CLOSE WINDOW

Gpb044.007
བོད་ཡིག

a+thi+-i/ sku rgya// gsung rgya/ thugs rgya// !// thugs rje chen po la phyag 'tshal lo// thugs rje chen po lta ba yang rtse'i rgyud// brag phug ma ra ti gar slob dpon pad+ma 'byung gnas kyis tshe'i rigs 'dzin bsgrubs pas/sangs rgyas snang ba mtha' yas kyi zhal gzigs nas/ slob dpon gyi zhus pa/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ skyes bu 'dul ba/khams gsum gyi sems can 'gro ba ris drug gi sdug bsngal sel ba/ chos thams cad kyi yang rtsa/u0f7a/ thugs rje ma ha'i dgongs pa/ gnad kyi gdams pa mtshan bstan pa'i le'u ste dang p o'o//// sangs rgyas snang ba mtha' yas kyi gsungs pa/ oM ma Ni pad+me hUM/ zhes pa'i yi ge drug pa 'di/ oM chos nyid ye nas gnas lugs ma bcos pa'i rang bzhin bzhi'i 'khor 'das gnyis kyi gzhir gnas pa'o// ma bskyed pa'i gzhi 'am/ mar gyur pas ma rtog pas 'khor bar bskyed nas/ thog ma med pa nas 'khyams pa'o// Ni ye shes rang log pas chos nyid sems can thams cad la khyab par yod pas rang la yod par shes nas rtogs grol dus gcig tu byung nas/'khor ba sangs rgyas su log pa'o// pad ni 'khor ba'i gdos thag bcad nas 'khor ba rang gi sems 'khor bar shes nas/ sems stong par mthong bas 'khor bar skye ba'i rgyun gcad pa yin no/ me ni 'khor ba'i bud shing bsreg pa'i me yin te/ nyon mongs dug lnga 'khor ba'i rgyu de ye shes gsal snang gi mes bsregs pas/ dug lnga dbyings su rlag go/hUM ni thugs chos nyid mi 'gyur ba yin te/ sems can gyi sems dang sangs rgya kyi thugs dbyer med pa yang dag pa dbyings stong pa chen po chos kyi skur sangs rgyas pa yin no// sprul sku pad+ma 'byung gnas thugs rje ma hA yi ge drug pa'i don rtogs pa tsam gyi sangs rgyas pa yin no// zhes gsungs so// don gyi gnas lugs kyi le'u ste gnyis pa'o//// sprul sku pad+ma 'byung gnas kyis zhus pa/ yang dag par rdzogs pa'i sangs rgyas rnam pa thams cad mkhyen pa/thugs rje chen po'i thugs sems can gyi sems dbyer med kyi don ji ltar lags/ zhes gsol pas/ sangs rgyas snang ba mtha' yas kyis bka' bstsal pa// oM thugs rje chen po thug rang byung gi ye shes chos nyid bde ba chen po de/ gang la yang gza' gtad med pa'i ngang la gnas pas/ bdag gi sems kyang gang la yang gza' gtad med pa'i ngang las/ ngang gi 'dzin pa med par sa le ba de la dbyer med du ngo sprad do// ma thugs rje chen po'i thugs rang byung gi ye shes chos nyid bde ba chen po de/ gang la yang mi dgongs pa'i ngang la gnas pas/ bdag gi sems ci la yang mi dgongs pa'i ngang la sa le 'dzin pa med pa de la dbyer med du ngo sprad do// Ni thugs rje chain po ma hA rang byung ye shes chos nyid bde ba chen po de gang la yang 'dzin pa med pa'i ngang la gnas pas/ bdag gi sems kyang 'dzin pa med pa'i ngang la/ ngang gis sa le 'dzin pa med par gnas pa de la dbyer med du ngo sprad do// pad thugs rje chen po rang byung gi ye shes chos nyid bde ba chen po de/ gang la yang 'dzin pa med pa'i ngang la gnas pas// bdag gi sems kyang ci la yang gnas pa med pa'i ngang la/ ngang gis sa le dzin pa med par gnas pa de la thugs dang sems gnyis su med par ngo sprad pa'o// me thugs rje ma hA rang byung gi ye shes chos nyid bde ba chen po de gar yang sems pa med pa'i ngang la gnas pas/bdag gi sems yang gar yang sems pa med pa'i ngang las sa le 'dzin pa med par gnas pa de la thugs dang sems dbyer med du ngo sprad do// hUM thugs rje ma hA'i thugs rang byung gi ye shes bde ba chen po de// cir yang mi rtog pa'i ngang la gnas pas/ bdag gi sems kyang cir yang mi rtog pa'i ngang la gnas pas/ ngang gis sa le 'dzin pa med par gnas pa de la thugs dang sems dbyer med du ngo sprad do// de la gdams ngag tu dril na/ oM gza' gtad med pa/ ma cir yang mi dgongs pa/ Ni gang yang 'dzin pa med pa/pad cir yang gnas pa med pa/ me gang yang sems pa med pa/ hUM cir yang mi rtog pa dbyer med drug tu ngo sprad pas thugs rje ma hA'i thugs dang/ bdag gi sems dbyer med par mthong ba ni yi ge drug gis ngo sprad pa'o// ngo sprod kyi le'u ste gsum pa'o//// sangs rgyas snang ba mtha' yas la/ sprul sku pad+ma 'byung gnas kyis zhus pa/ thugs rje ma hA'i thugs dang sems can gyi sems dbyer med du ji ltar gnas/sangs rgyas snang ba mtha' yas kyi bka' stsal pa/ oM thugs rje ma hA thugs kyi snying po rang byung gi ye shes chos nyid rgyun chad med pa de ci la yang dmigs pa med par gnas pas/ bdag gi sems kyang ci la yang dmigs pa med par bzhag go/ma thugs rje ma hA rang byung gi ye shes chos nyid rgyun chad med pa de gang la yang g.yo ba med par gnas pas/ bdag gi sems kyang gang la yang g.yo ba med par bzhag go/Ni thugs rje ma hA rang gi snying po rang byung gi ye shes chos nyid rgyun chad med pa de gang la yang zhen pa med par gnas pas/ bdag gi sems yang gang la yang zhen pa med par bzhag go/pad thugs rje ma hA'i snying po rang byung gi ye shes chos nyid rgyun chad med pa de ma bcos par lhan ne gnas/ bdag gi sems kyang ma bcos par lhan ne bzhag go/ me thugs rje ma hA rang byung gi ye shes chos nyid rgyun chad med pa de ma btsal ba'i ngang la mi 'gul bar cog ge gzhag go/hUM thugs rje ma hA'i snying po rang byung gi ye shes chos nyid rgyun chad med de/ 'dzin gtad med pa'i ngang la gsal du gnas pas/ bdag gi sems kyang rang gsal 'dzin pa med par bzhag go/ de yang gdams ngag tu dril na/ oM ci la yang mi dmigs pa/ ma gang yang g.yo ba med/ Ni gang la yang chags zhen med pa/ pad ma bcos par lhan ne ba/me ma btsal bar rang la mi 'gul bar cog ge gnas pa/ hUM 'dzin gtad med pa'i ngang la rang gsal du gnas/ chos nyid rgyun chad med pa drug tu gnas pa ni yi ge drug pa thugs rje ma hA bsgom pa'o// sgom pa'i le'u ste bzhi pa'o//// de nas sangs rgyas snang ba mtha' yas la/ sprul sku pad+ma 'byung gnas kyis zhus pa/ thug rje ma hA'i thugs dang sems can gyi sems 'bras bu ji ltar thaub/ sangs rgyas kyis gsungs pa/oM thugs rje chen po chen po chos kyi sku/ dus gsum 'gyur ba med pa de rang byung chos skur ye nas bcos pa med pa bdag gi sems kyang bya btsal med par grub bo/ ma thugs rje chen po chos kyi sku dus gsum 'gyu ba med pa de/rang byung chos sku ye nas bcos pa med par gnas pas bdag gi sems kyang bcos pa med par grub pa'o// Ni thugs rje chen po chos kyi sku dus gsum 'gyur ba med pa de rang byung chos skur ye nas bcos pa med par gnas pas/rang gi sems kyang chos skur ma byas ye nas gnas pa'o// pad thugs rje ma hA chos kyi skur ma bsgrubs par ye nas gnas pas/ rang gi sems kyang ma bsgrubs par chos skur gnas pa'o// me thugs rje ma hAr chos kyi skur lhun gyi grub pa'i chos skur ye nas gnas so// hUM thugs rje ma hA chos kyi sku dus gsum 'gyur ba med pa de rang byung chos sku ru gdod nas dag pa chos kyi sku ru gnas so// de yang gdams ngag tu dril na/ oM bya btsal med pa bcos pa med pa/ pad ma bsgrubs pa/ me lhun gyi grub pa/ hUM gdod nas dag pa/ chos sku rgyun chad med pa drug tu gnas pa ni/thugs rje ma hA yi ge gnas kyi 'bru drug go/ 'bras bu'i le'u ste lnga pa'o//// sangs rgyas snang ba mtha' yas la/ yang sprul pad+ma 'byung gnas kyi zhus pa/ thugs rje chen po'i nye ba'i snying po yi ge drug tu bsgrub pa'i gnas dang sngon du 'gro ba dgos sam mi dgos/sangs rgyas kyis gsungs pa/ rang sems chos sku 'gyur ba med par ye nas gnas pas bsgrub pa'i gnas btsal mi dgos par 'dug na/sems dben rnam rtog sems nyid kyi rol par shar bas/ phyi nang gsang ba gsum gyi bgegs bcom pas mtshams bcad mi dgos// stong gsum sangs rgyas kyi zhing chos nyid rang gsal la sgrib pa dang bag chags kyis mi gos pas sgrib pa sbyang mi dgos/ka dag nang du sbyangs chos nyid rang byung gi rol pa ma 'gags cir yang 'char zhing rdzogs pas tshogs bsags mi dgos/ tshogs gnyis shugs la rdzogs/byang chub kyi sems rang byung gi ye shes yi ge 'bru drug tu shar/ rnam rtog sgrib pa thams cad rang dag rang sangs su/ byang chub sems sems rtaug gdeng gis zin nas da gdod bsgrub mi dgos pas sngon du 'gro ba bya mi dgos par la rbad kyi bcad do// sngon 'gro mi dgos pas dgongs pas bcad pa'i le'u ste drug pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/thugs rje ma hA'i snying po yi ge drug pa 'di bsgom pa la lus dang spyod lam bcos dgos sam mi dgos/ sangs rgyas kyis gsungs pa/ lus thugs rje chen po chos kyi skur ye nas ma bcos par rang lugs su bzhugs pas skyil krung tsog pu la sogs par bcos mi dgos/ngag gsung rang byung gi yi ge drug pa grag stong ngo bo stong pas glu dang dbyangs la sogs pas bcos mi dgos/ sems stong gsal sgrib g.yogs med par gnas pas/sems mnyam gzhag dang rjes thob tu bcos mi dgos/ spyod lam thams cad ma bcos lhug pa'i ngang la spyod pas/ lus kyi bya ba bslabs nas bya mi dgos/ lus ngag yid gsum tha mal shes par ma song ba'i dran pa'i rtsis zin pas/ched cher rtsol ba bya mi dgos/ bcos pa thams cad 'jigs pa yin pas/ spyod lam gang yang bcos pa bya mi dgos par thag rbad kyis gcod do// spyo lam bcos mi dgos pas dgongs pa'i le'u ste bdun pa'o//// sangs rgyas snang ba mtha' yas la/ yang sprul pad+ma 'byung nas kyi zhus pa/ thugs rje chen po yige drug pa bsgom pa la nyams su blang rgyu yod dam med/sangs rgyas kyis gsungs pa/ thugs rje chen po'i dgongs pa chos nyid kyi don bsgom pa la sgom du med de/ thugs rje chen po'i dgongs pa la chos nyid skye ba med pa lam stong pa spros bral cig la sgom byed rang gi blo la skye ba can gcig gtad nas bsgom pa men/bsgom pa'i yul chos nyid skye ba med pa yang/ rang gi sems nyid skye ba med pa la rang gi sems nyid du shar/ rang gi sems de bsgom bya'i yul thugs rje chen po'i dgong pa phyir ma song/sgom byed kyi mkhan po rang gis byas nas nang du ma song/ bsgom thugs rje chen po'i dgongs pa dar cig/ sgom byed bdag gnyis gnyis su med par yul sems gnyis blos gcig tu bsres nas sems chos nyid ma bcos par rang lugs su gnas pa de la/sgom med kyi thugs rje chen po ye shes ngang sgom zhes bya'o// dus rtag tu de dang mi 'bral na thugs rje chen po'i ye shes dang chos nyid 'dres pa yin no// thugs rje chain po'i yang snying yi ge drug pa/ oM ma Ni pad+me hUM/ zhes pa 'di las yengs su med do// rdo rje'i snying po 'bru drug pa zhes bya ste/ rang byung du bgrangs pas thugs rje chen po'i thugs ye shes rang gsal du 'char bar byed pa yin no// de ltar blos bcos nas sgom mi dgos par thag rbad kyis bcad do// sgom med rang byung gi ye shes bsgom pa'i le'u ste brgyad pa'o//// sangs rgyas snang ba mtha' yas la/ yang sprul pad+ma 'byung gnas kyis zhus pa/ thugs rje chen po'i don sgom pa la gol sa dang nor sa yod dam med zhus pas/ sangs rgyas kyis gsungs pa/ zhi gnas kyi bsgom sems nyid gsal ngo ma shes sgom pa'i dus su rnam par rtog pa zhi nas mi rtog pa'i ngang la gnas pa de/bsam gtan gyi lhar skye'o// chos thams cad nam mkha' ltar blo'i yul du goms te/ sems nam mkha' ltar stong pa gcig blo'i yul du bsgoms pas nam mkha' mtha' yas skye mched du gol/ chos thams cad sems su go/ sems de blo'i yul du cir yang ma grub pa cig tu bsgoms pas/ ci yang med pa'i skye mched du gol// chos thams cad yod pa'i gsal ba cig tu mi 'dug/ med pa'i ma gsal ba cig tu mi 'dug/ blo'i yul du yod med gnyis su med pa byas nas bsgom pas/ yod min med min gyi skye mched du gol/chos thams cad sems su go bas/ chos de blo'i yul du rnam par shes pa mtha' yas so snyam pa'i stong pa gcig tu bsgoms pas/ rnam shes mtha' yas skye ched du gol/ de ltar gol ba de yang gzugs med skye mched mu bzhi bya ba bskal pa mang po thub cing ting nge 'dzin gyi stobs bstan pas bde ba la gnas pa yod de/lan cig tshe zad nas ma ltung ngo// thugs rje chen po dgongs pa/zhi gnas kyi stobs kyis nyon mongs pa dang rnam rtog thams cad dag nas chos nyid rang gsal gyi don la lhan ne gnas/ lhag mthong gi stobs kyis rnam par rtog pa dang/ nyon mong pa la sogs ci dang ci skyes kyang/de rang ngo bo stong pa yul med du gsal/ snang ba'i ma ltung/ sems la ngos gzung med pas ngang gis stong par 'dug pa de// stong pa'i mthar ma lhung ba ste/ cir yang ma grub pa ngo bo stong pa la cir yang 'char 'dug/stong pa dang char ba gnyis tha mi dad pas/ ngo bo chos nyid dang sems nyid dbyer med du 'dug pa/ de sangs rgyas kyi dgongs pa gol sa med par thag rbad kyis gcod do/ zhes gsungs so// gol sa gcod pa'i le'u ste dgu pa'o//// sangs rgyas snang ba mtha' yas kyis/ yang sprul pad+ma 'byung gnas la dngos su zhal bstan nas bka' lung du gsungs pa/ thugs rje chen po lta ba yang rtse'i rgyud// stsogs stsogs/ jo mo mkhar chen bza' mtsho rgyal dang lde btsan la rgyas btab na gnas pa'o// a+thi+-i sku rgya/ gsung rgya/ thugs rgya'o/ sbar rjes can no// smra'o// mnga' bdag chen po'i gzims khang du shog ser dngos la bshus so/

CLOSE WINDOW