133a2 / klu mgon bdud mgon gnyis la gtad do rgya/ kha tham/ a tham/ rgya rgya//// oD+yan skad du/ ma hA ka rU tsi t+ya b+he ru dz+nyA na pra dz+nyA sa gu h+ya tan+t+ra nA ma/ bod skad
133a3 du/thugs rje chen po thams cad kyi yang snying 'dus pa ye shes rig pa mchog gi gsang rgyud ces bya ba// thugs rje chen po spyan ras gzigs chos kyi dbang phyug 'jig rten 'dren pa la phyag 'tshal lo// 'di skad
133a4 bdag gis thos pa'i dus gcig na/nub bde ba can gyi zhing khams su// sangs rgyas bcom ldan 'das snang ba tha' yas 'od dpag tu med pa'i klong na/ 'gro ba 'dul ba'i ting nge 'dzin la bzhugs te/ sku'i
133a5 'od zer sna lnga las thugs rje chen po rigs lnga sprul/gsung gi 'od zer drug las thub pa chen po drug tu sprul/ thugs kyi 'od zer dpag tu med pa las thugs rje chen po spyan ras zigs yab yum sras bcas
133a6 'khor sangs rgyas stong rtsa gnyis dang bcas pa sprul te 'gro ba 'dul ba'i 'khor du bkod do// yang spyi gtsug nas rigs mi 'gyur ba'i thugs rje chen po dmar po phyung nas 'jig rten 'dren par dbang bskur ro/
133b1 mgrin pa nas pad+ma 'byung gnas sprul nas pad+ma'i rigs 'dzin du dbang bskur ro// thugs kha nas dpal rta mchog sprul nas snang srid thams cad dbang du bsdus so// shangs rtse nas rdo rje chos sprul nas zhu ba
133b2 por bzhag go/lte ba nas yum gos dkar mo gar gyi dbang mo sprul nas pad+ma'i rigs kyi 'khor ji snyed bdus nas/ kun kyang 'dod yon lnga'i longs spyod chos nyid la chos nyid thim par rol cing/ sprul pa dang
133b3 yang sprul gsum sprul du mas nam mkha' khyab par yang mdzad de 'gro ba sgrol ba la brtson bar 'khod do// de'i tshe rdo rje chos la sogs pa pad+ma'i rigs mgrin gcig tu bsdebs nas// bcom ldan 'das la 'di
133b4 skad ces gsol to// kye kye kye/ mgon po bcom ldan thugs rje'i bdag/ chos kyi dbang phyug bde ba'i mchog/ 'gro kun thugs rjes drang ba'i phyir// snying po'i rgyu don bka' stsol cig/ ces gsol ba dang/
133b5 bcom ldan 'das kyi 'di skad ces bka' stsal to// legs so legs so rdo rje chos// pad+ma'i rig 'dus 'khor rnams nyon// sangs rgyas kun gyi snying po'i gtso// thugs rje bstan pa'i rgyud don bshad// sngon
133b6 'gro bzhi la dngos gzhi lam/mthar thug la bzla 'jug sgo dbang// 'gro 'dul las tshogs gnyer gtad lung// shes rab mi ldan rnams kyis zung// zhes bka' stsal to// thugs rje chen po thams cad kyi
134a1 yang snying 'dus pa ye shes rig pa mchog gi gsang rgyud las/gleng gzhi'i le'u ste dang po'o//// de nas yang bcom ldan 'das la/ 'dus pa'i 'khor rnams kyi gsol ba// kye ho ston pa
134a2 bcom ldan 'das// rgyud don bsgrub pa'i sngon 'gro gang// 'gro kun ngan song gnas bsgrub phyir// bdag cag 'khor la bka' stsol cig ces gsol pas// bcom ldan 'das kyis bka' stsal pa// nyon cig
134a3 rigs dus sprul pa'i 'khor// rgyud don bsgrub pa sngon 'gro yi// chos la bdun te skyabs 'gro dang// sems bskyed tshad med bzhi bsgom zhing// yan lag bcu yis tshogs chen bsag/ thog mar skyabs su 'gro
134a4 ba yang// yul sam dus chog bslab bya ste// skyabs yul dkon mchog rtsa ba gsum// bsam pas 'gro kun byang chub phyir// dus 'tshams bla med ma thob bar// cho ga mtshan brjod skyabs 'gro zhing// bslab phya
134a5 yul la re ltos bca'// de nas sems bskyed rim pa yang// smon 'jug don dam bslab bya ste// smaun pas 'gro kun bsgral slad du/ 'jug pa sgo gsum bsgrub la 'bad// don dam dmigs med spros bral
134a6 bsgom// bslab pa gzhan gces 'gro don spyad// de nas tshad med bsgom pa yang// snying rje byams dga' btang snyoms te// snying rje tshad med kun la snyoms// byams pa tshad med skyob blo btan// dga' ba tshad
134b1 med gzhan don spros// gtang snyoms tshad med phyogs ris med// de nas tshog bsags rim pa yang// dkon mchog rtsa ba gsum spyan drang// gdan bsham phyag btsal mchod tshogs dbul// sdig bshag yi rang
134b2 chos 'khor bskul// gsol 'debs bsngo ba smon lam gdab// 'di rnams bsgrub pa'i sngon 'gro te// chos rnams kun gyi gzhi yin no// zhes bka' stsal to// thugs rje chen po thamasacad kyi yang snying 'dus pa
134b3 ye shes rig pa mchog gi gsang rgyud las/bsgrub pa'i sngon 'gro gsang sngags gzhi'i le'u ste gnyis pa'o//// de nas bcom ldan 'das la/ 'du?s pa'i 'khor gyis gsol pa/ kye kye ston pa bcom
134b4 ldan 'das// rgyud don bsgrub pa'i dngos gzhi gang// rgyud drug gnas su sbyang ba'i phyir// bdag cag 'khor la bka' stsol cig/ ces gsol pa dang// bcom ldan 'das kyis bka' stsal pa// nyon cig rigs
134b5 'dus sprul pa'i 'khor// rgyud don bsgrub pa'i dngos gzhi yi// chos la bdun te rten gnas dang// brten pa'i lha bskyed gsang sngags bzlas// ting 'dzin mchod bstod rdzogs rim ste// dang po gnas bskyed
134b6 rim pa ni// de nyid kun snang rgyu las bskyed// a ye nas ma skyes stong gsal ngang// kun snang byang chub sems sprin las// rang byung rig pa hri dkar gsal// hri las b+h+ruM 'phros gzhal yas khang// lte dbus
135a1 pad+ma'i snying po zlum// 'dab drug mu khyud pad stong ldan// gru chad bar khyams sgo khyud rdzogs// mnyam yangs 'od kyi khang pa gsal// de na lha bskyed rim pa ni/ sku gsung thugs lha yang sprul
135a2 te// dal dbus rang rig hri 'od 'bar// rnam smin las bsregs hri de nyid// nyi zla pad steng thugs rje'i sku// zhal gcig phyag gnyis sku mdog dmar// phyag g.yas pad 'phreng thugs kar 'dren// phyag g.yon
135a3 pad stengs bdud rtsi bum// rat+na'i rgyan rdzogs zhabs skyil krung// rang 'dra'i yum chen gsang yes ma// lus dang bri ma'i tshul du bskyed// 'ja' ris 'od kyi sku yol mdzes// spyi gtsug rigs bdag 'od dpag
135a4 med// sku dmar zhal gcig phyag gnyis ni// mnyam bzhag phyag rgya bum pa 'dzin// skyil krung nyi zla pad+ma brdzis// mtshan dpe bzang pos spras par bsam// thugs kar rta mgrin dmar po ni// zhal gcig phyag
135a5 gnyis dbu gtsug nas// rta mgo ljang ku rta skad 'tsher// phyag g.yas dbang sdud phyag rgya gdengs// phya g.yon zhags pas 'jig rten 'dren// dur khrod chas ldan zhabs gnyis ni// mi ro'i steng na brkyang bskum
135a6 bzhugs// tsit+ta'i sgau bsrung bar gcod sel// rigs 'dus rang la sprul 'khor kyang// nor 'dzin gsang sngags 'dzin ma sras/ khro bzhi rgyal ba rigs drug dang// thub drug sangs rgyas stong rtsa gnyis// zhing
135b1 skyong gro don mdzad par bskyed// de ltar sku gsung thugs lha rnams// gdos bcas rang rgyud ma yin pas// 'ja' 'am chu zla lta bur bsam// oM aHhUM/ oM AHhUM swAhA/ 'bru gsum sku gsung thugs byin brlabs/
135b2 'bru lngas ye shes lngar dbang bskur// de nas gsang sngags bzlas pa ni// tha mal ngag zhen bzlog pa'i phyir// thugs rje chen po thams cad kyi// yang snying 'dus pa 'di lta ste// oM ma Ni pad+me hUM/ oM a hUM hri/
135b3 oM ma Ni pad+mehUM phaT/ oM ma Ni pad+me hUM hri/ phyi ni srog sbas zhi ba'i tshul// yi ge drug pa rdo rje'i sgra// 'dzab dbyangs rma bya'i mgrin skad ltar// ngang 'jam zos dal khugs par bzlas// nang ltar zab mo sku gsum
135b4 rdzogs// yi ge bcu gcig bdud bzhi 'joms/ 'dzab dbyangs ser 'brug ldir ba ltar// 'ur chen mtha' ru grag par bzlas// gsang ba yang snying srog mtha' can// bde gshegs yang snying yi ge
135b5 bdun// 'jam dbyangs tshangs pa lha yi gsung// rgyun ring gsal dag mthing bar bzlas// de nas ting 'dzin 'dzab dgongs ni// phyi nang gsang ba'i 'phro 'du ste// lha gsum thugs khar zla ba'i steng// hri
135b6 mtha' yig drug gsal bkod de// phyi ni gsang drug dngos grub sdud// de yi 'dzab dgongs ting 'dzin 'di'o// bdag nyid rtsa ba'i thugs kha nas// sngags 'phreng 'od zer dkar por 'phros// bde gsheg kun
136a1 gyi sku la phog/sku mchog mnyes nas sku'i dngos grub// bdag la 'dus shing 'od zer des/ khams gsum sems can lus sgrib sbyang// sems can lus kun dbang 'dus bsam// oM ma Ni pad+me
136a2 hUM/oM ma Ni pad+me hUM/ spyi gtsug mtha' yas thugs kha nas// sngagasa' phreng 'od zer dmar por 'phraus// bde gshegs kun gyi gsung la phog/ gsung mnyes gsung gi dngos grub bsdus/ khams gsum
136a3 sems can ngag sgrib sbyangs// sems can ngag kun dbang 'dus bsam// oM ma Ni pad+me hUM/ rta mgrin thugs kha'i sngags 'phreng las// 'od zer mthing ka rab spros bas// bde gshegs kun gyi thugs la
136a4 phog/thugs mchod mnyes nas thugs dngos grub// bdag la 'dus shing 'od zer des/ khams gsum sems can yid sgrib byang// sems can kun yid dbang 'dus bsam// oM ma Ni pad+me hUM// nang ni dregs
136a5 pa tshar gcod 'dul// de yi 'dzab dgongs ting 'dzin 'di'o// bdag nyid lha gsum thugs kha yi/ sngags 'phreng khro chung mtshon thogs shing// zhal nas phaT sgrogs tsha tsha 'khrug/ stong gsum bkang nas log
136a6 lta'i tshogs// gang dag zhi bas mi 'dul ba'i// bdud dang dgra bgegs brdung tshar bcad// bka' sdaud bran khol byas par bsam// kun kyang tshar chod the tshom med// oM AHhUM hri// oM ma Ni pad+me hUM
136b1 phaT// gsang ba don gyi bzlas pa yis// nyams rtogs spor ba'i ting 'dzin 'di'o// de ltar sku gsum lha tshogs kyang// bdag nyid thugs rje chen po la// 'dus te rnam pa yongs kyis med// gnyis med don gyi
136b2 lhar gsal bas// rngub pa'i rlung la oM dang ma// gnas pa'i rlung la Ni dang pad// 'byin pa'i rlungs la me hUM hri// ye nas rang byung rang la rdzogs// de don shes bya rlung gis bzlas// nyams rtogs ye shes
136b3 'bar bar 'gyur// oM ma Ni pad+me hUM hri// skabs su tshangs pa'i mgrin dbyangs kyis// ye shes rig pa'i gsal 'dis gdab// hri// snang ba thugs rje chen po'i sku// gzung 'dzin bral ba'i sems la ltos// snang
136b4 ba thams cad rang snang yin// ye shes rig pa ngo mtshar che// oM ma Ni pad+me hUM hri/ hri sgrar grag thugs rje chen po'i gsung/ tshig dang bral ba'i don la ltos// grag pa thams cad rang grag yin/ ye shes rig pa ngo
136b5 mtshar che// oM ma Ni pad+me hUM hri/ hri rtog tshogs thugs rje chen po'i thugs// ye shes zang thal ngang la zhog/ grol ba thams cad rang grol yin/ ye shes rig pa ngo mtshar che// oM ma Ni pad+me hUM hri/ hri rang nyid lha dang
136b6 gnyis su med// gnyis 'dzin bral ba'i ngang la ltos// lta byed rtog pa rang sar grol// bltas pas thugs rje chen mi mthong// ma bltas bzhag pas lha dang mjal// ma bsgrubs gnas pas sangs rgyas
137a1 'grub// grub pa med do cir mi dgongs// rang byung thugs rje chen po yin// rang snang snang ba mtha' yas yin// rang gsal rta mgrin rgyal po yin// rang grol gsang ba ye shes yum// ye nas ma
137a2 skyes thub pa drug/rang bzhin brjod med sangs rgyas stong// thabs cad dbyer med chos kyi sku// ma 'gag rang gsal longs spyod rdzogs// sna tshogs 'dzin grol sprul pa'i sku// ye shes rig pa ngo mtshar
137a3 che// oM ma Ni pad+me hUM hri/ de nas mchod pa'i rim pa ni// phyi nang gsang ba mchod rdzas bsham// yid sprul mchod sprin kha bkang nas// 'di skad mchod cig bsngo bar gyis/ hri/ kun 'byung nam kha'i klong yangs
137a4 nas/bdug spos me tog mar me dri// bshos gtsang sil snyan rol mo dang// gzugs sgra dri ro reg bya chos// rang byung rnam dag bdud rtsi dang// 'dzin chags bral ba'i gtor ma dang/ rigs drug bsgral ba'i
137a5 rak+ta dang/gnyis med sbyaur ba'i byang chub sems// kun bzang mchod sprin mchog tu rol// mchod pa'i phyag rgya chen po ni// sems kyi yid bzhin mchod sprin gyi// phyogs bcu nam mkha'i khams bkang nas// bla
137a6 ma dkon mchog yi dam lha// bdag nyid chen po'i lha tshogs chod// gnyis med dgyes pas tshim gyur la// sku gsung thugs kyi dngos grub stsol// de nas dgyes bstod bya ba ni// hri/ bde gshegs rgyal pa 'dus
137b1 pa'i sku// thugs rje chen po spyan ras gzigs// zhal gcig rang byung ye shes sku// phyag gnyis thabs shes 'gro ba 'dul// sku dmar 'khor 'das ye shes dbang// rin chen rgyan 'phreng chos nyid rol// phyag
137b2 g.yas pad 'phreng 'khor ba 'dren// phyag g.yon bdud rtsi dug lnga 'joms// zhabs gnyis skyil krung rdzogs sangs rgyas// gsang yais yum 'khyud chos dbyings spyor// nyi zla pad gdan dug gsum dag/ 'od
137b3 lnga'i rgyab yol sku lngar rdzogs// ye nas rang byung thugs rje'i sku// 'jig rten mgon la phyag 'tshal bstod// hri dus gsum rgyal ba 'dus pa'i gsung// 'gro ba'i mgon po tshe dpag med// mtha' bral theg
137b4 le'i zhal gcig mdzes// 'khor 'das mnyam bzhag phyag rgya can// spros bral ye shes bum pa 'dzin// bde gsal mi rtog mnyam pa'i steng// chos sku mi 'gyur skyil krung bzhugs// chos nyid rol pa'i mtshan
137b5 dpe rdzogs// 'dren pa'i gtso la phyag 'tshal bstod// hri phyogs bcu sangs rgyas 'dus pa'i thugs// snang srid dbang sdud rta mchog dpal// zang thal zhal gci kun tu zang// rta gdong sa lam dus gcig
137b6 gcod// 'khor 'das zil gnon rta skad bsgrags// phyag g.yas thabs kyi srid dbang sgyur// phyag g.yon shes rab 'gro kun 'dren// dur khrod chas kyi log lta 'joms// brkyang bskum zhabs gnyis bdud
138a1 bzhi 'dul// ro gdan chos sku lhun gyis grub// thugs rje dpal la phyag 'tshal bstod// hri rig 'dus rang la sprul 'khor rnams// 'gro 'dul cha lugs cir yang ston// sku gsung thugs yon
138a2 'phrin las bdag/bdud bzh-i 'joms la phyag 'tshal bstod// de nas rdzogs pa'i rim pa ni/ lha nyid sems su shes bya ste// bsgom bya'i lha sems sgrub byed kyi// mkhan po bdag kyang sems nyid de//
138a3 lha dang lha min 'byed pa sems// de ltar sems kyi rang bzhin stong// ngo bo mtshan nyid thams cad stong// de yang tha dad ma yin te// snang stong gnyis 'dzin blo las 'das// gnyis med gnyis su med par ston// stong
138a4 gsal spros med chos kyi sku// bde chen thig le gcig tu rdzogs// zhes bka' stsal to// thugs rje chen po thams cad kyi yang snying 'dus pa ye shes rig pa mchog gi rgyud las// rgyud don bsgrub pa dgos gzhi'i
138a5 gsangs sngags lam gyi le'u ste gsum pa'o//// de nas yang bcom ldan 'das la/ 'dus pa'i 'khor rnams kyis gsol pa/ kye ho ston pa bcom ldan 'das// rgyud don grub mtha' la bzla gang// 'khor
138a6 ba dong nas sprug pa'i phyir// bdag cag 'khor la bka' stsol cig/ ces gsol ba dang// bcom ldan 'das kyis bka' stsal pa// nyon cig rigs 'dus sprul pa'i 'khor// rgyud don grub mtha' 'bras bu
138b1 yi// chos la bdun te lta sgom dang// spyod 'bras dbang dam 'phrin las te// thugs rje chen po'i lta ba ni// snang sems ye nas dbyer med cing// mtha' bral rang grol gza' gtad med// ngang gsal ngos
138b2 gzung rnam dag yin// thugs rje chen po'i sgom pa ni// mi rtog gsal stong rang byung gi/ ngang la ma bcos dmigs gtad bral// rtog tshogs chos skur rang grol yin// thugs rje chen po'i spyod pa ni// stong dang
138b3 snying rje dbyer med kyi// nga la rtsol med blang dor bral// ma byas 'gro don lhun grub yin// thugs rje chen po'i 'bras bu ni// re dogs btsal med rang gnas sems// skye 'gag gnyis med chos kyi
138b4 sku// lhun grub 'gyur med thag chod yin// thugs rje chen po'i dbang don ni// thams cad ye sangs rgyas pa'i dbang// rtogs shing rang dbang rang gis sgyur// bskur thob rtsol bral bde chen yin// thugs rje
138b5 chen po'i dam tshig tu// rang sems dri med gsal dag gnas// bdag med srung mtshams nyams grib grol// don las 'da' ba med pa yin// thugs rje'i 'phrin las lhun grub ni// gzung 'dzin dug zhi ye
138b6 shes rgyas// snang srid dbang 'dus 'gro drug bsgral// ma byas don kun lhun grub yin// de ltar chos kun khong chud na/ snang srid gzhi bzhengs 'khor dong sprug/ thugs rje'i mthar thug cir mi dgongs// grub pa
139a1 mthar phyin 'khrul pa med// ces bka' stsal to// thugs rje chen po thams cad kyi yang snying 'dus pa ye shes rig pa mchog gi gsang rgyud las/ grub mtha' la bzla'i le'u ste bzhi
139a2 pa'o//// de nas yang bcom ldan 'das la/ 'dus pa'i 'khor rnams kyi gsol pa/ kye ho ston pa bcom ldan 'das// rgyud don dbang bskur rim pa gang// skal ldan rjes su gzung ba'i phyir// bdag
139a3 cag 'khor la bka' stsol cig/ces gsol bas/ bcom ldan 'das kyis bka' stsal pa// nyon cig rigs 'dus sprul ba'i 'khor/ skal ldan rjes gzung dbang bskur gyi// chos la bdud te zhal bsham
139a4 zhing// phyi nang gsang dbang don ngo sprad/ 'gro 'dul dbang bskur yon tan brjod// thog mar dal bsham chog khrigs ni// man+Da skyang nul thig rdzogs dbus// lte ba'i phyi rol 'dab drug bri// yi ge bdun
139a5 dgod pad stong bskor// gru chad bar khyams sgo khyud ldan// rin chen tshon lngas yid 'ong bri// lte bar rdzas ldan bum pa dgod// gtor chen mchod tshogs rgyan kun dgram/ lha bskyed mchod bstod bsnyain pa
139a6 dbul// slob bu dal gzhug rjes gnang sbyin// sems bskyed sgo dbye me tog dor/ spyan dbye dal bstan dam tshig bsgrag/ de nas phyi yi dbang bskur te// bdag dang gzhal yas bum pa'i nang// lha bsgom
139b1 sngags 'phreng spro bsdu bya// bum dbang slob ma'i spyi gtsug tu// 'di skad bsrung zhing khrus nas dbyung// hrI/ bum pa spros bral chos kyi sku// bcud 'di longs spyod yi dam lha// sprul sku'i khrus kyi ma rig
139b2 'khrud// lha dbang lus la rdzog gyur cig/ oM ma Ni pad+me hUM hri/ a b+hi Shiny+tsa oM/ de rjes nang gi dbang bskur te// bdag lhar gsal bas slob bu la// bskyed rim phog rjes dgug gzhug bstim// yang snying lung
139b3 dbog bzlas brjod bya/bdud rtsis ngar blud 'di skad brjod// oM ma Ni pad+me hUM hri/ a b+hi Shiny+tsa aM// de nas gsang ba'i dbang bskur te// rang mdun slob bu thal sbyar langs// snying khar zla stengs hri dmar
139b4 po// rnam shes mar me lta bu la// sems gzung rigs bdag spy-i bor bsgom// dri dang rol mo'i sbyor ba brtsam// yang snying dbyangs su drag bzlas pas// bde gsal 'dzin med shugs la 'char// 'khor ba myang
139b5 'das kun gyi gzhi// rang sems rig na 'ching grol med// me long nang gi gzugs brnyan bzhin// sna tshog rang grol rig pa'i dbang// me long bstan la dgongs pa bskyang// oM ma Ni pad+me hUM hrI/ a b+hi Shiny+tsa hUM/
139b6 de rjes dbang don ngo sprad de/ hri/ sems nyid gsal la 'dzin rtog med// me long lta bur rtogs pa na/ dran rtog chos kyi dbyings su nub// zug ngu bral bas bde ba can// de ni gnas mchog rig pa'i
140a1 dbang// sems nyid gsal la 'dzin rtog med// me long lta bur rtogs pa na// sgo gsum tha mal sku gsung thugs// cir mi dgongs pas thugs rje che// de ni lha mchog rig pa'i dbang/
140a2 sems nyid gsal la 'dzin rtog med// me long lta bur rtogs pa na// sgo lnga yul dang gnyis med mchod// de ni tshogs chod rig pa'i dbang// sems nyid gsal la 'dzin rtog med// me long lta bur rtogs pa
140a3 na// 'gro don bya med lhun gyis grub// de ni gzhan don rig pa'i dbang// sems nyid gsal la 'dzin rtog med// me long lta bur rtogs pa na// 'du shes bral bas 'khor ba dag/ de ni dong sprugs rig
140a4 pa'i dbang/rgyal pos dbang mchog bskur mi la// 'khor rnams kyi ni cis mi bskur// bum chu spyi nas blugs dus su// lus kun khyab par smos ci dgos// mtshon cha'i 'khor lo 'bar ba'i tshe// gang phrad spyod
140a5 pa chos nyid de// ye shes 'khor lo me 'bar bas// ma rig nags sreg the tshom med/ oM ma Ni pad+me hUM hri// dz+nyA na a b+hi Shin+tsa hri/ de nas 'gro 'dul dbang bskur te/ 'dab drug steng gi ye ge bdun// skal ldan bu
140a6 la tshig 'dis gtad// oM ma Ni pad+me hUM hri/ oM lha dbang lha brgya byin sku gsung thugs// lha rnams 'dus pa'i srog snying oM/ oM zung lha yi 'gro ba 'dul/ ma/ thag bzangs rig kyi sku gsung thugs// lha min
140b1 'dus pa'i srog snying ma/ma zug lha min 'gro ba thul/ Ni/ shAkya thub pa'i sku gsung thugs// mi rnams 'dus pa'i ro snying Ni// Ni zung mi yi 'gro ba thul/u0f84 pad/ seng ge rab brtan sku gsung thugs// byol song '
140b2 dus pa'i srog snying pad/pad zung byol song 'gro ba thul/ me/ nam mkha' mdzod kyi sku gsung thugs// yi dags 'dus pa'i srog snying me// me zung yi dags 'gro ba 'dul/ hUM/ chos kyi rgyal po'i sku
140b3 gsung thugs// dmyal ba 'dus pa'i srog snying hUM/ hUM zung dmyal ba'i 'gro ba thul/ hri/ thugs rje chen po'i sku gsung thugs// bde gshegs 'dus pa'i srog snying hri/ hri zung 'khor ba dong nas sprugs// zhe
140b4 brjod thub pa drug tu bsgom// A+oM ma Ni pad+me hUM hri// sarba ta thA ga ta a b+hi Shiny+tsa hUM hri// de nas dbang don brjod pa ni// e ma ho/ legs 'ongs bu khyod skal ba bzang// de ltar dbang rdzogs spyan ras gzigs/
140b5 khyod yin sangs rgyas sku gsum 'chang// mkha' mnyam 'gro don da spyod cig/ dus gsum bde gshegs sku gsung thugs// yon tan 'phrin las ma lus kun/ yig bdun dbang la yang dag
140b6 rdzogs// dbang thob yon tan mtha' yas te/ rnam kun mkhyen pa'i sangs rgyas kyis// stong gsum 'jig rten khams 'di dag/ til 'brur gsil nas bgrangs na 'dzad// dbang thob yon tan zad mi
141a1 shes// 'jig rten sems can srog bton pa'i// bsod nams 'phags pas bgrang nus kyis/ yig bdun lan cig brjod pa yi// yon tan brjod par ga la nus/ khams gsum sems can ma
141a2 lus kun// sangs rgyas sar bkod yon tan rnams// bgrang bar nus kyis yig bdun pa// gcig brjod yon tan bgrang mi nus// rgyal ba nam mkha' gang ba la// mchod pa phul ba'i bsod nams tshogs/
141a3 bgrang bar nus kyi yig bdun pa// gcig brjod yon tan bgrang mi nus// yi bdun dbang thob 'dzin zlos mi/ las dag las kyi rnam smin rung/ mi dge bcu dang mtshams med lnga// dus 'di nyid la sbyong bar
141a4 byed// yang snying yid la su byed tshad// thugs rje chen po de yin phyir// bar chod bgegs zhing 'gro ba 'dul// snang srid 'khor 'das dbang du 'gyur// yang snying mthog thos dran reg rung// bsgom bzlas 'dri
141a5 'cham ston pa rnams// yon tan kun ldan gar skyes kyeng// spyan ras gzigs dang 'bral mi srid// ces bka' stsal to// thugs rje chen po thams cad yang snying mthong ba ye shes rig pa mchog gi gsung rgyud
141a6 las/skal ldan rjes gzung dbang bskur gyi le'u ste lnga pa'o//// de nas yang bcom ldan 'das la/ 'dus pa'i 'khor rnams kyis gsol pa// kye ho ston pa bcom ldan 'das// rgyu don 'gro 'dul la sogs
141b1 gang// thabs kyis 'jig rten drang ba'i phyir// bdag cag 'khor la bka' rtsol cig/ ces gsol pa dang/ bcom ldan 'das kyi bka' stsal pa// nyon cig rigs 'dus sprul pa'i 'khor/ 'gro ba 'dul ba
141b2 las tshogs kyi// chos la bdun te tshogs 'khor dang// bsrung ba tshe bsgrub rten rab gnas// skye bdun sha bsgrub lam rim ste// thog mar bsod nams tshogs 'khor bshad// maN+Dal mchod rdzas dbang dang
141b3 mtshungs// 'dod yon lngar ldan tshogs 'khor bsham// rang nyid lhar gsal thugs kha nas// raM 'phros dngos 'dzin rnam rtog spang// yaM gis bag chags zhen snang gtor/ khaM gis gnyis 'dzin dri ma bkru// oM
141b4 spros 'dod lnga'i longs spyod 'phel// AHyis ye shes bdud rtsir rlab// hUM gis bgegs bskrad thugs dam bskang// dbyangs tshig gar gyis rab tshon nas// lha rnams spyan drangs phyag 'tshal mchod// rjes
141b5 su bdag mchod kun mnyes rol// lhag mas pho nya'i tshogs rnams bskang// gtor btang sri mnan rgyun gcod byed// bsod nams tshogs kyi 'khor lo rdzogs// 'jig rten dge ba kun gyi mchog/ de nas
141b6 bsrung 'khor btags chog bshad// dar la mtshal gyi 'khor rtsibs drug mu khyud gsung ldan lte dbus su// bsgrub bye'i ming rus rak+Shar spel// gser dngul legs sbyangs lte bar hri// rtsibs la yig drug
142a1 de bzhin bri// gsal byed dbyangs yig mu khyud nang/ bar ma rten 'brel phyi ma la// rdo rje me ri mtshon chas bskor// rab tu gnas bya spyi gtsug gdabs// snying gtsug mgrin pa snying kha
142a2 ru// bsrung ba'i 'khor lo dkar dmar mthing// gong bzhin bsam zhing snying po bzlas// yid ni bsrung bya srung byed kyi// 'dzin byed cir mi dgongs par bzhag/ de yis nad gdon dug lnga zhi// bar gcod
142a3 bgegs kyi ga la tshugs// bsrung ba'i rgyal po btags chog 'di// lus la bcangs bas bya chub nges// de nas 'chi med tshe bsgrub bshad// rang gi spyi gtsug 'od dpag med// bdud rtsi bsnams pa'i bum pa
142a4 nas// bdag gi sna rlung g.yas dang g.yon// gang nas rgyu de bdud rtsi rngub// snying gang lud pas lus gang bsam// 'og rlung bskum zhing steng rlung mnan// lag pa g.yon pa'i mtheb mdzub kyi// rtse chung g.yas
142a5 g.yon gnyis mnan zhing// thebs bdun nyin re mtshan re bya// thun rjes bla ma rigs 'dzin dang// phyogs bcu'i sangs rgyas byang chub sems// mkha' 'gro ma dang 'gro kun gyi// tshe dpal bsod nams bdud
142a6 rtsi'i bcud// gtsug gi 'od dpag med la 'dus// 'od dpag med zhu tshangs bu nas// bdag gi lus gang 'chi med bsam// de yis 'chi bslus ltogs pa sel// lus bde sems la rtogs pa 'char// de nas
142b1 rten gsum bzhengs thabs bshad// 'di yang sku gsung thugs yin te// sku rten bzhi mdo rgya lam du// rgyu ni 'jim ras rin chen la// 'gro mgon thugs rje chen po'i sku// dkyil 'khor zhing khams gtso rkyang
142b2 rung// ji ltar rkyen dang 'tsham pa bzhengs// yang snying gsum bzhugs rab gnas bya// yul khams kun gyi mnga' phul na// bkra shis thugs rje'i bstan pa rgyas// sku de mthong thos dran reg rung// mchod cing
142b3 bskor ba sus byed tshad// tshe 'dir rkyen bzlog bsam legs 'grub// nag po'i phyogs zhi sku bzhengs mkhan// 'phos thog bde ba can du skye// sku la brten nas 'gro ba yis// tshogs sogs sgrib pa
142b4 sbyangs thabs so// 'phags pa'i gsung rten bzhengs pa'i thabs// gser zang mthing shog gal spobs la// baiDUr+Ya 'am gser dngul gyis// oM ma Ni pad+me hUM hrI/ oM AH hUMHhrI/ oM ma Ni pad+me hUM phaT/ oM ma Ni pad+me
142b5 hUM hri/gsal dag mdzes pa brgya stong ngam/ khri 'bum bye ba gang spobs bri// gleg bam bcas te gsung sgrags lugs// gsung mi 'chad dam sil bu ru// rgyun par yul phyogs gar bklags kyang// nag po'i
142b6 phyogs kyi glags mi rnyed// gsung thos yon tan brjod las 'das// 'on te bzhi mdor khang bu'i nang// dkar zhal zla 'dra'i dbus su hri// mtha' ru yig drug mtshal gyis bri// de 'og 'dzul lam bskor yang
143a1 rung// mthong thos yon tan gong bzhin 'byung// gsang ba thugs rten bzhengs pa ni// ma nu'i 'grul srang bzhi mdo ru// mchod rten bang rim bzhi ldan pa'i// bum pa'i ngos bzhir me long
143a2 bzhi// yig bdun dang bcas brten par bzhugs// yang snying 'dod gsol spel ba yang// gser gyi bris pa brgya rtsa bzhugs// nang du lha tshaugs bzhengs pa 'am// phan yon ldan pa'i gzungs sngags
143a3 rnams// tsha tsha'i nang zhugs bum par grub// bang rim nang du bdud 'joms dgod// ri rabs logs bzhir 'grul srang dgod// mnga' dbul rab gnas bzang po bya/ 'di nyid mthong bas byang chub
143a4 'thob// lan cig mchod bskor phyag byas pas// ngan song dong sprugs bde ba bgrod// thugs rje'i 'phrin las ngo mtshar che// tshogs sogs sgrib sbyong rten mchog yin// de nas rten sum rab gnas
143a5 shad// dkyil 'khor mchod rdzas dbang dang mtshungs// sku dang glegs bam mchod rten sogs// ring bsrel gzungs sogs nang rdzongs brub// bgegs bskrad gu gul dud pas bdug/ me long bstan la sku khrus
143a6 gsol// gnas gsum dri yi thig le bzhag/ bdag nyid thugs rje'i rnal 'byor gyis// dkon mchog rgyal ba zhi khro'i tshogs// spyan drang mchod pa rgyas par bya// 'bru la rten 'brel bum rten la/ rten gang yin
143b1 pa'i ye shes sems// rang bzhin spyan drangs rten la bstim// sku gsum thugs su byin brlabs te// spyi bor oM dkar AHdmar mgrin// thugs khar hUM mthing bsam pa'i rjes// oM AHhUM/ kA ya waka tsit+ta a b+hi
143b2 Shiny+tsa oM AHhUM// zhes brjod mkha' mnyam bde gshegs kyis// dbang bum thogs nas rten nyid la// dbang bskur rab gnas byed par bsam// oM ma Ni pad+me hUM oM AHhUM swAhA/ sarba ta thA ga ta a b+hi Shiny+tsa a a/
143b3 sku rten yi ni spyan dbye te// gser thur sman gyis brgyan pa thogs// spyan dbye'i tshul bstan 'di skad brjod// oM AHhUM dz+nyA na tsak+Shu pra ye sha phaT/ glegs bam la ni zhal bsro te// yi ge thams cad chos de yi// lha
143b4 tshogs snying po'i 'phro 'dur bsam// rang bzhin bstim zhing 'di brjod bya/ oM AHhUM/ a A/ i I/ u U/ r-i r-I/ l-i l-I// e ai/ o au/ aM AH ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ ba
143b5 pha ba b+ha ma/ya ra la wa/ sha Sha sa ha k+Sha/ sarba d+harma pra be sha tiSh+Tha lhan/ mchod rten la ni mnga' dbul te// yi dam dkyil 'khor bskyed la bstim// stong gsum sprul skus gang bsam te// oM AHhUM hrI/ sarba byid swA
143b6 hA/badzra d+harma da d+hu rat+na ka ni ka sa ma ya tiSh+Tha lhan/ de ltar rten gsum gang yin kyang/ skabs 'dir gong gi me tog gtor// na mo rat+na tra yA ya/ ye d+harmA he tu pra b+ha bA he tun te ShAn ta thA ga to h+ya ba data/ te Shany+tsa yo
144a1 ni ro d+ha e baM bA dI ma hA shra ma Na ye sA hA/de rjes mchod pa kun gyi mchod// bskor ba bya zhing bkra shis brjod// tshig brda bzang smra yo lang bskyed// yon dbul gtang rag mchod pa bya// 'gro
144a2 'dul 'jig rten bde legs 'gyur// de nas skye bdun sha bsgrub bshad// de nyid rtag grub 'gro don bya// rtag pa skye bdun gang yin des// mi yi skye ba bdun po dran// de yang chos ldan skye bdun pa'i// ro blang
144a3 sha rnams legs bskams te// grub thob gnas chain dge gnas su/ khang gsar dkar gsal gru bzhi'i nang// thugs rje chen po'i dal dbus su// rin chen bum pa chas ldan nang// skye bdun sha ni sran tshad
144a4 la// bzang drug gla rtsi a mr-i ta// grub thob sha chen rtag tu ngu// sman dang 'bras phye phul gang byar// rgyal rigs bu chung bya rgod sha/ yod par gyur na skyobs su gtong// sbyor thabs des 'dre rdzogs par
144a5 sbyar// btsun mo gser gyi nu zhos spru// ril bu grangs med ji snyed grub// tshog mchod du mas lha rnams mchod// rnal 'byor lnga yis gzungs thag bzung// ji srid gzungs 'dzin mang na mchog/ thugs rje cher
144a6 bsgom dmigs pa ni// ril bu re re dag la yang// thugs rje chen po'i skur rdzog sam// yang snying 'di bzlas bsgrub par bya// oM ma Ni pad+me hUM hri/ a ra pa tsa mi ta hr-i da ya swA hA/ 'od dang du ba sgra
144b1 dang dri// mtshan ltas bzang mthong sngags 'di sbrel// oM A hUM swA ha muM laM maM pyaM taM/ sarba ta thA ga ta mahA pany+tsa oM A yu dz+nyA na ma ha puN+yai tiSh+Tha oM/ de la rtags byung dngos grub blang// de nas gzhan don spyod
144b2 pa'i tshe// gdul bya sbyang phyir khrus kyang bya// zhag bdun kha gso rjes gnang sbyin// rim bu'i bum dbang 'dis bskur ro// oM ma Ni pad+me hUM hri/ sarba ta thA ga ta a b+hi Shiny+tsa hri a/ ril bu su yi ltor song nas// skye ba
144b3 gang dang gar skyes tshad// spyan ras gzigs dang 'bral mi srid// bdag bas gzhan gces 'gro ba'i don// thugs rje chen po'i bslab pa srung// rdzas mchog reg mchog ngo mtshar che// de nas lam gyi rim pa
144b4 bshad// 'di la rnal 'byor nyi shu gcig/ thog mar dbyug chos rnal 'byor ni// smra bshad spa dkar gang yang rung// gcig skyes drangs sra snum zhing 'dril// mnyen lcug ring thung khru gang tshad// lhar bskyed byin
144b5 brlabs dbang yang bskur// yang snying 'bum bsnyen dbyug pa des// rang la brdabs na las sgr-ib 'dag/ gzhan la brgyab na nad gdon 'byer// dgra dang bgegs la brdabs na brlag/ dbyug pa'i brda don
144b6 ngo sprad na// gcig skyes thig le nyag gcig ste// drang po chos nyid ma bcos pa/ sra mkhraigs gnyen pos gzhom du med/ snum pa byang sems ngang gi snum// 'dril pas don chen chos kun 'dus// mnyen lcug
145a1 'gro don yid bzhin 'byung// tshad dang ldan pas phyogs lhung bral// de phyir don ldan dbyug pa 'di// bde stong dbyer med gsal bsgaums nas// bdag gzhan gang la brdeg gyur kyang// nad
145a2 gdon nyon mongs bag chags 'joms// rnam rtog las mdzad 'khor dong sprugs// de nas gsol debs rnal 'byor ni// bla ma'i sku gsung thugs nyid la// bdag nyid lus ngag yid dad pas// 'gro kun
145a3 'dren pa'i gsol 'debs bya// spyi gtsug bzhugs la dbang bzhi zhu// bar chod kun sel rtogs pa 'char// de rjes bla ma rang la bstim// rang nyid bla ma ma bcos bzhag/ de nas zhi ba'i rnal 'byor
145a4 bshad// bum pa rdzas ldan khrus chus dgang// 'phags pa'i gzhal yas gsal bkod de// yang snying stong bzlas khrus byas na// nad gdon sdig sgrib zhi bar nges// dri chu bar ba'i khrus byas na// nyams grib
145a5 skongs nas dngos grub 'thob// sems nyid stong gsal rig pa'i khrus// 'dzin pa'i dri mas ma gos bzhag/ dug lnga rnam rtog zhi bar nges// de nas rgyas pa'i rnal 'byor bshad// pad+ma rin chen rna lnga la// yang
145a6 snying lnga bri'i gtsug tu bcang// yig bdun lnga 'bum bzlas gyur na// tshe nor bsod nams longs spyod rgyas// de rjes dri chen bskor bzlog bza'// tshe dpal bsod nams rgyas par byed// sems nyid yid
145b1 bzhin nor bu la// rtogs goms chu bzhin rgyun mi bcad// mi zad gter la longs spyod nges// de nas dbang bdud rnal 'byor bshad// me long sin d+hur yig bdun bris// zhag bdun yang snying bzlas bstim
145b2 na// me long su dang sus mthong tshad// snang ba dbang 'dus bsgo ba nyan// rang gi srin lag g.yon khrug byung/ yig bdun bum gdab sus zos 'du// de rjes rang rig rang gsal la// 'dzin med goms pas
145b3 dbang du 'du// snang srid 'khaur 'das dbang 'gyur nges// de nas mngon spyod rnal byor bshad// dgra bgegs ling ga ming rus can// mdun du bzhag la dmigs pas bstim// hri hUM nr-i dza mA ra ya rbad/ bdun
145b4 'bum sngags pas rang gshaid 'bebs// de nas khyab 'jug rgyu ba la// dug phur snying khar btab na 'chi// de rjes rang byung ye shes kyi/ ral gris nga bdag 'dzin pa bcad// 'gro drug 'khor rgyun chod par
145b5 nges// de nas maN+Dal rnal 'byor bshad// rin chen maN+Dal gser g.yus brgyan// yi ge bdun gyi byin brlabs te// 'gro kun byang chub thob bya'i phyir// bla ma sprul pa'i sku la dbul// rang lus maN+Dal dbang
145b6 pos brgyan// bla ma longs spyod rdzaugs la dbul// chos dby-ings maN+Dal rig pas brgyan// bla ma chos kyi sku la dbul// tshogs gnyis myur rdzogs mchog thob nges// de nas bskor ba'i rnal 'byor
146a1 bshad// 'phags pa'i sku gsung thugs rten la// bla ma yi dam bde gshegs 'dus// mos pas yang snying bzlas shing bskor// bya ba kun las bskor ba mchog/ spyi bo'i gtsug tu bla ma
146a2 bzhugs// 'gro 'dug bskor bar shes par bya// rang sems rig pa ye shes la// goms pa'i bskor ba rgyun mi bcad// 'khor 'das ru shan phyaid par nges// de nas bdun tshig rnal 'byor bshad// tshe 'das
146a3 ro'am mtshan byang la// yig bdun bkod de bum bar gzung// bdun bar bdun du yig bdun bzlas// mtshan byang bsregs te tsha tsha gdab// dur brgyags tshogs kyi 'khor lo bshams// thugs rje chen po'i
146a4 lha tshogs bskang// tshe 'das rnam shes rang la bstim// gnyis med mnyam sbyor chen po gnas// gshin des bla med 'bras thob nges// de nas sbyin sreg rnal 'byor bshad// bsreg rdzas 'bru sna sman zas
146a5 sbyar// me nyid thugs rje chen por bskyed// hri dz+wa la raM kha hi sA hA/ zhai+es dbul thal ba chab la gshegs// bdag nyid thugs rje chen por bsam// gzhan gyi dad rdzas tshogs su rol// bsreg rdzas 'dzin 'khrul
146a6 rtog pa'i tshogs// rang byung ye shes me yis sbyangs// bar chod kun zhi lha skongs nges// de nas tsha tsha'i rnal 'byor bshad// sa chu me rlung 'byung bzhi la// yang snying bzlas shing skor phor gdab// gzhal yas lhar
146b1 bcas bstim la mchod// zhing khams rnam dag des 'grub 'gyur// rang lus gzhal yas mchod rten nang// rtog tshog lhar gsal tsha tsha ste// chos dbyings stong pa'i skor phor du// rig pa'i ye shes chod rten
146b2 bzhugs// mchod rten mchog tu bdag 'gyur nges// de nas zas kyi rnal 'byor bshad// zas tshad bdud rtsir byin gyis brlab// spyi gtsug 'grin pa lte ba'i nang// bla ma yi dam mkha' 'gro bsam// 'dod yon
146b3 lnga ldan tshogs la rol// yang na sha lnga bdud rtsir bsam/ bdag nyid chen po'i zhal du rol// rgyun du rngub rlung bdud rtsi ru// bsam nas rol na tshe ring zhing// 'chi med rtog pa 'char bar nges// de nas gtor
146b4 ma'i rnal 'byor bshad// zan nam chab gtor gang 'byor bshams// yang snying brjod de bdud rtsir brlab// rigs drug dgug cing 'phag par bskyed// 'dod yon lnga yis tshim par bsngo// bdag nyid lhag
146b5 pa'i lhar gsal bas// gtor ma dngos grub tshul du rol// bdag 'dzin zhen rtog blos thong la// spros bral kun khyab ngang la zhog/ gtor ma dbyings su mthong bar nges// de nas chab sbyin rnal
146b6 'byor bshad// bum pa chus dgang rin chen brdar// yang snying bdun brjod bdud rtsir brlab// rigs drug dzam+b+ha lhar bsam ste/ khyor bdun phul na dbul ba sel// rang gi dri chu bdud rtsir brlab// btang
147a1 bas yi dags nor lha mchod// rang byung ye shes chu rgyun gyi// re dogs yi dags dbyings su bskang// tshogs rdzogs bsod nams mchog thob nges// de nas ldang ba'i rnal 'byor bshad// 'gro
147a2 don rims kyis bya bsam pas/gos tshags bya zhing rim gyis ldang// cig car 'gro ba 'dul bsam pas// chas dang ldan pas cig car ldang/ yang na skad cig lhar gsal bas// 'gro kun bsgral phyir ldang
147a3 bar bya// de yang chos sku bkag langs su// 'gro don 'gag med rtsal dbang sgyur// ldang ba don dang mthun par nges// de nas 'gro ba'i rnal 'byor bshad// gang du 'gro ba'i rnal 'byor yang// bla ma yi dam
147a4 mkha' 'gro bsgom// bdag la chos skyong tshogs bskor nas// 'gro don skor ba'i bsam pas bgrod/ kha ni gang du lta phyogs der// rigs lnga'i sangs rgyas sar bgrod bsam// yang na chos nyid nam mkha'
147a5 la// rig pa'i ye shes shugs kyi 'gro// 'gro ba don dang ldan par nges// de nas 'dug pa'i rnal 'byor bshad// phyi nang sa phyogs gar 'dug kyang// don med bya ba smra brjod spang// lus dal ngag sems
147a6 dben rten zhing// dran dang shes bzhin bag yod 'dug gar gnas gzhal yas khang gsal zhing// lha yi rnal 'byor chen por gnas// yang na snyems brel 'dzin med ngang// gsal la ma yengs dran
147b1 med du// gnas pas 'dug kyang don ldan nges// de nas nyal ba'i rnal 'byor bshad// gang du nyal yang tha mal gyi// ngang la shes pa rang sos glod// mnyam nyid dmigs gtad med pa yis// ngang la ma yengs
147b2 phying gis gtad// yang na shes bya ye shes kyis// bum par bsdus te lhar gsal gdab// bde ba chen po'i gzims mal du// chos sku de bzhin nyid ngang nyal// nyal ba byang chub lam du nges// de nas rmi lam
147b3 rnal 'byor bshad// srod la rnal 'byor rtse gcig bsdu// thams cad rmi lam yin pa'i phyir// chos kun rmi lam lta bur bsam// rmi lam ngos bzung 'dun pa bskyed// rmi lam rmi lam du shes na// bag chags
147b4 'khrul pa gtan nas 'jig/tho rangs gnyid song da ltar gyi// snang ba rmi lam rang bzhin med// rmi lam lam gyi chog tu nges// de nas lam gsum rnal 'byor bshad// 'byung dang 'byung gyur snang srid
147b5 rnams// ye nas rang byung thugs rje che// rigs lnga yab yum rol pa ste// snang ba sku ru lam khyer bya// de phyir grag stong sgra rnams gsung// grag tshad yang snying gsung du re// rgyal ba'i sku gsung thugs rang
147b6 sems// dran rtog rang grol thugs su bkyer// snang grag rtog tshogs grol bar nges// de nas yang snying 'khrul mig bshad// yig bdun oM hUM klad skor gnyis// oM dang hUM zhes ngar bzlas na// bdag don nyan
148a1 rang bzlas pa ste// hri bzhag phyi yi bzlas brjod yin// oM dang hUM zhes mar bzlas na// gzhan don ngag gi bzlas par bsam/ oM hUM bdag gzhan zung 'jug yin// oM dang hUM yang de bzhin
148a2 zab// srog ldan rab tu gsal bar nges// e ma yig bdun bde gsheg srog/ ji ltar brjod kyang thugs rje che// bklags pas 'grub pa kho na ste// 'di las khyad par sngags med do// zhe bka'
148a3 stsal to// thugs rje chen po thams cad kyi yang snying 'dus pa ye shes rig pa mchog gi gsang rgyud las// 'gro ba 'dul ba las tshogs kyi le'u ste drug pa'o//// de nas yang bcom ldan 'das la// 'dus pa'i
148a4 'khor rnams kyi gsol pa// kye ho ston pa bcom ldan 'das// rgyu don gsang ba'i lung gang lags// 'gro don mthar phyin spyad pa'i phyir// bdag cag 'khor la bka' stsol cig/ ces gsol pas// bcom ldan
148a5 'das kyi bka' stsal pa/nyon cig rigs 'dus sprul pa'i 'khor// rgyud don mthar thug bstan lung gi/ chos la bdun te bstan dus dang/ snod ldan man ngag skyob tshul dang// sgrub gnas bsgrub lug gtad rgya
148a6 te// thog mar rgyu bsnyan dus lung ni// ma 'ongs rtsod ldan snyigs ma'i tshe// mi khom brgyad kyis 'gro ba sdug/ nyams thag snying rje'i dus su bstan// rgyud 'dzin snod ldan skyes bu ni// 'gro phan byams thugs snyi
148b1 rjer ldan// blo chen blo brtan shes rab gsal// dad rtson rdzu 'phrul rig pa can/ thabs khas ngang tshul bzang la bstan// man ngag rgyud don sa pa ni// 'phags pa'i gsung mchog seng ge sgra// bdud dang mu
148b2 stegs ri dgas 'joms// don yod bzhag pa rnam par rgyal// yon tan bsngags pa mtha' yas phyir// rig pa'i rgyal po 'di brjod do// oM AHhUM swA hA hri praM// oM badzra kro ta kye ma kye// ri ka ri mas ta b+ha li ma
148b3 tsa ti a ta rka i ka ra su li b+ha sa ta ye/ni la ni la ka ya b+hi shin dz+dza// phung po'i bdud 'joms seng ge sgra'o// oM badzra ma hA kro d+ha ma hA mu tra a yu mu tra dz+nyA na a dzi pa ra na/ sa ma d+hi hUM spa ra na phaT swA hA// nyon
148b4 mongs bdud 'joms seng ge sgra'o// oM badzra kro d+ha a mr-i ta kuN+Da yi hUM/ tshin d+ha tshin d+ha/ b+hin d+ha b+hin d+ha/ ha na ha na/ da ha da ha/ pa tsa pa tsa hUM phaT// dga' byed bdud 'joms seng ge sgra'o// oM badzra kro d+ha ha ya gri
148b5 ba hri/sarba ta thA ga ta ma hA pany+tsa oM a yu dz+nyA na ma hA puN+ya tiSh+Tha oM/ 'chi bdag bdud 'joms seng ge sgra'o// oM ma Ni pad+me hUM hri// 'khor ba dong sprugs seng ge sgra'o// a+yoM mye gi r+yi hri/ a+yoM mya ki r+yiki r+yi h+yi// smyes t+yi b+hi
148b6 bA+ai l+yi s+ya myi s+t+ya mu ne ts+ya rkya su g+he ye/b+h+yi t+yi s+ya n+ya 'byong 'ag+hu yIya/ gyi r+yi b+h+ya ga ri b+ha ko/ na mo h+ya ri bye to naM s+ya ro l+Yi hi s+ye naM mu/ khya ro t+ya ke l+ya s+ya mo b+hud r+ya to mo go ts+ya ra s+t+yam/ b+h+ya bya su+o rkya g+h+yo to ra// u mo sham no pya
149a1 ro n+ya/b+h+yi h+yi t+yi su g+hu+oM ru l+yoM// mya smyin s+ya gu ni la ho yu// g+hu ro g+hog+huraM/ brlu se gu+i khye le ru nam lu ma// na na ro lu/ oM thaM ruM la t+yai lhuM/ a+yi thu ri l+yo t+ya l+yo/ s+yi rai snri ser snre/ b+h+yaM s+yai ri l+yaM/ pyi gyai l+yaM/ s+ye
149a2 sbyi r+yi r+yi l+yI l+ye' u+i U+i mru+o mai r+yI rA+orU/thugs rje'i rgyal po seng ge sgra// gsang ba ring bsrel snying po'o// 'gro ba skyob tshul 'di lta ste// rgyud don gsang 'dus snying po 'di'o// rin chen gser gyi legs bris
149a3 nas// gang gis 'chang ngam mthong thos rung// mchod rten bzhengs sam phyag 'tshal rung// 'khor lo bskor nas gtsug 'chang na// tshe zad sler skyob tshe ring 'gyur// nad gdon kun las grol 'gyur
149a4 te// dpal dang bsod nams longs spyo 'phel// 'da' khar mngon par byang chub rtags// gzung 'dzin lus la sku gdug dang// 'ja' 'od ring bsrel 'byung bar nges// 'di yod 'gro ba sangs rgyas
149a5 yin// chos sgo brgyad khri bzhi stong la// 'di las smin pa'i snying po med// ci phyir rgyal ba'i thugs rje 'dus// skal ldan 'ga' yi spyod yul las// kun gyis mthong thos ma yin no// rgyal ba rigs lnga'i smon
149a6 lam tshig/rdo rje sems dpa'i snying khrag yin// he ru ka yi rig pa'i sngags// sangs rgyas bstan pa kun gyi srog/ 'di ma rtogs pa'i sangs rgyas ni// gcig kyang byung ba snga phyir med// dus gsum bde
149b1 gshegs thugs rje sems// de nyid rig byed gsang ba'i sngags// ye shes rig pa mchog gi rgyud// man ngag snying gi dkyil du thim// rgyud 'di bsgrub pa'i gnas mchog ni// ji srid sems can 'du ba'i
149b2 sar// dang pa 'dren pa'i pho brang bca'// snying rje'i gnas su chos 'khor bskor// de nas bsgrub lugs bstan pa yang// thugs rje chen po'i yang snying mchog/ ye shes rig pas bdag grol bya// grol nas 'gro
149b3 ba gzhan don du// bsgrub pa bcad ldad gang 'phel bya'o// rgyud chen gtad rgyas rtsa ba yang/ gang du bstan pa'i skal ldan la// rgyu gtad de yis 'gro ba kun// gang la gang gis 'dul thabs bya// rgyud 'di rin
149b4 chen sna lngas bri// gtsug gi nor bur bcang bar gyis// gang zhig blo chung blo dman dang// dad brtson snying rje gtad med cing// bla ma mi 'khur chos brgyad can// dam med rnams la rgyas btab bo// phyogs bcu
149b5 dus bzhi'i sangs rgyas kun// thugs rje chen por ma gyur med// thugs rje chen po thams cad kun// yang snying rgyud 'dir ma 'dus med// 'di ni ye shes rig pa mchog/ 'gro ba'i sems la ye gsang
149b6 gab// 'brel dang ma tshang med pas rgyud// skal ldan thugs su gtad do rgya// zhes bcom ldan 'das kyis bka' stsal pas// thugs rje chen po rigs 'dus sprul pa'i khor rnams rang la rang thugs rje chen por
150a1 yi rang te// 'gro don lhun grub tu dgyes par spyod do// thugs rje chen po thamasacad kyi yang snying 'dus pa ye shes rig pa mchog gi gsang rgyud las// bstan pa lung gi le'u ste bdun
150a2 pa'o//// thugs rje chen po thams cad kyi yang snying 'dus pa ye shes rig pa mchog gi gsang rgyud ces bya ba// oD+yan gyi mkhan po pad+ma 'byung gnas kyi lho brag 'kho mthing lha khang du sgra rang 'gyur du bsgyur te
150a3 kar chag la phab pa/a+thi+-i/ skal ldan thugs rje chen po'i sprul pa dngos cig dang 'phrad par shog cig/ dpal gyi phug rings dal 'og bse sgrom smug por a thaM/ rgya rgya rgya/ gter ston chos dbang gis gter nas
gdan drangs pa'o/

CLOSE WINDOW