CLOSE WINDOW

Gpb046.002
བོད་ཡིག

bod kyi lo ts+tshA ba dge slong bai ro tsa nas bsgyur cing zhus te gtan la phab pa/ phyis skad gsar bca da kyis bsabs pa'o//// rgya gar skad du/ ka ma la bi ri sid ta ma hA badzra kI li kI la ya/bod skad du/ rdo rje phur pa chen po ma mo mngon du bkol ba/ bcom ldan 'das dpal rdo rje gzhon nu dang/ yum 'khor lo rgyas 'debs kyi sku la phyag 'tshal lo// dpal kun tu bzang po/ yum 'khor ba rgyas 'debs/ma mo thams cad kyi gtso mo mu kha le ma/ yum chen mo 'khor lo rgyas 'debs ma/ ma mo rnam snang gsal la sogs pa/ de rnams kyi gtan tshigs ni gcig kho na yin no// chos thams cad rang bzhin gyis rnam par dag pas/so so yin zhes byar med/ ting nge 'dzin rims kyis bsgom du yod pas/ gcig yin zhes byar med/ rang rig pa'i ngo bo rtogs tsam na/ mu kha le ru bstan du med/ 'khor ba rgyas 'debs su bstan du med/ci'i phyir ni bstan du med// bdag nyid thig le rdo rje lta bu ru mnyam pa'i phyir/ khro mo zhes bya ba dang/ ma mo zhes bya ba de gnyis/ rigs pa'i ngo bo la dbye ru mi 'dug/ 'dul ba'i ngo bo la so sor yang snang gin 'dug ste/pad+ma 'byung gnas kyis/ 'dul ba'i ngo bo la rang snang gcig tu 'dug par gyur to// de gcig tu 'dug pa'i don ci'i phyir bstan na/ ma skyes pa'i chos kyi dbyings/ rang bzhin du snang bar 'dug pa'i phyir/mi skye ba'i klong 'di yin bya ba'am/ skye ba'i klong 'di yin bya ba'am/ khro mo ru 'gro ba'i klaung 'di yin bya ba'am/ ma mo ru 'gro ba'i klong 'di yin bya ba 'am/ yang dag pa'i chos nyid rdo rje lta bu'i klong las mi 'dug ste/de 'dug pa'i don du rigs pa'i don gyis bsgrur/ sngags kyi don gyis bsgyur nas khro bo khro mo la sogs pa/ ma mo dang ki ri la sogs pa 'byung ngo// skabs 'dir ni ma mo thams cad du gyur pa'i don bstan te/dmigs med skye med dbyings kyi rdo rje/ ma chags zhen pa med pa'i rdo rje/ ma zhen 'khor ba med pa'i rdo rje/ ma spangs spang du med pa'i rdo rje/ ma bsgrubs bsgrub tu med pa'o rdo rje/ma bskyed bskyed du med pa'i rdo rje/ ma zhen zhen pa med pa'i rdo rje/ gang yang mi 'byung gang du'ang mi 'gro ba'i rdo rje/ de bzhin nyid du rnam par dag pa'i rdo rje/ nam mkha' bzhin du yangs pa nam mkha' dngos med kyi rdo rje// de lta bu'i rdo rje dang 'dra bar cir yang dmigs su med pa'i yum 'khor ba rgyas 'debs/ nam mkha' bzhin du yangs pa'i yum 'khor ba rgyas 'debs/ de lta bu dang 'dra ba'i dmigs med rnam dag gi mu kha le ma/ skye med dbyings kyi mu kha le ma/ chags pa med pa'i mu kha li ma/ nam mkha'i ngo bo lta bu'i mu kha le ma/ chos nyid rnam par rtog pa'i yum rdo rje rnam snyems ma/chos kyi ngang la gnas pa'i yum rnam snyems ma/ blang dor med pa'i yum rnam snyems ma/ de lta bu'i khro mo bcu po snang ngo// de rnam snang gsal la sogs pa'i sman mo lnga bcu rtsa brgyad kyang/ chos nyid rnam par dag pa'i rnam snang gsal// chos nyid ngang la gnas pa'i rnam snang gsal// blang dor med pa'i rnam snang gsal// sman mo lnga bcu rtsa brgyad kyang// rig pa rtogs pa'-i ngang las de ltar snang ngo// de rnams ni yang dag pa chos nyid kyi rdo rje dang/yum 'khor lo rgyas 'debs dang/ mu kha le dang/ yum rnam snyems ma la sogs pa'i khro mo bcu dang/ rnam snang ma la sogs te sman mo lnga bcu rtsa brgyad dang/ de rnams gzhi gcig las byung nas 'dug/rig pa gcig las shar nas 'dug/ snang ba gcig las shar nas 'dug pas/ gcig kho na yin no zhes bya/ de khro bo dang ma mo bya bar gcig go/ de rig pa gcig gis 'dul ba'i don du/sku mdog so sor bstan pa las/ rang gi rgyud la gcig go/ de dpe nam mkha'i ngo bo las rol pa sna tshogs su 'byung ba ltar/ de rigs pa gcig las byung yang 'dul ba'i don du so sor yang snang ngo// de snang ba'i phyir/ chos sku 'gyur med rang byung ye shes gsal// yon tan mtshan ldan ma lus rdzogs// 'jig rten khams kun rdo rje phur pas sprul pa'i 'dul ston// rdo rje phur pas sku gsung 'dul ba'i 'dul// ma rtogs gol ba'i sems can rnams// thugs rjes mya ngan 'da' ba dang// mkha' klong rdo rje'i gtan tshigs rnams// rgyud dang lung dang man ngag rab bstan bstan// chos nyid 'gyur ba med pa'i rdo rje dang/thugs rje'i byin rlabs kyis/ yon tan gyis mtshan so sor phog/ rig pa chos nyid kyi ngang du rdzogs par bstan/ khams gsum rdo rje'i sprul pas bkang// thams cad rdo rje'i skur bskyed nas// log par gol ba'i sems can 'dul/khro mo thams cad gtan la 'bebs/ ma mo thams cad gtan la 'bebs// rang rig chen po gtan la 'bebs// mkha' la rlung bsten khro mo'i gnas// rang bzhin lhun grub khro mo'i gnas// bdag gi rigs pa'i rlung gis bskyed// ke'u ri dmar mo rig pas bskyed/ dpag tshad brgyad khri yod pa khengs par bskyed// bskyed kyang rig pa che chung med// ma bskyed pa la che chung med// thams cad bdud rtsi'i rgya mtsho bzhin// thams cad bdud rtsir khengs par bskyed// thams cad ma mo rag bzhin grub// thams cad rdo rje'i rang bzhin yin// thams cad ma mo'i rang bzhin yin// ma ni thams cad kun gyi yum// mo ni snang srid kun gyi ma// ma ni skye ba med pa'i dbyings// mo ni 'gag pa med pa'i klong// rdo rje skye ba med pa las// phur ni thams cad skye ba med// pa ni de las g.yos pa med// de ltar yum chen mo 'di rnams kyang/ sku rig pa'i ngang las ma g.yos so// de mo thams cad ni rnam par thar pa'i mo ru'ang 'dug/ thams cad bskyed pa'i yum du'ang 'dug/ thams cad chags pa'i yum du'ang 'dug/thams cad rten pa'i yum du'ang 'dug/ dgyes pa bskyed pa'i yum du'ang 'dug go/ de ni srid pa 'jig rten thams cad pho mo'i mtshan gnyis su 'dug/ pho thams cad ni thabs la/ mo thams cad ni shes rab yum la/de ltar thabs shes rab gnyis las/ dgyes pa chen po bskyed pa'i thabs so// thams cad yum gyi mkha' zhes bya bar bstan no// de ma mo khro mo la sogs pa ni/ skye ba med pa'i ngang nyid las// mi skye ba yi cho 'phrul 'byung// mi rtog pa yi shes pa 'byung// mkha' la 'gro ba'-i yum chen 'byung// byang chub bskyed pa'i rang bzhin 'byung// sku gsung thugs su shar ba bskyed// rang bzhin lhun gyis grub par bskyed pa'o// bkyed ces bya ba 'am// sman mo lnga bcu rtsa brgyad kyi 'khor rdzogs bya ba 'am/ sngon bde bar gshegs pa'i thugs rje'i byin rlabs kyis/ thams cad dbyings ye shes su shar ba'i lam/dbyings dang ye shes sbyor bar shes pa'i lam/ bdud rtsi chen po char chen spro ba'i lam/ rdo rje mkha' 'gro ba'i lam/ yum gyi mkha' la 'gro ba'i lam/ byang chub sems bskyed pa'i lam mo// de ni chos thams cad rang gi grub pa'i gzhi/ yang dag pa chos nyid kyi gzhi las ma g.yos par bstan pa// lam gcig tu 'dug/ gzhi gcig tu 'dug/ rig pa gcig tu 'dug par bstan pa'i le'u ste/rdo rje phur pa dbyings kyi yum drug gi rgyus las/ thams cad kyi gzhi bstan pa'i le'u ste dang po'o//// de ni stong gsum gyi stong chen po'i 'jig rten gyi khams na/ sku dang ye shes kyis khengs nas yod de/stong 'jig rten gyi khams/ ma rig pa'i bag chags shor nas/ sku dang ye shes kyi don ma rtogs te/ khams gsum du 'khor rgyud drug tu smin par 'dug go/ 'jig rten gyi khams na yang dag pa chos nyid kyi rdo rje gzhi skye med du 'dug par rtogs te/de'i ngo bo ma rtogs par phyin ci log pa'i rdo rjer brtags nas/ khams gsum gyi sems can thams cad sdug bsngal dang tsha grang che bar 'dug go/ de la bde bar gshegs pa'i byin gyi rlabs kyis/chos nyid yang dag pa'i rdo rjer rtogs pa ru byin gyis brlabs de la 'jug pa ru byin gyis brlabs/ theg pa'i rim pa grangs kyis bstan/ shes rab kyi stobs dang ldan pa'i theg pa'o// rtogs pa'i don la theg pa gcig kho na'o// bde bar gshegs pas sems can la dam pa'i lha chos spyod du yod par byin gyis brlabs/ de la 'jug pa ru byin gyis brlabs/ gsang sngags dam tshig la gnas par byin gyis brlabs/'dul ba khrims la gnas par byin gyis brlabs// mdo sde khrus dang gtsang sbra ru byin gyis brlabs/ de rnams ni dam tshig go/ des na dam tshig gzhung ma bsrangs na/de rdo rje dmyal bar skye bar gsungs/ de min gsang sngags kyi sgor 'jug pa 'am/ ma bskul bskul ba tsam yang bde ba rnyed do// shes rab gsal ba'i dbyings// byams pa bsgoms pa'i dbyings// rtogs pa lta bu'i dbyings/ go rims spyod pa'i dbyings zhes bya'o// rdo rje phur pa dbyings kyi rgyud las/ sems can thams cad la chos bshad pa'i bskal pa dang dang bde bar gshegs pa'i byin gyis rlabs kyis bstan pa'i le'u ste gnyis pa'o//// da ni don dam pa'i rig pa'i don ma rtogs pa bstan te/ chos nyid gzhi stong pa ru ma rtogs te/ snang ba ru rtogs/ 'jig rten zil gyis mnan pa sku che bar rtogs so// gsung med par ma rtogs par/ thams cad du bsgrags pas sems can zil gyis gnon pa'i gsung du rtogs so// thugs mi 'gyur bar ma rtogs par/ thugs 'gyur ba med pas sems can skad thon pa'i thugs su rtogs so// phyag cha med pa'i chos nyid ma rtogs pas/ phyag cha sna tshogs su sprul nas/ sems can tshar gcod pa'i phyag cha ru rtogs so// nga dang bdag med par ma rtogs pas/ nga dang bdag che ba'i nga rgyal du rtogs so// phyogs dang ris med bar ma rtogs pas// phyogs dang ris yod pa ru rtogs so// chags pa med pa ru ma rtogs par// shin tu chags pa che ba ru rtogs so// de ltar rtogs pas/shin tu sku che bar byung/ nga rgyal che ba ru byung/ zhe sdang me 'bar ba ru byung/ gti mug mun ltar gtibs pa ru byung/ phyag cha sna tshogs thogs pa ru byung/ stong gsum sprul pa sna tshogs khebs pa ru byung nas/ de ni ma rtogs pa'i sems can snying rje ba ru 'dug/ khong rang rig pa log pa ru rtogs pa'i shugs kyis/ rig pa log pa'i rlung gis bskyod nas/ khong rang la'ang rang bzhin shugs kyi sems can zas su za bar 'dug/las kyi skal bar sems can srog gtsad/ zas kyi skal bar sems can gyi sha za/ skom gyi skal bar sems can gyi khrag 'thung/ de lta bu'i sems can log pa'i chos spyod pa/ ma taM ka ru tra/ a kar sha ru tra/kha tong ka ru bya ba gsum byung nas sems can thams cad zil gyis gnan nas/ skad mi thon par 'dug/ khams gsum zhe sdang gi me 'bar nas 'dug pa la/ bde bar gshegs pas sems can snying rje ba ru dgongs nas/sems can srog gcod pas snying re rje/ kho rang ma rtogs pas snying re rje nas/ bde bar gshegs pa'i thugs las sprul nas/ kho phyag drug zhabs bzhi pa zhal gsum du 'dug pa las/bde bar gshegs pas kyang/ dpal rdo rje gzhon nu phyag drug zhabs bzhi/ zhal gsum du bskyed nas btul nas/ ru tra'i 'khor du yum byung ste/ mu kha le yab yum 'khor ba rgyas 'debs kyis btul/de la ru tra'i phyogs su phyogs skyong bcu byung ste/ de khro bo bcu dang/ khro mo bcu dang/ sman mo lnga bcu rtsa brgyad kyis btul/ ru tra'i 'khor du sprul pa mang po byung nas sprul pa'i khra thabs nyi shu tham pas btul/ru tra'i 'khor du 'jig rten pa drug byung nas sras mchog drug gis btul/ de ru tras sprogs ma nus te/ ru tra bsgral nas snang ba can gyi gzugs gdan du gting/ nyon mongs pa'i bag chags bsgral/ byang chub kyi gzhi'i ngo bo bde ba'i ngang la bkod/ sems can thams cad kyang bde ba la bkod do// zhi ba'i ngang la bkod/ 'jam pa'i ngang la bkod nas/ thugs rje'i byin gyi rlabs 'byung bar 'gyur bar bya'o// rdo rje phur pa dbyings kyi rgyud las/ ru tra btul ba'i le'u ste gsum pa'o//// rtsa ba 'phrin las khog dbub pa'i gzhung bstan te/ gzhan ni brag nag po 'am/ ri nag po 'am/ de lta bu ru bya/ rdzas ni lug nag mo 'am/mi nag po'i snying ngam/ 'ja' tshon sna tshogs kyi nam mkha' nyi shu rtsa dgu 'am/ sha khrag sna tshogs dang/ bam bsham pa 'am/ de lta bu'i rdzas mang du bsag/ phur pa dang/ zor rdzas dang/ kun yang bsag/de ltar bsags la/ skar ma ni rgyal lam/ rta 'am/ bya 'am/ gcig la 'jug go/ maN+Dal ni/ mda' gang gru bzhir byas la/ chag chag btab la gzhag/ phyi mchod bya/ gser skyems gtang/ 'bum 'don/tsha tsha gdab/ mdos gcig tsam bya/ de nas maN+Dal ni/ phyi nang gsang ba gsum gyi maN+Dal las/ pad+ma 'dab brgyad sum brtseg tu bya/ tshon dang/ thig skud dang/ kun byin gyis brlab pa mthun// dang po pad+ma 'dab brgyad du bskor/de'i phyi rim pad+ma 'dab brgyad du bskor/ de'i phyi rim zlum pos bskor/ de'i phyi rim gru bzhis bskor/ de nas lcags ri mu khyud gtang/ sgo bzhi phyogs dang mthun/ stong gsum gyi stong chen po'i gzhal yas khang 'dis khebs par bsam/rdzas ni dbus su nam mkha' nag po dang phur pa gzhag/ bya rgod kyi mda' la me long btags pa gcig gzhag/ de'i 'og gi 'khor lo rtsibs brgyad pa/ steng 'og gnyis ma rtogs pa'i khro mo brgyad dang ma mo brgyad dgod de/ nam mkha' brgyad/ phur pa brgyad dgod do/ de'i 'og ma'i 'khor lo la/ nam mkha' brgyad phur pa gnyis dgod do// de'i 'og ma'i 'khor lo rtsibs brgyad la nam mkha' brgyad dgod do// sgo bzhi la phur pa bzhi/ nam mkha' bzhi/ dbus su blon mo gnyis kyi gtor ma dgod do// de'i g.yon du 'khor gyi khro mo rnams kyi gtor ma dgod do// g.yas su sman dgod do// g.yon du rak+ta dgod do// nub byang du zor gyi rdzas dgod do// dbye ba'i rdzas kyang dgod do// lug nag po spyi dkar gam du gdags so// de ltar rdzas rnams 'tshogs par bkram la/deng mtshams gcad de/ dang po stong nyid kyi gzhi las/ rgyu hUM du bskyed/ de las 'phros 'dus pa las/ rdo rje bskyed/ de las 'phros pa 'dus pa las rdo rje 'od du zhu/ de las/ oM badzra kI li kI la ya sarba big+ha nan baM hUM phaT/rdo rje gzhon nu'i sku bskyed/ de las ma sUr+ya maN+Da las phyogs bcur nyi ma'i dkyil 'khor bskyed/ de nas/ oM badzra kro hUM ka ra hUM/ zhes khro bo bcu bskyed/ de la/ hUM/ dngos grub bar chad byed pa'i bgegs// gdug cing sdang sems ldan pa rnams// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// rdungs shig rdo rje 'bar ba'i gtun/khro mo 'bar ba'i gtun khung du// rdo rje tho bas brdungs byas na// lha yang rung ste rlag par gyi// oM badzra kro d+ha hUM ka ra hUM ka ra hUM gardza gardza hUM phaT/ ces khro bo bcu'i sngags brjod cing mtshams gcad do// bgegs bya ba ming yang med par bsam/ de nas byin dbab ste/ oM badzra kI li kI la ya zhes se gol gtogs pas/ hUM/ rdo rje gzhon nu'i rigs 'dzin rnams// srid pa phur pa bsgrub mdzod cig/srid pa rdo rje phur pa'i lha// ye shes khro bo grub par mdzod// byang chub mchog tu sems bskyed cing/ dus gsum rgyal ba'i gdung 'tshob pa'i// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol// hUM hUM zhes byin phebs pa'o// sman byin gyis brlabs te/ a hUM raM ya/ snod ya/ bcud hUM me ra ya rlung/ oM badzra kI li kI la ya ma hA pany+tsa a mr-i ta la hUM hri tha/ zhes thams cad bdud rtsi'i rang bzhin du gyur par bsam/ rak+ta byin gyis brlabs te/ a hUM/ raM yaM/ oM badzra kI li kI la ya/ raM rak+ta la hUM hri tha/ thams cad rak+ta'i rgya mtshor 'gyur bar bsam/ de nas gtor ma byin gyis rlabs te/a hUM/ raM yaM/ hUM hUM hUM/ gsum pos 'dod pa'i yon tan drug gi lha mor byin gyis brlabs te/ oM badzra kI li kI la ya ma hA ba liM ta la hUM hri tha/ zhes lha thams cad kyi zhal zas kyi rang bzhin du gyur par bsam/da ni thams cad skyed pa b+ha ga'i gzhi/ stong pa'i snang ba'i gzhi/ ting nge 'dzin rnam pa gsum ni/ de bzhin nyid kyi ting nge 'dzin ni/ ci'i ngo bor yang mi 'dug/ ci'i ngo bor yang ma grub pas/stong zhing bdag med pa phyogs dang ris su ma chad pa/ mnyam pa nyid kyi ngang la lhang gis yun ring du zhag pa de'o// kun tu snang ba'i ting nge 'dzin ni/ rig pa rang shar ba rnam mkha' lta bu/thams cad yangs pa la gsal ba/ rgya ma chad pa/ thams cad snang bar 'dug pa la ma zhen pa/ gsal ba'i ngang la yun ring du gzhag pa de ni/ kun tu snang ngo/ rgyu'i ting nge 'dzin ni/ hUM mthing nag las/ s+phar na phaT kyis spros pas/ slar yang ha ra na hUM/ zhes pas rgyu mthing nag tu 'dug pa de la/ thams cad bskyed pa'i ngang du lhang gis bsgom mo/ hUM/ rdo rje khros pas zhe sdang gcod// mtshon chen sngon po 'bar ba yis/srog gi go ru shar ba dang// snying gi go ru bsgom par bya/ phung po rdo rje gtams byas nas// rnam par shes pa rdo rje bsgom// e s+phar Na phaT/ sang ha ra na hUM/ hUM s+pha ra na phaT/ saM ha ra na hUM/ yaM karma rag sha/rlung lha'i ba dan gnyis kyis bteg pa/ nam mkha'i dkyil 'khor gar khyab pa gcig tu khyab par bsam/ ra s+pha ra na phaT/ saM ha ra na hUM/ rak+ta'i rgya mtsho dbyibs 'dra ba/ nam mkha'i dkyil 'khor gar khyab pa cig tu khyab par bsam/keM ra s+pha ra na phaT/ saM ha ra na hUM/ keM rus kyi ri rab dbyibs gru bzhi/ rak+ta'i rgya mtshos gar khyab pa cig tu khyab par bsam/ ra tri ru tri sti ra baM/ ma a sAr+ya tsan+d+ra/ pad+ma maN+Dal/ gzhal yas khang gdan dang bcas pa bskyed do// hUM/ rdo rje gzhon nu'i rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par 'dod// nam mkha' dkyil 'khor thigs pa shar// hUM ma dbus kyi phur pa dang nam mkhar la yum 'khor ba rgyas 'debs dang/ mu kha le gnyis dbus su bzhugs par bsam mo/ oM badzra kI li kI la ya sarba big+h+nan baM hUM ma ma hUM ma ma/ zhes gtso bo gnyis gsal bar bskyed do// hUM ma hUM ma hUM ma hUM ma hUM ma hUM ma hUM ma hUM ma hUM ma hUM ma/ ma ma ma ma ma ma ma ma ma ma/ ma ma ma ma ma ma ma ma ma ma/ oM badzra kro d+ha hUM ka ra hUM hUM/ ma ma/ zhes sngags rnams brjod la 'khor gyi ma rnams gsal bar bskyed do// de nas spyan drangs la/ hUM/ rdo rje gzhon nu'i rigs 'dzin rnams// srid pa rdo rje grub mdzod cig/ oM badzra kI li kI la ya/ zhes se gol gtogs pas// ma mo rnams bzhengs par bsam// srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol// dzaHhUM baM ho/ mdun gyi nam mkha' la byon/ thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas/ dbang dang byin rlabs bdag la gsol/ oM AHhUM/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro mo mi bzad pa// sku yi dbyig tu bdag skyed cig/ gsung gi dbyig tu bdag skyed cig/ thugs kyi dbyig tu skyed cig/ oM AHhUM badzra kI li kI la ya hUM/ zhes sku gsung thugs kyi dbang thob par bsam/hUM hUM zhes mdun gyi nam mkha'i ma mo rnams kyang/ gzhal yas khang gi ma mo rnams la thim par bsam/ sman mchod bya ste/ ho/ yum chen mo 'khor ba rgyas 'debs/ yum mu kha le/yab rnams dgyes pa bskyed pa'i zhal du ma hA pany+tsa a mr-i ta la khA hi/ yum rdo rje rnam snyems ma/ yum srin po bde 'gro ma/ ma hA pany+tsa a mr-i ta khA hi/ zhes nyi zla thod 'phreng nas mar zangs kyis bsgrags la mchod do// de nas bdud rtsi oM AHhUM gsum du gyur par bsam/ srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang/ kI la yA yi dngos grub gsol/ kA ya sid+d+hi oM/ bAka sid+d+hi AH tsit+ta sid+d+hi hUM/ zhes dngos grub blang ngo/ de ltar byas pa de yan chad ni/ phyi mtshams bcad pa nas/ gzhal yas khang bskyed pa dang/ spyan drang zhing dbang bskur ba dang/bdud rtsi'i mchod pa 'bul bar byas pa yin/ rdo rje phur ba dbyings kyi rgyud yum drug gi rgyud las/ 'phrin las khog dbub pa'i le'u ste bzhi pa'o//// da ni 'dzab bya ste/ 'dzab bskul ba/hUM/ byang chub mchog tu sems bskyed nas// dus gsum rgyal ba'i gdung 'tshob pa'i// rigs 'dzin bdag cag rnams la ni// rtags dang mtshan ma bstan pa dang/ kI la ya yi dngos grub gsol/ oM badzra kI li kI la ya sarba big+h+nan baM hUM ma ma/hUM ka ra hUM ka ra hUM/ a tsi da te ma ma/ a tsit+ta hUM ma ma/ hUM ha na ha na/ a pa ra tsid te ma ma/ hUM ha ta ha ta na/ dza ye bi dza ye/ ma ma hUM/ hUM pa tsa pa tsa/ a tsid te a pa ra tsid te/ma ma hUM hUM ban+d+ha ban+d+ha/ ka taM ma ma/ hUM hu lu hu lu/ ka te ye ma ma/ hUM stiSh+ta stiSh+ta/ ha sa ra na ma ma/ hUM tshin+d+ha tshin+d+ha/ bin+d+ha bin+d+ha/ bteg la/ tshogs de gsang ba ched du byas la/ las kyi phur pa gcig byin gyis brlabs la/a be sha ya/ a be sha ya hUM phaT/ sprul pa spro/ dzaHhUM baM ho/ tri dza N+ri dza dgug/ shr-i trin a na ya hUM phaT/ ces bcings la/ dzaH dam tshig chen po'i dus la bab// sprul pa chen po'i dus la bab/ phyag brnyan chen po'i dus la bab/sho na mu kha'i dus la bab// bdag nyid chen mo'i dus la bab// sa bdag rgyal mo'i dus la bab/ khyed kyi dam tshig dus la bab// thugs rtsal dbyung ba'i dus la bab// byang chub mchog tu sems bskyed cing// dus gsum rgyal ba'i gdung 'tshob pa'i// rigs 'dzin bdag cag rnams la ni/ gdug cing sdang ba'i dgra dang bgegs// bdud dang bar du gcod pa yi// dngos grub 'phrog cing 'tshe ba rnams/khro bo chen po'i byin rlabs kyis// yud tsam gyis ni 'dir khug la// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// oM badzra kI li kI la ya/ oM laM hUM laM staM pa nan/ mo ha g+ha ya/ b+ha ga wAn shi trin bi krin/ badzra hUM ka ra hUM phaT/ badzra kI li kI la ya/ sarba big+h+nan/ badzra kI li kI la ya hUM hUM phaT phaT/ oM hUM ka ra hUM phaT/ badzra hUM ka ra hUM a oM/ zhes phur bu gdab bo// dkar nag gi mtshams su'o// dzaH rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsregs nas// lus ngag rdul phran bzhin du rlogs/khrog mo 'bar ba'i gtun khung du// rdo rje tho bas brdung byas nas// lha yang 'on te brlag par bya'o// zhes rdo rje'i tho bas brdung zhing/ mA ra ya kha thaM kha thaM/ zhes rdung ba'o// de nas tshogs bcad la/lag tu tshogs byas la/ yab rnams kyi zhal du kha raM khA hi/ gtso mo lnga bcu rtsa brgyad zhal du kha raM khA hi/ der tshogs dbul lo// rdo rje phur pa dbyings kyi yum drug gi rgyud las/ tshogs bya ba'i le'u ste drug pa'o//// da ni bsgrub pa la 'jug par bya ste/ dus ni bsnyen pa'i rtags nam byung rtsam na yin te/ de yang skar ma mda' rtse 'am/ nya kha na mar la bya'o// rdzas ni gzhan ma thams cad mthun te/ nal phrul gi sha dang/ khyo gsum shi ba'i yug sa mo'i sha khrag dang/ zang ma'i ral kha nag po 'am/ zhing chen gyi thul/ a be sha ya ma ma/ hUM pho Ta pho Ta/ a be sha ya ma ma/ hUM a be sha ya ma ma/ shi krin ma ma/ a na ya ma ma/dza la ma ma/ pa ya ma ma/ ta tha ma ma/ ta tha ya ma ma/ bi ta ma ma/ oM lam ma ma/ hUM laM ma ma/ staM pa nan ma ma/ ma ha ga ya ma ma/ bi krin ma ma/ badzra hUM ka ra ma ma/ ma ra sa na ma ma/ pra ma rta ni ma ma hUM phaT/ces ci mang du bzlas/ sman yang mchod/ rak+tas mchod/ skabs su bstod pa drag po bya/ ma mo thams cad las la gzud/ cang te pi wang dang dril bu dang sgra mang du bsgrags la/ gsur chen gyi dud pa gtang la/srog gi snying po nas drang zhing 'di ltar bya ste/ b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo/ rak+ta dkrug cing ma mo las la gzud do// sngags de ni nyin khri mtshan khri ru bskyel lo// de rnams kyi ming 'di yin te/ mu ka le dbyings kyi gtso mo dang/ 'khor ba rgyas 'debs dbyings kyi gtso mo'i khro mo bcu dang/ srid pa bde 'gro ma dang/ nyi zla thod 'phreng ma dang/ nyi ma khros pa ma dang/pad+ma khro pa dang/ srid pa bde 'gro ma dang/ khams kyi 'tshig pa mo dang/ rgyan gyi rgyal mo dang/ dbyings phyug ma dang/ bdag nyid ma dang/ gcig pu ma dang/ rgyas 'debs ma dang/ dkar mo mig gcig ma dang/ nag mo ral can myos byed ma dang/ dmar mo dbang sgyur ma dang/ ser mo las mkhan ma dang/ srid pa chags bye ma dang/ srid pa cha snyoms ma dang/ srid pa cha 'degs ma dang/ rin chen srid nag mo khrag 'dzag ma dang/ rdo rje sgeg mo dang/ 'jig rten dbang sdud ma dang/ gling bzhi spyi phud ma dang/ gling bzhi spyi 'gro ma dang/ rdo rje gar gyi dbang phyug ma dang/ kun snang gsal ma dang/ bdag nyid chen mo nyi zla thod 'phreng dang/ pad+ma gar gyi dbang phyug ma dang/ de rnams kyi srog snying ni gong du bstan no// ming de rnams so// de rnams la rtags ni/ gtor ma khol ba dang/ rnga brdung ba dang glu len pa dang/me dang/ baM mang po gnas su skyel ba dang/ de rnams ni rtags so// de ni rdo rje phur pa dbyings kyi rgyud las/ 'dzab bya zhing lha 'dre'i srog gi snying po gang yin/ rtags gang yin bstan pa'i le'u ste lnga pa'o//// de nas tshogs bya bar bstan te/ tshogs ci 'byor pa 'am/ ka pA la'i rnga 'am/ de rnams bsag go/ bsnyen pa'i rdzas rnams kyi steng du de rnams bsag go/ maN+Dal ni bsnyen pa'i dus kyi la// 'khor lo thams cad mthing nag tu bya'o// lha'i sku mdog ni nag po zhi tser bya'o// cho ga ni bsnyen po dang mthun/ sngags ni/ hUM ma ma pa shi ku ru ku ru ma ma/ ma taM nya ka ra i nan/ ma ma/ da ti ma ma karma/ ma ma/ ma ra sa ni pra ma rta ni ma ma/hUM phaT/ ces ma mo thams cad kyi srog snying 'dus pa yin no// de ci mang du bzlas so// de skabs su 'di brdung ba'i las yin pas/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis/ klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed/ oM badzra kI li kI la ya/ ma ra ya kha thaM kha thaM/ zhes dus drug tu brdung ngo// de brdung ba de sngags bzlas pa re/ sman mchod pa re/ rak+ta sbreng ba re/ b+h+yo gtab pa re/ ma mo las la gzud pa re/ dus rtag tu cha bsnyams la mnyam par bya'o// de la rtags ci 'byung na/ bsgrubs pa'i rtags smon pa mang po rmi lam du 'ong ba dang/ nyams ni ma mo srog snying 'bul ba 'ong ba dang/ de lta bu byung na 'grub pa'i rtags so// de nas bsgrub pa chen po la 'jug ste/ dus tshod ni dmag dpon nam/dri srogs sam/ de lta bu la 'jug/ dkyil 'khor ni bsnyen bsgrub dang thun/ de'i dus kyi rdzas ni/ thun gyi rdzas zhi tshe yin te/ dug gi zor dang/ yungs kar gyi zor dang/ mtshe'i zor dang/ khrag gi zor dang/thod pa'i zor dang/ de rnams bsags la/ cho ga spyir bsnyen pa dang mthun/ 'dzab kyi dus su 'dzab bstod pa ni/ rdo rje gzhon nu'i rigs 'dzin rnams// srid pa rdo rje bsgrub mdzod cig/ srid pa rdo rje phur pa'i lha// ye shes khro bo grub par mdzod// rdo rje gsang ba'i bka' las ni// sdig can gang zhig 'da' byed pa// klad pa tshal pa brgya ru khos// byang chub mchog tu sems bskyed nas// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol// bsgrub pa'i sngags rnams kyi mjug la/ su ru ma ma/ mu ru ma ma/ mu ru badzra ma ma/ ka taM ma ma/ ka ta ye ma ma/ dza ye ma ma/ bi dza ye ma ma/ a tsid te ma ma/ a pa ra tsid te ma ma/ ma ra sa na b+h+yo ma ma/ pra ma rta ni b+h+yo ma ma/ de rnams ni zor gyi sngags te/ su ru ni yungs kar gyi sngags/ su ru ni yungs nag gi sngags/ mu ru ni tshe'i sngags/ mu ru ni rak+ta'i sngags/ ka taM ni mda'i sngags/ ka te ye ni mdung gi sngags/ dza ye ni lcags phye'i sngags/ bi dza ye ni zangs phye'i sngags/ a pa ra tsi da te tho ba'i sngags// ma ra sa ni b+h+yo ni zor lam du 'jug pa'i sngags la/ pra marta ni zor brdeg pa'i sngags la/ hUM phaT ni rgyal ba'i sngags so// de la ci mang du bzlas so// de sngags bzlas shing thod pa'i nang du gong gi thun rdzas des rnams kyis/ thod pa'i nang du bcug la brab bo// thod pa'i 'khor lo la ma mo rnams bskyed do// bskyed pa'i rten ni yi ge ma re gzhag go/ de la bsgrub pa ni/ zhag nyi shu rtsa gcig gam/ bcu drug tu bya'o// de 'dzab bskul ba ni/ bshad pa'i rgyud na zor bskul ba'i gyer yod do// de la rtags ni/ thod pa me ru 'bar ba dang/ thod pa 'tshig pa dang/ nang du brgyab pa'i thun rnams 'khod pa dang/ de lta bu byung na las su 'grub pa yin no// de tshogs dang lhag ma kun mthun par byas la/ zor skyel du 'gro ste/ spyi lug cig gon la/ re ba nag po cig gon la/ de'i kha la zhing chen gyi thul ba cig gon la/ zor bskyal te/ sngags gyer ni gong dang mthun/ dbang gzugs pa dang/ pra brtag pa bya ste/ dbang btsugs la zor 'phangs pas/ zor de kha dkrongs kyis song nas/ ltag pa rang la bstan/ ya yo med par nam mkha' la kha bstan nas 'dug na bzang ba yin/ tho les brdab/ de tsug tu mi 'dug par kha spub song nas/ ltag pa dgra la bstan/ dpral ba rang la bstan nas 'dug na/ rnal 'byor pa'i slob dpon la dan bskyar te 'phang/ 'o na gzhogs g.yas phyogs dgra la bstan nas 'dug nas rang la bstan nas 'dug na/ bsgrub pa po la ngan/ gzhogs g.yas phyogs 'og tu bcug nas kha phar bstan nas 'dug na/ dgra rang la gnad mi 'phrod pas/dgra'i pha spun la ngan/ gzhogs g.yas phyogs 'og tu bcug nas kha tshur bstan na/ rnal 'byor pa'i pha spun la ngan/ kha dkrongs kyis song nas ltag pa phar blta dpral ba tshur bstan na/ rnal 'byor pa'i tshang zla dang khyim pa la dan de ltar byas la tshur log la/ de nas ma mo'i rdzas dang zhal zas mang po rnams mdun du bsags la/ de ma mo'i dkyil 'khor gsal btab/ ma mo srog gi snying po kun drangs la/ 'brang rgyas dang zhal zas kun bteg la/ hUM/ sangs rgyas kun gyi ye shes sku// ngang nyid rdo rje chos dbyings las/ 'bar ba'i khro bo mi bzad pa/ sku yi dbyig tu bdag bskyed cig/ gsung gi dbyig tu bdag skyed cig/ thugs kyi dbyig tu bdag skyed cig/ oM badzra kI li kI la ya ma ma/ zhes brjod la/ hUM ma ma des lha bskyed la/ zhal zas rnams yar btegs la/ ho/ rnal 'byor pa bdag cag/ gtso bo khyod rnams kyi bsgrub pa'i sgor zhugs nas/ khyed rnams yi dam gyi lha ru bsgoms nas/ sku ri rab pas brjid che ba'i dngos grub gsol cig/ gsung stong gsum sgrog pa'i dngos grub gsol cig/ thugs mi 'gyur ba'i dngos grub gsol cig/ ma mo khyed rnams kyi rgyan gyi dngos grub gsol cig/ phyag mtshan gyi dngos grub gsol cig/ tshe'i dngos grub gsol cig/ oM AHhUM/ ho/ byang chub mchog tu sems bskyed nas// dus gsum rgyal ba'i gdung 'tshob pa'i// rigs 'dzin bdag cag rnams la ni// rtags dang mtshan ma bstan pa dang/ kI la ya yi dngos grub gsol cig/ gtso mo khyed rnams kyi dngos gsol cig/ tshe la dbang ba'i dngos grub gsol// ho/ rnal 'byor bdag cag gis dbus kyi gtso mo gnyis dang/ khro mo bcu dang sman mo lnga bcu rtsa brgyad la sogs pa khyed rnams la dbang rdzas bdud rtsi'i mchod pa dang/ sha khrag dmar gyi mchod pa dang/ yun du khyed rnams la 'jig rten 'di ru sems can gyi srog la mnga' byed pa'i dngos grub gsol cig/ kA ya sid+hi oM/ bA' ka sid+hi AH/ tsit+ta sid+hi hUM/ zhes zhal zas drang ngo// mgo la yang bsku/ ma mo de rnams dngos grub thob par bsam mo// yum drug gi rgyud las/ sgrub pa dag sgrub pa chen po zor gyi pra brtag pa dngos grub blang pa'i le'u ste bdun pa'o//// de nas ma mo dam tshig gi sgrub ba bstan te/ spyi'i dam tshig dang/ sgos kyi dam tshig gnyis/ de ma mo 'di rnams sgrub pa'i sgor zhugs na/ yang dag pa chos nyid kyi rdo rje rtogs par bya ba'i phyir/ ma rtogs na las mi grub/ rtogs nas dang du blang ba'i dam tshig/ gtso mo 'di rnams sku gsal ba'i rang bzhin med par shes pa'i dam tshig/ brjid che ba'i dam tshig/ gsung stong gsum sgrogs pa'i dam tshig/ thugs mi 'gyur ba'i dam tshig/ rgyan rnams rdzogs pa'i dam tshig/ma mo grangs ma nor bar shes pa'i dam tshig/ sku mdog dang phyag mtshan ma nor bar shes pa'i dam tshig/ ting nge 'dzin thang lhod ma shor ba'i dam tshig/ snying po grwa zur ma chag pa'i dam tshig/ ma mo gnyes pa'i dam rdzas rnams 'tshogs pa'i dam tshig/ mchod pa dus rtag tu phul ba'i dam tshig/ slob dpon mnyes pa bya ba'i dam tshig/ rang gi chos la bstod ra mi bya/ gzhan gyi chos la skur pa mi gdab pa'i dam tshig/ de rnams ni bsrung ba yin te/ de ltar de rnams bsrungs na/ 'jig rten 'dir yang ci byas ci 'grub/ mthu che zhing bsod nams 'phel bar 'gyur/ 'khor rnams yongs rgyas par yong/ dper na shing gi sdong po la/ 'dab ma dang yal ga dngas pa 'dra'o// ci bsams 'grub ste 'og ngo// tshe phyi ma la yang dag pa'i byang chub thob ste 'ong ngo// de nas dam tshig ma srungs pa'i skyon ni/ sku gsung thugs kyi don ma rtogs pa yang/ yang dag pa chos nyid kyi don ma rtogs par spyod pa'am/ ma mo rnams kyi bre brag ma shes par sgrub pa'am/ rgyan dang cha lugs rdzogs par sgrub pa'am/ ma mo mnyes pa'i rdzas rnams ma tshogs par sgrub pa 'am/ ting nge 'dzin thang lhod du gyur pa 'am/ snying po grwa zur nams pa 'am/ mchod pa lo zla 'das pa 'am/ slob dpon mnyes par ma byas pa 'am/ mched lcam gyi thugs ma zin pa'am// rang gi chos la bstod pa'am// gzhan gyi chos la smod pa'am// dam tshig nyams pa'i gzhi yin te// 'jig rten 'dir yang mi dge ba sna dgu 'ong// bu dang chung ma 'khor rnams med/ byin rlabs med cing dgras bcom/ tha mar nad du mdze 'ang 'ong/ dper na sdong po rtsa ba nas bskams/ yal ga med pa dang 'dra'o// hUr thums su 'gro/ tshe phyi ma la'ang khams gsum du 'khor zhing rgyu drug tu smin no// tha mar na rag dmyal bar skye/ tsha grang gi sdug bsngal las thar bar mi 'gyur ro// de ni dam tshig nyams pa'i rtags so// rdo rje phur pa dbyings kyi yum drug gi rgyud las/ ma mo'i dam tshig bstan pa'i le'u ste brgyadapa'o//// de nas ma mo'i tshe bstan te/ dus ni bkra shis pa'i nyi ma/ bkra shis pa'i zla ba/ bkra shis pa'i skar ma/ skar ma rgyal la gtad do// skar ma rgyal rgyu ba'i zla ba de'ang bkra shis pa'i zla ba yin no// de las rdzas brtag ste/ tshe'i bum pa dang/ tshe dang/ sman dang/ 'bru dang/ rin po che lnga dang/ dkar gsum dang/ mngar gsum dang/ mgul chings dar sham cig dang/ gzungs thag dang/ kha rgyan dang/ 'o ma dag pa'i chu dang/ tshe zan dang/ de rnams bsag go/ de'i maN+Dal ni/ pad+ma 'dab ma brgyad pa gcig bris la/ mtshams bcad de/ kun dang mthun/ de nas bum pa dgod de/ ho/ byang chub mchog tu sems bskyed nas/dus gsum rgyal ba'i gdung 'tshob pa'i/ kI la ya yi dngos grub gsol/ oM badzra kI li kI la ya sarba big+h+nan baM hUM phaT/ ces bum pa'i nang du gong gi rdzas rnams blugs/ mgul chings dang/ kha rgyan dang/ gzungs thag btags la/ man 'ji'i steng du gzhag la/ hUM/ rdo rje gzhon nu'i rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// oM badzra kI li kI la ya/ lha rnams bzhengs par bsam/ srid pa'i phur bu sgrub pa dang/ dbang dang dngos grub blang ba'i phyir/ ye shes khro bo gshegs su gsol// thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la gsol/ hUM hUM hUM/ ma mo rnams bum pa'i nang du gsal bar bskyed/ de la ma mo khyed rnams la 'phrin las su bcol ba ni/ shar phyogs pad+ma'i gdan steng nas// rnam par rgyal bas tshe khu cig/ lho phyogs pad+ma'i gdan stengs nas/ gshin rje rnams kyis tshe khug cig/ nub phyogs pad+ma'i gdan stengs nas// srin po rnams kyis tshe khug cig/ byang phyogs pad+ma'i gdan stengs nas// gnod sbyin rnams kyis tshe khug cig/ stongs phyogs lha yi tshe khug cig/ 'og phyogs klu yi tshe khug cig/ de bzhin du phyogs mtshams su kun la byas pas// ma mo de rnams kyis thams cad kyi tshe bkug nas/ bum pa ru 'ub 'ub 'ong ba ru bsam/ oM badzra kI li kI la ya/ ma ma pa shi ku ru/ ma taM nya/ ma ma hUM ma ma hUM/ zhes snying po de bzlas pas/ tshe rnams rang bzhin gyis khugs par bsam/ gzhan ma'i cho ga ni 'thun/ rtags ni bum pa la dud pa byung ba dang/ dar gyi sbu gu byas pa la/ dar gyi sbu gu rnal 'byor pa la gtad la/ thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la gsol// oM badzra kI la ya sarba big+h+nan baM hUM ma ma hUM/ byas pas/ dar gyi sbu gu na mar bzlas pas/ de ting nge 'dzin lcags klu'i tshul du 'phros nas/ dar gyi sbu gu na mar song ste// bum pa'i nang gi tshe bsdus pa rnams tshur drangs nas// rang la thim par bsam// de tshe rnams bstim nas/ hUM/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa/ sku yi dbyig tu bdag skyed cig/ gsung gi dbyig tu bdag skyed cig/ thugs kyi dbyig tu bdag skyed cig/ ma mo rnams kyi tshe bsgrubs pas// ma mo rnams kyi tshe thob shog/ tshe la dbang gi dngos grub gsol// bum pa dang tshe zan thogs la/ hUM hUM byas shing tshe bstim pas/ tshe ring zhing nad med par bsam/ de nas tshe zan drangs la/dkyil 'khor bsdu/ hUM hUM hUM gsum gyis dkyil 'khor rnam pa gsum gsal gdab/ phaT phaT phaT gsum gyis spros pas dkyil 'khor rnams gsum bdag la thim/ hUM gi ngo bo bsam/ hUM gcig po de zhabs skyed la thim/ zhabs skyed ha la thim/ ha zla tshes la thim/ zla tshes thig le la thim/ thig le mi dmigs pa'i dbyings kyi ngo bor bsam/ de la yun ring ba gcig bsgom mo// rdo rje phur pa dbyings kyi yum drug gi rgyud las/ tshe bsgrub pa'i le'u ste dgu pa'o//// de nas gasrung ba'i bsgrub pa bstan te/ 'khor lo rtsibs bzhi pa gcig bris la/ de la ma mo rnams kyi snying po bris la/ de bdag gang na gnas pa'i sa nas/ sa blangs la sbal pa 'am/ nya 'am sha la bsres la/ sbal pa pho mo gnyis byas la/ de la 'khor lo rtsibs drug byas la/ de la ma mo rnams kyi snying po bkod/ sbal pa de gnyis kyi nang du lha 'dre gang nas gnod pa'i ming bcug la/ seng ldeng gi phur pa gcig yum 'khor brgyad 'debs su byin gyis brlabs la/ de sbal pa de gnyis la btab la mi 'chor bar bsam/ de dbus kyi 'khor lo la bkod la gzhag/ thun rdzas tshogs pa ru bsag/ cho ga gzhung gong kun mthun/ 'dzab ni/ oM badzra kI la ya sarba big+h+nan baM hUM ma ma// ma taM ma ma/ ma taM badzra ma ma/ tshin+d+ha badzra ma ma/ klu gzir ba'i sngags so// dus drug bzlas/ skabs skabs su ma mo'i thun brdeg go/ sgrub pa chen po'i zor gyi thun dang 'dra'o// skabs su rdo rje tho ba thogs la/ klu brdung ste/ rdungs shig rdo rje 'bar ba'i gtun/ bka' las 'da' byed sdig can rnams// rdo rje me dpal snying bsregs nas// lus ngag rdul phran bzhin du rlogs/ khro mo 'bar ba'i gtun khung du// rdo rje tho bas brdungs byas na// lha yang rung ste rlag par 'gyur// oM ta tha ya/ ma ma/ oM ma ma ta tha ya/ ma ma/ hUM phaT/ ces rdo rje tho ba sbyar zhing/ de ni klu gnad la dbab pa'i sngags/ de klu gsal ba la/ ma ra ya kha thaM kha thaM/ zhes yang nas yang du brdung ngo/ a bi tsar+ya gnag pa de kho na la'o zhes/ zhe sdang drag pos mnan la gzhag/ de klu thul ba'i rtags ni/ nya dang sbal pa mang po gsad pa 'am/ gnag pa mang po gsad pa byung na ni klu thul ba'o// ma thul na lus la sogs pa la 'jug go/ de nas lus la sogs pa la zhugs na/ des klu gzer ba'o// lus la sogs pa la zhugs na/ yungs kar gyi phur pa dang seng ldeng gi phur pa lus la bcang/ oM badzra kI li kI la ya sarba big+h+nan baM hUM ma ma/zhes bzlas pas thub bo// rdo rje phur pa dbyings kyi yum drug gi rgyud las/ bsrung ba'i le'u ste bcu pa'o//// da ni rgyud 'byung bar bstan te/ yang dag pa chos nyid kyi rdo rje/ byang chub kyi 'od zer/ mu kha le chos nyid kyi 'od zer/ 'khor lo rgyas 'debs/ skye med kyi 'od zer/ gnyis su med par 'dug pa 'od zer de ltar bu las byung ba'i rgyud/ shes pa'i rgyud byung ba'i 'od zer/ yum gnyis su med pa las/ gnyis su byung ba'i rgyud/ yum btags su med pa las/ gdags pa mtshan ma'i rgyud/ ma mo byang chub kyi thig le las/ thig le che ba'i rgyud/ ma mo thams cad dbyings shes par thar pa las/ thar pa lam gyi rgyud/ ma mo 'khor ba skye ba med pa las/ 'khor ba bzlog pa'i rgyud/ ma skye ba med pa las/ mo 'gag pa med pa'i rgyud/ ma rigs pa ye shes las/ mo rol ba phyogs med kyi rgyud/ ma spros pa med pa las/ mo sna tshogs kyi rgyud/ ma thig le'i ngo bo las/ mo nam mkha' lta bu'i rgyud/ ma sa gzhi lta bu las/ mo rtsi thog lta bu'i rgyud/ ma yal ga lta bu las/ mo 'bras bu lta bu'i rgyud/ ma nor bu rin po che lta bu las// mo cir yang byung ba'i rgyud// bla med dbyings dang ye shes sbyor ba'i rgyud// byang chub sems yum gyi mkha' la spros pa'i rgyud// yum gyi mkha' la byang chub kyi sa bon bskyed pa'i rgyud// de byang chub kyi mchog yin pa'i rgyud// ma mo snang ba kun tu grol ba'i rgyud// ma mo stong zhing bstan pa'i rgyud// rdo rje nyid las byung ba'i rgyud// phur pa kun la khyab pa'i rgyud// gzhon nu skye shi med pa'i rgyud// thig le nyid kyi ngang las thams cad thabs dang shes rab gnyis su bstan pa'i rgyud/mkha' 'gro mngon du 'dul ba'i rgyud// 'gro drug sgrab pa sbyang pa'i rgyud// bdud dang mu stegs 'dul ba'i rgyud// thams cad rdzogs pa'i rgyud// ma mo ru sgrags pa'i rgyud// rang byung ye shes rtsal 'chang gi rgyud// sems kyi 'khor lo gcig tu 'dus pa'i rgyud// ma rig 'khrul ba gzhi nas spong ba'i rgyud// rgyud rang las byung ba'i rgyud do// rdo rje phur pa dbyings kyi yum drug gi rgyud las/ rgyud byung ba'i le'u ste bcu gcig pa'o//// da ni rgyud gtad pa ru bstan te/ yang dag chos nyid ma skyes pa yi rgyud/ rang rig ye shes gsal ba'i don gyi rgyud// skyo rkyen tshor rkyen sur lus la// rgyud 'di gtad par ma gsungs so// theg pa dman pa'i rnams la// rgyud 'di gtad par ma gsungs so// skye bo rnams la sdig byed cing// man ngag gdeng du med pa/ rdo rje'i rgyud 'de gtad par ma gsungs so// shes rab rno la kha ni smra// rdo rje'i rgyud 'di yongs su gzung bar bya// nogs thub bka' brtan tshig che dam tshig che// rdo rje'i rgyud 'di yongs su gzung bar bya// dpag tshad rgyang grags sgrub pa la// rdo rje'i rgyud 'di yongs su gzung bar bya// sems dang chos nyid dbyings su 'dres pa las// rdo rje'i rgyud 'di yongs su gzung bar bya// yang dag chos nyid rdo rje'i rgyud// dam tshig can la gtad par bya// thams cad sgrol ba'i ma mo'i rgyud// brtson 'grus can la gtad par bya// las dang skal bar ldan pa la// dam chos 'di dang phrad par shog/ bskal ba gsum du spros par gyis// rdo rje phur pa dbyings kyi yum drug gi rgyud las/ rgyud 'byung ba'i le'u bcu gnyis pa'o//// bi to ta ma la 'bum sde'i rgyud las/ ma mo dang khro mo gnyis su med pa la/ ma mo mngon du bkol ba'i rgyud rdzogs so//// rgya gar skad du/ kI la ya a ti tan+t+ra ma hA kra ma/ bod skad du/ phur ba rdzogs pa'i rgyud chen po'i don rnam par phye ba/ rigs lnga bde bar gshegs pa thams cad kyi sras/ dpal 'jigs byed chen po la phyag 'tshal lo// bsgom pa'i kha dog dgongs pa'i don so sor 'jug pa'i 'phrin las so// rdo rje khros pas zhe sdang gcod// nam mkha'i dkyil nas mtshon chen po// sngon po 'bar ba'i thigs pa shar// srog gi go ru shar ba dang// snying gi go ru bsgom par bya// snying rjes bsgral ba'i dam tshig ni// gsod cing gnon pa ma yin te// phung po rdo rje gtams byas nas// rnam par shes pa rdo rjer bsgom// oM badzra kI li kI la ya/ sarba big+h+nan baM hUM phaT/ oM badzra kro d+ha hUM ka ra hUM/ gardza gardza hUM phaT/ oM badzra kro d+hi sha ya bya ti hUM phaT/ badzra u ka ra mu kha he/ badzra sha ya mu ka mu kha te/ oM badzra kro d+ha bi dza ya hUM/ hA na ha na hUM phaT/ oM badzra kro d+hi lA s+ye kha kha hUM phaT/ badzra bya kri mu kha he/ oM badzra kro d+ha mu kha he/ oM badzra kro d+ha nI la daN+Da hUM/ da ha da ha hUM phaT/ oM badzra kro d+hi tri ti dza hUM phaT/ badzra tsa sa ra mu kha he/ badzra kA kA mu kha he/ oM badzra kro d+ha yA man+ta ka hUM/ pa tsa pa tsa hUM phaT/ oM badzra kro d+hi sta na ba sti hUM phaT/ badzra ha ri mu kha he/ badzra hU lu mu kha he/ oM badzra kro d+hi Ar+ya a tsa la hUM/ ban d+ha ban d+ha hUM phaT/ oM badzra kro d+hi mu la ha ha hUM phaT/ badzra byA g+h+ri mu kha he/ badzra ba yi ti mu kha he/ oM badzra kro d+ha h+ya gri ba hUM/ hU lu hu lu hUM phaT/ oM badzra kro d+hi dza ya ti hi hi hUM phaT/ badzra tsa la mu kha he/ badzra pa shi mu kha he/ oM badzra kro d+ha a pa rA dza ti hUM/ tis+tha tis+tha hUM phaT/ oM badzra kro d+ha ha ya gri ba hUM phaT/ badzra shwa na mu kha he/ badzra tsa ta la mu ka he/ oM badzra kro d+ha a mr-i ta kuN+Da li hUM/ tshin d+ha tshin d+ha hUM phaT/ oM kro d+hi ba ya bi hUM phaT/ badzra si d+ha mu kha he/ badzra ting ting la mu kha he/ oM badzra kro d+ha trai lokya bi dza ya hUM/ bin d+ha bin d+ha hUM phaT/ oM badzra kro d+hi mA ra ya hUM phaT/ badzra ta sha mu kha he/ badzra na ku la mu kha he/ oM badzra kro d+ha ma hA ba la hUM/ s+pho Ta s+pho Ta hUM phaT/ oM badzra kro d+hi tsun d+he mu ne hUM phaT/ badzra ra k+sha mu kha he/ badzra ka si la mu ka he/ oM badzra kI li kI lA ya/ ha sa ya ra na ha ta na hUM phaT/ oM badzra kI li kI lA ya/ A be sha ya A be sha ya hUM phaT/ oM badzra kI li kI lA ya/ shi trin a na ya hUM phaT/ oM badzra kI li kI lA ya/ dz+wa la pa ya dz+wa la pa ya hUM phaT/ oM badzra kI li kI lA ya/ ta tha ya/ta tha ya hUM phaT/ oM badzra kI li kI la ya/ bi ta ya bi ta ya hUM phaT/ kI lA ya bco brgyad/ kI lA ya nyi shu rtsa gcig/ kI lA ya bdun/ kI lA ya gcig/ re re la snying po nyi shu rtsa re re/ grangs 'dzin rtsa gcig gis grangs bzungs la/ bzlas nyungs la bstim pa'o// kI la ya rdzogs pa'i rgyud las/ sgom pa'i khog dgongs pa'i don gyi man ngag gi le'u ste dang po'o//// e ma'o/ srid pa'i phur bu bsgrub pa dang// dbang dang dngos grub blang ba'i phyir/ ye shes khro bo gshegs su gsol/ rdo rje gzhon nu'i rigs 'dzin rnams// srid pa rdo rje grub mdzod cig/ srid pa'i rdo rje phur pa'i lha// ye shes khro bo grub par mdzod/ khro bo chen po gshegs nas kyang/ rtags dang mtshan ma bstan pa dang// kI la ya yi dngos grub gsol// ngang nyid rdo rje chos dbyings las// sangs rgyas kun gyi ye shes sku// 'bar ba'i khro bo mi bzad pa// sku yi dbyig tu bdag gyur cig/ ngang nyid rdo rje chos dbyings las// sangs rgyas kun gyi ye shes gsung// 'bar ba'i khro bo mi bzad pa// gsung gi dbyig tu bdag gyur cig/ ngang nyid rdo rje chos dbyings las// sangs rgyas kun gyi ye shes thugs// 'bar ba'i khro bo mi bzad pa// thugs kyi dbyig tu bdag gyur cig/ sku gsung thugs su dbang bskur ro// thabs kyis spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs 'dir gsol cig/ kI la ya rdzogs pa'i rgyud las/ 'phrin las kyi man ngag gi le'u ste gnyis pa'o//// oM badzra kI li kI la ya/ sarba big+h+nan baM hUM phaT/ ces yi ge 'khor lo bskor bas/ lung sum rgyud ye shes sems dpa'i thugs ka nas/ 'od zer 'khor lo bskor nas/ 'od zer sna lnga ru 'phros nas/ srog dag pa'i lam nas byung nas/ tshigs pa'i gsang lam nas zhugs/ lce stengs su byung nas/ na sa nas byung/ g.yon du zhugs nas spyi bo'i klad pa dung khang gi ye shes sems dpa'i thugs ka ru thim nas/ 'od zer 'khor lo ru bskor nas tshangs pa'i ser dkar nas yar 'phros nas/ dbu la rigs lnga yab yum zhugs pa dang/ 'od zer bskul nas yab yum rol pa mdzad pa'i byang chub sems 'od dkar tsar ra ra babs pas/ dung khang nas mar byung ste/ lce stengs nas phar 'phros pas/ mchod pa'i rdzas rnams la thim pas/ mu tig dkar po bzhin dkar ltem ltem gnas pa la/ lha rnams mchod de/ rdo rje gzhon nu rigs 'dzin rnams/ srid pa rdo rje bsgrub mdzod cig/ srid pa rdo rje phur pa'i lha/ ye shes khro bo grub par mdzod// oM badzra kI li kI lA ya/ badzra yag sha kro d+ha kha hi/ zhes len gsum du 'bul lo// rdo rje gzhon nu rigs 'dzin rnams// srid pa rdo rjer grub mdzod cig/srid pa rdo rje phur pa'i lha// ye shes khro bo grub par mdzod// oM badzra kI li kI lA ya// oM badzra yag sha kro d+ha kha hi// oM badzra kro d+ha hUM ka ra hUM/ badzra yag sha kro d+ha kha hi/ oM badzra kro d+hi sha ya bya ti hUM/ badzra yag sha kro d+ha kha hi/ badzra a ka ra mu kha he/ badzra yag sha kro d+ha kha hi/ badzra sha ya mu ka he/ badzra yag sha kro d+ha kha hi/ zhes stobs po che yan chad la'o// phur pa rdzas dam can rigs 'dzin yan chad la de ltar 'bul bar shes par bya'o/ zhes gsungs te/ kI la ya rdzogs pa'i rgyud las/ mchod pa man ngag gi le'u ste gsum pa'o//// nyon cig bgegs dang log 'dren tshogs// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal ba brgya ru khos// nga yi bka' las 'da' ma byed// oM badzra kI li kI lA ya hUM ma ma pa sha ku ru ma taM nya ka ra i na Na ta ti ma ma karma shi krang ke re ya hUM phaT/ bcom ldan 'das rdo rje gzhon nu dang/ ye shes kyi khro bo// sprul pa'i 'phra men ma/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// dbang dang dngos grub kyi bar du gcod pa'i bgegs klad pa tshal pa brgya ru khos cig/ bcom ldan 'das rdo rje gzhon nu dang/ ye shes kyi sprul pa'i 'phra men ma/ srid pa'i phur bu bsgrub pa dang/ dbang dang dngos grub blang ba'i phyir// rdo rje gzhon nu gshegs su gsol// rdo rje gzhon nu gshegs nas kyang// rigs 'dzin bdag cag rnams la ni// rtags dang mtshan ma bstan pa dang// kI lA ya yi dngos grub gsol// oM badzra kI li kI lA ya sarba big+h+nan baM hUM phaT/ ces lan gsum blang ngo// bcom ldan 'das rdo rje gzhon nu dang/ ye shes kyi khro bo// sprul pa'i 'phra men ma/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs kyis/ rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol cig/ bcom ldan 'das rdo rje gzhon nu dang/ hUM ka ra dang rdo rje sgra 'byin ma// sprul pa'i 'phra men ma phag dang smig bu'i mgo/ srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rigs 'dzin bdag cag rnams la ni// rtags dang mtshan ma bstan pa dang// kI lA ya yi dngos grub gsol// oM badzra kI lI kI lA ya sarba big+h+nan baM hUM phaT/ ces dngos grub blang ngo// bcom ldan 'das rdo rje gzhon nu dang/ hUM ka ra dang rdo rje sgra 'byin ma dang/ sprul pa'i 'phra men phag dang smigs bu'i mgo/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs kyis/ rigs 'dzin bdag cag rnams la ni// rtags dang mtshan ma bstan pa dang/ kI la ya yi dngos grub gsol// de bzhin du stobs po che yan chad blang ngo// za byed gsod byed la dngos grub blang ba/ phyag brnyan chen mo'i dus la bab// srid pa'i phur bu bsgrub pa dang// dbang dang dngos grub blang pa'i phyir// phyag brnyen chen po gshegs su gsol/ phyag brnyan chen mo gshegs nas kyang/ rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub stsol// smon lam drag po de bzhin gdab/ srid pa'i phur bu bsgrub pa dang/ dbang dang dngos grub blang ba'i phyir// srid pa'i phur bu gshegs su gsol// srid pa'i phur bu gshegs nas kyang/ rigs 'dzin bdag cag rnams la ni/ rtags dang mtshan ma bstan pa dang// kI la ya yi dngos grub gsol// dam tshig can la dngos grub blang/ shwa na mu kha'i dus la bab/ srid pa'i phur bu bsgrub pa dang/ dbang dang dngos grub blang ba'i phyir/ shwa na mu kha gshegs su gsol// shwa na mu kha gshegs nas kyang// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol// de bzhin rigs 'dzin la dngos grub blang ba ni/ srid pa'i phur bu bsgrub pa dang// dbang dang dngos grub blang ba'i phyir// rigs 'dzin rnam pa gshegs su gsol// rigs 'dzin rnam pa gshigs nas kyang// rigs 'dzin bdag cag rnams la ni// rtags dang mtshan ma bstan pa dang// bcom ldan 'das rdo rje gzhon nu'i rigs 'dzin rnams/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs kyis/ rigs 'dzin bdag cag rnams la ni/ rtags dang mtshan ma bstan pa dang// kI la ya yi dngos grub gsol// zhes gsungs te/ kI la ya rdzogs pa'i rgyud las/ bar chod kyi bgegs bsal ba dang/ dngos grub blang ba'i man ngag gi le'u ste bzhi pa'o//// bsnyen pa rnam pa gsum las/ grangs dang dus dang mtshan ma gsum// grangs la nyin stong mtshan stong dbul// stong tsho re ni thon pa dang// 'dzab bskul 'dzab bstod 'di ltar bya// bcom ldan 'das rdo rje gzhon nu dang/ ye shes kyi khro bo sprul pa'i 'phra men ma/ ngang nyid rdo rje chos dbyings las// sangs rgyas kun gyi ye shes sku// 'bar ba'i khro bo mi bzad pa// sku yi dbyig tu bdag gyur cig/ gsung gi dbyig tu bdag gyur cig/ thugs kyi dbyig tu bdag gyur cig/ kI la ya yi dngos grub gsol// kI la ya rdzogs pa'i rgyud las// bsnyen pa rnam pa gsum gyi thabs dang/ 'dzab bskul dang/ 'dzab bstod gnyis ka'i man ngag gi le'u ste lnga pa'o//// mtshan don bsnyen pa la don brgyad kyis 'dzab bskul dang/'dzab bstod gnyis ka'i man ngag gi le'u ste lnga pa'o//// mtshan don bsnyen pa la don brgyad kyis bstan te// b+ha ga bAn rdo rje gzhon nu dang// ye shes kyi khro bo dang/ sprul pa'i 'phra men ma/ srid pa'i phur bu bsgrub pa dang// dbang dang dngos grub blang ba'i phyir// rdo rje gzhon nu gshegs su gsol// bcom ldan 'das rdo rje gzhon nu dang/ ye shes kyi khro bo/ sprul pa'i 'phra men/ srid pa'i phur bu bsgrub pa dang// dbang dang dngos grub blang ba'i phyir// rdo rje gzhon nu gshegs su gsol// rdo rje gzhon nu gshegs nas kyang// rtags dang mtshan ma bstan pa dang/ kI la ya yi dngos grub stsol// oM badzra kI li kI la ya sarba big+h+nan baM hUM phaT/ ces brgya rtsa brgyad dbul lo// bcom ldan 'das rdo rje gzhon nu dang/ ye shes khro bo/ sprul pa'i 'phra men ma/ rdo rje gzhon nu'i rigs 'dzin rnams// srid pa'i rdo rje grub mdzod cig/ srid pa rdo rje phur pa'i lha// ye shes khro bo grub par 'dod// oM badzra kI la ya/ badzra yag sha kro d+ha kha hi/ zhes lan gsum dbul lo// nyon cig bgegs dang log 'dren tshogs// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tsal pa rgya ru khos// nga yi bka' las 'da' ma byed// oM badzra kI li kI la ya/ hUM ma ma pa shi ku ru ma ma tam nya ka ra i nan 'da' ti ma ma karma shi krang ka re ya hUM phaT/ bcom ldan 'das rdo rje gzhon nu dang/ ye shes kyi khro bo/ sprul pa'i 'phra men ma/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// dbang dang dngos grub kyi bar du gcod pa'i bgegs/ klad pa tshal pa brgya ru khos cig/ bcom ldan 'das rdo rje gzhon nu dang/ ye shes kyi khro bo/ sprul pa'i 'phra men ma/ srid pa'i phur bu bsgrub pa dang// dbang dang dngos grub blang pa'i phyir// rdo rje gzhon nu gshegs su gsol// rdo rje gzhon nu gshegs nas kyang// rigs 'dzin bdag cag rnams la ni// rtags dang mtshan ma bstan pa dang/ kI la ya yi dngos grub gsol// oM badzra kI li kI la ya sarba big+h+nan baM hUM phaT/ ces lan gsum blang ngo// bcom ldan 'das rdo rje gzhon nu dang/ ye shes kyi khro bo// sprul pa'i 'phra men ma/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol cig/ gtso bo'i phur pa blangs la/ bcom ldan 'das rdo rje gzhon nu dang/ ye shes kyi khro bo// sprul pa'i 'phra men ma/ ngang nyid rdo rje chos dbyings la// sangs rgyas kun gyi ye shes sku// 'bar ba'i khro bo mi bzad pa// sku yi dbyig tu bdag skyed cig/ dbang dang byin rlabs 'dir gsol cig/ gsung dang thugs kyang de bzhin no// oM badzra kI li kI la ya/ a be sha ya a be sha ya/ zhes sku gsung thugs su lan gsum phur ba la bstims mo// bcom ldan 'das rdo rje gzhon nu dang/ ye shes kyi khro bo// sprul pa'i 'phra men ma yin// sku gsung thugs su dbang bskur bas/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs kyis/ rigs 'dzin bdag cag rnams la ni// sku yi dbyig tu bdag gyur cig/ dbang dang byin rlabs 'dir gsol cig/ bcom ldan 'das rdo rje gzhon nu dang hUM kA ra dang rdo rje sgra 'byin ma/ sprul pa'i 'phra men phag dang smigs bu'i mgo/ srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol// bcom ldan 'das rdo rje gzhon nu dang/ hUM kA ra dang rdo rje sgra 'byin ma// srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub gsol// de nas rtsa sngags brgya rtsa brgyad dbul/ bcom ldan 'das rdo rje gzhon nu dang/ hUM kA ra dang rdo rje sgra 'byin ma dang/ sprul pa'i 'phra men ma phag dang smigs bu'i mgo/ rdo rje gzhon nu'i rigs 'dzin rnams/ srid pa rdo rje grub par mdzod// srid pa rdo rje phur pa'i lha// ye shes khro bo grub par mdzod// oM badzra kI li kI la ya/ badzra yag sha kro d+ha khA hi/ oM badzra kro d+ha hUM ka ra hUM/ badzra yag sha kro d+ha khA hi/ oM badzra kro d+hi sha ya bya ti hUM/ badzra yag sha kro d+ha khA hi/ badzra u ka ra mu ka he/ badzra yag sha kro d+ha khA hi/ badzra shA ya mu ka hi/ badzra yag sha kro d+ha khA hi/ zhes lan gsum gsum dbul lo// nyon cig bgegs dang logs 'dren tshogs// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nga yi bka' las 'da' ma byed// oM badzra kI li kI la ya/ hUM ma ma pa shaM ku ru ma taM nya ka ra i dan da ti ma ma karma shi krang ka rnyed ya hUM phaT/bcom ldan 'das rdo rje gzhon nu dang/ hUM ka ra dang rdo rje sgra 'byin ma dang/ sprul pa'i 'phra men ma phag dang smigs bu'i mgo/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// dbang dang dngos grub la bar du gcod pa'i bgegs/ klad pa tshal pa brgya ru khos cig/ bcom ldan 'das rdo rje gzhon nu dang/ hUM ka ra dang rdo rje sgra 'byin ma sprul pa'i 'phra men ma phag dang smigs bu'i mgo/ srid pa'i phur bu bsgrub pa dang// dbang dang dngos grub blang ba'i phyir/ ye shes khro bo chen po gshegs su gsol/khro bo chen po gshegs nas kyang// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol// oM badzra kI li kI la ya sarba big+h+nan baM hUM phaT/ ces lan gsum gsum blang ngo// bcom ldan 'das rdo rje gzhon nu dang/ hUM ka ra dang rdo rje sgra 'byin ma dang/ sprul pa'i 'phra men ma phag dang smigs bu'i mgo/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// rigs 'dzin bdag cag rnams la ni// rtags dang mtshan ma bstan pa dang// kI la ya yi dngos grub gsol// bcom ldan 'das rdo rje gzhon nu dang// hUM ka ra dang rdo rje sgra 'byin ma dang// sprul pa'i 'phra men ma phag dang smigs bu'i mgo/ ngang nyid rdo rje chos dbyings las// sangs rgyas kun gyi ye shes sku// 'bar ba'i khro bo mi bzad pa// sku yi dbyig tu bdag gyur cig/ dbang dang byin rlabs 'dir gsol cig/ gsung dang thugs kyang de bzhin no// oM badzra kI li kI la ya a be sha ya a a/ zhes sku gsung thugs la lan gsum gsum phur pa bstim mo// bcom ldan 'das rdo rje gzhon nu dang/ hUM ka ra dang rdo rje sgra 'byin ma/ sprul pa'i 'phra men phag dang smigs bu'i mgo/ sku gsung thugs su dbang bskur bas/ chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// rigs 'dzin bdag cag rnams la ni// sku yi dbyig tu bdag gyur cig/ gsung gi dbyig tu bdag gyur cig/ thugs kyi dbyig tu bdag gyur cig/ dbang dang byin rlabs 'dir gsol cig/ ces smon lam gdab bo// zhes gsungs te/ kI la ya rdzogs pa'i rgyud las/ lha re re don brgyad brgyad du phye ba'i man ngag gi le'u ste drug pa'o//// dkyil 'khor bsdu ba tha ma'i hUM re phaT re sbrags te spros pas/ khams gsum hUM gis byang chub sems su khengs/ de yang hUM nyi shu rtsa gcig tu'o// de yang hUM bcu gcig pa'o// de yang hUM gsum du'o// de yang g.yas g.yon gnyis dbu ma la 'dus/ de yang zhabs skyed nas yar rim gyis 'dus nas/ thig le la 'dus/ de las 'od dum bu gsum du chad de/ dkar po sran ma tsam cig/ dmar po sran ma tsam cig/ mthing kha nas tsam cig dang gsum du gyur to// mtshon gyi gru gu bzhin du gnas pa las/ 'od zer je chung je chung la bun gyis yungs kar til tsam las skye med du bskyal ba ni/ rdzogs rim mthar phyin pa'i man ngag go/ zhes gsungs so// kI la ya rdzogs pa'i rgyud las/ dkyil 'khor bsdu ba'i man ngag gi thig le'i le'u ste bdun pa'o//// da ni drag po'i las kyi dgos don 'byung ste/ gab pa'i sdom pa bzung ba bstan pa dang// gzir gnon drag pos brdung ba dang// dam can gnad la dbab pa dang/ snying po drag po bzlas pa dang// rtsa ba khams gsum bsgral ba dang// bsgral nas mchod par bstab pa dang// bkrag mdangs phrogs/ tshe lung bstan/ phur pa brgya rtsa brgyad dam/ nyi shu rtsa gcig gam/ bcu gcig gam/ bdun nam/ gcig gam/ du'ang rung ste/ byin gyis brlabs par bya ste/ sgra'i yi ge bcu gcig dang/ sgra'i yi ge dgu dag dang/ bskul ba las kyi gsang sngags kyis/ phur pa byin gyis brlab par bya ste/ oM badzra kI li kI la ya sarba big+h+nan baM hUM phaT/ oM badzra kro d+ha hUM ka ra hUM/ gardza gardza hUM phaT/ oM badzra kro d+ha bi dza hUM/ ha na ha na hUM phaT/ oM badzra kro d+ha nI la daN+Da hUM/ da ha da ha hUM phaT/ oM badzra kro d+ha ya mAn ta ka hUM/ pa tsa pa tsa hUM phaT/ oM badzra kro d+ha Ar+ya a tsa la hUM/ ban+d+ha ban+d+ha hUM phaT/ oM badzra kro d+ha ha ya gri ba hUM/ hu lu hu lu hUM phaT/ oM badzra kro d+ha a par rA dzi ta hUM/ tiSh+Tha tiSh+Tha hUM phaT/ oM badzra kro d+ha a mr-i kuN+Da li hUM/ tsin+d+ha tsin+d+ha hUM phaT/ oM badzra kro d+ha hrai lo kya bi dza ya hUM/ bin d+ha bin d+ha hUM phaT/ oM badzra kro d+ha ma hA ba la hUM/ s+pho Ta s+pho Ta hUM phaT/ oM badzra kI li kI la ya/ ta tha ya ta tha ya hUM phaT/ oM badzra kI li kI li ya/ ha sa ya ra na ha ta na hUM phaT/ oM badzra kI li kI la/ shi krin a na ya hUM phaT/ oM badzra kI li kI la ya/ dz+wa lA pa ya dz+wa lA pa ya hUM phaT/ oM badzra kI li kI la ya/ A be sha ya A be sha ya A be sha ya hUM phaT/ oM badzra kI li kI la ya/ bi d+ha ya bi d+ha ya hUM phaT/ oM laM hUM laM/ staM pa nan/ mo ha g+ha ya/ b+ha ga ban/ shi kri byi kri shi badzra hUM kA ra hUM hUM phaT phaT/ badzra kI li kI la ya/ dzaH hUM baM ho/ sarba big+h+nAn badzra kI li kI la ya hUM hUM phaT phaT/ badzra hUM kA ra hUM phaT/ hUM kA ra hUM a/ snying po nyi shu rtsa gcig la/ grangs 'dzin gyis grangs bzung la/ sras mchog re re la nyi shu rtsa re re rdzogs par bstim mo// gang la'ang thogs pa med pa'i mthu stobs dang ldan par 'gyur ro// kI la ya rdzogs pa'i rgyud las/ phur pa byin gyis brlab cing gzi byin bskyed pa'i man ngag gi le'u ste brgyad pa'o//// dam tshig chen po'i dus chen po'i dus la bab/ sprul pa chen po'i 'dus la bab// phyag brnyan chen po'i dus la bab/ khyed kyi 'phrin las dus la bab// sho na mu kha'i dus la bab// bdag nyid chen po'i dus la bab// sa bdag chen mo'i dus la bab// mthun rtsal dbyung ba'i dus la bab/ ces don grub tu dgrol ba'i dgongs pa dgrol lo// kI la ya rdzogs pa'i rgyud las/ dus la bab pa'i man ngag gi le'u ste dgu pa'o//// brnag pa de kho na la'o zhes rgyu brgyud la ling ga bcas la/ dbye dgug gi las bstan te/ mthu dbrog gu gul grogs dang dbral// zhes bya ste/ seng ldeng phur pa dri zhing/ oM badzra kI li kI la ya ha sa ya ra ha ta na ya hUM phaT/ces brgyad brgya thim nas 'phrin las bya ste/ dam tshig chen po'i dus la bab// sprul pa chen po'i dus la bab// phyag brnyan chen mo'i dus la bab/ khyed kyi 'phrin las dus la bab// sho na mu kha'i dus la bab// bdag nyid chen mo'i dus la bab// sa bdag chen mo'i dus la bab// mthu rtsal dbyung ba'i dus la bab// byang chub sems tu sems bskyed cing// sdug bsngal nyams su myong bar mdzod// bran dang bka' nyan pho nya'i tshogs// myur du mdzod cig brjod la ni// dngos grub bar chad byed ba'i bgegs// sdug cing sdang sems ldan pa rnams// rtogs shig grogs dang bral bar gyis// bden pa bzhi pa brjod par bya// brnag pa de kho na rtogs shig/ grogs dang bral bar gyis shig/ ces smon lam gdab bo// mngag dgug bsnyen phur dbab pa dang// de ltar de bzhin gdam ngag sbyar// dbang du bsdu ba sngon dmar bcings// de ltar de bzhin gdam ngag sbyar// bsdig phur kha thaM tho bas brtag/ de ltar de bzhin gdam ngag sbyar// zil gnon mda' dug rmig smra// de ltar de bzhin gdam ngag sbyar// rtags phyir drag po dam rdzas bsgo ba'i bka' nyan byed// gab sbas klong gi rus sbal yan lag 'dra/ gdam ngag rin chen dag la dris// kI la ya rdzogs pa'i rgyud las/ mi bzad pa'i phur bu bdun stod kyi klong drug la sbyar ba dang/ phan gnod kyi smon lam btab pa'i le'u ste bcu pa'o//// gsal ba rnam gsum ldan byas shing/ khrus lung rnam gsum// rdzogs byas nas// rnam shes rten ni brtag par bya// zhes 'byung ste/ dngas ma'i gnad bdun ji lta bzhin du rtogs par byas la/ mi bzad pa'i phur pa bdun dngas ma bdun la btab par bya ste/ rtags phyin drag po'i sras mchog gis// tshe yi dngas ma rten phral nas// gti mug rtsad nas gcod pa'i mthu// zhes 'byung ste/ lcags phur dril zhing/ dam tshig chen po'i dus la bab// sprul pa chen po'i dus la bab// phyag brnyan chen po'i dus la bab/ khyed kyi 'phrin las dus la bab// sho na mu ka'i dus la bab// bdag nyid chen po'i dus la bab// sa bdag chen mo'i dus la bab// mthu rtsal dbyung ba'i dus la bab// byang chub mchog tu sems bskyed cing/ khams gsum rgyal ba'i gdung 'tshob pa'i// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// dngos grub bar chod byed pa'i bgegs// gdug cig sdang sems ldan pa rnams// zung zhig rgyob cig rnam par thob// oM badzra kI li kI la ya/ nri mA ra ya hUM phaT/ oM laM nas a/ zhes tshe'i dngas ma la dbab bo/ khab len rdo la lcags rnams 'dus pa bzhin// bkrag mdangs phrogs nas tshe lung bstan par bya'o// kun la de bzhin gdam ngag sbyar// mthu dbrog phur pas sras mchog gis/ khrag gi dngas ma gnad sleb nas// 'dod chags rtsad nas gcod pa'i mthu// de ltar de bzhin gdam ngag sbyar// mngags pa'i phur pa sras mchog gis// dbugs kyi dngas ma'i rta bsgral nas// phrag dog rtsad nas gcod pa'i mthu// de ltar de bzhin gdam ngag sbyar// bsdigs pa'i phur pa sras mchog gis// 'od mdangs sems kyis gnas skabs nas// nga rgyal rtsad nas gcod pa'i mthu// zil gnon phur pa sras mchog gis// rtsa dang kun gzhi rten phrag nas// zhe sdang rtsad nas gcod pa'i mthu// dbang gi phur pa sras mchog gis// rgyu bzhi gnas sreg pa'i mthu// bsnyen pa'i phur pa sras mchog gis// 'byung ba kun gyi rten phral bseg pa'i mthu// kun la gong bzhin gdam ngag sbyar// gcig tu dril ba'i gdam ngag ni// ag shog pa'i rgya deb brtsegs 'dra la// gdan bdun gcig tu dril ba la// sol mal lcags 'dra sra rno yis// skad gcig ma yi drangs yod kyi// dus gcig thog rdzig rlang phab gnad slebs pas// kun gyi rten phral tshe lung rnam pa gnyis/ brnag pa'i tshe lung 'og min gnas gsum mo// zhes gsungs te// kI la ya rdzogs pa'i rgyud las/ mi bzad pa'i phur pa bdun gnad bdun la dbab pa'i phur gcig mas gnad bdun dral ba la gdab pa// man ngag gi le'u ste bcu gcig pa'o//// dkyil 'khor gru bzhi lham pa la// hoM lnga yang thog rtseg mar brtsig/ gru bzhi 'phrin las rgyas pa'i hoM/ tshe dang dbang thang rgyas pa'i phyir// b+ha ga yum gyi mkha' la brtsig/ zlum po zhi ba chen po'i hoM// dgra bgegs ma lus zhi ba'i phyir// ma bskyed thig le chen por brtsig/ zla gam dmar po dbang gi hoM// dgra bgegs dbang du bsdu ba'i phyir// stong gsum yum gyi mkha' la brtsig// gru gsum mthing nag drag po'i hoM// dgra bgegs dug gsum sreg pa'i phyir// dur khrod chen po'i klong du brtsig/ me re khro bo 'bar ba'i hoM// dgra bgegs ma lus bsregs phyir bri// tsher ma can gyi shing rnams dang// dug shing gdug pa can rnams dang// gsang ba'i shag pa bcu gsum la// dkyil 'khor rnams gsum gsang sngags la// nri tri bar du bcug la ni// mo ha 'ga' yang bri bar bya// lcags thag gis ni bsdams la ni// gru gsum nang du bzhugs su gsol// bcu drug ni dang bcas pa yis// brgya dang stong du bsreg phyir bsham// ka pA la yi nang du ni// sha yi rim pa mngar byas la// bsnyen pa'i gsang sngags 'di ltar bzlas// oM badzra kI li kI la ya/ ta tha ya ta tha ya hUM phaT/ ha sa ya ra ha ta na hUM phaT// shi krin a na ya hUM phaT/ dz+wa lA pa ya dz+wa lA pa ya hUM phaT/ a be sha ya a be sha ya hUM phaT/ byi ta ya byi ta ya hUM phaT// oM laM hUM staM pa nan/ mo ha g+ga ya b+ha ga ban/ shi kri bi kri/ shi badzra hUM ka ra hUM hUM phaT phaT/ kI li kI li kI la ya kI la ya/ dzaHhUM baM ho/ sarba big+h+nAn badzra kI la ya hUM hUM phaT/ badzra hUM ka ra hUM phaT/ hUM kA ra hUM a/ zhes brgya rtsa brgyad thon nas 'phrin las bya ste/ smad kyi stod kyi dang po'i dkyus tshig drug/ smad kyi stod kyi bar gyi dkyus tshig bcu gcig dang// smad kyi stod kyi tha ma'i dkyus tshig gnyis/ smad kyi stod kyi tha ma'i gsang sngags dkyus tshig gnyis pa la// sbyor ba gsum gyis gdab par bya// gnang bdun gcig tu gdam ngag sbyar/ de ltar de bzhin pu tsa'o// smad kyi stod kyi dang po dkyus tshig drug/ smad kyi stod kyi bar gyi dkyus tshig bcu gcig/ smad kyi stod kyi tha ma'i dkyus tshig dang po gnyis// smad kyi smad kyi bar ma'i dkyus tshig gsum// stod kyi skor tshoms gsum dag la// gsang sngags bcu gcig re re la// skor tshoms lnga yi gsang sngags la// mtshan ma ming du bcas pa ni// re re la ni bcu drug go/ bcu drug re re la brgya ni rtsa brgyad kyis// rdo rje me dbal snying sreg go/ smad kyi smad kyi dkyus tshig lngas// smon lam drag po de bzhin no// dam tshig chen po'i dus la bab// sprul pa chen po'i dus la bab// phyag brnyan chen mo'i dus la bab/ khyed kyi 'phrin las dus la bab// byang chub mchog tu sems bskyed nas// sdug bsngal nyams su myong bar mdzod// dngos grub bar chad byed pa'i bgegs// sdug cing sdang sems ldan pa rnams// rdungs shig rdo rje 'bar ba'i gtun/ bka' las 'da' byed sdig can rnams// rdo rje me dbal snying bsregs nas// lus ngag rdul phran bzhin du lhogs// oM badzra kI li kI la ya/ badzra ya k+sha kro d+ha khA hi/ zhes lan gsum du dbul/ bden pa gsum btang ngo// a bi tsar+ya'i dus la bab pa'i brnag pa 'di kho na'o// rdo rje me dbal snying bsregs nas// lus ngag rdul phran bzhin du lhogs// ces smon lam drag po de bzhin gdab// de ltar de ltar gtso bo la/ pU tsa lan bcu drug rdzogs par dbul/ yang ling ga la phur pa btab la/ ka pA la yi nang du ni// sha yi rim pa mngar byas la// bsnyen pa rtsa brgyad gong ltar dbul// drug gi stong gsum dkyus tshig bcu gcig btang// smad kyi stod kyi tha ma'i dkyus tshig dang po// thun mong tshig gnyis btang// smad kyi mthar gnas dkyus tshig bzhi// tha ma'i dkyus tshig lnga po la// smad kyi smad kyi tha ma'i dkyus tshig 'og ma gnyis// de ltar de bzhin 'phrin las gdam ngag sbyar// oM badzra kI li kI la ya badzra yag sha kro d+ha khA hi/ oM badzra kro d+ha hUM ka ra hUM badzra yag+sha kro khA hi/ oM badzra kro d+hi sha ya bya sti badzra yag+sha kro khA hi/ badzra u ka ra mu ka he/ badzra yag+sha kro d+ha khA hi/ badzra sha ya mu ka te/ badzra yag+sha kro d+ha khA hi/ zhes bcu drug rdzogs par dbul lo// de bzhin du khro bo bcu dang phur pa rdzas yan chad dbul lo// smad kyi mthar gnas dkyus tshig sngas// smad kyi smad kyi tha ma'i tha ma'i dkyus tshig 'og ma gnyis// smon lam drag po de bzhin gdab// da ni dam can rnams la dbul te// oM badzra kI li kI la ya mu ru mu ru ka tang ka ye/ dza ye bi dza ye/ a tsi te a tsa ra tsi ta ma ra sa ra pra marta ni ye/ sarba big+h+nAn baM hUM phaT/ ces sha sna dang ling ro/ kun ka pA lar bsogs la/ bsnyen pa brgya rtsa brgyad thon pa dang/ shwa na mu kha'i dus la bab// bdag nyid chen mo'i dus la bab// sa bdag chen mo'i dus la bab// mthu rtsal dbyung ba'i dus la bab// bran dang pho nya bka' nyan tshogs/ khyed kyi dam tshig dus la bab// sngon chad ji ltar dam bca' ba// mngon spyod 'phrin las myur du mdzod// dngos grub bar chad byed pa'i bgegs// sdug cing sdang sems ldan pa rnams// rdungs shig rdo rje 'bar ba'i gtun// bka' las 'da' byed sdig can rnams// rdo rje me dpal snying bsregs nas// lus ngag rdul phran bzhin du lhogs// shwa na mu kha badzra yag+sha kro d+ha khA hi/ bden pa gsum brdar/ a bi tsa r+ya'i dus la bab pa brnag pa de kho na la'o// rdo rje me dbal snying bsregs nas// lus ngag rdul phran bzhin du lhogs/ zhes yo la sbyar ro// de bzhin du dam can gsum ka la bcu drug bcu drug rdzogs par dbul lo// ming byang la phur pa btab nas kyang// bsreg rdzas kun dang sbrags nas su/ ka pA la'i nang du bgrangs te bsregs pa na/ gzas pa po mod la gag pas 'chi/ mdze nad gag nad gzer nad tsha ba'i nad dang snying gas nad// lkugs nad 'chi dang skye rgyun 'chad// smyos brgyal 'bog dang rten dag dbral// sgrub mchog dngos grub chen po thob// de ltar 'dod pa'i bya ba bsgrub pa kun 'grub bo// zhes gsungs so// kI la ya rdzogs pa'i rgyud las// gdug pa can bsreg pa'i man ngag gi le'u ste bcu gnyis pa'o//// zor gyi dkyil 'khor gzhung bzhin brtsig/ thig dang chag chag gzhung bzhin bya// mon ni las byung thod pa ru// yungs kar yungs nag ske tshe mtshe// mche ba can dag mchu skug khrag/ gshed po mi ra khyi yi khrag/ dug dug sna tshogs pa dang ni// da du ra dang lug mig pa/ khrag 'bum dang ni khris khrag dang// mu zi nag po myos rims khrag/yul mkhar sa dang mtshon phab sa// skyed mda' skyer zor phur pa bdun// gsang ba'i rdzas ni de rnams la// smad kyi stod kyi mthar gnas drag sngags dang// smad kyi smad kyi drag sngags dang// dgra yi yi ge dgu 'am bcu gcig la// bskul ba las kyi drag sngags sbyar// mon thod 'brub khung nang bcug la/ khrag sna dug sna kun sbyar la// de nas ling ga gzhung bzhin bya// dbye dgug byas gzhug gzhung bzhin bya// de nas mon thod kha gcad la// gsang sngags brgya rtsa brgyad thim nas// ling ga la ni thun du brab// de nas 'phrin las thabs re bya// dam tshig chen po drug ka dus la bab// bran dang pho nya bka' nyan sbyar// byang chub mchog tu sems bskyed pa'i// de ltar de bzhin rjes su sbyar// dngos grub bar chad tshig gnyis sbyar// rdo rje gsang ba'i bka' las ni// de ltar de bzhin rjes su bya// chos nyid bden pa zhes pa nas/ brnag pa 'di ka klad pa tshal ba brgyar khos cig/ ces na smos lam drag po gdab// de ltar bsgrubs pa'i 'bras bu ni/ khrag gzer dang ni mdze rims dang// myos rims dang ni rlabs nad dang// lkugs pa dang ni myos pa dang// 'bog pa dang ni brgyal ba dang// 'brum bu dang ni mkhris nad dang// pho lhog dang ni rlang thabs dang// skran 'bras dang ni khrag zhar nang// rims nad yam nad yul 'khor 'tshor// mtshon phab kyis ni 'chi bar 'gyur// zhes gsungs te/ kI la ya rdzogs pa'i rgyud las/ zor gyi 'phrin las kyi man ngag gi le'u ste bcu gsum pa'o//// phur pa bdun tsho re re la// stod kyi gu ya man tra bcu gcig dang// smad kyi stod kyi tha ma'i ku ya man tra ni// drug po dag ni btu bar bya// smad kyi stod kyi karma man tra yis// bco brgyad dag gis byin gyis brlabs// snying po nyi shu rtsa gcig dang// grangs 'dzin rtsa gcig grangs gzungs la// bzlas nyungs kyis ni bstim par bya// rdzas grag gsum gyis brdeg dug byug/ byin brlabs gzi byin bskyed par bya// smad kyi stod kyis dang po gnad la dbab pa drug/ smad kyi stod kyi bar gyi dkyud tshig bcu gcig dang// smad kyi stod kyi mthar gnas dkyus tshig bzhi// smad kyi stod kyi tha ma'i dkyus tshig gnyis// ngo mtshar tshig drug re re yis// dgug bstim byad gzhung rim bzhin bya// stod kyi skor tshoms bar dag gi/ bcu gcig dang ni nyi shu gcig/ smad kyi stod kyi mthar gnas kyi// gnad gcod pa ni drag sngags dang// smad kyi stod kyi tha ma'i gsang sngags la// bskul ba las kyi gsang sngags kyis// gnad chen re la bdun tsho re// smad kyi smad kyi dang po'i sngags// smad kyi smad kyi bar ma yis// gdams ngag tu ni shes par bya// gnad ni bco brgyad dag tu ni/ khro bo chen po bcu po yis// bdun tsho bco lnga thebs par gdab// smad kyi stod kyi mthar gnas kyi// sku gsung thugs kyi sngags kyis ni// rkyang pa gsum po thebs par gdab// smad kyi stod kyi dang po'o// bab drug mchong dang bcas pa la// smad kyi stod kyi bar gyi dkyus tshig bcu gcig dang// dngos grub bar chad byed pa'i bgegs// gdug cing sdang sems ldan pa rnams// zung zhig rgyob cig rnam par phob// oM badzra kI li kI la ya// ha na ha na nri ma ra ya hUM phaT/ oM laM hUM laM A zhes/ sna bug gnyis su bdun tsho re// bskyar zhing bskyar zhing gdab par bya// de bzhin mig dang rna ba gnyis// mgo bo lce dang lte ba snying// dpyi mig gnyis dang dpung mgo gnyis// gsang gnas rnams su bdun tsho re// yid dang rnam shes kun gzhi gsum// rkyang pa gsum po re re gdab// de ltar gnad gcod bco brgyad du// mnan phur brgya ni rtsa brgyad do// gnad mig sleb par gdab par bya// ban d+ha mu kar mnan pa ni// gshed kyi thod chen dag dang ni// rten po yi ni thod pa dang// rabs chad glen lkugs thod pa dang// pho ro 'ug pa'i thod pa dang// gla ba wa yi thod pa dang// seng ge spyang ki'i thod pa dang// dre'u nag po'i thod pa dang// grum khyi nag po'i thod pa dang// spre'u sre mo'i thod pa dang// srin bya sreg pa'i thod pa dang// de rnams so so'i bya ba bsgrub// rdo ba gnyis la brus la ni// thod chen la sogs shong bar 'bru// de yi nang du rdzas rnams gzhug/ thod chen la sogs them yig bri// rdo ba dag la them yig bri// sbyor ba rnam gsum them par gzhug/ rgya skyegs mtshal chen sbyar la ni// rdo ba'i gzugs la sbal pa bri// sbal pa nag po dmar thig can// la ba bse yis bsku bar bya// lcags gzer dag gis gdab par bya// klu chen gnas pa'i rgya mtsho 'am// byang du gnas pa'i klu chen la// de yi steng du mnan par bya// ting 'dzin sngags dang 'phrin las gsum// smon lam drag po de bzhin gdab// brnag pa'i gzas pa du chud pa// rnam par thar med lus srog 'jig/ gu ru rdo rje'i sku dgra dang// rnal 'byor yongs kyi spyi dgra dang// dkon mchog bstan pa 'jigs pa dang// dam tshig nyams pa bdun po rnams// de rnams nyams na bstan pa gnyan// lta spyod glang po spyad na tshogs su 'gyur// tshegs phran tsam la glang po spyad gyur na// rang gi srog za rdo rje dmyal bar ltung// zhes kI la ya rdzogs pa'i rgyud las// mnan phur brgya rtsa brgyad kyi gdug pa can gnan pa'i man ngag gi le'u ste bcu bzhi pa'o//// smad kyi mthar gnas la don bcus bstan te// rdungs shig rdo rje 'bar ba'i gtun// bka' las 'da' byed sdig can rnams// rdo rje me dbal snying bsregs nas// lus ngag rdul phran bzhin du lhogs// zhes pa ni hom nag po cho ga'o/ khro mo 'bar ba'i gtun khung du// rdo rje tho pas brdung byas nas// lha yang rung ste bsgral bar bya'o// badzra yag+sha kro d+ha khA hi/ zhes khams gsum dus gcig tu bsgral nas ni/ bsgral ba'i mchod pa bstan pa'o// khro mo 'bar ba'i gtun khung du// rdo rje tho bas brdungs byas nas// lha yang rung ste bsgral bar bya/ kha thaM kha thaM kha thaM/ hUM hUM hUM/ phaT phaT phaT/ ha ha ha/ zhes gtan 'pho ba'i 'phrin las ni// lhag ma ma lus par skur ston nas// bo d+hi sems kyi man ngag ni// rnam pa bzhi ru bstan pa'o/ khro mo 'bar ba'i gtun khung nas// hUM gsum phaT gsum par ma yin// rin chen rnam gsum man ngag bstan// chos nyid kyi bden pa'o// sangs rgyas kyi mthu'o// gsang sngags kyi byin gyi rlabs so// a bi rtsar+ya'i dus la bab pa'o// phan gnod smon lam gdab pa'o// brnag pa de kho na la'o zhes// ling ga bco ba'i rgyu brgyad bstan pa'o// kI la kI la ya nyi shu rtsa gcig gis/ snying po nyi shu rtsa gcig gis/ phur bu gso zhing gzi byin bskyed pa bstan pa'o// kI li kI la ya bco brgyad kyis// gnad bco brgyad la gdab pa bstan pa'o// dkar nag mtshams su zhes pas/ gnad bdun la phur pa bdun so sor gdab/ gnad bdun gcig tu dril ba la/ phur gcig mas gdab pa bstan pa'o// hUM hUM hUM phaT phaT phaT/ ces pas/ sku mchog legs pa rgyun gyi ting nge 'dzin/ he ru ka las kyi rgyal po'o// zhes gsungs te/ phur pa rdzogs pa'i rgyud las/ mthar gnas kyi don rnam par phyi ba'i man ngag gi le'u ste bco lnga pa'o//// u rgyan gyi slob dpon chen po pad+ma thod 'phreng dang/ sgyur byed kyi lo tsa ba mang yul gyi lce ku ku rA dza dang/ bod kyi lots+tsha ba brang ti dza ya rak+Shi tas/ bsam yas kyi mchims bu yang rdzong du bsgyur cing gtan la phab nas/ mkhar chen bza' mtsho rgyal la/ rgyud 'grel thams cad kyi bcud phyung nas/ rdzogs pa'i rgyud dril te yun gyi btsas su bzhag go/// rgya gar skad du/ kI la ya tan+t+ra a ti mahA a kram/ bod skad du/ phur pa rdzogs pa'i rgyud chen po'i don rim par phye ba/ rig lnga bde bar gshegs pa thams cad kyi sras/ bcom ldan 'das 'jigs byed chen po la phyag 'tshal lo// 'di skad bshad pa'i dus gcig na/ bcom ldan 'das 'jigs byed chen po badzra kI la ya/ kun gzhi kun tu bzang mo btsun mo yab yum gyi b+ha ga na/yid kun tu bzang mo ye shes 'khor dang bcas pa rnams/ dbyings dang ye shes gnyis su med par lhun gyis grub par bzhugs so// drag po mthing nag 'bar ba'i nang nas/ badzra bcom ldan 'das badzra kI la ya bzhengs nas/gdug pa can thams cad gdul ba dang/ dregs ba can gdul ba dang/ sangs rgyas kyi bstan pa la gnod pa thams cad tshar gcod pa'i phyir/ drag tu drag po mi g.yo ba dpung rnam par 'joms pa zhes bya ba'i ting nge 'dzin la snyoms par zhugs nas/chos nyid zhi bas 'dul ba'i skabs la ma bab ste/ thabs mkhas pa drag po'i 'phrin las kyis 'dul ba gzigs nas/ sku rab tu khros pa mi bzad pa bstan pa'i phyir// sku gsung thugs las gsang ba'i sngags 'di phyung ngo// oM badzra kI li kI la ya/ sarba big+h+nAn baM hUM phaT/ ces brjod pas rab tu khros pa'i ting nge 'dzin la snyoms par zhugs nas/skye ba med pa las skye ba'i cho 'phrul/ dbu dgu phyag bcu pa/ zhabs bar+g+rad pa/ spyan zlog pa/ mche ba gtsigs pa/ sku gsung thugs shin tu mi bzad pa gcig tu gyur to// rab tu mi bzad pa'i thugs ka nas/ gsang ba'i sngags 'di phyung ste/ a hUM raM yaM khaM/ e yaM ra su keM ban da bruM/ zhes 'thon te sbyang bskyur/ ye shes kyi cho 'phrul du bsgyur ro// nyid kyi sku las kyang tib ta tsakra zhes/ 'khor ba rgyas 'debs ma g.yon du 'thon no// yab yum gnyis su med pa'i byang chub kyi sems las/ sras mchog rdo rje tho ba dang// lcags kyu can grangs mes pas/ oM badzra kI li kI la ya/ dza dza hUM phaT phaT/ sti ra baM kI la ya sod choms rtogs/ thabs shes rab las/ cha 'dzin nyi shu phyung/ dbyings dang ye shes gnyis su med pa'i byang chub kyi sems nyi shu phyung/ de las byang chub kyi sems grangs med bsam gyis mi khyab pa phyung ste/ yid la dran pa'i snying po brjod pa btsam gyis/ nyi zer la ser ba bab pa bzhin du sprul pa'i sku byung ste/ de ci'i phyir zhe na/ lha dang/ klu dang/ lha ma yin dang/ nam mkha' lding dang/ mi'am ci dang/ lho 'phye chen po dang/ gnod sbyin chen po dang/ yi dwags dang/ sha za dang/ dri za dang/ 'byung po dang/ skem byed dang/ brjed byed dang/ smyo byed dang/ lha chen po rnams dang/ phyogs skyong ba bcu dang/ mkha' 'gro la sogs pa rnams/ thams cad gti mug gi dbang gis// las rgyu 'bras kyi don ma rtogs shing// mtshan ma med pa dang rnam par bral te// mtshan ma can la mngon par chags pas// ngan song gsum du'ang bskal pa mang por sdug bsngal zhing// mi bde ba nyams su myong nas/ las kyi 'bras bu las kyi srin por skyes nas// rgyu mthun pa'i dbang gis// shin tu 'jigs shing rngam pa dang/ mi sdug pa dang/ dri nga ba dang/ dregs pa can gyis sogs pa'i gzugs su byung nas/ sems can thams cad la 'tshe bar byed/ mdangs 'phrog par ba byed/ gnod par byed/ bred skad 'don par byed/ yid mi bde bar byed/ 'khrug par byed/ mya ngan du byed/srog dang 'bral bar byed/ 'joms par byed pa rnams btags shing bsgral lo// de nas 'jigs byed chen pos/ dregs pa'i 'bras bu rgya mtsho tsam zhal du brngubs so// de nas badzra kI la ya'i 'od re lus la bstim pas/ brgyal 'bog bcom ste/ brgyal sangs nas dran pa rnyed de/ badzra kI la ya yi yang dag pa'i bden pa mthong ngo// de'i tshe gdug pa can dbyings ye shes gnyis su med par bcug pas de'i tshe de'i dus su/ phyogs bcu'i ye shes kyi khro bo dang/ dbyings kyi khro mo las/ dbyings dang ye shes gnyis su med pa'i byang chub kyi sems/ gti mug byang chub kyi sems la sogs pa'o// mtshan nyid thob pa'o// 'jigs byed chen po'i byin rlabs las// karma shrI he ru ka zhes pas/ khro bo karma he ru ka sku ljang nag/ sku gsung thugs nyid las mi zhan pa 'thon to// thugs ka nas kyang sras mchog stod zhal gsum phyag drug la/ smad lcags phur zur gsum pa grangs med pa 'thon to// sngon gyi thugs dam gyi dbang gis/ phyogs bcu'i sangs rgyas rnams kyang thugs dam rjes su dran nas/ gdug pa can tshar bcad do// de'i tshe 'jigs byed chen po dang/ khro bo rnams kyi gdan du lus phul lo// yid phyi rabs rjes 'jug gi tshogs dang/ grogs dang/ chos skyong ba'i bsrung mar dam bcas te/ rgyal po btson du bzungs nas dmangs cham la 'bebs te/ dbang med dad pas bsdus pa'i 'khor lo de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ gleng gzhi'i le'u ste dang po'o//// de nas khro bo karma he ru kas/ bcom ldan 'das badzra kI la ya la 'di skad ces gsol to// kye bcom ldan 'das badzra kI la ya/ dpyang thag chad pa'i ngan song 'khor ba la// thugs rjes gzung nas cho 'phrul bstan pa 'di lta bu'i rdzu 'phrul ngo mtshar che/ de yi rjes su bsgrub pa'i rnal 'byor pas/ gnas ni gang dang gang du bgyi// phyi nang gsang ba'i gnas gsum zhu// 'di yi don rnams ji ltar lags// zhes gsol ba dang/ de nas badzra kI la yas// gnas kyi khyad par 'di gsungs so// nyon cig karma he ru ka/ rnal 'byor rjes su 'jug pa la// de yi don rnams ngas bstan gyis// gnas kyi khyad par bstan pa ni// phyi nang gsang ba'i gnas gsum ste/ ma 'ongs rnal 'byor phur spyod rnams// gnas kyi nges pa 'di ltar bya// phyi yi gnas ni ri brag g.yang// shing gcig dag dang sa phug dang// shin tu dben pa'i dur khrod dam/ rab tu phung ba'i ri rul shul// sa phug shin tu 'jigs pa dang// gcan gzan 'drol dang sa gru gsum// de ni phyi yi gnas su bshad// nang gi gnas ni sems kyi yul// rang ni phyag rgyar rab bskyed pa'i// gang du bsgom dang ting 'dzin sems// rang nyid lha yi skur gsal bas// rdo rje gur gyi nang zhugs cing/ sngags dang phyag rgya rgyun mi gcad// de ni nang gi gnas su bstan// sems la gsang ba'i gnas dag ni// grong khyer dag na gnas kyang rung// lam chen dag tu 'gro yang rung/ 'grul srang dag na gnas kyang rung// zang zing dag na gnas kyang rung// rang nyid tsit+ta'i gzhal yas khang/ a li kA li rab sbyar ba'i// nyi zla'i dkyil 'khor gdan stengs na// dkyil 'khor rnam gsum gsal bsgom zhing// ye shes sems dang 'phro du bya// de ni gsang ba'i gnas su bstan/ zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ phyi nang gsang ba'i gnas bstan pa'i le'u ste gnyis pa'o//// de nas karma he ru kas/ bcom ldan 'das badzra kI la ya la 'di skad ces gsol to// kye bcom ldan 'das badzra kI la ya// phyi nang gsang ba'i gnas ni de lags na// phyi rabs rnal 'byor rjes 'jug la// 'da' ka shi brod ting 'dzin dang// rnal 'byor pa yi kun gzhi gtan la dbab tu gsol// zhes gsol ba dang/ bcom ldan 'das badzra kI la ya yis bka' stsal ba/ nyon cig karma he ru ka/ phyi rabs rnal 'byor rjes 'jug la// de yi don rnams ngas bstan gyis// mi rtag pa yi tshul ston na// kun bzhi chos nyid dag tu shes// chos nyid byang chub sems su gnas// byang chub sems kyi rang bzhin ni// thig le chen po gcig gi ngang// ma song ma bgrod rin chen stengs su phyin// sems nyid skye shi med par yid ches pas// ma myos ma brtsal yid bzhin nor bu rin po che// rang las byung zhing skyo dub med pa thag chod ces// ma bltas ma bsgrubs nyi ma stong gi snying po rang la shar/ lta ba mnyam nyid de ltar la bzla'o// 'bras bu bzang ngan shi ka'i bsam pas len/ 'di gsum 'da' ka shi brod dgongs pa'o// rang gi sems kyi chos nyid ni// gzod nas ma byung ma skyes pa'o// byang chub sems kyi rang bzhin ni// snying po ma bcos pa yi den// bde ba chen po'i rang bzhin gnas// skye ba med pa'i dbyings/ kun tu bzang po'i ngang/ tshigs dang yi ge las 'das pa// don gyi snying po rang bzhin gyis// ye nas rnam par dag par gnas// 'chi kar rang sems ma skyes rtsa ba bcad// sems ni ma skyes pas na ye mi 'khor// skye ba med la chags pa med// skye med chags pa med pas ye sangs chen po rgyas// rang bzhin ting 'dzin bsal bas na// gza' gtad lam du bde zhes bya// don gyi snying po ye nas ma bcos so// sems kyi rten gyi rig pa yid kyi yul// ye shes chen po'i bzhugs gnas rig pa'i phur// rang gi sems nyid rtogs pa la// gang gi skye 'gag med pa yi// dbyings la ye shes las kyang 'das// sgra dang tha snyad las 'das pas// brjod med tshig dang yi ge 'das// sems nyid snying po'i don la phyag rgya med// mya ngan 'das pa'i mchog rang byung/ ye shes shar bas mtha' dang dbus med gsal zhes bya// ci la yang ni mi gnas shing// gang la yang ni ma chags par// rang bzhin gyis ni dag par bsgom// de nas chos nyid don de/ kun tu bzang po'i don yid rang byung gi ye shes kyis/ don gyi snying po nas thugs kyi rig pa phyung la/ sems nyid sal le lhang nge lhan ne ste/ ye shes snying por gsal bar kun la khyab cing/ lta ba gsal bar bsgom mo// de ltar 'chi kar sems ci la'ang mi chags so// bu dang/ chung ma dang/ 'khor los sgyur ba'i rgyal srid la'ang mi chags so// sems ma skyes pas na/ ji ltar yang mi dmigs so// de ltar kun gzhi ma byung ma skyes par yid ches pa dang// yid kyi rnam par shes pa gsal bar bsgom mo// rang yid ches pa'i don de rang gi yid la gsal bar bsgom mo// sku ma skyes pa/ gsung ma skyes pa/ thugs ma skyes pa/ snang srid thams cad me long g.ya' phyis pa ltar mi dmigs pa'i dbyings na/snang ba ye shes kyi snying por mtshan ma med par bsgom mo// de ltar kun tu bzang mo'i chos nyid skye ba med pa'i dbyings rnam par dag pa'i ngang der kun tu bzang po'i yid rang byung gi ye shes mngon du shar nas/rig pa'i ye shes mngon du shar nas/ rig pa'i ye shes dang chos kyi dbyings gnyis su med par nam mkha' la nyi ma shar ba bzhin du bdag gi lus ngag yid gsum mnyam zhing dbyer med par rtogs na/rdo rje sems dpa'i rang bzhin yang yin no// kun gzhi don gyis mthong ste/ dbyings dang ye shes gnyis su med de 'khor ba dong sprugs/ ye nas khyab pa'i sku'o// chos kyi sku myan ngan las 'das pa'i dbyings// chos nyid skye ba med pa'i don de ji ltar yin pa shes par bya'o// kun gzhi'i don gdod nas ma byung ma skyes pa'i don te/ yid rang byung gi ye shes sal le lhang nge dbye zhing 'gyur ba med par shin tu gsal bar bsgom mo// kun gzhi ba byang chub kyi sems kyang/ snying po mya ngan las 'das pa'i dbyings su yid rang byung gi ye shes shar te/ gsal bar bsgom mo// skye med rdo rje'i rang bzhin ye shes can// rdo rje sems dpa'i dgongs spyod zab mo 'di// gnag cing sems la bzhang pa ma rtogs par/ snod ngan gzhan la bstan na dmyal bar lhung/ zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ kun gzhi gtan la dbab pa'i le'u ste gsum pa'o//// de nas yang khrag 'thung gi rgyal po badzra kI la ya la/karma he ru kas 'di skad ces gsol to// kye bcom ldan 'das badzra kI la ya// kun gzhi gtan la phab pa de lags na// phyi rabs rnal 'byor rjes 'jug la// yid rnam gsum gtan la dbab pa// 'di yi don rnams ji ltar lags// bde bar gshegs pas lung 'di bstan du gsol// zhes pa dang/ badzra kI la yas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bstan gyis// bya med dpar ni kun gzhi'o// bya byed yid kyi rnam par shes// bya mi dgos pa'i gnyis su med pa'i a// phyi snod kyi 'jig rten sa chu me rlung 'byung ba chen po bzhi nam mkha' bsdus pa thams cad dang/nang bcud kyi 'jig rten 'gri ba rigs drug gi sems can/ ya mtha' sangs rgyas man chad/ ma mtha' dmyal ba'i 'jigs tshogs kyis bsdus pa yan chad gang du 'dus gang du gcig na/ kun gzhir 'dus shing gcig ste/ kun gzhi ji ltar gnas she na/ bya ba med pa'i dbyings/ bcos pa med pa'i mkha' ste/ dbyings dang/ kha dog dang/ tshad dang/ dpe dang/ yi ge dang/ tshad las 'das te// ye nas nam mkha' ltar gnas pa'i chos nyid do// de ltar ma bcos ma bgrod par rang bzhin gyis 'od gsal ba ni/ yi dang kun gzhi gnyis med de/ ye shes chen por mya ngan 'das/ gzung 'dzin dang bral bas mya ngan 'das/ mya ngan 'das pa'i yid kyis/ phyi nang snod bcud thams cad kun gzhir 'dus la/ kun gzhi chos nyid du 'dus pas/ kun gzhi mya ngan las 'das pa'o// gnyis su med pa'i thugs/ 'gyur ba med pa'-i rtags/ mtshan ma med pa'i chad pa/ rang bzhin gyis sangs rgyas pa/ rang byung gi ye shes chen mo ni/ nyi ma shar na mun pa rang bzhin gyis gsal ba ni/ yid kyang kun gzhi gnyis med par/ ye shes chen por mya ngan las 'das/ gzung 'dzin dang bral te mya ngan las 'das pa'o// mya ngan las 'das pa'i yid kyis/ phyi nang snod bcud thams cad ye nas brdal ba chen po'i dbyings su sangs rgyas pas/ ma bcos pa gsal bar dbyer med pa/ ye nas ma bcos bcos su med do// bdag nam zhig 'das pa'i dus na don de lta bu ma brjed pas mchog go/ bsod nams dang ye shes kyi tshogs gzhan gyis gtong mi dgos pas/ de ltar chos thams cad bde ba chen po'i dbyings su/ ma bcos par 'od gsal bar bzhugs pas/ mtshan ma'i chos sku mya ngan las 'das te/ phyag rgyar mi snang bas chos kyi skur bzhugs so// mtshan ma'i gsung mya ngan las 'das te/ sgra skad dang bral nas/ brjod du med pa'i gsung du bzhugs so// thugs mya ngan las 'das te/ gzung 'dzin dang bral nas ye shes chen por bzhugs te/nam mkha' ltar bzhugs so// de gsum yang gcig la gcig gi ngang du gnas so/ zhes gsungs so// de bzhin gshegs pa thams cad kyi sku gsung thugs kyi gsang ba kI la ya rdzogs pa'i rgyud las/yid rnam gsum gtan la dbab pa'i le'u ste bzhi pa'o//// de nas yang karma he ru kas/ badzra kI la ya la 'di skad ces gsol to// kye bcom ldan 'das badzra kI la ya/ yid rnam gsum gtan la dbab pa de lags la/ rnal 'byor rjes su 'jug pa la// rdo rje phur pa'i dbyings gsum ni// bdag cag rnams la bshad du gsol// zhes gsol ba dang/ ston pas 'di skad ces bka' stsal te/ nyon cig karma he ru ka/ de yi don rnams ngas bshad kyis// rdo rje phur pa'i dbyings gsum ni// rnal 'byor phur pa'i lta ba ni// rang nyid byang chub phyag rgya la// mtshan ma'i gzugs su snang ba kun/ rtag par bya ba'i yul min no// yul min na stong pa phyol phyol po gcig yin nam zhe na/ min te snang tsam nyid na snang ba'i ngo bo mi 'gag ste/ dus gsum du skye 'gag med pas na chos kyi sku thob la/ mtshan ma'i spro ba dang bral nas/ bde ba chen po'i ngang du gnas la/ rgyu rkyen gyis mi 'jig pas na chen po bzhi la rag ma lus/ che ba'i yon tan ma lus par rdzogs pas/ sku gsung thugs la rten mi 'cha'/ rig pa'i rgyal po rang byung du gyur pas ni/ rigs lnga'i sangs rgyas la lhar mi bsgom/ dus gsum du 'dus ma byas pas/ mtshan ma'i rtogs pa gang gis kyang mi tshugs te/ cir yang ma grub kyang cir yang snang bas// sems dang chos nyid kyang dbyer mi phyed tha mi dad pas/ dpe nam mkha' la bya/ don sems nyid la bya'o// stong pa'i rang bzhin stong pa chen por mnyam/ mtshan ma'i rang bzhin mtshan ma med par mnyam// phur pa'i rang bzhin btab pa med par mnyam// kun gzhi'i rang bzhin byang chub sems su mnyam/ mnyam pa'i rang bzhin mnyam pa'i rgyal por mnyam// mnyam la ma 'dres mnyam la rang bzhin 'di// sngon gyi rigs 'dzin rnams kyis bgrod pa'i shul// bde mchog bde spyod ldan pas nam mkha' che// mi nub byang chub yongs kyi gter// kun gzhi thugs kyi sgrom bu ru// byang chub sems kyi gnas bcas so// dbyings dang ye shes las 'das chos de dag/ rang bzhin lhun rdzogs bde ba chen po'i ngang// bcol zhing g.yo ba 'di la ci yang med// dbyings dang ye shes 'di las tha mi dad// ye nas zin pas sbyang du med pa dang// yongs su btab pas bsgral du med pa dang// gnyis med dbyings su sbyor bas sbyar du med pa dang// sems kyi cho 'phrul cir yang 'gyur ba la// de ltar snang tsam nyid na ni// byang chub sems ni bde ba'i ngang// de ltar phur pa'i rang bzhin yang/ chos kyi dbyings kyi ngang las kyang// ye shes de ltar rtogs pa la// phur pa thebs zhes de la bya// phur pa'i rang bzhin bdag nyid las/ mtshan ma'i cho 'phrul byung ba dag/ kun rdzob phur pa zhes su brtags// phur pa'i rang bzhin ye shes las// dkyil 'khor rnam gsum 'byung ba ni// sprul pa'i phur bu zhes su bshad// rdzas dang rang nyid phyag rgya dang// snying po sku dang tsa ka li// mi spong dang du rab len zhing// gzhan gyi don la thogs med spyod// 'di ni lta ba'i mchog tu gsungs// zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ dbyings gsum rnam par dag pa zhes bya ba'i le'u ste lnga pa'o//// de nas karma he ru kas badzra kI la ya la 'di skad ces gsol to/ khrag 'thung badzra kI la ya// dbyings gsum rnam par dag pa de lags na// phyi rabs rjes 'jug rnams la ni// phur pa ye thebs lta ba ji ltar lags// bde bar gshegs pas lung 'di bstan du gsol// ces pa dang/ badzra kI la yas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bshad kyis// ma yengs don la gus par nyon// rdo rje phur pa'i lta ba bstan pa ni// btsal med dbyings kyi ngang du thams cad 'dus// mi 'gyur byang chub sems kyi phur pa yis// bsgrub med chos kyi dbyings su ye nas btab// btab pa nyid na 'khor ba ming yang med// ma bcos lhun gyis grub pa'i dbyings nyid la// ye shes rig pa'i phur pa ye nas btab// btab tsam nyid na dngos po mtshan ma med// snang srid byang chub sems kyi ling ga la// kun tu bzang po rol pa'i phur pa btab// btab tsam nyid na sems rtogs yid las 'das// dngos por snang ba'i shes rab ling ga la// rang byung thabs kyi rgyal po'i phur pa btab/ btab tsam nyid na dmigs pa'i mtha' las 'das// de phyir dbyer med don rtogs mnyam pa'i ngang// ma btsal bzhag pas phur pa btab ces bya// de la chos nyid phur pa ni// chos can gang la'ang ma gnas shing// ma bcos ngang du thams cad 'dus// phur pa zhes ni de la bya// de la sems nyid phur pa ni// skye mched khams la mi gnas shing/ rang byung ngang du thams cad 'dus// phur pa zhes ni de la bya'o// de la nam mkha'i phur pa ni/ kha dog dbyibs la mi gnas par/ khyab brdal ngang du thams cad 'dus// phur pa zhes ni de la bya'o// de gsum dbyer med mya ngan 'das// dngos po mtshan mar mi snang zhing// bsam pa las kyang mya ngan 'das// thams cad ye nas mnyam nyid la// rgyu dang 'bras bu dbye ru med// tha snyad 'dogs pa 'khrul ba yin// mthar yang sangs rgyas rnyed mi 'gyur// de la phur pa'i man ngag ni// tha snyad gang la'ang mig gnas shing// btsal du med cing dmigs pa med// thams cad dbyer med dbyings su gcig/ 'khrul ba'i tha snyad ming yang med// bdag nyid phur pa'i rang bzhin la// gzhan du 'dogs pa 'khrul ba'i lam// grangs kyis bgrang du ga la yod// chos nyid gcig tu gnas pa la// grangs su bgrangs na gol sa yin// phur pa'i rang bzhin gdod nas dag pa la// ming tsam gzhan la brten par mi bya'o// rang gi rang bzhin rig cing rtogs par gyis// zhes gsungs so// de bzhin gshegs pa thams cad kyi sku gsung thugs kyi gsang ba kI la ya rdzogs pa'i rgyud las/ phur pa'i lta ba bstan pa'i le'u ste drug pa'o//// de nas karma he ru kas/ badzra kI la ya la 'di skad ces gsol to// kye gsang mchog badzra kI la ya// phur pa'i lta ba de lags na// phyi rabs rnal 'byor don spyod la// dbang bskur dam pa ji ltar lags// de yi don rnams bshad du gsol// zhes gsol ba dang/ bcom ldan 'das kyis 'di skad ces gsungs so// nyon cig karma he ru ka/ phyi rabs rnal 'byor dam pa la// de yi don rnams ngas bshad kyis// sme sha can la sogs pa yi// bcu gnyis dang ni bco brgyad dang// yang ni nyi shu rtsa gcig la// rdo rje lha mor byin brlabs la// phyag rgya'i dkyil 'khor gsal bkod nas// rnam gsum tshul du nan tan bya// ha cang sbom min phra ba min// ring ba ma yin thung ba min// smin mtshams 'bral ba sha mdog dkar// sme ba'i ga sha yod pa dang/ sum cu rtsa gnyis mtshan dang ldan// dpe byad bzang po brgyad cus brgyan// spyi bor oM dang snying khar hUM// mtshan mar aM ste rnam gsum mo// rnam gsum tshul du sbyor ba dang// dang por dga' dang tha mar dga'// rang bzhin dga' dang dga' bral lo// byang chub sems phab slob ma la// tshul bzhin yid kyis bskur bar bya'o// de ltar bkur byed slob dpon la// rang lus srog dang nor gyi dbyig/ ma dang sring mo bu mo dang// chung ma rab tu brgyan te dbul// shin tu gces dang yid 'thad dang// rta dang glang po nor gyi dbyig/ yul ris sne'u bran bcas la dbul// de ltar 'bul byed slob ma la// phyi dang nang dang gsang ba dang// rim pa bzhin du bskur bar bya// zhes gsungs so// de bzhin gshegs pa thams cad kyi sku dang/ gsung dang/ thugs kyi gsang ba/ kI la ya rdzogs pa'i rgyud las// dbang bskur ba'i le'u ste bdun pa'o//// yang karma kI la yas 'di skad ces gsol to// kye bcom ldan badzra kI la ya// dbang bskur dam pa de lags na// phyi rabs rnal 'byor rjes 'jug la// sku gsung thugs kyi dkyil 'khor nas// gsang sngags dam pa ji ltar lags// gsang sngags so so ji ltar lags// sngags kyi sbyor ba ji ltar lags// zhes gsol bas/ ston pas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bstan gyis/ nam mkha' gting mtha' med pa'i chos dbyings gzhal yas khang// thigs pa lta bu'i snang srid dngos med shar// srog sems go ru shar bas rdo rje gzhon nur shar// snang srid phung pos rdo rjes yang dag gtams// gsang sngags don gyi dang po la// dkyus tshig 'bru yig don tshig dang// dkyus tshig gnyis dang 'bru yig dgu// don tshig brgyad dang gdam ngag go/ rin chen dag la bri bar bya'o// dang pos gnyis med byang sems bstan// gnyis pa rig pa so sor bstan// gsum pa drag po 'dzab dgongs bstan// bzhi pa sku gsung thugs su bstan// don de shes pa'i rnal 'byor pas// bzlas pa'i lam la 'jug par bya'o// oM badzra kI li kI la ya sarba big+h+nAn baM hUM phaT/ oM badzra kro d+ha hUM ka ra hUM/ oM badzra kro d+ha bi dza ya hUM/ oM badzra kro d+ha nI la daN+Da hUM/ oM badzra kro d+ha ya man+ta ka hUM/ oM badzra kro d+ha Ar+ya a tsa la hUM/ oM badzra kro d+ha ha ya gr-i ba hUM// oM badzra kro d+ha a pa ra tsit+ta hUM/ oM badzra kro d+ha a mr-i te kuN+Da li hUM/ oM badzra kro d+ha trai lo kya bi dza ya hUM/ oM badzra kro d+ha ma hA ba la hUM/ khro bo rnams bskyed pa'i sngags so// tip+ta tsakra ha na ha na hUM phaT/ oM badzra kro d+hi sha ya bya ti hUM phaT/ oM badzra kro d+hi la se kha kha hUM phaT/ oM badzra kro d+hi tra ti dza hUM phaT/ oM badzra kro d+hi ta na ba ti hUM phaT/ oM badzra kro d+hi mu la ha ha hUM phaT/ oM badzra kro d+hi dza hi hi hUM phaT/ oM badzra kro d+hi sha ya ti hUM phaT/ oM badzra kro d+hi ya be hUM phaT/ oM badzra kro d+hi ma ra na hUM phaT/ oM badzra kro d+hi tsun de hUM phaT/ da du rnams bskyed pa'i sngags so// gardza gardza hUM phaT// ha na ha na hUM phaT/ da ha da ha hUM phaT/ pa tsa pa tsa hUM phaT/ ban+d+ha ban+d+ha hUM phaT/ hu lu hu lu hUM phaT/ tiSh+Tha tiSh+Tha hUM phaT/ tshin d+ha tshin d+ha hUM phaT/ bin d+ha bin d+ha hUM phaT/ s+pho Ta s+pho Ta hUM phaT/ kro d+ha rnams kyi sngags so// badzra u ka ra mu kha he/ badzra byi kra mu kha he/ badzra tsa sa ra mu ka he/ badzra ha ri mu kha he/ badzra byA g+h+ri mu kha he/ badzra tsa la mu kha he/ badzra shwa na mu kha he/ badzra sid+ha mu kha he/ badzra ta sha mu kha he/ badzra ra ka sha mu kha he/ za byed rnams bskyed pa'i sngags so// badzra sha mu kha he/ badzra kri ta mu kha he/ badzra kha kha mu ka he/ badzra hu lu mu ka he/ badzra ba ya ta mu kha he/ badzra shi kha mu kha he/ badzra tsa ta mu kha he/ badzra ting ting la mu kha he/ badzra na ku la mu kha he/ badzra ka sika mu ka he/ gsod byed bskyed pa'i sngags so// oM badzra kI li kI la ya/ oM bud+d+ha kI li kI la ya/ oM rat+na kI li kI la ya/ oM pad+ma kI li kI la ya/oM karma kI li kI la ya/ oM badzra kI li kI la ya/ dz+wa la dz+wa la/ pra dz+wa la pra dz+wa la sarba na sa pa ni hUM phaT/ oM badzra kI li kI la ya/ sarba du Sh+tan bag hri sho te ya hUM phaT/ oM badzra kI li kI la ya/ tsi ta tsi ta hUM phaT/ oM badzra kI li kI la ya sarba du Sh+tan hUM phaT/ oM badzra kI li kI la ya/ su ru su ru tsus ma kro d+ha hUM phaT/ oM badzra kI li kI la ya/ bing bing hUM phaT/ oM badzra kI li kI la ya/ aM ku sha tshin d+ha tshin d+ha hUM phaT/ oM badzra kI li kI la ya/ kri ta mu kha mA ra ya hUM phaT/ oM badzra kI li kI la ya/ na maHsa man ta bi sha te be ra be ra hUM phaT/ ka ba tsa dang/ sras mchog gi man+ta'o// hUM pa ra bid tan hUM phaT/ bin d+ha bin d+ha hUM phaT/ gr-i h+na gr-i h+na hUM phaT/ ha na ha na hUM phaT/ ban d+ha ban d+ha hUM phaT/ ta tha ya ta tha ya hUM phaT/ ha sa ya ra ha ha na hUM phaT/ shi kra ni a na ya hUM phaT/ dz+wa lA pa ya dz+wa lA pa ya hUM phaT/ A bi sha ya A be sha ya hUM phaT/ bid da ya bid da ya hUM phaT/ sgo lnga la gdab pa'i sngags so// ha na ha na badzra/ da ha da ha badzra/ pa tsa pa tsa badzra/ ma ta ma ta badzra/ dza la dza la badzra/ su ru su ru badzra/ mu ru mu ru badzra// ka taM ka te/ dza ye ba dza ye/ i tsi te a pa ra tsi ta/ ma ra sa pra marta ni hUM phaT/ hUM mA ma pa shi ku ru ma taM dz+nyA ka ra i nan/ da ti mA ma karma/ shi krang kar rnye ya/ sarba a na ya hUM phaT/ ta tha ya ta/ tha ya hUM phaT/ kha thaM kha thaM kha thaM/ hUM phaT hUM phaT hUM phaT/ hUM hUM hUM/ phaT phaT phaT/ oM laM/ hUM laM/ staM pa nan/ maM ha g+ha ya/ b+ha ga bAn/ shri kri/ byA kri/ shri badzra/ hUM ka ra hUM hUM phaT phaT/ badzra kI li kI la ya/ dzaHhuM baM ho/ sarba big+h+nAn/ badzra kI la ya hUM hUM phaT phaT/ badzra hUM ka ra hUM phaT/ hUM ka ra hUM a/ suM b+ha ni suM b+ha hUM/ gr-i h+Na gr-i h+Na hUM/ gr-i h+NA pa ya gr-i h+NA pa ya hUM phaT/ a na ya ho b+ha ga ba na/ bir+ya rA dza hUM phaT/ oM na maHsa man+ta/ kA ya wAka tsit+ta badzra nan/ g+ha g+ha/ g+hA ta ya/ sarba duSh+tan phaT/ kI la ya kI la ya/ sarba pA paM phaT/ hUM hUM badzra kI la ya/ badzra d+ha ra Adz+nyA pa ya ti/ sarba bi ga thahi/ kA ya wAka tsit+ta/ badzra kI li ya hUM phaT/ zhi ba shAn+tiM ku ru ye swA hA/ puSh+tiM ku ru ye swAhA/ ba shaM ku ru ye swAhA/ mA ra ya ku ru ye swAhA/ Ta ki rA dzA la raM dza la raM khA hi/ ha la raM dza la raM khA hi/ to sha raM dza la raM khA hi/ mA ma raM dz+wa raM khA hi/ raM raM staM shaM raM dza la raM khA hi/ yo gi kha raM dzA la raM khA hi/ drag sngags dang ngan sngags sbyor bar bzlas pas/ stag pha ma gnyis kyi rtsal/ stag phrug gis ma shor bar/ dpa' rtsal gang la yang thogs pa med pa ste/ chos nyid kyi bden pa'o// gsang sngags kyi byin rlabs/ sangs rgyas kyi mthu/ sbyor ba drag po'i dngos grub bar du gcod pa y-i// 'byung lnga rims kyis 'gegs pa'i mthu// 'dod pa'i bya ba don bzhir 'jug pas 'grub// mda' mde'u gzhu dang skyes bu'i mtheb mdzub mthus// gang ltar bya ba'i 'dod pa de bzhin no// tshig gi lta bas 'khor ba'i mgo mi non// tshig tsam rtogs pas nus pa'i mthu mi 'byung// tshig phyir 'brengs pas smig rgyu chu snyeg 'dra// tshig la ma brten don nyid go mi nus// ces gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ gsang ba'i sngags kyi le'u ste brgyad pa'o//// de nas yang 'phrin las kyi rgyal pos/ badzra kI la ya la 'di skad ces gsol to//gsang sngags dam pa de lags na// phyi rabs rnal 'byor rjes 'jug la// gsang sngags sbyor ba ji ltar lags// gtan 'pho'i 'phrin las ji ltar bgyi// kI la ya yis bstan du gsol// zhes pas/ kI la ya yis bka' stsal pa// nyon cig karma he ru ka/ rnal 'byor rjes su 'jug pa rnams// rdo rje thugs kyi 'phrin las gsang sngags 'di/ khyab pa'i drag sngags sbyor ba la// btsan dug sbyor ba me dang 'dra// gnag pa'i sbyor ba dug sdong tshe brten bsreg/gdams pa rin chen dag la dris// e ka ra'i dbu ma na'i dkyus ni dkor tshoms la/ e ka'i dkyus tshig gsang sngags ni/ khyab pa'i sbyor ba chen po'i don// pha rol phyin par sgrol ba'o// ra yi dkyus tshig gsang sngags kyis// chos nyid bden pa'i byin rlabs mthus/ zhe sdang sgo la tshe gnad gcod mthu// tra yi dkyus tshig gsang sngags kyis// phrag dog sgo la tshe'i gnad 'brel// tsa ra'i dkyus tshig gsang sngags kyis// nga rgyal sgo la tshe gnad 'brel// pan tsa'i dkyus tshig gsang sngags kyis// 'dod chags sgo che yi gcod 'brel// tshe yi dkyus tshig gsang sngags kyis// gti mug sgo dag tshe gnad 'brel// skor tshoms dkyus tshig rtsa rgya la// don gyi dkyus tshig e ka yis// e ka'i gsang sngags skor tshoms gsang sngags kyis// sbyor ba e kar sbyar byas nas// grogs bral khrag mdangs me dbal khrag skyugs gnang// chos nyid bden pa'i byin rlabs mthus// 'dod pa'i bya ba don grub pa'o// ra yi dkyus tshig gsang sngags kyis// dbab pa dbyugs mdangs me dbal snying gzer gnad// 'dod pa'i bya ba don grub pa'o// tri yi dkyus tshig gsang sngags kyis// rtsa byad me dbal yan lag bcing ba'i gnad// skor tshoms e ka'i dkyus tshig gsang sngags kyis// gzir gnon sems dang me dbal snying khrag sbyor ba'i gnad// tsa ra'i dkyus tshig gsang sngags kyis// smyo mdangs me dbal rnam shes sdom pa'i gnad// tsha yi dkyus tshig gsang sngags kyis// stobs byed tshe rten me dbal srog rtsa gcod pa'i gnad// chos nyid bden pa'i byin rlabs mthus// 'dod pa'i bya ba don grub pa'o// e ka mthar gnas e ka'i dkyus tshig gsang sngags kyis tshor byed rnam shes rten la gdab// yum bzhis 'dzin dgug gsang sngags dang// sbyor ba bco gnad sa re ra yi dkyus tshig gsang sngags kyis// mthong byed rnam shes rten la gdab// tri yi dkyus tshig gsang sngags kyis// thos byed rnam shes rten la dbab// tsa ra'i dkyus tshig gsang sngags kyis// rten byed rnam shes rten la gdab// pan tsa'i dkyus tshig gsang sngags kyis// myong byed rnam shes rten la gdab// tsha yi dkyus tshig gsang sngags kyis// 'khor rgyu rnam shes rten la gdab// sad ta'i dkyus tshig gsang sngags gnas// sprin dza e ka'i gsang sngags bar dag ni// bran dang pho nya'i sbyor ba'o// mthar gnas dbus ma na yi gsang sngags kyis// mthu 'phrog sil gyis gnon par byed// gsang ba'i yum bzhi gsang sngags ra ba 'di// 'phrin las dkyus tshig e ka'i gsang sngags kyis// gdug pa 'gugs shing yan lag gnon pa'i mthu// 'phrin las dkyus tshig ra yi gsang sngags kyis// gdug pa'i dbang po bcing zhing mnan// 'phrin las dkyus tshig tri yig gsang sngags kyis// gdug pa'i rnam shes bsdum zhing gnan pa'i mthu// 'phrin las tsa ra'i gsang sngags kyis// gdug pa'i gzugs phung rdul du rlag cing gnas pa'i mthu// 'phrin las dkyus tshig pan tsa'i gsang sngags kyis// bcom ldan bdud bdag bka' bsgo nyan pa'i mthu// 'phrin las dkyus tshig tsha yi gsang sngags kyis// khro rgyal byin rlabs mi g.yo ba'i sngags// dbang du bsdus nas drag tu mnan sgrol mthu'o// nga ni bdud kyi bdud dag gsang sngags 'di// rdo rje 'dzin 'gugs 'debs pa sgrol ba'i mthu// rdo rje 'dzin 'gugs dkyus tshig e ka'i gsang sngags kyis// phyogs bcu bde gshegs rnams kyi gsang sngags kyis// byin brlabs chos nyid bden pa'i mthu// rdo rje sder mo'i dkyus tshig rigs sngags kyis// gdug pa'i lus ngag yid gsum tri snying bkas mnan pa'i mthu// rdo rje 'dzin 'gugs tri yi gsang sngags kyis// gdug pa'i dbang po 'du rten klad pa brgyar tshal bkas pa'i mthu// rdo rje 'dzin 'gugs dkyus tshig tsa ra'i gsang sngags kyis// gdug pa sarba dbang po rnam shes bsdam zhing bsgral ba'i mthu// rdo rje 'dzin 'gugs dkyus tshig pan tsa'i gsang sngags kyis// gdug pa'i snying gnad 'debs par byed pa'i mthu// rdo rje 'dzin 'gugs dkyus tshig tsha yi gsang sngags kyis// gdug pa sarba rtsa sbubs btsir zhing khrag skyug sgrol ba'i mthu// rdo rje 'dzin 'gugs dkyus tshig ta yi gsang sngags kyis// thugs kyi gsang sngags dbang du bsdus nas gnyis med 'debs pa'i mthu// rdo rje sder mo dkyus tshig tsar+ya'i gsang sngags kyis// tshe dang bsod nams dpal dang gzi rjid thugs kyi dngos grub rgyas pa'i mthu// rdo rje 'dzin 'gug dkyus tshig di ba gsang sngags kyis// gdug pa sarba dbang med 'tshir ba'i mthu// rdo rje sde mo'i dkyus tshig sprin dza'i gsang sngags kyis// sku gsung thugs su dngos grub thob pa'i mthu// rdo rje sde mo sprin dza e ka'i gsang sngags kyis// rdo rje phur pa gzi byin bskyed cing dbang du bsdus nas sgrol ba'i mthu// 'phrin las gsang sngags sgrol ba'i khrus// e ka ra dang mthar gnas so// bskul ba las kyi gsang sngags don lngar 'jug pa 'di// gdams pa rin chen dag la dri zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ man tra'i sbyor ba dang don tshig dkyus tshig gi le'u ste dgu pa'o//// de nas yang karma he ru kas 'di skad ces gsol to// kye gsang mchog badzra kI la ya// gsang sngags sbyor ba de lags na// phyi rabs rnal 'byor rjes 'jug la// ting 'dzin gsum dang dkyil 'khor gsum// bskyed dang cho ga ji ltar lags// kI la ya yis bstan du gsol// zhes gsol bas/ badzra kI la yas bka' stsal pa/ nyon cig karma he ru ka/ rnal 'byor rjes su 'jug pa la// de yi don rnams ngas bshad kyis// don la ma yengs gus par nyon// dang po stong pa nyid du bsgom/ de nas kun snang ting 'dzin ni// thugs rje chen po khyab par bsgom// de nas rgyu yi ting 'dzin ni// yi ge hUM gi byin rlabs las// raM yaM khaM gis bsreg gtor bkru// de nas dbang chen rim pas bskyed// de bzhin gdan rnams rim pas rtseg/ de ni phyir bsgyur rim pa'o// de nas gdan thog hUM babs pas// gtso bo yab yum rdzogs par bskyed// mkha' gsang gnyis ni byin brlab bya// gsang ba'i brda ni so sor bsnol// de bzhin rims bzhin khro bcu dang// yum dang sprul pa rdzogs par bskyed// phur pa bzhi 'am drug rnams kyang// gzhal yas khang dang lha rnams ni// rdzogs pa dag tu bskyed par bya// de nas cho ga'i rim pa brjod// rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thigs par shar// srog gi go ru shar ba dang// snying gi go ru bsgom par bya// snying rjes bsgral pa'i dam tshig ni// gsad cing mnan pa ma yin te// phung po rdo rjer gtams byas nas// rnam par shes pa rdo rjer bsgom// oM badzra kI li kI la ya// sarba big+h+nAn baM hUM phaT/ tip+ta tsakra ha na hUM phaT/ rdo rje gzhon nu rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par 'dod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa'i// sku yi dbyig tu bdag skyed cig/ thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs 'dir gsol cig/ hUM mdzad chen po man+t+ra nas// ma hA ba la yan chad dang// yum dang za gsod rdzogs par bskyed// srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol// phur pa'i rgyu ni byang chub sems// byang chub sems ni mngags pa ste// mdor na rnal 'byor rtsal mchog ces/ mda' mde'u gzhung dang skyes bu'i mtheb mdzub mthus// gang ltar bya'i 'dod pa de bzhin 'grub// lta ba zab mo khyung gi rtsal drug rdzogs// dgongs pa zang mo glag mo gzan la 'jums// gsang sngags zab mo rus sbal yan lag 'dra// 'phrin las zab mo bden pa'i byin rlabs mthus// zhi rgyas dbang dang mngon spyod dang// bzlog dang re re bzhi'o// zhi ba'i zhi ba chos nyid bden pa'i mthu// zhi ba'i rgyas pa gsang sngags byin rlabs mthu// zhi ba'i dbang gi sangs rgyas mthu dang ni// zhi ba'i drag po a bi tsar+ya'i dus la bab pa'i mthu// rgyas pa'i zhi ba chos nyid bden pa'i mthu// rgyas pa'i rgyas pa gsang sngags byin rlabs mthu/ rgyas pa'i dbang ni sangs rgyas bden pa'i mthu// rgyas pa'i drag po a bi tsar+ya'i dus la bab pa'i mthu// dbang drag gnyis ka re re bzhi bzhi yis// 'dod pa'i bya ba gang yang 'grub// bsnyen pa dang ni nye bsnyen dang// bsgrub pa dang ni bsgrub chen po// btsa' dang gtsugs cing lag gi 'du byed gsum// me ma mthong gi bar du 'phros mi gcad// rtags phran tsam gyis yengs pas 'chad par gyur// bya rgod snong pa'i drod tshad 'bu su ka/ glen pa'i rtul zhugs brtson 'grus drag po'i mthu// srid pa'i phur bu bsgrub sogs dngos grub par// 'dod pa'i bya ba 'dod dgur 'byung bas 'grub// ka la bing ga'i sgra dbyangs sgo nga'i nang nas 'tsher ba ltar// nag rtags phyi la phyi rtags nang// nang rtags gsum la phyi rtags lnga/ phur pa'i rgyu bzhi gdab pa'i gnas bzhi dang// gdab pa'i thabs bzhi thabs pa'i 'bras bu bzhi// kI la ya yi phur pa byang chub sems/ kha byams lta bas sdig pa choms mi 'gyur// nus pa thob pa sdig phran tsam gyis bzlogs mi 'gyur// srang dang srang mda' bzhin du dge sdig rtsal// 'bras lo legs pas phub sog 'bras bu dbyung// zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ dkyil 'khor gsum dang/ de'i cho ga'i rim pa bstan pa dang/ bsnyen bsgrub kyi tshad bstan pa'i le'u ste bcu pa'o//// de nas yang phrin las kyi rgyal pos/ badzra kI la ya la 'di skad ces gsol to// dkyil 'khor rnam gsum mdzad spyod de lags na// rnal 'byor rjes su 'jug pa la// gnad la dbab brgyad ji ltar lags// cho ga'i rim pa ji ltar lags// gnad la dbab ni brgyad po la// don drug 'jug pa ji ltar lags// bde bar gshegs pas lung 'di bstan du gsol// zhes gsol pas// kI la ya yis bka' stsal pa// nyon cig karma he ru ka/ de yi don rnams ngas bshad kyis// gnad la dbab pa'i bzhi yod de// dam tshig chen po sku gsung thugs kyi 'khor lo gnad la dbab pa dang/ dam tshig chen pos mtshon pa'i dkyil 'khor gnad la dbab pa dang/ dam tshig chen pos dam can gnad la dbab pa'o// sku gsung thugs kyi dkyil 'khor ni// snying rjes bsgral ba'i dam tshig ni// dam tshig chen po'i dus la bab// sku gsung thugs kyi dam tshig ni// phyi dang nang dang gsang ba gsum// re re la yang gsum gsum dgu// dam tshig chen po mtshon pa ni// dam tshig chen po'i dkyil 'khor ni// snying rjes bsgral ba'i dam tshig go/ srid pa'i phur bu bsgrub pa dang// phur ni dkyil la bu ni 'khor// kun bzang yum mtshon dkyil 'khor ro// mtshon pa'i dkyil 'khor gzhal yas khang// rang bzhin phyi nang gsang dkyil 'khor// rang bzhin phyi dang nang dang ni// gsang ba'i dkyil 'khor bzhi ru bstan// dam tshig chen po ye shes ni/ phyi ru gnad la dbab pa dang// sku nyid rtsa ba gnad la dbab pa dang// phyogs bcu khro bo gnad la dbab pa dang/ 'phra men gnad la dbab pa dang/ dam tshig chain po dam can gnad la dbab pa'o// dam chain gnad la dbab pa tsa ri ste// sho na gnad la dbab pa dang// bdag nyid gnad la dbab pa dang// sa bdag gnad la dbab pa dang// dkyus tshig sgrub thabs su sbyar nas// 'phrin las gtsor len gnad la dbab pa'o// cho ga'i rim pa'i yon tan ni// 'phrin las thabs ni bdun yod de// slob ma zag bcas zag med snod rung la// sems bskyed rnam pa gnyis bstan dang// rgyu lam 'bras bu dngos grub sa thob dang// dngos grub thob tu mi gter gnag pa dang// de la 'gyogs byed ye shes pho nya dgye ba dang// brnag pa bkug nas bstim pa dang// drag po mngon spyod tshul ni ma nor bar// bsgral ba gnas drir yar ba'o// gnad la dbab brgyad don drug 'jug pa ni// gnad la dbab brgyad lha dbral dgug bstim don la 'jug pa dang// gnad la dbab brgyad gzir gnon drag po don la 'jug pa dang/ tshe lung khrul lung don la 'jug pa dang/ drag po hom gyi don la 'jug pa dang/ phur bu zor gyi don gyi gnan phur rtsa brgyad don la 'jug pa'o// zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ lha rnams gnad la ji ltar dbab pa dang/ cho ga'i rim pa dang/ don drug tu 'jug pa bstan pa'i le'u ste bcu gcig pa'o//// de nas yang 'phrin las kyi rgyal pos skad ces gsol to// gsang mchog badzra kI la ya// gnad la dbab dang don drug 'jug pa de lags na// rnal 'byor phur pa'i don spyod la// gab pa'i sngags drug yang snying bdun pa 'di// don bzhir 'jug pa ji ltar lags// kI la ya yis bstan du gsol// ces gsol bas// badzra kI la yas 'di skad ces bka' stsal to// rnal 'byor rjes su 'jug pa la// de yi don rnams ngas bshad kyis// gab pa'i sngags lha dag dbral ba dang// gab pa'i sngags dgug cing dbab pa dang/ gab pa'i sngags dbang du bsda zhing byad du gzhug pa dang/ gab pa'i sngags zil gnon smra smyor gzhug pa dang/ gab pa'i sngags gtogs sdigs drag po dang/ gab pa'i sngags drug stobs byed thebs byed do// re re la yang drug drug go/ don grub gnyis gnyis bcu gnyis so// gab pa'i sngags drug yang snying bdun// don gnyis pa gnad chen po bdun la 'jug pa ni/ gu h+ya man+t+ra dkyus tshig bcu gnyis dang// dkyus tshig gnyis pa gdab pa'i sras mchog gis// tshe yi rten nri til 'bru tsam// tshe ba rgya 'dra bas de gtums pa de// me lce sbrang bu bya sgro mes bsregs bzhin// tshe yi dngas ma gnad gcod gti mug rtsad nas gcod pa'i mthu'o// dkyus tshig brgyad pa mthu 'phrog sras mchog gis/ khrag dngas bye'u lan pa'i mgo tsam mo// gtar tshar rtsi sbur mi chags bzhin du bsreg/ khrag dngas gnad gcod 'dod chags rtsad nas gcod pa'i mthu'o// dkyus tsig bcu gcig mngag pa'i sras mchog gis// dbugs kyi dngas ma gser rlangs tsam po de// rdo chen chung 'dud bzhin du tog gis bskams// dbugs dang gnad gcad phrag dog rtsad nas gcod pa'i mthu'o// dkyus tshig bdun pa gzir thebs sras mchog gis// sems yul rgyas pa'i kha dog 'ja' tshon 'dra// so mal lcags la ngar blud bzhin du tog gi gyur// 'od dngas gnad rtsad nas gcod pa'i mthu'o// dkyus tshig bcu pa zil gnon sras mchog gis// rtsa yi dngas ma rta rnga bcur bkas tsam// dar kar rtsub shing dril te thab tu bsregs pa bzhin// rtsa dngas gnad gcad zhe sdang rtsad nas gcod pa'i mthu'o// dkyus tshig dgu pa dbang gi sras mchog gis// rgyud bzhis rtsa gur chon thag btib pa bzhin// bya sgro thab tu bsregs pa bzhin du thul gyis gtang/ rtsa thams cad gnad bcad rgyu bzhi rtsad nas gcod pa'i mthu'o// gu h+ya man tra dkyus tshig bcu gnyis pa// bsnyen pa'i sras mchog sbyor ba'i tri tri yis// snying ni pad+ma 'dab bzhi dar lce mer bcug bzhin// srog gi sdong po gcod// 'byung ba chen po bzhi rtsad nas gcod pa'i mthu'o// gab pa'i sngags drug yang snying bdun pa/ don gsum pa drag po hom sreg gi don bsten te/ stag dang stag phrul rtsal ma shor ba'i mthu// mda' mde'u gzhu dang skyes bu'i mtheb mdzub mthus// gang ltar bya ba'i 'dod pa de bzhin 'grub// sbyor ba bcu bdun dpe don ma nor bar// bstan pas drag po hom gyi 'dod pa'i bya ba bsgrub pa ni// stod kyi skor tshoms lnga lnga la// yang snying bdun pa bar du bcug la/ bskul ba las kyi man+tas bsdus la dbul ba dang/ gtso bo'i man+ta la bdun par bsdus pa la/ smad kyi gab pa'i man+t+ra dgu'i sbyor ba dang/ pU dza'i man+t+ras bsdus pa dbul ba ni/ gnad la dbab ni brgyad dag dang// mgyogs byed ye shes pho nya bgye// bran dang pho nya bka' nyan tshogs/ khyed kyi dam tshig dus la bab// sngon chad ji bzhin dam bcas pa// mngon spyod 'phrin las myur du mdzod// gsang ba'i yum bzhi man+t+ra yis// lha rnams man+t+ras bsdus te dgug/ sder mos man+t+ras dgug cing gzir// bran dang pho nyas dgug cing bstim// de nas gdab pa'i las byas la// dkyus dang 'phrin las sbyar la sreg/ gab pa'i sngags drug yang snying bdun pa/ dkyus tshig bcu gcig sbyor ba bcu bdun/ sreg rdzas nri dang bcas pa yis rdo rje me dbal gyis 'byung ba rlung 'gegs snying bsreg pa'i mthu/ yang snying dkyus tshig dgu'i sbyor bas/ bden pa'i byin rlabs mthus/ 'byung ba me 'gags/ rdo rje me dbal snying sreg go/ gsang sngags dkyus tshig brgyad pas/ 'byung ba chu 'gags rdo rje me dbal snying sreg go/ gsang sngags dkyus tshig bcu'i sbyor bas/ rdo rje me dbal gyis 'byung ba nam mkha' 'gags nas snying sreg go/ gsang sngags dkyus tshig bcu gnyis pas/ rdo rje me dbal gyis 'byung ba sa 'gags nas snying sreg go/ gab pa'i sngags drug yang snying bdun pa/ dkyus tshig bdun pa'i sbyor bas/ chos nyid bden pa'i mthus/ rdo rje me dbal gyis 'byung ba rdo rje brag bkag nas/ brnag pa'i snying sreg pa'i mthu'o// gab pa'i sngags drug yang snying bdun pa/ don bzhi pa phur pa zor gyi don la 'jug pa ni/ gsang sngags dkyus tshig dgu pas/ sbyor ba skor tshogs lnga lnga gsum gsum la// drug pa'i re re bar du bcug nas bran dang pho nya'i man+t+ras bsdus// yum bzhi 'dzin 'gugs sngags kyis bsdus la ni// brnag pa'i 'dod pa re la nan tan gnyer gtad de// thun du phab ste zor du 'phangs pas ni// brnag pa gu gu dul du bsgongs nas 'chi bar 'gyur// gsang sngags dkyus tshig bcu'i sbyor bas// thun du phab ste zor 'phangs nas// brnag pa lus bsdams dbang po dbugs bsdabs nad kyi 'chi// gsang sngags dkyus tshig brgyad pa'i sbyor ba yis// thun du phab ste zor 'phangs na// brnag pa khrag gzer gyis ni 'chi 'gyur ro// gsang sngags dkyus tshig bcu gcig sbyor ba yis// thun du phab ste zor 'phangs na// gnag pa smyo brgyal nad kyis 'chi// gsang sngags dkyus tshig bcu gnyis pa'i sbyor pa yis// thun du 'phangs nas zor 'phangs pas// brnag pa sha ni rul nas 'chi bar 'gyur// gsang sngags dkyus tshig bdun pa'i sbyor bas// thun du phab ste zor 'phangs na// chos nyid bden pa'i gsang sngags byin rlabs mthus// brnag pa rus pa rul nas 'chi bar 'gyur// drag por gyur pa'i khrag zor 'di// snying khrag spyos shig ku lu nan// rnam shes sdoms shig sha na raM// srog rtsa chod cig su tri raM// phog par rgyob cig snying gi dkyil// gnang du rgyob cig srog pa rtsa// brnag pa'i khong du khrag zor ya// g.yon pa rang rtags zhing mchog gzhu// g.yas pa ltas ngan mda' mde'u phur// g.yon brdungs g.yas drangs thugs kar bkang// brnag pa'i gnad pa thur zor ya// zhes gsungs so// de bzhin gshegs pa thams cad kyi sku gsung thugs kyi gsang ba/ kI la ya rdzogs pa'i rgyud las/ yang snying bdun pa don bzhir 'jug pa'i le'u ste bcu gnyis pa'o//// de nas yang 'phrin las kyi rgyal pos/ badzra kI la ya la 'di skad ces gsol to// kye bcom ldan 'das badzra kI la ya/ yang snying bdun pa don bzhir 'jug pa de lags na// phy-i rabs rnal 'byor rjes 'jug gis// gnad chen bdun pa ji ltar lags// nyon mongs mtsho bzhi ji ltar bskams// mtsho yi yan lag nying lag la// rtsa gcig rtsa brgyad ji ltar gdab// dam can dregs pa ji ltar lags// btab pa byin brlabs ji ltar 'byung// zhes gsol bas/ badzra kI la yas 'di skad ces bka' stsal to// nyon cig karma he ru ka/ rnal 'byor rjes su 'jug pa la// de yi don rnams ngas bshad kyis// gdab pa'i sngags tshe lung la 'jug pa ste/ drag po lcags kyi phur pas gnad bdun dril te gdab pa dang/ mi bzad pa'i phur pa bdun gyis gnad bdun la so sor gdab pa dang/ tshe rabs thog ma med pa nas bsags pa'i rnam par smin pa'i bag chags rgya mtsho chen po yod pas/ sogs pa'i rten byas te de la gdab pa'o// kun gzhi 'khor ba 'dzin pa sems kyi mtsho// bzung ba yul byung tshor sgo yi mtsho// 'phrin las rnam bzhi'i phur pa yis// ma rig srog 'dzin mtsho bzhi bskams// zhi ba'i phur pas ma rig klan gzhi 'khor ba'i mtsho yang bskams// rgyas pa'i phur pas 'dzin pa sems kyi mtsho yang bskams// dbang gi phur pas gzung ba yul sems mtsho yang bskams/ drag po'i phur pas 'byung tshor mtsho yang bskams// mtsho yi yan lag sogs te bskams// mgo dang tsit+ta lte ba dang/ gsang gnas yan lag gdab ste bskams// 'phrin las rnam bzhi phur pa rgyal po dang 'dra ba'i// ma rig pa srog 'dzin pa'i mtsho bzhi la ji ltar gdab ste bskams pa dang// mtsho bzhi'i yan lag bsogs la// nyi shu rtsa gcig brgya rtsa brgyad// rgyas bsdus su ni gdab bya ste// bla phur dang ni mnan phur ro// byung tshor sgo yi sems kyi yan lag ni// gti mug sgo dang zhe sdang sgo// phrag dog sgo dang nga rgyal sgo// 'dod chags skye ba'i sgo la gdab// byung tshor sgo'i sems kyi mtsho'i// yan lag rnam shes yul sgo rnam drug ste// rnam shes dri yi yul dang rnam shes gzugs kyi yul// rnam shes sgra yi yul dang rnam shes ro yi yul// rnam shes reg gi yul dang srid len srid 'jug gnyis su bshad// dbang po'i rten dang dge sdig gnyis su gdab// dam can sde gsum drag sngags rnam gnyis te// so so bdun gyi drag sngags dang// dam can bdun dril drag sngags so// dam can sbyor ba'i ngan sngags ni// dam can drug gi drag sngags ni/ bdun sogs sbyar te don drug 'jug/ klong drug dang gdab pa 'jug/ hom la 'jug dang zor la 'jug/ mnan phur rtsa brgyad don la 'jug pa dang/ dam can bdun sogs drag sngags rkyang par sbyor ba'o// e ka'i dbus ma na'i gsang sngags la/ thugs kyi gsang sngags e ka'i gsang sngags dang/ 'dzin cing 'gugs pa'i rdo rje yum bzhi'i sngags// sbyor bzhi'i bzhi gzhag pa'i zhe sdang smyos dang snying dag gas nas 'chi// e yi dbus ma'i ra yi gsang sngags la// thog mar thugs kyi 'dzin 'gugs rdo rje yum// bzhi yi gnag pa'i phrag dog brkyang bskum 'chi// e ka dbus ma tri yi gsang sngags la// thog mar thugs kyi 'dzin 'gug rdo rje yum bzhi'i sngags// sbyor ba bzhi'i brnag pa nga rgyal lag bskums 'chi// e ka'i dbus ma tsa ra'i gsang sngags la// thog mar thugs kyi 'dzin 'gugs rdo rje yum bzhi'i sngags// sbyor ba bzhi gnag pa 'dod chags chu 'gags 'chi// e'i dbus ma pan tsa ra'i gsang sngags la// thog mar thugs kyi 'dzin 'gugs rdo rje yum bzhi'i sngags// sbyor ba bzhi'i gnag pa gti mug klad 'khor 'go 'gas 'chi// e ka'i mthar gnas e ka'i gsang sngags la// e ka e ka'i kar ma'i gsang sngags dang// thog mar thugs kyi 'dzin 'gugs 'debs pa'i yum bzhi'i sngags// gnag pa'i dri tsha ba'i nad kyis 'chi// e ka'i mthar gnas ra yi gsang sngags la// e ka e ka'i kar ma gsang sngags dang// thog mar thugs kyi 'dzin 'gugs 'debs pa'i yum bzhi'i sngags// brnag pa'i gzugs 'gags mkhris nad nad kyis 'chi// e ka'i mthar gnas tri ya gsang sngags la// e ka e ka'i kar ma'i gsang sngags dang// thog ma thugs kyi 'dzin 'gugs 'debs pa rdo rje yum bzhi'i sngags// dgra bgegs klad gzer nad kyis 'chi bar 'gyur// e ka'i mthar gnas tsa ra'i gsang sngags la// e ka e ka'i kar ma'i gsang sngags dang// thog mar thugs kyi 'dzin 'gugs ra rdau+o rje yum bzhi'i sngags// lus rdzings lus 'jig rlung 'gags nad kyis 'chi bar 'gyur// e ka'i mthar gnas pany+tsa'i gsang sngags la// e ka e ka'i kar ma'i gsang sngags dang// thog mar thugs kyi 'dzin 'gugs rdo rje yum bzhi'i sngags// smyo 'bog brgyas nad lkugs nas 'chi bar 'gyur// e ka'i mthar gnas tsha yi gsang sngags la// e ka'i e ka'i kar ma'i gsang sngags dang// thugs kyi 'dzin 'gugs rdo rje yum bzhi'i sngags dang// skye ba'i rgyud bcad chu 'gags nad kyis 'chi bar 'gyur// mthar gnas e ka'i gsang sngags la// e ka e ka'i kar ma'i gsang sngags dang// thugs kyi 'dzin 'gugs 'debs pa'i rdo rje yum bzhi'i sngags// dbang po rten mgo klad pa gas nas 'chi// mthar gnas dbu ma'i gsang sngags la// e ka e ka'i kar ma'i gsang sngags dang// thugs kyi 'dzin 'gugs 'debs pa'i rdo rje yum bzhi'i sngags// che sri chung sri dgra sri god sri dang// lha 'dre gdug pa can gyi rig pa'i rgyun bcad nas// de yi mthu 'phrog zil gnon ldang mi srid// mthar gnas e ka'i mthar gnas dbus ma nas// gsang sngags gsum la dkyil 'khor gsum// e ka e ka'i kar ma'i gsang sngags dang// thugs kyi 'dzin 'gug rdo rje yum bzhi'i sngags// phur pa bcu gcig snying po bris sngags gdab// thog dang ser ba chu chen bzlog par 'gyur// rgyal po'i pho brang 'khor btab 'jig par 'gyur// gang la dmigs pa re 'gyel brag 'grum 'gyur// chos nyid bden pa gsang sngags byin rlabs mthu// gang la sdig phur kha tham tho bas brtab// de ltar de bzhin gdam ngag sbyar// gzir gnon mda' dug lug mig smra// de ltar de bzhin gdam ngag sbyar// rtags 'byin drag po dam rdzas bsgo ba'i bka' nyan byed// gab sbas klong gi rus sbal yan lag 'dra// gdam pa rin chen dag la dris// kI la ya rdzogs pa'i rgyud las/ mi bzad pa'i phur pa bdun stod kyi klong la sbyor ba dang// phan gnod kyi smon lam gdab pa'i le'u ste bcu gsum pa'o//// mi bzad pa'i phur pa bdun smad kyi gnad chen po bdun la gdab bo// gsal ba rnam gsum ldan byas shing/ khrus lung rnam gsum rdzogs byas la// rnam shes rten ni brtag par bya// byang chub sems kyi phur pa yis// gab pa'i sdom pa klong bcu ni// dug lnga gnas su gnas par bya// dngas ma'i gnad bdun ji ltar bar rtogs par byas la/ mi bzad pa'i bdun la gdab par bya ste/ rtags 'byin drag po'i sras mchog gis// tshe yi dngas ma rten bral nas// gti mug rtsad nas gcod pa'i mthu zhes 'byung ste/ lcags phur dril zhing/ dam tshig po'i dus la bab/ nas mthu rtsal 'byung ba'i dus la bab po tshang ba bya/ byang chub mchog tu sems bskyaid cing/ khams gsum rgyal ba'i gdung 'tshob pa// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa rnams// dngos grub 'phrog cing tshe ba rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// dngos grub bar chad byed pa'i bgegs// gdug cing sdang sems ldan pa rnams// zung zhig rgyob cig rnam par thob// oM badzra kI li kI la ya/ nr-i mA ra ya hUM phaT/ oM laM nas a zhes tshe'i dngas ma la gdab bo/ khab len rdo la lcags rnams 'du ba bzhin// bkrag mdangs phrogs nas tshe lung bstan par bya'o// kun la de bzhin gdam ngag sbyar// mthu 'phrog phur pa sras mchog gis/ khrag gi dngas ma'i gnad slebs nas// 'dod chags rtsad nas gcod pa'i mthu// de ltar de bzhin gdam ngag sbyar// mngag pa'i phur ba sras mchog gis// dbugs kyi dngas ma'i rta bsgral nas// phrag dog rtsad nas gcod pa'i mthu// de ltar de bzhin gdams ngag sbyar// sdig pa'i phur pa sras mchog gis// 'od dang sems kyi gnas bskams nas// nga rgyal rtsad nas gcod pa'i mthu// de ltar de bzhin gdam ngag sbyar// zil gnon phur pa sras mchog gis// rtsa dang kun gzhi rten phral nas// zhe sdang rtsad nas gcod pa'i mthu// de ltar de bzhin gdam ngag sbyar// dbang gi phur pa sras mchog gis// rgyu bzhi gnas nas bsreg pa'i mthu// de ltar de bzhin gdam ngag sbyar// bsnyen pa phur pa sras mchog gis// 'byung ba kun gyi rten phral sreg pa'i mthu// kun la de bzhin gdam ngag sbyar// a shog pa'i rgya deb brtsegs 'dra la// gnad bdun gcig tu dril ba la// sol lam lcags mda' sras mnol yis// skad cig ma yi grangs su med pa'i ting nge 'dzin// mchod pa'i yon tan bstan pa'o// phar la mchod pa don brgyad de// mchod pa'i rgyud dang rgyu yi sbyang ba dang/ mchod pa spel zhing bskyil ba dang// snang srid bsgom pa'i khog la dgongs pa'i don// sngags kyis mchod dang ting nge 'dzin gyis mchod// mchod pa'i smon lam dang ni mchod pa'i yon tan no// zhes gsungs so// kI la ya rdzogs pa'i rgyud las/ mthar gnas la don bcu gcig dang/ rgyun gyi ting nge 'dzin spyod lam gyi don bstan pa'i le'u ste bcu bzhi pa'o//// de nas badzra kI la yas/ phyogs bcu'i sangs rgyas dang/ 'phrin las kyi rgyal po karma he ru ka la sogs pa la/ rdzogs rgyud gtad pa la bstan pa gzungs ba'i ched du 'di gsungs so// chos rnams thams cad skye med la// rtog pa'i dbang gis sdug bsngal smin// de las grol bar bya ba'i phyir// 'og min btsun mo'i b+ha ga las// drag po 'jigs bdud bdag bzhengs mgon po bdag nyid chen pos// thams cad rgyud kyi rgyud dag bka'// ljags kyi dbang po bkram nas ni// kun gyi don du gsungs pa 'di// rjes 'jug rnams kyis bstan pa zung// 'gro ba las ni dang po yis// rdzogs rgyud yi ger bris gyur nas// klog dang kha ton byed pa rnams// sgra men gnas su mi skye bar// dkon mchog sgra sgrogs gnas su skyes// skye ba ngan pa mi len 'bor// rim par bgrod nas byang chub thob// rdzogs rgyud 'di la thos bsams na// rjes 'jug thogs med shes rab 'gyur// rdzogs rgyud 'di la bshad gyur na// skye ba ma brgyud gnas lnga la// 'di yi 'bras bu 'phel bar 'gyur// rdzogs rgyud 'di la bsgoms gyur na// tshe 'di nyid la phyir mi ldog/ mngon shes drug ni 'char bar 'gyur// yid bzhin nor bu rin chen la// ci 'dod don ni 'byung bar 'gyur// sku gsung thugs kyi rdzogs rgyud la// sngar bas da ltar slad kyis byon// sangs rgyas 'di las byung ba yin// rgyud kun gyi ni gsang sngags sgron gsal 'di// rjes 'jug las ni dang po yis// mthong zhing thos na rtog par 'gyur// 'di la ma yengs dam tshig che// rdo rje thugs la rtogs 'gyur na// thugs kyi sku dang thugs kyi gsung// bde bar gshegs pas rab bsngags pas// yon tan thams cad 'di las 'byung// dngos por lta ba'i gsang sngags kyang// 'di nyid gzung zhing glags spyad na// dam pa rnams kyi dam pa mchog/ dngos por rgyu man mun mthong// longs spyod rdzogs pa'i sku dang/ gsung dang/ thugs rdo rje la zhugs te/ gnyis su med par ting nge 'dzin las bzhengs so// sdud pa po thugs rdo rje la gnyis su med par bzhugs te/ gcig gi rang bzhin du mnyam zhing dbyer med par gyur te/ mi snang bar gyur to// de bzhin gshegs pa thams cad kyi sku gsung thugs las/ rdzogs pa'i rgyud yongs su gzung zhing gtad pa'i le'u ste bco lnga pa'o//// bi to ta ma la 'bum sde'i nang nas/ kI la ya rdzogs pa'i rgyud bya ba rdzogs so//// u rgyan gyi slob dpon chen po rdo rje thod 'phreng dang/ bod kyi lots+tsha ba mang yul gyi lce ku ku rA dza dang/ brang ti dza ya rak+shi tas bsgyur cing gtan la phab pa/ rgyud phyi ma'i phyi ma 'ching bu'i du dger gtan la phab pa rdzogs so//// pad+ma thod 'phreng gis/ mkhar chen bza' mtsho rgyal dang/ dpal gyi dbang phyug ming sring la bshad do// jo mo mtsho rgyal gyis me nu la bshad/ des lo la bshad/ des nga 'brel la bshad/ des la lab byang chub rdo rje la bshad do// des lnga brgya dus kyi snyigs ma la spyad par dka' nas gter du sbas so// las 'phro skal bar ldan pa 'ga' dang phrad par shog/ gang dang gang gi spyod yul min/ rdzogs so// rgya rgya rgya//// rgya gar skad du/ badzra kI la ya ma hA ma li dz+wa la tan tra/ bod skad du/ rdo rje phur pa chen po gsod byed 'bar ba'i rgyud/ bcom ldan 'das dpal kun tu bzang po la phyag 'tshal lo// 'di skad bsgrubs pa'i dus gcig na/ bcom ldan 'das mkhyen pa nyid kyis thugs rjes mnyam pa'i ngang gis/ bzhi'i gnas mtha' dang dbus med pa na/ nges don gsum gyis mtshan ma bstan pa/ chos nyid kun tu bzang po des// thugs rje byin gyis rlabs kyis/ thugs rje kun la khyab pas/ ye shes chen po'i rang bzhin gyis yod pas/ cha phra mo 'byung bar 'gyur te/ cos nyid rtogs pa'i don/ kun la khyab par 'byung/ bzhi'i ngo bo yin/ 'khrul ba'i rkyen gyis ma bslad pa'i nga rgyal gyi ri bo ma spungs pa/ 'dod chags kyi brag/ ser sna'i 'jur 'gegs la/ ma rig pa las rang bzhin grol/ 'khor ba'i brag gtams/ sa dang lam mang du bgrod/ 'khor ba'i kha brgyad/ nga bdag gi rgyu rkyen smin/ gzhi bag chags bsags/ 'bras bu 'gro ba rigs drug tu smin/ yang dag pa'i chos nyid las grol ba'i 'khrul gzhi las de ltar smin no// nyon mongs pa'i bag chags dri ma ltar gos so// nga rgyal dang gti mug las byung ste/ nga bdag gi phyogs rigs dregs pa can 'byung/ 'khor ba'i kha brgyud nas/ zas ni sha khrag la byed/ las su srog gcod// yang dag pa'i byang chub kyi don ni ma rtogs/log pa'-i lam la bag chags nas rang rgyud du/ bzung ngo// bde bar gshegs pas dgongs nas ma rig pa snying re rje/ ma go ba snying re rje/ bde bar gshegs pa'i thugs rjes bstan du gsol/ ces gsungs pas/ bde bar gshegs kyi thugs rje 'byung ste/ yang dag pa'i chos nyid sgrib par bya ba'i skyon gyis ma gos to/ ya mtha' rgyal ba'i dkyil 'khor nas/ ma mtha' 'jag ma'i srin bu yan chad du/ che chung dang bzang ngan med par mnyam por gnas so// de nyid kyi don rtogs na/ nyon mongs pa'i bag chags rtswa ka'i zil pa bzhin du dngas so// chos nyid spros pa med pa las/ spro bya spro byed rnam pa gnyis su 'byung ngo// brtags pas 'khrul zhes bya'o// zhes gsungs so// kun gzhi thams cad kyi gzhir 'dug te/ 'khor 'das gnyis kyi rgyu'o// chos nyid yang dag pa'i don gyis mtshon pas/ mtshon du med de mtshon pa'i rgyu'o// de'i phyir mtshon pa ngo mtshar che ste/ chos thams cad gling gzhi byang chub kyi sems la 'dus/ theg pa'i grangs mang po yang de las spros/ 'dus kyang de nyid du 'dus so// yang dag pa'i chos nyid de/ skye shi med pa'i rdo rjes mtshon/ rdo rje thams cad kyi gzhir 'dug go/ rdo rje las rgyu dang/ 'bras bu dang/ grangs mang du 'byung ngo// mya ngan las 'das pa'i 'bras bu/ 'khor ba'i 'bras bu gnyis 'byung ste/ de rgyu 'bras rto gcig pa'o// snying po ji lta ba'i ngo bo yang gzhi ma bcos pa'o// mtshon par bstan te/ rig pa nyid rdo rje lta bur dbyer med pa'o// rig pa'i ngo bo nas/ rig pa'i ye shes dang/ ma rig pa'i ye shes dang/ ye shes bya bar 'dra ste/ 'bras bu so so'o// chos bya bar 'dra ste/ bsgrub lug so so'i// yang dag pa'i rdo rje las/ 'khor ba yang de las 'byung/ yang dag pa yang de las 'byung// rtogs ma rtogs kyi khyad par yin no// rig pa ngos gzung med pa las// ngos gzung byas pas nyams pa'i rgyu// chos nyid snang stong med pa las// snang stong byas pas gol ba'i rgyu// rdo rje skye shi med pa las// skye shi byung bas log pa'i chos// snang stong gnyis med ngo bo la// nga bdag byung bas 'bras bu ltas// ces gsungs so// yang dag pa'i rdo rje la mtha' dang dbus med/ phyi dang nang med/ bdag dang gzhan med// nga dang khyod med de// rdo rje lta bu'o// de ltar rdo rje ngo mtshar can// skye shi med pas ngo mtshar che/ gar bsgrubs 'grub bas ngo mtshar che// yod la zhen dang med la zhen// yod med gnyis kyi mtha' la bsten// de ltar rdo rje ngo mtshar can// nges par bstan gyis go bar gyis// rdo rje rang grol mtshan nyid ni// chu yang rdo rje'i mtshan nyid yin// me yang rdo rje'i mtshan nid yin// sa yang rdo rje'i mtshan nyid yin// rlung yang rdo rje'i mtshan nyid yin// nam mkha' rdo rje'i mtshan nyid yin// btsan dug rdo rje'i mtshan nyid yin// ga pur rdo rje'i mtshan nyid yin// nor bu rin chen rdo rje'i mtshan nyid yin// byas pa chung ngu rdo rje'i mtshan nyid yin// rdo rje'i mtshan nyid de rnams rtogs pa na// rang bzhin btsal med 'bras bu grub pa'i rgyu// yang dag don gyis sangs rgyas yin// rgyu yang med de rkyen yang med// yang dag pa yi rdo rje ni// mtshon bya mtshon byed gnyis med de// gnyis su byung bas rtogs par dka'// kun tu bzang po'i ngang nyid las// 'khor 'das gnyis su med pa ste// gnyis su byung bas rtogs par dka'// yang dag pa yi rdo rje las// nyon mongs dri mas gos pa med// gos na 'dug pa shin tu dka'// yang dag pa yi rdo rje las// gdul bya gdul byed gnyis med de// gnyis su byung bas shin tu dka'// thig ltar phra zhing mkha' ltar zab// de yi snying po rtogs par gyis// zhi bas bstan pas mi 'dul te// drag po las kyi rgyud 'byung ngo// shes rab blo ldan skyes bu des// mtshon ltar rno la thogs pa med// de phyir shes rab rab kyis rtogs// rdo rje phur pa chen po gsod byed 'bar ba'i rgyud las/ gling gzhi'i le'u ste dang po'o//// de nas yum rgyas pa'i t-ing nge 'dzin la snyoms bar zhugs nas/ e ma'o 'khor ba'i sems can rnams// 'khor ba dri ma med pa ni// thabs lam pa yang mtshon pa yin// thar pa chen po thob bya'i phyir// 'di ltar ya mtshan rmad du che// 'di ltar bstan pa de bzhin 'byung// zhes gsungs pas/ yum gyis gleng bslang ba dang/ yab kyis gleng bslang ba dang/ yum gyis yab la 'khyud pa dang/ yab kyis yum la 'khyud pa dang/ thabs shes rab kyis sbyor ba'i don ni/ bshad rgyud drug po nas bstan no// rdo rje phur pa chen po gsod byed 'bar ba'i rgyud las/ gling bslang ba'i le'u ste gnyis pa'o//// de nas bsgral ba chen po'i ting nge 'dzin la snyoms par zhugs te/ gol ba'i skyes bu chen po khyod/ yang dag rdo rje'i don med pas/ 'khor ba'i khang mo che ru gnas te/ 'khor ba'i rgyu las thon dus med pa khyod/ gab pa'i gsang ba ma rtogs te/ sbas pa'i gsang ba la rtogs par bya ste// log pa'i lta ba rtogs nas/ log pa'i 'bras bu smin par 'gyur te/ 'gro ba rigs drug tu 'khyams shing sdug bsngal myong/ ji ltar myong ba'i sdug bsngal gyis/ ngan song gsum po smin/ de bzhin sdug bsngal brjod las 'das/ rnam pa gsum gyis 'bras bu 'byung/ rnam smin rim par byung 'gyur yang/ srin po'i cha byad du byas nas/ rngam pa'i sgra phyung nas/ thams cad nga'i zas yin/ thams cad nga'i skom yin/ khro bo chen po des 'khor mang du bsdus nas/ che ba'i nga rgyal 'khor mang po dang bcas nas/pho byung ba thams cad ni bsgral/ mo thams cad ni sbyor ba byas/ des srid pa gsum za ba/ srog gcod pa/ srog bcad pa la dge ba'i las re ba/ thams cad he he rngam pa'i sgra sgrogs pa/ thams cad rngam pa'i stangs stabs dang bcas pa/ gtso rngam 'khor du bcas pa dang/ khro bo'i nga ro dang bcas pa/ he he khro bo'i sgra stong gsum du grags pa/ gdug pa'i khro bo 'di lta bu// 'khor rnams thams cad dbang du sdud// rngam pa chen pos thams cad 'dul// de ni shin tu gdug par 'gyur// shin tu gdug pa chen po 'di// yang dag med pa'i ngo bo can// de phyir 'khor ba yang dag bsgral// bstan pa kun yang rab tu 'jig/ sems can yang kun rab tu gdul// 'jig rten kun yang gnag cing 'thibs// nyon mongs 'khor ba rab tu smyo// drag po dbang pos gsod dang gcod// de yis smin pa'i 'bras bu 'byung// de las bstan pa bya phyi ru// bde gshegs snying po rab tu 'byung// ru tra'i don yang bshad rgyud grub pa'i nang du zab tu bstan no// rdo rje phur pa gsod byed 'bar ba'i rgyud las/ gdug pa 'byung ba'i le'u ste gsum pa'o//// gdug pa 'dul ba'i ting nge 'dzin la snyoms par bzhugs te/ drag po bsgrub pas 'dul ba'o// de la gnas bstan pa ni/ shing rkang gcig pa dang/ rkang gnyis pa'am/ brag srin mo ral pa snyigs pa 'dra ba'am/ brag ngo rgya lta bu 'am/ drag po'i shing mtha' dag yod pa 'am/ mas gnag par 'dug pa 'am/ lung pa gru gsum du 'dug pa 'am/ chu mig mang la rtsi shing sbyal 'khris pa 'dra ba 'dug pa/ ltas ngan gyi bya sna tshogs kyis skad 'don pa/ sa bdag yod nges pa de ru bsgrub par bya ste/ de lta bu'i gnas der yo byad ni/ skar ma rta chen dang rta chung gsod byed khra la bsags pa'am/ bkra shis pa'i nyi ma bdun la rdzas bsag go/ rdzas ni bdud kyi nyi ma 'am/ 'jigs pa'i nyi ma la bsag ste/ bsgrub pa'i rdzas so// yungs nag dang/ gu gul dang/ zangs phye dang/ lcags phye dang/ dug sna tshogs dang/ rdo rje ral gri thun snod/ zangs ma'i ral ka za 'og nag bkra dbu thod dar mthing nag/ drag po'i rdzas thams cad las byas pa'i phur pa/ thun rdzas mtha' dag bsag go/ ling kha'i rgyu brgyad kyang bsag go/ de nas phyi mchod bya/ gser skyems gtang/ bden pa bdar/ drag po'i lha dbral dgug bstim yang bya'o// maN+Dal yang brtsig ste/ maN+Dal zla gam gru bzhi la/ khrag sna tshogs kyis chag chag btab la/ thig skud nag po byas la/ dkyil 'khor lo rtsibs drug tu bris te/ ling ga'i mtshan nyid ni/ de nas rdzas rnams bsags la/ skabs de ru phyi mtshams bcad pa dang/ ma trang khog par bruM las gzhal yas khang du bskyed pa dang/sgo byang gdags pa dang// dam sri gnan pa dang kun bya'o// de nas nang mtshams bcad de/ dang po stong pa nyid du bsam/ stong pa nyid las hUM gcig tu gyur par bsam/ de las oM badzra kI li kI la ya/ rdo rje gzhon nur gyur par bsam/ dzaHhUM baM hos phyogs bcur nyi ma'i dkyil 'khor re bsam/ de'i steng du hUM bcu bsam/ de las oM badzra kro d+ha hUM ka ra hUM/ khro bo rkyang pa re bskyed do// hUM/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos/ nyon cig bgegs dang log 'dren tshogs/ nga yi bka' las 'da' ma byed// oM badzra kro d+ha hUM/ gardza gardza hUM phaT/ ces khro bo'i sngags kyis bgegs bskrad nas/ khro bo'i gur du gyur par bsam/ phyi mchog bya ba dang/ rdzas bsag pa'i thabs dang/ dam sri dang/ ma tang dang/ sgo byang dang/ nang mtshams gcad pa dang/ rdo rje phur pa chen po gsod byed 'bar ba'i rgyud las/ sngon du bya ba'i le'u ste bzhi pa'o//// de nas phur pa dgod de/ sman byin gyis brlab pa dang/ phur pa byin gyis brlab pa dang/ kun dang po stong pa nyid du bsam/ de las hUM zhes pas phur pa nyid hUM nag po gcig tu bsam/ de las 'phros pas sti lta badzra zhes mthing nag gcig tu gyur par bsam/ de las rdo rje 'od du gyur pa las// 'od nag po// oM badzra kI li kI la ya sarba big+h+nAn baM hUM phaT/ rdo rje gzhon nu mthing nag gcig tu gyur pas bsam/ snyan gsan dbab pa ni rdo rje gzhon nu'i rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// oM badzra kI li kI la ya/ zhes se gol lan gsum du rtogs pas/ chos kyi sku las bzhengs par bsam/ spyan drangs pa ni/ srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol// badzra kI li kI la ya/ dzaHhUM baM ho/ mdun gyi nam mkha' la byon par bsam/ dbang nod pa ni/ thabs kyi spyod pa'i 'gro don du// byams dang snying rjes gang 'dul ba/ sangs rgyas 'phrin las rdzogs mdzad nas// dbang dang byin rlabs 'dir gsol cig/ phur pa'i lha tshogs thams cad oM AHhUM/ gsum du dir ri ri sgrogs par bsam/ dbang skur ba ni/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// skya yi dbyig tu bdag skyed cig/ gsung gi dbyig tu bdag skyed cig/ thugs kyi dbyig tu bdag skyed cig/ oM zhes pas oM spyi bor thim pas/ badzra kI li kI la ya/ zhes dbang bskur bar bsam/ oM aM zhes lce stengs su thim pas/ badzra kI li kI la ya/ zhes gsung gi dbang thob par bsam/hUM zhes pa thugs khar thim pas/ badzra kI li kI la ya/ zhes thugs kyi dbang thob par bsam/ dbang rdzogs par bskur te/ ye shes khro bo gshegs nas kyang/ rtags dang mtshan ma bstan pa dang// kI la ya yi dngos grub stsol// hUM hUM hUM zhes hUM mthing nag de gsum lha mthing nag gi rang bzhin yin pas/ nam mkha'i lha mthing nag rnams phur pa'i hUM la thim par bsam mo// yungs kar gyi dbang bskur ba ni/ oM badzra kI li kI la A be sha ya A be sha ya hUM phaT/ ces yungs kar gyi dbang bskur/ lan gsum brjod pas/ yungs nag dang/ til nag dang/ zangs phye dang/ lcags phye dang kun gyi dbang bskur ro// oM badzra kI li kI la ya ha sa ya ra na ha da na hUM phaT/ gu gul gyi dbang bskur/ rak+ta yis dbang bskur ro// hUM ma ma pa shi ku ru ma ti nya na ka ra i dam shri krang kang nye ye ma ra sa ni/ pra marta ni ye hUM phaT/ mtshon gyi rgyal po yis dbang bskur ro// dz+wa la pa ya dz+wa la pa ya hUM phaT/ dug sna tshogs kyi dbang bskur ro// ta tha ya ta tha ya hUM phaT/ rdo rje tho ba'i dbang bskur ro// de nas phur pa lag tu blangs la klad la bskor zhing// kI la ya nyi shu rtsa gcig bton la/ 'od zer mthing nag dang ldan par bsam/ badzra kI li kI la ya dzaHhUM baM ho phaT/ badzra hUM ka ra hUM gardza gardza hUM phaT/ kI la ya nyi shu rtsa gcig des 'dre'o// de nas phur pa ban d+ha 'bru nag pos bkang pa'i nang du bcug la/ dar mthing nag gis kha gcad la/ badzra kI li kI la badzra yag sha kro d+ha la kha raM khA hi/ ba liM ta badzra yag sha kro d+ha la kha raM khA hi/ zhes lan gsum du bskyar la 'bul lo// phur pa byin yang des 'dre'o/ brgya rtsa brgyad 'god na bcu tham pa hUM ka rar byin gyis brlab bo// phur pa drug kyang gong mas 'dre'o// phur pa dgod pa bstan te/ gtso bo'i phur pa blangs la/ dril zhing che ba'i nga rgyal bskyed la/ ho/ snying rjes bsgral ba'i dam tshig ni// gsad cing mnan pa ma yin te// phung po rdo rjes gtam byas nas// rnam par shes pa rdo rjer bsgom// oM badzra kI li kI la ya sarba bag+h+nin baM hUM phaT/ dbus su bzhugs par bsam/ yum la rak+ta dang thal chen dang gang rung dgod/ khro bo bcu dgod de/ dar mthing nag gi cod pan zhi tshe btags la/ ho/ srid pa'i phur bu bsgrub pa dang// dbang dang dngos grub blang pa'i phyir// ye shes khro bo gshegs su gsol/ khro bo chen po gshegs su gsol// khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// badzra kro d+ha hUM/ gardza gardza hUM phaT/ hUM ka ra'i phur pa dgod/ phag gi mgo can la yungs kar dgod/ smigs bu'i mgo can la thal chen dgod/ phyi ma'i khro bo rnams kyang sngags brjod cing de bzhin du dgod// mi bzad pa'i phur pa drug dgod de// ho/ thabs kyi spyod pa'i 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la stsol// oM badzra kI li kI la ha sa ra na ha da na hUM phaT/ sras mchog drug po'i phur pa ni/ steng 'og sgo bzhi la dgod/ khro bo bcu yi phur pa ni/ dkyil 'khor lang+gi'i dbyibs su byas la/ 'debs pa'i gnad rnams la dgod do// gtso bo'i phur pa ni/ rgyu brgyad la byas pa dang/ dkyil 'khor gyi lang+gi'i snying la sbags te dgod do// lang+gi dbul te/ lha dbral dgug bstim klong drug bzhin du byas la/ bsnyen phur dril zhing/ dngos grub bar chod byed pa'i bgegs// gdug cing sdang sems ldan pa rnams// lus ngag rdul du bshig nas kyang// sdug bsngal nyams su myong bar mdzod// snying rjes bsgral ba'i dam tshig ni// gsad cing mnan ma yin no// badzra kI li kI la ya sarba big+h+nAn baM hUM phaT/ badzra yag sha kro d+ha la khA hi/ kI la nyi shu rtsa gcig yo la gdab bo// gtso bo'i phur pa blangs la dril zhing/ dam tshig chen po'i dus la bab// bya ba'i tshig tsho gtang la/ oM lang dang a tsi te'i sngags gsum pos btab la gzhag go/ bden pa bdar ro// de nas rdzas byin po dgod de/ sman dang/ rak+ta dang/ drag po'i gtor ma dang/ lcags phye zangs phye'i gtor ma dang// rdo rje tho ba dang/ ral gri dang/ sta ri dang kun dgram/ lcags thags nag po zhes bya ste/ yugs sa mo'i skra la thi gu byas la/ dkyil 'khor gyi mtha' ma bskor ro// zangs phye lcags phye dang dug gi gtor ma kun byin gyis brlab bo// de yan chad ni sngags rkyang pa dang ting nge 'dzin lha'i sku mdog med pa dgongs 'grel dang mthun no// rdo rje phur pa chen po gsod byed 'bar ba'i rgyud las/ phur pa dbang bskur zhing rdzas byin gyis brlab cig dgod pa'i le'u ste lnga pa'o//// bzhengs su gsol ba ni/ dzaHhUM baM ho/ zhes mdun gyi nam mkha' la bde bzhin gshegs pa thams cad byon par bsam/ thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la gsol// hUM hUM hUM/ zhes bdag la thim par bsam/ de bzhin nyid bsgom/ kun tu snang ba bsgom/ hUM/ rdo rje khros pas zhes sdang gcod// mtshon chen sngon po 'bar ba yis// srog gi go ru shar ba dang// snying gi go ru bsgom par bya// e yaM ra keM raM bruM/ gzhal yas khang ngo// ma sUr+ya a tsaN+d+ra paM pad+ma maN+Da la/ ra tri ru tri ti ra baM/ ru tra pho mo spyi chings su bsnol bar bsam/ hUM/ nam mkha'i dkyil nas thig par shar// hUM hUM hUM/ zhes gdan thog tu babs par bsam/ badzra kI li kI la ya sarba big+h+nAn baM hUM phaT/yab yum gnyis pa ru bskyed do// phung po rdo rje gtam byas nas// rnam par shes pa rdo rjer bsgom/ zhes bya'o/ phyogs bcu'i khro bo bskyed de/ dzaHhUM baM ho zhes pas/ bdag gi thugs ka nas lha mo lcags kyu zhags pa lcags sgrog dril bu ma bzhis phyogs skyong bcu gdan du gting bar bsam/ bam chen gyi gdan sum brtsegs yod par bsam mo// hUM hUM hUM/ zhes pas phyogs mtshams steng 'og tu hUM zung gnyis gnyis nyi shu tham pa bskyed/sprul pa rang bzhin du bskyed/ badzra kro d+ha hUM gardza gardza hUM phaT/ steng du hUM ka ra bskyed/ yab kyi g.yon du rdo rje sgra 'byin ma bskyed/ phag gi mgo can yab kyi g.yas su bskyed/ smigs bu'i mgo can yum gyi g.yon du bskyed/ sku mdog phyag mtshan ni/ sku mdog mthing nag zhi tshe/ zhal gcig phyag gnyis pa zhi tshe'o// phur pa drug bskyed de/ e mthing nag drug bskyed de/ de'i steng du hUM mthing nag drug bskyed/ oM badzra kI l-i kI la ya ha sa ra na ha ta na hUM phaT/ sku stod zhal gcig phyag gnyis pa la/ sku smad lcags kyi phur pa zur gsum pa drug rang sngags kyis bskyed do// dam tshig gi dkyil 'khor bskyed nas/ drag po'i lha spyan drangs te/ sangs rgyas kun gyi ye shes sku/ ngang nyid rdo rje chos dbyings las/ 'bar ba'i khro bo med bzad pa// ye shes khro bo gshegs su gsol// badzra kI li kI la ya dzaHhUM baM ho/ chos kyi sku las drag po'i sku bzhengs par bsam/ srid pa rdo rje phur pa'i lha// ye shes khro bo grub par mdzod// dzaHhUM baM hos mdun gyi nam mkha' la byon par bsam/ srid pa phur bu bsgrub pa dang// dbang dang dngos grub blang bya'i phyir// thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la stsol// bde bar gshegs pa thams cad oM AHhUM/ gsum dir ri ri sgrog par bsam mo// dbang bskur ba ni/ hUM/ sangs rgyas kun gyi ye shes sku// sku yi dbyig tu bdag skyed cig/ oM zhes brjod pas bdag gi spyi bo ru oM thim nas/ oM badzra kI li kI la ya/ zhes pas sku'i dbang thob ste/ sku la yan lag rags pa/ nyi zla gza' skar rked pa la 'phyo ba/ dkyil 'khor rnam pa gsum gyi 'od zer mthing nag tu lhag lhag yod par bsam/ hUM/ ngang nyid rdo rje chos sku las// gsung gi dbyig tu bdag skyed cig/ oM bdag gi lce stengs su thim pas/ badzra kI li kI la ya/ zhes pas lce rdo rje rtse gsum du bsams la/ hUM yungs 'bru tsam muM til 'bru tsam gyi mtha' 'am/ kI la ya 'bru dgu dmar spus bris pa tsam gyis drag po'i sgra sgrogs par bsam/ hUM/ 'bar ba'i khro bo mi bzad pa// thugs kyi dbyig tu bdag skyed cig/ hUM thugs khar thim pas/badzra kI la ya/ brjod pas thugs tsit+ta rin po che gur phub pa nas/ rta mgrin de'i thugs kha nas ye shes sems dpa'/ de'i thugs kha na rin chen zur brgyad/ de'i steng na rdo rje mthing nag nas tsam/ de'i lte ba la hUM yungs 'bru tsam/ yuM til 'bru tsam gyi mtha' ma kI la ya mthing nag spus bris pa tsam drag po'i sgra rang gis rang sgrogs par bsam/ lha tshogs thams cad de bzhin drag po'i gzugs drag po'i sgra sgrogs par bsam mo// hUM/ ngang nyid rdo rje chos dbyings las// ye shes khro bo gshegs su gsol// ye shes khro bo gshegs nas kyang// kI la ya yi dngos grub gsol/ hUM hUM hUM/ zhes lha thams cad bdag la thim par bsam/ drag po'i lha la drag pos dbang bskur ba'o// rdo rje phur pa chen po gsod byed 'bar ba'i rgyud las/ spyan drangs dbang bskur ba'i le'u ste drug pa'o//// de nas sman mchod de/ badzra kI li kI la ya dzaHhUM baM ho/ ma hA pany+tsa badzra yag sha/ kro d+ha khA hi/ badzra kro d+ha hUM gardza gardza hUM/ ma hA pany+tsa yag sha kro d+ha khA hi/ khro bo bcu des 'dre'o// badzra kI li kI la ya ha sa ra na ha ta na hUM phaT/ mahA pany+tsa badzra yag sha kro d+ha khA hi/ sras mchog drug des 'dre'o// badzra k-I li kI la ya/ oM laM hUM laM staM pa nan/ mo ha g+ha ya badzra yag sha kro d+ha khA hi/ badzra kI li kI la ya a tsit+ta badzra yag sha kro d+ha kha hi/ srung ma gsum des 'dre/ dngos grub blangs te// oM AHhUM/ gsum gyis bdud rtsi 'bru gsum du gyur/ de la srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang/ rtags dang mtshan ma bstan pa dang// kI la ya yi dngos grub stsol// kA ya sid+d+hi oM/ bA ka sid+d+hi AH/ tsit+ta sid+d+hi hUM/ zhes kI la ya'i dngos grub thob par bsam mo// yun thung ngu bsgrub pa yin na/ skabs der 'dzab byas la/ phur pa gzi byin bskyed la// gdab zangs kyis bya'o// yun ring du rgyas par bsgrub pa yin na sbyor sgrol bya ste/ bsgrub pa'i dus kyi dbab las las/ lha'i sku mdog phyag mtshan dang zhal bsgyur bar bya/ sngags kyi sgo gcad/ gzhan ma bsgrub pa'i gdab las ltar bya'o// de nas 'dzab bya ste/ drag po'i 'dzab dpa' brtul dang chas par bya'o// 'dzab ni/ oM laM hUM laM/ stam pa nan mo ha g+ha ya b+ha ga bAn shri krin pi krin/ badzra hUM ka ra hUM hUM phaT phaT/ badzra kI li kI la ya/ dzaH hUM baM ho/ sarba big+h+nAn badzra kI li kI la ya/ hUM hUM phaT phaT/ badzra hUM ka ra hUM phaT/ badzra hUM ka ra hUM a/ gardza ha na da ha ban d+ha gr-i ha na tiSh+Tha tshin d+ha bin d+ha s+pho Ta/ a tsi te a pa rA tsi te/ hUM ma ma pa shaM ku ru dza ye bi dza ye/ ma taM nyan ka ra i dan ka tang ka te ye/ da ti mA ma karma/ shri kang ka te ye/ ma ra sa ni pra ma ta ni ye hUM phaT/ su ru su ru badzra/ mu ru mu ru badzra/ ka tang ka te ye/ ma ra sa ni pra marti ni ye hUM phaT/ ci mang du bzlas te/ rtags ni/ 'phar dang 'khrog dang 'tshig pa dang/ 'gul dang ldeg dang mchong pa dang// sku dang lugs mar bzhed pa dang/ rab kyis mngon du khugs pa dang// tha ma rmi lam tsam du khugs pa'o// de ltar byung tsa na gdab pa'i las bya/ 'dzab kyi dus su ting nge 'dzin khro bo thams cad zhal gcig phyag gnyis pa/ sku mdog mthing nag/ sku smad lcags kyi zur gsum pa/ phyag gnyis pos phur pa 'dril ba'o// grog tshang bshig pa 'am/ bung ba bshig pa 'am/ stong gsum stag gis khengs nas/ nyams pa po sgrol ba/ yang tshur 'dus pas sku gsung thugs kyi dbang bskur bar bsam/ de la drag po'i rtags dbyung ngo// dbang bskur zhing 'dzab bya'o// rdo rje phur pa chen po gsod byed 'bar ba'i rgyud las/ drag po'i 'dzab bya ba'i le'u ste bdun pa'o//// tshogs ni lha'i sku mdog dang sngags kyi mgo gcad pa min pa kun mthun no// da ni gdab pa'i las bya ste// gza' bdud 'jug cing ki kang rgyu// nyi ma rlung la gtad byas na// dbyar rlung 'jug dang dgun rlung 'byung la bya// drag po'i dus rnams ni dgos 'grel gyi le'u bdun pa nas blta'o// phur pa gdab pa'i gnad ni dngas snyigs rnam pa gnyis te/ dngas snyigs ngo shes par bya/ dngas ma las snyigs ma'ang 'byung ste/ snyigs ma rnams la phur bus bsgral ba'o// snyigs ma ni ma rig pa'i mtshan nyid do// dngas ma ni skye shi med pa'i don to// gang zag mi re lus re skyes pa la// ya gi skra'i rtse mo nas/ ma gi rkang pa'i sen mo rtse to yan chod du snyigs mas khyab/ dngas ma ca phra mo yod do// de ltar dngas snyigs gnyis me long gi g.ya' dang 'dra'o// dngas snyigs rnam pa gnyis kyis srog gcod de/ phyi'i srog dang/ bar gyi srog dang/ nang gi srog go/ srog gsum po la'ang mang du bstan te/ phyi'i srog la'ang 'byung ba chu'i srog dang/ 'byung ba me'i srog dang/ 'byung ba sa'i srog dang/ 'byung ba rlung srog dang/ 'byung ba dbugs kyi srog dang// 'byung ba nam mkha'i srog dang ngo// phyi'i srog la'ang drug ste/ phur pa rnam pa lnga yis 'byung ba rnam pa lnga la btab pas/ 'byung ba chu la me yi phur pa gdab// 'byung me la chu yi phur pa gdab// 'byung ba sa la shing gi phur pa gdab// 'byung ba rlung la khyab pa thugs rje'i phur pa gdab/ 'byung ba nam mkha' la chos nyid kyi phur pa gdab/ de ltar phur pa de rnams btab pas 'byung ba lnga'i bag chags gtan la phab la/ye shes lnga'i rang bzhin du 'gyur ro// de ni phyi'i 'byung ba lnga la gdab pa'o// bar gyi 'byung ba'i srog la gdab pa ni/ khro bcus gdab pa'i gnad rnams la gdab pa'o// sras mchog drug gis 'gro ba rigs drug la gdab pa'o// 'gro ba rigs drug gtan 'gags pa'i phyir ro// de ni bar du gdab pa'o// nang la gdab pa ni/ gtso bo'i phur pa snying la gdab pas/ nyon mongs pa'i snyigs ma phaT kyis dral nas/ 'od til 'bru tsam dngas ma de phur pa'i rtse mo la 'ub kyis 'dus pa de/ phyi'i nam mkha' dang/ bar gyi dngas ma cha phra mo dang/ nang gi dngas ma gsum che chung dang bzang ngan med de/ nyams pa ru gnas so// dper na rdza ma kha ma phub pa la rdza ma'i nang na'ang nam mkha' yod/ 'byung chen ltos kyi nam mkha' dang bzang ngan che chung med/ rdza mas bsgribs pas rdza ma nang gi nam mkha' mi mthong/ rgyu 'dag pa las byas/ rkyen rdza ma las byung/ rdza ma kha phub pa'i phyir ro// rdza ma bcag nas btang bas// rgyu rkyen gnyis bshig nas btang bas nam mkha' gnyis so sor ma rnyed do// dpe de bzhin du/ yang dag pa'i chos nyid rdo rje lta bu de/ ya mtha' rgyal ba'i snying po nas/ ma mtha' nong bu chu chun yan chod du mnyam par gnas pa yin te/ rkyen nga bdag gis byas/ rgyu 'byung ba rnam pa lnga las skyes pa'i lus su byung bas/ lus rdza ma dang 'dra'o// de dngas ma ni snyigs ma'i nang du nyal/ snyigs ma ni cha rags/ dngas snyigs ma phyed pa las/ bde gshegs kyi thugs rje dgongs nas/ thugs rje'i byin rlabs 'byung bas// snyigs ma las byung ba'i rgyu rkyen la phur pa btab pas// dngas ma gdod mthong/ rgyu rkyen der gzhig/ dngas ma la srog med/ snyigs ma'i srog bcad/ dngas ma skye ba med pa'i sa la bgrod/ pha rol phyin pa drug bsgral/ ma bsgral na bsgral ba'-i dam tshig nyams pa yin/ srog gces bya ba ni skye 'jig can no// dngas ma ni skye 'jig med pa'o// srog ces bya ba ni phan gnod can no// dngas ma bya ba ni phan gnod med pa'o// snyigs ma zhes bya ba ni ma rig pa mtha' dag snyigs ma'o// dngas ma zhes bya ba ni rig cing rtogs pa'o// thams cad ni dngas ma'o// snyigs ma'i mtshan nyid bsgral na dngas ma 'byung ngo// dngas ma'i mtshan nyid snyigs ma la shor na// dngas ma bsgral du med pas snyigs ma bsgral na dngas ma 'byung ngo// snyigs ma ni 'gro ba ris drug go/ dngas ma ni yang dag pa'i sangs rgyas so// dper na btsan dug la sems can thams cad 'chi ba'i dug yod de/ rma la 'tsho ba'i sman du snang/ de bzhin du rnam par gnas kyang/ sman pa mkhas po gcig gis mi la dug sman du sbyar nas gtang na/ mi'i nad 'tsho ba las 'chi bar mi 'gyur ro/ dpe de bzhin du dngas snyigs rnam pa gnyis po de'i kun la khyab par gnas te 'khor 'das gnyis kyi rgyur 'dug ste/slob dpon gdams ngag can gyis snyigs ma'i gnad bsgral bas/ sangs rgyas pa'i rgyu las 'khor ba'i gnas su lhung mi srid do// dngas snyigs gnyis ni/ rig pa'i ye shes dngas ma yin// yang dag pa'i sangs rgyas yin no// snyigs ma ni rig pa'i rgyu yin/ dngas snyigs gnyis phye bas mi phyed de/ snyigs ma bsgral bas dngas ma 'byung ngo/ bgegs kyi ru tra'ang snyigs ma'i chos rtogs/ dngas ma'i chos ni ma rtogs/ thams cad bsgral zhing srog gcod pa'i khro bor byung/ bde bar gshegs pa'i thugs rjes dgongs nas thugs rje drag po khro bo 'di lta bu bskyed nas/ snyigs ma bsgral te btang pas/ dngas ma yang dag pa'i sa thob pa'o// rdo rje phur pa chen po gsod byed 'bar ba'i rgyud las/ dngas snyigs phyi nang gsum du byung ba phur pa gdab pa'i sa btsal ba'i le'u ste brgyad pa'o//// da ni phur pa gdab pa bstan te/ phur pa rnams gzi byin bskyed la/ dbang bskur ba'ang gong ma bzhin byas la/ de ni drag po sngags kyis gdab pa yin pas gyer mi gtong/ lha dang dbye ba dang/ pho nya dgye ba dang/ dgug pa dang/ bcing ba'ang byas la/ bdag la rdo rje gzhon nu dang/ phur pa rdo rje gzhon nu dang/ bzang po mngon sum du gsal bar byas la/ phur pa dril zhing/ badzra kI li kI la ya pa ra bid tan hUM phaT/ ma ra sa na pra marta ni ye hUM phaT/ oM laM hUM laM hUM ka ra a/ bya bas gdab/ snying khar gdab bo// khrag gi sbal pa sran ma tsam de char btang/ tshe ba rgya dang 'dra ba de rdo tshan la chu 'dus pa bzhin du 'ub kyis 'dus/ 'od til 'bru tsam po de phur pa'i rtse mo la 'ub kyis 'dus pa las/ khrag gi sbal pa dang tshe ba rgya dang 'dra ba snyigs ma/ 'od til 'bru tsam de dngas ma/ hUM hUM hUM/ sku gsung thugs su dngas ma de thim par bsam/ bdag gi tshe 'thud la/ kho'i ni shi rgyags so// de kho na la chos nyid kyi bden pa'o// gsang sngags kyi byin gyi rlabs so// sangs rgyas kyi mthu'o// a bi tsir+ya che ge mo de kho na la'o// chos nyid kyi bden pa de kho na las tshabs che ba med pas/ de kho nas mi 'da' bar bsam mo// thun brab ste/ badzra kI li kI li kI la ya/ su ru su ru badzra/ mu ru mu ru badzra/ ka tang ka te ye/ dza ye bidza ye/ a tsita te a pa ra tsita te/ ma ra sa na pra marta ni ye hUM phaT/ thun rdzas bsags nas yod pa mtha' dag gis bskyar gyin thun brab bo/ khro bo bcu yis gdab ste/ hUM ka ra la phur pa blangs la/ badzra kI li kI la ya che ge mo sarba a na ya hUM phaT/ ma ra sa ni pra ma sa ni pra marta ni ye hUM phaT nan ni dza/ oM laM gyis gdab bo// spyi bo'i gtsug tu btab pas/ spyi bo rang rgyud du 'dzin pa'i snyigs ma bcom nas/ stong pa la stong pa thebs pa'i tshad nor bu mig yangs pa nas rta rnga drangs pa bzhin zang zang song bar bsam/ chos nyid kyi bden pa pos bden pa bdar/su ru su ru badzra/ mu ru mu ru badzra/ ka tang ka te ye/ dza ye bi dza ye/ a tsid te a pa ra tsid te/ ma ra sa ni pra marta ni ye hUM phaT/ thun brab bo// brgya rtsa brgyad 'debs pa yin na/ hUM ka ras bcu tham pa gdab bo// gzhan ma kun mthun no// badzra kI li kI la ya/ ha na ha na badzra/ rnam par rgyal bas gsang ba la gdab/ skye ba'i rgyun rtsad nas gcod pa'i phyir/ ma ra sa ni pra marta ni ye hUM phaT/ oM lam zangs tser btang/ chos nyid kyi bden pa bdar/ su ru su ru badzra/ sngags kyi thun brab/ badzra kI li kI la ya/ da ha da ha badzra/ ma ra sa na pra marta na ye hUM phaT/ oM laM gtang/ chos nyid kyi bden pa bdar/ dbyug pa sngon po mig la gdab/ mthong byed rtsad nas gcod pa'i phyir ro// badzra kI li kI la ya/ gr-i h+na gr-i h+na hUM phaT/ ma ra sa ni pra ma rta ni hUM phaT/ oM laM dang chos nyid kyis bden pa pos bden pa bdar/ nyan byed rtsad nas gcod pa'i phyir/ rta mgrin dpung pa la gdab/ badzra kI li kI la ya/ ma ta ma ta badzra/ ma ra sa ni pra marta ni hUM phaT/ oM laM dang bden pa thun gsum gtang/ gzhan gyis mi thub pas chags byed rtsad nas gcod pa'i phyir lte ba la gdab/ badzra kI li kI la ya/ tshin d+ha tshin d+ha hUM phaT/ ma ra sa ni pra ma rta ni hUM phaT/ oM laM dang bden pa gsum gtang/ bdud rtsi 'khyil pas dran byed rtsad nas gcod pa'i phyir snying la gdab/ badzra kI li kI la ya/ bin d+ha bin d+ha hUM phaT/ ma ra sa ni pra marta ni hUM phaT/ oM laM dang bden pa thun gsum gtang/ khams gsum rnam par rgyal bas dpyi la gdab/ badzra kI li kI la ya/ ta tha ya ta tha ya hUM phaT/ ma ra sa ni pra marta ni ye hUM phaT/ oM laM dang bden pa thun gsum gtang/ stobs po ches 'gro byed rtsad nas gcod pa'i phyir rkang pa la gdab/ phur pa drug gdab ste/ badzra kI li kI la ya/ che ge mo ha sa ra na ha ta na hUM phaT/ ma ra sa ni pra ma rta ni hUM phaT/ oM laM gyis gdab/ bden pa bdar// thun brab/ 'go ba'i lha dang dbral ba'i phyir dpung pa la gdab/ badzra kI li kI la ya/ A be sha ya A be sha ya hUM phaT/ ma ra sa ni pra marta ni ye hUM phaT/ oM laM dang bden pa thun gsum bya/ lta byed rtsad nas gcod pa'i phyir mig la gdab/ badzra kI li kI la ya/ shi krin a na ya hUM phaT/ ma ra sa na pra marta na ye hUM/ oM laM dang bden pa thun gsum gtang/ yan lag bzhi la gdab/ badzra kI li kI la ya/ dz+wa la pa ya dz+wa la pa ya hUM phaT/ ma ra sa na pra marta ni ye hUM phaT/ oM laM dang bden pa thun gsum gtang/ snying la brdeg/ badzra kI li kI la ya/ ta tha ya ta tha ya hUM phaT/ ma ra sa ni pra marta ni ye hUM phaT/ oM laM dang bden pa thun gsum gtang/ spyi bo'i gtsug tu gdab/ badzra kI li kI la ya/ bi ta ya bi ta ya hUM phaT/ ma ra sa ni pra marta ni ye hUM phaT/oM laM dang bden pa thun gsum gtang/ gsang ba la gdab/ de ltar phur pa rnams thebs par bya'o// mtshon gyi rgyal po ral gris gtubs te/ badzra kI li kI la ya ma ma pa shiM ku ru ma taM nya ka ra i dan/ shi krang ka ra nye ye/ ma ra sa ni pra marta ni ye hUM phaT/ mtshon gyis brdeg go/ dug gi gtor mas brdeg pa ni/ badzra kI li kI la ya/ dza la pa ya dza la pa ya hUM phaT/ ma ra sa ni pra marta ni hUM phaT/ dug gis brdeg go/ thun rdzas lhag ma kun gyis kyang bskyar gyin brdeg go/ gtso bo'i phur pa snying khar btab bas/ snyigs ma khrag sbal pa tsam de bcom nas/ sgrib pa rnam par dag nas yang dag pa'i dngas ma mthong/ khro bo chen po hUM ka ra spyi gtsug tu btab pas/ spyi bo'i snyigs ma dag nas/ dngas ma phra mo tsam mthong/ rnam par rgyal ba gsang ba la btab pas/ 'dod chags kyi snyigs ma dag nas/ mngal du mi 'jug pa'i dngas ma phra mo tsam mthong ngo// dbyug pa sngon po mig la btab pas/ bzang dug gi snyigs ma dag nas/ mnyam snyoms kyi dngas ma phra mo tsam mthong ngo// gshin rje gshed po rna ba la btab pas/ log rtog gi snyigs ma thams cad byang nas/ snyams snyoms kyi dngas ma cha phra mo mthong ngo// mi g.yo mgon po mig la btab pas/ snyigs ma mtho sman gyi sgrib pa byang nas/ mtho sman med pa'i dngas ma phra mo mthong ngo// rta mgrin gyi phur pa dpung pa la btab pas/ snyigs ma mnyam byed kyi sgrib pa byang nas/ bden pa'i dngas ma mthong ngo/ gzhan gyis mi thub pa lte ba la btab pas/ snyigs ma chags byed kyi sgrib pa byang nas/ gzugs mi len pa'i dngas ma phra mo thob bo// bdud rtsi 'khyil ba snying la btab pas/ snyigs ma dran rtog mang po'i sgrib pa byang nas/ ye shes phra mo'i dngas ma mthong ngo/ khams gsum rnam rgyal dbyi la btab pas/ snyims ma 'khrul byed kyi sgrib pa byang nas/ dngas ma 'khrul bya med pa'i ye shes phra mo 'char ro// stobs po che rkang pa la btab pas/ snyigs ma la bgrod pa'i sgrib pa byang nas/ dngas ma bgrod du med pa'i ye shes phra mo 'char ro// de ltar phur pa thebs tshad kun yang sgrib pa re dral zhing ye shes re skye'o// snyigs ma de rnams byung bas/ dngas ma de cha phra mo rnams snyigs ma'i dbang du gyur pa'o// snyigs ma'i srog chod pas dngas ma cha phra mo de rnams dang/ kun gzhi'i dngas ma la so so med do// snyigs ma la ni// dran byed yid la gnas pa'i snyigs ma bya ba dang gcig/ mthong byed mig la gnas pa'i snyigs ma bya ba dang gnyis/ thos byed rna ba la gnas pa'i snyigs ma bya ba dang gsum/ snom byed sna la gnas pa'i snyigs ma bya ba dang bzhi/ sgrogs byed lce la gnas pa'i snyigs ma bya ba dang lnga/ thar byed rlung la gnas pa'i snyigs ma bya ba dang drug/rgyu byed khrag la gnas pa'i snyigs ma bya ba'i rtsa dang bdun// de rnams bsgral ba shin gces/ de rnams bsgral na 'byung po choms// phur pa'i gdab sa shin tu dka'// de rnams rtogs na gdab sa yin// ma rtogs btab na rang yang 'chi// srin bu bal du gtums pa 'dra// pha rol sgrol ba yong mi srid// phur pa rtogs pas btab pa ni// phur pa stong gsum khyab pa yi// 'khor ba stong gsum khyab par bsgral// snyigs ma bsgral na dngas ma phur pa nyid la khyab// phur pa stong pas snyigs ma stong pa la// 'debs pa shin tu dka'/ de phyir gdab pa shin tu gces/ zhes bya'o// rdo rje phur pa chen po gsod byed 'bar ba'i rgyud las/ phur pa dgab pa'i gnad bstan pa dang/ dngas snyigs dbye ba dang/ snyigs ma'i srog gcod pa dang/ phur pa gdab pa bstan pa'i le'u ste dgu pa'o//// da ni hoM bca' ba bstan te/ drag po'i shing mtha' dag la hoM bcas la/ ming byang hoM la btags la/ hoM gyi phur bu dang/ hoM gyi rdzas dang/ 'tshogs pa ru bsags la/ dus tshos dgongs 'grel bzhin du bstun la bsgrub pa bya/ mtshams gcad khro bo'i sngags kyis mtshams gcad/ drag po'i hoM yin pas 'phrin las kyi gzhung srang du med/ drag po sngags kyi bsgrub pa yin/ hoM khung gru gsum 'brub khung de ru hoM btsugs la/ dang po stong pa nyid las/ hoM nyid las hUM du gyur/ hUM las rdo rjer gyur/ de las badzra kI li kI la ya sarba big+h+nAn baM hUM phaT/ ces rdo rje gzhon nu zhal gcig phyag gnyis pa/ sku mdog mthing nag/ drag po me ri'i klong na bzhugs pa gcig bskyed/ 'brub khung stong pa nyid du bsam/ stong pa nyid las hUM du gyur/ hUM las rdo rje 'od du zhu ba las/ badzra kI li kI la ya sarba big+h+nAn baM hUM phaT/ yum kyi mkha' la hoM bskyed do// de ru hoM las khro bo bcu'i sngags dang/ sras mchog gi sngags dang/ srung ma gsum gyi sngags dang/ yum gyi mkha' la hoM de la lha rnams bskyed do// badzra kI la ya zhes se gol gtogs la 'og min nas lha bzhengs su gsol/ dzaH hUM baM hos mdun gyi nam mkha' la byon/ hUM hUM hUM bya ba gsum gyis mdun gyi nam mkha' la byon pa'i lha tshogs rnams yum gyi mkha' la bstim/ drag po hoM gyis lha rnams gzi brjid dang ldan par bsam/ sman mchod de sngags kyis kun dang mthun par mchod do// sbyor grol bya ste/ yum gyi mkha' la sbyor sgrol bya ste/ spro bsdu dang 'gug 'dren byas la/ yum gyi mkha' la bkug la/ dzaH rdungs shig rdo rje 'bar ba'i gtun/ khro mo 'bar ba'i gtun khung du// rdo rje tho bas brdung byas nas// lha yang rung ste rlag par gyis// badzra kI li kI la ya che ge mo mA ra ya kha thaM kha thaM/ zhes kI la ya nyi shu rtsa gcig yo la btags la bsgral lo// lha rnams kyi zhal du gsol bar bsam mo/ 'dzab bya ste/ badzra kI li kI la ya/ dz+wa la dz+wa la badzra/ sarba big+h+nan baM hUM phaT/ drag po hoM gyi sngags so// sngags de bzlas pas yum gyi mkha' la hUM las phur pa'i lha tshogs bskyed nas yod pa de tshos kyang bzlas nas/ lha tshogs thams cad las me byung bas/ gang na gnas pa'i dgra bgegs thams cad mes tshig par bsam/ drag po me'i lha rnams me'i klong na bzhugs pa/ me'i mchod pa 'bul ba/ phar 'phros pas dgra bgegs bsregs/ tshur 'dus pas lha rnams dgyes/ 'dzab de la mang du bya ste/ yum gyi mkha' la me 'bar bas/ lha thams cad las me 'bar ro// 'dzab bskul ba ni/ rdo rje me dbal snying bsregs nas/ lus ngag rdul phran bzhin du lhogs// gong ma bzhi du tshogs bya'o// de bzhin du zhag bco lnga 'am zhag bdun du bya'o// de nas ming byung la lha dbral dgug bstim bya ste/ gyer mi gtang/ ste'u so dang sta res gtubs la/ badzra kI li kI la ya dzaHhUM baM ho hUM phaT/ che ge mo badzra yag sha kro d+ha khA hi/ gtso bo la brgya rtsa brgyad dbul lo// badzra kro d+ha hUM ka ra hUM gardza gardza hUM phaT/ badzra che ge mo khA hi/ 'khor la lnga bcu rtsa brgyad dbul lo// de bzhin du kI la ya nyi shu rtsa gcig yo la lnga bcu rtsa brgyad dbul lo// de nas drag po'i gtong ma dang/ dug gi gtor ma dang/ yam shing dang/ ming byang lhag lhog rnams rang re'i sngags kyis dbul lo/ khro bo bcu'i stang stabs bya'o// de'i thal ba mnan thod du yang blugs/ rlung la yang phyar la yang gtang ngo/ drag po zor gyi las bya ste/ gnas mtshan dang ldan pa ru zor gyi rdzas bsags te/ phur pa bdun dang/ nyungs kar dang/ mtshe dang/ mda' dang/ khrag dang bsags la/ thun rdzas sna tshogs bsag go/ thod pa dang zor gyi rdzas ci mang du bsag go/ de nas zor gyi 'brub khung byas la/ rtsang mang po btsugs la/ zor thams cad chas su bcug la bsgrub pa bya ste/ drag po'i zor yin pas/ zhi ba'i cho ga gtad du mi rung/ yang na bsgrub pa'i dus cho ga gzhung bsrang/ yang na drag po'i sngags zor du bya ste/ hUM gsum gyis lha thams cad zor gyi thod pa'am 'brub khung du bskyed la/ tshig gsum gyis sman rag mchod/ zor la thun bya zhing sngags bzlas la/ zor gyi lha thams cad kyang mthing nag zhal gcig phyag gnyis par bsgom mo// thun brab cing bzlas pa bya ba ni/ badzra kI li kI la ya pa ra bid dan/ gardza gardza hUM phaT/ sarba a na ya hUM phaT/ ha na ha na badzra hUM phaT/ da ha da ha badzra hUM phaT/ pa tsa pa tsa badzra hUM phaT/ ban d+ha ban d+ha badzra hUM phaT/ gr-i h+na gr-i h+na badzra hUM phaT/ ma ta ma ta badzra hUM phaT/ ta tha ya ta tha ya hUM phaT/ ha sa ra na na ta na hUM phaT/ A be sha ya A be sha ya hUM phaT/shi krin a na ya hUM phaT/ dz+wa la pa ya dz+wa la pa ya hUM phaT/ ta tha ya ta tha ya hUM phaT/ bi da ya bi da ya hUM phaT/ a tsit+te a pa ra tsit+te hUM phaT/ dza ye bi dza ye hUM phaT/ ka tang ka te ye hUMM phaT/ ma ma pa shiM ku ru ma taM nya ka ra i nan/ shi krang kar nye ye hUM phaT/ su ru su ru badzra/ mu ru mu ru badzra/ ka tang ka te ye/ ma ra sa ni pra marta ni ye hUM phaT/ ces thun bya zhing khrag brlabs pas lha thams cad kyi thugs ka nas 'od zer 'phros shing dam nyams pa sgrol bar bsam/ lha thams cad ni/ la la ni yungs kar gyi las byed/ la la ni thod pa'i las byed/ la la ni khrag gi las byed/ thod pa las zor gyi lha tshogs bskyed nas yod do// 'dzab kyi bskul ba ni/ bshad rgyud nas ston no// da ni zor 'phang ste/ gang na yod pa'i phyogs su phyin la/ bshad rgyud kyi gyer btsugs la/ gong gi sngags btags la 'phangs/ smod gzugs ngan pa bzlog/ de ni spyir sgrub pa'o// so sor sgrub na/ sngags gong ma'i sngags las phral te/ gtso bo la'ang zor cig bsgrub/ khro bo bcu la'ang zor cig bsgrub/ khro bo bcu la'ang zor gyi bsgrub pa re re sras mchog dang srung ma la re re'o/ de ni sngags kyi sgyur gyis shes par bya'o// thod zor la'ang de bzhin shes par bya/ khrag zor dang mda' zor 'tshe zor rdo zor yo la sngags dang ting nge 'dzin gyis bsgyur zhing/ so sor phral la bya'o// da ni mnan pa bya ste/ zhag du byed kyang cho ga sgrub pa dang mthun/ bsnyen pa'i cho ga ni mi srang bar rang/ 'dzab kyi dus su sngags drug la mnan pa'i sngags btags la bzlas/ tshogs kyi dus su mnan pa thod du lha dang dbral/ dgug bstim stod kyi klong drug ltar bya ba dang/ yang cho ga'i gzhung mi srang bar rang gi cho ga'i bsgrub pa bya'o// mnan pa'i sgrub pa ni/ dgongs 'grel gyi le'u bdun pa ltar bya'o// gnyis pa rgyas gdab pa ni/ gtso bo yab yum gyi rgyas gdab/ thabs dang shes rab kyi rgyas gdab bya bar yang gsungs/ gsum pa rgyas gdab pa ni/ sku gsung thugs kyi rgyas gdab pa/ bzhi pa rgyas gdab pa ni/ rigs bzhi sras mchog bzhi'i rgyas gdab/ lnga pa rgyas gdab pa ni/ ye shes rnam pa lngas gdab/ drug pa rgyas gdab pa ni/ sras mchog gi rgyas gdab/ bdun pa rgyas gdab pa ni/ ma bdun phur pa'i rgyas gdab/ brgyad pa rgyas gdab pa ni/ rnam par shes pa brgyad kyi rgyas gdab bo// dgu pa rgyas gdab pa yang/ theg pa'i rim pa dgus rgyas gdab/ bcu pas rgyas gdab pa ni/ khro bo bcus rgyas gdab/ bcu gcig phan chod mya ngan 'das zhes bya'o/ oM laM zhes pas gser gyi sa gzhi 'od zer dang ldan par bsam/ de'i steng du hUM laM zhes pas dbus kyi ri rab me ri dang bcas par bsam/ oM laM hUM laM staM pa na mo b+ha ga ba na shri krin bi krin badzra hUM ka ra hUM hUM phaT phaT/badzra kI li kI la ya dzaHhUM baM hoHsarba big+h+nAn baM hUM/ badzra kI li kI la ya hUM hUM phaT phaT/ badzra hUM kA' ra hUM phaT/ badzra hUM ka ra hUM a/ zhes phyi rol tu gser gyi ri bdun/ rol pa'i mtsho bdun/ gling bzhi gling phran brgyad dang/ mtha' ma lcags ri mu khyud kyis bskor bar bsam/ de'i steng du kI la ya mang du bzlas/ zung zhig chings shig rnam par sdom/ las bcol lo/ khro bo bcu yi stangs stabs bya/ bskal pa mtha'i bar du mi 'chor bar bsam/ rdo rje phur pa chen po gsod byed 'bar ba'i rgyud las/ mnan sreg 'phang dang gsum gyi le'u ste bcu pa'o//// da ni dbang bya bar bstan te/ dang po dbang gi gnas brtag pa dang/ dbang gi rdzas bsag pa dang/ bkra shis pa'i nyi ma rtsi ba'o// rdzas ni/ sku tsa ka li gsung yig 'bru/ thugs phyag mtshan/ phan pa'i dbang dang nus pa'i dbang kun gyi rdzas bsags/ phur pa yungs kar/ gu gul la sogs dbang gi rdzas kun bsags la/ phyi mchod bya/ phyi mtshams gcad/ ma trang khog par dkyil 'khor bca'/ dkyil 'khor grub gsum mthing nag bri/ rdzas dgod pa dang/ slob dpon khrul bya ba dang/ dkyil 'khor du gzhug pa kun dang mthun/ bsgrub pa'i dbang ngo// cho ga'i gzhung ni med/ sngags kyi dbang bskur ba'o// sngags kyi mtshams gcad la/ sngags kyis dbang rdzas rnams dbang bskur la/ sku mdog mthing nag zhal gcig phyag gnyis pa ru dbang bskur la/ sngags kyi dkyil 'khor la bskor la/ bzlas pa bya zhing zhag gsum du bsgrub/ tshogs dang gang yang sngags kyis bya/ zhag gsum lon pa dang dbang bskur te/ dang po slob bu byin gyis brlab pa'ang sngags kyis bya/ phur pa byin gyis brlab pa dang/ mchod pa 'bul ba yan chad sngags kyis bya'o// dang po rdo rje gzhon nu'i sku tsa ka li la stong pa nyid du bsams la/ hUM badzra kI li kI la yas rdo rje gzhon nu'i skur gyur par bsam/ oM badzra kI li kI la ya/ zhes se gol gtogs pas chos kyi dbyings nas spyan drang/ dzaH hUM baM hos mdun gyi na mkha' la byon par bsam/ hUM tsa ka li la bstim la/ tsa ka li sku 'od zer dang ldan par bsam/ badzra kI la ya sarba big+h+nAn baM hUM phaT/ ces sku tsa ka li sku che ba yan lag rags par bsam/ badzra kI li kI la ya dzaHhUM baM ho/ zhes tsa ka li sku'i dbang bskur/ sku shin tu gsal bar bsam/ gsung yig 'bru'i dbang bskur ba ni/ kI la ya spyan drangs pa dang/ bstim pa dang/ mchod pa kun gong ma dang mthun/ gsung gi dbang thob par bsam/ thugs phyag mtshan gyi dbang bskur te/ de spyan drang ba dang/ mchod pa 'bul ba kun mthun/ thugs kyi dbang thob par bsam/ dur khrod chas brgyad kyis dbang bskur te/glang chen gyi ko rlon dang/ zhing chen gyi g.yang gzhi dang/ stag gi sham bu dang/ zhag gi zo ris dang/ thal chen gyi tshom bu dang/ sbrul rigs bzhi dang/ rdo rje gshog pa kun sngags kyis re mos dbang bskur ro// slob ma'i spyi bo ru hUM ka ra'i phur pa byin gyis brlabs te/ dang po stong pa nyid du bsam/ de las hUM gcig tu gyur par bsam/ badzra kro d+ha hUM ka ra hUM gardza gardza hUM phaT/ hUM ka rar bskyed/ yang badzra hUM ka ra hUM zhes 'og min chos kyi dbyings nas spyan drangs/ dzaHhUM baM ho/ zhes mdun gyi nam mkha' la spyan drangs/ hUM hUM hUM gsum gyis spyi bo ru phur pa la bstim/ kI la yas klad la bskor/ sman rag gi mchod pa dbul/ yungs kar dang gu gul gyis dbang bskur/ badzra kro d+ha hUM ka ra hUM gardza gardza hUM phaT/ spyi bor bskyed/ gtso bo'i dus dang mthun par sku gsung thugs kyi dbang bskur ba dur khrod kyi chas brgyad dang kun gong bzhin bya'o// de bzhin du phyogs mtshams bzhi steng 'og kun tu khro bo rim pas bskyed la/ khro bo re la gtso bo dus kyi de tshe yo re re bya'o// sras mchog gi phur pas dbang bskur te/ mgo thog yan lag drug las phur pa gtso bo'i dus bzhin du/ sku gsung thugs kyis dbang bskur ba dang/ dur khrod kyi chas brgyad kyis dbang dang kun/ gtso bo'i dus dang mthun par dbang bskur ro// dpal gtor/ sho na ma'i rdo rje tho ba/ bal mo'i 'khar ba/ bdag nyid ma'i khram bam de rnams thams cad la'ang rang rang gi sngags kyis dbang bskur ro/phur pa rnams la'ang phur pa byin gyis rlob pa bzhin du dbang bskur la dbang bskur ro// phyag mtshan rnams la'ang rang rang sngags kyis dbang bskur ro// rnga dang/ 'phreng ba dang/ phyag bya rnams la'ang sngags kyis dbang bskur ro// bum pa la'ang rang re'i sngags kyis dbang bskur ro// zhal zas kyi dbang bskur ba ni sngags kyi dbang bskur ro// drag po'i sngags la thams cad la 'dus/ sngags kyi mtshan nyid dbang bskur ba'i dus su/ las mtha' dag sngags la 'dus so// gtso bo'i dus su spyan drangs pa dang/ dbang nod pa dang/ dbang bskur ba dang/ sku gsung thugs kyi dbang bskur ba dang/ dur khrod kyi rgyan cha rnams kyi dbang bskur ba dang/ phyag mtshan gyi dbang bskur ba dang/ gang 'byung ba thams cad la gtso bo'i sngags kyis byed do// ting nge 'dzin sgyur gyin 'ong ngo// 'og ma rnams kyang gtso bo ji bzhin du dbang bskur ro// dbang rnams rab tu ma bskur na// rdza rnams be'ur las pa 'dra/ dbang rnams thob nas las rnams myur// drag po'i dbang la brtson par bya// drag po bsgrub pa'i dbang ngo/ rdo rje phur pa chen po gsod byed 'bar ba'i rgyud las/ drag po dbang gi le'u ste bcu gcig pa'o//// de nas dam tshig chen po'i ting nge 'dzin la snyoms par zhugs te/ dam tshig dam pa chen po ni// snying po yang dag gzung ba yin/ 'di ni dam tshig dam pa yin/ snying po don la gol ba na/ sa bon me yis tshig pa 'dra/ ta la'i mgo bo bcad pa 'dra/ de las 'bras bu 'byung mi srid// med pa'i snying po ga la 'byung/ bdag med ris med gzhan med yin// nga bdag gzung na dam tshig nyams// ma bsrung na ni a cang ches/ bsrung du med la gtang du'ang med// de la yang dag dam tshig yod/ che dal bsrung ngam chung la bsrung// che chung med par bsrung bar bya// de la nyams pa'i skyon mi 'go/ skyon med pa yi dam tshig ni// rnam par dag pa shel gong 'dra// de la nyams pa'i rgyu mi 'byung// lta ba mtha' ma chad pa/ bsgom pa yengs su med pa/ yid dam gyi lha dang skyo ngas med pa/ bsgrub nus pa dam tshig gi mchog go/ spyi'i dam tshig dang/ sgo'i dam tshig sku gsung thugs kyi dam tshig dang/ rtsa ba dang yan lag gi dam tshig 'dzin rtog med par bsrung bar bya'o// drag po bsgrub pa'i dam tshig ni// brtul zhugs chen po thams cad byed// mthing nag chen po 'jigs pa'i chas// sgrol byed gtso bo chen po ni// sgrol ba'i las la brtsol par bya// sgrol ba'i las rnams ma byas na// sgrol ba'i dam tshig nyams par 'gyur// de phyir sgrol ba'i las la brtson// sgrol ba'i dam tshig bsrungs pa na// 'di dang phyi ma gnyis su dge/ ci bsams las rnams 'grub par byed// ma mo mkha' 'gro bran bzhin nyan// 'jig rten lha 'dre dbang du sdud// byams pa'i don gyis yang dag ldan// de yis don chen rtogs par 'gyur// tshe rabs lnga bar sbyangs pa'i skyes bu khyod// khyod kyis rnam par dag pa yis// don rnams shing dam tshig bsrung/ de la thugs rje byin rlabs 'byung// rnon po mtshod ltar thogs pa med// de phyir blo rtsal rab kyis rtogs// dam tshig 'di dag rab tu gces// rdo rje phur pa chen po gsod byed 'bar ba'i rgyud las/ dam tshig bstan pa'i le'u ste bcu gnyis pa'o//// de nas bcom ldan 'das gdug byed bsgrub pa'i ting nge 'dzin la snyoms par zhugs so// gdug byed bsgrub pa'i gnas brtags te/ ri zab la rtse mo rno ba/ brag nag po mang po yod pa/ brag phug gi sgo nub tu bltas pa/ brag btsan yod nges pa/ ri zab las rtsub pa/ mdun nas chu 'bab pa/ mdun na brag nag bdud khros pa lta bu yod pa/ snang gsal che la nyams dga' ba/ brag seng nge thur la 'khrus pa 'dra ba yod pa/ ri ni sdig pa'i rwa brag lta bu yod pa/ de lta bu'i gnas btsal lo// dus tshod ni dgongs 'brel dang 'phrin las rgyud nas ston no// rdzas ni seng ldeng phur pa dang/ skyer phur dang/bya phur dang/ mchog phur dang/ tsan dan dang rgya shug gi phur pa dang drug go/ nag po gsum gyi snying khrag dang/ dmar po gsum gyi snying khrag dang/ sha skyang gsum gyi snying khrag dang/ kham pa gsum gyi snying khrag dang/ nya sbal sbrul gyi snying khrag dang/ de rnams la gtor ma byas la/ rdzas rnams tshogs par bsag go/ maN+Dal bya ste khrag gis chag chag gdab/ dur khrod rus pas chag chag gdab/ thig gdab dkyil 'khor bri bar bya// 'khor lo rtsibs drug ldan par bya// phur pa byin gyis brlabs/ byin brlabs dbang bskur mchod pa rang sngags kyis bya'o// phur pa rnams dgod par bya ste/ badzra kI li kI la ya/ dbus su dgod/ badzra kI li kI la ya ha sa ra na ha ta na hUM phaT/ steng du dgod/ shar nas gzung nas rim pa bzhin du dgod do// ling ga dang rdzas byin po yang dgod do// nang mtshams kyang gcad de/ dang po stong pa nyid du bsam/ de nas hUM mthing nag gcig tu gyur/ spa ra na phaT/ saM ha ra na hUM las rdo rje gyur/ spa ra na phaT kyis 'od du zhu/ oM badzra kI li kI la sarba big+h+nAn baM hUM phaT/ ces rdo rje gzhon nur gyur par bsam/ de'i thugs ka nas ma sUr+ya maN+Dal hUM/ zhes nyi ma'i dkyil 'khor bcu bsam/ de'i steng du hUM bcu bsam/ oM badzra kro d+ha hUM ka ra hUM/ khro bo rkyang pa re re bskyed/ hUM rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yin// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// oM badzra kro d+ha hUM gardza gardza hUM phaT/ khro bo bcu'i sngags kyis bgegs bskrad de/ dbab pa ni/ dzaHhUM baM ho// zhes mdun gyi nam mkha' la spyan drangs la// hUM/ thabs kyi spyod pa'i 'gro don du// byams dang snying rje gang 'dul ba// sangs rgyas 'phrin las rdzogs mdzad nas// dbang dang byin rlabs bdag la stsol/ hUM hUM hUM/ zhes byin phebs par bsam/ skabs der brlab pa rnam pa gsum yang bya/ de bzhin nyid kyi ting nge 'dzin bsgom/ kun tu snang gi ting nge 'dzin bsgom/ rgyu'i ting nge 'dzin bsgom pa/ hUM/ rdo rje khros pas zhes sdang gcod// yi ge hUM las 'byung ba rnam lnga bskyed la/ gzhal yas khang gdan dang bcas pa bsam mo/ hUM/ nam mkha'i dkyil nas thigs pa shar/ hUM hUM hUM/ zhes mdun gyi nam mkha' nas/ nyi zla gnyis kyi mthongs khung na mar skar chen thang la babs pa bzhin du byung/ de las/ badzra kI li kI la ya/ sarba big+h+nAn baM hUM phaT/ ces pas/ rdo rje gzhon nu zhal gcig phyag gnyis pa/ sku mdog mthing nag wal le khyug ge bskyed do/ hUM/ mtshon chen sngon po 'bar ba yis// srog gi go ru shar ba dang/ snying gi go ru bsgom par bya/ phung po rdo rje gtam byas nas// rnam par shes pa rdo rjer bsgom// sras mchog drug bskyed de// e drug bsam/ hUM drug bsam/ badzra kI li kI la ya/ ha sa ra na ha ta na hUM phaT/ steng du bskyed/ badzra kI li kI la ya/ A be sha ya A be sha ya/ shar du bskyed/ shi krin a na ya hUM phaT/ lho ru bskyed/ badzra kI li kI la ya/ dza la pa ya dza la pa ya hUM phaT/ nub tu bskyed/ badzra kI li kI la ya/ ta tha ya ta tha ya hUM phaT/ byang du bskyed/ badzra kI li kI la ya bi ta ya bi ta ya hUM phaT/ 'og tu bskyed/ sras mchog rnams stod zhal gcig phyag gnyis pa/ smad lcags kyi phur pa zur gsum pa sku mdog mthing nag zhe tshe bskyed do// srung ma rnams rang bzhin gyis 'du'o// spyan drang ba ni/ srid pa'i phur bu bsgrub pa dang// dbang dang dngos grub blang bya'i phyir// ye shes khro bo gshegs su gsol/ dzaHhUM baM ho/ zhes mdun gyi nam mkha' la byon par bsam/ hUM hUM hUM bya ba gsum gyis lha la lha thim/ 'od zer dang ldan par bsam/ sman mchod de/ badzra kI li kI la ya sarba big+h+nAn baM hUM phaT/ badzra yak+sha to/ d+ha ma hUM pany+tsa a mr-i ta la khA hi/ badzra kI li kI la ya ha sa ra na ha ta na hUM phaT/ badzra kro d+ha la khA hi/ a be sha ya A be sha ya khA hi/ shi krin a na ya khA hi/ dza la pa ya dza la pa ya khA hi/ ta tha ya ta tha ya khA hi/ bi ta ya bi ta ya khA hi/ a tsid te a ba ri tsad te khA hi/ ka tang ka te ye khA hi/ gtor ma dang rak+tas yang gzhug la mchod do// sbyor sgrol gyi mchod pa bya ste/ sman rag bsres la/ lha dang dbye ba dang/ spro ba dang/ dgug pa dang/ bcing ba dang/ bstim pa dang/ bzhi bgyi'o/ phur pa bdun po gzi byin bskyed la/ gtso bo'i phur pa mi gdab ste/ phur pa drug gdab ste/ klong drug bzhin byas kyang 'gal ba med/ skabs 'dir ni 'di kho na yin/ seng ldeg gi phur pa blangs la dril zhing/ rnam par gsal bar byas la/ badzra kI li kI la ya che ge mo ha sa ra na ha ta na hUM phaT/ oM laM hUM laM/ stam pa nan/ mo ha g+ha ya hUM ka ra hUM a/ stong par bsgral/ chos nyid kyi bden pa bdar/ thun brab/ lnga po la'ang de bzhin bya'o// hUM/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// badzra kI li kI la ya/ ma ra ya kha thaM kha thaM/ badzra kI li kI la ya ha sa ra na ha ta na hUM phaT ma ra ya kha thaM kha thaM/ lnga pos kyang brdung ngo/ hUM gsum gyis dkyil 'khor gsum gsal gdab/ phaT gsum gyis 'od zer dang ldan par bsam/ badzra kI li kI la ya badzra yag+sha kro d+ha na khA hi// ha sa ra na ha ta na hUM phaT/ badzra yag+sha kro d+ha la khA hi/ hUM gsum gyis dkyil 'khor 'od zer dang ldan par bsam/ phaT gsum gyis gnas par bya'o// yang mngag pa las kyi phur pa drug po de gzi byin bskyed la dkyil 'khor la dgod do//// 'dzab bya ste/ badzra kI li kI la ya a tsid te a pa ra tsid te/ dza ye bi dza ye/ ma ma pa shaM ku ru ha sa ra ha ta na hUM phaT/ A be sha A be sha ya hUM phaT/ shi krin a na ye hUM phaT/ dza la pa ya dza la pa ya hUM phaT/ ta tha ya ta tha ya hUM phaT/ bi ta ya bi ta ya hUM phaT/ ma ra sa ni pra marta ni ye hUM phaT/ de yis thams cad gang na gnas kyang sgrol ba'o// 'dzab bskul ba ni/ rdo rje gzhon nu dang sras mchog drug gi bskul ba yang gtang/ yang thun brab dpa' brtul cher bya/ sngags la brtson par bya'o// tshogs ni kun dang mthun no// de la drag po'i rtags gdon no// dam rdzas kyi sha khrag la mang du bltar/ mtshams dam du gcad/ de nas nub tha ma gdab pa'i las bya ste/ gza' dang dus tshod bstun la/ gser skyems gtang/ bden pa bdar/ smod gzugs so// phur pa rnams byin gyis brlabs la gzi byin bskyed do// kI la yas phur bskor yang byas la/ drag po'i chis gos gyon la phur pa dgab ste/ spro ba dang/ dgug pa dang/ bcing ba bya ste/ bsnyen phur dril la/ badzra kI li kI la ya sarba big+h+nAn baM hUM phaT/ pa ra na big+h+nAn hUM phaT/ naN ni dza ma ra sa ni pra marta ni ye hUM phaT/ oM laM gtang/ bden pa bdar thun brab bo// seng ldeng gi phur pa blangs la/ gzi byin bskyed la/ badzra kI li kI la ya che ge mo ha sa ra na ha ta na hUM phaT/ nan ni dza/ ma ra sa ni pra marta ni hUM phaT/ oM lam bden pa thun gsum mthun no// spyi bo'i gtsug tu gdab bo// bya phur blangs la/ badzra kI li kI la ya che ge mo A be sha ya A be sha ya hUM phaT/ naN ni dza/ ma ra sa ni pra marta ni hUM phaT/ oM laM dag bden pa thun gsum 'dre'o/ lag pa g.yas pa la gdab/ skyer phur blangs la/ badzra kI li kI la ya che ge mo shri krin a na ya hUM phaT/ naN ni dza ma ra sa ni pra marta ni ye hUM phaT/ oM laM 'dre/ lag pa g.yon la gdab/ mchog phur blangs la/ badzra kI li kI la ya che ge mo dz+wa la pa ya hUM phaT/ nan ni dzi/ ma ra sa ni pra marta ni ye hUM phaT/ oM laM 'dre/ rkang pa g.yon la gdab/ lcags phur blangs la/ badzra kI li kI la ya ta tha ya ta tha ya hUM phaT/ nan ni dza/ ma ra sa ni pra marta ni ye hUM phaT/ oM laM 'dre/ rkang pa g.yas pa la gdab bo// tsan dan nam rgya shug gi phur pa blangs la/ oM badzra kI li kI la ya che ge mo bi ta ya bi ta ya hUM phaT/ naN ni dza ma ra sa ni marta ni ye hUM phaT/ oM laM 'dre/ lte ba la gdab bo// srung ma gsum gyi thun kyang brab bo// ling+ga'i lhag lhog dang/ sman dang/ rak+ta gsum re mos kyi lha la mchod do// dur khrod kyi gnas su khyer la zor la bstan la/ ma nyes pa'i dbang gzugs/ ka ra bing ka la'i rnga rgya lcag gis brab cing/ zor gyi gting la bskul zor 'phang ngo// ngan pa bzlog go/ drag po'i las zhi tshe byas pas/tshe'i cho ga zhag gcig bya/ dngos grub blang ngo/ zhe sdang sol dum bcag pa 'dra ba'i bsgrub pa'o//// lha ye shes lha drug gis 'jig rten lha drug las la 'khor bar shes par bya/ 'jig rten pa drug las la mi 'gro na/ nyams brtags la/ sngags bzlog la bslas/ de las la 'gro mi 'gro'i cho byed do// mi 'gro na 'khor lo zhabs 'og bcug la gzir bar bya'o// de yis las rnams nges par byed// kun tu bzang po'i ngang nyid nas// g.yos pa med de rab tu g.yos// ldeg pa med de rab tu zhig/ gnang ba med de rab tu snang// de la drag po'i bsgrub pa 'byung// zhe sdang drag po rab tu g.yos/ rab tu 'gul/ rab tu ldeg/ rab tu rtogs/ rab tu choms/ ma rig pa'i sems can la/ drag po bsgrub pas nyon mongs bsgral// nyon mongs rtsa mchog bzhin du 'tshig/ drag po las kyi bsgrub pa ni// ma rungs pa'i sems can la// mtshon gyi rgyal po lta bur spyod// 'gyur med drag po'i bsgrub pa yin// zhes gsungs so// rdo rje phur pa chen po gsod byed 'bar ba'i rgyud las/ drag po khro bo bsgrub pa'i le'u ste bcu gsum pa'o//// da ni dregs pa bsgrub pa'i ting nge 'dzin la snyoms par zhugs te/ dregs pa sna tshogs kyi bsgrub pa ni/ ging nyi shu rtsa gcig dang/ ging bco brgyad dang/ ging drug dang/ ging bzhi dang/ ging gcig pa dang/ kun ni bshad rgyud dang bstan pa'i srung ba'i rgyud gzhan nas bstan no// 'di ru ni sgrol ging gsum gyis bgrub pa'i bstan te/ khung ldog che/ las myur/ ban de phal gyi bya ba min/ lta ba che ba/ dam tshig bsrung ba/ sngags la brtson pa/ de lta bu'i rnal 'byor gyis bya bar gsungs// drag po bsgrub pa'i las 'di nyid// gang ltar byas kyang 'grub par 'gyur// bsgrub pa las kyi mtshan nyid 'di lta ste/ dkar po bdun pa'i las nyid de// dregs pa nag po sprin mdog can// slob zhu nag po mgo la gyon/ nag po 'bum dang snying khrag bcas// nag bran 'bum gyi bdag po yin/ bdud dpung nag po sprin ltar gtibs// grib so nag po'i dmag dang bcas// bdud po bsnyos na thogs pa med// bdud po'i las su shes par gyis// gnyis kyis las byed pho nya mgyog/ dge bsnyen gzhon nu 'khor dang bcas// dung 'phreng bgrang zhing las rnams myur// snying khrag dron mo 'thung ba dang// nyi ma'i zer la las rnams rgyu// dus rtag tu ni las rnams bya// bdud dang rgyal po dge bsnyen gsum// gnas la phab cing rgyu ba'i dus su bskul/ de gsum ma mor bsgrub pa rnams// dregs pa pho rnams grub par 'gyur// zhes dregs pa pho mo bsgrub ste/ gnas brtag pa ni/ bdud kyi rigs dang mthun pa'i gnas// dge bsnyen rigs dang mthun pa'i gnas// rgyal po'i rigs dang mthun pa'i gnas// gsum ka 'dzoms na bsgrub shin tu myur/ ma 'dzoms gcig la brten par bya// bsgrub pa'i rdzas rnams bsags par bya// thod pa skya bo kha sbyar la// nyams pa'i ming byang gzhug par bya// thod pa la yang yi ge bri bar bya// thod pa kha sbyar legs par 'grig/ spyi bor bug pa dbug par bya// thun rdzas sna tshogs bsags byas te// las kyi mtha' brtul thun la skyel// de phyir thun la brtson par bya// spyi bo'i bug par thun rnams brab par bya// nang gi ling+ga gsal bar bsgom/ de la thun gyis sgrol bar nges// de ni sgrol ba'i thun yin no// da ni mthun pa'i rdzas bstan te// yang thod pa dkar po gcig gi nang du/ lug nag po'i snying khrag dang/ rta nag po'i snying khrag dang/ dre'u nag po'i snying khrag dang/ de gsum ni bdud kyi rgyal po'i rdzas so// de la brten te bsgrub par bya'o// ra dkar po dang rta dkar po dang// bya dkar po lug dkar po dang// de bzhi'i sha khrag ni srog bdag rgyal po'i mthun pa'i rdzas// 'od lha dkar po zhes kyang bya// gnam lha byang chub ces kyang bya/ de la rten te bsgrub par bya// ra zhur pho'i snying khrag dang/ kham pa dge sna'i khrag dang/ sngon po 'gab nag khrag dang/ bra bo rting dkar gyi khrag dang/ de bzhi 'tshogs par bsags pa ni// dge bsnyen chen po bsgrub pa'i rdzas// dge bsnyen gzhon nu tshul 'chang zhes kyang bya/ rdo rje legs pa zhes kyang bya// rdo rje lteng dkar zhes kyang bya// thad la ya bzhur zhes kyang bya// de ltar rdzas rten te bsgrub/ mi yi snying dang khrag gis ni// lha 'dre sde gsum mnyes pa'i rdzas// de rnams la ni gtor ma bya// maN+Dal gru gsum gyi steng du gzhag/ thod pa gru gsum gyi nang du gzhag/ de nas dang po mtshams gcad de// dang po stong pa nyid du bsam// de las hUM du gyur par bsam// spros pas rdo rje'i gur du gyur par bsam// spros pas 'od du gyur par bsam/ de las/ oM badzra kI li kI la ya sarba big+h+nAn baM hUM phaT/ces pas bdag rdo rje gzhon nur gyur par bsam/ bdag gi thugs ka nas nyi ma'i dkyil 'khor bcu dang bcas par bsam/ oM badzra kro d+ha hUM ka ra hUM/ khro bo bskyed/ gyer btang gal med/ ma btang mi sto/ sngags kyi mtshams gcad/ 'di ni 'jig rten pa bsgrub pa yin pas/ lus bsrung drag tu bya/ badzra kI li kI la ya sarba big+h+nAn baM hUM phaT/ gnas gsum du bsrung/ rta mgrin dang bdud rtsi 'khyil pas kyang gnas drug tu bsrung/srid pa'i rlung gis kyang mi bskyod par bsam/ lha gsal bar byas la/ rdo rje gzhon nu la sman rag gsum lan gsum mchod do// 'dzab bzlas te/ oM badzra kI li kI la ya sarba big+h+nAn baM hUM phaT/ brgya tsam bzlas so// 'jig rten pa bzlas te/ta tha ya ta tha ya/ shri kraM kar ye/ ha sa ra na ha ta hUM phaT/ ces thod pa'i nang du nyungs kar dang yungs nag gis brab cing bzlas pas// pho bdud gsum rab kyis mngon du sgrol bar byed/ 'bring la 'od dkyil dkyil 'ong ba'o// tha ma ra dang/ rta dang/ bya dang/ mi reg dkar nag dang/ za 'og dang/ ber chen dang kun 'byung ngo// de ltar byung na las mi byed pa yin pas/ bdud kyi srog ya yin/ dge bsnyen gyi srog ra na yin/ rgyal po'i srog kar nye yin/ de gsum dbang du bsdus la/ ye shes lha'i sngags kyis mtha' bskor la// bzlas cing phur bu'i gzi brjid bskyed cing gzir bas las mi srid do// de ltar byung ba dang/ thun dus drug tu brab bo// bar bar du bstod cing bskul te/ rdo rje gzhon nu'i rig 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// srid pa'i phur bu bsgrub pa dang// dbang dang dngos grub blang bya'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// pho bdud gsum bskul te// dam tshig chen po'i dus la bab// khyed kyi dam tshig dus la bab/ mthu rtsal dbyung ba'i dus la bab// bran dang pho nya bka' nyan tshogs// sngon chad ji bzhin dam bcas pa'i// mngon spyod 'phrin las myur du mdzod// ces yang yang du bskul lo// de ltar zhag nyi shu rtsa lnga byas pas/ 'jig rten pa thol thol smra ba dang// mngon du 'ong ba dang/ las ci bya zer ba dang gtor ma me ru 'bar ba dang/ 'od 'ong ba dang/ sgra 'ong ba dang/ lha 'dren nyams pa mngon du khugs pa dang/ de ltar byung na gtor ma dang/ ming byang bsregs la gtor ma dbul// de ltar byas na lha yang 'chi// zhes 'byung ngo// thams cad gcig tu dril ba'i sngags// mu mang ran laM mdzes par bya// sgrol byed gsum po dbang du sdud// gcig pa dril sngags 'chi bdag bdud// gnyis pa dril sngags srog bdag shar// gsum pa dril sngags dge bskan bdag/ de yis las rnams 'grub par 'gyur// rtags rnams myur du byung ba dang// bskang ba'i cho ga de bzhin bya// gal te rtags rnams ma byung na// gzir sngags drag po 'di lta ste// oM badzra kI li kI la ya/ gardza ha na/ da ha/ pa tsa/ ban d+ha/ hU lu/ pho Ta/ tsin d+ha/ bin+d+ha/ pho Ta pa ra tsita te/ dza ye bi dza ye/ ka tang ka te ye/ shri krang kar nye ye/ ta tha ya ta tha ya hUM phaT/ ma ra sa na pra marta ni ye hUM phaT/ sarba big+h+nAn baM hUM phaT/ mnan cing gzir ba'i sngags rnams 'di lta ste/ drag po'i las sngags zhes kyang bya/ 'jig rten dregs pa gzir sngags zhes kyang bya/ las rnams thams cad 'dus pa'i sngags zhes kyang bya/drag po'i las sngags 'di rnams ni// tha ma bdud la gtad par bya// yang na rim par shes par gyi// sgrol byed chen po ging chen gsum// lha 'dre sde gsum snying po bdus// sgrol ba'i las sngags khyed la gtad/ ces sgrol ba'i las rnams byed par nus// ces gsungs so// rdo rje phur pa chen po gsod byed 'bar ba'i rgyud las/ sgrol ging rnam pa gsum bstan pa'i le'u ste bcu bzhi pa'o//// de nas bcom ldan 'das khro bo thams cad kyi mtshan nyid bstan pa'i ting nge 'dzin la snyoms par zhugs te/ khro bo ni/ bzhad pa'i khro bo dang/ mdzes pa'i khro bo dang/ 'jigs pa'i khro bo dang gsum mo// zhi ba'i khro bo dang/ bsgrub pa'i khro bo dang/ bsgrub pa chen po'i khro bo dang/ drag po'i khro bo dang/ rgyas pa'i khro bo'o// me'i khro bo dang/ zor gyi khro bo dang/ mnan pa'i khro bo dang/ dbye ba'i khro bo dang/ sgrol ba'i khro bo'o/ khro bo la la ni gtum pa che/ la la ni brjed med/ la la ni drag shul che/ la la ni rdzi rno// la la ni bang mgyogs/ la la ni sha za/ la la ni khrag 'thung/ la la ni keng rus 'joms/ la la ni srog gcod/ khro bo'i rigs ni/ la la ni rgya gar gyi rigs/ la la ni rgya nag gi rigs/ la la ni hor gyi rigs/ la la ni chu bur gyi rigs/ la la ni zhang zhung gi rigs/ la la ni sum pa'i rigs/ la la ni mon pa'i rigs/ la la ni lha'i rigs/ la la ni byol song gi rigs/ la la ni yi dags kyi rigs/ la la ni dmyal ba'i rigs/ khro bo'i rigs ni so sor 'byung/ de rnams las zhi ba'i khro bo mdangs dang ldan// drag po'i khro bo khro gnyer can// zhes bya ba'o// phyi ltar gyi khro bo/ nang ltar gyi khro bo// gsang ba ltar gyi khro bo dang gsum du 'dus so// khro bo'i rigs rnams ma shes na// 'chol ba'i khro bos don mi 'grub// nas la bra bo skye mi srid// sa bon med par byang chub myu gu skye mi srid// de ltar brtag pa zhib tu bya// 'di ni drag po'i khro bo ste// rgya nag khro bo tshul yin no// chas la 'gyur med 'jigs pa'i hUM sgra 'don/ gzigs pas lha srin sde brgyad zil gyis gnon/ khros pa thams cad dbang du sdud/ thams cad sgral zhing bde ba'i gnas su skyel/ zhes bya'o/ rdo rje phur pa chen po gsod byed 'bar ba'i rgyud las/ khro bo'i mtshan nyid zur bstan pa'i le'u ste bco lnga pa'o//// de nas drag po sngags kyi 'phreng ba'i ting nge 'dzin la snyoms par zhugs te/ ye shes lha yi sngags rnams dang// pho rgyud mo rgyud sngags rnams la/ drag sngags sngags kyi 'phreng ba 'byung// bstan pa yongs kyi snying po ste// rgyal ba'i bka' rnams ma lus rdzogs// 'jig rten dregs pa'i ma mo dang// drag po las kyi dregs pa pho// yang dag nyid du dril ba'i phyir// sngags kyi 'phreng ba 'di ltar bstan// oM badzra kI li kI la ya/ a tsid te a pa ra tsid te/ dza ye bi dza ye/ ka tang ka te ye shri krang kar nye ya/ ma ra sa na pra marta ni ye phaT/ sarba big+h+nAn baM hUM phaT/ oM badzra kI li kI la ya/ a tsid te a pa ra tsid te/ hUM ma ma pa shi ku ru shri kraM kar nye ye/ ha sa ra na ha ta na hUM phaT/ A bi sha ya A be sha ya hUM phaT/ shri krin a na ya hUM phaT/ dza la pa ya dza la pa ya hUM phaT/ ta tha ya ta tha ya hUM phaT/ bi ta ya bi ta ya hUM phaT/ ma ra sa na pra marta ni hUM phaT/ sarba big+h+nAn baM hUM phaT/ oM badzra kI li kI la ya/ dza ye bi dza ye/ ma taM nya na ka ra i da na/ shri krang kar nye ye/ ha sa ra na ha ta na hUM phaT/ A be sha ya A be sha ya hUM phaT/ shri krin a na ya hUM phaT/ dza la pa ya dza la pa ya hUM phaT/ ta tha ya ta tha ya hUM phaT/ bi da ya bi da ya hUM phaT// ma ra sa na pra marta ni ye hUM phaT/ sarba big+h+nAn baM hUM phaT/ badzra kI li kI la ya/ ka tang ka te ye/ d+ha d+ha ma ma karma shri kraM kar nye/ ha sa ra na ha ta na hUM phaT/ A be sha ya A be sha ya hUM phaT/ dz+wa la pa ya dz+wa la pa ya hUM phaT/ ta tha ya ta tha ya hUM phaT/ ma ra sa ni pra marta ni ye hUM phaT/ sarba big+h+nAn baM hUM phaT/ oM badzra kI li kI la ya/ A tsit+te a pa ra tsid te/ hUM ma ma pa shing ku ru shri krang kar nye ye/ ma ra sa na pra marta na ye hUM phaT/ sarba big+h+nAn baM hUM phaT/ oM badzra kI li kI la ya/ dza ye bi dza ye/ ma taM nya ka ra i nan/ shri krang kar nye ya/ ma ra sa na pra marta ni ye hUM phaT/ sarba big+h+nAn baM hUM phaT/ oM badzra kI li kI la ya/ ka tang ka te ye/ da ti ma ma karma/ shri kraM kar nye ye/ ma ma sa ni pra marta ni ye hUM phaT/ sarba big+h+nAn baM hUM phaT/ oM badzra kI li kI la ya/ a tsid te a pa ra tsit+te/ hUM ma ma pa shi ku ru/ shri krang ka ra nye ye/ ha sa ra na ha ta na hUM phaT/ ma ra si na pra marta na ye hUM phaT/ sarba big+h+nAn baM hUM phaT/ oM badzra kI li kI la ya/ dza ye bi dza ye/ ma taM nya ka i nan/ shri krang kar nye ye/ ha sa ra na ha ta na hUM phaT/ ma ra si na pra marta na ye hUM phaT/ sarba big+h+nAn baM hUM phaT/ oM badzra kI li kI la ya/ ka tang ka te ye/ da ti ma ma karma/ shri krang kar nye ye/ sarba big+h+nAn baM hUM phaT/ oM badzra kI li kI la ya/ a tsid te a pa ra tsid te/ hUM ma ma pa shi ku ru/ shri krang kar nye ye/ nan ni dze/ oM badzra kI li kI la ya/ dza ye bi dza ye/ ma ta ma nya ka ra i nan/ shri krang kar nye ye/ nan ni dza/ oM badzra kI li kI la ya/ ka tang ka te ye/ da di ma ma karma shri kraM kar nye ye/ nan ni dza/ oM badzra kI li kI la ya/ che ge mo dzaHhUM baM ho/ pa ra na bi tan/ tsin da tsin da/ a tsid te a pa ra tsid te ye/ dza ye bi dza ye/ ka tang ka te ye/ hUM ma ma pa shing ku ru/ ma tang nya ka ra i nan/ da ti ma ma karma/ shri krang kar nye ye/ ha sa ra na ha ta na hUM phaT// A bi sha ya A be sha ya hUM phaT/ shri krin a na ya hUM phaT/dz+wa la pa ya dz+wa la pa ya hUM phaT/ ta tha ya ta tha ya hUM phaT/ bi da ya bi de ya hUM phaT/ ma ra sa ni pra marta ni hUM phaT/ sarba big+h+nAn baM hUM phaT/ yang na ngan sngags kyi mtha' 'di ltar yang 'gyur te/ oM badzra kI li kI la ya/ a tsid te a pa ra tsid te/ dza ye bi dza ye/ ka tang ka te ye/ ha sa ra na ha ta na hUM phaT/ ma ra sa na pra marta ni ye hUM phaT/ sarba big+h+nAn baM hUM phaT/ de ni che rims kyi dbang du byas pa'o// yang na 'di ltar yang 'gyur ro// oM badzra kI li kI la ya/ a tsid te a pa ra tsid te/ dza ye bi dza ye/ ka tang ka te ye/ ma ra sa ni pra marta ni ye hUM phaT/ sarba big+h+nAn baM hUM phaT/ ces gsungs so// drag po sngags kyi 'phreng ba 'di// thams cad kun gyi snying po yin// 'di la spros na rgyud kyang 'byung// 'di nyid man ngag yin par brtan/ sngags kyi 'khor lo rab tu bskor// thams cad cad kun gyi srog snying rdzogs// 'di la thams cad 'byung ba yin// srog snying 'dus 'byung ba yin// ji ltar 'jig rten dregs pa can/ pho dang mo yi mtshan nyid kyang// drang po'i las rnams kun kyang byed// sgo sgo'i sngags la gtad par bya// mo yis pho bskur las rnams myur// ye shes lha yi sngags rnams dang/ dgugs byed ma mo'i sngags rnams dang/ 'chi bdag bdud kyi sngags rnams dang/ sgrol byed ging gi sngags rnams dang// rim pa bzhin du shes par gyis// rim pa sngags kyi 'phreng ba 'di// rtsa ba nyid kyi sdong po yin/ rgyud rnams kun gyi snying po yin/ lha srin rnams kyi srog snying yin// de ni sngags kyi 'phreng ba yin// zhes gsungs so// rdo rje phur pa chen po gsod byed 'bar ba'i rgyud las/ sngags kyi 'phreng ba bstan pa'i le'u bcu drug pa'o//// da ni rgyud 'byung ba ru bstan te/ dpal kun tu bzang po mtha' dang dbus med pa de la/ rig pa kun las khyab pa'i rgyud 'byung/ chos nyid snang stong dbyer med pa de la/ rig pa grol ba'i rgyud 'byung/ nam mkha' stong pa las/ rol pa sna tshogs 'char ba'i rgyud 'byung/ phyi'i rgya mtsho chen po las/ chu bo chen po bzhi'i rgyud 'byung/ nor bu rin po che las/ dgos 'dod thams cad 'byung ba'i rgyud 'byung/ rdo rje phur pa mi g.yo ba las/ 'dul ba'i don du khro bo'i rgyud 'byung/ khro bo las kyang khro bzhi'i rgyud 'byung/ zhi ba dbang drag po rgyas pa bzhi'i rgyud 'byung/ khro bo rang 'byung ba'i rgyud 'byung/ de nyid thog ma nas med pa dang/ rtogs par byed pa 'byung bas/ de grol ba'i rgyud 'byung/ ye shes khro bo'i rgyud/ snang stong dbyer med/ mtha' dang dbus med/ rang nyid du 'dug pa'i rgyud do// de nas 'dul ba'i don du drag po sgrol ba'i rgyud 'byung ngo// rdo rje phur pa chen po gsod byed 'bar ba'i rgyud las/ rgyud 'byung ba'i le'u ste bcu bdun pa'o//// da ni rgyud gtad pa bstan te/ yang dag pa'i chos dri ma'i skyon gyis ma gos pas/ skye 'gag gi skyon gyis ma zin pas/ 'di dang phyi ma gnyis su mi zin pa// nga bdag gi g.yung drung gis ma khyer ba/ nga che ba'i rlung mar gyis ma khyer ba/ 'gro ba rigs drug gi skyon gyis ma zin pa/ thams cad lhun gyis grub la ma zhen pa/ de lta bu dang ldan pa/ tshe rabs snga ma la sbyangs pa/ shes rab rno ba/ dam tshig bsrung ba/ ngag 'jam pa/ las kyi 'phro yod pa/ dus 'dzoms pa/ slob dpon gyi thugs zin pa/ gsang ba'i man ngag gzhan la mi spel ba/ 'chal pa'i gtam mi zer ba/ de lta bu la bde gshegs kyi thugs rje 'byung ste/ drag po khros pa'i rgyud gtad par bya'o/ khro bo'i rgyud 'di snang la rang bzhin med pas rgyud gtad pa de/ drag po sgrol ba'i rgyud/ bstan pa bsrung ba'i phyir/ rnal 'byor khyod la gtad par bya zhes gsungs so// rdo rje phur pa chen po gsod byed 'bar ba'i rgyud las/ rgyud gtad pa'i le'u ste bco brgyad pa'o//// drag po khros pa'i rgyud 'di ni/ dus ngan tha ma byung ba dang/ mched lcam sku dug sbyor bar byed pa dang// bstan pa gnyan po bshig pa'o// dge ba'i bshes gnyen gyi sku la sdo ba dang/ dkon mchog gnyan par mi byed pa'am// rgyal khrims gnyan po bshig pa'am/ de lta bu la bya bar bstan// lha la 'gyur med mthing nag sku// sngags pa 'gyur med las sngags me lce 'dra// rdzas la 'gyur med drag po'i thun rdzas rnams// de la brten te bsgrub pa rnams// lo dang zla bar mi sdod myur du sgrol bar nus// gzhan dang gzhan gyi thun mong ma yin te// bstan pa bsrung phyir drag po'i rgyud 'di gsungs// rgyud dang mi ldan kun la spel ba min// dam nyams kun la spel na thams cad nyams pa'i rgyu// gzhan la mi spel snying la 'chongs// zhes gsungs so// rdo rje phur pa chain po gsod byed 'bar ba'i rgyud las/ phyi ma'i phyi ma'o// drag po sgrol bar byed pa'i rgyud rdzogs so//// pad+ma 'byung gnas kyi thugs kyi nying khu/ lo tsa ba snubs dar ma ye shes kyi yer pa'i gtsug lag khang du bsgyur cing zhus te gtan la phab pa'o// tshon dang 'dra ba'i rgyud gang dga' dgar bstan na dam tshig nyams so//// rgya gar skad du/ badzra kro d+ha rA dza hi la klo kya kA la nA ma tsit+ta gu h+ya tan+t+ra/ bod skad du/ rdo rje khros pa'i rgyal po lcags kyi tsher ma nag po zhes bya ba/ thugs gsang ba'i rgyud/ bcom ldan 'das rdo rje gzhon nu la phyag 'tshal lo// 'di skad bdag gis thos pa'i dus gcig na/ chos nyid ma bcos ye nas spros dang bral ba'i pho brang/ cho 'phrul bstan pa'i 'og min/ drag po dur khrod 'bar ba'i gzhal yas na/ kun 'dus che mchog dpal gyi rgyal po de/ yum 'khor lo rgyas 'debs ma dang gnyis su med par/ khams gsum dbang du sdud pa'i ting nge 'dzin la snyoms par zhugs so// de'i 'khor phyogs bcu'i gdug pa 'dul ba khro bo'i tshogs dang/ ye shes lnga rdzogs rigs lnga'i sras mchog dang/ bka' nyan thogs med 'gyed pa'i pho nya dang/ rdo rje pho nya dpag tu med pas bskor nas bzhugs so// de'i tshe dpal chen po nyid kyis dregs pa pho mo rnams dbang du sdud pa'i phyir ched du brjod pa 'di gsungs so// oM badzra kI li kI la ya/ ka taM ka te/ dza ye bi dza ye/ a tsid te a pa ra tsid te/ ma ma pa shi/ a nan/ ka nan/ dza nan/ shi tra i nan/ b+hin d+ha ban nan/ big+h+nAn/ gr-ih+Na gr-ih+Na/ staM pa nan/ dz+wa la dz+wa la/ sarba big+h+nAn baM hUM phaT/ ces gsungs pas/ za byed bdud mo'i tshogs dang/ 'dug byed klu mo'i tshogs dang/ 'joms byed pho nya'i tshogs dang/ dregs pa pho bdud kyi tshogs rnams thams cad dpal chen po'i mdun du khrag skyug cing rang dbang med par 'gyel to// de yang dpal chen po yis/ ye shes kyi rdzu 'phrul gyis gzigs pas/ nag mo thams cad kyi srog snying kha na a ru 'dug par gzigs/dmar mo thams cad kyi srog mgo bo la ka ru 'dug par gzigs/ dkar mo thams cad kyi srog snying na dza ru 'dug par gzigs/ pho bdud thams cad kyi srog lta pa na tri ru 'dug par gzigs/ a dza ka tri zhes pa/ srog thams cad phrogs te dpal gyi lce stengs su gzhag go/ de nas yang bdud rtsi 'byung ba zhes bya ba'i ting 'dzin la snyoms par zhugs te/ oM badzra a mr-i ta kuN+Da li ha na hUM phaT/ ces pas/ thams cad dran pa rnyed de/ dpal chen po la srog gi snying po rnams mdongs gsol du phul zhing bstan pa bsrung bar dam bcas so// dpal chen pos drag po sgrol ba'i dbang bskur zhing/ gsang mtshan kyang bdag nyid chen mo dang/ sa bdag chen mo dang/ sho na mu ka la sogs par btags so// rdo rje phur pa lcags kyi tsher ma nag po'i rgyud las/ gleng gzhi'i le'u ste dang po'o//// de nas gsang ba'i bdag po phyag na rdo rje stan las langs nas/ 'di skad ces gsol to/ e ma'o bcom ldan 'gro ba'i mgon// sangs rgyas bstan pa bsrung ba'i phyir// thugs rje dbang bskur dregs pa'i tshogs// ma 'ongs dam can sgrub byed na// ye shes lha la ji ltar bsnyen/ sngags kyi dgongs pa ji ltar dgyer// gsad pa'i las dang sbogs pa dang/ drod rtags las 'jug brtul ba dang/ bskul ba'i rim pa ji ltar lags// zhes gsol ba dang/ rdo rje khros pa'i rgyal pos rjes su gzung ba zhes bya ba'i ting nge 'dzin la snyoms par zhugs te/ 'di skad ces gsungs so// nga yis dbang bsdus ma mo gsum/ ming sring dregs pa 'di rnams ni// sangs rgyas bstan pa'i srung ma ru// bsgrub pa'i rim pa bstan pa la// ye shes lha yi bsnyan pa dang// sngags kyi dgongs pa rnam pa gsum// dkar po bdag sgrib sbyang ba dang// thems kyis dam can gcun pa dang// spu gris dmigs pa bsgral ba dang// de yi rtags dag drod tshad dang/ mnan bsreg 'phang dang bstabs pa yis// drag po'i las kha bsdu ba dang/ cis kyang las byed ma 'dod na// shi sa bstan pa'i gzir ba dang/ sngags dang bskul dang gnad kyi las/ bstan pa'i don du ngas bshad kyis// rigs can rdo rje snying pos zung// lnga brgya dus kyi tha ma'i dus// nges pa'i 'byung bar gnyer du gtad// ces gsungs so// rdo rje phur pa lcags kyi tsher ma nag po'i rgyud las/ rkyen gleng bslang ba'i le'u ste gnyis pa'o//// de nas bgrub pa'i rim pa 'di gsungs so// phun sum tshogs pa'i sgrub pa pos// nyams pa bdun po bsgral ba'i phyir// nyi ma tshang zhugs zla ba las// drag cing thebs pa'i dus gzungs la// rdzas dang yo byad tshogs par bya// drag po'i gnas 'jug nas ni// sa yi las bya stegs bu brtsig/ chag chag thig chen cho ga yis// las bzhi tshang ba'i dkyil 'khor bri// gru gsum dbus su 'khor lo gzhug/ sku gsung thugs kyi phur pa gsum// sku shar gsung lho thugs ni byang/ gru gsum rtse mo re la gzugs/ nal bu wa dang rta yi snying// dar gril thod pa'i nang du gzhug/ mi dbang chu bya spyang ki yi// rgyal mtshan dar gyis brgyan la dgod// 'bru sna'i zan la ba ling bya// sha khrag bdud rtsi'i pU tsa bsham/ khro bcus phyogs skyong tshar gcad de// sku gsung thugs kyi bshags pa bya// dbang po 'od zhu thugs rje'i byin// gtor ma stobs chen ba liM ta// rak+ta rta mgrin sa mud ta// bdud rtsi 'khyil pa a mr-i ta// de bzhin kun snang rgyu dang ni// dbang chen gzhal yas drag po bskyed// mthing nag gru gsum me 'od 'bar// skam rlon thod pa zhing rus bcas// khrag mtsho shun chen rgyal mtshan thogs/ 'od zer dkar ljang dmar ser mthing/ rad na gzhal yas phyi nang med// rdo rje'i brag dang nyi zla dang// pad+ma lha brgyad gdan stengs su// sku gsung thugs kyi cho ga las// gsang sngags 'di dag brjod/oM badzra kI li kI la sarba big+h+nAn baM hUM phaT/ bdag nyid rdo rje che mchog brjod// he ru kun 'dus brjid pa'i sku// dbu dgu phyag ni bco brgyad rngam// zhabs brgyad dregs pa lha brgyad gnon// dkar ser dmar dang sngo ba dang// ser nag dmar smug ljang ba'i zhal// dkar dang ser dang mthing dang khro// zhal bgrad spyan bzlog rngam brjid sku// rdo rje rtse dgu 'khor lo bri// be con rgya khram ga 'u dang// lcags kyu tho ba dgra sta g.yas// dung khrag me dpung kha T+wAM ga khyung khra phur pa gri gug dang// bum pa rtun khung rin chen g.yon/ kham nag dbu skra rigs lngas brgyan// thod 'phreng sbrul dang khrag zhag dang// thal ba glang chen zhing stag gyon// dar gyi cod pan khyung gshog gdeng// yum dang gnyis su gnyis su med pa ni// ye shes med pung klong du bsgom// thugs ka'i 'od zer hUM gsum las// bsnyen ba'i lha gsum sras mchog tshul// stobs chen zhal gcig phyag gnyis dkar// g.yas pa tho ba phur pa g.yon// sku smad zur gsum dur khrod chas// rta mgrin dmar nag rta mgo ljang// g.yas pa ral gri phur pa g.yon// sku smad dbal phur dur khrod chas// bdud rtsi 'khyil ba mthing nag rngam/ rgya gram phur pa 'dril zhing 'debs// sku smad dpal phur dur khrod chas/ khro bcu khra thabs la sogs kun// dpal chen sku la rdzogs par dgod// dbang bskur byin brlabs tshul bzhin bya/ khyams la dmar nag ma mo rnams// phyi rim mu khyud pho bdud dregs// rang bzhin spyan drangs mchod sogs bya// ye shes lha yi snying po dang// sku gsung thugs kyi snying po gsum// gsang sngags yid bzhin nor bu ste// yid la dgos pa'i don kun 'grub// oM badzra kI li kI la ya kro d+ha kro d+ha ha he phaT/ bsnyen pa'i rdzas la dngos grub bskul// bstod cing rol pa'i tshogs kyis mchod// lhag ma bstan ma dkyil 'khor bsdu// rdo rje phur pa lcags kyi tsher ma nag po'i rgyud las/ rtsa ba'i bsgrub pa bstan pa'i le'u ste gsum pa'o//// de nas bcom ldan 'das kyis bsnyen pa'i don 'di gsungs so// bdag nyid che mchog brjid ldan sku// spyi bo mgrin pa thugs ka nas// 'khor lo pad+ma dpal be'u dang// dkar dmar mthing kha'i ye shes sems// sku gsung thugs kyi snying pos bskor// byams dang snying rjes gang 'dul ba// srid pa rdo rje phur pa'i lha// sangs rgyas 'phrin las rdzogs mdzad nas// srog gi go ru shar bar mdzod// oM badzra kI li kI la ya/ a tsid te a pa ra tsid te/ ma ma pa shi ma taM myags ka ra i dan/ dza ye bi dza ye ku ru ka ra i nan ka taM ka te ye ka ra i nan/ sarba big+h+nAn baM hUM phaT// 'gyur med chos sku'i snying po 'di// mgo non 'bru dgu rang shar gsal// thugs kyis yid sbyangs chos sku thob// gsung gis ngag sbyangs longs sku thob// sku yis lus sbyangs sprul sku thob// 'dus pa'i tshogs bsgrub khams dang bral// gsum gyis gsum sbyor de bzhin las// ka ras ye shes rang shar mthong/ e nan mthong don goms par byed// lhun grub ye shes thar lam rdzogs// ye shes lha yi bsnyen pa ste// dmar nag ma mo gsum gyi srog/ zhing bcu sgrol ba'i mtshon cha yin// bran dang pho nya bka' nyan tshogs/ khyed kyi dam tshig dus la bab// gnya' gnon sngags dang gsum po bskyed// sngon gyi dam tshig bstan pa dang/ khro bo gsum gyis gzir bar bya// shi sa gnad nas dbab pa dang/ srog gsum gzung ba bdun du gtem// ban d+ha dza laM tsa ta yis// sreg dang smra dang mgo bo 'gas// rang nyid lhar gsal dam can sdigs// srog dbrog lce stengs gsal bar gzhag/ che ba'i nga rgyal bskyed cing bstod// rtags byung bdud rtsi gsos la rbad// gdams pa kun dril yang snying bcud// dam can gnad la gtem par bshad// ces gsungs so// rdo rje phur pa lcags kyi tsher ma nag po'i rgyud las/ bsnyen pa dang dam can bstan pa'i le'u ste bzhi pa'o//// de nas gsad pa'i las 'di gsungs so// bsnyen bsgrub rdzogs pa'i rnal 'byor pas// drag po'i gnas dang dus gzung la// drag po maN+Dal las bzhi tshul// dbus su gru gsum baM rim gsum// dkar dang nag dang ser ba ste// za byed zhal dang mda' gzhur bcas// mtshon cha lnga dang rtsang gis bskor// dur khrod ku sha'i rtswa dang ni// zag pa'i rdzas la ling ga bya// sngar shi ro gos khrag can dang// bkra mi shis pa'i zhing ras la// 'khor lo rim pa mu khyud brgyas// dbus su gru gsum gnag pa bri// re mi dgu la pho sngags bri/ bcu gnyis d+ha ti dgod par bya/ khyud skor gsum ni sku gsung thugs// rtsibs drug sngags drug rtsibs mchan mchong// mtha' ma ngan sngags 'dus pas bskor// dbang gi 'khor yug drug tu dgod// dbye ba'i rdzas dang bstim pa'i rdzas// byad du gzhug dang smyo ba dang// gdab dang bstan pa'i rdzas drug dgod do// rten mchod bskang ba'i dam rdzas dgram// rab bskyed spyan drangs mchod byas te// lta ba'i thag bcad 'khor lo sgyur// lha dang rgyab rten dpung dang dbral// de nas nye bar gzugs la dbab// 'gyur ldog med par byad du gzhug/ smyo ba dang rdul du brlag par bya// nag po dug gi 'khor lo bskor// ye shes lha yi snying po dang// dmigs pa dgug pa'i sngags bzhi dang// gsang sngags 'bru gsum rtsa ba lus// bco brgyad khrag gnyis ma mo'i gnad// ma mo brgyad la sho na dgu// dam can bse mo ya brgyad yin// spyir bdud sngags la gnyis gnyis drug/ kang ka kar nye ya lnga sbreng// las kyi ging chen pho yi sngags// pho mo'i mtshams nas 'bru gnyis ni// kun la las gnyer gtad pa yin// las la bskul zhing srog snying gcad// sngags kyi 'od kyis dregs pa bskul// dmigs pa dgug cing sgrol bar byed/ rabs chad mon gyi thod pa ru// pho rdzas dug la mo rdzas khrag/ phye gsum 'bru gsum blug la bstim// nyin mo dug gi 'khor lo bskor// mtshan mo ming srig thun gyi las// oM badzra kI li kI la ya/ che ge mo dzaH hUM baM ho/ ma ma pa shi ku ru/ ha sa ya ra ha ta na ya/ A be sha ya A be sha ya/ shi krin a na ya/ dz+wA la pa ta dz+wA la pa ya/ tsin+d+ha ya tsin+d+ha ya/ ta tha ya ta thA ya/ bin+d+ha ya bin+d+ha ya/ hUM phaT/ ka ra i nan/ che ge mo/ tsit+ta nan/ ma ra ya rbad/ ma ra sa na pra ma rtan ye tsit+ta nan ni dza dza/ dgra lha klu bdud lha yi rigs// btsan dang rgyal po gnod sbyin the// dmu dang bdud dang gshin rje'i tshogs// pho rigs dug gi mtshon cha yin// traM traM rbad/ lhang lhang tser rbad/ ma sha ma sha rbad/ bal phu bal pu ma rbad/ dur ling dur ling rbad/ dur ling srog la rbad/ dur ling rus la rbad/ dur ling sha la rbad/ dur ling khrag la rbad/ rgyug breng kha long kha 'ur ba 'ur ba/ gu tri gu tri/ wa ni wa ni/ sad+hu sa d+hu/ dza la dza la/ lce rtsa ldibs/ rbad/ rtsa ti rtsa ti rbad/ nir ti nir ti rbad/ sums ti sums ti rbad/ mugs mugs thums thums rbad/ ni dza thuM ril mA ra ya rbad ya/ bzhi bcu rtsa lnga bse mo'i thun// sum cu rtsa gnyis sho na'o// nag mo sum cu rtsa gcig go/ pho yis 'gugs shing mo yis gsod// dug khrag mtshon chas sgrol bar byed// phur pa gsum po dril zhing gdab// thugs ni kun gzhi dkar nag mtshams// dkar po yid la sku yis gdab// nag po rta mgrin nyon mongs yid// gnad kyi khro bo stong bzlog la// skye shi rtsad gcod med rtse dril// hUM gsum bsdus pas phaT kyis 'phang// thun dang med thung rdzogs par bya// thun khrag lhag ma dril bas zor// dza las me spar su rus bsreg/ gnag pa gshin rje'i lag tu gtad// rtags byung gtang rag bkra shis gsol// zhes gsungs so// rdo rje phur pa lcags kyi tsher ma nag po'i rgyud las/ nag mo dug gi 'khor lo'i le'u ste lnga pa'o//// de nas ye shes lha la bstod cing srung ma bskur ba 'di gsungs so// hUM/ chos nyid mi 'gyur thugs kyi ngang// ye shes me dpung 'bar ba'i klong// rigs 'dus khro rgyal che mchog brjid// sku mdog mthing nag rngam 'jigs sku/ dbu dgu phyag ni bco brgyad de// zhabs brgyad dregs pa'i lha brgyad brdzis// dbu dgus ltung gnas gol sa gcod// gzhal g.yas dkar ser dmar dang sngo// g.yon zhal ser nag dmar smug ljang// dbus zhal dkar ser mthing nag rngam// bco brgyad phyag mtshan gdug pa 'dul// rdo rje 'khor lo ral gri dang/ be con rgya gram ga'u dang// lcags kyu tho ba dgra sta g.yas// dung khrag me dpung kha T+wAM dang// khyung khra phur pa bum pa dang/ gri gug rtun khung rin chen g.yon// dur khrod chas brgyad sku la gsol/ khro tshul rngam brjid dregs pa 'dul// yum chen khro mo sku la 'khril// rngam pa'i nga ros 'brug stong ldir// dregs pa ma tshogs zil gyis gnon// che mchog sku la phyag 'tshal bstod// hUM/ bdag nyid chen mo'i dus la bab// srid gsum srog la dbang byed ma// dbang byed chen mo'i dus la bab// srog bdag chen mo'i dus la bab// bka' yi bya ra'i dus la bab// dbang phyug lha chen dbu ma'i sras// mgon po nag po'i lcam mo ste// gshin rje 'chi bdag yum gcig ma// rgyu ni srod dang tho rangs rgyu// nyul ni dur khrod khyab par nyul// sngon tshe dkar mo dung skyong ma// phy-i ma ma yi ngag bcag pas// sku ni mthing nag 'jigs pa'i tshul// thugs ni mi 'gyur phyir na nag/ ma cig lha mo dpal lha mo// don du gcig ste rnam grangs bzhi// nad bdag ma mo rims kyi rkyen// srid pa gsum gyi bya ma rta// dam la gnas pa'i tshe srog zung// rdo rje khrag 'thung spyan lam du// bstan par srung bar dam bcas ma// bcol ba'i las rnams grub par gyis// gal te dam tshig 'das gyur na// badzra yag sha khro bo yis// snying gi dkyil nas khrag drangs nas// rdo rje me dpal snying sregs cig/ de bas las rnams myur du gyis/ hUM/ sho na mu kha'i dus la bab/ khyod kyi pha ni sku gsung thugs/ khyod kyi ma ni chos kyi dbyings// dbyings dang ye shes gnyis kyi sras// sha rus khrag la dad che bas// za bar byed pa sho na ma// snying rje med pas srin mo'i tshul// myur mgyogs dpal gyi pho nya ma// sha za dbugs len lce spyang tshul// 'chi khrag 'debs pa bdud kyi yum// srid pa'i rgyal po'i lcam mo ste// bud med lus la 'jigs pa'i gzugs// sngo ser dmar ljang kha dog la// gdug pa'i mtshon cha lag na thogs// spyang 'phar wa khyi zhon nas rgyug/ zhe sdang me la nga rgyal khrag/ 'dod chags chu la phrag dog rlung/ snying rje med par gsod la brtson// ma mo spyi yi byan pa mo// nad kyi bdag mo rims kyi rkyen// smyo 'bog lha 'dre'i sna 'dren ma// lha srin yongs kyi gtso mo ste// sde brgyad yongs kyi lings pa mo// dpal chen 'bar ba'i pho nya mo// dam las ma 'da' 'phrin las kyis// gal te dam las 'das gyur na// badzra yag sha khro bo yis/ lus dang ngag sems rdul du lhogs// de bas las rnams myur du gyis// b+h+yo/ sa bdag rgyal mo'i dus la bab// zangs togs gdug pa'i sprul pa las// pha ni gza' bdud btsan dang klu// ma ni klu mo tsan ti ka/ blon mo bran mo kun rgyug bzhi// ming po srog zan gshin bu rje// las mkhan shan pa bco brgyad 'gyed// sde ni srog zan phung byed ste// gnas ni klu rigs mtsho la gnas// zas su srid gsum sha la za// skom du srid gsum khrag la 'thung// las su srog gcod tsit+ta 'byin// spyod pa sems can rlag la dga'// rgyu ni chags nas bzhi las grub// dge sdig med par gsod la brtson// ngo ni shin tu bsre bas bred// bud med 'jigs tshul kha dog bzhi// rta ru spu mthun gyi ling zhon/ na bza' dar tshon ber chen gsol// zhags pa ral gri mdung dmar dang// sbrul dang phur pa mtshon cha 'dzin// myur mgyogs chen mo'i dus la bab// gtsug lag khang dang dkor srungs mo// b+ha ga 'bul dang dmagag dpon byed// gsang ba'i gzungs ma bya ra ma// nor gyi lha dang rtsi yi lha// shing gi lha dang nags kyi bdag/ cho 'phrul chen mo'i dus la bab// gal te dam las g.yel ba na/ khro bo yak+sha sta thogs kyis// klad pa tshal ba brgya ru khol// de bas las rnams myur du gyis// zhes gsungs so// rdo rje phur pa lcags kyi tsher ma nag po'i rgyud las/ bstod bskul gyi le'u ste drug pa'o//// de nas spyir gdam zhing gtad pa 'di gsungs so// bsnyen na lha yi sgo phye la// lus ngag yid kyi sgrib pa sbyangs// sku gsung thugs kyi dngos grub bsdu// bsgrub na ma mo'i sgo phye la// srog dbrog ma mo zil gyis gnon// srog nas bskul zhing dgra la rbad// gsad pa dgra bo'i sgo phye la// nag po dug gi 'khor lo bskor// rno byed ngar gyi spu gri gdags// drod tshad brgyad kyis brtags la dbab// 'debs na gnad dmigs gsum du dbye// las 'jug drag po gsum gyis bsdu// drag po'i 'khor lo bskor ba'i tshe// nag mos 'byung ba'i mdangs ma 'phrog/ gcig la gcig thim myos par byed// sho na dbugs kyi mdangs ma dbrog/ steng 'og 'gyu byed gsang thag gcod// bse mos dngas ma sdud cing 'phrog/ rten gyis ri rgyal shes pa rgyal// shan pa'i sngags kyis dngas snyigs 'byed// ngan sngags 'khor lo 'di bskor na// rdo rje'i brag kyang 'jig par 'gyur// rdo rje khrag 'thung 'phrul gyi bka'// 'phrin las ji ltar bsgyur bas lcags// rno bas tsher ma mi 'gyur nag/ yang snying bsdus pa thugs kyi lung// thun mong ma yin gsang ba ste// dngos grub gsum tshang 'brel bas rgyud// 'khor du 'dus pa'i tshogs la gtad// dngos grub kun gyi 'byung gnas 'di// mi nub rgyal mtshan chen por zung// bstan pa bsrung ba'i mtshon char bshad// rdo rje phur pa lcags kyi tsher ma nag po'i rgyud las/gdams shing gtad pa'i le'u ste bdun pa'o//// rdo rje phur pa lcags kyi tsher ma nag po'i rgyud ces bya ba/thugs gsang ba'i rgyud rdzogs so//// u rgyan gyi mkhan po pad+ma saM b+ha ba dang/ lots+tsha ba brang ti dza ya rak+Shi tas bsgyur ba'o//// dpal rdo rje gzhon nu la phyag 'tshal lo// ! de nas gsang ba'i bdag pos 'di skad ces gsol to// e ma ho/ dpa' bo khro rgyal gtso bo mchog/ mkha' 'gro srog gi snying po dang// rnam gsum man ngag sbyar ba dang// shi sa gzir ba ji ltar lags// zhes zhus pas// dpal chen pos 'phrin las drag po'i ting nge 'dzin la snyoms par zhugs nas ched du brjod pa 'di brjod do// ye shes lha yi sku gsung thugs// dam can ma mo gsum gyi srog/ dmigs pa sgrol ba'i mtshon cha 'di// bsnyen pa sku bdun gsung la dgu/ thugs ni bcu bdun dag tu 'dod// bco brgyad phrag gnyis ma mo'i gnad// bse mo'i sngags la gshin rje'i srog/ ming po gnad nas gtem pa yin// srin mo'i sgra ni nag mo'i dkyil// sngon gyi rang dam bstan pa yin// ku ru sri la rjes su 'breng// pho nyas srog dbrog lce rtse gtem// ka ra gsum ni gri'i sngags// de yi rim pa 'di lta ste// ka tam ka te/ ya ye ta ka ra/ ltung gnas spel ba'i yig 'bru dgu/ bde gshegs sku yi snying po ste/ rtsa ba'i snying po thog mda' can// lus kyi sgrib pa rnam par sbyong// sku yi gzi brjid dngos grub sdud// klu rigs srog ni mgo la gnas// klad pa'i dkyil na yi ge ka/ tsa kra dkar po rtsibs dgu pas// klad pa'i dkyil nas bshig cing 'joms/ khro bos gtems pas las la 'dzud// spu gris gtems pas dmigs pa sgrol// dza ye bi dze ye ku ru ka ra/ dngos grub gnan dgus sdud pa yi/ gsung gi snying po 'bru dgu pas// ngag gi sgrib sbyong dngos grub sdud// pho nya'i srog ni mgrin pa na// lce rtsa'i sbubs nas yi ge dza// 'khor lo dmar po rtsibs dgu pas// mgrin pa'i dkyil nas gcod cing 'joms// rta mgrin dbang gi las la 'dzud// a tsid te a pa ra tsi ta/ ma ma pa shi trag/ ma taM mya ka ra/ thugs kyi snying po bco brgyad pas/ khams rnams stong par dag par byed// yid kyi sgrib sbyong dngos grub sdud/ lha rigs srog ni snying la gnas// nam mkha'i rtsa sbugs yi ge a// 'khor lo sngon po rtsibs dgu pas// snying gi dkyil nas gcod cing 'joms// bdud rtsi 'khyal bas gnad nas 'them// mtshon cha bsdebs na dmigs pa sgrol// las la grub pa'i mkha' 'gro gsum// las mi byed cing khu ldog na// shi sa gnad nas gzir bar byed// dkyil 'khor gru bzhi lham par bya// dbus su gru gsum sum brtsegs bya// rtsang dang phur pa mtshon cha dgod// dur khrod ras la khrag chen gyis// mgo dang lce dang snying gi tshul// ka dang dza dang a la ni// tha ma rtsibs dgu rang sngags bskor// snying dang klad pa lce khrag byug/ de dag 'dzin pa'i sngags dang ni// thems kyis mtha' ma bskor la gzhag/ dbang gi dkyil 'khor cha drug la// gso ba'i bdud khrag chen po dmar// brab pa'i lcags dang dug gi thun// tsan dan dkar dmar chu dang ni// gtor ma tshil chen sprin khabs bcad// snying dang sbyar ba byang shar mtshams// thun dang zor gyi rdzas rnams bsham// bsgrub khung drag po'i tsher mas dgang// dar nag gur dbub pU tsa 'bul// phur pa'i dbal la rang sngags bri// bdag nyid che mchog gsal ba yis// rang gi las rnams rdzogs byas nas// las gnyer gtad pa'i sngags 'di bzlas// oM badzra kI li kI la ya// badzra yak+Sha kro d+ha bi dza ya/ a tsid te shi krang/ ma ma pa shin trag shi krang ma tang myags ka ra i nan/ shi krang dza ya/ shi krang/ bi dza ya shi krang/ ku ru shig krang ka ra i nan shi krang/ ka taM shi krang/ ka te ya shi krang/ ye ta ka ra i nan shi krang/ ma ma karma shi krang/ kang ka kar te yA/ shi krang i nan big+h+nAn/ staM pa ya nan/ las gnyer gtad pa'i shi sa 'di// zhal gsum khro bo gsum du bsgyur// shi trang ngan sngags bcu gsum ni// nag mo sho na bzhi bzhi la/ bse mo gsum ste 'dus pa gnyis// cis kyang las las g.yel ba na// gnad la bor ba'i las 'di bya// oM badzra kI li kI la ya/ badzra yak+Sha kro d+ha bi dza ya/ bka' 'das nag mo dzaHhUM baM ho/ mA ra ya/ a tsid ta a pa ra tsid te/ ma ma pa shi trag ma taM mya ka ra/ i nan big+h+nAn staM pa nan/ shi kraM tshin+d+ha tshin+d+ha/ a dza la dza la/ raM raM oM/ laM laM hUM laM/ ha na ha na/ da ha da ha/ pa tsa pa tsa/ staM pa ni staM pa naM/ lcags phur dril zhing bdud rtsi gzir// oM badzra kI li kI la ya/ badzra yak+Sha kro d+ha bi dza ya/ bka' 'das sho na dzaHhUM baM ho/ ma ra ya/ dza ye bi dza ye// ku ru ka ra/ dza dza/ pa shi dza taM/ myags ka ra i nan big+ha nan staM pa nan/ shi krang gri na gri na dza/ shi krin bi krin dza la pa ya/ dza la pa ya/ staM pa nan zangs phur dril zhing dbang gis gzir// oM badzra kI li kI la ya/ badzra yak+Sha kro d+ha bi dza ya/ bka' 'das bse mo dzaHhUM baM ho/ ka taM ka te yA ye ta ka ra/ ka ka pa shi taM myags ka ra i nan/ big+h+nAn staM pa nan/ shi taM ban+d+ha ban+d+ha ka/ s+pho Ta ya/ s+pho Ta ya/ ka ra in nan/ gser phu dril zhing bsdig par bya// mgo bo bkas la dbyug pas btag/ sngon dmar skud pa'i brums kyis mnan// dug chu gtor la sngags kyis brab// snying la gnas pa'i khro bos dkrug kha bgrad mche gtsigs lag cha shor// sol ba'i sgyai ltar mdog med 'gyel// sngags kyi 'od kyis bkrag mdangs 'phrog/ snying khrag klad khrag rtsa khrag gsum// che mchog 'bar ba'i ljags la drang/zhe sdang drag po'i sngags bzlas na// rdo rje'i brag kyang 'jig par 'gyur// stong pas mang du mi rung ngo// rtags byung tsan dan chu yis bkru/ rtsi sman 'o ma bdud rtsi gso// mna' bsgag bdud rtsi lce la gzhag/ de nas las la gtang ba yang// mgo non 'gugs dang ming rus bcas// ma mo'i gnad dang shan pa'i gri// srog nas brab cing gnyen po 'don// dam rdzas brabs la drag tu bskul// de yis las rnams myur bar byed// dam chen gnad la dbab pa 'di// rtogs tshad can gyi rnal 'byor pas// kun gyi bya bar ma gsungs so// rab tu gsang ba'i rnam par bshad// ces gsungs pas/ 'khor thams cad rjes su yi rang zhing mngon par bstod do/ khro bo thams cad kyi thugs kyi gsang rgyud tsher ma nag po las// mkha' 'gro ma thugs kyi gsang lung bstan pa'i le'u ste/ las phyi ma'i rtog pa dang brgyad do// rgyud phyi ma yang snying zhes bya ba/ gu ru pad+mas mkhar chen bza' la gdams pa rdzogs so//// rgya gar skad du/ badzra kI la ya tsit+ta gu h+ya kA ya tan+t+ra nA ma/ bod skad du/ rdo rje phur pa'i thugs gsang ba sku'i rgyud ces bya/ bcom ldan 'das rdo rje gzhon nu la phyag 'tshal lo// sngon sangs rgyas mar me mdzad kyi bstan pa rdzogs/ shakya thub pa'i bstan pa ma byung gi bar la/ mi mjed 'jig rten gyi khams 'dir bdud nag po ma trang ru dra zhes bya ba byung ste/ srid pa gsum phung zhing brlag par byas so// de'i tshe sngon gyi smon lam gyis dus gsum gyi sangs rgyas thams cad kyi thugs rje g.yos te/ thogs ma'i sangs rgyas kun tu bzang po yab yum gyi thugs ka nas sangs rgyas rdo rje sems dpa' yab yum byon te/dpal rdo rje sems dpa' yab yum thugs zhi ba chos nyid kyi ngang las ma g.yos par/ sku dpal chen he ru ka yab yum du bzhengs te/ dpal chen po 'adzra he ru ka dang/yum kro d+hi shwa ri ma las/ sras rdo rje srin po zhes bya ste/ rdo rje gzhon nu dpa' bo stobs ldan du sprul te/ de'i tshe bdud ru dra nag po dang/ 'khor srin pho dang/ srin mo dang/ bdud pho dang/ bdud mo dang/ dregs pa'i tshogs thams cad bsgral lo// sha zos/ khrag 'thungs/ phung po rdul du rlag/ rnam par shes pa'i tshogs dam la btags te bka'i srung mar gzhag go/ rdo rje phur pa'i thugs gsang ba sku'i rgyud las/gling gzhi'i le'u ste dang po'o//// de nas ri rab lhun po'i rtse mo 'jig rten dregs pa can btul ba'i gnas der drag po'i dgongs pa thengs gsum mdzad pas/thugs ka nas sras drag po rtsal zhes bya ba sprul te/ mdun du bka' sdod du gzhag go/ yum 'khor ba rgyas 'debs ma'i thugs ka nas/ khros ma nag mo zhes bya ba zhes bya ba sprul te/ de'i yum du byin gyis brlabs so// yab yum gyi sna nas/ bdud ru dra nag po'i rnam shes bton te/ legs ldan nag po mahA kA la zhes bya ba byin gyis brlabs te bka'i srung mar gzhag go/ de'i tshe sras rdo rje drag po rtsal gyis/ dpal chen po la zhus pa/ kye yab cig rdo rje gzhon nu'i sku// bdag gi gdul bya gang na mchis// gdul ba'i thabs ni ji ltar bstan// zhes zhus so// dpal chen yab kyis bka' stsal pa// thugs kyi sras mchog drag po rtsal/ khyod kyi gdul bya bstan pa ni// ma 'ongs dus na sprul pa'i sku// shAkya thub pa'i bstan pa 'byung// sprul sku mya ngan 'das pa dang// de ma thag tu rgyal ba'i tshab/ khyod kyi sprul pa rnam brgyad 'byung// bdud po bsgral ba'i rnam shes rten// ri rab lhun po'i rtse mo nas// dum bu brgyan du 'phangs pa las// gsang sngags bstan pa'i gnas brgyad 'byung// gnas der gsang sngags bka' gnas brgyad tshugs/ khyod kyi sku las gshin rje gshed// 'jam dpal bshes gnyen bya ba 'byung/ khyed kyi gsung las rta mgrin rgyal// dge slong klu zhes bya ba 'byung/ khyod kyi thugs las he ru ka/ huM chen ka ra zhes bya 'byung/ khyod kyi yon tan che mchog sku// paN chen bi ma mi tra 'byung/ khyod kyi 'phrin las kI la ya// pad+ma 'byung gnas zhes bya 'byung/ khyod kyi drag po rdo rje 'chang// shin+ti gar+b+ha zhes bya 'byung/ khyod kyi sprul pa brtul zhugs can// 'jam dpal phyi ma 'bir bar 'byung/ khyod kyi rig pa rdo rje sems// shrI sing ha zhes bya 'byung// de ni mchog gi sprul pa brgyad// thugs kyi sras mchog nges pa yin// de las sprul pa rnam pa brgyad// de las yang sprul rnam pa brgyad// de yi byin rlabs dbang phyug brgyad// 'dzam bu gling du 'byung bar 'gyur// gdul bya'i zhing ni de tsam mo// 'dul ba'i thabs ni 'di lta ste// sku yi gdul byar gyur pa la/ khros pa rdo rje gzhon nu'i thugs// gsang mtshan rdo rje drag po rtsal// nyam nga bag tsha med par ston// gsung gi gdul byar gyur pa la// bde gshegs ma lus kun gyi gsung// rdzun 'phrul sdud byed yi ge hUM// drag po hUM dgu'i ting 'dzin ston// thugs kyi gdul byar gyur pa la// kun gyi spyi mes kun tu bzang// de yi thugs kyi snying gi bcud// rang byung rang shar lta ba ston// spros la dga' ba'i gang zag la/ khrag 'thung rtsa ba'i dkyil 'khor ston// blo dang mi ldan gang zag la// che mchog rdo rje gzhon nu ston// shin tu bsdus la dga' ba la// sras mchog thugs kyi sgrub pa ston// drag po sngags kyi rigs 'dzin la// sgrub pa'i man ngag bcu gsum ston// rtsa khams rlung gsum dgag pa la/ khros ma nag mo'i sgrub pa ston// nga yi bstan pa bsrung bya'i phyir// legs ldan nag po'i sgrub pa ston// ces gsungs so// rdo rje phur pa'i thugs gsang ba sku'i rgyud las/ gdul bya'i zhing dang thabs bstan pa'i le'u ste gnyis pa'o//// de'i tshe gsang ba'i bdag po phyag na rdo rjes dgyes pa'i gar dang bcas te 'di skad ces zhus so// kye dpal rdo rje gzhon nu'i sku/ khrag 'thung rtsa ba'i dkyil 'khor de'i// sgrub thabs bdag la bstan du gsol// bcom ldan 'das kyis bka' stsal pa// rdo rje srin po zhes bya ba/ khrag 'thung nga yi sgrub thabs ni// bsam gyis mi khyab gsungs mod kyang// gcig tu dril na 'di lta ste// ri phran mang po 'dus pa'i spyi// ri bos bskor ba'i lcug phran tshal// ri mtho sa gtsang nags tshal ldan// shin tu dben pa'i sa phyogs su// sa yi gnad la dkyil 'khor brtseg/ sa bdag zhi ba'i cho ga bya// phyogs bzhir mtho brtsigs rgyal chen bskyed// thig tshon cho ga legs par bya// dkyil 'khor gru gsum ni shu gcig/ sgo bzhi ra ba ldan pa bri// lha grangs tshangs pa'i phur bu dgod// sman rag gtor ma rnam gsum dgod// rab gnas ldan pa'i lha sku dgram// bdag nyid byang du kha bltas la// 'phrin las ting 'dzin rim pa bzhin// ma yengs pa yi ngang gis bya// dus bzhir 'dzab dang mchod pa dbul// bdag nyid rdo rje srin po'i sku// mthing nag zhal gsum phyag drug pa// dbu gsum phyag drug zhabs bzhi bgrad// g.yas dkar g.yon dmar dbus mthing zhal// rdo rje rtse dgu rtse lnga dang// me dpung kha T+wAM phur pa 'dril// zhabs bzhi ru dra pho mo brdzis// glang chen zhing dang stag lpags gyon// thal chen khrag dang zhag gis brgyan// dbu skra kham nag gyen du brdzes/ khrag 'thung rigs lngas dbu la brgyan// sprul dang rin chen thod pas brgyan// mdun du 'khor lo rgyas 'debs ma// zhal gcig phyag gnyis sku mdog 'thing// rgyan dang cha lugs yab dang mthun/ khrag 'thung bzhi bcu zhe bzhi'i 'khor// bka' nyan srung ma bcu gnyis dang// pha bdud nyi shu rtsa gcig bsam// gtso bo'i thugs khar ye shes sems// rgyan med yab dang tshul mthun pa// mtshon gang ba gcig bsam par bya// de yi thugs khar phyag mtshan gyi// rdo rje rtse dgu nas tsam bsam// de yi lte bar gsung gi rtags// hUM sngon spu yis bris pa tsam// de yi mtha' mar snying po ni// gsang ba'i yi ge bcu bzhi pa// gser mdog spu shad tsam gyis bskor// de ltar thugs kar bsgoms nas kyang// thugs kyi sngags las 'od 'phros pas// stong gsum thams cad 'od kyis gang// srid gsum gdug pa rdul du rlag/ gsal stong ngang nas sngags 'di bzlas// oM badzra kI li kI la ya sarba big+h+nAn baM hUM phaT/ ting 'dzin de las ma yengs par// thun gcig lha yi sku la lta// thun gcig yid kyi yul du bsgom// thun gcig mi dmigs ngang du gzhag/ de ltar nyin mtshan 'khor yug tu// ma nor rim par bzlas par bya// sa ya drug 'bum bsnyen pa'i tshad// de rdzogs nas ni rtags 'di 'byung/ khrag 'thung nga yi zhal mthong zhing// phyag mtshan phur bu gar du 'khrab// gtor ma rak+ta bdud rtsi khol// de nas sgrub pa'i dkyil 'khor brtsam// zhes gsungs so// rdo rje phur bu'i thugs gsang ba sku'i rgyud las/ khrag 'thung rtsa ba'i dkyil 'khor bsnyen pa'i le'u ste gsum pa'o//// yang gsang ba'i bdag pos 'di skad ces zhus so// kye kye khrag 'thung chen po'i sku// che mchog rdo rje gzhon nu'i sku// bsgrub pa'i rim pa bshad du gsol// bcom ldan 'das kyis bka' stsal pa// gong ltar bsnyen pa'i rtags rdzogs nas// drag po'i bsgrub pa'i gnas btsal ba// sa gzhi nag la gting zab pa// gnam sa gnyis ka drag po'i gzugs// brag nag ngo rgya gdug pa ru// drag po'i sa ru maN+Dal bya// dbus su gru gsum tha ma ru// zla gam gsum gyis bskor ba dang/ khyams sgo rta babs la sogs te// dkyil 'khor rgyan rnams rdzogs par bri// phyi ru mtho brtsigs mtshams kun gcad// dbus su bsnyen pa'i phur pa gzugs// sku gsung thugs kyi phur pa gsum// sku shar gsung lho thugs ni byang// zla gam gsum la bkod par bya/ khyams la dmar nag sde gsum gyi// phur bu bcu gnyis bkod par bya// sgo bzhir las kyi phur bu dgod// sman dang rak+ta gtor ma bsham// gzhan yang drag po'i rdzas rnams bsog/ mar khu khrag zhag 'o ma bzhi// dkyil 'khor khyams par dag tu gzhag/ de nas bskyed pa'i rim pa ni// bdag nyid stong pa'i ngang nyid las// che mchog rdo rje gzhon nu'i sku// dbu dgu phyag kyang bco brgyad la// zhabs brgyad dregs pa'i lha brgyad brdzis// spyi bo mgrin pa snying kha ru// rang 'dra'i ye shes sems dpa' gsum// dkar dmar mthing ka'i mdog can du// stong gsal 'od kyi phung por bsgom// de yi mtha' ru sras mchog mchog gsum// stobs chen dkar po shar du bsgom// rta mgrin dmar po lho ru bsgom// bdud rtsi ljang nag byang du bsgom/ khyams la dmar nag ma mo rnams// bka' nyan las byed pho nyar bsam// sgo bzhir khro mo bzhi pa bskyed// bdag nyid lha yi nga rgyal gyis// sgrub pa'i sngags 'di bzlas pa bya// oM badzra kI li kI la ya ka taM ka te ya te ka ra i nan/sarba big+h+nAn baM hUM phaT/ oM badzra kI li kI la ya/ dza ye bi dza ye ku ru ka ra i nan/ sarba big+h+nAn baM hUM phaT/ oM badzra kI li kI la ya/ tsit+ta badzra a pa ra tsit+ta ma ma trag ma taM nyag ka ra i nan/ sarba big+h+nAn baM hUM phaT/ ces pa rtsa ba'i snying po gsum// 'bum phrag rtsa gcig bzlas pa bya// bsnyen pa'i rtags ni 'di ltar 'byung// stong gsum zhabs kyis brdzis pa dang// nyid zla khong du mid pa dang/ ri rab lag gis bskor ba dang// rgya mtsho hub kyis btab pa dang// dngos sam nyams sam rmi lam du// bsgrub pa'i rtags de nges par 'byung// de nas bdag gi rtsa ba'i zhal// g.yas dkar gshin rje dkar po dngos// bsen mo'i klad khrag 'dren par byed// g.yon dmar rta mgrin rgyal po dngos// sho na'i mgrin srog 'dren par byed// dbus mthing bdud rtsi 'khyil ba dngos// nag mo'i tsit+ta 'dren par byed// sras mchog gsum po gsal btab la// dam can rnam gsum las la bkol// sha ba khu yis non pa bzhin// 'dar zhing bka' la nyan par bsam// drag po'i sngags 'di bzlas pa bya// oM badzra kI li kI la ya/ ka taM ka te ya ye ta ka ra i nan/ dza ye bi dza ye/ ku ru ka ra i nan/ a tsit+ta a pa tsit+ta ma ma pa shaM ku ru trag ma taM nyag/ ka ra i nan/ d+ha ti ma ma karma shri traM/ kaM ka rar nye yaM/ sarba big+h+nAn baM hUM phaT/ grangs ni 'di ni stong phrag gsum// bzlas pa las kyi rtags 'di 'byung// gcan gzan khu yis 'ded pa dang// bud med las la bkol ba dang// gcan gzan 'phar la rbad pa dang// gyi ling mang po ded pa dang/ khrag zhag mar khu 'o ma bzhi// mtsho la 'o mas btab pa dang// de tshe sgrub pa'i rtags rdzogs pa'o// dam rdzas kun la dngos grub blang// bsnyen pa'i phur bu lus la bcang// de nas las sbyor brtsams par bya// mchog gi dngos grub bsgrub pa na// rdo rje drag po rtsal nyid sgrub// thun mong drag po'i las 'dod na// dmar nag sde gsum las la bkol// ces gsungs so// rdo rje phur pa'i thugs gsang ba sku'i rgyud las bsgrub pa chen po'i le'u ste bzhi pa'o//// de nas gsang ba'i bdag po phyag na rdo rjes/ dpal chen rdo rje gzhon nu la gus pas 'di skad ces zhus so// kye ma dpal chen khro bo'i sku// bsnyen cing bsgrub pa de ltar na// yang dag byang chub 'dod pa yi// las sbyor ji ltar bsgrub par bgyi// dpa' bos yang dag bshad du gsol// dpal chen gtso bos bka' stsal pa// nyon cig lag na rdo rje can// las 'phro dag pa'i gang zag gcig/ yang dag byang chub sgrub 'dod na// thugs kyi sras mchog drag po rtsal// ma yengs pa yi ngang gis grub// dkyil 'khor dam rdzas bsten mi dgod// bde ba'i stan la 'dug nas kyang// ting 'dzin rim gyis mi bskyed par// dran rig tsam las lha yi sku// zhal gcig phyag gnyis sku mdog mthing// g.yas pa gnam lcags rdo rje 'dzin// g.yon pa gser gyi dril bu 'dzin// rin chen sprul dang thod pa dang// dur khrod chas kyis legs par brgyan// ru dra pho mo'i gdan stengs su// yab 'dra'i mthing nag khros pa'i gzugs// spyan gsum gzi mdangs ldan par bskyed// shin tu drag po'i ngang rgyal can// ya nga bag tsha med pa la// drag po rang byung ting 'dzin sgom// de la rig pa yengs gyur na// nam mkha'i dkyil nas thog 'bab ltar// hUM sgra brtsegs ma ngar ldan bzla// hUM gcig chos nyid dgongs pa yin// hUM gnyis thabs kyi dgongs pa yin// hUM gsum sku gsung thugs kyi sgra// hUM bzhi 'gro don phyogs med bzhi// hUM lnga ye shes lnga yi rtags// hUM drug ye shes drug dang ldan// hUM bdun tshangs pa'i dbyangs skad yin// hUM brgyad khro bo gdangs sgra brgyad// hUM dgu srid gsum dbang du sdud// hUM bcus log 'dren thal bar rlog/ de nas hUM gi dgongs pa ni// mkha' la char pa bab pa bzhin// rang gi lto ba khengs par dgang// de yi bdag du 'dzin pa sbyangs// me las 'od zer 'phros pa bzhin// snod kyi 'jig rten hUM gis gang// de yis yul gyi snang ba sbyangs// mkha' la gza' skar shar ba bzhin// snang ba hUM du sal le bsam// g.yu 'brug sngon mo'i skad bzhin du// stong gsum hUM gi sgra ru bsam// mkha' la nyi zla shar ba bzhin// rig pa gsal stong ngang du gzhag/ ting 'dzin de la sam yengs par// bdun gsum nyer gcig brgyad du bzla// de tshe grub pa'i rtags 'di 'byung// phyi nang snod bcud thams cad la// zhan pa med cing chags pa med// mkha' la nyi zla dus gcig shar// 'jig rten 'od kyis gang ba dang// rang byung ye shes rjen par 'char// de tshe thugs kyi dngos grub thob// ces gsungs so// rdo rje phur pa thugs gsang ba sku'i rgyud las/ drag po rang byung rang shar ba'i le'u ste lnga pa'o//// de nas yang gsang ba'i bdag pos zhus pa/ kye kye dpal chen gtso bo'i mchog/ rdo rje rigs kyi mkha' 'gro ma// phag mo'i sgrub pa ji ltar lags// 'jigs byed chen pos bka' stsal pa// stong pa nyid kyi don 'dod pas// rdo rje phag mo bsgrub par bya// shin tu dben pa'i gnas song la// mnyam gzhag rdo rje phyag rgya bca'// rang gi lus 'di stong pa'i gnas// sha rus khrag dang nang khrol med// sgyu ma lta bu'i 'od kyi lus// dmar gsal mdangs dang ldan par bsgom// de yi lte 'og nyi ma'i stengs// yi ge ma las phag mo'i sku// dmar mo yungs 'bru tsam gcig bsgom// de la rig pa gnas tsha gzhag/ de las 'od phros phag mo'i mthar// yi ge ha ri ni sa bzhi// nyi ma'i 'od zer 'phro bar bsam// 'od de rims kyis spar ba las/ khog pa lha yi pho brang ste// lte ba'i stengs na phag mo'i sku// gser mdog mdangs dang ldan pa la// mkha' 'gro sde bzhis bskor bar bsgom// snying gi dkyil na phag mo'i sku// mthing nag 'od dang ldan pa la// mkha' 'gro sde bzhis bskaur bar bsgom// mgrin pa'i gnas la phag mo'i sku// dmar gsal mdangs dang ldan pa la// mkha' 'gro sde bzhis bskor bar bsgom// klad pa'i dkyil na phag mo'i sku// dkar gsal mdangs dang ldan pa la// mkha' 'gro sde bzhis bskor bar bsgom// de la rig pa gnas tshad gzhag/ 'phro na rang lus mkha' 'gro ma/ khros ma nag mo 'jigs pa'i sku// zhal gcig phyag gnyis stang stabs can// g.yas pa gri chen dur khrod chas kyis brgyan// spyan gsum zhal bgrad dbu skra brdzes// spyi gtsug phag zhal dur sgra can/ kha T+wAM rtse gsum mchan khung bcug/ dbu gtsug tshangs pa'i gnas su bsleb// sku yis gzugs khams thams cad khengs// sku smad rgya mtsho'i gting du bsleb// zhabs kyis 'byung ba rlung brdzis pa// shin tu gzi brjid ldan par bsam// de la rig pa gnas tshad gzhag/ 'phro na gtso mo'i ljags stengs nas// rang 'dra'i phag mo yungs 'bru tsam// mkha' la char pa 'bab pa bzhin// rang gi yul dang gling bzhi dang// snod kyi 'jig rten thams cad dang// nam mkha'i mtha' la thug gi bar/ thams cad ma lus khengs par dgeng// thams cad gar dang phyag rgyar ldan// de la rig pa gnas tshad gzhag/ 'khro na mkha' la 'brug ldir ltar// snying po 'di nyid bzlas par bya'o// oM ha ri ni sa hUM hUM hUM/ oM ha ri ni sa hUM hUM hUM hUM hUM/ oM ha ri ni sa hUM hUM hUM hUM hUM hUM hUM hUM hUM hUM/ de ltar ting 'dzin ma yengs par// bdun gsum nyer gcig bsgrubs pa yis// snang srid thams cad dbang du 'dus// stong khams thams cad zil gyis gnon// stong nyid ye shes rgyud la 'char// chos sgo bye ba dpag med shes// gdul bya sna tshogs mtha' rgyas 'gyur// zhes gsungs so// rdo rje phur pa thugs gsang ba sku'i rgyud las/ rdo rje phag mo sgrub pa'i le'u ste drug pa'o//// de nas yang gsang ba'i bdag pos 'di skad ces zhus so// kye kye dpal chen khros pa'i sku// drag po'i sgrub pa ji ltar lags// dpal chen gtso bos bka' stsal ba// dur khrod dam grog dben pa ru// maN+Dal gru bzhi rim pa gsum// zangs lcags 'khar gyi phye ma la/ khrag rgod bsres la byug par bya/ drag po'i shing la zur gsum brtsig/ nyer gcig srin mo'i 'gros su bskor// rnams shes tshangs pa'i ling ga bri// sngo dmar skud pas bcings te gzhag/ bdag nyid che mchog ting 'dzin gyis// dam can rnam gsum las la bkol// 'dus pa'i snying po 'di nyid bzlas// oM badzra kI li kI la ya/ d+ha ti ma ma karma shi traM kaM ka kar nye yang// sarba big+h+nAn baM hUM phaT// d+hu ti 'dus pa'i snying po 'di// stong phrag gsum du bzlas pa dang// dam can dngos su 'du bar 'gyur// de tshe dgug pa'i cho ga bya// e las gru gsum mthing nag nas/ khro bo nyer gcig 'phros pa yis// dgra bgegs dngos su bkug par bsgom// nri tri gang rung zhabs 'jug rung// badzra aM ku sha dza// dpa' bo 'bru lnga'i sngags rgod 'di// zhag gsum bzlas na khugs par 'gyur// che ge mo trig nan/ klad pa'i dkyil 'khor du'o// che ge mo myags thum ril/ mgrin pa'i rtsa la'o// hUr thums rbad/ srog rtsa la'o// na sha ya rbad/ lte ba la'o// mA ra ya rbad/ yan lag bzhi la'o/ zhes pa'i sngags rgod rnams pa lnga// drag po'i rdzas la bstim bya ste// gzas pa'i gnad la brdeg par bya'o// mgor stangs ling byas sems can gsad// grong khyer me yis bcom pa dang// ha ha gad mo 'debs 'gyur na// nges par 'grol ba'i rtags yin pas// ling ga rnam pa gsum du dgod// cha gcig dug shing me la bsreg/ cha gcig klu la gtad par bya// cha gcig gtor stegs 'og tu mnan// dam can mchod pas mnyes par bya// zhes gsungs so// rdo rje phur pa thugs gsang ba sku'i rgyud las/ drag po las kyi le'u ste bdun pa'o//// de nas yang gsang ba'i bdag pos 'di skad ces zhus so// kye bcom ldan 'das dpa' bo'i sku// ru dra bsgral ba'i rnam shes 'di// dpal gyis bsrung bar bka' bsgos nas// 'di yi sgrub thabs ji ltar lags// dpal chen gtso bos bka' stsal zhu// 'jigs byed chen pos bka' stsal ba// lag na rdo rje khyod nyon cig/ 'di nyid shin tu dregs pa ste// de yi gnyen po nga nyid yin// bde gshegs kun gyis 'di btul bas// gsang sngags kun gyis bka' srungs yin// rdo rje phur pa'i bka' srungs che// legs ldan bdud du bsgrub par bya// dar nag 'phan la srog rten gyis// dam rdzas g.yag rog khrag la gyis// snying po gsang sngags 'di nyid do// oM shr-I mahA kA la tri yaM dza dza/ rno myur las kyi mgon po yin// bsnyen pa'i dus su khro bo'i tshul// stangs stabs ber nag gyon pa bskyed// sgrub pa'i dus su rgyal po'i tshul// rtsal chen seng ge zhon pa bskyed// las sbyor dus su pho nya'i tshul// dpa' bo stag la zhon pa bskyed// 'di ni dam can pho nya ste// bsnyen dang bsgrub pa las sbyor dang// sgrol dang spogs pa'i las rnams kun// lag na rdo rje khyod kyis ston// bskal pa dpag med sngon rol nas// gsang ba'i bdag po rdo rje 'chang/ mgon po 'di yi gnyen po ste// de phyir sgrub thabs zab par ston// ces gsungs so// rdo rje phur pa thugs gsang ba sku'i rgyud las/ bka' nyan pho nya'i le'u ste brgyad pa'o//// de nas dpal chen rdo rje gzhon nus 'di skad ces gsungs so// nga nyid rdo rje phur pa'i sku/ nga yi thugs kyi rgyud yin te// bskal med rnams la gsang bar bya// de yang phyi nang gsang ba gsum// phyi ltar sku yi rgyud yin pas// thugs la gsang ba sku yi rgyud// rdo rje hUM las khro bo rnams// rang las byung zhing rang shar bas// de yi sgrub thabs bstan pa des// drag po rang shar rang byung rgyud// de phyir rdo rje phur pa yis// rang byung rang shar rgyud ces bya// ces gsungs so// rdo rje phur pa thugs gsang ba sku'i rgyud las/ rgyud kyi mtshan bstan pa'i le'u ste dgu pa'o//// dpal chen gtso bos bka' stsal pa// phur bu sku yi gsang rgyud 'di// gdul bya rnams kyi don phyir du// lag na rdo rje khyod kyis ston// bka' srungs legs ldan nag po yis// nga yi rgyud 'di gnas pa'i sar// bar chad byed pa'i dgra bgegs thul// bstan pa yun du gnas par gyis// ces gsungs so// rdo rje phur pa thugs gsang ba sku'i rgyud las/ gtad rgya'i le'u ste bcu pa'o//// gsang ba sku'i rgyud rdzogs so// sa ma ya/ rgya rgya rgya//// rdo rje phur pa'i rgyud 'di brag ri dug sbrul spungs pa 'dra ba'i lho gser mdzod ser po nas// rigs 'dzin rgod kyi ldem phru can gyis gdan drangs pa'o//// rgya gar skad du/ badzra g+hu ya tsit+ta tan tra/ bod skad du/ rdo rje gsang ba thugs kyi rgyud// bcom ldan 'das dpal kun bzangs rdo rje 'chang la phyag 'tshal lo// 'di skad bdag gis thos pa'i dus gcig na/ 'og min gyi gnas mtha' dbus med pa nas/ rgya phyogs su ma chad pa/ gzhi tshad med pa ye shes 'bar ba'i gzhal yas khang/ phyi nang med par gsal ba mnyam pa'i gdan la// bcom ldan 'das dpal kun bzang rdo rje 'chang/ sku mdun rgyab med pa ngo bo stong pa rang bzhin gyis gsal ba dang/mkha' skye ba med pa 'gro/ 'gag pa med pa'i zhing khams rnam par dag pa'i mkha' 'gro ma bzhi dang thabs gcig tu bzhugs so// yang longs spyod rdzogs pa'i 'khor// seng ge dang// glang chen dang/ rta dang/ rma bya dang/ shang shang dang/ rin chen khri dang/ nyi zla pad+ma'i gdan la/ rnam shes rdor sems dang/ gzugs rnam snang dang/ tshor ba rin 'byung dang/ 'du shes mtha' yas dang/ 'du byed don grub pa dang// btsun mo nam mkha' bzang mo dang/ sa sangs rgyas spyan dang/ chu mA ma kI dang/ me gos dkar mo dang/ rlung dam tshig sgrol ma dang/ byang chub sems dpa' mthong ba sa'i snying po dang/ thos pa phyag na rdo rje dang/snom pa nam mkha' snying po dang/ myong ba spyan ras gzigs dang/ btsun mo reg lA s+yA ma dang/ sgra mA le ma dang/ dri gir ti ma dang/ ro nir ti ma dang/ sems dpa' mthong byed byams pa dang/ thos byed sgr-ib pa sel dang/ snom byed kun du bzang po dang/ myong byed 'jam dpal dang/ btsun mo 'das pa d+hU pe ma dang/ da ltar puSh+pe ma dang/ 'byung ba A lo ki ma dang/ ma 'ongs gan d+he ma la sogs pa de dag kun kyang/ mthing kha dang/ dkar po dang/ ser po dang/ dmar po dang/ ljang khu'i mdangs su gsal bar thabs cig tu bzhugs so// thugs rje sprul pa'i 'khor reg shes gshed po dang/ reg bya stobs chen dang/ reg byed rta 'grin dang/ reg pa bdud rtsi 'khyil ba dang/ btsun mo rtag pa ma yin dang/ chad pa ma yin dang/ bdag ma yin dang/ mtshan ma ma yin dang thabs cig tu bzhugs so// 'jig rten drug 'dul ba'i brgya byin dang/ thags bzangs rigs dang/ shag thub dang/ shag seng dang/ nam mkha' mdzod dang/ chos kyi rgyal po la sogs pa pad+ma'i gdan la thabs cig tu bzhugs so// de nas gsang ba'i bdag pos/ bcom ldan 'das dpal kun bzang rdo rje 'chang la gsol pa/ kye bcom ldan kun bzangs rdo rje 'chang chen po/ 'jig rten drug na nga dang bdag 'dzin pa rtags pa la mngon par zhen pas yang dag pa'i lam dang bral ba rnams/ thugs rjes yang dag pa'i lam du bsgral du gsol zhes zhus pas/ de nas kun bzang rdo rje 'chang gis bka' stsal pa/ e ma ho ngo mtshar rmad kyi chos// rdzogs pa'i sangs rgyas kun gyi gsang// skye ba med las thams cad skyes// skyes tsam nyid na skye ba med// zhi bas phan par ma gyur te/ khro bo de bzhin gshegs bskul mdzad// ye nas sangs rgyas yin mod kyang// rtogs pa'i dbang gis 'khor ba las// byang chub mchog tu sems bskyed do// zhes gsungs so// de nas bcom ldan 'das dpal kun tu bzang po rdo rje 'chang chen po des/ 'jig rten drug gi bdag po dregs pa can rnams 'dul bar bya ba'i phyir/ chos sku zhi ba'i ngang las ma 'gags pa'i thugs rje/ de bzhin gshegs pa thams cad kyi sku gsung thugs rdo rje'i bdag pos/ rigs lnga yab yum gyi thugs las/ khro chung rnam par 'phro ba'i ting nge 'dzin la snyoms par zhugs te/ hUM bi shwa badzra kro d+ha dz+wa la phaT/ ces brjod pas/ 'jig rten drug g.yos 'gul du gyur te/ 'jig rten drug gi bdag po mthu chen dregs pa can thams cad brgyal bar gyur to// de nas hUM b+h+yo e a ra li dza dza/ zhes brjod pas/ dregs pa can de dag gi chung ma dbang mo thams cad dbang du bsdus so// oM AHhUM badzra A be sha ya a la la ho/ zhes brjod pas/ dbang mo rnams hi hi dgyes pa'i gzi mdangs kyi pad+ma rgyas par mdzad nas/ yab yum gnyis su med pa 'khril ba'i dgyes par thim nas/ byang chub sems kyi sprin las/ bcom ldan 'das 'bar ba khrag 'thung he ru ka zhal gsum phyag drug pa/ mtshon cha sna tshogs 'dzin pa yum dang bcas nas/ zhabs bzhi dur khrod chen po'i gnas na rak+ta'i rgya mtsho// keng rus kyi ri rab kyi steng na/ dbang phyug la sogs dur khrod kyi bdag po khyo shug gi gdan la brkyang bskum du bzhugs so// dri za gshin rje srin mo gnod sbyin la sogs khyo shug gi gdan la/ khrag 'thung rigs bzhi yum dang bcas nas bzhugs so// zhing re re'i gdan la ke'u ri brgyad dang/ sing nga ma brgyad dang/ lcags kyu ma zhags pa lcags sgrog dril bu ma bzhi dang/ khro bo bcu ngo mtshar du 'thon par gyur to// ma mo thams cad bka' bsgo las la lag tu rdo rje byin nas bkye'o// rdo rje gsang ba thugs kyi rgyud las/ gleng gzhi gleng bslang bstan pa'i le'u ste dang po'o//// de nas gsang ba'i bdag pos/ kun bzang rdo rje 'chang la gsol ba/ 'dod khams na gnas pa'i lhag pa'i rnal 'byor rigs 'dzin gyi gral du bsnyeg pa rnams kyis ji ltar bslab par bgyi zhes zhus pas// de nas kun bzang rdo rje 'chang gis bka' stsal pa/ kye gsang ba'i bdag po de phyir ngas/ khyod la legs par bshad par bya/ khyaud ni rtse gcig yid kyis nyon// phyi nang chos dbyings rnam dag las// thugs rje'i 'phrin las 'gro ba 'dul// brjod mi lang gi dkyil 'khor kun// legs par brtags pa'i sa gzhi la// gtor ma'i las la 'jug par bya// las dang bya ba ting 'dzin gyis// ri rab chos 'byung gzhal yas khang// 'khor gyis gtso la gsol ba btab// lta ba stang stobs rdo rje 'gros// phur pas gdab cing dbang ltor chud// gzhal yas mtshan nyid sbyang dang bcas// mnga' gsol mnyam par tshad dang ldan// nyon mongs ye shes khang du bslang// pho brang yid bzhin lhun gyis grub// sku lnga lhun gyis rdzogs par gnas// ngo bo ma 'dres so sor gsal// tshad med bzhi ldan rgyan gyis mdzes// ces gsungs so// rdo rje gsang ba thugs kyi rgyud las/ gzhal yas spros pa'i le'u ste gnyis pa'o//// de nas dam tshig gi dkyil 'khor bkod pa 'di gsungs so// ma lus dkyil 'khor bsam yas kun// rgyan dgod rnam rtog dag par gcad// lha tshogs gzhal yas mchod pas mdzes// dam tshig dkyil 'khor sems sgo dbye// sgo gsum bsod nams rdzogs par dor// ma rig rang gsang thabs kyis gcod// sus kyang ma bcings 'dzin pas 'khrul// gnyis med ye shes chen por bshags// mngon sum ye shes byin gyis brlab// phung po sangs rgyas yan lag lnga// lus nyid lha yi gzhal yas khang// de tshe sku lnga ye shes rdzogs// rang rig sku lnga rdzogs par gsal// ye shes rang snang rjes su 'jug/ ces gsungs so// rdo rje gsang ba'i thugs kyi rgyud las/ dam tshig dkyil 'khor bkod pa'i le'u ste gsum pa'o//// de nas ting nge 'dzin gyi bsgrub pa 'di gsungs so// ting nge 'dzin dkyil 'khor bsam pas 'grub// mi dmigs spros med de bzhin nyid// rang bzhin 'od gsal kun tu snang// hUM nyid rgyu las dkyil 'khor 'byung// thams cad bskyed pa'i sa bon rgyu// phyag rgya brkyang ba'i hUM nyid las// 'phros pas gnas su sa bon bskyed// e yaM khaM su ra kaM raM bruM/ paM maM a tir baM/ gzhal yas rim brtsegs gdan dang bcas// ting nge 'dzin sa bon rkyang pa las// chu las nya ldang tshul du bskyed// hUM muM/ oM laM sa maM aM pyaM haM taM k+shi hUM/ traM traM d+hi d+hi dzi a me dza th+l+haM hUM hUM baM mUM ho oM a mu ne hUM phaT hUM phaT hUM phaT hUM hUM hUM hUM hUM/ ha ha ha ha ha ha ha ha/ he he he he he he he he/ ha ri ni sa ra tsa hri ya/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo// b+h+yo b+h+yo b+h+yo b+h+yo/ hUM hUM hUM hUM hUM hUM hUM hUM hUM hUM/ ting nge 'dzin thugs kyi dkyil 'khor las// phyogs bcu dkyil 'khor bdag nyid che// sku gsum dkyil 'khor spyan drang ngo// oM badzra gu ru/ e h+ye hi b+hag ba na/ ma hA ka ru ni ka dri sha ho/ dzaHhUM baM ho/ sa ma a oM ru lu ru lu hUM b+h+yo hUM/ DA ki hi b+h+yo sa ma ya ti sta lhan/ bde gshegs lha tshogs brjod mi lang/ gnyis su med par gsal bar bzhugs// ces gsungs so// rdo rje gsang ba thugs kyi rgyud las/ ting nge 'dzin bsgrub pa'i le'u ste bzhi pa'o//// de nas ye shes kyi phyag rgya spros pa 'di gsungs so// phyag rgya chen por dam tshig ldan// bsgul bskyod thams cad phyag rgyar gsal// oM badzra sa ma ya hUM/ sa ma ya staM/ sa ma ya ho/ sku gsung thugs su byin gyis brlab// rigs kyi gtso bos dbang bskur ro// oM AHhUM/ sarba ta thA ga ta a b+hi Shiny+tsa A/ sku gsung thugs kyi dbang bsgyur mchog/ kun bsgyur dbang gis sbyin pa spyod// dpal gyi dkyil 'khor lha tshogs la/ gus pas phyag gi tshogs mchog las// sgo gsum dkyil 'khor spro bar thim/ rgyu 'bras dam tshig rnam par dag/ bdag nyid de bzhin gshegs pa'i sras// ye shes rgyu 'bras dbyings su thim// di bzhin gshegs pa bdag gi sras// ces gsungs so// rdo rje gsang ba thugs kyi rgyud las/ ye shes phyag rgya spros pa'i le'u ste lnga pa'o//// de nas mchod pa'i sprin bkod pa 'di gsungs so// kun 'byung mdzes par rin chen 'bar// dbyibs legs kha dog rgyan gyis spras/ na bza' bla re rgyal mtshan gdugs// 'dod yon zhal zas sil snyan gyis// dbyings nas lha tshogs spyan drangs mchod// mnyes nas dngos grub dam tshig mchog/ rang byung gdod nas rnam par dag/ bdud rtsi nyon mongs kun sel mchog/ spyad nas mnyam pa'i don rtogs 'gyur// bdag mchog kun mnyes gnyis med rol// lta ba bla ma mi spang bskur// bsgom pa yi dam lha mi 'bral// sngags spyod phyag rgya rgyun mi 'chad// 'bras bu yang dag lam du zhugs// sku gsum mchog gi snying po 'grub// chos dbyings rnam dag yangs pa'i snod// 'dod yon ma 'gag gtor ma'i mchog khams gsum nyon mongs khrag chen po// 'dod chags bde bar rnam dag cing// sangs rgyas kun gyis bsgrubs pa yis// 'jig bral med pa'i rdo rje'i tshe// 'dod yon lnga ldan mchod pa'i sprin// bsod nams tshogs rdzogs mi mthun sel// 'phrin las rnam bzhi'i dngos grub thob// ces gsungs so// rdo rje gsang ba thugs kyi rgyud las// mchod pa'i sprin bkod pa'i le'u ste drug pa'o//// de nas bsnyen cing dgyes par bstod pa 'di gsungs so// dkyil 'khor lha tshogs bsnyen pa'i// gsang chen 'bras bu 'di yin no// hUM badzra d+h+rig/ oM dzi na dzig/ swa rat+na d+h+rig/ aM a ro lig/ ha pra dzA d+h+rig/ muM d+hA tu shwa ri/ laM te sha ra ti/ maM mo ha ra ti/ pyaM rA ga ra ti/ taM badzra ra ti/ oM bo d+hI tsit+ta ma hA su ka/ dz+nyA na d+hA du a/ ma lus gsal bar bsnyen pa yis// sangs rgyas sras su dgongs par 'gyur// gsang chen rol pa'i tshig brjod pas// 'bar ba'i khro bo khro mos gang// oM ru lu ru lu hUM b+h+yo hUM/ oM ha ri ni sa ra tsa hri ya hUM/ mi bzad 'bar ba'i mkha' 'gro 'phro// bsnyen pa sangs rgyas sras su 'gyur// rgyal ba'i dkyil 'khor mnyes par bstod// dgyes pa chen po gad rgyangs che// zhes gsungs so// rdo rje gsang ba thugs kyi rgyud las/ bsnyen cing dgyes par bstod pa'i le'u ste bdun pa'o//// de nas tshogs bsgrub pa 'di gsungs so// 'dod yon lnga ldan gzhal yas su// bza' btung dam rdzas byin brlabs nas// rgyan dang rol mo ldan gnas su// tshogs la dkyil 'khor spyan drangs la// gzugs sgra dri ro reg la sogs// zhi rgyas dbang drag 'dod yon gyis// ye shes lha tshogs dgyes par mchod// rkang stabs lag gar glu dbyangs sgyur// bdag nyid rtogs pa'i ting 'dzin gyis// snying rje gnyis su med pa rab bsgral bdud rtsi lnga 'am zas lnga la// mtshan ma ming du bcas par bya// e yi tshogs kyi dkyil 'khor mchog/ bkug nas rdo rje phur pas gdab// rdul du byas nas tshogs la dbul// 'bar ba gtum chen rngam pa la// 'phros pa'i yid kyis mchod sbyin bya// zhes gsungs so// rdo rje gsang ba thugs kyi rgyud las/ tshogs bsgrub pa'i le'u ste brgyad pa'o//// de nas 'phrin las spros pa 'di gsungs so// slob dpon mnyes byas dbang rnams thob// nyan byed kun la gsang thub cing// spros la mi dad bsgom brtson la// dbang gi yan lag rdzogs par sbyin// slob dpon ma mnyes dbang ma thob// tshig spros 'bras bu rlag par 'gyur// bde gshegs sku gsung thugs kyi rten// rab gnas ting 'dzin mchod pa 'bul// e yi tshogs chen dkyil 'khor rnams// me ltar dbang sgyur mchod par bya// 'gro ba gnas sbyang skyabs su gsol// dbang bskur ngo sprad gnas lam bstan// bkra shis smon lam don du bsngo// zhes gsungs so// rdo rje gsang ba thugs kyi rgyud las/ 'phrin las spros pa'i le'u ste dgu pa'o//// de nas rgyud yongs su gtad pa 'di gsungs so// gsang ba'i bdag po khyod nyon cig/ rgyud kyi brjod 'brel dgongs pa dang// rang bzhin ngo bo yon tan rnams// legs par gtad do thub par zung// sgro skur dam med don las dreng/ don med lung du ma bstan la// don du mi 'gyur gsang bar bya// dad brtson gtong phod don la lta// yid ches thugs sras de la sbyin// de na nges par lung bstan yin// zhes gsungs so// rdo rje gsang ba thugs kyi rgyud las/ rgyud yongs su gtad pa'i le'u ste bcu pa'o//// rdo rje gsang ba thugs kyi rgyud rdzogs soha//// 'phags pa rtogs pa'i rgyal po/ sgyu 'phrul dra ba le'u stong phrag brgya pa las/ mtshan nyid dang rgyud thams cad kyi lung gi spy-i/ de bzhin gshegs pa thams cad kyi gsang ba/ gsang ba'i snying po kho na nyid nges pa'o// rgya gar skad du/ g+hu ya garba ta a ti ya ti/ bod skad du/ gsang ba'i snying po de kho na nyid nges pa'o// de la le'u nyi shu rtsa gnyis pa'o// de la sangs rgyas thams cad kyi thugs rje 'dus pa/ thugs gsang ba rdo rje'i rgyud le'u bcu pa'o// slob dpon pad+ma 'byung gnas kyis// mnga' bdag rgyal po nyid la gnang// mi spel phyi rabs don du gter du sbas// gshin rje dmar nag gnyis la gtad// mig dmar khyod la gtad do// rgya/ stag lo pa gcig dang phrad par shog/ gtad rgya/ ga ka ma ca khAtre:gter rgya// AglarkaT+wa/ n+wa/ n+wa/ D+ha:sbas rgya/ tha/ rba/ khAgya/ rbA/ :rgya rgya/ anAkhasar+k+raT+warwa/ bdag 'dra pad+ma 'byung gnas kyi// ting 'dzin nyams len dgongs pa mthar phyin kyang// bde gshegs bka' dang mi 'gal ba'i// bde gshegs 'dus pa'i lha tshogs la// rgyal bas gsungs pa'i bka' rgyud la// sgrub thabs man ngag mngon rtogs dang// dbang dang rab gnas dkyil 'khor dang// drag sngags bsrung ba'i 'khor lo dang// gnas lam sbyin sreg la sogs dang// lta spyod dkyil 'khor dbang dam tshig/'phrin las bsgrub pa'i las rims kyis// gsang sngags rgyud kyi dbye ba bzhag/ brjod 'brel dgos pa yang dgos// 'brel dang ma tshang med pa'o// pad+ma dag gi gdams pa yin rgyal po'i jo mo'i thugs dam mdzod// phyis kyang gter du sba bar bgyi// skal ldan cig dang phrad par shog/ gter rgya/ bka' rgya/ gtad rgya/ a rgya/ sprul sku ye shes khyung grags kyis/ g.yag snying rong gi brag las gter phyung ba'o//// rgya gar skad du/ badzra kI la ya g+hu ya tsit+ta karma tan tra na ma/ bod skad du/ rdo rje phur pa gsang ba'i snying po 'phrin las kyi rgyud ces bya ba/ bcom ldan 'das las kyi khro bdag chen po rdo rje gzhon nu la phyag 'tshal lo// 'di skad bdag gis thos pa'i dus gcig na/ bcom ldan 'das 'phrin las kyi bdag nyid chen po de/ 'og min gyi gnas gsang chen rol pa'i dus khrod chain po na/ rdo rje 'phrin las rol pa zhes bya ba'i ting nge 'dzin la snyoms par zhugs so// 'dus pa'i 'khor ni khro bo dang// khro mo dang/ za byed dang/ gsod byed dang/ gshog pa can dang/ mche ba can dang/ sder mo can dang/ sha zan dang/ khrag 'thung gi tshogs dregs pa sde brgyad la sogs mi bsrun dregs pa'i tshogs dpag tu med pas bskor te bzhugs so// de'i tshe 'dus pa'i dkyil 'khor chen po'i dbus nas bcom ldan 'das gsang ba'i bdag po rang gi stan las langs te/ phyag rnal 'byor gyi lugs su byas nas/ 'dus pa'i 'khor thams cad la phyogs bcur rnam par bltas te/ rdo rje'i gad rgyangs cher bsgrags te/ he ru ka la 'di skad ces gsol to// kye ho/ gsang ba las kyang chen gsang ba// de nyid bdag cag 'khor rnams la// yang dag par ni bstan du gsol// gsang ba bsgrub pa'i dkyil 'khor dang// cho ga'i rim pa gang dang gang// stod smad las kyi mtha' sdud cing// bdag cag 'khor la bka' stsol cig/ ces gleng gzhi dang/ gling bslang ste zhus pa'i le'u ste dang po'o//// de nas bcom ldan 'das rol pa chen po'i ting nge 'dzin las bzhengs te/ kI la ya yi sgra dang rdo rje'i gad rgyangs stong gsum khengs par bsgrags nas/ 'di skad ces bka' stsal to// kye rdo rje 'dzin pa kun tu rgyal// ngas bshad bi to 'bum sde'i rgyud// de las yang gsang rgyud 'di yi// yang dag rim pa bshad par bya// brag nag khros 'dra gru gsum sa// tsher chen shing skyes gcan gzan gnas// de la mgo phur dar ba la// sa brtag blang gzung dkyil 'khor brtsig/ phyi nang gsang ba'i mtshams kyang gcang// bsgrub phur rten dang rdzas sogs bsag/ sta gon rim sogs sngon 'gro bas// bsgrub pa'i khog chen gzhi yang gzung// dbang dang las rim rgyas mod pas// phur pa bcu gnyis 'byung rgyud ltar// rig pa 'dzin pa nga sprul gyis// legs par brtags te rjes su snang// zhes bka' stsal to// gsang ba'i snying po'i 'phrin las kyi rgyud las// ji ltar bsgrub pa'i le'u ste gnyis pa'o//// gsang ba'i bdag pos yang gsol baHe ma ho/ las kyi khro bdag he ru ka/ ji ltar bsgrub pa'i las rim rnams// de nyid gsang ba yang dag stsol// he ru ka yis bka' stsal pa// rdo rje khros pas zhes sdang gcod// mtshon chen sngon po 'bar ba yis// nam mkha'i dkyil nas thigs pa shar// srog gi sgo ru shor ba dang// snying gi sgo ru bsgom par bya// snying rjes bsgral ba'i dam tshig ni// bsad cing mnan pa ma yin te// phung po rdo rje stams byas te// rnam par shes pa'i rdo rjer bsgom// oM badzra kI la kI la ya/ sarba b+hig nan baM hUM phaT/ rdo rje gzhon nu'i rigs 'dzin rnams// srid pa'i rdo rjer bsgrubs mdzod cig/ srid pa rdo rje phur pa'i lha// ye shes khro bo sgrub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ thabs kyis spyod pa'i 'gro don du/ byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs 'dir stsol cig/ oM badzra kro d+ha hUM ka ra hUM/ gardza gardza hUM phaT/ khro bo chen po hUM ka ra dang// yum ni rdo rje sgra 'byin ma// sprul pa yi ni 'phra men ma// g.yag gi de ni mgo can dang// dmigs bu yi ni mgo can no// oM badzra kro d+ha bi dza ya ha na ha na hUM phaT/ khro chen rnam par rgyal ba dang// yum ni rdo rje snyems ma ste// sprul pa yi ni 'phra men ma// stag gi de ni mgo can dang// bya rgod kyi ni mgo can no// oM badzra kro d+ha nI lam tan tra hUM/ da ha da ha hUM/ khro bo dbyug pa sngon po dang// yum ni rdo rje sder mo nyid// sprul pa yi ni 'phra men ma// g.yag gi de ni mgo can dang// bya rog gi ni mgo can no// oM badzra kro d+ha ya man ta ka hUM/ pa tsa pa tsa hUM phaT/ khro rgyal gshin rje gshed po dang/ yum ni rdo rje dur khrod ma// sprul pa yi ni 'phra men ma// sha ba'i de ni mgo can dang// 'ug pa yi ni mgo can no// oM badzra kro d+ha Ar+ya a tsa la hUM/ b+han d+ha b+han d+ha hUM phaT/ khro bo mi g.yo mgon po dang// yum ni rdo rje gtun khungs ma// sprul pa yi ni 'phra men ma// gzig gi de ni mgo can dang// khwa yi de ni mgo can no// oM badzra kro d+ha ha ya g+h+ri ba hUM/ hu lu hu lu hUM phaT/ khro bo chen po rta mgrin dang// yum mchog rdo rje phag mo dang// sprul pa yi ni 'phra men ma// byi la yi ni mgo can dang// pu shud kyi ni mgo can no// oM badzra kro d+ha a pa ra tsi ta hUM// taSh+Thi taSh+Thi hUM phaT/ khro bo gzhan gyis mi thub pa// yum ni rdo rje 'da' snyems ma// sprul pa yi ni 'phra men ma// spyang ki yi ni mgo can dang/ khra yi de ni mgo can no// oM badzra kro d+ha a mr-i ta kun d+ha li hUM/ tshin d+ha tshin d+ha hUM phaT/ khro bo bdud rtsi 'khyil ba dang// yum ni rdo rje rlung 'byin ma// sprul pa yi ni 'phra men ma// seng ge yi ni mgo can dang// pha wang gi ni mgo can no// oM trai lokya bi dza ya hUM/ b+hin+d+ha b+hin+d+ha hUM phaT/ khro bo khams gsum rnam rgyal dang// yum ni khams gsum gsod byed ma// sprul pa yin ni 'phra men ma// don gyi de ni mgo can dang// sre mo'i de ni mgo can no// oM badzra kro d+ha ma hA ba la hUM/ spo ta spo ta hUM phaT/ khro bo chen po stobs po che// yum ni rdo rje skyod byed ma// sprul pa yi ni 'phrin men ma// dred kyi de ni mgo can dang// byi la'i de ni mgo can no// srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang// rtags dang mtshan ma bstan pa dang// kI la ya yi dngos grub stsol// phur pa yang gsang snying po'i rgyud las/ lha bskyed pa dang dam bca' ba'i le'u ste gsum pa'o//// gsang ba'i bdag pos yang zhus pa/ las kyi khro bdag he ru ka/ bskyed pa'i lha rnams mngon rdzogs nas// srung ma lha rnams ji ltar bstan// rbad pa'i las kun ji lta bu// he ru ka yis bka' stsal pa// dam can srung ma'i bskang rdzas bsags// sman rag gtor gsum sha khrag dang// 'o ma zhag dang mar khu sogs// mthun rdzas bshams nas bshugs pas 'bod// dam tshig chen po'i dus la bab// sprul pa chen po'i dus la bab// phyag brnyen chen po'i dus la bab// sho na mu kha'i dus la bab// bdag nyid chen po'i dus la bab// sa bdag chen po'i dus la bab// khyed kyi thugs dam dus la bab// mthu rtsal 'byung ba'i dus la bab// byang chub mchog tu sems bskyed cing// dus gsum rgyal ba'i gdung gsob pa'i// rigs 'dzin bdag rnams la ni// gnod cing sdug pa'i dgra dang bgegs// bdud dang bar du gcod pa dang// dngos grub 'phrog cing 'tshe ba rnams/ khro bo chen po'i byin rlabs kyis// yud tsam gyis ni 'dir khug la// mngon spyod tshul bzhin bsgral ba dang// lus ngag rdul du bshig nas kyang// sdug bsngal nyams su myong bar mdzod// oM laM/ hUM laM/ stam pa ya nan/ mo ha yA b+hag ban/ shri tri b+hi tri/ badzra hUM ka ra hUM phaT/ badzra kI li kI la yA/ sarba b+hig nan dzaHhUM baM haM/ badzra kI la ya hUM phaT/ badzra hUM ka ra a a/ dngos grub bar chad byed pa'i bgegs// gdug cing sdang sems ldan pa rnams// zung zhig rgyob cig rnam par chings// rtogs cing grogs dang bral bar gyis// rings par khug las smrar chug cig/ phob cig rnam par gzir bar gyis// nga yi dbang du gyur nas kyang// bsgo ba'i bka' ni nyan par gyis// hUM pa ra big stan hUM phaT// tshin d+ha tshin d+ha hUM phaT// b+hin d+ha b+hi d+ha hUM phaT/ g+h+ri na g+h+ri na hUM phaT/ ha na ha na hUM phaT/ b+han d+ha b+han d+ha hUM phaT/ ta tha ya ta tha ya hUM phaT/ ha sa ya ra hri d+ha na hUM phaT/ shi tri a sa na ya hUM phaT/ dza la pa ma/ dza la pa ya hUM phaT/ a b+he sha ya/ a b+he sha ya hUM phaT/ b+hin d+ha ya b+hin d+ha ya hUM phaT/ bran dang bka' nyan pho nya'i tshogs/ khyed kyi dam tshig dus la bab// sngon chad ji ltar khas blangs pa// sngon spyod 'phrin las myur du mdzod// ha na ha na badzra/ d+ha ha d+ha ha badzra/ pa tsa pa tsa badzra/ ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra/ ka tang ka ye badzra ye bi dzA ye/ a tsi te/ a pa ra tsi te/ ma ra sa na/ pra ma ta na ye hUM phaT/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dran tshogs// nga yi bka' las 'da' ma byed pa// ma ma ba shaM ku ru/ ma tang dz+nyA na ka re/ i dan 'da' re/ ma ma kar ma shri traM ye swA hA/ gdug cing sdang sems ldan pa rnams// lha 'am 'on te bdud kyang rung// nga la bar chad byed pa rnams// mthu dang rdzu 'phrul med par mdzod// sarba a pa na hUM phaT/ ta thA ga ta ya hUM phaT/ rdungs cig rdo rje 'bar ba'i gtun/ bka' las 'da' byed sdig can rnams// rdo rje'i me 'bar snying bsregs nas/ lus ngag rdul phran bzhin du lhogs/ khro mo 'bar ba'i gtun khung du// rdo rje'i tho bas brdungs byas nas// lha yang rung ste brlag par 'gyur/ kha thaM/ kha thaM/ hUM hUM hUM/ phaT phaT phaT// badzra yag sha kro d+ha kha hi kha hi/ ha ha ha/ hUM hUM hUM/ phur pa gsang ba'i snying po 'phrin las kyi rgyud las/ dam can las la bsngags pa dang/ sngags kyi 'de'u thung bstan pa'i le'u ste bzhi pa'o//// gsang ba'i bdag pos yang gsol ba// dbang gi bdag nyid he ru ka/ rnal 'byor bla med bsgrub pa yi// gsang sngags sgo ni dbang yin pas// dbang gis smin par ma byas na// mnyan pa lag skya med pa ltar// gru yis pha rol bgrod mi nus// dbang bzhi yongs su rdzogs par byas// gsang ba dam pa bsgrub bya'i phyir// dbang gi rim pa bstan du gsol// he ru ka yis bka' stsal pa// smin byed dbang gi rim pa ni// chun tshogs lnga yis gzhi gzung ste// sa brtag gnas gzung sngon 'gro'i rim// gong du bsgrub khog lta bur bya// phyi nang mtshams gcad dkyil 'khor bri// dbang chas mkho ba'i yo byad bsag/ sta gon rim bdun sngon 'gro bas// dal du lha la cod pan dor// dam tshig rdo rje lce la gzhag/ ye shes dbab bstim brtan par bya// bum pa'i lha dbang rdzogs par bskur// nyan 'chad bsgrub pa'i bka' yang gtad// dkyil lha dang phur pa bskur/ khro bcu lha dbang rdzogs pa dang// phur pa rdzas kyi dbang yang bskur// bsgom zhing bsgrub pa 'phrin las dbang// phyag mtshan la sogs dpe dbang bskur// sku gsung thugs yon tan 'phrin las dbang// dpal gyi chas brgyad sgrol dbang bskur// bka' gtad rgyal thebs las kyi dbang// mtha' rgyas bkra shis zhal zas gtad// gsang dbang rig pa'i rtsal dbang sogs// dbang rnams rdzogs nas gsang sngags 'grub// oM AHhUM/ badzra ka pa te shud d+he hang/ badzra sa sing+ng+ha stiM/ g+h+ri na ho/ oM badzra us kha khra ta ya hUM/ oM badzra kI li kI la ya hUM phaT// dz+nya na pan tsa ya ri sha a b+hi sh+tsin hUM/ oM AHhUM swA hA/ oM badzra kI li kI la ya/ bruM rad na/ badzra kA ya a b+hi sh+tsin oM/ wA' ga a b+hi sh+tsin AHtsit+ta a b+hi sh+tsin hUM/ sarba a b+hi sh+tsin hri/ oM badzra kI li kI la ya/ A li kI li/ dz+nyA na pan+tsa a b+hi sh+tsin hUM/ oM kI li kI la ya hUM phaT/ a b+hi sh+tsin maM/ badzra kI li kI la ya/ badzra ma hA kro d+ha/ sarba a b+hi sh+tsin hUM/ oM AHhUM/ oM badzra kI li kI la ya/ ka la ru pa a b+hi sh+tsin hUM/ oM badzra kI li kI la ya/ b+ho d+he tsi ta ma hA su ka si d+hi ho/ oM badzra kI li kI la ya/ kA ya a b+hi sh+tsin oM/ lwAg a b+hi sh+tsin a/ tsit+ta a b+hi sh+tsin hUM/ oM badzra kI li kI la ya/ dzaHhUM baM ho/ su tra pra b+he sha ya phaT/ sarba a b+hi sh+tsin hUM/ oM badzra kI li kI la ya/ oM AHhUM/ A b+hi sh+tsin hUM/ oM badzra kI li kI la ya/ badzra dz+wa la raM/ tri sho sarba a b+hi sh+tsin a/ oM kI li kI la ya/ badzra rag sha ka ra ma/ tri sha ho/ a b+hi sh+tsin ho/ oM badzra kI li kI la ya/ sarba b+hi ga nan b+haM hUM phaT/ dza hUM a/ oM aHhUM/ oM badzra kI li kI la ya/ hUM phaT/ oM badzra kI li kI la ya/ ma tra ru dra ma ra ya phaT/ A b+hi sh+tsin hUM/ oM badzra kI li kI la ya/ dgra bo rni ti sha hUM/ mu ti g+h+ri na ma ra ya hUM phaT/ 'khor dbus su phur sgrom lam// yang gtso phur gcig la brten// dpal gtor la sogs bsham// ting 'dzin rnam gsum lha yang bskyed// ye shes dgug bstim thugs srog gzung// bung ba tshang zhig sgra ltar du// oM badzra kI li kI la ya/ sarba b+hig nan baM hUM phaT/ yig 'bru bcu gsum rtsa ba'i sngags// 'bum 'bum bdun 'bum nyi khri dang// mtha' 'dul 'bum lnga 'bum la sogs// bstan drod ma yal rtse gcig bzlas// bdag dang dkyil 'khor gtso bo yis// zhal dang lte ba 'khor lo la// sngags ni mgal ba'i me ltar bskor// de tshe rtags kyi rim pa yang// brtan la 'od 'phros sngags sgra dang// lus gos me 'bar dgra bgegs 'chi// pho nya'i wa spyang skad la sogs// 'jig pa'i zhud yang 'byung ba'i 'gyur// de nas gtso dang 'khor du bcas// dam chen bzhi snying gcig dril ba'i// sngags rgod drag po 'di nyid bzlas// oM badzra kI li kI la ya/dzaHhUM baM ho/ ka tang ka ye/ dza ye bi dza ye/ a tsi te/ a pa ra tsi te/ ma ra sa na/ pra mar ta na ye/ sarba b+hig nan baM ho hUM phaT// de ltar bzlas tshe go cha gyon// 'khar zangs 'dzin dang mtshon rnon thogs// brag gshags lings byed rbab gtong dang// lha srin bka' gnyan bran byed dang// gsos btab ru dar phyar sogs byung// de tshe tshogs dang 'brang rgyas bsham// mchog gi dam rdzas dag la brten// dbang dang dngos grub blang bar bya// gsang sngags mtha' mi sngon par bya// de yi dngos grub mchog thob 'gyur// zhes bka' stsal to// phur pa gsang ba snying po 'phrin las kyi rgyud las// nang dang gsang bar bsgrub pa'i le'u ste drug pa'o//// kye rgyud gsum dang 'brel las tshogs kyi// rim pa yang dag bstan par bya// 'phrin las drag por bsgrub pa'i phyir// dben gnas brag phug dur khrod du// dkyil 'khor mda' gang dbus su e/ khrag dang chang gis chag chag gdab// rta kan rim gsum gan du dpag/ mtha' skor rdo rje me ris bskor/ kha khyer rtsang dmar bsnol mar bya// ro sol dug snas nang du byug/ ro ras dag la tsa kra ni// rtsibs brgyad nyis rim nang du bstan// dbus su ling ka dbang po tshang// ming rus bla dgas bcas pa bri// dza yi zer bstab sngo dmar bris// dgra bo dgug gzhug yang yang bya// pho nya bskul zhing bla srog bstim// dong du gzhug ste sgo yang gcad// gan rkyal gzhag ste rgya ram mnan// de steng e yi gdan la ni// lcags sam seng ldeng phur pa yang/ khru gang la sogs sgrub khog ltar// zhal gsum rgya mdud chu srin khar// me yi rbal dang ldan pa'o// mthing nag dar gyi cod pan btags// spyir ni khro rgyal stobs 'dul las/ khyad par sras mchog dngos su bskyed/ dpal gtor dam can la sogs pa'i// mthun dang sgrub rdzas kun kyang bsham// dkyil 'khor de yi byang shar du/ khrag zhag 'o ma la sogs pa'i// phur srungs mchod pa'i rdzas kyang bsham// byang shar du ni re ma ti// shun dang nal bu'i dur khrod du// thod ngan nang du thun rdzas bsham// lcags phye zangs phye nyung kar nag/ ske tshe shang tshe gri khrag sbol// nga rgyal drag pos lhar rdzogs nas// dus bzhi nyin gung mtshan gung du// pho na sngags cing las la bskul// bdag nyid rdo rje gzhon nu yi// dkyil 'khor gsal ba gsum lhan bya// phur pa sras mchog me sbal du// gsal ba'i 'od zer 'phro 'du yis/ khro rgyal ma lus stobs 'dus pa'i// mthu dang nus pa dpag med bsam// gnam lcags rdo rje'i thog 'dra ba'i// spu gri'i tshig shur 'd-i la 'bad// oM kI li kI la ya/ ma rag mo yag mo// ka la ru pa/ karma raM raM/ che ge mo'i srog rtsa la yaM yaM/ snying rtsa la phril phril// srog rtsa la chum chum/ tsa tra sog la dun dun/ snying khrag shad dza/ thums ri li li/ snying rtseg rtseg/ 'ur 'ur/ shig shig/ 'dul 'dul myag myags// sod sod/ d+ha di ma ma/ karma shi krang ka ra ye/ ma ra sa na/ pra ma ra rta na ye hUM phaT/ dgra bgegs srog la rni tri ma ra ya rbad rbad sod sod/ de ltar ma yengs drag tu bzlas// skabs su phur pa thun gyis brab// gang zag dbang po'i khyad par gyis// bdun nam bcu bzhi nyer gcig gis// dam nyams dgra bo gang yin pa// tshangs pa'i tshe dang ldan yang sgrol// de tshe rtags kyi rim pa yang// phur pa rten la me 'od 'phro/ khyi spyang wa dang 'phar ba'i skad// phur srungs las la tshud pa dang// gla ba ra dang bya sogs skad// dgra bo'i bla khug 'gyur med rtags// de nas ling ga bsreg dgug btab// mnan sreg 'phangs gsum las gzhung bsdu// zhes bka' stsal to// phur pa gsang ba snying po 'phrin las kyi rgyud las/ drag sngags spyi dril khro rgyal stobs bsdus su bsgrub pa'i le'u ste bdun pa'o//// de nas gsang ba'i bdag po yis// rgyud kyi las tshogs rim pa gang/ khro bo chen pos gsung du gsol// de nas khro mchog he ru kas// rdo rje 'dzin la bka' stsal pa// thabs kyi spyod pa'i 'gro don du// byams dang snying rjes gang 'dul ba// las tshogs rim par bstan pa ni// bdag gzhan srung ba'i 'khor lo yang// dar ram gro ga shog shog la// 'khor lo rtsibs brgyad mu khyud bzhi// lte bar bsrung bya mu khyud la// kI la ya'i snying po bri bar bya// rtsibs brgyad bzhi snying dril ba bri// rtsibs chen la bsrung sngags 'di'o// sarba ru tri hring hring dza/ sarba du Sh+tan b+h+yo/ tri rak+Sha b+h+yo/ de yi phyi rim khro bcu dang// rten 'brel snying po la sogs bri// rab gnas legs byas mgul du gdags// stong phrag brgyad cu'i bgegs rnams dang// mi mthun phyogs rnams kun thub ste// bsrung ba'i mchog gyur 'di nyid do// de nas yang dag bshad bya ba// sde brgyad rang la gnod pa'am// pha rol sbyor bas rbad pa dang// rang gi chos skyong 'khu bzlog na// sbyor ba 'di yis gnad la dbab// gro ga dug shog dag la ni// gnag pa'i gzugs la ling ka bya// rtsibs brgyad rtse mo nang la gtad// rtsibs brgyad spu gri'i sngags rnams bkod// rtsibs mchan la ni gzir sngags 'di'o// sarba du Sh+tan tig nan/ e hur thums dza ma ra ya rbad rbad/ phyi la bzhi snying sngags kyis bskor// dril te tshon skud sna lngas bcings// thod ngan nang gzhug bsgrub khung stsal// lcags sam seng ldeng phur pas bzir// sngags ni bzhi snying gcig dril lo// de tshe rtags kyi rim pa yang// ri nyil chu 'khrug dmag dpung bsdus// phyag 'tshal las byed bsgo ba nyan// de ltar byung nas 'khor lo phyung// 'o ma rtsi sman dag gis bkru// chos skyong bskangs so gtor ma mchod// des ni gnod 'tshe 'khu mi nus// phyi nas bsgo ba'i bka' nyan 'gyur// de nas yang dag bshad bya ba// rnal 'byor byang chub sgrub pa'i tshe// bar chod dam srid dgra bgegs gsum// rnal 'byor pa yi bdud du che// de dag sgral ba'i thabs bstan pa// dug shog ro ras dag la ni// 'khor lo rtsibs brgyad mu khyud bcas// dbus su gang gnod ling ga bri// rtsibs brgyad la ni sngags 'di'o// dgra bgegs dam sri rnir tri shad truM hur thuM dza ma ra ya rbad/ dgra bgegs dam sri ma ra ya rnir tri rbad thuM/ zhes bri dgug gzhug drag tu bya// lha dang srung ma pho nya bskul// rdzas ngan du bas bdug cing gzir// mgo nas dril te yug skras bcing// sgrub khung sum brtsegs nag por gzhug/ lcags sam seng ldeng phur pas gzir// nyungs kar nyungs nag thun gyis brab// lta ba'i gdeng ldan phaT kyis bskrad// de tshe rtags kyi rim pa yang// stong gsum me yis khengs pa dang// rang lus me 'bar sems can gsad// ling ka bton nas hom la sreg/ thal ba mchod rten 'og tu mnan// phyis nas gnod cing 'tshe mi nus// de nas yang dag bshad bya ba// bar chod 'byung po'i bgegs gzhom na// dug shog dag la 'khor lo yang// rtsibs brgyad bris pa'i dbus su ni// 'byung po gang gnod ru pa bri// rtsibs brgyad spu gri'i sngags kyis bskor// rtsibs chen la ni sngags 'di'o// tri ra tsa shag dun/ ma zhung tri ma ra ya rbad nan sod/ de la spu gri'i sngags bzlas shing// phur pas gdab cing thun gyis brab// zhag gsum song nas thul rtags 'byung// mchod rten rab gnas can gyi 'og/ gru gsum brus te mnan par bya// de steng ri rab gzugs kyis mnan// rdo rje'i bros mnan ldang mi srid// de nas yang dag bshad bya ba// gdug pa'i klu ni gnod byed na// klu rigs lnga ni 'dul bar bshad// dur khrod ras sam shog shog la// 'khor lo rtsibs brgyad mu khyud bcas// dbus su klu gnyan gang gnod bri// rtsibs la spu gri'i drag sngags la// rtsibs mchan klu yi gzir sngags bri// badzra kI li kI la ya/ na ga du na tsan d+he tsan d+he/ mi li mi li/ b+han d+ha b+han d+ha/ nA ga ni swA hA mu khyud mtha' la gzir sngags ni// na ga ra tsa ling has phob/ na ga dum ba le le/ na ga ra tsa shag dun/ na ga phe laM/ gnod byed nA ga'i lus ngag yid gsum chings chings/ de nas ling kha sgrub khung du// skyer phur sor bzhi brgyad la brgyang// bskyed rim gsal bas drag sngags bzlas// klu'i dgug bstim yang yang bya// lcags sams seng ldeng phur bus gzir// nyungs kar nyungs nag gu gul dang// mu zi nag po'i thun gyis brab// sngags ni bzhi snying dril ba la// na ga glu yi gzir sngags gdags// de tshe sngags kyi rim pa yang// chu bo skems dang nya sbrul bsad// ba dmar glang dmar bdas pa dang// yul khams mes khengs lha khang sreg/ de tshe 'khor lo dril nas bcings// tsha tsha 'am mchod rten nang du gzhug/ lha khang mchod rten 'og tu mnan// klu nad mdze yang sos gyur na// phyis nas klu la brtsams pas mchog/ de nas yang dag bshad bya ba// bskyed rim nga rgyal ldan pa yis// smyon pa 'dul zhing gso ba yang// dur khrod ras sam shog shog la// 'khor lo rtsibs brgyad mu khyud bcas// rtsibs brgyad dbus su smyo 'dre bri// rtsibs la bzhi snying sngags bris te// rtsibs mchan// ra tsa sra ma na ra tsa shag dun kha ling dza ya rbad/ rag sha ra hu la/ ke ste ra hu la/ a ya ma du ru tsa sha na rbad// ces bris de yi phyi rim la// smyos 'dre gang gnod pa tri hur thums dza ma ra ya rbad/ ces bris sngon dmar byad du gzhag/ bsgrub khung nag po'i nang du bsgrub// smyon pa'i ske la thag nag gdags// phur pa la rtod rgyangs nas gzugs// phur thun brab cing drag sngags gzir// zhag ni nyi shu rtsa gcig na// smyon pa thul bar the tsom med// de nas yang dag bshad bya ba// pha rol rbod gtong bzlog pa na// dur khrod ro ras dug shog la// 'khor lo rtsibs bcu ldan par bri// dbus su rang gi ming rus la// de yi phyi rim kI la'i sngags/ rtsibs bcu la ni khro bo bcu// de yi phyi rim mu khyud la// hUM ha he phaT b+h+yo/ hri ta ya mo ha ya/ pra ha ra na hUM phaT/ sa ma ya a ti pra ma ni/ pa ra ni b+h+yo/ a la la b+h+yo/ a la la b+h+yo/ a la la b+h+yo/ e ya b+h+yo bzlog bzlog bzlog/ nang gi rtsibs chen dag la yang// ka ya glongs log bzlog bcu mtshan bri/ drag po'i gnas nas sa blangs la// mchod rten nag po khru gang bya// dgra bo'i rus pa nya'o bya// snying khar mchog phur sor brgyad gdab// bsgrub khung khru gang nang du gzhug/ de stengs mchod rten nag po la// bum par bdag 'khor g.yog bcas kyi// ming rus srungs cig bcas pa bri// gzungs thag bum pa'i nang nas drang// drag po'i sngags rgod thog ltar bzlas// oM badzra kI la ya hUM hUM hUM/ bdun tra ma ra ya rbad nan/ kha la dza ma mi rbad nan// ra tsa dun ling shag rbad nan/ shig shig/ duM duM rbad nan/ tshal ba tshal ba rbad nan// khroM khroM b+h+yo rbad nan/ rmug rmug rbad nan/ tir tir rbad nan/ tshal tshal rbad nan/ skabs su mchod rten gshus pa'i 'og/ phur pa la sogs thun gyis brab// ma nyes spang gzung gshed du sbas// rtags kyi rim pa gang yin pa// dmag dpung bcom dang grong khyer 'joms// rgyal po'i pho brang bshig pa dang/ mtshon cha kha mar dum bor bcad// rang phyogs dmag rgyal dar phyar dang// gsos 'debs rbab gtong brag gshog sogs// byung nas nya bo ling khar bcas// phur thun brab cing tha mar bsegs// thal ba ling ro dgra phyogs sam// nye na nyams pa'i khang rmangs mnan// gtor ma thun sogs dgra phyogs 'phangs/ kho nyid phung ste rtsa ba chod// zlog pa'i thar thug 'di nyid do// de nas yang dag bshad bya ba// rgyal gsen gtum po ma rung ba// gzir zhing 'dul bar 'dod pa na// lcags rdor nag po'i lte ba la// sngags kyi 'khor lo bskor nas kyang// nad pa'i steng nas gzir bar bya// gu gul du bas sna nas bdug/srin lag g.yon bsdams sngags kyis gzir// sngags ni spu gri'i sham bu ru// gnod byed 'byung po'i srog la rnir hur thums dza ma ra ya sod/ tri hur thum dza ma ra ya rbad sod/ ces bzlas phur thun sogs kyis brab// 'dren ngan skad ngan tser re 'bros// gdon bgegs thul bar the tshom med// de nas yang dag bshad bya ba// zho chang srung ba'i las mthal ni// 'khor lo rtsibs brgyad sngags bcas bkod// lte bar srungs dang ming spel gzhug/ rtsibs la bzhi snying drag po dril// rtsibs chen la ni 'di nyid bkod// dur ti nag po sod/ dur ru nag po nan/ 'chang 'dre/ dkar 'dre kha ching sa/ za 'dre kha chings/phyi la bsrungs bya gang 'os bri// rab gnas legs byas sbal par gzhug/ sngags ni khri ru bzlas nas kyang// sbal pa la ni yang yang bzlas// zho chang gang bsrung steng du gzhag/ rtsa sngags rde'u dkar nag la/khr-i stong bzlas la zho chang gzhug/ des kyang thub par the tshom med// de nas yang dag bshad bya ba// mdze dang gag lhog 'brum bu 'bras// gnyan sogs 'joms par bya 'dod na// gu gul nag po mu zi nag/shu dag btsan dug rgya phag tshil// mi dang rta kyang tshil dag dang// dri chen dri chung rwa gzhob sbre// rwa nang sbyar la sngags kyi gtso// rlangs ma shor ba dam du gcad// byang chub sems dpas 'grub par 'gyur// phur pa gsang ba snying po 'phrin las kyi rgyud las/ las tshogs bye brag tu bstan pa'i le'u ste brgyad pa'o//// de nas gsang bdag rdo rje 'dzin// he ru ka la 'di skad gsol// drag po'i las ni bzlog pa dang// bsrung ba'i go cha'i rim pa gang// lan du 'jigs byed bka' stsal pa// dkyil 'khor ma traM rtsibs brgyad dbus// 'bru zan dpal bshos khru gang la// dpal dgus bskor te bya khyung gzugs/ / sha khrag dmar dang srung ma'i rdzas// zor dang thun rdzas yongs rdzogs nas// lha tshogs bdun cu rtsa gnyis la// bzlog pa'i 'phrin las drag po bcol// spu gri tshig shur drag sngags kyis// dgra bgegs nya'o phur thun bsgral// 'di lta bu yi sbyor ba yis// gsang bdag khyod kyi mthu 'jig cing// ri gzar rbab kyang bzlog par nus// yul khams gnas gsum bdag bsrung na// gtor ma'i sbyor ba gang nyid la// zor kong nyi shu rtsa brgyad la// dug khrag tshe dang zangs zor bya// dbang mo'i sngags bzlas phyogs mtshams brdeg/ thal rgyas gdab cing b+h+yo zor gdab// gtor ma dgra bgegs stong du brdeg/gnas srungs dar mar ras shog la// 'khor lo rtsibs brgyad mu khyud bcas// lte bar bsrung bya ming rus byas// rtsibs bcu khro bo bcu yi sngags// phyi rim spu gri'i sngags kyis bskor// b+h+yo zlog dmod mo rig pas sbyar// rab tu gnas te dril nas kyang// rdza yi rus sbal nang du brub// de 'dra bzhi ni gnas 'chang gi/ zur bzhir mi mngon sbas nas gzhag/ nang pa phyi rol mu stegs kyi// sbyor ba ngan pa thams cad thub// shwa dang chu dmag bzlog na yang/ sbyor ba gong ltar nges pa la/ khro bcu dang ni bzhi snying dril// sngags bri tsha tsha'i nang du gzhug/ spu gri dang ni dbang mo'i sngags// bzlas te shwa rbud steng du brdeg/ 'di lta bu yi sbyor ba ni// rgya mcho'i rlabs kyang zlog par nus// ces bka' stsal to// phur pa gsang ba snying po 'phrin las kyi rgyud las/ bsrung bzlog las kyi med kha bstan pa'i le'u ste dgu pa'o//// de nas gsang ba'i bdag po yis// he ru ka la gsol ba ni// legs so che btsan khro bo'i rgyal// gsang ba las kyang ches gsang ba'i// rgyud kyi don ni gang du bsdu// gtad rgya ji ltar gzung bar bgyi// he ru ka yis bka' stsal pa// nyon cig gsang ba'i rdo rje 'dzin// bla med gsang ba'i rgyud 'di ni// bi to'i yang snying zhes par zung// 'phrin las thams cad 'dus pa'i tog/ rdo rje khros pa'i rgyud du zung// gsang ba bla med 'phrin las rgyud// snying po 'rgyud du 'di zung zhig/ rgyud don chos kyi dbyings nyid las// 'gag med rtsal las dbyings kyi ngang// phur ni chos kyi dbyings nyid de// pa ni rig pa'i ye shes so// dgra bgegs lnga phur tshar gcod phyir// 'debs pa'i phyir ni phur pa'o// oM badzra kI li kI la ya// sarba b+hig nan baM hUM phaT// bdun nam nyer gcig brgyad bzlas so// rdo rjes khros pa'i rtsa ba'i ngang// chos nyid don gyi bden pa'o// gnag pa'i las ni bsgrub pa'i tshe// dkar nag mtshams su btab par bya'o// 'phrin las rnam bzhi 'grub pa'i don// 'dul pa'i 'khor gyis shes par gyis// ces pa'i bka' stsal pa dang/'khor thams cad yi rangs te// 'phrin las mngon spyod drag po'i las la spyod par gyur to// de nas las kyi khro bdag chen po he ru ka nyid kyang/ gsang chen dbyings kyi mkha' la thim par gyur to// bi to ta ma la 'bum sde'i rgyud las/ gsang ba 'phrin las kyi rgyud ces bya ba khul du byung ba rdzogs so//// gsang ba'i rgyud mchog bla med 'di// u rgyan pad+ma bdag nyid kyis// bod yul dbus su snang bar byas// ye shes mtsho rgyal nyid la gtad// da lta spel dus ma bab pas// dang lung ldang la'i brag la sbas// ma 'ongs lnga bcu kha ral dus// thugs kyi sras dang phrad nas kyang// 'gro don bstan pa mthar rgyas shog/

CLOSE WINDOW