CLOSE WINDOW

Gpb046.003x
བོད་ཡིག

gter rgyaH sbas rgyaH zab rgyaH gsang rgyaH gsang rgya'oH rgya rgya rgyaHH rgya gar skad du/ badzra kI la ya nA ma tan+t+ra rA dza/ bod skad du/ rdo rje phur pa zhes bya ba'i rgyud kyi rgyal po/bcom ldan 'das sku gsung thugs sgrol byed kyi rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang/ gsung dang/thugs gsang ba'i btsun mo'i b+ha ga la/ pho brang lhun gyis grub pa dur khrod chen po'i gnas na/ khro bo chen po yon tan sdud pa zhes bya ba dang/ khro bo chen po rnam par rgyal ba zhes bya ba dang/ khro bo chen po dbyug pa sngon po zhes bya ba dang/khro bo chen po gshin rje gshed ces bya ba dang/ khro bo chen po mi g.yo mgon zhes bya ba dang/ khro bo chen po rta mgrin zhes bya ba dang/ khro bo chen po gzhan gyis mi thub pa zhes bya ba dang/khro bo chen po bdud rtsi 'khyil ba zhes bya ba dang/ khro bo chen po khams gsum rnam par rgyal ba zhes bya ba dang/ khro bo chen po stobs po zhes bya ba la sogs pa btsun mo dang bcas/ bran dang bcas/ bka' nyan dang bcas/g.yog dang bcas/ 'khor dang bcas pa ni/ 'di lta ste/ dper na til gyi gang bu bzhin du yongs su bkang nas bzhugs so// de'i tshe bcom ldan 'das dpal sku gsung thugs sgrol byed kyi rgyal po/yum 'khor lo rgyas 'debs ma dang gnyis su med par gyur to// de gnyis su med par gyur nas kyang/ gnyis su med pa'i bde ba chen po'i ros khyab par gyur to// de'i tshe khro bo chen po bdud rtsi 'khyil pas gnyis su med pa'i ngang las stan las langs te/de bzhin gshegs pa thams cad kyi sku dang/ gsung dang/ thugs kyi bdag po la gsol pa btab bo// e ma'o bde ba chen po'i sku// ye nas dag pa'i dbyings nyid las// skur gyur sems can kun sgrol phyir// gsang ba'i de nyid bshad du gsol// zhes gsol te/ de skad ces gsol ba btab ma thag tu/ de nas de bzhin gshegs pa thams cad kyi bdag pos sku dang/gsung dang/ thugs srung ba rdo rje zhes bya ba'i ting nge 'dzin la bzhugs te/ bdud thams cad sel bar byed pa'i rdo rje zhes bya ba de nyid kyi sku dang/ gsung dang/ thugs rdo rje las phyung ngo/oM sarba ta thA ga ta kA ya bA ka tsit+ta badzrA nAn u tsa ta ya hUM hUM hUM phaT/ 'di phyung ma thag tu/ stong gsum gyi stong chen po'i 'jig rten gyi khams kyi lha dang/ klu dang/ gnod sbyin dang/ dri za dang/ lha ma yin dang/nam mkha' lding dang/ mi'am ci dang/ lto 'phye chen po dang/ yi dags dang/ brjed byed la sogs pa snga mar gyur pa thams cad phyogs dang phyogs mtshams thams cad rab tu byer ro// de nas de bzhin gshegs pa thams cad kyi bdag pos phye ma sbyor ba rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu bdud 'joms pa rdo rje zhes bya ba 'di nyid kyi sku dang/gsung dang/ thugs rdo rje las phyung ngo/ oM sarba ta thA ga ta kA ya ba ka tsit+ta badzra nan tsakra oM bruM/ tsakra hUM bruM/ tsakra ha bruM/ 'di phyung ma thag tu stong gsum gyi stong chen po'i 'jig rten gyi khams kyi lha dang klu la sogs thams cad la/'khor lo'i thog dang/ rdo rje dang/ rin po che dang/ pad+ma dang// ral gri la sogs pa'i thog gi char bab par gyur to// thams cad kyang bred sha thon nas/ phyogs mtshams su mig rtsa bgrad de cang mi smra bar gyur to// de nas bcom ldan 'das de bzhin gshegs pa thams cad kyi bdag po la/ khro bo chen po bdud rtsi 'khyil pas 'di skad ces gsol to// e ma ma rungs 'jigs pa can/ khyod mthong bas ni bdag 'jigs na// lha dang klu la sogs pa rnams// 'jigs par gyur pa smos ci dgos// drag cing gdug pas rab bsgrubs pa'i// drag po'i gtum po khro bo yang// khyod gzugs mthong bas skrag par gyur// sgra skad thos pa smos ci dgos// zhes gsungs so// de nas khro bo chen po bdud rtsi 'khyil bas// lha dang klu la sogs pa blangs te 'di skad ces gsol to// bde gshegs kun gyis dbang bskur ba'i// las kyi khro bo bdag nyid kyang// drag po'i sku ni mthong bas sreg/ gzhan pa'i sgra sogs smos ci dgos// lha dang klu la sogs pa'i tshogs// gsang sngags 'di las gang 'da' ba// a dz+ha ka yi dog pa bzhin// mgo ni tshal bar 'gas par 'gyur// zhes bsgo bas thams cad nyan par gyur to// rgyud kyi rgyal po rdo rje phur pa las// bdud thams cad 'joms pa'i rdo rje zhes bya ba'i le'u ste dang po//// de nas bcom ldan 'das de bzhin gshegs pa thams cad kyi sku dang/ gsung dang/ thugs kyi rgyal po kun tu bzang po khro bo 'jigs byed chen pos/ bde ba chen po gsang ba rdo rje zhes bya ba'i ting nge 'dzin la snyoms par zhugs so// de'i tshe 'dus pa chen po 'khor rnams kyis bstod pa'i rgyal po 'dis gsol ba btab bo/ thams cad gsang ba kun gyi bdag/ bde ba chen po'i 'khor lo sgyur// gang du gsang ba'i don 'byung ba// de nyid bcom ldan bstan du gsol// de skad ces gsol ma thag tu/ bcom ldan 'das de bzhin gshegs pa thams cad kyi sku dang/ gsung dang/ thugs kyi bdag po khro bo 'jigs byed chen pos 'di skad ces bka' stsal to/don chen po dang rab ldan pas// thams cad gsang ba'i don gsol ba// 'dus pa'i 'khor tshogs khyod legs so// gang du gsang ba bde ba'i don// ngas ni khyod la bshad par bya// khyod ni rtse gcig yid kyis nyon// 'gyur dang bstan pa'i bdag nyid can// rnam snang gnas su de nyid bsgom// dbang po lnga las 'od byung bas// rnal 'byor dbang po kha dbye bar// gsal ba'i sku lnga bsal bar bsam// gang du 'gro dang 'ong ba kun// mchod dang bstim pa'i tshul du gnas// gang tshe gnas par gyur pa'i tshe// 'ong ba'i tshul du gnas par bzhag/ snang mdzad sum cu rtsa gnyis mtshan// 'od bzhi rtsa ba'i 'od dang ldan// de nyid bsgoms kyis dngos grub gnyis// thogs pa med pa rdo rje bzhin// snang ba mtha' yas gnas dag tu// bde chen snang ba mtha' yas bsam// dbang po'i 'od las rtser bzung nas// mchod dang dngos grub gnyis kyi tshul// 'gro dang 'ong ba gnas par bya// mtshan mchog rtsa gnyis 'od ldan pa// 'od bzhi rtsa ba'i 'od dang ldan// yon tan dngos grub de bzhin no// rdo rje sems dpa'i gnas dag tu// de bsgoms dbang po sbyong ba dang// rin chen gnas kyang sbyang bar bya// gang du gcig cig sogs pa yi// rtags lnga rim skyes mtha' mar ni// bde gshegs dngos grub 'byung bar 'gyur// gang tshe gsang ba'i don ldan pa// de yi sbyor bas 'grub par 'gyur// sku gsung thugs kyi gsang ba'i mchog/ yid bzhin nor bu rab bsgoms pas// rnal 'byor pa ni grol bar 'gyur// thab sa dang shes rab gsang ba yi// rin chen nor bu rab bsgoms pas// rnam rtog thams cad bzlog pa yin// dngos rtogs sems can thams cad la// bla med byang chub yod mi 'gyur// gsang ba'i yi ge la gnas pa// rnal 'byor de ni grol bar 'gyur// 'di lta bu yi sngags kyi mchog/ rdo rje phur pa'i rgyud las rnyed// 'di ni bcom ldan thams cad kyis// ma gsungs gsung bar mi 'gyur ro// bskal pa grangs med thams cad du// thos bsam bsgom la rab sbyangs pa// shes rab mig dang ldan pas 'grub// ces gsungs so// rgyud kyi rgyal po rdo rje phur pa las// gsang ba chen po'i le'u ste gnyis pa'o//// de nas de bzhin gshegs pa thams cad kyi sku dang/ gsung dang/ thugs dang/ thugs rdo rje bdag pos kun tu bzang po 'jigs byed kyi rgyal pos/ yongs su dag pa'i sbyor ba rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu/ 'dus pa chen po 'khor thams cad kyis/ chos thams cad yongs su dag pa'i sbyor ba'i ngang du sangs rgyas par mthong ngo// de'i tshe khro bo chen po mi g.yo mgon stan las langs te/ bcom ldan 'das la gsol pa/ e ma ho bde ba chen po'i sku// gsang ba bde ba chen po nyid// yongs su dag pa sbyor ba'i mchog/bdag cag rnams la bstan du gsol// de skad ces gsol ba dang/ bka' stsal pa// bde ba chen po rab bsgrub phyir// gsang ba'i don zhus khyod legs so// gang phyir gsang ba chen po'i don// ngas ni khyod la bshad par bya// khyod ni rtse gcig yid kyis nyon// dngos por snang ba'i chos rnams kun// ngo bo nyid kyis rab tu stong// chos rnams thams cad sems yin te// cir snang sems kyi snang bar 'dod// kun nas 'khrul pa'i dbang dag tu// sna tshogs snang ngo rang bzhin med// gzugs sgra dri ro reg la sogs// 'khrul pa yin phyir so sor snang// dper na chu zla smig rgyu bzhin// sems ni thog ma tha ma med// 'das dang ma 'ongs phyi nang med// snga phyi ltos pas gang yang med// rang bzhin 'od gsal 'dus ma byas// dam pa'i don la rtag par bsgom// dngos por gyur pa'i don bsgoms pas// de la mchog gi dngos grub med// de las dngos po med par bsgom// dngos med mthong ba'i rnal 'byor pas// sems mthong de la dngos grub 'gyur// gzugs sogs skye 'jig gnas bral ba// thams cad dngos po med par bsgom// dngos med dngos po'i sa bon med// ces gsungs so// de nas de bzhin gshegs pa rnam par rgyal bas 'di skad ces gsol to/ gang tshe dngos po med gyur pa// de tshe rnam par rtog dang bral// de ni mi rtog ye shes te// rtog las 'das pas chos sku mthong// zhes gsungs so// de bzhin gshegs pa dbyug pa sngon pos 'di skad ces gsol to// thams cad sems nyid ngo bo bas// thog ma med pa'i dbyings nyid du// sems gsal dngos grub kun gyi bdag/ des ni gang dmigs dngos grub myur// zhes gsungs so// de nas de bzhin gshegs pa gshin rje gshed kyis 'di skad ces gsol to// don dam 'dod 'gyur rnal 'byor pas// rags dang phra ba'i rtog pa spong// bskyed dang rdzogs pa'i rim pa yis// rnal 'byor de ni grol bar 'gyur// zhes gsungs so// de nas de bzhin gshegs pa mi g.yo mgon gyis 'di skad ces gsol to// bskyed rdzogs ting 'dzin la gnas nas// spyod pa dag la brlab par bya// grogs dang de nyid ting 'dzin gyis// dmigs med dngos grub thob par 'gyur// zhes gsungs so// de nas de bzhin gshegs pa rta mchog dpal gyi rgyal pos 'di skad ces gsungs so// mdzub mos zla bstan ji bzhin du// chos rnams dngos po med gyur kyang// ming dang tshig dang yi ge yi// brda yi sgo nas bstan par 'gyur// zhes gsungs so// de nas de bzhin gshegs pa gzhan gyis mi thub pa 'di skad ces gsungs so// ming dang tshig dang yi ge yis// don gyis brdar byed ma rtogs par// rang bzhin med pa'i chos rnams la// ming med tshig med ces gsungs so// de nas de bzhin gshegs pa khams gsum rnam par rgyal bas 'di skad ces gsungs so// gang du yod pas skye ba med// med dang rtag chad gnyis las min// gang tshe skye ba ma grub pas// gnas dang 'gag pa'ang 'grub pa med// ces gsungs so// de nas de bzhin gshegs pa yon tan sdud par mdzad pas 'di skad ces gsungs so// skye dang 'gag dar gnas dang kun// byis pa rnams kyis 'khrul nas brtags// rnal 'byor ye shes kyis brtags na// dngos med sa bon la sogs med// ces gsungs so// de nas de bzhin gshegs pa 'jom pa stobs chen zhes bya bas 'di skad ces gsungs so// gang tshe sems can snang ba la// bde gshegs sprul pa cir snang yang// bsod nams thugs rje'i stobs yin te// don dam pa la snang ba med// ces gsungs so// de nas de bzhin gshegs pa thams cad kyis dbu ma chen po'i ngang la mi g.yo bar bzhugs so// de'i tshe phyogs bcu'i lha mo rnams kyis mgrin gcig tu bcom ldan 'das la gsol ba// rtag tu mnyam nyid thugs rje'i bdag/smon lam mchog grub rdzogs pa'i sku// mnyam nyid ngang la rab bzhengs la// rnal 'byor ma la rtag tu spyod// ces pas thams cad rags pa'i rnam par 'bar ba 'phro bar 'gyur to// rgyud kyi rgyal po rdo rje phur pa las// bde ba chen po'i le'u ste gsum pa'o//// de nas yang de bzhin gshegs pa thams cad kyi las kyi khro bo gtso bo kun tu bzang po 'jigs byed chen pos 'khor lo bkod pa'i tshul du rdo rje zhes bya ba'i tshul du snyoms par zhugs te/ched du brjod pa 'di brjod do// rags pa'i rtog pa rnam spong zhing// phyag rgya grub 'dod rnal 'byor pas// gtso bo ting 'dzin la gnas na// las rnams thams cad 'grub par 'gyur// hUM mdzad ting 'dzin la gnas na// nyi zla pho mo thabs kyis 'dul// las rnams thogs pa med par 'gyur// rnam rgyal ting 'dzin la gnas na// dri za pho mo thabs kyis 'dul// zhi ba'i las rnams 'grub par 'gyur// dbyug sngon ting 'dzin la gnas na// me lha pho mo thabs kyis 'dul// sreg pa'i las rnams 'grub par 'gyur// gshed po ting 'dzin la gnas na// gshed po pho mo thabs kyis 'dul// rgyas pa'i las rnams 'grub par bshad// mi g.yo'i ting 'dzin la gnas na// srin po pho mo thabs kyis 'dul// rengs pa'i las rnams 'grub par 'gyur// rta mgrin ting 'dzin la gnas na// klu rgyal pho mo thabs kyis 'dul// dbang gi las rnams 'grub par 'gyur// mi thub ting 'dzin la gnas na// rlung lha pho mo thabs kyis 'dul// bsad dang 'gugs pa'i las rnams 'grub// bdud rtsi'i ting 'dzin la gnas na// gnod sbyin pho mo thabs kyis 'dul// bsad pa'i las rnams 'grub par bshad// khams gsum ting 'dzin la gnas na// 'byung po pho mo thabs kyis 'dul// rmongs pa'i las rnams 'grub par 'gyur// stobs chen ting 'dzin la gnas na// sa bdag pho mo thabs kyis btul// mnan pa'i las rnams 'grub par 'gyur// bde gshegs khro bo ting 'dzin gyis// snying khar thig le bsgoms nas kyang// thabs dang shes rab rol gyur nas// bde ba chen po'i don rnyed nas// rtag tu mchog dang ldan par 'gyur// zhes gsungs so// rgyud kyi rgyal po rdo rje phur pa las// las kyi khro bo'i 'khor lo'i le'u ste bzhi pa'o//// de nas bcom ldan 'das dpal kun tu bzang po 'jigs byed rgyal pos srin mo rol pa rdo rje zhes bya ba'i ting 'dzin la snyoms par zhugs te// 'di skad ces gsungs so// rnal 'byor phyag rgya'i bdag nyid can// sgra 'byin ting 'dzin la gnas na// rtag par de nyid gsang sngags ldan// dngos grub 'byor pa byas gyur na// lha mo bkol ba'i cho ga 'grub// bsnyems ma'i ting 'dzin la gnas na// zhi dang lha mo dgug pa dang// dri za pho mo dgug pa 'grub// de bzhin lcags bsregs las kyang 'grub// sder mo'i ting 'dzin la gnas na// me yi las rnams thams cad dang// me lha bu mo bkol ba dang// bsad dbral las kun grub par 'gyur// dur khrod ting 'dzin la gnas na// mnan pa'i las rnams bya ba dang// gshin rje pho mo dgug pa dang// bcud dgug pa yang 'grub par 'gyur// gtun khung ting 'dzin la gnas na// brdung ba'i las rnams thams cad dang/ srin po pho mo dgug pa dang// smi 'bros khu ba dgug pa 'grub// gtum mo'i ting 'dzin la gnas na// dgug pa'i las rnams bya ba dang// klu yi bu mo dgug pa 'grub// mda' bsnyems ting 'dzin la gnas na// dgug bskrad las rnams bya ba dang// rlung lha'i bu mo dgug pa dang// tshe bsring pa yi las rnams 'grub// rlung 'byin ting 'dzin la gnas na// dgug dang myos par bya ba dang// gnod sbyin bu mo dgug pa dang// bu slong ba yang 'grub par 'gyur// gsod ma'i ting 'dzin la gnas na// gsad dang dbral bar bya ba dang// 'byung po pho mo dgug pa dang// de bzhin gso ba'ang 'grub par 'gyur// skul byed ting 'dzin la gnas na// sangs rgyas slong bar byed pa dang// sad dang sa bdag pho mo dgug/shi ba slong ba de bzhin no// rnal 'byor 'di la rtag gnas na// snying khar thig le bsams nas kyang// 'og gi 'khor lo bsgom par bya// bsam gtan 'di la rtag gnas na// mtshan ma lnga'am yang na ni/dag pa rnam bzhi rims kyis 'byung// zhes gsungs so// rgyud kyi rgyal po rdo rje phur pa las// rdo rje srin mo bka'i 'khor lo'i le'u ste lnga pa'o//// de nas yang dpal kun tu bzang po 'jigs byed kyi rgyal pos gnyis su med par sbyor ba rdo rje zhes bya ba'i ting nge 'dzin la snyoms par zhugs te 'di skad ces gsungs so// rab tu dben pa'i sa phyogs su// rang nyid gtso bo ting 'dzin gyis// mos 'gyur yum dang gnyis med las// so so'i khro bo'i sprul pa spro// slar la sdud pa'i bdag nyid can// gnyis su med pa'i bde ba la// snyoms zhugs rtag tu rgyal bar 'gyur// dkyil 'khor legs par rdzogs pa dang// slob ma'i sdig pa legs bslang ste// shi 'phos gyur nas bum pa'i chus// sbyi bo legs bkrus dbu rgyan dang// rdo rje dril bu'i bdag po yis// legs bzhugs rigs lnga'i bdag nyid can// thabs dang shes rab gnyis med pa'i/nyi ma zla ba lce la reg/ nyi zla kha sbyor rab byas te// gnyis med bde ba'i dgyes pas bstim// gsang ba byang chub phur bu yis// rnam rtog rtsad nas bcod bar byed// ces gsungs so// rgyud kyi rgyal po rdo rje phur pa las/gnyis su med pa'i rgyal po sbyin pa zhes bya ba'i le'u ste drug pa'o//// de nas yang dpal kun tu bzang po 'jigs byed kyi rgyal pos gsang ba'i dkyil 'khor gyi dam tshig gi le'u 'di gsungs so/gang zhig dngos grub mchog 'dod pas// rtag tu gzhan gyi don la gnas// stegs bu khru ni nyi shu lnga// nyi shu bcu drug legs byas te// steng du sbyang ba'i ngang la gnas// thams cad rang bzhin med par bsam// zhes pa ni/ bcom ldan 'das sa chen po yongs su bzung ba'i dam tshig go/ yi ge lnga las legs byas pa'i// sa gzhi bzang po mdzes pa ste// 'od zer kha dog lnga dang ldan// rtag tu sangs rgyas bzhugs pa'i gnas// zhes pa ni/ bcom ldan 'das byin gyis rlob pa rdo rje'i dam tshig go/ yon tan tshogs rdzogs rnal 'byor gyis// thabs dang shes rab gnyis med pa'i// dkyil 'khor rdzogs nas bgegs rnams bzlog khro bo'i tshul dang ldan pas 'grub// ces pa ni sa chen po bzung ba'i dam tshig go/ kha dog lnga ldan legs bsgril te// thabs dang shes rab gnyis med par// yi ge lnga las legs byung bas// rdo rje khu tshur legs par byed// ces pa ni rdo rje thig gdab dam tshig go/ rin chen lnga'am kha dog lnga/ legs byas yi ge lnga yis brlab// dbus mthing shar lho nub byang bzhi// dkar ser dmar ljang 'khor lo grub// rdo rje yi ge sku rnams kun// gang zag mos pa'i dbang du gsungs// gru chad ljang ku bzhi'i khyams// sgo glo khyams la sogs pa rnams// legs par tshon gyis bri bar bya// rgyun dang ldan pa'i dkyil 'khor la// mkhas pas rtag tu bsgoms na 'grub// byin brlabs ya mtshan sna tshogs 'byung// zhes pa ni rdo rje tshon gyi dam tshig go/ rtag tu gnod pa'i sbyor ba can// de bsal phyin na 'jug pa brtsam// ku sha la sogs sbyor ba yis// bgegs bskrad byang chub sems bskyed de// ngag gi nyes pa sbyang bar bya// a khri bor hUM/ yi ge lnga la 'jug par 'gyur// rtag tu bde ba'i don la gnas// de nas ku sha'i dam tshig gis// bgegs rnams bskrad pa'i cho ga bya// so shing dag gi dam tshig gis// ngag gi nyes pa sbyong bar byed// tshon skud lnga'i dam tshig gis// nyon mongs pa dag srung bar byed// ces pa ni 'jug pa'i cho ga'i dam tshig go/rgyud kyi rgyal po rdo rje phur pa las/ gnyis su med pa'i gsang ba'i dkyil 'khor chen po'i le'u ste bdun pa'o//// de nas bcom ldan 'das dpal kun tu bzang po 'jigs byed kyi rgyal pos/yi ge 'khor lo spro ba'i tshul rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu/ gsung gi dkyil 'khor gyi sprin rnam par 'phro ba zhes bya ba 'di nyid kyi sku dang/gsung dang/ thugs rdo rje las phyung ngo/ oM shrI badzra ku mA ra sarba big+ha nan nA sha ya nA sha ya hUM phaT/ oM badzra krod+ha hUM kA ra hUM gardza gardza hUM phaT/ oM badzra kro d+ha bi dza ya hUM ha na ha na hUM phaT/oM badzra kro d+ha nI la daN+Da hUM da ha da ha hUM phaT/ oM badzra kro d+ha ya mAn ta ka hUM pa tsa pa tsa hUM phaT/ oM badzra kro d+ha Ar+ya a tsa la hUM ban d+ha ban d+ha hUM phaT/ oM badzra kro d+ha ha ya gri ba hUM hu lu hu lu hUM phaT/ oM badzra kro d+ha a pA ri dzi ta hUM tiSh+ta tiSh+ta hUM phaT/oM badzra kro d+ha a mr-i ta kuN+Da li hUM tshin d+ha tshin d+ha hUM phaT/ oM badzra kro d+ha trai lo kya bi dza ya hUM b+hin da b+hin da hUM phaT/ oM badzra ma hA ba la hUM s+pho Ta s+pho Ta hUM phaT/ ces gsungs so// 'di gsungs ma thag tu stong gsum gyi stong chen po'i 'jig rten gyi khams thams cad na yi ge'i 'phreng bar gyur to// de'i tshe bcom ldan 'das kyis yi ge 'phreng ba rnam par dben pa zhes bya ba 'di gsungs so// e ma'o stong gsum thams cad yi ge'i tshogs// yi ge'i sems nyid snang ba de// 'di la sangs rgyas thams cad dang// sems can kun yang 'di las 'byung// gang tshe tshogs rnams thams cad kun// sems las byung rtogs de yi tshe// sems dben don mthong de ru ni// de bsgrubs gyur nas de la dmigs// gzugs dang sgra la sogs pa rnams// sems snang de phyir sems nyid yin// sems nyid yi ge'i rang bzhin nyid// ci ltar sgra rnams kun brjod kyang// yi ge nyid las gzhan ma yin/ sna tshogs yi ge sgra byung ba// sgra la smra bsam brjod las 'das// de la smon lam thugs rje dang// sems can las 'phros sna tshogs sgra/gsungs pa nyid las brjod du med// brjod med de nyid sna tshogs sgra// de ni ma skyes skye ba med// yi ge oM ni sku yin te// spros nas mchod de spar ba dang// bskyed pa'i las byed yi ge lnga// mtshon ni rlung lnga 'byung ba'i bdag/ yi ge hUM ni thugs yin te// 'du bo myur ba rnam sdud dang// 'bar ba'i 'bebs dang ye shes lnga// mtshon no rlung lnga 'jug pa'i bdag/ a ni yig 'bru kun gyi mchog/don rnams ston pa'i yi ge ste// chos rnams kun gyi rtsa ba yin// 'di ni nor bu dang 'drar bsam// rgyud kyi rgyal bo rdo rje phur pa las/ gsung gi dkyil 'khor gyi le'u ste brgyad pa'o//// de nas dpal kun tu bzang po 'jigs byed kyi rgyal pos don thams cad grub pa rdo rje zhes bya ba'i ting nge 'dzin la snyoms par zhugs te/rdo rje las kyi le'u 'di gsungs so// zhi ba' las kyi sbyor ba ni// dngul lam dkar po'i phur pa la// de nyid khro bor byin brlabs te// btab pas gdug rtsub zhi bar 'gyur// dngul phye 'bras chan dkar po la// 'o mar sbyar ba'i gtor ma yin// mchod na de yi dngos grub 'byung// gzhan pa'i yul du gyur ma yin// rgyas pa'i las kyi sbyor ba ni// gser ram ser po'i shing rnams la// de nyid khro bor byin brlabs te// btab pas yon tan rgyas par 'gyur// gser phye la sogs gtor ma yin// mchod na de yi dngos grub 'byung// dbang gi las kyi sbyor ba ni// zangs sam dmar po'i shing rnams la// de nyid khro bor byin brlabs te// btab pas thams cad gsod par 'gyur// zangs phye la sogs gtor ma yis// mchod na de yi dngos grub 'byung// gsad pa'i las kyi sbyor ba ni// lcags sam nag po'i shing rnams la// de nyid khro bor byin brlabs te// btab pas thams cad gsod par 'gyur// lcags phye la sogs gtor ma yis// mchod na de yis gsod par 'gyur// dgug pa'i las kyi sbyor ba ni// bya rgod gshog gi phur bu la// 'gugs byed lha ru byin brlabs te// gang btab lus de 'gugs par 'gyur// lha mo dang ni klu mo dgug/ de bzhin mi yi bu mo dgug/ rgyas pa cha las rab grags pa'i// tshe bsgrub pa yi las dag ni// btsan dug til mar 'o ma dang// sgog par bsres te gnyen po dang// sbyar te zos na de 'grub 'gyur/ yang na mu zi lhang tsher dang// mar dang gnyen por rab sbyar te// zos dang de yi las 'grub 'gyur// bsam gtan dbang du gyur pa la// rtag tu 'jug pa'i dbang du gsungs/khu ba dgug pa'i cho ga ni// spyi bor a las legs bskul ba'i// byang chub sems kyi chus bkrus nas// gang dmigs nad rnams zhi ba dang// rtag tu bde dang ldan par 'gyur// bcud dgug pa yi cho ga ni// rten las sha dang bdud rtsir bskyed// yang na de yi yum du gsal// rten las sangs rgyas sems can gyi// bcud dgug rtag tu sbyod par 'gyur// gzhan yang dgug pa thams cad kun// 'di yis 'grub 'gyur gzhan du min// bskyed pa'i las kyi sbyor ba ni// yungs kar yungs nag la sogs pa// ro bsregs thal ba dang bsres te// bog nag spangs dang rab bsres te// dri bo'i thod par blugs nas ni// dug skye'i sa ru mnan par bya// skyes pa de yi 'bras bu yis// zhi bar 'dod na zhi bar byed// rgyas pa la sogs sbyor ba ni// thogs pa med pa'i rdo rje bzhin// yang na nas dang sran ma la// las des mi snang dngos grub 'gyur// til gyis myur du sdig pa bsreg khra yi thod par byas gyur na// rdzas de bsags pa tsam gyis ni// mi snang 'gyur ba gdon mi za// rnga mo'i thod par las byed na// las de byas pa tsam gyis ni// gtor ma gang yang gzhan du 'bros// rdo rje sems kyang de bzhin no// phag gi thod par las byed na// mkhar la sogs pa la gtor na// de ni myur du 'jig par 'gyur// 'ug pa'i thod par las byas na// mtshan ma mig gi mngon shes 'gyur// yang na mtshan mo nyin mo'ang rung// mig gi mngon shes bsgrub pa ni// dkar dmar khu ba 'ug pa'i mig/ cha bsnyams tshil chen dud par sbyar// ri lu gnyis byas lce 'og gnyis// bcug nas sngags bzlas sbyor ba bya// zla ba phyed na mtshan ldan gyi/ thod pa bsngags te bsgrub par bya// mig la byugs pas de 'grub 'gyur// zangs sogs gser du 'gyur ba yin// rna ba la sogs de bzhin no// dbab pa'i las kyi cho ga ni// dkar dmar stegs bu gnyis byas te// thabs dang shes rab gtsang ma gnyis// ma spyad snod la gtad par bya// mchod pa'i snod la gnas pa ste// byug pa rgyan dang rab ldan nas// de nyid smra ba'i lha mor bsgom// rlung me dz+huM gyi sbyor ba yis// chu dang sa yi 'khor lo la// legs gnas 'phar dang smra bar 'gyur// shes rab bskyed pa'i cho ga ni// ma bslangs pa yi skyur po la// nang par dus su bza' zhing bsgrub// dkar gsum mngar gsum zas la brten// dbyer ba'i las kyi cho ga ni// rlung gi rnga mo gnyis kyi ltar// phan tshun gnyis ni steng du gzhag khro bo gnyis ni legs gnas te// dbye bsam de yis dbye bar 'gyur// bdag las sprul pa'i lha tshogs kyis// rdo rje'i lam du byung nas ni// snying kha'i lha yi mdun song nas// mnyes pa'i las byas nyes pa bsgo// bdag la 'dus pas gzi byin bskyed// byin brlabs lha dang dbye bar 'gyur// khro chung gu gul thogs pa yis// bram ze kham pa'i mdun du song// gu gul thogs te dang po bzung// khrod pas snying rtsa chad nas ni// bdag 'od snying du bsdu zhing bstim// lhan cig skyes pa dbye bar 'gyur// bdag las sprul pa'i lha tshogs khro bo yis// 'od zer lnga las thog phab pas// stong gsum thog gis rab bkangs nas// rlung yang 'gyur ba'i skabs med 'gyur// gzhan gyis bsrung ba dbye ba'o// pha wang dag dang sbrul thod du// dmigs pa gnyis kyi ming rus gzhug/ rgyab sprod ri las mnan byas pa// pho mo dbye ba'i cho ga'o// smyong byed las kyi cho ga ni// ka na ka yi khu ba dang// myos pa'i khrag dang lo'i chang// de dag myos pa'i thod par gzhug/ ra yi pags pa'i nang du gzhug/ dmigs pa'ang bcug cing klad la bskor// myos pa'i sngags bzlas khros tshul bstan// rengs pa'i las kyi cho ga ni// nang du hUM las phur bu bskyed// de las lus rengs sbyor ba 'byung// mnan pa'i las kyi cho ga ni// lus mnan steng du ri rab bskyed// ngag la 'khor lo bsgoms pas 'grub// mnan pa'i las su gsungs pa'o// yang na rabs chad thod pa la// shing shun ming rus bris la gzhug/ klu yod chu mig nang du mnan// des ni 'grub 'gyur gdon mi za// rgyud kyi rgyal po rdo rje phur pa las// las sna tshogs kyi le'u ste dgu pa'o//// de nas bcom ldan 'das la 'di skad ces gsol to// gang phyir gdug pa thams cad kun// las gzhan dag gis mi 'dul ba// de la drag po sbyor ba mchog/ bdag cag rnams la bstan du gsol// de skad ces gsol ba dang// bka' stsal pa// gdug pa thams cad bsgral ba'i phyir// drag po'i don zhus khyod legs so// gang phyir gdug pa 'dul ba'i thabs// de phyir khyod la bshad par bya// khyod ni rtse gcig yid kyis nyon// drag po'i dkyil 'khor chen po ru// ske tshe dug dang shang tshe dang// rkang rjes khrag dang dri chu rnams// gang yin gzugs su byas nas ni// shing shun dag la ming rus bri// snying kar gru gsum rab brus nas// bcug ste gan rkyal dag tu mnan// mdun du dgug pa'i cho ga bya// lcags las byas pa'i phur pa la// khro bo bcur byin brlabs dbang bskur nas/ / gnas bcur gdab pa brtsams par bya// de nas ral gris gtub pa dang// gtun du brdungs nas las rnams bya// khro tshogs kun gyis sgrol bar byed// rig sngags sgrol ba'i cho ga ni// bsgral bya mnan dang de bzhin du// bzlog pa'i cho ga de bzhin no// mnan pa bcad pa dkyil 'khor 'og/ gru gsum dug gis byugs pa'i nang// zhing sbags ming rus bris te gzhug/rabs chad thod pas steng nas mnan// phur bu sogs pa'i bar du gdab// yang na nas dang sran ma tsam// dra bo nang ngan khrag dang bsres// gnod pa'i phyogs su gtor bar bya// lha gdon bsgral ba'i dam tshig ni// shing shun dag la ming rus bri// brgya byin phur bas gdab par bya/ me lha la sogs gdab bar bya// rgyud kyi rgyal po rdo rje phur pa las// drag po'i las kyi le'u ste bcu pa'o//// de nas khro bo rta mgrin ni// langs te thal sbyar 'di skad gsol// bsam gtan dbang du gyur pa yi// sngags la gzhol ba'i rnal 'byor pas// de nyid nges pa mi 'grub pas// sngags kyi nges pa bshad du gsol// de nas bdag po bcom ldan 'das// kun tu bzang po 'jigs byed kyis// rig pa'i gsang sngags 'di dag gsungs// so so'i rigs kyi bdag pos byas// shAn ting ku ru hUM swAhA// buSh+ti ku ru swAhA/ pa shang ku ru pa na hri/mA ra ya hUM phaT/ A kar+Sha ya hUM phaT// dz+nyA na ya u She hUM a/ gu h+ya bo d+hi sa twa dzaHhUM baM ho/ rat+na ma ma ki A/ A kar Sha ya hUM a/ sarba pA paM de ha badzra hUM phaT/ hu lu bany+dza hu lu bany+dza/ rat+na ku ru ban hUM phaT/ oM A be sha A be sha/to pA yA to pA yA/ rA rA rA rA/ tsa le ha tsa le ha/ hUM A ta dz+haM swAhA/ pradz+nyA ka ra ku ru hUM a/ ha sa ya na ha sa ya hUM phaT/ mu khaM ku ru mu khaM ku ru/ ban da ya hUM phaT/ kI li kI li ya mA ra ya phaT/ phaT na ma sa man ta kA ya bA ka tsit+ta badzra nan// oM g+ha g+ha g+hA ta yA g+hA ta yA g+hA ta yA sarba duSh+tan bi g+ha naM hUM phaT/ oM kI la ya kI la ya sarba pA pan hUM phaT/ oM hUM hUM hUM badzra d+ha ro A dz+nyA pa ya ti/ kA ya bA ka tsit+ta badzra na kI la ya hUM phaT/ces gsungs so// rgyud kyi rgyal po rdo rje phur pa las/ gsang sngags kyi le'u ste bcu gcig pa'o//// de nas yang dpal 'jigs byed chen pos rdo rje srin mo bkol ba'i le'u 'di gsungs so// ma mo bkol ba'i cho ga ni// rabs chad thod pa rlon pa ru// dmigs pa ming rus bcug gyur nas// thod skam klad la bskor zhing brdeg/ dang por las de ma grub na// de ni klu yi khang par bzhug/ khang par zla ba gsum bcug pas// de ni myur du las 'grub 'gyur// thog dbab pa'i cho ga la// yungs kar dang ni yungs nag dang// ske tshe shang tshe lan tshwa rnams// bdud rgyud dus kyi nyi ma la// brtags nas dri bo'i khrag gis sbrul// sran ma'i tshad tsam byas gyur nas// rabs chad thod par legs gzhag ste// nyi ma bdun du bzlas brjod bya// de nas lung gsum mdo la sogs// klu yod chu mig nang du mnan// des ni ser ba rgyun du 'byung// yang na bdud rgyu'i dus dag tu// de ni dug la bsreg par bya// des ni thog mar 'ong bar 'gyur// gzhan sbyor bzlog pa'i cho ga ni// gro ga dang ni shin shun la// sbyor ba mkhan gyi ming rus bri// bkug 'gyur lus la phur pas gdab// de yi sbyor bas ma bzlog na// drag po'i me la bsregs gyur nas// thal ba dri bo'i khrag dang bsre/ sran ma tsam pa legs byas te// gzugs bcas de la brdegs pa dang// gang gnod phyogs su 'phang ba dang// rgya mtsho'i phyogs su bskur bar bya// khyad par mnan pa'i las dag ni/ klu yod chu mig nang dag tu// shing shun dag la ming rus bri// rta mgrin sbyor bas las byas na// las de myur du 'grub par 'gyur// drag po'i lha yi gnas dag tu// gro shun dag la ming rus bri// rnam par rgyal ba'i sbyor ba yis// las byas myur du 'grub par 'gyur// me yi phyogs su bsregs pa la// dug gi me la rab bskams te// dbyug sngon sbyor bas las byas te// bsreg pa'i 'gyur ba rdo rje bzhin// gshin rje dbang ba'i gnas dag tu// zhing lpags dag la ming rus bri// gshin rje'i sbyor bas las byas na// las de myur du 'grub par 'gyur// srin po gnas pa'i sa phyogs su// thod tshal dag la ming rus bri// mi g.yo mgon gyi sbyor ba yis// las byas myur du 'grub par 'gyur// rlung lha gnas pa'i sa phyogs su// zangs kyi gab tsher ming rus bri// 'dod pa'i rgyal pos las byas na// las de myur du 'grub par 'gyur/ gnod sbyin gnas pa'i sa phyogs su// dmigs pa gang yin ro ras la// bdud rtsi 'khyil ba'i sbyor ba yis// las byas myur du 'grub par 'gyur// khams gsum rgyal la phyag byas te// bgegs bzlog cho ga byas gyur na// zlog par 'gyur ba rdo rje bzhin// gang zhig las 'di la gnas na// zhi dang rgyus pa la sogs pa// thams cad thams cad ci 'dod pa// thams cad thams cad byed pa yin// zhes gsungs so// rgyud kyi rgyal po rdo rje phur pa las/ las kyi sbyor ba'i le'u ste bcu gnyis pa'o//// de nas yang bcom ldan 'das dpal 'jigs byed chen pos drag po 'phro ba rdo rje zhes bya ba'i ting nge 'dzin la snyoms par zhugs te/ rdo rje drag po gsang ba zhes bya ba'i sngags 'di nyid sku dang/gsung dang/ thugs rdo rje las phyung ngo// oM staM b+ha ya staM b+ha ya bi shastaM b+ha yi bi sha staM b+ha ya/ mo ha yA mo ha yA/ rak+Sha tsa pa ya rak+Sha tsa pa ya/ mug ti thi ya hUM a/ oM badzra kro d+ha hUM ka ra hUM/ da ha da ha hUM phaT/pa tsa pa tsa hUM phaT/ gardza gardza ya hUM phaT/ hUM pa ra bid d+ha na/ tshin d+ha tshin d+ha hUM phaT/ b+hin da b+hin da hUM phaT/ grih+Na grih+Na hUM phaT/ ha na ha na hUM phaT/ ta tha ya na ta tha ya na hUM phaT/ ha sa ya na ha sa ya na hUM phaT/k+Sh+ri kraM A na ya hUM phaT/ dz+wa la pa ya dz+wa la pa ya hUM phaT/ A be sha ya A be sha ya hUM phaT/ b+hin da b+hin da hUM phaT/ hu lu hu lu hUM phaT/ tiSh+ta tiSh+ta hUM phaT/ s+pho Ta s+pho Ta hUM phaT/ oM suM b+ha ni suM b+ha hUM phaT/ gr-ih+NA gr-ih+NA hUM phaT/ gr-ih+NA pa ya gr-ih+NA pa ya hUM phaT/ a na ya ho b+ha ga ban bi d+yA rA dza hUM phaT/ rdo rje gsung gi ting 'dzin gyis// 'od zer lnga yi sbyor ba las// lcags kyu can la sogs pa yis// myur du 'gugs dang 'ching ba dang// de bzhin brdeg pa la sogs byed// gang zhig gsang ba'i sbyor ba yis// 'di yi las la khyab par gsungs// deng nas brtsams te rnal 'byor pas// khro bo bcu ru byin brlabs te// khro bo rdo rje'i ting 'dzin gyis// rtag tu lung ston dngos grub 'byung// rgyud kyi rgyal po rdo rje phur pa las/ drag po'i sngags kyi le'u ste bcu gsum pa'o//// de nas yang dpal 'jigs byed chen pos nor bu 'phro ba'i tshul rdo rje zhes bya ba'i ting nge 'dzin la snyoms par zhugs te/gsang ba dam tshig gi le'u 'di gsungs so// kye ma 'o bde gshegs snying po'i mchog/ gang tshe gsang ba'i sbyor ba'i mchog/ ngas ni khyod la bshad par bya// khyod ni rtse gcig yid kyis nyon// bde gshegs spong len mi bya'o// yang dag lung ston slob dpon la// bsnyas par mi bya shin tu bskur// tha mal pa yi lus ngag yid// rdo rje gsung gi sku ru bsam// rtag tu rang gi mched lcam la// sgo gsum nyes med bkur bar bya// rtag tu gsang ba'i man ngag mchog/ snod med rnams la bstan mi bya// 'dod chags zhe sdang gti mug dang// nga rgyal phrag dog mi spang ngo// dkar rtsi dang ni dmar rtsi dang// de bzhin dri chen sha chen dang// dri chu la sogs mi spang ngo// rtag tu stong gsum 'jig rten khams// lha dang lha mo sgyu mar brtag/ de bzhin rnam dag rang bzhin med// 'di ni rgyal ba kun gyi gter// rnal 'byor ngas ni bstan par bya// rtag tu bud med sbyor la bstan// dus su brtan gyi gzhan du min// so sor thar dang byang chub sems// sdom pa 'di ni bstan par bya// gang zhig dam tshig las 'das na// rtag tu mnar med skye ba dang// ji srid sangs rgyas bzhugs kyi bar// de srid sdug bsngal sna tshogs myong// dam tshig rtag tu bsrungs gyur na// dam la gnas pa'i rnal 'byor dang// khro bo khro mo pho nya'i tshogs// phyag brnyan bka' nyan la sogs pa// rtag tu bde ba bskyed par 'gyur// gsang ba'i dam tshig nor bu'i tshul// rnal 'byor pa la bde ba ster// gang zhig rnal 'byor bde ba che// byang chub sems ni gsang ba'i dam// 'da' bar mi mdzad thar pa'i mchog/ gang zhig gsang chen bde ba che// rnal 'byor pa ni dpal dang ldan// nyams na bskal ba'i cho ga ni// snod chen nyi shu rtsa lnga'i nang// bdud rtsi sha dang bcas pa yis// gang 'gyur gsum gyi sbyor ba bya// bdag dang khams gsum thams cad kun// gcig tu brtags nas gsum la mchog/ sdig sbyong cho ga'i las rnams kyis// rtag tu nyams pa skong bar byed// ma nyams don la rab 'jug na// rtag tu yang dag don la gnas// des ni nyams pa skong bar 'gyur/ zhes gsungs so// rgyud kyi rgyal po rdo rje phur pa las/ bsrung ba dam tshig le'u ste bcu bzhi pa'o//// de nas bcom ldan 'das dpal 'jigs byed chen pos yongs su tshim par byed pa'i rdo rje zhes bya ba'i ting nge 'dzin la snyoms par zhugs so// ting nge 'dzin de la snyoms par zhugs ma thag tu// spyod pa yongs su spyod pa'i rdo rje zhes bya ba'i le'u 'di gsungs so// rtag tu rang gnas rnal 'byor pas// 'dod pa lnga ni bsten par bya// dkar dmar ser dang ljang ku dang// de bzhin gzugs mdzes sna tshogs pa// rnal 'byor mig gis bsten par bya// dung dang gling bu 'khar ba'i rnga// zin dang ma zin la sogs pa// rnal 'byor rna bas bsten par bya// tsan dan ga pur gla rtsi dang// de bzhin dri rnams thams cad kun// rnal 'byor sna yis bsten par bya// ka ra bu ram sbrang rtsi dang// de bzhin yid 'ong ro rnams kun// lce yi dbang pos bsten par bya// 'jam pa'i reg bya yid 'ong ba// kha dog dbyings su ldan pa rnams// lus kyi dbang pos bsten par bya// 'dod pa lnga la rtag gnas nas// rnal 'byor pa ni grol bar 'gyur// yang na spyod pa dga' ba yis// btsun mo mtshan ldan legs mdzes ma// brgya rtsa gnyis dang nyi shu gnyis// gcig bcas rnal 'byor la gnas na// rdo rje brda yis legs mtshon to// ci bde 'dod pa lnga la spyod// yang dag rnal 'byor pa yi rgya// gar mkhan tshul du rab sbyor bas// rdo rje 'gying tshul sbyor ba dang// bslab pa dam tshig la gnas na// rnal 'byor pa yi 'dod pa bsten// ci 'dod yul la gnyis kas sbyod// rtag tu 'bar ba'i sbyor ba yis// bde gshegs byang chub sems phab ste// rang lus bde ba chen pos rgyas// gnas gzhir bde ba bzhir skyes pas// de ni mngon par sangs rgyas 'gyur// bskyod pa'i dam tshig la gnas na// bde ba chen po'i phyag rgyas brnyes// de don bden pa'i phyag rgya can// rtag tu yang dag bde ba thob// de bzhin rgyal ba dbugs phyung ba// sna tshogs don dang rab tu ldan// ces gsungs so// rgyud kyi rgyal po rdo rje phur pa las/ gsang ba bde ba spyod pa'i le'u ste bco lnga pa'o//// de nas dpal ldan 'jigs byed che// gar sgyur rdo rje sbyor ba yis// rnal 'byor pa ni rtag gnas nas// legs sbyangs pa yi btsun mo dang// lhan cig rnal 'byor yum la spyod// glang chen rta dang ba glang khyi// de bzhin mi dang rnam pa lnga'i// sha lnga rnal 'byor pa yis bskyed// de bzhin bdud rtsi rnam pa lnga// bcu gcig pa ni yang dag ldan// rnal 'byor pas ni de longs spyod// bde ba chen po'i lus bskyed pas// phyogs bcu'i sangs rgyas thams cad la// mchod pa'i sprin lding 'od zer 'phro// rtag tu mnyes pa'i sbyor ba ldan// rnal 'byor snying gi dkyil 'khor du// ye shes 'khor lo gzhal yas stong// yi ge hUM gis legs bskul te// 'dod pa lnga ni spyad par bya// yi ge oM las legs byung ba'i// 'od kyi sangs rgyas thams cad kun// bdag lus dbang po'i tshogs la 'bul// yi ge A las legs byung ba'i// kA pa la yi sbyor ba yis// rnal 'byor pa ni grol bar 'gyur// yang na rdo rje'i phyag rgya can// yan lag thams cad rdo rje tshe// spyi gtsug rdo rje hUM ka ra// dpral bar rnam par rgyal ba'o// mgrin par rta mgrin rgyal po ste// lag g.yas khams gsum rnam par rgyal// g.yon par dbyug pa sngon po ste// snying kar bdud rtsi 'khyil pa gnas// lte bar gshin rje gshed po ste// rkang g.yas gzhan gyis mi thub pa// g.yon pa mi g.yo mgon po bsam// gsang bar khro bo stobs po che// rdo rje khro bo chen po rnams// stag pa rna ba sna dang lce// mkhal ma pus mo bshang ba'i lam// rkang mthil rtse mo sgal tshigs su// so so'i mtshan mas gdab par bya// ba spu'i bu ga thams cad kun// za byed dang ni gsod byed dang// rdo rje sras mchog tshogs kyis brgyan// yang na 'dod pa'i gzhal yas su// lnga bcu gnyis dang bzhi bcu gnyis// bcu gcig pa ni yang dag ldan// so so'i dkyil 'khor yum gyis brgyan// rnal 'byor pa ni der gnas na// sgrib pa kun las grol bar 'gyur// tshogs kyi dkyil 'khor gyi le'u ste bcu drug pa'o//// de nas dpal ldan 'jigs byed che// sreg byed rdo rje'i sbyor ba yis// e yi tshogs kyi dkyil 'khor du// sreg byed dkyil 'khor legs gnas te// dug dang ske tshe lan tshwa la// drag po'i khrag gis legs sbrus te// gdul bya bsams na myur du 'chi// ba gi tshogs kyi dkyil 'khor du// sreg byed dkyil 'khor legs gnas te// til mar 'o ma la sogs pa// sbyor ba'i don la dmigs pas 'grub// ya yi tshogs kyi dkyil 'khor du// sreg byed dkyil 'khor legs gnas te// rak+ta mtshal las gos pa la// bsdu ba'i don la dmigs pas 'grub// ma yi tshogs kyi dkyil 'khor du// sreg byed dkyil 'khor legs gnas te// ba bla dag ni ldong ros dang// nor bu'i sbyor bas dmigs pa 'grub// shar lho nub byang phyogs bzhir bltas// tshad med bzhi yi bsam gtan gyis// las rnams thogs pa med bar 'grub// sreg byed rdo rje'i ting 'dzin gyis// phyag rgya lnga yi bdag nyid kyis// snying kar 'khor lo bkor gyur nas// zas la sogs pa'i sbyin sreg bya// gsang ba yum gyi hoM khung du// byang chub snod can lha gzhag ste// byang chub rdo rjes mchod gyur na// chags pa'i dngos grub thob par 'gyur// skye 'gag med pa'i hoM khung du// rtog pa dang bral ye shes kyis// rnam par rtog pa kun bsregs nas// mtshan bral dngos grub thob par 'gyur// me la sogs pa'i rnal 'byor pas// thabs gzhan med cing 'grub par 'gyur// zhes gsungs so// rgyud kyi rgyal po rdo rje phur pa las/ me'i 'khor lo gsang ba'i le'u ste bcu bdun pa'o//// de nas dpal ldan 'jigs byed che// de nyid bdag po bcom ldan 'das// gsang ba bdag la legs gnas te// rtag tu sgrol ba'i las byas nas// de nyid gsang ba'i don 'di gsungs// gang phyir dpal ldan sku gsung thugs// yon tan 'phrin las de dag nyid// sgrol chen khro bo chen po'i mchog/ yon tan sgrol byed sku gsung thugs// ma lus don byed gsang ba'i bdag/'da' bar mi mdzad mthu chen yin// de nas khro bo bdud rtsi 'khyil// langs te thal sbyar 'di skad gsol// gang tshe bcom ldan de nyid sku// kha dog med cing dbyibs dang bral// dngos med dngos po sa bon med// don bral dpag med brjod las 'das// gsang ba'i bdag la phyag 'tshal lo// yon tan kun ldan phyag 'tshal lo// bde don bdud rtsi phyag 'tshal lo// mi rtog brjod med phyag 'tshal lo// zhes bstod do// de nas gtso bo 'jigs byed che// yon tan rjod byed don 'di gsungs// ngas smras rdo rje phur ba'i rgyud// gsang ba chen po'i rgyud ces bya// gdul bya'i srog len de yi phyir// gsang ba srog len rgyud ces bya// yon tan mdzod dang dpal 'dzin dang// sgrol byed rgyun du yang dag bstan// ngas smras don 'di yid la zung// zhes gsungs ma thog tu/ 'dus pa chen po'i 'khor thams cad yi rangs te/ bcom ldan 'das kyis gsungs pa la mngon par bstod do// rgyud kyi rgyal po rdo rje phur pa las/ yongs su gtad pa le'u ste bcA+o brgyad pa'o// rgyud kyi rgyal po rdo rje phur pa zhes bya ba drag po'i las kyi rtog pa chen po rdzogs so// slob dpon chen po pad+ma 'byung gnas kyi phyag dpe las// bod kyi lo ts+tsha ba kun dga' rgyal mtshan gyis bsgyur ba'o////

CLOSE WINDOW