CLOSE WINDOW

Gpb045.002
བོད་ཡིག

rgya gar skad du/ badzra ma hA gu h+ya karma tan tra/ bod skad du/ rdo rje gsang ba chen po las kyi rgyud/ bcom ldan 'das dpal rdo rje kun tu bzang po la phyag 'tshal lo// 'di skad bshad pa'i dus gcig na/ bcom ldan chos thams cad kyi bdag nyid chen po de/ 'og min chos kyi dbyings nam mkha'i gzhal yas dbus med pa na/ dus gsum gyi sangs rgyas dang/ khams gsum gyi sems can dang/ chos thams cad dang/kun mnyam par bzhugs pa'i dus na/ bcom ldan 'das rdo rje kun tu bzang po de nyid kyi chos nyid kyi rang bzhin de la/ nyid kyi dgongs pa la zhugs pas/ chos thams cad sangs rgyas par mkhyen to// de nas bcom ldan 'das rdo rje kun tu bzang po rigs kyi bdag po des/dus gsum gyi sangs rgyas dang/ khams gsum gyi sems can dang/ chos thams cad nyid dang mnyam par bzhed nas ma skyes pa'i chos nyid la bzhugs so// de nas ma bskyed pa'i chos nyid de kun la snang bar bzhed nas/ ye shes kun tu snang ba zhes bya ba'i ting nge 'dzin la zhugs nas/ ma skyes pa'i snying po/ ye shes kyi a zhes bya ba'i snying po 'di bsgrags so// khams gsum kun la ar gsal lo// chos thams cad ma skyes pa ye shes kyi rang bzhin de a las A+oM snang bar byas so// khams gsum kun la or gsal lo// o'i sgra yang grags so// kun la A+oM du gsal lo// de nas A+oM du snang bar byas so// A+oM gyi sgra yang grags so// khams gsum kun la A+oM du gsal lo// de nas badzra pany+tsa/ zhes bya ba'i sgra bsgrags nas// gser gyi rdo rje rtse lnga pa nyid du byas so// kun tu rdo rjer gsal lo// de nas badzra b+ha drA zhes bya ba'i sgra grags nas// nyid rdo rje kun tu bzang po ye shes kyi skur snang bar mdzad do// ye shes kyi skur snang bar mdzad nas/ ma skyes pa'i ting nge 'dzin la yang dag par zhugs nas/chos kyi dbyings nam mkha'i gzhal yas/ de bzhin nyid du mnyam par gshegs so// rdo rje gsang ba las kyi rgyud las/ gleng gzhi'i le'u ste dang po'o//// de nas khams gsum gnas pa'i lha chen po tshangs pa'i rigs dang/ brgya byin dbang po'i rigs dang/ ma hA de ba chen po dang/ steng lha'i rigs dang/ 'og sa bdag gi rigs dang/ shar dri za'i rigs dang/lho gshin rje'i rigs dang/ nub klu'i rigs dang/ byang gnod sbyin gyi rigs dang/ me lha'i rigs dang/ srin po'i rigs dang/ rlung lha'i rigs dang/ dbang ldan gyi rigs dang/ lha ma yin ma yin pa'i dang/rje bo dang bran mor gyur pa rnams dang/ bdag tu rtogs pa ni ma spongs/ 'khrul pa'i gzung 'dzin ni ma bral/ blang dor med pa'i theg pa la ma zhugs pa'i dbang gis/ de dag thams cad la sngon rdo rje kun tu bzang po'i 'thad pa'i sgo nas 'dul tshad du bstan pa de bkrid drang du ma rtogs/nges par rtag pa'i dbang gtso ste/ rdo rje kun tu bzang pos ye shes kyi skur snang bar mdzad de/ chos thams cad sangs rgyas par mdzod pa de la/bdag tu rtogs pas gzung 'dzin blang dor du brtags te/ ye shes kyi sku la/ sku khro ba/ ngag gtum pa/ sems gdul la/ 'o dod chen po 'bod cing/ shin tu slong ba'i skad 'byin pa/mnar med pa'i nyon mongs pa/ bskal pa stong phrag nyi shu'i bar du gnas pa dang/ de bzhin nyid la brtag tu med pa las/ rang rang du rtog pa'i chos nyid la zhed pa'i mthu brtas pas/ dug lnga'i 'bras bu smin te/mi 'tshams pa'i lus dang mi 'tshams pa'i bsam pa dang/ mi 'tsham pa'i rnam par smin pa dang/ mi 'tshams pa'i 'bras bu dang/ mi 'tsham pa'i sdug bsngal dang/ mnar med pa'i nyon mongs pa dang/bskal pa stong phrag nyi shu'i bar du gnas pa dang/ dus med par lha dang mi'i 'jig rten phung bar byed pa/ de nas mi 'tshams pa'i sdug bsngal zad nas/ gti mug dran med pa'i sdug bsngal dran pa dbyings su chud de/byang chub skye ba'i thabs gting med par gnas so// rdo rje gsang ba las kyi rgyud las rtog pa rnam smin gyi le'u ste gnyis pa'o//// de nas rdo rje kun tu bzang po des/ thugs rje ye shes skyes nas/chos kyi de bzhin nyid las bzhengs nas 'di skad gsungs so// A+oM/ yod med stong pa ye shes rnal 'byor sku// nam mkha' bzhin du khyab pa'i thugs rje yi// mi 'tshams nyon mongs sdug bsngal zhi mdzad pa// ye shes kun tu snang mdzad skur bzhengs shig/ ces ma skyes pa mngon du skur bzhengs su gsol lo// de nas dus gsum gyi sangs rgyas thams cad ma skyes pa'i dbyings nas skur bzhengs so// de nas dus gsum gyi sangs rgyas thams cad bdag nyid chen po'i dkyil 'khor du byin gyis brlabs pa/ A+oM/ snang srid snod bcud bsdus pa thams cad kun// bdag gi rdo rje skye mched rang bzhin te// ye nas rang 'byung ye shes lha yi lha// mthun pa'i sdug bsngal can rnams zhi bar mdzod// ces gsungs pas/ de nas dus gsum gyi sangs rgyas thams cad rgyud ma dag pa'i sdug bsngal can zhi bar mdzad pa'i sku/rdo rje kun tu bzang po'i skur bzhugs so// rdo rje kun tu bzang po des/ sangs rgyas thams cad kyi che ba lnga ldan pa'i rtags bkod pa/ A+oM sarba ta thA ga ta kA ya paN tsa A+oM/ A+oM sarba ta tha ga ta bA' ka paN tsa A+oM/hUM sarba ta thA ga ta tsit+ta paN tsa hUM/ swa sarba ta thA ga ta gu na pan tsa swa/ ha sarba ta thA ga ta karma paN tsa ha/ A+oM sarba ta thA ga ta swa b+ha wa At+ma kou0f85 haM/ rdo rje gsang ba las kyi rgyun las/ che ba byin gyis brlabs p a'i le'u ste gsum pa'o//// de nas rdo rje kun tu bzang po de/ rdzogs pa'i dkyil 'khor 'di sku dang/ gsung dang/ thugs rdo rje las byung ngo// A+oM badzra mahA shrI he ru ka/ badzra mahA kro d+hi shwa ra s+t+waM/ A+oM b+hud+d+ha mahA shrI he ru ka/bud+d+ha mahA kro d+hi shwa ri s+t+waM/ A+oM rat+na mahA shrI he ru ka/ rat+na mahA kro d+hi shwa ri stAM/ A+oM pad+ma mahA shri he ru ka/ pad+ma kro d+hi shwa ri stAM/ A+oM karma mahA shri he ru ka/ A+oM karma kro d+hi shwa ri s+t+waM/ zhes 'bar ba chen po lnga phyung nas/A+oM a hUM/ hUM pa ra na phaT/ ces spros/ hUM hUM hUM/ zhes bsdus nas/ gnas 'dir phyag rgya bzhi dang ldan par byas so// de nas ha ha ha ha ha ha ha ha spros so// de nas he he he he he he he he spros so// de nas phaT phaT phaT phaT ces spros nas/A+oM A hUM/ hUM pa ra na phaT/ saM ha ra na hUM hUM hUM/ zhes bsdus nas/ khro mo dang/ 'phra men ma dang/ sgo ma'i tshigs spros te/ phyag rgya bzhi dang ldan par bya'o// rdo rje kun tu bzang po 'di'i sku nyid du bzhugs so// sku gsung thugs las byung nas sku nyid dkyil 'khor gyi lhar bstan nas bzhugs so// rdo rje gsang ba las kyi rgyud las/ sku la rdzogs pa'i dkyil 'khor yongs su rdzogs par bstan pa'i le'u ste bzhi pa'o//// de nas rdo rje kun tu bzang po nges sku lnga mngon du phyung ste/ zhe sdang dang zhe sdang gi yul gnas su dag pa badzra he ru ka yab yum phyung ngo// 'dod chags yul dang chas pa gnas su dag pa pad+ma he ru ka yab yum phyung ngo// gti mug yul dang chas pa gnas su dag pa bud+d+ha he ru ka yab yum phyung ngo// phrag dog yul dang chas pa gnas su dag pa karma he ru ka yab yum phyung ngo// nga rgyal yul dang chas pa gnas su dag pa rad na he ru ka yab yum phyung ngo// de nas sku rnam pa lnga po de ltar phyung nas/ 'gro ba lnga'i gnas su mthing nag dang/ smug nag dang/ ser nag dang/ dmar nag dang/ljang nag la sogs ba sku mdog dang phyag mtshan rdo rje dang/ dbyug tho dang/ kha TAM kha dang/ zhags pa dang/ gar gyi rgya gram dang/ zhal gsum phyag drug/ lha chen po rnams kyi gdan la zhabs brgyad brkyang bskum dang/gyed kyi 'dor stabs su bzhugs nas/ rigs drug dang mthun pa'i skad kyis 'gro ba'i don mdzad do// rdo rje gsang ba las kyi rgyud las/ sku lnga rdzogs par bstan pa'i le'u ste lnga pa'o//// de nas rdo rje kun tu bzang po des khams gsum dbang du sdud pa 'di gsungs so// dus gsum gyi sangs rgyas dang/ khams gsum gyi sems can thams cad hUM hUM hUM zhes pas mngon sum du bsdus nas/nyid la thim par mdzad do// A+oM sarba ta thA ga ta kA ya si d+hi saM ha ra na hUM/ zhes khams gsum he ru ka nyid sku gcig gis gang bar mdzad do// A+oM sarba ta thA ga ta bA' ka si d+hi saM ha ra na hUM/ zhes pas khams gsum gsung gcig gis gang bar mdzad do// A+oM sarba ta thA ga ta tsit+ta si d+hi sang ha rat+na hUM zhes pas/ khams gsum he ru ka nyid sku gcig gi sku gsung thugs las/ gzhan cang mi gnas bar mdzad de/ yang bag chags ngan pa'i mthu langs nas/rang rang gi lus grub ste las ngan pa spyad pa las/ de nas he ru kas hUM hUM hUM bi sha badzra kro d+ha dza la man Da la phaT phaT phaT/ ha la ha la ha la hUM/ zhes brjod pa las/ 'jig rten drug gi phyogs bcu kun g.yogs so// 'ur chem gyi sgra phyung ngo// rab tu zhu nas rdul gtor bas/ lha klu gnod sbyin gyi rigs/ mthu che ba dbang phyug chen po la sogs pa brgyal du yang nas yang bcug nas/ bkrag dang/ gzim mdangs dang/ shes pa'i bcud bsdus nas/ shes pa nyams pa thams cad byas so// rdo rje gsang ba las kyi rgyud las/ drag po dbang sdud kyi le'u ste drug pa'o//// de nas snying po bzlas brjod kyi le'u 'du gsungs so// rdo rje 'dzin pas glu drug po 'di blangs pas/ chos kyi dbyings na bzhugs pa'i sangs rgyas dang/ khams gsum na gnas pa'i sems can thams cad kyi don lhun gyis grub par bya ba'i phyir/sangs rgyas thams cad kyi bdag po dpal chen po nyid kyi don gyi sgra 'di brjod do// oM badzra shrI he ru ka badzra mahA kro d+hi shwa ri sa ma ya s+t+waM/ oM ru lu ru lu hUM b+h+yo hUM/ zhes gsungs so// gsungs pas don gyi sgra'i rgyas btab nas/thams cad bde ba la gnas so// de nas sku gsung thugs yon tan 'phrin las kyi sprul pa he ru ka lnga phyung ste/ don gyi sgra phyung ba dang che ba bskyed pa/ A+oM badzra shrI he ru ka hUM/badzra kro d+hi shwa ri s+t+waM/ oM ru lu ru lu hUM b+h+yo hUM/ A+oM bud+d+ha shrI he ru ka hUM/ bud+d+ha ko d+hi shwa ri s+t+wam/ A+oM ru lu ru lu hUM b+h+yo hUM/ A+oM rat+na shri he ru ka hUM phaT/ rat+na kro d+hi shwa ri s+t+wam/ A+oM ru lu ru lu hUM b+h+yo hUM/ A+oM pad+ma shri he ru ka hUM/pad+ma kro d+hi shwa ri s+t+wam/ A+oM ru lu ru lu hUM b+h+yo hUM/ karma shri he ru ka hUM/ karma kro d+hi shwa ri hUM/ A+oM ru lu ru lu hUM b+h+yo hUM/ zhes che ba bskyed cing don gyi sgra phyung nas/ rnam par smin pa gsum dang/ 'gro ba rigs drug gi sems can gnas nas stongs par byas nas/thugs gsang ba'i dbyings su bsdus/ ye shes kyi sras su bskyed/ 'phags pa yang mchod don yang byas/ sangs rgyas thams cad kyi sku gsung thugs kyi dngos grub thabs cad bsdus so// de nas sku gsung thugs kyi yan lag khro mo dang/ 'phra men dang/ sgo ma dang 'phrin las kyi lha phyung ste/ A+oM badzra ke'u ri ha/ A+oM badzra tsa'u ri ha/ A+oM badzra pra mo ha/ A+oM badzra be ta li ha/ A+oM badzra pu ka si ha/A+oM badzra g+has ma ri ha/ A+oM badzra sma sha ni ha/ A+oM badzra tsan+Ta li ha/ A+oM badzra sing ha mu kha he/ A+oM badzra bya g+h+ri mu kha he/ A+oM badzra sri la mu kha he/ A+oM badzra shwa na mu kha he/ oM badzra kri ta mu kha he/ A+oM badzra kang ka mu kha he/A+oM badzra ka ka mu kha he/ A+oM badzra hu ka lu mu kha he/ A+oM badzra ar+ya de tsa te da tsa phaT/ A+oM badzra a mo ka hUM phaT/ A+oM badzra lo ka paM phaT/ A+oM badzra pa smin pa la yab to ho phaT/ A+oM ma nu ra sha si/ A+oM pra ma ni/ A+oM ro'u tri/A+oM be sna bi/ kau ma ri/ in tra ma/ badzra bing ka lam/ a mri te/ so'u ma/ da Na Da ma/ rag sha si/ bag sha se/ ra ti ra/ ru ti ra ma ti/ e ka tsa ra/ ma nu ha raM/ si hi ka raM/ ba yaM be/ badzra ma ra ni/ badzra ag ne/ b+ha ra hi/ badzra tsa mun ti/ pu tan/ ba ru na/ mahA kA la/ tsa kra li/ gum pa ka ra/ lam bo d+ha ra b+h+yo/ A+oM ru lu ru lu hUM b+h+yo hUM/ zhes don gyi sgra phyung nas/ rnam par smin pa gsum dang/ 'gro ba rigs drug gi sems can gnas nas stongs par byas nas/thugs gsang ba'i dbyings su bsdus/ ye shes kyi sras su bskyed/ 'phags pa mchod/ don yang byas nas/ dngos grub thams cad bsdus so// rdo rje gsang ba las kyi rgyud las/snying po bzlas brjod kyi le'u ste bdun pa'o//// de nas bcom ldan 'das sangs rgyas thams cad kyi bdag po des/ gsung sgra don gyi le'u 'di bstan to// kye kun gyi snying po byang chub sems ni kun gyi rgyu// nga ni kun gyi rang bzhin te// byang chub sems ni rang bzhin bshad// bya ba ye nas skye ba med// spros dang bral ba'i rang bzhin te// chos sku ma skyes rnam par byang// chub pa kun la khyab par byed// 'dod pa'i longs spyod rdzogs pa'i phyir// skye ba med la thams cad skyes// sems ni kun gyi snying po ste// 'dod pa thams cad sems pa'i phyir// de phyir bskyed pa'i snying po byed// gang 'dod sems ni de bskyed pa// byang chub sems kyi rang bzhin no// skye med 'dod pas de bzhin nyid// rnam dag chos kyi skur 'dod pa'o// skye bar 'dod pa kun tu snang// longs spyod rdzogs pa'i rang bzhin no// sems de skyes pa'i snying po ni// ma skyes snying po a de rgyu// kun tu sprul byed yi ge'i tshogs// a rni su tri pri du tshogs// 'gro ba drug tu snang ba yang// kun tu sprul byed chos nyid do// ma skyes a ni rdo rje ste// rdo rje ye nas kun tu bzang// da ni kun gyi snying por bshad// yan lag lnga ni sangs rgyas lnga// rnam dbang yul dus chos mtshan nyid// byang chub sangs rgyas dkyil 'khor bshad// sangs rgyas dkyil 'khor tshogs rnams kyis// dus gsum sangs rgyas thams cad kyis// che ba'i yon tan rdzogs byas te// gsung sgra gsang ba'i snying brjod pas// don gyi dbyangs sgra drug tu grags// A+oM ru lu ru lu hUM b+h+yo hUM/ A+oM dang ru dang lu dang ni// hUM dang b+h+yo dang hUM ste drug/ gsang ba'i snying po 'di brjod pas// dug gsum rnam smin ru tra dang// khams gsum rgyud drug nyon mongs rnams// gzigs pa'i thugs rje chen po yis// bla med byang chub thob bya'i phyir// gsang ba'i snying po 'di brjod do// dper na dbang chen rje de yis// yang bran khol du bos pa bzhin// spyan sngar mi 'du thabs med 'dus// dbyings su bsdus nas sras bskyed spros// mchod cing 'dod pa bsdu bar mdzad// de don 'bru 'di bshad bya nyon// chos sku ye nas skye ba med// ma skyes pa yi snying po a// skye ba'i cho 'phrul yon tan A+oM// yan lag rdzogs pas A+oM du snang// A+oM ni sku yi snying po ste// bde gshegs sku yi snying por bshad// sku ni phyag rgya bzhi ldan sku// ru ni ru tra'i snying po ste// ra tra ru tra ma ra tra// ra ga ra ta rag sha ste// dug gsum rnam par smin pa ste// ru tra gsum gyi snying por bshad// lus ni 'khor ba phyin ci log/ dug lnga smin pa'i rgyud drug ste// rgyud drug spyi yi snying por bshad// hUM ni sdud pa'i snying po ste// dbyings su bsdus nas sbyor ba yis// ye shes sems dpa'i sras su bskyed// b+h+yo ni bskul ba'i snying po ste// 'phags pa mchod cing 'gro don byed// hUM ni sdud pa'i snying po ste// 'dod pa sku gsung dngos grub sdud// de don 'dod ltar rim par gyis// badzra he ru kas 'di brjod pas// gsang ba A+oM gyi snying po la// rang rgyud dag pa'i bsnyen pa ste// badzra phyag rgya bzhi ldan gsal// gsang ba ru yi snying po yis// ru tra rnam gsum snying nas 'dren// gsang ba lu yi snying po yis// 'khor ba rgyud drug thugs rjes 'dren// rang rgyud dag pa'i thugs rje yis// dmyal ba'i 'jig rten stongs par mdzad// tsha grang sdug bsngal gtan sa len// yang nas yang di lan gnyis so// hUM gis gsang ba'i dbyings bsdus nas// gnyis med sbyor bas sras su bskyed// b+h+yo ni bskul ba'i snying po ste// gzugs bzhi gzugs de spros byas la// spros med dbyings kyi pho brang na// sangs rgyas nam mkha'i khams gang mchod// hUM gis slar bsdus dngos grub de// sku gsung yon tan 'phrin las thugs// phyag rgya bzhi ldan gnas su sdud// bdag dang gzhan don rnam pa gnyis// lhun grub mthar phyin grub pa ste// thugs rje 'gro don mdzad las byung// bdag nyid lhun grub don mi gnyer// rgyal ba'i rigs chen he ru ka lngas// gsang ba'i snying po A+oM brjod pas// rang rgyud dag pa'i gnyen po lnga// phyag rgya bzhi dang ldan gyur nas// dregs pa rnam gsum 'dul ba dang// rang rgyud dag pa'i 'dul skal gyis// rgyud drug stongs mdzad gong ma bzhin// dus gsum sangs rgyas thams cad kyis// 'phrin las lhag ma med par lags// 'khor ba rgyud drug gnas stongs nas// bla med byang chub sangs rgyas mnyam// zhes gsungs/ rdo rje gsang ba las kyi rgyud las/ ru lu don gyi le'u ste brgyad pa'o//// de nas kun bzang dges pa des// glu drug dbyangs kyi don bshad pa// 'go ru dbyangs dang kun de'u dbyangs// sha ta ba dang gar bzang ba// breng nge dbyangs dang dung nge dbyangs// 'go ru dang po sgra chen sgrogs// kun de'i bar du 'gug par byed// sha tas don gyi snying po 'dzin// gar zas de yi las byed la// breng nges bar chad med pa'am// dung nges dga' dang 'gugs par byed// A+oM gyi snying po dbyangs blangs pas// dkyil 'khor phyag brgya bzhi ldan gsal// ru yi snying po dbyangs blangs pas// ma DaM ka dang kha T+waM kha// a ka ra dang rnam pa gsum// dug gsum lus ngag yid gsum gyis// khams gsum ru tra rnam gsum 'dul// lu yi snying po dbyangs blangs pas// rgyud drug spyi yi snying po ste// dug lnga smin pa lam lnga nas// 'khor ba rgyud drug gnas nas 'dren// thugs rje'i rang bzhin yang dang yang// hUM zhes gsang ba'i dbyangs 'di yis// gdul bya yang dag dbyings su sdud// bskul ba b+h+yo yi dbyangs 'di yis// dbyings nas ye shes de yis ni// 'phags mchod 'gro ba'i don yang byas// hUM zhes bsdud pa'i dbyangs de yis// gang 'dod don de grub par byed// rigs zhes bya ba'i nges pa ni// sku gsung yon tan 'phrin las thugs// nga yi rang bzhin bstan pa yin// 'di las ma gtogs pa yis chos// nga yis su la bstan pa med// nga las ma byung chos yod na// nga men pa yi ston pa dgos// nga las byung ba'i rigs chen lnga// don grub ldan pa'i dbyangs blangs pas// 'jig rten drug ni stongs par mdzad// sdug bsngal drug ni gtan nas brlags// rigs chen lnga yi rigs su 'gyur// sku gsung thugs dang yon tan las// rigs chen lnga dang mnyam par 'gyur// zhes gsungs so// rdo rje gsang ba las kyi rgyud las/ dpal he ru ka dbyangs drug gis/ ru tra dang rgyud drug rigs lngar bsgral ba'i le'u ste dgu pa'o//// de nas kun tu bzang po des bdag nyid chen po'i dkyil 'khor 'di phyung nas/ sangs rgyas dang sems can thams cad nyid kyi bcud bsdus so// bdag ni sangs rgyas thams cad kyi// bdag po dpal chen he ru ka/ bdag la gnas pa'i chos rnams ni// ye nas rang byung grub pa'i lha// bdag gi phung po rnam lnga ni// ye nas rang byung bcom ldan 'das// rigs lnga he ru sku lnga gsal// 'byung ba rnam shes yul dus rnams// 'khor gyi dkyil 'khor byas nas ni// phyag rgya bzhi dang ldan pa yis// sangs rgyas phal chen thams cad kyi// lhun grub che ba rnam lnga'o// sangs rgyas lnga yi bdag nyid kyis// ji ltar snang ba'i chos rnams dang// khams gsum rgyud drug thams cad kun// bla med byang chub drang ba'i phyir// dbyangs drug gsung sgra brjod don ni// tshangs pa la sogs phyogs skyong tshogs// pha dang ma dang chung ma dang// bu dang bu mo ming por bcas// sngon byung bdag nyid chen po'i// bka'i nos 'khrul te nyams pa yis// lha mi 'jig rten kun phyung ba// gong du smos pa de ltar dang// bar du khro mo la sogs pa'i// srin po'i tshogs kyi phung ba ni// phyogs skyong rnams kyi bu mo ste// srin mo dri 'thor bu mo ni// srin mo ke'u ri ma zhes bya// sngon mo zhing gi dbyug pa thogs// des kyang 'jig rten phung bar byed// srin po gshin rje'i bu mo ni// srin mo rtse'u ri ma zhes bya// ser mo mda' gzhu kun la 'phen// des kyang 'jig rten phung bar byed// srin mo blun mo'i bu mo ni// srin mo pra mo ha zhes bya// dmar mo mdung rtse gsum pa thogs// des kyang 'jig rten phung bar byed// srin mo gnod sbyin bu mo ni// srin mo pe ta li zhes bya// nag mo rdo rje byis pa za// des kyang 'jig rten phung bar byed// srin mo me za'i bu mo ni// srin mo pu ka si zhes bya// dmar ser byis pa'i rgyu ma 'dren// des kyang 'jig rten phung bar byed// srin mo chen mo'i bu mo ni// srin mo kas ma ri zhes bya// dmar mo b+han d+ha'i khrag 'thung ma// des kyang 'jig rten phung bar byed// srin mo rlung mo'i bu mo ni// srin mo sma sha ni zhes bya// mthing nag byis pa'i snying za ma// des kyang 'jig rten phung bar byed// srin mo bgegs chen bu mo ni// srin mo tsaN+Da li zhes bya// ser skya'i mgo dang lus su 'brel// des kyang 'jig rten phung bar byed// dri za gshin rje klu mo dang// mnod sbyin chen mo la sogs pas// seng ge stag dang wa spyang bzhi// 'jigs byed dpal brtul stsal mthong nas// 'jigs ma bzhi'i bu byung ba// srin mo lus la 'jigs byed mgo/ ming ni 'jigs byed ming btags te// sing nga dang ni bya kri dang// sri la sho la rnam pa bzhi// srin mo bu mo sing nga ma// ser mo kha na ro yang thogs// des kyang 'jig rten phung bar byed// srin mo bu mo bya kri ma// dmar mo lus kyi khog pa 'dral// des kyang 'jig rten phung bar byed// srin mo bu mo sri la ma// nag mo bam chen ldag par byed// des kyang 'jig rte phung bar byed// srin mo bu mo sho na ma// mthing nag khog 'dral sha chen za// des kyang 'jig rten phung bar byed// me rlung 'tshams kyi srin mo bzhi// mgyogs par byed pa'i stsal 'dod nas// rgod dang dur bya bya rog dang// mthong byed 'ug pa la sogs te// mgyogs byed bzhi yi bu byung ba// srin mo bu mo kri ta ma// dmar mo baM gri thogs pa mo// des kyang 'jig rten phung bar byed// srin mo bu mo kang ka ma// snar mo zhing chen phrag la khur// des kyang 'jig rten phung bar byed// srin mo bu mo kha kha ma// nag mo rgyu ma 'dren par byed// des kyang 'jig rten phung ba byed// srin mo bu mo hU lu ma// ser mo glo snying srog 'dzin ma// des kyang 'jig rten phung bar byed// srin mo bum sna'i bu mo ni// rta yi gdong pa lcags kyu thogs// des kyang 'jig rten phung bar byed// srin mo rnam 'joms bu mo ni// phag gi gdong pa zhags pa thogs// des kyang 'jig rten phung bar byed// srin mo sha za'i bu mo ni// spre'u'i gdong pa lcags sgrog thogs// des kyang 'jig rten phung bar byed// srin mo 'bod 'grogs bu mo ni// spyang khu'i gdongs pa dril bu thogs// des kyang 'jig rten phung par byed// 'jig rten 'di na dbang che ba// ma rtogs gnod sbyin nyi shu brgyad// srin po tshangs pa lha chen dang// gtogs 'dod la sogs chung ma ni// dbang phyug nyi shu rtsa brgyad de// lus kyi mdog dang sna tshogs la// lag cha rnam pa sna tshogs thogs// ma rtog pa las grub pa yi// mthu che 'di rnams ma rigs 'jig rten phung bar byed// de kun bdag po chen po yi// ma hA de ba lha chen dang// srin po tshangs pa la sogs pa// ston pa'i zhal mthong don ma rig/ de dag yongs su 'dul ba'i phyir// skye med skye ba'i cho 'phrul ni// dpal chen he rur skur sprul nas// dbang chen rnams ni drag shul btul// rmad du byung ba'i mdzad sbyor kyis// thams cad byin gyis brlabs nas ni// rigs kyi gdan du bkod de bzhag/ de nas thugs rje bdag po des// rang las byung ba'i chos rnams ni// phung po rigs lnga'i skur bskyed nas// lha chen rnams kyi gdan la bzhag/ 'byung lnga yum du sku la 'khril// rnam shes brgyad la khro mo brgyad// yul brgyad las ni 'phra med brgyad// tshad med bzhi la khro mo bzhi// 'phrin las rnam pa bzhi las ni// dbang phyug nyi shu rtsa brgyad byung// mthun pa'i mthun pa gzhom pa'i phyir// lus dang mdog dang lag cha dang// ming dang las rnams mthun byas nas// lha mo ke ri brgyad kyis ni// srin mo ke ri brgyad rnams btul// lha mo 'phra med brgyan kyis ni// srin mo 'phra med brgyan rnams btul// lha mo sgo ma bzhi rnams kyis// srin mo sgo ma bzhi rnams btul// lha mo dbang phyug nyi shu rtsa brgyad kyis// srin mo chen mo nyi shu rtsa brgyad btul// de yang ji ltar btul zhe na// ming lus las rnams mthun byas nas// srin mo tshogs byas de dag la// lha mo rnams kyis smras pa'i tshig/kye srin mo grogs mo'i tshogs// lus kyi mdog ni ci yi don// brgyab cing za ba ci yi don// ces smras so// srin mo rnams kyis smras pa'i tshig/ grogs mo chen mo lha mo rnams// lus mdog pha dang ma yis bskyed// lag cha brgyab cing za ba'i don// pha dang ma yis bskos pa yin// zhes smras so// lha mo rnams kyis smras pa'i tshig/ ltung ba'i sdug bsngal lha la che// 'gyur ba'i sdug bsngal mi la che// las ngan sdug bsngal ngan song gsum la che// zhes smras pa dang/ srin mo rnams kyis smras pa'i tshig/ lha mo chen mo grogs mo dag/ khyed kyi lus mdog ci yi don// brgyab cing za ba ci yi don// de skad ces ni smras pa las// lha mo rnams kyis smras pa'i tshig/ bdag gi sku mdog nag pa ni// bdag ni sangs rgyas thams cad kyi// bdag po dpal chen he ru ka'i// thugs ni mi 'gyur rtags su byung// lag cha 'khor ba'i nying thos 'joms pa'i rtags// lha mo rnams kyis de smras so// de ru srin mo'i tshogs rnams kun// bdag cag rnams kyang bka' la 'jug/ ces zer bas/ lha mo rnams kyis smras pa'i tshig/ 'o na khyod kyi snying po gang// zhes smras pa dang/ srin po rnams kyis snying po smras pa/ ru tra ru tra ma ra ta/ bdag cag kun gyi snying po ni// ru ru ru tra zhes bya ba lags// de skad ces smras pas lha mo rnams// dpal chen thugs la zhugs pa ni// ru lu zhes brjod cing// dpal chen thugs la kun kyang zhugs// de nas 'khor bcas dkyil 'khor des// dus gsum sangs rgyas lhun grub kyis// che ba'i yon tan bsdu pa'i phyir// gnas bzhi phyag brgya bzhi ldan gyis// bsnyen bsgrub rnam bzhi rdzogs byas te// nyid kyi don du che ba bsdu// 'gro ba'i don du snying po bzlas// A+oM ru lu ru lu hUM b+h+yo hUM/ zhes rdo rje gsang ba'i rgyud las/ gsung gi khams gsum sgrol ba'i le'u ste bcu pa'o/

CLOSE WINDOW