CLOSE WINDOW

Gpb044.010
བོད་ཡིག

/ shog ser dngos la mnga' bdag myang gi gter ma'o//// rgya gar skad du/ Ar+ya pA lo ki te shwa ra ma hA kA' ru Ni ka pa ta ya tan+t+ra nA ma/ bod skad du/ 'phags pa spyan ras gzigs dbang phyug thugs rje chen po bsgrub thabs nges par ston pa'i rgyud ces bya ba// sangs rgyas snang ba mtha' yas 'od dpag med la phyag 'tshal lo// 'di skad bdag gis thos pa'i dus gcig na/ nub phyogs pad+ma can gyi pho brang brtsegs pa na/ sangs rgyas snang ba mtha' yas 'od dpag tu med pa zhes bya ba dus gsum gyi sangs rgyas thams cad kyi thugs kyi dgongs pa mkhyen pa/ thugs rje che la thabs mkhas pa bzhugs so// 'khor de bzhin gshegs pa'i rigs dang/ rdo rje'i rigs dang/ rin po che'i rigs dang/ pad+ma'i rigs dang/ las kyi rigs dang/ rigs 'dus pa thugs rje chen po dang/yum shes rab kyi pha rol tu phyin ma dang// bsam gtan gyi pha rol tu phyin ma dang// sbyin pa'i pha rol tu phyin ma dang/ tshul khrims kyi pha rol tu phyin ma dang/ bzod pa'i pha rol tu phyin ma dang/ brtson 'grus kyi pha rol tu phyin ma dang/ 'khor byang chub ses dpa' spyan ras gzigs dbang phyug dang/ 'jig rten dbang phyug la sogs pa mang po dang thab cig tu bzhugs so// de'i tshe sangs rgyas snang ba mtha' yas kyis/'gro drug gnas sbyong zhing 'gro ba 'dul ba zhes bya ba'i ting nge 'dzin la bzhug nas/ thugs kha nas 'od zer rnam pa drug bkye nas// byang chub sems dpa' thugs rje chen po'i thugs khar phog pas/spyan ras gzigs la 'gro ba drug 'dul bar bskul ba las// spyan ras gzigs kyi thugs ka nas 'od zer drug 'gro ba ris drug gi gnas su 'phros te// 'od zer dkar po las lha'i dbang po brgya byin du sprul nas/oM ma Ni pad+me hUM/ zhes lha 'pho ba'i sdug bsngal bsal nas bde ba la bkod do// 'od zer sngon po las lha ma yin gyi rgyal po thag bzang ris su sprul nas/ oM ma Ni pad+me hUM/ zhes lha ma yin 'thab rtsod shi smras kyi sdug bsngal bsal nas bde ba la bkod do// 'od zer ser po las bcom ldan das shAkya thub par sprul nas/ oM ma Ni pad+me hUM/ zhes pa'i mi'i sdug bsngal bsal nas bde ba la bkod do// 'od zer nag po las shAkya seng ger sprul nas/ oM ma Ni pad+me hUM/ zhes byol song glen lkugs kyi sdug bsngal bsal nas bde ba la bkod do// 'od zer dmar po las nam mkha' mdzod pu 'bar mar sprul nas/oM ma Ni pad+me hUM zhes yi dags bkres skom gyi sdug bsngal bsal na bde ba la bkod do// 'od zer smug nag las chos kyi rgyal po dmyal ba'i rje bor sprul nas/ oM ma Ni pad+me hUM/ zhes dmyal ba tsha grang gi sdug bsnga bsal nas bde ba la bkod do// oM ma Ni pad+me hUM/ zhe chos kyi sgra bsgrags so// 'gro ba thams cad dus gcig tu btul nas bde ba la bkod do// gleng zhi'i le'u ste dang pau'o// de nas byang chub sems dpa' 'jig rten dbang phyug rang gi gnas nas langs te/sangs rgyas snang ba mtha' yas la phyag 'tshal bskor ba byas nas 'di skad ces gsol to// rdzogs pa'i sangs rgyas bcom ldan 'das// byang sems thugs rje spyan ras gzigs// 'di ltar rdzu 'phrul cho 'phrul dang// rnam par 'phrul pa 'di lta bu// 'gro ba 'dul ba ngo mtshar che// phyi rabs 'gro don byed pa la// thugs rje chen po bsgrub 'dod pas// bsgrub pa'i lugs ni ji ltar lags// bsgrub pa'i thabs ni ji ltar lags// bsgrub pa'i tshul ni ji ltar yod// rdzogs pa'i sangs rgyas bshad du sol// zhes zhus so// gleng slang ba'i le'u ste gnyis pa'o// de nas sangs rgyas snang ba mtha' yas kyis// 'dus pa'i 'khor la bka' stsal pa// nyon cig 'dus pa'i 'khor tshogs rnams// thugs rje chen po spyan ras gzigs// 'gro drug kun la thugs rje zigs// 'gro ba'i skyabs dang gnas yin te// sangs rgyas rnams kyi dbang bskur bas// dus gsum sangs rgyas thugs dgongs mnga'// sangs rgyas rnams kyis chos gsungs pa// brgyad khri bzhi stong brjod mi lang// bsdus pas theg pa rim pa dgu// thugs rje chen po bsgrub 'dod pas// theg pa rim dgu gar yang bsgrub// theg pa'i ngo bo shes rab dang// snying rje chen por 'brel pa ni// theg pa chen po'i ngo bo yin// theg pa'i nges tshiga' 'degs shing bskyod// 'di nas 'dir mthong theg pa yin// theg pa'i dbye ba bstan pa ni// mtshan nyid rgyu yi theg pa dang/ 'bras bu gsang sngags theg pa'o// dpe ni gru dang zam pa ltar// theg pa'i sgor zhugs pha rol bgrod// rim pa skas kyi gdang bu ltar// rim par lta ba mtho dman yod// yul sems so sor thong ba'i nyan thos dang// ma rig rten 'brel snang ba'i rang rgyal dang// snang ba sems su 'dod pa'i sems tsam dang// bden pa gnyis su lta ba'i dbu ma dang// dag pa gsum du spyod pa'i kri ya dang// mar spyod yar la lta ba'i u pa ya// rtag pa chen por spyod pa'i yo ga dang// thabs dang shes rab gnyis med ma hA dang/ dbyings dang ye shes dbyer med a nu dang// rang bzhin lhun gyis grub pa'i rdzogs chen dang// theg pa dgu yang thugs rje chen por 'dus// zhes gsungs so// theg pa dgu'i bye brag bstan pa'i le'u ste gsum pa'o//// sangs rgyas snang ba mtha' yas kyis// 'dus pa'i khor la bka' stsal pa// nyan thos lta ba rnam pa gnyis// bye brag pa dang mdo sde pa'o// bye brag pa yi 'dod lugs ni// snang yul ma 'gag phra ba'i shes pa la// phyi yi yul dang rang sems so sor mthong// mthong ba'i dbang gis g.yag rnga ne sing snang// nyan thos mdo sde pa'i snang// rdul phran mi snang gong po gcig tu snang// bdag med tshogs drug yul du 'gags par 'dod// nyan thos lta ba de ltar 'dod pa yang// thugs rje chen po'i lta ba nang du rdzogs// yul snang sems nyid ci shar ci snang yang// rang sems chos sku thugs rje chen po yi// rol pa rgyan yin spong len dbye bsal med// dgag bsgrub med pa'i ngang du nyan thos grol// zhes gsungs so// thugs rje chen po nyan thos sum bsgrubs grol ba'i le'u ste bzhi pa'o//// rang rgya theg pa'i 'dod lugs ni// phyi yi yul yang 'byung ba'i rten 'brel snang// nang gi sems kyang rten 'brel yin par snang// ma rig ming dang gzugs dang skye mched drug/reg dang tshor dang sred dang len pa dang// srid dang skye dang na dang rgas 'chi dang// rten 'brel lugs bzlog brtags pa yis// gang zag bdag med rnam par rig byas la// chos kyi bdag med phyogs gcig rtogs par 'dod// rang rgyal lta ba de ltar 'dod pa yang// thugs rje chen po'i lta ba'i nang du rdzogs// phyi yul nang sems rten 'brel bdag med rnams// cir snang cir rtogs cir shar ci grub kyang// rang sems chos sku thugs rje chen po'o// rol pa rgyan yin spong len dbye bsal med// dgag bsgrub med pa'i ngang du rang rgyal grol// zhes gsungs so// thugs rje chen po rang rgyal du ma bsgrubs grol ba'i le'u ste lnga pa'o//// byang sems lta ba dbu ma sems tsam gnyis// sems tsam rnam bden rnam brdzun rnam gnyis 'dod// rnam par bden par 'dod pa'i lta ba ni// rang rig rgyun gy-is skad cig chas mi rtag/snang ba sems su bden par 'dod// mtha' bzhi gzung 'dzin med pa'i stong pa la// rang rig gsal ba'i ngo bo gcig tu 'dod// rnam brdzun rnam par bden pa'i 'dod lugs ni// phyi rol sems kyi snang ba med pa la// rang rig rang gi shes pa'i ngo bo las// de nyid gzhan du brjod du med pa la// gsal byed gzhan la bltos pa ci yang med// gsal stong rgya chad phyogs lhung med par 'dod// theg pa chen po dbu ma'i 'dod lugs ni// sgyu ma lta bur 'dod dang rnal 'byor spyod pa gnyis// sgyu ma lta bur 'dod pa'i dbu ma ni// snang sem thams cad sgyu ma tsam du 'dod// phyi yi dngos po 'di dag thamasacad kyang// yang dag par na rang zhin bsgrub tu med// yod dang med dang dbus dang dbu ma yin// kun rdzob chu yi zla ba tsam du 'dod// rnal 'byor spyod pa'i dbu ma'i lta ba ni// chos rnams thams cad mnyam pa nyid du 'dod// yod dang med dang ci yang 'dod pa med// byang sems lta ba de ltar 'dod pa yang// thugs rje chen po lta ba'i nang du rdzogs// rnam med rnam brdzun lta ba gnyis po yang// phyi nang bden brdzun ji ltar sna ba dang// rang rig rang gsal gsal stong gnyis med de// rang sems chos sku thugs rje chen po yi// rol pa rgyan yin spong len med// sgyu mar 'dod dang rnal 'byor spyod pa yang// kun rdzob sgyu ma don dam rang bzhin med// rnal 'byor spyod pa yod med ma grub 'dod// rang sems chos sku thugs rje chen po yi// rol pa rgyan yin spong len med/ ces gsungs so// thugs rje chen po byang chub sems dpa' theg pa chen po byang chub sems dpa' theg pa chen por ma bsgrubs rang grol ba'i le'u ste drug pa'o//// de nas sangs rgyas snang ba mtha' yas la// 'jig rten dbang phyug 'di skad zhus// thugs rje chain pos dgongs pa ru// kri yog sde gsum ji ltar grol// rdzogs sangs rgyas kyis bka' stsal pa// kri ya'i lta ba'i 'dod lugs ni// kun rdzob 'di ltar snang ba kun// 'jam dpal spyan ras gzigs dang ni// phyag na rdo rje rigs gsum du// lha yi dkyil 'khor snang bar 'dod// don dam rang bzhin med pa la// kun rdzob rje dang bran du 'dod// kri ya de ltar 'dod pa yang// thugs rje chen po'i lta bar rdzogs// rigs gsum lha yi dkyil 'khor la// dam tshig ye shes rje dang bran// rang sems chos sku'i thugs rje che// rol pa'i rgyan yin spong len med// ces gsungs so// thugs rje chen po'i lta bar kri ya ma bsgrubs ma spangs par rang grol ba'i le'u ste bdun pa'o//// u pa yi lta ba ni// kun rdzob rigs bzhin lha ru 'dod// don dam skye 'gag med par 'dod// dam tshig ye shes sems dpa' gnyis/ grogs po mnyam gnyis tshul du 'dod// u pa de ltar 'dod pa yang// thugs rje chen po'i lta bar rdzogs// don dam kun rdzob grogs su lta ba yang// chos sku don gyi thugs rje chen po yi// rol pa rgyan yin spong len med par grol// ces gsungs so// thugs rje chen po u pa yar ma spang rang grol ba'i le'u ste brgyad pa'o//// yo ga'i lta ba'i 'dod lugs ni// kun rdzob rigs lnga lha yi dkyil 'khor 'dod// rnam shes lnga las rigs lnga'i lha ru 'dod// de yang dam tshig ye shes bzang ngan med par 'dod// don dam rang bzhin skye 'gag med par 'dod// yo ga de ltar 'dod pa yang// thugs rje chen po'i lta bar rdzogs// rigs lnga dam tshig ye shes sems// don dam kun rdzob mnyam gnyis kyang// chos sku thugs rje chen po yi// rol pa rgyan yin spong len med bar grol// zhes gsungs so// thugs rje chen po'i lta bar yo ga ma spangs par rang grol ba'i le'u ste dgu pa'o//// thugs rje chen po'i lta ba ru// bskyed rdzogs rnam gsum yar la rdzogs// ma hA yo ga'i lta ba'i 'dod lugs ni// phyi nang snod bcud snang ba la// thabs dang shes rab gnyis su 'dod// thabs ni bskyed pa'i rang bzhin la// shes rab rang bzhin rdzogs rim la// thabs dang shes rab gnyis snang yang// snang stong gnyis med zung jug 'dod// ma hA de ltar 'dod pa yang// thugs rje chen po'i lta bar rdzogs// zhi khro'i lha tshogs bskyed rdzogs kyang// chos sku thugs rje chen po yis// rol pa rgyan yin spong len med par grol// zhes gsungs so// thugs rje chen po'i lta bar ma hA yo ga ma spangs par rang grol pa'i le'u ste bcu pa'o//// a nu yo ga'i lta ba ni// phyi yi yul ni chos dbyings gzhal yas khang// nang gi bcud ni lta ba'i rang bzhin yin// de la dbyings dang ye shes gnyis med lta// dam tshig dbyings dang ye shes gnyis su med pa ni// rim gyis mi bskyed cig car rdzogs par bskyed// a nu de ltar dod pa yang// thugs rje chen po'i lta bar rdzogs// dam tshig ye shes dbyings dang ye shes kyang// chos sku thugs rje chen po yi// rol pa rgyan yin spong len med par grol// zhes gsungs so// thugs rje chen po'i lta bar a nu yo ga ma spangs par rang grol ba'i le'u ste bcu gcig pa'o//// a ti yo ga'i lta ba ni// snang srid 'khor 'das ye nas sangs rgyas par// ma bcos lhun gyis rtsol sgrub med par 'dod// a ti yo ga de ltar 'dod pa yang// thugs rje chen po lta ba'i ngang du rdzogs// ye sangs rgyas dang lhun gyi grub pa dang// chos sku thugs rje chen po yi// rol pa brgyan yin spong len med par grol// theg pa mi mthun lta ba so sor yang// brjod kyis mi lang bsam mi khyab// lta ba lta byed blos btags yin// thugs rje chen po'i lta ba la// dgag sgrub spaung len med par rang sar grol// zhes gsungs so// thugs rje chen po lta bar a ti yo ga ma spangs par grol ba'i le'u ste bcu gnyis pa'o//// de nas sangs rgyas snang ba mtha' yas la/ 'jig rten dbang phyug yang zhus pa// thugs rje chen po'i chos sku la// theg pa rim dgu yod dam med// rdzogs sangs rgyas kyis bka' stsal ba// thugs rje chen po'i chos sku la// smra bsam brjod pa'i yul las 'das// chos sku chos dbyings chen po la// nyan thos 'dul khrims bsrung bya med// rang rgyal brtul zhugs bsrung bya med// byang sems sdoms pa'i bsrung bya med// med nas mi spong rang sar grol// kri ya khrus dang gtsang sbra med// u pa dri ma dag byed med/ yo ga sngags dang phyag rgya med// med nas mi spong rang sar grol// thugs rje chen po'i chos sku la// ma hA'i ting 'dzin bsnyen bsgrub med// a nu bskyed rdzogs dbyings dang ye shes med// a ti rang byung ye shes med// med nas mi spong rang sar grol// thugs rje chen po'i chos sku dmigs med la// chos nyid mtha' yas nam mkha' klong yang lta ba'i rgyal po yin// rang gsal gting gsal rgya mtsho'i klong yang sgom pa yin// mtha' bral chags med yul la ma zhen khyung chen gshog rdzogs spyod pa'i rgyal po yin// chos sku ye nas ma bsgrubs lhun gyi grub// 'bras bu'i ri bo 'gyur med yin// zhes gsungs so// thugs rje chen po'i don dam pa'i sku la theg pa dgu'i 'dod pa med par grol ba'i lta sgom spyod pa 'bras bu bsten pa'i le'u ste bcu gsum pa'o//// de nas sangs rgyas snang ba mtha' yas la// 'jig rten dbang phyug gis 'di skad zhus// yang dag rdzogs pa'i sangs rgyas sku// thams cad mkhyen pa'i ston pa po// chos sku thugs rje chen po la// don dam spros med phyaugs lhung med// theg pa rim dgu spong len med// rang sar grol ba ngo mtshar che// kun rdzob 'gro ba 'dul ba'i phyir// sprul pa'i gdul bya bsam mi khyab// sprul sku thus rje chen po ni// 'gro ba'i don du cir yang snang// 'gro 'dul thabs kyi 'phrin las kyi// gang zag blo yi rim pa yis// theg pa'i rim pa ji ltar bsgrub// rdzaugs pa'i sangs rgyas bshad du gsol/ zhes phyag btsal bskor ba byas nas zhus/ de skad gsol pa gsan nas kyang/ nyon cig 'dus pa'i 'khor tshogs rnams// thugs rje chen po bcom ldan 'das// dus gsum sangs rgyas thams cad kyis/ 'gro ba 'dul phyir dbang bskur bas// sku yi sprul ba bsam mi khyab// gsung gi byin rlabs bsam mi khyab// thugs kyi dgongs pa bsam mi khyab// gdul bya'i don du cir yang sprul/ sku mdog phyag mtshan zhal phyag la// zhi dang khro bo cir yang ston// oM ma Ni pad+me hUM/ gsung gi yi ge 'bru drug pa// 'gro 'dul sgra ni cir yang 'gyur// yi ge drug pa rdo rje'i sgra// sgra dang ldan pa rnams kyi mchog/ thugs rje chen po'i chos sgra sgrogs// cir yang bsgyur du btub pa yin// zhes gsungs so// thugs rje chen po'i sku gsung thugs kyi yon tan bstan pa'i le'u ste bcu bzhi pa'o//// de nas sangs rgyas snang ba mtha' yas la// 'jig rten mgon pos yang zhus pas// e ma rdzogs pa'i sangs rgya mchog/ thugs rje chen po sprul pa'i sku// nyan thos theg pa ji ltar bsgrub// de ltar gsol ba gsan nas kyang// rdzaugs pa'i sangs rgyas bka' stsal pa// thugs rje chen po sprul pa'i sku// dbang po tha ma'i gang zag la// nyan thos sgom dang bstun la bsgrub// tho mar dben pa'i gnas su ni// maN+Dal mchod pa bsham nas ni// dkon mchog gsum la skyabs 'gro bya// bdag ni dus 'di nas bzung nas ji srid tsho'i bar// sangs rgyas chos dang dge 'dun la skyabs su mchi// len gsum brjod// de nas rang nyid mi dmigs par// bdag med skad cig bsgoms pa las// sems kyi mtshan nyid hriHdkar las// bdag nyid thugs rje chen po'i sku// zhal gcig phyag gnyis sku mdog dkar// dka' thub cha lugs 'chang ba la// sreg shang par bu blo bzhag la// thugs kar thig le hrIH dang bcas// oM ma Ni pad+me hUM/ yi ge drug pa dkar pos bskor// 'od kyi 'phro 'du'i sbyor ba yis// mi dge bcu sogs sdig pa sbyangs// bdag med stong pa'i ngang du bsgom/ gal te de la skyo ba na// langs la spyod lam ci bder bya// de nas gong bzhin goms par bya// de ltar nyams su blangs pas na// nyan thos dgra bcom 'bras bu thob// ces gsungs so// thugs rje chen po gang zag dbang po tha ma'i tha ma la nyan thos ltar bsgrub pa'i le'u ste bco lnga pa'o//// de nas yang dag bshad bya ba// thugs rje chen po sprul pa'i sku// dbang po tha ma'i 'bring la ni// rang rgyal sgo dang bstun la bsgrub// thog mar gar 'dug dben gnas su// maN+Dal mchod pa ci 'byor bsham// dkon mchog gsum la skyabs 'gro bya// rang nyid 'khor ba'i sdug bsngal las// thar zhing grol bar bya ba'i phyir// thugs rje chen po bsgom mnyam bsam// gzung 'dzin phyi nang bdag med bsgom// snying khar thig le hri dkar gyi// lus zhu thugs rje chen por bsgom// zhal gcig phyag gnyis sku mdog dkar// phyag rgya mnyam gzhag dka' thub tshul// thugs khar thig le hri dang bcas// oM ma Ni pad+me hUM// yi ge drug po dkar por bsgom// 'od kyi 'phro 'du'i sbyor pa yis// mi dge bcu la sogs pa'i sdig/ mngon zhen chags zhen bag chags dang// bdag med chos kyang mi dmigs par// de yi ngang la bzhag la bzlas// gal te de la skyo ba na// langs la spyod lam ci bder bya// de nas gong bzhin bsgom par bya// de ltar nyams su blangs pas na// rang sangs rgyas pa'i 'bras bu thob// ces gsungs so// thugs rje chen po'i gang zag tha ma'i 'bring gis sangs rgyas ltar bsgrub pa'i le'u ste bcu drug pa'o//// de nas yang dag bshad bya ba// thugs rje chen po sprul pa'i sku// dbang po tha ma'i rab la ni// byang sems sgo dang bstun la bsgrub// tho mar yid 'ong dben gnas su// sku rten gsung rten thugs rten dgram// maN+Dal mchod pa bshams nas ni// sngon du skyabs 'gro sems bskyed bya// sangs rgyas chos dang dge 'dun la// dus 'di nas bzung byang chub bar// skyabs su 'gro ba'i sdom pa gzung/ 'gro ba drug gi sems can la// brtse ba'i ma ltar bsams nas ni// byams dang snying rje gzhi gzung nas/ thar pa thob par sems bskyed la// bsod nams tshogs bsags yan lag bya// de nas don dam byang chub sems// phyi nang chos rnams stong par bsgaum// rang sems hri dkar rnam pa las// 'od 'phro sangs rgyas byang chub mchod// 'gro ba sems can sgrib pa sbyangs// slar 'dus hrIHyig 'od du zhu// pad+ma zla ba'i gdan stengs su// byang chub sems pa thugs rje che// zhal gcig phyag gnyis sku mdog dkar// g.yas pa pad+ma dkar po la// g.yon pa thugs khar thal mo gdengs// rin chen rgyan gyi mdzes par brgyan// thugs khar zla stengs hrI: yig la// oM ma Ni pad+me hUM/ yi ge drug pa dkar por bsgom la bzlas// 'od kyi 'phro 'du sbyor ba yis// sangs rgyas byang chub sems dpa' mchod// rgyud drug sems can sgrib pa sbyangs// slar 'dus bag chags sgrib pa dang// shes bya'i sgrib pa gtan nas sbyangs// bdag dang chos rnams stong par bsgom// gal te de la skyo ba na// langs la spyo lam ci bder spyod// ci bya sems can don du spyad// byang chub sems dpa'i 'bras bu thob// sems can don rdzogs sangs rgyas 'gyur// zhes gsungs so// thugs rje chen po dbang po tha ma'i rab la byang chub sem dpa' ltar bsgrub pa'i le'u ste bcu bdun pa'o//// de nas sangs rgyas snang ba mtha' yas la// 'jig rten dbang phyug yang zhus pa/ e ma rdzogs pa'i sangs rgyas sku// thugs rje chen po sprul pa'i sku// kri yog gsum du ji ltar bsgrub/ de skad gsol ba gsan nas kyang// rdzogs sangs rgyas kyis bka' stsal pa// dbang po 'bring gi tha ma la// thug rje chen po'i sprul pa'i sku// kri ya'i tshul du bsgrub pa ni/thog mar bkra shis gtsang ma'i gnas// maN+Dal mchod pa bshams pa dang/ rten dgram mdzes pa'i me tog dgram/ khrus dang nye reg 'thor 'thung dang// skad cig ma yi lhar bsgom la// rten la mchod bshams tshogs sogs bya// de nas phyi nang stong par bsam// de yi ngang las sems de hri// zla ba'i gdan dang bcas pa las// 'od 'phros 'du dang zhu ba las// pad+ma dkar por gyu pa las// de las 'phro 'du'i sbyor ba las// bdag nyid thugs rje chen po ni// zhal gcig phyag gnyis sku mdog dkar// g.yas pa mchod sbyin bdud rtsi 'dzag/ yi dags bkres skom tshim par mdzad// g.yon pa pad+ma thugs kar rten// rin po che yi rgyan gyis brgyan// zla ba'i gdan la phyed skyil bzhugs// thugs kar zla dkyil hrI dang bcas// oM ma Ni pad+me hUM/ yi ge drug pa'i sngags 'phreng bcas// dam tshig sems dpa' der bsgaum nas// thugs kar hrIHyig 'od zer gyis// ye shes sems dpa' spyan drangs la// mdun gyi nam mkhar bzhug pa las// bran dang jo bo'i tshul gyis mchod// 'od zer bsnol mar mchod sbyang bya// ji srid skyo na ye shes gshegs// dam tshig mi dmigs spyod lam bya// de nas yang ni de ltar bsgom// thugs rje chen po grub par 'gyur// thugs rje chen po kri yar bsgrub pa'i le'u ste bco brgyad pa'o//// de nas yang dag bshad bya ba// dbang po 'bring gi 'bring la ni// thugs rje chen po sprul pa'i sku// u pa ya yi tshul du bsgrub// gzhug dang mthun pa'i gnas dag tu// maN+Dal byi dor byas nas ni// bdud rtsi tsan dan byi dor bya// mchod pa rnam lnga bshams nas ni// dkon mchog thugs rje chen po mchod// bsod nams tshogs kyi yan lag bya// de nas rang gi snying kha ru// yi ge hrIHdkar zla dkyil bsam/ 'od kyi rang gi lus zhu nas// de las thugs rje chain por gyur// zhal gcig phyag gnyis sku mdog dkar// g.yas pa mchod sbyin bdud rtsi yi// bum pas 'gro drug tshim par mdzad// g.yon pa pad+ma dkar po 'dzin// zla ba'i gdan la zhabs gnyis bzhugs// rin po che yi rgyan gyis brgyan/ gnas gsum oM AHhUM gsum ldan/ dbu la rigs kyi bdag po bzhugs// de yi thugs kar zla dkyil steng// hrIHdkar sngags kyi 'phreng bas bskor// oM ma Ni pad+me hUM// dam tshig sems pa bskyed pa dang// thugs ka'i hrIHyi 'od zer gyi// ye shes sems dpa' spyan drangs la// mdun gyi nam mkhar bzhugs la mchod// gnyis su med pa bstim nas su// dbang bskur rigs lngas dbu brgyan la// dam tshig ye shes sems dpa' yang// mdun gyi nam mkhar bzhugs par gyur// sngags kyi 'od zer dkar po yis// lus ngag sgrib pa dag par bsam// ji srid skyo na ye shes gshegs// dam tshig bsdus te spyod lam bya// de nas yang ni gong ltar bsgom// thugs rje chen po grub par 'gyur// thugs rje chen po u pa yar bsgrub pa'i le'u ste bcu dgu pa'o//// de nas yang dag bshad bya ba// dbang po 'bring gi rab la ni// thugs rje chen po sprul pa'i sku// yo ga'i tshul du bsgrub pa ni// yid 'ong dben pa'i gnas 'dug nas// sku gsung thugs gyi rten bkram la// maN+Dal mchod pa bshams nas ni// bde ba'i gdan la 'dug nas ni// bdag dang sems can don gyi phyir// thugs rje chen po bsgrub sems bskyed// bsod nams tshogs kyi yan lag bya// byams dang snying rje dga' ba dang/btang snyoms tshad med rnam bzhi bsgom// de nas ye shes tshogs bsags la// lha yi bskyed rim bsgom pa ni/ dang po phyi nang chos rnams kun// stong pa nyid du bsgom pa ni// stong pa nyid las mngon par byang chub pa'o// de nas a las zla ba'i gdan// gdan las mngon par byang chub pa'o// de nas sems nyid hri dkar po// gsung yig 'bru las byang chub pa'o// hrIHlas 'od 'phros zhu ba las// pad+ma dkar por gyur ba ni// phyag mtshan mngon par byang chub pa'o// pad+ma 'od du zhu ba las// thugs rje chen po'i sku ru gyur// sku yongs rdzogs mngon par byang chub pa'o// zhal gcig phyag gnyis sku mdog dkar// g.yas pa rdo rje rtse lnga 'dzin// g.yon pa dril bu pad+mar ldan// rin po che yi rgyan dang ldan// zla ba'i gdan la mnyam par bzhugs// thugs kar zla ba'i gdan stengs na// hrIHla sngags kyi 'phreng bas bskor// oM ma Ni pad+me hUM/ dam tshigs sems dpa' gsal sgom la// thugs ka hrIHyi 'od zer gyi// ye shais sems dpa' spyan drangs la/ dbang bskur byin gyis brlabs par bya// mnyam nyid grogs kyi tshul du mchod// sngags kyi 'phreng ba'i spro bsdu bya// bdag gi rgyud kyi sgrib sbyangs nas// ye shes sems dpa' mnyes par bya// de nas skyo 'am dub pa na// ye shes sems dpa' gshegs su gsol// dam tshig bsdu te spyod lam bya// de nas yang ni gong ltar bsgom// thugs rje chen po grub par 'gyur// thugs rje chen po yo ga ltar bsgrub pa'i le'u ste nyi shu pa'o//// de nas 'jig rten dbang phyug gis yang zhus pa/rdzogs pa'i sangs rgyas bcom ldan 'das// thugs rje chen po sprul pa'i sku// bskyed rdzogs gsum du ji ltar bsgrub// rdzaugs sangs rgyas kyis bka' stsal pa// dbang po rab kyi rab 'bring tha ma gsum// dbang po rab kyi tha ma la// bskyed pa ma hA yo gar bsgrub// dben zhing yid 'ong gnas 'dug la// dkyil 'khor bdud rtsi rnam lngas byug/ gtor ma bdud rtsi mchod rdzas bshams// tho mar byang chub sems bskyed la// chos nyid stong pa nyid du bsgom/ khams gsum sems can thams cad la// snying rje chen pos khyab par bsgom// de rjes sems nyid hrI ru bsgom// hrI yi 'od zer 'phro 'du las// rin po che yi gzhal yas khang// sgau bzhi rgyan dang ldan par bsgom// de dbus nyi zla pad+ma'i gdan// rang sems hrI yi 'phro 'du las// thugs rje chen po'i sku ru gyur// zhal gsum phyag drug sku mdog dkar// g.yas sngo g.yon sngo dbus dkar zhal// g.yas g.yon dang po thugs kar sbyar// pad+ma dkar po 'dzin pa'o// rdo rje 'khor lo g.yas na bsnams// rin chen rgya gram g.yon na bsnams// zhabs ni gdan la skyil krung bzhugs// rin po che yi rgyan gyis brgyan// rang 'dra'i yum dang gnyis su med// 'khor ni rgyal ba rigs lngas bskor// sku mdog phyag mtshan rigs rtags 'dzin// dam tshig sems dpa'i thugs ka nas// nyi dkyil hrI las sngags 'phreng bskor// oM ma Ni pad+me hUM/ hrI las 'od zer 'phros pa yis// ye shes sems dpa' spyan drangs la// gnyis su med par bstim nas ni// dbang bskur byin rlabs tshul bzhin bya// phyi nang lha mo spros te mchod// de nas bzlas pa'i spro bsdu ni// thugs ka'i hrI dang sngags 'phreng las// 'od zer dkar po 'phros pa yis// phar 'phros bde bar gshegs pa mchod/ khams gsum sems can sgrib pa sbyang// slar 'dus bdag gi sgrib pa sbyangs// snang srid lha yi gzhal yas khang// skye 'gro thams cad lha yi sku// thabs dang shes rab gnyis su med// de ltar bskyed rim sgom pa dang// dkyil 'khor bsdu gsheg rdzogs rim bsgom// ye shes sems dpa' gshegs su gsol// dam tshig lha rnams bdag la bsdu// de yang thugs ka'i hrI la bsdu// hrI yang rim gyis thig le la// thig le chos dbyings stong par bsgom// de yi ngang las spyod lam bya// tshe gcig thugs rje chen po 'grub// ces gsungs so// thug rje chen po ma hA yo ga ltar bsgrub pa'i le'u ste nyi shu rtsa gcig pa'o//// de nas yang dag bshad bya ba// thugs rje chen po bsgrub pa yi// dbang po rab kyi 'bring la ni// rdzogs pa a nu yo gar bsgrub// dben cing yid 'ong dben gnas su// maN+Dal legs par byas nas ni// bdu rtsi lnga yi byug pa bya// dkar la 'tsher pa'i hrI gcig bri// de nas dmigs pa brten pa dang// bdag nyid thugs rje chen por bsgom// sku mdog dkar la 'tsher ba la// phyag ni mnyam gzhag pad+ma bsnams// nyi zla pad+ma'i gdan la bzhugs// rin po che yi rgyan gyis brgyan// snang la rang bzhin med par bsgom// dam tshig ye shes gnyis su med// thugs ka zla dkyil gdan stengs na// hrI dkar sngags kyi phreng ba bsam// oM ma Ni pad+me hUM/ phar 'phros snod bcud lha ru gsal// snang ba sku yi dkyil 'khor yin// gzugs su snang ba thams cad kyang// thugs rje chen po'i lha tshogs yin// sgra ru grags pa thams cad kyang// grag pa sgra yi dkyil 'khor 'dir// yi ge drug pa rgyun mi chad// sems kyi dran rtogs thams cad kyang// dran rtog thugs kyi dkyil 'khor yin// rang byung ye shes rgyun mi 'chad// 'dod pa'i yon tan rnam lnga yang// tshogs dang mchod pa'i rol pa yin// ma spangs zhen med rang dgar spyod// mchod pa tshogs 'khor rgyun mi 'chad// lha nyid rang yin rang nyid lha// logs na lha de bsgrub tu med// lha nyid gsal ba chos kyi dbyings// de nyid ngo bo rang gsal stong// dbying la ye shes shar ba yin// dbyings dang ye shes gnyis med pa// thugs rje chen po'i dgongs pa yin// zhes gsungs so// thug rje chen po rdzogs pa a nu yo gar bsgrub pa'i le'u ste nyi shu rtsa gnyis pa'o//// de nas yang dag bshad bya ba// dbang po rab kyi rab la ni/ sprul sku thugs rje chen po ni// rdzogs chen a ti yo gar bsgrub// rang lus ri ba'i dgon pa na// ma bris chos nyid gsal ba yis// dkyil 'khor chen po yangs pa yin// snang ba sku yi dkyil 'khor yin// snang ba rang gsal rang grol yin// grags pa gsung gi dkyil 'khor yin// rang grags rang stong rang sangs yin// dran rtog thugs kyi dkyil 'khor yin// rtogs pa rang byung rang grol yin// sku gsung thugs kyi dkyil 'khor yang// chos nyid byang chub sems la gnad// phyi nang snang srid dkyil yin te// phyogs med dbyer med 'khor yin no// gdod nas rnam dag lha tshogs la// spyan drangs mi tshal ye nas gnas// gdod nas rang byung chos nyid la// mchod gtor gtor ma gtang mi dgos// ye nas rnam dag chos sku la// phyag 'tshal bstod pa bya mi dgos// rang gsal snying po ye grub la// 'dzab dang bzlas pa bya mi dgos// rnam dag rang byung chos sku la// ting 'dzin spro bsdu bya mi dgos// dug lnga ye shes yin pa la// phrin las bcol ba bya mi gos// rang sems stong nyid spros bral la// tshogs sogs sgrib pa sbyang mi gos// ye nas sangs rgyas yin pa la// smon lam dag pa gdab mi dgos// rang dbang rang gis thob pa la// dbang dang rim pa bya mi dgos// ye dag ye grol ye gnas la// dam tshig sdom pa bsrung mi dgos// rang la ye nas gdod nas grub// dngos grub gzhan nas blang mi dgos// sna tshogs cir snang chos nyid glong// grub rtags gzhan nas 'char mi dgos// zhes gsungs so// thugs rje chen po a ti yo gar bsgrub pa'i le'u ste nyi shu rtsa gsum pa'o//// de nas sangs rgyas snang ba mtha' yas la// 'jig rten dbang phyug yang zhus pa// e ma ho/ rdzogs pa'i sangs rgyas bcom ldan 'das// thugs rje chen po sprul sku la// theg pa rim dgu ci bcings pa'i// ma 'dres lta ba ji ltar rdzogs// rdzogs sangs rgyas kyi bka' stsal pa// nyon cig 'dus pa'i 'khor tshogs rnams// chos sku thugs rje chen po las// longs sku thugs rje chen po shar// longs sku thugs rje chen po las// sprul sku thugs rje chain po shar// sprul sku'i gdul bya sna tshogs las// chos sgo brgyad khri bzhi stong gsungs// bsdus pas theg pa rim dgur 'dus// theg pa rim dgu 'ub bsdus pas// thugs rje chen po'i dgongs par 'dus// 'byung chen nam mkha'i klong chen du// 'byung ba rnam lnga ma 'dres rdzogs// bar snang gsal ba'i klong chen du// nyi zla gza' skar ma 'dres rdzogs// gnam sa gnyis kyi steng 'og tu// gling bzhi ri rab skye 'gro rdzogs// dkyil 'khor chen po'i klong yangs su// sa tshon sna lnga ma 'dres rdzogs// za 'og yug gcig nang du ni// dar sna ma 'dres yongs su rdzogs// nor bu rin chen nang du ni// rin chen sna lnga ma lus rdzogs// dpe yis rdzogs pa de bzhin du// thugs rje chen po'i thugs dgongs su// theg pa rim dgu ma 'dres rdzogs// rtag chad gnyis su ma lhung bas// mu stegs lta ba ma 'dres rdzogs// bdag med chos bdag rang graul bas// nyan thos lta ba ma 'dres rdzogs// rten 'brel bcu gnyis rang grol bas// rang rgyal lta ba ma 'dres rdzogs// yul sems gnyis po rang grol bas// sems tsam lta ba ma 'dres rdzogs// bde ba gnyis po rang grol bas// dbu ma'i lta ba ma 'dres rdzogs// dag gsum rigs gsum rang grol bas// kri ya'i lta ba ma 'dres rdzogs// mar spyaud yar lta rang grol bas// dbu ma'i lta ba ma 'dres rdzogs// byang chub lnga pa rang grol bas// yo ga'i lta ba ma 'dres rdzogs// thabs dang shes rab rang grol bas// ma hA'i lta ba ma 'dres rdzogs// dbyings dang ye shes gnyis grol las// a nu'i lta ba ma 'dres rdzogs// ye dag bye brag rang grol bas// rdzogs chen lta ba ma 'dres rdzogs// thugs rje chen po'i lta dgongs la// phyogs med phyogs bral thamasacad rdzogs// byas pa'i chos ni 'dus byas yin// 'dus byas chos kyis sangs mi rgya// bshad pa'i chos ni tha snyad yin// tha snyad chos kyis grol mi nus// blos btags chos ni 'khrul pa yin// 'khrul pa'i chos kyi lam mi rnyed// bsgrubs pa'i chos ni yid smon yin// yid mon chos kyis mthar mi phyin// thugs rje chen po'i dgongs pa ru// gang yang mi spong mi bsgrub pa'o// rang grol bya btsal med pa'i ngang// ma bsgrubs ye nas lhun gyi grub// thugs rje chen po de la bya// theg pa dgu yi rtse mo yin// zhes gsungs so// thugs rje chen po'i dgongs pa ru/ theg pa dgu ma spangs par rang rdzogs pa'i le'u ste nyi shu rtsa bzhi pa'o//// thugs rje chen po theg pa dgu lta ba ma spangs par bsgrub par bstan pa'i skabs de dang po'o//// de nas sangs rgyas snang ba mtha' yas la// 'jig rten dbang phyug gis phyag btsal bskor ba byas nas ni/ spyan sngar 'dug ste 'di skad gsol// e ma ho rdzogs pa'i sangs rgyas sku// thugs rje chen po sprul pa'i sku// 'gro drug gdul ba'i lha yin na// thugs rje chen po'i dkyil 'khor du// 'gro drug thabs kyi ji ltar 'dul// gsang sngags lugs su ji ltar bsgrub// de skad gsol bas san gnas kyang// rdzogs sangs rgyas kyi bka' stsal pa// e ma 'dus pa'i 'khor rnams nyon// thugs rje chen po'i sprul pa'i sku// 'gro drug 'dul ba'i dkyil 'khor ni// dben zhing bkra shis gnas su ni// gang la dag pa'i bkra shis sa// sbyangs spel byas nas blangs nas ni// sman dang dri yi skyang nul bya// thig btab dkyil 'khor bri ba ni// sa tshon rnam lnga byin brlabs nas/pad+ma 'dab drug re ga dang/ gru chad sgo bzhi rgyan dang chas/ khor yug pad+ma rdo rje ra// ye shes lnga yi me ris ldan// dbus kyi pho brang zlum po dkar// pad+ma 'dab drug dkar dang sngo// ser dang smug dang dmar dang nag/zlum po dkar dang gru chad sgo// shar dkar lho ser nub dmar byang ljang ngo// re ga dkar sngo ser dmar ljang// sgo rgyan mdzes pa'i rgyan dang ldan// nam mkha' sa gzhi phyogs kyi tshon/ khor yug pad ma rdo rje sngon// me ri sna tshogs 'od dang ldan// gsal la mdzes pa ma 'dres bri// mda' bzhi me long ral gr-i dang// phur pa bzhi la tshon skud bri// dkyil 'khor bri ba'i rim pa'o// mchod pa lnga dang bum pa dang// gtor ma la sogs rdzas rnams bshams// de nas dam tshig dkyil 'khor bsgaum// bdag nyid skad cig lhar bsgoms la// thugs ka'i hrI yi 'od zer gyis// hUM las rdo rje ra ba gur// me ri me dpung bsrung 'khor bsgom// de dbus b+huM las 'od 'phros pas// gzhal yas pad+ma 'dab drug pa// sgo bzhi 'khor yug ldan par bsgaum// de dbus pad+ma 'dab drug pa// zla ba'i gdan re bsam pa dang// dbus su rang sems hrI las ni// 'od zer 'phro 'du'i sbyor ba las// bdag nyid thugs rje chen po ni// zhal gcig phyag gnyis sku mdog dkar// g.yas pa shel 'phreng g.yon pa na// pad+ma dkar po bsnams pa'o// rin po che yi rgyan dang ldan// zla ba'i gdan la mnyam par bzhugs// snang la rang bzhin med par bsgom// gtso bo'i thugs ka'i hrI las ni// pad+ma zla ba'i steng du ni// oM ma Ni pad+me hUM/ brjod pas/ shar du oM las brgya byin ni// dkar po pi wang bsnams pa'o// shar smad ma las thag bzangs ris// sngaun po go mtshon bsnams pa'o// lho stod Ni las shAkya thub ni// ser po gseg shang bsnams pa'o// lho smad pad las shag seng ni// nag po po ti bsnams pa'o// nub tu me las nam mkha' mdzod// dmar po rin chen sgrom bu thogs// byang du hUM las chos rgyal ni// nag po me chu bsnams pa'o// kun kyang sprul skus rigs drug 'dul// dkyil 'khor lha tshogs gsal bar bsgom// de nas ye shes dkyil 'khor ni// thugs ka'i hri yi 'od zer gyi// rang bzhin so so'i gnas nas ni// spyan drang mdun gyi nam mkhar bzhugs// phyag 'tshal mchod 'bul bstod pa bya// thugs ka'i hri yi 'od zer gyis// rigs lnga'i sangs rgyas spyan drangs la/ sku gsung thugs su byin brlab cing/ lha mo lnga yis dbang bskur bya// gnyis su med par bstim nas ni// dam tshig ye shes dbyer med bsgom// de ltar sku la dmigs nas ni// snang stong dbyer med ngang la bzhag/ gal te de la skyo ba na// bzlas pa'i rnal 'byor bya ba ni// thugs ka'i hri las yi ge drug/sngags kyi 'phreng bas bskor bas bsam// oM ma Ni pad+me hUM/ rang don bzlas dang gzhan don bzlas// bdag gzhan gnyis med bzlas pa bya// dang po bdag don bzlas pa na// thugs ka'i hrIH dang sngags 'phreng las// 'od zer lus la khyab pa yis// 'dod chags zhe sdang gti mug dang// nga rgyal phrag dog khong khro yis// rigs drug skye ba'i rgyu sbyangs nas// nyon mongs sgrib pa dag par sbyangs// sems nyid gsal stong 'od gsal dang// shes bya'i sgrib pa dag pa bya// snang stong gsal stong dbyer med bsgom// rang gzhan gnyis med bzlas pa ni// thugs ka'i hri dang sngags 'phreng las// 'od zer phyir la 'phros pa las// bde gshegs byang chub sems dpa' la// sku gsung thugs mnyes mchod pa phul/ khams gsum sems can sgrib pa sbyangs// tshur 'dus rang gi sgrib pa sbyangs// sku ni sngar bas gsal btab nas// snang stong gsal stong dbyer med bsgom// gzhan gyi don du bzlas pa ni// thugs ka'i hri dang sngags 'phreng las// 'od zer rigs drug gnas su 'phros// dmyal ba tsha grang sdug bsngal sbyangs// yi dags bkres skaum sdug bsngal sbyangs// byol song glen lkugs sdug bsngal sbyangs// mi yi sdug bsngal sna tshogs sbyang// lha min 'thab rtsod sdug bsngal sbyangs// lha la 'pho ltung sdug bsngal sbyangs// rigs drug thugs rje chen por bsgaum// 'od zer tshur 'dus bdag la thim// nyon mongs drug sbyangs sku drug thob// de ltar 'phro 'du'i sbyor pa las// gal te de la skyo dub na// ye shes sems dpa' phyung nas ni// mchod dang bstod pa byas te gshegs// dam tshig bsdus te rdzogs rim bsgaum// thub drug 'od du zhu nas ni// rim gyi gtso bo'i sku la thim// gtso bo thugs ka'i hri la thim// hri yang mi dmigs stong par bsgom// stong yang stong ste gsal yang gsal// gsal stong ngang la gnas tshad bsgom// de ni bsnyen pa'i rim pa yin// gzhan don bsgrub pa'i rim pa ni// bum pa b+h+ruM las gzhal yas khang// thugs rje chain po'i lha tshog bskyed/ spro bsdu'i sbyor bas sgrib pa sbyang// sngags kyi 'od zer bzlas lugs gsum// rang don rang gi sgrib pa sbyang// bum pa'i chus bkrus sgrib pa sbyang// lus ngag yid gsum dag par bsam// slob ma dbang bskur bum pa yin// spyi bor chu blugs sgrib pa dag/ thugs rje chen po'i sku ru bsgom// tshe 'das gshin gyi don byed na// bum pa bdud rtsi dag byed chus// ro 'am rus pa mtshan byang la/khrus byas sdig pa dag pa dang// 'gro ba rigs drug gnas nas gdon// snang ba mtha' yas zhing khams sam// thugs rje chen po'i zhing khams su// lam bstan mtshan byang la sogs bseg/rus pa la sogs tsha tsha gdab// gzugs brnyan dkyil 'khor bsdus nas ni// chu'am rlung ngam ri rtser bskyal// byang chub sems sbyangs smon lam gdab// dge rtsa sems can don du sngo// zhes gsungs so// thugs rjes 'gro drug 'dul ba'i dkyil 'khor gyi le'u ste nyi shu rtsa lnga po//// de nas sangs rgyas snang ba mtha' yas la// 'jig rten dbang phyug 'di skad zhus// thugs rje chen po sprul pa'i sku// 'gro ba 'dul ba'i dkyil 'khor du// rigs drug lha ru ji ltar bsgrub// rdzogs sangs rgyas kyis bshad du gsol// de skad gsol pa gsan nas kyang// rdzogs sangs rgyas kyis bka' stsal pa// nyon cig dus pa'i 'khor tshogs rnams// thugs rje chen po lha yi lha// dkyil 'khor kun gyi byed pa po// dus gsum sangs rgyas thamasacad kyi// rigs kyi gtso bor dbang bskur ba'i// rigs 'dus dkyil 'khor bsgrub 'dod na// dang po yid 'ong bkra shis gnas// shar dma' nyi shar mdangs 'phrog la// nub dma' nyi nub zer sdud la// lho gzhol rtsi shing nags tshal rgyas// byang skyob ri bo mdun du lta// rang ri rin chen 'bar ba 'dra// dkar la mdangs chags bag dro ba// mdun na mtsho dang me tog yod// bkra shis nyams dga'i sa btsal la// de lta bu dag ma 'dzom na// yid 'ong dben pa nyams dga' ba// grub thob zhabs kyis bcags pa dang// dgra 'dres dbang du ma byas par// de lta bu yi gnas song la// 'byung po rnams la sbyin gtor gtang// sa blang sa brtags sa sbyang dang// sa gzung cho ga rgyas par bya// bkra shis sa blang dkyil 'khor bzhengs// dri dang sman chab skyang nul bya// gtsang ma'i ras kyi srad bu la// byin brlabs byas nas thig gdab pa// gnam thig sa thig btab nas ni// 'dab ma bzhi bcu gnyis pa yis// thig ni char legs par gdab// de nas tshon ni byin brlabs la// dbus su pad+ma 'dab bzhi pa// dbus kyi pho brang dkar po la// pad+ma 'dab bzhi phyogs kyi dbye// shar dkar lho ser nub dmar la// byang ni ljang khur gtong bar bya// de la 'od kyi 'phreng bas bskor// phyi ma pad+ma bcu gnyis la// phyi ltar yab yum so sor dgod// nang ltar pad+ma 'dab drug la// yab yum g.yas g.yon 'dud tshul dgod// pad+ma lha yi sku mdog bstun// pad mtshan mdzes pa'i tshon gyis bsgyur// mu khyud dkar po rdo rje 'phreng// gru chad ljang la bar khyams phyogs// phyogs bzhi rigs dang bstun pa la/ rtsig pa dkar ser dmar mthing ljang// 'dod yon dmar po pha gu ser// dra ba dra phyed mthing ga la// dur ru kha ni ljang khu la// mun pa mthing skya pa ka ba ser// rta babs rim bzhi sna tshogs la// pad+ma chos kyi 'khor lo gdugs// 'og gi gling gzhi phyogs kyi dbye// da ru ga dang dar spyang phyar// 'og phyogs pad+ma stong dang ldan// steng phyogs 'khor lo rtsibs stong mdzes// khor yug gnyis la shes par bya// rdo rje ra ba me ri gnyis// bsrung ba'i 'khor lor shes par bya// rdaur 'phreng mthing la 'bar 'phreng dmar// phyi rim byang chub shing gis mdzes// tshon sna lnga yi legs par bris// de nas dkyil 'khor rgyan dgod pa// mda' bzhi me long ral gri bzhi// phur pa bzhi yis bskor nas ni// dkyil 'khor tshon skud dra bar bzhugs// sku rten lha yi sku gzugs dgod// gsung rten sa bon yi ge dang// thugs rten lha yi phyag mtshan dgod// bum pa la sogs dbang rdzas dang// gtor ma la sogs chod rdzas dang// spos dang me tog dri chab dang// zhal zas mar me sil snyan dang// phyi yi mchod pa rnams kyang bshams// zhes gsungs so// gnas dang gzugs brnyan gyi dkyil 'khor rdzas bsham pa'i le'u ste nyi shu rtsa drug pa'o//// de nas yang dag bshad bya ba// ting 'dzin dkyil 'khor bsgom zhing bskyed pa ni// dang po skad cig lhar bsgoms la// thugs kar zla dkyil hrIHyig bsam// 'gro ba'i don du sems bskyed la// hrIHlas 'od zer phyogs bcur 'phros// phyogs bcu'i sangs rgyas byang sems dang// bla ma la sogs spyan drangs la// bsod nams tshogs kyi yan lag bsag/ tshad med rnam bzhi bsgom par bya// de nas ye shes tshogs bsag pa// phyi nang chos rnams stong par bsgom// nam mkha' stong pa'i dbus su ni// bsrung ba'i 'khor lo bsgom par bya// 'og tu rdo rje rgya gram gyi// lte bar hUM gis mtshon par gyur// de las 'odazer 'phraus pa yis// rdo rje'i gur dang rtsig pa dang// rdo rje'i sa gzhir gyur par bsgom// de nas ting 'dzin rim pa ni// stong nyid spros bral de bzhin nyid// kun khyab snying rje kun tu snang// rang sems hri yi rgyu las ni// bsrung ba 'khor lo'i dbus nyid du// b+h+ruM ser 'od dang ldan pa las// 'od 'phros phyogs bcu'i bde gshegs kyi// zhing khams kun kyi bcud bsdus nas// gzhal yas khang du gyur par bsgom// 'og phyogs pad+ma 'dab ma stong// steng phyogs 'khor lo rtsibs stong la// rin chen sna lngas rtsig pa byas// dbus na gtso bo'i pho brang ni// pad+ma 'dab bzhis khri rkang bteg/ sna tshogs pad+ma'i 'od dang ldan// phyi rim 'dab ma bcu gnyis pa// sna tshogs kha dog mdangs dang ldan// gru chad bar khyams sgo bzhir phyogs// rin chain sna lnga'i rtsig pa brtsigs// rin chen pha gu'i mda' yab nas// sgo la sna tshogs dra bar dra phyed pa// sgo bzhi rta babs mdzes pa la// chos kyi 'khor lo gdugs kyis brgyan// dar sna lnga yi 'phan dar 'phyo// chos kyi dril bu sgra snyan sgrogs// rdo rje ra ba me dpung 'bar// bar chad bdud kyi glag mi rnyed// phyi rim byang chub shing la ni// lo ma me tog 'bras bu smin// de nas dkyil 'khor dbus dang ni// pad+ma 'dab bzhi 'dab brgyad la// nyi zla pad+ma'i gdan re bsam// de ni snod kyi lo ka dag pa'o// gzhal yas khang gi ting 'dzin no// de nas bcud dag lha'i ting 'dzin bsgom// rang sems yi ge hriHlas ni// dbus kyi gdan stengs 'od 'phros nas// slar 'dus pad+ma dkar por gyur// de las 'od 'phros 'dus pa las// bdag nyid thugs rje chen por gyur// zhal gcig phyag bzhi sku mdog dkar// g.yas g.yon thugs kar thal mo sbyar// g.yas kyi 'og ma shel 'phreng la// g.yon gyi 'og ma pad+ma'o// zhabs gnyis gdan la mnyam par bzhugs// rin po che yi rgyan gyis brgyan// 'dzum bcas mdangs dang 'od zer 'phro// snang la rang bzhin med par bsgom// de nas rtsa ba'i 'khor bskyed pa// thugs ka'i hrIH las mdun du ni// yi ge drug pa'i yum chen mo// sku mdog phyag mtshan gtso dang mthun// yab la 'dud pa'i tshul du bskyed// g.yas kyi pad+ma'i steng du ni// nor bu 'dzin pa sku mdog dkar// zhal gcig pa la phyag gnyis pa// g.yas pa nor bu rin chen 'dzin// g.yon pa yab la 'dud tshul lo// g.yon gyi pad+ma'i 'dab ma la// rig sngags 'dzin ma sku mdog dkar// zhal gcig ma la phyag gnyis ma// g.yas pa shel gyi 'phreng ba 'dzin// g.yon pa yum la 'dud tshul lo// rgyab kyi pad+ma'i 'dab ma la// pad+ma'i pa tra skyes pa las// dbu gtsug snang ba mtha' yas ni// dbu rgyan tshul du bzhugs par bsgom// de nas yang 'khor bskyed pa ni// pad+ma bcu gnyis gdan stengs su// oM ma Ni pad+me hUM zhes pas// rnam snang dkar po 'khor lo bsnams// bsam gtan yum ni yab dang mthun// mi bskyod mthing ka rdo rje bsnams// shes rab yum ni yab dang mthun// rin chain ser po rin chen bsnams// sbyin pa'i yum ni yab dang mthun// snang mtha' dmar po pad+ma bsnams// tshul khrims yum ni yab dang mthun// don grub ljang khu rgya gram bsnams// bzod pa'i yum ni yab dang mthun// spyan ras gzigs dbang dkar po pad// brtson 'grus yum ni yab dang mthun// kun kyang rin chen rgyan gyis brgyan// gsal 'tsher gzi brjid blta na sdug/ mnyen lcug 'khril ldem yab la 'khyud// nyi zla pad+ma'i gdan la bzhugs// snang la rang bzhin med par bsgom// dkyil 'khor sgo bzhi'i gdan stengs su// shar sgo brgya byin thub pa dkar// phyag na pi wang bsnams pa'o// lha min thag bzangs sngon po ni// phyag na go mtshon bsnams pa'o// lho sgor shAka thub ser po ni// phyag na gseg shang par bu bsnams pa'o// nub sgor nam mkha' mdzod ni dmar// rin chen sgrom bu bsnam pa'o// byang sgor chos kyi rgyal po ni// nag po me chu bsnams pa'o/ khyams la phyi yi dus su ni// dus gsum sangs rgyas thamasacad ni// snga rabs 'das pa ma rtogs pa// phyis nas 'byon pa thams cad ni// skal bzang byang chub sems dpar gnas// dkyil 'khor nang gi dus su ni// snga rabs 'das pa'i bla ma rnams// rigs 'dzin byang chub sems dpa' gnas// dkyil 'khor gru chad phyogs mtshams na// mchod pa'i lha mo rnam bzhi gnas// 'dod yon lha mo sna tshogs pa// 'dod yon phyi yi khyams la gnas// rang bzhin gnas par bskyed bsam bya'o// de ltar lha rnams thams cad kyang// snang la rang bzhin med pa yi// 'od dang gzha' tshon tshul du bsgaum// zhes gsungs so// dam tshig gi dkyil 'khor bskyed pa'i le'u ste nyi shu rtsa bdun pa'o//// de nas yang dag bshad bya ba// ye shes dkyil 'khor bsgrub pa yis// dam tshig sems dpa' gtso bo yi// thugs ka'i zla dkyil hri yig las// 'od zer lcags kyu ltar 'phros pas// rang bzhin so so'i gnas nas ni// dkyil 'khor lha tshogs spyan drangs la// mdun gyi nam mkha' zhugs pa la// thugs ka hri yi 'od zer gyis// 'dod yon phyi yi lha mo yis// nyi zla pad+ma'i gdan bting nas// phyag btsal phyi yi mchod pa dbul// sku la dges pa'i bstod pa dbul// de nas nang du spyan drangs la// dam tshig sems dpa'i lha tshogs la// ye shes sems dpa' so sor bstim// gtso bo gtso la yum la dbul// 'khor la 'khor rnams gnyis med bstim// de nas nang gi lha mo y-is// bdud rtsi sman gyis mchod pa dang// gtor ma rag ta tshogs dang ni// mar me la sogs lha mo mchod// bstod cing sku ni gsal gdab bya// de nas bzlas pa bya ba ni// bdag nyid gtso bo'i skur gsal bas// thugs ka nyi ma'i dkyil 'khor nas// dbus na hri dkar sngags 'phreng ldan// oM ma Ni pad+me huM/ dmigs pa gsal bar gyur pa dang// rang don bzlas dang gzhan don bzlas// 'phrin las rnam bzhi bzlas pa ni// de la rang don 'das pa ni// thugs ka'i hri yi 'od zer las// sngags kyi 'do zer kha dog lnga// yig 'bru yum gyi thugs kar 'phro// yum las sras gnyis thugs kar 'phros// sras las rigs drug thugs kar 'phros// rigs drug yab yum thugs ka nas// sprul sku thub drug thugs kar 'phros// thub drug thugs nas 'gro drug la// so sor 'phros pas sdug bsngal sbyangs// slar 'dus thub drug thugs kar thim// de nas rim gyi bdag la 'dus// bdag nyid lhar gsal sgrib pa sbyangs// shin tu sku ni gsal bar gyur// de ni bsnyen pa'i rim pa'o// de nas gzhan don bzlas pa ni/ oM ma Ni pad+me hUM/ dbang bskur rab gnas sman bsgrub dang// tshe bsgrub la sogs bsgrub pa rnams// so so'i dmigs pa gang byed bsgyur// rang don sgrub par byed pa ni/ oM A' hUM hrIH oM ma Ni pad+me hUM/ sngags kyi 'od zer phyogs bcur 'phros// bde gshegs byang chub sems dpa' dang// thugs rje chen po mchod cing mnyes// tshur 'dus sku gsung thugs kyi ni// dngos grub ma lus dbyig bsdus nas// lha yi sku gsung thugs la bsdu// de ni sgrub pa'i rim pa'o// las sbyor 'phrin las rnam bzhi yin// zhi ba'i 'od zer dkar po yis// zhi bas nad gdon bar chad zhi// rgyas pa 'od zer ser po yis// tshe dang bsod nams longs spyod rgyas// dbang gi 'od zer dmar po yis// log lta mi dang mi min sdud// drag po 'od zer nag po yis// dgra bgegs gdug pa sgrol bar byed// 'phr-in las gang byed dmigs dang sbyar// zhes gsungs so// ye shes kyi dkyil 'khor bsgrub pa bsnyen bsgrub las sbyor bstan pa'i le'u ste nyi shu rtsa brgyad pa'o//// de nas yang dag bshad bya ba// 'gro ba 'dul ba'i dkyil 'khor du// slob ma dbang bskur byed 'dod na// dang po lha gnas cho ga byas// bum pa thod pa me long dang// chos dbyug shel 'phreng me long dang// sku rten gsung rten thugs rten dang// phyi nang dbang rdzas rgyas par bsag/ slob ma lhag par gnas par bya// sdig bshags skyabs 'gro sems bskyed bya// so shing dor dang ku sha sbyin// bar chad bsrung phyir bsrung skud gdags// spro ba bskyed dang gnang ba sbyin// slob mas gsol ba btab nas ni// slob dponalhag par gnas nas ni// ye shes lha la gsol ba gdab// mchod dang bstod pa tshul bzhin bya// de nas dkyil 'khor bris nas ni// slob ma dkyil 'khor gzhug par bya// las kyi slob dpon dbang thob pas// slob ma dar gyis mig bkab la// rdo rjes lag nas khrid nas ni// phyag btsal bskor ba byas nas ni// slob ma nub nas me tog thogs// dbang dang byin rlabs zhu bar bya// slob dpon gnang ba'i lung byin nas// ye shes lha la gsol ba gdab// cod pan dor dang mig dbye dang// ye shes dbab dang lha ngo bstan// dam chu blud dang dam tshig dbog/ de nas bsgrub pa'i las gzhung bsrang// bsgrub pa thon pa'i tha ma la// slob dpon gsol ba btab nas ni// bum pa'i dbang dang gsang ba'i dbang// tshig dbang dang ni dbang gsum bskur// lha dbang sngags dbang chos dbang dang// sku gsung thugs kyi dbang gsum bskur// de nas thun mong dbang drug ni// dbu rgyan cod pan rdor dril dang// 'phreng ba chos dbyug spyir gyi dbang// de dag rim par rdzogs pa ni// bla ma dgongs par ldan pa yis// tshig dang sngags dang don ldan pas// rim pa bzhin du dbang bskur la// slob ma'i lus ngag yid gsum rnams// dbang bskur thob pas smin par 'gyur// zhes gsungs so// dbang bskur bstan pa'i le'u ste nyi shu rtsa dgu pa'o//// de nas yang dag bshad bya ba// 'gro ba 'dul ba'i dkyil 'khor du// gtor ma'i bsgrub pa bya ba ni// bsgrub gtor mchod gtor las gtor gsum// dang po bsgrub pa'i gtor ma ni// phyi gtor dang ni nang gtor gnyis// phyi yi gtor ma sgrub pa ni// zangs la sogs pa'i gtor gzhong du// lha bshos khru gang byas nas ni// tha ma gtor mas khengs par bya// dkar gyi thig btab rgyan gyi brgyan// gtor snod rin chen gzhal yas na// gtor ma lha tshogs phyag rgyar gsal// dngos grub chen po 'byung ba'i phyir// phud la sogs pas rgyun du mchod// gnas kyi dkyil 'khor steng du bzhugs// rta ru bzung la mi btang ngo// bkra shis bar chod 'byung mi 'gyur// nang gi gtor ma'i bsgrub pa ni// gtor ma zur gsum khru gang la// dmar chen rak+ta byug nas ni// zhabs su gru gsum brus nas ni// dgra bgegs ling ga mi rus gzhug/ thod pa'i nang du gtor ma gzhug/gtor snod ban d+ha'i gzhal yas khang// gtor ma khro bo rta mgrin bskyed// zhabs 'og dgra bgegs zil gnon pa// tshar gcod bsgral dang bcings par bsam// bar gcod dgra bgegs ldang mi nus// mchod gtor ji ltar 'byor pa la// gtor snod rin chen khor yug tu// gtor ma bdud rtsi'i rgya mtsho ru// 'bru gsum sngags kyis byin brlabs dbul// lha mnyes dngos grub gsol bar bsam// rgyun du btang bas bar chod sel// tshogs sog dngos grub thob par 'gyur// las gtor 'phrin las rnam bzhi ni// zhi gtor zlum po dkar po la// rgyas gtor gru bzhi ser po'o// dbang gtor zla gam dmar po la// drag po zur gsum nag po yis// 'phrin las rnam bzhi grub par 'gyur// dbang bsgrub dngos grub mchog thob 'gyur// zhes gsungs so// gtor bsgrub kyi le'u ste sum cu pa'o//// de nas yang dag bshad bya ba// 'gro ba 'dul ba'i dkyil 'khor du// sman gyi bsgrub pa byed 'dod na// mtshan ldan thod pa gling lnga ru// bdud rtsi dri chen byang sems dang// sha chen rag ta dri chu'o// glang sha rta sha mi dang glang chen khyi sha rnam pa lnga// dri chen skyobs la dza ti dang// ka ko la dang a 'bras sogs// byang sems skyobs la ga pur dang// cu gang gi hang la sogs pa// maM sa'i skyobs la gur kum dang// sug smel shing tsha la sogs pa// pad+ma rak+ta'i skyobs la ni// tsan dan dmar po smug po sogs// dri chu'i skyobs ni li shi dang// a ru ra dang du ru ka/ li ga dur la sogs pa yi// a ru ra la gzhi blangs nas// sman sna stong dang sha sna stong// me tog sna tshogs bsogs nas ni// thod pa dar dkar dril nas ni// thugs rje chen po rigs drug dang// yab yum rnams su mnga' gsol la// dkyil 'khor dbus su mnga' gsol te// rgyas gdab bzhugs su gsol bar bya// des ni thugs rje chen po yi// dam tshig ye shes dkyil 'khor bsgom// thod pa ban d+ha'i gzhal yas nas// bdud rtsi sman gyi rang bzhin ni// thugs rje chen po 'khor bcas rnams// yab yum sbyor ba byas pa yi// byang chub sems ni bdud rtsir bskyil// yi ge bcu pas bsnyen pa dbul// oM AH hUM hrIH oM sarba pany+tsa a mr-i ta hUM hrI tha/ zhes bzlas pa yis/ thod pa nyi zla kha sbyar nas// sman sna stong dang rtsa brgyad rnams// thugs rje chen po 'khor bcas kyi// yab yum sbyor ba'i byang chub sems// sman la babs pas bdud rtsir bsgom// de la dri dang du ba 'ong// zhag gsum bsgrub pa byas nas ni// de nas btags la phyi ma bya// dar dmar phur mar dril nas ni// thod pa'i nang du stsal nas ni// rus sbal thod pa kha bcad la// dkyil 'khor dbus su bzhugs nas ni// 'og tu rlung gi dkyil 'khor la// raM las me thab zur gsum pa// thod pa gsum gyi sgyed kha la// ban d+ha 'bar ba'i gzhal yas khang// nang na bdud rtsi gnas pa la// rlung gis me sbar thod pa dros// dam tshig bdud rtsir khol bar bsam// thod pa'i steng na thugs rje chen po yi// lha tshogs yab yum sbyor ba byas// ye shes bdud rtsi babs par bsgoms// dam tshig ye shes bdud rtsi 'dres// gnyis su med pa'i bdud rtsi yis// thod pa rgya chen khengs par gyur// oM A hUM hri/ sarba pany+tsa a mr-i ta ra sa ya na sta na gu ya sid+d+hi hUM hriHtha/ zhes bzlas pa bya'o// bdud rtsi bsrungaba'i srung ma ni// rta mgrin zhal gsum phyag bzhi pa// zhabs bzhi bdud rtsi'i nang na bzhugs// mi 'pham khro gnyer ral gcig ma// ro longs yum bzhi'i lhums su ni// zhabs bzhi sbyor ba byed pa la// phyag bzhi yum bzhi'i mgul nas 'khyud// bdud rtsi bsrung zhing bdud rtsi 'bebs// oM AH hUM hri ha ya gri ba hu lu hu lu sarba pany+tsa mr-i ta huM hrI thA/ zhes bzlas bdud rtsi bsrung// dri dang 'od dang du ba dang// mang du 'phel na grub pa yin// bdud rtsi'i pho brang dbang bskur la// dngos grub blang zhing lha la mchod// de ltar bsgrubs pa'i bdud rtsi des// 'chi ba slong la na ba gso// rnam rtog bdud la ye shes rtsi// bdud rtsi'i zhes ni de la bya// bdud rtsi bsgrub pa'i le'u ste sum cu so gcig pa'o//// de nas yang dag bshad bya ba// 'gro ba 'dul ba'i dkyil 'khor du// tshe yi bsgrub pa bya ba ni// snod ni tshe bum mtshan ldan du// 'bru bcud ro ldan ma nyams blug/ mar dang mngar sman bsres pa yi// tshe yi 'brang rgyas bcas nas ni// ril bu mched kyi grangs dang sbyar// sman dang bdud rtsi tshe chang blug/ tshe yi 'brang rgyas kha bcad la// tshe bum dkyil 'khor dbus su bzhag/ bar chod bgegs bskrad gu gul bdugs// thugs rje chen pa'i dam tshig dal// ye shes dkyil 'khor rdzogs par bsgom// tshe bum gzhal yas khang du bsam// bcom ldan mgon po tshe dpag med// sku mdog pad+ma ra ga 'dra// zhal gcig pa la phyag gnyis pa// yum yang mA ma ki la 'khyud// rigs bzhi yab yum 'khor gyis bskor// lha tshogs 'khor dang bcas pa yang// g.yas pa rigs kyi phyag tshan la// g.yon pa tshe yi bum pa 'dzin// bkra shis lha mo brgyad kyi bskor// de ltar tshe bum gzhal yas na// lha tshogs gsal bar bsgom nas ni// tshe bum mgul nas bzung thag gdags// bdag nyid dkyil 'khor gsal bsgaum la// oM AHhUM hrIH oM ma Ni pad+me hUM/yi ge bcu pa'i bsnyen pa bya// de nas tshe yi bsgrub pa ni// oM A hUM traM hrI ha/ bruM badzra A yu she a sad+d+h-I sid+d+hi hUM// zhes pa'i 'phro 'du yis// bdag nyid thugs rje chen po yi// thugs ka'i hri las 'aud 'phros pas// bum pa'i nang gi lha la thim// lha rnams thugs bskul 'od zer gyis// stong gsum tshe yi bcud bsdus nas// tshe'i bum lha rnams thugs kar 'dus// lha yi thugs nas tshe yi bcud// bdag dang sgrub byed snying kar thim// 'chi med tshe dang ldan par bsgom// rgyas gdab tshe yi srungs ma rung// snying gi sgo srungs rta mgrin bsgom// tshe chang khol dang drod rnyed nas// dngos grub blangs te rol par bya// tshe yi sid+d+hi thob par 'gyur// zhes gsungs so// 'chi med tshe bsgrub kyi le'u ste sum cu so gnyis pa'o//// de nas yang dag bshad bya ba// 'gro ba 'dul ba'i dkyil 'khor du// dngos grub bsgrub pa bya ba ni// 'gro ba 'dul ba'i dkyil 'khor du// dngos grub bsnyen pa byed 'dod na// gtor ma rak+ta bdud rtsi dang// mchod rdzas rnams kyang rgya cher bsham// phyi yi mchod pa rgya cher bsham// tshogs dang zhal zas sna tshogs la// 'byor tshogs rgyas par bshams nas ni// dus bzhir mchod cing bsgrub pa bya// de nas mtshams gcod sngon 'gro bya// dam tshig dkyil 'khor bskyed par bya// ye shes dkyil 'khor spyan drangs la// bzhugs gsol phyag btsal mchod pa dang// gnyis su med par bstim pa dang// bstod cing gsol ba gdab pa dang/ khyad par tshogs mchod rgya chen bya// bdud rtsi sman gyi mchod pa bya// dngos grub blang zhing lce la bzhag/ gtor ma rak+ta tshogs kyis bskang// mar me tshe la sogs pas bskang// lha la bstod pa byas nas ni// dbang dang dngos grub blang ba dang// dus bzhir mchod cing 'dzab bzlas bya// oM AHhUM/ oM ma Ni pad+me hUM/ zhes pa 'dzab tu bzlas pa yis// thugs rje chen po'i thugs ka nas// sngags kyi 'od zer 'phraus pa yis// 'khor gyi lha rnams thugs kar phog/ 'khor gyi thugs nas phyir 'phros pas// phyogs bcu'i bde bar gshegs pa la// sku gsung thugs kyi mchod pa phul/ khams gsum sems can sgrib pa sbyangs// thugs rje chen po'i sku ru gyur// tshur 'dus sku gsung thugs kyi dngos grub bsdus// dus bzhir mchod cing 'dzab tu bzlas// dus dang grangs dang mtshan ma bya// bsgrub pa grub pa'i rtags byung nas// tha ma'i nub mo dngos grub blang// dngos grub rdzas kyi rnam pa ni// zla rgyas zla phrom dza gad dang// tshe dang am ril gal phyi dang// maM sa 'ge 'u skyu rum dang// bran pho bran mo kun tu rgyug/ dngos grub rdzas dang 'byor tshogs bshams// lha la bskul zhing dngos grub blang// yi ge bcu pa'i bsnyen sngags la// kA ya bA ka tsit+ta sarba sid+d+hi sid+d+hi hUM// zhes pa bzlas/ steng 'og bar gsum lha klu mi'i// bdud rtsi zas dang rtsi mchog dang// sngags dang ting nge 'dzin gyi blang// dngos grub rdzas kyi dbang bskur la// phud kyi dkyil 'khor lha tshogs mchod// rdo rje slob dpon mched lcam rol// bkra shis brjod cing glu bro bya// slob dpon yon dbul mnyais byas nas// gtor ma gtang la gtor gzhong gnon// ye shes sems dpa' gshegs su gsol// dam tshig sems dpa' rim par bsdu// gzugs brnyan dkyil 'khor sa tshon bsdu// chu bo'i gzhung la bskyal bar bya// de nas spyod lam ci bder bya// thugs rje chen po'i sid+d+hi thib// ces gsungs so// thugs rje chen po'i dkyil 'khor du dngos grub bsgrub pa'i le'u ste sum cu so gsum pa'o//// thugs rje chen po gsang sngags kyi bsgrub pa'i skabs te gnyis pa'o//// de nas sangs rgyas snang ba mtha' yas la// 'jig rten dbang phyug yang zhus pa// e ma rdzaugs pa'i sangs rgyas sku// thams cad mkhyen pa'i ston pa lags// thugs rje chen po'i dkyil 'khor du// 'phrin las las tshogs ji ltar bsgrub// rdzaugs sangs rgyas kyi bka' stsol cig/ de skad gsol ba gsan nas kyang// rdzaugs sangs rgyas kyi bka' stsal pa// nyon cig 'dus pa'i 'khor tshogs rnams// de la zhi ba'i las bsgrub na// yid 'ong bkra shis dben gnas su// gtsang zhing dkar ba'i sa blangs la// maN+Dal zlum po byas nas ni// dri zhim sman gyi dri yi byug/ me tog dkar po bkram nas ni/khrus byas dkar gsum zas la rten// gtor ma dkar po bshams nas ni// bum pa dkar po chu yis dgang// tsan dan dkar dang dmar gyis brgyan// ras dkar gtsang mas mgul chings bya// gzungs thag dkar po btags nas ni// maN+Dal dbus su bzhag nas ni// bdag nyid thugs rje chen por bsgaum// gzungs thag dkar po bzung nas ni// bum pa lha yi gzhal yas khang// hrI las byung ba'i spyan ras gzigs// zhal gcig phyag gnyis sku mdog dkar// rgyan rnams rdzogs pa pad+ma bsnams// zla ba'i gdan la legs par bzhugs// hri yi 'phro 'du'i sbyor ba ni// oM ma Ni pad+me hUM/ pa smi pa na shan tiM ku ru swA hA/ zhes pa'i gsang sngags grub pa dang// bum pa chu yis bkrus nas ni// las dang sgrib pa yongs dag nas// 'jigs pa kun las rab grol te// rgyal pos 'jigs dang dmag gis 'jigs// chom rkun 'jigs dang gcan gzan 'jigs// lce 'bab me yis 'jigs pa dang// sbrul gdug chu yis 'jigs pa dang// 'jigs pa brgyad las thar bar 'gyur// zhi ba'i sbyin sreg byed 'dod na// tsan dan dkar po'i shing la ni// bkra shis gnas nas me blangs sbar// dur ba'i rtsa dang 'bras kyi 'dab// til dang yungs kar pu rtse la// gong gi sngags bzlas me la bsreg/ myur du zhi ba'i las 'grub 'gyur// zhes gsungs so// zhi ba'i las tshogs kyi le'u ste sum cu so bzhi pa'o//// de nas yang dag bshad bya ba// rgyas pa'i las ni bsgrub 'dod na// nags tshal 'thug po me tog can// nyams dga' sa gzhi ser po ru// gtsang ba sa ser legs blangs la// tsan dan ser po'i dri chus byug/ 'bras bu bcas pa'i me tog ni// ser po'i tshom bu bkram nas ni// rin chen sna lnga 'bru snar bcas// rin chen bum par blug par bya// maN+Dal dbus su legs bzhag la// gzungs thag ser po gdags par bya// bdag nyid rgyan btags gos ser gon// thugs rje chen po'i skur bsgom la// gzungs thag ser po gzung nas ni// bum pa lha yi gzhal yas khang// hri las byung ba'i spyan ras gzigs// zhal gcig phyag gnyis sku mdog ser// rgyan rnams rdzogs pa bum pa bsnams// nyi ma'i gdan la bzhugs par bsam// hri yi 'phro 'du sbyor ba yis// oM ma Ni pad+me hUM/ rat+na gu na push+tiM ku ru swA hA// zhes pa'i gsang sngags grub ba dang// bang mdzod la sogs khyim rnams ni// 'bru dang rin chen nor gyi dbyig/ mi mdzad myur du khengs par 'gyur// tshe dang dpal dang dbang thang yang// 'byor pa chen po thob par 'gyur// rgyas pa'i sbyin sreg byed 'dod na// tsan dan shing la gru bzhir rtsig gtor ma ser po bsham nas ni// ku sha star bu shug 'brum dang// ser chen me tog ser po la// sngags bzlas tsan dan me la bsraig/ phyug po'i khyim nas me blangs sar// rgyas pa'i las rnams dmyur du 'grub// ces gsungs so// rgyas pa'i las tshogs kyi le'u ste sum cu so lnga pa'o//// de nas yang dag bshad bya ba// dbang gi las ni grub 'dod na/ sdud par byed pa chu klung 'gram/ kha dog dmar po zla gam dbyibs// de lta bu yi gnas su ni// sa dmar gtsang zhing legs pa la// me tog dmar po bu ram dang// sbrang rtsi ka ra'i ri lu bya// bse khab dmar po'i nang du gzhug/ gang la dmigs pa'i gzugs bcug la// me tog dmar po btab nas ni// maN+Dal dbus su bzhag par bya// gzungs thag dmar po btag nas ni// bdag nyid thugs rje chen por bsgoms// hri las byung ba'i lha mo ni// lcags kyu thogs pa bsam nas ni// gang la dmigs pa'i snying nas ni// lcags kyu drangs nas bkug par bsam// oM ma Ni pad+me huM// che ge mo pas shang mi ku ru swA hA/ zhes bzlas// lha dang mi yi bu mo khugs// rgyal po la sogs dbang chen dang// log lta dgra 'dre la sogs pa// gang dmig gzugs ni khrag gis bris// bse khab zang khab kha sbyar gzhug/ ye ge drug pa'i sham bu ru// che ge mo b+hasmi pa shang ku ru swA ha/ zhes bzlas/ gang la bya ba dbang du 'gyur// rgyal po rje dpon slob dpon dang// ma ma lta bur mos par 'gyur// dbang gi sby-in sreg byed 'dod na// mdzo mo'i shing la sogs pa la// dbyibs ni zla gam brtsigs nas ni// gtor ma dmar po bshams nas ni/ khre dang ju tse sran ma la// sngag bzlas pad+ma'i me 'bar bsreg/ nus pa mchog tu yongs 'gyur te// gang la bya ba log lta rnams// thams cad bdag gi dbang du 'gyur// zhes gsungs so// dbang gi las tshogs kyi le'u te sum cu so drug pa'o//// de nas yang dag bshad bya ba// mngon spyo drag po'i las byed na// dur khrod shing gcig 'dre gnas su// dur khrod sa la maN+Dal bya// dug dang khrag gi nag por byug/ me tog sngon po bkram nas ni// byang gi phyogs su kha bltas te// lcags sam kham nag zur gsum du// gang la bya ba'i ming rus gzhug kha sbyar staing du bug pa btod// yung dkar yungs nag lcags phye la// bsngags la thun du brab bar bya// bdag nyid thugs rje chen por bsgom/ khro bo nag po mtshon gang thogs// gang la bya ba gsod dang 'ching// gang dmigs las rnams byed par 'gyur// oM ma Ni pad+ma hUM/ che ge mo a mu ka mA ra ya phaT/dgra bgegs gang dmigs tshar gcod 'gyur// drag po'i sbyin sreg byed 'dod na// dug shing tsher ma can gyi shing// dbyibs ni zur gsum dag tu brtsig/ me ni yug sa'i khyim nas blangs// gtor ma nag po bshams nas ni// bra bo sran ma til nag la// sngags btab bsregs na myur du 'grub// dgra bgegs gdug pa tshar gcod 'gyur// zhes gsungs so// mngon spyod kyi las tshogs kyi le'u ste sum cu so bdun pa'o//// de nas yang dag bshad bya ba// las bzhi rdzogs pa'i 'khor lo ni// gro gar ras sam shing shun la// 'khor lo rtsibs drug yi ge drug/ dbus su hri yis mtshon pa bri// rtsibs mchan shAn ting ku ru swA ha/ra dkar 'o ma dung gis bkru// dngul lam dkar po'i ga bur gzhug/ sngags bzlas mchod na zhi ba 'grub// yung ba'i chu yis khor lo bri// pun+TiM ku ru swA hA// rtsibs kyi mtshams su bri bar bya// gser ram ra gan ga 'ur gzhug/ sngags bzlas mchod na rgyas pa grub// mtshal dang pad+ma'i khrag gis bri// pa smi ku ru swA hA/ rtsibs mchan la ni bri bar bya// zangs kyi gab rtser gzhug par bya// sngags bzlas tshe na dbang du 'gyur// nim pa'i chu dang snag tshas bris// mA ra ya rbad rtsibs mchan la ni bri bar bya// lcags kyi gab rtser gzhug par bya// drag po'i thun du brabs pas ni// gang la bya ba 'chi bar 'gyur// shog bu dag la snang tshas bris/ yang na mtshal lam gur kum bri/ gser dang dngul gyis bris na rab// pad+ma 'dab ma drug pa la// dbus su hri bri pad+ma la// oM ma Ni pad+me hUM zhes pa bri/ mu khyud rten 'brel sngags kyi bskor/la cha'i ri lur dril nas ni// tshon gyi pad+ma rin chen brgyan/ mgul lam dpung pa g.yas g.yon bcang// bsrung ba'i mchog tu 'gyur ba dang// lus la bcangs pas byang chub thob// oM ma Ni pad+ma hUM/gzhan yang 'jigs pa brgyad bsrung ba// rgyal pos 'jigs pa bsrung ba la// rgyal po'i lto bar 'khor lo bri/ yi ge drug pa'i sham bu ru// rA ga staM b+ha ya hUM hUM// tshon sna lnga yi skud pas bcing// bcings nas chu bo'i gzhung la bskur// rgyal po'i chad pa dag las thar// chom rkun dgra yis 'jigs pa la/ mi bzugs nang du 'khor lo bri/ yi ge drug pa'i sham bu ru// dgra dang gnod pa thams cad kha ting stam pa ya hUM hUM/zhes pa bzlas la rgya gram lam du mnan// dgra dang rkun mo 'ching bar 'gyur// gcan gzan 'jigs pa bsrung ba la// lce spyang stag sogs kha 'thams pa'i// lte bar 'khor lo bris nas ni/gtso bo che dang dril nas ni// lus la btags sam sgau la btag/ yi ge drug pa'i sham bu ru// ri tiM pri ti ka go la stam pa ya hUM hUM/ gcan gzan 'jigs pa 'ching bar 'gyur// dug sbrul 'jigs pa bsrung ba ni// sbrul gyi lto bar 'khor lo bri/ gla rtsi shing kun lus byugs la// 'khor lo lus la bcangs nas ni// ha la ha la bi sha bi sha staM hUM hUM/ sbrul dang klu gdug 'ching bar 'gyur// lce 'bab thog gis 'jigs pa la// thog rus me ri'i nang du ni// 'khor lo bris la thog rus dang// rin chen sna lnga spyi bor bcing// badzra dz+wa la dz+wa la staM pa ya hUM hUM/ yi ge drug dang spail la bzlas// lce 'bab thog gis 'jigs mi 'gyur// me yi 'jig pa bsrung ba la// me ri'i nang du 'khor lo bri// 'brug rus chu shel lus la bcang// dz+wa la a ni staM pa ya staM pa ya hUM hUM/ chu la btab la me la gtor// yang na sa la btab la gtor// yi ge drug dang sbrel nas ni// me yis 'jigs pa zhi bar 'gyur// chu yis 'jigs pa bsrung ba ni// chu ris nang du 'khor lo bri/ bi da ra ni staM pa ya hUM hUM/ yi ge drug dang sbrel nas ni// sa la bsngags te chu la gtor// 'khor lo kham pa'i gab tse ni// so btang las byas sbyar nas ni// chu snar bcug na chu sna bzlog/ lus la 'khor lo bcangs pa ni// chu yi 'jigs pa 'byung mi 'gyur// dus min 'chi bas 'jigs pa la// rdo rje'i nang du 'khor lo bri// oM ma Ni pad+me hUM// A yu tshe bruM yu bruM ni hUM hUM/ bla g.yu mig med 'khor lo dril// de yang la cha'i ri lur dril/ rdo rje rgya gram rgyas btab la// mgul btag mchan khung g.yon par bcang// sngags bzlas lus dang ma bral na// dus min 'chi bar mi 'gyur te// bcu thub pa yang brgya thub 'gyur// 'khor lo las kyi kha tshar gyi le'u ste sum cu so brgyad pa'o//// 'phrin las las tshogs kyi skabs te gsum pa'o///// de nas 'jig rten dbang phyug gis// sangs rgyas snang ba mtha' yas la// phyag 'tshal bskor ba byas nas ni// e ma ho// rdzogs pa'i sangs rgyas bcom ldan 'das// rgyud 'di'i mtshan ni ji ltar lags// rgyud 'di dar ba'i sa ni gang du 'byung// de skad gsol ba gsan nas kyang// rdzogs pa'i sangs rgyas bka' stsal pa// rgyud 'di thugs rje chen po yi// bsgrub thabs ma lus ston pas ni// bsgrub thabs nges par ston pa'i rgyud// thug rje chain po thugs dgongs bcad// ma lus 'di ru ston pas na// rang byung ye shes phyi ma'i rgyud// rgyud 'di dar nas 'byung ba'i dus// lho phyogs 'dzam bu gling gi dbus// dbu rgyan d+ha na ko sha ru// mngal las ma skyes pad+ma las// rdzus te sku 'khrungs sprul sku las// nga yi lung bstan 'bab par 'gyur// de nas mtha' 'khob kha ba can// bod ces bya bar ston par 'gyur// thugs rje chen po'i btan pa 'byung// zhes gsungs so// rgyud 'di o rgyan pad+ma yis// brag phug ma ra ti ka ru// tshe yi rigs 'dzin bsgrub dus su// sangs rgyas snang ba mtha' yas kyis// lung bstan rgyud 'di bka' babs byung// bod yul gdong dmar srin po'i rigs// gdul phyir rgyud 'di bsgyur nas ni// phyi rabs don du gter du sbas// las can gcig dang 'phrad gyur nas/ma spel sgro skur sar song na// byin rlab dngos grub yal bar 'gyur// bcangs na dngos grub chog thob 'gyur// gal te rgyud 'dzin snod ldan m-i// bla ma'i bka' bzhin byed pa dang/ khong gi snying ltar brtse sems nas// skad cig 'bral bar mi sems na// de la rgyud 'di gtad par bya// bstan pa'i sgron me byed par shog/ ces gsungs so// rgyud kyi mtshan bstan pa dang// thugs rje chen po'i bstan pa 'byung dus bstan pa'i le'u ste sum cu so dgu pa'o//// thugs rje chen po spyan ras gzigs kyi bsgrub thabs bstan pa ye shes rang byung gi rgyu phyi ma zhes bya ba rdzogs so// gter rgya/ sbas rgya/ gtad rgya/

CLOSE WINDOW