CLOSE WINDOW

Gpb044.008
བོད་ཡིག

/// ! thugs rje chen po la phyag 'tshal lo// thugs rje chen po lta ba yang thog gi rgyud/ brag phug ma ra ti gar slob dpon pad+ma 'byung gnas kyis tshe'i rigs 'dzin bsgrubs pas/sangs rgyas snang ba mtha' yas kyi zhal gzigs nas/ slob dpon gyis zhus pa// yang dag par rdzogs pa'i sangs rgyas 'gro ba sems can gyi mgon du gyur pa/ 'khor ba'i rgya mtsho las sgrol ba'i ded dpon chen po/ma rig pa'i mun pa sel ba'i sgron me/ khams gsum gyi sems can thugs rje chen pos gzigs pa'i gnyen gcig po/ 'gro ba rigs drug gi mgon dang skyabs su gyur pa'i thugs rje'i bdag po 'phags pa spyan ras gzigs dbang phyug gi dgongs pa/lta ba yang thog gi bka' gdams cig zhu 'tshal lo// zhes zhus pas/ sangs rgyas snang ba mtha' yas kyis bka' stsal ba/ skal ldan 'gro ba'i don la dgongs po'i sprul pa'i sku nyon cig/thugs rje chen po'i dgongs pa lta ba yang thog/ chos thams cad kyi spyi phud/ dgongs pa thams cad kyi zhe phugs/ thugs rje chen po'i dgongs pa bshad do// gleng gzhi'i le'u ste dang po'o//// sangs rgyas snang ba mtha' yas kyi bka' stsal pa// thugs rje chen po'i thugs kyi yang snying/ oM ma Ni pad+me hUM/ zhe pa'i yi ge drug pa 'di yin te/ oM chos kyi sku skye ba med pa las skye ba'i cho 'phrul du yi ge lngar shar ba'o// ma ni dbyings kyi theg le chen po chos kyi sku ma bcos mnyam pa chen po chos nyid kyi klaung chen po/ Ni dngos por 'dzin pa 'khor ba'i chos thams cad dngos med stong pa chen por log pas 'khor ba gnas stongs pa'o// pad gnyis snang gi rtog pa thams cad gnyis med bde stong zung 'jug tu spyad nas ngang dngas kyi don la gnas pa'o// me ni ye shes 'od gsal gyi me 'od kyi nyon mongs pa dang rnam par rtog par 'khor ba'i bud shing tshan po che bsreg nas 'gro drug stongs par byed pa'o// hUM gis thugs chos nyid 'gyur ba med pa stong pa chen po thig le nyag gcig dus gsum 'gyur ba med par gnas pa'o// sprul sku pad+ma 'byung gnas thugs rje chen po thugs kyi yang snying yi ge 'bru drug gi don rtogs na/ thugs rje chen po'idagongs pa rtogs pa yin te// nang rtogs na nang sangs rgyas la/nub rtogs na nub sangs rgya ba yin te/ 'di yi don la gnas par gyis shig/ ces bka' stsal to// gzhi snying po'i don yi ge drug pa'i le'u ste gnyis pa'o//// de nas sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje chen po'i dgongs pa yang dag par rdzogs pa'i sangs rgyas thugs rje chen po'i lta dgongs mi 'gyur ba'i don gang lags/ yang dag par rdzogs pa'i sangs rgyas kyis bka' stsal pa/oM thugs rje chen po'i lta ba mi 'chos te/ sems gzhi rtsa dang bral bas gzhi lam lam/ ma sgom pas mi sgom ste/ sems ting gsal dngas sangs/ Ni spyod pa mi spyad de/ byar med kyi ngang la lhan lhan/pad 'bras bu bsgrub bya mi bsgrub ste/ re med kyi ngang la mnyam dkril dkril/ me nyams la 'phel 'grib med de/ sems la zug rngu med pas bde lhan lhan/ huM thugs rje chen po'i dgongs pa 'gyur ba med de/dgong pa chos nyid kyi glong na phyal phyal/ thugs rje chen po'i dgongs pa la/ yi ge drug gi don rtog na/ sangs skad cig la rgyas pa yin no// lta dgongs mi 'gyur ba bstan pa'i le'u ste gsum pa'o//// sangs rgyas snang ba mtha' yas la/ yang sprul pad+ma'i byung gnas kyis zhus pa/ thugs rje chen po'i dgongs pa rang 'khrungs kyi don gang lags/ sangs rgyas kyis gsungs pa/ oM thugs rje chen po'i dgongs pa chos nyid bcos pa med pa gzhi nas shar ba'o// ma 'khor 'das thams cad sems las byung bas lhun gyis grub/ Ni gnyis snang ba rtog pa'i dgag sgrub chen po med par gnyis med dbyings su grub/pad 'khor 'das dbye ba med pas gnyis med dbyings su grol/ me bde sdug dgra zin med par mnyam nyid dbyings su bsreg/ hUM sems nyid ye sangs rgyas pas rdo rje rang 'khrungs kyi skur grub/thugs rje chen po'i dgongs pa yi ge drug gi don rtogs na/ da lta nyid du sangs rgyas pa yin no// dgongs pa rang 'khrungs kyi le'u ste bzhi pa'o//// sangs rgya snang ba mtha' ya la/ yang sprul pad+ma 'byung gnas kyis zhus pa/thugs rje chen po'i dbang po tshog drug gi dbyings su grol bas/ tshogs drug rang grol gyi gongs pa gang lags/ sangs rgyas kyis gsungs pa/ oM rang snang dgag bsgrub med par mthong bas/thugs rje chen po'i spyan gsal stong du mthong bas yul gzugs mthong byed med par grol lo// ma snying po'i don thos nas go ba/ thug rje chain po'i snyan rang gsal ma 'gags par thos pas/ yul sgra thos sar thos byed med par grol lo// Ni skye med ngang du tshor ba// thugs rje chen po'i shangs rang byung du nyams su myong bar tshor nas yid tshim pa yul dri dris tshor sar tshor byed med par grol lo// pad gnyis med kyi ro nyams su myong ba/thugs rje chen po'i ljags don smra med du nyams su myong ba de yul lo// ro myong sar myong byed med par grol lo// me chos nyid bsam med kyi don la reg pa/ thugs rje chen po'i reg/sems bde ba chen por nyams su myong ba yul reg bya/ reg reg bya tshor ba med par grol lo// hUM snang ba chos nyid du 'gyus pa thugs rje ma hA ma ya'i yid/ rang ngo chos nyid bsam brjod dang bral bar shes pa yul chos/'gyur ba 'gyu byed med pa chos kyi dbyings su grol ba thugs rje chen po'i thugs so// tshogs drug dbyings su grol ba'i le'u ste lnga pa'o//// sangs rgyas snang ba mtha' yas la/ yang sprul sku pad+ma 'byung gnas kyis zhus pa/thugs rje ma hA'i ye shes ji ltar 'char// sangs rgyas kyi gsungs pa/ oM sems rnam rtog gi ma bslad par gnas pas gnyis med thug phrad kyi ye shes/ ma sems ma spros pa mnyam pa ris med kyi ngang la gnas pa du ma ro gcig gi ye shes/Ni sems blang dor med pas dgag sgrub med par gnas pas/ de med rang gnas kyi ye shes/ pad sems 'dzin med du gnas pas/ snang ba rgyas thebs rang byung gi ye shes/me sems gzung dzin mtshan ma rang sar grol ba'i/ dbyings su thim pa zung 'jug gnyis med kyi ye shes so/ hUM phyi nang gi dngos po thams cad stong pa chen por rgyas thebs/ ngang gis gnas pa phyi nang gi stong pa rang byung gi ye shes so// thugs rje ma hA'i ye shes drug ngo shes na da lta nyid du ye shes nang nas 'char ba yin no// ye shes rang 'char gyi le'u ste drug pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje ma hA'i ngo sprod ji ltar lags/ sangs rgyas kyis gsungs pa/ oM 'di ltar gyi snang ba dbang po tshogs drug gi snang ba 'dzin pa'o// mkhan po sems yin pas snang ba sems su ngo sprad/ ma sems de kha dog dang/ dbyibs dang/ mtshan ma gang yang grub pa med pas/ dbyings stong par 'dug pa de sems staung par ngo sprad/Ni stong pa de la dmig pa'i gzung bya gang yang mi 'dug pas/ shes pa rten med du ngo sprad/ pad phyi gzung ba'i yul rten mi 'cha'// nang 'dzin pa'i sems la zhe mi 'dzin// gzung 'dzin gnyis med chod pa de rig pa yul med du ngo sprad/me rnam rtog dang dug lnga gang skyes kyang de rang gzhi rtsa stong par shes pas/ rnam rtog las ye shes rang 'byung du 'char bas rnam rtog ye shes su 'char ba la ngo sprad/ hUM sems ngo bo stong pa de la gang gi yang rtsi gtab mi 'dug pa la ngo shes pa la/skye med spros bral du ngo sprad pa yin no// yi ge drug pa thugs rje ma hA'i gsung du shar/ gsung gi yi ge'i don rtogs pas thugs rje chen po'i dgongs pa shar/bdag gi sems dang thugs rje mahA'i thugs gnyis su med pa la ngo sprad pas/ ngo sprad pa tsam gyis thugs dang sems su dbyer med ngo sprad pa yin no// zhes gsungs so// ngo sprod kyi le'u ste bdun pa'o//// yang dag par rdzogs pa'i sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje ma hA'i dgongs pa mtshan ma rang sar grol ba'i gdams pa ji ltar lags/ sangs rgyas kyis gsungs pa/ mtshan ma rang sar grol ba'i man ngag nam mkha' sprin grol ba lta bu yin te/ sems nyid stong pa nyid nam mkha'i lta bu ngos bzung med pa ngo bo stong pa de la sprin dang khu rlangs la sogs pa byung yang/stong pa'i ngang nam mkha' stong pa'i ngang las byung/ slar gsal yang gang du yang gsal ba med pa nam mkha'i ngang du dang sa pa dang 'dra bar/ da ltar gyi dngos po dang mtshan mar snang ba thams cad rang byung gi ye shes kyi rang snang yin pas/mtshan ma de bzhin du ma gyur bar rab tu dag pas/ mtshan mar snang ba nyid rang byung ye shes su snang ba las// gsal ba las mi g.yo bar bsgom mo// de ltar gsal ba'i thugs rje ma hA de bsgom pa'i rnal 'byor pas/ ngag oM ma Ni pad+me hUM/ zhes bgrang/ theg pa zhan ltar mtshan ma cir snang yang skyon du ma lta/ mtshan ma med pa la rbad kyis bcad do// mtshan ma rang sar grol ba'i le'u ste brgyad pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje'i ma hA'i dgongs pa/ ting nge 'dzin 'byung 'jug med pa'i dgongs pa ji ltar lags/sangs rgyas kyis gsungs pa/ ting nge 'dzin 'byung 'jug med pa'i dgongs pa rin po che gser gling du phyin pa dang 'dra ste/ rin po che'i gser gling na ri brag dang sa gzhi thams cad gser du song ba dang/snang ba thamasacad gser du ma gyur pa med/ dus thams cad du gser du gsal ba ltar/ 'khor ba dang mya ngan las 'das pa'i chos thams cad sems nyid ma bcos pa rang byung gi ye shes su gsal ba las/dgongs pa gzhan du ma g.yos par 'dug pas/ sgom pa las 'gyur ba med pa'i don yang dag pa gcig tu bltas nas blos nyams su lon pa dang/ 'jog pa med pas sgom pa 'jug pa med do// dus dang gnas skabs thams cad sems chos nyid ngang du gnas pa yin no// ting nge 'dzin las 'byung 'jug med do/ de ltar gsal ba'i thugs rje chen po sgom pa'i rnal 'byor pas// ngag oM ma Ni pad+me hUM/ zhes bzlas pas theg pa gzhan ltar bsgom pa'i thun mtshams gzung ba dang/ ting nge 'dzin la sgrib dang g.yel ba'i yul spang ba dang/ rtsol ba bya mi dgos pa la rbad kyis gcod do// ting nge 'dzin 'byung 'jug med pa'i dgongs pa'i le'u ste dgu pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje chen po'i dgongs pa ji ltar lags/ sangs rgyas kyis gsungs pa/ chos nyid thug phrad kyi dgongs pa chos nyid thug phrad rgyal po mthong ba lta bu yin te/ rgyal po mthong na mi gzhan pa lhag pa gnyan pa yin par skye ba ltar/ byang chub kyi sems rtog pa'i gdeng gis zin na/dngos po ci snang mi mthong ci tshor ci byung ci phrad yang bar rnam rtog gis ma chod par cir snang sems du shes pa/ sems kyi ngo bo stong par gsal bas chos nyid kyi dgongs pa'o// snang ba la skyon du ma lta bar/snang ba chos nyid du shar bas chos nyid thug phrad du 'char ba yin no// de ltar rtogs rtogs pa'i thugs je ma hA sgom pa'i rnal 'byor pas ngag oM ma Ni pad+me hUM/ zhes theg pa gzhan ltar dngos por bltas nas long ba dang/de ma yin pa'i pha rol nas chos nyid lta ba cig logs na yod pa ma yin pas/ kun gyis byang zhing don dam pa la rtsol sgrub bya mi dgos pa la rbad kyi gcod do// chos nyid thug phrad kyi dgongs pa'i le'u ste bcu pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje ma hA'i dgongs pa rnam rtog ye shes su 'char ba ji lta bu lags/ sangs rgyas kyis gsungs pa/rnam rtog ye shes su 'char ba'i dgongs pa ni/ spang la me mched pa lta bu yin te/ dgun zla 'bring po la spang la me mched pa lta bu'am/ nags la me mched pa lta bu yin te/rtsi shing dang nags tshal tha na sems can dang ci dang ci phrad pa thams cad me'i grogs byas tshig pa ltar/ byang chub kyi sems chos nyid rtogs pa'i gdeng gis zin tsam na/ 'khor ba dang mya ngan las 'das pa'i chos thams cad sems nyid stong pa nyid kyang ngo bor gsal bas/rnam rtog rang gi sems yin pas rtogs pa'i dus na/ rnam rtog ci byung ci skyes pa thams cad slar ye shes su gsal bas/ ye shes rgyun chad med par 'char ba yin no// de ltar rtogs pa'i thugs rje ma hA bsgom pa'i rnal 'byor pas/ oM ma Ni pad+me hUM/ zhes bzlas pas/ theg pa gzhan ltar rnam par rtog pa dgag pa dang/ sbyang pa dang/ bsgyur ba dang/ bsgom mi dgos shig skyon du bltas nas spong ba med pas/ rnam rtog spangs nas mi rtsol/ bsgrub bya mi dgos pa la rbad kyis gcod do// rnam rtog ye shes su 'char ba'i le'u ste bcu gcig pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje ma hA'i sprul pa rkyen snang grogs su char ba ji ltar lags/ sangs rgyas kyis gsungs pa/ rkyen snang grogs su 'char ba chu drag po lta bu yin te/ston zla 'bring po'i drag po brub pa lta bu yin te/ ston zla 'bring po'i chu drag po brub pa'i dus su/ sa rdo dang rtsi shing chu'i rnam pa ci 'dug kyang thams cad chus khyer nas chu'i grogs byed pa ltar/da ltar gyi snang ba mthun rkyen dang 'gal rkyen 'ga' mi dga'i snang ba thams cad byed mkhan rang gi sems su shes pas/ sems kyi ngo bo nyid du gsal bas/ ci snang ci skyes thams cad rang ye shes kyi dgongs par gsal la rkyen gyi snang ba thams cad la zla ba'o// blang dor dgag bsgrub med par grol ba yin no// de ltar rtogs pa'i thugs rje chen po bsgom pa'i rnal 'byor pas/ ngag oM ma Ni pad+me hUM/zhes bzlas pas/ theg pa gzhan ltar 'thun rkyen sgrub pa dang/ 'gal rkyen spang ba dang/ spong len mi bya bar la rbad kyis gcod do// rkyen snang grogs su 'char ba'i dgongs pa'i le'u ste bcu gnyis pa'o//// de nas sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje ma hA'i dgongs pa rig pa rang sar grol ba ji ltar lags/ rdzogs pa'i sangs rgyas kyis gsungs pa/ rig pa rang grol du shar ba nyi ma lta bu ste/ dper na nyi ma ni gzhan gyi ma byas par nyi ma nyid 'od du shar/ nyi ma nam mkha' la shar bas snod bcud mtshan ma thams cad gsal la mun pa med pa ltar/ 'khor ba dang mya ngan 'das pa'i chos thams cad/byang chub sems kyi ngo bor shar bar chos thams cad rang 'byung gi ye shes su gsal bas/ ma rig pa dang/ mi shes pa dang/ ma go ba dang/ gol sa'i gzhi med pas rang grol ba yin no// de ltar rtogs pa'i thugs rje ma hA'i rnal 'byor pas/ ngag oM ma Ni pad+me hUM/ zhes bzlas/ theg pa gzhan ltar gol sa dang sgrib par song gis dogs pa med de/ chos thams cad rang byung gi ye shes su 'od gsal ba'i phyir/gol sa dang sgrib pa med pa la rbad kyis gcod do// zhes gsungs so// rig pa rang gsal rang grol gyi le'u ste bcu gsum pa'o//// sangs rgyas snang ba mtha' yas kyis 'gro ba rgya bod kyi mi 'dul ba'i phyir/yang sprul pad+ma 'byung gnas sprul/ dngos su zhal bstan bka' lung du gsungs pa/ thugs rje chen po lta ba yang thog gi rgyud/ stsogs stsogs/ jo mo mkhar chen bza' mtsho rgyal dang/lha sras khri srong lde btsan la rgyas btab nas gnang ba'o// sku rgya/ gsung rgya/ thugs rgya'o//// rgya gar skad du/

CLOSE WINDOW