pa ni// sme ma ral can gang gnas par// mon mo spyi rings thod pa ru// dur khrod ras la thal chen gyis// mtshan ma ming du bcas par bya// drag po rdzas kyis de dril la// thod pa'i nang du rgya yis gdab// sna tshogs sha khrag mang po dang// 'bras bu mi dbang sha phye gdab// rgyal mtshan dag gis g.yabs nas kyang// 'o dod bos la las mkhan sbran// 'das dang ma 'das ma mo rnams// sngon tshe rdo rje khrag 'thung gis// bdud rtsi blud de gnas sgo bzhin// de ring rnal 'byor dam bskul gyi// 'thun pa'i gtor ma 'di long la// dam nyams dgra bo 'di gtad kyis// bskal par bgrangs kyang ma btang zhig/ las kyi 'khor lo rdzogs par bya// ma mo dag la gtad pa'o// btsan la gtad pa'i rim pa ni// gong gsum dag tu phyin nas kyang// la btsas 'og tu dngos grub la// me reg dag gi gtun nang du// g.yo ba'i rdzas la ming rus ni// me reg thang chus legs par bri// drag po'i rdzas su de gtums la// thod par bcug la rgya yis gdab// de la gdug pa'i chu yis byug/ mthun pa'i rdzas dang gser skyems dang// rams dang rgya skyems btsod la sogs// mngar dang longs spyod sna tshogs dang// 'bru sna tshang ba bcud bltams la// 'jig rten dregs pa'i btsan rnams dang// la mo sge gong 'khor bcas rnams// mthun pa'i dam rdzas 'di bzhes la// rnal 'byor bdag cag las bcol gyis// bdag gis dmigs pa'i dgra bo 'di/ khyed la gtad do sho ra re// bskal par bgrangs kyang ma btang zhig/ de skad brjod la las gnyer gtad// la btsan dag la gtadapa'o// mkhar po che yi them 'og tu// tha ma'i las rim 'dir gsungs pa// rtsa med dag gi thod pa ru// grags pa'i rdzas la gzugs byas te// g.yo ba'i rdzas la mi rus bri// kun kyang kha dog nag po bya// gser skyems rgyas par btang nas kyang// yul der grags pa thams cad bod// mthun pa'i rdzas byin 'di skad bsgo// yul 'dir gnas pa'i lha 'dre rnams// ma rung yod pa thams cad kun// mthun pa'i gser skyems 'di bzhes la// bdag gis dmigs pa'i dgra bo 'di/ khyod la gtad kyis sho ra re// de skad brjod la mnan par bya// thim 'og mnan pa'i rim pa'o// nang gi rim pa yang gsungs pa// gal te dam tshig dme 'khrugs nas// chos pa dag dang 'gras gyur na// su ru rwa yi thod pa ru// dmigs pa'i gzugs dang drag po'i rdzas// chos skyong rnams la dam yang bdar// dam tshig bdag po dbang du gzugs// gnas khang 'og gam dkyil 'khor gyi// grwa bzhir sbas la dam tshig gi/ chad pas dmyal dong dag tu ltung// gal te mu stegs dag dang ni// seng ge kha 'thab byungagyur na// mon mo spyi rings thod pa ru// glang chen rtsib ma dag la ni// ming dang gzugs dang rten pa'i lha// rnga gshang yan chad gzugs byas la// de nas blugs la rgya yis gdab// lha gsas rnams la dam bdar te// gshen lha sogs pa dbang du gzugs// tho'am rten gyi grwa bzhir sba// lha nyid bdud du 'bab ste 'chi// chos dang mi mthun rgyal po yis// gal te gyod la btags pa na// ma ning dag gi thod pa ru// g.yo ba'i rdzas la ming rus bris// seng ge dkar mo'i snying du gtum// thod par bcug la rgya yis gdab// chos skyong bzhi la dbang btsugs te// sro bdag la sogs srid pa yi// rgyal po rnams la dam bdar te// pho brang dag gi grwar sbas na// rgyal po las kyi chad pas 'chi// pha tshan dag dang 'gras 'gyur na// gtsang sme dag gi thod pa ru// g.yo ba'i rdzas la ming rus bri// pho lha dkar po dpang du gzugs// rigs kyi pha mes thams cad dang// srog lha dag la dam bdar te// yul lha'i rtsa ru sbas gyur na// la yogs sdig sri dag gis 'chi// zla grogs dag gis ngan bshams na// rnel dri mo yi thod pa ru// rang gi rdzas la gzugs byas te// g.yo yi rdzas la ming rus bri// thod pa dag tu bcug nas kyang// ma lha ma dman dpang du gzugs// gnyen lha rnams dang mi rigs 'dre// thams cad kun la dam bdar nas// nyal sa'i 'og tu sbas gyur na// sdig sri dmyal dong dag tu 'chi// skye bo'i tshogs rnams gang yang rung// bdag la mi rigs las byas na// gri rgod yag pa'i thod pa tu// ming rus gzugs kyis rab bkang la// 'chi bdag gshin rje dpang du gzugs// lha 'dre spyi la dam bdar te// dur khrod gnas sam rkang gcig drung// sbas na gri rgod dag tu 'chi// gal te gdug pa'i nad gtong na// mdze tsan dag gi thod pa ru// ming dang rus dang gzugs bcug la// klu yi mes po thod dkar la// dpang du btsugs la 'o dod bod// rigs bzhi klu la dam bdar te// chu mig lung pa mgo sdum na// sbas na mdze nad dag gis 'chi// gal te rtsa ba med 'dod na// mdzo rtol dre'u'i thod pa ru// ming rus drag po'i rdzas su gtum// gang yin rang gi dur khrod du// hal khyi dang ni rtsang kun la// dpang du btsugs la 'o dod bos// lo dang zla ba'i sa bdag dang// grags pa rnams la dam bdar la// dur gyi dkyil du sbas gyur na// rtsa ba 'chad par the tshom med// gal te gnas nas bskrad 'dod na// sre mong byi ba dag dang ni// gcan gzan dag gi thod pa ru// drung po yan chad ming bris la// gdug pa'i rdzas dang sbags la bzhag/bang lha nyams chen dag dang ni// rtse lha'i lha la dpang du btsugs// sa bdag kun snang dang ba dang/ kha rje 'bar ba la sogs la// dam bdar mkhar gyi phyogs bzhi ru// sbas na yul nas 'byung bar nges// gal te lo thog 'joms 'dod na// mon nam rtsa med zangs ma ru// khrag sna snying sna ma lus dang// g.yo ba'i rdzas dang rab bsres la// rta dang bong bu'i tshil bu dang// rgya tshil dag gi dud pas bdug/gza' bdud nag po dpang btsugs te// sde brgyad spyi la dam bdar nas// yul lha'i rten la sbas gyur na// chu 'khyags drag tu 'bab par nges// gal te dgra bo'i lo thog dag/ mi skye ba ru 'dod pa na// bkra mi shis kyi thod pa ru// mu zi dang ni ldong ros dang// nal rus phyi ma dang bsres nas// zhing gi lha rnams dpang btsugs te// dus bzhi'i lha la dam bdar nas/ ska mgo dag tu blugs pa na// gang dang skyes pa'ang skams 'gyur zhing// sprang po dag la the tshom med// gal te phyug la nad btang na// wa spyang 'phar ba'i thod pa ru// nad kyis shi ba'i glo dang khrag/ spru ba la sogs dag gis dgang// drag po'i rdzas dang rab bsres la// dzam+b+ha la la dpang btsugs te// ma ru rtse la dam bdar nas// phyugs lhas dag tu sbas gyur na// gcig mi 'das par the tshom med// gal te 'thab par 'dod pa na// pho rog 'ug pa'i thod pa ru// g.yo ba'i rdzas la ming rus bri// gung ru g.yas dang g.yon dag la// lha dang mi yi snying po bri// shing rings dag gi rtse la dgal// rlung po dag la 'thab tu gzhug/ lha ma yin gyi dpon po ni// rnam par snang byed dpang du btsugs// dza la ma thang the rang tshogs// thams cad kun la bden bdar te// gang dag mi mdza'i sa mtshams su// sbas na dus kyi 'khrug pa dang// mtshon gyi bskal pa nges par 'ong// gsad pa'i rim pa dam pa ni// las rnams yongs su rdzogs pa dang// mtshan ma ming du bcas pa de// yongs su gsal bar rdzogs byas te// rnam par myos pa'i shul dag tu/ 'brub khung yongs su gsal bltas la// sas ma reg par nan tan bya// rtag par yi dam ma yengs par// de nyid la ni thun gyi las// ma yengs sems kyis rtag tu brab// lha nyid du ni rtag bsgoms te// bskal pa'i bar du mnan par bsam// 'di yis blang bar the tshom med// yang na sngar gyi sbyor ba bzhin// dang po'i gzugs sam rmang nyid du// rtags dang mtshan ma ma byung bar// rab tu 'bad de nyams su blangs// de dag spyi yi rim pa ni// dmigs pa'i mgo dang yan lag la// yi ge laM ser bsam par bya// de la ri rab chen po'i gzugs// zur brgyad pa la shin tu brjid// nyi zla gza' skar rtsibs la 'char// de yis 'khub mi nus par mnan// dur khrod g.yam po sngon po la// las kyi rdo rje byin brlabs la// las kyi khang pa kha yang gcad// hUM/ dam nyams sdig can log lta 'di// mnan no ri rab 'og tu mnan// las kyis mnar ba'i sdig can 'di// gtad do gshin rje'i la ga tu gtad// 'khor bar 'khyams pa'i lus ngan 'di sba'o// rgya mtsho'i gting du sba// de skad byas la sa 'og gzhug khro bo bcu yi stang stabs bya// 'di ni thams cad kun gyi las// de dag so so'i sngags rnams ni// yang dag nyid du bstan par bya// oM badzra ni mA ya shud+d+he he 'du nan/ oM na pi pa sha ya dza/ ri sha staM pa ni nan nan/ oM badzra zhum ma ni zhu ya dza// nri zhu ma zhu ya nan naN/ dza ni badzra nan naN/ oM badzra pra ma ra ya/ oM hriSh+ti bi kri ta na Na nri/ sarba sha truM naN naN/ oM badzra san tri ya/ ma ma ma sa ma ya tig sna tre sha naN naN/ dza ni badzra naN naN/ tu lam badzra dza tri badzra NanaN/oM badzra zhung ya zhung ya/ tri sha be ga ya/ yaM staM pa ya/ dz+dza ni badzra naN naN/ oM bong bong ye/ badzra ra tri ya/ ni pa badzra na Na na Na/ oM badzra kha ta kha ta ya/ oM badzra tri lam du ya/ oM badzra me tri ya/ dza ni badzra naN naN/de ni phyi yi mnan pa'i sngags// kun kyang las kyi lto gcig par// kun kyang rang rang sngags tshang nas// mgo bo lho nub mtshams su bstan// srin po pho mo de la gtad// rkang pa byang shar mtshams su bstan// dbang po'i tshigs la las gnyer gtad// yi ge drug dang ma rungs pas// byug dang bri ba'i sa mtshams sbyar// badzra kI li kI la ya/ badzra yak+sha sa ma ya Ni srog la dza dur dung/ gshen lha de ba la se ye mA ra ya bdud du phog tri tsa pa la a shug me sa ma ya srog rtse la rgyug/oM nri thum ril ga ta ya ni hUM phaT// na mo ha ri ste ming mug taho/ tri tha sa ma ya rbad choms rmugs/ tri nA ga te bar tsa sa ma ti sta mugs mugs// be ba ak+k+ra ma ma si du b+h+yo/ ma hA phu sur+ya dzaM pa de ba sa ma ya bag sha hUM phaT/ tri ni tri ni ma hi de ba ka la ril shar phroM/ tri de ba ra ga sa ma ya mu ha a tiho/ Ar+ya yak+sha tsa pa la ma ru rtse sam tra pi sring phaT/pu te ba a khra ti sa ma ya dkrugs dkrugs/ yi ge bdun pa kun gyi sngags// rang rang sngags dang sprel te bzlas// 'di 'dra'i las la ma yengs na// 'grub 'gyur mi ldan don med brlag/ gsang ba sbas pa'i sngags rnams ni// gab pa'i 'khor lo'i sngags bskor la// tha mar btung ba'i yi ge dang// mnan sngags chen pos mnan byas na// 'di byas shor ba gang yang med// kun gyis shes par ga la rung// bla ma'i zhal nas bdud rtsi blang// nor bas las rnams mi 'grub cing// bdag gi rgyud rnams sreg par byed// de bas rigs kyi bu mchog des// bdud rtsi bcud dag btung bar gyis// zhes gsungs pas/ 'khor rnams kyi las kyi 'khor lo yongs su rdzogs te/yang dag pa'i don la yid ches de the tshom chod par gyur to// rdo rje me lce 'phreng ba'i rgyud chen po las/ brnag pa nan thur gyi las yongs su rdzogs pa'i le'u ste nyer drug pa'o//// de nas rdo rje yid kun tu bzang pos/ bcom ldan 'das la 'di skad ces gsol to// kye ma sangs rgyas kun gyi gtso// yon tan mchog gi bdag nyid can// thabs kyi mnga' bdag theg pa'i gtso// gsang sngags rgyal po'i thabs la bstod// thabs rnams yongs su rdzogs gsungs pa// rgyud kyi don nyid ji ltar bsdu// de ltar rgyud 'di gnas pa ltar// snga phyir gang gsungs gang gis gsungs// gang zag gang dang phrad par 'gyur// phyis ni gang du dar bar 'gyur// bcom ldan 'das kyis bka' stsal pa// las kyi mchog khyod nga dang 'dra// sngar gyi sangs rgyas ji snyed pa// rgyud kyi don rnams ma gsungs so// sangs rgyas mngon 'byung rgyal po yis// rgyud don gsal bar gsungs pa las// kun gyis nus pa ga la yin// snod dang mi ldan nus pa med// sangs rgyasa'ajam dbyangs ma gtogs par// phyis kyang gsung bar mi 'gyur ro// da ltar nga yi bstan pa yi// rgyal rigs dam pa rig can de'i// nye 'khor dag tu gnas par 'gyur// de dus gang zag dam pa rnams// dad cing spyod pa mang bar 'gyur// de dus ma yin phyi ma la// khyod kyis bsdus pa'i rgyud 'di rnams// ched 'ga' dar la ched 'ga' nub// ched 'ga' shin tu rgyas par 'byung// snod med gang zag la la dag/ 'di la ma dad skur pa 'debs// 'bras bu mnar med dmyal bar ltung// mi 'dod spongs pa'i sems can de// dam sri dmar por nges par skye// 'di la ma dad skur 'debs pa// bskal par chos dang mi phrad cing// ngan song gsum por rtag par gnas// log pa'i lam gyis rgyud bzung nas// yang dag don la skur 'debs pa// mun pa'i tshogs su gtan 'khyams te// thugs rje zer tsam ga la yin// de bas rgyud rgyal kun gyi rtse// tshig nyung ba la don che ba// yang dag nyid du gnas par gyis// gsang ba dam pa'i mdzod 'di ni// sangs rgyas kun gyis sngags pa yin// thams cad mtshon pa'i sgron ma yin// nges don dam pa'i bcud chen 'di// khyod kyis nges par gzung bar gyis// tshangs pa brgya byin 'jig rten skyong// dbang phyug che dang sde dpon bcas// gling bzhi mi yi 'jig rten du// khyod kyis yang dag spel bar gyis// phyi nang theg pa bstan chos dang// stong phrag brgyad cu rtsa bzhi rnams// bstan pa 'dzin par nus pa la// gsang ba'i chos ni mchog tu gnas// gzhan yang bsnyad par mi bya'o// mi 'khrug blo zab rkyen thub cing// rtsa ba yan lag ma nyams shing// bstan pa mchod par byed pa las// gzhan du bsnyad par mi bya'o// rigs ngan pho mo 'dod la 'chel// spro thung 'dod chags rab tu che// blo zhan phrag dog sgro skur can// gnyid che chang dad brtson 'grus chung// mun lkog dag tu skye bo la// gar phrad dag tu 'dod spyod la// slob la mi gus nan tan med// slob dpon rgyab phyogs spun sems med// bskal pa 'jig rten bar du yang// thugs kyi bde ba mi spro zhing// gsang ba'i don chen bstan mi bya// zhes gsungs pas// ma mo dang mkha' 'gro rnams kyis rang rang gis mgrin gcig tu khas blangs pa/ gsang ba'i dkyil 'khor chen po 'di// ming tsam 'dzin par byed pa yang// de la bran bzhin bdag cag bgyid// gtsug tu bzhag nas bkur ba dang// de yi dgongs pa ci yang rung// ma lus rdzogs par bdag cag bsgrub// de yis bcol na ci yang nyan// gal te bka' las 'das gyur na// bdag cag rnams kyi mgo lus snying// rul myags nas ni tshig par 'gyur// dmyal ba'i sdug bsngal myong bar shog/ ces dam bcas par gyur to// de nas 'dus pa'i 'khor rnams kyis/bcom ldan 'das dang rdo rje chos la gtsug gi 'dud pa rnal 'byor gyi lugs su phyag btsal nas/ rmad du byung ba'i mchod pa rgyas pa'i de kho na nyid kyis mchod de// bcom ldan 'das gsang ba mchog gi bdag po dang/sdud pa po rdo rje chos dang/ gsang ba'i rgyud nyid la bstod pa/ e ma'o bdud bcom nas yon tan drug ldan pa// yod med mtshan ma dngos po'i mtha' las 'das// don dam thugs ni 'da' dka' shin tu gsang// gsung ni gsang sngags 'bras bu kun gyi mchog/ ma lus kun la mnga' brnyas bdag po'i sku// bcom ldan gsang bdag kun la phyag 'tshal bstod// e ma gsang ba dges pa yum gyi dkyil 'khor nas// dus gsum 'du 'bral med par rtag tu sbyor// gnyis med thig le byang chub dag pa'i sku// byang chub rdo rje khyod la phyag 'tshal bstod// e ma'o rol pa cho 'phrul che la mnga' brnyes pa// bka' yi 'khor lo gsang ba'i sgra sgrogs pa// thugs rje cho 'phrul chos kyi char yang 'bebs// gsang sngags bdag po mchog la phyag 'tshal bstod// e ma dus gsum bde gshegs kun gyi thugs kyi thugs// mi nub chos kyi rgyal mtshan 'dzin byed pa// smra ba'i seng ge chen por dbang bskur ba// rdo rje las mchog khyod la phyag 'tshal bstod// e ma'o gsung gi thigs pa bdud rtsi rgya mtsho'i klong// lung dang man ngag gtan tshigs kun gyi mdzod// dus gsum rnal 'byor dbang phyug bgrod pa'i lam// 'og ma zil gnon seng ge lta bu'i sgra// don gyi mdzod du mig gi sgron mar snang// bdud rtsi thigs pa'i mdzod la phyag 'tshal bstod// a la la ho zhes brjod de bstod do// de nas bcom ldan 'das gsang ba mchog gi bdag po rdo rje 'dzin pa chen po ni dgongs pa chos nyid kyi ngang la rnal nas cang mi smra bar bzhugs so// 'dus pa'i 'khor rnams rig pa'i rtsal sbyangs te/ bcom ldan 'das kyi thugs kar zhugs te mi snang bar gyur to// de nas de bzhin gshegs pa thams cad kyi sku gsung thugs kyi gsang ba rdo rje me lce 'phreng ba'i rgyud chen po las/rgyud yongs su gtad pa'i le'u ste nyi shu bdun pa'o//// de bzhin gshegs pa thams cad kyi sku gsung thugs yon tan 'phrin las kyi mdzod 'khyil ba rdo rje me lce 'phreng ba'i rgyud chen po/thabs kyi rgyud chen po'i le'u khri drug stong las/ mtshan nyid ma nor bar bstan pa thams cad kyi lung gi spyi las kyi mchog yongs su rdzogs par bstan te 'khor lo bskor ba de dag gi 'bras bu'i mchog bstan pa le'u nyer bdun pa rdzogs so////

CLOSE WINDOW