143a3 / ces gsungs so// 'phags pa bdud rtsi 'khyil ba las las gnyis kyi don gnyis gtan la phab pa rdzogs so//// de nas yang dag bshad bya ba// thams cad thogs pa med gyur pa// rgyud rnams ma
143a4 lus kun 'dus pa'i// las kyi rgyud 'di bshad par bya// lcang lo can gyi pho brang du// gsang ba'i bdag po gos sngon can// byang chub tshogs dang lhan cig tshe// don rnams sdud par byed pa'o// stobs dang mthu
143a5 dpung gzhan las 'phags// de tshe gsang ba'i rgyud chen gsungs// de nas lha yi dbang po rnams// ri rab ri yi rtse mo la// sprul pa'i sku yi tshul bstan nas// bzhi stong yod pa'i las kyi rgyud// sna tshogs pa yi
143a6 rgyud chen bshad// de don bsdus pa'i rgyud chen 'di'o// tshogs pa rnams la bdag gis bshad// zhi ba dang ni rgyas pa dang// dbang dang drag po bsad pa dang// rengs pa dang ni skugs pa dang// myos pa dang ni
143b1 gso ba dang// smyo ba dang ni 'bogs pa ste// zhi ba la ni gcig tu 'gyur// rgyas pa la ni rnam pa bzhi// nor dang 'bru dang tshe dang ni// yon tan thams cad rgyas pa'o// dbang la rnam pa gnyis yin te// lha la
143b2 sogs pa'i 'byung po dang// rgyal po dbang du bya ba'o// bsad pa nyid ni gcig tu 'gyur// dgug pa las ni rnam pa brgyad// lha mo klu mo ma mo dgug/ tshe dgug pa dang bcud dgug dang// khu ba dgug dang
143b3 'byung po dgug/de dag rgyas par bshad bya ba// dang po zhi ba'i las byed pa// zhi ba'i dkyil 'khor zlum po la// pad dkar 'dab ma bzhi dang ldan// dbus su dpal ldan gos sngon can// cha lugs zhi ba'i
143b4 rang bzhin la// rnam par snang mdzad dbu rgyan can// snying khar zla steng bzlas pa tsam// oM na mo nI lAM ba ra hUM// shAn ting ku ru swAhA/ brgya 'am stong du bzlas pa brtsam// de nas mdun du hom khung bru// zlum la
143b5 dkar ba'i tshon gyis byug/steng du zho can shing brtsigs te// nang du zhi ba me lha bskyed// me sbar me lha spyan drangs te// gnyis med gyur nas mchod pa dbul// bstod nas nang du gos sngon bskyed// bskyed nas
143b6 mchod pa dbul bar bya// me tog dkar dang mar me dri// lha bshos zlum pos mchod par bya// 'bras bu 'o thug dbul bar bya// zhi bar bya ba'i gdung bya dgug/ dngul lam dkar po'i phur bas gdab// oM na
144a1 mo nI lAM ba ra hUM phaT// oM kI li kI lA ya shAn ting ku ru swA hA/ zhi ba'i tshogs kyi 'khor lo bskor// zhi ba'i gtor ma gtang bar bya'o// des ni bdud dang srin po dang// 'jig rten grags pa zhi
144a2 bar 'gyur// 'o ma la sogs dkar po'i chus// me la btab pa byas gyur nas// zhi bar gyur cig brjod pa yis// zhi bar 'gyur ba the tshom med// zhi ba'i cho ga sngon 'gro nas// sa gzhi byin gyis brlabs la
144a3 sogs// de dag thams cad rdzogs par bya// sa chen gzung ba'i dam tshig ni// yongs su brtags te gzung bar bya// rgyas pa gnyis kyi cho ga ni// ri dbyibs gru bzhi'i bde gnas su// gru bzhi me tog ser por
144a4 ldan// rin chen gos sngon sku mdog ser// dbu la rin chen 'byung ldan brgyan// ma spyad pa yi snod chen du// bdud rtsi lnga dang sha lnga dang// thun mong rdzas su gyur par blugs// oM na mo nI lAM ba ra hUM/ rat+na puSh+tiM
144a5 ku ru hUM/phyi nang dgugs pa'i don la dmigs// skyon rnams spangs pas yon tan 'gyur// brgya'am stong du grangs thim pas// mdun du stegs bu grub bzhi la// thab khung gru bzhi ser por byug/ 'khor lo
144a6 'phreng ba yang dag ldan// gser gyi mdog dang ldan pa la// mchod rten dbyibs su brtsig par bya// nang du rgyas pa'i me lha bskyed// ye shes me lha bkug nas bstim// gnyis med gyur la mchod pa
144b1 'bul// mchod dang bstim pa legs gnas te// der ni rgyas pa'i gos sngon bskyed// ye shes gos sngon bkug nas bstim// gnyis med gyur la phyag mchod 'bul// spos dang me tog ser po dang// mar me
144b2 dang ni dri chab dang// lha bshos gru bzhir gyur bas mchod// gser mdog shing dang ser po rdzas// thams cad bsreg phyir rgyas par bya// gser ram ser po'i shing rnams la// rgyas pa'i phur pa rab
144b3 byas nas// sngags bzlas rgyas pa'i yul la gdab// oM na mo nI lAM ba ra hUM// kI li kI la ya pu Sh+tiM ku ru swA hA/ de nas gser gyi mtshor ldan chus// me la gtor bas gser du 'gyur/ rgyas par gyur cig brjod
144b4 pa yis// rgyas par 'gyur ba gdon mi za// yang na rgyas pa'i sbyor ba ni// rdzas nyid 'od zhu yi ge swa// de las rin chen 'byung ldan sku// ye shes bkug la gnyis med bstim// rgyas par gyur pa'i gsang sngags
144b5 bzlas// 'od kyi ye shes bdud rtsi dang// khams gsum 'gro ba'i bcud rnams kun// bsam gtan de dang ldan gyur nas// de nas 'phags dang 'khol ba 'byung// zos pas dngos grub gang 'dod 'byung// rmi
144b6 lam gser gyi dong tshe rnyed// yid bzhin nor bu spyod pa 'byung// de ltar byung bar gyur pa ni// rgyas pa grub pa'i rtags su bshad// yang na rgyas pa'i las dag ni// za ma tog dang khams gsum rgyal// rnam thos
145a1 sras dang bcas pa bskyed// de las ye shes bdud rtsi bkug/ bkrag dang gzi brjid ldan pa la// gser gyi phur pa gdab pa dang// de yi gsang sngags brjod pa'i tshe// khams gsum rnams rgyal
145a2 'od 'phros te// rnam thos sras la nor sbyin bsgo// ster ba'i rtags ni gong ma bzhin// gter la sogs pa 'byung ba dang// 'dod pa'i yon tan gzhan yang 'byung// yang na rgyas pa'i las dag ni// rgyal rigs
145a3 dag gi phung po la// dang po bslang ba'i cho ga bya// bdag por gyur la gtor ma sbyin// steng du bdag gi phyag rgya rdzogs// phyogs mtshams bltas pas 'byung po bskrad// rdo rje bsrung ba'i phyag rgya rdzogs// bdag
145a4 gi lus la go cha bgo// de nas phung po 'od zhu nas// yi ge lang dang bya ldan bsam// de las gser gyi sa gzhir gyur// steng du sa las rnam thos sras// rin chen 'byung ldan dbu rgyan can// de la ye shes sems
145a5 dpa' bstim// gnyis med gyur nas mchod pa dbul// sngags kyi bsnyen pa rdzogs par bya// oM na mo nI lam ba ra hUM// sarba ta thA ga rat+na sing+hi hUM/ zhes pas de la 'dod pa'i dngos grub 'byung// de ni rgyas pa'i
145a6 cho ga ste// bud med dag la byin gyur na// bu pho bu mo gang 'dod 'byung// shes rab 'dod pas zos na 'byung// tshe dpag med kyi snying po'am// brgya'am stong du bzlas nas bza'// des ni tshe'ang 'grub par
145b1 'gyur// dbang gi cho ga bshad bya ba// ri dbyibs zla ba phyed 'dra ba// dmar la gdangs ba'i kha dog tu// stegs bu zla gam dmar po la// me tog dmar pos yang dag brgyan// gos sngon snang ba mtha' yas
145b2 ldan// ma spyad pa'i snod chen la// dmar po dag gi tshon byugs nas// nang du sha lnga bdud rtsi lnga// oM na mo nI lAM ba ra hUM/ pa shang ku ru hUM phaT/ phyi nang bskul ba rab dmigs te// mi dmigs dbang gi lha
145b3 tshogs kun// bdag la dgugs pas bdag gis bskus// dbang gi las la thogs med 'gyur// brgya'am stong du grangs thim nas// dbang gi thab khung zla kham la// dmar po'i tshon gyis byugs pa dang// pad
145b4 ma'i 'phreng bas yang dag brgyan// nang du dbang gi me lha bskyed// spyan drangs bkug nas gnyis med la// mchod bstod la sogs bstim par bya// nang du dpal ldan gos sngon la// ye shes gos sngon bkug
145b5 nas bstim// gnyis med gyur la mchod pa 'bul// spos dang me tog dmar po dang// mar me dri dang rnam lnga dbul// 'dod pa lnga yi mchod pa yang// de bzhin phul bas mnyes par bya// de rnams dmar po'i
145b6 rdzas rnams la// pa shang ku ru'i sngags ldan pas// phul nas gang 'dod dbang du 'gyur// zangs la sogs pa'i shing rnams la// dbang gi phur bu byin brlabs nas// btab pas de nyid dbang du 'gyur// oM na
146a1 mo nI lAM ba ra hUM/kI li kI lA ya ba shang ku ru hUM phaT// yang na dmar ba'i rdzas rnams kun// gcig par snod chen bkang byas te// byin gyis brlabs pa'i gtor ma'i steng// bdag gis gos sngon
146a2 gsal byas te// gong gi gsang sngags bzlas pa yis// mi 'gyur sangs rgyas thams cad kun// dbang gi skur ni rab bzhengs nas// sbyor ba'i bdud rtsi dbab byas nas// dbang gi lha yi spyi gtsug
146a3 bzhugs// rdo rje'i lam byung gnyis med thim// dmar la gdangs par 'grub pa dang// 'od zer gtor ma'i lha la phog/ dbang gi las rnams grub par bcol// 'od du zhu bas shin tu dmar// lha rnams dbang
146a4 du byed 'dod na// thugs ka'i zer sna lnga las// dbang gi gos sngon dmar por 'phros// mdun du dbang gi gzhal yas bskyed// dkug par gyur la gtor ma sbyin// reg pa tsam gyis dbang du 'gyur// 'thungs
146a5 ba tsam gyis smos ci dgos// klu dang gnod sbyin gsang ba po// 'byung po rgyal po srin po dang// rnal 'byor ma yang dbang du 'gyur// yang na rgyal po'i ro blangs la// bslang la bsrung la byin gyis brlab// 'od
146a6 zhu raM las me glong du// dbang gi gos sngon rab bskyed nas// ye shes dbang gi gos sngaun dgug/ gnyis med gyur la mchod pa dang/ gong ma'i sngags kyis bsnyen pa bya// me dpung rmi ba byung yang 'grub// dbang
146b1 gi las rnams grub par bcol// bstim ste sha la gong ma bzhin// byas pas de yi dbang du 'gyur// dbang gi sbyor ba mdor bsdus pa'o//// gsod pa'i las kyi cho ga ni// ri dbyibs zur gsum gdengs pa 'am// yang na kha ral
146b2 gdengs pa 'am// nag po'i mdog tu gnas pa de// dkyil 'khor gru gsum zla kham ldan// yang na gru gsum 'bar bar ldan// dug dang khrag dang lan tshwa dang// dur khrod sol
146b3 bas nag por byug/steng du me tog nag po dgram// drag po'i 'phags pa gos sngon can// dbu la don yod grub pas brgyan// ma spyad bkra mi shis pa 'am// yang na ser ka dug yod par// dug dang ske tshe nas
146b4 nag dang// yungs kar yungs nag lan tshwa dang// bdud rtsi lnga dang sha lnga dang// myos pa'i chu yis sbyang bar bya// oM na mo nI lAM ba ra hUM/ che ge mo mA ra ya phaT/ phyi dang nang gi dmigs grub nas// bde gshegs
146b5 drag pos bkug cing bstim// ha ha dang bcas bzlas pa ni// bar ma chad pa stong du bzlas// mdun du stegs bu gru gsum bya// gru gsum nang du dug chu dang// sol chen bsres la byug par bya// kha la dral gro
146b6 phur bu dgod// tsher ma dug dang ldan pa'i shing// b+ha ga'i dbyibs su brtsibs par bya/ nang du drag po'i me lha bskyed// me sbal dgug dang bzhug bya ste// gnyis med gyur nas mchod pa dang// bstod dang
147a1 bstim pa legs gnas te// nang du drag po'i me lha bskyed// spyan drangs bstim nas mchod pa dbul// spos ni sha chen bsregs pa ste// dkar dmar khu ba me tog yin// yang na me tog nag pos
147a2 bya// spos ni gu gul sbyar ba ste// mar me tshil chen khu bas bya// khrag ni arga 'dod pa'o// dri chab bdud rtsi ba yi chu// sha chen po ni lha bshos te// yang na 'bru las gyur pa la// zur gsum khrag dang sol las
147a3 byug/bsreg pa'i rdzas ni 'di lta ste// sha chen po dang yam shing dang// de bzhin drag po'i gtor ma bsag/ khrag dang sol chen bsreg pa yis// kha dog nag por bsgyur la dbul// yang na lcags sam nag po'i
147a4 shing/drag po'i phur bur byin brlabs te// btab pa nyid kyis 'chil bar 'gyur// oM na mo nI lAM ba ra hU~M/ kI li kI la ya che ge mo mA ra ya phaT/ yang na drag po'i gtor ma de// byin brlabs steng du drag po'i
147a5 lha// 'bar ba'i gos sngon bskyed byas te// ye shes drag po'i gos sngon dgug/ 'od 'phros sngags bzlas bsam gtan bsgom// ye shes dbyibs la gnas pa kun// drag po'i sku ru ram langs te// bkug cing
147a6 bstim pa yang dang yang// de nas gsod pa'i las bcol te// bstim dang gtor ma nag po la// 'od dang 'od zer nag por gyur// 'byung po la sogs bkug byas nas// de la gtor ma brdeg par bya// snying
147b1 nas phur bu khro chung dang// sbrul gyi gzugs ni gnas par bsam// de la gong ma'i sngags bzlas pas// sngags gzer lcags bsregs tshul can gyis// de la phog pas me ni 'bar// phung po me yis bsreg par
147b2 bsam// tsha ba'i nad kyi 'chi bar 'gyur// las 'dis phyag na rdo rje nyid// 'chi 'gyur gzhan la smos ci 'tshal// bsad pa'i las kyi rim pa'o// lha mo dgug pa'i cho ga ni// gnas ni dbang dang mthun par
147b3 bsam// yang na lam gyi gzhi mdo 'am// rgyal po la sogs 'du khang du// dbang gi dkyil 'khor chen po steng// rtsa ba'i sku yi bdag nyid can// rnga mo'i steng na legs bzhugs pa'i// dbu la rdo rje sems dpas
147b4 brgyan// ba lang sha yi gtor ma bya// oM na mo nI lAM ba ra hUM// aM ku sha ya A kar Sha ya dza dza/ phyi nang sku ni gsal gyur nas// 'od zer bde gshegs zhing du 'phros// 'gug pa sku yi zhing du 'gyur// 'od byung
147b5 bdag la phog pa 'am// dngos po nyid du bkug par gyur// bstim pas ri rab lta bu ste// 'od kyi dkyil 'khor chen po'i nang// lcags kyu can sogs bsam mi khyab// mdun du stegs bu zlum po'i nang// pad
147b6 ma'i dbyibs kyis thab khung bru// thal chen la sogs dri chus sbrus// nang du byug cing bkru bar bya// kha khyer rdo rje'i 'phreng ba'am// yang na lcags kyu'i 'phreng ba bya// yang na ti ka'i 'phreng ba bya// las thams cad
148a1 pa'i me lha bskyed// tsan dan shing las me bus te// bkug cing bcug nas gnyis med bstim// ba lang sha yis gtor ma blugs// yang na bdag las sprul pa yi// lha mo bkug ste 'od 'bar
148a2 bsam// de la gtor ma byin pas 'gugs// oM na mo nI lam ba ra hUM/ bai ro tsa na gr-ih+na gr-i h+na hUM phaT/ zhe'o// lha mo 'gugs par gyur pa'i tshe// sbyor bar 'dod na sbyor bar 'gyur// sa 'og 'dod kyang 'byung
148a3 bar 'gyur// yang na ji ltar 'dod pa 'byung// klu mo'i mi mo de bzhin no// tshe dgug cho ga'i las dag ni// rten can rten med rnam pa gnyis// brten bcas bum pa'i 'od zhu bas// b+h+ruM gyur yang na baM du
148a4 gyur// de nyid 'od zhu gzhal yas khang// ma chag gsal dang shin tu gsal// steng du hUM las mi bskyod pa// shar du rnam par snang mdzad de// lhor ni rin chen 'byung ldan bsam// nub tu snang ba mtha' yas
148a5 te// byang du don yod grub pa'o// dkar dmar ser ljang mthing kha mdog/ phyag rgya lnga yi bdag nyid can// ye shes dbang bskur bcug nas bstim// 'od zhu de las gos sngon gyur// de yi spyi gtsug 'od dpag
148a6 med// sku mdog dmar po zhal gcig pa// 'bar ba'i phyag ni gnyis pa ste// pad ma'i steng na bum pa bsnams// gsang ba'i yum bzhi 'khor du bskor// dbang thob sku la mchod par 'bul// bstod pas
148b1 mnyes nas gsang sngags bzlas// oM na mo nI lAM ba ra hUM// A yu She hUM dza/ bsam gtan sngags las 'od 'phros pas// stong gsum tshe ni dgug cing dgang// de yis tshe 'gugs gdon mi za// bcud dgug pa
148b2 yi cho ga ni// bcud rten bum par yi ger bsam// 'od zhu bum pa'i gzhal yas su// rang las lha mo mA ma ki/ ser mo phyag gnyis bsnol ba'i steng// rin po che yis rab mtshan pa'i// bdud rtsi bum pa 'dzin
148b3 pa'i tshul// oM nI lAM ba ra hU~M/ rat+na mA ma ki traM/ go'u na su b+h+yo bo d+hi sa twa traM dza dza/ phar 'phros tshur 'dus rgyun mi 'chad// 'od zer phra mo mang po 'phros// stong gsum 'jig rten bcud bkug nas// slar 'dus
148b4 yum gyi spyi gtsug zhugs// gang bar gyur pa'i bsam gtan bya// de yis de la grub par 'gyur// yang na ro yi phung po gcig/ zla ba brgyad la blang byas te// de yi bslang dang bsrung ba bya// 'od zhu gzhal yas
148b5 khang du bsam// sngags kyi 'od zer phyogs bcur 'phros// bcud bkug phung po'i dbyibs su bstim// rgyas nas zla ba'i mdog tu 'dug/ yang na yid bzhin rin chen dgug/ de la bstim pas nor chen
148b6 dgug/tshe nyams pa yis zos gyur na// de yi tsha dang ldan par 'gyur// nyams pa chen pos zos gyur na// 'gyod dang ldan na sor cud 'gyur// de la sogs pa'i yon tan tshogs// rgyud 'dir bsam gyis mi
149a1 khyab bstan// khu ba 'gugs pa'i cho ga ni// rnam pa gnyis te bdag dang gzhan// gzhan gyi khu ba 'gugs pa ni// snying khar zla ba'i dkyil 'khor bsam// de steng yi ge a dkar las// 'od zer
149a2 kha dog sna lngar 'phros// ye shes bde gshegs sku la phog/ de nyid 'od du thim pa las// khu ba 'gugs pa'i cho ga'o// gshang ba'i lam nas yar byung ste// bde chen byang chub sems phab nas// rdo rje'i lam du
149a3 byung nas bstim// de yang khu ba 'gugs pa'o// yang na 'od zer rab 'phros pas// bde gshegs sku la phog gyur pas// chags pa skyed pa'i tshul can gyis// thabs dang shes rab sbyor bar 'gyur// gnyis med
149a4 dkar dmar byang chub sems// bdag gi tshangs pa'i bu gar zhugs// lus rnams rgyas te bde bar 'gyur// khu ba dgug pa'i cho ga'o// yang na 'gugs pa'i cho ga ni// mdun du pad+ma 'dab brgyad bskyed// yi ge
149a5 lnga la rigs lnga'i skur// yum lnga dag dang bcas pa bsam// ye shes gnas nas bkug cing bstim// de las 'od 'phros 'phags pa bskul// byang chub sems phab rigs lnga'i sku// spyi gtsug thim nas gsang
149a6 bar byung// de nyid yi ge gsum dang 'grogs// bdag gi lce yi dbus su zhugs// sangs rgyas bde ba skye bar 'gyur// bdag gi khu ba dgug pa ni// spyi bor bde chen gzhal yas bsam// de steng yi ge a
149b1 dkar po// zla ba'i gdan la bsam par bya// lte bar pad+ma 'dab brgyad la// zla ba'i steng du aM bsam te// aM las dza'i 'od 'phros pas// kha dog lnga dang yang dag ldan// zla ba'i bu gar zhugs pa yin// a
149b2 bskul de la 'od 'phros pas// bdud rtsi chu yis lus rgyas 'gyur// bsam gtan de dag gang ldan yang// gzhogs bskams pa dang bas lhags dang// g.yan pa me dbal la sogs pa// de nyid kyis ni zhi bar
149b3 'gyur// gzhan la bkug pa de bzhin 'grub// 'byung po dgug pa'i cho ga ni// thugs ka'i phaT kyi tshogs 'phros pas// lce la lha mo lcags kyu can// grangs med pa yis 'byung po kun// snying nas bzung zhing
149b4 zhags pas bcing// rlung gi rnga mo ga pa la// phaT kyis brtaig ste 'phangs par bsam// tho ba can gyis brteg bzhin du// drag po'i steng du dbab par bya// yang na lcags kyu can gyis 'grub// zhags pa can
149b5 kyang de bzhin no// oM na mo nI lAM ba ra hUM/ sarba bib+ha nan aM ku shar ya/ A kar Sha ya hUM dza dza/ gsang ba'i sngags dang rab ldan pas// 'gugs par 'dod na khugs par byed// 'ching bar 'dod na 'ching bar
149b6 byed// 'du bar 'dod na 'du bar byed// 'bral bar 'dod 'bral bar byed// skrod par 'dod na skrod par byed// bsreg par 'dod na sreg par byed// gang zhing las kyi cho ga ni// 'dzin pa can gyis
150a1 'grub par byed// dus gang la yang yan lag bcu// gos sngon bsnyen pa'i cho ga dang// bskyed dang dbang bskur cho ga dang// bsgyur dang de yis 'khor lo yis// rtsa ba yan lag ldan pa
150a2 yis// bsgrubs na mngon du 'byung bar 'gyur// de bas nga yis bstan pa 'di// nges don gtan la ma phebs shing// rtog pa'i dug gis dbang gyur nas// nyon mongs las rnams spyod pa la// rna bar ming yang
150a3 mi grag go/gsang sngags rgyud la sems dad cing// bla ma la ni bsnyen bkur byed// nges pa yis ni don yang ston// sgra dang dgongs pa gtan la 'bebs// nga rgyal bcom nas zhe sdang gis// mtshon bral 'dod
150a4 chags dra ba 'grol// de la rtag tu bstan par bya// gsang ba'i bdag po lag na rdo rje gos sngon po can gyi rgyud las le'u legs par byung ba'i gsang ba'i yang snying shin tu gsang ba rtogs pa chen po'i rgyal po'i
150a5 rgyud ces bya ba rdzogs so////
150a6 rgya gar skad du/


CLOSE WINDOW